diff --git a/data/tlg0016/tlg001/tlg0016.tlg001.perseus-grc2.xml b/data/tlg0016/tlg001/tlg0016.tlg001.perseus-grc2.xml
index eb21c8c55..ecc94639d 100644
--- a/data/tlg0016/tlg001/tlg0016.tlg001.perseus-grc2.xml
+++ b/data/tlg0016/tlg001/tlg0016.tlg001.perseus-grc2.xml
@@ -15193,7 +15193,7 @@ schematypens="http://relaxng.org/ns/structure/1.0"?>
                </div>
                <div type="textpart" subtype="section" n="2">
                   <p>
-                     <q rend="merge">πέμψας γὰρ παρὰ Θρασύβουλον κήρυκα ἐπυνθάνετο ὅντινα ἂν τρόπον ἀσφαλέστατον καταστησάμενος τῶν πρηγμάτων κάλλιστα τὴν πόλιν ἐπιτροπεύοι. Θρασύβουλος δὲ τὸν ἐλθόντα παρὰ τοῦ Περιάνδρου ἐξῆγε ἔξω τοῦ ἄστεος, ἐσβὰς δὲ ἐς ἄρουραν ἐσπαρμένην ἅμα τε διεξήιε τὸ λήιον ἐπειρωτῶν τε καὶ ἀναποδίζων τὸν κήρυκα κατὰ τὴν ἀπὸ Κορίνθου ἄπιξιν, καὶ ἐκόλουε αἰεὶ ὅκως τινὰ ἴδοι τῶν ἀσταχύων ὑπερέχοντα, κολούων δὲ ἔρριπτε, ἐς ὃ τοῦ ληίου τὸ κάλλιστόν τε καὶ βαθύτατον διέφθειρε τρόπῳ τοιούτω·</q>
+                     <q rend="merge">πέμψας γὰρ παρὰ Θρασύβουλον κήρυκα ἐπυνθάνετο ὅντινα ἂν τρόπον ἀσφαλέστατον καταστησάμενος τῶν πρηγμάτων κάλλιστα τὴν πόλιν ἐπιτροπεύοι. Θρασύβουλος δὲ τὸν ἐλθόντα παρὰ τοῦ Περιάνδρου ἐξῆγε ἔξω τοῦ ἄστεος, ἐσβὰς δὲ ἐς ἄρουραν ἐσπαρμένην ἅμα τε διεξήιε τὸ λήιον ἐπειρωτῶν τε καὶ ἀναποδίζων τὸν κήρυκα κατὰ τὴν ἀπὸ Κορίνθου ἄπιξιν, καὶ ἐκόλουε αἰεὶ ὅκως τινὰ ἴδοι τῶν ἀσταχύων ὑπερέχοντα, κολούων δὲ ἔρριπτε, ἐς ὃ τοῦ ληίου τὸ κάλλιστόν τε καὶ βαθύτατον διέφθειρε τρόπῳ τοιούτῳ·</q>
 </p>
                </div>
                <div type="textpart" subtype="section" n="3">
@@ -15466,8 +15466,7 @@ schematypens="http://relaxng.org/ns/structure/1.0"?>
                      <q rend="merge">εἰ μὲν γὰρ πεζῇ βούλεσθε ταχθέντες Περσέων διαπειρᾶσθαι, ὥρη ἂν εἴη ὑμῖν ἐκβάντας ἐκ τῶν νεῶν τάσσεσθαι πεζῇ, ἡμέας δὲ ἐς τὰς νέας ἐσβαίνειν τὰς ὑμετέρας Φοίνιξι ἀνταγωνιευμένους· εἰ δὲ Φοινίκων μᾶλλον βούλεσθε διαπειρᾶσθαι, ποιέειν χρεόν ἐστι ὑμέας, ὁκότερα ἂν δὴ τούτων ἕλησθε, ὅκως τὸ κατʼ ὑμέας ἔσται ἥ τε Ἰωνίη καὶ ἡ Κύπρος ἐλευθέρη.</q> </p>
                </div>
                <div type="textpart" subtype="section" n="3">
-                  <p>
-εἶπαν Ἴωνες πρὸς ταῦτα <q>ἡμέας δὲ ἀπέπεμψε τὸ κοινὸν τῶν Ἰώνων φυλάξοντας τὴν θάλασσαν, ἀλλʼ οὐκ ἵνα Κυπρίοισι τὰς νέας παραδόντες αὐτοὶ πεζῇ Πέρσῃσι προσφερώμεθα. ἡμεῖς μέν νυν ἐπʼ οὗ ἐτάχθημεν, ταύτῃ πειρησόμεθα εἶναι χρηστοί· ὑμέας δὲ χρεόν ἐστι ἀναμνησθέντας οἶα ἐπάσχετε δουλεύοντες πρὸς τῶν Μήδων, γίνεσθαι ἄνδρας ἀγαθούς.</q> </p>
+                 <p> εἶπαν Ἴωνες πρὸς ταῦτα <q>ἡμέας δὲ ἀπέπεμψε τὸ κοινὸν τῶν Ἰώνων φυλάξοντας τὴν θάλασσαν, ἀλλʼ οὐκ ἵνα Κυπρίοισι τὰς νέας παραδόντες αὐτοὶ πεζῇ Πέρσῃσι προσφερώμεθα. ἡμεῖς μέν νυν ἐπʼ οὗ ἐτάχθημεν, ταύτῃ πειρησόμεθα εἶναι χρηστοί· ὑμέας δὲ χρεόν ἐστι ἀναμνησθέντας οἷα ἐπάσχετε δουλεύοντες πρὸς τῶν Μήδων, γίνεσθαι ἄνδρας ἀγαθούς.</q> </p>
                </div>
             </div>
             <div type="textpart" subtype="chapter" n="110">
diff --git a/data/tlg0545/__cts__.xml b/data/tlg0545/__cts__.xml
new file mode 100644
index 000000000..8712fd1a9
--- /dev/null
+++ b/data/tlg0545/__cts__.xml
@@ -0,0 +1,3 @@
+<ti:textgroup xmlns:ti="http://chs.harvard.edu/xmlns/cts" urn="urn:cts:greekLit:tlg0545">
+  <ti:groupname xml:lang="eng">Aelian</ti:groupname>
+</ti:textgroup>
diff --git a/data/tlg0545/tlg001/__cts__.xml b/data/tlg0545/tlg001/__cts__.xml
new file mode 100644
index 000000000..ea8e0913d
--- /dev/null
+++ b/data/tlg0545/tlg001/__cts__.xml
@@ -0,0 +1,10 @@
+<?xml version="1.0" encoding="UTF-8"?>
+<ti:work xmlns:ti="http://chs.harvard.edu/xmlns/cts" groupUrn="urn:cts:greekLit:tlg0545" xml:lang="grc" urn="urn:cts:greekLit:tlg0545.tlg001">
+  <ti:title xml:lang="lat">De Natura Animalium</ti:title>
+  
+  <ti:edition urn="urn:cts:greekLit:tlg0545.tlg001.perseus-grc2" workUrn="urn:cts:greekLit:tlg0545.tlg001" xml:lang="grc">
+    <ti:label xml:lang="grc">Περὶ ζῴων ἰδιότητος</ti:label>
+    <ti:description xml:lang="mul">Aelian. Claudii Aeliani De Natura Animalium Libri xvii, Vol. 1. Hercher, Rudolf, editor. Leipzig: Teuber, 1864.</ti:description>
+  </ti:edition>
+</ti:work>
+
diff --git a/data/tlg0545/tlg001/tlg0545.tlg001.perseus-grc1.tracking.json b/data/tlg0545/tlg001/tlg0545.tlg001.perseus-grc1.tracking.json
deleted file mode 100644
index adb81df82..000000000
--- a/data/tlg0545/tlg001/tlg0545.tlg001.perseus-grc1.tracking.json
+++ /dev/null
@@ -1,14 +0,0 @@
-{
-    "epidoc_compliant": false, 
-    "fully_unicode": true, 
-    "git_repo": "canonical-greekLit", 
-    "has_cts_metadata": false, 
-    "has_cts_refsDecl": false, 
-    "id": "2008.01.0590", 
-    "last_editor": "", 
-    "note": "", 
-    "src": "texts/sdl/Aelian/aelian01_gk.xml", 
-    "status": "migrated", 
-    "target": "canonical-greekLit/data/tlg0545/tlg001/tlg0545.tlg001.perseus-grc1.xml", 
-    "valid_xml": true
-}
\ No newline at end of file
diff --git a/data/tlg0545/tlg001/tlg0545.tlg001.perseus-grc1.xml b/data/tlg0545/tlg001/tlg0545.tlg001.perseus-grc1.xml
deleted file mode 100644
index b426fd498..000000000
--- a/data/tlg0545/tlg001/tlg0545.tlg001.perseus-grc1.xml
+++ /dev/null
@@ -1,16498 +0,0 @@
-<?xml version="1.0" encoding="UTF-8"?><TEI.2>
-<teiHeader>
-<fileDesc>
-<titleStmt>
-<title>De Natura Animalium</title>
-<author>Aelian</author>
-<editor>Rudolf Hercher</editor>
-<funder n="org:Google">Google Digital Humanities Awards Program</funder>
-</titleStmt>
-<publicationStmt>
-<publisher>Trustees of Tufts University</publisher>
-<pubPlace>Medford, MA</pubPlace>
-<authority>Perseus Project</authority>
-</publicationStmt>
-<sourceDesc>
-<biblStruct>
-<monogr>
-<title>Claudii Aeliani de natura animalium libri xvii, varia historia, epistolae, fragmenta, Vol 1</title>
-<author>Aelian</author>
-<editor>Rudolf Hercher</editor>
-<imprint>
-<publisher>In Aedibus B.G. Teubneri</publisher>
-<pubPlace>Lipsiae</pubPlace>
-<date>1864</date>
-</imprint>
-</monogr>
-</biblStruct>
-<p>Keyboarding</p>
-</sourceDesc>
-</fileDesc>
-<encodingDesc>
-<refsDecl doctype="TEI.2">
-<state unit="book"/>
-<state unit="chapter" n="chunk"/>
-</refsDecl>
-</encodingDesc>
-<profileDesc>
-<langUsage>
-<language id="greek">Greek</language>
-</langUsage>
-</profileDesc>
-</teiHeader>
-<text>
-<body>
-<div1 type="book" n="1">
-<div2 type="chapter" n="praef">
-<head>προοίμιον</head>
-<p>
-ἄνθρωπον μὲν εἶναι σοφὸν καὶ δίκαιον καὶ τῶν
-οἰκείων παίδων προμηθέστατον, καὶ τῶν γειναμένων
-ποιεῖσθαι τὴν προσήκουσαν φροντίδα, καὶ τροφὴν
-ἑαυτῷ μαστεύειν καὶ ἐπιβουλὰς φυλάττεσθαι καὶ τὰ
-λοιπὰ ὅσα αὐτῷ σύνεστι δῶρα φύσεως, παράδοξον 
-ἴσως οὐδέν· καὶ γὰρ λόγου μετείληχεν ἄνθρωπος
-τοῦ πάντων τιμιωτάτου, καὶ λογισμοῦ ἠξίωται, ὅσπερ
-οὖν ἐστι πολυαρκέστατός τε καὶ πολυωφελέστατος·
-ἀλλὰ καὶ θεοὺς αἰδεῖσθαι οἶδε καὶ σέβειν. τὸ δὲ καὶ
-τοῖς ἀλόγοις μετεῖναί τινος ἀρετῆς κατὰ φύσιν, καὶ 
-πολλὰ τῶν ἀνθρωπίνων πλεονεκτημάτων καὶ θαυμαστὰ
-ἔχειν συγκεκληρωμένα, τοῦτο ἤδη μέγα. καὶ
-εἰδέναι γε μὴ ῥᾳθύμως τὰ προσόντα αὐτῶν ἰδίᾳ
-ἑκάστῳ, καὶ ὅπως ἐσπουδάσθη οὐ μεῖον τῶν ἀνθρώπων
-καὶ τὰ τῶν ἄλλων ζῴων, εἴη ἄν τινος πεπαιδευμένης 
-φρενὸς καὶ μαθούσης πολλά. ὡς μὲν οὖν
-καὶ ἑτέροις ὑπὲρ τούτων ἐσπούδασται, καλῶς οἶδα·
-ἐγὼ δὲ ἐμαυτῷ ταῦτα ὅσα οἷόν τε ἦν ἀθροίσας καὶ
-περιβαλὼν αὐτοῖς τὴν συνήθη λέξιν, κειμήλιον οὐκ
-ἀσπούδαστον ἐκπονῆσαι πεπίστευκα. εἰ δέ τῳ καὶ 
-ἄλλῳ φανεῖται ταῦτα λυσιτελῆ, χρήσθω αὐτοῖς· ὅτῳ
-δὲ οὐ φανεῖται, ἐάτω τῷ πατρὶ θάλπειν τε καὶ περιέπειν·
-οὐ γὰρ πάντα πᾶσι καλά, οὐδὲ ἄξια δοκεῖ
-<pb id="p.4"/>
-σπουδάσαι πᾶσι πάντα. εἰ δὲ ἐπὶ πολλοῖς τοῖς πρώτοις
-καὶ σοφοῖς γεγόναμεν, μὴ ἔστω ζημίωμα ἐς ἔπαινον
-ἡ τοῦ χρόνου λῆξις, εἴ τι καὶ αὐτοὶ σπουδῆς
-ἄξιον μάθημα παρεχοίμεθα καὶ τῇ εὑρέσει τῇ περιττοτέρᾳ
-καὶ τῇ φωνῇ.</p>
-</div2>
-<div2 type="chapter" n="1">
-<p>
-καλεῖταί τις Διομήδεια νῆσος, καὶ ἐρωδιοὺς ἔχει
-πολλούς. οὗτοι, φασί, τοὺς βαρβάρους οὔτε ἀδικοῦσιν
-οὔτε αὐτοῖς προσίασιν· ἐὰν δὲ Ἕλλην κατάρῃ
-ξένος, οἳ δὲ θείᾳ τινὶ δωρεᾷ προσίασι πτέρυγας ἁπλώσαντες
-οἱονεὶ χεῖράς τινας ἐς δεξίωσίν τε καὶ περιπλοκάς.
-καὶ ἁπτομένων τῶν Ἑλλήνων οὐχ ὑποφεύγουσιν,
-ἀλλʼ ἀτρεμοῦσι καὶ ἀνέχονται, καὶ καθημένων
-ἐς τοὺς κόλπους καταπέτονται, ὥσπερ οὖν ἐπὶ ξένια
-κληθέντες. λέγονται οὖν οὗτοι Διομήδους ἑταῖροι
-εἶναι καὶ σὺν αὐτῷ τῶν ὅπλων τῶν ἐπὶ τὴν Ἴλιον μετεσχηκέναι,
-εἶτα τὴν προτέραν φύσιν ἐς τὸ τῶν ὀρνίθων
-μεταβαλόντες εἶδος, ὅμως ἔτι καὶ νῦν διαφυλάττειν
-τὸ εἶναι Ἕλληνές τε καὶ Φιλέλληνες.
-</p>
-</div2>
-<div2 type="chapter" n="2">
-<p> ὁ σκάρος πόας μὲν θαλαττίας σιτεῖται καὶ βρύα·
-λαγνίστατος δὲ ἄρα ἰχθύων ἁπάντων ἦν, καὶ ἥ γε
-πρὸς τὸ θῆλυ ἀκόρεστος ἐπιθυμία αὐτῷ ἁλώσεως αἰτία
-γίνεται. ταῦτα οὖν αὐτῷ συνεγνωκότες οἱ σοφοὶ τῶν
-ἁλιέων, ἐπιτίθενταί οἱ τὸν τρόπον τοῦτον. ὅταν
-θῆλυν συλλάβωσιν, ἐνέδησαν ὁρμιᾷ σπάρτου πεποιημένῃ
-λεπτῇ τοῦ στόματος ἄκρου, καὶ ἐπισύρουσι διὰ
-τῆς θαλάττης τὸν ἰχθὺν ζῶντα· ἴσασι δὲ εὐνάς τε
-αὐτῶν καὶ διατριβὰς καὶ ὅπου συναγελάζονται. μόλυβδος
-δὲ αὐτοῖς πεποίηται βαρὺς τὴν ὁλκήν, περιφερὴς
-<pb id="p.5"/>
-τὸ σχῆμα, καὶ ἔχει μῆκος τριῶν δακτύλων, καὶ
-διείληπται ἐξ ἄκρων σχοίνῳ, καὶ ἐπισύρει τὸν τεθηραμένον.
-καὶ κύρτον τις τῶν ἐν τῇ πορθμίδι παραρτήσας
-ἐπάγεται εὐρὺν τὸ στόμα, καὶ ἐς τὸν ἑαλωκότα
-τέτραπται σκάρον ὁ κύρτος· βαρεῖται δὲ ἡσυχῆ 
-οὗτος λίθῳ μεμετρημένῳ. οὐκοῦν οἱ ἄρρενες, ὥσπερ
-οὖν νύμφην ὡρικὴν νεανίαι θεασάμενοι, οἰστροῦνταί
-τε καὶ μεταθέουσι, καὶ ἐπείγονται φθάσαι ἄλλος ἄλλον
-καὶ γενέσθαι πλησίον καὶ παραψαῦσαι, ὥσπερ οὖν
-δυσέρωτες ἄνθρωποι φίλημα ἢ κνίσμα θηρώμενοι ἤ 
-τι ἄλλο κλέμμα ἐρωτικόν. ὁ τοίνυν ἄγων τὸν θῆλυν
-ἡσυχῆ καὶ πεφεισμένως, λοχῶν τε καὶ ἐπιβουλεύων
-εὐθὺ τοῦ κύρτου σὺν τῇ ἐρωμένῃ, φαίης ἄν, τοὺς
-ἐραστὰς ἄγει. γενομένων δὲ ὁμοῦ τῷ κύρτῳ, τὸν μὲν
-μόλυβδον μεθῆκεν ὁ θηρατὴς ἐς τὸ ἔσω· ὃ δὲ ἄρα 
-ἐμπίπτων σὺν τῇ ὁρμιᾷ κατασπᾷ καὶ τὸν θῆλυν. οὐκοῦν
-συνεσρεύσαντες ἑαλώκασι, καὶ διδόασι δίκην
-ὁρμῆς ἀφροδισίου ταύτην οἱ σκάροι.
-</p>
-</div2>
-<div2 type="chapter" n="3">
-<p>ὁ ἰχθὺς ὁ κέφαλος τῶν ἐν τοῖς ἕλεσι βιούντων 
-ἐστί, καὶ πεπίστευται τῆς γαστρὸς κρατεῖν καὶ διαιτᾶσθαι 
-πάνυ σωφρόνως. ζῴῳ μὲν γὰρ οὐκ ἐπιτίθεται,
-ἀλλὰ πρὸς πάντας τοὺς ἰχθῦς ἔνσπονδος εἶναι
-πέφυκεν· ὅτῳ δʼ ἂν ἐντύχῃ κειμένῳ, τοῦτό οἱ δεῖπνόν
-ἐστιν. οὐ πρότερον δὲ αὐτοῦ προσάπτεται, πρὶν ἢ τῇ
-οὐρᾷ κινῆσαι. καὶ ἀτρεμοῦντος μὲν ἔχει τὴν ἄγραν, 
-κινηθέντος δὲ ἀνεχώρησεν.
-</p>
-</div2>
-<div2 type="chapter" n="4">
-<p>τιμωροῦσιν ἀλλήλοις ὡς ἄνθρωποι πιστοὶ καὶ συστρατιῶται 
-δίκαιοι οἱ ἰχθύες, οὕσπερ οὖν ἀνθίας οἱ
-τῆς θήρας ἐπιστήμονες τῆς θαλαττίας φιλοῦσιν ὀνομάζειν,
-ὄντας τὰ ἤθη πελαγίους. τούτων γοῦν ἕκαστοι, 
-ὅταν νοήσωσι τεθηρᾶσθαι τὸν σύννομον, προσνέουσιν
-ὤκιστα, εἶτα ἐς αὐτὸν τὰ νῶτα ἀπερείδουσι,
-<pb id="p.6"/>
-καὶ ἐμπίπτοντες καὶ ὠθούμενοι τῇ δυνάμει κωλύουσιν ἕλκεσθαι.
-καὶ οἱ σκάροι δὲ ἐς τὴν οἰκείαν ἀγέλην εἰσὶν
-ἀγαθοὶ τιμωροί. προσίασι γοῦν, καὶ τὴν ὁρμιὰν ἀποτραγεῖν
-</p>
-</div2>
-<div2 type="chapter" n="5">
-<p> σπεύδουσιν, ἵνα σώσωσι τὸν ᾑρημένον· καὶ
-πολλάκις μὲν ἀποκόψαντες ἔσωσαν καὶ ἀφῆκαν ἐλεύθερον,
-καὶ οὐκ αἰτοῦσι ζωάγρια· πολλάκις δὲ οὐκ
-ἔτυχον, ἀλλʼ ἥμαρτον μέν, τὸ δʼ οὖν ἑαυτῶν πεποιήκασιν
-εὖ μάλα προθύμως. ἤδη δὲ καὶ ἐς τὸν κύρτον
-τὸν σκάρον ἐμπεσεῖν φασι καὶ τὸ οὐραῖον μέρος ἐκβαλεῖν,
-τοὺς δὲ ἀθηράτους καὶ περινέοντας ἐνδακεῖν
-καὶ ἐς τὸ ἔξω τὸν ἑταῖρον προαγαγεῖν. εἰ δὲ ἐξείη τὸ
-στόμα, τῶν τίς οἱ ἔξω τὴν οὐρὰν παρώρεξεν, ὃ δὲ
-περιχανὼν ἠκολούθησεν. οὗτοι μὲν δὴ ταῦτα δρῶσιν,
-ὦ ἄνθρωποι, φιλεῖν οὐ μαθόντες, ἀλλὰ πεφυκότες.
-ὁ ἰχθὺς ὁ τρώκτης, τούτου μὲν κατηγορεῖ τὴν
-φύσιν καὶ τὸ ὄνομα, ἤδη δὲ καὶ τὸ στόμα· ὀδόντες δὲ
-αὐτῷ συνεχεῖς τε ἐμπεφύκασι καὶ πολλοί, καὶ πᾶν τὸ
-ἐμπεσὸν διατεμεῖν εὖ μάλα καρτεροί. οὐκοῦν ἁλοὺς
-ἀγκίστρῳ μόνος ἰχθύων ἐς τὸ ἔμπαλιν ἑαυτὸν οὐκ ἐπανάγει,
-ἀλλὰ ὠθεῖται τὴν ὁρμιὰν ἀποθρίσαι διψῶν.
-οἱ δὲ ἁλιεῖς σοφίζονται τἀναντία· τὰς γάρ τοι τῶν
-ἀγκίστρων λαβὰς χαλκεύονται μακράς. ὃ δὲ ʽκαὶ γὰρ
-πώς ἐστι καὶ ἁλτικὸσʼ καὶ ὑπὲρ ταύτας ἀνέθορε πολλάκις
-καὶ τὴν τρίχα τὴν ἄγουσαν τεμὼν ἐς ἤθη τὰ
-τῶν ἰχθύων αὖθις ἀπονήχεται. οὗτός τοι καὶ τὴν ἀγέλην
-τὴν σύννομον παραλαβὼν σὺν αὐτοῖς ἐκείνοις
-χωρεῖ καὶ τοῖς δελφῖσιν ὁμόσε· καὶ ἕνα ἀποκριθέντα
-πως περιελθόντες εἶτα ἐπιτίθενται τῷ θηρίῳ καρτερῶς·
-ἴσασι γὰρ ὅτι τῶν ἐξ αὐτῶν δηγμάτων οὐ ῥᾳθύμως
-ἐπαΐει. οἳ μὲν γὰρ ἔχονται αὐτοῦ καὶ μάλα
-<pb id="p.7"/>
-ἐγκρατῶς, ὃ δὲ ἀναπηδᾷ καὶ κυβιστᾷ, καὶ ὡς ὑπὸ
-τῆς ὀδύνης στρεβλοῦται διελέγχεται· ἀπρὶξ γὰρ
-ἐμφύντες συνεξαίρονται πηδῶντος. καὶ ὃ μὲν ἀποσείσασθαι
-καὶ ἀποκροῦσαι σπεύδει αὐτούς, οἳ δὲ
-οὐκ ἀνιᾶσιν, ἀλλὰ ἐσθίουσι ζῶντα. εἶτα μέντοι ὅ τι 
-ἂν ἕκαστος μέρος ἐκτράγῃ, τοῦτο ἔχων ἀπαλλάττεται·
-καὶ ὁ δελφὶς ἀσμένως ἀπονήχεται, δαιτυμόνας, ὡς
-ἂν εἴποις, ἀκλήτους ἑστιάσας σὺν τῇ ἑαυτοῦ ὀδύνῃ ἐκείνους.
-</p>
-</div2>
-<div2 type="chapter" n="6">
-<p>Γλαύκης ἀκούω τῆς κιθαρῳδοῦ ἐρασθῆναι κύνα· 
-οἳ δὲ οὐ κύνα, ἀλλὰ κριόν· ἄλλοι δὲ χῆνα. καὶ ἐν Σόλοις
-δὲ τῆς Κιλικίας παιδός, ᾧ ὄνομα ἦν Ξενοφῶν,
-κύων ἠράσθη· ἄλλου δὲ ὡραίου μειρακίου ἐν Σπάρτῃ
-κολοιὸς ἐπὶ τῷ εἴδει ἐνόσησεν.
-</p>
-</div2>
-<div2 type="chapter" n="7">
-<p>λέγουσι τὸν θῶα τὸ ζῷον φιλανθρωπότατον εἶναι. 
-καὶ ὅταν μέν που περιτύχῃ ἀνθρώπῳ, ἐκτρέπεται
-αὐτόν, οἷον αἰδούμενος· ὅταν δὲ ἀδικούμενον θεάσηται
-ὑπʼ ἄλλου θηρίου, τὸ τηνικαῦτα ἐπαμύνει αὐτῷ.
-</p>
-</div2>
-<div2 type="chapter" n="8">
-<p>Νικίας τις τῶν συγκυνηγετούντων ἀπροόπτως παραφερόμενος 
-ἐς ἀνθρακευτῶν κάμινον κατηνέχθη, οἱ 
-δὲ κύνες οἱ σὺν αὐτῷ τοῦτο ἰδόντες οὐκ ἀπέστησαν,
-ἀλλὰ τὰ μὲν πρῶτα κνυζώμενοι περὶ τὴν κάμινον καὶ
-ὠρυόμενοι διέτριβον, τὰ δὲ τελευταῖα μονονουχὶ τοὺς
-παριόντας ἠρέμα καὶ πεφεισμένως κατὰ τῶν ἱματίων
-δάκνοντες εἶτα εἷλκον ἐπὶ τὸ πάθος, οἷον ἐπικούρους 
-τῷ δεσπότῃ παρακαλοῦντες τοὺς ἀνθρώπους οἱ κύνες.
-καὶ γοῦν εἷς ὁρῶν τὸ γινόμενον ὑπώπτευσε τὸ
-συμβάν, καὶ ἠκολούθησε καὶ εὗρε τὸν Νικίαν έν τῇ
-καμίνῳ καταφλεχθέντα, ἐκ τῶν λειψάνων συμβαλὼν
-τὸ γενόμενον. 
-</p>
-</div2>
-<div2 type="chapter" n="9">
-<p>ὁ κηφὴν ὁ ἐν μελίτταις γεννώμενος μεθʼ ἡμέραν 
-μὲν ἐν τοῖς ἀνθρηνίοις κατακέκρυπται, νύκτωρ δέ,
-<pb id="p.8"/>
-ἡνίκα ἂν παραφυλάξῃ καθευδούσας τὰς μελίττας, ἐπιφοιτᾷ
-τοῖς ἔργοις αὐτῶν καὶ λυμαίνεται τοῖς σίμβλοις.
-τοῦτο ἐκεῖναι καταμαθοῦσαι, αἱ μὲν πλεῖσται τῶν μελισσῶν
-καθεύδουσιν ἅτε πεπονηκυῖαι, ὀλίγαι δὲ αὐτῶν
-ἐλλοχῶσιν. εἶτα ὅταν ἕλωσι τὸν φῶρα, παίουσιν
-αὐτὸν πεφεισμένως καὶ ἐξωθοῦσι, καὶ ἐκβάλλουσι
-φυγάδα εἶναι. ὃ δὲ οὐδʼ οὕτω πεπαίδευται· πέφυκε
-γὰρ καὶ ἀργὸς καὶ λίχνος, δύο κακώ. ἔξω τοίνυν τῶν
-κηρίων ἑαυτὸν ἀποκρύπτει, εἶτα ὅταν ἐπὶ τὰς νομὰς
-</p>
-</div2>
-<div2 type="chapter" n="10">
-<p> ἐξορμήσωσιν αἱ μέλιτται, ὃ δὲ ὠσάμενος ἔσω τὸ ἑαυτοῦ
-δρᾷ, ἐμφορούμενος καὶ κεραΐζων ἐκεῖνος τὸν
-θησαυρὸν τῶν μελιττῶν τὸν γλυκύν. καὶ ἐκεῖναι ἐκ
-τῆς νομῆς ὑποστρέψασαι, ὅταν αὐτῷ περιτύχωσιν, ἐνταῦθα
-μὲν οὐκέτι πεφεισμένως αὐτὸν παίουσιν, οὐδʼ
-ὅσον ἐς φυγὴν τρέψαι, ἀλλὰ εὖ μάλα βιαίως ἐμπεσοῦσαι
-διαλοῶσι τὸν λῃστήν· καὶ οὐ μεμπτὴν ὑπομείνας
-τὴν τιμωρίαν, ὑπὲρ τῆς γαστριμαργίας καὶ
-ἀδηφαγίας τῇ ψυχῇ ἔτισεν. μελιττουργοὶ λέγουσι
-ταῦτα, καὶ ἐμὲ πείθουσιν.
-εἰσὶ δέ τινες καὶ ἐν ταῖς μελίτταις ἀργοὶ μέλιτται,
-οὐ μὴν κηφηνώδεις τὸν τρόπον· οὐ γὰρ λυμαίνονται
-τοῖς κηρίοις οὐδʼ ἐπιβουλεύουσι τῷ μέλιτι
-αὗται, ἀλλὰ τρέφονται ἐκ τῶν ἀνθέων καὶ αὗται πετόμεναι
-καὶ σύννομοι ταῖς ἄλλαις οὖσαι. εἰ δὲ καί
-εἰσιν ἄτεχνοι περὶ τὴν ἐργασίαν καὶ τὴν κομιδὴν τὴν
-τοῦ μέλιτος, ἀλλὰ γοῦν οὐκ εἰσὶν ἄπρακτοι πάντῃ.
-αἳ μὲν γὰρ αὐτῶν ὕδωρ τῷ βασιλεῖ κομίζουσι καὶ ταῖς
-πρεσβυτέραις δέ, αἵπερ οὖν τῷ βασιλεῖ παραμένουσι
-καὶ ἐς τὴν δορυφορίαν ἀπεκρίθησαν τὴν αὐτοῦ· ἕτεραι
-δὲ αὐτῶν ἔχουσιν ἐκεῖνο ἔργον, τὰς ἀποθνησκούσας
-τῶν μελιττῶν ἔξω φέρουσι· δεῖ γὰρ αὐταῖς καθαρὰ
-εἶναι τὰ κηρία, καὶ οὐκ ἀνέχονται νεκρὰν ἔσω
-<pb id="p.9"/>
-μέλιτταν· ἄλλαι δὲ νύκτωρ φρουροῦσιν, ὥσπερ οὖν
-πόλιν μικρὰν φυλάττουσαι τὴν τῶν κηρίων οἰκοδομίαν
-ἐκεῖναί γε.
-</p>
-</div2>
-<div2 type="chapter" n="11">
-<p>μελιττῶν δὲ ἡλικίαν διαγνοίη τις ἂν τὸν τρόπον 
-τοῦτον. αἱ μὲν αὐτοετεῖς στιλπναί τέ εἰσι καὶ ἐοίκασιν 
-ἐλαίῳ τὴν χρόαν· αἱ δὲ πρεσβύτεραι τραχεῖαι καὶ
-ἰδεῖν καὶ προσψαῦσαι γίνονται, ῥυσαὶ δὲ ὁρῶνται διὰ
-τὸ γῆρας· ἐμπειρότεραι δέ εἰσιν αὗται καὶ τεχνικώτεραι,
-παιδεύσαντος αὐτὰς τὴν ἐπὶ τῷ μέλιτι σοφίαν
-τοῦ χρόνου. ἔχουσι δὲ καὶ μαντικῶς, ὥστε καὶ ὑετῶν 
-καὶ κρύους ἐπιδημίαν προμαθεῖν· καὶ ὅταν τούτων
-τὸ ἕτερον ἢ καὶ ἀμφότερα ἔσεσθαι συμβάλωσιν, οὐκ
-ἐπὶ μήκιστον ἐκτείνουσι τὴν πτῆσιν, ἀλλὰ περιποτῶνται
-τοῖς σμήνεσι, καὶ οἱονεὶ περιθυροῦσιν. ἐκ δὴ
-τούτων οἱ μελιττουργοὶ οἰωνισάμενοι προλέγουσι τοῖς 
-γεωργοῖς τὴν μέλλουσαν ἐπιδημίαν τοῦ χειμῶνος. δεδοίκασι
-δὲ ἄρα οὐ τοσοῦτον τὸ κρύος αἱ μέλιτται,
-ὅσον τὸν ὄμβρον τὸν πολὺν καὶ τὸν νιφετόν. ἐναντίαι
-δὲ πολλάκις τοῦ πνεύματος πέτονται, καὶ βραχεῖαν
-λίθον ἐν τοῖς ποσὶ κομίζουσι καὶ τοσαύτην ὅσην 
-εὔφορον αὐταῖς πετομέναις εἶναι, καὶ τρόπον τινὰ
-τοῦτο ἕρμα ἑαυταῖς ἐπιτεχνῶνται πρὸς τὸν ἐμπίπτοντα
-ἄνεμον τά τε ἄλλα καὶ ἵνα μὴ παρατρέψῃ τῆς ὀδοῦ
-ἡ αὔρα αὐτάς.
-</p>
-</div2>
-<div2 type="chapter" n="12">
-<p>ἔρωτος δὲ ἰσχὺν καὶ ἰχθύων γένη πολλὰ ἔγνω, 
-τοῦ τοσούτου θεοῦ μηδὲ τοὺς κάτω καὶ ἐν τῷ βυθῷ
-τῆς θαλάσσης ὑπεριδόντος καὶ ἀτιμάσαντος. λατρεύει
-γοῦν τῷδε τῷ δαίμονι καὶ κέφαλος, ἀλλʼ οὐ
-πᾶς, ἐκεῖνος δὲ ὅνπερ οὖν ἀπὸ τοῦ ὀξέος προσώπου
-καλοῦσιν οἱ γένη τε καὶ διαφορὰς ἰχθύων κατεγνωκότες. 
-ἁλίσκονται δέ, ὡς ἀκούω, περὶ τὸν κόλπον
-τὸν Ἀχαῖκὸν πολλοί. καὶ τῆς μὲν κατʼ αὐτοὺς ἁλώσεως
-<pb id="p.10"/>
-διαφορότης ἐστί· μάλιστα δὲ αὐτῶν τὸ λυττῶδες
-τὸ ἐς τὰ ἀφροδίσια κατηγορεῖ ἥδε ἡ ἄγρα. θηράσας
-ἀνὴρ ἁλιεὺς θῆλυν, καὶ ἐνδήσας καλάμῳ
-μακρῷ ἢ σπάρτῳ καὶ τούτῳ μακρῷ, κατὰ τῆς ᾐόνος
-ἡσυχῆ βαδίζων παρανηχόμενον τὸν ἰχθὺν καὶ
-ἀσπαίροντα ἐπισύρει· κατʼ ἴχνια δὲ αὐτοῦ τις ἕπεται
-φέρων δίκτυον, καὶ τὸ μέλλον ὅπῃ τε καὶ
-ὅπως ἀπαντήσεται φυλάττει φιλοπόνως ὁ δικτυεὺς
-οὗτος. οὐκοῦν ἡ μὲν ἄγεται, ὁπόσοι δὲ ἂν ἴδωσι
-τῶν ἀρρένων, οἷα δήπου νεανίαι ἀκόλαστοι μείρακος
-παραθεούσης εὖ μάλα ὡρικῆς ἐποφθαλμιάσαντες,
-ἵενται κατὰ μίξιν οἰστρούμενοι. ὁ τοίνυν τὸ
-δίκτυον ἔχων ῥίπτει τὸν βόλον, καὶ πολλάκις ἰχθύων
-εὐερμίᾳ περιτυγχάνει τῇ τῆς ἐπιθυμίας ὁρμῇ
-προσερχομένων. δεῖ δὲ τῷ πρώτῳ θηρατῇ τὴν αἱρεθεῖσαν
-ὡραίαν τε εἶναι καὶ εὖ ἥκουσαν σαρκῶν, ἵνα
-καὶ πλείους ἐπʼ αὐτὴν ὁρμήσωσιν, τὸ τῆς ὥρας ἐφολκὸν
-δέλεαρ λαβόντες. εἰ δὲ ἄσαρκος εἴη, οἱ πολλοὶ
-ὑπερφρονήσαντες ᾤχοντο ἀπιόντες· ὅστις δὲ αὐτῶν
-ἐστι δύσερως, οὐκ ἀπαλλάττεται, οὐ τῇ ὥρᾳ, μὰ Δία,
-ἀλλὰ τῷ τῆς μίξεως πόθῳ δεδουλωμένος.
-</p>
-</div2>
-<div2 type="chapter" n="13">
-<p> ἦσαν δὲ ἄρα καὶ σωφρονεῖν ἰχθύες ἀγαθοί. ὁ
-γοῦν αἰτναῖος οὕτω λεγόμενος, ἐπὰν τῇ ἑαυτοῦ συννόμῳ
-οἱονεὶ γαμετῇ τινι συνδυασθεὶς κληρώσηται
-τὸ λέχος, ἄλλης οὐχ ἅπτεται, καὶ οὐ δεῖται συμβολαίων
-ἐς πίστιν, οὐ προικός, οὐδὲ μὴν δέδοικε κακώσεως
-δίκην ὁ αἰτναῖος, οὐδὲ αἰδεῖται Σόλωνα. ὦ
-νόμοι γενναῖοι καὶ πολύσεμνοι, οἷς ἀκόλαστοι ἄνθρωποι
-οὐκ αἰδοῦνται μὴ πείθεσθαι.
-</p>
-</div2>
-<div2 type="chapter" n="14">
-<p> κοσσύφῳ δὲ τῷ θαλαττίῳ ἤθη τε καὶ διατριβαὶ
-αἱ πέτραι καὶ αἱ σηραγγώδεις ὑποδρομαί. γαμοῦσι
-δὲ οὗτοι ἕκαστος πολλάς, καὶ τῶν ὀπῶν οἱονεὶ θαλάμων
-<pb id="p.11"/>
-ταῖς νύμφαις ἀφίστανται. καὶ τοῦτο μὲν τὸ
-τοῦ γάμου θρυπτικὸν καὶ τὸ ἐς πολλὰς ἔχειν τὴν
-ὁρμὴν νενεμημένην φαίης ἂν εἶναι τρυφώντων ἐς
-εὐνὴν βαρβάρων καί, ὡς ἂν εἴποις σὺν παιδιᾷ σπουδάσας,
-βίον Μηδικόν τε καὶ Περσικόν. ἔστι δὲ ἰχθύων 
-ζηλοτυπώτατος καὶ τὴν ἄλλως μέν, οὐχ ἥκιστα
-δὲ ὅταν αἱ νύμφαι τίκτωσιν αὐτῷ. εἰ δὲ λαμυρώτερον
-ταῦτα τῇ καταχρήσει τῶν ὀνομάτων εἴρηται, δίδωσιν
-ἡμῖν τὰ ἐκ τῆς φύσεως πραττόμενα τὴν τῶν
-τοιούτων ἐξουσίαν. αἳ μὲν γὰρ ὠδίνων ἤδη πειρώμεναι 
-ἠρεμοῦσί τε καὶ ἔνδον μένουσιν, ὁ δὲ ἄρρην,
-οἷα δήπου γαμέτης, περιθυρῶν τὰς ἐπιβουλὰς φυλάττει
-τὰς ἔξωθεν φόβῳ τῶν βρεφῶν. ἔοικε γὰρ
-καὶ τὰ μήπω γεννώμενα φιλεῖν καὶ δέει πατρικῷ
-</p>
-</div2>
-<div2 type="chapter" n="15">
-<p>ἁλισκόμενος ἐντεῦθεν ὀρρωδεῖν ἤδη, καὶ διημερεύει 
-μὲν ἐπὶ τῇ φρουρᾷ πάντων ἄγευστος, καὶ ἡ φροντὶς
-αὐτὸν τρέφει· δείλης δὲ ὀψίας γενομένης ἀφεῖται τῆς
-ἀνάγκης τῆσδε, καὶ μαστεύει τροφήν, καὶ οὐκ ἀτυχεῖ
-αὐτῆς. καὶ ἑκάστη δὲ ἄρα εὑρίσκει τῶν ἔνδον,
-εἴτε ἐπʼ ὠδῖσιν εἴη εἴτε ἤδη λεχώ, φυκία πολλὰ τῶν 
-ἐν ταῖς ὀπαῖς καὶ περὶ τὰς πέτρας, ἅ οἱ δεῖπνόν ἐστιν.
-ἐπιβουλεύειν κοσσύφῳ δεινὸς ἁλιεὺς ἐφαρμόσας 
-ἀγκίστρῳ μόλυβδον βαρὺν καὶ ἐνείρας τῷ ἀγκίστρῳ
-καρίδα μεγάλην καθίησι τὸ δέλεαρ. καὶ ὃ μὲν ὑποκινεῖ 
-τὴν ὁρμιὰν ἐγείρων τε καὶ θήγων ἐς τὴν τροφὴν
-τὸ θήραμα, ἡ καρὶς δὲ κινουμένη εἶτα μέντοι
-δόξαν τινὰ ἀποστέλλει μελλούσης ἐς τὰς ὀπὰς τὰς
-τοῦ κοσσύφου παριέναι. τῷ δὲ ἄρα τοῦτο ἔχθιστον·
-καὶ διὰ ταῦτα αἰσθανόμενος, ὡς ἔχει θυμοῦ, ἵεται 
-ἀφανίζειν τὴν ἐχθίστην ʽοὐ γάρ οἱ μέλει τῆς γαστρὸς
-τηνικαῦτἀ, καὶ συνθλάσας αὐτὴν ἀπαλλάττεται, προτιμότερον
-<pb id="p.12"/>
-τροφῆς καὶ πρεσβύτερον τὸ μὴ κατακοιμίσαι
-τὴν φυλακὴν πεπιστευκὼς εἶναι. τῶν δὲ ἄλλων
-ὅταν τι μέλλῃ τῶν προσπιπτόντων ἐσθίειν,
-ὑποθλάσας εἶτα εἴασε κεῖσθαι· καὶ ἰδὼν τεθνηκός,
-ἐξ αὐτοῦ τρώγει ἤδη. οἱ δὲ θήλεις κόσσυφοι, ἕως
-μὲν ἄρρενα ὁρῶσι προασπίζοντα, ὡς ἂν εἴποις, μένουσιν
-ἔνδον καὶ τὸ τῆς οἰκουρίας φυλάττουσι
-σχῆμα· ὅταν δὲ ἀφανισθῇ, ἀλύουσιν αἵδε,
-προάγει τε αὐτὰς καὶ ἐξάγει ἡ ἀθυμία καὶ ἐνταῦθα
-ἑαλώκασι. τί πρὸς ταῦτα οἱ ποιηταὶ λέγουσιν οἱ τήν
-τε Εὐάδνην ἡμῖν τὴν Ἴφιδος καὶ τὴν Ἄλκηστιν τὴν
-Πελίου παῖδα ἐνδόξως θρυλοῦντες;
-</p>
-</div2>
-<div2 type="chapter" n="16">
-<p> πατὴρ δὲ ἐν ἰχθύσιν ὁ γλαῦκος οἷός ἐστι. τὰ
-γεννώμενα ἐκ τῆς συννόμου παραφυλάττει ἰσχυρῶς,
-ἵνα ἀνεπιβούλευτά τε καὶ ἀσινῆ ᾖ. καὶ ἕως φαιδρὰ
-καὶ ἔξω δέους διανήχεται, ὃ δὲ τὴν φρουρὰν
-οὐκ ἀπολιμπάνει, ἀλλὰ πῇ μὲν οὐραγεῖ, πῇ δὲ οὔ,
-ταύτην δὲ παρανήχεται τὴν πλευρὰν ἢ ἐκείνην· ἐὰν
-δὲ δείσῃ τῶν τι νηπίων, ὃ δὲ χανὼν ἐσεδέξατο τὸ
-βρέφος· εἶτα τοῦ φόβου παραδραμόντος τὸν καταφυγόντα
-ἀνεμεῖ οἷον ἐδέξατο, καὶ ἐκεῖνος πάλιν νήχεται.
-</p>
-</div2>
-<div2 type="chapter" n="17">
-<p> κύων δὲ θαλαττία τεκοῦσα ἔχει συννέοντα τὰ
-σκυλάκια ἤδη καὶ οὐκ ἐς ἀναβολάς. ἐὰν δὲ δείσῃ τι
-τούτων, ἐς τὴν μητέρα ἐσέδυ αὖθις κατὰ τὸ ἄρθρον·
-εἶτα τοῦ δέους παραδραμόντος τὸ δὲ πρόεισιν,
-ὥσπερ οὖν ἀνατικτόμενον αὖθις.
-</p>
-</div2>
-<div2 type="chapter" n="18">
-<p> θαυμάζουσιν ἄνθρωποι τὰς γυναῖκας ὡς ἄγαν
-φιλοτέκνους· ὁρῶ δὲ ὅτι καὶ τεθνεώτων υἱῶν ἢ θυγατέρων
-ἔζησαν μητέρες, καὶ τῷ χρόνῳ τοῦ πάθους
-εἰλήφασι λήθην τῆς λύπης μεμαρασμένης. δελφὶς δὲ
-ἄρα θῆλυς φιλοτεκνότατος ἐς τὰ ἔσχατα ζῴων ἐστί.
-<pb id="p.13"/>
-τίκτει μὲν γὰρ δύο ὅταν δὲ ἁλιεὺς ἢ τρώσῃ τὸν
-παῖδα αὐτῆς τῇ τριαίνῃ ἢ τῇ ἀκίδι βάλῃ ἡ μὲν ἀκὶς
-τὰ ἄνω τέτρηται, καὶ ἐνῆπται σχοῖνος μακρὰ αὐτῇ,
-οἱ δὲ ὄγκοι ἐσδύντες ἔχονται τοῦ θηρός. καὶ ἕως
-μὲν ἔτι ῥώμης ὁ δελφὶς ὁ τραυματίας μετείληχε, 
-χαλᾷ ὁ θηρατὴς τὴν σχοῖνον, ἵνα μή ποτε ἄρα ὑπὸ
-τῆς βίας ἀπορρήξῃ αὐτήν, καὶ γένηταί οἱ δύο κακώ,
-ἔχων τε ἀπέλθῃ τὴν ἀκίδα ὁ δελφὶς καὶ ἀθηρίᾳ περιπέσῃ
-αὐτός· ὅταν δὲ αἴσθηται καμόντα καί πως
-παρειμένον ἐκ τοῦ τραύματος, ἡσυχῆ παρʼ αὐτὴν 
-ἄγει τὴν ναῦν, καὶ ἔχει τὴν ἄγραν. ἡ δὲ μήτηρ οὐκ
-ὀρρωδεῖ τὸ πραχθέν, οὐδὲ ἀναστέλλεται δείσασα,
-ἀλλʼ ἀπορρήτῳ φύσει τῷ πόθῳ τοῦ παιδὸς ἕπεται·
-καὶ δείματα ὁπόσα ἐθέλεις εἰ ἐπάγοις, ἣ δὲ οὐκ ἐκπλήττεται,
-τὸν παῖδα οὐχ ὑπομένουσα ἀπολιπεῖν ἐν 
-ταῖς φοναῖς ὄντα, ἀλλὰ καὶ ἐκ χειρὸς αὐτὴν πατάξαι
-πάρεστιν· οὕτως ὁμόσε χωρεῖ τοῖς βάλλουσιν, ὥσπερ
-οὖν ἀμυνουμένη. καὶ ἐκ τούτων συναλίσκεται τῷ παιδί,
-σωθῆναι παρὸν καὶ ἀπελθεῖν αὐτήν. εἰ δὲ ἄμφω
-τὰ ἔκγονα αὐτῇ παρείη, καὶ νοήσειε τετρῶσθαι τὸν 
-ἕτερον καὶ ἄγεσθαι, ὡς προεῖπον, διώκει τὸν ὁλόκληρον
-καὶ ἀπελαύνει τὴν τε οὐρὰν ἐπισείουσα
-καὶ δάκνουσα τῷ στόματι, καὶ φυσᾷ φύσημά τι
-ἄσημον μέν, ᾗ δύναται, σύνθημα δὲ τῆς φυγῆς
-ἐνδιδοῦσα σωτήριον. καὶ ὅ μὲν ἀπαλλάττεται, μένει 
-δὲ αὐτὴ ἔστʼ ἂν αἱρεθῇ, καὶ συναποθνήσκει τῷ ἑαλωκότι.
-</p>
-</div2>
-<div2 type="chapter" n="19">
-<p>ὁ βοῦς ὁ θαλάττιος ἐν πηλῷ τίκτεται, καὶ ἔστιν 
-ἐξ ὠδίνων βράχιστος, γίνεται δὲ ἐκ βραχίστου μέγιστος.
-καὶ τὰ μὲν ὑπὸ τὴν νηδὺν λευκός ἐστι, τὰ 
-νῶτα δὲ καὶ τὸ πρόσωπον καὶ τὰς πλευρὰς μέλας
-δεινῶς· στόμα δὲ αὐτῷ ἐμπέφυκε σμικρόν, οἱ δὲ
-<pb id="p.14"/>
-ὀδόντες, μεμυκότος οὐκ ἂν αὐτοὺς ἴδοις· ἔστι δὲ
-μήκιστος καὶ πλατύτατος. σιτεῖται μὲν οὖν καὶ τῶν
-ἰχθύων πολλούς, μάλιστα δὲ σαρκῶν ἀνθρωπείων
-ἐσθίων ὑπερήδεται. σύνοιδε δὲ αὑτῷ ὅτι ῥώμην
-ἥκιστός ἐστι, μόνῳ δὲ ἐπιθαρρεῖ τῷ μεγέθει. καὶ
-διὰ τοῦτο ὅταν ἴδῃ τινὰ ἢ νηχόμενον ἢ πονούμενον
-ἐν ταῖς ὑδροθηρίαις, μετεωρίσας ἑαυτὸν καὶ ἐπικυρτώσας
-ἐπινήχεταί οἱ βαρὺς ἄνω ἐγκείμενός τε καὶ πιέζων
-καὶ ἐπαρτῶν δεῖμά τι, ὑπερπετάσας τὸ πᾶν σῶμα
-τῷ δειλαίῳ ὡς στέγην, ἀναδῦναί τε καὶ ἀναπνεῦσαι
-κωλύων αὐτόν. οὐκοῦν ἐπισχεθέντος οἱ τοῦ
-πνεύματος, ὃ μέν, οἷα εἰκός, ἀποθνήσκει, ὃ δὲ ἐμπεσὼν
-ἔχει τῆς παραμονῆς μισθὸν ὃ μάλιστα λιχνεύει δεῖπνον.
-</p>
-</div2>
-<div2 type="chapter" n="20">
-<p> τὰ μὲν ἄλλα τῶν ᾠδικῶν ὀρνέων εὐστομεῖ καὶ
-τῇ γλώττῃ φθέγγεται δίκην ἀνθρώπου· οἱ δὲ τέττιγες
-κατὰ τὴν ἰξύν εἰσι λαλίστατοι. καὶ σιτοῦνται
-μὲν τῆς δρόσου, τὰ δὲ ἐξ ἕω ἐς πλήθουσαν ἀγορὰν
-σιωπῶσιν, ἡλίου δὲ ὑπαρχομένου τῆς ἀκμῆς, τὸν ἐξ
-ἑαυτῶν μεθιᾶσι κέλαδον, φιλόπονοί τινες ὡς ἂν εῖποις
-χορευταί, ὑπὲρ κεφαλῆς καὶ τῶν παρανεμόντων
-καὶ τῶν ὁδῷ χρωμένων καὶ τῶν ἀμώντων κατᾴδοντες.
-καὶ τοῦτο μὲν τὸ φιλόμουσον ἔδωκε τοῖς ἄρρεσιν
-ἡ φύσις· τέττιξ δὲ θήλεια ἄφωνός ἐστι, καὶ
-ἔοικε σιωπᾶν δίκην νύμφης αἰδουμένης.
-</p>
-</div2>
-<div2 type="chapter" n="21">
-<p> ὑφαντικὴν καὶ ταλασίαν τὴν θεὸν τὴν Ἐργάνην
-ἐπινοῆσαί φασιν ἄνθρωποι· τὴν δὲ ἀράχνην ἡ φύσις
-σοφὴν ἐς ἱστουργίαν ἐδημιούργησε. καὶ φιλοτεχνεῖ
-οὐ κατὰ μίμημα, οὐδὲ ἔξωθεν λαμβάνει τὸ νῆμα,
-ἀλλʼ ἐκ τῆς οἰκείας νηδύος τοὺς μίτους ἐξάγουσα
-εἶτα μέντοι τοῖς κούφοις τῶν πτηνῶν θήρατρα ἀποφαίνει,
-ὡς δίκτυα ἐκπεταννῦσα. καὶ διʼ ὧν ἐξυφαίνει
-<pb id="p.15"/>
-παρὰ τῆς γαστρὸς λαβοῦσα, διὰ τῶνδε ἐκείνην
-ἐκτρέφει πάνυ φιλεργοῦσα, ὡς καὶ τῶν γυναικῶν
-τὰς μάλιστα εὔχειρας καὶ νῆμα ἀσκητὸν ἐκπονῆσαι
-δεινὰς μὴ ἀντιπαραβάλλεσθαι· νενίκηκε γὰρ τῇ
-λεπτότητι καὶ τὴν τρίχα. 
-</p>
-</div2>
-<div2 type="chapter" n="22">
-<p>Βαβυλωνίους τε καὶ Χαλδαίους σοφοὺς τὰ οὐράνια 
-ᾅδουσιν οἱ συγγραφεῖς· μύρμηκες δὲ οὔτε ἐς
-οὐρανὸν ἀναβλέποντες οὔτε τὰς τοῦ μηνὸς ἡμέρας
-ἐπὶ δακτύλων ἀριθμεῖν ἔχοντες ὅμως δῶρον ἐκ φύσεως
-εἰλήχασι παράδοξον· τῇ γὰρ ἡμέρᾳ τοῦ μηνὸς 
-τῇ νέᾳ ἔσω τῆς ἑαυτῶν στέγης οἰκουροῦσι, τὴν
-ὀπὴν οὐχ ὑπερβαίνοντες ἀλλὰ ἀτρεμοῦντες.
-</p>
-</div2>
-<div2 type="chapter" n="23">
-<p>οἰκία τῷ σαργῷ τῷ ἰχθύι πέτραι τε καὶ σήραγγες, 
-ἔχουσαι μέντοι διασφάγας μικρὰς, ὡς αὐγὴν
-ἡλίου κατιέναι καὶ φωτὸς ὑποπιμπλάναι τὰς 
-διαστάσεις τάσδε· χαίρουσι γὰρ οἱ σαργοὶ φωτὶ μὲν
-παντί, τῆς δὲ ἀκτῖνος τοῦ ἡλίου καὶ μᾶλλον διψῶσιν.
-οἰκοῦσι δὲ ἐν ταὐτῷ πολλοί· δίαιται δὲ αὐτοῖς
-καὶ ἤθη τὰ τῆς θαλάσσης βράχη, καὶ τῇ γῇ γειτνιῶσι
-μάλα ἀσμένως. φιλοῦσι δέ πως αἶγας ἰσχυρῶς. ἐὰν 
-γοῦν πλησίον τῆς ᾐόνος νεμομένων ἡ σκιὰ μιᾶς ἢ
-δευτέρας ἐν τῇ θαλάττῃ φανῇ, οἳ δὲ ἀσμένως
-προσνέουσι καὶ ἀναπηδῶσιν, ὡς ἡδόμενοι, καὶ προσάψασθαι
-τῶν αἰγῶν ποθοῦσιν ἐξαλλόμενοι, καίτοι
-οὐ πάνυ τι ὄντες ἁλτικοὶ τὴν ἄλλως· νηχόμενοι δὲ καὶ 
-ὑπὸ τοῖς κύμασιν ὅμως τῆς τῶν αἰγῶν ὀσμῆς ἔχουσιν
-αἴσθησιν, καὶ ὑφʼ ἡδονῆς προελθεῖν ἐπʼ αὐτὰς
-σπεύδουσιν. ἐπεὶ τοίνυν δυσέρωτές εἰσιν, ἐξ ὧν
-ποθοῦσιν ἐκ τούτων ἁλίσκονται. ἁλιεὺς γὰρ ἀνὴρ
-αἰγὸς δορᾷ ἑαυτὸν περιαμπέχει, σὺν αὐτοῖς τοῖς κέρασι 
-δαρείσης αὐτῆς· λαμβάνει δὲ ἄρα τὸν ἥλιον
-κατὰ νώτου ἐπιβουλεύων ὁ θηρατὴς τῇ ἄγρᾳ, εἶτα
-<pb id="p.16"/>
-καταπάττει τῆς θαλάττης, ὑφʼ ἣν οἰκοῦσιν οἱ προειρημένοι,
-ἄλφιτα αἰγείῳ ζωμῷ διαβραχέντα. ἑλκόμενοι
-δὲ οἱ σαργοὶ ὡς ὑπό τινος ἴυγγος τῆς ὀσμῆς τῆς
-προειρημένης προσίασι, καὶ σιτοῦνται μὲν τῶν ἀλφίτων,
-κηλοῦνται δὲ ὑπὸ τῆς δορᾶς. αἱρεῖ δὲ αὐτῶν
-πολλοὺς ἀγκίστρῳ σκληρῷ καὶ ὁρμιᾷ λίνου
-λευκοῦ· ἐξῆπται δὲ οὐχὶ καλάμου, ἀλλὰ ῥάβδου
-κρανείας· δεῖ γὰρ τὸν ἐμπεσόντα ἀνασπάσαι ῥᾷστα,
-ἵνα μὴ τοὺς ἄλλους ἐκταράξῃ. θηρῶνται δὲ καὶ
-ἀπὸ χειρός, ἐάν τις τὰς ἀκάνθας, ἃς ἐγείρουσιν ἐς
-τὸ ἑαυτοῖς ἀμύνειν, ἐς τὸ κάτω μέρος ἀπό γε τῆς
-κεφαλῆς ἡσυχῆ κατάγων εἶτα κλίνῃ καὶ πιέσας τῶν
-πετρῶν ἐκσπάσῃ, ἐς ἃς ἑαυτοὺς ὑπὲρ τοῦ λαθεῖν ὠθοῦσιν.
-</p>
-</div2>
-<div2 type="chapter" n="24">
-<p> ὁ ἔχις περιπλακεὶς τῇ θηλείᾳ μίγνυται· ἣ δὲ
-ἀνέχεται τοῦ νυμφίου καὶ λυπεῖ οὐδὲ ἕν. ὅταν δὲ πρὸς
-τῷ τέλει τῶν ἀφροδισίων ὦσι, πονηρὰν ὑπὲρ τῆς
-ὁμιλίας τὴν φιλοφροσύνην ἐκτίνει ἡ νύμφη τῷ γαμέτῃ·
-ἐμφῦσα γὰρ αὐτοῦ τῷ τραχήλῳ, διακόπτει αὐτὸν
-αὐτῇ κεφαλῇ· καὶ ὃ μὲν τέθνηκεν, ἣ δὲ ἔγκαρπον
-ἔχει τὴν μίξιν καὶ κύει. τίκτει δὲ οὐκ ᾠά, ἀλλὰ
-βρέφη, καὶ ἔστιν ἐνεργὰ ἤδη κατὰ τὴν αὑτῶν φύσιν
-τὴν κακίστην. διεσθίει γοῦν τὴν μητρῴαν νηδύν,
-καὶ πρόεισι παραυτὰ τιμωροῦντα τῷ πατρί. τί οὖν
-</p>
-</div2>
-<div2 type="chapter" n="25">
-<p> οἱ Ὀρέσται καὶ οἱ Ἀλκμαίωνες πρὸς ταῦτα, ὦ τραγῳδοὶ φίλοι;
-τὴν ὕαιναν τῆτες μὲν ἄρρενα εἰ θεάσαιο, τὴν
-αὐτὴν ἐς νέωτα ὄψει θῆλυν· εἰ δὲ θῆλυν νῦν, μετὰ
-ταῦτα ἄρρενα· κοινωνοῦσί τε ἀφροδίτης ἑκατέρας,
-καὶ γαμοῦσί τε καὶ γαμοῦνται, ἀνὰ ἔτος πᾶν ἀμείβουσαι
-τὸ γένος. οὐκοῦν τὸν Καινέα καὶ τὸν Τειρεσίαν
-<pb id="p.17"/>
-ἀρχαίους ἀπέδειξε τὸ ζῷον τοῦτο οὐ κόμποις
-ἀλλὰ τοῖς ἔργοις αὐτοῖς.
-</p>
-</div2>
-<div2 type="chapter" n="26">
-<p>μάχονται μὲν ὑπὲρ τῶν θηλειῶν ὡς ὑπὲρ ὡραίων 
-γυναικῶν καὶ οἱ τράγοι πρὸς τράγους καὶ οἱ ταῦροι
-πρὸς ταύρους καὶ ὑπὲρ οἰῶν οἱ κριοὶ πρὸς τοὺς ἀντερῶντας· 
-ὀργῶσι δὲ ἐπὶ τὰς θηλείας καὶ οἱ θαλάττιοι
-κάνθαροι. γίνονται δὲ ἐν τοῖς καλουμένοις λεπροῖς
-χωρίοις, καὶ εἰσὶ ζηλότυποι, καὶ ἴδοις ἂν μάχην ὑπὲρ
-τῶν θηλειῶν καρτεράν· καὶ ἔστιν ὁ ἀγὼν οὐχ ὑπὲρ
-πολλῶν, ὡς τοῖς σαργοῖς, ἀλλʼ ὑπὲρ τῆς ἰδίας συννόμου, 
-ὡς ὑπὲρ γαμετῆς τῷ Μενέλεῳ πρὸς τὸν Πάριν.
-</p>
-</div2>
-<div2 type="chapter" n="27">
-<p>Ἑστιᾶται μὲν ἄλλαις καὶ ἄλλαις τροφαῖς ὁ πολύπους· 
-ἔστι γὰρ καὶ φαγεῖν δεινὸς καὶ ἐπιβουλεῦσαι
-σφόδρα πανοῦργος· τὸ δὲ αἴτιον, παμβορώτατος
-θηρίων θαλαττίων ἐστί. καὶ ἡ ἀπόδειξις, εἴ τις αὐτῷ 
-γένοιτο ἀθηρία, τῶν ἑαυτοῦ πλοκάμων παρέτραγε,
-καὶ τὴν γαστέρα κορέσας τὴν σπάνιν τῆς ἄγρας
-ἠκέσατο· εἶτα ἀναφύει τὸ ἐλλεῖπον, ὥσπερ οὖν τῆς
-φύσεως τοῦτό οἱ ἐν τῷ λιμῷ παρασκευαζούσης ἕτοιμον
-τὸ δεῖπνον. 
-</p>
-</div2>
-<div2 type="chapter" n="28">
-<p>ἵππος ἐρριμμένος σφηκῶν γένεσίς ἐστιν. ὃ μὲν 
-γὰρ ὑποσήπεται, ἐκ δὲ τοῦ μυελοῦ ἐκπέτονται οἱ θῆρες
-οὗτοι, ὠκίστου ζῴου πτηνὰ ἔκγονα, τοῦ ἵππου οἱ σφῆκες.
-</p>
-</div2>
-<div2 type="chapter" n="29">
-<p>αἱμύλον ζῷον καὶ ἐοικὸς ταῖς φαρμακίσιν ἡ 
-γλαῦξ. καὶ πρώτους μὲν αἱρεῖ τοὺς ὀρνιθοθήρας
-ᾑρημένη. περιάγουσι γοῦν αὐτὴν ὡς παιδικὰ ἢ καὶ
-νὴ Δία περίαπτα ἐπὶ τῶν ὤμων. καὶ νύκτωρ μὲν
-αὐτοῖς ἀγρυπνεῖ καὶ τῇ φωνῇ οἱονεί τινι ἐπαοιδῇ
-</p>
-</div2>
-<div2 type="chapter" n="30">
-<p>γοητείας ὑπεσπαρμένης αἱμύλου τε καὶ θελκτικῆς 
-τοὺς ὄρνιθας ἕλκει καὶ καθίζει πλησίον ἑαυτῆς· ἤδη
-δὲ καὶ ἐν ἡμέρᾳ θήρατρα ἕτερα τοῖς ὄρνισι προσείει
-<pb id="p.18"/>
-μωκωμένη καὶ ἄλλοτε ἄλλην ἰδέαν προσώπου στρέφουσα,
-ὑφʼ ὧν κηλοῦνται καὶ παραμένουσιν ἐνεοὶ
-πάντες ὄρνιθες, ᾑρημένοι δέει καὶ μάλα γε ἰσχυρῷ
-ἐξ ὧν ἐκείνη μορφάζει.
-ὁ λάβραξ καρίδος ἥττηται, καὶ εἴη ἄν, ἵνα τι καὶ
-παίσας εἴπω, ἰχθύων ὀψοφαγίστατος. οὐκοῦν ἕλειοι
-ὄντες τὰς ἑλείους ἐλλοχῶσιν. εἰσὶ γὰρ τῷ γένει τριτταί·
-καὶ αἳ μὲν αὐτῶν οἵας προεῖπον, αἳ δὲ ἐκ φυκίων,
-πετραῖαί γε μὴν αἱ τρίται. ἀμύνεσθαι δὲ αὐτοὺς
-ἀδυνατοῦσαι αἱροῦνται συναποθνήσκειν. καὶ τό
-γε σόφισμα εἰπεῖν οὐκ ὀκνήσω αὐτῶν. ὅταν γοῦν
-αἴσθωνται λαμβανόμεναι, τὸ ἐξέχον τῆς κεφαλῆς
-ʽἔοικε δὲ τριήρους ἐμβόλῳ καὶ μάλα γε ὀξεῖ, καὶ ἄλλως
-ἐντομὰς ἔχει δίκην πριόνοσʼ τοῦτο τοίνυν αἱ γενναῖαι
-σοφῶς ἐπιστρέψασαι πηδῶσί τε καὶ ἀναθόρνυνται
-κοῦφα καὶ ἁλτικά. κέχηνε δὲ ὁ λάβραξ μέγα,
-καὶ ἔστιν οἱ τὰ τῆς δέρης ἁπαλά. οὐκοῦν ὃ μὲν συλλαβὼν
-τὴν καρίδα καμοῦσαν οἴεται δεῖπνον ἕξειν, ἣ
-δὲ ἐν ἐξουσίᾳ τε καὶ εὐρυχωρίᾳ σκιρτᾷ τῆς φάρυγγος
-ὡς ἂν εἴποις καταχορεύουσα· εἶτα ἐμπήγνυται
-τῷ δειλαίῳ θηρατῇ τὰ κέντρα, καὶ ἑλκοῦταί οἱ τὰ
-ἔνδον καὶ ἀνοιδήσαντα αἷμα ἐκβάλλει πολὺ καὶ ἀποπνίγει,
-καὶ καινότατα δήπου ἀποκτείνασα ἀνῄρηται.
-</p>
-</div2>
-<div2 type="chapter" n="31">
-<p> ὀνύχων ἀκμαῖς καὶ ὀδόντων διατομαῖς θαρροῦσι
-καὶ ἄρκτοι καὶ λύκοι καὶ πάρδοι καὶ λέοντες· τὴν δὲ
-ὕστριχα ἀκούω ταῦτα μὲν οὐκ ἔχειν, οὐ μὴν ὅπλων
-ὑπὸ τῆς φύσεως ἀμυντηρίων ἀπολελεῖφθαι ἐρήμην.
-τοῖς γοῦν ἐπιοῦσιν ἐπὶ λύμῃ τὰς ἄνωθεν τρίχας οἱονεὶ
-βέλη ἐκπέμπει, καὶ εὐστόχως βάλλει πολλάκις, τὰ
-νῶτα φρίξασα· καὶ ἐκεῖναί γε πηδῶσιν, ὥσπερ οὖν
-ἔκ τινος ἀφειμέναι νευρᾶς.
-</p>
-</div2>
-<div2 type="chapter" n="32">
-<p> ἦ δεινὸν κακὸν καὶ νόσημα ἄγριον ἔχθρα καὶ
-<pb id="p.19"/>
-μῖσος συμφυές, εἴπερ οὖν καὶ τοῖς ἀλόγοις ἐντέτηκε
-καὶ αὐτοῖς ἐστι δυσέκνιπτα. μύραινα γοῦν πολύποδα
-μισεῖ, καὶ πολύπους καράβῳ πολέμιος, καὶ μυραίνῃ
-κάραβος ἔχθιστός ἐστι. μύραινα μὲν γὰρ ταῖς ἀκμαῖς
-τῶν ὀδόντων τὰς πλεκτάνας τῷ πολύποδι διακόπτει, 
-εἶτα μέντοι καὶ ἐς τὴν γαστέρα ἐσδῦσα αὐτῷ τὰ αὐτὰ
-δρᾷ, καὶ εἰκότως· ἣ μὲν γὰρ νηκτική, ὃ δὲ ἔοικεν
-ἕρποντι· εἰ δὲ καὶ τρέποιτο τὴν χρόαν κατὰ τὰς πέτρας,
-ἔοικεν αὐτῷ τὸ σόφισμα συμφέρειν οὐδὲ ἓν
-τοῦτο· ἔστι γὰρ συνιδεῖν ἐκείνη δεινὴ τοῦ ζῴου τὸ 
-παλάμημα. τούς γε μὴν καράβους αὐτοὶ συλλαβόντες
-ἐς πνῖγμα, ὅταν νεκροὺς ἐργάσωνται, τὰ κρέα
-ἐκμυζῶσιν αὐτῶν. κέρατα δὲ τὰ ἑαυτοῦ ὁ κάραβος
-ἀνεγείρας καὶ θυμωθεὶς ἐς αὐτά, προκαλεῖται μύραιναν.
-οὐκοῦν ἣ μὲν τοῦ ἀντιπάλου τὰ κέντρα, ὅσα 
-οἱ προβέβληται, ταῦτα οὐκ ἐννοοῦσα καταδάκνει· ὃ δὲ
-τὰς χηλὰς οἱονεὶ χεῖρας προτείνας, τῆς δέρης παρʼ
-ἑκάτερα ἐγκρατῶς ἐχόμενος οὐ μεθίησιν· ἣ δὲ ἀσχάλλει
-καὶ ἑαυτὴν ἑλίττει καὶ περιβάλλει τῶν ὀστράκων
-ταῖς ἀκμαῖς, ὧνπερ οὖν ἐς αὐτὴν πηγνυμένων μαλκίει 
-τε καὶ ἀπαγορεύει, καὶ τελευτῶσα παρειμένη
-κεῖται· ὃ δὲ τὴν ἀντίπαλον ποιεῖται δεῖπνον.
-</p>
-</div2>
-<div2 type="chapter" n="33">
-<p>τὴν μύραιναν τὸν ἰχθὺν τρέφει τὰ πελάγη. 
-ὅταν δὲ αὐτὴν τὸ δίκτυον περιλάβῃ, διανήχεται καὶ
-ζητεῖ ἢ βρόχον ἀραιὸν ἢ ῥῆγμα τοῦ δικτύου πάνυ 
-σοφῶς· καὶ ἐντυχοῦσα τούτων τινὶ καὶ διεκδῦσα
-ἐλευθέρα νήχεται αὖθις· εἰ δὲ τύχοι μία τῆσδε τῆς
-εὐερμίας, καὶ αἱ λοιπαὶ ὅσαι τοῦ αὐτοῦ γένους συνεαλώκασι
-κατὰ τὴν ἐκείνης φυγὴν ἐξίασιν, ὡς ὁδόν
-τινα λαβοῦσαι παρʼ ἡγεμόνος. 
-</p>
-</div2>
-<div2 type="chapter" n="34">
-<p>τὴν σηπίαν ὅταν μέλλωσιν αἱρεῖν οἱ τούτων 
-ἀγαθοὶ θηραταί, συνεῖσα ἐκείνη παρῆκε τὸ ἐξ ἑαυτῆς
-<pb id="p.20"/>
-ὑπόσφαγμα, καὶ καταχεῖται ἑαυτῆς, καὶ περιλαμβάνει
-καὶ ἀφανίζει πᾶσαν, καὶ κλέπτεται τὴν
-ὄψινὁ ἁλιεύς· καὶ ἣ μὲν ἐν ὀφθαλμοῖς ἐστιν, ὃ δὲ
-οὐχ ὁρᾷ. τοιοῦτόν τι καὶ τῷ Αἰνείᾳ νέφος περιβαλὼν
-ἠπάτησε τὸν Ἀχιλλέα ὁ Ποσειδῶν, ὡς Ὅμηρος λέγει.
-</p>
-</div2>
-<div2 type="chapter" n="35">
-<p> βασκάνων ὀφθαλμοὺς καὶ γοήτων φυλάττεται
-καὶ τῶν ζῴων τὰ ἄλογα φύσει τινὶ ἀπορρήτῳ καὶ
-θαυμαστῇ. ἀκούω γοῦν βασκανίας ἀμυντήριον τὰς
-φάττας δάφνης κλωνία ἀποτραγούσας λεπτὰ εἶτα
-μέντοι ταῖς ἑαυτῶν καλιαῖς ἐντιθέναι τῶν νεοττίων
-φειδοῖ· ἰκτῖνοι δὲ ῥάμνον, κίρκοι δὲ πικρίδα, αἵ γε
-μὴν τρυγόνες τὸν τῆς ἴρεως καρπόν, ἄγνον δὲ κόρακες,
-οἱ δὲ ἔποπες τὸ ἀδίαντον, ὅπερ οὖν καὶ καλλίτριχον
-καλοῦσί τινες, ἀριστερεῶνα δὲ κορώνη, καὶ
-κιττὸν ἅρπη, καρκίνον δὲ ἐρωδιός, πέρδιξ δὲ καλάμου
-φόβην, θαλλὸν δὲ αἱ κίχλαι μυρρίνης. προβάλλεται
-δὲ καὶ κόρυδος ἄγρωστιν, ἀετοὶ δὲ τὸν λίθον,
-ὅσπερ οὖν ἐξ αὐτῶν ἀετίτης κέκληται. λέγεται δὲ
-οὗτος ὁ λίθος καὶ γυναιξὶ κυούσαις ἀγαθὸν εἶναι,
-ταῖς ἀμβλώσεσι πολέμιος ὤν.
-</p>
-</div2>
-<div2 type="chapter" n="36">
-<p> ὁ ἰχθὺς ἡ νάρκη ὅτου ἂν καὶ προσάψηται τὸ ἐξ
-αὐτῆς ὄνομα ἔδωκέ τε καὶ ναρκᾶν ἐποίησεν. ἡ δὲ
-ἐχενηὶς ἐπέχει τὰς ναῦς, καὶ ἐξ οὗ ποιεῖ καλοῦμεν
-αὐτήν. κυούσης δὲ ἁλκυόνος ἵσταται μὲν τὰ πελάγη,
-εἰρήνην δὲ καὶ φιλίαν ἄγουσιν ἄνεμοι. κύει δὲ
-ἄρα χειμῶνος μεσοῦντος, καὶ ὅμως ἡ τοῦ ἀέρος γαλήνη
-δίδωσιν εὐημερίαν, καὶ ἁλκυονείας τηνικάδε τῆς
-ὥρας ἄγομεν ἡμέρας. ἴχνος δὲ λύκου πατεῖ κατὰ
-τύχην ἵππος, καὶ νάρκη περιείληφεν αὐτόν. εἰ δὲ
-ὑπορρίψειας ἀστράγαλον λύκου τετρώρῳ θέοντι, τὸ
-δὲ ὡς πεπηγὸς ἑστήξεται, τῶν ἵππων τὸν ἀστράγαλον
-<pb id="p.21"/>
-πατησάντων. λέων δὲ φύλλοις πρίνου τὸ ἴχνος
-ἐπιβάλλει, καὶ ναρκᾷ· δὲ καὶ ὁ λύκος, εἰ καὶ μόνον
-προσπελάσειε πετήλοις σκίλλης. ταῦτά τοι καὶ αἱ
-ἀλώπεκες ἐς τὰς εὐνὰς τῶν λύκων ἐμβάλλουσι, καὶ
-εἰκότως· διὰ γὰρ τὴν ἐξ αὐτῶν ἐπιβουλὴν νοοῦσιν  ἔχθιστα αὐτοῖς.
-</p>
-</div2>
-<div2 type="chapter" n="37">
-<p>οἱ πελαργοὶ λυμαινομένας αὐτῶν τὰ ᾠὰ τὰς 
-νυκτερίδας ἀμύνονται πάνυ σοφῶς· αἳ μὲν γὰρ προσαψάμεναι
-μόνον ἀνεμιαῖα ἐργάζονται καὶ ἄγονα
-αὐτά. οὐκοῦν τὸ ἐπὶ τούτοις φάρμακον ἐκεῖνό ἐστι. 
-πλατάνου φύλλα ἐπιφέρουσι ταῖς καλιαῖς· αἱ δὲ νυκτερίδες
-ὅταν αὐτοῖς γειτνιάσωσι, ναρκῶσι καὶ γίνονται
-λυπεῖν ἀδύνατοι. δῶρον δὲ ἄρα ἡ φύσις καὶ ταῖς
-χελιδόσιν ἔδωκεν οἷον. αἱ σίλφαι καὶ τούτων τὰ ᾠὰ
-ἀδικοῦσιν. οὐκοῦν αἱ μητέρες σελίνου κόμην προβάλλονται 
-τῶν βρεφῶν, καὶ ἐκείναις τὸ ἐντεῦθεν
-ἄβατά ἐστι. πολύποσι δὲ εἴ τις ἐπιβάλοι πήγανον,
-ἀκίνητοι μένουσιν, ὡς λέγει τις λόγος. ὄφεως δὲ εἰ
-καθίκοιο καλάμῳ, μετὰ τὴν πρώτην πληγὴν ἀτρεμεῖ
-καὶ νάρκῃ πεδηθεὶς ἡσυχάζει· εἰ δὲ ἐπαγάγοις δευτέραν 
-ἢ τρίτην, ἀνέρρωσας αὐτόν. καὶ μύραινα δὲ
-πληγεῖσα νάρθηκι ἐς ἅπαξ ἡσυχάζει· εἰ δὲ πλεονάκις,
-ἐς θυμὸν ἐξάπτεται. λέγουσι δὲ ἁλιεῖς καὶ πολύποδας
-ἐς τὴν γῆν προϊέναι, ἐλαίας θαλλοῦ ἐπὶ
-τῆς ᾐόνος κειμένου. θηρίων δὲ ἀλεξιφάρμακον ἦν 
-ἄρα πάντων πιμελὴ ἐλέφαντος, ἣν εἴ τις ἐπιχρίσαιτο,
-καὶ εἰ γυμνὸς ὁμόσε χωροίη τοῖς ἀγριωτάτοις, ἀσινὴς ἀπαλλάττεται.
-</p>
-</div2>
-<div2 type="chapter" n="38">
-<p>ὀρρωδεῖ ὁ ἐλέφας κεράστην κριὸν καὶ χοίρου 
-βοήν. οὕτω τοι, φασί, καὶ Ῥωμαῖοι τοὺς σὺν Πύρρῳ 
-τῷ Ἠπειρώτῃ ἐτρέψαντο ἐλέφαντας, καὶ ἡ νίκη σὺν
-τοῖς Ῥωμαίοις λαμπρῶς ἐγένετο. γυναικὸς δὲ ὡραίας
-<pb id="p.22"/>
-τόδε τὸ ζῷον ἡττᾶται καὶ παραλύεται τοῦ θυμοῦ
-ἐκκωφωθὲν ἐς τὸ κάλλος. καὶ ἀντήρα φασὶν ἐν τῇ
-Αἰγυπτίᾳ Ἀλεξάνδρου πόλει γυναικὸς στεφάνους πλεκούσης
-Ἀριστοφάνει τῷ Βυζαντίῳ ἐλέφας. ἀγαπᾷ δὲ
-ὁ αὐτὸς καὶ εὐωδίαν πᾶσαν, καὶ μύρων καὶ ἀνθέων
-κηλούμενος τῇ ὀσμῇ.
-ὅστις βούλεται κλὼψ ἢ λῃστὴς κύνας ἄγαν
-ἀγριωτάτους κατασιγάσαι καὶ θεῖναι φυγάδας, ἐκ
-πυρᾶς ἀνθρώπου δαλὸν λαβὼν ὁμόσε αὐτοῖς χωρεῖ,
-φασίν· οἱ δὲ ὀρρωδοῦσιν. ἀκήκοα δὲ καὶ ἐκεῖνον
-τὸν λόγον. λυκοσπάδα οἶν πέξας τις καὶ ἐριουργήσας
-καὶ χιτῶνα ἐργασάμενος λυπεῖ τὸν ἠσθημένον·
-ὀδαξησμὸν γὰρ ἐργάζεται, ὡς λόγος. ἔριν δὲ εἴ τις
-καὶ στάσιν ἐθέλοι ἐν τῷ συνδείπνῳ ἐργάσασθαι, δηχθέντα
-ὑπὸ κυνὸς λίθον ἐμβαλὼν τῷ οἴνῳ λυπεῖ τοὺς
-συμπότας ἐκμαίνων. κανθάροις δὲ κακόσμοις θηρίοις
-εἴ τις ἐπιρράνειε μύρου, οἳ δὲ τὴν εὐωδίαν οὐ
-φέρουσιν, ἀλλʼ ἀποθνήσκουσιν. οὕτω τοί φασι καὶ
-τοὺς βυρσοδέψας συντραφέντας ἀέρι κακῷ βδελύττεσθαι
-μύρον. λέγουσι δὲ Αἰγύπτιοι καὶ τοὺς ὄφεις
-πάντας ἴβεων πτερὰ δεδιέναι.
-</p>
-</div2>
-<div2 type="chapter" n="39">
-<p> θηρῶσι τὰς τρυγόνας οἱ τούτων ἀκριβοῦντες τὰ
-θήρατρα, καὶ μάλιστα τῆς πείρας οὐ διαμαρτάνουσι
-τὸν τρόπον τοῦτον. ἑστήκασιν ὀρχούμενοι καὶ ᾅδοντες
-εὖ μάλα μουσικῶς· αἳ δὲ καὶ τῇ ἀκοῇ θέλγονται
-καὶ τῇ ὄψει τῆς ὀρχήσεως κηλοῦνται καὶ προσίασιν
-ἐγγυτέρω. οἳ δὲ ὑπαναχωροῦσιν ἡσυχῆ καὶ βάδην,
-ἔνθα δήπου καὶ ὁ δόλος ταῖς δειλαίαις πρόκειται,
-δίκτυα ἐκπεπταμένα· εἶτα ἐμπίπτουσιν ἐς αὐτὰ καὶ
-ἁλίσκονται, ὀρχήσει καὶ ᾠδῇ ᾑρημέναι πρῶτον.
-</p>
-</div2>
-<div2 type="chapter" n="40">
-<p> ὄρκυνος ὄνομα κητώδης ἰχθὺς οὐκ ἄσοφος ἐς τὰ
-αὑτοῦ λυσιτελέστατα, δῶρον λαχὼν φύσει τοῦτο, οὐ
-<pb id="p.23"/>
-τέχνῃ. ὅταν γοῦν περιπαρῇ τῷ ἀγκίστρῳ, καταδύει
-αὑτὸν ἐς βυθὸν καὶ ὠθεῖ καὶ προσαράττει τῷ δαπέδῳ,
-καὶ κρούει τὸ στόμα, ἐκβαλεῖν τὸ ἄγκιστρον
-ἐθέλων· εἰ δὲ ἀδύνατον τοῦτο εἴη, εὐρύνει τὸ τραῦμα,
-καὶ ἐκπτύεται τὸ λυποῦν αὐτὸν καὶ ἐξάλλεται. 
-πολλάκις δὲ οὐκ ἔτυχε τῆς πείρας, καὶ ὁ θηρατὴς
-ἄκοντα ἀνασπάσας ἔχει τὴν ἄγραν.
-</p>
-</div2>
-<div2 type="chapter" n="41">
-<p>Δειλότατος ἰχθύων ὁ μελάνουρος, καὶ ἔχει τῆς 
-δειλίας μάρτυρας τοὺς ἁλιεῖς. οὔτε γοῦν κύρτῳ λαμβάνονται
-οὗτοι, οὔτε προσίασιν αὐτῷ· σαγήνη δὲ εἴ 
-ποτε αὐτοὺς περιλάβοι, οἳ δὲ ἀγνοοῦντες ἑαλώκασι.
-καὶ ὅταν μὲν ᾖ ὑπεύδια καὶ λεία ἡ θάλαττα, οἳ δὲ
-ἄρα κάτω που πρὸς ταῖς πέτραις ἢ τοῖς φυκίοις ἡσυχάζουσι,
-καὶ προβάλλονται πᾶν ὅ τι δύνανται, τὸ
-σῶμα ἀφανίζοντες. ἐὰν δὲ ᾖ χειμέρια, τοὺς ἄλλους 
-ὁρῶντες καταδύντας ἐκ τῆς τῶν κυμάτων προσβολῆς
-ἐς τὸν βυθόν, οἳ δὲ ἀναθαρροῦσι, καὶ τῇ γῇ προς1 πελάζουσι,
-καὶ ταῖς πέτραις προσνέουσι, καὶ ἡγοῦνταί
-σφισι πρόβλημα ἱκανὸν εἶναι τὸν ὑπερνηχόμενον
-ἀφρὸν καλύπτοντά τε αὐτοὺς καὶ ἐπηλυγάζοντα. 
-συνιᾶσι δὲ εὖ μάλα ἀπορρήτως ὅτι τοῖς ἁλιεῦσιν ἐν
-ἡμέρᾳ τοίᾳ ἢ νυκτὶ ἐς τὴν θάλαττάν ἐστιν ἄβατα,
-ἀγριαινούσης τῆς θαλάττης καὶ τῶν κυμάτων αἰρομένων
-μετεώρων τε καὶ φοβερῶν. ἔχουσι δὲ καὶ
-τροφὴν ἐν χειμῶνι, τοῦ κλύδωνος τὰ μὲν ἀποσπῶντος 
-ἐκ τῶν πετρῶν, τὰ δὲ ἐπισύροντος ἐκ τῆς γῆς·
-σιτοῦνται δὲ μελάνουροι τὰ ῥυπαρώτερα καὶ ὅσα οὐκ
-ἂν ῥᾳδίως ἰχθὺς ἄλλος ἂν πάσαιτο, εἰ μὴ πάνυ λιμῷ
-πιέζοιτο. ἐν γαλήνῃ δὲ ἐπὶ τῆς ἄμμου μόνης σαλεύουσι,
-καὶ ἐκεῖθεν βόσκονται. ὅπως δὲ ἁλίσκονται,  ἐρεῖ ἄλλος.
-</p>
-</div2>
-<div2 type="chapter" n="42">
-<p>ἀετὸς δὲ ὀρνίθων ὀξυωπέστατος. καὶ Ὅμηρος 
-<pb id="p.24"/>
-αὐτῷ σύνοιδε καὶ τοῦτο, καὶ μαρτυρεῖ ἐν τῇ Πατροκλείᾳ,
-εἰκάζων τὸν Μενέλεων τῷ ὄρνιθι, ὅτε ἀνεζήτει
-Ἀντίλοχον, ἵνα ἄγγελον ἀποστείλῃ τῷ Ἀχιλλεῖ,
-πικρὸν μέν, ἀναγκαῖον δέ, ὑπὲρ τοῦ πάθους τοῦ
-κατὰ τὸν ἑταῖρον αὐτοῦ, ὃν ἐξέπεμψε μέν, οὐχ ὑπεδέξατο
-δέ, καίτοι ποθῶν ἐκεῖνος τοῦτο. λέγεται
-δὲ μὴ ἑαυτῷ μόνῳ χρήσιμος, ἀλλὰ καὶ ἀνθρώπων
-ὀφθαλμοῖς ὁ ἀετὸς ἀγαθὸς εἶναι. εἰ γοῦν μέλιτί τις
-Ἀττικῷ τὴν χολὴν αὐτοῦ διαλαβὼν ὑπαλείψαιτο
-ἀμβλυνόμενος, ὄψεται καὶ ὀξυτάτους γοῦν ἰδεῖν ἕξει
-τοὺς ὀφθαλμούς.
-</p>
-</div2>
-<div2 type="chapter" n="43">
-<p> ἀηδὼν ὀρνίθων λιγυρωτάτη τε καὶ εὐμουσοτάτη,
-καὶ κατᾴδει τῶν ἐρημαίων χωρίων εὐστομώτατα
-ὀρνίθων καὶ τορώτατα. λέγουσι δὲ καὶ τὰ κρέα αὐτῆς
-ἐς ἀγρυπνίαν λυσιτελεῖν. πονηροὶ μὲν οὖν οἱ
-τοιαύτης τροφῆς δαιτυμόνες καὶ ἀμαθεῖς δεινῶς·
-πονηρὸν δὲ τὸ ἐκ τῆς τροφῆς δῶρον, φυγὴ ὕπνου,
-τοῦ καὶ θεῶν καὶ ἀνθρώπων βασιλέως, ὡς Ὅμηρος λέγει.
-</p>
-</div2>
-<div2 type="chapter" n="44">
-<p> τῶν γεράνων αἱ κλαγγαὶ καλοῦσιν ὄμβρους, ὥς
-φασιν· ὁ δὲ ἐγκέφαλος γυναικῶν ἐς χάριν ἀφροδίσιον
-ἔχει τινὰς ἴυγγας, εἴ τῳ ἱκανοὶ τεκμηριῶσαι οἱ
-πρῶτοι φυλάξαντες ταῦτα.
-</p>
-</div2>
-<div2 type="chapter" n="45">
-<p> γυπῶν πτερὰ εἰ θυμιάσειέ τις, ὡς ἀκούω, καὶ ἐκ
-φωλεῶν καὶ ἐξ εἰλυῶν τοὺς ὄφεις προάξει ῥᾷστα.
-τὸ ζῷον ὁ δρυοκολάπτης ἐξ οὗ δρᾷ καὶ κέκληται.
-ἔχει μὲν γὰρ ῥάμφος ἐπίκυρτον, κολάπτει δὲ
-ἄρα τούτῳ τὰς δρῦς, καὶ ἐνταυθοῖ ὡς ἐς καλιὰν
-τοὺς νεοττοὺς ἐντίθησιν, οὐ δεηθεὶς καρφῶν καὶ
-τῆς ἐξ αὐτῶν πλοκῆς καὶ οἰκοδομίας οὐδὲ ἕν. οὐκοῦν
-εἴ τις λίθον ἐνθεὶς ἐπιφράξειε τῷ ὀρνέῳ τῷ
-προειρημένῳ τὴν ἔσδυσιν, ὃ δὲ συμβαλὼν τὴν ἐπιβουλὴν
-<pb id="p.25"/>
-κομίζει πόαν ἐχθρὰν τῷ λίθῳ· ὃ δὲ οἷα
-βαρούμενος καὶ μὴ φέρων ἐξάλλεται, καὶ ἀνέῳγεν
-αὖθις τῷ προειρημένῳ ἡ φίλη ὑποδρομή.
-</p>
-</div2>
-<div2 type="chapter" n="46">
-<p>οἱ συνόδοντες οὐκ εἰσὶ μονίαι, οὐδὲ τὴν ἀπʼ 
-ἀλλήλων ἐρημίαν τε καὶ διαίρεσιν ἀνέχονται. φιλοῦσι 
-δὲ συναγελάζεσθαι καθʼ ἡλικίαν. καὶ οἱ μὲν νεώτεροι
-κατὰ ἴλας νήχονται, οἱ δὲ ἐντελέστεροι πάλιν
-κοινῇ· καὶ τὸ τοῦ λόγου τοῦτο ἧλιξ ἥλικα καὶ ἐκεῖνοι
-τέρπουσι, παρόντες παροῦσιν ὡς ἑταίροις καὶ φίλοις
-ἐκ τῶν αὐτῶν ἐπιτηδευμάτων τε καὶ διατριβῶν. 
-τεχνάζονται δὲ πρὸς τοὺς θηρατὰς ὁποῖα. ὅταν
-ἁλιεὺς ἀνὴρ τὸ ἐς αὐτοὺς δέλεαρ καθῇ, περιελθόντες
-πάντες καὶ κυκλόσε γενόμενοι ἐς ἀλλήλους ὁρῶσιν,
-οἱονεὶ σύνθημα ἕκαστος ἑκάστῳ διδόντες μήτε
-πλησιάσαι μήτε ἅψασθαι τοῦ καθειμένου δελεάσματος. 
-καὶ οἱ μὲν παρατεταγμένοι ἐς τοῦτο ἀτρεμοῦσιν·
-ἐκ δὲ ἀλλοτρίας ἀγέλης συνόδων ἀφίκετο, καὶ
-καταπίνει τὸ ἄγκιστρον, ἐρημίας λαβὼν μισθὸν τὴν
-ἅλωσιν. καὶ ὃ μὲν ἀνασπᾶται, οἳ δὲ ἤδη θαρροῦσιν
-ὡς οὐχ ἁλωσόμενοι, καὶ καταφρονήσαντες οὕτω θηρῶνται. 
-</p>
-</div2>
-<div2 type="chapter" n="47">
-<p>φρύγεται διὰ τοῦ θέρους ὁ κόραξ τῷ δίψει κολαζόμενος, 
-καὶ βοᾷ τὴν τιμωρίαν μαρτυρόμενος, ὥς
-φασι. καὶ τὴν αἰτίαν λέγουσιν ἐκείνην. ὁ Ἀπόλλων
-αὐτὸν θεράποντα ὄντα ὑδρευσόμενον ἀποπέμπει· ὃ 
-δὲ ἐντυγχάνει ληίῳ βαθεῖ μέν, ἔτι δὲ χλωρῷ, καὶ
-μένει ἔστʼ ἂν αὖον γένηται, τῶν πυρῶν παραχναῦσαι
-βουλόμενος, καὶ τοῦ προστάγματος ὠλιγώρησε.
-καὶ ὑπὲρ τούτων ἐν τῇ μάλιστα αὐχμηροτάτῃ ὥρᾳ
-διψῶν δίκας ἐκτίνει. τοῦτο ἔοικε μύθῳ μέν, εἰρήσθω 
-δʼ οὖν τῇ τοῦ θεοῦ αἰδοῖ.
-</p>
-</div2>
-<div2 type="chapter" n="48">
-<p>ὁ κόραξ, ὄρνιν αὐτόν φασιν ἱερόν, καὶ Ἀπόλλωνος 
-<pb id="p.26"/>
-ἀκόλουθον εἶναι λέγουσι. ταῦτά τοι καὶ μαντικοῖς
-συμβόλοις ἀγαθὸν ὁμολογοῦσι τὸν αὐτόν, καὶ
-ὀττεύονταί γε πρὸς τὴν ἐκείνου βοὴν οἱ συνιέντες
-ὀρνίθων καὶ ἕδρας καὶ κλαγγὰς καὶ πτήσεις αὐτῶν
-ἢ κατὰ λαιὰν χεῖρα ἢ κατὰ δεξιάν.
-Προσακούω δὲ καὶ ᾠὰ κόρακος μελαίνειν τρίχας.
-καὶ χρὴ τὸν δολοῦντα τὴν ἑαυτοῦ κόμην ἔλαιον ἐν
-τῷ στόματι ἔχειν συμμύσαντα· εἰ δὲ μή, καὶ οἱ
-ὀδόντες αὐτῷ σὺν τῇ τριχὶ μελαίνονται δυσέκπλυτοί
-τε καὶ δυσέκνιπτοι.
-</p>
-</div2>
-<div2 type="chapter" n="49">
-<p> ὁ μέροψ τὸ ὄρνεον ἔμπαλίν φασι τοῖς ἄλλοις
-ἅπασι πέτεται· τὰ μὲν γὰρ ἐς τοὔμπροσθεν
-ἵεται καὶ κατʼ ὀφθαλμούς, ὃ δὲ ἐς τοὐπίσω. καὶ
-ἔπεισί μοι θαυμάζειν τὴν φύσιν τῆς ἐπισήμου καὶ
-παραδόξου καὶ ἀήθους φορᾶς, ἣν ἐκεῖνο ἄττει τὸ ζῷον.
-</p>
-</div2>
-<div2 type="chapter" n="50">
-<p> ἡ μύραινα ὅταν ὁρμῆς ἀφροδισίου ὑποπλησθῇ,
-πρόεισιν ἐς τὴν γῆν, καὶ ὁμιλίαν ποθεῖ νυμφίου
-καὶ μάλα πονηροῦ· πάρεισι γὰρ εἰς ἔχεως φωλεόν,
-καὶ ἄμφω συμπλέκονται. ἤδη δέ φασι καὶ ὁ ἔχις
-οἰστρήσας καὶ ἐκεῖνος ἐς μίξιν ἀφικνεῖται πρὸς τὴν
-θάλατταν, καὶ οἷον εἰ κωμαστὴς σὺν τῷ αὐλῷ θυροκοπεῖ,
-οὕτω τοι καὶ ἐκεῖνος συρίσας τὴν ἐρωμένην
-παρακαλεῖ, καὶ αὐτὴ πρόεισι, τῆς φύσεως τὰ ἀλλήλων
-διῳκισμένα συναγούσης ἐς ἐπιθυμίαν τὴν
-ὁμοίαν καὶ κοῖτον τὸν αὐτόν.
-</p>
-</div2>
-<div2 type="chapter" n="51">
-<p> ῥάχις ἀνθρώπου νεκροῦ φασιν ὑποσηπόμενον
-τὸν μυελὸν ἤδη τρέπει ἐς ὄφιν· καὶ ἐκπίπτει τὸ
-θηρίον, καὶ ἕρπει τὸ ἀγριώτατον ἐκ τοῦ ἡμερωτάτου·
-καὶ τῶν μὲν καλῶν καὶ ἀγαθῶν τὰ λείψανα ἀναπαύεται,
-καὶ ἔχει ἆθλον ἡσυχίαν, ὥσπερ οὖν καὶ ἡ
-ψυχὴ τῶν τοιούτων τὰ ᾀδόμενά τε καὶ ὑμνούμενα ἐκ
-<pb id="p.27"/>
-τῶν σοφῶν· πονηρῶν δὲ ἀνθρώπων ῥάχεις τοιαῦτα
-τίκτουσι καὶ μετὰ τὸν βίον. ἢ τοίνυν τὸ πᾶν μῦθός
-ἐστιν, ἤ, εἰ ταῦτʼ ἀψευδῶς πεπίστευται, πονηροῦ
-νεκρός, ὡς κρίνειν ἐμέ, ὄφεως γενέσθαι πατὴρ τοῦ
-τρόπου μισθὸν ἠνέγκατο. 
-</p>
-</div2>
-<div2 type="chapter" n="52">
-<p>χελιδὼν δὲ ἄρα τῆς ὥρας τῆς ἀρίστης ὑποσημαίνει 
-τὴν ἐπιδημίαν. καὶ ἔστι φιλάνθρωπος, καὶ
-χαίρει τῷδε τῷ ζῴῳ ὁμωρόφιος οὖσα, καὶ ἄκλητος
-ἀφικνεῖται, καὶ ὅτε οἱ φίλον καὶ ἔχει καλῶς, ἀπαλλάττεται.
-καὶ οἵ γε ἄνθρωποι ὑποδέχονται αὐτὴν 
-κατὰ τὸν τῆς Ὁμηρικῆς ξενίας θεσμόν, ὃς κελεύει
-καὶ φιλεῖν τὸν παρόντα καὶ ἰέναι βουλόμενον ἀποπέμπειν.
-</p>
-</div2>
-<div2 type="chapter" n="53">
-<p>ἔχει τι πλεονέκτημα ἡ αἲξ τὴν τοῦ πνεύματος 
-εἰσροήν, ὡς οἱ νομευτικοὶ λόγοι φασίν. ἀναπνεῖ γὰρ 
-καὶ διὰ τῶν ὤτων καὶ διὰ τῶν μυκτήρων, καὶ αἰσθητικώτατον
-τῶν διχήλων ἐστί. καὶ τὴν μὲν αἰτίαν
-εἰπεῖν οὐκ οἶδα, ὃ δὲ οἶδα τοῦτο εἶπον. εἰ δὲ ποίημα
-Προμηθέως καὶ αἴξ, τί βουλόμενος τοῦτο εἰργάσατο,
-εἰδέναι καταλιμπάνω αὐτόν. 
-</p>
-</div2>
-<div2 type="chapter" n="54">
-<p>καὶ ἔχεως δῆγμα καὶ ὄφεως ἄλλου φασὶν ἀντιπάλων 
-μὴ διαμαρτάνειν φαρμάκων. καὶ τὰ μὲν αὐτῶν
-ἀκούω πώματα εἶναι, τὰ δὲ χρίματα· καὶ ἐπαοιδαὶ
-δὲ ἐπράυναν τὸν ἐγχρισθέντα ἰόν. ἀσπίδος δὲ
-ἀκούω μόνης δῆγμα ἀνίατον εἶναι καὶ ἐπικουρίας 
-κρεῖττον. καὶ μισεῖν ἄξιον τὸ ζῷον τῆς εὐκληρίας τῆς
-ἐς τὸ κακόν. ἀλλὰ καὶ τούτου θηρίον μιαρώτερον
-καὶ ἀφυλακτότερον γυνὴ φαρμακίς, οἵαν ἀκούομεν
-καὶ τὴν Μήδειαν καὶ τὴν Κίρκην· τὰ μὲν γὰρ τῶν
-ἀσπίδων φάρμακα δήγματος ἔργα ἐστί, τὰ δὲ ἐκείνων 
-ἀναιρεῖ καὶ ἐκ μόνης τῆς ἁφῆς, φασίν.
-</p>
-</div2>
-<div2 type="chapter" n="55">
-<p>κυνῶν θαλαττίων τρία γένη. καὶ οἳ μὲν αὐτῶν 
-<pb id="p.28"/>
-εἰσι μεγέθει μέγιστοι, καὶ κητῶν ἐν τοῖς ἀλκιμωτάτοις
-ἀριθμοῖντο ἄν· γένη δὲ δύο τὰ λοιπά, πηλαῖοιμὲν
-τὴν φύσιν, προήκουσι δὲ ἐς πῆχυν τὸ
-μέγεθος. καὶ τούτων οἱ μὲν κατεστιγμένοι καλοῖντο
-ἂν γαλεοί, κεντρίνας δὲ ὀνομάζων τοὺς λοιποὺς
-οὐκ ἂν διαμαρτάνοις. οἱ μὲν οὖν ποικίλοι
-καὶ τὴν δοράν εἰσι μαλακώτεροι καὶ τὴν κεφαλὴν
-πλατύτεροι· οἱ δὲ ἕτεροι σκληροὶ τὴν δορὰν ὄντες
-τὴν κεφαλὴν δὲ ἀνήκουσαν ἐς ὀξὺ ἔχοντες τὴν
-χρόαν ἐς τὸ λευκὸν ἀποκρίνονται. κέντρα δὲ ἄρα
-αὐτοῖς συμπέφυκε τὸ μὲν κατὰ τὴν λοφιάν, ὡς
-ἂν εἴποις, τὸ δὲ κατὰ τὴν οὐράν· σκληρὰ δὲ ἄρα
-τὰ κέντρα καὶ ἀπειθῆ ἐστι, καὶ ἰοῦ τι προσβάλλει.
-ἁλίσκεται δὲ τῶν κυνῶν τῶν σμικρῶν τῶνδε
-ἑκάτερον τὸ φῦλον ἐκ τῆς ἰλύος καὶ τοῦ πηλοῦ,
-καὶ ἡ ἄγρα, εἰπεῖν αὐτὴν οὐ χεῖρόν ἐστι. δέλεαρ
-αὐτῶν καθιᾶσιν ἰχθὺν λευκὸν ἐκτετμημένον
-τὴν ῥάχιν. ὅταν τοίνυν εἷς ἁλῷ καὶ τῷ ἀγκίστρῳ
-περιπέσῃ, πάντες οἱ θεασάμενοι ἐμπηδῶσιν αὐτῷ
-καὶ κάτωθεν ἑλκομένῳ ἕπονται καὶ μέχρι τῆς νεὼς
-οὐκ ἀναστελλόμενοι, ὡς εἰκάσαι ζηλοτυπίᾳ δρᾶν
-ταῦτα αὐτούς, οἷα ἐκείνου τι τῶν ἐς τροφὴν ἑαυτῷ
-μόνῳ ποθὲν ἀποσυλήσαντος· καὶ ἐς τὴν ναῦν γε
-αὐτὴν ἐσεπήδησάν τινες πολλάκις, καὶ ἑκόντες
-ἑάλωσαν.
-</p>
-</div2>
-<div2 type="chapter" n="56">
-<p> τῆς τρυγόνος τῆς θαλαττίας τὸ κέντρον ἐστὶν
-ἀπρόσμαχον. ἐκέντησε γὰρ καὶ ἀπέκτεινε παραχρῆμα,
-καὶ πεφρίκασιν αὐτῆς τόδε τὸ ὅπλον καὶ οἱ τῶν
-ἁλιέων δεινοὶ τὰ θαλάττια· οὔτε γὰρ ἄλλος ἰάσεται
-τὸ τραῦμα οὔτε ἡ τρώσασα· μόνῃ γάρ, ὡς τὸ εἰκός,
-τῇ Πηλιώτιδι μελίῃ τοῦτο ἐδέδοτο.
-<pb id="p.29"/>
-</p>
-</div2>
-<div2 type="chapter" n="57">
-<p>λεπτὸν θηρίον ὁ κεράστης. ἔστι δὲ ὄφις, καὶ 
-ὑπὲρ τοῦ μετώπου κέρατα ἔχει δύο, καὶ ἔοικε τοῖς
-τοῦ κοχλίου τὰ κέρατα, οὐ μήν ἐστιν ὡς ἐκείνων
-ἁπαλά. οὐκοῦν τοῖς μὲν ἄλλοις τῶν Λιβύων εἰσὶ πολέμιοι·
-ἔστι δὲ αὐτοῖς πρὸς τοὺς καλουμένους Ψύλλους 
-ἔνσπονδα, οἵπερ οὖν οὔτε αὐτοὶ δακόντων ἐπαΐουσι,
-καὶ τοὺς τῷ τοιούτῳ κακῷ περιπεσόντας ἰῶνται
-ῥᾷστα. καὶ ὁ τρόπος, ἐὰν πρὶν ἢ πρησθῆναι τὸ πᾶν
-σῶμα ἀφίκηταί τις τῶν ἐκεῖθεν κλητὸς ἢ κατὰ τύχην,
-εἶτα τὸ μὲν στόμα ὕδατι ἐκκλύσηται, ἀπονίψῃ δὲ τὰς 
-χεῖρας ἑτέρῳ, καὶ πιεῖν τῷ δηχθέντι δῷ ἑκάτερον,
-ἀνερρώσθη τε ἐκεῖνος καὶ κακοῦ παντὸς ἐξάντης τὸ
-ἐντεῦθέν ἐστι. διαρρεῖ δὲ καὶ λόγος Λιβυκὸς ὁ λέγων,
-Ψύλλον ἄνδρα τὴν ἑαυτοῦ γαμετὴν ὑφορᾶσθαι
-καὶ μισεῖν ὡς μεμοιχευμένην καὶ μέντοι καὶ τὸ ἐξ 
-αὐτῆς βρέφος ὑποπτεύειν ὡς νόθον τε καὶ τῷ σφετέρῳ
-γένει κίβδηλον. πεῖραν οὖν καθεῖναι καὶ μάλα
-ἐλεγκτικήν φασιν αὐτόν. λάρνακα πληρώσας κεραστῶν
-ἐμβάλλει τὸ βρέφος, οἱονεὶ πυρὶ τὸν χρυσὸν
-τεχνίτης τὸ παιδίον ἐξελέγχων ἐκεῖνος τῇ ἀποθέσει. 
-καὶ οἳ μὲν παραχρῆμα ἐπανίσταντο καὶ ἠγρίαινον
-καὶ τὴν συμφυῆ κακίαν ἠπείλουν· ἐπεὶ δὲ τὸ παιδίον
-αὐτῶν προσέψαυσεν, οἳ δὲ ἐμαράνθησαν, καὶ
-ἐντεῦθεν ὁ Λίβυς ἔγνω οὐ νόθου ἀλλὰ γόνου γνησίου
-πατὴρ ὤν. λέγονται δὲ καὶ τῶν ἑτέρων δακέτων 
-καὶ φαλαγγίων δὲ ἀντίπαλοι τόδε τὸ γένος εἶναι.
-καὶ ταῦτά γε εἰ τερατεύονται Λίβυες, οὐκ ἐμέ,
-ἀλλʼ αὑτοὺς ἀπατῶντες ἴστωσαν.
-</p>
-</div2>
-<div2 type="chapter" n="58">
-<p>μελιττῶν δὲ ἐπίβουλοι καὶ ἐχθροὶ εἶεν ἂν ἐκεῖνοι, 
-οἵ τε αἰγίθαλοι καλούμενοι καὶ τὰ τούτων νεόττια 
-καὶ οἱ σφῆκες καὶ αἱ χελιδόνες καὶ οἱ ὄφεις καὶ
-αἱ φάλαγγες καὶ αἱ λύγγαι. καὶ αἳ μὲν δεδίασι ταῦτα,
-<pb id="p.30"/>
-οἱ δʼ οὖν μελιττουργοὶ ἐλαύνουσιν αὐτὰ ἀπʼ αὐτῶν
-ἢ κόνυζαν ἐπιθυμιάσαντες ἢ χλωρὰν ἔτι μήκωνα
-πρὸ τῶν σίμβλων καταστήσαντες ἢ καταστρώσαντες.
-καὶ ταῦτα μὲν τοῖς ἄλλοις ἐχθρά ἐστι τοῖς προειρημένοις,
-σφηκῶν δὲ ἅλωσις ἐκείνη ἂν εἴη. κύρτον
-ἀπαρτῆσαι χρὴ πρὸ τῆς σφηκιᾶς καὶ ἐνθεῖναι αὐτῷ
-λεπτὴν μεμβράδα ἢ μαινίδα ὀλίγην καὶ σὺν τούτοις
-ἴωπα ἢ χαλκίδα· οἱ δὲ σφῆκες ὑπὸ τῆς ἐμφύτου
-γαστριμαργίας ἑλκόμενοι, καλοῦντος αὐτοὺς τοῦ δελεάσματος,
-ἐσπίπτουσιν ἀθρόοι, καὶ περιλαβόντος
-αὐτοὺς τοῦ κύρτου οὐκ ἔστιν αὐτοῖς τὴν ὀπίσω οὐκέτι
-ἐκπτῆναι. καὶ οἱ σαῦροι δὲ ἐπιβουλεύουσι ταῖς
-μελίτταις καὶ οἱ κροκόδειλοι οἱ χερσαῖοι· ὄλεθρος
-δὲ καὶ τούτοις ἐπιτετέχνηται ἐκεῖνος. ἄλφιτα γὰρ
-ἐλλεβόρῳ δεύσαντες ἢ τιθυμάλλου ὀπῷ ὑποχέαντες
-ἢ μαλάχης χυλῷ διασπείρουσι πρὸ τῶν σίμβλων τὰ
-ἄλφιτα· ὅπερ οὖν ὄλεθρον φέρει τοῖς προειρημένοις
-ἀπογευσαμένοις αὐτῶν. ἐμβαλὼν δὲ ἐς τὴν λίμνην
-φλόμου φύλλα ἢ κάρυα ἀπώλεσε τοὺς γυρίνους ὁ
-τῶν μελιττῶν δεσπότης ῥᾷστα. αἱ δὲ φάλαγγες ἀπόλλυνται
-νύκτωρ, ἐνακμάζοντος λύχνου τεθέντος πρὸ
-τῶν σμηνῶν καὶ ἀγγείων ἐλαίου πεπληρωμένων τῷ
-λύχνῳ ὑποκειμένων· αἳ δὲ πρὸς τὴν αὐγὴν πετόμεναι
-ἐμπίπτουσιν ἐς τὸ ἔλαιον καὶ ἀπολώλασιν· ἑτέρως
-δὲ οὐκ ἂν αἱρεθεῖεν ῥᾷστα. οἱ δὲ αἰγίθαλοι ἀλφίτων
-οἴνῳ διαβραχέντων ἀπογευσάμενοι καρηβαροῦσιν,
-εἶτα πίπτουσι, καὶ κείμενοι σπαίρουσι, καὶ
-εἰσὶν αἱρεθῆναι γελοῖοι, ἀναπτῆναι μὲν σπεύδοντες,
-ἀρχὴν δὲ ἀναστῆναι μὴ δυνάμενοι. οἳ δὲ τὴν χελιδόνα
-αἰδοῖ τῆς μουσικῆς οὐκ ἀποκτείνουσι, καίτοι
-ῥᾳδίως ἂν αὐτὴν τοῦτο δράσαντες· ἀπόχρη δὲ αὐτοῖς
-<pb id="p.31"/>
-κωλύειν τὴν χελιδόνα πλησίον τῶν σίμβλων καλιὰν ὑποπῆξαι.
-ἀπεχθάνονται δὲ ἄρα αἱ μέλιτται κακοσμίᾳ πάσῃ
-καὶ μύρῳ ὁμοίως, οὔτε τὸ δυσῶδες ὑπομένουσαι οὔτε
-ἀσπαζόμεναι τῆς εὐωδίας τὸ τεθρυμμένον, οἷα δήπου 
-κόραι ἀστεῖαί τε καὶ σώφρονες τὸ μὲν βδελυττόμεναι
-τῆς δὲ ὑπερφρονοῦσαι.
-</p>
-</div2>
-<div2 type="chapter" n="59">
-<p>Κῦρος μέν, ὥς φασιν, ὁ πρεσβύτερος μέγα ἐφρόνει 
-ἐπὶ τοῖς βασιλείοις τοῖς ἐν Περσεπόλει, οἷσπερ
-οὖν αὐτὸς ᾠκοδομήσατο, Δαρεῖος δὲ ἐπὶ τῇ κατασκευῇ 
-τῇ τῶν οἰκοδομημάτων τῶν Σουσείων· καὶ
-γὰρ καὶ ἐκεῖνος ἐν Σούσοις τὰ ᾀδόμενα ἐκεῖνα εἰργάσατο.
-Κῦρος δὲ ὁ δεύτερος ἐν Λυδίᾳ παράδεισον
-αὐτὸς κατεφύτευσε ταῖς χερσὶ ταῖς βασιλικαῖς ἐν
-τοῖς ἁβροῖς ἐκείνοις χιτῶσι καὶ τοῖς τερπνοῖς ἐκείνοις 
-καὶ μέγα τιμίοις λίθοις, καὶ ἐπὶ τούτῳ γε ἐκαλλύνετο
-καὶ πρὸς ἄλλους μὲν τῶν Ἑλλήνων, ἀτὰρ οὖν
-καὶ πρὸς Λύσανδρον τὸν Λακεδαιμόνιον, ὅτε ἦλθε
-πρὸς τὸν Κῦρον ὁ Λύσανδρος ἐς τὴν Λυδίαν. καὶ ὑπὲρ
-μὲν τούτων ᾅδουσιν οἱ συγγραφεῖς, αἱ δὲ τῶν μελιττῶν 
-οἰκοδομαὶ σοφώτεραι οὖσαι κατὰ πολὺ καὶ τεχνηέστεραι,
-ἀλλὰ τούτων γε οὐδὲ ὀλίγην ἔθεντο ὤραν·
-ἐκεῖνοι μὲν γὰρ πολλοὺς λυπήσαντες εἰργάσαντο ὅσα
-εἰργάσαντο· οὐδὲν δὲ ἄρα ἦν μελιττῶν εὐχαριτώτερον,
-ἐπεὶ μηδὲ σοφώτερον ἦν. πρώτους μὲν γὰρ ἐργάζονται 
-τοὺς θαλάμους τοὺς τῶν βασιλέων, καὶ εὐρυχωρίαν
-ἔχουσιν οὗτοι, καὶ εἰσὶν ἀνώτεροι· καὶ
-ἕρκος δὲ περιβάλλουσι τούτοις, οἱονεὶ τεῖχος εἶναι
-καὶ περίβολον, ἀποσεμνύνουσαι καὶ ἐκ τούτου τὴν
-οἴκησιν τὴν βασίλειον. διαιροῦσι δὲ αὑτὰς ἐς τρία 
-καὶ οὖν καὶ τὰς οἰκήσεις τὰς ἑαυτῶν ἐς τοσαῦτα. αἱ
-μὲν γὰρ πρεσβύταται γειτνιῶσι τῇ τῶν βασιλέων
-<pb id="p.32"/>
-αὐλῇ, αἱ δὲ νεώταται μετὰ ταύτας οἰκοῦσιν, αἱ δὲ ἐν
-ἥβῃ καὶ ἀκμῇ οὖσαι ἐξωτέρω ἐκείνων, ὡς εἶναι τὰς
-μὲν πρεσβυτάτας φρουροὺς τῶν βασιλέων, τὰς δὲ
-νεάνιδας ἕρκος τῶν νεωτάτων.
-</p>
-</div2>
-<div2 type="chapter" n="60">
-<p> Λἐγει μέν τις λόγος ἀκέντρους εἶναι τοὺς τούτων
-βασιλέας· λέγει δὲ καὶ ἕτερος καὶ πάνυ ἐρρωμένα
-τὰ κέντρα συμπεφυκέναι αὐτοῖς καὶ τεθηγμένα
-ἀνδρειότατα· οὔτε δὲ ἐπʼ ἀνδρί ποτε χρῆσθαι αὐτοῖς
-οὔτε ἐπὶ ταῖς μελίτταις, ἀλλὰ συμπεπλάσθαι
-φόβον ἄλλως· μὴ γὰρ θέμις εἶναι τὸν ἄρχοντα καὶ
-τῶν τοσούτων ἔφορον κακὸν ἐργάσασθαι. καὶ τὰς
-μελίττας δὲ τὰς λοιπὰς ὁμολογοῦσιν οἱ τούτων ἐπιστήμονες
-ἐν ὄψει τῶν ἀρχόντων τῶν σφετέρων ὑποκλίνειν
-τὰ κέντρα, οἱονεὶ τῆς ἐξουσίας ἀφισταμένας
-καὶ παραχωρούσας. ἑκάτερον δʼ ἄν τις ἐκπλαγείη τὸ
-τῶν βασιλέων ἐκείνων· εἴτε γὰρ μὴ ἔχουσι πόθεν
-ἀδικήσουσι, μέγα τοῦτο· εἴτε καὶ παρὸν ἀδικῆσαι
-μὴ ἀδικοῦσιν, ἀλλὰ τοῦτό γε μακρῷ κρεῖττόν ἐστιν.</p>
-</div2>
-</div1>
-<div1 type="book" n="2">
-<div2 type="chapter" n="1">
-<p>ὅταν τὰ ἤθη τὰ τῶν Θρᾳκῶν καὶ τοὺς κρυμοὺς
-ἀπολείπωσι τοὺς Θρᾳκίους αἱ γέρανοι, ἀθροίζονται
-μὲν ἐς τὸν Ἕβρον, λίθον δʼ ἑκάστη καταπιοῦσα, ὡς
-ἔχειν καὶ δεῖπνον καὶ πρὸς τὰς ἐμβολὰς τῶν ἀνέμων
-ἕρμα, πειρῶνται τοῦ μετοικισμοῦ καὶ τῆς ἐπὶ τὸν
-Νεῖλον ὁρμῆς, ἀλέας τε καὶ χειμερίου συντροφίας
-πόθῳ τῆς ἐκεῖθι. μελλουσῶν δὲ αὐτῶν αἴρεσθαι καὶ
-τοῦ πρόσω ἔχεσθαι, ὁ παλαίτατος γέρανος περιελθὼν
-τὴν πᾶσαν ἀγέλην ἐς τρίς, εἶτα μέντοι πεσὼν ἀφίησι
-<pb id="p.33"/>
-τὴν ψυχήν. ἐνταῦθα οὖν οἱ λοιποὶ θάπτουσι μὲν
-τὸν νεκρόν, φέρονται δὲ εὐθὺ τῆς Αἰγύπτου, τὰ
-μήκιστα πελάγη περαιούμενοι τῷ ταρσῷ τῶν πτερῶν,
-καὶ οὔτε ὁρμίζονταί που οὔτε ἀναπαύονται.
-σπείροντας δὲ τοὺς Αἰγυπτίους καταλαμβάνουσι, 
-καὶ τράπεζαν ὡς ἂν εἴποις ἄφθονον τὴν ἐν ταῖς
-ἀρούραις εὑρόντες εἶτα ἄκλητοι ξενίων μεταλαγχάνουσιν.
-</p>
-</div2>
-<div2 type="chapter" n="2">
-<p>τίκτεσθαι μὲν ἐν ὄρεσι ζῷα καὶ ἐν ἀέρι καὶ ἐν 
-θαλάττῃ, θαῦμα οὔπω μέγα· ὕλη γὰρ καὶ τροφὴ καὶ 
-φύσις ἡ τούτων αἰτία· ἔκγονα δὲ πυρὸς πτηνὰ εἶναι
-τοὺς καλουμένους πυριγόνους, καὶ ἐν αὐτῷ βιοῦν
-καὶ τεθηλέναι, καὶ δεῦρο καὶ ἐκεῖσε περιποτᾶσθαι,
-τοῦτο ἐκπληκτικόν. καὶ τὸ ἔτι θαῦμα, ὅταν ἔξω τοῦ
-πυρὸς τοῦ συντρόφου ἐκνεύσωσι καὶ ἀέρος ψυχροῦ 
-μεταλάχωσιν, ἐνταῦθα δὴ τεθνήκασι. καὶ ἥτις ἡ αἰτία
-τίκτεσθαι μὲν πυρί, ἀέρι δὲ ἀπόλλυσθαι, λεγέτωσαν ἄλλοι.
-</p>
-</div2>
-<div2 type="chapter" n="3">
-<p>οἱ μὲν ὄρνιθες οἱ ἕτεροι ἀναβαίνονται, ὡς λόγος, 
-αἱ δὲ χελιδόνες οὔ, ἀλλὰ τούτων γε ἐναντία ἡ 
-μίξις ἐστί. καὶ τὸ αἴτιον οἶδεν ἡ φύσις. λέγει δὲ ὁ
-πλείων λόγος ὅτι πεφρίκασι τὸν Τηρέα καὶ δεδοίκασι
-μή ποτε ἄρα προσερπύσας λάθρᾳ εἶτα ἐργάσηται
-τραγῳδίαν καινήν. ἦν δὲ ἄρα καὶ τοῦτο χελιδόνι
-δῶρον ἐκ τῆς φύσεως, ὥς γε ἐμὲ κρίνειν, τὸ τιμιώτατον· 
-πηρωθεῖσα τὴν ὄψιν περόναις ἐὰν τύχῃ, ὁρᾷ
-αὖθις. τί οὖν ἔτι τὸν Τειρεσίαν ᾅδομεν, καίτοι μὴ
-ἐνταυθὶ μόνον, ἀλλὰ καὶ ἐν ᾅδου σοφώτατον, ὡς
-Ὅμηρος λέγει;
-</p>
-</div2>
-<div2 type="chapter" n="4">
-<p>ζῷα ἐφήμερα οὕτω κέκληται, λαβόντα τὸ ὄνομα 
-ἐκ τοῦ μέτρου τοῦ κατὰ τὸν βίον· τίκτεται γὰρ
-ἐν τῷ οἴνῳ, καὶ ἀνοιχθέντος τοῦ σκεύους τὰ δὲ
-<pb id="p.34"/>
-ἐξέπτη καὶ εἶδε τὸ φῶς καὶ τέθνηκεν. οὐκοῦν παρελθεῖν
-μὲν αὐτοῖς ἐς τὸν βίον ἔδωκεν ἡ φύσις, τῶν
-δὲ ἐν αὐτῷ κακῶν ἐρρύσατο τὴν ταχίστην, μήτε τι
-τῶν ἰδίων συμφορῶν ᾐσθημένοις μήτε μήν τινος
-</p>
-</div2>
-<div2 type="chapter" n="5">
-<p> τῶν ἀλλοτρίων μάρτυσι γεγενημένοις.
-ἤδη μέντοι τις καὶ ἀσπίδος ἐν μακρῷ τῷ χρόνῳ
-πληγὴν ἰάσατο ἢ τομὴν παραλαβὼν ἢ πῦρ ὑπομείνας
-εὖ μάλα τλημόνως ἢ ἀναγκαίοις φαρμάκοις τὸ
-κακόν, ἵνα μὴ πρόσω ἑρπύσῃ, στήσας ὁ δείλαιος·
-σπιθαμὴ δὲ βασιλίσκου τὸ μῆκός ἐστι, καὶ μέντοι καὶ
-θεασάμενος ὁ τῶν ὄφεων μήκιστος αὐτὸν οὐκ ἐς
-ἀναβολὰς ἀλλὰ ἤδη ἐκ τῆς τοῦ φυσήματος προσβολῆς
-αὖός ἐστιν. εἰ δὲ ἄνθρωπος κατέχοι ῥάβδον, εἶτα
-ταύτην ἐκεῖνος ἐνδάκοι, τέθνηκεν ὁ κύριος τῆς λύγου.
-</p>
-</div2>
-<div2 type="chapter" n="6">
-<p> τὴν τῶν δελφίνων φιλομουσίαν καὶ τὸ τῶν αὐτῶν
-ἐρωτικόν, τὸ μὲν ᾅδουσι Κορίνθιοι, καὶ ὁμολογοῦσιν
-αὐτοῖς Λέσβιοι, τὸ δὲ Ἰῆται· τὰ μὲν Ἀρίονος
-τοῦ Μηθυμναίου ἐκεῖνοι, τά γε μὴν ἐν τῇ Ἴῳ ὑπὲρ
-τοῦ παιδὸς τοῦ καλοῦ καὶ τῆς νήξεως αὐτοῦ καὶ τοῦ
-δελφῖνος οἱ ἕτεροι. λέγει δὲ καὶ Βυζάντιος ἀνήρ,
-Λεωνίδης ὄνομα, ἰδεῖν αὐτὸς παρὰ τὴν Αἰολίδα
-πλέων ἐν τῇ καλουμένῃ Ποροσελήνῃ πόλει δελφῖνα
-ἠθάδα καὶ ἐν λιμένι τῷ ἐκείνων οἰκοῦντα καὶ ὥσπερ
-οὖν ἰδιοξένοις χρώμενον τοῖς ἐκεῖθι. καὶ ἐπί γε τούτῳ
-ὁ αὐτὸς λέγει πρεσβῦτίν τινα καὶ γέροντα δὲ
-συνοικοῦντα αὐτῇ ἐκθρέψαι τόνδε τὸν τρόφιμον δελέατά
-οἱ προτείνοντας καὶ μάλα γε ἐφολκά. καὶ μέντοι
-καὶ ὁμότροφός οἱ ἦν ὁ τῶν πρεσβυτῶν υἱός, καὶ
-ἐτιθηνοῦντο ἄμφω τὸν δελφῖνα καὶ τὸν παῖδα τὸν
-σφέτερον, καί πως ἐκ τῆς συντροφίας ἐλαθέτην
-ἐς ἔρωτα ἀλλήλων ὑπελθόντε ὅ τε ἄνθρωπος καὶ
-τὸ ζῷον, καί, τοῦτο δὴ τὸ ᾀδόμενον, ὑπέρσεμνος
-<pb id="p.35"/>
-ἀντέρως ἐτιμᾶτο ἐν τοῖς προειρημένοις. ὁ τοίνυν
-δελφὶς ὡς μὲν πατρίδα ἐφίλει τὴν Ποροσελήνην, ὡς
-δὲ ἴδιον οἶκον ἠγάπα τὸν λιμένα, καὶ δὴ καὶ τὰ τροφεῖα
-τοῖς θρεψαμένοις ἀπεδίδου. καὶ τούτων γε
-ἐκεῖνος ἦν ὁ τρόπος. τέλειος ὢν τῆς ἀπὸ χειρὸς τροφῆς 
-ἐδεῖτο ἥκιστα, ἤδη γε μὴν καὶ περαιτέρω προνέων
-καὶ περινηχόμενος καὶ σκοπῶν ἄγρας ἐναλίους
-τὰ μὲν ἑαυτῷ δεῖπνον εἶχε, τὰ δὲ τοῖς οἰκείοις ἀπέφερεν·
-οἳ δὲ ᾔδεσαν τοῦτο καὶ μέντοι καὶ ἀνέμενον
-τὸν ἐξ αὐτοῦ φόρον ἀσμένως. καὶ μία μὲν ἦν ἥδε ἡ 
-πρόσοδος, ἐκείνη δὲ ἄλλη. ὄνομα τῷ δελφῖνι ὡς τῷ
-παιδὶ οἱ θρεψάμενοι ἔθεντο· καὶ ὁ παῖς τῇ συντροφίᾳ
-θαρρῶν, τοῦτο αὐτὸν ἐπί τινος προβλῆτος στὰς
-τόπου ἐκάλει, καὶ ἅμα τῇ κλήσει καὶ ἐκολάκευεν· ὃ
-δέ, εἴτε πρὸς εἰρεσίαν ἡμιλλᾶτό τινα, εἴτʼ ἐκυβίστα 
-τῶν ἄλλων ὅσοι περὶ τὸν χῶρον ἐπλανῶντο ἀγελαῖοι
-κατασκιρτῶν, εἴτʼ ἐθήρα ἐπειγούσης τῆς γαστρὸς
-αὐτόν, ἐπανῄει καὶ μάλα γε ὤκιστα δίκην ἐλαυνομένης
-νεὼς πολλῷ τῷ ῥοθίῳ, καὶ πλησίον τῶν παιδικῶν
-γενόμενος συμπαίστης τε ἦν καὶ συνεσκίρτα, 
-καὶ πῇ μὲν τῷ παιδὶ παρενήχετο, πῇ δὲ ὁ δελφὶς
-οἷα προκαλούμενος εἶτα μέντοι ἐς τὴν ἅμιλλαν τὴν
-πρὸς αὑτὸν τὰ παιδικὰ ὑπῆγε. καὶ τὸ ἔτι θαῦμα,
-ἀπέστη καὶ τῆς πρώτης ποτὲ καὶ δὴ καὶ ὑπενήξατο
-αὐτῷ, οἷα νικώμενος ἡδέως δήπου. ταῦτα τοίνυν 
-ἐκεκήρυκτο, καὶ τοῖς πλέουσιν ὅραμα ἐδόκει σὺν καὶ
-τοῖς ἄλλοις ὅσα ἡ πόλις ἀγαθὰ εἶχε, καὶ τοῖς πρεσβύταις
-καὶ τῷ μειρακίῳ πρόσοδος ἦν.
-</p>
-</div2>
-<div2 type="chapter" n="7">
-<p>ἐν Λιβύῃ ἡμιόνους ἢ τετρωμένους Ἀρχέλαος 
-λέγει ἢ ἀπειπόντας ὑπὸ δίψους ἐρρῖφθαι νεκροὺς 
-πολλούς. πολλάκις δὲ ὄφεων ἐπιρρεῦσαν φῦλον πάμπολυ
-τῶν κρεῶν ἐσθίειν· ἐπὰν δὲ βασιλίσκου συρίγματος
-<pb id="p.36"/>
-ἀκούσῃ, τὰ μὲν ὑπὸ τοῖς εἰλυοῖς καὶ τῇ
-ψάμμῳ ἀφανίζεσθαι τὴν ταχίστην καὶ ἀποκρύπτεσθαι,
-τὸν δὲ προσελθόντα κατὰ πολλὴν τὴν εἰρήνην
-δειπνεῖν, εἶτα αὖθις ὑποσυρίζειν καὶ ἀπαλλάττεσθαι,
-τοὺς δὲ ἡμιόνους καὶ τὸ δεῖπνον τὸ ἐξ
-αὐτῶν σημαίνεσθαι τὸ ἐντεῦθεν, τὸ τοῦ λόγου τοῦτο, ἄστροις.
-</p>
-</div2>
-<div2 type="chapter" n="8">
-<p> λόγοι φασὶν Εὐβοέων δεῦρο φοιτῶντες, τοὺς
-ἁλιέας τοὺς ἐκεῖσε τοῖς δελφῖσι τοῖς ἐκεῖθι ἰσομοιρίαν
-τῆς θήρας ἀπονέμειν· καὶ ἀκούω τὴν ἄγραν τοιαύτην.
-γαλήνην εἶναι χρή, καὶ εἰ ταῦθʼ οὕτως ἔχει,
-τῆς πρῴρας τῶν ἀκατίων κοίλας τινὰς ἐξαρτῶσιν
-ἐσχαρίδας πυρὸς ἐνακμάζοντος· καὶ εἰσὶ διαφανεῖς,
-ὡς καὶ στέγειν τὸ πῦρ καὶ μὴ κρύπτειν τὸ φῶς.
-ἰπνοὺς καλοῦσιν αὐτάς. οἱ τοίνυν ἰχθῦς δεδίασι τὴν
-αὐγὴν καὶ τὴν λαμπηδόνα δυσωποῦνται· καὶ οἳ μὲν
-οὐκ εἰδότες ὅ τι βούλεται τὸ ὁρώμενον, πλησιάζουσι,
-μαθεῖν βουλόμενοι τοῦ φοβοῦντος σφᾶς τὴν αἰτίαν·
-εἶτα ἐκπλαγέντες ἢ πρός τινι πέτρᾳ ἡσυχάζουσιν
-ἀθρόοι παλλόμενοι τῷ δέει ἢ ἐς τὴν ᾐόνα ἐκπίπτουσιν
-ὠθούμενοι, καὶ ἐοίκασι τοῖς ἐμβεβροντημένοις.
-οὕτω γε μὴν διακειμένους ῥᾷστόν ἐστιν ἤδη καὶ
-τριαίνῃ πατάξαι. ἐπειδὰν οὖν θεάσωνται οἱ δελφῖνες
-τοὺς ἁλιέας τὸ πῦρ ἐξάψαντας, ἑαυτοὺς εὐτρεπίζουσι.
-καὶ οἳ μὲν ἠρέμα ὑπερέττουσιν, οἱ δὲ δελφῖνες
-τοὺς ἐξωτέρω τῶν ἰχθύων φοβοῦντες ὠθοῦσι
-καὶ τοῦ διαδιδράσκειν ἀναστέλλουσιν. οὐκοῦν ἐκεῖνοι
-πιεζόμενοι πανταχόθεν καὶ τρόπον τινὰ κεκυκλωμένοι
-ἔκ τε τῆς τούτων εἰρεσίας καὶ τῆς νήξεως
-τῆς ἐκείνων συνιᾶσιν ἄφυκτα εἶναι σφίσι, καὶ παραμένουσι
-καὶ ἁλίσκονται πάμπολύ τι χρῆμα. καὶ οἱ
-δελφῖνες προσίασιν ὡς ἀπαιτοῦντες τοῦ κοινοῦ πόνου
-<pb id="p.37"/>
-τὴν ἐπικαρπίαν τὴν ὀφειλομένην σφίσιν ἐκ τῆς
-νομῆς, καὶ οἵ γε ἁλιεῖς πιστῶς καὶ εὐγνωμόνως
-ἀφίστανται τοῖς συνθήροις τοῦ δικαίου μέρους, εἰ
-βούλονται καὶ πάλιν σφίσι συμμάχους ἀκλήτους παρεῖναι
-καὶ ἀπροφασίστους. πιστεύουσι γὰρ οἱ ἐκεῖ 
-θαλαττουργοὶ ὅτι παραβάντες ἕξουσιν ἐχθροὺς οὓς
-εἶχον πρότερον φίλους.
-</p>
-</div2>
-<div2 type="chapter" n="9">
-<p>ἔλαφος ὄφιν νικᾷ, κατά τινα φύσεως δωρεὰν 
-θαυμαστήν· καὶ οὐκ ἂν αὐτὸν διαλάθοι ἐν τῷ φωλεῷ
-ὢν ὁ ἔχθιστος, ἀλλὰ προσερείσας τῇ καταδρομῇ
-</p>
-</div2>
-<div2 type="chapter" n="10">
-<p>τοῦ δακέτου τοὺς ἑαυτοῦ μυκτῆρας βιαιότατα ἐσπνεῖ, 
-καὶ ἕλκει ὡς ἴυγγι τῷ πνεύματι, καὶ ἄκοντα προάγει,
-καὶ προκύπτοντα αὐτὸν ἐσθίειν ἄρχεται· καὶ μάλιστά
-γε διὰ χειμῶνος δρᾷ τοῦτο. ἤδη μέντοι τις
-καὶ κέρας ἐλάφου ξέσας, εἶτα τὸ ξέσμα ἐς πῦρ ἐνέβαλε,
-καὶ ὁ καπνὸς ἀνιὼν διώκει τοὺς ὄφεις πανταχόθεν, 
-μηδὲ τὴν ὀσμὴν ὑπομένοντας.
-ἔστι μὲν τὴν ἄλλως ὁ ἵππος γαῦρον· καὶ γὰρ 
-καὶ τὸ μέγεθος καὶ τὸ τάχος αὐτὸν καὶ τοῦ αὐχένος
-τὸ ὑψηλὸν καὶ ἡ τῶν σκελῶν ὑγρότης καὶ ἡ
-τῶν ὁπλῶν κροῦσις ἐς φρύαγμα καὶ τῦφον ἀνάγει· 
-μάλιστα δὲ κομῶσα ἵππος ἁβρότατόν τέ ἐστι
-καὶ θρυπτικώτατον. ἀτιμάζει γοῦν ἀναβῆναι τοὺς
-ὄνους αὐτήν, ἵππῳ δὲ γαμουμένη ἥδεται, καὶ ἑαυτὴν
-ἀξιοῖ τῶν μεγίστων. ὅπερ οὖν συνειδότες οἱ
-βουλόμενοι ἡμιόνους σφίσι γενέσθαι, ἀποθρίσαντες 
-τῆς ἵππου τὴν χαίτην εἰκῆ καὶ ὡς ἔτυχεν, εἶτα μέντοι
-τοὺς ὄνους ἐπάγουσιν· ἣ δὲ ὑπομένει τὸν ἄδοξον
-ἤδη γαμέτην, πρῶτον αἰδουμένη. καὶ Σοφοκλῆς
-δὲ ἔοικε μεμνῆσθαι τοῦ πάθους.
-</p>
-</div2>
-<div2 type="chapter" n="11">
-<p>περὶ μὲν τῆς τῶν ἐλεφάντων σοφίας εἶπον ἀλλαχόθι, 
-καὶ μέντοι καὶ περὶ τῆς θήρας αὐτῶν καὶ ταύτης
-<pb id="p.38"/>
-εἶπον ὀλίγα ἐκ πολλῶν ὧν ἔφασαν ἄλλοι. τὸ δὲ
-νῦν ἔχον ἔοικα ἐρεῖν περί τε εὐμουσίας αὐτῶν καὶ
-εὐπειθείας καὶ τῆς ἐς τὰ μαθήματα εὐκολίας, χαλεπὰ
-ὅμως ὄντα καὶ ἀνθρώπῳ τυχεῖν, μή τι γοῦν
-τοσούτῳ θηρίῳ καὶ οὕτω τέως ἀγριωτάτῳ συγγενέσθαι.
-χορείαν γὰρ καὶ ὀρχηστικὴν καὶ βαίνειν πρὸς
-ῥυθμὸν καὶ αὐλοῦ ἀσμένως ἀκούειν καὶ συνιέναι
-ἤχων διαφοράς, ἢ βραδύνειν ἐνδιδόντων ἢ ταχύνειν
-παρορμώντων, μαθὼν οἶδεν ἐλέφας, καὶ ἀκριβοῖ καὶ
-οὐ σφάλλεται. οὕτως ἄρα ἡ φύσις μεγέθει μὲν αὐτὸν
-μέγιστον εἰργάσατο, μάθησις δὲ πραότατον ἀπέφηνε
-καὶ εὐάγωγον. εἰ μὲν οὖν ἔμελλον τὴν ἐν Ἰνδοῖς
-αὐτῶν εὐπείθειαν καὶ εὐμάθειαν ἢ τὴν ἐν Αἰθιοπίᾳ
-ἢ τὴν ἐν Λιβύῃ γράφειν, ἴσως ἄν τῳ καὶ
-μῦθον ἐδόκουν τινὰ συμπλάσας κομπάζειν, εἶτα ἐπὶ
-φήμῃ τοῦ θηρίου τῆς φύσεως καταψεύδεσθαι· ὅπερ
-ἐχρῆν δρᾶν φιλοσοφοῦντα ἄνδρα ἥκιστα καὶ ἀληθείας
-ἐραστὴν διάπυρον. ἃ δὲ αὐτὸς εἶδον καὶ ἅτινα
-πρότερον ἐν τῇ Ῥώμῃ πραχθέντα ἀνέγραψαν
-ἄλλοι προειλόμην εἰπεῖν, ἐπιδραμὼν ὀλίγα ἐκ πολλῶν,
-οὐχ ἥκιστα καὶ ἐντεῦθεν ἀποδεικνὺς τὴν τοῦ
-ζῴου ἰδιότητα. ἡμερωθεὶς ἐλέφας πραότατόν ἐστι,
-καὶ ἄγεται ῥᾷστα ἐς ὅ τί τις θέλει. καὶ τά γε πρεσβύτατα
-τιμῶν τὸν χρόνον ἐρῶ πρῶτον. θέας ἐπετέλει
-Ῥωμαίοις ὁ Γερμανικὸς ὁ Καῖσαρ· εἴη δʼ ἂν ἀδελφιδοῦς
-Τιβερίου οὗτος. οὐκοῦν ἐγένοντο καὶ ἄρρενες
-ἐν τῇ Ῥώμῃ τέλειοι πλείους καὶ θήλειαι, εἶτα
-ἐξ αὐτῶν ἐτέχθησαν αὐθιγενεῖς. καὶ ὅτε τὰ κῶλα
-ὑπήρξαντο πήγνυσθαι, σοφὸς ἀνὴρ ὁμιλεῖν τοιούτοις
-θηρίοις ἐπώλευσεν αὐτούς, δαιμονίᾳ τινὶ καὶ ἐκπληκτικῇ
-διδασκαλίᾳ μεταχειρισάμενος. προσῆγε δὲ αὐτοὺς
-ἄρα ἡσυχῆ τήν γε πρώτην καὶ πράως τοῖς διδάγμασι
-<pb id="p.39"/>
-δελέατα ἄττα ἐπάγων καὶ τροφὰς ἡδίστας
-καὶ πεποικιλμένας ἐς τὸ ἐπαγωγόν τε καὶ ἐφολκόν,
-ὡς εἴ τι μὲν ἦν ἀγριότητος, τοῦτο ἐκβαλεῖν, ἀπαυτομολῆσαι
-δὲ πρὸς τὸ ἥμερον καὶ ἁμωσγέπως ἀνθρώπειον.
-καὶ ἦν γε τὰ μαθήματα αὐλῶν ἀκούοντας μὴ 
-ἐκμαίνεσθαι, καὶ τυμπάνων ἀράβου κροτοῦντος μὴ
-ταράττεσθαι, καὶ κηλεῖσθαι σύριγγι, φέρειν δὲ καὶ
-ἤχους ἐκμελεῖς καὶ ποδῶν ἐμβαινόντων ψόφον καὶ
-ᾠδὴν συμμιγῆ· ἐξεπονήθησαν δὲ καὶ ἀνθρώπων
-πλῆθος μὴ δεδιέναι. ἦν δὲ καὶ ἐκεῖνα διδάγματα 
-ἀνδρικά, πρὸς τὴν τῆς πληγῆς καταφορὰν μὴ θυμοῦσθαι,
-μηδὲ μὴν ἀναγκαζομένους λυγίζειν τι τῶν
-μελῶν καὶ κάμπτειν ὀρχηστικῶς τε καὶ χορικῶς εἶτα
-ἐς θυμὸν ἐξάπτεσθαι, καὶ ταῦτα ῥώμης τε καὶ ἀλκῆς
-εὖ ἥκοντας. φύσει μὲν οὖν τοῦτο πλεονέκτημα ἤδη 
-καὶ μάλα γεννικόν, μὴ ἔχειν ἀτάκτως μηδὲ ἀπειθῶς
-πρὸς παιδεύματα ἀνθρωπικά· ἐπεὶ δὲ ἀπέφηνεν αὐτοὺς
-ὁ ὀρχηστοδιδάσκαλος καὶ μάλα γε σοφούς, καὶ
-ἠκρίβουν τὰ ἐκ τῆς παιδεύσεως, οὐκ ἐψεύσαντο τῆς
-διδασκαλίας τὸν πόνον, φασίν, ἔνθα ἐπιδείξασθαι 
-τὰ παιδεύματα αὐτοὺς ἡ χρεία σὺν τῷ καιρῷ παρεκάλει.
-δώδεκα μὲν γὰρ τὸν ἀριθμὸν ὅδε ὁ χορὸς
-ἦσαν· παρῆλθόν γε μὴν ἐντεῦθεν τοῦ θεάτρου καὶ
-ἐκεῖθεν νεμηθέντες, καὶ εἰσῄεσαν ἁβρὰ μὲν βαίνοντες,
-θρυπτικῶς δὲ τὸ σῶμα πᾶν διαχέοντες, καὶ 
-ἠμπείχοντο χορευτικὰς στολὰς καὶ ἀνθινάς. καὶ τοῦ
-γε χορολέκτου τῇ φωνῇ μόνον ὑποσημήναντος οἳ δὲ
-ἐπὶ στοῖχον ᾔεσαν, φασίν, εἰ τοῦτο ἐκέλευσεν ὁ διδάξας·
-εἶτα αὖ πάλιν περιήρχοντο ἐς κύκλον, ὑποσημήναντος
-ἰέναι ταύτῃ· καὶ εἰ ἐξελίττειν ἔδει, 
-ἔπραττον αὐτό, καὶ ἄνθη μέντοι ῥιπτοῦντες ἐκόσμουν
-τὸ δάπεδον οἵδε, μέτρῳ καὶ φειδοῖ δρῶντες,
-<pb id="p.40"/>
-καί τι καὶ ἐπεκτύπουν τοῖς ποσί, χόρειόν τε καὶ συμμελὲς
-ὁμορροθοῦντες οἱ αὐτοί. Δάμωνα μὲν οὖν καὶ
-Σπίνθαρον καὶ Ἀριστόξενον καὶ Φιλόξενον καὶ ἄλλους
-ἐπαΐειν μουσικῆς κάλλιστα καὶ ἐν ὀλίγοις ἐξετάζεσθαι
-τήνδε τὴν σοφίαν θαυμαστὸν μέν, ἄπιστον
-δὲ καὶ παράλογον οὐδαμῶς. τὸ δὲ αἴτιον, ἄνθρωπος
-ζῷόν ἐστι λογικὸν καὶ νοῦ καὶ λογισμοῦ
-χωρητικόν· ζῷον δὲ ἄναρθρον συνιέναι καὶ ῥυθμοῦ
-καὶ μέλους καὶ φυλάττειν σχῆμα καὶ ἐμμέλειαν μὴ
-παρατρέπειν καὶ ἀποπληροῦν τῶν διδαχθέντων τὴν
-ἀπαίτησιν, φύσεως δῶρα ταῦτα ἅμα καὶ ἰδιότης καθʼ
-ἕκαστον ἐκπληκτική. τὰ δὲ ἐπὶ τούτοις καὶ ἐκμῆναι
-τὸν θεατὴν ἱκανά· χαμαιζήλων κλινῶν στιβάδες ἐν
-τῇ ψάμμῳ τοῦ θεάτρου τεθεῖσαι, εἶτα ἐδέξαντο τυλεῖα
-καὶ ἐπὶ τούτοις στρωμνὴν ποικίλην, οἰκίας μέγα
-εὐδαίμονος καὶ παλαιοπλούτου σαφῆ μαρτύρια· καὶ
-κυλίκια ἦν πολυτελῆ παρακείμενα καὶ κρατῆρες χρυσοῖ
-καὶ ἀργυροῖ, καὶ ἐν αὐτοῖς ὕδωρ πάμπολυ, τράπεζαί
-τε παρέκειντο θύου τε καὶ ἐλέφαντος εὖ μάλα
-σοβαραί, καὶ ἦν ἐπʼ αὐτῶν κρέα καὶ ἄρτοι, παμβορωτάτων
-ἐμπλῆσαι ζῴων γαστέρας ἱκανὰ ταῦτα.
-ἐπεὶ δὲ τὰ τῆς παρασκευῆς ἔκπλεά τε καὶ ἀμφιλαφῆ
-ἦν, παρῆλθον οἱ δαιτυμόνες, ἓξ μὲν ἄρρενες, ἰσάριθμοι
-δὲ αἱ θήλειαι αὐτοῖς· καὶ οἳ μὲν ἀρρενωπὸν
-στολὴν εἶχον, αἳ δὲ θῆλυν, καὶ κατεκλίνησαν σὺν
-κόσμῳ συνδυασθέντες ἄρρεν τε καὶ θῆλυ. καὶ ὑποσημήναντος
-τὰς προβοσκίδας ὡς χεῖρας κεκολασμένως
-προύτεινον, καὶ ἐσιτοῦντο εὖ μάλα σωφρόνως·
-καὶ οὔτε τις αὐτῶν ἔδοξεν ἀδηφάγος οὔτε μὴν προτένθης
-τις ἢ τῆς μοίρας τῆς μείζονος ἁρπακτικός,
-ὡς ὁ Πέρσης ὁ παρὰ τῷ Ξενοφῶντι τῷ χρυσῷ. ἐπεὶ δὲ
-πίνειν ἔδει, ἑκάστῳ κρατὴρ παρετέθη, καὶ ἀρυτόμενοι
-<pb id="p.41"/>
-ταῖς προβοσκίσι τὸ ποτὸν ἔπινον κεκοσμημένως, εἶτα
-ἀπέρραινον σὺν παιδιᾷ καὶ οὐχ ὕβρει. πολλὰ δὲ καὶ
-ἄλλα ἀνέγραψαν τοιαῦτα τῆς ἰδιότητος τῶνδε τῶν
-ζῴων σοφὰ καὶ ἐκπληκτικά. ἐγὼ δὲ εἶδον καὶ γράμματα
-γράφοντα ἐπὶ πίνακος Ῥωμαῖα ἀστραβῶς τῇ 
-προβοσκίδι καὶ ἀτρέπτως· πλὴν ἐπέκειτο ἡ χεὶρ τοῦ
-διδάξαντος ἐς τὴν τῶν γραμμάτων παιδαγωγοῦσα
-περιγραφήν, ἔστε ἀπογράψαι τὸ ζῷον· τὸ δὲ ἀτενὲς
-ἑώρα κάτω. πεπαιδευμένους εἶναι τοὺς ὀφθαλμοὺς
-τῷ ζῴῳ καὶ γραμματικοὺς εἶπες ἄν. 
-</p>
-</div2>
-<div2 type="chapter" n="12">
-<p>ἔχει μέντοι καὶ ὁ λαγὼς συμφυεῖς ἰδιότητας. 
-ἐκπεπταμένοις μὲν γὰρ τοῖς βλεφάροις καθεύδει, κάτηγορεῖ
-δὲ αὑτοῦ τὰ ἔτη τρώγλας τινὰς ὑποφαίνων.
-φέρει δὲ καὶ ἐν τῇ νηδύι τὰ μὲν ἡμιτελῆ, τὰ δὲ ὠδίνει,
-τὰ δὲ ἤδη οἱ τέτεκται. 
-</p>
-</div2>
-<div2 type="chapter" n="13">
-<p>τὰ κήτη τὰ μεγάλα πάντα ἄνευ κυνῶν δεῖται 
-τοῦ ἡγεμόνος, καὶ τοῖς ὀφθαλμοῖς ἐκείνου ἄγεται.
-ἔστι δὲ ἰχθὺς μικρὸς καὶ λεπτός, τὴν κεφαλὴν προμήκης·
-στενὸν δὲ αὐτῷ τὸ οὐραῖον συμπέφυκεν, ὡς οἱ
-τούτων λέγουσι σοφοί. εἴτε δὲ αὐτὸν ἐκεῖνον παρέδωκε 
-τῷ κήτει ἡ φύσις ἑκάστῳ, εἴτε φιλίᾳ αὐτῷ
-ἑκὼν πρόσεισιν, οὐκ οἶδα· φύσεως δὲ ἀνάγκην εἶναι
-τὸ πραττόμενον μᾶλλον πεπίστευκα. νήχεται γὰρ ὅδε
-ὁ ἰχθὺς οὐδεπώποτε ἑαυτῷ, πρόεισι δὲ τῆς τοῦ κήτους
-κεφαλῆς, καὶ ἡγεμών ἐστιν αὐτοῦ, καὶ ὡς εἰπεῖν 
-οἴαξ. προορᾷ γοῦν ἐκείνῳ τὰ πάντα καὶ προαισθάνεται
-τῷ αὐτῷ, καὶ προδιδάσκει ἕκαστα τῆς οὐρᾶς
-τῷ ἄκρῳ, καὶ παρέψαυσε τούτῳ, καὶ ἔδωκε σύνθημα,
-καὶ τῶν μὲν φοβερῶν ἀνέστειλεν, ἐπί γε μὴν τὰ
-θρέψοντα προάγει, καὶ τὴν ἐκ τῶν θηρατῶν ἐπιβουλὴν 
-διδάσκει σημείῳ τινὶ ἀτεκμάρτῳ, καὶ τῶν τόπων
-ὧν οὐ χρὴ τοσοῦτον θηρίον ἐπιβῆναι προμηνύει,
-<pb id="p.42"/>
-ἵνα μή ποτε ἄρδην ἐς ἕρμα περισχεθὲν ἀπόληται,
-ἡ τοίνυν τοῦ βίου ὑπόθεσις τῷ μεγίστῳ τὸ βράχιστόν
-ἐστιν. ἔοικε δὲ καταπιανθὲν τὸ ζῷον μήτε ὁρᾶν
-ἔτι μήτε ἀκούειν, εἶναι δὲ πρόβλημα καὶ τῆς ὄψεως
-καὶ τῆς ἀκοῆς τῶν σαρκῶν τὸν ὄγκον. οὐχ ὁρᾶται
-δὲ τοῦ κήτους ἔρημος, ἀλλὰ ἀνάγκη, τοῦ πάντων
-αὐτῷ τῶν προειρημένων αἰτίου προαπολωλότος, καὶ
-ἐκεῖνο ἀπολέσθαι.
-</p>
-</div2>
-<div2 type="chapter" n="14">
-<p> Χαμαιλέων τὸ ζῷον ἐς μίαν χρόαν οὐ πέφυκεν
-οὔτε ὁρᾶσθαι οὔτε γνωρίζεσθαι, κλέπτει δὲ ἑαυτὸν
-πλανῶν τε ἅμα καὶ παρατρέπων τὴν τῶν ὁρώντων
-ὄψιν. εἰ γὰρ περιτύχοις μέλανι τὸ εἶδος, ὃ δὲ ἐξέτρεψε
-τὸ μόρφωμα ἐς χλωρότητα, ὥσπερ οὖν μεταμφιεσάμενος·
-εἶτα μέντοι ἀλλοῖος ἐφάνη γλαυκότητα
-</p>
-</div2>
-<div2 type="chapter" n="15">
-<p> ὑποδύς, καθάπερ προσωπεῖον ἕτερον ἢ στολὴν
-ὑποκριτὴς ἄλλην. ἐπεὶ τοίνυν ταῦθʼ οὕτως ἔχει,
-φαίη τις ἂν καὶ τὴν φύσιν μὴ καθέψουσαν μηδὲ
-ἐπιχρίουσαν φαρμάκοις, ὥσπερ οὖν ἢ Μήδειάν τινα
-ἢ Κίρκην, καὶ ἐκείνην φαρμακίδα εἶναι.
-πομπίλον πελάγιον καὶ βυθῷ φιληδοῦντα εἰδέναι
-χρὴ μάλιστα ἰχθύων ὧν ἴσμεν ἀκοῇ· μισεῖ δὲ ἢ
-αὐτὸς τὴν γῆν ἢ τὸν ἰχθὺν ἐκείνη. τεμνούσας δὲ
-ἄρα μέσον τὸν πόρον τὰς ναῦς οἵδε οἱ πομπίλοι
-ὥσπερ οὖν ἐρωμένας προσνέοντες δορυφοροῦσι, καὶ
-δεῦρο καὶ ἐκεῖσε περιέρχονται χορεύοντες ἅμα καὶ
-πηδῶντες. οἱ μὲν οὖν περίνεῳ ὁπόσον ἀφεστᾶσι τῆς
-γῆς, οὐδὲ ἓν αὐτοῖς εἰδέναι πάρεστι δήπου· οἱ δὲ
-ναῦται, κλέπτεσθαι μέντοι καὶ αὐτοῖς τὸ ἀληθὲς
-εἴωθεν. οἵ γε μὴν πομπίλοι μακρόθεν ᾔσθοντο δίκην
-εὐρίνου κυνὸς τὸ θήραμα ἑλούσης τάχιστα, καὶ
-οὐκέτι τοσοῦτος αὐτοὺς ἔρως νεὼς καταλαμβάνει, ὡς
-παραμένειν, ἀλλὰ οἷα ὑπὸ συνθήματι ἀθρόοι γενόμενοι
-<pb id="p.43"/>
-ᾤχοντο ἀπιόντες. καὶ ἴσασιν έντεῦθεν οἱ τῆς
-νεὼς ἄρχοντες ὅτι ἄρα χρὴ περιβλέπειν γῆν οὐ πυρσοῖς
-τεκμαιρομένους ἀλλὰ τοῖς προειρημένοις πεπαιδευμένους.
-</p>
-</div2>
-<div2 type="chapter" n="16">
-<p>ἐρύθημα εἴ ποτε ἐπανατέλλει καὶ ὠχρίασις ἐπὶ 
-ψιλῆς τῆς δορᾶς καὶ τριχῶν γυμνῆς, θαυμαστὸν οὐδέν·
-ταρανδὸς δὲ τὸ ζῷον, ἀλλὰ οὗτός γε θριξὶν
-αὐταῖς τρέπει ἑαυτόν, καὶ πολύχροιαν ἐργάζεται μυρίαν,
-ὡς ἐκπλήττειν τὴν ὄψιν. ἔστι δὲ Σκύθης, καὶ
-τὰ νῶτα παραπλήσιος ταύρῳ καὶ τὸ μέγεθος. τούτου 
-τοι καὶ τὴν δορὰν ἀγαθὴν ἀντίπαλον αἰχμῇ ταῖς αὑτῶν
-ἀσπίσι περιτείναντες νοοῦσιν οἱ Σκύθαι.
-</p>
-</div2>
-<div2 type="chapter" n="17">
-<p>πελάγιος ἰχθὺς τὴν λῆξιν, τὴν ὄψιν μέλας, τὸ 
-μῆκος κατὰ μεμετρημένην ἔγχελυν, λαβὼν ἐξ ὧν
-δρᾷ τὸ ὄνομα, θεούσῃ νηὶ καὶ μάλα γε ἐξ οὐρίας 
-προσφθαρεὶς καὶ τῆς πρύμνης τὸ ἄκρον ἐνδακών,
-ὥσπερ οὖν ἵππον στομίῳ ἀπειθῆ καὶ τραχὺν χαλινῷ
-σκληρῷ βιαιότατα ἀνακρούσας, ἀναστέλλει τῆς ὁρμῆς
-καὶ πεδήσας ἔχει· καὶ μάτην μὲν τὰ ἱστία μέσα πέπρησται,
-ἐς οὐδὲν δὲ φυσῶσιν οἱ ἄνεμοι, ἄχος δʼ 
-ἔχει τοὺς πλέοντας. συνιᾶσι δὲ οἱ ναῦται, καὶ τῆς
-νεὼς γνωρίζουσι τὸ πάθος. καὶ ἐντεῦθεν ἐκτήσατο
-τὸ ὄνομα· ἐχενηίδα γὰρ καλοῦσιν οἱ πεπειραμένοι.
-</p>
-</div2>
-<div2 type="chapter" n="18">
-<p>ἀναβαίνει μὲν ἡ τέχνη καὶ ἐς τριγονίαν διδασκαλίας 
-παρʼ Ὁμήρῳ ἡ περὶ τῶν τετρωμένων τε καὶ 
-φαρμάκου δεομένων. παιδεύεται μὲν γὰρ ὁ Μενοιτίου
-Πάτροκλος ὑπʼ Ἀχιλλέως ἰατρικήν, Ἀχιλλεὺς δὲ
-ὁ Πηλέως ὑπὸ Χείρωνος τοῦ Κρόνου. καὶ ἐν ἥρωσί
-τε καὶ θεῶν παισὶν ἦν τὰ μαθήματα φύσιν εἰδέναι
-ῥιζῶν καὶ πόας διαφόρου χρῆσιν καὶ φαρμάκων 
-κρᾶσιν καὶ ἐπαοιδὰς ἔς τε φλεγμονὴν ἀντιπάλους,
-καὶ ἀναστεῖλαι αἷμα, καὶ ὅσα ἄλλα ἐκεῖνοί γε
-<pb id="p.44"/>
-ᾔδεσαν· καὶ μέντοι καὶ οἱ τοῦ χρόνου κάτω ἀνίχνευσάν
-τινα. ἀλλὰ τούτων γε τῶν σοφισμάτων ἡ φύσις
-οὐδὲν ἐδεῖτο· καὶ κατηγορεῖ ὁ ἐλέφας. ὅταν γοῦν ἐς
-αὐτὸν ἔλθῃ δόρατα καὶ βέλη πολλά, ἐλαίας πασάμενος
-ἄνθος ἢ ἔλαιον αὐτό, εἶτα πᾶν τὸ ἐμπεσὸν
-ἀπεσείσατο, καὶ ἔστιν αὖθις ὁλόκληρος.
-</p>
-</div2>
-<div2 type="chapter" n="19">
-<p> καὶ τόδε τὸ θαῦμα τοῦδε τοῦ ζῴου ἴδιον. τεκεῖν
-βρέφος οὐκ οἶδεν ἄρκτος, οὐδὲ ὁμολογήσει τις
-ἐξ ὠδίνων ἰδὼν τὸ ἔκγονον ζῳογόνον εἶναι αὐτήν,
-ἀλλὰ ἣ μὲν ἐλοχεύθη, τὸ δὲ εἰκῆ κρέας καὶ ἄσημόν
-τε καὶ ἀτύπωτον καὶ ἄμορφον. ἣ δὲ ἤδη φιλεῖ καὶ
-γνωρίζει τὸ τέκνον, καὶ ὑπὸ τοῖς μηροῖς θάλπει, καὶ
-λεαίνει τῇ γλώττῃ, καὶ ἐκτυποῖ ἐς ἄρθρα, καὶ μέντοι
-καὶ κατὰ μικρὰ ἐκμορφοῖ, καὶ ἰδὼν ἐρεῖς τοῦτο
-ἄρκτου σκυλάκιον.
-</p>
-</div2>
-<div2 type="chapter" n="20">
-<p> κέρατα ἀκλινῆ καὶ ὀρθὰ ἕστηκε ταύροις ἅπασι,
-καὶ διὰ ταῦτα ὡς ἐς ὅπλον ὁ ἄνθρωπος, οὕτω τοι
-καὶ ἐς κέρας ὁ ταῦρος τεθύμωται. βόες δὲ Ἐρυθραῖοι
-κινοῦσι τὰ κέρατα ὡς ὦτα.
-</p>
-</div2>
-<div2 type="chapter" n="21">
-<p> γῆ μὲν Αἰθιοπίς ʽγείτων δὲ καὶ μάλα ἀγαθὸς
-καὶ ἀξιόζηλος τὸ τῶν θεῶν λουτρόν, ὃ Ὅμηρος ἡμῖν
-Ὠκεανὸν ᾅδεἰ οὐκοῦν ἥδε ἡ γῆ δρακόντων μήτηρ
-ἐστὶ μεγέθει μεγίστων· καὶ γάρ τοι καὶ ἐς τριάκοντα
-ὀργυιὰς προήκουσι, καὶ τὸ ὄνομα μὲν τὸ ἀπὸ
-γενεᾶς οὐ καλοῦνται, φονέας δὲ ἐλεφάντων φασὶν
-αὐτούς, καὶ ἁμιλλῶνται πρὸς γῆρας τὸ μήκιστον οἵδε
-οἱ δράκοντες. καὶ λόγοι μὲν Αἰθίοπες ἐνταῦθά μοι
-ἵστανται. λέγουσι δὲ Φρύγιοι λόγοι καὶ ἐν Φρυγίᾳ
-γίνεσθαι δράκοντας, καὶ προήκειν αὐτοὺς ἐς δέκα
-ὀργυιάς, καὶ μεσοῦντος θέρους ὁσημέραι μετὰ πλήθουσαν
-ἀγορὰν ἐξέρπειν τῶν φωλεῶν. καὶ παρὰ τῷ
-ποταμῷ τῷ καλουμένῳ Ῥυνδάκῳ τὸ μέν τι τῆς σπείρας
-<pb id="p.45"/>
-ἀπήρεισαν ἐς τὴν γῆν, τὸ λοιπὸν δὲ σῶμα ἀναστήσαντες
-πᾶν, ἀτρέμα καὶ ἡσυχῆ τὴν φάρυγγα ἀνατείναντες
-καὶ μέντοι καὶ τὸ στόμα ἀνοίξαντες, εἶτα
-τὰ πτηνὰ ἕλκουσιν οἱονεὶ ἴυγγι τῷ ἄσθματι. τὰ δὲ
-ἐς τὰς ἐκείνων ἐσπίπτει γαστέρας ὑπὸ τῆς παρʼ 
-αὐτῶν ἐκπνοῆς συρόμενα αὐτοῖς πτεροῖς. καὶ ταῦτα
-μὲν ἰδίᾳ ἐκείνοις δρᾶται ἐς ἡλίου δυσμάς· εἶτα ἑαυτοὺς
-οἱ δράκοντες ἀποκρύψαντες ἐλλοχῶσι τὰς ποίμνας
-καὶ ἐκ τῆς νομῆς ἐπὶ τὰ αὔλια ἰούσας αἱροῦσι,
-καὶ πολὺν φόνον ἐργασάμενοι καὶ τοὺς νομέας 
-συνδιέφθειραν πολλάκις, καὶ ἔχουσι δεῖπνον ἄφθονόν
-τε καὶ ἀμφιλαφές.
-</p>
-</div2>
-<div2 type="chapter" n="22">
-<p>ταῖς ἀφύαις ὁ πηλὸς γένεσίς ἐστι· διʼ ἀλλήλων 
-δὲ οὐ τίκτουσιν οὐδὲ ἐπιγίνονται, πηλὸς δὲ ἐν τῇ
-θαλάττῃ καὶ πάνυ ἰλυώδης ὅταν συστῇ καὶ γένηται 
-μέλας, ἀλεαίνεταί τε φύσει τινὶ ἀπορρήτῳ τε καὶ
-ζῳογόνῳ καὶ μεταβάλλεται καὶ ἐς ζῷα τρέπεται πάμπολλα.
-καὶ αἵ γε ἀφύαι ταῦτά ἐστι, σκωλήκων δίκην
-ἐν τῷ βορβόρῳ καὶ τοῖς μυσαροῖς τικτομένων ἐκείνων.
-γενόμεναι δὲ αἱ ἀφύαι νηκτικώτατον χρῆμά 
-εἰσι, καὶ δρῶσιν ὃ πεφύκασιν, εἶτα ἄγονταί τινι αἰτίᾳ
-θαυμαστῇ ἐς τὰ σωτήρια, ἔνθα ἕξουσι σκέπην
-καὶ πρόβλημα, ᾑ μέλλει βιώσιμα αὐταῖς ἔσεσθαι.
-εἴη δʼ ἂν ἡ καταφυγὴ ἢ πέτρα ἀνεστῶσα ἐπὶ μέγα
-καὶ ὑψηλὸν ἢ οἱ καλούμενοι κρίβανοι· εἶεν δʼ 
-ἂν κολπώδεις πέτραι βρωθεῖσαί τε ὑπὸ τῶν κυμάτων
-τῷ χρόνῳ καὶ κοῖλαι γεγενημέναι. ταῦτα
-δὲ ἄρα αὐταῖς ἡ φύσις ἔδειξε κρησφύγετα, ὥστε
-ὑπὸ τοῦ σάλου μὴ παίεσθαι μηδὲ ἀφανίζεσθαι·
-ἀσθενεῖς γάρ εἰσι καὶ ἥκιστα πρὸς τὰς ἐκείνων ἐμπτώσεις 
-ἀντίτυποι. τροφῆς δὲ δέονται οὐδὲ ἕν,
-ἀπόχρη γε μὴν ἀλλήλας περιλιχμήσασθαι. ἄγρα δὲ
-<pb id="p.46"/>
-αὐτῶν νήματα ἄγαν λεπτὰ καὶ ἐρραφέντα τούτοις
-ἀραιῶν στημονίων τὰ ἱμάτια. καὶ τέχνημα μὲν
-εἴη ἂν τοῦτο καὶ μάλα γε ἀρκοῦν ἐς αἵρεσίν τε
-καὶ ἅλωσιν αὐτῶν, ἐς δὲ ἄλλων ἰχθύων θήραν
-ἥκιστα.
-</p>
-</div2>
-<div2 type="chapter" n="23">
-<p> τὸν σαῦρον εἰ παίσας εἴτε ἑκὼν εἴτε καὶ κατὰ
-τύχην ῥάβδῳ μέσον διατέμοις, οὐδέτερον αὐτῷ τῶν
-μερῶν ἀποτέθνηκεν, ἀλλὰ χωρὶς καὶ καθʼ ἑαυτὸ
-πρόεισί τε καὶ ζῇ δύο ποσὶν ἐπισυρόμενον τὸ ἡμίτομον
-καὶ ἐκεῖνο καὶ τοῦτο. εἶτα ὅταν συνέλθῃ
-ʽσύνεισι γὰρ πρὸς τὸ λεῖπον τὸ ἕτερον πολλάκισʼ,
-συνδυασθέντε συνηλθέτην ἐκ τῆς διαιρέσεως· καὶ
-ἑνωθεὶς ὁ σαῦρος, τοῦ μὲν πάθους τὸ ἴχνος αὐτῷ
-κατηγορεῖ ἡ οὐλή, περιθέων δὲ καὶ τὴν ἀρχαίαν
-βιοτὴν ἔχων ἔοικε τῶν προειρημένων μὴ πεπειραμένῳ.
-</p>
-</div2>
-<div2 type="chapter" n="24">
-<p> ἰὸς μὲν ὁ τῶν ἑρπετῶν δεινός ἐστι, καὶ ὅ γε τῆς
-ἀσπίδος ἔτι μᾶλλον. καὶ τούτων ἀντίπαλα καὶ ἀμυντήρια
-ῥᾳδίως οὐκ ἂν εὕροι τις, εἰ καὶ σοφώτατος
-εἴη κηλεῖν τε ὀδύνας καὶ ἀφανίζειν.
-ἦν δὲ ἄρα καὶ ἐν ἀνθρώπῳ τις ἰὸς ἀπόρρητος,
-καὶ πεφώραται τὸν τρόπον ἐκεῖνον. ἔχιν εἰ λάβοις,
-καὶ πάνυ εὐλαβῶς τε καὶ ἐγκρατῶς τοῦ τραχήλου
-κατάσχοις, καὶ διαστήσας τὸ στόμα εἶτα αὐτῷ προσπτύσειας,
-</p>
-</div2>
-<div2 type="chapter" n="25">
-<p> ἐς τὴν νηδὺν κατολισθάνει τὸ πτύαλον,
-καὶ γίνεταί οἱ τοσοῦτον κακὸν ὡς σήπειν τὸν ἔχιν.
-ἔνθεν τοι καὶ ἀνθρώπῳ δῆγμα ἀνθρώπου μιαρόν ἐστι
-καὶ κινδυνῶδες οὐδενὸς θηρίου μεῖον.
-ἐν ὥρᾳ θερείῳ, ἀμητοῦ κατειληφότος καὶ τῶν
-σταχύων τριβομένων ἐν τῷ δίνῳ, κατὰ ἴλας συνίασιν
-οἱ μύρμηκες, καθʼ ἕνα ἰόντες καὶ κατὰ
-δύο δέ, ἀλλὰ καὶ ἐς τὸν τρίτον στοῖχον ἔρχονται,
-<pb id="p.47"/>
-τοὺς ἑαυτῶν οἴκους καὶ τὰς συνήθεις στέγας ἀπολείποντες·
-εἶτα ἐκλέγουσι τῶν πυρῶν καὶ τῶν κριθῶν,
-καὶ τὴν αὐτὴν χωροῦσιν ἀτραπόν. καὶ οἳ
-μὲν ἀπίασιν ἐπὶ τὴν τῶν προειρημένων συλλογήν,
-οἳ δὲ κομίζουσι τὸν φόρτον, καὶ πάνυ αἰδεσίμως 
-καὶ πεφεισμένως ἀλλήλοις ἀφίστανται τῆς ὁδοῦ,
-καὶ μᾶλλον τοῖς ἀχθοφόροις οἱ κοῦφοι· κατελθόντες
-δὲ ἐς τὰ οἰκεῖα τὰ σφέτερα καὶ πληρώσαντες
-τοὺς ἐν τῷ μυχῷ σφίσι σιρούς, ἑκάστου σπέρματος
-διατρήσαντες τὸ μέσον, τὸ μὲν ἐκπεσὸν δεῖπνον 
-γίνεται τῷ μύρμηκι ἐν τῷ τέως, τὸ δὲ λοιπὸν
-ἄγονόν ἐστι. παλαμῶνται δὲ ἄρα οἱ γενναῖοι
-οἰκονόμοι καὶ φρουροὶ τοῦτο, ἵνα μὴ τῶν ὄμβρων
-περιρρευσάντων, εἶτα ἔκφυσιν ὁλόκληρα ἐκεῖνα ὄντα
-λάβῃ τινὰ καὶ ἀναθήλῃ, καὶ τούτων γενομένων 
-ἀτροφίᾳ καὶ λιμῷ διὰ χειμῶνος περιπέσωσι, καὶ
-αὐτοῖς ἐξαμβλώσῃ ἡ σπουδή. φύσεως μὲν δὴ καὶ
-μύρμηκες λαβεῖν δῶρα εὐτύχησαν καὶ ταῦτα ὡς ἄλλα.
-</p>
-</div2>
-<div2 type="chapter" n="26">
-<p>οὐδέποτε ἀετὸς οὔτε πηγῆς δεῖται οὔτε γλίχεται 
-κονίστρας, ἀλλὰ καὶ δίψους ἀμείνων ἐστί, καὶ καμάτου
-φάρμακον οὐκ ἀναμένει πορισθὲν ἔξωθεν, ὑπερφρονῶν
-δὲ καὶ τῶν ὑδάτων καὶ τῆς ἀναπαύσεως τὸν
-αἰθέριον τέμνει πόλον, καὶ ὀξύτατα ὁρᾷ ἐκ πολλοῦ
-τοῦ αἰθέρος καὶ ὑψηλοῦ. καὶ τόν γε τῶν πτερῶν 
-αὐτοῦ ῥοῖζον καὶ τὸ τῶν θηρίων ἀτρεπτότατον
-ὁ δράκων ἀκούσας μόνον παραχρῆμα κατέδυ καὶ
-ἀσμένως ἠφανίσθη. βάσανος δέ οἱ τῶν νεοττῶν
-τῶν γνησίων ἐκείνη ἐστίν. ἀντίους τῇ αὐγῇ τοῦ
-ἡλίου ἵστησιν αὐτοὺς ὑγροὺς ἔτι καὶ ἀπτῆνας· καὶ 
-ἐὰν μὲν σκαρδαμύξῃ τις τὴν ἀκμὴν τῆς ἀκτῖνος
-δυσωπούμενος, ἐξεώσθη τῆς καλιᾶς, καὶ ἀπεκρίθη
-<pb id="p.48"/>
-τῆσδε τῆς ἑστίας· ἐὰν δὲ ἀντιβλέψῃ καὶ μάλα
-ἀτρέπτως, ἀμείνων ἐστὶν ὑπονοίας καὶ τοῖς γνησίοις
-ἐγγέγραπται, ἐπεὶ αὐτῷ πῦρ τὸ οὐράνιον ἡ τοῦ γένους
-ἀδέκαστός τε καὶ ἄπρατος ἀληθῶς ἐστιν
-ἐγγραφή.
-</p>
-</div2>
-<div2 type="chapter" n="27">
-<p> ἡ στρουθὸς ἡ μεγάλη λασίοις μὲν τοῖς πτεροῖς
-ἐπτέρωται, ἀρθῆναι δὲ καὶ ἐς βαθὺν ἀέρα μετεωρισθῆναι
-φύσιν οὐκ ἔχει. θεῖ δὲ ὤκιστα, καὶ τὰς
-παρὰ τὴν πλευρὰν ἑκατέραν πτέρυγας ἁπλοῖ, καὶ
-ἐμπῖπτον τὸ πνεῦμα κολποῖ δίκην ἱστίων αὐτάς.
-</p>
-</div2>
-<div2 type="chapter" n="28">
-<p> τὴν ὠτίδα τὸ ζῷον ὀρνίθων εἶναι φιλιππότατον
-ἀκούω. καὶ τὸ μαρτύριον, τῶν μὲν ἄλλων
-ζῴων καὶ ἐν λειμῶσι καὶ ἐν αὐλῶσι νεμομένων καταφρονεῖ·
-ἵππον δὲ ὅταν θεάσηται, ἥδιστα προσπέτεται
-καὶ πλησιάζει κατὰ τοὺς τῶν ἀνθρώπων ἱππεραστάς.
-</p>
-</div2>
-<div2 type="chapter" n="29">
-<p> μυῖα ἐμπεσοῦσα ἐς ὕδωρ, εἰ καὶ ζῴων ἐστὶ θρασυτάτη,
-ἀλλὰ γοῦν οὔτʼ ἐπιτρέχει, οὔτε νηκτική
-ἐστι, καὶ διὰ ταῦτα ἀποπνίγεται. εἰ δὲ αὐτῆς ἐξέλοις
-τὸν νεκρόν, καὶ τέφραν ἐμπάσειας καὶ καταθείης ἐν
-ἡλίου αὐτῇ, ἀναβιώσῃ τὴν μυῖαν.
-</p>
-</div2>
-<div2 type="chapter" n="30">
-<p> ἀλεκτρυόνα εἴτε πριάμενος εἴτε δῶρον λαβὼν
-ἐς τὴν ἀγέλην τὴν σεαυτοῦ καὶ τοὺς ὄρνιθας τοὺς
-ἠθάδας ἐθέλοις ἀριθμεῖν, οὐκ ἀπολύσεις οὐδὲ ἀφήσεις
-εἰκῆ καὶ ὡς ἔτυχεν αὐτόν· εἰ δὲ μή, φυγὰς παραχρῆμα
-οἰχήσεται. ἐς τοὺς οἰκείους καὶ τοὺς συννόμους,
-εἰ καὶ πάνυ πόρρωθεν εἴη οὗτος. δεῖ δὲ ἄρα
-αὐτῷ φρουρὰν περιβαλεῖν καὶ δεσμὰ ἀφανῆ ὑπὲρ
-τὰ Ἡφαίστου τὰ Ὁμήρεια. καὶ ὅ γε λέγω τοιοῦτόν
-ἐστι. τράπεζαν ἐφʼ ἧς ἐσθίεις ἐς μέσον καταθεὶς
-καὶ τὸν ὄρνιθα λαβὼν καὶ τρὶς αὐτὸν τὴν προειρημένην
-σκηνὴν περιαγαγών, μέθες τὸ ἐντεῦθεν ἄφετον
-<pb id="p.49"/>
-ἀλᾶσθαι σὺν τοῖς ὄρνισι τοῖς οἰκέταις· ὃ δὲ οὐκ
-ἀπαλλάττεται, ὥσπερ οὖν πεπεδημένος.
-</p>
-</div2>
-<div2 type="chapter" n="31">
-<p>ἡ σαλαμάνδρα τὸ ζῷον οὐκ ἔστι μὲν τῶν πυρὸς 
-ἐκγόνων, ὥσπερ οὖν οἱ καλούμενοι πυρίγονοι, θαρρεῖ
-δὲ αὐτὸ καὶ χωρεῖ τῇ φλογὶ ὁμόσε, καὶ ὡς ἀντίπαλόν 
-τινα σπεύδει καταγωνίσασθαι. καὶ τὸ μαρτύριον,
-περὶ τοὺς βαναύσους καλινδεῖται καὶ τοὺς χειρώνακτας
-τοὺς ἐμπύρους. ἐς ὅσον μὲν οὖν ἐνακμάζει
-τὸ πῦρ αὐτοῖς, καὶ συνεργὸν τῇ τέχνῃ ἔχουσιν αὐτὸ
-καὶ κοινωνὸν τῆς σοφίας, ὑπὲρ τοῦδε τοῦ ζῴου οὐδὲ 
-ἓν φροντίζουσιν· ὅταν δὲ τὸ μὲν ἀποσβεσθῇ καὶ μαρανθῇ,
-μάτην δὲ αἱ φῦσαι καταπνέωσιν, ἐνταῦθα
-ἤδη τὸ ζῷον τὸ εἰρημένον ἀντιπρᾶττον σφίσιν ἴσασι
-καλῶς. ἀνιχνεύσαντες οὖν τὸ θηρίον καὶ τιμωρησάμενοι,
-τὸ πῦρ ἐντεῦθεν αὐτοῖς ἐξάπτεται, καὶ ἔστιν 
-εὐπειθές, καὶ οὐ σβέννυται τῇ συνηθείᾳ τρεφόμενον.
-</p>
-</div2>
-<div2 type="chapter" n="32">
-<p>κύκνος δέ, ὅνπερ οὖν καὶ θεράποντα Ἀπόλλωνι 
-ἔδοσαν ποιηταὶ καὶ λόγοι μέτρων ἀφειμένοι πολλοί,
-τὰ μὲν ἄλλα ὅπως μούσης τε καὶ ᾠδῆς ἔχει εἰπεῖν
-οὐκ οἶδα· πεπίστευται δὲ ὑπὸ τῶν ἄνω τοῦ χρόνου 
-ὅτι τὸ κύκνειον οὕτω καλούμενον ᾅσας εἶτα ἀποθνήσκει.
-τιμᾷ δὲ ἄρα αὐτὸν ἡ φύσις καὶ τῶν καλῶν καὶ
-ἀγαθῶν ἀνθρώπων μᾶλλον, καὶ εἰκότως· εἴ γε τούτους
-μὲν καὶ ἐπαινοῦσι καὶ θρηνοῦσιν ἄλλοι, ἐκεῖνοι
-δὲ εἴτε τοῦτο ἐθέλοις εἴτε ἐκεῖνο, ἑαυτοῖς νέμουσιν. 
-</p>
-</div2>
-<div2 type="chapter" n="33">
-<p>κροκόδειλος μὲν ὅπως ἔχει μεγέθους καὶ ὁ τέλειος 
-καὶ ὁ ἐκγλυφεὶς πρῶτον, καὶ μέντοι καὶ γλώττης
-ὅπως, καὶ εἰ κινεῖ τὴν γένυν, καὶ ποτέραν τῇ
-ἑτέρᾳ προσάγει, πολλοὶ λέγουσι. κατέγνωσαν δὲ
-ἄρα τοῦ ζῴου τοῦδέ τινες ὅτι τίκτει τοσαῦτα ᾠὰ 
-ὅσαις ἂν ἡμέραις ἐπῳάζον εἶτα ἐκγλύψῃ τὰ νεόττια·
-ἤδη δὲ ἔγωγε ἤκουσα, ὁ κροκόδειλος ὅταν ἀποθάνῃ,
-<pb id="p.50"/>
-σκορπίον ἐξ αὐτοῦ τίκτεσθαι, κέντρον δὲ ἄρα οὐραῖον
-αὐτὸν ἔχειν λέγουσιν ἰοῦ πεπληρωμένον.
-</p>
-</div2>
-<div2 type="chapter" n="34">
-<p> εἰ σαφῆ ταῦτα καὶ μὴ ἀμφίλογα, Ἰνδῶν λόγοι
-πειθέτωσαν· ἃ δὲ νῦν ἐρῶ, τῆς ἐκεῖθεν φήμης διακομιζούσης,
-ταῦτά ἐστιν. ὁμώνυμον τῷ φυτῷ κιννάμωμον
-ὄρνιν ἔγωγε τοῦ παιδὸς τοῦ Νικομάχου λέγοντος
-ἤκουσα. καὶ τὸν μὲν ὄρνιν κομίζειν τὸ φερώνυμον
-τοῦτο δὴ φυτὸν ἐς Ἰνδούς, εἰδέναι δὲ ἄρα
-τοὺς ἀνθρώπους ὅπου τε καὶ ὅπως φύεται οὐδὲ ἕν.
-</p>
-</div2>
-<div2 type="chapter" n="35">
-<p> Αἰγύπτιοι κλύσματα καὶ κάθαρσιν γαστρὸς οὐκ
-ἔκ τινος ἐπινοίας ἀνθρωπίνης λέγουσι μαθεῖν, διδάσκαλον
-δὲ σφίσι τοῦ ἰάματος τοῦδε τὴν ἶβιν ᾅδουσιν.
-καὶ ὅπως ἐξεπαίδευσε τοὺς πρώτους ἰδόντας,
-ἐρεῖ ἄλλος· σελήνης δὲ αὔξησιν καὶ μείωσιν ὅτι οἶδε,
-καὶ τοῦτο ἤκουσα. καὶ ὅτι τὴν τροφὴν ἑαυτῇ ὑφαιρἑ??ʼ
-καὶ προστίθησι κατὰ τὴν τῆς θεοῦ καὶ λῆξιν καὶ
-πρόσθεσιν, πυθέσθαι ποθὲν οὐκ εἰμὶ ἔξαρνος.
-</p>
-</div2>
-<div2 type="chapter" n="36">
-<p> κέντρον πικρότατον καὶ κίνδυνον φέρον ἁπάντων
-μᾶλλον ἡ τρυγὼν ἡ ἐκ τῆς θαλάττης ἔχει. καὶ
-τὸ μαρτύριον, εἰ μὲν ἐς δένδρον τεθηλὸς καὶ εὖ
-μάλα ἀναθέον ἐμπήξειας αὐτό, οὔτε ἐς ἀναβολὰς
-οὔτε χρόνῳ ὕστερον ἀλλʼ ἤδη αὖον τὸ δένδρον· εἰ
-δέ τι τῶν ζῴων ἀμύξειας, ἀπέκτεινας.
-</p>
-</div2>
-<div2 type="chapter" n="37">
-<p> ἡ μυγαλῆ ἐς ὅσον μὲν τὴν ἄλλως πρόεισι, ζῆν
-ἔχει, καὶ ἐσπείσατο αὐτῇ ἡ φύσις, ἐάν γε μὴ ἄλλῃ
-τινὶ τύχῃ καταληφθῇ καὶ ἀπόληται· ἐπὰν δὲ ἐς
-ἁρματοτροχιὰν ἐμπέσῃ, οἱονεὶ πέδῃ κατείληπται καὶ
-μάλα ἀφανεῖ, καὶ τέθνηκε. δηχθέντι δὲ ὑπὸ μυγαλῆς
-φάρμακον ἐκεῖνο. ἐκ τῆς τῶν τροχῶν διαδρομῆς ἡ
-ψάμμος ἀρθεῖσα ἐπεπάσθη τῷ δήγματι, καὶ ἔσωσε παραχρῆμα.
-</p>
-</div2>
-<div2 type="chapter" n="38">
-<p> καὶ ταῦτα δὲ ὑπὲρ τῆς Αἰγυπτίας ἴβεως προσακήκοα.
-<pb id="p.51"/>
-ἱερὰ τῆς σελήνης ἡ ὄρνις ἐστί. τοσούτων
-γοῦν ἡμερῶν τὰ ᾠὰ ἐκγλύφει, ὅσων ἡ θεὸς αὔξει τε
-καὶ λήγει. τῆς δὲ Αἰγύπτου οὔποτε ἀποδημεῖ. τὸ δὲ
-αἴτιον, νοτιωτάτη χωρῶν ἁπασῶν Αἴγυπτός ἐστι, καὶ
-ἡ σελήνη δὲ νοτιωτάτη τῶν πλανωμένων ἄστρων 
-πεπίστευται. ἑκοῦσα μὲν οὖν οὐκ ἂν ἀποδημήσειεν ἡ
-ἶβις· εἰ δέ τις ἐπιθέμενος αὐτῇ κατὰ τὸ καρτερὸν
-ἐξαγάγοι, ἡ δὲ ἀμύνεται τὸν ἐπιβουλεύσαντα, ἐς
-οὐδὲν αὐτῷ τὴν σπουδὴν προάγουσα· ἑαυτὴν γὰρ
-ἀποκτείνει λιμῷ, καὶ ἀνόνητον τὴν προθυμίαν ἀποφαίνει 
-τῷ προειρημένῳ. βαδίζει δὲ ἡσυχῆ καὶ κορικῶς,
-καὶ οὐκ ἂν αὐτὴν θᾶττον ἢ βάδην προϊοῦσαν
-θεάσαιτό τις. καὶ τούτων αἱ μέλαιναι τοὺς πτερωτοὺς
-ὄφεις ἐξ Ἀραβίας ἐς Αἴγυπτον παρελθεῖν οὐκ
-ἐπιτρέπουσι, τῆς γῆς τῆς φίλης προπολεμοῦσαι· αἱ δὲ 
-ἕτεραι τοὺς ἐξ Αἰθιοπίας κατὰ τὴν τοῦ Νείλου ἐπίκλυσιν
-ἀφικνουμένους ἀπαντῶσαι διαφθείρουσιν.
-ἢ τί ἂν ἐκώλυσε διὰ τῆς ἐκείνων ἐπιδημίας τοὺς
-Αἰγυπτίους ἀπολωλέναι;
-</p>
-</div2>
-<div2 type="chapter" n="39">
-<p>ἀκούω δέ τι καὶ γένος ἀετῶν, καὶ ὄνομα αὐτῷ 
-χρυσάετον ἔθεντο, ἄλλοι δὲ ἀστερίαν τὸν αὐτὸν καλοῦσιν·
-ὁρᾶται δὲ οὐ πολλάκις. λέγει δὲ Ἀριστοτέλης
-αὐτὸν θηρᾶν καὶ νεβροὺς καὶ λαγὼς καὶ γεράνους
-καὶ χῆνας ἐξ αὐλῆς. μέγιστος δὲ ἀετῶν εἶναι
-πεπίστευται, καὶ λέγουσί γε καὶ ταύροις ἐπιτίθεσθαι 
-αὐτὸν κατὰ τὸ καρτερόν, καὶ περιηγοῦνται
-τὸ ἔργον τὸν τρόπον τοῦτον. ὃ μὲν κεκυφὼς κάτω
-νέμεται ὁ ταῦρος· ὁ δὲ ἀετὸς ἐπὶ τῷ τένοντι τοῦ
-ζῴου καθίσας ἑαυτὸν παίει τῷ στόματι συνεχέσι
-τε καὶ καρτεραῖς ταῖς πληγαῖς· ὃ δὲ ὥσπερ οἰστρηθεὶς 
-ἐξάπτεται, καὶ ᾗ ποδῶν ἔχει φυγῆς ἄρχεται.
-καὶ ἕως μέν ἐστιν εὐήλατα, ὁ ἀετὸς ἥσυχός ἐστι
-<pb id="p.52"/>
-καὶ ἐπιποτᾶται παραφυλάττων· ὅταν δὲ τὸν ταῦρον
-θεάσηται πλησίον κρημνοῦ γεγενημένον, κυκλώσας
-τὰ πτερὰ καὶ ὑπερτείνας αὐτοῦ τῶν ὀφθαλμῶν,
-ἐποίησε τὰ ἐν ποσὶ μὴ προϊδόμενον κατενεχθῆναι
-βιαιότατα. εἶτα ἐμπεσὼν καὶ ἀναρρήξας τὴν γαστέρα,
-ῥᾳδίως χρῆται τῇ ἄγρᾳ, ἐς ὅσον ἐθέλει. θήρας δὲ
-ἄλλοτρίας οὐχ ἅπτεται κειμένης, ἀλλὰ χαίρει τοῖς
-ἑαυτοῦ πόνοις, κοινωνίαν τε τὴν πρὸς ἄλλον ἥκιστα
-ἐνδέχεται. κορεσθεὶς δὲ εἶτα τοῦ λοιποῦ πονηρὸν
-ἆσθμα καὶ δυσωδέστατον καταπνεύσας, ἄβρωτα τοῖς
-ἄλλοις τὰ λείψανα ἐᾷ. καὶ μέντοι καὶ ἀλλήλων ἀπῳκισμένας
-οἰκοῦσι καλιὰς ὑπὲρ τοῦ μὴ διαφέρεσθαι
-ὑπὲρ θήρας καὶ λυπουμένους λυπεῖν πολλάκις.
-</p>
-</div2>
-<div2 type="chapter" n="40">
-<p> ἦν δὲ ἄρα γένος ἀετῶν καὶ πρὸς τοὺς τρέφοντας
-φιλόστοργον, ὥσπερ οὖν καὶ ὁ τοῦ Πύρρου. τοῦτόν
-τοί φασι καὶ ἐπαποθανεῖν τῷ δεσπότῃ τροφῆς
-ἀποστάντα. ἤδη δὲ καὶ ἀνδρὸς ἰδιώτου ἀετὸς τρόφιμος
-καομένου τοῦ δεσπότου ἐς τὴν πυρὰν ἑαυτὸν
-ἐνέβαλεν· οἳ δὲ οὐκ ἀνδρός, ἀλλὰ γυναικὸς τὸ θρέμμα
-εἶναί φασι. ζηλοτυπώτατον δὲ ἄρα ἦν ζῷον ἀετὸς
-πρὸς τὰ νεόττια. ἐὰν γοῦν θεάσηταί τινα προσιόντα,
-ἀπελθεῖν ἀτιμώρητον οὐκ ἐπιτρέπει· παίει
-γὰρ τοῖς πτεροῖς αὐτὸν καὶ τοῖς ὄνυξι λυμαίνεται,
-καὶ ἐπιτίθησίν οἱ πεφεισμένως τὴν δίκην· οὐ γὰρ
-χρῆται τῷ στόματι.
-</p>
-</div2>
-<div2 type="chapter" n="41">
-<p> ἔστι δὲ θαλαττίων ζῴων τρίγλη λιχνότατον, καὶ
-ἐς τὸ ἀπογεύσασθαι παντὸς τοῦ παρατυχόντος ἀναμφιλόγως
-ἀφειδέστατον. καί τινες καλοῦνται λεπρώδεις
-αὐτῶν, σπάσασαι τὸ ὄνομα ἐκ τῶν χωρίων, ἅπερ
-οὖν πέρας ἔχει λεπράς τε καὶ ἀραιάς, καὶ φυκία
-μέσα τούτων δασέα, καί που καὶ ὑποκάθηται πηλὸς
-ἢ ψάμμος. φάγοι δʼ ἂν τρίγλη καὶ ἀνθρώπου νεκροῦ
-<pb id="p.53"/>
-καὶ ἰχθύος· φιληδοῦσι δὲ μᾶλλον τοῖς μεμιασμένοις καὶ κακόσμοις.
-</p>
-</div2>
-<div2 type="chapter" n="42">
-<p>θηρᾶσαι καὶ μάλα γε ἱκανοὶ καὶ οὐδέν τι μεῖον 
-τῶν ἀετῶν ἱέρακές εἰσιν, ἡμερώτατοι δὲ ὀρνίθων
-πεφύκασι καὶ φιλανθρωπότατοι, τὸ μέγεθος ἀετῶν 
-οὐκ ὄντες ὀλιγώτεροι. ἀκούω δὲ ὅτι ἐν τῇ Θρᾴκῃ
-καὶ ἀνθρώποις εἰσὶ σύνθηροι ἐν ταῖς ἑλείοις ἄγραις.
-καὶ ὁ τρόπος, οἱ μὲν ἄνθρωποι τὰ δίκτυα ἁπλώσαντες
-ἡσυχάζουσιν, οἱ δὲ ἱέρακες ὑπερπετόμενοι φοβοῦσι
-τοὺς ὄρνεις καὶ συνωθοῦσιν ἐς τὰς τῶν δικτύων 
-περιβολάς. τῶν οὖν ᾑρημένων οἱ Θρᾷκες
-μέρος ἀποκρίνουσι καὶ ἐκείνοις, καὶ ἔχουσιν φίλους
-πιστούς· μὴ δράσαντες δὲ τοῦτο ἑαυτοὺς τῶν
-συμμάχων ἐστέρησαν. μάχεται δὲ ὁ τέλειος ἱέραξ καὶ
-πρὸς ἀλώπεκα καὶ πρὸς ἀετόν, καὶ γυπὶ μάχεται πολλάκις. 
-καρδίαν δὲ οὐκ ἂν φάγοι ποτὲ ἱέραξ, τελεστικὸν
-δήπου δρῶν καὶ μυστικὸν ἐκεῖνος τοῦτο. νεκρὸν
-δὲ ἄνθρωπον ἰδὼν ἱέραξ, ὡς λόγος, πάντως ἐπιβάλλει
-γῆς τῷ ἀτάφῳ ʽκαὶ τοῦτο μὲν αὐτῷ οὐ κελεύει
-Σόλωνʼ, οὐδὲ σώματος ἅψεται. μένει δὲ ἄγευστος 
-καὶ ποτοῦ, ἐὰν ἐς αὔλακα ἐποχετεύῃ εἷς ἄνθρωπος·
-πεπίστευκε γὰρ αὐτὸν πονούμενον ζημιοῦν ὑφαιρούμενος
-ἐκ τῆς ἐκείνου χρείας ὕδωρ· εἰ δὲ πλείους
-ἐπάρδοιεν, ἀφθονίαν τοῦ ῥεύματος ὁρῶν, ὡς φιλοτησίας
-τινὸς· ἐξ αὐτῶν μεταλαμβάνει, καὶ πίνει ἡδέως. 
-</p>
-</div2>
-<div2 type="chapter" n="43">
-<p>ἔστι φῦλον ἱεράκων, καὶ καλεῖται κεγχρηίς, καὶ 
-ποτοῦ δεῖται οὐδὲ ἕν. ὀρείτης δὲ γένος ἄλλο αὐτῶν·
-καὶ ἑκάτερός ἐστι δεινῶς φιλόθηλυς, καὶ ἕπεται κατὰ
-τοὺς δυσέρωτας, οὐδὲ ἀπολείπεται. εἰ δὲ ἡ γυνὴ
-ἀπέλθοι που παραλαθοῦσα, ὃ δὲ ὑπεραλγεῖ καὶ βοᾷ, 
-καὶ ἔοικε λυπουμένῳ ἐρωτικῶς εὖ μάλα. καμόντες δὲ
-τὴν ὄψιν ἱέρακες, εὐθὺ τῶν αἱμασιῶν ἴασι, καὶ τὴν
-<pb id="p.54"/>
-ἀγρίαν θριδακίνην ἀνασπῶσι, καὶ τὸν ὀπὸν αὐτῆς
-πικρὸν ὄντα καὶ δριμὺν ὑπὲρ τῶν ὀφθαλμῶν αἰωροῦσι
-τῶν σφετέρων, καὶ λειβόμενον δέχονται, καὶ
-τοῦτο αὐτοῖς ὑγίειαν ἐργάζεται. λέγουσι δὲ καὶ τοὺς
-ἰατρικοὺς χρῆσθαι τῷδε τῷ φαρμάκῳ ἐς τὴν χρείαν
-τῶν καμνόντων τὴν αὐγήν, καὶ ἐκ τῶν ὀρνίθων ἡ
-ἴασις κέκληται· καὶ οὐκ ἀρνοῦνται μαθηταὶ ἀκούοντες
-ὀρνίθων οἱ ἄνθρωποι, ἀλλὰ ὁμολογοῦσι. λέγεται
-δὲ καὶ θεοσύλην ἐν Δελφοῖς ἐλέγξαι ποτὲ ἱέραξ,
-ἐμπίπτων τε αὐτῷ καὶ παίων τὴν κεφαλήν. πιστεύονται
-δὲ εἶναι ἱέρακες καὶ νόθοι, ἀντικριθέντες πρὸς
-τὰς τῶν ἀετῶν φυλάς. ἦρος δὲ ἀρχομένου οἱ έν Αἰγύπτῳ
-τῶν ἁπάντων δύο προαιροῦνται, καὶ ἀποστέλλουσι
-κατασκεψομένους νήσους τινὰς ἐρήμους, αἵπερ
-οὖν τῆς Λιβύης πρόκεινται. εἶτα ὑποστρέφουσιν οὗτοι,
-καὶ ἡγοῦνται τῆς πτήσεως τοῖς ἄλλοις. οἱ δὲ
-ἥκοντες ἑορτὴν ὑπὲρ τῆς ἐπιδημίας τοῖς ἐν τῇ Λιβύῃ
-παρέχουσι· σίνονται γὰρ οὐδὲ ἕν. παρελθόντες δὲ
-ἐς τὰς νήσους, ἃς οἱ πρῶτοι θεασάμενοι τῶν ἄλλων
-ἐπιτηδειοτέρας σφίσιν ἔκριναν, ἐνταῦθα κατὰ πολλὴν
-τὴν γαλήνην τε καὶ ἡσυχίαν ἀποτίκτουσι καὶ
-ἐκγλύφουσι, καὶ θηρῶνται στρουθοὺς καὶ πελειάδας,
-καὶ τοὺς νεοττοὺς ἐν ἀφθόνοις ἐκτρέφουσιν· εἶτα
-ἤδη παγέντας καὶ ἐκπετησίμους γεγενημένους παραλαβόντες
-ἐς τὴν Αἴγυπτον ἀπάγουσιν, ὥσπερ οὖν ἐς
-τὰ οἰκεῖα τὰ πατρῷα τὰς ἐν τοῖς συντρόφοις χωρίοις διατριβάς.
-</p>
-</div2>
-<div2 type="chapter" n="44">
-<p> αἱ ἰουλίδες ἰχθῦς εἰσι πέτραις ἔντροφοι, καὶ
-ἔχουσιν ἰοῦ τὸ στόμα ἔμπλεων καὶ ὅτου ἂν ἰχθύος
-ἀπογεύσωνται, ἄβρωτον ἀπέφηναν αὐτόν. ἤδη δὲ
-καὶ οἱ ἁλιεῖς ἡμιβρώτῳ καρίδι περιτυχόντες, καὶ
-ἀξιώσαντες τὸ θήραμα ἄπρατον ὄν, εἰ ἀπογεύσαιντο
-<pb id="p.55"/>
-αὐτοῦ ὑπὸ πενίας, κλονοῦνται τὴν γαστέρα καὶ στρέφονται.
-λυποῦσι δὲ καὶ τοὺς ἐν ταῖς ὑδροθηρίαις
-ὑποδυομένους τε καὶ νηχομένους, πολλαὶ καὶ δηκτικαὶ
-προσπίπτουσαι, ὡς αὐτόχρημα ἐπὶ τῆς γῆς αἱ
-μυῖαι· καὶ δεῖ σοβεῖν αὐτὰς ἤ κολάζεσθαι ἐσθιόμενον· 
-σοβοῦντι δὲ ἐκ τῆς ἀσχολίας ἀπόλωλε τὸ ἔργον.
-</p>
-</div2>
-<div2 type="chapter" n="45">
-<p>λαγὼς δὲ θαλάττιος βρωθεὶς καὶ θάνατον ἤνεγκε 
-πολλάκις, πάντως δὲ τὴν γαστέρα ὠδύνησεν. τίκτεται
-δὲ ἄρα ἐν πηλῷ, οὐκ ὀλιγάκις δὲ ταῖς ἀφύαις
-συναλίσκεται· εἴη δʼ ἂν κατὰ τὸν κοχλίαν τὸν γυμνὸν τὸ εἶδος. 
-</p>
-</div2>
-<div2 type="chapter" n="46">
-<p>γὺψ νεκρῷ πολέμιος. ἐσθίει γοῦν ἐμπεσὼν ὡς 
-ἐχθρὸν καὶ φυλάσσει τεθνηξόμενον. καὶ μέντοι καὶ
-ταῖς ἐκδήμοις στρατιαῖς ἕπονται γῦπες, καὶ μάλα γε
-μαντικῶς ὅτι ἐς πόλεμον χωροῦσιν εἰδότες, καὶ ὅτι 
-μάχη πᾶσα ἐργάζεται νεκρούς, καὶ τοῦτο ἐγνωκότες.
-γῦπα δὲ ἄρρενα οὔ φασι γίνεσθαί ποτε, ἀλλὰ θηλείας
-ἁπάσας· ὅπερ ἐπιστάμενα τὰ ζῷα καὶ ἐρημίαν
-τέκνων δεδιότα ἐς ἐπιγονὴν τοιαῦτα δρᾷ. ἀντίπρῳροι
-τῷ νότῳ πέτονται· εἰ δὲ μὴ εἴη νότος, τῷ εὔρῳ 
-κεχήνασι, καὶ τὸ πνεῦμα ἐσρέον πληροῖ αὐτάς, καὶ
-κύουσι τριῶν ἐτῶν. λέγουσι δὲ νεοττιὰν μὴ ὐποπλέκειν
-γῦπα. τοὺς δὲ αἰγυπιούς, ἐν μεθορίῳ γυπῶν
-ὄντας καὶ ἀετῶν, εἶναι καὶ ἄρρενας καὶ τὴν χρόαν
-πεφυκέναι μέλανας. καὶ τούτων μὲν ἀκούω καὶ νεοττιὰς 
-δείκνυσθαι· γῦπας δὲ μὴ ᾠὰ τίκτειν πέπυσμαι,
-νεοττοὺς δὲ ὠδίνειν. καὶ ὡς ἀπὸ γενεᾶς κατάπτεροί
-εἰσι, καὶ τοῦτο ἤκουσα.
-</p>
-</div2>
-<div2 type="chapter" n="47">
-<p>ἰκτῖνος ἐς ἁρπαγὴν ἀφειδέστατος. οἵδε τῶν μὲν 
-ἐξ ἀγορᾶς ἐμποληθέντων κρεαδίων ἐὰν γένωνται 
-κρείττους, ἥρπασαν προσπεσόντες, τῶν δὲ ἐκ τῆς τοῦ
-Διὸς ἱερουργίας οὐκ ἂν προσάψαιντο.
-<pb id="p.56"/>
-Ἡ δὲ ὄρειος ἅρπη τῶν ὀρνίθων προσπεσοῦσα
-τοὺς ὀφθαλμοὺς ἀφαρπάζει.
-</p>
-</div2>
-<div2 type="chapter" n="48">
-<p> κόρακες Αἰγύπτιοι, ὅσοι τῷ Νείλῳ παραδιαιτῶνται,
-τῶν πλεόντων τὰ πρῶτα ἐοίκασιν ἱκέται
-εἶναι, λαβεῖν τι αἰτοῦντες· καὶ λαβόντες μὲν ἡσυχάζουσιν,
-ἀτυχήσαντες δὲ ὧν ᾔτουν συμπέτονται, καὶ
-ἑαυτοὺς καθίσαντες ἐπὶ τὸ κέρας τῆς νεὼς τῶν σχοίνων
-ἐσθίουσί τε καὶ διατέμνουσι τὰ ἅμματα. Λίβυες
-δὲ κόρακες, ὅταν οἱ ἄνθρωποι φόβῳ δίψους ὑδρευσάμενοι
-πληρώσωσι τὰ ἀγγεῖα ὕδατος, καὶ κατὰ τῶν
-τεγῶν θέντες ἐάσωσι τῷ ἀέρι τὸ ὕδωρ φυλάττειν
-ἄσηπτον, ἐνταῦθα ἐς ὅσον μὲν αὐτοῖς τὰ ῥάμφη κάτεισιν
-ἐγκύπτοντες, χρῶνται τῷ ποτῷ· ὅταν δὲ ὑπολήξῃ,
-ψήφους κομίζουσι καὶ τῷ στόματι καὶ τοῖς
-ὄνυξι, καὶ ἐμβάλλουσιν ἐς τὸν κέραμον· καὶ αἳ μὲν
-ἐκ τοῦ βάρους ὠθοῦνται καὶ ὑφιζάνουσι, τό γε μὴν
-ὕδωρ θλιβόμενον ἀναπλεῖ. καὶ πίνουσιν εὖ μάλα εὐμηχάνως
-οἱ κόρακες, εἰδότες φύσει τινὶ ἀπορρήτῳ
-δύο σώματα μίαν χώραν μὴ δέχεσθαι.
-</p>
-</div2>
-<div2 type="chapter" n="49">
-<p> λέγει Ἀριστοτέλης εἰδέναι τοὺς κόρακας διαφορὰν
-γῆς εὐδαίμονός τε καὶ λυπρᾶς, καὶ ἐν μὲν τῇ
-παμφόρῳ τε καὶ πολυφόρῳ κατά τε ἀγέλας καὶ πλήθη
-φέρεσθαι, ἐν δὲ τῇ ἀγόνῳ καὶ στερίφῃ κατὰ δύο.
-τούς γε μὴν νεοττοὺς τοὺς ἐκτραφέντας τῆς ἑαυτῶν
-ἕκαστος καλιᾶς φυγάδας ἀποφαίνουσιν· ὑπὲρ ὅτου
-τροφὴν μαστεύουσι, καὶ τοὺς γειναμένους σφᾶς μὴ τρέφουσιν.
-</p>
-</div2>
-<div2 type="chapter" n="50">
-<p> Ὑπονύξαντες ἰὸν ἀφιᾶσιν ἰχθύων κωβιὸς καὶ
-δράκων καὶ χελιδών, οὐ μὴν ἐς θάνατον· ἡ τρυγὼν
-δὲ ἀποκτείνει παραχρῆμα τῷ κέντρῳ. καὶ λέγει γε
-Λεωνίδης ὁ Βυζάντιος ἰχθύων φύσεώς τε καὶ κρίσεως
-ἄπειρον ἄνθρωπον ἁρπάσαντα ἐκ δικτύου τρυγόνα
-<pb id="p.57"/>
-ʽᾤετο δὲ ἄρα ὁ δυστυχὴς ψῆτταν εἶναἰ φέροντα
-ἐπικόλπιον ἐμβαλεῖν καὶ βαδίζειν, ὥς τι ἀγαθὸν
-εὑρόντα καὶ ἐς ἐμπολὴν κερδαλέον ἑαυτῷ ἅρπαγμα.
-ἣ δὲ ἄρα ἤλγησε πιεζομένη, καὶ παίει τῷ κέντρῳ
-πείρασα, καὶ ἐξέχεε τοῦ δυστυχοῦς κλέπτου τὰ 
-σπλάγχνα. καὶ ἔκειτο παρὰ τῇ τρυγόνι νεκρὸς ὁ φώρ,
-ἐναργὴς ἔλεγχος ὧν οὐκ εἰδὼς ἔδρασεν.
-</p>
-</div2>
-<div2 type="chapter" n="51">
-<p>ὁ κόραξ, οὐκ ἂν αὐτὸν ἐς τόλμαν ἀθυμότερον 
-εἴποις τῶν ἀετῶν. ὁμόσε γὰρ καὶ αὐτὸς τοῖς ζῴοις
-χωρεῖ, οὐ μέντοι τοῖς βραχυτάτοις, ἀλλʼ ὄνῳ τε καὶ 
-ταύρῳ· κάθηταί τε γὰρ κατὰ τῶν τενόντων καὶ κόπτει
-αὐτούς, πολλῶν δὲ καὶ τοὺς ὀφθαλμοὺς ἐξέκοψεν
-ὁ κόραξ. μάχεται δὲ καὶ ὄρνιθι ἰσχυρῷ, τῷ καλουμένῳ
-αἰσάλωνι· καὶ ὅταν θεάσηται ἀλώπεκι μαχόμενον,
-τιμωρεῖται· πρὸς γὰρ ἐκείνην ἔχει τινὰ φιλίαν. ἦν 
-δὲ ἄρα ὀρνίθων πολυκλαγγότατός τε καὶ πολυφωνότατος·
-μαθὼν γὰρ καὶ ἀνθρωπίνην προΐησι φωνήν.
-φθέγμα δὲ αὐτοῦ παίζοντος μὲν ἄλλο, σπουδάζοντος
-δὲ ἕτερον· εἰ δὲ ὑποκρίνοιτο τὰ ἐκ τῶν θεῶν, ἱερὸν
-ἐνταῦθα καὶ μαντικὸν φθέγγεται. ἴσασι δὲ διὰ τοῦ 
-θέρους ἐνοχλούμενοι ῥύσει γαστρός, καὶ διὰ ταῦτα
-ἑαυτοὺς ὑγρᾶς τροφῆς ἀγεύστους φυλάττουσιν.
-</p>
-</div2>
-<div2 type="chapter" n="52">
-<p>λέγει δὲ Ἀριστοτέλης τῶν ζῴων τὰ μὲν ζῳοτόκα 
-εἶναι, τὰ δὲ ᾠὰ τίκτειν, τὰ δὲ σκώληκας· καὶ ζῷα
-μὲν ἀνθρώπους γεννᾶν καὶ τὰ λοιπὰ ὅσα τριχῶν 
-ἐστιν ἐπήβολα, καὶ τὰ κητώδη τῶν ἐνύδρων· τούτων
-δὲ τὰ μὲν αὐλόν, βράγχια δὲ οὐκ ἔχειν, οἷον δελφῖνα καὶ φάλαιναν.
-</p>
-</div2>
-<div2 type="chapter" n="53">
-<p>Μυσοῖς ἄγουσιν ἄχθη βόες, καὶ κεράτων ἄμοιροί 
-εἰσι. λέγω δὲ τὴν ἀγέλην ἄκερων ὁρᾶσθαι οὐκέτι 
-διὰ κρύος, ἀλλὰ τῶν βοῶν τῶνδε ἰδίᾳ φύσει,
-καὶ τὸ μαρτύριον παρὰ πόδας· γίνονται γὰρ καὶ ἐν
-<pb id="p.58"/>
-Σκύθαις κεράτων οὐκ ἀγέραστοι βόες. ἐγὼ δὲ ἀκούω
-λέγοντός τινος ἐν συγγραφῇ καὶ μελίττας Σκυθίδας
-εἶναι, ἐπαΐειν τε τοῦ κρύους οὐδὲ ἕν, καὶ μέντοι
-καὶ πιπράσκειν ἐς Μυσοὺς κομίζοντας Σκύθας οὐκ
-ὀθνεῖον σφίσιν ἀλλὰ αὐθιγενὲς μέλι καὶ κηρία ἐπιχώρια.
-εἰ δὲ ἐναντία Ἡροδότῳ λέγω, μή μοι ἀχθέσθω·
-ὁ γὰρ ταῦτα εἰπὼν ἱστορίαν ἀποδείκνυσθαι
-ἀλλʼ οὐκ ἀκοὴν ᾅδειν ἔφατο ἡμῖν ἀβασάνιστον.
-</p>
-</div2>
-<div2 type="chapter" n="54">
-<p> τῶν θαλαττίων πυνθάνομαι μόνον τὸν σκάρον
-τὴν τροφὴν ἀναπλέουσαν ἐπεσθίειν, ὥσπερ οὖν καὶ
-τὰ βληχητά, ἃ δὴ καὶ μαρυκᾶσθαι λέγουσιν.
-</p>
-</div2>
-<div2 type="chapter" n="55">
-<p> ὁ γαλεὸς ὠδίνει διὰ τοῦ στόματος ἐν τῇ θαλάττῃ,
-πάλιν τε ἐσδέχεται τὰ βρέφη, καὶ ἀνεμεῖ ταῖς
-αὐταῖς ὁδοῖς ζῶντα καὶ ἀπαθῆ.
-</p>
-</div2>
-<div2 type="chapter" n="56">
-<p> Μυὸς ἧπαρ καὶ μάλα ἐκπληκτικῶς τε καὶ παραδόξως
-τῆς μὲν σελήνης αὐξανομένης λοβὸν ἑαυτῷ
-τινα ἐπιτίκτει ὁσημέραι μέχρι διχομήνου· εἶτα αὖ
-πάλιν ὑπολήγει μειουμένου τοῦ μηνὸς τὸν ἴσον λόγον,
-ἔστʼ ἂν ἐς σῶμα κατολίσθῃ ἀνείδεον. ἀκούω
-δὲ ἐν τῇ Θηβαΐδι χαλάζης πεσούσης ἐπὶ τῆς γῆς
-ὁρᾶσθαι μύας, ὧν τὸ μὲν πηλός ἐστιν ἔτι, τὸ δὲ
-σὰρξ ἤδη. ἐγὼ δὲ αὐτὸς ἐκ τῆς Ἰταλικῆς Νέας πόλεως
-ἐλαύνων ἐς Δικαιαρχίαν ὕσθην βατράχοις,
-καὶ τὸ μὲν μέρος αὐτῶν τὸ πρὸς τῇ κεφαλῇ εἷρπε,
-καὶ δύο πόδες ἦγον αὐτό, τὸ δὲ ἐπεσύρετο ἔτι ἄπλαστον,
-καὶ ἐῴκει ἔκ τινος ὕλης ὑγρᾶς συνεστῶτι.
-</p>
-</div2>
-<div2 type="chapter" n="57">
-<p> τὸ τῶν βοῶν ἄρα πάγχρηστον ἦν γένος καὶ ἐς
-γεωργίας κοινωνίαν καὶ ἐς ἀγωγὴν φόρτου διαφόρου.
-καὶ γαυλοὺς ἐμπλῆσαι βοῦς ἀγαθός ἐστι, καὶ
-βωμοὺς κοσμεῖ, καὶ ἀγάλλει πανηγύρεις, καὶ πανθοινίαν
-παρέχει. καὶ ἀποθανὼν δὲ βοῦς γενναῖόν
-τι χρῆμα καὶ ἀξιέπαινον. μέλιτται γοῦν ἐκ τῶν
-<pb id="p.59"/>
-ἐκείνου λειψάνων ἐκφύονται, ζῷον φιλεργότατον καὶ
-τῶν καρπῶν τὸν ἄριστόν τε καὶ γλύκιστον ἐν ἀνθρώποις
-παρασκευάζον, τὸ μέλι.</p>
-</div2>
-</div1>
-<div1 type="book" n="3">
-<div2 type="chapter" n="1">
-<p>
-Μαυρουσίῳ δὲ ἀνδρὶ ὁ λέων καὶ ὁδοῦ κοινωνεῖ 
-καὶ πίνει τῆς αὐτῆς πηγῆς ὕδωρ. ἀκούω δὲ ὅτι καὶ
-ἐς τὰς οἰκίας τῶν Μαυρουσίων οἱ λέοντες φοιτῶσιν,
-ὅταν αὐτοῖς ἀπαντήσῃ ἀθηρία καὶ λιμὸς αὐτοὺς ἰσχυρὸς
-περιλάβῃ. καὶ ἐὰν μὲν παρῇ ὁ ἀνήρ, ἀνείργει
-τὸν λέοντα καὶ ἀναστέλλει διώκων ἀνὰ κράτος· ἐὰν 
-δὲ ὃ μὲν ἀπῇ, μόνη δὲ ἡ γυνὴ καταλειφθῇ, λόγοις
-αὐτὸν ἐντρεπτικοῖς ἴσχει τοῦ πρόσω καὶ ῥυθμίζει,
-σωφρονίζουσα ἑαυτοῦ κρατεῖν καὶ μὴ φλεγμαίνειν
-ὑπὸ τοῦ λιμοῦ. ἐπαΐει δὲ ἄρα λέων φωνῆς Μαυρουσίας,
-καὶ ὁ νοῦς τῆς ἐπιπλήξεως τῇ γυναικὶ τῆς πρὸς 
-τὸ θηρίον τοιόσδε ἐστίν, ὡς ἐκεῖνοι λέγουσι· ʽσὺ δὲ
-οὐκ αἰδῇ λέων ὢν ὁ τῶν ζῴων βασιλεὺς ἐπὶ τὴν
-ἐμὴν καλύβην ἰών, καὶ γυναικὸς δεόμενος ἵνα τραφῇς,
-καὶ δίκην ἀνθρώπου λελωβημένου τὸ σῶμα ἐς
-χεῖρας γυναικείας ἀποβλέπεις, ἵνα οἴκτῳ καὶ ἐλέῳ 
-τύχῃς ὧν δέῃ; ὃν δέον ἐς ὀρείους ὁρμῆσαι διατριβὰς
-ἐπί τε ἐλάφους καὶ βουβαλίδας καὶ τὰ λοιπὰ
-ὅσα λεόντων δεῖπνον ἔνδοξον. κυνιδίου δὲ ἀθλίου
-φύσει ἀγαπᾷς παρατραφῆναι.ʼ καὶ ἣ μὲν ἐπᾴδει
-τοιαῦτα, ὃ δὲ ὥσπερ οὖν πληγεὶς τὴν ψυχὴν καὶ ὑποπλησθεὶς 
-αἰδοῦς ἡσυχῆ καὶ κάτω βλέπων ἀπαλλάττεται,
-ἡττηθεὶς τῶν δικαίων. εἰ δὲ ἵπποι καὶ κύνες
-διὰ τὴν συντροφίαν ἀπειλούντων ἀνθρώπων συνιᾶσι
-<pb id="p.60"/>
-καὶ καταπτήσσουσι, καὶ Μαυρουσίους οὐκ ἂν θαυμάσαιμι
-λεόντων ὄντας συντρόφους καὶ ὁμοτρόφους
-αὐτοῖς ὑπʼ αὐτῶν ἐκείνων ἀκούεσθαι. τοῖς γάρ τοι
-βρέφεσι τοῖς ἑαυτῶν μαρτυροῦσιν ὅτι τοὺς σκύμνους
-τῶν λεόντων τῆς ἴσης τε καὶ ὁμοίας διαίτης ἀξιοῦσι
-καὶ κοίτης μιᾶς καὶ στέγης· καὶ ἐκ τούτων καὶ φωνῆς
-τῆς προειρημένης ἀκούειν τοὺς θῆρας, οὐδὲν
-οὔτε ἄπιστον οὔτε παράδοξον.
-</p>
-</div2>
-<div2 type="chapter" n="2">
-<p> ἵππου δὲ τῆς Λιβύσσης πέρι Λιβύων λεγόντων
-ἀκούω τοιαῦτα. ὤκιστοι μέν εἰσιν ἵππων, καμάτου
-δὲ ἤ τι αἰσθάνονται ἢ οὐδὲ ἕν. λεπτοὶ δὲ καὶ οὐκ
-εὔσαρκοι, ἐπιτήδειοί γε μὴν καὶ φέρειν ὀλιγωρίαν δεσπότου
-εἰσίν. οὔτε γοῦν αὐτοῖς κομιδὴν προσφέρουσιν
-οἱ δεσπόται, οὐ καταψῶντες, οὐ καλινδήθραν
-ἐργασάμενοι, οὐχ ὁπλὰς ἐκκαθαίροντες, οὐ κόμας
-κτενίζοντες, οὐ χαίτας ὑποπλέκοντες, οὐ λούοντες
-καμόντας, ἀλλὰ ἅμα τε διήνυσαν τὸν προκείμενον
-δρόμον, καὶ ἀποβάντες νέμεσθαι ἱᾶσι. καὶ λεπτοὶ
-μὲν καὶ αὐχμώδεις οἱ Λίβυες, ἐπὶ τοιούτων δὲ καὶ
-ἵππων ὀχοῦνται. σοβαροὶ δὲ Μῆδοι καὶ ἁβροί, καὶ
-μέντοι καὶ οἱ ἐκείνων ἵπποι. φαίης ἂν αὐτοὺς τρυφᾶν
-σὺν τοῖς δεσπόταις καὶ τῷ μεγέθει τοῦ σώματος
-καὶ τῷ κάλλει, ἤδη δὲ καὶ τῇ χλιδῇ καὶ τῇ θεραπείᾳ
-τῇ ἔξωθεν. ταῦτά τοι καὶ περὶ τῶν κυνῶν
-ἔπεισι νοεῖν μοι. κύων Κρῆσσα κούφη καὶ ἁλτικὴ
-καὶ ὀρειβασίαις σύντροφος· καὶ μέντοι καὶ αὐτοὶ
-Κρῆτες τοιούτους αὑτοὺς παραδεικνύασι, καὶ ᾅδει ἡ
-φήμη. θυμικώτατος δὲ κυνῶν Μολοσσός, ἐπεὶ θυμωδέστατοι
-καὶ οἱ ἄνδρες. ἀνὴρ δὲ Καρμάνιος καὶ
-κύων ἀμφότεροι ἀγριωτάτω καὶ μειλιχθῆναι ἀτέγκτω, φασίν.
-</p>
-</div2>
-<div2 type="chapter" n="3">
-<p> ἴδια δὲ ἄρα φύσεως ζῴων καὶ ταῦτα ἦν. ὗν
-<pb id="p.61"/>
-οὔτε ἄγριον οὔτε ἥμερον ἐν Ἰνδοῖς γίνεσθαι λέγει
-Κτησίας, πρόβατα δὲ τὰ ἐκείνων οὐρὰς πήχεως ἔχειν
-τὸ πλάτος πού φησιν.
-</p>
-</div2>
-<div2 type="chapter" n="4">
-<p>οἱ μύρμηκες οἱ Ἰνδικοὶ οἱ τὸν χρυσὸν φυλάττοντες 
-</p>
-</div2>
-<div2 type="chapter" n="5">
-<p>οὐκ ἂν διέλθοιεν τὸν καλούμενον Καμπύλινον 
-ποταμόν. Ἰσσηδόνες δὲ τούτοις συνοικοῦντες τοῖς
-μύρμηξι καλοῦνταί τε καί εἰσιν.
-φαγοῦσα ὄφεως χελώνη καὶ ἐπιτραγοῦσα ὀριγάνου 
-ἐξάντης γίνεται τοῦ κακοῦ, ὃ πάντως αὐτὴν
-ἀνελεῖν ἔμελλεν. 
-περιστερὰν δὲ ὀρνίθων σωφρονεστάτην καὶ κεκολασμένην
-ἐς ἀφροδίτην μάλιστα ἀκούω λεγόντων·
-οὐ γάρ ποτε ἀλλήλων διασπῶνται, οὔτε ἡ θήλεια,
-ἐὰν μὴ ἀφαιρεθῇ τύχῃ τινὶ τοῦ συννόμου, οὔτε ὁ
-ἄρρην, ἐὰν μὴ χῆρος γένηται. 
-πέρδικες δὲ ἀκράτορές εἰσιν ἀφροδίτης· οὐκοῦν
-τὰ ᾠὰ τὰ γεννώμενα ἀφανίζουσιν, ἵνα μὴ ἄγωσιν αἱ
-θήλειαι παιδοτροφοῦσαι τῆς πρὸς αὐτοὺς ὁμιλίας ἀσχολίαν.
-</p>
-</div2>
-<div2 type="chapter" n="6">
-<p>λύκοι ποταμὸν διανέοντες, ὑπὲρ τοῦ μὴ πρὸς 
-βίαν ἐκ τῆς τοῦ ῥεύματος ἐμβολῆς ἀνατρέπεσθαι
-ἕρμα ἴδιον αὐτοῖς ἡ φύσις συμπλάσασα ἐδιδάξατο
-σωτηρίαν ἐξ ἀπόρων καὶ μάλα εὔπορον. τὰς οὐρὰς
-τὰς ἀλλήλων ἐνδακόντες, εἶτα ἀντιπίπτουσι τῷ ῥεύματι,
-καὶ ἀλύπως διενήξαντο καὶ ἀσφαλῶς. 
-</p>
-</div2>
-<div2 type="chapter" n="7">
-<p>ὄνοις θηλείαις βρώμησιν ἡ φύσις οὐκ ἔνειμε, 
-φασί. κύνας δὲ ἀφώνους ἀποφαίνειν ταῖς ὑαίναις ἡ
-αὐτὴ παρέσχεν. εὐωδία δὲ καὶ μύρον γυψὶν αἴτια
-θανάτου. κύκνων δὲ κώνειον ὄλεθρος. κάμηλον δὲ
-ὡς δέδοικεν ἵππος ἔγνω Κῦρός τε καὶ Κροῖσος, ὥς φασιν. 
-</p>
-</div2>
-<div2 type="chapter" n="8">
-<p>τὰ βρέφη τὰ τῶν ἵππων ὅταν αἱ μητέρες καταλίπωσι 
-<pb id="p.62"/>
-πρὸ τῆς ἐκείνων ἐκθρέψεως οἷον ὀρφανά,
-ἐκτρέφουσι μετὰ τῶν οἰκείων παιδίων οἰκτείρουσαι
-αἱ ἄλλαι αὐτά.
-</p>
-</div2>
-<div2 type="chapter" n="9">
-<p> κορῶναι ἀλλήλαις εἰσὶ πιστόταται, καὶ ὅταν ἐς
-κοινωνίαν συνέλθωσι, πάνυ σφόδρα ἀγαπῶσι σφᾶς,
-καὶ οὐκ ἂν ἴδοι τις μιγνύμενα ταῦτα τὰ ζῷα ἀνέδην
-καὶ ὡς ἔτυχεν. λέγουσι δὲ οἱ τὰ ὑπὲρ τούτων ἀκριβοῦντες
-ὅτι ἂν ἀποθάνῃ τὸ ἕτερον, τὸ λοιπὸν χηρεύει.
-ἀκούω δὲ τοὺς πάλαι καὶ ἐν τοῖς γάμοις μετὰ
-</p>
-</div2>
-<div2 type="chapter" n="10">
-<p> τὸν ὑμέναιον τὴν κορώνην ᾅδειν, σύνθημα ὁμονοίας
-τοῦτο τοῖς συνιοῦσιν ἐπὶ παιδοποιίᾳ διδόντας. οἱ
-δὲ ἕδρας ὀρνίθων καὶ πτήσεις παραφυλάττοντες οὐκ
-εὐσύμβολον ὀττεύουσιν εἶναί φασιν ὑπακοῦσαι κορώνη
-μία. ἐπεὶ δὲ ἡ γλαῦξ ἐστιν αὐτῇ πολέμιον, καὶ
-νύκτωρ ἐπιβουλεύει τοῖς ᾠοῖς τῆς κορώνης, ἣ δὲ
-μεθʼ ἡμέραν ἐκείνην ταὐτὸ δρᾷ τοῦτο, εἰδυῖα ἔχειν
-τὴν ὄψιν τηνικαῦτα τὴν γλαῦκα ἀσθενῆ.
-ἐχῖνον τὸν χερσαῖον οὐκ ἄσοφον οὐδʼ ἀμαθῆ ταμιείας
-τῆς ἐς τὴν χρείαν ἡ φύσις ἐποίησεν. ἐπεὶ γὰρ
-δεῖται τροφῆς διετησίου, τὰ δὲ ὡραῖα οὐ πᾶσα ὥρα
-δίδωσιν, ἑαυτὸν ἐν ταῖς τρασιαῖς κυλίει, φασί, καὶ
-τῶν ἰσχάδων τὰς περιπαρείσας, αἳ πολλαὶ ἐμπήγνυνται
-ταῖς ἀκάνθαις, ἡσυχῆ κομίζει καὶ ἀποθησαυρίσας
-φυλάττει, καὶ ἔχει λαβεῖν ἐκ τοῦ φωλεοῦ, ὅτε
-πορίσαι οὐχ οἷόν τε ἔξωθέν ἐστιν.
-</p>
-</div2>
-<div2 type="chapter" n="11">
-<p> ἤδη μέντοι καὶ τῶν ζῴων τὰ ἀγριώτατα πρὸς τὰ
-ὀνῆσαι δυνάμενα εἰρηναῖα καὶ ἔνσπονδά ἐστι, τῆς
-συμφυοῦς κακίας ἐς τὴν χρείαν παραλυθέντα. ὁ γοῦν
-κροκόδειλος νήχεταί τε ἅμα καὶ κέχηνεν. ἐμπίπτουσιν
-οὖν αἱ βδέλλαι ἐς αὐτὸν καὶ λυποῦσιν. ὅπερ εἰδὼς
-ἰατροῦ δεῖται τοῦ τροχίλου· πλήρης γὰρ αὐτῶν
-γενόμενος, ἐπὶ τὴν ὄχθην προελθὼν κατὰ τῆς ἀκτῖνος
-<pb id="p.63"/>
-κέχηνεν. ὁ τοίνυν τροχίλος ἐμβαλὼν τὸ ῥάμφος
-ἐξάγει τὰς προειρημένας, καρτερεῖ δὲ ὠφελούμενος
-ὁ κροκόδειλος καὶ ἀτρεμεῖ. καὶ ὃ μὲν ἔχει δεῖπνον
-τὰς βδέλλας, ὃ δὲ ὀνίναται, καὶ τὸ μηδὲν ἀδικῆσαι
-τὸν τροχίλον λογίζεταί οἱ μισθόν. 
-</p>
-</div2>
-<div2 type="chapter" n="12">
-<p>κολοιοὺς δὲ εὐεργέτας νομίζουσι καὶ Θετταλοὶ 
-καὶ Ἰλλυριοὶ καὶ Λήμνιοι, καὶ δημοσίας γε αὐτοῖς
-τροφὰς ἐψηφίσαντο, ἐπεὶ τῶν ἀκρίδων, αἳ λυμαίνονται
-τοὺς καρποὺς τοῖς προειρημένοις, τὰ ᾠὰ ἀφανίζουσί
-τε οἱ κολοιοὶ καὶ διαφθείρουσι τὴν ἐπιγονὴν 
-αὐτοῖς. μειοῦται δὴ κατὰ πολὺ τὰ τῶν ἀκρίδων νέφη,
-καὶ τοῖς προειρημένοις μένει τὰ ὡραῖα ἀσινῆ.
-</p>
-</div2>
-<div2 type="chapter" n="13">
-<p>αἱ γέρανοι γίνονται μὲν ἐν Θρᾴκῃ, ἣ δὲ χειμεριώτατον 
-χωρίων ἐστὶ καὶ κρυμωδέστατον ὧν ἀκούω.
-οὐκοῦν φιλοῦσι τὴν χώραν ἐν ᾗ γεγόνασι, φιλοῦσι 
-δὲ καὶ ἑαυτάς, καὶ νέμουσι τὸ μέν τι τοῖς ἤθεσι τοῖς
-πατρῴοις, τὸ δέ τι τῇ σφῶν αὐτῶν σωτηρίᾳ. τοῦ
-μὲν γὰρ θέρους κατὰ χώραν μένουσι, φθινοπώρου
-δὲ ἤδη μεσοῦντος ἐς Αἴγυπτόν τε καὶ Λιβύην ἀπαίρουσι
-καὶ Αἰθιοπίαν, ὥσπερ οὖν γῆς περίοδον εἰδυῖαι 
-καὶ φύσεις ἀέρων καὶ ὡρῶν διαφοράς. καὶ
-χειμῶνα ἠρινὸν διαγαγοῦσαι, πάλιν ὅταν ὑπεύδια
-ἄρξηται καὶ εἰρηναῖα τὰ τοῦ ἀέρος, ὑποστρέφουσιν
-ὀπίσω. ποιοῦνται δὲ ἡγεμόνας τῆς πτήσεως τὰς ἤδη
-τῆς ὁδοῦ πεπειραμένας· εἶεν δʼ ἂν ὡς τὸ εἰκὸς αἱ 
-πρεσβύτεραι. καὶ οὐραγεῖν δὲ τὰς τηλικαύτας ἀποκρίνουσι·
-μέσαι δὲ αὐτῶν αἱ νέαι τετάχαται. φυλάξασαι
-δὲ ἄνεμον οὖρον καὶ φίλον σφίσι καὶ κατόπιν
-ῥέοντα, χρώμεναί οἱ πομπῷ καὶ ἐπωθοῦντι ἐς τὸ
-πρόσω, εἶτα μέντοι τρίγωνον ὀξυγώνιον τὸ σχῆμα 
-τῆς πτήσεως ἀποφήνασαι, ἵνα ἐμπίπτουσαι τῷ ἀέρι
-διακόπτωσιν αὐτὸν ῥᾷστα, τῆς πορείας ἔχονται. οὕτω
-<pb id="p.64"/>
-μὲν δὴ θερίζουσί τε καὶ χειμάζουσι γέρανοι· σοφίαν
-δὲ ἥγηνται ἄνθρωποι θαυμαστὴν τοῦ Περσῶν βασιλέως
-ἐς ἐπιστήμην ἀέρων κράσεως, Σοῦσα καὶ Ἐκβάτανα
-ᾅδοντες καὶ τὰς δεῦρο καὶ ἐκεῖσε τοῦ Πέρσου
-τεθρυλημένας μεταβάσεις. ὅταν δὲ προσφερόμενον
-ἀετὸν αἱ γέρανοι θεάσωνται, γενόμεναι κυκλόσε καὶ
-κολπωσάμεναι ἀπειλοῦσιν ὡς ἀντιταξόμεναι· ὃ δὲ
-κρούεται τὸ πτερόν. ἀλλήλων δὲ τοῖς πυγαίοις ἐπερείδουσαι
-τὰ ῥάμφη, εἶτα μέντοι τρόπον τινὰ τὴν
-πτῆσιν συνδέουσι, καὶ τὸν κάματον σφίσιν εὐκάματον
-ἀποφαίνουσι, πεφεισμένως ἀναπαυόμεναι ἐς ἀλλήλας
-αἱ αὐταί. ἐν δὲ γῇ μηκίστῃ πηγῆς ὅταν
-τύχωσιν, ἀναπαύονται νύκτωρ καὶ καθεύδουσι,
-τρεῖς δὲ ἢ τέσσαρες προφυλάττουσι τῶν λοιπῶν
-καὶ ὑπὲρ τοῦ μὴ κατακοιμίσαι τὴν φυλακὴν ἑστᾶσι
-μὲν ἀσκωλιάζουσαι, τῷ γε μὴν μετεώρῳ ποδὶ λίθον
-κατέχουσι τοῖς ὄνυξι μάλα ἐγκρατῶς τε καὶ
-εὐλαβῶς, ἵνα ἐάν ποτε λάθωσιν ἑαυτὰς ἐς ὕπνον
-ὑπολισθάνουσαι, πεσὼν καὶ ὑποκτυπήσας ὁ λίθος
-ἀποδαρθάνειν καταναγκάσῃ. γέρανος δὲ λίθον ὅνπερ
-οὖν καταπίνει ὑπὲρ τοῦ ἔχειν ἕρμα, χρυσοῦ βάσανός
-ἐστιν, ὅταν οἷον ὁρμισαμένη καὶ καταχθεῖσα
-εἶτα μέντοι ἀνεμέσῃ αὐτόν.
-</p>
-</div2>
-<div2 type="chapter" n="14">
-<p> κυβερνήτης ἰδὼν ἐν πελάγει μέσῳ γεράνους
-ὑποστρεφούσας καὶ τὴν ἔμπαλιν πετομένας, συνεῖδεν
-ἐναντίου προσβολῇ πνεύματος ἐκείνας ἀποστῆναι τοῦ
-πρόσω· καὶ τῶν ὀρνέων ὡς ἂν εἴποις μαθητὴς γενόμενος
-παλίμπλους ἦλθε, καὶ τὴν ναῦν περιέσωσε.
-καὶ τοῦτο πρῶτον γενόμενον μάθημά τε ὁμοῦ καὶ
-παίδευμα ὑπὸ τῶνδε τῶν ὀρνίθων τοῖς ἀνθρώποις παρεδόθη.
-</p>
-</div2>
-<div2 type="chapter" n="15">
-<p> περιστεραὶ ἐν μὲν ταῖς πόλεσι τοῖς ἀνθρώποις
-<pb id="p.65"/>
-συναγελάζονται, καί εἰσι πραόταται, καὶ εἰλοῦνται
-περὶ τοῖς ποσίν, ἐν δὲ τοῖς ἐρήμοις χωρίοις ἀποδιδράσκουσι,
-καὶ τοὺς ἀνθρώπους οὐχ ὑπομένουσι.
-θαρροῦσι μὲν γὰρ τοῖς πλήθεσι, καὶ ὅτι μηδὲν πείσονται
-δυσχερὲς ἴσασι κάλλιστα. ὅπου δὲ ὀρνιθοθῆραι 
-καὶ δίκτυα καὶ ἐπιβουλαὶ κατʼ αὐτῶν, ἄτρεστα
-οἰκοῦσιν οὐκέτι, ἵνα εἴπω τὸ ἐπʼ αὐτῶν ἐκείνων λεχθὲν Εὐριπίδῃ.
-</p>
-</div2>
-<div2 type="chapter" n="16">
-<p>ὅταν μέλλωσι πέρδικες πρὸς τῷ τίκτειν εἶναι, 
-παρασκευάζουσιν ἑαυτοῖς ἔκ τινων καρφῶν τὴν καλουμένην 
-ἅλω. πλέγμα δέ ἐστι κοῖλον καὶ ἐγκαθίσαι
-μάλα ἐπιτήδειον. καὶ κόνιν ἐγχέαντες, καὶ μαλακήν
-τινα οἱονεὶ κοίτην ἐργασάμενοι, καὶ ἐνδύντες, εἶτα
-ἐπηλυγάσαντες ἑαυτοὺς ἄνωθεν κάρφεσιν ὑπὲρ τοῦ
-καὶ τοὺς ὄρνιθας λαθεῖν τοὺς ἁρπακτικοὺς καὶ τῶν 
-ἀνθρώπων τοὺς θηρευτάς, κατὰ πολλὴν τὴν εἰρήνην
-ἀποτίκτουσιν· εἶτα τὰ ᾠὰ οὐ πιστεύουσι τῇ χώρᾳ τῇ
-αὐτῇ, ἀλλʼ ἑτέρᾳ, οἱονεὶ μετοικιζόμενοι· δεδοίκασι
-γὰρ μή ποτε ἄρα φωραθῶσιν. νεοττεύοντες δὲ
-τοὺς νεοττοὺς ὄντας ἁπαλοὺς ὑποθάλπουσι καὶ 
-τοῖς ἑαυτῶν πτεροῖς ἀλεαίνουσιν, οἱονεὶ σπαργάνοις
-τοῖς πτίλοις περιαμπέχοντες· οὐ λούουσι δὲ
-αὐτούς, ἀλλὰ κονίοντες ἐργάζονται φαιδροτέρους.
-ἐὰν δὲ πέρδιξ ἴδῃ τινὰ προσιόντα καὶ ἐπιβουλεύοντα
-καὶ αὐτῷ καὶ τοῖς βρέφεσιν, ἐνταῦθα 
-αὐτὸς μὲν ἑαυτὸν πρὸ τῶν ποδῶν κυλίει τῶν
-τοῦ θηρατοῦ, καὶ ἐνδίδωσιν ἐλπίδα τοῦ δύνασθαι
-συλλαβεῖν εἰλούμενον. καὶ ὃ μὲν ἐπικύπτει
-ἐς τὴν ἄγραν, ὃ δὲ ἐξελίττει ἑαυτόν· καὶ διαδιδράσκει
-καὶ γίνεται πρὸ ὁδοῦ τὰ βρέφη. ὅπερ οὖν συννοήσας 
-ὁ πέρδιξ, θαρρῶν ἤδη τῆς ἀσχολίας τῆς ματαίας
-ἀπαλλάττει τὸν ὀρνιθοθήραν ἀναπτάς, καὶ
-<pb id="p.66"/>
-ἐᾷ τὸν ἄνδρα κεχηνότα. εἶτα ἐν ἀδείᾳ ἡ μήτηρ γενομένη
-καὶ ἐν καλῷ στᾶσα τὰ βρέφη καλεῖ. οἳ δὲ
-αὐτῇ προσπέτονται γνωρίσαντες τὸ φώνημα. πέρδιξ
-δὲ ὠδῖνα ἀπολύειν μέλλων πειρᾶται λαθεῖν τὸν σύννομον,
-ἵνα μὴ τὰ ᾠὰ συντρίψῃ· λάγνος γὰρ ὢν οὐκ
-ἐᾷ τῇ παιδοτροφίᾳ σχολάζειν τὴν μητέρα. οὕτω δέ
-ἐστιν ἀκόλαστον τὸ τῶν περδίκων γένος. ὅταν αὐτοὺς
-ἀπολιποῦσαι εἶτα ἐπῳάζωσιν αἱ θήλειαι, οἳ δὲ
-ἐπίτηδες ἐς ὀργὴν ἀλλήλους ἐξάπτουσι, καὶ παίουσί
-τε καὶ παίονται πικρότατα· καὶ ὅ γε ἥττηθεὶς ὀχεύεται
-ὡς ὄρνις, καὶ δρᾷ τοῦτο ἀνέδην ὁ κρατήσας, ἔστʼ
-ἂν ὑφʼ ἑτέρου καὶ αὐτὸς ἡττηθεὶς εἶτα ἐς τὰς ὁμοίας λαβὰς ἐμπέσῃ.
-</p>
-</div2>
-<div2 type="chapter" n="17">
-<p> λέγει μὲν οὖν Εὐριπίδης δυσώνυμον τὸν φθόνον·
-οὗτος δὲ ἄρα ἐνοικεῖ καὶ τῶν ζῴων ἔστιν οἷς.
-ὁ γοῦν γαλεώτης, ὥς φησι Θεόφραστος, ὅταν ἀποδύσηται
-τὸ γῆρας, ἐπιστραφεὶς εἶτα μέντοι καταπιὼν
-ἀφανίζει αὐτό· δοκεῖ δὲ ἐπιλήψεως εἶναι τὸ γῆρας
-τὸ τοῦδε τοῦ ζῴου ἀντίπαλον. οἶδε δὲ καὶ ἔλαφος
-τὸ δεξιὸν κέρας ἔχων ἐς πολλὰ ἀγαθόν, καὶ μέντοι
-καὶ κατορύττει τε αὐτὸ καὶ ἀποκρύπτει φθόνῳ τοῦ
-τοσούτων τινα ἀπολαῦσαι. ἴυγγας δὲ ἐρωτικὰς τῷ
-πώλῳ συντίκτουσα ἵππος οἶδε· ταῦτά τοι καὶ ἅμα
-τῷ τεχθῆναι τὸ βρέφος ἣ δὲ τὸ ἐπὶ τῷ μετώπῳ σαρκίον
-ἀπέτραγεν. ἱππόμανες ἄνθρωποι καλοῦσιν αὐτό.
-καὶ οἱ γόητες τὰ τοιαῦτά φασιν ὁρμάς τινας ἑλκτικὰς
-ἐς μίξιν ἀκατάσχετον καὶ οἶστρον ἀφροδίσιον
-παρέχειν καὶ ἐξάπτειν. οὔκουν τὴν ἵππον ἐθέλειν
-ἀνθρώπους μεταλαγχάνειν τοῦ γοητεύματος τοῦδε,
-ὥσπερ οὖν ἀγαθοῦ μεγίστου φθονοῦσαν. οὐ γάρ;
-</p>
-</div2>
-<div2 type="chapter" n="18">
-<p> ἐν τῇ Ἐρυθρᾷ θαλάττῃ ἰχθὺν Λεωνίδης ὁ Βυζάντιος
-γίνεσθαί φησι, κωβιοῦ τοῦ τελείου μείονα
-<pb id="p.67"/>
-οὐδὲ ἕν· ἔχειν δὲ οὔτε ὀφθαλμοὺς αὐτὸν οὔτε στόμα
-ἐν νόμῳ τῷ τῶν ἰχθύων. προσπέφυκε δέ οἱ βράγχια
-καὶ σχῆμα κεφαλῆς, ὡς εἰκάσαι, οὐ μὴν ἐκμεμόρφωται
-εἶδος· κάτω δὲ ἄρα ὑπὸ τῇ γαστρὶ αὐτῷ
-ἐντέθλασται τύπος κολπώδης ἡσυχῆ, καὶ ἐκπέμπει 
-σμαράγδου χρόαν. τοῦτον οὖν εἶναι καὶ ὀφθαλμόν
-οἵ φησι καὶ στόμα. ὅστις δὲ αὐτοῦ γεύεται, σὺν τῷ
-κακῷ τῷ ἑαυτοῦ ἐθήρασεν αὐτόν. καὶ τῆς διαφθορᾶς
-ὁ τρόπος, ὁ γευσάμενος ᾤδησεν, εἶτα ἡ γαστὴρ
-κατέρραξε, καὶ ὁ ἄνθρωπος ἀπόλωλε. δίδωσι δὲ καὶ 
-αὐτὸς ἁλοὺς δίκας. πρῶτον μὲν ἔξω τοῦ κύματος
-γενόμενος οἰδάνει, καὶ εἴ τις αὐτοῦ ψαύσειεν, ὃ δὲ
-ἔτι καὶ μᾶλλον πίμπραται. καὶ εἴ τις ἐπιμείνειε ψαλάττων,
-γίνεται πᾶς ὑπὸ σήψεως διαυγέστατος, ὡς
-ὑδεριῶν· εἶτα τελευτῶν διερράγη. εἰ δὲ αὐτὸν ἐθέλοι 
-τις ἔτι ζῶντα ἐς τὴν θάλατταν μεθεῖναι, ὃ δὲ
-ἐπινήχεται δίκην κύστεως ἀρθείσης πνεύματι. καί
-φησιν ὅτι ἐκ τοῦ πάθους φύσαλον ἐκάλουν αὐτόν.
-</p>
-</div2>
-<div2 type="chapter" n="19">
-<p>φώκη δέ, ὡς ἀκούω, τὴν πυετίαν τὴν ἑαυτῆς 
-</p>
-</div2>
-<div2 type="chapter" n="20">
-<p>ἐξεμεῖ, ἵνα μὴ τοῖς ἐπιλήπτοις ᾖ ἰᾶσθαι. βάσκανον 
-δὴ τὸ ζῷον ἡ φώκη, ναὶ μὰ τόν.
-οἱ πελεκᾶνες οἱ ἐν τοῖς ποταμοῖς τὰς κόγχας 
-περιχαίνοντες εἶτα καταπίνουσιν, ἔνδον δὲ καὶ ἐν τῷ
-μυχῷ τῆς γαστρὸς ὑποθάλψαντες ἀνεμοῦσι, καὶ τὰ
-μὲν ὀστράκια ἐκ τῆς ἀλέας διέστη, ὥσπερ οὖν τὰ 
-τῶν ἑφθῶν, οἳ δὲ ἐξορύττουσι τὰ κρέα, καὶ ἔχουσι
-δεῖπνον. καὶ μέντοι καὶ οἱ λάροι, ὡς Εὔδημός φησι,
-τοὺς κοχλίας μετεωρίζοντες καὶ ὑψοῦ αἴροντες ταῖς
-πέτραις βιαιότατα προσαράττουσιν.
-</p>
-</div2>
-<div2 type="chapter" n="21">
-<p>λέγει Εὔδημος, ἐν Παγγαίῳ τῷ Θρᾳκίῳ κοίτῃ 
-λέοντος ἐρήμῳ φυλακῆς ἐπιστᾶσαν ἄρκτον τοὺς σκύμνους
-τοῦ λέοντος διαφθεῖραι διὰ τὸ μικρούς τε εἶναι
-<pb id="p.68"/>
-ἔτι καὶ ἀμῦναι σφίσιν ἀδυνάτους. ἐπεὶ δὲ ἀφίκοντο
-ἔκ τινος ἄγρας ὅ τε πατὴρ καὶ ἡ μήτηρ, καὶ
-εἶδον τοὺς παῖδας ἐν ταῖς φοναῖς, οἷα εἰκὸς ἤλγουν,
-καὶ ἐπὶ τὴν ἄρκτον ἵεντο· ἣ δὲ δείσασα εἴς τι δένδρον
-ᾗ ποδῶν εἶχεν ἀνέθει, καὶ καθῆστο τὴν ἐπιβουλὴν
-τὴν ἐξ ἐκείνων ἐκκλῖναι πειρωμένη. ὡς δὲ
-ἐδόκουν τοῦ τιμωρήσασθαι τὸν λυμεῶνα ἥκειν δεῦρο,
-ἐνταῦθα ἡ μὲν λέαινα οὐ λείπει τὴν φυλακήν,
-ἀλλʼ ὑπὸ τῷ πρέμνῳ καθῆστο ἐλλοχῶσα καὶ ὕφαιμον
-ἄνω βλέπουσα, ὁ δὲ λέων, οἷα ἀδημονῶν καὶ ἀλύων
-ὑπὸ τοῦ ἄχους, ἐν τοῖς ὄρεσιν ἠλᾶτο, καὶ ἀνδρὶ
-ὑλουργῷ περιτυγχάνει· ὃ δὲ ἔδεισε καὶ ἀφίησι τὸν
-πέλεκυν, τὸ δὲ θηρίον ὁ λέων ἔσαινέ τε καὶ ἑαυτὸν
-ἀνατείνας ἠσπάζετο, ὡς οἷός τε ἦν, καὶ τῇ γλώττῃ
-τὸ πρόσωπον ἐφαίδρυνεν αὐτῷ. καὶ ἐκεῖνος ὑπεθάρρησεν,
-ὅ τε λέων περιβαλών οἱ τὴν οὐρὰν ἦγεν αὐτόν,
-καὶ ἀφέντα τὸν πέλεκυν οὐκ εἴα, ἀλλὰ ἐσήμαινε
-τῷ ποδὶ ἀνελέσθαι. ὡς δὲ οὐ συνίει, ὃ δὲ τῷ στόματι
-ἐλάβετο, καὶ ὤρεξέν οἱ, καὶ εἵπετο ἐκεῖνος,
-ἄγει τε αὐτὸν ἐπὶ τὸ αὔλιον. καὶ ἡ λέαινα ὡς εἶδε,
-καὶ αὐτὴ προσελθοῦσα ὑπέσαινε, καὶ ἑώρα οἰκτρόν,
-καὶ ἀνέβλεπε πρὸς τὴν ἄρκτον. συνιδὼν οὖν ὁ ἄνθρωπος
-καὶ συμβαλὼν ἠδικῆσθαί τι τούτους ἐξ ἐκείνης,
-ὡς εἶχε ῥώμης τε καὶ χειρῶν, ἐξέκοψε τὸ δένδρον.
-καὶ τὸ μὲν ἀνετράπη, ἣ δὲ κατηνέχθη· καὶ
-διεσπάσαντό γε οἱ θῆρες αὐτήν. τὸν δὲ ἄνθρωπον
-ὁ λέων ἀπαθῆ τε καὶ ἀσινῆ πάλιν ἐπανήγαγεν ἐς τὸν
-χῶρον, οὗ πρότερον ἐνέτυχεν αὐτῷ, καὶ ἀπέδωκε τῇ
-ἐξ ἀρχῆς ὑλοτομίᾳ.
-</p>
-</div2>
-<div2 type="chapter" n="22">
-<p> Αἰγυπτίων μάχη θηρίων ἀσπίδος καὶ ἰχνεύμονος.
-καὶ ὁ μὲν ἰχνεύμων οὐκ ἀβούλως οὐδὲ ἐκπλήκτως
-ἐπὶ τὸν ἀγῶνα ἀφικνεῖται τὸν πρὸς τὸν ἀντίπαλον,
-<pb id="p.69"/>
-ἀλλʼ ὡς ἀνὴρ πανοπλίᾳ φραξάμενος, οὕτως ἐκεῖνος
-τῷ πηλῷ ἐγκυλίσας ἑαυτὸν καὶ ἀναπλήσας τοῦ περιπαγέντος
-ἔοικεν ἔχειν ἀρκοῦν πρόβλημα καὶ στεγανόν.
-εἰ δὲ ἀπορία εἴη πηλοῦ, λούσας ἑαυτὸν
-ὕδατι καὶ ἐς ἄμμον βαθεῖαν ὑγρὸν ἔτι ἐμβαλών, ἐκ 
-τῆσδε τῆς ἐπινοίας τὸ ἀμυντήριον ἐξ ἀπόρων σπάσας,
-ἐπὶ τὴν μάχην ἔρχεται. τῆς τε ῥινὸς τὸ ἄκρον
-ἐγχρίσει τῇ τῆς ἀσπίδος τρόπον τινὰ ἐκκείμενον
-φρουρεῖ τὴν οὐρὰν ἀνακλάσας καὶ ἀποφράξας διʼ αὐτῆς αὐτό. καὶ ἐὰν μὲν ἡ ἀσπὶς τούτου τύχῃ, τὸν 
-ἀνταγωνιστὴν καθεῖλεν· εἰ δὲ μή, μάτην τοὺς ὀδόντας
-τῷ πηλῷ πονεῖται, πάλιν τε ὁ ἰχνεύμων προσερπύσας
-ἀδοκήτως καὶ τοῦ τραχήλου λαβόμενος ἀπέπνιξε
-</p>
-</div2>
-<div2 type="chapter" n="23">
-<p>τὴν ἀσπίδα. νικᾷ δὲ ὁ πρῶτος φθάσας. 
-τρέφειν μὲν τοὺς πατέρας πελαργοὶ γεγηρακότας 
-καὶ ἐθέλουσι καὶ ἐμελέτησαν· κελεύει δὲ αὐτοὺς
-νόμος ἀνθρωπικὸς οὐδὲ εἷς τοῦτο, ἀλλὰ αἰτία τούτων
-φύσις. οἱ αὐτοὶ δὲ καὶ τὰ ἑαυτῶν ἔκγονα φιλοῦσι·
-καὶ τὸ μαρτύριον, ὅταν ὁ τέλειος ἐνδεὴς ᾖ τροφῆς
-ἀπτῆσιν ἔτι καὶ ἁπαλοῖς τοῖς νεοττοῖς ἐν τῇ καλιᾷ 
-παραθεῖναι, γενομένης αὐτῷ κατὰ τύχην ἀπορίας,
-ὃ δὲ τὴν ἑαυτοῦ χθιζὴν ἀνεμέσας ἐκείνους τρέφει.
-καὶ τοὺς ἐρωδιοὺς ἀκούω ποιεῖν ταὐτόν, καὶ τοὺς
-πελεκᾶνας μέντοι. προσακούω δὲ τοὺς πελαργοὺς
-καὶ αὐτοὺς συμφεύγειν ταῖς γεράνοις καὶ συναποδιδράσκειν 
-τὸν χειμῶνα· τῆς ὥρας δὲ τῆς κρυμώδους
-διελθούσης, ὅταν ὑποστρέψωσιν ἐς τὰ ἴδια
-καὶ οἵδε καὶ αἵδε, τὴν ἑαυτῶν ἕκαστος καλιὰν
-ἀναγνωρίζουσιν, ὡς τὴν οἰκίαν ἄνθρωποι. Ἀλέξανδρος
-δὲ ὁ Μύνδιός φησιν, ὅταν ἐς γῆρας ἀφίκωνται, 
-παρελθόντας αὐτοὺς ἐς τὰς Ὠκεανίτιδας
-νήσους ἀμείβειν τὰ εἴδη ἐς ἀνθρώπου μορφήν, καὶ
-<pb id="p.70"/>
-εὐσεβείας γε τῆς ἐς τοὺς γειναμένους ἆθλον τοῦτο
-ἴσχειν, ἄλλως τε, εἴ τι ἐγὼ νοῶ, καὶ ὑποθέσθαι τῶν
-θεῶν βουλομένων τοῦτο γοῦν τῶν ἀνθρώπων τῶν
-ἐκεῖθι τὸ γένος εὐσεβὲς καὶ ὅσιον, ἐπεὶ οὐχ οἷόν τε
-ἦν ἐν τῇ ἄλλῃ τῇ ὑφʼ ἡλίῳ τοιοῦτον διαβιοῦν. καὶ
-οὔ μοι δοκεῖ μῦθος εἶναι. ἢ τί καὶ βουλόμενος ὁ
-Ἀλέξανδρος τοῦτο ἂν ἐτερατεύσατο κερδαίνων μηδὲ
-ἕν; ἄλλως τε οὐδʼ ἂν ἔπρεπεν ἀνδρὶ συνετῷ πρὸ
-τῆς ἀληθείας ποιήσασθαι τὸ ψεῦδος, οὐδὲ ἐπὶ κέρδει
-τῷ μεγίστῳ, μή τι γοῦν ἐς λαβὰς ἐμπεσουμένῳ τὰς
-ὑπὲρ τῶν τοιούτων ἀκερδεστάτας.
-</p>
-</div2>
-<div2 type="chapter" n="24">
-<p> ἡ χελιδὼν ὅτε εὐποροίη πηλοῦ, τοῖς ὄνυξι φέρει
-καὶ συμπλάττει τὴν καλιάν· εἰ δὲ ἀπορία εἴη, ὡς Ἀριστοτέλης
-λέγει, ἑαυτὴν βρέχει, καὶ ἐς κόνιν ἐμπεσοῦσα
-φύρει τὰ πτερά, καὶ τοῦ πηλοῦ περιπαγέντος, ἐντεῦθεν
-ὑπαποψήχουσα τῷ ῥάμφει τὴν προκειμένην
-οἰκοδομίαν χειρουργεῖ. ἁπαλά τε ὄντα τὰ νεόττια καὶ
-τῶν πτίλων γυμνὰ οἶδε καλῶς ἐπὶ ψιλῶν καρφῶν εἰ
-ἀναπαύοιτο ὅτι κολασθήσεται ἀλγοῦντα. οὐκοῦν ἐπὶ
-τὰ νῶτα τῶν προβάτων ἱζάνει, καὶ ἀποσπᾷ τοῦ μαλλοῦ,
-καὶ ἐντεῦθεν τοῖς ἑαυτῆς βρέφεσι τὸ λέχος μαλακὸν ἔστρωσεν.
-</p>
-</div2>
-<div2 type="chapter" n="25">
-<p> δικαίους ἡ μήτηρ ἡ χελιδὼν τοὺς ἑαυτῆς νεοττοὺς
-ἐργάζεται, τὸ ἰσότιμον αὐτοῖς διὰ τῆς τροφῆς
-τῆς ἴσης φυλάττουσα· μίαν δὲ ἄρα οὐ κομίζει πᾶσιν,
-ἐπεὶ μηδὲ δύναται· ἀλλὰ μικρὰ μὲν καὶ ὀλίγα ἐστὶν
-ὅσα ἄγει, τὸν πρῶτον δὲ τεχθέντα πρῶτον τρέφει,
-δεύτερον δὲ τὸν ἐπʼ ἐκείνῳ, καὶ τρίτον σιτίζει τὸν
-τῆς τρίτης ὠδῖνος, καὶ μέχρι τοῦ πέμπτου πρόεισι
-τὸν τρόπον τοῦτον· οὔτε γὰρ κύει χελιδὼν πλείονας
-οὔτε τίκτει. αὐτὴ δὲ τοσοῦτον κατασπᾷ τῆς τροφῆς,
-ὅσον ἂν ἐν τῇ καλιᾷ κερδῆναι δυνηθῇ παραρρεῦσαν
-<pb id="p.71"/>
-αὐτῇ. βραδέως δὲ ἐκβλέπει τὰ ταύτης βρέφη, ὡς
-καὶ τὰ τῶν κυνῶν σκυλάκια· πόαν δὲ κομίζει καὶ
-προσάγει, τὰ δὲ ὑπαναβλέπει, εἶτα ἀτρεμήσαντα
-ὀλίγον ἐκπετήσιμα ὄντα πρόεισι τῆς καλιᾶς ἐπὶ
-τὴν νομήν. ταύτης τῆς πόας ἄνθρωποι γενέσθαι 
-ἐγκρατεῖς διψῶσι, καὶ οὐδέπω τῆς σπουδῆς κατέτυχον.
-</p>
-</div2>
-<div2 type="chapter" n="26">
-<p>οἱ ἔποπές εἰσιν ὀρνίθων ἀπηνέστατοι, καί μοι 
-δοκοῦσι τῶν προτέρων τῶν ἀνθρωπικῶν ἐν μνήμῃ
-καὶ μέντοι καὶ μίσει τοῦ γένους τοῦ τῶν γυναικῶν 
-ὑποπλέκειν τὰς καλιὰς ἐν ταῖς ἐρήμοις καὶ τοῖς πάγοις
-τοῖς ὑψηλοῖς· καὶ ὑπὲρ τοῦ μὴ προσιέναι τοὺς
-ἀνθρώπους αὐτῶν τοῖς βρέφεσιν οἳ δὲ ἀντὶ τοῦ πηλοῦ
-χρίουσι τὰς καλιάς, ἀποπάτημα ἀνθρώπου περιβαλόντες,
-τῇ δυσωδίᾳ τε καὶ κακοσμίᾳ ἀνείργοντες 
-καὶ ἀναστέλλοντες τὸ ζῷον τὸ ἑαυτοῖς πολέμιον. ἔτυχε
-δὲ καὶ ἐν τῷ τείχους ἐρημοτέρῳ ὅδε ὁ ὄρνις παιδοποιησάμενος
-ἔν τινι ῥήγματι λίθου ὑπὸ τοῦ χρόνου
-διαστάντι. οὐκοῦν ὁ τοῦ τείχους μελεδωνὸς ἰδὼν
-ἔνδον τὰ βρέφη κατήλειψε τὸν χηραμὸν τῷ πηλῷ. 
-καὶ ὑποστρέψας ὁ ἔποψ, ὡς εἶδεν αὑτὸν ἀποκλεισθέντα,
-πόαν ἐκόμισε, καὶ προσήνεγκε τῷ πηλῷ· ὃ
-δὲ κατερρύη, καὶ προσῆλθε πρὸς τὰ αὑτοῦ ἐκεῖνος
-τέκνα, εἶτα ἐπὶ τὴν νομὴν ἦξεν. αὖθις οὖν ὁ αὐτὸς
-ἐπήλειψεν ἄνθρωπος, καὶ ὁ ὄρνις τῇ αὐτῇ πόᾳ ἀνέῳξε 
-τὸν χηραμόν· καὶ τὸ τρίτον ἐπράχθη τὰ αὐτά. ὁ
-τοίνυν τοῦ τείχους φύλαξ ἰδὼν τὸ πραττόμενον, τὴν
-πόαν ἀνελόμενος ἐχρῆτο οὐκ ἐς τὰ αὐτά, ἀλλʼ ἀνέῳγεν
-μηδέν οἱ προσήκοντας θησαυρούς.
-</p>
-</div2>
-<div2 type="chapter" n="27">
-<p>ἡ Πελοπόννησος λεόντων ἄγονός ἐστι· καὶ οἷα 
-εἰκὸς Ὅμηρος πεπαιδευμένῃ φρενὶ συνιδὼν τοῦτο
-<pb id="p.72"/>
-τὴν Ἄρτεμιν ἐκεῖθι θηρῶσαν ᾅδων εἶπεν ὅτι ἄρα
-ἔπεισι τόν τε Ταΰγετον καὶ τὸν Ἐρύμανθον
-<quote rend="blockquote">
-<lb/>τερπομένη κάπροισι καὶ ὠκείῃς ἐλάφοισιν.
-</quote>
-ἐπεὶ δὲ ἔρημα λεόντων τάδε τὰ ὄρη, καὶ μάλα γε εἰκότως
-οὐκ ἐμνήσθη αὐτῶν.
-</p>
-</div2>
-<div2 type="chapter" n="28">
-<p> γίνεται δὲ ἐν τῇ Ἐρυθρᾷ θαλάττῃ ἰχθύς, καὶ
-ὅσα γε εἰδέναι ἐμέ, ἔθεντο Περσέα οἱ ἐπιχώριοι ὄνομα
-αὐτῷ. καὶ οἱ μὲν Ἕλληνες αὐτὸν οὕτω, καλοῦσι
-δὲ καὶ Ἄραβες ὁμοίως τοῖς Ἕλλησι· Διὸς γὰρ υἱὸν
-καὶ ἐκεῖνοι ᾅδουσι τὸν Περσέα, καὶ ἀπʼ αὐτοῦ γε
-τὸν ἰχθὺν ὑμνοῦσι λέγεσθαι. μέγεθος μὲν οὖν ἐστι
-κατὰ τὸν ἀνθίαν τὸν μέγιστον, ἰδεῖν δὲ ὅμοιος λάβρακι·
-γρυπός γε μὴν ἡσυχῆ οὕτω, καὶ ζώναις πεποίκιλται
-χρυσῷ προσεικασμέναις· ἄρχονται δὲ ἀπὸ
-τῆς κεφαλῆς ἐπικάρσιοι αἱ ζῶναι, καὶ ἐς τὴν γαστέρα
-καταλήγουσι. πέφρακται δὲ ὀδοῦσι μεγάλοις καὶ
-πυκνοῖς. λέγεται δὲ ἰχθύων περιεῖναι ῥώμῃ τε σώματος
-καὶ βίᾳ· ἀλλὰ οὐδὲ τόλμης οἱ ἐνδεῖ. θήραν
-δὲ αὐτοῦ καὶ ἄγραν εἶπον ἀλλαχόθι.
-</p>
-</div2>
-<div2 type="chapter" n="29">
-<p> ἡ πίννη θαλάττιον ζῷον, καὶ ἔστι τῶν ὀστρείων.
-κέχηνε δὲ τῇ διαστάσει τῶν περικειμένων ὀστράκων,
-καὶ προτείνει σαρκίον ἐξ ἑαυτῆς οἱονεὶ δέλεαρ τοῖς
-παρανηχομένοις τῶν ἰχθύων. καρκίνος δὲ αὐτῇ παραμένει
-σύντροφός τε καὶ σύννομος. οὐκοῦν ὅταν τις
-τῶν ἰχθύων προσνέῃ, ὃ δὲ ὑπένυξεν ἡσυχῆ αὐτήν·
-καὶ ἡ πίννη μᾶλλον ἀνέῳξεν ἑαυτήν, καὶ ἐδέξατο
-ἔσω τοῦ ἐπιόντος ἰχθύος τὴν κεφαλὴν ʽκαθίησι γὰρ
-ὡς ἐπὶ τροφᾖ καὶ ἐσθίει αὐτήν.
-</p>
-</div2>
-<div2 type="chapter" n="30">
-<p> ἦν δὲ ἄρα οἰκεῖα τῷ πεπαιδευμένῳ καὶ ταῦτα
-εἰδέναι. σοφώτατος ὁ κόκκυξ καὶ πλέκειν εὐπόρους
-ἐξ ἀπόρων μηχανὰς δεινότατος. ἑαυτῷ μὲν γὰρ συνεπίσταται
-<pb id="p.73"/>
-ἐπῳάζειν οὐ δυναμένῳ καὶ ἐκλέπειν διὰ
-ψυχρότητα τῆς ἐν τῷ σώματι συγκράσεως, ὥς φασιν.
-οὐκοῦν ὅταν τίκτῃ, οὔτε αὐτὸς νεοττιὰν ὑποπλέκει
-οὔτε τιθηνεῖται τὰ βρέφη, φυλάττει δὲ ἄρα τοὺς τῶν
-νεοττιῶν δεσπότας ἀφεστῶτας καὶ πλανωμένους, καὶ 
-παρελθὼν ἐς καταγωγὴν ὀθνείαν ἐντίκτει. οὐ πάντων
-δὲ ὀρνίθων καλιαῖς ἐπιπηδᾷ οὗτός γε, ἀλλὰ κορύδου
-καὶ φάττης καὶ χλωρίδος καὶ πάππου· τουτοις
-γὰρ συνεπίσταται ὅμοια αὐτῷ ᾠὰ τίκτουσι. καὶ
-κενῶν μὲν αὐτῶν οὐσῶν, οὐκ ἂν παρέλθοι· ᾠῶν δὲ 
-ἔνδον ὄντων εἶτα μέντοι τὰ ἑαυτοῦ παρενέμιξεν.
-ἐὰν δὲ ᾖ πολλὰ τὰ ἐκείνων, τὰ μὲν ἐκκυλίσας ἠφάνισε,
-τὰ δὲ ἑαυτοῦ κατέλιπε, διαγνωσθῆναί τε καὶ
-φωραθῆναι διʼ ὁμοιότητα μὴ δυνάμενα. καὶ οἱ μὲν
-ὄρνιθες οἱ προειρημένοι τὰ μηδὲν σφίσι προσήκοντα 
-ἐκγλύφουσιν, ὑποπηγνύμενα δὲ ἐκεῖνα ἑαυτοῖς συνεγνωκότα
-τὴν νοθείαν ἐκπέτεταί τε καὶ παρὰ τὸν
-γεινάμενον στέλλεται· τῶν γὰρ πτερῶν αὐτοῖς περιχυθέντων
-γνωρίζεται ἀλλότρια ὄντα, καὶ αἰκίζεται
-πικρότατα. ὁρᾶται δὲ μίαν ὥραν τοῦ ἔτους τὴν ἀρίστην 
-ὁ κόκκυξ· ἦρος γὰρ ὑπαρχομένου καὶ αὐτὸς
-ἐμφανής ἐστιν ἐς ἀνατολὰς Σειρίου, εἶτα τῆς τῶν
-πολλῶν ὄψεως ἀνεχώρησεν.
-</p>
-</div2>
-<div2 type="chapter" n="31">
-<p>ἀλεκτρυόνα φοβεῖται λέων. καὶ βασιλίσκος δὲ 
-τὸν αὐτὸν ὄρνιν, ὥς φασιν, ὀρρωδεῖ, καὶ κατιδὼν 
-τρέμει, καὶ ἀκούων ᾅδοντος σπᾶταί τε καὶ ἀποθνήσκει.
-ταῦτα ἄρα καὶ οἱ τὴν Λιβύην ὁδοιποροῦντες
-τὴν τῶν τοιούτων τροφὸν δέει τοῦ προειρημένου βασιλίσκου
-εἶτα μέντοι συνέμπορον καὶ κοινωνὸν τῆς
-ὁδοῦ τὸν ἀλεκτρυόνα ἐπάγονται, ὅσπερ οὖν τὸ τηλικοῦτον 
-κακὸν ἀπαλλάξει αὐτοῖς.
-</p>
-</div2>
-<div2 type="chapter" n="32">
-<p>ἡ Κρήτη καὶ τοῖς λύκοις καὶ τοῖς ἑρπετοῖς θηρίοις 
-<pb id="p.74"/>
-ἐχθίστη ἐστίν. ἀκούω δὲ Θεοφράστου λέγοντος
-καὶ ἐν τῷ Μακεδονικῷ Ὀλύμπῳ τοῖς λύκοις ἄβατα
-εἶναι. αἶγες δὲ ἄρα αἱ Κεφαλληνίδες οὐ πίνουσι
-μηνῶν ἕξ. οἶς δὲ Βουδινὰς οὐκ ὄψει λευκάς, ὥς
-φασι, μελαίνας δὲ πάσας. διαφορότης δὲ ἄρα τῶν
-ζῴων καὶ ἰδιότης εἴη ἂν καὶ ταύτῃ· τὰ μὲν γὰρ αὐτῶν
-ἐστι δάκετα καὶ ἐνίησιν ἀπὸ τοῦ ὀδόντος φάρμακον,
-βλητικὰ δὲ ὅσα παίσαντα εἶτα μέντοι καὶ
-ἐκεῖνα τὸ τοιοῦτον κακὸν ἐνίησιν.
-</p>
-</div2>
-<div2 type="chapter" n="33">
-<p> ἡ Λίβυσσα δʼ ἀσπίς, ἀκούω, τὸν πρὸς τὸ φύσημα
-αὐτῆς ἀντιβλέψαντα τυφλοῖ τὴν ὄψιν· ἡ δὲ ἄλλη οὐ
-τυφλοῖ μέν, ἀποκτείνει δὲ ῥᾷστα.
-</p>
-</div2>
-<div2 type="chapter" n="34">
-<p> λέγονται δὲ βόες Ἠπειρωτικαὶ πλεῖστον ὅσον
-ἀμέλγεσθαι καὶ αἶγες αἱ Σκύριαι γάλα ἀφθονώτατον
-παρέχειν, ὅσον οὐκ ἄλλαι αἶγες. αἱ δὲ Αἰγύπτιαι
-ἔστιν αἳ πέντε ἀποτίκτουσι, καὶ αἱ πλεῖσται δίδυμα.
-λέγεται δὲ αἴτιος ὁ Νεῖλος εἶναι, εὐτεκνότατον παρέχων
-ὕδωρ. ἔνθεν τοι καὶ τῶν νομέων τοὺς ἄγαν
-φιλοκάλους καὶ τῆς ποίμνης τῆς σφετέρας ἔχοντας
-πεφροντισμένως ὕδωρ ἐκ τοῦ Νείλου ταῖς ἑαυτῶν
-ἀγέλαις ἄγειν μηχανῇ ὅσον δυνατόν ἐστι, καὶ ταῖς
-γε στερίφαις ἔτι καὶ μᾶλλον.
-Πτολεμαίῳ τῷ δευτέρῳ φασὶν ἐξ Ἰνδῶν κέρας
-ἐκομίσθη, καὶ τρεῖς ἀμφορέας ἐχώρησεν. οἷος ἄρα
-ὁ βοῦς ἦν, ὡς ἐκπεφυκέναι οἱ τηλικοῦτον κέρας.
-</p>
-</div2>
-<div2 type="chapter" n="35">
-<p> περδίκων φθέγμα ἓν οὐδέποτʼ ἂν ἀκούσειας
-ἁπάντων, ἀλλὰ ἔστι διάφορα. καὶ Ἀθήνησί γε οἱ
-ἐπέκεινα τοῦ Κορυδαλλέων δήμου ἄλλο ἠχοῦσι, καὶ
-οἱ ἐπίταδε ἄλλο. τίνα δέ ἐστι τοῖς φθέγμασι τὰ ὀνόματα,
-ἐρεῖ Θεόφραστος. ἐν δὲ τῇ Βοιωτίᾳ καὶ τῇ ἀντιπέρας
-Εὐβοίᾳ ὁμόφωνοί τέ εἰσι καὶ ὡς ἂν εἴποι τις
-ὁμόγλωττοι. ἄφωνα δέ ἐστι τὸ παράπαν ἐν Κυρήνῃ
-<pb id="p.75"/>
-μὲν οἱ βάτραχοι, ἐν Μακεδονίᾳ δὲ ὗς. καὶ τεττίγων
-τι γένος, ἄφωνοι καὶ οὗτοι.
-</p>
-</div2>
-<div2 type="chapter" n="36">
-<p>γένος φαλαγγίου φασὶν εἶναι, καλοῦσι δὲ ῥᾶγα 
-τὸ φαλάγγιον, εἴτε ὅτι μέλαν ἐστὶ καὶ τῷ ὄντι προσέοικε
-σταφυλῆς ῥαγὶ καί πως ὁρᾶται καὶ περιφερές, 
-εἴτε διʼ αἰτίαν ἑτέραν. γίνεται δὲ ἐν τῇ Λιβύῃ, καὶ
-ἔχει πόδας μικρούς· στόμα δὲ εἴληχεν ἐν μέσῃ τῇ
-γαστρί, καὶ ἔστιν ἀποκτεῖναι τάχιστον.
-</p>
-</div2>
-<div2 type="chapter" n="37">
-<p>ἐν Σερίφῳ βάτραχοι, τὸ παράπαν οὐκ ἂν αὐτῶν 
-ἀκούσειας φθεγγομένων· εἰ δὲ αὐτοὺς κομίσειας ἀλλαχόθι, 
-διάτορόν τε καὶ τραχύτατον ἠχοῦσιν. ἐν
-Πιέρῳ δὲ τῆς Θετταλίας λίμνη ἐστίν, οὐκ ἀέναος,
-ἀλλὰ χειμῶνος ἐκ τῶν συρρεόντων ἐς αὐτὴν ὑδάτων
-τίκτεται. οὐκοῦν ἐὰν ἐμβάλῃ τις βατράχους ἐς αὐτήν,
-σιωπῶσιν, ἀλλαχοῦ φθεγγόμενοι. ὑπὲρ δὲ τῶν 
-Σεριφίων βατράχων κομπάζουσι Σερίφιοι ἐλθεῖν ἐκ
-τοῦ κατὰ τῆς Γοργόνος ἄθλου τὸν Περσέα πολλὴν
-περιελθόντα γῆν, καὶ οἷα εἰκὸς καμόντα ἀναπαύσασθαι
-τῆς λίμνης πλησίον καὶ κατακλινῆναι ὕπνου
-δεόμενον. τοὺς δὲ βατράχους βοᾶν καὶ ἐρεσχελεῖν 
-τὸν ἥρωα καὶ τὸν ὕπνον αὐτῷ διακόπτειν· τὸν Περσέα
-δὲ εὔξασθαι τῷ πατρὶ τοὺς βατράχους κατασιγάσαι.
-τὸν δὲ ὑπακοῦσαι καὶ χαριζόμενον τῷ υἱεῖ
-τῶν ἐκεῖθι βατράχων αἰώνιον σιγὴν καταψηφίσασθαι.
-λέγει δὲ Θεόφραστος ἐκβάλλων τὸν μῦθον καὶ 
-Σεριφίους τῆς ἀλαζονείας παραλύων τὴν τοῦ ὕδατος
-ψυχρότητα αἰτίαν εἶναι τῆς ἀφωνίας τῶν προειρημένων.
-</p>
-</div2>
-<div2 type="chapter" n="38">
-<p>ἐν τοῖς ὑγροῖς χωρίοις καὶ ἔνθα νοτιώτατος ὁ 
-ἀὴρ ὑπεράγαν, οἱ ἀλεκτρυόνες οὐκ ᾅδουσι, φησὶ 
-Θεόφραστος. ἡ δὲ ἐν Φενεῷ λίμνη ἰχθύων ἄγονός
-ἐστι. ψυχροὶ δὲ ἄρα ὄντες τὴν σύγκρασιν οἱ τέττιγες
-<pb id="p.76"/>
-εἶτα μέντοι πυρούμενοι τῷ ἡλίῳ ᾅδουσιν, ἐκεῖνος λέγει.
-</p>
-</div2>
-<div2 type="chapter" n="39">
-<p> τολμηρότατος δὲ ἄρα ζῴων ὁ αἰγιθήλας ἦν· τῶν
-μὲν γὰρ ὀρνίθων ὑπερφρονεῖ τῶν μικρῶν, ἐπιτίθεται
-δὲ ταῖς αἰξὶ κατὰ τὸ καρτερόν, καὶ μέντοι καὶ
-τοῖς οὔθασιν αὐτῶν προσπετόμενος εἶτα ἐκμυζᾷ τὸ
-γάλα, καὶ τὴν τιμωρίαν τὴν ἐκ τοῦ αἰπόλου οὐ δέδοικε,
-καίτοι πονηρότατον αὐταῖς μισθὸν ὑπὲρ τῆς
-πλησμονῆς ἀποδιδούς· τυφλοῖ γὰρ τὸν μαστόν, καὶ
-ἀποσβέννυσι τὴν ἐκεῖθεν ἐπιρροήν.
-</p>
-</div2>
-<div2 type="chapter" n="40">
-<p> Μητροδίδακτον μὲν τὸν τῆς Ἀρήτης υἱὸν τὸν
-τῆς ἀδελφῆς τῆς Ἀριστίππου ὑμνοῦσιν οἱ πολλοί·
-λέγει δὲ Ἀριστοτέλης ἰδεῖν αὐτὸς τὰ νεόττια τῆς
-ἀηδόνος ὑπὸ τῆς μητρὸς διδασκόμενα ᾅδειν. ἦν δὲ
-ἄρα ὀρνίθων ἡ ἀηδὼν ἐλευθερίας ἐράστρια ἰσχυρῶς,
-καὶ διὰ ταῦτα ἡ ἐντελὴς τὴν ἡλικίαν ὅταν θηραθῇ
-καὶ καθειργμένη ᾖ ἐν οἰκίσκῳ, ᾠδῆς ἀπέχεται, καὶ
-ἀμύνεται τὸν ὀρνιθοθήραν ὑπὲρ τῆς δουλείας τῇ
-σιωπῇ. οὗπερ οὖν οἱ ἄνθρωποι πεπειραμένοι, τὰς
-μὲν ἤδη πρεσβυτέρας μεθιᾶσι, σπουδάζουσι δὲ θηρᾶν τὰ νεόττια.
-</p>
-</div2>
-<div2 type="chapter" n="41">
-<p> ἵππους μονόκερως γῆ Ἰνδικὴ τίκτει, φασί, καὶ
-ὄνους μονόκερως ἡ αὐτὴ τρέφει, καὶ γίνεταί γε ἐκ
-τῶν κεράτων τῶνδε ἐκπώματα. καὶ εἴ τις ἐς αὐτὰ
-ἐμβάλοι φάρμακον θανατηφόρον, ὁ πιών, οὐδὲν ἐπιβουλὴ
-λυπήσει αὐτόν· ἔοικε γὰρ ἀμυντήριον τοῦ
-κακοῦ τὸ κέρας καὶ τοῦ ἵππου καὶ τοῦ ὄνου εἶναι.
-</p>
-</div2>
-<div2 type="chapter" n="42">
-<p> ὁ πορφυρίων ὡραιότατός τε ἅμα καὶ φερωνυμώτατός
-ἐστι ζῴων, καὶ χαίρει κονιόμενος, ἤδη δὲ
-καὶ λοῦται τὸ τῶν περιστερῶν λουτρόν· οὐ πρότερον
-δὲ ἑαυτὸν ἐπιδίδωσι ταῖς κονίστραις καὶ τοῖς λουτροῖς,
-πρὶν ἂν βαδίσῃ τινὰ ἀριθμὸν βαδίσεων ἀρκοῦντά
-<pb id="p.77"/>
-οἱ. σιτούμενος δὲ ἐπὶ μαρτύρων ἄχθεται, καὶ
-διὰ ταῦτα ἀναχωρεῖ, καὶ ὑπολανθάνων ἐσθίει. ζηλότυπος
-δέ ἐστιν ἰσχυρῶς, καὶ τὰς ὑπάνδρους τῶν γυναικῶν
-παραφυλάττει, καὶ ἐὰν καταγνῷ μοιχεύεσθαι
-τῆς οἰκίας τὴν δέσποιναν, ἀπάγχει ἑαυτόν. οὐ πέτεται 
-δὲ ὑψηλός. χαίρουσί γε μὴν οἱ ἄνθρωποι αὐτῷ,
-καὶ τρέφουσι πεφεισμένως καὶ προμηθῶς αὐτόν. καὶ
-ἔοικεν ἢ σοβαρᾶς οἰκίας καὶ μέγα πλουσίας ἄθυρμα
-εἶναι, ἢ ὑποδέχεται νεὼς αὐτόν, καὶ ἄφετος ἀλᾶται
-εἴσω περιβόλου. τὸν ταὼν μὲν οὖν ὡραῖον ὄντα καὶ 
-καταθύουσι καὶ σιτοῦνται οἱ ἄσωτοι· τοῦ γὰρ ὄρνιθος
-τὰ μὲν πτερὰ κόσμος ἐστί, τὸ δὲ σῶμα ἤ τι ἢ
-οὐδέν. πορφυρίωνα δὲ οὐκ οἶδα καταθύσαντα οὐδένα
-ἐπὶ δείπνῳ, οὐ Καλλίαν οὐ Κτήσιππον τοὺς
-Ἀθηναίους, οὐ Λεύκολλον οὐχ Ὁρτήσιον τοὺς Ῥωμαίους· 
-εἶπον δὲ ὀλίγους ἐκ πολλῶν ἀσώτους καὶ
-ἀκρατεστάτους τῇ τε ἄλλῃ καὶ μέντοι καὶ περὶ γαστέρα.
-</p>
-</div2>
-<div2 type="chapter" n="43">
-<p>ὁ κόραξ ὁ ἤδη γέρων ὅταν μὴ δύνηται τρέφειν 
-τοὺς νεοττούς, ἑαυτὸν αὐτοῖς προτείνει τροφήν· οἳ 
-δὲ ἐσθίουσι τὸν πατέρα. καὶ τὴν παροιμίαν ἐντεῦθέν
-φασι τὴν γένεσιν λαβεῖν τὴν λέγουσαν ʽκακοῦ
-κόρακος κακὸν ᾠόν.ʼ
-</p>
-</div2>
-<div2 type="chapter" n="44">
-<p>σωφρονέσταται ὀρνίθων αἱ φάτται ᾅδονται. ὁ 
-γοῦν ἄρρην καὶ ὁ θῆλυς συνδυασθέντες καὶ οἱονεὶ 
-συμπνεύσαντες ἐς γάμον ἀλλήλων ἔχονται καὶ σωφρονοῦσι,
-καὶ οὐκ ἂν ὀθνείου λέχους οὐδέτερος
-ἅψαιτο τῶν ὀρνίθων τῶνδε. ἐὰν δὲ ἐποφθαλμιάσωσιν
-ἑτέροις, περιέρχονται αὐτοὺς οἱ λοιποί, καὶ τὸν
-μὲν ἄρρενα οἱ ὁμογενεῖς διασπῶσιν, αἱ θήλειαι δὲ 
-τὸν θῆλυν. οὗτος ἄρα ὁ τῆς σωφροσύνης νόμος καὶ
-ἐς τὰς τρυγόνας ἀφικνεῖται καὶ ἄτρεπτος μένει, πλὴν
-<pb id="p.78"/>
-τοῦ μὴ θανατοῦσθαι ἑκάτερον τὸν ὄρνιν· ἐπεὶ τὸν
-μὲν ἄρρενα ἀναιροῦσι, τὸν δὲ θῆλυν ᾤκτειραν καὶ
-εἴασαν ἀπαθῆ, καὶ περίεισι χῆρος.
-</p>
-</div2>
-<div2 type="chapter" n="45">
-<p> Ἀριστοτέλης λέγει τῶν περιστερῶν τοὺς ἄρρενας
-ταῖς θηλείαις ταῖς τικτούσαις συνωδίνειν καὶ
-ἀλωμένας τῆς καλιᾶς ἔξω συνωθεῖν τε καὶ συνελαύνειν,
-καὶ ὅταν τέκωσιν, ἐπῳάζειν ἐκβιάζεσθαι. θάλπειν
-δὲ καὶ τοὺς ἄρρενας τὰ νεόττια καὶ συνεκτρέφειν
-ταῖς θηλείαις ὁ αὐτός φησι, καὶ ὑπὲρ τοῦ μὴ
-κακοσίτους εἶναι τοὺς νεοττοὺς πρώτην τροφὴν διδόναι
-τοῖς βρέφεσι τοὺς γειναμένους ἁλμυρίδα γῆν,
-ἧσπερ οὖν γευσάμενα εἶτα μέντοι καὶ τῶν λοιπῶν
-σιτεῖσθαι ἑτοίμως τὸ ἐντεῦθεν αὐτά. δοκεῖ δέ πως
-ταῖς περιστεραῖς πρὸς μὲν τοὺς ἄλλους ὄρνιθας τοὺς
-ἁρπακτικοὺς ἔνσπονδα εἶναι, τοὺς μέντοι ἁλιαέτους
-καὶ τοὺς κίρκους ὡς πεφρίκασί φασι. πρὸς δὲ τοὺς
-ἱέρακας οἷα παλαμῶνται ἀκοῦσαι ἄξιον. ὅταν μὲν αὐτὰς
-διώκῃ ὁ μετάρσιός τε καὶ ἐς ὕψος πεφυκὼς πέτεσθαι,
-αἳ δὲ ὑπολισθάνουσι καὶ κατωτέρω ἑαυτὰς
-καθέλκουσι καὶ τὸ πτερὸν πειρῶνται πιέζειν· ὅταν
-δὲ ὁ κατωτέρω λαχὼν ἐκ τῆς φύσεως τὴν πτῆσιν, αἳ
-δὲ αἴρονταί τε καὶ μετεωροποροῦσι, καὶ ὑπὲρ αὐτοῦ
-πετόμεναι θαρροῦσιν, ἀνωτέρω ἄξαι μὴ δυναμένου.
-</p>
-</div2>
-<div2 type="chapter" n="46">
-<p> ἐλέφαντος πωλίῳ περιτυγχάνει λευκῷ πωλευτὴς
-Ἰνδός, καὶ παραλαβὼν ἔτρεφεν ἔτι νεαρόν, καὶ κατὰ
-μικρὰ ἀπέφηνε χειροήθη, καὶ ἐπωχεῖτο αὐτῷ, καὶ
-ἤρα τοῦ κτήματος καὶ ἀντηρᾶτο, ἀνθʼ ὧν ἔθρεψε τὴν
-ἀμοιβὴν κομιζόμενος ἐκεῖνος. ὁ τοίνυν βασιλεὺς τῶν
-Ἰνδῶν πυθόμενος ᾔτει λαβεῖν τὸν ἐλέφαντα. ὃ δὲ
-ὡς ἐρώμενος ζηλοτυπῶν καὶ μέντοι καὶ περιαλγῶν
-εἰ ἔμελλε δεσπόσειν αὐτοῦ ἄλλος, οὐκ ἔφατο δώσειν,
-καὶ ᾤχετο ἀπιὼν ἐς τὴν ἔρημον, ἀναβὰς τὸν ἐλέφαντα.
-<pb id="p.79"/>
-ἀγανακτεῖ ὁ βασιλεύς, καὶ πέμπει κατʼ αὐτοῦ
-τοὺς ἀφαιρησομένους καὶ ἅμα καὶ τὸν Ἰνδὸν ἐπὶ τὴν
-δίκην ἄξοντας. ἐπεὶ δὲ ἧκον, ἐπειρῶτο βίαν προσφέρειν.
-οὐκοῦν καὶ ὁ ἄνθρωπος ἔβαλλεν αὐτοὺς
-ἄνωθεν, καὶ τὸ θηρίον ὡς ἀδικούμενον συνημύνετο. 
-καὶ τὰ μὲν πρῶτα ἦν τοιαῦτα· ἐπεὶ δὲ βληθεὶς ὁ
-Ἰνδὸς κατώλισθε, περιβαίνει μὲν τὸν τροφέα ὁ ἐλέφας
-κατὰ τοὺς ὑπερασπίζοντας ἐν τοῖς ὅπλοις, καὶ
-τῶν ἐπιόντων πολλοὺς ἀπέκτεινε, τοὺς δὲ ἄλλους
-ἐτρέψατο· περιβαλὼν δὲ τῷ τροφεῖ τὴν προβοσκίδα, 
-αἴρει τε αὐτὸν καὶ ἐπὶ τὰ αὔλια κομίζει, καὶ παρέμεινεν
-ὡς φίλῳ φίλος πιστός, καὶ τὴν εὔνοιαν ἐπεδείκνυτο.
-ὦ ἄνθρωποι πονηροὶ καὶ περὶ τράπεζαν
-μὲν καὶ ταγήνου ψόφον ἀεί, ἐπʼ ἄριστά τε χορεύοντες,
-ἐν δὲ τοῖς κινδύνοις προδόται, καὶ μάτην καὶ ἐς 
-οὐδὲν τὸ τῆς φιλίας ὄνομα χαίνοντες.
-</p>
-</div2>
-<div2 type="chapter" n="47">
-<p>δότε μοι τοὺς τραγῳδοὺς πρὸς τοῦ πατρῴου 
-Διὸς καὶ πρό γε ἐκείνων τοὺς μυθοποιοὺς ἐρέσθαι
-τί βουλόμενοι τοσαύτην ἄγνοιαν τοῦ παιδὸς τοῦ
-Λαΐου καταχέουσι τοῦ συνελθόντος τῇ μητρὶ τὴν δυστυχῆ 
-σύνοδον, καὶ τοῦ Τηλέφου τοῦ μὴ πειραθέντος
-μὲν τῆς ὁμιλίας, συγκατακλινέντος δὲ τῇ γειναμένῃ
-καὶ πράξαντος ἂν τὰ αὐτά, εἰ μὴ θείᾳ πομπῇ
-διεῖρξεν ὁ δράκων· εἴ γε ἡ φύσις τοῖς ἀλόγοις
-ζῴοις τὴν τοιαύτην μίξιν καὶ ἐκ τοῦ χρωτὸς δίδωσι 
-κατανοῆσαι, καὶ οὐ δεῖται γνωρισμάτων οὐδὲ
-τοῦ ἐκθέντος ἐς τὸν Κιθαιρῶνα. οὐκ ἂν γοῦν ποτε
-τῇ τεκούσῃ ὁμιλήσειε κάμηλος. ὁ δέ τοι νομεὺς τῆς
-ἀγέλης κατακαλύψας τὸν θῆλυν ὡς οἷόν τε ἦν καὶ
-ἀποκρύψας πάντα πλὴν τῶν ἄρθρων, τὸν παῖδα 
-ἐπάγει τῇ μητρί, καὶ ἐκεῖνος λάθριος ὑπὸ ὁρμῆς τῆς
-πρὸς μίξιν ἔφρασε τὸ ἔργον καὶ συνῆκε. καὶ τὸν μὲν
-<pb id="p.80"/>
-αἴτιον τῆς ὁμιλίας οἱ τῆς ἐκθέσμου δάκνων καὶ πατῶν
-καὶ τοῖς γόνασι καίων ἀπέκτεινεν ἀλγεινότατα,
-ἑαυτὸν δὲ κατεκρήμνισεν. ἀμαθὴς δὲ καὶ κατὰ τοῦτο
-Οἰδίπους, οὐκ ἀποκτείνας, ἀλλὰ πηρώσας τὴν ὄψιν,
-καὶ τὴν τῶν κακῶν λύσιν μὴ γνοὺς ἐξὸν ἀπηλλάχθαι
-καὶ μὴ τῷ οἴκῳ καὶ τῷ γένει καταρώμενον εἶτα μέντοι
-κακῷ ἀνηκέστῳ ἰᾶσθαι κακὰ τὰ ἤδη παρελθόντα.</p>
-</div2>
-</div1>
-<div1 type="book" n="4">
-<div2 type="chapter" n="1">
-<p>
-ἀκολαστότατοι ὀρνίθων οἱ πέρδικές εἰσι. ταῦτά
-τοι καὶ τῶν θηλειῶν ἐρῶσι δριμύτατα, καὶ τῆς
-λαγνείας ἡττώμενοι συνεχέστατά εἰσιν οἵδε. οὐκοῦν
-οἱ τρέφοντες τοὺς ἀθλητὰς πέρδικας, ὅταν αὐτοὺς
-ἐς τὴν μάχην τὴν κατὰ ἀλλήλων ὑποθήγωσι,
-τὴν θήλειαν παρεστάναι ποιοῦσιν ἑκάστῳ τὴν σύννομον,
-σόφισμα τοῦτο δειλίας καὶ κάκης τῆς κατὰ
-τὴν ἀγωνίαν ἀντίπαλον αὐτοῖς εὑρόντες. οὐ γάρ τί
-που ἡττώμενος φανῆναι ἢ τῇ ἐρωμένῃ ἢ τῇ γαμετῇ
-ὁ πέρδιξ ὑπομένει· τεθνήξεται δὲ μᾶλλον παιόμενος
-ἢ ὁμόσε χωροῦντος ἀποστραφεὶς ἰδεῖν τολμήσει ταύτην
-ἀσχημόνως, παρʼ ᾗ βούλεται εὐδοκιμεῖν. τοῦτό
-τοι καὶ Κρῆτες ὑπὲρ τῶν ἐρωμένων ἐνενόουν. ἀκούω
-γὰρ Κρῆτα ἐραστὴν ἀγαθὸν τά τε ἄλλα καὶ τὰ πολέμια
-ἔχειν μὲν παιδικὰ εὐγενὲς μειράκιον ὥρᾳ διαπρεπὲς
-καὶ τὴν ψυχὴν ἀνδρεῖον καὶ πρὸς τὰ κάλλιστα
-τῶν μαθημάτων πεφυκὸς εὖ καὶ καλῶς, καλούμενον
-δὲ διʼ ἡλικίαν ἐς ὅπλα μηδέπω ʽεἶπόν γε μὴν
-ἀλλαχόθι καὶ τοῦ ἐραστοῦ καὶ τοῦ καλοῦ τὸ ὄνομἀ.
-ἀρετὰς μὲν οὖν ἐν τῇ μάχῃ τὸν νεανίαν ἀποδείξασθαί
-<pb id="p.81"/>
-φασιν οἱ Κρῆτες, ἀθρόας δὲ ἐς αὐτὸν ὠθουμένης τῆς
-τῶν ἐχθρῶν φάλαγγος προσπταῖσαι νεκρῷ κειμένῳ,
-καὶ περιτραπῆναι λέγουσιν αὐτόν. τῶν οὖν τις πολεμίων,
-ὁ μάλιστα πλησίον, ἀνατεινάμενος παίειν
-ἔμελλε κατὰ τῶν μεταφρένων τὸν ἄνδρα· ὃ δὲ ἐπιστραφεὶς 
-ʽμηδαμῶσʼ εἶπεν ʽαἰσχρὰν καὶ ἀναλκῆ πληγὴν
-ἐπαγάγῃς, ἀλλὰ κατὰ τῶν στέρνων ἀντίαν παῖσον,
-ἵνα μή μου δειλίαν ὁ ἐρώμενος καταψηφίσηται,
-καὶ φυλάξηται περιστεῖλαί με νεκρόν, καὶ μάλα γε
-ἀσχημονοῦντι προσελθεῖν οὐ τολμῶν.ʼ αἰδεσθῆναι 
-μὲν οὖν ἄνθρωπον ὄντα φανῆναι κακὸν οὔπω θαυμαστόν·
-πέρδικι δὲ μετεῖναι αἰδοῦς ὑπέρσεμνον τοῦτο
-ἐκ τῆς φύσεως τὸ δῶρον. Ἀριστόδημος δὲ ὁ τρέσας
-καὶ Κλεώνυμος ὁ ῥίψας τὴν ἀσπίδα καὶ ὁ δειλὸς
-Πείσανδρος οὔτε τὰς πατρίδας ᾐδοῦντο οὔτε τὰς γαμετὰς 
-οὔτε τὰ παιδία.
-</p>
-</div2>
-<div2 type="chapter" n="2">
-<p>ἐν Ἔρυκι τῆς Σικελίας ἑορτή ἐστιν, ἣν καλοῦσιν 
-Ἀναγώγια Ἐρυκῖνοί τε αὐτοὶ καὶ μέντοι καὶ ὅσοι
-ἐν τῇ Σικελίᾳ πάσῃ. ἡ δὲ αἰτία, τὴν Ἀφροδίτην λέγουσιν
-ἐντεῦθεν ἐς Λιβύην ἀπαίρειν ἐν ταῖσδε ταῖς 
-ἡμέραις. δοξάζουσι δὲ ἄρα ταῦτα ταύτῃ τεκμαιρόμενοι.
-περιστερῶν πλῆθός ἐστιν ἐνταῦθα πάμπλειστον.
-οὐκοῦν αἳ μὲν οὐχ ὁρῶνται, λέγουσι δὲ Ἐρυκῖνοι
-τὴν θεὸν δορυφορούσας ἀπελθεῖν· ἀθύρματα
-γὰρ ἀφροδίτης περιστερὰς εἶναι ᾅδουσί τε ἐκεῖνοι 
-καὶ πεπιστεύκασι πάντες ἄνθρωποι. διελθουσῶν
-δὲ ἡμερῶν ἐννέα μίαν μὲν διαπρεπῆ τὴν ὥραν
-ἔκ γε τοῦ πελάγους τοῦ κομίζοντος ἐκ τῆς Λιβύης
-ὁρᾶσθαι ἐσπετομένην, οὐχ οἵαν κατὰ τὰς ἀγελαίας
-πελειάδας τὰς λοιπὰς εἶναι, πορφυρᾶν δέ, 
-ὥσπερ οὖν τὴν Ἀφροδίτην ὁ Τήιος ἡμῖν Ἀνακρέων
-ᾅδει, πορφυρέην που λέγων. καὶ χρυσῷ δὲ εἰκασμένη
-<pb id="p.82"/>
-φανείη ἄν, καὶ τοῦτό γε κατὰ τὴν Ὁμήρου θεὸν τὴν
-αὐτήν, ἣν ἐκεῖνος ἀναμέλπει χρυσῆν. ἕπεται δὲ αὐτῇ
-τῶν περιστερῶν τὰ νέφη τῶν λοιπῶν, καὶ ἑορτὴ πάλιν
-Ἐρυκίνοις καὶ πανήγυρις τὰ Καταγώγια, ἐκ τοῦ
-ἔργου καὶ τοῦτο τὸ ὄνομα.
-</p>
-</div2>
-<div2 type="chapter" n="3">
-<p> Λύκω συννόμω καὶ ἵππω, λέοντέ γε μὴν οὐκέτι·
-λέαινα γὰρ καὶ λέων οὐ τὴν αὐτὴν ἴασιν οὔτε ἐπὶ
-θήραν οὔτε πιόμενοι. τὸ δὲ αἴτιον, τῇ τοῦ σώματος
-ῥώμῃ θαρροῦντε ἄμφω εἶτα οὐ δεῖται θατέρου ὁ
-ἕτερος, ὥς φασιν οἱ πρεσβύτεροι.
-</p>
-</div2>
-<div2 type="chapter" n="4">
-<p> οὐ ῥᾳδίως οἱ λύκοι τὴν ὠδῖνα ἀπολύουσιν, ἀλλὰ
-ἐν ἡμέραις δώδεκα καὶ νυξὶ τοσαύταις, ἐπεὶ τοσούτῳ
-χρόνῳ τὴν Λητὼ ἐς Δῆλον ἐξ Ὑπερβορέων ἐλθεῖν Δήλιοί φασιν.
-</p>
-</div2>
-<div2 type="chapter" n="5">
-<p> ζῷα πολέμια χελώνη τε καὶ πέρδιξ, καὶ πελαργὸς
-καὶ κρὲξ πρὸς αἴθυιαν καὶ ἅρπη καὶ ἐρωδιὸς
-πρὸς λάρον· κορυδαλλὸς δὲ ἀκανθυλλίδι νοεῖ πολέμια,
-τρυγόνι δὲ πρὸς πυραλλίδα διαφορά, ἰκτῖνός
-γε μὴν καὶ κόραξ ἐχθροί· σειρὴν δὲ πρὸς κίρκην,
-κίρκη δὲ πρὸς κίρκον οὐ τῷ γένει μόνον, ἀλλὰ καὶ
-τῇ φύσει διαφέροντε πεφώρασθον.
-Χάννη δὲ ἰχθὺς λαγνίστατος. λευκοὺς δὲ μύρμηκας
-ἐν Φενεῷ τῆς Λακωνικῆς ἀκούειν πάρεστιν.
-</p>
-</div2>
-<div2 type="chapter" n="6">
-<p> τοὺς ἵππους ἕλεσί τε καὶ λειμῶσι καὶ τοῖς κατηνέμοις
-χωρίοις ἥδεσθαι μᾶλλον ἱπποτροφίας τε καὶ
-πωλοτροφικῆς ἄνθρωποι σοφισταὶ ὁμολογοῦσιν. ἔνθεν
-τοι καὶ Ὅμηρος ἐμοὶ δοκεῖν δεινὸς ὢν καὶ τὰ
-τοιαῦτα συνιδεῖν ἔφη που
-τῷ τρισχίλιαι ἵπποι ἕλος καταβουκολέοντο.
-ἐξηνεμῶσθαι δὲ ἵππους πολλάκις ἱπποφορβοὶ τεκμηριοῦσι
-<pb id="p.83"/>
-καὶ κατὰ τὸν νότον ἢ τὸν βορρᾶν φεύγειν.
-εἰδότα οὖν τὸν αὐτὸν ποιητὴν εἰπεῖν
-<quote rend="blockquote">
-<lb/>τάων καὶ Βορέης ἠράσσατο βοσκομενάων.
-</quote>
-καὶ Ἀριστοτέλης δέ, ὡς ἐμὲ νοεῖν, λαβὼν ἐντεῦθεν
-εὐθὺ τῶν προειρημένων ἀνέμων οἰστρηθείσας διδράσκειν  ἔφατο αὐτάς.
-</p>
-</div2>
-<div2 type="chapter" n="7">
-<p>ἀκούω τὸν Σκυθῶν βασιλέα ʽτὸ δὲ ὄνομα εἰδὼς 
-ἐῶ· τί γάρ μοι καὶ λυσιτελές ἐστινʼ; ἵππον σπουδαίαν
-ἔχειν πᾶσαν ἀρετήν, ὅσην ἵπποι καὶ ἀπαιτοῦνται
-καὶ ἀποδείκνυνται, ἔχειν δὲ καὶ υἱὸν αὐτῆς ἐκείνης 
-τῶν ἄλλων ἀρετῇ διαπρέποντα. οὔκουν εὑρίσκοντα
-οὔτε ἐκείνην ἄλλῳ παραβαλεῖν ἀξίῳ, οὔτε
-ἐκεῖνον ἄλλῃ ἐπαγαγεῖν τὸ ἐξ αὐτοῦ λαβεῖν σπέρμα
-ἀγαθῇ, διὰ ταῦτα ἄμφω συναγαγεῖν ἐς τὸ ἔργον·
-τοὺς δὲ τὰ μὲν ἕτερα ἀσπάζεσθαι σφᾶς καὶ φιλοφρονεῖσθαι, 
-οὐ μὴν ἐγχρίμπτεσθαι ἀλλήλοις. οὐκοῦν
-ἐπεὶ τῆς ἐπιβουλῆς τοῦ Σκύθου σοφώτερα ἦν τὰ ζῷα,
-ἐπηλύγασεν ἱματίοις καὶ τὸν καὶ τήν, καὶ ἐξειργάσαντο
-τὸ ἔκνομόν τε καὶ ἔκδικον ἐκεῖνο ἔργον. ὡς
-δὲ ἄμφω συνεῖδον τὸ πραχθέν, εἶτα μέντοι τὸ ἀσέβημα 
-διελύσαντο θανάτῳ, πηδήσαντε κατὰ κρημνοῦ.
-</p>
-</div2>
-<div2 type="chapter" n="8">
-<p>λέγει Εὔδημος ἵππου νέας καὶ τῶν νεμομένων 
-τῆς ἀρίστης ἐρασθῆναι τὸν ἱπποκόμον, ὥσπερ οὖν
-καλῆς μείρακος καὶ τῶν ἐν τῷ χωρίῳ ὡρικωτέρας
-πασῶν· καὶ τὰ μὲν πρῶτα ἐγκαρτερεῖν, τελευτῶντα 
-δὲ ἐπιτολμῆσαι τῷ λέχει τῷ ξένῳ καὶ ὁμιλεῖν αὐτῇ.
-τῇ δὲ εἶναι πῶλον καὶ τοῦτου καλόν, θεασάμενόν γε
-μὴν τὸ πραττόμενον ἀλγῆσαι, ὥσπερ οὖν τυραννουμένης
-τῆς μητρὸς ὑπὸ τοῦ δεσπότου, καὶ ἐμπηδῆσαι
-καὶ ἀποκτεῖναι τὸν ἄνδρα, εἶτα μέντοι καὶ φυλάξαι 
-ἔνθα ἐτάφη, καὶ φοιτῶντα ἀνορύττειν αὐτόν, καὶ
-<pb id="p.84"/>
-ἐνυβρίζειν τῷ νεκρῷ καὶ λυμαίνεσθαι λύμην ποικίλην.
-</p>
-</div2>
-<div2 type="chapter" n="9">
-<p> τῶν ἰχθύων διὰ τοῦ ἦρος οἱ πλεῖστοι ἐς ἀφροδίτην
-πρόθυμοί εἰσι, καὶ ἀποκρίνουσί γε αὑτοὺς ἐς
-τὸν Πόντον μᾶλλον· ἔχει γάρ πως θαλάμας τε καὶ
-κοίτας, φύσεως ταῦτα ἰχθύσι τὰ δῶρα· ἀλλὰ καὶ θηρίων
-ἐλεύθερός ἐστιν ὅσα βόσκει θάλαττα. δελφῖνες
-δὲ ἀλῶνται μόνοι, λεπτοί τε καὶ ἀσθενικοί· καὶ μὴν
-καὶ πολύπου χῆρός ἐστι καὶ παγούρου ἄγονος, καὶ
-</p>
-</div2>
-<div2 type="chapter" n="10">
-<p> ἀστακὸν οὐ τρέφει· μικρῶν δὲ ἰχθύων οἵδε ὅλεθρός εἰσιν.
-πυνθάνομαι σελήνης ὑποφαινομένης νέας τοὺς
-ἐλέφαντας κατά τινα φυσικὴν καὶ ἀπόρρητον ἔννοιαν
-ἐκ τῆς ὕλης ἐν ᾗ νέμονται νεοδρεπεῖς ἀφελόντας
-κλάδους εἶτα μέντοι μετεώρους ἀνατείνειν, καὶ πρὸς
-τὴν θεὸν ἀναβλέπειν, καὶ ἡσυχῆ τοὺς κλάδους ὑποκινεῖν,
-οἷον ἱκετηρίαν τινὰ ταύτην τῇ θεῷ προτείνοντας
-ὑπέρ τοῦ ἵλεων τε καὶ εὐμενῆ τὴν θεόν γε εἶναι αὐτοῖς.
-</p>
-</div2>
-<div2 type="chapter" n="11">
-<p> μόνας ἀκούω τῶν ζῴων τὰς ἵππους καὶ κυούσας
-ὑπομένειν τὴν τῶν ἀρρένων μίξιν· εἶναι γὰρ
-λαγνιστάτας. διὰ ταῦτά τοι καὶ τῶν γυναικῶν τὰς
-ἀκολάστους ὑπὸ τῶν σεμνοτέρως αὐτὰς εὐθυνόντων καλεῖσθαι ἵππους.
-</p>
-</div2>
-<div2 type="chapter" n="12">
-<p> οἱ πέρδικες ἐν τοῖς ᾠοῖς οἰκοῦντες ἔτι καὶ κατειλημμένοι
-τοῖς περιπεφυκόσι σφίσιν ὀστράκοις οὐκ
-ἀναμένουσι τὴν ἐκ τῶν γειναμένων ἐκγλυφήν, ἀλλʼ
-αὐτοὶ διʼ ἑαυτῶν ὥσπερ θυροκοποῦντες ἐκκρούουσι
-τὰ ᾠά, καὶ ἐκκύψαντες εἶτα σφᾶς αὐτοὺς ἀνωθοῦσι,
-καὶ τὸ τοῦ ᾠοῦ λέμμα περιρρήξαντες ἤδη θέουσι, καὶ
-τὸ πρὸς τῷ οὐραίῳ ἡμίτομον, εἰ προσέχοιτο, διασεισάμενοι
-<pb id="p.85"/>
-ἐκβάλλουσιν αὐτό, καὶ τροφὴν μαστεύουσι,
-καὶ πηδῶσιν ὤκιστα.
-</p>
-</div2>
-<div2 type="chapter" n="13">
-<p>τῶν περδίκων οἱ τοροί τε καὶ ᾠδικοὶ τῇ σφετέρᾳ 
-θαρροῦσιν εὐγλωττίᾳ· καὶ οἱ μαχητικοὶ δὲ καὶ ἀγωνιστικοὶ
-καὶ ἐκεῖνοι πεπιστεύκασιν ὅτι μή εἰσιν ἄξιοι 
-παρανάλωμα γενέσθαι τεθηραμένοι· καὶ διὰ ταῦτα
-ἁλισκόμενοι ἧττον πρὸς τοὺς θηρῶντας διαμάχονται
-ὑπὲρ τοῦ μὴ ἁλῶναι. οἱ δὲ ἄλλοι, καὶ ἔτι μᾶλλον οἱ
-Κιρραῖοι, συνεγνωκότες ἑαυτοῖς οὔτε ἀλκὴν ἀγαθοῖς
-οὔτε ᾅδειν, καλῶς δὲ διεγνωκότες ὅτι ἄρα ἁλόντες 
-ἔσονται δεῖπνον τοῖς ᾑρηκόσι, παλαμῶνταί τινι σοφίᾳ
-φυσικῇ ἑαυτοὺς ἀβρώτους παρασκευάσαι· καὶ
-τῆς μὲν ἄλλης τροφῆς, ἥτις αὐτοὺς εὐφραίνει τε καὶ
-πιαίνει, ἀπέχονται, σκόροδα δὲ σιτοῦνται προθυμότατα.
-οἱ τοίνυν ταῦτα προμαθόντες ἐσπείσαντο πρὸς 
-αὐτοὺς ἑκόντες ἀθηρίαν· ὅστις δὲ τῇ τούτων ἄγρᾳ
-οὐ προενέτυχε, συλλαβὼν καὶ καθεψήσας ἀπώλεσε
-καὶ τὸν χρόνον καὶ τὴν ἐπʼ αὐτοῖς σπουδήν, πονηροῦ κρέως πειραθείς.
-</p>
-</div2>
-<div2 type="chapter" n="14">
-<p>κακὸν θηρίον ἡ γαλῆ, κακὸν δὲ καὶ ὁ ὄφις. 
-οὐκοῦν ὅταν μέλλῃ γαλῆ ὄφει μάχεσθαι, πήγανον
-διατραγοῦσα πρότερον εἶτα μέντοι ἐπὶ τὴν μάχην
-ὥσπερ οὖν πεφραγμένη τε καὶ ὡπλισμένη παραγίνεται.
-τὸ δὲ αἴτιον, τὸ πήγανον πρὸς ὄφιν ἔχθιστόν ἐστιν. 
-</p>
-</div2>
-<div2 type="chapter" n="15">
-<p>ὁ λύκος ἐμπλησθεὶς ἐς κόρον οὐδʼ ἂν τοῦ βραχίστου 
-τὸ λοιπὸν ἀπογεύσαιτο· παρατείνεται μὲν γὰρ
-ἡ γαστὴρ τῷδε, οἰδάνει δὲ ἡ γλῶττα, καὶ τὸ στόμα
-ἐμφράγνυται, πραότατος δὲ ἐντυχεῖν ἐστιν ἀμνοῦ
-δίκην, καὶ οὐκ ἂν ἐπιβουλεύσειεν ἢ ἀνθρώπῳ ἢ θρέμματι, 
-οὐδὲ εἰ τῆς ἀγέλης βαδίζοι μέσος. μειοῦται
-δὲ ἡσυχῆ καὶ κατʼ ὀλίγον ἡ γλῶττα αὐτῷ, εἶτα
-<pb id="p.86"/>
-ἐς τὸ ἀρχαῖον σχῆμα ἐπάνεισι, καὶ λύκος γίνεται αὖθις.
-</p>
-</div2>
-<div2 type="chapter" n="16">
-<p> ἀλεκτρυόνες ἐν ἀγέλῃ τὸν νέηλυν ἀναβαίνουσι
-πάντες. καὶ οἱ τιθασοὶ δὲ πέρδικες τὸν ἥκοντα
-πρῶτον καὶ οὔπω πεπραϋσμένον τὰ αὐτὰ δρῶσιν.
-ἀμειβόμενοι δὲ οἱ πέρδικες τοὺς τρέφοντας καὶ αὐτοὶ
-παλεύουσι τοὺς ἀφέτους καὶ ἀγρίους, κατὰ
-τὰς περιστερὰς δρῶντες καὶ οὗτοι τοῦτο. προσάγεται
-δὲ ἄρα ὁ πέρδιξ καὶ σειρῆνας ἐς τὸ ἐφολκὸν
-προτείνει τὸ τῶν ἄλλων τὸν τρόπον τοῦτον. ἕστηκεν
-ᾅδων καὶ ἔστιν οἱ τὸ μέλος προκλητικόν, ἐς μάχην
-ὑποθῆγον τὸν ἄγριον, ἕστηκε δὲ ἐλλοχῶν πρὸς
-τῇ πάγῃ· ὃ δὲ τῶν ἀγρίων κορυφαῖος ἀντᾴσας πρὸ
-τῆς ἀγέλης μαχούμενος ἔρχεται. ὁ τοίνυν τιθασὸς ἐπὶ
-πόδα ἀναχωρεῖ, δεδιέναι σκηπτόμενος· ὁ δὲ ἔπεισι
-γαῦρος, οἷα δήπου κρατῶν ἤδη, καὶ ἑάλωκεν ἐνσχεθεὶς
-τῇ πάγῃ. ἐὰν μὲν οὖν ᾖ ἄρρην ὁ τοῖς θηράτροις
-περιπεσών, πειρῶνται ἐπικουρεῖν οἱ σύννομοι τῷ
-ἑαλωκότι· ἐὰν δὲ ᾖ θῆλυς, παίουσι τὸν ἐνσχεθέντα
-ἄλλος ἀλλαχόθεν, ὡς διὰ τὴν λαγνείαν ἐς δουλείαν
-ἐμπεσόντα. καὶ ἐκεῖνο δὲ οὐ παρήσω, ἐπεὶ καὶ ἄξιον
-ἀκοῦσαι αὐτό. ἐὰν ᾖ θῆλυς ὁ παλεύων, ἵνα μὴ
-ἐμπέσῃ ὁ ἄρρην, αἱ ἔξω θήλειαι μέλος ἀντῳδὸν
-ἠχοῦσι, καὶ ῥύονται τὸν ἐμπεσούμενον ἐς τὴν πάγην
-ταῖς συννόμοις καὶ πλείοσιν ἀσμένως συμπαραμένοντα,
-ὡς ἂν ἴυγγί τινι ἑλχθέντα ναὶ μὰ Δίʼ ἐρωτικῇ.
-</p>
-</div2>
-<div2 type="chapter" n="17">
-<p> ἓν τῶν βασκάνων ζῴων μέντοι καὶ ἐχῖνος ὁ χερσαῖος
-εἶναι πεπίστευται. ὅταν γοῦν ἁλίσκηται, παραχρῆμα
-ἐνεούρησε τῷ δέρματι, καὶ ἀχρεῖον ἀπέφηνεν
-αὐτό· δοκεῖ δὲ ἐς πολλὰ ἐπιτήδειον. καὶ ἡ λὺγξ
-δὲ ἀποκρύπτει τὸ οὖρον· ὅταν γὰρ παγῇ, λίθος γίνεται,
-<pb id="p.87"/>
-καὶ γλυφαῖς ἐπιτήδειός ἐστι, καὶ τοῖς γυναικείοις
-κόσμοις συμμάχεται, φασίν.
-</p>
-</div2>
-<div2 type="chapter" n="18">
-<p>λεοντοφόνου φαγὼν ὁ λέων ἀποτέθνηκε. τὰ δὲ 
-ἔντομα φθείρεται, εἰ ἐλαίῳ τις ἐγχρίσειεν αὐτά. γυπῶν
-γε μὴν τὸ μύρον ὄλεθρός ἐστι. κάνθαρον δὲ 
-ἀπολεῖς, εἰ ἐπιβάλοις τῶν ῥόδων αὐτῷ.
-</p>
-</div2>
-<div2 type="chapter" n="19">
-<p>κύνες Ἰνδικοί, θηρία καὶ οἵδε εἰσὶ καὶ ἀλκὴν 
-ἄλκιμα καὶ ψυχὴν θυμοειδέστατα καὶ τῶν πανταχόθεν
-κυνῶν μέγιστοι. καὶ τῶν μὲν ἄλλων ζῴων ὑπερφρονοῦσι,
-λέοντι δὲ ὁμόσε χωρεῖ κύων Ἰνδικός, καὶ 
-ἐγκείμενον ὑπομένει, καὶ βρυχωμένῳ ἀνθυλακτεῖ,
-καὶ ἀντιδάκνει δάκνοντα· καὶ πολλὰ αὐτὸν λυπήσας
-καὶ κατατρώσας, τελευτῶν ἡττᾶται ὁ κύων. εἴη δʼ
-ἂν καὶ λέων ἡττηθεὶς ὑπὸ κυνὸς Ἰνδοῦ, καὶ μέντοι
-καὶ δακὼν ὁ κύων ἔχεται καὶ μάλα ἐγκρατῶς. 
-κἂν προσελθὼν μαχαίρᾳ τὸ σκέλος ἀποκόπτῃς τοῦ
-κυνός, ὃ δὲ οὐκ ἄγει σχολὴν ἀλγήσας ἀνεῖναι τὸ δῆγμα,
-ἀλλὰ ἀπεκόπη μὲν πρότερον τὸ σκέλος, νεκρὸς δὲ
-ἀνῆκε τὸ στόμα, καὶ κεῖται βιασθεὶς ἀποστῆναι τῷ
-</p>
-</div2>
-<div2 type="chapter" n="20">
-<p>θανάτῳ. ἃ δὲ προσήκουσα, ἐρῶ ἀλλαχόθι. 
-Ἀυθρώπου μόνου καὶ κυνὸς κορεσθέντων ἀναπλεῖ 
-ἡ τροφή. καὶ τοῦ μὲν ἀνθρώπου ἡ καρδία τῷ
-μαζῷ τῷ λαιῷ προσήρτηται, τοῖς γε μὴν ἄλλοις ζῴοις
-ἐν μέσῳ τῷ στήθει προσπέπλασται. γαμψώνυχον δὲ
-ἄρα οὐδὲ ἓν οὔτε πίνει οὔτε οὐρεῖ οὔτε μὴν συναγελάζεται ἑτέροις. 
-</p>
-</div2>
-<div2 type="chapter" n="21">
-<p>θηρίον Ἰνδικὸν βίαιον τὴν ἀλκήν, μέγεθος κατὰ 
-τὸν λέοντα τὸν μέγιστον, τὴν δὲ χρόαν ἐρυθρόν, ὡς
-κινναβάρινον εἶναι δοκεῖν, δασὺ δὲ ὡς κύνες, φωνῇ
-τῇ Ἰνδῶν μαρτιχόρας ὠνόμασται. τὸ πρόσωπον δὲ 
-κέκτηται τοιοῦτον, ὡς δοκεῖν οὐ θηρίου τοῦτό γε,
-ἀλλὰ ἀνθρώπου ἔχειν. ὀδόντες δὲ τρίστοιχοι ἐμπεπήγασιν
-<pb id="p.88"/>
-οἱ ἄνω αὐτῷ, τρίστοιχοι δὲ οἱ κάτω, τὴν
-ἀκμὴν ὀξύτατοι, τῶν κυνείων ἐκεῖνοι μείζους· τὰ
-δὲ ὦτα ἔοικεν ἀνθρώπῳ, μείζω δὲ καὶ δασέα· τοὺς
-δὲ ὀφθαλμοὺς γλαῦκός ἐστι, καὶ ἐοίκασιν ἀνθρωπίνοις
-καὶ οὗτοι. πόδας δέ μοι νόει καὶ ὄνυχας
-οἵους εἶναι λέοντος. τῇ δὲ οὐρᾷ ἄκρᾳ προσήρτηται
-σκορπίου κέντρον, καὶ εἴη ἂν ὑπὲρ πῆχυν τοῦτο,
-καὶ παρʼ ἑκάτερα αὐτῷ ἡ οὐρὰ κέντροις διείληε
-πται· τὸ δὲ οὐραῖον τὸ ἄκρον ἐς θάνατον ἐκέντηστὸν
-περιτυχόντα, καὶ διέφθειρε παραχρῆμα. ἐὰν
-δέ τις αὐτὸν διώκῃ, ὃ δὲ ἀφίησι τὰ κέντρα πλάγια
-ὡς βέλη, καὶ ἔστι τὸ ζῷον ἑκηβόλον. καὶ ἐς τοὔμπροσθεν
-μὲν ὅταν ἀπολύῃ τὰ κέντρα, ἀνακλᾷ τὴν
-οὐράν· ἐὰν δὲ ἐς τοὐπίσω κατὰ τοὺς Σάκας, ὃ δὲ
-ἀποτάδην αὐτὴν ἐξαρτᾷ. ὅτου δʼ ἂν τὸ βληθὲν τύχῃ,
-ἀποκτείνει· ἐλέφαντα δὲ οὐκ ἀναιρεῖ μόνον. τὰ δὲ
-ἀκοντιζόμενα κέντρα ποδιαῖα τὸ μῆκός ἐστι, σχοίνου
-δὲ τὸ πάχος. λέγει δὲ ἄρα Κτησίας καί φησιν ὁμολογεῖν
-αὐτῷ τοὺς Ἰνδούς, ἐν ταῖς χώραις τῶν ἀπολυομένων
-ἐκείνων κέντρων ὑπαναφύεσθαι ἄλλα, ὡς εἶναι
-τοῦ κακοῦ τοῦδε ἐπιγονήν. φιληδεῖ δέ, ὡς ὁ αὐτὸς
-λέγει, μάλιστα ἀνθρώπους ἐσθίων, καὶ ἀναιρεῖ γε
-ἀνθρώπους πολλούς, καὶ οὐ καθʼ ἕνα ἐλλοχᾷ, δύο δʼ
-ἂν ἐπίθοιτο καὶ τρισί, καὶ κρατεῖ τῶν τοσούτων μόνος.
-καταγωνίζεται δὲ καὶ τῶν ζῴων τὰ λοιπά, λέοντα
-δὲ οὐκ ἂν καθέλοι ποτέ. ὅτι δὲ κρεῶν ἀνθρωπείων
-ἐμπιπλάμενον τόδε τὸ ζῷον ὑπερήδεται, κατηγορεῖ
-καὶ τὸ ὄνομα· νοεῖ γὰρ τῇ Ἑλλήνων φωνῇ ἀνθρωποφάγον
-αὐτὸ εἶναι. ἐκ δὲ τοῦ ἔργου καὶ κέκληται.
-πέφυκε δὲ κατὰ τὴν ἔλαφον ὤκιστος. τὰ βρέφη δὲ
-τῶνδε τῶν ζῴων Ἰνδοὶ θηρῶσιν ἀκέντρους τὰς οὐρὰς
-ἔχοντα, καὶ λίθῳ γε διαθλῶσιν αὐτάς, ἵνα ἀδυνατῶσι
-<pb id="p.89"/>
-τὰ κέντρα ἀναφύειν. φωνὴν δὲ σάλπιγγος
-ὡς ὅτι ἐγγυτάτω προΐεται. λέγει δὲ καὶ ἑορακέναι
-τόδε τὸ ζῷον ἐν Πέρσαις Κτησίας ἐξ Ἰνδῶν κομισθὲν
-δῶρον τῷ Περσῶν βασιλεῖ, εἰ δή τῳ ἱκανὸς τεκμηριῶσαι
-ὑπὲρ τῶν τοιούτων Κτησίας. ἀκούσας γε μὴν 
-τὰ ἴδιά τις τοῦδε τοῦ ζῴου εἶτα μέντοι τῷ συγγραφεῖ
-τῷ Κνιδίῳ προσεχέτω.
-</p>
-</div2>
-<div2 type="chapter" n="22">
-<p>σκολόπενδρα θαλαττία διαρρήγνυται, ὥς φασιν, 
-ἀνθρώπου προσπτύσαντος αὐτῇ.
-</p>
-</div2>
-<div2 type="chapter" n="23">
-<p>καρπὸν δὲ ἰτέας εἴ τις θλιβέντα δοίη πιεῖν τοῖς 
-ἀλόγοις, λυπεῖται ἐκεῖνα οὐδὲ ἕν, μᾶλλον δὲ καὶ τρέφεται·
-πιὼν δὲ ἄνθρωπος τὴν σπορὰν τὴν παιδοποιόν
-τε καὶ ἔγκαρπον ἀπώλεσε. καί μοι δοκεῖ Ὅμηρος
-καὶ τὰ τῆς φύσεως ἀπόρρητα ἀνιχνεύσας εἶτα
-μέντοι καὶ ἰτέαι ὠλεσίκαρποι ἐν τοῖς ἑαυτοῦ 
-μέτροις εἰπεῖν τοῦτο αἰνιττόμενος. κωνείου δὲ ἄνθρωπος
-πιὼν κατὰ τὴν τοῦ αἵματος πῆξίν τε καὶ
-ψῦξιν ἀποθνήσκει, ὗς δὲ κωνείου ἐμπίπλαται καὶ ὑγιαίνει.
-</p>
-</div2>
-<div2 type="chapter" n="24">
-<p>οἱ Ἰνδοὶ τέλειον μὲν ἐλέφαντα συλλαβεῖν ῥᾳδίως 
-ἀδυνατοῦσιν, ἐς δὲ τὰ ἕλη φοιτῶντες τὰ γειτνιῶντα
-τῷ ποταμῷ εἶτα μέντοι λαμβάνουσιν αὐτῶν τὰ βρέφη.
-ἀσπάζεται γὰρ ὁ ἐλέφας τὰ ἔνδροσα χωρία καὶ μαλακά,
-καὶ φιλεῖ τὸ ὕδωρ, καὶ ἐν τοῖσδε τοῖς ἤθεσι διαιτᾶσθαι
-</p>
-</div2>
-<div2 type="chapter" n="25">
-<p>ἐθέλει, καὶ ὡς ἂν εἴποις ἕλειός ἐστι. λαβόντες 
-οὖν ἁπαλὰ καὶ εὐπειθῆ τρέφουσι κολακείᾳ τε τῇ
-κατὰ γαστέρα καὶ θεραπείᾳ τῇ περὶ τὸ σῶμα καὶ
-φωνῇ θωπευτικῇ ʽσυνιᾶσι γὰρ ἐλέφαντες καὶ γλώττης
-ἀνθρωπίνης τῆς ἐπιχωρίοὐ, καὶ συνελόντι εἰπεῖν
-ὡς παῖδας αὐτοὺς ἐκτρέφουσι, καὶ κομιδὴν προσάγουσιν 
-αὐτοῖς καὶ παιδεύματα ποικίλα. οἳ δὲ πείθονται.
-<pb id="p.90"/>
-Ὅταν ἀλοητὸς ᾖ, καὶ στρέφωνται περὶ τὸν δῖνον
-οἱ βόες, καὶ πεπληρωμένη τῶν δραγμάτων ἡ ἅλως ᾖ,
-ὑπὲρ τοῦ τοὺς βοῦς μὴ ἀπογεύσασθαι τῶν σταχύων
-βολίτῳ τὰς ῥῖνας ἐπιχρίουσιν αὐτῶν, σόφισμα ἐπινοήσαντες
-τοῦτο καὶ μάλα γε ἐπιτήδειον. τοῦτο γὰρ
-τὸ ζῷον μυσαττόμενον τὴν προειρημένην χρῖσιν οὐκ
-ἄν τινος ἀπογεύσαιτο, οὐδʼ εἰ τῷ βαρυτάτῳ λιμῷ πιέζοιτο.
-</p>
-</div2>
-<div2 type="chapter" n="26">
-<p> τοὺς λαγὼς καὶ τὰς ἀλώπεκας θηρῶσιν οἱ Ἰνδοὶ
-τὸν τρόπον τοῦτον. κυνῶν ἐς τὴν ἄγραν οὐ δέονται,
-ἀλλὰ νεοττοὺς συλλαβόντες ἀετῶν καὶ κοράκων καὶ
-ἰκτίνων προσέτι τρέφουσι καὶ ἐκπαιδεύουσι τὴν θήραν.
-καὶ ἔστι τὸ μάθημα, πράῳ λαγῷ καὶ ἀλώπεκι
-τιθασῷ κρέας προσαρτῶσι, καὶ μεθιᾶσι θεῖν, καὶ
-τοὺς ὄρνιθας αὐτοῖς κατὰ πόδας ἐπιπέμψαντες τὸ
-κρέας ἀφελέσθαι συγχωροῦσιν. οἳ δὲ ἀνὰ κράτος
-διώκουσι, καὶ ἑλόντες ἢ τὸν ἢ τὴν ἔχουσιν ὑπὲρ τοῦ
-καταλαβεῖν ἆθλον τὸ κρέας. καὶ τοῦτο μὲν αὐτοῖς
-δέλεάρ ἐστι καὶ μάλα ἐφολκόν. οὐκοῦν ὅταν ἀκριβώσωσι
-τὴν σοφίαν τὴν θηρατικήν, ἐπὶ τοὺς ὀρείους
-λαγὼς μεθιᾶσιν αὐτοὺς καὶ ἐπὶ τὰς ἀλώπεκας τὰς
-ἀγρίας. οἳ δὲ ἐλπίδι τοῦ δείπνου τοῦ συνήθους, ὅταν
-τι τούτων φανῇ, μεταθέουσι, καὶ αἱροῦσιν ὤκιστα,
-καὶ τοῖς δεσπόταις ἀποφέρουσιν, ὡς λέγει Κτησίας.
-καὶ ὅτι ὑπὲρ τοῦ τέως προσηρτημένου κρέως αὐτοῖς
-τὰ σπλάγχνα τῶν ᾑρημένων δεῖπνόν ἐστιν, ἐκεῖθεν
-καὶ τοῦτο ἴσμεν.
-</p>
-</div2>
-<div2 type="chapter" n="27">
-<p> τὸν γρῦπα ἀκούω τὸ ζῷον τὸ Ἰνδικὸν τετράπουν
-εἶναι κατὰ τοὺς λέοντας, καὶ ἔχειν ὄνυχας καρτεροὺς
-ὡς ὅτι μάλιστα, καὶ τούτους μέντοι τοῖς τῶν λεόντων
-παραπλησίους· κατάπτερον δὲ εἶναι, καὶ τῶν
-μὲν νωτιαίων πτερῶν τὴν χρόαν μέλαιναν ᾅδουσι,
-<pb id="p.91"/>
-τὰ δὲ πρόσθια ἐρυθρά φασι, τάς γε μὴν πτέρυγας
-αὐτὰς οὐκέτι τοιαύτας, ἀλλὰ λευκάς. τὴν δέρην δὲ
-αὐτῶν κυανοῖς διηνθίσθαι τοῖς πτεροῖς Κτησίας ἱστορεῖ,
-στόμα δὲ ἔχειν ἀετῶδες καὶ τὴν κεφαλὴν ὁποίαν
-οἱ χειρουργοῦντες γράφουσί τε καὶ πλάττουσι. φλογώδεις 
-δὲ τοὺς ὀφθαλμούς φησιν αὐτοῦ. νεοττιὰς
-δὲ ἐπὶ τῶν ὀρῶν ποιεῖται, καὶ τέλειον μὲν λαβεῖν
-ἀδύνατόν ἐστι, νεοττοὺς δὲ αἱροῦσι. καὶ Βάκτριοι
-μὲν γειτνιῶντες Ἰνδοῖς λέγουσιν αὐτοὺς φύλακας
-εἶναι τοῦ χρυσοῦ τοῦ αὐτόθι, καὶ ὀρύττειν τε αὐτόν 
-φασιν αὐτοὺς καὶ ἐκ τούτου τὰς καλιὰς ὑποπλέκειν,
-τὸ δὲ ἀπορρέον Ἰνδοὺς λαμβάνειν. Ἰνδοὶ δὲ οὔ φασιν
-αὐτοὺς φρουροὺς εἶναι τοῦ προειρημένου· μηδὲ
-γὰρ δεῖσθαι χρυσίου γρῦπας ʽκαὶ ταῦτα εἰ λέγουσι,
-πιστὰ ἔμοιγε δοκοῦσι λέγεινʼ· ἀλλὰ αὐτοὺς μὲν ἐπὶ 
-τὴν τοῦ χρυσίου ἄθροισιν ἀφικνεῖσθαι, τοὺς δὲ ὑπέρ
-τε τῶν σφετέρων βρεφῶν δεδιέναι καὶ τοῖς ἐπιοῦσι
-μάχεσθαι. καὶ διαγωνίζεσθαι μὲν πρὸς τὰ ἄλλα ζῷα
-καὶ κρατεῖν ῥᾷστα, λέοντι δὲ μὴ ἀνθίστασθαι μηδὲ
-ἐλέφαντι. δεδιότες δὲ ἄρα τὴν τῶνδε τῶν θηρίων 
-ἀλκὴν οἱ ἐπιχώριοι, μεθʼ ἡμέραν ἐπὶ τὸν χρυσὸν οὐ
-στέλλονται, νύκτωρ δὲ ἔρχονται· ἐοίκασι γὰρ τηνικάδε
-τοῦ καιροῦ λανθάνειν μᾶλλον. ὁ δὲ χῶρος οὗτος,
-ἔνθα οἵ τε γρῦπες διαιτῶνται καὶ τὰ χρυσεῖά
-ἐστιν, ἔρημος πέφυκε δεινῶς. ἀφικνοῦνται δὲ οἱ τῆς 
-ὕλης τῆς προειρημένης θηραταὶ κατὰ χιλίους τε καὶ
-δὶς τοσούτους ὡπλισμένοι, καὶ ἄμας κομίζουσι σάκκους
-τε, καὶ ὀρύττουσιν ἀσέληνον ἐπιτηροῦντες νύκτα.
-ἐὰν μὲν οὖν λάθωσι τοὺς γρῦπας, ὤνηνται διπλῆν
-τὴν ὄνησιν· καὶ γὰρ σώζονται καὶ μέντοι καὶ 
-οἴκαδε τὸν φόρτον κομίζουσι, καὶ ἐκκαθήραντες οἱ
-μαθόντες χρυσοχοεῖν σοφίᾳ τινὶ σφετέρᾳ πάμπολυν
-<pb id="p.92"/>
-πλοῦτον ὑπὲρ τῶν κινδύνων ἔχουσι τῶν προειρημένων·
-ἐὰν δὲ κατάφωροι γένωνται, ἀπολώλασιν. ἐπανέρχονται
-δὲ ἐς τὰ οἰκεῖα ὡς πυνθάνομαι διʼ ἔτους
-τρίτου καὶ τετάρτου.
-</p>
-</div2>
-<div2 type="chapter" n="28">
-<p> χελώνης θαλαττίας ἀποτμηθεῖσα ἡ κεφαλὴ βλέπει
-καὶ καταμύει τὴν χεῖρα προσάγοντος· ἤδη δʼ ἂν
-καὶ δάκοι, εἰ περαιτέρω προσαγάγοις τὴν χεῖρα. καὶ
-ἐπὶ μακρὸν ἐκλάμποντας ἔχει τοὺς ὀφθαλμούς· αἱ
-γάρ τοι κόραι λευκόταταί τε καὶ περιφανέσταταί εἰσι,
-καὶ ἐξαιρεθεῖσαι χρυσίῳ καὶ ὅρμοις ἐντίθενται. ἔνθεν
-τοι καὶ δοκοῦσι ταῖς γυναιξὶ θαυμασταί. γίνονται
-δὲ ὡς πυνθάνομαι αἱ χελῶναι αἵδε ἐν τῇ θαλάττῃ,
-ἣν ᾅδουσιν Ἐρυθράν.
-</p>
-</div2>
-<div2 type="chapter" n="29">
-<p> ὁ ἀλεκτρυὼν τῆς σελήνης ἀνισχούσης ἐνθουσιᾷ
-φασι καὶ σκιρτᾷ. ἥλιος δὲ ἀνίσχων οὐκ ἄν ποτε αὐτὸν
-διαλάθοι, ᾠδικώτατος δὲ ἑαυτοῦ ἐστι τηνικάδε.
-πυνθάνομαι δὲ ὅτι ἄρα καὶ τῇ Λητοῖ φίλον ἐστὶν ὁ
-ἀλεκτρυὼν τὸ ὄρνεον. τὸ δὲ αἴτιον, παρέστη φασὶν
-αὐτῇ τὴν διπλῆν τε καὶ μακαρίαν ὠδῖνα ὠδινούσῃ.
-ταῦτά τοι καὶ νῦν ταῖς τικτούσαις ἀλεκτρυὼν πάρεστι,
-καὶ δοκεῖ πως εὐώδινας ἀποφαίνειν. τῆς δὲ ὄρνιθος
-ἀπολωλυίας, ἐπῳάζει αὐτός, καὶ ἐκλέπει τὰ ἐξ ἑαυτοῦ
-νεόττια σιωπῶν· οὐ γὰρ ᾅδει τότε θαυμαστῇ
-τινι καὶ ἀπορρήτῳ αἰτίᾳ, ναὶ μὰ τόν· δοκεῖ γάρ μοι
-συγγινώσκειν ἑαυτῷ θηλείας ἔργα καὶ οὐκ ἄρρενος
-δρῶντι τηνικάδε. μάχῃ δὲ ἀλεκτρυὼν καὶ τῇ πρὸς
-ἄλλον ἡττηθεὶς ἀγωνίᾳ οὐκ ἂν ᾅσειε· τὸ γάρ τοι φρόνημα
-αὐτῷ κατέσταλται, καὶ καταδύεταί γε ὑπὸ τῆς
-αἰδοῦς. κρατήσας δὲ γαῦρός ἐστι, καὶ ὑψαυχενεῖ, καὶ
-</p>
-</div2>
-<div2 type="chapter" n="30">
-<p> κυδρουμένῳ ἔοικε. θαυμάσαι δὲ τοῦ ζῴου ὑπεράξιον
-καὶ ἐκεῖνο δήπου· θύραν γὰρ ὑπιὼν καὶ τὴν ἄγαν
-ὑψηλήν, ὃ δὲ ἐπικύπτει, ἀλαζονέστατα δρῶν ἐκεῖνος
-<pb id="p.93"/>
-τοῦτο· φειδοῖ γὰρ τοῦ λόφου πράττειν ἔοικε τὸ εἰρημένον.
-οἱ κολοιοὶ δεινῶς φιλοῦσι τὸ ὁμόφυλον. τοῦτό 
-τοι καὶ διαφθείρει αὐτοὺς πολλάκις, καὶ τό γε δρώμενον
-τοιοῦτόν ἐστιν. ὅτῳ μέλει θηρᾶσαι κολοιούς, 
-τοιαῦτα παλαμᾶται. ἔνθα οἶδεν αὐτῶν νομὰς καὶ
-τροφὰς καὶ ἀθροιζομένους ὁρᾷ κατʼ ἀγέλας, ἐνταῦθα
-λεκανίδας ἐλαίου μεστὰς διατίθησιν. οὐκοῦν διειδὲς
-μὲν τὸ ἔλαιον, περίεργον δὲ τὸ ὀρνίθιον, καὶ ἀφικνεῖται
-καὶ ἐπὶ τὸ χεῖλος τοῦ σκεύους κάθηται, καὶ κύπτει 
-κάτω καὶ ὁρᾷ τὴν ἑαυτοῦ σκιάν, καὶ οἴεται κολοιὸν
-βλέπειν ἄλλον, καὶ κατελθεῖν πρὸς αὐτὸν σπεύδει.
-κάτεισί τε οὖν καὶ πτερύσσεται καὶ περιβάλλει
-τὸ ἔλαιον αὑτῷ, καὶ ἀναπτερυγίσαι ἥκιστός ἐστι, καὶ
-χωρὶς δικτύων καὶ πάγης καὶ ἁρπεδόνων τὸ ζῷον 
-μένει ὡς ἂν εἴποις πεπεδημένον.
-</p>
-</div2>
-<div2 type="chapter" n="31">
-<p>ὁ ἐλέφας, οἳ μὲν αὐτοῦ προκύπτειν χαυλιόδοντάς 
-φασιν, οἳ δὲ κέρατα. ἔχει δὲ καὶ καθʼ ἕκαστον
-πόδα δακτύλους πέντε, ὑποφαίνοντας μὲν τὰς ἐκφύσεις,
-οὐ μὴν διεστῶτας. ταῦτά τοι καὶ νηκτικός ἐστιν 
-ἥκιστα. σκέλη δὲ τὰ κατόπιν τῶν προσθίων βραχύτερά
-ἐστι· μαζοὶ δὲ αὐτῷ πρὸς ταῖς μασχάλαις εἰσί·
-μυκτῆρα δὲ κέκτηται χειρὸς παγχρηστότερον καὶ
-γλῶτταν βραχεῖαν· χολὴν δὲ αὐτὸν ἔχειν οὐ κατὰ τὸ
-ἧπαρ ἀλλὰ πρὸς τῷ ἐντέρῳ φασί. κύειν δὲ πυνθάνομαι 
-δύο ἐτῶν τὸν ἐλέφαντα. οἳ δὲ οὐ τοσοῦτον
-χρόνον, ἀλλὰ ὀκτωκαίδεκα μηνῶν ὁμολογοῦσιν. ἀποτίκτει
-δὲ ἰσήλικα τὸ μέγεθος μόσχῳ ἐνιαυσίῳ, σπᾷ
-δὲ τῆς θηλῆς τῷ στόματι. ἐνθουσιῶν δὲ ἐς μίξιν
-οἴστρῳ τε φλεγόμενος ἐμπίπτει τοίχῳ καὶ ἀνατρέπει, 
-καὶ φοίνικας κλίνει, τὸ μέτωπον προσαράττων κατὰ
-τοὺς κριούς. πίνει δὲ ὕδωρ οὐ διειδὲς οὐδὲ καθαρόν,
-<pb id="p.94"/>
-ἀλλʼ ὅταν ὑποθολώσῃ τε καὶ ὑποταράξῃ. καθεύδει
-γε μὴν ὀρθοστάδην· κατακλινῆναι γὰρ καὶ
-ἐξαναστῆναι ἐργῶδες αὐτῷ. ἀκμὴ δὲ ἐλέφαντι ἑξήκοντα
-ἔτη. κρυμῷ δὲ ὁμιλεῖν ἥκιστός ἐστι. διατείνει
-δὲ τὸν βίον καὶ ἐς διπλῆν ἑκατοντάδα.
-</p>
-</div2>
-<div2 type="chapter" n="32">
-<p> Προβατεῖαι δὲ Ἰνδῶν ὁποῖαι μαθεῖν ἄξιον. τὰς
-αἶγας καὶ τὰς οἶς ὄνων τῶν μεγίστων μείζονας ἀκούω
-καὶ ἀποκύειν τέτταρα ἑκάστην· μείω γε μὴν τῶν
-τριῶν οὔτʼ αἲξ Ἰνδικὴ οὔτʼ ἂν οἶς ποτε τέκοι. καὶ
-τοῖς μὲν προβάτοις αἱ οὐραὶ πρὸς τὸν πόδα τέτανται,
-αἱ δὲ αἶγες μηκίστας ἔχουσιν, ὥστʼ ἐπιψαύειν γῆς
-ὀλίγου. τῶν μὲν οὖν οἰῶν τῶν τίκτειν ἀγαθῶν ἀποκόπτουσι
-τὰς οὐρὰς οἱ νομεῖς, ἵνα ἀναβαίνωνται, ἐκ
-δὲ τῆς πιμελῆς τῆς τούτων καὶ ἔλαιον ἀποθλίβουσι·
-τῶν δὲ ἀρρένων διατέμνουσι τὰς οὐράς, καὶ ἐξαιροῦσι
-τὸ στέαρ καὶ ἐπιρράπτουσι, καὶ ἑνοῦται πάλιν
-ἡ τομή, καὶ ἀφανίζεται τὰ ἴχνη αὐτῆς.
-</p>
-</div2>
-<div2 type="chapter" n="33">
-<p> Ἀλέξανδρος ὁ Μύνδιος τὸν χαμαιλέοντα λυπεῖν
-τοὺς ὄφεις καὶ ἀσιτίᾳ περιβάλλειν τὸν τρόπον τοῦτόν
-φησι. κάρφος πλατὺ καὶ στερεὸν ἐνδακὼν ἑαυτὸν
-ἐπιστρέφει, καὶ ἀντιπρόσωπος ὁμόσε χωρεῖ τῷ
-πολεμίῳ. ὃ δὲ αὐτοῦ λαβέσθαι ἀδυνατεῖ, τοῦ κάρφους
-τὸ πλάτος οὐκ ἔχων περιχανεῖν. οὐκοῦν ἄδειπνος
-τό γε ἐπʼ ἐκείνῳ μένει ὁ ὄφις· δάκνων γάρ τοι
-τὰ λοιπὰ τῶν μελῶν αὐτοῦ οὐδὲν ἀνύτει· στερεὰν
-γὰρ τὴν φορίνην ἔχει, καὶ ἐπαΐει τῶν ἐκείνου ὀδόντων
-ὁ χαμαιλέων οὐδὲ ἕν.
-</p>
-</div2>
-<div2 type="chapter" n="34">
-<p> ὁ αὐχὴν ὁ τοῦ λέοντος ἐξ ὀστέου συνέστηκεν,
-οὐ μὴν ἐκ σφονδύλων πολλῶν. εἰ δέ τις τὰ ὀστᾶ
-τοῦ λέοντος διακόπτοι, πῦρ αὐτῶν ἐξάλλεται. μυελοὺς
-δὲ οὐκ ἔχει· οὐδὲ γάρ ἐστι κοῖλα αὐλῶν δίκην.
-μίξεως δὲ αὐτὸν οὐδεμία ἔτους ἀναστέλλει ὥρα. κύει
-<pb id="p.95"/>
-δὲ ἄρα μηνῶν δύο. τίκτει δὲ πεντάκις, καὶ τῇ μὲν
-ὠδῖνι τῇ πρώτῃ πέντε, τῇ δὲ δευτέρᾳ τέτταρα, τρία τε
-τῇ ἐπὶ ταύτῃ, καὶ δύο τῇ ἐπʼ ἐκείνῃ, καὶ ἓν ἐπὶ πάσαις.
-οἱ δὲ σκύμνοι ἀρτιγενεῖς μικροί τέ εἰσι καὶ τυφλοὶ
-κατὰ τὰ σκυλάκια· βαδίσεως δὲ ὑπάρχονται, ὅταν 
-δύο μῆνας ἀπὸ γενεᾶς διαβιῶσιν. ὁ λόγος δέ, ὅστις
-λέγει διαξαίνειν αὐτοὺς τὰς μήτρας, μῦθός ἐστι. λιμώττων
-μὲν οὖν λέων ἐντυχεῖν χαλεπός ἐστι, κορεσθεὶς
-δὲ πραότατος· φασὶ δὲ καὶ φιλοπαίστην εἶναι
-τηνικάδε αὐτόν. φύγοι δὲ οὐκ ἄν ποτε τὰ νῶτα τρέψας 
-λέων, ἡσυχῆ δὲ ἐπὶ πόδα ἀναχωρεῖ βλέπων ἀντίος.
-τοῦ γήρως δὲ ὑπαρχομένου ἐπὶ τὰ αὔλια ἔρχεται
-καὶ ἐπὶ τὰς καλύβας καὶ ἐπὶ τὰς οἰκήσεις τὰς τῶν
-νομέων τὰς ὑπάντρους, καὶ εἰκότως· ταῖς γὰρ ὀρείοις
-ἔτι θήραις ἐπιθαρρεῖν ἀδύνατός ἐστι. πῦρ δὲ ὀρρωδεῖ. 
-ὅστις μὲν οὖν ἐστιν αὐτῶν γυρότερος καὶ συνεστραμμένος
-καὶ τὴν χαίτην λασιώτερος, ἀθυμότερός
-τε καὶ ἀτολμότερος δοκεῖ μᾶλλον· ὁ δὲ μήκους
-εὖ ἥκων καὶ εὐθυτενὴς τὴν τρίχα ἀνδρειότερος πεπίστευται
-καὶ θυμοειδέστερος. ἀδηφάγος δὲ ὢν καὶ 
-ὅλα φασὶ μέλη βρύκων ἂν καταπίοι. τούτων οὖν πεπληρωμένος
-καὶ τριῶν ἡμερῶν οὐκ ἐσθίει πολλάκις,
-ἔστʼ ἂν ὑπαναλωθῇ τὰ πρῶτά οἱ καὶ πεφθῇ. πίνει δὲ ὀλίγα.
-</p>
-</div2>
-<div2 type="chapter" n="35">
-<p>ὁ βοῦς ὁ πρᾶος τοῦ πλήττοντος καὶ κολάζοντος 
-οὐκ ἄν ποτε λήθην λάβοι, ἀλλʼ ἀπομνησθεὶς τιμωρεῖται
-καὶ διαστήματος ἐγγενομένου. ὢν μὲν γὰρ
-ὑπὸ ζεύγλην καὶ τρόπον τινὰ καθειργμένος, ἔοικε
-δεσμώτῃ καὶ ἡσυχάζει· ὅταν δὲ ἀφεθῇ, πολλάκις μὲν
-τῷ σκέλει παίσας συνέτριψε μέλος τι τοῦ βουκόλου, 
-πολλάκις δὲ καὶ θυμωθεὶς ἐς κέρας εἶτα ἐμπεσὼν
-ἀπέκτεινεν αὐτόν. ἐντεῦθεν πρὸς τοὺς ἄλλους πρᾶός
-<pb id="p.96"/>
-ἐστι, καὶ πάρεισιν ἐς τὸ αὔλιον ἡσυχῆ· οὐ γάρ ἐστιν
-ἀνήμερος πρὸς οὓς οὐκ ἔχει τοῦ θυμοῦ τὴν ὑπόθεσιν.
-</p>
-</div2>
-<div2 type="chapter" n="36">
-<p> ἡ τῶν Ἰνδῶν γῆ, φασὶν αὐτὴν οἱ συγγραφεῖς
-πολυφάρμακόν τε καὶ τῶν βλαστημάτων τῶνδε δεινῶς
-πολύγονον εἶναι. καὶ τὰ μὲν σώζειν αὐτῶν καὶ
-ἐκ τῶν κινδύνων ῥύεσθαι τοὺς ὑπὸ τῶν δακέτων
-ὁμοῦ τῷ θανάτῳ ὄντας ʽπολλὰ δὲ ἐκεῖθι τοιαῦτἀ,
-τὰ δὲ ἀπολλύναι καὶ διαφθείρειν ὀξύτατα, ὧνπερ
-οὖν καὶ τὸ ἐκ τοῦ ὄφεως τοῦ πορφυροῦ γινόμενον
-εἴη ἂν. ἔστι δὲ ἄρα οὗτος ὁ ὄφις κατὰ σπιθαμὴν τὸ
-μῆκος ὅσα ἰδεῖν· χρόαν δὲ ἔοικε πορφύρᾳ τῇ βαθυτάτῃ.
-λευκὴν δὲ κεφαλὴν καὶ οὐκέτι πορφυρᾶν περιηγοῦνται
-αὐτοῦ, λευκὴν δὲ οὐχ ὡς εἰπεῖν ἔπος,
-ἀλλὰ καὶ χιόνος ἐπέκεινα καὶ γάλακτος. ὀδόντων
-δὲ ἄγονός ἐστιν ὁ ὄφις οὗτος· εὑρίσκεται δʼ ἐν
-τοῖς πυρωδεστάτοις τῆς Ἰνδικῆς χωρίοις. καὶ δάκνειν
-μὲν ἥκιστός ἐστι, καὶ κατά γε τοῦτο φαίης ἂν
-τιθασὸν αὐτὸν εἶναι καὶ πρᾶον· οὗ δʼ ἂν κατεμέσῃ,
-ὡς ἀκούω, ἢ ἀνθρώπου τινὸς ἢ θηρίου, τοῦδε τὸ
-μέλος διασαπῆναι ἀνάγκη πᾶν. οὐκοῦν θηραθέντα
-αὐτὸν ἐκ τοῦ οὐραίου μέρους ἐξαρτῶσι, καὶ οἷα εἰκὸς
-κάτω τὴν κεφαλὴν ἔχει, καὶ ἐς γῆν ὁρᾷ· ὑπʼ αὐτὸ δὲ
-τὸ στόμα τοῦ θηρὸς ἀγγεῖόν τι τιθέασι πεποιημένον
-χαλκοῦ. καὶ διὰ τοῦ στόματος σταγόνες ἐκείνῳ λείβονται
-ἐς τοῦτο, καὶ τὸ καταρρεῦσαν συνίσταταί τε
-καὶ πήγνυται, καὶ ἐρεῖς ἰδὼν ἀμυγδαλῆς δάκρυον
-εἶναι. καὶ ὃ μὲν ἀποθνήσκει ὁ ὄφις, ὑφαιροῦσι δὲ
-τὸ σκεῦος, καὶ προστιθέασιν ἄλλο, χαλκοῦν καὶ ἐκεῖνο·
-νεκροῦ δὲ ἐκρεῖ πάλιν ὑγρὸς ἰχώρ, καὶ ἔοικεν
-ὕδατι. τριῶν δὲ ἡμερῶν ἐῶσι, καὶ συνίσταται μέντοι
-καὶ οὗτος. εἴη δʼ ἂν ἀμφοῖν διαφορὰ κατὰ τὴν
-χρόαν· ἣ μὲν γὰρ δεινῶς ἐστι μέλαινα, ἣ δὲ ἠλέκτρῳ
-<pb id="p.97"/>
-εἴκασται. οὐκοῦν τούτου μὲν εἰ δοίης τινὶ ὅσον
-σησάμου μέγεθος ἐμβαλὼν ἐς οἶνον ἢ ἐς σιτίον,
-πρῶτον μὲν αὐτὸν σπασμὸς περιλήψεται καὶ μάλα
-ἰσχυρός, εἶτα διαστρέφονταί οἱ τὼ ὀφθαλμώ, ὁ
-δὲ ἐγκέφαλος διὰ τῶν ῥινῶν κατολισθάνει λειβόμενος, 
-καὶ ἀποθνήσκει καὶ μάλα οἴκτιστα· ἐὰν δὲ
-ἔλαττον λάβῃ τοῦ φαρμάκου, ἄφυκτα μὲν αὐτῷ τὸ
-ἐντεῦθέν ἐστι, χρόνῳ δὲ ἀπόλλυται. ἐὰν δὲ τοῦ μέλανος
-ὀρέξῃς, ὅπερ οὖν κατέρρευσε τεθνεῶτος, ὅσον
-σησάμου καὶ τοῦτο μέγεθος, ὑπόπυος γίνεται, καὶ 
-φθόη καταλαμβάνει τὸν λαβόντα, καὶ ἐνιαυτοῦ ἀναλίσκεται
-τηκεδόνι· πολλοὶ δὲ καὶ ἐς ἔτη δύο προῆλθον,
-κατὰ μικρὰ ἀποθνήσκοντες.
-</p>
-</div2>
-<div2 type="chapter" n="37">
-<p>ἡ στρουθὸς ἡ μεγάλη ᾠὰ μὲν ἀποτίκτει πολλά, 
-οὐ πάντα δὲ ἐκγλύφει, ἀλλὰ ἀποκρίνει τὰ ἄγονα, 
-τοῖς δὲ ἐγκάρποις ἐπῳάζει. καὶ ἐκ μὲν τούτων τοὺς
-νεοττοὺς ἐξέλεψεν, ἐκεῖνα δὲ τὰ ἐκφαυλισθέντα τούτοις
-τροφὴν παρατίθησιν. εἰ δὲ αὐτὴν διώκοι τις,
-ἣ δὲ οὐκ ἐπιτολμᾷ τῇ πτήσει, θεῖ δὲ τὰς πτέρυγας
-ἁπλώσασα· εἰ δὲ ἁλίσκεσθαι μέλλοι, τοὺς παραπίπτοντας 
-λίθους ἐς τοὐπίσω σφενδονᾷ τοῖς ποσίν.
-</p>
-</div2>
-<div2 type="chapter" n="38">
-<p>οἱ στρουθοὶ οἱ σμικροὶ συνειδότες ἑαυτοῖς ἀσθένειαν 
-διὰ σμικρότητα τοῦ σώματος, ἐπὶ τοῖς ἀκρεμόσι
-τῶν κλάδων τοῖς φέρειν αὐτοὺς δυναμένοις τὰς νεοττιὰς
-συμπλάσαντες εἶτα μέντοι τὴν ἐκ τῶν θηρατῶν 
-ἐπιβουλὴν ὡς τὰ πολλὰ διαφεύγουσιν ἐπιβῆναι τῷ
-κλαδὶ μὴ δυναμένων· οὐ γὰρ αὐτοὺς φέρει διὰ λεπτότητα.
-</p>
-</div2>
-<div2 type="chapter" n="39">
-<p>αἱ δὲ ἀλώπεκες ἐς ὑπερβολὴν προήκουσαι πανουργίας 
-καὶ τρόπου δολεροῦ ὅταν θεάσωνται σφηκιὰν 
-εὐθενουμένην, αὐταὶ μὲν ἀποστρέφονται τὸν
-χηραμὸν ἐκνεύουσαι καὶ τὰς ἐκ τῶν κέντρων τρώσεις
-<pb id="p.98"/>
-φυλαττόμεναι· καθιᾶσι δὲ τὴν οὐρὰν δασυτάτην
-τε οὖσαν καὶ μηκίστην τὴν αὐτὴν καὶ διασείουσι
-τοὺς σφῆκας· οἳ δὲ προσέχονται τῷ τῶν τριχῶν δάσει.
-ὅταν δὲ ἐμπαλαχθῶσιν αὐτῷ, προσαράττουσι
-τὴν οὐρὰν ἢ δένδρῳ ἢ τοίχῳ ἢ αἱμασιᾷ· παιόμενοι
-δὲ οἱ σφῆκες ἀποθνήσκουσιν. εἶτα ἦλθον ἐπὶ τὸν
-αὐτὸν τόπον, καὶ τοὺς λοιποὺς προσαναλέξασαι καὶ
-ἀποκτείνασαι κατὰ τοὺς πρώτους, ὅταν ἐννοήσωσι
-λοιπὸν εἰρήνην εἶναι καὶ ἀπὸ τῶν κέντρων ἐλευθερίαν,
-καθῆκαν τὸ στόμα καὶ τὰ σφηκία ἐσθίουσι,
-μήτε θορυβούμεναι μήτε μὴν τὰ κέντρα ὑφορώμεναι.
-</p>
-</div2>
-<div2 type="chapter" n="40">
-<p> κυνὸς κρανίον ῥαφὴν οὐκ ἔχει. δραμὼν δὲ ἐπὶ
-πλέον λάγνης γίνεται, φασί. κυνὸς δὲ γηρῶντος ἀμβλεῖς
-οἱ ὀδόντες καὶ μελαίνονται. εὔρινος δέ ἐστιν
-οὕτως ὡς μήποτʼ ἂν ὀπτοῦ κυνείου κρέως μηδʼ ἂν
-καρυκείᾳ τῇ ποικιλωτάτῃ καὶ δολερωτάτῃ καταγοητευθέντος
-γεύσασθαι. τρεῖς δὲ ἄρα νόσοι κυνὶ ἀποκεκλήρωνται
-καὶ οὐ πλείους, κυνάγχη λύττα ποδάγρα·
-ἀνθρώποις γε μὴν μυρίαι. πᾶν δὲ ὅ τι ἂν ὑπὸ
-κυνὸς λυττῶντος δηχθῇ, τοῦτο ἀποθνήσκει. κύων
-δὲ ποδαγρήσας, σπανίως ἀναρρωσθέντα ὄψει αὐτόν.
-κυνὶ δὲ βίος ὁ μήκιστος τεσσαρεσκαίδεκα ἔτη. Ἄργος
-δὲ ὁ Ὀδυσσέως καὶ ἡ περὶ αὐτὸν ἱστορία ἔοικε
-παιδιὰ Ὁμήρου εἶναι.
-</p>
-</div2>
-<div2 type="chapter" n="41">
-<p> γένος ὀρνίθων Ἰνδικῶν βραχυτάτων καὶ τοῦτο
-εἴη ἄν. ἐν τοῖς πάγοις τοῖς ὑψηλοῖς νεοττεύει καὶ
-ταῖς πέτραις ταῖς καλουμέναις λεπραῖς, καὶ ἔστι τὸ
-μέγεθος τὰ ὀρνύφια ὅσονπερ ᾠὸν πέρδικος· σανδαρακίνην
-δέ μοι νόει τὴν χρόαν αὐτῶν. καὶ Ἰνδοὶ
-μὲν αὐτὸ φωνῇ τῇ σφετέρᾳ δίκαιρον φιλοῦσιν ὀνομάζειν,
-Ἕλληνες δὲ ὡς ἀκούω δίκαιον. τούτου
-τὸ ἀποπάτημα εἴ τις λάβοι ὅσον κέγχρου μέγεθος
-<pb id="p.99"/>
-λυθὲν ἐν τῷ πώματι, ὃ δὲ ἐς ἑσπέραν ἀπέθανεν.
-ἔοικε δὲ ὁ θάνατος ὕπνῳ καὶ μάλα γε ἡδεῖ καὶ
-ἀνωδύνῳ καὶ οἷον οἱ ποιηταὶ λυσιμελῆ φιλοῦσιν
-ὀνομάζειν ἢ ἀβληχρόν· εἴη γὰρ ἂν καὶ οὗτος ἐλεύθερος
-ὀδύνης καὶ τοῖς δεομένοις διὰ ταῦτα ἥδιστος. 
-σπουδὴν δὲ ἄρα τὴν ἀνωτάτω τίθενται Ἰνδοὶ
-ἐς τὴν κτῆσιν αὐτοῦ· κακῶν γὰρ αὐτὸ ἐπίληθον
-ἡγοῦνται τῷ ὄντι· καὶ οὖν καὶ ἐν τοῖς
-δώροις τοῖς μέγα τιμίοις τῷ Περσῶν βασιλεῖ ὁ Ἰνδῶν
-πέμπει καὶ τοῦτο. ὃ δὲ καὶ τῶν ἄλλων ἁπάντων 
-προτιμᾷ λαβὼν καὶ ἀποθησαυρίζει κακῶν ἀνιάτων
-ἀντίπαλόν τε καὶ ἀμυντήριον, εἰ ἀνάγκη καταλάβοι.
-οὔκουν οὐδὲ ἔχει τις ἐν Πέρσαις αὐτὸ ἄλλος,
-ὅτι μὴ βασιλεύς τε αὐτὸς καὶ μήτηρ ἡ βασιλέως. καὶ
-διὰ ταῦτα ἀντικρίνοντες βασανίσωμεν τῶν φαρμάκων 
-τοῦ τε Ἰνδικοῦ καὶ τοῦ Αἰγυπτίου ὁπότερον ἦν
-προτιμότερον· ἐπεὶ τὸ μὲν ἐφʼ ἡμέραν ἀνεῖργέ τε
-καὶ ἀνέστελλε τὰ δάκρυα τὸ Αἰγύπτιον, τὸ δὲ λήθην
-κακῶν παρεῖχεν αἰώνιον τὸ Ἰνδικόν· καὶ τὸ μὲν γυναικὸς
-δῶρον ἦν, τὸ δὲ ὄρνιθος ἢ ἀπορρήτου φύσεως 
-δεσμῶν τῶν ὄντως βαρυτάτων ἀπολυούσης διʼ ὑπηρέτου
-τοῦ προειρημένου. καὶ Ἰνδοὺς κτήσασθαι αὐτὸ
-εὐτυχήσαντας, ὡς τῆς ἐνταυθοῖ φρουρᾶς ἀπολυθῆναι ὅταν ἐθέλωσιν.
-</p>
-</div2>
-<div2 type="chapter" n="42">
-<p>ὁ ὄρνις ὁ ἀτταγᾶς ʽμέμνηται δὲ καὶ Ἀριστοφάνης 
-αὐτοῦ ἐν Ὄρνισι τῷ δράματἰ, οὗτός τοι τὸ ἴδιον
-ὄνομα ᾗ σθένει φωνῇ φθέγγεται καὶ ἀναμέλπει αὐτό.
-λέγουσι δὲ καὶ τὰς καλουμένας μελεαγρίδας τὸ αὐτὸ
-δήπου δρᾶν τοῦτο, καὶ ὅτι Μελεάγρῳ τῷ Οἰνέως
-προσήκουσι κατὰ γένος μαρτυρεῖσθαι καὶ μάλα εὐστόμως. 
-λέγει δὲ ὁ μῦθος, ὅσαι ἦσαν οἰκεῖαι τῷ Οἰνείδῃ
-νεανίᾳ, ταύτας ἐς δάκρυά τε ἄσχετα καὶ πένθος
-<pb id="p.100"/>
-ἄτλητον ἐκπεσεῖν καὶ θρηνεῖν, οὐδέν τι τῆς λύπης
-ἄκος προσιεμένας, οἴκτῳ δὲ ἄρα τῶν θεῶν ἐς
-ταῦτα τὰ ζῷα ἀμεῖψαι τὸ εἶδος. ταῖς δὲ ἴνδαλμά τε
-καὶ σπέρμα τοῦ τότε πένθους· ἐντακῆναι, καὶ ἐς νῦν
-ἔτι Μελέαγρόν τε ἀναμέλπειν, καὶ ὡς αὐτῷ προσήκουσιν
-ᾅδειν καὶ τοῦτο μέντοι. ὅσοι δὲ ἄρα αἰδοῦνται
-τὸ θεῖον, οὐκ ἄν ποτε τῶνδε τῶν ὀρνίθων ἐπὶ
-τροφῇ προσάψαιντο. καὶ ἥτις ἡ αἰτία ἴσασί τε οἱ τὴν
-νῆσον οἰκοῦντες τὴν Λέρον καὶ ἔνεστι μαθεῖν
-ἀλλαχόθεν.
-</p>
-</div2>
-<div2 type="chapter" n="43">
-<p> πέπυσμαι δὲ ὑπὲρ τῶν μυρμήκων καὶ ταῦτα. οὕτως
-ἄρα αὐτοῖς τὸ ἐθελουργὸν καὶ τὸ ἐθελόπονον
-πάρεστιν ἀπροφασίστως καὶ ἄνευ τινὸς ὑποτιμήσεως
-ἐθελοκακούσης καὶ σκήψεως, ἐς ἣν ὑποικουρεῖ τὸ
-ῥᾴθυμον, ὡς κἀν ταῖς πανσελήνοις μηδὲ νύκτωρ βλακεύειν
-μηδὲ ἐλινύειν, ἀλλʼ ἔχεσθαι τῆς σπουδῆς. ὦ
-ἄνθρωποι,μυρίας προφάσεις τε καὶ σκήψεις ἐς τὸ
-ῥᾳστωνεύειν ἐπινοοῦντες. καὶ τί δεῖ καταλέγειν τε
-καὶ ἐπαντλεῖν τὸν τοσοῦτον ὄχλον; κεκήρυκται γὰρ
-Διονύσια καὶ Λήναια καὶ Χύτροι καὶ Γεφυρισμοί, καὶ
-μετελθόντων ἐς τὴν Σπάρτην ἄλλα καὶ ἐς Θήβας
-ἄλλα καὶ κατὰ πόλιν μυρία ἑκάστην τὰ μὲν βάρβαρον
-τὰ δὲ Ἑλλάδα.
-</p>
-</div2>
-<div2 type="chapter" n="44">
-<p> μαρτύριον δὲ τῆς τῶν ζῴων φύσεως, ὅτι οὐ πάνυ
-τι δυσμεταχείριστά ἐστιν, ἀλλὰ εὖ παθόντα ἀπομνησθῆναι
-τῆς εὐεργεσίας ἐστὶν ἀγαθά, ἐν τῇ Αἰγύπτῳ
-οἵ τε αἴλουροι καὶ οἱ ἰχνεύμονες καὶ οἱ κροκόδειλοι
-καὶ τὸ τῶν ἱεράκων ἔτι φῦλον. ἁλίσκεται δὲ κολακείᾳ
-τῇ κατὰ γαστέρα, καὶ ἐντεῦθεν ἡμερωθέντα λοιπὸν
-πραότατα μένει· καὶ οὐκ ἄν ποτε ἐπίθοιτο τοῖς
-εὐεργέταις τοῖς ἑαυτῶν, τοῦ θυμοῦ τοῦ συμφυοῦς τε
-καὶ συγγενοῦς ἅπαξ παραλυθέντα. ἄνθρωπος δὲ καὶ
-<pb id="p.101"/>
-λόγου μετειληχὸς ζῷον καὶ φρονήσεως ἀξιωθὲν καὶ
-αἰδεῖσθαι λαχὸν καὶ ἐρύθημα πιστευθὲν φίλου γίνεται
-βαρὺς πολέμιος, καὶ ὅσα ἀπόρρητα ἐπιστεύθη,
-ταῦτα διʼ αἰτίαν βραχυτάτην καὶ τὴν παρατυχοῦσαν
-ἐς ἐπιβουλὴν ἐξέπτυσε τὴν τοῦ πεπιστευκότος. 
-</p>
-</div2>
-<div2 type="chapter" n="45">
-<p>θαυμάσαι λόγον ἄξιόν φησιν Εὔδημος, καὶ τῷ 
-γε ἀνδρὶ τῷδε ὁ λόγος οὗτός ἐστι. νεανίας θηρατικός,
-συμβιοῦν τοῖς τῶν ζῴων ἀγριωτάτοις. οἷός τε,
-ἐκ νέων μέντοι καὶ βρεφῶν πεπωλευμένοις, εἶχε
-συντρόφους τε καὶ συσσίτους ἑαυτοῖς γεγενημένους 
-κύνα καὶ ἄρκτον καὶ λέοντα. καὶ ταῦτα μὲν χρόνου
-πρὸς ἄλληλα εἰρήνην ἄγειν καὶ φίλα νοεῖν σφίσι λέγει
-ὁ Εὔδημος· μιᾶς δὲ τυχεῖν ἡμέρας τὸν κύνα προσπαίζοντα
-τὴν ἄρκτον καὶ ὑπαικάλλοντα καὶ ἐρεσχελοῦντα,
-τὴν δὲ οὐκ εἰωθότως ἐκθηριωθῆναι καὶ 
-ἐμπεσεῖν τῷ κυνί, καὶ λαφύξαι τοῖς ὄνυξι τοῦ δειλαίου
-τὴν γαστέρα καὶ διασπάσασθαι αὐτόν· ἀγανακτῆσαι
-δὲ τῷ συμβάντι ὁ αὐτός φησι τὸν λέοντα
-καὶ οἱονεὶ μισῆσαι τὸ ἄσπονδον τῆς ἄρκτου καὶ ἄφιλον,
-καὶ τὸν κύνα οἷα ἑταῖρον ποθῆσαι καὶ ἐς δικαίαν 
-προελθεῖν ὀργήν, καὶ ἐπιθεῖναι τῇ ἄρκτῳ τὴν
-δίκην, καὶ τὰ αὐτὰ δρᾶσαι αὐτήν, ἅπερ οὖν εἰργάσατο
-τὸν κύνα ἐκείνη. Ὅμηρος μὲν οὖν φησιν
-<quote rend="blockquote">
-<lb/>ὡς ἀγαθὸν καὶ παῖδα καταφθιμένοιο λιπέσθαι·
-</quote>
-ἔοικε δὲ ἡ φύσις δεικνύναι ὅτι καὶ φίλον ἑαυτῷ τιμωρὸν 
-καταλιπεῖν, ὦ φίλε Ὅμηρε, κέρδος ἐστίν.
-οἷόν τι καὶ περὶ Ζήνωνος καὶ Κλεάνθους νοοῦμεν,
-εἴ τι ἀκούομεν.
-</p>
-</div2>
-<div2 type="chapter" n="46">
-<p>ἐν Ἰνδοῖς γίνεται θηρία τὸ μέγεθος ὅσον γένοιντο 
-ἂν οἱ κάνθαροι, καὶ ἔστιν ἐρυθρά· κινναβάρει 
-δὲ εἰκάσειας ἄν, εἰ πρῶτον θεάσαιο αὐτά. πόδας
-<pb id="p.102"/>
-δὲ ἔχει ταῦτα μηκίστους, καὶ προσάψασθαι μαλακά
-ἐστι. φύεται δὲ ἄρα ἐπὶ τῶν δένδρων τῶν φερόντων
-τὸ ἤλεκτρον, καὶ σιτεῖται τὸν τῶν φυτῶν καρπὸν
-τῶνδε. θηρῶσι δὲ αὐτὰ οἱ Ἰνδοὶ καὶ ἀποθλίβουσι,
-καὶ ἐξ αὐτῶν βάπτουσι τάς τε φοινικίδας καὶ τοὺς
-ὑπʼ αὐταῖς χιτῶνας καὶ πᾶν ὅ τι ἂν ἐθέλωσιν ἄλλο
-ἐς τήνδε τὴν χρόαν ἐκτρέψαι τε καὶ χρῶσαι. κομίζεται
-δὲ ἄρα ἡ τοιάδε ἐσθὴς καὶ τῷ τῶν Περσῶν βασιλεῖ.
-καὶ τό γε εὐειδὲς τῆς ἐσθῆτος δοκεῖ τοῖς Πέρσαις
-θαυμαστόν, ἀντικρινομένη δὲ ταῖς Περσῶν
-ἐπιχωρίοις κρατεῖ κατὰ πολὺ καὶ ἐκπλήττει, ὥς φησι
-Κτησίας· ἐπεὶ καὶ τῶν ᾀδομένων Σαρδιανικῶν ὀξυτέρα
-τέ ἐστι καὶ τηλαυγεστέρα.
-γίνονται δὲ ἐνταῦθα τῆς Ἰνδικῆς, ἔνθα οἱ κάνθαροι,
-καὶ οἱ καλούμενοι κυνοκέφαλοι, οἷς τὸ ὄνομα
-ἔδωκεν ἡ τοῦ σώματος ὄψις τε καὶ φύσις· τὰ δὲ ἄλλα
-ἀνθρώπων ἔχουσι, καὶ ἠμφιεσμένοι βαδίζουσι δορὰς
-θηρίων. καί εἰσι δίκαιοι, καὶ ἀνθρώπων λυποῦσιν
-οὐδένα, καὶ φθέγγονται μὲν οὐδὲ ἕν, ὠρύονται δέ,
-τῆς γε μὴν Ἰνδῶν φωνῆς ἐπαΐουσι. τροφὴ δὲ αὐτοῖς
-τῶν ζῴων τὰ ἄγρια· αἱροῦσι δὲ αὐτὰ ῥᾷστα, καὶ γάρ
-εἰσιν ὤκιστοι, καὶ ἀποκτείνουσι καταλαβόντες, καὶ
-ὀπτῶσιν οὐ πυρί, ἀλλὰ πρὸς τὴν εἵλην τὴν τοῦ ἡλίου
-ἐς μοίρας διαξήναντες. τρέφουσι δὲ καὶ αἶγας καὶ
-οἶς. καὶ σῖτον μὲν ποιοῦνται τὰ ἄγρια, πίνουσι δὲ
-τὸ ἐκ τῶν θρεμμάτων γάλα ὧν τρέφουσι. μνήμην δὲ
-αὐτῶν ἐν τοῖς ἀλόγοις ἐποιησάμην, καὶ εἰκότως·
-ἔναρθρον γὰρ καὶ εὔσημον καὶ ἀνθρωπίνην φωνὴν οὐκ ἔχουσιν.
-</p>
-</div2>
-<div2 type="chapter" n="47">
-<p> Χλωρὶς ὄνομα ὄρνιθος, ἥπερ οὖν οὐκ ἂν ἀλλαχόθεν
-ποιήσαιτο τὴν καλιὰν ἢ ἐκ τοῦ λεγομένου συμφύτου·
-ἔστι δὲ ῥίζα τὸ σύμφυτον εὑρεθῆναί τε καὶ
-<pb id="p.103"/>
-ὀρύξαι χαλεπή. στρωμνὴν δὲ ὑποβάλλεται τρίχας
-καὶ ἔρια. καὶ ὁ μὲν θῆλυς ὄρνις οὕτω κέκληται, ὁ
-δὲ ἄρρην, χλωρίωνα καλοῦσιν αὐτόν, καὶ ἔστι τὸν
-βίον μηχανικός, μαθεῖν τε πᾶν ὅ τι οὖν ἀγαθὸς καὶ
-τλήμων ὑπομεῖναι τὴν ἐν τῷ μανθάνειν βάσανον, ὅταν 
-ἁλῷ. καὶ διὰ μὲν τοῦ χειμῶνος ἄφετον καὶ ἐλεύθερον
-οὐκ ἂν ἴδοι τις αὐτόν, ἠριναὶ δὲ ὅταν ὑπάρξωνται
-τροπαὶ τοῦ ἔτους, τηνικαῦτʼ ἂν ἐπιφαίνοιτο.
-Ἀρκτοῦρός τε ἐπέτειλεν, ὃ δὲ ἀναχωρεῖ ἐς τὰ οἰκεῖα,
-ὁπόθεν καὶ δεῦρο ἐστάλη. 
-</p>
-</div2>
-<div2 type="chapter" n="48">
-<p>ὑπὸ θυμοῦ τεθηγμένον ταῦρον καὶ ὑβρίζοντα ἐς 
-κέρας καὶ σὺν ὁρμῇ ἀκατασχέτῳ φερόμενον οὐχ ὁ βουκόλος
-ἐπέχει, οὐ φόβος ἀναστέλλει, οὐκ ἄλλο τοιοῦτον,
-ἄνθρωπος δὲ ἵστησιν αὐτὸν καὶ παραλύει τῆς
-ὁρμῆς τὸ δεξιὸν αὑτοῦ γόνυ διασφίγξας ταινίᾳ καὶ  ἐντυχὼν αὐτῷ.
-</p>
-</div2>
-<div2 type="chapter" n="49">
-<p>ἡ πάρδαλις πέντε ἔχει δακτύλους ἐν τοῖς ποσὶ 
-τοῖς προσθίοις, ἐν δὲ τοῖς κατόπιν τέτταρας. ἡ δὲ
-θήλεια εὐρωστοτέρα τοῦ ἄρρενος. ἐὰν δὲ γεύσηται
-ἀγνοοῦσα τοῦ καλουμένου παρδαλιάγχου ʽπόα δέ 
-ἐστινʼ, ἀποπάτημα ἀνθρώπου ποθὲν ἀνιχνεύσασα διασώζεται.
-</p>
-</div2>
-<div2 type="chapter" n="50">
-<p>οἱ ἵπποι, τὰς κάτω βλεφαρίδας οὔ φασιν αὐτοὺς 
-ἔχειν. Ἀπελλῆν οὖν τὸν Ἐφέσιον αἰτίαν λέγουσιν
-ἔχειν, ἐπεί τινα ἵππον γράφων οὐ παρεφύλαξε τὸ 
-ἴδιον τοῦ ζῴου. οἳ δὲ οὐκ Ἀπελλῆν φασι ταύτην τὴν
-αἰτίαν ἐνέγκασθαι, ἀλλὰ Μίκωνα, ἀγαθὸν μὲν ἄνδρα
-γράψαι τὸ ζῷον τοῦτο, σφαλέντα δʼ οὖν ἐς μόνον τὸ εἰρημένον.
-</p>
-</div2>
-<div2 type="chapter" n="51">
-<p>
-<del>Τὸν οἶστρόν φασιν ὅμοιον εἶναι μυίᾳ μεγίστῃ καὶ 
-εἶναι στερεὸν καὶ εὐπαγῆ καὶ ἔχειν κέντρον ἰσχυρὸν
-ἠρτημένον τοῦ σώματος, προΐεσθαι δὲ καὶ ἦχον βομβώδη.
-<pb id="p.104"/>
-τὸν μὲν οὖν μύωπα ὅμοιον φῦναι τῇ καλουμένῃ
-κυνομυίᾳ, βομβεῖν δὲ τοῦ οἴστρου μᾶλλον, ἔχειν
-δὲ ἔλαττον τὸ κέντρον.</del>
-</p>
-</div2>
-<div2 type="chapter" n="52">
-<p> ὄνους ἀγρίους οὐκ ἐλάττους ἵππων τὰ μεγέθη ἐν
-Ἰνδοῖς γίνεσθαι πέπυσμαι. καὶ λευκοὺς μὲν τὸ ἄλλο
-εἶναι σῶμα, τήν γε μὴν κεφαλὴν ἔχειν πορφύρᾳ παραπλησίαν,
-τοὺς δὲ ὀφθαλμοὺς ἀποστέλλειν κυανοῦ
-χρόαν. κέρας δὲ ἔχειν ἐπὶ τῷ μετώπῳ ὅσον πήχεως
-τὸ μέγεθος καὶ ἡμίσεος προσέτι, καὶ τὸ μὲν κάτω μέρος
-τοῦ κέρατος εἶναι λευκόν, τὸ δὲ ἄνω φοινικοῦν,
-τό γε μὴν μέσον μέλαν δεινῶς. ἐκ δὴ τῶνδε τῶν ποικίλων
-κεράτων πίνειν Ἰνδοὺς ἀκούω, καὶ ταῦτα οὐ
-πάντας, ἀλλὰ τοὺς τῶν Ἰνδῶν κρατίστους, ἐκ διαστημάτων
-αὐτοῖς χρυσὸν περιχέαντας, οἱονεὶ ψελίοις τισὶ
-κοσμήσαντας βραχίονα ὡραῖον ἀγάλματος. καί φασι
-νόσων ἀφύκτων ἀμαθῆ καὶ ἄπειρον γίνεσθαι τὸν
-ἀπογευσάμενον ἐκ τοῦδε τοῦ κέρατος· μήτε γὰρ σπασμῷ
-ληφθῆναι ἂν αὐτὸν μήτε τῇ καλουμένῃ ἱερᾷ
-νόσῳ, μήτε μὴν διαφθαρῆναι φαρμάκοις. ἐὰν δέ τι
-καὶ πρότερον ᾖ πεπωκὼς κακόν, ἀνεμεῖν τοῦτο, καὶ
-ὑγιᾶ γίνεσθαι αὐτόν. πεπίστευται δὲ τοὺς ἄλλους
-τοὺς ἀνὰ πᾶσαν τὴν γῆν ὄνους καὶ ἡμέρους καὶ
-ἀγρίους καὶ τὰ ἄλλα μώνυχα θηρία ἀστραγάλους οὐκ
-ἔχειν, οὐδὲ μὴν ἐπὶ τῷ ἥπατι χολήν, ὄνους δὲ τοὺς
-Ἰνδοὺς λέγει Κτησίας τοὺς ἔχοντας τὸ κέρας ἀστραγάλους
-φορεῖν, καὶ ἀχόλους μὴ εἶναι· λέγονται δὲ οἱ
-ἀστράγαλοι μέλανες εἶναι, καὶ εἴ τις αὐτοὺς συντρίψειεν,
-εἶναι τοιοῦτοι καὶ τὰ ἔνδον. εἰσὶ δὲ καὶ ὤκιστοι
-οἵδε οὐ μόνον τῶν ὄνων, ἀλλὰ καὶ ἵππων καὶ
-ἐλάφων· καὶ ὑπάρχονται μὲν ἡσυχῆ τοῦ δρόμου, κατὰ
-μικρὰ δὲ ἐπιρρώννυνται, καὶ διώκειν ἐκείνους τοῦτο
-δὴ τὸ ποιητικὸν μεταθεῖν τὰ ἀκίχητά ἐστιν. ὅταν γε
-<pb id="p.105"/>
-μὴν ὁ θῆλυς τέκῃ, καὶ περιάγηται τὰ ἀρτιγενῆ, σύννομοι
-αὐτοῖς οἱ πατέρες αὐτῶν φυλάττουσι τὰ βρέφη.
-διατριβαὶ δὲ τοῖς ὄνοις τῶν Ἰνδικῶν πεδίων τὰ ἐρημότατά
-ἐστιν. ἰόντων δὲ τῶν Ἰνδῶν ἐπὶ τὴν ἄγραν
-αὐτῶν, τὰ μὲν ἁπαλὰ καὶ ἔτι νεαρὰ ἑαυτῶν νέμεσθαι 
-κατόπιν ἐῶσιν, αὐτοὶ δὲ ὑπερμαχοῦσι, καὶ ἴασι τοῖς
-ἱππεῦσιν ὁμόσε, καὶ τοῖς κέρασι παίουσι. τοσαύτη δὲ
-ἄρα ἡ ἰσχὺς ἡ τῶνδέ ἐστιν. οὐδὲν ἀντέχει αὐτοῖς
-παιόμενον, ἀλλὰ εἴκει καὶ διακόπτεται καὶ ἐὰν τύχῃ
-κατατέθλασται καὶ ἀχρεῖόν ἐστιν. ἤδη δὲ καὶ ἵππων 
-πλευραῖς ἐμπεσόντες διέσχισαν καὶ τὰ σπλάγχνα ἐξέχεαν.
-ἔνθεν τοι καὶ ὀρρωδοῦσιν αὐτοῖς πλησιάζειν
-οἱ ἱππεῖς· τὸ γάρ τοι τίμημα τοῦ γενέσθαι πλησίον
-θάνατός ἐστιν οἴκτιστος αὐτοῖς, καὶ ἀπόλλυνται καὶ
-αὐτοὶ καὶ οἱ ἵπποι. δεινοὶ δέ εἰσι καὶ λακτίσαι. 
-δήγματα δὲ ἄρα ἐς τοσοῦτον καθικνεῖται αὐτῶν,
-ὡς ἀποσπᾶν τὸ περιληφθὲν πᾶν. ζῶντα μὲν οὖν
-τέλειον οὐκ ἂν λάβοις, βάλλονται δὲ ἀκοντίοις καὶ
-οἰστοῖς, καὶ τὰ κέρατα ἐξ αὐτῶν Ἰνδοὶ νεκρῶν σκυλεύσαντες
-ὡς εἶπον περιέπουσιν. ὄνων δὲ Ἰνδῶν 
-ἄβρωτόν ἐστι τὸ κρέας· τὸ δὲ αἴτιον, πέφυκεν εἶναι πικρότατον.
-</p>
-</div2>
-<div2 type="chapter" n="53">
-<p>εἶναι δὲ ἄλογα μὲν ζῷα, φυσικὴν δὲ ἔχειν ἀριθμητικὴν 
-μὴ διδαχθέντα Εὔδημός φησι, καὶ ἐπάγει
-μαρτύριον ἐκεῖνο τῶν ἐν τῇ Λιβύῃ ζῴων. τὸ δὲ ὄνομα 
-οὐ λέγει· ἃ δὲ λέγει, ταῦτά ἐστιν. ὅ τι ἂν θηράσῃ,
-ποιεῖν μοίρας ἕνδεκα, καὶ τὰς μὲν δέκα σιτεῖσθαι,
-τὴν δὲ ἑνδεκάτην ἀπολείπειν ʽὅτῳ δὲ καὶ ἀντὶ τοῦ
-καὶ ἐννοίᾳ τίνι σκοπεῖν ἄξιονʼ ἀπαρχήν γέ τινα ἢ δεκάτην,
-ὡς ἂν εἴποις. οὐκοῦν ἐκπλαγῆναι δίκαιον 
-τὴν αὐτοδίδακτον σοφίαν τήνδε· τὴν γάρ τοι μονάδα
-καὶ δυάδα καὶ τοὺς ἑξῆς ἀριθμοὺς ζῷον οἶδεν ἄλογον·
-<pb id="p.106"/>
-ἀνθρώπῳ δὲ δεῖ πόσων μὲν τῶν μαθημάτων,
-πόσων δὲ τῶν πληγῶν, ἵνα ἢ μάθῃ ταῦτα εὖ καὶ
-καλῶς ἢ πολλάκις μὴ μάθῃ;
-</p>
-</div2>
-<div2 type="chapter" n="54">
-<p> λέγουσιν Αἰγύπτιοι ʽκαὶ ῥᾳθύμως αὐτῶν οὐκ
-ἀκούουσιν ἄνδρες φιλόσοφοἰ ἔν τινι νομῷ τῶν Αἰγυπτίων,
-ὅνπερ οὖν ἐξ Ἡρακλέους τοῦ Διὸς ὀνομάζουσι,
-παῖδα ὡραῖον ὡς ἂν Αἰγύπτιον, χηνῶν ποιμένα,
-ἐράστριαν ἀσπίδα λαχεῖν, καὶ μέντοι καὶ παρʼ
-αὐτῇ εἶναι θαυμαστόν. εἶτα φοιτῶσαν τῷ ἐρωμένῳ
-ὄναρ προλέγειν τὰς ἐπιβουλὰς τὰς ἐς αὐτὸν πανουργουμένας
-ἐκ θατέρου θηρίου, ὅπερ ἦν αὐτῇ σύννομον,
-ὡς ἂν εἴποι τις, ζηλοτυπίᾳ τῇ πρὸς τὸν παῖδα
-ὑπὲρ τῆς νύμφης ταῦτα πειρωμένου δρᾶν τοῦ ἄρρενος·
-τὸν δὲ ὑπακούοντα πείθεσθαι καὶ φυλάττεσθαι. Ὅμηρος
-μὲν οὖν ἔδωκεν ἵππῳ φωνήν, ἀσπίδι δὲ ἡ φύσις,
-ᾗ νόμων οὐδὲν μέλει, φησὶν Εὐριπίδης.
-</p>
-</div2>
-<div2 type="chapter" n="55">
-<p> καμήλους ἔτη βιοῦν καὶ πεντήκοντα ἀκήκοα, τὰς
-δὲ ἐκ Βάκτρων πέπυσμαι προϊέναι καὶ ἐς δὶς τοσαῦτα.
-καὶ οἵ γε ἄρρενες καὶ πολεμικοί, ἐκτέμνουσιν αὐτοὺς
-οἱ Βάκτριοι, τὴν ὕβριν καὶ τὸ ἀκολασταίνειν
-ἀφαιροῦντες, τὴν δὲ ῥώμην αὐτοῖς φυλάττοντες. κάονται
-δὲ αἱ θήλειαι τὰ ἐξάπτοντα ἐς οἶστρον μέρη αὐτάς.
-</p>
-</div2>
-<div2 type="chapter" n="56">
-<p> φώκην Εὔδημος λέγει ἐρασθῆναι ἀνδρὸς σπογγιὰς
-θηρεύειν συνειθισμένου, καὶ προϊοῦσαν τῆς θαλάττης
-ἔνθα ἦν ὕπαντρος πέτρα ὁμιλεῖν αὐτῷ. τῶν
-δὲ ὁμοτέχνων ἦν ἄρα οὗτος αἴσχιστος, ἀλλὰ ἐδόκει
-τῇ φώκῃ ὡραιότατος εἶναι. καὶ θαῦμα ἴσως οὐδέν,
-ἐπεὶ καὶ ἄνθρωποι πολλάκις τῶν ἧττον καλῶν ἠράσθησαν,
-ἐς τοὺς ὡραιοτάτους οὐ παθόντες οὐδὲ ἕν,
-ἀλλʼ ἀμελήσαντες αὐτῶν.
-</p>
-</div2>
-<div2 type="chapter" n="57">
-<p> Ἀριστοτέλης λέγει τὸν ὑπὸ ὕδρου πληγέντα παραχρῆμα
-<pb id="p.107"/>
-ὀσμὴν βαρυτάτην ἀπεργάζεσθαι, ὡς μὴ οἷόν
-τε εἶναι προσπελάσαι αὐτῷ τινα. λήθην τε καταχεῖσθαι
-τοῦ πληγέντος ὁ αὐτὸς λέγει καὶ μέντοι καὶ ἀχλὺν
-κατὰ τῶν ὀμμάτων πολλήν, καὶ λύτταν ἐπιγίνεσθαι
-καὶ τρόμον εὖ μάλα ἰσχυρόν, καὶ ἀπόλλυσθαι διὰ τρίτης αὐτόν. 
-</p>
-</div2>
-<div2 type="chapter" n="58">
-<p>τὴν οἰνάδα ὄρνεον εἰδέναι χρὴ οὖσαν, οὐ μὴν 
-ὥς τινες ἄμπελον. λέγει δὲ Ἀριστοτέλης μεῖζον μὲν
-αὐτὸ εἶναι φάττης, περιστερᾶς γε μὴν ἧττον. καλοῦνται
-δὲ ὡς ἀκούω καὶ ἐν τῇ Σπάρτῃ οἰναδοθῆραί τινες.
-λέγοιτο δʼ ἂν καὶ κίρκη διαλλάττειν κίρκου οὐ 
-μόνον τῷ γένει ἀλλὰ καὶ τῇ φύσει.
-</p>
-</div2>
-<div2 type="chapter" n="59">
-<p>Κύανος τὸ ὄνομα, ὄρνις τὴν φύσιν, ἀπάνθρωπος 
-τὸν τρόπον, μισῶν μὲν τὰς ἀστικὰς διατριβὰς καὶ τὰς
-κατʼ οἰκίαν αὐλίσεις, φεύγων δὲ καὶ τὰς ἐν ἀγροῖς
-διατριβὰς καὶ ὅπου καλύβαι τε καὶ ἀνθρώπων αὔλια, 
-χαίρων δὲ ἐρημίαις καὶ ἡδόμενος ὀρείοις κορυφαῖς
-καὶ πάγοις ἀποτόμοις. ἀλλʼ οὐδὲ ἠπείροις φιληδεῖ
-οὐδὲ νήσοις ἀγαθαῖς, Σκύρῳ δὲ καὶ εἴ τις τοιαύτη
-ἑτέρα ἄγαν λυπρὰ καὶ ἄγονος καὶ ἀνθρώπων χηρεύουσα 
-ὡς τὰ πολλά.
-</p>
-</div2>
-<div2 type="chapter" n="60">
-<p>σπίνοι δὲ ἄρα σοφώτεροι καὶ ἀνθρώπων τὸ μέλλον 
-προεγνωκέναι. ἴσασι γοῦν καὶ χειμῶνα μέλλοντα,
-καὶ χιόνα ἐσομένην προμηθέστατα ἐφυλάξαντο.
-καὶ τοῦ καταληφθῆναι δέει ἀποδιδράσκουσιν ἐς τὰ 
-ἀλσώδη χωρία, καὶ αὐτοῖς τὰ δάση κρησφύγετα ὡς
-ἂν εἴποις ἐστίν.</p>
-</div2>
-</div1>
-<pb id="p.108"/>
-<div1 type="book" n="5">
-<div2 type="chapter" n="1">
-<p>γῆν τὴν Παριανῶν καὶ τὴν γείτονα Κύζικον ὄρνιθας
-οἰκεῖν μέλανας ἰδεῖν φασι, τὸ δὲ σχῆμα εἴποις
-ἱέρακας αὐτοὺς ἄν. ἄγευστοι δέ εἰσι σαρκῶν, καὶ
-σωφρονοῦσι περὶ τὴν γαστέρα, καὶ αὐτοῖς τὰ σπέρματα
-εἶναι δεῖπνον ἀπόχρη. ὅταν δὲ ὑπάρξηται τὸ
-μετόπωρον, ἐς τὴν Ἰλιάδα γῆν ἀγέλη τῶνδε τῶν ὀρνίθων
-ʽκαλοῦσι δὲ αὐτοὺς μέμνονασʼ εὐθὺ τοῦ Μεμνονείου
-τάφου φοιτῶσι. λέγουσι δὲ οἱ τὴν Τρωάδα
-ἔτι οἰκοῦντες ἠρίον εἶναί τι τῷ τῆς Ἠοῦς Μέμνονι
-ἄνετον· καὶ αὐτὸν μὲν τὸν νεκρὸν ἐς τὰ Σοῦσα τὰ
-οὕτω Μεμνόνεια ὑμνούμενα ὑπὸ τῆς μητρὸς κομισθέντα
-μετέωρον ἐκ τῶν φονῶν τυχεῖν κηδεύσεως
-τῆς προσηκούσης αὐτῷ, ἐπονομάζεσθαι δέ οἱ τὴν στήλην
-τὴν ἐνταῦθα ἄλλως. οὐκοῦν τοὺς ὄρνιθας τοὺς
-ἐπωνύμους τοῦ ἥρωος τοῦ προειρημένου ἀφικνεῖσθαι
-κατὰ πᾶν ἔτος, καὶ διαιρεῖσθαί τε καὶ διασχίζεσθαι
-ἐς ἔχθραν καὶ διαφοράν, καὶ μάχεσθαι μάχην καρτεράν,
-ἔστʼ ἂν οἳ μὲν αὐτῶν ἀποθάνωσιν οἱ ἡμίσεις,
-οἳ δὲ ἀπέλθωσιν οἱ κρατήσαντες ἔνθεν τοι καὶ ἀφίκοντο.
-ὅπως μὲν οὖν ταῦτα δρᾶται καὶ ὁπόθεν, οὔ
-μοι σχολὴ φιλοσοφεῖν νῦν, οὐδὲ μὴν τὰ τῆς φύσεως
-ἀπόρρητα ἀνιχνεύειν· εἰρήσεται δὲ ἐκεῖνο. ἐπιτάφιον
-τῷ παιδὶ τῷ τῆς Ἠοῦς καὶ Τιθωνοῦ τοῦτον ὅσα
-ἔτη τὸν ἀγῶνα ἀθλοῦσιν οἱ προειρημένοι ὄρνιθες·
-Πελίαν δὲ ἅπαξ ἐτίμησαν Ἕλληνες ἀγῶνι καὶ Ἀμαρυγκέα
-καὶ μέντοι καὶ Πάτροκλον καὶ τὸν ἀντίπαλον
-Μέμνονος τὸν Ἀχιλλέα.
-</p>
-</div2>
-<div2 type="chapter" n="2">
-<p> ἐν τῇ Κρήτῃ γλαῦκα μὴ γίνεσθαί φασι τὸ παράπαν,
-ἀλλὰ καὶ ἐσκομισθεῖσαν ἔξωθεν ἀποθνήσκειν.
-ἔοικε δὲ ὁ Εὐριπίδης ἀβασανίστως πεποιηκέναι τὸν
-<pb id="p.109"/>
-Πολύειδον ὁρῶντα τήνδε τὴν ὄρνιν καὶ ἐξ αὐτῆς τεκμηράμενον
-ὅτι εὑρήσει τὸν Γλαῦκον. πυνθάνομαι δὲ
-ἔγωγε λόγους Κρῆτας ᾅδειν καὶ διδάσκειν ἐκεῖνα
-πρὸς τοῖς ἤδη διηνυσμένοις. δῶρον λαβεῖν τὴν γῆν
-τὴν Κρητικὴν ἐκ Διός, οἷα δήπου τροφὸν καὶ τὴν 
-κρύψιν τὴν ὑμνουμένην ἀποκρύψασαν αὐτόν, ἐλευθέραν
-εἶναι θηρίου πονηροῦ καὶ ἐπὶ λύμῃ γεγεννημένου
-παντός, καὶ μήτε αὐτὴν τίκτειν μήτε ἔξωθεν
-κομισθὲν τρέφειν. καὶ τὴν μὲν ἀποδείκνυσθαι τοῦ
-δώρου τὴν ἰσχύν· τῶν γάρ τοι προειρημένων ἄγονον 
-εἶναι· εἰ δὲ ἐπὶ πείρᾳ τις ἢ ἐλέγχῳ τῆς ἐκ Διὸς χάριτος
-τῶν ὀθνείων τι ἐσαγάγοι, τὸ δὲ ἐπιψαῦσαν
-μόνον τῆς γῆς ἀπόλλυσθαι. οὐκοῦν τοὺς θηρῶντας
-τοὺς ὄφεις ἐν τῇ πλησίον Λιβύῃ τοιαῦτα παλαμᾶσθαι.
-ἡμερώσαντες ἄγουσιν ἐς θαῦμα οἵδε οἱ γόητες 
-τῶν δακέτων θηρίων πολλά, καὶ σὺν αὐτοῖς ἐπάγονται
-φόρτον γῆς τῆς Λιβύσσης σφίσι τὸ ἀρκοῦν ἐς τὴν
-χρείαν. προμηθείᾳ δὲ τῶν ὄφεων τοῦτο δρῶσιν, ἵνα
-μὴ ἀπόλωνται· καὶ διὰ ταῦτα ἐς τὴν νῆσον τὴν προειρημένην
-ὅταν ἀφίκωνται, οὐ πρότερον κατατίθενται 
-τὰ ζῷα, πρὶν ἢ ὑποσπεῖραι τὴν ξένην γὴν ἣν ἐπάγονται.
-καὶ ἐπὶ τούτοις ἀθροίζουσι τὰ πλήθη, καὶ
-μέντοι καὶ τοὺς ἀνοήτους τε καὶ πολλοὺς ἐκπλήττουσιν.
-ἕως μὲν οὖν ἕκαστον αὐτῶν κατὰ χώραν μένει
-συνεσπειραμένον τε καὶ ἱδρυμένον, καὶ ἐπανίσταται 
-μέν, οὐ μὴν ὑπερβάλλει τὴν οἰκείαν κόνιν καὶ σύντροφον,
-ἐς τοσοῦτον ζῇ· ἐὰν δὲ ἐκφοιτήσῃ ἐς τὴν
-ὀθνείαν καὶ ἑαυτῷ ξένην γῆν τὴν ἐχθραίνουσαν αὐτῷ,
-ἀποθνήσκει, καὶ εἰκότως. εἰ γὰρ τὸ ἐκ τοῦ Διὸς
-νεῦμα ἀτελὲς οὔτε πρὸς τὴν Θέτιν ἐγένετο οὔτε πρὸς 
-ἄλλον τινὰ γένοιτο ἄν, σχολῇ δήπου πρὸς τὴν αὐτοῦ
-τροφὸν ἐκεῖνο φανεῖται ἄκυρον.
-<pb id="p.110"/>
-</p>
-</div2>
-<div2 type="chapter" n="3">
-<p> ὁ ποταμὸς ὁ Ἰνδὸς ἄθηρός ἐστι, μόνος δὲ ἐν αὐτῷ
-τίκτεται σκώληξ φασί. καὶ τὸ μὲν εἶδος αὐτῷ
-ὁποῖον δήπου καὶ τοῖς ἐκ τῶν ξύλων γεννωμένοις τε
-καὶ τρεφομένοις, ἑπτὰ δὲ πήχεων τὸ μῆκος προήκουσιν
-οἱ ἐκεῖθι, εὑρεθεῖεν δʼ ἂν καὶ μείζους ἔτι καὶ
-ἐλάττους· τὸ πάχος δὲ αὐτῶν δεκαετὴς παῖς γεγονὼς
-μόλις ταῖς χερσὶ περιβάλλειν ἀρκέσει. τούτοις δὴ
-ἄνω μὲν εἷς ὀδοὺς προσπέφυκε, κάτω δὲ ἄλλος, τετράγωνοι
-δὲ ἄμφω, πυγόνος δὲ τὸ μῆκος. τοσοῦτον
-δὲ ἄρα τῶν ὀδόντων αὐτοῖς τὸ κράτος ἐστί. πᾶν
-ὅ τι ἂν ὑπʼ αὐτοῖς λάβωσι συντρίβουσι ῥᾷστα, ἐάν
-τε λίθος ᾖ ἐάν τε ἥμερον ζῷον ἢ ἄγριον. καὶ μεθʼ
-ἡμέραν μὲν κάτω καὶ ἐν τῷ βυθῷ τοῦ ποταμοῦ διατρίβουσι,
-τῷ πηλῷ καὶ τῇ ἰλύι φιληδοῦντες, καὶ ἐντεῦθεν
-οὐκ εἰσὶν ἔκδηλοι· νύκτωρ δὲ προΐασιν ἐς τὴν
-γῆν, καὶ ὅτῳ ἂν περιτύχωσιν, ἢ ἵππῳ ἢ βοῖ ἢ ὄνῳ,
-συντρίβουσιν αὐτόν, εἶτα σύρουσιν ἐς τὰ ἑαυτῶν ἤθη,
-καὶ ἐσθίουσιν ἐν τῷ ποταμῷ, καὶ πάντα βρύκουσι τὰ
-μέλη πλὴν τῆς τοῦ ζῴου κοιλίας. εἰ δὲ αὐτοὺς καὶ
-ἐν ἡμέρᾳ πιέζοι λιμός, εἴτε κάμηλος πίνοι ἐπὶ τῆς
-ὄχθης εἴτε βοῦς, ὑπανερπύσαντες καὶ λαβόμενοι
-ἄκρων τῶν χειλέων μάλα εὐλαβῶς, ὁρμῇ βιαιοτάτῃ
-καὶ ἕλξει ἐγκρατεῖ ἐς τὸ ὕδωρ ἄγουσι, καὶ δεῖπνον
-ἴσχουσι. δορὰ δὲ ἕκαστον περιαμπέχει τὸ πάχος καὶ
-δύο δακτύλων. ἄγρα δὲ αὐτῶν καὶ θήρα τὸν τρόπον
-τόνδε τετέχνασται. ἄγκιστρον παχὺ καὶ ἰσχυρὸν ἁλύσει
-σιδηρᾷ προσηρτημένον καθιᾶσι, προσδήσαντες
-αὐτῷ λευκολίνου ταλαντιαῖον ὅπλον, ἐρίῳ κατειλήσαντες
-καὶ τὸ καὶ τό, ἵνα μὴ διατράγῃ ὁ σκώληξ αὐτά,
-ἀναπήξαντες δὲ ἐς τὸ ἄγκιστρον ἄρνα ἢ ἔριφον,
-εἶτα μέντοι ἐς τὸ τοῦ ποταμοῦ ὕδωρ μεθιᾶσιν. ἔχονται
-δὲ ἄνθρωποι τοῦ ὅπλου καὶ τριάκοντα, καὶ ἕκαστος
-<pb id="p.111"/>
-ἀκόντιόν τε ἐνηγκύληται καὶ μάχαιραν παρήρτηται.
-καὶ παράκειται ξύλα εὐτρεπῆ, παίειν εἰ δέοι· κρανείας
-δέ ἐστι ταῦτα, ἰσχυρὰ ἄγαν. εἶτα περισχεθέντα
-τῷ ἀγκίστρῳ καὶ τὸ δέλεαρ καταπιόντα τὸν σκώληκα
-ἀνέλκουσι, θηραθέντα δὲ ἀποκτείνουσι, καὶ πρὸς τὴν 
-εἵλην κρεμῶσι τριάκοντα ἡμερῶν. λείβεται δὲ ἐξ αὐτοῦ
-ἔλαιον παχὺ ἐς ἀγγεῖα κεράμου· ἀφίησι δὲ ἕκαστον
-ζῷον ἐς κοτύλας δέκα. τοῦτο δὴ τὸ ἔλαιον τῷ
-βασιλεῖ τῶν Ἰνδῶν κομίζουσι, σημεῖα ἐπιβαλόντες·
-ἔχειν γὰρ αὐτοῦ ἄλλον οὐδὲ ὅσον ῥανίδα ἐφεῖται. 
-ἀχρεῖον δέ ἐστι τὸ λοιπὸν τοῦ ζῴου σκῆνος. ἔχει δὲ
-ἄρα τὸ ἔλαιον ἰσχὺν ἐκείνην. ὅντινα ἂν ξύλων σωρὸν
-καταπρῆσαί τε καὶ ἐς ἀνθρακιὰν στορέσαι θελήσῃς,
-κοτύλην ἐπιχέας τοῦδε ἐξάψεις, μὴ πρότερον
-ὑποχέας πυρὸς σπέρμα· εἰ δὲ καταπρῆσαι ἄνθρωπον 
-ἢ ζῷον, σὺ μὲν ἐπιχεῖς, τὸ δὲ παραχρῆμα ἐνεπρήσθη.
-τούτῳ τοί φασι τὸν τῶν Ἰνδῶν βασιλέα καὶ τὰς πόλεις
-αἱρεῖν τὰς ἐς ἔχθραν προελθούσας οἱ, καὶ μήτε
-κριοὺς μήτε χελώνας μήτε τὰς ἄλλας ἑλεπόλεις ἀναμένειν,
-ἐπεὶ καταπιμπρὰς ᾕρηκεν· ἀγγεῖα γὰρ κεραμεᾶ 
-ὅσον κοτύλην ἕκαστον χωροῦντα ἐμπλήσας αὐτοῦ
-καὶ ἀποφράξας ἄνωθεν ἐς τὰς πύλας σφενδονᾷ. ὅταν
-δὲ τύχῃ τῶν θυρίδων, τὰ μὲν ἀγγεῖα προσαράττεται
-καὶ ἀπερράγη, καὶ τὸ ἔλαιον κατώλισθε, καὶ τῶν θυρῶν
-πῦρ κατεχύθη, καὶ ἄσβεστόν ἐστι. καὶ ὅπλα δὲ 
-κάει καὶ ἀνθρώπους μαχομένους, καὶ ἄπλετόν ἐστι
-τὴν ἰσχύν. κοιμίζεται δὲ καὶ ἀφανίζεται πολλοῦ φορυτοῦ
-καταχυθέντος. λέγει ὁ Κνίδιος Κτησίας ταῦτα.
-</p>
-</div2>
-<div2 type="chapter" n="4">
-<p>ἡ φώκαινα ὅμοιον δελφῖνι ζῷόν ἐστιν, ἔχει δὲ 
-γάλα καὶ αὐτή. χρόαν δὲ οὐκ ἔστι μέλαινα, κυανῷ 
-δὲ εἴκασται τῷ βαθυτάτῳ, ἀναπνεῖ δὲ οὐ βραγχίοις,
-ἀλλὰ φυσητῆρι· τοῦτο γὰρ καὶ καλοῦσίν οἱ τοῦ πνεύματος
-<pb id="p.112"/>
-τὴν ὁδόν. διατριβὴ δὲ ὁ Πόντος αὐτῇ καὶ ἡ
-ἐκεῖ θάλαττα· πλανᾶται δὲ τῶν ἠθῶν ἐκείνων ἐξωτέρω
-ἡ φώκαινα ἥκιστα.
-</p>
-</div2>
-<div2 type="chapter" n="5">
-<p> τὸν ἄρρενα ἡ θήλεια νικήσασα ὄρνις ἐν τῇ μάχῃ,
-ἁβρύνεταί τε ὑφʼ ἡδονῆς καὶ καθίησι κάλλαια, οὐκ
-ἐς τοσοῦτον μὲν ἐς ὅσον καὶ οἱ ἀλεκτρυόνες, καθίησι
-δʼ οὖν, καὶ φρονήματος ὑποπίμπλαται, καὶ βαίνει μακρότερα.
-</p>
-</div2>
-<div2 type="chapter" n="6">
-<p> φιλοίκειον ὁ δελφὶς ζῷον πεπίστευται. καὶ τὸ
-μαρτύριον, Αἶνός ἐστι πόλις Θρῇσσα. ἔτυχεν οὖν
-ἁλῶναι δελφῖνα καὶ τρωθῆναι μέν, οὐ μὴν ἐς θάνατον,
-ἀλλʼ ὡς ἔτι βιώσιμα εἶναι τῷ ἑαλωκότι. οὐκοῦν
-ἐρρύη μὲν αἷμα, ᾔσθοντο δὲ οἱ ἀθήρατοι, καὶ ἀφίκοντο
-ἐς τὸν λιμένα ἀγέλη, καὶ κατεσκίρτων, καὶ
-ἦσάν τι δρασείοντες οὐκ ἀγαθόν. οἱ τοίνυν Αἴνιοι
-ἔδεισαν καὶ ἀφῆκαν τὸν ἑαλωκότα. καὶ ἐκεῖνοι κομισάμενοι
-ὡς ἕνα τῶν κηδεστῶν ᾤχοντο ἀπιόντες. σπανίως
-δὲ ἄνθρωπος ἢ οἰκείῳ δυστυχήσαντι ἢ οἰκείᾳ
-κοινωνὸς σπουδῆς καὶ φροντίδος.
-</p>
-</div2>
-<div2 type="chapter" n="7">
-<p> ἐν Αἰγύπτῳ πίθηκος, ὥς φησιν Εὔδημος, ἐδιώκετο,
-αἴλουροι δὲ ἦσαν οἱ διώκοντες. ἀνὰ κράτος οὖν
-ἀποδιδράσκων ὥρμησεν εὐθὺ δένδρου τινός, οἳ δὲ
-καὶ αὐτοὶ ἀνέθορον ὤκιστα· ἔχονται γὰρ τῶν φλοιῶν,
-καὶ ἔστι καὶ τούτοις ἐς δένδρα ἐπιβατά. ὃ δὲ ὡς ἡλίσκετο
-εἷς ὤν, καὶ ταῦτα ὑπὸ πολλῶν, ἐκπηδᾷ τοῦ
-πρέμνου, καὶ κλάδου τινὸς ἐπηρτημένου καὶ μετεώρου
-λαμβάνεται ἄκρου ταῖς χερσί, καὶ ἐγκρατῶς εἴχετο
-οὐκ ἐπʼ ὀλίγον· οἱ δὲ αἴλουροι, ὡς οὐκ ἦν ἐφικτὰ
-αὐτοῖς ἔτι, ἐπʼ ἄλλην θήραν κατέδραμον. ὃ δὲ
-κατὰ πολλὴν τὴν σπουδὴν διεσώζετο, ἑαυτῷ ὀφείλων
-ὡς τὸ εἰκὸς ζωάγρια.
-</p>
-</div2>
-<div2 type="chapter" n="8">
-<p> Ἀριστοτέλης ὄφεσιν ἔχθρὰν εἶναι τὴν Ἀστυπαλαιέων
-<pb id="p.113"/>
-γῆν λέγει, καθάπερ καὶ τὴν Ῥήνειαν ταῖς γαλαῖς
-ὁ αὐτὸς ὁμολογεῖ ἡμῖν. κορώνῃ δὲ ἐς τὴν Ἀθηναίων
-ἀκρόπολιν οὐκ ἔστιν ἐπιβατά. ἡμιόνων δὲ Ἦλιν
-μητέρα οὐκ ἐρεῖς, ἢ τὸ λεχθὲν ψεῦδός ἐστιν.
-</p>
-</div2>
-<div2 type="chapter" n="9">
-<p>Ῥηγίνοις καὶ Λοκροῖς ἐς τὴν γῆν τὴν ἀλλήλων 
-παριέναι καὶ γεωργεῖν ἔνσπονδόν ἔστιν. οὐ μὴν ὁμολογοῦσι
-τούτοις οὐδὲ ἐς μίαν νοοῦσι καὶ τὴν αὐτὴν
-οἱ τέττιγες οἱ τῶνδε καὶ τῶνδε, ἐπεὶ τὸν μὲν Λοκρὸν
-ἐν Ῥηγίῳ σιγηλότατον ἕξεις, τὸν δὲ Ῥηγῖνον ἐν τοῖς
-</p>
-</div2>
-<div2 type="chapter" n="10">
-<p>Λοκροῖς ἀφωνότατον. καὶ τίς ἡ αἰτία τῆς τοιαύτης 
-ἀντιδόσεως ἐγὼ μὲν οὐκ οἶδα οὐδὲ ἄλλος, εἰ μὴ
-μάτην θρασύνοιτο· οἶδε δέ, ὦ Ῥηγῖνοι καὶ Λοκροί,
-μόνη ἡ φύσις. ποταμὸς γοῦν τῆς τε Ῥηγίνων καὶ
-τῆς Λοκρίδος ἐστὶ μέσος, καὶ εἴργονταί γε οὐδὲ
-πλεθριαίῳ διαστήματι αἱ ὄχθαι, καὶ ὅμως οὐδέτεροι 
-διαπέτονται αὐτόν. καὶ ἐν Κεφαλληνίᾳ ποταμός
-ἐστιν, ὅσπερ οὖν τῆς τε εὐγονίας τῶν τεττίγων καὶ
-τῆς ἀγονίας αἴτιος.
-τὸν βασιλέα αὐτῶν αἱ μέλιτται πρᾶον ὄντα καὶ 
-ἥμερον καὶ ὁμοῦ τι καὶ ἄκεντρον ὅταν αὐτὰς ἀπολίπῃ 
-μεταθέουσί τε καὶ διώκουσι φυγάδα τῆς ἀρχῆς ὄντα.
-ῥινηλατοῦσι δὲ αὐτὸν ἀπορρήτως, καὶ ἐκ τῆς ὀσμῆς
-τῆς περὶ αὐτὸν αἱροῦσι, καὶ ἐς τὴν βασιλείαν ἐπανάγουσιν
-ἑκοῦσαί τε καὶ βουλόμεναι καὶ τοῦ τρόπου
-ἀγάμεναι. Πεισίστρατον δὲ ἐξήλασαν Ἀθηναῖοι καὶ 
-Συρακόσιοι Διονύσιον καὶ ἄλλοι ἄλλους, τυράννους
-τε καὶ παρανόμους ὄντας καὶ τέχνην βασιλικὴν ἀποδείξασθαι
-μὴ δυναμένους, ἥπερ οὖν φιλανθρωπία τε
-καὶ τῶν ὑπηκόων ἐστὶ προστασία.
-</p>
-</div2>
-<div2 type="chapter" n="11">
-<p>μέλει τῷ βασιλεῖ τῶν μελιττῶν κεκοσμῆσθαι τὸ 
-σμῆνος τὸν τρόπον τοῦτον. τὰς μὲν προστάττει ὑδροφορεῖν,
-τὰς δὲ ἔνδον κηρία διαπλάττειν, τήν γε μὴν
-<pb id="p.114"/>
-τρίτην μοῖραν ἐπὶ τὴν νομὴν προϊέναι· εἶτα μέντοι
-ἀμείβουσι τὰ ἔργα ἐκ περιόδου κάλλιστά πως ἀποκριθεῖσαι.
-αὐτὸς δὲ ὁ βασιλεύς, ἀπόχρη οἱ τούτων
-πεφροντικέναι καὶ νομοθετεῖν ὅσα προεῖπον κατὰ
-τοὺς μεγάλους ἄρχοντας, οὓς οἱ φιλόσοφοι φιλοῦσιν
-ὀνομάζειν πολιτικούς τε καὶ βασιλικοὺς τοὺς αὐτούς·
-τὰ δὲ ἄλλα ἡσυχάζει καὶ τοῦ αὐτουργεῖν ἀφεῖται.
-ἐὰν δὲ ᾖ λῷον ταῖς μελίτταις μεταστῆναι, τηνικαῦτα
-καὶ ὁ ἄρχων ἀπαλλάττεται. καὶ ἐὰν μὲν ἔτι νέος ᾖ,
-ἡγεῖται, αἱ δὲ λοιπαὶ ἕπονται· ἐὰν δὲ πρεσβύτερος,
-φοράδην ἔρχεται, κομιζουσῶν αὐτὸν μελιττῶν ἄλλων.
-αἱ μέλιτται δὲ ὑπὸ συνθήματι ἐς ὕπνον τρέπονται.
-ὅταν δὲ δοκῇ καιρὸς εἶναι καθεύδειν, ὁ βασιλεὺς μιᾷ
-προστάττει ὑποσημῆναι καταδαρθάνειν. καὶ ἣ μὲν
-πεισθεῖσα τοῦτο ἐκήρυξεν, αἳ δὲ ἐς κοῖτον τρέπονται
-ἐντεῦθεν, τέως βομβοῦσαι. ἕως μὲν οὖν περίεστιν ὁ
-βασιλεύς, εὐθενεῖται τὸ σμῆνος, καὶ ἀταξία πᾶσα
-ἠφανίσθη, καὶ οἱ μὲν κηφῆνες ἀγαπητῶς ἐν τοῖς ἑαυτῶν
-κυττάροις ἡσυχάζουσιν, αἱ δὲ πρεσβύτεραι διαιτῶνται
-ἰδίᾳ, καὶ αἱ νέαι ἰδίᾳ, καὶ καθʼ ἑαυτὸν ὁ βασιλεύς,
-καὶ αἱ σχαδόνες ἐφʼ ἑαυτῶν εἰσι, καὶ ἡ τροφὴ καὶ
-αἱ ἄφοδοι χωρίς· ἐπειδὰν δὲ ὁ βασιλεὺς ἀπόληται, ἀταξίας
-τε καὶ ἀναρχίας μεστὰ πάντα· οἵ τε γὰρ κηφῆνες
-τοῖς τῶν μελιττῶν κυττάροις ἐντίκτουσι, τά τε
-λοιπὰ ἐν ἀλλήλοις φυρόμενα εὐθενεῖσθαι τῷ σμήνει
-τὸ λοιπὸν οὐκ ἐπιτρέπει· διαφθείρονται δὲ τελευτῶσαι
-ἐρημίᾳ ἄρχοντος. βίον δὲ καθαρὸν ζῇ μέλιττα,
-καὶ ζῴου οὐκ ἂν οὐδενὸς πάσαιτό ποτε· καὶ οὐ δεῖται
-Πυθαγόρου συμβούλου οὐδὲ ἕν, ἀπόχρη δὲ ἄρα
-σῖτον αὐτῇ εἶναι τὰ ἄνθη. ἔστι δὲ καὶ σωφροσύνην
-ἀκροτάτη. χλιδὴν γοῦν καὶ θρύψιν μεμίσηκε. καὶ τὸ
-μαρτύριον, τὸν χρισάμενον μύρῳ διώκει τε καὶ ἐλαύνει
-<pb id="p.115"/>
-ὡς πολέμιον ἀνήκεστα δράσαντα. οἶδε δὲ καὶ τὸν
-ἐλθόντα ἐξ ἀκολάστου ὁμιλίας, καὶ διώκει καὶ ἐκεῖνον
-οἷα δήπου ἔχθιστον. καὶ ἀνδρείας δὲ εὖ ἥκουσι
-καὶ ἄτρεπτοί εἰσιν. οὐδὲ ἓν γοῦν ζῷον ἀποδιδράσκουσιν,
-οὐδὲ μὴν κάκῃ εἴκουσι, χωροῦσι δὲ ὁμόσε. 
-καὶ πρὸς μὲν τοὺς μὴ ἐνοχλοῦντας μηδὲ ἄρχοντας
-ἀδίκων μηδὲ τῷ σμήνει προσιόντας κακούργως καὶ
-σὺν ἐπιβουλῇ εἰρηναῖα αὐταῖς καὶ ἔνσπονδά ἐστι,
-πόλεμος δὲ ἀκήρυκτος τὸ ᾀδόμενον τοῦτο ἐπὶ τοὺς
-λυποῦντας ἐξάπτεται, καὶ ὅστις ἥκει κεραΐσων τὸ μέλι 
-αὐταῖς, ἐς τοὺς ἐχθροὺς ἠρίθμηται οὗτος. παίουσι
-δὲ καὶ τοὺς σφῆκας κακῶς. λέγει δὲ Ἀριστοτέλης ὅτι
-καὶ ἱππεῖ ποτε ἐντυχοῦσαι πρὸς τῷ σμήνει ἀπέκτειναν
-αὐτὸν ἐπιθέμεναι κατὰ τὸ καρτερὸν αἱ μέλιτται
-αὐτῷ ἵππῳ. ἤδη μέντοι καὶ πρὸς ἀλλήλας διαφέρονται, 
-καὶ αἱ δυνατώτεραι κρατοῦσι τῶν ἡττόνων. κρατοῦσι
-δὲ ὡς ἀκούω αὐτῶν οἵ τε φρῦνοι καὶ οἱ ἐκ τῶν
-τελμάτων βάτραχοι οἵ τε μέροπες καὶ αἱ χελιδόνες,
-πολλάκις γε μὴν καὶ οἱ σφῆκες. ὅστις δὲ τούτων ἐκράτησε,
-Καδμείαν ὥς γε εἰπεῖν τὴν νίκην ἐνίκησε· 
-παιόμενοι γὰρ καὶ κεντούμενοι κακῶς ἀπαλλάττουσιν·
-εἰσὶ γὰρ οὐ μεῖον τῷ θυμῷ ἢ τοῖς κέντροις
-ὡπλισμέναι. οὐκ ἀμοιροῦσι δὲ οὐδὲ τῆς ἐς τὸ προμηθὲς
-σοφίας, καὶ Ἀριστοτέλης τεκμηριοῖ ὃ λέγω.
-ἔστι δὲ τοιοῦτον. ἐλθοῦσαι μέλιτται ἐπί τι σμῆνος 
-οὐκ οἰκεῖον ἀλλὰ ἕτερον, εἶτα τὸ μηδέν σφισι προσῆκον
-ἐκεράιζον μέλι. αἳ δὲ καίτοι συλώμεναι τὸν σφέτερον
-πόνον, ὅμως ἐνεκαρτέρουν ἡσυχῆ ἀτρεμοῦσαι,
-εἶτα μέντοι τὸ μέλλον ἐγκρατῶς ἐκαραδόκουν. ἐπεὶ
-δὲ ὁ μελιττουργὸς τὰς πολλὰς τῶν ἐχθρῶν ἀπέκτεινεν, 
-αἱ ἔνδον καταγνοῦσαι ὅτι ἄρα δύνανται ἀξιόπιστοι
-εἶναι πρὸς τὴν μάχην τὴν ἰσοπαλῆ, προελθοῦσαι κᾆτʼ
-<pb id="p.116"/>
-ἠμύναντο, καὶ δίκας ἀπῄτησαν ὑπὲρ ὧν ἐσυλήθησαν
-οὐδαμῶς μεμπτάς.
-</p>
-</div2>
-<div2 type="chapter" n="12">
-<p> καὶ τοῦτο δὲ φιλεργίας τῆς τῶν μελιττῶν μαρτύριον.
-ἐν γοῦν τοῖς χειμεριωτάτοις τῶν χωρίων μετὰ
-Πλειάδων δυσμὰς ἐς ἰσημερίαν ἠρινὴν διατελοῦσιν
-οἰκουροῦσαί τε καὶ ἔνδον ἀτρεμοῦσαι ἀλέας πόθῳ καὶ
-φυγῇ ῥίγους αἱ μέλιτται· τὸν δὲ ἄλλον χρόνον τοῦ
-ἔτους πάντα ἀργίαν τε καὶ ἡσυχίαν μισοῦσι, καὶ καμεῖν
-εἰσιν ἀγαθαί. καὶ οὐκ ἄν ποτε ἴδοις βλακεύουσαν
-μέλιτταν τῆς ὥρας ἐκείνης ἔξω ἐν ᾗ μαλκίει τὰ μέλη.
-</p>
-</div2>
-<div2 type="chapter" n="13">
-<p> γεωμετρίαν δὲ καὶ κάλλη σχημάτων καὶ ὡραίας
-πλάσεις αὐτῶν ἄνευ τέχνης τε καὶ κανόνων καὶ τοῦ
-καλουμένου ὑπὸ τῶν σοφῶν διαβήτου ἀποδείκνυνται
-αἱ μέλιτται. ὅταν δὲ ἐπιγονὴ ᾖ καὶ εὐθενῇ ταῖς μελίτταις
-τὸ σμῆνος, ἐκπέμπουσιν ὥσπερ οὖν αἱ μέγισταί
-τε καὶ πολυανδρούμεναι τῶν πόλεων. οἶδε δὲ
-ἄρα ἡ μέλιττα καὶ ὑετοῦ ἀπειλοῦντος ἐπιδημίαν καὶ
-σκληρὸν πνεῦμα ἐσόμενον. εἰ δὲ αὐτῇ παρὰ δόξαν
-γένοιτο τὸ τοῦ πνεύματος, ὄψει φέρουσαν λίθον ἑκάστην
-ἄκροις τοῖς ποσὶν ἕρμα εἶναι. ὅπερ δὲ ὁ θεῖος
-Πλάτων περὶ τῶν τεττίγων λέγει καὶ τῆς ἐκείνων φιλῳδίας
-τε καὶ φιλομουσίας, τοῦτʼ ἂν καὶ περὶ τοῦ
-τῶν μελιττῶν χοροῦ εἴποι τις. ὅταν γοῦν σκιρτήσωσιν
-ἢ πλανηθῶσιν, ἐνταῦθα οἱ σμηνουργοὶ κροτοῦσι
-κρότον τινὰ ἐμμελῆ τε καὶ συμμελῆ· αἳ δὲ ὡς ὑπὸ
-Σειρῆνος ἕλκονται, καὶ μέντοι καὶ ὑποστρέφουσιν ἐς
-ἤθη τὰ οἰκεῖα αὖθις.
-</p>
-</div2>
-<div2 type="chapter" n="14">
-<p> ἐν τῇ Γυάρῳ τῇ νήσῳ Ἀριστοτέλης λέγει μῦς
-εἶναι καὶ μέντοι καὶ τὴν γῆν σιτεῖσθαι τὴν σιδηρῖτιν.
-Ἀμύντας δὲ καὶ τοὺς ἐν Τερηδόνι ʽγῆς δέ ἐστιν
-αὕτη τῆς Βαβυλωνίασʼ τὴν αὐτὴν προσφέρεσθαι λέγει.
-<pb id="p.117"/>
-Ἐν Λάτμῳ δὲ τῆς Καρίας ἀκούω σκορπίους εἶναι,
-οἵπερ οὖν τοὺς μὲν πολίτας σφίσι παίουσιν ἐς θάνατον,
-τοὺς δὲ ξένους ἡσυχῆ καὶ ὅσον παρασχεῖν
-ὀδαξησμόν, ἐμοὶ δοκεῖν τοῦ Ξενίου Διὸς τοῖς ἀφικνουμένοις
-τὸ δῶρον τοῦτο ἀποκρίναντος. 
-</p>
-</div2>
-<div2 type="chapter" n="15">
-<p>βασιλεύονται δὲ ἄρα καὶ σφῆκες, ἀλλʼ οὐ τυραννοῦνται 
-ὡς ἄνθρωποι. καὶ τὸ μαρτύριον, ἄκεντροι
-καὶ οἵδε εἰσί. καὶ οἱ μὲν ὑπήκοοι τὰ ἔργα πλάττειν
-αὐτοῖς νόμον ἔχουσιν, οἱ δὲ ἄρχοντές εἰσι διπλάσιοι
-μὲν τὸ μέγεθος, πρᾶοι δὲ καὶ οἷοι μήτε ἑκόντες λυπεῖν 
-ἔχειν μήτε ἄκοντες. τίς οὖν οὐκ ἂν μισήσειε
-Διονυσίους τοὺς ἐν Σικελίᾳ καὶ Κλέαρχον τὸν ἐν
-Ἡρακλείᾳ καὶ Ἀπολλόδωρον τὸν Κασανδρέων λευστῆρα
-καὶ τὸν Λακεδαιμονίων λυμεῶνα τὸν Νάβιν,
-εἴγε οἳ μὲν ἐθάρρουν τῷ ξίφει, τῷ δὲ ἀκέντρῳ καὶ 
-τῇ πραότητι οἱ τῶν σφηκῶν βασιλεῖς;
-</p>
-</div2>
-<div2 type="chapter" n="16">
-<p>λέγονται δὲ οἱ τῶν σφηκῶν κεκεντρωμένοι καὶ 
-ἐκεῖνο δρᾶν. ὅταν θεάσωνται νεκρὰν ἔχιδναν, οἳ δὲ
-ἐμπίπτουσι καὶ φαρμάττουσι τὸ κέντρον. ὅθεν μοι δοκοῦσι
-μαθεῖν καὶ οἱ ἄνθρωποι μάθημα, καὶ τοῦτο 
-οὐκ ἀγαθόν. καὶ μέντοι καὶ μαρτυρεῖ ἐν Ὀδυσσείᾳ Ὅμηρος λέγων
-<quote rend="blockquote">
-<lb/>φάρμακον ἀνδροφόνον διζήμενος, ὄφρα οἱ εἴη
-<lb/>ἰοὺς χρίεσθαι χαλκήρεας,
-</quote>
-ἢ καὶ νὴ Δία εἴ τι δεῖ τῷ περὶ Ἡρακλέους λόγῳ 
-προσέχειν, ὡς ἐκεῖνος ἔβαψε τῷ τῆς ὕδρας ἰῷ τοὺς
-οἰστούς, οὕτω τοι καὶ ἐκεῖνοι τῇ βαφῇ τὰ κέντρα ὑποθήγουσιν.
-</p>
-</div2>
-<div2 type="chapter" n="17">
-<p> ἔστω δὲ καὶ τῇ μυίᾳ παρʼ ἡμῶν γέρας μὴ ἀμοιρῆσαι 
-τῆς μνήμης τῆς ἐνταῦθα· φύσεως γάρ τοι καὶ 
-ἐκείνη πλάσμα ἐστίν. αἱ μυῖαι αἱ Πισάτιδες κατὰ
-<pb id="p.118"/>
-τὴν τῶν Ὀλυμπίων ἑορτὴν ὡς ἂν εἴποις σπένδονται
-καὶ τοῖς ἀφικνουμένοις καὶ τοῖς ἐπιχωρίοις. ἱερείων
-γοῦν καταθυομένων τοσούτων καὶ αἵματος ἐκχεομένου
-καὶ κρεμαμένων κρεῶν αἳ δὲ ἀφανίζονται ἑκοῦσαι,
-καὶ τοῦ γε Ἀλφειοῦ περαιοῦνται ἐς τὴν ἀντιπέρας
-ὄχθην. καὶ ἐοίκασι τῶν γυναικῶν τῶν ἐπιχωρίων
-διαλλάττειν οὐδὲ ὀλίγον, εἰ μὴ ἄρα τι ἐγκρατέστεραι
-αἱ μυῖαι ἐκεῖναι τῶν γυναικῶν ὁμολογοῦνται τοῖς
-ἔργοις· τὰς μὲν γὰρ ὁ τῆς ἀγωνίας καὶ τῆς κατʼ αὐτὴν
-σωφροσύνης νόμος ἐλαύνει τὰς γυναῖκας, αἱ μυῖαι
-δὲ ἑκοῦσαι τοῖς ἱεροῖς ἀφίστανται, καὶ ἐν μὲν ταῖς
-ἱερουργίαις καὶ παρὰ τὸν τῶν ἄθλων χρόνον τὸν νενομισμένον
-ἀπαλλάττονται. λῦτο δʼ ἀγών, αἳ δὲ
-ἐπιδημοῦσιν, ὥσπερ οὖν καθόδου τυχοῦσαι ψηφίσματι
-φυγάδες, εἶτα ἐπιρρέουσιν ἐς τὴν Ἦλιν αἱ μυῖαι αὖθις.
-</p>
-</div2>
-<div2 type="chapter" n="18">
-<p> ὁ ὀρφὼς θαλάττιον ζῷόν ἐστι, καὶ εἰ ἕλοις καὶ
-ἀνατέμοις, οὐκ ἂν ἴδοις τεθνεῶτα παραχρῆμα αὐτόν,
-ἀλλὰ ἐπιλαμβάνει τῆς κινήσεως καὶ οὐκ ἐπʼ ὀλίγον.
-διὰ χειμῶνος δὲ ἐν τοῖς φωλεοῖς οἰκουρῶν χαίρει·
-διατριβαὶ δὲ ἄρα αἱ πρὸς τῇ γῇ μᾶλλον φίλαι αὐτῷ.
-</p>
-</div2>
-<div2 type="chapter" n="19">
-<p> Λύκος ὁμόσε ταύρῳ χωρεῖν καὶ ἰέναι οἱ κατὰ
-πρόσωπον ἥκιστός ἐστι, δέδοικε δὲ τὰ κέρατα καὶ τὰς
-ἀκμὰς αὐτῶν ἐκνεύει. καὶ ὡς ἐξ εὐθείας οἱ μαχούμενος
-ἀπειλεῖ· οὐ μὴν δρᾷ τοῦτο, ἀλλὰ ὥσπερ οὖν
-ἐπιθησόμενος ὑποφαίνει, εἶτα μέντοι προσπεσόντος
-ὃ δὲ ἑαυτὸν ἐξελίξας ἐς τὰ νῶτα ἀνέθορε, καὶ ἐγκρατῶς
-ἔχεται τοῦ θηρὸς ὁ θὴρ ὁ ἀντίπαλος, καὶ κατισχύει
-αὐτοῦ σοφίᾳ φυσικῇ τὸ ἐνδέον ἀνακούμενος
-ὁ λύκος.
-</p>
-</div2>
-<div2 type="chapter" n="20">
-<p> ὄνος ὁ θαλάττιος ἐν τῇ γαστρὶ τὴν καρδίαν ἔλαχεν
-<pb id="p.119"/>
-ἔχειν, ὡς οἱ δεινοὶ τὰ τοιαῦτα ὁμολογοῦσιν ἡμῖν
-καὶ διδάσκουσιν.
-</p>
-</div2>
-<div2 type="chapter" n="21">
-<p>ὁ ταῶς οἶδεν ὀρνίθων ὡραιότατος ὤν, καὶ ἔνθα 
-οἱ τὸ κάλλος κάθηται, καὶ τοῦτο οἶδε, καὶ ἐπʼ αὐτῷ
-κομᾷ καὶ σοβαρός ἐστι, καὶ θαρρεῖ τοῖς πτεροῖς, ἅπερ 
-οὖν αὐτῷ καὶ κόσμον περιτίθησι, καὶ πρὸς τοὺς ἔξωθεν
-φόβον ἀποστέλλει, καὶ ἐν ὥρᾳ θερείῳ σκέπην
-οἴκοθεν καὶ οὐκ ᾐτημένην οὐδὲ ὀθνείαν παρέχεται.
-ἐὰν γοῦν θελήσῃ φοβῆσαί τινα, ἐγείρας τὰ οὐραῖα
-εἶτα διεσείσατο καὶ ἀπέστειλεν ἦχον, καὶ ἔδεισαν οἱ 
-παρεστῶτες, ὡς ὁπλίτου τὸν ἐκ τῶν ὅπλων πεφοβημένοι
-δοῦπον. ἀνατείνει δὲ τὴν κεφαλὴν καὶ ἐπινεύει
-σοβαρώτατα, ὥσπερ οὖν ἐπισείων τριλοφίαν.
-δεηθείς γε μὴν ψυχάσαι, τὰ πτερὰ ἐγείρει, καὶ ἐς
-τοὔμπροσθεν ἐπικλίνας συμφυᾶ σκιὰν ἀποδείκνυται 
-τοῦ ἰδίου σώματος τὴν ἀκμὴν τὴν ἐκ τῆς ἀκτῖνος
-ἀποστέγων. εἰ δὲ εἴη καὶ ἄνεμος κατόπιν, ἡσυχῆ
-διίστησι τὰ πτερά· καὶ τὸ πνεῦμα τὸ διαρρέον αὔρας
-οἱ μαλακὰς καὶ ἡδίστας ἐπιπνέον ἀναψύχειν τὸν ὄρνιν
-δίδωσιν. ἐπαινεθεὶς δὲ αἰσθάνεται, καὶ ὥσπερ 
-οὖν ἢ παῖς καλὸς ἢ γυνὴ ὡραία τὸ μάλιστα πλεονεκτοῦν
-τοῦ σώματος ἐπιδείκνυσιν, οὕτω τοι καὶ
-ἐκεῖνος τὰ πτερὰ ἐν κόσμῳ καὶ κατὰ στοῖχον ὀρθοῖ,
-καὶ ἔοικεν ἀνθηρῷ λειμῶνι ἢ γραφῇ πεποικιλμένῃ
-πολυχροίᾳ τῇ τῶν φαρμάκων, καὶ ἱδρὼς πρόκειται 
-ζωγράφοις εἰκάσαι τῆς φύσεως τὸ ἴδιον. καὶ
-ὅπως ἔχει τῆς ἐς τὴν ἐπίδειξιν ἀφθονίας παρίστησιν·
-ἐᾷ γὰρ ἐμπλησθῆναι τῆς θέας τοὺς παρεστῶτας, καὶ
-ἑαυτὸν περιάγει δεικνὺς φιλοπόνως τὸ τῆς πτερώσεως
-πολύμορφον, ὑπὲρ τὴν τῶν Μήδων ἐσθῆτα καὶ τὰ 
-τῶν Περσῶν ποικίλματα τὴν ἑαυτοῦ στολὴν ἀποδεικνύμενος
-ἐκεῖνός γε σοβαρώτατα. λέγεται δὲ ἐκ βαρβάρων
-<pb id="p.120"/>
-ἐς Ἕλληνας κομισθῆναι. καὶ χρόνου πολλοῦ
-σπάνιος ὢν εἶτα ἐδείκνυτο τῶν ἀνθρώπων τοῖς φιλοκάλοις
-μισθοῦ, καὶ Ἀθήνησί γε ταῖς νουμηνίαις
-ἐδέχοντο καὶ ἄνδρας καὶ γυναῖκας ἐπὶ τὴν ἱστορίαν
-αὐτῶν, καὶ τὴν θέαν πρόσοδον εἶχον. ἐτιμῶντο δὲ
-τὸν ἄρρενα καὶ τὸν θῆλυν δραχμῶν μυρίων, ὡς Ἀντιφῶν
-ἐν τῷ πρὸς Ἐρασίστρατον λόγῳ φησί. δεῖ δὲ
-καὶ διπλῆς οἰκίας τῇ τροφῇ αὐτῶν, καὶ φρουρῶν τε
-καὶ μελεδωνῶν. Ὁρτήσιος δὲ ὁ Ῥωμαῖος καταθύσας
-ἐπὶ δείπνῳ ταῶν πρῶτος ἐκρίθη. Ἀλέξανδρος δὲ ὁ
-Μακεδὼν ἐν Ἰνδοῖς ἰδὼν τούσδε τοὺς ὄρνιθας ἐξεπλάγη,
-καὶ τοῦ κάλλους θαυμάσας ἠπείλησε τῷ καταθύσαντι
-ταῶν ἀπειλὰς βαρυτάτας.
-</p>
-</div2>
-<div2 type="chapter" n="22">
-<p> ἐς τοὺς ψυκτῆρας ὅταν οἱ μύες ἐμπέσωσιν, ἀνανεῦσαι
-καὶ ἀνελθεῖν οὐ δυνάμενοι, τὰς ἀλλήλων οὐρὰς
-ἐνδακόντες εἶτα ἐφέλκουσι τὸν δεύτερον ὁ πρῶτος
-καὶ ὁ δεύτερος τὸν τρίτον. οὕτω μὲν δὴ καὶ
-τούτους ἀλλήλοις συμμαχεῖν καὶ ἐπικουρεῖν ἡ σοφωτάτη
-φύσις ἐξεπαίδευσεν.
-</p>
-</div2>
-<div2 type="chapter" n="23">
-<p> Ἐλλοχῶσιν οἱ κροκόδειλοι τοὺς ὑδρευομένους ἐκ
-τοῦ Νείλου τὸν τρόπον τοῦτον. φρύγανα ἑαυτοῖς
-ἐπιβαλόντες καὶ διʼ αὐτῶν ἐμβλέποντες εἶτα ὑπονέουσι
-τοῖς φρυγάνοις. οἳ δὲ ἀφικνοῦνται κεράμια
-ἢ κάλπεις ἢ πρόχους κομίζοντες. εἶτα ἀρυτομένους
-αὐτοὺς ὑπεκδύντες τῶν φρυγάνων καὶ τῇ ὄχθῃ προσαναπηδήσαντες
-ἁρπαγῇ βιαιοτάτῃ συλλαβόντες ἔχουσι
-δεῖπνον. κακίας δὴ καὶ πανουργίας κροκοδείλων
-συμφυοῦς εἴρηταί μοι τὰ νῦν ταῦτα.
-</p>
-</div2>
-<div2 type="chapter" n="24">
-<p> λαγὼς δέδοικε κύνας καὶ μέντοι καὶ ἀλώπηξ. καί
-που καὶ σῦν ἐγείρουσιν ἐκ τῆς λόχμης αἱ αὐταὶ τῇ
-ὑλακῇ, καὶ λέοντα ἐπιστρέφουσι, καὶ ἔλαφον διώκουσιν·
-ὀρνίθων δὲ οὐδὲ εἷς ὤραν ποιεῖται κυνός, ἀλλʼ
-<pb id="p.121"/>
-αὐτοῖς πρὸς αὐτοὺς ἔνσπονδά ἐστι. μόνη δὲ ἡ ὠτίς 
-πέφρικε κύνας. τὸ δὲ αἴτιον, βαρεῖαί τέ εἰσι καὶ
-σαρκῶν ὄγκον περιφέρουσιν. οὔκουν αὐτὰς αἴρει τε
-καὶ ἐλαφρίζει τὰ πτερὰ ῥᾳδίως, καὶ διὰ τοῦτο ταπειναὶ
-πέτονται καὶ κάτω περὶ γῆν, βρίθοντος τοῦ ὄγκου 
-αὐτάς. αἱροῦνται δὲ ὑπὸ τῶν κυνῶν πολλάκις.
-ὅπερ ἑαυταῖς συνειδυῖαι, ὅταν ἀκούσωσιν ὑλακῆς, ἐς
-τοὺς θάμνους καὶ τὰ ἕλη καταθέουσι, προβαλλόμεναι
-ἑαυτῶν ταῦτα, καὶ ῥυόμεναι σφᾶς ἐκ τῶν παρόντων
-καὶ μάλα εὐπόρως. 
-</p>
-</div2>
-<div2 type="chapter" n="25">
-<p>ὀψὲ τοὺς γειναμένους ἄνθρωπος γνωρίζειν ἄρχεται, 
-διδασκόμενος καὶ οἱονεὶ καταναγκαζόμενος ἐς
-πατέρα ὁρᾶν καὶ μητέρα ἀσπάζεσθαι καὶ οἰκείοις
-προσμειδιᾶν· οἱ δὲ ἄρνες περὶ τὰς μητέρας πηδῶσιν
-ἀπὸ γενεᾶς, καὶ ἴσασι τό τε ὀθνεῖον καὶ τὸ οἰκεῖον, 
-καὶ παρὰ τῶν νομέων μαθεῖν δέονται οὐδὲ ἕν.
-</p>
-</div2>
-<div2 type="chapter" n="26">
-<p>Μιμηλότατόν ἐστιν ὁ πίθηκος ζῷον, καὶ πᾶν ὅ τι 
-ἂν ἐκδιδάξῃς τῶν διὰ τοῦ σώματος πραττομένων ὃ
-δὲ εἴσεται ἀκριβῶς, ἵνα ἐπιδείξηται αὐτό. ὀρχεῖται
-γοῦν, ἐὰν μάθῃ, καὶ αὐλεῖ, ἐὰν ἐκδιδάξῃς. ἐγὼ δὲ 
-καὶ ἡνίας κατέχοντα εἶδον καὶ ἐπιβάλλοντα τὴν μάστιγα
-καὶ ἐλαύνοντα. καὶ ἄλλο δʼ ἄν τι μαθὼν καὶ
-ἄλλο οὐ διαψεύσαιτο τὸν διδάξαντα· οὕτως ἄρα ἡ
-φύσις ποικίλον τε καὶ εὐτράπελόν ἐστιν.
-</p>
-</div2>
-<div2 type="chapter" n="27">
-<p>ἴδιαι δὲ καὶ διάφοροι τῶν ζῴων καὶ αἵδε αἱ φύσεις. 
-τοὺς ἐν τοῖς Βισάλταις λαγὼς διπλᾶ ἥπατα
-ἔχειν Θεόπομπος λέγει. τὰς δʼ ἐν Λέρῳ μελεαγρίδας
-ὑπὸ μηδενὸς ἀδικεῖσθαι τῶν γαμψωνύχων ὀρνέων
-λέγει Ἴστρος. τοὺς δὲ ἐν Νευροῖς βοῦς Ἀριστοτέλης
-φησὶν ἐπὶ τῶν ὤμων ἔχειν τὰ κέρατα, Ἀγαθαρχίδης 
-δὲ τὰς ἐν Αἰθιοπίᾳ ὗς κέρατα ἔχειν. Σώστρατος δὲ
-τοὺς ἐν τῇ Κυλλήνῃ κοσσύφους πάντας λέγει λευκούς.
-<pb id="p.122"/>
-Λ̓λέξανδρος δὲ ὁ Μύνδιος τὰ ἐν τῷ Πόντῳ
-πρόβατα πιαίνεσθαι ὑπὸ τοῦ πικροτάτου φησὶν ἀψινθίου.
-τὰς δὲ ἐν τῷ Μίμαντι γινομένας αἶγας ἓξ μηνῶν
-μὴ πίνειν, ὁρᾶν δὲ ἐς τὴν θάλατταν μόνον καὶ
-κεχηνέναι καὶ τὰς αὔρας τὰς ἐκεῖθεν δέχεσθαι ὁ αὐτὸς
-λέγει. αἶγας δὲ Ἰλλυρίδας ὁπλὴν ἀκούω ἔχειν,
-ἀλλʼ οὐ χηλήν. Θεόφραστος δὲ δαιμονιώτατα λέγει
-ἐν τῇ Βαβυλωνίᾳ γῇ τοὺς ἰχθῦς ἀνιόντας ἐκ τοῦ
-ποταμοῦ εἶτα μέντοι ἐν τῷ ξηρῷ τὰς νομὰς ποιεῖσθαι
-πολλάκις.
-</p>
-</div2>
-<div2 type="chapter" n="28">
-<p> ἴδιον δὲ ἄρα ὁ πορφυρίων πρὸς τῷ ζηλοτυπώτατος
-εἶναι καὶ ἐκεῖνο δήπου κέκτηται. φιλοίκειον αὐτὸν
-εἶναί φασιν καὶ τὴν συντροφίαν τῶν συννόμων ἀγαπᾶν.
-ἐν οἰκίᾳ γοῦν τρέφεσθαι πορφυρίωνα καὶ ἀλεκτρυόνα
-ἤκουσα, καὶ σιτεῖσθαι μὲν τὰ αὐτά, βαδίζειν
-δὲ τὰς ἴσας βαδίσεις καὶ κοινῇ κονίεσθαι. οὐκοῦν ἐκ
-τούτων φιλίαν τινὰ θαυμαστὴν αὐτοῖς ἐγγενέσθαι.
-καί ποτε ἑορτῆς ἐπιστάσης ὁ δεσπότης ἀμφοῖν τὸν
-ἀλεκτρυόνα καταθύσας εἱστιάθη σὺν τοῖς οἰκείοις· ὁ
-δὲ πορφυρίων τὸν σύννομον οὐκ ἔχων καὶ τὴν ἐρημίαν
-μὴ φέρων ἑαυτὸν ἀτροφίᾳ διέφθειρεν.
-</p>
-</div2>
-<div2 type="chapter" n="29">
-<p> ἐν Αἰγίῳ τῆς Ἀχαίας ὡραίου παιδός, Ὠλενίου τὸ
-γένος, ὄνομα Ἀμφιλόχου, ἤρα χήν. Θεόφραστος λέγει
-τοῦτο. σὺν τοῖς Ὠλενίων δὲ φυγάσιν ἐφρουρεῖτο
-ἐν Αἰγίῳ ὁ παῖς. οὐκοῦν ὁ χὴν αὐτῷ δῶρα ἔφερε.
-καὶ ἐν Χίῳ Γλαύκης τῆς κιθαρῳδοῦ ὡραιοτάτης οὔσης
-εἰ μὲν ἤρων ἄνθρωποι, μέγα οὐδέπω· ἠράσθησαν
-δὲ καὶ κριὸς καὶ χήν, ὡς ἀκούω, τῆς αὐτῆς.
-οἱ δὲ χῆνες διαμείβοντες τὸν Ταῦρον τὸ ὄρος δεδοίκασι
-</p>
-</div2>
-<div2 type="chapter" n="30">
-<p> τοὺς ἀετούς, καὶ ἕκαστός γε αὐτῶν λίθον
-ἐνδακόντες, ἵνα μὴ κλάζωσιν, ὥσπερ οὖν ἐμβαλόντες
-σφίσι στόμιον, διαπέτονται σιωπῶντες, καὶ τοὺς ἀετοὺς
-<pb id="p.123"/>
-τὰ πολλὰ ταύτῃ διαλανθάνουσι. θερμότατος δὲ
-ἄρα ὢν καὶ διαπυρώτατος τὴν φύσιν ὁ χὴν φιλόλουτρός
-ἐστι καὶ νήξεσι χαίρει καὶ τροφαῖς μάλιστα
-ταῖς ὑγροτάταις καὶ πόαις καὶ θριδακίναις καὶ τοῖς
-λοιποῖς, ὅσα αὐτοῖς ἔνδοθεν ψῦχος ἐργάζεται· εἰ δὲ 
-καὶ ἐξαυαίνοιτο ὑπὸ τοῦ λιμοῦ, δάφνης φύλλον οὐκ
-ἂν φάγοι, οὐδʼ ἂν πάσαιτο ῥοδοδάφνης οὔτε ἑκὼν
-οὔτε ἄκων· οἶδε γὰρ ὅτι τεθνήξεται τούτων τινὸς
-ἐμφαγών. ἄνθρωποι δὲ ὑπʼ ἀσωτίας ἐπιβουλεύονται
-καὶ ἐς τροφὴν καὶ ἐς ποτόν. μυρίοι γοῦν καὶ πίνοντές 
-τι κακὸν κατέπιον, ὡς Ἀλέξανδρος, καὶ ἐσθίοντες,
-ὡς Κλαύδιος ὁ Ῥωμαῖος καὶ Βρεττανικὸς ὁ τούτου
-παῖς· καὶ κατακοιμηθέντες οὐκ ἐξανέστησαν χρήσει
-φαρμάκου, οἳ μὲν ἑκόντες τοῦτο σπάσαντες, οἳ δὲ
-ἐπιβουλευθέντες. 
-ὁ δὲ χηναλώπηξ, πέπλεκταί οἱ τὸ ὄνομα ἐκ τῶν 
-ἑκατέρου τοῦ ζῴου ἰδίων τε καὶ συμφυῶν. ἔχει μὲν
-γὰρ τὸ εἶδος τὸ τοῦ χηνός, πανουργίαν δὲ δικαιότατα
-ἀντικρίνοιτο ἂν τῇ ἀλώπεκι. καὶ ἔστι μὲν χηνὸς βραχύτερος,
-ἀνδρειότερος δέ, καὶ χωρεῖν ὁμόσε δεινός. 
-ἀμύνεται γοῦν καὶ ἀετὸν καὶ αἴλουρον καὶ τὰ λοιπά,
-ὅσα αὐτοῦ ἀντίπαλά ἐστιν.
-</p>
-</div2>
-<div2 type="chapter" n="31">
-<p>ἴδια δὲ ὄφεως καὶ ἐκεῖνά ἐστι. τὴν καρδίαν 
-κεκλήρωται ἐπὶ τῇ φάρυγγι, τὴν δὲ χολὴν ἐν τοῖς
-ἐντέροις, πρὸς δὲ τῇ οὐρᾷ τοὺς ὄρχεις ἔχει, τὰ δὲ ᾠὰ 
-τίκτει μακρὰ καὶ μαλακά, τὸν δὲ ἰὸν ἐν τοῖς ὀδοῦσι φέρει.
-</p>
-</div2>
-<div2 type="chapter" n="32">
-<p>ταῷ δὲ τῷ ὄρνιθι τῷ προειρημένῳ καὶ ἐκεῖνα 
-συμφυᾶ καὶ ἴδια, ἅπερ ἐστὶ μαθεῖν ἄξια. τρία ἔτη
-γενόμενος κυήσεως ἄρχεται καὶ ὠδῖνα ἀπολύει καὶ 
-τῆς τῶν πτερῶν πολυχροίας τε καὶ ὥρας τότε ἄρχεται.
-ἐπῳάζει δὲ οὐ κατὰ τὸ ἑξῆς, ἀλλὰ παραλιπὼν
-<pb id="p.124"/>
-δύο ἡμέρας. ἤδη δʼ ἂν τέκοι καὶ ὑπηνέμια ὁ ταώς,
-ὡς καὶ ὄρνιθες ἕτεροι.
-</p>
-</div2>
-<div2 type="chapter" n="33">
-<p> ἡ νῆττα ὅταν τέκῃ, τίκτει μὲν ἐν ξηρῷ, πλησίον
-δὲ ἢ τῆς λίμνης ἢ τοῦ τενάγους ἢ ἄλλου τινὸς ὑδρηλοῦ
-χώρου καὶ ἐνδρόσου. τὸ δὲ νήττιον φύσει τινὶ
-ἰδίᾳ καὶ ἀπορρήτῳ οἶδεν ὅτι μήτε τῆς μετεώρου φορᾶς
-οἱ μέτεστι μήτε μὴν τῆς ἐν τῇ χέρσῳ διατριβῆς.
-καὶ ἐκ τούτων ἐς τὸ ὕδωρ πηδᾷ, καὶ ἐξ ὠδίνων ἐστὶ
-νηκτική, καὶ μαθεῖν οὐ δεῖται, ἀλλὰ καταδύεται καὶ
-ἀναδύεται πάνυ σοφῶς καὶ ὡς ἤδη χρόνου πεπαιδευμένη
-τοῦτο. ἀετὸς δέ, ὃν καλοῦσι νηττοφόνον, ἐπιπηδᾷ
-τῇ νηχομένῃ ὡς ἁρπασόμενος· ἣ δὲ καταδῦσα
-ἑαυτὴν ἠφάνισεν, εἶτα ὑπονηξαμένη ἀλλαχόθι ἐκκύπτει.
-ὃ δὲ καὶ ἐκεῖ πάρεστι, καὶ αὖθις κατέδυ ἐκείνη,
-καὶ πάλιν ταῦτα καὶ πάλιν. καὶ δυοῖν θάτερον·
-ἢ γὰρ καταδῦσα ἀπεπνίγη, ἢ ὃ μὲν ἀπέστη ἐπʼ ἄλλην
-ἄγραν, ἣ δὲ ἔχουσα τὸ ἀδεὲς ἐπινήχεται αὖθις.
-</p>
-</div2>
-<div2 type="chapter" n="34">
-<p> πλέον ἔχει τῶν ἀνθρώπων ὁ κύκνος ἐν τοῖς μεγίστοις·
-οἶδέ τε γὰρ ὁπότε τοῦ βίου τὸ τέρμα ἀφικνεῖται
-αὐτῷ, καὶ μέντοι καὶ εὐθύμως φέρειν αὐτὸ
-προσιὸν ὑπὸ τῆς φύσεως λαχὼν ἔχει δῶρον τὸ κάλλιστον·
-πεπίστευκε γὰρ ὅτι μηδενὸς ἀλγεινοῦ μηδὲ
-λυπηροῦ μέτεστι θανάτῳ. ἄνθρωποι δὲ ὑπὲρ οὗ οὐκ
-ἴσασι δεδοίκασι, καὶ ἡγοῦνται μέγιστον εἶναι κακὸν
-αὐτό. τοσοῦτον δὲ ἄρα τῷ κύκνῳ περίεστιν εὐθυμίας,
-ὡς καὶ ἐπὶ τῇ καταστροφῇ τοῦ βίου τοῦ σφετέρου
-ᾅδειν καὶ ἀνακρούεσθαι οἷον ἐπικήδειόν τι
-ἑαυτῷ μέλος. τοιοῦτόν τινα καὶ τὸν Βελλεροφόντην
-ἡρωικῶς καὶ μεγαλοψύχως ἐς θάνατον παρεσκευασμένον
-ὁ Εὐριπίδης ὑμνεῖ. πεποίηκε γοῦν πρὸς τὴν
-ἑαυτοῦ ψυχὴν λέγοντα αὐτὸν
-<pb id="p.125"/>
-<quote rend="blockquote">
-<lb/>ἦσθʼ εἰς θεοὺς μὲν εὐσεβής, ὅτʼ ἦσθʼ, ἀεί,
-<lb/>ξένοις τʼ ἐπήρκεις, οὐδʼ ἔκαμνες εἰς φίλους,
-</quote>
-καὶ τὰ ἐπὶ τούτοις. οὐκοῦν καὶ ὁ κύκνος μελῳδεῖ
-τινα ἐπικήδειον ἑαυτῷ μοῦσαν, ἐφόδια διδοὺς τῆς 
-ἀποδημίας ἢ θεῶν ὕμνους ἢ ἔπαινον οἰκεῖόν τινα.
-μαρτυρεῖ δὲ αὐτῷ καὶ ὁ Σωκράτης ὅτι ᾅδει οὐ λυπούμενος
-ἀλλὰ εὐθυμούμενος μᾶλλον· μηδὲ γὰρ
-ἄγειν σχολήν ποτε ᾠδῇ καὶ μέλει τὸν κατὰ τῆς ψυχῆς
-ἔχοντά τι πρόσαντες καὶ ἀλγεινόν. 
-ἔχει δὲ ἄρα ὁ κύκνος οὐ μόνον πρὸς τὸν θάνατον
-ἀνδρείως, ἤδη δὲ καὶ πρὸς μάχας. ἀδίκων μὲν
-οὖν οὐκ ἄρχει, οἷα δήπου σώφρων καὶ πεπαιδευμένος
-ἀνήρ, τῷ δὲ ἄρξαντι οὔτε ἀφίσταται οὔτε εἴκει.
-οἱ μὲν οὖν ὄρνιθες οἱ λοιποί, εἰρηναῖα αὐτοῖς πρὸς 
-αὐτοὺς καὶ ἔνσπονδά ἐστιν, ὁ δὲ ἀετὸς καὶ ἐπὶ τοῦτον
-ὥρμησε πολλάκις, ὡς Λ̓ριστοτέλης φησί, καὶ οὐδεπώποτε
-ἐκράτησεν, ἡττήθη δὲ ἀεὶ μὴ μόνον σὺν
-τῇ ῥώμῃ τοῦ κύκνου μαχομένου, ἀλλὰ καὶ σὺν τῇ
-δίκῃ ἀμυνομένου. 
-</p>
-</div2>
-<div2 type="chapter" n="35">
-<p>ὁ ἐρωδιὸς τὰ ὄστρεα ἐσθίειν δεινός ἐστι, καὶ 
-μεμυκότα αὐτὰ καταπίνει, ὥσπερ οὖν οἱ πελεκᾶνες
-τὰς κόγχας. καὶ ἐν τῷ καλουμένῳ πρηγορεῶνι ὑποθερμαίνων
-ὁ ἐρωδιὸς φυλάττει τὰ ὄστρεα· τὰ δὲ ὑπὸ
-τῆς ἀλέας διίσταται, καὶ ἐκεῖνος αἰσθανόμενος τὰ 
-μὲν ὄστρακα ἀνεμεῖ, φυλάττει δὲ τὴν σάρκα, καὶ ἔχει
-τροφὴν ἀναλίσκων τῇ τῆς πέψεως δυνάμει τὸ ἔσω
-παρελθὸν ὁλόκληρον.
-</p>
-</div2>
-<div2 type="chapter" n="36">
-<p>ὄνομά ἐστιν ὄρνιθος ἀστερίας, καὶ τιθασεύεταί 
-γε ἐν τῇ Αἰγύπτῳ, καὶ ἀνθρώπου φωνῆς ἐπαΐει. εἰ 
-δέ τις αὐτὸν ὀνειδίζων δοῦλον εἴποι, ὃ δὲ ὀργίζεται·
-καὶ εἴ τις ὄκνον καλέσειεν αὐτόν, ὃ δὲ βρενθύεται
-<pb id="p.126"/>
-καὶ ἀγανακτεῖ, ὡς καὶ ἐς τὸ ἀγεννὲς σκωπτόμενος
-καὶ ἐς ἀργίαν εὐθυνόμενος.
-</p>
-</div2>
-<div2 type="chapter" n="37">
-<p> εἰ κατέχοι τις ὀπὸν Κυρηναῖον καὶ λάβοιτο τῆς
-νάρκης, ἐνταῦθα δήπου τὸ ἐξ αὐτῆς πάθος ἐκπέφευγε.
-δράκοντα δὲ θαλάττιον εἰ ἀνασπάσαι τῇ δεξιᾷ ἐθέλοις,
-ὃ δὲ οὐχ ἕψεται, ἀλλὰ μαχεῖται κατὰ κράτος· εἰ
-δὲ τῇ ἀριστερᾷ ἀνάγοις, εἴκει καὶ ἑάλωκεν.
-</p>
-</div2>
-<div2 type="chapter" n="38">
-<p> Χάρμιδος ἀκούω τοῦ Μασσαλιώτου λέγοντος φιλόμουσον
-μὲν εἶναι τὴν ἀηδόνα, ἤδη δὲ καὶ φιλόδοξον.
-ἐν γοῦν ταῖς ἐρημίαις ὅταν ᾅδῃ πρὸς ἑαυτήν,
-ἁπλοῦν τὸ μέλος καὶ ἄνευ κατασκευῆς τὴν ὄρνιν
-ᾅδειν· ὅταν δὲ ἁλῷ καὶ τῶν ἀκουόντων μὴ διαμαρτάνῃ,
-ποικίλα τε ἀναμέλπειν καὶ τακερῶς ἑλίττειν τὸ
-μέλος. καὶ Ὅμηρος δὲ τοῦτό μοι δοκεῖ ὑπαινίττεσθαι
-λέγων
-<quote rend="blockquote">
-<lb/>ὡς δʼ ὅτε Πανδαρέου κούρη χλωρηὶς ἀηδών
-<lb/>καλὸν ἀείδῃσιν ἔαρος νέον ἱσταμένοιο,
-<lb/>δενδρέων ἐν πετάλοισι καθεζομένη πυκινοῖσιν,
-<lb/>ἥ τε θαμὰ τρωπῶσα χέει πολυηχέα φωνήν.
-</quote>
-ἤδη μέντοι τινὲς καὶ πολυδευκέα φωνὴν γράφουσι
-τὴν ποικίλως μεμιμημένην, ὡς τὴν ἀδευκέα
-τὴν μηδʼ ὅλως ἐς μίμησιν παρατραπεῖσαν.
-</p>
-</div2>
-<div2 type="chapter" n="39">
-<p> λέγει Δημόκριτος τῶν ζῴων μόνον τὸν λέοντα
-ἐκπεπταμένοις τίκτεσθαι τοῖς ὀφθαλμοῖς, ἤδη τρόπον
-τινὰ τεθυμωμένον καὶ ἐξ ὠδίνων δρασείοντά τι
-γεννικόν. ἐφύλαξαν δὲ ἄλλοι καὶ καθεύδων ὅτι κινεῖ
-τὴν οὐράν, ἐνδεικνύμενος ὡς τὸ εἰκὸς ὅτι μὴ
-πάντῃ ἀτρεμεῖ, μηδὲ μὴν κυκλωσάμενος αὐτὸν καὶ
-περιελθὼν ὁ ὕπνος καθεῖλεν, ὥσπερ οὖν καὶ τῶν
-ζῴων τὰ λοιπά. τοιοῦτόν τι φυλάξαντας Αἰγυπτίους
-ὑπὲρ αὐτοῦ κομπάζειν φασὶ λέγοντας ὅτι κρείττων
-<pb id="p.127"/>
-ὕπνου λέων ἐστὶν ἀγρυπνῶν ἀεί. ταύτῃ τοι καὶ ἡλίῳ
-ἀποκρίνειν αὐτὸν αὐτοὺς πέπυσμαι· καὶ γάρ τοι καὶ
-τὸν ἥλιον θεῶν ὄντα φιλοπονώτατον ἢ ἄνω τῆς γῆς
-ὁρᾶσθαι ἢ τὴν κάτω πορείαν ἰέναι μὴ ἡσυχάζοντα.
-ὅμηρόν τε μάρτυρα Αἰγύπτιοι ἐπάγονται λέγοντα 
-ἠέλιόν τʼ ἀκάμαντα. ἔστι δὲ πρὸς τῇ ῥώμῃ καὶ
-συνετὸς ὁ λέων. ταῖς γοῦν βουσὶν ἐπιβουλεύει νύκτωρ
-φοιτῶν ἐς τὰ αὔλια. Ὅμηρος δὲ ἄρα ᾔδει καὶ τοῦτο λέγων
-<quote rend="blockquote">
-<lb/>βόες ὥς 
-<lb/>ἅς τε λέων ἐφόβησε μολὼν ἐν νυκτὸς ἀμολγῷ.
-</quote>
-καὶ ἐκπλήττει μὲν ὑπὸ τῆς ἀλκῆς πάσας, μίαν δὲ
-ἐξαρπάσας ἔδει. ὅταν δὲ ἐς κόρον ἐμπλησθῇ, βούλεται
-μὲν ταμιεύσασθαι καὶ ἐς αὖθις, αἰδὼς δὲ ἴσχει
-αὐτὸν φρουρεῖν παραμένοντα, ὡς τροφῆς χήτει λιμὸν 
-δεδιότα. οὐκοῦν περιχανὼν ἐμπνεῖ μὲν τοῦ καθʼ
-ἑαυτὸν ἄσθματος, καὶ τούτῳ τὴν φυλακὴν ἐπιτρέπει,
-ἀπαλλάττεταί γε μὴν αὐτός· τὰ δὲ ἄλλα ζῷα ἥκοντα
-καὶ αἰσθανόμενα ὅτου λείψανόν ἐστι τὸ κείμενον, οὐ
-τολμᾷ προσάψασθαι, ἀλλὰ ἀπαλλάττεται δεδιότα 
-δοκεῖν συλᾶν καὶ περικόπτειν τι τοῦ σφετέρου βασιλέως.
-τῷ δὲ ἄρα εἰ μὲν εὐθηρία γένοιτο καὶ εὐερμία,
-λήθην τοῦ πρώτου λαμβάνει καὶ ὡς ἕωλον ἀτιμάσας
-ἀπαλλάττεται· εἰ δὲ μή, ὡς ἐπʼ οἰκεῖον θησαύρισμα
-παραγίνεται. ὅταν δὲ ὑπερπλησθῇ, κενοῖ 
-ἑαυτὸν ἡσυχίᾳ καὶ ἀσιτίᾳ, ἢ αὖ πάλιν πιθήκῳ περιτυχὼν
-καὶ τούτου φαγὼν κενοῦται τὴν γαστέρα ταῖς
-ἐκείνου λαπάξας σαρξίν. ἦν δὲ ἄρα δίκαιος ὁ λέων καὶ οἷος
-ἄνδρʼ ἐπαμύνασθαι, ὅτε τις πρότερος χαλεπήνῃ. 
-<pb id="p.128"/>
-τῷ γοῦν ἐπιόντι ἀνθίσταται καὶ τὴν ἀλκαίαν ἐπισείων
-καὶ ἑλίττων κατὰ τῶν πλευρῶν εἶτα ἐγείρει ἑαυτὸν
-ὥσπερ οὖν ὑποθήγων μύωπι. τόν γε μὴν βαλόντα
-μέν, οὐ τυχόντα δὲ τῇ ἴσῃ ἀμυνούμενος φοβεῖ μέν,
-λυπεῖ δὲ οὐδὲ ἕν. ἡμερωθείς γε μὴν ἐξέτι νεαροῦ
-πραότατός ἐστι καὶ ἐντυχεῖν ἡδύς, καὶ ἔστι φιλοπαίστης,
-καὶ πᾶν ὅ τι οὖν ὑπομένει πραόνως τῷ τροφεῖ
-χαριζόμενος. Ἄννων γοῦν λέοντα εἶχε σκευαγωγόν,
-καὶ Βερενίκῃ λέων πρᾶος συνῆν, τῶν κομμωτῶν
-διαφέρων οὐδὲ ἕν. ἐφαίδρυνε γοῦν τῇ γλώττῃ τὸ
-πρόσωπον αὐτῆς, καὶ τὰς ῥυτίδας ἐλέαινε, καὶ ἦν
-ὁμοτράπεζος, πράως τε καὶ εὐτάκτως ἐσθίων καὶ ἀνθρωπικῶς.
-καὶ Ὀνόμαρχος δὲ ὁ Κατάνης τύραννος
-καὶ ὁ Κλεομένους υἱὸς συσσίτους εἶχον λέοντας.
-</p>
-</div2>
-<div2 type="chapter" n="40">
-<p> εὐωδίας τινὸς θαυμαστῆς τὴν πάρδαλιν μετειληχέναι
-φασίν, ἡμῖν μὲν ἀπορρήτου, αὐτὴ δὲ οἶδε
-τὸ πλεονέκτημα τὸ οἰκεῖον, καὶ μέντοι καὶ τὰ ἄλλα
-ζῷα συνεπίσταται τοῦτο ἐκείνῃ, καὶ ἁλίσκεταί οἱ
-τὸν τρόπον τοῦτον. ἡ πάρδαλις τροφῆς δεομένη
-ἑαυτὴν ὑποκρύπτει ἢ λόχμῃ πολλῇ ἢ φυλλάδι βαθείᾳ,
-καὶ ἐντυχεῖν ἐστιν ἀφανής, μόνον δὲ ἀναπνεῖ. οὐκοῦν
-οἱ νεβροὶ καὶ αἱ δορκάδες καὶ οἱ αἶγες οἱ ἄγριοι
-καὶ τὰ τοιαῦτα τῶν ζῴων ὡς ὑπό τινος ἴυγγος τῆς
-εὐωδίας ἕλκεται, καὶ γίνεται πλησίον· ἣ δὲ ἐκπηδᾷ
-καὶ ἔχει τὸ θήραμα.
-</p>
-</div2>
-<div2 type="chapter" n="41">
-<p> πυνθάνομαι τῶν ζῴων τὰ μηρυκάζοντα τρεῖς
-ἔχειν κοιλίας, καὶ ὀνόματα αὐτῶν ἀκούω κεκρύφαλον
-ἐχῖνον ἤνυστρον. σηπίαι δὲ καὶ τευθίδες δύο νέμονται
-προβοσκίσιν· οὐ γάρ τοι χεῖρον οὕτως ὀνομάσαι
-καὶ ἐκ τῆς χρείας καὶ ἐκ τοῦ σχήματος ἐπαρθέντα.
-καὶ ὅταν ᾖ χειμέρια καὶ κλύδων τεταραγμένος, αἳ δὲ
-τῶν πετρῶν λαμβάνονται ταῖς αὐταῖς προβολαῖς, καὶ
-<pb id="p.129"/>
-ἔχονται ὡς ἀγκύραις πάνυ ἐγκρατῶς, καὶ ἄσειστοί τε
-καὶ ἄκλυστοι μένουσιν· εἶτα εἰ γένοιτο ὑπεύδια,
-ἀπολύουσί τε ἑαυτὰς καὶ ἐλευθεροῦσι, καὶ νέουσι
-πάλιν, εἰδυῖαι μάθημα οὐκ εὐκαταφρόνητον, χειμῶνος
-φυγὴν καὶ ἐκ τῶν κινδύνων σωτηρίαν. 
-</p>
-</div2>
-<div2 type="chapter" n="42">
-<p>εἴ σοι βουλομένῳ μαθεῖν ἐστι μελιττῶν ὀνόματα, 
-οὐκ ἂν βασκήναιμι εἰπεῖν ὅσα πέπυσμαι. ἡγεμόνες
-καλοῦνταί τινες καὶ ἄλλαι σειρῆνες καὶ ὑδροφόροι
-τινὲς καὶ ἕτεραι πλάστιδες. Νίκανδρος δὲ ὑδροφορεῖν
-τοὺς κηφῆνάς φησι. περὶ δὲ τὴν τῶν Καππαδόκων 
-γῆν ἄνευ κηρίων τὸ μέλι τὰς μελίττας ἐργάζεσθαί
-φασι, παχὺ δὲ εἶναι τοῦτο κατὰ τὸ ἔλαιον λόγος
-ἔχει. ἐν Τραπεζοῦντι δὲ τῇ Ποντικῇ ἐκ τῆς πύξου
-γίνεσθαι μέλι πέπυσμαι, βαρὺ δὲ τὴν ὀσμὴν
-τοῦτο εἶναι, καὶ ποιεῖν μὲν τοὺς ὑγιαίνοντας ἔκφρονας, 
-τοὺς δὲ ἐπιλήπτους ἐς ὑγίειαν ἐπανάγειν αὖθις.
-ἐν Μηδίᾳ δὲ ἀποστάζειν τῶν δένδρων ἀκούω μέλι,
-ὡς Εὐριπίδης ἐν τῷ Κιθαιρῶνί φησιν ἐκ τῶν κλάδων
-γλυκείας σταγόνας ἀπορρεῖν. γίνεσθαι δὲ καὶ ἐν Θράκῃ
-μέλι ἐκ τῶν φυτῶν ἤκουσα. ἐν δὲ Μυκόνῳ μέλιττα 
-οὐ γίνεται, ἀλλὰ καὶ ἔξωθεν κομισθεῖσα ἀποθνήσκει.
-</p>
-</div2>
-<div2 type="chapter" n="43">
-<p>περὶ τὸν Ὕπανιν ποταμὸν γίνεσθαι τὸ ζῷον τὸ 
-μονήμερον οὕτω καλούμενον Ἀριστοτέλης φησί, τικτόμενον
-μὲν ἅμα τῷ κνέφει, ἀποθνῆσκον δὲ ἐπὶ δυσμὰς
-ἡλίου τρεπομένου. 
-</p>
-</div2>
-<div2 type="chapter" n="44">
-<p>ἔχει δὲ τὸ δῆγμα ἡ σηπία ἰῶδες καὶ τοὺς ὀδόντας 
-ἰσχυρῶς ὑπολανθάνοντας. ἦν δὲ ἄρα δηκτικὸν
-καὶ ὁ ὀσμύλος καὶ ὁ πολύπους· καὶ δάκοι μὲν ἂν
-οὗτος σηπίας βιαιότερον, τοῦ δὲ ἰοῦ μεθίησιν ἧττον.
-</p>
-</div2>
-<div2 type="chapter" n="45">
-<p>τὸν σῦν τὸν ἄγριόν φασι μὴ πρότερον ἐπί τινα 
-φέρεσθαι πρὶν ἢ τοὺς χαυλιόδοντας ὑποθῆξαι· μαρτυρεῖ
-δὲ ἄρα καὶ Ὅμηρος τοῦτο λέγων
-<pb id="p.130"/>
-θήξας λευκὸν ὀδόντα μετὰ γναμπτῇσι γένυσσιν.
-παχύνεσθαι δὲ τὸν σῦν ἀκούω μάλιστα μὴ λούμενον,
-ἀλλὰ ἐν τῷ βορβόρῳ διατρίβοντά τε καὶ στρεφόμενον
-καὶ πίνοντα ὕδωρ τεθολωμένον, καὶ ἡσυχίᾳ καὶ στέγῃ
-σκοτωδεστέρᾳ χαίροντα καὶ τροφαῖς ὅσαι φυσωδέστεραί
-τέ εἰσι καὶ ὑποπλῆσαι δύνανται. καὶ Ὅμηρος
-δὲ ἔοικε ὑποδηλοῦν ταῦτα. περὶ μὲν οὖν τοῦ καλινδεῖσθαι
-αὐτοὺς καὶ φιληδεῖν τοῖς ῥυπαρωτέροις τέλμασι
-<gap/> λέγων σύες χαμαιευνάδες· ὅτι δὲ τῷ τεθολωμένῳ
-ὕδατι πιαίνονται <gap/> φησὶ 
-<quote rend="blockquote">
-<lb/>μέλαν ὕδωρ
-<lb/>πίνουσαι, τά θʼ ὕεσσι τρέφει τεθαλυῖαν ἀλοιφήν.
-</quote>
-ὅτι δὲ χαίρουσι τῷ σκότῳ διὰ τούτων ἐλέγχει
-<quote rend="blockquote">
-<lb/>πέτρῃ ὕπο γλαφυρῇ εὗδον Βορέω ὑπʼ ἰωγῇ.
-</quote>
-τὸ δὲ φυσῶδες αἰνίττεται τῆς τροφῆς ὅταν λέγῃ βάλανον
-μενοεικέα ἐσθίειν αὐτάς. εἰδὼς δὲ ἄρα
-Ὅμηρος ὡς καὶ ἰσχναίνεται καὶ ἐπιτρίβει τὰ κρέα ὗς
-ὁρῶν τὸν θῆλυν, πεποίηκε τοὺς ἄρρενας ἰδίᾳ καθεύδοντας
-καὶ τὰς θηλείας ἰδίᾳ. ἐν Σαλαμῖνι δὲ χλωροῦ
-σίτου καὶ ληίου κομῶντος ἐὰν σῦς ἐμπεσοῦσα
-ἀποκείρῃ, νόμος ἐστὶ Σαλαμινίων τοὺς ὀδόντας ἐκτρίβειν
-αὐτῆς. καὶ τοῦτο εἶναι τὸ παρʼ Ὁμήρῳ συὸς
-ληιβοτείρης φασίν. οἳ δὲ ἑτέρως νοοῦσι, καὶ λέγουσι
-χλωροῦ σίτου τὴν ὗν γευσαμένην ἀσθενεῖς
-ἔχειν τοὺς ὀδόντας.
-</p>
-</div2>
-<div2 type="chapter" n="46">
-<p> ἔδωκε δὲ ἄρα ἡ φύσις ταῖς κυσὶ τραυμάτων
-ἀντίπαλον πόαν. εἰ δὲ ἕλμινθες αὐτὰς λυποῖεν, τοῦ
-σίτου τὸ καλούμενον λήιον ἐσθίουσαι ἐκκρίνουσιν
-αὐτάς. λέγονται δὲ καὶ ὅταν δέωνται τὴν γαστέρα
-<pb id="p.131"/>
-ἑκατέραν κενῶσαι πόαν τινὰ ἐσθίειν, καὶ τὸ μέν τι
-τῆς τροφῆς τὸ ἐπιπολάζον ἀνεμεῖν, τὰ δὲ περιττὰ
-κάτωθεν ἐκκρίνεσθαι αὐταῖς φασιν. ἐντεῦθεν καὶ
-τὸ συρμαΐζειν Αἰγύπτιοι λέγονται μαθεῖν. πέρδικες
-δὲ καὶ πελαργοὶ τρωθέντες καὶ φάτται τὴν ὀρίγανον, 
-ὡς λόγος, διατρώγουσιν, εἶτα τοῖς τραύμασιν ἐντιθέντες
-ἀκοῦνται τὸ σῶμα καὶ μέντοι καὶ τῆς ἀνθρώπων
-ἰατρικῆς δέονται οὐδὲ ἕν.
-</p>
-</div2>
-<div2 type="chapter" n="47">
-<p>οὐ δεήσομαι ἐνταῦθα μάρτυρος πρεσβυτέρου, 
-ἃ δὲ αὐτὸς ἔγνων ἐρῶ. σαῦρον τῶν χλωρῶν μὲν 
-ὑπεράγαν, ἁδροτέρων δὲ τὴν ἕξιν συλλαβὼν ἀνὴρ
-καὶ κέντρῳ πεποιημένῳ χαλκοῦ πείρας εἶτα τυφλώσας
-τὸν σαῦρον καὶ χύτραν κεραμέαν τῶν νεωστὶ
-εἰργασμένων διατρήσας πάνυ λεπταῖς ὀπαῖς, ὡς μὴ
-εἴργειν μὲν τὸ πνεῦμα, οὐ μὴν ἐκείνῳ παρασχεῖν 
-ἔκδυσιν, καὶ γῆν ἐγχέας καὶ μάλα ἔνδροσον, καὶ τὸ
-θηρίον ἐμβαλὼν καὶ πόαν τινὰ ἧς οὐκ εἶπε τὸ ὄνομα
-καὶ δακτύλιον σιδήρου πεποιημένον καὶ ἔχοντα λίθον
-γαγάτην, ᾧπερ οὖν ἐνείργαστο γλύμμα σαῦρος, τὴν
-μὲν χύτραν ἐπηλύγασεν, ἐννέα ἐμπλάσας σημεῖα, ὧν 
-ἀφῄρει σφραγῖδα ἐφʼ ἡμέρας ἐννέα. καὶ τὴν ἐπὶ
-πάσαις ἀφανίσας ἀνοίγει τὸ σκεῦος, καὶ ἔγωγε εἶδον
-τὸν σαῦρον ἐμβλέποντα, καὶ εὐωποτάτους τοὺς ὀφθαλμοὺς
-τοὺς τέως πεπηρωμένους εἶχε. καὶ τὸν μέν,
-ἔνθεν ᾑρέθη, ἐνταῦθα ἀπελύσαμεν, δακτύλιον δὲ 
-ἐκεῖνον ὁ ἀνὴρ ὁ ταῦτα δράσας ὀφθαλμοῖς ἀγαθὸν ἔφασκεν εἶναι.
-</p>
-</div2>
-<div2 type="chapter" n="48">
-<p>ἐμοὶ δὲ αἴσχιστον δοκεῖ, ὦ ἄνθρωποι, φιλίαν μὲν 
-τοῖς ζῴοις πρὸς ἄλληλα εἶναι, μὴ μόνοις τοῖς συννόμοις
-αὐτῶν μηδὲ μὴν τοῖς ὁμογενέσιν, ἤδη δὲ καὶ 
-τοῖς μηδὲν προσήκουσί σφισι κατὰ τὸ κοινὸν γένος.
-ταῖς γοῦν αἰξὶν αἱ οἶς φίλιαι, περιστερᾷ δὲ πρὸς τρυγόνα
-<pb id="p.132"/>
-φιλία, φίλα δὲ ἀλλήλοις νοοῦσι φάτται τε καὶ
-πέρδικες, ἀλκυόνα δὲ καὶ κηρύλον ποθοῦντε ἀλλήλω
-πάλαι ἴσμεν, κορώνην τε ἐρωδιῷ φίλα νοεῖν καὶ λάρον
-τῷ καλουμένῳ κολοιῷ καὶ ἰκτίνῳ ἅρπην. πολεμοῦσι
-δὲ αἰώνιον πόλεμον καὶ ἄσπονδον ὡς εἰπεῖν
-κορῶναί τε καὶ γλαῦκες· πολέμιοι δὲ ἄρα εἰσὶν ἰκτῖνός
-τε καὶ κόραξ, καὶ πυραλλὶς πρὸς τρυγόνα, καὶ
-βρένθος καὶ λάρος, πάλιν τε ὁ χλωρεὺς πρὸς τρυγόνα,
-καὶ αἰγυπιοὶ καὶ ἀετοί, καὶ κύκνοι καὶ δράκοντες,
-καὶ πρὸς βουβαλίδας καὶ ταύρους λέοντες. ἔχθιστα
-δὲ ἄρα ἐλέφας καὶ δράκων ἦν, καὶ πρὸς
-ἀσπίδα ὁ ἰχνεύμων, ὁ δὲ αἴγιθος τῷ ὄνῳ· ὃ μὲν
-γὰρ ὠγκήσατο, ῥήγνυται δὲ τῷ αἰγίθῳ τὰ ᾠά, καὶ
-οἱ νεοττοὶ ἐκπίπτουσιν ἀτελεῖς· ὃ δὲ τιμωρῶν τοῖς
-τέκνοις ἐπιπηδᾷ τῶν ὄνων τοῖς ἕλκεσι, καὶ ἐσθίει
-αὐτά. μισεῖ δὲ ἀλώπηξ κίρκον καὶ ταῦρος κόρακα,
-καὶ ὁ ἄνθος τὸν ἵππον. χρὴ δὲ εἰδέναι τὸν πεπαιδευμένον
-καὶ μηδὲν μάτην ἀκούοντα ὅτι καὶ δελφὶς
-φαλαίνῃ διάφορος, λάβρακές γε μὴν κεστρεῦσι, μύραιναι
-δὲ γόγγροις, καὶ ἄλλα ἄλλοις.
-</p>
-</div2>
-<div2 type="chapter" n="49">
-<p> αἱ ἄρκτοι τῶν θηρατῶν τοὺς ἐς στόμα πεσόντας
-καὶ τὸ πνεῦμα ἐς ἑαυτοὺς ὤσαντας ὀσφρησάμεναι ὡς
-νεκροὺς παραλιμπάνουσι, καὶ δοκεῖ τοῦτο τὸ ζῷον
-νεκρὸν βδελύττεσθαι. μισοῦσι δὲ καὶ οἱ μύες τοὺς
-ἐν ταῖς ἑαυτῶν διαίταις καὶ καταδρομαῖς ἀποθανόντας,
-καὶ μέντοι καὶ χελιδὼν ἐκβάλλει χελιδόνα νεκράν.
-μύρμηκες δέ, καὶ ἐκείνοις ἐκφορᾶς νεκρῶν
-μέλειν καὶ καθαίρειν τοὺς σφετέρους χηραμοὺς ἡ
-σοφωτάτη φύσις ἔδωκεν, ἐπεὶ καὶ τοῦτο ἴδιον τῶν
-ἀλόγων, τὰ ὁμογενῆ τε καὶ ὁμοφυᾶ τεθνεῶτα τῶν
-ὀφθαλμῶν ἀποφέρειν θᾶττον. λέγουσι δὲ Αἰθιόπων
-λόγοι αἱμυλίας τε καὶ κόμπου Ἑλληνικοῦ ἄγευστοι
-<pb id="p.133"/>
-ὅτι ἄρα ἐλέφαντα θεασάμενος ἐλέφας νεκρὸν οὐκ ἂν
-παρέλθοι μὴ τῇ προβοσκίδι γῆν ἀρυσάμενος καὶ ἐπιβαλών,
-ὡς ὁσίαν τινὰ ἀπόρρητον ὑπὲρ τῆς φύσεως
-τῆς κοινῆς ἐκτελῶν· εἶναι γὰρ τὸ μὴ δρᾶσαι τοῦτο
-ἐναγές. ἀπόχρη δέ οἱ καὶ κλάδον ἐπιβαλεῖν, καὶ 
-ἄπεισι τὸ κοινὸν ἁπάντων τέλος μὴ ἀτιμάσας. ἀφῖκται
-δὲ λόγος ἐς ἡμᾶς καὶ ἐκεῖνος. ὅταν ἐλέφαντες
-ἀποθνήσκωσιν ἐκ τραυμάτων, ἢ βληθέντες ἐν πολέμῳ
-ἢ ἐν θήρᾳ παθόντες τοῦτο, τῆς πόας τῆς παρατυχούσης
-ἢ τῆς κόνεως τῆς ἐν ποσὶν ἀνελόμενοι, ἐς 
-τὸν οὐρανὸν ἀναβλέπουσι καὶ βάλλουσί τι τῶν προειρημένων,
-καὶ φωνῇ τῇ σφετέρᾳ κινύρονταί τε καὶ
-ποτνιῶνται, ὥσπερ οὖν τοὺς θεοὺς μαρτυρόμενοι ἐφʼ
-οἷς ἐκδίκως τε καὶ ἐκνόμως ὑπομένουσιν.
-</p>
-</div2>
-<div2 type="chapter" n="50">
-<p>ἴδια δὲ ἄρα τῶν ζῴων καὶ ταύτῃ δήπου καταγνῶναι 
-πάρεστι. τοὺς γοῦν ὄρνεις τοὺς ἠθάδας καὶ
-τοὺς ἐν ποσὶ τρεφομένους τε καὶ ἐξεταζομένους ὁρῶμεν
-ἵππους καὶ ὄνους καὶ βοῦς καὶ καμήλους θαρροῦντας·
-εἰ δὲ καὶ ἐλέφαντί που πράῳ καὶ ἡμέρῳ
-συντρέφοιντο, οἳ δὲ οὐκ ὀρρωδοῦσιν, ἀλλὰ καὶ διʼ αὐτῶν ἐκείνων ἔρχονται. ἤδη δὲ ἀλεκτρυόνες καὶ
-ἐπὶ τὰ νῶτα αὐτῶν ἀναπέτονται· τοσοῦτον αὐτοῖς
-τοῦ θάρσους περίεστι καὶ τοῦ ἀδεοῦς. πτοίαν δὲ
-αὐτοῖς ἐντίθησι καὶ δέος ἰσχυρὸν γαλῆ παραδραμοῦσα.
-καὶ μυκήσεων μὲν καὶ ὀγκήσεων οὐ ποιοῦνται 
-ὤραν, κρίξασαν δὲ ἄρα μόνον πεφρίκασι τὴν
-προειρημένην. χηνῶν δὲ καὶ κύκνων καὶ στρουθῶν
-τῶν μεγάλων ἤ τι ἢ οὐδὲν φροντίζουσιν, ἱέρακα δὲ
-βραχύτατον ὄντα ὀρρωδοῦσιν. ὁ δὲ ἀλεκτρυὼν ᾅσας
-φοβεῖ μὲν λέοντα, ἀναιρεῖ δὲ βασιλίσκον· οὐ μὴν 
-φέρει οὔτε αἰλούρους οὔτε ἰκτίνους. αἱ δὲ περιστεραὶ
-<pb id="p.134"/>
-ἀετῶν μὲν κλαγγὴν καὶ γυπῶν θαρροῦσι, κίρκων
-δὲ καὶ ἁλιαέτων οὐκέτι.
-ἡ δὲ ποίμνη καὶ ὁ ἔριφος καὶ πώλιον πᾶν ἐπὶ
-τὰς μητρῴας θηλὰς ἔρχεται γεννηθέντα παραχρῆμα,
-καὶ μέντοι καὶ τῶν οὐθάτων σπῶντα ἐμπίπλαται·
-πολυπραγμονεῖ δὲ τὸ τεκὸν οὐδὲ ἕν, ἀλλὰ ἕστηκεν.
-ὕπτια δὲ παραβάλλει τὰς θηλὰς τοῖς βρέφεσι τὰ σχιζόποδα
-πάντα, λύκοι καὶ κύνες καὶ λέαιναι καὶ παρδάλεις.
-</p>
-</div2>
-<div2 type="chapter" n="51">
-<p> Πολυφωνότατα δὲ τὰ ζῷα καὶ πολύφθογγα ὡς
-ἂν εἴποις ἡ φύσις ἀπέφηνεν, ὥσπερ οὖν καὶ τοὺς
-ἀνθρώπους. ὁ γοῦν Σκύθης ἄλλως φθέγγεται καὶ
-ὁ Ἰνδὸς ἄλλως, καὶ ὁ Αἰθίοψ ἔχει φωνὴν συμφυᾶ
-καὶ οἱ Σάκαι· φωνὴ δὲ Ἑλλὰς ἄλλη, καὶ Ῥωμαία
-ἄλλη. οὕτω τοι καὶ τὰ ζῷα ἄλλο ἄλλως προΐεται τὸν
-συγγενῆ τῆς γλώττης ἦχόν τε καὶ ψόφον· τὸ μὲν
-γὰρ βρυχᾶται, μυκᾶται δὲ ἄλλο, καὶ χρεμέτισμα ἄλλου
-καὶ ὄγκησις ἄλλου βληχηθμός τε καὶ μηκασμός,
-καί τισι μὲν ὠρυγμός, τισὶ δὲ ὑλαγμὸς φίλον, καὶ
-ἄλλῳ ἀρράζειν· κλαγγαὶ δὲ καὶ ῥοῖζοι καὶ κριγμοὶ
-καὶ ᾠδαὶ καὶ μελῳδίαι καὶ τραυλισμοὶ καὶ μυρία
-ἕτερα δῶρα τῆς φύσεως ἴδια τῶν ζῴων ἄλλα ἄλλων.
-</p>
-</div2>
-<div2 type="chapter" n="52">
-<p> ἀνὰ τὴν χώραν τὴν Αἰγυπτίαν ἀσπίδες φωλεύουσι
-τοῦ Νείλου πλησίον ἐπὶ τῆς ὄχθης ἑκατέρας.
-καὶ τὸν μὲν ἄλλον χρόνον φιλοχωροῦσι καὶ ἀγαπῶσιν,
-ὡς τὰς οἰκίας τὰς σφετέρας οἱ ἄνθρωποι·
-μέλλοντος δὲ τοῦ ποταμοῦ κατὰ τὴν ὥραν τὴν θέρειον
-ἀναπλεῖν, πρὸ τριάκοντά που ἡμερῶν αἱ προειρημέναι
-ἀσπίδες μετοικίζονται ἐς τὰ ἀπωτέρω τοῦ Νείλου
-χωρία, καὶ τοὺς ὄχθους τοὺς ὑπερέχοντας ἐσέρπουσι,
-καὶ μέντοι καὶ τὰ σφῶν αὐτῶν ἔκγονα ἐπάγονται,
-δῶρον τοῦτο ἴδιον λαχοῦσαι παρὰ τῆς φύσεως
-<pb id="p.135"/>
-εἰδέναι ποταμοῦ τοσούτου καὶ οὕτως ἐργατικοῦ τὴν
-ἀνὰ πᾶν ἔτος ἐπιδημίαν, καὶ τὴν ἐξ αὐτοῦ κατάληψίν
-τε καὶ λύμην φυλάττεσθαι. καὶ αἱ χελῶναι
-δὲ καὶ οἱ καρκίνοι καὶ οἱ κροκόδειλοι τὰ ᾠὰ κατὰ τὴν
-ὥραν τὴν αὐτὴν μετακομίζουσιν ἐς τὰ ἄβατα τῷ ποταμῷ 
-καὶ ἀνέφικτα· καὶ ἐντεῦθεν ἤδη λογίζονται οἱ
-ἐντυγχάνοντες τοῖς τῶν προειρημένων ᾠοῖς ὁ Νεῖλος
-ἀνελθὼν ἐς πόσον ἐπαρδεύσει σφίσι τὴν γῆν.
-</p>
-</div2>
-<div2 type="chapter" n="53">
-<p>οἱ ἵπποι οἱ ποτάμιοι τοῦ Νείλου μέν εἰσι τρόφιμοι· 
-ὅταν δὲ τὰ λήια ἐνακμάζῃ καὶ ὦσιν οἱ στάχυες 
-ξανθοί, οὐκ ἂρχονται παραχρῆμα κείρειν αὐτοὺς
-καὶ ἐσθίειν, ἀλλὰ παραμείβοντες ἔξωθεν τὸ λήιον
-στοχάζονται πόσον αὐτοὺς ἐμπλήσει μέτρον, εἶτα λογισάμενοι
-τὸ ἀποχρῆσον σφίσιν ἐμπίπτουσι καὶ ἀναχωροῦσιν
-ἐπὶ πόδα ἐμπιπλάμενοι, τὸ ῥεῦμα τοῦ ποταμοῦ 
-κατὰ νώτου λαβόντες. πεφιλοσόφηται δὲ ἄρα
-τοῦτο αὐτοῖς, ἵνα εἴ τινες τῶν γεωργῶν ἐπίοιεν ἀμυνούμενοι,
-οἳ δὲ ἐκ τοῦ ῥᾴστου ἐς τὸ ὕδωρ καταδραμεῖν
-ἔχοιεν, τοὺς πολεμίους ἀντιπροσώπους, ἀλλὰ
-οὐκ ὄπισθεν οἱ ἵπποι οὗτοι δοκεύοντες. 
-</p>
-</div2>
-<div2 type="chapter" n="54">
-<p>ἐν τῇ Μαυρουσίᾳ γῇ αἱ παρδάλεις τοῖς πιθήκοις 
-οὐ κατὰ τὸ καρτερὸν οὐδὲ ὅπως ἂν ἔχωσιν ἀλκῆς τε
-καὶ ῥώμης ἐπιτίθενται. τὸ δὲ αἴτιον, οὐ χωροῦσιν
-ὁμόσε, ἀλλὰ ἀποδιδράσκουσιν αὐτὰς καὶ ἐπὶ τὰ δένδρα
-ἀναθέουσι καὶ ἐκεῖ κάθηνται, τὴν ἐξ ἐκείνων 
-ἐπιβουλὴν φυλαττόμενοι. ἦν δὲ ἄρα ἡ πάρδαλις καὶ
-τοῦ πιθήκου δολερώτερον. οἵας γοῦν ἐπʼ αὐτοῖς παλαμᾶταί
-τε καὶ ῥάπτει τὰς πάγας. ὅπου πλῆθος πιθήκων
-κάθηνται, ἐνταῦθα ἐλθοῦσα ἑαυτὴν ὑπέρριψε
-τῷ δένδρῳ, καὶ κεῖται κατὰ τοῦ δαπέδου ὑπτία, καὶ 
-τὴν μὲν γαστέρα διώγκωσε, παρῆκε δὲ τὰ σκέλη, τὼ
-δὲ ὀφθαλμὼ κατέμυσε, πιέζει γε μὴν τὸ ἆσθμα, καὶ
-<pb id="p.136"/>
-κεῖται νεκρὰ δή. οἳ δὲ ἄνωθεν τὴν ἐχθίστην ἰδόντες
-τεθνάναι νομίζουσιν αὐτήν, καὶ ὃ μάλιστα βούλονται,
-τοῦτο καὶ οἴονται. οὐ μὴν θαρροῦσιν ἤδη, ἀλλὰ πεῖραν
-καθιᾶσι, καὶ ἔστιν ἡ πεῖρα, ἕνα ἑαυτῶν τὸν δοκοῦντα
-ἀδεέστατον καταπέμπουσι, βασανίσοντα καὶ
-κατασκεψόμενον τὸ τῆς παρδάλεως πάθος. ὃ δὲ κάτεισιν
-οὐ παντελῶς ἀδεής, ἀλλὰ ὀλίγον καταδραμὼν
-εἶτα ὑπέστρεψεν, τοῦ φόβου ἀναστείλαντος αὐτόν·
-καὶ κατῆλθε πάλιν, καὶ πλησίον γενόμενος ἀνεχώρησε,
-καὶ ὑπέστρεψεν αὖθις, καὶ τὼ ὀφθαλμὼ κατεσκέψατο,
-καὶ τὸ πνεῦμα εἰ μεθίησιν ἐξήτασεν. ἣ δὲ
-ἀτρεμοῦσα καὶ μάλα ἐγκρατῶς ἐντίθησίν οἱ τὸ κατὰ
-μικρὰ ἀδεές. προσελθόντος δὲ καὶ παραμένοντος
-ἀπαθοῦς καὶ οἱ μετέωροι πίθηκοι θαρροῦσιν ἤδη, καὶ
-καταδραμόντες ἔκ τε ἐκείνου τοῦ δένδρου καὶ τῶν
-ἄλλων ὅσα πλησίον παραπέφυκεν, ἀθρόοι γενόμενοι
-περιέρχονταί τε καὶ περιχορεύουσιν αὐτήν. εἶτα ἐμπηδήσαντες
-αὐτῇ καὶ ἐπιβάντες κατεκυβίστησαν καὶ
-κατωρχήσαντο κέρτομόν τινα καὶ πιθήκοις πρέπουσαν
-ὄρχησιν, καὶ ποικίλως ἐνυβρίσαντες, ἣν ἔχουσιν
-ὡς ἐπὶ νεκρᾷ χαρὰν καὶ ἡδονὴν ἐμαρτύραντο. ἣ δὲ
-ὑπέμεινε πάντα, εἶτα ὅταν ἐννοήσῃ κεκμηκέναι ὑπό
-τε τῆς χορείας αὐτοὺς καὶ τῆς ὕβρεως, ἀδοκήτως
-ἀναπηδήσασα καὶ ἐσθοροῦσα τοὺς μὲν τοῖς ὄνυξι
-διέξηνε, τοὺς δὲ τοῖς ὀδοῦσι διεσπάσατο, καὶ τὴν ἐκ
-τῶν πολεμίων πανθοινίαν τε καὶ πανδαισίαν ἀφθονώτατα
-ἔχει. τλημόνως δὲ ἔχειν καὶ καρτερῶς καὶ γεννικῶς
-ἡ φύσις κελεύει τὴν πάρδαλιν ὑπὲρ τοῦ τῶν πολεμίων
-ἐνυβρισάντων περιγίνεσθαι καρτερικώτατα ἐναθλοῦσαν
-καὶ μὴ δεομένην εἰπεῖν τέτλαθι δὴ κραδίη.
-ὅ γε μὴν τοῦ Λαέρτου ἑαυτὸν ἐξεκάλυψεν ὀλίγου
-πρὸ τοῦ καιροῦ, τὴν ἐκ τῶν παιδισκῶν ὕβριν μὴ φέρων.
-<pb id="p.137"/>
-</p>
-</div2>
-<div2 type="chapter" n="55">
-<p>ἐν τοῖς Ἰνδοῖς οἱ ἐλέφαντες, ὅταν τι τῶν δένδρων 
-αὐτόρριζον ἀναγκάζωσιν αὐτοὺς οἱ Ἰνδοὶ ἐκσπάσαι,
-οὐ πρότερον ἐμπηδῶσιν οὐδὲ ἐπιχειροῦσι τῷ
-ἔργῳ πρὶν ἢ διασεῖσαι αὐτὸ καὶ διασκέψασθαι ἆρά
-γε ἀνατραπῆναι οἷόν τέ ἐστιν ἢ παντελῶς ἀδύνατον. 
-</p>
-</div2>
-<div2 type="chapter" n="56">
-<p>αἱ ἐν Σύροις ἔλαφοι γίνονται μὲν ἐν ὄρεσι μεγίστοις, 
-Ἀμανῷ τε καὶ Λιβάνῳ καὶ Καρμήλῳ· ὅταν
-δὲ βουληθῶσι περαιώσασθαι τὴν θάλατταν, ἐπὶ τὰς
-ᾐόνας ἀφικνοῦνται ἡ ἀγέλη, καὶ ἀναμένουσι τοῦ
-πνεύματος τὴν φθίσιν, καὶ ἡνίκα ἂν αἴσθωνται 
-πρᾶον αὐτὸ καὶ ἥσυχον καταπνέον, τηνικαῦτα ἐπιθαρροῦσι
-τῷ πελάγει. νέουσι δὲ κατὰ στοῖχον, καὶ
-ἀλλήλων ἔχονται, τὰ γένεια αἱ ἑπόμεναι τῶν προηγουμένων
-τῇ ὀσφύι ἐπερείδουσαι· ἡ τελευταία δὲ
-γενομένη τῇ πρόσθεν ἐπὶ πάσαις ἑαυτὴν ἐπαναπαύσασα 
-εἶτα οὐραγεῖ. στέλλονται δὲ ἐπὶ τὴν Κύπρον
-πόθῳ τῆς πόας τῆς ἐκεῖ· λέγεται γὰρ εἶναι βαθεῖα
-καὶ νομὰς ἀγαθὰς παρέχειν. καὶ λέγουσί γε Κύπριοι
-εὔγεων οἰκεῖν χῶρον, καὶ ταῖς Αἰγυπτίων ἀρούραις
-τολμῶσιν ἀντικρίνειν τὰς σφετέρας. ἔλαφοι δὲ καὶ 
-ἕτεραι τήνδε τὴν νῆξιν ἀποδείκνυνται. αἱ γοῦν
-Ἠπειρώτιδες ἐς τὴν Κέρκυραν διανήχονται, ἀντίπορθμοι
-δὲ ἀλλήλαις αἵδε εἰσίν.</p>
-</div2>
-</div1>
-<div1 type="book" n="6">
-<div2 type="chapter" n="1">
-<p>
-δέονται μὲν ἄνθρωποι λόγου τοῦ προτρέψοντος
-καὶ ἀναπείσοντος ἀγαθοὺς εἶναι καὶ τὴν μὲν δειλίαν
-διώξοντος, τὸ δὲ εὐθαρσὲς παρασκευάσοντος, ἀθληταὶ 
-μὲν ἐς τὰ στάδια, στρατιῶται δὲ ἐς τὰ ὅπλα· τὰ
-<pb id="p.138"/>
-δὲ ζῷα οὐ δεῖται τῆς ἔξωθεν ἐπιρρώσεως, ἑαυτοῖς
-δὲ παροξύνει τὴν ἀλκήν, καὶ ἑαυτὰ ἀνίστησι καὶ
-ἐγείρει. ὁ γοῦν σῦς μέλλων ἐς μάχην ἰέναι πρὸς
-ταῖς λείαις πέτραις τοὺς ὀδόντας ὑποθήγει. τοῦτό
-τοι καὶ Ὅμηρος τῷ ζῴῳ μαρτυρῶν δῆλός ἐστι. καὶ
-μέντοι καὶ ὁ λέων τῇ ἀλκαίᾳ ἑαυτὸν ἐπεγείρει μαστίζων,
-καὶ βλακεύειν καὶ ἐλινύειν οὐκ ἐπιτρέπει. καὶ
-τοῦτο δὲ ὁ ποιητὴς εἰδὼς ᾅδει περὶ τοῦ λέοντος. οἱ
-δὲ ἐλέφαντες τῇ προβοσκίδι ἑαυτοὺς παίουσιν ἐς τὸν
-ἀγῶνα ἐξάπτοντες, ὅταν τούτου ᾖ καιρός, καὶ οὐ δέονται
-τοῦ προσᾴσοντος καὶ ἐροῦντος οὐχ ἕδρας
-ἔργον οὐδʼ ἀμβολᾶς, οὐδὲ μὴν τὰ Τυρταίου μέτρα
-ἀναμένουσι. ταῦρος δὲ ἡγεμὼν τῆς ἀγέλης ὅταν ἡττηθῇ
-ἡγεμόνος ἄλλου, ἑαυτὸν ἀποκρίνει ἐς χῶρον
-ἕτερον, καὶ ἑαυτῷ γίνεται γυμναστής, καὶ ἀθλεῖ πᾶσαν
-ἄθλησιν κονιόμενος καὶ τοῖς δένδροις τὰ κέρατα
-προσανατρίβων καὶ τῇ τε ἄλλῃ ἑαυτὸν ἐς τὴν ἄσκησιν
-τῆς ἀλκῆς ῥυθμίζων καὶ οὖν καὶ ἀφροδίτης ἀπεχόμενος
-καὶ σωφρονῶν ὡς Ἴκκος ὁ Ταραντῖνος, ὅνπερ
-οὖν ὑμνεῖ Πλάτων ὁ τοῦ Ἀρίστωνος παρὰ τὸν
-τῆς ἀθλήσεως χρόνον πάντα συνουσίας ἀμαθῆ καὶ
-ἄπειρον διαμεῖναι ἁπάσης. καὶ Ἴκκῳ μὲν ὄντι ἀνθρώπῳ
-καὶ Ὀλυμπίων ἐρῶντι καὶ Πυθίων καὶ κλέους
-αἰσθανομένῳ καὶ δόξης γλιχομένῳ οὐδὲν μέγα ἦν
-κεκολασμένως καθεύδειν καὶ σωφρόνως· τὰ γὰρ
-ἆθλά οἱ κλεινὰ καὶ ἦν καὶ ἐδόκει, κότινος Ὀλυμπικὸς
-καὶ Ἰσθμικὴ πίτυς καὶ δάφνη Πυθική, καὶ ζῶντα
-μὲν περιβλέπεσθαι, ἀποθανόντα δὲ εὐφημεῖσθαι. καὶ
-μέντοι καὶ τὸν κιθαρῳδὸν Ἀμοιβέα ἀκούω γῆμαι μὲν
-ὡραιοτάτην γυναῖκα, ἀποσχέσθαι δὲ αὐτῆς παρὰ
-πάντα τὸν χρόνον, παρʼ ὃν ἀγωνιούμενος ἐς τὰ θέατρα
-ᾔει. Διογένης δὲ ὁ τῆς τραγῳδίας ὑποκριτὴς
-<pb id="p.139"/>
-τὴν ἀκόλαστον κοίτην ἀπείπατο παντελῶς πᾶσαν.
-Κλειτόμαχος δὲ ὁ παγκρατιαστὴς καὶ κύνας εἴ ποτε
-εἶδε μιγνυμένους, ἀπεστρέφετο, καὶ ἐν συμποσίῳ δὲ
-εἰ λόγον ἀκόλαστον ἤκουσε καὶ ἀφροδίσιον, ἐξαναστὰς
-ἀπηλλάττετο. ἀνθρώπους δὲ ὄντας ποιεῖν ταῦτα 
-ἢ ὑπὲρ τοῦ κερδᾶναι χρήματα ἢ ὑπὲρ τοῦ φήμης καὶ
-κλέους μεταλαχεῖν, οὐ πάνυ τι θαυμαστόν· ταύρῳ
-δὲ νικῶντι ταῦρον ἀντίπαλον ποῖα μὲν κηρύγματα,
-ὦ παῖ Ἀρίστωνος, ἀποκηρύττουσι, ποῖα δὲ ἆθλα ἀποκρίνουσιν; 
-</p>
-</div2>
-<div2 type="chapter" n="2">
-<p>τὰ ἄλογα καὶ τῶν συνήθων σφίσι γενομένων 
-ἀπέχεσθαι φιλεῖ καὶ φείδεσθαι πολλάκις. ἀκούω
-γοῦν τὸν λόγον ἐκεῖνον. πάρδαλιν ἐκ νηπίου θηρατὴς
-ἀνὴρ ἡμερώσας εἶχεν, οἷα δήπου φίλην ἢ ἐρωμένην
-ἀγαπῶν καὶ περιέπων ἰσχυρῶς. οὐκοῦν ἔριφον 
-αὐτῇ φέρων ζῶντα ἐδίδου, τροφὴν ἐν ταὐτῷ καὶ ἡδονήν
-τινα ἐπινοήσας τῷ θηρίῳ ἐν τῷ διασπᾶν τὸν
-ἔριφον, ἀλλὰ μὴ δοκεῖν ἐσθίειν κενέβρειόν τε καὶ
-θνησείδιον. καὶ δὴ κομισθέντος τοῦ ἐρίφου ἣ δὲ
-ἐγκρατῶς ἔσχε, δεομένη ἀπόσιτος εἶναι διὰ πλησμονήν. 
-ἔδρασε δὲ καὶ τῇ δευτέρᾳ τοῦτο· ἐδεῖτο γὰρ
-ἔτι ὡς φαρμάκου τοῦ λιμοῦ. τῆς δὲ τρίτης ἐπιστάσης
-ἡμέρας ἐπείνη μὲν καὶ συνήθως ἐπεδείκνυτο
-τοῦτο τῷ φθέγματι, οὐ μὴν τοῦ ἐρίφου γενομένου
-δύο ἡμερῶν ἑαυτῇ φίλου ἔτι προσήψατο, ἀλλὰ ἐκεῖνον 
-μὲν εἴασεν, ἄλλον δὲ ἔλαβεν. ἄνθρωποι δὲ καὶ
-ἀδελφοὺς προύδοσαν καὶ τοὺς γειναμένους καὶ φίλους
-ἀρχαίους, καὶ πολλοὶ πολλάκις.
-</p>
-</div2>
-<div2 type="chapter" n="3">
-<p>ἡ ἄρκτος ὅτι τίκτει σάρκα ἄσημον εἶτα τῇ γλώττῃ 
-διαρθροῖ αὐτὴν καὶ οἱονεὶ διαπλάττει, ἄνω που λέλεκται. 
-ὃ δὲ οὐκ εἶπον ἤδη, τοῦτο εἰρήσεται νῦν, καὶ
-μάλα ἐν καλῷ. χειμῶνος μὲν ἀποτίκτει, καὶ φωλεύει
-<pb id="p.140"/>
-τεκοῦσα, καὶ ὑφορωμένη τοὺς κρυμοὺς τὴν ἐπιδημίαν
-τοῦ ἦρος προσμένει, οὐδʼ ἂν πρὶν ἢ πληρωθῆναι
-τρεῖς μῆνας ἐξαγάγοι ποτὲ τὰ βρέφη. ὅταν δὲ αἴσθηται
-ἑαυτῆς πεπλησμένης, ὑφορωμένη τοῦτο ὡς νόσον,
-ζητεῖ φωλεόν. ἔνθεν τοι καὶ κέκληται τῇ ἄρκτῳ φωλεία
-τὸ πάθος. εἶτα ἐσέρχεται οὐ βαδίζουσα, ἀλλὰ
-ὑπτία, ἀφανίζουσα τοῖς θηραταῖς τὰ ἴχνη· ἑαυτὴν
-γὰρ ἐπισύρει κατὰ τὰ νῶτα. καὶ παρεσελθοῦσα ἡσυχάζει,
-καὶ τρόπον τινὰ τὴν ἕξιν ῥινᾷ, καὶ δρᾷ τετταράκοντα
-ἡμερῶν αὐτό. καὶ λέγει μὲν Ἀριστοτέλης
-ὅτι ἄρα δὶς ἑπτὰ ἡμερῶν ἀκίνητος μένει καὶ ἀτρεμεῖ,
-τῶν δὲ ἄλλων στρέφεται μόνον. ἄσιτος δὲ ἄρα διαμένει
-τῶν τετταράκοντα πασῶν καὶ ἄτροφος, ἀπόχρη
-δὲ αὐτῇ τὴν δεξιὰν περιλιχμᾶσθαι. ἐκ δὲ τῆς συντήξεως
-τῆς ἄγαν συνέπτυκται τὸ ἔντερον αὐτῇ καὶ
-συνῆλθεν. ὅπερ εἰδυῖα, ὅταν προέλθῃ, τοῦ καλουμένου
-ἄρου τοῦ ἀγρίου ἐσθίει· τὸ δὲ ἄρα φυσῶδες
-ὂν διίστησιν αὐτῇ τὸ ἔντερον, καὶ εὐρύνει αὐτό, καὶ
-ἀποφαίνει τροφῆς δεκτικόν. ὅταν δὲ αὖ πάλιν ᾖ πεπληρωμένη,
-μυρμήκων ἐσθίει, καὶ κενοῦται ῥᾷστα.
-κενώσεις μὲν δὴ φυσικαὶ τῶν ἄρκτων καὶ πληρώσεις
-ἐς δέον εἴρηνταί μοι μήτε ἰατρῶν μήτε συγκραμάτων,
-ὦ ἄνθρωποι, δεόμεναι.
-</p>
-</div2>
-<div2 type="chapter" n="4">
-<p> οἱ δράκοντες ὅταν ὀπώρας μέλλωσι γεύεσθαι,
-τῆς πικρίδος καλουμένης ῥοφοῦσι τὸν ὀπόν· ὀνίνησι
-δὲ ἄρα αὐτοὺς αὕτη πρὸς τὸ μὴ φύσης τινὸς ὑποπίμπλασθαι.
-μέλλοντες δέ τινα ἐλλοχᾶν ἢ ἄνθρωπον
-ἤ θῆρα, τὰς θανατηφόρους ῥίζας ἐσθίουσι καὶ τὰς
-πόας μέντοι τὰς τοιαύτας. οὐκ ἦν δὲ ἄρα οὐδὲ Ὅμηρος
-αὐτῶν τῆς τροφῆς ἀμαθής. λέγει γοῦν ὅπως ἄνδρα
-μένει περὶ τὸν φωλεὸν εἰλούμενος, προεμπλησθεὶς
-σιτίων πολλῶν φαρμακωδῶν καὶ κακῶν.
-<pb id="p.141"/>
-</p>
-</div2>
-<div2 type="chapter" n="5">
-<p>οἱ ἔλαφοι τὰ κέρατα ἀποβαλόντες ἐσδύνονται 
-παρελθόντες ἐς τὰς λόχμας, τοὺς ἐπιόντας σφίσι φυλαττόμενοι,
-καὶ εἰκότως· ἔρημοι γὰρ τῶν ἀμυντηρίων
-ὄντες ἀφῃρῆσθαι καὶ τὴν ἀλκὴν πεπιστεύκασιν
-ἐν τῷ τέως. λέγονται δὲ καὶ φυλάττεσθαι μή ποτε 
-ἄρα νεαροῖς οὖσιν αὐτῶν τοῖς στελέχεσιν εἶτα προσπίπτουσα
-ἡ ἀκτὶς πρὶν ἢ παγῆναι καὶ τοὺς καλουμένους
-χόνδρους λαβεῖν ἣ δὲ τὴν σάρκα ὑποσήψῃ.
-</p>
-</div2>
-<div2 type="chapter" n="6">
-<p>οἱ παριόντες ἐς πόλεμον ἵπποι ὑπόπτους ἔχουσι 
-καὶ τάφρων πηδήσεις καὶ ἅλλεσθαι βόθρον καὶ διαβῆναι 
-σταυροὺς καὶ σκόλοπας καὶ τὰ τοιαῦτα. πάρεστι
-δὲ καὶ Ὁμήρου λέγοντος ἀκούειν ὑπὲρ τῶν τοιούτων
-<quote rend="blockquote">
-<lb/>ὥς Ἕκτωρ ἀνʼ ὅμιλον ἰὼν ἐλλίσσεθʼ ἐταίρους,
-<lb/>τάφρον ἐποτρύνων διαβήμεναι. οὐδέ οἱ ἵπποι 
-<lb/>τόλμων ὠκύποδες, μάλα δὲ χρεμέτιζον ἐπʼ ἄκρῳ
-<lb/>χείλει ἐφεσταότες· ἀπὸ γὰρ δειδίσσετο τάφρος
-<lb/>εὐρεἶ, οὔτʼ ἄρʼ ὑπερθορέειν σχεδὸν οὔτε περῆσαι 
-<lb/>ῥηιδίη.
-</quote>
-</p>
-</div2>
-<div2 type="chapter" n="7">
-<p>ἐν τῇ Αἰγύπτῳ περὶ τὴν λίμνην τὴν καλουμένην 
-Μοίριδος, ὅπου Κροκοδείλων πόλις, κορώνης τάφος
-δείκνυται, καὶ τὴν αἰτίαν ἐκείνην Αἰγύπτιοί φασι.
-τῷ βασιλεῖ τῷ τῶν Αἰγυπτίων Μ̔άρης δὲ οὗτος ἐκαλεῖτὀ
-ἦν κορώνης θρέμμα πάνυ ἥμερον, καὶ τῶν
-ἐπιστολῶν ἃς ἐβούλετό οἱ κομισθῆναί ποι θᾶττον 
-ἐκόμιζεν αὕτη, καὶ ἦν ἀγγέλων ὠκίστη, καὶ ἀκούσασα
-ᾔδει ἔνθα ἰθῦναι χρὴ τὸ πτερόν, καὶ τίνα χρὴ παραδραμεῖν
-χῶρον, καὶ ὅπου ἥκουσαν ἀναπαύσασθαι.
-ἀνθʼ ὧν ἀποθανοῦσαν ὁ Μάρης ἐτίμησεν αὐτὴν καὶ
-στήλῃ καὶ τάφῳ. 
-</p>
-</div2>
-<div2 type="chapter" n="8">
-<p>ἴδιον δὲ καὶ ὄνομα τῆς κατὰ τροφὴν κομιδῆς 
-<pb id="p.142"/>
-ἕκαστα τῶν ζῴων κέκτηται. πωλοδαμνικὴ γοῦν κληθείη
-τις ἂν καὶ σκυλακοτροφικὴ καὶ ἐλεφαντοκομία
-καὶ λεοντοτροφία καὶ ὀρνιθοτροφία καὶ τὰ τοιαῦτα.
-</p>
-</div2>
-<div2 type="chapter" n="9">
-<p> σοφὰ δὲ ἄρκτου ἦν ἄρα ἐκεῖνα. ἐὰν διώκηται
-μετὰ τῶν αὑτῆς σκυλακίων, προωθεῖ αὐτὰ ἐς ὅσον
-δύναται· ὅταν δὲ συνίδῃ ὅτι ἀπεῖπε, τὸ μὲν κατὰ
-τοῦ νώτου φέρει, τὸ δὲ κατὰ τοῦ στόματος, καὶ δένδρου
-λαβομένη ἀναπηδᾷ· καὶ τὸ μὲν ἔχεται τοῦ νώτου
-τοῖς ὄνυξι, τὸ δὲ ἐν τοῖς ὀδοῦσι φέρεται ἀναθεούσης
-</p>
-</div2>
-<div2 type="chapter" n="10">
-<p> αὐτῆς. ταύρῳ δὲ λιμώττουσα ὅταν ἐντύχῃ,
-κατὰ μὲν τὸ καρτερὸν καὶ ἐξ εὐθείας οὐ μάχεται,
-προσπαλαίει δέ, καὶ τοῦ τένοντος λαβομένη κλίνει,
-καὶ ἅμμα σφίγγει. ὃ δὲ πιέζεται καὶ μέμυκε, καὶ
-τελευτῶν ἀπεῖπε καὶ κεῖται, καὶ ἐκείνη ἐμπίπλαται.
-μαθεῖν δὲ ἀγαθὰ ζῷα καὶ ταύτῃ κατέγνωμεν.
-ἐπὶ τῶν Πτολεμαίων οἱ Αἰγύπτιοι τοὺς κυνοκεφάλους
-καὶ γράμματα ἐδίδασκον καὶ ὀρχεῖσθαι καὶ αὐλεῖν
-καὶ ψαλτικήν. καὶ μισθὸν κυνοκέφαλος ἐπράττετο
-ὑπὲρ τούτων, καὶ τὸ διδόμενον ἐς φασκώλιον ἐμβαλὼν
-ἐξηρτημένον ἔφερεν, ὡς οἱ τῶν ἀγειρόντων δεινοί.
-ὅτι δὲ Συβαρῖται καὶ ὄρχησιν ἵππους ἐπαίδευσαν,
-πάλαι κεκήρυκται. ἐλεφάντων δὲ τὸ εὐπειθὲς
-ἐς τὰ μαθήματα καὶ τὸ ῥᾴδιον ἀνωτέρω εἶπον. κύνες
-δὲ ἄρα καὶ τὰ οἴκοι ὑπηρετεῖν τοῖς ἐκπαιδεύσασιν
-αὐτοὺς ἱκανοί, καὶ ἀπόχρη πένητι δοῦλον κύνα ἔχειν.
-ἦσαν δὲ ἄρα καὶ τῶν τοιούτων ἄδουλοι, ὥσπερ οὖν
-Ἀράβων μὲν οἱ Τρωγλοδύται, Λιβύων δὲ οἱ Νομάδες,
-καὶ τῶν Αἰθιόπων ὅσον λιμνόβιόν ἐστι, πέρα
-τῆς ἐκ τῶν ἰχθύων τροφῆς μεμαθηκὸς σιτεῖσθαι
-οὐδὲ ἕν.
-μέμνηται δὲ ὧν πάσχει τὰ ζῷα, καὶ δεῖταί γε τέχνης
-τῆς ἐς τὴν μνήμην οὐ Σιμωνίδου, οὐχ Ἱππίου,
-<pb id="p.143"/>
-οὐ Θεοδέκτου, οὐκ ἄλλου τινὸς τῶν ἐς τόδε τὸ ἐπάγγελμα
-καὶ τήνδε τὴν σοφίαν κεκηρυγμένων. ἔνθα
-γοῦν ἀφῃρέθη ἡ βοῦς τὸν μόσχον, ἐνταῦθα ἐλθοῦσα
-ὠδύρατο μυκηθμῷ συντρόφῳ τὸ πάθος. καὶ βόες
-μέντοι ὑπὸ ζυγὸν ἰέναι μέλλοντες οἳ μὲν μειδιῶσιν, 
-οἳ δὲ ἐπὶ πόδα ἀναχωροῦσιν. ἵππος δὲ ὅταν ἀκούσῃ
-ψαλίων κρότον καὶ χαλινοῦ κτύπον, καί προστερνίδιά
-τε καὶ προμετωπίδια θεάσηται, φριμάττεται ἐνταῦθα,
-καὶ τὰς ὁπλὰς σκιρτῶν ἐπικροτεῖ καὶ ἐνθουσιᾷ,
-ἥ τε τῶν ἱπποβοσκῶν βοὴ ἐγείρει αὐτόν, καὶ τὰ 
-ὦτα ὤρθωσεν αὐτὸς καὶ τοὺς μυκτῆρας διέστησε
-μνήμῃ δρόμου καὶ συνηθείας ἴυγγι ἀμάχῳ.
-</p>
-</div2>
-<div2 type="chapter" n="11">
-<p>τίκτει δὲ ἔλαφος παρὰ τὰς ὁδούς, καὶ ἔοικέ γε 
-σοφίᾳ τοῦτο δρᾶν· δέδοικε γὰρ τὰ θηρία καὶ τὰς ἐξ
-αὐτῶν ἐπιβουλάς, τοὺς δὲ ἀνθρώπους θαρρεῖ. καὶ 
-ἐκείνων μὲν πεπίστευκεν ἀσθενεστέρα οὖσα, τούτους
-δὲ ἀποδρᾶναι δύνασθαι οὐκ ἀμφιβάλλει. καταπιανθεῖσα
-δὲ οὐκ ἂν ἔτι τέκοι παρὰ τὰς ὁδούς· οἶδε γὰρ
-ὅτι δραμεῖν ἐστι νωθεστέρα. τίκτει οὖν ἐν τοῖς ἄγκεσι
-καὶ ἐν τοῖς δρυμοῖς καὶ ἐν τοῖς αὐλῶσι. 
-</p>
-</div2>
-<div2 type="chapter" n="12">
-<p>ἡ χερσαία χελώνη διατραγοῦσα ὀριγάνου παρʼ 
-οὐδὲν ποιεῖται τὸν ἔχιν. ἐὰν δὲ ἀπορήσῃ αὐτοῦ,
-πηγάνου ἐμφαγοῦσα ὥπλισται πρὸς τὸν ἐχθρόν. ἐὰν
-δὲ ἐκατέρου ἀτυχήσῃ, ἀνῄρηται.
-</p>
-</div2>
-<div2 type="chapter" n="13">
-<p>ὁ ἔλαφος, ὡς ἀκούω, τὰ παρόντα ἀγαπᾷ, καὶ 
-οὐκ ἐρᾷ πλειόνων, ἀλλὰ σωφρονεῖ περὶ τὴν γαστέρα
-τῶν ἀνθρώπων μᾶλλον. περὶ γοῦν τὸν Ἑλλήσποντόν
-ἐστι λόφος, καὶ νέμονται κατὰ τοῦδε ἔλαφοι, καὶ τῶν
-ὤτων αὐτοῖς τὸ ἕτερον διέσχισται, περαιτέρω δὲ οὐ
-χωροῦσι τοῦ λόφου, οὐδὲ νομῆς ἐρῶσι ξένης, οὐδὲ 
-λειμῶνας ποθοῦσιν ἑτέρους πόας χρείᾳ περιττοτέρας·
-ἀπόχρη δὲ ἄρα τὰ παρόντα αὐτοῖς διʼ ἔτους ὅλου. τί
-<pb id="p.144"/>
-πρὸς ταῦτα, ὦ ἄνθρωποι, ὑμεῖς, οὓς οὐκ ἂν ἐμπλήσειέ
-ποτε ἕως θανάτου
-οὐδʼ ὅσα λάινος οὐδὸς ἀφήτορος ἐντὸς ἐέργει;
-</p>
-</div2>
-<div2 type="chapter" n="14">
-<p> ἡ ὕαινα, ὡς Ἀριστοτέλης λέγει, ἐν τῇ ἀριστερᾷ
-χειρὶ ἔχει δύναμιν ὑπνοποιόν, καὶ ἐνεργάζεται κάρον
-μόνον προσθιγοῦσα. πάρεισι γοῦν ἐς τὰ αὔλια πολλάκις,
-καὶ ὅταν ἐντύχῃ τινὶ καθεύδοντι, προσελθοῦσα
-τὴν ὑπνοποιὸν ὡς ἂν εἴποις χεῖρα προσέθηκε τῇ
-ῥινί, ὃ δὲ ἄγχεταί τε καὶ πιέζεται. καὶ ἐκείνη μὲν
-ὑπορύττει τὴν γῆν τὴν ὑπὸ τῇ κεφαλῇ ἐς τοσοῦτον,
-ἐς ὅσον ἀνέκλασεν ἐς τὸν βόθρον καὶ τὴν φάρυγγα
-ὑπτίαν ἀπέφηνε καὶ γυμνήν· ἐνταῦθα δὲ ἡ ὕαινα
-ἐνέφυ καὶ ἀπέπνιξε καὶ ἐς τὸν φωλεὸν ἀπάγει. τοῖς
-κυσὶ δὲ ἐπιτίθεται ἡ αὐτὴ τὸν τρόπον ἐκεῖνον. ὅταν
-</p>
-</div2>
-<div2 type="chapter" n="15">
-<p> ᾖ πλήρης ὁ τῆς σελήνης κύκλος, κατόπιν λαμβάνει
-τὴν αὐγήν, καὶ τὴν αὑτῆς σκιὰν ἐπιβάλλει τοῖς κυσί,
-καὶ παραχρῆμα αὐτοὺς κατεσίγασε, καὶ καταγοητεύσασα
-ὡς αἱ φαρμακίδες εἶτα ἀπάγει σιωπῶντας, καὶ
-κέχρηται ὅ τι καὶ βούλεται τὸ ἐντεῦθεν αὐτοῖς.
-ἔρωτα δελφῖνος ἐν Ἰασῷ ἐς μειράκιον καλὸν
-πάλαι ᾀδόμενον ἄμοιρον μνήμης τῆς ἐξ ἐμοῦ ἀπολιπεῖν
-οὔ μοι δοκεῖ, καὶ διὰ ταῦτα εἰρήσεται. τὸ γυμνάσιον
-τὸ τῶν Ἰασέων ἐπίκειται τῇ θαλάσσῃ, καὶ οἵ
-γε ἔφηβοι μετὰ τοὺς δρόμους καὶ τὰς κονίστρας κατιόντες
-ἐνταῦθα ἀπολοῦνται κατά τι ἔθος ἀρχαῖον.
-διανηχομένων οὖν αὐτῶν ἑνὸς τοῦ τὴν ὥραν ἐκπρεπεστάτου
-ἐρᾷ δελφὶς ἔρωτα δριμύτατον. καὶ τὰ μὲν
-πρῶτα πλησίον γενόμενος ἐφόβησέ τε καὶ ἐξέπληξεν
-αὐτόν, εἶτα μέντοι τῇ συνηθείᾳ φιλίαν τινὰ καὶ εὔνοιαν
-ἐς ἑαυτὸν ἐκ τοῦ παιδὸς ἰσχυρὰν ἐπηγάγετο.
-ἀθύρειν γοῦν μετʼ ἀλλήλων ὑπήρξαντο, καὶ πῆ μὲν
-<pb id="p.145"/>
-ἡμιλλάσθην παρανηχομένω τε καὶ ἐρίζοντε, πῆ δὲ ὁ
-παῖς ἀναβαίνων ὡς πῶλον ἱππότης, ὑπονηχομένου
-τοῦ ἐραστοῦ γαῦρος ἐφέρετο. καὶ ἦν τοῖς Ἰασεῦσι
-καὶ τοῖς ξένοις τὸ πραττόμενον ἀξιόζηλον. προῄει
-μὲν γὰρ τὰ παιδικὰ ὁ δελφὶς φέρων ἐπὶ πλεῖστον τῆς 
-θαλάσσης καὶ ἐς ὅσον τῷ παιδὶ εἶχεν ὀχουμένῳ καλῶς·
-εἶτα ὑπέστρεφεν καὶ ἦγε τοῦ αἰγιαλοῦ πλησίον,
-καὶ ἀλλήλων διαλυόμενοι ὃ μὲν ἐς τὸ πέλαγος, ὃ δὲ
-ἐς τὰ οἰκεῖα ἐπανῄεσαν. ἀπήντα δὲ ὁ δελφὶς ἐς τὸν
-καιρὸν τῆς τῶν γυμνασίων ἀφέσεως, ὅ τε παῖς ἥδετο 
-τῇ προσδοκίᾳ τῇ τοῦ φίλου καὶ τῇ σὺν αὐτῷ παιδιᾷ,
-καὶ πρὸς τῷ κάλλει τῷ φυσικῷ περίβλεπτος ἦν, οἷα
-δήπου μὴ μόνον τοῖς ἀνθρώποις, ἀλλὰ καὶ τοῖς ἀλόγοις
-δοκῶν ὡραιότατος. οὐ μέντοι μετὰ μακρὸν καὶ
-οὗτος ὁ ἀντέρως ἡττήθη τοῦ φθόνου. ἔτυχε γοῦν ὁ 
-παῖς πλείω γυμνασάμενος, καὶ καμὼν ἑαυτὸν τῷ
-ὀχοῦντι κατὰ τὴν γαστέρα ἐπιβάλλει, καί πως ἔτυχεν
-ἡ τοῦ ζῴου ἄκανθα ἡ κατὰ τοῦ νώτου ὀρθὴ οὖσα,
-καὶ τῷ ὡραίῳ τὸν ὀμφαλὸν κεντεῖ. εἶτά τινες φλέβες
-ὑπορρήγνυνται, καὶ αἵματος ἔπειτα ῥοὴ πολλή, καὶ 
-ὁ παῖς ἐνταῦθα ἀποθνήσκει. ὅπερ οὖν ὁ δελφὶς συναισθόμενος
-ἐκ τοῦ βάρους ʽἐπέκειτο γὰρ οὐ συνήθως
-κοῦφος, ἅτε μὴ τῷ πνεύματι ἑαυτὸν ἐλαφρίζωνʼ καὶ
-θεασάμενος πορφυροῦν ἐκ τοῦ αἵματος τὸ πέλαγος,
-τὸ πραχθὲν συνῆκεν καὶ ἐπιβιῶναι τοῖς παιδικοῖς 
-οὐκ ἐτόλμησε. πολλῇ τοίνυν τῇ ῥύμῃ χρησάμενος,
-ὥσπερ οὖν ῥόθιον σκάφος, εἶτα ἑαυτὸν ἐς τοὺς αἰγιαλοὺς
-ἑκὼν ἐξέβρασε, καὶ τὸν νεκρὸν συνεξήνεγκε,
-καὶ ἔκειντο ἄμφω ὃ μὲν τεθνεώς, ὃ δὲ ψυχορραγῶν.
-Λάιος δὲ ἐπὶ Χρυσίππῳ, ὦ καλὲ Εὐριπίδη, τοῦτο οὐκ 
-ἔδρασε, καίτοι τοῦ τῶν ἀρρένων ἔρωτος, ὡς λέγεις
-αὐτὸς καὶ ἡ φήμη διδάσκει, Ἑλλήνων πρώτιστος ἄρξας.
-<pb id="p.146"/>
-ἀμειβόμενοι δὲ Ἰασεῖς τὴν φιλίαν ἐκείνων τὴν
-ἰσχυράν, ἀπέφηναν τάφον κοινὸν ὡραίου μειρακίου
-καὶ δελφῖνος ἐρωτικοῦ, καὶ στήλην ἐπέστησαν. καλὸς
-παῖς ἱππεύων ἐπὶ δελφῖνος ἦν. καὶ νόμισμα δὲ
-ἀργύρου καὶ χαλκοῦ εἰργάσαντο, καὶ ἐνέθλασαν σημεῖον
-τὸ ἀμφοῖν πάθος, καὶ μνήμῃ παρέδοσαν ἔργον
-τοῦ τοσούτου θεοῦ τιμῶντες οἱ ἐκεῖθι. πυνθάνομαι
-δὲ καὶ ἐν τῇ Ἀλεξάνδρου πόλει κατὰ τὸν Πτολεμαῖον
-τὸν δεύτερον ἐρασθῆναι δελφῖνα ἔρωτα παραπλήσιον
-καὶ ἐν Δικαιαρχίᾳ τῆς Ἰταλίας. ἅπερ οὖν εἰ
-Ἡρόδοτος ἔγνω, οὐκ ἂν ἐμοὶ δοκεῖν ἐθαύμασε τῶν
-ἐπʼ Ἀρίονι τῷ Μηθυμναίῳ ἧττον αὐτά.
-</p>
-</div2>
-<div2 type="chapter" n="16">
-<p> λιμοῦ μέλλοντος ἐπιδημεῖν αἰσθητικῶς ἔχουσι
-κύνες καὶ βόες καὶ ὗς καὶ αἶγες καὶ ὄφεις καὶ ζῷα
-ἄλλα, καὶ λοιμοῦ δὲ ἀφιξομένου συνίησι πρώτιστα καὶ
-σεισμοῦ. προγινώσκει δὲ καὶ ὑγίειαν ἀέρων καὶ εὐφορίαν
-καρπῶν. καὶ λόγου μὲν οὐ μετείληχε τοῦ καὶ
-σώζειν καὶ ἀποκτείνειν δυναμένου, τῶν γε μὴν προειρημένων
-οὐ διαμαρτάνει.
-</p>
-</div2>
-<div2 type="chapter" n="17">
-<p> ἐν τῇ τῶν καλουμένων Ἰουδαίων γῇ ἢ Ἰδουμαίων
-ᾖδον οἱ ἐπιχώριοι καθʼ Ἡρώδην τὸν βασιλέα
-ἐρασθῆναι μείρακος ὡρικῆς δράκοντα μεγέθει μέγιστον,
-ὅσπερ οὖν ἐπιφοιτῶν εἶτα μέντοι τῇ προειρημένῃ
-συνεκάθευδε σφόδρα ἐρωτικῶς. οὐκοῦν ἡ μείραξ
-τὸν ἐραστὴν οὐκ ἐθάρρει, καίτοι προσέρποντα
-ὡς ἐνῆν πραότατά τε καὶ ἡμερώτατα. ὑπεξῆλθεν
-οὖν, καὶ διέτριψε μῆνα, οἷα δήπου λήθην τοῦ δράκοντος
-ἕξοντος κατὰ τὴν τῆς ἐρωμένης ἀποδημίαν.
-τῷ δὲ ἄρα ἡ ἐρημία ἐπέτεινε τὸ πάθος, καὶ ἐφοίτα
-μὲν ὁσημέραι καὶ νύκτωρ· οὐ μὴν ἐντυγχάνων ᾗ
-ἠβούλετο, ὡς ἐραστὴς ἀτυχῶν ἐν τῷ πόθῳ καὶ ἐκεῖνος
-ἤλγει. ἐπεὶ δὲ ἡ ἄνθρωπος ὑπέστρεψεν αὖθις,
-<pb id="p.147"/>
-ὃ δὲ ἀφικνεῖται, καὶ περιβαλὼν τῷ λοιπῷ σώματι,
-τῇ οὐρᾷ τὰς κνήμας τῆς ἐρωμένης πεφεισμένως
-ἔπαιεν, ὑπεροφθείς τε καὶ μηνίων δῆθεν. οὔκουν ὁ
-καὶ τοῦ Διὸς ἄρχων αὐτοῦ καὶ τῶν θεῶν τῶν ἄλλων
-οὐδὲ τῶν ἀλόγων ὑπερορᾷ, ἀλλʼ ὅπως ἔχει πρὸς αὐτὰ 
-καὶ διὰ τούτων καὶ διʼ ἄλλων ἀποδείκνυται.
-</p>
-</div2>
-<div2 type="chapter" n="18">
-<p>οἱ ὄφεις ἑαυτοῖς συνεγνωκότες τὸν στόμαχον 
-λεπτὸν καὶ μακρὸν ἔχουσιν, ὅμως ὄντες ἀδηφάγοι καὶ
-παμβορώτατοι, ὡς Ἀριστοτέλης λέγει, ἀνίστανται
-ὀρθοὶ καὶ ἐπʼ ἄκρας τῆς οὐρᾶς ἑστᾶσι, καὶ ἡ τροφὴ 
-κατολισθάνει αὐτοῖς, καὶ ἐς τὸν ὄγκον τοῦ σώματος
-ἀποχωρεῖ· ἄποδες δὲ ὄντες εἶτα ἕρπουσιν ὤκιστα.
-ἤδη δὲ καὶ ἀκοντίων δίκην ἑαυτόν τις μεθίησι καὶ
-ἐπιφέρεται, καὶ τό γε ὄνομα ἐξ οὗ δρᾷ ἔχει· κέκληται
-γὰρ ἀκοντίας. 
-</p>
-</div2>
-<div2 type="chapter" n="19">
-<p>τῶν ἐν ᾠδαῖς τε καὶ μούσαις ὀρνίθων οὐδεὶς 
-διαλέληθεν, ἀλλʼ ἴσμεν χελιδόνας καὶ κοσσύφους καὶ
-τὸ τῶν τεττίγων φῦλον, καὶ κίτταν λάλον καὶ βομβοῦσαν
-ἀκρίδα καὶ πάρνοπα ὑποκρίζοντα καὶ μὴ
-</p>
-</div2>
-<div2 type="chapter" n="20">
-<p>σιωπῶσαν τρωξαλλίδα, ἁλκυόνας τε ἐπὶ τούτοις καὶ 
-ψιττακούς· τῶν δὲ ἐνύδρων ὀλολυγὼν οὐ σιωπᾷ.
-φθέγγεται δὲ αὐτῶν τὰ μὲν γοερὰ καὶ θηλύφωνα,
-τὰ δὲ ὄρθια καὶ διάτορα· καὶ τὰ μὲν ἀπὸ τῶν κλάδων
-ἐπὶ τοὺς κλάδους μεταθέοντα ᾅδει, ὥσπερ οὖν
-οἴκους ἐξ οἴκων ἀμείβοντα, τὰ δὲ ἐν τοῖς λειμῶσι 
-κατᾴδει, οἱονεὶ πανηγυρίζοντα, καὶ βίον ὡς ἂν εἴποις
-ἀνθηρὸν καὶ ἁβρὸν διαιτώμενα τὴν ἦρος ἐπιδημίαν
-μελῳδίαις ἔγωγʼ ἂν φαίην εὐφημεῖ. κύκνων
-δὲ πέρι καὶ ὅτου θεῶν θεράποντές εἰσιν ἀνωτέρω
-εἶπον. ἡ κίττα δʼ οὖν καὶ τῶν ἄλλων φωνημάτων 
-μιμηλότατόν ἐστι, τοῦ δὲ ἀνθρωπικοῦ πλέον. ἰδιάξει
-δὲ ταῖς μιμήσεσι τῶν τοιούτων ὅ τε ἄνθος καλούμενος
-<pb id="p.148"/>
-καὶ ἡ σάλπιγξ καὶ ἡ ἴυγξ καὶ ὁ κόραξ. καὶ ὁ μὲν
-ἄνθος ὑποκρίνεται χρεμέτισμα ἵππου, τὴν σάλπιγγα
-δὲ ἡ ὁμώνυμος, καὶ τὸν πλάγιον ἡ ἴυγξ αὐλόν·
-βούλεται δὲ τῶν ὄμβρων μιμεῖσθαι τὰς σταγόνας ὁ
-κόραξ.
-σκορπίων μὲν ὁ ἄρρην ἐστὶ χαλεπώτατος, ὁ δὲ
-θῆλυς δοκεῖ πραότερος. ἀκούω δὲ αὐτῶν λευκὸν εἶναι
-καὶ αὖ πάλιν πυρρόν τινα, καὶ καπνώδη ἄλλον
-καὶ μέλανα ἐπὶ τούτοις· πέπυσμαι δὲ καὶ χλωρὸν
-καὶ γαστρώδη τινά καὶ καρκινώδη ἄλλον· τόν γε
-μὴν χαλεπώτατον φλογώδη ᾅδουσι. παρείληφα δὲ
-ἄρα φήμῃ καὶ πτερωτοὺς καὶ δικέντρους τινάς· καί
-που ἑπτὰ ἔχων σφονδύλους ὤφθη τις. σκορπίος δὲ
-οὐκ ᾠὰ ἀλλὰ ζῷα ἀποτίκτει. χρὴ δὲ εἰδέναι ὅτι καί
-φασί τινες οὐκ ἐκ τῆς πρὸς ἀλλήλους ὁμιλίας γίνεσθαι
-τὴν ἐπιγονὴν τοῖς ζῴοις τοῖσδε, ἀλλʼ ἐς τὰ
-καύματα ἄγαν τίκτειν σκορπίους. ἐγχρίσας δὲ ἕκαστος
-αὐτῶν τὸ κέντρον ὁποῖα ἐργάζεται καὶ ἀναιρεῖ
-τίνα τρόπον ἀλλαχόθεν εἴσεσθε.
-</p>
-</div2>
-<div2 type="chapter" n="21">
-<p> ἐν Ἰνδοῖς, ὡς ἀκούω, ἐλέφας καὶ δράκων ἐστὶν
-ἔχθιστα. οὐκοῦν οἱ μὲν ἐλέφαντες ἀποσπῶντες τῶν
-δένδρων τοὺς κλάδους, ἐκείνους νέμονται. ὅπερ οὖν
-εἰδότες οἱ δράκοντες ἐπʼ αὐτὰ μὲν ἀνέρπουσιν, τὸ δὲ
-ἥμισυ σφῶν αὐτῶν τὸ οὐραῖον τῶν δένδρων περιβάλλουσι
-τῇ κόμῃ, τὸ δὲ ἐς τὴν κεφαλὴν προῖὸν
-ἥμισυ μεθῆκαν καλωδίου δίκην ἀπηρτημένον. καὶ ὃ
-μὲν προσῆλθεν ἀποδρέψασθαι τῶν ἀκρεμόνων ὁ ἐλέφας,
-ὁ δὲ δράκων ἐμπηδᾷ τοῖς ὀφθαλμοῖς καὶ ἐξορύττει,
-εἶτα τῷ τραχήλῳ περιερπύσας, τείνων τῷ οὐραίῳ
-μέρει καὶ σφίγγων θατέρῳ ἀπάγχει τὸ θηρίον ἀήθει
-βρόχῳ καὶ καινῷ.
-</p>
-</div2>
-<div2 type="chapter" n="22">
-<p> ἔχθιστα δὲ τῷ μὲν λέοντι πῦρ καὶ ἀλεκτρυών,
-<pb id="p.149"/>
-ὕαινα δὲ τῇ παρδάλει, σκορπίῳ δὲ ἀσκαλαβώτης·
-νάρκη γοῦν τὸν σκορπίον καταλαμβάνει προσαχθέντος
-οἱ τοῦ ζῴου τοῦ προειρημένου. δράκοντα δὲ
-ἐλέφας ὀρρωδεῖ· ὑποζύγιον δὲ πᾶν τὴν μυγαλῆν οὐ
-θαρρεῖ, ἀστακὸς δὲ πολύποδα. καὶ μέντοι καὶ προωθούμενοι 
-ἐκ τῶν τεγῶν οἱ κύνες, οὐκ ἂν αὐτοὺς
-ῥίψειας· τοῦ γάρ τοι κινδύνου δεδοίκασι τὸ μέγεθος.
-</p>
-</div2>
-<div2 type="chapter" n="23">
-<p>οἷα δὲ ἄρα σοφίσματα καὶ τοῖς σκορπίοις ἡ φύσις 
-ἔοικε δοῦναι καὶ τοῖσδε ἴδια. οἱ Λίβυες τὸ πλῆθος 
-αὐτῶν ὑφορώμενοι καὶ τὰ τεχνάσματα μηχανὰς
-αὐτοῖς μυρίας ἀντεπινοοῦσι κοῖλα ὑποδήματα φοροῦντες
-καὶ ὑψηλοὶ καὶ μετέωροι καθεύδοντες καὶ
-τῶν τοίχων ἀναστέλλοντες τὰς κειρίας καὶ τῶν κλινῶν
-τοὺς πόδας ἐς ὑδρίας ὕδατος πεπληρωμένας ἐντιθέντες, 
-καὶ οἴονται τὸ λοιπὸν ἐν ἀδείᾳ τε καὶ εἰρήνῃ
-καθεύδειν πολλῇ. οἳ δὲ ὁποῖα παλαμῶνται.
-σκορπίος εἰ λάβοιτο ὁπόθεν ἑαυτὸν ἐξαρτήσει κατὰ
-τοῦ ὀρόφου, ἔχεται τούτου ταῖς χηλαῖς καὶ μάλα
-ἐγκρατῶς καὶ καθῆκε τὸ κέντρον. οὐκοῦν ὁ δεύτερος 
-κάτεισιν ἐκ τῆς στέγης, καὶ διὰ τοῦ πρώτου καθέρπει,
-καὶ τοῦ κέντρου τοῦ ἐκείνου ἔχεται καὶ αὐτὸς
-ταῖς χηλαῖς, καὶ τό γε ἑαυτοῦ μετέωρον εἴασε κέντρον·
-καὶ ὁ τρίτος ἐκεῖθεν ἔχεται, καὶ ὁ τέταρτος ἐκ
-τοῦ τρίτου, καὶ ὁ πέμπτος κατὰ στοῖχον, καὶ οἱ ἐπʼ 
-ἐκείνοις διὰ τῶν πρώτων καθέρποντες. εἶτα ὁ τελευταῖος
-ἔπαισε τὸν καθεύδοντα καὶ διὰ τῶν ἀνωτέρω
-ἀνέρπει, καὶ ὁ μετʼ ἐκεῖνον καὶ ὁ κάτωθεν τρίτος καὶ
-οἱ λοιποί, ἔστε οἱ πάντες ἀλλήλων ἀπελύθησαν οἷα
-δήπου λύσαντες ἅλυσιν. 
-</p>
-</div2>
-<div2 type="chapter" n="24">
-<p>δολερὸν χρῆμα ἡ ἀλώπηξ. ἐπιβουλεύει γοῦν τοῖς 
-χερσαίοις ἐχίνοις τὸν τρόπον τοῦτον. ὀρθοὺς αὐτοὺς
-<pb id="p.150"/>
-καταγωνίσασθαι ἀδύνατός ἐστι. τὸ δὲ αἴτιον, αἱ
-ἄκανθαι ἀνείργουσιν αὐτήν. ἣ δὲ ἡσύχως καὶ πεφεισμένως
-ἔχουσα τοῦ ἑαυτῆς στόματος ἀνατρέπει
-αὐτοὺς καὶ κλίνει ὑπτίους, ἀνασχίσασά τε ἐσθίει ῥᾳδίως
-τοὺς τέως φοβερούς. τὰς δὲ ὠτίδας ἐν τῷ
-Πόντῳ θηρεύουσιν οὕτως. ἀποστραφεῖσαι αὐταὶ καὶ
-ἐς γῆν κύψασαι τὴν κέρκον ἀνατείνουσιν ὥσπερ οὖν
-τράχηλον ὄρνιθος· αἳ δὲ ἀπατηθεῖσαι προσίασιν ὡς
-πρὸς ὄρνιν ὁμόφυλον, εἶτα πλησίον γενόμεναι τῆς
-ἀλώπεκος ἁλίσκονται ῥᾷστα ἐπιστραφείσης καὶ ἐπιθεμένης
-κατὰ τὸ καρτερόν. τὰ σμικρὰ δὲ ἰχθύδια
-θηρῶσι πάνυ σοφῶς. παρὰ τὴν ὄχθην τὴν τοῦ ποταμοῦ
-ἔρχονται καὶ τὴν οὐρὰν καθιᾶσιν ἐς τὸ ὕδωρ·
-τὰ δὲ προσνέοντα ἐνίσχεταί τε καὶ ἐμπαλάσσεται τῷ
-δάσει τῷ τῶν τριχῶν. αἳ δὲ αἰσθόμεναι τοῦ μὲν
-ὕδατος ἀναχωροῦσιν, ἐλθοῦσαι δὲ ἐς τὰ ξηρὰ χωρία
-διασείουσι τὰς οὐράς, καὶ ἐκπίπτει τὰ ἰχθύδια, καὶ
-ἐκεῖναι δεῖπνον ἁβρότατον ἔχουσιν. οἱ δὲ Θρᾷκες τῆς
-τῶν ποταμῶν πήξεως τῆς οὐ σφαλερᾶς ποιοῦνται
-γνώμονα τήνδε τὴν θῆρα. καὶ ἐὰν διαδράμῃ τὸν
-κρύσταλλον μὴ ἐνδιδόντα μηδὲ εἴκοντα τοῖς ἐκείνης
-βήμασι, θαρροῦσι καὶ ἕπονται. πεῖραν δὲ αὐτὴ ποιεῖται
-τοῦ μὴ σφαλεροῦ πόρου τὸν τρόπον τοῦτον.
-παραβάλλει τὸ οὖς τῷ κρυστάλλῳ· κἂν μὲν αἴσθηται
-</p>
-</div2>
-<div2 type="chapter" n="25">
-<p> μὴ ὑπηχοῦν κάτωθεν τὸ ῥεῦμα μηδὲ ὑποψοφοῦν
-ἡσυχῆ ἐς βάθος, ἣ δὲ ὡς ἑστῶτι τῷ κρυστάλλῳ θαρρεῖ,
-διαθεῖ τε ἀτρέπτως· εἰ δὲ μή, οὐκ ἂν ἐπιβαίη.
-οἱ ποιηταὶ μὲν τὴν παῖδα τὴν τοῦ Ἴφιδος σέβουσι,
-καὶ τά γε θέατρα ὑπʼ αὐτῶν ἐμπέπλησται
-ὑμνούντων τὴν ἡρωίνην ἐκείνην, ἐπεὶ τὰς ἄλλας
-ὑπερεπήδησε τῇ σωφροσύνῃ, τὸν ἑαυτῆς γαμέτην
-προτιμήσασα τοῦ βίου· τὰ δὲ ζῷα ὑπερβολὴν φιλοστοργίας
-<pb id="p.151"/>
-οὐ παραλέλοιπεν. ὁ γοῦν Ἠριγόνης κύων
-ἐπαπέθανε τῇ δεσποίνῃ, καὶ ὁ Σιλανίωνος καὶ ἐκεῖνος
-τῷ δεσπότῃ, καὶ οὔτε πρὸς βίαν οὔτε σὺν
-κολακείᾳ ἀπέστη τοῦ τάφου. Δαρείῳ δὲ τῷ τελευταίῳ
-βασιλεῖ τῶν Περσῶν ἐν τῇ πρὸς Ἀλέξανδρον 
-μάχῃ βληθέντι ὑπὸ Βήσσου καὶ κειμένῳ, πάντων τὸν
-νεκρὸν ἀπολιπόντων, ὁ κύων ὁ ὑπʼ αὐτῷ τραφεὶς
-μόνος παρέμεινε πιστός, τὸν οὐκέτι τροφέα μὴ προδοὺς
-ὡς ἔτι ζῶντα. τοιοῦτόν τι ὑπὲρ τῶν τοῦ Κύρου
-φίλων τοῦ νεωτέρου Ξενοφῶν ὁ τοῦ Γρύλλου νεανιευόμενος 
-δῆλός ἐστι λέγων, τοὺς ὁμοτραπέζους μόνους
-οἱ συμπαραμεῖναι καὶ συναπολέσθαι, καὶ τὸν
-εὐνοῦχον, ὃς ἦν οἱ σκηπτοῦχος τὴν τιμήν, ὄνομα δὲ
-Ἀρταπάτης, ἑαυτὸν ἐπαποκτεῖναι τῷ νεκρῷ, ἀτιμάσαντα
-τὸν βίον ἐσόμενόν οἱ ἔρημον Κύρου. καὶ Λυσιμάχῳ 
-δὲ τῷ βασιλεῖ κύων κοινοῦ τοῦ τέλους ἑκὼν
-μετέλαβε σωθῆναι δυνάμενος.
-</p>
-</div2>
-<div2 type="chapter" n="26">
-<p>ἡ πιθήκη ὑπό τινων ὀρειβάτης κέκληται, ὑπʼ 
-ἄλλων γε μήν, ὡς ἀκούω, ὑλοδρόμος, καὶ ἐν τοῖς
-δένδροις γίνεται καὶ ἔχει τρίχας· κέκληται δὲ ὑπʼ 
-ἐνίων καὶ ψύλλα. ἐντέτμηται μὲν οὖν τὴν γαστέρα
-ἡσυχῆ, ὡς εἰπεῖν ὅτι λίνῳ διακέκοπται. δάκνει δὲ
-σφαλερώτατα δήγματα, καὶ παρέπεται τρόμος τῷ
-δηχθέντι, καὶ περὶ τὴν καρδίαν ἄλγημα ἰσχυρὸν ἐπιγίνεται,
-καὶ τὰ οὖρα ἑμφράττεται, καὶ ὁ ἕτερος πόρος 
-γίνεται καὶ ἐκεῖνος ἄπορος. ἔοικε δὲ τοῖς προειρημένοις
-ἀντίπαλος ὁ καρκίνος ὁ ποτάμιος εἶναι βρωθείς.
-</p>
-</div2>
-<div2 type="chapter" n="27">
-<p>αἰλούρων ὁ μὲν ἄρρην ἐστὶ λαγνίστατος, ὁ δὲ 
-θῆλυς φιλότεκνος, φεύγει δὲ τὴν πρὸς τὸν ἄρρενα 
-ὁμιλίαν· ἀφίησι γὰρ τὸν θορὸν θερμότατόν τε καὶ
-προσεοικότα πυρί, καὶ κάει τῆς θηλείας τὸ ἄρθρον.
-<pb id="p.152"/>
-εἰδὼς οὖν ὁ ἄρρην τοῦτο τὰ κοινὰ βρέφη διαχρῆται,
-ἣ δὲ παίδων ἑτέρων πόθῳ ἑαυτὴν παρέχει συνελθεῖν
-γλιχομένῳ. φασὶ δὲ τοὺς αἰλούρους πάντα ὅσα δυσώδη
-ἐστὶ μισεῖν τε καὶ βδελύττεσθαι. ταύτῃ τοι
-καὶ τὸ σφέτερον περίττευμα ἀφιέναι πρότερον βόθρον
-ὀρύξαντας, ἵνα ἀφανίσωσιν αὐτὸ τῆς γῆς ἐπιβαλόντες.
-</p>
-</div2>
-<div2 type="chapter" n="28">
-<p> Ἀκολαστότατον τῶν ἰχθύων τὸν πολύποδα εἶναί
-φασι καὶ ἐς τοσοῦτον λαγνεύειν, ἐς ὅσον αὐτῷ ἡ
-πᾶσα τοῦ σώματος ῥώμη ἐκρυεῖσα ἀσθενῆ ἀπέφηνε
-καὶ νήξασθαι μὲν ἥκιστον, τροφὴν δὲ μαστεῦσαι
-ἀδύνατον, καὶ διὰ ταῦτα ἄλλους τρέφειν. τὰ γοῦν
-σμικρὰ τῶν ἰχθυδίων καὶ τὰς καλουμένας καρκινάδας
-καὶ τοὺς καρκίνους ἐπιφοιτᾶν τε ἅμα καὶ κατεσθίειν
-αὐτόν. λέγουσι δὲ ταύτην εἶναι τὴν αἰτίαν
-τοῦ μὴ δύνασθαι πολύποδα ἐνιαυτοῦ βιῶναι χρόνον
-μακρότερον. καὶ θῆλυς δὲ ἄρα πολύπους ἀναλίσκεται
-ῥᾳδίως τίκτων πολλάκις.
-</p>
-</div2>
-<div2 type="chapter" n="29">
-<p> Φύλαρχος μέμνηται παῖδα ἰσχυρῶς φιλόρνιθα
-ἀετοῦ νεοττὸν λαβεῖν δῶρον καὶ τρέφειν τροφῇ ποικίλῃ
-καὶ κηδεμονίαν αὐτῷ προσφέρειν πᾶσαν· οὐ
-γάρ τί που ὡς ἄθυρμα ἐς παιδιὰν ἔτρεφε τὸν ὄρνιν,
-ἀλλὰ ἐρωμένου δίκην ἢ ἀδελφοῦ νεωτέρου, οὕτως
-ἄρα ὁ παῖς τοῦ ἀετοῦ προμηθῶς εἶχεν. προϊὼν δὲ ὁ
-χρόνος ἐς φιλίαν αὐτοὺς ἐξῆψεν ἀλλήλων ἰσχυράν.
-συνηνέχθη δὲ καμεῖν τὸ σῶμα τὸν παῖδα. καὶ τὸν
-ἀετὸν παραμένειν καὶ νοσηλεύειν τὸν τροφέα, καὶ
-καθεύδοντος μὲν ἡσυχάζειν, ἐγρηγορότος δὲ παρεστάναι,
-ἀσιτοῦντος δὲ τροφὴν μὴ προσίεσθαι. ἐπεὶ
-</p>
-</div2>
-<div2 type="chapter" n="30">
-<p> δὲ καὶ τὸν βίον ὁ παῖς κατέστρεψεν, ἠκολούθησε καὶ
-ὁ ἀετὸς μέχρι τοῦ μνήματος· καομένου δὲ ἑαυτὸν ἐς
-τὴν πυρὰν ἐνέβαλεν.
-<pb id="p.153"/>
-Ὁ ἰχθὺς ὁ ὄνος τὰ μὲν ἄλλα ὅσα ἐντὸς προσπέφυκεν 
-οὐ πάνυ τι τῶν ἑτέρων διεστῶτα κέκτηται,
-μονότροπος δέ ἐστι καὶ σὺν ἄλλοις βιοῦν οὐκ ἀνέχεται.
-ἔχει δὲ ἄρα ἰχθύων μόνος οὗτος ἐν τῇ γαστρὶ
-τὴν καρδίαν καὶ ἐν τῷ ἐγκεφάλῳ λίθους, οἵπερ οὖν 
-ἐοίκασι μύλαις τὸ σχῆμα. σειρίου δὲ ἐπιτολῇ φωλεύει
-μόνος, τῶν ἄλλων ἐν ταῖς κρυμωδεστάταις φωλεύειν εἰθισμένων.
-</p>
-</div2>
-<div2 type="chapter" n="31">
-<p>οἱ θηρῶντες τοὺς παγούρους ἐπʼ αὐτοὺς ἐμηχανήσαντο 
-τὴν μουσικὴν δέλεαρ. φωτιγγίῳ γοῦν 
-ʽὄνομα δὲ ὀργάνου τοῦτὀ αἱροῦσιν αὐτούς. οἳ μὲν
-γὰρ ἐν τοῖς φωλεοῖς δεδύκασιν, οἳ δὲ ὑπάρχονται
-τοῦ μέλους. καὶ ἀκούσαντες οἱ πάγουροι πείθονται
-ὡς ὑπό τινος ἴυγγος προελθεῖν τῆς θαλάμης, εἶτα
-ὑπὸ τῆς ἡδονῆς ἑλκόμενοι προΐασι καὶ ἔξω τῆς θαλάττης, 
-οἳ δὲ αὐλοῦντες ἐπὶ πόδα ἀναχωροῦσι. καὶ
-ἐκεῖνοι ἕπονται καὶ ἐπὶ τῆς γῆς ἁλίσκονται.
-</p>
-</div2>
-<div2 type="chapter" n="32">
-<p>οἱ δὲ τῇ Μαρείᾳ λίμνῃ προσοικοῦντες τὰς θρίσσας 
-θηρῶσι τὰς ἐκεῖθι ᾠδῆς μέλει τορωτάτῳ καὶ
-κρότῳ ὀστράκων ὁμορροθοῦντι πρὸς τὸ μέλος· αἳ δὲ 
-ὥσπερ ὀρχούμεναι ὑπὸ τῷ μέλει πηδῶσι, καὶ ἐμπίπτουσι
-τοῖς θηράτροις, ἅπερ οὖν αὐτοῖς περιπέπταται,
-καὶ λαμβάνουσιν οἱ Αἰγύπτιοι θήραν εὔοψον σὺν χορείᾳ
-τε καὶ παιδιᾷ.
-</p>
-</div2>
-<div2 type="chapter" n="33">
-<p>Αἰγυπτίους ἐγὼ πυνθάνομαι μαγείᾳ τινὶ ἐπιχωρίῳ 
-τοὺς ὄρνιθας ἐκ τοῦ οὐρανοῦ καταφέρειν· τῶν
-δὲ φωλεῶν τοὺς ὄφεις ἐπαοιδαῖς τισι καταγοητεύσαντες
-εἶτα μέντοι προάγουσι ῥᾷστα.
-</p>
-</div2>
-<div2 type="chapter" n="34">
-<p>ὁ κάστωρ ἀμφίβιόν ἐστι ζῷον, καὶ μεθʼ ἡμέραν 
-μὲν ἐν τοῖς ποταμοῖς καταδὺς διαιτᾶται, νύκτωρ δὲ 
-ἐπὶ τῆς γῆς ἀλᾶται, οἷς ἂν περιτύχῃ τούτοις τρεφόμενος.
-οὐκοῦν ἐπίσταται τὴν αἰτίαν διʼ ἣν ἐπʼ αὐτὸν
-<pb id="p.154"/>
-οἱ θηραταὶ σὺν προθυμίᾳ τε καὶ ὁρμῇ τῇ πάσῃ
-χωροῦσι, καὶ ἐπικύψας καὶ δακὼν ἀπέκοψε τοὺς ἑαυτοῦ
-ὄρχεις, καὶ προσέρριψεν αὐτοῖς, ὡς ἀνὴρ φρόνιμος
-λῃσταῖς μὲν περιπεσών, καταθεὶς δὲ ὅσα ἐπήγετο
-ὑπὲρ τῆς ἑαυτοῦ σωτηρίας, λύτρα δήπου ταῦτα ἀλλαττόμενος.
-ἐὰν δὲ ᾖ πρότερον ἐκτεμὼν καὶ σωθεὶς
-εἶτα πάλιν διώκηται, ὃ δὲ ἀναστήσας ἑαυτὸν καὶ
-ἐπιδείξας ὅτι τῆς αὐτῶν σπουδῆς οὐκ ἔχει τὴν ὑπόθεσιν,
-τοῦ περαιτέρω καμάτου παρέλυσε τοὺς θηρατάς·
-ἧττον γάρ τοι τῶν κρεῶν ἐκείνοις φροντίς ἐστι.
-πολλάκις δὲ καὶ ἔνορχοι ὄντες, ὡς ὅτι πορρωτάτω
-ἀποσπάσαντες τῷ δρόμῳ, εἶτα ὑποστείλαντες τὸ
-σπουδαζόμενον μέρος, πάνυ σοφῶς καὶ πανούργως
-ἐξηπάτησαν, ὡς οὐκ ἔχοντες ἃ κρύψαντες εἶχον.
-</p>
-</div2>
-<div2 type="chapter" n="35">
-<p> βούπρηστις ζῷόν ἐστιν, ὅπερ οὖν ἐὰν βοῦς καταπίῃ,
-πίμπραται καὶ ῥηγνύμενος ἀπόλλυται οὐ μετὰ μακρόν.
-</p>
-</div2>
-<div2 type="chapter" n="36">
-<p> αἱ κάμπαι ἐπινέμονται τὰ λάχανα, τάχα δὲ καὶ
-διαφθείρουσιν αὐτά. ἀπόλλυνται δὲ αὗται, γυνὴ τὴν
-ἐπιμήνιον κάθαρσιν καθαιρομένη εἰ διέλθοι μέση τῶν λαχάνων.
-</p>
-</div2>
-<div2 type="chapter" n="37">
-<p> εἶεν δʼ ἂν βουσὶν ἔχθιστα οἶστρος καὶ μύωψ.
-καὶ ὁ μὲν οἶστρος κατὰ τὰς μυίας τὰς μεγίστας ἐστί,
-καὶ ἔχει στερεὸν καὶ μέγα κέντρον, καὶ ἦχόν τινα βομβώδη
-ἀφίησι καὶ τραχύν· ὁ δὲ μύωψ τῇ κυνομυίᾳ
-προσείκασται, βομβεῖ δὲ τοῦ οἴστρου μᾶλλον, ἔλαττον
-δὲ ἔχει τὸ κέντρον.
-</p>
-</div2>
-<div2 type="chapter" n="38">
-<p> τῶν ὑπʼ ἀσπίδος δηχθέντων οὐ μνημονεύεται
-οὐδεὶς ἐξάντης τοῦ κακοῦ γεγονέναι. ἔνθεν τοι καὶ
-τοὺς βασιλεῖς ἀκούω τῶν Αἰγυπτίων ἐπὶ τῶν διαδημάτων
-φορεῖν πεποικιλμένας ἀσπίδας, τῆς ἀρχῆς
-αἰνιττομένους τὸ ἀνίκητον δὴ ἐκ τῆς τοῦ ζῴου μορφῆς
-<pb id="p.155"/>
-τοῦ προειρημένου. γίνονται δὲ καὶ πενταπήχεις
-ἀσπίδες. καὶ μέλαιναι μὲν αἱ πλεῖσται ἢ τεφραῖαι,
-ἴδοις δʼ ἂν καὶ πυρρὰν ἀσπίδα. οἱ δηχθέντες δὲ
-ὑπʼ ἀσπίδος οὐ περαιτέρω βιοῦσι τετάρτης ὥρας,
-πνιγμὸς δὲ αὐτοὺς καὶ σπασμὸς διώκει καὶ λυγμός, 
-ὥς φασιν. ἀκούω δὲ τὸν ἰχνεύμονα τῆς ἀσπίδος τὰ
-ᾠὰ ἀφανίζειν, οἱονεὶ τοῖς ἑαυτοῦ παισὶν ὑπεξαίροντα
-τοὺς μέλλοντας ἀντιπάλους. Λίβυσσαν δὲ ἄρα ἀσπίδα
-καὶ ἀποφαίνειν τυφλοὺς τῷ φυσήματι λέγει τις
-λόγος. 
-</p>
-</div2>
-<div2 type="chapter" n="39">
-<p>εἶτα οὐ χρὴ θαυμάσαι τὴν φύσιν τῇ τε ἄλλῃ καὶ 
-ἐνταῦθα μέντοι; τῶν ἀρρένων οἱ πατέρες τοὺς
-πλείστους νεβροὺς ἀναιροῦσιν, ἵνα μὴ πληθύωνται
-εἶτα μέντοι καὶ τὰς μητέρας ἀναβαίνωσι· μίασμα
-γὰρ καὶ ἐν τοῖς ἀλόγοις καὶ ἐναγὲς ἔργον δοκεῖ τοῦτο 
-δήπου. Κύρῳ δὲ καὶ Παρυσάτιδι, ὦ Πέρσαι, καὶ
-καλὰ ταῦτα καὶ ἔνδικα ἐδόκει· καὶ ἐφίλει Κῦρος
-τὴν μητέρα κακῶς, καὶ ἐφιλεῖτο ὑπὸ τῆς μητρὸς φιλίαν
-ὁμοίαν. καὶ ταῦτα μέντοι σωμένης, οἱ δὲ
-ἄνθρωποι πάντων μὲν ἐπιθυμοῦντες, μηδενὸς δὲ φειδόμενοι. 
-</p>
-</div2>
-<div2 type="chapter" n="40">
-<p>νῆσος ἐν τῷ Πόντῳ Ἡρακλεῖ ἐπώνυμος ἐκτετίμηται. 
-οὐκοῦν ὅσον μυῶν ἐστιν ἐνταῦθα σέβει τὸν
-θεόν, καὶ πᾶν ὅσον ἀνεῖται αὐτῷ, τοῦτο πιστεύει τῷ
-θεῷ κεχαρισμένον ἀνεῖσθαι καὶ οὐκ ἂν προσάψαιτο 
-αὐτοῦ. οὐκοῦν καὶ ἄμπελος τῷ θεῷ κομᾷ, καὶ τετίμηται
-ὡς ἀνάθημα αὐτῷ μόνῳ, καὶ φυλάττουσιν οἱ
-θεραπευτῆρες τοῦ δαίμονος ἐς τὰς θυσίας τοὺς βότρυς.
-ὅταν οὖν ἐς ἀκμὴν αἱ ῥᾶγες ἔρχωνται, οἳ δὲ
-ἀπολείπουσι τὴν νῆσον οἱ μύες, ἵνα μὴ μείναντες 
-ἄκοντες γοῦν προσάψωνται ὧν θιγεῖν οὐκ ἄμεινον·
-εἶτα τῆς ὥρας διαδραμούσης οἳ δὲ ἐς ἤθη τὰ οἰκεῖα
-<pb id="p.156"/>
-ὑποστρέφουσι. καὶ μυῶν μὲν Ποντικῶν ἀγαθὰ ταῦτα·
-ἵππων δὲ καὶ Διαγόρας καὶ Ἡρόστρατος καὶ ὁ
-λοιπὸς τῶν θεοῖς ἐχθρῶν κατάλογος πῶς ἂν ἐφείσαντο
-τῶν βοτρύων ἢ ἀναθημάτων ἄλλων οἱ καὶ τὰ τῶν
-θεῶν ὀνόματα καὶ ἔργα ἁμωσγέπως συλᾶν προῃρημένοι;
-</p>
-</div2>
-<div2 type="chapter" n="41">
-<p> ἔθος τοῦτο Αἰγύπτιον. ὅταν κατὰ τὴν Αἴγυπτον
-ὕσῃ ʽῥανίσι δὲ ὕει λεπταῖσʼ, μύες παραχρῆμα
-τίκτονται. οὐκοῦν κατὰ τὰς ἀρούρας πλανώμενοι
-οὗτοι λυμαίνονται τοῖς ληίοις ὑποτέμνοντες τοὺς
-στάχυς καὶ ὑποκείροντες, ἤδη μέντοι καὶ τοὺς σωροὺς
-τῶν δραγμάτων κεραΐζοντες λυποῦσι τοὺς Αἰγυπτίους.
-καὶ διὰ ταῦτα πάγαις τε αὐτοὺς ἐλλοχῶσι
-καὶ θριγκοῖς ἀναστέλλουσι καὶ τάφροις ἀνείργουσι
-καὶ κάουσιν ἐν ταύταις πῦρ. οἱ τοίνυν μύες οὐδὲ
-τὴν ἀρχὴν πρὸς τὰς πάγας προσφοιτῶσιν, ἐῶσι δὲ
-αὐτὰς ἑστάναι ἄλλως· τοῖς δὲ θριγκοῖς καίτοι λελειωμένοις
-ὑπὸ τῆς χρίσεως ἐπαναβαίνουσιν, ἁλτικώτατοί
-τε ὄντες εἶτα μέντοι ὑπερπηδῶσι τὰς τάφρους.
-ὅταν οὖν ἀπαγορεύσαντες οἱ Αἰγύπτιοι τὰς μηχανὰς
-καὶ τὰς ἐπιβουλὰς ὡς ἀχρήστους ἀπολίπωσι καὶ ἐκτραπέντες
-ἐπί τε δέησιν ἔλθωσι καὶ ἱκετείας τὰς
-πρὸς τοὺς θεούς, ἐνταῦθα δήπου τὴν ἐκ τῶν θεῶν
-μῆνιν ὀρρωδοῦσιν οἱ μύες, καὶ ἔς τι ὄρος ἀναχωροῦσι
-τάξιν πλαισίου φυλάττοντες. οἱ μὲν οὖν νεώτατοι
-πρῶτοι, οὐραγοῦσι δὲ οἱ μέγιστοι, καὶ τοὺς ὑπολειπομένους
-ἐπιστραφέντες εἶτα μέντοι ἕπεσθαί σφισιν
-ἐκβιάζονται. ἐὰν δὲ οἱ νεώτατοι κάμνοντες ὑποστῶσι,
-καὶ τὸ ἑπόμενον ἵσταται πᾶν, ὡς ἐν δυνάμει στρατιωτικῇ
-πέφυκε γίνεσθαι. ὅταν δὲ ὑπάρξηται ἡ ἐκ
-τῶν πρώτων κίνησις, ἐνταῦθα καὶ οἱ λοιποὶ ἕπονται.
-λέγουσι δὲ καὶ οἱ τὸν Πόντον οἰκοῦντες τὰ αὐτὰ καὶ
-<pb id="p.157"/>
-ἐκεῖθι τοὺς μῦς δρᾶν. πεπίστευται δὲ καὶ ἐξ οἰκίας
-ἁπάσης, ἥτις μέλλει πεσεῖσθαι, ᾗ ποδῶν ἔχουσι μετοικίζεσθαι
-πάντας. ἰδιότης δὲ ἄρα μυῶν καὶ ἐκείνη.
-ἐπειδὰν ἀκούσωσι γαλῆς τριζούσης ἢ συρίττοντος
-ἔχεως, ἐκ τῆς μυωπίας τῆς μιᾶς τὰ ἑαυτῶν βρέφη 
-ἄλλο ἄλλῃ μετοικίζουσιν.
-</p>
-</div2>
-<div2 type="chapter" n="42">
-<p>λόγον δὲ Ἰταλὸν τῇ Συβαριτῶν πόλει συνακμάσαντος 
-ἔργου μνημονεύοντα καὶ φοιτήσαντα ἐς ἐμὲ
-εἰπεῖν οὐ χεῖρόν ἐστι. τὴν ἡλικίαν ἀντίπαις, αἰπόλος
-τὸ ἐπιτήδευμα, ὄνομα Κρᾶθις, ἐς ὁρμὴν ἀφροδίσιον 
-ἐμπεσὼν τῇ τῶν αἰγῶν ἰδεῖν ὡραιοτάτῃ μίγνυται,
-καὶ τῇ ὁμιλίᾳ ἥσθη, καὶ εἴ ποτε ἐδεῖτο ἀφροδίτης
-ὡς αὐτὴν ἐφοίτα, καὶ εἶχεν ἐρωμένην αὐτήν· καὶ
-μέντοι καὶ οἷα λαμβάνειν ἠδύνατο δῶρα, τοιαῦτα ὁ
-ἐραστὴς αἰπόλος τῇ ἐρωμένῃ τῇ προειρημένῃ προσέφερε, 
-καὶ κυτίσου ποτὲ τοὺς ὡραιοτάτους ἀκρεμόνας
-καὶ μίλακος πολλάκις καὶ σχίνου τραγεῖν παρέσχε,
-τὸ στόμα ἀποφαίνων αὑτῷ, εἰ δεηθείη φιλῆσαι, εὐῶδες
-αὐτῆς. ἀλλὰ καὶ στιβάδα ἐγκαθεύδειν ὡς νύμφῃ
-παρεσκεύασεν ἁβροτάτην τε καὶ μαλθακήν. οὔκουν 
-ἀμελῶς ταῦτα ἐθεάσατο ὁ τῆς ἀγέλης ἡγεμὼν
-τράγος, ἀλλὰ αὐτὸν ἔσεισι ζηλοτυπία. καὶ κατέκρυπτε
-μὲν τέως τὸν θυμόν, καθήμενον δὲ αὐτόν ποτε
-ἐλλοχᾷ καὶ καθεύδοντα· ἦν δὲ ἄρα ἐμβαλὼν τὸ
-πρόσωπον ἐς τὸν κόλπον. ὡς οὖν εἶχε δυνάμεως 
-τὴν κεφαλὴν προσήραξε, καὶ διέθρυψέν οἱ τὸ
-βρέγμα. διαρρεῖ τοίνυν ἐς τοὺς ἐπιχωρίους τὰ πραχθέντα,
-καὶ τῷ μὲν οὐκ ἀφανῆ τάφον ἀνέστησαν, ἐξ
-αὐτοῦ δὲ τὸν ποταμὸν Κρᾶθιν ὠνόμασαν. γίνεται
-δὲ ἐκ τῆς ὁμιλίας τῆς πρὸς τὴν αἶγα παιδίον, καὶ 
-ἦν αἲξ τὰ σκέλη, τὸ πρόσωπον ἄνθρωπος. τοῦτον
-καὶ ἐκθεωθῆναι λόγος ἔχει, καὶ θεὸν ὑλαῖόν τε καὶ
-<pb id="p.158"/>
-ναπαῖον νομισθῆναι τὸν αὐτόν. μετειληχέναι δὴ καὶ
-ζηλοτυπίας τὰ ζῷα ὁ τράγος διδάσκει.
-</p>
-</div2>
-<div2 type="chapter" n="43">
-<p> σύριγγας μὲν Αἰγυπτίας ᾅδουσιν μὲν οἱ συγγραφεῖς,
-ᾅδουσι δὲ καὶ λαβυρίνθους τινὰς Κρητικοὺς
-ἐκεῖνοί τε αὐτοὶ καὶ τὸ τῶν ποιητῶν φῦλον· μυρμήκων
-δὲ ἐν γεωρυχίᾳ ποικίλας ἀτραποὺς καὶ ἑλιγμοὺς
-καὶ περιόδους οὔπω ἴσασι. σοφίᾳ δὲ ἄρα τὴν ὑπόγειον
-οἰκονομίαν τήνδε ἀπεργάζονται σκολιωτάτην,
-τοῖς ἐπιβουλεύουσί σφισι τῶν θηρίων τὴν πάροδον
-δύσπορον ἢ καὶ παντελῶς ἄπορον ἀποφαίνοντες.
-τὴν δὲ γῆν ἣν ἐξορύττουσιν, ἀλλὰ ταύτην ὑπὲρ τοῦ
-στομίου περιβαλόντες οἱονεὶ τείχη τινὰ καὶ προβλήματα
-ἐργάζονται, ὡς μὴ τὸ ὕδωρ τὸ ἐξ οὐρανοῦ καταθέον
-εἶτα ῥᾳδίως αὐτοὺς ἐπικλύσαν ἢ ἀπολέσῃ
-πάντας ἢ τούς γε πλείστους. αἱμασιὰς δέ τινας μέσας
-διειργούσας ἀπʼ ἀλλήλων τοὺς χηραμοὺς διατειχίζουσι
-καὶ μάλα ἐντέχνως, εἶεν δʼ ἂν οἱ χῶροι τρεῖς,
-ὡς ἐν οἰκίᾳ σοβαρᾷ. καὶ τὸν μὲν ἀποφαίνουσιν ἀνδρῶνα
-εἶναι, ἐν ᾧ διαιτῶνται οἱ ἄρρενες καὶ ὅσον
-σὺν αὐτοῖς θῆλυ· τὸν δὲ ἕτερον, ἔνθα ἀποτίκτουσι
-κύουσαι μύρμηκες, οἱονεὶ γυναικῶνα· τρίτον δʼ
-ἕτερον θησαυρόν τε καὶ σιρὸν ἀποκρίνουσι τοῖς
-ἠθροισμένοις σπέρμασι. καὶ οὔτε Ἰσχόμαχος ἐνταῦθα
-οὔτε Σωκράτης ὑπὲρ τῆς ἀξιοζήλου οἰκονομίας σπουδάζοντες
-διδάσκουσιν αὐτά. οἱ δὲ μύρμηκες προῖόντες
-ὥσπερ οὖν ἐπισιτίσασθαι, τοῖς μεγίστοις ἕπονται·
-οἳ δὲ ἄγουσι στρατηγῶν δίκην. καὶ ἐς τὰ λήια ἐλθόντες
-οἱ μὲν ἔτι νεαροὶ τὴν καλάμην ὑφεστᾶσιν, οἱ
-δὲ ἡγεμόνες ἀνέρπουσι, καὶ τοὺς καλουμένους οὐραχοὺς
-τῶν καρπίμων διατραγόντες τῷ δήμῳ τῷ κάτω
-ῥίπτουσιν· οἳ δὲ περιελθόντες τοὺς μὲν ἀθέρας ἀποκόπτουσιν,
-ἐκλέπουσι δὲ τὰς τὸν πυρὸν στεγούσας τε
-<pb id="p.159"/>
-καὶ περιαμπεχούσας θυλακίδας. καὶ μήτε ἀλοητοῦ
-δεόμενοι μήτε ἀνδρῶν λικμῆσαι δυναμένων μήτε μὴν
-ἐπειγομένων πνευμάτων ἀποκρῖναι καὶ διαστῆσαι τάς
-τε ἄχνας καὶ τὸν καρπόν, ἀνθρώπων ἀρούντων τε καὶ
-σπειρόντων τροφὰς ἔχουσι μύρμηκες. σοφὸν δὲ καὶ 
-ἐκεῖνο προσακήκοα, ὅτι ἄρα τοὺς τεθνεῶτας μύρμηκας
-οἱ προσήκοντες ἐν ταῖς τῶν πυρῶν κηδεύουσι θυλακίσιν,
-ὡς πατέρας ἢ πᾶν τὸ φίλιον ἐν ταῖς σοροῖς οἱ ἄνθρωποι.
-</p>
-</div2>
-<div2 type="chapter" n="44">
-<p>ἵππος εἰ τυγχάνοι κηδεμονίας, ἀμείβεται τὸν 
-εὐεργέτην εὐνοίᾳ τε καὶ φιλίᾳ. καὶ ὁποῖος μὲν ἦν ὁ
-Βουκεφάλας ἐς Ἀλέξανδρον διαρρεῖ πανταχόσε ὁ λόγος,
-καὶ οὔ μοι λέγειν αὐτὸν ἥδιόν ἐστι. καὶ τὸν
-Ἀντιόχου δὲ ἵππον τὸν τιμωρήσαντα τῷ δεσπότῃ καὶ
-ἀποκτείναντα τὸν Γαλάτην ὅσπερ οὖν ἀπέσφαξε τὸν 
-Ἀντίοχον ἐν τῇ μάχῃ ʽὄνομα δὲ τῷ Γαλάτῃ Κεντοαράτης
-ἦνʼ ἐῶ καὶ τοῦτον. Σωκλῆς δὲ ἄρα ʽοὐ γάρ
-τί που πολλοὶ τόνδε μοι δοκοῦσιν ἐγνωκέναἰ Ἀθηναῖος
-μὲν ἦν, καλὸς δὲ καὶ ἐδόκει καὶ ἐπεφύκει. οὗτος
-οὖν ἐπρίατο ἵππον ὡραῖον μὲν καὶ αὐτόν, ἐρωτικὸν 
-δὲ ἰσχυρῶς καὶ οἷον σοφώτερον ἢ κατὰ τοὺς ἄλλους
-ἵππους. οὐκοῦν ἐρᾷ τοῦ δεσπότου δριμύτατα,
-καὶ προσιόντος ἐφριμάττετο καὶ ἐπικροτοῦντος ἐφρυάττετο,
-καὶ ἀναβαίνοντος ἑαυτὸν παρεῖχεν εὐπειθῆ,
-καὶ παρεστῶτος κατὰ πρόσωπον ὃ δὲ ὑγρὸν ἑώρα. 
-καὶ ταῦτα μὲν ἐρωτικὰ ὄντα ἤδη ὅμως τερπνὰ ἐδόκει·
-ἐπεὶ δὲ ἦν ὥς τι καὶ δρασείων ἐς τὸ μειράκιον
-προπετέστερος, καὶ διέρρει λόγος ὑπὲρ ἀμφοῖν ἀτοπώτερος,
-ὁ Σωκλῆς οὐκ ἐνεγκὼν τὸ ἀπόφημον, ὡς
-ἐραστὴν ἀκόλαστον μισήσας ἀπημπόλησε τὸν ἵππον. 
-ὃ δὲ οὐ φέρων τὴν ἐρημίαν τὴν ἀπὸ τοῦ καλοῦ, ἑαυτὸν
-τοῦ ζῆν ἀπήλλαξε λιμῷ βιαιοτάτῳ.
-<pb id="p.160"/>
-</p>
-</div2>
-<div2 type="chapter" n="45">
-<p> νοοῦσι δὲ ἄρα ἀτταγᾶς μὲν ἀλεκτρυόνι ἔχθιστα,
-ἀλεκτρυὼν δὲ αὖ πάλιν ἀτταγᾶ, καὶ κορώνῃ κίρκος
-καὶ ἐκείνη ἐκείνῳ, καὶ πελαγίῳ ἱέρακι ὁ κόραξ καὶ
-κόρακι ἐκεῖνος, τρυγόνι τε κόραξ καὶ κίρκος, καὶ
-μέντοι καὶ ἡ τρυγὼν ἑκατέρῳ. πέπυσμαι δὲ καὶ πελαργὸν
-νυκτερίδα μισεῖν, καὶ ἐκείνην ἀντιμισεῖν ὡς
-πολέμιον, πελεκᾶνα δὲ μὴ νοεῖν φίλα ὄρτυγι. καὶ
-ἀμοιβὴν τοῦ μίσους ἀκούω εἶναι.
-</p>
-</div2>
-<div2 type="chapter" n="46">
-<p> ἀποκτίννυσι δὲ ἀετὸν μὲν τὸ καλούμενον σύμφυτον,
-τὴν δὲ ἶβιν ὑαίνης χολή, σκορόδου σπέρμα
-τὸν ψᾶρα, χαραδριὸν ἄσφαλτος, τὸν δὲ ἐχῖνον ὁ καλούμενος
-ποταμογείτων. ἐχῖνος δὲ αἰθυίας χολὴν οὐχ
-ὑπομένει. κίρκος δὲ καὶ λάρος καὶ τρυγὼν καὶ κόσσυφος
-καὶ τὸ γυπῶν ἔθνος σίδην κοπεῖσαν εἰ διατράγοιεν,
-ἀπολώλασι. κέδρου τὸν καλαμοδύτην ἀπόλλυσι
-φύλλα, ἄνθος δὲ ἄγνου τὸν μελαγκόρυφον, κόρακα
-δὲ εὐζώμου σπέρμα. μύρῳ κάνθαρος ἀποθνήσκει,
-στέατι δορκάδος ὁ ἔποψ. κορώνη δὲ λυκοβρώτου
-κρέως λειψάνῳ περιτυχοῦσα ἀποθνήσκει. κορυδαλλὸς
-δὲ νάπυος σπέρματι, γέρανος ἀμπέλου δάκρυον σπάσασα διεφθάρη.
-</p>
-</div2>
-<div2 type="chapter" n="47">
-<p> λαγὼ δὲ πέρι καὶ ἐνταῦθα ἔπεισιν εἰπεῖν τοιαῦτά
-μοι. ἐς τὴν κοίτην τὴν συνήθη οὐ πάρεισιν ὁ
-λαγὼς πρὶν ἢ ταράξαι τὰ ἴχνη, πῆ μὲν ἐσιὼν πῆ δὲ
-ἐξιών, ἵνα ἀφανίσῃ τὴν ἐκ τῶν θηρατῶν ἐς αὐτὸν
-ἐπιβουλήν, σοφίᾳ τινὶ φυσικῇ τὸ θηρίον τοὺς ἀνθρώπους
-αἱμυλώτατα ἀπατῆσαν.
-</p>
-</div2>
-<div2 type="chapter" n="48">
-<p> μήτηρ δὲ ἄρα καὶ ἡ θήλεια ἵππος ἀγαθὴ ἦν
-καὶ τοῦ πώλου τοῦ ἐξ αὐτῆς μεμνῆσθαι δεινή. ὅπερ
-οὖν κατεγνωκὼς Δαρεῖος ὁ κάτω εἶτα μέντοι ἐπήγετο
-ἐς τὰς μάχας ἐξ ὠδίνων ἵππους τὰ βρέφη καταλιπούσας
-οἴκοι. τρέφονται δὲ καὶ ὀρφανοὶ μητέρων οἱ
-<pb id="p.161"/>
-πῶλοι γάλακτι ξένῳ, ὥσπερ οὖν καὶ οἱ ἄνθρωποι.
-οὐκοῦν ὅτε ἡ τροπὴ τῆς μάχης τῆς κατὰ τὸν Ἰσσὸν τὰ
-Περσῶν πιέζειν ὑπήρξατο, καὶ ἐνικᾶτο Δαρεῖος, ἵππον
-ἀνέβη θῆλυν, φυγῆς δεόμενος καὶ σωτηρίας
-ὠκίστης. ἣ δὲ ἄρα τοῦ καταλειφθέντος μνήμῃ, ὡς 
-εἶχεν ἐπιθυμίας καὶ ποδῶν, τὸν δεσπότην ὑμνεῖται
-</p>
-</div2>
-<div2 type="chapter" n="49">
-<p>τῆς ἀκμῆς τῶν ἐπικειμένων κινδύνων ἐξαρπάσαι. 
-ἡμίονος γέρων Ἀθήνησιν ὑπό γε τοῦ δεσπότου
-τοῦ ἰδίου τῶν ἔργων ἀπολυθείς, ὡς Ἀριστοτέλης
-λέγει, τοῦ μὲν φιλοπόνου καὶ ἐθελουργοῦ καθʼ ἡλικίαν 
-ἑαυτὸν οὐκ ἀφῆκεν. ἡνίκα γοῦν Ἀθηναῖοι κατεσκεύαζον
-τὸν Παρθενῶνα, οὔτε ἐπισύρων οὔτε
-ἀχθοφορῶν ὅμως τοῖς νέοις ὀρεῦσι προφορουμένοις
-τὴν ὁδὸν ἄκλητος καὶ ἑκὼν οἱονεὶ παράσειρος ᾔει,
-δορυφορῶν ὡς ἂν εἴποις καὶ παρορμῶν τὸ ἔργον τῇ 
-βαδίσει τῇ κοινῇ δίκην τεχνίτου παλαιοῦ τοῦ μὲν
-αὐτουργεῖν ὑπὸ τοῦ γήρως ἀπολυθέντος, ἐμπειρίᾳ δὲ
-καὶ διδασκαλίᾳ ὑποθήγοντός τε ἅμα τοὺς νέους καὶ
-ἐπαίροντος. ταῦτα οὖν μαθόντες ὁ δῆμος τῷ κήρυκι
-ἀνειπεῖν προσέταξαν, εἴτε ἀφίκοιτο ἐς τὰ ἄλφιτα, 
-εἴτε ἐς τὰς κριθὰς παραβάλοι, μὴ ἀνείργειν, ἀλλʼ
-ἐᾶν σιτεῖσθαι ἐς κόρον, καὶ τὸν δῆμον ἐκτίνειν ἐν
-Πρυτανείῳ τὸ ἀργύριον, τρόπον τινὰ ἀθλητῇ σιτήσεως
-δοθείσης ἤδη γέροντι.
-</p>
-</div2>
-<div2 type="chapter" n="50">
-<p>Κλεάνθην τὸν Ἄσσιον κατηνάγκασε καὶ ἄκοντα 
-εἶξαι καὶ ἀποστῆναι τοῖς ζῴοις τοῦ καὶ ἐκεῖνα λογισμοῦ
-μὴ διαμαρτάνειν ἀντιλέγοντα ἰσχυρῶς καὶ κατὰ
-κράτος ἱστορία τοιαύτη φασίν. ἔτυχεν ὁ Κλεάνθης
-καθήμενος καὶ μέντοι καὶ σχολὴν ἄγων μακροτέραν
-ἄλλως. οὐκοῦν μήρμηκες περὶ τοῖς ποσὶν ἦσαν αὐτῷ 
-πολλοί. ὃ δὲ ἄρα ὁρᾷ ἐξ ἀτραποῦ τινος ἑτέρας νεκρὸν
-μύρμηκα μύρμηκας ἄλλους κομίζοντας ἐς οἶκον ἑτέρων
-<pb id="p.162"/>
-καὶ ἑαυτοῖς οὐ συντρόφων, καὶ ἐπί γε τῷ χείλει τῆς
-μυρμηκιᾶς ἑστῶτας αὐτῷ νεκρῷ, καὶ ἀνιόντας κάτωθεν
-ἑτέρους καὶ συνιόντας τοῖς ξένοις ὡς ἐπί τινι
-εἶτα κατιόντας τοὺς αὐτούς, καὶ πλεονάκις τοῦτο.
-καὶ τελευτῶντας σκώληκα οἱονεὶ λύτρα κομίσαι, τοὺς
-δὲ ἐκεῖνον μὲν λαβεῖν, προέσθαι δὲ ὅνπερ οὖν ἐπήγοντο
-νεκρόν. καὶ ἐκείνους ὑποδέξασθαι ἀσμένως
-ὡς υἱὸν κομιζομένους ἢ ἀδελφόν. τί οὖν πρὸς ταῦτα
-Ἡσίοδος λέγει, λέγων ὅτι ἄρα ὁ Ζεὺς τὰς φύσεις
-ἀπέκρινε, καὶ οὖν καὶ ἰχθύσι μὲν καὶ θηρσὶ καὶ
-οἰωνοῖς πετεηνοῖς ἔδωκεν ἔσθειν ἀλλήλους,
-ἐπεὶ οὐ δίκη ἐστὶ μετʼ αὐτοῖς, ἀνθρώποισι
-δʼ ἔδωκε δίκην; ἀλλʼ οὐκ ἐρεῖ ταῦτα ὁ Πρίαμος,
-εἴ γε καὶ ἐκεῖνος τὸν Ἕκτορα ἐλύσατο πολλῶν κειμηλίων
-καὶ θαυμαστῶν παρὰ τοῦ ἀνθρώπου ὁ ἄνθρωπος
-καὶ τοῦ ἥρωος καὶ τοῦ Διὸς ἐκγόνου καὶ
-ἐκεῖνος ὢν ἔκγονος τοῦ Διός.
-</p>
-</div2>
-<div2 type="chapter" n="51">
-<p> κατηγορεῖ τῆς διψάδος τὸ ἔργον αὐτὸ ἡμῖν τὸ
-ὄνομα. καὶ ἔχεως μέν ἐστιν ὀλιγωτέρα τὸ μέγεθος,
-ἀποκτεῖναι δὲ ὀξυτέρα· οἱ γάρ τοι τῷ δήγματι προσπεσόντες
-ἐξάπτονταί τε ἐς δίψος καὶ πιεῖν ἀναφλέγονται
-καὶ ἀμυστὶ σπῶσι καὶ τάχιστα ῥήγνυνται. καί
-φησι μὲν Σώστρατος λευκὴν εἶναι τὴν διψάδα, ἐπί
-γε μὴν τῆς οὐρᾶς ἔχειν γραμμὰς μελαίνας δύο.
-ἀκούω δὲ ὅτι καὶ πρηστῆρας αὐτὰς καλοῦσί τινες,
-καύσωνας δὲ ἄλλοι· ὄχλον δὲ ἄρα ὀνομάτων ἐπαντλοῦσι
-τῷδε τῷ θηρίῳ. κέκληται δὲ καὶ μελάνουρος,
-ὥς φασι, καὶ ἀμμοβάτης· εἰ δὲ ἀκούσειας κεντρίδα,
-τὴν αὐτήν μοι λέγεσθαι νόει. δεῖ δὲ καὶ μῦθον τῷδε
-τῷ ζῴῳ ἐπᾷσαί με ὅνπερ οὖν ἀκούσας οἶδα, ὡς ἂν
-μὴ δοκοίην ἀμαθῶς ἔχειν αὐτοῦ. τὸν Προμηθέα
-κλέψαι τὸ πῦρ ἡ φήμη φησί, καὶ τὸν Δία ἀγανακτῆσαι
-<pb id="p.163"/>
-ὁ μῦθος λέγει καὶ τοῖς καταμηνύσασι τὴν κλοπὴν
-δοῦναι φάρμακον γήρως ἀμυντήριον. τοῦτο οὖν ἐπὶ
-ὄνῳ θεῖναι τοὺς λαβόντας πέπυσμαι. καὶ τὸν μὲν
-προϊέναι τὸ ἄχθος φέροντα, εἶναι δὲ ὥραν θέρειον,
-καὶ διψῶντα τὸν ὄνον ἐπί τινα κρήνην κατὰ τὴν τοῦ 
-ποτοῦ χρείαν ἐλθεῖν. τὸν οὖν ὄφιν τὸν φυλάττοντα
-ἀναστέλλειν αὐτὸν καὶ ἀπελαύνειν, καὶ ἐκεῖνον σπρεβλούμενον
-μισθόν οἱ τῆς φιλοτησίας δοῦναι ὅπερ
-οὖν ἔτυχε φέρων φάρμακον. οὐκοῦν ἀντίδοσις γίνεται,
-καὶ ὃ μὲν πίνει, ὃ δὲ τὸ γῆρας ἀποδύεται, προσεπιλαβὼν 
-ὡς λόγος τὸ τοῦ ὄνου δίψος. τί οὖν; ἐγὼ
-τοῦ μύθου ποιητής; ἀλλʼ οὐκ ἂν εἴποιμι, ἐπεὶ καὶ
-πρὸ ἐμοῦ Σοφοκλῆς ὁ τῆς τραγῳδίας ποιητὴς καὶ
-Δεινόλοχος ὁ ἀνταγωνιστὴς Ἐπιχάρμου καὶ Ἴβυκος
-ὁ Ῥηγῖνος καὶ Ἀριστίας καὶ Ἀπολλοφάνης ποιηταὶ 
-κωμῳδίας ᾅδουσιν αὐτόν.
-</p>
-</div2>
-<div2 type="chapter" n="52">
-<p>σοφὸν ἐλέφαντος ἔργον εἰ παραλίποιμι, φήσει 
-μέ τις ἀγνοήσαντα οὐκ εἰπεῖν. ἔστι δὲ καὶ ἀκοῆς
-ἄξιον, καὶ διὰ ταῦτα ἀκούσωμεν αὐτοῦ. ὁ τῆς τούτου
-κομιδῆς ἐγχειρισθεὶς τὴν φροντίδα τῶν μὲν κριθῶν 
-ὑφῄρει, λίθους δὲ ὑποπάττων ἐκείνῳ μὲν ἄβρωτον
-τὸ πλεῖστον εἰργάζετο, ἀπέσωζε δὲ τὸν ὄγκον
-τοῦ μέτρου πρὸς τὸν ἐπισκοποῦντα ἀμφοῖν δεσπότην.
-καὶ τέως διελάνθανεν. οὐκοῦν ὁ ἐλέφας ἀθάρην
-ἰδὼν ἕψοντα τὸν ἐπίβουλόν οἱ, τῆς ἄμμου τῆς ἐν 
-ποσὶ τῇ προβοσκίδι χύδην ἀναλαβὼν ἐνέβαλεν ἐς
-τὴν χύτραν καὶ ἠμύνατο ἀνθʼ ὧν ἔπαθε διʼ ὧν ἐποίησεν εὐμηχάνως.
-</p>
-</div2>
-<div2 type="chapter" n="53">
-<p>οἱ μὲν ἄλλοι κύνες καὶ ἑλεῖν καὶ ἀνιχνεῦσαι τὰ 
-θηρία σοφοί, οἱ δὲ Αἰγύπτιοι φυγεῖν δεινότατοι. τὰ 
-γοῦν ἐν τῷ Νείλῳ δεδιότας ἄγει μὲν αὐτοὺς τὸ δίψος
-πιεῖν, ἡσυχῆ δὲ καὶ ἐς κόρον πιεῖν τὸ δέος οὐ συγχωρεῖ.
-<pb id="p.164"/>
-καὶ διὰ ταῦτα οὐ πίνουσιν ἐπικύψαντες, ὡς
-ἂν μή τι τῶν κάτωθεν ἀνερπύσαν εἶτα ἐξαρπάσῃ αὐτούς.
-οὐκοῦν τὴν μὲν ὄχθην παραθέουσι, λάπτουσι
-δὲ τῇ γλώττῃ, ἁρπάζοντες ὡς ἂν εἴποι τις ἢ καὶ νὴ
-Δία κλέπτοντες τὸ πῶμα.
-</p>
-</div2>
-<div2 type="chapter" n="54">
-<p> ἐχῖνος, οὐχ ὁ θαλάσσιος, ἀλλʼ ὁ χερσαῖος, πολλὰ
-μὲν καὶ ἄλλα ὥς ἐστι πανοῦργος ἤδη μοι λέλεκται,
-ὃ δὲ οὐκ εἶπον αὐτοῦ δολερὸν ἔργον, τοῦτο
-εἰρήσεται τὰ νῦν. μέλλων ἁλίσκεσθαι ἑαυτὸν συνειλήσας
-ἄληπτον ἐργάζεται, εἶτα μέντοι καὶ πιέζει τὸ
-πνεῦμα καὶ ἀκίνητος ἀτρεμεῖ καὶ τὸν τεθνεῶτα ὑποκρίνεται.
-</p>
-</div2>
-<div2 type="chapter" n="55">
-<p> αἱ λεπάδες, οὐκ ἂν αὐτὰς ἀποσπάσειας τῶν πετρῶν,
-οὐδὲ εἰ λάβοις δακτύλοις τοῖς τοῦ Μίλωνος,
-ὅσπερ οὖν ἐγκρατέστατα καὶ εὐλαβέστατα τὴν ῥοιὰν
-κατεῖχεν, ὡς μὴ αὐτὴν ἀφελέσθαι τῶν ἀντιπάλων
-τινὰ τῆς δεξιᾶς αὐτοῦ. ὅστις δὲ ἐπιχειρεῖ λεπάδα
-ἀποσπάσαι τῆς πέτρας, ᾗ προσέχεται, γελᾶται μογῶν
-καὶ παρέχει θυμηδίαν. ἀδυνατεῖ γοῦν ἐγκρατὴς οὗ
-σπεύδει γενέσθαι. ξυομένη δὲ σιδήρῳ σχίζεται ἀπὸ
-τῆς πέτρας ὀψέ.
-</p>
-</div2>
-<div2 type="chapter" n="56">
-<p> στρατεύονται δὲ ἄρα οἱ Λίβυες οὐ μόνον ἐπὶ
-τοὺς γείτονας, ἵνα αὐτῶν πλέον ἔχωσιν, ἀλλὰ καὶ
-ἐπὶ τοὺς ἐλέφαντας. καὶ ἴσασί γε ἐκεῖνοι τῆς ὁδοῦ
-τῆς ἐπʼ αὐτοὺς τὴν ὑπόθεσιν οὐδὲν ἕτερον εἶναι ἢ
-τοὺς ὀδόντας. οἱ τοίνυν πηρωθέντες τὸν ἕτερον ἐπὶ
-μετώπου ἑστᾶσι, τῶν λοιπῶν προβαλλομένων αὐτούς,
-ἵνα οἳ μὲν ὑποδέχωνται τὴν πρώτην ὁρμήν, οἳ δὲ
-ἀμύνωσιν ἀκεραίῳ τῇ τῶν ὀδόντων ῥώμῃ καὶ ἰσοπαλεῖ,
-ἴσως δὲ τῶν Λιβύων καὶ καταφιλοσοφοῦντες καὶ
-ἐπιδεικνύντες αὐτοῖς ὅτι ἄρα οὐχ ὑπὲρ μεγάλου τοῦ
-ἄθλου κινδυνεύσοντες ἥκουσι. χρῶνται δὲ ἄρα τῷ
-<pb id="p.165"/>
-μὲν τῶν ὀδόντων ὡς ὅπλῳ, καὶ τεθηγμένον αὐτὸν
-φυλάττουσι, τῷ δὲ ὡς σμινύῃ· καὶ γὰρ ἐν αὐτῷ ῥίζας
-ὀρύττουσι καὶ δένδρα ἐκμοχλεύσαντες ὑποκλίνουσιν.
-</p>
-</div2>
-<div2 type="chapter" n="57">
-<p>οὐ μόνον δὲ ἄρα ἦσαν ὑφαντικαὶ αἱ φάλαγγες 
-καὶ εὔχειρες κατὰ τὴν Ἀθηνᾶν τὴν Ἐργάνην τε καὶ 
-Πηνῖτιν θεάν, πεφύκασι δὲ καὶ γεωμετρίαν δειναί.
-τὸ γοῦν κέντρον φυλάττουσι καὶ τὸν ἐξ αὐτοῦ κύκλον
-καὶ τὴν περιφέρειαν ἀκριβοῦσιν ἰσχυρῶς, καὶ Εὐκλείδου
-δέονται οὐδὲ ἕν· κάθηνται γὰρ ἐν τῷ κέντρῳ
-μέσῳ ἐλλοχῶσαι τὴν ἑαυτῶν ἄγραν. εἰσὶ δὲ ὡς εἰπεῖν 
-καὶ ὑφάντριαι γενναῖαι καὶ ἀκεστικὴν εὐπάλαμοι·
-καὶ ὅ τι ἂν διαρρήξῃς ἐκείνων τῆς εὐπήνου τε καὶ
-εὐμίτου σοφίας, αἳ δὲ ἀνακοῦνται, καὶ ἀπαθὲς καὶ
-ὁλόκληρον αὖθις ἀποδείκνυνται.
-</p>
-</div2>
-<div2 type="chapter" n="58">
-<p>ἄνευ δὲ λογιστικῆς οἱ φοίνικες συμβαλεῖν ἐτῶν 
-πεντακοσίων ἴσασιν ἀριθμόν, μαθηταὶ φύσεως τῆς
-σοφωτάτης ὄντες, καὶ διὰ ταῦτά τοι μηδὲ δακτύλων
-δεδεημένοι ἢ ἄλλου τινὸς ἐς ἐπιστήμην ἀριθμητικῆς.
-ὑπὲρ ὅτου δὲ ἴσασι τοῦτο καὶ εἰδέναι ἀνάγκη αὐτούς,
-δημώδης ἐστὶν ὁ λόγος. τὸν δὲ τῶν πεντακοσίων 
-ἐτῶν χρόνον πληρούμενον ἴσασιν Αἰγυπτίων ἤ τις
-ἢ οὐδείς, ὀλίγοι δὲ κομιδῆ καὶ οὗτοι τῶν ἱερέων.
-οὗτοι γοῦν πρὸς ἀλλήλους ὑπὲρ τούτων οὐ ῥᾳδίως
-συμβῆναι ἔχουσιν, ἀλλὰ οἳ μὲν ἐρεσχελοῦσι σφᾶς
-αὐτοὺς ἐρίζοντες ὡς οὐ νῦν ἀλλʼ ἐς ὕστερον ὅδε ὁ 
-θεῖος ὄρνις ἀφίξεται ἢ ὡς ἐχρῆν ἥκειν· ὃ δὲ ἄλλως
-ἐκείνων ἐριζόντων ἀποσημαίνεται δαιμονίως τὸν καιρὸν
-καὶ πάρεστιν. οἳ δέ, θύειν ἀνάγκη αὐτοὺς καὶ
-ὁμολογεῖν ὅτι τὸν μὲν ἥλιον ἐν ταῖς λέσχαις καταδύειν
-ἄγουσι σχολήν, οὐκ ἴσασι δὲ ὅσα ὄρνιθες. 
-ἐκεῖνα δέ, ὢ πρὸς τῶν θεῶν, οὐ σοφά, εἰδέναι ποῦ
-μὲν Αἴγυπτός ἐστι, ποῦ δὲ καὶ Ἡλίου πόλις, ἔνθα
-<pb id="p.166"/>
-αὐτῷ πέπρωται ἥκειν, καὶ ὅπου ποτὲ τὸν πατέρα καταθέσθαι
-χρὴ καὶ ἐν θήκαις τίσι; ταῦτα δὲ εἰ μὴ
-δοκεῖ θαυμαστά, ἆρά γε τὰ ἀγοραῖα καὶ τὰ ἐνόπλια
-καὶ τὰς ἄλλας τῶν ἀνθρώπων ἐς ἀλλήλους τε καὶ
-κατʼ ἀλλήλων ἐπιβουλὰς ἐροῦμεν σοφά; ἐμοὶ μὲν οὐ
-δοκεῖ, ὦ Σισύφων καὶ Κερκώπων καὶ Τελχίνων ζηλωταὶ
-ἄνθρωποι. λέγω δὲ πρὸς τοὺς ἀκριβοῦντας
-ταῦτα, πρός γε μὴν τοὺς ἀτελέστους τοῖς προειρημένοις
-κακοῖς οὐ λέγω.
-</p>
-</div2>
-<div2 type="chapter" n="59">
-<p> τὸ δὲ ἐνθυμηματικὸν καὶ διαλεκτικὸν καὶ τὸ
-τοῦδε μᾶλλον ἢ τοῦδε αἱρετικὸν εἰ καὶ τὰ ζῷα οἶδεν,
-εἰκότως ἂν εἴποιμεν διδάσκαλον τῶν ὅλων τὴν φύσιν
-ἄμαχον. ἐμοὶ γοῦν τις γευσάμενος διαλεκτικῆς καὶ
-κυνηγεσίων ἁμωσγέπως ἐχόμενος τοιαῦτα ἔλεγεν. ἦν
-θηρατικὴ κύων, ἦ δʼ ὅς. οὐκοῦν λαγὼ κατʼ ἴχνια
-ᾔει. καὶ ὃ μὲν οὐχ ἑωρᾶτό πω, μεταθέουσα δὲ ἡ
-κύων ἐντυγχάνει που τάφρῳ, καὶ διαπορεῖ ἆρά γε
-ἐπὶ δεξιὰ ἄμεινον ἢ ἐπὶ θάτερα διώκειν· ὡς δʼ ἀποχρώντως
-ἐδόκει σταθμήσασθαι, εἶτα εὐθύωρον ὑπερεπήδησεν.
-ὁ φάσκων οὖν διαλεκτικός τε εἶναι καὶ θηρατικὸς
-ταύτῃ πη συνάγειν τὴν ὑπὲρ τῶν λεχθέντων
-ἐπειρᾶτο ἀπόδειξιν. ἐπιστᾶσα ἡ κύων ἐσκοπεῖτο καὶ
-πρὸς ἑαυτὴν ἔλεγεν ʽἤτοι τῇδε ἢ τῇδε ἢ ἐκείνῃ ὁ λαγὼς
-ἐτράπετο. οὔτε μὴν τῇδε οὔτε τῇδε· ἐκείνῃ ἄρα.ʼ καὶ
-οὔ μοι ἐδόκει σοφίζεσθαι· τῶν γὰρ ἰχνῶν μὴ ὁρωμένων
-ἐπὶ τάδε τῆς τάφρου, κατελείπετο ὑπερπηδῆσαι τὸν
-λαγὼν αὐτήν. εἰκότως οὖν ἐπήδησε καὶ αὐτὴ κατʼ αὐτόν·
-ἰχνευτικὴ γὰρ καὶ εὔρινος ἐκείνη γε ἡ κύων ἦν.
-</p>
-</div2>
-<div2 type="chapter" n="60">
-<p> Μασσαγέται μέν, ὡς Ἡρόδοτος λέγει, τὸν φαρετρεῶνα
-πρό γε ἑαυτῶν κρεμάσαντες, εἶτα μέντοι ὁμιλεῖ
-τῇ θηλείᾳ ὁ ἄρρην ἐμφανῶς, εἰ καὶ ὁρῷεν αὐτοὺς
-οἱ πάντες, πεφροντικότες οὐδὲν ἐκεῖνοί γε. καμήλων
-<pb id="p.167"/>
-δὲ ὁμιλία οὐκ ἄν ποτε ἐμφανὴς γένοιτο, οὐδὲ ὁρώντων
-οἱονεὶ μαρτύρων· ἀλλὰ εἴτε αἰδῶ φαμεν εἴτε
-φύσεως δῶρον ἀπόρρητον, ταῦτα Δημοκρίτῳ τε καὶ
-τοῖς ἄλλοις καταλείπωμεν ἐλέγχειν τε καὶ τὰς αἰτίας
-λέγειν ἱκανοῖς ὑπὲρ τῶν ἀτεκμάρτων τε καὶ οὐ συμβλητῶν. 
-ἤδη δὲ καὶ ὁ νομεὺς ἀπαλλάττεταί ποι, ὅταν
-αἴσθηται τῆς συμφοιτήσεως αὐτοῖς τῆς πρὸς ἀλλήλους
-τὴν ὁρμήν, ὥσπερ οὖν ἀφιστάμενος παριοῦσιν
-ἐς θάλαμον νύμφῃ τε καὶ νυμφίῳ.
-</p>
-</div2>
-<div2 type="chapter" n="61">
-<p>Λυκοῦργος δὲ νομοθετεῖ νόμον φιλανθρωπότατον, 
-ὡς ἐγᾦμαι, θάκων τε καὶ ὁδῶν ἀφίστασθαι τοῖς
-πρεσβυτέροις τοὺς νεωτέρους αἰδοῖ χρόνου ἐς ὃν
-εὔχονται πάντες ἀφικέσθαι, ἐάνπερ οὖν αὐτοῖς πεπρωμένον
-τοῦτο δήπου ᾖ. πῶς δὲ ὁ γενναῖος ὁ τοῦ
-Εὐνόμου δύναιτο ἂν τοῖς τῆς φύσεως νόμοις ἁμιλλᾶσθαί 
-τε καὶ ἀντικρίνεσθαι; ἐπαΐουσι γοῦν τὸ τῶν
-ἐλεφάντων γένος, ὦ Λυκοῦργοί τε καὶ Σόλωνες καὶ
-Ζάλευκοι καὶ Χαρῶνδαι, ὧνπερ οὖν ὑμεῖς νομοθετεῖτε
-οὐδὲ τὴν ἀρχήν, καὶ ὅμως δρῶσι τοιαῦτα, καὶ τροφῆς
-ἀφίστανται τοῖς πρεσβυτέροις οἱ νέοι, καὶ γήρᾳ 
-παρειμένους θεραπεύουσιν αὐτούς, καὶ κινδύνων
-ῥύονται, καὶ ἐς ὀρύγματα ἐμπεσόντας οἳ δὲ ἀνάγουσι,
-φρυγάνων τινὰς ἀγκαλίδας καὶ φακέλους ἐμβαλόντες,
-οἷσπερ οὖν ὡς ἀναβαθμοῖς χρώμενοι ἐκεῖνοι εἶτα
-ἀνίασι γήρᾳ βαρεῖς ὄντες. ποῦ δαὶ ἠλόησε πληγαῖς 
-πατέρα ἐλέφας; ποῦ δαὶ ἀπεκήρυξεν ὁ πατὴρ ὀ ἐν
-τούτοις τὸν υἱόν; ὑμῖν δὲ ἴσως, ὦ ἄνθρωποι, δοκῶ
-λέγειν μύθους τεχνίταις ʽεἰ τἀληθῆ λέγειν ἐθέλοιμενʼ
-</p>
-</div2>
-<div2 type="chapter" n="62">
-<p>καὶ ποιηταῖς οὖσι τῶν μύθων τῶν ἀπιστουμένων. 
-φιλοδέσποτον μὲν ὥς ἐστιν ὁ κύων, τεκμηριοῖ 
-καὶ τὰ ἤδη λεχθέντα, χρὴ δὲ ἄρα τάττειν σὺν αὐτοῖς
-καὶ ἐκεῖνό γε δήπου. Γέλων ὁ Συρακόσιος καθεύδων
-<pb id="p.168"/>
-βαθύτατα ἐδόκει διόβλητος γεγονέναι. καὶ τὸ μὲν
-φάσμα ὄνειρος ἦν, ἐβόα δὲ καίτοι καθεύδων καὶ μάλα
-γε ὀξείᾳ καὶ διατόρῳ τῇ φωνῇ. κύων οὖν ὑπʼ αὐτῷ
-τραφεὶς ἀκούσας φίλου καὶ συντρόφου φθέγματος,
-ὥς τι τοῦ Γέλωνος ἐξ ἐπιβουλῆς παθεῖν κινδυνεύοντος,
-ὡς εἶχεν ὁρμῆς ἀναθορὼν ἐπὶ τὴν στρωμνὴν καὶ
-περιβὰς τὸν τροφέα, ὑλάκτει σφοδρότατα, οἷα δὴ
-ἀμυνούμενος τὸν ἐπιόντα. ἐξήγρετο τοίνυν ὁ Γέλων
-καὶ ὑπὸ τοῦ δέους καὶ ὑπὸ τῆς ὑλακῆς ἐκβαλὼν τὸν
-ὕπνον καίτοι βαθύτατον ὄντα.
-</p>
-</div2>
-<div2 type="chapter" n="63">
-<p> δράκων νήπιος νηπίῳ παιδί, τὸ γένος Ἀρκάδι,
-κἀκεῖνος ἐπιχώριος γίνεται σύντροφος. οὐκοῦν συνανιόντε
-τὴν ἡλικίαν ὁ παῖς ἦν μειράκιον καὶ ὁ σύντροφος
-ὑπέρμεγας ἤδη ἦν. καὶ ἀλλήλους μὲν ἐφίλουν,
-οἱ δὲ τῷ μειρακίῳ προσήκοντες ὠρρώδουν τοῦ
-θηρίου τὸ μέγεθος· τὸ γάρ τοι ζῷον τοῦτο, ὤκιστα
-μεγέθει μὲν μέγιστον ἴδοις ἂν αὐτό, ὄψει δὲ φοβερώτατον.
-καθεύδοντα οὖν σὺν τῷ παιδὶ ἐπί γε τῆς
-κλίνης τῆς αὐτῆς ἀράμενοι ὡς ὅτι πορρωτάτω κομίζουσι,
-καὶ ὃ μὲν ὑπανέστη ὁ παῖς, ὃ δὲ ἔμεινεν ὁ
-δράκων. ὡς δὲ ὕλης ἐλάβετο καὶ τῶν ἐκεῖ φαρμάκων
-τῶν συμφυῶν, διέτριβεν ἐνταῦθα ταῖς τῶν δρακόντων
-τροφαῖς ἡδόμενος καὶ τὴν ἐρημίαν πρὸ τῶν
-ἀστικῶν διατριβῶν καὶ τῶν ἐν τοῖς δωματίοις προαιρούμενος
-ἐκεῖνος. διέρπων δὲ ὁ χρόνος τὸν μὲν
-ἀπέφηνε νεανίαν, τὸν δὲ εἰργάσατο δράκοντα ἤδη
-τέλειον. καί ποτε διʼ ἐρημίας ἰὼν ὁ Ἀρκὰς ὁ τοῦ
-ζῴου τοῦ προειρημένου ἐραστὴς καὶ ἐρώμενος λῃσταῖς
-περιτυγχάνει, καὶ παιόμενος ξίφει οἷα εἰκὸς ἐβόα,
-τὰ μὲν ἀλγῶν, τὰ δὲ καὶ συμμάχους παρακαλῶν.
-δράκων δὲ ἦν ἄρα ζῴων καὶ ἰδεῖν ὀξυωπέστατος καὶ
-ὤκιστος ἀκοήν. οὐκοῦν ἐκεῖνος, ἅτε αὐτῷ συντραφείς,
-<pb id="p.169"/>
-τοῦ φθέγματος ἀκούει, καὶ συρίσας ὀξύ, οἷον
-ὠργισμένος, ἐξέπληξέ τε ἐκείνους, τρόμος τε αὐτοὺς
-καταλαμβάνει, καὶ πᾶν ὅσον ἦν κακοῦργον διασπείρονται
-ἄλλος ἄλλῃ, καὶ μέντοι καὶ καταληφθέντας
-τινὰς οἰκτίστῳ διαφθείρει θανάτῳ· τοῦ γε μὴν παλαιοῦ 
-τὰ τραύματα καθήρας φίλου καὶ πᾶν ὅσον ἔνθηρον
-ἦν τοῦτο παραπέμψας, ᾤχετο ἀπιὼν ἔνθα
-αὐτὸν ἐξέθεσαν, οὔτε μηνίσας ὑπὲρ τῆς ῥίψεως, οὔτε
-ὡς οἱ κακοὶ τῶν ἀνθρώπων περιιδὼν ἐν κινδύνῳ
-ὄντα τὸν τέως φίλτατον. 
-</p>
-</div2>
-<div2 type="chapter" n="64">
-<p>ἡ ἀλώπηξ πονηρὸν ζῷόν ἐστιν, ἔνθεν τοι καὶ 
-κερδαλέην οἱ ποιηταὶ καλεῖν φιλοῦσιν αὐτήν· πονηρὸν
-δὲ καὶ ὁ χερσαῖος ἐχῖνός ἐστι. καὶ ὃ μὲν ἑαυτὸν
-συνειλήσας κεῖται, θεασάμενος ἥκουσαν τὴν
-ἀλώπεκα, ἣ δὲ χανεῖν τε καὶ ἐνδακεῖν οὐ δυναμένη, 
-κᾆτα οὔρησεν αὐτοῦ ἐς τὸ στόμα· ὃ δὲ ἀποπνίγεται,
-τοῦ πνεύματος ἔνδον ἐκ τῆς συνειλήσεως κατεσχημένου
-καὶ ἐπιρρέοντός οἱ τοῦ προειρημένου, καὶ
-μέντοι καὶ τὸν τρόπον τοῦτον κακὸν κακὴ περιελθοῦσα
-τὸν ἐχῖνον ἡ ἀλώπηξ ᾕρηκεν αὐτόν. ἀνωτέρω 
-δὲ θήρα λέλεκται ἄλλη.
-</p>
-</div2>
-<div2 type="chapter" n="65">
-<p>περὶ τὸ Κωνώπιον οὕτω καλούμενον ʽχῶρος δὲ 
-ἄρα τῆς Μαιώτιδός ἐστἰ τοῖς ἀσπαλιευταῖς τε καὶ θαλαττουργοῖς
-ἀνδράσιν οἱ λύκοι πιστῶς παραμένουσι,
-καὶ εἰ θεάσαιο, οὐκ ἂν εἴποις αὐτοὺς κυνῶν οἰκουρούντων 
-διαφέρειν. ἐὰν μὲν οὖν ἀπολάχωσι τῆς ἄγρας
-τῆς θαλαττίου μοίρας οἵδε οἱ λύκοι, εἰρηναῖα αὐτοῖς
-πρὸς τοὺς ἁλιέας καὶ ἔνσπονδά ἐστιν· εἰ δὲ μή, διαξαίνουσιν
-αὐτῶν τὰ δίκτυα καὶ ἀφανίζουσι, καὶ ἔδοσαν
-ὑπὲρ τῆς σφετέρας ἀμοιρίας ζημίαν οἱ λύκοι αὐτοῖς. 
-</p>
-</div2>
-</div1>
-<pb id="p.170"/>
-<div1 type="book" n="7">
-<div2 type="chapter" n="1">
-<p>
-πέπυσμαι δὲ ἄρα καὶ ἀριθμητικῆς τὰς βοῦς οὐκ
-ἀμοίρους εἶναι τὰς Σουσίδας. καὶ ὡς οὐκ ἔστιν ἄλλως
-κόμπος τὸ εἰρημένον, μάρτυς ὁ λόγος ὁ λέγων
-ἐν Σούσοις τῷ βασιλεῖ βοῦς ἐς τοὺς παραδείσους
-πολλὰς ἐς τὰ ἡττον ἐπίρρυτα ἀντλεῖν ἑκάστην κάδους
-ἑκατόν. οὐκοῦν ἢ τὸν ἐπινησθέντα αὐταῖς ἢ τὸν
-συντραφέντα ἐκ πολλοῦ μόχθον προθυμότατα ἐκτελοῦσι,
-καὶ οὐκ ἂν βλακεύουσάν τινα θεάσαιο· εἰ
-δὲ πέρα τῆς προειρημένης ἑκατοντάδος ἕνα γοῦν
-προσλιπαρήσειας κάδον ἀνιμήσασθαι, οὐ πείσεις
-οὐδὲ ἀναγκάσεις οὔτε παίων οὔτε κολακεύων. λέγει Κτησίας.
-</p>
-</div2>
-<div2 type="chapter" n="2">
-<p> ὑπὸ τοῖς ποσὶ τοῦ Ἄτλαντος ʽὄρος δὲ ἄρα τοῦτο
-ὑμνεῖται καὶ ὑπὸ τῶν συγγραφέων καὶ μέντοι καὶ
-ὑπὸ τῶν ποιητῶνʼ νομαί τέ εἰσι θαυμασταὶ καὶ ὗλαι
-βαθύταται, καὶ τό γε δάσος αὐτῶν ἔοικεν ἄλσεσι
-πάνυ σκιεροῖς καὶ συνηρεφέσιν. ἐνταῦθα δήπου τοὺς
-ἤδη παλαιοὺς τῶν ἐλεφάντων φασὶν ἀφικνεῖσθαι, γήρᾳ
-βαρεῖς ὄντας· ἄγει δὲ αὐτοὺς ἄρα ἡ φύσις ὥσπερ
-οὖν ἐς ἀποικίαν, ἀναπαύσασα ἤδη καὶ οἷον ὅρμον
-τινὰ καὶ λιμένα ποθητὸν ἀποφήνασα αὐτοῖς, ὅπου τοῦ
-βίου τοῦ σφετέρου τὸ λοιπὸν καταζήσουσιν. ἀνεῖται
-δὲ αὐτοῖς καὶ πηγὴ ποτίμου τε ὕδατος καὶ καθαροῦ
-μάλα ἄφθονος, νομίζονταί τε ἱεροί, καὶ ἀφίενται
-ἄσυλοι, καὶ παρά γε τῶν βαρβάρων τῶντῇ δε εἰλήφασιν
-ἐς ἀθηρίαν σπονδάς, ᾅδονται τε ὡς ὑλαίοις τισὶ
-θεοῖς καὶ ναπαίοις τοῦ χώρου δεσπόταις πάνυ μέλονται.
-διαρρεῖ δὲ ὑπὲρ αὐτῶν καὶ ἐκεῖνος ὁ λόγος
-ὡς ἄρα τις τῶν βασιλέων τῶν ἐπιχωρίων ἐπόθησε
-διὰ τὸ κάλλος τῶν ὀδόντων καὶ τὸ μέγεθος ἀποκτεῖναί
-<pb id="p.171"/>
-τινας αὐτῶν, ἵνα οἱ γένηται κτῆμα ἐξαίρετον·
-εἶναι γὰρ διά τε πολυετίαν καὶ πλῆθος χρόνου μέγιστον
-μέγιστα ἐκείνων τῶν ζῴων ταῦτα τὰ ὅπλα. ὡς δὲ
-ἐσῆλθεν ἥδε ἡ ἐπιθυμία αὐτόν, τριακοσίους λογάδας
-ἐξέπεμψε κατακοντιοῦντας τήνδε τὴν ἱερὰν ἀγέλην. 
-καὶ οἳ μὲν ᾗ ποδῶν εἶχον διανύσαντες τὴν ὁδὸν
-ὡπλισμένοι καὶ δὴ τῷ χωρίῳ προσεπέλαζον, λοιμὸς
-δὲ αὐτοὺς ἄφνω συλλαβὼν κατέστρωσε, καὶ πλὴν
-ἑνὸς οἱ πάντες ἀπολώλασιν, ὅσπερ οὖν ἐπανελθὼν
-τὸ πάθος διηγήσατο τῷ πέμψαντι καὶ μάλα γε οἴκτιστον. 
-οὕτω μὲν δὴ καὶ θεοφιλεῖς ἐφωράθησαν ὄντες ἐλέφαντες.
-</p>
-</div2>
-<div2 type="chapter" n="3">
-<p>ζῷον ἔστι Παιονικόν, καὶ κέκληται μόνωψ, καὶ 
-ἔοικε ταύρῳ λασίῳ τὸ μέγεθος. οὗτος οὖν ὅταν διώκηται,
-ταραττόμενος ἀφίησι πυρῶδες καὶ δριμὺ ἀποπάτημα, 
-ὡς ἀκούω, ὅπερ οὖν εἰ προσπέσοι τῳ τῶν
-θηρατῶν ἀπέκτεινεν αὐτόν.
-</p>
-</div2>
-<div2 type="chapter" n="4">
-<p>ἴδιον δὲ ἦν ἄρα ταύρου καὶ τὸ εὐπειθές, ἡμερωθέντος 
-τε καὶ ἐς τὸ πρᾶον ἐκ τοῦ θηριώδους μεταβαλομένου.
-μένουσι γοῦν καὶ ἐπὶ τῶν φερέτρων ἀκίνητοι, 
-εἴτε ὑπτίους αὐτοὺς ἐθέλοις ἀτρεμεῖν εἴτε ἐπὶ
-στόμα, ὀκλάσαντας τοὺς προσθίους καὶ ἐπὶ τοῦ τένοντος
-φέροντας ἢ παῖδα ἢ κόρην. ὄψει δὲ ἄρα ταῦρον
-καὶ ἐπὶ τοῖς νώτοις γυναῖκα ἄγοντα, καὶ μετέωρον
-ἑστῶτα ἐπὶ τῶν κατόπιν σκελῶν, καὶ τὸ πᾶν σῶμα 
-ἐφʼ ὅτου δὴ κούφως ἐρείσαντα. εἶδον δὲ ἐπὶ ταύροις
-καὶ ὀρχουμένους καὶ ἀκινήτους ἐκείνους καὶ ἀτρέπτους ἑστῶτας.
-</p>
-</div2>
-<div2 type="chapter" n="5">
-<p>ἡ γῆ ἡ Λίβυσσα πολλῶν καὶ ποικίλων θηρίων 
-γόνιμός ἐστι, καὶ μέντοι καὶ τὸ κατώβλεπον οὕτω 
-καλούμενον καὶ αὐτὸ ἡ αὐτὴ ἔοικε τίκτειν. καὶ ταύρῳ
-μέν ἐστι παραπλήσιον ὅσα ἰδεῖν, τὴν δὲ ὄψιν δοκεῖ
-<pb id="p.172"/>
-βλοσυρώτερον. ὑψηλαὶ μὲν γὰρ αἱ ὀφρύες αὐτῷ καὶ
-δασεῖαι, οἱ δὲ ὀφθαλμοὶ ὑπόκεινται οὐ μάλα τι κατὰ
-τοὺς τῶν βοῶν μεγάλοι, βραχύτεροι δὲ καὶ ὕφαιμοι·
-καὶ ὁρῶσιν οὐκ εὐθύωρον, ἀλλὰ ἐς τὴν γῆν, ἔνθεν
-τοι καὶ κέκληται κατώβλεπον. λόφος δὲ ἄρα ἄνωθεν
-ἐκ τῆς κορυφῆς ἀρξάμενος αὐτῷ καὶ ἱππείᾳ τριχὶ
-παραπλήσιος διὰ τοῦ μετώπου κάτεισι, καὶ τὸ πρόσωπόν
-οἱ καταλαμβάνει, καὶ ἐργάζεται φοβερώτερον τῷ
-ἐντυχόντι. σιτεῖται δὲ ἄρα ῥίζας θανατηφόρους. ἐπειδὰν
-δὲ ὑποβλέψῃ ταυρηδόν, φρίττει μὲν παραχρῆμα
-καὶ ἐγείρει τὴν λοφιάν· ὑπανισταμένης δὲ ἄρα ταύτης
-καὶ ὀρθουμένης καὶ γυμνουμένων τῶν περὶ τὸ
-στόμα χειλέων, ἐκπέμπει διὰ τῆς φάρυγγος ὀξειοβαρὲς
-καὶ βρωμῶδες, ὡς καταλαμβάνεσθαι μὲν τὸν
-ὑπὲρ κεφαλῆς ἀέρα, τῶν δὲ ζῴων τὰ πλησιάζοντα
-ἀναπνέοντα τοῦτον κακοῦσθαι σφόδρα, καὶ ἀφωνίαις
-τε καὶ σπασμοῖς θανατώδεσι περιπίπτειν. συνίησί
-τε τῆς ἑαυτοῦ δυνάμεως ὅδε ὁ θήρ· οἶδε δὲ αὐτὸν
-καὶ τὰ ζῷα, καὶ ὡς ὅτι πορρωτάτω ἀποδιδράσκει.
-</p>
-</div2>
-<div2 type="chapter" n="6">
-<p> ἐλεφάντων θήρας ἐπιστήμονες ᾅδουσιν ἡμῖν,
-ὅταν διώκωνται οἵδε οἱ θῆρες, ᾅττειν αὐτοὺς καὶ φέρεσθαι
-ῥύμῃ ἀμάχῳ καὶ ὁρμῇ ἀκατασχέτῳ, καὶ ἀναστέλλεσθαι
-ὑπὸ μηδενός, καὶ μέντοι καὶ διὰ τῶν μεγίστων
-ἵεσθαι δένδρων οἷον διὰ ληίων, ὥσπερ οὖν
-στάχυς τινὰς κατακλῶντας τὰ δένδρα· καὶ πῆ μὲν
-τὰ δένδρα αὐτῶν ὑπερέστηκε καὶ τὰς κόμας ὑπερέχει,
-πῆ δὲ αὐτοὶ τῶν δένδρων εἰσὶν ὑψηλότεροι. θέουσι
-μὲν οὖν ἀνὰ κράτος, καὶ ὑποτέμνονται ταῖς ὁδοῖς
-τοὺς διώκοντας, καὶ εἰκότως· εἰσὶ γὰρ τῶν χωρίων
-ἠθάδες. καὶ ὅταν πολὺ ἀποσπάσωσι, καὶ πόρρω τῆς
-ἵππου τῆς μετελθούσης αὐτοὺς γένωνται, καὶ ἀναθαρρήσωσιν
-ὡς ἐν σκέπῃ τοῦ κινδύνου καὶ ἐλευθερίᾳ
-<pb id="p.173"/>
-γενόμενοι, ἑστᾶσί τε καὶ ἀναπαύονται, τὴν ἐκ τοῦ
-δέους φροντίδα καὶ μάλα ἀσμένως ἐκβάλλοντες. ἐνταῦθά
-τοι τοῦ χρόνου καὶ μνήμη τροφῆς αὐτοὺς
-ἐσέρχεται· σιτοῦνται δὲ ἀκούω τήν τε σχῖνον ἀμφιλαφῆ
-τοῖς δένδροις περιπεφυκυῖαν καὶ κιττὸν ἄγριον
-τοῖς φυτοῖς ἐφέρποντα καὶ ὑπέρδασυν καὶ φοινίκων 
-μέντοι τὰς ἁπαλάς τε καὶ νεαρὰς κόμας καὶ ἄλλων
-φυτῶν τοὺς ὅρπηκας καὶ τοὺς πτόρθους τοὺς ὑγροτέρους.
-εἰ δὲ οἱ διώκοντες πάλιν προσπελάζοιεν, οἳ
-δὲ ἐς φυγὴν ἐκτρέπονται αὖθις. οἵ γε μὴν διώκοντες
-αὐλίζονται ἑσπέρας καταλαβούσης, καὶ ἐμπρήσαντες 
-τὴν ὕλην εἶτα μέντοι τρόπον τινὰ τὴν ὁδὸν
-τὴν ὀπίσω διατειχίσαντες αὐτοῖς ἔστησαν. δεδοίκασι
-δὲ πῦρ οὐ μεῖον τῶν λεόντων οἱ ἐλέφαντες.
-</p>
-</div2>
-<div2 type="chapter" n="7">
-<p>Ἀριστοτέλους ἀκούω λέγοντος ὅτι ἄρα γέρανοι 
-ἐκ τοῦ πελάγους ἐς τὴν γῆν πετόμεναι χειμῶνος ἀπειλὴν 
-ἰσχυροῦ ὑποσημαίνουσι τῷ συνιέντι. πετόμεναι
-δὲ ἄρα ἡσυχῆ αἱ αὐταὶ ὑπισχνοῦνται εὐημερίαν τινὰ
-καὶ εἰρήνην ἀέρος, καὶ σιωπῶσαι δὲ ὅτι ἔσται ὑπεύδια
-τοὺς οὐκ ἀπείρως ἔχοντας τῇ σιωπῇ ὑπομιμνήσκουσιν
-αἱ αὐταί. ἐὰν δὲ καταπέτωνται καὶ βοῶσι 
-καὶ ταράττωσί τε καὶ ταράττωνται, ἀπειλοῦσι κἀνταῦθα
-χειμῶνα ἰσχυρόν. ἐρωδιὸς δὲ κνεφαῖος βοῶν
-τὰ αὐτὰ ἔοικεν ὑποδηλοῦν. πετόμενος δὲ ἐρωδιὸς
-τῆς θαλάττης εὐθὺ ὕδωρ ἐξ οὐρανοῦ ῥαγήσεσθαι
-αἰνίττεται. εἰ δὲ εἴη χειμέρια, ᾅσασα γλαῦξ εὐδίαν 
-μαντεύεται καὶ ἡμέραν φαιδράν· ἐὰν δὲ εὐδία μὲν
-ᾖ, ἣ δὲ ὑποφθέγγηται, χειμῶνα δεῖ προσδέχεσθαι.
-κόραξ δὲ ἐπιτρόχως φθεγγόμενος καὶ κρούων τὰς
-πτέρυγας καὶ κροτῶν αὐτάς, ὅτι χειμὼν ἔσται κατέγνω
-πρῶτος. κόραξ δὲ αὖ καὶ κορώνη καὶ κολοιὸς δείλης 
-ὀψίας εἰ φθέγγοιντο, χειμῶνος ἔσεσθαί τινα ἐπιδημίαν
-<pb id="p.174"/>
-διδάσκουσι. κολοιοὶ δὲ ἱερακίζοντες, ὡς ἐκεῖνος
-λέγει, καὶ πετόμενοι πῆ μὲν ἀνωτέρω πῆ δὲ κατωτέρω,
-κρυμὸν καὶ ὑετὸν δηλοῦσι. κορώνη δὲ ἐπὶ
-δείπνου ὑποφθεγγομένη ἡσυχῆ, ἐς τὴν ὑστεραίαν
-εὐδίαν παρακαλεῖ. φανέντες δὲ ὄρνιθες πολλοὶ μὲν
-τὸν ἀριθμόν, λευκοὶ δὲ τὴν χρόαν, χειμὼν ὅτι ἔσται
-πολὺς ἐκδιδάσκουσι. νῆτται δὲ καὶ αἴθυιαι πτερυγίζουσαι
-πνεῦμα δηλοῦσιν ἰσχυρόν. ὄρνιθες δὲ ἐκ
-τοῦ πελάγους ἐς τὴν γῆν σὺν ὁρμῇ πετόμενοι μαρτύρονται
-χειμῶνα. ἐρίθακος δὲ ἐς τὰ αὔλια καὶ τὰ
-οἰκούμενα παριὼν δῆλός ἐστι χειμῶνος ἐπιδημίαν
-ἀποδιδράσκων. ἀλεκτρυόνες γε μὴν καὶ ὄρνιθες οἱ
-ἠθάδες πτερυσσόμενοι καὶ φρυαττόμενοι καὶ ὑποτρύζοντες
-χειμῶνα δηλοῦσιν. ἀπειλοῦσι δὲ πνεῦμα
-λουόμεναί γε ὄρνιθες, καὶ ἀνέμων τινὰς ἐμβολὰς
-ὑποφαίνουσι. χειμῶνος δὲ ὄντος ἐς ἀλλήλους ὄρνιθες
-πετόμενοι καὶ διʼ ἀλλήλων θέοντες σημαίνουσιν
-εὐδίαν. ὄρνιθες δὲ ἀθροιζόμενοι περί τε λίμνας καὶ
-ποταμῶν ὄχθας χειμῶνα ἐσόμενον οὐκ ἀγνοοῦσι.
-πάλιν τε ὄρνιθες οἱ μὲν θαλάττιοι καὶ οἱ λιμναῖοι ἐς
-τὴν γῆν ἰόντες ὡς ἔσται χειμὼν πολὺς οὐκ ἀγνοοῦσιν,
-οἱ δὲ χερσαῖοι σπεύδοντες ἐς τὰ νοτερὰ εὐδίας ἄγγελοί
-εἰσιν, ἐὰν μέντοι σιωπῶσιν.
-</p>
-</div2>
-<div2 type="chapter" n="8">
-<p> Αἰγυπτίων ἀκούω λεγόντων τὸν ὄρυγα συνιέναι
-τὴν τοῦ Σειρίου ἐπιτολὴν πρῶτον, καὶ μαρτύρεσθαι
-τῷ πταρμῷ αὐτήν. νεανιεύονται δὲ καὶ οἱ Λίβυες
-ἀνὰ κράτος φάσκοντες καὶ τὰς αἶγας παρʼ αὐτοῖς
-προειδέναι τὸ αὐτὸ δήπου τοῦτο. αὗται μὲν καὶ μέλλοντα
-ὑετὸν προδηλοῦσιν. ἐπειδὰν γὰρ προέλθωσι
-τῶν σηκῶν, δρόμῳ καὶ μάλα γε ὤκιστα ὁρμῶσιν ἐπὶ
-τὸν χιλόν· εἶτα ἐμπλησθεῖσαι αὑτὰς ἐπιστρέφουσιν
-ἐς τὰ οἰκεῖα, καὶ ὁρῶσαι ἐκεῖσε ἀτρεμοῦσι, τὸν ποιμένα
-<pb id="p.175"/>
-ἀναμένουσαι, ἵνα τὴν ταχίστην συνελάσῃ αὐτάς.
-καὶ Ἵππαρχος μὲν ἐπὶ Ἱέρωνος τοῦ τυράννου καθήμενος
-ἐν θεάτρῳ καὶ φορῶν διφθέραν, ὅτι τὸν μέλλοντα
-χειμῶνα ἐκ τῆς παρούσης αἰθρίας προηπίστατο
-ἐξέπληξε· καὶ ἐθαύμαζεν Ἱέρων αὐτόν, καὶ Νικαεῦσι 
-τοῖς Βιθυνοῖς συνήδετο ὅτι Ἱππάρχου πολίτου ἔτυχον·
-ἐν Ὀλυμπίᾳ δὲ θεώμενον Ἀναξαγόραν ἐν διφθέρᾳ
-καὶ αὐτὸν τὰ Ὀλύμπια ἐπιρραγέντος ὑετοῦ τὸ Ἑλληνικὸν
-πᾶν ᾖδεν, καὶ θειότερα νοεῖν ἢ κατὰ τὴν θνητὴν
-φύσιν ἐκόμπαζεν. ὅτι δὲ βοῦς, ἐὰν μέλλῃ ὕειν 
-ὁ Ζεύς, ἐπὶ τὸ ἰσχίον τὸ δεξιὸν κατακλίνεται, ἐὰν δὲ
-εὐδία, πάλιν ἐπὶ τὸ λαιόν, θαυμάζει ἤ τις ἢ οὐδείς.
-καὶ ἐκεῖνα δὲ προσακήκοα ἐκπλῆξαι ἱκανά. βοῦς ἐὰν
-βοᾷ καὶ ὀσφραίνηται, ὕειν ἀνάγκη. ἄδην δὲ βόες
-καὶ πέρα τοῦ ἔθους ἐσθίοντες δηλοῦσι χειμῶνα. 
-πρόβατα δὲ ὀρύττοντα ταῖς ὁπλαῖς τὴν γῆν ἔοικε
-σημαίνειν χειμῶνα, ἀναβαινόμενα δὲ τὰ αὐτὰ πρωὶ
-πρώιον χειμῶνα ὁμολογεῖ. κοιμώμεναι δὲ ἀθρόαι αἱ
-αἶγες τὰ αὐτὰ ὁμολογοῦσιν. ὕες δὲ ἐν τοῖς ἀρώμασι
-φαινόμεναι ὑετοῦ φυγὴν διδάσκουσιν. ἄρνες δὲ ἄρα 
-καὶ ἔριφοι ἀλλήλοις ἐμπηδῶντές τε καὶ ὑποσκιρτῶντες
-φαιδρὰν ἡμέραν ὁμολογοῦσιν. γαλαῖ δὲ
-ὑποτρίζουσαι καὶ μύες ἐκείναις δρῶντες τὰ αὐτὰ
-χειμῶνα ἔσεσθαι συμβάλλονται ἰσχυρόν. λύκοι δὲ
-φεύγοντες ἐρημίας καὶ εὐθὺ τῶν οἰκουμένων 
-ἰόντες χειμῶνος ἐμβολὴν μέλλοντος ὅτι πεφρίκασι
-μαρτυροῦσι διʼ ὧν δρῶσι. λέοντος δὲ ἐν τοῖς
-καρπίμοις χωρίοις ἐπιδημία αὐχμὸν δηλοῖ. σκιρτῶντά
-γε μὴν τὰ ὑποζύγια καὶ βοῶντα τοῦ ἔθους
-μᾶλλον νοτερὸν χειμῶνα ἐσόμενον δηλοῖ· εἰ δὲ καὶ 
-ταῖς ὁπλαῖς κόνιν προσαναβάλλοι, ταὐτὰ ταῦτα δηλοῖ
-που. λαγῲ δὲ ἐν τοῖς αὐτοῖς χωρίοις ὁρώμενοι πολλοὶ
-<pb id="p.176"/>
-δηλοῦσιν εὐδίαν. πάντων δὲ τούτων ἀπολείπονται
-οἱ ἄνθρωποι, καὶ ἴσασιν αὐτὰ ὅταν γένηται.
-</p>
-</div2>
-<div2 type="chapter" n="9">
-<p> ἱεράκων πέρι καὶ ταῦτα προσακήκοα. οἱ τοῦ
-Ἀπόλλωνος ἐν τῇ Αἰγύπτῳ θεραπευταὶ λέγουσι καλεῖσθαί
-τινας οὕτως ἱερακοβοσκούς, οἵπερ οὖν εἰσι
-τῶν τοῦ θεοῦ ἱεράκων τροφεῖς τε καὶ μελεδωνοὶ
-μέντοι οἱ αὐτοί. πᾶν μὲν οὖν τὸ φῦλον ἀνεῖται τῷ
-θεῷ τῷδε, ἤδη δέ τινες ἐκεῖθι καὶ ἱεροὶ τρέφονται
-τροφῇ πεφροντισμένῃ, καὶ δοκοῦσι τῶν ἀναθημάτων
-</p>
-</div2>
-<div2 type="chapter" n="10">
-<p> διαφέρειν οὐδὲ ἕν. οἱ τοίνυν τὴν τούτων ἐγκεχειρισμένοι
-κομιδὴν πρὸς τοὺς ἀγνοοῦντας λέγουσιν ἐν
-ταῖς νεοττιαῖς ἑκάστους ʽἐν ἄλσει γὰρ ἱερῷ τρέφονταἰ
-τίκτειν· ὁμολογεῖσθαι δὲ τὴν ἄλλων μέν, ἐκ
-τούτων δὲ ἔτι καὶ μᾶλλον. τοῖς δὲ ἀρτιγενέσι προβάλλουσιν
-ὀρνίθων τεθηραμένων ἐξῃρημένους τοὺς
-ἐγκεφάλους, τροφὴν ἁπαλὴν νεοττοῖς ὑγροῖς· τοῖς
-γε μὴν τελείοις οὖσι παρατιθέασι σάρκας τε καὶ ἶνας,
-ὅσα ἰσχυρὰν τροφὴν ὄρνισιν ἁρπακτικοῖς ἐργάζεται·
-τοῖς δὲ ἐν μεθορίῳ τῶν ἀρτιγενῶν καὶ τῶν ἤδη τελείων
-καρδίαι παράκεινται, καὶ τούτων λείψανα ὁρᾶται.
-καὶ ἥ γε διαφορότης ἡ προειρημένη τῆς τροφῆς
-ὁμολογεῖ ὅτι τὸ ἁρμόττον ἡλικίᾳ ἑκάστῃ καὶ πρόσφορον
-ἴσασιν οἱ ἱέρακες καὶ μάλα γε ἀκριβοῦσι τοῦτο,
-καὶ τῆς παρʼ ἡλικίαν τροφῆς οὐκ ἂν ἅψαιντο. καθʼ
-ὥραν δὲ ἄρα καὶ ὀρτύγων αὐτοῖς ἐπιδημίαι γίνονται,
-καὶ τῶν ἄλλων ὀρνίθων ἐπιφοιτῶσιν ἀγέλαι, καὶ
-ἔχουσί γε οἱ ἱεροὶ ἐκεῖνοι καὶ ἐντεῦθεν θοίνην.
-κυνῶν ἐς τοὺς τρέφοντας αὐτοὺς ἄμαχον εὔνοιαν
-ὁμολογεῖ καὶ ἐκεῖνο δήπου. ἔν τινι τῶν ἐμφύλων
-πολέμων ἐν τῇ Ῥώμῃ Κάλβου τοῦ Ῥωμαίου σφαγέντος,
-οὐδεὶς μέντοι τῶν ἐχθρῶν τοῦ ἀνδρὸς ἠδυνήθη
-τὴν κεφαλὴν ἀποτεμεῖν, καίτοι μυρίων ἀγώνισμα
-<pb id="p.177"/>
-τιθεμένων σφίσι καὶ καλλώπισμα τοῦτο, πρὶν ἢ τὸν
-παρεστῶτά οἱ κύνα ἀποκτεῖναι ὑπʼ αὐτῷ τραφέντα
-καὶ μέντοι καὶ τὴν εὔνοιάν οἱ πιστότατα ἀποσώζοντα
-καὶ ὑπερμαχοῦντα τοῦ κειμένου, ὥσπερ οὖν συστρατιώτην
-τε καὶ σύσκηνον ἀγαθὸν καὶ ἐς τὰ ἔσχατα 
-φίλον. οἷον δʼ αὖ καὶ τό δʼ ἔρεξεν οὐκ ἀνὴρ μὰ
-Δία, ἀλλʼ ἀγαθὸς κύων καὶ τὴν γνώμην καρτερός,
-μαθεῖν ἄξιον. ὁ Ἠπειρώτης Πύρρος ὡδοιπόρει, εἶτα
-μέντοι περιτυγχάνει πεφονευμένῳ, καὶ κυνὶ παρεστῶτι
-καὶ μέντοι καὶ φρουροῦντι τὸν δεσπότην, ἵνα 
-μὴ πρὸς τῷ φόνῳ καὶ τῷ νεκρῷ λυμήνηταί τις.
-ἔτυχε δὲ ἄρα τρίτην ἔχων ὁ κύων ἀπόσιτος τὴν ἡμέραν
-ἐπὶ τῇ φιλοπόνῳ καὶ καρτερικωτάτῃ φρουρᾷ.
-ὅπερ οὖν διδαχθεὶς ὁ Πύρρος τὸν μὲν ᾤκτειρε καὶ
-ταφῆς ἠξίωσε, τόν γε μὴν κύνα προσέταξε τυχεῖν 
-κηδεμονίας, καὶ ἐδίδου ὅσα κυνὶ ὀρέγεται ἐκ χειρός,
-καὶ μάλα γε ἱκανὰ καὶ ἐφολκὰ ἐς τὴν ἑαυτοῦ φιλίαν
-τε καὶ εὔνοιαν, κατὰ μικρὰ ὑπάγων τὸν κύνα ὁ Πύρρος.
-καὶ ταῦτα μὲν ἐς τοσοῦτον. εἶτα μέντοι οὐ
-μετὰ μακρὸν ἐξέτασις ὁπλιτῶν ἦν, καὶ ὁ βασιλεὺς ὃν 
-προεῖπον ἐθεᾶτο, καί οἱ παρῆν ἐκεῖνος ὁ κύων. καὶ
-τὰ μὲν ἄλλα ἑαυτὸν σιγῇ κατεῖχε καὶ πραότατος ἦν·
-ἐπεὶ δὲ ἄρα τοὺς τοῦ δεσπότου φονέας ἐν τῇ τῶν
-στρατιωτῶν εἶδεν ἐξετάσει, ὃ δὲ οὐκ ἐκαρτέρησεν
-ἐνταῦθα ἀτρεμεῖν, ἀλλὰ ἐς αὐτοὺς ἐπήδα καὶ ὑλάκτει 
-ἀμύσσων τοῖς ὄνυξι, καὶ ἐς τὸν Πύρρον θάμα ἐπιστρεφόμενος
-ὡς οἷός τε ἦν ἐπήγετο μάρτυρα ὅτι ἄρα
-τοὺς ἀνδροφόνους ἔχει. οὐκοῦν ὑπόνοια ἐσέρχεται
-καὶ τὸν βασιλέα καὶ τοὺς περιεστῶτας αὐτόν, καὶ
-ποιοῦνται ἐνθύμιον τὴν τοῦ κυνὸς ὑλακὴν τὴν ἐς 
-τοὺς προειρημένους. καὶ συλληφθέντες στρεβλοῦνται,
-καὶ κατεῖπον ὅσα ἐτόλμησαν. καὶ δοκεῖ μὲν μῦθος
-<pb id="p.178"/>
-ταῦτα τοῖς ὅσοι Διὸς ἑταιρείου καὶ φιλίου τοῦ αὐτοῦ
-θεσμὸν πατήσαντες εἶτα μέντοι ζῶντας προύδοσαν
-τοὺς φίλους καὶ ἀποθανόντας· ἐγὼ δὲ οὐ πείθομαι
-τοῖς νοοῦσι κακῶς τὰ τῆς φύσεως καλά, ἥπερ οὖν εἰ
-τοῖς ἀλόγοις μετέδωκεν εὐνοίας τε καὶ στοργῆς, πάντως
-που καὶ τῷδε τῷ ζῴῳ τῷ λογικῷ μετέδωκε μᾶλλον.
-ἀλλὰ οὐ χρῶνται τῷ δώρῳ. καὶ τί δεῖ τὰ λοιπὰ
-ἐπιλέγειν ὁπόσα ἄνθρωποι ὑπὲρ τοῦ πονηροῦ
-κέρδους κακὰ τοὺς ἑαυτῶν φίλους εἰργάσαντο, ἐπιβουλὰς
-ῥάπτοντες καὶ προδιδόντες; ὡς ἔμεγε ἀλγεῖν
-εἴπερ οὖν ἀνθρώπων πιστότερος καὶ εὐνούστερος ἐλήλεγκται κύων.
-</p>
-</div2>
-<div2 type="chapter" n="11">
-<p> πολύποδος ἐς οὖς ἐμὸν καὶ ἐκεῖνο ἧκεν. ἦν πέτρα
-προήκουσα μέν, οὐ μὴν ἄγαν ὑψηλή. οὐκοῦν
-πολύπους ποτὲ ἀνερπύσας εἶτα ἥπλωσε τὰς πλεκτάνας,
-καὶ μάλα γε ἀσμένως ὑπεθάλπετο ʽκαὶ γὰρ οὖν
-καὶ χειμέρια ἐδόκει πωσʼ, οὐ μὴν ἑαυτὸν ἐς τὴν χρόαν
-τῆς πέτρας ἐκτρέψας ἤδη ἦν. πεφύκασι δὲ ἄρα
-δρᾶν τοῦτο οἱ πολύποδες τὰς ἐς ἑαυτοὺς ἐπιβουλὰς
-φυλαττόμενοι καὶ μέντοι καὶ αὐτοὶ τοὺς ἰχθῦς ἐλλοχῶντες.
-ἰδὼν οὖν ὀξὺ μέν, ἑαυτῷ δὲ οὐκ ἀγαθὸν τὸ
-θήραμα ἀετός, ὡς ὁρμῆς τε ἅμα καὶ πτερῶν εἶχεν
-ἐμπηδᾷ τῷ πολύποδι, καὶ μέντοι καὶ δεῖπνον ἕξειν
-ἕτοιμον ἑαυτῷ τε καὶ τοῖς παισὶ τοῖς ἑαυτοῦ κατέγραφεν.
-πλόκαμοι δὲ ἄρα ἐκείνου περιβάλλουσι τῷ
-ἀετῷ σφᾶς αὐτούς, καὶ ἀπρὶξ ἐχόμενοι εἶτα ἕλκουσι
-κάτω τὸν ἔχθιστον, καὶ χανὼν λύκος ὡς ἂν εἴποις
-εἶτα μέντοι νεκρὸς ἐπενήχετο τῇ θαλάττῃ ὁ ἀετὸς
-ὑπὲρ τοῦ δείπνου. μυρία μὲν δὴ τοιαῦτα πάσχουσιν
-ὄρνιθες, πλείω δὲ ἄνθρωποι· ἐν δὲ τοῖς ᾀδομένοις
-ὑφʼ Ἡροδότου Μασσαγέταις ὁ Καμβύσου
-Κῦρος ὁ ἕτερος καὶ μέντοι καὶ Πολυκράτης ἐς
-<pb id="p.179"/>
-Ὀροίτου σπεύσας ὡς τὸν χρυσὸν ἁρπασόμενος καὶ ἄλλος
-<quote rend="blockquote">
-<lb/>τεύχων ὡς ἑτέρῳ τις ἑῷ κακὸν ἥπατι τεύχει.
-</quote> 
-καὶ ταῦτα μὲν οὐκ οἶδε τὰ ἄλογα, ἄνθρωποι δὲ εἰδότες
-οὐ φυλάττονται. καὶ τί δεῖ γλώττης καὶ λόγων 
-καὶ διδασκάλων καὶ πληγῶν, ὦ Κῦρε καὶ Πολύκρατες;
-τοὺς δὲ ἄλλους ἐῶ· τί γάρ μοι κωφοῖς
-καὶ ἀνοήτοις συμβουλεύειν τὰ λυσιτελέστατα;
-</p>
-</div2>
-<div2 type="chapter" n="12">
-<p>μέγα φρονείτωσαν αἱ Παιονίδες γυναῖκες καὶ 
-τὸ φρύαγμα αἰρέτωσαν δρῶσαι τὰ ὑμνούμενα. ἔστι 
-δὲ τοιαῦτα. τῇ μὲν κεφαλῇ φέρουσιν ὑδρίαν μεστὴν
-ὕδατος, καὶ τὸν αὐχένα ἀνέστησαν, ὥστε αὐταῖς βαδιζούσαις
-ἄτρεπτόν τε καὶ ἀκλινῆ διαμένειν τὴν
-ὑδρίαν· ἐξαρτήσασαι δὲ τοῦ κόλπου θηλάζουσι τὰ
-βρέφη, καὶ ἐς τὸν βραχίονα τὸν ῥυτῆρα ἐνάψασαι τὸν 
-τοῦ γήμαντος ἵππον ἐς ἀρδείαν ἄγουσι, καὶ ταῖς χερσὶ
-νῶσι λίνον. ταῦτά τοι καὶ Δαρεῖος ἐθαύμασεν, ὅτε
-Παίονες νεανίαι τὴν ἑαυτῶν ἀδελφὴν οὕτω σκευάσαντες,
-δικάζοντος αὐτοῦ, παρήγαγον αὐτήν, ἵνα ἐς
-ἔρωτα ἐμπεσὼν τῆς οὕτως ἀθρόας αὐτουργίας ἕλῃ 
-Παίονας. ἀλλὰ ἡ φύσις πόσῳ Παιονίδων σοβαρωτέρα.
-κύων θηράσασα ʽλαγὼς δὲ ἦν τὸ ἄγρευμα αὐτῇ, καὶ
-ἐκύει ἡ κύωνʼ ἐπεὶ τῆς σπουδῆς τῆς προκειμένης
-ἐτετυχήκει, τῷ μὲν δεσπότῃ τοῦ θηράματος ἀπέστη,
-ἀναχωρήσασα δὲ ἐννέα φασὶ σκύλακας ἀποκυήσασα 
-εἶτα ἐξέθρεψεν αὐτούς. εἰ δὲ Λιγυστίνων αἱ γυναῖκες
-μέγα φρονοῦσιν ὅτι κἀκεῖναι τὴν ὠδῖνα ἀπολύσασαι
-καὶ ἐξαναστᾶσαι τῶν ἔργων ἔχονται τῶν κατὰ τὴν οἰκίαν,
-ἀκούσασαι τὸ τῆς κυνὸς ἔργον τῆς προειρημένης
-τοῦ φυσήματος ἀποστᾶσαι πάντως ἐγκαλύψονται. 
-</p>
-</div2>
-<div2 type="chapter" n="13">
-<p>τὸ μὲν τοῦ ἡμιόνου τοῦ φιλοπόνου Ἀριστοτέλης 
-<pb id="p.180"/>
-εἶπε καὶ ἡμεῖς ἄνω που, τὸ δὲ τοῦ κυνὸς καὶ τοῦτο
-ἐν ταῖς Ἀθήναις γενόμενον εἰπεῖν οὐδὲν ἄτοπον. ἐς
-Ἀσκληπιοῦ παρῆλθε θεοσύλης τό τε μεσαίτατον τῆς
-νυκτὸς παραφυλάξας καὶ τῶν καθευδόντων τὸν βαθύτατον
-ὕπνον ἐπιτηρήσας, εἶτα ὑφείλετο τῶν ἀναθημάτων
-πολλά, καὶ ὥς γε ᾤετο ἐλελήθει. ἦν δὲ ἄρα
-σκοπὸς ἀγαθὸς ἔνδον κύων καὶ τῶν ζακόρων ἀμείνων
-ἐς ἀγρυπνίαν, ὅσπερ οὖν εἵπετό οἱ διώκων, καὶ
-ὑλακτῶν οὐκ ἀνίει, ᾗπερ οὖν ἔσθενε δυνάμει τὸ
-πραχθὲν μαρτυρόμενος. τὰ μὲν οὖν πρῶτα ἔβαλλεν
-αὐτὸν λίθοις αὐτός τε καὶ οἱ τῆς κακῆς ἐκείνης πράξεως
-κοινωνοί, τὰ δὲ τελευταῖα προύσειεν ἄρτους τε
-καὶ μάζας. ἐπήγετο δὲ ἄρα ταῦτα δέλεαρ κυνῶν προμηθῶς,
-ὥς γε ὑπελάμβανεν. ἐπεὶ δὲ καὶ παρελθόντος
-ἐς τὴν οἰκίαν οὗ κατήγετο ὑλάκτει καὶ πάλιν
-προϊόντος, ἐγνώσθη μὲν ὁ κύων ἔνθεν ἦν, τὰ λείποντα
-δὲ τῶν ἀναθημάτων ἐπόθουν αἱ γραφαί τε
-καὶ αἱ χῶραι ἔνθα ἀνέκειντο. συνέβαλον οὖν τοῦτον
-ἐκεῖνον εἶναι οἱ Ἀθηναῖοι, καὶ στρεβλώσαντες τὸ
-πᾶν κατέγνωσαν. καὶ ὃ μὲν ἐδικαιώθη τὰ ἐκ τοῦ νόμου,
-ὁ δὲ κύων ἐτιμήθη δημοσίᾳ τροφῇ καὶ κηδεμονίᾳ,
-οἷα δήπου φύλαξ πιστὸς καὶ τῶν νεωκόρων οὐδενὸς
-μείων τὴν ἐπιμέλειαν.
-</p>
-</div2>
-<div2 type="chapter" n="14">
-<p> ἀγαθὴ δὲ ἄρα ἦν αἲξ καὶ τὴν τῶν ὀφθαλμῶν
-ἀχλὺν ἥνπερ οὖν παῖδες Ἀσκληπιαδῶν ὑπόχυσιν καλοῦσιν
-ἀκέσασθαι, καὶ λέγονταί γε οἱ ἄνθρωποι παρʼ
-ἐκείνης μαθεῖν τόδε τὸ ἴαμα. τὸ δὲ ἄρα τοιοῦτόν
-ἐστιν. ὅταν αἲξ νοήσῃ τὸν ὀφθαλμὸν ἐπιθολωθέντα
-αὐτῇ, πρόσεισι βάτῳ, καὶ παραβάλλει τῇ ἀκάνθῃ τὸ
-ὄμμα. καὶ ἣ μὲν ἐκέντησε, τὸ δὲ ὑγρὸν ἐξεχώρησε,
-μένει δὲ ἀπαθὴς ἡ κόρη, καὶ ὁρᾷ αὖθις, καὶ δεῖται
-σοφίας καὶ χειρουργίας ἀνθρωπικῆς οὐδὲ ἕν.
-<pb id="p.181"/>
-</p>
-</div2>
-<div2 type="chapter" n="15">
-<p>ποταμὸν ἐλέφαντες διέρχονται οἱ μὲν ἔτι νέοι διανηχόμενοι· 
-οἱ δὲ ἤδη τέλειοι, καὶ εἰ καλύπτοιντο ὑπὸ
-τοῦ ῥεύματος, ἀνέχουσι μέντοι τὰς προβοσκίδας ὑπὲρ
-τὸ ὕδωρ, τὰ δὲ ἀρτιγενῆ πώλια ἐπὶ τῶν ὀδόντων
-φέρουσιν αἱ μητέρες. τῶν μὲν οὖν κινδύνων καὶ 
-πόνων οἱ νέοι κατάρχονται, ποτοῦ δὲ ἄρα καὶ τροφῆς
-ἀφίστανται τοῖς πρεσβυτέροις αἰδῶ νέμοντες, καὶ
-τῶν Λυκούργου νόμων δέονται οἵδε οὐδὲ ἕν. γήρᾳ
-δὲ παρειμένον ἐλέφαντα ἢ νόσῳ κατειλημμένον οὐκ
-ἄν ποτε οἱ συναγελαζόμενοι καταλίποιεν, ἀλλὰ πιστῶς 
-παραμένουσι, καὶ ἀναρρῶσαι σπεύδουσι τῇ τε
-ἄλλῃ καὶ ἐὰν διώκωνται, καὶ ὑπὲρ αὐτοῦ μάχονται,
-καὶ τιτρώσκονται παραμένοντες, φυγεῖν δυνάμενοι.
-καὶ τὰ βρέφη δὲ τὰ νεαρὰ οὐκ ἄν ποτε αἱ τεκοῦσαι
-προδοῖεν, ἀλλὰ καὶ ἐκείνοις ἐκεῖναι πιστῶς παραμένουσι, 
-καίτοι τῶν θηρώντων ἐγκειμένων, καὶ πρότερόν
-γε τὴν ψυχὴν ἀπολίποιεν ἂν ἢ τὰ τέκνα. ἐγὼ δὲ
-ᾔδειν μειράκιον ὢν ἄνθρωπον πρεσβῦτιν Λαινίλλαν
-ὄνομα, καὶ ἐδείκνυτο ὑπὸ πάντων, καὶ ἐπʼ αὐτῇ μῦθος
-ἐλέγετο, καὶ ὅ γε μῦθος τοιόσδε ἦν. οἱ πρεσβύτεροι 
-πρός με ἔφασκον ἐκείνην τὴν ἄνθρωπον ἐρασθεῖσαν
-οἰκέτου δριμέως αὐτῷ μὲν συγκαθεύδειν,
-κηλῖδα δὲ ἄρα παισὶ τοῖς ἑαυτῆς περιάπτειν. οἳ δὲ
-εὐγενεῖς ἦσαν, καὶ ἐς τὴν βουλὴν τὴν Ῥωμαίων ἐτέλουν
-ἐκ πατέρων τε καὶ τῶν ἄνω τοῦ γένους. οἱ 
-τοίνυν παῖδες αἰδούμενοι τῇ μητρὶ ἤχθοντο τοιαῦτα
-δρώσῃ, καὶ πράως ὑπενουθέτουν, καὶ τοῦ πραττομένου
-τὴν αἰσχύνην ἐπέλεγον ἡσυχῆ· ἣ δὲ κυμαίνουσα
-ἐκ τῆς ἐπιθυμίας, καὶ τὸν ἔρωτα ἐπίπροσθεν τῶν
-υἱέων ποιησαμένη, καταγορεύει αὐτῶν πρὸς τὸν ἄρχοντα, 
-καὶ λέγει ὡς ἐπιβουλεύοιεν αὐτῷ. ὃ δὲ ἔχων
-ἐς διαβολὰς τὸ οὖς ῥᾴδιον, καὶ ὑπόπτης ὢν καὶ δειλὸς
-<pb id="p.182"/>
-ʽπάθη δὲ ταῦτα ἀγεννοῦς διανοίασʼ ἐπίστευσε.
-καὶ οἳ μὲν οὐδὲν ἀδικοῦντες ἀπέθνησκον, ἣ δὲ ἆθλον
-τοῦ κατειπεῖν ἠνέγκατο δούλῳ συγκαθεύδειν ἀνέδην.
-ὦ πατρῷοι θεοὶ καὶ Ἄρτεμι λοχεία Εἰλείθυιαί τε
-θυγατέρες Ἥρας, τί ἂν ἔτι Μήδειαν εἴποιμεν τὴν
-Κόλχον ἢ Πρόκνην τὴν Ἀτθίδα, τῶν ἔναγχός τε καὶ
-καθʼ ἡμᾶς παθῶν μνημονεύσαντες;
-</p>
-</div2>
-<div2 type="chapter" n="16">
-<p> τὰς χερσαίας χελώνας οἱ ἀετοὶ συλλαβόντες εἶτα
-ἄνωθεν προσήραξαν ταῖς πέτραις, καὶ τὸ χελώνιον
-συντρίψαντες οὕτως ἐξαιροῦσι τὴν σάρκα καὶ ἐσθίουσι.
-ταύτῃ τοι καὶ Αἰσχύλον τὸν Ἐλευσίνιον τὸν
-τῆς τραγῳδίας ποιητὴν τὸν βίον ἀκούω καταστρέψαι.
-ὁ μὲν Αἰσχύλος ἐπί τινος πέτρας καθῆστο, τὰ εἰθισμένα
-δήπου φιλοσοφῶν καὶ γράφων· ἄθριξ δὲ ἦν
-τὴν κεφαλὴν καὶ ψιλός. οἰηθεὶς οὖν ἀετὸς πέτραν
-εἶναι τὴν κεφαλὴν εἶτα μέντοι κατʼ αὐτῆς ἀφῆκεν ἣν
-κατεῖχε χελώνην, καὶ ἔτυχε τοῦ προειρημένου τὸ βέλος,
-καὶ ἀπέκτεινε τὸν ἄνδρα.
-</p>
-</div2>
-<div2 type="chapter" n="17">
-<p> κηρύλος δὲ καὶ ἀλκυὼν ὁμόνομοι καὶ σύμβιοι.
-καὶ γήρᾳ γε παρειμένους αὐτοὺς ἐπιθέμεναι αἱ ἀλκυόνες
-περιάγουσιν ἐπὶ τῶν καλουμένων μεσοπτερυγίων.
-ἄνθρωποι δὲ καὶ τῶν ἀνδρῶν ὑπογηρώντων
-καταφρονοῦσι καὶ πρὸς τὰ μειράκια ἀφορῶσι· καὶ
-οἱ γήμαντες περὶ τὰς νέας ἠνέμωνται, τῶν ἀφηλικεστέρων
-γαμετῶν ὤραν μὴ τιθέμενοι, καὶ οὐκ αἰδοῦνται
-οἱ ἔμφωνοι τῶν ἀλόγων ζῴων βιοῦντες ἀλογώτερον.
-</p>
-</div2>
-<div2 type="chapter" n="18">
-<p> λέγουσι δὲ οἱ Αἰγύπτιοι περὶ τὴν καλουμένην
-Κοπτὸν δύο μόνους ὁρᾶσθαι κόρακας. ἀλλὰ καὶ τῶν
-Ῥωμαίων οἱ τὴν ὄρειον παραφυλάττοντες διὰ τὸ τῆς
-σμαράγδου μέταλλον διισχυρίζονται καὶ οἵδε τοσούτους
-ὄρνιθας τοῦ γένους τοῦδε οἰκεῖν ἐκεῖθι. νεὼς
-<pb id="p.183"/>
-δὲ Ἀπόλλωνι τιμᾶται ἐν τῷ χωρίῳ ἐκείνῳ, οὗπερ οὖν
-ἱεροὺς εἶναί φασιν αὐτούς.
-</p>
-</div2>
-<div2 type="chapter" n="19">
-<p>καὶ ταύτῃ δὲ τὰ ἴδια τῶν ζῴων εἰπεῖν οὐ χεῖρόν 
-ἐστι. νωθέστερά πως δοκεῖ πρόβατον καὶ ὄνος,
-ἄτολμα δὲ νεβροὶ καὶ πρόκες καὶ ζόρκες τε καὶ πύγαργοι 
-καὶ οἱ λαγῴ, οὓς δὴ καὶ πτῶκας οἱ ποιηταὶ καλοῦσιν.
-ἀλλὰ καὶ τῶν πετεινῶν ἐστιν ἄτολμα οἱ
-στρουθοὶ καὶ τῶν ἐνύδρων οἱ κεστρεῖς. ἀκόλαστα δὲ
-κυνοκέφαλοί τε καὶ τράγοι, καὶ μέντοι καὶ ὁμιλεῖν
-γυναιξί φασιν αὐτούς, καὶ ἔοικεν αὐτὸ θαυμάζειν 
-Πίνδαρος. καὶ κύνες δὲ γυναιξὶν ἐπιτολμᾶν ἐλέχθησαν,
-καὶ μέντοι καὶ κριθῆναι λέγεται γυνὴ ἐν τῇ
-Ῥώμῃ μοιχείας ὑπὸ τοῦ γήμαντος, καὶ ὁ μοιχὸς ἐν τῇ
-δίκῃ κύων εἶναι ἐλέγετο. ἤκουσα δὲ κυνοκεφάλους
-καὶ παρθένοις ἐπιμανῆναι καὶ μέντοι καὶ βιάσασθαι 
-ὑπὲρ τὰ μικρὰ μειράκια τὰ τοῦ Μενάνδρου ἐν ταῖς
-παννυχίσιν ἀκόλαστα. λαγνίστατον δὲ καὶ ὁ πέρδιξ
-καὶ μοιχικόν. λάθρᾳ γοῦν ἐπὶ τὰς θηλείας καί πως
-ἀψοφητὶ λέγονται φοιτᾶν. τροφῆς δὲ τὴν κοινωνίαν
-</p>
-</div2>
-<div2 type="chapter" n="20">
-<p>ἥκιστα ἐνδέχονται κύνες. πολλάκις γοῦν καὶ ὑπὲρ 
-ὀστοῦ ἀλλήλους σπαράττουσιν, ὥσπερ οὖν ὁ Μενέλεως
-καὶ ὁ Πάρις ὑπὲρ τῆς Ἑλένης. μόνους δὲ
-ἀκούω τοὺς Μεμφίτας κύνας ἐς μέσον τὰς ἁρπαγὰς
-κατατίθεσθαι καὶ ἐσθίειν κοινῇ. ἄσπονδον δὲ καὶ
-ἔκδικον ὁ σῦς. ἀλλήλων γοῦν οὗτοι νεκρῶν ἐσθίουσι. 
-καὶ οἱ ἰχθῦς δὲ οἱ πλεῖστοι δρῶσιν αὐτό. ἀσεβέστατον
-δὲ ὁ ποτάμιος ἵππος· γεύεται γὰρ καὶ τοῦ πατρός.
-ἀναιδῆ δὲ καὶ μὴ ῥᾳδίως ὑποστελλόμενα μυῖαι καὶ κύνες.
-ἀγριώτατον δὲ λύκοι. λέγουσι δὲ οἱ Αἰγύπτιοι 
-ὅτι καὶ ἀλλήλους ἐσθίουσι, καὶ τὸν τρόπον τῆς ἐπιβουλῆς
-ἐκεῖνόν φασιν. ἐς κύκλον ἑαυτοὺς περιαγαγόντες
-<pb id="p.184"/>
-εἶτα μέντοι θέουσιν. ὅταν δέ τις αὐτῶν ὑπὸ
-τοῦ κατὰ τὸν δρόμον ἰλίγγου σκοτοδινιάσῃ καὶ περιτραπῇ,
-οἱ λοιποὶ κειμένῳ προσπεσόντες σπαράττουσιν
-αὐτὸν καὶ ἐσθίουσι. δρῶσι δὲ ἄρα τοῦτο ἐπὰν ἀθηρίᾳ
-περιπέσωσι. πρὸς γὰρ τὸ μὴ πεινῆν πάντα λῆρον
-ἥγηνται ὥσπερ οὖν οἱ τῶν ἀνθρώπων κακοὶ πρὸς τὸ ἀργύριον.
-</p>
-</div2>
-<div2 type="chapter" n="21">
-<p> κακοηθέστατον δὲ ἄρα τῶν ζῴων ὁ πίθηκος ἦν,
-καὶ ἔτι πλέον ἐν οἷς πειρᾶται μιμεῖσθαι τὸν ἄνθρωπον.
-αὐτίκα γοῦν ἰδὼν ἐξ ἀπόπτου τροφὸν λούουσαν
-παιδίον ἐν σκάφῃ, καὶ πρῶτον μὲν ὑπολύουσαν τὰ
-σπάργανα, εἶτα ἐκ τοῦ λουτροῦ κατειλοῦσαν αὐτό,
-παραφυλάξας ἔνθα ἀνέπαυσε τὸ βρέφος, ὡς εἶδεν
-ἐρημίαν, ἐσέθορε διά τινος ἀνεῳγμένης θυρίδος, ἐξ
-ἧς οἱ πάντα σύνοπτα ἦν, καὶ ἄρας ἐκ τῆς εὐνῆς τὸ
-παιδίον, καὶ γυμνώσας ὡς ἔτυχεν ἰδών, καὶ κομίσας
-ἐς μέσον τὴν σκάφην, ζέον ὕδωρ ʽκαὶ γὰρ ἦν ἐπί τινων
-ἀνθράκων θερμαινόμενονʼ τοῦ δυστυχοῦς παιδίου
-κατέχεε, καὶ μέντοι καὶ ἀπέκτεινεν αὐτὸ
-οἴκτιστα.
-</p>
-</div2>
-<div2 type="chapter" n="22">
-<p> κακόηθες δὲ ἄρα καὶ ὕαινα ἦν καὶ ὅν φασι κοροκότταν.
-ἡ γοῦν ὕαινα πρὸς τὰ αὔλια νύκτωρ φοιτᾷ,
-καὶ μιμεῖται τοὺς ἐμοῦντας. ἀκούοντες δὲ οἱ κύνες
-προσίασιν ὡς ἐπʼ ἄνθρωπον· ἣ δὲ αὐτοὺς συλλαμβάνει
-καὶ ἐσθίει. πανουργίαν δὲ κοροκόττα, ἣν
-ἤκουσα καὶ αὐτήν, ἔοικα λέξειν νῦν. ἐς τοὺς δρυμοὺς
-ἑαυτὸν ἐγκρύψας εἶτα μέντοι τῶν ὑλουργούντων
-ἀκούει καλούντων ἀλλήλους ἐξ ὀνόματος καὶ μέντοι
-καὶ λαλούντων ἄττα. εἶτα μέντοι μιμεῖται τὰς φωνάς,
-καὶ φθέγγεται, εἰ καὶ μυθῶδες τὸ εἰρημένον,
-ἀνθρωπίνῃ γοῦν φωνῇ, καὶ καλεῖ τὸ ὄνομα ὃ ἤκουσε.
-καὶ ὁ κληθεὶς πρόσεισιν, ὃ δὲ ἀναχωρεῖ καὶ πάλιν
-<pb id="p.185"/>
-καλεῖ· ὃ δὲ καὶ μᾶλλον κατὰ τὴν φωνὴν ἔρχεται.
-ὅταν δὲ αὐτὸν τῶν συμπονούντων ἀπαγάγῃ καὶ ἔρημον
-ἀποφήνῃ, συλλαβὼν ἀπέκτεινε καὶ ποιεῖται τροφὴν
-τὸ ἐντεῦθεν φωνῇ δελεάσας.
-</p>
-</div2>
-<div2 type="chapter" n="23">
-<p>ἀμύνεσθαι δὲ τὸν προαδικήσαντα ὁ λέων οἶδε, 
-καὶ εἰ μὴ παραχρῆμα αὐτῷ τιμωρήσειεν,
-<quote rend="blockquote">
-<lb/>ἀλλά γε καὶ μετόπισθεν ἔχει κότον, ὄφρα τελέσσῃ,
-<lb/>ἐν στήθεσσιν ἑοῖσιν.
-</quote>
-καὶ τούτου μαρτύριον Ἰόβας ὁ Μαυρούσιος ὁ τοῦ
-παρὰ Ῥωμαίοις ὁμηρεύσαντος πατήρ. ἤλαυνέ ποτε 
-διὰ τῆς ἐρήμης ἐπί τινα ἔθνη τῶν ἀποστάντων, καί
-τις αὐτῷ τῶν παραθεόντων μειρακίσκος εὐγενὴς μὲν
-καὶ ὡραῖος ἤδη δὲ καὶ θηρατικὸς λέοντά πως παρὰ
-τὴν ὁδὸν ἐκφανέντα ἀκοντίῳ βάλλει, καὶ σκοποῦ μὲν
-ἔτυχε καὶ ἔτρωσεν, οὐ μὴν ἀπέκτεινε. κατὰ σπουδὴν 
-δὲ τῆς ἐλάσεως οὔσης, τὸ μὲν θηρίον ἀνεχώρησε,
-παρέδραμε δὲ καὶ ὁ τρώσας καὶ οἱ λοιποί. ἐνιαυτοῦ
-γε μὴν διελθόντος ὁλοκλήρου ὁ μὲν Ἰόβας κατορθώσας
-ἐφʼ ἃ ἐστάλη, τὴν αὐτὴν ὑποστρέφων ἔρχεται
-κατὰ τὸν τόπον, ἔνθα ἔτυχεν ὁ λέων τρωθείς. καὶ 
-ὄντος πλήθους παμπόλλου πρόσεισι τὸ θηρίον ἐκεῖνο,
-καὶ τῶν μὲν ἄλλων ἀπέχεται, συλλαμβάνει δὲ τὸν
-τρώσαντα πρὸ ἐνιαυτοῦ, καὶ τὸν θυμόν, ὅνπερ οὖν
-παρὰ τὸν χρόνον τὸν προειρημένον ἐφύλαττεν, ἀθρόον
-ἐκχεῖ καὶ διασπᾷ τὸ μειράκιον γνωρίσας. ἐτιμώρησε 
-δὲ οὐδείς, φοβηθέντες ὀργὴν λέοντος ἰσχυρὰν καὶ
-δεινῶς ἐκπληκτικήν· ἄλλως τε καὶ ἡ πορεία ἤπειγεν.
-</p>
-</div2>
-<div2 type="chapter" n="24">
-<p>καρκίνων γένη διάφορα καὶ φῦλα ποικίλα ἀκούω 
-εἶναι. καὶ γὰρ οὖν καὶ πετραῖοί εἰσιν· ἀλλὰ καὶ πηλοὶ
-τίκτουσι καρκίνους, καὶ φυκία καὶ ψάμμος. ἰδέαι 
-τε αὐτῶν καὶ ἐπωνυμίαι πολλαί. πλανῶνται δὲ δεῦρο
-<pb id="p.186"/>
-καὶ ἐκεῖσε οἱ καλούμενοι δρομίαι ʽὧδε γὰρ καλεῖν
-αὐτοὺς πρεπωδέστατονʼ· ἀτρεμεῖν γὰρ καὶ ἡσυχάζειν
-ἐπὶ τῆς αὐτῆς χώρας οὔτε ἐθέλουσιν οὔτε πεφύκασιν,
-ἀλλὰ περὶ τοὺς αἰγιαλοὺς ἀλῶνται, ὅθενπερ
-καὶ ἐξέφυσαν· ἤδη δὲ καὶ στέλλονται πορρωτέρω,
-ὥσπερ οὖν οἱ τῶν ἀνθρώπων φιλαπόδημοι. ὑπόθεσις
-δὲ αὐτοῖς τῆς τοσαύτης ἄλης τὸ ἐθέλειν πλείονός
-τινος ἀπολαῦσαι. ἐν δὲ τῷ Θρᾳκίῳ Βοσπόρῳ
-ἐπειδὰν τὸ ῥεῦμα βίαιον ἐκ τοῦ Πόντου καταφέρηται,
-βούλονται μὲν οἱ καρκίνοι πρὸς ἐναντίον ὠθούμενοι
-τὸν ῥοῦν βαδίζειν, ταῖς δὲ ἄκραις ὡς τὸ εἰκὸς βιαιότερον
-τὸ ῥεῦμα περιρρήγνυται. τοὺς οὖν καρκίνους
-ὠθήσει τε πάντως καὶ ἀνατρέψει, εἰ μέλλοιεν ἰέναι
-τῷ ῥῷ ὁμόσε. οἳ δὲ ταῦτα προΐσασι, καὶ ἐπειδὰν
-ἀφίκωνται τῆς ἄκρας πλησίον, ἕκαστος ἔν τινι κολπώδει
-χωρίῳ ἐπέχει, καὶ τοὺς λοιποὺς ἀναμένει.
-εἶτα ἀθροισθέντες ἐν ταὐτῷ προσανέρπουσιν ἐς τὴν
-γῆν, καὶ ἀναρριχῶνται ἐπὶ τοὺς κρημνούς, καὶ τὸ
-μάλιστα ῥοῶδες καὶ βίαιον τοῦ πελάγους πεζοὶ διέρχονται.
-εἶτα ἔξω τῆς ἄκρας γενόμενοι καὶ παραμείψαντες
-αὐτὴν ἐς τὴν θάλατταν κατίασιν αὖθις. φείδονται
-δὲ αὐτῶν οἱ ἁλιεῖς, ὅτι ἑκόντες ἐπὶ τὴν γῆν
-προσέρπουσι, σωθῆναι δεόμενοι ὁμοῦ αὐτοῖς. οὔκουν
-ὑπομένουσι τοῦ κλύδωνος ἀγριώτεροι δοκεῖν οἱ
-</p>
-</div2>
-<div2 type="chapter" n="25">
-<p> ἄνθρωποι.
-ζηλοτυπίαν ζῴου φρονιμωτάτου καὶ μέντοι καὶ
-σωφρονεστάτου ἄνω που οἶδα εἰπών ʽπορφυρίων δὲ
-ἄρα τὸ ζῷον ἦν, εἴ τι παρʼ ἡμῖν μνήμης ὑγιές ἐστινʼ,
-ἤδη δὲ καὶ κυνίδιον μοιχοῖς πολέμιον καὶ ἔχθιστον
-τῷδε τῷ φύλῳ πέπυσμαι Σικελικόν. ὁ μὲν μοιχὸς
-ἔνδον ὑπεκέκρυπτο, τῆς γυναικὸς τῆς μάχλου πυθομένης
-ἥκειν τὸν ἄνδρα ἐξ ἀποδημίας, καὶ ὥς γε ᾤετο
-<pb id="p.187"/>
-σκέπης ἐν καλῷ ἦν· οἱ γάρ τοι τῶν οἰκετῶν δεκασθέντες,
-ὅσοι γοῦν τῇ δεσποίνῃ τὸ κακὸν συναπέκρυπτον
-ʽἦσαν δὲ ἄρα ὅσοι κατόπτρων καὶ μύρων
-ἐπιστάται, φησὶν Εὐριπίδης, καὶ οἱ θυρωροὶ
-δέʼ εἶτα μέντοι θαρρεῖν ἐποίουν τὸν τῆς εὐνῆς κλῶπα. 
-οὐ μὴν ἀπήντησε ταύτῃ ταῦτα, ἐπεὶ καὶ πολλοῦ
-δεῖ· τὸ γάρ τοι κυνίδιον ὑλακτεῖ τε ἅμα καὶ μέντοι
-καὶ ταῖς θύραις τοὺς πόδας προσαράττει, ὡς ἐκπλῆξαι
-τὸν δεσπότην καὶ συμβαλεῖν ἐκ τοῦ δρωμένου
-κακὸν εἶναί τι ὑπολανθάνον. καὶ οἷα εἰκὸς τὰς θύρας 
-ἐκβαλὼν τὸν μοιχὸν καταλαμβάνει. καὶ εἶχε ξίφος
-ἐκεῖνος, καὶ νύκτα ἀνέμενεν, ἵνα ἀποκτείνῃ τῆς
-οἰκίας τὸν δεσπότην καὶ τὴν προειρημένην ὑπογήμῃ γυναῖκα.
-</p>
-</div2>
-<div2 type="chapter" n="26">
-<p>σοφὰ δὲ αἰγῶν ἐστι καὶ ἐκεῖνα. πτύελον ἀνθρώπου 
-θανατηφόρον εἶναι ζῴῳ ἑτέρῳ καλῶς ἴσασι καὶ φυλάττονται,
-ὥσπερ οὖν καὶ ἡμεῖς πειρώμεθα ἀποδιδράσκειν
-ὅσα ἀνθρώπῳ κακόν ἐστιν, εἴπερ οὖν ἀπογεύσαιτο
-αὐτῶν. ἤδη μέντοι τις καὶ ἄνθρωπος ἀγνοῶν
-καὶ λαθών τι κακὸν κατέπιεν, αἱ δὲ αἶγες, οὐκ ἂν 
-αὐτὰς λάθοι τὸ προειρημένον. ἀποκτείνειν δὲ καὶ
-τὰς θαλαττίας σκολοπένδρας τὸ αὐτὸ δήπου πτύελον
-δεινότατόν ἐστι. μέλλουσα δὲ ἡ αἲξ ἀποσφάττεσθαι
-σαφῶς οἶδε. καὶ τὸ μαρτύριον, οὐκ ἂν ἔτι τροφῆς
-προσάψαιτο. οὐκ ἀξιοῖ δὲ προβάτων οὐραγεῖν, ἀλλὰ 
-ἡγεῖσθαι αὐτὴν δεῖν καὶ ἐκ τῆς βαδίσεως ὁμολογεῖ.
-προθεῖ γοῦν ἐκείνων, καὶ μέντοι καὶ αὐτῶν τῶν αἰγῶν
-ὁ τράγος, τῷ γενείῳ θαρρῶν καὶ κατά τινα φύσιν
-θαυμαστὴν τοῦ θήλεος προκρίνων τὸ ἄρρεν.
-</p>
-</div2>
-<div2 type="chapter" n="27">
-<p>Εὐπειθέστατα δὲ ἄρα τῶν ζῴων τὰ πρόβατα ἦν 
-καὶ ἄρχεσθαι φύσει πεπαιδευμένα. ὑπακούει γοῦν
-καὶ τῷ νομεῖ καὶ τοῖς κυσί, καὶ μέντοι καὶ ἕπεται
-<pb id="p.188"/>
-ταῖς αἰξί. φιλεῖ δὲ καὶ ἄλληλα ἰσχυρῶς, καὶ ὑπό γε
-τῶν λύκων ἐπιβουλεύεται ἧττον· οὐ γὰρ πλανᾶται
-ἰδίᾳ ἕκαστον, οὐδὲ μὴν ἀπὸ τοῦ συννόμου σχίζεται,
-ὥσπερ οὖν αἱ αἶγες. λέγουσι δὲ Ἄραβες ὅτι ἄρα τὰ
-παρʼ αὐτοῖς ποίμνια πιαίνεται ὑπὸ μουσικῆς μᾶλλον
-ἢ ὑπὸ τοῦ χιλοῦ. τῶν δὲ ἁλμυρῶν ἐσθίει ἥδιον·
-ποιεῖται γὰρ τὴν τοιαύτην τροφὴν ποτοῦ ὄψον. τά
-γε μὴν πρόβατα κἀκεῖνο οἶδεν, ὅτι αὐτοῖς ὁ βορρᾶς
-καὶ ὁ νότος συμμάχονται πρὸς τὸ τίκτειν οὐ μεῖον
-τῶν ἀναβαινόντων αὐτὰ κριῶν· οἶδε δὲ καὶ τοῦτο,
-ὅτι ἄρα ὁ μὲν βορρᾶς ἀρρενοποιός ἐστιν, ὁ δὲ νότος
-θηλυγόνος εἶναι πέφυκε· καὶ ἐὰν δέηται τοῦδε τοῦ
-ἐκγόνου ἢ τοῦδε ὀχευομένη ἡ οἶς, πρὸς τὸν ἀπέβλεψεν
-ἢ πρὸς τόν. Ἀχιλλεὺς μὲν οὖν ἵνα ὁ φίλος αὐτῷ
-κείμενος ἐπὶ τῆς πυρᾶς καυθῇ, καὶ εὐχῆς ἐδεῖτο,
-καὶ ἡ Ἶρις παρεκάλει τοὺς ἀνέμους αὐτῷ, ὦ καλὲ
-Ὅμηρε, καὶ ὑπισχνεῖτο ἥκουσιν ἱερουργίαν οἱονεὶ
-μισθόν, καὶ ὁ τοῦ Νεοκλέους δὲ Ἀθηναίους ἐδίδασκε
-θύειν τοῖς πνεύμασίν· αἱ δὲ οἶς ἀπραγμόνως τοὺς
-ἀνέμους ἐς ὠδῖνα τὴν σφετέραν ὑπηρέτας ἑτοίμους
-καὶ ἀκλήτους ἔχουσι. σκοποὶ δὲ ἄρα τούτων εἰσὶ καὶ
-οἱ ποιμένες ἀγαθοί. ὅταν γοῦν ὁ νότος πνέῃ, τότε
-τοὺς κριοὺς ἐπὶ τὰς οἶς ἄγουσιν, ἵνα ἡ γονὴ θηλυγόνος
-ᾖ αὐτοῖς μᾶλλον.
-</p>
-</div2>
-<div2 type="chapter" n="28">
-<p> ὅτε τὸν Ἰκάριον ἀπέκτειναν οἱ προσήκοντες τοῖς
-πρῶτον πιοῦσιν οἶνον καὶ ἐς ὕπνον ἐμπεσοῦσιν, οὐκ
-εἰδότες πω μὴ θάνατον εἶναι τὸ πραχθὲν ἀλλὰ οἰνηρὸν
-κάρον, ἐνόσησαν οἱ κατὰ τὴν Ἀττικήν, ἐμοὶ δοκεῖν
-τοῦ Διονύσου τιμωροῦντος τῷ πρώτῳ γεωργῷ
-τῶν ἑαυτοῦ φυτῶν καὶ πρεσβυτάτῳ. ὁ γοῦν Πύθιος
-ἔχρησεν, εἰ βούλονται τυχεῖν σωτηρίας, Ἰκαρίῳ θύειν
-καὶ Ἠριγόνῃ τῇ τούτου παιδὶ καὶ τῷ κυνὶ τῷ ᾀδομένῳ,
-<pb id="p.189"/>
-ὅτι ἄρα διʼ ὑπερβολὴν εὐνοίας τῆς πρὸς τὴν
-δέσποιναν βιῶναι μετʼ αὐτὴν οὐκ ἔγνω. παίζει δὲ
-Εὐριπίδης λέγων
-<quote rend="blockquote">
-<lb/>χρηστοῖσι δούλοις συμφορὰ τὰ δεσποτῶν
-<lb/>κακῶς πίτνοντα καὶ φρενῶν ἀνθάπτεται. 
-</quote>
-ποῦ γὰρ ἄνθρωπος ἐπὶ τῷ δεσπότῃ τέθνηκε, κυνὸς
-δούλου δράσαντος αὐτό;
-</p>
-</div2>
-<div2 type="chapter" n="29">
-<p>ἰδίαν δὲ ἄρα κυνῶν ἐς τοὺς τρέφοντας εὔνοιαν 
-καὶ ἐκεῖνο μαρτυρεῖ. Κολοφώνιος ἀνὴρ παραγίνεται
-ἐς τὴν Τέων συνωνησόμενός τινα· καὶ γὰρ ἦν ἐμπορικός, 
-καὶ τὴν ἐκ τῶν ὠνίων καπηλείαν τε καὶ
-μεταβολὴν πρόσοδον εἶχεν. ἀργύριον δὲ ἐπήγετο καὶ
-οἰκέτην καὶ κύνα, ἔφερε δὲ τὸ ἀργύριον ὁ δοῦλος.
-ἐπεὶ δὲ πρὸ ὁδοῦ ἦσαν, ὁ οἰκέτης ἐξετράπετο· ἤπειγε
-γάρ τι αὐτὸν τῶν κατὰ φύσιν, ἠκολούθησε δὲ καὶ ὁ 
-κύων. τὸ τοίνυν φασκώλιον ἀνέπαυσεν ὁ νεανίας,
-καὶ ἀνελέσθαι πάλιν οὐκ ἐνενόησεν, ἀλλὰ ᾤχετο
-ἀπιών· ὁ δὲ κύων ἑαυτὸν κατακλίνας ἐπὶ τῷ ἀργυρίῳ
-ἔμενεν ἥσυχος. ἐλθόντες δὲ ἐς τὴν Τέων ὅ τε
-δεσπότης καὶ ὁ οἰκέτης εἶτα μέντοι ἄπρακτοι ἐπανῆλθον, 
-ὅτου ὠνήσωνται οὐκ ἔχοντες· τὴν αὐτήν
-γε μὴν ἐκτρέπονται πάλιν ἔνθα ὁ οἰκέτης ἀπέλιπε τὸ
-βαλάντιον, καὶ καταλαμβάνουσι τὸν σφέτερον κύνα
-ἐπικείμενον αὐτῷ καὶ μόλις ἐμπνέοντα ὑπὸ τοῦ λιμοῦ.
-ὃ δὲ ὡς εἶδε τὸν δεσπότην καὶ τὸν ὁμόδουλον, 
-ἑαυτὸν ἀποκλίνας τοῦ φασκωλίου, κατὰ τὸν αὐτὸν
-χρόνον καὶ τὴν φρουρὰν καὶ τὴν ψυχὴν ἀφῆκεν.
-οὔκουν οὐδὲ Ἄργος ὁ κύων μυθοποίημα ἦν, ὦ θεῖε
-Ὅμηρε, σόν, οὐδὲ κόμπος ποιητικός, εἴπερ οὖν καὶ
-</p>
-</div2>
-<div2 type="chapter" n="30">
-<p>τῷ Τηίῳ ταῦτα ἀπήντησεν ὅσα προεῖπον. 
-γένος καρκίνων ἔστι, καὶ πηλαῖοι ὄνομα αὐτοῖς. 
-<pb id="p.190"/>
-τῶν μὲν οὖν ἄλλων ἰδεῖν εἰσι λευκότεροι, τίκτονται
-δὲ ἐν τῷ πηλῷ. δείσαντες δὲ οὗτοι καὶ πέτονται·
-ἔχουσι γὰρ πτερύγια μικρά, ἅπερ οὖν αὐτοὺς ἡσυχῆ
-μετεωρίζει τε καὶ ἐλαφρίζει. βαδίζοντες μὲν οὖν
-ἥκιστα τούτων δέονται, φοβηθέντες δὲ ἔχουσί τινα
-ἐπικουρίαν οὐ πάνυ τι καρτεράν· ἁλίσκονται γὰρ
-οὔτε ὑψηλοὶ πετόμενοι, οὔτε μὴν μετεωροπορεῖν οἷοί
-τε ὄντες. τούτους τοι τοὺς καρκίνους ἐσθίουσί τινες·
-φασὶ δὲ καὶ ἰσχίου πόνῳ ἀγαθὸν εἶναι, εἴ τις φάγοι
-ἀλγῶν.
-</p>
-</div2>
-<div2 type="chapter" n="31">
-<p> αἱ δὲ καρκινάδες τίκτονται μὲν γυμναί, τὸ δὲ
-ὄστρακον ἑαυταῖς αἱροῦνται ὡς οἰκίαν οἰκῆσαι τὴν
-ἀρίστην. ὑποδύονται δὲ καὶ πορφύρας ὄστρακον κενῷ
-περιτυχοῦσαι καὶ στρόμβου. καὶ ἐς ὅσον μὲν αὐτὴν
-στέγει, χαίρει τῇ καταγωγῇ· ἐὰν δὲ αὐξήσῃ τὴν
-σάρκα, ἐς ἄλλον μετοικίζεται οἶκον. περιτυγχάνει δὲ
-τοῖς προειρημένοις πολλοῖς.
-</p>
-</div2>
-<div2 type="chapter" n="32">
-<p> οἱ δὲ στρόμβοι καὶ βασιλέα ἔχουσι, καὶ μάλα γε
-εὐπειθῶς ἄρχονται. καὶ ὁ μὲν βασιλεὺς οὗτος μεγέθει
-μέν ἐστι μέγιστος, κάλλιστος δὲ κάλλος. καὶ εἰ
-μὲν εῖη οἱ καταδῦναι λῷον, ἔδρασε τοῦτο πρώτιστος·
-εἰ δὲ ἀναδῦναι, καὶ τοῦδε ἄρχει· μετακινουμένῳ δὲ
-ἕπονται καὶ οἱ λοιποί. ὅστις δʼ ἂν ἕλῃ τόνδε τὸν
-βασιλέα, ὅτι ἄμεινον πράξει καλῶς οἶδε. καὶ μέντοι
-καὶ εἴ τις ἴδοι θηρώμενον, εὐθυμότερος ἀπῆλθεν,
-ὥς τι χρηστὸν καὶ ἐκεῖνος ἕξων. ἐν Βυζαντίῳ δὲ καὶ
-ἆθλον πρόκειται τῷ θηράσαντι τὸν προειρημένον·
-διδόασι δὲ οἱ συνθηραταὶ δραχμὴν Ἀττικὴν ἕκαστος
-τῷ ἑλόντι, καὶ τό γε ἆθλον τοῦτό έστιν.
-</p>
-</div2>
-<div2 type="chapter" n="33">
-<p> τοὺς ἐχίνους ὁ κλύδων κυλίων ἐς τὰ ἔξω καὶ
-προσαράττων τῷ ξηρῷ τῆς θαλάττης βιαιότατα ἐκβάλλει.
-τοῦτο τοίνυν ἐκεῖνοι δεδιότες, ὅταν αἴσθωνται
-<pb id="p.191"/>
-φρίττον τὸ κῦμα καὶ μέλλον ἁδρότερον ὑπανίστασθαι,
-ταῖς ἀκάνθαις ἀναιροῦνται λιθίδια, ὅσα
-εὔκολά ἐστι φέρειν αὐτοῖς, καὶ ἔχουσιν ἕρμα, καὶ
-οὐ ῥᾳδίως κυλίονται, οὐδὲ πάσχουσιν ὃ δεδοίκασιν.
-</p>
-</div2>
-<div2 type="chapter" n="34">
-<p>ἡ πορφύρα λίχνον ἐστὶν ἰσχυρῶς, καὶ ἔχει γλῶτταν 
-προμηκεστέραν, καὶ διείρει διὰ παντὸς οὗπερ ἂν
-καὶ δύνηται, καὶ διὰ ταύτης ἕλκει ὅσα ἐσθίει, καὶ διὰ
-ταύτης δὲ ἁλίσκεται. καὶ ὁ τρόπος τῆς θήρας ἐκεῖνός
-ἐστι. διαπλέκεται κυρτὶς μικρὰ μέν, πυκνὴ δέ·
-καὶ ἐντὸς ἔχει στρόμβον, καὶ διεῖρται οὗτος ἐν τῇ 
-κυρτίδι μέσῃ. ἀγώνισμα οὖν τῇ πορφύρᾳ διατεῖναι
-τὴν γλῶττάν ἐστι καὶ ἐφικέσθαι αὐτοῦ· καὶ ἀνάγκη
-πᾶσαν αὐτὴν προβάλλειν, εἰ μέλλοι μὴ ἁμαρτήσεσθαι
-οὗ γλίχεται. καὶ ἐμβαλοῦσα τὴν γλῶτταν ἐκμυζᾷ,
-εἶτα διῴδησεν αὐτῇ ἡ γλῶττα ὑπὸ πλησμονῆς, καὶ 
-ἐξελκύσαι ἀδύνατός ἐστιν αὖθις. μένει τοίνυν ἁλοῦσα,
-καὶ ὁ πορφυρεὺς αἰσθόμενος ἐθήρασε δεύτερος
-τὴν ὑπὸ τῆς λιχνείας προῃρημένην.
-</p>
-</div2>
-<div2 type="chapter" n="35">
-<p>σκολόπενδρα θαλάττιον θηρίον, καὶ τῷ χερσαίῳ 
-ὅσα ἰδεῖν ὁμοιότατόν ἐστιν· εἰ δὲ αὐτῆς προσάψαιτο 
-ἀνθρωπεία σάρξ, ὀδαξᾶταί τε παραχρῆμα καὶ κνησιᾷ,
-καὶ πάσχει τοιαῦτα, ὁποῖα καὶ ὑπὸ τῆς βοτάνης, ἣν
-καλοῦσι κνίδην. ποιοῦσι δὲ καὶ ἀκαλῆφαι κνησμονήν,
-ἀλλὰ οὔπω τοσοῦτον. εἰσὶ δὲ ἐδώδιμοι μᾶλλον
-διελθούσης ἰσημερίας αἱ ἀκαλῆφαι. 
-</p>
-</div2>
-<div2 type="chapter" n="36">
-<p>ὅταν ὑπὸ τῶν θηρατῶν ὡς ἐν πολέμῳ στρατιῶται 
-τραπῶσιν οἱ ἐλέφαντες καὶ ἐς φυγὴν ὁρμήσωσιν,
-οὐ φεύγουσι διῃρημένοι οὐδὲ καθʼ ἕνα, ἀλλὰ κοινῇ,
-καὶ πιέζουσιν ἀλλήλους τῶν συννόμων ἐχόμενοι. καὶ
-κύκλῳ μὲν οἱ νέοι, ὡς εἰπεῖν, τὸ μαχιμώτατον, ἐν 
-μέσῳ δὲ οἱ γεγηρακότες καὶ αἱ μητέρες, ὑπὸ ταύταις
-δὲ τὰ πώλια, ἑκάστη τὸ ἴδιον ἀποκρύπτουσα· καὶ
-<pb id="p.192"/>
-ὁρῶνταί γε οἵδε οἱ μικροὶ σπανιώτατα. ἀθρόους δὲ
-αὐτοὺς ἐὰν θεάσωνται καὶ λέοντες, ἢ φεύγουσι προτροπάδην
-ἢ ἄλλος ἄλλῃ κατέπτηξαν ὡς νεβροί, τοὺς
-ἐλέφαντας οἱ τέως φοβεροὶ καὶ ἐκπληκτικοὶ καταδείσαντες.
-οὐκ ἀνθίσταται δὲ τοῖς διώκουσιν ἐλέφας,
-εἰ μή ποτε ἄρα ὑπὲρ τῶν τέκνων καὶ τῶν νοσούντων.
-ἐνταῦθα δὲ ἄμαχός ἐστιν.
-</p>
-</div2>
-<div2 type="chapter" n="37">
-<p> Πώρου τοῦ τῶν Ἰνδῶν βασιλέως ὁ ἐλέφας ἐν τῇ
-πρὸς Ἀλέξανδρον μάχῃ τετρωμένου πολλὰ ἡσυχῆ
-καὶ μετὰ φειδοῦς τῇ προβοσκίδι ἐξῄρει τὰ ἀκόντια,
-καὶ μέντοι καὶ αὐτὸς τετρωμένος πολλὰ οὐ πρότερον
-εἶξε πρὶν ἢ συνεῖναι ὅτι ἄρα ὁ δεσπότης αὐτῷ διὰ
-τὴν ῥοὴν τοῦ αἵματος τὴν πολλὴν παρεῖται καὶ ἐκθνήσκει.
-οὐκοῦν ἑαυτὸν ὑπέκλινε, καὶ ὀκλάσας ἔμεινεν,
-ἵνα μὴ ἄνωθεν πεσὼν ὁ Πῶρος εἶτα μέντοι κακωθῇ
-τὸ σῶμα ἐπὶ μᾶλλον.
-</p>
-</div2>
-<div2 type="chapter" n="38">
-<p> Ὑρκανοῖς καὶ Μάγνησιν οἱ κύνες συνεστρατεύοντο,
-καὶ ἦν καὶ τοῦτο συμμαχικὸν ἀγαθὸν αὐτοῖς
-καὶ ἐπικουρικόν. συστρατιώτην δέ τις Ἀθηναῖος ἐν
-τῇ μάχῃ τῇ ἐν Μαραθῶνι ἐπήγετο κύνα, καὶ γραφῇ
-εἴκασται ἐν τῇ Ποικίλῃ ἑκάτερος, μὴ ἀτιμασθέντος
-τοῦ κυνός, ἀλλὰ ὑπὲρ τοῦ κινδύνου μισθὸν εἰληφότος
-ὁρᾶσθαι σὺν τοῖς ἀμφὶ τὸν Κυνέγειρον καὶ Ἐπίζηλόν
-τε καὶ Καλλίμαχον. ἔστι δὲ καὶ οὗτοι καὶ ὁ
-κύων Μίκωνος γράμμα. οἳ δὲ οὐ τούτου, ἀλλὰ τοῦ
-Θασίου Πολυγνώτου φασίν.
-</p>
-</div2>
-<div2 type="chapter" n="39">
-<p> ὅσοι λέγουσι θῆλυν ἔλαφον κέρατα οὐ φύειν,
-οὐκ αἰδοῦνται τοὺς τοῦ ἐναντίου μάρτυρας, Σοφοκλέα
-μὲν εἰπόντα
-<quote rend="blockquote">
-<lb/>νομὰς τέ τις κεροῦσσʼ ἀπʼ ὀρθίων πάγων
-<lb/>καθεῖρπεν ἔλαφος·
-</quote>
-<pb id="p.193"/>
-καὶ πάλιν
-<quote rend="blockquote">
-<lb/>ἄρασα μύξας καὶ κερασφόρους
-<lb/>στόρθυγγας εἷρφʼ ἕκηλος.
-</quote>
-καὶ ταῦτα μὲν ὁ τοῦ Σοφίλλου ἐν τοῖς Ἀλεάδαις· ὁ
-δὲ Εὐριπίδης ἐν τῇ Ἰφιγενείᾳ 
-<quote rend="blockquote">
-<lb/>ἔλαφον δʼ Ἀχαιῶν χερσὶν ἐνθήσω φίλαις
-<lb/>κεροῦσσαν, ἣν σφάζοντες αὐχήσουσι σὴν
-<lb/>σφάζειν θυγατέρα.
-</quote>
-ἐν δὲ τοῖς Τημενίδαις τὸν Ἡράκλειον ἆθλον κέρατα
-ἔχειν ὁ αὐτὸς Εὐριπίδης φησί, τὸν τρόπον τόνδε ᾅδων 
-<quote rend="blockquote">
-<lb/>ἦλθεν δʼ 
-<lb/>ἐπὶ χρυσόκερων ἔλαφον, μεγάλων
-<lb/>ἄθλων ἕνα δεινὸν ὑποστάς,
-<lb/>κατʼ ἔναυλʼ ὀρέων ἀβάτους ἐπί τε 
-<lb/>λειμῶνας ποίμνιά τʼ ἄλση.
-</quote>
-ὁ δὲ Θηβαῖος μουσοποιὸς ἔν τινι τῶν ἐπινικίων ὑμνεῖ λέγων
-<quote rend="blockquote">
-<lb/>Εὐρυσθέος ἔντὐ ἀνάγκα πατρόθεν
-<lb/>χρυσόκερων ἔλαφον θήλειαν ἄξονθʼ. 
-</quote>
-καὶ Ἀνακρέων ἐπὶ θηλείας φησίν
-<quote rend="blockquote">
-<lb/>οἷά τε νεβρὸν νεοθηλέα
-<lb/>γαλαθηνόν, ὅς τʼ ἐν ὕλῃ κεροέσσης
-<lb/>ὑπολειφθεὶς ὑπὸ μητρὸς ἐπτοήθη.
-</quote>
-πρὸς δὲ τοὺς μοιχῶντας τὸ λεχθὲν καὶ μέντοι καὶ 
-φάσκοντας δεῖν ἐροέσσης γράφειν ἀντιλέγει κατὰ
-<pb id="p.194"/>
-κράτος Ἀριστοφάνης ὁ Βυζάντιος, καὶ ἔμεγε αἱρεῖ τῇ ἀντιλογίᾳ.
-</p>
-</div2>
-<div2 type="chapter" n="40">
-<p> ἴδια δὲ ἄρα κυνῶν καὶ ἐκεῖνα εὐνοίας ὑπερβολὴν
-πᾶσαν ἐκνενικηκότα. πώλῳ μὲν τῷ τῆς τραγῳδίας
-ὑποκριτῇ ὁ κύων ὁ τρόφιμος αὐτοῦ τεθνεῶτι
-καὶ καομένῳ ἑαυτὸν συγκατέπρησε τῇ πυρᾷ ἐμπηδήσας.
-καομένῳ δὲ καὶ Μέντορι σκύλακες Ἐρετρικαὶ
-ἑαυτὰς συγκατέπρησαν ἑκοῦσαι κοινωνήσασαι τοῦ
-τέλους. Θεόδωρον δὲ ἄνδρα ψαλτικὴν ἀγαθόν, τὸν
-μὲν ἐς τὴν σορὸν ἐνέθεσαν οἱ προσήκοντες, κυνίδιον
-δὲ Μελιταῖον ἑαυτὸ ἐνέβαλεν ἐς τὴν θήκην τοῦ νεκροῦ
-καὶ συνετάφη. πέπυσμαι δὲ καὶ Αἰθιόπων εἶναι
-ἔθνος, ἐν ᾧ βασιλεύει κύων, καὶ τῇ ἐκείνου ὁρμῇ
-πείθονται, κνυζωμένου τε ἴσασιν ὅτι μὴ θυμοῦται,
-καὶ ὑλακτοῦντος τὴν ὀργὴν συνιᾶσι. τοῦτο εἴ
-τῳ ἱκανὸς Ἕρμιππος τεκμηριῶσαι, μάρτυρά οἱ τοῦ
-λόγου ἐπαγόμενος Ἀριστοκρέωνα πειθέτω· ἐμὲ δὲ
-μὴ λαθὸν εἶτα ἐν καλῷ τῆς μνήμης ἀφίκετο.
-</p>
-</div2>
-<div2 type="chapter" n="41">
-<p> Λακύδῃ τῷ περιπατητικῷ κτῆμα ἦν χηνός τι
-χρῆμα θαυμάσιον. ἐφίλει γοῦν τὸν τροφέα ἰσχυρῶς,
-καὶ βαδίζοντι μὲν συνεβάδιζε, καθημένου δὲ ἀνεπαύετο,
-οὐκ ἀπελείπετο δὲ αὐτοῦ ἔμβραχυ. ὅνπερ
-καὶ ἀποθανόντα ὁ Λακύδης ἔθαψε καὶ πάνυ φιλοτίμως,
-ὥσπερ οὖν ἢ νἱὸν ἢ ἀδελφὸν ἐκεῖνος θάπτων.
-Πύρρῳ δὲ τῷ Ἠπειρώτῃ ἦν ἐλέφας, ὅσπερ οὖν τὸν
-ἑαυτοῦ πωλευτὴν οὕτως ἠγάπησεν, ὥστε ἀποθανόντος
-ἐν Ἄργει τοῦ Πύρρου, ἐκπεσόντος δὲ τοῦ ἐλαύνοντος,
-οὐ πρότερον ὑπέμεινεν ἀτρεμῆσαι καὶ ἡσυχάσαι πρὶν
-ἢ ἀνασώσασθαι αὐτὸν ἐκ τῶν πολεμίων καὶ ἐς τὸ
-φίλιον μεταγαγεῖν.
-</p>
-</div2>
-<div2 type="chapter" n="42">
-<p> κακουργίαν δὲ ὀρέως Θαλῆς ὁ Μιλήσιος ἠμύνατο,
-καταφωράσας πάνυ ἀπορρήτως. ἅλας ἡμίονος
-<pb id="p.195"/>
-ἦγε φόρτον, καί ποτε διὰ ποταμοῦ ἰὼν κατὰ τύχην
-κατώλισθε καὶ περιετράπη. βραχέντες οὖν οἱ ἅλες
-κατετάκησαν, καὶ κοῦφος ὁ ὀρεὺς γενόμενος ἥσθη·
-καὶ συνιδὼν ὁπόσον τὸ μεταξὺ ἦν τοῦ μόχθου καὶ
-τῆς ῥᾳστώνης, τοῦ λοιποῦ τὴν τύχην διδάσκαλον 
-ποιησάμενος, ὃ πρότερον ἄκων ἔπαθεν, εἶτα μέντοι
-τοῦτο εἰργάζετο ἑκών. ἄλλην δὲ τῷ ὀρεωκόμῳ ἐλαύνειν
-καὶ ἔξω τοῦ ποταμοῦ ἄπορον ἦν. τοῦτό τοι
-διηγουμένου ὁ Θαλῆς ὡς ἐπύθετο, σοφίᾳ ἀμύνασθαι
-τῆς κακουργίας τὸν ὀρέα ᾠήθη δεῖν, καὶ προστάττει 
-ὑπὲρ τῶν ἁλῶν σπογγιαῖς καὶ ἐρίοις ἐπισάξαι αὐτόν.
-ὃ δὲ τὴν ἐπιβουλὴν οὐκ εἰδὼς κατὰ τὸ σύνηθες ὤλισθε,
-καὶ ἀναπλήσας ὕδατος τὰ ἐπικείμενα, ᾔσθετο
-ὅπως οἱ τὸ σόφισμα ἐτράπη ἐπὶ κακόν, καὶ ἐξ ἐκείνου
-ἡσυχῆ διερχόμενος καὶ κρατῶν τῶν σκελῶν ἀπαθεῖς 
-τοὺς ἅλας διεφύλαττεν.
-</p>
-</div2>
-<div2 type="chapter" n="43">
-<p>πυνθάνομαι δὲ ἐν τῇ Ἀντιόχου πόλει τῇ Σύρων 
-πρᾶον γενέσθαι ἐλέφαντα, ἰόντα τε αὐτὸν ἐπὶ τὰς
-νομὰς στεφανόπωλιν γυναῖκα ὁρᾶν ἡδέως, καὶ προσεστάναι
-αὐτῇ καὶ τῇ προβοσκίδι τὸ πρόσωπον τῆς 
-ἀνθρώπου καθαίρειν. δέλεαρ δὲ ἄρα ἐκείνη καθίει
-τοῦ φίλτρου αὐτῷ στέφανον ἐκ τῶν καθʼ ὥραν πλεκόμενον,
-καὶ τῷ μὲν ὁσημέραι λαμβάνειν ἔργον ἦν,
-τῇ δὲ διδόναι. χρόνῳ δὲ ὕστερον ἡ μὲν ἄνθρωπος
-τὸν βίον κατέστρεψεν, ὁ δὲ ἐλέφας τῆς συνηθείας 
-διαμαρτάνων καὶ οὐχ ὁρῶν ἣν ἐπόθει γυναῖκα, ὥσπερ
-οὖν ἐραστὴς ἐρωμένης ἀτυχῶν ἐξηγριώθη· καὶ ὁ
-τέως πραότατος ὢν ἐς θυμὸν ἐξήφθη ὥσπερ οὖν καὶ
-τῶν ἀνθρώπων οἱ ἄγαν ὑπὸ τῆς λύπης ἐπικλυσθέντες
-καὶ ἔκφρονες γεγενημένοι. 
-</p>
-</div2>
-<div2 type="chapter" n="44">
-<p>τὸν ἥλιον ἀνίσχοντα προσκυνοῦσιν ἐλέφαντες, 
-τὰς προβοσκίδας εὐθὺ τῆς ἀκτῖνος ὡς χεῖρας ἀνατείνοντες,
-<pb id="p.196"/>
-ἔνθεν τοι καὶ τῷ θεῷ φιλοῦνται. μάρτυς
-ἀγαθὸς ὁ Φιλοπάτωρ ἡμῖν Πτολεμαῖος ἔστω. ἡ μὲν
-κατὰ Ἀντιόχου νίκη σὺν αὐτῷ ἐγένετο, θύων δὲ ἐπινίκια
-καὶ ἱλεούμενος τὸν Ἥλιον ὁ Πτολεμαῖος τῇ τε
-ἄλλῃ μεγαλοπρεπῶς ἔθυσεν καὶ οὖν καὶ τέτταρας
-ἐλέφαντας μεγέθει μεγίστους παρέστησεν ἱερεῖα, ὥς
-γε ᾤετο, καὶ ταύτῃ τῇ θυσίᾳ γεραίρων ἐκεῖνος τὸ
-θεῖον. ἐνύπνιον δὲ αὐτὸν διετάραξεν, ὡς ἀπειλοῦντος
-τοῦ θεοῦ ἐπὶ τῇ ἀήθει τε καὶ ξένῃ θυσίᾳ· καὶ
-δείσας ἐκεῖνος χαλκοῦς τέτταρας ποιησάμενος ἀνῆψε
-τῷ θεῷ ὑπὲρ τῶν ἀνῃρημένων ἱλεούμενός τε καὶ εὐμενιζόμενος
-αὐτόν. ἐλέφαντες μὲν οὖν θεοὺς προσκυνοῦσιν,
-οἱ δὲ ἄνθρωποι ἆρά γε εἰσὶ θεοὶ καὶ ὄντες
-εἰ φροντίζουσιν ἡμῶν διαποροῦσιν.
-</p>
-</div2>
-<div2 type="chapter" n="45">
-<p> οἱ ἐν τῇ Αἰγύπτῳ ἱερεῖς ἑαυτοὺς περιρραίνουσιν
-οὐ παντὶ ὔδατι, οὐ μὴν οὐδὲ τῷ παρατυχόντι,
-ἀλλὰ ἐκείνῳ ἐξ οὗ πεπιστεύκασιν ὅτι ἄρα ἶβις πέπωκεν.
-ἴσασι γὰρ κάλλιστα ὅτι μήποτʼ ἂν πίοι ὕδατος
-ἐκείνη ῥυπαροῦ καὶ λελυμασμένου ἔκ τινων φαρμάκων·
-ἔχειν γάρ τι πιστεύουσιν ἐν ἑαυτῷ τὸ ζῷον
-καὶ μαντικῆς, ἅτε ἱερόν.
-ἐλέφαντας δὲ ἀκούω τῶν τετρωμένων τοὺς ἀτρώτους
-πεφεισμένως ἐξαιρεῖν καὶ ξυστὰ καὶ ἀκόντια,
-ὥσπερ οὖν χειρουργίας ἐπιστήμονας καὶ μαθόντας
-τὴν ἐν τοῖσδε σοφίαν.
-οὕτω δὲ ἄρα ἦν διὰ σπουδῆς τοῖς ἄνω τοῦ χρόνου
-καὶ τὰ ἄλογα. ἔχαιρε μὲν ἀκούων Λἰετὸς ὁ Ἠπειρώτης
-Πύρρος, ὃ δὲ τὸ δὴ λεγόμενον Ἱέραξ ὁ Ἀντίοχος.
-διάφορα μὲν δὴ ταῦτα καὶ ἀθρόα εἴρηται, τῷ συνιέντι
-μαθεῖν ἄξια.
-</p>
-</div2>
-<div2 type="chapter" n="46">
-<p> Μιθριδάτης ὁ Ποντικὸς τὴν ἑαυτοῦ φρουρὰν καθεύδων
-ἐπίστευεν ἧττον καὶ τοῖς ὅπλοις καὶ τοῖς
-<pb id="p.197"/>
-δορυφόροις, καὶ διὰ τοῦτο ἡμερωθέντας εἶχε φύλακας
-ταῦρον καὶ ἵππον καὶ ἔλαφον. καθεύδοντα
-οὖν ἐφρούρουν αὐτὸν οἵδε οἱ θῆρες, εἴ τις προσίοι
-τάχιστα ἐκ τῆς ἀναπνοῆς αἰσθανόμενοι. καὶ ὃ μὲν
-τῷ μυκήματι, ὃ δὲ τῷ χρεμετίσματι, ὃ δὲ τῇ μηκῇ 
-διύπνιζον αὐτόν.
-</p>
-</div2>
-<div2 type="chapter" n="47">
-<p>τῶν ἀγρίων ζῴων τὰ ἔκγονα τὰ νέα διαφόρως 
-ὀνομάζεται, καὶ τά γε πλείω διπλῆν τὴν ἐπωνυμίαν
-ἔχει. λεόντων γοῦν σκύμνοι καὶ λεοντιδεῖς ὀνομάζονται,
-ὡς Ἀριστοφάνης ὁ Βυζάντιος μαρτυρεῖ, παρδάλεων 
-δὲ σκύμνοι τε καὶ ἄρκηλοι· εἰσὶ δὲ οἵ φασι
-γένος ἕτερον τῶν παρδάλεων τοὺς ἀρκήλους εἶναι.
-θώων δὲ μόνοι σκύμνοι φιλοῦσι καλεῖσθαι, καὶ τίγρεων
-ὁμοίως, καὶ μυρμήκων δὲ καὶ πανθήρων. ἔοικε
-δὲ καὶ τὰ τῶν λυγκῶν ἔκγονα ὁμοίως ὀνομάζεσθαι. 
-ἐν γοῦν τοῖς Λάσου λεγομένοις Διθυράμβοις οὕτως
-εὑρίσκεται εἰρημένον τὸ βρέφος τὸ τῆς λυγκός. πιθήκων
-δὲ ἀκούομεν σκύμνους τε καὶ πιθηκιδεῖς τοὺς
-αὐτούς, βουβαλίδων δὲ πώλους· εἰ δὲ καὶ ὀρύγων,
-οὐκ ἂν θαυμάσαιμι, ὁ αὐτὸς Ἀριστοφάνης φησί. 
-κυνῶν δὲ καὶ λύκων σκύλακες καλοῖντο ἄν, ἦ δʼ ὅς·
-ἤδη δὲ καὶ λυκιδεῖς καλοῦνται οἱ τῶν λύκων, ὁ δὲ
-τέλειος καὶ μέγιστος καλοῖτο ἂν μονόλυκος. τῶν γε
-μὴν λαγῶν λαγιδεῖς· ὁ δὲ τέλειος, πτῶκα αὐτὸν φιλοῦσιν
-ὀνομάζειν οἱ ποιηταί, ταχίναν δὲ Λακεδαιμόνιοι. 
-ἀλωπέκων δὲ τὰ ἔκγονα ἀλωπεκιδεῖς κέκληνται·
-αὐτὴ δὲ ἡ μήτηρ καὶ κερδὼ καὶ σκαφώρη καὶ
-σκινδαφός. τῶν δὲ ἀγρίων ὑῶν τὰ τέκνα μολόβρια
-ὀνομάζουσιν· ἀκούσειας δʼ ἂν τοῦ Ἱππώνακτος καὶ
-αὐτὸν τὸν ὗν μολοβρίτην που λέγοντος. καλοῦνται 
-δὲ καὶ τῶν ὑῶν μονίαι τινές. τάς γε μὴν δορκάδας
-καὶ ζόρκας καὶ πρόκας εἰώθασιν ὀνομάζειν. τῶν δὲ
-<pb id="p.198"/>
-ὑστρίχων καὶ τῶν τοιούτων τὰ ἔκγονα ὄβρια καλεῖται·
-καὶ μέμνηταί γε Εὐριπίδης ἐν Πελιάσι τοῦ
-ὀνόματος καὶ Αἰσχύλος ἐν Ἀγαμέμνονι καὶ Δικτυουλκοῖς.
-τὰ δὲ τῶν ὀρνίθων καὶ τὰ τῶν ὄφεων
-καὶ τὰ τῶν κροκοδείλων ἔνιοι καὶ ψακάλους καλοῦσιν,
-ὧν εἰσι καὶ Θετταλοί. τὰ δὲ πρόσφατα ὀρνύφια
-ὀρταλίχους, ἀλεκτρυόνων τε νεοττοὺς ἀλεκτοριδεῖς
-λέγουσι, καὶ αὖ πάλιν χηνιδεῖς καὶ χηναλωπεκιδεῖς
-καὶ τὰ τούτοις ὅμοια κατὰ τὰ αὐτὰ σχηματίζουσιν.
-Ἀχαῖος δὲ ὁ τῆς τραγῳδίας ποιητὴς τὸν νεοττὸν τῆς
-χελιδόνος μόσχον ὠνόμασεν.
-</p>
-</div2>
-<div2 type="chapter" n="48">
-<p> μνήμην δὲ παρακολουθεῖν καὶ τοῖς ζῴοις, καὶ
-ἴδιον αὐτῶν καὶ τοῦτο εἶναι χωρὶς τῆς ἐς αὐτὴν τέχνης
-τε καὶ σοφίας, ἣν τερατευόμενοί τινες ἐπινοῆσαι
-κομπάζουσι, τεκμηριοῖ καὶ ἐκεῖνα. τὸν δεσπότην
-ὄντα τῶν ἐκ τῆς Ῥωμαίων βουλῆς ἀπέδρα Λ̓νδροκλῆς
-ὄνομα, οἰκέτης τὴν τύχην, ὅ τι κακουργήσας καὶ ἡλίκον
-οὐκ οἶδα εἰπεῖν. ἧκε δʼ οὖν ἐς τὴν Λιβύην, καὶ
-τὰς μὲν πόλεις ἀπελίμπανε, καὶ τοῦτο δὴ τὸ λεγόμενον
-ἄστροις αὐτὰς ἐσημαίνετο, προῄει δὲ ἐς τὴν ἐρήμην.
-φρυγόμενος δὲ ὑπὸ πολλῆς καὶ διαπύρου τῆς
-ἀκτῖνος, ἀσμένως ὕπαντρόν τινα πέτραν ὑποδραμὼν
-ἡσύχαζε· λέοντος δὲ ἄρα κοίτη ἥδε ἡ πέτρα ἦν.
-ἐπάνεισι τοίνυν ἐκ θήρας ὁ λέων, σκόλοπι βιαίῳ
-περιπαρεὶς καὶ κολαζόμενος, καὶ ἐντυχὼν τῷ νεανίᾳ
-εἶδεν αὐτὸν πράως, καὶ σαίνειν ἤρξατο, καὶ προύτεινε
-τὸν πόδα, καὶ ἐδεῖτο ὡς ἠδύνατο ἐξαιρεθῆναι
-τὸν σκόλοπα. ὃ δὲ τὰ μὲν πρῶτα κατέπτηξεν· ἐπεὶ
-δὲ πρᾶον τὸν θῆρα ἐθεάσατο καὶ τὸ κατὰ τὸν πόδα
-συνεῖδε πάθος, ἐξεῖλε τὸ λυποῦν τοῦ ποδός, καὶ τῆς
-ὀδύνης ἀπήλλαξεν. ἡσθεὶς οὖν τῇ θεραπείᾳ ὁ λέων
-ἰατρεῖά οἱ ἐκτίνων ξένον τε ἐνόμιζε καὶ φίλον, καὶ
-<pb id="p.199"/>
-ὧν ἐθήρα ἐκοινώνει. καὶ ὃ μὲν ἐσιτεῖτο ὠμὰ ᾗ λεόντων
-νόμος, ὃ δὲ ἑαυτῷ ὤπτα· καὶ κοινῆς ἀπέλαυον
-τραπέζης κατὰ φύσιν τὴν αὑτοῦ ἑκάτερος. καὶ τριῶν
-μὲν ἐτῶν τὸν τρόπον τοῦτον διεβίωσεν ὁ Ἀνδροκλῆς·
-εἶτα ὑπεράγαν κουριῶν καὶ ὀδαξησμῷ βιαίῳ κατειλημμένος 
-τὸν μὲν λέοντα ἀπολιμπάνει, ἑαυτὸν δὲ μεθίησι
-τῇ τύχη. εἶτα ἀλώμενον αὐτὸν συλλαβόντες καὶ
-ὅτου εἴη πυθόμενοι ἐς τὴν Ῥώμην τῷ δεσπότῃ δήσαντες
-ἀποπέμπουσιν. ὃ δὲ ἐφʼ οἷς ἠδικήθη εὐθύνει
-τὸν οἰκέτην, καὶ κατεγνώσθη ἐκεῖνος θηρίοις 
-βορὰ παραδοθῆναι. ἐθηράθη δέ πως καὶ ὁ Λίβυς
-ἐκεῖνος λέων καὶ ἀφείθη ἐν τῷ θεάτρῳ, καὶ ὁ νεανίας
-δὲ ὡς ἀπολούμενος ὅ ποτε αὐτῷ ἐκείνῳ τῷ
-λέοντι σύνοικός τε καὶ σύσκηνος γεγενημένος. καὶ ὁ
-μὲν ἄνθρωπος οὐκ ἐγνώρισε τὸν θῆρα, ἐκεῖνος δὲ 
-παραχρῆμα ἀνέγνω τὸν ἄνθρωπον, καὶ ἔσαινεν αὐτόν,
-καὶ ὑποκλίνας τὸ πᾶν σῶμα ἔρριπτό οἱ παρὰ
-τοῖς ποσίν. ὀψὲ δὲ καὶ ὁ Ἀνδροκλῆς ἐγνώρισε τὸν
-ἑαυτοῦ ξένον, καὶ περιλαβὼν τὸν λέοντα ὡς ἥκοντα
-ἑταῖρον ἐξ ἀποδημίας κατησπάζετο. ἐπεὶ δὲ ἐδόκει 
-γόης, ἐφείθη οἱ καὶ πάρδαλις. ὁρμώσης δὲ αὐτῆς
-ἐπὶ τὸν Ἀνδροκλέα, ὁ λέων ἀμύνων τῷ ποτε ἰασαμένῳ,
-καὶ κοινῆς τραπέζης μεμνημένος διασπᾷ τὴν
-πάρδαλιν. οἷα τοίνυν εἰκὸς οἱ θεώμενοι ἐκπλήττονται,
-καὶ ὁ διδοὺς τὰς θέας καλεῖ τὸν Ἀνδροκλέα, 
-καὶ τὸ πᾶν μανθάνει. καὶ θροῦς ἐς τὸ πλῆθος
-διαρρεῖ, καὶ τὸ σαφὲς ὁ δῆμος μαθόντες ἐλευθέρους
-ἐκβοῶσιν ἀφεῖσθαι καὶ τὸν ἄνδρα καὶ τὸν
-λέοντα. ἴδιον δὴ τῶν ζῴων καὶ ἡ μνήμη. καὶ
-συνῳδὸν τοῖς προειρημένοις καὶ ἐς τὸ αὐτὸ δέ 
-ἐστιν εὕδοντος ἐν τῇ Σάμῳ ἐπὶ τοῦ κεχηνότος
-Διονύσου νομίζοιτο ἂν καὶ τὸ φωλιὸν εἰδέναι. καὶ
-<pb id="p.200"/>
-τοῦτο ἀκουέτω Ἐρατοσθένους τε καὶ Εὐφορίωνος
-καὶ ἄλλων περιηγουμένων αὐτό.</p>
-</div2>
-</div1>
-<div1 type="book" n="8">
-<div2 type="chapter" n="1">
-<p>Ἰνδικοὶ λόγοι διδάσκουσιν ἡμᾶς καὶ ἐκεῖνα. τὰς
-κύνας ἄγουσιν ἐς τὰ ἔνθηρα χωρία οἱ θηρατικοὶ τὰς
-εὐγενεῖς τε καὶ ἴχνη καταγνῶναι θηρίων ἀγαθὰς καὶ
-ὠκίστας ἐς δρόμον, καὶ τοῖς δένδροις προσδήσαντες
-εἶτα μέντοι ἀπαλλάττονται, τοῦτο δήπου τὸ λεγόμενον
-ἀτεχνῶς κύβον ἀναρρίψαντες. οἱ δὲ τίγρεις ἐντυχόντες
-αὐταῖς, ἀθηρίᾳ μὲν καὶ λιμῷ συμπεσόντες
-διασπῶσιν αὐτάς· ἐὰν δὲ ὀργῶντες ἀφίκωνται καὶ
-κεκορεσμένοι, συμπλέκονταί τε αὐταῖς καὶ τῆς ἀφροδίτης
-ἐν πλησμονῇ καὶ ἐκεῖνοι μέμνηνται. ἐκ δὲ τῆς
-ὁμιλίας ταύτης οὐ κύων φασὶν ἀλλὰ τίγρις τίκτεται.
-ἐκ δὲ τούτου καὶ κυνὸς θηλείας ἔτι τίγρις τεχθείη
-ἄν, ὁ δὲ ἐκ τούτου καὶ κυνὸς ἐς τὴν μητέρα ἀποκρίνεται,
-καὶ κατώλισθεν ἡ σπορὰ πρὸς τὸ χεῖρον, καὶ
-κύων τίκτεται. πρὸς ταῦτα Ἀριστοτέλης οὐκ ἀντιφήσει.
-οὗτοι δὲ ἄρα οἱ κύνες, οἷς πάρεστι πατέρα
-αὐχεῖν τίγριν, ἔλαφον μὲν θηρᾶσαι ἢ συὶ συμπεσεῖν
-ἀτιμάζουσι, χαίρουσι δὲ ἐπὶ τοὺς λέοντας ᾅττοντες
-καὶ τοὺς ἄνω τοῦ γένους ἀποδεικνύντες ἐντεῦθεν.
-Ἀλεξάνδρῳ γοῦν τῷ Φιλίππου πεῖραν ἔδοσαν οἱ Ἰνδοὶ
-τῆς τῶν κυνῶν τῶνδε ἀλκῆς τὸν τρόπον τοῦτον.
-ἀφῆκαν ἔλαφον, καὶ ὁ κύων ἡσύχαζεν· εἶτα σῦν, ὃ
-δὲ ἀτρεμῶν κατέμενεν· καὶ ἄρκτον ἐπὶ τούτοις, καὶ
-ἔκνιζεν αὐτὸν ἡ ἄρκτος οὐδὲ ἕν· λέοντος δὲ ἀφεθέντος,
-ὃ δὲ ὡς εἶδʼ ὥς μιν μᾶλλον ἔδυ χόλος, καὶ
-<pb id="p.201"/>
-οἷα δήπου θεασάμενος τὸν ὄντως ἀντίπαλον οὔτε
-ἤμελλεν οὔτε ἠτρέμει, ἀλλʼ ᾅξας ἐπʼ αὐτὸν εἶτα μέντοι
-καρτερᾷ τῇ λαβῇ εἴχετο πιέζων καὶ ἄγχων. ὁ
-τοίνυν Ἰνδὸς ὁ τὴν θέαν τῷ βασιλεῖ τήνδε παρέχων
-κάλλιστα εἰδὼς τοῦ κυνὸς τὸ καρτερικόν, προσέταξέν 
-οἱ τὴν οὐρὰν ἀποκοπῆναι. καὶ ἣ μὲν ἀπεκόπτετο, ὃ
-δὲ οὐκ ἐφρόντιζε. προσέταξεν οὖν ὁ Ἰνδὸς καὶ τῶν
-σκελῶν ἓν ἀποκόψαι, καὶ ἀπεκόπη· ὃ δὲ ὡς ἐξ ἀρχῆς
-ἐνέφυ εἴχετο, καὶ οὐκ ἀνίει, ὥσπερ οὖν ἀλλοτρίου
-κοπτομένου σκέλους καὶ ὀθνείου. καὶ ἄλλο 
-ἀπεκόπτετο, καὶ τὸ δῆγμα ὁ κύων οὐ κατελίμπανε·
-καὶ τρίτον ἕτερον, ὃ δὲ εἴχετο· καὶ τὸ τέταρτον ἐπʼ
-ἐκείνοις, καὶ ἦν ἐγκρατὴς τοῦ δήγματος ἔτι. καὶ τελευτῶντες
-τῆς κεφαλῆς τὸ λοιπὸν σῶμα ἀφεῖλον·
-ὀδόντες δὲ ἐκείνῳ ἤρτηντο τῆς ἐξ ἀρχῆς ἀντιλαβῆς, 
-καὶ ἡ κεφαλὴ ᾐωρεῖτο μετέωρος ἐκ τοῦ λέοντος, αὐτοῦ
-μέντοι τοῦ δακόντος οὐκέτι ὄντος. Ἀλέξανδρος
-οὖν ἐνταῦθα ἠνιᾶτο, τὸν κύνα ἐκπλαγεὶς ὅτι ἄρα
-πεῖραν ἑαυτοῦ δοὺς εἶτα ἀπωλώλει, τὸ ἐναντίον
-τοῖς δειλοῖς παθών, θάνατον δὲ ὑπὲρ τῆς ἀνδρείας 
-ἠλλάξατο. ἰδὼν οὖν ὁ Ἰνδὸς αὐτὸν ἀνιώμενον, τέτταρας
-ὁμοίους ἐκείνῳ κύνας ἔδωκέν οἱ. ὃ δὲ ἥσθη
-λαβὼν καὶ ἀντέδωκεν ὁποῖα ἦν εἰκός, καὶ τῆς γε ἐπὶ
-τῷ πρώτῳ λύπης ἔλαβε λήθην ὁ τοῦ Φιλίππου παῖς
-λαβὼν τοὺς τέτταρας. 
-</p>
-</div2>
-<div2 type="chapter" n="2">
-<p>κύων ἀγρευτικὸς ἅπας αὐτὸς μὲν λαβὼν θηρίον 
-ἥδεται, καὶ κέχρηται τῇ ἄγρᾳ ὡς ἄθλῳ, ἐὰν αὐτῷ
-συγχωρήσῃ ὁ δεσπότης· εἰ δὲ μή, φυλάττει ζῶντα
-ἔστʼ ἂν ὁ θηρατὴς ἀφίκηται καὶ κρίνῃ γε ὑπὲρ τοῦ
-ληφθέντος ὅ τι καὶ ἐθέλει. νεκρῷ δὲ ἐντυχὼν ἢ λαγῷ 
-ἢ συὶ οὐκ ἂν ἅψαιτο, τοῖς ἀλλοτρίοις ἑαυτὸν πόνοις
-οὐκ ἐπιγράφων, οὐδὲ ἀξιῶν σφετερίσασθαι τὰ
-<pb id="p.202"/>
-προσήκοντά οἱ ἥκιστα. ἔοικε δὲ ἐκ τούτων ἔχειν τι
-καὶ φιλοτιμίας ἐν ἑαυτῷ φυσικῆς· μὴ γὰρ δεῖσθαι
-κρεῶν, ἀλλὰ νίκης ἐρᾶν. ἀκοῦσαι δὲ ἄξιον ὅ τι καὶ
-δρᾷ παρὰ τὸν τῆς θήρας καιρὸν ὁ κύων ὁ θηρατικός.
-προηγεῖται τοῦ κυνηγέτου ἱμάντι μακρῷ προσημμένος,
-καὶ ῥινηλατεῖ τῆς φωνῆς ἔχων ἐγκρατῶς. καὶ
-ἐς ὅσον μὲν ἀθηρία ἀπαντᾷ αὐτῷ καὶ οὐδενὶ ἐντυγχάνει,
-πρόεισιν ὅσα ἰδεῖν καὶ τεκμήρασθαι κατηφέστερος,
-καὶ μέντοι καὶ ἐς τὸ πρόσω ἰὼν ἐπάγεται τὸν
-θηρατὴν προθύμως τε καὶ καρτερικῶς εὖ μάλα ὁ
-κύων· εἰ δὲ ἰχνεύσειε καὶ ὀσμῇ τινι προσπέσοι θηρίου,
-ἐνταῦθα ἕστηκεν. ὁ δὲ κυνηγέτης ἔρχεται πλησίον,
-καὶ ὁ κύων περιχαρὴς τῇ εὐερμίᾳ ὢν αἰκάλλει
-τὸν δεσπότην καὶ φιλεῖ τὼ πόδε, καὶ πάλιν τῆς ἐξ
-ἀρχῆς ἰχνεύσεως ἔχεται, καὶ πρόεισι βάδην ἔστʼ ἂν
-ἀφίκηται πρὸς τὴν κοίτην, καὶ περαιτέρω οὐ πρόεισι.
-συνῆκεν οὖν ὁ θηρατής, καὶ ὑποθωΰξας σημαίνει
-τοῖς ἀρκυωροῖς· οἳ δὲ περιβάλλουσι τὰς ἄρκυς. καὶ
-ἐνταῦθα τοῦ καιροῦ ὑλάκτησεν ὁ κύων· νοεῖ δὲ αὐτῷ
-τηνικαῦτα ἡ βοὴ ἐς ἀνάστασιν τὸν σῦν ὑποθῆξαι,
-ἵνα ἐκπέσῃ φεύγων καὶ τοῖς δικτύοις καταληφθῇ.
-ἁλόντος δὲ τοῦ θηρός, ὃ δὲ ἐπινίκιόν τινα οἱονεὶ
-παιᾶνα ἐκβοᾷ, καὶ γέγηθε καὶ σκιρτᾷ, ὥσπερ οὖν
-ἐχθροὺς ὁπλῖται νενικηκότες. ταῦτα ἐπὶ συῶν καὶ
-ἐλάφων δρῶσιν οἱ κύνες.
-</p>
-</div2>
-<div2 type="chapter" n="3">
-<p> χάριν δὲ ἄρα καὶ δελφῖνες ἀποδοῦναι τῶν ἀνθρώπων
-ἦσαν δικαιότεροι, καὶ τῷ νόμῳ τῶν Περσῶν
-ὃν ἐπαινεῖ καὶ Ξενοφῶν οὐκ ἐνέχονται. ὃ δὲ
-λέγω τοιοῦτόν ἐστι. κοίρανος ὄνομα, τὸ γένος ἐκ
-Πάρου, δελφίνων τινῶν ἐν Βυζαντίῳ βόλῳ περιπεσόντων
-καὶ ἑαλωκότων, δοὺς ἀργύριον οἱονεὶ λύτρα
-τοῖς ἠγρευκόσιν ἀφῆκεν αὐτοὺς ἐλευθέρους, ἀνθʼ ὧν
-<pb id="p.203"/>
-τὴν χάριν ἀπείληφεν. ἔπλει γοῦν ποτε πεντηκόντορον
-ἔχων, ὡς λόγος, Μιλησίους τινὰς ἄγουσαν ἄνδρας, ἐν
-δὲ τῷ μεταξὺ Νάξου καὶ Πάρου πορθμῷ τῆς νεὼς
-ἀνατραπείσης καὶ τῶν ἄλλων διαφθαρέντων, τὸν
-Κοίρανον ἔσωσαν δελφῖνες, ὑπὲρ ἧς φθάσαντες εἶχον 
-εὐεργεσίας τὴν ἴσην ἀντιδιδόντες. καὶ ἔνθα ἐξενήξαντο
-ὀχοῦντες αὐτὸν ἄκρα δείκνυται καὶ ὕπαντρος
-πέτρα, καὶ καλεῖται ὁ χῶρος Κοιράνειος. χρόνῳ
-δὲ ὕστερον τεθνεῶτα τόνδε τὸν Κοίρανον θαλάττης
-πλησίον ἔκαον. εἶτα μέντοι αἰσθόμενοί ποθεν οἱ 
-δελφῖνες ἠθροίσθησαν, ὥσπερ οὖν ἐπὶ τὸ κῆδος
-ἥκοντες, καὶ ἐς ὅσον ἡ πυρὰ ἐνήκμαζε καομένη, παρέμειναν
-ὡς φίλῳ φίλος πιστός· εἶτα μέντοι κατασβεσθείσης
-οἳ δὲ ἀπενήξαντο. ἄνθρωποί γε μὴν ζῶντάς
-τε καὶ πλουτοῦντας καὶ εὖ πράττειν δοκοῦντας 
-θεραπεύουσι, νεκροὺς δὲ ἀποστρέφονται ἢ καὶ δυστυχοῦντας,
-ἵνα μή τινα ἐκτίσωσιν εὖ παθόντες χάριν.
-</p>
-</div2>
-<div2 type="chapter" n="4">
-<p>ἦσαν δὲ ἄρα καὶ ἰχθύες πρᾶοί τε ἅμα καὶ χειροήθεις 
-καὶ οἷοι καλούμενοί τε ὑπακούειν καὶ διδόντων 
-τροφὰς ἑτοίμως δέχεσθαι, ὥσπερ οὖν ἡ ἐν Ἀρεθούσῃ
-ἱερὰ ἔγχελυς. τὴν Κράσσου τε τοῦ Ῥωμαίου
-μύραιναν ᾅδουσιν, ἥπερ οὖν καὶ ἐνωτίοις καὶ ὁρμίσκοις
-διαλίθοις ἐκεκόσμητο, οἷα δήπου ὡραία κόρη,
-καὶ καλοῦντος τοῦ Κράσσου τὸ φώνημα ἐγνώριζε, 
-καὶ ἀνενήχετο, καὶ ὀρέγοντος ὅ τι οὖν ἣ δὲ ἤσθιε
-προθύμως καὶ ἑτοίμως λαμβάνουσα. ταύτην τοι καὶ
-ἔκλαυσεν ὁ Κράσσος, ὡς ἀκούω, τὸν βίον καταστρέψασαν,
-καὶ ἔθαψε. καί ποτε Δομετίου πρὸς αὐτὸν
-εἰπόντος ʽὦ μωρέ, μύραιναν ἔκλαυσας τεθνεῶσανʼ, ὃ 
-δὲ ὑπολαβὼν ʽἐγὼ θηρίονʼ ἔφατο, ʽσὺ δὲ τρεῖς γυναῖκας
-θάψας οὐκ ἔκλαυσασʼ.
-<pb id="p.204"/>
-Αἰγυπτίων δὲ ἀκούω λεγόντων τοὺς ἱεροὺς κροκοδείλους
-εἶναι πράους, καὶ τῶν γε θεραπευτήρων
-ἐπιψαυόντων καὶ ἐπαφωμένων ὑπομένειν καὶ κούφως
-φέρειν, καὶ κεχηνέναι καθιέντων ἐκείνων τὰς χεῖρας
-</p>
-</div2>
-<div2 type="chapter" n="5">
-<p> καὶ τοὺς ὀδόντας σφίσι καθαιρόντων καὶ τὰ ἐσδυόμενα
-τῶν σαρκίων ἐξαιρούντων. ἤδη μέντοι καὶ
-μαντικῆς μετειληχέναι τοὺς προειρημένους κροκοδείλους
-Αἰγύπτιοί φασι, καὶ τὸ μαρτύριον ἐκεῖνο προάγονται.
-Πτολεμαίου ʽὁπόστος δὲ ἦν οὗτος ἐκείνους
-ἔρεσθἐ καλοῦντος τὸν πραότατον τῶν κροκοδείλων
-μὴ ὑπακοῦσαί φασι καὶ τροφὰς ὀρέγοντος μὴ προσίεσθαι·
-συνεῖναι δὲ τοὺς ἱερέας ὅτι τὸ τέλος τῷ Πτολεμαίῳ
-προσιὸν εἰδὼς ὁ κροκόδειλος εἶτα μέντοι τὴν
-ἐξ αὐτοῦ τροφὴν ἠτίμασε λαβεῖν.
-οἰωνοῖς μαντευομένους ἀκούω τινὰς καὶ ἐπʼ ὄρνισι
-καθημένους ἐξετάζειν πτήσεις τε αὐτῶν καὶ
-ἕδρας. καὶ ᾅδονταί γε ἐπὶ ταύτῃ τῇ σοφίᾳ Τειρεσίαι
-τε καὶ Πολυδάμαντες καὶ Πολύειδοι καὶ Θεοκλύμενοι
-καὶ ἄλλοι πολλοί. σπλάγχνων δὲ ἄρα θέσεις καταγνῶναι
-δεινοὶ ἦσαν καὶ Σιλανοὶ καὶ Μεγιστίαι καὶ
-Εὐκλεῖδαι καὶ ἐπὶ τούτοις πολὺς κατάλογος. ἀκούω
-μέντοι τινῶν λεγόντων ὅτι καὶ ἀλφίτοις μαντεύονταί
-τινες καὶ κοσκίνοις καὶ τυρίσκοις. πέπυσμαι δὲ καὶ
-κώμην τινὰ Λυκιακὴν μεταξὺ Μύρων καὶ Φελλοῦ,
-Σοῦρα ὄνομα, ἐν ᾗ μαντεύονταί τινες ἐπʼ ἰχθύσι καθήμενοι,
-καὶ ἴσασιν ὅ τι καὶ νοεῖ ἥ τε ἄφιξις αὐτῶν
-κληθέντων καὶ ἡ ἀναχώρησις, καὶ ὅταν μὴ ὑπακούσωσι
-τί δηλοῦσι, καὶ ὅταν ἔλθωσι πολλοὶ τί σημαίνουσιν.
-ἀκούσει δὲ τὰ μαντικὰ τῶν σοφῶν ταῦτα
-καὶ πηδήσαντος ἰχθύος καὶ ἀναπλεύσαντος ἐκ βυθοῦ
-καὶ τροφὴν προσεμένου καὶ αὖ πάλιν μὴ λαβόντος.
-</p>
-</div2>
-<div2 type="chapter" n="6">
-<p> ἦν δὲ ἄρα εὐχείρωτα καὶ αἱρεῖν ῥᾷστα ὄνοι μὲν
-<pb id="p.205"/>
-τοῖς λύκοις, τοῖς μέροψι δὲ αἱ μέλιτται, ταῖς γε μὴν
-χελιδόσιν οἱ τέττιγες, τοῖς δὲ ἐλάφοις οἱ ὄφεις. ἡ
-πάρδαλις δὲ αἱρεῖ τῇ ὀσμῇ τὰ πλεῖστα, καὶ ἔτι μᾶλλον τὸν πίθηκον.
-</p>
-</div2>
-<div2 type="chapter" n="7">
-<p>Μεγασθένους ἀκούω λέγοντος περὶ τὴν τῶν Ἰνδῶν 
-θάλατταν γίνεσθαί τι ἰχθύδιον, καὶ τοῦτο μὲν
-ὅταν ζῇ ἀθέατον εἶναι, κάτω που νηχόμενον καὶ ἐν
-βυθῷ, ἀποθανὸν δὲ ἀναπλεῖν. οὗ τὸν ἁψάμενον ἐκθνήσκειν
-τὰ πρῶτα, εἶτα μέντοι καὶ ἀποθνήσκειν.
-τὸν δὲ χέλυδρον πατήσας τις καὶ εἰ μὴ δηχθείη, ὡς 
-Ἀπολλόδωρός φησιν ἐν τῷ Θηριακῷ λόγῳ, ἀποθνήσκει
-πάντως· ἔχειν γάρ τι σηπτικὸν καὶ τὴν μόνην
-τοῦ ζῴου ἐπίψαυσιν λέγει. καὶ μέντοι καὶ τὸν πειρώμενον
-θεραπεύειν καὶ ἐπικουρεῖν ἁμωσγέπως τῷ
-ἀποθνήσκοντι φλυκταίνας ἴσχειν ἐν ταῖς χερσίν, ἐπεὶ 
-μόνον τοῦ πατήσαντος προσέψαυσεν. Ἀριστόξενος
-δέ πού φησιν ἄνδρα ταῖς χερσὶν ὄφιν τινὰ ἀποκτεῖναι
-καὶ μὴ δηχθέντα ὅμως ἀποθανεῖν· καὶ τὴν
-ἐσθῆτα δὲ αὐτοῦ, ἣν ἔτυχε φορῶν ὅτε τὸν ὄφιν ἀνῄρει,
-καὶ ἐκείνην σαπῆναι οὐ μετὰ μακρόν. 
-</p>
-</div2>
-<div2 type="chapter" n="8">
-<p>Ἀμφισβαίνης δὲ τὴν δορὰν βακτηρίᾳ περικειμένην 
-ἐλαύνειν λέγει Νίκανδρος τοὺς ὄφεις πάντας καὶ
-τὰ ἄλλα ζῷα, ὅσα μὴ δακόντα μὲν παίσαντα δὲ ἀναιρεῖ.
-</p>
-</div2>
-<div2 type="chapter" n="9">
-<p>κύων ὑπὸ πλήθους ὀχλούμενος οἶδε πόαν ἐν 
-ταῖς αἱμασιαῖς φυομένην, ἧσπερ οὖν γευσάμενος
-ἐμεῖ πᾶν τὸ λυποῦν μετὰ φλέγματος καὶ χολῆς, ὑποχωρεῖ
-δὲ αὐτῷ καὶ τῶν σκυβάλων πάμπολλα, καὶ
-πορίζει σωτηρίαν ἑαυτῷ, δεηθεὶς ἰατρῶν συμμάχων
-οὐδὲ ἕν. καὶ μελαίνης μέντοι χολῆς ἐκκρίνει πλῆθος, 
-ἥπερ οὖν μείνασα λύτταν ἐργάζεται κυσὶ νόσημα ἀργαλέον.
-ἑλμίνθων δὲ πεπληρωμένοι τοῦ σίτου τοὺς
-<pb id="p.206"/>
-ἀθέρας ἐσθίουσιν, ὡς Ἀριστοτέλης λέγει. τρωθέντες
-δὲ ἔχουσι τὴν γλῶτταν φάρμακον, ᾗπερ οὖν περι·
-λιχμώμενοι τὸ τρωθὲν μέρος ἐς ὑγίειαν ἐπανάγουσιν,
-ἐπίδεσμα καὶ σπληνία καὶ κράσεις φαρμάκων μακρὰν
-χαίρειν εἰπόντες. κύνα δὲ καὶ ἐκεῖνο οὐ διαλέληθεν,
-ὅτι ἄρα τῆς μελίας ὁ καρπὸς τοὺς μὲν ὗς πιαίνει,
-αὐτῷ δὲ ἄλγημα ἰσχίου προξενεῖ· καὶ ὁρῶν ἐμφορουμένην
-τοῦ προειρημένου τὴν ὗν, ἀφίσταται αὐτῇ
-πάνυ ἐγκρατῶς καὶ τοῦ δοκοῦντος ἡδέος. ἄνθρωποι
-</p>
-</div2>
-<div2 type="chapter" n="10">
-<p> δὲ τῶν πειθόντων ἄκοντας ἐσθίειν ἡττῶνται πολλάκις πάνυ ἀκρατῶς.
-οὐκ ἄν ποτε ῥᾳδίως τοὺς ἐλέφαντας ἐνέδρα λάθοι.
-ὅταν γοῦν γένωνται τῆς τάφρου πλησίον, ἣν εἰώθασιν
-ὑπορύττειν οἱ θηρῶντες αὐτούς, εἴτε ἐννοίᾳ
-τινὶ φυσικῇ εἴτε μαντικῇ ναὶ μὰ Δία ἀπορρήτῳ τοῦ
-μὲν περαιτέρω χωρεῖν ἀναστέλλονται, ἑαυτοὺς δὲ
-ἐπιστρέψαντες εἶτα μέντοι ὡς ἐν· πολέμῳ ἀνθίστανται
-μάλα καρτερῶς, καὶ ἀνατρέψαι πειρῶνται τοὺς θηρατὰς
-καὶ διʼ αὐτῶν ὠσάμενοι φυγῇ πορίσασθαι τὴν
-σωτηρίαν, κρείττους γενόμενοι τῶν ἀντιπάλων. γίνεται
-τοίνυν ἐνταῦθα τοῦ καιροῦ μάχη καρτερὰ καὶ
-φόνος καὶ τῶν καὶ τῶν. ὁ μέντοι τρόπος τῆσδε τῆς
-μάχης τοιοῦτός ἐστιν. οἱ μὲν ἄνθρωποι δόρατα ἰσχυρὰ
-ἀφιᾶσι στοχαζόμενοι αὐτῶν, οἱ δὲ ἐλέφαντες τὸν
-παραπεσόντα ἁρπάζουσι, καὶ τῇ γῇ προσαράξαντες
-πατοῦντές τε καὶ τοῖς κέρασι τιτρώσκοντες οἰκτίστῳ
-περιβάλλουσι τέλει καὶ ἀλγεινοτάτῳ. ἐπίασι δὲ
-οἱ θῆρες ὑπὸ τοῦ θυμοῦ τὰ ὦτα ἐκπεταννύντες ὡς
-ἱστία δίκην τῶν στρουθῶν τῶν μεγάλων, αἵπερ οὖν
-τὰς πτέρυγας ἁπλώσασαι ἢ φεύγουσιν ἢ ἐπίασιν·
-ἐπισιμώσαντες δὲ καὶ τὴν προβοσκίδα οἱ ἐλέφαντες
-καὶ ὑπὸ τοῖς κέρασι πτύξαντες ὥσπερ οὖν νεὼς ἔμβολον
-<pb id="p.207"/>
-σὺν πολλῷ τῷ ῥοθίῳ φερομένης ἐμπεσόντες
-ῥύμῃ σφοδροτάτῃ πολλοὺς ἀνατρέπουσι βοῶντες διάτορόν
-τε καὶ ὀξὺ δίκην σάλπιγγος. πατουμένων δὲ
-τῶν ἁλισκομένων καὶ ἀλοωμένων τοῖς γόνασιν ἄραβος
-πολὺς ὀστῶν συντριβομένων ἀκούεται καὶ πόρρωθεν, 
-τὰ πρόσωπα δὲ ἐκθλιβομένων τῶν ὀφθαλμῶν
-καὶ τῆς ῥινὸς συνθλωμένης καὶ ῥηγνυμένου τοῦ
-μετώπου τὸ ἐναργὲς τοῦ εἴδους ἀπόλλυσι, καὶ ἀγνῶτες
-γίνονται πολλάκις καὶ τοῖς ἐγγυτάτω προσήκουσι.
-σώζονται δὲ παραδόξως ἄλλοι τὸν τρόπον τοῦτον. 
-συνείληπται μὲν ὁ θηρατής, ὑφʼ ὁρμῆς δὲ τὸ θηρίον
-ὑπερῆλθεν αὐτόν, καὶ τὰ γόνατα ἐς τὴν γῆν ἀπήρεισε,
-καὶ προσκατέπηξε τὰ κέρατα ἐς θάμνον ἢ ἐς ῥίζαν ἢ
-ἄλλο τι τοιοῦτο, καὶ ἔχεται, καὶ μόγις ἀνασπᾷ καὶ
-ἐξαιρεῖ· ἐν δὲ τῷ τέως διεκδὺς ὁ κυνηγέτης ἀπαλλάττεται. 
-οὐκοῦν ἐν τῇ τοιαύτῃ μάχῃ πολλάκις μὲν
-κρατοῦσιν οἱ ἐλέφαντες, πολλάκις δὲ καὶ ἡττῶνται
-δείματα ἐξ ἐπιβουλῆς καὶ δέα ποικίλα ἐπαγόντων.
-καὶ γὰρ σάλπιγγες ᾅδουσι, καὶ δοῦπόν τε καὶ κτύπον
-ἐργάζονται πρὸς τὰς ἀσπίδας ἀράττοντες τὰ δόρατα, 
-καὶ πῦρ τὸ μέν τι ἐπὶ τῆς γῆς ἐξάπτουσι, τὸ δὲ
-μετέωρον αἴρουσι, καὶ ἄλλο σφενδονῶσι δαλοὺς διαπύρους
-ἀκοντίζοντες καὶ δᾷδας μακρὰς πυρὸς ἐνακμάζοντος
-τοῖς θηρίοις κατὰ προσώπου βιαίως ἐπισείοντες.
-ἅπερ οὖν τὰ θηρία δεδιότα καὶ δυσωπούμενα 
-ὠθεῖται, καὶ ἔστιν ὅτε καὶ ἐκνικᾶται ἐμπεσεῖν ἐς τὴν
-τάφρον, ἣν τέως ἐφυλάττετο.
-</p>
-</div2>
-<div2 type="chapter" n="11">
-<p>Ἡγήμων ἐν τοῖς Δαρδανικοῖς μέτροις περὶ Ἀλεύα 
-τοῦ Θετταλοῦ φησι καὶ ἄλλα μέν, ἐν δὲ τοῖς καὶ ὅτι
-ἠράσθη δράκων αὐτοῦ. καὶ ὅτι μὲν εἶχε κόμην χρυσῆν 
-ὅδε ὁ Ἀλεύας, λέγων τερατεύεται, ἐμοὶ δὲ ἔστω
-ξανθή. καὶ βουκολεῖν μὲν αὐτὸν ἐν τῇ Ὄσσῃ φησὶν
-<pb id="p.208"/>
-ὡς ἐν τῇ Ἴδῃ τὸν Ἀγχίσην, παρὰ δὲ τῇ κρήνῃ νέμειν
-τὰς βοῦς τῇ καλουμένῃ Αἱμονίᾳ. Θετταλὴ δʼ ἂν καὶ
-ἡ κρήνη εἴη. δράκοντα οὖν μεγέθει μέγιστον ἐρασθῆναι
-τοῦ Ἀλεύα, καὶ ἀνέρπειν ἐς αὐτόν, καὶ τὴν
-κόμην οἱ καταφιλεῖν καὶ τῇ γλώττῃ περιλιχμώμενον
-τὸ πρόσωπον τοῦ ἐρωμένου καθαίρειν, καὶ δωροφορεῖν
-αὐτῷ θηρῶντα πάμπολλα. εἰ δὲ Γλαύκης τῆς
-κιθαρῳδοῦ κριὸς ἥττητο καὶ ἐν Ἰασῷ δελφὶς ἐφήβου,
-τί κωλύει καὶ δράκοντα ἐρασθῆναι νομέως ὡραίου,
-τὸν ὀξυωπέστατον κάλλους διαπρεποῦς ἀγαθὸν κριτὴν
-γεγενημένον; ἦν δὲ ἄρα ἴδιον ζῴων καὶ ἐρασθῆναι
-μὴ μόνον τοῦ συννόμου τε ἅμα καὶ συμφυοῦς,
-ἀλλὰ καὶ τοῦ προσήκοντος ἥκιστα, ὡραίου μέντοι.
-</p>
-</div2>
-<div2 type="chapter" n="12">
-<p> ὁ παρείας ἢ παρούας ʽοὕτω γὰρ Ἀπολλόδωρος
-ἐθέλεἰ πυρρὸς τὴν χρόαν, εὐωπὸς τὸ ὄμμα, πλατὺς
-τὸ στόμα, δακεῖν οὐ σφαλερός, ἀλλὰ πρᾶος. ἔνθεν
-τοι καὶ τῷ θεῶν φιλανθρωποτάτῳ ἱερὸν ἀνῆκαν αὐτόν,
-καὶ ἐπεφήμισαν Ἀσκληπιοῦ θεράποντα εἶναι οἱ
-πρῶτοι ταῦτα ἀνιχνεύσαντες.
-</p>
-</div2>
-<div2 type="chapter" n="13">
-<p> ἐν Αἰθιοπίᾳ τοὺς καλουμένους Σιβρίτας σκορπίους
-ʽοὕτω δὲ αὐτοὺς ὡς εἰκὸς οἱ ἐπιχώριοι φιλοῦσιν
-ὀνομάζεινʼ ἀκούω σιτεῖσθαι καὶ σαύρους καὶ
-ἀσπίδας καὶ σφονδύλας καὶ τίφας καὶ πᾶν ἑρπετόν,
-τὸν δὲ ἐπιβάντα αὐτῶν τοῖς περιττώμασιν ἑλκοῦσθαι
-πέπυσμαι. περὶ Κέρκυραν δὲ γίνονται αἱ καλούμεναι
-ὕδραι, αἵπερ οὖν τοὺς διώκοντας ἐπιστραφεῖσαι
-καὶ φυσήσασαι πνεῦμα ἄτοπον εἶτα ἀναστέλλουσι
-τῆς ὁρμῆς καὶ ἀποστρέφουσι. τὸν τύφλωπα δέ, ὃν
-καὶ τυφλίνην καλοῦσι καὶ κωφίαν προσέτι, κεφαλὴν
-μὲν παραπλησίαν ἔχειν μυραίνῃ λέγει τις λόγος, ὀφθαλμοὺς
-δὲ ἄγαν βραχίστους. καὶ θάτερον μὲν τοῖν
-ὀνομάτοιν ἐντεῦθεν εἴληφε, τόν γε μὴν κωφίαν, ἐπεὶ
-<pb id="p.209"/>
-νωθής ἐστι τὴν ἀκοήν. δορὰν δὲ ἰσχυρὰν ἔχει καὶ
-διακοπτομένην βραδύτατα. τὸν δὲ ἀκοντίαν χέρσυδρον
-εἶναί φασι, χρόνου δὲ ἐν ξηρῷ ποιεῖσθαι τὴν
-διατριβὴν πολλοῦ καὶ ἐλλοχᾶν ζῷον πᾶν. ἡ δὲ σοφία
-τῆς ἐπιβουλῆς τῆς ἐξ αὐτοῦ τοιάδε ἐστίν. ἐν ταῖς 
-λεωφόροις που λαθὼν ὑποκρύπτεται, πολλάκις δὲ
-καὶ ἐπί τι δένδρον ἀνερπύσας εἶτα ἑαυτὸν συνειλήσας
-καὶ τὴν κεφαλὴν ἐν τῇ σπείρᾳ ὑποκρύψας τοὺς
-παριόντας ἡσυχῆ ὑποβλέπει· εἶτα ἑαυτὸν ἀφίησιν
-ἐς τὸ παριόν, εἴτε ἄλογον εἴη ζῷον εἴτε ἄνθρωπος. 
-ἔστι δὲ ἁλτικὸν θηρίον καὶ διαπηδῆσαι καὶ εἴκοσιν
-εἰ δέοι πήχεις οἷόν τε· ἁλλόμενόν τε παραχρῆμα ἐνέφυ.
-</p>
-</div2>
-<div2 type="chapter" n="14">
-<p>λύκοι βοῒ ἐς τέλμα βαθὺ ἐμπεσόντι ἐάν πως περιτύχωσι, 
-ταράττουσι μὲν αὐτὸν ἔξωθεν καὶ φοβοῦσι,
-</p>
-</div2>
-<div2 type="chapter" n="15">
-<p>διανήξασθαι καὶ ἐπιβῆναι τῆς γῆς οὐκ ἐπιτρέποντες, 
-ἀναγκάζουσι δὲ τῷ χρόνῳ στρεβλούμενον καὶ ἰλυσπώμενον
-ἀποπνιγῆναι. εἶτα εἷς αὐτῶν ὁ τελεώτατος
-ἐμπηδήσας τῷ ὕδατι καὶ προσνεύσας ἐλάβετο
-τῆς οὐρᾶς τοῦ βοὸς καὶ ἕλκει ἐς τὸ ἔξω, καὶ ἕτερος
-τῆς ἐκείνου λαβόμενος αὐτὸν ἕλκει, καὶ τὸν δεύτερον 
-ὁ τρίτος, καὶ τοῦτον ὁ τέταρτος, καὶ δρᾶται τὸ εἰρημένον
-μέχρι τοῦ τελευταίου, ὅσπερ οὖν ἔξω τοῦ ὕδατος
-ἕστηκε. καὶ τὸν τρόπον τοῦτον ἐξαγαγόντες τὸν
-βοῦν ποιοῦνται δεῖπνον. βοὸς δὲ μόσχον πεπλανημένον
-ἐλλοχήσαντες εἶτα αὐτῷ προσπηδῶσι, καὶ τοῦ 
-μυκτῆρος λαβόμενοι ἕλκουσιν· ὃ δὲ ἀντισπᾷ, καὶ
-ἅμιλλα ὑπὲρ τούτου πολλή, τῶν μὲν ἐκβιάσασθαι πειρωμένων,
-τοῦ δὲ μὴ εἶξαι ἀγώνισμα ποιουμένου. ὅταν
-δὲ αὐτὸν οὕτως θεάσωνται σφόδρα ἀντιτείνοντα, μεθῆκαν·
-καὶ ἐκεῖνος ὑπὸ τῆς ἐς τοὐπίσω βίας ἀνατέτραπται, 
-καὶ οἱ λύκοι ἐμπεσόντες ἀνέρρηξαν τὴν νηδὺν καὶ ἐσθίουσιν αὐτόν.
-<pb id="p.210"/>
-Ὅταν ὑπερβῆναι τάφρον οἱ ἐλέφαντες μὴ δύνωνται,
-εἷς ὁ μέγιστος ἑαυτὸν ἐς αὐτὴν ἐμβάλλει, καὶ
-πλάγιος ἵσταται, καὶ γεφυροῖ τὸ κενόν, καὶ κατʼ αὐτοῦ
-βαίνοντες ἐς τὸ ἀντιπέρας ἴασι καὶ ἀποδιδράσκουσι,
-πρότερον μέντοι καὶ ἐκεῖνον ἀνασώσαντες.
-ὁ δὲ τῆς σωτηρίας τρόπος οὗτός ἐστιν. ἄνωθέν τις
-τὸν πόδα προτείνει, καὶ ἐκείνῳ παρέχει τὴν προβοσκίδα
-περιπλέξαι· οἱ δὲ ἄλλοι φρύγανα ἐμβάλλουσι
-καὶ ξύλα ὤκιστα, ὧν ἐπιβαίνων, εἰλημμένος τε τοῦ
-ποδὸς μάλα ἐγκρατῶς τε καὶ εὐλαβῶς ἀνασπᾶται ῥᾷστα.
-ἔστι δὲ ἐν τοῖς Ἰνδοῖς ἄρουρα, καὶ κέκληται Φαλάκρα.
-τὸ δὲ αἴτιον τοῦ ὀνόματος, ὁ γευσάμενος τῆς
-ἐνταῦθα γινομένης πόας καὶ τὰς τρίχας ἀποβάλλει
-καὶ τὰ κέρατα. οὐκοῦν οἱ ἐλέφαντες ἑκόντες εἶναι οὐ
-προσίασι τῇδε τῇ ἀρούρᾳ, ἀλλʼ ἀποστρέφονται πλησίον
-γενόμενοι, πᾶν τὸ βλάπτον φεύγοντες ὡς ἄνθρωποι
-φρόνιμοι οἱ ἐλέφαντες.
-</p>
-</div2>
-<div2 type="chapter" n="16">
-<p> τὴν σπογγιὰν ἰθύνει βραχὺ ζῷον, οὐ καρκίνῳ τὴν
-ἰδέαν παραπλήσιον, ἀλλὰ ἀράχνῃ μᾶλλον. οὐ γὰρ
-ἄψυχον οὐδὲ αἵματος ἄμοιρον ἡ σπογγιὰ κύημά ἐστι
-θαλάττης, ἀλλὰ ταῖς πέτραις προσφύεται, ὥσπερ οὖν
-καὶ ἕτερα, ἔχει δέ τινα κίνησιν ἰδίαν, δεῖται δὲ ὡς
-ἂν εἴποις τοῦ ὑπομνήσοντος αὐτὴν ὅτι ἔμψυχός ἐστιν.
-ἀτρεμοῦσα γὰρ ὑπό τινος συμφυοῦς μανότητος καὶ
-ἡσυχάζουσα τοῖς τρήμασιν αὐτῆς ὅταν προσπέσῃ τι,
-ἐνταῦθα ὑπὸ τοῦ ἀραχνώδους ζῴου νύττεται, καὶ
-συλλαμβάνει τὸ ἐμπεσόν, καὶ τροφὴν ἴσχει. ὅταν δὲ
-ἄνθρωπος προσίῃ ἐπʼ ἐκτομῇ αὐτῆς, κεντουμένη ὑπὸ
-τοῦ ζῴου τοῦ συντρόφου φρίττει καὶ ἑαυτὴν συστρέφει,
-καὶ αἰτία πόνου τε καὶ καμάτου γίνεται τῷ θηρατῇ
-ναὶ μὰ Δία πολλοῦ.
-<pb id="p.211"/>
-</p>
-</div2>
-<div2 type="chapter" n="17">
-<p>εἴρηται μὲν οὖν ἡμῖν περὶ ἐλεφάντων ἰδίᾳ, τὰ 
-δὲ καὶ εἰρήσεται. οὑτωσὶ κρατοῦσι μὲν βίου, σωφροσύνης
-δὲ ὅπως μετειλήχασιν, εἰπεῖν πρεπωδέστατον.
-οὐ γὰρ ὡς ὑβρίζοντες οὐδὲ ὡς λάγνοι ἐπὶ τὴν
-ὁμιλίαν τὴν πρὸς τὴν θήλειαν ἔρχονται, ἀλλʼ ὥσπερ 
-οὖν οἱ γένους διαδοχῆς δεόμενοι καὶ παιδοσποροῦντες,
-ἵνα μὴ αὐτοὺς ἐπιλίπῃ ἡ ἐπιγονὴ ἡ ἐξ ἀλλήλων,
-ἐάσωσι δὲ σπέρμα. ἅπαξ γοῦν ἐν τῷ βίῳ τῷ σφετέρῳ
-μνημονεύουσιν ἀφροδίτης, ὅταν ἡ θήλεια ὑπομένῃ
-καὶ αὐτή· εἶτα ἐμπλήσας ἕκαστος τὴν σύννομον 
-τὸ ἐντεῦθεν οὐκ οἶδεν αὐτήν. συμπλέκονται δὲ
-οὐκ ἀνέδην οὐδὲ ἐν τῇ τῶν ἄλλων ὄψει ἀλλʼ ἀναχωρήσαντες·
-καὶ ἑαυτῶν προβάλλονται ἢ δένδρα δασέα
-ἢ ὕλην τινὰ συμφυῆ ἢ χῶρον κοῖλον καὶ βαθὺν τοῦ
-λαθεῖν αὐτοῖς παρέχοντα ἀφθονίαν. ὡς μὲν οὖν εἰσι 
-δίκαιοι ἄνω εἶπον, καὶ τὸ ἀνδρεῖον αὐτῶν καὶ τοῦτο
-ἤδη λέλεκται· τὸ σῶφρον δὲ ἀποδέδεικται τὰ νῦν
-ταῦτα. ἀλλὰ καὶ τὸ μισοπόνηρον ὅτῳ σχολὴ μανθάνειν,
-οὗτος ὑπέχων τὰ ὦτα ἀκουέτω. ἐλέφαντι ἡμέρῳ
-πωλευτὴς ἦν, καὶ εἶχε γυναῖκα ἀφηλικεστέραν 
-μέν, πλουσίαν δέ. οὐκοῦν ἑτέρας ἐρῶν καὶ τὰ τῆς
-συνοικούσης σπεύδων ἐκείνης γενέσθαι ταύτην μὲν
-ἀποπνίγει καὶ τῆς τοῦ ἐλέφαντος φάτνης κατορύττει
-πλησίον ὁ θερμόβουλος ἄνθρωπος, ἄγεται δὲ τὴν
-ἄλλην. ἐνταῦθα οὖν ὁ ἐλέφας τῇ προβοσκίδι λαβόμενος 
-τὴν νεωστὶ ἀφιγμένην. ἄγει τῆς νεκρᾶς πλησίον,
-καὶ τοῖς κέρασιν ἀνορύξας καὶ γυμνώσας τὸ
-σῶμα, ἃ εἰπεῖν οὐκ ἠδύνατο, ταῦτα ἐπεδείκνυε διʼ αὐτῶν τῶν ἔργων, τὴν γυναῖκα τὸν τρόπον τοῦ γήμαντος
-αὐτὴν ἐκδιδάσκων ὁ μισοπόνηρος ἐλέφας. 
-</p>
-</div2>
-<div2 type="chapter" n="18">
-<p>ἐγγραύλεις, οἳ δὲ ἐγκρασιχόλους καλοῦσιν αὐτάς, 
-προσακήκοά γε μὴν καὶ τρίτον ὄνομα αὐτῶν,
-<pb id="p.212"/>
-εἰσὶ γὰρ οἳ καὶ λυκοστόμους αὐτὰς ὀνομάζουσιν. ἔστι
-δὲ μικρὰ ἰχθύδια, καὶ πολύγονα φύσει, λευκότατα
-ἰδεῖν. ἐσθίουσί γε μὴν μάλιστα οἱ ἀγελαῖοι τῶν ἰχθύων
-αὐτά. δείσαντα οὖν συνθεῖ πρὸς ἄλληλα, καὶ
-ἐχόμενον τοῦ πλησίον ἕκαστον τῇ σφίγξει τὸ ῥᾳδίως
-ἐπιβουλεύεσθαι διαπέφευγε. τοσαύτη δὲ ἄρα αὐτῶν
-ἡ ἕνωσις γίνεται συνδραμόντων, ὡς καὶ πορθμίδας
-ἐπιθεούσας μὴ διασχίζειν αὐτά· καὶ μέντοι καὶ κώπην
-ἢ κοντὸν εἴ τις αὐτῶν διεῖναι θελήσειε, τὰ δὲ
-οὐ διαξαίνεται, ἀλλὰ ἔχεται ἀλλήλων ὡς συνυφασμένα.
-καθεὶς δὲ τὴν χεῖρα ὡς ἐκ σωροῦ πυρῶν ἢ
-κυάμων λάβοις ἂν βιαίως ἀποσπάσας, ὡς καὶ διασπᾶσθαι
-πολλάκις, καὶ τὰ. μὲν ἡμίτομα τῶν ἰχθυδίων
-λαμβάνεσθαι, τὰ δὲ ὑπολείπεσθαι. καὶ γὰρ τὸ
-μὲν οὐραῖον καθέξεις, μένει δὲ σὺν τοῖς ἄλλοις ἡ
-κεφαλή· ἢ κεφαλὴν κομιεῖς οἴκαδε, μένει δὲ ἐν τῇ
-θαλάττῃ τὸ λοιπόν. καλεῖται δὲ αὐτῶν ἡ πυκνή
-τε καὶ συνεχὴς νῆξις βόλος, καὶ πεντήκοντα ἁλιάδας
-πολλάκις ἐπλήρωσεν εἷς βόλος, ὥς φασιν οἱ
-θαλαττουργοί.
-</p>
-</div2>
-<div2 type="chapter" n="19">
-<p> ἡ ὗς γνωρίζει τοῦ συβώτου τὴν φωνήν, καὶ
-ὑπακούει καλοῦντος, κἂν ᾖ πλανηθεῖσα· πλησίον
-δὲ τούτου τὸ μαρτύριον. τῇ γῇ τῇ Τυρρηνίδι κακοῦργοι
-ναῦν λῄστειραν προσέσχον, καὶ προσανελθόντες
-αὐλίῳ περιτυγχάνουσι, καὶ ἦν συβωτῶν τὸ αὔλιον,
-καὶ εἶχε πολλὰς ὗς. ταύτας οὖν συλλαβόντες ἐς τὴν
-ναῦν ἐνέβαλον, καὶ ἀπολύσαντες τὰ πείσματα εἴχοντο
-τοῦ πλοῦ. οἱ τοίνυν συβῶται παρόντων μὲν τῶν λῃστῶν
-ἡσύχαζον, ἐπεὶ δὲ ἔτυχον τῆς γῆς ἀποσαλεύσαντες,
-ὅσσον τε γέγωνε βοήσας, ἐνταῦθά τοι
-τὰς σῦς τῇ συνήθει βοῇ ὀπίσω παρὰ σφᾶς ἀπεκάλουν
-οἱ συβῶται. αἳ δὲ ὡς ἤκουσαν, ἐπὶ θάτερα τοῦ πλοίου
-<pb id="p.213"/>
-ἑαυτὰς συνώσασαι ἀνέτρεψαν αὐτό. καὶ οἱ μὲν κακοῦργοι
-παραχρῆμα διεφθάρησαν, αἱ δὲ ὗς παρὰ τοὺς
-ἑαυτῶν δεσπότας ἀπενήξαντο.
-</p>
-</div2>
-<div2 type="chapter" n="20">
-<p>ζηλότυπον δὲ εἶναι καὶ τὸν πελαργόν φασιν. ἐν 
-γοῦν Κραννῶνι τῆς Θετταλίας Ἀλκινόην ὄνομα γυναῖκα 
-ὡραίαν ὁ γήμας ἀπολιπὼν οἴκοι ἔς τινα ἐστείλατο
-ἀποδημίαν. ἡ τοίνυν Ἀλκινόη ὡμίλει τῶν θεραπόντων
-τινί. τοῦτο συνιδὼν ὁ πελαργὸς ὁ οἰκέτης
-οὐχ ὑπέμεινεν, ἀλλὰ ἐτιμώρησε τῷ δεσπότῃ. προσπηδῶν
-γοῦν ἐπήρωσε τῆς ἀνθρώπου τὴν ὄψιν. ἀνωτέρω 
-μὲν ἐμνήσθην πορφυρίωνος ζηλοτυπίας εἶτα
-κυνὸς τοιούτου, νῦν γε μὴν πελαργοῦ τὰ ἴσα ἐκείνοις
-ἐς νοσοῦντα γάμον.
-</p>
-</div2>
-<div2 type="chapter" n="21">
-<p>μεταβάλλει δὲ τὰς χρόας τὰ πρόβατα ἐκ τῆς 
-περὶ τὸ πῶμα ἀλλαγῆς κατὰ τὴν τῶν ποταμῶν ἰδιότητα· 
-ἡ δὲ ὥρα τοῦ ἔτους, καθʼ ἣν ἀπαντᾷ τοῦτο
-αὐτοῖς, ὁ τῆς μίξεως καιρός ἐστιν. γίνεται οὖν καὶ
-ἐκ λευκῶν μέλανα, καὶ ἔμπαλιν τρέπει τὴν χρόαν.
-φιλεῖ δέ πως ταῦτα γίνεσθαι περί τε τὸν ἐν Ἀντανδρίᾳ
-ποταμὸν καὶ τὸν ἐν Θρᾴκῃ, οὗ τὸ ὄνομα ἐροῦσιν 
-οἱ πάροικοι Θρᾷκες. ὁ δὲ ἐν Τροίᾳ Σκάμανδρος
-ἐπεὶ ξανθὰς ἀποφαίνει πινούσας τὰς οἶς, πρὸς τῷ
-Σκαμάνδρῳ τῷ ἐξ ἀρχῆς ἄλλο ὄνομα ἡ τῶν προβάτων
-ἐπίκτητος χρόα ἔθετο αὐτῷ τὸ Ξάνθου.
-</p>
-</div2>
-<div2 type="chapter" n="22">
-<p>χάριτος δὲ ἀπομνησθῆναι τὰ ζῷα καὶ κατὰ τοῦτο 
-ἀγαθά. ἐν Τάραντι γίνεται γυνὴ τά τε ἄλλα σπουδῆς
-ἀξία καὶ οὖν καὶ σώφρων πρὸς τὸν ἄνδρα· Ἡρακληὶς
-ὄνομα αὐτῇ. περιεῖπε μὲν οὖν ζῶντα τὸν γεγαμηκότα
-εὖ μάλα κηδεμονικῶς· ἐπεὶ δὲ τὸν βίον οὗτος
-κατέστρεψε, τὰς ἀστικὰς ἡ προειρημένη γυνὴ μισεῖ 
-διατριβὰς καὶ τὴν οἰκίαν, ἐν ᾗ τὸν ἄνδρα νεκρὸν
-ἐθεάσατο, καὶ ὡς εἶχε λύπης ἐς τοὺς τάφους μετοικίζεται,
-<pb id="p.214"/>
-καὶ τοῖς ἠρίοις τοῦ ποτε ἀνδρὸς τλημόνως
-παρέμεινε, πιστὴν ἑαυτὴν τῷ κατὰ γῆς ὄντι ἀποφαίνουσα.
-καί ποτε ἦν ὥρα θέρειος, καὶ πελαργῶν
-ἔτι νεοττῶν πρόπειραν τῆς ἑαυτῶν πτήσεως λαμβανόντων
-εἶς ὁ μάλιστα νεαρὸς ἀκρατὴς ὢν ἔτι τῶν
-ταρσῶν κατώλισθε, καὶ τοῖν σκελοῖν συντρίβει τὸ
-ἕτερον. ἡ τοίνυν Ἡρακληὶς θεασαμένη τὸ πτῶμα καὶ
-τοῦ ποδὸς τὸ πάθος καταμαθοῦσα οἰκτείρει τὸν νεοττόν,
-καὶ ἀναλαβοῦσα σὺν πολλῇ τῇ φειδοῖ κατειλεῖ
-τὴν πληγήν, καὶ θεραπεύει καταιονήμασι καὶ ἐπιπλάσμασι,
-καὶ τροφὴν προσέφερε καὶ ποτὸν ὤρεγε,
-χρόνῳ δὲ τῷ εἰκότι ῥωσθέντα καὶ φύσαντα τὰ ὠκύπτερα
-ἐλεύθερον εἶναι μεθῆκεν. ὃ δὲ εἰδὼς ἐννοίᾳ
-τινὶ φυσικῇ καὶ θαυμαστῇ ὀφείλων ζωάγρια ᾤχετο
-ἀπιών. εἶτα ἐνιαυτοῦ διελθόντος ἣ μὲν ἔτυχεν ἦρος
-ὑπολάμποντος ἐν ἡλίῳ θερομένη, ὁ δὲ πελαργὸς ὁ
-ἰαθεὶς ὑπʼ αὐτῆς ἰδὼν τὴν εὐεργέτιν ὑφῆκε τῆς τῶν
-πτερῶν ὁρμῆς, καὶ ἑαυτὸν χθαμαλωτέρᾳ τῇ πτήσει
-κατάγων πλησίον γίνεται, καὶ χανὼν ἀνεμεῖ λίθον
-ἐς τὸν τῆς Ἡρακληίδος κόλπον, καὶ ἀναπετασθεὶς ἐπὶ
-τοῦ τέγους ἑαυτὸν ἐκάθισεν. ἣ δὲ τὰ πρῶτα ὡς
-εἰκὸς ἐθαύμασέ τε καὶ ἐκταραχθεῖσα ἠπόρει, τί εῖη
-τὸ πραχθὲν συμβαλεῖν οὐκ ἔχουσα· τὴν δʼ οὖν λίθον
-ἔνδον που κατέθετο, εἶτα νύκτωρ διυπνισθεῖσα ὁρᾷ
-αὐγήν τινα καὶ αἴγλην ἀφιεῖσαν, καὶ κατελάμπετο ὁ
-οἶκος ὡς ἐσκομισθείσης δᾳδός· τοσοῦτον ἄρα ἐκ τῆς
-βώλου τὸ σέλας ἀνῄει τε καὶ ἐτίκτετο. συλλαβοῦσα
-δὲ τὸν πελαργὸν καὶ ἐπαφωμένη κατενόησε τὴν ἐκ
-τῆς πληγῆς οὐλήν, καὶ ἐγνώρισε τοῦτον ἐκεῖνον εἶναι
-τὸν ὑπʼ αὐτῆς οἴκτου τε καὶ θεραπείας τετυχηκότα.
-</p>
-</div2>
-<div2 type="chapter" n="23">
-<p> ἀστακὸν εἰ λάβοις καὶ πορρωτάτω κομίσειας,
-σημεῖον καταλιπὼν ἔνθεν αὐτὸν τεθήρακας, εὑρήσεις
-<pb id="p.215"/>
-τὸν αὐτὸν ἐνταῦθα, ὅθεν καὶ συνείληπται. λέγω δέ,
-εἰ παρὰ τὴν θάλατταν κομίσας εἶτα καταθεῖο αὐτόν
-που πλησίον, ὡς ἑρπύσαι δυνηθῆναι ἐς τὴν θάλατταν.
-</p>
-</div2>
-<div2 type="chapter" n="24">
-<p>Ἀγρεὺς τὸ ὄνομα, τὴν φύσιν πτηνός, τὸ γένος 
-κοσσύφων φράτωρ, μέλας τὴν χρόαν, μουσικὸς τὴν
-γλῶτταν. κέκληται δὲ ἀγρεύς, καὶ δικαίως· τῷ γάρ
-τοι μέλει τῶν ἄλλων ὀρνέων αἱρεῖ τὰ ἁπαλὰ προσπετόμενα
-τῇ τῆς εὐμουσίας θέλξει. εἰδὼς οὖν τὸ συμφυὲς
-αὐτῷ πλεονέκτημα, ἔοικε χρῆσθαι τῷ παρὰ τῆς 
-φύσεως δώρῳ ἐς ἡδονὴν ἅμα καὶ τροφήν· ἀκούων
-μὲν γὰρ ἑαυτοῦ εὐφραίνεται, θηρῶν δὲ τὰ προσιόντα
-ἐμπίπλαται. τοῦτον εἴ τίς ποτε ἐθήρασε καὶ ἐν οἰκίσκῳ
-καθεῖρξεν, οὐδὲν αὐτῷ πλέον τὸ τῆς σπουδῆς·
-ἔχει γὰρ ἄφωνον ὄρνιν, ὥσπερ οὖν τὸν θηράσαντα 
-ὑπὲρ τῆς δουλείας ἀμυνόμενον τῇ σιωπῇ.
-</p>
-</div2>
-<div2 type="chapter" n="25">
-<p>ἀνωτέρω εἶπον ἣν οἱ τροχίλοι κατατίθενται ἐς 
-τοὺς κροκοδείλους εὐεργεσίαν, ἧσπερ ἐν τοῖς Αἰγυπτίοις
-μέμνηται καὶ Ἡρόδοτος λόγοις· ὃ δὲ οὐκ εἶπον
-εἰδώς, τοῦτο εἰρήσεται νῦν, ἵνα καὶ ἄλλος μάθῃ. ὁ 
-μὲν τροχίλος ὄρνις ἐστὶ τῶν ἑλείων εἷς, καὶ παρὰ τὰς
-ὄχθας τῶν ποταμῶν ἀλᾶται καὶ ὅ τι ἂν τύχῃ παρεκλέγων
-βόσκεται, τρέφει δὲ αὐτὸν καὶ ὁ κροκόδειλος
-οἷς εἶπον. καὶ ἐκεῖνος αὐτὸν ἀμείβεται καθεύδοντος
-προμηθῶς ἔχων καὶ ὑπεραγρυπνῶν αὐτοῦ· κειμένῳ 
-μὲν γὰρ καὶ ὑπνώττοντι ἐπιβουλεύει ὁ ἰχνεύμων, καὶ
-ἐμφὺς τῇ δέρῃ πολλάκις ἀπέπνιξεν αὐτόν· ἀλλʼ ὅ γε
-τροχίλος βοᾷ, καὶ παίει κατὰ τῆς ῥινὸς αὐτόν, καὶ
-ἀνίστησι καὶ πρὸς τὸν ἐχθρὸν ὑποθήγει. εἰ μὲν οὖν
-χρὴ τὸν ὄρνιν ἐπαινεῖν οὕτως ἔχοντα φροντιστικῶς 
-ζῴου παμβόρου καὶ ἀδηφάγου, εἰσόμεθα· τὸ δʼ οὖν
-ἴδιον τῶνδε τῶν ζῴων εἶπον.
-<pb id="p.216"/>
-</p>
-</div2>
-<div2 type="chapter" n="26">
-<p> ἡ τρυγὼν ʽοὔ φημι νῦν τὴν ὑπαέριον, ἀλλὰ τὴν
-ἐν τῇ θαλάττᾐ ὅτε βούλεται, νήχεται, καὶ αὖ πάλιν
-ἀρθεῖσα πέτεται. ἔχει δὲ κέντρον, οὗ καὶ ἀνωτέρω
-μνήμην ἐποιησάμην, θανατηφόρον. τὸ μὲν οὖν κεντεῖν
-καὶ ζῷα ἄλογα καὶ ἀνθρώπους καὶ παραχρῆμα
-ἀπολλύναι, οὔπω παράδοξόν ἐστιν· ὃ δὲ ἄξιον ἐκπεπλῆχθαι,
-τοῦτο εἰρήσεται. δένδρῳ τῷ μεγίστῳ καὶ
-πάνυ εὐθαλεῖ καὶ εὐερνεῖ καὶ λίαν τεθηλότι τὴν
-χλόην εἰ προσαγάγοις τὸ κέντρον καὶ νύξειας τὸ δένδρον,
-οὐ μετὰ μακρὸν ἐκβάλλει τὰ φύλλα· καὶ ἐκείνων
-καταρρεόντων ἐς τὴν γῆν τὸ πᾶν πρέμνον αὐαίνεται
-καὶ ἔοικεν ἡλιοβλήτῳ.
-</p>
-</div2>
-<div2 type="chapter" n="27">
-<p> τίκτεται ἐλέφας κατὰ τὴν κεφαλὴν ἐκπηδῶν, τὸ
-δὲ μέγεθός ἐστι τοῦ τικτομένου κατὰ δέλφακα τὴν μεγίστην.
-μιᾷ δὲ μητρὶ πλείω ἐλεφαντίσκια ἕπεται,
-φασίν. εἰ δὲ βούλοιο τῶν βρεφῶν νεογόνων ὄντων
-προσάψασθαι, αἱ μητέρες οὐδὲν ἀγανακτοῦσιν ἀλλὰ
-ἐῶσι· συνιᾶσι γὰρ ὅτι μήτε ἐπὶ λύμῃ τις ἐπιψαύει
-αὐτῶν μήτε ἐπὶ κολάσει, ἀλλὰ φιλοφρονούμενοι πάντες
-καὶ κολακεύοντες. ἐπεὶ τίς ἂν τὸ τηλικοῦτον
-βλάψειεν; ὅταν δὲ θηρώμενοι ἐμπέσωσιν ἐς τὴν
-τάφρον, καὶ ἴδωσιν ὅτι λοιπὸν ἄφυκτα αὐτοῖς ἐστι,
-τοῦ μὲν τέως θυμοῦ τοῦ σὺν τῇ ἐλευθερίᾳ λήθην
-λαμβάνουσι, καὶ ὀρεγόντων σιτία ἑτοίμως προσίενται,
-καὶ ὕδωρ προτεινόντων πίνουσι, καὶ οἶνον ἐγχεόντων
-ἐς τὰς προβοσκίδας οἳ δὲ τὴν φιλοτησίαν οὐκ ἀναίνονται.
-</p>
-</div2>
-<div2 type="chapter" n="28">
-<p> τὸν ἰχθὺν τὸν ἔλλοπα ἱερὸν ἰχθὺν ὑπὸ τοῦ ποιητοῦ
-κληθῆναι νομίζουσι. λέγει δέ τις λόγος σπάνιον
-μὲν αὐτὸν εἶναι, ἐν δὲ τῷ κατὰ Παμφυλίαν
-πελάγει θηρᾶσθαι, γλίσχρως δὲ καὶ ἐκεῖθι. ἐὰν δὲ
-ἁλῷ, στεφάνοις μὲν αὐτοὶ σφᾶς αὐτοὺς ὑπὲρ τῆς
-<pb id="p.217"/>
-εὐερμίας ἀγλαΐζουσι, στεφανοῦσι δὲ καὶ τὰς ἁλιάδας,
-καταίρουσί τε κρότῳ καὶ αὐλοῖς τὸ θήραμα μαρτυρόμενοι.
-οἳ δὲ οὐ τοῦτον ἀλλὰ τὸν ἀνθίαν νομίζουσιν
-ἱερόν. τὸ δὲ αἴτιον, ἔνθα ἄν ὅδε φανῇ τῆς θαλάττης,
-ἀνάγκη δήπου τὸν χῶρον ἄθηρον εἶναι σπονδάς 
-τε ἰχθύσι πρὸς πᾶν ὅσον ὑδροθηρικόν, καὶ αὐτοὶ δὲ
-οἱ ἰχθύες θαρροῦντες ἀποτίκτουσι. φύσεως δὲ ἀπόρρητα
-ἐλέγχειν οὐκ ἐμόν, καὶ εἰκότως, ἐπεὶ καὶ ἀλεκτρυόνα
-δέδοικε λέων καὶ τὸν αὐτὸν βασιλίσκος καὶ
-μέντοι καὶ ὗν ἐλέφας· τὰς δὲ αἰτίας ὅσοι σχολὴν 
-ἄγουσι πολλὴν ζητοῦντες τοῦ μὲν χρόνου καταφρονήσουσιν,
-οὐ μὴν ἐς τέλος ἀφίξονται τῆς σπουδῆς.</p>
-</div2>
-</div1>
-<div1 type="book" n="9">
-<div2 type="chapter" n="1">
-<p>
-ὁ λέων ἤδη προήκων τὴν ἡλικίαν καὶ γήρᾳ βαρὺς
-γεγενημένος θηρᾶν μὲν ἥκιστός ἐστιν, ἀσμένως
-δὲ ἀναπαύεται ἐν ταῖς ὑπάντροις ἢ λοχμώδεσι καταδρομαῖς, 
-καὶ τῶν θηρίων οὐδὲ τοῖς ἀσθενεστάτοις
-ἐπιθαρρεῖ, τόν τε αὑτοῦ χρόνον ὑφορώμενος καὶ τὸ
-τοῦ σώματος ἐννοῶν ἀσθενές. οἱ δὲ ἐξ αὐτοῦ γεγενημένοι
-θαρροῦντες τῇ τῆς ἡλικίας ἀκμῇ καὶ τῇ ῥώμῃ
-τῇ συμφυεῖ προΐασι μὲν ἐπὶ θήραν, ἐπάγονται δὲ 
-καὶ τὸν ἤδη γέροντα, ὠθούντες αὐτόν· εἶτα ἐπὶ μεσης
-τῆς ὁδοῦ ἧς ἐλθεῖν δεῖ καταλιπόντες, ἔχονται
-τῆς ἄγρας αὐτοί, καὶ τυχόντες τοσούτων ὅσα ἀποχρήσει
-καὶ αὐτοῖς καὶ τῷ γεγεννηκότι σφᾶς, βρυχησάμενοι
-γενναῖόν τε καὶ διάτορον καλοῦσιν ὡς δαιτυμόνα 
-ἑστιάτορες ἐπὶ θοίνην οἱ νέοι τὸν γεγηρακότα, τὸν πατέρα
-οἱ παῖδες. ὃ δὲ ἡσυχῆ καὶ βάδην καὶ οἷον ἕρπων
-<pb id="p.218"/>
-ἔρχεται, καὶ περιβαλὼν τοὺς παῖδας, καὶ τῇ γλώττῃ
-μικρὰ ὑποσήνας, ὥσπερ οὖν ἐπαινῶν τῆς εὐθηρίας,
-ἔχεται τοῦ δείπνου, καὶ σὺν τοῖς υἱέσιν ἑστιᾶται. καὶ
-Σόλων μὲν τοῖς λέουσιν οὐ κελεύει ταῦτα, διδάσκει
-δὲ ἡ φύσις, ᾗ νόμων ἀνθρωπικῶν οὐδὲν μέλει·
-γίνεται δὲ ἄτρεπτος αὕτη νόμος.
-</p>
-</div2>
-<div2 type="chapter" n="2">
-<p> τὸν ἀετὸν τὸν τῶν ὀρνίθων βασιλέα οὐ μόνον
-περιόντα καὶ ζῶντα δέδοικε τὰ ὄρνεα καὶ καταπτήσσει
-φανέντος, ἀλλὰ καὶ τὰ πτερὰ ἐκείνου ἐάν τις τοῖς
-τῶν ἄλλων συναναμίξῃ, τὰ μὲν τοῦ ἀετοῦ μένει ὁλόκληρα
-καὶ ἀνεπιβούλευτα, τὰ δὲ ἕτερα κατασήπεται
-τὴν πρὸς ἐκεῖνα κοινωνίαν οὐ φέροντα.
-</p>
-</div2>
-<div2 type="chapter" n="3">
-<p> οἱ μύες εἰσὶ μὲν καὶ ἄλλως πολύγονον ζῷον, καὶ
-ἀθρόᾳ τῇ ὠδῖνι πολλὰ τίκτουσιν· εἰ δέ πως καὶ ἁλὸς
-γευσάμενοι τύχοιεν, ἐνταῦθα δήπου καὶ πάμπολλα
-ἀποκυΐσκουσι καὶ πλείω τῆς συνηθείας πολλῷ. οἱ
-δὲ κροκόδειλοι, ὅταν τέκωσι, τὸ γνήσιον καὶ τὸ νόθον
-τόνδε τὸν τρόπον ἐλέγχουσιν. ἐάν τι παραχρῆμα ἐκγλυφεὶς
-ἁρπάσῃ, τελεῖ τὸ λοιπὸν ἐς τὸ γένος, καὶ
-φιλεῖται τοῖς γειναμένοις, καὶ πεπίστευται κροκοδείλων
-εἷς εἶναι καὶ ἠρίθμηται· ἐὰν δὲ ἐλινύσῃ καὶ βλακεύσῃ
-καὶ μὴ λάβῃ ποθὲν ἢ μυῖαν ἢ σέρφον ἢ ἔντερον
-γῆς ἢ σαῦρον τῶν νεαρῶν, διέσπασεν ὁ πατὴρ αὐτὸν
-ὡς ἀδόκιμόν τε καὶ κίβδηλον καὶ προσήκοντά οἱ οὐδὲ
-ἕν. καὶ δοκοῦσιν, ὡς οἵδε οἱ θῆρες, καὶ οἱ ἀετοὶ
-βασανίζοντες καὶ ἐκεῖνοι τὰ γνήσια τῇ ἀκτῖνι τοῦ
-ἡλίου κρίσει φιλεῖν τὰ ἔκγονα καὶ οὐ πάθει.
-</p>
-</div2>
-<div2 type="chapter" n="4">
-<p> ἀκούω δὲ τοὺς ὀδόντας τῆς ἀσπίδος, οὓς ἂν ἰοφόρους
-τις εἴποι καλῶν ὀρθῶς, ἔχειν οἱονεὶ χιτῶνας
-περικειμένους ἄγαν λεπτοὺς καὶ ὑμέσι παραπλησίους,
-ὑφʼ ὧν περιαμπέχονται. ὅταν οὖν ἐμφύσῃ τινὶ τὸ
-<pb id="p.219"/>
-στόμα ἡ ἀσπίς, διαστέλλεσθαι μέν φασι τὰ ὑμένια,
-ἐκχεῖσθαι δὲ τὸν ἰόν, καὶ πάλιν συντρέχειν ἐκεῖνα
-καὶ ἑνοῦσθαι. τοῦ γε μὴν σκορπίου τὸ κέντρον ἔχειν
-τινὰ κολπώδη διπλόην ὑπὸ τῆς ἄγαν λεπτότητος οὐ
-</p>
-</div2>
-<div2 type="chapter" n="5">
-<p>πάνυ τι σύνοπτον. καὶ εἶναι μὲν τὸ φάρμακον καὶ 
-τίκτεσθαι λέγουσιν ἐνταῦθα, ἅμα δὲ τῇ κρούσει προϊέναι
-διὰ τοῦ κέντρου καὶ ἐκρεῖν. ὀπὴν δὲ εἶναι διʼ ἧς ἔξεισιν οὐδὲ ταύτην ὄψει θεωρητήν. ἀνθρώπου
-δὲ σιάλῳ καταπτύοντος ἀμβλύνεσθαι τὸ κέντρον καὶ
-μαλκίειν καὶ ἐς τὴν πληγὴν ἀδύνατον γίνεσθαι. 
-ἡ κύων εἰ καὶ πολλὰ τίκτει σκυλάκια, ἀλλὰ γοῦν 
-τὸ πρῶτον τῆς μητρὸς προελθὸν καὶ τῆς ὠδῖνος
-πρεσβύτατον ὂν κατηγορεῖ τὸν πατέρα. ἐκείνῳ γοῦν
-ὁμοιότατον τίκτεται πάντως, τὰ δὲ ἄλλα ὡς ἂν τύχῃ.
-ἔοικε δὲ φιλοσοφεῖν ἐν τῷδε ἡ φύσις, προτιμῶσα τοῦ 
-ὑποδεχομένου τὸ σπεῖρον.
-</p>
-</div2>
-<div2 type="chapter" n="6">
-<p>τῶν ὀστρακονώτων τε καὶ ὀστρακοδέρμων καὶ 
-τοῦτο ἴδιον. κενώτερά πως ταῦτα καὶ κουφότερα
-ὑποληγούσης τῆς σελήνης φιλεῖ γίνεσθαι. καὶ τῶν
-μὲν ὀστρακονώτων ἐλέγχουσιν ὃ λέγω πορφύραι καὶ 
-κήρυκες καὶ σφόνδυλοι καὶ τὰ τούτοις ὁμοφυῆ· τῶν
-δὲ ἑτέρων πάγουροί τε καὶ κάραβοι καὶ ἀστακοὶ καὶ
-καρκίνοι καὶ εἴ τι τούτων συγγενές. λέγεται δὲ καὶ
-τῶν ὑποζυγίων τὰ τικτόμενα ληγούσης τῆς σελήνης
-ἀδυνατώτερα τῶν ἄλλων εἶναι καὶ ἀσθενέστερα, καὶ 
-μέντοι καὶ συμβουλεύουσιν οἱ τούτων ἐπιστήμονες
-τὰ ἐν τούτῳ τῷ μέρει τοῦ μηνὸς γεννώμενα μὴ τρέφειν·
-μὴ γὰρ εἶναι σπουδαῖα αὐτά. κατὰ τὴν νουμηνίαν
-δὲ τὰ ζῷα, ὡς πυνθάνομαι, ἢ φθέγγεταί τι
-τῇ συντρόφῳ φωνῇ ἢ πίπτει· λέων δὲ ἄρα μόνος, 
-ὡς Ἀριστοτέλης φησίν, οὐδέτερον αὐτοῖν δρᾷ.
-</p>
-</div2>
-<div2 type="chapter" n="7">
-<p>ἀκοὴν ὀξύτατον τὸν λάβρακα Ἀριστοτέλης εἶναί 
-<pb id="p.220"/>
-φησι καὶ μέντοι καὶ τὴν χρόμιν καὶ τὴν σάλπην καὶ
-τὸν κεστρέα. πυνθάνομαι δὲ τὸν λάβρακα σαφῶς
-εἰδέναι ὅτι ἄρα ἐν τῇ κεφαλῇ αὐτοῦ λιθίδιόν ἐστι.
-καὶ χειμῶνος τοῦτο ψυχρότατον γίνεται, καὶ λυπεῖ
-αὐτὸν ἰσχυρῶς. ταύτῃ τοι καὶ κατʼ ἐκείνην τὴν ὥραν
-τοῦ ἔτους ἀλεαίνειν αὑτόν, καὶ ἐπινοεῖν τῇ ψύξει τῇ
-ἐκ τοῦ λίθου φάρμακον τοῦτο καὶ μάλα γε ἀντίπαλον.
-καὶ χρόμιν δὲ τὸ αὐτὸ ποιεῖν καὶ φάγρον καὶ σκίαιναν
-πέπυσμαι· ἔχειν γάρ τοι ὅμοιον λίθον καὶ ταῦτα.
-παράσιτοι δὲ ἄρα καὶ ἐν ἰχθύων γένει ἦσαν. ὁ
-γοῦν φθεὶρ οὕτω λεγόμενος παρατρώγει τῶν τοῦ δελφῖνος
-θηραμάτων· ὃ δὲ ἥδεται αὐτῷ καὶ ἑκὼν μεταδίδωσιν.
-ἔνθεν τοι καὶ πιότατός ἐστιν, ὥσπερ οὖν
-ἐκ πλουσίας καὶ ἀμφιλαφοῦς ἑστιάσεως ἐμπιπλάμενος.
-καὶ ὁ μὲν τοῦ Μενάνδρου Θήρων μέγα φρονεῖ,
-ὅτι ῥινῶν ἀνθρώπους φάτνην αὐτοὺς ἐκείνους εἶχε·
-Κλείσοφος δὲ καὶ τὸν ὀφθαλμὸν τὸν ἕτερον δεσμῷ
-κατελάμβανε, Φιλίππῳ χαριζόμενος ἐν τῇ τῆς Μεθώνης
-πολιορκίᾳ τὸν ἕτερον ἐκκοπέντι. φιλία δὲ
-ἐμοὶ δοκεῖν καὶ συντροφία τῷ φθειρὶ πρὸς τὸν δελφῖνά
-ἐστι· κολακεύειν μὲν γὰρ ὡς καὶ ἄλλα κακὰ
-ἄνθρωπος οἶδε, τὰ δὲ ἄλογα οὐκ οἶδεν.
-</p>
-</div2>
-<div2 type="chapter" n="8">
-<p> ἐλέφαντος δὲ ἄρα ἐς τὰ τέκνα καὶ ἐκεῖνο φίλτρον
-ἰσχυρόν. οἱ τούτων θηραταὶ τάφρους ὀρύττουσιν,
-ἐς ἃς ἐμπίπτει τὰ ζῷα ταῦτα, καὶ τὰ μὲν ἁλίσκεται,
-τὰ δὲ ἀναιρεῖται. καὶ τίς ὁ τρόπος τῆς τοιᾶσδε ταφρεύσεως
-καὶ τὸ σχῆμα ὁποῖον καὶ ὁπόσον τὸ βάθος
-καὶ ἔσοδοι ποταπαί, ἀλλαχόθεν εἴσεσθε· ἐκκαλύψων
-δὲ ἔγωγε καὶ ἐλέγξων τὴν στοργὴν ἔρχομαι. ἡ μήτηρ
-θεασαμένη τὸ ἑαυτῆς βρέφος ἐς μίαν τῶν τάφρων
-ἐμπεσόν, οὔτε ἐμέλλησεν οὔτε βλακεύουσα διέτριψεν,
-ἀλλὰ ὡς εἶχεν ὁρμῆς ἐκθύμως καὶ περιπαθῶς ἐπιδραμοῦσα,
-<pb id="p.221"/>
-κατὰ τοῦ παιδὸς αὑτὴν ἔωσεν ἐς κεφαλήν,
-καὶ ἄμφω κατὰ ταὐτὸν τὸ τέλος εἰχέτην· ὃ μὲν γὰρ
-ἐκ τοῦ μητρῴου βάρους πιεσθεὶς συνετρίβη, ἣ δὲ
-κατὰ τὴν κεφαλὴν ᾅξασα. γελοῖοι τοίνυν εἰσὶν οἱ
-</p>
-</div2>
-<div2 type="chapter" n="9">
-<p>διαποροῦντες εἰ φυσικὴ πρὸς τὰ ἔκγονα στοργή ἐστιν. 
-αἱ δὲ φῶκαι τίκτουσι μὲν ἐπὶ τῆς γῆς, κατὰ μικρὰ
-δὲ ὑπάγουσιν ἑαυτῶν τὰ σκυλάκια ἐς τὸ νοτερόν,
-καὶ ἀπογεύουσι τῆς θαλάττης, εἶτα ἐπανάγουσιν
-ἐς τὸν τῆς ὠδῖνος τόπον τὸν ἐξ ἀρχῆς, καὶ αὖ πάλιν
-</p>
-</div2>
-<div2 type="chapter" n="10">
-<p>κατάγουσιν ἐς τὴν θάλατταν, καὶ ταχέως ἐξάγουσι· 
-καὶ ὅταν πολλάκις τοῦτο δράσωσι, τελευτῶσαι νηκτικώτατα
-ἀπέφηναν αὐτά. ῥᾳδίως δὲ ἐς τὸν θαλάττιον
-βίον ὑπολισθάνει, τῆς διδασκαλίας μὲν προαγούσης
-αὐτά, βιαζομένης δὲ τῆς φύσεως τῶν μητρῴων καὶ
-ἠθῶν καὶ ἐθῶν ἐρᾶν. 
-ἀετὸς ζῷον πλεονεκτικόν, καὶ διʼ ἁρπαγῶν ποιοῦνται 
-τὰς τροφάς, καὶ σαρκῶν ἐσθίουσι· καὶ γὰρ λαγὼς
-ἁρπάζουσι καὶ νεβρὸν καὶ χῆνα ἐξ αὐλῆς καὶ ἄλλα.
-μόνος δὲ ἄρα ἐν αὐτοῖς ὅσπερ οὖν καὶ Διὸς κέκληται
-κρεῶν οὐχ ἅπτεται, ἀλλὰ ἀπόχρη οἱ πόα· καὶ 
-Πυθαγόρου τοῦ Σαμίου διακούσας οὐδὲ ἕν, ὅμως
-ἐμψύχων ἀπέχεται.
-</p>
-</div2>
-<div2 type="chapter" n="11">
-<p>εἰ τοῦ φαλαγγίου καὶ μόνον ἐφάψαιτό τις, ἀπέκτεινεν 
-αὐτὸν μηδὲ ὀδυνηθέντα φασὶν ἰσχυρῶς. ἀλλὰ
-καὶ τὸ τῆς ἀσπίδος δῆγμα πραότατον εἶναι ἤλεγξε Κλεοπάτρα, 
-ὅτε τοῦ Σεβαστοῦ προσιόντος ἀνώδυνον θάνατον
-ἐν τοῖς συμποσίοις ἐβασάνιζε, καὶ τὸν μὲν διὰ
-τοῦ ξίφους εὕρισκεν ἀλγεινόν, τῶν τιτρωσκομένων
-τοῦτο ὁμολογούντων, τὸν δὲ διὰ τῶν φαρμάκων λυπηρόν·
-σπασμὸν γάρ τινα ἐμποιεῖν καὶ καρδιώττειν 
-ἀναγκάζειν· τὸν δὲ ἐκ τοῦ δήγματος τῆς ἀσπίδος
-πρᾶον εἶναι καὶ ἵνα Ὁμηρείως εἴπω ἀβληχρόν. ἔστι
-<pb id="p.222"/>
-δὲ ἃ καὶ μόνον ἁψαμένους ἀπέκτεινε καὶ προσερυγόντα
-δέ, ὥσπερ οὖν ὁ κεντρίνης καὶ ἡ φρύνη.
-</p>
-</div2>
-<div2 type="chapter" n="12">
-<p> σὺ μέν μοι λέξεις πανοῦργον εἶναι ζῷον ἀλώπεκα,
-ταύτην δὴ τὴν ἐκ τῆς γῆς τρεφομένην· ἄκουε
-δὲ καὶ τὰς τῆς θαλαττίας μηχανάς, καὶ ὁποῖα δρᾷ
-καὶ ἐκείνη πυνθάνου. ἢ γὰρ οὐ πρόσεισι τῷ ἀγκίστρῳ
-τὴν ἀρχήν, ἢ καταπιοῦσα παραχρῆμα ἑαυτῆς
-τὸ ἐντὸς μετεκδῦσα ἔστρεψεν ἔξω, ὥσπερ οὖν χιτῶνα
-τὸ σῶμα ἀνελίξασα, καὶ τοῦτον δήπου τὸν τρόπον
-ἐξεώσατο τὸ ἄγκιστρον.
-</p>
-</div2>
-<div2 type="chapter" n="13">
-<p> Ἴυγγας ἐρωτικὰς ἄνθρωποί φασιν εἶναί τινας,
-μίξεως δὲ ἀφροδισίου σύνθημα ὁ βάτραχος ἀφίησι
-πρὸς τὴν θήλειαν βοήν τινα, ὡς ἐραστὴς ᾠδήν τινα
-κωμαστικήν, καὶ κέκληται ἥδε ἡ βοὴ ὀλολυγών, ὥς
-φασιν. ὅταν δὲ τὴν θήλειαν προσαγάγηται, μένουσιν
-ἄμφω τὴν νύκτα· ἐν μὲν γὰρ τῷ ὕδατι συνελθεῖν
-οὐ δύνανται, μεθʼ ἡμέραν δὲ ἐπὶ γῆς συμπλακῆναι
-ὀρρωδοῦσι. νυκτὸς δὲ ἐπιστάσης κατὰ πολλὴν τὴν
-ἄδειαν προελθόντες ἀλλήλων ἀπολαύουσιν.
-ὅταν δὲ βάτραχοι γεγωνότερον φθέγγωνται καὶ
-τῆς συνηθείας λαμπρότερον, ἐπιδημίαν δηλοῦσιν ὑετοῦ.
-</p>
-</div2>
-<div2 type="chapter" n="14">
-<p> εἴ τις προσάψαιτο τῆς νάρκης ὅτι τὸ ἐκ τοῦ ὀνόματος
-πάθος τὴν χεῖρα αὐτοῦ καταλαμβάνει, τοῦτο
-καὶ παιδάριον ὢν ἤκουσα τῆς μητρὸς λεγούσης πολλάκις.
-σοφῶν δὲ ἀνδρῶν ἐπυθόμην ὅτι καὶ τοῦ
-δικτύου ἐν ᾧ τεθήραται εἴ τις προσάψαιτο, ναρκᾷ
-πάντως. εἰ δέ τις ἐς σκεῦος αὐτὴν ἐμβάλοι ζῶσαν,
-καὶ ἐπιχέοι θαλαττίου ὕδατος, ἐὰν ἐγκύμων ᾖ καὶ
-ὁ καιρὸς τῆς ὠδῖνος ἀφίκηται, τίκτει. καὶ τὸ ἐν τῳ
-σκεύει ὕδωρ εἴ τις καταχέοι χειρὸς ἀνθρώπου ἢ ποδός,
-ναρκᾶν τὴν χεῖρα ἢ τὸν πόδα ἀνάγκη.
-<pb id="p.223"/>
-</p>
-</div2>
-<div2 type="chapter" n="15">
-<p>τὰ ζῷα οὔτε ἐν ταῖς πληγαῖς οὔτε ἐν τοῖς δήγμασιν 
-ἀεὶ τὴν αὐτὴν δύναμιν ἴσχει, ἀλλʼ ἐπιτείνεται πολλάκις
-ἔκ τινος αἰτίας. ὁ γοῦν σφὴξ γευσάμενος ἔχεως
-χαλεπώτερός ἐστι τὴν πληγήν, καὶ ἡ μυῖα τοιούτῳ
-τινὶ προσελθοῦσα πικροτέρα δακεῖν ἐστι καὶ ὀδύνας 
-ἔδωκε, καὶ μέντοι καὶ τῆς ἀσπίδος τὸ δῆγμα γίνεται
-παντελῶς ἀνήκεστον, ἐὰν βατράχου φάγῃ. ὁ δὲ κύων
-ὑγιαίνων μὲν ἐὰν δάκῃ, τραῦμα εἰργάσατο καὶ ἀλγηδόνα
-ἐξῆψεν· ἐὰν δὲ λυττῶν, διέφθειρεν. ἀκέστρια
-δὲ ἀκουμένη χιτώνιον ῥαγὲν ὑπὸ λυττῶντος κυνός, 
-δακοῦσά πως τῷ στόματι τὸ χιτώνιον, ἵνα ἀποτείνῃ
-αὐτό, ἐλύττησε καὶ ἀπέθανεν. ἀνθρώπου δὲ ἀσίτου
-δῆγμα χαλεπὸν καὶ δυσίατον. λέγονται δὲ οἱ Σκύθαι
-πρὸς τῷ τοξικῷ, ᾧ τοὺς οἰστοὺς ἐπιχρίουσι, καὶ ἀνθρώπειον
-ἰχῶρα ἀναμιγνύναι φαρμάττοντες, ἐπιπολάζοντά 
-πως αἵματι, ὅπερ ἴσασιν ἀπόκριμα αὐτοῖς.
-τεκμηριῶσαι τοῦτο καὶ Θεόφραστος ἱκανός.
-</p>
-</div2>
-<div2 type="chapter" n="16">
-<p>ὅταν ἀποδύσηται τὸ γῆρας ὁ ὄφις ʽὑπαρχομένου 
-δὲ τοῦ ἦρος δρᾷ τοῦτὀ, ἐνταῦθά τοι καὶ τῶν ὀφθαλμῶν
-τὴν ἀχλὺν καὶ τὸ ἀμβλὺ τῆς ὄψεως ῥύπτεται 
-καὶ ἐκεῖνο ὡς γῆρας ὀφθαλμῶν, τῷ δὲ μαράθῳ ὑποθήγων
-τε καὶ παραψήχων τὸ ὄμμα ἑκάτερον, εἶτα
-ἐξάντης τοῦδε τοῦ πάθους γίνεται. ἀμβλυώττει δὲ
-ἄρα διὰ τοῦ χειμῶνος φωλεύσας ἐν μυχῷ καὶ σκότῳ.
-οὐκοῦν μαλκίουσαν ἐκ τῶν κρυμῶν τοῦ ζῴου τὴν 
-ὄψιν ὑποθερμαῖνον τὸ μάραθον καθαίρει, καὶ ὀξυωπέστερον ἀποφαίνει.
-</p>
-</div2>
-<div2 type="chapter" n="17">
-<p>ἡ ἁλκυὼν ὅταν αἴσθηται ἑαυτῆς κυούσης, τηνικαῦτά 
-τοι ἐς τὴν τῶν νεοττῶν ὑποδοχὴν καλιὰν
-ἐργάζεται, οὔτε πηλοῦ καὶ ὀρόφου ὡς ἡ χελιδὼν 
-δεομένη καὶ οἴκων, καὶ ἄκλητος ἐσιοῦσα ξένη, καὶ
-λυποῦσα τὰ ἑωθινὰ τῷ λάλῳ καὶ μέντοι καὶ διακόπτουσα
-<pb id="p.224"/>
-τῶν ὕπνων τὸν ἥδιστον, οὔτε πάλιν τῷ σώματι
-μόνῳ ἐν ἐλευθέροις χωρίοις ἔχεται τοῦ προειρημένου,
-συμπλέκουσα δὲ καὶ ἀθροίζουσα τὰς τῆς
-βελόνης ἀκάνθας, δεσμῷ τινι ἀπορρήτῳ τῆς εὐθημοσύνης
-περιλαμβάνει τὸ ποίημα. τὰς μὲν γὰρ ἐς
-τὸ εὐθὺ κατέδησαν αὐτῶν, τὰς δὲ ἐπικαρσίας ʽὑφαντικῆς
-ἐπιστήμονα γυναῖκα εἴποις ἂν τῷ στήμονι τὴν
-κρόκην ἐπιπλέκεινʼ, στρογγύλον δὲ ἡσυχῆ τὸ ἔργον
-ἀποφαίνει καὶ κολπῶδες, οἱονεὶ πλέγμα κύρτου δημιουργοῦσα.
-καὶ ὅταν ἐξυφήνῃ τὸ εἰρημένον, κομίζει
-πρὸς τὴν θάλατταν, ἔνθα τοῦ κύματος ἐπιπολάζοντος
-ἡσυχῆ τὸ κλύσμα ἐπιὸν ἐλέγχει τῇ ἁλκυόνι τὸ ἔργον·
-τὸ γάρ τοι μὴ στεγανὸν μέρος τὸ ὕδωρ τὸ ἐμπῖπτον
-ἀκεῖται αὖθις. τὰ δὲ ἡρμοσμένα εἴγε παίοις λίθῳ,
-οὐκ ἂν διατρήσειας αὐτά. εἰ δὲ καὶ διακόψαι σιδήρῳ
-ἐθέλοις, τὰ δὲ οὐκ ἂν εἴξειε, καλῶς τε καὶ εὖ διυφασμένα,
-τοῦ θώρακος τοῦ λινοῦ οὐ μεῖον, ὅνπερ οὖν
-ἀναθεῖναι τῇ Ἀθηνᾷ τῇ Λινδίᾳ Ἄμασιν ᾅδουσι. τὸ
-στόμα δὲ τοῦ κύρτου τοῦδε ἄλλῳ μὲν οὔτε ἐσβατὸν
-οὔτε πάνυ τι σύνοπτον, δέχεται δὲ ἐκείνην μόνην.
-οὐκ ἂν δὲ ἐσρεύσειε διʼ αὐτοῦ οὐδὲ τῆς θαλάττης
-ἔσω οὐδὲ ἕν· οὕτω τοι στεγανόν ἐστιν. ἐνταῦθά τοι
-καὶ τοὺς νεοττοὺς τρέφει κατὰ τῶν κυμάτων ἡ ἁλκυὼν
-φερομένη, ὥς φασιν.
-</p>
-</div2>
-<div2 type="chapter" n="18">
-<p> τοῦ Νείλου πλησίον πόα γίνεται, καὶ καλεῖται
-λυκοκτόνος, καὶ οὐκ ἔστι ψευδώνυμος, καὶ εἰκότως·
-ὅταν γὰρ αὐτῆς ἐπιβαίνῃ λύκος, σπώμενος ἀποθνήσκει.
-ἔνθεν τοι καὶ οἱ σέβοντες Αἰγυπτίων τοῦτο
-τὸ ζῷον ἐς τὴν ἑαυτῶν χώραν κωλύουσι ταύτην τὴν
-πόαν κομίζεσθαι.
-</p>
-</div2>
-<div2 type="chapter" n="19">
-<p> τῶν κατὰ τὴν οἰκίαν ὄρνις ἐὰν ἐς οἶνον ἐμπέσῃ
-καὶ ἀποπνιγῇ, οὐδὲν λυμαίνεται οὔτε τοῦ οἴνου φασὶν
-<pb id="p.225"/>
-οὔτε τῶν ἔνδον· ἐὰν δὲ ἐς ὕδωρ κατενεχθῇ, δυσῶδες
-ἀπέφηνε τὸ ὕδωρ, καὶ κακοσμίαν περὶ τὸν ἀέρα
-ἐργάζεται. γαλεώτης δὲ ἐὰν ἐς οἶνον κατολισθὼν
-εἶτα ἀποπνιγῇ, λυπεῖ οὐδὲ ἓν· ἐὰν δὲ ἐς ἔλαιον ἐμπέσῃ
-καὶ ἀποθάνῃ, δυσῶδες τὸ ἔλαιον ἀποφαίνει, 
-καὶ ὁ γευσάμενος αὐτοῦ φθειρσὶν ἐξέζεσεν.
-</p>
-</div2>
-<div2 type="chapter" n="20">
-<p>τὸ τοῦ ἐλάφου κέρας θυμιώμενον ὅτι τοὺς ὄφεις 
-διώκει δῆλόν ἐστιν. λέγει δὲ Ἀριστοτέλης ὅτι καὶ
-λίθος ὁ γινόμενος ἐν τῷ Πόντῳ ποταμῷ ʽἔστι δὲ οὗτος
-ἐν τῇ χώρᾳ τῇ Σιντικῇ τε καὶ Μαιδικᾖ ἐπιθυμιώμενος 
-διώκει τοὺς αὐτούς, καὶ μέντοι καὶ φύσιν
-τοῦ λίθου περιηγεῖται τοιάνδε. ὕδατος μὲν εἴ τις
-αὐτοῦ καταχέοι, ἐξάπτεται· καόμενον δὲ ὑπερεξάψαι
-ῥιπίδι εἰ θελήσειας, ὃ δὲ κατασβέννυται. θυμιώμενον
-δὲ αὐτὸν ὀσμὴν ἀφιέναι ἀσφάλτου βαρυτέραν 
-φασί. τούτοις ὁμολογεῖ καὶ Νίκανδρος.
-</p>
-</div2>
-<div2 type="chapter" n="21">
-<p>ἡ Φάρος ἡ νῆσος πάλαι ʽλέγουσι δὲ Αἰγύπτιοι 
-οἷα μέλλω λέγεινʼ ἐπεπλήρωτο ὄφεων πολλῶν τε καὶ
-διαφόρων. ἐπεὶ δὲ Θῶνις ὁ τῶν Αἰγυπτίων βασιλεὺς
-λαβὼν παρακαταθήκην τὴν Διὸς Ἑλένην ʽἔδωκε 
-δὲ αὐτὴν ἄρα καὶ περὶ τὴν ἄνω Αἴγυπτον καὶ περὶ
-τὴν Αἰθιοπίαν πλανώμενος ὁ Μενέλεωσʼ εἶτα ἠράσθη
-αὐτῆς ὁ Θῶνις, βίαν αὐτοῦ προσφέροντος τῇ Ἑλένῃ
-ἐς ὁμιλίαν ἀφροδίσιόν φησιν ὁ λόγος τὴν Διὸς αὐτὰ
-εἰπεῖν ἕκαστα πρὸς τὴν τοῦ Θώνιδος γαμετήν Π̔ολύδαμνα 
-ἐκαλεῖτὀ, τὴν δὲ δείσασαν μή ποτε ἄρα
-ὑπερβάληται ἡ ξένη τῷ κάλλει αὐτήν, ὑπεκθέσθαι
-τὴν Ἑλένην ἐς Φάρον, πόαν δὲ τῶν ὄφεων τῶν ἐκεῖθι
-ἐχθρὰν δοῦναι, ἧσπερ οὖν αἴσθησιν λαβόντας τοὺς
-ὄφεις εἶτα καταδῦναι. τὴν δὲ αὐτὴν καταφυτεῦσαι, 
-καὶ χρόνῳ ἀναθῆλαι καὶ ἀφεῖναι σπέρμα ἐχθρὸν
-ὄφεσι, καὶ μέντοι καὶ ἐν τῇ Φάρῳ θηρίον τοιόνδε
-<pb id="p.226"/>
-οὐκέτι γενέσθαι. κληθῆναι δὲ τὴν πόαν ἑλένιον
-λέγουσιν οἱ ταῦτα εἰδέναι δεινοί.
-</p>
-</div2>
-<div2 type="chapter" n="22">
-<p> θαλάττιον ζῷον οἱ ἀστέρες, καὶ εἰσὶ καὶ οὗτοι
-μαλακόστρακοι, ἐχθροὶ δὲ τοῖς ὀστρέοις· δειπνοῦσι
-γὰρ αὐτά. καὶ ὁ τρόπος τῆς ἐπιβουλῆς τῆς κατʼ αὐτῶν
-ἐκεῖνός ἐστι. τὰ μὲν κέχηνε πολλάκις ψύχους
-δεόμενα καὶ ἄλλως εἴ τί σφισιν ἐμπέσοι τούτῳ τραφησόμενα·
-οἱ τοίνυν ἀστέρες μέσον τῶν ὀστράκων
-διείρουσιν ἓν κῶλον τῶν σφετέρων ἕκαστος, καὶ ἐμπίπλανται
-τῶν σαρκῶν, διειργομένων συνελθεῖν τῶν
-ὀστράκων αὖθις. ἴδιον μὲν δὴ καὶ ἀστέρων θαλαττίων
-εἰρήσθω ἡμῖν τοῦτο.
-</p>
-</div2>
-<div2 type="chapter" n="23">
-<p> τὴν μὲν ὕδραν τὴν Λερναίαν τὸν ἆθλον τὸν
-Ἡράκλειον ᾀδέτωσαν ποιηταὶ καὶ μύθων ἀρχαίων
-συνθέται, ὧνπερ οὖν καὶ Ἑκαταῖος ὁ λογοποιός ἐστιν·
-ᾀδέτω δὲ καὶ Ὅμηρος χιμαίρας φύσιν κεφαλὰς ἐχούσης
-τρεῖς, τέρας τοῦτο Λύκιον Ἀμισωδάρου τοῦ Λυκίων
-βασιλέως, ἐπὶ λύμῃ πολλῶν θρέμμα ποικίλον
-τε καὶ ἀπρόσμαχον, ναὶ μὰ Δία. καὶ ταῦτα μὲν ἔοικεν
-ἐς τοὺς μύθους ἀποκεκρίσθαι· ἡ δὲ ἀμφίσβαινα ὄφις
-δικέφαλός ἐστι, καὶ τὰ ἄνω καὶ ὅσα ἐς τὸ οὐραῖον·
-προϊοῦσα δέ, ὅπως ἂν ἐς τὴν ὁρμὴν ἐπαγάγῃ τῆς
-προόδου ἡ χρεία αὐτήν, τὴν μὲν ἀπέλιπεν οὐρὰν
-εἶναι, τὴν δὲ ἀπέφηνε κεφαλήν. καὶ μέντοι καὶ πάλιν
-εἰ δεηθείη τὴν ὀπίσω ἰέναι, κέχρηται ταῖς κεφαλαῖς
-ἐς τὸ ἐναντίον ἢ τὸ πρόσθεν ἐχρήσατο.
-</p>
-</div2>
-<div2 type="chapter" n="24">
-<p> ἦν δὲ ἄρα τι βατράχου γένος, καὶ καλεῖται τοῦτο
-ἁλιεύς, καὶ καλεῖται τὸ ὄνομα ἐξ ὧν δρᾷ. δελέατα
-ἐκεῖνος ὑπεράνω τῶν ὀφθαλμῶν ἔχει προμήκεις ὡς
-ἂν εἴποις τινὰς βλεφαρίδας, εἶτα ἑκάστῃ βραχὺ σφαιρίον
-προσπέφυκε. σύνοιδεν οὖν ἑαυτῷ τούτοις ἐφολκοῖς
-ὑπὸ τῆς φύσεως ἐς τοὺς ἄλλους ἰχθῦς παρεσκευασμένῳ
-<pb id="p.227"/>
-τε καὶ τεθηγμένῳ προσέτι. οὐκοῦν ὑποκρύψας
-ἑαυτὸν ἐν τοῖς θολερωτέροις τε καὶ ἰλύος μᾶλλον πεπληρωμένοις
-ἡσυχάζει; προτείνων τὰς τρίχας τὰς προειρημένας.
-τὰ τοίνυν βράχιστα τῶν ἰχθύων προσνεῖ
-ταῖσδε ταῖς βλεφαρίσι, τὰς ἐπʼ ἄκρου σφαιροειδεῖς 
-περιφορὰς οἰόμενα δέλεαρ εἶναι, ὃ δὲ ἐλλοχῶν ἀτρεμεῖ,
-πλησίον δὲ ἐκείνων γεγενημένων, ὑπάγει τὰς
-τρίχας ἐς ἑαυτόν ʽαἳ δὲ ἐσάγονται κρυπταῖς τισιν
-ὁδοῖς καὶ ἀφανέσἰ, γειτνιάσαντά τε ὑπὸ λαιμαργίας
-τὰ ἰχθύδια δεῖπνόν ἐστι τῷ βατράχῳ τῷ προειρημένῳ. 
-</p>
-</div2>
-<div2 type="chapter" n="25">
-<p>Κάραβος πολύποδι ἐχθρός. τὸ δὲ αἴτιον, ὅταν 
-αὐτῷ τὰς πλεκτάνας περιβάλῃ, τῶν μὲν ἐπὶ τοῦ νώτου
-ἐκπεφυκότων αὐτῷ κέντρων ποιεῖται οὐδεμίαν
-ὤραν, ἑαυτὸν δὲ περιχέας αὐτῷ ἐς πνῖγμα ἄγχει. ταῦτα 
-ὁ κάραβος σαφῶς οἶδε, καὶ ἀποδιδράσκει αὐτόν. καράβου
-δὲ ἡ φύσις ἐκείνη ἐστίν. ὅταν ἀδεὴς ᾖ, πορεύεται
-ὅδε ὁ ἰχθὺς πρόσω, πλαγιάσας δεῦρο καὶ ἐκεῖσε τὰ
-κέρατα, ἵνα μὴ πρὸς ἐναντίαν τὴν νῆξιν τὸ ὕδωρ
-ἰὸν εἶτα ἀναστέλλῃ οἱ τὰ κέρατα καὶ ἐμποδίζῃ πρόσω 
-χωρεῖν· εἰ δὲ φεύγοι, τὴν ὀπίσω ἰὼν παρῆκεν αὐτὰ
-τελέως. τὸ δὲ αἴτιον, ὡς κώπαις ἐρέττων καὶ ὑποκινῶν
-δίκην πορθμίδος πολὺ ἀποσπᾷ. εἰ δὲ γένοιτο
-μάχη καράβων πρὸς ἀλλήλους, τὰ κέρατα ἐγείροντες
-εἶτα ὡς κριοὶ ἐμπίπτοντες προσαράττουσι τὰ μέτωπα. 
-ἀγῶνα δὲ μυραίνης καὶ καράβου ἀνωτέρω εἶπον.
-</p>
-</div2>
-<div2 type="chapter" n="26">
-<p>ἐλαύνει δὲ ἰσχυρῶς τοὺς ὄφεις ἡ ἔνδροσός τε καὶ 
-νοτερὰ καλαμίνθη φασὶ καὶ ὁ ἄγνος. τοῦτόν τοι καὶ
-ἐν Θεσμοφορίοις ἐν ταῖς στιβάσι τὰ γύναια τὰ Ἀττικὰ
-ὑποστόρνυται. καὶ δοκεῖ μὲν καὶ ἐχθρὸς εἶναι τοῖς 
-δακέτοις ὁ ἄγνος, ἤδη δὲ καὶ ὁρμῆς ἀφροδισίου κώλυμά
-ἐστι, καὶ ἔοικε τό γε ὄνομα λαβεῖν ἐντεῦθεν.
-<pb id="p.228"/>
-δέδοικε δὲ ἄρα τὰ αὐτὰ δάκετα καὶ τὴν καλουμένην λιβανωτίδα πόαν.
-</p>
-</div2>
-<div2 type="chapter" n="27">
-<p> Θεοφράστου δὲ ἔγωγε ἀκούω καὶ ἐκεῖνα. πόαν
-τινὰ ἱστορεῖ ὅδε ὁ ἀνήρ, καὶ ὄνομα θηλυφόνον καλεῖ
-αὐτήν, ἥνπερ οὖν εἴ τις σκορπίῳ κατὰ νώτου θεὶς
-ἐάσειεν, ὃ δὲ παραχρῆμα αὖός ἐστιν. ὁ δὲ αὐτὸς
-λέγει τὸν αὐτὸν ἀναστήσεσθαι, εἴπερ οὖν λευκοῦ ἐλλεβόρου
-καταπάσειας αὐτοῦ. ἐγὼ δὲ ἐπαινῶ μὲν τὸ
-θηλυφόνον, τὸν δὲ λευκὸν ἐλλέβορον ἥκιστα. τὸ δὲ
-αἴτιον, μισῶ μὲν σκορπίους, φιλῶ δὲ ἀνθρώπους.
-Καλλίμαχος δὲ ἄρα ἐν τῇ γῇ τῇ Τραχινίᾳ ᾅδει δένδρον
-τι φύεσθαι καὶ καλεῖσθαι σμῖλον, ᾧ τὰ ἑρπετὰ γειτνιάσαντα
-καὶ παραψαύσαντα ἀρχὴν εἶτα ἀποθνήσκει.
-</p>
-</div2>
-<div2 type="chapter" n="28">
-<p> τὴν ὗν κρέα ἔχειν τῶν ἄλλων κρεῶν ἡδίω ἐκ
-πολλοῦ πεπίστευται. καὶ ἐκεῖνο δὲ ἡ πεῖρα διδάσκει
-καὶ μάλα γε ἐναργῶς. ὅταν ποτὲ σαλαμάνδραν φάγῃ,
-αὐτὴ μέν ἐστιν ἀπαθής, τούς γε μὴν αὐτῆς γευσαμένους ἀποκτείνει.
-</p>
-</div2>
-<div2 type="chapter" n="29">
-<p> Εὐφράτης, ὅσπερ οὖν Πάρθων καὶ Σύρων ῥεῖ
-μέσος, ὅ τι μὲν καὶ ἕτερον τῶν ἄλλων ἔχει ποταμῶν
-περιττὸν ἐρῶ ἄλλοτε, ὃ δὲ αὐτῷ συνίσασι Πάρθοι
-τε καὶ Σύροι καὶ ἔστι συμμελὲς τοῖς λόγοις τοῖσδε,
-τοῦτο εἰρήσεται. πρὸς ταῖς πρώταις ἀνατολαῖς τοῦδε
-τοῦ ποταμοῦ φύονταί τινες ὄφεις, καὶ μάλα γε ἀνθρώπων
-ἐχθροί, ἀλλʼ οὐ τῶν ἐπιχωρίων καὶ συντρόφων,
-τῶν δὲ ξένων καὶ προσηκόντων οὐδὲ ἕν. καὶ
-τιμῶνταί γε τὴν ἐπιδημίαν θανάτου αὐτοῖς.
-</p>
-</div2>
-<div2 type="chapter" n="30">
-<p> λέων ὅταν βαδίζῃ, οὐκ εὐθύωρον πρόεισιν, οὐδὲ
-ἐᾷ τῶν ἰχνῶν ἑαυτοῦ ἁπλᾶ εἶναι τὰ ἰνδάλματα, ἀλλὰ
-πῆ μὲν πρόεισι, πῆ δὲ ἐπάνεισι, καὶ αὖ πάλιν τοῦ
-πρόσω ἔχεται, καὶ μέντοι καὶ ἵεται ἐς τοὔμπαλιν.
-εἶτα προφορεῖται τὴν ὁδόν, καὶ ἀφανίζει τοῖς θηραταῖς
-<pb id="p.229"/>
-ἰέναι κατὰ στίβον τὸν ἑαυτοῦ καὶ ῥᾳδίως τὴν κοίτην
-ἔνθα ἀναπαύεται καὶ οἰκεῖ σὺν τοῖς σκύμνοις εὑρίσκειν.
-καὶ ταῦτα μὲν λεόντων ἐστὶν ἴδια δῶρα φύσεως.
-</p>
-</div2>
-<div2 type="chapter" n="31">
-<p>ποιμένα μοι νόει νομευτικὴν ἀγαθόν. οὐκοῦν 
-ὁ νομεὺς φιλεῖ μὲν τὰς οἶς, φιλεῖ δὲ καὶ τὰς αἶγας, 
-μισεῖ δὲ λύγγα. νόσημα δὲ τοῦτο ἀνθρώπῳ πολλάκις
-ἐμπῖπτον, ἄγει δὲ ἡ πλησμονὴ καὶ ταῖσδε τὴν λύγγα.
-οὐκοῦν πόαν τινὰ ἐχθρὰν τῷ πάθει τῷδε τοΐς τῶν
-προειρημένων σηκοῖς οἱ νομεῖς παραφυτεύουσι, καὶ
-ἥδε ἡ πόα ἀνείργει τὸ κακὸν αὐταῖς. λέγουσι δὲ οἱ 
-πεπειραμένοι ὅτι ἄρα καὶ ἀνθρώποις ἐς τὸ αὐτὸ πάθος
-ἐστὶν ἀγαθὸν ἡ πόα αὕτη.
-</p>
-</div2>
-<div2 type="chapter" n="32">
-<p>ὑοσκύαμον καὶ ὀπὸν ὅσοις ἔργον τρυγᾶν, οὗτοι 
-περισκάπτουσι μὲν γύρους καὶ ὑποκινοῦσι τὰς ῥίζας,
-οὐ μὴν διὰ χειρῶν τῶν σφετέρων ἀνασπῶσιν, ἀλλὰ 
-τῶν ζῴων πτηνὸν ὅ τι οὖν θηράσαντες ἢ πριάμενοι
-τοῖν ποδοῖν τὸν ἕτερον προσέδησαν τῇ πόᾳ. τὸ δὲ
-ἰλυσπώμενον εἶτα μέντοι ἀνασπᾷ αὐτήν. καὶ ἔστι
-λυσιτελῆ ἑκάτερα ἐς ἃ δέονται ἄνθρωποι. εἰ δὲ μὴ
-ταύτῃ τις ἀνασπάσειεν, ἔχει ἄλλως ὅπερ οὖν οἴεται 
-καλῶς καὶ ἐς δέον θησαύρισμα εἰληφέναι.
-</p>
-</div2>
-<div2 type="chapter" n="33">
-<p>τὸ ἀβρότονον ὅσα ἀγαθὰ δρᾷ καὶ ὅπως ὁδοὺς 
-πνεύματι δίδωσι καὶ μέντοι καὶ πνεύμονός ἐστι καθαρτήριον
-οὐ νῦν λέγειν καιρός· ζῴῳ δʼ οὖν πονηρῷ
-πολέμιόν ἐστι, καὶ ἀναιρεῖ τὴν ἕλμινθα, ἥπερ οὖν 
-ἐπὶ πλέον ἰοῦσα θηρίον γίνεται σπλάγχνοις μὲν ἐντικτόμενον,
-ἀνθρωπείαις δὲ νόσοις ἐναριθμούμενον,
-καὶ ταῦτα ταῖς ἄγαν ἀνιάτοις τε καὶ ὑπὸ χειρὸς θνητῆς
-ἐς ἄκεσιν ἥκειν ἀδυνάτοις. τεκμηριῶσαι τοῦτο
-καὶ Ἵππυς ἱκανός. ὃ δὲ λέγει ὁ συγγραφεὺς ὁ Ῥηγῖνος, 
-τοιοῦτόν ἐστι. γυνὴ εἶχεν ἕλμινθα, καὶ ἰάσασθαι
-αὐτὴν ἀπεῖπον οἱ τῶν ἰατρῶν δεινοί. οὐκοῦν ἐς
-<pb id="p.230"/>
-Ἐπίδαυρον ἦλθε, καὶ ἐδεῖτο τοῦ θεοῦ ἐξάντης γενέσθαι
-τοῦ συνοίκου πάθους. οὐ παρῆν ὁ θεός· οἱ
-μέντοι ζάκοροι κατακλίνουσι τὴν ἄνθρωπον ἔνθα
-ἰᾶσθαι ὁ θεὸς εἰώθει τοὺς δεομένους. καὶ ἡ μὲν ἄνθρωπος
-ἡσύχαζε προσταχθεῖσα, οἵ γε μὴν ὑποδρῶντες
-τῷ θεῷ τὰ ἐς τὴν ἴασιν αὐτῆς ἐποίουν, καὶ τὴν
-κεφαλὴν μὲν ἀπὸ τῆς δέρης ἀφαιροῦσι, καθίησι δὲ
-τὴν χεῖρα ὁ ἕτερος, καὶ ἐξαιρεῖ τὴν ἕλμινθα, θηρίου
-μέγα τι χρῆμα. συναρμόσαι δὲ καὶ ἀποδοῦναι τὴν
-κεφαλὴν ἐς τὴν ἀρχαίαν ἁρμονίαν οὐκ ἐδύναντο οὐκέτι.
-ὁ τοίνυν θεὸς ἀφικνεῖται, καὶ τοῖς μὲν ἐχαλέπηνεν
-ὅτι ἄρα ἐπέθεντο ἔργῳ δυνατωτέρῳ τῆς ἑαυτῶν
-σοφίας· αὐτὸς δὲ ἀμάχῳ τινὶ καὶ θείᾳ δυνάμει
-ἀπέδωκε τῷ σκήνει τὴν κεφαλήν, καὶ τὴν ξένην ἀνέστησε.
-καὶ οὔ τι που, ὦ βασιλεῦ καὶ θεῶν φιλανθρωπότατε
-Ἀσκληπιέ, ἀβρότονον ἔγωγε ἀντικρίνω
-τῇ σοφίᾳ τῇ σῇ· μὴ μανείην ἐς τοσοῦτον· ἀλλὰ ἐπελθὸν
-ἐμνήσθην εὐεργεσίας τε σῆς καὶ ἰάσεως ἐκπληκτικῆς.
-ὡς δὲ καὶ ἥδε ᾑ πόα σὸν δῶρόν ἐστιν οὐδὲ
-ἀμφιβάλλειν χρή.
-</p>
-</div2>
-<div2 type="chapter" n="34">
-<p> ὁ δὲ ναυτίλος πολύπους ἐστὶ καὶ αὐτός, καὶ κόγχην
-μίαν ἔχει. ἀναπλεῖ μὲν οὖν τὴν κόγχην στρέψας
-περὶ τὰ κάτω, ἵνα μὴ τῆς ἅλμης ἀρύσηται καὶ ὠθήσῃ
-αὖθις αὑτόν· γενόμενος δὲ ἐπὶ τοῖς κύμασιν, ὅταν
-μὲν ᾖ γαλήνη καὶ εἰρήνη πνευμάτων, στρέφει τὴν
-κόγχην ὑπτίαν ʽἣ δὲ ἐπιπλεῖ δίκην πορθμίδοσʼ καὶ
-παρεὶς δύο πλεκτάνας ἐντεῦθέν τε καὶ ἐκεῖθεν καὶ
-ὑποκινῶν ἡσυχῆ ἐρέττει τε καὶ προωθεῖ τὴν συμφυῆ
-ναῦν. εἰ δὲ εἴη πνεῦμα, τοὺς ἐρετμοὺς μὲν τοὺς
-τέως προτείνας μακροτέρους οἴακας ἐργάζεται, ἄλλας
-δὲ ἀνατείνας πλεκτάνας, ὧν μέσος χιτών ἐστι λεπτότατος,
-τοῦτον διαστήσας ἱστίον αὐτὸν ἀποφαίνει.
-<pb id="p.231"/>
-πλεῖ μὲν δὴ τὸν τρόπον τοῦτον ἀδεὴς ὤν· ἐὰν μέντοι
-φοβηθῇ τι τῶν ἁδροτέρων, βυθίσας τὴν κόγχην
-ἐπλήρωσε, καὶ κατώλισθεν ἐκ τοῦ βάρους, καὶ ἑαυτὸν
-ἀφανίσας τὸν ἐχθρὸν ἀπέδρα. εἶτα ἐν εἰρήνῃ
-γενόμενος ἀνέθορέ τε καὶ πλεῖ πάλιν. καὶ ἐκ τούτων 
-ἔχει τὸ ὄνομα.
-</p>
-</div2>
-<div2 type="chapter" n="35">
-<p>ἐς τριακοσίας ὀργυιάς φασιν ἀνθρώποις κάτοπτα 
-εἶναι τὰ ἐν τῇ θαλάττῃ, περαιτέρω γε μὴν οὐκέτι.
-εἴτε δὲ ὑπονέουσιν ἰχθύες ἔτι εἴτε καὶ θηρία, ἢ εἰ
-καὶ τούτοις μὲν ἄβατά ἐστι, θεοὶ δὲ θαλάττιοι καὶ 
-ἐνάλιοι δαίμονες εἰλήχασι τὸν χῶρον καὶ μέντοι καὶ
-ὁ τῆς ὑγρᾶς οὐσίας δεσπότης, οὔτε ἐγὼ πολυπραγμονῶ
-οὔτε ἄλλος λέγει.
-</p>
-</div2>
-<div2 type="chapter" n="36">
-<p>ἦν δὲ ἄρα πέτραις ἠθὰς καὶ ἐν ταύταις νεμόμενος 
-γένος κεστρέως ἰχθύς, καὶ ἰδεῖν ξανθός ἐστι. 
-διαρρεῖ δὲ ἄρα ὑπὲρ αὐτοῦ διπλοῦν ὄνομα· οἳ
-μὲν γὰρ ἄδωνιν καλοῦσιν, οἳ δὲ ἐξώκοιτον. ὅταν
-γάρ τοι τὸ κῦμα ἐν τοῖς ὑπευδίοις καὶ γαληνοῖς
-πραϋνθῇ, τηνικαῦτα ἑαυτὸν ἐξοκέλλει, τοῦ κύματος
-ἐποχούμενος τῇ ὁρμῇ, καὶ κατὰ τῶν πετρῶν ἁπλοῖ, 
-καὶ καθεύδει βαθὺν καὶ εἰρηναῖον εὖ μάλα τὸν ὕπνον.
-καὶ ἐκ μὲν τῶν ἄλλων ἁπάντων ἔνσπονδα ὥς ἐστίν
-οἱ καλῶς οἶδε, πέφρικε δὲ τοὺς ὄρνιθας ὅσοι θαλάττης
-ἔντροφοι καί εἰσι καὶ νομίζονται. ἐὰν οὖν ἐκείνων
-ἐπιφανῇ τις, ὃ δὲ ἀναπάλλεται καὶ πηδᾷ χορείᾳ 
-τινὶ φυσικῇ καὶ ὀρχήσει ὡς ἂν εἴποις μάλα ἀπορρήτῳ,
-ἔστʼ ἂν ἀπὸ τῆς πέτρας ἐξαλλόμενος εἶτα ἐμπεσὼν
-τοῖς κύμασι σωθῇ. Ἄδωνιν δʼ ἐθέλουσι λέγειν
-αὐτόν, ἐπεὶ καὶ γῆν καὶ θάλατταν ἔχει φίλην, τῶν
-πρώτων ἐμοὶ δοκεῖν θεμένων τὸ ὄνομα αἰνιξαμένων ἐς 
-τὸν τοῦ Κινύρου παιδὸς βίον τὸν διῃρημένον δύο δαίμοσι,
-τῆς μὲν ὑπὸ γῆς, τῆς δὲ ἄνω γῆς ἐρώσης αὐτοῦ.
-<pb id="p.232"/>
-</p>
-</div2>
-<div2 type="chapter" n="37">
-<p> φυτοῦ ἑτέρου κλάδος ἐπιφύεται πρέμνῳ, προσήκων
-οἱ μηδὲ ἓν πολλάκις. τὸ δὲ αἴτιον Θεόφραστος
-λέγει, φυσικώτατα ἀνιχνεύσας ὅτι τὰ ὀρνύφια τὴν
-ἄνθην τῶν δένδρων σιτούμενα εἶτα ἐπὶ τοῖς φυτοῖς
-καθήμενα τὰ περιττὰ ἀποκρίνει. οὐκοῦν τὸ σπέρμα
-ταῖς κοιλάσι καὶ ταῖς ὀπαῖς αὐτῶν καὶ τοῖς σηραγγώδεσιν
-ἐμπῖπτον καὶ ἐπαρδόμενον τοῖς ὄμβροις τοῖς
-ἐξ οὐρανοῦ, εἶτα ἀναφύει ἐκεῖνα ἐξ ὧν ἐβλάστησεν.
-οὕτω τοι καὶ ἐν ἐλαίᾳ συκῆν κατανοήσεις, καὶ ἐν
-ἄλλῳ ἄλλο.
-</p>
-</div2>
-<div2 type="chapter" n="38">
-<p> φωλεύει δὲ ἐν τοῖς μυχοῖς τῆς θαλάττης τὸ πρόβατον,
-καὶ οἱ καλούμενοι ἥπατοι, καὶ οὕσπερ οὖν
-φιλοῦσιν ἁλιεῖς ὀνομάζειν πρέποντας. καὶ μέγιστοι
-μέν εἰσιν ἰδεῖν τὴν φύσιν, νωθεῖς δὲ τὴν νῆξιν, καὶ
-εἱλοῦνται περὶ τοῖς φωλεοῖς, ἔνθεν τοι οὐδὲ ἀπολείπουσι
-τὴν σφετέραν ὑποδρομήν. λοχῶσι δὲ τῶν
-ἰχθύων τῶν ἀσθενεστέρων τοὺς παρανέοντας. ἀριθμοῖτο
-δʼ ἂν ἐν τούτοις καὶ ὁ ὄνος· δέδοικε δὲ μάλιστα
-ἰχθύων τὴν τοῦ Σειρίου ἐπιτολὴν οὗτος ὁ ὄνος.
-</p>
-</div2>
-<div2 type="chapter" n="39">
-<p> τίκτεται δὲ ἄρα ἐν τοῖς τῶν πυρῶν ληίοις καὶ
-ταῖς αἰγείροις καὶ ταῖς συκαῖς προσέτι τὸ τῶν κανθαρίδων
-φῦλον, ὥσπερ οὖν Ἀριστοτέλης λέγει, ἔν γε
-μὴν τοῖς ἐρεβίνθοις τὸ τῶν καμπῶν, ἐν δὲ τῷ ὀρόβῳ
-φαλάγγια ἄττα, ἐν δὲ τοῖς πράσοις ἡ καλουμένη πρασοκουρίς.
-τίκτεται δὲ καὶ ἐν τῇ κράμβῃ σκωλήκων
-γένος, καὶ ὄνομα αὐτῷ ἐκ τῶν ἠθῶν, ἐν οἶς διαιτᾶται.
-καλεῖται γοῦν κραμβίς. τίκτει δέ τι καὶ ἡ μηλέα·
-καὶ διαφθείρει μὲν τοῦτο πολλάκις τὸν καρπὸν τοῦ
-φυτοῦ τοῦδε, ταῖς δὲ ἔτι τοῦ τίκτειν ἐχούσαις ὥραν
-γένοιτο ἂν καὶ ἐς κύησιν ἀγαθόν. καὶ τὸν τρόπον
-ἐρεῖ ἄλλος.
-</p>
-</div2>
-<div2 type="chapter" n="40">
-<p> οἶδε δὲ ἄρα τῶν ζῴων ἕκαστον ἐν ᾧ μέρει κέκτηται
-<pb id="p.233"/>
-τὴν ἀλκήν, καὶ τούτῳ θαρρεῖ, καὶ ἐπιβουλεῦον
-μὲν χρῆται ὡς ὅπλῳ, κινδυνεῦον δὲ ὡς ἀμυντηρίῳ.
-ὁ γοῦν ξιφίας ἀμύνεται τῷ ῥύγχει ὡς ξίφει, ἔνθεν
-τοι καὶ κέκληται· ἡ δὲ τρυγὼν τῷ κέντρῳ, ἡ δὲ μύραινα
-τοῖς ὀδοῦσι, καὶ μάλα γε εἰκότως· ἔχει γὰρ 
-αὐτῶν διστοιχίαν.
-</p>
-</div2>
-<div2 type="chapter" n="41">
-<p>οἱ μὲν μῦς οἱ κατὰ τὴν οἰκίαν δειλὸν καὶ ἀσθενὲς 
-ζῷόν εἰσι, καὶ φοβοῦνται κτύπον, καὶ τὴν γαλῆν
-πεφρίκασι κρίξασαν· δειλοὶ δὲ καὶ οἱ ἀρουραῖοι. τῶν
-γε μὴν οἰκετῶν θρασύτεροι οἱ θαλάττιοι. μικρὸν 
-μὲν αὐτῶν τὸ σῶμα, τόλμα δὲ ἄμαχος· καὶ θαρροῦσι
-δύο ὅπλοις, δορᾷ τε εὐτόνῳ καὶ ὀδόντων κράτει· μάχονται
-δὲ καὶ τοῖς ἰχθύσι τοῖς ἁδροτέροις καὶ τῶν
-ἁλιέων τοῖς μάλιστα θηρατικοῖς.
-</p>
-</div2>
-<div2 type="chapter" n="42">
-<p>τῆς τῶν ὡρῶν μεταβολῆς ἔχουσιν αἰσθητικῶς 
-οἱ θύννοι καὶ ἴσασι τροπὰς ἡλίου ὀξύτατα, καὶ δέονται
-τῶν τὰ οὐράνια εἰδέναι δεινῶν οὐδὲ ἕν. ὅπου
-γὰρ ἂν αὐτοὺς χειμῶνος ἀρχὴ καταλάβῃ, ἐνταῦθα
-ἡσυχάζουσί τε καὶ ἀτρεμοῦσιν ἀγαπητῶς, καὶ καταμένουσιν
-ἐς τὴν ἐπιδημίαν τῆς ἰσημερίας. καὶ τεκμηριοῖ 
-Ἀριστοτέλης τοῦτο. ὅτι δὲ τῷ ἑτέρῳ τῶν ὀφθαλμῶν
-ὁρῶσι, τῷ δὲ ἄλλῳ οὐκέτι, καὶ Αἰσχύλος ὁμολογεῖ λέγων
-τὸ σκαιὸν ὄμμα παραβαλὼν θύννου δίκην.
-παρίασί τε ἐς τὸν Πόντον, καὶ κατὰ τὴν δεξιὰν ἑαυτῶν 
-πλευρὰν τὴν γῆν λαμβάνουσι, καθʼ ἣν καὶ βλέπουσιν·
-ἐξιόντες τε αὖ κατὰ τὴν ἀντιπέρας νέουσι
-τῆς γῆς ἐχόμενοι, τὴν φρουρὰν τὴν τοῦ σώματος
-κατὰ τὸν ὁρῶντα τῶν ὀφθαλμῶν λαμβάνοντες
-προμηθέστατα. 
-</p>
-</div2>
-<div2 type="chapter" n="43">
-<p>τοῖς παγούροις τὸ πρῶτον ἔλυτρον ῥήγνυται, καὶ 
-ὥσπερ οἱ ὄφεις τὸ γῆρας, οὕτω δήπου καὶ οὗτοι τὸ
-<pb id="p.234"/>
-ὄστρακον ἀποδύονται. ὅταν δὲ αἴσθωνται ἀφιστάμενον
-τῆς σαρκὸς αὐτό, πανταχοῦ φοιτῶσιν οἰστρούμενοι
-καὶ μαστεύοντες τροφὴν πλείονα, ἵνα ὄγκου
-προσγενομένου αὐτοῖς ὑποπρησθέντες ἀπορρήξωσιν
-ἑαυτῶν τὸ ἔλυτρον. ὅταν δὲ διολίσθωσιν ἐξ αὐτοῦ
-καὶ ἐλεύθεροι γένωνται, κεῖνται παρειμένοι κατὰ τῆς
-ψάμμου, νεκροῖς εἰκασμένοι· δεδοίκασι δὲ ὑπὲρ τῆς
-φυομένης αὐτοῖς δορᾶς ὑγροτέρας τε οὔσης καὶ ἔτι
-ἁπαλῆς. κατὰ μικρὰ δὲ ἑαυτοὺς ἀθροίσαντες καὶ
-ἀναβιωσκόμενοι τρόπον τινά, πρώτης μὲν ἀπογεύονται
-τῆς ψάμμου. ἐς τοσοῦτον δὲ ἄτολμοί εἰσι καὶ
-ἥκιστα θαρραλέοι, ἐς ὅσον αὐτοῖς ὑμὴν περίκειται
-στέγασμα ἔξωθεν· ὅταν δὲ ἄρξηται πήγνυσθαι
-καὶ ἐς ὀστράκου φύσιν μεταχωρεῖν, ἀπέρριψαν ἐνταῦθα
-τὴν δειλίαν, ὡς ὅπλῳ θαρροῦντες τῇ τῇς περιβολῆς
-σκέπῃ τε ἅμα καὶ ὡς ἂν εἴποις πανοπλίᾳ.
-</p>
-</div2>
-<div2 type="chapter" n="44">
-<p> Τρωγλοδύται γένος ἀνθρώπων ὑμνεῖται, καὶ τό
-γε ὄνομα εἴληφεν ἐκ τῆς διαίτης. φοβοῦνται δὲ αὐτοὺς
-οἱ ὄφεις. τὸ δὲ αἴτιον, ἐσθίουσιν αὐτοὺς οἱ
-ἄνθρωποι. μιγνύμενοι δὲ ἀλλήλοις οἱ ὄφεις βαρυτάτην ὀσμὴν ἀφιᾶσιν.
-</p>
-</div2>
-<div2 type="chapter" n="45">
-<p> ἀγροῦ γειτνιῶντος θαλάττῃ καὶ φυτῶν παρεστώτων
-ἐγκάρπων γεωργοὶ πολλάκις καταλαμβάνουσιν
-ἐν ὥρᾳ θερείῳ πολύποδάς τε καὶ ὀσμύλους ἐκ τῶν
-κυμάτων προελθόντας καὶ διὰ τῶν πρέμνων ἀνερπύσαντας
-καὶ τοῖς κλάδοις περιπεσόντας καὶ ὀπωρίζοντας,
-καὶ δίκην ἐπέθεσαν τοῖς φωρσὶ συλλαβόντες
-αὐτούς. ἀνθʼ ὧν δὲ ἐτρύγησαν οἱ προειρημένοι,
-ὑπὲρ τούτων ἀνθεστιῶσι διʼ ἑαυτῶν τοὺς
-δεσπότας τῶν σεσυλημένων καρπῶν.
-</p>
-</div2>
-<div2 type="chapter" n="46">
-<p> Ῥυάδες ὄνομα θαλαττίου ζῴου σοφοῦ διαγνῶναι
-τὴν τῶν ὡρῶν διάβασιν. ὑπαρχομένου γοῦν τοῦ
-<pb id="p.235"/>
-χειμῶνος ἡσυχάζουσι τοὺς κρυμοὺς ἀποδιδράσκουσαι,
-καὶ ἀσμένως ἑαυτὰς τῇ καταμονῇ θάλπουσαι ἰσομοιρίᾳ
-ἀδελφικῇ· εἶτα ἦρος νεῖν ὑπάρχονται ἐκεῖναί γε
-καὶ πορείας τῆς μακροτέρας, καὶ νέμονται τροφὴν
-οὐ μόνον τὴν προσπεσοῦσαν, ἀλλὰ καὶ ἣν ἂν μαστεύσασαι 
-εἶτα ἀνιχνεύσωσιν.
-</p>
-</div2>
-<div2 type="chapter" n="47">
-<p>τοὺς ἐχίνους ἔτι ζῶντας καὶ ἐν τοῖς ὀστράκοις 
-ὄντας καὶ προβεβλημένους τὰ κέντρα εἴ τις συντρίψας
-καὶ διαρρίψας ἐς τὴν θάλατταν ἄλλο ἄλλῃ τρύφος
-καταλίποι, τὰ δὲ ἄρα συνέρχεται αὖθις καὶ ἑνοῦται 
-καὶ τὸ συγγενὲς θρύμμα ἀνέγνω, καὶ προσπλακέντα
-συνέφυ. καὶ ὁλόκληροι γίνονται φύσει τινὶ θαυμαστῇ
-καὶ ἰδίᾳ αὖθις.
-</p>
-</div2>
-<div2 type="chapter" n="48">
-<p>ὑπὲρ τοῦ πλείονα τὴν ἐπιγονὴν τῶν ζῴων σφίσι 
-γίνεσθαι οἱ τούτων μελεδωνοὶ τὰ ἄρθρα τῶν θηλειῶν 
-καὶ οἰῶν καὶ αἰγῶν καὶ ἵππων ἀνατρίβουσι κατὰ τὸν
-τῆς ὀχείας καιρὸν ἁλῶν καὶ λίτρου τὰς χεῖρας ἀναπλήσαντες.
-ἐκ τούτων ὄρεξις αὐτοῖς γίνεται περὶ
-τὴν ἀφροδίτην μᾶλλον. ἕτεροι δὲ πεπέριδι καὶ μέλιτι
-τὰ αὐτὰ χρίουσι, λίτρῳ δὲ ἄλλοι καὶ κνίδης καρπῷ· 
-σμυρνίῳ δὲ ἤδη τινὲς ἔχρισαν καὶ λίτρῳ. ἐκ δὴ
-τοῦδε τοῦ ὀδαξησμοῦ ἀκράτορες ἑαυτῶν γίνονται αἱ
-θήλειαι ποῖμναι, καὶ ἐπιμαίνονται τοῖς ἄρρεσιν.
-</p>
-</div2>
-<div2 type="chapter" n="49">
-<p>τῶν κητῶν τῶν μεγίστων αἰγιαλοῖς καὶ ᾐόσι καὶ 
-τοῖς λεπροῖς καλουμένοις καὶ βραχέσι χωρίοις προσπελάζει 
-οὐδὲ ἕν, οἰκεῖ δὲ τὰ πελάγη. καὶ ἔστι μέγιστα
-ὅ τε λέων καὶ ἡ ζύγαινα καὶ ἡ πάρδαλις καὶ οἱ φύσαλοι
-καὶ ἡ πρῆστις καὶ ἡ καλουμένη μάλθη· δυσανταγώνιστον
-δὲ ἄρα τὸ θηρίον τοῦτο καὶ ἄμαχον. καὶ
-ὁ κριὸς δεινὸν ζῷον καὶ κίνδυνον φέρον, εἰ καὶ πόρρωθεν 
-φανείη, τῇ τῆς θαλάττης ταράξει καὶ τῷ κλύδωνι
-ὃν ἐργάζεται. καὶ ὕαινα, οὐκ αἴσιον ὅραμα τοῖς
-<pb id="p.236"/>
-ναυτιλλομένοις αὕτη γε. κυνῶν δὲ περὶ διαφορᾶς
-καὶ ἀλκῆς ἀνωτέρω εἶπον.
-</p>
-</div2>
-<div2 type="chapter" n="50">
-<p> αἱ καστορίδες ζῷόν εἰσι θαλάττιον, καὶ ἐπὶ ταῖς
-ἀκταῖς καὶ ταῖς πέτραις ταῖς προβεβλημέναις ἀπόφημόν
-τινα κωκυτὸν μεθιᾶσι, καὶ ὠρύονται βαρύτατα.
-τούτου τοίνυν τοῦ ἤχου ὅστις ἂν ἀκούσῃ, ἄφυκτά οἵ
-ἐστι, καὶ οὐ μετὰ μακρὸν ἀποθνήσκει. καὶ ἡ φάλαινα
-δὲ τῆς θαλάττης πρόεισι καὶ ἀλεαίνεται τῇ ἀκτῖνι.
-κνεφαῖαι δὲ αἱ φῶκαι ἐξίασι μᾶλλον· ἤδη μέντοι
-καὶ μεσημβρίας οὔσης καθεύδουσι τῆς θαλάττης ἔξω.
-τοῦτό τοι καὶ Ὅμηρος ᾔδει, καὶ ἐν Ὀδυσσείᾳ τὸν
-Μενέλεων πεποίηκε τῷ Τηλεμάχῳ καὶ τῷ Πεισιστράτῳ
-περιηγούμενον τὴν κοίτην αὐτῶν τήνδε, ὅτε
-τὰ ἐν Φάρῳ καὶ περὶ Πρωτέως τοῦ θαλαττίου δαίμονος
-αὐτοῖς ὁ Μενέλεως διεξῄει καὶ τῆς μαντείας,
-ἣν ἐμαντεύσατό οἱ ὁ Πρωτεὺς ὃν εἶπον.
-</p>
-</div2>
-<div2 type="chapter" n="51">
-<p> τρίγλης πέρι ἀνωτέρω εἶπον· ὃ δὲ οὐκ εἶπον,
-νῦν ἐρῶ. ἐν Ἐλευσῖνι τιμὰς ἔχει ἐκ τῶν μυουμένων,
-καὶ διπλοῦς ὁ λόγος τῆς τιμῆς τῆσδε. οἳ μέν φασιν,
-ἐπεὶ τρὶς τοῦ ἔτους τίκτει· οἳ δέ, ἐπεὶ τὸν λαγὼν
-ἐσθίει, ὅσπερ οὖν ἐστιν ἀνθρώπῳ θανατηφόρος.
-ἴσως δὲ ἐρῶ τι περὶ τρίγλης καὶ πάλιν.
-</p>
-</div2>
-<div2 type="chapter" n="52">
-<p> πέτονται δὲ ὅταν δείσωσι καὶ ἐξάλλονται τῆς
-θαλάττης αἵ τε τευθίδες καὶ οἱ ἱέρακες οἱ θαλάττιοι
-καὶ ἡ χελιδὼν ἡ πελαγία. καὶ αἱ μὲν τευθίδες ἐπὶ
-μήκιστον ᾅττουσι τοῖς πτερυγίοις, καὶ ἐλαφρίζουσί
-γε ἑαυτὰς ὑψοῦ, καὶ κατὰ ἀγέλας ὀρνίθων δίκην
-φέρονται κοινῇ· αἱ δὲ χελιδόνες χθαμαλωτέραν ποιοῦνται
-τὴν πτῆσιν· οἵ γε μὴν ἱέρακες ὑπὲρ τὴν ἅλμην
-φέρονται ὀλίγον, ὡς μόλις ὅτι μὴ νήχονται ἀλλὰ
-πέτονται καταγνῶναι.
-</p>
-</div2>
-<div2 type="chapter" n="53">
-<p> ἀλῶνται δὲ ἄρα ἰχθῦς καὶ πλανῶνται οἳ μὲν
-<pb id="p.237"/>
-ἀθρόοι, ὥσπερ οὖν ἀγέλαι θρεμμάτων ἢ τάξεις ὁπλιτῶν
-ἰοῦσαι κατὰ ἴλας καὶ φάλαγγας, οἳ δὲ ἐν κόσμῳ
-κατὰ στοῖχον ἔρχονται, οἳ δέ, φαίης ἂν αὐτοὺς εἶναι
-λόχους. ἠρίθμηνται δὲ ἐς δεκάδας ἄλλοι καὶ ταύτῃ
-συννέουσιν· ἤδη δὲ νήχονται καὶ κατὰ ζεῦγός τινες. 
-ἄλλοι δὲ οἰκουροῦσιν ἐν τοῖς φωλεοῖς καὶ ἐνταυθοῖ καταζῶσιν.
-</p>
-</div2>
-<div2 type="chapter" n="54">
-<p>πυνθάνομαι δὲ ὅτι ἄρα οἱ νομευτικὴν δεινοὶ 
-ὅταν ἐθέλωσιν ἐπὶ πιμελὴν τὰ ζῷα ἐπιδοῦναι, ἀφαιροῦσιν
-αὐτῶν τὰ κέρατα. καὶ τοὺς τράγους ὅταν 
-ἐθέλωσιν ἐς μίξιν προθυμοτέρους ἐργάσασθαι, μύρῳ
-χρίουσιν αὐτῶν τὰς ῥῖνας, καὶ τὰ γένεια μέντοι καὶ
-ἐκεῖνα χρίουσι τῶν αὐτῶν. πάλιν τε τῆς ἄγαν ὀρέξεως
-ἀναστέλλουσιν, ἐάν τις αὐτῶν μέσας τὰς οὐρὰς
-ἀποδήσῃ λίνῳ. Ἀριστοτέλης δέ φησι τὰς ἵππους 
-ἐκβάλλειν τὰ ἔμβρυα, ἐὰν ἐπὶ πλέον ὀσφρήσωνται
-θρυαλλίδος λύχνου ἐσβεσμένης. ἀκούω δὲ ὅτι πρὸς
-τοὺς κύνας τοὺς οἰκουροὺς ἵνα μὴ ἀποδιδράσκωσι
-τετέχνασται ἐκεῖνο. τὴν οὐρὰν αὐτῶν καλάμῳ μετρήσαντες
-χρίουσι τὸν κάλαμον βουτύρῳ, εἶτα μέντοι 
-διδόασιν αὐτοῖς περιλιχμήσασθαι αὐτόν. καὶ καταμένουσί
-φασιν ὥσπερ οὖν δεδεμένοι.
-</p>
-</div2>
-<div2 type="chapter" n="55">
-<p>ἴδια δὲ καὶ ἐκεῖνα κυνός. οὐχ ὑλακτοῦσιν, εἴ 
-τις ἔχων οὐρὰν γαλῆς σὺν ἑαυτῷ εἶτα πρόσεισι, γαλῆς
-δʼ ἣν ἐθήρασε μέν, ἀποκόψας δὲ τὴν προειρημένην 
-οὐρὰν εἶτα ἀφῆκε ζῶσαν αὐτήν. ὄνος δὲ οὐ
-βρωμήσεται, ἐὰν αὐτοῦ τῆς οὐρᾶς λίθον ἀπαρτήσῃς, ὥς φασιν.
-</p>
-</div2>
-<div2 type="chapter" n="56">
-<p>ἐν ὥρᾳ θερείῳ, πολλοῦ πάνυ σφόδρα τοῦ ἡλίου 
-ἐνακμάζοντος, οἱ ἐλέφαντες ἀλλήλους χρίουσιν ἰλύι 
-παχείᾳ, καὶ αὐτοῖς αὕτη ψῦχος τε παρέχει καὶ οἰκίας
-ὑπάντρου τινὸς ἢ δένδροις καὶ κλάδοις ἀμφιλαφοῦς
-<pb id="p.238"/>
-ἡδίων ἐστὶ τοῖς ζῴοις τοῖς προειρημένοις. οὗτοι ῥινηλατοῦσιν
-ἰσχυρῶς, καὶ αἴσθησιν ὀξυτάτην ἔχουσι.
-προΐασι γοῦν ἀλλήλων ὁδοποιοῦντες, καὶ ὅ γε πρῶτος
-ʽἴασι γὰρ κατὰ στοῖχονʼ τῆς ἐν ποσὶ πόας αἰσθόμενος
-καὶ ὅτι διῆλθον ἅνθρωποι ἐκ τῆς παραψαύσεως
-συνεὶς αὐτῶν, ἀνασπᾷ τὴν πόαν καὶ δίδωσι τῷ κατόπιν
-ὀσφραίνεσθαι, καὶ ἐκεῖνος τῷ μετʼ αὐτόν· καὶ
-ἥδε ἡ ἀντίδοσις ὡς ἂν εἴποις διὰ πάντων ἔρχεται.
-καὶ μέντοι καὶ ἐς τὸν οὐραγοῦντα ὅταν ἀφίκηται, ὃ δὲ
-μέγα ἐπήχησεν, οἳ δὲ ὥσπερ οὖν σύνθημα στρατιῶται
-λαβόντες εἶτα μέντοι ἐκτρέπονται ἐς τὰ τῶν ὀρῶν
-ἄγκη καὶ δάση ἢ τῶν ἑλῶν τὰ κοιλότερα καὶ μέντοι
-καὶ τῶν πεδίων ὅσα κομᾷ τοῖς θάμνοις. πάντως δὲ
-ἣν καταστείβουσιν ἄνθρωποι, ταύτην ἀποδιδράσκουσιν·
-ὑφορῶνται γὰρ τοῦτο τὸ ζῷον ὡς ἔχθιστον.
-ὅταν δὲ αὐτοὺς αἱ νομαὶ ἐπιλίπωσιν, οἳ μὲν τὰς ῥίζας
-ἐξορύττουσιν καὶ σιτοῦνται καὶ ταύτας, οἳ δὲ ἀπίασι
-ζητοῦντες χιλόν. καὶ ὅ γε ἐντυχὼν τῷ θηράματι
-πρῶτος αὐτῶν ὑποστρέψας καλεῖ τοὺς συννόμους
-καὶ ἐπί γε τὸ ἕρμαιον αὐτοὺς ἄγει.
-</p>
-</div2>
-<div2 type="chapter" n="57">
-<p> ἐν δὲ τῷ χειμῶνι τῷ βιαιοτάτῳ, κυμαινούσης
-μὲν τῆς θαλάττης, σκληρόν γε μὴν τῶν ἀνέμων καὶ
-βίαιον καταπνεόντων, φρίττουσι τὴν σύντροφόν τε
-ἅμα καὶ φίλην οἱ ἰχθύες θάλατταν. καὶ οἵ μὲν αὐτῶν
-τοῖς πτερυγίοις ἐπαμῶνται τὴν ψάμμον, καὶ
-ἑαυτοὺς ἐπηλυγάσαντες ὑποθάλπουσιν, οἳ δὲ ὑποδύονταί
-τινα πέτραν, ἐν σκέπῃ τε τοῦ κρύους καὶ
-μάλα γε ἀσμένως ἡσυχάζουσιν· οἳ δὲ ἐς τοὺς μυχοὺς
-τοῦ πελάγους καταθέοντες εἶτα τὴν ἄνωθεν φρίκην
-ἐξέκλιναν κάτω καὶ ἐν βυθῷ· οὐχ οὕτως γάρ φασιν
-ὥσπερ οὖν ἄνω διοιδάνειν τε καὶ τύπτειν τὸ κῦμα
-ἀγριαῖνον. ὑπαρχομένου δὲ τοῦ ἦρος καὶ τοῦ μὲν
-<pb id="p.239"/>
-ἀέρος φαιδροῦ γενομένον, τῶν δὲ φυτῶν θάλλειν
-ἀρχομένων καὶ τῶν λειμώνων τὰ σύντροφα κομώντων,
-γαληνά τε τὰ τοῦ πελάγους καὶ ὑπεύδια αἰσθόμενοι
-οἱ ἰχθύες, ἀναθέουσι καὶ πηδῶσι, καὶ πλησίον
-τῆς γῆς νήχονται, ὥσπερ οὖν ἥκοντες ἐξ ἀποδημίας. 
-</p>
-</div2>
-<div2 type="chapter" n="58">
-<p>τρία δὲ ἄρα ταῦτα ἐκ βραχίστων μέγιστα ζῷα 
-γίνεται· τῶν μὲν ἐνύδρων ὁ κροκόδειλος, τῶν δὲ
-ὑποπτέρων ἡ στρουθὸς ἡ μεγάλη, τῶν γε μὴν τετραπόδων
-ὁ ἐλέφας. λέγει δὲ ὁ Ἰόβας γενέσθαι μὲν αὐτοῦ
-τῷ πατρὶ πολυετῆ Λίβυν ἐλέφαντα κατιόντα ἐκ 
-τῶν ἄνω τοῦ γένους· καὶ Πτολεμαίῳ δὲ τῷ Φιλαδέλφῳ
-Αἰθίοπα, καὶ ἐκεῖνον ἐκ πολλοῦ βιώσαντα
-γενέσθαι πραότατον καὶ ἡμερώτατον τὰ μὲν ἐκ τῆς
-πρὸς τοὺς ἀνθρώπους συντροφίας, τὰ δὲ πωλευθέντα·
-Σελεύκου τε τοῦ Νικάτορος κτῆμα ᾅδει Ἰνδὸν ἐλέφαντα, 
-καὶ μέντοι καὶ διαβιῶναι τοῦτον μέχρι τῆς
-τῶν Ἀντιόχων ἐπικρατείας φησίν.
-</p>
-</div2>
-<div2 type="chapter" n="59">
-<p>ἰχθύες ὅσοι ποταμὸν γείτονα τῇ θαλάττῃ τῇ συντρόφῳ 
-κέκτηνται ἢ καὶ λίμνην τινὰ ὅταν μέλλωσι
-τίκτειν, ἐκνήχονται τῆς ἅλμης, τῶν κυμάτων τὸ 
-ἄκλυστον ὕδωρ προαιρούμενοι καὶ ταραττόμενον ὑπὸ
-τῶν πνευμάτων καὶ τυπτόμενον ἥκιστα. ἀγαθὴ γὰρ
-αὐτοῖς ἡ τῶν ὑδάτων εἰρήνη τὴν λοχείαν ὑποδέξασθαι
-καὶ φυλάξαι ἀσινῆ τε καὶ ἀνεπιβούλευτα τὰ
-βρέφη τῇ τε ἄλλῃ καὶ μέντοι καὶ διὰ τὴν τῶν θηρῶν 
-ἐρημίαν καὶ σπάνιν· φιλοῦσι δέ πως τήνδε τὴν ἐλευθερίαν
-ἔχειν αἵ τε λίμναι καὶ οἱ ποταμοί. ἔνθεν τοι
-καὶ πολλοῖς ἰχθύσιν εὐθενεῖται ὁ Εὔξεινος Πόντος·
-θηρία γὰρ τρέφειν οὐκ ἔμαθε. φώκην δὲ εἴ που
-τρέφει καὶ δελφῖνας βραχίστους, ἀλλὰ τῶν γε ἄλλων 
-ἁπάντων οἱ τῇδε ἰχθῦς ἐν σκέπῃ εἰσίν.
-</p>
-</div2>
-<div2 type="chapter" n="60">
-<p>αἱ θαλάττιαι βελόναι λεπταὶ οὖσαι καὶ χωρητικὴν 
-<pb id="p.240"/>
-ἐμβρύων μήτραν οὐκ ἔχουσα τὴν αὔξην τῶν
-ἔνδον βρεφῶν οὐ φέρουσιν ἀλλὰ ῥήγνυνται, καὶ τοῦτον
-τὸν τρόπον οὐ τίκτουσιν ἀλλὰ ἐκβάλλουσι τὰ τέκνα.
-</p>
-</div2>
-<div2 type="chapter" n="61">
-<p> λέγεται δὲ τὰ ἴχνη καὶ τὰ γνωρίσματα τῶν τῆς
-ἀσπίδος δηγμάτων μὴ πάνυ τι εἶναι δῆλα καὶ εὐσύνοπτα.
-καὶ τὸ αἴτιον ἐκεῖνο εἶναι πυνθάνομαι. ὀξύτατόν
-ἐστι τὸ ἐξ αὐτῆς φάρμακον καὶ διαδραμεῖν
-ὤκιστον. οὐκοῦν ἣ μὲν ἐνέφυ, τὸ δὲ οὐκ ἐπιπολεύει,
-ἀλλὰ ἐς τοὺς ἔσω πόρους κατολισθάνει, καὶ τῆς μὲν
-ἐπιφανείας καὶ τοῦ χρωτὸς τοῦ ὑπὸ τὴν ὄψιν ἀφανίζεται,
-ὠθεῖται δὲ ἔνδον. ἔνθεν τοι καὶ τῆς Κλεοπάτρας
-ὁ θάνατος τοῖς ἀμφὶ τὸν Σεβαστὸν οὐ πάνυ τι
-ῥᾳδίως ἐγνώσθη ἀλλὰ ὀψέ, δύο κεντημάτων καὶ
-μάλα γε δυσθεάτων καὶ δυσθηράτων ὀφθέντων, διʼ ὧν ἐφωράθη τὸ τοῦ θανάτου αἴνιγμα. ἄλλως τε καὶ
-ἴχνη τοῦ τῆς ἀσπίδος σύρματος ἐφάνη, πρόδηλα τοῖς
-ἔχουσι τῆς τούτων κινήσεως τῶν ζῴων τὴν ἱστορίαν ὄντα.
-</p>
-</div2>
-<div2 type="chapter" n="62">
-<p> Πομπηίου Ῥούφου Ῥωμαίοις ἀγορανομοῦντος ἐν
-Παναθηναίοις φαρμακοτρίβης ἀνὴρ καὶ τῶν τοὺς
-ὄφεις ἐς τὰ θαύματα τρεφόντων, ἑτέρων ὁμοτέχνων
-παρεστώτων πολλῶν, ἀσπίδα κατὰ τοῦ βραχίονος
-προσάγει ἐς ἔλεγχον αὐτοῦ τῆς σοφίας καὶ ἐδήχθη.
-εἶτα τῷ στόματι ἐξεμύζησε τὸ κακόν. ὕδωρ δὲ οὐκ
-ἐπιρροφήσας, οὐ γὰρ παρῆν, καίτοι παρεσκευασμένον
-οἱ ʽἀνετέτραπτο δὲ ἐξ ἐπιβουλῆς τὸ σκεῦοσʼ, οἷα μὴ
-ἐκκλύσας τὸν ἰὸν μηδὲ ἀπορρυψάμενος, τὸν βίον κατέστρεψε
-μετὰ ἡμέραν οἶμαι δευτέραν, οὐκ ἀλγῶν
-οὐδὲ ἕν, τοῦ μέντοι κακοῦ ἡσυχῆ διασήψαντος αὐτοῦ
-τὰ οὖλα καὶ τὸ στόμα.
-</p>
-</div2>
-<div2 type="chapter" n="63">
-<p> τοῦ ἦρος ἐνακμάζοντος καὶ τῆς γῆς ἐξανθούσης
-<pb id="p.241"/>
-οἴστρου τε ἀφροδισίου τὰ ζῷα ὑποπίμπλαται καὶ
-μνημονεύει γάμων, καὶ ἀλλήλοις συμπλέκεσθαι ὀργᾷ
-τά τε ὄρεια καὶ ὅσα ἐνθαλαττεύει καὶ μετεωροπορεῖ
-ὅσα. τῶν δὲ ἰχθύων οἳ μὲν ταῖς ψάμμοις προσαποτρίβουσι
-τὰ ᾠὰ πυκνὰ ὄντα καὶ ἀλλήλων ἐχόμενα, 
-οἳ δὲ νηχόμενοι εἶτα ἐκβάλλουσι πάμπολύ τι τῶν
-ᾠῶν τὸ χρῆμα, καὶ οἱ κατόπιν νέοντες τὰ πολλὰ καταπίνουσιν.
-ἤδη μέντοι καὶ οἱ ἄρρενες προηγοῦνται
-καὶ τοῦ θοροῦ ἀπορραίνουσιν, αἱ δὲ θήλειαι ἑπόμεναι
-καὶ πάνυ γε ἀπλήστως περιχανοῦσαι ἐμπίπλανται· 
-καὶ ἥδε ἐστὶν ἡ μίξις αὐτῶν. ὅτι δὲ ἰχθύων τινὲς
-καὶ συνοικοῦσιν ὡς γαμεταῖς, καὶ φυλάττουσιν αὐτάς,
-καὶ ζηλοτυπία τις καὶ ἐν ἰχθύων γένεσιν ἐξάπτεται, ἀνωτέρω εἶπον.
-</p>
-</div2>
-<div2 type="chapter" n="64">
-<p>λέγει δὲ Ἀριστοτέλης, καὶ Δημόκριτος πρὸ ἐκείνου, 
-Θεόφραστός τε ἐκ τρίτων καὶ αὐτός φησι, μὴ
-τῷ ἁλμυρῷ ὕδατι τρέφεσθαι τοὺς ἰχθῦς, ἀλλὰ τῷ
-παραμεμιγμένῳ τῇ θαλάττῃ γλυκεῖ ὕδατι. καὶ ἐπεὶ
-δοκεῖ πως ἄπιστον, διʼ αὐτῶν τῶν ἔργων βεβαιῶσαι
-βουληθεὶς τὸ λεχθὲν ὁ τοῦ Νικομάχου λέγει εἶναί τι 
-πότιμον ὕδωρ ἐν πάσῃ θαλάττῃ, καὶ ἐλέγχεσθαι
-ταύτῃ. εἴ τις ἀγγεῖον ἐκ κηροῦ ποιήσας κοῖλον καὶ
-λεπτὸν καθείη κενὸν ἐς τὴν θάλατταν, ἐξάψας ποθὲν
-ὥστε ἀνιμήσασθαι δύνασθαι, νυκτὸς διελθούσης καὶ
-ἡμέρας ἀρύτεται πεπλησμένον γλυκέος τε καὶ ποτίμου 
-ὕδατος αὐτό. καὶ Ἐμπεδοκλῆς δὲ ὁ Ἀκραγαντῖνος
-λέγει τι εἶναι γλυκὺ ἐν τῇ θαλάττῃ ὕδωρ οὐ πᾶσι
-δῆλον, τρόφιμον δὲ τῶν ἰχθύων. καὶ τὴν αἰτίαν τοῦδε
-τοῦ ἐν τῇ ἅλμῃ γλυκαινομένου λέγει φυσικήν, ἣν
-ἐκεῖθεν εἴσεσθε. 
-</p>
-</div2>
-<div2 type="chapter" n="65">
-<p>οἱ μυούμενοι τοῖν Θεοῖν οὐκ ἂν πάσαιντο γαλεοῦ 
-φασιν· οὐ γὰρ αὐτὸν εἶναι καθαρὸν ὄψον, ἐπεὶ τῷ
-<pb id="p.242"/>
-στόματι τίκτει. οὐ τίκτειν δὲ αὐτὸν ἔνιοι λέγουσιν,
-ἀλλὰ δείσαντά τι τῶν ἐπιβουλευόντων τὰ σκυλάκια
-καταπίνειν καὶ ἀποκρύπτειν, εἶτα τοῦ φοβήσαντος
-παραδραμόντος ζῶντα αὖθις ἀνεμεῖν. τῆς δὲ τρίγλης
-οὐκ ἂν γεύσαιντο οἱ αὐτοὶ μύσται, οὐδὲ μὴν ἡ τῆς
-Ἥρας τῆς ἐν Ἄργει ἱέρεια· καὶ τάς γε αἰτίας ἄνω
-που εἰπὼν οἶδα.
-</p>
-</div2>
-<div2 type="chapter" n="66">
-<p> ἔχεως μὲν καὶ μυραίνης γάμους καὶ ὅπως ἀλλήλοις
-ὁμιλοῦσιν, ἣ μὲν προϊοῦσα τῆς θαλάττης, ὃ δὲ
-ἐξέρπων τοῦ φωλεοῦ, ἐν τοῖς πρόσθεν εἰπὼν οὐκ
-ἐπιλέλησμαι. ὃ δὲ οὐκ εἶπον νῦν ἂν εἴποιμι. μέλλων
-ὁ ἔχις ὁμιλεῖν αὐτῇ, ἵνα δόξῃ πρᾶος ὡς πρέπει νυμφίῳ,
-τὸν ἰὸν ἀπεμεῖ καὶ ἐκβάλλει, καὶ οὕτως ὑποσυρίσας
-τὴν νύμφην παρακαλεῖ, οἱονεὶ προγάμιόν τινα
-ὑμέναιον ἀναμέλψας. ὅταν δὲ τὰ τῆς ἀφροδισίου
-σπουδῆς τελέσωσι μετʼ ἀλλήλων ὄργια, ἣ μὲν ἐπί τε
-τὰ κύματα καὶ τὴν θάλατταν ὥρμησεν, ὃ δὲ ἀναρροφήσας
-τὸν ἰὸν αὖθις ἐς τὰ ἤθη τὰ οἰκεῖα ἐπάνεισιν.</p>
-</div2>
-</div1>
-<div1 type="book" n="10">
-<div2 type="chapter" n="1">
-<p>
-σπανίως ἐλέφας ἐρᾷ, φασίν· ἔστι γὰρ σώφρων,
-ὡς ἄνω μοι λέλεκται. ἀκούω δʼ οὖν ἐλεφάντων
-πάθος ἐρωτικόν, καὶ ἄξιον θαυμάσαι αὐτό. ὃ δὲ
-πέπυσμαι, ἐκεῖνό ἐστιν. ἀνὴρ τῆς τούτων ἄγρας οὐκ
-ἄπειρος, δύναμιν λαβὼν ἐκ βασιλέως τοῦ Ῥωμαίων
-καὶ σταλεὶς ἐπὶ τὴν θήραν κατά τι ἔθος τοῖς Μαυρουσίοις
-ἐπιχώριον, φησὶν ἐν συγγραφῇ νέαν μόσχον
-ἐλέφαντος ὡραίαν ὡς ἐκείνοις ἰδεῖν συνελθεῖν ἐλέφαντι
-νέῳ καὶ καλῷ, πρεσβύτερον δὲ ἄλλον, εἴτε
-<pb id="p.243"/>
-ἀνὴρ ἦν εἴτε ἐραστὴς τῆς προειρημένης, ὥσπερ οὖν
-ἀτιμασθέντα ἀγανακτῆσαι· θυμῷ γὰρ βιαίῳ ἐξαφθεὶς
-ὥρμησε μέν, ἐλθὼν δὲ ἐπὶ τὸν νέον καὶ καλὸν καὶ
-συμπεσὼν εἶτα ἐμάχετο, ὡς ὑπέρ τινος ἢ νύμφης ἢ
-ἐρωμένης ἀλγῶν. καὶ ἐς τοσοῦτον ἄρα ἀλλήλοις συνήραξαν, 
-ὡς ἀμφοτέροις ζημιωθῆναι τὰ κέρατα. ἐνίκησε
-δὲ οὐδέτερος, ἀλλὰ ἀπέστρεψαν ἀπʼ ἀλλήλων
-οἱ θηραταὶ βάλλοντες, ἐπεὶ καὶ ἀχρεῖοι τὸ λοιπὸν
-ἦσαν τῶν ὅπλων ἀφῃρημένοι. ἐρωτικὴ μὲν δὴ μάχη
-ἐραστῶν ἐλεφάντων ἰσότιμος μέχρι τοῦ τέλους ἐνταῦθα 
-ἀνεπαύσατο. εἵλκετο δὲ ὁ Πάρις ὑπὸ τοῦ
-Μενέλεω καὶ ἤγχετο τοῦ ἱμάντος αὐτὸν πιέζοντος τοῦ
-ὑπὸ τῷ κράνει,
-καί νύ κεν εἴρυσσέν τε καὶ ἄσπετον ἤρατο κῦδος
-ὁ τοῦ Ἀτρέως, εἰ μὴ ἐρράγη μὲν ὁ ἱμάς, αὐτὸν δὲ 
-ἐξήρπασεν ἡ Διὸς καὶ Διώνης αἰσχίστην μάχην καὶ
-ἄνανδρον μεμαχημένον, καὶ ἀπελθὼν ὁ δειλὸς ἐκάθευδε
-μετὰ τῆς μεμοιχευμένης.
-</p>
-</div2>
-<div2 type="chapter" n="2">
-<p>ἰχθύες δὲ ἄρα οὐ κατὰ τὴν αὐτὴν ὥραν ἐς ἀφροδίτην 
-πρόθυμοι, ἀλλὰ οἳ μὲν ἦρος ἐπιθόρνυνται, οἳ 
-δὲ θέρειον εἰλήχασι τὴν ὁρμὴν τήνδε, ἐν τῇ ὀπώρᾳ
-ἄλλοι, καὶ διὰ τοῦ χειμῶνος ὑπεξάπτονταί τινες ἐς
-τὴν προειρημένην σπουδήν. καὶ οἱ μὲν πλεῖστοι τοῦ
-ἔτους ἅπαξ ὠδίναντες εἶτα παύονται, λάβρακα δὲ
-ἀκούω καὶ ἐπιτίκτειν, τρίγλην δὲ καὶ τρὶς κύειν 
-κατηγορεῖ φασι καὶ τὸ ὄνομα.
-</p>
-</div2>
-<div2 type="chapter" n="3">
-<p>Ἡρόδοτος λέγει τὰς καμήλους ἐν τοῖς ὄπισθεν 
-σκέλεσιν ἔχειν τέτταρας μηροὺς καὶ μέντοι καὶ γόνατα
-τοσαῦτα, τὰ δὲ ἄρθρα διὰ τῶν σκελῶν τῶν κατόπιν
-πρὸς τὴν οὐρὰν τετράφθαι αὐταῖς. 
-</p>
-</div2>
-<div2 type="chapter" n="4">
-<p>τὰς οἶς τὰς Ἀραβίων ἔχειν οὐρὰς ἀήθεις ὡς 
-πρὸς τὰς ἄλλας Ἡρόδοτος λέγει. γένη δὲ αὐτῶν εἶναι
-<pb id="p.244"/>
-διπλᾶ ὁ αὐτὸς δήπου διδάσκει, καὶ μέντοι καὶ λέγει
-τὰς μὲν αὐτῶν ἔχειν οὐρὰς μηκίστας, ὡς εἶναι μετρήσαντι
-καὶ τριῶν πήχεων οὐκ ἐλάττους. ἅσπερ οὖν
-εἰ ἐῴη τις ἐπισύρειν, ἑλκοῦσθαι ἂν αὐτὰς πάντως
-</p>
-</div2>
-<div2 type="chapter" n="5">
-<p> παρατριβομένας πρὸς τὸ δάπεδον. τοὺς νομέας δὲ
-εἶναι ἀγαθοὺς χειρουργεῖν οὐ πέρα τῶν ἁμαξίδων,
-αἳ ὑπερείδουσι τὰς οὐρὰς τῶνδε τῶν κτηνῶν, ὥστε
-ἀποστέγειν τὴν ἕλκωσιν αὐταῖς. τὰς δὲ οἶς τὰς ἑτέρας
-φησὶ πλατείας φορεῖν, πλατύνεσθαι δὲ καὶ ἐς πῆχυν
-αὐτάς.
-οἱ κοχλίαι ἴσασιν εἶναί σφισι πολεμίους τοὺς
-πέρδικας καὶ τοὺς ἐρωδιούς, καὶ αὐτοὺς ἀποδιδράσκουσιν,
-οὐδʼ ἂν ἴδοις ἔνθα οὗτοι νέμονται κοχλίας
-διέρποντας. οἱ δὲ καλούμενοι τῶν κοχλιῶν ἀρείονες,
-οὗτοι μὲν καὶ ἀπατῶσι καὶ περιέρχονταί τινι φυσικῇ
-σοφίᾳ τοὺς προειρημένους. τῶν γὰρ συμφυῶν ὀστράκων
-προελθόντες αὐτοὶ μὲν νέμονται κατὰ πολλὴν
-τὴν ἄδειαν, οἱ δὲ ὄρνιθες οὓς εἶπον ἐπὶ τὰ κενὰ τῶν
-ὀστράκων ὡς ἐπʼ αὐτοὺς ἐκείνους καταπέτονται, οὐδὲν
-δὲ εὑρόντες ἀπέρριψαν ὡς ἀχρεῖά σφισι καὶ ἀνεχώρησαν·
-οἳ δὲ ἐπανελθόντες εἶτα ἕκαστος ἐς τὴν
-ἰδίαν οἰκίαν παρῆλθε, κεκορεσμένος μὲν ἐκ τῆς νομῆς,
-σωθεὶς δὲ ἐξ ἧς ἠπάτησε πλάνης.
-</p>
-</div2>
-<div2 type="chapter" n="6">
-<p> Ποντικοὶ δὲ ἄρα κολίαι τὸν Περσῶν βασιλέα μεμίμηνται
-χειμάζοντα μὲν ἐν Σούσοις, θερίζοντα δὲ
-ἐν Ἐκβατάνοις. καὶ γὰρ οὗτοι ἐν μὲν τῇ καλουμένῃ
-Προποντίδι χειμάζουσιν· ἀλεεινὴ γὰρ ἥδε ἡ γῆ·
-θέρους δὲ πρὸς τῷ Αἰγιαλῷ διαιτῶνται· παρέχει
-γὰρ αὐτοῖς αὔρας μαλακὰς ἡ θάλαττα ἡ προειρημένη.
-</p>
-</div2>
-<div2 type="chapter" n="7">
-<p> πυνθάνομαι τῶν μαγείρων τοὺς τὴν τέχνην ἀκριβοῦντας
-ὅταν βούλωνται τῶν τριγλῶν τὰς κοιλίας
-ὀπτωμένων μὴ ῥήγνυσθαι, καταφιλεῖν αὐτῶν τὰ στόματα·
-<pb id="p.245"/>
-οὗπερ οὖν γεγενημένου ὁλόκληροι διαμένουσιν, ὥς φασιν.
-</p>
-</div2>
-<div2 type="chapter" n="8">
-<p>ὁ δελφὶς ὁ θῆλυς μαζοὺς ἔχει κατὰ τὰς γυναῖκας, 
-καὶ θηλάζει τὰ βρέφη πάνυ ἀφθόνῳ καὶ πολλῷ
-τῷ γάλακτι. νήχονται δὲ κοινῇ μέν, καθʼ ἡλικίαν 
-δὲ διακριθέντες· καὶ τῆς μὲν πρώτης τετάχαται οἱ
-νέοι καὶ ἁπαλοί, ἕπονται δὲ αὐτῶν τῇ νήξει οἱ τέλειοι.
-φιλότεκνον γὰρ καὶ φιλόστοργον ὁ δελφὶς ζῷον, καὶ
-ὑπὲρ τῶν βρεφῶν ὀρρωδεῖ. καὶ φυλακῆς χάριν ὡς
-ἐν φάλαγγι στρατιωτικῇ οἳ μὲν τῆς πρώτης εἰσίν, οἳ 
-δὲ τῆς δευτέρας, οἳ δὲ τῆς τρίτης· καὶ προνήχονται
-μὲν οἱ νέοι, ἐπινήχονται δὲ αἱ θήλειαι, καὶ οἱ ἄρρενες
-οὐραγοῦσιν ἐφορῶντές τε καὶ παραφυλάττοντες τὴν
-τῶν ἐκγόνων τε καὶ τῶν γαμετῶν νῆξιν. τί πρὸς
-ταῦτα ὁ Νέστωρ, ὦ καλὲ Ὅμηρε, ὅνπερ οὖν ᾅδεις 
-τακτικώτατον τῶν ἡρώων τῶν καθʼ ἑαυτὸν γεγονέναι;
-</p>
-</div2>
-<div2 type="chapter" n="9">
-<p>ἔχιν ἐχίδνης οἳ μὲν τῷ γένει διαφέρειν, οὐ μέντοι 
-τῇ φύσει φασί· τὸν μὲν γὰρ εἶναι ἄρρενα, τὴν
-δὲ θήλειαν. οἳ δὲ καὶ τῇ φύσει διαφέρειν οἴονται· 
-ἀλλοῖον μὲν γὰρ τοῦτο εἶναι ζῷον, ἀλλοῖον δὲ ἐκεῖνο.
-ἀκούω δέ τινων λεγόντων τοὺς μὲν ὑπὸ τοῦ ἔχεως
-δηχθέντας σπᾶσθαι, οὐ μὴν τοὺς ὑπὸ τῆς ἐχίδνης.
-ἕτεροι δέ φασι τὸ μὲν τῆς ἐχίδνης δῆγμα εἶναι λευκόν,
-τὸ δὲ τοῦ ἔχεως οὐ τοιοῦτον, πελιδνὸν δέ. Νίκανδρος 
-δέ φησιν ἐκ μὲν τοῦ δήγματος ὅπερ οὖν ὁ ἔχις
-ἐμφύει δύο ὀδόντων ἴχνη φαίνεσθαι· πλειόνων δέ,
-εἰ δάκοι ἡ ἔχιδνα.
-</p>
-</div2>
-<div2 type="chapter" n="10">
-<p>Εὐθηρίας γενομένης ἐλεφάντων οἷα δρῶσιν ἐς τὸ 
-πραῧναί τε αὐτοὺς καὶ ἡμερῶσαι εἰπεῖν ἄξιον. πρῶτον 
-μὲν ἐς ὕλην τινὰ ὀλίγον ἀφεστῶσαν τῆς τάφρου
-ἐν ᾗ ἐθήρασαν ἄγουσιν αὐτοὺς δεδεμένους, διαλαβόντες
-<pb id="p.246"/>
-ταῖς σχοίνοις καὶ μήτε προθεῖν ἐπιτρέποντες
-μήτε αὖ πάλιν ἀφίστασθαι καὶ ἀποσπᾶν ἐς τοὐπίσω·
-εἶτα ἕκαστον ἐξάψαντες μεγίστου δένδρου μεμετρημένῳ
-διαστήματι, ὡς μήτε ἐς τὸ ἔμπροσθεν ἐπιπηδᾶν
-ἔχειν μήτε ἐπὶ πολὺ πάλιν ἀναχωρεῖν τοῦ σκιρτᾶν
-καὶ ὑβρίζειν ἐξουσίᾳ, ἀτροφίᾳ τε καὶ λιμῷ τὴν
-ἄγαν ἰσχὺν καὶ ῥώμην καθαιροῦσι, καὶ μέντοι καὶ
-τὸν θυμὸν αὐτῶν καὶ τῆς ψυχῆς τὸ ἄτρεπτον ἡσυχῆ
-καταμαραίνουσιν, ὡς ἐκείνους λήθην μὲν ἴσχειν τῆς
-τέως ἀμάχου ἀγριότητος, παραλύεσθαι δὲ τοῦ πρόσθεν
-θυμοῦ. προσιέναι τε τοὺς τῶν τοιούτων πωλευτὰς
-καὶ ἐκ χειρὸς ὀρέγειν τροφήν, τοὺς δὲ ὑπὸ
-τῆς χρείας ἀναγκαζομένους λαμβάνειν καὶ μὴ κακουργεῖν,
-βλέπειν τε ἤδη πρᾶόν τε καὶ κεκμηκός. οἱ δὲ
-ἄγαν αὐτῶν ἰσχυροὶ καὶ τέλειοι ἀπορρήξαντες τὰ
-δεσμὰ καὶ ταῖς ἀκμαῖς τῶν κεράτων καὶ ταῖς προβοσκίσιν
-ἀνασπῶντες τὰ δένδρα, τὰ δὲ καὶ κατάξαντες
-ὑπὸ ῥύμης καὶ ἐμπεσόντες ἐς αὐτά, μόγις καὶ ὀψὲ
-τοῦ χρόνου τὰ μὲν λιμῷ, τὰ δὲ γλυκείᾳ τροφῇ, τὰ δὲ
-κέντροις ἡμερώθησαν. τροφὴ δὲ ἡμερουμένοις τοῖσδε
-τοῖς ζῴοις ἄρτοι τε οἱ μέγιστοι καὶ κριθαὶ καὶ ἰσχάδες
-καὶ ἀσταφίδες καὶ κρόμμυα καὶ σκόροδα καὶ μέλι
-χύδην σχίνου τε καὶ φοίνικος καὶ κιττοῦ φάκελοι καὶ
-πᾶν ὅσον ἐδωδίμου ὕλης καὶ ἐκείνοις συντρόφου καὶ
-ἐκ τούτου τοι καὶ φίλης.
-</p>
-</div2>
-<div2 type="chapter" n="11">
-<p> φύσεως δὲ ἰχθύων εἰσὶν ἀμαθεῖς ὅσοιπερ οὖν
-τελέως ἁπάντων καταψηφίζονται σιωπὴν αὐτῶν· ἐπεὶ
-καὶ συρίττουσί τινες καὶ γρυλλίζουσι. λύρα μὲν
-γρυλλίζει καὶ χρόμις καὶ κάπρος, ὡς Ἀριστοτέλης
-φησί· χαλκεὺς δὲ συρίττει, κόκκυξ δὲ ἄρα τὸν ὁμώνυμον
-ὄρνιν τῇ φωνῇ μεμιμημένος φθέγγεται παραπλήσια.
-<pb id="p.247"/>
-</p>
-</div2>
-<div2 type="chapter" n="12">
-<p>ἐλέφας μὲν σαρκῶν ὄγκος ἐστὶν ἰδεῖν καὶ πάνυ 
-μέγιστος· ἐδώδιμα δὲ αὐτοῦ τὰ κρέα οὐκ ἔστιν, ὅτι
-μὴ ἡ προβοσκὶς καὶ τὰ χείλη τοῦ στόματος καὶ τῶν
-κεράτων ὁ μυελός. στέαρ δὲ ἐλέφαντος ἦν ἄρα τοῖς
-ἰοβόλοις ἔχθιστον· εἰ γάρ τις χρίσαιτο ἢ ἐπιθυμιάσειεν 
-αὐτοῦ, τὰ δὲ ἀποδιδράσκει πορρωτάτω.
-</p>
-</div2>
-<div2 type="chapter" n="13">
-<p>τῶν δὲ Ἀραβίων ζῴων ἡ πολύχροιά τε καὶ τὸ 
-πολύμορφον πάντα γραφικὸν ἐλέγξαι δεινά, καὶ ταῦτα
-οὐ μόνον τά τε ἄλκιμα καὶ γενναῖα, ἤδη δὲ καὶ τὰ
-ἀδοξότερα. αἵ τε γὰρ ἀκρίδες καὶ οἱ ὄφεις, χρυσοειδῆ 
-ἰνδάλματα καὶ ἐπʼ αὐτῶν κατέστικται· οἱ δὲ ἰχθῦς ἔτι
-καὶ πλέον τῆς πολυκόσμου χρόας μετειληχότες εἶτα
-ἰδεῖν ἐκπληκτικοί εἰσι. καὶ τὰ ὄστρεα δὲ τὰ τῆς
-Ἐρυθρᾶς θαλάττης τῆς αὐτῆς ἀγλαΐας ἄμοιρα οὐκ
-ἔστι· ζῶναί τε γὰρ περιέρχονται φλογώδεις αὐτά, 
-καὶ φαίης ἂν θεασάμενος τὴν ἶριν αὐτὰ μιμεῖσθαι
-τῇ κράσει τῶν χρωμάτων, γραμμαῖς παραλλήλοις
-ὑπὸ τῆς φύσεως καταγραφέντα. ὁ ᾀδόμενος δὲ
-παρὰ τοῖς ἀνοήτοις καὶ ἐν ταῖς γυναιξὶ θαυμαστὸς
-μαργαρίτης θρέμμα μέντοι τῆς Ἐρυθρᾶς θαλάττης 
-καὶ οὗτός ἐστι, καὶ τίκτεσθαί γε αὐτὸν τερατολογοῦσιν
-ὅταν ταῖς κόγχαις ἀνεῳγμέναις ἐπιλάμψωσιν αἱ
-ἀστραπαί. θηρῶνται δὲ ἄρα αἵδε αἱ κόγχαι αἱ τῶν
-προειρημένων μητέρες εὐημερίας τε οὔσης καὶ τῆς
-θαλάττης λείας· οἱ δὲ θηραταὶ συλλαβόντες εἶτα 
-ἐξεῖλον τοῦτον δὴ τὸν θέλγοντα τὰς τῶν μάχλων
-ψυχάς. εὑρεθείη δʼ ἂν καὶ ἐν κόγχῃ μεγίστῃ μικρὸς
-καὶ ἐν μικρᾷ μέγας· καὶ ἣ μὲν οὐδένα ἔχει, ἣ δὲ οὐ
-πέρα ἑνός, πολλαὶ δὲ καὶ πολλούς· εἰσὶ δὲ οἳ λέγουσι
-καὶ εἴκοσι προσπεφυκέναι μιᾷ κόγχῃ. καὶ ἡ μὲν κόγχη 
-τὸ κρέας ἐστίν, ἐπιπέφυκε δὲ ἄρα ὡς σκόλοψ ταῦτα.
-πρὸ καιροῦ δὲ καὶ τῆς ὠδῖνος τῆς ἐντελοῦς εἴπερ
-<pb id="p.248"/>
-οὖν ἀνοίξειε τις τὰς κόγχας, κρέας μὲν ἂν εὕροι, τῆς
-δὲ θήρας τὸ ἀγώνισμα οὐχ ἕξει. λίθῳ δὲ ἄρα ὁ μαργαρίτης
-ἔοικε πεπωρωμένῳ, καὶ ἔχειν ἐν ἑαυτῷ καὶ
-στέγειν ὑγρὸν οὐ πέφυκεν οὐδὲ ὀλίγον. δοκοῦσι δὲ
-ἄρα τοῖς τούτων καπήλοις καὶ τοῖς ὠνουμένοις οἱ
-ἄγαν λευκοὶ καὶ οἱ μεγάλοι κάλλιστοι καὶ τιμαλφέστατοι,
-καὶ πλούσιοί γε ἐξ αὐτῶν ἐγένοντο οὐ μὰ Δία
-ὀλίγοι οἷς ἐντεῦθέν ἐστιν ὁ βίος. οὐκ ἀγνοῶ δὲ οὐδὲ
-ἐκεῖνο, ὅτι ἄρα ἐξαιρεθέντων τῶν λίθων τῶνδε ἀφείθησαν
-αὖθις αἱ κόγχαι, οἱονεὶ λύτρα δοῦσαι τῆς ἑαυτῶν
-σωτηρίας τὸ σπούδασμα τὸ προειρημένον, εἶτα
-ὑπανέφυσαν αὖθις αὐτό. ἐὰν δὲ τὸ ζῷον τὸ τρέφον
-αὐτὸν πρὶν ἢ ἐξαιρεθῆναι τὸν μαργαρίτην ἀποθάνῃ,
-ὥς που λέγει τις λόγος, τῇ σαρκὶ μέντοι συσσήπεται
-καὶ ἐκεῖνος καὶ ἀπόλλυται. φύσει δὲ ἔχει
-τῆς περιφερείας τὸ λεῖον καὶ εὐπερίγραφον. εἰ δὲ
-ἐθέλοι τις τῶν πεφυκότων ἑτέρως τινὰ σοφίας τέχνῃ
-περιγράψαι τε καὶ λεῖον ἀποφῆναι τὸν λίθον, ὃ δὲ
-ἐλέγχει τὴν ἐπιβουλήν· οὐ γὰρ πείθεται, τραχύτητας
-δὲ ὑπαναφύει, καὶ ὅτι ἄρα ἐπιβεβούλευται ἐς κάλλος κατηγορεῖ ταύτῃ.
-</p>
-</div2>
-<div2 type="chapter" n="14">
-<p> Αἰγύπτιοι τὸν ἱέρακα Ἀπόλλωνι τιμᾶν ἐοίκασι,
-καὶ τὸν μὲν θεὸν Ὧρον καλοῦσι τῇ φωνῇ τῇ σφετέρᾳ,
-τοὺς δὲ ὄρνιθας ἄγουσι θαυμαστούς, καὶ προσήκειν
-τῷ θεῷ τῷ προειρημένῳ φασὶν ὀρθῶς· οἱ γὰρ ἱέρακες
-ὀρνίθων μόνοι ταῖς ἀκτῖσι τοῦ ἡλίου ῥᾳδίως καὶ ἀβασανίστως
-ἀντιβλέποντες καὶ δυσωπούμενοι ἥκιστα
-πορείαν τε τὴν ἀνωτάτω ἴασι, καὶ αὐτοὺς ἡ θεία
-φλὸξ λυπεῖ οὐδὲ ἕν. καὶ ἀνάπαλιν μέντοι πέτεσθαι
-τὸν ἱέρακα οἱ ἰδόντες φασὶν ὡς ἐξ ὑπτίας νέοντα.
-ἔνθεν τοι καὶ πρὸς τὸν οὐρανὸν ὁρᾷ καὶ πρὸς τὸν
-πάντʼ ἐφορῶντα Ἥλιον μάλα ἐλευθέρως καὶ ἀτρέπτως
-<pb id="p.249"/>
-ὁ αὐτός. ὄφεων δὲ καὶ δακέτων θηρίων ἐστὶν ἔχθιστος.
-οὐκ ἂν γοῦν αὐτὸν διαλάθοι οὔτε ὄφις οὔτε σκορπίος
-οὔτε μὴν πονηρᾶς ὕλης ἄλλο τι ἔκτοκον. ἀκροδρύων
-μὲν οὖν καὶ σπερμάτων ἄγευστος, σαρκῶν δὲ ἥδεται
-βορᾷ, καὶ πίνει αἷμα, καὶ τὰ νεόττια ἐκτρέφει τοῖς αὐτοῖς, 
-καὶ ἐς λαγνείαν ἐστὶ δριμύτατος. τὸ δὲ αὐτοῦ τῆς
-κνήμης ὀστοῦν εἰ χρυσίῳ παρατεθείη, ἕλκει τε αὐτὸ
-καὶ ἴυγγι ἀπορρήτῳ τινὶ πρὸς ἑαυτὸ ἄγει καὶ ἕπεσθαι
-θέλγει, ὥσπερ οὖν ᾅδουσι τὸν Ἡρακλεώτην λίθον
-καταγοητεύειν πως τὸν σίδηρον. λέγουσι δὲ Αἰγύπτιοι 
-καὶ ἐς πεντακόσια ἔτη βίου προήκειν τὸν ἱέρακα, καὶ
-οὔπω με πείθουσιν· ἃ δʼ οὖν ἀκούω, λέγω. ἔοικε δέ
-φασι καὶ Ὅμηρος ὅτι τῷ Διὸς καὶ Λητοῦς ἐστι φίλος
-ὑπαινίττεσθαί πως λέγων
-</p>
-</div2>
-<div2 type="chapter" n="15">
-<p>
-<quote rend="blockquote">
-<lb/>βῆ δὲ κατʼ Ἰδαίων ὀρέων, ἵρηκι ἐοικὼς 
-<lb/>ὠκέι φασσοφόνῳ.
-</quote>
-ὁ κάνθαρος ἄθηλυ ζῷόν ἐστι, σπείρει δὲ ἐς τὴν 
-σφαῖραν ἣν κυλίει· ὀκτὼ δὲ καὶ εἴκοσιν ἡμερῶν
-τοῦτο δράσας καὶ θάλψας αὐτήν, εἶτα μέντοι τῇ ἐπὶ
-ταύταις προάγει τὸν νεοττόν. Αἰγυπτίων δὲ οἱ μάχιμοι 
-ἐπὶ τῶν δακτυλίων εἶχον ἐγγεγλυμμένον κάνθαρον,
-αἰνιττομένου τοῦ νομοθέτου, δεῖν ἄρρενας εἶναι
-πάντως πάντῃ τοὺς μαχομένους ὑπὲρ τῆς χώρας,
-ἐπεὶ καὶ ὁ κάνθαρος θηλείας φύσεως οὐ μετείληχεν.
-</p>
-</div2>
-<div2 type="chapter" n="16">
-<p>ἡ ὗς καὶ τῶν ἰδίων τέκνων ὑπὸ τῆς λαιμαργίας 
-ἀφειδῶς ἔχει, καὶ μέντοι καὶ ἀνθρώπου σώματι ἐντυχοῦσα
-οὐκ ἀπέχεται, ἀλλʼ ἐσθίει. ταύτῃ τοι καὶ
-ἐμίσησαν Αἰγύπτιοι τὸ ζῷον ὡς μυσαρὸν καὶ πάμβορον.
-φιλοῦσι δὲ οἱ φρόνιμοι καὶ τῶν ἀλόγων τὰ
-πραότερα καὶ φειδοῦς ἅμα καὶ εὐσεβείας μετειληχότα 
-προτιμᾶν. Αἰγύπτιοι γοῦν τοὺς πελαργοὺς καὶ προσκυνοῦσιν,
-ἐπεὶ τοὺς πατέρας γηροκομοῦσιν καὶ ἄγουσι
-<pb id="p.250"/>
-διὰ τιμῆς. οἱ αὐτοὶ δὲ Αἰγύπτιοι καὶ χηναλώπεκας
-καὶ ἔποπας τιμῶσιν, ἐπεὶ οἳ μὲν φιλότεκνοι αὐτῶν,
-οἳ δὲ πρὸς τοὺς γειναμένους εὐσεβεῖς. ἀκούω δὲ καὶ
-Μανέθωνα τὸν Αἰγύπτιον σοφίας ἐς ἄκρον ἐληλακότα
-ἄνδρα εἰπεῖν ὅτι γάλακτος ὑείου ὁ γευσάμενος
-ἀλφῶν ὑποπίμπλαται καὶ λέπρας· μισοῦσι δὲ ἄρα
-οἱ Ἀσιανοὶ πάντες τάδε τὰ πάθη. πεπιστεύκασι δὲ
-Αἰγύπτιοι τὴν ὗν καὶ ἡλίῳ καὶ σελήνῃ ἐχθίστην
-εἶναι. ὅταν οὖν πανηγυρίζωσι τῇ σελήνῃ, θύουσιν
-αὐτῇ ἅπαξ τοῦ ἔτους ὗς, ἄλλοτε δὲ οὔτε ἐκείνῃ οὔτε
-ἄλλῳ τῳ τῶν θεῶν τόδε τὸ ζῷον ἐθέλουσι θύειν.
-Ἀθηναῖοι δὲ έν τοῖς μυστηρίοις καταθύουσι τὰς ὗς
-καὶ μάλα δικαίως· λυμαίνονται γὰρ τὰ λήια, καὶ
-ἐσπηδήσασαι πολλάκις τοὺς μὲν νέους τῶν ἀσταχύων
-καὶ οὐδέπω ὡραίους κατακλῶσι, τοὺς δὲ ἐξορύττουσιν.
-Εὔδοξος δέ φησι φειδομένους τοὺς Αἰγυπτίους
-τῶν ὑῶν μὴ θύειν αὐτάς, ἐπεὶ τοῦ σίτου σπαρέντος
-ἐπάγουσι τὰς ἀγέλας αὐτῶν. αἳ δὲ πατοῦσι καὶ ἐς
-ὑγρὰν τὴν γῆν ὠθοῦσιν, ἵνα μείνῃ ἔμβιος καὶ μὴ ὑπὸ
-τῶν ὀρνίθων ἀναλωθῇ.
-</p>
-</div2>
-<div2 type="chapter" n="17">
-<p> ἀποσπώμενοι τῆς συνήθους γῆς οἱ ἐλέφαντες,
-καὶ ἐὰν ἡμερωθῶσι τὰ μὲν πρῶτα τοῖς δεσμοῖς καὶ
-τῷ λιμῷ, τὰ δὲ ἐπὶ τούτοις ταῖς τροφαῖς καὶ τῷ ποικίλῳ
-αὐτῶν, ὅμως τὸ φίλτρον τῆς θρεψαμένης χώρας
-οὐκ ἂν αὐτοῖς ποτε ἐξίτηλον γένοιτο. οἱ πλεῖστοι
-γοῦν ὑπὸ τῆς λύπης διαφθείρονται, ἤδη δέ τινες καὶ
-κλάοντες ἀστακτὶ καὶ ἀμέτροις τοῖς δακρύοις ἐπηρώθησαν
-τὴν ὄψιν. ἐσάγονται δὲ ἐς τὰς ναῦς διὰ γεφύρας,
-παρʼ ἑκάτερα αὐτῆς κλάδων τεθηλότων καὶ
-κομώντων πηγνυμένων καὶ ἄλλης ὕλης χλωρᾶς διασειομένης
-ἐς ἀπάτην τῶν θηρίων· εἰ γὰρ ταῦτα
-ὁρῷεν οἱ ἐλέφαντες, ἔτι καὶ τότε διὰ τῆς γῆς ἰέναι
-<pb id="p.251"/>
-δοκοῦσιν, οὐδὲ ἐπιτρέπει ταῦτα ὁρᾶσθαι τὴν θάλατταν.
-βραχέα δέ ἐστι καὶ οὐκ ἀγχιβαθῆ τὰ πρὸ τῆς
-χώρας, ἐξ ἧς ἀνάγκη πλεῖν αὐτούς, καὶ αἱ ναῦς
-ἀφεστᾶσιν αἱ φορτίδες· καὶ διὰ ταῦτα τῆς γεφύρας
-δεῖ καὶ τῆς μηχανῆς τε καὶ ἐπιβουλῆς τῆς διὰ τῶν 
-κλάδων καὶ τῆς ὕλης τῆς προειρημένης.
-</p>
-</div2>
-<div2 type="chapter" n="18">
-<p>ἀκούω τὸν κριὸν τὸ ζῷον ἓξ μηνῶν χειμεριωτάτων 
-κατὰ τῆς ἀριστερᾶς πλευρᾶς κεῖσθαι καὶ καθεύδειν,
-ὅταν αὐτὸν αἱρῇ καὶ περιλαμβάνῃ ὕπνος, ἀπὸ
-δὲ τῆς ἐαρινῆς ἰσημερίας ἔμπαλιν ἀναπαύεσθαι, καὶ 
-κατὰ τῆς δεξιᾶς κεῖσθαι. οὐκοῦν καθʼ ἑκατέραν ἰσημερίαν
-τὴν κατάκλισιν ἀμείβει ὁ κριός.
-</p>
-</div2>
-<div2 type="chapter" n="19">
-<p>τοὺς ἰχθῦς τοὺς φάγρους Συηνῖται μὲν ἱεροὺς 
-νομίζουσιν, οἱ δὲ οἰκοῦντες τὴν καλουμένην Ἐλεφαντίνην
-τοὺς μαιώτας· φῦλον δὲ ἄρα καὶ τοῦτο ἰχθύων. 
-ἡ δὲ ἐς ἑκάτερον τὸ γένος ἐξ ἀμφοτέρων τιμὴ τὴν
-γένεσιν εἴληφεν ἐντεῦθεν. ἀνιέναι τε καὶ ἀναπλεῖν
-τοῦ Νείλου μέλλοντος οἳ δὲ προθέουσί τε καὶ νήχονται,
-οἱονεὶ τοῦ νέου ὕδατος ἄγγελοι, καὶ τὰς τῶν
-</p>
-</div2>
-<div2 type="chapter" n="20">
-<p>Αἰγυπτίων ἀνηρτημένας γνώμας προευφραίνουσι καλαῖς 
-ἐλπίσι, τὴν ἐπιδημίαν τοῦ ῥεύματος πρῶτοι
-συνιέντες καὶ θαυμαστῇ τινι φύσει προμαντευόμενοι
-ἐκεῖνοί γε. ἤδη δὲ καὶ τοῦτο ὑπὲρ τῆς ἐς αὐτοὺς
-τιμῆς φιλοῦσι προστιθέναι οἱ προειρημένοι, λέγοντες
-αὐτοὺς διαμένειν ἀλλήλων ἀγεύστους. 
-γίνονται δὲ ἄρα ἐν τῇ Ἐρυθρᾷ θαλάττῃ κόγχαι 
-καὶ ἕτεραι, οὐ λεῖαι τὰ ὄστρακα, ἀλλὰ ἔχουσαί τινας
-ἐντομὰς καὶ κοιλάδας. ὀξεῖαι δὲ αὗται τὰ χείλη εἰσί,
-καὶ συνιοῦσαι ἐς ἀλλήλας ἐμπίπτουσι, παραλλὰξ ἐντιθεῖσαι
-τὰς ἐξοχάς, ὡς δοκεῖν δύο πριόνων τοὺς 
-κυνόδοντας ἐς ἀλλήλους συνέρχεσθαι. οὐκοῦν τῶν
-ἁλιέων ὅτου ἂν νηχομένου λάβωνται καὶ δάκωσιν ὅ
-<pb id="p.252"/>
-τι οὖν μέρος, ἀποκόπτουσιν, εἰ καὶ ὀστοῦν ὑπείη
-τῷ μέρει τῷ δηχθέντι, καὶ κατὰ ἄρθρου μέντοι δακοῦσαι
-καὶ τοῦτο ἀπέκοψαν, καὶ εἰκότως· τομώτατον
-γάρ ἐστι τὸ δῆγμα.
-</p>
-</div2>
-<div2 type="chapter" n="21">
-<p> τοὺς κροκοδείλους Αἰγυπτίων οἳ μὲν σέβουσιν,
-ὡς Ὀμβῖται· καὶ οἷα ἡμεῖς τοὺς θεοὺς τοὺς Ὀλυμπίους
-ἄγομεν θαυμαστούς, τοιαῦτα καὶ ἐκείνους ἐκεῖνοι.
-καὶ τῶν τέκνων γε αὐτοῖς ἐξαρπαζομένων πολλάκις
-οἳ δὲ ὑπερήδονται, καὶ αἵ γε μητέρες τῶν δειλαίων
-γάννυνται καὶ σεμναὶ περιίασιν, οἷα δήπου τεκοῦσαι
-θεῷ βορὰν καὶ δεῖπνον. Ἀπολλωνοπολῖται δὲ Τεντυριτῶν
-μοῖρα σαγηνεύουσι τοὺς κροκοδείλους, καὶ
-τῶν περσεῶν ʽφυτὰ δέ ἐστιν ἐπιχώριἀ ἐξαρτήσαντες
-μετεώρους μαστιγοῦσί τε πολλὰς καὶ τὰς ἐξ ἀνθρώπων
-ξαίνουσι κνυζωμένους καὶ δακρύοντας, εἶτα
-μέντοι κατακόπτουσιν αὐτοὺς καὶ σιτοῦνται. κύει
-δὲ ἄρα τὸ ζῷον τοῦτο ἐν ἑξήκοντα ἡμέραις, καὶ τίκτει
-ᾠὰ ἑξήκοντα, καὶ τοσαύταις ἡμέραις θάλπει αὐτά,
-σφονδύλους τε ἔχει ἐπὶ τῆς ῥάχεως τοσούτους, νεύροις
-τε αὐτὸν τοσούτοις φασὶ διεζῶσθαι, λοχεία τε
-αὐτῷ ἐς τοσοῦτον πρόεισιν ἀριθμόν, καὶ ἔτη βιοῖ
-ἑξήκοντα ʽλέγω δὲ ταῦτα Αἰγυπτίους φήμας τε καὶ
-πίστεισʼ, πάρεστι δὲ καὶ ὀδόντας ἑξήκοντα τοῦδε τοῦ
-ζῴου ἀριθμεῖν, φωλεῦον δὲ ἄρα καθʼ ἕκαστον ἔτος
-ἑξήκοντα ἡμερῶν ἀτρεμεῖ τε καὶ ἀτροφεῖ. τοῖς δὲ
-Ὀμβίταις καὶ συνήθεις εἰσί, καὶ μέντοι καὶ ὑπακούουσι
-καλούντων αὐτῶν οἱ τρεφόμενοι ἐν ταῖς λίμναις
-ταῖς ὑπʼ αὐτῶν πεποιημέναις. κομίζουσι δὲ ἄρα αὐτοῖς
-κεφαλὰς τῶν ζῴων τῶν θυομένων ʽαὐτοὶ γὰρ
-οὐκ ἂν γεύσαιντο τοῦδε τοῦ μέρουσʼ καὶ ἐμβάλλουσιν
-αὐτάς, οἳ δὲ περὶ ταύταις πηδῶσιν. οἵ γε μὴν
-Ἀπολλωνοπολῖται μισοῦσι κροκόδειλον, λέγοντες τὸν
-<pb id="p.253"/>
-Τυφῶνα ὑποδῦναι τὴν τούτου μορφήν. οἳ δὲ οὐ
-ταύτην φασὶ τὴν αἰτίαν, Ψαμμύντου δὲ βασιλέως
-ἀγαθοῦ καὶ δικαίου ἐς τὰ ἔσχατα ἁρπάσαι θυγατέρα
-κροκόδειλον, εἶτα μέντοι μνήμῃ τοῦ τότε πάθους
-μισεῖν τὸ φῦλον αὐτῶν πᾶν καὶ τοὺς κάτω τοῦ χρόνου γεγενημένους. 
-</p>
-</div2>
-<div2 type="chapter" n="22">
-<p>Βακκαῖοι ʽγένος δὲ τοῦτο Ἑσπέριονʼ τῶν ἀποθνησκόντων 
-νόσῳ τοὺς νεκροὺς ὑβρίζοντες ὡς ἀνάνδρως
-καὶ μαλακῶς τεθνεώτων θάπτουσι πυρί, τοὺς δὲ ἐν
-πολέμῳ τὸν βίον καταστρέψαντας ὡς καλοὺς καὶ 
-ἀγαθοὺς καὶ ἀρετῆς μετειληχότας γυψὶ προβάλλουσιν,
-ἱερὸν τὸ ζῷον εἶναι πεπιστευκότες. Ῥωμύλος δὲ
-ἄρα ἐν τῷ Παλλαντίῳ λόφῳ δώδεκα γυψὶν οἰωνισάμενος,
-ὡς ἀγαθῆς τῆς μαντείας ἔτυχε, μιμούμενος
-τῶν ὀρνίθων τὸν ἀριθμόν, τῶν Ῥωμαίων ἀρχόντων 
-ἰσαρίθμους τοῖς τότε ὀφθεῖσιν ὄρνισι προπομπεύειν
-ῥάβδους ἐνομοθέτησεν. Αἰγύπτιοι δὲ Ἥρας μὲν ἱερὸν
-ὄρνιν εἶναι πεπιστεύκασι τὸν γῦπα, κοσμοῦσι δὲ τὴν
-τῆς Ἴσιδος κεφαλὴν γυπὸς πτεροῖς, καὶ τοῖς τῶν
-προπυλαίων ὀρόφοις ἐνετόρευσαν γυπῶν πτέρυγας. 
-εἶπον δὲ καὶ ἀνωτέρω ὑπὲρ τοῦδε τοῦ ζῴου πολλά, ἕτερα μέντοι.
-</p>
-</div2>
-<div2 type="chapter" n="23">
-<p>ἐν τῇ Κοπτῷ τῇ Αἰγυπτίᾳ τὴν Ἶσιν σέβουσιν 
-Αἰγύπτιοι ταῖς τε ἄλλαις ἱερουργίαις καὶ μέντοι καὶ
-τῇ παρὰ τῶν πενθουσῶν ἢ τοὺς ἄνδρας τοὺς σφετέρους 
-ἢ τοὺς παῖδας ἢ τοὺς ἀδελφοὺς λατρείᾳ τε καὶ
-θεραπείᾳ. ὄντων δὲ σκορπίων ἐνταῦθα μεγέθει μὲν
-μεγίστων, πληγῇ δὲ ὀξυτάτων, πείρᾳ γε μὴν σφαλερωτάτων
-ʽπαίσαντες γὰρ ἀναιροῦσι παραχρῆμἀ,
-καὶ μηχανὰς μυρίας ἐς τὴν ἐξ αὐτῶν φυλακὴν μηχανωμένων 
-τῶν Αἰγυπτίων, ἀλλὰ αἵ γε πενθοῦσαι
-παρὰ τῇ θεῷ καὶ χαμαὶ καθεύδουσαι καὶ ἀνυπόδητοι
-<pb id="p.254"/>
-βαδίζουσαι καὶ μόνον οὐ πατοῦσαι τοὺς προειρημένους
-σκορπίους εἶτα μέντοι ἀπαθεῖς διαμένουσι.
-σέβουσι δὲ ἄρα οἱ αὐτοὶ Κοπτῖται καὶ θηλείας δορκάδας
-καὶ ἐκθεοῦσιν αὐτάς, τοὺς δὲ ἄρρενας καταθύουσιν.
-ἄθυρμα δὲ εἶναι τὰς θηλείας τῆς Ἴσιδός φασιν.
-</p>
-</div2>
-<div2 type="chapter" n="24">
-<p> ὁ κροκόδειλος ʽκαὶ μέντοι καὶ ταῦτα πρὸς τοῖς
-ἤδη διηνυσμένοις ὑπὲρ τοῦ ζῴου ἀκήκοἀ φύσει δειλός
-ἐστι καὶ κακοήθης δὲ καὶ πανοῦργος δεινῶς· καὶ
-ἁρπάζει μὲν καὶ ἐπιβουλεύει μάλα ὀξέως, πέφρικε δὲ
-τοὺς κτύπους πάντας, δέδοικε δὲ καὶ ἀνθρώπου βιαιοτέραν
-βοήν, καὶ μέντοι καὶ τοὺς εὐθαρσέστερον ἐπιόντας
-ὀρρωδεῖ ἰσχυρῶς. οἱ τοίνυν καλούμενοι κατὰ
-τὴν Αἴγυπτον Τεντυρῖται ἴσασι καὶ ὅθεν εὐχείρωτόν
-ἐστι τὸ θηρίον· μάλιστα δʼ ἂν τρωθείη ἐς δέον
-ὀφθαλμοὺς βληθεὶς ἢ μασχάλας καὶ μέντοι καὶ τὴν
-νηδύν. τὰ νῶτα δὲ πέφυκε καὶ τὴν οὐρὰν ἄρρηκτος·
-λεπίσι τε γὰρ καὶ φολίσι πέφρακται καὶ ὡς ἂν εἴποι
-τις ὥπλισται, καὶ ἐοίκασιν ὀστράκοις καρτεροῖς ἢ
-κόγχαις. οἱ τοίνυν προειρημένοι οὕτως εἰσὶ φιλόπονοι
-πρὸς τὴν αὐτῶν θηράν, ὡς τὸν ἐκεῖθι ποταμὸν
-εἰρήνην ἅγειν αὐτῶν βαθυτάτην. ἐνταῦθά τοι καὶ
-θαρροῦντες νήχονται, καὶ ἀθύρουσιν ἐν τῇ νήξει.
-ἐν Ὀμβίταις δὲ ἢ Κοπτίταις ἢ Ἀρσενοΐταις οὐδʼ
-</p>
-</div2>
-<div2 type="chapter" n="25">
-<p> ἀπονίψασθαι πόδας ῥᾴδιον, οὐδὲ ἀρύσασθαι ὕδωρ
-εὔκολον· ἀλλʼ οὐδὲ ταῖς ὄχθαις τοῦ ποταμοῦ ἔστιν
-ἐμβαδίσαι ἐλευθέρως καὶ ἀφυλάκτως. σέβουσι δὲ
-οἱ Τεντυρῖται ἱέρακας. οὐκοῦν οἱ Κοπτὸν οἰκοῦντες
-ὡς κροκοδείλων πολεμίους λυπεῖν προῃρημένοι πολλάκις
-ἀνασταυροῦσιν ἱέρακας. εἰκάζουσι δὲ τὸν μὲν
-κροκόδειλον ἐκεῖνοι ὕδατι, ἔνθεν τοι καὶ σέβουσιν·
-οἳ δὲ τὸν ἱέρακα πυρί, ταύτῃ τοι καὶ προσκυνοῦσι·
-<pb id="p.255"/>
-μαρτύριόν τε ἐπάγουσιν ἀπότομον αὐτῶν εἶναι λέγοντες
-πῦρ καὶ ὕδωρ ἀμιγές. ταῦτα οὖν τερατολογοῦντες Αἰγύπτιοί φασιν.
-Ὄασιν τὴν Αἰγυπτίαν διελθόντι ἀπαντᾷ ἑπτὰ 
-ἡμερῶν ὅλων ἐρημία βαθυτάτη. μετὰ δὲ ταύτην 
-Κυνοπρόσωποι νέμονται ἄνθρωποι κατὰ τὴν ὁδὸν
-τὴν ἐς Αἰθιοπίαν ἄγουσαν. ζῶσι δὲ ἄρα οὗτοι θηρῶντες
-δορκάδας τε καὶ βουβαλίδας, ἰδεῖν γε μὴν
-μέλανές εἰσι, κυνὸς δὲ ἔχουσι τὴν κεφαλὴν καὶ τοὺς
-ὀδόντας. ἐπεὶ δὲ ἐοίκασι τῷδε τῷ ζῴῳ, καὶ μάλα γε 
-εἰκότως αὐτῶν ἐνταυθοῖ τὴν μνήμην ἐποιησάμην.
-φωνῆς δʼ οὖν ἀμοιροῦσι, τρίζουσι δὲ ὀξύ· κάτεισι
-δὲ ὑπὸ τὴν ὑπήνην αὐτοῖς γένειον, ὡς εἰκάσαι τοῖς
-τῶν δρακόντων αὐτό. αἱ δὲ χεῖρες αὐτῶν ὄνυξιν
-ἰσχυροῖς καὶ ὀξυτάτοις εἰσὶ τεθηγμέναι· τὸ δὲ πᾶν 
-σῶμα δασεῖς πεφύκασι, κατὰ τοὺς κύνας καὶ τοῦτο.
-ὤκιστοι δέ εἰσι καὶ ἴσασι τὰ ἐν τοῖς τόποις δύσβατα.
-ἐντεῦθέν τοι καὶ δυσάλωτοι δοκοῦσιν.
-</p>
-</div2>
-<div2 type="chapter" n="26">
-<p>τῷ λύκῳ ὁ τράχηλος ἐς βραχὺ συνῆκται. οὔκουν 
-οἷός τέ ἐστιν ἐπιστραφῆναι, ὁρᾷ δὲ ἐς τὸ πρόσω ἀεί· 
-εἰ δὲ βούλοιτό ποτε ἐς τοὐπίσω θεάσασθαι, πᾶς ἐπιστρέφεται.
-ὀξυωπέστατον δέ ἐστι ζῴων, καὶ μέντοι
-καὶ νύκτωρ καὶ σελήνης οὐκ οὔσης ὃ δὲ ὁρᾷ. ἔνθεν
-τοι καὶ λυκόφως κέκληται ὁ καιρὸς οὗτος τῆς νυκτός,
-ἐν ᾧ μόνος ἐκεῖνος τὸ φῶς ὑπὸ τῆς φύσεως λαχὼν 
-ἔχει. δοκεῖ δέ μοι καὶ Ὅμηρος λέγειν ἀμφιλύκην
-νύκτα καθʼ ἣν δὴ βλέποντες λύκοι βαδίζουσι.
-λέγουσι δὲ φίλον Ἡλίῳ εἶναι αὐτόν, καὶ διὰ ταῦτα
-ἐς τιμὴν τὴν τοῦ ζῴου κεκλῆσθαι καὶ τὸν ἐνιαυτὸν
-λυκάβαντα εἰσὶν οἳ λέγουσι. χαίρειν δὲ αὐτῷ καὶ 
-τὸν Ἀπόλλω λόγος, καὶ ἡ αἰτία διαρρέουσα καὶ ἐς
-ἐμὲ ἀφίκετο. τὸν γάρ τοι θεὸν τοῦτον τεχθῆναί φασι
-<pb id="p.256"/>
-τῆς Λητοῦς μεταβαλούσης τὸ εἶδος ἐς λύκαιναν.
-ταύτῃ τοι λέγει καὶ Ὅμηρος λυκηγενέι κλυτοτόξῳ·
-ταύτῃ τοι καὶ ἐν Δελφοῖς ἀνακεῖσθαι λύκον
-πέπυσμαι χαλκοῦν τὴν τῆς Λητοῦς ὠδῖνα αἰνιττόμενον.
-οἳ δὲ οὐ διὰ τοῦτό φασιν ἀλλὰ ἐπεὶ κλαπέντα
-ἀναθήματα ἐκ τοῦ νεὼ καὶ κατορυχθέντα ὑπὸ τῶν
-ἱεροσύλων λύκος κατεμήνυσε. παρελθὼν γὰρ ἐς τὸν
-νεὼν καὶ τῶν προφητῶν τινα τῆς ἐσθῆτος τῆς ἱερᾶς
-ἑλκύσας τῷ στόματι καὶ προσαγαγὼν μέχρι τοῦ τόπου
-ἐν ᾧ τὰ ἀναθήματα ἐκέκρυπτο εἶτα τοῖς προσθίοις ὤρυττεν αὐτόν.
-</p>
-</div2>
-<div2 type="chapter" n="27">
-<p> κώμη Αἰγυπτία Χουσαὶ τὸ ὄνομα ʽτελεῖ δὲ ἐς
-τὸν Ἑρμουπολίτην νομόν, καὶ μικρὰ μὲν δοκεῖ, χαρίεσσά
-γε μήνʼ, ἐν ταύτῃ σέβουσιν Ἀφροδίτην Οὐρανίαν
-αὐτὴν καλοῦντες. τιμῶσι δὲ καὶ θήλειαν βοῦν,
-καὶ τὴν αἰτίαν ἐκείνην λέγουσι. πεπιστεύκασιν αὐτὰς
-προσήκειν τῇδε τῇ δαίμονι· πτοίαν γὰρ ἐς ἀφροδίσια
-ἰσχυρὰν ἔχει βοῦς θῆλυς, καὶ ὀργᾷ τοῦ ἄρρενος
-μᾶλλον. ἀκούσασα γοῦν τοῦ μυκήματος ἐς τὴν μίξιν
-θερμότατα ἐξηνέμωται καὶ ἐκπέφλεκται. καὶ οἱ ταῦτά
-γε συνιδεῖν δεινοὶ καὶ ἀπὸ τριάκοντα σταδίων ἀκούειν
-ταύρου βοῦν ἐρωτικὸν σύνθημα καὶ ἀφροδίσιον μυκωμένου
-φασί. καὶ αὐτὴν δὲ τὴν Ἶσιν Αἰγύπτιοι
-βούκερων καὶ πλάττουσι καὶ γράφουσιν.
-</p>
-</div2>
-<div2 type="chapter" n="28">
-<p> σάλπιγγος ἦχον βδελύττονται Βουσιρῖται καὶ
-Ἄβυδος ἡ Αἰγυπτία καὶ Λύκων πόλις, ἐπεί πως ἔοικεν
-ὄνῳ βρωμωμένῳ. ἀλλὰ καὶ ὅσοι περὶ τὴν θρησκείαν
-ἔχουσι τὴν τοῦ Σαράπιδος μισοῦσι τὸν ὄνον. τοῦτό
-τοι καὶ Ὦχος ὁ Πέρσης εἰδὼς ἀπέκτεινε μὲν τὸν
-Ἆπιν, ἐξεθέωσε δὲ τὸν ὄνον, ἐς τὰ ἔσχατα λυπῆσαι
-θέλων τοὺς Αἰγυπτίους. ἔδωκε δὲ ἄρα καὶ αὐτὸς
-δίκας τῷ ἱερῷ βοῒ οὐ μεμπτὰς οὐδὲ ἥττονας Καμβύσου
-<pb id="p.257"/>
-τοῦ πρώτου τὴν θεοσυλίαν ταύτην τετολμηκότος.
-μισοῦσι δὲ οἱ αὐτοὶ θεραπευταὶ τοῦ Διὸς τοῦ προειρημένου
-καὶ τὸν ὄρυγα. τὸ δὲ αἴτιον, ἀποστραφεὶς
-πρὸς τὴν ἀντολὴν τὴν τοῦ ἡλίου τὰ περιττὰ τῆς
-ἑαυτοῦ τροφῆς ἐκθλίβει φασὶν Αἰγύπτιοι. λέγουσι 
-δὲ οἱ Πυθαγόρειοι ὑπὲρ τοῦ ὄνου καὶ ἐκεῖνο, μόνον
-τοῦτον τῶν ζῴων μὴ γεγονέναι κατὰ ἁρμονίαν· ταύτῃ
-τοι καὶ πρὸς τὸν ἦχον τὸν τῆς λύρας εἶναι κωφότατον.
-ἤδη δὲ αὐτόν τινες καὶ τῷ Τυφῶνι προσφιλῆ
-γεγονέναι φασί. λέγουσι δὲ καὶ ἐκείνην αἰτίαν τῷ 
-ὄνῳ προσάπτειν πρὸς τοῖς προειρημένοις. πᾶν τὸ
-γόνιμον τετίμηται, ἐναντίως δὲ ἄρα πρὸς ταῦτα
-πέφυκε τὸ ζῷον τοῦτο. δίδυμα γοῦν ὄνον τεκοῦσαν
-οὐ ῥᾳδίως μέμνηταί τις λόγος.
-</p>
-</div2>
-<div2 type="chapter" n="29">
-<p>ἴδιον δὲ ἐν Αἰγυπτίοις λόγοις ἴβεως καὶ ἐκεῖνο 
-προσακήκοα. ὅταν ὑποκρύψηται τὴν δέρην καὶ τὴν
-κεφαλὴν τοῖς ὑπὸ τῷ στέρνῳ πτεροῖς, τὸ τῆς καρδίας
-σχῆμα ἀπεμάξατο. ἄλλως τε καὶ ὅτι εἰσὶ τοῖς
-ἐπὶ λύμῃ καὶ ἀνθρώπων καὶ καρπῶν ζῴοις γεγενημένοις
-ἔχθισται ἤδη που καὶ ἄνω εἶπον. μίγνυνται 
-δὲ τοῖς στόμασι, καὶ παιδοποιοῦνται τὸν τρόπον τοῦτον.
-λέγουσι δὲ Αἰγύπτιοι ʽκαὶ ἐμέ γε οὐ ῥᾳδίως
-ἔχουσι πειθόμενονʼ λέγουσι δʼ οὖν τοὺς ταῖς ταριχείαις
-τῶν ζῴων ἐφεστῶτας καὶ δεινοὺς τήνδε τὴν σοφίαν
-ὁμολογεῖν τὸ τῆς ἴβεως ἔντερον ἓξ εἶναι πήχεων καὶ 
-ἐνενήκοντα. διαβαίνειν δὲ κατὰ πῆχυν αὐτὴν προσακήκοα
-βαδίζουσαν. σελήνης δὲ ἐκλιπούσης καταμύει,
-ἔστʼ ἂν ἡ θεὸς αὖθις ἀναλάμψῃ. καὶ τῷ Ἑρμῇ
-δέ φασι τῷ πατρὶ τῶν λόγων φιλεῖται, ἐπεὶ ἔοικε τὸ
-</p>
-</div2>
-<div2 type="chapter" n="30">
-<p>εἶδος τῇ φύσει τοῦ λόγου· τὰ μὲν γὰρ μέλανα ὠκύπτερα 
-τῷ τε σιγωμένῳ καὶ ἔνδον ἐπιστρεφομένῳ λόγῳ
-παραβάλλοιτο ἄν, τὰ δὲ λευκὰ τῷ προφερομένῳ τε
-<pb id="p.258"/>
-καὶ ἀκουομένῳ ἤδη καὶ ὑπηρέτῃ τοῦ ἔνδον καὶ ἀγγέλῳ,
-ὡς ἂν εἴποις. ὡς μὲν οὖν μακροβιώτατόν ἐστι
-τὸ ζῷον καὶ δὴ εἶπον· λέγει δὲ Ἀπίων καὶ ἐπάγεται
-τοὺς ἐν Ἑρμοῦ πόλει ἱερέας μάρτυρας δεικνύντας οἱ
-ἶβιν ἀθάνατον. τοῦτο μὲν οὖν καὶ ἐκείνῳ δοκεῖ τῆς
-ἀληθείας ἀφεστάναι πάμπολυ, καὶ ἐμοὶ δὲ πάντως
-ἂν καταφαίνοιτο ψευδές. ἔστι δὲ τὴν φύσιν θερμότατον
-ἡ ἶβις, πολυβορώτατον γοῦν ὂν καὶ κακοβορώτατον,
-εἴγε ὄφεις σιτεῖται καὶ σκορπίους. ἀλλὰ τὰ
-μὲν πέττει ῥᾳδίως, τὰ δὲ εὐκολώτατα ἀποκρίνει.
-ἴδοι δʼ ἄν τις νοσοῦσαν ἶβιν σπανιώτατα. πανταχοῦ
-δὲ καθιεῖσα ἶβις τὸ ῥάμφος, τῶν ῥυπαρῶν καταφρονοῦσα
-καὶ ἐμβαίνουσα αὐτοῖς ὑπὲρ τοῦ καὶ
-ἐκεῖθέν τι ἀνιχνεῦσαι, ὅμως δʼ οὖν ἐς κοῖτον τρεπομένη
-λούει τε πρότερον ἑαυτὴν καὶ ἐκκαθαίρει. νεοττεύει
-δὲ ἐπὶ τῶν φοινίκων τοὺς αἰλούρους ἀποδιδράσκουσα·
-οὐ γάρ τί που ῥᾳδίως ἐκεῖνο τὸ ζῷον
-ἀναρριχᾶται καὶ ἀνέρπει κατὰ τοῦ φοίνικος, ἐκ τῶν
-ἐξοχῶν τῶν ἐπὶ τοῦ πρέμνου πολλάκις ἀντικρουόμενόν
-τε καὶ ἐκβαλλόμενον.
-καὶ ἐκεῖνα δὲ κυνοκεφάλων εἰπεῖν ἐπὶ στόμα
-μοι νῦν ἀφίκετο. εἰ λάβοι κυνοκέφαλος τρωκτὰ σὺν
-τοῖς ὀστράκοις, ʽἀμυγδάλας φημὶ καὶ τὰς τῶν δρυῶν
-βαλάνους καὶ κάρυἀ, ἐκλέπει τε καὶ καθαίρει, καταγνὺς
-πρότερον πάνυ συνετῶς, καὶ οἶδεν ὅτι ἄρα τὸ
-μὲν ἔνδον ἐδώδιμόν ἐστι, τὰ δὲ ἔξω ἐκβάλλειν χρή.
-πίνει δὲ οἴνου, καὶ παραθέντων ἑφθὰ κρέα καὶ ὀπτὰ
-ἐμπίπλαται, καὶ τοῖς μὲν ἡδυσμένοις χαίρει, τοῖς δὲ
-ἀσπουδάστως ἑφθοῖς πάνυ ἄχθεται. φείδεται δὲ καὶ
-ἐσθῆτος ἐνδὺς αὐτήν, καὶ τὰ ἄλλα δρᾷ ὅσα ἀνωτέρω
-εἶπον. θηλῇ δὲ γυναικὸς εἰ προσαγάγοις ἔτι νήπιον,
-σπάσει τοῦ γάλακτος ὡς παιδίον.
-<pb id="p.259"/>
-</p>
-</div2>
-<div2 type="chapter" n="31">
-<p>τὴν δὲ θέρμουθιν ἀσπίδα, ᾗ ὄνομα ἔθεντο Αἰγύπτιοι 
-τοῦτο, ἱερὰν εἶναί φασι, καὶ σέβουσιν αὐτὴν
-οἱ ἐκεῖθι, καὶ τῆς Ἴσιδος τὰ ἀγάλματα ἀναδοῦσι
-ταύτῃ, ὥς τινι διαδήματι βασιλείῳ. λέγουσι δὲ αὐτὴν
-ἐπὶ δηλήσει τῶν ἀνθρώπων καὶ βλάβῃ μὴ φῦναι· 
-ἐκεῖνο δὲ τερατεύονται, φείδεσθαι μὲν αὐτὴν τῶν
-ἀγαθῶν, τοὺς δὲ ἀσεβοῦντας ἀποκτιννύναι. εἰ δὲ
-ταῦθʼ οὕτως ἔχει, τοῦ παντὸς ἂν ἡ Δίκη τιμήσαιτο
-τήνδε τὴν ἀσπίδα, τιμωροῦσαν αὐτῇ καὶ ὁρῶσαν
-ὀξύτατα. οἳ δὲ ἐπιλέγουσιν ὅτι ἡ Ἶσις τοῖς τὰ μέγιστα 
-πλημμελήσασιν ἐπιπέμπει αὐτήν. λέγουσι δὲ αὐτὴν
-Αἰγύπτιοι μόνην ἀσπίδων ἀθάνατον εἶναι, ἑκκαίδεκα
-γένη καὶ διαφορότητας τοῦδε τοῦ ζῴου καταλέγοντες.
-ἔν τε τοῖς ἱεροῖς, ὡς οἱ αὐτοί φασι, καθʼ ἑκάστην
-γωνίαν θαλάμας τινὰς καὶ σηκώδεις ὑποδρομὰς ἐξοικοδομοῦντες 
-εἶτα μέντοι θερμούθεις ἐσῴκιζον, στέαρ
-μόσχειον βορὰν παρατιθέντες ἐκ διαστημάτων.
-</p>
-</div2>
-<div2 type="chapter" n="32">
-<p>Ἄκανθον τὸν ὄρνιν ἐκ τῶν τρεφουσῶν ἀκανθῶν 
-λαβεῖν τὸ ὄνομα οἱ σοφοὶ τὰ ὀρνίθων φασί. φθέγγεται
-δὲ ἄρα ἐμμελὲς καὶ εὔμουσον δεινῶς. λέγει δὲ 
-Ἀριστοτέλης, ἐὰν τοῦδε τοῦ ἀκάνθου καὶ μέντοι καὶ
-τοῦ καλουμένου αἰγίθου τὸ αἷμα ἐς ταὐτὸν ἀγγεῖόν
-τις ἀναμίξῃ καὶ κεράσαι θελήσῃ, τὰ δὲ μὴ συνιέναι
-μηδʼ ἑνοῦσθαι ἐς μίαν κρᾶσιν. ἱερόν τε εἶναι τὸν
-ἄκανθον τῶν δαιμόνων τῶν κατὰ τὴν ὁδὸν πομπευόντων 
-καὶ ἀγόντων τοὺς ἀνθρώπους φασί.
-</p>
-</div2>
-<div2 type="chapter" n="33">
-<p>ὅτι σώφρων ἐστὶν ἡ τρυγὼν καὶ πλὴν τοῦ συννόμου, 
-ὅτῳ καὶ συνῆλθεν ἐξ ἀρχῆς, μὴ ἄν ποτε ὁμιλήσειεν
-ἀσπαζομένη λέχος ὀθνεῖόν τε καὶ ἀλλότριον,
-ἄνω μοι λέλεκται. ἀκούω δὲ τῶν ἀκριβούντων τὴν 
-ὑπὲρ τῶν τοιούτων ἱστορίαν καὶ λευκὰς τρυγόνας
-φανῆναι πολλάκις. λέγουσι δὲ αὐτὰς ἱερὰς εἶναι
-<pb id="p.260"/>
-Ἀφροδίτης τε καὶ Δήμητρος, Μοιρῶν δὲ καὶ Ἐρινύων τὰς ἄλλας.
-</p>
-</div2>
-<div2 type="chapter" n="34">
-<p> ὤφθησάν ποτε καὶ χελιδόνες λευκαί, ὡς Ἀλέξανδρος
-ὁ Μύνδιός φησιν. ἐν δὲ τῇ Ἀλεξάνδρου τοῦ
-Πύρρου παιδὸς σκηνῇ χελιδὼν νεοττεύουσα εἶτα
-μέντοι ἀτελῆ τὴν πρᾶξιν αὐτῷ ἐφʼ ἥνπερ οὖν ὡρμᾶτο
-ὑπεσήμηνεν οὐ πάνυ τι οὖσαν ἀγαθήν. καὶ Ἀντιόχῳ
-δὲ νεοττεύουσα ἐν αὐτοῦ τὰ μέλλοντά οἱ ἀπαντήσεσθαι
-ὑπῃνίξατο· ἀνελθὼν γὰρ ἐς τοὺς Μήδους
-εἶτα μέντοι οὐκ ἐπανῆλθεν ἐς τοὺς Σύρους, ἀλλʼ ἑαυτὸν
-κατά τινος ἔωσε κρημνοῦ. ὥρμητο δὲ ἄρα ἐπὶ
-πρᾶξιν οὐ χρηστὴν καὶ οὗτος. ἡνίκα δὲ ἐξέλιπε τὴν
-ἀκρόπολιν τὸ πρότερον Διονύσιος, συνανήχθησάν
-οἱ καὶ αἱ νεοττεύουσαι χελιδόνες ἐκεῖθι, καὶ ἐμαντεύοντο
-τὴν ἐπάνοδον. τιμᾶται δὲ ἡ χελιδὼν θεοῖς
-μυχίοις καὶ Ἀφροδίτῃ, μυχίᾳ μέντοι καὶ ταύτῃ.
-</p>
-</div2>
-<div2 type="chapter" n="35">
-<p> οἱ πέρδικες ὅταν ἐπῳάζωσι, προβάλλονταί τινας
-θάμνους καὶ δάση ἕτερα ὑπὲρ τοῦ καὶ δρόσους καὶ
-ὄμβρους καὶ πᾶν ὅ τι ἂν ᾖ νοτερὸν ἀποστέγειν
-αὐτῶν. εἰ γὰρ διάβροχά πως γένοιτο, ἐὰν μὴ πάλιν
-ἡ τεκοῦσα ὑποθάλψῃ αὐτὰ ἐπελθοῦσα ταχέως, γίνεται
-ἄγονα. ἀθρόα δὲ καὶ πεντεκαίδεκα ᾠὰ ἀποτίκτει.
-Παφλαγόνων δὲ ἄρα περδίκων διπλῆν ὁρᾶσθαι καρδίαν
-Θεόφραστός πού φησιν. ἄθυρμα δὲ ὁ πέρδιξ
-τῆς Διὸς καὶ Λητοῦς ὥς ἐστιν ἄλλοι λέγουσιν.
-</p>
-</div2>
-<div2 type="chapter" n="36">
-<p> εἶπον μὲν καὶ ἀνωτέρω περὶ τῶν κύκνων, εἰρήσεται
-δὲ ἄρα καὶ νῦν ὅσα οὐ πρότερον εἶπον. Ἀριστοτέλης
-λέγει ἐν τῇ θαλάττῃ τῇ Λιβύων φανῆναί
-ποτε κύκνων ἀγέλην, καὶ ἀκουσθῆναί τι μέλος αὐτῶν
-ὡς ἐκ χοροῦ τινος ὁμοφώνου, πάνυ μὲν ἡδύ, γοερόν
-γε μήν, καὶ οἷον ἐς οἶκτον ἐπικλάσαι τοὺς ἀκούοντας.
-καί τινας ἐπὶ τῷ μέλει φησὶ φανῆναι τεθνεῶτας αὐτῶν.
-<pb id="p.261"/>
-φίλος δὲ ἦν ἄρα ὁ κύκνος πηγαῖς τε καὶ τενάγεσι
-καὶ λίμναις καὶ ταῖς ὅσαι πεφύκασιν ὑδάτων
-σύρροιαί τε καὶ ἀφθονίαι. ἐνταῦθα γοῦν καὶ τὰς
-ἑαυτοῦ μούσας αὐτὸν φιλοσοφεῖν οἱ σοφοὶ τούτων φασί. 
-</p>
-</div2>
-<div2 type="chapter" n="37">
-<p>ἡ γλαῦξ ἐπί τινα σπουδὴν ὡρμημένῳ ἀνδρὶ συνοῦσα 
-καὶ ἐπιστᾶσα οὐκ ἀγαθόν σύμβολόν φασι.
-μαρτύριον δέ, ὁ Ἠπειρώτης Πύρρος νύκτωρ εὐθὺ
-τοῦ Ἄργους ᾔει, καὶ αὐτῷ ἐντυγχάνει ἥδε ἡ ὄρνις
-καθημένῳ μὲν ἐπὶ τοῦ ἵππου, φέροντί γε μὴν τὸ 
-δόρυ ὀρθόν. εἶτα ἐπὶ τούτου ἑαυτὴν ἐκάθισεν, οὐδὲ
-ἀπέστη, δορυφοροῦσα οὐ χρηστὴν τὴν δορυφορίαν
-ἡ ὄρνις ἡ προειρημένη τήνδε. παρῆλθε γοῦν ὁ Πύρρος
-ἐς τὸ Ἄργος, καὶ ἀκλεέστατα ἀνθρώπων ἀπέθανεν.
-ἔνθεν μοι δοκεῖ καὶ Ὅμηρος εἰδὼς καλῶς τῆς 
-ὄρνιθος τὸ οὐδαμῆ εὐσύμβολον ἐρωδιὸν μὲν τὸν ἐκ
-τῶν ποταμῶν ἀνεῖναι τοῖς ἀμφὶ τὸν Διομήδην τὴν
-Ἀθηνᾶν φάναι, ὅτε ἀπῄεσαν κατασκεψόμενοι τὰ τῶν
-Τρώων, μὴ μέντοι τὴν γλαῦκα, εἰ καὶ δοκεῖ φίλη
-εἶναι αὐτῇ. ὅτι δὲ ἡ Ἰλιὰς γῆ ἔνδροσός τε καὶ κατάρρυτός 
-ἐστιν, Ὅμηρος τεκμηριῶσαι ἱκανὸς ἐν τοῖς πρὸ τῆς τειχομαχίας.
-</p>
-</div2>
-<div2 type="chapter" n="38">
-<p>φοβερός ἐστιν τῷ καράβῳ ὁ πολύπους. ἐὰν γοῦν 
-ἁλῶσί ποτε δικτύῳ ἑνί, οἱ κάραβοι τεθνήκασι παραχρῆμα.
-Λουσίας δὲ ποταμὸς ἐν Θουρίοις ὀνομάζεται, 
-ὅσπερ οὖν ἔχει μὲν λευκότατον ὑδάτων αὐτὸς καὶ
-ῥεῖ διειδέστατα, τίκτει δὲ ἰχθῦς μέλανας ἰσχυρῶς.
-</p>
-</div2>
-<div2 type="chapter" n="39">
-<p>ἄμπελον ὁμώνυμον τῷ φυτῷ πάρδαλίν τινα οὕτω 
-καλεῖσθαί φασι φύσεως ἰδίας παρὰ τὰς λοιπὰς μετειληχυῖαν,
-καὶ οὐρὰν οὐκ ἔχειν ἀκούω αὐτήν. ἥπερ 
-οὖν εἰ ὀφθείη γυναιξίν, ἐς νόσον ἐμβάλλει ἀδόκητον αὐτάς.
-<pb id="p.262"/>
-</p>
-</div2>
-<div2 type="chapter" n="40">
-<p> ἐν τῇ Σκυθίᾳ γῇ γίνονται ὄνοι κερασφόροι, καὶ
-στέγει τὰ κέρατα ἐκεῖνα τὸ ὕδωρ τὸ Ἀρκαδικὸν τὸ
-καλούμενον τῆς Στυγός· τὰ δὲ ἄλλα ἀγγεῖα διακόπτει
-πάντα, κἂν ᾖ σιδήρου πεποιημένα. τούτων τοι τῶν
-κεράτων ἓν ὑπὸ Σωπάτρου κομισθῆναί φασιν Ἀλεξάνδρῳ
-τῷ Μακεδόνι, καὶ ἐκεῖνον πυνθάνομαι θαυμάσαντα
-ἐς Δελφοὺς ἀνάθημα ἀναθεῖναι τῷ Πυθίῳ
-τὸ κέρας, καὶ ὑπογράψαι ταῦτα
-<quote rend="blockquote">
-<lb/>σοὶ τόδʼ Ἀλέξανδρος Μακεδὼν κέρας ἄνθετο,  Παιάν,
-<lb/>κάνθωνος Σκυθικοῦ, χρῆμά τι δαιμόνιον,
-<lb/>ὃ Στυγὸς ἀχράντῳ Λουσηίδος οὐκ ἐδαμάσθη
-<lb/>ῥεύματι, βάσταξεν δʼ ὕδατος ἠνορέην.
-</quote>
-Δημήτηρ δὲ ἄρα τὸ ὕδωρ ἀνῆκε τοῦτο πλησίον Φενεοῦ,
-τὴν δὲ αἰτίαν εἶπον ἀλλαχόθι.
-</p>
-</div2>
-<div2 type="chapter" n="41">
-<p> Εὐπόλιδι τῷ τῆς κωμῳδίας ποιητῇ δίδωσι δῶρον
-Αὐγέας ὁ Ἐλευσίνιος σκύλακα ἰδεῖν ὡραῖον, Μολοττὸν
-τὸ γένος, καὶ καλεῖ τοῦτον ὁ Εὔπολις ὁμωνύμως τῷ
-δωρησαμένῳ αὐτόν. κολακευθεὶς οὖν ταῖς τροφαῖς,
-καὶ ἐκ τῆς συνηθείας ὑπαχθεὶς τῆς μακροτέρας,
-ἐφίλει τὸν δεσπότην ὁ Αὐγέας ὁ κύων. καί ποτε
-ὁμόδουλος αὐτῷ νεανίας, ὄνομα Ἐφιάλτης, ὑφαιρεῖται
-δράματά τινα τοῦ Εὐπόλιδος, καὶ οὐκ ἔλαθε κλέπτων,
-ἀλλὰ εἶδεν αὐτὸν ὁ κύων, καὶ ἐμπεσὼν ἀφειδέστατα
-δάκνων ἀπέκτεινεν. χρόνῳ δὲ ὕστερον ἐν
-Αἰγίνῃ τὸν βίον ὁ Εὔπολις κατέστρεψε, καὶ ἐτάφη
-ἐνταῦθα· ὁ δὲ κύων ὠρυόμενός τε καὶ θρηνῶν τὸν
-τῶν κυνῶν θρῆνον, εἶτα μέντοι λύπῃ καὶ λιμῷ ἑαυτὸν
-ἐκτήξας ἀπέθανεν ἐπὶ τῷ τροφεῖ καὶ δεσπότῃ,
-μισήσας τὸν βίον ὁ κύων. καὶ ὅ γε τόπος καλεῖται
-μνήμῃ τοῦ τότε πάθους Κυνὸς Θρῆνος.
-<pb id="p.263"/>
-</p>
-</div2>
-<div2 type="chapter" n="42">
-<p>μύρμηκος εἶδος θανατηφόρου φασὶν εἶναί τι, 
-καὶ λαέρτην ὄνομα ἔχειν τόνδε τὸν μύρμηκα. καὶ
-σφῆκας δέ τινας ἐκάλουν λαέρτας. λέγει ταῦτα Τήλεφος
-ὁ κριτικὸς ὁ ἐκ τοῦ Μυσίου Περγάμου.
-</p>
-</div2>
-<div2 type="chapter" n="43">
-<p>διὰ τοῦ θέρους τοῦ πυρωδεστάτου τὰ τῶν Αἰγυπτίων 
-πεδία ὁ Νεῖλος ἐπικλύσας ὄψιν μὲν αὐτοῖς
-θαλάττης ἡπλωμένης καὶ λείας δίδωσι, καὶ ἁλιεύουσι
-κατὰ τῆς τέως ἀρουμένης Αἰγύπτιοι, καὶ πλέουσι
-σκάφαις ἐς ταύτην τὴν ὥραν καὶ τήνδε τὴν ἐπιδημίαν
-τοῦ ποταμοῦ πεποιημέναις. εἶτα ὃ μὲν ὑπονοστεῖ 
-καὶ ἐς τὰ ἑαυτοῦ μέτρα ὑποστρέφει τὰ ἐκ τῆς
-φύσεως οἱ νενομισμένα, ἰχθῦς δὲ χῆροι τοῦ πατρὸς
-καὶ ἔρημοι τοῦ ἀναπλεύσαντος ὕδατος ὑπολείπονται,
-ἐν ἰλύι παχείᾳ τρεφόμενοι γεωργοῖς δεῖπνον. καὶ
-βιαιότερον μὲν εἰρήσεται, ἄμητος δʼ οὖν ἰχθύων οὗτός ἐστιν Αἰγύπτιος. 
-</p>
-</div2>
-<div2 type="chapter" n="44">
-<p>γένη δὲ ἄρα καὶ τεττίγων οὐκ ὀλίγα ἦν, καὶ 
-αὐτὰ οἱ δεινοὶ ταῦτα εἰδέναι ἀριθμοῦσι, καὶ ὀνόματα
-ᾅδουσιν αὐτῶν. ὁ μὲν γὰρ τεφρὰς ἐκ τῆς χρόας ὀνομάζεται,
-ὁ δὲ ἄρα μέμβραξ ὁπόθεν οὐκ οἶδα, καὶ 
-λακέτας δὲ ἦν ἄρα τέττιγος ὄνομα, καὶ κερκώπην
-ἀκοῇ παρεδεξάμην καὶ ἀχέταν τινὰ καὶ ἀκανθίαν.
-ἐγὼ μὲν οὖν τοσαῦτα τεττίγων ἀκούσας γένη μέμνημαι·
-ὅτῳ δὲ καὶ πλείω τῶν προειρημένων ἐς γνῶσιν
-ἀφίκετο, λεγέτω ἐκεῖνος. 
-</p>
-</div2>
-<div2 type="chapter" n="45">
-<p>καὶ ταῦτα μέντοι κυνῶν προσακήκοα. τὰ σκυλάκια 
-τυφλὰ τίκτεται, καὶ οὐχ ὁρᾷ τῆς μητρῴας ὠδῖνος
-προελθόντα. καὶ τρισκαίδεκα ἡμερῶν τῶν πρώτων
-κατείληπται τῷ πάθει τῷδε, ὅσων καὶ ἡ σελήνη οὐ
-φαίνει νύκτωρ, εἶτα μέντοι ζῴων ὀξυωπέστατος γίνεται 
-ὁ κύων. τιμῶσι δὲ αὐτὸν Αἰγύπτιοι, καὶ νομόν
-τινα ἐκάλεσαν ἐξ αὐτοῦ, καὶ τῆς γε τιμῆς διπλῆν
-<pb id="p.264"/>
-εἶναι τὴν αἰτίαν φασί, τὴν μὲν λέγουσαν ὅτι ἄρα τῆς
-Ἴσιδος ζητούσης πανταχόσε τὸν Ὄσιριν κύνες προηγούμενοι
-τὰ μὲν ἐπειρῶντο συνανιχνεύειν αὐτῇ τὸν
-παῖδα, τὰ δὲ ἀναστέλλειν τὰ θηρία· ἡ δὲ ἑτέρα, ὅτι
-ἄρα ἤδη μὲν ἀνατέλλει τὸ ἄστρον ὁ κύων, ὃν Ὠρίωνος
-ἡ φήμη γενέσθαι λέγει, συνανίσχει δὲ αὐτῷ τρόπον
-τινὰ καὶ ὁ Νεῖλος ἐπιὼν ἐς τὴν ἀρδείαν τῆς γῆς τῆς
-Αἰγυπτίας, καὶ ἀναχεῖται περὶ τὰς ἀρούρας. ὡς οὖν
-ἄγοντα τόδε τὸ γόνιμον ὕδωρ καὶ παρακαλοῦντα τιμῶσιν
-Αἰγύπτιοι.
-</p>
-</div2>
-<div2 type="chapter" n="46">
-<p> ὀξύρυγχος οὕτως ἰχθὺς κέκληται, καὶ ἔοικεν ἐκ
-τοῦ προσώπου λαβεῖν τὸ ὄνομα καὶ τοῦ σχήματος τοῦ
-κατʼ αὐτό. τρέφει δὲ ἄρα τὸν προειρημένον ὁ Νεῖλος,
-καὶ μέντοι καὶ ἐξ αὐτοῦ κέκληται νομὸς ἔνθα
-δήπου καὶ τιμὰς ὁ ἰχθὺς ἔχει ὁ αὐτός. ἀγκίστρῳ δὲ
-θηραθέντα ἰχθὺν οὐκ ἄν ποτε φάγοιεν οἵδε οἱ ἄνδρες,
-δεδιότες μή ποτε ἄρα αὐτῷ περιπαρεὶς ἔτυχεν ὁ παρὰ
-σφίσιν ἱερὸς καὶ θαυμαστὸς ἰχθὺς ὃν εἶπον. ἐὰν δὲ
-καὶ δικτύοις ἁλῶσί ποτε ἰχθύες, ἀνιχνεύουσι ταῦτα,
-μὴ παραλαθὼν ἐνέπεσεν ἐκεῖνος, καὶ προτιμῶσιν
-ἀθηρίαν ἢ ἁλόντος ἐκείνου τὴν μάλιστα εὐθηρίαν.
-λέγουσι δὲ αὐτὸν οἱ περίχωροι ἐκ τῶν Ὀσίριδος τραυμάτων
-γεγονέναι· νοοῦσι δὲ τὸν Ὄσιριν ἄρα τὸν αὐτὸν
-τῷ Νείλῳ εἶναι.
-</p>
-</div2>
-<div2 type="chapter" n="47">
-<p> ὁ δὲ ἰχνεύμων ὁ αὐτὸς ἄρα καὶ ἄρρην καὶ θῆλυς
-ἦν, μετειληχὼς καὶ τῆσδε τῆς φύσεως καὶ τῆσδε, καὶ
-σπείρειν τε καὶ τίκτειν τῷ αὐτῷ ἡ φύσις δέδωκεν.
-ἀποκρίνονται δὲ ἐς τὸ ἀτιμότερον γένος οἱ ἡττηθέντες
-μετὰ τὴν μάχην· οἱ γὰρ κρατήσαντες ἀναβαίνουσι
-τοὺς ἡττημένους καὶ ἐς αὐτοὺς σπείρουσιν. οἳ δὲ
-ἆθλον τῆς ἥττης φέρονται ὠδῖνάς τε ὑπομεῖναι καὶ
-ἀντὶ πατέρων γενέσθαι μητέρες. τοῖς γε μὴν πολεμιωτάτοις
-<pb id="p.265"/>
-ἀνθρώπῳ ζῴοις, ἀσπίδι καὶ κροκοδείλῳ,
-ἔχθιστον ὁ ἰχνεύμων, καὶ τόν γε πόλεμον αὐτῶν
-ἀνωτέρω εἶπον. λέγονται δὲ οἱ ἰχνεύμονες ἱεροὶ
-εἶναι Λητοῦς καὶ Εἰλειθυιῶν· σέβουσι δὲ αὐτοὺς
-Ἡρακλεοπολῖται, ὥς φασιν. 
-</p>
-</div2>
-<div2 type="chapter" n="48">
-<p>Λυκάονι τῷ βασιλεῖ τῆς Ἠμαθίας γίνεται παῖς, 
-ὄνομα Μακεδών, ἐξ οὗ καὶ ἡ χώρα κέκληται μετὰ
-ταῦτα τὸ ἀρχαῖον ὄνομα οὐκέτι φυλάξασα. τούτῳ δὲ
-ἄρα παῖς ἀνδρεῖος ἦν καὶ κάλλει διαπρεπής, Πίνδος
-ὄνομα· ἦσαν δέ οἱ καὶ ἄλλοι παῖδες, ἀνόητοι δὲ 
-οὗτοι τὴν ψυχὴν καὶ τὸ σῶμα οὐ ῥωμαλέοι, οἵπερ
-οὖν χρόνῳ ὕστερον βασκήναντες τἀδελφῷ τῆς τε
-ἀρετῆς καὶ τῆς ἄλλης εὐδαιμονίας ἐκεῖνον μὲν διέφθειραν,
-ἑαυτοὺς δὲ ἐπαπώλεσαν διδόντες δίκην
-κατὰ τὴν Δίκην. αἰσθόμενος γὰρ ὅδε ὁ Πίνδος τὴν 
-ἐκ τῶν ἀδελφῶν ἐς ἑαυτὸν ἐπιβουλήν, τὴν πατρῴαν
-ἀρχὴν ἀπέλιπεν, ᾤκει δὲ ἐν χώρῳ, καὶ ἦν τῇ τε ἄλλῃ
-ῥωμαλέος, καὶ οὖν καὶ κυνηγετικὸς ἦν. καί ποτε
-ἐθήρα νεβρούς. καὶ οἳ μὲν ἔθεον ᾗ ποδῶν εἶχον,
-ὃ δὲ μεταδιώκων εἶτα μέντοι τὸν ἵππον ἀνὰ κράτος 
-ἤλαυνε, καὶ τῶν μὲν συνθηρατῶν ἀποσπᾷ πολύ, οἱ
-νεβροὶ δὲ ἐς φάραγγα κοίλην τε καὶ βαθυτάτην
-ἐσδύντες καὶ ἑαυτοὺς σώσαντες ἀπὸ τῆς ὄψεως τοῦ
-διώκοντος ἠφανίσθησαν. οὐκοῦν ἀποπηδήσας τοῦ
-ἵππου ὁ Πίνδος ἐκεῖνον μὲν τοῦ ῥυμοῦ πρός τι τῶν 
-παρεστώτων ἐξῆψε δένδρων, αὐτὸς δὲ οἷος ἦν τὴν
-φάραγγα διερευνᾶν καὶ μαστεύειν τοὺς προειρημένους.
-εἶτα ἀκούει φωνῆς, καὶ ἔλεγεν αὕτη ʽτῶν νεβρῶν
-μὴ ἅψαἰ. οὐκοῦν ἐπεὶ πολλὰ περιβλέψας οὐδὲν
-ἐθεάσατο, ἔδεισε τὸ φώνημα ὡς ἔκ τινος αἰτίας κρείττονος 
-προσπεσόν. καὶ τότε μὲν ᾤχετο ἀπιὼν καὶ τὸν
-ἵππον ἀπάγων, τῇ δὲ ὑστεραίᾳ μόνος ἀφικνεῖται,
-<pb id="p.266"/>
-καὶ πάρεισι μὲν ἐς τὴν φάραγγα οὐδαμῶς μνήμῃ τε
-τῆς φωνῆς τῆς προσπεσούσης αὐτοῦ ταῖς ἀκοαῖς καὶ
-δέει. στρέφοντι δʼ ἐν ἑαυτῷ βουλὴν καὶ διαποροῦντι
-τίς ἦν ἄρα ὁ τῇ προτεραίᾳ ἀναστείλας αὐτὸν τῆς ἐπὶ
-τὴν ἄγραν ὁρμῆς, καὶ περιβλέποντι οἷα εἰκὸς ἢ νομέας
-ὀρείους ἢ θηρατὰς ἑτέρους, μέγα τι χρῆμα ὁρᾶται
-δράκων τὸ μὲν πλεῖστον τοῦ σώματος ἐπισύρων,
-ὀλίγην δὲ ἀνατείνας ὡς πρὸς αὐτὸ τὴν δέρην ʽκαὶ
-ἦν ἡ δέρη σὺν τῇ κεφαλῇ ὑπὲρ τέλειον ἄνδρα τὸ
-μέγεθοσʼ, εἶτα ὀφθεὶς ἐξέπληξεν. οὐ μὴν ἐς φυγὴν
-ὁ Πίνδος ἐξώρμησεν, ἀλλʼ ἀθροίσας ἑαυτὸν σοφίᾳ
-περιέρχεται τὸν θῆρα· τῶν γὰρ ὀρνίθων ὧν θηράσας
-ἔτυχε προσήγαγε, καὶ προύτεινέν οἱ ξένια ταῦτα καὶ
-ἑαυτοῦ ζωάγρια. ὁ δέ, οἷα δήπου τοῖς δώροις μειλιχθεὶς
-καὶ καταγοητευθεὶς ὡς ἂν εἴποις, ᾤχετο
-ἀπιών. ταῦτα τὸν νεανίαν ἧσε, καὶ τὸ ἐντεῦθεν
-ἀπέφερε τῷ δράκοντι μισθὸν σωτηρίας, ὡς ἄνθρωπος
-ἀγαθός, ὧν εἶχε θηραμάτων ἀπαρχὰς κεχαρισμένας
-ἢ τῆς ἄγρας τῆς ὀρείου ἢ τῆς πτηνῆς. καὶ τῷ μὲν
-τὰ τῆς προειρημένης δωροφορίας ἐνεργότατα ἦν,
-ὑπήρχετο δὲ καὶ τὰ ἐκ τοῦ δαίμονος εὐθενεῖσθαι τῷ
-Πίνδῳ, καὶ ὁσημέραι χωρεῖν ἐς τὸ σοβαρώτερον· θηρῶντι
-γὰρ ἀπήντων εὐθηρίαι, ὅσαι τε τῶν ἐν ταῖς
-ὕλαις ζῴων, τῶν τε ὀρνίθων ὅσαι. ἦν οὖν αὐτῷ καὶ
-περιβολή, καὶ διεῖρπε μέντοι καὶ κλέος ὡς ὁμόσε τοῖς
-θηρίοις ἰόντος καὶ ἀτρέπτως αἱροῦντος αὐτά· ἦν δὲ
-καὶ ἰδεῖν μέγας καὶ οἷος ἐκπλῆξαι τῷ τε ὄγκῳ τοῦ
-σώματος καὶ τῇ εὐεξίᾳ προσέτι, τῇ δὲ ὥρᾳ τὸ θῆλυ
-πᾶν ἀναφλέγων καὶ ἐς ἑαυτὸν ἐξάπτων ἦν δῆλος.
-καὶ ἐφοίτων ἐπὶ θύρας τὰς ἐκείνου οἷα δήπου βεβακχευμέναι
-ὅσον μὲν τῶν γυναικῶν ἦν χῆρον, αἵ γε
-μὴν συνοικοῦσαι τοῖς γεγαμηκόσι φρουρούμεναι μὲν
-<pb id="p.267"/>
-τῷ νόμῳ, τῷ κλέει δὲ τοῦ κάλλους τοῦ κατὰ τὸν Πίνδον
-δεδουλωμέναι προυτίμων συνοικεῖν ἐκείνῳ ἢ
-θεαὶ γεγονέναι. καὶ ἐτεθήπεσάν γε αὐτὸν οἱ πολλοὶ
-τῶν ἀνδρῶν καὶ ἐφίλουν, ἐχθροὶ δὲ οἱ ἀδελφοὶ μόνοι
-ἦσαν. καί ποτε θηρῶντα ἐλλοχῶσι μόνον, καὶ ποταμοῦ 
-γε ἦν ἡ θήρα πλησίον, εἶτα ἐρήμῳ συμμάχων
-οἱ τρεῖς ἐπιστάντες ἔπαιον τοῖς ξίφεσιν αὐτόν, ὃ δὲ
-ἐβόα. ἀκούει ταῦτα ὁ ἑταῖρος αὐτοῦ δράκων· ὀξυήκοον
-δὲ καὶ ὀξυωπέστατον τὸ ζῷόν ἐστιν. οὐκοῦν
-πρόεισι τῆς ἑαυτοῦ κοίτης, καὶ τοῖς ἀνοσίοις περιπλακεὶς 
-ἀπέκτεινεν αὐτοὺς ἐς πνῖγμα ἄγχων· αὐτὸς
-δὲ οὐ κατέλυσε τὴν φυλακήν, ἔστε οἱ προσήκοντες
-τῷ νεανίᾳ ποθοῦντες αὐτὸν ἀφίκοντο, καὶ
-ἐνέτυχον κειμένῳ. καὶ ὠλοφύροντο μέν, προσελθεῖν
-δὲ ἐπὶ κηδεύσει τοῦ νεκροῦ οὐκ ἐτόλμων δέει τοῦ 
-φρουροῦ. ὃ δὲ συνεὶς φύσει τινὶ ἀπορρήτῳ ὅτι ἀναστέλλει
-αὐτούς, ᾤχετο ἀπιὼν κατὰ πολλὴν τὴν σχολήν,
-ἀπολιπὼν ἐκεῖνον τῆς τελευταίας ἐκ τῶν προσηκόντων
-χάριτος τυχεῖν. οὐκοῦν καὶ ἐτάφη μεγαλοπρεπῶς
-καὶ ὁ γείτων τῷ φόνῳ ποταμὸς ἐκλήθη Πίνδος 
-ἐκ τοῦ νεκροῦ καὶ τοῦ κατʼ αὐτὸν τάφου. ἴδιον μὲν
-δὴ τῶν ζῴων ἐκτίνειν χάριτας τοῖς εὐεργέταις, ᾗπερ
-οὖν καὶ ἄνω λέλεκται, καὶ νῦν δὲ οὐχ ἥκιστα.
-</p>
-</div2>
-<div2 type="chapter" n="49">
-<p>ἰδίᾳ δὲ καὶ ἐν τῇ Κλάρῳ τὸν Διὸς καὶ Λητοῦς 
-τιμῶσιν οἱ Κλάριοι καὶ πᾶν τὸ Ἑλληνικόν. οὐκοῦν 
-ὁ ἐνταῦθα χῶρος τοῖς ἰοβόλοις θηρίοις ἀστιβής τε
-ἅμα καὶ ἔχθιστός ἐστι, τοῦτο μὲν καὶ τῇ τοῦ δαίμονος
-βουλῇ, πάντως δὲ καὶ πεφρικότων τῶν θηρίων
-αὐτὸν ἅτε καὶ αὐτὸν σώζειν εἰδότα καὶ μέντοι καὶ τὸν
-σωτῆρα καὶ νόσων ἀντίπαλον Ἀσκληπιὸν φύσαντα. 
-ἀλλὰ καὶ Νίκανδρος οἷς λέγω μάρτυς. λέγει δὲ Νίκανδρος
-<pb id="p.268"/>
-<quote rend="blockquote">
-<lb/>οὐκ ἔχις οὐδὲ φάλαγγες ἀπεχθέες οὐδὲ βαθυπλὴξ
-<lb/>ἄλσεσιν ἐνδιάει σκορπίος ἐν Κλαρίοις,
-<lb/>Φοῖβος ἐπεί ῥʼ αὐλῶνα βαθὺν μελίῃσι καλύψας
-<lb/>ποιηρὸν δάπεδον θῆκεν ἑκὰς δακέτων.
-</quote>
-</p>
-</div2>
-<div2 type="chapter" n="50">
-<p> ἀκούω λεγόντων ἐν Ἔρυκι, ἔνθα δήπου καὶ ὁ
-τῆς Ἀφροδίτης ὑμνούμενος νεώς ἐστιν, οὗπερ οὖν καὶ
-ἀνωτέρω μνήμην ἐποιησάμην τῶν ἐκεῖθι περιστερῶν
-εἰπὼν τὰ ἴδια, εἶναι μὲν καὶ χρυσὸν πολὺν καὶ ἄργυρον
-πάμπλειστον καὶ ὅρμους καὶ δακτυλίους μέγα
-τιμίους, ἄσυλα δὲ εἶναι καὶ ἄψαυστα ταῦτα τῷ τῆς
-θεοῦ δέει, καὶ ἀεὶ τοὺς ἄνω τοῦ χρόνου διʼ αἰδοῦς
-ἄγειν θαυμαστῆς καὶ τὴν δαίμονα τὴν προειρημένην
-καὶ τὰ κειμήλια ἐκείνης. Ἀμίλκαν δὲ πυνθάνομαι
-τὸν Λίβυν συλήσαντα αὐτὰ καὶ ἐργασάμενον χρυσίον
-καὶ ἀργύριον εἶτα μέντοι διανεῖμαι τῇ στρατιᾷ πονηρὰν
-νομήν, καὶ ὑπὲρ τούτων αὐτὸν ἀλγεινότατα καὶ
-βαρύτατα αἰκισθέντα ἅμα καὶ κολασθέντα κρεμασθῆναι,
-πᾶν δὲ ὅσον αὐτῷ τῆς πράξεως καὶ τῆς ἐκδίκου
-θεοσυλίας ἐγένετο μέτοχον βιαίοις τε καὶ δεινοῖς χρήσασθαι
-θανάτοις, ἥ τε πατρὶς αὐτοῦ εὐδαιμονιζομένη
-τέως καὶ ζηλωτὴ δοκοῦσα ἐν ὀλίγαις τῶν ἱερῶν χρημάτων
-ἐσκομισθέντων ἣ δὲ δούλη ἦν. καὶ ταῦτα μὲν
-πρὸς τὴν παροῦσάν μοι χρείαν σεμνὰ ὄντα ὅμως οὐχ ὁρᾷ
-πω, τὸ δὲ τοῖς λόγοις τοῖσδε συμμελὲς τοῦτο εἰρήσεται.
-ἀνὰ πᾶν ἔτος καὶ ἡμέραν πᾶσαν θύουσι τῇ θεῷ καὶ
-οἱ ἐπιχώριοι καὶ οἱ ξένοι. καὶ ὁ μὲν βωμὸς ὑπὸ τῷ
-οὐρανῷ ὁ μέγιστός ἐστι, πολλῶν δὲ ἐπʼ αὐτοῦ καθαγιζομένων
-θυμάτων ὃ δὲ πανημέριος καὶ ἐς νύκτα
-ἐξάπτεται. ἕως δὲ ὑπολάμπει, καὶ ἐκεῖνος οὐκ ἀνθρακιάν,
-οὐ σποδόν, οὐχ ἡμικαύτων τρύφη δαλῶν
-ὑποφαίνει, δρόσου δὲ ἀνάπλεώς ἐστι καὶ πόας νεαρᾶς,
-ἥπερ οὖν ἀναφύεται ὅσαι νύκτες. τά γε μὴν ἱερεῖα
-<pb id="p.269"/>
-ἑκάστης ἀγέλης αὐτόματα φοιτᾷ καὶ τῷ βωμῷ παρέστηκεν,
-ἄγει δὲ ἄρα αὐτὰ πρώτη μὲν ἡ θεός, εἶτα
-ἡ δύναμίς τε καὶ ἡ τοῦ θύοντος βούλησις. εἰ γοῦν
-ἐθέλοις θῦσαι οἶν, ἰδού σοι τῷ βωμῷ παρέστηκεν
-οἶς, καὶ δεῖ χέρνιβα κατάρξασθαι· εἰ δὲ εἴης τῶν 
-ἁδροτέρων καὶ ἐθέλοις θῦσαι βοῦν θήλειαν ἢ καὶ ἔτι
-πλείους, εἶτα ὑπὲρ τῆς τιμῆς οὔτε σὲ ὁ νομεὺς ἐπιτιμῶν
-ζημιώσει οὔτε σὺ λυπήσεις ἐκεῖνον· τὸ γὰρ
-δίκαιον τῆς πράσεως ἡ θεὸς ἐφορᾷ. καὶ εὖ καταθεὶς
-ἵλεων ἕξεις αὐτήν· εἰ δὲ ἐθέλοις τοῦ δέοντος πρίασθαι 
-εὐτελέστερον, σὺ μὲν κατέθηκας τὸ ἀργύριον
-ἄλλως, τὸ δὲ ζῷον ἀπέρχεται, καὶ θῦσαι οὐκ ἔχεις.
-ἴδιον μὲν δὴ Ἐρυκίνων ζῴων εἰρήσθω καὶ τοῦτο
-ἡμῖν ἐπὶ τοῖς ἄνω.</p>
-</div2>
-</div1>
-<div1 type="book" n="11">
-<div2 type="chapter" n="1">
-<p>
-ἀνθρώπων Ὑπεβορέων γένος καὶ τιμὰς Ἀπόλλωνος 
-τὰς ἐκεῖθι ᾅδουσι μὲν ποιηταί, ὑμνοῦσι δὲ καὶ
-συγγραφεῖς, ἐν δὲ τοῖς καὶ Ἑκαταῖος, οὐχ ὁ Μιλήσιος,
-ἀλλʼ ὁ Ἀβδηρίτης. ἃ δὲ λέγει πολλά τε καὶ σεμνὰ
-ἕτερα, οὔ μοι νῦν ἡ χρεία παρακαλεῖν δοκεῖ αὐτά,
-καὶ οὖν καὶ ἐς ἄλλον ὑπερθήσομαι χρόνον ἕκαστα 
-εἰπεῖν, ἡνίκα ἐμοί τε ἥδιον καὶ τοῖς ἀκούουσι λῷον
-ἔσται· ἃ δὲ με μόνα ἥδε ἡ συγγραφὴ παρακαλεῖ
-ἔστι ταῦτα. ἱερεῖς εἰσι τῷδε τῷ δαίμονι Βορέου καὶ
-Χιόνης υἱεῖς, τρεῖς τὸν ἀριθμόν, ἀδελφοὶ τὴν φύσιν,
-ἑξαπήχεις τὸ μῆκος. ὅταν οὖν οὗτοι τὴν νενομισμένην 
-ἱερουργίαν κατὰ τὸν συνήθη καιρὸν τῷ προειρημένῳ
-ἐπιτελῶσιν, ἐκ τῶν Ῥιπαίων οὕτω καλουμένων
-<pb id="p.270"/>
-παρʼ αὐτοῖς ὀρῶν καταπέτεται κύκνων ἄμαχα
-τῷ πλήθει νέφη, καὶ περιελθόντες τὸν νεὼν καὶ
-οἱονεὶ καθήραντες αὐτὸν τῇ πτήσει, εἶτα μέντοι κατίασιν
-ἐς τὸν τοῦ νεὼ περίβολον, μέγιστόν τε τὸ
-μέγεθος καὶ τὸ κάλλος ὡραιότατον ὄντα. ὅταν οὖν
-οἵ τε ᾠδοὶ τῇ σφετέρᾳ μούσῃ τῷ θεῷ προσᾴδωσι καὶ
-μέντοι καὶ οἱ κιθαρισταὶ συγκρέκωσι τῷ χορῷ παναρμόνιον
-μέλος, ἐνταῦθά τοι καὶ οἱ κύκνοι συναναμέλπουσιν
-ὁμορροθοῦντες καὶ οὐδαμῶς οὐδαμῆ ἀπηχὲς
-καὶ ἀπῳδὸν ἐκεῖνοι μελῳδοῦντες, ἀλλὰ ὥσπερ οὖν
-ἐκ τοῦ χορολέκτου τὸ ἐνδόσιμον λαβόντες καὶ τοῖς
-σοφισταῖς τῶν ἱερῶν μελῶν τοῖς ἐπιχωρίοις συνᾴσαντες.
-εἶτα τοῦ ὕμνου τελεσθέντος οἳ δὲ ἀναχωροῦσι
-τῇ πρὸς τὸν δαίμονα τιμῇ τὰ εἰθισμένα λατρεύσαντες
-καὶ τὸν θεὸν ἀνὰ πᾶσαν τὴν ἡμέραν οἱ προειρημένοι
-ὡς εἰπεῖν χορευταὶ πτηνοὶ μέλψαντές τε ἅμα καὶ ᾅσαντες.
-</p>
-</div2>
-<div2 type="chapter" n="2">
-<p> θύουσι δὲ καὶ ἄλλως οἱ Ἠπειρῶται τῷ Ἀπόλλωνι
-καὶ αὐτοὶ καὶ πᾶν ὅσον τῶν ξένων ἐπίδημόν
-ἐστι, καὶ τούτῳ δὴ τὴν μεγίστην ἑορτὴν ἄγουσι
-μιᾶς ἡμέρας τοῦ ἔτους σεμνήν τε καὶ μεγαλοπρεπῆ.
-ἔστι δὲ ἄνετον τῷ θεῷ ἄλσος, καὶ ἔχει κύκλῳ περίβολον,
-καὶ ἔνδον εἰσὶ δράκοντες, καὶ τοῦ θεοῦ ἄθυρμα
-οὗτοί γε. ἡ τοίνυν ἱέρεια, γυνὴ παρθένος, πάρεισι
-μόνη, καὶ τροφὴν τοῖς δράκουσι κομίζει. λέγονται
-δὲ ἄρα ὑπὸ τῶν Ἠπειρωτῶν ἔκγονοι τοῦ ἐν Δελφοῖς
-Πυθῶνος εἶναι. ἐὰν μὲν οὖν οὗτοι παρελθοῦσαν
-τὴν ἱέρειαν προσηνῶς θεάσωνται καὶ τὰς τροφὰς
-προθύμως λάβωσιν, εὐθένειάν τε ὑποδηλοῦν ὁμολογοῦνται
-καὶ ἔτος ἄνοσον· ἐὰν δὲ ἐκπλήξωσι μὲν αὐτήν,
-μὴ λάβωσι δὲ ὅσα ὀρέγει μειλίγματα, τἀναντία τῶν
-προειρημένων οἳ μὲν μαντεύονται, οἳ δὲ ἐλπίζουσιν.
-<pb id="p.271"/>
-</p>
-</div2>
-<div2 type="chapter" n="3">
-<p>ἐν Αἴτνῃ δὲ ἄρα τῇ Σικελικῇ Ἡφαίστου τιμᾶται 
-νεώς, καὶ ἔστι περίβολος καὶ δένδρα ἱερὰ καὶ πῦρ
-ἄσβεστόν τε καὶ ἀκοίμητον. εἰσὶ δὲ κύνες περί τε
-τὸν νεὼν καὶ τὸ ἄλσος ἱεροί, καὶ τοὺς μὲν σωφρόνως
-καὶ ὡς πρέπει τε ἅμα καὶ χρὴ παριόντας ἐς τὸν νεὼν 
-καὶ τὸ ἄλσος οἳ δὲ σαίνουσι καὶ αἰκάλλουσιν, οἷα φιλοφρονούμενοί
-τε καὶ γνωρίζοντες δήπου· ἐὰν δέ τις
-ᾖ τὰς χεῖρας ἐναγής, τοῦτον μὲν καὶ δάκνουσι καὶ
-ἀμύσσουσι, τοὺς δὲ ἄλλως ἔκ τινος ὁμιλίας ἥκοντας
-ἀκολάστου μόνον διώκουσιν. 
-</p>
-</div2>
-<div2 type="chapter" n="4">
-<p>τὴν Δήμητρα Ἑρμιονεῖς σέβουσι, καὶ θύουσιν 
-αὐτῇ μεγαλοπρεπῶς τε καὶ σοβαρῶς, καὶ τὴν ἑορτὴν
-Χθόνια καλοῦσι. μεγίστας γοῦν ἀκούω βοῦς ὑπὸ
-τῆς ἱερείας τῆς Δήμητρος ἄγεσθαί τε πρὸς τὸν βωμὸν
-ἐκ τῆς ἀγέλης καὶ θύειν ἑαυτὰς παρέχειν. καὶ 
-οἷς λέγω μάρτυς Ἀριστοκλῆς, ὅς πού φησι
-<quote rend="blockquote">
-<lb/>Δάματερ πολύκαρπε, σὺ κἠν Σικελοῖσιν ἐναργὴς
-<lb/>καὶ παρʼ Ἐρεχθείδαις. ἓν δέ τι τοῦτο μέγα
-<lb/>κρίνετʼ ἐν Ἑρμιονεῦσι· τὸν ἐξ ἀγέλης γὰρ ἀφειδῆ
-<lb/>ταῦρον, ὃν οὐ χειροῦντʼ ἀνέρες οὐδὲ δέκα, 
-<lb/>τοῦτον γραῦς στείχουσα μόνα μόνον οὔατος ἕλκει
-<lb/>τόνδʼ ἐπὶ βωμόν, ὃ δʼ ὡς ματέρι παῖς ἕπεται.
-<lb/>σὸν τόδε, Δάματερ, σὸν τὸ σθένος· ἵλαος εἴης,
-<lb/>καὶ πάντως θάλλοι κλᾶρος ἐν Ἑρμιόνῃ.
-</quote>
-</p>
-</div2>
-<div2 type="chapter" n="5">
-<p>ἐν τῇ γῇ τῇ Δαυνίᾳ νεὼν μὲν εἶναι τῆς Ἀθηνᾶς 
-τῆς Ἰλιάδος ᾅδουσι· τοὺς δὲ ἐνταυθοῖ κύνας τρεφομένους
-ὑμνοῦσι τῶν μὲν Ἑλλήνων τοὺς ἀφικνουμένους
-σαίνειν, ὑλακτεῖν δὲ τοὺς βαρβάρους.
-</p>
-</div2>
-<div2 type="chapter" n="6">
-<p>ἐν Ἀρκαδίᾳ δὲ χώρᾳ ἐστὶν ἱερὸν Πανός· αὐλὴ 
-τῷ χώρῳ τὸ ὄνομα. οὐκοῦν ὅσα ἂν ἐνταυθοῖ τῶν 
-ζῴων καταφύγῃ ὥσπερ οὐν ἱκέτας ὁ θεὸς διʼ αἰδοῦς
-ἄγων εἶτα μέντοι σώζει τὴν μεγίστην σωτηρίαν αὐτά·
-<pb id="p.272"/>
-οἱ γάρ τοι λύκοι οἱ διώκοντες παρελθεῖν ἔσω
-πεφρίκασι καὶ ἀναστέλλονται μόνον θεασάμενοι οἷ
-κατέφυγεν. ἴδια δὴ καὶ τούτων τῶν ζῴων ἔοικε πρὸς
-σωτηρίαν ἀγαθά.
-</p>
-</div2>
-<div2 type="chapter" n="7">
-<p> ἐν Κουριάδι αἱ ἔλαφοι ʽπλῆθος δὲ ἄρα τούτων
-τῶν θηρίων ἐνταῦθά ἐστι, καὶ πολλοὶ θηραταὶ περὶ
-τὴν ἄγραν αὐτῶν ἠνέμωνταἰ ὅταν καταφύγωσιν ἐς
-τὸ τοῦ Ἀπόλλωνος ἱερὸν τὸ ἐνταυθοῖ ʽἔστι δὲ ἄλσος
-μέγιστονʼ, ὑλακτοῦσι μὲν οἱ κύνες, πλησίον δὲ ἐλθεῖν
-οὐχ ὑπομένουσιν· αἳ δὲ συστᾶσαι νέμονται ἄτρεπτον
-καὶ ἀδεᾶ τὴν νομήν, ἀπορρήτῳ τινὶ φύσει τὴν ὑπὲρ
-ἑαυτῶν σωτηρίαν τῷ θεῷ πιστεύουσαι αἱ ἔλαφοι.
-</p>
-</div2>
-<div2 type="chapter" n="8">
-<p> ἄνω που λέλεκταί μοι τὰς μυίας τὰς ἐν Ὀλυμπίᾳ
-τῇ τῆς πανηγύρεως ἐπιδημίᾳ ἑκούσας ἀφίστασθαι
-καὶ ὡς ἂν εἴποι τις μετὰ τῶν γυναικῶν ἐπὶ τὴν ἀντιπέρας
-ὄχθην τοῦ Ἀλφειοῦ ἀπιέναι. ἐν δὲ τῇ Λευκάδι
-ἄκρα μέν ἐστιν ὑψηλή, νεὼς δὲ Ἀπόλλωνι ἵδρυται,
-καὶ Ἄκτιόν γε αὐτὸν οἱ τιμῶντες ὀνομάζουσιν.
-οὐκοῦν τῆς πανηγύρεως ἐπιδημεῖν μελλούσης, καθʼ
-ἣν καὶ τὸ πήδημα πηδῶσι τῷ θεῷ, θύουσι βοῦν ταῖς
-μυίαις, αἳ δὲ ἐμπλησθεῖσαι τοῦ αἵματος ἀφανίζονται.
-δεκασθεῖσαι μὲν οὖν ἀπαλλάττονται αὗται, αἱ δὲ
-Πισαῖαι ἀδέκαστοι. κρείττους ἄρα ἐκεῖναι, αἰδοῖ τοῦ
-θεοῦ, ἀλλὰ μὴ μισθοῦ τὰ δέοντα πράττουσαι.
-</p>
-</div2>
-<div2 type="chapter" n="9">
-<p> Ἴκαρός ἐστι νῆσος, καὶ τῇ γε Ἐρυθρᾷ θαλάττῃ
-ἔγκειται. ἐνταῦθα τοίνυν νεώς ἐστιν Ἀρτέμιδος, καὶ
-πλήθη αἰγῶν τε ἀγρίων καὶ δορκάδων εὖ μάλα εὐτραφῶν
-καὶ λαγῶν μέντοι. τούτων οὖν ἐάν τις αἰτήσας
-λαβεῖν παρὰ τῆς θεοῦ εἶτα ἐπιχειρήσῃ θηρᾶν
-ὅσα ἂν ἔχῃ καλῶς, οὐ διαμαρτάνει τῆς σπουδῆς, ἀλλὰ
-καὶ λαμβάνει καὶ τῷ δώρῳ χαίρει· ἐὰν δὲ μὴ αἰτήσῃ,
-οὔτε αἱρεῖ καὶ δίδωσι δίκας, ἃς ἄλλοι λέγουσιν.
-<pb id="p.273"/>
-</p>
-</div2>
-<div2 type="chapter" n="10">
-<p>εἶτα κύκνων μὲν τῶν Ῥιπαίων τῶν ἐν τοῖς Ὑπερβορέοις, 
-ἐπεὶ λατρεύουσι τῷ Διὸς καὶ Λητοῦς ὁσημέραι
-φιλοπόνως, ἐποιησάμην μνήμην, ταύρου δὲ
-ἱεροῦ, ὅνπερ οὖν ἐκθεοῦσιν Αἰγύπτιοι, οὐκ ἐροῦμεν
-τὰ ἴδια; καὶ πῶς ἡμᾶς οὐκ ἂν μέμψαιτο καὶ ἡ συγγραφὴ 
-καὶ ἡ φύσις, ἧς καὶ τοῦτο ἔργον τε καὶ δῶρον;
-ἀλλὰ μήσιός γε οὐδὲ ταύτῃ ῥᾴθυμον, καὶ εἰκότως
-εἰρήσεται καὶ ἡ θεολογία ἥδε. θεὸς Αἰγυπτίοις
-ἐναργέστατος ὁ Ἆπις εἶναι πιστεύεται. γίνεται δὲ
-ἐκ βοός, ἐς ἣν οὐράνιον σέλας ἐμπεσὸν σπορᾶς αἴτιόν 
-ἐστι τῷ προειρημένῳ. καὶ Ἕλληνες μὲν αὐτὸν καλοῦσιν
-Ἔπαφον, καὶ γενεαλογοῦσίν οἱ μητέρα Ἰὼ
-τὴν Ἀργείαν τὴν Ἰνάχου· Αἰγύπτιοι δὲ ἐκβάλλουσι
-τὸν λόγον ὡς ψευδῆ, καὶ χρῶνται τῷ χρόνῳ μάρτυρι.
-φασὶ γὰρ Ἔπαφον μὲν ὀψὲ καὶ κάτω γενέσθαι, τὸν 
-δὲ Ἆπιν τὸν πρῶτον μυριάδας ἐτῶν παμπόλλας τὴν
-ἐς ἀνθρώπους ἐπιδημίαν προειληφέναι. σημεῖα δὲ
-αὐτοῦ καὶ γνωρίσματα λέγει μὲν καὶ Ἡρόδοτος καὶ
-Ἀρισταγόρας, οὐχ ὁμολογοῦσι δὲ αὐτοῖς Αἰγύπτιοι·
-ἐννέα καὶ εἴκοσι γὰρ αὐτὰ εἶναί φασι καὶ ἐμπρέπειν 
-τῷδε τῷ ἱερῷ βοΐ. τίνα δὲ ταῦτά ἐστι καὶ ὅπως
-διέσπαρται κατὰ τοῦ σώματος τοῦ ζῴου, καὶ ὅντινα
-τρόπον οἱονεὶ διήνθισται αὐτοῖς, ἀλλαχόθεν εἴσεσθε·
-ὅτου δὲ τῶν ἀστέρων ἕκαστον σημεῖον διὰ συμβόλων
-αἰνίττεται τὴν φύσιν, Αἰγύπτιοι τεκμηριῶσαι ἱκανοί. 
-καὶ γὰρ τοι καὶ τὴν ἄνοδον τὴν τοῦ Νείλου ὑποδηλοῦν
-σημεῖά φασι καὶ τὸ τοῦ κόσμου σχῆμα· ἀλλʼ
-ὄψι τι καὶ σύμβολον, ὡς ἐκεῖνοι λέγουσιν, ὅπερ
-οὖν αἰνίττεται τοῦ φωτὸς εἶναι τὸ σκότος πρεσβύτερον.
-καὶ τὸ μηνοειδὲς τῆς σελήνης κατηγορεῖ σχῆμα 
-τῷ συνιέντι σημεῖον ἄλλο, καὶ ἄλλα δὲ ἐπὶ τούτοις
-ἄλλων αἰνίγματα βεβήλοις τε καὶ ἀμαθέσιν ἱστορίας
-<pb id="p.274"/>
-θεοπρεποῦς οὐκ εὐσύμβολα ταῦτα ὀφθαλμοῖς ὄντα.
-ὅταν δὲ διαρρεύσῃ ἡ φήμη τὸν θεὸν Αἰγυπτίοις τετέχθαι
-λέγουσα, τῶν γραμματέων τῶν ἱερῶν τινες,
-οἷσπερ οὖν μάθημα παιδὶ ἐκ πατρὸς παραδοθὲν
-ἀκριβοῦν τὸν ὑπὲρ τῶν σημείων ἔλεγχον, ἥκουσιν ἐνταῦθα,
-οὗ τῆς θεοφιλοῦς βοὸς τὸ βρέφος ἐτέχθη, καὶ
-κατά γε τὴν ὑφήγησιν τὴν Ἑρμοῦ τὴν πρεσβυτάτην
-οἰκίαν ἐγείρουσιν, ἔνθα δήπου καὶ διαιτήσεται τήν
-γε πρώτην, ἐς ἡλίου μὲν. ἀνατολὰς ὁρῶσαν, τροφὰς
-δὲ τὰς τοῦ βρέφους ὑποδέξασθαι καὶ μάλα γε ἱκανήν·
-τεττάρων γὰρ δεῖ μηνῶν ἐν γάλαξι τόνδε εἶναι
-τὸν μόσχον. ἐπὰν δὲ γένηται ἐκτραφείς, ἐνταῦθά
-τοι ὑπανισχούσης σελήνης νέας ἀπαντῶσι γραμματεῖς
-ἱεροὶ καὶ προφῆται, καὶ μέντοι καὶ ναῦν ἀνὰ ἔτος ἐς
-τοῦτο τῷδε τῷ δαίμονι ἱερὰν κοσμοῦσι, καὶ ταύτῃ
-πορθμεύουσιν αὐτὸν ἐς Μέμφιν, ἔνθα φίλτατα ἤθη
-αὐτῷ καὶ διατριβαὶ κεχαρισμέναι καὶ ἐνηβητήρια καὶ
-δρόμοι καὶ κονίστραι καὶ γυμνάσια καὶ θηλειῶν βοῶν
-ὡραίων οἶκοι καὶ φρέαρ καὶ κρήνη ποτίμου νάματος·
-οὐ γάρ οἵ φασιν οἱ θεραπευταί τε καὶ ἱερεῖς λυσιτελεῖν
-ἀεὶ Νειλῴου πίνειν· καὶ γὰρ πιαίνεσθαι γλυκέος
-τούτου τοῦ ῥεύματος καὶ ἐς ὄγκον σαρκῶν ὄντος
-ἀγαθοῦ. πομπὰς δὲ ἃς πέμπουσι, καὶ ἱερουργίας ἃς
-ἐπιτελοῦσι τοῦ νέου δαίμονος τὰ θεοφάνια θύοντες
-Αἰγύπτιοι, καὶ χορείας ἃς χορεύουσι, καὶ θαλίας καὶ
-πανηγύρεις ἃς ἐπιτελοῦσι, καὶ ὅπως αὐτοῖς καὶ πόλις
-ἅπασα καὶ κώμη διʼ εὐφροσύνης ἔρχεται, μακρὰ ἂν
-εἴη λέγειν. ἐκεῖνος δέ, ἐν ὅτου τῇ ἀγέλῃ τόδε τὸ
-θεῖον ἐγένετο ζῷον, δοκεῖ τε εὐδαίμων καὶ ἔστιν,
-ἄγουσί τε Αἰγύπτιοι θαυμαστόν γε αὐτόν. μάντις
-δὲ ἦν ἄρα ἀγαθὸς ὁ Ἆπις, οὐ καθίζων μὰ Δία κόρας
-ἢ πρεσβυτέρας γυναῖκας ἐπί τινων τριπόδων, οὐδὲ
-<pb id="p.275"/>
-μὴν πώματος ἱεροῦ ἐμπιπλάς, ἀλλʼ ὃ μέν τις εὔχεται
-τῷ θεῷ τῷδε, παῖδες δὲ ἀθύροντες ἔξω καὶ πρὸς
-αὐλοὺς σκιρτῶντες, ἐπίπνοοι γενόμενοι σὺν τῷ ῥυθμῷ
-αὐτὰ ἕκαστα προλέγουσιν, ὡς εἶναι ἀληθέστερα τῶν
-ἐπὶ Σάγρᾳ τὰ λεχθέντα. εἰκάζουσι δὲ ἄρα καὶ τῷ 
-Ὥρῳ αὐτὸν Αἰγύπτιοι, ὅνπερ οὖν πεπιστεύκασι φορᾶς
-καρπῶν καὶ εὐετηρίας αἰτιώτατον ἁπάσης. ἔνθεν
-τοι καὶ ὑπὲρ τῆς πολυχροίας αὐτοῦ φιλοσοφοῦσι, τὸ
-ποικίλον τῶν καρπῶν ὑπαινιττόμενοι διὰ συμβόλων.
-λέγει δέ τις τῶν προφητῶν λόγος οὐ πᾶσιν ἔκπυστος 
-ὅτι ἄρα Μῆνις ὁ τῶν Αἰγυπτίων βασιλεὺς ἐπενόησε
-ζῷον ὥστε σέβειν ἔμψυχον, εἶτα μέντοι προείλετο
-ταῦρον, ἁπάντων ὡραιότατον εἶναι αὐτὸν πεπιστευκὼς
-καὶ τῆς γε Ὁμήρου κρίσεως τῆς ὑπὲρ τούτων
-κατʼ ἴχνια ἰὼν ὁ Μῆνίς φασιν. εἰπεῖν γὰρ καὶ Ὅμηρον ἐν Ἰλιάδι 
-<quote rend="blockquote">
-<lb/>ἠύτε βοῦς ἀγέληφι μέγʼ ἔξοχος ἔπλετο πάντων
-<lb/>ταῦρος· ὃ γάρ τε βόεσσι μεταπρέπει ἀγρομένῃσι.
-</quote>
-οἷα δὲ ἐς μυθολογίαν ὑπὲρ τοῦδε τοῦ ζῴου ἐκτρέπουσιν
-Αἰγύπτιοι οἱ τὰ περὶ τῶν ζῴων γράψαντες, οὔ 
-μοι δοκεῖ φίλα εἶναι.
-</p>
-</div2>
-<div2 type="chapter" n="11">
-<p>Ἀλλʼ ἄγε δὴ μετάβηθι φαίη ἂν ὁ λόγος, καὶ 
-οὐχ ἵππον μὰ Δία οὐδὲ μὴν τὸν ἐν αὐτῷ λόχον ᾆδε,
-ἀλλὰ Μνεῦιν βοῦν. καὶ τοῦτον Αἰγύπτιοι Ἡλίου
-φασὶν ἱερόν, ἐπεὶ τόν γε Ἆπιν ἀνάθημα εἶναι Σελήνῃ 
-λέγουσιν. ἴδιον δὲ ἄρα καὶ τούτῳ γνώρισμα
-ἐς τὸ εἶναι μήτε κίβδηλον μήτε μὴν νόθον ἀλλὰ
-φίλον τῷ θεῷ τῷ προειρημένῳ φασὶν Αἰγύπτιοι. καὶ
-ὑπὲρ τούτων μὲν ἐρεῖ ἄλλος, ὃν δὲ ἤκουσα λόγον
-Αἰγύπτιον ἐς βάσανον τοῦδε τοῦ ταύρου καὶ ἔλεγχον, 
-εἴτε σπορᾶς ἐστι κρείττονος εἴτε μή, τοῦτον εἰπεῖν
-ἐθέλω. Βόκχορις ὁ τῶν Αἰγυπτίων βασιλεύς, κλέος
-<pb id="p.276"/>
-ψευδὲς καὶ φήμην οὐδὲν λέγουσαν ὑγιὲς οὐκ οἶδα
-ὅπως ἁρπάσας, δίκαιός τε ἐν ταῖς κρίσεσιν ἐδόκει καὶ
-πρὸς τὸ ὅσιον τὴν ψυχὴν κεκοσμημένος· ἦν δὲ ἄρα
-ἔμπαλιν πεφυκὼς ἐκεῖνος. καὶ τὰ μὲν πλείω ἐῶ νῦν,
-τὸν δὲ Μνεῦιν, λυπῆσαι θέλων Αἰγυπτίους, οἷα ἐργάζεται
-γοῦν αὐτόν. ταῦρον ἄγριον ἐπάγει οἱ ἀντίπαλον.
-οὐκοῦν μυκᾶται μὲν ὁ Μνεῦις, ἀντεμυκήσατο δὲ ὁ
-ἔπηλυς. εἶτα ὑπὸ τοῦ θυμοῦ φέρεται μὲν ἐμπεσεῖν
-τῷ ταύρῳ τῷ θεοφιλεῖ ὁ ξένος ἐθέλων, καὶ σφάλλεται,
-καὶ ἐς περσέας ἐμπεσὼν πρέμνον ἐπεσχέθη τὸ
-κέρας, ὃ δὲ κατὰ τῆς πλευρᾶς ὁ Μνεῦις τιτρώσκων
-ἀπέκτεινεν αὐτόν. αἰδεῖται Βόκχορις, καὶ μισοῦσιν
-αὐτὸν Αἰγύπτιοι. εἰ δέ τις αἴσχιστον οἴεται ἐκ τῶν
-φυσικῶν λόγων ἐς μύθους ἐμπεσεῖν, μωρός ἐστι.
-λέγω γὰρ ὅσα τε δρᾶται ἐπὶ τοῖσδε τοῖς ταύροις καὶ
-ὅσα ἐπράχθη καὶ ἀκούω λεγόντων Αἰγυπτίων. οὐκ
-ἦν δὲ ἄρα· οὕτω τὸ ψεῦδος ἐκείνοις ἔχθιστόν ἐστι.
-</p>
-</div2>
-<div2 type="chapter" n="12">
-<p> οἱ δελφῖνες, τὸ μὲν φιλόμουσον αὐτῶν καὶ περὶ
-τὴν ᾠδὴν σπουδαῖόν τε καὶ φιλόπονον κεκήρυκταί τε
-καὶ ἐς πολλοὺς ἐξεφοίτησε, καὶ ὥς εἰσι φιλάνθρωποι
-ἄλλοι τε εἶπον καὶ ἡμεῖς ἄνω που διεξήλθομεν τῷ
-λόγῳ· ἐνταυθοῖ δὲ εἰπεῖν ὑπὲρ τῆς συνέσεως αὐτῶν
-οὐ χεῖρόν ἐστιν. ὅταν γοῦν δικτύῳ περιπέσῃ δελφίς,
-τὰ μὲν πρῶτα ἡσυχάζει καὶ φυγῆς οὐδέν τι μέμνηται,
-εὐωχεῖται δὲ τῶν συνεαλωκότων ἰχθύων, καὶ ὥσπερ
-ἐπὶ δαῖτα ἥκων κλητὸς εἶτα ἐμφορεῖται αὐτῶν· ὅταν
-δὲ αἴσθηται ἐπισυρόμενος ὅτι γίνεται τῆς γῆς πλησίον,
-ἐνταῦθά τοι τὸ δίκτυον διατραγὼν ἀπαλλάττεται
-καὶ ἔστιν ἐλεύθερος. ἐὰν δέ ποτε ἁλῷ, οἱ χαριέστεροι
-τῶν ἁλιέων ὁλόσχοινον αὐτοῦ διείραντες τῶν
-ῥινῶν ἀφῆκαν αὐτόν· ὃ δὲ οἷα τὸν ἔλεγχον αἰδούμενος
-οὐκέτι πλησιάζει σαγήνῃ τὸ ἐντεῦθεν. λέγει
-<pb id="p.277"/>
-δὲ Ἀριστοτέλης ὅτι κἂν ἁλῷ καὶ δεθῇ καὶ ἐν τῇ
-σκάφῃ ᾖ, πολλοὶ περινήχονται δελφῖνες τὴν ἁλιάδα,
-καὶ ἐς τοσοῦτον πηδῶσί τε καὶ σκιρτῶσι δίκην ἱκετῶν,
-ἔστε παθεῖν τι τοὺς ἁλιέας, καὶ οἰκτεῖραι μὲν
-τὸν δεσμώτην, εἶξαι δὲ τοῖς δεομένοις καὶ ἀπολῦσαι 
-αὐτοῖς τὸν ᾑρημένον.
-</p>
-</div2>
-<div2 type="chapter" n="13">
-<p>Δάφνιδος τοῦ βουκόλου τοῦ Συρακοσίου παθόντος 
-ὑπὸ τῆς νύμφης ταῦτα δήπου τὰ ὑμνούμενα, πέντε
-τροφίμους κύνας, τὸν Σάννον καὶ τὸν Πόδαργον καὶ
-τὴν Λαμπάδα καὶ τὸν Ἄλκιμον καὶ τὸν Θέοντα, θεασαμένους 
-τοῦ δεσπότου τὰς πάθας ἐπʼ αὐτῷ θάνατον
-ἑλέσθαι φασί, καὶ πολλὰ μὲν ὀδύρασθαι πρότερον,
-κλαῦσαι δὲ πάμπολλα.
-</p>
-</div2>
-<div2 type="chapter" n="14">
-<p>διάφορα μὲν καὶ ποικίλα τῆς τῶν ἐλεφάντων 
-</p>
-</div2>
-<div2 type="chapter" n="15">
-<p>ἰδιότητος ἄνω μοι λέλεκται· νῦν δὲ εἰρήσεται ὅτι 
-καὶ μνήμην ἀγαθόν ἐστι τὸ ζῷον τοῦτο, καὶ ἐντολὰς
-φυλάξαι οἶδε καὶ μὴ ψεύσασθαι τὴν τῶν παρακαταθεμένων
-ὅ τι οὖν αὐτῷ προσδοκίαν τε καὶ ἐλπίδα.
-ὅτε γοῦν Ἀντίγονος ἐπολιόρκει Μεγαρέας, ἑνὶ τῶν
-ἐλεφάντων τῶν πολεμικῶν συνετρέφετο καὶ θῆλυς, 
-ὄνομα Νίκαια. ταύτῃ τοίνυν ἡ τοῦ τρέφοντος αὐτὸν
-γυνὴ παιδίον, ὃ ἔτυχε τεκοῦσα πρὸ ἡμερῶν τριάκοντα,
-παρακατέθετο φωνῇ τῇ Ἰνδῶν, ἧς ἀκούουσιν
-ἐλέφαντες. ὃ δὲ καὶ ἐφίλει τὸ παιδίον καὶ ἐφύλαττε,
-καὶ κειμένου πλησίον ἥδετο, καὶ κνυζωμένου παρέβλεπε, 
-καὶ καθεύδοντος τῇ προβοσκίδι τὰς μυίας
-ἀπεσόβει καλάμου κλαδὶ τοῦ παραβαλλομένου ἐς τροφήν·
-εἰ δὲ μὴ παρῆν τὸ βρέφος, τότε καὶ τροφὴν
-ἀνεστέλλετο. οὐκοῦν ἔδει τὴν τρέφουσαν αὐτὸ ἐμπλῆσαι
-μὲν τοῦ γάλακτος, παραθεῖναι δὲ τῷ κηδεμόνι, 
-ἢ πάντως ἀγανακτῶν ἡ Νίκαια ἦν δῆλος καὶ
-τεθυμωμένος καί τι καὶ δρασείων τῶν δεινῶν. πολλάκις
-<pb id="p.278"/>
-δὲ καὶ ἀνακλαύσαντος αὐτοῦ εἶτα τὴν σκάφην
-ᾗ ἐνέκειτο διέσεισε, παραμυθούμενος τῷ σεισμῷ τὸ
-βρέφος, οἷα δήπου φιλοῦσι καὶ αἱ τροφοὶ καὶ αἱ τίτθαι
-δρᾶν, ποιῶν, ὦ ἄνθρωποι, ὁ ἐλέφας.
-ζηλοτυπίαν ζῴων ἐνεργοτάτην διαφόρων ἐν καιρῷ
-οἶδα εἰπών, πορφυρίωνος καὶ κυνὸς καὶ μέντοι
-καὶ πελαργοῦ νὴ Δία ἐκ τρίτου· νῦν δὲ ἔοικα λέξειν
-ἐλέφαντος ὀργὴν ἐς γάμον ἀδικούμενον. μοιχευομένην
-γὰρ τὴν τοῦ πωλεύσαντος αὐτὸν καὶ τρέφοντος
-γυναῖκα ἐπʼ αὐτοφώρῳ καταλαβών, διʼ ἀμφοτέρων
-θάτερον διεὶς τοῖν κεράτοιν, ἀπέκτεινε καὶ τὸν μοιχὸν
-καὶ τὴν μοιχευομένην, καὶ εἴασε κεῖσθαι κατὰ τῶν
-στρωμάτων τῶν ὑβρισμένων καὶ τῆς εὐνῆς τῆς πεπατημένης,
-ὡς ἐλθόντα τὸν πωλευτὴν καταγνῶναι
-καὶ τὸ ἀδίκημα καὶ τὸν τιμωρήσαντα αὐτῷ γνωρίσαι.
-καὶ τοῦτο μὲν Ἰνδικὸν τὸ ἔργον, ἐκεῖθεν δὲ ἐξεφοίτησε
-δεῦρο· ἀκούω δὲ καὶ ἐπὶ Τίτου ἀνδρὸς καλοῦ
-καὶ ἀγαθοῦ ἐν τῇ Ῥώμῃ ταὐτὸν γεγονέναι· προστιθέασι
-δὲ ὅτι ἄρα ὁ ἐνθάδε ἐλέφας ἀπέκτεινεν ἀμφοτέρους,
-καὶ ἱματίῳ κατεκάλυψε, καὶ ἐλθόντι τῷ
-τροφεῖ ἀποβαλὼν τὸ ἱμάτιον κειμένους ἀλλήλων
-πλησίον ἀπέδειξε, καὶ τὸ κέρας δέ, ᾧπερ οὖν διέπειρεν
-αὐτούς, καὶ τοῦτο ᾑμαγμένον ἑωρᾶτο.
-</p>
-</div2>
-<div2 type="chapter" n="16">
-<p> ἴδιον δὲ ἦν ἄρα τῶν δρακόντων καὶ ἡ μαντική.
-ἐν γοῦν Λαουινίῳ τῷ πολίσματι, ὅπερ τῆς Λατίνων
-χώρας ἐστί ʽκέκληται δὲ ἀπὸ τῆς Λατίνου θυγατρὸς
-Λαουινίας, ἡνίκα Λατῖνος Αἰνείᾳ συνεμάχησε κατὰ
-τῶν καλουμένων Ῥουτουλῶν, εἶτα ἐνίκησεν αὐτούς·
-ᾤκισε δὲ Αἰνείας ὁ Ἀγχίσου ὁ Τρὼς τὴν πόλιν τὴν
-προειρημένην, εἴη δʼ ἂν τῆς Ῥώμης μητρομήτωρ, ὡς
-ἂν εἴποι τις· ἐντεῦθεν γὰρ ὁρμηθεὶς Ἀσκάνιος ὁ
-Αἰνείου καὶ Κρεούσης τῆς Τρωάδος ᾤκισε τὴν Ἄλβαν,
-<pb id="p.279"/>
-Ἀλβανῶν δὲ ἡ Ῥώμη ἄποικοσʼ· οὐκοῦν ἐν τῷ
-Λαουινίῳ ἄλσος τιμᾶται μέγα καὶ δασύ, καὶ ἔχει
-πλησίον νεὼν Ἥρας Ἀργολίδος. ἐν δὲ τῷ ἄλσει φωλεός
-ἐστι μέγας καὶ βαθύς, καὶ ἔστι κοίτη δράκοντος.
-παρθένοι τε ἱεραὶ νενομισμέναις ἡμέραις παρίασιν 
-ἐς τὸ ἄλσος ἐν τοῖν χεροῖν φέρουσαι μάζαν καὶ τοὺς
-ὀφθαλμοὺς τελαμῶσι κατειλημμέναι· ἄγει δὲ αὐτὰς
-εὐθύωρον ἐπὶ τὴν κοίτην τοῦ δράκοντος πνεῦμα
-θεῖον, καὶ ἀπταίστως προΐασι βάδην καὶ ἡσυχῆ, ὥσπερ
-οὖν ἀκαλύπτοις ὁρῶσαι τοῖς ὀφθαλμοῖς. καὶ ἐὰν μὲν 
-παρθένοι ὦσι, προσίεται τὰς τροφὰς ἅτε ἁγνὰς ὁ
-δράκων καὶ πρεπούσας ζῴῳ θεοφιλεῖ· εἰ δὲ μή,
-ἄψαυστοι μένουσι, προειδότος αὐτοῦ τὴν φθορὰν καὶ
-μεμαντευμένου. μύρμηκες δὲ τὴν μάζαν τὴν τῆς
-διακορηθείσης ἐς μικρὰ καταθρύψαντες, ὡς ἂν εὔφορα 
-αὐτοῖς εἴη, εἶτα ἐκφέρουσιν ἔξω τοῦ ἄλσους, καθαίροντες
-τὸν τόπον. γνωρίζεταί τε ὑπὸ τῶν ἐπιχωρίων
-τὸ πραχθέν, καὶ αἱ παρελθοῦσαι ἐλέγχονται, καὶ ἥ γε
-τὴν παρθενίαν αἰσχύνασα ταῖς ἐκ τοῦ νόμου κολάζεται
-τιμωρίαις. μαντικὴν μὲν δὴ δρακόντων ἂν 
-ἀποφήναιμι τὸν τρόπον τοῦτον.
-</p>
-</div2>
-<div2 type="chapter" n="17">
-<p>λέγει μὲν οὖν Ὅμηρος χαλεποὶ δὲ θεοὶ φαίνεσθαι 
-ἐναργεῖς. οὐκοῦν ἔχει τι καὶ δράκων ὁ
-ἐν ταῖς ἁγιωτάταις τιμαῖς θειότερον, καὶ ἰδεῖν οὐ
-λυσιτελὲς αὐτόν. καὶ ὅ γε λέγω τοιοῦτόν ἐστιν. ἐν 
-Μετήλει τῆς Αἰγύπτου δράκων ἐστὶν ἱερὸς ἐν πύργῳ,
-καὶ τετίμηται καὶ ἔχει θεραπευτὰς καὶ ὑπηρέτας,
-καὶ κεῖταί οἱ τράπεζα καὶ κρατήρ. ἐς τοῦτον οὖν
-ἀνὰ πᾶσαν ἡμέραν ἄλφιτα ἀναδεύσαντες μελικράτῳ
-εἶτα ἀπίασι, καὶ τῇ ὑστεραίᾳ ὑποστρέψαντες κενὸν 
-τὸν κρατῆρα εὑρίσκουσιν. οὐκοῦν ὁ πρεσβύτατος
-τῶνδε τῶν ὑπηρετῶν ἵμερον δριμύτατον ἔσχε θεάσασθαι
-<pb id="p.280"/>
-τὸν δράκοντα, καὶ παρελθὼν μόνος καὶ ποιήσας
-τὰ εἰθισμένα ἀπέστη· ὃ δὲ ἀνελθὼν ἐπὶ τὴν
-τράπεζαν ὁ δράκων εἱστιᾶτο. καὶ τὰς θύρας ὁ πολυπράγμων
-ἀνοίξας ʽἔτυχε γὰρ κατὰ τὰ εἰθισμένα ἐπικλείσασʼ
-ψόφον εἰργάσατο ἰσχυρόν. ὁ δράκων δὲ
-ἠγανάκτησε καὶ ἀνεχώρησεν, ὃ δὲ ἰδὼν ὃν ἐπόθει σὺν
-τῷ ἑαυτοῦ κακῷ, γίνεται μὲν ἔκφρων, εἰπὼν δὲ ὅσα
-εἶδε καὶ ὡς ἠσέβησεν ὁμολογήσας, ἦν ἄφωνος, εἶτα
-οὐ μετὰ μακρὸν πεσὼν ἀπέθανεν.
-</p>
-</div2>
-<div2 type="chapter" n="18">
-<p> ἴδια δὲ ἄρα τῶν ζῴων καὶ ταῦτά ἐστιν. ὁ ταὼς
-ὑπὲρ τοῦ μὴ βασκανθῆναι λίνου ῥίζαν οἱονεὶ περίαπτόν
-τι φυσικὸν ἀναζητήσας, ὑπὸ τῇ ἑτέρᾳ πτέρυγι
-βύσας περιφέρει. λέγεται δὲ καὶ ἵππος τὰ οὖρα εἰ
-ἐπισχεθείη, παρθένος λύσασα ἣν φορεῖ ζώνην ἐὰν
-αὐτὸν παίσῃ κατὰ τοῦ προσώπου τῇ ζώνῃ, παραχρῆμα
-ἐξουρεῖν ἀθρόως καὶ τῆς ὀδύνης παύεσθαι.
-θήλειαν δὲ ἵππον ἐς ἀφροδίσια λυττήσασαν πάνυ
-σφόδρα παῦσαι ῥᾳδίως ἔστιν, ὡς Ἀριστοτέλης λέγει,
-εἴ τις αὐτῆς ἀποκείρειε τὰς κατὰ τοῦ τένοντος τρίχας·
-αἰδεῖται γάρ, καὶ οὐκ ἀτακτεῖ, καὶ παύεται τῆς
-ὕβρεως καὶ τοῦ σκιρτήματος τοῦ πολλοῦ, κατηφήσασα
-ἐπὶ τῇ αἰσχύνῃ. τοῦτό τοι καὶ Σοφοκλῆς αἰνίττεται
-ἐν τῇ Τυροῖ τῷ δράματι· πεποίηται δέ οἱ αὕτη
-λέγουσα, καὶ ἃ λέγει ταῦτά ἐστιν
-<quote rend="blockquote">
-<lb/>κόμης δὲ πένθος λαγχάνω πώλου δίκην,
-<lb/>ἥτις συναρπασθεῖσα βουκόλων ὕπο
-<lb/>μάνδραις ἐν ἱππείαισιν ἀγρίᾳ χερὶ
-<lb/>θέρος θερισθῇ ξανθὸν αὐχένων ἄπο,
-<lb/>σπάσουσα δʼ ἐν λειμῶνι ποταμίων ποτῶν
-<lb/>ἴδῃ σκιᾶς εἴδωλον αἰκισθεῖσʼ ὑπὸ
-<lb/>κουραῖς ἀτίμως διατετιλμένης φόβης.
-<lb/>φεῦ, κἂν ἀνοικτίρμων τις οἰκτείρειέ νιν
-<pb id="p.281"/>
-<lb/>πτήσσουσαν αἰσχύνῃσιν, οἷα μαίνεται
-<lb/>πενθοῦσα καὶ κλαίουσα τὴν πάρος φόβην.
-</quote>
-</p>
-</div2>
-<div2 type="chapter" n="19">
-<p>μελλούσης δὲ οἰκίας καταφέρεσθαι αἰσθητικῶς 
-ἔχουσιν οἵ τε ἐν αὐτῇ μύες καὶ μέντοι καὶ αἱ γαλαῖ,
-καὶ φθάνουσι τὴν καταφορὰν καὶ ἐξοικίζονται. τοῦτό 
-τοί φασι καὶ ἐν Ἑλίκῃ γενέσθαι. ἐπειδὴ γὰρ ἠσέβησαν
-ἐς τοὺς Ἴωνας τοὺς ἀφικομένους οἱ Ἑλικήσιοι, καὶ
-ἐπὶ βωμοῦ ἀπέσφαξαν αὐτούς, ἐνταῦθα δήπου ʽτὸ
-Ὁμηρικὸν τοῦτὀ τοῖσιν δὲ θεοὶ τέραα προύφαινον·
-πρὸ πέντε γὰρ ἡμερῶν τοῦ ἀφανισθῆναι 
-τὴν Ἑλίκην, ὅσοι μύες ἐν αὐτῇ ἦσαν καὶ γαλαῖ καὶ
-ὄφεις καὶ σκολόπενδραι καὶ σφονδύλαι καὶ τὰ λοιπὰ
-ὅσα ἦν τοιαῦτα, ἀθρόα ὑπεξῄει τῇ ὁδῷ τῇ ἐς Κερύνειαν
-ἐκφερούσῃ. οἱ δὲ Ἑλικήσιοι ὁρῶντες τὰ πραττόμενα
-ἐθαύμαζον μέν, οὐκ εἶχον δὲ τὴν αἰτίαν συμβαλεῖν. 
-ἐπεὶ δὲ ἀνεχώρησε τὰ προειρημένα ζῷα,
-νύκτωρ γίνεται σεισμός, καὶ συνιζάνει ἡ πόλις, καὶ
-ἐπικλύσαντος πολλοῦ κύματος ἡ Ἑλίκη ἠφανίσθη,
-καὶ κατὰ τύχην Λακεδαιμονίων ὑφορμοῦσαι δέκα
-</p>
-</div2>
-<div2 type="chapter" n="20">
-<p>νῆες συναπώλοντο τῇ προειρημένῃ. χρῆται δὲ ἅμα 
-ἐς τιμωρίαν τῶν ἀσεβῶν ἀνδρῶν ὑπηρέταις τοῖς
-ζῴοις ἡ Δίκη. καὶ τὸ μαρτύριον, Παντακλῆς ὁ Λακεδαιμόνιος
-ἀναστείλας διὰ τῆς Σπάρτης ἐλθεῖν τοὺς
-ἐς Κύθηρα ἀπιόντας τῶν περὶ τὸν Διόνυσον τεχνιτῶν,
-εἶτα καθήμενος ἐν τῷ ἐφορείῳ ὑπὸ κυνῶν διεσπάσθη. 
-ἐν Σικελίᾳ Ἀδρανός ἐστι πόλις, ὡς λέγει Νυμφόδωρος, 
-καὶ ἐν τῇ πόλει ταύτῃ Ἀδρανοῦ νεώς,
-ἐπιχωρίου δαίμονος· πάνυ δὲ ἐναργῆ φησιν εἶναι
-τοῦτον. καὶ τἄλλα μὲν ὅσα ὑπὲρ αὐτοῦ λέγει, καὶ 
-ὅπως ἐμφανής ἐστι καὶ ἐς τοὺς δεομένους εὐμενής
-τε ἅμα καὶ ἵλεως, ἄλλοτε εἰσόμεθα· νῦν δὲ
-<pb id="p.282"/>
-ἐκεῖνα εἰρήσεται. κύνες εἰσὶν ἱεροί, καὶ οἵδε θεραπευτῆρες
-αὐτοῦ καὶ λατρεύοντές οἱ, ὑπεραίροντες
-τὸ κάλλος τοὺς Μολοττοὺς κύνας καὶ σὺν τούτῳ
-καὶ τὸ μέγεθος, χιλίων οὐ μείους τὸν ἀριθμόν. οὐκοῦν
-οὗτοι μεθʼ ἡμέραν μὲν αἰκάλλουσί τε καὶ σαίνουσι
-τοὺς ἐς τὸν νεὼν καὶ τὸ ἄλσος παριόντας, εἴτε
-εἶεν ξένοι εἴτε ἐπιχώριοι· νύκτωρ δὲ τοὺς μεθύοντας
-ἤδη καὶ σφαλλομένους κατὰ τὴν ὁδὸν οἳ δὲ πομπῶν
-δίκην καὶ ἡγεμόνων μάλα εὐμενῶς ἄγουσι, προηγούμενοι
-ἐς τὰ οἰκεῖα ἑκάστῳ, καὶ τῶν μὲν παροινούντων
-τιμωρίαν ἀρκοῦσαν ἐσπράττονται· ἐμπηδῶσι
-γὰρ καὶ τὴν ἐσθῆτα αὐτοῖς καταρρηγνύουσι, καὶ
-σωφρονίζουσιν ἐς τοσοῦτον αὐτούς· τούς γε μὴν
-πειρωμένους λωποδυτεῖν διασπῶσι πικρότατα.
-</p>
-</div2>
-<div2 type="chapter" n="21">
-<p> κοχλίας δὲ ἄρα θαλάττιος ὁ ἐν τῇ Ἐρυθρᾷ θαλάττῃ
-γινόμενος ὡραιότατος ἰδεῖν ἦν καὶ μέγιστος.
-ἔστι μὲν γὰρ φοῖνιξ τὸ ἔλυτρον, ἔχει δὲ καὶ ἕλικα
-διηθισμένην καὶ πεποικιλμένην ὑπὸ τῆς φύσεως.
-στέφανον ἂν εἴποις ὁρᾶν ἔκ τινος πολυχροίας ἀνθῶν
-διαπλακέντα πρασίνων τε καὶ χρυσοειδῶν καὶ κινναβαρίνων,
-ἐναλλὰξ τῶν χρωμάτων κατεσπαρμένων διαστήμασιν ἴσοις.
-</p>
-</div2>
-<div2 type="chapter" n="22">
-<p> τὸν δελφῖνα ἡ φύσις ἀεικίνητον εἰργάσατο, ὥς
-φασι, καὶ πέρας τούτῳ τῆς κινήσεως τὸ καὶ τοῦ βίου.
-ὕπνου γοῦν δεόμενος μετεωρίσας τὸ σῶμα καὶ ἀναπλεύσας
-ἐπʼ ἄκρον τὸ ὕδωρ, ὡς ὁρᾶσθαι πᾶς, καταδαρθάνει
-τηνικάδε· ἄυπνος δὲ καὶ ἄμοιρος τοῦδε
-τοῦ θεοῦ οὐδὲ οὗτός ἐστιν. ὅτι γοῦν καθεύδει,
-ὠθεῖται ἐς βυθόν, ἕως ἂν ψαύσῃ τῆς κάτω γῆς. ὅταν
-δὲ προσπελασθῇ αὐτῇ, διυπνίζεται κρουσθεὶς πρὸς
-τὸ δάπεδον, εἶτα ἀναδύνει. καὶ πάλιν ἐς ὕπνον
-ὑπαχθεὶς καὶ νικώμενος τοῦ θεοῦ κατολισθάνει, καὶ
-<pb id="p.283"/>
-αὖθις ἀφυπνισθεὶς τῇ αὐτῇ κρούσει ἀναπλεῖ πάλιν.
-καὶ πολλάκις δρᾷ τοῦτο, μεταξὺ ἡσυχίας καὶ ἐνεργείας
-ὤν, οὐ μὴν ἐς ἀκινησίαν ἐκπίπτων παντελῆ ποτε.
-</p>
-</div2>
-<div2 type="chapter" n="23">
-<p>ἐν τῇ Ἐρυθρᾷ θαλάττῃ γίνεται ἰχθὺς πλατὺς 
-τὸ σχῆμα κατὰ τὴν βούγλωττον, ὥς φασι. καὶ φολίδας
-μὲν οὐ σφόδρα τραχύς ἐστι προσαψαμένῳ, τὴν
-χρόαν δὲ ὑπόχρυσός ἐστι, μελαίναις τε γραμμαῖς ἐς
-τὸ οὐραῖον ἀπὸ τῆς κεφαλῆς ἄκρας καταγέγραπται.
-εἴποι τις ἂν αὐτὰς εἶναι χορδὰς ἐντεταμένας· 
-ἔνθεν τοι καὶ ὁ ἰχθὺς αὐτὸς κιθαρῳδὸς κέκληται.
-τὸ στόμα δὲ αὐτῷ συνίζει καὶ ἔστι μέλαν ἰσχυρῶς,
-ζώνῃ γε μὴν κροκοειδεῖ κατείληπται· πεποίκιλται
-δέ οἱ ἡ κορυφὴ διαφόρως τῇ τε χρυσοειδεῖ αὐγῇ καὶ
-μέντοι καὶ μελαίναις τισὶ περιγραφαῖς. καὶ πτερύγια 
-χρυσοειδῆ ἔχει, μέλαινα δὲ αὐτῷ ἡ οὐρὰ πλὴν τῶν
-ἄκρων· ταῦτα δὲ λευκὰ ἰσχυρῶς. καὶ ἄλλοι δὲ ᾅδονται
-κιθαρῳδοὶ τίκτεσθαι. καί εἰσι πορφυροῖ μὲν τὸ
-πᾶν σῶμα, γραμμὰς ἐκ διαστημάτων ἔχοντες χρυσᾶς·
-ζώνας δʼ ἔχουσιν ἐπὶ τῇ κεφαλῇ ἴοις τοῖς ἄνθεσι 
-παραπλησίας, τὴν μὲν πρὸ τῶν ὀφθαλμῶν μέχρι τῶν
-βραγχίων καθέρπουσαν, τὴν δὲ μετὰ τοὺς ὀφθαλμοὺς
-ἐς τὸ ἥμισυ τῆς κεφαλῆς προχωροῦσαν, τὴν δὲ
-περιθέουσαν κατὰ τῆς δέρης ὡς ὅρμον.
-</p>
-</div2>
-<div2 type="chapter" n="24">
-<p>πάρδαλις δὲ ἰχθὺς ἐν τῇ Ἐρυθρᾷ φύεται θαλάττῃ, 
-ὡς οἱ θεασάμενοι λέγουσι, καὶ ἔοικε τὴν χρόαν
-καὶ τὰ στίγματα τὰ περιφερῆ τῇ ὀρείῳ παρδάλει.
-ὁ δὲ ὀξύρυγχος ὁ ἐνταῦθα γινόμενος ἔχει μὲν πρόμηκες
-τὸ στόμα, τοὺς δὲ ὀφθαλμοὺς χρυσοειδεῖς, τὰ δὲ
-βλέφαρα αὐτῷ λευκά· τῷ δὲ νώτῳ οἱ σημεῖά τε 
-ἐπέστικται ὠχρά, καὶ πτέρυγες αὐτῷ αἱ μὲν παρʼ
-ἑκάτερα μέλαιναι, αἱ δὲ νωτιαῖαι λευκαί· καὶ ἡ οὐρὰ
-<pb id="p.284"/>
-προμήκης τὸ σχῆμα, τὴν δὲ χρόαν πράσινός ἐστι,
-μέσην δὲ αὐτὴν διείληφε χρυσοειδὴς γραμμή.
-</p>
-</div2>
-<div2 type="chapter" n="25">
-<p> τῷ Πτολεμαίῳ τῷ δευτέρῳ, ὃν καὶ Φιλάδελφον
-καλοῦσι, βρέφος ἐλέφαντος δῶρον ἐδόθη, καὶ τῇ
-φωνῇ ἐνετράφη τῇ Ἑλλάδι, καὶ λαλούντων συνίει.
-ἐπεπίστευτο δὲ πρὸ τοῦδε τοῦ ζῴου τῆς Ἰνδῶν μόνης
-φωνῆς ἐπαΐειν τοὺς ἐλέφαντας.
-</p>
-</div2>
-<div2 type="chapter" n="26">
-<p> ἔοικε δὲ ἄρα καὶ ἐν τοῖς ἀλόγοις ὑπὸ τῆς φύσεως
-προτιμᾶσθαι τὸ ἄρρεν. ἔχει γοῦν ὁ μὲν δράκων ὁ
-ἄρρην τὸν λόφον καὶ τὴν ὑπήνην, ὁ δὲ ἀλεκτρυὼν
-καὶ οὗτος τὸν λόφον καὶ τὰ κάλλαια, ὁ δὲ ἔλαφος
-τὰ κέρατα, τὴν χαίτην ὁ λέων, ὁ τέττιξ τὴν φωνήν.
-</p>
-</div2>
-<div2 type="chapter" n="27">
-<p> ὑπόθεσις μὲν τοῖς Ἀχαιοῖς καὶ τοῖς Τρωσὶ τοῦ
-πολέμου ἡ Διὸς Ἑλένη φασί, καὶ Πέρσαις πρὸς τοὺς
-Ἕλληνας Ἄτοσσα ἡ Δαρείου γυνὴ ποθήσασα θεραπαίνας
-κτήσασθαι Ἀττικάς, καὶ τοῦ μακροῦ πολέμου
-τοῖς Ἕλλησι τὸ πινάκιον τὸ κατὰ τῶν Μεγαρέων.
-Μάγνητας δὲ καὶ Ἐφεσίους ἐς πόλεμον ἀκρὶς ἐξῆψε,
-περιστερὰ δὲ Χάονας καὶ Ἰλλυριούς, Θηβαῖοι δʼ
-οἱ ἐν Αἰγύπτῳ πρὸς Ῥωμαίους ὑπὲρ κυνὸς πολεμῆσαι λέγονται.
-</p>
-</div2>
-<div2 type="chapter" n="28">
-<p> λέγει τις λόγος Πυθοχάρην τὸν αὐλητὴν ἀναστεῖλαι
-λύκων ὁρμὴν αὐλήσαντα σύντονον καὶ γενναῖον
-αὔλημα. μυιῶν δὲ πλῆθος ἀνέστησε Μεγαρέας, Φασηλίτας
-δὲ σφῆκες, σκολόπενδραι δὲ Ῥοιτιεῖς.
-</p>
-</div2>
-<div2 type="chapter" n="29">
-<p> πρόβατα ἄχολα ἐν τῷ Πόντῳ φασίν, ἐν δὲ τῇ
-Νάξῳ τῇ νήσῳ καὶ δίχολα.
-</p>
-</div2>
-<div2 type="chapter" n="30">
-<p> ὁ μέροψ ὁ ὄρνις ταύτῃ τοι δοκεῖ δικαιότερος
-εἶναι τῶν πελαργῶν· οὐ γὰρ ἀναμένει γηράσαντας
-τρέφειν τοὺς πατέρας, ἀλλʼ ἅμα τῷ φῦσαι τὰ ὠκύπτερα τοῦτο ἐργάζεται.
-</p>
-</div2>
-<div2 type="chapter" n="31">
-<p> ἴδιον δὲ ἄρα τῶν ζῴων καὶ ἐκεῖνο ἀγαθόν. πρόνοιαν
-<pb id="p.285"/>
-αὐτῶν οἱ θεοὶ ποιοῦνται, καὶ οὔτε αὐτῶν καταφρονοῦσιν
-οὔτε μὴν ὀλιγώρως ἔχουσιν. εἰ γὰρ καὶ
-ἀμοιρεῖ λόγου, ἀλλὰ γοῦν συνέσεως καὶ τῆς καθʼ
-ἑαυτὰ σοφίας οὐκ ἀτυχεῖ. ὅπως οὖν καὶ αὐτὰ φιλεῖται
-θεοῖς ἐρῶ, καὶ εἰ μὴ πολλὰ ἐκ πολλῶν, ὅσα δʼ 
-οὖν ἀποχρήσει. ἀνὴρ ἱππεύς, Ληναῖος τὸ ὄνομα,
-ἵππον εἶχεν ἰδεῖν μὲν ὡραῖον, δραμεῖν δὲ ὤκιστον,
-τὸν δὲ θυμὸν ἀνδρειότατον· καὶ ἀγαθὸν μὲν ἐν ταῖς
-ἐπιδείξεσι τὴν ἱππείαν περιδραμεῖν τὴν δεδιδαγμένην,
-καρτερικὸν δὲ ἐν αὐτῷ τῷ πολέμῳ, καὶ διῶξαι 
-ἔνθα ἦν καιρὸς καὶ ἀναχωρῆσαι ὅπου αὐτὸν ἡ χρεία
-παρεκάλει πάνυ γεννικόν. οὐκοῦν ἐκ τούτων ἁπάντων
-ὃ μὲν κτῆμα ἦν ἀγαθόν, ὃ δὲ εὐκλεέστατος ἐν
-τοῖς ὁμοτέχνοις ἱππεῦσιν ἐδόκει. ὁ τοίνυν ἵππος ὁ
-τοιοῦτος τὴν ἱππικὴν ἀρετὴν θατέρῳ τοῖν ὀφθαλμοῖν 
-τῷ δεξιῷ ὑπό τινος πληγῆς προσπεσούσης ὁρᾶν ἀδύνατος
-ἦν. οὐκοῦν ὁ Ληναῖος ὁρῶν ἑαυτοῦ σαλεύουσαν
-τὴν πᾶσαν ἐλπίδα ἐν τῷ τοῦ ἵππου τοῦ εὐγενοῦς
-ἐκείνου πάθει, ἐπεὶ καὶ ἡ ἀσπὶς ἡ ἱππικὴ τὸν λαιὸν
-ὀφθαλμόν οἱ ἔσκεπε τὸν μόνον ὁρῶντα, ἐς τοῦ Σαράπιδος 
-ἔρχεται, θεράπευμα ἀνάγων καὶ μάλα ἄηθες
-τὸν ἵππον, καὶ δεῖται τοῦ θεοῦ ὡς ὑπὲρ ἀδελφοῦ
-τινος ἢ υἱοῦ ὁ Ληναῖος τοῦ ἵππου οἰκτεῖραι τὸν ἱκέτην,
-καὶ ταῦτα ἀδικήσαντα οὐδὲ ἕν. εἶναι γάρ τοι
-ἀνθρώπους σφίσι κακῶν αἰτίους ἢ δράσαντάς τι 
-ἀσεβὲς ἢ εἰπόντας τι ἀπόφημον· ʽἵππου δἒ ἔλεγε
-ʽποία μὲν θεοσυλία, φόνος δὲ τίς, βλασφημία δὲ πῶς
-ἢ πόθεν;ʼ ἐμαρτύρατο δὲ τὸν θεὸν καὶ αὐτὸς ὡς
-οὐδεπώποτε οὐδένα οὐδὲν ἀδικήσας, καὶ διὰ ταῦτα
-τὸν συστρατιώτην οἱ καὶ φίλον ἐδεῖτο τῆς ὀφθαλμίας 
-ἀπαλλάξαι. ὃ δὲ οὐχ ὑπερορᾷ οὐδὲ ἐξεφαύλισε τὸν
-ἄλογόν τε καὶ ἄφωνον ἰάσασθαι, ὢν τοσοῦτος θεός,
-<pb id="p.286"/>
-καὶ διὰ ταῦτα οἰκτείρει καὶ τὸν νοσοῦντα καὶ τὸν
-δεόμενον ὑπὲρ αὐτοῦ, καὶ δίδωσιν ἴασιν μὴ καταιονεῖν
-μὲν τὸν ὀφθαλμόν, πυριάσεσι δὲ αὐτὸν ἀλεαίνειν
-μεσούσης ἡμέρας ἐν τῷ τοῦ νεὼ περιβόλῳ. καὶ
-ταῦτα μὲν ἐπράττετο, ἐρρώσθη δὲ τῷ ἵππῳ τὸ ὄμμα.
-καὶ ὁ μὲν Ληναῖος χαριστήριά τε καὶ ζωάγρια ἀπέθυεν,
-ὁ δὲ ἵππος ἐσκίρτα τε καὶ ἐφριμάττετο καὶ
-ἐδόκει μείζων τε καὶ ὡραιότερος, καὶ ἦν φαιδρὸς καὶ
-τῷ βωμῷ προσθέων ἐκυδροῦτο, καὶ μέντοι καὶ πρὸς
-τοῖς ἀναβαθμοῖς καλινδούμενος ἑωρᾶτο τῷ θεῷ τῷ
-σωτῆρι χαριστήρια ἐκτίνων, ᾗπερ οὖν ἔσθενεν.
-</p>
-</div2>
-<div2 type="chapter" n="32">
-<p> ἐν ἀμπελῶνι δὲ γεωργὸς εἰργάζετο τάφρον, ἵνα
-ἐμφυτεύσῃ κλῆμα καλόν τε καὶ εὐγενές· εἶτα τὴν
-σμινύην καταφέρων ὑποικουροῦσαν ἀσπίδα ἱερὰν καὶ
-ἀνθρώπων ἥκιστα ἐχθρὰν λαθὼν διέκοψε μέσην.
-καὶ τὴν γῆν διαξαίνων τὸ μὲν οὐραῖον βλέπων τῇ
-ψάμμῳ κατειλημμένον, τὸ δὲ ἡμίτομον τὸ ἐκ τῆς
-γαστρὸς ἐς τὴν δέρην ἀνιὸν ἔτι ἕρπον καὶ τοῦ λύθρου
-τοῦ διὰ τὴν τομὴν πεπληρωμένον, ἐκπλήττεται, καὶ
-ἔκφρων γενόμενος ἔς τε ὀρθὴν μανίαν καὶ ὡς τὰ μάλιστα
-ἰσχυρὰν ἐκφοιτᾷ. καὶ μεθʼ ἡμέραν ἑαυτοῦ τε
-καὶ τοῦ λογισμοῦ ἦν ἀκράτωρ καὶ μέντοι καὶ νύκτωρ
-ἦν παράφορος, καὶ ἐκ τοῦ ʽ??ʼέχους ἀνεθόρνυτο καὶ
-ἔλεγε τὴν ἀσπίδα διώκειν, καὶ ὥσπερ οὖν ὁμοῦ τι
-τῷ δήγματι ὢν ἐκπληκτικώτατα ἐβόα καὶ ἐκάλει συμμάχους,
-καὶ μέντοι καὶ τῆς ἀνῃρημένης ὑπʼ αὐτοῦ
-τὸ εἴδωλον ἔλεγεν ὁρᾶν βριμούμενόν τε καὶ ἀπειλοῦν,
-καὶ ὡμολόγει ποτὲ καὶ δεδῆχθαι, καὶ ὡς ὠδυνᾶτο
-ἐξ ὧν ᾤμωζεν ἦν δῆλος. ἐπεὶ μέντοι ἡ νόσος πόρρω
-τοῦ χρόνου ἦν, οἱ προσήκοντές οἱ τὸν ἄνδρα ἐς τοῦ
-Σαράπιδος ἄγουσιν ἱκέτην, καὶ ἐδέοντο ἀναστεῖλαι
-καὶ ἀφανίσαι τῆς προειρημένης τὸ φάσμα. οἰκτείρει
-<pb id="p.287"/>
-μὲν οὖν τὸν ἄνδρα ὁ θεὸς καὶ ἰᾶται· ὡς δὲ ἀτιμώρητος
-οὐκ ἔμεινεν ἡ ἀσπὶς εἴρηται καὶ πάνυ γε ἀποχρώντως.
-</p>
-</div2>
-<div2 type="chapter" n="33">
-<p>ταῶν δὲ Ἰνδικὸν δῶρον λαβὼν ὁ τῶν Αἰγυπτίων 
-βασιλεύς, ταώνων ἰδεῖν μέγιστόν τε καὶ ὡραιότατον, 
-οὐκ ἀξιοῖ σὺν τοῖς ἀγελαίοις τρέφειν, ὡς οἰκίας
-ἄθυρμα αὐτὸν εἶναι ἢ γαστρὸς χάριν, ἀλλὰ ἀνάπτει
-τῷ Πολιεῖ Διί, κρίνας ἀνάθημα ἐπάξιον τῷ
-θεῷ τὸν ὄρνιν τὸν προειρημένον. ἐρᾷ τοῦτον συλλαβεῖν
-ἄσωτος νεανίας καὶ πάνυ γε πλούσιος καὶ 
-ποιήσασθαι δεῖπνον· ἀεὶ γὰρ τῇ γαστρὶ ἐχαρίζετο
-καὶ ἐξ ἁπάσης αἰτίας ὁ ἄσωτος οὗτος, τὸ ποικίλον
-τῆς τροφῆς καὶ τὸ σὺν κινδύνῳ πορισθὲν καὶ τὸ
-ἐωνημένον πολλῶν πόνων λαιμαργίας καὶ βδελυρίας
-ὑπερβολῇ κέρδος ἡγούμενος ἐς ἡδονήν. μισθὸν οὖν 
-τῆς θεοσυλίας ἁδρὸν προτείνει τινὶ τῶν τοῦ θεοῦ
-θεραπευτήρων, καὶ ὑπισχνεῖται καὶ ἄλλον. ὃ δὲ
-ἐλπίδι κουφισθεὶς ματαίᾳ, ἔνθα ᾔδει τὸν ὄρνιν αὐλιζόμενον
-ἐλθὼν ἐπεχείρει συλλαβεῖν καὶ τῷ πλουσίῳ
-κομίσαι. καὶ ἐκεῖνον μὲν οὐχ ὁρᾷ, μεγίστην δὲ 
-ἀσπίδα ὀρθὴν εἶδε καὶ ἐπʼ αὐτὸν τεθυμωμένην. καὶ
-τὰ μὲν πρῶτα ἔδεισε καὶ ἀπῆλθεν, ἐγκειμένου δὲ τοῦ
-ἀσώτου καὶ παρορμῶντος ὁ μὲν ὑπηρέτης ἐπὶ τὸν ταῶν
-ἦλθεν, ὃ δὲ ἀνωτέρω ᾅξας καὶ ἑαυτὸν τοῖς πτεροῖς
-μετεωρίσας καὶ ἀρθεὶς κοῦφος οὔτε ἐπί τι τῶν ἱερῶν 
-δένδρων ἐκάθισεν οὔτε ἐπʼ ἄλλον μετέωρόν τε καὶ
-ὑψηλὸν χῶρον, ἀλλὰ ἐπὶ τὸ μέσον τοῦ νεώ, καὶ ἐς
-αὐτοὺς ἀτρέπτως ἑώρα, οἷον ὑποφαίνων ὅτι ἄρα τῆς
-ἐπιβουλῆς τῆς ἐξ ἐκείνων κρείττων πέφυκε, καὶ οὐκ
-ἔστιν αὐτοῖς ἑλεῖν αὐτόν. οὐκοῦν ἐπεὶ μηδὲν ἤνυστο, 
-ὅπερ ἦν προδοὺς ἀργύριον ὁ ἄσωτος ἀπῄτει λαβεῖν,
-ὃ δὲ οὐκ ἀπεδίδου λέγων ποιῆσαι μὲν τὰ ἑαυτοῦ
-<pb id="p.288"/>
-πάντα, ἀδύνατος δὲ εἶναι θεῶν κτῆμα ὑφελέσθαι.
-οἷα οὖν εἰκὸς ἦν ἔρις ὑπὲρ τούτων καὶ βοὴ ἤδη, καὶ
-ἤκουον πολλοί· εἶτα ἄνεισιν ὁ ἐπὶ πᾶσιν ἱερεύς, καὶ
-ἐρωτᾷ τῆς ἐν τῷ νεῷ φιλονεικίας τὴν ὑπόθεσιν, καὶ
-ἐλέγχουσιν ἀλλήλους. καὶ ὁ μὲν πλούσιος ἀπειλαῖς
-καὶ βλασφημίαις καὶ λοιδορίαις αἰκισθεὶς ἀπαλλάττεται
-καὶ ὄρνιθος ἄλλου καταπιὼν ὀστοῦν καὶ ὀδυνώμενος
-τὸν βίον κατέστρεψεν ἀλγεινότατα, τὸν δὲ
-ὑπηρέτην τὸν κακὸν οἷα δήπου ἱερόσυλον ὁ τῆς πόλεως
-ἁρμοστὴς ἐκόλασε, τὸν δὲ ὄρνιν οὔτε ζῶντα
-οὔτε νεκρὸν ἐθεάσαντο, ἀλλὰ ἑκατὸν ὡς λόγος ἔτη
-διαβώσας εἶτα ἠφανίσθη.
-</p>
-</div2>
-<div2 type="chapter" n="34">
-<p> καὶ ἐκεῖνο δὲ ἔοικε τούτῳ καὶ ὁμολογεῖ. Κίσσος
-ὄνομα θεραπεύων τὸν Σάραπιν ἰσχυρῶς, ἐπιβουλευθεὶς
-ὑπὸ τῆς πρότερον μὲν ἐρωμένης ὕστερον δὲ
-γαμετῆς, καὶ ᾠὰ ὄφεως φαγών, ὠδυνᾶτο καὶ ἑαυτοῦ
-κακῶς εἶχε, καὶ ἐπίδοξος τεθνήξεσθαι ἦν. δεῖται δὲ
-τοῦ θεοῦ, ὃ δὲ προσέταξε πρίασθαι μύραιναν ζῶσαν,
-καθεῖναι δὲ τὴν χεῖρα ἐς τὸ ζωγρεῖον. καὶ ὁ Κίσσος
-πείθεται καὶ καθίησιν, ἣ δὲ ἐμφῦσα εἴχετο, ἀποσπωμένη
-δὲ καὶ τὴν νόσον τὴν ἐν τῷ νεανίᾳ συναπέσπασεν.
-ὑπηρέτις μὲν δὴ θεοῦ θεραπείας ἡ μύραινα
-αὕτη γενομένη ἐς ἀκοὴν τὴν ἡμετέραν ἀφίκετο.
-</p>
-</div2>
-<div2 type="chapter" n="35">
-<p> Χρύσερμον δὲ ἐπὶ Νέρωνος αἷμα ἀνεμοῦντα καὶ
-τηκόμενον ἤδη, αἷμα ταύρου πιόντα ἰάσατο ὁ αὐτὸς
-οὗτος θεός. ἐγὼ δὲ λέγω ταῦτα, ὅτι ἐς τοσοῦτον ἄρα
-τὰ ζῷα θεοφιλῆ ἐστιν, ὡς καὶ ὑπὸ τῶν θεῶν σώζεσθαι,
-καὶ σώζειν ἐκείνων βουλομένων ἑτέρους. ἀτὰρ
-οὖν καὶ Βάσιλιν τὸν Κρῆτα ἐς νόσον φθίσεως ἐμπεσόντα
-ἐξάντη τοῦ τοσούτου κακοῦ ὅδε ὁ θεὸς εἰργάσατο
-ὀνείων κρεῶν γευσάμενον. καὶ προσέπεσε γενέσθαι
-αὐτῷ κατὰ τὸ ὄνομα τοῦ ζῴου· ἔφατο γὰρ
-<pb id="p.289"/>
-ὀνησιφόρον οἱ ταύτην ἔσεσθαι τὴν θεραπείαν καὶ
-ἴασιν. καὶ ὑπὲρ μὲν τούτων ἀπόχρη καὶ ταῦτα.
-</p>
-</div2>
-<div2 type="chapter" n="36">
-<p>ἴδια δὲ ἄρα τῶν ζῴων καὶ ἐκεῖνα. αἱ ἵπποι ἐς 
-ἁρματηλασίαν ἐπιτηδειόταται εἶναι πιστεύονται. πυνθάνομαι
-δὲ τοὺς ἄνδρας τοὺς πωλευτικοὺς λέγειν 
-ὅτι ἄρα χαίρουσιν ἵπποι λουτρῷ τε καὶ ἀλοιφῇ.
-ὅτι δὲ καὶ μύρῳ ἐχρίοντο ἵπποι, Σιμωνίδης ἐν τοῖς
-ἰάμβοις λέγει. Πέρσαι δὲ μετὰ τὴν Κύρου μάχην
-τὴν ἐν Λυδίᾳ καμήλους τοῖς ἵπποις συντρέφουσι, τὸ
-δέος τῶν ἵππων τὸ ἐκ τῶν καμήλων ἐς αὐτοὺς ἐξαπτόμενον 
-ἐκβάλλειν πειρώμενοι τῇ συντροφίᾳ.
-</p>
-</div2>
-<div2 type="chapter" n="37">
-<p>καλεῖται δὲ σελάχια ὅσα οὐκ ἔχει λεπίδας· εἴη δʼ 
-ἂν μύραινα γόγγρος νάρκη τρυγὼν βοῦς γαλεός·
-δελφὶς φάλαινα φώκη. ταῦτα δὲ ἄρα μόνα τῶν ἐνύδρων
-ζῳοτοκεῖ. μαλάκια δὲ καλεῖται ὅσα ἀνόστεά 
-έστι· καὶ εἴη ἂν πολύπους σηπία τευθὶς ἀκαλήφη.
-ταῦτά τοι καὶ αἵματος ἄμοιρα καὶ σπλάγχνων ἐστί.
-μαλακόστρακα δὲ ἀστακοὶ καρίδες καρκίνοι πάγουροι·
-ἀποδύεται δὲ καὶ τὸ γῆρας ταῦτα. ὀστρακόδερμα
-δὲ ὄστρεα πορφύραι κήρυκες στρόμβοι ἐχῖνοι κάραβοι. 
-καρχαρόδοντα δὲ λύκος κύων λέων πάρδαλις. ταῦτά
-τοι καὶ σαρκῶν ἐσθίει. ἀμφόδοντα δὲ ἄνθρωπος
-ἵππος ὄνος, ἅπερ οὖν καὶ πιμελὴν ἔχει. συνόδοντα
-δὲ βοῦς πρόβατον αἴξ. χαυλιόδοντα δὲ ὗς ὁ ἄγριος
-σπάλαξ· τὸν γὰρ ἐλέφαντα οὔ φημι ὀδόντας ἔχειν 
-ἀλλὰ κέρατα. ἔντομα δὲ σφὴξ μέλιττα· λέγουσι δὲ
-μηδὲ πνεύμονας ἔχειν ταῦτα. ἀμφίβια δὲ ἵππος ποτάμιος
-ἐνυδρὶς κάστωρ κροκόδειλος. φολιδωτὰ δὲ
-σαῦρος σαλαμάνδρα χελώνη κροκόδειλος ὄφις· ταῦτα
-δὲ καὶ τὸ γῆρας ἀποδύεται πλὴν κροκοδείλου καὶ χελώνης. 
-μώνυχα δὲ ἵππος ὄνος. δίχηλα δὲ βοῦς ἔλαφος αἲξ
-οἶς χοῖρος. πολυσχιδῆ δὲ ἄνθρωπος κύων. στεγανόποδα
-<pb id="p.290"/>
-δὲ καὶ πλατυώνυχα κύκνος χήν. γαμψώνυχα δὲ ἱέρακες
-ἀετοί. τὴν δὲ τῶν ἄλλων ζῴων ἰδιότητα ἀλλαχοῦ εἶπον.
-</p>
-</div2>
-<div2 type="chapter" n="38">
-<p> φιλότεκνον δὲ ἄρα ζῷον ἦν καὶ ὁ χηναλώπηξ,
-καὶ ταὐτὰ τοῖς πέρδιξι δρᾷ. καὶ γὰρ οὗτος πρὸ τῶν
-νεοττῶν ἑαυτὸν κυλίει, καὶ ἐνδίδωσιν ἐλπίδα ὡς
-θηράσοντι αὐτὸν τῷ ἐπιόντι· οἳ δὲ ἀποδιδράσκουσιν
-ἐν τῷ τέως. ὅταν δὲ πρὸ ὁδοῦ γένωνται, καὶ ἐκεῖνος
-ἑαυτὸν τοῖς πτεροῖς ἐλαφρίσας ἀπαλλάττεται.
-</p>
-</div2>
-<div2 type="chapter" n="39">
-<p> λέγουσι δὲ Αἰγύπτιοι τὸν ἱέρακα ζῶντα μὲν καὶ ἔτι
-περιόντα θεοφιλῆ ὄρνιν εἶναι, τοῦ βίου δὲ ἀπελθόντα
-καὶ μαντεύεσθαι καὶ ὀνείρατα ἐπιπέμπειν, ἀποδυσάμενον
-τὸ σῶμα καὶ ψυχὴν γεγενημένον γυμνήν. λέγουσι
-δὲ Αἰγύπτιοι καὶ τρίποδα ἱέρακα παρʼ αὐτοῖς φανῆναί
-ποτε, καὶ ὑγιᾶ δοκοῦσι λέγειν τοῖς πεπιστευκόσιν.
-</p>
-</div2>
-<div2 type="chapter" n="40">
-<p> πέρδικες οἱ Παφλαγόνες δικάρδιοί εἰσιν, ὥσπερ
-οὖν Θεόφραστος λέγει. καὶ Θεόπομπος λέγει τοὺς
-ἐν Βισαλτίᾳ λαγὼς διπλᾶ ἥπατα ἔχειν ἕκαστον. λέγει
-δὲ Ἀπίων, εἰ μὴ τερατεύεται, καὶ ἐλάφους νεφροὺς
-τέτταρας ἔχειν κατά τινας τόπους. λέγει δὲ ὁ αὐτὸς
-καὶ κατὰ τὸν Οἴνιδα τὸν Μήνιδος δικέφαλον γέρανον
-φανῆναι, καὶ εὐθενῆσαι τὴν Αἴγυπτον· καὶ ἐπʼ ἄλλου
-βασιλέως τετρακέφαλον ὄρνιν, καὶ πλημμυρῆσαι τὸν
-Νεῖλον ὡς οὔποτε, καὶ καρπῶν ἀφθονίαν γενέσθαι
-καὶ εὐποτμίαν ληίων θαυμαστήν. τετράκερων δὲ
-ἔλαφον Νικοκρέων ὁ Κύπριος ἔσχε, καὶ ἀνέθηκε Πυθοῖ καὶ ὑπέγραψε
-σῆς ἕνεκεν, Λητοῦς τοξαλκέτα κοῦρʼ, ἐπινοίας
-τήνδʼ ἕλε Νικοκρέων τετράκερων ἔλαφον.
-καὶ μέντοι καὶ τετράκερω πρόβατα ἐν τῷ τοῦ Διὸς
-τοῦ Πολιέως ἦν καὶ τρίκερω. ἐγὼ δὲ καὶ πεντάποδα
-βοῦν ἱερὸν ἐθεασάμην, ἀνάθημα τῷ θεῷ τῷδε ἐν τῇ
-πόλει τῇ Ἀλεξανδρέων τῇ μεγάλῃ, ἐν τῷ ᾀδομένῳ
-<pb id="p.291"/>
-τοῦ θεοῦ ἄλσει, ἔνθα περσέαι σύμφυτοι σκιὰν περικαλλῆ
-καὶ ψῦξιν ἀπεδείκνυντο. καὶ ἦν μόσχος ἐνταῦθα
-τὴν χρόαν κηρῷ προσεικασμένος, καὶ ἐπὶ τοῦ
-ὤμου πόδα ἀπηρτημένον εἶχε περίεργον μὲν ὅσα
-ἐπιβῆναι, τέλειον δὲ ὅσα ἐς πλάσιν. καὶ ταῦτα μὲν 
-δοκεῖ τῇ φύσει ὁμολογεῖν οὐ πάνυ τι, ἐγὼ δὲ ὅσα
-ἐς ἐμὴν ὄψιν τε καὶ ἀκοὴν ἀφίκετο εἶπον.</p>
-</div2>
-</div1>
-<div1 type="book" n="12">
-<div2 type="chapter" n="1">
-<p>
-μυρέων τῶν ἐν Λυκίᾳ κόλπος ἐστί, καὶ ἔχει
-πηγήν, καὶ ἐνταῦθα νεὼς Ἀπόλλωνός ἐστι, καὶ ὁ τοῦδε
-τοῦ θεοῦ ἱερεὺς κρέα μόσχεια διασπείρει τῶν τῷ 
-θεῷ τεθυμένων, ὀρφώ τε οἱ ἰχθύες ἀθρόοι προσνέουσι,
-καὶ τῶν κρεῶν ἐσθίουσιν οἷα δήπου καλούμενοι
-δαιτυμόνες. καὶ χαίρουσιν οἱ θύσαντες, καὶ
-τὴν τούτων δαῖτα πιστεύουσιν εἶναί σφισιν ὄτταν
-ἀγαθήν, καὶ λέγουσιν ἵλεων εἶναι τὸν θεόν, διότι οἱ 
-ἰχθύες ἐνεπλήσθησαν τῶν κρεῶν. εἰ δὲ ταῖς οὐραῖς
-αὐτὰ ἐς τὴν γῆν ἐκβάλοιεν ὥσπερ οὖν ἀτιμάσαντες καὶ
-μυσαρὰ κρίναντες, τοῦτο δὴ τοῦ θεοῦ μῆνις εἶναι
-πεπίστευται. γνωρίζουσι δὲ καὶ τὴν τοῦ ἱερέως φωνὴν
-οἱ ἰχθύες, καὶ ὑπακούσαντες μὲν εὐφραίνουσι διʼ οὓς 
-κέκληνται, τοὐναντίον δὲ δράσαντες λυποῦσιν.
-</p>
-</div2>
-<div2 type="chapter" n="2">
-<p>κατὰ τὴν πάλαι Βαμβύκην ʽκαλεῖται δὲ νῦν Ἱεράπολις, 
-Σελεύκου ὀνομάσαντος τοῦτο αὐτήνʼ ἰχθύες
-εἰσὶν ἱεροί, καὶ κατʼ ἴλας νήχονται καὶ ἔχουσιν ἡγεμόνας,
-καὶ τῶν ἐμβαλλομένων αὐτοῖς τροφῶν προεσθίουσιν
-οὗτοί γε. φυλάττουσι δὲ καὶ τὴν πρὸς 
-ἀλλήλους φιλίαν μάλιστα ἰχθύων, καὶ ἔστιν ἀεὶ ἔνσπονδα
-αὐτοῖς, ἤτοι τῆς θεοῦ τὴν ὁμόνοιαν καταπνεούσης,
-ἢ διότι τῶν ἐμβαλλομένων τροφῶν ἐμπιπλάμενοι
-<pb id="p.292"/>
-οὕτως τῆς ἀλλήλων βορᾶς ἄγευστοί τε καὶ ἀμαθεῖς διαμένουσιν.
-</p>
-</div2>
-<div2 type="chapter" n="3">
-<p> λέγουσιν Αἰγύπτιοι, καὶ ἐμὲ μὲν ἥκιστα πείθουσι,
-λέγουσι δʼ οὖν ἄρνα καὶ ὀκτάπουν καὶ δίκερκον κατὰ
-τὸν Βόκχοριν τὸν ᾀδόμενον ἐκεῖνον γενέσθαι, καὶ
-ῥῆξαι φωνήν. καὶ δύο κεφαλὰς ᾅδουσι τῆς ἀρνός,
-καὶ τετράκερω γενέσθαι φασὶ τὴν αὐτήν. Ὁμήρῳ
-μὲν οὖν φωνὴν Ξάνθῳ τῷ ἵππῳ δόντι συγγνώμην
-νέμειν ἄξιον, ποιητὴς γάρ· καὶ Ἀλκμὰν δὲ μιμούμενος
-ἐν τοῖς τοιούτοις Ὅμηρον οὐκ ἂν φέροιτο αἰτίαν,
-ἔχει γὰρ ἀξιόχρεων ἐς αἰδῶ τὴν πρωτίστην τόλμαν·
-Αἰγυπτίοις δὲ τοιαῦτα κομπάζουσι προσέχειν πῶς
-οἷόν τε; εἴρηται δʼ οὖν, εἰ καὶ μυθώδη, τὰ τῆσδε
-τῆς ἀρνὸς ἴδια.
-</p>
-</div2>
-<div2 type="chapter" n="4">
-<p> καὶ ἐκεῖνο δὲ ὑπὲρ τῶν ἱεράκων ἀκούσας οἶδα.
-πρὸ τοῦ τὸν Νεῖλον ἐπιπολάζειν τῇ Αἰγύπτῳ καὶ ἐς
-τὰς ἀρούρας ἀνέρχεσθαι, ἀφιᾶσι τῶν πτερῶν τὰ ἤδη
-γηρῶντα ὥσπερ οὖν τῶν φυτῶν οἱ κλάδοι τὰ φύλλα
-τὰ ξηρά, καὶ ἀναφύουσι πτίλα νεαρὰ καὶ ὡραῖα οἱ
-ἱέρακες ὡς τὴν ἄνθην τὰ δένδρα. γένη δὲ ἱεράκων
-πλείονα ἄρα ἦν, καὶ ἔοικεν ὑπαινίττεσθαι καὶ Ἀριστοφάνης
-τοῦτο. φησὶ γοῦν 
-<quote rend="blockquote">
-<lb/>ἀλλʼ ἐπέμψαμεν
-<lb/>τρισχιλίους ἱέρακας ἱπποτοξότας.
-<lb/>χωρεῖ δὲ πᾶς τις ὄνυχας ἠγκυλωμένος
-<lb/>κερχνῂς τριόρχης γὺψ κύμινδις αἰετός.
-</quote>
-νενέμηνται δὲ καὶ ἀπεκρίθησαν θεοῖς πολλοῖς. ὁ μὲν
-περδικοθήρας καὶ ὠκύπτερος Ἀπόλλωνός ἐστι θεράπων
-φασί, φήνην δὲ καὶ ἅρπην Ἀθηνᾷ προσνέμουσιν,
-Ἑρμοῦ δὲ τὸν φασσοφόντην ἄθυρμα εἶναί φασιν,
-Ἥρας δὲ τὸν τανυσίπτερον, καὶ τὸν τριόρχην οὕτω
-καλούμενον Ἀρτέμιδος. μητρὶ δὲ θεῶν τὸν μέρμνον,
-<pb id="p.293"/>
-καὶ ἄλλον ἄλλῳ θεῷ. γένη δὴ ἱεράκων ἐστὶ πάμπολλα.
-</p>
-</div2>
-<div2 type="chapter" n="5">
-<p>Αἰγύπτιοι μὲν οὖν σέβοντές τε καὶ ἐκθεοῦντες 
-γένη ζῴων διάφορα γέλωτα ὀφλισκάνουσι παρά γε
-τοῖς πολλοῖς· Θηβαῖοι δὲ σέβουσιν Ἕλληνες ὄντες 
-ὡς ἀκούω γαλῆν, καὶ λέγουσί γε Ἡρακλέους αὐτὴν
-γενέσθαι τροφόν, ἢ τροφὸν μὲν οὐδαμῶς, καθημένης
-δὲ ἐπʼ ὠδῖσι τῆς Ἀλκμήνης καὶ τεκεῖν οὐ δυναμένης,
-τὴν δὲ παραδραμεῖν καὶ τοὺς τῶν ὠδίνων λῦσαι
-δεσμούς, καὶ προελθεῖν τὸν Ἡρακλέα καὶ ἕρπειν ἤδη. 
-καὶ οἱ τὴν Ἁμαξιτὸν τῆς Τρωάδος κατοικοῦντες
-μῦν σέβουσιν· ἔνθεν τοι καὶ τὸν Ἀπόλλω τὸν παρʼ
-αὐτοῖς τιμώμενον Σμίνθιον καλοῦσί φασιν. ἔτι γὰρ
-καὶ τοὺς Αἰολέας καὶ τοὺς Τρῶας τὸν μῦν προσαγορεύειν
-σμίνθον, ὥσπερ οὖν καὶ Αἰσχύλος ἐν τῷ Σισύφῳ 
-ἀλλʼ ἀρουραῖός τίς ἐστι σμίνθος ὧδʼ ὑπερφυής.
-καὶ τρέφονται μὲν ἐν τῷ Σμινθείῳ μύες τιθασοὶ δημοσίας
-τροφὰς λαμβάνοντες, ὑπὸ δὲ τῷ βωμῷ φωλεύουσι
-λευκοί, καὶ παρὰ τῷ τρίποδι τοῦ Ἀπόλλωνος 
-ἕστηκε μῦς. μυθολόγημα δὲ ὑπὲρ τῆσδε τῆς θρησκείας
-καὶ ἐκεῖνο προσακήκοα. τῶν Αἰολέων καὶ
-τῶν Τρώων τὰ λήια πολλὰς μυῶν μυριάδας ἐπελθούσας
-ἄωρα ὑποκείρειν καὶ ἀτελῆ τὰ θέρη τοῖς
-σπείρασιν ἀποφαίνειν. οὐκοῦν τὸν ἐν Δελφοῖς θεὸν 
-πυνθανομένων εἰπεῖν ὅτι δεῖ θύειν Ἀπόλλωνι Σμινθεῖ,
-τοὺς δὲ πεισθέντας ἀπαλλαγῆναι τῆς ἐκ τῶν
-μυῶν ἐπιβουλῆς καὶ τὸν πυρὸν αὐτοῖς ἐς τὸν νενομισμένον
-ἄμητον ἀφικνεῖσθαι. ἐπιλέγουσι δὲ ἄρα
-τούτοις καὶ ἐκεῖνα. ἐς ἀποικίαν Κρητῶν οἱ σταλέντες 
-οἴκοθεν ἔκ τινος τύχης καταλαβούσης αὐτοὺς
-ἐδεήθησαν τοῦ Πυθίου φῆναί τινα αὐτοῖς χῶρον
-<pb id="p.294"/>
-ἀγαθὸν καὶ ἐς τὸν συνοικισμὸν λυσιτελῆ. ἐκπίπτει δὴ
-λόγιον, ἔνθα ἂν αὐτοῖς οἱ γηγενεῖς πολεμήσωσιν,
-ἐνταῦθα καταμεῖναι καὶ ἀναστῆσαι πόλιν. οὐκοῦν
-ἥκουσι μὲν ἐς τὴν Ἁμαξιτὸν τήνδε καὶ στρατοπεδεύουσιν
-ὥστε ἀναπαύσασθαι, μυῶν δὲ ἄφατόν τι πλῆθος
-ἐφερπύσαν τά τε ὄχανα αὐτοῖς τῶν ἀσπίδων
-διέτραγε καὶ τὰς τῶν τόξων νευρὰς διέφαγεν· οἳ δὲ
-ἄρα συνέβαλον τούτους ἐκείνους εἶναι τοὺς γηγενεῖς,
-καὶ μέντοι καὶ ἐς ἀπορίαν ἥκοντες τῶν ἀμυντηρίων
-τόνδε τὸν χῶρον οἰκίζουσι, καὶ Ἀπόλλωνος ἱδρύονται
-νεὼν Σμινθίου. ἡ μὲν οὖν τῶν μυῶν μνήμη προήγαγεν
-ἡμᾶς ἐς θεολογίαν τινά, χείρους δὲ αὑτῶν οὐ
-γεγόναμεν καὶ τοιαῦτα προσακούσαντες.
-</p>
-</div2>
-<div2 type="chapter" n="6">
-<p> ἦσαν δὲ ἄρα δελφῖνες καὶ νεκρῶν μνήμονες καὶ
-τῶν συννόμων ἀπελθόντων τοῦ βίου οὐδαμῶς προδόται.
-τὸν γοῦν ἑαυτῶν τεθνεῶτα ὑποδύντες εἶτα
-μέντοι κομίζουσι φοράδην ἐς τὴν γῆν τοῖς ἀνθρώποις
-πιστεύοντες θάψαι, καὶ Ἀριστοτέλης μαρτυρεῖ τούτῳ·
-ἕπεται δὲ πλῆθος ἕτερον οἱονεὶ τιμῶντες ἢ καὶ νὴ
-Δία ὑπερμαχοῦντες, μή ποτε ἄλλο κῆτος ἐπιδράμῃ
-καὶ τὸν νεκρὸν ἁρπάσαν εἶτα καταδαίσηται. ὅσοι
-μὲν οὖν εἰσιν ἔνδικοι καὶ τῆς μουσικῆς ἐπαΐοντες,
-τῆς τῶν δελφίνων φιλομουσίας αἰδοῖ θάπτουσιν αὐτούς·
-οἱ δὲ ἀπό τε Μουσῶν φασιν ἀπό τε Χαρίτων
-ἀκηδῶς αὐτῶν ἔχουσι. καὶ δότε συγγνώμην, ὦ
-δελφῖνες φίλοι, τῇ τῶν ἀνθρώπων ἀγριότητι, εἴγε
-καὶ Ἀθηναῖοι Φωκίωνα τὸν χρηστὸν ἔρριψαν ἄταφον.
-καὶ Ὀλυμπιὰς δὲ ἔκειτο γυμνὴ ἡ τεκοῦσα τὸν
-τοῦ Διός, ὡς ἐκόμπαζέ τε αὐτὴ καὶ ἐκεῖνος ἔλεγε.
-καὶ τὸν Ῥωμαῖον Πομπήιον τὸν Μέγαν ἐπίκλην ἀποκτείναντες
-Αἰγύπτιοι τοσαῦτα ἐργασάμενον καὶ νίκας
-νικήσαντα ἄγαν σεμνὰς καὶ θριαμβεύσαντα τρὶς
-<pb id="p.295"/>
-καὶ τὸν τοῦ φονέως πατέρα σώσαντα καὶ ἐς τὴν Αἰγυπτίων
-βασιλείαν ἐπαναγαγόντα εἴασαν ἐρριμένον,
-ἄμοιρον τῆς κεφαλῆς, πλησίον τῆς θαλάττης καὶ ἐκεῖνον,
-ὡς ὑμᾶς πολλάκις ἐῶσι. τὸ γάρ τοι ζῷον τὸ
-πάμβορον τοῦτο οὐδὲ ὑμῶν φείδεται, ἀλλὰ καὶ ὑμᾶς 
-ταρίχους ἐργάσασθαι τολμῶσι, καὶ σφᾶς αὐτοὺς λελήθασι
-ταῖς Μούσαις ταῖς Διὸς θυγατράσι ταῦτα
-ἀπὸ θυμοῦ δρῶντες.
-</p>
-</div2>
-<div2 type="chapter" n="7">
-<p>λέοντας μὲν ἐν Αἰγύπτῳ σέβουσι, καὶ ἐξ αὐτῶν 
-κέκληται πόλις· καὶ τὰ ἴδιά γε τῶν ἐκεῖ λεόντων 
-εἰπεῖν ἄξιον. ἔχουσι νεὼς καὶ διατριβὰς εὖ μάλα
-ἀφθόνους, καὶ κρέα βοῶν αὐτοῖς ἐστιν ὁσημέραι, καὶ
-διασπαρακτὰ κεῖται γυμνὰ ὀστῶν καὶ ἰνῶν, καὶ ἐσθιόντων
-ἐπᾴδουσιν Αἰγυπτίᾳ φωνῇ. ἡ δὲ ὑπόθεσις
-τῆς ᾠδῆς, ʽμὴ βασκήνητέ τινα τῶν ὁρώντωνʼ, καὶ 
-ἔοικεν ὡς ἂν εἴποις ἀντὶ περιάπτων τὸ ᾆσμα. ἐκθεοῦνται
-δὲ ἄρα παρʼ αὐτοῖς πολλοί, καὶ ἀντιπρόσωποί
-γε δίαιται ἀνειμέναι αὐτοῖς εἰσι. καὶ αἱ μὲν πρὸς
-τὴν ἕω θυρίδες, αἱ δὲ πρὸς τὴν ἑσπέραν ἀνεῳγμέναι
-κεχαρισμενωτέραν αὐτοῖς τὴν δίαιταν ἀποφαίνουσιν. 
-ἔστι δὲ αὐτοῖς καὶ γυμνάσια ὑγιείας χάριν, καὶ πλησίον
-παλαῖστραι, ὁ δὲ ἀντίπαλος μόσχος τῶν εὐτραφῶν.
-καὶ πρὸς τοῦτον γυμνασάμενος, ἢν αὐτὸν
-καθέλῃ ʽδρᾷ δὲ βραδέως ὑπʼ ἀργίας αὐτὸ καὶ ἀθηρίασʼ,
-ἐμφορεῖταί τε καὶ ὑποστρέφει ἐς τὸ αὔλιον τὸ 
-ἴδιον. διάπυρον δέ ἔστι τὸ ζῷον ἰσχυρῶς, καὶ ἐντεῦθεν
-καὶ Ἡφαίστῳ ἀνῆψαν αὐτὸ Αἰγύπτιοι· τὸ δὲ
-ἔξωθεν πῦρ δυσωπεῖται καὶ φεύγειπλήθει τοῦ ἔνδοθέν
-φασιν. ἐπειδὴ δὲ ἄγαν πυρῶδές ἐστι, οἶκον Ἡλίου φασὶν
-εἶναι· καὶ ὅταν γε ᾖ ἑαυτοῦ θερμότατος καὶ θερειότατος 
-ὁ ἥλιος, λέοντι αὐτὸν πελάζειν φασί. προσέτι
-γε μὴν καὶ οἱ τὴν μεγάλην οἰκοῦντες Ἡλίου πόλιν ἐν
-<pb id="p.296"/>
-τοῖς τοῦ θεοῦ προπυλαίοις τούσδε τρέφουσι τοὺς
-λέοντας, θειοτέρας τινὸς μοίρας ὡς Αἰγύπτιοί φασι
-μετειληχότας. καὶ γάρ τοι καὶ ὄναρ οἷσπερ οὖν ὁ
-θεός ἐστιν ἵλεως ἐπιστάντες προθεσπίζουσί τινα, καὶ
-τοὺς ἐπίορκον ὀμόσαντας οὐκ ἐς ἀναβολὰς ἀλλὰ ἤδη
-δικαιοῦσι, τοῦ θεοῦ τὴν ὀργὴν τὴν δικαίαν αὐτοῖς
-καταπνέοντος. λέγει δὲ καὶ Ἐμπεδοκλῆς τὴν ἀρίστην
-εἶναι μετοίκησιν τὴν τοῦ ἀνθρώπου, εἰ μὲν ἐς
-ζῷον ἡ λῆξις αὐτὸν μεταγάγοι, λέοντα γίνεσθαι· εἰ
-δὲ ἐς φυτόν, δάφνην. ἃ δὲ Ἐμπεδοκλῆς λέγει, ταῦτά ἐστιν
-<quote rend="blockquote">
-<lb/>ἐν θήρεσσι λέοντες ὀρειλεχέες χαμαιεῦναι
-<lb/>γίνονται, δάφναι δʼ ἐνὶ δένδρεσιν ἠυκόμοισιν.
-</quote>
-εἰ δὲ δεῖ καὶ τῆς τῶν Αἰγυπτίων σοφίας ἐς φύσιν
-ἐκτρεπόντων καὶ τὰ τοιαῦτα ὤραν τίθεσθαι ʽδεῖ δέʼ,
-τὰ μὲν πρόσθια τοῦδε τοῦ ζῴου πυρὶ ἀποκρίνουσιν,
-ὕδατί γε μὴν τὰ κατόπιν. καὶ τὴν σφίγγα μέντοι
-τὴν διφυῆ Αἰγύπτιοί τε χειρουργοὶ γλύφοντες καὶ
-Θηβαῖοι μῦθοι κομπάζοντες δίμορφον ἡμῖν πειρῶνται
-δεικνύναι, σεμνύνοντες τῇ τε τοῦ παρθενωποῦ καὶ
-τῇ τοῦ λεοντοειδοῦς σώματος κράσει αὐτήν. τοῦτό
-τοι καὶ Εὐριπίδης ὑπαινίττεται λέγων
-<quote rend="blockquote">
-<lb/>οὐρὰν δʼ ὑπίλλασʼ ὑπὸ λεοντόπουν βάσιν 
-<lb/>καθίζετο.
-</quote>
-καὶ μέντοι καὶ τὸν Νεμεαῖον λέοντα τῆς σελήνης ἐκπεσεῖν
-φασι. λέγει γοῦν καὶ τὰ Ἐπιμενίδου ἔπη
-<quote rend="blockquote">
-<lb/>καὶ γὰρ ἐγὼ γένος εἰμὶ Σελήνης ἠυκόμοιο,
-<lb/>ἣ δεινὸν φρίξασʼ ἀπεσείσατο θῆρα λέοντα
-<lb/>ἐν Νεμέᾳ, ἀνάγουσʼ αὐτὸν διὰ πότνιαν Ἥραν.
-</quote>
-<pb id="p.297"/>
-καὶ ταῦτα μὲν ἐς τοὺς μύθους ἀποκρίνωμεν, τά γε
-μὴν λεόντων ἴδια καὶ ἀνωτέρω καὶ νῦν δὲ ἀποχρώντως εἴρηται.
-</p>
-</div2>
-<div2 type="chapter" n="8">
-<p>ζῷόν ἐστιν ὁ πυραύστης, ὅπερ οὖν χαίρει μὲν 
-τῇ λαμπηδόνι τοῦ πυρὸς καὶ προσπέτεται τοῖς λύχνοις 
-ἐνακμάζουσιν, ἐμπεσὼν δὲ ὑπὸ ῥύμης εἶτα μέντοι
-καταπέφλεκται. μέμνηται δὲ αὐτοῦ καὶ Αἰσχύλος ὁ
-τῆς τραγῳδίας ποιητὴς λέγων
-δέδοικα μωρὸν κάρτα πυραύστου μόρον.
-</p>
-</div2>
-<div2 type="chapter" n="9">
-<p>ὁ δὲ κίγκλος ζῷόν ἐστι πτηνὸν ἀσθενὲς τὰ κατόπιν, 
-καὶ διὰ τοῦτό φασι μὴ ἰδίᾳ μηδὲ καθʼ ἑαυτὸν
-δυνάμενον αὐτὸν νεοττιὰν συμπλέξαι, ἐν ταῖς ἄλλων
-δὲ τίκτειν. ἔνθεν τοι καὶ τοὺς πτωχοὺς κίγκλους
-ἐκάλουν αἱ τῶν ἀγροίκων παροιμίαι. κινεῖ δὲ τὰ
-οὐραῖα πτερά, ὥσπερ οὖν ὁ παρὰ τῷ Ἀρχιλόχῳ κηρύλος. 
-μέμνηται δὲ καὶ τοῦ ὄρνιθος τοῦδε Ἀριστοφάνης
-ἐν τῷ Ἀμφιαράῳ λέγων
-ὀσφὺν δʼ ἐξ ἄκρων διακίγκλισον ἠύτε κίγκλος
-ἀνδρὸς πρεσβύτου, τελέειν δʼ ἀγαθὴν ἐπαοιδήν.
-καὶ ἐν τῷ Γήρᾳ 
-λορδοῦ κιγκλοβάταν ῥυθμόν.
-καὶ Αὐτοκράτης ἐν Τυμπανισταῖς
-<quote rend="blockquote">
-<lb/>οἷα παίζουσιν φίλαι
-<lb/>παρθένοι Λυδῶν κόραι
-<lb/>κοῦφα πηδῶσαι κόμαν, 
-<lb/>κἀνακρούουσαι χεροῖν,
-<lb/>Ἐφεσίαν παρʼ Ἄρτεμιν
-<lb/>καλλίσταν, καὶ τοῖν ἰσχίοιν
-<lb/>τὸ μὲν κάτω τὸ δʼ αὖ
-<lb/>εἰς ἄνω ἐξαίρουσα, 
-οἷα κίγκλος ἅλλεται.</quote>
-<pb id="p.298"/>
-</p>
-</div2>
-<div2 type="chapter" n="10">
-<p> οἱ μύες ἀποθνήσκοντες καθʼ ἑαυτοὺς καὶ ἐκ
-μηδεμιᾶς ἐπιβουλῆς ἀπορρεόντων αὐτοῖς τῶν μελῶν
-κατὰ μικρὰ ἀπέρχονται τοῦ βίου. ἔνθεν τοι καὶ ἡ
-παροιμία λέγει κατὰ μυὸς ὄλεθρον, μέμνηται δὲ
-αὐτῆς Μένανδρος ἐν τῇ Θαΐδι. τρυγόνος δὲ λαλίστερον
-ἔλεγον· ἡ γάρ τοι τρυγὼν καὶ διὰ τοῦ
-στόματος μὲν ἀπαύστως φθέγγεται, ἤδη δὲ καὶ ἐκ
-τῶν κατόπιν μερῶν ὥς φασι πάμπλειστα. μέμνηται
-δὲ καὶ ταύτης τῆς παροιμίας ἐν τῷ Πλοκίῳ ὁ αὐτός.
-καὶ Δημήτριος ἐν τῇ Σικελίᾳ τῷ δράματι μέμνηται
-ὅτι καὶ τῇ πυγῇ λαλοῦσιν αἱ τρυγόνες.
-λέγουσι δὲ τοὺς μύας λαγιστάτους εἶναι, καὶ
-μάρτυρά γε Κρατῖνον ἐπάγονται εἰπόντα ἐν ταῖς Δραπετίσι
-<quote rend="blockquote">
-<lb/>φέρε νῦν σοι
-<lb/>ἐξ αἰθρίας καταπυγοσύνην μυὸς ἀστράψω Ξενοφῶντος.
-</quote>
-καὶ ἔτι μᾶλλον τὸν θῆλυν ἔλεγον ἐς τὰ ἀφροδίσια εἶναι
-λυττητικόν. καὶ πάλιν παρὰ Ἐπικράτει ἐν τῷ Χορῷ
-<quote rend="blockquote">
-<lb/>τελέως δὲ μʼ ὑπῆλθεν ἡ κατάρατος μαστροπὸς
-<lb/>ἐπομνύουσα τὰν Κόραν τὰν Ἄρτεμιν
-<lb/>τὰν Φερρέφατταν ὡς δάμαλις, ὡς παρθένος,
-<lb/>ὡς πῶλος ἀδμής. ἣ δʼ ἄρʼ ἦν μυωνία.
-</quote>
-ἐς ὑπερβολὴν δὲ λαγνιστάτην αὐτὴν εἰπεῖν ἠθέλησε
-μυωνίαν ὅλην ὀνομάσας. καὶ Φιλήμων
-<quote rend="blockquote">
-<lb/>μῦς λευκὸς ὅταν αὐτήν τις ʽἀλλʼ αἰσχύνομαι
-<lb/>λέγεινʼ, κέκραγε τηλικοῦτον εὐθὺς ἡ
-<lb/>κατάρατος, ὥστʼ οὐκ ἔστι πολλάκις λαθεῖν.
-</quote>
-</p>
-</div2>
-<div2 type="chapter" n="11">
-<p> σέβουσι δὲ Αἰγύπτιοι καὶ μέλανα ταῦρον, καὶ καλοῦσιν
-Ὄνουφιν αὐτόν. καὶ τὸ ὄνομα τοῦ χώρου ἔνθα
-τρέφεται Αἰγύπτιοι λεγέτωσαν ἡμῖν λόγοι· τραχὺ
-<pb id="p.299"/>
-γάρ. ἀντίαι δὲ αὐτῷ τρίχες ἤπερ οὖν τοῖς ἄλλοις
-εἰσίν· ἴδια γάρ τοι καὶ τοῦδε ταῦτα. μέγιστος δὲ ἦν
-ἄρα βοῶν οὗτος καὶ ὑπὲρ τοὺς Χάονας, οὕσπερ οὖν
-καὶ λαρινοὺς καλοῦσι Θεσπρωτοί τε καὶ Ἠπειρῶται
-τῆς σπορᾶς τῆς τῶν Γηρυόνου βοῶν γενεαλογοῦντες 
-αὐτούς. καὶ σιτεῖταί γε Ὄνουφις πόαν Μηδικὴν οὗτος.
-</p>
-</div2>
-<div2 type="chapter" n="12">
-<p>ὀξύτατος δὲ ἦν ἄρα καὶ ἁλτικώτατος ἰχθύων ὁ 
-δελφίς, ἀλλὰ καὶ τῶν χερσαίων ἁπάντων. ὑπερπηδᾷ
-γοῦν καὶ ναῦν, ὡς Ἀριστοτέλης λέγει, καὶ τήν γε
-αἰτίαν πειρᾶται προστιθέναι, καὶ ἔστιν αὕτη. συνέχει 
-τὸ πνεῦμα, ὥσπερ οὖν καὶ οἱ ὕφυδροι κολυμβηταί·
-καὶ γάρ τοι καὶ ἐκεῖνοι ἐντείναντες ἔνδον τὸ
-πνεῦμα, ὥσπερ οὖν νευράν, εἶτα τὸ σῶμα ὡς βέλος
-ἀφιᾶσι. τὸ δὲ θλιβόμενόν φησιν ἔνδον ὠθεῖ τε καὶ
-ἐξακοντίζει αὐτούς. 
-</p>
-</div2>
-<div2 type="chapter" n="13">
-<p>ἡ δὲ φῦσά ἐστιν ἰχθὺς Αἰγύπτιος θαυμάσαι 
-ἄξιος. οἶδε γὰρ ὥς φασιν ὁπότε ἡ σελήνη λήγει, οἶδε
-δὲ αὐτῆς καὶ τὴν αὔξησιν. καὶ οὖν καὶ τὸ ἧπαρ αὐτοῦ
-συναύξεται τῇ θεῷ ἢ συμφθίνει, καὶ πῆ μὲν
-εὐτραφές ἐστι, πῆ δὲ λεπτότερον. 
-</p>
-</div2>
-<div2 type="chapter" n="14">
-<p>ὁ δὲ γλάνις ἐστὶ μὲν περὶ τὸν Μαίανδρον καὶ 
-τὸν Λύκον τοὺς Ἀσιανοὺς ποταμούς, τῆς δὲ Εὐρώπης
-περὶ τὸν Στρυμόνα, καὶ σιλούρῳ μὲν τὸ εἶδος ὅμοιός
-ἐστι. πέφυκε δὲ φιλοτεκνότατος ἰχθύων οὗτος. ὅταν
-γοῦν ἡ θήλεια ἀποκυήσῃ, ἣ μὲν ἀφεῖται τῆς ὑπὲρ 
-τῶν τέκνων φροντίδος, οἷα δήπου λεχώ, ὁ δὲ ἄρρην
-τῇ φρουρᾷ τῇ τῶν βρεφῶν ἑαυτὸν ἐπιτάξας παραμένει,
-πᾶν ἀναστέλλων τὸ ἐπιβουλεῦον. ἱκανὸς δέ ἐστι
-καὶ ἄγκιστρον καταπιεῖν, ὡς Ἀριστοτέλης φησίν.
-</p>
-</div2>
-<div2 type="chapter" n="15">
-<p>βάτραχος ὕδρον μισεῖ καὶ δέδοικεν ἰσχυρῶς. 
-οὐκοῦν τῇ βοῇ τῇ πολλῇ πειρᾶται ἀντεκπλήττειν
-αὐτὸν καὶ ἀντιφοβεῖν. κροκοδείλου δὲ κακουργία ἐς
-<pb id="p.300"/>
-ἀνθρώπου τε θήραν καὶ ζῴου ἑτέρου. τὴν ἀτραπὸν
-δι’ ἧς οἶδε κατιόντας ἐς ποταμὸν ἢ ἐφʼ ὑδρείαν
-ἢ ἵππου ἀρδείαν ἢ καμήλου ἢ καὶ νὴ Δία ὥστε ἐπιβῆναι
-πλοίου, ταύτην τοι νύκτωρ πολλῷ τῷ ὕδατι
-καταρραίνει·, καὶ ἐμπλήσας τὸ στόμα ἐγχεῖ κατὰ τῆς
-ἀτραποῦ πολλάκις, ὀλισθηρὰν αὐτὴν ἐργάσασθαι θέλων
-καὶ εὐκολωτέραν ἑαυτῷ τὴν ἄγραν ἀποφαίνων·
-τὰ γάρ τοι κατολισθάνοντα οὐ κρατεῖ τῆς ἐπιβάθρας,
-ἀλλʼ ἐκεῖνα μὲν κατηνέχθη, ὃ δὲ ὑπεπήδησεν ὑπολαβὼν
-καὶ δειπνεῖ. ὀλίγα δὲ κροκοδείλων πέρι ἐρῶ καὶ
-νῦν. οὐ πρὸς πᾶν τὸ τῶν τροχίλων γένος ἐστὶ τῷδε
-τῷ θηρίῳ ἔνσπονδα ʽπολλὰ δὲ αὐτῶν γένη καὶ ὀνόματα,
-τραχέα δὲ καὶ ἀκοῦσαι ἀντίτυπα, καὶ διὰ τοῦτο
-ἐῶ αὐτάʼ μόνον δὲ τὸν καλούμενον κλαδαρόρυγχον
-ἑταῖρον καὶ φίλον ἔχει· δύναται γὰρ οὗτος ἀλύπως
-ἐκλέγειν αὐτῷ τὰς βδέλλας.
-</p>
-</div2>
-<div2 type="chapter" n="16">
-<p> λέγει Δημόκριτος πολύγονα εἶναι ὗν καὶ κύνα,
-καὶ τὴν αἰτίαν προστίθησι λέγων, ὅτι πολλὰς ἔχει
-τὰς μήτρας καὶ τοὺς τόπους τοὺς δεκτικοὺς τοῦ σπέρματος.
-ὁ τοίνυν θορὸς οὐκ ἐκ μιᾶς ὁρμῆς ἁπάσας
-αὐτὰς ἐκπληροῖ, ἀλλὰ δίς τε καὶ τρὶς ταῦτα τὰ ζῷα
-ἐπιθόρνυται, ἵνα ἡ συνέχεια πληρώσῃ τὰ τοῦ γόνου
-δεκτικά. ἡμιόνους δὲ λέγει μὴ τίκτειν· μὴ γὰρ ἔχειν
-ὁμοίας μήτρας τοῖς ἄλλοις ζῴοις, ἑτερομόρφους δέ,
-ἥκιστα δυναμένας γονὴν δέξασθαι· μὴ γὰρ εἶναι φύσεως
-ποίημα τὴν ἡμίονον, ἀλλὰ ἐπινοίας ἀνθρωπίνης
-καὶ τόλμης ὡς ἂν εἴποις μοιχιδίου ἐπιτέχνημα τοῦτο
-καὶ κλέμμα. δοκεῖ δέ μοι, ἦ δʼ ὅς, ὄνος ἵππον βιάσασθαι
-κατὰ τύχην, μαθητὰς δὲ ἀνθρώπους τῆς βίας
-ταύτης γεγενημένους εἶτα μέντοι προελθεῖν ἐπὶ τὴν
-τῆς γονῆς αὐτῶν συνήθειαν. καὶ μάλιστά γε τοὺς
-τῶν Λιβύων ὄνους μεγίστους ὄντας ἐπιβαίνειν ταῖς
-<pb id="p.301"/>
-ἵπποις οὐ κομώσαις ἀλλὰ κεκαρμέναις· ἔχουσα γὰρ
-τὴν ἑαυτῆς ἀγλαΐαν τὴν διὰ τῆς κόμης οὐκ ἂν ὑπομείνειε
-τὸν τοιόνδε γαμέτην οἱ σοφοὶ τοὺς τούτων γάμους φασίν.
-</p>
-</div2>
-<div2 type="chapter" n="17">
-<p>ἐν τοῖς νοτίοις μᾶλλον ἐκπίπτειν τὰ ἔμβρυα Δημόκριτος 
-λέγει ἢ ἐν τοῖς βορείοις, καὶ εἰκότως· χαυνοῦσθαι
-γὰρ ὑπὸ τοῦ νότου τὰ σώματα ταῖς κυούσαις
-καὶ διίστασθαι. ἅτε τοίνυν τοῦ σκήνους διακεχυμένου
-καὶ οὐχ ἡρμοσμένου ἀλεαίνεσθαι τὰ κυόμενα καὶ θερμαινόμενα
-δεῦρο καὶ ἐκεῖσε διολισθάνειν καὶ ἐκπίπτειν 
-ῥᾷον· εἰ δὲ εἴη πάγος καὶ βορρᾶς καταπνέοι,
-συμπέπηγε μὲν τὸ ἔμβρυον, δυσκίνητον δέ ἐστι καὶ
-οὐ ταράττεται ὡς ὑπὸ κλύδωνος, ἅτε δὲ ἄκλυστον καὶ
-ἐν γαλήνῃ ὂν ἔρρωταί τε καὶ ἔστι σύντονον καὶ διαρκεῖ
-πρὸς τὸν κατὰ φύσιν χρόνον τῆς ζωογονίας. 
-οὐκοῦν ἐν κρυμῷ μέν φησιν ὁ Ἀβδηρίτης συμμένει,
-ἐν ἀλέᾳ δὲ ὡς τὰ πολλὰ ἐκπτύεται. ἀνάγκην δὲ εἶναι
-λέγει τῆς θέρμης πλεοναζούσης διίστασθαι καὶ τὰς
-φλέβας καὶ τὰ ἄρθρα.
-</p>
-</div2>
-<div2 type="chapter" n="18">
-<p>αἰτίαν δὲ ὁ αὐτὸς λέγει τοῖς ἐλάφοις τῆς τῶν 
-κεράτων ἀναφύσεως ἐκείνην εἶναι. ἡ γαστὴρ αὐτοῖς
-ὥς ἐστι θερμοτάτη ὁμολογεῖ, καὶ τὰς φλέβας δὲ αὐτῶν
-τὰς διὰ τοῦ σώματος πεφυκυίας παντὸς ἀραιοτάτας
-λέγει, καὶ τὸ ὀστοῦν τὸ κατειληφὸς τὸν ἐγκέφαλον
-λεπτότατον εἶναι καὶ ὑμενῶδες καὶ ἀραιόν, φλέβας 
-τε ἐντεῦθεν καὶ ἐς ἄκραν τὴν κεφαλὴν ὑπανίσχειν
-παχυτάτας. τὴν γοῦν τροφὴν καὶ ταύτης γε τὸ γονιμώτατον
-ὤκιστα ἀναδίδοσθαι. καὶ ἡ μὲν πιμελὴ αὐτοῖς
-ἔξωθέν φησι περιχεῖται, ἡ δὲ ἰσχὺς τῆς τροφῆς
-ἐς τὴν κεφαλὴν διὰ τῶν φλεβῶν ἀναθόρνυται. ἔνθεν 
-οὖν τὰ κέρατα ἐκφύεσθαι διὰ πολλῆς ἐπαρδόμενα τῆς
-ἰκμάδος. συνεχὴς οὖν οὖσα ἐπιρρέουσά τε ἐξωθεῖ τὰ
-<pb id="p.302"/>
-πρότερα. καὶ τὸ μὲν ὑπερίσχον ὑγρὸν ἔξω τοῦ σώματος
-σκληρὸν γίνεται, πηγνύντος αὐτὸ καὶ κερατοῦντος
-τοῦ ἀέρος, τὸ δὲ ἔνδον ἔτι μεμυκὸς ἁπαλόν
-ἐστι. καὶ τὸ μὲν σκληρύνεται ὑπὸ τῆς ἔξωθεν ψύξεως,
-τὸ δὲ ἁπαλὸν μένει ὑπὸ τῆς ἔνδον ἀλέας. οὐκοῦν ἡ
-ἐπίφυσις τοῦ νέου κέρατος τὸ πρεσβύτερον ὡς ἀλλότριον
-ἐξωθεῖ, θλίβοντος τοῦ ἔνδοθεν καὶ ἀνωθεῖν
-τοῦτο ἐθέλοντος καὶ οἰδάναντος καὶ σφύζοντος, ὥσπερ
-οὖν ἐπειγομένου τεχθῆναι καὶ προελθεῖν. ἡ γάρ τοι
-ἰκμὰς πηγνυμένη καὶ ὑπανατέλλουσα ἀτρεμεῖν ἀδύνατός
-ἐστι, γίνεται δὲ καὶ αὐτὴ σκληρὰ καὶ ἐπωθεῖται
-τοῖς προτέροις. καὶ τὰ μὲν πλείω ἐκθλίβεται ὑπὸ
-τῆς ἰσχύος τῆς ἔνδον, ἤδη δέ τινα καὶ κλάδοις περισχεθέντα
-καὶ ἐμποδίζοντα ἐς τὸν ὠκὺν δρόμον ὑπὸ
-ῥύμης τὸ θηρίον ὠθούμενον ἀπήραξε. καὶ τὰ μὲν
-ἐξώλισθε, τὰ δὲ ἕτοιμα ἐκκύπτειν ἡ φύσις προάγει.
-</p>
-</div2>
-<div2 type="chapter" n="19">
-<p> οἱ τομίαι βόες Δ̔ημόκριτος λέγεἰ, σκολιὰ καὶ
-λεπτὰ καὶ μακρὰ φύεται τὰ κέρατα αὐτοῖς, τοῖς δὲ
-ἐνόρχοις παχέα τὰ πρὸς τῇ ῥίζῃ καὶ ὀρθὰ καὶ ἐς μῆκος
-</p>
-</div2>
-<div2 type="chapter" n="20">
-<p> προήκοντα ἧττον. καὶ πλατυμετώπους εἶναι λέγει
-τούτους τῶν ἑτέρων πολλῷ μᾶλλον· τῶν γὰρ φλεβῶν
-πολλῶν ἐνταῦθα οὐσῶν, εὐρύνεσθαι τὰ ὀστᾶ ὑπʼ
-αὐτῶν. καὶ ἡ ἔκφυσις δὲ τῶν κεράτων παχυτέρα οὖσα
-ἐς πλάτος τὸ αὐτὸ τῷ ζῴῳ μέρος προάγει καὶ ἐκείνη·
-οἱ δὲ τομίαι μικρὸν ἔχοντες τὸν κύκλον τῆς ἕδρας τῆς
-τῶν κεράτων πλατύνονται ἧττόν φησιν.
-οἱ δὲ ἄκερῳ ταῦροι τὸ τενθρηνιῶδες ʽοὕτω δὲ
-ὀνομάζει Δημόκριτοσʼ ἐπὶ τοῦ βρέγματος οὐκ ἔχοντες
-ʽεἴη δʼ ἂν τὸ σηραγγῶδες λέγωνʼ ἀντιτύπου τοῦ παντὸς
-ὄντος ὀστοῦ καὶ τὰς συρροίας τῶν χυμῶν οὐ δεχομένου,
-γυμνοί τε καὶ ἄμοιροι γίνονται τῶν ἀμυντηρίων.
-καὶ αἱ φλέβες δὲ αἱ κατὰ τοῦ ὀστοῦ τοῦδε
-<pb id="p.303"/>
-ἀτροφώτεραι οὖσαι, λεπτότεραί τε καὶ ἀσθενέστεραι
-γίνονται. ἀνάγκη δὲ καὶ ξηρότερον τὸν αὐχένα τῶν
-ἀκεράτων εἶναι· λεπτότεραι γὰρ καὶ αἱ τούτου φλέβες.
-ταύτῃ τοι καὶ ἐρρωμέναι ἧττον. ὅσαι δὲ Ἀράβιοι
-βόες θήλειαι μέν εἰσι τὸ γένος, εὐφυεῖς δὲ τὰ κέρατα, 
-ταύταις ἥ γε πολλὴ ἐπίρροια τῶν χυμῶν φησι τροφὴ
-τῆς εὐγενοῦς βλάστης τοῖς κέρασίν ἐστιν. ἄκερῳ δὲ
-καὶ αὗται ὅσαι τὸ δεκτικὸν τῆς ἰκμάδος ὀστοῦν στερεώτερόν
-τε ἔχουσι καὶ δέχεσθαι τοὺς χυμοὺς ἥκιστον.
-καὶ συνελόντι εἰπεῖν αὔξης ἡ ἐπιρροὴ αἰτία τοῖς 
-κέρασι· ταύτην δὲ ἄρα ἐποχετεύουσι φλέβες πλεῖσταί
-τε καὶ παχύταται καὶ ὑγρὸν κύουσαι ὅσον καὶ δύνανται στέγειν.
-</p>
-</div2>
-<div2 type="chapter" n="21">
-<p>ἴδιον δὲ τῶν ζῴων καὶ ἡ φιλανθρωπία. ἀετὸς 
-γοῦν ἔθρεψε βρέφος. καὶ εἰπεῖν τὸν πάντα λόγον 
-ἐθέλω, ὡς ἂν γένηται μάρτυς ὧν προεθέμην. Βαβυλωνίων
-βασιλεύοντος Σευηχόρου Χαλδαῖοι λέγουσι
-τὸν γενόμενον ἐκ τῆς ἐκείνου θυγατρὸς τὴν βασιλείαν
-ἀφαιρήσεσθαι τὸν πάππον. τοῦτο ἐκεῖνος πέφρικε,
-καὶ ἵνα εἴπω τι καὶ ὑποπαίσας Ἀκρίσιος γίνεται 
-ἐς τὴν παῖδα· ἐφρούρει γὰρ πικρότατα. λάθρᾳ
-δὲ ἠ παῖς ʽἦν γὰρ τοῦ Βαβυλωνίου σοφώτερον τὸ
-χρεώνʼ τίκτει ὑποπλησθεῖσα ἔκ τινος ἀνδρὸς ἀφανοῦς.
-τοῦτο οὖν οἱ φυλάττοντες δέει τοῦ βασιλέως
-ἔρριψαν ἐκ τῆς ἀκροπόλεως· ἦν γὰρ ἐνταῦθα ἀφειργμένη 
-ἡ προειρημένη. οὐκοῦν ἀετὸς τὴν ἔτι τοῦ παιδὸς
-καταφορὰν ὀξύτατα ἰδών, πρὶν ἢ τῇ γῇ προσαραχθῆναι
-τὸ βρέφος, ὑπῆλθεν αὐτὸ καὶ τὰ νῶτα ὑπέβαλε,
-καὶ κομίζει ἐς κῆπόν τινα, καὶ τίθησι πεφεισμένως
-εὖ μάλα. ὁ τοίνυν τοῦ χώρου μελεδωνὸς τὸ 
-καλὸν παιδίον θεασάμενος ἐρᾷ αὐτοῦ καὶ τρέφει· καὶ
-καλεῖται Γίλγαμος, καὶ βασιλεύει Βαβυλωνίων. εἰ δέ
-<pb id="p.304"/>
-τῳ δοκεῖ μῦθος τοῦτο, σύμφημι πειρώμενος ἐς ἰσχὺν
-κατεγνωκέναι αὐτόν· Ἀχαιμένη γε μὴν τὸν Πέρσην,
-ἀφʼ οὗ καὶ κάτεισιν ἡ τῶν Περσῶν εὐγένεια, ἀετοῦ
-τρόφιμον ἀκούω γενέσθαι.
-</p>
-</div2>
-<div2 type="chapter" n="22">
-<p> ἐν δὲ Κρήτῃ Ῥοκκαίας οὕτως Ἀρτέμιδος καλεῖται
-νεώς. ἐνταῦθα οἱ κύνες λυττῶσιν ἰσχυρῶς. ἐς ταύτην
-οὖν ὅταν τὴν νόσον ἐμπέσωσιν, εἶτα μέντοι ἑαυτοὺς
-ἐκ τῆς ἄκρας ἐπὶ τὴν κεφαλὴν ὠθοῦσιν ἐς τὴν θάλατταν.
-</p>
-</div2>
-<div2 type="chapter" n="23">
-<p> ἐν τῇ Ἐλυμαίᾳ χώρᾳ νεώς ἐστιν Ἀναΐτιδος, καί
-εἰσιν ἐνταυθοῖ τιθασοὶ λέοντες, καὶ τοὺς ἐς τὸν νεὼν
-παριόντας ἀσπάζονταί τε καὶ σαίνουσι. καὶ εἰ καλοίης
-ἐσθίων, οἳ δὲ ὡς κλητοὶ δαιτυμόνες ἔρχονται,
-καὶ ὅσα ἂν ὀρέξῃς λαβόντες εἶτα ἀπίασι σωφρόνως τε
-καὶ κεκοσμημένως.
-</p>
-</div2>
-<div2 type="chapter" n="24">
-<p> ἐν τῇ θαλάττῃ τῇ Ἐρυθρᾷ ἰχθὺς γίνεταί φασι,
-καὶ ὄνομα αὐτῷ ὑγρὸς φοίνιξ, καὶ γραμμὰς ἔχει μελαίνας,
-καὶ μεταξὺ τούτων κυαναῖς σταγόσι κατέστικται.
-</p>
-</div2>
-<div2 type="chapter" n="25">
-<p> τῷ δὲ σαύρῳ τῷ ἐκεῖθι τὸ μὲν μῆκος τῷ κατὰ
-τὴν ἡμετέραν γινομένῳ θάλατταν ἴσον ἐστί, ῥάβδοι
-δὲ αὐτὸν περιέρχονται χρυσῷ προσεικασμέναι ἀπὸ
-τῶν βραγχίων ἐς τὴν οὐρὰν καθήκουσαι, μέση δὲ
-αὐτὰς διατέμνει ἀργύρῳ προσεικασμένη. τὸ στόμα
-δὲ αὐτῷ κέχηνε, καὶ ἡ κάτω γένυς ἐς τὴν ἄνω νεύειν
-πέφυκε· πρασίνους δὲ ἔχει τοὺς ὀφθαλμούς, βλέφαρα
-δὲ αὐτοὺς περιέρχεται χρυσοειδῆ. ἔστι δὲ καὶ ὁ χάραξ
-καλούμενος τῆς αὐτῆς θαλάττης θρέμμα. ἔχει δὲ
-πτερύγια, καὶ χρυσῷ προσείκασται ὅσα γε ἰδεῖν τὰ
-παρʼ ἑκάτερα, καὶ νωτιαῖα ὅσα καὶ ταῦτα ἔχει χρυσοειδῆ.
-κατωτέρω δὲ ἄρα εἰσὶ πορφυραῖ ζῶναι τὴν
-χρόαν, χρυσοειδὲς δὲ καὶ τὸ οὐραῖόν μοι νόει τοῦ αὐτοῦ,
-<pb id="p.305"/>
-πορφυραῖ δὲ ἄρα στιγμαὶ τοὺς ὀφθαλμοὺς αὐτῷ
-μέσους ἐς κάλλος γράφουσιν. ὁ δὲ τοξότης ἐν τῇ αὐτῇ
-θαλάττῃ γινόμενος ἐχίνῳ ὅμοιός ἐστι τὸ εἶδος, κέντρα
-δὲ ἔχει στερεὰ καὶ μακρά.
-</p>
-</div2>
-<div2 type="chapter" n="26">
-<p>αἱ δὲ ὕστριχες αἱ Λιβυκαὶ κεντοῦσί τε τοὺς ἁπτομένους 
-πικρῶς καὶ μέντοι καὶ ὀδύνας ἐνεργάζονται
-χαλεπάς. καὶ τεθνεώτων δὲ πονηρὰ τὰ ἐκ τῶν ἀκανθῶν
-νύγματα ἀπαντᾷ, ὥς φασιν.
-</p>
-</div2>
-<div2 type="chapter" n="27">
-<p>ἔστι δὲ ἐν τῇ θαλάττῃ τῇ Ἐρυθρᾷ καὶ πίθηκος, 
-οὐκ ἰχθύς, ἀλλὰ σελαχῶδες ζῷον, οὐ μέγα δὲ οὐδὲ 
-τοῦτο. ἔοικέ γε μὴν τῷ χερσαίῳ ὁ θαλάττιος τὴν
-χρόαν, καὶ τὸ πρόσωπον δὲ πιθηκῶδές οἵ ἐστι. προβέβληται
-δὲ τοῦ λοιποῦ σώματος ἔλυτρον, οὐκ ἰχθυῶδες,
-ἀλλὰ ὥς γε τὸ τῆς χελώνης εἶναι. ὑπόσιμος δὲ
-καὶ οὗτος, οἷα δήπου καὶ ὁ χερσαῖος. τὸ δʼ ἄλλο 
-σῶμα πλατὺς κατὰ σχῆμα τὸ τῆς νάρκης, ὡς εἰπεῖν
-ὄρνιν εἶναι τὰς πτέρυγας ἁπλώσαντα· καὶ νηχόμενός
-γε ἔοικε πετομένῳ. παραλλάττει δὲ τοῦ χερσαίου καὶ
-ταύτῃ. κατάστικτός ἐστι, πυρροὶ δέ εἰσίν οἱ κατὰ
-τοῦ ἰνίου πλατεῖς, ὡς βράγχια. τὸ δὲ στόμα ἐπʼ 
-ἄκρῳ τῷ προσώπῳ ἔχει μακρόν, συμφυῶς τῇ τοῦ
-χερσαίου πλάσει καὶ κατὰ τοῦτο ὁ ἰχθὺς εἰκασμένος.
-</p>
-</div2>
-<div2 type="chapter" n="28">
-<p>ἡ ἀηδὼν διὰ τοῦ θέρους καὶ τὴν χρόαν ἐκτρέπει 
-ἐς εἶδος ἕτερον, καὶ μεταβάλλει τὸ φώνημα· οὐ γὰρ
-ᾅδει πολυήχως καὶ ποικίλως, ἑτέρως δὲ ἤπερ οὖν διὰ 
-τοῦ ἦρος. κόσσυφος δὲ θέρους μὲν ᾅδει, χειμῶνος δὲ
-παταγεῖ καὶ τεταραγμένον φθέγγεται, καὶ τὴν χρόαν
-ὡς στολὴν μεταμφιεσάμενος ἀπὸ τοῦ πρόσθεν μέλανος
-ὑπόξανθός ἐστιν. ἥ γε μὴν κίχλη χειμῶνός ἐστι ψαροτέρα
-ἰδεῖν, θέρους δὲ τὸν αὐχένα ποικίλον ἐπιδείκνυσι. 
-καὶ ἰχθῦς δὲ τὴν χρόαν μεταβλητικοὶ οἵδε,
-κίχλαι τε καὶ κόσσυφοι καὶ φυκίδες τε καὶ μαινίδες.
-<pb id="p.306"/>
-οἱ δὲ θῶες, ὡς Ἀριστοτέλης λέγει, διὰ μὲν τοῦ θέρους
-εἰσὶ ψιλοί, δασεῖς δὲ διὰ τοῦ χειμῶνος.
-</p>
-</div2>
-<div2 type="chapter" n="29">
-<p> ἐν Βουβάστῳ δὲ τῇ Αἰγυπτίᾳ λίμνη ἐστί, καὶ
-τρέφει σιλούρων πάμπολυ πλῆθος, καὶ χειροήθεις
-εἰσὶν οὗτοί γε καὶ ἰχθύων πραότατοι. καὶ ἐμβάλλουσιν
-αὐτοῖς ἄρτων τρύφη, οἳ δὲ ἀνασκιρτῶσι καὶ
-πηδῶντες ἄλλος πρὸ ἄλλου τὰς ἐμβαλλομένας τροφὰς
-ἐκλέγουσι. γίνεται δὲ ἄρα ὁ ἰχθὺς ὅδε καὶ ἐν ποταμοῖς,
-ὥσπερ οὖν ἐν τῷ Κύδνῳ τῷ Κιλικίῳ· βραχὺς
-δὲ οὗτός ἐστι τὸ μέγεθος. τὸ δὲ αἴτιον, οὐ τρέφει
-τοῦτον ἀφθόνως διειδὲς νᾶμα καὶ καθαρὸν καὶ προσέτι
-καὶ ψυχρόν ʽτοιοῦτος δὲ ὁ Κύδνος ἐστίʼ, τεθολωμένῳ
-δὲ καὶ ἰλύος μεστῷ φιληδεῖ μᾶλλον καὶ
-ἐνταῦθα πιαίνεται. Πύραμος δὲ καὶ Σάρος τρέφουσι
-τούτων ἁδροτέρους, καὶ οὗτοι δὲ Κίλικές εἰσιν. εἶεν
-δʼ ἂν οἱ αὐτοὶ τρόφιμοι καὶ Ὀρόντου τοῦ Σύρων, καὶ
-μέντοι καὶ Πτολεμαῖος ποταμὸς μεγίστους τρέφει,
-καὶ λίμνη δὲ ἡ Ἀπαμεῖτις.
-</p>
-</div2>
-<div2 type="chapter" n="30">
-<p> χειροήθεις δὲ ἰχθῦς καὶ ὑπακούοντες τῇ κλήσει
-καὶ τροφὰς ἀσμένως δεχόμενοι πολλαχόθι καὶ εἰσὶ
-καὶ τρέφονται, ὥσπερ οὖν καὶ ἐν Ἠπείρῳ ἐν ἐστῶτι
-μὲν τῇ πόλει, ἣν ἐκάλουν πάλαι Στεφανήπολιν, ἐν
-τῷ νεῷ τῆς Τύχης ἐν ταῖς παρʼ ἑκάτερα ἀνιόντων
-δεξαμεναῖς, καὶ ἐν Ἑλώρῳ δὲ τῆς Σικελίας, ὅπερ
-ἦν πάλαι Συρακοσίων φρούριον, καὶ ἐν τῷ ἱερῷ δὲ
-τοῦ Λαβρανδέως Διὸς ἐν κρήνῃ διειδοῦς νάματος, καὶ
-ἔχουσιν ὁρμίσκους χρυσοῦς καὶ ἐλλόβια, χρυσᾶ μέντοι
-καὶ ταῦτα. ἀφέστηκε δὲ ὁ νεὼς τοῦ Διὸς τοῦδε τῆς
-Μυλασέων πόλεως σταδίους ἑβδομήκοντα. τὸ δὲ
-ἄγαλμα ξίφος παρήρτηται, καὶ τιμᾶται καλούμενος
-Κάριός τε καὶ Στράτιος· πρῶτοι γὰρ οἱ Κᾶρες ἀγορὰν
-πολέμου ἐπενόησαν, καὶ ἐστρατεύσαντο ἀργυρίου,
-<pb id="p.307"/>
-ὄχανά τε ταῖς ἀσπίσι προσήρτησαν, καὶ λόφους ἐνέπηξαν
-τοῖς κράνεσιν. ἐκλήθησαν δὲ τὸ ὄνομα τοῦτο
-ἀπὸ Καρὸς τοῦ Κρήτης καὶ Διός· Ζεὺς δὲ Λαβρανδεὺς
-ὕσας λάβρῳ καὶ πολλῷ τὴν ἐπωνυμίαν
-τήνδε ἠνέγκατο. καὶ ἐν Χίῳ δὲ ἐν τῷ καλουμένῳ 
-Γερόντων λιμένι τιθασῶν ἰχθύων πλῆθός ἐστιν,
-οὕσπερ οὖν ἐς παραμυθίαν τοῦ γήρως τοῖς πρεσβυτάτοις
-οἱ Χῖοι τρέφουσι. καὶ ἐν τῇ γῇ δὲ τῇ τῶν ποταμῶν
-τοῦ τε Εὐφράτου καὶ τοῦ Τίγρητος μέσῃ πηγὴ
-ὑμνεῖται καὶ ἐς βυθὸν διειδὴς εἶναι καὶ ἐκβάλλειν 
-ὕδωρ ἰδεῖν λευκόν, καὶ γίνεται ποταμὸς τ̔??ʼ ἐκπῖπτον
-ὄνομα Ἀβόρρας. ἐπᾴδουσί τε τῷ ὀνόματι οἱ ἐπιχώριοι
-καὶ λόγον ἱερόν, καὶ ἔστιν ὁ λόγος, ἡ Ἥρα μετὰ τοὺς
-γάμους τοῦ Διὸς ἐνταῦθα ἀπελούσατο, ὥς φασι Σύροι,
-καὶ ἐς νῦν ὁ χῶρος εὐωδίαν ἀναπνεῖ, καὶ πᾶς ὁ ἀὴρ 
-κύκλῳ ταύτῃ κίρναται. καὶ ἐνταῦθα σκιρτῶσιν ἰχθύων πράων ἀγέλαι.
-</p>
-</div2>
-<div2 type="chapter" n="31">
-<p>τὰ δὲ ἴδια τῶν ζῴων εἰδέναι οὐδὲ θεοὶ ὑπερορῶσιν. 
-ἀκούω γοῦν Εὐρυσθένην καὶ Προκλέα τοὺς
-Ἀριστοδήμου τοῦ Ἀριστομάχου τοῦ Κλεόδα τοῦ Ὕλλου 
-τοῦ Ἡρακλέους παῖδας βουλομένους ἄγεσθαι γυναῖκας
-ἐλθόντας ἐς Δελφοὺς τὸν θεὸν ἐρέσθαι τίνι
-ἂν κηδεύσαντες Ἑλλήνων ἢ βαρβάρων εἶτα μέντοι
-καλῶς καὶ εὐβούλως γῆμαι δόξαιεν, τὸν δὲ θεὸν αὐτοῖς
-ἀποκρίνασθαι ἐπανιέναι μὲν ἐς Λακεδαίμονα, 
-ὑποστρέφειν δὲ κατὰ τὴν ὁδὸν ταύτην, καθʼ ἣν καὶ
-ἀφίκοντο. ἐν ᾗ δʼ ἂν αὐτοῖς χώρᾳ τὸ ἀγριώτατον
-ἀπαντήσῃ ζῷον φέρον τὸ πραότατον, ἐνταῦθά τοι
-ἁρμόσασθαι γάμους· οὕτω γὰρ αὐτοῖς ἔσεσθαι λῷον.
-καὶ οἳ μὲν ἐπείθοντο, γίνονται δὲ κατὰ τὴν Κλεωναίων 
-χώραν, ἐντυγχάνει δὲ αὐτοῖς λύκος φέρων
-ἄρνα ἔκ τινος ποίμνης αὐτὸν συνηρπακώς. συνέβαλον
-<pb id="p.308"/>
-οὖν ἐκεῖνοι λέγειν ταῦτα τὰ ζῷα τὸν χρησμόν,
-καὶ ἡρμόσαντο τὰς Θερσάνδρου τοῦ Κλεωνύμου θυγατέρας
-δοκίμου ἀνδρός. εἰ δὲ οἱ θεοὶ ἴσασι τὸ
-ἡμερώτατον ζῷον καὶ τὸ ἀγριώτατον, οὐδὲ ἡμῖν ἐκμελὲς
-τὰς φύσεις αὐτῶν εἰδέναι.
-</p>
-</div2>
-<div2 type="chapter" n="32">
-<p> ἡ Ἰνδῶν γῆ φέρει πολλὰ καὶ ποικίλα. καὶ τὰ
-μὲν εὐδαίμονός ἐστι καὶ θαυμαστῆς μαρτύρια φορᾶς,
-τὰ δὲ οὐκ ἀξιόζηλα οὐδὲ οἷα ἐπαινεῖν ἢ ποθεῖν ἄξια.
-καὶ ὑπὲρ μὲν τῶν λυσιτελῶν ἢ ἁβρῶν τε καὶ πολυτελῶν
-τὰ μὲν εἶπον, τὰ δὲ εἰρήσεται σὺν τοῖς θεοῖς·
-τὸ δὲ νῦν ἔχον ὅπως ὠδῖνα ὄφεων ἡ γῆ ἐπιδείκνυται
-εἰπεῖν ὥρμημαι. πολλοὺς τίκτει καὶ διαφόρους, καὶ
-τὸ λειφθὲν τοῖς ἀπείροις ἄπειρον. οὗτοι οὖν οἱ ὄφεις
-καὶ ἀνθρώπους καὶ τὰ ἄλλα ζῷα ἀδικοῦσι. τίκτει δὲ
-ἡ αὐτὴ γῆ καὶ πόας τῶν δηγμάτων ἀμυντηρίους,
-ἔχουσί τε αὐτῶν τὴν ἐμπειρίαν τε καὶ σοφίαν οἱ ἐπιχώριοι,
-καὶ ποῖον φάρμακον ὄφεως τίνος ἀντίπαλόν
-ἐστι κατεγνώκασι, καὶ ἀμύνουσιν ὡς ὅτι τάχιστα
-ἀλλήλοις, ἐπιτεμέσθαι πειρώμενοι τὴν τοῦ ἰοῦ κατὰ
-τοῦ σώματος ἐπινομὴν ὀξυτάτην τε οὖσαν καὶ ὠκίστην.
-καὶ ταῦτα μὲν αὐτοῖς ἐς ἐπικουρίαν τὴν
-ἀναγκαίαν καὶ μάλα εὐπόρως ἀνίησιν ἡ χώρα καὶ
-ἀφθόνως· ὄφις δὲ ὃς ἂν ἀποκτείνῃ ἄνθρωπον, ὡς
-Ἰνδοὶ λέγουσιν ʽκαὶ μάρτυρας ἐπάγονται Λιβύων πολλοὺς
-καὶ τοὺς περὶ Θήβας οἰκοῦντας Αἰγυπτίωνʼ,
-οὐκέτι καταδῦναι καὶ ἐσερπύσαι ἐς τὴν ἑαυτοῦ οἰκίαν
-ἔχει, τῆς γῆς αὐτὸν μὴ δεχομένης, ἀλλʼ ἐκβαλλούσης
-τῶν οἰκείων ὡς ἂν εἴποις φυγάδα κόλπων. ἀλήτης
-δʼ ἐντεῦθεν καὶ πλάνης περιέρχεται, καὶ ταλαιπωρεῖται
-ὑπαίθριος καὶ διὰ τοῦ θέρους καὶ διὰ τοῦ χειμῶνος,
-καὶ οὔτε ἔτι σύννομος αὐτῷ πρόσεισιν, οὔτε
-οἱ ἐξ αὐτοῦ γεννώμενοι γνωρίζουσι τὸν πατέρα. τιμωρία
-<pb id="p.309"/>
-μὲν δὴ καὶ τοῖς ἀλόγοις ἐπʼ ἀνδροφονίᾳ παρὰ
-τῆς φύσεως τοιάδε ἐδείχθη, προνοίᾳ τοῦ θείου, κατά
-γε τὴν μνείαν τὴν ἐμήν· εἴρηται δὲ ἐς παίδευσιν τῷ συνιέντι.
-</p>
-</div2>
-<div2 type="chapter" n="33">
-<p>φυλάττειν δὲ ἄρα κύνες χηνῶν ἀχρειότεροι, καὶ 
-τοῦτο κατεφώρασαν Ῥωμαῖοι. ἐπολέμουν γοῦν αὐτοῖς
-οἱ Κελτοί, καὶ πάνυ καρτερῶς ὠσάμενοι αὐτοὺς ἐν
-αὐτῇ τῇ πόλει ἦσαν, καὶ ᾕρητό γε ὑπʼ αὐτῶν ἡ Ῥώμη
-πλὴν τοῦ λόφου τοῦ Καπετωλίου· ἦν γὰρ αὐτοῖς
-οὐκ ἐπιβατὸς ἐκ τοῦ ῥᾴστου. τὰ μὲν οὖν δοκοῦντα 
-δέξασθαι οἷά τε χωρία τοὺς ἐπιόντας σὺν ἐπιβουλῇ,
-ἐπέφρακτο μέντοι ταῦτα. ἦν δὲ ὁ χρόνος, καθʼ ὃν
-Μάρκος Μάλλιος ὑπατεύων τὸν λόφον τὸν προειρημένον
-ἐγχειρισθέντα οἱ διεφύλαττεν. οὗτός τοι καὶ
-τὸν υἱὸν ἀριστεύσαντα μὲν ἀνέδησε στεφάνῳ, ὅτι δὲ 
-ἐκ τῆς ἑαυτοῦ μετῆλθε τάξεως, ἀπέκτεινεν. ἐπεὶ δὲ
-οἱ Κελτοὶ πανταχόθεν ἄβατα ἐθεώρουν εἶναί σφισι,
-τῆς νυκτὸς τὸ ἄκρατον ἔκριναν ἐλλοχήσαντες εἶτα
-ἐπιθέσθαι καθεύδουσι βαθύτατα, ἔσεσθαι δὲ ἐπιβατὰ
-ἑαυτοῖς ἤλπισαν κατά τε τὸ ἀφύλακτον καὶ ἔνθα ἠρεμία 
-ἦν, τῶν Ῥωμαίων πεπιστευκότων μὴ ἂν ἐντεῦθεν
-ἐπιθέσθαι τοὺς Γαλάτας. καὶ μέντοι καὶ ἐκ τούτων
-ἀκλεέστατα ἐλήφθη ἂν καὶ αὐτὸς καὶ ἡ ἄκρα
-τοῦ Διός, εἰ μὴ χῆνες παρόντες ἔτυχον· οἱ μὲν γὰρ
-κύνες πρὸς τὴν ῥιφεῖσαν τροφὴν κατεσιώπησαν, ἴδιον 
-δὲ ἄρα χηνῶν πρὸς τὰ ῥιπτούμενα ἐς ἐδωδήν σφισι
-βοᾶν καὶ μὴ ἀτρεμεῖν. οὐκοῦν ἀνέστησάν τε τὸν
-Μάλλιον ἀνακλάγξαντες καὶ τὴν περικειμένην φυλακήν.
-ταῦτά τοι τίνουσι δίκας οἱ κύνες παρὰ Ῥωμαίοις
-καὶ νῦν ἀνὰ πᾶν ἔτος προδοσίας ἀρχαίας μνήμῃ, 
-τιμᾶται δὲ χὴν τεταγμέναις ἡμέραις, καὶ ἐν φορείῳ
-πρόεισιν εὖ μάλα πομπικῶς.
-<pb id="p.310"/>
-</p>
-</div2>
-<div2 type="chapter" n="34">
-<p> καὶ ταῦτα μέντοι ὑπὲρ ζῴων εἰπεῖν οὐκ ἔστιν
-ἀπὸ μούσης. Σκύθαι ξύλων ἀπορίᾳ ἅτινα ἂν καταθύσωσι
-τοῖς αὐτῶν ὀστοῖς ἕψουσι. Φρύγες δὲ ἐὰν
-παρʼ αὐτοῖς τις ἀροτῆρα ἀποκτείνῃ βοῦν, ἡ ζημία
-θάνατος αὐτῷ. Σαγαραῖοι δὲ τῇ Ἀθηνᾷ καμήλων
-ἀγῶνα ὅσα ἔτη σὺν αἰδοῖ τῇ τῆς θεοῦ ἐπιτελοῦσι,
-γίνονται δὲ ἄρα παρʼ αὐτοῖς αὗται δρομικώταταί τε
-ἅμα καὶ ὤκισται. Σαρακόροι δὲ οὔτε ἀχθοφόρους
-οὔτε ἀλοῦντας ἔχουσι τοὺς ὄνους ἀλλὰ πολεμιστάς,
-καὶ ἐπʼ αὐτῶν γε τοὺς ἐνοπλίους κινδύνους ὑπομένουσιν,
-ὥσπερ οὖν οἱ Ἕλληνες ἐπὶ τῶν ἵππων. ὅστις
-δὲ ἄρα τῶν παρʼ αὐτοῖς ὄνων ὀγκωδέστερος εἶναι
-δοκεῖ, τοῦτον τῷ Ἄρει προσάγουσιν ἱερόν. λέγει δὲ
-Κλέαρχος ὁ ἐκ τοῦ περιπάτου μόνους Πελοποννησίων
-Ἀργείους ὄφιν μὴ ἀποκτείνειν· ἐν δὲ ταῖς ἡμέραις,
-ἃς καλοῦσιν ἀρνηίδας οἱ αὐτοί, ἐὰν κύων ἐς τὴν
-ἀγορὰν παραβάλῃ, ἀναιροῦσιν αὐτόν. ἐν Θετταλίᾳ
-δὲ ὁ μέλλων γαμεῖν θύων τὰ γαμοδαίσια ἵππον ἐσάγει
-πολεμιστὴν τὸν χαλινὸν περικείμενον καὶ τὴν
-ἐνόπλιον σκευὴν καὶ ἐκείνην πᾶσαν· εἶτα ὅταν ἀπὸ
-τῆς ἱερουργίας γένηται καὶ σπείσῃ, τῇ νύμφῃ τὸν
-ἵππον ἀπὸ τοῦ ῥυτῆρος ἀγαγὼν παραδίδωσι. τί δὲ
-νοεῖ τοῦτο Θετταλοὶ λεγέτωσαν. Τενέδιοι δὲ τῷ ἀνθρωπορραίστῃ
-Διονύσῳ τρέφουσι κύουσαν βοῦν, τεκοῦσαν
-δὲ ἄρα αὐτὴν οἷα δήπου λεχὼ θεραπεύουσι.
-τὸ δὲ ἀρτιγενὲς βρέφος καταθύουσιν ὑποδήσαντες
-κοθόρνους. ὅ γε μὴν πατάξας αὐτὸ τῷ πελέκει λίθοις
-βάλλεται δημοσίᾳ, καὶ ἔστε ἐπὶ τὴν θάλατταν φεύγει.
-Ἐρετριεῖς δὲ τῇ ἐν Ἀμαρύνθῳ Ἀρτέμιδι κολοβὰ
-θύουσιν.
-</p>
-</div2>
-<div2 type="chapter" n="35">
-<p> πέπυσμαι δὲ πρὸς τοῖς ἤδη μοι προειρημένοις
-κύνας γενέσθαι φιλοδεσπότους Ξανθίππου τοῦ Ἀρίφρονος.
-<pb id="p.311"/>
-μετοικιζομένων γὰρ τῶν Ἀθηναίων ἐς τὰς
-ναῦς, ἡνίκα τοῦ χρόνου ὁ Πέρσης τὸν μέγαν πόλεμον
-ἐπὶ τὴν Ἑλλάλα ἐξῆψε, καὶ ἔλεγον οἱ χρησμοὶ
-λῷον εἶναι τοῖς Ἀθηναίοις τὴν μὲν πατρίδα ἀπολιπεῖν,
-ἐπιβῆναι δὲ τῶν τριήρων, οὐδὲ οἱ κύνες τοῦ 
-προειρημένου ἀπελείφθησαν, ἀλλὰ συμμετῳκίσαντο
-τῷ Ξανθίππῳ, καὶ διανηξάμενοι ἐς τὴν Σαλαμῖνα
-ἀπέσβησαν. λέγετον δὲ ἄρα ταῦτα Ἀριστοτέλης καὶ Φιλόχορος.
-</p>
-</div2>
-<div2 type="chapter" n="36">
-<p>τὸ ὕδωρ ὁ Κρᾶθις λευκῆς χρόας ποιητικὸν μεθίησι. 
-τὰ γοῦν πρόβατα πιόντα αὐτοῦ καὶ οἱ βόες
-καὶ πᾶσα ἡ τετράπους ἀγέλη, καθά φησι Θεόφραστος,
-λευκὰ ἐκ μελάνων γίνεται ἢ πυρρῶν. καὶ ἐν
-Εὐβοίᾳ δὲ οἱ βόες λευκοὶ τίκτονται σχεδὸν πάντες,
-ἔνθεν τοι καὶ ἀργίβοιον ἐκάλουν οἱ ποιηταὶ τὴν Εὔβοιαν. 
-</p>
-</div2>
-<div2 type="chapter" n="37">
-<p>οἰνοχόου βασιλικοῦ ʽκαὶ ἦν ὁ βασιλεὺς Νικομήδης 
-ὁ Βιθυνῶνʼ ἀλεκτρυὼν ἠράσθη Κένταυρος ὄνομα,
-καὶ λέγει Φίλων τοῦτο. ἠράσθη δὲ ἄρα καὶ κολοιὸς
-ὡραίου παιδός. καὶ μελίττας δέ τινας ἐρωτικὰς 
-εἶναι πέπυσμαι, εἰ καὶ αἱ πλείους σωφρονοῦσιν.
-</p>
-</div2>
-<div2 type="chapter" n="38">
-<p>τὴν σφίγγα ὑπόπτερον γράφουσί τε καὶ πλάττουσι 
-πᾶν ὅσον περὶ χειρουργίαν σπουδαῖον καὶ πεπονημένον.
-ἀκούω δὲ καὶ ἐν Κλαζομεναῖς σῦν γενέσθαι
-πτηνόν, ἥπερ οὖν ἐλυμαίνετο τὴν χώραν τὴν 
-Κλαζομενίαν· καὶ λέγει τοῦτο Ἀρτέμων ἐν τοῖς Ὅροις
-τοῖς Κλαζομενίων. ἔνθεν τοι καὶ χῶρος ἐκεῖ κέκληται
-ὑὸς πτερωτῆς ὀνομαζόμενός τε καὶ ᾀδόμενος.
-τοῦτο δὲ εἴ τῳ δοκεῖ μῦθος εἶναι, δοκείτω, ἐμὲ δʼ
-οὖν περὶ ζῴου λεχθὲν καὶ μὴ λαθὸν οὐκ ἐλύπησεν εἰρημένον. 
-</p>
-</div2>
-<div2 type="chapter" n="39">
-<p>ἁλίᾳ τῇ Συβάρεως παριούσῃ ἐς ἄλσος Ἀρτέμιδος 
-<pb id="p.312"/>
-ʽἦν δὲ ἐν Φρυγίᾳ τὸ ἄλσοσʼ δράκων ἐπεφάνη θεῖος,
-μέγιστος τὴν ὄψιν, καὶ ὡμίλησεν αὐτῇ. καὶ ἐντεῦθεν
-οἱ καλούμενοι Ὀφιογενεῖς τῆς σπορᾶς τῆς πρώτης ὑπῆρξαν.
-</p>
-</div2>
-<div2 type="chapter" n="40">
-<p> τιμῶσι δὲ ἄρα Δελφοὶ μὲν λύκον, Σάμιοι δὲ
-πρόβατον, Ἀμπρακιῶταί γε μὴν τὸ ζῷον τὴν λέαιναν·
-τὰ δὲ αἴτια τῆς ἑκάστου τιμῆς εἰπεῖν οὐκ ἔστιν ἔξω
-τῆσδε τῆς σπουδῆς. Δελφοῖς μὲν χρυσίον ἱερὸν σεσυλημένον
-καὶ ἐν τῷ Παρνασῷ κατορωρυγμένον
-ἀνίχνευσε λύκος, Σαμίοις δὲ καὶ αὐτοῖς τοιοῦτο χρυσίον
-κλαπὲν πρόβατον ἀνεῦρε, καὶ ἐντεῦθεν Μανδρόβουλος
-ὁ Σάμιος τῇ Ἥρᾳ πρόβατον ἀνάθημα ἀνῆψε·
-καὶ τὸ μὲν Πολέμων λέγει τὸ πρότερον, τὸ δὲ Ἀριστοτέλης
-τὸ δεύτερον. Ἀμπρακιῶται δέ, ἐπεὶ τὸν
-τύραννον αὐτῶν Φαΰλον διεσπάσατο λέαινα, τιμῶσι
-τὸ ζῷον αἴτιον αὐτοῖς ἐλευθερίας γεγενημένον. Μιλτιάδης
-δὲ τὰς ἵππους τὰς τρὶς Ὀλύμπια ἀνελομένας
-ἔθαψεν ἐν Κεραμεικῷ, καὶ Εὐαγόρας δὲ ὁ Λάκων καὶ
-ἐκεῖνος Ὀλυμπιονίκας ἵππους ἔθαψε μεγαλοπρεπῶς.
-</p>
-</div2>
-<div2 type="chapter" n="41">
-<p> ὁ Γάγγης ὁ παρὰ τοῖς Ἰνδοῖς ῥέων ὑπαρχόμενος
-μὲν ἐκ τῶν πηγῶν βαθύς ἐστιν ἐς ὀργυιὰς εἴκοσι,
-πλατὺς δὲ ἐς ὀγδοήκοντα σταδίους· ἔτι γὰρ αὐθιγενεῖ
-τῷ ὕδατι πρόεισι καὶ ἀμιγεῖ πρὸς ἕτερον· προϊὼν
-δὲ τῶν ἄλλων ἐς αὐτὸν ἐμπιπτόντων καὶ ἀνακοινουμένων
-οἱ τὸ ὕδωρ ἐς βάθος μὲν ἥκει καὶ ἑξήκοντα
-ὀργυιῶν, πλατύνεται δὲ καὶ ὑπερεκχεῖται ἐς σταδίους
-τετρακοσίους. καὶ ἔχει νήσους Λέσβου τε καὶ Κύρνου
-μείζονας, καὶ τρέφει κήτη, καὶ ἐκ τῆς τούτων πιμελῆς
-ἄλειφα ἐργάζονται. εἰσὶ δὲ ἐν αὐτῷ καὶ χελῶναι, καὶ
-αὐταῖς τὸ χελώνιον πιθάκνης καὶ εἴκοσιν ἀμφορέας
-δεχομένης οὐ μεῖόν ἐστι. κροκοδείλων δὲ παιδεύει
-διπλᾶ γένη. καὶ τὰ μὲν αὐτῶν ἥκιστα βλάπτει, τὰ
-<pb id="p.313"/>
-δὲ παμβορώτατα σαρκῶν ἐσθίει καὶ ἀφειδέστατα, καὶ
-ἔχουσιν ἐπʼ ἄκρου τοῦ ῥύγχους ἐξοχὴν ὡς κέρας. τούτοις
-τοι καὶ πρὸς τὰς τῶν κακούργων τιμωρίας ὑπηρέταις
-χρῶνται· τοὺς γὰρ ἐπὶ τοῖς μεγίστοις τῶν ἀδικημάτων
-ἑαλωκότας ῥίπτουσιν αὐτοῖς, καὶ δημίου δέονται ἥκιστα. 
-</p>
-</div2>
-<div2 type="chapter" n="42">
-<p>δέλεαρ δὲ καθιᾶσιν οἱ σοφοὶ τὰ θαλάττια τοῖς 
-μὲν σκάροις, ὡς Λεωνίδης φησί, κορίαννα καὶ καρτά,
-καὶ ἔστιν εὔθηρα ταῦτα καὶ ἑλεῖν ῥᾷστα· προσνεῖ
-γὰρ αὐτοῖς ὁ σκάρος γοητευόμενος ὥσπερ ἡδύσμασι. 
-φύλλα δὲ τευτλίων αἱρεῖ τὰς τρίγλας· χαίρει γὰρ
-τῷδε τῷ λαχάνῳ τὸ ζῷον, καὶ διʼ αὐτοῦ ἁλίσκεταί τε
-καὶ δουλοῦται ῥᾷστα.
-</p>
-</div2>
-<div2 type="chapter" n="43">
-<p>ἐνύδρου δὲ θήρας διαφοραὶ τέτταρες, φασί, δικτυεία 
-καὶ κόντωσις καὶ κυρτεία καὶ ἀγκιστρεία προσέτι. 
-καὶ ἡ μὲν δικτυεία πλουτοφόρος, καὶ ἔοικεν
-ἁλισκομένῳ στρατοπέδῳ καὶ αἱρουμένοις αἰχμαλώτοις
-τισί, καὶ δεῖται χορηγίας ποικίλης, οἷον σπάρτου καὶ
-λίνου λευκοῦ καὶ μέλανος ἄλλου καὶ κυπείρου καὶ
-φελλῶν μολίβου τε καὶ πίτυος καὶ ἱμάντων καὶ ῥοῦ 
-καὶ λίθου καὶ βύβλου καὶ κεράτων καὶ νεὼς ἑξήρους
-ἄξονός τε καὶ σκυταλίδων καὶ κοττάνης καὶ τυμπάνου
-καὶ σιδήρου καὶ ξύλων καὶ πίττης. ἐμπίπτει δὲ
-γένη τε ἰχθύων διάφορα καὶ ἀγέλαι ποικίλαι τε καὶ
-πολλαί. ἡ δὲ κόντωσίς ἐστι μὲν τῶν ἄλλων ἀνδρειοτάτη, 
-καὶ δεῖται θηρατοῦ ῥωμαλεωτάτου. παρεῖναι
-δὲ χρὴ κάμακα ὀρθὴν ἐλατίνην καὶ σχοινία σπάρτινα
-πυρεῖά τε πεύκης τῆς λιπαρωτάτης· δεῖται δὲ καὶ
-νεὼς μικρᾶς καὶ ἐρετῶν συντόνων καὶ βραχίονας
-ἀγαθῶν. ἡ δὲ κυρτεία δολερωτάτη θήρα καὶ ἐπιβουλοτάτη 
-δεινῶς ἐστι, καὶ ἐλευθέροις πρέπειν δοκεῖ
-ἥκιστα. δεῖται δὲ ὁλοσχοίνων τε ἀβρόχων καὶ λύγου
-<pb id="p.314"/>
-καὶ χερμάδος καὶ εὐναίων καὶ φύκους θαλαττίου
-σχοίνων τε καὶ κυπαρίττου κόμης καὶ φελλῶν καὶ ξύλων
-καὶ δελέατος καὶ νεὼς μικρᾶς. ἡ δὲ ἀγκιστρεία
-σοφωτάτη ἐστὶ καὶ τοῖς ἐλευθέροις πρεπωδεστάτη.
-δεῖται δὲ ἄρα ἱππείων τριχῶν, τὰς χρόας καὶ λευκὰς
-καὶ μελαίνας καὶ πυρρὰς καὶ μεσαιπολίους· τῶν δὲ
-βαπτομένων ἐγκρίνουσι τὰς γλαυκὰς καὶ τὰς ἁλιπορφύρους·
-αἱ γὰρ ἄλλαι πᾶσαι πονηραί, φασίν. χρῶνται
-δὲ καὶ τῶν ἀγρίων συῶν ταῖς θριξὶ ταῖς ὀρθαῖς καὶ
-τερμίνθῳ δέ, καὶ χαλκῷ πλείστῳ καὶ μολίβῳ καὶ
-σπαρτίναις καὶ πτεροῖς, μάλιστα μὲν λευκοῖς καὶ μέλασιν
-καὶ ποικίλοις. χρῶνταί γε μὴν οἱ ἁλιεῖς καὶ φοινικοῖς
-ἐρίοις καὶ ἁλουργέσι καὶ φελλοῖς καὶ ξύλοις· καὶ
-σιδήρου καὶ ἄλλων δέονται, ἐν δὲ τοῖς καὶ καλάμων
-εὐφυῶν καὶ ἀβρόχων καὶ ὁλοσχοίνων βεβρεγμένων
-καὶ νάρθηκος ἐξεσμένου καὶ ῥάβδου κρανείας καὶ
-χιμαίρας κεράτων καὶ δέρματος. ἄλλος δὲ ἄλλῳ τούτων
-ἰχθὺς αἱρεῖται, καὶ τάς γε θήρας ἤδη εἶπον αὐτῶν.
-</p>
-</div2>
-<div2 type="chapter" n="44">
-<p> λόγω δὲ ἄρα τώδε Ἰνδὸς καὶ Λίβυς τὸ γένος διαφόρω·
-ἐρεῖ δὲ ὁ μὲν Ἰνδὸς τὰ ἐπιχώρια, ὁ δὲ Λίβυς
-ὅσα οἶδε καὶ ἐκεῖνος· ἃ δʼ οὖν ᾅδετον ἄμφω τὼ λόγω
-ἐστὶν ἐκεῖνα. ἐν Ἰνδοῖς ἐὰν ἁλῷ τέλειος ἐλέφας,
-ἡμερωθῆναι χαλεπός ἐστι, καὶ τὴν ἐλευθερίαν ποθῶν
-φονᾷ. ἐὰν δὲ αὐτὸν καὶ δεσμοῖς διαλάβῃς, ἔτι
-καὶ μᾶλλον ἐς θυμὸν ἐξάπτεται, καὶ δοῦλος εἶναι καὶ
-δεσμώτης οὐχ ὑπομένει. ἀλλʼ οἱ Ἰνδοὶ καὶ ταῖς τροφαῖς
-κολακεύουσιν αὐτόν, καὶ ποικίλοις καὶ ἐφολκοῖς
-δελέασι πραΰνειν πειρῶνται, παρατιθέντες ὅσα πληροῖ
-τὴν γαστέρα καὶ θέλγει τὸν θυμόν. ὃ δὲ ἄχθεται
-αὐτοῖς καὶ ὑπερορᾷ. τί οὖν ἐκεῖνοι κατασοφίζονται;
-μοῦσαν αὐτοῖς προσάγουσιν ἐπιχώριον, καὶ κατᾴδουσιν
-<pb id="p.315"/>
-αὐτοὺς ὀργάνῳ τινὶ καὶ τούτῳ συνήθει· καλεῖται
-δὲ σκινδαψὸς τὸ ὄργανον. ὃ δὲ ὑπέχει τὰ ὦτα καὶ
-θέλγεται, καὶ ἡ μὲν ὀργὴ πραΰνεται, ὁ δὲ θυμὸς
-ὑποστέλλεταί τε καὶ στόρνυται, κατὰ μικρὰ δὲ καὶ
-ἐς τὴν τροφὴν ὁρᾷ. εἶτα ἀφεῖται μὲν τῶν δεσμῶν, 
-μένει δὲ τῇ μούσῃ δεδεμένος, καὶ δειπνεῖ προθύμως
-ἁβρὸς δαιτυμὼν· πόθῳ γὰρ τοῦ μέλους οὐκ ἂν ἔτι
-ἀποσταίη. Λιβύων δὲ ἵπποι ʽδεῖ γὰρ ἀκοῦσαι καὶ
-τὸν λόγον τὸν ἕτερονʼ, ἐς τοσοῦτον αὐτὰς αἱρεῖ ἡ
-αὔλησις. πραΰνονταί τε καὶ ἡμεροῦνται, καὶ ὑπολήγουσι 
-μὲν τοῦ ὑβρίζειν τε καὶ σκιρτᾶν, ἕπονται δὲ τῷ
-νομεῖ ὅποι ἂν αὐτὰς τὸ μέλος ἀπάγῃ, ἐπιστάντος δὲ
-καὶ ἐκεῖναι ἐφίστανται· ἐὰν δὲ ἐπανατείνῃ τὸ αὔλημα,
-λείβεται δάκρυα ὑφʼ ἡδονῆς αὐταῖς. οἱ μὲν οὖν
-βουκόλοι τῶν ἵππων ῥοδοδάφνης κλάδον κοιλάναντες 
-καὶ αὐλὸν ἐργασάμενοι καὶ ἐς αὐτὸν ἐμπνέοντες εἶτα
-οὕτω τῶν προειρημένων καταυλοῦσι. λέγει δὲ Εὐριπίδης
-καὶ ποιμνίτας τινὰς ὑμεναίους· ἔστι δὲ
-ἄρα τοῦτο αὔλημα, ὅπερ οὖν τὰς μὲν ἵππους τὰς θηλείας
-ἐς ἔρωτα ἐμβάλλει καὶ οἶστρον ἀφροδίσιον, τοὺς 
-δὲ ἄρρενας μίγνυσθαι αὐταῖς ἐκμαίνει. τελοῦνται
-μὲν δὴ ἱππικοὶ γάμοι τὸν τρόπον τοῦτον, καὶ ἔοικεν
-ὑμέναιον ᾅδειν τὸ αὔλημα.
-</p>
-</div2>
-<div2 type="chapter" n="45">
-<p>τὸ τῶν δελφίνων φῦλον ὥς εἰσι φιλῳδοί τε καὶ 
-φίλαυλοι, τεκμηριῶσαι ἱκανὸς καὶ Ἀρίων ὁ Μηθυμναῖος 
-ἔκ τε τοῦ ἀγάλματος τοῦ ἐπὶ Ταινάρῳ καὶ τοῦ
-ἐπʼ αὐτῷ γραφέντος ἐπιγράμματος. ἔστι δὲ τὸ ἐπίγραμμα
-<quote rend="blockquote">
-<lb/>ἀθανάτων πομπαῖσιν Ἀρίονα Κυκλέος υἱὸν
-<lb/>ἐκ Σικελοῦ πελάγους σῶσεν ὄχημα τόδε. 
-</quote>
-ὕμνον δὲ χαριστήριον τῷ Ποσειδῶνι, μάρτυρα τῆς τῶν
-<pb id="p.316"/>
-δελφίνων φιλομουσίας, οἱονεὶ καὶ τούτοις ζωάγρια
-ἐκτίνων ὁ Ἀρίων ἔγραψε. καὶ ἔστιν ὁ ὕμνος οὗτος
-<quote rend="blockquote">
-<lb n="1"/>ὕψιστε θεῶν,
-<lb n="2"/>πόντιε, χρυσοτρίαινε Πόσειδον,
-<lb n="3"/>γαιήοχʼ, ἐγκύμονʼ ἀνʼ ἅλμαν·
-<lb n="4"/>βραγχίοις περὶ δὲ σὲ πλωτοὶ
-<lb n="5"/>θῆρες χορεύουσι κύκλῳ, κούφοισι ποδῶν
-<lb n="6"/>ῥίμμασιν ἐλάφρʼ ἀναπαλλόμενοι σιμοὶ φριξαύχενες ὠκυδρόμοι
-<lb n="7"/>σκύλακες, φιλόμουσοι
-<lb n="8"/>δελφῖνες, ἔναλα θρέμματα κουρᾶν Νηρεΐδων θεᾶν,
-<lb n="9"/>ἃς ἐγείνατʼ Ἀμφιτρίτα· οἵ μʼ εἰς Πέλοπος γᾶν ἐπὶ Ταιναρίαν
-<lb n="10"/>ἀκτὰν ἐπορεύσατε πλαζόμενον Σικελῷ ἐνὶ πόντῳ,
-<lb n="11"/>κυρτοῖσι νώτοις ὀχέοντες,
-<lb n="12"/>ἄλοκα Νηρεΐας πλακὸς τέμνοντες, ἀστιβῆ πόρον, φῶτες δόλιοι
-<lb n="13"/>ὥς μʼ ἀφʼ ἁλιπλόου γλαφυρᾶς νεὼς
-<lb n="14"/>εἰς οἶδμʼ ἁλιπόρφυρον λίμνας ἔριψαν.
-</quote>
-ἴδιον μὲν δήπου δελφίνων πρὸς τοῖς ἄνω λεχθεῖσι
-καὶ τὸ φιλόμουσον.
-</p>
-</div2>
-<div2 type="chapter" n="46">
-<p> λόγος που διαρρεῖ Τυρρηνὸς ὁ λέγων τοὺς ὗς
-τοὺς ἀγρίους καὶ τὰς παρʼ αὐτοῖς ἐλάφους ὑπὸ δικτύων
-μὲν καὶ κυνῶν ἁλίσκεσθαι, ᾗπερ οὖν θήρας νόμος,
-συναγωνιζομένης δὲ αὐτοῖς τῆς μουσικῆς καὶ μᾶλλον.
-πῶς δέ, ἤδη ἐρῶ. τὰ μὲν δίκτυα περιβάλλουσι καὶ τὰ
-λοιπὰ θήρατρα, ὅσα ἐλλοχᾷ τὰ ζῷα· ἕστηκε δὲ ἀνὴρ
-αὐλῶν τεχνίτης, καὶ ὡς ὅτι μάλιστα πειρᾶται τοῦ
-μέλους ὑποχαλᾶν, καὶ ὅ τι ποτέ ἐστι τῆς μούσης σύντονον
-ἐᾷ, πᾶν δὲ ὅ τι γλύκιστον αὐλῳδίας τοῦτο ᾅδει.
-<pb id="p.317"/>
-ἡσυχία τε καὶ ἠρεμία ῥᾳδίως διαπορθμεύει, καὶ
-ἐς τὰς ἄκρας καὶ ἐς τοὺς αὐλῶνας καὶ ἐς τὰ δάση
-καὶ ἐς ἁπάσας συνελόντι εἰπεῖν τὰς τῶν θηρίων κοίτας
-καὶ εὐνὰς τὸ μέλος ἐσρεῖ. καὶ τὰ μὲν πρῶτα παριόντος
-ἐς τὰ ὦτα αὐτοῖς τοῦ ἤχου ἐκπέπληγε καί 
-που καὶ δείματος ὑποπίμπλαται, εἶτα ἄκρατος καὶ
-ἄμαχος αὐτὰ ἡδονὴ τῆς μούσης περιλαμβάνει, καὶ
-κηλούμενα λήθην ἔχει καὶ ἐκγόνων καὶ οἰκιῶν. καίτοι
-φιλεῖ τὰ θηρία μὴ ἀπὸ τῶν συντρόφων χωρίων
-πλανᾶσθαι. τὰ δʼ οὖν Τυρρηνὰ κατʼ ὀλίγον ὥσπερ 
-ὑπό τινος ἴυγγος ἀναπειθούσης ἕλκεται, καὶ καταγοητεύοντος
-τοῦ μέλους ἀφικνεῖται καὶ ἐμπίπτει ταῖς
-πάγαις τῇ μούσῃ κεχειρωμένα.
-</p>
-</div2>
-<div2 type="chapter" n="47">
-<p>ἀνθίαι δὲ βαλλόμενοι ὅταν ἁλῶσιν οἴκτιστόν εἰσι 
-θεαμάτων, καὶ ἀποθνήσκοντες ἑαυτοὺς ἐοίκασι θρηνεῖν 
-καὶ τρόπον τινὰ ἱκετεύειν, ὥσπερ οὖν ἄνθρωποι
-λῃσταῖς ἐντυχόντες ἀνοικτίστοις τε καὶ φονικωτάτοις.
-οἳ μὲν γὰρ αὐτῶν ἀποδιδράσκειν πειρώμενοι εἶτα τοῖς
-δικτύοις ἐμπαλάσσονται, ὑπεράλλεσθαι δὲ αὐτοὺς
-πειρωμένους τὸν λόχον εἶτα μέντοι καταλαμβάνει 
-αἰχμή· οἳ δὲ ἀποδιδράσκοντες τόνδε τὸν θάνατον ἐς
-τὴν τέως πολεμίαν ἰχθύσι γῆν ἐξεπήδησαν, τὸ τέλος
-τοῦ βίου τὸ χωρὶς τοῦ ξίφους προῃρημένοι καὶ μάλα ἀσμένως.</p>
-</div2>
-</div1>
-<div1 type="book" n="13">
-<div2 type="chapter" n="1">
-<p>
-ἀετὸν ἀκούω Γορδίῳ τὴν τοῦ παιδὸς αὐτοῦ Μίδου 
-βασιλείαν ὑποσημῆναι, ἡνίκα ἀροῦντι τῷ Γορδίῳ
-<pb id="p.318"/>
-ἐπιπτάς, εἶτα μέντοι κατὰ τοῦ ζυγοῦ καθίσας συνδιημέρευσεν,
-οὐδὲ προαπέστη πρὶν ἢ γενομένης ἑσπέρας
-καὶ ἐκεῖνος κατέλυσε τὴν ἄροσιν ἐπιστάντος τοῦ βουλυτοῦ.
-Γέλωνος δὲ τοῦ Συρακοσίου παιδὸς ὄντος
-λύκος μέγιστος ἐσπηδήσας ἐς τὸ διδασκαλεῖον ἐξήρπασε
-τῶν χειρῶν τοῖς ὀδοῦσι τὴν δέλτον, καὶ ὁ Γέλων
-ἐξαναστὰς τοῦ θάκου ἐδίωκεν αὐτόν, τὸ μὲν θηρίον
-μὴ καταπτήξας, περιεχόμενος δὲ τῆς δέλτου ἰσχυρῶς.
-ἐπεὶ δὲ ἔξω τοῦ διδασκαλείου ἐγένετο, τὸ μὲν κατηνέχθη
-καὶ τοὺς παῖδας αὐτῷ διδασκάλῳ κατέβαλε,
-θείᾳ δὲ προμηθείᾳ ὁ Γέλων περιῆν μόνος. καὶ τό
-γε παράδοξον, οὐκ ἀπέκτεινεν ἄνθρωπον ἀλλʼ ἔσωσε
-λύκος, οὐκ ἀτιμασάντων τῶν θεῶν οὐδὲ διὰ τῶν ἀλόγων
-τῷ μὲν τὴν βασιλείαν προδηλῶσαι, τὸν δὲ τοῦ
-μέλλοντος κινδύνου σῶσαι. ἴδιον δὴ τῶν ζῴων καὶ
-τὸ θεοφιλές.
-</p>
-</div2>
-<div2 type="chapter" n="2">
-<p> οἱ Κᾶρες αἱροῦσι τοὺς σαργοὺς τὸν τρόπον τοῦτον.
-νότου καταπνέοντος ἡσυχῆ καὶ προσβάλλοντος
-αὔρας μαλακωτέρας καὶ τοῦ κύματος στορεσθέντος
-καὶ πράως ταῖς ψάμμοις ἐπηχοῦντος, τηνικαῦτα ὁ
-θηρατὴς καλάμου μὲν οὐ δεῖται οὐδὲ ἕν, λαβὼν δὲ
-ἀρκεύθου ῥάβδον πάνυ σφόδρα ἐρρωμένης, ἀπʼ ἄκρας
-αὐτῆς ἐξάπτει σειράν, καὶ περιπείρει τῷ ἀγκίστρῳ
-λυκόστομον ὄντα ἡμιτάριχον, καὶ καθίησιν ἐς τὴν
-θάλατταν. καὶ κάθηται μὲν ἐπὶ τῇ πρύμνῃ τῆς πορθμίδος
-καὶ τὸν δόλον ὑποκινεῖ, ὑπερέττει δέ οἱ παῖς
-ἡσυχῆ, προμαθὼν τῆς ἐλάσεως τὸ σχολαῖον ἐπίτηδες,
-καὶ ὡς ἐπὶ τὴν γῆν προάγει τὸ σκάφος. πολλοὶ δὲ οἱ
-σαργοὶ περισκιρτῶσιν ἐκ τῶν συντρόφων φωλεῶν
-ἀναθορόντες, ἀθροίζονται δὲ ἐπὶ τὸ ἄγκιστρον· ἄγει
-γὰρ αὐτοὺς οἱονεὶ ἴυγγι ὁ πάλαι μὲν τεθνηκὼς ἐς τὸ
-ἑλεῖν δὲ σκευασθεὶς ἰχθύς. εἶτα πλησίον τῆς γῆς γενόμενοι
-<pb id="p.319"/>
-ῥᾳδίως ἁλίσκονται, τῇ λιχνείᾳ τῆς γαστρὸς δεδεμένοι.
-</p>
-</div2>
-<div2 type="chapter" n="3">
-<p>διατριβαὶ δὲ ἰχθύων πολλαί, καὶ γίνονται οἳ μὲν 
-ἐν ταῖς πέτραις, οἳ δὲ ἐν ταῖς ψάμμοις, ἄλλοι δὲ ἐν
-ταῖς πόαις. καὶ γάρ τοι καὶ πόαι θαλάττιαί εἰσι, καὶ 
-αἳ μὲν αὐτῶν καλοῦνται βρύα, αἳ δὲ ἄμπελοι, καὶ
-σταφυλαί τινες, καὶ φυκία ἄλλα· ἦν δὲ ἄρα θαλαττίας
-πόας καὶ κράμβη ὄνομα, καὶ μνία καλεῖταί τινα
-ἐν αὐταῖς καὶ τρίχες. τροφὴ δὲ ἄρα τούτων ἄλλῳ
-ἄλλη ἦν, καὶ οὐκ ἂν πάσαιτο ἑτέρας ὁ εἰθισμένος τῇ 
-συντρόφῳ καὶ ὁμοεθνεῖ, ὡς ἂν εἴποι τις.
-</p>
-</div2>
-<div2 type="chapter" n="4">
-<p>ἀκούσειας δʼ ἂν ἁλιέων καὶ ἰχθύων τινὰ καλλιώνυμον 
-οὕτω λεγόντων. καὶ ὑπὲρ αὐτοῦ Ἀριστοτέλης
-λέγει ὅτι ἄρα ἐπὶ τοῦ λοβοῦ τοῦ δεξιοῦ καθημένην
-ἔχει χολὴν πολλήν, τὸ δὲ ἧπαρ αὐτῷ κατὰ τὴν λαιὰν 
-φορεῖται πλευράν. καὶ μαρτυρεῖ τούτοις καὶ ὁ Μένανδρος
-ἐν τῇ Μεσσηνίᾳ οἶμαι λέγων
-<quote rend="blockquote">
-<lb/>τίθημʼ ἔχειν χολήν σε καλλιωνύμου 
-<lb/>πλείω,
-</quote>
-καὶ Ἀνάξιππος ἐν Ἐπιδικαζομένῳ 
-<quote rend="blockquote">
-<lb/>ἐάν με κινῇς καὶ ποιήσῃς τὴν χολὴν
-<lb/>ἅπασαν ὥσπερ καλλιωνύμου ζέσαι,
-<lb/>ὄψει διαφέροντʼ οὐδὲ ἓν ξιφίου κυνός.
-</quote>
-εἰσὶ μὲν οὖν οἳ καί φασιν αὐτὸν ἐδώδιμον, οἱ δὲ
-πλείους ἀντιλέγουσιν αὐτοῖς. οὐ ῥᾳδίως δὲ αὐτοῦ 
-μνημονεύουσιν ἐν ταῖς ὑπὲρ τῶν ἰχθύων πανθοινίαις,
-ὧν τι καὶ ὄφελός ἐστι, ποιηταὶ θέμενοι σπουδὴν ἐς
-μνήμην ἔνθεσμον, Ἐπίχαρμος μὲν ἐν Ἥβας Γάμῳ καὶ
-Γᾷ καὶ Θαλάσσᾳ καὶ προσέτι καὶ Μώσαις, Μνησίμαχος
-δὲ ἐν τῷ Ἰσθμιονίκῃ. 
-<pb id="p.320"/>
-</p>
-</div2>
-<div2 type="chapter" n="5">
-<p> βάτραχος δὲ θαλάττιος τίκτει κατὰ τοὺς ὄρνιθας
-ᾠὸν καὶ οὗτος. οὐ ζῳογονεῖ γὰρ ἐν ἑαυτῷ· κεφαλὴν
-γὰρ ἔχει καὶ τὰ ἀρτιγενῆ μεγάλην τε ἅμα καὶ τραχεῖαν,
-καὶ διὰ ταῦτα ὑποδέξασθαι τὰ βρέφη δείσαντα ἥκιστός
-ἐστιν· ἑλκοῖ γὰρ αὐτὸν καὶ κακοῖ ἐσπίπτοντα τὴν
-αὖθις. ἀλλὰ καὶ τικτόμενα ἂν καὶ ἐξιόντα εἰργάζετο
-παραπλήσια. οὔτε οὖν εὐώδινες ἐς ζῴων γένεσίν
-εἰσιν οὔτε μὴν κρησφύγετα τοῖς ἐκγόνοις ἀγαθά.
-ᾠοῦ δὲ τὴν φύσιν ἢ ἰδιότητα οὐχ ὁμολογεῖ τὸ τῶν
-βατράχων, τραχὺ δέ ἐστι καὶ ἐκεῖνο, καὶ ἔχει φολίδας,
-καὶ προσαψαμένῳ φανεῖταί σοι ἀντίτυπον.
-</p>
-</div2>
-<div2 type="chapter" n="6">
-<p> οἱ πολύποδες καὶ αὐτοὶ χρόνῳ γίνονται μέγιστοι,
-καὶ ἐς κήτη προχωροῦσι, καὶ ἐναριθμοῦνται ἐν αὐτοῖς
-καὶ οὗτοι. ἀκούω γοῦν ἐν Δικαιαρχίᾳ τῇ Ἰταλικῇ
-πολύπουν ἐς ὄγκον σώματος ὑπερήφανον προελθόντα
-τὴν μὲν ἐν τῇ θαλάττῃ τροφὴν καὶ τὰς ἐκεῖθεν νομὰς
-ἀτιμάσαι καὶ ὑπερφρονῆσαι αὐτῶν. προῄει δὲ ἄρα
-οὗτος καὶ ἐς τὴν γῆν, καὶ ἐλῄζετο καὶ τῶν χερσαίων
-ἔστιν ἅ. οὐκοῦν διά τινος ὑπονόμου κρυπτοῦ ἐκβάλλοντος
-ἐς τὴν θάλατταν τὰ ἐκ τῆς πόλεως τῆς προειρημένης
-ῥυπαρὰ ἐσνέων καὶ ἀνιὼν ἐς οἶκόν τινα
-πάραλον, ἔνθα ἦν ἐμπόρων Ἰβηρικῶν φόρτος καὶ
-ταρίχη τὰ ἐκεῖθεν ἐν σκεύεσιν ἁδροῖς, εἶτα τὰς πλεκτάνας
-περιχέων καὶ σφίγγων τὸν κέραμον ἐρρήγνυ
-τὰ ἀγγεῖα καὶ κατεδαίνυτο τὰ ταρίχη. οἱ δὲ ἐσιόντες
-ὡς ἑώρων τὰ ὄστρακα, πολὺν δὲ τοῦ φόρτου ἀριθμὸν
-ἀφανῆ κατελάμβανον, ἐξεπλήττοντο καὶ τίς ἦν ὁ
-κεραΐζων αὐτοὺς συμβαλεῖν οὐκ εἶχον, τῶν μὲν θυρῶν
-ἀνεπιβουλεύτων βλεπομένων, τοῦ δὲ ὀρόφου ὄντος
-ἀσινοῦς καὶ τῶν τοίχων μὴ διεσκαμμένων· ἑωρᾶτο δὲ
-καὶ τῶν ἰχθύων τῶν ταρίχων λείψανα ὑπολειφθέντα
-ὑπὸ τοῦ ἀκλήτου δαιτυμόνος. ἔκριναν δή τινα τῶν
-<pb id="p.321"/>
-οἰκείων τὸν μάλιστα εὐτολμότατον ἔνδον ὡπλισμένον
-καταλιπεῖν ἐλλοχῶντα. νύκτωρ οὖν ἐπὶ τὴν συνήθη
-δαῖτα ὁ πολύπους ἀνέρπει, καὶ περιχυθεὶς τοῖς σκεύεσιν
-ὥσπερ ἐς πνῖγμα ἀθλητὴς συλλαβὼν τὸν ἀντίπαλον
-ἐγκρατῶς τε καὶ μάλα εὐλαβῶς, εἶτα συνέτριβε 
-τὸν κέραμον λῃστὴς ὡς εἰπεῖν ὁ πολύπους ῥᾷστα.
-ἦν δὲ διχόμηνος, καὶ κατελάμπετο ὁ οἶκος, καὶ πάντα
-ἦν εὐσύνοπτα. ὃ δὲ οὐκ ἐπεχείρει μόνος, δείσας τὸν
-θῆρα ʽκαὶ γὰρ μόνου μείζων ὁ ἐχθρὸς ἦνʼ, περιηγεῖται
-δὲ ἕωθεν τοῖς ἐμπόροις τὰ πεπραγμένα· ἀκούοντες 
-δὲ ἠπίστουν. εἶτα οἳ μὲν τῆς ζημίας τῆς τοσαύτης
-μνήμῃ τὸν κίνδυνον ἀνερρίπτουν, καὶ συνελθεῖν
-τῷ ἐχθρῷ ἔσπευδον, οἳ δὲ τῆς καινῆς καὶ ἀπίστου
-θέας διψῶντες συναπεκλείοντο αὐθαίρετοι σύμμαχοι.
-εἶτα ἑσπέρας ὁ φὼρ ἐπιφοιτᾷ, καὶ ὁρμᾷ ἐπὶ τὴν 
-συνήθη τράπεζαν. ἐνταῦθα οἳ μὲν ἀπέφραττον τὸν
-ὀχετόν, οἳ δὲ ὡπλίζοντο ἐπὶ τὸν πολέμιον, καὶ κοπίσι
-καὶ ξυροῖς τεθηγμένοις αὐτοῦ διέκοπτον τὰς πλεκτάνας,
-ὡς δρυὸς κλάδους ἀκροτάτους ἀμπελουργοί τε
-καὶ δρυοτόμοι. καὶ τὴν ἀλκὴν αὐτοῦ περικόψαντες 
-καθεῖλον ὀψὲ καὶ μόγις οὐκ ὀλίγα πονήσαντες, καὶ τὸ
-καινότατον, ἐν τῇ γῇ τὸν ἰχθὺν ἐθηράσαντο ἔμποροι.
-τὸ κακοῦργον δὴ τοῦδε τοῦ ζῴου καὶ τὸ δολερὸν ἀναπέφηνεν
-ἡμῖν ἴδιον ὄν.
-</p>
-</div2>
-<div2 type="chapter" n="7">
-<p>τῶν τεθηραμένων ἐλεφάντων ἰῶνται τὰ τραύματα 
-οἱ Ἰνδοὶ τὸν τρόπον τοῦτον. καταιονοῦσι μὲν αὐτὰ
-ὕδατι χλιαρῷ, ὥσπερ οὖν τὸ τοῦ Εὐρυπύλου παρὰ
-τῷ καλῷ Ὁμήρῳ ὁ Πάτροκλος· εἶτα μέντοι διαχρίουσι
-βουτύρῳ αὐτά· ἐὰν δὲ ᾖ βαθέα, τὴν φλεγμονὴν
-πραΰνουσιν ὕεια κρέα θερμὰ μὲν ἔναιμα δὲ ἔτι 
-προσφέροντες καὶ ἐντιθέντες. τὰς δὲ ὀφθαλμίας θεραπεύουσιν
-αὐτῶν βόειον γάλα ἀλεαίνοντες εἶτα αὐτοῖς
-<pb id="p.322"/>
-ἐγχέοντες, οἳ δὲ ἀνοίγουσι τὰ βλέφαρα, καὶ ὠφελούμενοι
-ἥδονταί τε καὶ αἰσθάνονται, ὥσπερ ἄνθρωποι.
-καὶ ἐς τοσοῦτον ἐπικλύζουσιν, ἐς ὅσον ἂν ἀποπαύσωνται
-λημῶντες. μαρτύριον δὲ τοῦ παύσασθαι
-τὴν ὀφθαλμίαν τοῦτό ἐστι. τὰ δὲ νοσήματα ὅσα αὐτοῖς
-προσπίπτει ἄλλως, ὁ μέλας οἶνός ἐστιν αὐτοῖς
-ἄκος. εἰ δὲ μὴ γένοιτο ἐξάντης τοῦ κακοῦ τῷ φαρμάκῳ
-τῷδε, ἄσωστά οἵ ἐστιν.
-</p>
-</div2>
-<div2 type="chapter" n="8">
-<p> ἐλέφαντι ἀγελαίῳ μὲν τετιθασευμένῳ γε μὴν
-ὕδωρ πῶμά ἐστι, τῷ δὲ τὰ ἐς πόλεμον ἀθλοῦντι οἶνος
-μέν, οὐ μὴν ὁ τῶν ἀμπέλων, ἐπεὶ τὸν μὲν ἐξ ὀρύζης
-χειρουργοῦσι, τὸν δὲ ἐκ καλάμου. προΐασι δὲ καὶ
-ἄνθη σφίσιν ἀθροίσοντες· εἰσὶ γὰρ ἐρασταὶ εὐωδίας,
-καὶ ἄγονταί γε ἐπὶ τοὺς λειμῶνας, ὀσμῇ πωλευθησόμενοι
-τῇ ἡδίστῃ. καὶ ὃ μὲν ἐκλέγει κρίνας τῇ
-ὀσφρήσει τὸ ἄνθος, τάλαρον δὲ ἔχων ὁ πωλευτὴς
-τρυγῶντος καὶ ἐμβάλλοντος ὑπέχει. εἶτα ὅταν ἐμπλήσῃ
-τοῦτον, ὥσπερ οὖν ὀπώραν δρεπόμενος λοῦται,
-καὶ ἥδεται τῷ λουτρῷ κατὰ τοὺς τῶν ἀνθρώπων
-ἁβροτέρους. εἶτα ἐπανελθὼν τὰ ἄνθη ποθεῖ, καὶ
-βοᾷ βραδύνοντος, καὶ οὐχ αἱρεῖται τροφὴν πρὶν ἢ κομίσῃ
-τίς οἱ ὅσα ἐτρύγησεν. εἶτα μέντοι τῇ προβοσκίδι
-ἀναιρούμενος ἐκ τοῦ ταλάρου τῆς φάτνης καταπάττει
-τὰ χείλη, ἥδυσμα τοῦτό γε τῇ τροφῇ διὰ τῆς
-εὐοσμίας ἐπινοῶν, ὡς εἰπεῖν. κατασπείρει δὲ καὶ
-τοῦ χώρου ἔνθα αὐλίζεται τῶν ἀνθέων πολλά, ἡδυσμένον
-αἱρεῖσθαι γλιχόμενος ὕπνον. Ἰνδοὶ δὲ ἐλέφαντες
-ἦσαν ἄρα πήχεων ἐννέα τὸ ὕψος, πέντε δὲ τὸ
-εὖρος. μέγιστοι δὲ ἄρα τῶν ἐκεῖθι ἐλεφάντων οἱ
-καλούμενοι Πράσιοι, δεύτεροι δʼ ἂν τῶνδε τάττοιντο οἱ Ταξίλαι.
-</p>
-</div2>
-<div2 type="chapter" n="9">
-<p> ἵππον δὲ ἄρα Ἰνδὸν κατασχεῖν καὶ ἀνακροῦσαι
-<pb id="p.323"/>
-προπηδῶντα καὶ ἐκθέοντα οὐ παντὸς ἦν, ἀλλὰ τῶν
-ἐκ παιδὸς ἱππείαν πεπαιδευμένων. οὐ γὰρ αὐτοῖς
-ἐστιν ἐν ἔθει χαλινῷ ἄρχειν αὐτῶν καὶ ῥυθμίζειν
-αὐτοὺς καὶ ἰθύνειν, κημοῖς δὲ ἄρα κεντρωτοῖς· ἀκόλαστον
-γὰρ ἔχουσι τὴν γλῶτταν καὶ τὴν ὑπερῴαν 
-ἀβασάνιστον· ἀναγκάζουσι δὲ αὐτοὺς ὅμως οἵδε οἱ
-τὴν ἱππείαν σοφισταὶ περικυκλεῖν καὶ περιδινεῖσθαι
-ἐς ταὐτὸν στρεφομένους. δεῖ δὲ ἄρα τῷ τοῦτο δράσοντι
-καὶ ῥώμης χειρῶν καὶ ἐπιστήμης εὖ μάλα ἱππικῆς.
-</p>
-</div2>
-<div2 type="chapter" n="10">
-<p>πειρῶνται δὲ οἱ προήκοντες ἐς ἄκρον τῆσδε 
-τῆς σοφίας καὶ ἅρμα οὕτως περικυκλεῖν καὶ περιάγειν·
-εἴη δʼ ἂν ἆθλος οὐκ εὐκαταφρόνητος ἀδηφάγων ἵππων
-τέτρωρον περιστρέφειν ῥᾳδίως· φέρει δὲ τὸ ἅρμα
-παραβάτας δύο. ὁ δὲ στρατιώτης ἐλέφας ἐπὶ τοῦ καλουμένου
-θωρακίου ἢ καὶ νὴ Δία τοῦ νώτου γυμνοῦ 
-καὶ ἐλευθέρου φέρει πολεμιστὰς μὲν τρεῖς παρʼ
-ἑκάτερα βάλλοντας καὶ τὸν τρίτον κατόπιν, τέταρτον
-δὲ τὸν τὴν ἅρπην ἔχοντα διὰ χειρῶν καὶ ἐκείνῃ τὸν
-θῆρα ἰθύνοντα, ὡς οἴακι ναῦν κυβερνητικὸν ἄνδρα
-καὶ ἐπιστάτην τῆς νεώς. 
-θήρα δὲ παρδάλεων Μαυρουσία εἴη ἄν. καὶ ἔστιν 
-αὐτοῖς οἰκοδομία λίθων πεποιημένη, καὶ ἔοικε ζωγρείῳ
-τινί, καὶ ἔστι μὲν ὁ λόχος ὅ δε ὁ πρῶτος· ὅ γε
-μὴν δεύτερος, ἐνδοτέρω σαπροῦ κρέως καὶ ὀδωδότος
-μοῖραν μηρίνθου τινὸς μακροτέρας ἐξαρτῶσι, θύραν 
-δὲ ἐκ ῥιπίδων καί τινων καλάμων ἀραιὰν ἐπέστησαν,
-καὶ μέντοι καὶ διʼ αὐτῶν ἐκπνεῖται ἡ τοῦ κρέως τοῦ
-προειρημένου ὀσμὴ διαρρέουσα. αἰσθάνονται δὲ αἱ
-θῆρες, καὶ γάρ πως τοῖς κακόσμοις φιληδοῦσι· προσβάλλει
-γὰρ αὐτὰς ὁ τῶν προειρημένων ἀήρ, ἐάν τε 
-ἐν ἄκροις τοῖς ὄρεσιν ἐάν τε ἐν φάραγγι, καὶ μέντοι
-καὶ ἐν αὐλῶνι. εἶτα ἀνεφλέχθη τῇ ὀσμῇ ἐντυχοῦσα,
-<pb id="p.324"/>
-καὶ ὑπὸ τῆς ἄγαν ὁρμῆς ἐς τὴν θοίνην τὴν φίλην ᾅττει
-φερομένη· ἕλκεται δὲ ὑπʼ αὐτῆς ὡς ὑπό τινος ἴυγγος.
-εἶτα ἐμπίπτει τῇ θύρᾳ καὶ ἀνατρέπει αὐτὴν καὶ ἔχεται
-τοῦ δυστυχοῦς δείπνου. τῇ γάρ τοι μηρίνθῳ τῇ
-προειρημένῃ συνυφάνθη πάγη καὶ μάλα σοφή, ἥπερ
-οὖν ἐσθιομένου τοῦ κρέως κινεῖται, καὶ περιλαμβάνει
-τὴν λίχνον πάρδαλιν. καὶ ἑάλω, γαστρὸς ἀδηφάγου
-καὶ μυσαρᾶς ἑστιάσεως δέκας ἐκτίνουσα ἡ δυστυχής.
-</p>
-</div2>
-<div2 type="chapter" n="11">
-<p> αἱροῦνται δὲ οἱ λαγῲ ὑπὸ ἀλωπέκων οὐχ ἧττον
-ἀλλὰ καὶ μᾶλλον τέχνῃ· σοφὸν γὰρ ἀπατᾶν ἀλώπηξ,
-καὶ δόλους οἶδεν. ὅταν γοῦν νύκτωρ ἐς ἴχνος ἐμπέσῃ
-τοῦ λαγὼ καὶ αἴσθηται τοῦ θηρίου, σιγῇ τε ἐπιβαίνει
-καὶ ποδὶ ἀψόφῳ, καὶ ἀναστέλλει τὸ ἆσθμα, καὶ καταλαβοῦσα
-ἐν τῇ κοίτῃ πειρᾶται αἱρεῖν ὡς ἀδεᾶ καὶ
-ἄφροντιν. ὃ δὲ οὐ τρυφῶν οὐδὲ ῥᾳθύμως καθεύδει,
-ἀλλʼ ἅμα τε ᾔσθετο τοῦ ζῴου τοῦ προσιόντος καὶ τῆς
-εὐνῆς ἐξεπήδησε καὶ θεῖ· καὶ ὃ μὲν ἀνύτει τὸν δρόμον
-καὶ μάλα ὠκέως, ἡ δὲ ἀλώπηξ καὶ αὐτὴ κατʼ
-ἴχνος ἵεται καὶ τοῦ δρόμου ἔχεται. καὶ ὃ μὲν πολλὴν
-ὁδὸν διανύσας, ὡς ἤδη κρείττων καὶ οὐκ ἂν ἁλούς,
-ἐμπεσὼν ἐς λόχμην ἀσμένως ἀναπαύεται· ἡ δὲ ἀλώπηξ
-ἐφίσταται, καὶ ἀτρεμεῖν οὐκ ἐπιτρέπει, πάλιν
-τε αὐτὸν ἐγείρει, καὶ ἐς δρόμον ἐξηνέμωσεν ἕτερον.
-εἶτα οὐχ ἥττων τῆς προτέρας ὁδὸς καὶ δὴ διηνύσθη,
-καὶ ὃ μὲν ἀναπαύσασθαι διψᾷ πάλιν, ἣ δὲ ἐφίσταται,
-καὶ σείουσα τὸν θάμνον ἀγρυπνίαν ἐνεργάζεται αὐτῷ.
-ὃ δὲ πάλιν ἐκθεῖ, καὶ ἡ ἀλώπηξ οὐχ ὑστερεῖ.
-συνεχέστερον δὲ ὅταν αὐτὸν δρόμος ἐκ δρόμου διαλάβῃ
-καὶ ἀγρυπνία διαδέξηται, ὃ μὲν ἀπεῖπε,
-ἣ δὲ ἐπελθοῦσα κατέσχεν αὐτόν, οὐ μὰ Δία δρόμῳ
-ἀλλὰ τῷ χρόνῳ καὶ τῷ δόλῳ καθελοῦσα. ταῦτα
-μὲν οὖν ἄλλως προεκθέων ὁ λόγος ὑπὲρ τοῦ δρόμου
-<pb id="p.325"/>
-τοῦ λαγὼ ἀναβέβληται, τὰ δὲ λοιπὰ ἐν τοῖς ἑπομένοις
-λέγειν ἐγκαιρότερον· ὅθεν δὲ ἐξετραπόμην καὶ δὴ
-ἐπάνειμι αὖθις. ἦν δὲ ἄρα τοῦ διασπείρειν τὰ ἔκγονα
-καὶ ἄλλο ἄλλῃ τρέφειν αἰτία ἥδε. ἔστι μὲν ὁ
-λαγὼς φιλότεκνον δεινῶς, δέδοικε δὲ καὶ τὰς ἐκ τῶν 
-θηρώντων ἐπιβουλὰς καὶ τὰς ἐκ τῶν ἀλωπέκων ἐπιδρομάς,
-πέφρικέ γε μὴν καὶ τὰς ἐκ τῶν ὀρνίθων οὐχ
-ἧττον, φωνὴν δὲ κοράκων καὶ ἀετῶν μᾶλλον· πρὸς
-γὰρ δὴ ταῦτα τῶν πτηνῶν οὐκ ἔστιν αὐτῷ ἔνσπονδα.
-ὑποκρύπτει δὲ ἑαυτὸν ἢ θάμνῳ κομῶντι ἢ ληίῳ βαθεῖ, 
-ἤ τινα ἄλλην ἑαυτοῦ προβάλλεται ἀναγκαίαν
-καὶ ἄμαχον σκέπην.
-</p>
-</div2>
-<div2 type="chapter" n="12">
-<p>Θηρατοῦ δὲ ἀνδρὸς καὶ τὰ ἕτερα ἀγαθοῦ, οἵου 
-μὴ ἂν ψεύσασθαι, λόγον ἤκουσα, καὶ αὐτῷ πεπίστευκα,
-καὶ διὰ ταῦτα εἰρήσεται. τίκτειν γὰρ δὴ καὶ ἄρρενα 
-λαγὼν ἔλεγε καὶ παιδοποιεῖσθαί τε ἅμα καὶ
-ὠδίνειν καὶ τῆς φύσεως μὴ ἀμοιρεῖν ἑκατέρας. καὶ
-ὡς ἐκτρέφει τεκὼν ἔλεγε, καὶ ὡς ἀποτίκτει καὶ δύο
-που καὶ τρία, καὶ τοῦτο ἐμαρτύρει, καὶ δὴ καὶ τὸν
-κολοφῶνα ἐπῆγε τῷδε τῷ λόγῳ παντὶ ἐκεῖνον. θηραθῆναι 
-γὰρ λαγῶ ἄρρενα ἡμιθνῆτα, ἐξωγκῶσθαι δὲ
-αὐτοῦ τὴν γαστέρα ἅτε ἔγκαρον. ἀνατμηθῆναί τε
-οὖν αὐτὸν ὡμολόγει καὶ μήτραν πεφωρᾶσθαι καὶ τρεῖς
-λαγιδεῖς. τούτους οὖν ἀκινήτους τέως εἶναι ἐξαιρεθέντας
-καὶ κεῖσθαι οἱονεὶ κρέα ἄλλως· ἐπεὶ δὲ ὑπὸ 
-τοῦ ἡλίου ἀλεαινόμενοι καὶ δὴ κατὰ μικρὰ ὑποθαλπόμενοι
-διέτριψαν, ἀναφέροντες ἑαυτοὺς ἀνεβιώσκοντο,
-καί πού τις αὐτῶν καὶ ἐκινήθη καὶ μετὰ ταῦτα
-ἀνέβλεψε, τάχα δὲ καὶ γλῶτταν ἐπὶ τούτοις προύβαλε,
-καὶ στόμα ἀνέῳξε τροφῆς πόθῳ. προσενεχθῆναι 
-οὖν οἷα εἰκὸς τοῖς τηλικούτοις γάλα καὶ κατʼ ὀλίγον
-ἐκτραφῆναι αὐτούς, δεῖγμα ἐμοὶ δοκεῖν ἐς θαῦμα τοῦ
-<pb id="p.326"/>
-τεκόντος τούτους. μὴ πιστεύειν οὖν τῷ λόγῳ πεῖσαι
-ἐμαυτὸν οὐ δύναμαι· τὸ δὲ αἴτιον, ἡ τοῦ ἀνδρὸς
-γλῶττα οὔτε ψεῦδος οὔτε κόμπον ἠπίστατο.
-</p>
-</div2>
-<div2 type="chapter" n="13">
-<p> ἦν δὲ ἄρα ὁ λαγὼς καὶ ἀνέμων τε καὶ ὡρῶν ἐπιστήμων·
-σοφὸν γάρ τι χρῆμα αὐτοῦ, ἀλλʼ οὐκ εὔχαρι
-ὄν. χειμῶνος οὖν τὸν κοῖτον ἐν τοῖς προσηλίοις τίθεται·
-δῆλα γὰρ δὴ ὅτι θάλπεται μὲν ἀσμένως, κρύει
-δὲ ἐχθρῶς ἔχει· θέρους δὲ πρὸς ἄρκτον ἀποκλίνει
-πόθῳ ψύχους. τῆς δὲ τῶν ὡρῶν διαφορᾶς αἱ ῥῖνες
-αὐτῷ γνώμων. οὐ μὴν ἐπιμύει καθεύδων ὁ λαγώς,
-καὶ τοῦτο αὐτῷ ζῴων μόνῳ περίεστιν, οὐδὲ νικᾶται
-τῷ ὕπνῳ τὰ βλέφαρα· φασὶ δὲ αὐτὸν καθεύδειν μὲν
-τῷ σώματι, τοῖς δὲ ὀφθαλμοῖς τηνικάδε ὁρᾶν. γράφω
-δὲ ἅπερ οὖν οἱ σοφοὶ τῶν θηρατῶν λέγουσιν. εἰσὶ
-δὲ αὐτῶν νύκτωρ αἱ νομαί, τοῦτο μὲν καὶ τροφῆς
-ξένης ἐπιθυμίᾳ ἴσως, ἐγὼ δʼ ἂν φαίην ὅτι γυμνασίας
-ἕνεκα, ἵνα καὶ τηνικάδε ἐπὰν ἀπὸ τοῦ ὕπνου
-καρτερῇ ἐνεργὸς ὢν κρατύνηται τὸ τάχος. τῆς δὲ
-ὁδοῦ τῆς ὀπίσω ἐρᾷ δεινῶς, καὶ συντρόφου παντὸς
-χωρίου ἡττᾶται· ἔνθεν τοι καὶ ἁλίσκεται τὰ πολλά,
-τὰ ἤθη τὰ οἰκεῖα ἐκλιπεῖν οὐχ ὑπομένων.
-</p>
-</div2>
-<div2 type="chapter" n="14">
-<p> θεῖ δὲ ὁ λαγὼς ὑπό τε κυνῶν καὶ ἱππέων διωκόμενος,
-εἰ μὲν ἐκ πεδιάδος γῆς εἴη, ὠκύτερον τῶν
-ὀρείων λαγῶν, ἄτε μικρὸς τὸ σῶμα καὶ λεπτός· ἔνθεν
-τοι καὶ κοῦφον αὐτὸν εἶναι οὐκ ἀπεικός. σκιρτᾷ γοῦν
-τὰ πρῶτα ἀπὸ τῆς γῆς καὶ πηδᾷ, διαδύεται δὲ καὶ
-διὰ θάμνων ὀλισθηρῶς καὶ εὐκόλως καὶ διὰ παντὸς
-ἑλώδους τόπου· καὶ εἴ που πόαι βαθεῖαι, καὶ διὰ
-τούτων διεκπίπτει ῥᾳδίως. καὶ ὅπερ τοῖς λέουσί φασι
-τὴν ἀλκαίαν δύνασθαι πρὸς τὸ ἐγείρειν αὑτοὺς καὶ
-ἐποτρύνειν, τοῦτό τοι καὶ ἐκείνῳ τὰ ὦτά ἐστι, ῥύμης
-συνθήματα καὶ ἐγερτήρια δρόμου. ἀνακλίνει γοῦν
-<pb id="p.327"/>
-κατὰ τῶν νώτων αὐτά, κέχρηται δὲ αὐτοῖς πρὸς τὸ μὴ
-ἐλινύειν μηδὲ ὀκνεῖν οἷον μύωψι. δρόμον δὲ ἕνα καὶ
-εὐθὺν οὐ θεῖ, δεῦρο δὲ καὶ ἐκεῖσε παρακλίνει, καὶ ἐξελίττει
-τῇ καὶ τῇ, ἐκπλήττων τοὺς κύνας καὶ ἀπατῶν.
-ὅποι ποτὲ δʼ ἂν ὁρμήσῃ καὶ ἀπονεῦσαι θελήσῃ, κατʼ 
-ἐκείνην τὴν ἐκτροπὴν κλίνει τῶν ὤτων τὸ ἕτερον,
-οἷον ἰθύνων ἑαυτῷ διὰ τούτου τὸν δρόμον. οὐ μὴν
-ἀναλίσκει τὴν ἑαυτοῦ δύναμιν ἀταμιεύτως, τηρεῖ
-δὲ τοῦ διώκοντος τὴν ὁρμήν, καὶ ἐὰν μὲν ᾖ νωθής,
-οὐ πᾶν ἀνῆκε τὸ ἑαυτοῦ τάχος, ἀλλά τι καὶ ἀνέστειλεν, 
-ὡς προεκθεῖν μὲν τοῦ κυνός, οὐ μὴν ἀπαγορεῦσαι
-ὑπὸ τοῦ συντόνου τοῦ δρόμου αὐτός. οἶδε γὰρ
-ἀμείνων ὤν, καὶ ὁρᾷ ἐς τὸ μὴ ὑπερπονεῖσθαί οἱ τὸν
-καιρὸν ὄντα. ἐὰν δὲ καὶ ὁ κύων ᾖ ὤκιστος, τηνικαῦτα
-</p>
-</div2>
-<div2 type="chapter" n="15">
-<p>ὁ λαγὼς φέρεται θέων ᾗ ποδῶν ἔχει. ἤδη 
-γοῦν καὶ πολὺ τῆς ὁδοῦ προλαβών, καὶ ἀπολιπὼν
-ἐκ πολλοῦ θηρατὰς καὶ κύνας καὶ ἵππους, ἐπί τινα
-λόφον ὑψηλὸν ἀναθορὼν καὶ ἑαυτὸν ἀναστήσας ἐπὶ
-τῶν κατόπιν ποδῶν, οἷον ἀπὸ σκοπιᾶς ὁρᾷ τὴν τῶν
-διωκόντων ἅμιλλαν, καί μοι δοκεῖ ὡς ἀσθενεστέρων 
-καταγελᾶν αὐτῶν. εἶτα ἐκ τούτου θαρρήσας ὡς
-πλέον ἔχων, οἷον εἰρήνης καὶ γαλήνης λαβόμενος
-ἀσμένως ἡσυχάζει καὶ κεῖται καθεύδων. λαγὼς δὲ
-ὄρειος οὐχ οὕτω ταχύς, ὥσπερ οὖν οἱ τοῖς πεδίοις
-ἐνοικοῦντες, εἰ μή ποτε ἄρα κἀκεῖνοι πεδίον ἔχοιεν 
-ὑποκείμενον, ἐν ᾧ κατιόντες διαθέουσι· καὶ τὸ μὲν
-ὄρος κατοικοῦσι, γυμνάζονται δὲ ἐνταῦθα, συνθέοντες
-τοῖς ἐκ τῶν πεδίων πολλάκις. φιλεῖ γοῦν ἐν μὲν
-τοῖς πεδίοις αὐτοὺς διώκεσθαι, καὶ τὰ μὲν ὑποκινεῖν,
-τὰ δὲ ὑπολανθάνειν, εἶτα ἐκ τῆς συνήθους διώξεως 
-ἀνισταμένους ὑπεκφυγεῖν οὐδὲ εἷς. ἐπὰν δὲ ὦσιν
-ὁμοῦ τῷ ἁλίσκεσθαι, τῆς πεδιάδος ὁδοῦ βραχὺ ἀποκλίναντες
-<pb id="p.328"/>
-ἐς τὰ ἀνάντη καὶ ὄρεια ἀνέθορον, ἅτε ἐς
-οἰκεῖα ἤθη καὶ ἔννομά σφισι σπεύδοντες, καὶ τοῦτον
-τὸν τρόπον ἀπιόντες οἴχονται, ἀδοκήτου σωτηρίας
-τυχόντες· ὀρειβασίαι γὰρ καὶ ἵπποις καὶ κυσὶν
-ἐχθραὶ πεφύκασιν, ἀπαγορευόντων αὐτοῖς τῶν ποδῶν
-καὶ ἐκτριβομένων ῥᾷστα. κυνῶν δὲ ἔτι καὶ
-μᾶλλον ἅπτεται τὸ πάθος· σαρκώδεις γὰρ αὐτῶν
-εἰσιν οἱ πόδες, καὶ ἔχουσιν οὐδὲν πρὸς τὴν πέτραν
-ἀντίτυπον, ὡς ἵπποι τὴν ὁπλήν. ὁ δὲ λαγὼς τοὐναντίον,
-πέφυκε γὰρ δασὺς τοὺς πόδας, καὶ δὴ καὶ
-τῶν τραχέων ἀνέχεται. ὅτῳ δέ εἰσι λαγῷ ἐν τοῖς
-δάσεσι καὶ ἐν τοῖς θάμνοις διατριβαί, νωθεῖς μὲν
-οὗτοι ἐς τὸν δρόμον, βραδεῖς δὲ ἐς τὴν φυγήν·
-πεπιασμένοι γὰρ οἱ τοιοίδε εἰσὶ καὶ ὑπὸ τῆς ἀργίας
-οὐχὶ ἠθάδες τοῦ δρόμου, ἥκιστοί τε ὡς ὅτι πορρωτάτω
-τῶν θάμνων ἀποφοιτᾶν. θῆραι δὲ τούτων
-τοιαίδε. τὰ μὲν πρῶτα διαδύονται διὰ τῶν θάμνων
-τῶν μικρῶν, ὅσοις μὴ συνεχὴς ἡ λόχμη, τούς γε
-μὴν δασυτέρους αὐτῶν, ἅτε μὴ οἷοί τε ὄντες ὑπελθεῖν,
-εἰκότως ὑπερπηδῶσι. πεφύκασι δὲ ἄλλοι συνεχεῖς
-καὶ διʼ ἀλλήλων συνυφασμένοι. ὅτου οὖν τοιοῦτοι,
-ἅτε πολλάκις ἀναγκαζόμενος τοῦτο δρᾶν ὁ
-λαγώς, καὶ διὰ τὴν βαρύτητα τὴν τοῦ σώματος οὐκ
-ὢν ἁλτικός, κάμνει ῥᾷστα καὶ ἀπαγορεύει. αἴ γε μὴν
-κύνες τὰ πρῶτα σφάλλονταί τε αὐτοῦ καὶ ἁμαρτάνουσιν·
-οὐ γὰρ ὁρῶσιν αὐτὸν διὰ τὴν τῆς ὕλης πυκνότητα,
-πηδῶσι δὲ καὶ αὗται κατὰ τῶν θάμνων ὑπὸ
-τῆς ὀσμῆς ἀγόμεναι· τελευτῶσαί γε μὴν εἶδον καὶ διώκουσι
-καὶ ἐνδιδόασιν οὐδὲ ἕν, ὃ δὲ ἐκ τῆς τοῦ πηδᾶν
-συνεχείας κάμνει τε καὶ ἀπαγορεύει καὶ ἐντεῦθεν
-ἑάλωκε. τὰ δὲ ἀνάντη μὲν καὶ ὑψηλὰ οἱ λαγῲ ἀναθέουσι
-ῥᾷστα· τὰ γάρ τοι κατόπιν κῶλα μακρότερα
-<pb id="p.329"/>
-ἔχουσι τῶν ἔμπροσθεν· καταθέουσι δʼ οὐχ ὁμοίως·
-λυπεῖ γὰρ αὐτοὺς τῶν ποδῶν τὸ ἐναντίον.
-πέφυκε δὲ καὶ λαγὼς ἕτερος μικρὸς τὴν φύσιν, 
-οὐδὲ αὔξεταί ποτε· κόνικλος ὄνομα αὐτῷ. οὔκ εἰμι
-δὲ ποιητὴς ὀνομάτων, ὅθεν καὶ ἐν τῇδε τῇ συγγραφῇ 
-φυλάττω τὴν ἐπωνυμίαν τὴν ἐξ ἀρχῆς, ἥνπερ οὖν
-Ἴβηρες οἱ Ἑσπέριοι ἔθεντό οἱ, παρʼ οἷς καὶ γίνεται
-τε καὶ ἔστι πάμπολυς. τούτῳ τοίνυν ἡ μὲν χρόα παρὰ
-τοὺς ἑτέρους μέλαινα, καὶ ὀλίγην ἔχει τὴν οὐράν, τά
-γε μὴν λοιπὰ τοῖς προειρημένοις ἰδεῖν ἐμφερής ἐστι. 
-διαλλάττει δὲ ἔτι καὶ τὸ τῆς κεφαλῆς μέγεθος· λεπτοτέρα
-γὰρ ἡ τούτου καὶ δεινῶς ἄσαρκος καὶ βραχυτέρα.
-λευκότερος δὲ τῶν λοιπῶν· λασαρὰ διετησίους
-φύσει, ὑφʼ ὧν οἰστρεῖταί τε καὶ ἐκμαίνεται, ὅταν
-ἐπὶ τὰς θηλείας ᾅττῃ. ἔστι δὲ ὀστοῦν ἐν τῇ καρδίᾳ 
-αὐτοῦ, ὅπερ οὖν τίνος ἀγαθὸν εἰδέναι μελήσει ἄλλῳ.
-</p>
-</div2>
-<div2 type="chapter" n="16">
-<p>τὴν τῶν θύννων θήραν Ἰταλοί τε καὶ Σικελοὶ 
-κητείαν φιλοῦσιν ὀνομάζειν· τά τε χωρία, ἔνθα αὐτοῖς
-εἴωθε θησαυρίζεσθαι τά τε δίκτυα τὰ μεγάλα
-καὶ ἡ λοιπὴ παρασκευὴ ἡ θηρατική, καλεῖται μέντοι 
-κητοθηρεῖα, τοῦ θύννου τὸ μέγεθος ἐς τὰ κήτη βουλομένων
-τὸ λοιπὸν ἀποκρίνειν. ἀκούω δὲ Κελτοὺς
-καὶ Μασσαλιώτας καὶ τὸ Λιγυστικὸν πᾶν ἀγκίστροις
-τοὺς θύννους θηρᾶν· εἴη δʼ ἂν ταῦτα ἐκ σιδήρου
-μὲν πεποιημένα, μέγιστα δὲ καὶ παχέα ἰδεῖν. καὶ τά 
-γε ὑπὲρ τῶν θύννων νῦν πρὸς τοῖς ἤδη προειρημένοις
-τοσαῦτα ἔστω μοι.
-</p>
-</div2>
-<div2 type="chapter" n="17">
-<p>περὶ τὰς καλουμένας νήσους Τυρρηνικὰς θηρῶσιν 
-οἱ κατὰ τὴν ἁλιείαν ἔχοντες τὸν ἐκεῖθι κητώδη
-ἰχθύν, καὶ καλοῦσιν αὐτὸν αὐλωπίαν, καὶ περιηγήσασθαί 
-γε τούτου τὰ ἴδια οὐ χεῖρόν ἐστι. μέγεθος
-μὲν ἡττᾶται τῶν μεγίστων θύννων ὁ μέγιστος αὐλωπίας,
-<pb id="p.330"/>
-ῥώμην δὲ καὶ ἀλκὴν τὰ πρῶτα φέροιτο ἂν πρὸς
-ἐκείνους ἀντικρινόμενος. ἄλκιμον μὲν γὰρ ἰχθύων
-φῦλόν ἐστι καὶ οἱ θύννοι, ἀλλὰ τῷ παραταξαμένῳ
-καὶ προθύμως ἀνταγωνισαμένῳ μετὰ τὴν πρώτην
-ὁρμὴν ἀφίσταται τοῦ κράτους τοῦ αἵματος αὐτῷ πηγνυμένου,
-καὶ παρειμένος ὤκιστα εἶτα ἑάλω. διακαρτερεῖ
-γε μὴν ὁ αὐλωπίας ἐπὶ μακρόν, ὅταν ἐπίθηταί
-οἱ κατὰ τὸ καρτερόν, καὶ ὡς πρὸς ἀντίπαλον ἀνθίσταται
-τὸν ἁλιέα, καὶ κρατεῖ τὰ πλεῖστα, ἐπὶ μᾶλλον
-ἑαυτὸν πιέσας καὶ κάτω νεύσας τὴν κεφαλὴν καὶ
-ὠθήσας κατὰ τοῦ βυθοῦ· πέφυκέ τε τὴν γένυν ἰσχυρὸς
-καὶ τὸν αὐχένα καρτερός, καὶ ῥώμης ἔχει κάλλιστα.
-ὅταν δὲ αἱρεθῇ, ἰδεῖν ὡραιότατός ἐστι, τοὺς μὲν
-ὀφθαλμοὺς ἔχων ἀνεῳγότας καὶ περιφερεῖς καὶ μεγάλους,
-οἵους Ὅμηρος τοὺς τῶν βοῶν ᾅδει· ἡ δὲ
-γένυς, ὥσπερ οὖν εἶπον, καρτερὰ οὖσα, ὅμως καὶ ἐς
-ὥραν οἱ συμμάχεται. καὶ τὰ μὲν νῶτα αὐτῷ κυανοῦ
-μεμίμηται χρόαν τοῦ βαθυτάτου, ὑπέζωσταί γε μὴν
-λευκὴν τὴν νηδύν· ἄρχεται δὲ ἀπὸ τῆς κεφαλῆς αὐτῷ
-γραμμὴ χρυσῖτις τὴν χρόαν, κατιοῦσα δὲ ἐς τὸ
-οὐραῖον μέρος ἀπολήγει ἐς κύκλον. εἰπεῖν δὲ καὶ
-τὴν δολερὰν ἐπʼ αὐτοῖς θήραν, ἥνπερ οὖν ἀκούσας
-οἶδα, ἐθέλω. προελόμενοι χώρους ἐκ πολλοῦ, ἐς οὓς
-ἀθροίζεσθαι τοὺς αὐλωπίας ὑπολαμβάνουσιν, εἶτα
-μέντοι κορακίνους ταῖς ὑποχαῖς πολλοὺς συλλαβόντες,
-τὴν ἑαυτῶν ἄκατον ἐπʼ ἀγκυρῶν ὁρμίσαντες καὶ
-συνεχῶς κτύπον τινὰ ὑποδρῶντες διατείνουσι τοὺς
-κορακίνους ἅμμασι σφηκοῦντες. οἱ δὲ ἀκούοντες τοῦ
-κτύπου καὶ τὸ δέλεαρ ὁρῶντες ἄλλος ἀλλαχόθεν
-ἀνανέουσι καὶ ἀθροίζονται καὶ περιέρχονται τὴν
-ἁλιάδα, πραΰνονταί τε ἐς τοσοῦτον τῷ κρότῳ καὶ τῷ
-πλήθει τῆς τροφῆς, ὡς καὶ προτεινόντων τὰς χεῖρας
-<pb id="p.331"/>
-παραμένειν. ἀνέχονται δὲ ἀνθρωπίνης ἐπιψαύσεως,
-ὡς μὲν κρίνειν ἐμέ, τῇ βορᾷ δεδουλωμένοι, ἤδη
-δέ, ὡς οἱ θηρατικοί φασι, καὶ τῇ ἀλκῇ θαρροῦντες.
-εἰσὶ δὲ ἐν αὐτοῖς καὶ χειροήθεις, οὕσπερ οὖν
-οἱ ἁλιεῖς ὡς εὐεργέτας καὶ ἑταίρους γνωρίζουσιν, 
-εἶτα μέντοι τὰ πρὸς αὐτοὺς ἔχουσιν ἔνσπονδα. ἕπονται
-δὲ τούτοις οἷον ἡγεμόσι καὶ ἄλλοι ξένοι, καὶ τούτους
-μὲν ὡς ἂν εἴποι τις ἐπήλυδας καὶ θηρῶσι καὶ
-ἀποκτείνουσι, πρός γε μὴν τοὺς τιθασούς, οἵπερ οὖν
-ἐοίκασι ταῖς παλευτρίαις πελειάσιν, ἀθηρία τε αὐτοῖς 
-ἐστι καὶ ἐκεχειρία. οὐδʼ ἂν ἁλιέα σοφὸν τοσαύτη
-ποτὲ καταλάβοι ἀπορία, ὡς ἐξ ἐπιβουλῆς ἑλεῖν αὐλωπίαν
-ἥμερον· ἐκ γάρ τινων αἰτιῶν αἱρεθεὶς κατὰ
-τύχην καὶ λυπεῖ. ἁλίσκεται δὲ ἢ ἀγκίστρῳ περιπαρεὶς
-ἢ τρωθεὶς ἐς θάνατον. ὁρῶμεν δὲ καὶ τοὺς 
-ὀρνιθοθήρας μὴ ἂν τῶν ἐλλοχώντων ὀρνίθων ἀποκτείναντάς
-τινας ἢ ἐπὶ πράσει ἢ ἐπὶ δείπνῳ. καὶ ἄλλαι
-δὲ θῆραι τῶνδε τῶν ἰχθύων εἰσίν.
-</p>
-</div2>
-<div2 type="chapter" n="18">
-<p>ἐν δὲ τοῖς βασιλείοις τοῖς Ἰνδικοῖς, ἔνθα ὁ μέγιστος 
-τῶν βασιλέων διαιτᾶται τῶν ἐκεῖθι, πολλὰ μὲν 
-καὶ ἄλλα ἐστὶ θαυμάσαι ἄξια, ὡς μὴ αὐτοῖς ἀντικρίνειν
-μήτε τὰ Μεμνόνεια Σοῦσα καὶ τὴν ἐν αὐτοῖς
-πολυτέλειαν μήτε τὴν ἐν τοῖς Ἐκβατάνοις μεγαλουργίαν·
-ἔοικε γὰρ κόμπος εἶναι Περσικὸς ἐκεῖνα, εἰ
-πρὸς ταῦτα ἐξετάζοιτο. καὶ τὰ λοιπὰ μὲν περιελθεῖν 
-τῷ λόγῳ οὐ τῆσδε τῆς συγγραφῆς ἐστιν, ἐν δὲ τοῖς
-παραδείσοις τρέφονται μὲν καὶ ταῶς ἥμεροι καὶ χειροήθεις
-φασιανοί, ἔχουσι δὲ ἐν τοῖς φυτοῖς τοῖς ἠσκημένοις,
-ἅπερ οὖν οἱ μελεδωνοὶ οἱ βασίλειοι τῆς δεούσης
-ἀξιοῦσι κομιδῆς. καὶ γάρ εἰσιν ἄλση σκιερὰ καὶ 
-νομὴ σύμφυτος καὶ κλάδοι δʼ ἀλλήλων συνυφασμένοι
-σοφίᾳ τινὶ δενδροκομικῇ. καὶ τὸ σεμνότερον τῆς
-<pb id="p.332"/>
-ὥρας τῆς ἐκεῖθι, τὰ δένδρα αὐτὰ τῶν ἀειθαλῶν ἐστι,
-καὶ οὔποτε γηρᾷ καὶ ἀποῥῥεῖ τὰ φύλλα· καὶ τὰ μὲν
-ἐπιχώριά ἐστι, τὰ δὲ ἀλλαχόθεν σὺν πολλῇ κομισθέντα
-τῇ φροντίδι, ἅπερ οὖν κοσμεῖ τὸν χῶρον καὶ ἀγλαΐαν
-δίδωσι, πλὴν ἐλαίας· οὐ γὰρ αὐτὴν ἡ Ἰνδῶν φέρει,
-οὔτε αὐτή, οὔτε ἥκουσαν ἀλλαχόθεν τρέφει. ὄρνιθες
-οὖν καὶ ἕτεροι ἐλεύθεροι καὶ ἀδούλωτοι, καὶ ἐλθόντες
-αὐτομάτως ἔχουσι κατʼ αὐτῶν κοίτας καὶ εὐνάς·
-ἐνταῦθά τοι καὶ οἱ ψιττακοὶ τρέφονται καὶ εἰλοῦνται
-περὶ τῷ βασιλεῖ. σιτεῖται δὲ Ἰνδῶν οὐδὲ εἷς ψιττακόν,
-καίτοι παμπόλλων ὄντων τὸ πλῆθος· τὸ δὲ
-αἴτιον, ἱεροὺς αὐτοὺς εἶναι πεπιστεύκασιν οἱ Βραχμᾶνες,
-καὶ μέντοι καὶ τῶν ὀρνίθων ἁπάντων προτιμῶσι.
-καὶ ἐπιλέγουσι δρᾶν τοῦτο εἰκότως· μόνον
-γὰρ τὸν ψιττακὸν ἀνθρώπου στόμα εὐστομώτατα
-ὑποκρίνεσθαι. εἰσὶ δὲ ἄρα ἐν τοῖσδε τοῖς βασιλείοις
-καὶ λίμναι χειροποίητοι ὡραῖαι, καὶ ἰχθύας ἔχουσι
-μεγέθει μεγίστους καὶ πραεῖς· καὶ θηρᾷ αὐτοὺς οὐδεὶς
-ὅτι μὴ οἱ τοῦ βασιλέως υἱεῖς παῖδες ἔτι ὄντες,
-ἐν ἀκλύστῳ καὶ ἥκιστα ἐπικινδύνῳ τῷ ὕδατι ἁλιεύοντές
-τε καὶ παίζοντες καὶ ἅμα καὶ πλεῖν μανθάνοντες.
-</p>
-</div2>
-<div2 type="chapter" n="19">
-<p> ἐν τῷ Ἰονίῳ πελάγει κατὰ τὸν Λευκάτην καὶ τὴν
-πρὸς τῷ Ἀκτίῳ θάλατταν, ἔνθα τοι καὶ τὸν χῶρον
-καλοῦσιν Ἤπειρον, κεφάλων εἰσὶ κατὰ ἴλας ὡς ἂν
-εἴποι τις ἄφθονοι νήξεις καὶ πλήθη πάμπολλα. οὐκοῦν
-θηρῶνται καὶ μάλα ἐκπληκτικῶς· ὁ δὲ τρόπος
-τῆς θήρας οὗτός ἐστι. νύκτα ἀσέληνον οἱ ἐκεῖθι ἁλιεῖς
-παραφυλάξαντες, ἀπὸ δείπνου γενόμενοι κατὰ δύο
-ἀπῆραν σκάφος, οὐκ ὄντος κύματος ἀλλὰ ἀκλύστου
-καὶ γαληναίας τῆς θαλάττης, εἶτα ἡσυχῆ καὶ κατὰ
-μικρὰ προερέττουσι· καὶ ὃ μὲν αὐτὴν ὑποκινεῖ τῷ
-<pb id="p.333"/>
-κωπίῳ, προάγων τὴν πορθμίδα βάδην ὡς ἂν εἴποις·
-ἅτερος δὲ κατακλινεὶς ἐπʼ ἀγκῶνος τὸ καθʼ ἑαυτὸν
-μέρος ἐπιβρίθει τῆς πορθμίδος, καὶ ἐς τοσοῦτον ἐπικλίνει,
-εἰς ὅσον τὸ χεῖλος αὐτῆς προσπελάζει τῷ
-ὕδατι. οἱ κέφαλοι δὲ καὶ οἱ τούτοις ὁμοειδεῖς κεστρεῖς, 
-ἤτοι τῇ νυκτὶ τερπόμενοι ἢ χαίροντες τῇ γαλήνῃ,
-τοὺς μὲν χηραμοὺς τοὺς ἑαυτῶν καὶ τοὺς φωλεοὺς
-ἀπολείπουσιν, ἀνανέουσι δέ, καὶ τὰ ἄκρα γε
-τοῦ προσώπου ὑπὲρ τὸ ὕδωρ φαίνουσι, καὶ τοσοῦτον
-τῆς ἐς τὸ ἄνω νήξεως ἐπιλαμβάνουσι, καὶ γίνονται 
-τῆς ᾐόνος πλησιον. θεασάμενοι δὲ οἱ θηραταὶ πλέουσι,
-καὶ τὸ ῥόθιόν γε τῆς πορθμίδος ἡσυχῆ πως
-ὑποκυμαίνειν ἄρχεται. φεύγοντες οὖν τὴν γῆν καὶ
-ὑποστρέφοντες ἐς τὸ ἐπικλινὲς τῆς ἀκάτου σφᾶς
-αὐτοὺς ὑπωθοῦσι, καὶ εἴσω παρελθόντες ἑαλώκασιν. 
-</p>
-</div2>
-<div2 type="chapter" n="20">
-<p>τῶν δὲ κητῶν τὰ ὑπέρογκα ἄγαν καὶ τὸ μέγεθος 
-ὑπερήφανα νήχεται μὲν ἐν τοῖς πελάγεσι μέσοις,
-ἤδη γε μὴν καὶ σκηπτοῖς βάλλεται. πρὸς τούτοις μὲν
-οὖν καὶ ὅσα ἕτερα σπάνια τοιαῦτα, καὶ ὄνομα τροχὸς
-αὐτοῖς. καὶ νεῖ κατʼ ἀγέλας ταῦτα, μάλιστα μὲν ἐν 
-δεξιᾷ τοῦ Ἄθω τοῦ Θρᾳκίου, ἔν γε τοῖς κόλποις τοῦ
-ἀπὸ Σιγείου πλέοντα, ἐντυχεῖν δέ ἐστιν αὐτοῖς καὶ
-κατὰ τὴν ἀντιπέρας ἤπειρον παρά τε τὸν Ἀρταχαίου
-καλούμενον τάφον καὶ τὸν Ἀκάνθιον ἰσθμόν, ἔνθα
-τοι καὶ ἡ τοῦ Πέρσου φαίνεται διατομή, ᾗ διέτεμε 
-τὸν Ἄθω. τὰ κήτη δὲ ταῦτα, ἃ καλοῦσι τροχούς,
-ἄλκιμα μὲν οὔ φασιν εἶναι, λοφιὰν δὲ ὑποφαίνει καὶ
-ἀκάνθας ὑπερμήκεις, ὡς καὶ πολλάκις ὁρᾶσθαι ἐξάλους
-αὐτάς. ἀκούσαντα δὲ εἰρεσίας κτύπου περιστρέφεταί
-τε καὶ κατειλεῖται ὡς ὅτι κατωτάτω ἑαυτὰ 
-ὠθοῦντα· ἔνθεν τοι καὶ τοῦδε τοῦ ὀνόματος μετείληχεν.
-<pb id="p.334"/>
-ἀναπλεῖ δὲ ἀνελιχθέντα καὶ κυλιόμενα ἔμπαλιν.
-</p>
-</div2>
-<div2 type="chapter" n="21">
-<p> Τριτώνων πέρι σαφῆ μὲν λόγον καὶ ἀπόδειξιν
-ἰσχυρὰν οὐ μάλα τί φασιν εἰπεῖν ἔχειν τοὺς ἁλιέας·
-λέγει δʼ οὖν φήμη διαρρέουσα ναὶ μὰ Δία πολλὴ
-γίνεσθαί τινα ἐν τῇ θαλάττῃ κήτη ἀνθρωπόμορφα τὰ
-ἀπὸ κεφαλῆς ὅσα ἐς ἰξὺν λήγει. λέγει δὲ Δημόστρατος
-ἐν λόγοις ἁλιευτικοῖς ἐν Τανάγρᾳ θεάσασθαι
-τάριχον Τρίτωνα. καὶ τὰ μὲν ἄλλα ἦν φησι καὶ τοῖς
-πλαττομένοις ὅμοιος καὶ τοῖς γραφομένοις, τὴν δέ οἱ
-κεφαλὴν ὑπὸ χρόνου διεφθαρμένην οὐ πάνυ τι σαφῆ
-ἔφατο εἶναι οὐδὲ οἵαν συνιδεῖν τε καὶ γνωρίσαι ῥᾷστα·
-προσαψαμένου δέ μου φολίδες ἀπέπιπτον τραχεῖαι
-καὶ μέντοι καὶ ἀντίτυποι εὖ μάλα. τῶν δέ τις
-ἐκ τῆς βουλῆς ἁρμοζόντων κλήρῳ τὴν Ἑλλάδα καὶ
-πεπιστευμένων τὴν ἀρχὴν ἑνὸς ἔτους, οἷα δὴ βασανιῶν
-καὶ ἐλέγξων τοῦ βλεπομένου τὴν φύσιν, τοῦ
-δέρματος παρελὼν ὀλίγον καθήγισεν ἐπὶ πυρός, καὶ
-ὀσμὴ μὲν βαρεῖα καομένου τοῦ ἐμβληθέντος προσέβαλε
-τῶν παρόντων τὰς ῥῖνας. οὐ μὴν συμβαλεῖν
-φησιν εἴτε χερσαῖον τὸ ζῷον εἴτε θαλάττιον εἴη τὴν
-φύσιν εἴχομεν. ἀλλʼ ἥ γε πεῖρα οὐ χρηστόν οἱ τὸν
-μισθὸν ἀπέδωκεν. οὐ γὰρ μετὰ μακρὸν τὸν βίον
-κατέστρεψε, περαιούμενος ὀλίγον καὶ στενὸν πορθμὸν
-ἑξήρει πορθμείῳ καὶ βραχεῖ. καὶ ἔλεγόν γε, ὡς ἐκεῖνος
-λέγει, Ταναγραῖοι παθεῖν αὐτὸν ταῦτα ἀνθʼ ὧν
-ἐς τὸν Τρίτωνα ἠσέβησε, τεκμηριοῦντες ὅτι ἀποψύχων
-μὲν ἐξῃρέθη τῆς θαλάττης, ἰχῶρα δὲ ἠφίει παραπλήσιον
-τὴν ὀσμὴν τῇ τοῦ Τρίτωνος δορᾷ, ὅτε αὐτὴν
-ἐκεῖνος ἔκαε καὶ ἐνεπίμπρα. ὁπόθεν δὲ ἄρα ὁ Τρίτων
-οὗτος ἐπλανήθη, καὶ ὅπως δεῦρο ἐξεβράσθη, Ταναγραῖοί
-τε λεγέτωσαν καὶ Δημόστρατος. ἐπὶ τούτοις
-<pb id="p.335"/>
-δὲ αἰδοῦμαι τὸν θεόν, καὶ ἄξιον πείθεσθαι τῷ μάρτυρι
-τῷ τοσῷδε· εἴη δʼ ἂν ὁ ἐν Διδύμοις Ἀπόλλων
-τεκμηριῶσαι ἱκανὸς παντί, ὅτῳ νοῦς τε ὑγιαίνει καὶ
-ἔρρωται ἡ φρήν. Τρίτωνα γοῦν θρέμμα θαλάττιόν
-φησιν εἶναι, καὶ ἃ λέγει ταῦτά ἐστι 
-<quote rend="blockquote">
-<lb/>θρέμμα Ποσειδάωνος, ὑγρὸν τέρας, ἠπύτα Τρίτων,
-<lb/>νηχόμενος γλαφυρῆς ὁρμήμασι σύντυχε νηός.
-</quote>
-εἰ τοίνυν ὁ πάντα εἰδὼς καὶ Τρίτωνας εἶναί φησιν,
-ἡμᾶς ὑπὲρ τούτου διαπορεῖν οὐ χρή. 
-</p>
-</div2>
-<div2 type="chapter" n="22">
-<p>τὸν Ἰνδῶν βασιλέα προϊόντα ἐπὶ δίκαις προσκυνεῖ 
-ὁ ἐλέφας πρῶτος, δεδιδαγμένος τοῦτο, καὶ μάλα
-γε δρῶν μνημόνως τε καὶ εὐπειθῶς αὐτό ʽπαρέστηκε
-δὲ καὶ ἐκεῖνος, ὅσπερ οὖν ἐνδίδωσίν οἱ τοῦ παιδεύματος
-τὴν ὑπόμνησιν τῇ ἐκ τῆς ἅρπης κρούσει καὶ 
-φωνῇ τινι ἐπιχωρίῳ, ἧσπερ οὖν ἐλέφαντες ἐπαΐειν
-εἰλήχασι φύσει τινὶ ἀπορρήτῳ καὶ μάλα γε ἰδίᾳ τοῦ
-ζῴου τοῦδἐ· καὶ μέντοι καὶ κίνησίν τινα ὑποκινεῖται
-πολεμικήν, οἷον ἐνδεικνύμενος ὅτι καὶ τοῦτο τὸ μάθημα
-ἀποσώζει. τέτταρες δὲ καὶ εἴκοσι τῷ βασιλεῖ 
-φρουροὶ παραμένουσιν ἐλέφαντες ἐκ διαδοχῆς, ὥσπερ
-οὖν οἱ φύλακες οἱ λοιποί, καὶ αὐτοῖς παίδευμα τὴν
-φρουρὰν ἔχειν οὐ κατανυστάζουσι· διδάσκονται γάρ
-τοι σοφίᾳ τινὶ Ἰνδικῇ καὶ τοῦτο. καὶ λέγει μὲν Ἑκαταῖος
-ὁ Μιλήσιος Ἀμφιάρεων τὸν Οἰκλέους κατακοιμίσαι 
-τὴν φυλακὴν καὶ παθεῖν ὅσα λέγει. οὗτοι
-δὲ ἄρα ἄγρυπνοι καὶ ὕπνου μὴ ἡττώμενοι, πιστότατοι
-τῶν ἐκεῖθι φυλάκων μετά γε τοὺς ἀνθρώπους εἰσίν.
-</p>
-</div2>
-<div2 type="chapter" n="23">
-<p>ἐγὼ δὲ ἄρα ὡς εἶχον ὁρμῆς ἐπὶ μακρότατον ταῦτά 
-τε καὶ τὰ ὑπὲρ τούτων ἀνασκοπούμενός τε καὶ
-ἀνιχνεύων πέπυσμαι καὶ σκολόπενδραν εἶναί τι θαλάττιον
-<pb id="p.336"/>
-κῆτος, μέγιστον κητῶν καὶ τοῦτο, καὶ ἐκβρασθεῖσαν
-μὲν θεάσασθαι οὐκ ἄν τις θρασύνοιτο. λέγουσι
-δὲ οἱ ἀκριβοῦντες ἄνθρωποι τὰ θαλάττια ὁρᾶσθαι
-αὐτὰς πλωτάς, καὶ πᾶν μὲν ὅσον ἐστὶ κεφαλή,
-τοῦτο ὑπερτείνειν ἔξαλον, καὶ μέντοι καὶ μυκτήρων
-τρίχας ἐξεχούσας καὶ μάλα γε ὑψηλὰς ἐπιδεικνύναι,
-πλατεῖαν δὲ τὴν οὐρὰν καὶ οἵαν δοκεῖν καράβου. ἤδη
-δὲ ἄρα αὐτῆς καὶ τὸ λοιπὸν σῶμα ἐπιπολάζον τοῖς
-κύμασιν ὁρᾶται, ὅσον ἀντικρῖναι τριήρους τελείας
-αὐτὸ μεγέθει. νήχονται δὲ ἄρα πολλοῖς τοῖς ποσὶ
-καὶ κατὰ στοῖχον ἐντεῦθεν καὶ ἐκεῖθεν οἱονεὶ σταλμοῖς
-παρηρτημένοις ʽεἰ καὶ τραχύτερον ἀκοῦσαἰ ἑαυτὰς
-ἐρέττουσαι. λέγουσιν οὖν οἱ δεινοὶ ταῦτα καὶ
-ὑπηχεῖν τὸ ῥόθιον ἡσυχῆ, καὶ πείθουσι λέγοντες.
-</p>
-</div2>
-<div2 type="chapter" n="24">
-<p> Ξενοφῶν δὲ ὑπὲρ κυνῶν λέγει καὶ ταῦτα. δεῖν
-ἐς τὰ ὄρη πολλάκις ἄγειν αὐτάς, τὰ δὲ ἔργα ἧττον· τοὺς
-γάρ τοι τριμμοὺς τοὺς ἐκ τῶν ἐνεργῶν χωρίων λυπεῖν
-τε αὐτὰς καὶ σφάλλειν. λῷον δὲ εἶναι ὁ αὐτός φησιν
-ἐς τὰ τραχέα ἄγειν, καὶ κέρδος γε ἐκεῖνο πρὸς τούτῳ
-διδάσκει, εὔποδάς τε αὐτὰς γίνεσθαι καὶ ἁλτικωτέρας
-ἐκπονούσας τὸ σῶμα. ἴχνη δὲ ἄρα λαγὼ τοῦ μὲν
-χειμῶνος μακρὰ ὁρᾶσθαι λέγει διὰ τὸ μῆκος τῶν
-νυκτῶν, τοῦ δὲ θέρους οὐκέτι διὰ τοὐναντίον. καὶ σαφὲς
-ἐκ τοῦ προειρημένου τί βούλεται τὸ ἐναντίον.
-</p>
-</div2>
-<div2 type="chapter" n="25">
-<p> ἵππους καὶ ἐλέφαντας ἅτε ζῷα καὶ ἐν ὅπλοις καὶ
-ἐν πολέμοις λυσιτελῆ τιμῶσιν Ἰνδοί, καὶ μάλα γε
-ἰσχυρῶς. τῷ γοῦν βασιλεῖ κομίζουσι καὶ κώμυθας,
-ἃς ἐμβάλλουσι ταῖς φάτναις, καὶ χιλόν, καὶ ἐπιδεικνύουσι
-νεαρόν τε καὶ ἀσινῆ. καὶ ἐὰν μὲν ᾖ τοιοῦτος,
-ἐπαινεῖ ὁ βασιλεύς· εἰ δὲ μή, κολάζει τούς τε τῶν
-ἐλεφάντων μελεδωνοὺς καὶ τοὺς ἱπποκόμους πικρότατα.
-οὐκ ἀτιμάζει δὲ οὐδὲ τὰ ἄλλα ζῷα, ἀλλὰ καὶ
-<pb id="p.337"/>
-ἐκεῖνα προσίεται δῶρά οἱ κομιζόμενα. Ἰνδοὶ γὰρ
-οὐκ ἐκφαυλίζουσι ζῷον οὔτε ἥμερον οὔτε μὴν ἄγριον
-οὐδέν. αὐτίκα γοῦν δωροφοροῦσι τῶν ὑπηκόων οἱ
-διὰ τιμῆς ἰόντες γεράνους τε καὶ χῆνας ἀλεκτορίδας
-τε καὶ νήττας καὶ τρυγόνας τε καὶ ἀτταγᾶς προσέτι, 
-πέρδικάς τε καὶ σπινδάλους ʽἔστι δὲ ἐμφερὲς τῷ ἀτταγᾷ
-τοῦτό γἐ καὶ ἐπὶ τούτοις τῶν προειρημένων
-βραχύτερα, βωκκαλίδας τε καὶ συκαλίδας καὶ τὰς
-καλουμένας κεγχρῇδας. ἐπιδεικνύουσι δὲ αὐτὰ ἀναπτύξαντες,
-τὸν ἐς βάθος αὐτῶν ἐλέγχοντες πιασμόν. 
-καὶ πλοῦτον πεπιασμένων ἐλάφων τε καὶ βουβαλίδων
-καὶ δορκάδων καὶ ὀρύγων καὶ τῶν ὄνων τῶν ἐχόντων
-ἓν κέρας, ὧν καὶ ἀνωτέρω που μνήμην ἐποιησάμην,
-καὶ ἰχθύων δὲ γένη διάφορα κομίζουσι καὶ
-ταῦτα. 
-</p>
-</div2>
-<div2 type="chapter" n="26">
-<p>ἔστι δὲ ἄρα καὶ τέττιξ ἐνάλιος. καὶ ὁ μὲν μέγιστος 
-αὐτῶν ἔοικε καράβῳ σμικρῷ, κέρατα δὲ οὐκ
-ἔχει μεγάλα κατʼ ἐκείνους οὐδὲ κέντρα. ἰδεῖν δέ ἐστι
-τοῦ καράβου ὁ τέττιξ ζοφωδέστερος, καὶ ἐπὰν αἱρεθῇ,
-προσέοικε τετριγότι. πτέρυγες δὲ ὀλίγαι τὸ μέγεθος 
-ὑπὸ τοῖς ὀφθαλμοῖς αὐτοῦ ἐκπεφύκασι, καὶ εἶεν ἂν
-κατὰ τὰς τῶν χερσαίων καὶ αὗται. οὐ σιτοῦνται δὲ
-αὐτὸν οἱ πολλοί, νομίζοντες ἱερόν. Σεριφίους δὲ
-ἀκούω καὶ θάπτειν νεκρὸν ἑαλωκότα· ζῶντα δὲ ἐς δίκτυον
-ἐμπεσόντα οὐ κατέχουσιν, ἀλλὰ ἀποδιδόασι τῇ 
-θαλάττῃ αὖθις. θρηνοῦσι δὲ ἄρα αὐτοὺς ἀποθανόντας,
-καὶ λέγουσι Περσέως τοῦ Διὸς ἄθυρμα αὐτοὺς εἶναι.
-</p>
-</div2>
-<div2 type="chapter" n="27">
-<p>Ὕαινα ἰχθὺς ὁμώνυμος τῇ χερσαίᾳ ὑαίνῃ ἐστί. 
-ταύτης οὖν τὴν δεξιὰν πτέρυγα εἰ ὑποθείης ἀνθρώπῳ
-καθεύδοντι, εὖ μάλα ἐκταράξεις αὐτόν· δέα γάρ 
-τινα καὶ ἰνδάλματα καὶ φάσματα ὄψεται, καὶ ἐνύπνια
-ἕτερα οὐδαμῶς εὐμενῆ καὶ φίλα. τραχούρου γε μὴν
-<pb id="p.338"/>
-ζῶντος ἐὰν ἀποκόψῃς τὴν οὐράν, καὶ τὸν τράχουρον
-αὖθις ἐλεύθερον ἀπολύσῃς ἐς τὴν θάλατταν, τήν γε
-μὴν προειρημένην οὐρὰν ἐξαρτήσῃς ἵππου κυούσης,
-οὐ μετὰ μακρὸν ἐκπεσεῖται τὸ ἔμβρυον, καὶ ἐξαμβλώσει
-ἡ ἵππος. μειρακίου γε μὴν δεομένου ἐπὶ μήκιστον
-τριχῶν ἀπορίας τῶν ἐπὶ τοῦ γενείου, αἷμα ἐπιχρισθὲν
-θύννου ἀωρόλειον τὸ μειράκιον ἀπεργάζεται.
-δρᾷ δὲ ἄρα καὶ νάρκη καὶ πνεύμων τὸ αὐτό· ἐν ὄξει
-γὰρ διασαπεῖσαι αἱ τούτων σάρκες καὶ ἐπιχρισθεῖσαι
-τοῖς γενείοις φυγὴν τριχῶν ἐνεργάζονταί φασι. τί
-πρὸς ταῦτα Ταραντῖνοί τε καὶ Τυρρηνοὶ σοφισταὶ
-κακῶν, δαίδαλον ἐκεῖνό γε ἀνιχνεύσαντές τε καὶ πειράσαντες
-τὴν πίτταν, ὡς ἐξ ἀνδρῶν ἐς γυναῖκας ἀποκρίνειν;
-</p>
-</div2>
-<div2 type="chapter" n="28">
-<p> ὁ δὲ χρύσοφρυς ἄρα ἰχθύων ἁπάντων δειλότατος
-ἦν. ἐν δὴ ταῖς παλιρροίαις τῆς θαλάττης, ὅταν
-ᾖ ὥρα Ἀρκτούρῳ σύνδρομος, ὑπονοστεῖ μὲν ἡ θάλαττα
-περὶ τὸ ἄκτιον, ψιλὴ δὲ ἡ ψάμμος ὑπολείπεται,
-καὶ αἱ ναῦς πολλάκις ἐπὶ τῆς γῆς ἑστήκασιν ὕδατος
-χῆραι. οὐκοῦν οἱ ἐπιχώριοι ὅρπηκας αἰγείρων χλωροὺς
-καὶ κομῶντας ὀξύναντες δίκην σκολόπων καὶ
-ἐμπήξαντες τῇ ψάμμῳ ὑπαναχωροῦσιν, εἶτα ὑποστρέψαν
-τὸ κῦμα ἐπισύρει ἰχθύων τῶν προειρημένων
-πλῆθος ἄμαχον, ὑπονοστεῖ δὲ αὖθις, καὶ ὑπολείπονται
-πολλοὶ χρυσόφρυες ἐν ὀλίγῳ ὕδατι, ἔνθʼ ἂν καθήμενα
-εὑρεθῇ καὶ κοῖλα, εἶτα ὑπὸ τοῖς κλάδοις πτήξαντες
-ἡσυχάζουσι· διασειομένους γὰρ αὐτοὺς καὶ
-διακινουμένους ὑπὸ τοῦ προσπίπτοντος πνεύματος
-ὀρρωδοῦσι, καὶ οὔτε σπαίρουσιν οὔτε ἀναπάλλονται.
-πάρεστι δὴ συλλαβεῖν ὡς αἰχμαλώτους καὶ παίειν
-παντὶ τῷ προσπεσόντι δειλῶν ἰχθύων δῆμον εἴποι
-τις ἄν. αἱροῦσι γοῦν αὐτοὺς οὐ τεχνῖται μόνοι,
-<pb id="p.339"/>
-ἀλλὰ κἂν ἰδιώτης παρατυχὼν ᾖ, καὶ παῖδες καὶ γυναῖκες.</p>
-</div2>
-</div1>
-<div1 type="book" n="14">
-<div2 type="chapter" n="1">
-<p>
-ἐν δὲ τῷ Ἰονίῳ πελάγει πλησίον Ἐπιδάμνου, 
-ὅπου καὶ Ταυλάντιοι παροικοῦσι, νῆσός ἐστι καὶ
-Ἀθηνᾶς κέκληται, καὶ οἰκοῦσιν ἐνταῦθα ἁλιεῖς. ἔστι 
-δὲ καὶ λίμνη αὐτόθι, καὶ σκόμβρων ἠθάδων καὶ ἡμέρων
-ἀγέλαι τρέφονται. καὶ τούτοις μὲν τροφὰς ἐμβάλλουσιν
-οἱ ἁλιεῖς, καὶ ἔστιν αὐτοῖς πρὸς αὐτοὺς
-ἔνσπονδα, καί εἰσιν ἐλεύθεροι, καὶ ἀθηρίαν εἰλήχασι,
-καὶ προΐασιν ἐς χρόνου πλῆθος, καὶ ζῶσιν αὐτόθι 
-σκόμβροι καὶ γέροντες. οὐ μὴν ἀργοὶ σιτοῦνται,
-οὐδὲ ὑπὲρ ὧν τρέφονταί εἰσιν ἀχάριστοι, λαβόντες
-δὲ ἐκ τῶν ἁλιέων τροφὰς τὰς ἑωθινὰς εἶτα μέντοι
-καὶ αὐτοὶ ἐπὶ τὴν θήραν ἴασιν, ὥσπερ οὖν τροφεῖα
-ἐκτίνοντες. καὶ τοῦ λιμένος προελθόντες ἐπὶ τοὺς 
-ξένους στέλλονται σκόμβρους, καὶ ἐντυχόντες ὡς ἴλῃ
-τινὶ ἢ φάλαγγι, ἅτε ὁμοφύλοις καὶ τῆς αὐτῆς φύσεως
-οὖσι προσνέουσι, καὶ οὔτε τούτους ἐκεῖνοι φεύγουσιν
-οὔτε οὗτοι ἐκκλίνουσιν ἐκείνους, ἀλλὰ συνίασιν. εἶτα
-οἱ τιθασοὶ τοὺς ἐπήλυδας περιελθόντες καὶ κυκλόσε 
-γενόμενοι καὶ ἑαυτοὺς συμφράξαντες ἀπειλήφασι μέσους
-πολύ τι πλῆθος, καὶ οὐκ ἐῶσι διαδιδράσκειν,
-ἀναμένουσι δὲ τοὺς τροφέας, καὶ ἀνθʼ ὧν ἐκορέσθησαν
-ἀνθεστιῶσι τοὺς ἁλιέας· ἐπελθόντες γὰρ αἱροῦσιν
-αὐτοὺς καὶ πολὺν ἐργάζονται φόνον. οἱ δὲ τιθασοὶ 
-ἐπανίασι σπεύδοντες ἐς τὸν λιμένα, καὶ τοὺς ἑαυτῶν
-χηραμοὺς ὑπελθόντες ἀναμένουσι τὸ δειλινὸν δεῖπνον.
-<pb id="p.340"/>
-οἳ δὲ ἥκουσι κομίζοντες, εἰ βούλονται συνθήρους
-ἔχειν καὶ φίλους πιστούς. ὁσημέραι μέντοι πράττεται ταῦτα.
-</p>
-</div2>
-<div2 type="chapter" n="2">
-<p> σκάρου τὴν χολὴν ἐὰν δῷς ἐμφαγεῖν ἀνθρώπῳ
-νοσοῦντι τὸ ἧπαρ καὶ ἴκτερον ἔχοντι, σωθήσεται, ὡς
-οἱ σοφοὶ τῶν ἁλιέων διδάσκουσιν.
-</p>
-</div2>
-<div2 type="chapter" n="3">
-<p> ἁλίσκεται δὲ ἄρα ἰχθὺς καὶ ἄνευ κύρτων καὶ
-ἀγκίστρων καὶ δικτύων τὸν τρόπον τοῦτον. κόλποι
-θαλάττιοι πολλοὶ τελευτῶσιν ἐς τενάγη τινά, καὶ ἔστι
-ταῦτα ἐπιβατά. ὅταν οὖν ᾖ γαλήνη καὶ εἰρήνη πνευμάτων,
-οἱ τεχνῖται τῶν ἁλιέων ἄγουσι πολλοὺς ἐνταῦθα,
-εἶτα αὐτοὺς προστάττουσι βαδίζειν καὶ πατεῖν
-τὴν ψάμμον, ὡς ὅτι μάλιστα ἀπερείδοντας τὸ πέλμα
-ἰσχυρῶς. εἶτα ἴχνη καταλείπεται βαθέα, ἅπερ οὖν ἐὰν
-φυλαχθῇ, καὶ μή ποτε συμπεσοῦσα ἡ ψάμμος συγχέῃ
-αὐτά, μηδὲ ἐκταραχθῇ ὑπὸ πνεύματος τὸ ὕδωρ, ὀλίγον
-διαλείπουσιν οἱ ἁλιεῖς, καὶ ἐμβάντες καταλαμβάνουσιν
-ἐν τοῖς κοιλώμασι τῶν βημάτων καὶ τοῖς ἴχνεσι
-τοὺς ἰχθῦς τοὺς πλατεῖς εὐναζομένους, ψήττας τε καὶ
-ῥόμβους καὶ στρουθοὺς καὶ νάρκας καὶ τὰ τοιαῦτα.
-</p>
-</div2>
-<div2 type="chapter" n="4">
-<p> ἐχίνου θαλαττίου πέρι εἶπον καὶ ἀνωτέρω καὶ
-νῦν δὲ εἰρήσεται ὅσα προσακήκοα. ἔστι γὰρ καὶ στομάχῳ
-ἀγαθόν· τὸν τέως γὰρ κακόσιτον ὄντα καὶ πᾶν
-ὅ τι οὖν βδελυττόμενον ὃ δὲ ἀναρῥ??ʼννυσιν. ἔστι δὲ
-καὶ κύστεως κενωτικός, ὡς οἱτούτων λέγουσι σοφοί. εἰ
-δὲ αὐτοῦ ἐπιχρίσειας σώματι ψωριῶντι, ὃ δὲ σῶν
-ἐργάζεται τὸν τέως νοσοῦντα τὴν νόσον τὴν προειρημένην.
-καυθεὶς δὲ ἄρα ὀστράκοις αὐτοῖς ἐκκαθαίρει
-τὰ ῥυπῶντα τῶν τραυμάτων. χερσαίου δὲ ἐχίνου καυθέντος
-ἡ σποδιὰ πίττῃ προσανακραθεῖσα εἶτα μέντοι
-καταχρίεται τῶν λειψοτρίχων μερῶν, καὶ αἱ τέως φυγάδες
-ʽἵνα τι καὶ παίσὠ ὑπαναφύονται. πινομένη
-<pb id="p.341"/>
-δὲ οἴνῳ νεφροῖς ἀγαθόν ἐστι, σώζει δὲ ἄρα καὶ ὑδεριῶντας
-ποθεῖσα, ὥσπερ δὴ καὶ προεῖπον. τὸ δὲ
-ἧπαρ ἄρα τοῦ ἐχίνου τούτου ἰᾶται ὑφʼ ἡλίου γενόμενον
-αὖον τοὺς τῇ νόσῳ τῇ τοῦ καλουμένου ἐλέφαντος
-</p>
-</div2>
-<div2 type="chapter" n="5">
-<p>κατειλημμένους. 
-ἐλέφας ὁ θῆλυς, τιμιώτερα εἶναι τὰ τούτου κέρατα 
-οἱ σοφοὶ ταῦτα ὑμνοῦσι, καὶ ἐκεῖνά γε ἡμᾶς
-διδάσκουσιν. ἐν τῇ Μαυρουσίᾳ γῇ οἱ ἐλέφαντες,
-δεκάτῳ ἔτει πάντως αὐτοῖς τὰ κέρατα ἐκπεσεῖν φιλεῖ,
-ὥσπερ οὖν καὶ τὰ τῶν ἐλάφων, ἀλλὰ τούτων ἀνὰ 
-πᾶν ἔτος. οἱ τοίνυν ἐλέφαντες οἵδε γῆν πεδιάδα καὶ
-ἔνδροσον προαιροῦνται τῆς ἄλλης, καὶ ἀπερείδουσιν
-ἐς αὐτὴν τὰ κέρατα, ὀκλὰξ ἐπικύψαντες, ἐκδῦναι
-αὐτὰ δεινῶς σφριγῶντες. τοσοῦτον δὲ ἄρα ἐπωθοῦσιν,
-ὡς καὶ τελέως αὐτὰ ἀποκρύψαι· εἶτα μέντοι 
-ὑποψήσαντες τοῖς ποσὶ λεῖον τὸν χῶρον ἀπέφηναν
-τὸν φρουροῦντα τὸ θησαύρισμα αὐτοῖς. γονιμωτάτη
-δὲ ἄρα ἡ γῆ οὖσα εἶτα ὤκιστα πόαν ἀναφύει, καὶ
-ἀφανίζει τὴν ὄψιν τοῦ γεγενημένου τοῖς ὁδῷ χρωμένοις.
-οἱ δὲ ταῦτα ἀνιχνεύοντες τὰ φώρια καί τινα 
-σοφίαν τῆς ἐξ ἐκείνων ἐπιβουλῆς ἔχοντες ἐν ἀσκοῖς
-αἰγείοις ὕδωρ κομίζουσιν, εἶτα αὐτοὺς διασπείρουσι
-πεπληρωμένους ἄλλους ἀλλαχόσε, καὶ αὐτοὶ καταμένουσι.
-καὶ καθεύδει τις, καὶ ἄλλος ὑποπίνει, καί
-πού τις καὶ μεταξὺ ἐπιρροφῶν τῆς κύλικος ὑπαναμέλπει 
-καὶ μέμνηται διὰ τοῦ μέλους ἧς ἐρᾷ· εἰ δὲ
-καὶ νέον ὡρικὸν ὑποπειρᾷ παρόντα τις καὶ αὐτὸν
-τῆς ἰχνεύσεως κοινωνόν, οὐκ ἂν θαυμάσαιμι· εἰσὶ
-γὰρ Μαυρούσιοι καὶ καλοὶ καὶ μεγάλοι, καὶ ἀνδρικὸν
-ὁρῶσι, καὶ ἔργων ἔχονται θηρατικῶν, καὶ μέντοι καὶ 
-πολλοὺς ἀναφλέγουσι, μειράκια ἔτι καὶ τηλικοίδε ὄντες.
-οὐκοῦν εἰ τὰ κέρατα εἴη κατορωρυγμένα πλησίον
-<pb id="p.342"/>
-ἐκεῖνα, τὰ δὲ ἴυγγί τινι ἀπορρήτῳ καὶ θαυμαστῇ τὸ
-ὕδωρ ἐκεῖνο ἐκ τῶν ἀσκῶν ἕλκει, καὶ ἀποδείκνυσι
-κενοὺς αὐτούς. ἐνταῦθά τοι σμινύαις τε καὶ μακέλλαις
-διασκάπτουσι τὸν χῶρον, καὶ ἔχουσι τὸ θήραμα
-ῥινηλατήσαντες ἄνευ κυνῶν· ἐὰν δὲ ἔμπλεῳ μείνωσιν
-οἱ ἀσκοὶ οὗπερ οὖν καὶ κατέθεσαν αὐτοὺς οἱ τῶν
-κεράτων τῶνδε θηραταί, οἳ δὲ ἀπίασιν ἐπʼ ἄλλην
-θήραν, καὶ μέντοι καὶ ἀσκοὺς καὶ ὕδωρ ἐπάγονται
-πάλιν, τὰ θήρατρα τῆς ἄγρας τῆς προειρημένης.
-</p>
-</div2>
-<div2 type="chapter" n="6">
-<p> λέγεται δὲ καὶ ἐλέφας διπλῆν ἔχειν καρδίαν καὶ
-διπλᾶ νοεῖν, καὶ τῇ μὲν θυμοῦσθαι, πραΰνεσθαί γε
-μὴν τῇ ἑτέρα· Μαυρουσίοις δὲ ἄρα ἕπομαι λόγοις
-λέγων ταῦτα. ἐπεί τοι καὶ ἐκεῖνα οἱ αὐτοὶ ὑμνοῦσι,
-λύγκας εἶναι. φασὶ δὲ αὐτὰς παρδάλεως μὲν ἔτι καὶ
-πλέον σιμάς, ἄκρα γε μὴν τὰ ὦτα λασίους. θηρίον
-δὲ τοῦτο ἁλτικὸν δεινῶς, καὶ κατασχεῖν βιαιότατά τε
-καὶ ἐγκρατέστατα καρτερόν. ἔοικε δὲ ἄρα τῷ θηρίῳ
-τούτῳ μαρτυρεῖν καὶ Εὐριπίδης τὸ ἀπρόσωπον, ὅταν που λέγῃ
-<quote rend="blockquote">
-<lb/>ἥκει δʼ ἐπʼ ὤμοις ἢ συὸς φέρων βάρος
-<lb/>ἢ τὴν ἄμορφον λύγκα, δύστοκον δάκος.
-</quote>
-ὑπὲρ ὅτου δὲ λέγει δύστοκον τοὺς κριτικοὺς ἐρέσθαι λῷον.
-</p>
-</div2>
-<div2 type="chapter" n="7">
-<p> περὶ στρουθοῦ δὲ τῆς μεγάλης εἴποι τις ἂν καὶ
-ἐκεῖνα. ἡ γαστὴρ αὐτῆς ἀνῃρημένης εὑρίσκεται καθαιρομένη
-λίθους ἔχουσα, οὕσπερ οὖν καταπιοῦσα
-ἡ στρουθὸς ἐν τῷ ἐχίνῳ φυλάττει καὶ πέττει τῷ χρόνῳ.
-εἶεν δʼ ἂν οὗτοι καὶ ἀνθρώπων πέψεως ἀγαθόν, νεῦρα
-δὲ τὰ ταύτης καὶ λίπος ἀνθρωπείων νεύρων ἀγαθά
-ἐστιν. ἁλίσκεται μὲν οὖν αὕτη ὑπὸ ἵππων· θεῖ μὲν
-γὰρ ἐς κύκλον, ἀλλʼ ἐξωτέρω περιθέουσα· οἱ δὲ
-ἱππεῖς τῷ ἐνδοτέρω ὑποτέμνονται κύκλῳ, καὶ ἔλαττον
-<pb id="p.343"/>
-περιιόντες ἀπειποῦσαν τῷ δρόμῳ ἀγρεύουσιν αὐτὴν
-χρόνῳ. λαμβάνεται δὲ καὶ τοῦτον τὸν τρόπον.
-καλιὰν ἐργάζεται ταπεινὴν ἐν τῷ δαπέδῳ, τὴν ψάμμον
-διαγλύψασα τοῖς ποσί. καὶ τὸ μὲν μεσαίτατον αὐτῆς
-κοῖλόν ἐστι, τὰ χείλη δὲ τὰ κύκλῳ ὑψηλὰ ἐργάζεται, 
-ἀποτειχίζουσα τρόπον τινά, ἵνα τὸ ἐκ Διὸς ὕδωρ
-ἀποστέγῃ τὰ χείλη, καὶ μὴ ἐσρέῃ τῇ καλιᾷ, καὶ ἐπικλύζῃ
-τῆς στρουθοῦ τοὺς νεοττοὺς ὄντας ἁπαλούς.
-τίκτει δὲ καὶ ὑπὲρ τὰ ὀγδοήκοντα, οὐ μὴν ἀθρόα
-ἐκγλύφει, οὐδὲ ἐν ταὐτῷ χρόνῳ πάρεισιν ἐς τὸ φῶς 
-πάντα, ἀλλὰ τὰ μὲν ἤδη τέτεκται, ἄλλα δὲ ἔτι ἐν τοῖς
-ᾠοῖς ὑποπήγνυται, τὰ δὲ ὑποθάλπεται. ὅταν οὖν
-ἐν τούτοις ᾖ ἐκείνη, θεασάμενος ἀνήρ τις οὐκ ἄφρων
-ἀλλὰ τῆς τοιαύτης θήρας πεπειραμένος, αἰχμὰς περὶ
-τὴν καλιὰν πήγνυσι τεθηγμένας, ὀρθὰς δὲ ἄρα κατὰ 
-τοῦ σαυρωτῆρος πήγνυσι, καὶ ὁ σίδηρος ἐκλάμπει,
-καὶ ἀναχωρήσας ἐλλοχᾷ τὸ πραττόμενον. ἐπάνεισιν
-οὖν ἐκ τῆς νομῆς ἡ στρουθὸς ἐρῶσα τῶν νεοττῶν
-ἰσχυρῶς καὶ διψῶσα αὐτῶν τῆς συνουσίας. καὶ τὰ
-μὲν πρῶτα περιβλέπει δεῦρο καὶ ἐκεῖσε καὶ ἑλίττει 
-τὸ ὄμμα, δεδοικυῖα μή τις αὐτὴν θεάσηται· εἶτα μέντοι
-νικωμένη ὑπὸ τοῦ ἱμέρου καὶ οἰστρουμένη, τὰς
-πτέρυγας ἁπλώσασα ὡς ἱστίον, δρόμῳ φερομένη
-συντόνῳ καὶ ῥοίζῳ ἐσήλατο ἐς τὴν ἑαυτῆς καλιὰν
-καὶ οἴκτιστα ταῖς αἰχμαῖς ἐμπαλαχθεῖσα καὶ περιπαρεῖσα 
-ἀποθνήσκει. ἐφίσταται οὖν ὁ θηρατὴς καὶ
-ᾕρηκε σὺν τῇ μητρὶ τοὺς ἐκγόνους.
-</p>
-</div2>
-<div2 type="chapter" n="8">
-<p>πόλις ἐστὶν ἐν τοῖς ὑπὸ τὴν ἑσπέραν χωρίοις 
-Ἰταλική. ὄνομα αὐτῇ Πατάβιον. Ἀντήνορος ἔργον
-εἶναι λέγουσι τοῦ Τρωὸς τὴν πόλιν. ταύτην δὲ ᾤκισεν 
-ἄρα οἴκοθεν σωθείς, ὅτε ἀπηλλάγη τῆς πατρίδος
-ἁλούσης τῆς Ἰλίου, αἰδεσθέντων αὐτὸν τῶν Ἑλλήνων,
-<pb id="p.344"/>
-ἐπεὶ πρεσβεύοντα τὸν Μενέλεων σὺν τῷ Ὀδυσσεῖ
-ὑπὲρ τῆς Ἑλένης ἔσωσεν, Ἀντιμάχου συμβουλεύσαντος
-ἀποκτεῖναι αὐτούς. ἔλεγε δὲ ἄρα οὗτος ταῦτα
-<quote rend="blockquote">
-<lb/>χρυσὸν Ἀλεξάνδροιο δεδεγμένος, ἀγλαὰ δῶρα,
-</quote>
-ὡς Ὅμηρός φησιν. οὐκοῦν τῷδε Παταβίῳ πόλις
-γειτνιᾷ ἑτέρα, καὶ Βικετίαν καλοῦσιν αὐτήν, καὶ παραρρεῖ
-ποταμὸς αὐτῇ Ἠρέταινος ὄνομα, καὶ παραμείβεται
-οὗτος γῆν οὐκ ὀλίγην εἶτα ἐς τὸν Ἠριδανὸν
-ἐμβάλλει, καὶ ἀνακοινοῦταί οἱ τὸ ὕδωρ. ἐν δὴ τῷ
-Ἠρεταίνῳ έγχέλεις γίνονται μέγισταί τε καὶ τῶν ἀλλαχόθεν
-πιότεραι μακρῷ, ἁλίσκονται δὲ ἄρα τὸν τρόπον
-τοῦτον. ἐπὶ πέτρας προβλῆτος κάθηται ὁ θηρατὴς
-ἔν τινι κολποειδεῖ χωρίῳ, ὅπου καὶ πλατύνεται
-τὸ ῥεῦμα ἐπὶ μᾶλλον, ἢ καὶ ἐπί τινος δένδρου κάθηται
-προρρίζου πλησίον τῆς ὄχθης ῥιφέντος ὑπὸ
-πνεύματος σκληροῦ, ὅπερ οὖν ὑποσήπεται μέν, ἀχρεῖον
-δέ ἐστι κατακοπῆναί τε καὶ ἐκκαῦσαι αὐτό. οὐκοῦν
-ἑαυτὸν ἐγκαθίσας ὁ τῶν ἐγχέλεων ἁλιεὺς τῶνδε, καὶ
-λαβὼν ἔντερον νεοσφαγοῦς ἀρνὸς τριῶν μὲν ἢ τεττάρων
-πήχεων, πεπιασμένον δὲ ἰσχυρῶς, τὴν μὲν
-ἀρχὴν αὐτοῦ καθίησιν ἐς τὸ ὕδωρ, καὶ εἰλεῖται ἐν
-ταῖς δίναις στρεφόμενον, τό γε μὴν τέλος διὰ χειρῶν
-ἔχει, ἐμβέβληται δὲ ἐς αὐτὸ καλάμου τρύφος, ὅσον
-κώπην εἶναι τὸ μῆκος ξίφους. οὐ μὴν λανθάνει τὰς
-ἐγχέλεις ἡ τροφή· χαίρουσι γὰρ τῷδε τῷ ἐντέρῳ.
-καὶ ἥ γε πρώτη προσελθοῦσα, οἰστρουμένη ὑπὸ τοῦ
-λιμοῦ καὶ περιχανοῦσα, ἐμφύει τοὺς ὀδόντας γυρούς
-τε καὶ ἀγκιστρώδεις καὶ δυσεξελίκτους ὄντας, καὶ
-συνεχῶς ἐπισκαίρει τε καὶ πειρᾶται καθέλκειν τὸ
-δέλεαρ. ὃ δὲ κραδαινομένου τοῦ ἐντέρου συνεὶς ἔχεσθαι
-<pb id="p.345"/>
-τὴν ἔγχελυν, τὸν κάλαμον ᾧ τὸ ἔντερον προσήρτηται
-ἐνθεὶς τῷ ἑαυτοῦ στόματι καὶ ὅσον σθένει
-καταπνέων, φυσᾷ τὸ ἔντερον καὶ μάλα γε ἰσχυρῶς,
-τὸ δὲ ἐκ τοῦ καταρρέοντος πνεύματος πίμπραται καὶ
-οἰδάνει. ὁ τοίνυν ἄνεμος κατολισθάνει ἐς τὴν ἔγχελυν, 
-καὶ πληροῖ μὲν τοῦ πνεύματος αὐτῆς τὴν κεφαλήν,
-πληροῖ δὲ τὴν φάρυγγα, καὶ ἐμφράττει τῷ θηρίῳ
-τὸ ἆσθμα. καὶ ἀναπνεῦσαι μὴ δυναμένη μηδὲ
-μὴν ἐξελεῖν τοῦ σπλάγχνου τοὺς ἐμπεφυκότας ὀδόντας
-ἀποπνίγεται, καὶ ἀνασπᾶται ἁλοῦσα ὑπὸ τοῦ 
-ἐντέρου καὶ τοῦ πνεύματος καὶ τοῦ καλάμου τρίτου.
-καθʼ ἑκάστην μὲν οὖν δρᾶται τοῦτο, ἁλίσκονται δὲ
-ὑπὸ πολλῶν πολλαί. ἔστω δή μοι καὶ ταῦτα τῶνδε
-τῶν ἰχθύων λεχθέντα ἴδια.
-</p>
-</div2>
-<div2 type="chapter" n="9">
-<p>λέοντα θαλάττιον ἐοικέναι καράβῳ ἁμηγέπη καὶ 
-ἡμεῖς ἴσμεν, λεπτότερον δὲ τὴν ἕξιν τοῦ σώματος
-ὁρῶμεν αὐτὸν καὶ ὑπό τι καὶ κυανοῦ προσβάλλοντα,
-νωθῆ δὲ καὶ ἔχοντα χηλὰς μεγίστας καὶ ταῖς τῶν
-καρκίνων προσεοικυίας κατὰ σχῆμα. λέγεται δὲ ὑπὸ
-τῶν σοφωτέρων ἁλιέων ἔχειν τινὰς ὑμένας προσηρτημένους 
-τοῖς ὀστράκοις, ὑφʼ οἷς ὑμέσιν εἶναι σαρκία
-ἁπαλά, καὶ καλεῖσθαι ἐκείνου τοῦ λέοντος στέαρ ταῦτα.
-ὀνίνασθαι δὲ τοὺς ἀνθρώπους ἐξ αὐτῶν ἐκεῖνα. προσώπου
-καθαίρει χρῶτα θολερόν, καὶ ἐλαίῳ ῥόδοις
-ἀνακραθέντι ἐμβληθέντα καὶ γενόμενα χρῖμα ἐς ὥραν 
-καὶ ἀγλαΐαν συμμάχεται. προσακήκοα δὲ καὶ ἐκεῖνο,
-τὸν ἐπὶ τῆς γῆς λέοντα δεδιέναι ἰσχυρῶς τοῦ θαλαττίου
-τῆς ὄψεως τὸ ἐκτράπελον, καὶ μὴ φέρειν αὐτοῦ
-τὴν ὀσμήν· ὡς δέδοικε δὲ καὶ ἀλεκτρυόνα ὁ αὐτός,
-ἀνωτέρω μοι λέλεκται. λέγουσι δὲ καὶ συντριβέντων 
-αὐτοῦ τῶν ὀστράκων καὶ ἐμβληθείσης τῆς κόνεως ἐς
-ὕδωρ, πιόντα τὸν χερσαῖον λέοντα ἐξάντη γίνεσθαι
-<pb id="p.346"/>
-νόσου λυπούσης αὐτοῦ τὴν κοιλίαν. εἰρήσθω δή μοι
-καὶ ταῦτα τοῦ θαλαττίου λέοντος ἴδια.
-</p>
-</div2>
-<div2 type="chapter" n="10">
-<p> ὄνοι δὲ Μαυρούσιοι, ὤκιστοι δραμεῖν, παρά γε
-τὴν πρώτην ὁρμήν εἰσιν ὀξύτατοι, ὡς αὔρας τινὰ
-ἐμβολὴν δοκεῖν εἶναι ἢ καὶ νὴ Δία πτερὸν αὐτόχρημα
-ὄρνιθος· ταχέως δὲ κάμνουσι, καὶ αὐτοῖς οἱ πόδες
-ἀπαγορεύουσι, καὶ τὸ πνεῦμα ἐπιλείπει, καὶ τῆς
-ὠκύτητος εἰλήφασι λήθην καὶ ἑστᾶσι πεπεδημένοι,
-καὶ ἀφιᾶσι δάκρυα θαλερά, οὔ μοι δοκεῖν ἐπὶ τῷ
-μέλλοντι θανάτῳ τοσοῦτον, ὅσον ἐπὶ τῇ τῶν ποδῶν
-ἀσθενείᾳ. τῶν μὲν οὖν ἵππων ἀποπηδήσαντες εἶτα
-μέντοι περιβάλλουσιν αὐτοῖς βρόχους περὶ τὴν δέρην,
-καὶ τῷ ἵππῳ προσαρτήσας ἕκαστος ἄγει ὡς αἰχμάλωτον
-τὸν ἑαλωκότα. ὅτι δὲ μικροὶ μὲν ἰδεῖν εἰσιν
-οἱ Λίβυες ἵπποι, δραμεῖν δὲ ὤκιστοι, ἀνωτέρω εἶπον.
-</p>
-</div2>
-<div2 type="chapter" n="11">
-<p> βοῶν δὲ Λιβύων πλῆθος ἦν ἄρα καὶ πλέον ἀριθμοῦ,
-καί εἰσιν ὤκιστοι οἱ ἄγριοί τε καὶ ἐλεύθεροι.
-καὶ οἵ γε θηραταὶ πολλάκις σφάλλονται ἕνα διώκοντες,
-καὶ ἐμπίπτουσιν ἐς ἑτέρους ἀκμῆτας· καὶ ὃ μὲν
-ἐσδὺς ἐς θάμνον ἢ νάπην ἠφανίσθη, ἕτεροι δὲ ἀναφαίνονται
-ὅμοιοι καὶ ἀπατῶσι τὴν ὄψιν. καὶ εἴ γέ
-τις ὑπάρξαιτο τούτων διώκειν τινά, προαπερεῖ αὐτῷ
-ἵππῳ· τὸν μὲν γὰρ ἤδη καμόντα αἱρήσει τῷ χρόνῳ,
-τοὺς δὲ αὐτῶν ἀρχομένους δρόμου προπονήσαντός
-οἱ τοῦ ἵππου οὐχ αἱρήσει. ἁλίσκονται δὲ ἀνὰ πᾶν
-ἔτος πολλοὶ καὶ ἀποθνήσκουσιν, ἥ γε μὴν ἐπιγονὴ
-αὐτῶν διαδέχεται καὶ μάλα ἀφθόνως. ἀλῶνται δὲ
-σὺν τοῖς μόσχοις καὶ οἱ ταῦροι κοινῇ καὶ αἱ θήλειαι, αἳ
-μὲν κύουσαι, αἳ δὲ ἀρτιτόκοι. εἰ δὲ ἕλοι τις μόσχον
-ἔτι νεαρόν, καὶ μὴ παραχρῆμα ἀποκτείνειε, διπλοῦν
-κέρδος ἕξει· συνῄρηκε γὰρ καὶ τὴν τεκοῦσαν αὐτόν,
-δράσας γε ἐκεῖνα ἅπερ εἰπεῖν οὐκ ἔστιν ἄτοπον. τὸν
-<pb id="p.347"/>
-μὲν καταδήσας σχοίνῳ ἀπολέλοιπε καὶ ἀναχωρεῖ αὐτός,
-ἣ δὲ τῷ πόθῳ τοῦ τέκνου τείρεται καὶ φλεγομένη
-οἰστρεῖται, καὶ βουλομένη λύσασα ἀπάγειν ἐμβάλλει
-τὰ κέρατα, ἵνα διαξήνῃ τε καὶ διαστήσῃ τὰ
-δεσμά. ὅ τι δʼ ἂν τῶν κεράτων ἐς τὴν τῆς σχοίνου 
-συμπλοκὴν διείρῃ, κατέχεται καὶ πεδηθεῖσα σὺν τῷ
-μόσχῳ καταμένει, ἐκεῖνον μὲν οὐκ ἀπολύσασα, ἑαυτήν
-γε μὴν ἀφύκτῳ τῷ δεσμῷ περιβαλοῦσα. ταύτης
-οὖν ὀ θηρατὴς ἐξελὼν τὸ ἧπαρ αὑτῷ καὶ τὰ οὔθατα
-σφριγῶντα ἔτι ἐκτεμὼν καὶ τὴν δορὰν δείρας τὰ κρέα 
-ἀφῆκεν ὄρνισι καὶ θηρίοις δαῖτα. τὸν δὲ μόσχον
-οἴκαδε κομίζει πάντα· ἔστι γὰρ καὶ ἐδωδὴν ἥδιστος,
-καὶ πῆξαι γάλα παρέξει ὀπὸν δούς.
-</p>
-</div2>
-<div2 type="chapter" n="12">
-<p>ὁ δράκων ὁ θαλάττιός ἐστι μὲν παραπλήσιος τοῖς 
-ἰχθύσι τοῖς ἄλλοις ὅσα ἐς τὸ λοιπὸν σῶμα, τήν γε 
-μὴν κεφαλὴν ἔοικε τῷ χερσαίῳ δράκοντι καὶ τῶν
-ὀφθαλμῶν τὸ μέγεθος ʽεἰσὶ γὰρ μεγάλοι καὶ τούτᾠ,
-καὶ μέντοι καὶ αἱ γένυς τοῖς χερσαίοις προσβάλλουσι
-τὴν ἑαυτῶν ἁμωσγέπως μορφήν. ἔχει δὲ καὶ φολίδας,
-καὶ τραχεῖαί εἰσι, καὶ τῆς δορᾶς τῆς δρακοντείου οὐ 
-πόρρω δοκοῦσιν, εἴ τις προσάψαιτο· ἐκπέφυκε δὲ
-καὶ κέντρα χαλεπὰ αὐτοῦ, καὶ ἰὸν φέρει τὰ κέντρα,
-καὶ ἔστι τῷ θιγόντι οὐ χρηστά.
-</p>
-</div2>
-<div2 type="chapter" n="13">
-<p>ζῴων δʼ ἂν εἴη με εἰπεῖν καὶ τὸ ἴδιον αὐτῶν. 
-ὁ τῶν Ἰνδῶν βασιλεὺς ἐπιδόρπια σιτεῖται ταῦτα, οἷα 
-δήπου Ἕλληνες ἐντραγεῖν αἰτοῦσι, φοινίκων τῶν
-χαμαιζήλων· ἐκεῖνος σκώληκά τινα ἐν τῷ φυτῷ τικτόμενον
-σταθευτὸν ἐπιδειπνεῖ γλύκιστον, ὡς Ἰνδῶν
-λέγουσι λόγοι, καί φασιν οἱ τὴν ἡδονὴν τὴν τοσαύτην
-ἐκ τοῦ σιτεῖσθαι καὶ ἐμέ γε αἱροῦσι λέγοντες. 
-ἔπαικλα δέ οἱ καὶ ἐκεῖνά ἐστι, κύκνων τε ᾠὰ καὶ τὰ
-τῶν χερσαίων στρουθῶν καὶ χηνῶν. τὰ μὲν οὖν ἄλλα
-<pb id="p.348"/>
-οὐ μέμφομαι αὐτῷ, κύκνων γε μὴν Ἀπόλλωνι μὲν
-λατρευόντων ᾠδικωτάτων δὲ ὡς ἡ φήμη διαρρέουσα
-λέγει ἐπιβουλεύειν ἐκγόνοις καὶ διαφθείρειν τὰ ᾠά,
-ὦ Ἰνδοὶ φίλοι, οὐκέτι.
-</p>
-</div2>
-<div2 type="chapter" n="14">
-<p> Λιβυστίνων γε μὴν περὶ δορκάδων καὶ κεμάδων
-τῶν ἐκεῖθι εἰπεῖν αἱρεῖ με θυμὸς τὰ νῦν ταῦτα.
-ὤκισται μέν εἰσιν αἱ δορκάδες, καὶ ὅμως τοὺς ἵππους
-τοὺς Λίβυας οὐ διαδιδράσκουσι. λαμβάνονται δὲ καὶ
-ἄρκυσι. φαιαὶ δʼ εἰσὶ τὴν γαστέρα, καὶ αὐταῖς ἥδε
-ἡ χρόα ἐς τὰς λαπάρας ἄνεισι· παρʼ ἑκάτερα δὲ τῆς
-νηδύος μέλαιναι ταινίαι καθέρπουσιν αὐταῖς. ξανθαί
-γε μὴν τὸ λοιπὸν σῶμά εἰσι, μακραὶ τοὺς πόδας, μέλαιναι
-τὸ ὄμμα, τὴν κεφαλὴν κέρασι κεκοσμημέναι,
-τὰ δὲ ὦτα αὐταῖς ἐστι μήκιστα. ἥ γε μὴν καλουμένη
-</p>
-</div2>
-<div2 type="chapter" n="15">
-<p> ὑπὸ τῶν ποιητῶν κεμὰς δραμεῖν μὲν ὠκίστη
-θυέλλης δίκην, ἰδεῖν δὲ ἄρα πυρρόθριξ καὶ λασιωτάτη·
-τὴν δὲ οὐρὰν λευκὴν ἔχει. εἴκασται δὲ
-τοὺς ὀφθαλμοὺς κυανοῦ βαφῇ. τὰ δὲ ὦτα τριχῶν
-ἀνάπλεω δασυτάτων. τὰ κέρατά τε αὐτῆς ἀντία καὶ
-ὡραῖα, ὡς ἐπιέναι μὲν τὴν θήραν, ἐν ταὐτῷ δὲ καὶ
-φοβεῖν ἅμα καὶ βλάπτεσθαι καλήν. αὕτη δὲ ἄρα ἡ
-κεμὰς οὐκ ἐπὶ γῆς μόνης τὴν τῶν ποδῶν ὠκύτητα
-ἐπιδείκνυται, ἀλλὰ ἐμπεσοῦσα καὶ ἐς ῥεῦμα ποταμοῦ
-ταῖς χηλαῖς τῶν ποδῶν ὡς εἰπεῖν ἐρέττουσα εἶτα
-μέντοι διακόπτει τὸ ῥεῦμα. χαίρει δὲ καὶ ἐν λίμνῃ
-νήξασθαι, καὶ ἐνταῦθά τοι καὶ τροφὴν ἴσχει, τεθηλός
-τε ἀεὶ θρύον καὶ κύπειρον δειπνεῖ. οὐκοῦν καὶ τὴν
-γαστέρα ἦρος ἀρχομένου πεπληρωμένην ὑπολαπάττει,
-καὶ τὰ οὔθατα καθῆκε καὶ μέντοι καὶ ἐξέθρεψε τὰ
-ἑαυτῆς βρέφη ἡ κεμάς.
-μῦρος δὲ ἄρα ἰχθὺς πυνθάνομαί ἐστιν. ἐξ ὅτου
-μὲν οὖν ἐσπάσατο τὴν ἐπωνυμίαν ἐκείνην, εἰπεῖν
-<pb id="p.349"/>
-οὐκ οἶδα· κέκληται δʼ οὖν ταύτῃ. λέγουσι δὲ αὐτὸν
-εἶναι θαλάττιον ὄφιν. ὀφθαλμὸς δὲ ἄρα ὁ τούτου
-ὁπότερος οὖν ἐξαιρεθεὶς καὶ περίαπτον γενόμενος
-ἀπαλλάττει ξηρᾶς ἄνθρωπον ὀφθαλμίας· τῷ δὲ ἄρα
-μύρῳ τῷδε ἀναφύεταί φασιν ὀφθαλμὸς ἕτερος. δεῖ 
-δὲ αὐτὸν ἀπολῦσαι τὸν ἰχθὺν ζῶντα, ἢ μάτην τὸν
-ὀφθαλμὸν ἔχων φυλάττεις.
-</p>
-</div2>
-<div2 type="chapter" n="16">
-<p>αἶγες ἄγριοι οἱ τὰς Λιβύων ἄκρας ἐπιστείβοντές 
-εἰσι κατὰ τοὺς βοῦς τὸ μέγεθος ἰδεῖν, τούς γε
-μὴν μηροὺς καὶ τὰ στέρνα καὶ τοὺς τραχήλους κομῶσι 
-θριξὶ δασυτάταις, καὶ σὺν τούτοις καὶ τὴν γένυν.
-τὰ μέτωπα μὲν ἀγκύλοι καὶ περιφερεῖς, καὶ τὰ ὄμματα
-χαροποί, σκέλη δὲ αὐτοῖς ἐστι κολοβά. κέρατα
-μετὰ τὴν πρώτην σύμφυσιν ἀλλήλων ἀπηρτημένα καὶ
-πλάγια· οὐ γάρ τί που κατὰ τοὺς ὀρειβάτας αἶγας 
-τοὺς ἄλλους ὀρθά ἐστι, κάτεισι δὲ ἐγκάρσια καὶ ἐς
-τοὺς ὤμους προήκοντα. οὕτως ἄρα μήκιστά ἐστιν.
-ἐκ δὲ τῶν λόφων τῶν ὑπεράκρων, οὓς ἐρίπνας οἵ τε
-νομευτικοὶ φιλοῦσιν ὀνομάζειν καὶ ποιητῶν παῖδες,·
-ῥᾳδίως ἐς ἕτερον πάγον πηδῶσιν· ἁλτικώτατοι γὰρ 
-αἰγῶν ἁπάντων οἵδε εἰσίν. εἴ γε μὴν καὶ πέσοι τις
-πορρωτέρω τοῦ ὑποδεξομένου ὄντος αὐτὸν ἢ ὡς ἐκείνου
-ἐφικέσθαι, τῷ δὲ ἄρα μελῶν περίεστι τοσοῦτον
-κράτος, ὡς ἀσινῆ μένειν κατενεχθέντα αὐτόν. θραύει
-γοῦν οὐδὲ ἕν, εἰ καὶ πέσοι κατὰ ῥωγάδος, οὐ κέρας, 
-οὐ βρέγμα· ἔστι δὲ καρτερὰ καὶ προσόμοια τῇ τῆς
-πέτρας ἀντιτυπίᾳ. οἱ πλεῖστοι μὲν οὖν τούτων ἐν ταῖς
-ἀκρωρείαις αὐταῖς ἄρκυσι καὶ ἀκοντίοις καὶ ποδάγραις
-αἱροῦνται, σοφίᾳ δὲ ἄρα τῇ τε ἄλλῃ ἐν κυνηγέταις
-ἀνδράσι καὶ οὖν καὶ αἰγοθηρικῇ· θηρῶνται δὲ καὶ 
-ἐν πεδίοις, καὶ φυγεῖν ἐνταῦθα ἀσθενεῖς εἰσιν. αἱρήσει
-οὖν αὐτοὺς καὶ ὅστις ἐστὶ βραδὺς τοὺς πόδας.
-<pb id="p.350"/>
-ἦν δὲ ἄρα ἀγαθὸν δορά τε καὶ κέρατα· ἡ μὲν γὰρ
-δορὰ ἐν χειμῶσι τοῖς σφοδροτάτοις τὸν κρυμὸν πελάζειν
-οὐκ ἐᾷ νομευτικοῖς καὶ ὑλουργοῖς ἀνδράσι·
-κέρατα δὲ ἐκεῖνα ἀρύσασθαι καὶ πιεῖν ἐκ ποταμοῦ
-παραρρέοντος ἢ πηγῆς τινος ἀνατελλούσης ἐν ὥρᾳ
-θερείῳ χρηστὰ καὶ δίψος ἀκέσασθαι λυσιτελῆ· παρέχει
-γὰρ ἀμυστὶ πιεῖν τῶν ἁδρῶν κυλίκων μεῖον
-οὐδὲ ἕν, ἕως ἂν ψύξῃς τὸ ἆσθμα καὶ σβέσῃς τὸ ὑπεκκαῖόν
-τε πᾶν καὶ ἀναφλέγον. οὐκοῦν εἰ τὰ ἔνδον
-καθαρθείη ὑπό τινος ξέειν κέρατα δεινοῦ, καὶ τρία
-μέτρα ῥᾳδίως αὐτοῖν δέξαιτο τὸ ἕτερον ἄν.
-</p>
-</div2>
-<div2 type="chapter" n="17">
-<p> εἰσὶ δὲ ἄρα καὶ χελῶναι θρέμμα Λιβύης, οὐλόταται
-ὅσα ἰδεῖν, ὄρειοι δὲ αὗται, καὶ ἔχουσι τὸ χελώνιον
-ἐς βάρβιτα ἀγαθόν.
-</p>
-</div2>
-<div2 type="chapter" n="18">
-<p> ἵππος ὅταν τέκῃ, τοῦ βρέφους ἐκπεφυκυῖαν σάρκα
-οὐ πολλὴν ἀλλὰ ὀλίγην ἀπηρτῆσθαι οἳ μὲν κατὰ τοῦ
-μετώπου φασίν, οἳ δὲ κατὰ τῆς ὀσφύος, ἄλλοι γε μὴν
-κατὰ τοῦ αἰδοίου. ταύτην οὖν ἀποτραγοῦσα ἀφανίζει,
-καλεῖται δὲ τὸ σαρκίον τοῦτα ἱππομανές. οἴκτῳ δὲ
-ἄρα τῆς φύσεως καὶ ἐλέῳ ἐς τοὺς ἵππους δρᾶται
-τοῦτο. εἰ γὰρ ἀεί, φασί, καὶ διὰ τέλους προσήρτητο
-ἐκεῖνο, ἐς οἶστρον ἂν ἀκατασχέτου μίξεως ἐξήπτοντο
-οἵ τε ἄρρενες καὶ αἱ θήλειαι αὐτῶν. ἔστω δέ, εἰ
-δοκεῖ, Ἱππείου Ποσειδῶνος ἢ Ἀθηνᾶς Ἱππείας τοῦτο
-δῶρον ἵπποις δοθέν, ἵνα αὐτοῖς τὸ γένος διαμείνῃ,
-μηδὲ ἀφροδισίων λύττῃ διαφθείρηται. ἴσασι δὲ ἄρα
-ἱπποφορβοὶ τοῦτο εὖ καὶ καλῶς, καὶ ἐάν ποτε δεηθῶσι
-τοῦ προειρημένου σαρκίου εἰς ἐπιβουλήν τινος, ὡς
-ἐξάψαι οἱ ἔρωτα, τὴν ἵππον κύουσαν παραφυλάττουσι,
-καὶ ὅταν τέκῃ παραχρῆμα ἁρπάζουσι τὸ πωλίον, καὶ
-ἀποκόπτουσι τὴν προειρημένην σάρκα, καὶ ἐς ὁπλὴν
-ἐμβάλλουσιν ἵππου θηλείας· ἐνταυθοῖ γὰρ καὶ μόνως
-<pb id="p.351"/>
-ἂν φυλαχθείη καλῶς καὶ ἀποθησαυρισθείη. τὸν δὲ
-πῶλον ἀνίσχοντι τῷ ἡλίῳ καταθύουσιν· οὐ γὰρ ἔτι
-θηλάζει ἡ μήτηρ αὐτὸν τὸ γνώρισμα ἀφῃρημένον καὶ
-τῆς εὐνοίας οὐκ ἔχοντα τὴν ὑπόθεσιν· ἐκ γάρ τοι
-τοῦ κατατραγεῖν τὴν σάρκα φιλεῖν τὸ βρέφος ἡ μήτηρ 
-ἰσχυρῶς ἄρχεται. ὅστις δʼ ἂν κατά τινα ἐπιβουλὴν
-ἀνὴρ ἐκείνου γεύσηται τοῦ σαρκίου ἔρωτι καὶ μάλα
-γε ἀκρατεῖ συνέχεται καὶ ἐκφρύγεται καὶ βοᾷ, καὶ
-ἀκατασχέτως ὁρμᾷ καὶ ἐπὶ παιδικὰ αἴσχιστα καὶ ἐπὶ
-γυναῖκα ἀφήλικα καὶ ἀπρόσωπον, καὶ μαρτύρεται 
-τὴν νόσον, καὶ τοῖς ἐντυχοῦσιν ὄπως ἐξοιστρεῖται
-λέγει. καὶ λείβεται μὲν τὸ σῶμα καὶ φθίνει, ἐλαύνεται
-δὲ τὴν ψυχὴν ἐρωτικῇ μανίᾳ. ἀκούω τοίνυν καὶ
-ἐν Ὀλυμπίᾳ τὴν ἵππον τὴν χαλκῆν, ἧς ἐρῶσιν ἵπποι
-καὶ ἐπιμαίνονται καὶ ἐγχρίμπτεσθαι ἐθέλουσι καὶ 
-χρεμετίζουσι θεασάμενοι χρεμέτισμα ἐρωτικόν, ἔχειν
-τὴν ἐκ τοῦδε τοῦ ἱππομανοῦς ἐπιβουλὴν ἐν τῷ
-χαλκῷ γεγοητευμένῳ λανθάνουσαν, καὶ κρυφίῳ
-τινὶ μηχανῇ τοῦ τεχνίτου ἐπιβουλεύειν τὸν χαλκὸν
-τοῖς ζῶσιν· μὴ γὰρ εἶναι τοσαύτην ἀκρίβειαν, ὡς 
-οὕτως ἐξ αὐτῆς ἀπατᾶσθαί τε καὶ ἐξοιστρεῖσθαι τοὺς
-ἵππους τοὺς ὁρῶντας. καὶ ἴσως μὲν λέγουσί τι οἱ
-λέγοντες, ἴσως δὲ οὐδὲν λέγουσιν· ἃ δʼ οὖν ἤκουσα
-καὶ ὑπὲρ τούτων εἶπον.
-</p>
-</div2>
-<div2 type="chapter" n="19">
-<p>λέγεται δὲ ἐν τῇ Λιβύῃ λίμνη εἶναι ζέοντος ὕδατος, 
-καὶ ἐν τῷδε τῷ ὕδατί φασιν ἰχθύας ζῆν καὶ
-νήχεσθαι καὶ τροφῆς ἐμβληθείσης ἀναπάλλεσθαι πρὸς
-τὴν τροφήν. εἰ δέ τις αὐτοὺς ἐς ὕδωρ ἐμβάλοι ψυχρόν,
-ὅτι ἀποθνήσκουσι, καὶ τοῦτο προσακήκοα.
-</p>
-</div2>
-<div2 type="chapter" n="20">
-<p>λέγουσι δὲ ἄνδρες ἁλιείας ἐπιστήμονες, τὴν τοῦ 
-ἱπποκάμπου γαστέρα εἴ τις ἐν οἴνῳ κατατήξειεν ἕψων
-καὶ τοῦτον δοίη τινὶ πιεῖν, φάρμακον εἶναι τὸν οἶνον
-<pb id="p.352"/>
-ἄηθες ὡς πρὸς τὰ ἄλλα φάρμακα ἀντικρινόμενον·
-τὸν γάρ τοι πιόντα αὐτοῦ πρῶτον μὲν καταλαμβάνεσθαι
-λυγγὶ σφοδροτάτῃ, εἶτα βήττειν ξηρὰν βῆχα,
-καὶ στρεβλοῦσθαι μέν, ἀναπλεῖν δὲ αὐτῷ οὐδὲ ἕν,
-διογκοῦσθαι δὲ καὶ διοιδάνειν τὴν ἄνω γαστέρα, θερμά
-τε τῇ κεφαλῇ ἐπιπολάζειν ῥεύματα, καὶ διὰ τῆς ῥινὸς
-κατιέναι φλέγμα καὶ ἰχθυηρᾶς ὀσμῆς προσβάλλειν·
-τοὺς δὲ ὀφθαλμοὺς ὑφαίμους αὐτῷ γίνεσθαι καὶ πυρώδεις,
-τὰ βλέφαρα δὲ διογκοῦσθαι. ἐμέτων δὲ ἐπιθυμίαι
-ἐξάπτονταί φασιν, ἀναπλεῖ δὲ οὐδὲ ἕν. εἰ δὲ
-ἐκνικήσειεν ἡ φύσις, τὸν μὲν τὸ ἐς θάνατον σφαλερὸν
-παριέναι, ἐς λήθην δὲ ὑπολισθάνειν καὶ παράνοιαν.
-ἐὰν δὲ ἐς τὴν κάτω γαστέρα διολίσθῃ, μηδὲν
-ἔτι εἶναι, πάντως δὲ ἀποθνήσκειν τὸν ἑαλωκότα. οἱ
-δὲ περιγενόμενοι ἐς παράνοιαν ἐξοκείλαντες ὕδατος
-ἱμέρῳ πολλῷ καταλαμβάνονται, καὶ ὁρᾶν διψῶσιν
-ὕδωρ καὶ ἀκούειν λειβομένου· καὶ τοῦτό γε αὐτοὺς
-καταβαυκαλᾷ καὶ κατευνάζει. καὶ διαρίβειν φιλοῦσιν
-ἢ παρὰ τοῖς ἀενάοις ποταμοῖς ἢ αἰγιαλῶν πλησίον ἢ
-παρὰ κρήναις ἢ λίμναις τισί, καὶ πιεῖν μὲν οὐ πάνυ τι
-γλίχονται, ἐρῶσι δὲ νήχεσθαι καὶ τέγγειν τὼ πόδε ἢ
-ἀπονίπτειν τὼ χεῖρε. οἳ δὲ οὐκ αὐτὴν τὴν τοῦ ἱπποκάμπου
-γαστέρα τούτων αἰτίαν εἶναί φασιν, ἀλλὰ νέμεσθαί
-τι φυκίον τὸ ζῷον πικρὸν δεινῶς, οὗ τὴν ποιότητα ἐς
-ἐκείνην μεταχωρεῖν. εὑρέθη δὲ ἄρα καὶ ἐς σωτηρίαν
-ἱππόκαμπος ἐπιτήδειος ἀγχινοίᾳ παλαιοῦ μὲν ἁλιέως,
-σοφοῦ δὲ τὰ θαλάττια. ἦν Κρὴς ἁλιεὺς γέρων, καὶ
-παῖδας νεανίας εἶχε καὶ τούτους ἁλιέας. οὐκοῦν
-συνηνέχθη τὸν μὲν πρεσβύτην ἱπποκάμπους θηρᾶσαι
-μετὰ καὶ ἄλλων ἰχθύων, τοὺς δὲ νεανίας δηχθῆναι
-ὑπὸ κυνὸς λυττώσης, τῷ πρώτῳ δηχθέντι τῶν ἄλλων
-ἀμυνάντων καὶ τῷ αὐτῷ πάθει περιπεσόντων. οἳ μὲν
-<pb id="p.353"/>
-οὖν ἔκειντο Ῥιθύμνης τῆς Κρητικῆς πρὸς ταῖς ᾐόσιν
-ʽἔστι δὲ αὕτη κώμη, ὥς φασινʼ, οἱ δὲ θεώμενοι συνήλγουν
-τῷ πάθει, καὶ τὴν κύνα ἀποκτεῖναι προσέταττον
-καὶ τὸ ἧπαρ δοῦναι τοῖς νεανίαις ὡς φάρμακον
-τοῦ κακοῦ καταφαγεῖν, οἳ δὲ ἐς τῆς Ῥοκκαίας 
-οὕτω καλουμένης Ἀρτέμιδος ἄγειν καὶ αἰτεῖν ἴασιν
-παρὰ τῆς θεοῦ. ὁ δὲ γέρων καὶ μάλα ἀδεῶς τε καὶ
-ἀτρέπτως ταῦτα μὲν ἐπαινεῖν τοὺς συμβουλεύσαντας
-εἴα, τῶν δὲ ἱπποκάμπων τὰς γαστέρας ἐκκαθάρας,
-τὰς μὲν ὤπτησε καὶ ἔδωκεν αὐτοῖς προσενέγκασθαι, 
-τὰς δὲ συντρίψας ἐς ὄξος καὶ μέλι, καὶ τὰ ἕλκη
-περιπλάσας τούτοις τὰ τοῦ δήγματος, εἶτα τῆς τῶν
-νεανιῶν ἐκράτησε λύττης τῷ πόθῳ τοῦ ὕδατος, ὅνπερ
-οὖν οἱ ἱππόκαμποι αὐτοῖς ὑπεξῆπτον. καὶ τόνδε τὸν
-τρόπον τοὺς παῖδας ἰάσατο, ὀψὲ μέντοι. 
-</p>
-</div2>
-<div2 type="chapter" n="21">
-<p>ὑπὲρ θαλαττίων μὲν κυνῶν εἴρηται ἡμῖν καὶ 
-πολλά· κύνες δὲ οἱ ποτάμιοι ἰδεῖν μέν εἰσι κατὰ
-τοὺς κύνας τοὺς χερσαίους τοὺς μικρούς, λάσιοι δέ
-εἰσι καὶ τὴν οὐράν. λέγονται δὲ τῷ μὲν αἵματι νεῦρα
-ἀνθρώπων διοιδάνοντα πραΰνειν, εἰ ἐγχέοις ὕδατι 
-καὶ ὄξει ἀναμιχθέντι· ἡ δορὰ δὲ ὑποδήματα δίδωσιν
-ἀγαθά, καὶ ταῦτα νεύρων χρηστά, ὥς φασιν.
-</p>
-</div2>
-<div2 type="chapter" n="22">
-<p>Θύμαλον δὲ ἰχθὺν οὕτω καλούμενον τρέφει Τέκινος 
-ʽποταμοῦ δὲ ὄνομα τοῦτο Ἰταλοὖ, καὶ μέγεθος
-μὲν ὅσον καὶ ἐπὶ πῆχυν προήκει, ἰδεῖν δὲ μεταξὺ 
-λάβρακός ἐστι καὶ κεφάλου. ἄξιον δὲ αὐτοῦ ἑαλωκότος
-θαυμάσαι τὴν ὀσμήν· οὐ γάρ τί που προσβάλλει
-ἰχθυηρὸν ἀέρα κατὰ τοὺς λοιπούς, ἀλλὰ
-εἴποις ἂν διὰ χειρῶν κατέχειν θύμαλον νεωστὶ
-τρυγηθέντα, καὶ οὖν καὶ εὔοσμός ἐστι, καί τις οὐκ 
-ἰδὼν τὸ ζῷον οἰήσεται πόαν ἔνδον εἶναι τὴν μάλιστα
-μελιττῶν τροφόν, ἔνθεν τοι καὶ κέκληται. λίνῳ μὲν
-<pb id="p.354"/>
-οὖν αἱρεθείη ἂν ῥᾷστα· δελέατι δὲ καὶ ἀγκίστρῳ οὐχ
-αἱρήσεις αὐτόν, οὐχ ὑὸς πιμελῇ, οὐ σέρφῳ, οὐ χήμῃ,
-οὐκ ἰχθύος ἑτέρου ἐντέρῳ, οὐ στρόμβου τένοντι.
-κώνωπι δὲ αἱρεῖται μόνῳ, πονηρῷ μὲν ζῴῳ καὶ μεθʼ
-ἡμέραν καὶ νύκτωρ ἀνθρώποις ἐχθρῷ καὶ δακεῖν
-καὶ βοῆσαι, αἱρεῖ δὲ τὸν θύμαλον τὸν προειρημένον·
-φιληδεῖ γὰρ αὐτῷ μόνῳ.
-</p>
-</div2>
-<div2 type="chapter" n="23">
-<p> ὑπὸ τῷ ποδὶ δὲ τῶν Ἀλπίων ὀρῶν πρὸς ἄνεμον
-βορρᾶν ὑπὸ τῇ ἄρκτῳ οὕτω κέκληνται. γένος δὲ
-οὗτοι ἱππικοὶ ἄνδρες. ἐντεῦθέν τοι καὶ πρόεισιν ὁ
-τῶν Εὐρωπαίων ποταμῶν μέγιστος Ἴστρος, ἐκ πηγῶν
-μὲν οὐ πολλῶν, ταῖς δὲ τοῦ ἡλίου προσβολαῖς ταῖς
-πρώταις ἀντίος. εἶτα οἱονεὶ δορυφοροῦντες αὐτὸν ἅτε
-τῶν ἐπιχωρίων ῥευμάτων βασιλέα συνανίσχουσίν οἱ
-πολλοί, καὶ ἀέναον τὸ ῥεῦμα αὐτῶν ἐστι, καὶ ἴσασιν
-ἑκάστου τὸ ὄνομα οἱ περιοικοῦντες αὐτούς. ὅταν
-δὲ ἐς τὸν Ἴστρον ἐμβάλωσι, τοῖς μὲν ἡ ἀπὸ γενεᾶς
-ἐπωνυμία πέπαυται, ἀφίστανταί γε μὴν ἐκείνῳ τοῦ
-ὀνόματος, καὶ ἐξ αὐτοῦ καλοῦνται πάντες, καὶ συνεκβάλλουσιν
-ἐς τὸν Εὔξεινον. γίνεται δὲ ἐνταῦθα
-ἰχθύων γένη διάφορα, κορακῖνοί τε καὶ μύλλοι καὶ
-ἀντακαῖοι καὶ κυπρῖνοι, μέλανες οὗτοι, καὶ χοῖροί τε
-καὶ κόσσυφοι ἰδεῖν λευκοί, πέρκαι τε ἐπὶ τούτοις καὶ
-ξιφίαι. πρέπουσι δὲ τῷ ὀνόματι οἱ ἰχθύες οἵδε, καὶ
-τὸ μαρτύριον, τὸ μὲν ἄλλο πᾶν σῶμα ἁπαλοί τε εἰσὶ
-καὶ ἄλυποι προσαπτομένῳ, καὶ ὀδόντές οἱ οὐ πάνυ
-τι σκολιοὶ οὐδὲ ἀπηνεῖς ἰδεῖν, οὐκ ἄκανθα ἐπὶ τῶν
-νώτων ὀρθὴ ἐκπέφυκεν, οὐ κατὰ τὸ οὐραῖον·
-ὃ δέ ἐστι θαῦμα καὶ ἀκούσαντι καὶ ἰδόντι, ὑπʼ
-αὐτὴν τὴν ῥῖνα, διʼ ἧς καὶ ἀναπνεῖ καὶ τὸ ῥεῦμα
-αὐτῷ διαρρεῖ ἐς τὰ βράγχια καὶ ἐκπίπτει, ἐς ὀξύ
-οἱ προήκει ἡ γένυς, καὶ εὐθεῖά ἐστι καὶ αὐξάνεται
-<pb id="p.355"/>
-κατʼ ὀλίγον ἐς μῆκός τε καὶ πάχος, καὶ κητουμένῳ
-τῷ ἰχθύι συναύξεται καὶ ἐκείνη, καὶ ἔοικε
-τριήρους ἐμβόλῳ. καὶ διὰ εὐθείας ἐμπίπτων ὁ ξιφίας
-ἰχθύσι καὶ ἀποκτείνας εἶτα θοινᾶται, καὶ ἀμύνεται
-δὲ τῷ αὐτῶ τὰ μέγιστα τῶν κητῶν. καὶ ἀχάλκευτόν 
-γε τοῦτο τὸ ὅπλον προσπέφυκέν οἱ, καὶ τέθηκται
-φύσει. οὐκοῦν οἵδε οἱ ξιφίαι ἐς μέγεθος προήκοντες
-ἔρχονται καὶ νεὼς ἀντίοι. καὶ νεανιεύονταί γέ τινες
-λέγοντες ναῦν Βιθυνίδα ἰδεῖν ἀνασπωμένην, ἵνα
-αὐτῇ πονήσασα ὑπὸ γήρως ἡ τρόπις τύχῃ τῆς δεούσης 
-κομιδῆς. οὐκοῦν προσηλωμένην θεάσασθαι ξιφίου
-κεφαλήν· τοῦ γὰρ θηρὸς ἐμπήξαντος μὲν τῷ
-σκάφει τὴν αἰχμὴν τὴν συμφυῆ, ἀποσπάσαι δὲ αὑτὸν
-πειρωμένου ὑπὸ τῆς ῥύμης τῆς πολλῆς σχισθῆναι
-μὲν ἀπὸ τοῦ τένοντος τὸ πᾶν σῶμα, τὴν δὲ ἐναπομεῖναι 
-πεπηγμένην, ὡς ἐνέπεσεν ἐξ ἀρχῆς. θηρᾶται
-δὲ οὗτος ἄρα καὶ ἐν τῇ θαλάττῃ καὶ ἐν τῷ Ἴστρῳ,
-χαίρει δὲ καὶ πικρῷ ὕδατι καὶ γλυκεῖ ῥεύματι.
-</p>
-</div2>
-<div2 type="chapter" n="24">
-<p>θέρους ἐνακμάζοντος τοῦ σφοδροτάτου οἱ θαλάττιοι 
-κύνες καὶ τὰ ἄλλα ζῷα, οἷσπερ οὖν ἐστι συμφυὴς 
-ἡ τόλμα, ἔς τε τοὺς αἰγιαλοὺς παραβάλλει καὶ εὐθὺ
-τῶν κρημνῶν ἔρχεται, καὶ τὰς ῥοώδεις ἄκρας ὑποτρέχει,
-καὶ ἐς τοὺς στενοὺς καὶ βαθεῖς ἐσνήχεται
-πορθμούς. φεύγουσι δὲ τὰ πελάγια ἤθη, καὶ τῆς
-</p>
-</div2>
-<div2 type="chapter" n="25">
-<p>ἐκεῖ νομῆς τηνικάδε τῆς ὥρας ὑπερορῶσι. γίνεται 
-δὲ ἄρα τι φῦκος ἐν τοῖς ἕρμασι τοῖς βαθέσι, καὶ τὸ
-μέγεθος αὐτῷ κατὰ τὴν μυρίκην ἐστί, φέρει δὲ καρπὸν
-τῇ μήκωνι προσεμφερῆ. καὶ τῶν μὲν ἄλλων
-ὡρῶν τοῦ ἔτους μέμυκε, καὶ ἔστιν ἀντίτυπος καὶ
-στερεὸς φύσει ὀστρέου· ἁπλοῦταί γε μὴν μετὰ τὰς 
-τροπὰς τὰς θερινάς, ὥσπερ οὖν αἱ ἐν ῥοδωνιαῖς κάλυκες.
-καὶ τὸ μὲν περικείμενον ἔλυτρον φρουρεῖ τὸ
-<pb id="p.356"/>
-ἔνδον, καὶ δίκην ἕρκους περιέρχεται, ἰδεῖν γε μὴν
-ξανθότατόν ἐστι. τὸ δὲ ὑπὸ τούτῳ τῷ χιτῶνι κυανοῦν
-ἐστὶ χρόᾳ καὶ χαῦνον, ὥσπερ οὖν πεπρημένη
-κύστις, καὶ διαυγὲς ἄγαν, λείβεταί τε ἐξ αὐτοῦ πονηρὸν
-φάρμακον. καὶ νύκτωρ μὲν ἐκπέμπει τοῦτο αὐγὴν
-πυρὶ ἐοικυῖαν, καί τινας ἀφίησι μαρμαρυγάς· ὑπανατέλλοντος
-δὲ τοῦ σειρίου ἔτι καὶ μᾶλλον κατισχύει
-ἡ τοῦ φαρμάκου κακία. καὶ ἐντεῦθεν ὅσον ἐστὶν
-ὑδροθηρικὸν παγκύνιόν οἱ ὄνομα θέμενοι εἶτα οἴονται
-τὴν τοῦ ἄστρου ἐπιτολὴν τίκτειν αὐτό. οἱ θαλάττιοι
-οὖν κύνες πρὸς τὴν νύκτωρ τοῦ ἄνθους φαντασίαν
-τὴν φλογώδη ἐμπεσόντες ὥσπερ οὖν ἐς ἕρμα τὴν
-ἔναλον μυρίκην τήνδε, τοῦ φαρμάκου τοῦ μὲν καταδεύσαντος
-αὐτούς, τοῦ δὲ καταποθέντος, καὶ ἑτέρου
-διὰ τῶν βραγχίων αὐτοῖς ἐσθορόντος, εἶτα μέντοι
-τεθνήκασι καὶ παραχρῆμα ἀναπλέουσιν. οἱ τοίνυν
-δεινοὶ τὰ τοιαῦτα ἀνιχνεύειν τοῦδε τοῦ φαρμάκου ἐκ
-τῶν κητῶν τῶν προειρημένων τὸ μὲν ἐκ τῶν μελῶν
-τῶν λοιπῶν, τὸ δὲ ἐκ τοῦ στόματος τοῦ θηρὸς
-ἀθροίζουσι. δεύτερον δὲ τὸ κακὸν τοῦτο τῆς καλουμένης
-χερσαίας ἀγλαοφώτιδος. ὄνομα δὲ αὐτῇ
-ἄρα ἔθεντο καὶ κυνόσπαστον· καὶ τίς ἡ αἰτία, ἐὰν
-ὑπομνησθῶ εἰπεῖν, εἴσεσθε αὐτήν.
-Μυσοὶ δέ, οὐχ οἱ τοῦ Τηλέφου τὸ Πέργαμον κατοικοῦντες,
-ἀλλὰ ἐκείνους τοὺς πρὸς τῷ Πόντῳ μοι
-νόει τοὺς κάτω, οἵπερ οὖν καὶ τῇ γῇ τῇ Σκυθίδι προσοικοῦσι
-τὰς ἐκείνων ἐπιδρομὰς ἀνείργοντες καὶ τῇ
-Ῥώμῃ τὸν χῶρον τὸν προειρημένον φρουροῦντες
-πάντα· τοὺς Ἡρακλείας πλησίον φημὶ καὶ τῶν Ἀξίου
-ῥευμάτων. ἐνταῦθά τοι καὶ τὴν Αἰήτου Μήδειαν οἱ
-ἐπιχώριοι ὑμνοῦσι τὸ ἔργον ἐκεῖνο τὸ ἐς τὸν Ἄψυρτον
-τὸν ἀδελφὸν χερσὶ κακαῖς τολμῆσαι, ναὶ μὰ Δία
-<pb id="p.357"/>
-δυστυχῆ φήμην ἐπὶ τῇ Κόλχῳ φαρμακῷ πρὸς ταῖς
-ἄλλαις ταῖς ἐν Ἕλλησι τήνδε ᾅδοντες οἱ Μυσοί. ἀλλὰ
-οὗτοί γε θήραν ἰχθύων ἐκείνην θηρῶσιν. ἀνὴρ
-Ἰστριανὸς γένος, τὴν τέχνην ἁλιεύς, τῆς τοῦ Ἴστρου
-ὄχθης πλησίον ἐλαύνει βοῶν ζεῦγος, οὔ τι που δεόμενος 
-ἀροῦν οὗτος· ὥσπερ γάρ φησιν ὁ λόγος, μηδὲν εἶναι
-βοῒ κοινὸν καὶ δελφῖνι, οὕτω τοι φιλία χερσὶν ἁλιέων
-καὶ ἀρότρῳ πόθεν ἂν γένοιτο; εἰ οὖν οἱ καὶ ἵππων
-παρείη ζεῦγος, τοῖς ἵπποις χρῆται. καὶ τὸν μὲν ζυγὸν
-ὁ ἀνὴρ φέρει κατὰ τῶν ὤμων, ἔρχεται δὲ ἔνθα οἱ 
-δοκεῖ καλῶς ἔχειν ἑαυτὸν καθίσαι καὶ ἐν καλῷ τῆς
-ἄγρας εἶναι πεπίστευκε. τῆς οὖν μηρίνθου στερεᾶς
-οὔσης καὶ ἄγαν ἑλκτικῆς τὴν μὲν ἀρχὴν ἐξῆψε μέσου
-τοῦ ζυγοῦ, ἄδην δὲ τροφῆς παρατίθησιν ἢ τοῖς βουσὶν
-ἢ τοῖς ἵπποις, οἳ δὲ ἐμπίπλανται. καὶ ἐκεῖνος 
-τῇ μηρίνθῳ κατὰ θάτερα προσῆψεν ἄγκιστρον ἰσχυρὸν
-καὶ μέντοι καὶ τεθηγμένον δεινῶς, περιπείρας
-δὲ ἄρα αὐτῷ πνεύμονα ταύρου, μεθῆκε τροφὴν
-Ἰστριανῷ σιλούρῳ καὶ μάλα γε ἡδίστην, ὑπὲρ τοῦ
-συνδέοντος τὸ ἄγκιστρον λίνου ἐξάψας τὸν ἀρκοῦντα 
-μόλιβον, οἷον ἐς τὴν ἕλξιν εἶναι ἕρμα αὐτόν. ὁ τοίνυν
-ἰχθὺς ὁπόταν αἴσθηται τῆς ταυρείου βορᾶς, παραχρῆμα
-κατὰ τὴν ἄγραν ὁρμᾷ· εἶτα ὧν ἱμείρει τούτοις
-ἐντυχὼν ἀθρόως καὶ περιχανὼν ἄδην καὶ ἀταμιεύτως
-τὴν ἐμπεσοῦσάν οἱ κακὴν δαῖτα ἐς ἑαυτὸν 
-σπᾷ. εἶτα ὑφʼ ἡδονῆς ἑλιττόμενος ὅδε ὁ γάστρις
-ἑαυτὸν διαλέληθε τῷ προειρημένῳ περιπαρεὶς ἀγκίστρῳ,
-καὶ ἀποδρᾶναι τὸ ἐμπεσὸν κακὸν διψῶν τὴν
-μήρινθον ὡς ἔχει δυνάμεως ὑποταράττει τε καὶ κινεῖ.
-συνίησιν οὖν ὁ θηρατὴς καὶ ἡδονῆς ὑπερεμπίπλαται, 
-εἶτα τῆς ἕδρας ἀνέθορε, καὶ μεθῆκεν ἑαυτὸν ποταμίων
-τε ἔργων καὶ κυνηγεσίων ἐνύδρων, ὥσπερ δὲ
-<pb id="p.358"/>
-ἐν δράματι ὑποκριτὴς ἀμείψας προσωπεῖον ὃ δὲ τὼ βόε
-ἐλαύνει ἢ τὼ ἵππω, ἀλκὴ δὲ ἄρα καὶ ἡ τοῦ κήτους καὶ ἡ
-τῶν ὑποζυγίων ἀντίπαλός ἐστιν. ὁ μὲν γὰρ θὴρ ὁ τοῦ
-Ἴστρου τρόφιμος ἕλκει κάτω ὅσον ποτὲ ἄρα τῆς ἐν αὑτῷ
-ῥώμης ἔχει, τὸ μέντοι ζεῦγος τὸ ἀνθέλκον ἐκτείνει
-τὴν μήρινθον. ἀλλά οἱ πλέον οὐδὲ ἕν· τῆς γοῦν ἐπʼ
-ἀμφοῖν ἕλξεως ὁ ἰχθὺς ἡττᾶται, καὶ ἀπειπὼν ἕλκεται
-κατὰ τῆς ᾐόνος. εἴποι ἂν Ὁμηρίδης δρυῶν στελέχη
-ἕλκειν ἡμιόνους τινάς, ὡς ἐπὶ τῇ Πατρόκλου ταφῇ
-Ὅμηρος ᾅδει ταῦτα δήπου τὰ ὑμνούμενα.
-</p>
-</div2>
-<div2 type="chapter" n="26">
-<p> ἔστι δὲ ἄρα τῷ Ἴστρῳ καὶ κόλπος οἷος βαθύτατος,
-καὶ ἔοικε τῇ θαλάττῃ τὴν πολλὴν περίοδον. καὶ
-μέντοι καὶ βάθους ὅτι εὖ ἥκει ὅδε ὁ κόλπος καὶ ἐκεῖνο
-τεκμηριῶσαι ἱκανόν. αἱ ναῦς αἱ φορτίδες αἱ τὴν θάλατταν
-περῶσαι καὶ ἐνταῦθα κατακολπίζουσι, πεφρίκασι
-δὲ καὶ τοῦτον ὡς θάλατταν, ὅταν ἀγριαίνηται
-ὑπὸ τῶν καταπνεόντων ἀνέμων ἐς κύματα ἐξαπτόντων
-τε αὐτὸν καὶ ἐκμαινόντων. πεφύκασι δὲ ἄρα ἐν
-αὐτῷ καὶ νῆσοι καὶ μέντοι καί τινες τῆς ὄχθης ὑποδρομαὶ
-ἐς ἃς ἔστι καταφυγεῖν. ἀλλὰ καὶ ἀκταὶ καὶ ἄκραι
-προήκουσι, καὶ προσρήγνυται αὐταῖς καὶ περισχίζεται
-κλύδων ἄγριος, ἡνίκα ἂν ἑαυτοῦ μάλιστα ὑποπλησθεὶς
-εἶτα ἐς τὴν θάλατταν οἱονεὶ στενοχωρούμενος
-ὠθῆται. φιλεῖ δὲ ἄρα δρᾶν τοῦτο ἤδη ὥρας φθινοπωρινῆς
-παραδραμούσης, ὑπαρχομένης δὲ τῆς χειμερίου,
-καὶ ἀκμάσας αὐτὸς πρόεισι πλημμυρῶν. πληθύοντα
-δὲ ἄρα βορρᾶς ἐπωθεῖ αὐτόν, καὶ ἐξάπτει
-κατιέναι ἄγριον. καὶ ὃ μὲν καταφέρει ὡς ἐς πλοῦν
-ἀγώγιμον τὸν καθʼ ἑαυτοῦ κρύσταλλον, ὃ δὲ ἀντιπίπτει
-ὁ βορρᾶς αὐτῷ καταπνέων σκληρὸν καὶ μάλα
-γε κρυμῶδες. οὔκουν αὐτῷ ἐκβάλλειν ἐς τὸ πέλαγος
-τὴν ὠδῖνα ὡς ἂν εἴποις ἐπιτρέπει, ἀλλʼ ἀνακωχεύων
-<pb id="p.359"/>
-καὶ ἀνωθούμενος ἵστησιν. ὁ κρύσταλλος οὖν ἀνειργόμενός
-τε καὶ ἀναστελλόμενος ἐς βάθος χωρεῖ καὶ
-ἁδρύνεται ἐς πολύ· καὶ ἐντεῦθεν ὑπορρεῖ μὲν τοῦ
-Ἴστρου τὸ γνήσιον ὕδωρ ὁδοῖς ὡς ἂν εἴποις κρυπταῖς,
-τὸ δὲ ἐπίκτητόν οἱ καὶ νόθον ἐπίκειται πεδίου δίκην, 
-καὶ κατὰ τούτου τηνικάδε τῆς ὥρας ὁδοιποροῦσιν οἱ
-τῇδε ἄνθρωποι κατὰ ζεύγη καὶ μόνιπποι. ὅπως μὲν
-οὖν ἐλέγχει τε καὶ βασανίζει τὴν πῆξιν τοῦ ποταμοῦ
-τοῦδε καὶ τοῦ Θρᾳκίου Στρυμόνος τὸ πονηρόν τε καὶ
-δολερὸν θηρίον ἡ ἀλώπηξ, ἀνωτέρω εἶπον· ὁ δʼ οὖν 
-κρύσταλλος ὁ ἐν τῷ Ἴστρῳ καὶ νηὶ φορτηγῷ κατὰ
-ῥοῦν φερομένῃ περιτραφεὶς εἶτα ἐπέδησεν αὐτήν,
-καὶ οὔτε ἱστίων ἡπλωμένων ἔτι δεῖ, οὔτε ὁ πρῳράτης
-τὰ πρόσω βλέπει, οὔτε ὁ τῆς νεὼς ἄρχων ἐπιστρέφει
-τοὺς οἴακας· πεπήγασι γάρ, ἐπεὶ καὶ τὸ πᾶν 
-σκάφος τῷ περικειμένῳ κατείληπται δεσμῷ, καὶ ἔοικεν
-οὐ μὰ Δία νηί, οὐ γὰρ ἔτι τοῖς κύμασι τύπτεται, ἀλλὰ
-ἐν πολλῷ τῷ πεδίῳ λόφῳ τινὶ ἀνεστῶτι ἢ καὶ νὴ
-Δία σκοπιᾷ ἢ ἄκρᾳ. ἐνταῦθά τοι καὶ οἱ περίνεῳ καὶ
-οἱ ναῦται ἐκπηδῶσι καὶ κατὰ τοῦ ποταμοῦ θέουσι, 
-καὶ ἁμάξας ἄγουσι καὶ τὸν φόρτον μετῆραν ἐπὶ τοῦ
-τέως ὕδατος. καὶ πάλιν μετὰ τὴν χειμέριον ὥραν
-τοῦ αὐτοῦ φερομένου σφοδρῶς φέρουσί τε καὶ ἄγουσι
-τὰ ἄχθη. μένει δὲ ἡ ναῦς ἔστʼ ἂν ὑπανῇ μὲν τὰ τοῦ
-κρυμοῦ, τακῇ δὲ ὁ κρύσταλλος καὶ λυθῇ, ἐλευθέρα 
-δὲ τοῦ παραδόξου πείσματος ἡ ὁλκὰς ἀπολυθῇ. ἐνταῦθά
-τοι τοῦ καιροῦ καὶ οἱ ἁλιεῖς μακέλλας λαβόντες,
-ἔνθα αὐτοὺς ἄγει θυμὸς διακόπτουσι τὴν πῆξιν
-τοῦ ὕδατος, καὶ τάφρον κυκλοτερῆ ἐργάζονται κατιοῦσαν
-ἐς τὸ ὕδωρ· εἴποις ἂν ἢ φρέατος εἶναι στόμα 
-ἢ μεγίστου πίθου καὶ πάνυ γάστριδος. οὐκοῦν ἰχθύες
-πολλοὶ τὸν κρύσταλλον διαδρᾶναι θέλοντες οἱονεὶ
-<pb id="p.360"/>
-στέγην ἐπικείμενον καὶ ποθοῦντες τὸ φῶς ἀσμένως
-ἐς τὸ ἀνεῳγμένον στόμιον ἐσνέουσι, καὶ γίνονται
-πλῆθος ἄμαχοι, καὶ ἐπωθοῦνται ἀλλήλοις, αἱροῦνται
-δὲ ἅτε ἐν βόθρῳ στενῷ ῥᾳδίως. καὶ πάρεστι λαβεῖν
-κυπρίνους τε καὶ κορακίνους ἄδην καὶ πέρκας καὶ
-ξιφίαν, ἀλλʼ οὔπω μέγαν καὶ ἔτι τοῦ κέντρου τοῦ
-προμετωπιδίου ἄμοιρον· καὶ ἀντακαῖον, καὶ τοῦτον
-ἁπαλόν, ἐπεὶ οἵ γε μεγάλοι καὶ προήκοντες τὴν ἡλικίαν
-γένοιντο ἂν καὶ κατὰ τὸν θύννον τὸν μέγιστον.
-οὗτός τοι καὶ πιότατός ἐστι τὰς λαπάρας καὶ τὴν
-γαστέρα, καὶ φαίης ἂν ὑὸς οὔθατα εἶναι θηλαζούσης
-βρέφη. δορὰν δὲ ἔχει τραχεῖαν, καὶ μέντοι καὶ τὰ
-δόρατα λεαίνουσι ταύτῃ δορυξόοι. ὑπὸ δὲ τῷ μυελῷ
-τοῦδε τοῦ ζῴου ἀρξάμενος ἐκ μέσης τῆς κεφαλῆς
-μέχρι τῆς οὐρᾶς καθήκων ὑμὴν ὑγρὸς καὶ στενὸς ἔρχεται.
-τοῦτον οὖν πρὸς τὴν εἵλην αὖον ἐργασάμενος
-ἕξεις εἰ ἐθέλεις μάστιγα ὡς ἐλαύνειν ζεῦγος ἵππων·
-σκύτους γὰρ ἤ τι ἢ οὐδὲν διαφέρει. ἐς μέγεθος δὲ ἤδη
-προήκων, οὐκ ἂν αὐτὸν θεάσαιτό τις ὑπεκδυόμενον
-τοῦ κρυστάλλου καὶ ἐμπίπτοντα ἐς τὸν βόθρον, ἀλλʼ
-ἢ πέτραν ὑπελθὼν πολυσκεπῆ ἢ ἐν ἄμμῳ βαθείᾳ
-ἑαυτὸν ἐγκρύψας εἶτα ὑποθάλπει καὶ μάλα ἀγαπητῶς.
-δεῖται δὲ οὔτε πόας τηνικάδε οὔτε ἰχθύος ἐς
-βορὰν ἑτέρου, κρυμοῦ δὲ ὄντος ἀργὸς εἶναι ἐθέλει,
-καὶ τέρπεται τῇ σχολῇ, καὶ τὴν ἑαυτοῦ πιμελὴν
-ἐσθίει, καὶ ὥσπερ οὖν οἱ πολύποδες ἐν ἀθηρίᾳ τῶν
-πλεκτανῶν τῶν ἰδίων παρατραγόντες ἑαυτοὺς καὶ
-ἐκεῖνοι βόσκουσι. χειμῶνος δὲ λήγοντος καὶ ὑπαρχομένου
-ἦρος καὶ ἐλευθέρου τοῦ Ἴστρου ῥέοντος μισεῖ
-τὴν ἀργίαν καὶ ἀναπλεύσας ἐμφορεῖται τοῦ κατὰ τὸ
-ὕδωρ ἀφροῦ· πολὺς δὲ οὗτός ἐστι μορμύροντος τοῦ
-ῥεύματος καὶ ὠθουμένου σφοδρότατα. ἐνταῦθά τοι
-<pb id="p.361"/>
-καὶ ἁλίσκεται ῥᾳδίως, ἐλλοχώντων αὐτὸν τῶν ἁλιέων
-καὶ τὸ ἄγκιστρον ἐς τὸν ἀφρὸν καθιέντων σὺν τῇ
-ὁρμιᾷ. καὶ τὸ μὲν κρύπτεται ὑπὸ τῇ λευκότητι, καὶ
-ἡ αἴγλη τοῦ χαλκοῦ εὐσύνοπτός οἱ οὐκ ἔστι, καὶ διὰ
-ταῦτά τοι περιχανὼν καὶ λάβρως σπῶν τοῦ προειρημένου 
-σιτίου καταπίνει τὸν δόλον, καὶ ἀπόλωλεν
-ἐντεῦθεν ὅθεν τὰ πρῶτα ἐτρέφετο.
-</p>
-</div2>
-<div2 type="chapter" n="27">
-<p>ὄνομα φυτοῦ κυνόσπαστος ʽκαλεῖται δὲ ἄρα καὶ 
-ἀγλαόφωτις ἡ αὐτή· βούλομαι γὰρ ἐκτῖσαι χρέος
-ὑπομνησθείσʼ ὃ μεθʼ ἡμέραν μὲν ἐν τοῖς ἄλλοις διαλέληθε 
-καὶ οὐκ ἔστι πάνυ τι σύνοπτον, νύκτωρ δὲ
-ἐκφαίνεται καὶ διαπρέπει, ὡς ἀστήρ· φλογώδης γάρ
-ἐστι καὶ ἔοικε πυρί. οὐκοῦν σημεῖόν τι ταῖς ῥίζαις
-παραπήξαντες αὐτῆς ἀπαλλάττονται, οὔτε τὴν χρόαν
-ἔχοντες μεθʼ ἡμέραν εἰ μὴ τοῦτο δράσαιεν μνημονεῦσαι 
-οὔτε μὴν τὸ εἶδος. παρελθούσης δὲ τῆς νυκτὸς
-ἥκουσι, καὶ θεασάμενοι τὸ σημεῖον ὅπερ οὖν κατέλιπον
-καὶ γνωρίσαντες ἔχουσι συμβαλεῖν ὅτι ἄρα τοῦτο
-ἐκεῖνό ἐστιν οὗ καὶ δέονται, ἐπεί τοι τελέως ὅμοιόν
-ἐστι τοῖς παρεστῶσι καὶ οὐδὲ ὀλίγον διαλλάττει αὐτῶν. 
-οὐκ ἀνασπῶσι δὲ αὐτοὶ τὸ φυτὸν τόδε, ἢ οὐ
-χαιρήσουσι πάντως. οὔκουν οὔτε περισκάπτει τις
-οὔτε ἀνασπᾷ, ἐπεὶ καί, φασί, τὸν πρώτιστον ὑπʼ ἀπειρίας
-τῆς κατʼ αὐτὸ φύσεως προσαψάμενον οὐκ ἐς
-μακρὰν ἀπώλεσεν. ἄγουσιν οὖν κύνα νεανίαν ἡμερῶν 
-ἀτροφήσαντα καὶ λιμώττοντα ἰσχυρῶς, καὶ τούτου
-σπάρτον ἐξάψαντες εὖ μάλα στερεὸν καὶ τῆς
-ἀγλαοφώτιδος τῷ κάτω στελέχει βρόχον τινὰ δύσλυτον
-προσαρτήσαντες ὡς οἷοί τέ εἰσι μακρόθεν, εἶτα
-τῷ κυνὶ προτιθέασι κρέα πάμπολλα ὀπτὰ κνίσσης 
-προσβάλλοντα· ὃ δὲ ὑπὸ τοῦ λιμοῦ φλεγόμενος καὶ
-στρεβλούμενος ὑπὸ τῆς κνίσσης ἐπὶ τὰ προκείμενα
-<pb id="p.362"/>
-ᾅττει κρέα, καὶ ὑπὸ ῥύμης αὐτόρριζον ἀνασπᾷ τὸ
-φυτόν. ἐπὰν δὲ ὁ ἥλιος ἴδῃ τὰς ῥίζας, ὁ κύων ἀποθνήσκει
-παραχρῆμα. θάπτουσι δὲ ἐν αὐτῷ τῷ χώρῳ
-αὐτόν, καί τινας δράσαντες ἀπορρήτους ἱερουργίας
-καὶ τιμήσαντες τοῦ κυνὸς τὸν νεκρὸν ὡς ὑπὲρ αὐτῶν
-τεθνεῶτος εἶτα μέντοι προσάψασθαι τολμῶσι τοῦ
-φυτοῦ τοῦ προειρημένου, καὶ κομίζουσιν οἴκαδε. καὶ
-καταχρῶνταί φασιν ἐς πολλὰ καὶ λυσιτελῆ· ἐν δὲ τοῖς
-καὶ τὴν ἐκ τῆς σελήνης νόσον ἐνσκήπτειν τοῖς ἀνθρώποις
-λεγομένην ἰᾶσθαί φασιν αὐτήν, καὶ τῶν
-ὀφθαλμῶν τὸ πάθος, ὅπερ οὖν ὑγροῦ ἐπικλύσαντος
-καὶ παγέντος ἀφαιρεῖ τὴν ὄψιν αὐτούς.
-</p>
-</div2>
-<div2 type="chapter" n="28">
-<p> Κόχλος ἐστὶ θαλάττιος, μικρὸς μὲν τὸ μέγεθος,
-ἰδεῖν δὲ ὡραιότατος, καὶ ἐν θαλάττῃ τίκτεται τῇ
-καθαρωτάτῃ καὶ ἐν ταῖς ὑφάλοις πέτραις καὶ ἐν ταῖς
-καλουμέναις χοιράσιν. ὄνομα δὲ νηρίτης ἐστὶν αὐτῷ,
-καὶ διαρρεῖ λόγος διπλοῦς ὑπὲρ τοῦδε τοῦ ζῴου, καὶ
-ἐς ἐμέ γε ἀφικέσθην ἄμφω τὼ λόγω, καὶ μέντοι καὶ
-διαμυθολογῆσαι μικρὰ ἄττα ἐν μακρᾷ τῇ συγγραφῇ
-οὐδὲν ἀλλʼ ἢ διαναπαῦσαί τε τὴν ἀκοὴν καὶ ἐφηδῦναι
-τὸν λόγον. τῷ Νηρεῖ τῷ θαλαττίῳ, ὅνπερ οὖν
-ἀληθῆ τε καὶ ἀψευδῆ ἀκούομεν δεῦρο ἀεί, πεντήκοντα
-μὲν θυγατέρας τὴν Ὠκεανοῦ Δωρίδα Ἡσίοδος ᾅδει
-τεκεῖν· μέμνηται δὲ αὐτῶν καὶ Ὅμηρος ἐν τοῖς ἑαυτοῦ
-μέτροις. ἕνα δέ οἱ γενέσθαι παῖδα ἐπὶ ταῖς
-τοσαύταις θυγατράσιν ἐκεῖνοι μὲν οὔ φασι, λόγοι
-δὲ θαλάττιοι ὑμνοῦσι. καὶ Νηρίτην αὐτὸν κληθῆναι
-λέγουσι καὶ ὡραιότατον γενέσθαι καὶ ἀνθρώπων καὶ
-θεῶν, Ἀφροδίτην δὲ συνδιαιτωμένην ἐν τῇ θαλάττῃ
-ἡσθῆναί τε τῷ Νηρίτῃ τῷδε καὶ ἔχειν αὐτὸν φίλον.
-ἐπεὶ δὲ ἀφίκετο χρόνος ὁ εἱμαρμένος, ἔδει τοῖς Ὀλυμπίοις
-ἐγγραφῆναι καὶ τήνδε τὴν δαίμονα τοῦ πατρὸς
-<pb id="p.363"/>
-παρακαλοῦντος. ἀνιοῦσαν οὖν αὐτὴν ἀκούω καὶ τὸν
-ἑταῖρόν τε καὶ συμπαίστην τὸν αὐτὸν ἐθέλειν ἄγειν.
-τὸν δὲ οὐχ ὑπακοῦσαι λόγος ἔχει τοῦ Ὀλύμπου προτιμῶντα
-τὴν σὺν ταῖς ἀδελφαῖς καὶ τοῖς γειναμένοις
-διατριβήν. παρῆν δὲ ἄρα αὐτῷ καὶ ἀναφῦσαι πτερά, 
-καὶ τοῦτο ἐγᾦμαι δῶρον τῆς Ἀφροδίτης δωρουμένης·
-ὃ δὲ καὶ ταύτην παρʼ οὐδὲν ποιεῖται τὴν χάριν.
-ὀργίζεται τοίνυν ἡ Διὸς παῖς, καὶ ἐκείνῳ μὲν ἐς τὸν
-κόχλον τόνδε ἐκτρέπει τὴν μορφήν, αὐτὴ δὲ αἱρεῖται
-ὀπαδόν τε καὶ θεράποντα ἀντʼ ἐκείνου τὸν Ἔρωτα, 
-νέον καὶ τοῦτον καὶ καλόν, καί οἱ τὰ πτερὰ τὰ ἐκείνου
-δίδωσιν. ὁ δὲ ἄλλος λόγος ἐρασθῆναι βοᾷ Νηρίτου
-Ποσειδῶνα, ἀντερᾶν δὲ τοῦ Ποσειδῶνος, καὶ
-τοῦ γε ὑμνουμένου Ἀντέρωτος ἐντεῦθεν τὴν γένεσιν
-ὑπάρξασθαι. συνδιατρίβειν οὖν τά τε ἄλλα τῷ ἐραστῇ 
-τὸν ἐρώμενον ἀκούω καὶ μέντοι καὶ αὐτοῦ ἐλαύνοντος
-κατὰ τῶν κυμάτων τὸ ἅρμα τὰ μὲν κήτη τἄλλα
-καὶ τοὺς δελφῖνας καὶ προσέτι καὶ τοὺς Τρίτωνας
-ἀναπηδᾶν ἐκ τῶν μυχῶν καὶ περισκιρτᾶν τὸ ἅρμα
-καὶ περιχορεύειν, ἀπολείπεσθαι δʼ οὖν τοῦ τάχους τῶν 
-ἵππων πάντως καὶ πάντη· μόνα δὲ ἄρα τὰ παιδικά οἱ
-παρομαρτεῖν καὶ μάλα πλησίον, στόρνυσθαι δὲ αὐτοῖς
-καὶ τὸ κῦμα καὶ διίστασθαι τὴν θάλατταν αἰδοῖ
-Ποσειδῶνος· βούλεσθαι γὰρ τῇ τε ἄλλῃ τὸν θεὸν
-εὐδοκιμεῖν τὸν καλὸν ἐρώμενον καὶ οὖν καὶ τῇ νήξει 
-διαπρέπειν. τὸν δὲ Ἥλιον νεμεσῆσαι τῷ τάχει τοῦ
-παιδὸς ὁ μῦθος λέγει, καὶ ἀμεῖψαί οἱ τὸ σῶμα ἐς τὸν
-κόχλον τὸν νῦν, οὐκ οἶδα εἰπεῖν ὁπόθεν ἀγριάναντα·
-οὐδὲ γὰρ ὁ μῦθος λέγει. εἰ δέ τι χρὴ συμβαλεῖν
-ὑπὲρ τῶν ἀτεκμάρτων, λέγοιντʼ ἂν ἀντερᾶν Ποσειδῶν 
-καὶ Ἥλιος. καὶ ἠγανάκτει μὲν ἴσως ὁ Ἥλιος
-ὡς ἐν θαλάττῃ φερομένῳ, ἐβούλετο δὲ αὐτὸν οὐκ ἐν
-<pb id="p.364"/>
-τοῖς κήτεσιν ἀριθμεῖσθαι, ἀλλʼ ἐν ἄστροις φέρεσθαι.
-καὶ τὼ μὲν μύθω ἐς τοσοῦτον ἐληξάτην· ἐμοὶ δὲ τὰ
-ἐκ τῶν θεῶν ἵλεα ἔστω, καὶ τά γε παρʼ ἐμοῦ ἔστω
-πρὸς αὐτοὺς εὔστομα. εἰ δέ τι θρασύτερον εἴρηται
-τοῖς μύθοις, ἐκείνων τὸ ἔγκλημα.
-</p>
-</div2>
-<div2 type="chapter" n="29">
-<p> ἔνθα ὁ Τάναρος ποταμὸς καὶ ὁ Ἠριδανὸς συμβάλλετον
-ʽοὗτος μὲν καὶ διὰ δόξης ἰὼν καὶ κλέους,
-ἐκεῖνος δὲ οὐ πάνυ τι γνώριμοσʼ ἐνταῦθά τοι θῆραι
-ναὶ μὰ Δία ἰχθύων ἴδιαι καὶ ἐς ἐμὲ ἥκουσαι μέτροις
-Μυτιληναίου ἀνδρός, ὃν ᾔδειν καὶ αὐτός, μηδὲ ἐξ
-ἡμῶν ἀγέραστοι γενέσθωσαν τῷ λόγῳ τῷδε. πεπεδημένων
-αὐτοῖς ὑπὸ κρυστάλλου τῶν ῥευμάτων ὅσοι
-περιοικοῦσιν αὐτοὺς τῇ μὲν ὥρᾳ τῇ χειμερίῳ ἀροῦσί
-τε καὶ σπείρουσι· καὶ γάρ πως καὶ εὔγεων χῶρον
-κεκλήρωνται. εἶτα ὑπαρχομένου τοῦ ἦρος, τῶν ῥευμάτων
-τῶν προειρημένων διʼ ἣν αἰτίαν εἶπον ἔτι
-ἑστώτων, κολπώδη τινὰ τόπον προαιροῦνται οἱ γεωργοὶ
-τέως, νῦν δὲ ἁλιεῖς, καὶ περιτέμνουσι τοῦτον εὖ
-μάλα τεθηγμένοις πελέκεσι, καὶ τὸ ὕδωρ ἀναφαίνεται
-περιφερὲς κατὰ τέλμα· οὐ μὴν πλησίον ἔτι τῆς
-ὄχθης κόπτουσιν, ἀλλὰ ἐῶσι τὸν κρύσταλλον ὡς ἐξ
-ἀρχῆς ἐνετράφη. περιβάλλουσιν οὖν τῷ χώρῳ τῷ
-γεγυμνωμένῳ πλατὺ δίκτυον, καὶ μέντοι καὶ περιβάλλουσιν
-αὐτῷ κάλων ἁδρότερον. καὶ τοῦτό γε τὸ
-δίκτυον ἐπισπῶσιν ἄνδρες ἐπὶ τῆς ὄχθης ἑστῶτες,
-καὶ ἁλιεῖς καὶ ἄλλοι· καὶ μέντοι καὶ τὴν τῶν ἰχθύων
-ἅλωσιν θεῶνται πολλοὶ τῆς τέχνης οὐκ ἐπαΐοντες,
-ψυχαγωγία δέ τις ὕπεισιν αὐτούς. ὅταν γε μὴν ἀγόμενοι
-τῆς ὄχθης πλησίον ἀφίκωνται, τηνικαῦτα καὶ
-</p>
-</div2>
-<div2 type="chapter" n="30">
-<p> τὸν ἐνταῦθα τέμνουσι κρύσταλλον οἱ ἔξωθεν ὑδροθῆραι·
-τῇ γάρ τοι θήρᾳ ἐνέχονται, καὶ ἀναστέλλουσι
-τοῖς ἰχθύσι τὸν ἔξω πόρον. τούτου δὲ οὕτω γενομένου
-<pb id="p.365"/>
-πλῆρες ἰχθύων τὸ δίκτυον ἐκεῖνο τὴν περιτμηθεῖσαν
-ἐπωθεῖ τοῦ κρυστάλλου πέτραν καὶ συνεπάγει,
-καὶ οἵ γε ἐφεστῶτες ἁλιεῖς αὐτῇ ἐοίκασιν ἐπὶ νήσου
-φέρεσθαι πλωτῆς. ἴδια μὲν δὴ καὶ ταῦτα ἰχθύων
-τῶν ἐκεῖσε καὶ θήραις ἑτέραις οὐκ ἂν εἰκασμένα. 
-δώσει δὲ Ὅμηρος εἰπεῖν μοι ὅτι καὶ διπλοῦν αἱροῦνται
-μισθὸν οἵδε οἱ ἄνδρες, τὸν μὲν ἐκ τοῦ ποταμοῦ,
-τὸν δὲ ἐκ τῆς γῆς, ὡς τοὺς αὐτοὺς εἶναι καὶ ναύτας καὶ γεωργούς.</p>
-</div2>
-</div1>
-<div1 type="book" n="15">
-<div2 type="chapter" n="1">
-<p>
-θήραν ἰχθύων Μακέτιν ἀκούσας οἶδα, καὶ ἥδε
-ἡ θήρα ἐστί. Βεροίας τε καὶ Θεσσαλονίκης μέσος 
-ῥεῖ ποταμὸς ὄνομα Ἀστραῖος. εἰσὶν οὖν ἐνταῦθα
-ἰχθύες τὴν χρόαν κατάστικτοι· τίνας δὲ αὐτοὺς οἱ
-ἐπιχώριοι καλοῦσι, Μακεδόνας ἐρέσθαι λῷόν ἐστιν.
-οὐκοῦν οὗτοι ποιοῦνται τροφὴν μυίας ἐπιχωρίους ἐν
-τῷ ποταμῷ πετομένας οὐδέν τι ταῖς ἀλλαχόθι μυίαις 
-προσεικασμένας οὐδὲ μὴν σφηκῶν ὄψει παραπλησίας,
-οὐδʼ ἂν εἴποι τις ταῖς καλουμέναις ἀνθηδόσβι τὴν
-μορφὴν εἰκότως ἂν ἀντικρίνεσθαι τοῦτο τὸ ζῷον οὐδὲ
-ταῖς μελίτταις αὐταῖς· ἔχει δέ τινα τῶν προειρημένων
-ἑκάστου μοῖραν ἰδίαν. ἔοικεν οὖν τὸ μὲν θράσος 
-μυίᾳ, τὸ δὲ μέγεθος εἴποις ἂν ἀνθηδόνα, σφηκὸς δὲ
-τὴν χρόαν ἀπεμάξατο, βομβεῖ δὲ ὡς αἱ μέλιτται.
-καλοῦσι δὲ ἵππουρον αὐτὴν πᾶν ὅσον ἐστὶν ἐπιχώριον.
-ἐκζητοῦσιν οὖν ἐπικείμεναι τῷ ῥεύματι τροφὴν τὴν
-ἑαυταῖς φίλην, οὐ μὴν δύνανται τοὺς ὑπονηχομένους 
-λαθεῖν ἰχθύας. ὅταν οὖν αὐτῶν ἐπιπολάζουσαν τὴν
-<pb id="p.366"/>
-μυῖαν θεάσηταί τις, ἡσυχῆ καὶ ὕφυδρος νέων ἔρχεται,
-κινῆσαι τὸ ἄνω δεδοικὼς ὕδωρ, ἵνα μὴ σοβήσῃ
-τὸ θήραμα. εἶτα ἐλθὼν πλησίον κατὰ τὴν σκιὰν
-αὐτῆς, ὑποχανὼν κατέπιε τὴν μυῖαν, ὡς οἶν ἐξ ἀγέλης
-λύκος ἁρπάσας ἢ χῆνα ἐξ αὐλῆς ἀετός· καὶ τοῦτο
-δράσας ὑπεσῆλθε τὴν φρίκην. ἴσασιν οὖν οἱ ἁλιεῖς
-τὰ πραττόμενα, καὶ ταῖσδε μὲν ταῖς μυίαις ἐς δέλεαρ
-τῶν ἰχθύων χρῶνται οὐδὲ ἕν· ἐὰν γὰρ αὐτῶν προσάψηται
-χεὶρ ἀνθρωπίνη, ἀφῄρηνται μὲν τὴν χρόαν τὴν
-συμφυῆ, μαραίνεται δὲ αὐταῖς τὰ πτερὰ καὶ ἄβρωτοι
-γίνονται τοῖς ἰχθύσι, καὶ διὰ ταῦτα οὐ προσίασιν
-αὐταῖς, ἀπορρήτῳ φύσει τὰς ᾑρημένας μεμισηκότες·
-σοφίᾳ δʼ οὖν περιέρχονται τοὺς ἰχθῦς ὑδροθηρικῇ,
-δόλον αὐτοῖς ἐπινοήσαντες οἷον. τῷ ἀγκίστρῳ περιβάλλουσιν
-ἔριον φοινικοῦν, ἥρμοσταί τε τῷ ἐρίῳ δύο
-πτερὰ ἀλεκτρυόνος ὑπὸ τοῖς καλλαίοις πεφυκότα καὶ
-κηρῷ τὴν χρόαν προσεικασμένα· ὀργυιᾶς δὲ ὁ κάλαμός
-ἐστι, καὶ ἡ ὁρμιὰ δὲ τοσοῦτον ἔχει τὸ μῆκος.
-καθιᾶσιν οὖν τὸν δόλον, ἑλκόμενος δὲ ὑπὸ τῆς χρόας
-ὁ ἰχθὺς καὶ οἰστρώμενος ἀντίος ἔρχεται, καὶ θοίνην
-ὑπολαμβάνων ἐκ τοῦ κάλλους τῆς ὄψεως ἕξειν θαυμαστήν,
-εἶτα μέντοι περιχανὼν ἐμπαλάσσεται τῷ
-ἀγκίστρῳ, καὶ πικρᾶς τῆς ἑστιάσεως ἀπολέλαυκεν ᾑρημένος.
-</p>
-</div2>
-<div2 type="chapter" n="2">
-<p> οἱ θαλάττιοι κριοί, ὧνπερ οὖν ὄνομα μὲν ἐς τοὺς
-πολλοὺς διαρρεῖ, ἱστορία δὲ οὐ πάνυ τι σαφής, εἰ μὴ
-ὅσον χειρουργίᾳ δείκνυται, χειμάζουσι μὲν περὶ τὸν
-Κύρνειόν τε καὶ Σαρδῷον πορθμόν, καὶ φαίνονταί γε
-καὶ ἔξαλοι. περινήχονται δὲ ἄρα αὐτοὺς καὶ δελφῖνες
-μεγέθει μέγιστοι. ὁ τοίνυν ἄρρην κριός, λευκὴν τὸ
-μέτωπον ταινίαν ἔχει περιθέουσαν ʽεἴποις ἂν Λυσιμάχου
-τοῦτο διάδημα ἢ Ἀντιγόνου ἤ τινος τῶν ἐν
-<pb id="p.367"/>
-Μακεδονίᾳ βασιλέων ἄλλοὐ· κριὸς δὲ θῆλυς, ὡς οἱ
-ἀλεκτρυόνες τὰ κάλλαια, οὕτω τοι καὶ οὗτος ὑπὸ τῇ
-δέρῃ ἠρτημένους πλοκάμους ἔχει. ἁρπάζει δὲ ἄρα
-τοῖνδε τοῖν κριοῖν ἑκάτερος νεκρὰ σώματα, καὶ ποιεῖται
-τροφὴν αὐτά. ἀλλὰ καὶ ζῶντας ἁρπάζει, καὶ 
-τῷ τῆς νήξεως κλύδωνι, πολὺς ὢν καὶ ὑπέρογκος, καὶ
-ναῦς περιτρέπει, χειμῶνα αὐταῖς ἐξ ἑαυτοῦ τοσοῦτον
-ἐργασάμενος. ἁρπάζει δὲ καὶ τοὺς ἀπὸ γῆς ἑστῶτας τῆς
-πλησίον. λέγουσι δὲ οἱ τὴν Κύρνον κατοικοῦντες,
-νεὼς διεφθαρμένης ἐν χειμῶνι ἄνδρα εὖ μάλα νηκτικὸν 
-πολλὴν θάλατταν διανύσαντα λαβέσθαι τινὸς
-ἄκρας σφίσιν ἐπιχωρίου, καὶ ἀνελθόντα ἑστάναι καὶ
-μάλα ἀδεῶς, ὡς ἤδη κινδύνων ἁπάντων ἐλεύθερον
-γενόμενον καὶ ἐν ἀδείᾳ τοῦ ζῆν καὶ ἐξουσίᾳ ὄντα.
-κριὸν οὖν παρανηχόμενον θεάσασθαι τὸν ἑστῶτα, καὶ 
-ἀναφλεχθέντα ὑπὸ τοῦ λιμοῦ ἑλίξαι τε ἑαυτὸν καὶ
-κυρτῶσαι καὶ τῷ οὐραίῳ μέρει πολλὴν ἐλάσαι θάλατταν,
-εἶτα ἑαυτὸν μετεωρίσαι ἀρθέντα ὑπὸ τοῦ οἰδήσαντος
-κύματος, καὶ ἐπὶ τὴν ἄκραν φθάσαι ἀναταθέντα
-καὶ δίκην καταιγίδος ἢ στροβίλου ἁρπάσαι τὸν 
-ἄνθρωπον. καὶ τὸ μὲν Κύρνειον ἅρπαγμά τε καὶ θήραμα
-τοῦ κριοῦ ἐς τοσοῦτον· μυθοποιοῦσι δὲ οἱ τὸν
-Ὠκεανὸν περιοικοῦντες τοὺς πάλαι τῆς Ἀτλαντίδος
-βασιλέας τοὺς ἐκ τῆς Ποσειδῶνος σπορᾶς φέρειν ἐπὶ
-τῆς κεφαλῆς τὰς τῶν κριῶν τῶν ἀρρένων ταινίας, 
-γνώρισμα τῆς ἀρχῆς τοῦτο· καὶ τὰς ἐκείνων γαμετὰς
-τὰς βασιλίδας τοὺς πλοκάμους τῶν ἑτέρων καὶ ἐκείνας
-φορεῖν τῆς ἀρχῆς ἔλεγχον. ἔστι δὲ ἄρα τοὺς
-μυκτῆρας τὸ ζῷον τοῦτο καρτερὸν δεινῶς, καὶ πολὺ
-πνεῦμα ἐσπνεῖ, καὶ ἕλκει ἀέρα ἐφʼ ἑαυτὸν πάμπολυν, 
-θηρᾷ δὲ καὶ τὰς φώκας τὸν τρόπον τοῦτον. αἳ μὲν
-συνεῖσαι πλησίον που κριὸν εἶναι καὶ φέρειν σφίσιν
-<pb id="p.368"/>
-ὄλεθρον, ὡς ὅτι τάχιστα ἐκνήχονται καὶ παρελθοῦσαι
-ἐς τὴν γῆν καὶ τὰς ὑπάντρους πέτρας ὑπελθοῦσαι
-καταδύονται, οἳ δὲ αἰσθόμενοι τὴν φυγὴν μεταθέουσι
-καὶ ἀντίοι στάντες τοῦ ἄντρου κατὰ τὴν τοῦ
-χρωτὸς ὀσμὴν ἔνδον εἶναί σφισι τὴν ἄγραν συνιᾶσι, καὶ
-ὡς ἴυγγί τινι βιαιοτάτῃ ἕλκουσι ταῖς ῥισὶ τὸν μεταξὺ
-ἑαυτῶν καὶ τῆς φώκης ἀέρα. ἣ δὲ ὡς βέλος ἢ δόρατος
-αἰχμὴν ἐκκλίνει τὴν τοῦ πνεύματος προσβολήν, καὶ
-τὰ μὲν πρῶτα ὑπαναχωρεῖ, τελευτῶσα δὲ ὑπὸ τῆς
-βιαιοτάτης ἕλξεως ἐκσπᾶται τοῦ ἄντρου, καὶ ἄκουσα
-ἀκολουθεῖ, ὥσπερ οὖν ἱμᾶσί τισιν ἢ σχοίνοις κατατεινομένη,
-καὶ τέτριγε καὶ γίνεται τῷ κριῷ δεῖπνον.
-τάς γε μὴν ἐκπεφυκυίας τῶν μυκτήρων τοῦ κριοῦ
-τρίχας οἱ ταῦτα ἐξετάζειν δεινοὶ λέγουσιν ἐς πολλὰ
-ἀγαθάς.
-</p>
-</div2>
-<div2 type="chapter" n="3">
-<p> ἐν δὲ τῷ ῥίῳ τῷ Βιβωνικῷ θύννων ἔθνη μυρία.
-καὶ οἳ μὲν αὐτῶν κατὰ τοὺς σῦς εἰσι μονίαι καὶ καθʼ 
-ἑαυτοὺς νήχονται μέγιστοι ὄντες, οἳ δὲ συνδυασθέντες·
-καί ἐστον κατὰ τοὺς λύκους συννόμω, ἄλλοι δὲ
-κατʼ ἀγέλας, ὥσπερ οὖν τὰ αἰπόλια, πλατείας νομὰς
-νενεμημένοι. ἐπιτέλλοντος δὲ τοῦ Σειρίου καὶ τῆς
-ἀκτῖνος ἐνακμαζούσης ὀξύτατα, ἐπὶ τὸν Εὔξεινον
-στέλλονται· καὶ τοῦ κύματος αὐτοῖς ἐμπύρου δοκοῦντος,
-ἀλλήλοις συνυφασμένοι νήχονται, καὶ τῇ τῶν
-σωμάτων συναφῇ σκιᾶς τινος ἁμωσγέπως μεταλαγχάνουσιν.
-</p>
-</div2>
-<div2 type="chapter" n="4">
-<p> λέγει δὲ Δημόστρατος, ἀνὴρ ἁλιευτικῆς σοφίας
-ἐπιστήμων ναὶ μὰ Δία καὶ ἑρμηνεῦσαι χρηστός, εἶναί
-τινα ἰχθὺν ὡραῖον τὸ εἶδος, καὶ καλεῖσθαι σελήνην
-τοῦτον, τὸ μέγεθος βραχύν, κυανοῦν τὸ εἶδος, πλατὺν
-τὸ σχῆμα. τὰ νῶτα δὲ οἱ λοφιὰς ἔχειν καὶ τάσδε
-ἀνατείνειν ὁ αὐτός φησι· μαλακὰς δὲ εἶναι αὐτὰς
-<pb id="p.369"/>
-καὶ οὔτε ἀντιτύπους οὔτε τραχείας. ταύτας οὖν,
-ὅταν ὁ ἰχθὺς οὗτος ὑπονήχηται, διαιρεῖσθαι καὶ ἀποδεικνύναι
-κύκλου ἡμίτομον, καὶ εἶναι σελήνης ὅσα
-ἰδεῖν τῆς διῃρημένης σχῆμα. καὶ ταῦτα μὲν Κύπριοι
-</p>
-</div2>
-<div2 type="chapter" n="5">
-<p>δὴ ἁλιεῖς φασιν· Δημοστράτου δὲ καὶ οὗτος ὁ λόγος. 
-πληρουμένης μὲν τῆς σελήνης τὸν ἰχθὺν τόνδε ᾑρημένον
-πεπληρῶσθαί τε αὐτὸν καὶ πληροῦν καὶ τὰ
-δένδρα, ἐὰν τούτοις προσαρτήσῃς φέρων αὐτόν· ληγούσης
-δὲ ἄρα ὑποτετῆχθαι καὶ ἐκλείπειν, καὶ φυτοῖς
-προσαχθέντα αὐαίνειν αὐτά. ὀρυττομένων τε φρεάτων, 
-ἐὰν μὲν τοῦ μηνὸς ὑποφαινομένου ἐς τὸ εὑρεθὲν
-ὕδωρ ἐμβάλῃ τις τὸν ἰχθὺν τοῦτον, ἀέναον ἔσται
-τὸ ὕδωρ καὶ οὐκ ἐπιλείψει ποτέ· εἰ δὲ ὑπολήγοντος,
-λήξει τὸ ὕδωρ. καὶ μέντοι καὶ ἐς πηγὴν ὑπανατέλλουσαν
-εἰ τὸν αὐτὸν ἐμβάλοις ἰχθύν, ἕξεις ἢ πεπληρωμένην 
-αὐτὴν ἢ κενὸν τὸν χῶρον τὸ ἐντεῦθεν.
-ὅπως μὲν ἐσνέουσί τε ἐς τὴν Προποντίδα, καὶ 
-ὅπως ἐκνέουσιν ἄρα οἱ θύννοι, οἶδα εἰπὼν ἄνω που
-τῶν λόγων τῶνδε· νοείτω δέ μοί τις ἐνταῦθα Ἡράκλειαν
-καὶ Τίον καὶ Ἄμαστριν, πόλεις Ποντικάς. οὐκοῦν 
-οἱ τόνδε τὸν χῶρον πάντα οἰκοῦντες τὴν τῶν
-θύννων ἐπιδημίαν ἴσασι κάλλιστα, καὶ μέντοι καὶ
-ἀφικνοῦνται τηνικάδε τοῦ ἔτους, καὶ ὅπλα κατʼ αὐτῶν
-εὐτρέπισται πολλά, ναῦς καὶ δίκτυα καὶ σκοπιὰ
-ὑψηλή. σκοπιὰ δὲ ἄρα αὕτη ἐπί τινος αἰγιαλοῦ 
-παγεῖσα ἀνέστηκεν ἐν περιωπῇ σφόδρα ἐλευθέρᾳ·
-καὶ αὐτῆς τὸ ποίημα περιηγήσασθαι ἐμοὶ μὲν οὐκ
-ἔστι μόχθος, σοὶ δὲ τῷ ἀκούοντι τῆς τῶν ὤτων τρυφῆς
-τ ἐκειν. δύο πρέμνα ἐλάτης ὑψηλὰ δοκίσι
-πλατείαις διειλημμένα ἕστηκε, πυκναῖς ταύταις διυφασμέναις 
-καὶ ἀνελθεῖν τῷ σκοπῷ καὶ ἐπιβῆναι
-μάλα ἀγαθαῖς. αἱ δὲ ναῦς ἐρέτας ἑκάστη καὶ ἓξ ἔχει
-<pb id="p.370"/>
-παρʼ ἑκάτερα νεανίας εὖ μάλα ἐρέττοντας· δίκτυα
-δὲ προμήκη, οὐ κοῦφα λίαν καὶ ἀνεχόμενα τοῖς φελλοῖς,
-μολίβῳ γε μὴν βριθόμενα μᾶλλον. ἀθρόαι δὲ
-ἄρα αἱ τῶνδε τῶν ἰχθύων ἀγέλαι ἐσνέουσιν. ἦρος
-δὲ ὑπολάμποντος καὶ τῶν ἀνέμων εἰρηναῖον ἤδη
-καταπνεόντων καὶ τοῦ ἀέρος φαιδροῦ τε ὄντος καὶ
-ʽ??ʼονεὶ μειδιῶντος καὶ τοῦ κύματος κειμένου καὶ λείας
-οὕσης τῆς θαλάττης ὁ σκοπὸς ἰδὼν σοφίᾳ τινὶ ἀπορρήτῳ
-καὶ φύσει ὄψεως ὀξυωπεστάτῃ λέγει μὲν τοῖς
-θηραταῖς ὁπόθεν ἀφικνοῦνται· εἰ δέοι γε μὴν πρὸς
-τὴν ἀκτὴν παρατεῖναι τὰ δίκτυα, καὶ τοῦτο ἐκδιδάσκει·
-εἰ δὲ ἐνδοτέρω, δίδωσιν ὥσπερ οὖν στρατηγὸς
-τὸ σύνθημα ἢ χορολέκτης τὸ ἐνδόσιμον· ἐρεῖ γε μὴν
-πολλάκις καὶ τὸν πάντα ἀριθμόν, καὶ οὐχ ἁμαρτήσεται
-τοῦ σκοποῦ. ἐκεῖνα δὲ ὁποῖα. ὅταν ἑαυτοὺς
-ὠθήσωσιν ἐς τὸ πέλαγος ἡ τῶν θύννων ἴλη, ὁ τὴν
-σκοπιὰν φυλάττων καὶ ἀκριβῶν τὴν τῶν προειρημένων
-ἱστορίαν καὶ μάλα ὀξὺ ἐκβοήσας λέγει διώκειν
-ἐκεῖθι καὶ τοῦ πελάγους ἐρέττειν εὐθύ. οἳ δὲ ἐξαρτήσαντες
-ἐλάτης τῶν τὸν σκοπὸν ἀνεχουσῶν τῆς
-ἑτέρας σχοῖνον εὖ μάλα μακρὰν τῶν δικτύων ἐχομένην,
-εἶτα ἐπαλλήλοις ταῖς ναυσὶν ἐρέττουσι κατὰ
-στοῖχον, ἔχονταί τε ἀλλήλων, ἐπεί τοι καὶ τὸ δίκτυον
-ἐφʼ ἑκάστῃ διῄρηται. καὶ ἥ γε πρώτη τὴν ἑαυτῆς
-ἐκβαλοῦσα μοῖραν τοῦ δικτύου ἀναχωρεῖ, εἶτα ἡ
-δευτέρα δρᾷ τοῦτο καὶ ἡ τρίτη, καὶ δεῖ καθεῖναι
-τὴν τετάρτην· οἱ δὲ τὴν πέμπτην ἐρέττοντες ἔτι μέλλουσι,
-τοὺς δὲ ἐπὶ ταύτῃ οὐ χρὴ καθεῖναί πω· εἶτα
-ἐρέττουσι ἄλλοι ἄλλῃ καὶ ἄγουσι τοῦ δικτύου τὴν
-μοῖραν, εἶτα ἡσυχάζουσι. νωθεῖς δὲ ἄρα ὄντες οἱ
-θύννοι καὶ ἔργον τι τόλμης ἐχόμενον ἀδυνατοῦντες
-δρᾶσαι, πεπιεσμένοι μένουσί τε καὶ ἀτρεμοῦσιν· οἱ
-<pb id="p.371"/>
-δὲ ἐρέται, ὡς ἁλούσης πόλεως, αἱροῦσιν ἰχθύων ποιητὴς
-ἂν εἴποι δῆμον. οὐκοῦν, ὦ φίλοι Ἕλληνες, καὶ
-Ἐρετριεῖς ἴσασι ταῦτα καὶ Νάξιοι κατὰ κλέος, τῆς
-θήρας τῆς τοιαύτης μαθόντες ὅσα Ἡρόδοτός τε καὶ
-ἄλλοι λέγουσι. τὰ δὲ ἔτι λοιπὰ τῆς θήρας ἀκούσεσθε ἄλλων. 
-</p>
-</div2>
-<div2 type="chapter" n="6">
-<p>θύννων δὲ ἄρα ᾑρημένων τῇ θήρᾳ τῇ Ποντικῇ 
-ʽἐγὼ δʼ ἂν φαίην ὅτι καὶ Σικελικῇ· ἢ τί καὶ βουλόμενος
-ἂν τὸν ἡδὺν Θυννοθήραν ὁ Σώφρων ἔγραψε;
-πάντως δὲ καὶ ἀλλαχόθι ἄγραι τῶνδε τῶν θύννων 
-εἰσίʼ τῷ οὖν δικτύῳ ἤδη περιπλακέντων αὐτῶν Ποσειδῶνι
-πάντες εὔχονται ἀλεξικάκῳ τηνικάδε. καὶ
-ὁπόθεν καὶ τοῦδε τοῦ δαίμονος ἀξιῶ τὸ ὄνομα εἰπεῖν,
-ἐμαυτὸν καὶ μάλα γε ἀπαιτῶν τε καὶ βουλόμενος
-ἐπευφήμησα τοῦτό οἱ, δέονται τοῦ Διὸς ἀδελφοῦ τοῦ 
-θαλάττης κρατοῦντος μήτε τὸν ἰχθὺν τὸν ξιφίαν τῇδε
-τῇ ἴλῃ συνέμπορον ἀφικέσθαι μήτε μὴν δελφῖνα. ὁ
-γοῦν γενναῖος ξιφίας πολλάκις τὸ δίκτυον διέκειρε, καὶ
-ἀφῆκεν ἐλεύθερον διεκπαῖσαι τὴν ἀγέλην. καὶ δελφὶς
-δὲ ἐπίβουλον δικτύῳ ζῷον· διατραγεῖν γάρ τοι δεινός ἐστιν. 
-</p>
-</div2>
-<div2 type="chapter" n="7">
-<p>ὕεται ἡ Ἰνδῶν γῆ διὰ τοῦ ἦρος μέλιτι ὑγρῷ, καὶ 
-ἔτι πλέον ἡ Πρασίων χώρα, ὅπερ οὖν ἐμπῖπτον ταῖς
-πόαις καὶ ταῖς τῶν ἑλείων καλάμων κόμαις, νομὰς
-τοῖς βουσὶ καὶ τοῖς προβάτοις παρέχει θαυμαστάς, καὶ 
-τὰ μὲν ζῷα ἑστιᾶται ἡδίστην τήνδε ἐστίασιν ʽμάλιστα
-γὰρ ἐνταῦθα οἱ νομεῖς ἄγουσιν αὐτά, ἔνθα καὶ μᾶλλον
-ἡ δρόσος ἡ γλυκεῖα κάθηται πεσοῦσἀ, ἀνθεστιᾷ δὲ
-καὶ τὰ ζῷα τοὺς νομέας· ἀμέλγουσι γὰρ περιγλύκιστον
-γάλα, καὶ οὐ δέονται ἀναμίξαι αὐτῷ μέλι, ὅπερ 
-οὖν δρῶσιν Ἕλληνες.
-</p>
-</div2>
-<div2 type="chapter" n="8">
-<p>ὁ δὲ Ἰνδὸς μάργαρος ʽἄνω γὰρ εἶπον περὶ τοῦ 
-<pb id="p.372"/>
-Ἐρυθραίοὐ λαμβάνεται τρόπῳ τοιῷδε. πόλις ἐστὶν
-ἧς ἦρχε Σώρας ὄνομα, ἀνὴρ γένους βασιλικοῦ, ὅτε
-καὶ Βάκτρων ἦρχεν Εὐκρατίδης· ὄνομα δὲ τῇ πόλει
-Περίμουλα, κατοικοῦσι δὲ αὐτὴν ἄνδρες Ἰχθυοφάγοι.
-ὅθεν ὁρμωμένους σὺν τοῖς δικτύοις φασὶ τοὺς προειρημένους
-περιλαμβάνειν ἀγκῶσι μεγάλοις αἰγιαλοῦ
-κύκλον εὐμεγέθη· γίνεσθαι δὲ τὸν προειρημένον
-λίθον ἐκ κόγχης στρόμβῳ ἐμφεροῦς μεγάλῳ, νήχεσθαί
-τε κατὰ ἀγέλας τοὺς μαργάρους, καὶ ἔχειν ἡγεμόνας,
-ὡς ἐν τοῖς σμήνεσιν αἱ μέλιτται τοὺς καλουμένους
-βασιλέας· ἀκούω δὲ εἶναι καὶ τοῦτον διαπρεπῆ καὶ
-τὴν χρόαν καὶ τὸ μέγεθος. ἀγώνισμα δὲ ἄρα ποιοῦνται
-συλλαβεῖν αὐτὸν οἱ κολυμβηταὶ οἱ ὕφυδροι· τούτου
-γὰρ ᾑρημένου καὶ τὴν ἀγέλην αἱροῦσι πᾶσαν
-ἐρήμην ὡς ἂν εἴποι τις καὶ ἀπροστάτευτον οὖσαν·
-ἀτρεμεῖ γὰρ καὶ οὐκέτι πρόεισιν, οἷα δήπου ποίμνη
-τὸν νομέα ἀφῃρημένη κατά τινα τύχην ἐχθράν· ὃ δὲ
-διαφεύγει καὶ μάλα γε σοφῶς ἐξελίττει, καὶ προηγεῖται
-καὶ σώζει τὸ ὑπήκοον. τοὺς δὲ ληφθέντας ἐν
-πιθάκναις λέγονται ταριχεύειν· ὅταν δὲ ἡ σὰρξ μυδήσῃ
-καὶ περιρρυῇ, καταλείπεται ἡ ψῆφος. ἄριστος
-δὲ ἄρα ὁ Ἰνδικὸς γίνεται καὶ ὁ τῆς θαλάττης τῆς
-Ἐρυθρᾶς. γίνεται δὲ καὶ κατὰ τὸν Ἑσπέριον ὠκεανόν,
-ἔνθα ἡ Βρεττανικὴ νῆσός ἐστι· δοκεῖ δέ πως
-χρυσωπότερος ἰδεῖν εἶναι, τάς τε αὐγὰς ἀμβλυτέρας
-ἔχειν καὶ σκοτωδεστέρας. γίνεσθαι δέ φησιν Ἰόβας
-καὶ ἐν τῷ κατὰ Βόσπορον πορθμῷ, καὶ τοῦ Βρεττανικοῦ
-ἡττᾶσθαι αὐτόν, τῷ δὲ Ἰνδῷ καὶ τῷ Ἐρυθραίῳ
-μηδὲ τὴν ἀρχὴν ἀντικρίνεσθαι. ὁ δὲ ἐν Ἰνδίᾳ χερσαῖος
-οὐ λέγεται φύσιν ἔχειν ἰδίαν, ἀλλὰ ἀπογέννημα
-εἶναι κρυστάλλου, οὐ τοῦ ἐκ τῶν παγετῶν συνισταμένου,
-ἀλλὰ τοῦ ὀρυκτοῦ.
-<pb id="p.373"/>
-</p>
-</div2>
-<div2 type="chapter" n="9">
-<p>γεράνων μὲν οὖν πέρι τῶν πτηνῶν ἐν τοῖς προτέροις 
-λόγοις εἰπεῖν ἐμαυτὸν καλῶς οἶδα, θαλάττιον δὲ
-γέρανον ἰχθὺν Κορινθίῳ πελάγει ἔντροφον ἀκοῦσαί
-φημι. ἐπικλίνει δὲ ἄρα τοῦτο τὸ πέλαγος, ἔνθα ὁ
-γέρανος ἀνιχνεύθη οὗτος, τῷ πρὸς τὰς Ἀθήνας πελάγει 
-τοῦ ἰσθμοῦ κατὰ τὴν πλευρὰν τὴν ἐς αὐτὰς
-ὁρῶσαν. μῆκος μὲν οὖν ἦν προήκων ἐς πεντεκαίδεκά
-που πόδας μεμετρημένους δικαίῳ μέτρῳ, ἐγχέλεως
-δὲ εἶχεν, ὡς ἀκούω, οὐ μέντοι τῆς μεγίστης τὸ πάχος.
-</p>
-</div2>
-<div2 type="chapter" n="10">
-<p>κεφαλὴ δὲ ἄρα ἐκείνῳ καὶ στόμα γεράνου ἐστὶ τῆς 
-πτηνῆς, λεπίδες δὲ αὐτῷ, γεράνου πτερὰ καὶ ταύτας
-εἴποις ἄν. ἔρχεται δὲ οὐχ ἑλικτὴν τὴν νῆξιν, ὥσπερ
-οὖν οἱ τῶν ἰχθύων κατὰ τὰς ἐγχέλεις στενοὶ καὶ
-μακροί. ἔχει δὲ ῥώμην καὶ μάλα ἁλτικήν· πηδᾷ γοῦν
-ὥσπερ ἀπὸ νευρᾶς οἰστὸς ἀφεθείς. λέγουσιν οὖν 
-οἱ λόγοι οἱ μὲν Ἐπιδαύριοι τοῦτο τὸ ζῷον οὐδενὸς
-ἰχθύος ἔκγονον, ἀλλὰ τὰς πτηνὰς γεράνους φευγούσας
-τὸν Θρᾴκιον κρυμὸν καὶ τὸν ἑσπέριον τὸν ἄλλον
-ἐμπίπτειν μὲν τῷ πνεύματι, τάς γε μὴν θηλείας ἐς
-μίξιν οἰστρᾶσθαι, τοὺς δὲ ἄρρενας αὐταῖς ἐπιφλέγεσθαι, 
-καὶ μέντοι καὶ ἐς τὴν πρὸς αὐτὰς ὁμιλίαν κυμαίνειν,
-καὶ διὰ ταῦτά τοι καὶ ἀναβαίνειν αὐτὰς
-ἐθέλειν, τὰς δὲ οὐχ ὑπομένειν· μὴ γὰρ οἵας τε εἶναι
-μετέωρον μίξιν φέρειν· τοὺς δὲ ἐγκρατεῖς οὐκ ἔχοντας
-γενέσθαι τοῦ πόθου, ἐκβάλλειν τὴν γονήν. καὶ 
-εἰ μὲν τύχοιεν ὑπὲρ γῆς φερόμενοι, τὴν δὲ ἐκπίπτειν
-ἐς οὐδὲ ἕν, ἀλλʼ ἀπόλλυσθαι ἄλλως· εἰ δὲ ὑπὲρ τοῦ
-πελάγους πέτοιντο, ἐνταῦθά τοι τὴν θάλατταν ὥσπερ
-οὖν θησαύρισμα παραλαβοῦσαν φυλάττειν ἔμβρυον,
-καὶ γεννᾶν τὸ ζῷον τοῦτο, ἀλλʼ οὐ διαφθείρειν ὥσπερ 
-ἔς τινα ἄγονον καὶ στερίφην γαστέρα ἐμπεσόν. καὶ
-τούτων μὲν τῶν λόγων ἅτερος καὶ δὴ διηνύσθη ὁ
-<pb id="p.374"/>
-Ἐπιδαύριος. λέγει δὲ ἄλλος, οὗ τὸ γένος εὐκ οἶδα,
-ἑτέραν ὁδὸν τραπόμενος, εἶτα μέντοι οὐ ταὐτὰ ὁμολογεῖ,
-ὡς δʼ ἂν μὴ δοκοίην ἀμαθὴς εἶναι αὐτοῦ, λελέξεται
-μέντοι καὶ ἐκεῖνος. Δημόστρατος, οὗπερ οὖν
-καὶ ἀνωτέρω μνήμην ἐποιησάμην, εἶδον τὸν ἰχθὺν
-ἦ δʼ ὅς, καί μʼ ἐσῆλθεν αὐτοῦ θαῦμα, καὶ ἐβουλήθην
-αὐτὸν ποιῆσαι τάριχον, ἵνα εἴη καὶ ἄλλῳ βλέπειν.
-οὐκοῦν ἐνεργῶν ὄντων καὶ ἀνοιγνύντων τῶν μαγείρων
-αὐτόν, ἐπεσκόπουν τὰ σπλάγχνα αὐτός. ἀκάνθας
-τε εἶδον ἐξ ἑκατέρας τῆς πλευρᾶς συνιούσας τε καὶ
-ἐγκλινούσας τὰ πέρατα ἐς ἀλλήλας, τρίγωνοι δέ φησιν
-ἦσαν ὥσπερ οὖν καὶ αἱ κύρβεις, ἧπάρ τε ἐνέκειτό
-οἱ προῆκον ἐς μῆκος, ὑπέκειτο δὲ αὐτῷ καὶ χολὴ
-μακρὰν ἔχουσα τὴν φῦσαν κατὰ τὰ φασκώλια· εἶπες
-δʼ ἂν ἰδὼν τὴν χολὴν κύαμον ὑγρὸν εἶναι. ἐξαιρεθέντα
-οὖν ἄμφω, καὶ ἡ χολὴ καὶ τὸ ἧπαρ, τὸ μὲν
-ἕτερον διωγκώθη καὶ ἐῴκει ἰχθύος ἥπατι μεγίστου,
-διατήξασα δʼ ἡ χολὴ τὸν λίθον ʽκαὶ γάρ πως ἔτυχε
-τεθεῖσα ἐπὶ λίθοὐ εἶτα ἠφανίσθη. ἄμφω δὲ τὼ
-λόγω ἐνταῦθα ὁρίζομεν.
-θήραν δὲ πηλαμύδων εἰπεῖν μὴ πάνυ τι συνειθισμένην
-οὐκ ἔστιν ἔξω τῆσδε τῆς σπουδῆς. δέκα
-νεανίαι τὸ ἀκμαιότατον ἀνθοῦντες ἀναβαίνουσι ναῦν
-ἐλαφρὰν καὶ διὰ ταῦτά τοι καὶ ταχυτάτην· διανέμοντες
-δὲ ἑαυτοὺς ἐς ἑκατέραν ἴσους τὴν πλευρὰν
-καὶ κορεσθέντες εὖ μάλα τροφῆς, εἶτα μέντοι τοῖς
-ἐρετμοῖς ἕκαστος ἐπιχειροῦσι, πλανώμενοι δεῦρο καὶ
-ἐκεῖσε. κάθηται δὲ εἷς ἐπὶ τῆς πρύμνης, καὶ ἐντεῦθέν
-τε καὶ ἐκεῖθεν παρασείρους καθίησιν ὁρμιάς·
-ἤρτηνται δὲ τούτων καὶ ἄλλαι, καὶ συνῆπται πάσαις
-τὰ ἄγκιστρα, καὶ ἕκαστον ἄγκιστρον δέλεαρ φέρει
-Λακαίνης πορφύρας μαλλῷ κατειλημένον, καὶ πτερὸν
-<pb id="p.375"/>
-μέντοι λάρου ἑκάστῳ ἀγκίστρῳ προσήρτηται, ὥστε
-ἡσυχῆ διασείεσθαι ὑπὸ τοῦ προσπίπτοντος ὕδατος.
-τούτων οὖν ἱμέρῳ προσνέουσιν αἱ πηλαμύδες· μία δὲ
-ἡ μάλιστα προτένθης ὅταν τὸ στόμα ἐναπερείσῃ, προσίασι
-καὶ αἱ λοιπαί, καὶ δονεῖται τὰ ἄγκιστρα ὑπὸ τὸν 
-αὐτὸν καιρὸν περιπαρέντα τοῖς ἰχθύσιν. οἱ ἄνδρες οὖν
-τοῦ μὲν ἐρέττειν ἔτι ἀπέστησαν, παρῆκαν δὲ τὰς
-κώπας, ἐξαναστάντες δὲ ἀνασπῶσι τὰς μηρίνθους
-εὐαγρούσας καὶ μέντοι καὶ βριθομένας τοῖς ἰχθύσιν·
-ὅταν δὲ ἐς τὴν ναῦν ἐμπέσωσι, διαφαίνεται τῆς 
-εὐθηρίας τὸ μαρτύριον ἐκ τοῦ πλήθους τῶν ἰχθύων τῶν ἑαλωκότων.
-</p>
-</div2>
-<div2 type="chapter" n="11">
-<p>ἡ χερσαία γαλῆ ὅτι ἦν ἄνθρωπος ἤκουσα· καὶ 
-ὅτι τοῦτο ἐκαλεῖτο, καὶ ὅτι ἦν γόης καὶ φαρμακίς,
-καὶ ὅτι δεινῶς ἀκόλαστος ἦν καὶ ἀφροδίτην παράνομον 
-ἐνόσει, καὶ ταῦτα ἐς ἀκοὴν τὴν ἐμὴν ἀφίκετο·
-καὶ ὡς ἐς τοῦτο τὸ ζῷον τὸ κακὸν ἔτρεψεν αὐτὴν
-Ἑκάτης τῆς θεοῦ μῆνις οὐδὲ τοῦτό με λέληθεν. ἡ
-μὲν οὖν θεὸς ἵλεως ἔστω· μύθους δὲ ἐῶ καὶ
-μυθολογίαν ἄλλοις. ὅτι δέ ἐστι θηρίον ἐπιβουλότατον, 
-καὶ νεκροῖς ἀνθρώποις ἐπιτίθενται γαλαῖ, καὶ
-μὴ φυλαττομένοις ἐπιπηδῶσι, καὶ συλῶσι τοὺς ὀφθαλμοὺς
-καὶ ἐκροφοῦσι, δῆλόν ἐστι. φασὶ δὲ καὶ ὄρχεις
-γαλῆς γυναικὶ κατʼ ἐπιβουλὴν ἢ ἑκούσῃ περιαφθέντας
-ἐπίσχειν τοῦ ἔτι μητέρα γίνεσθαι, καὶ ἀναστέλλειν 
-μίξεως. σπλάγχνα δὲ γαλῆς σκευασίαν τινὰ προσλαβόντα,
-ἣν ἴστωσαν οἱ σοφοὶ ταῦτα, καὶ ἐς οἶνον
-ἐμβληθέντα κατʼ ἐπιβουλήν, φιλίαν ὡς λόγος διίστησι,
-καὶ ἡνωμένην τέως εὔνοιαν διακόπτει. καὶ ὑπὲρ μὲν
-τούτων τοὺς γόητάς τε καὶ φαρμακέας Ἄρει φίλῳ 
-κολάζειν καὶ δικαιοῦν καταλείπωμεν. εἴη δʼ ἂν καὶ
-ἰχθὺς γαλῆ, σμικρὸς οὗτος, καὶ οὐδέν τι κοινὸν πρὸς
-<pb id="p.376"/>
-τοὺς καλουμένους γαλεοὺς ἔχων. οἱ μὲν γάρ εἰσι σελάχη
-καὶ πελάγιοι, καὶ ἐς μέγεθος προήκοντες εἶτα μέντοι
-κυνὶ ἐοίκασιν· ἡ γαλῆ δέ, φαίης ἂν αὐτὴν εἶναι τὸν
-καλούμενον ἥπατον. ἰχθὺς δὲ ἔστιν αὕτη βραχύς, καὶ
-τὼ ὀφθαλμὼ ἐπιμέμυκε· κόρας δὲ ἔχει κυανοῦ χρόᾳ
-προσεικασμένας. καὶ τὸ μὲν γένειον ἔχει τοῦ ἡπάτου
-μεῖζον, ἡττᾶται δὲ αὖ πάλιν τοῦ χρέμητος κατά γε
-τοῦτο. πετραίαν δὲ οὖσαν τὴν γαλῆν καὶ νεμομένην
-φυκία ἀκούω πάντων σωμάτων οἷς ἂν νεκροῖς ἐντύχῃ
-τοὺς ὀφθαλμοὺς καὶ ταύτην ὡς τὴν χερσαίαν ἐσθίειν.
-χρῶνται δὲ αὐτῇ ἐς τὰ ὅμοια ἁλιεῖς ὅσοι κατὰ τοὺς
-Ἠπειρώτας φαρμακεύουσι πονηροὶ καὶ οὗτοι σοφισταὶ
-κακῶν. ἐπεὶ δὲ ὠμοβόρον ἐστὶ τὸ τῶν ἰχθύων τῶνδε
-φῦλον, πᾶν τὸ ταῖς ὑδροθηρίαις γένος συμβιοῦν
-καὶ τὰς ὑποδύσεις τὰς κατωτάτω μετιὸν μελαίνουσι
-τὰς ἑαυτῶν βάσεις καὶ τὰ κοῖλα τῶν χειρῶν, ἀφανίζειν
-πειρώμενοι τὴν ἐξ αὐτῶν αὐγήν· τὰ γάρ τοι τῶν
-ἀνθρώπων μέλη, ὡς ὅτι μάλιστα ἐκλάμποντα ἐν τῷ
-ὕδατι, ἐφολκὰ τῶν ἰχθύων τούτων ἐστίν.
-</p>
-</div2>
-<div2 type="chapter" n="12">
-<p> χῆμαι δὲ θαλάττιαι ζῷόν εἰσι καὶ αὗται διάφορον·
-αἳ μὲν γὰρ αὐτῶν τραχεῖαι πεφύκασιν, αἳ δὲ
-λεῖαι πάνυ· καὶ τὰς μὲν τοῖς δακτύλοις πιέσας συνθλάσεις,
-τὰς δὲ συντρίψεις λίθῳ· καὶ αἳ μὲν αὐτῶν
-μελάνταται τὴν χρόαν εἰσίν, αἳ δέ, ἀργύρῳ φαίης ἂν
-αὐτὰς προσεοικέναι, αἳ δὲ ἀνακραθείσας περίκεινται
-τὰς χρόας τὰς προειρημένας. γένη δὲ αὐτῶν διάφορα
-καὶ εὐναὶ πάνυ ποικίλαι· αἳ μὲν γὰρ ἐν ταῖς ψάμμοις
-κεῖνται διεσπαρμέναι ταῖς τῶν αἰγιαλῶν, διαναπαύονταί
-τε κατὰ τῆς ἰλύος, αἳ δὲ ὑπόκεινται τῷ
-βρύῳ, αἳ δὲ εἰλημμέναι τῶν σπιλάδων εἶτα αὐταῖς
-προσέχονται μάλα ἐγκρατῶς. ἐν δὲ τῇ καλουμένῃ
-Ἰστριάδι θαλάττῃ αἵδε αἰ χῆμαι κατὰ τὴν ὥραν τὴν
-<pb id="p.377"/>
-θέρειον, ὑπαρχομένου τοῦ ἀμήτου, δίκην ἀγέλης
-ἀλλήλαις συμφέρονται, καὶ ἀναπλέουσι κούφως,
-τά γε πρῶτα βαρεῖαί τε καὶ ἐπαχθεῖς οὖσαι
-καὶ οὐκ ἀναπλεύσασαι, ἀλλὰ τηνικάδε οὐκέτι τοιαῦται.
-ἀποδιδράσκουσι δὲ τὸν νότον, καὶ φεύγουσι τὸν 
-βορρᾶν, καὶ οὐδὲ τὸν εὖρον ἀνέχονται. χαίρουσι δὲ
-ἀκύμονι θαλάττῃ, καὶ ζεφύρου καταπνεούσαις αὔραις
-ἡδείαις τε καὶ μαλακαῖς. ὑπὸ ταύταις οὖν τοὺς ἑαυτῶν
-εἰλυοὺς ἐκλιποῦσαι, μεμυκυῖαί τε καὶ κατάκλειστοι
-ἔτι, ἀνίασιν ἐκ τῶν μυχῶν, καὶ ἀκύμονος οὔσης 
-τῆς θαλάττης νέουσι· καὶ τότε ἀνοίξασαι τὰς ἑαυτῶν
-στέγας ἐκκύπτουσιν, ὡς ἐκ τῶν ἰδίων θαλάμων αἱ
-νύμφαι ἢ τὰ ῥόδα πρὸς τὴν εἵλην ὑπαλεανθέντα καὶ
-ἐκκύψαντα τῶν καλύκων. οὐκοῦν κατὰ μικρὰ ὑποθαρροῦσαι,
-καὶ μάλα γε ἀσμένως ἡσυχάζουσι καὶ 
-ἀτρεμοῦσι τὸν ἑταῖρον ἄνεμον προσδεχόμεναι, καὶ
-τὸν μὲν ὑπεστόρεσαν χιτῶνα, τὸν δὲ ὤρθωσαν, καὶ
-πλέουσι τῷ μὲν ἱστίῳ αἱ χῆμαι, τῷ δὲ σκάφει χρώμεναι.
-καὶ προΐασι μὲν τὸν τρόπον τοῦτον, ἡσυχίας
-οὔσης καὶ εὐδίας ʽοὐδὲν φαίης ἂν μακρόθεν ἰδὼν ἢ 
-νηΐτην στόλον εἶναἰ· ἐὰν δὲ αἴσθωνται νεὼς ἐπίπλουν
-ἢ ἔφοδον θηρίου ἢ νῆξιν ἰχθύος ἁδροῦ, ἑαυτὰς
-ὑφʼ ἑνὶ κρότῳ τῶν ὀστράκων πτύξασαι, κατώλισθόν
-τε ἀθρόαι καὶ ἠφανίσθησαν.
-</p>
-</div2>
-<div2 type="chapter" n="13">
-<p>ὁ δὲ αἱμόρρους ʽεἴη δʼ ἂν γένος ἔχεως οὗτοσʼ 
-μάλιστα ἐν τοῖς πετρώδεσι χηραμοῖς ἤθη τε ἔχει καὶ
-διατριβάς. μῆκός τε σώματος εἴληχε πόδα, πλάτος δὲ
-ἐξ εὐρείας τῆς κεφαλῆς μείουρος κάτεισιν ἔστε ἐπὶ
-τὴν οὐράν· καὶ πῇ μὲν φλογώδης ἰδεῖν ἐστι, πῇ δὲ
-δεινῶς μέλας· φρίττει δὲ τὴν κεφαλὴν οἱονεὶ κέρασί 
-τισιν. ἕρπει δὲ ἥσυχος ἐπιθλίβων τὰς τῆς νηδύος
-φολίδας, λοξὸν δὲ οἶμον πρόεισιν. ἠρέμα οὖν ὑπηχεῖ,
-<pb id="p.378"/>
-ὡς καταγνῶναι νωθείαν αὐτοῦ καὶ οὐδένειαν. δακὼν
-δὲ νύγμα ἐργάζεται, καὶ τοῦτό γε ἰδεῖν ἐστι παραχρῆμα
-κυανοῦν, καρδιώττει γε μὴν ὁ πληγεὶς μάλα
-οἴκτιστα, ἐκκρίνει δὲ ἡ γαστὴρ ὀχετούς. νὺξ δὲ ἀφίκετο
-ἡ πρώτη, καὶ αἷμα ἐκρεῖ διά τε ῥινῶν καὶ αὐχένος
-καὶ μέντοι καὶ διʼ ὤτων σὺν ἰῷ χολώδει, οὖρα
-δὲ ἀφίησιν ὕφαιμα ἡ κύστις. εἰ δὲ καὶ ὠτειλαί εἰσί
-τινες παλαιαὶ περὶ τὸ σῶμα, ῥήγνυνται καὶ αὗται.
-εἰ δὲ θῆλυς αἱμόρρους κρούσει τινὶ μεθίησιν ἐκ
-τῶν ὀνύχων ἄκρων, καὶ ἐς τὰ οὖλα ὁ ἰὸς ἀναθεῖ, καὶ
-αἷμα ἐκχεῖται πάμπολυ, καὶ ἐκθλίβονται τῶν οὔλων
-οἱ ὀδόντες. τούτῳ φασὶ τῷ θηρίῳ περιπεσεῖν ἐν
-Αἰγύπτῳ τὸν τοῦ Μενέλεω κυβερνήτην Κάνωβον
-Θώνιδος βασιλεύοντος, καὶ συνεῖσαν τὴν Ἑλένην τοῦ
-δακέτου τὴν ἰσχὺν κατάξαι μὲν αὐτοῦ τὴν ῥάχιν,
-ἐξελεῖν δὲ τὸ φάρμακον. ἐς τίνα δὲ ἄρα χρείαν
-ἔσπευσε λαβεῖν τὸ θησαύρισμα τοῦτο, οὐκ οἶδα.
-</p>
-</div2>
-<div2 type="chapter" n="14">
-<p> κομίζουσι δὲ ἄρα τῷ σφετέρῳ βασιλεῖ οἱ Ἰνδοὶ
-τίγρεις πεπωλευμένους καὶ τιθασοὺς πάνθηρας καὶ
-ὄρυγας τετράκερως, βοῶν δὲ γένη δύο, δρομικούς τε
-καὶ ἄλλους ἀγρίους δεινῶς. ἐκ τούτων γε τῶν βοῶν
-καὶ τὰς μυιοσόβας ποιοῦνται, καὶ τὸ μὲν ἄλλο σῶμα
-παμμέλανές εἰσιν οἵδε, τὰς δὲ οὐρὰς ἔχουσι λευκὰς
-ἰσχυρῶς. καὶ περιστερὰς ὠχρὰς κομίζουσιν, ἅσπερ
-οὖν καὶ λέγουσι μήτε ἡμεροῦσθαι μήτε ποτὲ πραΰνεσθαι,
-καὶ ὄρνιθας δέ, οὓς κερκορώνους φιλοῦσιν ὀνομάζειν,
-καὶ κύνας γενναίους, ὑπὲρ ὧν ἄνω μοι λέλεκται,
-καὶ πιθήκους λευκοὺς καὶ μελαντάτους ἄλλους·
-τοὺς γάρ τοι πυρροὺς ὡς γυναιμανεῖς ἐς τὰς
-πόλεις οὐκ ἄγουσιν, ἀλλὰ καί ποθεν ἐπιπηδήσαντες
-ἀναιροῦσιν, ὡς μοιχοὺς μεμισηκότες.
-</p>
-</div2>
-<div2 type="chapter" n="15">
-<p> Ἰνδῶν δὲ ὁ μέγας βασιλεὺς μιᾶς ἡμέρας ἀνὰ πᾶν
-<pb id="p.379"/>
-ἔτος ἀγωνίας προτίθησι τοῖς τε ἄλλοις ὅσοις εἶπον
-ἑτέρωθι, ἐν δὲ τοῖς καὶ ζῴοις ἀλόγοις, ἀλλὰ ἐκείνοις
-γε ὧν ἐκπέφυκε κέρατα. κυρίττει δὲ ταῦτα ἄλληλα,
-καὶ φύσει τινὶ θαυμαστῇ μέχρι νίκης ἁμιλλᾶται, ὥσπερ
-οὖν ἀθληταὶ ἢ ὑπὲρ ἄθλων μεγίστων ἰσχυριζόμενοι 
-ἢ ὑπὲρ κλέους σεμνοῦ καὶ φήμης τινὸς ἀγαθῆς.
-εἰσὶ δὲ οἱ ἀγωνισταὶ οἵδε οἱ ἄλογοι ταῦροί τε ἄγριοι
-καὶ κριοὶ ἥμεροι καὶ οἱ καλούμενοι μέσοι καὶ ὄνοι
-μονόκερῳ καὶ ὕαιναι. φασὶ δὲ εἶναι τοῦτο τὸ ζῷον
-δορκάδος μὲν ἧττον, ἐλάφου δὲ πολλῷ θρασύτερον καὶ 
-θυμούμενον ἐς κέρας. εἶτα ἐπὶ πᾶσιν οἱ ἐλέφαντες
-ἀγωνισταὶ παρίασιν· προχωροῦσι δὲ οὗτοι καὶ μέχρι
-θανάτου τιτρώσκοντες ἀλλήλους τοῖς κέρασιν, καὶ
-πολλάκις μὲν ὁ ἕτερος κρατεῖ καὶ ἀποκτείνει τὸν ἀντίπαλον,
-πολλάκις δὲ καὶ συναποθνήσκουσιν. 
-</p>
-</div2>
-<div2 type="chapter" n="16">
-<p>Θεόφραστος οὔ φησι τοῦ ἔχεως τὰ βρέφη διεσθίειν 
-τῆς μητρὸς τὴν γαστέρα, ὥσπερ οὖν θυροκοποῦντα,
-ἵνα τι καὶ παίσω, καὶ ἐξαράττοντα πεφραγμένην
-ἔξοδον, ἀλλὰ τοῦ θήλεος θλιβομένου καὶ τῆς γαστρός
-οἱ στεινομένης ʽὉμηρείως δὲ εἶπονʼ, τὴν δὲ οὐκ 
-ἀντέχειν ἀλλὰ διαρρήγνυσθαι. καί με πείθει λέγων,
-ἐπεί τοι καὶ θαλάττιαι βελόναι ἄκολποί τε οὖσαι καὶ
-λεπταὶ ὅτι τὰ αὐτὰ πάσχουσιν ὑπὸ τῶν σφετέρων
-βρεφῶν καὶ ἐκεῖναι ἄνω που τῶν λόγων εἶπον. Ἡρόδοτον
-δὲ ἀξιῶ μή μοι μηνίειν, εἰ μύθοις ἐγγράφω 
-ὅσα ὑπὲρ τῆς τῶν ἔχεων ὠδῖνος ᾅδει.
-</p>
-</div2>
-<div2 type="chapter" n="17">
-<p>φυσικὴ δὲ ἄρα ἦν τις κοινωνία καὶ συγγένεια 
-λέοντι καὶ δελφῖνι ἀπόρρητος· οὐ γὰρ ὅτι βασιλεύουσιν
-ὃ μὲν τῶν χερσαίων ὃ δὲ τῶν ἐναλίων, τοῦτο
-ἀπόχρη, ἀλλὰ γάρ τοι κἂν τήκωνται προϊόντες ἐς 
-γῆρας, ὃ μὲν τὸν χερσαῖον πίθηκον ἔχει φάρμακον,
-ὃ δὲ ἀναζητεῖ τὸν συμφυῆ. ὡς γάρ ἐστι καὶ ἐν θαλάττῃ
-<pb id="p.380"/>
-πίθηκος, εἶπόν που· καὶ ἔστι καὶ τῷδε οὗτος
-ἀγαθόν, ὡς ἐκείνῳ ἐκεῖνος.
-</p>
-</div2>
-<div2 type="chapter" n="18">
-<p> ἔστι δὲ ἄρα ἐν τοῖς ἀδιηγήτοις καὶ ἀριθμοῦ περιττοτέροις
-καὶ σηπεδών, κακὸν ἑρπετόν· ὁμόχρουν
-τε εἶναι τῷ αἱμόρρῳ καὶ τήνδε φησὶ Νίκανδρος καὶ
-ἀδελφὴν κατὰ σχῆμα. καὶ τοῦτο ἐκεῖνος λέγει· ὠκυτέρα
-τε εἶναι δοκεῖ, παρίστησι δὲ καί τινα σμικρότητος
-φαντασίαν· γυρὸν γὰρ καὶ ἑλικτὸν πρόεισι τὸν
-οἶμον, καὶ μάλιστα ἐν τούτῳ διαψεύδεται τοὺς ὁρῶντας
-ὅση τὸ μέγεθός ἐστιν. δεινὸν δὲ ἄρα τὸ ἐξ αὐτῆς
-τραῦμα· πρόεισι γοῦν καὶ ὑποσήπει, καὶ τήν γε θῆρα
-τὴν προειρημένην ἀποδείκνυσι φερώνυμον. ὁ γοῦν
-ἰὸς ἐπὶ πᾶν ὠθεῖται τὸ σῶμα τάχει ἀμάχῳ, καὶ μέντοι
-καὶ ἡ θρὶξ καὶ ἐκείνη μυδῶσα ἀφανίζεται, λείβονται
-δὲ αἱ ὀφρῦς καὶ αἱ βλεφαρίδες, καὶ τοὺς
-ὀφθαλμοὺς ἀχλὺς κατέχει, καὶ ἔφηλοι γίνονται.
-</p>
-</div2>
-<div2 type="chapter" n="19">
-<p> χερσαία χελώνη ζῷον λαγνίστατον, ἀλλὰ ὅ γε
-ἄρρην· ὁμιλεῖ δὲ ἡ θήλεια ἄκουσα. καὶ λέγει Δημόστρατος,
-ἀνήρ, ὡς λέγω καὶ τοῦτο, τῶν ἐκ τῆς Ῥωμαίων
-</p>
-</div2>
-<div2 type="chapter" n="20">
-<p> βουλῆς γενόμενος ʽκαὶ οὔ τί που διὰ τοῦτο
-ἤδη τεκμηριῶσαι ἱκανός, δοκεῖ δέ μοι ἐπιστήμης τῆς
-ἁλιευτικῆς ἐς ἄκρον ἐλάσαι καὶ ὅσα ἔγνω εἰπεῖν κάλλιστα·
-εἰ δέ τί οἱ καὶ ἄλλο ἐσπούδασται τοῦδε σοβαρώτερον,
-καὶ σοφίας τῆς περὶ τὴν ψυχὴν προσέψαυσεν,
-οὐκ ἂν θαυμάσαιμἰ λέγει δὲ ὅδε ὁ ἀνήρ, ὑπὲρ
-ὅτου μὲν ἑτέρου τὴν ὁμιλίαν ἀναίνεται ἡ θήλεια οὐκ
-ἔχειν σαφῶς εἰδέναι, τεκμαίρεσθαι δὲ ἐκεῖνό φησιν.
-ἡ θήλεια οὐκ ἄλλως ὁμιλεῖ ἢ πρὸς τὸν ἄρρενα ὁρῶσα·
-καὶ ὁ μὲν ἐξέπλησε τὴν ἐπιθυμίαν κᾆτα ἀπηλλάγη,
-ἣ δὲ ἑαυτὴν ἐπιστρέψαι ἡκίστη ἐστὶ τῷ τε ὄγκῳ τοῦ
-χελωνίου καὶ ἐρεισθεῖσα ἐς τὴν γῆν. δεῖπνον οὖν
-ἕτοιμον ὑπὸ τοῦ γαμέτου καταλέλειπται τοῖς τε ἄλλοις
-<pb id="p.381"/>
-ζῴοις καὶ οὖν καὶ τοῖς ἀετοῖς. αἱ μὲν οὖν ταῦτα
-ὀρρωδοῦσιν, ὡς ἐκεῖνος λέγει, οἵ γε μὴν ἄρρενες
-σωφρονούσας αὐτὰς καὶ τιθεμένας πρὸ τοῦ ἡδέος τὸ
-σωτήριον οὐκ ἔχουσιν ἀναπεῖσαι. οἳ δὲ φύσει τινὶ
-ἀπορρήτῳ ἴυγγα προσείουσιν ἐρωτικὴν καὶ δέους 
-ἐπίληθον ἅπαντος. ἦσαν δὲ ἄρα ἐρωτικῶς ἐχούσης
-χελώνης ἴυγγες οὐκ ᾠδαὶ μὰ Δία, ὁποίας Θεόκριτος
-ὁ τῶν νομευτικῶν παιγνίων συνθέτης ληρεῖ, ἀλλʼ
-ἀπόρρητος πόα, ἧσπερ οὖν οὔτε ἐκεῖνος ὄνομα εἰδέναι
-φησίν, οὔτε ἄλλον ἐγνωκέναι ὁμολογεῖ· ἐοίκασι δὲ 
-τῇ πόᾳ καλλωπίζεσθαι καί τινας ἀπορρήτους παλιώρας.
-εἰ γοῦν ἐκείνην διὰ στόματος ἔχοιεν, τὰ
-ἔμπαλιν γίνεται τῶν προειρημένων· θρύπτεται μὲν
-γὰρ ὁ ἄρρην, μεταθεῖ δὲ ἡ θήλεια ἡ τέως φεύγουσα
-νῦν φλεγομένη, καὶ ἐξοιστρᾶται καὶ ἱμείρει τῆς 
-συνόδου· δέος δὲ ἐκείναις φροῦδόν ἐστι, καὶ ὑπὲρ
-ἑαυτῶν ὀρρωδοῦσιν ἥκιστα.
-Θεσσαλονίκῃ τῇ Μακεδονίτιδι χῶρός ἐστι γειτνιῶν 
-καὶ καλεῖται Νίβας. οὐκοῦν οἱ ἐνταῦθα ἀλεκτρυόνες
-ᾠδῆς τῆς συμφυοῦς ἀμοιροῦσι καὶ σιωπῶσι 
-πάντα πάντη. καὶ διαρρεῖ λόγος παροιμιώδης ἐπὶ
-τῶν ἀδυνάτων, ὃς λέγει ʽτότε ἂν ἔχοιτε τόδε τι, ὅταν Νίβας κοκκύσῃ.ʼ
-</p>
-</div2>
-<div2 type="chapter" n="21">
-<p>ὅτε Ἀλέξανδρος τὰ μὲν ἐδόνει τῆς Ἰνδῶν γῆς 
-τὰ δὲ ᾕρει, πολλοῖς μὲν καὶ ἄλλοις ζῴοις ἐνέτυχεν, 
-ἐν δὲ τοῖς καὶ δράκοντι, ὅνπερ οὖν ἐν ἄντρῳ τινὶ
-νομίζοντες ἱερὸν Ἰνδοὶ μετὰ πολλοῦ τοῦ θειασμοῦ
-προσετρέποντο. οὐκοῦν παντοῖοι ἐγένοντο οἱ Ἰνδοὶ δεόμενοι
-τοῦ Ἀλεξάνδρου μηδένα ἐπιθέσθαι τῷ ζῴῳ· ὃ
-δὲ κατένευσε. παριούσης οὖν τὸ ἄντρον τῆς στρατιᾶς 
-καὶ κτύπου γενομένου, εἶτα ὁ δράκων ᾔσθετο· ὀξυηκοώτατον
-δὲ ἄρα ζῴων ἐστὶ καὶ ὀξυωπέστατον. συριγμὸν
-<pb id="p.382"/>
-μὲν οὖν ἀφῆκε μέγιστον καὶ φύσημα, ὡς
-ἐκπλῆξαί τε πάντας καὶ ἐκταράξαι. ἐλέγετο δὲ ἄρα
-πήχεων ἑβδομήκοντα εἶναι, ἐφάνη γε μὴν οὐ πᾶς·
-μόνη γὰρ ἐξέκυψε ἡ κεφαλή. καὶ οἵ γε ὀφθαλμοὶ
-ᾅδονται αὐτοῦ τὸ μέγεθος ἔχειν Μακεδονικῆς ἀσπίδος.
-</p>
-</div2>
-<div2 type="chapter" n="22">
-<p> ταῖς κορώναις ἔργον τοὺς ἀετοὺς ἐρεσχελεῖν
-ἐστιν. οἳ δὲ ὑπερφρονοῦσιν αὐτῶν, καὶ ἐκείναις μὲν
-ἀπολείπουσι τὴν κάτω φέρεσθαι πτῆσιν, αὐτοὶ δὲ
-τὸν αἰθέρα ὑψηλότερον ὄντα ὠκίστοις τέμνουσιν πτεροῖς,
-οὐ δήπου δεδιότες ʽπῶς γὰρ ἂν τοῦτο εἴποι τις,
-τὴν τῶν ἀετῶν ἀλκὴν καλῶς ἐπιστάμενος;ʼ ἀλλὰ ἰδίᾳ
-τινὶ μεγαλονοίᾳ ἐῶσιν ἔρρειν ἐκείνας κάτω.
-</p>
-</div2>
-<div2 type="chapter" n="23">
-<p> τὸν ἰχθὺν τὸν πομπίλον οὐ μόνον Ποσειδῶνος
-λέγουσιν ἱερὸν εἶναι, ἀλλὰ καὶ τῶν ἐν Σαμοθρᾴκῃ
-θεῶν φίλον. ἁλιέα γοῦν τινα ἐν τοῖς ἄνω τοῦ χρόνου
-τιμωρίαν ὑποσχεῖν τῷδε τῷ ἰχθύι. καὶ τὸ μὲν ὄνομα
-ἦν ὡς λόγος τοῦ ἁλιέως Ἐπωπεύς, ἦν δὲ ἐξ Ἰκάρου
-τῆς νήσου, καὶ υἱὸς αὐτῷ ἦν. ἀθηρίας οὖν ποτε
-γενομένης ἰχθύων, ἀνήγαγε τὸν βόλον μόνους θηράσαντα
-πομπίλους, οὕσπερ οὖν καὶ δεῖπνον σὺν τῷ
-παιδὶ ὁ Ἐπωπεὺς ἔθετο. οὐκ ἐς μακρὰν δὲ δίκη
-τιμωρὸς μετῆλθεν αὐτόν· τῇ γὰρ ἁλιάδι αὐτοῦ κῆτος
-ἐπελθὸν ἐν ὄψει τοῦ παιδὸς τὸν Ἐπωπέα κατέπιε.
-λέγουσι δὲ καὶ τοὺς δελφῖνας πολεμίους τῷ πομπίλῳ
-εἶναι, οὐ μὴν οὐδὲ ἐκείνους καλῶς ἀπαλλάττειν ὅταν
-αὐτοῦ γεύσωνται· σφαδάζουσι γὰρ παραχρῆμα καὶ
-ἐκμαίνονται, καὶ ἀτρεμεῖν ἀδυνατοῦντες ἐπὶ τοὺς
-αἰγιαλοὺς ἐκφέρονται, καὶ ἅπαξ ἐκβρασθέντες ὑπὸ
-τοῦ κύματος κορώναις τε εἰναλίαις καὶ λάροις
-δεῖπνόν εἰσιν. λέγει δὲ Ἀπολλώνιος ὁ Ῥόδιος ἢ Ναυκρατίτης
-ὅτι καὶ ἄνθρωπός ποτε οὗτος ἦν, καὶ ἐπόρθμευεν.
-ὁ δὲ Ἀπόλλων ἠράσθη κόρης, καὶ ἐπειρᾶτο
-<pb id="p.383"/>
-αὐτῇ ὁμιλῆσαι· ἣ δὲ ἀποδιδράσκουσα ἦλθεν ἐς Μίλητον
-καὶ ἐδεήθη Πομπίλου τινὸς θαλαττουργοῦ,
-ἵνα αὐτὴν διαγάγοι τὸν πορθμόν· ὃ δὲ ὑπήκουσεν.
-ἐπιφανεὶς δὲ ὁ Ἀπόλλων τὴν μὲν κόρην ἁρπάζει, τὴν
-δὲ ναῦν λίθον ἐργάζεται, τὸν δὲ Πομπίλον ἐς τὸν 
-ἰχθὺν τοῦτον μετέβαλεν.
-</p>
-</div2>
-<div2 type="chapter" n="24">
-<p>Ἰνδοὶ δὲ ἄρα καὶ περὶ τοὺς βοῦς τοὺς δρομικοὺς 
-τίθενται σπουδήν. καὶ ὑπὲρ τῆς ὠκύτητος τῆς ἐκείνων
-ἁμιλλῶνται βασιλεύς τε αὐτὸς καὶ τῶν ἀρίστων
-πολλοί, καὶ ποιοῦνται ῥήτρας ἐπὶ χρυσίῳ παμπόλλῳ 
-καὶ ἀργυρίῳ, καὶ οὐχ ἡγοῦνται αἰσχρὸν εἶναι ἐρίζεσθαι
-ὑπὲρ τῶνδε τῶν ζῴων, συνωρίζουσι δὲ αὐτοὺς
-ἄρα καὶ ὑπὲρ τῆς νίκης κυβεύουσιν. οἱ μὲν οὖν
-ἵπποι ζύγιοι θέουσιν, οἱ δὲ βοῦς παράσειροι, καὶ
-ἐγχρίμπτει τῇ νύσσῃ ὁ ἕτερος, καὶ δεῖ δραμεῖν σταδίους 
-τριάκοντα. ἴσοι δὲ τοῖς ἵπποις οἱ βόες συνθέουσι,
-καὶ οὐκ ἂν ἀποκρίνειας τὸν ὠκύτερον οὔτε
-βοῦν οὔτε ἵππον. ἐὰν δέ ποτε ὁ βασιλεὺς πρός τινα
-ὑπὲρ τῶν ἑαυτοῦ βοῶν σύνθηται, ἐς τοσαύτην προχωρεῖ
-φιλονεικίαν, ὡς αὐτὸς ἐφʼ ἅρματος ἕπεσθαι, 
-καὶ παρορμᾶν τὸν ἡνίοχον. ὃ δὲ ἄρα τοὺς μὲν ἵππους
-ἐξαιμάττει τῷ κέντρῳ, τῶν δὲ βοῶν τὴν χεῖρα ἀνέχει·
-ἀκέντητοι γὰρ θέουσι. τοσαύτη δέ ἐστι περὶ τὴν
-βοεικὴν ἅμιλλαν ἡ φιλοτιμία, ὡς μὴ μόνους τοὺς
-</p>
-</div2>
-<div2 type="chapter" n="25">
-<p>πλουσίους ὑπὲρ αὐτῶν ἐπὶ πολλῷ φιλονεικεῖν μηδὲ 
-τοὺς δεσπότας ἀλλὰ καὶ τοὺς θεωμένους, οἷα δήπου
-καὶ ὁ Ἰδομενεὺς ὁ Κρὴς καὶ ὁ Λοκρὸς Αἴας παρʼ
-Ὁμήρῳ φιλονεικοῦντε ἀποδείκνυσθον. εἰσὶ δὲ καὶ
-ἕτεροι παρʼ αὐτοῖς βόες, ἰδεῖν κατὰ τοὺς μεγίστους
-τράγους· καὶ αὐτοὶ δὲ καθʼ ἑαυτοὺς ζεύγνυνται, καὶ 
-τρέχουσιν ὤκιστα, καὶ τῶν ἵππων γε τῶν Γετικῶν
-οὐκ εἰσὶ νωθέστεροι.
-<pb id="p.384"/>
-Λόγος ἔχει τοὺς ἵππους τοὺς πίνοντας ἐκ τοῦ
-Κοσσινίτου ποταμοῦ ʽἔστι δὲ οὗτος ἐν Θρᾴκᾐ δεινῶς
-ἐκθηριοῦσθαι· ἐκδίδωσι δὲ ὁ ποταμὸς οὗτος ἐς
-τὴν Ἀβδηριτῶν, καὶ ἀναλίσκεται ἐς τὴν Βιστονικὴν
-λίμνην. ἐνταῦθά τοι καὶ τὰ βασίλεια γενέσθαι ποτὲ
-Διομήδους τοῦ Θρᾳκός, ᾧ καὶ αἱ ἀνήμεροι ἐκεῖναι ἵπποι
-κτῆμα ἦσαν ὁ Ἡράκλειος ἆθλος. τὸ δὲ αὐτό φασι πάσχειν
-καὶ τοὺς ἵππους τοὺς ἐκ τῆς Ποτνιάδος κρήνης
-πίνοντας. αἱ δὲ Ποτνιαὶ τὸ χωρίον, ἔνθα ἡ κρήνη, οὐ
-μακρὰν ἀπὸ Θηβῶν ἐστιν. Ὠρείτας δὲ λέγουσι καὶ
-Γεδρωσίους ἰχθῦς παραβάλλειν τοῖς ἵπποις χόρτον.
-Κελτοὺς δὲ ἀκούω καὶ τοῖς βουσὶ καὶ τοῖς ἵπποις
-ἰχθῦς διδόναι δεῖπνον. ἐνταῦθά τοι λέγουσι καὶ τοὺς
-ἵππους τὴν ἀποπνοὴν τὴν ἐκ τῶν ἀνθρώπων φεύγοντας
-ἐς τὰ νοτιώτερα τῆς Εὐρώπης φέρεσθαι, μάλιστα
-ὅταν οἱ νότοι καταπνέωσι. καὶ Μακεδόνας δὲ καὶ
-Λυδοὺς ὁμολογοῦσί τινες καὶ αὐτοὺς ἰχθύσι τοὺς
-ἑαυτῶν ἵππους τρέφειν, καὶ τὰ πρόβατα δὲ τὰ Λύδια
-καὶ τὰ Μακεδονικὰ ἐκ τῶν αὐτῶν πιαίνεσθαι λέγουσιν.
-ἐν Μυσοῖς δὲ τῶν θηλειῶν ἵππων ἀναβαινομένων
-ἐπηύλουν τινές, οἷον ὑμέναιόν τινα τοῦτον τοῖς
-τῶν ἵππων γάμοις ἐπᾴδοντες· τάς τε ἵππους ὑπὸ
-τοῦ μέλους θελγομένας τάχιστα ἐγκύμονας γίνεσθαι,
-καὶ οὖν καὶ καλοὺς τοὺς πώλους ἀποτίκτειν. καὶ
-ἐκεῖνο δὲ περὶ ἵππων ἤκουσα. τοὺς πρεσβυτέρους
-ἤδη φασὶ καὶ προήκοντας τὴν ἡλικίαν ἀσθενῆ γεννᾶν
-τὰ ἐξ αὐτῶν ἔκγονα· τά τε γὰρ ἄλλα καὶ τοὺς
-πόδας ἀγεννεῖς ἔχειν. βίον δὲ ἵππων ἀριθμοῦσιν ἐς
-τοσάδε ἔτη· τῶν μὲν ἀρρένων ἐς πέντε καὶ τριάκοντα,
-Ἀριστοτέλης δʼ ὁ Νικομάχου λέγει πέντε καὶ ἑβδομήκοντα
-ἔτη διαβιῶναι ἵππον.
-</p>
-</div2>
-<div2 type="chapter" n="26">
-<p> ἐκ Σούσων τῶν Περσικῶν ἐς Μηδίαν ἀπιόντι
-<pb id="p.385"/>
-ἐν τῷ δευτέρῳ σταθμῷ πάμπολύ τι λέγεται σκορπίων
-πλῆθος γίνεσθαι, ὥστε τὸν τῶν Περσῶν βασιλέα,
-ὁπότε διίοι, πρὸ τριῶν ἡμερῶν προστάττειν πᾶσι θηρεύειν
-αὐτούς, καὶ τῷ πλείστους θηράσαντι δῶρα
-διδόναι. εἰ γὰρ τοῦτο μὴ γένοιτο, ὁ χῶρος ἄβατός 
-ἐστιν· ὑπὸ παντὶ γὰρ λίθῳ καὶ βώλῳ πάσῃ σκορπίος
-ἐστί. λέγουσι δὲ καὶ ὑπὸ σκολοπενδρῶν ἐξαναστῆναι
-Ῥοιτιεῖς· τοσοῦτο πλῆθος αὐτοῖς ἐπεφοίτησε
-τούτων. φασὶ δὲ καὶ ἐν Κυρήνῃ μυῶν διάφορα
-γίνεσθαι γένη οὐ μόνον ταῖς χρόαις, ἀλλὰ καὶ ταῖς 
-μορφαῖς· ἐνίους γὰρ αὐτῶν πλατυπροσώπους εἶναι
-καθάπερ τὰς γαλᾶς, καὶ αὖ πάλιν ἄλλους ἐχινώδεις,
-οὕσπερ οὖν καὶ οἱ ἐπιχώριοι καλοῦσι ἐχινέας. ἐν
-Αἰγύπτῳ δὲ ἀκούω δίποδας εἶναι μῦς, καὶ μεγίστους.
-μεγέθει φύεσθαι, τοῖς γε μὴν ἐμπροσθίοις ποσὶν ὡς 
-χερσὶ χρῆσθαι· εἶναι γὰρ αὐτοὺς τῶν ὄπισθεν βραχυτέρους.
-βαδίζουσι δὲ ὀρθοὶ ἐπὶ τοῖν δυοῖν ποδοῖν·
-ὅταν δὲ διώκωνται, πηδῶσι. Θεόφραστος λέγει ταῦτα.
-</p>
-</div2>
-<div2 type="chapter" n="27">
-<p>λέγει τις λόγος τοὺς ὄρνιθας τοὺς ἀτταγᾶς μετακομισθέντας 
-ἐς Αἴγυπτον ἐκ Λυδίας καὶ ἀφεθέντας
-ἐς τὰς ὕλας τὰ μὲν πρῶτα ὄρτυγος φωνὴν ἀφιέναι·
-χρόνῳ δὲ ὕστερον τοῦ ποταμοῦ κοίλου ῥυέντος
-λιμὸς ἐγένετο, καὶ πολλοὶ τῶν κατὰ τὴν χώραν ἀπώλλυντο.
-οὐ διέλιπον οὖν οἱ ὄρνιθες οὗτοι πολλῷ 
-σαφέστερον καὶ ἐναρθρότερον παιδίου φθέγμα ἀφιέντες
-καὶ λέγοντες ʽτρὶς τοῖς κακοῖς τὰ κακά.ʼ λέγει
-δὲ ὁ αὐτὸς λόγος ὅτι συλληφθέντες καὶ ἀγρευθέντες
-οὐ μόνον οὐ τιθασεύονται, ἀλλὰ οὐδὲ φωνὴν ἔτι
-ἀφιᾶσιν ἣν πρότερον ἠφίεσαν· ἡ δουλεία γὰρ αὐτῶν 
-καταψηφίζεται σιωπήν. ἐὰν δὲ ἀφεθῶσι καὶ ἐλεύθερον
-ἁπλώσωσι τὸ πτερόν, καὶ ἐς ἤθη τὰ ἑαυτῶν
-<pb id="p.386"/>
-ἀφίκωνται πάλιν γίνονται ἔμφωνοι, ὁμοῦ καὶ τὸ
-φθέγμα καὶ τὴν παρρησίαν ἀναλαβόντες.
-</p>
-</div2>
-<div2 type="chapter" n="28">
-<p> λέγουσι δὲ καὶ τοὺς σκῶπας ʽὧν καὶ Ὅμηρος ἐν
-Ὀδυσσείᾳ μέμνηται λέγων πολλοὺς αὐτοὺς περὶ τὸ
-ἄντρον τὸ τῆς Καλυψοῦς εὐνάζεσθαἰ καὶ ἐκείνους
-ἁλίσκεσθαι ὀρχήσει. ἄνδρες δὲ ὀρχηστικοί φασι καὶ
-ὀρχήσεως εἶδός τι ἐξ αὐτῶν κεκλῆσθαι, καὶ εἴ γε αὐτοῖς
-χρὴ πιστεύειν, ἡ ὄρχησις αὕτη σκὼψ κέκληται.
-καὶ τὸ μιμεῖσθαι δέ τινα ἐπὶ τὸ γελοιότερον καὶ διαπαίζειν
-ἥδιστον δοκεῖ τοῖσδε τοῖς ὄρνισιν· ἔνθεν τοι
-καὶ ἐτράπη ὁ λόγος, καὶ ἡμεῖς τὸ σκώπτειν οὕτω
-καλοῦμεν. λέγεται δὲ ὁ σκὼψ οὗτος μικρότερος εἶναι
-γλαυκὸς καὶ τὴν χρόαν ἔχειν μολίβῳ προσεοικυῖαν τῷ
-βαθυτάτῳ, ἔχειν δὲ τὰ πτερὰ αὐτοῦ φασι στίγματα
-ὑπόλευκα. ἀναφαίνει τε δύο ἀπὸ τῶν ὀφρύων παρʼ
-ἑκάτερον τὸν κρόταφον πτερά. Καλλίμαχος δὲ δύο
-φησὶν εἶναι γένη σκωπῶν, καὶ τοὺς μὲν φθέγγεσθαι,
-τοὺς δὲ συγκεκληρῶσθαι σιωπῇ· καὶ τοὺς μὲν αὐτῶν
-λέγεσθαι σκῶπας, τοὺς δὲ ἀείσκωπας. λέγει δὲ Ἀριστοτέλης
-τοὺς παρʼ Ὁμήρῳ διὰ τοῦ σίγμα μὴ λέγεσθαι,
-ἀλλὰ ἁπλῶς ὀνομάζεσθαι κῶπας. τοὺς οὖν
-τιθέντας τὸ σίγμα ἁμαρτάνειν τῆς κατὰ τὸ ὄνομα ἀληθείας
-καὶ τῆς Ὁμήρου περὶ τὸν ὄρνιν κρίσεώς τε καὶ
-γνώσεως. καὶ ταῖς μὲν ἄλλαις ὥραις τοῦ ἔτους μὴ ἐσθίεσθαι
-αὐτούς, ἐν δὲ τῷ μετοπώρῳ δύο ἡμέραις ἢ μιᾷ
-τοὺς θηρωμένους, ἀλλὰ τούτους γε ἐδωδίμους εἶναι.
-τῶν δὲ ἀεισκώπων διαφέρουσιν οἱ σκῶπες τῷ πάχει,
-παραπλήσιοι δέ εἰσι τὴν ἰδέαν τρυγόνι τε καὶ φάττῃ.
-</p>
-</div2>
-<div2 type="chapter" n="29">
-<p> ἀλλὰ τό γε τῶν Πυγμαίων ἔθνος ἀκούω καὶ
-</p>
-</div2>
-<div2 type="chapter" n="30">
-<p> ἐκεῖνο καθʼ ἑαυτὸ βασιλεύεσθαι, καὶ οὖν καὶ γενέσθαι
-παρʼ αὐτοῖς ἐκλείποντος ἄρρενος βασιλέως βασιλίδα
-τινὰ καὶ κρατῆσαι τῶν Πυγμαίων, Γεράναν ὄνομα,
-<pb id="p.387"/>
-ἥνπερ οὖν ἐκθεοῦντες οἱ Πυγμαῖοι σεμνοτέραις ἢ
-κατʼ ἄνθρωπον ἐτίμων τιμαῖς. ἐκ τούτων οὖν ἐκείνη
-φασὶ τὴν διάνοιαν ἐξηνεμώθη, καὶ τὰς θεὰς
-παρʼ οὐδὲν ἐτίθετο. μάλιστα δὲ τὴν Ἥραν καὶ τὴν
-Ἀθηνᾶν καὶ τὴν Ἄρτεμιν καὶ τὴν Ἀφροδίτην οὐδὲ 
-ἴκταρ ἔλεγε βάλλειν πρὸς τὸ αὐτῆς κάλλος. οὔκουν
-ἔμελλεν ἁμαρτήσεσθαι κακοῦ νοσοῦσα τοιαῦτα· κατὰ
-γὰρ τὸν τῆς Ἥρας χόλον ἐς ὄρνιν αἰσχίστην τὸ εἶδος
-τὸ ἐξ ἀρχῆς ἤμειψε, καὶ ἔστιν ἡ νῦν γέρανος, καὶ
-πολεμεῖ τοῖς Πυγμαίοις, ὅτι αὐτὴν ἐξέμηναν τῇ πέρα 
-τιμῇ καὶ ἀπώλεσαν.</p>
-</div2>
-</div1>
-<div1 type="book" n="16">
-<div2 type="chapter" n="1">
-<p>
-ἀνὴρ πορφυρεὺς ὅταν θηράσῃ πορφύραν, οὐκ 
-ἐς ἀνθρώπων τροφήν, ἀλλʼ ἐς ἐρίων βαφήν, εἰ μέλλοι
-μένειν ἡ ἐκ τοῦ ζῴου χρόα δευσοποιὸς καὶ δυσέκνιπτος
-καὶ οἵα τὴν βαφὴν ἐργάσασθαι γνησίαν ἀλλʼ 
-οὐ δεδολωμένην, μιᾷ λίθου καταφορᾷ διαφθείρει
-τὴν πορφύραν αὐτοῖς ὀστράκοις. ἐὰν δὲ κουφοτέρα
-ἡ πληγὴ γένηται, καταλειφθῇ δὲ τὸ ζῷον ἔτι ἔμπνουν,
-ἀχρεῖός ἐστιν ἐς τὴν βαφὴν ἡ δεύτερον βληθεῖσα τῷ
-λίθῳ πορφύρα· ὑπὸ γὰρ τῆς ὀδύνης ἐξανάλωσε τὴν 
-βαφὴν ἀναποθεῖσαν ἐς τὸν τῆς σαρκὸς ὄγκον ἢ ἄλλως
-ἐκρυεῖσαν. τοῦτό τοι καὶ Ὅμηρος οἶδέ φασι, καὶ τοὺς
-ἀποθνήσκοντας ἀθρόως τῷ τῆς πορφύρας θανάτῳ
-καταλαμβάνεσθαί φησι, τὸ ᾀδόμενον ἐν τοῖς ἑαυτοῦ
-μέτροις ἀναμέλπων ἐκεῖνος 
-<quote rend="blockquote">
-<lb/>ἔλλαβε πορφύρεος θάνατος καὶ μοῖρα κραταιή.
-</quote>
-<pb id="p.388"/>
-</p>
-</div2>
-<div2 type="chapter" n="2">
-<p> ἐν Ἰνδοῖς μανθάνω σιττακοὺς ὄρνεις γίνεσθαι,
-ὧνπερ οὖν καὶ ἀνωτέρω μνήμην ἐποιησάμην· ἃ δὲ
-πρότερον ὑπὲρ αὐτῶν οὐκ εἶπον, ταῦτά μοι λεχθῆναι
-νῦν δοκεῖ πρεπωδέστατα. γένη τρία αὐτῶν ἀκούω·
-οἱ πάντες δὲ οὗτοι μαθόντες ὡς παῖδες, οὕτως καὶ
-αὐτοὶ γίνονται λάλοι καὶ φθέγγονται φθέγμα ἀνθρωπικόν.
-ἐν δὲ ταῖς ὕλαις ὀρνίθων μὲν ἀφιᾶσιν
-ἦχον, φωνὴν δὲ εὔσημόν τε καὶ εὔστομον
-οὐ προΐενται, ἀλλʼ εἰσὶν ἀμαθεῖς καὶ οὔπω λάλοι.
-γίνονται δὲ καὶ ταῶς ἐν Ἰνδοῖς τῶν πανταχόθεν
-μέγιστοι, καὶ πελειάδες χλωρόπτιλοι· φαίη τις ἂν
-πρῶτον θεασάμενος καὶ οὐκ ἔχων ἐπιστήμην ὀρνιθογνώμονα,
-σιττακὸν εἶναι καὶ οὐ πελειάδα. χείλη
-δὲ ἔχουσι καὶ σκέλη τοῖς ἐν Ἕλλησι πέρδιξι τὴν χρόαν
-προσεοικότα. ἀλεκτρυόνες δὲ γίνονται μεγέθει μέγιστοι,
-καὶ ἔχουσι λόφον οὐκ ἐρυθρὸν κατά γε τοὺς
-ἡμεδαπούς, ἀλλὰ ποικίλον κατὰ τοὺς ἀνθινοὺς στεφάνους.
-τὰ δὲ πτερὰ τὰ πυγαῖα ἔχουσιν οὐ κυρτὰ
-οὐδὲ ἐς ἕλικα ἐπικαμφθέντα ἀλλὰ πλατέα, καὶ ἐπισύρουσιν
-αὐτά, ὥσπερ οὖν καὶ οἱ ταῶς, ὅταν μὴ
-ὀρθώσωσί τε καὶ ἀναστήσωσιν αὐτά. χρόαν δὲ ἔχει τὰ
-πτερὰ τῶν Ἰνδῶν ἀλεκτρυόνων χρυσωπόν τε καὶ κυαναυγῆ
-κατὰ τὴν σμάραγδον λίθον.
-</p>
-</div2>
-<div2 type="chapter" n="3">
-<p> γίνεται δὲ ἐν Ἰνδοῖς καὶ ἄλλο ὄρνεον, καὶ ἔχει
-τὸ μέγεθος κατὰ τοὺς ψᾶρας, καὶ ἔστι ποικίλον, καὶ
-μουσωθὲν ἀνθρώπου φωνὴν εἶτα μέντοι τῶν σιττακῶν
-ἐστι λαλίστερόν τε καὶ θυμοσοφώτερον. οὐ μὴν
-τὴν ἐξ ἀνθρώπων τροφὴν ἡδέως ὑπομένει, ἀλλὰ ἐλευθερίας
-πόθῳ καὶ παρρησίας τῆς κατὰ τὴν συντροφίαν
-ἐπιθυμίᾳ ἀσπάζεται λιμὸν μᾶλλον ἢ δουλείαν
-μετὰ τρυφῆς. καλοῦσι δὲ αὐτὸ οἱ Μακεδόνων Ἰνδοῖς
-ἐποικήσαντες ἔν τε Βουκεφάλοις πόλει καὶ τῇ περὶ
-<pb id="p.389"/>
-ταύτην καὶ τῇ καλουμένῃ Κύρου πόλει καὶ ταῖς ἄλλαις,
-ἃς ἀνέστησεν Ἀλέξανδρος ὁ Φιλίππου, κερκίωνα·
-ἔσχε δὲ ἄρα τὸ ὄνομα τήνδε τὴν γένεσιν, ἐπειδὴ καὶ
-αὐτὸ διασείει τὸν ὄρρον, ὥσπερ οὖν καὶ οἱ κίγκλοι.
-</p>
-</div2>
-<div2 type="chapter" n="4">
-<p>γίνεσθαι δὲ ἐν Ἰνδοῖς καὶ κήλαν ἀκούω ὄρνιν· 
-καὶ τὸ μέγεθος τριπλασίων ὠτίδος ἐστί, καὶ τὸ στόμα
-ἔχει γενναῖον δεινῶς καὶ μακρὰ τὰ σκέλη· φέρει δὲ
-καὶ πρηγορεῶνα καὶ ἐκεῖνον μέγιστον προσεμφερῆ
-κωρύκῳ, φθέγμα δὲ ἔχει καὶ μάλα ἀπηχές. καὶ τὴν
-μὲν ἄλλην πτίλωσίν ἐστι τεφρός, τὰς δὲ πτέρυγας 
-ἄκρας ὠχρός ἐστιν.
-</p>
-</div2>
-<div2 type="chapter" n="5">
-<p>ἀκούω δὲ ἔγωγε καὶ Ἰνδὸν ἔποπα διπλασίονα 
-τοῦ παρʼ ἡμῖν καὶ ὡραιότερον ἰδεῖν. καὶ Ὅμηρος
-μὲν λέγει βασιλεῖ κεῖσθαι ἄγαλμα Ἕλληνι χαλινὸν
-καὶ κόσμον ἵππου, ὁ δὲ ἔποψ οὗτος Ἰνδῶν βασιλεῖ 
-ἄθυρμά ἐστι, καὶ διὰ χειρῶν αὐτὸν φέρει, καὶ ἥδεται
-αὐτῷ, καὶ συνεχὲς ἐνορᾷ τὴν ἀγλαΐαν τεθηπὼς τοῦ
-ὄρνιθος καὶ τὸ κάλλος τὸ αὐτοφυές. ἐπᾴδουσι δὲ ἄρα
-τῷδε τῷ ὀρνέῳ καὶ μῦθον Βραχμᾶνες, καὶ ὅ γε μῦθος
-ὁ ᾀδόμενος οὗτός ἐστιν. παῖς ἐγένετο Ἰνδῶν βασιλεῖ, 
-καὶ ἀδελφοὺς εἶχεν, οἵπερ οὖν ἀνδρωθέντες ἐκδικώτατοί
-τε γίνονται καὶ λεωργότατοι. καὶ τούτου
-μὲν ὡς νεωτάτου καταφρονοῦσι, τὸν δὲ πατέρα ἐκερτόμουν
-καὶ τὴν μητέρα, τὸ γῆρας αὐτῶν ἐκφαυλίσαντες.
-ἀναίνονται οὗν ἐκεῖνοι τὴν σὺν τούτοις διατριβήν, 
-καὶ ᾤχοντο φεύγοντες ὅ τε παῖς καὶ οἱ γέροντες.
-συντόνου δὲ ἄρα αὐτοὺς πορείας διαδεξαμένης, οἳ
-μὲν ἀπεῖπον καὶ ἀποθνήσκουσιν, ὁ δὲ παῖς οὐκ ὠλιγώρησεν
-αὐτῶν, ἀλλʼ ἔθαψεν αὐτοὺς ἐν ἑαυτῷ, ξίφει
-τὴν κεφαλὴν διατεμών. ἀγασθέντα δὲ τὸν πάντʼ 
-ἐφορῶντα Ἥλιον οἱ αὐτοί φασι τῆς εὐσεβείας τὴν
-ὑπερβολήν, ὄρνιν αὐτὸν ἀποφῆναι, κάλλιστον μὲν
-<pb id="p.390"/>
-ὄψει, μακραίωνα δὲ τὸν βίον· ὑπανέστηκε δέ οἱ καὶ
-λόφος ἐκ τῆς κορυφῆς, οἱονεὶ μνημεῖον τοῦτο τῶν
-πεπραγμένων ὅτε ἔφευγεν. τοιαῦτα ἄττα καὶ Ἀθηναῖοι
-ὑπὲρ τοῦ κορύδου τερατευόμενοι προσεῖχον
-μύθῳ τινί, ᾧπερ οὖν ἀκολουθῆσαί μοι δοκεῖ καὶ
-Ἀριστοφάνης ὁ τῆς κωμῳδίας ποιητὴς ἐν Ὄρνισι λέγων
-<quote rend="blockquote">
-<lb/>ἀμαθὴς γὰρ ἔφυς κοὐ πολυπράγμων, οὐδʼ Αἴσωπον πεπάτηκας,
-<lb/>ὃς ἔφασκε λέγων κορυδὸν πάντων πρώτην ὄρνιθα γενέσθαι,
-<lb/>προτέραν τῆς γῆς, κἄπειτα νόσῳ τὸν πατέρʼ αὐτῆς ἀποθνήσκειν·
-<lb/>γῆν δʼ οὐκ εἶναι, τὸν δὲ προκεῖσθαι πεμπταῖον. τὴν δʼ ἀποροῦσαν
-<lb/>ὑπʼ ἀμηχανίας τὸν πατέρʼ αὐτῆς ἐν τῇ κεφαλῇ κατορύξαι.
-</quote>
-ἔοικεν οὖν ἐξ Ἰνδῶν τὸ μυθολόγημα ἐπʼ ἄλλου μὲν
-ὄρνιθος, ἐπιρρεῦσαι δʼ οὖν καὶ τοῖς Ἕλλησιν. ὠγύγιον
-γάρ τι μῆκος χρόνου λέγουσι Βραχμᾶνες, ἐξ οὗ
-ταῦτα τῷ ἔποπι τῷ Ἰνδῷ ἔτι ἀνθρώπῳ ὄντι καὶ παιδὶ
-τήν γε ἡλικίαν ἐς τοὺς γειναμένους πέπρακται.
-</p>
-</div2>
-<div2 type="chapter" n="6">
-<p> ἐν Ἰνδοῖς γίνεται ζῷον κροκοδείλῳ χερσαίῳ παραπλήσιον
-ἰδεῖν· μέγεθος δὲ αὐτῷ κυνιδίου Μελιταίου
-εἴη ἄν. περίκειται δὲ ἄρα φολίδα τραχεῖαν
-οὕτω καὶ πυκνήν, ὥστε ὅταν δαρῇ ῥίνης αὐτοῖς ἔργα
-παρέχει. διατέμνει δὲ καὶ χαλκόν, καὶ τὸν σίδηρον
-διεσθίει. καλοῦσι δὲ φαττάγην αὐτό.
-</p>
-</div2>
-<div2 type="chapter" n="7">
-<p> Συροπέρδιξ γίνεται περὶ τὴν Ἀντιόχειαν τὴν
-Πισιδίας, καὶ σιτεῖται καὶ λίθους· μικρότερος δέ
-ἐστι τοῦ πέρδικος καὶ μέλας τὴν χρόαν, πυρρὸς δὲ
-<pb id="p.391"/>
-τὸ ῥάμφος. οὐχ ἡμεροῦται δὲ κατὰ τὸν ἄλλον, οὐδὲ
-γίνεται τιθασός, ἀλλʼ ἄγριος ἐς τὸ ἀεὶ διαμένει. ἔστι
-δὲ οὐ μέγας, βρωθῆναί τε ἡδίων τοῦ ἑτέρου, καὶ τὴν
-σάρκα πως δοκεῖ πυκνότερος.
-</p>
-</div2>
-<div2 type="chapter" n="8">
-<p>ἡ δὲ Ἰνδῶν θάλαττα ὕδρους θαλαττίους τίκτει 
-πλατεῖς τὰ οὐράς· τίκτουσι δὲ καὶ λίμναι μεγίστους
-ὕδρους. οἱ δὲ θαλάττιοι ὄφεις οἵδε κάρχαρον ἐοίκασι
-μᾶλλον ἔχειν τὸ δῆγμα ἤπερ οὖν ἰῶδες.
-</p>
-</div2>
-<div2 type="chapter" n="9">
-<p>ἐν Ἰνδοῖς ἵππων τε ἀγρίων καὶ ὄνων τοιούτων 
-</p>
-</div2>
-<div2 type="chapter" n="10">
-<p>εἰσὶν ἀγέλαι. οὐκοῦν ἀναβαινόντων τῶν ὄνων τὰς 
-ἵππους, ὑπομένειν ἐκείνας λέγουσι, καὶ ἥδεσθαι τῇ
-μίξει, καὶ τίκτειν ἡμιόνους πυρροὺς τὴν χρόαν καὶ
-ἄγαν δρομικούς, δυσλόφους δὲ καὶ δυσγαργάλεις ἄλλως.
-ποδάγραις δὲ τούτους αἱροῦσιν, εἶτα ἀνάγεσθαι
-τῷ τῶν Πρασίων βασιλεῖ φασι· καὶ διετεῖς μὲν ἑαλωκότας 
-μὴ ἀναίνεσθαι τὴν πώλευσιν, πρεσβυτέρους
-δὲ μὴ διαφέρειν τῶν καρχάρων θηρίων καὶ σαρκοφάγων μηδὲ ἕν.
-ἐν Πρασίοις δὲ τοῖς Ἰνδικοῖς εἶναι γένος πιθήκων 
-φασὶν ἀνθρωπόνουν, ἰδεῖν δέ εἰσι κατὰ τοὺς 
-Ὑρκανοὺς κύνας τὸ μέγεθος, προκομία τε αὐτῶν ὁρᾶται
-συμφυής· εἴποι δʼ ἂν ὁ μὴ τὸ ἀληθὲς εἰδὼς ἀσκητὰς
-εἶναι αὐτάς. γένειον δὲ αὐτοῖς ὑποπέφυκε σατυρῶδες,
-ἡ δὲ οὐρὰ κατὰ τὴν τῶν λεόντων ἀλκαίαν ἐστί.
-καὶ τὸ μὲν ἄλλο πᾶν σῶμα πεφύκασι λευκοί, τὴν 
-δὲ κεφαλὴν καὶ τὴν οὐρὰν ἄκραν εἰσὶ πυρροί. σώφρονες
-δὲ καὶ φύσει τιθασοί· εἰσὶ δὲ ὑλαῖοι τὴν
-δίαιταν, καὶ σιτοῦνται τῶν ὡραίων τὰ ἄγρια. φοιτῶσι
-δὲ ἀθρόοι ἐς τὰ τῆς Λατάγης προάστεια ʽπόλις
-δέ ἐστιν Ἰνδῶν ἡ Λατάγἠ, καὶ τὴν προτεθειμένην 
-αὐτοῖς ἐκ βασιλέως ἑφθὴν ὄρυζαν σιτοῦνται· ἀνὰ
-πᾶσαν δὲ ἡμέραν ἥδε ἡ δαὶς αὐτοῖς εὐτρεπὴς πρόκειται.
-<pb id="p.392"/>
-ἐμφορηθέντας δὲ ἄρα αὐτοὺς ἀναχωρεῖν αὖθις
-ἐς τὰ ἤθη τὰ ὑλαῖά φασι σὺν κόσμῳ, καὶ σίνεσθαι
-τῶν ἐν ποσὶν οὐδὲ ἕν.
-</p>
-</div2>
-<div2 type="chapter" n="11">
-<p> Ποηφάγον ἐν Ἰνδοῖς ζῷόν ἐστι, καὶ πέφυκέ γε
-διπλάσιον ἵππου τὸ μέγεθος. οὐρὰν δὲ ἔχει δασυτάτην
-καὶ μελαίνης ἀκράτως χρόας, καὶ εἶεν αὗται
-αἱ τρίχες καὶ τῶν ἀνθρωπείων λεπτότεραι ἄν, καὶ ἐν
-μεγάλῳ τίθενται ταύτας ἔχειν Ἰνδῶν αἱ γυναῖκες·
-καὶ γάρ τοι παραπλέκονται ἐξ αὐτῶν καὶ κοσμοῦνται
-μάλα ὡραίως, ταῖς πλοκαμῖσι ταῖς συμφύτοις καὶ
-ταύτας ὑποδέουσαι. προήκει δὲ καὶ ἐς δύο πήχεις
-ἑκάστης τὸ μῆκος τριχός, ἐκ μιᾶς δὲ ῥίζης ὁμοῦ τι
-καὶ τριάκοντα θυσανηδὸν ἐκπεφύκασι. ζῴων δὲ
-ἄρα ἁπάντων τοῦτο δειλότατον ἦν· ἐὰν γὰρ ὑπό τινος
-ὀφθῇ καὶ αἴσθηται βλεπόμενον, ᾗ ποδῶν ἔχει φεύγει,
-καὶ κέχρηται προθυμίᾳ μᾶλλον ἢ σκελῶν ὠκύτητι.
-καὶ διώκεται μὲν ὑπὸ ἱππέων καὶ κυνῶν ἀγαθῶν
-δραμεῖν· ἐὰν μέντοι συνίδῃ ὅτι ἄρα ἁλίσκεσθαι μέλλει,
-τὴν οὐρὰν ἀπέκρυψεν ἔν τινι δάσει, αὐτὸ δὲ
-ἀντιπρόσωπον ἕστηκε, καὶ δοκεύει τοὺς θηρατάς, καὶ
-ὑποθαρρεῖ πως, καὶ οἴεται μηκέτι φανεῖσθαι περισπούδαστον,
-τῆς οὐρᾶς μὴ βλεπομένης· ἐκείνην γὰρ
-οἶδέν οἱ εἶναι τὸ κάλλος. κενὴν δὲ ἄρα ἴσχει τὴν
-ὑπὲρ τοῦδε φαντασίαν· βάλλει γάρ τις αὐτὸ βέλει
-πεφαρμαγμένῳ, καὶ ἀποκτείνας ἀποκόψει τὴν οὐράν,
-τὸ ἆθλον τῆς ἄγρας. καὶ δείρας τὸ πᾶν σῶμα ʽἀγαθὸν
-γὰρ καὶ ἡ δοράʼ ἀφῆκε τὸν νεκρόν· σαρκῶν γὰρ
-τῶν ἐκείνου δέονται Ἰνδοὶ οὐδὲ ἕν.
-</p>
-</div2>
-<div2 type="chapter" n="12">
-<p> κήτη δὲ ἦν ἄρα ἐν τῇ τῶν Ἰνδῶν θαλάττῃ πενταπλασίονα
-τὸ μέγεθος ἐλέφαντος τοῦ μεγίστου.
-πλευρὰ γοῦν μία κήτους καὶ ἐς τοὺς εἴκοσι πήχεις
-πρόεισι, χελύνην δὲ πήχεων πεντεκαίδεκα ἔχει, τὸ
-<pb id="p.393"/>
-δὲ πτέρωμα βραγχίου ἑκατέρου πήχεων τὸ εὖρος καὶ
-ἑπτά. κήρυκες δὲ καὶ πορφύραι, ὡς καὶ χοῦν ῥᾷστα
-δέξασθαι· καὶ μέντοι καὶ τῶν ἐχίνων τὰ χελώνια
-δύναιτο ἂν τοσοῦτον στέγειν. μεγέθη δʼ ἰχθύων
-ἄπειρα, λαβράκων μάλιστα, καὶ ἀμίαι καὶ χρυσόφρυες. 
-ἀκούω δὲ τούτους κατὰ τὴν ὥραν, ὅταν ἐπιρρέωσιν
-οἱ ποταμοὶ λάβροι κατιόντες ἐκ τῆς πλημμύρας καὶ
-ἐς τὴν γῆν ἀναχέωνται, καὶ αὐτοὺς ὑπερχεῖσθαι κατὰ
-τὰς ἀρούρας καὶ ἐν ὕδατι λεπτῷ φέρεσθαί τε καὶ
-ἀλᾶσθαι. παυσαμένων δὲ τῶν ὑπερπιμπλάντων τοὺς 
-ποταμοὺς ὑετῶν καὶ ἀναχωρούντων ὀπίσω τῶν ῥευμάτων
-καὶ ἐς τὰς ὁδοὺς τὰς κατὰ φύσιν ὑποστρεφόντων,
-ἐν τοῖς καθημένοις χωρίοις καὶ τοῖς τεναγώδεσι
-καὶ ἀπέδοις, ἔνθα δήπου φιλοῦσι καὶ αἱ νεαὶ καλούμεναι
-κόλπους τινὰς ἔχειν, ἰχθῦς ὑπομένουσι καὶ 
-ὀκτὼ πήχεων. καὶ αἱροῦσιν οἱ γεωργοῦντες αὐτοὺς
-ἀσθενεῖ τῇ νήξει χρωμένους, ἅτε μὴ ἐν βυθῷ φερομένους
-ἀλλὰ ἐπιπολῆς, καὶ ἐκ τοῦ ὀλίγου ὕδατος
-ἀγαπητῶς καὶ μόλις ἀποζῶντας.
-</p>
-</div2>
-<div2 type="chapter" n="13">
-<p>Ἰνδῶν δὲ ἰχθύων ἴδια καὶ ἐκεῖνα. βατίδες γίνονται 
-παρʼ αὐτοῖς οὐδέν τι μείους Ἀργολικῆς ἀσπίδος
-ἑκάστη, καρίδες δὲ καὶ μείζους καράβων αἱ Ἰνδῶν
-εἰσίν. αἱ μὲν οὖν ἐκ τῆς θαλάττης ἀναθέουσαι διὰ 
-τοῦ ποταμοῦ τοῦ Γάγγου χηλὰς μεγίστας ἔχουσι καὶ
-τραχείας θιγεῖν, τάς γε μὴν ἐκ τῆς Ἐρυθρᾶς ἐκπιπτούσας 
-ἐς τὸν Ἰνδὸν λείας ἔχειν πέπυσμαι τὰς
-ἀκάνθας, προμήκεις γε μὴν καὶ βοστρυχώδεις τὰς
-ἀπηρτημένας ἕλικας. χηλὰς δὲ οὐκ ἔχειν ταύτας.
-</p>
-</div2>
-<div2 type="chapter" n="14">
-<p>χελώνη δὲ ἐν Ἰνδοῖς ποταμία τὸ χελώνιον ἔχει 
-σκάφης οὐ μεῖον τελείας. χωρεῖ γοῦν ἕκαστον μεδίμνους 
-δέκα ὀσπρίων. γίνονται δὲ καὶ χερσαῖαι χελῶναι,
-καὶ εἶεν ἂν τὸ μέγεθος κατὰ τὰς βώλους τὰς
-<pb id="p.394"/>
-μεγίστας, αἵπερ οὖν ἐπανίστανται ἐν τοῖς βαθέσιν
-ἀρώμασιν, εὐπειθοῦς μὲν οὔσης τῆς γῆς, ἐς πολὺ δὲ
-κατιόντος τοῦ ἀρότρου καὶ τὴν αὔλακα σχίζοντος ῥᾷστα
-καὶ ἐγείροντος τὰς βώλους ὑψοῦ. ταύτας δὲ καὶ
-ἀποδύεσθαι τὸ ἔλυτρόν φασιν. οἱ τοίνυν ἀρόται καὶ
-πᾶν τὸ περὶ τοὺς ἀγροὺς ἐργατικὸν ταῖς μακέλλαις
-ἀνασπῶσιν αὐτάς, καὶ ἐξαίρουσιν ὥσπερ οὖν ἐκ τῶν
-θριπηδέστων φυτῶν τὰς εὐλάς. εἰσὶ δὲ γλυκεῖαι τὴν
-σάρκα καὶ πίονες, οὐ μὴν κατὰ τὰς θαλαττίας πικραὶ
-καὶ αὗται.
-</p>
-</div2>
-<div2 type="chapter" n="15">
-<p> Θυμόσοφα δὲ καὶ παρʼ ἡμῖν ζῷά ἐστιν, οὐ μὴν
-ὅσα ἐν Ἰνδοῖς ἀλλὰ ὀλίγα. ἐκεῖ δὲ ὅ τε ἐλέφας τοιοῦτός
-ἐστι καὶ ὁ σιττακὸς καὶ αἱ σφίγγες καὶ οἱ καλούμενοι
-σάτυροι· σοφὸν δὲ ἄρα ἦν καὶ ὁ μύρμηξ ὁ
-Ἰνδός. οἱ μὲν οὖν ἡμεδαποὶ τὰς ἑαυτῶν χειὰς καὶ
-ὑποδρομὰς ὑπὸ τὴν γῆν ὀρύττουσι, καὶ φωλεούς
-τινας κρυπτοὺς ἀποφαίνουσι γεωρυχοῦντες, καὶ μεταλλείαις
-ὡς εἰπεῖν τισιν ἀπορρήτοις καὶ λανθανούσαις
-καταξαίνονται· ἀλλὰ οἵ γε Ἰνδοὶ μύρμηκες οἰκίσκους
-τινὰς συμφορητοὺς ἐργάζονται, καὶ τούτους γε
-οὐκ ἐν χωρίοις ὑπτίοις καὶ λείοις καὶ ἐπικλυζομένοις
-ῥᾷστα, ἀλλὰ μετεώροις καὶ ὑψηλοῖς. ἐν αὐτοῖς δὲ
-περιόδους τινὰς καὶ ὡς εἰπεῖν σύριγγας Αἰγυπτίας
-ἢ λαβυρίνθους Κρητικοὺς σοφίᾳ τινὶ ἀπορρήτῳ διατρήσαντες
-οἰκεῖα ἑαυτοῖς ἀπέφηναν, οὐκ εὐθυτενῆ
-καὶ ῥᾴδια παρελθεῖν ἀλλʼ ἑλιγμοῖς καὶ διατρήσεσι
-λοξά· καὶ ἀπολείπουσί γε ἐπιπολῆς μίαν ὀπήν, διʼ ἧς εἰσίασί τε αὐτοὶ καὶ τὰ σπέρματα ὅσα ἐκλέγουσι,
-εἶτα ἐς τοὺς ἑαυτῶν θησαυροὺς ἐσκομίζουσι. παλαμῶνται
-δὲ ἄρα τὰς ἐν ὕψει φωλεύσεις ὑπὲρ τοῦ τὰς
-ἐκ τῶν ποταμῶν ἀναχύσεις τε καὶ ἐπικλύσεις διαδιδράσκειν.
-καὶ αὐτοῖς ὑπὲρ τῆσδε τῆς σοφίας περιγίνεται
-<pb id="p.395"/>
-ὥσπερ ἐν σκοπιαῖς τισιν ἢ νήσοις κατοικεῖν,
-ὅταν τῶν λοφιδίων ἐκείνων τὰ κύκλῳ περιλιμνάζηται.
-τὰ δʼ οὖν χώματα ἐκεῖνα, καίτοι συμπεφορημένα, τοσοῦτον
-ἀποδεῖ τοῦ λύεσθαί τε καὶ διαξαίνεσθαι ὑπὸ
-τῆς περικλύσεως, ὡς καὶ κρατύνεσθαι αὐτά, πρῶτον 
-μὲν ὑπὸ τῆς ἑῴας δρόσου· ἐπαμφιέννυται γὰρ ὡς
-εἰπεῖν ἐκ ταύτης πάγου τινὰ χιτῶνα ὑπόλεπτον, πλὴν
-καρτερόν· εἶτα μέντοι δεσμεύεται κάτω βρυώδει τῆς
-ποταμίας ἰλύος φλοιῷ. καὶ μυρμήκων μὲν Ἰνδῶν
-πέρι Ἰόβᾳ πάλαι, ἐμοὶ δὲ νῦν ἐς τοσοῦτον λελέχθω. 
-</p>
-</div2>
-<div2 type="chapter" n="16">
-<p>παρὰ τοῖς Ἀριανοῖς τοῖς Ἰνδικοῖς χάσμα Πλούτωνός 
-ἐστι, καὶ κάτω τινὲς ἀπόρρητοι σύριγγες καὶ
-ὁδοὶ κρυπταὶ καὶ διαδρομαὶ ἀνθρώποις μὲν ἀθέατοι,
-βαθεῖαι δʼ οὖν καὶ ἐπὶ μήκιστον προήκουσαι· γενόμεναι
-δὲ πῶς καὶ ὀρωρυγμέναι τρόπῳ τῷ, οὔτε Ἰνδοὶ 
-λέγουσιν, οὔτε ἐγὼ μαθεῖν πολυπραγμονῶ. ἄγουσιν
-οὖν Ἰνδοὶ καὶ ὑπὲρ τὰ τρισμύρια ἐνταῦθα κτήνη
-προβάτων τε καὶ αἰγῶν καὶ βοῶν καὶ ἵππων· καὶ
-ἕκαστος τῶν ἢ ἐνύπνιον ἢ ὄτταν τινὰ ἢ φήμην ἢ
-ὄρνιν οὐκ εὔεδρον ὑφορωμένων ἀντὶ τῆς ἑαυτοῦ 
-ζωῆς ἐμβάλλει κατὰ τὴν οἴκοθεν δύναμιν, ἑαυτὸν
-λυτρούμενος καὶ διδοὺς ὑπὲρ τῆς ἑαυτοῦ ψυχῆς τὴν
-τοῦ ζῴου. τὰ δὲ ἄγεται οὔτε δεσμοῖς ἐπαγόμενα
-οὔτε ἐλαυνόμενα ἄλλως, ἑκόντα δὲ τὴν ὁδὸν τήνδε
-ἀνύτει ἕλξει τινὶ καὶ ἴυγγι ἀπορρήτῳ. εἶτα ἐπιστάντα 
-τῷ στομίῳ ἑκόντα ἐμπηδᾷ, καὶ ὄψει μὲν ἀνθρωπίνῃ
-οὐκ ἔστιν οὐκέτι σύνοπτα ἐς γῆς χάσμα ἀπόρρητόν
-τε καὶ ἀχανὲς ἐμπεσόντα, ἀκούονται δʼ οὖν ἄνω βοῶν
-μὲν μυκηθμοί, τῶν δὲ οἰῶν βληχή, χρεμετισμὸς δὲ
-τῶν ἵππων καὶ μηκὴ τῶν αἰγῶν. καὶ εἴ τις ἐπιπολῆς 
-βαδίζοι καὶ προχωροίη τὸ οὖς παραβάλλων, ἀκούσεται
-ἐπὶ μήκιστον τῶν προειρημένων. οὐδὲ ἐκλείπει
-<pb id="p.396"/>
-ποτὲ ὁ συμμιγὴς ἦχος, ἐπιπεμπόντων ὁσημέραι τὰ
-ὑπὲρ ἑαυτῶν ζῷα. εἰ μὲν οὖν τὰ πρόσφατα ἐξακούεται
-μόνα ἢ καὶ τῶν πρώτων τινά, οὐκ οἶδα, ἀκούεται
-δʼ οὖν. καὶ εἴρηταί μοι ζῴων τῶν ἐκεῖ καὶ τοῦτο
-ἴδιον.
-</p>
-</div2>
-<div2 type="chapter" n="17">
-<p> ἐν δὲ τῇ καλουμένῃ Μεγάλῃ θαλάττῃ καὶ νῆσον
-ᾅδουσι μεγίστην, καὶ ὄνομα αὐτῆς ἀκούω Ταπροβάνην·
-πάνυ δὲ δολιχὴν πυνθάνομαι καὶ ὑψηλὴν τὴν
-νῆσον εἶναι, καὶ μῆκος μὲν ἔχειν σταδίων ἑπτακισχιλίων,
-πλάτος δὲ πεντακισχιλίων, καὶ ἔχειν οὐ πόλεις,
-ἀλλὰ κώμας πεντήκοντα καὶ ἑπτακοσίας· στέγας δὲ
-ἔχουσιν ἔνθα κατάγονται οἱ ἐπιχώριοι ἐκ ξύλων πεποιημένας,
-ἤδη δὲ καὶ δονάκων. τίκτονται δὲ ἄρα
-ἐν ταύτῃ τῇ θαλάττῃ καὶ χελῶναι μέγισται, ὧνπερ
-οὖν τὰ ἔλυτρα ὄροφοι γίνονται· καὶ γάρ ἐστι καὶ
-πεντεκαίδεκα πήχεων ἓν χελώνιον, ὡς ὑποικεῖν οὐκ
-ὀλίγους· καὶ ἡλίους πυρωδεστάτους ἀποστέγει, καὶ
-σκιὰν ἀσμένοις παρέχει, πρός γε μὴν τῶν ὄμβρων
-τὰς καταφορὰς ἀντίτυπόν ἐστι, καὶ κεράμου παντὸς
-καρτερώτερον, τάς τε ἐμβολὰς τῶν ὑετῶν ἀποσείεται,
-καὶ κροτούμενον ἀκούουσιν οἱ ὑποικοῦντες, ὡς ἔς τι
-τέγος ἐμπιπτόντων τῶν ὑδάτων. οὐ δέονταί γε μὴν
-ὡς κέραμον ῥαγέντα ἀμεῖψαι· σκληρὸν γὰρ τὸ χελώνιον,
-καὶ ἔοικεν ὑπορωρυγμένῃ πέτρᾳ καὶ ὑπάντρῳ
-τε καὶ αὐτορόφῳ στέγῃ.
-</p>
-</div2>
-<div2 type="chapter" n="18">
-<p>ἡ τοίνυν νῆσος ἡ ἐν τῇ μεγάλῃ θαλάττῃ, ἣν
-καλοῦσι Ταπροβάνην, ἔχει φοινικῶνας μὲν θαυμαστῶς
-πεφυτευμένους ἐς στοῖχον, ὥσπερ οὖν ἐν τοῖς
-ἁβροῖς τῶν παραδείσων οἱ τούτων μελεδωνοὶ φυτεύουσι
-τὰ δένδρα τὰ σκιαδηφόρα, ἔχει δὲ καὶ νομὰς
-ἐλεφάντων πολλῶν καὶ μεγίστων. καὶ οἵ γε νησιῶται
-ἐλέφαντες τῶν ἠπειρωτῶν ἀλκιμώτεροί τε τὴν ῥώμην
-<pb id="p.397"/>
-καὶ μείζους ἰδεῖν εἰσί, καὶ θυμοσοφώτεροι δὲ πάντα
-πάντη κρίνοιντο ἄν. κομίζουσί τε οὖν αὐτοὺς ἐς τὴν
-ἀντιπέρας ἤπειρον ναῦς μεγάλας τεκτηνάμενοι ʽἔχει
-γὰρ δήπου καὶ δάση ἡ νῆσοσʼ, πιπράσκουσί τε διαπλεύσαντες
-τῷ βασιλεῖ τῷ ἐν Καλίγγαις. διὰ μέγεθος δὲ 
-ἄρα τῆς νήσου οὐδὲ ἴσασιν οἱ τὰ μέσα αὐτῆς οἰκοῦντες
-τὴν θάλατταν, ἀλλὰ ἠπειρώτην μὲν βίον τρίβουσι,
-περιερχομένην δὲ αὐτοὺς καὶ κυκλουμένην πυνθάνονται
-θάλατταν. οἱ δὲ τῇ θαλάττῃ πρόσοικοι τῆς
-μὲν ἄγρας τῆς τῶν ἐλεφάντων ἀμαθῶς ἔχουσιν, ἀκοῇ 
-δὲ αὐτὴν ἴσασι μόνῃ· περί γε μὴν τὰς τῶν ἰχθύων
-καὶ τὰς τῶν κητῶν ἄγρας τίθενται τὴν σπουδήν. τὴν
-γάρ τοι θάλατταν τὴν περιερχομένην τὸν τῆς νήσου
-κύκλον ἄμαχόν τι πλῆθος καὶ ἰχθύων καὶ κητῶν τρέφειν
-φασί, καὶ ταῦτα μέντοι καὶ λεόντων ἔχειν κεφαλὰς 
-καὶ παρδάλεων καὶ λύκων καὶ κριῶν δέ, καὶ τὸ
-ἔτι θαῦμα σατύρων μορφὰς κήτη ἔστιν ἃ περιφέρει
-καὶ γυναικῶν ὄψιν, αἷσπερ ἀντὶ πλοκάμων ἄκανθαι
-προσήρτηνται. ἔχειν δὲ καὶ ἄλλας τινὰς ὑμνοῦσιν ἐκτόπους
-μορφάς, ὧν τὰ εἴδη μηδʼ ἂν τοὺς δεινοὺς 
-γράφειν καὶ κράσεις σωμάτων συμπλέκειν ἐς τερατείαν
-ὄψεων ἀκριβῶσαί ποτε καὶ σοφίᾳ γραφικῇ παραστῆσαι
-δύνασθαι ἄν· προμήκη δὲ ἔχει τὰ οὐραῖα
-καὶ ἑλικτά, πόδας γε μὴν χηλὰς ἢ πτερύγια. πυνθάνομαι
-δὲ αὐτὰ καὶ ἀμφίβια εἶναι, καὶ νύκτωρ μὲν 
-ἐπινέμεσθαι τὰς ἀρούρας· πόαν μὲν γὰρ ἐσθίειν τῶν
-ἀγελαίων τε καὶ σπερμολόγων δίκην, χαίρειν δὲ καὶ τῷ
-φοίνικι τῷ δρυπεπεῖ, διασείειν τε ἐκ τούτου τὰ δένδρα
-ταῖς σπείραις περιβάλλοντα αὐτὰς ὑγρὰς οὔσας καὶ οἵας
-περιπλέκεσθαι. τοῦτον οὖν τὸν φοίνικα ἐκ τοῦ σεισμοῦ 
-τοῦ βιαίου καταρρέοντα ἐπινέμεσθαι. ὑπολήγει
-δὲ ἄρα νύξ, καὶ σαφὴς οὔπω ἡμέρα, καὶ ἐκεῖνα
-<pb id="p.398"/>
-ἠφανίσθη καταδύντα ἐς τὸ πέλαγος, ἑῴου μέλλοντος
-ὑπολάμπειν. εἶναι δὲ καὶ φαλαίνας φασὶ πολλάς, οὐ
-μὴν ἐς τὴν γῆν προϊέναι αὐτάς, τοὺς θύννους ἐλλοχώσας.
-καὶ δελφίνων δὲ γένη δύο φασὶν εἶναι, τὸ
-μὲν ἄγριον καὶ κάρχαρον καὶ ἀφειδέστατον ἐς τοὺς
-ἁλιέας καὶ σφόδρα ἄνοικτον, τὸ δὲ πρᾶόν τε καὶ τιθασὸν
-φύσει. περισκιρτᾷ γοῦν καὶ περινήχεται, καὶ
-ἔοικε κυνιδίῳ αἰκάλλοντι, καὶ ψηλαφήσεις, ὃ δὲ ὑπομενεῖ·
-κἂν τροφὴν ἐμβάλῃς, ἀσμένως λήψεται
-</p>
-</div2>
-<div2 type="chapter" n="19">
-<p> λαγὼς θαλάττιος ʽτῆς μέντοι μεγάλης· τὸν γὰρ
-ἕτερον εἶπον τὸν ἐκ τῆς ἑτέρασʼ ἀλλʼ οὗτός γε ἔοικε
-τῷ χερσαίῳ πάντα πάντη πλὴν τῶν τριχῶν. τοῦ μὲν
-γὰρ ἠπειρώτου ἡ λάχνη ἔοικεν ἁπαλή τε εἶναι καὶ
-ἐπαφωμένῳ μὴ ἀντίτυπος· ἔχει δὲ οὗτος ἀκανθώδεις
-τὰς τρίχας καὶ ὀρθάς, καὶ εἴ τις προσάψαιτο, ἀμύσσεται.
-φασὶ δὲ αὐτὸν ἐπʼ ἄκρᾳ τῇ φρίκῃ τῆς θαλάττης
-νήχεσθαι καὶ μὴ καταδύνειν ἐς βάθος, ὤκιστον
-δὲ εἶναι τὴν νῆξιν. ζῶν δὲ οὐκ ἂν ἁλῴη ῥᾳδίως.
-τὸ δὲ αἴτιον, οὐκ ἐμπίπτει ποτὲ ἐς δίκτυον, οὐ μὴν
-</p>
-</div2>
-<div2 type="chapter" n="20">
-<p> οὐδὲ καλάμου πρόσεισιν ὁρμιᾷ καὶ δελέατι. ὅταν δὲ
-ἄρα νοσήσας ὅδε ὁ λαγὼς εἶτα ἥκιστος ὢν νήχεσθαι
-ἐκβρασθῇ, πᾶς ὅστις ἂν αὐτοῦ προσάψηται τῇ χειρὶ
-ἀπόλλυται ἀμεληθείς. ἀλλὰ καὶ τῇ βακτηρίᾳ ἐὰν
-θίγῃ τοῦ λαγὼ τοῦδε, καὶ διʼ αὐτῆς πάσχει τὸ αὐτό,
-ὥσπερ οὖν καὶ οἱ τοῦ βασιλίσκου προσαψάμενοι. ῥίζαν
-δὲ ἐν τῇ νήσῳ τῇ κατὰ τὴν μεγάλην θάλατταν φύεσθαί
-φασι καὶ εἶναι πᾶσιν εὔγνωστον, ἥπερ οὖν
-τῇ λιποθυμίᾳ ἀντίπαλός ἐστιν. προσενεχθεῖσα γοῦν
-τῇ τοῦ λιποψυχοῦντος ῥινὶ ἀναβιώσκεται τὸν ἄνθρωπον.
-ἐὰν δὲ ἀμεληθῇ, καὶ μέχρι θανάτου πρόεισι
-τῷ ἀνθρώπῳ τὸ πάθος· τοσαύτην ἄρα ἐς τὸ κακὸν
-ὅδε ὁ λαγὼς ἔχει τὴν ἰσχύν.
-<pb id="p.399"/>
-Ἐν τοῖς χωρίοις τοῖς ἐν Ἰνδίᾳ ʽλέγω δὲ τοῖς ἐνδοτάτὠ 
-ὄρη φασὶν εἶναι δύσβατά τε καὶ ἔνθηρα, καὶ
-ἔχειν ζῷα ὅσα καὶ ἡ καθʼ ἡμᾶς τρέφει γῆ, ἄγρια δέ·
-καὶ γάρ τοι καὶ τὰς οἶς τὰς ἐκεῖ φασιν εἶναι καὶ ταύτας
-θηρία, καὶ κύνας καὶ αἶγας καὶ βοῦς, αὐτόνομά 
-τε ἀλᾶσθαι καὶ ἐλεύθερα, ἀφειμένα νομευτικῆς ἀρχῆς.
-πλήθη δὲ αὐτῶν καὶ ἀριθμοῦ πλείω φασὶν οἱ τῶν
-Ἰνδῶν λόγιοι. ἐν δὲ τοῖς καὶ τοὺς Βραχμᾶνας ἀριθμεῖν
-ἄξιον· καὶ γάρ τοι καὶ ἐκεῖνοι ὑπὲρ τῶνδε ὁμολογοῦσι
-τὰ αὐτά. λέγεται δὲ καὶ ζῷον ἐν τούτοις 
-εἶναι μονόκερων, καὶ ὑπʼ αὐτῶν ὀνομάζεσθαι καρτάζωνον.
-καὶ μέγεθος μὲν ἔχειν ἵππου τοῦ τελείου καὶ
-λόφον, καὶ λάχνην ἔχειν ξανθήν, ποδῶν δὲ ἄριστα
-εἰληχέναι. καὶ τοὺς μὲν πόδας ἀδιαρθρώτους τε καὶ
-ἐμφερεῖς ἐλέφαντι πεφυκέναι, τὴν δὲ οὐρὰν ἔχειν συός· 
-μέσον δὲ τῶν ὀφρύων ἔχειν ἐκπεφυκὸς κέρας οὐ λεῖον
-ἀλλὰ ἑλιγμοὺς ἔχον τινὰς καὶ μάλα αὐτοφυεῖς, καὶ
-εἶναι μέλαν τὴν χρόαν· λέγεται δὲ καὶ ὀξύτατον εἶναι
-τὸ κέρας ἐκεῖνο. φωνὴν δὲ ἔχειν τὸ θηρίον ἀκούω
-τοῦτο πάντων ἀπηχεστάτην τε καὶ γεγωνοτάτην. καὶ 
-τῶν μὲν ἄλλων αὐτῷ ζῴων προσιόντων φέρειν καὶ
-πρᾶον εἶναι, λέγουσι δὲ ἄρα πρὸς τὸ ὁμόφυλον δύσεριν
-εἶναί πως. καὶ οὐ μόνον φασὶ τοῖς ἄρρεσιν εἶναί
-τινα συμφυῆ κύριξίν τε πρὸς ἀλλήλους καὶ μάχην,
-ἀλλὰ καὶ πρὸς τὰς θηλείας ἔχουσι θυμὸν τὸν αὐτόν, 
-καὶ προάγοντες τὴν φιλονεικίαν καὶ μέχρι θανάτου
-τοῦ ἡττηθέντος ἐξάγουσιν. ἔστι μὲν οὖν καὶ διὰ
-παντὸς τοῦ σώματος ῥωμαλέον, ἀλκὴ δέ οἱ τοῦ κέρατος
-ἄμαχός ἐστι. νομὰς δὲ ἐρήμους ἀσπάζεται, καὶ πλανᾶται
-μόνον· ὥρᾳ δὲ ἀφροδίτης τῆς σφετέρας συνδυασθεὶς 
-πρὸς τὴν θήλειαν πεπράυνται, καὶ μέντοι καὶ συννόμω
-ἐστόν. εἶτα ταύτης παραδραμούσης καὶ τῆς θηλείας
-<pb id="p.400"/>
-κυούσης, ἐκθηριοῦται αὖθις, καὶ μονίας ἐστὶν ὅδε
-ὁ Ἰνδὸς καρτάζωνος. τούτων οὖν πώλους πάνυ νεαροὺς
-κομίζεσθαί φασι τῷ τῶν Πρασίων βασιλεῖ,
-καὶ τὴν ἀλκὴν ἐν ἀλλήλοις ἐπιδείκνυσθαι κατὰ τὰς
-θέας τὰς πανηγυρικάς. τέλειον δὲ ἁλῶναί ποτε οὐδεὶς μέμνηται.
-</p>
-</div2>
-<div2 type="chapter" n="21">
-<p> Ὑπερελθόντι τὰ ὄρη τὰ γειτνιῶντα τοῖς Ἰνδοῖς
-κατὰ τὴν ἐνδοτάτω πλευρὰν φανοῦνταί φασιν
-αὐλῶνες δασύτατοι, καὶ καλεῖταί γε ὑπʼ Ἰνδῶν
-ὁ χῶρος Κόλουνδα. ἀλᾶται δὲ ἄρα φασὶν ἐν τοῖσδε
-τοῖς αὐλῶσι ζῷα Σατύροις ἐμφερῆ τὰς μορφάς, τὸ
-πᾶν σῶμα λάσια, καὶ ἔχει κατὰ τῆς ἰξύος ἵππουριν.
-καὶ καθʼ ἑαυτὰ μὲν μὴ ἐνοχλούμενα διατρίβει ἐν τοῖς
-δρυμοῖς ὑλοτραγοῦντα· ὅταν δὲ αἴσθωνται κυνηγετῶν
-κτύπου, καὶ ἀκούσωσι κυνῶν ὑλακῆς, ἀναθέουσιν
-ἐς τὰς ἀκρωρείας αὐτὰς ἀμάχῳ τῷ τάχει· καὶ
-γάρ εἰσι ταῖς ὀρειβασίαις ἐντριβεῖς. καὶ ἀπομάχονται
-πέτρας τινὰς κυλινδοῦντες κατὰ τῶν ἐπιόντων, καὶ
-καταλαμβανόμενοί γε πολλοὶ διαφθείρονται. καὶ ἐκ
-τούτων εἰσὶν ἐκεῖνοι δυσάλωτοι, καὶ μόλις ποτὲ καὶ
-διὰ μακροῦ τινὰς αὐτῶν ἐς Πρασίους κομίζεσθαι λέγουσι.
-καὶ τούτων μέντοι ἢ τὰ νοσοῦντα ἐκομίσθη
-ἢ θήλεά τινα κύοντα· καὶ συνέβη γε θηραθῆναι τοῖς
-μὲν διὰ τὴν νωθείαν, ταῖς δὲ διὰ τὸν τῆς γαστρὸς
-ὄγκον.
-</p>
-</div2>
-<div2 type="chapter" n="22">
-<p> ἔστι δὲ καὶ Σκιρᾶται πέραν Ἰνδῶν ἔθνος καὶ
-τοῦτο, καὶ εἰσὶ σιμοὶ τὰς ῥῖνας, εἴτε οὕτως ἐκ βρεφῶν
-ἁπαλῶν ἐνθλάσει τῇ τῆς ῥινὸς διαμείναντες,
-εἴτε καὶ τοῦτον τὸν τρόπον τίκτονται. γίνονται δὲ
-ὄφεις παρʼ αὐτοῖς μεγέθει μέγιστοι, ὧν οἳ μὲν ἁρπάζουσι
-τὰς ποίμνας καὶ σιτοῦνται, οἳ δὲ ἐκθηλάζουσι
-τὸ αἷμα, ὥσπερ οὖν παρὰ τοῖς Ἕλλησιν οἱ αἰγιθῆλαι,
-<pb id="p.401"/>
-ὧνπερ οὖν καὶ ἀνωτέρω οἶδα ποιησάμενος
-μνήμην εὐκαιροτάτην.
-</p>
-</div2>
-<div2 type="chapter" n="23">
-<p>ἵππου δὲ ἄρα καὶ τὸ εὐμαθὲς ἴδιον ἦν, καὶ τούτου 
-μαρτύριον ἐκεῖνο. Συβαρίτας τοὺς ἐν Ἰταλίᾳ
-τρυφῆς ἀκούω ποιήσασθαι φροντίδα ὑπερβάλλουσαν, 
-καὶ τῶν μὲν ἄλλων ἔργων τε καὶ σπουδασμάτων ἀμαθῶς
-ἔχειν, πάντα δὲ τὸν ἑαυτῶν βίον διάγειν ῥᾳστωνεύοντας
-ἐν ἀργίᾳ καὶ πολυτελείᾳ. περιηγεῖσθαι μὲν
-οὖν ἕκαστα τῶν ἐν Συβάρει μακρὸν ἂν εἴη νῦν, ἐκεῖνο
-δʼ οὖν ὁμολογεῖ τρυφὴν ἄμαχον. δεδιδαγμένοι ἦσαν 
-αὐτοῖς οἱ ἵπποι παρὰ τὸν τῆς εὐωχίας καιρὸν ὀρχεῖσθαι
-πρὸς αὐλόν. τοῦτο οὖν εἰδότες οἱ Κροτωνιᾶται
-ʽἐπολέμουν δὲ αὐτοῖσʼ σάλπιγγα μὲν καὶ
-ἦχον σύντονον καὶ παρακλητικὸν ἐς ὅπλα κατεσίγασαν,
-αὐλοὺς δὲ καὶ αὐλητὰς παραλαβόντες, 
-ἐπεὶ ὁμοῦ ἦσαν καὶ τόξευμα ἐξικνεῖτο ἤδη, ἐνέδοσαν
-ἐκεῖνοι τὸ μέλος τὸ ὀρχηστικόν, ὅπερ οὖν ἀκούσαντες
-οἱ τῶν Συβαριτῶν ἵπποι, ὡς ἐν μέσοις ὄντες τοῖς
-συμποσίοις, ἀπεσείσαντο μὲν τοὺς ἀναβάτας, ἐσκίρτων
-δὲ καὶ ἐχόρευον. καὶ ταύτῃ τὴν τάξιν συνέχεαν 
-καὶ τὸν πόλεμον ἐξωρχήσαντο.
-</p>
-</div2>
-<div2 type="chapter" n="24">
-<p>ὑπὲρ τῶν ἵππων τῶν καλουμένων λυκοσπάδων 
-εἶπον καὶ ἀνωτέρω, καὶ νῦν δὲ εἰρήσεται ὅσα προσακήκοα
-ἴδια. τὴν ὄψιν ἔχουσι συνεστραμμένην καὶ
-</p>
-</div2>
-<div2 type="chapter" n="25">
-<p>βραχεῖαν, ἔτι δὲ σιμήν. λέγουσι δὲ αὐτὰς εἶναι καὶ 
-φιλέλληνας, καὶ ἔχειν τοῦ γένους τοῦδε σύνεσίν τινα
-ἀπόρρητον, καὶ συμφυῆ πρὸς αὐτοὺς ἀποσώζειν φιλίαν,
-καὶ προσιόντων τε καὶ ἐπαφωμένων καὶ κοίλῃ
-τῇ χειρί πως ἐπικροτούντων μὴ ἄχθεσθαι μηδὲ ἀποσκιρτᾶν,
-καὶ συνδιημερεύειν μὲν αὐτοῖς ὥσπερ οὖν 
-δεδεμένους, καθευδόντων δὲ καθεύδειν πλησίον.
-ἐὰν δὲ προσέλθῃ βάρβαρος, ὥσπερ οὖν αἱ ῥινηλατοῦσαι
-<pb id="p.402"/>
-κύνες ἐκ τῶν ἰχνῶν συνιᾶσι τὰ θηρία, οὕτω
-τοι καὶ αἱ ἵπποι ἐκεῖναι γινώσκουσι τὸ γένος, καὶ 
-χρεμετίζουσι καὶ φεύγουσιν οἷα δήπου δεδοικυῖαι
-θηρίον. τοῖς μὲν οὖν συνήθεσι καὶ χιλὸν ἐμβάλλουσι
-καὶ τὴν ἄλλην κομιδὴν προσφέρουσι πάνυ ἥδονται,
-καὶ βούλονται ὡραῖαι φαίνεσθαι, καὶ ἔτι μᾶλλον τοῖς
-ἑαυτῶν ἡνιόχοις. καὶ τὸ μαρτύριον, ὅταν νήχωνται,
-ἐνδοτέρω προχωροῦσιν ἢ τῆς λίμνης ἢ τῆς θαλάττης
-ἢ τῆς κρήνης, τὸ πρόσωπον φαιδρύνειν βουλόμεναι,
-ἵνα μή τι ἄμορφον ἢ ἀκαλλὲς ἐκ τῆς φάτνης ἢ ἐκ τῆς
-ὁδοῦ προσπεσὸν εἶτα ἐπιθολώσῃ τὸ κάλλος. λυκοσπάδι
-δὲ ἄρα ἵππῳ καὶ ἀλοιφαὶ εὐώδεις ὡς νύμφῃ
-φίλαι καὶ μύρων ὀσμή. καὶ Ὅμηρος δὲ τὸ φιληδεῖν
-ἵππους χρίσμασι φύσει πάντας ὁμολογεῖ λέγων
-<quote rend="blockquote">
-<lb/>τοίου γὰρ σθένος ἐσθλὸν ἀπώλεσαν ἡνιόχοιο
-<lb/>ἠπίου, ὃς σφῶιν μάλα πολλάκις ὑγρὸν ἔλαιον
-<lb/>χαιτάων κατέχευε, λοέσσας ὕδατι λευκῷ.
-</quote>
-καὶ Σιμωνίδης δὲ ἐκ παντοδαπῶν θηρίων λέγων τὰς
-γυναῖκας γενέσθαι τε καὶ διαπλασθῆναί φησιν ἐνίαις
-ἐκ τῶν ἵππων τό τε φιλόκοσμον καὶ φιλόμυρον συντεχθῆναι
-καὶ ἐκείναις φύσει. ἃ δὲ λέγει, ταῦτά ἐστιν
-<quote rend="blockquote">
-<lb/>τὴν δʼ ἵππος ἁβρὴ χαιτέεσσʼ ἐγείνατο,
-<lb/>ἣ δούλἰ ἔργα καὶ δύην περιτρέπει·
-<lb/>κοὔτʼ ἂν μύλης ψαύσειεν, οὔτε κόσκινον
-<lb/>ἄρειεν, οὔτε κόπρον ἐξ οἴκου βάλοι,
-<lb/>οὔτε πρὸς ἰπνὸν ἀσβόλην ἀλευμένη
-<lb/>ἵζοιτʼ. ἀνάγκῃ δʼ ἄνδρα ποιεῖται φίλον.
-<lb/>λοῦται δὲ πάσης ἡμέρας ἄπο ῥύπον
-<lb/>δίς, ἄλλοτε τρίς, καὶ μύροις ἀλείφεται.
-<lb/>αἰεὶ δὲ χαίτην ἐκτενισμένην φορεῖ
-<lb/>βαθεῖαν, ἀνθέμοισιν ἐσκιασμένην.
-<pb id="p.403"/>
-<lb/>καλὸν μὲν οὖν θέημα τοιαύτη γυνὴ
-<lb/>ἄλλοισι, τῷ δʼ ἔχοντι γίγνεται κακόν,
-<lb/>ἢν μή τις ἢ τύραννος ἢ σκηπτοῦχος ᾖ,
-<lb/>ὅς τοῖς τοιούτοις θυμὸν ἀγλαΐζεται.
-</quote>
-ἴδια δὲ ἵππων καὶ ἐκεῖνα δήπου. οἱ Πέρσαι, 
-ἵνα μὴ ὦσιν αὐτοῖς οἱ ἵπποι καταπλῆγες, ψόφοις αὐτοὺς
-καὶ ἤχοις χαλκοῖς προσεθίζουσι, καὶ κωδωνίζουσιν,
-ὡς μή ποτε ἐν τῷ πολέμῳ δείσωσι τοὺς τῶν
-πανοπλιῶν ἀραγμοὺς καὶ τὸν τῶν ξιφῶν πρὸς τὰς
-ἀσπίδας δοῦπον. εἴδωλά τε νεκρῶν δὴ σεσαγμένα 
-ἀχύροις ὑποβάλλουσιν αὐτοῖς, ἵνα προσεθισθῶσι
-νεκροὺς ἐν τῷ πολέμῳ πατεῖν, καὶ μὴ δεδιότες ὥς
-τι ἐκπληκτικὸν εἶτα μέντοι ἐν τοῖς ἔργοις τοῖς ὁπλιτικοῖς
-ἀχρεῖοι ὦσιν. οὐκ ἐλελήθει δὲ Ὅμηρον οὐδὲ
-τοῦτο, ὡς αὐτὸς δείκνυσιν. ὅτι γοῦν ἀνῃρέθη μὲν ὁ 
-Θρᾷξ Ῥῆσος, σὺν αὐτῷ δὲ καὶ οἱ ἑταῖροι, ἀκούομεν
-ἐν Ἰλιάδι ἐκ παίδων· ἃ δὲ ἀκούομεν, ταῦτά ἐστιν.
-ἀποσφάττει μὲν ὁ τοῦ Τυδέως τοὺς Θρᾷκας, ὁ δὲ τοῦ
-Λαέρτου τοὺς ἀνῃρημένους ὑπάγει τῶν ποδῶν, ἵνα
-μή ποτε ἄρα νεήλυδες ὄντες οἱ Θρᾷκες ἵπποι εἶτα 
-μέντοι ἐκπλήττωνται τοῖς νεκροῖς ἐμπαλασσόμενοι,
-καὶ ἀήθως κατʼ αὐτῶν ὥς τινων φοβερῶν βαίνοντες
-ἀποσκιρτῶσιν. οἳ δὲ ἅπαξ μαθόντες, οὐκ ἂν αὐτοὺς
-λάβοι τοῦ μαθήματος λήθη· οὕτως εἰσὶν ἀγαθοὶ μαθεῖν
-ὅ τι οὖν τῶν λυσιτελῶν οἱ ἵπποι. φιλεῖν δὲ 
-οἷοί ποτέ εἰσι καὶ ἐς ὅσον, ἐμοὶ μὲν εἴρηται ἐν λόγοις τοῖς ἄνω.
-</p>
-</div2>
-<div2 type="chapter" n="26">
-<p>ἐν τοῖς κρυμώδεσι τόποις τὰ πρόβατα τῆς χιόνος 
-ἐπιρρεούσης καὶ τοῦ κρύους ἐνακμάζοντος ἄχολά ἐστι
-ʽκαθειργμένα δὲ ἄρα καὶ τοῦ χιλοῦ τοῦ νέου μὴ μεταλαμβάνοντα 
-εἶτα μέντοι τοιαῦτα εὑρίσκεταἰ, ὑπαρχομένου
-<pb id="p.404"/>
-δὲ τοῦ ἦρος προϊόντα ἐπὶ τὰς νομὰς τῆς χολῆς
-ὑποπίμπλαται. τοῦτο δὲ ἄρα ἔτι καὶ μᾶλλον φιλεῖ
-παρακολουθεῖν τοῖς Σκυθικοῖς προβάτοις φασίν.
-</p>
-</div2>
-<div2 type="chapter" n="27">
-<p> Ἀγαθαρχίδης φησὶν εἶναι γένος ἐν τῇ Λιβύῃ τινῶν
-ἀνθρώπων, καὶ μέντοι καὶ καλεῖσθαι αὐτοὺς Ψύλλους.
-καὶ ὅσα μὲν κατὰ τὸν ἄλλον βίον τῶν λοιπῶν ἀνθρώπων
-διαφέρειν οὐδὲ ἕν, τὸ δὲ σῶμα ἔχειν ξένον
-τε καὶ παράδοξον ὡς πρὸς τοὺς ἑτεροφύλους ἀντικρινόμενον·
-τὰ γάρ τοι ζῷα τὰ δακετὰ καὶ τὰ ἐγχρίμπτοντα
-πάμπολλα ὄντα μηδὲν αὐτοὺς μόνους ἀδικεῖν.
-οὔτε γοῦν ὄφεως δακόντος ἐπαΐουσιν οὔτε φαλαγγίου
-νύξαντος τοὺς ἄλλους ἐς θάνατον οὔτε μὴν σκορπίου
-τὸ κέντρον ἀπερείσαντος. ἐπὰν δὲ ἄρα τούτων προσπελάσῃ
-τι καὶ παραψαύσῃ τοῦ σώματος καὶ ἅμα
-καὶ τῆς ὀσμῆς τῆς ἐκείνων σπάσῃ, ὥσπερ οὖν φαρμάκου
-γευσάμενον κάρωσίν τινα ἑλκτικὴν ἐς ἀναισθησίαν
-ἐμποιοῦντος, ἐξασθενεῖ καὶ παρεῖται, ἔστʼ
-ἂν παραδράμῃ ὁ ἄνθρωπος. ὅπως δὲ ἐλέγχουσι τὰ
-ἑαυτῶν βρέφη εἴτε ἐστὶ γνήσια εἴτε καὶ νόθα, ἐν
-τοῖς ἑρπετοῖς βασανίζοντες ὡς ἐν τῷ πυρὶ τὸν χρυσὸν
-οἱ βάναυσοι, ἀνωτέρω εἶπον.
-</p>
-</div2>
-<div2 type="chapter" n="28">
-<p> Καλλίας ἐν τῷ δεκάτῳ τῶν περὶ τὸν Συρακόσιον
-Ἀγαθοκλέα λόγων φησὶ τοὺς κεράστας ὄφεις δεινοὺς
-εἶναι τὸ δῆγμα· ἀναιρεῖν γὰρ καὶ ζῷα ἄλογα καὶ ἀνθρώπους,
-εἰ μὴ παρείη Λίβυς ἀνήρ, Ψύλλος ὢν τὸ
-γένος. οὗτος γοῦν ἐάν τε κλητὸς ἀφίκηται ἐάν τε
-καὶ παρῇ κατὰ τύχην καὶ θεάσηται πράως ἔτι ἀλγοῦντα,
-τῇ πληγῇ μόνον προσπτύσας εἶτα μέντοι
-τὴν ὀδύνην ἐπράυνε, καὶ κατεγοήτευσε τὸ δεινὸν τῷ
-σιάλῳ. ἐὰν δὲ εὕρῃ δυσανασχετοῦντα καὶ ἀτλήτως
-φέροντα, ὕδωρ ἀθρόον σπάσας εἴσω τῶν ὀδόντων
-καὶ χρησάμενος αὐτῷ τοῦ στόματος κλύσματι, εἶτα
-<pb id="p.405"/>
-τοῦτο ἐς κύλικα ἐμβαλὼν δίδωσι ῥοφῆσαι τῷ τρωθέντι.
-ἐὰν δὲ περαιτέρω καὶ τοῦδε τοῦ φαρμάκου
-κατισχύῃ τὸ κακόν, ὃ δὲ τῷ νοσοῦντι παρακλίνεται
-γυμνῷ γυμνός, καὶ τοῦ χρωτός οἱ τοῦ ἰδίου προσανατρίψας
-τὴν ἰσχὺν τὴν συμφυῆ, εἶτα μέντοι τοῦ 
-κακοῦ πεποίηκε τὸν ἄνθρωπον ἐξάντη. ἀποχρῶν δὲ
-ἄρα ὑπὲρ τούτου εἴη ἂν μάρτυς καὶ Νίκανδρος ὁ Κολοφώνιος λέγων
-<quote rend="blockquote">
-<lb/>ἔκλυον ὡς Λιβύης Ψύλλων γένος οὔτε τι θηρῶν
-<lb/>αὐτοὶ κάμνουσιν μυδαλέῃσι τυπαῖς, 
-<lb/>οὓς Σύρτις βοσκεῖ θινοτρόφος, εὖ δὲ καὶ ἄλλοις
-<lb/>ἀνδράσιν ἤμυναν τύμμασιν ἀχθομένοις,
-<lb/>οὐ ῥίζας ἄρδοντες, ἑῶν δʼ ἀπὸ σύγχροα γυίων
-</quote>
-καὶ τὰ ἐπὶ τούτοις.
-</p>
-</div2>
-<div2 type="chapter" n="29">
-<p>Ἐμπεδοκλῆς ὁ φυσικός φησι, περὶ ζῴων ἰδιότητος 
-λέγων καὶ ἐκεῖνος δήπου, γίνεσθαί τινα συμφυῆ
-καὶ κράσει μορφῆς μὲν διάφορα, ἑνώσει δὲ σώματος
-συμπλακέντα. ἃ δὲ λέγει, ταῦτά ἐστι
-<quote rend="blockquote">
-<lb/>πολλὰ μὲν ἀμφιπρόσωπα καὶ ἀμφίστερνα φύεσθαι,
-<lb/>βουγενῆ ἀνδρόπρῳρα, τὰ δʼ ἔμπαλιν ἐξανατέλλειν 
-<lb/>ἀνδροφυῆ βούκρανα μεμιγμένα τῇ μὲν ἀπʼ ἀνδρῶν,
-<lb/>τῇ δὲ γυναικοφυῆ θιμβροῖς ἠσκημένα γυίοις.
-</quote>
-</p>
-</div2>
-<div2 type="chapter" n="30">
-<p>ἐν Λυκίᾳ λέγει Καλλισθένης ὁ Ὀλύνθιος κείρεσθαι 
-καὶ τὰς αἶγας ὥσπερ οὖν πανταχῆ τὰ πρόβατα·
-γίνεσθαι γὰρ δασυτάτας καὶ εὔτριχας δεινῶς, ὡς 
-εἰπεῖν βοστρύχους ἤ τινας ἕλικας κόμης ἐξηρτῆσθαι
-αὐτῶν, καὶ μέντοι καὶ τοὺς τεχνίτας τῆς τῶν νεῶν
-ἐργασίας καταχρῆσθαι αὐταῖς τὰς σειρὰς συμπλέκοντας.
-</p>
-</div2>
-<div2 type="chapter" n="31">
-<p>λέγει δὲ ἄρα Κτησίας ἐν λόγοις Ἰνδικοῖς τοὺς 
-<pb id="p.406"/>
-καλουμένους Κυναμολγοὺς τρέφειν κύνας πολλοὺς
-κατὰ τοὺς Ὑρκανοὺς τὸ μέγεθος, καὶ εἶναί γε ἰσχυρῶς
-κυνοτρόφους. καὶ τὰς αἰτίας ὁ Κνίδιος ἐκείνας
-λέγει. ἀπὸ τῶν θερινῶν τροπῶν ἐς μεσοῦντα χειμῶνα
-ἐπιφοιτῶσιν αὐτοῖς ἀγέλαι βοῶν, οἱονεὶ μελιττῶν
-σμῆνος ἢ σφηκιὰ κεκινημένη, πλῆθος ἀριθμοῦ κρείττους
-οἱ βόες· εἰσὶ δὲ ἄγριοι καὶ ὑβρισταί, καὶ ἐς
-κέρας θυμοῦνται δεινῶς. οὔκουν ἔχοντες αὐτοὺς
-ἀναστέλλειν ἑτέρως οἳ δὲ τοὺς τροφίμους αὑτῶν
-κύνας ἐπʼ αὐτοὺς ἀφιᾶσιν ἐς τοῦτο ἀεὶ τρεφομένους,
-οἵπερ οὖν καταγωνίζονταί τε καὶ διαφθείρουσιν αὐτοὺς
-ῥᾷστα. εἶτα τῶν κρεῶν τὰ μὲν δοκοῦντά σφισιν
-ἐς ἐδωδὴν ἐπιτήδεια ἐξαιροῦσι, τὰ δὲ λοιπὰ τοῖς
-κυσὶν ἀποκρίνουσι, καὶ μάλα γε ἀσμένως κοινωνοῦντες
-αὐτοῖς, ὥσπερ οὖν εὐεργέταις ἀπαρχόμενοι. κατὰ
-τὴν ὥραν δὲ καθʼ ἣν οὐκέτι φοιτῶσιν οἱ βόες, συνθήρους
-αὐτοὺς ἐπὶ τοῖς ζῴοις τοῖς ἄλλοις ἔχουσι. καὶ
-τῶν θηλειῶν ἀμέλγουσι τὸ γάλα, καὶ ἐκ τούτου κέκληνται·
-πίνουσι γὰρ αὐτό, ὥσπερ οὖν ἡμεῖς τὸ τῶν
-οἰῶν τε καὶ τῶν αἰγῶν.
-</p>
-</div2>
-<div2 type="chapter" n="32">
-<p> Αἰσχυλίδης ἐν τοῖς περὶ γεωργίας κατὰ τὴν
-Κείων γῆν πρόβατα γίνεσθαι ὀλίγα ἑκάστῳ τῶν γεωργῶν
-φησι. τὸ δὲ αἴτιον, λεπτόγεών τε εἶναι τὴν
-Κέω ἰσχυρῶς καὶ νομὰς οὐκ ἔχειν· κύτισον δὲ καὶ
-θρία ἐμβάλλειν, καὶ τῆς ἐλαίας τὰ ῥεύσαντα φύλλα,
-καὶ μέντοι καὶ ὀσπρίων ἄχυρα ποικίλων, παρασπείρειν
-δὲ καὶ ἀκάνθας, καὶ ἐκείνοις ἀγαθὸν εἶναι ταῦτα
-δεῖπνον. γίνεσθαι δὲ ἐξ αὐτῶν γάλα, καὶ τοῦτο τρεφόμενον
-τυρὸν ἐργάζεσθαι κάλλιστον· καλεῖσθαι δὲ
-αὐτὸν Κύθνιον ὁ αὐτὸς λέγει, καὶ μέντοι καὶ τὸ τάλαντον
-αὐτοῦ πιπράσκεσθαι δραχμῶν καὶ ἐνενήκοντα.
-γίνεσθαι δὲ καὶ ἄρνας τὴν ὥραν διαπρεπεῖς, καὶ
-<pb id="p.407"/>
-πιπράσκεσθαι οὐ κατὰ τοὺς ἑτέρους, ἀλλὰ καὶ σοβαρωτέρᾳ τῇ τιμῇ.
-</p>
-</div2>
-<div2 type="chapter" n="33">
-<p>Φοίνικες λέγουσι λόγοι τὰς βοῦς τὰς ἐπιχωρίους 
-τοσαύτας εἶναι τὸ μέγεθος, ὡς ἑστάναι τοὺς ἀμέλγοντας
-ὄντας μεγίστους ἢ δεῖσθαι θρανίου, ἵνα ἀναβάντες 
-ἐφίκωνται τῶν μαζῶν. Λιβύων δὲ ἄρα τῶν
-γειτνιώντων Ἰνδοῖς ὀπισθονόμων βοῶν ἀγέλας εἶναί
-τινας ἀκούω. τὸ δὲ αἴτιον, ἡ φύσις ὡς ἐξήμαρτε τὸ
-πρῶτον ἢ ὠλιγώρησεν, ἐπεὶ πρὸ τῶν ὀφθαλμῶν αὐτοῖς
-ἐστι τὰ κέρατα, καὶ ὁρᾶν οὐκ ἐᾷ τὰ πρὸ ποδῶν, 
-ἣ δὲ ἐς οὐρὰν ἐπανάγει τὴν βάδισιν αὐτοῖς, εἶτα
-ἐπικύπτοντες κείρουσι τὴν πόαν. Ἀριστοτέλης γε
-μήν φησι τῶν βοῶν τῶν ἐν Νευροῖς ἐκπεφυκέναι τὰ
-κέρατα καὶ τὰ ὦτα ἔκφυσιν τὴν αὐτήν, καὶ εἶναι συνυφασμένα.
-ὁ δὲ αὐτὸς ἐν χώρῳ τινὶ Λιβύων τὰς 
-αἶγας τοῦ στήθους φησὶ τοὺς μαζοὺς ἔχειν ἀπηρτημένους.
-εἴη δʼ ἂν τοῦ παιδὸς τοῦ Νικομάχου καὶ
-ταῦτα· ἐν τοῖς περὶ τὸν Καρίσκον Βουδίνοις οἰκοῦσιν
-οὐ γίνεσθαί φησι πρόβατον λευκόν, ἀλλὰ μέλανα
-πάντα. 
-</p>
-</div2>
-<div2 type="chapter" n="34">
-<p>Νυμφόδωρος λέγει τὴν Σαρδὼ εἶναι θρεμμάτων 
-μητέρα ἀγαθήν. θαυμάσαι δὲ ἄξιον τίκτει ζῷον τὰς
-αἶγας αὕτη. τὰς γάρ τοι δορὰς τοὺς ἐπιχωρίους ἠσθῆσθαι,
-καὶ εἶναι ταῦτα σκέπην· καὶ διὰ χειμῶνος μὲν
-ἀλεαίνειν, ψύχειν δὲ ἐν τῷ θέρει φύσει τινὶ ἀπορρήτῳ· 
-συμπεφυκέναι δὲ ἄρα ταῖς δοραῖς καὶ πήχεως
-τὴν τρίχα. τοῦ φορήματος δὲ τούτου ἔοικε χρῆναι
-διὰ μὲν τοῦ κρυμοῦ τὰς τρίχας ἐς τὸν χρῶτα ἐπιστρέφειν
-διὰ δὲ τοῦ θέρους ἔξω, εἰ μέλλοι ὁ ἠσθημένος
-διὰ μὲν τοῦ κρυμοῦ θάλπεσθαι, διὰ δὲ τοῦ θέρους μὴ ἀποπνίγεσθαι. 
-</p>
-</div2>
-<div2 type="chapter" n="35">
-<p>τί δαί; Ὀρθαγόραν μνήμης ἄμοιρον ἐάσομεν; ὅσπερ 
-<pb id="p.408"/>
-οὖν ἐν Ἰνδοῖς λόγοις φησὶ Κώυθα μὲν οὕτως εἶναι
-κώμην τὸ ὄνομα λαβοῦσαν, ταῖς δὲ αἰξὶ ταῖς ἐπιχωρίοις
-ἔνδον ἐν τοῖς σηκοῖς παραβάλλειν τοὺς νομέας
-ἰχθῦς ξηροὺς χιλόν.
-</p>
-</div2>
-<div2 type="chapter" n="36">
-<p> ὅτι δέδοικεν ὗν ἐλέφας ἀνωτέρω εἶπον· τὸ δὲ ἐν
-Μεγάροις γενόμενον Μεγαρέων ὑπʼ Ἀντιπάτρου πολιορκουμένων
-ἐθέλω εἰπεῖν, καὶ μέντοι καὶ τὸ εἰρησόμενον
-τοῦτό ἐστι. τῶν Μακεδόνων βιαίως ἐγκειμένων,
-ὗς πίττῃ χρίσαντες ὑγρᾷ καὶ ὑποπρήσαντες
-αὐτὰς ἀφῆκαν ἐς τοὺς πολεμίους. ἐμπεσοῦσαι δὲ
-ἄρα ἐκεῖναι οἰστρημέναι ταῖς τῶν ἐλεφάντων ἴλαις
-καὶ βοῶσαι, ἅτε ἐμπιπράμεναι, ἐξέμαινον τοὺς θῆρας
-καὶ ἐτάραττον δεινῶς. οὔτε οὖν ἔμενον ἐν τάξει, οὔτε
-ἦσαν ἔτι πρᾶοι, καίτοι καὶ ἐκ νηπίων πεπωλευμένοι,
-εἴτε φύσει τινὶ οἱ ἐλέφαντες ἰδίᾳ μισοῦντες τὰς ὗς καὶ
-μυσαττόμενοι, εἴτε καὶ τῆς φωνῆς αὐτῶν τὸ ὀξὺ καὶ
-ἀπηχὲς πεφρικότες ἐκεῖνοι. συνιδόντες οὖν ἐκ τούτου
-οἱ πωλοτρόφοι τῶν ἐλεφάντων ὗς παρατρέφουσιν
-αὐτοῖς, ὥς φασιν, ἵνα γε ἐκ τῆς συνηθείας ἧττον
-ὀρρωδῶσιν αὐτάς.
-</p>
-</div2>
-<div2 type="chapter" n="37">
-<p> παρά γε τοῖς Ψύλλοις καλουμένοις τῶν Ἰνδῶν
-ʽεἰσὶ γὰρ καὶ Λιβύων ἕτεροἰ οἱ ἵπποι γίνονται τῶν
-κριῶν οὐ μείζους, καὶ τὰ πρόβατα ἰδεῖν μικρὰ κατὰ
-τοὺς ἄρνας, καὶ οἱ ὄνοι δὲ τοσοῦτοι γίνονται τὸ μέγεθος
-καὶ οἱ ἡμίονοι καὶ οἱ βοῦς καὶ πᾶν κτῆνος
-ἕτερον ὅ τι οὖν. ὗν δὲ ἐν Ἰνδοῖς οὔ φασι γίνεσθαι
-οὔτε ἥμερον οὔτε ἄγριον· μυσάττονται δὲ καὶ ἐσθίειν
-τοῦδε τοῦ ζῴου Ἰνδοί, καὶ οὐκ ἂν γεύσαιντό ποτε
-ὑείων, ὥσπερ οὖν οὐδὲ ἀνθρωπείων οἱ αὐτοί.
-</p>
-</div2>
-<div2 type="chapter" n="38">
-<p> ἐν Μητροπόλει ἀκούω τῇ Ἐφεσίᾳ λίμνην εἶναι
-καὶ πρὸς αὐτῇ σπήλαιον· ἔχει δὲ ἄρα τὸ ἄντρον
-ὄφεων πλῆθος ἄμαχον, καὶ εἶναι τούτους μεγίστους
-<pb id="p.409"/>
-φασὶ καὶ δεινοὺς τὸ δῆγμα. προϊέναι μὲν οὖν αὐτοὺς
-τοῦ ἄντρου λόγος ἔχει, ὅσον ἐς τὴν λίμνην ἐξερπύσαι
-τὴν παρακειμένην καὶ νήχεσθαι, πειρωμένους δὲ περαιτέρω
-τοῦ ὕδατος προελθεῖν οὐ δύνασθαι· μέλλόντας
-γὰρ ἐπιβαίνειν τῆς γῆς ἐλλοχᾶν καρκίνους 
-μεγάλους, οἵπερ οὖν ἀνατείναντες τὰς χηλὰς συλλαμβάνουσιν
-ἐς πνῖγμα αὐτοὺς καὶ ἀναιροῦσι. δεδοικότες
-οὖν οἱ ὄφεις τοὺς ἐχθροὺς ἡσυχάζουσι, καὶ ἐς
-τὴν γῆν αὐτοῖς ἄβατά ἐστι· πεφρίκασι γὰρ τὴν ἐκ
-τῶν καρκίνων φρουρὰν καὶ κόλασιν. καὶ πάντως ἂν 
-ἀπολώλεσαν οἱ περὶ τὸν χῶρον ἐκ πολλοῦ, εἰ μὴ
-φύσει τινὶ ἀπορρήτῳ περιειληφότες οἱ προειρημένοι
-καρκίνοι τῆς λίμνης τὰ χείλη καὶ ἀπείργοντες εἶτα
-εἰρηναῖα ἀπέφαινον τὰ ἐν τῷ τόπῳ πάντα.
-</p>
-</div2>
-<div2 type="chapter" n="39">
-<p>Ὀνησίκριτος ὁ Ἀστυπαλαιεὺς λέγει ἐν Ἰνδοῖς 
-κατὰ τὴν Ἀλεξάνδρου τοῦ παιδὸς Φιλίππου ἀνάβασιν
-γενέσθαι δράκοντας δύο, οὓς Ἀβισάρης ὁ Ἰνδὸς ἔτρεφεν,
-ὧν ὃ μὲν ἦν πήχεων τετταράκοντα καὶ ἑκατόν,
-ὃ δὲ ὀγδοήκοντα· καί φησι ἐπιθυμῆσαι δεινῶς Ἀλέξανδρον
-θεάσασθαι αὐτούς. λέγουσι δὲ Αἰγύπτιοι 
-λόγοι καὶ ἐπὶ τοῦ Φιλαδέλφου ἐξ Αἰθιοπίας ἐς τὴν
-Ἀλεξάνδρου πόλιν κομισθῆναι δράκοντας δύο ζῶντας,
-καὶ τὸν μὲν αὐτῶν εἶναι πήχεων δεκατεττάρων τὸν
-δὲ δεκατριῶν· ἐπί γε μὴν τοῦ Εὐεργέτου τρεῖς
-κομισθῆναι, καὶ τὸν μὲν εἶναι πήχεων ἐννέα, τὸν δὲ 
-ἑπτά, τὸν δὲ τρίτον ἑνὶ ἀπολείπεσθαι· καὶ τρέφεσθαί
-γε ἐν Ἀσκληπιοῦ σὺν πολλῇ τῇ κομιδῇ αὐτοὺς Αἰγύπτιοί
-φασι. καὶ ἀσπίδας δὲ τετραπήχεις γίνεσθαι
-πολλάκις οἱ αὐτοὶ λέγουσι. μνήμην δὲ ἄρα τούτων
-ἐποιησάμην, τὸ ἴδιον τῶν ζῴων ἐπεξελθὼν καὶ ἐς 
-ὅσον πέφυκε μῆκος προϊέναι δεῖξαι βουληθεὶς. λέγουσιν
-οὖν καὶ οἱ τὰς ὑπὲρ τῆς Χίου συγγράψαντες
-<pb id="p.410"/>
-ἱστορίας γενέσθαι ἐν τῇ νήσῳ παρὰ τὸ ὄρος τὸ καλούμενον
-Πελινναῖον ἐν αὐλῶνί τινι δασεῖ καὶ δένδρων
-ὑψηλῶν πεπληρωμένῳ δράκοντα μεγέθει μέγιστον,
-οὗπερ οὖν καὶ τὸν συριγμὸν ἐπεφρίκεσαν οἱ
-τὴν Χίον κατοικοῦντες. οὔκουν οὐδὲ ἐτόλμων τινὲς
-ἢ τῶν γεωργούντων ἢ τῶν νεμόντων πλησίον γενόμενοι
-καταγνῶναι τὸ μέγεθος, ἀλλὰ ἐκ μόνης τῆς
-σύριγγος πελώριόν τε καὶ ἐκπληκτικὸν τὸ θηρίον
-εἶναι ἐπίστευον· ἐγνώσθη δʼ οὖν ὅσος ποτὲ τὸ μέγεθος
-ἦν δαιμονίᾳ τινὶ καὶ θαυμαστῇ μηχανῇ ναὶ μὰ
-Δία. σφοδροῦ γὰρ ἀνέμου καὶ σκληροῦ προσπεσόντος
-ἐρρίφη πρὸς ἄλληλα τὰ ἐν τῷ αὐλῶνι δένδρα,
-καὶ οἱ κλάδοι βιαίως ἀραττόμενοι τίκτουσι πῦρ, καὶ
-αἴρεται μεγίστη φλόξ, καὶ περιλαμβάνει τὸν πάντα
-χῶρον καὶ κυκλοῦται τὸν θῆρα· ὃ δὲ ἀποληφθεὶς
-καὶ ἐξερπύσαι μὴ δυνάμενος καταπίμπραται. οὐκοῦν
-γυμνωθέντος τοῦ τόπου γίνεται κάτοπτα πάντα· καὶ
-οἱ Χῖοι ἐλευθερωθέντες τοῦ δέους ἧκον ἐπὶ θέαν,
-καὶ καταλαμβάνουσι τὰ ὀστᾶ μεγέθει μέγιστα καὶ τὴν
-κεφαλὴν ἐκπληκτικήν, ὡς ἐκ τούτων ἔχειν συμβαλεῖν
-ὅσος τε ἐκεῖνος ἦν καὶ ὁποῖος ἔτι περιών.
-</p>
-</div2>
-<div2 type="chapter" n="40">
-<p> ὄφεως ὄνομα σήψ, καὶ ἔχει θαυμάσαι ἄξιον
-ἐκεῖνο. τὴν χρόαν ἐκτρέπει τὴν ἑαυτοῦ, καὶ ἔοικε
-τοῖς τόποις καθʼ οὓς ἔρχεται. ὀδόντας δὲ ἄρα τέτταρας
-τοὺς κάτω φέρει κοίλους, ἐφʼ ὧν ὑμενώδεις ἐπίκεινται
-χιτῶνες, καλύπτοντες τὰ κοιλώματα. ἐκ τούτων
-οὖν πατάξαν τὸ θηρίον εἶτα ἀφίησι τὸν ἰόν·
-σήπει δὲ παραχρῆμα καὶ ἀναιρεῖ τάχιστα.
-</p>
-</div2>
-<div2 type="chapter" n="41">
-<p> Μεγασθένης φησὶ κατὰ τὴν Ἰνδικὴν σκορπίους
-γίνεσθαι πτερωτοὺς μεγέθει μεγίστους, τὸ κέντρον
-δὲ ἐγχρίμπτειν τοῖς Εὐρωπαίοις παραπλησίως. γίνεσθαι
-δὲ καὶ ὄφεις αὐτόθι καὶ τούτους πτηνούς· ἐπιφοιτᾶν
-<pb id="p.411"/>
-δὲ οὐ μεθʼ ἡμέραν ἀλλὰ νύκτωρ, καὶ ἀφιέναι ἐξ
-αὑτῶν οὖρον, ὅπερ οὖν ἐὰν κατά τινος ἐπιστάξῃ σώματος,
-σῆψιν ἐργάζεται παραχρῆμα. καὶ τὰ μὲν τοῦ
-Μεγασθένους ταῦτα. πολύκλειτός γε μήν φησιν ἐν
-τῇ αὐτῇ γῇ σαύρους γίνεσθαι μεγίστους καὶ πολυχρόους, 
-καὶ βαφαῖς τισιν εὐανθέσι τὰς δορὰς πεποικίλθαι
-δεινῶς, εἶναι δὲ καὶ ἅψασθαι ταύτας ἁπαλωτάτας.
-σαύρους δὲ Ἀριστοτέλης ἐν τῇ τῶν Ἀράβων
-γῇ τίκτεσθαί φησι, καὶ δύο πήχεις ἔχειν αὐτούς.
-</p>
-</div2>
-<div2 type="chapter" n="42">
-<p>Παμμένης ἐν τῷ περὶ θηρίων σκορπίους λέγει 
-γίνεσθαι πτερωτοὺς καὶ δικέντρους ἐν Αἰγύπτῳ ʽκαὶ
-οὔ φησιν ἀκοὴν λέγειν, ἀλλὰ ἑαυτοῦ τήνδε τὴν ἱστορίαν
-ὁμολογεἶ καὶ ὄφεις δικεφάλους, καὶ ἔχειν δύο
-πόδας κατὰ τὸ οὐραῖον τούτους. Κτησίας γε μὴν ὁ
-Κνίδιός φησι περὶ τὴν Περσικὴν Σιττάκην ποταμὸν 
-εἶναι Ἀργάδην ὄνομα. ὄφεις δὲ ἄρα ἐν αὐτῷ γίνεσθαι
-πολλούς, μέλανας τὸ σῶμα πλήν γε τῆς κεφαλῆς·
-εἶναι δὲ αὐτοῖς λευκὴν ταύτην. προϊέναι δὲ ἐς
-ὀργυιὰν τὸ μῆκος τοὺς ὄφεις τούσδε. καὶ μεθʼ ἡμέραν
-μὲν μὴ ὁρᾶσθαι, ὑφύδρους δὲ νήχεσθαι, νύκτωρ δὲ 
-ἢ τοὺς ὑδρευομένους ἢ τοὺς τὴν ἐσθῆτα φαιδρύνοντας
-διαφθείρειν. πολλοὺς δὲ ἄρα πάσχειν τοῦτο ἢ
-χρείᾳ ὕδατος ἐπιλείποντος ἢ μεθʼ ἡμέραν ἀσχοληθέντας
-ἀποπλῦναι τὴν ἐσθῆτα μὴ δεδυνημένους.</p>
-</div2>
-</div1>
-<pb id="p.412"/>
-<div1 type="book" n="17">
-<div2 type="chapter" n="1">
-<p>
-Ἀλέξανδρος ἐν τῷ περίπλῳ τῆς Ἐρυθρᾶς θαλάττης
-λέγει ὄφεις ἑορακέναι τετταράκοντα πήχεων τὸ
-μῆκος, καὶ γένος καρκίνων, οἷς τὸ μὲν ὄστρακον τὴν
-περιφέρειαν εἶχε πανταχόθεν πόδα, χηλαὶ δὲ ἠρτημέναι
-μέγισται προεῖχον, ἐπιβουλεύεσθαι δὲ ὑπʼ οὐδενὸς
-αὐτούς. τὸ δὲ αἴτιον, ἱεροὶ λέγονται Ποσειδῶνος.
-καὶ ἀφιέρωνται τῷ θεῷ, οἷον ἀναθήματα εἶναι
-ἐκείνου ἀσινῆ τε καὶ ἀνεπιβούλευτα οἱ καρκίνοι.
-</p>
-</div2>
-<div2 type="chapter" n="2">
-<p> Κλείταρχος ἐν τῇ περὶ τὴν Ἰνδικήν φησι γίνεσθαι
-ὄφεις πήχεων ἑκκαίδεκα. γίνεσθαι δὲ καὶ ἄλλο τι
-γένος ὄφεων ὑμνεῖ, οὐ κατὰ τοὺς ἑτέρους τὸ εἶδος·
-βραχυτέρους· μὲν γὰρ εἶναι πολλῷ, ποικίλους γε
-μὴν τὴν χρόαν ὁρᾶσθαι, ὥσπερ οὖν φαρμάκοις
-καταγραφέντας· τοὺς μὲν γὰρ χαλκοειδεῖς ταινίας
-ἔχειν ἀπὸ τῆς κεφαλῆς ἐς τὴν οὐρὰν καθερπούσας,
-τοὺς δὲ ἀργύρῳ προσεικασμένας, πεφοινιγμένας
-ἄλλους, καὶ μέντοι καὶ χρυσοφαεῖς τινας. δακεῖν
-δὲ ἄρα καὶ ἀποκτεῖναι ὤκιστα δεινοὺς αὐτοὺς λέγει οὗτος.
-</p>
-</div2>
-<div2 type="chapter" n="3">
-<p> ἐν τῷ ἐννάτῳ τῶν περὶ Πτολεμαῖον λόγων λέγει
-Νύμφις ἐν τῇ γῇ τῇ Τρωγλοδύτιδι γίνεσθαι ἔχεις
-ἄμαχόν τι μέγεθος, εἰ πρὸς τοὺς ἄλλους ἔχεις ἀντικρίνοιντο·
-εἶναι γὰρ πήχεων καὶ πεντεκαίδεκα· τάς γε
-μὴν χελώνας εἶναι τοσαύτας τὸ χελώνιον, ὡς χωρεῖν
-μεδίμνους Ἀττικοὺς καὶ ἓξ αὐτό.
-</p>
-</div2>
-<div2 type="chapter" n="4">
-<p> ἔστι δὲ καὶ πρηστὴρ ὄφεων γένος, ὅσπερ οὖν εἰ
-δάκοι, τὰ μὲν πρῶτα νωθεῖς ἀπεργάζεται καὶ ἥκιστα
-κινητικούς, εἶτα μέντοι κατʼ ὀλίγον ἀρρώστους καὶ
-ἀναπνεῖν ἀδυνάτους· καὶ μέντοι καὶ λήθην καταχεῖ
-<pb id="p.413"/>
-τῆς γνώμης τὸ δῆγμα, καὶ τὴν κύστιν ἐπέχει, καὶ
-λιπότριχας ἀποφαίνει, εἶτα ἕπεται πνιγμός, καὶ σπᾶσθαι
-ποιεῖ, καὶ τὸ τέλος τοῦ βίου ἀλγεινότατον.
-</p>
-</div2>
-<div2 type="chapter" n="5">
-<p>Φύλαρχος ἐν τῇ δωδεκάτῃ ὑπὲρ τῶν Αἰγυπτίων 
-ἀσπίδων ᾅδει τοιαῦτα. τιμᾶσθαί φησιν αὐτὰς ἰσχυρῶς, 
-καὶ ἐκ ταύτης γε τῆς τιμῆς ἡμερωτάτας τε καὶ
-χειροήθεις γίνεσθαι. τοῖς παιδίοις οὖν συντρεφομένας
-μηδὲν ἀδικεῖν, καλουμένας δὲ ἐξέρπειν τῶν φωλεῶν
-καὶ ἀφικνεῖσθαι. κλῆσις δὲ αὐταῖς ὁ τῶν δακτύλων
-ἐστὶ κρότος. προτείνουσι δὲ ἄρα οἱ Αἰγύπτιοι 
-καὶ ξένια αὐταῖς. ἐπὰν γὰρ ἀπὸ δείπνου γένωνται,
-ἄλφιτα οἴνῳ καὶ μέλιτι ἀναδεύσαντες κατὰ τῆς τραπέζης
-τιθέασιν, ἐφʼ ἧς ἔτυχον δεδειπνηκότες· εἶτα
-μέντοι κροτήσαντες οἱονεὶ δαιτυμόνας καλοῦσι. καὶ
-ἐκεῖναι ὥσπερ οὖν ὑπὸ συνθήματι παραγίνονται, καὶ 
-ἄλλη ἀλλαχόθεν ἐξέρπει, καὶ περιστᾶσαι τὴν τράπεζαν
-τὴν μὲν λοιπὴν σπεῖραν ἐῶσι κατὰ τοῦ δαπέδου,
-ἄρασαι δὲ τὴν κεφαλὴν περιλιχμῶνται, καὶ ἡσυχῆ
-καὶ κατʼ ὀλίγον ἐμπίπλανται τῶν ἀλφίτων, καὶ καταναλίσκουσιν
-αὐτά. νύκτωρ δὲ ἐὰν ἐπείγῃ τι τοὺς 
-Αἰγυπτίους, κροτοῦσι πάλιν· ὑποσημαίνει δὲ ἄρα αὐτὰς
-ὅδε ὁ ψόφος ἐξίστασθαί τε καὶ ἀναχωρεῖν. οὐκοῦν
-συνιᾶσιν ἐκεῖναι τὴν τοῦ κτύπου διαφορὰν καὶ ἐφʼ
-ὅτῳ τοῦτο δρᾶται, καὶ παραχρῆμα ἀναστέλλονται καὶ
-ἀφανίζονται, ἐς τοὺς χηραμούς τε καὶ φωλεοὺς ἕρπουσαι. 
-ὁ οὖν ἀνιστάμενος οὔτε ἐμβαίνει τινὶ αὐτῶν οὔτε περιπίπτει.
-</p>
-</div2>
-<div2 type="chapter" n="6">
-<p>ὁ κροκόδειλος γίνεται μήκιστος πολλάκις. ἐπὶ 
-γοῦν Ψαμμιτίχου τοῦ Αἰγυπτίων βασιλέως πέντε καὶ
-εἴκοσι πήχεων κροκόδειλον φανῆναί φασιν, ἐπὶ δὲ 
-Ἀμάσιδος παλαιστῶν τεττάρων καὶ πήχεων ἓξ καὶ
-εἴκοσι. κήτη δὲ περὶ τὴν Λάκαιναν θάλατταν ἀκούω
-<pb id="p.414"/>
-γίνεσθαι μεγέθει μέγιστα, καί τινές γε τῶν κριτικῶν
-Ὅμηρον ἐντεῦθέν φασιν εἰπεῖν Λακεδαίμονα κητώεσσαν.
-περὶ τὰ Κύθηρα δὲ ἔτι καὶ μείζω τὰ
-κήτη ὑμνοῦσι γίνεσθαι. ἔοικε δὲ αὐτῶν καὶ τὰ νεῦρα
-λυσιτελῆ εἶναι ἐς τὰς τῶν ψαλτηρίων καὶ τῶν ἄλλων
-ὀργάνων χορδοστροφίας καὶ μέντοι καὶ ἐς τὰ πολεμικὰ
-ὄργανα. ἐν δὲ τῇ Ἐρυθρᾷ θαλάττῃ πρὸς
-τοῖς ἤδη προειρημένοις γίνονται καὶ σκορπίοι καὶ
-κωβιοὶ δύο πήχεων καὶ μέντοι καὶ τριῶν. ἀμώμητος
-δέ φησιν ἐν τῇ Λιβύῃ πόλιν εἶναί τινα, ἐν
-ᾗ τοὺς ἱερέας ἔκ τινος λίμνης ἐπαοιδαῖς καταγοητεύοντας
-εὖ μάλα ἑλκτικαῖς ἐξάγειν κροκοδείλους
-πήχεων ἑκκαίδεκα. Θεοκλῆς δὲ ἐν τῇ τετάρτῃ περὶ
-τὴν Σύρτιν λέγει γίνεσθαι κήτη τριήρων μείζονα.
-περὶ δὲ τὴν Γεδρωσίων χώραν ʽἔστι δὲ μοῖρα τῆς
-γῆς τῆς Ἰνδικῆς οὐκ ἄδοξοσʼ Ὀνησίκριτος λέγει καὶ
-Ὀρθαγόρας γίνεσθαι κήτη ἥμισυ ἔχοντα σταδίου τὸ
-μῆκος. τοσαύτην δέ φασιν ἔχειν δύναμιν αὐτά, ὡς
-πολλάκις, ὅταν ἀναφυσήσῃ τοῖς μυκτῆρσιν, ἐς τοσοῦτον
-ἀναρρίπτειν τῆς θαλάττης τὸ κλυδώνιον, ὡς
-δοκεῖν τοῖς ἀμαθέσι καὶ ἀπείροις πρηστῆρας εἶναι ταῦτα.
-</p>
-</div2>
-<div2 type="chapter" n="7">
-<p> Ἀριστοτέλης ἐν τῷ ὀγδόῳ περὶ ζῴων φησὶ τοὺς
-ἐλέφαντας ἐσθίειν κριθῶν μεδίμνους Μακεδονικοὺς
-ἐννέα, ἀλφίτων δὲ ἐπὶ τούτοις ἕξ, εἰ δὲ δοίης, καὶ
-ἑπτά· πίνειν δὲ αὐτοὺς ὁ αὐτὸς λέγει μετρητὰς Μακεδονικοὺς
-τετταρεσκαίδεκα, καὶ πάλιν τῆς δείλης
-ἐπιπίνειν ὀκτώ. βιοῦν δὲ ἐλέφαντας ἔτη διακόσιά
-φησι, προϊέναι δὲ ἔστιν οὓς καὶ ἐς τρεῖς ἑκατοντάδας.
-Διειδὲς δὲ ὕδωρ καὶ ἀκραιφνὲς καμήλῳ πιεῖν
-ἔχθιστόν ἐστι, τεθολωμένον δὲ καὶ ῥυπαρὸν ἥδιστον
-πωμάτων ἡγεῖται. καὶ μέντοι καὶ ἐς ποταμὸν ἐὰν ἀφίκηται
-<pb id="p.415"/>
-ἢ λίμνην, οὐ πρότερον ἐπικύπτει πιεῖν, πρὶν
-ἢ τοῖς ποσὶν ἀναταράξῃ τὴν ἰλὺν καὶ ἀφανίσῃ τὸ
-κάλλος τοῦ ὕδατος. ἄποτος δὲ ἐὰν μείνῃ, διακαρτερεῖ
-καὶ ὀκτὼ ἡμέρας.
-</p>
-</div2>
-<div2 type="chapter" n="8">
-<p>Πυθαγόρας ἐν τοῖς περὶ τῆς Ἐρυθρᾶς θαλάττης 
-λέγει ζῷόν τι γίνεσθαι χερσαῖον περὶ τὸ πέλαγος
-ἐκεῖνο, τὸν καλούμενον κῆπον. φερώνυμον δὲ εἶναι·
-ἔχειν γὰρ χρόας πολλάς. καὶ μέγεθος μὲν εἰληχέναι
-τὸν τέλειον κατὰ τοὺς κύνας τοὺς Ἐρετρικούς.
-περιελθεῖν δὲ αὐτοῦ τὸ ποικίλον ἐθέλω καὶ δεῖξαι 
-τῷ λόγῳ, ὡς ἐκεῖνος γράφει. τὰ μὲν δὴ περὶ τὴν
-κεφαλὴν αὐτῷ καὶ τὸ νῶτον καὶ τὴν ῥάχιν ἐς τὴν
-οὐρὰν τελευτῶντα ἀκράτως πυρρά ἐστι, θεάσαιο
-δʼ ἂν καὶ τρίχας χρυσοειδεῖς τινας διεσπαρμένας·
-λευκὸν δὲ τὸ πρόσωπόν οἱ μέχρι τῶν παρειῶν, ἐντεῦθέν 
-γε μὴν ταινίαι χρυσοειδεῖς κατίασιν ἐς τὴν
-δέρην. ταύτης δὲ τὰ κάτω μέχρι τῶν στέρνων καὶ
-οἱ πόδες δὲ οἱ πρόσθιοι λευκανθίζει πάντα. μαζοὶ δὲ
-χειροπληθεῖς δύο κυανοῖ, γαστὴρ δὲ λευκὴ πᾶσα,
-πόδες δὲ οἱ κατόπιν μέλανές εἰσι. προσώπου δὲ 
-μορφή, κυνοκεφάλῳ παραβαλὼν αὐτὴν ἀληθεύσεις, εὖ ἴσθι.
-</p>
-</div2>
-<div2 type="chapter" n="9">
-<p>Ὀνοκενταύραν καλοῦσι ζῷόν τι, καὶ ταύτην ὅστις 
-εἶδεν, οὐκ ἂν ἠπίστησεν ὅτι καὶ Κενταύρων φῦλα
-ἦν, καὶ οὐ κατεψεύσαντο οἱ χειρουργοὶ τῆς φύσεως, 
-ἀλλὰ καὶ ἐκείνους ἤνεγκεν ὁ χρόνος κράσει σωμάτων
-οὐχ ὁμοίων ἑνωθέντας. καταλείπωμεν δὲ αὐτούς,
-εἴτε ἐγένοντο ὄντως ἐπιδημίᾳ μιᾷ καὶ τῇ αὐτῇ, εἴτε
-ἡ φήμη κηροῦ παντὸς οὖσα εὐπλαστοτέρα τε καὶ εὐπειθεστέρα
-διέπλασεν αὐτούς, καὶ ἀνέμιξεν ἵππου 
-καὶ ἀνθρώπου δαιμονίᾳ τινὶ συναφῇ ἡμίτομα, καὶ
-<pb id="p.416"/>
-ἔδωκε μίαν ψυχήν. αὕτη δὲ ὑπὲρ ἧς ὥρμηται λέγειν
-ὅδε ὁ λόγος, ἐς ἀκοὴν τὴν ἐμὴν τοιάδε ἀφίκετο. ἀνθρώπῳ
-τὸ πρόσωπον εἴκασται, περιέρχονται δὲ αὐτὸ
-βαθεῖαι τρίχες. τράχηλός τε ὑπὸ τῷ προσώπῳ καὶ
-στέρνα, καὶ ταῦτα ἀνθρωπικά· μαζοὶ δὲ ᾐρμένοι καὶ
-κατὰ τοῦ στήθους ἐφεστῶτες, ὦμοι δὲ καὶ βραχίονες
-καὶ πήχεις, ἔτι δὲ χεῖρες καὶ στέρνα ἐς ἰξύν, καὶ
-ταῦτα ἀνθρωπικά· ῥάχις δὲ καὶ πλευραὶ καὶ γαστὴρ
-καὶ πόδες οἱ κατόπιν ὄνῳ καὶ μάλα ἐμφερῆ, καὶ τεφρώδης
-</p>
-</div2>
-<div2 type="chapter" n="10">
-<p> κατʼ ἐκεῖνον ἡ χρόα, τὰ δὲ ὑπὸ τὰς λαπάρας
-ἡσυχῆ λευκανθίζει. αἱ χεῖρες δὲ τῷδε τῷ ζῴῳ
-διπλῆν παρέχουσι χρείαν· ἔνθα μὲν γὰρ τάχους δεῖ,
-προθέουσι τῶν ὀπίσω σκελῶν, καὶ τῶν λοιπῶν τετραπόδων
-οὐχ ἡττᾶται τὸν δρόμον· δεῖ δὲ πάλιν ἢ ἀφελεῖν
-τι ἢ καταθέσθαι ἢ συλλαβεῖν καὶ σφίγξαι,
-καὶ οἱ πόδες οἱ τέως χεῖρες ἐγένοντο, καὶ οὐ βαδίζει,
-κάθηται δέ. βαρύθυμον δὲ ἰσχυρῶς τὸ ζῷόν
-ἐστιν. ἐὰν γοῦν ἁλῷ, δουλείαν μὴ φέρον καὶ τῆς
-τέως ἐλευθερίας γλιχόμενον τροφὴν ἀπέστραπται
-πᾶσαν, καὶ ἀποθνήσκει λιμῷ. Πυθαγόρας λέγει καὶ
-ταῦτα, ὥσπερ οὖν τεκμηριοῖ Κράτης ὁ ἐκ τοῦ Μυσίου Περγάμου.
-ἡ Βοιωτῶν γῆ ἀσπαλάκων ἀφεῖται, καὶ αὐτὴν
-οὐ διορύττει τὸ ζῷον τοῦτο κατὰ Λεβάδειαν· ἐὰν δέ
-πως καὶ ἀλλαχόθεν ἐσκομισθῶσιν, ἀποθνήσκουσι. περὶ
-μὲν οὖν τὴν Ὀρχομενίων γίνονται καὶ πολλοί. ἐν
-δὲ Λιβύῃ συῶν ἀγρίων ἀπορία ἐστὶ καὶ ἐλάφων. ἐν
-δὲ τῷ Πόντῳ οὔτε μαλάκια οὔτε ὀστρακόδερμα γίνεται,
-εἰ μὴ σπανίως καὶ ὀλίγα. λέγει δὲ Δείνων ἐν
-Αἰθιοπίᾳ γίνεσθαι τοὺς ὄρνιθας τοὺς μονόκερως καὶ
-ὗς τετράκερως καὶ πρόβατα ἐρίων μὲν ψιλά, τρίχας
-δὲ καμήλων ἔχοντα.
-<pb id="p.417"/>
-</p>
-</div2>
-<div2 type="chapter" n="11">
-<p>ἐν Ζακύνθῳ λέγουσιν οἱ δεινοὶ τὰ τοιαῦτα βασανίσαι 
-τε καὶ ἀνιχνεῦσαι τοῖς ὑπὸ τῶν φαλαγγίων
-δακνομένοις μὴ μόνον τοσαῦτα ἀπαντᾶν, ὅσα καὶ τοῖς
-ἀλλαχόθι δηχθεῖσιν, ἀλλὰ ἐκείνων πλείω. ὅλα γὰρ
-αὐτοῖς τὰ σώματα γίνεται νάρκης ἀνάπλεω καί πως 
-ὑπότρομα καὶ ψυχρὰ ἰσχυρῶς, καὶ ἔμετοι σπασμὸν
-ἀναφύοντες, καὶ ὀρθοῦται τὸ σκεῦος αὐτοῖς· ἀλγοῦσι
-δὲ καὶ τὰ ὦτα ἰσχυρῶς, καὶ τοῦ ποδὸς ἑκατέρου τὸ
-θέναρ καὶ τοῦτο ὀδυνῶνται. ἐνδείκνυνται δὲ ἄρα
-αὐτὰ ὅσα εἶπον ἕκαστα καὶ οἱ τὰς χεῖρας ἐπιβάλλοντες 
-αὐτοῖς. ὃ δέ ἐστι καὶ ἀκοῦσαι ἐκπληκτικὸν καὶ
-μέντοι καὶ θαυμασιώτερον ἰδεῖν, ὅταν τινὲς τῶν
-ἀδήκτων ἢ ἐμβῶσι τοῖς ἀπολούτροις τῶν δηχθέντων
-ἢ καὶ νὴ Δία ἀπονίψωνται τοὺς πόδας ʽοἷα δήπου
-γίνεσθαι φιλεῖ πολλάκις· ἤδη δὲ ἄρα ἀπαντᾷ τὰ τοιαῦτα 
-καὶ κατά τινας ἐπιβουλὰς ἐχθρῶνʼ, πάντα καὶ
-ἐκείνοις γίνεται τὰ ἀλγήματα, ὅσα καὶ τοῖς δηχθεῖσι δήπου.
-</p>
-</div2>
-<div2 type="chapter" n="12">
-<p>γένος τι φρύνης ἀκούω καὶ πιεῖν δεινὸν καὶ 
-πικρὸν ἰδεῖν. πιεῖν μέν, εἴ τις αὐτὴν συντρίψας εἶτα 
-μέντοι τὸ αἷμα δοίη τῳ πιεῖν, κατʼ ἐπιβουλὴν ἐμβαλὼν
-εἴτε ἐς οἶνον εἴτε ἐς ἄλλα πώματα, ὧνπερ οἱ τούτων
-κατάρατοι σοφισταὶ ἐπιτήδειον ἥγηνται τὴν πρὸς ἐκεῖνο
-τὸ αἷμα κρᾶσιν. καὶ ποθὲν ἀπέκτεινεν οὐκ ἐς ἀναβολὰς
-ἀλλὰ παραχρῆμα. ἰδεῖν δὲ ἡ φρύνη κακόν 
-ἐστι τοιοῦτον. ἐάν τις θεάσηται τὴν θῆρα, εἶτα αὐτῇ
-ἀντίος ὁρῶν προσβλέψῃ δριμύ, καὶ ἐκείνη κατὰ τὴν
-ἑαυτῆς φύσιν ἰταμὸν ἀντιβλέψῃ, καί τι καὶ φύσημα
-ἐμπνεύσῃ ἑαυτῇ μὲν συμφυές, χρωτὶ δὲ ἐχθρὸν ἀνθρωπίνῳ,
-ὠχρὸν ὠχρὸν ἐργάζεται, ὡς εἰπεῖν τὸν οὐκ 
-ἰδόντα ἀλλὰ ἐντυχόντα πρῶτον ὅτι νοσήσαντα εἶδεν
-<pb id="p.418"/>
-ἄνθρωπον. μένει τε ἡ ὠχρότης ἡμερῶν οὐ πολλῶν, εἶτα ἀφανίζεται.
-</p>
-</div2>
-<div2 type="chapter" n="13">
-<p> χαραδριοῦ δὲ ἦν ἄρα δῶρον τοῦτο, ὃ οὐ μὰ Δία
-ἀτιμάζειν ἄξιον. εἰ γοῦν ὑπαναπλησθεὶς τὸ σῶμα
-ἰκτέρου τις εἶτά οἱ δριμὺ ἐνορῴη, ὃ δὲ ἀντιβλέπει
-καὶ μάλα γε ἀτρέπτως, ὥσπερ οὖν ἀντιφιλοτιμούμενος,
-καὶ ἡ τοιάδε ἀντίβλεψις ἰᾶται τὸ προειρημένον
-πάθος τῷ ἀνθρώπῳ.
-</p>
-</div2>
-<div2 type="chapter" n="14">
-<p> ἐγὼ μὲν οὐ πεπίστευκα, εἰ δὲ ἕτερος Εὐδόξῳ
-πείθεται, πιστευέτω ὅ φησιν Εὔδοξος, ὑπερβαλὼν
-τὰς Ἡρακλείους στήλας ἐν λίμναις ἑορακέναι ὄρνιθάς
-τινας καὶ μείζους βοῶν. καὶ ὅτι μὲν οὐ πείθει με ὁ
-λέγων, ἤδη εἶπον· ἃ δʼ οὖν ἤκουσα, οὐκ ἐσίγησα.
-</p>
-</div2>
-<div2 type="chapter" n="15">
-<p> Ἀριστοτέλης λέγει πέρδικα θῆλυν, ὅταν κατὰ
-ἄνεμον γένηται τοῦ ἄρρενος, ἐγκύμονα γίνεσθαι
-φύσει τινὶ ἀπορρήτῳ. διαπλέκει δὲ ἄρα ὁ ὄρνις οὗτος
-ἐν ἡμέραις τὴν νεοττιὰν ἑπτά, καὶ ἐν ἑπτὰ μέντοι
-τίκτει, ἐν δὲ ταῖς τοσαύταις καὶ ἐκτρέφει τὰ νεόττια.
-Τίμαιος δὲ καὶ Ἡρακλείδης καὶ Νεοκλῆς ὁ ἰατρὸς
-λέγουσι τοὺς φρύνους δύο ἥπατα ἔχειν, καὶ τὸ μὲν
-ἀποκτείνειν, τὸ δὲ ἐκείνου πεφυκέναι ἀντίπαλον· σώζειν γάρ.
-</p>
-</div2>
-<div2 type="chapter" n="16">
-<p> Θεόπομπος λέγει τοὺς περὶ τὸν Ἀδρίαν οἰκοῦντας
-Ἑνετούς, ὅταν ἀρότου καὶ σπόρου ᾖ ὥρα, τοῖς
-κολοιοῖς ἀποστέλλειν δῶρα· εἴη δʼ ἂν τὰ δῶρα ψαιστὰ
-ἄττα καὶ μεμαγμέναι μάζαι καλῶς τε καὶ εὖ. βούλεται
-δὲ ἄρα ἡ τῶνδε τῶν δώρων πρόθεσις μειλίγματα
-τοῖς κολοιοῖς εἶναι καὶ σπονδῶν ὁμολογίαι, ὡς ἐκείνους
-τὸν καρπὸν τὸν Δημήτρειον μὴ ἀνορύττειν καταβληθέντα
-ἐς τὴν γῆν μηδὲ παρεκλέγειν. Λύκος
-δὲ ἄρα καὶ ταῦτα μὲν ὁμολογεῖ, καὶ ἐκεῖνα δὲ ἐπὶ
-τούτοις προστίθησι καὶ φοινικοῦς ἱμάντας τὴν
-<pb id="p.419"/>
-χρόαν, καὶ τοὺς μὲν προθέντας ταῦτα εἶτα ἀναχωρεῖν.
-καὶ τὰ μὲν τῶν κολοιῶν νέφη τῶν ὅρων ἔξω καταμένειν,
-δύο δὲ ἄρα ἢ τρεῖς προῃρημένους κατὰ τοὺς
-πρέσβεις τοὺς ἐκ τῶν πόλεων πέμπεσθαι κατασκεψομένους
-τῶν ξενίων τὸ πλῆθος· οἵπερ οὖν ἐπανίασι 
-θεασάμενοι, καὶ καλοῦσιν αὐτούς, ᾖ πεφύκασιν οἳ
-μὲν καλεῖν, οἳ δὲ ὑπακούειν. ἔρχονται μὲν οὖν κατὰ
-νέφη· ἐὰν δὲ γεύσωνται τῶν προειρημένων, ἴσασιν
-οἱ Ἑνετοὶ ὅτι ἄρα αὐτοῖς πρὸς τοὺς ὄρνιθας τοὺς
-προειρημένους ἔνσπονδά ἐστιν· ἐὰν δὲ ὑπερίδωσι 
-καὶ ἀτιμάσαντες ὡς εὐτελῆ μὴ γεύσωνται, πεπιστεύκασιν
-οἱ ἐπιχώριοι ὅτι τῆς ἐκείνων ὑπεροψίας ἐστὶν
-αὐτοῖς λιμὸς τὸ τίμημα. ἄγευστοι γὰρ μένοντες οἱ
-προειρημένοι ἀδεκατεύτοις ὡς εἰπεῖν ἐπιπέτονταί τε
-ταῖς ἀρούραις καὶ τό γε πλεῖστον τῶν κατεσπαρμένων 
-συλῶσι πικρότατά γε ἐκεῖνοι, σὺν τῷ θυμῷ καὶ
-ἀνορύττοντες καὶ ἀνιχνεύοντες.
-</p>
-</div2>
-<div2 type="chapter" n="17">
-<p>Ἀμύντας ἐν τοῖς ἐπιγραφομένοις οὕτως ὑπʼ αὐτοῦ 
-Σταθμοῖς κατὰ τὴν γῆν τὴν Κασπίαν καὶ βοῶν ἀγέλας
-λέγει πολλὰς καὶ ἵππων, καὶ κρείττονας ἀριθμοῦ 
-εἶναι. ἐπιλέγει δὲ ἄρα καὶ ἐκεῖνο, ἐν ὡρῶν τισι περιτροπαῖς
-μυῶν ἐπιδημίας γίνεσθαι πλῆθος ἄμαχον,
-καὶ τὸ μαρτύριον ἐπάγει λέγων, τῶν ποταμῶν τῶν
-ἀενάων σὺν πολλῷ τῷ ῥοίζῳ φερομένων, τοὺς δὲ καὶ
-μάλα ἀτρέπτως ἐπινήχεσθαί τε αὐτοῖς καὶ τὰς οὐρὰς 
-ἀλλήλων ἐνδακόντας ἕρμα τοῦτο ἴσχειν, καὶ τοῦ διαβάλλειν
-τὸν πόρον σύνδεσμόν σφισιν ἰσχυρότατον
-ἀποφαίνειν τόνδε. ἐς τὰς ἀρούρας δὲ ἀπονηξάμενοί
-φησι καὶ τὰ λήια ὑποκείρουσι, καὶ διὰ τῶν δένδρων
-ἀνέρπουσι, καὶ τὰ ὡραῖα δεῖπνον ἔχουσι, καὶ τοὺς 
-κλάδους δὲ διακόπτουσιν, οὐδὲ ἐκείνους κατατραγεῖν
-ἀδυνατοῦντες. οὐκοῦν ἀμυνούμενοι οἱ Κάσπιοι τὴν
-<pb id="p.420"/>
-ἐκ τῶν μυῶν ἐπιδρομήν τε ἅμα καὶ λύμην φείδονται
-τῶν γαμψωνύχων, οἵπερ οὖν καὶ αὐτοὶ κατὰ νέφη
-πετόμενοι εἶτα αὐτοὺς ἀνασπῶσιν, καὶ ἰδίᾳ τινὶ φύσει
-τοῖς Κασπίοις ἀναστέλλουσι τὸν λιμόν.
-ἀλώπεκες δὲ αἱ Κάσπιαι, τὸ πλῆθος αὐτῶν τοσοῦτόν
-ἐστιν ὡς καὶ ἐπιφοιτᾶν οὐ μόνον τοῖς αὐλίοις
-τοῖς κατὰ τοὺς ἀγρούς, ἤδη γε μὴν καὶ ἐς τὰς πόλεις
-παριέναι. καὶ ἐν οἰκίᾳ ἀλώπηξ φανεῖται οὐ μὰ Δία
-ἐπὶ λύμῃ οὐδὲ ἁρπαγῇ, ἀλλὰ οἷα τιθασός· καὶ ὑποσαίνουσί
-τε καὶ ὑπαικάλλουσι τῶν παρʼ ἡμῖν κυνιδίων.
-οἱ δὲ μύες οἱ τοῖς Κασπίοις ἐπίδημον ὄντες
-κακόν, μέγεθος αὐτῶν ὅσον κατά γε τοὺς Αἰγυπτίων
-ἰχνεύμονας ὁρᾶσθαι· ἄγριοι δὲ καὶ δεινοὶ καὶ καρτεροὶ
-τοὺς ὀδόντας, καὶ διακόψαι τε καὶ διατραγεῖν
-οἷοί τε εἰσὶ καὶ σίδηρον. τοιοῦτοι δὲ ἄρα καὶ οἱ μύες
-οἱ ἐν τῇ Τερηδόνι τῆς Βαβυλωνίας εἰσίν, ὧνπερ οὖν
-καὶ τὰς δορὰς οἱ τούτων κάπηλοι ἐς Πέρσας ἄγουσι
-φόρτον. εἰσὶ δὲ ἁπαλαί, καὶ συνερραμμέναι χιτῶνές
-τε ἅμα γίνονται καὶ ἀλεαίνουσιν αὐτούς. καλοῦνται
-δὲ ἄρα οὕτοι κανδυτᾶνες, ὡς ἐκείνοις φίλον. θαυμάσαι
-δὲ τῶν μυῶν τῶνδε ἄξιον ἄρα καὶ τοῦτο. ἐὰν
-ἁλῷ μῦς κύουσα, κᾆτα ἐξαιρεθῇ τὸ ἔμβρυον, αὐτῆς
-δὲ διατμηθείσης ἐκείνης εἶτα μέντοι καὶ αὐτὸ διανοιχθῇ,
-καὶ ἐκεῖνο ἔχει βρέφος.
-</p>
-</div2>
-<div2 type="chapter" n="18">
-<p> τῆς θαλαττίας τρυγόνος ἴδιον καὶ τοῦτο προσακήκοα.
-ἐπὶ τῆς ἁλιάδος ὀρχεῖταί τις, ὅταν αὐτὴν
-ὑπονέουσαν θεάσηται, καὶ μέντοι καὶ ἀπέσκωψέ τι
-κέρτομον, καὶ πρὸς ἐπὶ τούτοις, ἐάνπερ αὐλητικὸς ᾖ,
-καὶ τὸν αὐλὸν ὡς δέλεαρ φέρει καὶ ὑπαυλεῖ· ἣ δὲ
-ὑπερήδεται ʽκαὶ γάρ τοι καὶ ὦτα ἔχει μουσικῆς ἐπαΐοντα,
-ὥς φασι, καὶ ὄμματα συνιέντα ὀρχηστικῆσʼ εἶτα
-κηλουμένη ἡσυχῆ πως ἀναπλεῖ. καὶ ὃ μὲν τὰς ἴυγγας
-<pb id="p.421"/>
-τὰς προειρημένας ἐνεργότατα προσείει, ἔθηκε δὲ τὸ
-φέρνιόν τις ἕτερος, καὶ τὸν ἰχθὺν ἀνάγει· καὶ ʽτοῦτο
-δήπου τὸ καινότατονʼ κηλουμένη εἶτα ἑαυτὴν διαλέληθεν ᾑρημένη.
-</p>
-</div2>
-<div2 type="chapter" n="19">
-<p>Γαλάτας Εὔδοξος τοὺς ἑῴους λέγει δρᾶν τοιαῦτα, 
-καὶ εἰ φανεῖταί τῳ πιστά, πιστευέτω, εἰ δὲ ἧττον
-τοιαῦτα, μὴ προσεχέτω. ὅταν αὐτῶν τῇ γῇ νέφη παρνόπων
-ἐπιφοιτήσαντα εἶτα λυπήσῃ τοὺς καρπούς, οἳ
-δὲ εὐχάς τινας εὔχονται, καὶ ἱερουργίας καταθύουσιν
-ὀρνίθων κατακηλητικάς· οἳ δὲ ὑπακούουσι, καὶ ἔρχονται 
-στόλῳ κοινῷ, καὶ τοὺς πάρνοπας ἀφανίζουσιν.
-ἐὰν δὲ τούτων τινὰ θηράσηται Γαλάτης, τίμημά οἱ
-ἐκ τῶν νόμων τῶν ἐπιχωρίων θάνατός ἐστιν. ἐὰν δὲ
-συγγνώμης τύχῃ καὶ ἀφεθῇ, ἐς μῆνιν ἐμβάλλει τοὺς
-ὄρνιθας, καὶ τιμωροῦντες τῷ ἑαλωκότι οὐκ ἀξιοῦσιν 
-ὑπακοῦσαι, ἐάν γε καλῶνται αὖθις.
-</p>
-</div2>
-<div2 type="chapter" n="20">
-<p>Ἀριστοτέλης λέγει γίνεσθαι ἐν Σάμῳ λευκὴν 
-χελιδόνα· ταύτης γε μὴν ἐάν τις ἐκκεντήσῃ τοὺς
-ὀφθαλμούς, γίνεσθαι μὲν αὐτὴν παραχρῆμα τυφλήν,
-μετὰ ταῦτα δὲ ἐξωμμάτωται καὶ λελάμπρυνται 
-κόρας καὶ ἐξ ὑπαρχῆς ὁρᾷ, ὡς ἐκεῖνός φησι.
-</p>
-</div2>
-<div2 type="chapter" n="21">
-<p>τὸν κιννάμωμον ὄρνιν ἀκούω εἶναι, καὶ μέντοι 
-καὶ κομίζειν κάρφη φυτοῦ τοῦ ὁμωνύμου ἐκ τῶν τῆς
-γῆς τερμάτων, καὶ καλιὰς ὑποπλέκειν ἔνθα Ἡρόδοτοί
-τε ᾅδουσι καὶ ἄλλοι, φιλοῦσι δέ πως οἵδε οἱ ὄρνιθες 
-τὰς ἑαυτῶν εὐνάς τε καὶ καταγωγὰς ὑφαίνειν. οὐκοῦν
-οἷσπερ μέλει τῶνδε τῶν καρφῶν, οἰστοὺς βαρεῖς
-ῥοίζῳ βιαιοτάτῳ καὶ νευρᾶς ἐντάσει σφοδρᾷ κατὰ
-τῶν καλιῶν ἀφιᾶσιν· αἳ δὲ ῥήγνυνται, καὶ κατολισθάνει
-τὰ κάρφη, καὶ μέντοι καὶ τὸ ᾀδόμενον δήπου 
-κιννάμωμον ταῦτά ἐστιν.
-</p>
-</div2>
-<div2 type="chapter" n="22">
-<p>καὶ Κλειτάρχῳ χῶρον δῶμεν. λέγει δὲ Κλείταρχος 
-<pb id="p.422"/>
-ἐν Ἰνδοῖς γίνεσθαι ὄρνιν, καὶ εἶναι σφόδρα
-ἐρωτικόν, καὶ τὸ ὄνομα αὐτοῦ λέγει ὠρίωνα εἶναι.
-φέρε δὲ καὶ διαγράψωμεν αὐτὸν τῷ λόγῳ, ὡς ἐκεῖνος
-διδάσκει. τοῖς μὲν καλουμένοις ἐρωδίοις ὅμοιος τὸ
-μέγεθος ὅδε ὁ ὠρίων ἐστίν, ἔστι δὲ καὶ τὰ σκέλη ὡς
-ἐκεῖνοι φοίνιξ, ὀφθαλμοὺς δὲ κυανοῦς ἔχει ʽτοῦτο
-μὲν οὐχ ὡς ἐκεῖνοἰ, μέλος δὲ μουσουργεῖν ὑπὸ τῆς
-φύσεως πεπαίδευται, οἷα δήπου μέλη ὑμεναιοῦται
-γλυκέα καὶ προσείοντα σειρῆνας.
-</p>
-</div2>
-<div2 type="chapter" n="23">
-<p> Κατρέα τὸ ὄνομα, Ἰνδὸν τὸ γένος, τῇ φύσει ὄρνιν
-λέγει Κλείταρχος εἶναι τὸ κάλλος ὑπερήφανον· τὸ μέγεθος
-γὰρ εἴη ἂν κατὰ τὸν ταῶν, τὰ δὲ ἄκρα τῶν
-πτερῶν ἔοικε σμαράγδῳ. καὶ ὁρῶντος μὲν ἄλλοσε οὐκ
-οἶσθα οἵους ὀφθαλμοὺς ἔχει· εἰ δὲ ἐς σὲ ἀπίδοι, ἐρεῖς
-κινναβάρινον εἶναι τὸ ὄμμα πλὴν τῆς κόρης· ἐκείνη
-δὲ μηλιάδι τὴν χρόαν προσείκασται καὶ βλέπει ὀξύ.
-τό γε μὴν τοῖς ἁπάντων ὀφθαλμοῖς λευκόν, ἀλλὰ τοῖς
-τοῦ κατρέως τοῦδε ὠχρόν ἐστι. τὰ δὲ τῆς κεφαλῆς
-πτίλα γλαυκωπά, καὶ ἔχει ῥανίδας οἱονεὶ κρόκῳ προσεικασμένας
-εἶτα ἄλλην ἄλλῃ διεσπαρμένας. πόδες
-δὲ αὐτῷ σανδαράκινοι. ἔχει δὲ καὶ φώνημα εὔμουσον
-καὶ κατὰ τὴν ἀηδόνα τορόν. Ἰνδοὶ δὲ ἄρα τὴν ἐξ
-ὀρνίθων τροφὴν εἶχον, ἵνα καὶ οἱ ὁρῶντες ἑστιᾶν
-τὴν ὄψιν δύνωνται. ἰδεῖν γοῦν αὐτοῖς πάρεστι καὶ
-ὅλους πορφυροῦς καὶ τῇ καθαρωτάτῃ φλογὶ προσεοικότας·
-καὶ τούτων αἱ πτήσεις κατὰ πλῆθός εἰσιν, ὡς
-νομίζειν νέφη· ἄλλοι γε μὴν ποικίλοι καὶ οὐ πάνυ τι
-τὸ εἶδος εὔρητοι, μελῳδίαν δὲ καὶ εὐστομίαν καὶ
-εὐγλωττίαν ἄμαχοι, ὡς εἶναι, εἰ μή πη καὶ τραχύτερόν
-ἐστιν εἰπεῖν, Σειρῆνάς τινας. κατάπτεροι γὰρ ὡς
-ἦσαν αἱ τοῦ μύθου κόραι, ποιηταί τε ᾅδουσιν καὶ ζωγράφοι δεικνύουσιν.
-<pb id="p.423"/>
-</p>
-</div2>
-<div2 type="chapter" n="24">
-<p>κύκνου δὲ ἤθη καὶ διατριβαὶ λίμναι τε καὶ ἕλη 
-καὶ τενάγη καὶ ἀέναοι ποταμοὶ πράως καὶ ἡσυχῆ
-ῥέοντες. εἰρηναῖοι δέ εἰσι καὶ ἐς γῆρας προΐασιν
-ἑαυτοῖς κοῦφον. εἰσὶ δὲ καὶ ἐς ῥώμην ἄλκιμοι, καὶ
-θαρροῦσιν αὐτῇ, οὐ μὴν ὥστε ἄρχειν ἀδίκων ἀλλʼ 
-ἀμύνεσθαι τὸν ἄρξαντα. ῥᾳδίως οὖν καὶ τῶν ἀετῶν
-περιγίνονται, ὅταν ἐκεῖνοι τολμήσωσιν ἐπιθέσθαι αὐτοῖς.
-καὶ εἶπον ἀνωτέρω τῆς μάχης τὸν τρόπον.
-</p>
-</div2>
-<div2 type="chapter" n="25">
-<p>λέγει δὲ Κλείταρχος πιθήκων ἐν Ἰνδοῖς εἶναι 
-γένη ποικίλα τὴν χρόαν, μεγέθει δὲ μέγιστα. ἐν δὲ 
-τοῖς χωρίοις τοῖς ὀρείοις τοσοῦτον αὐτῶν τὸ πλῆθος
-εἶναι, ὡς Ἀλέξανδρόν φησι τὸν Φιλίππου καὶ πάνυ
-καταπλαγῆναι σὺν καὶ τῇ οἰκείᾳ δυνάμει, οἰόμενον
-ἀθρόους ἰδόντα στρατιὰν ὁρᾶν συνειλεγμένην καὶ
-ἐλλοχῶσαν αὐτόν. ὀρθοὶ δὲ ἄρα ἦσαν οἱ πίθηκοι 
-κατὰ τύχην ἡνίκα ἐφάνησαν. θηρῶνται δὲ οὗτοι
-οὔτε δικτύοις οὔτε κυνῶν ῥινηλατούντων σοφίᾳ καὶ
-μάλα ἀγρευτικῇ. ἔστι δὲ τὸ ζῷον ὀρχηστικόν, εἰ
-θεῷτο ὀρχούμενον· καὶ θέλει γε αὐλεῖν, εἰ καταπνεῖν
-μάθοι. πρὸς τούτοις εἰ θεάσαιτό τινα ὑποδήματα 
-τοῖς ποσὶ περιτιθέντα, μιμεῖται τὴν ὑπόδεσιν· καὶ
-ὑπογράφοντος τὼ ὀφθαλμὼ μέλανι, καὶ τοῦτο δρᾶσαι
-θέλει. οὐκοῦν ὑπὲρ τῶν εἰρημένων μολίβου πεποιημένα
-κοῖλα καὶ βαρέα ὑποδήματα προτιθέασι, βρόχους
-αὐτοῖς ὑποβαλόντες, ὡς ἐσβαλεῖν μὲν τὼ πόδε, ἔχεσθαι 
-δὲ τῇ πάγῃ καὶ μάλα ἀφύκτῳ· δέλεαρ δὲ αὐτοῖς
-ὀφθαλμῶν πρόκειται ὑπὲρ τοῦ μέλανος ἰξός.
-κατόπτρῳ δὲ χρησάμενος ὁ Ἰνδὸς ὁρώντων ἐκείνων,
-οὐκ εἰσὶ δʼ ἔτι τὰ κάτοπτρα, ἀλλὰ ἕτερα προστιθέντες·
-εἶτα καὶ τούτοις ἕρματα ἰσχυρὰ ὑποπλέκουσι· καὶ 
-μέντοι καὶ τοιαῦτά ἐστιν. οἱ μὲν οὖν ἔρχονται, καὶ
-γενναίως δρῶσι κατὰ μίμησιν ὧν εἶδον· ἐκπηδᾷ
-<pb id="p.424"/>
-δὲ ἰσχύς τις κολλητικὴ βλεφάρων ἐκ τῆς πρὸς τὴν
-αὐγὴν ἀντιτυπίας, ὅταν ἴδωσιν ἀτενές· εἶτα οὐχ
-ὁρῶντες αἱροῦνται ῥᾷστα· φυγεῖν γὰρ ἔτι εἰσίν
-ἥκιστοι. εἴρηται μὲν ὑπὲρ πιθήκων καὶ ἄλλα, Ἰνδῶν
-τε καὶ οὐκ Ἰνδῶν· καὶ ταῦτα δὲ ἔχει τινὰ τῷ συνιέντι
-οὐκ ἀσπούδαστα, οὐ μὰ Δία.
-</p>
-</div2>
-<div2 type="chapter" n="26">
-<p> λέοντας ἐν Ἰνδοῖς γίνεσθαι μεγίστους οὐ διαπορῶ·
-τὸ δὲ αἴτιον, τῶν ζῴων τῶν ἑτέρων ἥδε ἡ γῆ
-μήτηρ ἐστὶν ἀγαθή. εἰσὶ δὲ ἀγριώτατοι καὶ θηριωδέστατοι.
-δέρη δὲ ἐκείνων τῶν λεόντων μέλαινά
-τε ἰδεῖν, καὶ φρίξασα ὀρθή τε ἀνίσταται καὶ συνεκπέμπει
-δέος οἷον ἐκπληκτικόν. εἰ δὲ ἁλῶναι δυνηθεῖεν,
-πραΰνονται, ἀλλʼ οὐχ οἱ μέγιστοι· καὶ ἡμεροῦνταί
-τε καὶ γίνονται ῥᾷστα τιθασοί, ὡς ἄγειν γε
-ἀπὸ ῥυτῆρος ἐπὶ θήραν κεμάδων καὶ ἐλάφων καὶ
-συῶν καὶ ταύρων καὶ ἀγρίων ὄνων. εἰσὶ γὰρ καὶ ῥινηλατῆσαι
-ὡς ἀκούω δεινοί.
-</p>
-</div2>
-<div2 type="chapter" n="27">
-<p> ἐν τῇ Λιβύων χώρᾳ ἔθνος ἦν φασι τὸ καλούμενον
-Νόμαιον. καὶ τὰ μὲν ἄλλα διευτυχοῦντες εὐνόμου
-μάλα καὶ εὐδαίμονος ναὶ μὰ Δία λήξεως εἶτα
-ἠφανίσθησαν τελέως, λεόντων αὐτοῖς ἐπελθόντων
-πλήθει τε παμπόλλων καὶ μεγέθει μεγίστων καὶ τὴν
-τόλμαν ἀμάχων, ὑφʼ ὧν πανδημεί τε καὶ παγγενεὶ
-διαφθαρέντες εἶτα ἐς τὸ παντελὲς ἀπώλοντο. λεόντων
-γὰρ ἀθρόων ἐπιδημία χρῆμα ἀπρόσμαχον.
-</p>
-</div2>
-<div2 type="chapter" n="28">
-<p> Εὐφορίων δὲ ἐν τοῖς Ὑπομνήμασι λέγει τὴν
-Σάμον ἐν τοῖς παλαιτάτοις χρόνοις ἐρήμην γενέσθαι·
-φανῆναι γὰρ ἐν αὐτῇ θηρία μεγέθει μὲν μέγιστα,
-ἄγρια δέ, καὶ προσπελάσαι τῳ δεινά, καλεῖσθαί γε
-μὴν νηάδας. ἅπερ οὖν καὶ μόνῃ τῇ βοῇ ῥηγνύναι
-τὴν γῆν. παροιμίαν οὗν ἐν τῇ Σάμῳ διαρρεῖν τὴν
-<pb id="p.425"/>
-λέγουσαν ʽμεῖζον βοᾷ τῶν νηάδων.ʼ ὀστᾶ δὲ ἔτι καὶ
-νῦν αὐτῶν δείκνυσθαι μεγάλα ὁ αὐτός φησι.
-</p>
-</div2>
-<div2 type="chapter" n="29">
-<p>τοῦ Ἰνδῶν βασιλέως ἐλαύνοντος ἐπὶ τοὺς πολεμίους 
-δέκα μυριάδες ἐλεφάντων προηγοῦνται μαχίμων.
-ἑτέρους δὲ ἀκούω τρισχιλίους τοὺς μεγίστους 
-τε καὶ ἰσχυροτάτους ἕπεσθαι, οἵπερ οὖν εἰσι πεπαιδευμένοι
-τὰ τείχη τῶν πολεμίων ἀνατρέπειν, ἐμπεσόντες
-ὅταν κελεύσῃ ὁ βασιλεύς· ἀνατρέπουσι δὲ τοῖς
-στήθεσι. καὶ λέγει μὲν ταῦτα Κτησίας, ἀκοῦσαι
-γράφων. ἰδεῖν δὲ ἐν Βαβυλῶνι ὁ αὐτὸς λέγει τοὺς 
-φοίνικας αὐτορρίζους ἀνατρεπομένους ὑπὸ τῶν ἐλεφάντων
-τὸν αὐτὸν τρόπον, ἐμπιπτόντων τῶν θηρίων
-αὐτοῖς βιαιότατα· δρῶσι δὲ ἄρα, ἂν ὁ Ἰνδὸς ὁ πωλεύων
-αὐτοὺς κελεύσῃ δρᾶσαι τοῦτο αὐτοῖς.
-</p>
-</div2>
-<div2 type="chapter" n="30">
-<p>Ζηνόθεμις λέγει Παιονίδα λίμνην τινὰς φέρειν 
-ἰχθῦς, οὕσπερ οὖν εἰ παραβάλοι τις ἀσπαίροντας τοῖς
-βουσίν, οἳ δὲ ἐμφοροῦνται αὐτῶν μάλα ἀσμένως, ὡς
-οἱ λοιποὶ τοῦ χόρτου. νεκρῶν δὲ τῶν ἰχθύων οὐκ ἂν
-πάσαιντο ἔτι οἱ βόες, ἐκεῖνος λέγει.
-</p>
-</div2>
-<div2 type="chapter" n="31">
-<p>παρὰ Ἀρμενίοις ἀκούω πέτραν εἶναι ὑψηλήν, 
-εἶτα ταύτην ὕδωρ ἐκβάλλειν πάμπολυ. ὑποκεῖσθαι δὲ
-τῇ πέτρᾳ πυνθάνομαι κρήνην τετράγωνον πάντη, καὶ
-ἑκάστην πλευρὰν σταδίου ἥμισυ ἔχειν, βάθος δὲ
-τριῶν ὀργυιῶν εἶναι. συνεκπίπτειν δὲ τῷ ὕδατι προσακούω
-τῷ προειρημένῳ καὶ ἰχθύας πολλάκις ἔχοντας 
-τὸ μῆκος καὶ πήχεως καὶ ἔτι μείζους καὶ μέντοι
-καὶ ἐλάττονας, ἀλλʼ οὐ κατὰ πολύ. καὶ τοὺς μὲν
-αὐτῶν κατολισθάνειν ἡμιθνῆτας, τοὺς δὲ ἀσπαίροντας
-καὶ μάλα γε ἰσχυρῶς ἀποθνήσκειν. εἶναι δὲ αὐτοὺς
-ἡ φήμη λέγει πάνυ σφόδρα μέλανας καὶ ἰδεῖν 
-ἀειδεῖς. ἂν δὲ τούτων γεύσηται ἢ ἄνθρωπος ἢ θηρίον,
-παραχρῆμα ἀπόλλυται. τοὺς μὲν οὖν Ἀρμενίους διὰ
-<pb id="p.426"/>
-τὸ ἔνθηρον αὐτοῖς εἶναι καὶ πολύθηρον τὴν γῆν
-ἀθροίζειν αὐτοὺς καὶ αὐαίνειν ὑπὸ τῇ εἵλῃ τοῦ ἡλίου,
-εἶτα κόπτειν ἐπιδήσαντάς τι ταῖς ῥισὶ καὶ τῷ στόματι,
-ἵνα μὴ τῷ ἄσθματι σπάσαντες τὸν ἐκ τῶν πτισσομένων
-ἀέρα εἶτα ἀποθάνωσι. ποιήσαντες οὖν ἄλευρα
-τοὺς ἰχθῦς ἐν τοῖς μάλιστα θηριωδεστάτοις χωρίοις
-κατασπείρουσιν αὐτά, σῦκά γε μὴν παραμιγνύναι
-τοῖς ἀλεύροις ἔθος ἔχουσιν. οὕτω μὲν οὗν διαφθείρονται
-οἵ τε σῦς οἱ ἄγριοι καὶ αἱ δορκάδες καὶ οἱ ἔλαφοι
-καὶ οἱ ἄρκτοι καὶ οἱ ὄνοι οἱ ἄγριοι καὶ οἱ αἶγες, ἄγριοι
-μέντοι καὶ οὗτοι· συκοτράγα γὰρ ταῦτα καὶ ἀλφιτοφάγα
-τὰ ζῷά ἐστιν. λέοντας δὲ καὶ παρδάλεις καὶ
-λύκους σαρκοφάγα ὄντα ἑτέρως ἀναιροῦσι. τῶν γὰρ
-οἰῶν τῶν ἡμέρων καὶ τῶν αἰγῶν παρασχίσαντες τὴν
-πλευρὰν ἐς ὅσον καθεῖναι τὴν χεῖρα, ἐμπάττουσι τῶν
-αὐτῶν ἀλεύρων, προκεῖσθαι κακὸν ναὶ μὰ Δία δέλεαρ
-τοῖς προειρημένοις. ὅταν οὖν ἢ λέων ἢ πάρδαλις ἢ
-λύκος ἢ ἄλλο τι τοιοῦτον ἐντύχῃ καὶ γεύσηται, τέθνηκε
-παραχρῆμα. καὶ πᾶσα μὲν οὖν ἡ Ἀρμενία θηρίων
-ἀγρίων τροφός τε ἅμα καὶ μήτηρ ἐστίν, ἡ δὲ πεδιὰς
-ἔτι καὶ μᾶλλον ἡ πρὸς τῷ ποταμῷ.
-</p>
-</div2>
-<div2 type="chapter" n="32">
-<p> ἐν τῇ Κασπίᾳ γῇ λίμνην ἀκούω μεγίστην εἶναι,
-καὶ ἰχθῦς ἐν αὐτῇ γίνεσθαι μεγάλους, καὶ ὀξύρυγχοι
-καλοῦνται. οὐκοῦν οἱ Κάσπιοι θηρῶσιν αὐτούς, καὶ
-διαπάσαντες ἁλσὶ καὶ ταρίχους ἐργασάμενοί τε καὶ
-ἀποφήναντες αὔους, ἐπισάξαντες καμήλοις κομίζουσιν
-ἐς Ἐκβάτανα. καὶ ποιοῦσιν ἄλειφα ἐκ τῶνδε τῶν
-ἰχθύων ἀφελόντες τὴν πιμελήν, τῷ δὲ ἰχθυΐνῳ ἐλαίῳ
-χρίονται λιπαρῷ σφόδρα καὶ οὐ δυσώδει, τὰ δὲ ἔντερα
-ἐξέλκουσιν αὐτῶν καὶ ἕψουσι, καὶ ἐξ αὐτῶν ποιοῦσι
-κόλλαν καὶ μάλα γε ἐν χρείᾳ γίνεσθαι δυναμένην·
-συνέχει γὰρ πάντα ἐγκρατῶς, καὶ προσέχεται οἷς ἂν
-<pb id="p.427"/>
-προσπλακῇ, καὶ ἰδεῖν ἐστι λαμπροτάτη. οὕτω δὲ
-συνέχει πᾶν ὅ τι ἂν συνδήσῃ τε καὶ συνάψῃ, ὡς καὶ
-δέκα ἡμερῶν αὐτὴν βρεχομένην μήτε λύεσθαι μήτε
-μὴν ἀφίστασθαι. ἀλλὰ καὶ τοὺς τὸν ἐλέφαντα χειρουργοῦντας
-χρῆσθαί τε αὐτῇ καὶ τὰ ἔργα ἐκπονεῖν κάλλιστα. 
-</p>
-</div2>
-<div2 type="chapter" n="33">
-<p>λέγει τις λόγος ἐν Κασπίοις ὄρνεον γίνεσθαι τὸ 
-μὲν μέγεθος κατὰ τοὺς ἀλεκτρυόνας τοὺς μεγίστους,
-ποικίλον γε μὴν καὶ πολυχροίᾳ διηνθισμένον. καὶ
-πέτεταί γε ὕπτια ὡς ἀκούω ὑποτεῖναν τῷ τραχήλῳ 
-τὰ σκέλη καὶ οἷον ἀνέχον αὐτοῖς αὐτόν. κλαγγὴν δὲ
-προΐεσθαι σκυλακίου. ποιεῖσθαι δὲ τὴν πτῆσιν οὐκ
-ἐν ἀέρι βαθεῖ ἀλλὰ περὶ τὴν γῆν, ἐλαφρίζειν ἐς ὕψος
-ἑαυτὸ μὴ δυνάμενον.
-Κάσπιος δὲ ἄρα καὶ οὗτος ὄρνις ἢ Ἰνδὸς μᾶλλον 
-ʽλέγεται γὰρ καὶ ἐκείνῃ τὸ γένος οἱ καὶ ταύτᾐ, καὶ
-εἴη τὸ μέγεθος κατὰ χῆνα ἄν. καὶ ἔχει κεφαλὴν
-πλατεῖαν μὲν λεπτὴν δέ, καὶ τὰ σκέλη οἱ μακρά. καὶ
-κεκραμένη χρόα οἱ καὶ μικτή· τὸ μὲν γὰρ νῶτον αὐτῷ
-πορφυροῖς ἠγλάισται, τὰ δὲ ὑπὸ τὴν γαστέρα κόκκῳ 
-γνησιωτάτῳ καὶ καλλίστῳ προσείκασται, κεφαλὴ δὲ
-καὶ δέρη λευκὰ ἄμφω. φθέγγεται δὲ κατὰ τὴν αἶγα.
-</p>
-</div2>
-<div2 type="chapter" n="34">
-<p>αἶγες δὲ Κάσπιαι γίνονται λευκαὶ ἰσχυρῶς, κεράτων 
-δὲ ἄγονοι, καὶ μικραὶ τὸ μέγεθος καὶ σιμαί. κάμηλοι
-δʼ ἀριθμοῦ πλείους, αἱ μέγισται κατὰ τοὺς 
-ἵππους τοὺς μεγίστους, εὔτριχες ἄγαν. ἁπαλαὶ γάρ
-εἰσι σφόδρα αἱ τούτων τρίχες, ὡς καὶ τοῖς Μιλησίοις
-ἐρίοις ἀντικρίνεσθαι τὴν μαλακότητα. οὐκοῦν ἐκ τούτων
-οἱ ἱερεῖς ἐσθῆτας ἀμφιέννυνται καὶ οἱ τῶν Κασπίων
-πλουσιώτατοί τε καὶ δυνατώτατοι. 
-</p>
-</div2>
-<div2 type="chapter" n="35">
-<p>ἐν λόγοις Κρητικοῖς Ἀντήνωρ λέγει τῇ τῶν καλουμένων 
-Ῥαυκίων πόλει ἔκ τινος δαιμονίου προσβολῆς
-<pb id="p.428"/>
-ἐπιφοιτῆσαι μελιττῶν σμῆνος, αἵπερ οὖν ᾅδονται
-χαλκοειδεῖς, ἐγχριμπτούσας δὲ ἄρα αὐτοῖς τὰ κέντρα
-εἶτα μέντοι πικρότατα λυπεῖν. ὧνπερ οὖν ἐκείνους
-τὴν προσβολὴν οὐ φέροντας ἀναστῆναι τῆς πατρίδος
-καὶ μέντοι καὶ ἐς χῶρον ἐλθεῖν ἄλλον, καὶ οἰκίσαι
-φιλίᾳ τῆς μητρίδος, ἵνα Κρητικῶς εἴπω, Ῥαῦκον, εἰ
-καὶ τοῦ χωρίου ὁ δαίμων ἤλαυνεν αὐτούς, ἀλλὰ γοῦν
-τελέως ἀποσπασθῆναι τοῦ ὀνόματος οὐχ ὑπομείναντες.
-λέγει δὲ ὁ Ἀντήνωρ καὶ ἔτι κατὰ τὴν Ἴδην τὴν
-Κρῆσσαν ἐκείνου τοῦ γένους τῶν μελιττῶν εἶναι ἰνδάλματα,
-οὐ πολλὰ μέν, εἶναι δʼ οὖν, καὶ πικρὰ ἐντυχεῖν,
-ὡς ἐκεῖναι ἦσαν.
-</p>
-</div2>
-<div2 type="chapter" n="36">
-<p> καμήλου κρέας ἥδεται λέων ἐσθίων. καὶ τὸ μαρτύριον,
-Ἡρόδοτος λέγει ταῖς Ξέρξου καμήλοις ταῖς
-τὸν σῖτον φερούσαις ἐπιθέσθαι λέοντας. τὰ δὲ ἄλλα
-οὐκ ἐσίνοντο, οὐχ ὑποζύγιον, οὐκ ἄνθρωπον, ἦ δʼ
-ὅς. ὀλίγα δὲ Ἡρόδοτος ᾔδει ἐξετάζων τροφὴν λεόντων
-Θρᾳκίων· ἴσασι δὲ καὶ Ἄραβες ταῦτα, καὶ ὅσοι λεόντων
-καὶ καμήλων μητέρα τε ἅμα καὶ τροφὸν γῆν ἔχουσιν.
-οὐκ ἂν γοῦν θαυμάσαιμι εἰ φύσει τινὶ ἀπορρήτῳ
-λέων ἥδεται καμήλου κρέας καὶ μὴ θεασάμενος
-φαγεῖν, εἴ ποτε ἐντύχοι· ἡ γὰρ φυσικὴ ἐπιθυμία καὶ
-τοὺς οὐκ ἰδόντας ἐς τὴν τῆς τροφῆς ἐπιθυμίαν ἀναφλέγει.
-</p>
-</div2>
-<div2 type="chapter" n="37">
-<p> Ἀμῶντες ἄνθρωποι, τὸν ἀριθμὸν ἑκκαίδεκα, τοῦ
-ἡλίου καταφλέγοντος δίψει πιεζόμενοι ἕνα ἑαυτῶν
-ἀπέστειλαν ἐκ πηγῆς γειτνιώσης κομίσαι ὕδωρ. οὐκοῦν
-ὁ ἀπιὼν τὸ μὲν δρέπανον τὸ ἀμητικὸν διὰ χειρὸς
-εἶχε, τὸ δὲ ἀρυστικὸν ἀγγεῖον κατὰ τοῦ ὤμου ἔφερεν.
-ἐλθὼν δὲ καταλαμβάνει ἀετὸν ὑπό τινος ὄφεως ἐγκρατῶς
-τε καὶ εὐλαβῶς περιπλακέντα. ἔτυχε δὲ ἄρα
-καταπτὰς μὲν ἐπʼ αὐτὸν ὁ ἀετός, οὐ μὴν τῆς ἐπιβουλῆς
-<pb id="p.429"/>
-ἐγκρατὴς ἐγένετο, οὐδὲ ʽτοῦτο δὴ τὸ Ὁμηρικὸνʼ
-τοῖς ἑαυτοῦ τέκνοις τὴν δαῖτα ἐκόμισεν, ἀλλὰ
-τοῖς ἐκείνου περιπεσὼν ἕρμασιν ἔμελλεν οὐ μὰ Δίʼ
-ἀπολεῖν ἀλλʼ ἀπολεῖσθαι. εἰδὼς οὖν ὁ γεωργὸς τὸν
-μὲν εἶναι Διὸς ἄγγελον καὶ ὑπηρέτην, εἰδώς γε μὴν 
-κακὸν θηρίον τὸν ὄφιν, τῷ δρεπάνῳ τῷ προειρημένῳ
-διακόπτει τὸν θῆρα, καὶ μέντοι καὶ τῶν ἀφύκτων
-ἐκείνων εἱργμῶν τε καὶ δεσμῶν τὸν ἀετὸν ἀπολύει.
-ὁδοῦ μέντοι πάρεργον τῷ ἀνδρὶ ταῦτα καὶ δὴ διεπέπρᾳκτο,
-ἀρυσάμενος δὲ τὸ ὕδωρ ἧκε, καὶ πρὸς τὸν 
-οἶνον κεράσας ὤρεξε πᾶσιν, οἱ δὲ ἄρα ἔπιον καὶ ἀμυστὶ
-καὶ πολλὰς ἐπὶ τῷ ἀρίστῳ. ἔμελλε δὲ καὶ αὐτὸς ἐπʼ
-ἐκείνοις πίεσθαι· ἔτυχε γάρ πως ὑπηρέτης κατʼ ἐκεῖνο
-τοῦ καιροῦ ἀλλʼ οὐ συμπότης ὤν. ἐπεὶ δὲ τοῖς χείλεσι
-τὴν κύλικα προσῆγεν, ὁ σωθεὶς ἀετὸς ζωάγρια ἐκτίνων 
-οἱ καὶ κατὰ τύχην ἀγαθὴν ἐκείνου ἔτι διατρίβων
-περὶ τὸν χῶρον ἐμπίπτει τῇ κύλικι, καὶ ἐκταράττει
-αὐτήν, καὶ ἐκχεῖ τὸ ποτόν. ὃ δὲ ἠγανάκτησεν ʽκαὶ
-γὰρ ἔτυχε διψῶνʼ καὶ λέγει ʽεἶτα μέντοι σὺ ἐκεῖνος
-ὤνʼ ʽκαὶ γὰρ τὸν ὄρνιν ἐγνώρισἐ ʽτοιαύτας ἀποδίδως 
-τοῖς σωτῆρσι τὰς χάριτας; ἀλλὰ πῶς ἔτι ταῦτα
-καλά; πῶς δʼ ἂν καὶ ἄλλος σπουδὴν καταθέσθαι
-θελήσειεν ἔς τινα αἰδοῖ Διὸς χαρίτων ἐφόρου τε καὶ
-ἐπόπτου;ʼ καὶ τῷ μὲν ταῦτα εἴρητο, καὶ ἐφρύγετο·
-ὁρᾷ δὲ ἐπιστραφεὶς τοὺς πιόντας ἀσπαίροντάς τε καὶ 
-ἀποθνήσκοντας. ἦν δὲ ἄρα ὡς συμβαλεῖν ἐμημεκὼς
-ἐς τὴν πηγὴν ὁ ὄφις καὶ κεράσας αὐτὴν τῷ ἰῷ. ὁ μὲν
-οὖν ἀετὸς τῷ σώσαντι ἰσότιμον τῆς σωτηρίας ἀπέδωκε
-τὸν μισθόν. λέγει δὲ Κράτης ὁ Περγαμηνὸς ὑπὲρ
-τούτων καὶ τὸν Στησίχορον ᾅδειν ἔν τινι ποιήματι 
-οὐκ ἐκφοιτήσαντί που ἐς πολλούς, σεμνόν τε καὶ
-ἀρχαῖον ὥς γε κρίνειν ἐμὲ τὸν μάρτυρα ἐσάγων.
-<pb id="p.430"/>
-</p>
-</div2>
-<div2 type="chapter" n="38">
-<p> ἐν θαλάττῃ τῇ Κασπίᾳ εἰσὶ νῆσοί φασι, καὶ γίνονται
-ἐν αὐταῖς ὄρνιθες διάφοροι μὲν καὶ ἄλλοι, εἷς
-δὲ εἰληχὼς τοιαύτην ἰδιότητα. εἶναι μὲν γὰρ κατὰ
-τοὺς χῆνας τὸ μέγεθός φασιν αὐτόν, πόδας δὲ ἔχειν
-ἐμφερεῖς γεράνῳ. καὶ τὰ μὲν νῶτα κοκκοβαφῆ καὶ
-σφόδρα ἀκράτως, τὰ δὲ ὑπὸ τὴν γαστέρα πράσινα·
-τὴν δέρην δὲ λευκὸν εἶναι, καί τινας καὶ ῥανίδας
-οἱονεὶ διασπαρείσας κροκοειδεῖς ἔχειν. μῆκος δὲ εἰληχέναι
-οὐ μεῖον πήχεων δύο, κεφαλὴν δὲ ἄρα λεπτήν
-τε ἅμα καὶ μακράν, τὸ ῥάμφος μέλαν· φωνήν τε ἀφιέναι
-ἐμφερῆ τοῖς βατράχοις.
-</p>
-</div2>
-<div2 type="chapter" n="39">
-<p> ἐν τῇ Πρασιακῇ χώρᾳ, ʽἸνδῶν δὲ αὕτη ἐστί
-Μεγασθένης φησὶ πιθήκους εἶναι τῶν μεγίστων
-κυνῶν οὐ μείους, ἔχειν δὲ οὐρὰς πήχεων πέντε· προσπεφυκέναι
-δὲ ἄρα αὐτοῖς καὶ προκόμια καὶ πώγωνας
-καθειμένους καὶ βαθεῖς· καὶ τὸ μὲν πρόσωπον πᾶν
-εἶναι λευκούς, τὸ σῶμα δὲ μέλανας ἰδεῖν, ἡμέρους δὲ
-καὶ φιλανθρωποτάτους, καὶ τὸ τοῖς ἀλλαχόθι πιθήκοις
-συμφυὲς οὐκ ἔχειν τὸ κακόηθες.
-</p>
-</div2>
-<div2 type="chapter" n="40">
-<p> ἐν Ἰνδοῖς ἐστι χώρα περὶ τὸν Ἀσταβόρραν ποταμὸν
-ἐν τοῖς καλουμένοις Ῥιζοφάγοις. κατὰ τὴν τοῦ
-Σειρίου τοίνυν ἐπιτολὴν κωνώπων νέφη τινὰ ἐκπληκτικὰ
-καὶ οἷα τὸν ἀέρα καταλαβεῖν ἐπιφανέντα εἶτα
-μέντοι ἐλύπησε πολλά. κατὰ μέντοι τὴν λίμνην τὴν
-καλουμένην Ἀορατίαν ʽἸνδῶν δὲ ἄρα καὶ αὕτη·
-πλησίον δέ ἐστι τοῦ προειρημένου ποταμοὖ τοῦτο
-μὲν τὸ θηρίον τὸν κώνωπα ἐπιπολάζειν· ἔρημον δὲ
-καὶ εἶναι τὸν χῶρον καὶ καλεῖσθαι. τὴν δὲ αἰτίαν
-ἐκείνην Ἰνδοί φασιν οἱ κύκλῳ περιοικοῦντες, τὸν
-χῶρον τὸν προειρημένον οὐκ ἄνωθεν οὐδὲ ἐξ ἀρχῆς
-ἄγονον ἀνθρώπων γενέσθαι, σκορπίους δὲ ἐπιπολάσαι
-πλῆθος ἄμαχον, καὶ φαλαγγίων τινὰ ἐπιφοιτῆσαι
-<pb id="p.431"/>
-φοράν, φαλαγγίων δὲ ἃ καλοῦσι τετράγναθα. τεκεῖν
-δὲ ἄρα τὰ κακὰ ταῦτά φασιν ἀέρων πονηρίαν. καὶ
-τέως μὲν ἐγκαρτερεῖν τοὺς ἐκεῖθι τλημόνως τοῦ κακοῦ
-τὴν προσβολὴν καὶ φιλοπόνως ὑπομείναντας· ἐπεὶ δὲ
-ἦν παντελῶς ἄμαχον, καὶ διεφθείροντο ἡλικία πᾶσα, 
-εἶτα μέντοι τελευτῶντες ὑπʼ ἀπορίας τοῦ ἀμύνασθαι
-τὴν καταβολὴν τῆς ἐπιδημίας τῆς προειρημένης ἐξέλιπον
-τὴν χώραν, καὶ ἐρήμην εἴασαν τὴν φίλην πρότερον
-καὶ πατρίδα ἀρίστην· οὐχ ἁμαρτήσομαι δὲ ἴσως οὐδὲ
-μητρίδα εἰπὼν τὴν αὐτήν. 
-</p>
-</div2>
-<div2 type="chapter" n="41">
-<p>μυῶν ἀρουραίων ἐπιφοίτησις καὶ στόλος οὐ μὰ 
-τοὺς θεοὺς χρηστὸς τῶν ἐν Ἰταλίᾳ τινὰς ἐξήλασαν τῆς
-πατρῴας γῆς, καὶ φυγάδας ἀπέφηναν δίκην αὐχμῶν
-ἢ κρυμῶν ἤ τινος ἀκαιρίας ὡρῶν ἑτέρας τὰ μὲν λήια
-κείροντες, διακόπτοντες δὲ τὰς ῥίζας. τῇ Μηδικῇ δὲ 
-ἐπιφοιτήσαντες στρουθῶν φορά, ἐξήλασαν καὶ ἐκεῖνοι
-τοὺς κατοικοῦντας, διαφθείροντες τὰ σπέρματα καὶ
-ἀφανίζοντες αὐτά. βάτραχοι δὲ ἡμιτελεῖς πεσόντες
-ἐξ ἀέρος πολλοὶ Αὐταριάτας μετῴκισαν ἐς χῶρον
-ἕτερον. καὶ γένος μέντοι Λιβυστινόν, οὗ καὶ ἀνωτέρω 
-μνήμην ἐποιησάμην, ἐπιφοιτησάντων αὐτοῖς
-λεόντων, εἶτα αὐτοὺς ἀναστῆναι τῆς πατρῴας γῆς ἐξενίκησαν.
-</p>
-</div2>
-<div2 type="chapter" n="42">
-<p>ἐν τῇ Βαβυλωνίᾳ γῇ γίνονται μύρμηκες, καὶ 
-ἔχουσι τὸ παιδοποιὸν σῶμα ἐς τοὐπίσω μετεστραμμένον, 
-ἀντίως τοῖς ἄλλοις καὶ ἔμπαλιν.
-</p>
-</div2>
-<div2 type="chapter" n="43">
-<p>πάρδαλις Καρικὴ καὶ Λυκιακὴ οὐκ ἔστι μὲν θυμική, 
-οὐδὲ οἵα σφόδρα ἁλτικὴ εἶναι, τὸ σῶμα δὲ
-μακρά· τιτρωσκομένη δὲ καὶ δόρασι καὶ αἰχμαῖς ἀντίτυπός
-ἐστι, καὶ οὐ ῥᾳδίως τῷ σιδήρῳ εἴκει, τοῦτο 
-δὴ τὸ Ὁμηρικὸν δρῶσα
-ἦ ῥά τε καὶ περὶ δουρὶ πεπαρμένη οὐκ ἀπολήγει.
-<pb id="p.432"/>
-</p>
-</div2>
-<div2 type="chapter" n="44">
-<p> Ῥινοκέρωτος δὲ εἶδος γράφειν τρισέωλόν ἐστιν·
-ἴσασι γὰρ καὶ Ἑλλήνων πολλοὶ καὶ Ῥωμαίων τεθεαμένοι·
-τὰ δὲ ἴδια αὐτοῦ τὰ κατὰ τὸν βίον εἰπεῖν οὐ
-χεῖρόν ἐστιν. ἐπʼ ἄκρας τῆς ῥινὸς τὸ κέρας φέρει,
-ἔνθεν τοι καὶ κέκληται· καὶ ἔστι μὲν ὀξύτατον ἐπʼ
-ἄκρου, σιδήρῳ δὲ τὸ καρτερὸν αὐτοῦ προσείκασται.
-ταῖς γε μὴν πέτραις αὐτὸ παρατρίβων εἶτα ἐπιθήσει
-ἐλέφαντι ὁμόσε ἰών, τὰ δὲ ἄλλα οὐκ ὢν ἀξιόμαχος,
-διά τε τὸ ἐκείνου ὕψος καὶ τὴν ῥώμην τὴν τοῦ θηρὸς
-τὴν τοσαύτην. ὕπεισιν οὖν αὐτοῦ τὰ σκέλη, καὶ τὴν
-νηδὺν ὑποτέμνει τε καὶ ὑποσχίζει τῷ κέρατι· ὃ δὲ
-οὐ μετὰ μακρὸν ἐκρυέντος οἱ τοῦ αἵματος κατολισθάνει.
-μάχη δὲ ῥινοκέρωτος πρὸς ἐλέφαντα ὑπὲρ
-τῆς νομῆς ἐστι, καὶ πολλοῖς γʼ ἐλέφασιν ἐντυχεῖν ἐστι
-τεθνεῶσι τὸν τρόπον τοῦτον. ἐὰν δὲ μὴ φθάσῃ ὁ
-ῥινόκερως δράσας τοῦτο, ἀλλὰ ὑποτρέχων πως ὑποπεσόντος
-πιεσθῇ, περιβαλλόμενος τὴν προβοσκίδα
-κατέχει καὶ πρὸς ἑαυτὸν ἕλκει, ἐμπίπτων δὲ τοῖς
-κέρασι κατακόπτει ὡς πελέκεσιν. εἰ γὰρ καὶ φορίνην
-ὁ ῥινόκερως ἔχει στερεὰν καὶ δυσδιακόντιστον, ἀλλʼ
-ἡ βία τοῦ ἐμπίπτοντος μάλα καρτερά.
-</p>
-</div2>
-<div2 type="chapter" n="45">
-<p> ἀγριώτατον δὲ ἄρα ἦσαν τῶν ζῴων οἱ τῶν Αἰθιόπων
-ταῦροι οἱ καλούμενοι σαρκοφάγοι. καί εἰσι
-μὲν τὸ μέγεθος τῶν παρὰ τοῖς Ἕλλησι διπλασίους,
-ὤκιστοι δὲ τὸ τάχος. εἰσὶ δὲ πυρρότριχες, γλαυκοὶ τοὺς
-ὀφθαλμούς, καὶ ὑπὲρ τοὺς λέοντας οὗτοι. τὰ κέρατα
-δὲ τὸν μὲν ἄλλον χρόνον κινοῦσιν ὡς καὶ τὰ ὦτα, ἐν
-δὲ ταῖς μάχαις ἐγείρουσιν αὐτὰ καὶ ἀναστήσαντες
-ἰσχυρῶς, εἶτα οὕτω μάχονται· τὰ δὲ οὐ κλίνεται ὑπὸ
-τοῦ θυμοῦ ἀνεστῶτα, φύσει ναὶ μὰ Δία θαυμαστῇ.
-ἄτρωτοι δέ εἰσι καὶ λόγχαις καὶ βέλει παντί· ὁ γάρ τοι
-σίδηρος οὐκ εἰσδύεται· φρίξας γὰρ ὁ ταῦρος ἐκβάλλει
-<pb id="p.433"/>
-αὐτὸν μάτην προσπεσόντα. ἐπιτίθεται δὲ καὶ ἵππων
-ἀγέλαις καὶ θηρίων ἄλλων. οἱ τοίνυν νομεῖς ἐπαρκεῖν
-ταῖς ἑαυτῶν ἀγέλαις βουλόμενοι τάφρους κρυπτὰς
-ἐργάζονται βαθείας, καὶ ταύταις αὐτοὺς ἐλλοχῶσιν·
-οἳ δὲ ὅταν ἐμπέσωσιν, ὑπὸ τοῦ θυμοῦ ἀποπνίγονται. 
-κέκριται δὲ παρὰ τοῖς Τρωγλοδύταις τοῦτο τὸ ζῷον
-δικαίως ἄριστον· ἔχει μὲν γὰρ λέοντος τὴν ἀλκήν, τὴν
-δὲ ὠκύτητα ἵππου, ῥώμην δὲ ταύρου, σιδήρου δὲ κρεῖττόν ἐστι.
-</p>
-</div2>
-<div2 type="chapter" n="46">
-<p>λέγει Μνασέας ἐν τῇ Εὐρώπῃ Ἡρακλέους ἱερὸν 
-εἶναι καὶ τῆς τούτου γαμετῆς, ἣν ᾅδουσιν οἱ ποιηταὶ
-τῆς Ἥρας θυγατέρα. οὐκοῦν ἐν τῷ τοῦ νεὼ περιβόλῳ
-τιθασοὺς ὄρνιθας τρέφεσθαι πολλούς φησι, καὶ τοῦτο
-δέ, εἶναι ἀλεκτρυόνας τε καὶ ἀλεκτορίδας τούσδε
-τοὺς ὄρνεις. νέμονται δὲ καὶ συναγελάζονταί σφισι 
-κατὰ γένος, καὶ δημοσίας ἔχουσι τροφάς, καὶ τῶν θεῶν
-ἀναθήματά εἰσι τῶν προειρημένων. αἱ μὲν οὖν ἀλεκτορίδες
-ἐν τῷ τῆς Ἥβης νέμονται νεῷ, οἳ δὲ ἐν Ἡρακλέους
-οἱ τῶνδε γαμέται. ὀχετὸς δὲ ἄρα ἀενάου τε καὶ
-καθαροῦ ὕδατος διαρρεῖ μέσος. θῆλυς μὲν οὖν οὐδὲ 
-εἷς ἐς Ἡρακλέους πάρεισιν· οἱ δὲ ἄρρενες, ὅταν ᾖ
-καιρὸς ἐπιθόρνυσθαι, ὑπερπέτονται τὸν ὀχετόν, εἶτα
-ὁμιλήσαντες ταῖς θηλείαις ἐπανίασιν ἐς τὰ σφέτερα
-αὖθις παρὰ τὸν θεὸν ᾧ λατρεύουσι, καθηράμενοι τῷ
-διείργοντι τὰ γένη τῶν ὀρνίθων ὕδατι. τίκτεται οὖν, 
-οἷα εἰκός, πρῶτον μὲν ἐκ τῆς ὁμιλίας ᾠά· εἶτα ὅταν
-αὐτὰ θάλψωσι καὶ ἐκλέψωσι τοὺς νεοττοὺς αἱ μητέρες,
-τοὺς υἱεῖς οἱ ἄρρενες παρʼ ἑαυτοὺς ἄγουσι καὶ ἐκτρέφουσιν.
-αἱ δὲ ὄρνεις, ἐκείναις ἔργον ἐστὶ τρέφειν
-τὰς θυγατέρας.
-</p>
-</div2>
-<pb id="p.434"/>
-<div2 type="chapter" n="epilogos">
-<p>
-ὅσα μὲν οὖν σπουδή τε ἐμὴ καὶ φροντὶς καὶ
-πόνος καὶ ἐς τὸ πλέον μαθεῖν καὶ ἐν τοῖσδε ἡ γνώμη
-προχωροῦσα ἀνίχνευσέ τε καὶ ἀνεῦρε, δοκίμων τε
-ἀνδρῶν καὶ φιλοσόφων ἀγώνισμα θεμένων τὴν ἐπʼ
-αὐτοῖς ἐμπειρίαν, καὶ δὴ λέλεκταί μοι, ὡς οἷόν τε ἦν
-εἰπεῖν, μὴ παραλείποντι ἅπερ ἔγνων μηδὲ βλακεύοντι,
-ὡς ἀλόγου τε καὶ ἀφώνου ἀγέλης ὑπεριδόντι καὶ ἀτιμάσαντι,
-ἀλλὰ κἀνταῦθα ἔρως με σοφίας ὁ σύνοικός τε
-καἱ ὁ συμφυὴς ἐξέκαυσεν. οὐκ ἀγνοῶ δὲ ὅτι ἄρα καὶ
-τῶν ἐς χρήματα ὁρώντων ὀξὺ καὶ τεθηγμένων ἐς
-τιμάς τε καὶ δυνάμεις τινὲς καὶ πᾶν τὸ φιλόδοξον διʼ αἰτίας ἕξουσιν, εἰ τὴν ἐμαυτοῦ σχολὴν κατεθέμην ἐς
-ταῦτα, ἐξὸν καὶ ὠφρυῶσθαι καὶ ἐν ταῖς αὐλαῖς ἐξετάζεσθαι
-καὶ ἐπὶ μέγα προήκειν πλούτου. ἐγὼ δὲ ὑπέρ
-τε ἀλωπέκων καὶ σαυρῶν καὶ κανθάρων καὶ ὄφεων
-καὶ λεόντων καὶ τί δρᾷ πάρδαλις καὶ ὅπως πελαργὸς
-φιλόστοργον καὶ ὅτι ἀηδὼν εὔστομον καὶ πῶς φιλόσοφον
-ἐλέφας καὶ εἴδη ἰχθύων καὶ γεράνων ἀποδημίας
-καὶ δρακόντων φύσεις καὶ τὰ λοιπὰ ὅσα ἥδε ἡ
-συγγραφὴ πεπονημένως ἔχει καὶ φυλάττει, περιέρχομαι·
-ἀλλὰ οὔ μοι φίλον σὺν τοῖσδε τοῖς πλουσίοις
-ἀριθμεῖσθαι καὶ πρὸς ἐκείνους ἐζετάζεσθαι, εἰ δὲ
-ὧν καὶ ποιηταὶ σοφοὶ καὶ ἄνδρες φύσεως ἀπόρρητα
-ἰδεῖν τε ἅμα καὶ κατασκέψασθαι δεινοὶ καὶ συγγραφεῖς
-τῆς πείρας ἐς τὸ μήκιστον προελθόντες ἑαυτοὺς
-ἠξίωσαν, τούτων τοι καὶ ἐμαυτὸν ἁμωσγέπως ἕνα
-πειρῶμαι ἀριθμεῖν καὶ ἐθέλω, δῆλον ὡς ἀμείνων
-ἐμαυτῷ σύμβουλός εἰμι τῆς ἐξ ἐκείνων κρίσεως. βουλοίμην
-<pb id="p.435"/>
-γὰρ ἂν μάθημα ἓν γοῦν πεπαιδευμένον περιγενέσθαι
-μοι ἢ τὰ ᾀδόμενα τῶν πάνυ πλουσίων χρήματά
-τε ἅμα καὶ κτήματα. καὶ ὑπὲρ μὲν τούτων
-ἱκανὰ νῦν. οἶδα δὲ ὅτι καὶ ἐκεῖνα οὐκ ἐπαινέσονταί
-τινες, εἰ μὴ καθʼ ἕκαστον τῶν ζῴων ἀπέκρινα μου τὸν 
-λόγον, μηδὲ ἰδίᾳ τὰ ἑκάστου εἶπον ἀθρόα, ἀνέμιξα
-δὲ καὶ τὰ ποικίλα ποικίλως, καὶ ὑπὲρ πολλῶν διεξῆλθον,
-καὶ πῆ μὲν ἀπέλιπον τὸν περὶ τῶνδε λόγον
-τῶν ζῴων, πῆ δὲ ὑπέστρεψα ὑπὲρ τῆς αὐτῶν φύσεως
-ἕτερα εἴρων. ἐγὼ δὲ πρῶτον μὲν τὸ ἐμὸν ἴδιον οὔκ 
-εἰμι τῆς ἄλλου κρίσεώς τε καὶ βουλήσεως δοῦλος,
-οὐδέ φημι δεῖν ἕπεσθαι ἑτέρῳ, ὅποι μʼ ἂν ἀπάγῃ·
-δεύτερον δὲ τῷ ποικίλῳ τῆς ἀναγνώσεως τὸ ἐφολκὸν
-θηρῶν καὶ τὴν ἐκ τῶν ὁμοίων βδελυγμίαν ἀποδιδράσκων,
-οἱονεὶ λειμῶνά τινα ἢ στέφανον ὡραῖον ἐκ τῆς 
-πολυχροίας, ὡς ἀνθεσφόρων τῶν ζῴων τῶν πολλῶν,
-ᾠήθην δεῖν τήνδε ὑφᾶναί τε καὶ διαπλέξαι τὴν συγγραφήν.
-εἰ δὲ τοῖς θηρατικοῖς καὶ ἓν ζῷον εὑρεῖν
-δοκεῖ πως εὐερμία, ἀλλὰ τό γε τῶν τοσούτων οὐ τὰ
-ἴχνη, οὐδὲ τὰ μέλη συλλαβεῖν ἐγώ φημι γενναῖον, 
-ἀλλʼ ὁπόσα ἡ φύσις ἔδωκέ τε αὐτοῖς καὶ ὅσων ἠξίωσεν
-ἀνιχνεῦσαι. τί πρὸς ταῦτα Κέφαλοί τε καὶ Ἱππόλυτοι
-καὶ εἴ τις ἐν ὄρεσιν ἀγρίοις θηρία μετελθεῖν δεινὸς
-ἕτερος ἢ αὖ πάλιν τῶν ἐν ὑδροθηρίαις δεινῶν Μητρόδωρος
-ὁ Βυζάντιος ἢ Λεωνίδης ὁ τούτου παῖς ἢ 
-Δημόστρατος ἢ ἄλλοι τινὲς θηραταὶ ἰχθύων οἱ δεινότατοι,
-πολλοὶ ναὶ μὰ Δία; καὶ γραφικοὶ δὲ ἄνδρες,
-μέγα αὐτοὺς φρονεῖν ἀνέπειθεν ἢ ἵππος γραφεὶς
-κάλλιστα, ὡς Ἀγλαοφῶντα, ἢ νεβρός, ὡς Ἀπελλῆν,
-ἢ βλασθὲν βοΐδιον, ὡς Μύρωνα, ἢ ἄλλο τι. εἰ 
-δὲ εἷς τὰ τῶν τοσούτων ἐκδεικνύει καὶ ὑπʼ αὐγὰς
-ἄγει καὶ ἤθη καὶ πλάσεις καὶ σοφίαν καὶ ἀγχίνοιαν
-<pb id="p.436"/>
-καὶ δικαιοσύνην καὶ σωφροσύνην καὶ ἀνδρείαν καὶ
-στοργὴν καὶ εὐσέβειαν θηράσας, πῶς οὐκ ἤδη καὶ
-θαυμάσαι ἄξιος; ἥκων δὲ ἐνταυθοῖ τοῦ λόγου καὶ
-πάνυ ἄχθομαι, εἰ ζῴων μὲν εὐσέβειαν ἀλόγων ᾅδομεν,
-ἀνθρώπων δὲ ἀσέβειαν ἐλέγχομεν. καὶ τοῦτο
-μὲν οὐκ ἐνταῦθα ἀποδείξομεν, ἐκεῖνο δὲ προσέτι
-εἰπεῖν δικαιότατον, οὗπερ οὖν καὶ ἐναρχόμενος τῶνδε
-τῶν λόγων μνήμην ἐποιησάμην, εἰ ταῦτα εἶπον, ὅσα
-πάντες, ἢ οἵ γε πλεῖστοι, οὔπω δίκαιον αἰτιᾶσθαι·
-ζῷα γὰρ αὐτὸς ἄλλα πλάσαι οὐκ ἠδυνάμην, ὅτι δὲ
-ἔγνων πολλὰ ἐπεδειξάμην. ἤδη μέντοι καὶ εἶπόν
-τινα, ὧν οὐκ ἄλλος εἶπε διά γε τῆς πείρας τῆσδε
-αὐτὸς ἐλθών· φίλη δὲ ἡ ἀλήθειά μοι τῇ τε ἄλλῃ καὶ
-ἐνταῦθα οὐχ ἥκιστα. ὅπως δὲ αὐτὰ εἶπον καὶ σὺν
-ὅσῳ πόνῳ, τό τε εὐγενὲς τῆς λέξεως ὁποῖον καὶ τῆς
-συνθήκης, τῶν τε ὀνομάτων καὶ τῶν ῥημάτων τὸ
-κάλλος, ὁπόσοις ἂν μὴ χρήσωμαι πονηροῖς κριταῖς, ἐκεῖνοι εἴσονται.
-</p>
-</div2>
-</div1>
-</body>
-</text>
-</TEI.2>
diff --git a/data/tlg0545/tlg001/tlg0545.tlg001.perseus-grc2.xml b/data/tlg0545/tlg001/tlg0545.tlg001.perseus-grc2.xml
new file mode 100644
index 000000000..3745055b7
--- /dev/null
+++ b/data/tlg0545/tlg001/tlg0545.tlg001.perseus-grc2.xml
@@ -0,0 +1,1721 @@
+<?xml version="1.0" encoding="UTF-8"?>
+<?xml-model href="https://epidoc.stoa.org/schema/latest/tei-epidoc.rng" schematypens="http://relaxng.org/ns/structure/1.0"?>
+<TEI xmlns="http://www.tei-c.org/ns/1.0">
+<teiHeader xml:lang="eng">
+ <fileDesc>
+<titleStmt>
+<title xml:lang="grc">Περὶ ζῴων ἰδιότητος</title>
+<author>Aelian</author>
+<editor>Rudolf Hercher</editor>
+    <editor>Ulrich von Wilamowitz-Moellendorff</editor>
+    <sponsor>Perseus Project, Tufts University</sponsor>
+<principal>Gregory Crane</principal>
+    <respStmt>
+        <resp>Prepared under the supervision of</resp>
+        <name>Bridget Almas</name>
+        <name>Lisa Cerrato</name>
+        <name>Rashmi Singhal</name>
+    </respStmt>
+</titleStmt>
+    <publicationStmt>
+        <publisher>Trustees of Tufts University</publisher>
+        <pubPlace>Medford, MA</pubPlace>
+        <authority>Perseus Project</authority>
+        <date type="release" when="2011-07-09">Perseus 4.0</date>
+        <idno type="filename">tlg0545.tlg001.perseus-grc2.xml</idno>
+        <availability>
+            <licence target="https://creativecommons.org/licenses/by-sa/4.0/">Available under a Creative Commons Attribution-ShareAlike 4.0 International License</licence>
+        </availability>
+    </publicationStmt>
+    <notesStmt><note><p>Keyboarding</p></note></notesStmt>
+
+<sourceDesc>
+<biblStruct>
+<monogr>
+<title xml:lang="lat">Claudii Aeliani De Natura Animalium Libri xvii</title>
+<author>Aelian</author>
+<editor>Rudolf Hercher</editor>
+<imprint>
+<publisher>Teubner</publisher>
+<pubPlace>Leipzig</pubPlace>
+<date>1864</date>
+</imprint>
+    <biblScope unit="volume">1</biblScope>
+</monogr>
+    <ref target="https://babel.hathitrust.org/cgi/pt?id=hvd.32044019057892&amp;seq=70">Hathi Trust</ref>
+</biblStruct>
+</sourceDesc>
+</fileDesc>
+    
+<encodingDesc>
+<!--<refsDecl doctype="TEI">
+<state unit="book"/>
+<state unit="chapter" n="chunk"/>
+</refsDecl>-->
+    <refsDecl n="CTS">
+        <cRefPattern matchPattern="(\w+).(\w+)"
+            replacementPattern="#xpath(/tei:TEI/tei:text/tei:body/tei:div/tei:div[@n='$1']/tei:div[@n='$2'])" n="chapter">
+            <p>This pointer pattern extracts book and chapter</p>
+        </cRefPattern>
+        <cRefPattern matchPattern="(\w+)"
+            replacementPattern="#xpath(/tei:TEI/tei:text/tei:body/tei:div/tei:div[@n='$1'])" n="book">
+            <p>This pointer pattern extracts book</p>
+        </cRefPattern>
+    </refsDecl>
+</encodingDesc>
+<profileDesc>
+<langUsage>
+<language ident="grc">Greek</language>
+</langUsage>
+</profileDesc>
+    <revisionDesc>
+        <change when="2023-11-21" who="Lisa Cerrato">EpiDoc and CTS conversion work</change>
+    </revisionDesc>
+</teiHeader>
+    
+<text>
+<body>
+    <div type="edition" xml:lang="grc" n="urn:cts:greekLit:tlg0545.tlg001.perseus-grc2"> 
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="1"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="praef"> 
+<head>προοίμιον</head> 
+<p> ἄνθρωπον μὲν εἶναι σοφὸν καὶ δίκαιον καὶ τῶν οἰκείων παίδων προμηθέστατον, καὶ τῶν γειναμένων ποιεῖσθαι τὴν προσήκουσαν φροντίδα, καὶ τροφὴν ἑαυτῷ μαστεύειν καὶ ἐπιβουλὰς φυλάττεσθαι καὶ τὰ λοιπὰ ὅσα αὐτῷ σύνεστι δῶρα φύσεως, παράδοξον ἴσως οὐδέν· καὶ γὰρ λόγου μετείληχεν ἄνθρωπος τοῦ πάντων τιμιωτάτου, καὶ λογισμοῦ ἠξίωται, ὅσπερ οὖν ἐστι πολυαρκέστατός τε καὶ πολυωφελέστατος· ἀλλὰ καὶ θεοὺς αἰδεῖσθαι οἶδε καὶ σέβειν. τὸ δὲ καὶ τοῖς ἀλόγοις μετεῖναί τινος ἀρετῆς κατὰ φύσιν, καὶ πολλὰ τῶν ἀνθρωπίνων πλεονεκτημάτων καὶ θαυμαστὰ ἔχειν συγκεκληρωμένα, τοῦτο ἤδη μέγα. καὶ εἰδέναι γε μὴ ῥᾳθύμως τὰ προσόντα αὐτῶν ἰδίᾳ ἑκάστῳ, καὶ ὅπως ἐσπουδάσθη οὐ μεῖον τῶν ἀνθρώπων καὶ τὰ τῶν ἄλλων ζῴων, εἴη ἄν τινος πεπαιδευμένης φρενὸς καὶ μαθούσης πολλά. ὡς μὲν οὖν καὶ ἑτέροις ὑπὲρ τούτων ἐσπούδασται, καλῶς οἶδα· ἐγὼ δὲ ἐμαυτῷ ταῦτα ὅσα οἷόν τε ἦν ἀθροίσας καὶ περιβαλὼν αὐτοῖς τὴν συνήθη λέξιν, κειμήλιον οὐκ ἀσπούδαστον ἐκπονῆσαι πεπίστευκα. εἰ δέ τῳ καὶ ἄλλῳ φανεῖται ταῦτα λυσιτελῆ, χρήσθω αὐτοῖς· ὅτῳ δὲ οὐ φανεῖται, ἐάτω τῷ πατρὶ θάλπειν τε καὶ περιέπειν· οὐ γὰρ πάντα πᾶσι καλά, οὐδὲ ἄξια δοκεῖ <pb xml:id="p.4"/> σπουδάσαι πᾶσι πάντα. εἰ δὲ ἐπὶ πολλοῖς τοῖς πρώτοις καὶ σοφοῖς γεγόναμεν, μὴ ἔστω ζημίωμα ἐς ἔπαινον ἡ τοῦ χρόνου λῆξις, εἴ τι καὶ αὐτοὶ σπουδῆς ἄξιον μάθημα παρεχοίμεθα καὶ τῇ εὑρέσει τῇ περιττοτέρᾳ καὶ τῇ φωνῇ.</p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="1"> 
+<p> καλεῖταί τις Διομήδεια νῆσος, καὶ ἐρωδιοὺς ἔχει πολλούς. οὗτοι, φασί, τοὺς βαρβάρους οὔτε ἀδικοῦσιν οὔτε αὐτοῖς προσίασιν· ἐὰν δὲ Ἕλλην κατάρῃ ξένος, οἳ δὲ θείᾳ τινὶ δωρεᾷ προσίασι πτέρυγας ἁπλώσαντες οἱονεὶ χεῖράς τινας ἐς δεξίωσίν τε καὶ περιπλοκάς. καὶ ἁπτομένων τῶν Ἑλλήνων οὐχ ὑποφεύγουσιν, ἀλλʼ ἀτρεμοῦσι καὶ ἀνέχονται, καὶ καθημένων ἐς τοὺς κόλπους καταπέτονται, ὥσπερ οὖν ἐπὶ ξένια κληθέντες. λέγονται οὖν οὗτοι Διομήδους ἑταῖροι εἶναι καὶ σὺν αὐτῷ τῶν ὅπλων τῶν ἐπὶ τὴν Ἴλιον μετεσχηκέναι, εἶτα τὴν προτέραν φύσιν ἐς τὸ τῶν ὀρνίθων μεταβαλόντες εἶδος, ὅμως ἔτι καὶ νῦν διαφυλάττειν τὸ εἶναι Ἕλληνές τε καὶ Φιλέλληνες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="2"> 
+<p> ὁ σκάρος πόας μὲν θαλαττίας σιτεῖται καὶ βρύα· λαγνίστατος δὲ ἄρα ἰχθύων ἁπάντων ἦν, καὶ ἥ γε πρὸς τὸ θῆλυ ἀκόρεστος ἐπιθυμία αὐτῷ ἁλώσεως αἰτία γίνεται. ταῦτα οὖν αὐτῷ συνεγνωκότες οἱ σοφοὶ τῶν ἁλιέων, ἐπιτίθενταί οἱ τὸν τρόπον τοῦτον. ὅταν θῆλυν συλλάβωσιν, ἐνέδησαν ὁρμιᾷ σπάρτου πεποιημένῃ λεπτῇ τοῦ στόματος ἄκρου, καὶ ἐπισύρουσι διὰ τῆς θαλάττης τὸν ἰχθὺν ζῶντα· ἴσασι δὲ εὐνάς τε αὐτῶν καὶ διατριβὰς καὶ ὅπου συναγελάζονται. μόλυβδος δὲ αὐτοῖς πεποίηται βαρὺς τὴν ὁλκήν, περιφερὴς <pb xml:id="p.5"/> τὸ σχῆμα, καὶ ἔχει μῆκος τριῶν δακτύλων, καὶ διείληπται ἐξ ἄκρων σχοίνῳ, καὶ ἐπισύρει τὸν τεθηραμένον. καὶ κύρτον τις τῶν ἐν τῇ πορθμίδι παραρτήσας ἐπάγεται εὐρὺν τὸ στόμα, καὶ ἐς τὸν ἑαλωκότα τέτραπται σκάρον ὁ κύρτος· βαρεῖται δὲ ἡσυχῆ οὗτος λίθῳ μεμετρημένῳ. οὐκοῦν οἱ ἄρρενες, ὥσπερ οὖν νύμφην ὡρικὴν νεανίαι θεασάμενοι, οἰστροῦνταί τε καὶ μεταθέουσι, καὶ ἐπείγονται φθάσαι ἄλλος ἄλλον καὶ γενέσθαι πλησίον καὶ παραψαῦσαι, ὥσπερ οὖν δυσέρωτες ἄνθρωποι φίλημα ἢ κνίσμα θηρώμενοι ἤ τι ἄλλο κλέμμα ἐρωτικόν. ὁ τοίνυν ἄγων τὸν θῆλυν ἡσυχῆ καὶ πεφεισμένως, λοχῶν τε καὶ ἐπιβουλεύων εὐθὺ τοῦ κύρτου σὺν τῇ ἐρωμένῃ, φαίης ἄν, τοὺς ἐραστὰς ἄγει. γενομένων δὲ ὁμοῦ τῷ κύρτῳ, τὸν μὲν μόλυβδον μεθῆκεν ὁ θηρατὴς ἐς τὸ ἔσω· ὃ δὲ ἄρα ἐμπίπτων σὺν τῇ ὁρμιᾷ κατασπᾷ καὶ τὸν θῆλυν. οὐκοῦν συνεσρεύσαντες ἑαλώκασι, καὶ διδόασι δίκην ὁρμῆς ἀφροδισίου ταύτην οἱ σκάροι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="3"> 
+<p>ὁ ἰχθὺς ὁ κέφαλος τῶν ἐν τοῖς ἕλεσι βιούντων ἐστί, καὶ πεπίστευται τῆς γαστρὸς κρατεῖν καὶ διαιτᾶσθαι πάνυ σωφρόνως. ζῴῳ μὲν γὰρ οὐκ ἐπιτίθεται, ἀλλὰ πρὸς πάντας τοὺς ἰχθῦς ἔνσπονδος εἶναι πέφυκεν· ὅτῳ δʼ ἂν ἐντύχῃ κειμένῳ, τοῦτό οἱ δεῖπνόν ἐστιν. οὐ πρότερον δὲ αὐτοῦ προσάπτεται, πρὶν ἢ τῇ οὐρᾷ κινῆσαι. καὶ ἀτρεμοῦντος μὲν ἔχει τὴν ἄγραν, κινηθέντος δὲ ἀνεχώρησεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="4"> 
+<p>τιμωροῦσιν ἀλλήλοις ὡς ἄνθρωποι πιστοὶ καὶ συστρατιῶται δίκαιοι οἱ ἰχθύες, οὕσπερ οὖν ἀνθίας οἱ τῆς θήρας ἐπιστήμονες τῆς θαλαττίας φιλοῦσιν ὀνομάζειν, ὄντας τὰ ἤθη πελαγίους. τούτων γοῦν ἕκαστοι, ὅταν νοήσωσι τεθηρᾶσθαι τὸν σύννομον, προσνέουσιν ὤκιστα, εἶτα ἐς αὐτὸν τὰ νῶτα ἀπερείδουσι, <pb xml:id="p.6"/> καὶ ἐμπίπτοντες καὶ ὠθούμενοι τῇ δυνάμει κωλύουσιν ἕλκεσθαι. καὶ οἱ σκάροι δὲ ἐς τὴν οἰκείαν ἀγέλην εἰσὶν ἀγαθοὶ τιμωροί. προσίασι γοῦν, καὶ τὴν ὁρμιὰν ἀποτραγεῖν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="5"> 
+<p> σπεύδουσιν, ἵνα σώσωσι τὸν ᾑρημένον· καὶ πολλάκις μὲν ἀποκόψαντες ἔσωσαν καὶ ἀφῆκαν ἐλεύθερον, καὶ οὐκ αἰτοῦσι ζωάγρια· πολλάκις δὲ οὐκ ἔτυχον, ἀλλʼ ἥμαρτον μέν, τὸ δʼ οὖν ἑαυτῶν πεποιήκασιν εὖ μάλα προθύμως. ἤδη δὲ καὶ ἐς τὸν κύρτον τὸν σκάρον ἐμπεσεῖν φασι καὶ τὸ οὐραῖον μέρος ἐκβαλεῖν, τοὺς δὲ ἀθηράτους καὶ περινέοντας ἐνδακεῖν καὶ ἐς τὸ ἔξω τὸν ἑταῖρον προαγαγεῖν. εἰ δὲ ἐξείη τὸ στόμα, τῶν τίς οἱ ἔξω τὴν οὐρὰν παρώρεξεν, ὃ δὲ περιχανὼν ἠκολούθησεν. οὗτοι μὲν δὴ ταῦτα δρῶσιν, ὦ ἄνθρωποι, φιλεῖν οὐ μαθόντες, ἀλλὰ πεφυκότες. ὁ ἰχθὺς ὁ τρώκτης, τούτου μὲν κατηγορεῖ τὴν φύσιν καὶ τὸ ὄνομα, ἤδη δὲ καὶ τὸ στόμα· ὀδόντες δὲ αὐτῷ συνεχεῖς τε ἐμπεφύκασι καὶ πολλοί, καὶ πᾶν τὸ ἐμπεσὸν διατεμεῖν εὖ μάλα καρτεροί. οὐκοῦν ἁλοὺς ἀγκίστρῳ μόνος ἰχθύων ἐς τὸ ἔμπαλιν ἑαυτὸν οὐκ ἐπανάγει, ἀλλὰ ὠθεῖται τὴν ὁρμιὰν ἀποθρίσαι διψῶν. οἱ δὲ ἁλιεῖς σοφίζονται τἀναντία· τὰς γάρ τοι τῶν ἀγκίστρων λαβὰς χαλκεύονται μακράς. ὃ δὲ ʽκαὶ γὰρ πώς ἐστι καὶ ἁλτικὸσʼ καὶ ὑπὲρ ταύτας ἀνέθορε πολλάκις καὶ τὴν τρίχα τὴν ἄγουσαν τεμὼν ἐς ἤθη τὰ τῶν ἰχθύων αὖθις ἀπονήχεται. οὗτός τοι καὶ τὴν ἀγέλην τὴν σύννομον παραλαβὼν σὺν αὐτοῖς ἐκείνοις χωρεῖ καὶ τοῖς δελφῖσιν ὁμόσε· καὶ ἕνα ἀποκριθέντα πως περιελθόντες εἶτα ἐπιτίθενται τῷ θηρίῳ καρτερῶς· ἴσασι γὰρ ὅτι τῶν ἐξ αὐτῶν δηγμάτων οὐ ῥᾳθύμως ἐπαΐει. οἳ μὲν γὰρ ἔχονται αὐτοῦ καὶ μάλα <pb xml:id="p.7"/> ἐγκρατῶς, ὃ δὲ ἀναπηδᾷ καὶ κυβιστᾷ, καὶ ὡς ὑπὸ τῆς ὀδύνης στρεβλοῦται διελέγχεται· ἀπρὶξ γὰρ ἐμφύντες συνεξαίρονται πηδῶντος. καὶ ὃ μὲν ἀποσείσασθαι καὶ ἀποκροῦσαι σπεύδει αὐτούς, οἳ δὲ οὐκ ἀνιᾶσιν, ἀλλὰ ἐσθίουσι ζῶντα. εἶτα μέντοι ὅ τι ἂν ἕκαστος μέρος ἐκτράγῃ, τοῦτο ἔχων ἀπαλλάττεται· καὶ ὁ δελφὶς ἀσμένως ἀπονήχεται, δαιτυμόνας, ὡς ἂν εἴποις, ἀκλήτους ἑστιάσας σὺν τῇ ἑαυτοῦ ὀδύνῃ ἐκείνους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="6"> 
+<p>Γλαύκης ἀκούω τῆς κιθαρῳδοῦ ἐρασθῆναι κύνα· οἳ δὲ οὐ κύνα, ἀλλὰ κριόν· ἄλλοι δὲ χῆνα. καὶ ἐν Σόλοις δὲ τῆς Κιλικίας παιδός, ᾧ ὄνομα ἦν Ξενοφῶν, κύων ἠράσθη· ἄλλου δὲ ὡραίου μειρακίου ἐν Σπάρτῃ κολοιὸς ἐπὶ τῷ εἴδει ἐνόσησεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="7"> 
+<p>λέγουσι τὸν θῶα τὸ ζῷον φιλανθρωπότατον εἶναι. καὶ ὅταν μέν που περιτύχῃ ἀνθρώπῳ, ἐκτρέπεται αὐτόν, οἷον αἰδούμενος· ὅταν δὲ ἀδικούμενον θεάσηται ὑπʼ ἄλλου θηρίου, τὸ τηνικαῦτα ἐπαμύνει αὐτῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="8"> 
+<p>Νικίας τις τῶν συγκυνηγετούντων ἀπροόπτως παραφερόμενος ἐς ἀνθρακευτῶν κάμινον κατηνέχθη, οἱ δὲ κύνες οἱ σὺν αὐτῷ τοῦτο ἰδόντες οὐκ ἀπέστησαν, ἀλλὰ τὰ μὲν πρῶτα κνυζώμενοι περὶ τὴν κάμινον καὶ ὠρυόμενοι διέτριβον, τὰ δὲ τελευταῖα μονονουχὶ τοὺς παριόντας ἠρέμα καὶ πεφεισμένως κατὰ τῶν ἱματίων δάκνοντες εἶτα εἷλκον ἐπὶ τὸ πάθος, οἷον ἐπικούρους τῷ δεσπότῃ παρακαλοῦντες τοὺς ἀνθρώπους οἱ κύνες. καὶ γοῦν εἷς ὁρῶν τὸ γινόμενον ὑπώπτευσε τὸ συμβάν, καὶ ἠκολούθησε καὶ εὗρε τὸν Νικίαν έν τῇ καμίνῳ καταφλεχθέντα, ἐκ τῶν λειψάνων συμβαλὼν τὸ γενόμενον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="9"> 
+<p>ὁ κηφὴν ὁ ἐν μελίτταις γεννώμενος μεθʼ ἡμέραν μὲν ἐν τοῖς ἀνθρηνίοις κατακέκρυπται, νύκτωρ δέ, <pb xml:id="p.8"/> ἡνίκα ἂν παραφυλάξῃ καθευδούσας τὰς μελίττας, ἐπιφοιτᾷ τοῖς ἔργοις αὐτῶν καὶ λυμαίνεται τοῖς σίμβλοις. τοῦτο ἐκεῖναι καταμαθοῦσαι, αἱ μὲν πλεῖσται τῶν μελισσῶν καθεύδουσιν ἅτε πεπονηκυῖαι, ὀλίγαι δὲ αὐτῶν ἐλλοχῶσιν. εἶτα ὅταν ἕλωσι τὸν φῶρα, παίουσιν αὐτὸν πεφεισμένως καὶ ἐξωθοῦσι, καὶ ἐκβάλλουσι φυγάδα εἶναι. ὃ δὲ οὐδʼ οὕτω πεπαίδευται· πέφυκε γὰρ καὶ ἀργὸς καὶ λίχνος, δύο κακώ. ἔξω τοίνυν τῶν κηρίων ἑαυτὸν ἀποκρύπτει, εἶτα ὅταν ἐπὶ τὰς νομὰς </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="10"> 
+<p> ἐξορμήσωσιν αἱ μέλιτται, ὃ δὲ ὠσάμενος ἔσω τὸ ἑαυτοῦ δρᾷ, ἐμφορούμενος καὶ κεραΐζων ἐκεῖνος τὸν θησαυρὸν τῶν μελιττῶν τὸν γλυκύν. καὶ ἐκεῖναι ἐκ τῆς νομῆς ὑποστρέψασαι, ὅταν αὐτῷ περιτύχωσιν, ἐνταῦθα μὲν οὐκέτι πεφεισμένως αὐτὸν παίουσιν, οὐδʼ ὅσον ἐς φυγὴν τρέψαι, ἀλλὰ εὖ μάλα βιαίως ἐμπεσοῦσαι διαλοῶσι τὸν λῃστήν· καὶ οὐ μεμπτὴν ὑπομείνας τὴν τιμωρίαν, ὑπὲρ τῆς γαστριμαργίας καὶ ἀδηφαγίας τῇ ψυχῇ ἔτισεν. μελιττουργοὶ λέγουσι ταῦτα, καὶ ἐμὲ πείθουσιν. εἰσὶ δέ τινες καὶ ἐν ταῖς μελίτταις ἀργοὶ μέλιτται, οὐ μὴν κηφηνώδεις τὸν τρόπον· οὐ γὰρ λυμαίνονται τοῖς κηρίοις οὐδʼ ἐπιβουλεύουσι τῷ μέλιτι αὗται, ἀλλὰ τρέφονται ἐκ τῶν ἀνθέων καὶ αὗται πετόμεναι καὶ σύννομοι ταῖς ἄλλαις οὖσαι. εἰ δὲ καί εἰσιν ἄτεχνοι περὶ τὴν ἐργασίαν καὶ τὴν κομιδὴν τὴν τοῦ μέλιτος, ἀλλὰ γοῦν οὐκ εἰσὶν ἄπρακτοι πάντῃ. αἳ μὲν γὰρ αὐτῶν ὕδωρ τῷ βασιλεῖ κομίζουσι καὶ ταῖς πρεσβυτέραις δέ, αἵπερ οὖν τῷ βασιλεῖ παραμένουσι καὶ ἐς τὴν δορυφορίαν ἀπεκρίθησαν τὴν αὐτοῦ· ἕτεραι δὲ αὐτῶν ἔχουσιν ἐκεῖνο ἔργον, τὰς ἀποθνησκούσας τῶν μελιττῶν ἔξω φέρουσι· δεῖ γὰρ αὐταῖς καθαρὰ εἶναι τὰ κηρία, καὶ οὐκ ἀνέχονται νεκρὰν ἔσω <pb xml:id="p.9"/> μέλιτταν· ἄλλαι δὲ νύκτωρ φρουροῦσιν, ὥσπερ οὖν πόλιν μικρὰν φυλάττουσαι τὴν τῶν κηρίων οἰκοδομίαν ἐκεῖναί γε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="11"> 
+<p>μελιττῶν δὲ ἡλικίαν διαγνοίη τις ἂν τὸν τρόπον τοῦτον. αἱ μὲν αὐτοετεῖς στιλπναί τέ εἰσι καὶ ἐοίκασιν ἐλαίῳ τὴν χρόαν· αἱ δὲ πρεσβύτεραι τραχεῖαι καὶ ἰδεῖν καὶ προσψαῦσαι γίνονται, ῥυσαὶ δὲ ὁρῶνται διὰ τὸ γῆρας· ἐμπειρότεραι δέ εἰσιν αὗται καὶ τεχνικώτεραι, παιδεύσαντος αὐτὰς τὴν ἐπὶ τῷ μέλιτι σοφίαν τοῦ χρόνου. ἔχουσι δὲ καὶ μαντικῶς, ὥστε καὶ ὑετῶν καὶ κρύους ἐπιδημίαν προμαθεῖν· καὶ ὅταν τούτων τὸ ἕτερον ἢ καὶ ἀμφότερα ἔσεσθαι συμβάλωσιν, οὐκ ἐπὶ μήκιστον ἐκτείνουσι τὴν πτῆσιν, ἀλλὰ περιποτῶνται τοῖς σμήνεσι, καὶ οἱονεὶ περιθυροῦσιν. ἐκ δὴ τούτων οἱ μελιττουργοὶ οἰωνισάμενοι προλέγουσι τοῖς γεωργοῖς τὴν μέλλουσαν ἐπιδημίαν τοῦ χειμῶνος. δεδοίκασι δὲ ἄρα οὐ τοσοῦτον τὸ κρύος αἱ μέλιτται, ὅσον τὸν ὄμβρον τὸν πολὺν καὶ τὸν νιφετόν. ἐναντίαι δὲ πολλάκις τοῦ πνεύματος πέτονται, καὶ βραχεῖαν λίθον ἐν τοῖς ποσὶ κομίζουσι καὶ τοσαύτην ὅσην εὔφορον αὐταῖς πετομέναις εἶναι, καὶ τρόπον τινὰ τοῦτο ἕρμα ἑαυταῖς ἐπιτεχνῶνται πρὸς τὸν ἐμπίπτοντα ἄνεμον τά τε ἄλλα καὶ ἵνα μὴ παρατρέψῃ τῆς ὀδοῦ ἡ αὔρα αὐτάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="12"> 
+<p>ἔρωτος δὲ ἰσχὺν καὶ ἰχθύων γένη πολλὰ ἔγνω, τοῦ τοσούτου θεοῦ μηδὲ τοὺς κάτω καὶ ἐν τῷ βυθῷ τῆς θαλάσσης ὑπεριδόντος καὶ ἀτιμάσαντος. λατρεύει γοῦν τῷδε τῷ δαίμονι καὶ κέφαλος, ἀλλʼ οὐ πᾶς, ἐκεῖνος δὲ ὅνπερ οὖν ἀπὸ τοῦ ὀξέος προσώπου καλοῦσιν οἱ γένη τε καὶ διαφορὰς ἰχθύων κατεγνωκότες. ἁλίσκονται δέ, ὡς ἀκούω, περὶ τὸν κόλπον τὸν Ἀχαῖκὸν πολλοί. καὶ τῆς μὲν κατʼ αὐτοὺς ἁλώσεως <pb xml:id="p.10"/> διαφορότης ἐστί· μάλιστα δὲ αὐτῶν τὸ λυττῶδες τὸ ἐς τὰ ἀφροδίσια κατηγορεῖ ἥδε ἡ ἄγρα. θηράσας ἀνὴρ ἁλιεὺς θῆλυν, καὶ ἐνδήσας καλάμῳ μακρῷ ἢ σπάρτῳ καὶ τούτῳ μακρῷ, κατὰ τῆς ᾐόνος ἡσυχῆ βαδίζων παρανηχόμενον τὸν ἰχθὺν καὶ ἀσπαίροντα ἐπισύρει· κατʼ ἴχνια δὲ αὐτοῦ τις ἕπεται φέρων δίκτυον, καὶ τὸ μέλλον ὅπῃ τε καὶ ὅπως ἀπαντήσεται φυλάττει φιλοπόνως ὁ δικτυεὺς οὗτος. οὐκοῦν ἡ μὲν ἄγεται, ὁπόσοι δὲ ἂν ἴδωσι τῶν ἀρρένων, οἷα δήπου νεανίαι ἀκόλαστοι μείρακος παραθεούσης εὖ μάλα ὡρικῆς ἐποφθαλμιάσαντες, ἵενται κατὰ μίξιν οἰστρούμενοι. ὁ τοίνυν τὸ δίκτυον ἔχων ῥίπτει τὸν βόλον, καὶ πολλάκις ἰχθύων εὐερμίᾳ περιτυγχάνει τῇ τῆς ἐπιθυμίας ὁρμῇ προσερχομένων. δεῖ δὲ τῷ πρώτῳ θηρατῇ τὴν αἱρεθεῖσαν ὡραίαν τε εἶναι καὶ εὖ ἥκουσαν σαρκῶν, ἵνα καὶ πλείους ἐπʼ αὐτὴν ὁρμήσωσιν, τὸ τῆς ὥρας ἐφολκὸν δέλεαρ λαβόντες. εἰ δὲ ἄσαρκος εἴη, οἱ πολλοὶ ὑπερφρονήσαντες ᾤχοντο ἀπιόντες· ὅστις δὲ αὐτῶν ἐστι δύσερως, οὐκ ἀπαλλάττεται, οὐ τῇ ὥρᾳ, μὰ Δία, ἀλλὰ τῷ τῆς μίξεως πόθῳ δεδουλωμένος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="13"> 
+<p> ἦσαν δὲ ἄρα καὶ σωφρονεῖν ἰχθύες ἀγαθοί. ὁ γοῦν αἰτναῖος οὕτω λεγόμενος, ἐπὰν τῇ ἑαυτοῦ συννόμῳ οἱονεὶ γαμετῇ τινι συνδυασθεὶς κληρώσηται τὸ λέχος, ἄλλης οὐχ ἅπτεται, καὶ οὐ δεῖται συμβολαίων ἐς πίστιν, οὐ προικός, οὐδὲ μὴν δέδοικε κακώσεως δίκην ὁ αἰτναῖος, οὐδὲ αἰδεῖται Σόλωνα. ὦ νόμοι γενναῖοι καὶ πολύσεμνοι, οἷς ἀκόλαστοι ἄνθρωποι οὐκ αἰδοῦνται μὴ πείθεσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="14"> 
+<p> κοσσύφῳ δὲ τῷ θαλαττίῳ ἤθη τε καὶ διατριβαὶ αἱ πέτραι καὶ αἱ σηραγγώδεις ὑποδρομαί. γαμοῦσι δὲ οὗτοι ἕκαστος πολλάς, καὶ τῶν ὀπῶν οἱονεὶ θαλάμων <pb xml:id="p.11"/> ταῖς νύμφαις ἀφίστανται. καὶ τοῦτο μὲν τὸ τοῦ γάμου θρυπτικὸν καὶ τὸ ἐς πολλὰς ἔχειν τὴν ὁρμὴν νενεμημένην φαίης ἂν εἶναι τρυφώντων ἐς εὐνὴν βαρβάρων καί, ὡς ἂν εἴποις σὺν παιδιᾷ σπουδάσας, βίον Μηδικόν τε καὶ Περσικόν. ἔστι δὲ ἰχθύων ζηλοτυπώτατος καὶ τὴν ἄλλως μέν, οὐχ ἥκιστα δὲ ὅταν αἱ νύμφαι τίκτωσιν αὐτῷ. εἰ δὲ λαμυρώτερον ταῦτα τῇ καταχρήσει τῶν ὀνομάτων εἴρηται, δίδωσιν ἡμῖν τὰ ἐκ τῆς φύσεως πραττόμενα τὴν τῶν τοιούτων ἐξουσίαν. αἳ μὲν γὰρ ὠδίνων ἤδη πειρώμεναι ἠρεμοῦσί τε καὶ ἔνδον μένουσιν, ὁ δὲ ἄρρην, οἷα δήπου γαμέτης, περιθυρῶν τὰς ἐπιβουλὰς φυλάττει τὰς ἔξωθεν φόβῳ τῶν βρεφῶν. ἔοικε γὰρ καὶ τὰ μήπω γεννώμενα φιλεῖν καὶ δέει πατρικῷ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="15"> 
+<p>ἁλισκόμενος ἐντεῦθεν ὀρρωδεῖν ἤδη, καὶ διημερεύει μὲν ἐπὶ τῇ φρουρᾷ πάντων ἄγευστος, καὶ ἡ φροντὶς αὐτὸν τρέφει· δείλης δὲ ὀψίας γενομένης ἀφεῖται τῆς ἀνάγκης τῆσδε, καὶ μαστεύει τροφήν, καὶ οὐκ ἀτυχεῖ αὐτῆς. καὶ ἑκάστη δὲ ἄρα εὑρίσκει τῶν ἔνδον, εἴτε ἐπʼ ὠδῖσιν εἴη εἴτε ἤδη λεχώ, φυκία πολλὰ τῶν ἐν ταῖς ὀπαῖς καὶ περὶ τὰς πέτρας, ἅ οἱ δεῖπνόν ἐστιν. ἐπιβουλεύειν κοσσύφῳ δεινὸς ἁλιεὺς ἐφαρμόσας ἀγκίστρῳ μόλυβδον βαρὺν καὶ ἐνείρας τῷ ἀγκίστρῳ καρίδα μεγάλην καθίησι τὸ δέλεαρ. καὶ ὃ μὲν ὑποκινεῖ τὴν ὁρμιὰν ἐγείρων τε καὶ θήγων ἐς τὴν τροφὴν τὸ θήραμα, ἡ καρὶς δὲ κινουμένη εἶτα μέντοι δόξαν τινὰ ἀποστέλλει μελλούσης ἐς τὰς ὀπὰς τὰς τοῦ κοσσύφου παριέναι. τῷ δὲ ἄρα τοῦτο ἔχθιστον· καὶ διὰ ταῦτα αἰσθανόμενος, ὡς ἔχει θυμοῦ, ἵεται ἀφανίζειν τὴν ἐχθίστην ʽοὐ γάρ οἱ μέλει τῆς γαστρὸς τηνικαῦτἀ, καὶ συνθλάσας αὐτὴν ἀπαλλάττεται, προτιμότερον <pb xml:id="p.12"/> τροφῆς καὶ πρεσβύτερον τὸ μὴ κατακοιμίσαι τὴν φυλακὴν πεπιστευκὼς εἶναι. τῶν δὲ ἄλλων ὅταν τι μέλλῃ τῶν προσπιπτόντων ἐσθίειν, ὑποθλάσας εἶτα εἴασε κεῖσθαι· καὶ ἰδὼν τεθνηκός, ἐξ αὐτοῦ τρώγει ἤδη. οἱ δὲ θήλεις κόσσυφοι, ἕως μὲν ἄρρενα ὁρῶσι προασπίζοντα, ὡς ἂν εἴποις, μένουσιν ἔνδον καὶ τὸ τῆς οἰκουρίας φυλάττουσι σχῆμα· ὅταν δὲ ἀφανισθῇ, ἀλύουσιν αἵδε, προάγει τε αὐτὰς καὶ ἐξάγει ἡ ἀθυμία καὶ ἐνταῦθα ἑαλώκασι. τί πρὸς ταῦτα οἱ ποιηταὶ λέγουσιν οἱ τήν τε Εὐάδνην ἡμῖν τὴν Ἴφιδος καὶ τὴν Ἄλκηστιν τὴν Πελίου παῖδα ἐνδόξως θρυλοῦντες; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="16"> 
+<p> πατὴρ δὲ ἐν ἰχθύσιν ὁ γλαῦκος οἷός ἐστι. τὰ γεννώμενα ἐκ τῆς συννόμου παραφυλάττει ἰσχυρῶς, ἵνα ἀνεπιβούλευτά τε καὶ ἀσινῆ ᾖ. καὶ ἕως φαιδρὰ καὶ ἔξω δέους διανήχεται, ὃ δὲ τὴν φρουρὰν οὐκ ἀπολιμπάνει, ἀλλὰ πῇ μὲν οὐραγεῖ, πῇ δὲ οὔ, ταύτην δὲ παρανήχεται τὴν πλευρὰν ἢ ἐκείνην· ἐὰν δὲ δείσῃ τῶν τι νηπίων, ὃ δὲ χανὼν ἐσεδέξατο τὸ βρέφος· εἶτα τοῦ φόβου παραδραμόντος τὸν καταφυγόντα ἀνεμεῖ οἷον ἐδέξατο, καὶ ἐκεῖνος πάλιν νήχεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="17"> 
+<p> κύων δὲ θαλαττία τεκοῦσα ἔχει συννέοντα τὰ σκυλάκια ἤδη καὶ οὐκ ἐς ἀναβολάς. ἐὰν δὲ δείσῃ τι τούτων, ἐς τὴν μητέρα ἐσέδυ αὖθις κατὰ τὸ ἄρθρον· εἶτα τοῦ δέους παραδραμόντος τὸ δὲ πρόεισιν, ὥσπερ οὖν ἀνατικτόμενον αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="18"> 
+<p> θαυμάζουσιν ἄνθρωποι τὰς γυναῖκας ὡς ἄγαν φιλοτέκνους· ὁρῶ δὲ ὅτι καὶ τεθνεώτων υἱῶν ἢ θυγατέρων ἔζησαν μητέρες, καὶ τῷ χρόνῳ τοῦ πάθους εἰλήφασι λήθην τῆς λύπης μεμαρασμένης. δελφὶς δὲ ἄρα θῆλυς φιλοτεκνότατος ἐς τὰ ἔσχατα ζῴων ἐστί. <pb xml:id="p.13"/> τίκτει μὲν γὰρ δύο ὅταν δὲ ἁλιεὺς ἢ τρώσῃ τὸν παῖδα αὐτῆς τῇ τριαίνῃ ἢ τῇ ἀκίδι βάλῃ ἡ μὲν ἀκὶς τὰ ἄνω τέτρηται, καὶ ἐνῆπται σχοῖνος μακρὰ αὐτῇ, οἱ δὲ ὄγκοι ἐσδύντες ἔχονται τοῦ θηρός. καὶ ἕως μὲν ἔτι ῥώμης ὁ δελφὶς ὁ τραυματίας μετείληχε, χαλᾷ ὁ θηρατὴς τὴν σχοῖνον, ἵνα μή ποτε ἄρα ὑπὸ τῆς βίας ἀπορρήξῃ αὐτήν, καὶ γένηταί οἱ δύο κακώ, ἔχων τε ἀπέλθῃ τὴν ἀκίδα ὁ δελφὶς καὶ ἀθηρίᾳ περιπέσῃ αὐτός· ὅταν δὲ αἴσθηται καμόντα καί πως παρειμένον ἐκ τοῦ τραύματος, ἡσυχῆ παρʼ αὐτὴν ἄγει τὴν ναῦν, καὶ ἔχει τὴν ἄγραν. ἡ δὲ μήτηρ οὐκ ὀρρωδεῖ τὸ πραχθέν, οὐδὲ ἀναστέλλεται δείσασα, ἀλλʼ ἀπορρήτῳ φύσει τῷ πόθῳ τοῦ παιδὸς ἕπεται· καὶ δείματα ὁπόσα ἐθέλεις εἰ ἐπάγοις, ἣ δὲ οὐκ ἐκπλήττεται, τὸν παῖδα οὐχ ὑπομένουσα ἀπολιπεῖν ἐν ταῖς φοναῖς ὄντα, ἀλλὰ καὶ ἐκ χειρὸς αὐτὴν πατάξαι πάρεστιν· οὕτως ὁμόσε χωρεῖ τοῖς βάλλουσιν, ὥσπερ οὖν ἀμυνουμένη. καὶ ἐκ τούτων συναλίσκεται τῷ παιδί, σωθῆναι παρὸν καὶ ἀπελθεῖν αὐτήν. εἰ δὲ ἄμφω τὰ ἔκγονα αὐτῇ παρείη, καὶ νοήσειε τετρῶσθαι τὸν ἕτερον καὶ ἄγεσθαι, ὡς προεῖπον, διώκει τὸν ὁλόκληρον καὶ ἀπελαύνει τὴν τε οὐρὰν ἐπισείουσα καὶ δάκνουσα τῷ στόματι, καὶ φυσᾷ φύσημά τι ἄσημον μέν, ᾗ δύναται, σύνθημα δὲ τῆς φυγῆς ἐνδιδοῦσα σωτήριον. καὶ ὅ μὲν ἀπαλλάττεται, μένει δὲ αὐτὴ ἔστʼ ἂν αἱρεθῇ, καὶ συναποθνήσκει τῷ ἑαλωκότι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="19"> 
+<p>ὁ βοῦς ὁ θαλάττιος ἐν πηλῷ τίκτεται, καὶ ἔστιν ἐξ ὠδίνων βράχιστος, γίνεται δὲ ἐκ βραχίστου μέγιστος. καὶ τὰ μὲν ὑπὸ τὴν νηδὺν λευκός ἐστι, τὰ νῶτα δὲ καὶ τὸ πρόσωπον καὶ τὰς πλευρὰς μέλας δεινῶς· στόμα δὲ αὐτῷ ἐμπέφυκε σμικρόν, οἱ δὲ <pb xml:id="p.14"/> ὀδόντες, μεμυκότος οὐκ ἂν αὐτοὺς ἴδοις· ἔστι δὲ μήκιστος καὶ πλατύτατος. σιτεῖται μὲν οὖν καὶ τῶν ἰχθύων πολλούς, μάλιστα δὲ σαρκῶν ἀνθρωπείων ἐσθίων ὑπερήδεται. σύνοιδε δὲ αὑτῷ ὅτι ῥώμην ἥκιστός ἐστι, μόνῳ δὲ ἐπιθαρρεῖ τῷ μεγέθει. καὶ διὰ τοῦτο ὅταν ἴδῃ τινὰ ἢ νηχόμενον ἢ πονούμενον ἐν ταῖς ὑδροθηρίαις, μετεωρίσας ἑαυτὸν καὶ ἐπικυρτώσας ἐπινήχεταί οἱ βαρὺς ἄνω ἐγκείμενός τε καὶ πιέζων καὶ ἐπαρτῶν δεῖμά τι, ὑπερπετάσας τὸ πᾶν σῶμα τῷ δειλαίῳ ὡς στέγην, ἀναδῦναί τε καὶ ἀναπνεῦσαι κωλύων αὐτόν. οὐκοῦν ἐπισχεθέντος οἱ τοῦ πνεύματος, ὃ μέν, οἷα εἰκός, ἀποθνήσκει, ὃ δὲ ἐμπεσὼν ἔχει τῆς παραμονῆς μισθὸν ὃ μάλιστα λιχνεύει δεῖπνον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="20"> 
+<p> τὰ μὲν ἄλλα τῶν ᾠδικῶν ὀρνέων εὐστομεῖ καὶ τῇ γλώττῃ φθέγγεται δίκην ἀνθρώπου· οἱ δὲ τέττιγες κατὰ τὴν ἰξύν εἰσι λαλίστατοι. καὶ σιτοῦνται μὲν τῆς δρόσου, τὰ δὲ ἐξ ἕω ἐς πλήθουσαν ἀγορὰν σιωπῶσιν, ἡλίου δὲ ὑπαρχομένου τῆς ἀκμῆς, τὸν ἐξ ἑαυτῶν μεθιᾶσι κέλαδον, φιλόπονοί τινες ὡς ἂν εῖποις χορευταί, ὑπὲρ κεφαλῆς καὶ τῶν παρανεμόντων καὶ τῶν ὁδῷ χρωμένων καὶ τῶν ἀμώντων κατᾴδοντες. καὶ τοῦτο μὲν τὸ φιλόμουσον ἔδωκε τοῖς ἄρρεσιν ἡ φύσις· τέττιξ δὲ θήλεια ἄφωνός ἐστι, καὶ ἔοικε σιωπᾶν δίκην νύμφης αἰδουμένης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="21"> 
+<p> ὑφαντικὴν καὶ ταλασίαν τὴν θεὸν τὴν Ἐργάνην ἐπινοῆσαί φασιν ἄνθρωποι· τὴν δὲ ἀράχνην ἡ φύσις σοφὴν ἐς ἱστουργίαν ἐδημιούργησε. καὶ φιλοτεχνεῖ οὐ κατὰ μίμημα, οὐδὲ ἔξωθεν λαμβάνει τὸ νῆμα, ἀλλʼ ἐκ τῆς οἰκείας νηδύος τοὺς μίτους ἐξάγουσα εἶτα μέντοι τοῖς κούφοις τῶν πτηνῶν θήρατρα ἀποφαίνει, ὡς δίκτυα ἐκπεταννῦσα. καὶ διʼ ὧν ἐξυφαίνει <pb xml:id="p.15"/> παρὰ τῆς γαστρὸς λαβοῦσα, διὰ τῶνδε ἐκείνην ἐκτρέφει πάνυ φιλεργοῦσα, ὡς καὶ τῶν γυναικῶν τὰς μάλιστα εὔχειρας καὶ νῆμα ἀσκητὸν ἐκπονῆσαι δεινὰς μὴ ἀντιπαραβάλλεσθαι· νενίκηκε γὰρ τῇ λεπτότητι καὶ τὴν τρίχα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="22"> 
+<p>Βαβυλωνίους τε καὶ Χαλδαίους σοφοὺς τὰ οὐράνια ᾅδουσιν οἱ συγγραφεῖς· μύρμηκες δὲ οὔτε ἐς οὐρανὸν ἀναβλέποντες οὔτε τὰς τοῦ μηνὸς ἡμέρας ἐπὶ δακτύλων ἀριθμεῖν ἔχοντες ὅμως δῶρον ἐκ φύσεως εἰλήχασι παράδοξον· τῇ γὰρ ἡμέρᾳ τοῦ μηνὸς τῇ νέᾳ ἔσω τῆς ἑαυτῶν στέγης οἰκουροῦσι, τὴν ὀπὴν οὐχ ὑπερβαίνοντες ἀλλὰ ἀτρεμοῦντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="23"> 
+<p>οἰκία τῷ σαργῷ τῷ ἰχθύι πέτραι τε καὶ σήραγγες, ἔχουσαι μέντοι διασφάγας μικρὰς, ὡς αὐγὴν ἡλίου κατιέναι καὶ φωτὸς ὑποπιμπλάναι τὰς διαστάσεις τάσδε· χαίρουσι γὰρ οἱ σαργοὶ φωτὶ μὲν παντί, τῆς δὲ ἀκτῖνος τοῦ ἡλίου καὶ μᾶλλον διψῶσιν. οἰκοῦσι δὲ ἐν ταὐτῷ πολλοί· δίαιται δὲ αὐτοῖς καὶ ἤθη τὰ τῆς θαλάσσης βράχη, καὶ τῇ γῇ γειτνιῶσι μάλα ἀσμένως. φιλοῦσι δέ πως αἶγας ἰσχυρῶς. ἐὰν γοῦν πλησίον τῆς ᾐόνος νεμομένων ἡ σκιὰ μιᾶς ἢ δευτέρας ἐν τῇ θαλάττῃ φανῇ, οἳ δὲ ἀσμένως προσνέουσι καὶ ἀναπηδῶσιν, ὡς ἡδόμενοι, καὶ προσάψασθαι τῶν αἰγῶν ποθοῦσιν ἐξαλλόμενοι, καίτοι οὐ πάνυ τι ὄντες ἁλτικοὶ τὴν ἄλλως· νηχόμενοι δὲ καὶ ὑπὸ τοῖς κύμασιν ὅμως τῆς τῶν αἰγῶν ὀσμῆς ἔχουσιν αἴσθησιν, καὶ ὑφʼ ἡδονῆς προελθεῖν ἐπʼ αὐτὰς σπεύδουσιν. ἐπεὶ τοίνυν δυσέρωτές εἰσιν, ἐξ ὧν ποθοῦσιν ἐκ τούτων ἁλίσκονται. ἁλιεὺς γὰρ ἀνὴρ αἰγὸς δορᾷ ἑαυτὸν περιαμπέχει, σὺν αὐτοῖς τοῖς κέρασι δαρείσης αὐτῆς· λαμβάνει δὲ ἄρα τὸν ἥλιον κατὰ νώτου ἐπιβουλεύων ὁ θηρατὴς τῇ ἄγρᾳ, εἶτα <pb xml:id="p.16"/> καταπάττει τῆς θαλάττης, ὑφʼ ἣν οἰκοῦσιν οἱ προειρημένοι, ἄλφιτα αἰγείῳ ζωμῷ διαβραχέντα. ἑλκόμενοι δὲ οἱ σαργοὶ ὡς ὑπό τινος ἴυγγος τῆς ὀσμῆς τῆς προειρημένης προσίασι, καὶ σιτοῦνται μὲν τῶν ἀλφίτων, κηλοῦνται δὲ ὑπὸ τῆς δορᾶς. αἱρεῖ δὲ αὐτῶν πολλοὺς ἀγκίστρῳ σκληρῷ καὶ ὁρμιᾷ λίνου λευκοῦ· ἐξῆπται δὲ οὐχὶ καλάμου, ἀλλὰ ῥάβδου κρανείας· δεῖ γὰρ τὸν ἐμπεσόντα ἀνασπάσαι ῥᾷστα, ἵνα μὴ τοὺς ἄλλους ἐκταράξῃ. θηρῶνται δὲ καὶ ἀπὸ χειρός, ἐάν τις τὰς ἀκάνθας, ἃς ἐγείρουσιν ἐς τὸ ἑαυτοῖς ἀμύνειν, ἐς τὸ κάτω μέρος ἀπό γε τῆς κεφαλῆς ἡσυχῆ κατάγων εἶτα κλίνῃ καὶ πιέσας τῶν πετρῶν ἐκσπάσῃ, ἐς ἃς ἑαυτοὺς ὑπὲρ τοῦ λαθεῖν ὠθοῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="24"> 
+<p> ὁ ἔχις περιπλακεὶς τῇ θηλείᾳ μίγνυται· ἣ δὲ ἀνέχεται τοῦ νυμφίου καὶ λυπεῖ οὐδὲ ἕν. ὅταν δὲ πρὸς τῷ τέλει τῶν ἀφροδισίων ὦσι, πονηρὰν ὑπὲρ τῆς ὁμιλίας τὴν φιλοφροσύνην ἐκτίνει ἡ νύμφη τῷ γαμέτῃ· ἐμφῦσα γὰρ αὐτοῦ τῷ τραχήλῳ, διακόπτει αὐτὸν αὐτῇ κεφαλῇ· καὶ ὃ μὲν τέθνηκεν, ἣ δὲ ἔγκαρπον ἔχει τὴν μίξιν καὶ κύει. τίκτει δὲ οὐκ ᾠά, ἀλλὰ βρέφη, καὶ ἔστιν ἐνεργὰ ἤδη κατὰ τὴν αὑτῶν φύσιν τὴν κακίστην. διεσθίει γοῦν τὴν μητρῴαν νηδύν, καὶ πρόεισι παραυτὰ τιμωροῦντα τῷ πατρί. τί οὖν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="25"> 
+<p> οἱ Ὀρέσται καὶ οἱ Ἀλκμαίωνες πρὸς ταῦτα, ὦ τραγῳδοὶ φίλοι; τὴν ὕαιναν τῆτες μὲν ἄρρενα εἰ θεάσαιο, τὴν αὐτὴν ἐς νέωτα ὄψει θῆλυν· εἰ δὲ θῆλυν νῦν, μετὰ ταῦτα ἄρρενα· κοινωνοῦσί τε ἀφροδίτης ἑκατέρας, καὶ γαμοῦσί τε καὶ γαμοῦνται, ἀνὰ ἔτος πᾶν ἀμείβουσαι τὸ γένος. οὐκοῦν τὸν Καινέα καὶ τὸν Τειρεσίαν <pb xml:id="p.17"/> ἀρχαίους ἀπέδειξε τὸ ζῷον τοῦτο οὐ κόμποις ἀλλὰ τοῖς ἔργοις αὐτοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="26"> 
+<p>μάχονται μὲν ὑπὲρ τῶν θηλειῶν ὡς ὑπὲρ ὡραίων γυναικῶν καὶ οἱ τράγοι πρὸς τράγους καὶ οἱ ταῦροι πρὸς ταύρους καὶ ὑπὲρ οἰῶν οἱ κριοὶ πρὸς τοὺς ἀντερῶντας· ὀργῶσι δὲ ἐπὶ τὰς θηλείας καὶ οἱ θαλάττιοι κάνθαροι. γίνονται δὲ ἐν τοῖς καλουμένοις λεπροῖς χωρίοις, καὶ εἰσὶ ζηλότυποι, καὶ ἴδοις ἂν μάχην ὑπὲρ τῶν θηλειῶν καρτεράν· καὶ ἔστιν ὁ ἀγὼν οὐχ ὑπὲρ πολλῶν, ὡς τοῖς σαργοῖς, ἀλλʼ ὑπὲρ τῆς ἰδίας συννόμου, ὡς ὑπὲρ γαμετῆς τῷ Μενέλεῳ πρὸς τὸν Πάριν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="27"> 
+<p>Ἑστιᾶται μὲν ἄλλαις καὶ ἄλλαις τροφαῖς ὁ πολύπους· ἔστι γὰρ καὶ φαγεῖν δεινὸς καὶ ἐπιβουλεῦσαι σφόδρα πανοῦργος· τὸ δὲ αἴτιον, παμβορώτατος θηρίων θαλαττίων ἐστί. καὶ ἡ ἀπόδειξις, εἴ τις αὐτῷ γένοιτο ἀθηρία, τῶν ἑαυτοῦ πλοκάμων παρέτραγε, καὶ τὴν γαστέρα κορέσας τὴν σπάνιν τῆς ἄγρας ἠκέσατο· εἶτα ἀναφύει τὸ ἐλλεῖπον, ὥσπερ οὖν τῆς φύσεως τοῦτό οἱ ἐν τῷ λιμῷ παρασκευαζούσης ἕτοιμον τὸ δεῖπνον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="28"> 
+<p>ἵππος ἐρριμμένος σφηκῶν γένεσίς ἐστιν. ὃ μὲν γὰρ ὑποσήπεται, ἐκ δὲ τοῦ μυελοῦ ἐκπέτονται οἱ θῆρες οὗτοι, ὠκίστου ζῴου πτηνὰ ἔκγονα, τοῦ ἵππου οἱ σφῆκες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="29"> 
+<p>αἱμύλον ζῷον καὶ ἐοικὸς ταῖς φαρμακίσιν ἡ γλαῦξ. καὶ πρώτους μὲν αἱρεῖ τοὺς ὀρνιθοθήρας ᾑρημένη. περιάγουσι γοῦν αὐτὴν ὡς παιδικὰ ἢ καὶ νὴ Δία περίαπτα ἐπὶ τῶν ὤμων. καὶ νύκτωρ μὲν αὐτοῖς ἀγρυπνεῖ καὶ τῇ φωνῇ οἱονεί τινι ἐπαοιδῇ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="30"> 
+<p>γοητείας ὑπεσπαρμένης αἱμύλου τε καὶ θελκτικῆς τοὺς ὄρνιθας ἕλκει καὶ καθίζει πλησίον ἑαυτῆς· ἤδη δὲ καὶ ἐν ἡμέρᾳ θήρατρα ἕτερα τοῖς ὄρνισι προσείει <pb xml:id="p.18"/> μωκωμένη καὶ ἄλλοτε ἄλλην ἰδέαν προσώπου στρέφουσα, ὑφʼ ὧν κηλοῦνται καὶ παραμένουσιν ἐνεοὶ πάντες ὄρνιθες, ᾑρημένοι δέει καὶ μάλα γε ἰσχυρῷ ἐξ ὧν ἐκείνη μορφάζει. ὁ λάβραξ καρίδος ἥττηται, καὶ εἴη ἄν, ἵνα τι καὶ παίσας εἴπω, ἰχθύων ὀψοφαγίστατος. οὐκοῦν ἕλειοι ὄντες τὰς ἑλείους ἐλλοχῶσιν. εἰσὶ γὰρ τῷ γένει τριτταί· καὶ αἳ μὲν αὐτῶν οἵας προεῖπον, αἳ δὲ ἐκ φυκίων, πετραῖαί γε μὴν αἱ τρίται. ἀμύνεσθαι δὲ αὐτοὺς ἀδυνατοῦσαι αἱροῦνται συναποθνήσκειν. καὶ τό γε σόφισμα εἰπεῖν οὐκ ὀκνήσω αὐτῶν. ὅταν γοῦν αἴσθωνται λαμβανόμεναι, τὸ ἐξέχον τῆς κεφαλῆς ʽἔοικε δὲ τριήρους ἐμβόλῳ καὶ μάλα γε ὀξεῖ, καὶ ἄλλως ἐντομὰς ἔχει δίκην πριόνοσʼ τοῦτο τοίνυν αἱ γενναῖαι σοφῶς ἐπιστρέψασαι πηδῶσί τε καὶ ἀναθόρνυνται κοῦφα καὶ ἁλτικά. κέχηνε δὲ ὁ λάβραξ μέγα, καὶ ἔστιν οἱ τὰ τῆς δέρης ἁπαλά. οὐκοῦν ὃ μὲν συλλαβὼν τὴν καρίδα καμοῦσαν οἴεται δεῖπνον ἕξειν, ἣ δὲ ἐν ἐξουσίᾳ τε καὶ εὐρυχωρίᾳ σκιρτᾷ τῆς φάρυγγος ὡς ἂν εἴποις καταχορεύουσα· εἶτα ἐμπήγνυται τῷ δειλαίῳ θηρατῇ τὰ κέντρα, καὶ ἑλκοῦταί οἱ τὰ ἔνδον καὶ ἀνοιδήσαντα αἷμα ἐκβάλλει πολὺ καὶ ἀποπνίγει, καὶ καινότατα δήπου ἀποκτείνασα ἀνῄρηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="31"> 
+<p> ὀνύχων ἀκμαῖς καὶ ὀδόντων διατομαῖς θαρροῦσι καὶ ἄρκτοι καὶ λύκοι καὶ πάρδοι καὶ λέοντες· τὴν δὲ ὕστριχα ἀκούω ταῦτα μὲν οὐκ ἔχειν, οὐ μὴν ὅπλων ὑπὸ τῆς φύσεως ἀμυντηρίων ἀπολελεῖφθαι ἐρήμην. τοῖς γοῦν ἐπιοῦσιν ἐπὶ λύμῃ τὰς ἄνωθεν τρίχας οἱονεὶ βέλη ἐκπέμπει, καὶ εὐστόχως βάλλει πολλάκις, τὰ νῶτα φρίξασα· καὶ ἐκεῖναί γε πηδῶσιν, ὥσπερ οὖν ἔκ τινος ἀφειμέναι νευρᾶς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="32"> 
+<p> ἦ δεινὸν κακὸν καὶ νόσημα ἄγριον ἔχθρα καὶ <pb xml:id="p.19"/> μῖσος συμφυές, εἴπερ οὖν καὶ τοῖς ἀλόγοις ἐντέτηκε καὶ αὐτοῖς ἐστι δυσέκνιπτα. μύραινα γοῦν πολύποδα μισεῖ, καὶ πολύπους καράβῳ πολέμιος, καὶ μυραίνῃ κάραβος ἔχθιστός ἐστι. μύραινα μὲν γὰρ ταῖς ἀκμαῖς τῶν ὀδόντων τὰς πλεκτάνας τῷ πολύποδι διακόπτει, εἶτα μέντοι καὶ ἐς τὴν γαστέρα ἐσδῦσα αὐτῷ τὰ αὐτὰ δρᾷ, καὶ εἰκότως· ἣ μὲν γὰρ νηκτική, ὃ δὲ ἔοικεν ἕρποντι· εἰ δὲ καὶ τρέποιτο τὴν χρόαν κατὰ τὰς πέτρας, ἔοικεν αὐτῷ τὸ σόφισμα συμφέρειν οὐδὲ ἓν τοῦτο· ἔστι γὰρ συνιδεῖν ἐκείνη δεινὴ τοῦ ζῴου τὸ παλάμημα. τούς γε μὴν καράβους αὐτοὶ συλλαβόντες ἐς πνῖγμα, ὅταν νεκροὺς ἐργάσωνται, τὰ κρέα ἐκμυζῶσιν αὐτῶν. κέρατα δὲ τὰ ἑαυτοῦ ὁ κάραβος ἀνεγείρας καὶ θυμωθεὶς ἐς αὐτά, προκαλεῖται μύραιναν. οὐκοῦν ἣ μὲν τοῦ ἀντιπάλου τὰ κέντρα, ὅσα οἱ προβέβληται, ταῦτα οὐκ ἐννοοῦσα καταδάκνει· ὃ δὲ τὰς χηλὰς οἱονεὶ χεῖρας προτείνας, τῆς δέρης παρʼ ἑκάτερα ἐγκρατῶς ἐχόμενος οὐ μεθίησιν· ἣ δὲ ἀσχάλλει καὶ ἑαυτὴν ἑλίττει καὶ περιβάλλει τῶν ὀστράκων ταῖς ἀκμαῖς, ὧνπερ οὖν ἐς αὐτὴν πηγνυμένων μαλκίει τε καὶ ἀπαγορεύει, καὶ τελευτῶσα παρειμένη κεῖται· ὃ δὲ τὴν ἀντίπαλον ποιεῖται δεῖπνον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="33"> 
+<p>τὴν μύραιναν τὸν ἰχθὺν τρέφει τὰ πελάγη. ὅταν δὲ αὐτὴν τὸ δίκτυον περιλάβῃ, διανήχεται καὶ ζητεῖ ἢ βρόχον ἀραιὸν ἢ ῥῆγμα τοῦ δικτύου πάνυ σοφῶς· καὶ ἐντυχοῦσα τούτων τινὶ καὶ διεκδῦσα ἐλευθέρα νήχεται αὖθις· εἰ δὲ τύχοι μία τῆσδε τῆς εὐερμίας, καὶ αἱ λοιπαὶ ὅσαι τοῦ αὐτοῦ γένους συνεαλώκασι κατὰ τὴν ἐκείνης φυγὴν ἐξίασιν, ὡς ὁδόν τινα λαβοῦσαι παρʼ ἡγεμόνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="34"> 
+<p>τὴν σηπίαν ὅταν μέλλωσιν αἱρεῖν οἱ τούτων ἀγαθοὶ θηραταί, συνεῖσα ἐκείνη παρῆκε τὸ ἐξ ἑαυτῆς <pb xml:id="p.20"/> ὑπόσφαγμα, καὶ καταχεῖται ἑαυτῆς, καὶ περιλαμβάνει καὶ ἀφανίζει πᾶσαν, καὶ κλέπτεται τὴν ὄψινὁ ἁλιεύς· καὶ ἣ μὲν ἐν ὀφθαλμοῖς ἐστιν, ὃ δὲ οὐχ ὁρᾷ. τοιοῦτόν τι καὶ τῷ Αἰνείᾳ νέφος περιβαλὼν ἠπάτησε τὸν Ἀχιλλέα ὁ Ποσειδῶν, ὡς Ὅμηρος λέγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="35"> 
+<p> βασκάνων ὀφθαλμοὺς καὶ γοήτων φυλάττεται καὶ τῶν ζῴων τὰ ἄλογα φύσει τινὶ ἀπορρήτῳ καὶ θαυμαστῇ. ἀκούω γοῦν βασκανίας ἀμυντήριον τὰς φάττας δάφνης κλωνία ἀποτραγούσας λεπτὰ εἶτα μέντοι ταῖς ἑαυτῶν καλιαῖς ἐντιθέναι τῶν νεοττίων φειδοῖ· ἰκτῖνοι δὲ ῥάμνον, κίρκοι δὲ πικρίδα, αἵ γε μὴν τρυγόνες τὸν τῆς ἴρεως καρπόν, ἄγνον δὲ κόρακες, οἱ δὲ ἔποπες τὸ ἀδίαντον, ὅπερ οὖν καὶ καλλίτριχον καλοῦσί τινες, ἀριστερεῶνα δὲ κορώνη, καὶ κιττὸν ἅρπη, καρκίνον δὲ ἐρωδιός, πέρδιξ δὲ καλάμου φόβην, θαλλὸν δὲ αἱ κίχλαι μυρρίνης. προβάλλεται δὲ καὶ κόρυδος ἄγρωστιν, ἀετοὶ δὲ τὸν λίθον, ὅσπερ οὖν ἐξ αὐτῶν ἀετίτης κέκληται. λέγεται δὲ οὗτος ὁ λίθος καὶ γυναιξὶ κυούσαις ἀγαθὸν εἶναι, ταῖς ἀμβλώσεσι πολέμιος ὤν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="36"> 
+<p> ὁ ἰχθὺς ἡ νάρκη ὅτου ἂν καὶ προσάψηται τὸ ἐξ αὐτῆς ὄνομα ἔδωκέ τε καὶ ναρκᾶν ἐποίησεν. ἡ δὲ ἐχενηὶς ἐπέχει τὰς ναῦς, καὶ ἐξ οὗ ποιεῖ καλοῦμεν αὐτήν. κυούσης δὲ ἁλκυόνος ἵσταται μὲν τὰ πελάγη, εἰρήνην δὲ καὶ φιλίαν ἄγουσιν ἄνεμοι. κύει δὲ ἄρα χειμῶνος μεσοῦντος, καὶ ὅμως ἡ τοῦ ἀέρος γαλήνη δίδωσιν εὐημερίαν, καὶ ἁλκυονείας τηνικάδε τῆς ὥρας ἄγομεν ἡμέρας. ἴχνος δὲ λύκου πατεῖ κατὰ τύχην ἵππος, καὶ νάρκη περιείληφεν αὐτόν. εἰ δὲ ὑπορρίψειας ἀστράγαλον λύκου τετρώρῳ θέοντι, τὸ δὲ ὡς πεπηγὸς ἑστήξεται, τῶν ἵππων τὸν ἀστράγαλον <pb xml:id="p.21"/> πατησάντων. λέων δὲ φύλλοις πρίνου τὸ ἴχνος ἐπιβάλλει, καὶ ναρκᾷ· δὲ καὶ ὁ λύκος, εἰ καὶ μόνον προσπελάσειε πετήλοις σκίλλης. ταῦτά τοι καὶ αἱ ἀλώπεκες ἐς τὰς εὐνὰς τῶν λύκων ἐμβάλλουσι, καὶ εἰκότως· διὰ γὰρ τὴν ἐξ αὐτῶν ἐπιβουλὴν νοοῦσιν ἔχθιστα αὐτοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="37"> 
+<p>οἱ πελαργοὶ λυμαινομένας αὐτῶν τὰ ᾠὰ τὰς νυκτερίδας ἀμύνονται πάνυ σοφῶς· αἳ μὲν γὰρ προσαψάμεναι μόνον ἀνεμιαῖα ἐργάζονται καὶ ἄγονα αὐτά. οὐκοῦν τὸ ἐπὶ τούτοις φάρμακον ἐκεῖνό ἐστι. πλατάνου φύλλα ἐπιφέρουσι ταῖς καλιαῖς· αἱ δὲ νυκτερίδες ὅταν αὐτοῖς γειτνιάσωσι, ναρκῶσι καὶ γίνονται λυπεῖν ἀδύνατοι. δῶρον δὲ ἄρα ἡ φύσις καὶ ταῖς χελιδόσιν ἔδωκεν οἷον. αἱ σίλφαι καὶ τούτων τὰ ᾠὰ ἀδικοῦσιν. οὐκοῦν αἱ μητέρες σελίνου κόμην προβάλλονται τῶν βρεφῶν, καὶ ἐκείναις τὸ ἐντεῦθεν ἄβατά ἐστι. πολύποσι δὲ εἴ τις ἐπιβάλοι πήγανον, ἀκίνητοι μένουσιν, ὡς λέγει τις λόγος. ὄφεως δὲ εἰ καθίκοιο καλάμῳ, μετὰ τὴν πρώτην πληγὴν ἀτρεμεῖ καὶ νάρκῃ πεδηθεὶς ἡσυχάζει· εἰ δὲ ἐπαγάγοις δευτέραν ἢ τρίτην, ἀνέρρωσας αὐτόν. καὶ μύραινα δὲ πληγεῖσα νάρθηκι ἐς ἅπαξ ἡσυχάζει· εἰ δὲ πλεονάκις, ἐς θυμὸν ἐξάπτεται. λέγουσι δὲ ἁλιεῖς καὶ πολύποδας ἐς τὴν γῆν προϊέναι, ἐλαίας θαλλοῦ ἐπὶ τῆς ᾐόνος κειμένου. θηρίων δὲ ἀλεξιφάρμακον ἦν ἄρα πάντων πιμελὴ ἐλέφαντος, ἣν εἴ τις ἐπιχρίσαιτο, καὶ εἰ γυμνὸς ὁμόσε χωροίη τοῖς ἀγριωτάτοις, ἀσινὴς ἀπαλλάττεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="38"> 
+<p>ὀρρωδεῖ ὁ ἐλέφας κεράστην κριὸν καὶ χοίρου βοήν. οὕτω τοι, φασί, καὶ Ῥωμαῖοι τοὺς σὺν Πύρρῳ τῷ Ἠπειρώτῃ ἐτρέψαντο ἐλέφαντας, καὶ ἡ νίκη σὺν τοῖς Ῥωμαίοις λαμπρῶς ἐγένετο. γυναικὸς δὲ ὡραίας <pb xml:id="p.22"/> τόδε τὸ ζῷον ἡττᾶται καὶ παραλύεται τοῦ θυμοῦ ἐκκωφωθὲν ἐς τὸ κάλλος. καὶ ἀντήρα φασὶν ἐν τῇ Αἰγυπτίᾳ Ἀλεξάνδρου πόλει γυναικὸς στεφάνους πλεκούσης Ἀριστοφάνει τῷ Βυζαντίῳ ἐλέφας. ἀγαπᾷ δὲ ὁ αὐτὸς καὶ εὐωδίαν πᾶσαν, καὶ μύρων καὶ ἀνθέων κηλούμενος τῇ ὀσμῇ. ὅστις βούλεται κλὼψ ἢ λῃστὴς κύνας ἄγαν ἀγριωτάτους κατασιγάσαι καὶ θεῖναι φυγάδας, ἐκ πυρᾶς ἀνθρώπου δαλὸν λαβὼν ὁμόσε αὐτοῖς χωρεῖ, φασίν· οἱ δὲ ὀρρωδοῦσιν. ἀκήκοα δὲ καὶ ἐκεῖνον τὸν λόγον. λυκοσπάδα οἶν πέξας τις καὶ ἐριουργήσας καὶ χιτῶνα ἐργασάμενος λυπεῖ τὸν ἠσθημένον· ὀδαξησμὸν γὰρ ἐργάζεται, ὡς λόγος. ἔριν δὲ εἴ τις καὶ στάσιν ἐθέλοι ἐν τῷ συνδείπνῳ ἐργάσασθαι, δηχθέντα ὑπὸ κυνὸς λίθον ἐμβαλὼν τῷ οἴνῳ λυπεῖ τοὺς συμπότας ἐκμαίνων. κανθάροις δὲ κακόσμοις θηρίοις εἴ τις ἐπιρράνειε μύρου, οἳ δὲ τὴν εὐωδίαν οὐ φέρουσιν, ἀλλʼ ἀποθνήσκουσιν. οὕτω τοί φασι καὶ τοὺς βυρσοδέψας συντραφέντας ἀέρι κακῷ βδελύττεσθαι μύρον. λέγουσι δὲ Αἰγύπτιοι καὶ τοὺς ὄφεις πάντας ἴβεων πτερὰ δεδιέναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="39"> 
+<p> θηρῶσι τὰς τρυγόνας οἱ τούτων ἀκριβοῦντες τὰ θήρατρα, καὶ μάλιστα τῆς πείρας οὐ διαμαρτάνουσι τὸν τρόπον τοῦτον. ἑστήκασιν ὀρχούμενοι καὶ ᾅδοντες εὖ μάλα μουσικῶς· αἳ δὲ καὶ τῇ ἀκοῇ θέλγονται καὶ τῇ ὄψει τῆς ὀρχήσεως κηλοῦνται καὶ προσίασιν ἐγγυτέρω. οἳ δὲ ὑπαναχωροῦσιν ἡσυχῆ καὶ βάδην, ἔνθα δήπου καὶ ὁ δόλος ταῖς δειλαίαις πρόκειται, δίκτυα ἐκπεπταμένα· εἶτα ἐμπίπτουσιν ἐς αὐτὰ καὶ ἁλίσκονται, ὀρχήσει καὶ ᾠδῇ ᾑρημέναι πρῶτον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="40"> 
+<p> ὄρκυνος ὄνομα κητώδης ἰχθὺς οὐκ ἄσοφος ἐς τὰ αὑτοῦ λυσιτελέστατα, δῶρον λαχὼν φύσει τοῦτο, οὐ <pb xml:id="p.23"/> τέχνῃ. ὅταν γοῦν περιπαρῇ τῷ ἀγκίστρῳ, καταδύει αὑτὸν ἐς βυθὸν καὶ ὠθεῖ καὶ προσαράττει τῷ δαπέδῳ, καὶ κρούει τὸ στόμα, ἐκβαλεῖν τὸ ἄγκιστρον ἐθέλων· εἰ δὲ ἀδύνατον τοῦτο εἴη, εὐρύνει τὸ τραῦμα, καὶ ἐκπτύεται τὸ λυποῦν αὐτὸν καὶ ἐξάλλεται. πολλάκις δὲ οὐκ ἔτυχε τῆς πείρας, καὶ ὁ θηρατὴς ἄκοντα ἀνασπάσας ἔχει τὴν ἄγραν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="41"> 
+<p>Δειλότατος ἰχθύων ὁ μελάνουρος, καὶ ἔχει τῆς δειλίας μάρτυρας τοὺς ἁλιεῖς. οὔτε γοῦν κύρτῳ λαμβάνονται οὗτοι, οὔτε προσίασιν αὐτῷ· σαγήνη δὲ εἴ ποτε αὐτοὺς περιλάβοι, οἳ δὲ ἀγνοοῦντες ἑαλώκασι. καὶ ὅταν μὲν ᾖ ὑπεύδια καὶ λεία ἡ θάλαττα, οἳ δὲ ἄρα κάτω που πρὸς ταῖς πέτραις ἢ τοῖς φυκίοις ἡσυχάζουσι, καὶ προβάλλονται πᾶν ὅ τι δύνανται, τὸ σῶμα ἀφανίζοντες. ἐὰν δὲ ᾖ χειμέρια, τοὺς ἄλλους ὁρῶντες καταδύντας ἐκ τῆς τῶν κυμάτων προσβολῆς ἐς τὸν βυθόν, οἳ δὲ ἀναθαρροῦσι, καὶ τῇ γῇ προς1 πελάζουσι, καὶ ταῖς πέτραις προσνέουσι, καὶ ἡγοῦνταί σφισι πρόβλημα ἱκανὸν εἶναι τὸν ὑπερνηχόμενον ἀφρὸν καλύπτοντά τε αὐτοὺς καὶ ἐπηλυγάζοντα. συνιᾶσι δὲ εὖ μάλα ἀπορρήτως ὅτι τοῖς ἁλιεῦσιν ἐν ἡμέρᾳ τοίᾳ ἢ νυκτὶ ἐς τὴν θάλαττάν ἐστιν ἄβατα, ἀγριαινούσης τῆς θαλάττης καὶ τῶν κυμάτων αἰρομένων μετεώρων τε καὶ φοβερῶν. ἔχουσι δὲ καὶ τροφὴν ἐν χειμῶνι, τοῦ κλύδωνος τὰ μὲν ἀποσπῶντος ἐκ τῶν πετρῶν, τὰ δὲ ἐπισύροντος ἐκ τῆς γῆς· σιτοῦνται δὲ μελάνουροι τὰ ῥυπαρώτερα καὶ ὅσα οὐκ ἂν ῥᾳδίως ἰχθὺς ἄλλος ἂν πάσαιτο, εἰ μὴ πάνυ λιμῷ πιέζοιτο. ἐν γαλήνῃ δὲ ἐπὶ τῆς ἄμμου μόνης σαλεύουσι, καὶ ἐκεῖθεν βόσκονται. ὅπως δὲ ἁλίσκονται, ἐρεῖ ἄλλος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="42"> 
+<p>ἀετὸς δὲ ὀρνίθων ὀξυωπέστατος. καὶ Ὅμηρος <pb xml:id="p.24"/> αὐτῷ σύνοιδε καὶ τοῦτο, καὶ μαρτυρεῖ ἐν τῇ Πατροκλείᾳ, εἰκάζων τὸν Μενέλεων τῷ ὄρνιθι, ὅτε ἀνεζήτει Ἀντίλοχον, ἵνα ἄγγελον ἀποστείλῃ τῷ Ἀχιλλεῖ, πικρὸν μέν, ἀναγκαῖον δέ, ὑπὲρ τοῦ πάθους τοῦ κατὰ τὸν ἑταῖρον αὐτοῦ, ὃν ἐξέπεμψε μέν, οὐχ ὑπεδέξατο δέ, καίτοι ποθῶν ἐκεῖνος τοῦτο. λέγεται δὲ μὴ ἑαυτῷ μόνῳ χρήσιμος, ἀλλὰ καὶ ἀνθρώπων ὀφθαλμοῖς ὁ ἀετὸς ἀγαθὸς εἶναι. εἰ γοῦν μέλιτί τις Ἀττικῷ τὴν χολὴν αὐτοῦ διαλαβὼν ὑπαλείψαιτο ἀμβλυνόμενος, ὄψεται καὶ ὀξυτάτους γοῦν ἰδεῖν ἕξει τοὺς ὀφθαλμούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="43"> 
+<p> ἀηδὼν ὀρνίθων λιγυρωτάτη τε καὶ εὐμουσοτάτη, καὶ κατᾴδει τῶν ἐρημαίων χωρίων εὐστομώτατα ὀρνίθων καὶ τορώτατα. λέγουσι δὲ καὶ τὰ κρέα αὐτῆς ἐς ἀγρυπνίαν λυσιτελεῖν. πονηροὶ μὲν οὖν οἱ τοιαύτης τροφῆς δαιτυμόνες καὶ ἀμαθεῖς δεινῶς· πονηρὸν δὲ τὸ ἐκ τῆς τροφῆς δῶρον, φυγὴ ὕπνου, τοῦ καὶ θεῶν καὶ ἀνθρώπων βασιλέως, ὡς Ὅμηρος λέγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="44"> 
+<p> τῶν γεράνων αἱ κλαγγαὶ καλοῦσιν ὄμβρους, ὥς φασιν· ὁ δὲ ἐγκέφαλος γυναικῶν ἐς χάριν ἀφροδίσιον ἔχει τινὰς ἴυγγας, εἴ τῳ ἱκανοὶ τεκμηριῶσαι οἱ πρῶτοι φυλάξαντες ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="45"> 
+<p> γυπῶν πτερὰ εἰ θυμιάσειέ τις, ὡς ἀκούω, καὶ ἐκ φωλεῶν καὶ ἐξ εἰλυῶν τοὺς ὄφεις προάξει ῥᾷστα. τὸ ζῷον ὁ δρυοκολάπτης ἐξ οὗ δρᾷ καὶ κέκληται. ἔχει μὲν γὰρ ῥάμφος ἐπίκυρτον, κολάπτει δὲ ἄρα τούτῳ τὰς δρῦς, καὶ ἐνταυθοῖ ὡς ἐς καλιὰν τοὺς νεοττοὺς ἐντίθησιν, οὐ δεηθεὶς καρφῶν καὶ τῆς ἐξ αὐτῶν πλοκῆς καὶ οἰκοδομίας οὐδὲ ἕν. οὐκοῦν εἴ τις λίθον ἐνθεὶς ἐπιφράξειε τῷ ὀρνέῳ τῷ προειρημένῳ τὴν ἔσδυσιν, ὃ δὲ συμβαλὼν τὴν ἐπιβουλὴν <pb xml:id="p.25"/> κομίζει πόαν ἐχθρὰν τῷ λίθῳ· ὃ δὲ οἷα βαρούμενος καὶ μὴ φέρων ἐξάλλεται, καὶ ἀνέῳγεν αὖθις τῷ προειρημένῳ ἡ φίλη ὑποδρομή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="46"> 
+<p>οἱ συνόδοντες οὐκ εἰσὶ μονίαι, οὐδὲ τὴν ἀπʼ ἀλλήλων ἐρημίαν τε καὶ διαίρεσιν ἀνέχονται. φιλοῦσι δὲ συναγελάζεσθαι καθʼ ἡλικίαν. καὶ οἱ μὲν νεώτεροι κατὰ ἴλας νήχονται, οἱ δὲ ἐντελέστεροι πάλιν κοινῇ· καὶ τὸ τοῦ λόγου τοῦτο ἧλιξ ἥλικα καὶ ἐκεῖνοι τέρπουσι, παρόντες παροῦσιν ὡς ἑταίροις καὶ φίλοις ἐκ τῶν αὐτῶν ἐπιτηδευμάτων τε καὶ διατριβῶν. τεχνάζονται δὲ πρὸς τοὺς θηρατὰς ὁποῖα. ὅταν ἁλιεὺς ἀνὴρ τὸ ἐς αὐτοὺς δέλεαρ καθῇ, περιελθόντες πάντες καὶ κυκλόσε γενόμενοι ἐς ἀλλήλους ὁρῶσιν, οἱονεὶ σύνθημα ἕκαστος ἑκάστῳ διδόντες μήτε πλησιάσαι μήτε ἅψασθαι τοῦ καθειμένου δελεάσματος. καὶ οἱ μὲν παρατεταγμένοι ἐς τοῦτο ἀτρεμοῦσιν· ἐκ δὲ ἀλλοτρίας ἀγέλης συνόδων ἀφίκετο, καὶ καταπίνει τὸ ἄγκιστρον, ἐρημίας λαβὼν μισθὸν τὴν ἅλωσιν. καὶ ὃ μὲν ἀνασπᾶται, οἳ δὲ ἤδη θαρροῦσιν ὡς οὐχ ἁλωσόμενοι, καὶ καταφρονήσαντες οὕτω θηρῶνται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="47"> 
+<p>φρύγεται διὰ τοῦ θέρους ὁ κόραξ τῷ δίψει κολαζόμενος, καὶ βοᾷ τὴν τιμωρίαν μαρτυρόμενος, ὥς φασι. καὶ τὴν αἰτίαν λέγουσιν ἐκείνην. ὁ Ἀπόλλων αὐτὸν θεράποντα ὄντα ὑδρευσόμενον ἀποπέμπει· ὃ δὲ ἐντυγχάνει ληίῳ βαθεῖ μέν, ἔτι δὲ χλωρῷ, καὶ μένει ἔστʼ ἂν αὖον γένηται, τῶν πυρῶν παραχναῦσαι βουλόμενος, καὶ τοῦ προστάγματος ὠλιγώρησε. καὶ ὑπὲρ τούτων ἐν τῇ μάλιστα αὐχμηροτάτῃ ὥρᾳ διψῶν δίκας ἐκτίνει. τοῦτο ἔοικε μύθῳ μέν, εἰρήσθω δʼ οὖν τῇ τοῦ θεοῦ αἰδοῖ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="48"> 
+<p>ὁ κόραξ, ὄρνιν αὐτόν φασιν ἱερόν, καὶ Ἀπόλλωνος <pb xml:id="p.26"/> ἀκόλουθον εἶναι λέγουσι. ταῦτά τοι καὶ μαντικοῖς συμβόλοις ἀγαθὸν ὁμολογοῦσι τὸν αὐτόν, καὶ ὀττεύονταί γε πρὸς τὴν ἐκείνου βοὴν οἱ συνιέντες ὀρνίθων καὶ ἕδρας καὶ κλαγγὰς καὶ πτήσεις αὐτῶν ἢ κατὰ λαιὰν χεῖρα ἢ κατὰ δεξιάν. Προσακούω δὲ καὶ ᾠὰ κόρακος μελαίνειν τρίχας. καὶ χρὴ τὸν δολοῦντα τὴν ἑαυτοῦ κόμην ἔλαιον ἐν τῷ στόματι ἔχειν συμμύσαντα· εἰ δὲ μή, καὶ οἱ ὀδόντες αὐτῷ σὺν τῇ τριχὶ μελαίνονται δυσέκπλυτοί τε καὶ δυσέκνιπτοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="49"> 
+<p> ὁ μέροψ τὸ ὄρνεον ἔμπαλίν φασι τοῖς ἄλλοις ἅπασι πέτεται· τὰ μὲν γὰρ ἐς τοὔμπροσθεν ἵεται καὶ κατʼ ὀφθαλμούς, ὃ δὲ ἐς τοὐπίσω. καὶ ἔπεισί μοι θαυμάζειν τὴν φύσιν τῆς ἐπισήμου καὶ παραδόξου καὶ ἀήθους φορᾶς, ἣν ἐκεῖνο ἄττει τὸ ζῷον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="50"> 
+<p> ἡ μύραινα ὅταν ὁρμῆς ἀφροδισίου ὑποπλησθῇ, πρόεισιν ἐς τὴν γῆν, καὶ ὁμιλίαν ποθεῖ νυμφίου καὶ μάλα πονηροῦ· πάρεισι γὰρ εἰς ἔχεως φωλεόν, καὶ ἄμφω συμπλέκονται. ἤδη δέ φασι καὶ ὁ ἔχις οἰστρήσας καὶ ἐκεῖνος ἐς μίξιν ἀφικνεῖται πρὸς τὴν θάλατταν, καὶ οἷον εἰ κωμαστὴς σὺν τῷ αὐλῷ θυροκοπεῖ, οὕτω τοι καὶ ἐκεῖνος συρίσας τὴν ἐρωμένην παρακαλεῖ, καὶ αὐτὴ πρόεισι, τῆς φύσεως τὰ ἀλλήλων διῳκισμένα συναγούσης ἐς ἐπιθυμίαν τὴν ὁμοίαν καὶ κοῖτον τὸν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="51"> 
+<p> ῥάχις ἀνθρώπου νεκροῦ φασιν ὑποσηπόμενον τὸν μυελὸν ἤδη τρέπει ἐς ὄφιν· καὶ ἐκπίπτει τὸ θηρίον, καὶ ἕρπει τὸ ἀγριώτατον ἐκ τοῦ ἡμερωτάτου· καὶ τῶν μὲν καλῶν καὶ ἀγαθῶν τὰ λείψανα ἀναπαύεται, καὶ ἔχει ἆθλον ἡσυχίαν, ὥσπερ οὖν καὶ ἡ ψυχὴ τῶν τοιούτων τὰ ᾀδόμενά τε καὶ ὑμνούμενα ἐκ <pb xml:id="p.27"/> τῶν σοφῶν· πονηρῶν δὲ ἀνθρώπων ῥάχεις τοιαῦτα τίκτουσι καὶ μετὰ τὸν βίον. ἢ τοίνυν τὸ πᾶν μῦθός ἐστιν, ἤ, εἰ ταῦτʼ ἀψευδῶς πεπίστευται, πονηροῦ νεκρός, ὡς κρίνειν ἐμέ, ὄφεως γενέσθαι πατὴρ τοῦ τρόπου μισθὸν ἠνέγκατο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="52"> 
+<p>χελιδὼν δὲ ἄρα τῆς ὥρας τῆς ἀρίστης ὑποσημαίνει τὴν ἐπιδημίαν. καὶ ἔστι φιλάνθρωπος, καὶ χαίρει τῷδε τῷ ζῴῳ ὁμωρόφιος οὖσα, καὶ ἄκλητος ἀφικνεῖται, καὶ ὅτε οἱ φίλον καὶ ἔχει καλῶς, ἀπαλλάττεται. καὶ οἵ γε ἄνθρωποι ὑποδέχονται αὐτὴν κατὰ τὸν τῆς Ὁμηρικῆς ξενίας θεσμόν, ὃς κελεύει καὶ φιλεῖν τὸν παρόντα καὶ ἰέναι βουλόμενον ἀποπέμπειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="53"> 
+<p>ἔχει τι πλεονέκτημα ἡ αἲξ τὴν τοῦ πνεύματος εἰσροήν, ὡς οἱ νομευτικοὶ λόγοι φασίν. ἀναπνεῖ γὰρ καὶ διὰ τῶν ὤτων καὶ διὰ τῶν μυκτήρων, καὶ αἰσθητικώτατον τῶν διχήλων ἐστί. καὶ τὴν μὲν αἰτίαν εἰπεῖν οὐκ οἶδα, ὃ δὲ οἶδα τοῦτο εἶπον. εἰ δὲ ποίημα Προμηθέως καὶ αἴξ, τί βουλόμενος τοῦτο εἰργάσατο, εἰδέναι καταλιμπάνω αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="54"> 
+<p>καὶ ἔχεως δῆγμα καὶ ὄφεως ἄλλου φασὶν ἀντιπάλων μὴ διαμαρτάνειν φαρμάκων. καὶ τὰ μὲν αὐτῶν ἀκούω πώματα εἶναι, τὰ δὲ χρίματα· καὶ ἐπαοιδαὶ δὲ ἐπράυναν τὸν ἐγχρισθέντα ἰόν. ἀσπίδος δὲ ἀκούω μόνης δῆγμα ἀνίατον εἶναι καὶ ἐπικουρίας κρεῖττον. καὶ μισεῖν ἄξιον τὸ ζῷον τῆς εὐκληρίας τῆς ἐς τὸ κακόν. ἀλλὰ καὶ τούτου θηρίον μιαρώτερον καὶ ἀφυλακτότερον γυνὴ φαρμακίς, οἵαν ἀκούομεν καὶ τὴν Μήδειαν καὶ τὴν Κίρκην· τὰ μὲν γὰρ τῶν ἀσπίδων φάρμακα δήγματος ἔργα ἐστί, τὰ δὲ ἐκείνων ἀναιρεῖ καὶ ἐκ μόνης τῆς ἁφῆς, φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="55"> 
+<p>κυνῶν θαλαττίων τρία γένη. καὶ οἳ μὲν αὐτῶν <pb xml:id="p.28"/> εἰσι μεγέθει μέγιστοι, καὶ κητῶν ἐν τοῖς ἀλκιμωτάτοις ἀριθμοῖντο ἄν· γένη δὲ δύο τὰ λοιπά, πηλαῖοιμὲν τὴν φύσιν, προήκουσι δὲ ἐς πῆχυν τὸ μέγεθος. καὶ τούτων οἱ μὲν κατεστιγμένοι καλοῖντο ἂν γαλεοί, κεντρίνας δὲ ὀνομάζων τοὺς λοιποὺς οὐκ ἂν διαμαρτάνοις. οἱ μὲν οὖν ποικίλοι καὶ τὴν δοράν εἰσι μαλακώτεροι καὶ τὴν κεφαλὴν πλατύτεροι· οἱ δὲ ἕτεροι σκληροὶ τὴν δορὰν ὄντες τὴν κεφαλὴν δὲ ἀνήκουσαν ἐς ὀξὺ ἔχοντες τὴν χρόαν ἐς τὸ λευκὸν ἀποκρίνονται. κέντρα δὲ ἄρα αὐτοῖς συμπέφυκε τὸ μὲν κατὰ τὴν λοφιάν, ὡς ἂν εἴποις, τὸ δὲ κατὰ τὴν οὐράν· σκληρὰ δὲ ἄρα τὰ κέντρα καὶ ἀπειθῆ ἐστι, καὶ ἰοῦ τι προσβάλλει. ἁλίσκεται δὲ τῶν κυνῶν τῶν σμικρῶν τῶνδε ἑκάτερον τὸ φῦλον ἐκ τῆς ἰλύος καὶ τοῦ πηλοῦ, καὶ ἡ ἄγρα, εἰπεῖν αὐτὴν οὐ χεῖρόν ἐστι. δέλεαρ αὐτῶν καθιᾶσιν ἰχθὺν λευκὸν ἐκτετμημένον τὴν ῥάχιν. ὅταν τοίνυν εἷς ἁλῷ καὶ τῷ ἀγκίστρῳ περιπέσῃ, πάντες οἱ θεασάμενοι ἐμπηδῶσιν αὐτῷ καὶ κάτωθεν ἑλκομένῳ ἕπονται καὶ μέχρι τῆς νεὼς οὐκ ἀναστελλόμενοι, ὡς εἰκάσαι ζηλοτυπίᾳ δρᾶν ταῦτα αὐτούς, οἷα ἐκείνου τι τῶν ἐς τροφὴν ἑαυτῷ μόνῳ ποθὲν ἀποσυλήσαντος· καὶ ἐς τὴν ναῦν γε αὐτὴν ἐσεπήδησάν τινες πολλάκις, καὶ ἑκόντες ἑάλωσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="56"> 
+<p> τῆς τρυγόνος τῆς θαλαττίας τὸ κέντρον ἐστὶν ἀπρόσμαχον. ἐκέντησε γὰρ καὶ ἀπέκτεινε παραχρῆμα, καὶ πεφρίκασιν αὐτῆς τόδε τὸ ὅπλον καὶ οἱ τῶν ἁλιέων δεινοὶ τὰ θαλάττια· οὔτε γὰρ ἄλλος ἰάσεται τὸ τραῦμα οὔτε ἡ τρώσασα· μόνῃ γάρ, ὡς τὸ εἰκός, τῇ Πηλιώτιδι μελίῃ τοῦτο ἐδέδοτο. <pb xml:id="p.29"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="57"> 
+<p>λεπτὸν θηρίον ὁ κεράστης. ἔστι δὲ ὄφις, καὶ ὑπὲρ τοῦ μετώπου κέρατα ἔχει δύο, καὶ ἔοικε τοῖς τοῦ κοχλίου τὰ κέρατα, οὐ μήν ἐστιν ὡς ἐκείνων ἁπαλά. οὐκοῦν τοῖς μὲν ἄλλοις τῶν Λιβύων εἰσὶ πολέμιοι· ἔστι δὲ αὐτοῖς πρὸς τοὺς καλουμένους Ψύλλους ἔνσπονδα, οἵπερ οὖν οὔτε αὐτοὶ δακόντων ἐπαΐουσι, καὶ τοὺς τῷ τοιούτῳ κακῷ περιπεσόντας ἰῶνται ῥᾷστα. καὶ ὁ τρόπος, ἐὰν πρὶν ἢ πρησθῆναι τὸ πᾶν σῶμα ἀφίκηταί τις τῶν ἐκεῖθεν κλητὸς ἢ κατὰ τύχην, εἶτα τὸ μὲν στόμα ὕδατι ἐκκλύσηται, ἀπονίψῃ δὲ τὰς χεῖρας ἑτέρῳ, καὶ πιεῖν τῷ δηχθέντι δῷ ἑκάτερον, ἀνερρώσθη τε ἐκεῖνος καὶ κακοῦ παντὸς ἐξάντης τὸ ἐντεῦθέν ἐστι. διαρρεῖ δὲ καὶ λόγος Λιβυκὸς ὁ λέγων, Ψύλλον ἄνδρα τὴν ἑαυτοῦ γαμετὴν ὑφορᾶσθαι καὶ μισεῖν ὡς μεμοιχευμένην καὶ μέντοι καὶ τὸ ἐξ αὐτῆς βρέφος ὑποπτεύειν ὡς νόθον τε καὶ τῷ σφετέρῳ γένει κίβδηλον. πεῖραν οὖν καθεῖναι καὶ μάλα ἐλεγκτικήν φασιν αὐτόν. λάρνακα πληρώσας κεραστῶν ἐμβάλλει τὸ βρέφος, οἱονεὶ πυρὶ τὸν χρυσὸν τεχνίτης τὸ παιδίον ἐξελέγχων ἐκεῖνος τῇ ἀποθέσει. καὶ οἳ μὲν παραχρῆμα ἐπανίσταντο καὶ ἠγρίαινον καὶ τὴν συμφυῆ κακίαν ἠπείλουν· ἐπεὶ δὲ τὸ παιδίον αὐτῶν προσέψαυσεν, οἳ δὲ ἐμαράνθησαν, καὶ ἐντεῦθεν ὁ Λίβυς ἔγνω οὐ νόθου ἀλλὰ γόνου γνησίου πατὴρ ὤν. λέγονται δὲ καὶ τῶν ἑτέρων δακέτων καὶ φαλαγγίων δὲ ἀντίπαλοι τόδε τὸ γένος εἶναι. καὶ ταῦτά γε εἰ τερατεύονται Λίβυες, οὐκ ἐμέ, ἀλλʼ αὑτοὺς ἀπατῶντες ἴστωσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="58"> 
+<p>μελιττῶν δὲ ἐπίβουλοι καὶ ἐχθροὶ εἶεν ἂν ἐκεῖνοι, οἵ τε αἰγίθαλοι καλούμενοι καὶ τὰ τούτων νεόττια καὶ οἱ σφῆκες καὶ αἱ χελιδόνες καὶ οἱ ὄφεις καὶ αἱ φάλαγγες καὶ αἱ λύγγαι. καὶ αἳ μὲν δεδίασι ταῦτα, <pb xml:id="p.30"/> οἱ δʼ οὖν μελιττουργοὶ ἐλαύνουσιν αὐτὰ ἀπʼ αὐτῶν ἢ κόνυζαν ἐπιθυμιάσαντες ἢ χλωρὰν ἔτι μήκωνα πρὸ τῶν σίμβλων καταστήσαντες ἢ καταστρώσαντες. καὶ ταῦτα μὲν τοῖς ἄλλοις ἐχθρά ἐστι τοῖς προειρημένοις, σφηκῶν δὲ ἅλωσις ἐκείνη ἂν εἴη. κύρτον ἀπαρτῆσαι χρὴ πρὸ τῆς σφηκιᾶς καὶ ἐνθεῖναι αὐτῷ λεπτὴν μεμβράδα ἢ μαινίδα ὀλίγην καὶ σὺν τούτοις ἴωπα ἢ χαλκίδα· οἱ δὲ σφῆκες ὑπὸ τῆς ἐμφύτου γαστριμαργίας ἑλκόμενοι, καλοῦντος αὐτοὺς τοῦ δελεάσματος, ἐσπίπτουσιν ἀθρόοι, καὶ περιλαβόντος αὐτοὺς τοῦ κύρτου οὐκ ἔστιν αὐτοῖς τὴν ὀπίσω οὐκέτι ἐκπτῆναι. καὶ οἱ σαῦροι δὲ ἐπιβουλεύουσι ταῖς μελίτταις καὶ οἱ κροκόδειλοι οἱ χερσαῖοι· ὄλεθρος δὲ καὶ τούτοις ἐπιτετέχνηται ἐκεῖνος. ἄλφιτα γὰρ ἐλλεβόρῳ δεύσαντες ἢ τιθυμάλλου ὀπῷ ὑποχέαντες ἢ μαλάχης χυλῷ διασπείρουσι πρὸ τῶν σίμβλων τὰ ἄλφιτα· ὅπερ οὖν ὄλεθρον φέρει τοῖς προειρημένοις ἀπογευσαμένοις αὐτῶν. ἐμβαλὼν δὲ ἐς τὴν λίμνην φλόμου φύλλα ἢ κάρυα ἀπώλεσε τοὺς γυρίνους ὁ τῶν μελιττῶν δεσπότης ῥᾷστα. αἱ δὲ φάλαγγες ἀπόλλυνται νύκτωρ, ἐνακμάζοντος λύχνου τεθέντος πρὸ τῶν σμηνῶν καὶ ἀγγείων ἐλαίου πεπληρωμένων τῷ λύχνῳ ὑποκειμένων· αἳ δὲ πρὸς τὴν αὐγὴν πετόμεναι ἐμπίπτουσιν ἐς τὸ ἔλαιον καὶ ἀπολώλασιν· ἑτέρως δὲ οὐκ ἂν αἱρεθεῖεν ῥᾷστα. οἱ δὲ αἰγίθαλοι ἀλφίτων οἴνῳ διαβραχέντων ἀπογευσάμενοι καρηβαροῦσιν, εἶτα πίπτουσι, καὶ κείμενοι σπαίρουσι, καὶ εἰσὶν αἱρεθῆναι γελοῖοι, ἀναπτῆναι μὲν σπεύδοντες, ἀρχὴν δὲ ἀναστῆναι μὴ δυνάμενοι. οἳ δὲ τὴν χελιδόνα αἰδοῖ τῆς μουσικῆς οὐκ ἀποκτείνουσι, καίτοι ῥᾳδίως ἂν αὐτὴν τοῦτο δράσαντες· ἀπόχρη δὲ αὐτοῖς <pb xml:id="p.31"/> κωλύειν τὴν χελιδόνα πλησίον τῶν σίμβλων καλιὰν ὑποπῆξαι. ἀπεχθάνονται δὲ ἄρα αἱ μέλιτται κακοσμίᾳ πάσῃ καὶ μύρῳ ὁμοίως, οὔτε τὸ δυσῶδες ὑπομένουσαι οὔτε ἀσπαζόμεναι τῆς εὐωδίας τὸ τεθρυμμένον, οἷα δήπου κόραι ἀστεῖαί τε καὶ σώφρονες τὸ μὲν βδελυττόμεναι τῆς δὲ ὑπερφρονοῦσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="59"> 
+<p>Κῦρος μέν, ὥς φασιν, ὁ πρεσβύτερος μέγα ἐφρόνει ἐπὶ τοῖς βασιλείοις τοῖς ἐν Περσεπόλει, οἷσπερ οὖν αὐτὸς ᾠκοδομήσατο, Δαρεῖος δὲ ἐπὶ τῇ κατασκευῇ τῇ τῶν οἰκοδομημάτων τῶν Σουσείων· καὶ γὰρ καὶ ἐκεῖνος ἐν Σούσοις τὰ ᾀδόμενα ἐκεῖνα εἰργάσατο. Κῦρος δὲ ὁ δεύτερος ἐν Λυδίᾳ παράδεισον αὐτὸς κατεφύτευσε ταῖς χερσὶ ταῖς βασιλικαῖς ἐν τοῖς ἁβροῖς ἐκείνοις χιτῶσι καὶ τοῖς τερπνοῖς ἐκείνοις καὶ μέγα τιμίοις λίθοις, καὶ ἐπὶ τούτῳ γε ἐκαλλύνετο καὶ πρὸς ἄλλους μὲν τῶν Ἑλλήνων, ἀτὰρ οὖν καὶ πρὸς Λύσανδρον τὸν Λακεδαιμόνιον, ὅτε ἦλθε πρὸς τὸν Κῦρον ὁ Λύσανδρος ἐς τὴν Λυδίαν. καὶ ὑπὲρ μὲν τούτων ᾅδουσιν οἱ συγγραφεῖς, αἱ δὲ τῶν μελιττῶν οἰκοδομαὶ σοφώτεραι οὖσαι κατὰ πολὺ καὶ τεχνηέστεραι, ἀλλὰ τούτων γε οὐδὲ ὀλίγην ἔθεντο ὤραν· ἐκεῖνοι μὲν γὰρ πολλοὺς λυπήσαντες εἰργάσαντο ὅσα εἰργάσαντο· οὐδὲν δὲ ἄρα ἦν μελιττῶν εὐχαριτώτερον, ἐπεὶ μηδὲ σοφώτερον ἦν. πρώτους μὲν γὰρ ἐργάζονται τοὺς θαλάμους τοὺς τῶν βασιλέων, καὶ εὐρυχωρίαν ἔχουσιν οὗτοι, καὶ εἰσὶν ἀνώτεροι· καὶ ἕρκος δὲ περιβάλλουσι τούτοις, οἱονεὶ τεῖχος εἶναι καὶ περίβολον, ἀποσεμνύνουσαι καὶ ἐκ τούτου τὴν οἴκησιν τὴν βασίλειον. διαιροῦσι δὲ αὑτὰς ἐς τρία καὶ οὖν καὶ τὰς οἰκήσεις τὰς ἑαυτῶν ἐς τοσαῦτα. αἱ μὲν γὰρ πρεσβύταται γειτνιῶσι τῇ τῶν βασιλέων <pb xml:id="p.32"/> αὐλῇ, αἱ δὲ νεώταται μετὰ ταύτας οἰκοῦσιν, αἱ δὲ ἐν ἥβῃ καὶ ἀκμῇ οὖσαι ἐξωτέρω ἐκείνων, ὡς εἶναι τὰς μὲν πρεσβυτάτας φρουροὺς τῶν βασιλέων, τὰς δὲ νεάνιδας ἕρκος τῶν νεωτάτων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:1" n="60"> 
+<p> Λἐγει μέν τις λόγος ἀκέντρους εἶναι τοὺς τούτων βασιλέας· λέγει δὲ καὶ ἕτερος καὶ πάνυ ἐρρωμένα τὰ κέντρα συμπεφυκέναι αὐτοῖς καὶ τεθηγμένα ἀνδρειότατα· οὔτε δὲ ἐπʼ ἀνδρί ποτε χρῆσθαι αὐτοῖς οὔτε ἐπὶ ταῖς μελίτταις, ἀλλὰ συμπεπλάσθαι φόβον ἄλλως· μὴ γὰρ θέμις εἶναι τὸν ἄρχοντα καὶ τῶν τοσούτων ἔφορον κακὸν ἐργάσασθαι. καὶ τὰς μελίττας δὲ τὰς λοιπὰς ὁμολογοῦσιν οἱ τούτων ἐπιστήμονες ἐν ὄψει τῶν ἀρχόντων τῶν σφετέρων ὑποκλίνειν τὰ κέντρα, οἱονεὶ τῆς ἐξουσίας ἀφισταμένας καὶ παραχωρούσας. ἑκάτερον δʼ ἄν τις ἐκπλαγείη τὸ τῶν βασιλέων ἐκείνων· εἴτε γὰρ μὴ ἔχουσι πόθεν ἀδικήσουσι, μέγα τοῦτο· εἴτε καὶ παρὸν ἀδικῆσαι μὴ ἀδικοῦσιν, ἀλλὰ τοῦτό γε μακρῷ κρεῖττόν ἐστιν.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="2"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="1"> 
+<p>ὅταν τὰ ἤθη τὰ τῶν Θρᾳκῶν καὶ τοὺς κρυμοὺς ἀπολείπωσι τοὺς Θρᾳκίους αἱ γέρανοι, ἀθροίζονται μὲν ἐς τὸν Ἕβρον, λίθον δʼ ἑκάστη καταπιοῦσα, ὡς ἔχειν καὶ δεῖπνον καὶ πρὸς τὰς ἐμβολὰς τῶν ἀνέμων ἕρμα, πειρῶνται τοῦ μετοικισμοῦ καὶ τῆς ἐπὶ τὸν Νεῖλον ὁρμῆς, ἀλέας τε καὶ χειμερίου συντροφίας πόθῳ τῆς ἐκεῖθι. μελλουσῶν δὲ αὐτῶν αἴρεσθαι καὶ τοῦ πρόσω ἔχεσθαι, ὁ παλαίτατος γέρανος περιελθὼν τὴν πᾶσαν ἀγέλην ἐς τρίς, εἶτα μέντοι πεσὼν ἀφίησι <pb xml:id="p.33"/> τὴν ψυχήν. ἐνταῦθα οὖν οἱ λοιποὶ θάπτουσι μὲν τὸν νεκρόν, φέρονται δὲ εὐθὺ τῆς Αἰγύπτου, τὰ μήκιστα πελάγη περαιούμενοι τῷ ταρσῷ τῶν πτερῶν, καὶ οὔτε ὁρμίζονταί που οὔτε ἀναπαύονται. σπείροντας δὲ τοὺς Αἰγυπτίους καταλαμβάνουσι, καὶ τράπεζαν ὡς ἂν εἴποις ἄφθονον τὴν ἐν ταῖς ἀρούραις εὑρόντες εἶτα ἄκλητοι ξενίων μεταλαγχάνουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="2"> 
+<p>τίκτεσθαι μὲν ἐν ὄρεσι ζῷα καὶ ἐν ἀέρι καὶ ἐν θαλάττῃ, θαῦμα οὔπω μέγα· ὕλη γὰρ καὶ τροφὴ καὶ φύσις ἡ τούτων αἰτία· ἔκγονα δὲ πυρὸς πτηνὰ εἶναι τοὺς καλουμένους πυριγόνους, καὶ ἐν αὐτῷ βιοῦν καὶ τεθηλέναι, καὶ δεῦρο καὶ ἐκεῖσε περιποτᾶσθαι, τοῦτο ἐκπληκτικόν. καὶ τὸ ἔτι θαῦμα, ὅταν ἔξω τοῦ πυρὸς τοῦ συντρόφου ἐκνεύσωσι καὶ ἀέρος ψυχροῦ μεταλάχωσιν, ἐνταῦθα δὴ τεθνήκασι. καὶ ἥτις ἡ αἰτία τίκτεσθαι μὲν πυρί, ἀέρι δὲ ἀπόλλυσθαι, λεγέτωσαν ἄλλοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="3"> 
+<p>οἱ μὲν ὄρνιθες οἱ ἕτεροι ἀναβαίνονται, ὡς λόγος, αἱ δὲ χελιδόνες οὔ, ἀλλὰ τούτων γε ἐναντία ἡ μίξις ἐστί. καὶ τὸ αἴτιον οἶδεν ἡ φύσις. λέγει δὲ ὁ πλείων λόγος ὅτι πεφρίκασι τὸν Τηρέα καὶ δεδοίκασι μή ποτε ἄρα προσερπύσας λάθρᾳ εἶτα ἐργάσηται τραγῳδίαν καινήν. ἦν δὲ ἄρα καὶ τοῦτο χελιδόνι δῶρον ἐκ τῆς φύσεως, ὥς γε ἐμὲ κρίνειν, τὸ τιμιώτατον· πηρωθεῖσα τὴν ὄψιν περόναις ἐὰν τύχῃ, ὁρᾷ αὖθις. τί οὖν ἔτι τὸν Τειρεσίαν ᾅδομεν, καίτοι μὴ ἐνταυθὶ μόνον, ἀλλὰ καὶ ἐν ᾅδου σοφώτατον, ὡς Ὅμηρος λέγει; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="4"> 
+<p>ζῷα ἐφήμερα οὕτω κέκληται, λαβόντα τὸ ὄνομα ἐκ τοῦ μέτρου τοῦ κατὰ τὸν βίον· τίκτεται γὰρ ἐν τῷ οἴνῳ, καὶ ἀνοιχθέντος τοῦ σκεύους τὰ δὲ <pb xml:id="p.34"/> ἐξέπτη καὶ εἶδε τὸ φῶς καὶ τέθνηκεν. οὐκοῦν παρελθεῖν μὲν αὐτοῖς ἐς τὸν βίον ἔδωκεν ἡ φύσις, τῶν δὲ ἐν αὐτῷ κακῶν ἐρρύσατο τὴν ταχίστην, μήτε τι τῶν ἰδίων συμφορῶν ᾐσθημένοις μήτε μήν τινος </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="5"> 
+<p> τῶν ἀλλοτρίων μάρτυσι γεγενημένοις. ἤδη μέντοι τις καὶ ἀσπίδος ἐν μακρῷ τῷ χρόνῳ πληγὴν ἰάσατο ἢ τομὴν παραλαβὼν ἢ πῦρ ὑπομείνας εὖ μάλα τλημόνως ἢ ἀναγκαίοις φαρμάκοις τὸ κακόν, ἵνα μὴ πρόσω ἑρπύσῃ, στήσας ὁ δείλαιος· σπιθαμὴ δὲ βασιλίσκου τὸ μῆκός ἐστι, καὶ μέντοι καὶ θεασάμενος ὁ τῶν ὄφεων μήκιστος αὐτὸν οὐκ ἐς ἀναβολὰς ἀλλὰ ἤδη ἐκ τῆς τοῦ φυσήματος προσβολῆς αὖός ἐστιν. εἰ δὲ ἄνθρωπος κατέχοι ῥάβδον, εἶτα ταύτην ἐκεῖνος ἐνδάκοι, τέθνηκεν ὁ κύριος τῆς λύγου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="6"> 
+<p> τὴν τῶν δελφίνων φιλομουσίαν καὶ τὸ τῶν αὐτῶν ἐρωτικόν, τὸ μὲν ᾅδουσι Κορίνθιοι, καὶ ὁμολογοῦσιν αὐτοῖς Λέσβιοι, τὸ δὲ Ἰῆται· τὰ μὲν Ἀρίονος τοῦ Μηθυμναίου ἐκεῖνοι, τά γε μὴν ἐν τῇ Ἴῳ ὑπὲρ τοῦ παιδὸς τοῦ καλοῦ καὶ τῆς νήξεως αὐτοῦ καὶ τοῦ δελφῖνος οἱ ἕτεροι. λέγει δὲ καὶ Βυζάντιος ἀνήρ, Λεωνίδης ὄνομα, ἰδεῖν αὐτὸς παρὰ τὴν Αἰολίδα πλέων ἐν τῇ καλουμένῃ Ποροσελήνῃ πόλει δελφῖνα ἠθάδα καὶ ἐν λιμένι τῷ ἐκείνων οἰκοῦντα καὶ ὥσπερ οὖν ἰδιοξένοις χρώμενον τοῖς ἐκεῖθι. καὶ ἐπί γε τούτῳ ὁ αὐτὸς λέγει πρεσβῦτίν τινα καὶ γέροντα δὲ συνοικοῦντα αὐτῇ ἐκθρέψαι τόνδε τὸν τρόφιμον δελέατά οἱ προτείνοντας καὶ μάλα γε ἐφολκά. καὶ μέντοι καὶ ὁμότροφός οἱ ἦν ὁ τῶν πρεσβυτῶν υἱός, καὶ ἐτιθηνοῦντο ἄμφω τὸν δελφῖνα καὶ τὸν παῖδα τὸν σφέτερον, καί πως ἐκ τῆς συντροφίας ἐλαθέτην ἐς ἔρωτα ἀλλήλων ὑπελθόντε ὅ τε ἄνθρωπος καὶ τὸ ζῷον, καί, τοῦτο δὴ τὸ ᾀδόμενον, ὑπέρσεμνος <pb xml:id="p.35"/> ἀντέρως ἐτιμᾶτο ἐν τοῖς προειρημένοις. ὁ τοίνυν δελφὶς ὡς μὲν πατρίδα ἐφίλει τὴν Ποροσελήνην, ὡς δὲ ἴδιον οἶκον ἠγάπα τὸν λιμένα, καὶ δὴ καὶ τὰ τροφεῖα τοῖς θρεψαμένοις ἀπεδίδου. καὶ τούτων γε ἐκεῖνος ἦν ὁ τρόπος. τέλειος ὢν τῆς ἀπὸ χειρὸς τροφῆς ἐδεῖτο ἥκιστα, ἤδη γε μὴν καὶ περαιτέρω προνέων καὶ περινηχόμενος καὶ σκοπῶν ἄγρας ἐναλίους τὰ μὲν ἑαυτῷ δεῖπνον εἶχε, τὰ δὲ τοῖς οἰκείοις ἀπέφερεν· οἳ δὲ ᾔδεσαν τοῦτο καὶ μέντοι καὶ ἀνέμενον τὸν ἐξ αὐτοῦ φόρον ἀσμένως. καὶ μία μὲν ἦν ἥδε ἡ πρόσοδος, ἐκείνη δὲ ἄλλη. ὄνομα τῷ δελφῖνι ὡς τῷ παιδὶ οἱ θρεψάμενοι ἔθεντο· καὶ ὁ παῖς τῇ συντροφίᾳ θαρρῶν, τοῦτο αὐτὸν ἐπί τινος προβλῆτος στὰς τόπου ἐκάλει, καὶ ἅμα τῇ κλήσει καὶ ἐκολάκευεν· ὃ δέ, εἴτε πρὸς εἰρεσίαν ἡμιλλᾶτό τινα, εἴτʼ ἐκυβίστα τῶν ἄλλων ὅσοι περὶ τὸν χῶρον ἐπλανῶντο ἀγελαῖοι κατασκιρτῶν, εἴτʼ ἐθήρα ἐπειγούσης τῆς γαστρὸς αὐτόν, ἐπανῄει καὶ μάλα γε ὤκιστα δίκην ἐλαυνομένης νεὼς πολλῷ τῷ ῥοθίῳ, καὶ πλησίον τῶν παιδικῶν γενόμενος συμπαίστης τε ἦν καὶ συνεσκίρτα, καὶ πῇ μὲν τῷ παιδὶ παρενήχετο, πῇ δὲ ὁ δελφὶς οἷα προκαλούμενος εἶτα μέντοι ἐς τὴν ἅμιλλαν τὴν πρὸς αὑτὸν τὰ παιδικὰ ὑπῆγε. καὶ τὸ ἔτι θαῦμα, ἀπέστη καὶ τῆς πρώτης ποτὲ καὶ δὴ καὶ ὑπενήξατο αὐτῷ, οἷα νικώμενος ἡδέως δήπου. ταῦτα τοίνυν ἐκεκήρυκτο, καὶ τοῖς πλέουσιν ὅραμα ἐδόκει σὺν καὶ τοῖς ἄλλοις ὅσα ἡ πόλις ἀγαθὰ εἶχε, καὶ τοῖς πρεσβύταις καὶ τῷ μειρακίῳ πρόσοδος ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="7"> 
+<p>ἐν Λιβύῃ ἡμιόνους ἢ τετρωμένους Ἀρχέλαος λέγει ἢ ἀπειπόντας ὑπὸ δίψους ἐρρῖφθαι νεκροὺς πολλούς. πολλάκις δὲ ὄφεων ἐπιρρεῦσαν φῦλον πάμπολυ τῶν κρεῶν ἐσθίειν· ἐπὰν δὲ βασιλίσκου συρίγματος <pb xml:id="p.36"/> ἀκούσῃ, τὰ μὲν ὑπὸ τοῖς εἰλυοῖς καὶ τῇ ψάμμῳ ἀφανίζεσθαι τὴν ταχίστην καὶ ἀποκρύπτεσθαι, τὸν δὲ προσελθόντα κατὰ πολλὴν τὴν εἰρήνην δειπνεῖν, εἶτα αὖθις ὑποσυρίζειν καὶ ἀπαλλάττεσθαι, τοὺς δὲ ἡμιόνους καὶ τὸ δεῖπνον τὸ ἐξ αὐτῶν σημαίνεσθαι τὸ ἐντεῦθεν, τὸ τοῦ λόγου τοῦτο, ἄστροις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="8"> 
+<p> λόγοι φασὶν Εὐβοέων δεῦρο φοιτῶντες, τοὺς ἁλιέας τοὺς ἐκεῖσε τοῖς δελφῖσι τοῖς ἐκεῖθι ἰσομοιρίαν τῆς θήρας ἀπονέμειν· καὶ ἀκούω τὴν ἄγραν τοιαύτην. γαλήνην εἶναι χρή, καὶ εἰ ταῦθʼ οὕτως ἔχει, τῆς πρῴρας τῶν ἀκατίων κοίλας τινὰς ἐξαρτῶσιν ἐσχαρίδας πυρὸς ἐνακμάζοντος· καὶ εἰσὶ διαφανεῖς, ὡς καὶ στέγειν τὸ πῦρ καὶ μὴ κρύπτειν τὸ φῶς. ἰπνοὺς καλοῦσιν αὐτάς. οἱ τοίνυν ἰχθῦς δεδίασι τὴν αὐγὴν καὶ τὴν λαμπηδόνα δυσωποῦνται· καὶ οἳ μὲν οὐκ εἰδότες ὅ τι βούλεται τὸ ὁρώμενον, πλησιάζουσι, μαθεῖν βουλόμενοι τοῦ φοβοῦντος σφᾶς τὴν αἰτίαν· εἶτα ἐκπλαγέντες ἢ πρός τινι πέτρᾳ ἡσυχάζουσιν ἀθρόοι παλλόμενοι τῷ δέει ἢ ἐς τὴν ᾐόνα ἐκπίπτουσιν ὠθούμενοι, καὶ ἐοίκασι τοῖς ἐμβεβροντημένοις. οὕτω γε μὴν διακειμένους ῥᾷστόν ἐστιν ἤδη καὶ τριαίνῃ πατάξαι. ἐπειδὰν οὖν θεάσωνται οἱ δελφῖνες τοὺς ἁλιέας τὸ πῦρ ἐξάψαντας, ἑαυτοὺς εὐτρεπίζουσι. καὶ οἳ μὲν ἠρέμα ὑπερέττουσιν, οἱ δὲ δελφῖνες τοὺς ἐξωτέρω τῶν ἰχθύων φοβοῦντες ὠθοῦσι καὶ τοῦ διαδιδράσκειν ἀναστέλλουσιν. οὐκοῦν ἐκεῖνοι πιεζόμενοι πανταχόθεν καὶ τρόπον τινὰ κεκυκλωμένοι ἔκ τε τῆς τούτων εἰρεσίας καὶ τῆς νήξεως τῆς ἐκείνων συνιᾶσιν ἄφυκτα εἶναι σφίσι, καὶ παραμένουσι καὶ ἁλίσκονται πάμπολύ τι χρῆμα. καὶ οἱ δελφῖνες προσίασιν ὡς ἀπαιτοῦντες τοῦ κοινοῦ πόνου <pb xml:id="p.37"/> τὴν ἐπικαρπίαν τὴν ὀφειλομένην σφίσιν ἐκ τῆς νομῆς, καὶ οἵ γε ἁλιεῖς πιστῶς καὶ εὐγνωμόνως ἀφίστανται τοῖς συνθήροις τοῦ δικαίου μέρους, εἰ βούλονται καὶ πάλιν σφίσι συμμάχους ἀκλήτους παρεῖναι καὶ ἀπροφασίστους. πιστεύουσι γὰρ οἱ ἐκεῖ θαλαττουργοὶ ὅτι παραβάντες ἕξουσιν ἐχθροὺς οὓς εἶχον πρότερον φίλους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="9"> 
+<p>ἔλαφος ὄφιν νικᾷ, κατά τινα φύσεως δωρεὰν θαυμαστήν· καὶ οὐκ ἂν αὐτὸν διαλάθοι ἐν τῷ φωλεῷ ὢν ὁ ἔχθιστος, ἀλλὰ προσερείσας τῇ καταδρομῇ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="10"> 
+<p>τοῦ δακέτου τοὺς ἑαυτοῦ μυκτῆρας βιαιότατα ἐσπνεῖ, καὶ ἕλκει ὡς ἴυγγι τῷ πνεύματι, καὶ ἄκοντα προάγει, καὶ προκύπτοντα αὐτὸν ἐσθίειν ἄρχεται· καὶ μάλιστά γε διὰ χειμῶνος δρᾷ τοῦτο. ἤδη μέντοι τις καὶ κέρας ἐλάφου ξέσας, εἶτα τὸ ξέσμα ἐς πῦρ ἐνέβαλε, καὶ ὁ καπνὸς ἀνιὼν διώκει τοὺς ὄφεις πανταχόθεν, μηδὲ τὴν ὀσμὴν ὑπομένοντας. ἔστι μὲν τὴν ἄλλως ὁ ἵππος γαῦρον· καὶ γὰρ καὶ τὸ μέγεθος καὶ τὸ τάχος αὐτὸν καὶ τοῦ αὐχένος τὸ ὑψηλὸν καὶ ἡ τῶν σκελῶν ὑγρότης καὶ ἡ τῶν ὁπλῶν κροῦσις ἐς φρύαγμα καὶ τῦφον ἀνάγει· μάλιστα δὲ κομῶσα ἵππος ἁβρότατόν τέ ἐστι καὶ θρυπτικώτατον. ἀτιμάζει γοῦν ἀναβῆναι τοὺς ὄνους αὐτήν, ἵππῳ δὲ γαμουμένη ἥδεται, καὶ ἑαυτὴν ἀξιοῖ τῶν μεγίστων. ὅπερ οὖν συνειδότες οἱ βουλόμενοι ἡμιόνους σφίσι γενέσθαι, ἀποθρίσαντες τῆς ἵππου τὴν χαίτην εἰκῆ καὶ ὡς ἔτυχεν, εἶτα μέντοι τοὺς ὄνους ἐπάγουσιν· ἣ δὲ ὑπομένει τὸν ἄδοξον ἤδη γαμέτην, πρῶτον αἰδουμένη. καὶ Σοφοκλῆς δὲ ἔοικε μεμνῆσθαι τοῦ πάθους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="11"> 
+<p>περὶ μὲν τῆς τῶν ἐλεφάντων σοφίας εἶπον ἀλλαχόθι, καὶ μέντοι καὶ περὶ τῆς θήρας αὐτῶν καὶ ταύτης <pb xml:id="p.38"/> εἶπον ὀλίγα ἐκ πολλῶν ὧν ἔφασαν ἄλλοι. τὸ δὲ νῦν ἔχον ἔοικα ἐρεῖν περί τε εὐμουσίας αὐτῶν καὶ εὐπειθείας καὶ τῆς ἐς τὰ μαθήματα εὐκολίας, χαλεπὰ ὅμως ὄντα καὶ ἀνθρώπῳ τυχεῖν, μή τι γοῦν τοσούτῳ θηρίῳ καὶ οὕτω τέως ἀγριωτάτῳ συγγενέσθαι. χορείαν γὰρ καὶ ὀρχηστικὴν καὶ βαίνειν πρὸς ῥυθμὸν καὶ αὐλοῦ ἀσμένως ἀκούειν καὶ συνιέναι ἤχων διαφοράς, ἢ βραδύνειν ἐνδιδόντων ἢ ταχύνειν παρορμώντων, μαθὼν οἶδεν ἐλέφας, καὶ ἀκριβοῖ καὶ οὐ σφάλλεται. οὕτως ἄρα ἡ φύσις μεγέθει μὲν αὐτὸν μέγιστον εἰργάσατο, μάθησις δὲ πραότατον ἀπέφηνε καὶ εὐάγωγον. εἰ μὲν οὖν ἔμελλον τὴν ἐν Ἰνδοῖς αὐτῶν εὐπείθειαν καὶ εὐμάθειαν ἢ τὴν ἐν Αἰθιοπίᾳ ἢ τὴν ἐν Λιβύῃ γράφειν, ἴσως ἄν τῳ καὶ μῦθον ἐδόκουν τινὰ συμπλάσας κομπάζειν, εἶτα ἐπὶ φήμῃ τοῦ θηρίου τῆς φύσεως καταψεύδεσθαι· ὅπερ ἐχρῆν δρᾶν φιλοσοφοῦντα ἄνδρα ἥκιστα καὶ ἀληθείας ἐραστὴν διάπυρον. ἃ δὲ αὐτὸς εἶδον καὶ ἅτινα πρότερον ἐν τῇ Ῥώμῃ πραχθέντα ἀνέγραψαν ἄλλοι προειλόμην εἰπεῖν, ἐπιδραμὼν ὀλίγα ἐκ πολλῶν, οὐχ ἥκιστα καὶ ἐντεῦθεν ἀποδεικνὺς τὴν τοῦ ζῴου ἰδιότητα. ἡμερωθεὶς ἐλέφας πραότατόν ἐστι, καὶ ἄγεται ῥᾷστα ἐς ὅ τί τις θέλει. καὶ τά γε πρεσβύτατα τιμῶν τὸν χρόνον ἐρῶ πρῶτον. θέας ἐπετέλει Ῥωμαίοις ὁ Γερμανικὸς ὁ Καῖσαρ· εἴη δʼ ἂν ἀδελφιδοῦς Τιβερίου οὗτος. οὐκοῦν ἐγένοντο καὶ ἄρρενες ἐν τῇ Ῥώμῃ τέλειοι πλείους καὶ θήλειαι, εἶτα ἐξ αὐτῶν ἐτέχθησαν αὐθιγενεῖς. καὶ ὅτε τὰ κῶλα ὑπήρξαντο πήγνυσθαι, σοφὸς ἀνὴρ ὁμιλεῖν τοιούτοις θηρίοις ἐπώλευσεν αὐτούς, δαιμονίᾳ τινὶ καὶ ἐκπληκτικῇ διδασκαλίᾳ μεταχειρισάμενος. προσῆγε δὲ αὐτοὺς ἄρα ἡσυχῆ τήν γε πρώτην καὶ πράως τοῖς διδάγμασι <pb xml:id="p.39"/> δελέατα ἄττα ἐπάγων καὶ τροφὰς ἡδίστας καὶ πεποικιλμένας ἐς τὸ ἐπαγωγόν τε καὶ ἐφολκόν, ὡς εἴ τι μὲν ἦν ἀγριότητος, τοῦτο ἐκβαλεῖν, ἀπαυτομολῆσαι δὲ πρὸς τὸ ἥμερον καὶ ἁμωσγέπως ἀνθρώπειον. καὶ ἦν γε τὰ μαθήματα αὐλῶν ἀκούοντας μὴ ἐκμαίνεσθαι, καὶ τυμπάνων ἀράβου κροτοῦντος μὴ ταράττεσθαι, καὶ κηλεῖσθαι σύριγγι, φέρειν δὲ καὶ ἤχους ἐκμελεῖς καὶ ποδῶν ἐμβαινόντων ψόφον καὶ ᾠδὴν συμμιγῆ· ἐξεπονήθησαν δὲ καὶ ἀνθρώπων πλῆθος μὴ δεδιέναι. ἦν δὲ καὶ ἐκεῖνα διδάγματα ἀνδρικά, πρὸς τὴν τῆς πληγῆς καταφορὰν μὴ θυμοῦσθαι, μηδὲ μὴν ἀναγκαζομένους λυγίζειν τι τῶν μελῶν καὶ κάμπτειν ὀρχηστικῶς τε καὶ χορικῶς εἶτα ἐς θυμὸν ἐξάπτεσθαι, καὶ ταῦτα ῥώμης τε καὶ ἀλκῆς εὖ ἥκοντας. φύσει μὲν οὖν τοῦτο πλεονέκτημα ἤδη καὶ μάλα γεννικόν, μὴ ἔχειν ἀτάκτως μηδὲ ἀπειθῶς πρὸς παιδεύματα ἀνθρωπικά· ἐπεὶ δὲ ἀπέφηνεν αὐτοὺς ὁ ὀρχηστοδιδάσκαλος καὶ μάλα γε σοφούς, καὶ ἠκρίβουν τὰ ἐκ τῆς παιδεύσεως, οὐκ ἐψεύσαντο τῆς διδασκαλίας τὸν πόνον, φασίν, ἔνθα ἐπιδείξασθαι τὰ παιδεύματα αὐτοὺς ἡ χρεία σὺν τῷ καιρῷ παρεκάλει. δώδεκα μὲν γὰρ τὸν ἀριθμὸν ὅδε ὁ χορὸς ἦσαν· παρῆλθόν γε μὴν ἐντεῦθεν τοῦ θεάτρου καὶ ἐκεῖθεν νεμηθέντες, καὶ εἰσῄεσαν ἁβρὰ μὲν βαίνοντες, θρυπτικῶς δὲ τὸ σῶμα πᾶν διαχέοντες, καὶ ἠμπείχοντο χορευτικὰς στολὰς καὶ ἀνθινάς. καὶ τοῦ γε χορολέκτου τῇ φωνῇ μόνον ὑποσημήναντος οἳ δὲ ἐπὶ στοῖχον ᾔεσαν, φασίν, εἰ τοῦτο ἐκέλευσεν ὁ διδάξας· εἶτα αὖ πάλιν περιήρχοντο ἐς κύκλον, ὑποσημήναντος ἰέναι ταύτῃ· καὶ εἰ ἐξελίττειν ἔδει, ἔπραττον αὐτό, καὶ ἄνθη μέντοι ῥιπτοῦντες ἐκόσμουν τὸ δάπεδον οἵδε, μέτρῳ καὶ φειδοῖ δρῶντες, <pb xml:id="p.40"/> καί τι καὶ ἐπεκτύπουν τοῖς ποσί, χόρειόν τε καὶ συμμελὲς ὁμορροθοῦντες οἱ αὐτοί. Δάμωνα μὲν οὖν καὶ Σπίνθαρον καὶ Ἀριστόξενον καὶ Φιλόξενον καὶ ἄλλους ἐπαΐειν μουσικῆς κάλλιστα καὶ ἐν ὀλίγοις ἐξετάζεσθαι τήνδε τὴν σοφίαν θαυμαστὸν μέν, ἄπιστον δὲ καὶ παράλογον οὐδαμῶς. τὸ δὲ αἴτιον, ἄνθρωπος ζῷόν ἐστι λογικὸν καὶ νοῦ καὶ λογισμοῦ χωρητικόν· ζῷον δὲ ἄναρθρον συνιέναι καὶ ῥυθμοῦ καὶ μέλους καὶ φυλάττειν σχῆμα καὶ ἐμμέλειαν μὴ παρατρέπειν καὶ ἀποπληροῦν τῶν διδαχθέντων τὴν ἀπαίτησιν, φύσεως δῶρα ταῦτα ἅμα καὶ ἰδιότης καθʼ ἕκαστον ἐκπληκτική. τὰ δὲ ἐπὶ τούτοις καὶ ἐκμῆναι τὸν θεατὴν ἱκανά· χαμαιζήλων κλινῶν στιβάδες ἐν τῇ ψάμμῳ τοῦ θεάτρου τεθεῖσαι, εἶτα ἐδέξαντο τυλεῖα καὶ ἐπὶ τούτοις στρωμνὴν ποικίλην, οἰκίας μέγα εὐδαίμονος καὶ παλαιοπλούτου σαφῆ μαρτύρια· καὶ κυλίκια ἦν πολυτελῆ παρακείμενα καὶ κρατῆρες χρυσοῖ καὶ ἀργυροῖ, καὶ ἐν αὐτοῖς ὕδωρ πάμπολυ, τράπεζαί τε παρέκειντο θύου τε καὶ ἐλέφαντος εὖ μάλα σοβαραί, καὶ ἦν ἐπʼ αὐτῶν κρέα καὶ ἄρτοι, παμβορωτάτων ἐμπλῆσαι ζῴων γαστέρας ἱκανὰ ταῦτα. ἐπεὶ δὲ τὰ τῆς παρασκευῆς ἔκπλεά τε καὶ ἀμφιλαφῆ ἦν, παρῆλθον οἱ δαιτυμόνες, ἓξ μὲν ἄρρενες, ἰσάριθμοι δὲ αἱ θήλειαι αὐτοῖς· καὶ οἳ μὲν ἀρρενωπὸν στολὴν εἶχον, αἳ δὲ θῆλυν, καὶ κατεκλίνησαν σὺν κόσμῳ συνδυασθέντες ἄρρεν τε καὶ θῆλυ. καὶ ὑποσημήναντος τὰς προβοσκίδας ὡς χεῖρας κεκολασμένως προύτεινον, καὶ ἐσιτοῦντο εὖ μάλα σωφρόνως· καὶ οὔτε τις αὐτῶν ἔδοξεν ἀδηφάγος οὔτε μὴν προτένθης τις ἢ τῆς μοίρας τῆς μείζονος ἁρπακτικός, ὡς ὁ Πέρσης ὁ παρὰ τῷ Ξενοφῶντι τῷ χρυσῷ. ἐπεὶ δὲ πίνειν ἔδει, ἑκάστῳ κρατὴρ παρετέθη, καὶ ἀρυτόμενοι <pb xml:id="p.41"/> ταῖς προβοσκίσι τὸ ποτὸν ἔπινον κεκοσμημένως, εἶτα ἀπέρραινον σὺν παιδιᾷ καὶ οὐχ ὕβρει. πολλὰ δὲ καὶ ἄλλα ἀνέγραψαν τοιαῦτα τῆς ἰδιότητος τῶνδε τῶν ζῴων σοφὰ καὶ ἐκπληκτικά. ἐγὼ δὲ εἶδον καὶ γράμματα γράφοντα ἐπὶ πίνακος Ῥωμαῖα ἀστραβῶς τῇ προβοσκίδι καὶ ἀτρέπτως· πλὴν ἐπέκειτο ἡ χεὶρ τοῦ διδάξαντος ἐς τὴν τῶν γραμμάτων παιδαγωγοῦσα περιγραφήν, ἔστε ἀπογράψαι τὸ ζῷον· τὸ δὲ ἀτενὲς ἑώρα κάτω. πεπαιδευμένους εἶναι τοὺς ὀφθαλμοὺς τῷ ζῴῳ καὶ γραμματικοὺς εἶπες ἄν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="12"> 
+<p>ἔχει μέντοι καὶ ὁ λαγὼς συμφυεῖς ἰδιότητας. ἐκπεπταμένοις μὲν γὰρ τοῖς βλεφάροις καθεύδει, κάτηγορεῖ δὲ αὑτοῦ τὰ ἔτη τρώγλας τινὰς ὑποφαίνων. φέρει δὲ καὶ ἐν τῇ νηδύι τὰ μὲν ἡμιτελῆ, τὰ δὲ ὠδίνει, τὰ δὲ ἤδη οἱ τέτεκται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="13"> 
+<p>τὰ κήτη τὰ μεγάλα πάντα ἄνευ κυνῶν δεῖται τοῦ ἡγεμόνος, καὶ τοῖς ὀφθαλμοῖς ἐκείνου ἄγεται. ἔστι δὲ ἰχθὺς μικρὸς καὶ λεπτός, τὴν κεφαλὴν προμήκης· στενὸν δὲ αὐτῷ τὸ οὐραῖον συμπέφυκεν, ὡς οἱ τούτων λέγουσι σοφοί. εἴτε δὲ αὐτὸν ἐκεῖνον παρέδωκε τῷ κήτει ἡ φύσις ἑκάστῳ, εἴτε φιλίᾳ αὐτῷ ἑκὼν πρόσεισιν, οὐκ οἶδα· φύσεως δὲ ἀνάγκην εἶναι τὸ πραττόμενον μᾶλλον πεπίστευκα. νήχεται γὰρ ὅδε ὁ ἰχθὺς οὐδεπώποτε ἑαυτῷ, πρόεισι δὲ τῆς τοῦ κήτους κεφαλῆς, καὶ ἡγεμών ἐστιν αὐτοῦ, καὶ ὡς εἰπεῖν οἴαξ. προορᾷ γοῦν ἐκείνῳ τὰ πάντα καὶ προαισθάνεται τῷ αὐτῷ, καὶ προδιδάσκει ἕκαστα τῆς οὐρᾶς τῷ ἄκρῳ, καὶ παρέψαυσε τούτῳ, καὶ ἔδωκε σύνθημα, καὶ τῶν μὲν φοβερῶν ἀνέστειλεν, ἐπί γε μὴν τὰ θρέψοντα προάγει, καὶ τὴν ἐκ τῶν θηρατῶν ἐπιβουλὴν διδάσκει σημείῳ τινὶ ἀτεκμάρτῳ, καὶ τῶν τόπων ὧν οὐ χρὴ τοσοῦτον θηρίον ἐπιβῆναι προμηνύει, <pb xml:id="p.42"/> ἵνα μή ποτε ἄρδην ἐς ἕρμα περισχεθὲν ἀπόληται, ἡ τοίνυν τοῦ βίου ὑπόθεσις τῷ μεγίστῳ τὸ βράχιστόν ἐστιν. ἔοικε δὲ καταπιανθὲν τὸ ζῷον μήτε ὁρᾶν ἔτι μήτε ἀκούειν, εἶναι δὲ πρόβλημα καὶ τῆς ὄψεως καὶ τῆς ἀκοῆς τῶν σαρκῶν τὸν ὄγκον. οὐχ ὁρᾶται δὲ τοῦ κήτους ἔρημος, ἀλλὰ ἀνάγκη, τοῦ πάντων αὐτῷ τῶν προειρημένων αἰτίου προαπολωλότος, καὶ ἐκεῖνο ἀπολέσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="14"> 
+<p> Χαμαιλέων τὸ ζῷον ἐς μίαν χρόαν οὐ πέφυκεν οὔτε ὁρᾶσθαι οὔτε γνωρίζεσθαι, κλέπτει δὲ ἑαυτὸν πλανῶν τε ἅμα καὶ παρατρέπων τὴν τῶν ὁρώντων ὄψιν. εἰ γὰρ περιτύχοις μέλανι τὸ εἶδος, ὃ δὲ ἐξέτρεψε τὸ μόρφωμα ἐς χλωρότητα, ὥσπερ οὖν μεταμφιεσάμενος· εἶτα μέντοι ἀλλοῖος ἐφάνη γλαυκότητα </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="15"> 
+<p> ὑποδύς, καθάπερ προσωπεῖον ἕτερον ἢ στολὴν ὑποκριτὴς ἄλλην. ἐπεὶ τοίνυν ταῦθʼ οὕτως ἔχει, φαίη τις ἂν καὶ τὴν φύσιν μὴ καθέψουσαν μηδὲ ἐπιχρίουσαν φαρμάκοις, ὥσπερ οὖν ἢ Μήδειάν τινα ἢ Κίρκην, καὶ ἐκείνην φαρμακίδα εἶναι. πομπίλον πελάγιον καὶ βυθῷ φιληδοῦντα εἰδέναι χρὴ μάλιστα ἰχθύων ὧν ἴσμεν ἀκοῇ· μισεῖ δὲ ἢ αὐτὸς τὴν γῆν ἢ τὸν ἰχθὺν ἐκείνη. τεμνούσας δὲ ἄρα μέσον τὸν πόρον τὰς ναῦς οἵδε οἱ πομπίλοι ὥσπερ οὖν ἐρωμένας προσνέοντες δορυφοροῦσι, καὶ δεῦρο καὶ ἐκεῖσε περιέρχονται χορεύοντες ἅμα καὶ πηδῶντες. οἱ μὲν οὖν περίνεῳ ὁπόσον ἀφεστᾶσι τῆς γῆς, οὐδὲ ἓν αὐτοῖς εἰδέναι πάρεστι δήπου· οἱ δὲ ναῦται, κλέπτεσθαι μέντοι καὶ αὐτοῖς τὸ ἀληθὲς εἴωθεν. οἵ γε μὴν πομπίλοι μακρόθεν ᾔσθοντο δίκην εὐρίνου κυνὸς τὸ θήραμα ἑλούσης τάχιστα, καὶ οὐκέτι τοσοῦτος αὐτοὺς ἔρως νεὼς καταλαμβάνει, ὡς παραμένειν, ἀλλὰ οἷα ὑπὸ συνθήματι ἀθρόοι γενόμενοι <pb xml:id="p.43"/> ᾤχοντο ἀπιόντες. καὶ ἴσασιν έντεῦθεν οἱ τῆς νεὼς ἄρχοντες ὅτι ἄρα χρὴ περιβλέπειν γῆν οὐ πυρσοῖς τεκμαιρομένους ἀλλὰ τοῖς προειρημένοις πεπαιδευμένους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="16"> 
+<p>ἐρύθημα εἴ ποτε ἐπανατέλλει καὶ ὠχρίασις ἐπὶ ψιλῆς τῆς δορᾶς καὶ τριχῶν γυμνῆς, θαυμαστὸν οὐδέν· ταρανδὸς δὲ τὸ ζῷον, ἀλλὰ οὗτός γε θριξὶν αὐταῖς τρέπει ἑαυτόν, καὶ πολύχροιαν ἐργάζεται μυρίαν, ὡς ἐκπλήττειν τὴν ὄψιν. ἔστι δὲ Σκύθης, καὶ τὰ νῶτα παραπλήσιος ταύρῳ καὶ τὸ μέγεθος. τούτου τοι καὶ τὴν δορὰν ἀγαθὴν ἀντίπαλον αἰχμῇ ταῖς αὑτῶν ἀσπίσι περιτείναντες νοοῦσιν οἱ Σκύθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="17"> 
+<p>πελάγιος ἰχθὺς τὴν λῆξιν, τὴν ὄψιν μέλας, τὸ μῆκος κατὰ μεμετρημένην ἔγχελυν, λαβὼν ἐξ ὧν δρᾷ τὸ ὄνομα, θεούσῃ νηὶ καὶ μάλα γε ἐξ οὐρίας προσφθαρεὶς καὶ τῆς πρύμνης τὸ ἄκρον ἐνδακών, ὥσπερ οὖν ἵππον στομίῳ ἀπειθῆ καὶ τραχὺν χαλινῷ σκληρῷ βιαιότατα ἀνακρούσας, ἀναστέλλει τῆς ὁρμῆς καὶ πεδήσας ἔχει· καὶ μάτην μὲν τὰ ἱστία μέσα πέπρησται, ἐς οὐδὲν δὲ φυσῶσιν οἱ ἄνεμοι, ἄχος δʼ ἔχει τοὺς πλέοντας. συνιᾶσι δὲ οἱ ναῦται, καὶ τῆς νεὼς γνωρίζουσι τὸ πάθος. καὶ ἐντεῦθεν ἐκτήσατο τὸ ὄνομα· ἐχενηίδα γὰρ καλοῦσιν οἱ πεπειραμένοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="18"> 
+<p>ἀναβαίνει μὲν ἡ τέχνη καὶ ἐς τριγονίαν διδασκαλίας παρʼ Ὁμήρῳ ἡ περὶ τῶν τετρωμένων τε καὶ φαρμάκου δεομένων. παιδεύεται μὲν γὰρ ὁ Μενοιτίου Πάτροκλος ὑπʼ Ἀχιλλέως ἰατρικήν, Ἀχιλλεὺς δὲ ὁ Πηλέως ὑπὸ Χείρωνος τοῦ Κρόνου. καὶ ἐν ἥρωσί τε καὶ θεῶν παισὶν ἦν τὰ μαθήματα φύσιν εἰδέναι ῥιζῶν καὶ πόας διαφόρου χρῆσιν καὶ φαρμάκων κρᾶσιν καὶ ἐπαοιδὰς ἔς τε φλεγμονὴν ἀντιπάλους, καὶ ἀναστεῖλαι αἷμα, καὶ ὅσα ἄλλα ἐκεῖνοί γε <pb xml:id="p.44"/> ᾔδεσαν· καὶ μέντοι καὶ οἱ τοῦ χρόνου κάτω ἀνίχνευσάν τινα. ἀλλὰ τούτων γε τῶν σοφισμάτων ἡ φύσις οὐδὲν ἐδεῖτο· καὶ κατηγορεῖ ὁ ἐλέφας. ὅταν γοῦν ἐς αὐτὸν ἔλθῃ δόρατα καὶ βέλη πολλά, ἐλαίας πασάμενος ἄνθος ἢ ἔλαιον αὐτό, εἶτα πᾶν τὸ ἐμπεσὸν ἀπεσείσατο, καὶ ἔστιν αὖθις ὁλόκληρος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="19"> 
+<p> καὶ τόδε τὸ θαῦμα τοῦδε τοῦ ζῴου ἴδιον. τεκεῖν βρέφος οὐκ οἶδεν ἄρκτος, οὐδὲ ὁμολογήσει τις ἐξ ὠδίνων ἰδὼν τὸ ἔκγονον ζῳογόνον εἶναι αὐτήν, ἀλλὰ ἣ μὲν ἐλοχεύθη, τὸ δὲ εἰκῆ κρέας καὶ ἄσημόν τε καὶ ἀτύπωτον καὶ ἄμορφον. ἣ δὲ ἤδη φιλεῖ καὶ γνωρίζει τὸ τέκνον, καὶ ὑπὸ τοῖς μηροῖς θάλπει, καὶ λεαίνει τῇ γλώττῃ, καὶ ἐκτυποῖ ἐς ἄρθρα, καὶ μέντοι καὶ κατὰ μικρὰ ἐκμορφοῖ, καὶ ἰδὼν ἐρεῖς τοῦτο ἄρκτου σκυλάκιον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="20"> 
+<p> κέρατα ἀκλινῆ καὶ ὀρθὰ ἕστηκε ταύροις ἅπασι, καὶ διὰ ταῦτα ὡς ἐς ὅπλον ὁ ἄνθρωπος, οὕτω τοι καὶ ἐς κέρας ὁ ταῦρος τεθύμωται. βόες δὲ Ἐρυθραῖοι κινοῦσι τὰ κέρατα ὡς ὦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="21"> 
+<p> γῆ μὲν Αἰθιοπίς ʽγείτων δὲ καὶ μάλα ἀγαθὸς καὶ ἀξιόζηλος τὸ τῶν θεῶν λουτρόν, ὃ Ὅμηρος ἡμῖν Ὠκεανὸν ᾅδεἰ οὐκοῦν ἥδε ἡ γῆ δρακόντων μήτηρ ἐστὶ μεγέθει μεγίστων· καὶ γάρ τοι καὶ ἐς τριάκοντα ὀργυιὰς προήκουσι, καὶ τὸ ὄνομα μὲν τὸ ἀπὸ γενεᾶς οὐ καλοῦνται, φονέας δὲ ἐλεφάντων φασὶν αὐτούς, καὶ ἁμιλλῶνται πρὸς γῆρας τὸ μήκιστον οἵδε οἱ δράκοντες. καὶ λόγοι μὲν Αἰθίοπες ἐνταῦθά μοι ἵστανται. λέγουσι δὲ Φρύγιοι λόγοι καὶ ἐν Φρυγίᾳ γίνεσθαι δράκοντας, καὶ προήκειν αὐτοὺς ἐς δέκα ὀργυιάς, καὶ μεσοῦντος θέρους ὁσημέραι μετὰ πλήθουσαν ἀγορὰν ἐξέρπειν τῶν φωλεῶν. καὶ παρὰ τῷ ποταμῷ τῷ καλουμένῳ Ῥυνδάκῳ τὸ μέν τι τῆς σπείρας <pb xml:id="p.45"/> ἀπήρεισαν ἐς τὴν γῆν, τὸ λοιπὸν δὲ σῶμα ἀναστήσαντες πᾶν, ἀτρέμα καὶ ἡσυχῆ τὴν φάρυγγα ἀνατείναντες καὶ μέντοι καὶ τὸ στόμα ἀνοίξαντες, εἶτα τὰ πτηνὰ ἕλκουσιν οἱονεὶ ἴυγγι τῷ ἄσθματι. τὰ δὲ ἐς τὰς ἐκείνων ἐσπίπτει γαστέρας ὑπὸ τῆς παρʼ αὐτῶν ἐκπνοῆς συρόμενα αὐτοῖς πτεροῖς. καὶ ταῦτα μὲν ἰδίᾳ ἐκείνοις δρᾶται ἐς ἡλίου δυσμάς· εἶτα ἑαυτοὺς οἱ δράκοντες ἀποκρύψαντες ἐλλοχῶσι τὰς ποίμνας καὶ ἐκ τῆς νομῆς ἐπὶ τὰ αὔλια ἰούσας αἱροῦσι, καὶ πολὺν φόνον ἐργασάμενοι καὶ τοὺς νομέας συνδιέφθειραν πολλάκις, καὶ ἔχουσι δεῖπνον ἄφθονόν τε καὶ ἀμφιλαφές. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="22"> 
+<p>ταῖς ἀφύαις ὁ πηλὸς γένεσίς ἐστι· διʼ ἀλλήλων δὲ οὐ τίκτουσιν οὐδὲ ἐπιγίνονται, πηλὸς δὲ ἐν τῇ θαλάττῃ καὶ πάνυ ἰλυώδης ὅταν συστῇ καὶ γένηται μέλας, ἀλεαίνεταί τε φύσει τινὶ ἀπορρήτῳ τε καὶ ζῳογόνῳ καὶ μεταβάλλεται καὶ ἐς ζῷα τρέπεται πάμπολλα. καὶ αἵ γε ἀφύαι ταῦτά ἐστι, σκωλήκων δίκην ἐν τῷ βορβόρῳ καὶ τοῖς μυσαροῖς τικτομένων ἐκείνων. γενόμεναι δὲ αἱ ἀφύαι νηκτικώτατον χρῆμά εἰσι, καὶ δρῶσιν ὃ πεφύκασιν, εἶτα ἄγονταί τινι αἰτίᾳ θαυμαστῇ ἐς τὰ σωτήρια, ἔνθα ἕξουσι σκέπην καὶ πρόβλημα, ᾑ μέλλει βιώσιμα αὐταῖς ἔσεσθαι. εἴη δʼ ἂν ἡ καταφυγὴ ἢ πέτρα ἀνεστῶσα ἐπὶ μέγα καὶ ὑψηλὸν ἢ οἱ καλούμενοι κρίβανοι· εἶεν δʼ ἂν κολπώδεις πέτραι βρωθεῖσαί τε ὑπὸ τῶν κυμάτων τῷ χρόνῳ καὶ κοῖλαι γεγενημέναι. ταῦτα δὲ ἄρα αὐταῖς ἡ φύσις ἔδειξε κρησφύγετα, ὥστε ὑπὸ τοῦ σάλου μὴ παίεσθαι μηδὲ ἀφανίζεσθαι· ἀσθενεῖς γάρ εἰσι καὶ ἥκιστα πρὸς τὰς ἐκείνων ἐμπτώσεις ἀντίτυποι. τροφῆς δὲ δέονται οὐδὲ ἕν, ἀπόχρη γε μὴν ἀλλήλας περιλιχμήσασθαι. ἄγρα δὲ <pb xml:id="p.46"/> αὐτῶν νήματα ἄγαν λεπτὰ καὶ ἐρραφέντα τούτοις ἀραιῶν στημονίων τὰ ἱμάτια. καὶ τέχνημα μὲν εἴη ἂν τοῦτο καὶ μάλα γε ἀρκοῦν ἐς αἵρεσίν τε καὶ ἅλωσιν αὐτῶν, ἐς δὲ ἄλλων ἰχθύων θήραν ἥκιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="23"> 
+<p> τὸν σαῦρον εἰ παίσας εἴτε ἑκὼν εἴτε καὶ κατὰ τύχην ῥάβδῳ μέσον διατέμοις, οὐδέτερον αὐτῷ τῶν μερῶν ἀποτέθνηκεν, ἀλλὰ χωρὶς καὶ καθʼ ἑαυτὸ πρόεισί τε καὶ ζῇ δύο ποσὶν ἐπισυρόμενον τὸ ἡμίτομον καὶ ἐκεῖνο καὶ τοῦτο. εἶτα ὅταν συνέλθῃ ʽσύνεισι γὰρ πρὸς τὸ λεῖπον τὸ ἕτερον πολλάκισʼ, συνδυασθέντε συνηλθέτην ἐκ τῆς διαιρέσεως· καὶ ἑνωθεὶς ὁ σαῦρος, τοῦ μὲν πάθους τὸ ἴχνος αὐτῷ κατηγορεῖ ἡ οὐλή, περιθέων δὲ καὶ τὴν ἀρχαίαν βιοτὴν ἔχων ἔοικε τῶν προειρημένων μὴ πεπειραμένῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="24"> 
+<p> ἰὸς μὲν ὁ τῶν ἑρπετῶν δεινός ἐστι, καὶ ὅ γε τῆς ἀσπίδος ἔτι μᾶλλον. καὶ τούτων ἀντίπαλα καὶ ἀμυντήρια ῥᾳδίως οὐκ ἂν εὕροι τις, εἰ καὶ σοφώτατος εἴη κηλεῖν τε ὀδύνας καὶ ἀφανίζειν. ἦν δὲ ἄρα καὶ ἐν ἀνθρώπῳ τις ἰὸς ἀπόρρητος, καὶ πεφώραται τὸν τρόπον ἐκεῖνον. ἔχιν εἰ λάβοις, καὶ πάνυ εὐλαβῶς τε καὶ ἐγκρατῶς τοῦ τραχήλου κατάσχοις, καὶ διαστήσας τὸ στόμα εἶτα αὐτῷ προσπτύσειας, </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="25"> 
+<p> ἐς τὴν νηδὺν κατολισθάνει τὸ πτύαλον, καὶ γίνεταί οἱ τοσοῦτον κακὸν ὡς σήπειν τὸν ἔχιν. ἔνθεν τοι καὶ ἀνθρώπῳ δῆγμα ἀνθρώπου μιαρόν ἐστι καὶ κινδυνῶδες οὐδενὸς θηρίου μεῖον. ἐν ὥρᾳ θερείῳ, ἀμητοῦ κατειληφότος καὶ τῶν σταχύων τριβομένων ἐν τῷ δίνῳ, κατὰ ἴλας συνίασιν οἱ μύρμηκες, καθʼ ἕνα ἰόντες καὶ κατὰ δύο δέ, ἀλλὰ καὶ ἐς τὸν τρίτον στοῖχον ἔρχονται, <pb xml:id="p.47"/> τοὺς ἑαυτῶν οἴκους καὶ τὰς συνήθεις στέγας ἀπολείποντες· εἶτα ἐκλέγουσι τῶν πυρῶν καὶ τῶν κριθῶν, καὶ τὴν αὐτὴν χωροῦσιν ἀτραπόν. καὶ οἳ μὲν ἀπίασιν ἐπὶ τὴν τῶν προειρημένων συλλογήν, οἳ δὲ κομίζουσι τὸν φόρτον, καὶ πάνυ αἰδεσίμως καὶ πεφεισμένως ἀλλήλοις ἀφίστανται τῆς ὁδοῦ, καὶ μᾶλλον τοῖς ἀχθοφόροις οἱ κοῦφοι· κατελθόντες δὲ ἐς τὰ οἰκεῖα τὰ σφέτερα καὶ πληρώσαντες τοὺς ἐν τῷ μυχῷ σφίσι σιρούς, ἑκάστου σπέρματος διατρήσαντες τὸ μέσον, τὸ μὲν ἐκπεσὸν δεῖπνον γίνεται τῷ μύρμηκι ἐν τῷ τέως, τὸ δὲ λοιπὸν ἄγονόν ἐστι. παλαμῶνται δὲ ἄρα οἱ γενναῖοι οἰκονόμοι καὶ φρουροὶ τοῦτο, ἵνα μὴ τῶν ὄμβρων περιρρευσάντων, εἶτα ἔκφυσιν ὁλόκληρα ἐκεῖνα ὄντα λάβῃ τινὰ καὶ ἀναθήλῃ, καὶ τούτων γενομένων ἀτροφίᾳ καὶ λιμῷ διὰ χειμῶνος περιπέσωσι, καὶ αὐτοῖς ἐξαμβλώσῃ ἡ σπουδή. φύσεως μὲν δὴ καὶ μύρμηκες λαβεῖν δῶρα εὐτύχησαν καὶ ταῦτα ὡς ἄλλα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="26"> 
+<p>οὐδέποτε ἀετὸς οὔτε πηγῆς δεῖται οὔτε γλίχεται κονίστρας, ἀλλὰ καὶ δίψους ἀμείνων ἐστί, καὶ καμάτου φάρμακον οὐκ ἀναμένει πορισθὲν ἔξωθεν, ὑπερφρονῶν δὲ καὶ τῶν ὑδάτων καὶ τῆς ἀναπαύσεως τὸν αἰθέριον τέμνει πόλον, καὶ ὀξύτατα ὁρᾷ ἐκ πολλοῦ τοῦ αἰθέρος καὶ ὑψηλοῦ. καὶ τόν γε τῶν πτερῶν αὐτοῦ ῥοῖζον καὶ τὸ τῶν θηρίων ἀτρεπτότατον ὁ δράκων ἀκούσας μόνον παραχρῆμα κατέδυ καὶ ἀσμένως ἠφανίσθη. βάσανος δέ οἱ τῶν νεοττῶν τῶν γνησίων ἐκείνη ἐστίν. ἀντίους τῇ αὐγῇ τοῦ ἡλίου ἵστησιν αὐτοὺς ὑγροὺς ἔτι καὶ ἀπτῆνας· καὶ ἐὰν μὲν σκαρδαμύξῃ τις τὴν ἀκμὴν τῆς ἀκτῖνος δυσωπούμενος, ἐξεώσθη τῆς καλιᾶς, καὶ ἀπεκρίθη <pb xml:id="p.48"/> τῆσδε τῆς ἑστίας· ἐὰν δὲ ἀντιβλέψῃ καὶ μάλα ἀτρέπτως, ἀμείνων ἐστὶν ὑπονοίας καὶ τοῖς γνησίοις ἐγγέγραπται, ἐπεὶ αὐτῷ πῦρ τὸ οὐράνιον ἡ τοῦ γένους ἀδέκαστός τε καὶ ἄπρατος ἀληθῶς ἐστιν ἐγγραφή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="27"> 
+<p> ἡ στρουθὸς ἡ μεγάλη λασίοις μὲν τοῖς πτεροῖς ἐπτέρωται, ἀρθῆναι δὲ καὶ ἐς βαθὺν ἀέρα μετεωρισθῆναι φύσιν οὐκ ἔχει. θεῖ δὲ ὤκιστα, καὶ τὰς παρὰ τὴν πλευρὰν ἑκατέραν πτέρυγας ἁπλοῖ, καὶ ἐμπῖπτον τὸ πνεῦμα κολποῖ δίκην ἱστίων αὐτάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="28"> 
+<p> τὴν ὠτίδα τὸ ζῷον ὀρνίθων εἶναι φιλιππότατον ἀκούω. καὶ τὸ μαρτύριον, τῶν μὲν ἄλλων ζῴων καὶ ἐν λειμῶσι καὶ ἐν αὐλῶσι νεμομένων καταφρονεῖ· ἵππον δὲ ὅταν θεάσηται, ἥδιστα προσπέτεται καὶ πλησιάζει κατὰ τοὺς τῶν ἀνθρώπων ἱππεραστάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="29"> 
+<p> μυῖα ἐμπεσοῦσα ἐς ὕδωρ, εἰ καὶ ζῴων ἐστὶ θρασυτάτη, ἀλλὰ γοῦν οὔτʼ ἐπιτρέχει, οὔτε νηκτική ἐστι, καὶ διὰ ταῦτα ἀποπνίγεται. εἰ δὲ αὐτῆς ἐξέλοις τὸν νεκρόν, καὶ τέφραν ἐμπάσειας καὶ καταθείης ἐν ἡλίου αὐτῇ, ἀναβιώσῃ τὴν μυῖαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="30"> 
+<p> ἀλεκτρυόνα εἴτε πριάμενος εἴτε δῶρον λαβὼν ἐς τὴν ἀγέλην τὴν σεαυτοῦ καὶ τοὺς ὄρνιθας τοὺς ἠθάδας ἐθέλοις ἀριθμεῖν, οὐκ ἀπολύσεις οὐδὲ ἀφήσεις εἰκῆ καὶ ὡς ἔτυχεν αὐτόν· εἰ δὲ μή, φυγὰς παραχρῆμα οἰχήσεται. ἐς τοὺς οἰκείους καὶ τοὺς συννόμους, εἰ καὶ πάνυ πόρρωθεν εἴη οὗτος. δεῖ δὲ ἄρα αὐτῷ φρουρὰν περιβαλεῖν καὶ δεσμὰ ἀφανῆ ὑπὲρ τὰ Ἡφαίστου τὰ Ὁμήρεια. καὶ ὅ γε λέγω τοιοῦτόν ἐστι. τράπεζαν ἐφʼ ἧς ἐσθίεις ἐς μέσον καταθεὶς καὶ τὸν ὄρνιθα λαβὼν καὶ τρὶς αὐτὸν τὴν προειρημένην σκηνὴν περιαγαγών, μέθες τὸ ἐντεῦθεν ἄφετον <pb xml:id="p.49"/> ἀλᾶσθαι σὺν τοῖς ὄρνισι τοῖς οἰκέταις· ὃ δὲ οὐκ ἀπαλλάττεται, ὥσπερ οὖν πεπεδημένος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="31"> 
+<p>ἡ σαλαμάνδρα τὸ ζῷον οὐκ ἔστι μὲν τῶν πυρὸς ἐκγόνων, ὥσπερ οὖν οἱ καλούμενοι πυρίγονοι, θαρρεῖ δὲ αὐτὸ καὶ χωρεῖ τῇ φλογὶ ὁμόσε, καὶ ὡς ἀντίπαλόν τινα σπεύδει καταγωνίσασθαι. καὶ τὸ μαρτύριον, περὶ τοὺς βαναύσους καλινδεῖται καὶ τοὺς χειρώνακτας τοὺς ἐμπύρους. ἐς ὅσον μὲν οὖν ἐνακμάζει τὸ πῦρ αὐτοῖς, καὶ συνεργὸν τῇ τέχνῃ ἔχουσιν αὐτὸ καὶ κοινωνὸν τῆς σοφίας, ὑπὲρ τοῦδε τοῦ ζῴου οὐδὲ ἓν φροντίζουσιν· ὅταν δὲ τὸ μὲν ἀποσβεσθῇ καὶ μαρανθῇ, μάτην δὲ αἱ φῦσαι καταπνέωσιν, ἐνταῦθα ἤδη τὸ ζῷον τὸ εἰρημένον ἀντιπρᾶττον σφίσιν ἴσασι καλῶς. ἀνιχνεύσαντες οὖν τὸ θηρίον καὶ τιμωρησάμενοι, τὸ πῦρ ἐντεῦθεν αὐτοῖς ἐξάπτεται, καὶ ἔστιν εὐπειθές, καὶ οὐ σβέννυται τῇ συνηθείᾳ τρεφόμενον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="32"> 
+<p>κύκνος δέ, ὅνπερ οὖν καὶ θεράποντα Ἀπόλλωνι ἔδοσαν ποιηταὶ καὶ λόγοι μέτρων ἀφειμένοι πολλοί, τὰ μὲν ἄλλα ὅπως μούσης τε καὶ ᾠδῆς ἔχει εἰπεῖν οὐκ οἶδα· πεπίστευται δὲ ὑπὸ τῶν ἄνω τοῦ χρόνου ὅτι τὸ κύκνειον οὕτω καλούμενον ᾅσας εἶτα ἀποθνήσκει. τιμᾷ δὲ ἄρα αὐτὸν ἡ φύσις καὶ τῶν καλῶν καὶ ἀγαθῶν ἀνθρώπων μᾶλλον, καὶ εἰκότως· εἴ γε τούτους μὲν καὶ ἐπαινοῦσι καὶ θρηνοῦσιν ἄλλοι, ἐκεῖνοι δὲ εἴτε τοῦτο ἐθέλοις εἴτε ἐκεῖνο, ἑαυτοῖς νέμουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="33"> 
+<p>κροκόδειλος μὲν ὅπως ἔχει μεγέθους καὶ ὁ τέλειος καὶ ὁ ἐκγλυφεὶς πρῶτον, καὶ μέντοι καὶ γλώττης ὅπως, καὶ εἰ κινεῖ τὴν γένυν, καὶ ποτέραν τῇ ἑτέρᾳ προσάγει, πολλοὶ λέγουσι. κατέγνωσαν δὲ ἄρα τοῦ ζῴου τοῦδέ τινες ὅτι τίκτει τοσαῦτα ᾠὰ ὅσαις ἂν ἡμέραις ἐπῳάζον εἶτα ἐκγλύψῃ τὰ νεόττια· ἤδη δὲ ἔγωγε ἤκουσα, ὁ κροκόδειλος ὅταν ἀποθάνῃ, <pb xml:id="p.50"/> σκορπίον ἐξ αὐτοῦ τίκτεσθαι, κέντρον δὲ ἄρα οὐραῖον αὐτὸν ἔχειν λέγουσιν ἰοῦ πεπληρωμένον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="34"> 
+<p> εἰ σαφῆ ταῦτα καὶ μὴ ἀμφίλογα, Ἰνδῶν λόγοι πειθέτωσαν· ἃ δὲ νῦν ἐρῶ, τῆς ἐκεῖθεν φήμης διακομιζούσης, ταῦτά ἐστιν. ὁμώνυμον τῷ φυτῷ κιννάμωμον ὄρνιν ἔγωγε τοῦ παιδὸς τοῦ Νικομάχου λέγοντος ἤκουσα. καὶ τὸν μὲν ὄρνιν κομίζειν τὸ φερώνυμον τοῦτο δὴ φυτὸν ἐς Ἰνδούς, εἰδέναι δὲ ἄρα τοὺς ἀνθρώπους ὅπου τε καὶ ὅπως φύεται οὐδὲ ἕν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="35"> 
+<p> Αἰγύπτιοι κλύσματα καὶ κάθαρσιν γαστρὸς οὐκ ἔκ τινος ἐπινοίας ἀνθρωπίνης λέγουσι μαθεῖν, διδάσκαλον δὲ σφίσι τοῦ ἰάματος τοῦδε τὴν ἶβιν ᾅδουσιν. καὶ ὅπως ἐξεπαίδευσε τοὺς πρώτους ἰδόντας, ἐρεῖ ἄλλος· σελήνης δὲ αὔξησιν καὶ μείωσιν ὅτι οἶδε, καὶ τοῦτο ἤκουσα. καὶ ὅτι τὴν τροφὴν ἑαυτῇ ὑφαιρἑ??ʼ καὶ προστίθησι κατὰ τὴν τῆς θεοῦ καὶ λῆξιν καὶ πρόσθεσιν, πυθέσθαι ποθὲν οὐκ εἰμὶ ἔξαρνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="36"> 
+<p> κέντρον πικρότατον καὶ κίνδυνον φέρον ἁπάντων μᾶλλον ἡ τρυγὼν ἡ ἐκ τῆς θαλάττης ἔχει. καὶ τὸ μαρτύριον, εἰ μὲν ἐς δένδρον τεθηλὸς καὶ εὖ μάλα ἀναθέον ἐμπήξειας αὐτό, οὔτε ἐς ἀναβολὰς οὔτε χρόνῳ ὕστερον ἀλλʼ ἤδη αὖον τὸ δένδρον· εἰ δέ τι τῶν ζῴων ἀμύξειας, ἀπέκτεινας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="37"> 
+<p> ἡ μυγαλῆ ἐς ὅσον μὲν τὴν ἄλλως πρόεισι, ζῆν ἔχει, καὶ ἐσπείσατο αὐτῇ ἡ φύσις, ἐάν γε μὴ ἄλλῃ τινὶ τύχῃ καταληφθῇ καὶ ἀπόληται· ἐπὰν δὲ ἐς ἁρματοτροχιὰν ἐμπέσῃ, οἱονεὶ πέδῃ κατείληπται καὶ μάλα ἀφανεῖ, καὶ τέθνηκε. δηχθέντι δὲ ὑπὸ μυγαλῆς φάρμακον ἐκεῖνο. ἐκ τῆς τῶν τροχῶν διαδρομῆς ἡ ψάμμος ἀρθεῖσα ἐπεπάσθη τῷ δήγματι, καὶ ἔσωσε παραχρῆμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="38"> 
+<p> καὶ ταῦτα δὲ ὑπὲρ τῆς Αἰγυπτίας ἴβεως προσακήκοα. <pb xml:id="p.51"/> ἱερὰ τῆς σελήνης ἡ ὄρνις ἐστί. τοσούτων γοῦν ἡμερῶν τὰ ᾠὰ ἐκγλύφει, ὅσων ἡ θεὸς αὔξει τε καὶ λήγει. τῆς δὲ Αἰγύπτου οὔποτε ἀποδημεῖ. τὸ δὲ αἴτιον, νοτιωτάτη χωρῶν ἁπασῶν Αἴγυπτός ἐστι, καὶ ἡ σελήνη δὲ νοτιωτάτη τῶν πλανωμένων ἄστρων πεπίστευται. ἑκοῦσα μὲν οὖν οὐκ ἂν ἀποδημήσειεν ἡ ἶβις· εἰ δέ τις ἐπιθέμενος αὐτῇ κατὰ τὸ καρτερὸν ἐξαγάγοι, ἡ δὲ ἀμύνεται τὸν ἐπιβουλεύσαντα, ἐς οὐδὲν αὐτῷ τὴν σπουδὴν προάγουσα· ἑαυτὴν γὰρ ἀποκτείνει λιμῷ, καὶ ἀνόνητον τὴν προθυμίαν ἀποφαίνει τῷ προειρημένῳ. βαδίζει δὲ ἡσυχῆ καὶ κορικῶς, καὶ οὐκ ἂν αὐτὴν θᾶττον ἢ βάδην προϊοῦσαν θεάσαιτό τις. καὶ τούτων αἱ μέλαιναι τοὺς πτερωτοὺς ὄφεις ἐξ Ἀραβίας ἐς Αἴγυπτον παρελθεῖν οὐκ ἐπιτρέπουσι, τῆς γῆς τῆς φίλης προπολεμοῦσαι· αἱ δὲ ἕτεραι τοὺς ἐξ Αἰθιοπίας κατὰ τὴν τοῦ Νείλου ἐπίκλυσιν ἀφικνουμένους ἀπαντῶσαι διαφθείρουσιν. ἢ τί ἂν ἐκώλυσε διὰ τῆς ἐκείνων ἐπιδημίας τοὺς Αἰγυπτίους ἀπολωλέναι; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="39"> 
+<p>ἀκούω δέ τι καὶ γένος ἀετῶν, καὶ ὄνομα αὐτῷ χρυσάετον ἔθεντο, ἄλλοι δὲ ἀστερίαν τὸν αὐτὸν καλοῦσιν· ὁρᾶται δὲ οὐ πολλάκις. λέγει δὲ Ἀριστοτέλης αὐτὸν θηρᾶν καὶ νεβροὺς καὶ λαγὼς καὶ γεράνους καὶ χῆνας ἐξ αὐλῆς. μέγιστος δὲ ἀετῶν εἶναι πεπίστευται, καὶ λέγουσί γε καὶ ταύροις ἐπιτίθεσθαι αὐτὸν κατὰ τὸ καρτερόν, καὶ περιηγοῦνται τὸ ἔργον τὸν τρόπον τοῦτον. ὃ μὲν κεκυφὼς κάτω νέμεται ὁ ταῦρος· ὁ δὲ ἀετὸς ἐπὶ τῷ τένοντι τοῦ ζῴου καθίσας ἑαυτὸν παίει τῷ στόματι συνεχέσι τε καὶ καρτεραῖς ταῖς πληγαῖς· ὃ δὲ ὥσπερ οἰστρηθεὶς ἐξάπτεται, καὶ ᾗ ποδῶν ἔχει φυγῆς ἄρχεται. καὶ ἕως μέν ἐστιν εὐήλατα, ὁ ἀετὸς ἥσυχός ἐστι <pb xml:id="p.52"/> καὶ ἐπιποτᾶται παραφυλάττων· ὅταν δὲ τὸν ταῦρον θεάσηται πλησίον κρημνοῦ γεγενημένον, κυκλώσας τὰ πτερὰ καὶ ὑπερτείνας αὐτοῦ τῶν ὀφθαλμῶν, ἐποίησε τὰ ἐν ποσὶ μὴ προϊδόμενον κατενεχθῆναι βιαιότατα. εἶτα ἐμπεσὼν καὶ ἀναρρήξας τὴν γαστέρα, ῥᾳδίως χρῆται τῇ ἄγρᾳ, ἐς ὅσον ἐθέλει. θήρας δὲ ἄλλοτρίας οὐχ ἅπτεται κειμένης, ἀλλὰ χαίρει τοῖς ἑαυτοῦ πόνοις, κοινωνίαν τε τὴν πρὸς ἄλλον ἥκιστα ἐνδέχεται. κορεσθεὶς δὲ εἶτα τοῦ λοιποῦ πονηρὸν ἆσθμα καὶ δυσωδέστατον καταπνεύσας, ἄβρωτα τοῖς ἄλλοις τὰ λείψανα ἐᾷ. καὶ μέντοι καὶ ἀλλήλων ἀπῳκισμένας οἰκοῦσι καλιὰς ὑπὲρ τοῦ μὴ διαφέρεσθαι ὑπὲρ θήρας καὶ λυπουμένους λυπεῖν πολλάκις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="40"> 
+<p> ἦν δὲ ἄρα γένος ἀετῶν καὶ πρὸς τοὺς τρέφοντας φιλόστοργον, ὥσπερ οὖν καὶ ὁ τοῦ Πύρρου. τοῦτόν τοί φασι καὶ ἐπαποθανεῖν τῷ δεσπότῃ τροφῆς ἀποστάντα. ἤδη δὲ καὶ ἀνδρὸς ἰδιώτου ἀετὸς τρόφιμος καομένου τοῦ δεσπότου ἐς τὴν πυρὰν ἑαυτὸν ἐνέβαλεν· οἳ δὲ οὐκ ἀνδρός, ἀλλὰ γυναικὸς τὸ θρέμμα εἶναί φασι. ζηλοτυπώτατον δὲ ἄρα ἦν ζῷον ἀετὸς πρὸς τὰ νεόττια. ἐὰν γοῦν θεάσηταί τινα προσιόντα, ἀπελθεῖν ἀτιμώρητον οὐκ ἐπιτρέπει· παίει γὰρ τοῖς πτεροῖς αὐτὸν καὶ τοῖς ὄνυξι λυμαίνεται, καὶ ἐπιτίθησίν οἱ πεφεισμένως τὴν δίκην· οὐ γὰρ χρῆται τῷ στόματι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="41"> 
+<p> ἔστι δὲ θαλαττίων ζῴων τρίγλη λιχνότατον, καὶ ἐς τὸ ἀπογεύσασθαι παντὸς τοῦ παρατυχόντος ἀναμφιλόγως ἀφειδέστατον. καί τινες καλοῦνται λεπρώδεις αὐτῶν, σπάσασαι τὸ ὄνομα ἐκ τῶν χωρίων, ἅπερ οὖν πέρας ἔχει λεπράς τε καὶ ἀραιάς, καὶ φυκία μέσα τούτων δασέα, καί που καὶ ὑποκάθηται πηλὸς ἢ ψάμμος. φάγοι δʼ ἂν τρίγλη καὶ ἀνθρώπου νεκροῦ <pb xml:id="p.53"/> καὶ ἰχθύος· φιληδοῦσι δὲ μᾶλλον τοῖς μεμιασμένοις καὶ κακόσμοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="42"> 
+<p>θηρᾶσαι καὶ μάλα γε ἱκανοὶ καὶ οὐδέν τι μεῖον τῶν ἀετῶν ἱέρακές εἰσιν, ἡμερώτατοι δὲ ὀρνίθων πεφύκασι καὶ φιλανθρωπότατοι, τὸ μέγεθος ἀετῶν οὐκ ὄντες ὀλιγώτεροι. ἀκούω δὲ ὅτι ἐν τῇ Θρᾴκῃ καὶ ἀνθρώποις εἰσὶ σύνθηροι ἐν ταῖς ἑλείοις ἄγραις. καὶ ὁ τρόπος, οἱ μὲν ἄνθρωποι τὰ δίκτυα ἁπλώσαντες ἡσυχάζουσιν, οἱ δὲ ἱέρακες ὑπερπετόμενοι φοβοῦσι τοὺς ὄρνεις καὶ συνωθοῦσιν ἐς τὰς τῶν δικτύων περιβολάς. τῶν οὖν ᾑρημένων οἱ Θρᾷκες μέρος ἀποκρίνουσι καὶ ἐκείνοις, καὶ ἔχουσιν φίλους πιστούς· μὴ δράσαντες δὲ τοῦτο ἑαυτοὺς τῶν συμμάχων ἐστέρησαν. μάχεται δὲ ὁ τέλειος ἱέραξ καὶ πρὸς ἀλώπεκα καὶ πρὸς ἀετόν, καὶ γυπὶ μάχεται πολλάκις. καρδίαν δὲ οὐκ ἂν φάγοι ποτὲ ἱέραξ, τελεστικὸν δήπου δρῶν καὶ μυστικὸν ἐκεῖνος τοῦτο. νεκρὸν δὲ ἄνθρωπον ἰδὼν ἱέραξ, ὡς λόγος, πάντως ἐπιβάλλει γῆς τῷ ἀτάφῳ ʽκαὶ τοῦτο μὲν αὐτῷ οὐ κελεύει Σόλωνʼ, οὐδὲ σώματος ἅψεται. μένει δὲ ἄγευστος καὶ ποτοῦ, ἐὰν ἐς αὔλακα ἐποχετεύῃ εἷς ἄνθρωπος· πεπίστευκε γὰρ αὐτὸν πονούμενον ζημιοῦν ὑφαιρούμενος ἐκ τῆς ἐκείνου χρείας ὕδωρ· εἰ δὲ πλείους ἐπάρδοιεν, ἀφθονίαν τοῦ ῥεύματος ὁρῶν, ὡς φιλοτησίας τινὸς· ἐξ αὐτῶν μεταλαμβάνει, καὶ πίνει ἡδέως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="43"> 
+<p>ἔστι φῦλον ἱεράκων, καὶ καλεῖται κεγχρηίς, καὶ ποτοῦ δεῖται οὐδὲ ἕν. ὀρείτης δὲ γένος ἄλλο αὐτῶν· καὶ ἑκάτερός ἐστι δεινῶς φιλόθηλυς, καὶ ἕπεται κατὰ τοὺς δυσέρωτας, οὐδὲ ἀπολείπεται. εἰ δὲ ἡ γυνὴ ἀπέλθοι που παραλαθοῦσα, ὃ δὲ ὑπεραλγεῖ καὶ βοᾷ, καὶ ἔοικε λυπουμένῳ ἐρωτικῶς εὖ μάλα. καμόντες δὲ τὴν ὄψιν ἱέρακες, εὐθὺ τῶν αἱμασιῶν ἴασι, καὶ τὴν <pb xml:id="p.54"/> ἀγρίαν θριδακίνην ἀνασπῶσι, καὶ τὸν ὀπὸν αὐτῆς πικρὸν ὄντα καὶ δριμὺν ὑπὲρ τῶν ὀφθαλμῶν αἰωροῦσι τῶν σφετέρων, καὶ λειβόμενον δέχονται, καὶ τοῦτο αὐτοῖς ὑγίειαν ἐργάζεται. λέγουσι δὲ καὶ τοὺς ἰατρικοὺς χρῆσθαι τῷδε τῷ φαρμάκῳ ἐς τὴν χρείαν τῶν καμνόντων τὴν αὐγήν, καὶ ἐκ τῶν ὀρνίθων ἡ ἴασις κέκληται· καὶ οὐκ ἀρνοῦνται μαθηταὶ ἀκούοντες ὀρνίθων οἱ ἄνθρωποι, ἀλλὰ ὁμολογοῦσι. λέγεται δὲ καὶ θεοσύλην ἐν Δελφοῖς ἐλέγξαι ποτὲ ἱέραξ, ἐμπίπτων τε αὐτῷ καὶ παίων τὴν κεφαλήν. πιστεύονται δὲ εἶναι ἱέρακες καὶ νόθοι, ἀντικριθέντες πρὸς τὰς τῶν ἀετῶν φυλάς. ἦρος δὲ ἀρχομένου οἱ έν Αἰγύπτῳ τῶν ἁπάντων δύο προαιροῦνται, καὶ ἀποστέλλουσι κατασκεψομένους νήσους τινὰς ἐρήμους, αἵπερ οὖν τῆς Λιβύης πρόκεινται. εἶτα ὑποστρέφουσιν οὗτοι, καὶ ἡγοῦνται τῆς πτήσεως τοῖς ἄλλοις. οἱ δὲ ἥκοντες ἑορτὴν ὑπὲρ τῆς ἐπιδημίας τοῖς ἐν τῇ Λιβύῃ παρέχουσι· σίνονται γὰρ οὐδὲ ἕν. παρελθόντες δὲ ἐς τὰς νήσους, ἃς οἱ πρῶτοι θεασάμενοι τῶν ἄλλων ἐπιτηδειοτέρας σφίσιν ἔκριναν, ἐνταῦθα κατὰ πολλὴν τὴν γαλήνην τε καὶ ἡσυχίαν ἀποτίκτουσι καὶ ἐκγλύφουσι, καὶ θηρῶνται στρουθοὺς καὶ πελειάδας, καὶ τοὺς νεοττοὺς ἐν ἀφθόνοις ἐκτρέφουσιν· εἶτα ἤδη παγέντας καὶ ἐκπετησίμους γεγενημένους παραλαβόντες ἐς τὴν Αἴγυπτον ἀπάγουσιν, ὥσπερ οὖν ἐς τὰ οἰκεῖα τὰ πατρῷα τὰς ἐν τοῖς συντρόφοις χωρίοις διατριβάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="44"> 
+<p> αἱ ἰουλίδες ἰχθῦς εἰσι πέτραις ἔντροφοι, καὶ ἔχουσιν ἰοῦ τὸ στόμα ἔμπλεων καὶ ὅτου ἂν ἰχθύος ἀπογεύσωνται, ἄβρωτον ἀπέφηναν αὐτόν. ἤδη δὲ καὶ οἱ ἁλιεῖς ἡμιβρώτῳ καρίδι περιτυχόντες, καὶ ἀξιώσαντες τὸ θήραμα ἄπρατον ὄν, εἰ ἀπογεύσαιντο <pb xml:id="p.55"/> αὐτοῦ ὑπὸ πενίας, κλονοῦνται τὴν γαστέρα καὶ στρέφονται. λυποῦσι δὲ καὶ τοὺς ἐν ταῖς ὑδροθηρίαις ὑποδυομένους τε καὶ νηχομένους, πολλαὶ καὶ δηκτικαὶ προσπίπτουσαι, ὡς αὐτόχρημα ἐπὶ τῆς γῆς αἱ μυῖαι· καὶ δεῖ σοβεῖν αὐτὰς ἤ κολάζεσθαι ἐσθιόμενον· σοβοῦντι δὲ ἐκ τῆς ἀσχολίας ἀπόλωλε τὸ ἔργον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="45"> 
+<p>λαγὼς δὲ θαλάττιος βρωθεὶς καὶ θάνατον ἤνεγκε πολλάκις, πάντως δὲ τὴν γαστέρα ὠδύνησεν. τίκτεται δὲ ἄρα ἐν πηλῷ, οὐκ ὀλιγάκις δὲ ταῖς ἀφύαις συναλίσκεται· εἴη δʼ ἂν κατὰ τὸν κοχλίαν τὸν γυμνὸν τὸ εἶδος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="46"> 
+<p>γὺψ νεκρῷ πολέμιος. ἐσθίει γοῦν ἐμπεσὼν ὡς ἐχθρὸν καὶ φυλάσσει τεθνηξόμενον. καὶ μέντοι καὶ ταῖς ἐκδήμοις στρατιαῖς ἕπονται γῦπες, καὶ μάλα γε μαντικῶς ὅτι ἐς πόλεμον χωροῦσιν εἰδότες, καὶ ὅτι μάχη πᾶσα ἐργάζεται νεκρούς, καὶ τοῦτο ἐγνωκότες. γῦπα δὲ ἄρρενα οὔ φασι γίνεσθαί ποτε, ἀλλὰ θηλείας ἁπάσας· ὅπερ ἐπιστάμενα τὰ ζῷα καὶ ἐρημίαν τέκνων δεδιότα ἐς ἐπιγονὴν τοιαῦτα δρᾷ. ἀντίπρῳροι τῷ νότῳ πέτονται· εἰ δὲ μὴ εἴη νότος, τῷ εὔρῳ κεχήνασι, καὶ τὸ πνεῦμα ἐσρέον πληροῖ αὐτάς, καὶ κύουσι τριῶν ἐτῶν. λέγουσι δὲ νεοττιὰν μὴ ὐποπλέκειν γῦπα. τοὺς δὲ αἰγυπιούς, ἐν μεθορίῳ γυπῶν ὄντας καὶ ἀετῶν, εἶναι καὶ ἄρρενας καὶ τὴν χρόαν πεφυκέναι μέλανας. καὶ τούτων μὲν ἀκούω καὶ νεοττιὰς δείκνυσθαι· γῦπας δὲ μὴ ᾠὰ τίκτειν πέπυσμαι, νεοττοὺς δὲ ὠδίνειν. καὶ ὡς ἀπὸ γενεᾶς κατάπτεροί εἰσι, καὶ τοῦτο ἤκουσα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="47"> 
+<p>ἰκτῖνος ἐς ἁρπαγὴν ἀφειδέστατος. οἵδε τῶν μὲν ἐξ ἀγορᾶς ἐμποληθέντων κρεαδίων ἐὰν γένωνται κρείττους, ἥρπασαν προσπεσόντες, τῶν δὲ ἐκ τῆς τοῦ Διὸς ἱερουργίας οὐκ ἂν προσάψαιντο. <pb xml:id="p.56"/> Ἡ δὲ ὄρειος ἅρπη τῶν ὀρνίθων προσπεσοῦσα τοὺς ὀφθαλμοὺς ἀφαρπάζει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="48"> 
+<p> κόρακες Αἰγύπτιοι, ὅσοι τῷ Νείλῳ παραδιαιτῶνται, τῶν πλεόντων τὰ πρῶτα ἐοίκασιν ἱκέται εἶναι, λαβεῖν τι αἰτοῦντες· καὶ λαβόντες μὲν ἡσυχάζουσιν, ἀτυχήσαντες δὲ ὧν ᾔτουν συμπέτονται, καὶ ἑαυτοὺς καθίσαντες ἐπὶ τὸ κέρας τῆς νεὼς τῶν σχοίνων ἐσθίουσί τε καὶ διατέμνουσι τὰ ἅμματα. Λίβυες δὲ κόρακες, ὅταν οἱ ἄνθρωποι φόβῳ δίψους ὑδρευσάμενοι πληρώσωσι τὰ ἀγγεῖα ὕδατος, καὶ κατὰ τῶν τεγῶν θέντες ἐάσωσι τῷ ἀέρι τὸ ὕδωρ φυλάττειν ἄσηπτον, ἐνταῦθα ἐς ὅσον μὲν αὐτοῖς τὰ ῥάμφη κάτεισιν ἐγκύπτοντες, χρῶνται τῷ ποτῷ· ὅταν δὲ ὑπολήξῃ, ψήφους κομίζουσι καὶ τῷ στόματι καὶ τοῖς ὄνυξι, καὶ ἐμβάλλουσιν ἐς τὸν κέραμον· καὶ αἳ μὲν ἐκ τοῦ βάρους ὠθοῦνται καὶ ὑφιζάνουσι, τό γε μὴν ὕδωρ θλιβόμενον ἀναπλεῖ. καὶ πίνουσιν εὖ μάλα εὐμηχάνως οἱ κόρακες, εἰδότες φύσει τινὶ ἀπορρήτῳ δύο σώματα μίαν χώραν μὴ δέχεσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="49"> 
+<p> λέγει Ἀριστοτέλης εἰδέναι τοὺς κόρακας διαφορὰν γῆς εὐδαίμονός τε καὶ λυπρᾶς, καὶ ἐν μὲν τῇ παμφόρῳ τε καὶ πολυφόρῳ κατά τε ἀγέλας καὶ πλήθη φέρεσθαι, ἐν δὲ τῇ ἀγόνῳ καὶ στερίφῃ κατὰ δύο. τούς γε μὴν νεοττοὺς τοὺς ἐκτραφέντας τῆς ἑαυτῶν ἕκαστος καλιᾶς φυγάδας ἀποφαίνουσιν· ὑπὲρ ὅτου τροφὴν μαστεύουσι, καὶ τοὺς γειναμένους σφᾶς μὴ τρέφουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="50"> 
+<p> Ὑπονύξαντες ἰὸν ἀφιᾶσιν ἰχθύων κωβιὸς καὶ δράκων καὶ χελιδών, οὐ μὴν ἐς θάνατον· ἡ τρυγὼν δὲ ἀποκτείνει παραχρῆμα τῷ κέντρῳ. καὶ λέγει γε Λεωνίδης ὁ Βυζάντιος ἰχθύων φύσεώς τε καὶ κρίσεως ἄπειρον ἄνθρωπον ἁρπάσαντα ἐκ δικτύου τρυγόνα <pb xml:id="p.57"/> ʽᾤετο δὲ ἄρα ὁ δυστυχὴς ψῆτταν εἶναἰ φέροντα ἐπικόλπιον ἐμβαλεῖν καὶ βαδίζειν, ὥς τι ἀγαθὸν εὑρόντα καὶ ἐς ἐμπολὴν κερδαλέον ἑαυτῷ ἅρπαγμα. ἣ δὲ ἄρα ἤλγησε πιεζομένη, καὶ παίει τῷ κέντρῳ πείρασα, καὶ ἐξέχεε τοῦ δυστυχοῦς κλέπτου τὰ σπλάγχνα. καὶ ἔκειτο παρὰ τῇ τρυγόνι νεκρὸς ὁ φώρ, ἐναργὴς ἔλεγχος ὧν οὐκ εἰδὼς ἔδρασεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="51"> 
+<p>ὁ κόραξ, οὐκ ἂν αὐτὸν ἐς τόλμαν ἀθυμότερον εἴποις τῶν ἀετῶν. ὁμόσε γὰρ καὶ αὐτὸς τοῖς ζῴοις χωρεῖ, οὐ μέντοι τοῖς βραχυτάτοις, ἀλλʼ ὄνῳ τε καὶ ταύρῳ· κάθηταί τε γὰρ κατὰ τῶν τενόντων καὶ κόπτει αὐτούς, πολλῶν δὲ καὶ τοὺς ὀφθαλμοὺς ἐξέκοψεν ὁ κόραξ. μάχεται δὲ καὶ ὄρνιθι ἰσχυρῷ, τῷ καλουμένῳ αἰσάλωνι· καὶ ὅταν θεάσηται ἀλώπεκι μαχόμενον, τιμωρεῖται· πρὸς γὰρ ἐκείνην ἔχει τινὰ φιλίαν. ἦν δὲ ἄρα ὀρνίθων πολυκλαγγότατός τε καὶ πολυφωνότατος· μαθὼν γὰρ καὶ ἀνθρωπίνην προΐησι φωνήν. φθέγμα δὲ αὐτοῦ παίζοντος μὲν ἄλλο, σπουδάζοντος δὲ ἕτερον· εἰ δὲ ὑποκρίνοιτο τὰ ἐκ τῶν θεῶν, ἱερὸν ἐνταῦθα καὶ μαντικὸν φθέγγεται. ἴσασι δὲ διὰ τοῦ θέρους ἐνοχλούμενοι ῥύσει γαστρός, καὶ διὰ ταῦτα ἑαυτοὺς ὑγρᾶς τροφῆς ἀγεύστους φυλάττουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="52"> 
+<p>λέγει δὲ Ἀριστοτέλης τῶν ζῴων τὰ μὲν ζῳοτόκα εἶναι, τὰ δὲ ᾠὰ τίκτειν, τὰ δὲ σκώληκας· καὶ ζῷα μὲν ἀνθρώπους γεννᾶν καὶ τὰ λοιπὰ ὅσα τριχῶν ἐστιν ἐπήβολα, καὶ τὰ κητώδη τῶν ἐνύδρων· τούτων δὲ τὰ μὲν αὐλόν, βράγχια δὲ οὐκ ἔχειν, οἷον δελφῖνα καὶ φάλαιναν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="53"> 
+<p>Μυσοῖς ἄγουσιν ἄχθη βόες, καὶ κεράτων ἄμοιροί εἰσι. λέγω δὲ τὴν ἀγέλην ἄκερων ὁρᾶσθαι οὐκέτι διὰ κρύος, ἀλλὰ τῶν βοῶν τῶνδε ἰδίᾳ φύσει, καὶ τὸ μαρτύριον παρὰ πόδας· γίνονται γὰρ καὶ ἐν <pb xml:id="p.58"/> Σκύθαις κεράτων οὐκ ἀγέραστοι βόες. ἐγὼ δὲ ἀκούω λέγοντός τινος ἐν συγγραφῇ καὶ μελίττας Σκυθίδας εἶναι, ἐπαΐειν τε τοῦ κρύους οὐδὲ ἕν, καὶ μέντοι καὶ πιπράσκειν ἐς Μυσοὺς κομίζοντας Σκύθας οὐκ ὀθνεῖον σφίσιν ἀλλὰ αὐθιγενὲς μέλι καὶ κηρία ἐπιχώρια. εἰ δὲ ἐναντία Ἡροδότῳ λέγω, μή μοι ἀχθέσθω· ὁ γὰρ ταῦτα εἰπὼν ἱστορίαν ἀποδείκνυσθαι ἀλλʼ οὐκ ἀκοὴν ᾅδειν ἔφατο ἡμῖν ἀβασάνιστον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="54"> 
+<p> τῶν θαλαττίων πυνθάνομαι μόνον τὸν σκάρον τὴν τροφὴν ἀναπλέουσαν ἐπεσθίειν, ὥσπερ οὖν καὶ τὰ βληχητά, ἃ δὴ καὶ μαρυκᾶσθαι λέγουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="55"> 
+<p> ὁ γαλεὸς ὠδίνει διὰ τοῦ στόματος ἐν τῇ θαλάττῃ, πάλιν τε ἐσδέχεται τὰ βρέφη, καὶ ἀνεμεῖ ταῖς αὐταῖς ὁδοῖς ζῶντα καὶ ἀπαθῆ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="56"> 
+<p> Μυὸς ἧπαρ καὶ μάλα ἐκπληκτικῶς τε καὶ παραδόξως τῆς μὲν σελήνης αὐξανομένης λοβὸν ἑαυτῷ τινα ἐπιτίκτει ὁσημέραι μέχρι διχομήνου· εἶτα αὖ πάλιν ὑπολήγει μειουμένου τοῦ μηνὸς τὸν ἴσον λόγον, ἔστʼ ἂν ἐς σῶμα κατολίσθῃ ἀνείδεον. ἀκούω δὲ ἐν τῇ Θηβαΐδι χαλάζης πεσούσης ἐπὶ τῆς γῆς ὁρᾶσθαι μύας, ὧν τὸ μὲν πηλός ἐστιν ἔτι, τὸ δὲ σὰρξ ἤδη. ἐγὼ δὲ αὐτὸς ἐκ τῆς Ἰταλικῆς Νέας πόλεως ἐλαύνων ἐς Δικαιαρχίαν ὕσθην βατράχοις, καὶ τὸ μὲν μέρος αὐτῶν τὸ πρὸς τῇ κεφαλῇ εἷρπε, καὶ δύο πόδες ἦγον αὐτό, τὸ δὲ ἐπεσύρετο ἔτι ἄπλαστον, καὶ ἐῴκει ἔκ τινος ὕλης ὑγρᾶς συνεστῶτι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:2" n="57"> 
+<p> τὸ τῶν βοῶν ἄρα πάγχρηστον ἦν γένος καὶ ἐς γεωργίας κοινωνίαν καὶ ἐς ἀγωγὴν φόρτου διαφόρου. καὶ γαυλοὺς ἐμπλῆσαι βοῦς ἀγαθός ἐστι, καὶ βωμοὺς κοσμεῖ, καὶ ἀγάλλει πανηγύρεις, καὶ πανθοινίαν παρέχει. καὶ ἀποθανὼν δὲ βοῦς γενναῖόν τι χρῆμα καὶ ἀξιέπαινον. μέλιτται γοῦν ἐκ τῶν <pb xml:id="p.59"/> ἐκείνου λειψάνων ἐκφύονται, ζῷον φιλεργότατον καὶ τῶν καρπῶν τὸν ἄριστόν τε καὶ γλύκιστον ἐν ἀνθρώποις παρασκευάζον, τὸ μέλι.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="3"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="1"> 
+<p> Μαυρουσίῳ δὲ ἀνδρὶ ὁ λέων καὶ ὁδοῦ κοινωνεῖ καὶ πίνει τῆς αὐτῆς πηγῆς ὕδωρ. ἀκούω δὲ ὅτι καὶ ἐς τὰς οἰκίας τῶν Μαυρουσίων οἱ λέοντες φοιτῶσιν, ὅταν αὐτοῖς ἀπαντήσῃ ἀθηρία καὶ λιμὸς αὐτοὺς ἰσχυρὸς περιλάβῃ. καὶ ἐὰν μὲν παρῇ ὁ ἀνήρ, ἀνείργει τὸν λέοντα καὶ ἀναστέλλει διώκων ἀνὰ κράτος· ἐὰν δὲ ὃ μὲν ἀπῇ, μόνη δὲ ἡ γυνὴ καταλειφθῇ, λόγοις αὐτὸν ἐντρεπτικοῖς ἴσχει τοῦ πρόσω καὶ ῥυθμίζει, σωφρονίζουσα ἑαυτοῦ κρατεῖν καὶ μὴ φλεγμαίνειν ὑπὸ τοῦ λιμοῦ. ἐπαΐει δὲ ἄρα λέων φωνῆς Μαυρουσίας, καὶ ὁ νοῦς τῆς ἐπιπλήξεως τῇ γυναικὶ τῆς πρὸς τὸ θηρίον τοιόσδε ἐστίν, ὡς ἐκεῖνοι λέγουσι· ʽσὺ δὲ οὐκ αἰδῇ λέων ὢν ὁ τῶν ζῴων βασιλεὺς ἐπὶ τὴν ἐμὴν καλύβην ἰών, καὶ γυναικὸς δεόμενος ἵνα τραφῇς, καὶ δίκην ἀνθρώπου λελωβημένου τὸ σῶμα ἐς χεῖρας γυναικείας ἀποβλέπεις, ἵνα οἴκτῳ καὶ ἐλέῳ τύχῃς ὧν δέῃ; ὃν δέον ἐς ὀρείους ὁρμῆσαι διατριβὰς ἐπί τε ἐλάφους καὶ βουβαλίδας καὶ τὰ λοιπὰ ὅσα λεόντων δεῖπνον ἔνδοξον. κυνιδίου δὲ ἀθλίου φύσει ἀγαπᾷς παρατραφῆναι.ʼ καὶ ἣ μὲν ἐπᾴδει τοιαῦτα, ὃ δὲ ὥσπερ οὖν πληγεὶς τὴν ψυχὴν καὶ ὑποπλησθεὶς αἰδοῦς ἡσυχῆ καὶ κάτω βλέπων ἀπαλλάττεται, ἡττηθεὶς τῶν δικαίων. εἰ δὲ ἵπποι καὶ κύνες διὰ τὴν συντροφίαν ἀπειλούντων ἀνθρώπων συνιᾶσι <pb xml:id="p.60"/> καὶ καταπτήσσουσι, καὶ Μαυρουσίους οὐκ ἂν θαυμάσαιμι λεόντων ὄντας συντρόφους καὶ ὁμοτρόφους αὐτοῖς ὑπʼ αὐτῶν ἐκείνων ἀκούεσθαι. τοῖς γάρ τοι βρέφεσι τοῖς ἑαυτῶν μαρτυροῦσιν ὅτι τοὺς σκύμνους τῶν λεόντων τῆς ἴσης τε καὶ ὁμοίας διαίτης ἀξιοῦσι καὶ κοίτης μιᾶς καὶ στέγης· καὶ ἐκ τούτων καὶ φωνῆς τῆς προειρημένης ἀκούειν τοὺς θῆρας, οὐδὲν οὔτε ἄπιστον οὔτε παράδοξον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="2"> 
+<p> ἵππου δὲ τῆς Λιβύσσης πέρι Λιβύων λεγόντων ἀκούω τοιαῦτα. ὤκιστοι μέν εἰσιν ἵππων, καμάτου δὲ ἤ τι αἰσθάνονται ἢ οὐδὲ ἕν. λεπτοὶ δὲ καὶ οὐκ εὔσαρκοι, ἐπιτήδειοί γε μὴν καὶ φέρειν ὀλιγωρίαν δεσπότου εἰσίν. οὔτε γοῦν αὐτοῖς κομιδὴν προσφέρουσιν οἱ δεσπόται, οὐ καταψῶντες, οὐ καλινδήθραν ἐργασάμενοι, οὐχ ὁπλὰς ἐκκαθαίροντες, οὐ κόμας κτενίζοντες, οὐ χαίτας ὑποπλέκοντες, οὐ λούοντες καμόντας, ἀλλὰ ἅμα τε διήνυσαν τὸν προκείμενον δρόμον, καὶ ἀποβάντες νέμεσθαι ἱᾶσι. καὶ λεπτοὶ μὲν καὶ αὐχμώδεις οἱ Λίβυες, ἐπὶ τοιούτων δὲ καὶ ἵππων ὀχοῦνται. σοβαροὶ δὲ Μῆδοι καὶ ἁβροί, καὶ μέντοι καὶ οἱ ἐκείνων ἵπποι. φαίης ἂν αὐτοὺς τρυφᾶν σὺν τοῖς δεσπόταις καὶ τῷ μεγέθει τοῦ σώματος καὶ τῷ κάλλει, ἤδη δὲ καὶ τῇ χλιδῇ καὶ τῇ θεραπείᾳ τῇ ἔξωθεν. ταῦτά τοι καὶ περὶ τῶν κυνῶν ἔπεισι νοεῖν μοι. κύων Κρῆσσα κούφη καὶ ἁλτικὴ καὶ ὀρειβασίαις σύντροφος· καὶ μέντοι καὶ αὐτοὶ Κρῆτες τοιούτους αὑτοὺς παραδεικνύασι, καὶ ᾅδει ἡ φήμη. θυμικώτατος δὲ κυνῶν Μολοσσός, ἐπεὶ θυμωδέστατοι καὶ οἱ ἄνδρες. ἀνὴρ δὲ Καρμάνιος καὶ κύων ἀμφότεροι ἀγριωτάτω καὶ μειλιχθῆναι ἀτέγκτω, φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="3"> 
+<p> ἴδια δὲ ἄρα φύσεως ζῴων καὶ ταῦτα ἦν. ὗν <pb xml:id="p.61"/> οὔτε ἄγριον οὔτε ἥμερον ἐν Ἰνδοῖς γίνεσθαι λέγει Κτησίας, πρόβατα δὲ τὰ ἐκείνων οὐρὰς πήχεως ἔχειν τὸ πλάτος πού φησιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="4"> 
+<p>οἱ μύρμηκες οἱ Ἰνδικοὶ οἱ τὸν χρυσὸν φυλάττοντες </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="5"> 
+<p>οὐκ ἂν διέλθοιεν τὸν καλούμενον Καμπύλινον ποταμόν. Ἰσσηδόνες δὲ τούτοις συνοικοῦντες τοῖς μύρμηξι καλοῦνταί τε καί εἰσιν. φαγοῦσα ὄφεως χελώνη καὶ ἐπιτραγοῦσα ὀριγάνου ἐξάντης γίνεται τοῦ κακοῦ, ὃ πάντως αὐτὴν ἀνελεῖν ἔμελλεν. περιστερὰν δὲ ὀρνίθων σωφρονεστάτην καὶ κεκολασμένην ἐς ἀφροδίτην μάλιστα ἀκούω λεγόντων· οὐ γάρ ποτε ἀλλήλων διασπῶνται, οὔτε ἡ θήλεια, ἐὰν μὴ ἀφαιρεθῇ τύχῃ τινὶ τοῦ συννόμου, οὔτε ὁ ἄρρην, ἐὰν μὴ χῆρος γένηται. πέρδικες δὲ ἀκράτορές εἰσιν ἀφροδίτης· οὐκοῦν τὰ ᾠὰ τὰ γεννώμενα ἀφανίζουσιν, ἵνα μὴ ἄγωσιν αἱ θήλειαι παιδοτροφοῦσαι τῆς πρὸς αὐτοὺς ὁμιλίας ἀσχολίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="6"> 
+<p>λύκοι ποταμὸν διανέοντες, ὑπὲρ τοῦ μὴ πρὸς βίαν ἐκ τῆς τοῦ ῥεύματος ἐμβολῆς ἀνατρέπεσθαι ἕρμα ἴδιον αὐτοῖς ἡ φύσις συμπλάσασα ἐδιδάξατο σωτηρίαν ἐξ ἀπόρων καὶ μάλα εὔπορον. τὰς οὐρὰς τὰς ἀλλήλων ἐνδακόντες, εἶτα ἀντιπίπτουσι τῷ ῥεύματι, καὶ ἀλύπως διενήξαντο καὶ ἀσφαλῶς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="7"> 
+<p>ὄνοις θηλείαις βρώμησιν ἡ φύσις οὐκ ἔνειμε, φασί. κύνας δὲ ἀφώνους ἀποφαίνειν ταῖς ὑαίναις ἡ αὐτὴ παρέσχεν. εὐωδία δὲ καὶ μύρον γυψὶν αἴτια θανάτου. κύκνων δὲ κώνειον ὄλεθρος. κάμηλον δὲ ὡς δέδοικεν ἵππος ἔγνω Κῦρός τε καὶ Κροῖσος, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="8"> 
+<p>τὰ βρέφη τὰ τῶν ἵππων ὅταν αἱ μητέρες καταλίπωσι <pb xml:id="p.62"/> πρὸ τῆς ἐκείνων ἐκθρέψεως οἷον ὀρφανά, ἐκτρέφουσι μετὰ τῶν οἰκείων παιδίων οἰκτείρουσαι αἱ ἄλλαι αὐτά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="9"> 
+<p> κορῶναι ἀλλήλαις εἰσὶ πιστόταται, καὶ ὅταν ἐς κοινωνίαν συνέλθωσι, πάνυ σφόδρα ἀγαπῶσι σφᾶς, καὶ οὐκ ἂν ἴδοι τις μιγνύμενα ταῦτα τὰ ζῷα ἀνέδην καὶ ὡς ἔτυχεν. λέγουσι δὲ οἱ τὰ ὑπὲρ τούτων ἀκριβοῦντες ὅτι ἂν ἀποθάνῃ τὸ ἕτερον, τὸ λοιπὸν χηρεύει. ἀκούω δὲ τοὺς πάλαι καὶ ἐν τοῖς γάμοις μετὰ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="10"> 
+<p> τὸν ὑμέναιον τὴν κορώνην ᾅδειν, σύνθημα ὁμονοίας τοῦτο τοῖς συνιοῦσιν ἐπὶ παιδοποιίᾳ διδόντας. οἱ δὲ ἕδρας ὀρνίθων καὶ πτήσεις παραφυλάττοντες οὐκ εὐσύμβολον ὀττεύουσιν εἶναί φασιν ὑπακοῦσαι κορώνη μία. ἐπεὶ δὲ ἡ γλαῦξ ἐστιν αὐτῇ πολέμιον, καὶ νύκτωρ ἐπιβουλεύει τοῖς ᾠοῖς τῆς κορώνης, ἣ δὲ μεθʼ ἡμέραν ἐκείνην ταὐτὸ δρᾷ τοῦτο, εἰδυῖα ἔχειν τὴν ὄψιν τηνικαῦτα τὴν γλαῦκα ἀσθενῆ. ἐχῖνον τὸν χερσαῖον οὐκ ἄσοφον οὐδʼ ἀμαθῆ ταμιείας τῆς ἐς τὴν χρείαν ἡ φύσις ἐποίησεν. ἐπεὶ γὰρ δεῖται τροφῆς διετησίου, τὰ δὲ ὡραῖα οὐ πᾶσα ὥρα δίδωσιν, ἑαυτὸν ἐν ταῖς τρασιαῖς κυλίει, φασί, καὶ τῶν ἰσχάδων τὰς περιπαρείσας, αἳ πολλαὶ ἐμπήγνυνται ταῖς ἀκάνθαις, ἡσυχῆ κομίζει καὶ ἀποθησαυρίσας φυλάττει, καὶ ἔχει λαβεῖν ἐκ τοῦ φωλεοῦ, ὅτε πορίσαι οὐχ οἷόν τε ἔξωθέν ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="11"> 
+<p> ἤδη μέντοι καὶ τῶν ζῴων τὰ ἀγριώτατα πρὸς τὰ ὀνῆσαι δυνάμενα εἰρηναῖα καὶ ἔνσπονδά ἐστι, τῆς συμφυοῦς κακίας ἐς τὴν χρείαν παραλυθέντα. ὁ γοῦν κροκόδειλος νήχεταί τε ἅμα καὶ κέχηνεν. ἐμπίπτουσιν οὖν αἱ βδέλλαι ἐς αὐτὸν καὶ λυποῦσιν. ὅπερ εἰδὼς ἰατροῦ δεῖται τοῦ τροχίλου· πλήρης γὰρ αὐτῶν γενόμενος, ἐπὶ τὴν ὄχθην προελθὼν κατὰ τῆς ἀκτῖνος <pb xml:id="p.63"/> κέχηνεν. ὁ τοίνυν τροχίλος ἐμβαλὼν τὸ ῥάμφος ἐξάγει τὰς προειρημένας, καρτερεῖ δὲ ὠφελούμενος ὁ κροκόδειλος καὶ ἀτρεμεῖ. καὶ ὃ μὲν ἔχει δεῖπνον τὰς βδέλλας, ὃ δὲ ὀνίναται, καὶ τὸ μηδὲν ἀδικῆσαι τὸν τροχίλον λογίζεταί οἱ μισθόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="12"> 
+<p>κολοιοὺς δὲ εὐεργέτας νομίζουσι καὶ Θετταλοὶ καὶ Ἰλλυριοὶ καὶ Λήμνιοι, καὶ δημοσίας γε αὐτοῖς τροφὰς ἐψηφίσαντο, ἐπεὶ τῶν ἀκρίδων, αἳ λυμαίνονται τοὺς καρποὺς τοῖς προειρημένοις, τὰ ᾠὰ ἀφανίζουσί τε οἱ κολοιοὶ καὶ διαφθείρουσι τὴν ἐπιγονὴν αὐτοῖς. μειοῦται δὴ κατὰ πολὺ τὰ τῶν ἀκρίδων νέφη, καὶ τοῖς προειρημένοις μένει τὰ ὡραῖα ἀσινῆ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="13"> 
+<p>αἱ γέρανοι γίνονται μὲν ἐν Θρᾴκῃ, ἣ δὲ χειμεριώτατον χωρίων ἐστὶ καὶ κρυμωδέστατον ὧν ἀκούω. οὐκοῦν φιλοῦσι τὴν χώραν ἐν ᾗ γεγόνασι, φιλοῦσι δὲ καὶ ἑαυτάς, καὶ νέμουσι τὸ μέν τι τοῖς ἤθεσι τοῖς πατρῴοις, τὸ δέ τι τῇ σφῶν αὐτῶν σωτηρίᾳ. τοῦ μὲν γὰρ θέρους κατὰ χώραν μένουσι, φθινοπώρου δὲ ἤδη μεσοῦντος ἐς Αἴγυπτόν τε καὶ Λιβύην ἀπαίρουσι καὶ Αἰθιοπίαν, ὥσπερ οὖν γῆς περίοδον εἰδυῖαι καὶ φύσεις ἀέρων καὶ ὡρῶν διαφοράς. καὶ χειμῶνα ἠρινὸν διαγαγοῦσαι, πάλιν ὅταν ὑπεύδια ἄρξηται καὶ εἰρηναῖα τὰ τοῦ ἀέρος, ὑποστρέφουσιν ὀπίσω. ποιοῦνται δὲ ἡγεμόνας τῆς πτήσεως τὰς ἤδη τῆς ὁδοῦ πεπειραμένας· εἶεν δʼ ἂν ὡς τὸ εἰκὸς αἱ πρεσβύτεραι. καὶ οὐραγεῖν δὲ τὰς τηλικαύτας ἀποκρίνουσι· μέσαι δὲ αὐτῶν αἱ νέαι τετάχαται. φυλάξασαι δὲ ἄνεμον οὖρον καὶ φίλον σφίσι καὶ κατόπιν ῥέοντα, χρώμεναί οἱ πομπῷ καὶ ἐπωθοῦντι ἐς τὸ πρόσω, εἶτα μέντοι τρίγωνον ὀξυγώνιον τὸ σχῆμα τῆς πτήσεως ἀποφήνασαι, ἵνα ἐμπίπτουσαι τῷ ἀέρι διακόπτωσιν αὐτὸν ῥᾷστα, τῆς πορείας ἔχονται. οὕτω <pb xml:id="p.64"/> μὲν δὴ θερίζουσί τε καὶ χειμάζουσι γέρανοι· σοφίαν δὲ ἥγηνται ἄνθρωποι θαυμαστὴν τοῦ Περσῶν βασιλέως ἐς ἐπιστήμην ἀέρων κράσεως, Σοῦσα καὶ Ἐκβάτανα ᾅδοντες καὶ τὰς δεῦρο καὶ ἐκεῖσε τοῦ Πέρσου τεθρυλημένας μεταβάσεις. ὅταν δὲ προσφερόμενον ἀετὸν αἱ γέρανοι θεάσωνται, γενόμεναι κυκλόσε καὶ κολπωσάμεναι ἀπειλοῦσιν ὡς ἀντιταξόμεναι· ὃ δὲ κρούεται τὸ πτερόν. ἀλλήλων δὲ τοῖς πυγαίοις ἐπερείδουσαι τὰ ῥάμφη, εἶτα μέντοι τρόπον τινὰ τὴν πτῆσιν συνδέουσι, καὶ τὸν κάματον σφίσιν εὐκάματον ἀποφαίνουσι, πεφεισμένως ἀναπαυόμεναι ἐς ἀλλήλας αἱ αὐταί. ἐν δὲ γῇ μηκίστῃ πηγῆς ὅταν τύχωσιν, ἀναπαύονται νύκτωρ καὶ καθεύδουσι, τρεῖς δὲ ἢ τέσσαρες προφυλάττουσι τῶν λοιπῶν καὶ ὑπὲρ τοῦ μὴ κατακοιμίσαι τὴν φυλακὴν ἑστᾶσι μὲν ἀσκωλιάζουσαι, τῷ γε μὴν μετεώρῳ ποδὶ λίθον κατέχουσι τοῖς ὄνυξι μάλα ἐγκρατῶς τε καὶ εὐλαβῶς, ἵνα ἐάν ποτε λάθωσιν ἑαυτὰς ἐς ὕπνον ὑπολισθάνουσαι, πεσὼν καὶ ὑποκτυπήσας ὁ λίθος ἀποδαρθάνειν καταναγκάσῃ. γέρανος δὲ λίθον ὅνπερ οὖν καταπίνει ὑπὲρ τοῦ ἔχειν ἕρμα, χρυσοῦ βάσανός ἐστιν, ὅταν οἷον ὁρμισαμένη καὶ καταχθεῖσα εἶτα μέντοι ἀνεμέσῃ αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="14"> 
+<p> κυβερνήτης ἰδὼν ἐν πελάγει μέσῳ γεράνους ὑποστρεφούσας καὶ τὴν ἔμπαλιν πετομένας, συνεῖδεν ἐναντίου προσβολῇ πνεύματος ἐκείνας ἀποστῆναι τοῦ πρόσω· καὶ τῶν ὀρνέων ὡς ἂν εἴποις μαθητὴς γενόμενος παλίμπλους ἦλθε, καὶ τὴν ναῦν περιέσωσε. καὶ τοῦτο πρῶτον γενόμενον μάθημά τε ὁμοῦ καὶ παίδευμα ὑπὸ τῶνδε τῶν ὀρνίθων τοῖς ἀνθρώποις παρεδόθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="15"> 
+<p> περιστεραὶ ἐν μὲν ταῖς πόλεσι τοῖς ἀνθρώποις <pb xml:id="p.65"/> συναγελάζονται, καί εἰσι πραόταται, καὶ εἰλοῦνται περὶ τοῖς ποσίν, ἐν δὲ τοῖς ἐρήμοις χωρίοις ἀποδιδράσκουσι, καὶ τοὺς ἀνθρώπους οὐχ ὑπομένουσι. θαρροῦσι μὲν γὰρ τοῖς πλήθεσι, καὶ ὅτι μηδὲν πείσονται δυσχερὲς ἴσασι κάλλιστα. ὅπου δὲ ὀρνιθοθῆραι καὶ δίκτυα καὶ ἐπιβουλαὶ κατʼ αὐτῶν, ἄτρεστα οἰκοῦσιν οὐκέτι, ἵνα εἴπω τὸ ἐπʼ αὐτῶν ἐκείνων λεχθὲν Εὐριπίδῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="16"> 
+<p>ὅταν μέλλωσι πέρδικες πρὸς τῷ τίκτειν εἶναι, παρασκευάζουσιν ἑαυτοῖς ἔκ τινων καρφῶν τὴν καλουμένην ἅλω. πλέγμα δέ ἐστι κοῖλον καὶ ἐγκαθίσαι μάλα ἐπιτήδειον. καὶ κόνιν ἐγχέαντες, καὶ μαλακήν τινα οἱονεὶ κοίτην ἐργασάμενοι, καὶ ἐνδύντες, εἶτα ἐπηλυγάσαντες ἑαυτοὺς ἄνωθεν κάρφεσιν ὑπὲρ τοῦ καὶ τοὺς ὄρνιθας λαθεῖν τοὺς ἁρπακτικοὺς καὶ τῶν ἀνθρώπων τοὺς θηρευτάς, κατὰ πολλὴν τὴν εἰρήνην ἀποτίκτουσιν· εἶτα τὰ ᾠὰ οὐ πιστεύουσι τῇ χώρᾳ τῇ αὐτῇ, ἀλλʼ ἑτέρᾳ, οἱονεὶ μετοικιζόμενοι· δεδοίκασι γὰρ μή ποτε ἄρα φωραθῶσιν. νεοττεύοντες δὲ τοὺς νεοττοὺς ὄντας ἁπαλοὺς ὑποθάλπουσι καὶ τοῖς ἑαυτῶν πτεροῖς ἀλεαίνουσιν, οἱονεὶ σπαργάνοις τοῖς πτίλοις περιαμπέχοντες· οὐ λούουσι δὲ αὐτούς, ἀλλὰ κονίοντες ἐργάζονται φαιδροτέρους. ἐὰν δὲ πέρδιξ ἴδῃ τινὰ προσιόντα καὶ ἐπιβουλεύοντα καὶ αὐτῷ καὶ τοῖς βρέφεσιν, ἐνταῦθα αὐτὸς μὲν ἑαυτὸν πρὸ τῶν ποδῶν κυλίει τῶν τοῦ θηρατοῦ, καὶ ἐνδίδωσιν ἐλπίδα τοῦ δύνασθαι συλλαβεῖν εἰλούμενον. καὶ ὃ μὲν ἐπικύπτει ἐς τὴν ἄγραν, ὃ δὲ ἐξελίττει ἑαυτόν· καὶ διαδιδράσκει καὶ γίνεται πρὸ ὁδοῦ τὰ βρέφη. ὅπερ οὖν συννοήσας ὁ πέρδιξ, θαρρῶν ἤδη τῆς ἀσχολίας τῆς ματαίας ἀπαλλάττει τὸν ὀρνιθοθήραν ἀναπτάς, καὶ <pb xml:id="p.66"/> ἐᾷ τὸν ἄνδρα κεχηνότα. εἶτα ἐν ἀδείᾳ ἡ μήτηρ γενομένη καὶ ἐν καλῷ στᾶσα τὰ βρέφη καλεῖ. οἳ δὲ αὐτῇ προσπέτονται γνωρίσαντες τὸ φώνημα. πέρδιξ δὲ ὠδῖνα ἀπολύειν μέλλων πειρᾶται λαθεῖν τὸν σύννομον, ἵνα μὴ τὰ ᾠὰ συντρίψῃ· λάγνος γὰρ ὢν οὐκ ἐᾷ τῇ παιδοτροφίᾳ σχολάζειν τὴν μητέρα. οὕτω δέ ἐστιν ἀκόλαστον τὸ τῶν περδίκων γένος. ὅταν αὐτοὺς ἀπολιποῦσαι εἶτα ἐπῳάζωσιν αἱ θήλειαι, οἳ δὲ ἐπίτηδες ἐς ὀργὴν ἀλλήλους ἐξάπτουσι, καὶ παίουσί τε καὶ παίονται πικρότατα· καὶ ὅ γε ἥττηθεὶς ὀχεύεται ὡς ὄρνις, καὶ δρᾷ τοῦτο ἀνέδην ὁ κρατήσας, ἔστʼ ἂν ὑφʼ ἑτέρου καὶ αὐτὸς ἡττηθεὶς εἶτα ἐς τὰς ὁμοίας λαβὰς ἐμπέσῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="17"> 
+<p> λέγει μὲν οὖν Εὐριπίδης δυσώνυμον τὸν φθόνον· οὗτος δὲ ἄρα ἐνοικεῖ καὶ τῶν ζῴων ἔστιν οἷς. ὁ γοῦν γαλεώτης, ὥς φησι Θεόφραστος, ὅταν ἀποδύσηται τὸ γῆρας, ἐπιστραφεὶς εἶτα μέντοι καταπιὼν ἀφανίζει αὐτό· δοκεῖ δὲ ἐπιλήψεως εἶναι τὸ γῆρας τὸ τοῦδε τοῦ ζῴου ἀντίπαλον. οἶδε δὲ καὶ ἔλαφος τὸ δεξιὸν κέρας ἔχων ἐς πολλὰ ἀγαθόν, καὶ μέντοι καὶ κατορύττει τε αὐτὸ καὶ ἀποκρύπτει φθόνῳ τοῦ τοσούτων τινα ἀπολαῦσαι. ἴυγγας δὲ ἐρωτικὰς τῷ πώλῳ συντίκτουσα ἵππος οἶδε· ταῦτά τοι καὶ ἅμα τῷ τεχθῆναι τὸ βρέφος ἣ δὲ τὸ ἐπὶ τῷ μετώπῳ σαρκίον ἀπέτραγεν. ἱππόμανες ἄνθρωποι καλοῦσιν αὐτό. καὶ οἱ γόητες τὰ τοιαῦτά φασιν ὁρμάς τινας ἑλκτικὰς ἐς μίξιν ἀκατάσχετον καὶ οἶστρον ἀφροδίσιον παρέχειν καὶ ἐξάπτειν. οὔκουν τὴν ἵππον ἐθέλειν ἀνθρώπους μεταλαγχάνειν τοῦ γοητεύματος τοῦδε, ὥσπερ οὖν ἀγαθοῦ μεγίστου φθονοῦσαν. οὐ γάρ; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="18"> 
+<p> ἐν τῇ Ἐρυθρᾷ θαλάττῃ ἰχθὺν Λεωνίδης ὁ Βυζάντιος γίνεσθαί φησι, κωβιοῦ τοῦ τελείου μείονα <pb xml:id="p.67"/> οὐδὲ ἕν· ἔχειν δὲ οὔτε ὀφθαλμοὺς αὐτὸν οὔτε στόμα ἐν νόμῳ τῷ τῶν ἰχθύων. προσπέφυκε δέ οἱ βράγχια καὶ σχῆμα κεφαλῆς, ὡς εἰκάσαι, οὐ μὴν ἐκμεμόρφωται εἶδος· κάτω δὲ ἄρα ὑπὸ τῇ γαστρὶ αὐτῷ ἐντέθλασται τύπος κολπώδης ἡσυχῆ, καὶ ἐκπέμπει σμαράγδου χρόαν. τοῦτον οὖν εἶναι καὶ ὀφθαλμόν οἵ φησι καὶ στόμα. ὅστις δὲ αὐτοῦ γεύεται, σὺν τῷ κακῷ τῷ ἑαυτοῦ ἐθήρασεν αὐτόν. καὶ τῆς διαφθορᾶς ὁ τρόπος, ὁ γευσάμενος ᾤδησεν, εἶτα ἡ γαστὴρ κατέρραξε, καὶ ὁ ἄνθρωπος ἀπόλωλε. δίδωσι δὲ καὶ αὐτὸς ἁλοὺς δίκας. πρῶτον μὲν ἔξω τοῦ κύματος γενόμενος οἰδάνει, καὶ εἴ τις αὐτοῦ ψαύσειεν, ὃ δὲ ἔτι καὶ μᾶλλον πίμπραται. καὶ εἴ τις ἐπιμείνειε ψαλάττων, γίνεται πᾶς ὑπὸ σήψεως διαυγέστατος, ὡς ὑδεριῶν· εἶτα τελευτῶν διερράγη. εἰ δὲ αὐτὸν ἐθέλοι τις ἔτι ζῶντα ἐς τὴν θάλατταν μεθεῖναι, ὃ δὲ ἐπινήχεται δίκην κύστεως ἀρθείσης πνεύματι. καί φησιν ὅτι ἐκ τοῦ πάθους φύσαλον ἐκάλουν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="19"> 
+<p>φώκη δέ, ὡς ἀκούω, τὴν πυετίαν τὴν ἑαυτῆς </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="20"> 
+<p>ἐξεμεῖ, ἵνα μὴ τοῖς ἐπιλήπτοις ᾖ ἰᾶσθαι. βάσκανον δὴ τὸ ζῷον ἡ φώκη, ναὶ μὰ τόν. οἱ πελεκᾶνες οἱ ἐν τοῖς ποταμοῖς τὰς κόγχας περιχαίνοντες εἶτα καταπίνουσιν, ἔνδον δὲ καὶ ἐν τῷ μυχῷ τῆς γαστρὸς ὑποθάλψαντες ἀνεμοῦσι, καὶ τὰ μὲν ὀστράκια ἐκ τῆς ἀλέας διέστη, ὥσπερ οὖν τὰ τῶν ἑφθῶν, οἳ δὲ ἐξορύττουσι τὰ κρέα, καὶ ἔχουσι δεῖπνον. καὶ μέντοι καὶ οἱ λάροι, ὡς Εὔδημός φησι, τοὺς κοχλίας μετεωρίζοντες καὶ ὑψοῦ αἴροντες ταῖς πέτραις βιαιότατα προσαράττουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="21"> 
+<p>λέγει Εὔδημος, ἐν Παγγαίῳ τῷ Θρᾳκίῳ κοίτῃ λέοντος ἐρήμῳ φυλακῆς ἐπιστᾶσαν ἄρκτον τοὺς σκύμνους τοῦ λέοντος διαφθεῖραι διὰ τὸ μικρούς τε εἶναι <pb xml:id="p.68"/> ἔτι καὶ ἀμῦναι σφίσιν ἀδυνάτους. ἐπεὶ δὲ ἀφίκοντο ἔκ τινος ἄγρας ὅ τε πατὴρ καὶ ἡ μήτηρ, καὶ εἶδον τοὺς παῖδας ἐν ταῖς φοναῖς, οἷα εἰκὸς ἤλγουν, καὶ ἐπὶ τὴν ἄρκτον ἵεντο· ἣ δὲ δείσασα εἴς τι δένδρον ᾗ ποδῶν εἶχεν ἀνέθει, καὶ καθῆστο τὴν ἐπιβουλὴν τὴν ἐξ ἐκείνων ἐκκλῖναι πειρωμένη. ὡς δὲ ἐδόκουν τοῦ τιμωρήσασθαι τὸν λυμεῶνα ἥκειν δεῦρο, ἐνταῦθα ἡ μὲν λέαινα οὐ λείπει τὴν φυλακήν, ἀλλʼ ὑπὸ τῷ πρέμνῳ καθῆστο ἐλλοχῶσα καὶ ὕφαιμον ἄνω βλέπουσα, ὁ δὲ λέων, οἷα ἀδημονῶν καὶ ἀλύων ὑπὸ τοῦ ἄχους, ἐν τοῖς ὄρεσιν ἠλᾶτο, καὶ ἀνδρὶ ὑλουργῷ περιτυγχάνει· ὃ δὲ ἔδεισε καὶ ἀφίησι τὸν πέλεκυν, τὸ δὲ θηρίον ὁ λέων ἔσαινέ τε καὶ ἑαυτὸν ἀνατείνας ἠσπάζετο, ὡς οἷός τε ἦν, καὶ τῇ γλώττῃ τὸ πρόσωπον ἐφαίδρυνεν αὐτῷ. καὶ ἐκεῖνος ὑπεθάρρησεν, ὅ τε λέων περιβαλών οἱ τὴν οὐρὰν ἦγεν αὐτόν, καὶ ἀφέντα τὸν πέλεκυν οὐκ εἴα, ἀλλὰ ἐσήμαινε τῷ ποδὶ ἀνελέσθαι. ὡς δὲ οὐ συνίει, ὃ δὲ τῷ στόματι ἐλάβετο, καὶ ὤρεξέν οἱ, καὶ εἵπετο ἐκεῖνος, ἄγει τε αὐτὸν ἐπὶ τὸ αὔλιον. καὶ ἡ λέαινα ὡς εἶδε, καὶ αὐτὴ προσελθοῦσα ὑπέσαινε, καὶ ἑώρα οἰκτρόν, καὶ ἀνέβλεπε πρὸς τὴν ἄρκτον. συνιδὼν οὖν ὁ ἄνθρωπος καὶ συμβαλὼν ἠδικῆσθαί τι τούτους ἐξ ἐκείνης, ὡς εἶχε ῥώμης τε καὶ χειρῶν, ἐξέκοψε τὸ δένδρον. καὶ τὸ μὲν ἀνετράπη, ἣ δὲ κατηνέχθη· καὶ διεσπάσαντό γε οἱ θῆρες αὐτήν. τὸν δὲ ἄνθρωπον ὁ λέων ἀπαθῆ τε καὶ ἀσινῆ πάλιν ἐπανήγαγεν ἐς τὸν χῶρον, οὗ πρότερον ἐνέτυχεν αὐτῷ, καὶ ἀπέδωκε τῇ ἐξ ἀρχῆς ὑλοτομίᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="22"> 
+<p> Αἰγυπτίων μάχη θηρίων ἀσπίδος καὶ ἰχνεύμονος. καὶ ὁ μὲν ἰχνεύμων οὐκ ἀβούλως οὐδὲ ἐκπλήκτως ἐπὶ τὸν ἀγῶνα ἀφικνεῖται τὸν πρὸς τὸν ἀντίπαλον, <pb xml:id="p.69"/> ἀλλʼ ὡς ἀνὴρ πανοπλίᾳ φραξάμενος, οὕτως ἐκεῖνος τῷ πηλῷ ἐγκυλίσας ἑαυτὸν καὶ ἀναπλήσας τοῦ περιπαγέντος ἔοικεν ἔχειν ἀρκοῦν πρόβλημα καὶ στεγανόν. εἰ δὲ ἀπορία εἴη πηλοῦ, λούσας ἑαυτὸν ὕδατι καὶ ἐς ἄμμον βαθεῖαν ὑγρὸν ἔτι ἐμβαλών, ἐκ τῆσδε τῆς ἐπινοίας τὸ ἀμυντήριον ἐξ ἀπόρων σπάσας, ἐπὶ τὴν μάχην ἔρχεται. τῆς τε ῥινὸς τὸ ἄκρον ἐγχρίσει τῇ τῆς ἀσπίδος τρόπον τινὰ ἐκκείμενον φρουρεῖ τὴν οὐρὰν ἀνακλάσας καὶ ἀποφράξας διʼ αὐτῆς αὐτό. καὶ ἐὰν μὲν ἡ ἀσπὶς τούτου τύχῃ, τὸν ἀνταγωνιστὴν καθεῖλεν· εἰ δὲ μή, μάτην τοὺς ὀδόντας τῷ πηλῷ πονεῖται, πάλιν τε ὁ ἰχνεύμων προσερπύσας ἀδοκήτως καὶ τοῦ τραχήλου λαβόμενος ἀπέπνιξε </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="23"> 
+<p>τὴν ἀσπίδα. νικᾷ δὲ ὁ πρῶτος φθάσας. τρέφειν μὲν τοὺς πατέρας πελαργοὶ γεγηρακότας καὶ ἐθέλουσι καὶ ἐμελέτησαν· κελεύει δὲ αὐτοὺς νόμος ἀνθρωπικὸς οὐδὲ εἷς τοῦτο, ἀλλὰ αἰτία τούτων φύσις. οἱ αὐτοὶ δὲ καὶ τὰ ἑαυτῶν ἔκγονα φιλοῦσι· καὶ τὸ μαρτύριον, ὅταν ὁ τέλειος ἐνδεὴς ᾖ τροφῆς ἀπτῆσιν ἔτι καὶ ἁπαλοῖς τοῖς νεοττοῖς ἐν τῇ καλιᾷ παραθεῖναι, γενομένης αὐτῷ κατὰ τύχην ἀπορίας, ὃ δὲ τὴν ἑαυτοῦ χθιζὴν ἀνεμέσας ἐκείνους τρέφει. καὶ τοὺς ἐρωδιοὺς ἀκούω ποιεῖν ταὐτόν, καὶ τοὺς πελεκᾶνας μέντοι. προσακούω δὲ τοὺς πελαργοὺς καὶ αὐτοὺς συμφεύγειν ταῖς γεράνοις καὶ συναποδιδράσκειν τὸν χειμῶνα· τῆς ὥρας δὲ τῆς κρυμώδους διελθούσης, ὅταν ὑποστρέψωσιν ἐς τὰ ἴδια καὶ οἵδε καὶ αἵδε, τὴν ἑαυτῶν ἕκαστος καλιὰν ἀναγνωρίζουσιν, ὡς τὴν οἰκίαν ἄνθρωποι. Ἀλέξανδρος δὲ ὁ Μύνδιός φησιν, ὅταν ἐς γῆρας ἀφίκωνται, παρελθόντας αὐτοὺς ἐς τὰς Ὠκεανίτιδας νήσους ἀμείβειν τὰ εἴδη ἐς ἀνθρώπου μορφήν, καὶ <pb xml:id="p.70"/> εὐσεβείας γε τῆς ἐς τοὺς γειναμένους ἆθλον τοῦτο ἴσχειν, ἄλλως τε, εἴ τι ἐγὼ νοῶ, καὶ ὑποθέσθαι τῶν θεῶν βουλομένων τοῦτο γοῦν τῶν ἀνθρώπων τῶν ἐκεῖθι τὸ γένος εὐσεβὲς καὶ ὅσιον, ἐπεὶ οὐχ οἷόν τε ἦν ἐν τῇ ἄλλῃ τῇ ὑφʼ ἡλίῳ τοιοῦτον διαβιοῦν. καὶ οὔ μοι δοκεῖ μῦθος εἶναι. ἢ τί καὶ βουλόμενος ὁ Ἀλέξανδρος τοῦτο ἂν ἐτερατεύσατο κερδαίνων μηδὲ ἕν; ἄλλως τε οὐδʼ ἂν ἔπρεπεν ἀνδρὶ συνετῷ πρὸ τῆς ἀληθείας ποιήσασθαι τὸ ψεῦδος, οὐδὲ ἐπὶ κέρδει τῷ μεγίστῳ, μή τι γοῦν ἐς λαβὰς ἐμπεσουμένῳ τὰς ὑπὲρ τῶν τοιούτων ἀκερδεστάτας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="24"> 
+<p> ἡ χελιδὼν ὅτε εὐποροίη πηλοῦ, τοῖς ὄνυξι φέρει καὶ συμπλάττει τὴν καλιάν· εἰ δὲ ἀπορία εἴη, ὡς Ἀριστοτέλης λέγει, ἑαυτὴν βρέχει, καὶ ἐς κόνιν ἐμπεσοῦσα φύρει τὰ πτερά, καὶ τοῦ πηλοῦ περιπαγέντος, ἐντεῦθεν ὑπαποψήχουσα τῷ ῥάμφει τὴν προκειμένην οἰκοδομίαν χειρουργεῖ. ἁπαλά τε ὄντα τὰ νεόττια καὶ τῶν πτίλων γυμνὰ οἶδε καλῶς ἐπὶ ψιλῶν καρφῶν εἰ ἀναπαύοιτο ὅτι κολασθήσεται ἀλγοῦντα. οὐκοῦν ἐπὶ τὰ νῶτα τῶν προβάτων ἱζάνει, καὶ ἀποσπᾷ τοῦ μαλλοῦ, καὶ ἐντεῦθεν τοῖς ἑαυτῆς βρέφεσι τὸ λέχος μαλακὸν ἔστρωσεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="25"> 
+<p> δικαίους ἡ μήτηρ ἡ χελιδὼν τοὺς ἑαυτῆς νεοττοὺς ἐργάζεται, τὸ ἰσότιμον αὐτοῖς διὰ τῆς τροφῆς τῆς ἴσης φυλάττουσα· μίαν δὲ ἄρα οὐ κομίζει πᾶσιν, ἐπεὶ μηδὲ δύναται· ἀλλὰ μικρὰ μὲν καὶ ὀλίγα ἐστὶν ὅσα ἄγει, τὸν πρῶτον δὲ τεχθέντα πρῶτον τρέφει, δεύτερον δὲ τὸν ἐπʼ ἐκείνῳ, καὶ τρίτον σιτίζει τὸν τῆς τρίτης ὠδῖνος, καὶ μέχρι τοῦ πέμπτου πρόεισι τὸν τρόπον τοῦτον· οὔτε γὰρ κύει χελιδὼν πλείονας οὔτε τίκτει. αὐτὴ δὲ τοσοῦτον κατασπᾷ τῆς τροφῆς, ὅσον ἂν ἐν τῇ καλιᾷ κερδῆναι δυνηθῇ παραρρεῦσαν <pb xml:id="p.71"/> αὐτῇ. βραδέως δὲ ἐκβλέπει τὰ ταύτης βρέφη, ὡς καὶ τὰ τῶν κυνῶν σκυλάκια· πόαν δὲ κομίζει καὶ προσάγει, τὰ δὲ ὑπαναβλέπει, εἶτα ἀτρεμήσαντα ὀλίγον ἐκπετήσιμα ὄντα πρόεισι τῆς καλιᾶς ἐπὶ τὴν νομήν. ταύτης τῆς πόας ἄνθρωποι γενέσθαι ἐγκρατεῖς διψῶσι, καὶ οὐδέπω τῆς σπουδῆς κατέτυχον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="26"> 
+<p>οἱ ἔποπές εἰσιν ὀρνίθων ἀπηνέστατοι, καί μοι δοκοῦσι τῶν προτέρων τῶν ἀνθρωπικῶν ἐν μνήμῃ καὶ μέντοι καὶ μίσει τοῦ γένους τοῦ τῶν γυναικῶν ὑποπλέκειν τὰς καλιὰς ἐν ταῖς ἐρήμοις καὶ τοῖς πάγοις τοῖς ὑψηλοῖς· καὶ ὑπὲρ τοῦ μὴ προσιέναι τοὺς ἀνθρώπους αὐτῶν τοῖς βρέφεσιν οἳ δὲ ἀντὶ τοῦ πηλοῦ χρίουσι τὰς καλιάς, ἀποπάτημα ἀνθρώπου περιβαλόντες, τῇ δυσωδίᾳ τε καὶ κακοσμίᾳ ἀνείργοντες καὶ ἀναστέλλοντες τὸ ζῷον τὸ ἑαυτοῖς πολέμιον. ἔτυχε δὲ καὶ ἐν τῷ τείχους ἐρημοτέρῳ ὅδε ὁ ὄρνις παιδοποιησάμενος ἔν τινι ῥήγματι λίθου ὑπὸ τοῦ χρόνου διαστάντι. οὐκοῦν ὁ τοῦ τείχους μελεδωνὸς ἰδὼν ἔνδον τὰ βρέφη κατήλειψε τὸν χηραμὸν τῷ πηλῷ. καὶ ὑποστρέψας ὁ ἔποψ, ὡς εἶδεν αὑτὸν ἀποκλεισθέντα, πόαν ἐκόμισε, καὶ προσήνεγκε τῷ πηλῷ· ὃ δὲ κατερρύη, καὶ προσῆλθε πρὸς τὰ αὑτοῦ ἐκεῖνος τέκνα, εἶτα ἐπὶ τὴν νομὴν ἦξεν. αὖθις οὖν ὁ αὐτὸς ἐπήλειψεν ἄνθρωπος, καὶ ὁ ὄρνις τῇ αὐτῇ πόᾳ ἀνέῳξε τὸν χηραμόν· καὶ τὸ τρίτον ἐπράχθη τὰ αὐτά. ὁ τοίνυν τοῦ τείχους φύλαξ ἰδὼν τὸ πραττόμενον, τὴν πόαν ἀνελόμενος ἐχρῆτο οὐκ ἐς τὰ αὐτά, ἀλλʼ ἀνέῳγεν μηδέν οἱ προσήκοντας θησαυρούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="27"> 
+<p>ἡ Πελοπόννησος λεόντων ἄγονός ἐστι· καὶ οἷα εἰκὸς Ὅμηρος πεπαιδευμένῃ φρενὶ συνιδὼν τοῦτο <pb xml:id="p.72"/> τὴν Ἄρτεμιν ἐκεῖθι θηρῶσαν ᾅδων εἶπεν ὅτι ἄρα ἔπεισι τόν τε Ταΰγετον καὶ τὸν Ἐρύμανθον <quote rend="blockquote"> <lb/>τερπομένη κάπροισι καὶ ὠκείῃς ἐλάφοισιν. </quote> ἐπεὶ δὲ ἔρημα λεόντων τάδε τὰ ὄρη, καὶ μάλα γε εἰκότως οὐκ ἐμνήσθη αὐτῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="28"> 
+<p> γίνεται δὲ ἐν τῇ Ἐρυθρᾷ θαλάττῃ ἰχθύς, καὶ ὅσα γε εἰδέναι ἐμέ, ἔθεντο Περσέα οἱ ἐπιχώριοι ὄνομα αὐτῷ. καὶ οἱ μὲν Ἕλληνες αὐτὸν οὕτω, καλοῦσι δὲ καὶ Ἄραβες ὁμοίως τοῖς Ἕλλησι· Διὸς γὰρ υἱὸν καὶ ἐκεῖνοι ᾅδουσι τὸν Περσέα, καὶ ἀπʼ αὐτοῦ γε τὸν ἰχθὺν ὑμνοῦσι λέγεσθαι. μέγεθος μὲν οὖν ἐστι κατὰ τὸν ἀνθίαν τὸν μέγιστον, ἰδεῖν δὲ ὅμοιος λάβρακι· γρυπός γε μὴν ἡσυχῆ οὕτω, καὶ ζώναις πεποίκιλται χρυσῷ προσεικασμέναις· ἄρχονται δὲ ἀπὸ τῆς κεφαλῆς ἐπικάρσιοι αἱ ζῶναι, καὶ ἐς τὴν γαστέρα καταλήγουσι. πέφρακται δὲ ὀδοῦσι μεγάλοις καὶ πυκνοῖς. λέγεται δὲ ἰχθύων περιεῖναι ῥώμῃ τε σώματος καὶ βίᾳ· ἀλλὰ οὐδὲ τόλμης οἱ ἐνδεῖ. θήραν δὲ αὐτοῦ καὶ ἄγραν εἶπον ἀλλαχόθι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="29"> 
+<p> ἡ πίννη θαλάττιον ζῷον, καὶ ἔστι τῶν ὀστρείων. κέχηνε δὲ τῇ διαστάσει τῶν περικειμένων ὀστράκων, καὶ προτείνει σαρκίον ἐξ ἑαυτῆς οἱονεὶ δέλεαρ τοῖς παρανηχομένοις τῶν ἰχθύων. καρκίνος δὲ αὐτῇ παραμένει σύντροφός τε καὶ σύννομος. οὐκοῦν ὅταν τις τῶν ἰχθύων προσνέῃ, ὃ δὲ ὑπένυξεν ἡσυχῆ αὐτήν· καὶ ἡ πίννη μᾶλλον ἀνέῳξεν ἑαυτήν, καὶ ἐδέξατο ἔσω τοῦ ἐπιόντος ἰχθύος τὴν κεφαλὴν ʽκαθίησι γὰρ ὡς ἐπὶ τροφᾖ καὶ ἐσθίει αὐτήν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="30"> 
+<p> ἦν δὲ ἄρα οἰκεῖα τῷ πεπαιδευμένῳ καὶ ταῦτα εἰδέναι. σοφώτατος ὁ κόκκυξ καὶ πλέκειν εὐπόρους ἐξ ἀπόρων μηχανὰς δεινότατος. ἑαυτῷ μὲν γὰρ συνεπίσταται <pb xml:id="p.73"/> ἐπῳάζειν οὐ δυναμένῳ καὶ ἐκλέπειν διὰ ψυχρότητα τῆς ἐν τῷ σώματι συγκράσεως, ὥς φασιν. οὐκοῦν ὅταν τίκτῃ, οὔτε αὐτὸς νεοττιὰν ὑποπλέκει οὔτε τιθηνεῖται τὰ βρέφη, φυλάττει δὲ ἄρα τοὺς τῶν νεοττιῶν δεσπότας ἀφεστῶτας καὶ πλανωμένους, καὶ παρελθὼν ἐς καταγωγὴν ὀθνείαν ἐντίκτει. οὐ πάντων δὲ ὀρνίθων καλιαῖς ἐπιπηδᾷ οὗτός γε, ἀλλὰ κορύδου καὶ φάττης καὶ χλωρίδος καὶ πάππου· τουτοις γὰρ συνεπίσταται ὅμοια αὐτῷ ᾠὰ τίκτουσι. καὶ κενῶν μὲν αὐτῶν οὐσῶν, οὐκ ἂν παρέλθοι· ᾠῶν δὲ ἔνδον ὄντων εἶτα μέντοι τὰ ἑαυτοῦ παρενέμιξεν. ἐὰν δὲ ᾖ πολλὰ τὰ ἐκείνων, τὰ μὲν ἐκκυλίσας ἠφάνισε, τὰ δὲ ἑαυτοῦ κατέλιπε, διαγνωσθῆναί τε καὶ φωραθῆναι διʼ ὁμοιότητα μὴ δυνάμενα. καὶ οἱ μὲν ὄρνιθες οἱ προειρημένοι τὰ μηδὲν σφίσι προσήκοντα ἐκγλύφουσιν, ὑποπηγνύμενα δὲ ἐκεῖνα ἑαυτοῖς συνεγνωκότα τὴν νοθείαν ἐκπέτεταί τε καὶ παρὰ τὸν γεινάμενον στέλλεται· τῶν γὰρ πτερῶν αὐτοῖς περιχυθέντων γνωρίζεται ἀλλότρια ὄντα, καὶ αἰκίζεται πικρότατα. ὁρᾶται δὲ μίαν ὥραν τοῦ ἔτους τὴν ἀρίστην ὁ κόκκυξ· ἦρος γὰρ ὑπαρχομένου καὶ αὐτὸς ἐμφανής ἐστιν ἐς ἀνατολὰς Σειρίου, εἶτα τῆς τῶν πολλῶν ὄψεως ἀνεχώρησεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="31"> 
+<p>ἀλεκτρυόνα φοβεῖται λέων. καὶ βασιλίσκος δὲ τὸν αὐτὸν ὄρνιν, ὥς φασιν, ὀρρωδεῖ, καὶ κατιδὼν τρέμει, καὶ ἀκούων ᾅδοντος σπᾶταί τε καὶ ἀποθνήσκει. ταῦτα ἄρα καὶ οἱ τὴν Λιβύην ὁδοιποροῦντες τὴν τῶν τοιούτων τροφὸν δέει τοῦ προειρημένου βασιλίσκου εἶτα μέντοι συνέμπορον καὶ κοινωνὸν τῆς ὁδοῦ τὸν ἀλεκτρυόνα ἐπάγονται, ὅσπερ οὖν τὸ τηλικοῦτον κακὸν ἀπαλλάξει αὐτοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="32"> 
+<p>ἡ Κρήτη καὶ τοῖς λύκοις καὶ τοῖς ἑρπετοῖς θηρίοις <pb xml:id="p.74"/> ἐχθίστη ἐστίν. ἀκούω δὲ Θεοφράστου λέγοντος καὶ ἐν τῷ Μακεδονικῷ Ὀλύμπῳ τοῖς λύκοις ἄβατα εἶναι. αἶγες δὲ ἄρα αἱ Κεφαλληνίδες οὐ πίνουσι μηνῶν ἕξ. οἶς δὲ Βουδινὰς οὐκ ὄψει λευκάς, ὥς φασι, μελαίνας δὲ πάσας. διαφορότης δὲ ἄρα τῶν ζῴων καὶ ἰδιότης εἴη ἂν καὶ ταύτῃ· τὰ μὲν γὰρ αὐτῶν ἐστι δάκετα καὶ ἐνίησιν ἀπὸ τοῦ ὀδόντος φάρμακον, βλητικὰ δὲ ὅσα παίσαντα εἶτα μέντοι καὶ ἐκεῖνα τὸ τοιοῦτον κακὸν ἐνίησιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="33"> 
+<p> ἡ Λίβυσσα δʼ ἀσπίς, ἀκούω, τὸν πρὸς τὸ φύσημα αὐτῆς ἀντιβλέψαντα τυφλοῖ τὴν ὄψιν· ἡ δὲ ἄλλη οὐ τυφλοῖ μέν, ἀποκτείνει δὲ ῥᾷστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="34"> 
+<p> λέγονται δὲ βόες Ἠπειρωτικαὶ πλεῖστον ὅσον ἀμέλγεσθαι καὶ αἶγες αἱ Σκύριαι γάλα ἀφθονώτατον παρέχειν, ὅσον οὐκ ἄλλαι αἶγες. αἱ δὲ Αἰγύπτιαι ἔστιν αἳ πέντε ἀποτίκτουσι, καὶ αἱ πλεῖσται δίδυμα. λέγεται δὲ αἴτιος ὁ Νεῖλος εἶναι, εὐτεκνότατον παρέχων ὕδωρ. ἔνθεν τοι καὶ τῶν νομέων τοὺς ἄγαν φιλοκάλους καὶ τῆς ποίμνης τῆς σφετέρας ἔχοντας πεφροντισμένως ὕδωρ ἐκ τοῦ Νείλου ταῖς ἑαυτῶν ἀγέλαις ἄγειν μηχανῇ ὅσον δυνατόν ἐστι, καὶ ταῖς γε στερίφαις ἔτι καὶ μᾶλλον. Πτολεμαίῳ τῷ δευτέρῳ φασὶν ἐξ Ἰνδῶν κέρας ἐκομίσθη, καὶ τρεῖς ἀμφορέας ἐχώρησεν. οἷος ἄρα ὁ βοῦς ἦν, ὡς ἐκπεφυκέναι οἱ τηλικοῦτον κέρας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="35"> 
+<p> περδίκων φθέγμα ἓν οὐδέποτʼ ἂν ἀκούσειας ἁπάντων, ἀλλὰ ἔστι διάφορα. καὶ Ἀθήνησί γε οἱ ἐπέκεινα τοῦ Κορυδαλλέων δήμου ἄλλο ἠχοῦσι, καὶ οἱ ἐπίταδε ἄλλο. τίνα δέ ἐστι τοῖς φθέγμασι τὰ ὀνόματα, ἐρεῖ Θεόφραστος. ἐν δὲ τῇ Βοιωτίᾳ καὶ τῇ ἀντιπέρας Εὐβοίᾳ ὁμόφωνοί τέ εἰσι καὶ ὡς ἂν εἴποι τις ὁμόγλωττοι. ἄφωνα δέ ἐστι τὸ παράπαν ἐν Κυρήνῃ <pb xml:id="p.75"/> μὲν οἱ βάτραχοι, ἐν Μακεδονίᾳ δὲ ὗς. καὶ τεττίγων τι γένος, ἄφωνοι καὶ οὗτοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="36"> 
+<p>γένος φαλαγγίου φασὶν εἶναι, καλοῦσι δὲ ῥᾶγα τὸ φαλάγγιον, εἴτε ὅτι μέλαν ἐστὶ καὶ τῷ ὄντι προσέοικε σταφυλῆς ῥαγὶ καί πως ὁρᾶται καὶ περιφερές, εἴτε διʼ αἰτίαν ἑτέραν. γίνεται δὲ ἐν τῇ Λιβύῃ, καὶ ἔχει πόδας μικρούς· στόμα δὲ εἴληχεν ἐν μέσῃ τῇ γαστρί, καὶ ἔστιν ἀποκτεῖναι τάχιστον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="37"> 
+<p>ἐν Σερίφῳ βάτραχοι, τὸ παράπαν οὐκ ἂν αὐτῶν ἀκούσειας φθεγγομένων· εἰ δὲ αὐτοὺς κομίσειας ἀλλαχόθι, διάτορόν τε καὶ τραχύτατον ἠχοῦσιν. ἐν Πιέρῳ δὲ τῆς Θετταλίας λίμνη ἐστίν, οὐκ ἀέναος, ἀλλὰ χειμῶνος ἐκ τῶν συρρεόντων ἐς αὐτὴν ὑδάτων τίκτεται. οὐκοῦν ἐὰν ἐμβάλῃ τις βατράχους ἐς αὐτήν, σιωπῶσιν, ἀλλαχοῦ φθεγγόμενοι. ὑπὲρ δὲ τῶν Σεριφίων βατράχων κομπάζουσι Σερίφιοι ἐλθεῖν ἐκ τοῦ κατὰ τῆς Γοργόνος ἄθλου τὸν Περσέα πολλὴν περιελθόντα γῆν, καὶ οἷα εἰκὸς καμόντα ἀναπαύσασθαι τῆς λίμνης πλησίον καὶ κατακλινῆναι ὕπνου δεόμενον. τοὺς δὲ βατράχους βοᾶν καὶ ἐρεσχελεῖν τὸν ἥρωα καὶ τὸν ὕπνον αὐτῷ διακόπτειν· τὸν Περσέα δὲ εὔξασθαι τῷ πατρὶ τοὺς βατράχους κατασιγάσαι. τὸν δὲ ὑπακοῦσαι καὶ χαριζόμενον τῷ υἱεῖ τῶν ἐκεῖθι βατράχων αἰώνιον σιγὴν καταψηφίσασθαι. λέγει δὲ Θεόφραστος ἐκβάλλων τὸν μῦθον καὶ Σεριφίους τῆς ἀλαζονείας παραλύων τὴν τοῦ ὕδατος ψυχρότητα αἰτίαν εἶναι τῆς ἀφωνίας τῶν προειρημένων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="38"> 
+<p>ἐν τοῖς ὑγροῖς χωρίοις καὶ ἔνθα νοτιώτατος ὁ ἀὴρ ὑπεράγαν, οἱ ἀλεκτρυόνες οὐκ ᾅδουσι, φησὶ Θεόφραστος. ἡ δὲ ἐν Φενεῷ λίμνη ἰχθύων ἄγονός ἐστι. ψυχροὶ δὲ ἄρα ὄντες τὴν σύγκρασιν οἱ τέττιγες <pb xml:id="p.76"/> εἶτα μέντοι πυρούμενοι τῷ ἡλίῳ ᾅδουσιν, ἐκεῖνος λέγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="39"> 
+<p> τολμηρότατος δὲ ἄρα ζῴων ὁ αἰγιθήλας ἦν· τῶν μὲν γὰρ ὀρνίθων ὑπερφρονεῖ τῶν μικρῶν, ἐπιτίθεται δὲ ταῖς αἰξὶ κατὰ τὸ καρτερόν, καὶ μέντοι καὶ τοῖς οὔθασιν αὐτῶν προσπετόμενος εἶτα ἐκμυζᾷ τὸ γάλα, καὶ τὴν τιμωρίαν τὴν ἐκ τοῦ αἰπόλου οὐ δέδοικε, καίτοι πονηρότατον αὐταῖς μισθὸν ὑπὲρ τῆς πλησμονῆς ἀποδιδούς· τυφλοῖ γὰρ τὸν μαστόν, καὶ ἀποσβέννυσι τὴν ἐκεῖθεν ἐπιρροήν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="40"> 
+<p> Μητροδίδακτον μὲν τὸν τῆς Ἀρήτης υἱὸν τὸν τῆς ἀδελφῆς τῆς Ἀριστίππου ὑμνοῦσιν οἱ πολλοί· λέγει δὲ Ἀριστοτέλης ἰδεῖν αὐτὸς τὰ νεόττια τῆς ἀηδόνος ὑπὸ τῆς μητρὸς διδασκόμενα ᾅδειν. ἦν δὲ ἄρα ὀρνίθων ἡ ἀηδὼν ἐλευθερίας ἐράστρια ἰσχυρῶς, καὶ διὰ ταῦτα ἡ ἐντελὴς τὴν ἡλικίαν ὅταν θηραθῇ καὶ καθειργμένη ᾖ ἐν οἰκίσκῳ, ᾠδῆς ἀπέχεται, καὶ ἀμύνεται τὸν ὀρνιθοθήραν ὑπὲρ τῆς δουλείας τῇ σιωπῇ. οὗπερ οὖν οἱ ἄνθρωποι πεπειραμένοι, τὰς μὲν ἤδη πρεσβυτέρας μεθιᾶσι, σπουδάζουσι δὲ θηρᾶν τὰ νεόττια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="41"> 
+<p> ἵππους μονόκερως γῆ Ἰνδικὴ τίκτει, φασί, καὶ ὄνους μονόκερως ἡ αὐτὴ τρέφει, καὶ γίνεταί γε ἐκ τῶν κεράτων τῶνδε ἐκπώματα. καὶ εἴ τις ἐς αὐτὰ ἐμβάλοι φάρμακον θανατηφόρον, ὁ πιών, οὐδὲν ἐπιβουλὴ λυπήσει αὐτόν· ἔοικε γὰρ ἀμυντήριον τοῦ κακοῦ τὸ κέρας καὶ τοῦ ἵππου καὶ τοῦ ὄνου εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="42"> 
+<p> ὁ πορφυρίων ὡραιότατός τε ἅμα καὶ φερωνυμώτατός ἐστι ζῴων, καὶ χαίρει κονιόμενος, ἤδη δὲ καὶ λοῦται τὸ τῶν περιστερῶν λουτρόν· οὐ πρότερον δὲ ἑαυτὸν ἐπιδίδωσι ταῖς κονίστραις καὶ τοῖς λουτροῖς, πρὶν ἂν βαδίσῃ τινὰ ἀριθμὸν βαδίσεων ἀρκοῦντά <pb xml:id="p.77"/> οἱ. σιτούμενος δὲ ἐπὶ μαρτύρων ἄχθεται, καὶ διὰ ταῦτα ἀναχωρεῖ, καὶ ὑπολανθάνων ἐσθίει. ζηλότυπος δέ ἐστιν ἰσχυρῶς, καὶ τὰς ὑπάνδρους τῶν γυναικῶν παραφυλάττει, καὶ ἐὰν καταγνῷ μοιχεύεσθαι τῆς οἰκίας τὴν δέσποιναν, ἀπάγχει ἑαυτόν. οὐ πέτεται δὲ ὑψηλός. χαίρουσί γε μὴν οἱ ἄνθρωποι αὐτῷ, καὶ τρέφουσι πεφεισμένως καὶ προμηθῶς αὐτόν. καὶ ἔοικεν ἢ σοβαρᾶς οἰκίας καὶ μέγα πλουσίας ἄθυρμα εἶναι, ἢ ὑποδέχεται νεὼς αὐτόν, καὶ ἄφετος ἀλᾶται εἴσω περιβόλου. τὸν ταὼν μὲν οὖν ὡραῖον ὄντα καὶ καταθύουσι καὶ σιτοῦνται οἱ ἄσωτοι· τοῦ γὰρ ὄρνιθος τὰ μὲν πτερὰ κόσμος ἐστί, τὸ δὲ σῶμα ἤ τι ἢ οὐδέν. πορφυρίωνα δὲ οὐκ οἶδα καταθύσαντα οὐδένα ἐπὶ δείπνῳ, οὐ Καλλίαν οὐ Κτήσιππον τοὺς Ἀθηναίους, οὐ Λεύκολλον οὐχ Ὁρτήσιον τοὺς Ῥωμαίους· εἶπον δὲ ὀλίγους ἐκ πολλῶν ἀσώτους καὶ ἀκρατεστάτους τῇ τε ἄλλῃ καὶ μέντοι καὶ περὶ γαστέρα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="43"> 
+<p>ὁ κόραξ ὁ ἤδη γέρων ὅταν μὴ δύνηται τρέφειν τοὺς νεοττούς, ἑαυτὸν αὐτοῖς προτείνει τροφήν· οἳ δὲ ἐσθίουσι τὸν πατέρα. καὶ τὴν παροιμίαν ἐντεῦθέν φασι τὴν γένεσιν λαβεῖν τὴν λέγουσαν ʽκακοῦ κόρακος κακὸν ᾠόν.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="44"> 
+<p>σωφρονέσταται ὀρνίθων αἱ φάτται ᾅδονται. ὁ γοῦν ἄρρην καὶ ὁ θῆλυς συνδυασθέντες καὶ οἱονεὶ συμπνεύσαντες ἐς γάμον ἀλλήλων ἔχονται καὶ σωφρονοῦσι, καὶ οὐκ ἂν ὀθνείου λέχους οὐδέτερος ἅψαιτο τῶν ὀρνίθων τῶνδε. ἐὰν δὲ ἐποφθαλμιάσωσιν ἑτέροις, περιέρχονται αὐτοὺς οἱ λοιποί, καὶ τὸν μὲν ἄρρενα οἱ ὁμογενεῖς διασπῶσιν, αἱ θήλειαι δὲ τὸν θῆλυν. οὗτος ἄρα ὁ τῆς σωφροσύνης νόμος καὶ ἐς τὰς τρυγόνας ἀφικνεῖται καὶ ἄτρεπτος μένει, πλὴν <pb xml:id="p.78"/> τοῦ μὴ θανατοῦσθαι ἑκάτερον τὸν ὄρνιν· ἐπεὶ τὸν μὲν ἄρρενα ἀναιροῦσι, τὸν δὲ θῆλυν ᾤκτειραν καὶ εἴασαν ἀπαθῆ, καὶ περίεισι χῆρος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="45"> 
+<p> Ἀριστοτέλης λέγει τῶν περιστερῶν τοὺς ἄρρενας ταῖς θηλείαις ταῖς τικτούσαις συνωδίνειν καὶ ἀλωμένας τῆς καλιᾶς ἔξω συνωθεῖν τε καὶ συνελαύνειν, καὶ ὅταν τέκωσιν, ἐπῳάζειν ἐκβιάζεσθαι. θάλπειν δὲ καὶ τοὺς ἄρρενας τὰ νεόττια καὶ συνεκτρέφειν ταῖς θηλείαις ὁ αὐτός φησι, καὶ ὑπὲρ τοῦ μὴ κακοσίτους εἶναι τοὺς νεοττοὺς πρώτην τροφὴν διδόναι τοῖς βρέφεσι τοὺς γειναμένους ἁλμυρίδα γῆν, ἧσπερ οὖν γευσάμενα εἶτα μέντοι καὶ τῶν λοιπῶν σιτεῖσθαι ἑτοίμως τὸ ἐντεῦθεν αὐτά. δοκεῖ δέ πως ταῖς περιστεραῖς πρὸς μὲν τοὺς ἄλλους ὄρνιθας τοὺς ἁρπακτικοὺς ἔνσπονδα εἶναι, τοὺς μέντοι ἁλιαέτους καὶ τοὺς κίρκους ὡς πεφρίκασί φασι. πρὸς δὲ τοὺς ἱέρακας οἷα παλαμῶνται ἀκοῦσαι ἄξιον. ὅταν μὲν αὐτὰς διώκῃ ὁ μετάρσιός τε καὶ ἐς ὕψος πεφυκὼς πέτεσθαι, αἳ δὲ ὑπολισθάνουσι καὶ κατωτέρω ἑαυτὰς καθέλκουσι καὶ τὸ πτερὸν πειρῶνται πιέζειν· ὅταν δὲ ὁ κατωτέρω λαχὼν ἐκ τῆς φύσεως τὴν πτῆσιν, αἳ δὲ αἴρονταί τε καὶ μετεωροποροῦσι, καὶ ὑπὲρ αὐτοῦ πετόμεναι θαρροῦσιν, ἀνωτέρω ἄξαι μὴ δυναμένου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="46"> 
+<p> ἐλέφαντος πωλίῳ περιτυγχάνει λευκῷ πωλευτὴς Ἰνδός, καὶ παραλαβὼν ἔτρεφεν ἔτι νεαρόν, καὶ κατὰ μικρὰ ἀπέφηνε χειροήθη, καὶ ἐπωχεῖτο αὐτῷ, καὶ ἤρα τοῦ κτήματος καὶ ἀντηρᾶτο, ἀνθʼ ὧν ἔθρεψε τὴν ἀμοιβὴν κομιζόμενος ἐκεῖνος. ὁ τοίνυν βασιλεὺς τῶν Ἰνδῶν πυθόμενος ᾔτει λαβεῖν τὸν ἐλέφαντα. ὃ δὲ ὡς ἐρώμενος ζηλοτυπῶν καὶ μέντοι καὶ περιαλγῶν εἰ ἔμελλε δεσπόσειν αὐτοῦ ἄλλος, οὐκ ἔφατο δώσειν, καὶ ᾤχετο ἀπιὼν ἐς τὴν ἔρημον, ἀναβὰς τὸν ἐλέφαντα. <pb xml:id="p.79"/> ἀγανακτεῖ ὁ βασιλεύς, καὶ πέμπει κατʼ αὐτοῦ τοὺς ἀφαιρησομένους καὶ ἅμα καὶ τὸν Ἰνδὸν ἐπὶ τὴν δίκην ἄξοντας. ἐπεὶ δὲ ἧκον, ἐπειρῶτο βίαν προσφέρειν. οὐκοῦν καὶ ὁ ἄνθρωπος ἔβαλλεν αὐτοὺς ἄνωθεν, καὶ τὸ θηρίον ὡς ἀδικούμενον συνημύνετο. καὶ τὰ μὲν πρῶτα ἦν τοιαῦτα· ἐπεὶ δὲ βληθεὶς ὁ Ἰνδὸς κατώλισθε, περιβαίνει μὲν τὸν τροφέα ὁ ἐλέφας κατὰ τοὺς ὑπερασπίζοντας ἐν τοῖς ὅπλοις, καὶ τῶν ἐπιόντων πολλοὺς ἀπέκτεινε, τοὺς δὲ ἄλλους ἐτρέψατο· περιβαλὼν δὲ τῷ τροφεῖ τὴν προβοσκίδα, αἴρει τε αὐτὸν καὶ ἐπὶ τὰ αὔλια κομίζει, καὶ παρέμεινεν ὡς φίλῳ φίλος πιστός, καὶ τὴν εὔνοιαν ἐπεδείκνυτο. ὦ ἄνθρωποι πονηροὶ καὶ περὶ τράπεζαν μὲν καὶ ταγήνου ψόφον ἀεί, ἐπʼ ἄριστά τε χορεύοντες, ἐν δὲ τοῖς κινδύνοις προδόται, καὶ μάτην καὶ ἐς οὐδὲν τὸ τῆς φιλίας ὄνομα χαίνοντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:3" n="47"> 
+<p>δότε μοι τοὺς τραγῳδοὺς πρὸς τοῦ πατρῴου Διὸς καὶ πρό γε ἐκείνων τοὺς μυθοποιοὺς ἐρέσθαι τί βουλόμενοι τοσαύτην ἄγνοιαν τοῦ παιδὸς τοῦ Λαΐου καταχέουσι τοῦ συνελθόντος τῇ μητρὶ τὴν δυστυχῆ σύνοδον, καὶ τοῦ Τηλέφου τοῦ μὴ πειραθέντος μὲν τῆς ὁμιλίας, συγκατακλινέντος δὲ τῇ γειναμένῃ καὶ πράξαντος ἂν τὰ αὐτά, εἰ μὴ θείᾳ πομπῇ διεῖρξεν ὁ δράκων· εἴ γε ἡ φύσις τοῖς ἀλόγοις ζῴοις τὴν τοιαύτην μίξιν καὶ ἐκ τοῦ χρωτὸς δίδωσι κατανοῆσαι, καὶ οὐ δεῖται γνωρισμάτων οὐδὲ τοῦ ἐκθέντος ἐς τὸν Κιθαιρῶνα. οὐκ ἂν γοῦν ποτε τῇ τεκούσῃ ὁμιλήσειε κάμηλος. ὁ δέ τοι νομεὺς τῆς ἀγέλης κατακαλύψας τὸν θῆλυν ὡς οἷόν τε ἦν καὶ ἀποκρύψας πάντα πλὴν τῶν ἄρθρων, τὸν παῖδα ἐπάγει τῇ μητρί, καὶ ἐκεῖνος λάθριος ὑπὸ ὁρμῆς τῆς πρὸς μίξιν ἔφρασε τὸ ἔργον καὶ συνῆκε. καὶ τὸν μὲν <pb xml:id="p.80"/> αἴτιον τῆς ὁμιλίας οἱ τῆς ἐκθέσμου δάκνων καὶ πατῶν καὶ τοῖς γόνασι καίων ἀπέκτεινεν ἀλγεινότατα, ἑαυτὸν δὲ κατεκρήμνισεν. ἀμαθὴς δὲ καὶ κατὰ τοῦτο Οἰδίπους, οὐκ ἀποκτείνας, ἀλλὰ πηρώσας τὴν ὄψιν, καὶ τὴν τῶν κακῶν λύσιν μὴ γνοὺς ἐξὸν ἀπηλλάχθαι καὶ μὴ τῷ οἴκῳ καὶ τῷ γένει καταρώμενον εἶτα μέντοι κακῷ ἀνηκέστῳ ἰᾶσθαι κακὰ τὰ ἤδη παρελθόντα.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="4"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="1"> 
+<p> ἀκολαστότατοι ὀρνίθων οἱ πέρδικές εἰσι. ταῦτά τοι καὶ τῶν θηλειῶν ἐρῶσι δριμύτατα, καὶ τῆς λαγνείας ἡττώμενοι συνεχέστατά εἰσιν οἵδε. οὐκοῦν οἱ τρέφοντες τοὺς ἀθλητὰς πέρδικας, ὅταν αὐτοὺς ἐς τὴν μάχην τὴν κατὰ ἀλλήλων ὑποθήγωσι, τὴν θήλειαν παρεστάναι ποιοῦσιν ἑκάστῳ τὴν σύννομον, σόφισμα τοῦτο δειλίας καὶ κάκης τῆς κατὰ τὴν ἀγωνίαν ἀντίπαλον αὐτοῖς εὑρόντες. οὐ γάρ τί που ἡττώμενος φανῆναι ἢ τῇ ἐρωμένῃ ἢ τῇ γαμετῇ ὁ πέρδιξ ὑπομένει· τεθνήξεται δὲ μᾶλλον παιόμενος ἢ ὁμόσε χωροῦντος ἀποστραφεὶς ἰδεῖν τολμήσει ταύτην ἀσχημόνως, παρʼ ᾗ βούλεται εὐδοκιμεῖν. τοῦτό τοι καὶ Κρῆτες ὑπὲρ τῶν ἐρωμένων ἐνενόουν. ἀκούω γὰρ Κρῆτα ἐραστὴν ἀγαθὸν τά τε ἄλλα καὶ τὰ πολέμια ἔχειν μὲν παιδικὰ εὐγενὲς μειράκιον ὥρᾳ διαπρεπὲς καὶ τὴν ψυχὴν ἀνδρεῖον καὶ πρὸς τὰ κάλλιστα τῶν μαθημάτων πεφυκὸς εὖ καὶ καλῶς, καλούμενον δὲ διʼ ἡλικίαν ἐς ὅπλα μηδέπω ʽεἶπόν γε μὴν ἀλλαχόθι καὶ τοῦ ἐραστοῦ καὶ τοῦ καλοῦ τὸ ὄνομἀ. ἀρετὰς μὲν οὖν ἐν τῇ μάχῃ τὸν νεανίαν ἀποδείξασθαί <pb xml:id="p.81"/> φασιν οἱ Κρῆτες, ἀθρόας δὲ ἐς αὐτὸν ὠθουμένης τῆς τῶν ἐχθρῶν φάλαγγος προσπταῖσαι νεκρῷ κειμένῳ, καὶ περιτραπῆναι λέγουσιν αὐτόν. τῶν οὖν τις πολεμίων, ὁ μάλιστα πλησίον, ἀνατεινάμενος παίειν ἔμελλε κατὰ τῶν μεταφρένων τὸν ἄνδρα· ὃ δὲ ἐπιστραφεὶς ʽμηδαμῶσʼ εἶπεν ʽαἰσχρὰν καὶ ἀναλκῆ πληγὴν ἐπαγάγῃς, ἀλλὰ κατὰ τῶν στέρνων ἀντίαν παῖσον, ἵνα μή μου δειλίαν ὁ ἐρώμενος καταψηφίσηται, καὶ φυλάξηται περιστεῖλαί με νεκρόν, καὶ μάλα γε ἀσχημονοῦντι προσελθεῖν οὐ τολμῶν.ʼ αἰδεσθῆναι μὲν οὖν ἄνθρωπον ὄντα φανῆναι κακὸν οὔπω θαυμαστόν· πέρδικι δὲ μετεῖναι αἰδοῦς ὑπέρσεμνον τοῦτο ἐκ τῆς φύσεως τὸ δῶρον. Ἀριστόδημος δὲ ὁ τρέσας καὶ Κλεώνυμος ὁ ῥίψας τὴν ἀσπίδα καὶ ὁ δειλὸς Πείσανδρος οὔτε τὰς πατρίδας ᾐδοῦντο οὔτε τὰς γαμετὰς οὔτε τὰ παιδία. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="2"> 
+<p>ἐν Ἔρυκι τῆς Σικελίας ἑορτή ἐστιν, ἣν καλοῦσιν Ἀναγώγια Ἐρυκῖνοί τε αὐτοὶ καὶ μέντοι καὶ ὅσοι ἐν τῇ Σικελίᾳ πάσῃ. ἡ δὲ αἰτία, τὴν Ἀφροδίτην λέγουσιν ἐντεῦθεν ἐς Λιβύην ἀπαίρειν ἐν ταῖσδε ταῖς ἡμέραις. δοξάζουσι δὲ ἄρα ταῦτα ταύτῃ τεκμαιρόμενοι. περιστερῶν πλῆθός ἐστιν ἐνταῦθα πάμπλειστον. οὐκοῦν αἳ μὲν οὐχ ὁρῶνται, λέγουσι δὲ Ἐρυκῖνοι τὴν θεὸν δορυφορούσας ἀπελθεῖν· ἀθύρματα γὰρ ἀφροδίτης περιστερὰς εἶναι ᾅδουσί τε ἐκεῖνοι καὶ πεπιστεύκασι πάντες ἄνθρωποι. διελθουσῶν δὲ ἡμερῶν ἐννέα μίαν μὲν διαπρεπῆ τὴν ὥραν ἔκ γε τοῦ πελάγους τοῦ κομίζοντος ἐκ τῆς Λιβύης ὁρᾶσθαι ἐσπετομένην, οὐχ οἵαν κατὰ τὰς ἀγελαίας πελειάδας τὰς λοιπὰς εἶναι, πορφυρᾶν δέ, ὥσπερ οὖν τὴν Ἀφροδίτην ὁ Τήιος ἡμῖν Ἀνακρέων ᾅδει, πορφυρέην που λέγων. καὶ χρυσῷ δὲ εἰκασμένη <pb xml:id="p.82"/> φανείη ἄν, καὶ τοῦτό γε κατὰ τὴν Ὁμήρου θεὸν τὴν αὐτήν, ἣν ἐκεῖνος ἀναμέλπει χρυσῆν. ἕπεται δὲ αὐτῇ τῶν περιστερῶν τὰ νέφη τῶν λοιπῶν, καὶ ἑορτὴ πάλιν Ἐρυκίνοις καὶ πανήγυρις τὰ Καταγώγια, ἐκ τοῦ ἔργου καὶ τοῦτο τὸ ὄνομα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="3"> 
+<p> Λύκω συννόμω καὶ ἵππω, λέοντέ γε μὴν οὐκέτι· λέαινα γὰρ καὶ λέων οὐ τὴν αὐτὴν ἴασιν οὔτε ἐπὶ θήραν οὔτε πιόμενοι. τὸ δὲ αἴτιον, τῇ τοῦ σώματος ῥώμῃ θαρροῦντε ἄμφω εἶτα οὐ δεῖται θατέρου ὁ ἕτερος, ὥς φασιν οἱ πρεσβύτεροι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="4"> 
+<p> οὐ ῥᾳδίως οἱ λύκοι τὴν ὠδῖνα ἀπολύουσιν, ἀλλὰ ἐν ἡμέραις δώδεκα καὶ νυξὶ τοσαύταις, ἐπεὶ τοσούτῳ χρόνῳ τὴν Λητὼ ἐς Δῆλον ἐξ Ὑπερβορέων ἐλθεῖν Δήλιοί φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="5"> 
+<p> ζῷα πολέμια χελώνη τε καὶ πέρδιξ, καὶ πελαργὸς καὶ κρὲξ πρὸς αἴθυιαν καὶ ἅρπη καὶ ἐρωδιὸς πρὸς λάρον· κορυδαλλὸς δὲ ἀκανθυλλίδι νοεῖ πολέμια, τρυγόνι δὲ πρὸς πυραλλίδα διαφορά, ἰκτῖνός γε μὴν καὶ κόραξ ἐχθροί· σειρὴν δὲ πρὸς κίρκην, κίρκη δὲ πρὸς κίρκον οὐ τῷ γένει μόνον, ἀλλὰ καὶ τῇ φύσει διαφέροντε πεφώρασθον. Χάννη δὲ ἰχθὺς λαγνίστατος. λευκοὺς δὲ μύρμηκας ἐν Φενεῷ τῆς Λακωνικῆς ἀκούειν πάρεστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="6"> 
+<p> τοὺς ἵππους ἕλεσί τε καὶ λειμῶσι καὶ τοῖς κατηνέμοις χωρίοις ἥδεσθαι μᾶλλον ἱπποτροφίας τε καὶ πωλοτροφικῆς ἄνθρωποι σοφισταὶ ὁμολογοῦσιν. ἔνθεν τοι καὶ Ὅμηρος ἐμοὶ δοκεῖν δεινὸς ὢν καὶ τὰ τοιαῦτα συνιδεῖν ἔφη που τῷ τρισχίλιαι ἵπποι ἕλος καταβουκολέοντο. ἐξηνεμῶσθαι δὲ ἵππους πολλάκις ἱπποφορβοὶ τεκμηριοῦσι <pb xml:id="p.83"/> καὶ κατὰ τὸν νότον ἢ τὸν βορρᾶν φεύγειν. εἰδότα οὖν τὸν αὐτὸν ποιητὴν εἰπεῖν <quote rend="blockquote"> <lb/>τάων καὶ Βορέης ἠράσσατο βοσκομενάων. </quote> καὶ Ἀριστοτέλης δέ, ὡς ἐμὲ νοεῖν, λαβὼν ἐντεῦθεν εὐθὺ τῶν προειρημένων ἀνέμων οἰστρηθείσας διδράσκειν ἔφατο αὐτάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="7"> 
+<p>ἀκούω τὸν Σκυθῶν βασιλέα ʽτὸ δὲ ὄνομα εἰδὼς ἐῶ· τί γάρ μοι καὶ λυσιτελές ἐστινʼ; ἵππον σπουδαίαν ἔχειν πᾶσαν ἀρετήν, ὅσην ἵπποι καὶ ἀπαιτοῦνται καὶ ἀποδείκνυνται, ἔχειν δὲ καὶ υἱὸν αὐτῆς ἐκείνης τῶν ἄλλων ἀρετῇ διαπρέποντα. οὔκουν εὑρίσκοντα οὔτε ἐκείνην ἄλλῳ παραβαλεῖν ἀξίῳ, οὔτε ἐκεῖνον ἄλλῃ ἐπαγαγεῖν τὸ ἐξ αὐτοῦ λαβεῖν σπέρμα ἀγαθῇ, διὰ ταῦτα ἄμφω συναγαγεῖν ἐς τὸ ἔργον· τοὺς δὲ τὰ μὲν ἕτερα ἀσπάζεσθαι σφᾶς καὶ φιλοφρονεῖσθαι, οὐ μὴν ἐγχρίμπτεσθαι ἀλλήλοις. οὐκοῦν ἐπεὶ τῆς ἐπιβουλῆς τοῦ Σκύθου σοφώτερα ἦν τὰ ζῷα, ἐπηλύγασεν ἱματίοις καὶ τὸν καὶ τήν, καὶ ἐξειργάσαντο τὸ ἔκνομόν τε καὶ ἔκδικον ἐκεῖνο ἔργον. ὡς δὲ ἄμφω συνεῖδον τὸ πραχθέν, εἶτα μέντοι τὸ ἀσέβημα διελύσαντο θανάτῳ, πηδήσαντε κατὰ κρημνοῦ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="8"> 
+<p>λέγει Εὔδημος ἵππου νέας καὶ τῶν νεμομένων τῆς ἀρίστης ἐρασθῆναι τὸν ἱπποκόμον, ὥσπερ οὖν καλῆς μείρακος καὶ τῶν ἐν τῷ χωρίῳ ὡρικωτέρας πασῶν· καὶ τὰ μὲν πρῶτα ἐγκαρτερεῖν, τελευτῶντα δὲ ἐπιτολμῆσαι τῷ λέχει τῷ ξένῳ καὶ ὁμιλεῖν αὐτῇ. τῇ δὲ εἶναι πῶλον καὶ τοῦτου καλόν, θεασάμενόν γε μὴν τὸ πραττόμενον ἀλγῆσαι, ὥσπερ οὖν τυραννουμένης τῆς μητρὸς ὑπὸ τοῦ δεσπότου, καὶ ἐμπηδῆσαι καὶ ἀποκτεῖναι τὸν ἄνδρα, εἶτα μέντοι καὶ φυλάξαι ἔνθα ἐτάφη, καὶ φοιτῶντα ἀνορύττειν αὐτόν, καὶ <pb xml:id="p.84"/> ἐνυβρίζειν τῷ νεκρῷ καὶ λυμαίνεσθαι λύμην ποικίλην. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="9"> 
+<p> τῶν ἰχθύων διὰ τοῦ ἦρος οἱ πλεῖστοι ἐς ἀφροδίτην πρόθυμοί εἰσι, καὶ ἀποκρίνουσί γε αὑτοὺς ἐς τὸν Πόντον μᾶλλον· ἔχει γάρ πως θαλάμας τε καὶ κοίτας, φύσεως ταῦτα ἰχθύσι τὰ δῶρα· ἀλλὰ καὶ θηρίων ἐλεύθερός ἐστιν ὅσα βόσκει θάλαττα. δελφῖνες δὲ ἀλῶνται μόνοι, λεπτοί τε καὶ ἀσθενικοί· καὶ μὴν καὶ πολύπου χῆρός ἐστι καὶ παγούρου ἄγονος, καὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="10"> 
+<p> ἀστακὸν οὐ τρέφει· μικρῶν δὲ ἰχθύων οἵδε ὅλεθρός εἰσιν. πυνθάνομαι σελήνης ὑποφαινομένης νέας τοὺς ἐλέφαντας κατά τινα φυσικὴν καὶ ἀπόρρητον ἔννοιαν ἐκ τῆς ὕλης ἐν ᾗ νέμονται νεοδρεπεῖς ἀφελόντας κλάδους εἶτα μέντοι μετεώρους ἀνατείνειν, καὶ πρὸς τὴν θεὸν ἀναβλέπειν, καὶ ἡσυχῆ τοὺς κλάδους ὑποκινεῖν, οἷον ἱκετηρίαν τινὰ ταύτην τῇ θεῷ προτείνοντας ὑπέρ τοῦ ἵλεων τε καὶ εὐμενῆ τὴν θεόν γε εἶναι αὐτοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="11"> 
+<p> μόνας ἀκούω τῶν ζῴων τὰς ἵππους καὶ κυούσας ὑπομένειν τὴν τῶν ἀρρένων μίξιν· εἶναι γὰρ λαγνιστάτας. διὰ ταῦτά τοι καὶ τῶν γυναικῶν τὰς ἀκολάστους ὑπὸ τῶν σεμνοτέρως αὐτὰς εὐθυνόντων καλεῖσθαι ἵππους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="12"> 
+<p> οἱ πέρδικες ἐν τοῖς ᾠοῖς οἰκοῦντες ἔτι καὶ κατειλημμένοι τοῖς περιπεφυκόσι σφίσιν ὀστράκοις οὐκ ἀναμένουσι τὴν ἐκ τῶν γειναμένων ἐκγλυφήν, ἀλλʼ αὐτοὶ διʼ ἑαυτῶν ὥσπερ θυροκοποῦντες ἐκκρούουσι τὰ ᾠά, καὶ ἐκκύψαντες εἶτα σφᾶς αὐτοὺς ἀνωθοῦσι, καὶ τὸ τοῦ ᾠοῦ λέμμα περιρρήξαντες ἤδη θέουσι, καὶ τὸ πρὸς τῷ οὐραίῳ ἡμίτομον, εἰ προσέχοιτο, διασεισάμενοι <pb xml:id="p.85"/> ἐκβάλλουσιν αὐτό, καὶ τροφὴν μαστεύουσι, καὶ πηδῶσιν ὤκιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="13"> 
+<p>τῶν περδίκων οἱ τοροί τε καὶ ᾠδικοὶ τῇ σφετέρᾳ θαρροῦσιν εὐγλωττίᾳ· καὶ οἱ μαχητικοὶ δὲ καὶ ἀγωνιστικοὶ καὶ ἐκεῖνοι πεπιστεύκασιν ὅτι μή εἰσιν ἄξιοι παρανάλωμα γενέσθαι τεθηραμένοι· καὶ διὰ ταῦτα ἁλισκόμενοι ἧττον πρὸς τοὺς θηρῶντας διαμάχονται ὑπὲρ τοῦ μὴ ἁλῶναι. οἱ δὲ ἄλλοι, καὶ ἔτι μᾶλλον οἱ Κιρραῖοι, συνεγνωκότες ἑαυτοῖς οὔτε ἀλκὴν ἀγαθοῖς οὔτε ᾅδειν, καλῶς δὲ διεγνωκότες ὅτι ἄρα ἁλόντες ἔσονται δεῖπνον τοῖς ᾑρηκόσι, παλαμῶνταί τινι σοφίᾳ φυσικῇ ἑαυτοὺς ἀβρώτους παρασκευάσαι· καὶ τῆς μὲν ἄλλης τροφῆς, ἥτις αὐτοὺς εὐφραίνει τε καὶ πιαίνει, ἀπέχονται, σκόροδα δὲ σιτοῦνται προθυμότατα. οἱ τοίνυν ταῦτα προμαθόντες ἐσπείσαντο πρὸς αὐτοὺς ἑκόντες ἀθηρίαν· ὅστις δὲ τῇ τούτων ἄγρᾳ οὐ προενέτυχε, συλλαβὼν καὶ καθεψήσας ἀπώλεσε καὶ τὸν χρόνον καὶ τὴν ἐπʼ αὐτοῖς σπουδήν, πονηροῦ κρέως πειραθείς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="14"> 
+<p>κακὸν θηρίον ἡ γαλῆ, κακὸν δὲ καὶ ὁ ὄφις. οὐκοῦν ὅταν μέλλῃ γαλῆ ὄφει μάχεσθαι, πήγανον διατραγοῦσα πρότερον εἶτα μέντοι ἐπὶ τὴν μάχην ὥσπερ οὖν πεφραγμένη τε καὶ ὡπλισμένη παραγίνεται. τὸ δὲ αἴτιον, τὸ πήγανον πρὸς ὄφιν ἔχθιστόν ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="15"> 
+<p>ὁ λύκος ἐμπλησθεὶς ἐς κόρον οὐδʼ ἂν τοῦ βραχίστου τὸ λοιπὸν ἀπογεύσαιτο· παρατείνεται μὲν γὰρ ἡ γαστὴρ τῷδε, οἰδάνει δὲ ἡ γλῶττα, καὶ τὸ στόμα ἐμφράγνυται, πραότατος δὲ ἐντυχεῖν ἐστιν ἀμνοῦ δίκην, καὶ οὐκ ἂν ἐπιβουλεύσειεν ἢ ἀνθρώπῳ ἢ θρέμματι, οὐδὲ εἰ τῆς ἀγέλης βαδίζοι μέσος. μειοῦται δὲ ἡσυχῆ καὶ κατʼ ὀλίγον ἡ γλῶττα αὐτῷ, εἶτα <pb xml:id="p.86"/> ἐς τὸ ἀρχαῖον σχῆμα ἐπάνεισι, καὶ λύκος γίνεται αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="16"> 
+<p> ἀλεκτρυόνες ἐν ἀγέλῃ τὸν νέηλυν ἀναβαίνουσι πάντες. καὶ οἱ τιθασοὶ δὲ πέρδικες τὸν ἥκοντα πρῶτον καὶ οὔπω πεπραϋσμένον τὰ αὐτὰ δρῶσιν. ἀμειβόμενοι δὲ οἱ πέρδικες τοὺς τρέφοντας καὶ αὐτοὶ παλεύουσι τοὺς ἀφέτους καὶ ἀγρίους, κατὰ τὰς περιστερὰς δρῶντες καὶ οὗτοι τοῦτο. προσάγεται δὲ ἄρα ὁ πέρδιξ καὶ σειρῆνας ἐς τὸ ἐφολκὸν προτείνει τὸ τῶν ἄλλων τὸν τρόπον τοῦτον. ἕστηκεν ᾅδων καὶ ἔστιν οἱ τὸ μέλος προκλητικόν, ἐς μάχην ὑποθῆγον τὸν ἄγριον, ἕστηκε δὲ ἐλλοχῶν πρὸς τῇ πάγῃ· ὃ δὲ τῶν ἀγρίων κορυφαῖος ἀντᾴσας πρὸ τῆς ἀγέλης μαχούμενος ἔρχεται. ὁ τοίνυν τιθασὸς ἐπὶ πόδα ἀναχωρεῖ, δεδιέναι σκηπτόμενος· ὁ δὲ ἔπεισι γαῦρος, οἷα δήπου κρατῶν ἤδη, καὶ ἑάλωκεν ἐνσχεθεὶς τῇ πάγῃ. ἐὰν μὲν οὖν ᾖ ἄρρην ὁ τοῖς θηράτροις περιπεσών, πειρῶνται ἐπικουρεῖν οἱ σύννομοι τῷ ἑαλωκότι· ἐὰν δὲ ᾖ θῆλυς, παίουσι τὸν ἐνσχεθέντα ἄλλος ἀλλαχόθεν, ὡς διὰ τὴν λαγνείαν ἐς δουλείαν ἐμπεσόντα. καὶ ἐκεῖνο δὲ οὐ παρήσω, ἐπεὶ καὶ ἄξιον ἀκοῦσαι αὐτό. ἐὰν ᾖ θῆλυς ὁ παλεύων, ἵνα μὴ ἐμπέσῃ ὁ ἄρρην, αἱ ἔξω θήλειαι μέλος ἀντῳδὸν ἠχοῦσι, καὶ ῥύονται τὸν ἐμπεσούμενον ἐς τὴν πάγην ταῖς συννόμοις καὶ πλείοσιν ἀσμένως συμπαραμένοντα, ὡς ἂν ἴυγγί τινι ἑλχθέντα ναὶ μὰ Δίʼ ἐρωτικῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="17"> 
+<p> ἓν τῶν βασκάνων ζῴων μέντοι καὶ ἐχῖνος ὁ χερσαῖος εἶναι πεπίστευται. ὅταν γοῦν ἁλίσκηται, παραχρῆμα ἐνεούρησε τῷ δέρματι, καὶ ἀχρεῖον ἀπέφηνεν αὐτό· δοκεῖ δὲ ἐς πολλὰ ἐπιτήδειον. καὶ ἡ λὺγξ δὲ ἀποκρύπτει τὸ οὖρον· ὅταν γὰρ παγῇ, λίθος γίνεται, <pb xml:id="p.87"/> καὶ γλυφαῖς ἐπιτήδειός ἐστι, καὶ τοῖς γυναικείοις κόσμοις συμμάχεται, φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="18"> 
+<p>λεοντοφόνου φαγὼν ὁ λέων ἀποτέθνηκε. τὰ δὲ ἔντομα φθείρεται, εἰ ἐλαίῳ τις ἐγχρίσειεν αὐτά. γυπῶν γε μὴν τὸ μύρον ὄλεθρός ἐστι. κάνθαρον δὲ ἀπολεῖς, εἰ ἐπιβάλοις τῶν ῥόδων αὐτῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="19"> 
+<p>κύνες Ἰνδικοί, θηρία καὶ οἵδε εἰσὶ καὶ ἀλκὴν ἄλκιμα καὶ ψυχὴν θυμοειδέστατα καὶ τῶν πανταχόθεν κυνῶν μέγιστοι. καὶ τῶν μὲν ἄλλων ζῴων ὑπερφρονοῦσι, λέοντι δὲ ὁμόσε χωρεῖ κύων Ἰνδικός, καὶ ἐγκείμενον ὑπομένει, καὶ βρυχωμένῳ ἀνθυλακτεῖ, καὶ ἀντιδάκνει δάκνοντα· καὶ πολλὰ αὐτὸν λυπήσας καὶ κατατρώσας, τελευτῶν ἡττᾶται ὁ κύων. εἴη δʼ ἂν καὶ λέων ἡττηθεὶς ὑπὸ κυνὸς Ἰνδοῦ, καὶ μέντοι καὶ δακὼν ὁ κύων ἔχεται καὶ μάλα ἐγκρατῶς. κἂν προσελθὼν μαχαίρᾳ τὸ σκέλος ἀποκόπτῃς τοῦ κυνός, ὃ δὲ οὐκ ἄγει σχολὴν ἀλγήσας ἀνεῖναι τὸ δῆγμα, ἀλλὰ ἀπεκόπη μὲν πρότερον τὸ σκέλος, νεκρὸς δὲ ἀνῆκε τὸ στόμα, καὶ κεῖται βιασθεὶς ἀποστῆναι τῷ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="20"> 
+<p>θανάτῳ. ἃ δὲ προσήκουσα, ἐρῶ ἀλλαχόθι. Ἀυθρώπου μόνου καὶ κυνὸς κορεσθέντων ἀναπλεῖ ἡ τροφή. καὶ τοῦ μὲν ἀνθρώπου ἡ καρδία τῷ μαζῷ τῷ λαιῷ προσήρτηται, τοῖς γε μὴν ἄλλοις ζῴοις ἐν μέσῳ τῷ στήθει προσπέπλασται. γαμψώνυχον δὲ ἄρα οὐδὲ ἓν οὔτε πίνει οὔτε οὐρεῖ οὔτε μὴν συναγελάζεται ἑτέροις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="21"> 
+<p>θηρίον Ἰνδικὸν βίαιον τὴν ἀλκήν, μέγεθος κατὰ τὸν λέοντα τὸν μέγιστον, τὴν δὲ χρόαν ἐρυθρόν, ὡς κινναβάρινον εἶναι δοκεῖν, δασὺ δὲ ὡς κύνες, φωνῇ τῇ Ἰνδῶν μαρτιχόρας ὠνόμασται. τὸ πρόσωπον δὲ κέκτηται τοιοῦτον, ὡς δοκεῖν οὐ θηρίου τοῦτό γε, ἀλλὰ ἀνθρώπου ἔχειν. ὀδόντες δὲ τρίστοιχοι ἐμπεπήγασιν <pb xml:id="p.88"/> οἱ ἄνω αὐτῷ, τρίστοιχοι δὲ οἱ κάτω, τὴν ἀκμὴν ὀξύτατοι, τῶν κυνείων ἐκεῖνοι μείζους· τὰ δὲ ὦτα ἔοικεν ἀνθρώπῳ, μείζω δὲ καὶ δασέα· τοὺς δὲ ὀφθαλμοὺς γλαῦκός ἐστι, καὶ ἐοίκασιν ἀνθρωπίνοις καὶ οὗτοι. πόδας δέ μοι νόει καὶ ὄνυχας οἵους εἶναι λέοντος. τῇ δὲ οὐρᾷ ἄκρᾳ προσήρτηται σκορπίου κέντρον, καὶ εἴη ἂν ὑπὲρ πῆχυν τοῦτο, καὶ παρʼ ἑκάτερα αὐτῷ ἡ οὐρὰ κέντροις διείληε πται· τὸ δὲ οὐραῖον τὸ ἄκρον ἐς θάνατον ἐκέντηστὸν περιτυχόντα, καὶ διέφθειρε παραχρῆμα. ἐὰν δέ τις αὐτὸν διώκῃ, ὃ δὲ ἀφίησι τὰ κέντρα πλάγια ὡς βέλη, καὶ ἔστι τὸ ζῷον ἑκηβόλον. καὶ ἐς τοὔμπροσθεν μὲν ὅταν ἀπολύῃ τὰ κέντρα, ἀνακλᾷ τὴν οὐράν· ἐὰν δὲ ἐς τοὐπίσω κατὰ τοὺς Σάκας, ὃ δὲ ἀποτάδην αὐτὴν ἐξαρτᾷ. ὅτου δʼ ἂν τὸ βληθὲν τύχῃ, ἀποκτείνει· ἐλέφαντα δὲ οὐκ ἀναιρεῖ μόνον. τὰ δὲ ἀκοντιζόμενα κέντρα ποδιαῖα τὸ μῆκός ἐστι, σχοίνου δὲ τὸ πάχος. λέγει δὲ ἄρα Κτησίας καί φησιν ὁμολογεῖν αὐτῷ τοὺς Ἰνδούς, ἐν ταῖς χώραις τῶν ἀπολυομένων ἐκείνων κέντρων ὑπαναφύεσθαι ἄλλα, ὡς εἶναι τοῦ κακοῦ τοῦδε ἐπιγονήν. φιληδεῖ δέ, ὡς ὁ αὐτὸς λέγει, μάλιστα ἀνθρώπους ἐσθίων, καὶ ἀναιρεῖ γε ἀνθρώπους πολλούς, καὶ οὐ καθʼ ἕνα ἐλλοχᾷ, δύο δʼ ἂν ἐπίθοιτο καὶ τρισί, καὶ κρατεῖ τῶν τοσούτων μόνος. καταγωνίζεται δὲ καὶ τῶν ζῴων τὰ λοιπά, λέοντα δὲ οὐκ ἂν καθέλοι ποτέ. ὅτι δὲ κρεῶν ἀνθρωπείων ἐμπιπλάμενον τόδε τὸ ζῷον ὑπερήδεται, κατηγορεῖ καὶ τὸ ὄνομα· νοεῖ γὰρ τῇ Ἑλλήνων φωνῇ ἀνθρωποφάγον αὐτὸ εἶναι. ἐκ δὲ τοῦ ἔργου καὶ κέκληται. πέφυκε δὲ κατὰ τὴν ἔλαφον ὤκιστος. τὰ βρέφη δὲ τῶνδε τῶν ζῴων Ἰνδοὶ θηρῶσιν ἀκέντρους τὰς οὐρὰς ἔχοντα, καὶ λίθῳ γε διαθλῶσιν αὐτάς, ἵνα ἀδυνατῶσι <pb xml:id="p.89"/> τὰ κέντρα ἀναφύειν. φωνὴν δὲ σάλπιγγος ὡς ὅτι ἐγγυτάτω προΐεται. λέγει δὲ καὶ ἑορακέναι τόδε τὸ ζῷον ἐν Πέρσαις Κτησίας ἐξ Ἰνδῶν κομισθὲν δῶρον τῷ Περσῶν βασιλεῖ, εἰ δή τῳ ἱκανὸς τεκμηριῶσαι ὑπὲρ τῶν τοιούτων Κτησίας. ἀκούσας γε μὴν τὰ ἴδιά τις τοῦδε τοῦ ζῴου εἶτα μέντοι τῷ συγγραφεῖ τῷ Κνιδίῳ προσεχέτω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="22"> 
+<p>σκολόπενδρα θαλαττία διαρρήγνυται, ὥς φασιν, ἀνθρώπου προσπτύσαντος αὐτῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="23"> 
+<p>καρπὸν δὲ ἰτέας εἴ τις θλιβέντα δοίη πιεῖν τοῖς ἀλόγοις, λυπεῖται ἐκεῖνα οὐδὲ ἕν, μᾶλλον δὲ καὶ τρέφεται· πιὼν δὲ ἄνθρωπος τὴν σπορὰν τὴν παιδοποιόν τε καὶ ἔγκαρπον ἀπώλεσε. καί μοι δοκεῖ Ὅμηρος καὶ τὰ τῆς φύσεως ἀπόρρητα ἀνιχνεύσας εἶτα μέντοι καὶ ἰτέαι ὠλεσίκαρποι ἐν τοῖς ἑαυτοῦ μέτροις εἰπεῖν τοῦτο αἰνιττόμενος. κωνείου δὲ ἄνθρωπος πιὼν κατὰ τὴν τοῦ αἵματος πῆξίν τε καὶ ψῦξιν ἀποθνήσκει, ὗς δὲ κωνείου ἐμπίπλαται καὶ ὑγιαίνει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="24"> 
+<p>οἱ Ἰνδοὶ τέλειον μὲν ἐλέφαντα συλλαβεῖν ῥᾳδίως ἀδυνατοῦσιν, ἐς δὲ τὰ ἕλη φοιτῶντες τὰ γειτνιῶντα τῷ ποταμῷ εἶτα μέντοι λαμβάνουσιν αὐτῶν τὰ βρέφη. ἀσπάζεται γὰρ ὁ ἐλέφας τὰ ἔνδροσα χωρία καὶ μαλακά, καὶ φιλεῖ τὸ ὕδωρ, καὶ ἐν τοῖσδε τοῖς ἤθεσι διαιτᾶσθαι </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="25"> 
+<p>ἐθέλει, καὶ ὡς ἂν εἴποις ἕλειός ἐστι. λαβόντες οὖν ἁπαλὰ καὶ εὐπειθῆ τρέφουσι κολακείᾳ τε τῇ κατὰ γαστέρα καὶ θεραπείᾳ τῇ περὶ τὸ σῶμα καὶ φωνῇ θωπευτικῇ ʽσυνιᾶσι γὰρ ἐλέφαντες καὶ γλώττης ἀνθρωπίνης τῆς ἐπιχωρίοὐ, καὶ συνελόντι εἰπεῖν ὡς παῖδας αὐτοὺς ἐκτρέφουσι, καὶ κομιδὴν προσάγουσιν αὐτοῖς καὶ παιδεύματα ποικίλα. οἳ δὲ πείθονται. <pb xml:id="p.90"/> Ὅταν ἀλοητὸς ᾖ, καὶ στρέφωνται περὶ τὸν δῖνον οἱ βόες, καὶ πεπληρωμένη τῶν δραγμάτων ἡ ἅλως ᾖ, ὑπὲρ τοῦ τοὺς βοῦς μὴ ἀπογεύσασθαι τῶν σταχύων βολίτῳ τὰς ῥῖνας ἐπιχρίουσιν αὐτῶν, σόφισμα ἐπινοήσαντες τοῦτο καὶ μάλα γε ἐπιτήδειον. τοῦτο γὰρ τὸ ζῷον μυσαττόμενον τὴν προειρημένην χρῖσιν οὐκ ἄν τινος ἀπογεύσαιτο, οὐδʼ εἰ τῷ βαρυτάτῳ λιμῷ πιέζοιτο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="26"> 
+<p> τοὺς λαγὼς καὶ τὰς ἀλώπεκας θηρῶσιν οἱ Ἰνδοὶ τὸν τρόπον τοῦτον. κυνῶν ἐς τὴν ἄγραν οὐ δέονται, ἀλλὰ νεοττοὺς συλλαβόντες ἀετῶν καὶ κοράκων καὶ ἰκτίνων προσέτι τρέφουσι καὶ ἐκπαιδεύουσι τὴν θήραν. καὶ ἔστι τὸ μάθημα, πράῳ λαγῷ καὶ ἀλώπεκι τιθασῷ κρέας προσαρτῶσι, καὶ μεθιᾶσι θεῖν, καὶ τοὺς ὄρνιθας αὐτοῖς κατὰ πόδας ἐπιπέμψαντες τὸ κρέας ἀφελέσθαι συγχωροῦσιν. οἳ δὲ ἀνὰ κράτος διώκουσι, καὶ ἑλόντες ἢ τὸν ἢ τὴν ἔχουσιν ὑπὲρ τοῦ καταλαβεῖν ἆθλον τὸ κρέας. καὶ τοῦτο μὲν αὐτοῖς δέλεάρ ἐστι καὶ μάλα ἐφολκόν. οὐκοῦν ὅταν ἀκριβώσωσι τὴν σοφίαν τὴν θηρατικήν, ἐπὶ τοὺς ὀρείους λαγὼς μεθιᾶσιν αὐτοὺς καὶ ἐπὶ τὰς ἀλώπεκας τὰς ἀγρίας. οἳ δὲ ἐλπίδι τοῦ δείπνου τοῦ συνήθους, ὅταν τι τούτων φανῇ, μεταθέουσι, καὶ αἱροῦσιν ὤκιστα, καὶ τοῖς δεσπόταις ἀποφέρουσιν, ὡς λέγει Κτησίας. καὶ ὅτι ὑπὲρ τοῦ τέως προσηρτημένου κρέως αὐτοῖς τὰ σπλάγχνα τῶν ᾑρημένων δεῖπνόν ἐστιν, ἐκεῖθεν καὶ τοῦτο ἴσμεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="27"> 
+<p> τὸν γρῦπα ἀκούω τὸ ζῷον τὸ Ἰνδικὸν τετράπουν εἶναι κατὰ τοὺς λέοντας, καὶ ἔχειν ὄνυχας καρτεροὺς ὡς ὅτι μάλιστα, καὶ τούτους μέντοι τοῖς τῶν λεόντων παραπλησίους· κατάπτερον δὲ εἶναι, καὶ τῶν μὲν νωτιαίων πτερῶν τὴν χρόαν μέλαιναν ᾅδουσι, <pb xml:id="p.91"/> τὰ δὲ πρόσθια ἐρυθρά φασι, τάς γε μὴν πτέρυγας αὐτὰς οὐκέτι τοιαύτας, ἀλλὰ λευκάς. τὴν δέρην δὲ αὐτῶν κυανοῖς διηνθίσθαι τοῖς πτεροῖς Κτησίας ἱστορεῖ, στόμα δὲ ἔχειν ἀετῶδες καὶ τὴν κεφαλὴν ὁποίαν οἱ χειρουργοῦντες γράφουσί τε καὶ πλάττουσι. φλογώδεις δὲ τοὺς ὀφθαλμούς φησιν αὐτοῦ. νεοττιὰς δὲ ἐπὶ τῶν ὀρῶν ποιεῖται, καὶ τέλειον μὲν λαβεῖν ἀδύνατόν ἐστι, νεοττοὺς δὲ αἱροῦσι. καὶ Βάκτριοι μὲν γειτνιῶντες Ἰνδοῖς λέγουσιν αὐτοὺς φύλακας εἶναι τοῦ χρυσοῦ τοῦ αὐτόθι, καὶ ὀρύττειν τε αὐτόν φασιν αὐτοὺς καὶ ἐκ τούτου τὰς καλιὰς ὑποπλέκειν, τὸ δὲ ἀπορρέον Ἰνδοὺς λαμβάνειν. Ἰνδοὶ δὲ οὔ φασιν αὐτοὺς φρουροὺς εἶναι τοῦ προειρημένου· μηδὲ γὰρ δεῖσθαι χρυσίου γρῦπας ʽκαὶ ταῦτα εἰ λέγουσι, πιστὰ ἔμοιγε δοκοῦσι λέγεινʼ· ἀλλὰ αὐτοὺς μὲν ἐπὶ τὴν τοῦ χρυσίου ἄθροισιν ἀφικνεῖσθαι, τοὺς δὲ ὑπέρ τε τῶν σφετέρων βρεφῶν δεδιέναι καὶ τοῖς ἐπιοῦσι μάχεσθαι. καὶ διαγωνίζεσθαι μὲν πρὸς τὰ ἄλλα ζῷα καὶ κρατεῖν ῥᾷστα, λέοντι δὲ μὴ ἀνθίστασθαι μηδὲ ἐλέφαντι. δεδιότες δὲ ἄρα τὴν τῶνδε τῶν θηρίων ἀλκὴν οἱ ἐπιχώριοι, μεθʼ ἡμέραν ἐπὶ τὸν χρυσὸν οὐ στέλλονται, νύκτωρ δὲ ἔρχονται· ἐοίκασι γὰρ τηνικάδε τοῦ καιροῦ λανθάνειν μᾶλλον. ὁ δὲ χῶρος οὗτος, ἔνθα οἵ τε γρῦπες διαιτῶνται καὶ τὰ χρυσεῖά ἐστιν, ἔρημος πέφυκε δεινῶς. ἀφικνοῦνται δὲ οἱ τῆς ὕλης τῆς προειρημένης θηραταὶ κατὰ χιλίους τε καὶ δὶς τοσούτους ὡπλισμένοι, καὶ ἄμας κομίζουσι σάκκους τε, καὶ ὀρύττουσιν ἀσέληνον ἐπιτηροῦντες νύκτα. ἐὰν μὲν οὖν λάθωσι τοὺς γρῦπας, ὤνηνται διπλῆν τὴν ὄνησιν· καὶ γὰρ σώζονται καὶ μέντοι καὶ οἴκαδε τὸν φόρτον κομίζουσι, καὶ ἐκκαθήραντες οἱ μαθόντες χρυσοχοεῖν σοφίᾳ τινὶ σφετέρᾳ πάμπολυν <pb xml:id="p.92"/> πλοῦτον ὑπὲρ τῶν κινδύνων ἔχουσι τῶν προειρημένων· ἐὰν δὲ κατάφωροι γένωνται, ἀπολώλασιν. ἐπανέρχονται δὲ ἐς τὰ οἰκεῖα ὡς πυνθάνομαι διʼ ἔτους τρίτου καὶ τετάρτου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="28"> 
+<p> χελώνης θαλαττίας ἀποτμηθεῖσα ἡ κεφαλὴ βλέπει καὶ καταμύει τὴν χεῖρα προσάγοντος· ἤδη δʼ ἂν καὶ δάκοι, εἰ περαιτέρω προσαγάγοις τὴν χεῖρα. καὶ ἐπὶ μακρὸν ἐκλάμποντας ἔχει τοὺς ὀφθαλμούς· αἱ γάρ τοι κόραι λευκόταταί τε καὶ περιφανέσταταί εἰσι, καὶ ἐξαιρεθεῖσαι χρυσίῳ καὶ ὅρμοις ἐντίθενται. ἔνθεν τοι καὶ δοκοῦσι ταῖς γυναιξὶ θαυμασταί. γίνονται δὲ ὡς πυνθάνομαι αἱ χελῶναι αἵδε ἐν τῇ θαλάττῃ, ἣν ᾅδουσιν Ἐρυθράν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="29"> 
+<p> ὁ ἀλεκτρυὼν τῆς σελήνης ἀνισχούσης ἐνθουσιᾷ φασι καὶ σκιρτᾷ. ἥλιος δὲ ἀνίσχων οὐκ ἄν ποτε αὐτὸν διαλάθοι, ᾠδικώτατος δὲ ἑαυτοῦ ἐστι τηνικάδε. πυνθάνομαι δὲ ὅτι ἄρα καὶ τῇ Λητοῖ φίλον ἐστὶν ὁ ἀλεκτρυὼν τὸ ὄρνεον. τὸ δὲ αἴτιον, παρέστη φασὶν αὐτῇ τὴν διπλῆν τε καὶ μακαρίαν ὠδῖνα ὠδινούσῃ. ταῦτά τοι καὶ νῦν ταῖς τικτούσαις ἀλεκτρυὼν πάρεστι, καὶ δοκεῖ πως εὐώδινας ἀποφαίνειν. τῆς δὲ ὄρνιθος ἀπολωλυίας, ἐπῳάζει αὐτός, καὶ ἐκλέπει τὰ ἐξ ἑαυτοῦ νεόττια σιωπῶν· οὐ γὰρ ᾅδει τότε θαυμαστῇ τινι καὶ ἀπορρήτῳ αἰτίᾳ, ναὶ μὰ τόν· δοκεῖ γάρ μοι συγγινώσκειν ἑαυτῷ θηλείας ἔργα καὶ οὐκ ἄρρενος δρῶντι τηνικάδε. μάχῃ δὲ ἀλεκτρυὼν καὶ τῇ πρὸς ἄλλον ἡττηθεὶς ἀγωνίᾳ οὐκ ἂν ᾅσειε· τὸ γάρ τοι φρόνημα αὐτῷ κατέσταλται, καὶ καταδύεταί γε ὑπὸ τῆς αἰδοῦς. κρατήσας δὲ γαῦρός ἐστι, καὶ ὑψαυχενεῖ, καὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="30"> 
+<p> κυδρουμένῳ ἔοικε. θαυμάσαι δὲ τοῦ ζῴου ὑπεράξιον καὶ ἐκεῖνο δήπου· θύραν γὰρ ὑπιὼν καὶ τὴν ἄγαν ὑψηλήν, ὃ δὲ ἐπικύπτει, ἀλαζονέστατα δρῶν ἐκεῖνος <pb xml:id="p.93"/> τοῦτο· φειδοῖ γὰρ τοῦ λόφου πράττειν ἔοικε τὸ εἰρημένον. οἱ κολοιοὶ δεινῶς φιλοῦσι τὸ ὁμόφυλον. τοῦτό τοι καὶ διαφθείρει αὐτοὺς πολλάκις, καὶ τό γε δρώμενον τοιοῦτόν ἐστιν. ὅτῳ μέλει θηρᾶσαι κολοιούς, τοιαῦτα παλαμᾶται. ἔνθα οἶδεν αὐτῶν νομὰς καὶ τροφὰς καὶ ἀθροιζομένους ὁρᾷ κατʼ ἀγέλας, ἐνταῦθα λεκανίδας ἐλαίου μεστὰς διατίθησιν. οὐκοῦν διειδὲς μὲν τὸ ἔλαιον, περίεργον δὲ τὸ ὀρνίθιον, καὶ ἀφικνεῖται καὶ ἐπὶ τὸ χεῖλος τοῦ σκεύους κάθηται, καὶ κύπτει κάτω καὶ ὁρᾷ τὴν ἑαυτοῦ σκιάν, καὶ οἴεται κολοιὸν βλέπειν ἄλλον, καὶ κατελθεῖν πρὸς αὐτὸν σπεύδει. κάτεισί τε οὖν καὶ πτερύσσεται καὶ περιβάλλει τὸ ἔλαιον αὑτῷ, καὶ ἀναπτερυγίσαι ἥκιστός ἐστι, καὶ χωρὶς δικτύων καὶ πάγης καὶ ἁρπεδόνων τὸ ζῷον μένει ὡς ἂν εἴποις πεπεδημένον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="31"> 
+<p>ὁ ἐλέφας, οἳ μὲν αὐτοῦ προκύπτειν χαυλιόδοντάς φασιν, οἳ δὲ κέρατα. ἔχει δὲ καὶ καθʼ ἕκαστον πόδα δακτύλους πέντε, ὑποφαίνοντας μὲν τὰς ἐκφύσεις, οὐ μὴν διεστῶτας. ταῦτά τοι καὶ νηκτικός ἐστιν ἥκιστα. σκέλη δὲ τὰ κατόπιν τῶν προσθίων βραχύτερά ἐστι· μαζοὶ δὲ αὐτῷ πρὸς ταῖς μασχάλαις εἰσί· μυκτῆρα δὲ κέκτηται χειρὸς παγχρηστότερον καὶ γλῶτταν βραχεῖαν· χολὴν δὲ αὐτὸν ἔχειν οὐ κατὰ τὸ ἧπαρ ἀλλὰ πρὸς τῷ ἐντέρῳ φασί. κύειν δὲ πυνθάνομαι δύο ἐτῶν τὸν ἐλέφαντα. οἳ δὲ οὐ τοσοῦτον χρόνον, ἀλλὰ ὀκτωκαίδεκα μηνῶν ὁμολογοῦσιν. ἀποτίκτει δὲ ἰσήλικα τὸ μέγεθος μόσχῳ ἐνιαυσίῳ, σπᾷ δὲ τῆς θηλῆς τῷ στόματι. ἐνθουσιῶν δὲ ἐς μίξιν οἴστρῳ τε φλεγόμενος ἐμπίπτει τοίχῳ καὶ ἀνατρέπει, καὶ φοίνικας κλίνει, τὸ μέτωπον προσαράττων κατὰ τοὺς κριούς. πίνει δὲ ὕδωρ οὐ διειδὲς οὐδὲ καθαρόν, <pb xml:id="p.94"/> ἀλλʼ ὅταν ὑποθολώσῃ τε καὶ ὑποταράξῃ. καθεύδει γε μὴν ὀρθοστάδην· κατακλινῆναι γὰρ καὶ ἐξαναστῆναι ἐργῶδες αὐτῷ. ἀκμὴ δὲ ἐλέφαντι ἑξήκοντα ἔτη. κρυμῷ δὲ ὁμιλεῖν ἥκιστός ἐστι. διατείνει δὲ τὸν βίον καὶ ἐς διπλῆν ἑκατοντάδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="32"> 
+<p> Προβατεῖαι δὲ Ἰνδῶν ὁποῖαι μαθεῖν ἄξιον. τὰς αἶγας καὶ τὰς οἶς ὄνων τῶν μεγίστων μείζονας ἀκούω καὶ ἀποκύειν τέτταρα ἑκάστην· μείω γε μὴν τῶν τριῶν οὔτʼ αἲξ Ἰνδικὴ οὔτʼ ἂν οἶς ποτε τέκοι. καὶ τοῖς μὲν προβάτοις αἱ οὐραὶ πρὸς τὸν πόδα τέτανται, αἱ δὲ αἶγες μηκίστας ἔχουσιν, ὥστʼ ἐπιψαύειν γῆς ὀλίγου. τῶν μὲν οὖν οἰῶν τῶν τίκτειν ἀγαθῶν ἀποκόπτουσι τὰς οὐρὰς οἱ νομεῖς, ἵνα ἀναβαίνωνται, ἐκ δὲ τῆς πιμελῆς τῆς τούτων καὶ ἔλαιον ἀποθλίβουσι· τῶν δὲ ἀρρένων διατέμνουσι τὰς οὐράς, καὶ ἐξαιροῦσι τὸ στέαρ καὶ ἐπιρράπτουσι, καὶ ἑνοῦται πάλιν ἡ τομή, καὶ ἀφανίζεται τὰ ἴχνη αὐτῆς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="33"> 
+<p> Ἀλέξανδρος ὁ Μύνδιος τὸν χαμαιλέοντα λυπεῖν τοὺς ὄφεις καὶ ἀσιτίᾳ περιβάλλειν τὸν τρόπον τοῦτόν φησι. κάρφος πλατὺ καὶ στερεὸν ἐνδακὼν ἑαυτὸν ἐπιστρέφει, καὶ ἀντιπρόσωπος ὁμόσε χωρεῖ τῷ πολεμίῳ. ὃ δὲ αὐτοῦ λαβέσθαι ἀδυνατεῖ, τοῦ κάρφους τὸ πλάτος οὐκ ἔχων περιχανεῖν. οὐκοῦν ἄδειπνος τό γε ἐπʼ ἐκείνῳ μένει ὁ ὄφις· δάκνων γάρ τοι τὰ λοιπὰ τῶν μελῶν αὐτοῦ οὐδὲν ἀνύτει· στερεὰν γὰρ τὴν φορίνην ἔχει, καὶ ἐπαΐει τῶν ἐκείνου ὀδόντων ὁ χαμαιλέων οὐδὲ ἕν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="34"> 
+<p> ὁ αὐχὴν ὁ τοῦ λέοντος ἐξ ὀστέου συνέστηκεν, οὐ μὴν ἐκ σφονδύλων πολλῶν. εἰ δέ τις τὰ ὀστᾶ τοῦ λέοντος διακόπτοι, πῦρ αὐτῶν ἐξάλλεται. μυελοὺς δὲ οὐκ ἔχει· οὐδὲ γάρ ἐστι κοῖλα αὐλῶν δίκην. μίξεως δὲ αὐτὸν οὐδεμία ἔτους ἀναστέλλει ὥρα. κύει <pb xml:id="p.95"/> δὲ ἄρα μηνῶν δύο. τίκτει δὲ πεντάκις, καὶ τῇ μὲν ὠδῖνι τῇ πρώτῃ πέντε, τῇ δὲ δευτέρᾳ τέτταρα, τρία τε τῇ ἐπὶ ταύτῃ, καὶ δύο τῇ ἐπʼ ἐκείνῃ, καὶ ἓν ἐπὶ πάσαις. οἱ δὲ σκύμνοι ἀρτιγενεῖς μικροί τέ εἰσι καὶ τυφλοὶ κατὰ τὰ σκυλάκια· βαδίσεως δὲ ὑπάρχονται, ὅταν δύο μῆνας ἀπὸ γενεᾶς διαβιῶσιν. ὁ λόγος δέ, ὅστις λέγει διαξαίνειν αὐτοὺς τὰς μήτρας, μῦθός ἐστι. λιμώττων μὲν οὖν λέων ἐντυχεῖν χαλεπός ἐστι, κορεσθεὶς δὲ πραότατος· φασὶ δὲ καὶ φιλοπαίστην εἶναι τηνικάδε αὐτόν. φύγοι δὲ οὐκ ἄν ποτε τὰ νῶτα τρέψας λέων, ἡσυχῆ δὲ ἐπὶ πόδα ἀναχωρεῖ βλέπων ἀντίος. τοῦ γήρως δὲ ὑπαρχομένου ἐπὶ τὰ αὔλια ἔρχεται καὶ ἐπὶ τὰς καλύβας καὶ ἐπὶ τὰς οἰκήσεις τὰς τῶν νομέων τὰς ὑπάντρους, καὶ εἰκότως· ταῖς γὰρ ὀρείοις ἔτι θήραις ἐπιθαρρεῖν ἀδύνατός ἐστι. πῦρ δὲ ὀρρωδεῖ. ὅστις μὲν οὖν ἐστιν αὐτῶν γυρότερος καὶ συνεστραμμένος καὶ τὴν χαίτην λασιώτερος, ἀθυμότερός τε καὶ ἀτολμότερος δοκεῖ μᾶλλον· ὁ δὲ μήκους εὖ ἥκων καὶ εὐθυτενὴς τὴν τρίχα ἀνδρειότερος πεπίστευται καὶ θυμοειδέστερος. ἀδηφάγος δὲ ὢν καὶ ὅλα φασὶ μέλη βρύκων ἂν καταπίοι. τούτων οὖν πεπληρωμένος καὶ τριῶν ἡμερῶν οὐκ ἐσθίει πολλάκις, ἔστʼ ἂν ὑπαναλωθῇ τὰ πρῶτά οἱ καὶ πεφθῇ. πίνει δὲ ὀλίγα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="35"> 
+<p>ὁ βοῦς ὁ πρᾶος τοῦ πλήττοντος καὶ κολάζοντος οὐκ ἄν ποτε λήθην λάβοι, ἀλλʼ ἀπομνησθεὶς τιμωρεῖται καὶ διαστήματος ἐγγενομένου. ὢν μὲν γὰρ ὑπὸ ζεύγλην καὶ τρόπον τινὰ καθειργμένος, ἔοικε δεσμώτῃ καὶ ἡσυχάζει· ὅταν δὲ ἀφεθῇ, πολλάκις μὲν τῷ σκέλει παίσας συνέτριψε μέλος τι τοῦ βουκόλου, πολλάκις δὲ καὶ θυμωθεὶς ἐς κέρας εἶτα ἐμπεσὼν ἀπέκτεινεν αὐτόν. ἐντεῦθεν πρὸς τοὺς ἄλλους πρᾶός <pb xml:id="p.96"/> ἐστι, καὶ πάρεισιν ἐς τὸ αὔλιον ἡσυχῆ· οὐ γάρ ἐστιν ἀνήμερος πρὸς οὓς οὐκ ἔχει τοῦ θυμοῦ τὴν ὑπόθεσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="36"> 
+<p> ἡ τῶν Ἰνδῶν γῆ, φασὶν αὐτὴν οἱ συγγραφεῖς πολυφάρμακόν τε καὶ τῶν βλαστημάτων τῶνδε δεινῶς πολύγονον εἶναι. καὶ τὰ μὲν σώζειν αὐτῶν καὶ ἐκ τῶν κινδύνων ῥύεσθαι τοὺς ὑπὸ τῶν δακέτων ὁμοῦ τῷ θανάτῳ ὄντας ʽπολλὰ δὲ ἐκεῖθι τοιαῦτἀ, τὰ δὲ ἀπολλύναι καὶ διαφθείρειν ὀξύτατα, ὧνπερ οὖν καὶ τὸ ἐκ τοῦ ὄφεως τοῦ πορφυροῦ γινόμενον εἴη ἂν. ἔστι δὲ ἄρα οὗτος ὁ ὄφις κατὰ σπιθαμὴν τὸ μῆκος ὅσα ἰδεῖν· χρόαν δὲ ἔοικε πορφύρᾳ τῇ βαθυτάτῃ. λευκὴν δὲ κεφαλὴν καὶ οὐκέτι πορφυρᾶν περιηγοῦνται αὐτοῦ, λευκὴν δὲ οὐχ ὡς εἰπεῖν ἔπος, ἀλλὰ καὶ χιόνος ἐπέκεινα καὶ γάλακτος. ὀδόντων δὲ ἄγονός ἐστιν ὁ ὄφις οὗτος· εὑρίσκεται δʼ ἐν τοῖς πυρωδεστάτοις τῆς Ἰνδικῆς χωρίοις. καὶ δάκνειν μὲν ἥκιστός ἐστι, καὶ κατά γε τοῦτο φαίης ἂν τιθασὸν αὐτὸν εἶναι καὶ πρᾶον· οὗ δʼ ἂν κατεμέσῃ, ὡς ἀκούω, ἢ ἀνθρώπου τινὸς ἢ θηρίου, τοῦδε τὸ μέλος διασαπῆναι ἀνάγκη πᾶν. οὐκοῦν θηραθέντα αὐτὸν ἐκ τοῦ οὐραίου μέρους ἐξαρτῶσι, καὶ οἷα εἰκὸς κάτω τὴν κεφαλὴν ἔχει, καὶ ἐς γῆν ὁρᾷ· ὑπʼ αὐτὸ δὲ τὸ στόμα τοῦ θηρὸς ἀγγεῖόν τι τιθέασι πεποιημένον χαλκοῦ. καὶ διὰ τοῦ στόματος σταγόνες ἐκείνῳ λείβονται ἐς τοῦτο, καὶ τὸ καταρρεῦσαν συνίσταταί τε καὶ πήγνυται, καὶ ἐρεῖς ἰδὼν ἀμυγδαλῆς δάκρυον εἶναι. καὶ ὃ μὲν ἀποθνήσκει ὁ ὄφις, ὑφαιροῦσι δὲ τὸ σκεῦος, καὶ προστιθέασιν ἄλλο, χαλκοῦν καὶ ἐκεῖνο· νεκροῦ δὲ ἐκρεῖ πάλιν ὑγρὸς ἰχώρ, καὶ ἔοικεν ὕδατι. τριῶν δὲ ἡμερῶν ἐῶσι, καὶ συνίσταται μέντοι καὶ οὗτος. εἴη δʼ ἂν ἀμφοῖν διαφορὰ κατὰ τὴν χρόαν· ἣ μὲν γὰρ δεινῶς ἐστι μέλαινα, ἣ δὲ ἠλέκτρῳ <pb xml:id="p.97"/> εἴκασται. οὐκοῦν τούτου μὲν εἰ δοίης τινὶ ὅσον σησάμου μέγεθος ἐμβαλὼν ἐς οἶνον ἢ ἐς σιτίον, πρῶτον μὲν αὐτὸν σπασμὸς περιλήψεται καὶ μάλα ἰσχυρός, εἶτα διαστρέφονταί οἱ τὼ ὀφθαλμώ, ὁ δὲ ἐγκέφαλος διὰ τῶν ῥινῶν κατολισθάνει λειβόμενος, καὶ ἀποθνήσκει καὶ μάλα οἴκτιστα· ἐὰν δὲ ἔλαττον λάβῃ τοῦ φαρμάκου, ἄφυκτα μὲν αὐτῷ τὸ ἐντεῦθέν ἐστι, χρόνῳ δὲ ἀπόλλυται. ἐὰν δὲ τοῦ μέλανος ὀρέξῃς, ὅπερ οὖν κατέρρευσε τεθνεῶτος, ὅσον σησάμου καὶ τοῦτο μέγεθος, ὑπόπυος γίνεται, καὶ φθόη καταλαμβάνει τὸν λαβόντα, καὶ ἐνιαυτοῦ ἀναλίσκεται τηκεδόνι· πολλοὶ δὲ καὶ ἐς ἔτη δύο προῆλθον, κατὰ μικρὰ ἀποθνήσκοντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="37"> 
+<p>ἡ στρουθὸς ἡ μεγάλη ᾠὰ μὲν ἀποτίκτει πολλά, οὐ πάντα δὲ ἐκγλύφει, ἀλλὰ ἀποκρίνει τὰ ἄγονα, τοῖς δὲ ἐγκάρποις ἐπῳάζει. καὶ ἐκ μὲν τούτων τοὺς νεοττοὺς ἐξέλεψεν, ἐκεῖνα δὲ τὰ ἐκφαυλισθέντα τούτοις τροφὴν παρατίθησιν. εἰ δὲ αὐτὴν διώκοι τις, ἣ δὲ οὐκ ἐπιτολμᾷ τῇ πτήσει, θεῖ δὲ τὰς πτέρυγας ἁπλώσασα· εἰ δὲ ἁλίσκεσθαι μέλλοι, τοὺς παραπίπτοντας λίθους ἐς τοὐπίσω σφενδονᾷ τοῖς ποσίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="38"> 
+<p>οἱ στρουθοὶ οἱ σμικροὶ συνειδότες ἑαυτοῖς ἀσθένειαν διὰ σμικρότητα τοῦ σώματος, ἐπὶ τοῖς ἀκρεμόσι τῶν κλάδων τοῖς φέρειν αὐτοὺς δυναμένοις τὰς νεοττιὰς συμπλάσαντες εἶτα μέντοι τὴν ἐκ τῶν θηρατῶν ἐπιβουλὴν ὡς τὰ πολλὰ διαφεύγουσιν ἐπιβῆναι τῷ κλαδὶ μὴ δυναμένων· οὐ γὰρ αὐτοὺς φέρει διὰ λεπτότητα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="39"> 
+<p>αἱ δὲ ἀλώπεκες ἐς ὑπερβολὴν προήκουσαι πανουργίας καὶ τρόπου δολεροῦ ὅταν θεάσωνται σφηκιὰν εὐθενουμένην, αὐταὶ μὲν ἀποστρέφονται τὸν χηραμὸν ἐκνεύουσαι καὶ τὰς ἐκ τῶν κέντρων τρώσεις <pb xml:id="p.98"/> φυλαττόμεναι· καθιᾶσι δὲ τὴν οὐρὰν δασυτάτην τε οὖσαν καὶ μηκίστην τὴν αὐτὴν καὶ διασείουσι τοὺς σφῆκας· οἳ δὲ προσέχονται τῷ τῶν τριχῶν δάσει. ὅταν δὲ ἐμπαλαχθῶσιν αὐτῷ, προσαράττουσι τὴν οὐρὰν ἢ δένδρῳ ἢ τοίχῳ ἢ αἱμασιᾷ· παιόμενοι δὲ οἱ σφῆκες ἀποθνήσκουσιν. εἶτα ἦλθον ἐπὶ τὸν αὐτὸν τόπον, καὶ τοὺς λοιποὺς προσαναλέξασαι καὶ ἀποκτείνασαι κατὰ τοὺς πρώτους, ὅταν ἐννοήσωσι λοιπὸν εἰρήνην εἶναι καὶ ἀπὸ τῶν κέντρων ἐλευθερίαν, καθῆκαν τὸ στόμα καὶ τὰ σφηκία ἐσθίουσι, μήτε θορυβούμεναι μήτε μὴν τὰ κέντρα ὑφορώμεναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="40"> 
+<p> κυνὸς κρανίον ῥαφὴν οὐκ ἔχει. δραμὼν δὲ ἐπὶ πλέον λάγνης γίνεται, φασί. κυνὸς δὲ γηρῶντος ἀμβλεῖς οἱ ὀδόντες καὶ μελαίνονται. εὔρινος δέ ἐστιν οὕτως ὡς μήποτʼ ἂν ὀπτοῦ κυνείου κρέως μηδʼ ἂν καρυκείᾳ τῇ ποικιλωτάτῃ καὶ δολερωτάτῃ καταγοητευθέντος γεύσασθαι. τρεῖς δὲ ἄρα νόσοι κυνὶ ἀποκεκλήρωνται καὶ οὐ πλείους, κυνάγχη λύττα ποδάγρα· ἀνθρώποις γε μὴν μυρίαι. πᾶν δὲ ὅ τι ἂν ὑπὸ κυνὸς λυττῶντος δηχθῇ, τοῦτο ἀποθνήσκει. κύων δὲ ποδαγρήσας, σπανίως ἀναρρωσθέντα ὄψει αὐτόν. κυνὶ δὲ βίος ὁ μήκιστος τεσσαρεσκαίδεκα ἔτη. Ἄργος δὲ ὁ Ὀδυσσέως καὶ ἡ περὶ αὐτὸν ἱστορία ἔοικε παιδιὰ Ὁμήρου εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="41"> 
+<p> γένος ὀρνίθων Ἰνδικῶν βραχυτάτων καὶ τοῦτο εἴη ἄν. ἐν τοῖς πάγοις τοῖς ὑψηλοῖς νεοττεύει καὶ ταῖς πέτραις ταῖς καλουμέναις λεπραῖς, καὶ ἔστι τὸ μέγεθος τὰ ὀρνύφια ὅσονπερ ᾠὸν πέρδικος· σανδαρακίνην δέ μοι νόει τὴν χρόαν αὐτῶν. καὶ Ἰνδοὶ μὲν αὐτὸ φωνῇ τῇ σφετέρᾳ δίκαιρον φιλοῦσιν ὀνομάζειν, Ἕλληνες δὲ ὡς ἀκούω δίκαιον. τούτου τὸ ἀποπάτημα εἴ τις λάβοι ὅσον κέγχρου μέγεθος <pb xml:id="p.99"/> λυθὲν ἐν τῷ πώματι, ὃ δὲ ἐς ἑσπέραν ἀπέθανεν. ἔοικε δὲ ὁ θάνατος ὕπνῳ καὶ μάλα γε ἡδεῖ καὶ ἀνωδύνῳ καὶ οἷον οἱ ποιηταὶ λυσιμελῆ φιλοῦσιν ὀνομάζειν ἢ ἀβληχρόν· εἴη γὰρ ἂν καὶ οὗτος ἐλεύθερος ὀδύνης καὶ τοῖς δεομένοις διὰ ταῦτα ἥδιστος. σπουδὴν δὲ ἄρα τὴν ἀνωτάτω τίθενται Ἰνδοὶ ἐς τὴν κτῆσιν αὐτοῦ· κακῶν γὰρ αὐτὸ ἐπίληθον ἡγοῦνται τῷ ὄντι· καὶ οὖν καὶ ἐν τοῖς δώροις τοῖς μέγα τιμίοις τῷ Περσῶν βασιλεῖ ὁ Ἰνδῶν πέμπει καὶ τοῦτο. ὃ δὲ καὶ τῶν ἄλλων ἁπάντων προτιμᾷ λαβὼν καὶ ἀποθησαυρίζει κακῶν ἀνιάτων ἀντίπαλόν τε καὶ ἀμυντήριον, εἰ ἀνάγκη καταλάβοι. οὔκουν οὐδὲ ἔχει τις ἐν Πέρσαις αὐτὸ ἄλλος, ὅτι μὴ βασιλεύς τε αὐτὸς καὶ μήτηρ ἡ βασιλέως. καὶ διὰ ταῦτα ἀντικρίνοντες βασανίσωμεν τῶν φαρμάκων τοῦ τε Ἰνδικοῦ καὶ τοῦ Αἰγυπτίου ὁπότερον ἦν προτιμότερον· ἐπεὶ τὸ μὲν ἐφʼ ἡμέραν ἀνεῖργέ τε καὶ ἀνέστελλε τὰ δάκρυα τὸ Αἰγύπτιον, τὸ δὲ λήθην κακῶν παρεῖχεν αἰώνιον τὸ Ἰνδικόν· καὶ τὸ μὲν γυναικὸς δῶρον ἦν, τὸ δὲ ὄρνιθος ἢ ἀπορρήτου φύσεως δεσμῶν τῶν ὄντως βαρυτάτων ἀπολυούσης διʼ ὑπηρέτου τοῦ προειρημένου. καὶ Ἰνδοὺς κτήσασθαι αὐτὸ εὐτυχήσαντας, ὡς τῆς ἐνταυθοῖ φρουρᾶς ἀπολυθῆναι ὅταν ἐθέλωσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="42"> 
+<p>ὁ ὄρνις ὁ ἀτταγᾶς ʽμέμνηται δὲ καὶ Ἀριστοφάνης αὐτοῦ ἐν Ὄρνισι τῷ δράματἰ, οὗτός τοι τὸ ἴδιον ὄνομα ᾗ σθένει φωνῇ φθέγγεται καὶ ἀναμέλπει αὐτό. λέγουσι δὲ καὶ τὰς καλουμένας μελεαγρίδας τὸ αὐτὸ δήπου δρᾶν τοῦτο, καὶ ὅτι Μελεάγρῳ τῷ Οἰνέως προσήκουσι κατὰ γένος μαρτυρεῖσθαι καὶ μάλα εὐστόμως. λέγει δὲ ὁ μῦθος, ὅσαι ἦσαν οἰκεῖαι τῷ Οἰνείδῃ νεανίᾳ, ταύτας ἐς δάκρυά τε ἄσχετα καὶ πένθος <pb xml:id="p.100"/> ἄτλητον ἐκπεσεῖν καὶ θρηνεῖν, οὐδέν τι τῆς λύπης ἄκος προσιεμένας, οἴκτῳ δὲ ἄρα τῶν θεῶν ἐς ταῦτα τὰ ζῷα ἀμεῖψαι τὸ εἶδος. ταῖς δὲ ἴνδαλμά τε καὶ σπέρμα τοῦ τότε πένθους· ἐντακῆναι, καὶ ἐς νῦν ἔτι Μελέαγρόν τε ἀναμέλπειν, καὶ ὡς αὐτῷ προσήκουσιν ᾅδειν καὶ τοῦτο μέντοι. ὅσοι δὲ ἄρα αἰδοῦνται τὸ θεῖον, οὐκ ἄν ποτε τῶνδε τῶν ὀρνίθων ἐπὶ τροφῇ προσάψαιντο. καὶ ἥτις ἡ αἰτία ἴσασί τε οἱ τὴν νῆσον οἰκοῦντες τὴν Λέρον καὶ ἔνεστι μαθεῖν ἀλλαχόθεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="43"> 
+<p> πέπυσμαι δὲ ὑπὲρ τῶν μυρμήκων καὶ ταῦτα. οὕτως ἄρα αὐτοῖς τὸ ἐθελουργὸν καὶ τὸ ἐθελόπονον πάρεστιν ἀπροφασίστως καὶ ἄνευ τινὸς ὑποτιμήσεως ἐθελοκακούσης καὶ σκήψεως, ἐς ἣν ὑποικουρεῖ τὸ ῥᾴθυμον, ὡς κἀν ταῖς πανσελήνοις μηδὲ νύκτωρ βλακεύειν μηδὲ ἐλινύειν, ἀλλʼ ἔχεσθαι τῆς σπουδῆς. ὦ ἄνθρωποι,μυρίας προφάσεις τε καὶ σκήψεις ἐς τὸ ῥᾳστωνεύειν ἐπινοοῦντες. καὶ τί δεῖ καταλέγειν τε καὶ ἐπαντλεῖν τὸν τοσοῦτον ὄχλον; κεκήρυκται γὰρ Διονύσια καὶ Λήναια καὶ Χύτροι καὶ Γεφυρισμοί, καὶ μετελθόντων ἐς τὴν Σπάρτην ἄλλα καὶ ἐς Θήβας ἄλλα καὶ κατὰ πόλιν μυρία ἑκάστην τὰ μὲν βάρβαρον τὰ δὲ Ἑλλάδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="44"> 
+<p> μαρτύριον δὲ τῆς τῶν ζῴων φύσεως, ὅτι οὐ πάνυ τι δυσμεταχείριστά ἐστιν, ἀλλὰ εὖ παθόντα ἀπομνησθῆναι τῆς εὐεργεσίας ἐστὶν ἀγαθά, ἐν τῇ Αἰγύπτῳ οἵ τε αἴλουροι καὶ οἱ ἰχνεύμονες καὶ οἱ κροκόδειλοι καὶ τὸ τῶν ἱεράκων ἔτι φῦλον. ἁλίσκεται δὲ κολακείᾳ τῇ κατὰ γαστέρα, καὶ ἐντεῦθεν ἡμερωθέντα λοιπὸν πραότατα μένει· καὶ οὐκ ἄν ποτε ἐπίθοιτο τοῖς εὐεργέταις τοῖς ἑαυτῶν, τοῦ θυμοῦ τοῦ συμφυοῦς τε καὶ συγγενοῦς ἅπαξ παραλυθέντα. ἄνθρωπος δὲ καὶ <pb xml:id="p.101"/> λόγου μετειληχὸς ζῷον καὶ φρονήσεως ἀξιωθὲν καὶ αἰδεῖσθαι λαχὸν καὶ ἐρύθημα πιστευθὲν φίλου γίνεται βαρὺς πολέμιος, καὶ ὅσα ἀπόρρητα ἐπιστεύθη, ταῦτα διʼ αἰτίαν βραχυτάτην καὶ τὴν παρατυχοῦσαν ἐς ἐπιβουλὴν ἐξέπτυσε τὴν τοῦ πεπιστευκότος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="45"> 
+<p>θαυμάσαι λόγον ἄξιόν φησιν Εὔδημος, καὶ τῷ γε ἀνδρὶ τῷδε ὁ λόγος οὗτός ἐστι. νεανίας θηρατικός, συμβιοῦν τοῖς τῶν ζῴων ἀγριωτάτοις. οἷός τε, ἐκ νέων μέντοι καὶ βρεφῶν πεπωλευμένοις, εἶχε συντρόφους τε καὶ συσσίτους ἑαυτοῖς γεγενημένους κύνα καὶ ἄρκτον καὶ λέοντα. καὶ ταῦτα μὲν χρόνου πρὸς ἄλληλα εἰρήνην ἄγειν καὶ φίλα νοεῖν σφίσι λέγει ὁ Εὔδημος· μιᾶς δὲ τυχεῖν ἡμέρας τὸν κύνα προσπαίζοντα τὴν ἄρκτον καὶ ὑπαικάλλοντα καὶ ἐρεσχελοῦντα, τὴν δὲ οὐκ εἰωθότως ἐκθηριωθῆναι καὶ ἐμπεσεῖν τῷ κυνί, καὶ λαφύξαι τοῖς ὄνυξι τοῦ δειλαίου τὴν γαστέρα καὶ διασπάσασθαι αὐτόν· ἀγανακτῆσαι δὲ τῷ συμβάντι ὁ αὐτός φησι τὸν λέοντα καὶ οἱονεὶ μισῆσαι τὸ ἄσπονδον τῆς ἄρκτου καὶ ἄφιλον, καὶ τὸν κύνα οἷα ἑταῖρον ποθῆσαι καὶ ἐς δικαίαν προελθεῖν ὀργήν, καὶ ἐπιθεῖναι τῇ ἄρκτῳ τὴν δίκην, καὶ τὰ αὐτὰ δρᾶσαι αὐτήν, ἅπερ οὖν εἰργάσατο τὸν κύνα ἐκείνη. Ὅμηρος μὲν οὖν φησιν <quote rend="blockquote"> <lb/>ὡς ἀγαθὸν καὶ παῖδα καταφθιμένοιο λιπέσθαι· </quote> ἔοικε δὲ ἡ φύσις δεικνύναι ὅτι καὶ φίλον ἑαυτῷ τιμωρὸν καταλιπεῖν, ὦ φίλε Ὅμηρε, κέρδος ἐστίν. οἷόν τι καὶ περὶ Ζήνωνος καὶ Κλεάνθους νοοῦμεν, εἴ τι ἀκούομεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="46"> 
+<p>ἐν Ἰνδοῖς γίνεται θηρία τὸ μέγεθος ὅσον γένοιντο ἂν οἱ κάνθαροι, καὶ ἔστιν ἐρυθρά· κινναβάρει δὲ εἰκάσειας ἄν, εἰ πρῶτον θεάσαιο αὐτά. πόδας <pb xml:id="p.102"/> δὲ ἔχει ταῦτα μηκίστους, καὶ προσάψασθαι μαλακά ἐστι. φύεται δὲ ἄρα ἐπὶ τῶν δένδρων τῶν φερόντων τὸ ἤλεκτρον, καὶ σιτεῖται τὸν τῶν φυτῶν καρπὸν τῶνδε. θηρῶσι δὲ αὐτὰ οἱ Ἰνδοὶ καὶ ἀποθλίβουσι, καὶ ἐξ αὐτῶν βάπτουσι τάς τε φοινικίδας καὶ τοὺς ὑπʼ αὐταῖς χιτῶνας καὶ πᾶν ὅ τι ἂν ἐθέλωσιν ἄλλο ἐς τήνδε τὴν χρόαν ἐκτρέψαι τε καὶ χρῶσαι. κομίζεται δὲ ἄρα ἡ τοιάδε ἐσθὴς καὶ τῷ τῶν Περσῶν βασιλεῖ. καὶ τό γε εὐειδὲς τῆς ἐσθῆτος δοκεῖ τοῖς Πέρσαις θαυμαστόν, ἀντικρινομένη δὲ ταῖς Περσῶν ἐπιχωρίοις κρατεῖ κατὰ πολὺ καὶ ἐκπλήττει, ὥς φησι Κτησίας· ἐπεὶ καὶ τῶν ᾀδομένων Σαρδιανικῶν ὀξυτέρα τέ ἐστι καὶ τηλαυγεστέρα. γίνονται δὲ ἐνταῦθα τῆς Ἰνδικῆς, ἔνθα οἱ κάνθαροι, καὶ οἱ καλούμενοι κυνοκέφαλοι, οἷς τὸ ὄνομα ἔδωκεν ἡ τοῦ σώματος ὄψις τε καὶ φύσις· τὰ δὲ ἄλλα ἀνθρώπων ἔχουσι, καὶ ἠμφιεσμένοι βαδίζουσι δορὰς θηρίων. καί εἰσι δίκαιοι, καὶ ἀνθρώπων λυποῦσιν οὐδένα, καὶ φθέγγονται μὲν οὐδὲ ἕν, ὠρύονται δέ, τῆς γε μὴν Ἰνδῶν φωνῆς ἐπαΐουσι. τροφὴ δὲ αὐτοῖς τῶν ζῴων τὰ ἄγρια· αἱροῦσι δὲ αὐτὰ ῥᾷστα, καὶ γάρ εἰσιν ὤκιστοι, καὶ ἀποκτείνουσι καταλαβόντες, καὶ ὀπτῶσιν οὐ πυρί, ἀλλὰ πρὸς τὴν εἵλην τὴν τοῦ ἡλίου ἐς μοίρας διαξήναντες. τρέφουσι δὲ καὶ αἶγας καὶ οἶς. καὶ σῖτον μὲν ποιοῦνται τὰ ἄγρια, πίνουσι δὲ τὸ ἐκ τῶν θρεμμάτων γάλα ὧν τρέφουσι. μνήμην δὲ αὐτῶν ἐν τοῖς ἀλόγοις ἐποιησάμην, καὶ εἰκότως· ἔναρθρον γὰρ καὶ εὔσημον καὶ ἀνθρωπίνην φωνὴν οὐκ ἔχουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="47"> 
+<p> Χλωρὶς ὄνομα ὄρνιθος, ἥπερ οὖν οὐκ ἂν ἀλλαχόθεν ποιήσαιτο τὴν καλιὰν ἢ ἐκ τοῦ λεγομένου συμφύτου· ἔστι δὲ ῥίζα τὸ σύμφυτον εὑρεθῆναί τε καὶ <pb xml:id="p.103"/> ὀρύξαι χαλεπή. στρωμνὴν δὲ ὑποβάλλεται τρίχας καὶ ἔρια. καὶ ὁ μὲν θῆλυς ὄρνις οὕτω κέκληται, ὁ δὲ ἄρρην, χλωρίωνα καλοῦσιν αὐτόν, καὶ ἔστι τὸν βίον μηχανικός, μαθεῖν τε πᾶν ὅ τι οὖν ἀγαθὸς καὶ τλήμων ὑπομεῖναι τὴν ἐν τῷ μανθάνειν βάσανον, ὅταν ἁλῷ. καὶ διὰ μὲν τοῦ χειμῶνος ἄφετον καὶ ἐλεύθερον οὐκ ἂν ἴδοι τις αὐτόν, ἠριναὶ δὲ ὅταν ὑπάρξωνται τροπαὶ τοῦ ἔτους, τηνικαῦτʼ ἂν ἐπιφαίνοιτο. Ἀρκτοῦρός τε ἐπέτειλεν, ὃ δὲ ἀναχωρεῖ ἐς τὰ οἰκεῖα, ὁπόθεν καὶ δεῦρο ἐστάλη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="48"> 
+<p>ὑπὸ θυμοῦ τεθηγμένον ταῦρον καὶ ὑβρίζοντα ἐς κέρας καὶ σὺν ὁρμῇ ἀκατασχέτῳ φερόμενον οὐχ ὁ βουκόλος ἐπέχει, οὐ φόβος ἀναστέλλει, οὐκ ἄλλο τοιοῦτον, ἄνθρωπος δὲ ἵστησιν αὐτὸν καὶ παραλύει τῆς ὁρμῆς τὸ δεξιὸν αὑτοῦ γόνυ διασφίγξας ταινίᾳ καὶ ἐντυχὼν αὐτῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="49"> 
+<p>ἡ πάρδαλις πέντε ἔχει δακτύλους ἐν τοῖς ποσὶ τοῖς προσθίοις, ἐν δὲ τοῖς κατόπιν τέτταρας. ἡ δὲ θήλεια εὐρωστοτέρα τοῦ ἄρρενος. ἐὰν δὲ γεύσηται ἀγνοοῦσα τοῦ καλουμένου παρδαλιάγχου ʽπόα δέ ἐστινʼ, ἀποπάτημα ἀνθρώπου ποθὲν ἀνιχνεύσασα διασώζεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="50"> 
+<p>οἱ ἵπποι, τὰς κάτω βλεφαρίδας οὔ φασιν αὐτοὺς ἔχειν. Ἀπελλῆν οὖν τὸν Ἐφέσιον αἰτίαν λέγουσιν ἔχειν, ἐπεί τινα ἵππον γράφων οὐ παρεφύλαξε τὸ ἴδιον τοῦ ζῴου. οἳ δὲ οὐκ Ἀπελλῆν φασι ταύτην τὴν αἰτίαν ἐνέγκασθαι, ἀλλὰ Μίκωνα, ἀγαθὸν μὲν ἄνδρα γράψαι τὸ ζῷον τοῦτο, σφαλέντα δʼ οὖν ἐς μόνον τὸ εἰρημένον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="51"> 
+<p> <del>Τὸν οἶστρόν φασιν ὅμοιον εἶναι μυίᾳ μεγίστῃ καὶ εἶναι στερεὸν καὶ εὐπαγῆ καὶ ἔχειν κέντρον ἰσχυρὸν ἠρτημένον τοῦ σώματος, προΐεσθαι δὲ καὶ ἦχον βομβώδη. <pb xml:id="p.104"/> τὸν μὲν οὖν μύωπα ὅμοιον φῦναι τῇ καλουμένῃ κυνομυίᾳ, βομβεῖν δὲ τοῦ οἴστρου μᾶλλον, ἔχειν δὲ ἔλαττον τὸ κέντρον.</del> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="52"> 
+<p> ὄνους ἀγρίους οὐκ ἐλάττους ἵππων τὰ μεγέθη ἐν Ἰνδοῖς γίνεσθαι πέπυσμαι. καὶ λευκοὺς μὲν τὸ ἄλλο εἶναι σῶμα, τήν γε μὴν κεφαλὴν ἔχειν πορφύρᾳ παραπλησίαν, τοὺς δὲ ὀφθαλμοὺς ἀποστέλλειν κυανοῦ χρόαν. κέρας δὲ ἔχειν ἐπὶ τῷ μετώπῳ ὅσον πήχεως τὸ μέγεθος καὶ ἡμίσεος προσέτι, καὶ τὸ μὲν κάτω μέρος τοῦ κέρατος εἶναι λευκόν, τὸ δὲ ἄνω φοινικοῦν, τό γε μὴν μέσον μέλαν δεινῶς. ἐκ δὴ τῶνδε τῶν ποικίλων κεράτων πίνειν Ἰνδοὺς ἀκούω, καὶ ταῦτα οὐ πάντας, ἀλλὰ τοὺς τῶν Ἰνδῶν κρατίστους, ἐκ διαστημάτων αὐτοῖς χρυσὸν περιχέαντας, οἱονεὶ ψελίοις τισὶ κοσμήσαντας βραχίονα ὡραῖον ἀγάλματος. καί φασι νόσων ἀφύκτων ἀμαθῆ καὶ ἄπειρον γίνεσθαι τὸν ἀπογευσάμενον ἐκ τοῦδε τοῦ κέρατος· μήτε γὰρ σπασμῷ ληφθῆναι ἂν αὐτὸν μήτε τῇ καλουμένῃ ἱερᾷ νόσῳ, μήτε μὴν διαφθαρῆναι φαρμάκοις. ἐὰν δέ τι καὶ πρότερον ᾖ πεπωκὼς κακόν, ἀνεμεῖν τοῦτο, καὶ ὑγιᾶ γίνεσθαι αὐτόν. πεπίστευται δὲ τοὺς ἄλλους τοὺς ἀνὰ πᾶσαν τὴν γῆν ὄνους καὶ ἡμέρους καὶ ἀγρίους καὶ τὰ ἄλλα μώνυχα θηρία ἀστραγάλους οὐκ ἔχειν, οὐδὲ μὴν ἐπὶ τῷ ἥπατι χολήν, ὄνους δὲ τοὺς Ἰνδοὺς λέγει Κτησίας τοὺς ἔχοντας τὸ κέρας ἀστραγάλους φορεῖν, καὶ ἀχόλους μὴ εἶναι· λέγονται δὲ οἱ ἀστράγαλοι μέλανες εἶναι, καὶ εἴ τις αὐτοὺς συντρίψειεν, εἶναι τοιοῦτοι καὶ τὰ ἔνδον. εἰσὶ δὲ καὶ ὤκιστοι οἵδε οὐ μόνον τῶν ὄνων, ἀλλὰ καὶ ἵππων καὶ ἐλάφων· καὶ ὑπάρχονται μὲν ἡσυχῆ τοῦ δρόμου, κατὰ μικρὰ δὲ ἐπιρρώννυνται, καὶ διώκειν ἐκείνους τοῦτο δὴ τὸ ποιητικὸν μεταθεῖν τὰ ἀκίχητά ἐστιν. ὅταν γε <pb xml:id="p.105"/> μὴν ὁ θῆλυς τέκῃ, καὶ περιάγηται τὰ ἀρτιγενῆ, σύννομοι αὐτοῖς οἱ πατέρες αὐτῶν φυλάττουσι τὰ βρέφη. διατριβαὶ δὲ τοῖς ὄνοις τῶν Ἰνδικῶν πεδίων τὰ ἐρημότατά ἐστιν. ἰόντων δὲ τῶν Ἰνδῶν ἐπὶ τὴν ἄγραν αὐτῶν, τὰ μὲν ἁπαλὰ καὶ ἔτι νεαρὰ ἑαυτῶν νέμεσθαι κατόπιν ἐῶσιν, αὐτοὶ δὲ ὑπερμαχοῦσι, καὶ ἴασι τοῖς ἱππεῦσιν ὁμόσε, καὶ τοῖς κέρασι παίουσι. τοσαύτη δὲ ἄρα ἡ ἰσχὺς ἡ τῶνδέ ἐστιν. οὐδὲν ἀντέχει αὐτοῖς παιόμενον, ἀλλὰ εἴκει καὶ διακόπτεται καὶ ἐὰν τύχῃ κατατέθλασται καὶ ἀχρεῖόν ἐστιν. ἤδη δὲ καὶ ἵππων πλευραῖς ἐμπεσόντες διέσχισαν καὶ τὰ σπλάγχνα ἐξέχεαν. ἔνθεν τοι καὶ ὀρρωδοῦσιν αὐτοῖς πλησιάζειν οἱ ἱππεῖς· τὸ γάρ τοι τίμημα τοῦ γενέσθαι πλησίον θάνατός ἐστιν οἴκτιστος αὐτοῖς, καὶ ἀπόλλυνται καὶ αὐτοὶ καὶ οἱ ἵπποι. δεινοὶ δέ εἰσι καὶ λακτίσαι. δήγματα δὲ ἄρα ἐς τοσοῦτον καθικνεῖται αὐτῶν, ὡς ἀποσπᾶν τὸ περιληφθὲν πᾶν. ζῶντα μὲν οὖν τέλειον οὐκ ἂν λάβοις, βάλλονται δὲ ἀκοντίοις καὶ οἰστοῖς, καὶ τὰ κέρατα ἐξ αὐτῶν Ἰνδοὶ νεκρῶν σκυλεύσαντες ὡς εἶπον περιέπουσιν. ὄνων δὲ Ἰνδῶν ἄβρωτόν ἐστι τὸ κρέας· τὸ δὲ αἴτιον, πέφυκεν εἶναι πικρότατον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="53"> 
+<p>εἶναι δὲ ἄλογα μὲν ζῷα, φυσικὴν δὲ ἔχειν ἀριθμητικὴν μὴ διδαχθέντα Εὔδημός φησι, καὶ ἐπάγει μαρτύριον ἐκεῖνο τῶν ἐν τῇ Λιβύῃ ζῴων. τὸ δὲ ὄνομα οὐ λέγει· ἃ δὲ λέγει, ταῦτά ἐστιν. ὅ τι ἂν θηράσῃ, ποιεῖν μοίρας ἕνδεκα, καὶ τὰς μὲν δέκα σιτεῖσθαι, τὴν δὲ ἑνδεκάτην ἀπολείπειν ʽὅτῳ δὲ καὶ ἀντὶ τοῦ καὶ ἐννοίᾳ τίνι σκοπεῖν ἄξιονʼ ἀπαρχήν γέ τινα ἢ δεκάτην, ὡς ἂν εἴποις. οὐκοῦν ἐκπλαγῆναι δίκαιον τὴν αὐτοδίδακτον σοφίαν τήνδε· τὴν γάρ τοι μονάδα καὶ δυάδα καὶ τοὺς ἑξῆς ἀριθμοὺς ζῷον οἶδεν ἄλογον· <pb xml:id="p.106"/> ἀνθρώπῳ δὲ δεῖ πόσων μὲν τῶν μαθημάτων, πόσων δὲ τῶν πληγῶν, ἵνα ἢ μάθῃ ταῦτα εὖ καὶ καλῶς ἢ πολλάκις μὴ μάθῃ; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="54"> 
+<p> λέγουσιν Αἰγύπτιοι ʽκαὶ ῥᾳθύμως αὐτῶν οὐκ ἀκούουσιν ἄνδρες φιλόσοφοἰ ἔν τινι νομῷ τῶν Αἰγυπτίων, ὅνπερ οὖν ἐξ Ἡρακλέους τοῦ Διὸς ὀνομάζουσι, παῖδα ὡραῖον ὡς ἂν Αἰγύπτιον, χηνῶν ποιμένα, ἐράστριαν ἀσπίδα λαχεῖν, καὶ μέντοι καὶ παρʼ αὐτῇ εἶναι θαυμαστόν. εἶτα φοιτῶσαν τῷ ἐρωμένῳ ὄναρ προλέγειν τὰς ἐπιβουλὰς τὰς ἐς αὐτὸν πανουργουμένας ἐκ θατέρου θηρίου, ὅπερ ἦν αὐτῇ σύννομον, ὡς ἂν εἴποι τις, ζηλοτυπίᾳ τῇ πρὸς τὸν παῖδα ὑπὲρ τῆς νύμφης ταῦτα πειρωμένου δρᾶν τοῦ ἄρρενος· τὸν δὲ ὑπακούοντα πείθεσθαι καὶ φυλάττεσθαι. Ὅμηρος μὲν οὖν ἔδωκεν ἵππῳ φωνήν, ἀσπίδι δὲ ἡ φύσις, ᾗ νόμων οὐδὲν μέλει, φησὶν Εὐριπίδης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="55"> 
+<p> καμήλους ἔτη βιοῦν καὶ πεντήκοντα ἀκήκοα, τὰς δὲ ἐκ Βάκτρων πέπυσμαι προϊέναι καὶ ἐς δὶς τοσαῦτα. καὶ οἵ γε ἄρρενες καὶ πολεμικοί, ἐκτέμνουσιν αὐτοὺς οἱ Βάκτριοι, τὴν ὕβριν καὶ τὸ ἀκολασταίνειν ἀφαιροῦντες, τὴν δὲ ῥώμην αὐτοῖς φυλάττοντες. κάονται δὲ αἱ θήλειαι τὰ ἐξάπτοντα ἐς οἶστρον μέρη αὐτάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="56"> 
+<p> φώκην Εὔδημος λέγει ἐρασθῆναι ἀνδρὸς σπογγιὰς θηρεύειν συνειθισμένου, καὶ προϊοῦσαν τῆς θαλάττης ἔνθα ἦν ὕπαντρος πέτρα ὁμιλεῖν αὐτῷ. τῶν δὲ ὁμοτέχνων ἦν ἄρα οὗτος αἴσχιστος, ἀλλὰ ἐδόκει τῇ φώκῃ ὡραιότατος εἶναι. καὶ θαῦμα ἴσως οὐδέν, ἐπεὶ καὶ ἄνθρωποι πολλάκις τῶν ἧττον καλῶν ἠράσθησαν, ἐς τοὺς ὡραιοτάτους οὐ παθόντες οὐδὲ ἕν, ἀλλʼ ἀμελήσαντες αὐτῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="57"> 
+<p> Ἀριστοτέλης λέγει τὸν ὑπὸ ὕδρου πληγέντα παραχρῆμα <pb xml:id="p.107"/> ὀσμὴν βαρυτάτην ἀπεργάζεσθαι, ὡς μὴ οἷόν τε εἶναι προσπελάσαι αὐτῷ τινα. λήθην τε καταχεῖσθαι τοῦ πληγέντος ὁ αὐτὸς λέγει καὶ μέντοι καὶ ἀχλὺν κατὰ τῶν ὀμμάτων πολλήν, καὶ λύτταν ἐπιγίνεσθαι καὶ τρόμον εὖ μάλα ἰσχυρόν, καὶ ἀπόλλυσθαι διὰ τρίτης αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="58"> 
+<p>τὴν οἰνάδα ὄρνεον εἰδέναι χρὴ οὖσαν, οὐ μὴν ὥς τινες ἄμπελον. λέγει δὲ Ἀριστοτέλης μεῖζον μὲν αὐτὸ εἶναι φάττης, περιστερᾶς γε μὴν ἧττον. καλοῦνται δὲ ὡς ἀκούω καὶ ἐν τῇ Σπάρτῃ οἰναδοθῆραί τινες. λέγοιτο δʼ ἂν καὶ κίρκη διαλλάττειν κίρκου οὐ μόνον τῷ γένει ἀλλὰ καὶ τῇ φύσει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="59"> 
+<p>Κύανος τὸ ὄνομα, ὄρνις τὴν φύσιν, ἀπάνθρωπος τὸν τρόπον, μισῶν μὲν τὰς ἀστικὰς διατριβὰς καὶ τὰς κατʼ οἰκίαν αὐλίσεις, φεύγων δὲ καὶ τὰς ἐν ἀγροῖς διατριβὰς καὶ ὅπου καλύβαι τε καὶ ἀνθρώπων αὔλια, χαίρων δὲ ἐρημίαις καὶ ἡδόμενος ὀρείοις κορυφαῖς καὶ πάγοις ἀποτόμοις. ἀλλʼ οὐδὲ ἠπείροις φιληδεῖ οὐδὲ νήσοις ἀγαθαῖς, Σκύρῳ δὲ καὶ εἴ τις τοιαύτη ἑτέρα ἄγαν λυπρὰ καὶ ἄγονος καὶ ἀνθρώπων χηρεύουσα ὡς τὰ πολλά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:4" n="60"> 
+<p>σπίνοι δὲ ἄρα σοφώτεροι καὶ ἀνθρώπων τὸ μέλλον προεγνωκέναι. ἴσασι γοῦν καὶ χειμῶνα μέλλοντα, καὶ χιόνα ἐσομένην προμηθέστατα ἐφυλάξαντο. καὶ τοῦ καταληφθῆναι δέει ἀποδιδράσκουσιν ἐς τὰ ἀλσώδη χωρία, καὶ αὐτοῖς τὰ δάση κρησφύγετα ὡς ἂν εἴποις ἐστίν.</p> </div> </div>
+<pb xml:id="p.108"/>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="5"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="1"> 
+<p>γῆν τὴν Παριανῶν καὶ τὴν γείτονα Κύζικον ὄρνιθας οἰκεῖν μέλανας ἰδεῖν φασι, τὸ δὲ σχῆμα εἴποις ἱέρακας αὐτοὺς ἄν. ἄγευστοι δέ εἰσι σαρκῶν, καὶ σωφρονοῦσι περὶ τὴν γαστέρα, καὶ αὐτοῖς τὰ σπέρματα εἶναι δεῖπνον ἀπόχρη. ὅταν δὲ ὑπάρξηται τὸ μετόπωρον, ἐς τὴν Ἰλιάδα γῆν ἀγέλη τῶνδε τῶν ὀρνίθων ʽκαλοῦσι δὲ αὐτοὺς μέμνονασʼ εὐθὺ τοῦ Μεμνονείου τάφου φοιτῶσι. λέγουσι δὲ οἱ τὴν Τρωάδα ἔτι οἰκοῦντες ἠρίον εἶναί τι τῷ τῆς Ἠοῦς Μέμνονι ἄνετον· καὶ αὐτὸν μὲν τὸν νεκρὸν ἐς τὰ Σοῦσα τὰ οὕτω Μεμνόνεια ὑμνούμενα ὑπὸ τῆς μητρὸς κομισθέντα μετέωρον ἐκ τῶν φονῶν τυχεῖν κηδεύσεως τῆς προσηκούσης αὐτῷ, ἐπονομάζεσθαι δέ οἱ τὴν στήλην τὴν ἐνταῦθα ἄλλως. οὐκοῦν τοὺς ὄρνιθας τοὺς ἐπωνύμους τοῦ ἥρωος τοῦ προειρημένου ἀφικνεῖσθαι κατὰ πᾶν ἔτος, καὶ διαιρεῖσθαί τε καὶ διασχίζεσθαι ἐς ἔχθραν καὶ διαφοράν, καὶ μάχεσθαι μάχην καρτεράν, ἔστʼ ἂν οἳ μὲν αὐτῶν ἀποθάνωσιν οἱ ἡμίσεις, οἳ δὲ ἀπέλθωσιν οἱ κρατήσαντες ἔνθεν τοι καὶ ἀφίκοντο. ὅπως μὲν οὖν ταῦτα δρᾶται καὶ ὁπόθεν, οὔ μοι σχολὴ φιλοσοφεῖν νῦν, οὐδὲ μὴν τὰ τῆς φύσεως ἀπόρρητα ἀνιχνεύειν· εἰρήσεται δὲ ἐκεῖνο. ἐπιτάφιον τῷ παιδὶ τῷ τῆς Ἠοῦς καὶ Τιθωνοῦ τοῦτον ὅσα ἔτη τὸν ἀγῶνα ἀθλοῦσιν οἱ προειρημένοι ὄρνιθες· Πελίαν δὲ ἅπαξ ἐτίμησαν Ἕλληνες ἀγῶνι καὶ Ἀμαρυγκέα καὶ μέντοι καὶ Πάτροκλον καὶ τὸν ἀντίπαλον Μέμνονος τὸν Ἀχιλλέα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="2"> 
+<p> ἐν τῇ Κρήτῃ γλαῦκα μὴ γίνεσθαί φασι τὸ παράπαν, ἀλλὰ καὶ ἐσκομισθεῖσαν ἔξωθεν ἀποθνήσκειν. ἔοικε δὲ ὁ Εὐριπίδης ἀβασανίστως πεποιηκέναι τὸν <pb xml:id="p.109"/> Πολύειδον ὁρῶντα τήνδε τὴν ὄρνιν καὶ ἐξ αὐτῆς τεκμηράμενον ὅτι εὑρήσει τὸν Γλαῦκον. πυνθάνομαι δὲ ἔγωγε λόγους Κρῆτας ᾅδειν καὶ διδάσκειν ἐκεῖνα πρὸς τοῖς ἤδη διηνυσμένοις. δῶρον λαβεῖν τὴν γῆν τὴν Κρητικὴν ἐκ Διός, οἷα δήπου τροφὸν καὶ τὴν κρύψιν τὴν ὑμνουμένην ἀποκρύψασαν αὐτόν, ἐλευθέραν εἶναι θηρίου πονηροῦ καὶ ἐπὶ λύμῃ γεγεννημένου παντός, καὶ μήτε αὐτὴν τίκτειν μήτε ἔξωθεν κομισθὲν τρέφειν. καὶ τὴν μὲν ἀποδείκνυσθαι τοῦ δώρου τὴν ἰσχύν· τῶν γάρ τοι προειρημένων ἄγονον εἶναι· εἰ δὲ ἐπὶ πείρᾳ τις ἢ ἐλέγχῳ τῆς ἐκ Διὸς χάριτος τῶν ὀθνείων τι ἐσαγάγοι, τὸ δὲ ἐπιψαῦσαν μόνον τῆς γῆς ἀπόλλυσθαι. οὐκοῦν τοὺς θηρῶντας τοὺς ὄφεις ἐν τῇ πλησίον Λιβύῃ τοιαῦτα παλαμᾶσθαι. ἡμερώσαντες ἄγουσιν ἐς θαῦμα οἵδε οἱ γόητες τῶν δακέτων θηρίων πολλά, καὶ σὺν αὐτοῖς ἐπάγονται φόρτον γῆς τῆς Λιβύσσης σφίσι τὸ ἀρκοῦν ἐς τὴν χρείαν. προμηθείᾳ δὲ τῶν ὄφεων τοῦτο δρῶσιν, ἵνα μὴ ἀπόλωνται· καὶ διὰ ταῦτα ἐς τὴν νῆσον τὴν προειρημένην ὅταν ἀφίκωνται, οὐ πρότερον κατατίθενται τὰ ζῷα, πρὶν ἢ ὑποσπεῖραι τὴν ξένην γὴν ἣν ἐπάγονται. καὶ ἐπὶ τούτοις ἀθροίζουσι τὰ πλήθη, καὶ μέντοι καὶ τοὺς ἀνοήτους τε καὶ πολλοὺς ἐκπλήττουσιν. ἕως μὲν οὖν ἕκαστον αὐτῶν κατὰ χώραν μένει συνεσπειραμένον τε καὶ ἱδρυμένον, καὶ ἐπανίσταται μέν, οὐ μὴν ὑπερβάλλει τὴν οἰκείαν κόνιν καὶ σύντροφον, ἐς τοσοῦτον ζῇ· ἐὰν δὲ ἐκφοιτήσῃ ἐς τὴν ὀθνείαν καὶ ἑαυτῷ ξένην γῆν τὴν ἐχθραίνουσαν αὐτῷ, ἀποθνήσκει, καὶ εἰκότως. εἰ γὰρ τὸ ἐκ τοῦ Διὸς νεῦμα ἀτελὲς οὔτε πρὸς τὴν Θέτιν ἐγένετο οὔτε πρὸς ἄλλον τινὰ γένοιτο ἄν, σχολῇ δήπου πρὸς τὴν αὐτοῦ τροφὸν ἐκεῖνο φανεῖται ἄκυρον. <pb xml:id="p.110"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="3"> 
+<p> ὁ ποταμὸς ὁ Ἰνδὸς ἄθηρός ἐστι, μόνος δὲ ἐν αὐτῷ τίκτεται σκώληξ φασί. καὶ τὸ μὲν εἶδος αὐτῷ ὁποῖον δήπου καὶ τοῖς ἐκ τῶν ξύλων γεννωμένοις τε καὶ τρεφομένοις, ἑπτὰ δὲ πήχεων τὸ μῆκος προήκουσιν οἱ ἐκεῖθι, εὑρεθεῖεν δʼ ἂν καὶ μείζους ἔτι καὶ ἐλάττους· τὸ πάχος δὲ αὐτῶν δεκαετὴς παῖς γεγονὼς μόλις ταῖς χερσὶ περιβάλλειν ἀρκέσει. τούτοις δὴ ἄνω μὲν εἷς ὀδοὺς προσπέφυκε, κάτω δὲ ἄλλος, τετράγωνοι δὲ ἄμφω, πυγόνος δὲ τὸ μῆκος. τοσοῦτον δὲ ἄρα τῶν ὀδόντων αὐτοῖς τὸ κράτος ἐστί. πᾶν ὅ τι ἂν ὑπʼ αὐτοῖς λάβωσι συντρίβουσι ῥᾷστα, ἐάν τε λίθος ᾖ ἐάν τε ἥμερον ζῷον ἢ ἄγριον. καὶ μεθʼ ἡμέραν μὲν κάτω καὶ ἐν τῷ βυθῷ τοῦ ποταμοῦ διατρίβουσι, τῷ πηλῷ καὶ τῇ ἰλύι φιληδοῦντες, καὶ ἐντεῦθεν οὐκ εἰσὶν ἔκδηλοι· νύκτωρ δὲ προΐασιν ἐς τὴν γῆν, καὶ ὅτῳ ἂν περιτύχωσιν, ἢ ἵππῳ ἢ βοῖ ἢ ὄνῳ, συντρίβουσιν αὐτόν, εἶτα σύρουσιν ἐς τὰ ἑαυτῶν ἤθη, καὶ ἐσθίουσιν ἐν τῷ ποταμῷ, καὶ πάντα βρύκουσι τὰ μέλη πλὴν τῆς τοῦ ζῴου κοιλίας. εἰ δὲ αὐτοὺς καὶ ἐν ἡμέρᾳ πιέζοι λιμός, εἴτε κάμηλος πίνοι ἐπὶ τῆς ὄχθης εἴτε βοῦς, ὑπανερπύσαντες καὶ λαβόμενοι ἄκρων τῶν χειλέων μάλα εὐλαβῶς, ὁρμῇ βιαιοτάτῃ καὶ ἕλξει ἐγκρατεῖ ἐς τὸ ὕδωρ ἄγουσι, καὶ δεῖπνον ἴσχουσι. δορὰ δὲ ἕκαστον περιαμπέχει τὸ πάχος καὶ δύο δακτύλων. ἄγρα δὲ αὐτῶν καὶ θήρα τὸν τρόπον τόνδε τετέχνασται. ἄγκιστρον παχὺ καὶ ἰσχυρὸν ἁλύσει σιδηρᾷ προσηρτημένον καθιᾶσι, προσδήσαντες αὐτῷ λευκολίνου ταλαντιαῖον ὅπλον, ἐρίῳ κατειλήσαντες καὶ τὸ καὶ τό, ἵνα μὴ διατράγῃ ὁ σκώληξ αὐτά, ἀναπήξαντες δὲ ἐς τὸ ἄγκιστρον ἄρνα ἢ ἔριφον, εἶτα μέντοι ἐς τὸ τοῦ ποταμοῦ ὕδωρ μεθιᾶσιν. ἔχονται δὲ ἄνθρωποι τοῦ ὅπλου καὶ τριάκοντα, καὶ ἕκαστος <pb xml:id="p.111"/> ἀκόντιόν τε ἐνηγκύληται καὶ μάχαιραν παρήρτηται. καὶ παράκειται ξύλα εὐτρεπῆ, παίειν εἰ δέοι· κρανείας δέ ἐστι ταῦτα, ἰσχυρὰ ἄγαν. εἶτα περισχεθέντα τῷ ἀγκίστρῳ καὶ τὸ δέλεαρ καταπιόντα τὸν σκώληκα ἀνέλκουσι, θηραθέντα δὲ ἀποκτείνουσι, καὶ πρὸς τὴν εἵλην κρεμῶσι τριάκοντα ἡμερῶν. λείβεται δὲ ἐξ αὐτοῦ ἔλαιον παχὺ ἐς ἀγγεῖα κεράμου· ἀφίησι δὲ ἕκαστον ζῷον ἐς κοτύλας δέκα. τοῦτο δὴ τὸ ἔλαιον τῷ βασιλεῖ τῶν Ἰνδῶν κομίζουσι, σημεῖα ἐπιβαλόντες· ἔχειν γὰρ αὐτοῦ ἄλλον οὐδὲ ὅσον ῥανίδα ἐφεῖται. ἀχρεῖον δέ ἐστι τὸ λοιπὸν τοῦ ζῴου σκῆνος. ἔχει δὲ ἄρα τὸ ἔλαιον ἰσχὺν ἐκείνην. ὅντινα ἂν ξύλων σωρὸν καταπρῆσαί τε καὶ ἐς ἀνθρακιὰν στορέσαι θελήσῃς, κοτύλην ἐπιχέας τοῦδε ἐξάψεις, μὴ πρότερον ὑποχέας πυρὸς σπέρμα· εἰ δὲ καταπρῆσαι ἄνθρωπον ἢ ζῷον, σὺ μὲν ἐπιχεῖς, τὸ δὲ παραχρῆμα ἐνεπρήσθη. τούτῳ τοί φασι τὸν τῶν Ἰνδῶν βασιλέα καὶ τὰς πόλεις αἱρεῖν τὰς ἐς ἔχθραν προελθούσας οἱ, καὶ μήτε κριοὺς μήτε χελώνας μήτε τὰς ἄλλας ἑλεπόλεις ἀναμένειν, ἐπεὶ καταπιμπρὰς ᾕρηκεν· ἀγγεῖα γὰρ κεραμεᾶ ὅσον κοτύλην ἕκαστον χωροῦντα ἐμπλήσας αὐτοῦ καὶ ἀποφράξας ἄνωθεν ἐς τὰς πύλας σφενδονᾷ. ὅταν δὲ τύχῃ τῶν θυρίδων, τὰ μὲν ἀγγεῖα προσαράττεται καὶ ἀπερράγη, καὶ τὸ ἔλαιον κατώλισθε, καὶ τῶν θυρῶν πῦρ κατεχύθη, καὶ ἄσβεστόν ἐστι. καὶ ὅπλα δὲ κάει καὶ ἀνθρώπους μαχομένους, καὶ ἄπλετόν ἐστι τὴν ἰσχύν. κοιμίζεται δὲ καὶ ἀφανίζεται πολλοῦ φορυτοῦ καταχυθέντος. λέγει ὁ Κνίδιος Κτησίας ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="4"> 
+<p>ἡ φώκαινα ὅμοιον δελφῖνι ζῷόν ἐστιν, ἔχει δὲ γάλα καὶ αὐτή. χρόαν δὲ οὐκ ἔστι μέλαινα, κυανῷ δὲ εἴκασται τῷ βαθυτάτῳ, ἀναπνεῖ δὲ οὐ βραγχίοις, ἀλλὰ φυσητῆρι· τοῦτο γὰρ καὶ καλοῦσίν οἱ τοῦ πνεύματος <pb xml:id="p.112"/> τὴν ὁδόν. διατριβὴ δὲ ὁ Πόντος αὐτῇ καὶ ἡ ἐκεῖ θάλαττα· πλανᾶται δὲ τῶν ἠθῶν ἐκείνων ἐξωτέρω ἡ φώκαινα ἥκιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="5"> 
+<p> τὸν ἄρρενα ἡ θήλεια νικήσασα ὄρνις ἐν τῇ μάχῃ, ἁβρύνεταί τε ὑφʼ ἡδονῆς καὶ καθίησι κάλλαια, οὐκ ἐς τοσοῦτον μὲν ἐς ὅσον καὶ οἱ ἀλεκτρυόνες, καθίησι δʼ οὖν, καὶ φρονήματος ὑποπίμπλαται, καὶ βαίνει μακρότερα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="6"> 
+<p> φιλοίκειον ὁ δελφὶς ζῷον πεπίστευται. καὶ τὸ μαρτύριον, Αἶνός ἐστι πόλις Θρῇσσα. ἔτυχεν οὖν ἁλῶναι δελφῖνα καὶ τρωθῆναι μέν, οὐ μὴν ἐς θάνατον, ἀλλʼ ὡς ἔτι βιώσιμα εἶναι τῷ ἑαλωκότι. οὐκοῦν ἐρρύη μὲν αἷμα, ᾔσθοντο δὲ οἱ ἀθήρατοι, καὶ ἀφίκοντο ἐς τὸν λιμένα ἀγέλη, καὶ κατεσκίρτων, καὶ ἦσάν τι δρασείοντες οὐκ ἀγαθόν. οἱ τοίνυν Αἴνιοι ἔδεισαν καὶ ἀφῆκαν τὸν ἑαλωκότα. καὶ ἐκεῖνοι κομισάμενοι ὡς ἕνα τῶν κηδεστῶν ᾤχοντο ἀπιόντες. σπανίως δὲ ἄνθρωπος ἢ οἰκείῳ δυστυχήσαντι ἢ οἰκείᾳ κοινωνὸς σπουδῆς καὶ φροντίδος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="7"> 
+<p> ἐν Αἰγύπτῳ πίθηκος, ὥς φησιν Εὔδημος, ἐδιώκετο, αἴλουροι δὲ ἦσαν οἱ διώκοντες. ἀνὰ κράτος οὖν ἀποδιδράσκων ὥρμησεν εὐθὺ δένδρου τινός, οἳ δὲ καὶ αὐτοὶ ἀνέθορον ὤκιστα· ἔχονται γὰρ τῶν φλοιῶν, καὶ ἔστι καὶ τούτοις ἐς δένδρα ἐπιβατά. ὃ δὲ ὡς ἡλίσκετο εἷς ὤν, καὶ ταῦτα ὑπὸ πολλῶν, ἐκπηδᾷ τοῦ πρέμνου, καὶ κλάδου τινὸς ἐπηρτημένου καὶ μετεώρου λαμβάνεται ἄκρου ταῖς χερσί, καὶ ἐγκρατῶς εἴχετο οὐκ ἐπʼ ὀλίγον· οἱ δὲ αἴλουροι, ὡς οὐκ ἦν ἐφικτὰ αὐτοῖς ἔτι, ἐπʼ ἄλλην θήραν κατέδραμον. ὃ δὲ κατὰ πολλὴν τὴν σπουδὴν διεσώζετο, ἑαυτῷ ὀφείλων ὡς τὸ εἰκὸς ζωάγρια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="8"> 
+<p> Ἀριστοτέλης ὄφεσιν ἔχθρὰν εἶναι τὴν Ἀστυπαλαιέων <pb xml:id="p.113"/> γῆν λέγει, καθάπερ καὶ τὴν Ῥήνειαν ταῖς γαλαῖς ὁ αὐτὸς ὁμολογεῖ ἡμῖν. κορώνῃ δὲ ἐς τὴν Ἀθηναίων ἀκρόπολιν οὐκ ἔστιν ἐπιβατά. ἡμιόνων δὲ Ἦλιν μητέρα οὐκ ἐρεῖς, ἢ τὸ λεχθὲν ψεῦδός ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="9"> 
+<p>Ῥηγίνοις καὶ Λοκροῖς ἐς τὴν γῆν τὴν ἀλλήλων παριέναι καὶ γεωργεῖν ἔνσπονδόν ἔστιν. οὐ μὴν ὁμολογοῦσι τούτοις οὐδὲ ἐς μίαν νοοῦσι καὶ τὴν αὐτὴν οἱ τέττιγες οἱ τῶνδε καὶ τῶνδε, ἐπεὶ τὸν μὲν Λοκρὸν ἐν Ῥηγίῳ σιγηλότατον ἕξεις, τὸν δὲ Ῥηγῖνον ἐν τοῖς </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="10"> 
+<p>Λοκροῖς ἀφωνότατον. καὶ τίς ἡ αἰτία τῆς τοιαύτης ἀντιδόσεως ἐγὼ μὲν οὐκ οἶδα οὐδὲ ἄλλος, εἰ μὴ μάτην θρασύνοιτο· οἶδε δέ, ὦ Ῥηγῖνοι καὶ Λοκροί, μόνη ἡ φύσις. ποταμὸς γοῦν τῆς τε Ῥηγίνων καὶ τῆς Λοκρίδος ἐστὶ μέσος, καὶ εἴργονταί γε οὐδὲ πλεθριαίῳ διαστήματι αἱ ὄχθαι, καὶ ὅμως οὐδέτεροι διαπέτονται αὐτόν. καὶ ἐν Κεφαλληνίᾳ ποταμός ἐστιν, ὅσπερ οὖν τῆς τε εὐγονίας τῶν τεττίγων καὶ τῆς ἀγονίας αἴτιος. τὸν βασιλέα αὐτῶν αἱ μέλιτται πρᾶον ὄντα καὶ ἥμερον καὶ ὁμοῦ τι καὶ ἄκεντρον ὅταν αὐτὰς ἀπολίπῃ μεταθέουσί τε καὶ διώκουσι φυγάδα τῆς ἀρχῆς ὄντα. ῥινηλατοῦσι δὲ αὐτὸν ἀπορρήτως, καὶ ἐκ τῆς ὀσμῆς τῆς περὶ αὐτὸν αἱροῦσι, καὶ ἐς τὴν βασιλείαν ἐπανάγουσιν ἑκοῦσαί τε καὶ βουλόμεναι καὶ τοῦ τρόπου ἀγάμεναι. Πεισίστρατον δὲ ἐξήλασαν Ἀθηναῖοι καὶ Συρακόσιοι Διονύσιον καὶ ἄλλοι ἄλλους, τυράννους τε καὶ παρανόμους ὄντας καὶ τέχνην βασιλικὴν ἀποδείξασθαι μὴ δυναμένους, ἥπερ οὖν φιλανθρωπία τε καὶ τῶν ὑπηκόων ἐστὶ προστασία. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="11"> 
+<p>μέλει τῷ βασιλεῖ τῶν μελιττῶν κεκοσμῆσθαι τὸ σμῆνος τὸν τρόπον τοῦτον. τὰς μὲν προστάττει ὑδροφορεῖν, τὰς δὲ ἔνδον κηρία διαπλάττειν, τήν γε μὴν <pb xml:id="p.114"/> τρίτην μοῖραν ἐπὶ τὴν νομὴν προϊέναι· εἶτα μέντοι ἀμείβουσι τὰ ἔργα ἐκ περιόδου κάλλιστά πως ἀποκριθεῖσαι. αὐτὸς δὲ ὁ βασιλεύς, ἀπόχρη οἱ τούτων πεφροντικέναι καὶ νομοθετεῖν ὅσα προεῖπον κατὰ τοὺς μεγάλους ἄρχοντας, οὓς οἱ φιλόσοφοι φιλοῦσιν ὀνομάζειν πολιτικούς τε καὶ βασιλικοὺς τοὺς αὐτούς· τὰ δὲ ἄλλα ἡσυχάζει καὶ τοῦ αὐτουργεῖν ἀφεῖται. ἐὰν δὲ ᾖ λῷον ταῖς μελίτταις μεταστῆναι, τηνικαῦτα καὶ ὁ ἄρχων ἀπαλλάττεται. καὶ ἐὰν μὲν ἔτι νέος ᾖ, ἡγεῖται, αἱ δὲ λοιπαὶ ἕπονται· ἐὰν δὲ πρεσβύτερος, φοράδην ἔρχεται, κομιζουσῶν αὐτὸν μελιττῶν ἄλλων. αἱ μέλιτται δὲ ὑπὸ συνθήματι ἐς ὕπνον τρέπονται. ὅταν δὲ δοκῇ καιρὸς εἶναι καθεύδειν, ὁ βασιλεὺς μιᾷ προστάττει ὑποσημῆναι καταδαρθάνειν. καὶ ἣ μὲν πεισθεῖσα τοῦτο ἐκήρυξεν, αἳ δὲ ἐς κοῖτον τρέπονται ἐντεῦθεν, τέως βομβοῦσαι. ἕως μὲν οὖν περίεστιν ὁ βασιλεύς, εὐθενεῖται τὸ σμῆνος, καὶ ἀταξία πᾶσα ἠφανίσθη, καὶ οἱ μὲν κηφῆνες ἀγαπητῶς ἐν τοῖς ἑαυτῶν κυττάροις ἡσυχάζουσιν, αἱ δὲ πρεσβύτεραι διαιτῶνται ἰδίᾳ, καὶ αἱ νέαι ἰδίᾳ, καὶ καθʼ ἑαυτὸν ὁ βασιλεύς, καὶ αἱ σχαδόνες ἐφʼ ἑαυτῶν εἰσι, καὶ ἡ τροφὴ καὶ αἱ ἄφοδοι χωρίς· ἐπειδὰν δὲ ὁ βασιλεὺς ἀπόληται, ἀταξίας τε καὶ ἀναρχίας μεστὰ πάντα· οἵ τε γὰρ κηφῆνες τοῖς τῶν μελιττῶν κυττάροις ἐντίκτουσι, τά τε λοιπὰ ἐν ἀλλήλοις φυρόμενα εὐθενεῖσθαι τῷ σμήνει τὸ λοιπὸν οὐκ ἐπιτρέπει· διαφθείρονται δὲ τελευτῶσαι ἐρημίᾳ ἄρχοντος. βίον δὲ καθαρὸν ζῇ μέλιττα, καὶ ζῴου οὐκ ἂν οὐδενὸς πάσαιτό ποτε· καὶ οὐ δεῖται Πυθαγόρου συμβούλου οὐδὲ ἕν, ἀπόχρη δὲ ἄρα σῖτον αὐτῇ εἶναι τὰ ἄνθη. ἔστι δὲ καὶ σωφροσύνην ἀκροτάτη. χλιδὴν γοῦν καὶ θρύψιν μεμίσηκε. καὶ τὸ μαρτύριον, τὸν χρισάμενον μύρῳ διώκει τε καὶ ἐλαύνει <pb xml:id="p.115"/> ὡς πολέμιον ἀνήκεστα δράσαντα. οἶδε δὲ καὶ τὸν ἐλθόντα ἐξ ἀκολάστου ὁμιλίας, καὶ διώκει καὶ ἐκεῖνον οἷα δήπου ἔχθιστον. καὶ ἀνδρείας δὲ εὖ ἥκουσι καὶ ἄτρεπτοί εἰσιν. οὐδὲ ἓν γοῦν ζῷον ἀποδιδράσκουσιν, οὐδὲ μὴν κάκῃ εἴκουσι, χωροῦσι δὲ ὁμόσε. καὶ πρὸς μὲν τοὺς μὴ ἐνοχλοῦντας μηδὲ ἄρχοντας ἀδίκων μηδὲ τῷ σμήνει προσιόντας κακούργως καὶ σὺν ἐπιβουλῇ εἰρηναῖα αὐταῖς καὶ ἔνσπονδά ἐστι, πόλεμος δὲ ἀκήρυκτος τὸ ᾀδόμενον τοῦτο ἐπὶ τοὺς λυποῦντας ἐξάπτεται, καὶ ὅστις ἥκει κεραΐσων τὸ μέλι αὐταῖς, ἐς τοὺς ἐχθροὺς ἠρίθμηται οὗτος. παίουσι δὲ καὶ τοὺς σφῆκας κακῶς. λέγει δὲ Ἀριστοτέλης ὅτι καὶ ἱππεῖ ποτε ἐντυχοῦσαι πρὸς τῷ σμήνει ἀπέκτειναν αὐτὸν ἐπιθέμεναι κατὰ τὸ καρτερὸν αἱ μέλιτται αὐτῷ ἵππῳ. ἤδη μέντοι καὶ πρὸς ἀλλήλας διαφέρονται, καὶ αἱ δυνατώτεραι κρατοῦσι τῶν ἡττόνων. κρατοῦσι δὲ ὡς ἀκούω αὐτῶν οἵ τε φρῦνοι καὶ οἱ ἐκ τῶν τελμάτων βάτραχοι οἵ τε μέροπες καὶ αἱ χελιδόνες, πολλάκις γε μὴν καὶ οἱ σφῆκες. ὅστις δὲ τούτων ἐκράτησε, Καδμείαν ὥς γε εἰπεῖν τὴν νίκην ἐνίκησε· παιόμενοι γὰρ καὶ κεντούμενοι κακῶς ἀπαλλάττουσιν· εἰσὶ γὰρ οὐ μεῖον τῷ θυμῷ ἢ τοῖς κέντροις ὡπλισμέναι. οὐκ ἀμοιροῦσι δὲ οὐδὲ τῆς ἐς τὸ προμηθὲς σοφίας, καὶ Ἀριστοτέλης τεκμηριοῖ ὃ λέγω. ἔστι δὲ τοιοῦτον. ἐλθοῦσαι μέλιτται ἐπί τι σμῆνος οὐκ οἰκεῖον ἀλλὰ ἕτερον, εἶτα τὸ μηδέν σφισι προσῆκον ἐκεράιζον μέλι. αἳ δὲ καίτοι συλώμεναι τὸν σφέτερον πόνον, ὅμως ἐνεκαρτέρουν ἡσυχῆ ἀτρεμοῦσαι, εἶτα μέντοι τὸ μέλλον ἐγκρατῶς ἐκαραδόκουν. ἐπεὶ δὲ ὁ μελιττουργὸς τὰς πολλὰς τῶν ἐχθρῶν ἀπέκτεινεν, αἱ ἔνδον καταγνοῦσαι ὅτι ἄρα δύνανται ἀξιόπιστοι εἶναι πρὸς τὴν μάχην τὴν ἰσοπαλῆ, προελθοῦσαι κᾆτʼ <pb xml:id="p.116"/> ἠμύναντο, καὶ δίκας ἀπῄτησαν ὑπὲρ ὧν ἐσυλήθησαν οὐδαμῶς μεμπτάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="12"> 
+<p> καὶ τοῦτο δὲ φιλεργίας τῆς τῶν μελιττῶν μαρτύριον. ἐν γοῦν τοῖς χειμεριωτάτοις τῶν χωρίων μετὰ Πλειάδων δυσμὰς ἐς ἰσημερίαν ἠρινὴν διατελοῦσιν οἰκουροῦσαί τε καὶ ἔνδον ἀτρεμοῦσαι ἀλέας πόθῳ καὶ φυγῇ ῥίγους αἱ μέλιτται· τὸν δὲ ἄλλον χρόνον τοῦ ἔτους πάντα ἀργίαν τε καὶ ἡσυχίαν μισοῦσι, καὶ καμεῖν εἰσιν ἀγαθαί. καὶ οὐκ ἄν ποτε ἴδοις βλακεύουσαν μέλιτταν τῆς ὥρας ἐκείνης ἔξω ἐν ᾗ μαλκίει τὰ μέλη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="13"> 
+<p> γεωμετρίαν δὲ καὶ κάλλη σχημάτων καὶ ὡραίας πλάσεις αὐτῶν ἄνευ τέχνης τε καὶ κανόνων καὶ τοῦ καλουμένου ὑπὸ τῶν σοφῶν διαβήτου ἀποδείκνυνται αἱ μέλιτται. ὅταν δὲ ἐπιγονὴ ᾖ καὶ εὐθενῇ ταῖς μελίτταις τὸ σμῆνος, ἐκπέμπουσιν ὥσπερ οὖν αἱ μέγισταί τε καὶ πολυανδρούμεναι τῶν πόλεων. οἶδε δὲ ἄρα ἡ μέλιττα καὶ ὑετοῦ ἀπειλοῦντος ἐπιδημίαν καὶ σκληρὸν πνεῦμα ἐσόμενον. εἰ δὲ αὐτῇ παρὰ δόξαν γένοιτο τὸ τοῦ πνεύματος, ὄψει φέρουσαν λίθον ἑκάστην ἄκροις τοῖς ποσὶν ἕρμα εἶναι. ὅπερ δὲ ὁ θεῖος Πλάτων περὶ τῶν τεττίγων λέγει καὶ τῆς ἐκείνων φιλῳδίας τε καὶ φιλομουσίας, τοῦτʼ ἂν καὶ περὶ τοῦ τῶν μελιττῶν χοροῦ εἴποι τις. ὅταν γοῦν σκιρτήσωσιν ἢ πλανηθῶσιν, ἐνταῦθα οἱ σμηνουργοὶ κροτοῦσι κρότον τινὰ ἐμμελῆ τε καὶ συμμελῆ· αἳ δὲ ὡς ὑπὸ Σειρῆνος ἕλκονται, καὶ μέντοι καὶ ὑποστρέφουσιν ἐς ἤθη τὰ οἰκεῖα αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="14"> 
+<p> ἐν τῇ Γυάρῳ τῇ νήσῳ Ἀριστοτέλης λέγει μῦς εἶναι καὶ μέντοι καὶ τὴν γῆν σιτεῖσθαι τὴν σιδηρῖτιν. Ἀμύντας δὲ καὶ τοὺς ἐν Τερηδόνι ʽγῆς δέ ἐστιν αὕτη τῆς Βαβυλωνίασʼ τὴν αὐτὴν προσφέρεσθαι λέγει. <pb xml:id="p.117"/> Ἐν Λάτμῳ δὲ τῆς Καρίας ἀκούω σκορπίους εἶναι, οἵπερ οὖν τοὺς μὲν πολίτας σφίσι παίουσιν ἐς θάνατον, τοὺς δὲ ξένους ἡσυχῆ καὶ ὅσον παρασχεῖν ὀδαξησμόν, ἐμοὶ δοκεῖν τοῦ Ξενίου Διὸς τοῖς ἀφικνουμένοις τὸ δῶρον τοῦτο ἀποκρίναντος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="15"> 
+<p>βασιλεύονται δὲ ἄρα καὶ σφῆκες, ἀλλʼ οὐ τυραννοῦνται ὡς ἄνθρωποι. καὶ τὸ μαρτύριον, ἄκεντροι καὶ οἵδε εἰσί. καὶ οἱ μὲν ὑπήκοοι τὰ ἔργα πλάττειν αὐτοῖς νόμον ἔχουσιν, οἱ δὲ ἄρχοντές εἰσι διπλάσιοι μὲν τὸ μέγεθος, πρᾶοι δὲ καὶ οἷοι μήτε ἑκόντες λυπεῖν ἔχειν μήτε ἄκοντες. τίς οὖν οὐκ ἂν μισήσειε Διονυσίους τοὺς ἐν Σικελίᾳ καὶ Κλέαρχον τὸν ἐν Ἡρακλείᾳ καὶ Ἀπολλόδωρον τὸν Κασανδρέων λευστῆρα καὶ τὸν Λακεδαιμονίων λυμεῶνα τὸν Νάβιν, εἴγε οἳ μὲν ἐθάρρουν τῷ ξίφει, τῷ δὲ ἀκέντρῳ καὶ τῇ πραότητι οἱ τῶν σφηκῶν βασιλεῖς; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="16"> 
+<p>λέγονται δὲ οἱ τῶν σφηκῶν κεκεντρωμένοι καὶ ἐκεῖνο δρᾶν. ὅταν θεάσωνται νεκρὰν ἔχιδναν, οἳ δὲ ἐμπίπτουσι καὶ φαρμάττουσι τὸ κέντρον. ὅθεν μοι δοκοῦσι μαθεῖν καὶ οἱ ἄνθρωποι μάθημα, καὶ τοῦτο οὐκ ἀγαθόν. καὶ μέντοι καὶ μαρτυρεῖ ἐν Ὀδυσσείᾳ Ὅμηρος λέγων <quote rend="blockquote"> <lb/>φάρμακον ἀνδροφόνον διζήμενος, ὄφρα οἱ εἴη <lb/>ἰοὺς χρίεσθαι χαλκήρεας, </quote> ἢ καὶ νὴ Δία εἴ τι δεῖ τῷ περὶ Ἡρακλέους λόγῳ προσέχειν, ὡς ἐκεῖνος ἔβαψε τῷ τῆς ὕδρας ἰῷ τοὺς οἰστούς, οὕτω τοι καὶ ἐκεῖνοι τῇ βαφῇ τὰ κέντρα ὑποθήγουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="17"> 
+<p> ἔστω δὲ καὶ τῇ μυίᾳ παρʼ ἡμῶν γέρας μὴ ἀμοιρῆσαι τῆς μνήμης τῆς ἐνταῦθα· φύσεως γάρ τοι καὶ ἐκείνη πλάσμα ἐστίν. αἱ μυῖαι αἱ Πισάτιδες κατὰ <pb xml:id="p.118"/> τὴν τῶν Ὀλυμπίων ἑορτὴν ὡς ἂν εἴποις σπένδονται καὶ τοῖς ἀφικνουμένοις καὶ τοῖς ἐπιχωρίοις. ἱερείων γοῦν καταθυομένων τοσούτων καὶ αἵματος ἐκχεομένου καὶ κρεμαμένων κρεῶν αἳ δὲ ἀφανίζονται ἑκοῦσαι, καὶ τοῦ γε Ἀλφειοῦ περαιοῦνται ἐς τὴν ἀντιπέρας ὄχθην. καὶ ἐοίκασι τῶν γυναικῶν τῶν ἐπιχωρίων διαλλάττειν οὐδὲ ὀλίγον, εἰ μὴ ἄρα τι ἐγκρατέστεραι αἱ μυῖαι ἐκεῖναι τῶν γυναικῶν ὁμολογοῦνται τοῖς ἔργοις· τὰς μὲν γὰρ ὁ τῆς ἀγωνίας καὶ τῆς κατʼ αὐτὴν σωφροσύνης νόμος ἐλαύνει τὰς γυναῖκας, αἱ μυῖαι δὲ ἑκοῦσαι τοῖς ἱεροῖς ἀφίστανται, καὶ ἐν μὲν ταῖς ἱερουργίαις καὶ παρὰ τὸν τῶν ἄθλων χρόνον τὸν νενομισμένον ἀπαλλάττονται. λῦτο δʼ ἀγών, αἳ δὲ ἐπιδημοῦσιν, ὥσπερ οὖν καθόδου τυχοῦσαι ψηφίσματι φυγάδες, εἶτα ἐπιρρέουσιν ἐς τὴν Ἦλιν αἱ μυῖαι αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="18"> 
+<p> ὁ ὀρφὼς θαλάττιον ζῷόν ἐστι, καὶ εἰ ἕλοις καὶ ἀνατέμοις, οὐκ ἂν ἴδοις τεθνεῶτα παραχρῆμα αὐτόν, ἀλλὰ ἐπιλαμβάνει τῆς κινήσεως καὶ οὐκ ἐπʼ ὀλίγον. διὰ χειμῶνος δὲ ἐν τοῖς φωλεοῖς οἰκουρῶν χαίρει· διατριβαὶ δὲ ἄρα αἱ πρὸς τῇ γῇ μᾶλλον φίλαι αὐτῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="19"> 
+<p> Λύκος ὁμόσε ταύρῳ χωρεῖν καὶ ἰέναι οἱ κατὰ πρόσωπον ἥκιστός ἐστι, δέδοικε δὲ τὰ κέρατα καὶ τὰς ἀκμὰς αὐτῶν ἐκνεύει. καὶ ὡς ἐξ εὐθείας οἱ μαχούμενος ἀπειλεῖ· οὐ μὴν δρᾷ τοῦτο, ἀλλὰ ὥσπερ οὖν ἐπιθησόμενος ὑποφαίνει, εἶτα μέντοι προσπεσόντος ὃ δὲ ἑαυτὸν ἐξελίξας ἐς τὰ νῶτα ἀνέθορε, καὶ ἐγκρατῶς ἔχεται τοῦ θηρὸς ὁ θὴρ ὁ ἀντίπαλος, καὶ κατισχύει αὐτοῦ σοφίᾳ φυσικῇ τὸ ἐνδέον ἀνακούμενος ὁ λύκος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="20"> 
+<p> ὄνος ὁ θαλάττιος ἐν τῇ γαστρὶ τὴν καρδίαν ἔλαχεν <pb xml:id="p.119"/> ἔχειν, ὡς οἱ δεινοὶ τὰ τοιαῦτα ὁμολογοῦσιν ἡμῖν καὶ διδάσκουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="21"> 
+<p>ὁ ταῶς οἶδεν ὀρνίθων ὡραιότατος ὤν, καὶ ἔνθα οἱ τὸ κάλλος κάθηται, καὶ τοῦτο οἶδε, καὶ ἐπʼ αὐτῷ κομᾷ καὶ σοβαρός ἐστι, καὶ θαρρεῖ τοῖς πτεροῖς, ἅπερ οὖν αὐτῷ καὶ κόσμον περιτίθησι, καὶ πρὸς τοὺς ἔξωθεν φόβον ἀποστέλλει, καὶ ἐν ὥρᾳ θερείῳ σκέπην οἴκοθεν καὶ οὐκ ᾐτημένην οὐδὲ ὀθνείαν παρέχεται. ἐὰν γοῦν θελήσῃ φοβῆσαί τινα, ἐγείρας τὰ οὐραῖα εἶτα διεσείσατο καὶ ἀπέστειλεν ἦχον, καὶ ἔδεισαν οἱ παρεστῶτες, ὡς ὁπλίτου τὸν ἐκ τῶν ὅπλων πεφοβημένοι δοῦπον. ἀνατείνει δὲ τὴν κεφαλὴν καὶ ἐπινεύει σοβαρώτατα, ὥσπερ οὖν ἐπισείων τριλοφίαν. δεηθείς γε μὴν ψυχάσαι, τὰ πτερὰ ἐγείρει, καὶ ἐς τοὔμπροσθεν ἐπικλίνας συμφυᾶ σκιὰν ἀποδείκνυται τοῦ ἰδίου σώματος τὴν ἀκμὴν τὴν ἐκ τῆς ἀκτῖνος ἀποστέγων. εἰ δὲ εἴη καὶ ἄνεμος κατόπιν, ἡσυχῆ διίστησι τὰ πτερά· καὶ τὸ πνεῦμα τὸ διαρρέον αὔρας οἱ μαλακὰς καὶ ἡδίστας ἐπιπνέον ἀναψύχειν τὸν ὄρνιν δίδωσιν. ἐπαινεθεὶς δὲ αἰσθάνεται, καὶ ὥσπερ οὖν ἢ παῖς καλὸς ἢ γυνὴ ὡραία τὸ μάλιστα πλεονεκτοῦν τοῦ σώματος ἐπιδείκνυσιν, οὕτω τοι καὶ ἐκεῖνος τὰ πτερὰ ἐν κόσμῳ καὶ κατὰ στοῖχον ὀρθοῖ, καὶ ἔοικεν ἀνθηρῷ λειμῶνι ἢ γραφῇ πεποικιλμένῃ πολυχροίᾳ τῇ τῶν φαρμάκων, καὶ ἱδρὼς πρόκειται ζωγράφοις εἰκάσαι τῆς φύσεως τὸ ἴδιον. καὶ ὅπως ἔχει τῆς ἐς τὴν ἐπίδειξιν ἀφθονίας παρίστησιν· ἐᾷ γὰρ ἐμπλησθῆναι τῆς θέας τοὺς παρεστῶτας, καὶ ἑαυτὸν περιάγει δεικνὺς φιλοπόνως τὸ τῆς πτερώσεως πολύμορφον, ὑπὲρ τὴν τῶν Μήδων ἐσθῆτα καὶ τὰ τῶν Περσῶν ποικίλματα τὴν ἑαυτοῦ στολὴν ἀποδεικνύμενος ἐκεῖνός γε σοβαρώτατα. λέγεται δὲ ἐκ βαρβάρων <pb xml:id="p.120"/> ἐς Ἕλληνας κομισθῆναι. καὶ χρόνου πολλοῦ σπάνιος ὢν εἶτα ἐδείκνυτο τῶν ἀνθρώπων τοῖς φιλοκάλοις μισθοῦ, καὶ Ἀθήνησί γε ταῖς νουμηνίαις ἐδέχοντο καὶ ἄνδρας καὶ γυναῖκας ἐπὶ τὴν ἱστορίαν αὐτῶν, καὶ τὴν θέαν πρόσοδον εἶχον. ἐτιμῶντο δὲ τὸν ἄρρενα καὶ τὸν θῆλυν δραχμῶν μυρίων, ὡς Ἀντιφῶν ἐν τῷ πρὸς Ἐρασίστρατον λόγῳ φησί. δεῖ δὲ καὶ διπλῆς οἰκίας τῇ τροφῇ αὐτῶν, καὶ φρουρῶν τε καὶ μελεδωνῶν. Ὁρτήσιος δὲ ὁ Ῥωμαῖος καταθύσας ἐπὶ δείπνῳ ταῶν πρῶτος ἐκρίθη. Ἀλέξανδρος δὲ ὁ Μακεδὼν ἐν Ἰνδοῖς ἰδὼν τούσδε τοὺς ὄρνιθας ἐξεπλάγη, καὶ τοῦ κάλλους θαυμάσας ἠπείλησε τῷ καταθύσαντι ταῶν ἀπειλὰς βαρυτάτας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="22"> 
+<p> ἐς τοὺς ψυκτῆρας ὅταν οἱ μύες ἐμπέσωσιν, ἀνανεῦσαι καὶ ἀνελθεῖν οὐ δυνάμενοι, τὰς ἀλλήλων οὐρὰς ἐνδακόντες εἶτα ἐφέλκουσι τὸν δεύτερον ὁ πρῶτος καὶ ὁ δεύτερος τὸν τρίτον. οὕτω μὲν δὴ καὶ τούτους ἀλλήλοις συμμαχεῖν καὶ ἐπικουρεῖν ἡ σοφωτάτη φύσις ἐξεπαίδευσεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="23"> 
+<p> Ἐλλοχῶσιν οἱ κροκόδειλοι τοὺς ὑδρευομένους ἐκ τοῦ Νείλου τὸν τρόπον τοῦτον. φρύγανα ἑαυτοῖς ἐπιβαλόντες καὶ διʼ αὐτῶν ἐμβλέποντες εἶτα ὑπονέουσι τοῖς φρυγάνοις. οἳ δὲ ἀφικνοῦνται κεράμια ἢ κάλπεις ἢ πρόχους κομίζοντες. εἶτα ἀρυτομένους αὐτοὺς ὑπεκδύντες τῶν φρυγάνων καὶ τῇ ὄχθῃ προσαναπηδήσαντες ἁρπαγῇ βιαιοτάτῃ συλλαβόντες ἔχουσι δεῖπνον. κακίας δὴ καὶ πανουργίας κροκοδείλων συμφυοῦς εἴρηταί μοι τὰ νῦν ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="24"> 
+<p> λαγὼς δέδοικε κύνας καὶ μέντοι καὶ ἀλώπηξ. καί που καὶ σῦν ἐγείρουσιν ἐκ τῆς λόχμης αἱ αὐταὶ τῇ ὑλακῇ, καὶ λέοντα ἐπιστρέφουσι, καὶ ἔλαφον διώκουσιν· ὀρνίθων δὲ οὐδὲ εἷς ὤραν ποιεῖται κυνός, ἀλλʼ <pb xml:id="p.121"/> αὐτοῖς πρὸς αὐτοὺς ἔνσπονδά ἐστι. μόνη δὲ ἡ ὠτίς πέφρικε κύνας. τὸ δὲ αἴτιον, βαρεῖαί τέ εἰσι καὶ σαρκῶν ὄγκον περιφέρουσιν. οὔκουν αὐτὰς αἴρει τε καὶ ἐλαφρίζει τὰ πτερὰ ῥᾳδίως, καὶ διὰ τοῦτο ταπειναὶ πέτονται καὶ κάτω περὶ γῆν, βρίθοντος τοῦ ὄγκου αὐτάς. αἱροῦνται δὲ ὑπὸ τῶν κυνῶν πολλάκις. ὅπερ ἑαυταῖς συνειδυῖαι, ὅταν ἀκούσωσιν ὑλακῆς, ἐς τοὺς θάμνους καὶ τὰ ἕλη καταθέουσι, προβαλλόμεναι ἑαυτῶν ταῦτα, καὶ ῥυόμεναι σφᾶς ἐκ τῶν παρόντων καὶ μάλα εὐπόρως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="25"> 
+<p>ὀψὲ τοὺς γειναμένους ἄνθρωπος γνωρίζειν ἄρχεται, διδασκόμενος καὶ οἱονεὶ καταναγκαζόμενος ἐς πατέρα ὁρᾶν καὶ μητέρα ἀσπάζεσθαι καὶ οἰκείοις προσμειδιᾶν· οἱ δὲ ἄρνες περὶ τὰς μητέρας πηδῶσιν ἀπὸ γενεᾶς, καὶ ἴσασι τό τε ὀθνεῖον καὶ τὸ οἰκεῖον, καὶ παρὰ τῶν νομέων μαθεῖν δέονται οὐδὲ ἕν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="26"> 
+<p>Μιμηλότατόν ἐστιν ὁ πίθηκος ζῷον, καὶ πᾶν ὅ τι ἂν ἐκδιδάξῃς τῶν διὰ τοῦ σώματος πραττομένων ὃ δὲ εἴσεται ἀκριβῶς, ἵνα ἐπιδείξηται αὐτό. ὀρχεῖται γοῦν, ἐὰν μάθῃ, καὶ αὐλεῖ, ἐὰν ἐκδιδάξῃς. ἐγὼ δὲ καὶ ἡνίας κατέχοντα εἶδον καὶ ἐπιβάλλοντα τὴν μάστιγα καὶ ἐλαύνοντα. καὶ ἄλλο δʼ ἄν τι μαθὼν καὶ ἄλλο οὐ διαψεύσαιτο τὸν διδάξαντα· οὕτως ἄρα ἡ φύσις ποικίλον τε καὶ εὐτράπελόν ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="27"> 
+<p>ἴδιαι δὲ καὶ διάφοροι τῶν ζῴων καὶ αἵδε αἱ φύσεις. τοὺς ἐν τοῖς Βισάλταις λαγὼς διπλᾶ ἥπατα ἔχειν Θεόπομπος λέγει. τὰς δʼ ἐν Λέρῳ μελεαγρίδας ὑπὸ μηδενὸς ἀδικεῖσθαι τῶν γαμψωνύχων ὀρνέων λέγει Ἴστρος. τοὺς δὲ ἐν Νευροῖς βοῦς Ἀριστοτέλης φησὶν ἐπὶ τῶν ὤμων ἔχειν τὰ κέρατα, Ἀγαθαρχίδης δὲ τὰς ἐν Αἰθιοπίᾳ ὗς κέρατα ἔχειν. Σώστρατος δὲ τοὺς ἐν τῇ Κυλλήνῃ κοσσύφους πάντας λέγει λευκούς. <pb xml:id="p.122"/> Λ̓λέξανδρος δὲ ὁ Μύνδιος τὰ ἐν τῷ Πόντῳ πρόβατα πιαίνεσθαι ὑπὸ τοῦ πικροτάτου φησὶν ἀψινθίου. τὰς δὲ ἐν τῷ Μίμαντι γινομένας αἶγας ἓξ μηνῶν μὴ πίνειν, ὁρᾶν δὲ ἐς τὴν θάλατταν μόνον καὶ κεχηνέναι καὶ τὰς αὔρας τὰς ἐκεῖθεν δέχεσθαι ὁ αὐτὸς λέγει. αἶγας δὲ Ἰλλυρίδας ὁπλὴν ἀκούω ἔχειν, ἀλλʼ οὐ χηλήν. Θεόφραστος δὲ δαιμονιώτατα λέγει ἐν τῇ Βαβυλωνίᾳ γῇ τοὺς ἰχθῦς ἀνιόντας ἐκ τοῦ ποταμοῦ εἶτα μέντοι ἐν τῷ ξηρῷ τὰς νομὰς ποιεῖσθαι πολλάκις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="28"> 
+<p> ἴδιον δὲ ἄρα ὁ πορφυρίων πρὸς τῷ ζηλοτυπώτατος εἶναι καὶ ἐκεῖνο δήπου κέκτηται. φιλοίκειον αὐτὸν εἶναί φασιν καὶ τὴν συντροφίαν τῶν συννόμων ἀγαπᾶν. ἐν οἰκίᾳ γοῦν τρέφεσθαι πορφυρίωνα καὶ ἀλεκτρυόνα ἤκουσα, καὶ σιτεῖσθαι μὲν τὰ αὐτά, βαδίζειν δὲ τὰς ἴσας βαδίσεις καὶ κοινῇ κονίεσθαι. οὐκοῦν ἐκ τούτων φιλίαν τινὰ θαυμαστὴν αὐτοῖς ἐγγενέσθαι. καί ποτε ἑορτῆς ἐπιστάσης ὁ δεσπότης ἀμφοῖν τὸν ἀλεκτρυόνα καταθύσας εἱστιάθη σὺν τοῖς οἰκείοις· ὁ δὲ πορφυρίων τὸν σύννομον οὐκ ἔχων καὶ τὴν ἐρημίαν μὴ φέρων ἑαυτὸν ἀτροφίᾳ διέφθειρεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="29"> 
+<p> ἐν Αἰγίῳ τῆς Ἀχαίας ὡραίου παιδός, Ὠλενίου τὸ γένος, ὄνομα Ἀμφιλόχου, ἤρα χήν. Θεόφραστος λέγει τοῦτο. σὺν τοῖς Ὠλενίων δὲ φυγάσιν ἐφρουρεῖτο ἐν Αἰγίῳ ὁ παῖς. οὐκοῦν ὁ χὴν αὐτῷ δῶρα ἔφερε. καὶ ἐν Χίῳ Γλαύκης τῆς κιθαρῳδοῦ ὡραιοτάτης οὔσης εἰ μὲν ἤρων ἄνθρωποι, μέγα οὐδέπω· ἠράσθησαν δὲ καὶ κριὸς καὶ χήν, ὡς ἀκούω, τῆς αὐτῆς. οἱ δὲ χῆνες διαμείβοντες τὸν Ταῦρον τὸ ὄρος δεδοίκασι </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="30"> 
+<p> τοὺς ἀετούς, καὶ ἕκαστός γε αὐτῶν λίθον ἐνδακόντες, ἵνα μὴ κλάζωσιν, ὥσπερ οὖν ἐμβαλόντες σφίσι στόμιον, διαπέτονται σιωπῶντες, καὶ τοὺς ἀετοὺς <pb xml:id="p.123"/> τὰ πολλὰ ταύτῃ διαλανθάνουσι. θερμότατος δὲ ἄρα ὢν καὶ διαπυρώτατος τὴν φύσιν ὁ χὴν φιλόλουτρός ἐστι καὶ νήξεσι χαίρει καὶ τροφαῖς μάλιστα ταῖς ὑγροτάταις καὶ πόαις καὶ θριδακίναις καὶ τοῖς λοιποῖς, ὅσα αὐτοῖς ἔνδοθεν ψῦχος ἐργάζεται· εἰ δὲ καὶ ἐξαυαίνοιτο ὑπὸ τοῦ λιμοῦ, δάφνης φύλλον οὐκ ἂν φάγοι, οὐδʼ ἂν πάσαιτο ῥοδοδάφνης οὔτε ἑκὼν οὔτε ἄκων· οἶδε γὰρ ὅτι τεθνήξεται τούτων τινὸς ἐμφαγών. ἄνθρωποι δὲ ὑπʼ ἀσωτίας ἐπιβουλεύονται καὶ ἐς τροφὴν καὶ ἐς ποτόν. μυρίοι γοῦν καὶ πίνοντές τι κακὸν κατέπιον, ὡς Ἀλέξανδρος, καὶ ἐσθίοντες, ὡς Κλαύδιος ὁ Ῥωμαῖος καὶ Βρεττανικὸς ὁ τούτου παῖς· καὶ κατακοιμηθέντες οὐκ ἐξανέστησαν χρήσει φαρμάκου, οἳ μὲν ἑκόντες τοῦτο σπάσαντες, οἳ δὲ ἐπιβουλευθέντες. ὁ δὲ χηναλώπηξ, πέπλεκταί οἱ τὸ ὄνομα ἐκ τῶν ἑκατέρου τοῦ ζῴου ἰδίων τε καὶ συμφυῶν. ἔχει μὲν γὰρ τὸ εἶδος τὸ τοῦ χηνός, πανουργίαν δὲ δικαιότατα ἀντικρίνοιτο ἂν τῇ ἀλώπεκι. καὶ ἔστι μὲν χηνὸς βραχύτερος, ἀνδρειότερος δέ, καὶ χωρεῖν ὁμόσε δεινός. ἀμύνεται γοῦν καὶ ἀετὸν καὶ αἴλουρον καὶ τὰ λοιπά, ὅσα αὐτοῦ ἀντίπαλά ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="31"> 
+<p>ἴδια δὲ ὄφεως καὶ ἐκεῖνά ἐστι. τὴν καρδίαν κεκλήρωται ἐπὶ τῇ φάρυγγι, τὴν δὲ χολὴν ἐν τοῖς ἐντέροις, πρὸς δὲ τῇ οὐρᾷ τοὺς ὄρχεις ἔχει, τὰ δὲ ᾠὰ τίκτει μακρὰ καὶ μαλακά, τὸν δὲ ἰὸν ἐν τοῖς ὀδοῦσι φέρει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="32"> 
+<p>ταῷ δὲ τῷ ὄρνιθι τῷ προειρημένῳ καὶ ἐκεῖνα συμφυᾶ καὶ ἴδια, ἅπερ ἐστὶ μαθεῖν ἄξια. τρία ἔτη γενόμενος κυήσεως ἄρχεται καὶ ὠδῖνα ἀπολύει καὶ τῆς τῶν πτερῶν πολυχροίας τε καὶ ὥρας τότε ἄρχεται. ἐπῳάζει δὲ οὐ κατὰ τὸ ἑξῆς, ἀλλὰ παραλιπὼν <pb xml:id="p.124"/> δύο ἡμέρας. ἤδη δʼ ἂν τέκοι καὶ ὑπηνέμια ὁ ταώς, ὡς καὶ ὄρνιθες ἕτεροι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="33"> 
+<p> ἡ νῆττα ὅταν τέκῃ, τίκτει μὲν ἐν ξηρῷ, πλησίον δὲ ἢ τῆς λίμνης ἢ τοῦ τενάγους ἢ ἄλλου τινὸς ὑδρηλοῦ χώρου καὶ ἐνδρόσου. τὸ δὲ νήττιον φύσει τινὶ ἰδίᾳ καὶ ἀπορρήτῳ οἶδεν ὅτι μήτε τῆς μετεώρου φορᾶς οἱ μέτεστι μήτε μὴν τῆς ἐν τῇ χέρσῳ διατριβῆς. καὶ ἐκ τούτων ἐς τὸ ὕδωρ πηδᾷ, καὶ ἐξ ὠδίνων ἐστὶ νηκτική, καὶ μαθεῖν οὐ δεῖται, ἀλλὰ καταδύεται καὶ ἀναδύεται πάνυ σοφῶς καὶ ὡς ἤδη χρόνου πεπαιδευμένη τοῦτο. ἀετὸς δέ, ὃν καλοῦσι νηττοφόνον, ἐπιπηδᾷ τῇ νηχομένῃ ὡς ἁρπασόμενος· ἣ δὲ καταδῦσα ἑαυτὴν ἠφάνισεν, εἶτα ὑπονηξαμένη ἀλλαχόθι ἐκκύπτει. ὃ δὲ καὶ ἐκεῖ πάρεστι, καὶ αὖθις κατέδυ ἐκείνη, καὶ πάλιν ταῦτα καὶ πάλιν. καὶ δυοῖν θάτερον· ἢ γὰρ καταδῦσα ἀπεπνίγη, ἢ ὃ μὲν ἀπέστη ἐπʼ ἄλλην ἄγραν, ἣ δὲ ἔχουσα τὸ ἀδεὲς ἐπινήχεται αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="34"> 
+<p> πλέον ἔχει τῶν ἀνθρώπων ὁ κύκνος ἐν τοῖς μεγίστοις· οἶδέ τε γὰρ ὁπότε τοῦ βίου τὸ τέρμα ἀφικνεῖται αὐτῷ, καὶ μέντοι καὶ εὐθύμως φέρειν αὐτὸ προσιὸν ὑπὸ τῆς φύσεως λαχὼν ἔχει δῶρον τὸ κάλλιστον· πεπίστευκε γὰρ ὅτι μηδενὸς ἀλγεινοῦ μηδὲ λυπηροῦ μέτεστι θανάτῳ. ἄνθρωποι δὲ ὑπὲρ οὗ οὐκ ἴσασι δεδοίκασι, καὶ ἡγοῦνται μέγιστον εἶναι κακὸν αὐτό. τοσοῦτον δὲ ἄρα τῷ κύκνῳ περίεστιν εὐθυμίας, ὡς καὶ ἐπὶ τῇ καταστροφῇ τοῦ βίου τοῦ σφετέρου ᾅδειν καὶ ἀνακρούεσθαι οἷον ἐπικήδειόν τι ἑαυτῷ μέλος. τοιοῦτόν τινα καὶ τὸν Βελλεροφόντην ἡρωικῶς καὶ μεγαλοψύχως ἐς θάνατον παρεσκευασμένον ὁ Εὐριπίδης ὑμνεῖ. πεποίηκε γοῦν πρὸς τὴν ἑαυτοῦ ψυχὴν λέγοντα αὐτὸν <pb xml:id="p.125"/> <quote rend="blockquote"> <lb/>ἦσθʼ εἰς θεοὺς μὲν εὐσεβής, ὅτʼ ἦσθʼ, ἀεί, <lb/>ξένοις τʼ ἐπήρκεις, οὐδʼ ἔκαμνες εἰς φίλους, </quote> καὶ τὰ ἐπὶ τούτοις. οὐκοῦν καὶ ὁ κύκνος μελῳδεῖ τινα ἐπικήδειον ἑαυτῷ μοῦσαν, ἐφόδια διδοὺς τῆς ἀποδημίας ἢ θεῶν ὕμνους ἢ ἔπαινον οἰκεῖόν τινα. μαρτυρεῖ δὲ αὐτῷ καὶ ὁ Σωκράτης ὅτι ᾅδει οὐ λυπούμενος ἀλλὰ εὐθυμούμενος μᾶλλον· μηδὲ γὰρ ἄγειν σχολήν ποτε ᾠδῇ καὶ μέλει τὸν κατὰ τῆς ψυχῆς ἔχοντά τι πρόσαντες καὶ ἀλγεινόν. ἔχει δὲ ἄρα ὁ κύκνος οὐ μόνον πρὸς τὸν θάνατον ἀνδρείως, ἤδη δὲ καὶ πρὸς μάχας. ἀδίκων μὲν οὖν οὐκ ἄρχει, οἷα δήπου σώφρων καὶ πεπαιδευμένος ἀνήρ, τῷ δὲ ἄρξαντι οὔτε ἀφίσταται οὔτε εἴκει. οἱ μὲν οὖν ὄρνιθες οἱ λοιποί, εἰρηναῖα αὐτοῖς πρὸς αὐτοὺς καὶ ἔνσπονδά ἐστιν, ὁ δὲ ἀετὸς καὶ ἐπὶ τοῦτον ὥρμησε πολλάκις, ὡς Λ̓ριστοτέλης φησί, καὶ οὐδεπώποτε ἐκράτησεν, ἡττήθη δὲ ἀεὶ μὴ μόνον σὺν τῇ ῥώμῃ τοῦ κύκνου μαχομένου, ἀλλὰ καὶ σὺν τῇ δίκῃ ἀμυνομένου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="35"> 
+<p>ὁ ἐρωδιὸς τὰ ὄστρεα ἐσθίειν δεινός ἐστι, καὶ μεμυκότα αὐτὰ καταπίνει, ὥσπερ οὖν οἱ πελεκᾶνες τὰς κόγχας. καὶ ἐν τῷ καλουμένῳ πρηγορεῶνι ὑποθερμαίνων ὁ ἐρωδιὸς φυλάττει τὰ ὄστρεα· τὰ δὲ ὑπὸ τῆς ἀλέας διίσταται, καὶ ἐκεῖνος αἰσθανόμενος τὰ μὲν ὄστρακα ἀνεμεῖ, φυλάττει δὲ τὴν σάρκα, καὶ ἔχει τροφὴν ἀναλίσκων τῇ τῆς πέψεως δυνάμει τὸ ἔσω παρελθὸν ὁλόκληρον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="36"> 
+<p>ὄνομά ἐστιν ὄρνιθος ἀστερίας, καὶ τιθασεύεταί γε ἐν τῇ Αἰγύπτῳ, καὶ ἀνθρώπου φωνῆς ἐπαΐει. εἰ δέ τις αὐτὸν ὀνειδίζων δοῦλον εἴποι, ὃ δὲ ὀργίζεται· καὶ εἴ τις ὄκνον καλέσειεν αὐτόν, ὃ δὲ βρενθύεται <pb xml:id="p.126"/> καὶ ἀγανακτεῖ, ὡς καὶ ἐς τὸ ἀγεννὲς σκωπτόμενος καὶ ἐς ἀργίαν εὐθυνόμενος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="37"> 
+<p> εἰ κατέχοι τις ὀπὸν Κυρηναῖον καὶ λάβοιτο τῆς νάρκης, ἐνταῦθα δήπου τὸ ἐξ αὐτῆς πάθος ἐκπέφευγε. δράκοντα δὲ θαλάττιον εἰ ἀνασπάσαι τῇ δεξιᾷ ἐθέλοις, ὃ δὲ οὐχ ἕψεται, ἀλλὰ μαχεῖται κατὰ κράτος· εἰ δὲ τῇ ἀριστερᾷ ἀνάγοις, εἴκει καὶ ἑάλωκεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="38"> 
+<p> Χάρμιδος ἀκούω τοῦ Μασσαλιώτου λέγοντος φιλόμουσον μὲν εἶναι τὴν ἀηδόνα, ἤδη δὲ καὶ φιλόδοξον. ἐν γοῦν ταῖς ἐρημίαις ὅταν ᾅδῃ πρὸς ἑαυτήν, ἁπλοῦν τὸ μέλος καὶ ἄνευ κατασκευῆς τὴν ὄρνιν ᾅδειν· ὅταν δὲ ἁλῷ καὶ τῶν ἀκουόντων μὴ διαμαρτάνῃ, ποικίλα τε ἀναμέλπειν καὶ τακερῶς ἑλίττειν τὸ μέλος. καὶ Ὅμηρος δὲ τοῦτό μοι δοκεῖ ὑπαινίττεσθαι λέγων <quote rend="blockquote"> <lb/>ὡς δʼ ὅτε Πανδαρέου κούρη χλωρηὶς ἀηδών <lb/>καλὸν ἀείδῃσιν ἔαρος νέον ἱσταμένοιο, <lb/>δενδρέων ἐν πετάλοισι καθεζομένη πυκινοῖσιν, <lb/>ἥ τε θαμὰ τρωπῶσα χέει πολυηχέα φωνήν. </quote> ἤδη μέντοι τινὲς καὶ πολυδευκέα φωνὴν γράφουσι τὴν ποικίλως μεμιμημένην, ὡς τὴν ἀδευκέα τὴν μηδʼ ὅλως ἐς μίμησιν παρατραπεῖσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="39"> 
+<p> λέγει Δημόκριτος τῶν ζῴων μόνον τὸν λέοντα ἐκπεπταμένοις τίκτεσθαι τοῖς ὀφθαλμοῖς, ἤδη τρόπον τινὰ τεθυμωμένον καὶ ἐξ ὠδίνων δρασείοντά τι γεννικόν. ἐφύλαξαν δὲ ἄλλοι καὶ καθεύδων ὅτι κινεῖ τὴν οὐράν, ἐνδεικνύμενος ὡς τὸ εἰκὸς ὅτι μὴ πάντῃ ἀτρεμεῖ, μηδὲ μὴν κυκλωσάμενος αὐτὸν καὶ περιελθὼν ὁ ὕπνος καθεῖλεν, ὥσπερ οὖν καὶ τῶν ζῴων τὰ λοιπά. τοιοῦτόν τι φυλάξαντας Αἰγυπτίους ὑπὲρ αὐτοῦ κομπάζειν φασὶ λέγοντας ὅτι κρείττων <pb xml:id="p.127"/> ὕπνου λέων ἐστὶν ἀγρυπνῶν ἀεί. ταύτῃ τοι καὶ ἡλίῳ ἀποκρίνειν αὐτὸν αὐτοὺς πέπυσμαι· καὶ γάρ τοι καὶ τὸν ἥλιον θεῶν ὄντα φιλοπονώτατον ἢ ἄνω τῆς γῆς ὁρᾶσθαι ἢ τὴν κάτω πορείαν ἰέναι μὴ ἡσυχάζοντα. ὅμηρόν τε μάρτυρα Αἰγύπτιοι ἐπάγονται λέγοντα ἠέλιόν τʼ ἀκάμαντα. ἔστι δὲ πρὸς τῇ ῥώμῃ καὶ συνετὸς ὁ λέων. ταῖς γοῦν βουσὶν ἐπιβουλεύει νύκτωρ φοιτῶν ἐς τὰ αὔλια. Ὅμηρος δὲ ἄρα ᾔδει καὶ τοῦτο λέγων <quote rend="blockquote"> <lb/>βόες ὥς <lb/>ἅς τε λέων ἐφόβησε μολὼν ἐν νυκτὸς ἀμολγῷ. </quote> καὶ ἐκπλήττει μὲν ὑπὸ τῆς ἀλκῆς πάσας, μίαν δὲ ἐξαρπάσας ἔδει. ὅταν δὲ ἐς κόρον ἐμπλησθῇ, βούλεται μὲν ταμιεύσασθαι καὶ ἐς αὖθις, αἰδὼς δὲ ἴσχει αὐτὸν φρουρεῖν παραμένοντα, ὡς τροφῆς χήτει λιμὸν δεδιότα. οὐκοῦν περιχανὼν ἐμπνεῖ μὲν τοῦ καθʼ ἑαυτὸν ἄσθματος, καὶ τούτῳ τὴν φυλακὴν ἐπιτρέπει, ἀπαλλάττεταί γε μὴν αὐτός· τὰ δὲ ἄλλα ζῷα ἥκοντα καὶ αἰσθανόμενα ὅτου λείψανόν ἐστι τὸ κείμενον, οὐ τολμᾷ προσάψασθαι, ἀλλὰ ἀπαλλάττεται δεδιότα δοκεῖν συλᾶν καὶ περικόπτειν τι τοῦ σφετέρου βασιλέως. τῷ δὲ ἄρα εἰ μὲν εὐθηρία γένοιτο καὶ εὐερμία, λήθην τοῦ πρώτου λαμβάνει καὶ ὡς ἕωλον ἀτιμάσας ἀπαλλάττεται· εἰ δὲ μή, ὡς ἐπʼ οἰκεῖον θησαύρισμα παραγίνεται. ὅταν δὲ ὑπερπλησθῇ, κενοῖ ἑαυτὸν ἡσυχίᾳ καὶ ἀσιτίᾳ, ἢ αὖ πάλιν πιθήκῳ περιτυχὼν καὶ τούτου φαγὼν κενοῦται τὴν γαστέρα ταῖς ἐκείνου λαπάξας σαρξίν. ἦν δὲ ἄρα δίκαιος ὁ λέων καὶ οἷος ἄνδρʼ ἐπαμύνασθαι, ὅτε τις πρότερος χαλεπήνῃ. <pb xml:id="p.128"/> τῷ γοῦν ἐπιόντι ἀνθίσταται καὶ τὴν ἀλκαίαν ἐπισείων καὶ ἑλίττων κατὰ τῶν πλευρῶν εἶτα ἐγείρει ἑαυτὸν ὥσπερ οὖν ὑποθήγων μύωπι. τόν γε μὴν βαλόντα μέν, οὐ τυχόντα δὲ τῇ ἴσῃ ἀμυνούμενος φοβεῖ μέν, λυπεῖ δὲ οὐδὲ ἕν. ἡμερωθείς γε μὴν ἐξέτι νεαροῦ πραότατός ἐστι καὶ ἐντυχεῖν ἡδύς, καὶ ἔστι φιλοπαίστης, καὶ πᾶν ὅ τι οὖν ὑπομένει πραόνως τῷ τροφεῖ χαριζόμενος. Ἄννων γοῦν λέοντα εἶχε σκευαγωγόν, καὶ Βερενίκῃ λέων πρᾶος συνῆν, τῶν κομμωτῶν διαφέρων οὐδὲ ἕν. ἐφαίδρυνε γοῦν τῇ γλώττῃ τὸ πρόσωπον αὐτῆς, καὶ τὰς ῥυτίδας ἐλέαινε, καὶ ἦν ὁμοτράπεζος, πράως τε καὶ εὐτάκτως ἐσθίων καὶ ἀνθρωπικῶς. καὶ Ὀνόμαρχος δὲ ὁ Κατάνης τύραννος καὶ ὁ Κλεομένους υἱὸς συσσίτους εἶχον λέοντας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="40"> 
+<p> εὐωδίας τινὸς θαυμαστῆς τὴν πάρδαλιν μετειληχέναι φασίν, ἡμῖν μὲν ἀπορρήτου, αὐτὴ δὲ οἶδε τὸ πλεονέκτημα τὸ οἰκεῖον, καὶ μέντοι καὶ τὰ ἄλλα ζῷα συνεπίσταται τοῦτο ἐκείνῃ, καὶ ἁλίσκεταί οἱ τὸν τρόπον τοῦτον. ἡ πάρδαλις τροφῆς δεομένη ἑαυτὴν ὑποκρύπτει ἢ λόχμῃ πολλῇ ἢ φυλλάδι βαθείᾳ, καὶ ἐντυχεῖν ἐστιν ἀφανής, μόνον δὲ ἀναπνεῖ. οὐκοῦν οἱ νεβροὶ καὶ αἱ δορκάδες καὶ οἱ αἶγες οἱ ἄγριοι καὶ τὰ τοιαῦτα τῶν ζῴων ὡς ὑπό τινος ἴυγγος τῆς εὐωδίας ἕλκεται, καὶ γίνεται πλησίον· ἣ δὲ ἐκπηδᾷ καὶ ἔχει τὸ θήραμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="41"> 
+<p> πυνθάνομαι τῶν ζῴων τὰ μηρυκάζοντα τρεῖς ἔχειν κοιλίας, καὶ ὀνόματα αὐτῶν ἀκούω κεκρύφαλον ἐχῖνον ἤνυστρον. σηπίαι δὲ καὶ τευθίδες δύο νέμονται προβοσκίσιν· οὐ γάρ τοι χεῖρον οὕτως ὀνομάσαι καὶ ἐκ τῆς χρείας καὶ ἐκ τοῦ σχήματος ἐπαρθέντα. καὶ ὅταν ᾖ χειμέρια καὶ κλύδων τεταραγμένος, αἳ δὲ τῶν πετρῶν λαμβάνονται ταῖς αὐταῖς προβολαῖς, καὶ <pb xml:id="p.129"/> ἔχονται ὡς ἀγκύραις πάνυ ἐγκρατῶς, καὶ ἄσειστοί τε καὶ ἄκλυστοι μένουσιν· εἶτα εἰ γένοιτο ὑπεύδια, ἀπολύουσί τε ἑαυτὰς καὶ ἐλευθεροῦσι, καὶ νέουσι πάλιν, εἰδυῖαι μάθημα οὐκ εὐκαταφρόνητον, χειμῶνος φυγὴν καὶ ἐκ τῶν κινδύνων σωτηρίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="42"> 
+<p>εἴ σοι βουλομένῳ μαθεῖν ἐστι μελιττῶν ὀνόματα, οὐκ ἂν βασκήναιμι εἰπεῖν ὅσα πέπυσμαι. ἡγεμόνες καλοῦνταί τινες καὶ ἄλλαι σειρῆνες καὶ ὑδροφόροι τινὲς καὶ ἕτεραι πλάστιδες. Νίκανδρος δὲ ὑδροφορεῖν τοὺς κηφῆνάς φησι. περὶ δὲ τὴν τῶν Καππαδόκων γῆν ἄνευ κηρίων τὸ μέλι τὰς μελίττας ἐργάζεσθαί φασι, παχὺ δὲ εἶναι τοῦτο κατὰ τὸ ἔλαιον λόγος ἔχει. ἐν Τραπεζοῦντι δὲ τῇ Ποντικῇ ἐκ τῆς πύξου γίνεσθαι μέλι πέπυσμαι, βαρὺ δὲ τὴν ὀσμὴν τοῦτο εἶναι, καὶ ποιεῖν μὲν τοὺς ὑγιαίνοντας ἔκφρονας, τοὺς δὲ ἐπιλήπτους ἐς ὑγίειαν ἐπανάγειν αὖθις. ἐν Μηδίᾳ δὲ ἀποστάζειν τῶν δένδρων ἀκούω μέλι, ὡς Εὐριπίδης ἐν τῷ Κιθαιρῶνί φησιν ἐκ τῶν κλάδων γλυκείας σταγόνας ἀπορρεῖν. γίνεσθαι δὲ καὶ ἐν Θράκῃ μέλι ἐκ τῶν φυτῶν ἤκουσα. ἐν δὲ Μυκόνῳ μέλιττα οὐ γίνεται, ἀλλὰ καὶ ἔξωθεν κομισθεῖσα ἀποθνήσκει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="43"> 
+<p>περὶ τὸν Ὕπανιν ποταμὸν γίνεσθαι τὸ ζῷον τὸ μονήμερον οὕτω καλούμενον Ἀριστοτέλης φησί, τικτόμενον μὲν ἅμα τῷ κνέφει, ἀποθνῆσκον δὲ ἐπὶ δυσμὰς ἡλίου τρεπομένου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="44"> 
+<p>ἔχει δὲ τὸ δῆγμα ἡ σηπία ἰῶδες καὶ τοὺς ὀδόντας ἰσχυρῶς ὑπολανθάνοντας. ἦν δὲ ἄρα δηκτικὸν καὶ ὁ ὀσμύλος καὶ ὁ πολύπους· καὶ δάκοι μὲν ἂν οὗτος σηπίας βιαιότερον, τοῦ δὲ ἰοῦ μεθίησιν ἧττον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="45"> 
+<p>τὸν σῦν τὸν ἄγριόν φασι μὴ πρότερον ἐπί τινα φέρεσθαι πρὶν ἢ τοὺς χαυλιόδοντας ὑποθῆξαι· μαρτυρεῖ δὲ ἄρα καὶ Ὅμηρος τοῦτο λέγων <pb xml:id="p.130"/> θήξας λευκὸν ὀδόντα μετὰ γναμπτῇσι γένυσσιν. παχύνεσθαι δὲ τὸν σῦν ἀκούω μάλιστα μὴ λούμενον, ἀλλὰ ἐν τῷ βορβόρῳ διατρίβοντά τε καὶ στρεφόμενον καὶ πίνοντα ὕδωρ τεθολωμένον, καὶ ἡσυχίᾳ καὶ στέγῃ σκοτωδεστέρᾳ χαίροντα καὶ τροφαῖς ὅσαι φυσωδέστεραί τέ εἰσι καὶ ὑποπλῆσαι δύνανται. καὶ Ὅμηρος δὲ ἔοικε ὑποδηλοῦν ταῦτα. περὶ μὲν οὖν τοῦ καλινδεῖσθαι αὐτοὺς καὶ φιληδεῖν τοῖς ῥυπαρωτέροις τέλμασι <gap reason="lost"/> λέγων σύες χαμαιευνάδες· ὅτι δὲ τῷ τεθολωμένῳ ὕδατι πιαίνονται <gap reason="lost"/> φησὶ <quote rend="blockquote"> <lb/>μέλαν ὕδωρ <lb/>πίνουσαι, τά θʼ ὕεσσι τρέφει τεθαλυῖαν ἀλοιφήν. </quote> ὅτι δὲ χαίρουσι τῷ σκότῳ διὰ τούτων ἐλέγχει <quote rend="blockquote"> <lb/>πέτρῃ ὕπο γλαφυρῇ εὗδον Βορέω ὑπʼ ἰωγῇ. </quote> τὸ δὲ φυσῶδες αἰνίττεται τῆς τροφῆς ὅταν λέγῃ βάλανον μενοεικέα ἐσθίειν αὐτάς. εἰδὼς δὲ ἄρα Ὅμηρος ὡς καὶ ἰσχναίνεται καὶ ἐπιτρίβει τὰ κρέα ὗς ὁρῶν τὸν θῆλυν, πεποίηκε τοὺς ἄρρενας ἰδίᾳ καθεύδοντας καὶ τὰς θηλείας ἰδίᾳ. ἐν Σαλαμῖνι δὲ χλωροῦ σίτου καὶ ληίου κομῶντος ἐὰν σῦς ἐμπεσοῦσα ἀποκείρῃ, νόμος ἐστὶ Σαλαμινίων τοὺς ὀδόντας ἐκτρίβειν αὐτῆς. καὶ τοῦτο εἶναι τὸ παρʼ Ὁμήρῳ συὸς ληιβοτείρης φασίν. οἳ δὲ ἑτέρως νοοῦσι, καὶ λέγουσι χλωροῦ σίτου τὴν ὗν γευσαμένην ἀσθενεῖς ἔχειν τοὺς ὀδόντας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="46"> 
+<p> ἔδωκε δὲ ἄρα ἡ φύσις ταῖς κυσὶ τραυμάτων ἀντίπαλον πόαν. εἰ δὲ ἕλμινθες αὐτὰς λυποῖεν, τοῦ σίτου τὸ καλούμενον λήιον ἐσθίουσαι ἐκκρίνουσιν αὐτάς. λέγονται δὲ καὶ ὅταν δέωνται τὴν γαστέρα <pb xml:id="p.131"/> ἑκατέραν κενῶσαι πόαν τινὰ ἐσθίειν, καὶ τὸ μέν τι τῆς τροφῆς τὸ ἐπιπολάζον ἀνεμεῖν, τὰ δὲ περιττὰ κάτωθεν ἐκκρίνεσθαι αὐταῖς φασιν. ἐντεῦθεν καὶ τὸ συρμαΐζειν Αἰγύπτιοι λέγονται μαθεῖν. πέρδικες δὲ καὶ πελαργοὶ τρωθέντες καὶ φάτται τὴν ὀρίγανον, ὡς λόγος, διατρώγουσιν, εἶτα τοῖς τραύμασιν ἐντιθέντες ἀκοῦνται τὸ σῶμα καὶ μέντοι καὶ τῆς ἀνθρώπων ἰατρικῆς δέονται οὐδὲ ἕν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="47"> 
+<p>οὐ δεήσομαι ἐνταῦθα μάρτυρος πρεσβυτέρου, ἃ δὲ αὐτὸς ἔγνων ἐρῶ. σαῦρον τῶν χλωρῶν μὲν ὑπεράγαν, ἁδροτέρων δὲ τὴν ἕξιν συλλαβὼν ἀνὴρ καὶ κέντρῳ πεποιημένῳ χαλκοῦ πείρας εἶτα τυφλώσας τὸν σαῦρον καὶ χύτραν κεραμέαν τῶν νεωστὶ εἰργασμένων διατρήσας πάνυ λεπταῖς ὀπαῖς, ὡς μὴ εἴργειν μὲν τὸ πνεῦμα, οὐ μὴν ἐκείνῳ παρασχεῖν ἔκδυσιν, καὶ γῆν ἐγχέας καὶ μάλα ἔνδροσον, καὶ τὸ θηρίον ἐμβαλὼν καὶ πόαν τινὰ ἧς οὐκ εἶπε τὸ ὄνομα καὶ δακτύλιον σιδήρου πεποιημένον καὶ ἔχοντα λίθον γαγάτην, ᾧπερ οὖν ἐνείργαστο γλύμμα σαῦρος, τὴν μὲν χύτραν ἐπηλύγασεν, ἐννέα ἐμπλάσας σημεῖα, ὧν ἀφῄρει σφραγῖδα ἐφʼ ἡμέρας ἐννέα. καὶ τὴν ἐπὶ πάσαις ἀφανίσας ἀνοίγει τὸ σκεῦος, καὶ ἔγωγε εἶδον τὸν σαῦρον ἐμβλέποντα, καὶ εὐωποτάτους τοὺς ὀφθαλμοὺς τοὺς τέως πεπηρωμένους εἶχε. καὶ τὸν μέν, ἔνθεν ᾑρέθη, ἐνταῦθα ἀπελύσαμεν, δακτύλιον δὲ ἐκεῖνον ὁ ἀνὴρ ὁ ταῦτα δράσας ὀφθαλμοῖς ἀγαθὸν ἔφασκεν εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="48"> 
+<p>ἐμοὶ δὲ αἴσχιστον δοκεῖ, ὦ ἄνθρωποι, φιλίαν μὲν τοῖς ζῴοις πρὸς ἄλληλα εἶναι, μὴ μόνοις τοῖς συννόμοις αὐτῶν μηδὲ μὴν τοῖς ὁμογενέσιν, ἤδη δὲ καὶ τοῖς μηδὲν προσήκουσί σφισι κατὰ τὸ κοινὸν γένος. ταῖς γοῦν αἰξὶν αἱ οἶς φίλιαι, περιστερᾷ δὲ πρὸς τρυγόνα <pb xml:id="p.132"/> φιλία, φίλα δὲ ἀλλήλοις νοοῦσι φάτται τε καὶ πέρδικες, ἀλκυόνα δὲ καὶ κηρύλον ποθοῦντε ἀλλήλω πάλαι ἴσμεν, κορώνην τε ἐρωδιῷ φίλα νοεῖν καὶ λάρον τῷ καλουμένῳ κολοιῷ καὶ ἰκτίνῳ ἅρπην. πολεμοῦσι δὲ αἰώνιον πόλεμον καὶ ἄσπονδον ὡς εἰπεῖν κορῶναί τε καὶ γλαῦκες· πολέμιοι δὲ ἄρα εἰσὶν ἰκτῖνός τε καὶ κόραξ, καὶ πυραλλὶς πρὸς τρυγόνα, καὶ βρένθος καὶ λάρος, πάλιν τε ὁ χλωρεὺς πρὸς τρυγόνα, καὶ αἰγυπιοὶ καὶ ἀετοί, καὶ κύκνοι καὶ δράκοντες, καὶ πρὸς βουβαλίδας καὶ ταύρους λέοντες. ἔχθιστα δὲ ἄρα ἐλέφας καὶ δράκων ἦν, καὶ πρὸς ἀσπίδα ὁ ἰχνεύμων, ὁ δὲ αἴγιθος τῷ ὄνῳ· ὃ μὲν γὰρ ὠγκήσατο, ῥήγνυται δὲ τῷ αἰγίθῳ τὰ ᾠά, καὶ οἱ νεοττοὶ ἐκπίπτουσιν ἀτελεῖς· ὃ δὲ τιμωρῶν τοῖς τέκνοις ἐπιπηδᾷ τῶν ὄνων τοῖς ἕλκεσι, καὶ ἐσθίει αὐτά. μισεῖ δὲ ἀλώπηξ κίρκον καὶ ταῦρος κόρακα, καὶ ὁ ἄνθος τὸν ἵππον. χρὴ δὲ εἰδέναι τὸν πεπαιδευμένον καὶ μηδὲν μάτην ἀκούοντα ὅτι καὶ δελφὶς φαλαίνῃ διάφορος, λάβρακές γε μὴν κεστρεῦσι, μύραιναι δὲ γόγγροις, καὶ ἄλλα ἄλλοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="49"> 
+<p> αἱ ἄρκτοι τῶν θηρατῶν τοὺς ἐς στόμα πεσόντας καὶ τὸ πνεῦμα ἐς ἑαυτοὺς ὤσαντας ὀσφρησάμεναι ὡς νεκροὺς παραλιμπάνουσι, καὶ δοκεῖ τοῦτο τὸ ζῷον νεκρὸν βδελύττεσθαι. μισοῦσι δὲ καὶ οἱ μύες τοὺς ἐν ταῖς ἑαυτῶν διαίταις καὶ καταδρομαῖς ἀποθανόντας, καὶ μέντοι καὶ χελιδὼν ἐκβάλλει χελιδόνα νεκράν. μύρμηκες δέ, καὶ ἐκείνοις ἐκφορᾶς νεκρῶν μέλειν καὶ καθαίρειν τοὺς σφετέρους χηραμοὺς ἡ σοφωτάτη φύσις ἔδωκεν, ἐπεὶ καὶ τοῦτο ἴδιον τῶν ἀλόγων, τὰ ὁμογενῆ τε καὶ ὁμοφυᾶ τεθνεῶτα τῶν ὀφθαλμῶν ἀποφέρειν θᾶττον. λέγουσι δὲ Αἰθιόπων λόγοι αἱμυλίας τε καὶ κόμπου Ἑλληνικοῦ ἄγευστοι <pb xml:id="p.133"/> ὅτι ἄρα ἐλέφαντα θεασάμενος ἐλέφας νεκρὸν οὐκ ἂν παρέλθοι μὴ τῇ προβοσκίδι γῆν ἀρυσάμενος καὶ ἐπιβαλών, ὡς ὁσίαν τινὰ ἀπόρρητον ὑπὲρ τῆς φύσεως τῆς κοινῆς ἐκτελῶν· εἶναι γὰρ τὸ μὴ δρᾶσαι τοῦτο ἐναγές. ἀπόχρη δέ οἱ καὶ κλάδον ἐπιβαλεῖν, καὶ ἄπεισι τὸ κοινὸν ἁπάντων τέλος μὴ ἀτιμάσας. ἀφῖκται δὲ λόγος ἐς ἡμᾶς καὶ ἐκεῖνος. ὅταν ἐλέφαντες ἀποθνήσκωσιν ἐκ τραυμάτων, ἢ βληθέντες ἐν πολέμῳ ἢ ἐν θήρᾳ παθόντες τοῦτο, τῆς πόας τῆς παρατυχούσης ἢ τῆς κόνεως τῆς ἐν ποσὶν ἀνελόμενοι, ἐς τὸν οὐρανὸν ἀναβλέπουσι καὶ βάλλουσί τι τῶν προειρημένων, καὶ φωνῇ τῇ σφετέρᾳ κινύρονταί τε καὶ ποτνιῶνται, ὥσπερ οὖν τοὺς θεοὺς μαρτυρόμενοι ἐφʼ οἷς ἐκδίκως τε καὶ ἐκνόμως ὑπομένουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="50"> 
+<p>ἴδια δὲ ἄρα τῶν ζῴων καὶ ταύτῃ δήπου καταγνῶναι πάρεστι. τοὺς γοῦν ὄρνεις τοὺς ἠθάδας καὶ τοὺς ἐν ποσὶ τρεφομένους τε καὶ ἐξεταζομένους ὁρῶμεν ἵππους καὶ ὄνους καὶ βοῦς καὶ καμήλους θαρροῦντας· εἰ δὲ καὶ ἐλέφαντί που πράῳ καὶ ἡμέρῳ συντρέφοιντο, οἳ δὲ οὐκ ὀρρωδοῦσιν, ἀλλὰ καὶ διʼ αὐτῶν ἐκείνων ἔρχονται. ἤδη δὲ ἀλεκτρυόνες καὶ ἐπὶ τὰ νῶτα αὐτῶν ἀναπέτονται· τοσοῦτον αὐτοῖς τοῦ θάρσους περίεστι καὶ τοῦ ἀδεοῦς. πτοίαν δὲ αὐτοῖς ἐντίθησι καὶ δέος ἰσχυρὸν γαλῆ παραδραμοῦσα. καὶ μυκήσεων μὲν καὶ ὀγκήσεων οὐ ποιοῦνται ὤραν, κρίξασαν δὲ ἄρα μόνον πεφρίκασι τὴν προειρημένην. χηνῶν δὲ καὶ κύκνων καὶ στρουθῶν τῶν μεγάλων ἤ τι ἢ οὐδὲν φροντίζουσιν, ἱέρακα δὲ βραχύτατον ὄντα ὀρρωδοῦσιν. ὁ δὲ ἀλεκτρυὼν ᾅσας φοβεῖ μὲν λέοντα, ἀναιρεῖ δὲ βασιλίσκον· οὐ μὴν φέρει οὔτε αἰλούρους οὔτε ἰκτίνους. αἱ δὲ περιστεραὶ <pb xml:id="p.134"/> ἀετῶν μὲν κλαγγὴν καὶ γυπῶν θαρροῦσι, κίρκων δὲ καὶ ἁλιαέτων οὐκέτι. ἡ δὲ ποίμνη καὶ ὁ ἔριφος καὶ πώλιον πᾶν ἐπὶ τὰς μητρῴας θηλὰς ἔρχεται γεννηθέντα παραχρῆμα, καὶ μέντοι καὶ τῶν οὐθάτων σπῶντα ἐμπίπλαται· πολυπραγμονεῖ δὲ τὸ τεκὸν οὐδὲ ἕν, ἀλλὰ ἕστηκεν. ὕπτια δὲ παραβάλλει τὰς θηλὰς τοῖς βρέφεσι τὰ σχιζόποδα πάντα, λύκοι καὶ κύνες καὶ λέαιναι καὶ παρδάλεις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="51"> 
+<p> Πολυφωνότατα δὲ τὰ ζῷα καὶ πολύφθογγα ὡς ἂν εἴποις ἡ φύσις ἀπέφηνεν, ὥσπερ οὖν καὶ τοὺς ἀνθρώπους. ὁ γοῦν Σκύθης ἄλλως φθέγγεται καὶ ὁ Ἰνδὸς ἄλλως, καὶ ὁ Αἰθίοψ ἔχει φωνὴν συμφυᾶ καὶ οἱ Σάκαι· φωνὴ δὲ Ἑλλὰς ἄλλη, καὶ Ῥωμαία ἄλλη. οὕτω τοι καὶ τὰ ζῷα ἄλλο ἄλλως προΐεται τὸν συγγενῆ τῆς γλώττης ἦχόν τε καὶ ψόφον· τὸ μὲν γὰρ βρυχᾶται, μυκᾶται δὲ ἄλλο, καὶ χρεμέτισμα ἄλλου καὶ ὄγκησις ἄλλου βληχηθμός τε καὶ μηκασμός, καί τισι μὲν ὠρυγμός, τισὶ δὲ ὑλαγμὸς φίλον, καὶ ἄλλῳ ἀρράζειν· κλαγγαὶ δὲ καὶ ῥοῖζοι καὶ κριγμοὶ καὶ ᾠδαὶ καὶ μελῳδίαι καὶ τραυλισμοὶ καὶ μυρία ἕτερα δῶρα τῆς φύσεως ἴδια τῶν ζῴων ἄλλα ἄλλων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="52"> 
+<p> ἀνὰ τὴν χώραν τὴν Αἰγυπτίαν ἀσπίδες φωλεύουσι τοῦ Νείλου πλησίον ἐπὶ τῆς ὄχθης ἑκατέρας. καὶ τὸν μὲν ἄλλον χρόνον φιλοχωροῦσι καὶ ἀγαπῶσιν, ὡς τὰς οἰκίας τὰς σφετέρας οἱ ἄνθρωποι· μέλλοντος δὲ τοῦ ποταμοῦ κατὰ τὴν ὥραν τὴν θέρειον ἀναπλεῖν, πρὸ τριάκοντά που ἡμερῶν αἱ προειρημέναι ἀσπίδες μετοικίζονται ἐς τὰ ἀπωτέρω τοῦ Νείλου χωρία, καὶ τοὺς ὄχθους τοὺς ὑπερέχοντας ἐσέρπουσι, καὶ μέντοι καὶ τὰ σφῶν αὐτῶν ἔκγονα ἐπάγονται, δῶρον τοῦτο ἴδιον λαχοῦσαι παρὰ τῆς φύσεως <pb xml:id="p.135"/> εἰδέναι ποταμοῦ τοσούτου καὶ οὕτως ἐργατικοῦ τὴν ἀνὰ πᾶν ἔτος ἐπιδημίαν, καὶ τὴν ἐξ αὐτοῦ κατάληψίν τε καὶ λύμην φυλάττεσθαι. καὶ αἱ χελῶναι δὲ καὶ οἱ καρκίνοι καὶ οἱ κροκόδειλοι τὰ ᾠὰ κατὰ τὴν ὥραν τὴν αὐτὴν μετακομίζουσιν ἐς τὰ ἄβατα τῷ ποταμῷ καὶ ἀνέφικτα· καὶ ἐντεῦθεν ἤδη λογίζονται οἱ ἐντυγχάνοντες τοῖς τῶν προειρημένων ᾠοῖς ὁ Νεῖλος ἀνελθὼν ἐς πόσον ἐπαρδεύσει σφίσι τὴν γῆν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="53"> 
+<p>οἱ ἵπποι οἱ ποτάμιοι τοῦ Νείλου μέν εἰσι τρόφιμοι· ὅταν δὲ τὰ λήια ἐνακμάζῃ καὶ ὦσιν οἱ στάχυες ξανθοί, οὐκ ἂρχονται παραχρῆμα κείρειν αὐτοὺς καὶ ἐσθίειν, ἀλλὰ παραμείβοντες ἔξωθεν τὸ λήιον στοχάζονται πόσον αὐτοὺς ἐμπλήσει μέτρον, εἶτα λογισάμενοι τὸ ἀποχρῆσον σφίσιν ἐμπίπτουσι καὶ ἀναχωροῦσιν ἐπὶ πόδα ἐμπιπλάμενοι, τὸ ῥεῦμα τοῦ ποταμοῦ κατὰ νώτου λαβόντες. πεφιλοσόφηται δὲ ἄρα τοῦτο αὐτοῖς, ἵνα εἴ τινες τῶν γεωργῶν ἐπίοιεν ἀμυνούμενοι, οἳ δὲ ἐκ τοῦ ῥᾴστου ἐς τὸ ὕδωρ καταδραμεῖν ἔχοιεν, τοὺς πολεμίους ἀντιπροσώπους, ἀλλὰ οὐκ ὄπισθεν οἱ ἵπποι οὗτοι δοκεύοντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="54"> 
+<p>ἐν τῇ Μαυρουσίᾳ γῇ αἱ παρδάλεις τοῖς πιθήκοις οὐ κατὰ τὸ καρτερὸν οὐδὲ ὅπως ἂν ἔχωσιν ἀλκῆς τε καὶ ῥώμης ἐπιτίθενται. τὸ δὲ αἴτιον, οὐ χωροῦσιν ὁμόσε, ἀλλὰ ἀποδιδράσκουσιν αὐτὰς καὶ ἐπὶ τὰ δένδρα ἀναθέουσι καὶ ἐκεῖ κάθηνται, τὴν ἐξ ἐκείνων ἐπιβουλὴν φυλαττόμενοι. ἦν δὲ ἄρα ἡ πάρδαλις καὶ τοῦ πιθήκου δολερώτερον. οἵας γοῦν ἐπʼ αὐτοῖς παλαμᾶταί τε καὶ ῥάπτει τὰς πάγας. ὅπου πλῆθος πιθήκων κάθηνται, ἐνταῦθα ἐλθοῦσα ἑαυτὴν ὑπέρριψε τῷ δένδρῳ, καὶ κεῖται κατὰ τοῦ δαπέδου ὑπτία, καὶ τὴν μὲν γαστέρα διώγκωσε, παρῆκε δὲ τὰ σκέλη, τὼ δὲ ὀφθαλμὼ κατέμυσε, πιέζει γε μὴν τὸ ἆσθμα, καὶ <pb xml:id="p.136"/> κεῖται νεκρὰ δή. οἳ δὲ ἄνωθεν τὴν ἐχθίστην ἰδόντες τεθνάναι νομίζουσιν αὐτήν, καὶ ὃ μάλιστα βούλονται, τοῦτο καὶ οἴονται. οὐ μὴν θαρροῦσιν ἤδη, ἀλλὰ πεῖραν καθιᾶσι, καὶ ἔστιν ἡ πεῖρα, ἕνα ἑαυτῶν τὸν δοκοῦντα ἀδεέστατον καταπέμπουσι, βασανίσοντα καὶ κατασκεψόμενον τὸ τῆς παρδάλεως πάθος. ὃ δὲ κάτεισιν οὐ παντελῶς ἀδεής, ἀλλὰ ὀλίγον καταδραμὼν εἶτα ὑπέστρεψεν, τοῦ φόβου ἀναστείλαντος αὐτόν· καὶ κατῆλθε πάλιν, καὶ πλησίον γενόμενος ἀνεχώρησε, καὶ ὑπέστρεψεν αὖθις, καὶ τὼ ὀφθαλμὼ κατεσκέψατο, καὶ τὸ πνεῦμα εἰ μεθίησιν ἐξήτασεν. ἣ δὲ ἀτρεμοῦσα καὶ μάλα ἐγκρατῶς ἐντίθησίν οἱ τὸ κατὰ μικρὰ ἀδεές. προσελθόντος δὲ καὶ παραμένοντος ἀπαθοῦς καὶ οἱ μετέωροι πίθηκοι θαρροῦσιν ἤδη, καὶ καταδραμόντες ἔκ τε ἐκείνου τοῦ δένδρου καὶ τῶν ἄλλων ὅσα πλησίον παραπέφυκεν, ἀθρόοι γενόμενοι περιέρχονταί τε καὶ περιχορεύουσιν αὐτήν. εἶτα ἐμπηδήσαντες αὐτῇ καὶ ἐπιβάντες κατεκυβίστησαν καὶ κατωρχήσαντο κέρτομόν τινα καὶ πιθήκοις πρέπουσαν ὄρχησιν, καὶ ποικίλως ἐνυβρίσαντες, ἣν ἔχουσιν ὡς ἐπὶ νεκρᾷ χαρὰν καὶ ἡδονὴν ἐμαρτύραντο. ἣ δὲ ὑπέμεινε πάντα, εἶτα ὅταν ἐννοήσῃ κεκμηκέναι ὑπό τε τῆς χορείας αὐτοὺς καὶ τῆς ὕβρεως, ἀδοκήτως ἀναπηδήσασα καὶ ἐσθοροῦσα τοὺς μὲν τοῖς ὄνυξι διέξηνε, τοὺς δὲ τοῖς ὀδοῦσι διεσπάσατο, καὶ τὴν ἐκ τῶν πολεμίων πανθοινίαν τε καὶ πανδαισίαν ἀφθονώτατα ἔχει. τλημόνως δὲ ἔχειν καὶ καρτερῶς καὶ γεννικῶς ἡ φύσις κελεύει τὴν πάρδαλιν ὑπὲρ τοῦ τῶν πολεμίων ἐνυβρισάντων περιγίνεσθαι καρτερικώτατα ἐναθλοῦσαν καὶ μὴ δεομένην εἰπεῖν τέτλαθι δὴ κραδίη. ὅ γε μὴν τοῦ Λαέρτου ἑαυτὸν ἐξεκάλυψεν ὀλίγου πρὸ τοῦ καιροῦ, τὴν ἐκ τῶν παιδισκῶν ὕβριν μὴ φέρων. <pb xml:id="p.137"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="55"> 
+<p>ἐν τοῖς Ἰνδοῖς οἱ ἐλέφαντες, ὅταν τι τῶν δένδρων αὐτόρριζον ἀναγκάζωσιν αὐτοὺς οἱ Ἰνδοὶ ἐκσπάσαι, οὐ πρότερον ἐμπηδῶσιν οὐδὲ ἐπιχειροῦσι τῷ ἔργῳ πρὶν ἢ διασεῖσαι αὐτὸ καὶ διασκέψασθαι ἆρά γε ἀνατραπῆναι οἷόν τέ ἐστιν ἢ παντελῶς ἀδύνατον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:5" n="56"> 
+<p>αἱ ἐν Σύροις ἔλαφοι γίνονται μὲν ἐν ὄρεσι μεγίστοις, Ἀμανῷ τε καὶ Λιβάνῳ καὶ Καρμήλῳ· ὅταν δὲ βουληθῶσι περαιώσασθαι τὴν θάλατταν, ἐπὶ τὰς ᾐόνας ἀφικνοῦνται ἡ ἀγέλη, καὶ ἀναμένουσι τοῦ πνεύματος τὴν φθίσιν, καὶ ἡνίκα ἂν αἴσθωνται πρᾶον αὐτὸ καὶ ἥσυχον καταπνέον, τηνικαῦτα ἐπιθαρροῦσι τῷ πελάγει. νέουσι δὲ κατὰ στοῖχον, καὶ ἀλλήλων ἔχονται, τὰ γένεια αἱ ἑπόμεναι τῶν προηγουμένων τῇ ὀσφύι ἐπερείδουσαι· ἡ τελευταία δὲ γενομένη τῇ πρόσθεν ἐπὶ πάσαις ἑαυτὴν ἐπαναπαύσασα εἶτα οὐραγεῖ. στέλλονται δὲ ἐπὶ τὴν Κύπρον πόθῳ τῆς πόας τῆς ἐκεῖ· λέγεται γὰρ εἶναι βαθεῖα καὶ νομὰς ἀγαθὰς παρέχειν. καὶ λέγουσί γε Κύπριοι εὔγεων οἰκεῖν χῶρον, καὶ ταῖς Αἰγυπτίων ἀρούραις τολμῶσιν ἀντικρίνειν τὰς σφετέρας. ἔλαφοι δὲ καὶ ἕτεραι τήνδε τὴν νῆξιν ἀποδείκνυνται. αἱ γοῦν Ἠπειρώτιδες ἐς τὴν Κέρκυραν διανήχονται, ἀντίπορθμοι δὲ ἀλλήλαις αἵδε εἰσίν.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="6"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="1"> 
+<p> δέονται μὲν ἄνθρωποι λόγου τοῦ προτρέψοντος καὶ ἀναπείσοντος ἀγαθοὺς εἶναι καὶ τὴν μὲν δειλίαν διώξοντος, τὸ δὲ εὐθαρσὲς παρασκευάσοντος, ἀθληταὶ μὲν ἐς τὰ στάδια, στρατιῶται δὲ ἐς τὰ ὅπλα· τὰ <pb xml:id="p.138"/> δὲ ζῷα οὐ δεῖται τῆς ἔξωθεν ἐπιρρώσεως, ἑαυτοῖς δὲ παροξύνει τὴν ἀλκήν, καὶ ἑαυτὰ ἀνίστησι καὶ ἐγείρει. ὁ γοῦν σῦς μέλλων ἐς μάχην ἰέναι πρὸς ταῖς λείαις πέτραις τοὺς ὀδόντας ὑποθήγει. τοῦτό τοι καὶ Ὅμηρος τῷ ζῴῳ μαρτυρῶν δῆλός ἐστι. καὶ μέντοι καὶ ὁ λέων τῇ ἀλκαίᾳ ἑαυτὸν ἐπεγείρει μαστίζων, καὶ βλακεύειν καὶ ἐλινύειν οὐκ ἐπιτρέπει. καὶ τοῦτο δὲ ὁ ποιητὴς εἰδὼς ᾅδει περὶ τοῦ λέοντος. οἱ δὲ ἐλέφαντες τῇ προβοσκίδι ἑαυτοὺς παίουσιν ἐς τὸν ἀγῶνα ἐξάπτοντες, ὅταν τούτου ᾖ καιρός, καὶ οὐ δέονται τοῦ προσᾴσοντος καὶ ἐροῦντος οὐχ ἕδρας ἔργον οὐδʼ ἀμβολᾶς, οὐδὲ μὴν τὰ Τυρταίου μέτρα ἀναμένουσι. ταῦρος δὲ ἡγεμὼν τῆς ἀγέλης ὅταν ἡττηθῇ ἡγεμόνος ἄλλου, ἑαυτὸν ἀποκρίνει ἐς χῶρον ἕτερον, καὶ ἑαυτῷ γίνεται γυμναστής, καὶ ἀθλεῖ πᾶσαν ἄθλησιν κονιόμενος καὶ τοῖς δένδροις τὰ κέρατα προσανατρίβων καὶ τῇ τε ἄλλῃ ἑαυτὸν ἐς τὴν ἄσκησιν τῆς ἀλκῆς ῥυθμίζων καὶ οὖν καὶ ἀφροδίτης ἀπεχόμενος καὶ σωφρονῶν ὡς Ἴκκος ὁ Ταραντῖνος, ὅνπερ οὖν ὑμνεῖ Πλάτων ὁ τοῦ Ἀρίστωνος παρὰ τὸν τῆς ἀθλήσεως χρόνον πάντα συνουσίας ἀμαθῆ καὶ ἄπειρον διαμεῖναι ἁπάσης. καὶ Ἴκκῳ μὲν ὄντι ἀνθρώπῳ καὶ Ὀλυμπίων ἐρῶντι καὶ Πυθίων καὶ κλέους αἰσθανομένῳ καὶ δόξης γλιχομένῳ οὐδὲν μέγα ἦν κεκολασμένως καθεύδειν καὶ σωφρόνως· τὰ γὰρ ἆθλά οἱ κλεινὰ καὶ ἦν καὶ ἐδόκει, κότινος Ὀλυμπικὸς καὶ Ἰσθμικὴ πίτυς καὶ δάφνη Πυθική, καὶ ζῶντα μὲν περιβλέπεσθαι, ἀποθανόντα δὲ εὐφημεῖσθαι. καὶ μέντοι καὶ τὸν κιθαρῳδὸν Ἀμοιβέα ἀκούω γῆμαι μὲν ὡραιοτάτην γυναῖκα, ἀποσχέσθαι δὲ αὐτῆς παρὰ πάντα τὸν χρόνον, παρʼ ὃν ἀγωνιούμενος ἐς τὰ θέατρα ᾔει. Διογένης δὲ ὁ τῆς τραγῳδίας ὑποκριτὴς <pb xml:id="p.139"/> τὴν ἀκόλαστον κοίτην ἀπείπατο παντελῶς πᾶσαν. Κλειτόμαχος δὲ ὁ παγκρατιαστὴς καὶ κύνας εἴ ποτε εἶδε μιγνυμένους, ἀπεστρέφετο, καὶ ἐν συμποσίῳ δὲ εἰ λόγον ἀκόλαστον ἤκουσε καὶ ἀφροδίσιον, ἐξαναστὰς ἀπηλλάττετο. ἀνθρώπους δὲ ὄντας ποιεῖν ταῦτα ἢ ὑπὲρ τοῦ κερδᾶναι χρήματα ἢ ὑπὲρ τοῦ φήμης καὶ κλέους μεταλαχεῖν, οὐ πάνυ τι θαυμαστόν· ταύρῳ δὲ νικῶντι ταῦρον ἀντίπαλον ποῖα μὲν κηρύγματα, ὦ παῖ Ἀρίστωνος, ἀποκηρύττουσι, ποῖα δὲ ἆθλα ἀποκρίνουσιν; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="2"> 
+<p>τὰ ἄλογα καὶ τῶν συνήθων σφίσι γενομένων ἀπέχεσθαι φιλεῖ καὶ φείδεσθαι πολλάκις. ἀκούω γοῦν τὸν λόγον ἐκεῖνον. πάρδαλιν ἐκ νηπίου θηρατὴς ἀνὴρ ἡμερώσας εἶχεν, οἷα δήπου φίλην ἢ ἐρωμένην ἀγαπῶν καὶ περιέπων ἰσχυρῶς. οὐκοῦν ἔριφον αὐτῇ φέρων ζῶντα ἐδίδου, τροφὴν ἐν ταὐτῷ καὶ ἡδονήν τινα ἐπινοήσας τῷ θηρίῳ ἐν τῷ διασπᾶν τὸν ἔριφον, ἀλλὰ μὴ δοκεῖν ἐσθίειν κενέβρειόν τε καὶ θνησείδιον. καὶ δὴ κομισθέντος τοῦ ἐρίφου ἣ δὲ ἐγκρατῶς ἔσχε, δεομένη ἀπόσιτος εἶναι διὰ πλησμονήν. ἔδρασε δὲ καὶ τῇ δευτέρᾳ τοῦτο· ἐδεῖτο γὰρ ἔτι ὡς φαρμάκου τοῦ λιμοῦ. τῆς δὲ τρίτης ἐπιστάσης ἡμέρας ἐπείνη μὲν καὶ συνήθως ἐπεδείκνυτο τοῦτο τῷ φθέγματι, οὐ μὴν τοῦ ἐρίφου γενομένου δύο ἡμερῶν ἑαυτῇ φίλου ἔτι προσήψατο, ἀλλὰ ἐκεῖνον μὲν εἴασεν, ἄλλον δὲ ἔλαβεν. ἄνθρωποι δὲ καὶ ἀδελφοὺς προύδοσαν καὶ τοὺς γειναμένους καὶ φίλους ἀρχαίους, καὶ πολλοὶ πολλάκις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="3"> 
+<p>ἡ ἄρκτος ὅτι τίκτει σάρκα ἄσημον εἶτα τῇ γλώττῃ διαρθροῖ αὐτὴν καὶ οἱονεὶ διαπλάττει, ἄνω που λέλεκται. ὃ δὲ οὐκ εἶπον ἤδη, τοῦτο εἰρήσεται νῦν, καὶ μάλα ἐν καλῷ. χειμῶνος μὲν ἀποτίκτει, καὶ φωλεύει <pb xml:id="p.140"/> τεκοῦσα, καὶ ὑφορωμένη τοὺς κρυμοὺς τὴν ἐπιδημίαν τοῦ ἦρος προσμένει, οὐδʼ ἂν πρὶν ἢ πληρωθῆναι τρεῖς μῆνας ἐξαγάγοι ποτὲ τὰ βρέφη. ὅταν δὲ αἴσθηται ἑαυτῆς πεπλησμένης, ὑφορωμένη τοῦτο ὡς νόσον, ζητεῖ φωλεόν. ἔνθεν τοι καὶ κέκληται τῇ ἄρκτῳ φωλεία τὸ πάθος. εἶτα ἐσέρχεται οὐ βαδίζουσα, ἀλλὰ ὑπτία, ἀφανίζουσα τοῖς θηραταῖς τὰ ἴχνη· ἑαυτὴν γὰρ ἐπισύρει κατὰ τὰ νῶτα. καὶ παρεσελθοῦσα ἡσυχάζει, καὶ τρόπον τινὰ τὴν ἕξιν ῥινᾷ, καὶ δρᾷ τετταράκοντα ἡμερῶν αὐτό. καὶ λέγει μὲν Ἀριστοτέλης ὅτι ἄρα δὶς ἑπτὰ ἡμερῶν ἀκίνητος μένει καὶ ἀτρεμεῖ, τῶν δὲ ἄλλων στρέφεται μόνον. ἄσιτος δὲ ἄρα διαμένει τῶν τετταράκοντα πασῶν καὶ ἄτροφος, ἀπόχρη δὲ αὐτῇ τὴν δεξιὰν περιλιχμᾶσθαι. ἐκ δὲ τῆς συντήξεως τῆς ἄγαν συνέπτυκται τὸ ἔντερον αὐτῇ καὶ συνῆλθεν. ὅπερ εἰδυῖα, ὅταν προέλθῃ, τοῦ καλουμένου ἄρου τοῦ ἀγρίου ἐσθίει· τὸ δὲ ἄρα φυσῶδες ὂν διίστησιν αὐτῇ τὸ ἔντερον, καὶ εὐρύνει αὐτό, καὶ ἀποφαίνει τροφῆς δεκτικόν. ὅταν δὲ αὖ πάλιν ᾖ πεπληρωμένη, μυρμήκων ἐσθίει, καὶ κενοῦται ῥᾷστα. κενώσεις μὲν δὴ φυσικαὶ τῶν ἄρκτων καὶ πληρώσεις ἐς δέον εἴρηνταί μοι μήτε ἰατρῶν μήτε συγκραμάτων, ὦ ἄνθρωποι, δεόμεναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="4"> 
+<p> οἱ δράκοντες ὅταν ὀπώρας μέλλωσι γεύεσθαι, τῆς πικρίδος καλουμένης ῥοφοῦσι τὸν ὀπόν· ὀνίνησι δὲ ἄρα αὐτοὺς αὕτη πρὸς τὸ μὴ φύσης τινὸς ὑποπίμπλασθαι. μέλλοντες δέ τινα ἐλλοχᾶν ἢ ἄνθρωπον ἤ θῆρα, τὰς θανατηφόρους ῥίζας ἐσθίουσι καὶ τὰς πόας μέντοι τὰς τοιαύτας. οὐκ ἦν δὲ ἄρα οὐδὲ Ὅμηρος αὐτῶν τῆς τροφῆς ἀμαθής. λέγει γοῦν ὅπως ἄνδρα μένει περὶ τὸν φωλεὸν εἰλούμενος, προεμπλησθεὶς σιτίων πολλῶν φαρμακωδῶν καὶ κακῶν. <pb xml:id="p.141"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="5"> 
+<p>οἱ ἔλαφοι τὰ κέρατα ἀποβαλόντες ἐσδύνονται παρελθόντες ἐς τὰς λόχμας, τοὺς ἐπιόντας σφίσι φυλαττόμενοι, καὶ εἰκότως· ἔρημοι γὰρ τῶν ἀμυντηρίων ὄντες ἀφῃρῆσθαι καὶ τὴν ἀλκὴν πεπιστεύκασιν ἐν τῷ τέως. λέγονται δὲ καὶ φυλάττεσθαι μή ποτε ἄρα νεαροῖς οὖσιν αὐτῶν τοῖς στελέχεσιν εἶτα προσπίπτουσα ἡ ἀκτὶς πρὶν ἢ παγῆναι καὶ τοὺς καλουμένους χόνδρους λαβεῖν ἣ δὲ τὴν σάρκα ὑποσήψῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="6"> 
+<p>οἱ παριόντες ἐς πόλεμον ἵπποι ὑπόπτους ἔχουσι καὶ τάφρων πηδήσεις καὶ ἅλλεσθαι βόθρον καὶ διαβῆναι σταυροὺς καὶ σκόλοπας καὶ τὰ τοιαῦτα. πάρεστι δὲ καὶ Ὁμήρου λέγοντος ἀκούειν ὑπὲρ τῶν τοιούτων <quote rend="blockquote"> <lb/>ὥς Ἕκτωρ ἀνʼ ὅμιλον ἰὼν ἐλλίσσεθʼ ἐταίρους, <lb/>τάφρον ἐποτρύνων διαβήμεναι. οὐδέ οἱ ἵπποι <lb/>τόλμων ὠκύποδες, μάλα δὲ χρεμέτιζον ἐπʼ ἄκρῳ <lb/>χείλει ἐφεσταότες· ἀπὸ γὰρ δειδίσσετο τάφρος <lb/>εὐρεἶ, οὔτʼ ἄρʼ ὑπερθορέειν σχεδὸν οὔτε περῆσαι <lb/>ῥηιδίη. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="7"> 
+<p>ἐν τῇ Αἰγύπτῳ περὶ τὴν λίμνην τὴν καλουμένην Μοίριδος, ὅπου Κροκοδείλων πόλις, κορώνης τάφος δείκνυται, καὶ τὴν αἰτίαν ἐκείνην Αἰγύπτιοί φασι. τῷ βασιλεῖ τῷ τῶν Αἰγυπτίων Μ̔άρης δὲ οὗτος ἐκαλεῖτὀ ἦν κορώνης θρέμμα πάνυ ἥμερον, καὶ τῶν ἐπιστολῶν ἃς ἐβούλετό οἱ κομισθῆναί ποι θᾶττον ἐκόμιζεν αὕτη, καὶ ἦν ἀγγέλων ὠκίστη, καὶ ἀκούσασα ᾔδει ἔνθα ἰθῦναι χρὴ τὸ πτερόν, καὶ τίνα χρὴ παραδραμεῖν χῶρον, καὶ ὅπου ἥκουσαν ἀναπαύσασθαι. ἀνθʼ ὧν ἀποθανοῦσαν ὁ Μάρης ἐτίμησεν αὐτὴν καὶ στήλῃ καὶ τάφῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="8"> 
+<p>ἴδιον δὲ καὶ ὄνομα τῆς κατὰ τροφὴν κομιδῆς <pb xml:id="p.142"/> ἕκαστα τῶν ζῴων κέκτηται. πωλοδαμνικὴ γοῦν κληθείη τις ἂν καὶ σκυλακοτροφικὴ καὶ ἐλεφαντοκομία καὶ λεοντοτροφία καὶ ὀρνιθοτροφία καὶ τὰ τοιαῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="9"> 
+<p> σοφὰ δὲ ἄρκτου ἦν ἄρα ἐκεῖνα. ἐὰν διώκηται μετὰ τῶν αὑτῆς σκυλακίων, προωθεῖ αὐτὰ ἐς ὅσον δύναται· ὅταν δὲ συνίδῃ ὅτι ἀπεῖπε, τὸ μὲν κατὰ τοῦ νώτου φέρει, τὸ δὲ κατὰ τοῦ στόματος, καὶ δένδρου λαβομένη ἀναπηδᾷ· καὶ τὸ μὲν ἔχεται τοῦ νώτου τοῖς ὄνυξι, τὸ δὲ ἐν τοῖς ὀδοῦσι φέρεται ἀναθεούσης </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="10"> 
+<p> αὐτῆς. ταύρῳ δὲ λιμώττουσα ὅταν ἐντύχῃ, κατὰ μὲν τὸ καρτερὸν καὶ ἐξ εὐθείας οὐ μάχεται, προσπαλαίει δέ, καὶ τοῦ τένοντος λαβομένη κλίνει, καὶ ἅμμα σφίγγει. ὃ δὲ πιέζεται καὶ μέμυκε, καὶ τελευτῶν ἀπεῖπε καὶ κεῖται, καὶ ἐκείνη ἐμπίπλαται. μαθεῖν δὲ ἀγαθὰ ζῷα καὶ ταύτῃ κατέγνωμεν. ἐπὶ τῶν Πτολεμαίων οἱ Αἰγύπτιοι τοὺς κυνοκεφάλους καὶ γράμματα ἐδίδασκον καὶ ὀρχεῖσθαι καὶ αὐλεῖν καὶ ψαλτικήν. καὶ μισθὸν κυνοκέφαλος ἐπράττετο ὑπὲρ τούτων, καὶ τὸ διδόμενον ἐς φασκώλιον ἐμβαλὼν ἐξηρτημένον ἔφερεν, ὡς οἱ τῶν ἀγειρόντων δεινοί. ὅτι δὲ Συβαρῖται καὶ ὄρχησιν ἵππους ἐπαίδευσαν, πάλαι κεκήρυκται. ἐλεφάντων δὲ τὸ εὐπειθὲς ἐς τὰ μαθήματα καὶ τὸ ῥᾴδιον ἀνωτέρω εἶπον. κύνες δὲ ἄρα καὶ τὰ οἴκοι ὑπηρετεῖν τοῖς ἐκπαιδεύσασιν αὐτοὺς ἱκανοί, καὶ ἀπόχρη πένητι δοῦλον κύνα ἔχειν. ἦσαν δὲ ἄρα καὶ τῶν τοιούτων ἄδουλοι, ὥσπερ οὖν Ἀράβων μὲν οἱ Τρωγλοδύται, Λιβύων δὲ οἱ Νομάδες, καὶ τῶν Αἰθιόπων ὅσον λιμνόβιόν ἐστι, πέρα τῆς ἐκ τῶν ἰχθύων τροφῆς μεμαθηκὸς σιτεῖσθαι οὐδὲ ἕν. μέμνηται δὲ ὧν πάσχει τὰ ζῷα, καὶ δεῖταί γε τέχνης τῆς ἐς τὴν μνήμην οὐ Σιμωνίδου, οὐχ Ἱππίου, <pb xml:id="p.143"/> οὐ Θεοδέκτου, οὐκ ἄλλου τινὸς τῶν ἐς τόδε τὸ ἐπάγγελμα καὶ τήνδε τὴν σοφίαν κεκηρυγμένων. ἔνθα γοῦν ἀφῃρέθη ἡ βοῦς τὸν μόσχον, ἐνταῦθα ἐλθοῦσα ὠδύρατο μυκηθμῷ συντρόφῳ τὸ πάθος. καὶ βόες μέντοι ὑπὸ ζυγὸν ἰέναι μέλλοντες οἳ μὲν μειδιῶσιν, οἳ δὲ ἐπὶ πόδα ἀναχωροῦσιν. ἵππος δὲ ὅταν ἀκούσῃ ψαλίων κρότον καὶ χαλινοῦ κτύπον, καί προστερνίδιά τε καὶ προμετωπίδια θεάσηται, φριμάττεται ἐνταῦθα, καὶ τὰς ὁπλὰς σκιρτῶν ἐπικροτεῖ καὶ ἐνθουσιᾷ, ἥ τε τῶν ἱπποβοσκῶν βοὴ ἐγείρει αὐτόν, καὶ τὰ ὦτα ὤρθωσεν αὐτὸς καὶ τοὺς μυκτῆρας διέστησε μνήμῃ δρόμου καὶ συνηθείας ἴυγγι ἀμάχῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="11"> 
+<p>τίκτει δὲ ἔλαφος παρὰ τὰς ὁδούς, καὶ ἔοικέ γε σοφίᾳ τοῦτο δρᾶν· δέδοικε γὰρ τὰ θηρία καὶ τὰς ἐξ αὐτῶν ἐπιβουλάς, τοὺς δὲ ἀνθρώπους θαρρεῖ. καὶ ἐκείνων μὲν πεπίστευκεν ἀσθενεστέρα οὖσα, τούτους δὲ ἀποδρᾶναι δύνασθαι οὐκ ἀμφιβάλλει. καταπιανθεῖσα δὲ οὐκ ἂν ἔτι τέκοι παρὰ τὰς ὁδούς· οἶδε γὰρ ὅτι δραμεῖν ἐστι νωθεστέρα. τίκτει οὖν ἐν τοῖς ἄγκεσι καὶ ἐν τοῖς δρυμοῖς καὶ ἐν τοῖς αὐλῶσι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="12"> 
+<p>ἡ χερσαία χελώνη διατραγοῦσα ὀριγάνου παρʼ οὐδὲν ποιεῖται τὸν ἔχιν. ἐὰν δὲ ἀπορήσῃ αὐτοῦ, πηγάνου ἐμφαγοῦσα ὥπλισται πρὸς τὸν ἐχθρόν. ἐὰν δὲ ἐκατέρου ἀτυχήσῃ, ἀνῄρηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="13"> 
+<p>ὁ ἔλαφος, ὡς ἀκούω, τὰ παρόντα ἀγαπᾷ, καὶ οὐκ ἐρᾷ πλειόνων, ἀλλὰ σωφρονεῖ περὶ τὴν γαστέρα τῶν ἀνθρώπων μᾶλλον. περὶ γοῦν τὸν Ἑλλήσποντόν ἐστι λόφος, καὶ νέμονται κατὰ τοῦδε ἔλαφοι, καὶ τῶν ὤτων αὐτοῖς τὸ ἕτερον διέσχισται, περαιτέρω δὲ οὐ χωροῦσι τοῦ λόφου, οὐδὲ νομῆς ἐρῶσι ξένης, οὐδὲ λειμῶνας ποθοῦσιν ἑτέρους πόας χρείᾳ περιττοτέρας· ἀπόχρη δὲ ἄρα τὰ παρόντα αὐτοῖς διʼ ἔτους ὅλου. τί <pb xml:id="p.144"/> πρὸς ταῦτα, ὦ ἄνθρωποι, ὑμεῖς, οὓς οὐκ ἂν ἐμπλήσειέ ποτε ἕως θανάτου οὐδʼ ὅσα λάινος οὐδὸς ἀφήτορος ἐντὸς ἐέργει; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="14"> 
+<p> ἡ ὕαινα, ὡς Ἀριστοτέλης λέγει, ἐν τῇ ἀριστερᾷ χειρὶ ἔχει δύναμιν ὑπνοποιόν, καὶ ἐνεργάζεται κάρον μόνον προσθιγοῦσα. πάρεισι γοῦν ἐς τὰ αὔλια πολλάκις, καὶ ὅταν ἐντύχῃ τινὶ καθεύδοντι, προσελθοῦσα τὴν ὑπνοποιὸν ὡς ἂν εἴποις χεῖρα προσέθηκε τῇ ῥινί, ὃ δὲ ἄγχεταί τε καὶ πιέζεται. καὶ ἐκείνη μὲν ὑπορύττει τὴν γῆν τὴν ὑπὸ τῇ κεφαλῇ ἐς τοσοῦτον, ἐς ὅσον ἀνέκλασεν ἐς τὸν βόθρον καὶ τὴν φάρυγγα ὑπτίαν ἀπέφηνε καὶ γυμνήν· ἐνταῦθα δὲ ἡ ὕαινα ἐνέφυ καὶ ἀπέπνιξε καὶ ἐς τὸν φωλεὸν ἀπάγει. τοῖς κυσὶ δὲ ἐπιτίθεται ἡ αὐτὴ τὸν τρόπον ἐκεῖνον. ὅταν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="15"> 
+<p> ᾖ πλήρης ὁ τῆς σελήνης κύκλος, κατόπιν λαμβάνει τὴν αὐγήν, καὶ τὴν αὑτῆς σκιὰν ἐπιβάλλει τοῖς κυσί, καὶ παραχρῆμα αὐτοὺς κατεσίγασε, καὶ καταγοητεύσασα ὡς αἱ φαρμακίδες εἶτα ἀπάγει σιωπῶντας, καὶ κέχρηται ὅ τι καὶ βούλεται τὸ ἐντεῦθεν αὐτοῖς. ἔρωτα δελφῖνος ἐν Ἰασῷ ἐς μειράκιον καλὸν πάλαι ᾀδόμενον ἄμοιρον μνήμης τῆς ἐξ ἐμοῦ ἀπολιπεῖν οὔ μοι δοκεῖ, καὶ διὰ ταῦτα εἰρήσεται. τὸ γυμνάσιον τὸ τῶν Ἰασέων ἐπίκειται τῇ θαλάσσῃ, καὶ οἵ γε ἔφηβοι μετὰ τοὺς δρόμους καὶ τὰς κονίστρας κατιόντες ἐνταῦθα ἀπολοῦνται κατά τι ἔθος ἀρχαῖον. διανηχομένων οὖν αὐτῶν ἑνὸς τοῦ τὴν ὥραν ἐκπρεπεστάτου ἐρᾷ δελφὶς ἔρωτα δριμύτατον. καὶ τὰ μὲν πρῶτα πλησίον γενόμενος ἐφόβησέ τε καὶ ἐξέπληξεν αὐτόν, εἶτα μέντοι τῇ συνηθείᾳ φιλίαν τινὰ καὶ εὔνοιαν ἐς ἑαυτὸν ἐκ τοῦ παιδὸς ἰσχυρὰν ἐπηγάγετο. ἀθύρειν γοῦν μετʼ ἀλλήλων ὑπήρξαντο, καὶ πῆ μὲν <pb xml:id="p.145"/> ἡμιλλάσθην παρανηχομένω τε καὶ ἐρίζοντε, πῆ δὲ ὁ παῖς ἀναβαίνων ὡς πῶλον ἱππότης, ὑπονηχομένου τοῦ ἐραστοῦ γαῦρος ἐφέρετο. καὶ ἦν τοῖς Ἰασεῦσι καὶ τοῖς ξένοις τὸ πραττόμενον ἀξιόζηλον. προῄει μὲν γὰρ τὰ παιδικὰ ὁ δελφὶς φέρων ἐπὶ πλεῖστον τῆς θαλάσσης καὶ ἐς ὅσον τῷ παιδὶ εἶχεν ὀχουμένῳ καλῶς· εἶτα ὑπέστρεφεν καὶ ἦγε τοῦ αἰγιαλοῦ πλησίον, καὶ ἀλλήλων διαλυόμενοι ὃ μὲν ἐς τὸ πέλαγος, ὃ δὲ ἐς τὰ οἰκεῖα ἐπανῄεσαν. ἀπήντα δὲ ὁ δελφὶς ἐς τὸν καιρὸν τῆς τῶν γυμνασίων ἀφέσεως, ὅ τε παῖς ἥδετο τῇ προσδοκίᾳ τῇ τοῦ φίλου καὶ τῇ σὺν αὐτῷ παιδιᾷ, καὶ πρὸς τῷ κάλλει τῷ φυσικῷ περίβλεπτος ἦν, οἷα δήπου μὴ μόνον τοῖς ἀνθρώποις, ἀλλὰ καὶ τοῖς ἀλόγοις δοκῶν ὡραιότατος. οὐ μέντοι μετὰ μακρὸν καὶ οὗτος ὁ ἀντέρως ἡττήθη τοῦ φθόνου. ἔτυχε γοῦν ὁ παῖς πλείω γυμνασάμενος, καὶ καμὼν ἑαυτὸν τῷ ὀχοῦντι κατὰ τὴν γαστέρα ἐπιβάλλει, καί πως ἔτυχεν ἡ τοῦ ζῴου ἄκανθα ἡ κατὰ τοῦ νώτου ὀρθὴ οὖσα, καὶ τῷ ὡραίῳ τὸν ὀμφαλὸν κεντεῖ. εἶτά τινες φλέβες ὑπορρήγνυνται, καὶ αἵματος ἔπειτα ῥοὴ πολλή, καὶ ὁ παῖς ἐνταῦθα ἀποθνήσκει. ὅπερ οὖν ὁ δελφὶς συναισθόμενος ἐκ τοῦ βάρους ʽἐπέκειτο γὰρ οὐ συνήθως κοῦφος, ἅτε μὴ τῷ πνεύματι ἑαυτὸν ἐλαφρίζωνʼ καὶ θεασάμενος πορφυροῦν ἐκ τοῦ αἵματος τὸ πέλαγος, τὸ πραχθὲν συνῆκεν καὶ ἐπιβιῶναι τοῖς παιδικοῖς οὐκ ἐτόλμησε. πολλῇ τοίνυν τῇ ῥύμῃ χρησάμενος, ὥσπερ οὖν ῥόθιον σκάφος, εἶτα ἑαυτὸν ἐς τοὺς αἰγιαλοὺς ἑκὼν ἐξέβρασε, καὶ τὸν νεκρὸν συνεξήνεγκε, καὶ ἔκειντο ἄμφω ὃ μὲν τεθνεώς, ὃ δὲ ψυχορραγῶν. Λάιος δὲ ἐπὶ Χρυσίππῳ, ὦ καλὲ Εὐριπίδη, τοῦτο οὐκ ἔδρασε, καίτοι τοῦ τῶν ἀρρένων ἔρωτος, ὡς λέγεις αὐτὸς καὶ ἡ φήμη διδάσκει, Ἑλλήνων πρώτιστος ἄρξας. <pb xml:id="p.146"/> ἀμειβόμενοι δὲ Ἰασεῖς τὴν φιλίαν ἐκείνων τὴν ἰσχυράν, ἀπέφηναν τάφον κοινὸν ὡραίου μειρακίου καὶ δελφῖνος ἐρωτικοῦ, καὶ στήλην ἐπέστησαν. καλὸς παῖς ἱππεύων ἐπὶ δελφῖνος ἦν. καὶ νόμισμα δὲ ἀργύρου καὶ χαλκοῦ εἰργάσαντο, καὶ ἐνέθλασαν σημεῖον τὸ ἀμφοῖν πάθος, καὶ μνήμῃ παρέδοσαν ἔργον τοῦ τοσούτου θεοῦ τιμῶντες οἱ ἐκεῖθι. πυνθάνομαι δὲ καὶ ἐν τῇ Ἀλεξάνδρου πόλει κατὰ τὸν Πτολεμαῖον τὸν δεύτερον ἐρασθῆναι δελφῖνα ἔρωτα παραπλήσιον καὶ ἐν Δικαιαρχίᾳ τῆς Ἰταλίας. ἅπερ οὖν εἰ Ἡρόδοτος ἔγνω, οὐκ ἂν ἐμοὶ δοκεῖν ἐθαύμασε τῶν ἐπʼ Ἀρίονι τῷ Μηθυμναίῳ ἧττον αὐτά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="16"> 
+<p> λιμοῦ μέλλοντος ἐπιδημεῖν αἰσθητικῶς ἔχουσι κύνες καὶ βόες καὶ ὗς καὶ αἶγες καὶ ὄφεις καὶ ζῷα ἄλλα, καὶ λοιμοῦ δὲ ἀφιξομένου συνίησι πρώτιστα καὶ σεισμοῦ. προγινώσκει δὲ καὶ ὑγίειαν ἀέρων καὶ εὐφορίαν καρπῶν. καὶ λόγου μὲν οὐ μετείληχε τοῦ καὶ σώζειν καὶ ἀποκτείνειν δυναμένου, τῶν γε μὴν προειρημένων οὐ διαμαρτάνει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="17"> 
+<p> ἐν τῇ τῶν καλουμένων Ἰουδαίων γῇ ἢ Ἰδουμαίων ᾖδον οἱ ἐπιχώριοι καθʼ Ἡρώδην τὸν βασιλέα ἐρασθῆναι μείρακος ὡρικῆς δράκοντα μεγέθει μέγιστον, ὅσπερ οὖν ἐπιφοιτῶν εἶτα μέντοι τῇ προειρημένῃ συνεκάθευδε σφόδρα ἐρωτικῶς. οὐκοῦν ἡ μείραξ τὸν ἐραστὴν οὐκ ἐθάρρει, καίτοι προσέρποντα ὡς ἐνῆν πραότατά τε καὶ ἡμερώτατα. ὑπεξῆλθεν οὖν, καὶ διέτριψε μῆνα, οἷα δήπου λήθην τοῦ δράκοντος ἕξοντος κατὰ τὴν τῆς ἐρωμένης ἀποδημίαν. τῷ δὲ ἄρα ἡ ἐρημία ἐπέτεινε τὸ πάθος, καὶ ἐφοίτα μὲν ὁσημέραι καὶ νύκτωρ· οὐ μὴν ἐντυγχάνων ᾗ ἠβούλετο, ὡς ἐραστὴς ἀτυχῶν ἐν τῷ πόθῳ καὶ ἐκεῖνος ἤλγει. ἐπεὶ δὲ ἡ ἄνθρωπος ὑπέστρεψεν αὖθις, <pb xml:id="p.147"/> ὃ δὲ ἀφικνεῖται, καὶ περιβαλὼν τῷ λοιπῷ σώματι, τῇ οὐρᾷ τὰς κνήμας τῆς ἐρωμένης πεφεισμένως ἔπαιεν, ὑπεροφθείς τε καὶ μηνίων δῆθεν. οὔκουν ὁ καὶ τοῦ Διὸς ἄρχων αὐτοῦ καὶ τῶν θεῶν τῶν ἄλλων οὐδὲ τῶν ἀλόγων ὑπερορᾷ, ἀλλʼ ὅπως ἔχει πρὸς αὐτὰ καὶ διὰ τούτων καὶ διʼ ἄλλων ἀποδείκνυται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="18"> 
+<p>οἱ ὄφεις ἑαυτοῖς συνεγνωκότες τὸν στόμαχον λεπτὸν καὶ μακρὸν ἔχουσιν, ὅμως ὄντες ἀδηφάγοι καὶ παμβορώτατοι, ὡς Ἀριστοτέλης λέγει, ἀνίστανται ὀρθοὶ καὶ ἐπʼ ἄκρας τῆς οὐρᾶς ἑστᾶσι, καὶ ἡ τροφὴ κατολισθάνει αὐτοῖς, καὶ ἐς τὸν ὄγκον τοῦ σώματος ἀποχωρεῖ· ἄποδες δὲ ὄντες εἶτα ἕρπουσιν ὤκιστα. ἤδη δὲ καὶ ἀκοντίων δίκην ἑαυτόν τις μεθίησι καὶ ἐπιφέρεται, καὶ τό γε ὄνομα ἐξ οὗ δρᾷ ἔχει· κέκληται γὰρ ἀκοντίας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="19"> 
+<p>τῶν ἐν ᾠδαῖς τε καὶ μούσαις ὀρνίθων οὐδεὶς διαλέληθεν, ἀλλʼ ἴσμεν χελιδόνας καὶ κοσσύφους καὶ τὸ τῶν τεττίγων φῦλον, καὶ κίτταν λάλον καὶ βομβοῦσαν ἀκρίδα καὶ πάρνοπα ὑποκρίζοντα καὶ μὴ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="20"> 
+<p>σιωπῶσαν τρωξαλλίδα, ἁλκυόνας τε ἐπὶ τούτοις καὶ ψιττακούς· τῶν δὲ ἐνύδρων ὀλολυγὼν οὐ σιωπᾷ. φθέγγεται δὲ αὐτῶν τὰ μὲν γοερὰ καὶ θηλύφωνα, τὰ δὲ ὄρθια καὶ διάτορα· καὶ τὰ μὲν ἀπὸ τῶν κλάδων ἐπὶ τοὺς κλάδους μεταθέοντα ᾅδει, ὥσπερ οὖν οἴκους ἐξ οἴκων ἀμείβοντα, τὰ δὲ ἐν τοῖς λειμῶσι κατᾴδει, οἱονεὶ πανηγυρίζοντα, καὶ βίον ὡς ἂν εἴποις ἀνθηρὸν καὶ ἁβρὸν διαιτώμενα τὴν ἦρος ἐπιδημίαν μελῳδίαις ἔγωγʼ ἂν φαίην εὐφημεῖ. κύκνων δὲ πέρι καὶ ὅτου θεῶν θεράποντές εἰσιν ἀνωτέρω εἶπον. ἡ κίττα δʼ οὖν καὶ τῶν ἄλλων φωνημάτων μιμηλότατόν ἐστι, τοῦ δὲ ἀνθρωπικοῦ πλέον. ἰδιάξει δὲ ταῖς μιμήσεσι τῶν τοιούτων ὅ τε ἄνθος καλούμενος <pb xml:id="p.148"/> καὶ ἡ σάλπιγξ καὶ ἡ ἴυγξ καὶ ὁ κόραξ. καὶ ὁ μὲν ἄνθος ὑποκρίνεται χρεμέτισμα ἵππου, τὴν σάλπιγγα δὲ ἡ ὁμώνυμος, καὶ τὸν πλάγιον ἡ ἴυγξ αὐλόν· βούλεται δὲ τῶν ὄμβρων μιμεῖσθαι τὰς σταγόνας ὁ κόραξ. σκορπίων μὲν ὁ ἄρρην ἐστὶ χαλεπώτατος, ὁ δὲ θῆλυς δοκεῖ πραότερος. ἀκούω δὲ αὐτῶν λευκὸν εἶναι καὶ αὖ πάλιν πυρρόν τινα, καὶ καπνώδη ἄλλον καὶ μέλανα ἐπὶ τούτοις· πέπυσμαι δὲ καὶ χλωρὸν καὶ γαστρώδη τινά καὶ καρκινώδη ἄλλον· τόν γε μὴν χαλεπώτατον φλογώδη ᾅδουσι. παρείληφα δὲ ἄρα φήμῃ καὶ πτερωτοὺς καὶ δικέντρους τινάς· καί που ἑπτὰ ἔχων σφονδύλους ὤφθη τις. σκορπίος δὲ οὐκ ᾠὰ ἀλλὰ ζῷα ἀποτίκτει. χρὴ δὲ εἰδέναι ὅτι καί φασί τινες οὐκ ἐκ τῆς πρὸς ἀλλήλους ὁμιλίας γίνεσθαι τὴν ἐπιγονὴν τοῖς ζῴοις τοῖσδε, ἀλλʼ ἐς τὰ καύματα ἄγαν τίκτειν σκορπίους. ἐγχρίσας δὲ ἕκαστος αὐτῶν τὸ κέντρον ὁποῖα ἐργάζεται καὶ ἀναιρεῖ τίνα τρόπον ἀλλαχόθεν εἴσεσθε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="21"> 
+<p> ἐν Ἰνδοῖς, ὡς ἀκούω, ἐλέφας καὶ δράκων ἐστὶν ἔχθιστα. οὐκοῦν οἱ μὲν ἐλέφαντες ἀποσπῶντες τῶν δένδρων τοὺς κλάδους, ἐκείνους νέμονται. ὅπερ οὖν εἰδότες οἱ δράκοντες ἐπʼ αὐτὰ μὲν ἀνέρπουσιν, τὸ δὲ ἥμισυ σφῶν αὐτῶν τὸ οὐραῖον τῶν δένδρων περιβάλλουσι τῇ κόμῃ, τὸ δὲ ἐς τὴν κεφαλὴν προῖὸν ἥμισυ μεθῆκαν καλωδίου δίκην ἀπηρτημένον. καὶ ὃ μὲν προσῆλθεν ἀποδρέψασθαι τῶν ἀκρεμόνων ὁ ἐλέφας, ὁ δὲ δράκων ἐμπηδᾷ τοῖς ὀφθαλμοῖς καὶ ἐξορύττει, εἶτα τῷ τραχήλῳ περιερπύσας, τείνων τῷ οὐραίῳ μέρει καὶ σφίγγων θατέρῳ ἀπάγχει τὸ θηρίον ἀήθει βρόχῳ καὶ καινῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="22"> 
+<p> ἔχθιστα δὲ τῷ μὲν λέοντι πῦρ καὶ ἀλεκτρυών, <pb xml:id="p.149"/> ὕαινα δὲ τῇ παρδάλει, σκορπίῳ δὲ ἀσκαλαβώτης· νάρκη γοῦν τὸν σκορπίον καταλαμβάνει προσαχθέντος οἱ τοῦ ζῴου τοῦ προειρημένου. δράκοντα δὲ ἐλέφας ὀρρωδεῖ· ὑποζύγιον δὲ πᾶν τὴν μυγαλῆν οὐ θαρρεῖ, ἀστακὸς δὲ πολύποδα. καὶ μέντοι καὶ προωθούμενοι ἐκ τῶν τεγῶν οἱ κύνες, οὐκ ἂν αὐτοὺς ῥίψειας· τοῦ γάρ τοι κινδύνου δεδοίκασι τὸ μέγεθος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="23"> 
+<p>οἷα δὲ ἄρα σοφίσματα καὶ τοῖς σκορπίοις ἡ φύσις ἔοικε δοῦναι καὶ τοῖσδε ἴδια. οἱ Λίβυες τὸ πλῆθος αὐτῶν ὑφορώμενοι καὶ τὰ τεχνάσματα μηχανὰς αὐτοῖς μυρίας ἀντεπινοοῦσι κοῖλα ὑποδήματα φοροῦντες καὶ ὑψηλοὶ καὶ μετέωροι καθεύδοντες καὶ τῶν τοίχων ἀναστέλλοντες τὰς κειρίας καὶ τῶν κλινῶν τοὺς πόδας ἐς ὑδρίας ὕδατος πεπληρωμένας ἐντιθέντες, καὶ οἴονται τὸ λοιπὸν ἐν ἀδείᾳ τε καὶ εἰρήνῃ καθεύδειν πολλῇ. οἳ δὲ ὁποῖα παλαμῶνται. σκορπίος εἰ λάβοιτο ὁπόθεν ἑαυτὸν ἐξαρτήσει κατὰ τοῦ ὀρόφου, ἔχεται τούτου ταῖς χηλαῖς καὶ μάλα ἐγκρατῶς καὶ καθῆκε τὸ κέντρον. οὐκοῦν ὁ δεύτερος κάτεισιν ἐκ τῆς στέγης, καὶ διὰ τοῦ πρώτου καθέρπει, καὶ τοῦ κέντρου τοῦ ἐκείνου ἔχεται καὶ αὐτὸς ταῖς χηλαῖς, καὶ τό γε ἑαυτοῦ μετέωρον εἴασε κέντρον· καὶ ὁ τρίτος ἐκεῖθεν ἔχεται, καὶ ὁ τέταρτος ἐκ τοῦ τρίτου, καὶ ὁ πέμπτος κατὰ στοῖχον, καὶ οἱ ἐπʼ ἐκείνοις διὰ τῶν πρώτων καθέρποντες. εἶτα ὁ τελευταῖος ἔπαισε τὸν καθεύδοντα καὶ διὰ τῶν ἀνωτέρω ἀνέρπει, καὶ ὁ μετʼ ἐκεῖνον καὶ ὁ κάτωθεν τρίτος καὶ οἱ λοιποί, ἔστε οἱ πάντες ἀλλήλων ἀπελύθησαν οἷα δήπου λύσαντες ἅλυσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="24"> 
+<p>δολερὸν χρῆμα ἡ ἀλώπηξ. ἐπιβουλεύει γοῦν τοῖς χερσαίοις ἐχίνοις τὸν τρόπον τοῦτον. ὀρθοὺς αὐτοὺς <pb xml:id="p.150"/> καταγωνίσασθαι ἀδύνατός ἐστι. τὸ δὲ αἴτιον, αἱ ἄκανθαι ἀνείργουσιν αὐτήν. ἣ δὲ ἡσύχως καὶ πεφεισμένως ἔχουσα τοῦ ἑαυτῆς στόματος ἀνατρέπει αὐτοὺς καὶ κλίνει ὑπτίους, ἀνασχίσασά τε ἐσθίει ῥᾳδίως τοὺς τέως φοβερούς. τὰς δὲ ὠτίδας ἐν τῷ Πόντῳ θηρεύουσιν οὕτως. ἀποστραφεῖσαι αὐταὶ καὶ ἐς γῆν κύψασαι τὴν κέρκον ἀνατείνουσιν ὥσπερ οὖν τράχηλον ὄρνιθος· αἳ δὲ ἀπατηθεῖσαι προσίασιν ὡς πρὸς ὄρνιν ὁμόφυλον, εἶτα πλησίον γενόμεναι τῆς ἀλώπεκος ἁλίσκονται ῥᾷστα ἐπιστραφείσης καὶ ἐπιθεμένης κατὰ τὸ καρτερόν. τὰ σμικρὰ δὲ ἰχθύδια θηρῶσι πάνυ σοφῶς. παρὰ τὴν ὄχθην τὴν τοῦ ποταμοῦ ἔρχονται καὶ τὴν οὐρὰν καθιᾶσιν ἐς τὸ ὕδωρ· τὰ δὲ προσνέοντα ἐνίσχεταί τε καὶ ἐμπαλάσσεται τῷ δάσει τῷ τῶν τριχῶν. αἳ δὲ αἰσθόμεναι τοῦ μὲν ὕδατος ἀναχωροῦσιν, ἐλθοῦσαι δὲ ἐς τὰ ξηρὰ χωρία διασείουσι τὰς οὐράς, καὶ ἐκπίπτει τὰ ἰχθύδια, καὶ ἐκεῖναι δεῖπνον ἁβρότατον ἔχουσιν. οἱ δὲ Θρᾷκες τῆς τῶν ποταμῶν πήξεως τῆς οὐ σφαλερᾶς ποιοῦνται γνώμονα τήνδε τὴν θῆρα. καὶ ἐὰν διαδράμῃ τὸν κρύσταλλον μὴ ἐνδιδόντα μηδὲ εἴκοντα τοῖς ἐκείνης βήμασι, θαρροῦσι καὶ ἕπονται. πεῖραν δὲ αὐτὴ ποιεῖται τοῦ μὴ σφαλεροῦ πόρου τὸν τρόπον τοῦτον. παραβάλλει τὸ οὖς τῷ κρυστάλλῳ· κἂν μὲν αἴσθηται </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="25"> 
+<p> μὴ ὑπηχοῦν κάτωθεν τὸ ῥεῦμα μηδὲ ὑποψοφοῦν ἡσυχῆ ἐς βάθος, ἣ δὲ ὡς ἑστῶτι τῷ κρυστάλλῳ θαρρεῖ, διαθεῖ τε ἀτρέπτως· εἰ δὲ μή, οὐκ ἂν ἐπιβαίη. οἱ ποιηταὶ μὲν τὴν παῖδα τὴν τοῦ Ἴφιδος σέβουσι, καὶ τά γε θέατρα ὑπʼ αὐτῶν ἐμπέπλησται ὑμνούντων τὴν ἡρωίνην ἐκείνην, ἐπεὶ τὰς ἄλλας ὑπερεπήδησε τῇ σωφροσύνῃ, τὸν ἑαυτῆς γαμέτην προτιμήσασα τοῦ βίου· τὰ δὲ ζῷα ὑπερβολὴν φιλοστοργίας <pb xml:id="p.151"/> οὐ παραλέλοιπεν. ὁ γοῦν Ἠριγόνης κύων ἐπαπέθανε τῇ δεσποίνῃ, καὶ ὁ Σιλανίωνος καὶ ἐκεῖνος τῷ δεσπότῃ, καὶ οὔτε πρὸς βίαν οὔτε σὺν κολακείᾳ ἀπέστη τοῦ τάφου. Δαρείῳ δὲ τῷ τελευταίῳ βασιλεῖ τῶν Περσῶν ἐν τῇ πρὸς Ἀλέξανδρον μάχῃ βληθέντι ὑπὸ Βήσσου καὶ κειμένῳ, πάντων τὸν νεκρὸν ἀπολιπόντων, ὁ κύων ὁ ὑπʼ αὐτῷ τραφεὶς μόνος παρέμεινε πιστός, τὸν οὐκέτι τροφέα μὴ προδοὺς ὡς ἔτι ζῶντα. τοιοῦτόν τι ὑπὲρ τῶν τοῦ Κύρου φίλων τοῦ νεωτέρου Ξενοφῶν ὁ τοῦ Γρύλλου νεανιευόμενος δῆλός ἐστι λέγων, τοὺς ὁμοτραπέζους μόνους οἱ συμπαραμεῖναι καὶ συναπολέσθαι, καὶ τὸν εὐνοῦχον, ὃς ἦν οἱ σκηπτοῦχος τὴν τιμήν, ὄνομα δὲ Ἀρταπάτης, ἑαυτὸν ἐπαποκτεῖναι τῷ νεκρῷ, ἀτιμάσαντα τὸν βίον ἐσόμενόν οἱ ἔρημον Κύρου. καὶ Λυσιμάχῳ δὲ τῷ βασιλεῖ κύων κοινοῦ τοῦ τέλους ἑκὼν μετέλαβε σωθῆναι δυνάμενος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="26"> 
+<p>ἡ πιθήκη ὑπό τινων ὀρειβάτης κέκληται, ὑπʼ ἄλλων γε μήν, ὡς ἀκούω, ὑλοδρόμος, καὶ ἐν τοῖς δένδροις γίνεται καὶ ἔχει τρίχας· κέκληται δὲ ὑπʼ ἐνίων καὶ ψύλλα. ἐντέτμηται μὲν οὖν τὴν γαστέρα ἡσυχῆ, ὡς εἰπεῖν ὅτι λίνῳ διακέκοπται. δάκνει δὲ σφαλερώτατα δήγματα, καὶ παρέπεται τρόμος τῷ δηχθέντι, καὶ περὶ τὴν καρδίαν ἄλγημα ἰσχυρὸν ἐπιγίνεται, καὶ τὰ οὖρα ἑμφράττεται, καὶ ὁ ἕτερος πόρος γίνεται καὶ ἐκεῖνος ἄπορος. ἔοικε δὲ τοῖς προειρημένοις ἀντίπαλος ὁ καρκίνος ὁ ποτάμιος εἶναι βρωθείς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="27"> 
+<p>αἰλούρων ὁ μὲν ἄρρην ἐστὶ λαγνίστατος, ὁ δὲ θῆλυς φιλότεκνος, φεύγει δὲ τὴν πρὸς τὸν ἄρρενα ὁμιλίαν· ἀφίησι γὰρ τὸν θορὸν θερμότατόν τε καὶ προσεοικότα πυρί, καὶ κάει τῆς θηλείας τὸ ἄρθρον. <pb xml:id="p.152"/> εἰδὼς οὖν ὁ ἄρρην τοῦτο τὰ κοινὰ βρέφη διαχρῆται, ἣ δὲ παίδων ἑτέρων πόθῳ ἑαυτὴν παρέχει συνελθεῖν γλιχομένῳ. φασὶ δὲ τοὺς αἰλούρους πάντα ὅσα δυσώδη ἐστὶ μισεῖν τε καὶ βδελύττεσθαι. ταύτῃ τοι καὶ τὸ σφέτερον περίττευμα ἀφιέναι πρότερον βόθρον ὀρύξαντας, ἵνα ἀφανίσωσιν αὐτὸ τῆς γῆς ἐπιβαλόντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="28"> 
+<p> Ἀκολαστότατον τῶν ἰχθύων τὸν πολύποδα εἶναί φασι καὶ ἐς τοσοῦτον λαγνεύειν, ἐς ὅσον αὐτῷ ἡ πᾶσα τοῦ σώματος ῥώμη ἐκρυεῖσα ἀσθενῆ ἀπέφηνε καὶ νήξασθαι μὲν ἥκιστον, τροφὴν δὲ μαστεῦσαι ἀδύνατον, καὶ διὰ ταῦτα ἄλλους τρέφειν. τὰ γοῦν σμικρὰ τῶν ἰχθυδίων καὶ τὰς καλουμένας καρκινάδας καὶ τοὺς καρκίνους ἐπιφοιτᾶν τε ἅμα καὶ κατεσθίειν αὐτόν. λέγουσι δὲ ταύτην εἶναι τὴν αἰτίαν τοῦ μὴ δύνασθαι πολύποδα ἐνιαυτοῦ βιῶναι χρόνον μακρότερον. καὶ θῆλυς δὲ ἄρα πολύπους ἀναλίσκεται ῥᾳδίως τίκτων πολλάκις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="29"> 
+<p> Φύλαρχος μέμνηται παῖδα ἰσχυρῶς φιλόρνιθα ἀετοῦ νεοττὸν λαβεῖν δῶρον καὶ τρέφειν τροφῇ ποικίλῃ καὶ κηδεμονίαν αὐτῷ προσφέρειν πᾶσαν· οὐ γάρ τί που ὡς ἄθυρμα ἐς παιδιὰν ἔτρεφε τὸν ὄρνιν, ἀλλὰ ἐρωμένου δίκην ἢ ἀδελφοῦ νεωτέρου, οὕτως ἄρα ὁ παῖς τοῦ ἀετοῦ προμηθῶς εἶχεν. προϊὼν δὲ ὁ χρόνος ἐς φιλίαν αὐτοὺς ἐξῆψεν ἀλλήλων ἰσχυράν. συνηνέχθη δὲ καμεῖν τὸ σῶμα τὸν παῖδα. καὶ τὸν ἀετὸν παραμένειν καὶ νοσηλεύειν τὸν τροφέα, καὶ καθεύδοντος μὲν ἡσυχάζειν, ἐγρηγορότος δὲ παρεστάναι, ἀσιτοῦντος δὲ τροφὴν μὴ προσίεσθαι. ἐπεὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="30"> 
+<p> δὲ καὶ τὸν βίον ὁ παῖς κατέστρεψεν, ἠκολούθησε καὶ ὁ ἀετὸς μέχρι τοῦ μνήματος· καομένου δὲ ἑαυτὸν ἐς τὴν πυρὰν ἐνέβαλεν. <pb xml:id="p.153"/> Ὁ ἰχθὺς ὁ ὄνος τὰ μὲν ἄλλα ὅσα ἐντὸς προσπέφυκεν οὐ πάνυ τι τῶν ἑτέρων διεστῶτα κέκτηται, μονότροπος δέ ἐστι καὶ σὺν ἄλλοις βιοῦν οὐκ ἀνέχεται. ἔχει δὲ ἄρα ἰχθύων μόνος οὗτος ἐν τῇ γαστρὶ τὴν καρδίαν καὶ ἐν τῷ ἐγκεφάλῳ λίθους, οἵπερ οὖν ἐοίκασι μύλαις τὸ σχῆμα. σειρίου δὲ ἐπιτολῇ φωλεύει μόνος, τῶν ἄλλων ἐν ταῖς κρυμωδεστάταις φωλεύειν εἰθισμένων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="31"> 
+<p>οἱ θηρῶντες τοὺς παγούρους ἐπʼ αὐτοὺς ἐμηχανήσαντο τὴν μουσικὴν δέλεαρ. φωτιγγίῳ γοῦν ʽὄνομα δὲ ὀργάνου τοῦτὀ αἱροῦσιν αὐτούς. οἳ μὲν γὰρ ἐν τοῖς φωλεοῖς δεδύκασιν, οἳ δὲ ὑπάρχονται τοῦ μέλους. καὶ ἀκούσαντες οἱ πάγουροι πείθονται ὡς ὑπό τινος ἴυγγος προελθεῖν τῆς θαλάμης, εἶτα ὑπὸ τῆς ἡδονῆς ἑλκόμενοι προΐασι καὶ ἔξω τῆς θαλάττης, οἳ δὲ αὐλοῦντες ἐπὶ πόδα ἀναχωροῦσι. καὶ ἐκεῖνοι ἕπονται καὶ ἐπὶ τῆς γῆς ἁλίσκονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="32"> 
+<p>οἱ δὲ τῇ Μαρείᾳ λίμνῃ προσοικοῦντες τὰς θρίσσας θηρῶσι τὰς ἐκεῖθι ᾠδῆς μέλει τορωτάτῳ καὶ κρότῳ ὀστράκων ὁμορροθοῦντι πρὸς τὸ μέλος· αἳ δὲ ὥσπερ ὀρχούμεναι ὑπὸ τῷ μέλει πηδῶσι, καὶ ἐμπίπτουσι τοῖς θηράτροις, ἅπερ οὖν αὐτοῖς περιπέπταται, καὶ λαμβάνουσιν οἱ Αἰγύπτιοι θήραν εὔοψον σὺν χορείᾳ τε καὶ παιδιᾷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="33"> 
+<p>Αἰγυπτίους ἐγὼ πυνθάνομαι μαγείᾳ τινὶ ἐπιχωρίῳ τοὺς ὄρνιθας ἐκ τοῦ οὐρανοῦ καταφέρειν· τῶν δὲ φωλεῶν τοὺς ὄφεις ἐπαοιδαῖς τισι καταγοητεύσαντες εἶτα μέντοι προάγουσι ῥᾷστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="34"> 
+<p>ὁ κάστωρ ἀμφίβιόν ἐστι ζῷον, καὶ μεθʼ ἡμέραν μὲν ἐν τοῖς ποταμοῖς καταδὺς διαιτᾶται, νύκτωρ δὲ ἐπὶ τῆς γῆς ἀλᾶται, οἷς ἂν περιτύχῃ τούτοις τρεφόμενος. οὐκοῦν ἐπίσταται τὴν αἰτίαν διʼ ἣν ἐπʼ αὐτὸν <pb xml:id="p.154"/> οἱ θηραταὶ σὺν προθυμίᾳ τε καὶ ὁρμῇ τῇ πάσῃ χωροῦσι, καὶ ἐπικύψας καὶ δακὼν ἀπέκοψε τοὺς ἑαυτοῦ ὄρχεις, καὶ προσέρριψεν αὐτοῖς, ὡς ἀνὴρ φρόνιμος λῃσταῖς μὲν περιπεσών, καταθεὶς δὲ ὅσα ἐπήγετο ὑπὲρ τῆς ἑαυτοῦ σωτηρίας, λύτρα δήπου ταῦτα ἀλλαττόμενος. ἐὰν δὲ ᾖ πρότερον ἐκτεμὼν καὶ σωθεὶς εἶτα πάλιν διώκηται, ὃ δὲ ἀναστήσας ἑαυτὸν καὶ ἐπιδείξας ὅτι τῆς αὐτῶν σπουδῆς οὐκ ἔχει τὴν ὑπόθεσιν, τοῦ περαιτέρω καμάτου παρέλυσε τοὺς θηρατάς· ἧττον γάρ τοι τῶν κρεῶν ἐκείνοις φροντίς ἐστι. πολλάκις δὲ καὶ ἔνορχοι ὄντες, ὡς ὅτι πορρωτάτω ἀποσπάσαντες τῷ δρόμῳ, εἶτα ὑποστείλαντες τὸ σπουδαζόμενον μέρος, πάνυ σοφῶς καὶ πανούργως ἐξηπάτησαν, ὡς οὐκ ἔχοντες ἃ κρύψαντες εἶχον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="35"> 
+<p> βούπρηστις ζῷόν ἐστιν, ὅπερ οὖν ἐὰν βοῦς καταπίῃ, πίμπραται καὶ ῥηγνύμενος ἀπόλλυται οὐ μετὰ μακρόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="36"> 
+<p> αἱ κάμπαι ἐπινέμονται τὰ λάχανα, τάχα δὲ καὶ διαφθείρουσιν αὐτά. ἀπόλλυνται δὲ αὗται, γυνὴ τὴν ἐπιμήνιον κάθαρσιν καθαιρομένη εἰ διέλθοι μέση τῶν λαχάνων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="37"> 
+<p> εἶεν δʼ ἂν βουσὶν ἔχθιστα οἶστρος καὶ μύωψ. καὶ ὁ μὲν οἶστρος κατὰ τὰς μυίας τὰς μεγίστας ἐστί, καὶ ἔχει στερεὸν καὶ μέγα κέντρον, καὶ ἦχόν τινα βομβώδη ἀφίησι καὶ τραχύν· ὁ δὲ μύωψ τῇ κυνομυίᾳ προσείκασται, βομβεῖ δὲ τοῦ οἴστρου μᾶλλον, ἔλαττον δὲ ἔχει τὸ κέντρον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="38"> 
+<p> τῶν ὑπʼ ἀσπίδος δηχθέντων οὐ μνημονεύεται οὐδεὶς ἐξάντης τοῦ κακοῦ γεγονέναι. ἔνθεν τοι καὶ τοὺς βασιλεῖς ἀκούω τῶν Αἰγυπτίων ἐπὶ τῶν διαδημάτων φορεῖν πεποικιλμένας ἀσπίδας, τῆς ἀρχῆς αἰνιττομένους τὸ ἀνίκητον δὴ ἐκ τῆς τοῦ ζῴου μορφῆς <pb xml:id="p.155"/> τοῦ προειρημένου. γίνονται δὲ καὶ πενταπήχεις ἀσπίδες. καὶ μέλαιναι μὲν αἱ πλεῖσται ἢ τεφραῖαι, ἴδοις δʼ ἂν καὶ πυρρὰν ἀσπίδα. οἱ δηχθέντες δὲ ὑπʼ ἀσπίδος οὐ περαιτέρω βιοῦσι τετάρτης ὥρας, πνιγμὸς δὲ αὐτοὺς καὶ σπασμὸς διώκει καὶ λυγμός, ὥς φασιν. ἀκούω δὲ τὸν ἰχνεύμονα τῆς ἀσπίδος τὰ ᾠὰ ἀφανίζειν, οἱονεὶ τοῖς ἑαυτοῦ παισὶν ὑπεξαίροντα τοὺς μέλλοντας ἀντιπάλους. Λίβυσσαν δὲ ἄρα ἀσπίδα καὶ ἀποφαίνειν τυφλοὺς τῷ φυσήματι λέγει τις λόγος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="39"> 
+<p>εἶτα οὐ χρὴ θαυμάσαι τὴν φύσιν τῇ τε ἄλλῃ καὶ ἐνταῦθα μέντοι; τῶν ἀρρένων οἱ πατέρες τοὺς πλείστους νεβροὺς ἀναιροῦσιν, ἵνα μὴ πληθύωνται εἶτα μέντοι καὶ τὰς μητέρας ἀναβαίνωσι· μίασμα γὰρ καὶ ἐν τοῖς ἀλόγοις καὶ ἐναγὲς ἔργον δοκεῖ τοῦτο δήπου. Κύρῳ δὲ καὶ Παρυσάτιδι, ὦ Πέρσαι, καὶ καλὰ ταῦτα καὶ ἔνδικα ἐδόκει· καὶ ἐφίλει Κῦρος τὴν μητέρα κακῶς, καὶ ἐφιλεῖτο ὑπὸ τῆς μητρὸς φιλίαν ὁμοίαν. καὶ ταῦτα μέντοι σωμένης, οἱ δὲ ἄνθρωποι πάντων μὲν ἐπιθυμοῦντες, μηδενὸς δὲ φειδόμενοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="40"> 
+<p>νῆσος ἐν τῷ Πόντῳ Ἡρακλεῖ ἐπώνυμος ἐκτετίμηται. οὐκοῦν ὅσον μυῶν ἐστιν ἐνταῦθα σέβει τὸν θεόν, καὶ πᾶν ὅσον ἀνεῖται αὐτῷ, τοῦτο πιστεύει τῷ θεῷ κεχαρισμένον ἀνεῖσθαι καὶ οὐκ ἂν προσάψαιτο αὐτοῦ. οὐκοῦν καὶ ἄμπελος τῷ θεῷ κομᾷ, καὶ τετίμηται ὡς ἀνάθημα αὐτῷ μόνῳ, καὶ φυλάττουσιν οἱ θεραπευτῆρες τοῦ δαίμονος ἐς τὰς θυσίας τοὺς βότρυς. ὅταν οὖν ἐς ἀκμὴν αἱ ῥᾶγες ἔρχωνται, οἳ δὲ ἀπολείπουσι τὴν νῆσον οἱ μύες, ἵνα μὴ μείναντες ἄκοντες γοῦν προσάψωνται ὧν θιγεῖν οὐκ ἄμεινον· εἶτα τῆς ὥρας διαδραμούσης οἳ δὲ ἐς ἤθη τὰ οἰκεῖα <pb xml:id="p.156"/> ὑποστρέφουσι. καὶ μυῶν μὲν Ποντικῶν ἀγαθὰ ταῦτα· ἵππων δὲ καὶ Διαγόρας καὶ Ἡρόστρατος καὶ ὁ λοιπὸς τῶν θεοῖς ἐχθρῶν κατάλογος πῶς ἂν ἐφείσαντο τῶν βοτρύων ἢ ἀναθημάτων ἄλλων οἱ καὶ τὰ τῶν θεῶν ὀνόματα καὶ ἔργα ἁμωσγέπως συλᾶν προῃρημένοι; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="41"> 
+<p> ἔθος τοῦτο Αἰγύπτιον. ὅταν κατὰ τὴν Αἴγυπτον ὕσῃ ʽῥανίσι δὲ ὕει λεπταῖσʼ, μύες παραχρῆμα τίκτονται. οὐκοῦν κατὰ τὰς ἀρούρας πλανώμενοι οὗτοι λυμαίνονται τοῖς ληίοις ὑποτέμνοντες τοὺς στάχυς καὶ ὑποκείροντες, ἤδη μέντοι καὶ τοὺς σωροὺς τῶν δραγμάτων κεραΐζοντες λυποῦσι τοὺς Αἰγυπτίους. καὶ διὰ ταῦτα πάγαις τε αὐτοὺς ἐλλοχῶσι καὶ θριγκοῖς ἀναστέλλουσι καὶ τάφροις ἀνείργουσι καὶ κάουσιν ἐν ταύταις πῦρ. οἱ τοίνυν μύες οὐδὲ τὴν ἀρχὴν πρὸς τὰς πάγας προσφοιτῶσιν, ἐῶσι δὲ αὐτὰς ἑστάναι ἄλλως· τοῖς δὲ θριγκοῖς καίτοι λελειωμένοις ὑπὸ τῆς χρίσεως ἐπαναβαίνουσιν, ἁλτικώτατοί τε ὄντες εἶτα μέντοι ὑπερπηδῶσι τὰς τάφρους. ὅταν οὖν ἀπαγορεύσαντες οἱ Αἰγύπτιοι τὰς μηχανὰς καὶ τὰς ἐπιβουλὰς ὡς ἀχρήστους ἀπολίπωσι καὶ ἐκτραπέντες ἐπί τε δέησιν ἔλθωσι καὶ ἱκετείας τὰς πρὸς τοὺς θεούς, ἐνταῦθα δήπου τὴν ἐκ τῶν θεῶν μῆνιν ὀρρωδοῦσιν οἱ μύες, καὶ ἔς τι ὄρος ἀναχωροῦσι τάξιν πλαισίου φυλάττοντες. οἱ μὲν οὖν νεώτατοι πρῶτοι, οὐραγοῦσι δὲ οἱ μέγιστοι, καὶ τοὺς ὑπολειπομένους ἐπιστραφέντες εἶτα μέντοι ἕπεσθαί σφισιν ἐκβιάζονται. ἐὰν δὲ οἱ νεώτατοι κάμνοντες ὑποστῶσι, καὶ τὸ ἑπόμενον ἵσταται πᾶν, ὡς ἐν δυνάμει στρατιωτικῇ πέφυκε γίνεσθαι. ὅταν δὲ ὑπάρξηται ἡ ἐκ τῶν πρώτων κίνησις, ἐνταῦθα καὶ οἱ λοιποὶ ἕπονται. λέγουσι δὲ καὶ οἱ τὸν Πόντον οἰκοῦντες τὰ αὐτὰ καὶ <pb xml:id="p.157"/> ἐκεῖθι τοὺς μῦς δρᾶν. πεπίστευται δὲ καὶ ἐξ οἰκίας ἁπάσης, ἥτις μέλλει πεσεῖσθαι, ᾗ ποδῶν ἔχουσι μετοικίζεσθαι πάντας. ἰδιότης δὲ ἄρα μυῶν καὶ ἐκείνη. ἐπειδὰν ἀκούσωσι γαλῆς τριζούσης ἢ συρίττοντος ἔχεως, ἐκ τῆς μυωπίας τῆς μιᾶς τὰ ἑαυτῶν βρέφη ἄλλο ἄλλῃ μετοικίζουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="42"> 
+<p>λόγον δὲ Ἰταλὸν τῇ Συβαριτῶν πόλει συνακμάσαντος ἔργου μνημονεύοντα καὶ φοιτήσαντα ἐς ἐμὲ εἰπεῖν οὐ χεῖρόν ἐστι. τὴν ἡλικίαν ἀντίπαις, αἰπόλος τὸ ἐπιτήδευμα, ὄνομα Κρᾶθις, ἐς ὁρμὴν ἀφροδίσιον ἐμπεσὼν τῇ τῶν αἰγῶν ἰδεῖν ὡραιοτάτῃ μίγνυται, καὶ τῇ ὁμιλίᾳ ἥσθη, καὶ εἴ ποτε ἐδεῖτο ἀφροδίτης ὡς αὐτὴν ἐφοίτα, καὶ εἶχεν ἐρωμένην αὐτήν· καὶ μέντοι καὶ οἷα λαμβάνειν ἠδύνατο δῶρα, τοιαῦτα ὁ ἐραστὴς αἰπόλος τῇ ἐρωμένῃ τῇ προειρημένῃ προσέφερε, καὶ κυτίσου ποτὲ τοὺς ὡραιοτάτους ἀκρεμόνας καὶ μίλακος πολλάκις καὶ σχίνου τραγεῖν παρέσχε, τὸ στόμα ἀποφαίνων αὑτῷ, εἰ δεηθείη φιλῆσαι, εὐῶδες αὐτῆς. ἀλλὰ καὶ στιβάδα ἐγκαθεύδειν ὡς νύμφῃ παρεσκεύασεν ἁβροτάτην τε καὶ μαλθακήν. οὔκουν ἀμελῶς ταῦτα ἐθεάσατο ὁ τῆς ἀγέλης ἡγεμὼν τράγος, ἀλλὰ αὐτὸν ἔσεισι ζηλοτυπία. καὶ κατέκρυπτε μὲν τέως τὸν θυμόν, καθήμενον δὲ αὐτόν ποτε ἐλλοχᾷ καὶ καθεύδοντα· ἦν δὲ ἄρα ἐμβαλὼν τὸ πρόσωπον ἐς τὸν κόλπον. ὡς οὖν εἶχε δυνάμεως τὴν κεφαλὴν προσήραξε, καὶ διέθρυψέν οἱ τὸ βρέγμα. διαρρεῖ τοίνυν ἐς τοὺς ἐπιχωρίους τὰ πραχθέντα, καὶ τῷ μὲν οὐκ ἀφανῆ τάφον ἀνέστησαν, ἐξ αὐτοῦ δὲ τὸν ποταμὸν Κρᾶθιν ὠνόμασαν. γίνεται δὲ ἐκ τῆς ὁμιλίας τῆς πρὸς τὴν αἶγα παιδίον, καὶ ἦν αἲξ τὰ σκέλη, τὸ πρόσωπον ἄνθρωπος. τοῦτον καὶ ἐκθεωθῆναι λόγος ἔχει, καὶ θεὸν ὑλαῖόν τε καὶ <pb xml:id="p.158"/> ναπαῖον νομισθῆναι τὸν αὐτόν. μετειληχέναι δὴ καὶ ζηλοτυπίας τὰ ζῷα ὁ τράγος διδάσκει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="43"> 
+<p> σύριγγας μὲν Αἰγυπτίας ᾅδουσιν μὲν οἱ συγγραφεῖς, ᾅδουσι δὲ καὶ λαβυρίνθους τινὰς Κρητικοὺς ἐκεῖνοί τε αὐτοὶ καὶ τὸ τῶν ποιητῶν φῦλον· μυρμήκων δὲ ἐν γεωρυχίᾳ ποικίλας ἀτραποὺς καὶ ἑλιγμοὺς καὶ περιόδους οὔπω ἴσασι. σοφίᾳ δὲ ἄρα τὴν ὑπόγειον οἰκονομίαν τήνδε ἀπεργάζονται σκολιωτάτην, τοῖς ἐπιβουλεύουσί σφισι τῶν θηρίων τὴν πάροδον δύσπορον ἢ καὶ παντελῶς ἄπορον ἀποφαίνοντες. τὴν δὲ γῆν ἣν ἐξορύττουσιν, ἀλλὰ ταύτην ὑπὲρ τοῦ στομίου περιβαλόντες οἱονεὶ τείχη τινὰ καὶ προβλήματα ἐργάζονται, ὡς μὴ τὸ ὕδωρ τὸ ἐξ οὐρανοῦ καταθέον εἶτα ῥᾳδίως αὐτοὺς ἐπικλύσαν ἢ ἀπολέσῃ πάντας ἢ τούς γε πλείστους. αἱμασιὰς δέ τινας μέσας διειργούσας ἀπʼ ἀλλήλων τοὺς χηραμοὺς διατειχίζουσι καὶ μάλα ἐντέχνως, εἶεν δʼ ἂν οἱ χῶροι τρεῖς, ὡς ἐν οἰκίᾳ σοβαρᾷ. καὶ τὸν μὲν ἀποφαίνουσιν ἀνδρῶνα εἶναι, ἐν ᾧ διαιτῶνται οἱ ἄρρενες καὶ ὅσον σὺν αὐτοῖς θῆλυ· τὸν δὲ ἕτερον, ἔνθα ἀποτίκτουσι κύουσαι μύρμηκες, οἱονεὶ γυναικῶνα· τρίτον δʼ ἕτερον θησαυρόν τε καὶ σιρὸν ἀποκρίνουσι τοῖς ἠθροισμένοις σπέρμασι. καὶ οὔτε Ἰσχόμαχος ἐνταῦθα οὔτε Σωκράτης ὑπὲρ τῆς ἀξιοζήλου οἰκονομίας σπουδάζοντες διδάσκουσιν αὐτά. οἱ δὲ μύρμηκες προῖόντες ὥσπερ οὖν ἐπισιτίσασθαι, τοῖς μεγίστοις ἕπονται· οἳ δὲ ἄγουσι στρατηγῶν δίκην. καὶ ἐς τὰ λήια ἐλθόντες οἱ μὲν ἔτι νεαροὶ τὴν καλάμην ὑφεστᾶσιν, οἱ δὲ ἡγεμόνες ἀνέρπουσι, καὶ τοὺς καλουμένους οὐραχοὺς τῶν καρπίμων διατραγόντες τῷ δήμῳ τῷ κάτω ῥίπτουσιν· οἳ δὲ περιελθόντες τοὺς μὲν ἀθέρας ἀποκόπτουσιν, ἐκλέπουσι δὲ τὰς τὸν πυρὸν στεγούσας τε <pb xml:id="p.159"/> καὶ περιαμπεχούσας θυλακίδας. καὶ μήτε ἀλοητοῦ δεόμενοι μήτε ἀνδρῶν λικμῆσαι δυναμένων μήτε μὴν ἐπειγομένων πνευμάτων ἀποκρῖναι καὶ διαστῆσαι τάς τε ἄχνας καὶ τὸν καρπόν, ἀνθρώπων ἀρούντων τε καὶ σπειρόντων τροφὰς ἔχουσι μύρμηκες. σοφὸν δὲ καὶ ἐκεῖνο προσακήκοα, ὅτι ἄρα τοὺς τεθνεῶτας μύρμηκας οἱ προσήκοντες ἐν ταῖς τῶν πυρῶν κηδεύουσι θυλακίσιν, ὡς πατέρας ἢ πᾶν τὸ φίλιον ἐν ταῖς σοροῖς οἱ ἄνθρωποι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="44"> 
+<p>ἵππος εἰ τυγχάνοι κηδεμονίας, ἀμείβεται τὸν εὐεργέτην εὐνοίᾳ τε καὶ φιλίᾳ. καὶ ὁποῖος μὲν ἦν ὁ Βουκεφάλας ἐς Ἀλέξανδρον διαρρεῖ πανταχόσε ὁ λόγος, καὶ οὔ μοι λέγειν αὐτὸν ἥδιόν ἐστι. καὶ τὸν Ἀντιόχου δὲ ἵππον τὸν τιμωρήσαντα τῷ δεσπότῃ καὶ ἀποκτείναντα τὸν Γαλάτην ὅσπερ οὖν ἀπέσφαξε τὸν Ἀντίοχον ἐν τῇ μάχῃ ʽὄνομα δὲ τῷ Γαλάτῃ Κεντοαράτης ἦνʼ ἐῶ καὶ τοῦτον. Σωκλῆς δὲ ἄρα ʽοὐ γάρ τί που πολλοὶ τόνδε μοι δοκοῦσιν ἐγνωκέναἰ Ἀθηναῖος μὲν ἦν, καλὸς δὲ καὶ ἐδόκει καὶ ἐπεφύκει. οὗτος οὖν ἐπρίατο ἵππον ὡραῖον μὲν καὶ αὐτόν, ἐρωτικὸν δὲ ἰσχυρῶς καὶ οἷον σοφώτερον ἢ κατὰ τοὺς ἄλλους ἵππους. οὐκοῦν ἐρᾷ τοῦ δεσπότου δριμύτατα, καὶ προσιόντος ἐφριμάττετο καὶ ἐπικροτοῦντος ἐφρυάττετο, καὶ ἀναβαίνοντος ἑαυτὸν παρεῖχεν εὐπειθῆ, καὶ παρεστῶτος κατὰ πρόσωπον ὃ δὲ ὑγρὸν ἑώρα. καὶ ταῦτα μὲν ἐρωτικὰ ὄντα ἤδη ὅμως τερπνὰ ἐδόκει· ἐπεὶ δὲ ἦν ὥς τι καὶ δρασείων ἐς τὸ μειράκιον προπετέστερος, καὶ διέρρει λόγος ὑπὲρ ἀμφοῖν ἀτοπώτερος, ὁ Σωκλῆς οὐκ ἐνεγκὼν τὸ ἀπόφημον, ὡς ἐραστὴν ἀκόλαστον μισήσας ἀπημπόλησε τὸν ἵππον. ὃ δὲ οὐ φέρων τὴν ἐρημίαν τὴν ἀπὸ τοῦ καλοῦ, ἑαυτὸν τοῦ ζῆν ἀπήλλαξε λιμῷ βιαιοτάτῳ. <pb xml:id="p.160"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="45"> 
+<p> νοοῦσι δὲ ἄρα ἀτταγᾶς μὲν ἀλεκτρυόνι ἔχθιστα, ἀλεκτρυὼν δὲ αὖ πάλιν ἀτταγᾶ, καὶ κορώνῃ κίρκος καὶ ἐκείνη ἐκείνῳ, καὶ πελαγίῳ ἱέρακι ὁ κόραξ καὶ κόρακι ἐκεῖνος, τρυγόνι τε κόραξ καὶ κίρκος, καὶ μέντοι καὶ ἡ τρυγὼν ἑκατέρῳ. πέπυσμαι δὲ καὶ πελαργὸν νυκτερίδα μισεῖν, καὶ ἐκείνην ἀντιμισεῖν ὡς πολέμιον, πελεκᾶνα δὲ μὴ νοεῖν φίλα ὄρτυγι. καὶ ἀμοιβὴν τοῦ μίσους ἀκούω εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="46"> 
+<p> ἀποκτίννυσι δὲ ἀετὸν μὲν τὸ καλούμενον σύμφυτον, τὴν δὲ ἶβιν ὑαίνης χολή, σκορόδου σπέρμα τὸν ψᾶρα, χαραδριὸν ἄσφαλτος, τὸν δὲ ἐχῖνον ὁ καλούμενος ποταμογείτων. ἐχῖνος δὲ αἰθυίας χολὴν οὐχ ὑπομένει. κίρκος δὲ καὶ λάρος καὶ τρυγὼν καὶ κόσσυφος καὶ τὸ γυπῶν ἔθνος σίδην κοπεῖσαν εἰ διατράγοιεν, ἀπολώλασι. κέδρου τὸν καλαμοδύτην ἀπόλλυσι φύλλα, ἄνθος δὲ ἄγνου τὸν μελαγκόρυφον, κόρακα δὲ εὐζώμου σπέρμα. μύρῳ κάνθαρος ἀποθνήσκει, στέατι δορκάδος ὁ ἔποψ. κορώνη δὲ λυκοβρώτου κρέως λειψάνῳ περιτυχοῦσα ἀποθνήσκει. κορυδαλλὸς δὲ νάπυος σπέρματι, γέρανος ἀμπέλου δάκρυον σπάσασα διεφθάρη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="47"> 
+<p> λαγὼ δὲ πέρι καὶ ἐνταῦθα ἔπεισιν εἰπεῖν τοιαῦτά μοι. ἐς τὴν κοίτην τὴν συνήθη οὐ πάρεισιν ὁ λαγὼς πρὶν ἢ ταράξαι τὰ ἴχνη, πῆ μὲν ἐσιὼν πῆ δὲ ἐξιών, ἵνα ἀφανίσῃ τὴν ἐκ τῶν θηρατῶν ἐς αὐτὸν ἐπιβουλήν, σοφίᾳ τινὶ φυσικῇ τὸ θηρίον τοὺς ἀνθρώπους αἱμυλώτατα ἀπατῆσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="48"> 
+<p> μήτηρ δὲ ἄρα καὶ ἡ θήλεια ἵππος ἀγαθὴ ἦν καὶ τοῦ πώλου τοῦ ἐξ αὐτῆς μεμνῆσθαι δεινή. ὅπερ οὖν κατεγνωκὼς Δαρεῖος ὁ κάτω εἶτα μέντοι ἐπήγετο ἐς τὰς μάχας ἐξ ὠδίνων ἵππους τὰ βρέφη καταλιπούσας οἴκοι. τρέφονται δὲ καὶ ὀρφανοὶ μητέρων οἱ <pb xml:id="p.161"/> πῶλοι γάλακτι ξένῳ, ὥσπερ οὖν καὶ οἱ ἄνθρωποι. οὐκοῦν ὅτε ἡ τροπὴ τῆς μάχης τῆς κατὰ τὸν Ἰσσὸν τὰ Περσῶν πιέζειν ὑπήρξατο, καὶ ἐνικᾶτο Δαρεῖος, ἵππον ἀνέβη θῆλυν, φυγῆς δεόμενος καὶ σωτηρίας ὠκίστης. ἣ δὲ ἄρα τοῦ καταλειφθέντος μνήμῃ, ὡς εἶχεν ἐπιθυμίας καὶ ποδῶν, τὸν δεσπότην ὑμνεῖται </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="49"> 
+<p>τῆς ἀκμῆς τῶν ἐπικειμένων κινδύνων ἐξαρπάσαι. ἡμίονος γέρων Ἀθήνησιν ὑπό γε τοῦ δεσπότου τοῦ ἰδίου τῶν ἔργων ἀπολυθείς, ὡς Ἀριστοτέλης λέγει, τοῦ μὲν φιλοπόνου καὶ ἐθελουργοῦ καθʼ ἡλικίαν ἑαυτὸν οὐκ ἀφῆκεν. ἡνίκα γοῦν Ἀθηναῖοι κατεσκεύαζον τὸν Παρθενῶνα, οὔτε ἐπισύρων οὔτε ἀχθοφορῶν ὅμως τοῖς νέοις ὀρεῦσι προφορουμένοις τὴν ὁδὸν ἄκλητος καὶ ἑκὼν οἱονεὶ παράσειρος ᾔει, δορυφορῶν ὡς ἂν εἴποις καὶ παρορμῶν τὸ ἔργον τῇ βαδίσει τῇ κοινῇ δίκην τεχνίτου παλαιοῦ τοῦ μὲν αὐτουργεῖν ὑπὸ τοῦ γήρως ἀπολυθέντος, ἐμπειρίᾳ δὲ καὶ διδασκαλίᾳ ὑποθήγοντός τε ἅμα τοὺς νέους καὶ ἐπαίροντος. ταῦτα οὖν μαθόντες ὁ δῆμος τῷ κήρυκι ἀνειπεῖν προσέταξαν, εἴτε ἀφίκοιτο ἐς τὰ ἄλφιτα, εἴτε ἐς τὰς κριθὰς παραβάλοι, μὴ ἀνείργειν, ἀλλʼ ἐᾶν σιτεῖσθαι ἐς κόρον, καὶ τὸν δῆμον ἐκτίνειν ἐν Πρυτανείῳ τὸ ἀργύριον, τρόπον τινὰ ἀθλητῇ σιτήσεως δοθείσης ἤδη γέροντι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="50"> 
+<p>Κλεάνθην τὸν Ἄσσιον κατηνάγκασε καὶ ἄκοντα εἶξαι καὶ ἀποστῆναι τοῖς ζῴοις τοῦ καὶ ἐκεῖνα λογισμοῦ μὴ διαμαρτάνειν ἀντιλέγοντα ἰσχυρῶς καὶ κατὰ κράτος ἱστορία τοιαύτη φασίν. ἔτυχεν ὁ Κλεάνθης καθήμενος καὶ μέντοι καὶ σχολὴν ἄγων μακροτέραν ἄλλως. οὐκοῦν μήρμηκες περὶ τοῖς ποσὶν ἦσαν αὐτῷ πολλοί. ὃ δὲ ἄρα ὁρᾷ ἐξ ἀτραποῦ τινος ἑτέρας νεκρὸν μύρμηκα μύρμηκας ἄλλους κομίζοντας ἐς οἶκον ἑτέρων <pb xml:id="p.162"/> καὶ ἑαυτοῖς οὐ συντρόφων, καὶ ἐπί γε τῷ χείλει τῆς μυρμηκιᾶς ἑστῶτας αὐτῷ νεκρῷ, καὶ ἀνιόντας κάτωθεν ἑτέρους καὶ συνιόντας τοῖς ξένοις ὡς ἐπί τινι εἶτα κατιόντας τοὺς αὐτούς, καὶ πλεονάκις τοῦτο. καὶ τελευτῶντας σκώληκα οἱονεὶ λύτρα κομίσαι, τοὺς δὲ ἐκεῖνον μὲν λαβεῖν, προέσθαι δὲ ὅνπερ οὖν ἐπήγοντο νεκρόν. καὶ ἐκείνους ὑποδέξασθαι ἀσμένως ὡς υἱὸν κομιζομένους ἢ ἀδελφόν. τί οὖν πρὸς ταῦτα Ἡσίοδος λέγει, λέγων ὅτι ἄρα ὁ Ζεὺς τὰς φύσεις ἀπέκρινε, καὶ οὖν καὶ ἰχθύσι μὲν καὶ θηρσὶ καὶ οἰωνοῖς πετεηνοῖς ἔδωκεν ἔσθειν ἀλλήλους, ἐπεὶ οὐ δίκη ἐστὶ μετʼ αὐτοῖς, ἀνθρώποισι δʼ ἔδωκε δίκην; ἀλλʼ οὐκ ἐρεῖ ταῦτα ὁ Πρίαμος, εἴ γε καὶ ἐκεῖνος τὸν Ἕκτορα ἐλύσατο πολλῶν κειμηλίων καὶ θαυμαστῶν παρὰ τοῦ ἀνθρώπου ὁ ἄνθρωπος καὶ τοῦ ἥρωος καὶ τοῦ Διὸς ἐκγόνου καὶ ἐκεῖνος ὢν ἔκγονος τοῦ Διός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="51"> 
+<p> κατηγορεῖ τῆς διψάδος τὸ ἔργον αὐτὸ ἡμῖν τὸ ὄνομα. καὶ ἔχεως μέν ἐστιν ὀλιγωτέρα τὸ μέγεθος, ἀποκτεῖναι δὲ ὀξυτέρα· οἱ γάρ τοι τῷ δήγματι προσπεσόντες ἐξάπτονταί τε ἐς δίψος καὶ πιεῖν ἀναφλέγονται καὶ ἀμυστὶ σπῶσι καὶ τάχιστα ῥήγνυνται. καί φησι μὲν Σώστρατος λευκὴν εἶναι τὴν διψάδα, ἐπί γε μὴν τῆς οὐρᾶς ἔχειν γραμμὰς μελαίνας δύο. ἀκούω δὲ ὅτι καὶ πρηστῆρας αὐτὰς καλοῦσί τινες, καύσωνας δὲ ἄλλοι· ὄχλον δὲ ἄρα ὀνομάτων ἐπαντλοῦσι τῷδε τῷ θηρίῳ. κέκληται δὲ καὶ μελάνουρος, ὥς φασι, καὶ ἀμμοβάτης· εἰ δὲ ἀκούσειας κεντρίδα, τὴν αὐτήν μοι λέγεσθαι νόει. δεῖ δὲ καὶ μῦθον τῷδε τῷ ζῴῳ ἐπᾷσαί με ὅνπερ οὖν ἀκούσας οἶδα, ὡς ἂν μὴ δοκοίην ἀμαθῶς ἔχειν αὐτοῦ. τὸν Προμηθέα κλέψαι τὸ πῦρ ἡ φήμη φησί, καὶ τὸν Δία ἀγανακτῆσαι <pb xml:id="p.163"/> ὁ μῦθος λέγει καὶ τοῖς καταμηνύσασι τὴν κλοπὴν δοῦναι φάρμακον γήρως ἀμυντήριον. τοῦτο οὖν ἐπὶ ὄνῳ θεῖναι τοὺς λαβόντας πέπυσμαι. καὶ τὸν μὲν προϊέναι τὸ ἄχθος φέροντα, εἶναι δὲ ὥραν θέρειον, καὶ διψῶντα τὸν ὄνον ἐπί τινα κρήνην κατὰ τὴν τοῦ ποτοῦ χρείαν ἐλθεῖν. τὸν οὖν ὄφιν τὸν φυλάττοντα ἀναστέλλειν αὐτὸν καὶ ἀπελαύνειν, καὶ ἐκεῖνον σπρεβλούμενον μισθόν οἱ τῆς φιλοτησίας δοῦναι ὅπερ οὖν ἔτυχε φέρων φάρμακον. οὐκοῦν ἀντίδοσις γίνεται, καὶ ὃ μὲν πίνει, ὃ δὲ τὸ γῆρας ἀποδύεται, προσεπιλαβὼν ὡς λόγος τὸ τοῦ ὄνου δίψος. τί οὖν; ἐγὼ τοῦ μύθου ποιητής; ἀλλʼ οὐκ ἂν εἴποιμι, ἐπεὶ καὶ πρὸ ἐμοῦ Σοφοκλῆς ὁ τῆς τραγῳδίας ποιητὴς καὶ Δεινόλοχος ὁ ἀνταγωνιστὴς Ἐπιχάρμου καὶ Ἴβυκος ὁ Ῥηγῖνος καὶ Ἀριστίας καὶ Ἀπολλοφάνης ποιηταὶ κωμῳδίας ᾅδουσιν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="52"> 
+<p>σοφὸν ἐλέφαντος ἔργον εἰ παραλίποιμι, φήσει μέ τις ἀγνοήσαντα οὐκ εἰπεῖν. ἔστι δὲ καὶ ἀκοῆς ἄξιον, καὶ διὰ ταῦτα ἀκούσωμεν αὐτοῦ. ὁ τῆς τούτου κομιδῆς ἐγχειρισθεὶς τὴν φροντίδα τῶν μὲν κριθῶν ὑφῄρει, λίθους δὲ ὑποπάττων ἐκείνῳ μὲν ἄβρωτον τὸ πλεῖστον εἰργάζετο, ἀπέσωζε δὲ τὸν ὄγκον τοῦ μέτρου πρὸς τὸν ἐπισκοποῦντα ἀμφοῖν δεσπότην. καὶ τέως διελάνθανεν. οὐκοῦν ὁ ἐλέφας ἀθάρην ἰδὼν ἕψοντα τὸν ἐπίβουλόν οἱ, τῆς ἄμμου τῆς ἐν ποσὶ τῇ προβοσκίδι χύδην ἀναλαβὼν ἐνέβαλεν ἐς τὴν χύτραν καὶ ἠμύνατο ἀνθʼ ὧν ἔπαθε διʼ ὧν ἐποίησεν εὐμηχάνως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="53"> 
+<p>οἱ μὲν ἄλλοι κύνες καὶ ἑλεῖν καὶ ἀνιχνεῦσαι τὰ θηρία σοφοί, οἱ δὲ Αἰγύπτιοι φυγεῖν δεινότατοι. τὰ γοῦν ἐν τῷ Νείλῳ δεδιότας ἄγει μὲν αὐτοὺς τὸ δίψος πιεῖν, ἡσυχῆ δὲ καὶ ἐς κόρον πιεῖν τὸ δέος οὐ συγχωρεῖ. <pb xml:id="p.164"/> καὶ διὰ ταῦτα οὐ πίνουσιν ἐπικύψαντες, ὡς ἂν μή τι τῶν κάτωθεν ἀνερπύσαν εἶτα ἐξαρπάσῃ αὐτούς. οὐκοῦν τὴν μὲν ὄχθην παραθέουσι, λάπτουσι δὲ τῇ γλώττῃ, ἁρπάζοντες ὡς ἂν εἴποι τις ἢ καὶ νὴ Δία κλέπτοντες τὸ πῶμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="54"> 
+<p> ἐχῖνος, οὐχ ὁ θαλάσσιος, ἀλλʼ ὁ χερσαῖος, πολλὰ μὲν καὶ ἄλλα ὥς ἐστι πανοῦργος ἤδη μοι λέλεκται, ὃ δὲ οὐκ εἶπον αὐτοῦ δολερὸν ἔργον, τοῦτο εἰρήσεται τὰ νῦν. μέλλων ἁλίσκεσθαι ἑαυτὸν συνειλήσας ἄληπτον ἐργάζεται, εἶτα μέντοι καὶ πιέζει τὸ πνεῦμα καὶ ἀκίνητος ἀτρεμεῖ καὶ τὸν τεθνεῶτα ὑποκρίνεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="55"> 
+<p> αἱ λεπάδες, οὐκ ἂν αὐτὰς ἀποσπάσειας τῶν πετρῶν, οὐδὲ εἰ λάβοις δακτύλοις τοῖς τοῦ Μίλωνος, ὅσπερ οὖν ἐγκρατέστατα καὶ εὐλαβέστατα τὴν ῥοιὰν κατεῖχεν, ὡς μὴ αὐτὴν ἀφελέσθαι τῶν ἀντιπάλων τινὰ τῆς δεξιᾶς αὐτοῦ. ὅστις δὲ ἐπιχειρεῖ λεπάδα ἀποσπάσαι τῆς πέτρας, ᾗ προσέχεται, γελᾶται μογῶν καὶ παρέχει θυμηδίαν. ἀδυνατεῖ γοῦν ἐγκρατὴς οὗ σπεύδει γενέσθαι. ξυομένη δὲ σιδήρῳ σχίζεται ἀπὸ τῆς πέτρας ὀψέ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="56"> 
+<p> στρατεύονται δὲ ἄρα οἱ Λίβυες οὐ μόνον ἐπὶ τοὺς γείτονας, ἵνα αὐτῶν πλέον ἔχωσιν, ἀλλὰ καὶ ἐπὶ τοὺς ἐλέφαντας. καὶ ἴσασί γε ἐκεῖνοι τῆς ὁδοῦ τῆς ἐπʼ αὐτοὺς τὴν ὑπόθεσιν οὐδὲν ἕτερον εἶναι ἢ τοὺς ὀδόντας. οἱ τοίνυν πηρωθέντες τὸν ἕτερον ἐπὶ μετώπου ἑστᾶσι, τῶν λοιπῶν προβαλλομένων αὐτούς, ἵνα οἳ μὲν ὑποδέχωνται τὴν πρώτην ὁρμήν, οἳ δὲ ἀμύνωσιν ἀκεραίῳ τῇ τῶν ὀδόντων ῥώμῃ καὶ ἰσοπαλεῖ, ἴσως δὲ τῶν Λιβύων καὶ καταφιλοσοφοῦντες καὶ ἐπιδεικνύντες αὐτοῖς ὅτι ἄρα οὐχ ὑπὲρ μεγάλου τοῦ ἄθλου κινδυνεύσοντες ἥκουσι. χρῶνται δὲ ἄρα τῷ <pb xml:id="p.165"/> μὲν τῶν ὀδόντων ὡς ὅπλῳ, καὶ τεθηγμένον αὐτὸν φυλάττουσι, τῷ δὲ ὡς σμινύῃ· καὶ γὰρ ἐν αὐτῷ ῥίζας ὀρύττουσι καὶ δένδρα ἐκμοχλεύσαντες ὑποκλίνουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="57"> 
+<p>οὐ μόνον δὲ ἄρα ἦσαν ὑφαντικαὶ αἱ φάλαγγες καὶ εὔχειρες κατὰ τὴν Ἀθηνᾶν τὴν Ἐργάνην τε καὶ Πηνῖτιν θεάν, πεφύκασι δὲ καὶ γεωμετρίαν δειναί. τὸ γοῦν κέντρον φυλάττουσι καὶ τὸν ἐξ αὐτοῦ κύκλον καὶ τὴν περιφέρειαν ἀκριβοῦσιν ἰσχυρῶς, καὶ Εὐκλείδου δέονται οὐδὲ ἕν· κάθηνται γὰρ ἐν τῷ κέντρῳ μέσῳ ἐλλοχῶσαι τὴν ἑαυτῶν ἄγραν. εἰσὶ δὲ ὡς εἰπεῖν καὶ ὑφάντριαι γενναῖαι καὶ ἀκεστικὴν εὐπάλαμοι· καὶ ὅ τι ἂν διαρρήξῃς ἐκείνων τῆς εὐπήνου τε καὶ εὐμίτου σοφίας, αἳ δὲ ἀνακοῦνται, καὶ ἀπαθὲς καὶ ὁλόκληρον αὖθις ἀποδείκνυνται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="58"> 
+<p>ἄνευ δὲ λογιστικῆς οἱ φοίνικες συμβαλεῖν ἐτῶν πεντακοσίων ἴσασιν ἀριθμόν, μαθηταὶ φύσεως τῆς σοφωτάτης ὄντες, καὶ διὰ ταῦτά τοι μηδὲ δακτύλων δεδεημένοι ἢ ἄλλου τινὸς ἐς ἐπιστήμην ἀριθμητικῆς. ὑπὲρ ὅτου δὲ ἴσασι τοῦτο καὶ εἰδέναι ἀνάγκη αὐτούς, δημώδης ἐστὶν ὁ λόγος. τὸν δὲ τῶν πεντακοσίων ἐτῶν χρόνον πληρούμενον ἴσασιν Αἰγυπτίων ἤ τις ἢ οὐδείς, ὀλίγοι δὲ κομιδῆ καὶ οὗτοι τῶν ἱερέων. οὗτοι γοῦν πρὸς ἀλλήλους ὑπὲρ τούτων οὐ ῥᾳδίως συμβῆναι ἔχουσιν, ἀλλὰ οἳ μὲν ἐρεσχελοῦσι σφᾶς αὐτοὺς ἐρίζοντες ὡς οὐ νῦν ἀλλʼ ἐς ὕστερον ὅδε ὁ θεῖος ὄρνις ἀφίξεται ἢ ὡς ἐχρῆν ἥκειν· ὃ δὲ ἄλλως ἐκείνων ἐριζόντων ἀποσημαίνεται δαιμονίως τὸν καιρὸν καὶ πάρεστιν. οἳ δέ, θύειν ἀνάγκη αὐτοὺς καὶ ὁμολογεῖν ὅτι τὸν μὲν ἥλιον ἐν ταῖς λέσχαις καταδύειν ἄγουσι σχολήν, οὐκ ἴσασι δὲ ὅσα ὄρνιθες. ἐκεῖνα δέ, ὢ πρὸς τῶν θεῶν, οὐ σοφά, εἰδέναι ποῦ μὲν Αἴγυπτός ἐστι, ποῦ δὲ καὶ Ἡλίου πόλις, ἔνθα <pb xml:id="p.166"/> αὐτῷ πέπρωται ἥκειν, καὶ ὅπου ποτὲ τὸν πατέρα καταθέσθαι χρὴ καὶ ἐν θήκαις τίσι; ταῦτα δὲ εἰ μὴ δοκεῖ θαυμαστά, ἆρά γε τὰ ἀγοραῖα καὶ τὰ ἐνόπλια καὶ τὰς ἄλλας τῶν ἀνθρώπων ἐς ἀλλήλους τε καὶ κατʼ ἀλλήλων ἐπιβουλὰς ἐροῦμεν σοφά; ἐμοὶ μὲν οὐ δοκεῖ, ὦ Σισύφων καὶ Κερκώπων καὶ Τελχίνων ζηλωταὶ ἄνθρωποι. λέγω δὲ πρὸς τοὺς ἀκριβοῦντας ταῦτα, πρός γε μὴν τοὺς ἀτελέστους τοῖς προειρημένοις κακοῖς οὐ λέγω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="59"> 
+<p> τὸ δὲ ἐνθυμηματικὸν καὶ διαλεκτικὸν καὶ τὸ τοῦδε μᾶλλον ἢ τοῦδε αἱρετικὸν εἰ καὶ τὰ ζῷα οἶδεν, εἰκότως ἂν εἴποιμεν διδάσκαλον τῶν ὅλων τὴν φύσιν ἄμαχον. ἐμοὶ γοῦν τις γευσάμενος διαλεκτικῆς καὶ κυνηγεσίων ἁμωσγέπως ἐχόμενος τοιαῦτα ἔλεγεν. ἦν θηρατικὴ κύων, ἦ δʼ ὅς. οὐκοῦν λαγὼ κατʼ ἴχνια ᾔει. καὶ ὃ μὲν οὐχ ἑωρᾶτό πω, μεταθέουσα δὲ ἡ κύων ἐντυγχάνει που τάφρῳ, καὶ διαπορεῖ ἆρά γε ἐπὶ δεξιὰ ἄμεινον ἢ ἐπὶ θάτερα διώκειν· ὡς δʼ ἀποχρώντως ἐδόκει σταθμήσασθαι, εἶτα εὐθύωρον ὑπερεπήδησεν. ὁ φάσκων οὖν διαλεκτικός τε εἶναι καὶ θηρατικὸς ταύτῃ πη συνάγειν τὴν ὑπὲρ τῶν λεχθέντων ἐπειρᾶτο ἀπόδειξιν. ἐπιστᾶσα ἡ κύων ἐσκοπεῖτο καὶ πρὸς ἑαυτὴν ἔλεγεν ʽἤτοι τῇδε ἢ τῇδε ἢ ἐκείνῃ ὁ λαγὼς ἐτράπετο. οὔτε μὴν τῇδε οὔτε τῇδε· ἐκείνῃ ἄρα.ʼ καὶ οὔ μοι ἐδόκει σοφίζεσθαι· τῶν γὰρ ἰχνῶν μὴ ὁρωμένων ἐπὶ τάδε τῆς τάφρου, κατελείπετο ὑπερπηδῆσαι τὸν λαγὼν αὐτήν. εἰκότως οὖν ἐπήδησε καὶ αὐτὴ κατʼ αὐτόν· ἰχνευτικὴ γὰρ καὶ εὔρινος ἐκείνη γε ἡ κύων ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="60"> 
+<p> Μασσαγέται μέν, ὡς Ἡρόδοτος λέγει, τὸν φαρετρεῶνα πρό γε ἑαυτῶν κρεμάσαντες, εἶτα μέντοι ὁμιλεῖ τῇ θηλείᾳ ὁ ἄρρην ἐμφανῶς, εἰ καὶ ὁρῷεν αὐτοὺς οἱ πάντες, πεφροντικότες οὐδὲν ἐκεῖνοί γε. καμήλων <pb xml:id="p.167"/> δὲ ὁμιλία οὐκ ἄν ποτε ἐμφανὴς γένοιτο, οὐδὲ ὁρώντων οἱονεὶ μαρτύρων· ἀλλὰ εἴτε αἰδῶ φαμεν εἴτε φύσεως δῶρον ἀπόρρητον, ταῦτα Δημοκρίτῳ τε καὶ τοῖς ἄλλοις καταλείπωμεν ἐλέγχειν τε καὶ τὰς αἰτίας λέγειν ἱκανοῖς ὑπὲρ τῶν ἀτεκμάρτων τε καὶ οὐ συμβλητῶν. ἤδη δὲ καὶ ὁ νομεὺς ἀπαλλάττεταί ποι, ὅταν αἴσθηται τῆς συμφοιτήσεως αὐτοῖς τῆς πρὸς ἀλλήλους τὴν ὁρμήν, ὥσπερ οὖν ἀφιστάμενος παριοῦσιν ἐς θάλαμον νύμφῃ τε καὶ νυμφίῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="61"> 
+<p>Λυκοῦργος δὲ νομοθετεῖ νόμον φιλανθρωπότατον, ὡς ἐγᾦμαι, θάκων τε καὶ ὁδῶν ἀφίστασθαι τοῖς πρεσβυτέροις τοὺς νεωτέρους αἰδοῖ χρόνου ἐς ὃν εὔχονται πάντες ἀφικέσθαι, ἐάνπερ οὖν αὐτοῖς πεπρωμένον τοῦτο δήπου ᾖ. πῶς δὲ ὁ γενναῖος ὁ τοῦ Εὐνόμου δύναιτο ἂν τοῖς τῆς φύσεως νόμοις ἁμιλλᾶσθαί τε καὶ ἀντικρίνεσθαι; ἐπαΐουσι γοῦν τὸ τῶν ἐλεφάντων γένος, ὦ Λυκοῦργοί τε καὶ Σόλωνες καὶ Ζάλευκοι καὶ Χαρῶνδαι, ὧνπερ οὖν ὑμεῖς νομοθετεῖτε οὐδὲ τὴν ἀρχήν, καὶ ὅμως δρῶσι τοιαῦτα, καὶ τροφῆς ἀφίστανται τοῖς πρεσβυτέροις οἱ νέοι, καὶ γήρᾳ παρειμένους θεραπεύουσιν αὐτούς, καὶ κινδύνων ῥύονται, καὶ ἐς ὀρύγματα ἐμπεσόντας οἳ δὲ ἀνάγουσι, φρυγάνων τινὰς ἀγκαλίδας καὶ φακέλους ἐμβαλόντες, οἷσπερ οὖν ὡς ἀναβαθμοῖς χρώμενοι ἐκεῖνοι εἶτα ἀνίασι γήρᾳ βαρεῖς ὄντες. ποῦ δαὶ ἠλόησε πληγαῖς πατέρα ἐλέφας; ποῦ δαὶ ἀπεκήρυξεν ὁ πατὴρ ὀ ἐν τούτοις τὸν υἱόν; ὑμῖν δὲ ἴσως, ὦ ἄνθρωποι, δοκῶ λέγειν μύθους τεχνίταις ʽεἰ τἀληθῆ λέγειν ἐθέλοιμενʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="62"> 
+<p>καὶ ποιηταῖς οὖσι τῶν μύθων τῶν ἀπιστουμένων. φιλοδέσποτον μὲν ὥς ἐστιν ὁ κύων, τεκμηριοῖ καὶ τὰ ἤδη λεχθέντα, χρὴ δὲ ἄρα τάττειν σὺν αὐτοῖς καὶ ἐκεῖνό γε δήπου. Γέλων ὁ Συρακόσιος καθεύδων <pb xml:id="p.168"/> βαθύτατα ἐδόκει διόβλητος γεγονέναι. καὶ τὸ μὲν φάσμα ὄνειρος ἦν, ἐβόα δὲ καίτοι καθεύδων καὶ μάλα γε ὀξείᾳ καὶ διατόρῳ τῇ φωνῇ. κύων οὖν ὑπʼ αὐτῷ τραφεὶς ἀκούσας φίλου καὶ συντρόφου φθέγματος, ὥς τι τοῦ Γέλωνος ἐξ ἐπιβουλῆς παθεῖν κινδυνεύοντος, ὡς εἶχεν ὁρμῆς ἀναθορὼν ἐπὶ τὴν στρωμνὴν καὶ περιβὰς τὸν τροφέα, ὑλάκτει σφοδρότατα, οἷα δὴ ἀμυνούμενος τὸν ἐπιόντα. ἐξήγρετο τοίνυν ὁ Γέλων καὶ ὑπὸ τοῦ δέους καὶ ὑπὸ τῆς ὑλακῆς ἐκβαλὼν τὸν ὕπνον καίτοι βαθύτατον ὄντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="63"> 
+<p> δράκων νήπιος νηπίῳ παιδί, τὸ γένος Ἀρκάδι, κἀκεῖνος ἐπιχώριος γίνεται σύντροφος. οὐκοῦν συνανιόντε τὴν ἡλικίαν ὁ παῖς ἦν μειράκιον καὶ ὁ σύντροφος ὑπέρμεγας ἤδη ἦν. καὶ ἀλλήλους μὲν ἐφίλουν, οἱ δὲ τῷ μειρακίῳ προσήκοντες ὠρρώδουν τοῦ θηρίου τὸ μέγεθος· τὸ γάρ τοι ζῷον τοῦτο, ὤκιστα μεγέθει μὲν μέγιστον ἴδοις ἂν αὐτό, ὄψει δὲ φοβερώτατον. καθεύδοντα οὖν σὺν τῷ παιδὶ ἐπί γε τῆς κλίνης τῆς αὐτῆς ἀράμενοι ὡς ὅτι πορρωτάτω κομίζουσι, καὶ ὃ μὲν ὑπανέστη ὁ παῖς, ὃ δὲ ἔμεινεν ὁ δράκων. ὡς δὲ ὕλης ἐλάβετο καὶ τῶν ἐκεῖ φαρμάκων τῶν συμφυῶν, διέτριβεν ἐνταῦθα ταῖς τῶν δρακόντων τροφαῖς ἡδόμενος καὶ τὴν ἐρημίαν πρὸ τῶν ἀστικῶν διατριβῶν καὶ τῶν ἐν τοῖς δωματίοις προαιρούμενος ἐκεῖνος. διέρπων δὲ ὁ χρόνος τὸν μὲν ἀπέφηνε νεανίαν, τὸν δὲ εἰργάσατο δράκοντα ἤδη τέλειον. καί ποτε διʼ ἐρημίας ἰὼν ὁ Ἀρκὰς ὁ τοῦ ζῴου τοῦ προειρημένου ἐραστὴς καὶ ἐρώμενος λῃσταῖς περιτυγχάνει, καὶ παιόμενος ξίφει οἷα εἰκὸς ἐβόα, τὰ μὲν ἀλγῶν, τὰ δὲ καὶ συμμάχους παρακαλῶν. δράκων δὲ ἦν ἄρα ζῴων καὶ ἰδεῖν ὀξυωπέστατος καὶ ὤκιστος ἀκοήν. οὐκοῦν ἐκεῖνος, ἅτε αὐτῷ συντραφείς, <pb xml:id="p.169"/> τοῦ φθέγματος ἀκούει, καὶ συρίσας ὀξύ, οἷον ὠργισμένος, ἐξέπληξέ τε ἐκείνους, τρόμος τε αὐτοὺς καταλαμβάνει, καὶ πᾶν ὅσον ἦν κακοῦργον διασπείρονται ἄλλος ἄλλῃ, καὶ μέντοι καὶ καταληφθέντας τινὰς οἰκτίστῳ διαφθείρει θανάτῳ· τοῦ γε μὴν παλαιοῦ τὰ τραύματα καθήρας φίλου καὶ πᾶν ὅσον ἔνθηρον ἦν τοῦτο παραπέμψας, ᾤχετο ἀπιὼν ἔνθα αὐτὸν ἐξέθεσαν, οὔτε μηνίσας ὑπὲρ τῆς ῥίψεως, οὔτε ὡς οἱ κακοὶ τῶν ἀνθρώπων περιιδὼν ἐν κινδύνῳ ὄντα τὸν τέως φίλτατον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="64"> 
+<p>ἡ ἀλώπηξ πονηρὸν ζῷόν ἐστιν, ἔνθεν τοι καὶ κερδαλέην οἱ ποιηταὶ καλεῖν φιλοῦσιν αὐτήν· πονηρὸν δὲ καὶ ὁ χερσαῖος ἐχῖνός ἐστι. καὶ ὃ μὲν ἑαυτὸν συνειλήσας κεῖται, θεασάμενος ἥκουσαν τὴν ἀλώπεκα, ἣ δὲ χανεῖν τε καὶ ἐνδακεῖν οὐ δυναμένη, κᾆτα οὔρησεν αὐτοῦ ἐς τὸ στόμα· ὃ δὲ ἀποπνίγεται, τοῦ πνεύματος ἔνδον ἐκ τῆς συνειλήσεως κατεσχημένου καὶ ἐπιρρέοντός οἱ τοῦ προειρημένου, καὶ μέντοι καὶ τὸν τρόπον τοῦτον κακὸν κακὴ περιελθοῦσα τὸν ἐχῖνον ἡ ἀλώπηξ ᾕρηκεν αὐτόν. ἀνωτέρω δὲ θήρα λέλεκται ἄλλη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:6" n="65"> 
+<p>περὶ τὸ Κωνώπιον οὕτω καλούμενον ʽχῶρος δὲ ἄρα τῆς Μαιώτιδός ἐστἰ τοῖς ἀσπαλιευταῖς τε καὶ θαλαττουργοῖς ἀνδράσιν οἱ λύκοι πιστῶς παραμένουσι, καὶ εἰ θεάσαιο, οὐκ ἂν εἴποις αὐτοὺς κυνῶν οἰκουρούντων διαφέρειν. ἐὰν μὲν οὖν ἀπολάχωσι τῆς ἄγρας τῆς θαλαττίου μοίρας οἵδε οἱ λύκοι, εἰρηναῖα αὐτοῖς πρὸς τοὺς ἁλιέας καὶ ἔνσπονδά ἐστιν· εἰ δὲ μή, διαξαίνουσιν αὐτῶν τὰ δίκτυα καὶ ἀφανίζουσι, καὶ ἔδοσαν ὑπὲρ τῆς σφετέρας ἀμοιρίας ζημίαν οἱ λύκοι αὐτοῖς. </p> </div> </div>
+<pb xml:id="p.170"/>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="7"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="1"> 
+<p> πέπυσμαι δὲ ἄρα καὶ ἀριθμητικῆς τὰς βοῦς οὐκ ἀμοίρους εἶναι τὰς Σουσίδας. καὶ ὡς οὐκ ἔστιν ἄλλως κόμπος τὸ εἰρημένον, μάρτυς ὁ λόγος ὁ λέγων ἐν Σούσοις τῷ βασιλεῖ βοῦς ἐς τοὺς παραδείσους πολλὰς ἐς τὰ ἡττον ἐπίρρυτα ἀντλεῖν ἑκάστην κάδους ἑκατόν. οὐκοῦν ἢ τὸν ἐπινησθέντα αὐταῖς ἢ τὸν συντραφέντα ἐκ πολλοῦ μόχθον προθυμότατα ἐκτελοῦσι, καὶ οὐκ ἂν βλακεύουσάν τινα θεάσαιο· εἰ δὲ πέρα τῆς προειρημένης ἑκατοντάδος ἕνα γοῦν προσλιπαρήσειας κάδον ἀνιμήσασθαι, οὐ πείσεις οὐδὲ ἀναγκάσεις οὔτε παίων οὔτε κολακεύων. λέγει Κτησίας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="2"> 
+<p> ὑπὸ τοῖς ποσὶ τοῦ Ἄτλαντος ʽὄρος δὲ ἄρα τοῦτο ὑμνεῖται καὶ ὑπὸ τῶν συγγραφέων καὶ μέντοι καὶ ὑπὸ τῶν ποιητῶνʼ νομαί τέ εἰσι θαυμασταὶ καὶ ὗλαι βαθύταται, καὶ τό γε δάσος αὐτῶν ἔοικεν ἄλσεσι πάνυ σκιεροῖς καὶ συνηρεφέσιν. ἐνταῦθα δήπου τοὺς ἤδη παλαιοὺς τῶν ἐλεφάντων φασὶν ἀφικνεῖσθαι, γήρᾳ βαρεῖς ὄντας· ἄγει δὲ αὐτοὺς ἄρα ἡ φύσις ὥσπερ οὖν ἐς ἀποικίαν, ἀναπαύσασα ἤδη καὶ οἷον ὅρμον τινὰ καὶ λιμένα ποθητὸν ἀποφήνασα αὐτοῖς, ὅπου τοῦ βίου τοῦ σφετέρου τὸ λοιπὸν καταζήσουσιν. ἀνεῖται δὲ αὐτοῖς καὶ πηγὴ ποτίμου τε ὕδατος καὶ καθαροῦ μάλα ἄφθονος, νομίζονταί τε ἱεροί, καὶ ἀφίενται ἄσυλοι, καὶ παρά γε τῶν βαρβάρων τῶντῇ δε εἰλήφασιν ἐς ἀθηρίαν σπονδάς, ᾅδονται τε ὡς ὑλαίοις τισὶ θεοῖς καὶ ναπαίοις τοῦ χώρου δεσπόταις πάνυ μέλονται. διαρρεῖ δὲ ὑπὲρ αὐτῶν καὶ ἐκεῖνος ὁ λόγος ὡς ἄρα τις τῶν βασιλέων τῶν ἐπιχωρίων ἐπόθησε διὰ τὸ κάλλος τῶν ὀδόντων καὶ τὸ μέγεθος ἀποκτεῖναί <pb xml:id="p.171"/> τινας αὐτῶν, ἵνα οἱ γένηται κτῆμα ἐξαίρετον· εἶναι γὰρ διά τε πολυετίαν καὶ πλῆθος χρόνου μέγιστον μέγιστα ἐκείνων τῶν ζῴων ταῦτα τὰ ὅπλα. ὡς δὲ ἐσῆλθεν ἥδε ἡ ἐπιθυμία αὐτόν, τριακοσίους λογάδας ἐξέπεμψε κατακοντιοῦντας τήνδε τὴν ἱερὰν ἀγέλην. καὶ οἳ μὲν ᾗ ποδῶν εἶχον διανύσαντες τὴν ὁδὸν ὡπλισμένοι καὶ δὴ τῷ χωρίῳ προσεπέλαζον, λοιμὸς δὲ αὐτοὺς ἄφνω συλλαβὼν κατέστρωσε, καὶ πλὴν ἑνὸς οἱ πάντες ἀπολώλασιν, ὅσπερ οὖν ἐπανελθὼν τὸ πάθος διηγήσατο τῷ πέμψαντι καὶ μάλα γε οἴκτιστον. οὕτω μὲν δὴ καὶ θεοφιλεῖς ἐφωράθησαν ὄντες ἐλέφαντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="3"> 
+<p>ζῷον ἔστι Παιονικόν, καὶ κέκληται μόνωψ, καὶ ἔοικε ταύρῳ λασίῳ τὸ μέγεθος. οὗτος οὖν ὅταν διώκηται, ταραττόμενος ἀφίησι πυρῶδες καὶ δριμὺ ἀποπάτημα, ὡς ἀκούω, ὅπερ οὖν εἰ προσπέσοι τῳ τῶν θηρατῶν ἀπέκτεινεν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="4"> 
+<p>ἴδιον δὲ ἦν ἄρα ταύρου καὶ τὸ εὐπειθές, ἡμερωθέντος τε καὶ ἐς τὸ πρᾶον ἐκ τοῦ θηριώδους μεταβαλομένου. μένουσι γοῦν καὶ ἐπὶ τῶν φερέτρων ἀκίνητοι, εἴτε ὑπτίους αὐτοὺς ἐθέλοις ἀτρεμεῖν εἴτε ἐπὶ στόμα, ὀκλάσαντας τοὺς προσθίους καὶ ἐπὶ τοῦ τένοντος φέροντας ἢ παῖδα ἢ κόρην. ὄψει δὲ ἄρα ταῦρον καὶ ἐπὶ τοῖς νώτοις γυναῖκα ἄγοντα, καὶ μετέωρον ἑστῶτα ἐπὶ τῶν κατόπιν σκελῶν, καὶ τὸ πᾶν σῶμα ἐφʼ ὅτου δὴ κούφως ἐρείσαντα. εἶδον δὲ ἐπὶ ταύροις καὶ ὀρχουμένους καὶ ἀκινήτους ἐκείνους καὶ ἀτρέπτους ἑστῶτας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="5"> 
+<p>ἡ γῆ ἡ Λίβυσσα πολλῶν καὶ ποικίλων θηρίων γόνιμός ἐστι, καὶ μέντοι καὶ τὸ κατώβλεπον οὕτω καλούμενον καὶ αὐτὸ ἡ αὐτὴ ἔοικε τίκτειν. καὶ ταύρῳ μέν ἐστι παραπλήσιον ὅσα ἰδεῖν, τὴν δὲ ὄψιν δοκεῖ <pb xml:id="p.172"/> βλοσυρώτερον. ὑψηλαὶ μὲν γὰρ αἱ ὀφρύες αὐτῷ καὶ δασεῖαι, οἱ δὲ ὀφθαλμοὶ ὑπόκεινται οὐ μάλα τι κατὰ τοὺς τῶν βοῶν μεγάλοι, βραχύτεροι δὲ καὶ ὕφαιμοι· καὶ ὁρῶσιν οὐκ εὐθύωρον, ἀλλὰ ἐς τὴν γῆν, ἔνθεν τοι καὶ κέκληται κατώβλεπον. λόφος δὲ ἄρα ἄνωθεν ἐκ τῆς κορυφῆς ἀρξάμενος αὐτῷ καὶ ἱππείᾳ τριχὶ παραπλήσιος διὰ τοῦ μετώπου κάτεισι, καὶ τὸ πρόσωπόν οἱ καταλαμβάνει, καὶ ἐργάζεται φοβερώτερον τῷ ἐντυχόντι. σιτεῖται δὲ ἄρα ῥίζας θανατηφόρους. ἐπειδὰν δὲ ὑποβλέψῃ ταυρηδόν, φρίττει μὲν παραχρῆμα καὶ ἐγείρει τὴν λοφιάν· ὑπανισταμένης δὲ ἄρα ταύτης καὶ ὀρθουμένης καὶ γυμνουμένων τῶν περὶ τὸ στόμα χειλέων, ἐκπέμπει διὰ τῆς φάρυγγος ὀξειοβαρὲς καὶ βρωμῶδες, ὡς καταλαμβάνεσθαι μὲν τὸν ὑπὲρ κεφαλῆς ἀέρα, τῶν δὲ ζῴων τὰ πλησιάζοντα ἀναπνέοντα τοῦτον κακοῦσθαι σφόδρα, καὶ ἀφωνίαις τε καὶ σπασμοῖς θανατώδεσι περιπίπτειν. συνίησί τε τῆς ἑαυτοῦ δυνάμεως ὅδε ὁ θήρ· οἶδε δὲ αὐτὸν καὶ τὰ ζῷα, καὶ ὡς ὅτι πορρωτάτω ἀποδιδράσκει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="6"> 
+<p> ἐλεφάντων θήρας ἐπιστήμονες ᾅδουσιν ἡμῖν, ὅταν διώκωνται οἵδε οἱ θῆρες, ᾅττειν αὐτοὺς καὶ φέρεσθαι ῥύμῃ ἀμάχῳ καὶ ὁρμῇ ἀκατασχέτῳ, καὶ ἀναστέλλεσθαι ὑπὸ μηδενός, καὶ μέντοι καὶ διὰ τῶν μεγίστων ἵεσθαι δένδρων οἷον διὰ ληίων, ὥσπερ οὖν στάχυς τινὰς κατακλῶντας τὰ δένδρα· καὶ πῆ μὲν τὰ δένδρα αὐτῶν ὑπερέστηκε καὶ τὰς κόμας ὑπερέχει, πῆ δὲ αὐτοὶ τῶν δένδρων εἰσὶν ὑψηλότεροι. θέουσι μὲν οὖν ἀνὰ κράτος, καὶ ὑποτέμνονται ταῖς ὁδοῖς τοὺς διώκοντας, καὶ εἰκότως· εἰσὶ γὰρ τῶν χωρίων ἠθάδες. καὶ ὅταν πολὺ ἀποσπάσωσι, καὶ πόρρω τῆς ἵππου τῆς μετελθούσης αὐτοὺς γένωνται, καὶ ἀναθαρρήσωσιν ὡς ἐν σκέπῃ τοῦ κινδύνου καὶ ἐλευθερίᾳ <pb xml:id="p.173"/> γενόμενοι, ἑστᾶσί τε καὶ ἀναπαύονται, τὴν ἐκ τοῦ δέους φροντίδα καὶ μάλα ἀσμένως ἐκβάλλοντες. ἐνταῦθά τοι τοῦ χρόνου καὶ μνήμη τροφῆς αὐτοὺς ἐσέρχεται· σιτοῦνται δὲ ἀκούω τήν τε σχῖνον ἀμφιλαφῆ τοῖς δένδροις περιπεφυκυῖαν καὶ κιττὸν ἄγριον τοῖς φυτοῖς ἐφέρποντα καὶ ὑπέρδασυν καὶ φοινίκων μέντοι τὰς ἁπαλάς τε καὶ νεαρὰς κόμας καὶ ἄλλων φυτῶν τοὺς ὅρπηκας καὶ τοὺς πτόρθους τοὺς ὑγροτέρους. εἰ δὲ οἱ διώκοντες πάλιν προσπελάζοιεν, οἳ δὲ ἐς φυγὴν ἐκτρέπονται αὖθις. οἵ γε μὴν διώκοντες αὐλίζονται ἑσπέρας καταλαβούσης, καὶ ἐμπρήσαντες τὴν ὕλην εἶτα μέντοι τρόπον τινὰ τὴν ὁδὸν τὴν ὀπίσω διατειχίσαντες αὐτοῖς ἔστησαν. δεδοίκασι δὲ πῦρ οὐ μεῖον τῶν λεόντων οἱ ἐλέφαντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="7"> 
+<p>Ἀριστοτέλους ἀκούω λέγοντος ὅτι ἄρα γέρανοι ἐκ τοῦ πελάγους ἐς τὴν γῆν πετόμεναι χειμῶνος ἀπειλὴν ἰσχυροῦ ὑποσημαίνουσι τῷ συνιέντι. πετόμεναι δὲ ἄρα ἡσυχῆ αἱ αὐταὶ ὑπισχνοῦνται εὐημερίαν τινὰ καὶ εἰρήνην ἀέρος, καὶ σιωπῶσαι δὲ ὅτι ἔσται ὑπεύδια τοὺς οὐκ ἀπείρως ἔχοντας τῇ σιωπῇ ὑπομιμνήσκουσιν αἱ αὐταί. ἐὰν δὲ καταπέτωνται καὶ βοῶσι καὶ ταράττωσί τε καὶ ταράττωνται, ἀπειλοῦσι κἀνταῦθα χειμῶνα ἰσχυρόν. ἐρωδιὸς δὲ κνεφαῖος βοῶν τὰ αὐτὰ ἔοικεν ὑποδηλοῦν. πετόμενος δὲ ἐρωδιὸς τῆς θαλάττης εὐθὺ ὕδωρ ἐξ οὐρανοῦ ῥαγήσεσθαι αἰνίττεται. εἰ δὲ εἴη χειμέρια, ᾅσασα γλαῦξ εὐδίαν μαντεύεται καὶ ἡμέραν φαιδράν· ἐὰν δὲ εὐδία μὲν ᾖ, ἣ δὲ ὑποφθέγγηται, χειμῶνα δεῖ προσδέχεσθαι. κόραξ δὲ ἐπιτρόχως φθεγγόμενος καὶ κρούων τὰς πτέρυγας καὶ κροτῶν αὐτάς, ὅτι χειμὼν ἔσται κατέγνω πρῶτος. κόραξ δὲ αὖ καὶ κορώνη καὶ κολοιὸς δείλης ὀψίας εἰ φθέγγοιντο, χειμῶνος ἔσεσθαί τινα ἐπιδημίαν <pb xml:id="p.174"/> διδάσκουσι. κολοιοὶ δὲ ἱερακίζοντες, ὡς ἐκεῖνος λέγει, καὶ πετόμενοι πῆ μὲν ἀνωτέρω πῆ δὲ κατωτέρω, κρυμὸν καὶ ὑετὸν δηλοῦσι. κορώνη δὲ ἐπὶ δείπνου ὑποφθεγγομένη ἡσυχῆ, ἐς τὴν ὑστεραίαν εὐδίαν παρακαλεῖ. φανέντες δὲ ὄρνιθες πολλοὶ μὲν τὸν ἀριθμόν, λευκοὶ δὲ τὴν χρόαν, χειμὼν ὅτι ἔσται πολὺς ἐκδιδάσκουσι. νῆτται δὲ καὶ αἴθυιαι πτερυγίζουσαι πνεῦμα δηλοῦσιν ἰσχυρόν. ὄρνιθες δὲ ἐκ τοῦ πελάγους ἐς τὴν γῆν σὺν ὁρμῇ πετόμενοι μαρτύρονται χειμῶνα. ἐρίθακος δὲ ἐς τὰ αὔλια καὶ τὰ οἰκούμενα παριὼν δῆλός ἐστι χειμῶνος ἐπιδημίαν ἀποδιδράσκων. ἀλεκτρυόνες γε μὴν καὶ ὄρνιθες οἱ ἠθάδες πτερυσσόμενοι καὶ φρυαττόμενοι καὶ ὑποτρύζοντες χειμῶνα δηλοῦσιν. ἀπειλοῦσι δὲ πνεῦμα λουόμεναί γε ὄρνιθες, καὶ ἀνέμων τινὰς ἐμβολὰς ὑποφαίνουσι. χειμῶνος δὲ ὄντος ἐς ἀλλήλους ὄρνιθες πετόμενοι καὶ διʼ ἀλλήλων θέοντες σημαίνουσιν εὐδίαν. ὄρνιθες δὲ ἀθροιζόμενοι περί τε λίμνας καὶ ποταμῶν ὄχθας χειμῶνα ἐσόμενον οὐκ ἀγνοοῦσι. πάλιν τε ὄρνιθες οἱ μὲν θαλάττιοι καὶ οἱ λιμναῖοι ἐς τὴν γῆν ἰόντες ὡς ἔσται χειμὼν πολὺς οὐκ ἀγνοοῦσιν, οἱ δὲ χερσαῖοι σπεύδοντες ἐς τὰ νοτερὰ εὐδίας ἄγγελοί εἰσιν, ἐὰν μέντοι σιωπῶσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="8"> 
+<p> Αἰγυπτίων ἀκούω λεγόντων τὸν ὄρυγα συνιέναι τὴν τοῦ Σειρίου ἐπιτολὴν πρῶτον, καὶ μαρτύρεσθαι τῷ πταρμῷ αὐτήν. νεανιεύονται δὲ καὶ οἱ Λίβυες ἀνὰ κράτος φάσκοντες καὶ τὰς αἶγας παρʼ αὐτοῖς προειδέναι τὸ αὐτὸ δήπου τοῦτο. αὗται μὲν καὶ μέλλοντα ὑετὸν προδηλοῦσιν. ἐπειδὰν γὰρ προέλθωσι τῶν σηκῶν, δρόμῳ καὶ μάλα γε ὤκιστα ὁρμῶσιν ἐπὶ τὸν χιλόν· εἶτα ἐμπλησθεῖσαι αὑτὰς ἐπιστρέφουσιν ἐς τὰ οἰκεῖα, καὶ ὁρῶσαι ἐκεῖσε ἀτρεμοῦσι, τὸν ποιμένα <pb xml:id="p.175"/> ἀναμένουσαι, ἵνα τὴν ταχίστην συνελάσῃ αὐτάς. καὶ Ἵππαρχος μὲν ἐπὶ Ἱέρωνος τοῦ τυράννου καθήμενος ἐν θεάτρῳ καὶ φορῶν διφθέραν, ὅτι τὸν μέλλοντα χειμῶνα ἐκ τῆς παρούσης αἰθρίας προηπίστατο ἐξέπληξε· καὶ ἐθαύμαζεν Ἱέρων αὐτόν, καὶ Νικαεῦσι τοῖς Βιθυνοῖς συνήδετο ὅτι Ἱππάρχου πολίτου ἔτυχον· ἐν Ὀλυμπίᾳ δὲ θεώμενον Ἀναξαγόραν ἐν διφθέρᾳ καὶ αὐτὸν τὰ Ὀλύμπια ἐπιρραγέντος ὑετοῦ τὸ Ἑλληνικὸν πᾶν ᾖδεν, καὶ θειότερα νοεῖν ἢ κατὰ τὴν θνητὴν φύσιν ἐκόμπαζεν. ὅτι δὲ βοῦς, ἐὰν μέλλῃ ὕειν ὁ Ζεύς, ἐπὶ τὸ ἰσχίον τὸ δεξιὸν κατακλίνεται, ἐὰν δὲ εὐδία, πάλιν ἐπὶ τὸ λαιόν, θαυμάζει ἤ τις ἢ οὐδείς. καὶ ἐκεῖνα δὲ προσακήκοα ἐκπλῆξαι ἱκανά. βοῦς ἐὰν βοᾷ καὶ ὀσφραίνηται, ὕειν ἀνάγκη. ἄδην δὲ βόες καὶ πέρα τοῦ ἔθους ἐσθίοντες δηλοῦσι χειμῶνα. πρόβατα δὲ ὀρύττοντα ταῖς ὁπλαῖς τὴν γῆν ἔοικε σημαίνειν χειμῶνα, ἀναβαινόμενα δὲ τὰ αὐτὰ πρωὶ πρώιον χειμῶνα ὁμολογεῖ. κοιμώμεναι δὲ ἀθρόαι αἱ αἶγες τὰ αὐτὰ ὁμολογοῦσιν. ὕες δὲ ἐν τοῖς ἀρώμασι φαινόμεναι ὑετοῦ φυγὴν διδάσκουσιν. ἄρνες δὲ ἄρα καὶ ἔριφοι ἀλλήλοις ἐμπηδῶντές τε καὶ ὑποσκιρτῶντες φαιδρὰν ἡμέραν ὁμολογοῦσιν. γαλαῖ δὲ ὑποτρίζουσαι καὶ μύες ἐκείναις δρῶντες τὰ αὐτὰ χειμῶνα ἔσεσθαι συμβάλλονται ἰσχυρόν. λύκοι δὲ φεύγοντες ἐρημίας καὶ εὐθὺ τῶν οἰκουμένων ἰόντες χειμῶνος ἐμβολὴν μέλλοντος ὅτι πεφρίκασι μαρτυροῦσι διʼ ὧν δρῶσι. λέοντος δὲ ἐν τοῖς καρπίμοις χωρίοις ἐπιδημία αὐχμὸν δηλοῖ. σκιρτῶντά γε μὴν τὰ ὑποζύγια καὶ βοῶντα τοῦ ἔθους μᾶλλον νοτερὸν χειμῶνα ἐσόμενον δηλοῖ· εἰ δὲ καὶ ταῖς ὁπλαῖς κόνιν προσαναβάλλοι, ταὐτὰ ταῦτα δηλοῖ που. λαγῲ δὲ ἐν τοῖς αὐτοῖς χωρίοις ὁρώμενοι πολλοὶ <pb xml:id="p.176"/> δηλοῦσιν εὐδίαν. πάντων δὲ τούτων ἀπολείπονται οἱ ἄνθρωποι, καὶ ἴσασιν αὐτὰ ὅταν γένηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="9"> 
+<p> ἱεράκων πέρι καὶ ταῦτα προσακήκοα. οἱ τοῦ Ἀπόλλωνος ἐν τῇ Αἰγύπτῳ θεραπευταὶ λέγουσι καλεῖσθαί τινας οὕτως ἱερακοβοσκούς, οἵπερ οὖν εἰσι τῶν τοῦ θεοῦ ἱεράκων τροφεῖς τε καὶ μελεδωνοὶ μέντοι οἱ αὐτοί. πᾶν μὲν οὖν τὸ φῦλον ἀνεῖται τῷ θεῷ τῷδε, ἤδη δέ τινες ἐκεῖθι καὶ ἱεροὶ τρέφονται τροφῇ πεφροντισμένῃ, καὶ δοκοῦσι τῶν ἀναθημάτων </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="10"> 
+<p> διαφέρειν οὐδὲ ἕν. οἱ τοίνυν τὴν τούτων ἐγκεχειρισμένοι κομιδὴν πρὸς τοὺς ἀγνοοῦντας λέγουσιν ἐν ταῖς νεοττιαῖς ἑκάστους ʽἐν ἄλσει γὰρ ἱερῷ τρέφονταἰ τίκτειν· ὁμολογεῖσθαι δὲ τὴν ἄλλων μέν, ἐκ τούτων δὲ ἔτι καὶ μᾶλλον. τοῖς δὲ ἀρτιγενέσι προβάλλουσιν ὀρνίθων τεθηραμένων ἐξῃρημένους τοὺς ἐγκεφάλους, τροφὴν ἁπαλὴν νεοττοῖς ὑγροῖς· τοῖς γε μὴν τελείοις οὖσι παρατιθέασι σάρκας τε καὶ ἶνας, ὅσα ἰσχυρὰν τροφὴν ὄρνισιν ἁρπακτικοῖς ἐργάζεται· τοῖς δὲ ἐν μεθορίῳ τῶν ἀρτιγενῶν καὶ τῶν ἤδη τελείων καρδίαι παράκεινται, καὶ τούτων λείψανα ὁρᾶται. καὶ ἥ γε διαφορότης ἡ προειρημένη τῆς τροφῆς ὁμολογεῖ ὅτι τὸ ἁρμόττον ἡλικίᾳ ἑκάστῃ καὶ πρόσφορον ἴσασιν οἱ ἱέρακες καὶ μάλα γε ἀκριβοῦσι τοῦτο, καὶ τῆς παρʼ ἡλικίαν τροφῆς οὐκ ἂν ἅψαιντο. καθʼ ὥραν δὲ ἄρα καὶ ὀρτύγων αὐτοῖς ἐπιδημίαι γίνονται, καὶ τῶν ἄλλων ὀρνίθων ἐπιφοιτῶσιν ἀγέλαι, καὶ ἔχουσί γε οἱ ἱεροὶ ἐκεῖνοι καὶ ἐντεῦθεν θοίνην. κυνῶν ἐς τοὺς τρέφοντας αὐτοὺς ἄμαχον εὔνοιαν ὁμολογεῖ καὶ ἐκεῖνο δήπου. ἔν τινι τῶν ἐμφύλων πολέμων ἐν τῇ Ῥώμῃ Κάλβου τοῦ Ῥωμαίου σφαγέντος, οὐδεὶς μέντοι τῶν ἐχθρῶν τοῦ ἀνδρὸς ἠδυνήθη τὴν κεφαλὴν ἀποτεμεῖν, καίτοι μυρίων ἀγώνισμα <pb xml:id="p.177"/> τιθεμένων σφίσι καὶ καλλώπισμα τοῦτο, πρὶν ἢ τὸν παρεστῶτά οἱ κύνα ἀποκτεῖναι ὑπʼ αὐτῷ τραφέντα καὶ μέντοι καὶ τὴν εὔνοιάν οἱ πιστότατα ἀποσώζοντα καὶ ὑπερμαχοῦντα τοῦ κειμένου, ὥσπερ οὖν συστρατιώτην τε καὶ σύσκηνον ἀγαθὸν καὶ ἐς τὰ ἔσχατα φίλον. οἷον δʼ αὖ καὶ τό δʼ ἔρεξεν οὐκ ἀνὴρ μὰ Δία, ἀλλʼ ἀγαθὸς κύων καὶ τὴν γνώμην καρτερός, μαθεῖν ἄξιον. ὁ Ἠπειρώτης Πύρρος ὡδοιπόρει, εἶτα μέντοι περιτυγχάνει πεφονευμένῳ, καὶ κυνὶ παρεστῶτι καὶ μέντοι καὶ φρουροῦντι τὸν δεσπότην, ἵνα μὴ πρὸς τῷ φόνῳ καὶ τῷ νεκρῷ λυμήνηταί τις. ἔτυχε δὲ ἄρα τρίτην ἔχων ὁ κύων ἀπόσιτος τὴν ἡμέραν ἐπὶ τῇ φιλοπόνῳ καὶ καρτερικωτάτῃ φρουρᾷ. ὅπερ οὖν διδαχθεὶς ὁ Πύρρος τὸν μὲν ᾤκτειρε καὶ ταφῆς ἠξίωσε, τόν γε μὴν κύνα προσέταξε τυχεῖν κηδεμονίας, καὶ ἐδίδου ὅσα κυνὶ ὀρέγεται ἐκ χειρός, καὶ μάλα γε ἱκανὰ καὶ ἐφολκὰ ἐς τὴν ἑαυτοῦ φιλίαν τε καὶ εὔνοιαν, κατὰ μικρὰ ὑπάγων τὸν κύνα ὁ Πύρρος. καὶ ταῦτα μὲν ἐς τοσοῦτον. εἶτα μέντοι οὐ μετὰ μακρὸν ἐξέτασις ὁπλιτῶν ἦν, καὶ ὁ βασιλεὺς ὃν προεῖπον ἐθεᾶτο, καί οἱ παρῆν ἐκεῖνος ὁ κύων. καὶ τὰ μὲν ἄλλα ἑαυτὸν σιγῇ κατεῖχε καὶ πραότατος ἦν· ἐπεὶ δὲ ἄρα τοὺς τοῦ δεσπότου φονέας ἐν τῇ τῶν στρατιωτῶν εἶδεν ἐξετάσει, ὃ δὲ οὐκ ἐκαρτέρησεν ἐνταῦθα ἀτρεμεῖν, ἀλλὰ ἐς αὐτοὺς ἐπήδα καὶ ὑλάκτει ἀμύσσων τοῖς ὄνυξι, καὶ ἐς τὸν Πύρρον θάμα ἐπιστρεφόμενος ὡς οἷός τε ἦν ἐπήγετο μάρτυρα ὅτι ἄρα τοὺς ἀνδροφόνους ἔχει. οὐκοῦν ὑπόνοια ἐσέρχεται καὶ τὸν βασιλέα καὶ τοὺς περιεστῶτας αὐτόν, καὶ ποιοῦνται ἐνθύμιον τὴν τοῦ κυνὸς ὑλακὴν τὴν ἐς τοὺς προειρημένους. καὶ συλληφθέντες στρεβλοῦνται, καὶ κατεῖπον ὅσα ἐτόλμησαν. καὶ δοκεῖ μὲν μῦθος <pb xml:id="p.178"/> ταῦτα τοῖς ὅσοι Διὸς ἑταιρείου καὶ φιλίου τοῦ αὐτοῦ θεσμὸν πατήσαντες εἶτα μέντοι ζῶντας προύδοσαν τοὺς φίλους καὶ ἀποθανόντας· ἐγὼ δὲ οὐ πείθομαι τοῖς νοοῦσι κακῶς τὰ τῆς φύσεως καλά, ἥπερ οὖν εἰ τοῖς ἀλόγοις μετέδωκεν εὐνοίας τε καὶ στοργῆς, πάντως που καὶ τῷδε τῷ ζῴῳ τῷ λογικῷ μετέδωκε μᾶλλον. ἀλλὰ οὐ χρῶνται τῷ δώρῳ. καὶ τί δεῖ τὰ λοιπὰ ἐπιλέγειν ὁπόσα ἄνθρωποι ὑπὲρ τοῦ πονηροῦ κέρδους κακὰ τοὺς ἑαυτῶν φίλους εἰργάσαντο, ἐπιβουλὰς ῥάπτοντες καὶ προδιδόντες; ὡς ἔμεγε ἀλγεῖν εἴπερ οὖν ἀνθρώπων πιστότερος καὶ εὐνούστερος ἐλήλεγκται κύων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="11"> 
+<p> πολύποδος ἐς οὖς ἐμὸν καὶ ἐκεῖνο ἧκεν. ἦν πέτρα προήκουσα μέν, οὐ μὴν ἄγαν ὑψηλή. οὐκοῦν πολύπους ποτὲ ἀνερπύσας εἶτα ἥπλωσε τὰς πλεκτάνας, καὶ μάλα γε ἀσμένως ὑπεθάλπετο ʽκαὶ γὰρ οὖν καὶ χειμέρια ἐδόκει πωσʼ, οὐ μὴν ἑαυτὸν ἐς τὴν χρόαν τῆς πέτρας ἐκτρέψας ἤδη ἦν. πεφύκασι δὲ ἄρα δρᾶν τοῦτο οἱ πολύποδες τὰς ἐς ἑαυτοὺς ἐπιβουλὰς φυλαττόμενοι καὶ μέντοι καὶ αὐτοὶ τοὺς ἰχθῦς ἐλλοχῶντες. ἰδὼν οὖν ὀξὺ μέν, ἑαυτῷ δὲ οὐκ ἀγαθὸν τὸ θήραμα ἀετός, ὡς ὁρμῆς τε ἅμα καὶ πτερῶν εἶχεν ἐμπηδᾷ τῷ πολύποδι, καὶ μέντοι καὶ δεῖπνον ἕξειν ἕτοιμον ἑαυτῷ τε καὶ τοῖς παισὶ τοῖς ἑαυτοῦ κατέγραφεν. πλόκαμοι δὲ ἄρα ἐκείνου περιβάλλουσι τῷ ἀετῷ σφᾶς αὐτούς, καὶ ἀπρὶξ ἐχόμενοι εἶτα ἕλκουσι κάτω τὸν ἔχθιστον, καὶ χανὼν λύκος ὡς ἂν εἴποις εἶτα μέντοι νεκρὸς ἐπενήχετο τῇ θαλάττῃ ὁ ἀετὸς ὑπὲρ τοῦ δείπνου. μυρία μὲν δὴ τοιαῦτα πάσχουσιν ὄρνιθες, πλείω δὲ ἄνθρωποι· ἐν δὲ τοῖς ᾀδομένοις ὑφʼ Ἡροδότου Μασσαγέταις ὁ Καμβύσου Κῦρος ὁ ἕτερος καὶ μέντοι καὶ Πολυκράτης ἐς <pb xml:id="p.179"/> Ὀροίτου σπεύσας ὡς τὸν χρυσὸν ἁρπασόμενος καὶ ἄλλος <quote rend="blockquote"> <lb/>τεύχων ὡς ἑτέρῳ τις ἑῷ κακὸν ἥπατι τεύχει. </quote> καὶ ταῦτα μὲν οὐκ οἶδε τὰ ἄλογα, ἄνθρωποι δὲ εἰδότες οὐ φυλάττονται. καὶ τί δεῖ γλώττης καὶ λόγων καὶ διδασκάλων καὶ πληγῶν, ὦ Κῦρε καὶ Πολύκρατες; τοὺς δὲ ἄλλους ἐῶ· τί γάρ μοι κωφοῖς καὶ ἀνοήτοις συμβουλεύειν τὰ λυσιτελέστατα; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="12"> 
+<p>μέγα φρονείτωσαν αἱ Παιονίδες γυναῖκες καὶ τὸ φρύαγμα αἰρέτωσαν δρῶσαι τὰ ὑμνούμενα. ἔστι δὲ τοιαῦτα. τῇ μὲν κεφαλῇ φέρουσιν ὑδρίαν μεστὴν ὕδατος, καὶ τὸν αὐχένα ἀνέστησαν, ὥστε αὐταῖς βαδιζούσαις ἄτρεπτόν τε καὶ ἀκλινῆ διαμένειν τὴν ὑδρίαν· ἐξαρτήσασαι δὲ τοῦ κόλπου θηλάζουσι τὰ βρέφη, καὶ ἐς τὸν βραχίονα τὸν ῥυτῆρα ἐνάψασαι τὸν τοῦ γήμαντος ἵππον ἐς ἀρδείαν ἄγουσι, καὶ ταῖς χερσὶ νῶσι λίνον. ταῦτά τοι καὶ Δαρεῖος ἐθαύμασεν, ὅτε Παίονες νεανίαι τὴν ἑαυτῶν ἀδελφὴν οὕτω σκευάσαντες, δικάζοντος αὐτοῦ, παρήγαγον αὐτήν, ἵνα ἐς ἔρωτα ἐμπεσὼν τῆς οὕτως ἀθρόας αὐτουργίας ἕλῃ Παίονας. ἀλλὰ ἡ φύσις πόσῳ Παιονίδων σοβαρωτέρα. κύων θηράσασα ʽλαγὼς δὲ ἦν τὸ ἄγρευμα αὐτῇ, καὶ ἐκύει ἡ κύωνʼ ἐπεὶ τῆς σπουδῆς τῆς προκειμένης ἐτετυχήκει, τῷ μὲν δεσπότῃ τοῦ θηράματος ἀπέστη, ἀναχωρήσασα δὲ ἐννέα φασὶ σκύλακας ἀποκυήσασα εἶτα ἐξέθρεψεν αὐτούς. εἰ δὲ Λιγυστίνων αἱ γυναῖκες μέγα φρονοῦσιν ὅτι κἀκεῖναι τὴν ὠδῖνα ἀπολύσασαι καὶ ἐξαναστᾶσαι τῶν ἔργων ἔχονται τῶν κατὰ τὴν οἰκίαν, ἀκούσασαι τὸ τῆς κυνὸς ἔργον τῆς προειρημένης τοῦ φυσήματος ἀποστᾶσαι πάντως ἐγκαλύψονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="13"> 
+<p>τὸ μὲν τοῦ ἡμιόνου τοῦ φιλοπόνου Ἀριστοτέλης <pb xml:id="p.180"/> εἶπε καὶ ἡμεῖς ἄνω που, τὸ δὲ τοῦ κυνὸς καὶ τοῦτο ἐν ταῖς Ἀθήναις γενόμενον εἰπεῖν οὐδὲν ἄτοπον. ἐς Ἀσκληπιοῦ παρῆλθε θεοσύλης τό τε μεσαίτατον τῆς νυκτὸς παραφυλάξας καὶ τῶν καθευδόντων τὸν βαθύτατον ὕπνον ἐπιτηρήσας, εἶτα ὑφείλετο τῶν ἀναθημάτων πολλά, καὶ ὥς γε ᾤετο ἐλελήθει. ἦν δὲ ἄρα σκοπὸς ἀγαθὸς ἔνδον κύων καὶ τῶν ζακόρων ἀμείνων ἐς ἀγρυπνίαν, ὅσπερ οὖν εἵπετό οἱ διώκων, καὶ ὑλακτῶν οὐκ ἀνίει, ᾗπερ οὖν ἔσθενε δυνάμει τὸ πραχθὲν μαρτυρόμενος. τὰ μὲν οὖν πρῶτα ἔβαλλεν αὐτὸν λίθοις αὐτός τε καὶ οἱ τῆς κακῆς ἐκείνης πράξεως κοινωνοί, τὰ δὲ τελευταῖα προύσειεν ἄρτους τε καὶ μάζας. ἐπήγετο δὲ ἄρα ταῦτα δέλεαρ κυνῶν προμηθῶς, ὥς γε ὑπελάμβανεν. ἐπεὶ δὲ καὶ παρελθόντος ἐς τὴν οἰκίαν οὗ κατήγετο ὑλάκτει καὶ πάλιν προϊόντος, ἐγνώσθη μὲν ὁ κύων ἔνθεν ἦν, τὰ λείποντα δὲ τῶν ἀναθημάτων ἐπόθουν αἱ γραφαί τε καὶ αἱ χῶραι ἔνθα ἀνέκειντο. συνέβαλον οὖν τοῦτον ἐκεῖνον εἶναι οἱ Ἀθηναῖοι, καὶ στρεβλώσαντες τὸ πᾶν κατέγνωσαν. καὶ ὃ μὲν ἐδικαιώθη τὰ ἐκ τοῦ νόμου, ὁ δὲ κύων ἐτιμήθη δημοσίᾳ τροφῇ καὶ κηδεμονίᾳ, οἷα δήπου φύλαξ πιστὸς καὶ τῶν νεωκόρων οὐδενὸς μείων τὴν ἐπιμέλειαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="14"> 
+<p> ἀγαθὴ δὲ ἄρα ἦν αἲξ καὶ τὴν τῶν ὀφθαλμῶν ἀχλὺν ἥνπερ οὖν παῖδες Ἀσκληπιαδῶν ὑπόχυσιν καλοῦσιν ἀκέσασθαι, καὶ λέγονταί γε οἱ ἄνθρωποι παρʼ ἐκείνης μαθεῖν τόδε τὸ ἴαμα. τὸ δὲ ἄρα τοιοῦτόν ἐστιν. ὅταν αἲξ νοήσῃ τὸν ὀφθαλμὸν ἐπιθολωθέντα αὐτῇ, πρόσεισι βάτῳ, καὶ παραβάλλει τῇ ἀκάνθῃ τὸ ὄμμα. καὶ ἣ μὲν ἐκέντησε, τὸ δὲ ὑγρὸν ἐξεχώρησε, μένει δὲ ἀπαθὴς ἡ κόρη, καὶ ὁρᾷ αὖθις, καὶ δεῖται σοφίας καὶ χειρουργίας ἀνθρωπικῆς οὐδὲ ἕν. <pb xml:id="p.181"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="15"> 
+<p>ποταμὸν ἐλέφαντες διέρχονται οἱ μὲν ἔτι νέοι διανηχόμενοι· οἱ δὲ ἤδη τέλειοι, καὶ εἰ καλύπτοιντο ὑπὸ τοῦ ῥεύματος, ἀνέχουσι μέντοι τὰς προβοσκίδας ὑπὲρ τὸ ὕδωρ, τὰ δὲ ἀρτιγενῆ πώλια ἐπὶ τῶν ὀδόντων φέρουσιν αἱ μητέρες. τῶν μὲν οὖν κινδύνων καὶ πόνων οἱ νέοι κατάρχονται, ποτοῦ δὲ ἄρα καὶ τροφῆς ἀφίστανται τοῖς πρεσβυτέροις αἰδῶ νέμοντες, καὶ τῶν Λυκούργου νόμων δέονται οἵδε οὐδὲ ἕν. γήρᾳ δὲ παρειμένον ἐλέφαντα ἢ νόσῳ κατειλημμένον οὐκ ἄν ποτε οἱ συναγελαζόμενοι καταλίποιεν, ἀλλὰ πιστῶς παραμένουσι, καὶ ἀναρρῶσαι σπεύδουσι τῇ τε ἄλλῃ καὶ ἐὰν διώκωνται, καὶ ὑπὲρ αὐτοῦ μάχονται, καὶ τιτρώσκονται παραμένοντες, φυγεῖν δυνάμενοι. καὶ τὰ βρέφη δὲ τὰ νεαρὰ οὐκ ἄν ποτε αἱ τεκοῦσαι προδοῖεν, ἀλλὰ καὶ ἐκείνοις ἐκεῖναι πιστῶς παραμένουσι, καίτοι τῶν θηρώντων ἐγκειμένων, καὶ πρότερόν γε τὴν ψυχὴν ἀπολίποιεν ἂν ἢ τὰ τέκνα. ἐγὼ δὲ ᾔδειν μειράκιον ὢν ἄνθρωπον πρεσβῦτιν Λαινίλλαν ὄνομα, καὶ ἐδείκνυτο ὑπὸ πάντων, καὶ ἐπʼ αὐτῇ μῦθος ἐλέγετο, καὶ ὅ γε μῦθος τοιόσδε ἦν. οἱ πρεσβύτεροι πρός με ἔφασκον ἐκείνην τὴν ἄνθρωπον ἐρασθεῖσαν οἰκέτου δριμέως αὐτῷ μὲν συγκαθεύδειν, κηλῖδα δὲ ἄρα παισὶ τοῖς ἑαυτῆς περιάπτειν. οἳ δὲ εὐγενεῖς ἦσαν, καὶ ἐς τὴν βουλὴν τὴν Ῥωμαίων ἐτέλουν ἐκ πατέρων τε καὶ τῶν ἄνω τοῦ γένους. οἱ τοίνυν παῖδες αἰδούμενοι τῇ μητρὶ ἤχθοντο τοιαῦτα δρώσῃ, καὶ πράως ὑπενουθέτουν, καὶ τοῦ πραττομένου τὴν αἰσχύνην ἐπέλεγον ἡσυχῆ· ἣ δὲ κυμαίνουσα ἐκ τῆς ἐπιθυμίας, καὶ τὸν ἔρωτα ἐπίπροσθεν τῶν υἱέων ποιησαμένη, καταγορεύει αὐτῶν πρὸς τὸν ἄρχοντα, καὶ λέγει ὡς ἐπιβουλεύοιεν αὐτῷ. ὃ δὲ ἔχων ἐς διαβολὰς τὸ οὖς ῥᾴδιον, καὶ ὑπόπτης ὢν καὶ δειλὸς <pb xml:id="p.182"/> ʽπάθη δὲ ταῦτα ἀγεννοῦς διανοίασʼ ἐπίστευσε. καὶ οἳ μὲν οὐδὲν ἀδικοῦντες ἀπέθνησκον, ἣ δὲ ἆθλον τοῦ κατειπεῖν ἠνέγκατο δούλῳ συγκαθεύδειν ἀνέδην. ὦ πατρῷοι θεοὶ καὶ Ἄρτεμι λοχεία Εἰλείθυιαί τε θυγατέρες Ἥρας, τί ἂν ἔτι Μήδειαν εἴποιμεν τὴν Κόλχον ἢ Πρόκνην τὴν Ἀτθίδα, τῶν ἔναγχός τε καὶ καθʼ ἡμᾶς παθῶν μνημονεύσαντες; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="16"> 
+<p> τὰς χερσαίας χελώνας οἱ ἀετοὶ συλλαβόντες εἶτα ἄνωθεν προσήραξαν ταῖς πέτραις, καὶ τὸ χελώνιον συντρίψαντες οὕτως ἐξαιροῦσι τὴν σάρκα καὶ ἐσθίουσι. ταύτῃ τοι καὶ Αἰσχύλον τὸν Ἐλευσίνιον τὸν τῆς τραγῳδίας ποιητὴν τὸν βίον ἀκούω καταστρέψαι. ὁ μὲν Αἰσχύλος ἐπί τινος πέτρας καθῆστο, τὰ εἰθισμένα δήπου φιλοσοφῶν καὶ γράφων· ἄθριξ δὲ ἦν τὴν κεφαλὴν καὶ ψιλός. οἰηθεὶς οὖν ἀετὸς πέτραν εἶναι τὴν κεφαλὴν εἶτα μέντοι κατʼ αὐτῆς ἀφῆκεν ἣν κατεῖχε χελώνην, καὶ ἔτυχε τοῦ προειρημένου τὸ βέλος, καὶ ἀπέκτεινε τὸν ἄνδρα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="17"> 
+<p> κηρύλος δὲ καὶ ἀλκυὼν ὁμόνομοι καὶ σύμβιοι. καὶ γήρᾳ γε παρειμένους αὐτοὺς ἐπιθέμεναι αἱ ἀλκυόνες περιάγουσιν ἐπὶ τῶν καλουμένων μεσοπτερυγίων. ἄνθρωποι δὲ καὶ τῶν ἀνδρῶν ὑπογηρώντων καταφρονοῦσι καὶ πρὸς τὰ μειράκια ἀφορῶσι· καὶ οἱ γήμαντες περὶ τὰς νέας ἠνέμωνται, τῶν ἀφηλικεστέρων γαμετῶν ὤραν μὴ τιθέμενοι, καὶ οὐκ αἰδοῦνται οἱ ἔμφωνοι τῶν ἀλόγων ζῴων βιοῦντες ἀλογώτερον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="18"> 
+<p> λέγουσι δὲ οἱ Αἰγύπτιοι περὶ τὴν καλουμένην Κοπτὸν δύο μόνους ὁρᾶσθαι κόρακας. ἀλλὰ καὶ τῶν Ῥωμαίων οἱ τὴν ὄρειον παραφυλάττοντες διὰ τὸ τῆς σμαράγδου μέταλλον διισχυρίζονται καὶ οἵδε τοσούτους ὄρνιθας τοῦ γένους τοῦδε οἰκεῖν ἐκεῖθι. νεὼς <pb xml:id="p.183"/> δὲ Ἀπόλλωνι τιμᾶται ἐν τῷ χωρίῳ ἐκείνῳ, οὗπερ οὖν ἱεροὺς εἶναί φασιν αὐτούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="19"> 
+<p>καὶ ταύτῃ δὲ τὰ ἴδια τῶν ζῴων εἰπεῖν οὐ χεῖρόν ἐστι. νωθέστερά πως δοκεῖ πρόβατον καὶ ὄνος, ἄτολμα δὲ νεβροὶ καὶ πρόκες καὶ ζόρκες τε καὶ πύγαργοι καὶ οἱ λαγῴ, οὓς δὴ καὶ πτῶκας οἱ ποιηταὶ καλοῦσιν. ἀλλὰ καὶ τῶν πετεινῶν ἐστιν ἄτολμα οἱ στρουθοὶ καὶ τῶν ἐνύδρων οἱ κεστρεῖς. ἀκόλαστα δὲ κυνοκέφαλοί τε καὶ τράγοι, καὶ μέντοι καὶ ὁμιλεῖν γυναιξί φασιν αὐτούς, καὶ ἔοικεν αὐτὸ θαυμάζειν Πίνδαρος. καὶ κύνες δὲ γυναιξὶν ἐπιτολμᾶν ἐλέχθησαν, καὶ μέντοι καὶ κριθῆναι λέγεται γυνὴ ἐν τῇ Ῥώμῃ μοιχείας ὑπὸ τοῦ γήμαντος, καὶ ὁ μοιχὸς ἐν τῇ δίκῃ κύων εἶναι ἐλέγετο. ἤκουσα δὲ κυνοκεφάλους καὶ παρθένοις ἐπιμανῆναι καὶ μέντοι καὶ βιάσασθαι ὑπὲρ τὰ μικρὰ μειράκια τὰ τοῦ Μενάνδρου ἐν ταῖς παννυχίσιν ἀκόλαστα. λαγνίστατον δὲ καὶ ὁ πέρδιξ καὶ μοιχικόν. λάθρᾳ γοῦν ἐπὶ τὰς θηλείας καί πως ἀψοφητὶ λέγονται φοιτᾶν. τροφῆς δὲ τὴν κοινωνίαν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="20"> 
+<p>ἥκιστα ἐνδέχονται κύνες. πολλάκις γοῦν καὶ ὑπὲρ ὀστοῦ ἀλλήλους σπαράττουσιν, ὥσπερ οὖν ὁ Μενέλεως καὶ ὁ Πάρις ὑπὲρ τῆς Ἑλένης. μόνους δὲ ἀκούω τοὺς Μεμφίτας κύνας ἐς μέσον τὰς ἁρπαγὰς κατατίθεσθαι καὶ ἐσθίειν κοινῇ. ἄσπονδον δὲ καὶ ἔκδικον ὁ σῦς. ἀλλήλων γοῦν οὗτοι νεκρῶν ἐσθίουσι. καὶ οἱ ἰχθῦς δὲ οἱ πλεῖστοι δρῶσιν αὐτό. ἀσεβέστατον δὲ ὁ ποτάμιος ἵππος· γεύεται γὰρ καὶ τοῦ πατρός. ἀναιδῆ δὲ καὶ μὴ ῥᾳδίως ὑποστελλόμενα μυῖαι καὶ κύνες. ἀγριώτατον δὲ λύκοι. λέγουσι δὲ οἱ Αἰγύπτιοι ὅτι καὶ ἀλλήλους ἐσθίουσι, καὶ τὸν τρόπον τῆς ἐπιβουλῆς ἐκεῖνόν φασιν. ἐς κύκλον ἑαυτοὺς περιαγαγόντες <pb xml:id="p.184"/> εἶτα μέντοι θέουσιν. ὅταν δέ τις αὐτῶν ὑπὸ τοῦ κατὰ τὸν δρόμον ἰλίγγου σκοτοδινιάσῃ καὶ περιτραπῇ, οἱ λοιποὶ κειμένῳ προσπεσόντες σπαράττουσιν αὐτὸν καὶ ἐσθίουσι. δρῶσι δὲ ἄρα τοῦτο ἐπὰν ἀθηρίᾳ περιπέσωσι. πρὸς γὰρ τὸ μὴ πεινῆν πάντα λῆρον ἥγηνται ὥσπερ οὖν οἱ τῶν ἀνθρώπων κακοὶ πρὸς τὸ ἀργύριον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="21"> 
+<p> κακοηθέστατον δὲ ἄρα τῶν ζῴων ὁ πίθηκος ἦν, καὶ ἔτι πλέον ἐν οἷς πειρᾶται μιμεῖσθαι τὸν ἄνθρωπον. αὐτίκα γοῦν ἰδὼν ἐξ ἀπόπτου τροφὸν λούουσαν παιδίον ἐν σκάφῃ, καὶ πρῶτον μὲν ὑπολύουσαν τὰ σπάργανα, εἶτα ἐκ τοῦ λουτροῦ κατειλοῦσαν αὐτό, παραφυλάξας ἔνθα ἀνέπαυσε τὸ βρέφος, ὡς εἶδεν ἐρημίαν, ἐσέθορε διά τινος ἀνεῳγμένης θυρίδος, ἐξ ἧς οἱ πάντα σύνοπτα ἦν, καὶ ἄρας ἐκ τῆς εὐνῆς τὸ παιδίον, καὶ γυμνώσας ὡς ἔτυχεν ἰδών, καὶ κομίσας ἐς μέσον τὴν σκάφην, ζέον ὕδωρ ʽκαὶ γὰρ ἦν ἐπί τινων ἀνθράκων θερμαινόμενονʼ τοῦ δυστυχοῦς παιδίου κατέχεε, καὶ μέντοι καὶ ἀπέκτεινεν αὐτὸ οἴκτιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="22"> 
+<p> κακόηθες δὲ ἄρα καὶ ὕαινα ἦν καὶ ὅν φασι κοροκότταν. ἡ γοῦν ὕαινα πρὸς τὰ αὔλια νύκτωρ φοιτᾷ, καὶ μιμεῖται τοὺς ἐμοῦντας. ἀκούοντες δὲ οἱ κύνες προσίασιν ὡς ἐπʼ ἄνθρωπον· ἣ δὲ αὐτοὺς συλλαμβάνει καὶ ἐσθίει. πανουργίαν δὲ κοροκόττα, ἣν ἤκουσα καὶ αὐτήν, ἔοικα λέξειν νῦν. ἐς τοὺς δρυμοὺς ἑαυτὸν ἐγκρύψας εἶτα μέντοι τῶν ὑλουργούντων ἀκούει καλούντων ἀλλήλους ἐξ ὀνόματος καὶ μέντοι καὶ λαλούντων ἄττα. εἶτα μέντοι μιμεῖται τὰς φωνάς, καὶ φθέγγεται, εἰ καὶ μυθῶδες τὸ εἰρημένον, ἀνθρωπίνῃ γοῦν φωνῇ, καὶ καλεῖ τὸ ὄνομα ὃ ἤκουσε. καὶ ὁ κληθεὶς πρόσεισιν, ὃ δὲ ἀναχωρεῖ καὶ πάλιν <pb xml:id="p.185"/> καλεῖ· ὃ δὲ καὶ μᾶλλον κατὰ τὴν φωνὴν ἔρχεται. ὅταν δὲ αὐτὸν τῶν συμπονούντων ἀπαγάγῃ καὶ ἔρημον ἀποφήνῃ, συλλαβὼν ἀπέκτεινε καὶ ποιεῖται τροφὴν τὸ ἐντεῦθεν φωνῇ δελεάσας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="23"> 
+<p>ἀμύνεσθαι δὲ τὸν προαδικήσαντα ὁ λέων οἶδε, καὶ εἰ μὴ παραχρῆμα αὐτῷ τιμωρήσειεν, <quote rend="blockquote"> <lb/>ἀλλά γε καὶ μετόπισθεν ἔχει κότον, ὄφρα τελέσσῃ, <lb/>ἐν στήθεσσιν ἑοῖσιν. </quote> καὶ τούτου μαρτύριον Ἰόβας ὁ Μαυρούσιος ὁ τοῦ παρὰ Ῥωμαίοις ὁμηρεύσαντος πατήρ. ἤλαυνέ ποτε διὰ τῆς ἐρήμης ἐπί τινα ἔθνη τῶν ἀποστάντων, καί τις αὐτῷ τῶν παραθεόντων μειρακίσκος εὐγενὴς μὲν καὶ ὡραῖος ἤδη δὲ καὶ θηρατικὸς λέοντά πως παρὰ τὴν ὁδὸν ἐκφανέντα ἀκοντίῳ βάλλει, καὶ σκοποῦ μὲν ἔτυχε καὶ ἔτρωσεν, οὐ μὴν ἀπέκτεινε. κατὰ σπουδὴν δὲ τῆς ἐλάσεως οὔσης, τὸ μὲν θηρίον ἀνεχώρησε, παρέδραμε δὲ καὶ ὁ τρώσας καὶ οἱ λοιποί. ἐνιαυτοῦ γε μὴν διελθόντος ὁλοκλήρου ὁ μὲν Ἰόβας κατορθώσας ἐφʼ ἃ ἐστάλη, τὴν αὐτὴν ὑποστρέφων ἔρχεται κατὰ τὸν τόπον, ἔνθα ἔτυχεν ὁ λέων τρωθείς. καὶ ὄντος πλήθους παμπόλλου πρόσεισι τὸ θηρίον ἐκεῖνο, καὶ τῶν μὲν ἄλλων ἀπέχεται, συλλαμβάνει δὲ τὸν τρώσαντα πρὸ ἐνιαυτοῦ, καὶ τὸν θυμόν, ὅνπερ οὖν παρὰ τὸν χρόνον τὸν προειρημένον ἐφύλαττεν, ἀθρόον ἐκχεῖ καὶ διασπᾷ τὸ μειράκιον γνωρίσας. ἐτιμώρησε δὲ οὐδείς, φοβηθέντες ὀργὴν λέοντος ἰσχυρὰν καὶ δεινῶς ἐκπληκτικήν· ἄλλως τε καὶ ἡ πορεία ἤπειγεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="24"> 
+<p>καρκίνων γένη διάφορα καὶ φῦλα ποικίλα ἀκούω εἶναι. καὶ γὰρ οὖν καὶ πετραῖοί εἰσιν· ἀλλὰ καὶ πηλοὶ τίκτουσι καρκίνους, καὶ φυκία καὶ ψάμμος. ἰδέαι τε αὐτῶν καὶ ἐπωνυμίαι πολλαί. πλανῶνται δὲ δεῦρο <pb xml:id="p.186"/> καὶ ἐκεῖσε οἱ καλούμενοι δρομίαι ʽὧδε γὰρ καλεῖν αὐτοὺς πρεπωδέστατονʼ· ἀτρεμεῖν γὰρ καὶ ἡσυχάζειν ἐπὶ τῆς αὐτῆς χώρας οὔτε ἐθέλουσιν οὔτε πεφύκασιν, ἀλλὰ περὶ τοὺς αἰγιαλοὺς ἀλῶνται, ὅθενπερ καὶ ἐξέφυσαν· ἤδη δὲ καὶ στέλλονται πορρωτέρω, ὥσπερ οὖν οἱ τῶν ἀνθρώπων φιλαπόδημοι. ὑπόθεσις δὲ αὐτοῖς τῆς τοσαύτης ἄλης τὸ ἐθέλειν πλείονός τινος ἀπολαῦσαι. ἐν δὲ τῷ Θρᾳκίῳ Βοσπόρῳ ἐπειδὰν τὸ ῥεῦμα βίαιον ἐκ τοῦ Πόντου καταφέρηται, βούλονται μὲν οἱ καρκίνοι πρὸς ἐναντίον ὠθούμενοι τὸν ῥοῦν βαδίζειν, ταῖς δὲ ἄκραις ὡς τὸ εἰκὸς βιαιότερον τὸ ῥεῦμα περιρρήγνυται. τοὺς οὖν καρκίνους ὠθήσει τε πάντως καὶ ἀνατρέψει, εἰ μέλλοιεν ἰέναι τῷ ῥῷ ὁμόσε. οἳ δὲ ταῦτα προΐσασι, καὶ ἐπειδὰν ἀφίκωνται τῆς ἄκρας πλησίον, ἕκαστος ἔν τινι κολπώδει χωρίῳ ἐπέχει, καὶ τοὺς λοιποὺς ἀναμένει. εἶτα ἀθροισθέντες ἐν ταὐτῷ προσανέρπουσιν ἐς τὴν γῆν, καὶ ἀναρριχῶνται ἐπὶ τοὺς κρημνούς, καὶ τὸ μάλιστα ῥοῶδες καὶ βίαιον τοῦ πελάγους πεζοὶ διέρχονται. εἶτα ἔξω τῆς ἄκρας γενόμενοι καὶ παραμείψαντες αὐτὴν ἐς τὴν θάλατταν κατίασιν αὖθις. φείδονται δὲ αὐτῶν οἱ ἁλιεῖς, ὅτι ἑκόντες ἐπὶ τὴν γῆν προσέρπουσι, σωθῆναι δεόμενοι ὁμοῦ αὐτοῖς. οὔκουν ὑπομένουσι τοῦ κλύδωνος ἀγριώτεροι δοκεῖν οἱ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="25"> 
+<p> ἄνθρωποι. ζηλοτυπίαν ζῴου φρονιμωτάτου καὶ μέντοι καὶ σωφρονεστάτου ἄνω που οἶδα εἰπών ʽπορφυρίων δὲ ἄρα τὸ ζῷον ἦν, εἴ τι παρʼ ἡμῖν μνήμης ὑγιές ἐστινʼ, ἤδη δὲ καὶ κυνίδιον μοιχοῖς πολέμιον καὶ ἔχθιστον τῷδε τῷ φύλῳ πέπυσμαι Σικελικόν. ὁ μὲν μοιχὸς ἔνδον ὑπεκέκρυπτο, τῆς γυναικὸς τῆς μάχλου πυθομένης ἥκειν τὸν ἄνδρα ἐξ ἀποδημίας, καὶ ὥς γε ᾤετο <pb xml:id="p.187"/> σκέπης ἐν καλῷ ἦν· οἱ γάρ τοι τῶν οἰκετῶν δεκασθέντες, ὅσοι γοῦν τῇ δεσποίνῃ τὸ κακὸν συναπέκρυπτον ʽἦσαν δὲ ἄρα ὅσοι κατόπτρων καὶ μύρων ἐπιστάται, φησὶν Εὐριπίδης, καὶ οἱ θυρωροὶ δέʼ εἶτα μέντοι θαρρεῖν ἐποίουν τὸν τῆς εὐνῆς κλῶπα. οὐ μὴν ἀπήντησε ταύτῃ ταῦτα, ἐπεὶ καὶ πολλοῦ δεῖ· τὸ γάρ τοι κυνίδιον ὑλακτεῖ τε ἅμα καὶ μέντοι καὶ ταῖς θύραις τοὺς πόδας προσαράττει, ὡς ἐκπλῆξαι τὸν δεσπότην καὶ συμβαλεῖν ἐκ τοῦ δρωμένου κακὸν εἶναί τι ὑπολανθάνον. καὶ οἷα εἰκὸς τὰς θύρας ἐκβαλὼν τὸν μοιχὸν καταλαμβάνει. καὶ εἶχε ξίφος ἐκεῖνος, καὶ νύκτα ἀνέμενεν, ἵνα ἀποκτείνῃ τῆς οἰκίας τὸν δεσπότην καὶ τὴν προειρημένην ὑπογήμῃ γυναῖκα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="26"> 
+<p>σοφὰ δὲ αἰγῶν ἐστι καὶ ἐκεῖνα. πτύελον ἀνθρώπου θανατηφόρον εἶναι ζῴῳ ἑτέρῳ καλῶς ἴσασι καὶ φυλάττονται, ὥσπερ οὖν καὶ ἡμεῖς πειρώμεθα ἀποδιδράσκειν ὅσα ἀνθρώπῳ κακόν ἐστιν, εἴπερ οὖν ἀπογεύσαιτο αὐτῶν. ἤδη μέντοι τις καὶ ἄνθρωπος ἀγνοῶν καὶ λαθών τι κακὸν κατέπιεν, αἱ δὲ αἶγες, οὐκ ἂν αὐτὰς λάθοι τὸ προειρημένον. ἀποκτείνειν δὲ καὶ τὰς θαλαττίας σκολοπένδρας τὸ αὐτὸ δήπου πτύελον δεινότατόν ἐστι. μέλλουσα δὲ ἡ αἲξ ἀποσφάττεσθαι σαφῶς οἶδε. καὶ τὸ μαρτύριον, οὐκ ἂν ἔτι τροφῆς προσάψαιτο. οὐκ ἀξιοῖ δὲ προβάτων οὐραγεῖν, ἀλλὰ ἡγεῖσθαι αὐτὴν δεῖν καὶ ἐκ τῆς βαδίσεως ὁμολογεῖ. προθεῖ γοῦν ἐκείνων, καὶ μέντοι καὶ αὐτῶν τῶν αἰγῶν ὁ τράγος, τῷ γενείῳ θαρρῶν καὶ κατά τινα φύσιν θαυμαστὴν τοῦ θήλεος προκρίνων τὸ ἄρρεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="27"> 
+<p>Εὐπειθέστατα δὲ ἄρα τῶν ζῴων τὰ πρόβατα ἦν καὶ ἄρχεσθαι φύσει πεπαιδευμένα. ὑπακούει γοῦν καὶ τῷ νομεῖ καὶ τοῖς κυσί, καὶ μέντοι καὶ ἕπεται <pb xml:id="p.188"/> ταῖς αἰξί. φιλεῖ δὲ καὶ ἄλληλα ἰσχυρῶς, καὶ ὑπό γε τῶν λύκων ἐπιβουλεύεται ἧττον· οὐ γὰρ πλανᾶται ἰδίᾳ ἕκαστον, οὐδὲ μὴν ἀπὸ τοῦ συννόμου σχίζεται, ὥσπερ οὖν αἱ αἶγες. λέγουσι δὲ Ἄραβες ὅτι ἄρα τὰ παρʼ αὐτοῖς ποίμνια πιαίνεται ὑπὸ μουσικῆς μᾶλλον ἢ ὑπὸ τοῦ χιλοῦ. τῶν δὲ ἁλμυρῶν ἐσθίει ἥδιον· ποιεῖται γὰρ τὴν τοιαύτην τροφὴν ποτοῦ ὄψον. τά γε μὴν πρόβατα κἀκεῖνο οἶδεν, ὅτι αὐτοῖς ὁ βορρᾶς καὶ ὁ νότος συμμάχονται πρὸς τὸ τίκτειν οὐ μεῖον τῶν ἀναβαινόντων αὐτὰ κριῶν· οἶδε δὲ καὶ τοῦτο, ὅτι ἄρα ὁ μὲν βορρᾶς ἀρρενοποιός ἐστιν, ὁ δὲ νότος θηλυγόνος εἶναι πέφυκε· καὶ ἐὰν δέηται τοῦδε τοῦ ἐκγόνου ἢ τοῦδε ὀχευομένη ἡ οἶς, πρὸς τὸν ἀπέβλεψεν ἢ πρὸς τόν. Ἀχιλλεὺς μὲν οὖν ἵνα ὁ φίλος αὐτῷ κείμενος ἐπὶ τῆς πυρᾶς καυθῇ, καὶ εὐχῆς ἐδεῖτο, καὶ ἡ Ἶρις παρεκάλει τοὺς ἀνέμους αὐτῷ, ὦ καλὲ Ὅμηρε, καὶ ὑπισχνεῖτο ἥκουσιν ἱερουργίαν οἱονεὶ μισθόν, καὶ ὁ τοῦ Νεοκλέους δὲ Ἀθηναίους ἐδίδασκε θύειν τοῖς πνεύμασίν· αἱ δὲ οἶς ἀπραγμόνως τοὺς ἀνέμους ἐς ὠδῖνα τὴν σφετέραν ὑπηρέτας ἑτοίμους καὶ ἀκλήτους ἔχουσι. σκοποὶ δὲ ἄρα τούτων εἰσὶ καὶ οἱ ποιμένες ἀγαθοί. ὅταν γοῦν ὁ νότος πνέῃ, τότε τοὺς κριοὺς ἐπὶ τὰς οἶς ἄγουσιν, ἵνα ἡ γονὴ θηλυγόνος ᾖ αὐτοῖς μᾶλλον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="28"> 
+<p> ὅτε τὸν Ἰκάριον ἀπέκτειναν οἱ προσήκοντες τοῖς πρῶτον πιοῦσιν οἶνον καὶ ἐς ὕπνον ἐμπεσοῦσιν, οὐκ εἰδότες πω μὴ θάνατον εἶναι τὸ πραχθὲν ἀλλὰ οἰνηρὸν κάρον, ἐνόσησαν οἱ κατὰ τὴν Ἀττικήν, ἐμοὶ δοκεῖν τοῦ Διονύσου τιμωροῦντος τῷ πρώτῳ γεωργῷ τῶν ἑαυτοῦ φυτῶν καὶ πρεσβυτάτῳ. ὁ γοῦν Πύθιος ἔχρησεν, εἰ βούλονται τυχεῖν σωτηρίας, Ἰκαρίῳ θύειν καὶ Ἠριγόνῃ τῇ τούτου παιδὶ καὶ τῷ κυνὶ τῷ ᾀδομένῳ, <pb xml:id="p.189"/> ὅτι ἄρα διʼ ὑπερβολὴν εὐνοίας τῆς πρὸς τὴν δέσποιναν βιῶναι μετʼ αὐτὴν οὐκ ἔγνω. παίζει δὲ Εὐριπίδης λέγων <quote rend="blockquote"> <lb/>χρηστοῖσι δούλοις συμφορὰ τὰ δεσποτῶν <lb/>κακῶς πίτνοντα καὶ φρενῶν ἀνθάπτεται. </quote> ποῦ γὰρ ἄνθρωπος ἐπὶ τῷ δεσπότῃ τέθνηκε, κυνὸς δούλου δράσαντος αὐτό; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="29"> 
+<p>ἰδίαν δὲ ἄρα κυνῶν ἐς τοὺς τρέφοντας εὔνοιαν καὶ ἐκεῖνο μαρτυρεῖ. Κολοφώνιος ἀνὴρ παραγίνεται ἐς τὴν Τέων συνωνησόμενός τινα· καὶ γὰρ ἦν ἐμπορικός, καὶ τὴν ἐκ τῶν ὠνίων καπηλείαν τε καὶ μεταβολὴν πρόσοδον εἶχεν. ἀργύριον δὲ ἐπήγετο καὶ οἰκέτην καὶ κύνα, ἔφερε δὲ τὸ ἀργύριον ὁ δοῦλος. ἐπεὶ δὲ πρὸ ὁδοῦ ἦσαν, ὁ οἰκέτης ἐξετράπετο· ἤπειγε γάρ τι αὐτὸν τῶν κατὰ φύσιν, ἠκολούθησε δὲ καὶ ὁ κύων. τὸ τοίνυν φασκώλιον ἀνέπαυσεν ὁ νεανίας, καὶ ἀνελέσθαι πάλιν οὐκ ἐνενόησεν, ἀλλὰ ᾤχετο ἀπιών· ὁ δὲ κύων ἑαυτὸν κατακλίνας ἐπὶ τῷ ἀργυρίῳ ἔμενεν ἥσυχος. ἐλθόντες δὲ ἐς τὴν Τέων ὅ τε δεσπότης καὶ ὁ οἰκέτης εἶτα μέντοι ἄπρακτοι ἐπανῆλθον, ὅτου ὠνήσωνται οὐκ ἔχοντες· τὴν αὐτήν γε μὴν ἐκτρέπονται πάλιν ἔνθα ὁ οἰκέτης ἀπέλιπε τὸ βαλάντιον, καὶ καταλαμβάνουσι τὸν σφέτερον κύνα ἐπικείμενον αὐτῷ καὶ μόλις ἐμπνέοντα ὑπὸ τοῦ λιμοῦ. ὃ δὲ ὡς εἶδε τὸν δεσπότην καὶ τὸν ὁμόδουλον, ἑαυτὸν ἀποκλίνας τοῦ φασκωλίου, κατὰ τὸν αὐτὸν χρόνον καὶ τὴν φρουρὰν καὶ τὴν ψυχὴν ἀφῆκεν. οὔκουν οὐδὲ Ἄργος ὁ κύων μυθοποίημα ἦν, ὦ θεῖε Ὅμηρε, σόν, οὐδὲ κόμπος ποιητικός, εἴπερ οὖν καὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="30"> 
+<p>τῷ Τηίῳ ταῦτα ἀπήντησεν ὅσα προεῖπον. γένος καρκίνων ἔστι, καὶ πηλαῖοι ὄνομα αὐτοῖς. <pb xml:id="p.190"/> τῶν μὲν οὖν ἄλλων ἰδεῖν εἰσι λευκότεροι, τίκτονται δὲ ἐν τῷ πηλῷ. δείσαντες δὲ οὗτοι καὶ πέτονται· ἔχουσι γὰρ πτερύγια μικρά, ἅπερ οὖν αὐτοὺς ἡσυχῆ μετεωρίζει τε καὶ ἐλαφρίζει. βαδίζοντες μὲν οὖν ἥκιστα τούτων δέονται, φοβηθέντες δὲ ἔχουσί τινα ἐπικουρίαν οὐ πάνυ τι καρτεράν· ἁλίσκονται γὰρ οὔτε ὑψηλοὶ πετόμενοι, οὔτε μὴν μετεωροπορεῖν οἷοί τε ὄντες. τούτους τοι τοὺς καρκίνους ἐσθίουσί τινες· φασὶ δὲ καὶ ἰσχίου πόνῳ ἀγαθὸν εἶναι, εἴ τις φάγοι ἀλγῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="31"> 
+<p> αἱ δὲ καρκινάδες τίκτονται μὲν γυμναί, τὸ δὲ ὄστρακον ἑαυταῖς αἱροῦνται ὡς οἰκίαν οἰκῆσαι τὴν ἀρίστην. ὑποδύονται δὲ καὶ πορφύρας ὄστρακον κενῷ περιτυχοῦσαι καὶ στρόμβου. καὶ ἐς ὅσον μὲν αὐτὴν στέγει, χαίρει τῇ καταγωγῇ· ἐὰν δὲ αὐξήσῃ τὴν σάρκα, ἐς ἄλλον μετοικίζεται οἶκον. περιτυγχάνει δὲ τοῖς προειρημένοις πολλοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="32"> 
+<p> οἱ δὲ στρόμβοι καὶ βασιλέα ἔχουσι, καὶ μάλα γε εὐπειθῶς ἄρχονται. καὶ ὁ μὲν βασιλεὺς οὗτος μεγέθει μέν ἐστι μέγιστος, κάλλιστος δὲ κάλλος. καὶ εἰ μὲν εῖη οἱ καταδῦναι λῷον, ἔδρασε τοῦτο πρώτιστος· εἰ δὲ ἀναδῦναι, καὶ τοῦδε ἄρχει· μετακινουμένῳ δὲ ἕπονται καὶ οἱ λοιποί. ὅστις δʼ ἂν ἕλῃ τόνδε τὸν βασιλέα, ὅτι ἄμεινον πράξει καλῶς οἶδε. καὶ μέντοι καὶ εἴ τις ἴδοι θηρώμενον, εὐθυμότερος ἀπῆλθεν, ὥς τι χρηστὸν καὶ ἐκεῖνος ἕξων. ἐν Βυζαντίῳ δὲ καὶ ἆθλον πρόκειται τῷ θηράσαντι τὸν προειρημένον· διδόασι δὲ οἱ συνθηραταὶ δραχμὴν Ἀττικὴν ἕκαστος τῷ ἑλόντι, καὶ τό γε ἆθλον τοῦτό έστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="33"> 
+<p> τοὺς ἐχίνους ὁ κλύδων κυλίων ἐς τὰ ἔξω καὶ προσαράττων τῷ ξηρῷ τῆς θαλάττης βιαιότατα ἐκβάλλει. τοῦτο τοίνυν ἐκεῖνοι δεδιότες, ὅταν αἴσθωνται <pb xml:id="p.191"/> φρίττον τὸ κῦμα καὶ μέλλον ἁδρότερον ὑπανίστασθαι, ταῖς ἀκάνθαις ἀναιροῦνται λιθίδια, ὅσα εὔκολά ἐστι φέρειν αὐτοῖς, καὶ ἔχουσιν ἕρμα, καὶ οὐ ῥᾳδίως κυλίονται, οὐδὲ πάσχουσιν ὃ δεδοίκασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="34"> 
+<p>ἡ πορφύρα λίχνον ἐστὶν ἰσχυρῶς, καὶ ἔχει γλῶτταν προμηκεστέραν, καὶ διείρει διὰ παντὸς οὗπερ ἂν καὶ δύνηται, καὶ διὰ ταύτης ἕλκει ὅσα ἐσθίει, καὶ διὰ ταύτης δὲ ἁλίσκεται. καὶ ὁ τρόπος τῆς θήρας ἐκεῖνός ἐστι. διαπλέκεται κυρτὶς μικρὰ μέν, πυκνὴ δέ· καὶ ἐντὸς ἔχει στρόμβον, καὶ διεῖρται οὗτος ἐν τῇ κυρτίδι μέσῃ. ἀγώνισμα οὖν τῇ πορφύρᾳ διατεῖναι τὴν γλῶττάν ἐστι καὶ ἐφικέσθαι αὐτοῦ· καὶ ἀνάγκη πᾶσαν αὐτὴν προβάλλειν, εἰ μέλλοι μὴ ἁμαρτήσεσθαι οὗ γλίχεται. καὶ ἐμβαλοῦσα τὴν γλῶτταν ἐκμυζᾷ, εἶτα διῴδησεν αὐτῇ ἡ γλῶττα ὑπὸ πλησμονῆς, καὶ ἐξελκύσαι ἀδύνατός ἐστιν αὖθις. μένει τοίνυν ἁλοῦσα, καὶ ὁ πορφυρεὺς αἰσθόμενος ἐθήρασε δεύτερος τὴν ὑπὸ τῆς λιχνείας προῃρημένην. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="35"> 
+<p>σκολόπενδρα θαλάττιον θηρίον, καὶ τῷ χερσαίῳ ὅσα ἰδεῖν ὁμοιότατόν ἐστιν· εἰ δὲ αὐτῆς προσάψαιτο ἀνθρωπεία σάρξ, ὀδαξᾶταί τε παραχρῆμα καὶ κνησιᾷ, καὶ πάσχει τοιαῦτα, ὁποῖα καὶ ὑπὸ τῆς βοτάνης, ἣν καλοῦσι κνίδην. ποιοῦσι δὲ καὶ ἀκαλῆφαι κνησμονήν, ἀλλὰ οὔπω τοσοῦτον. εἰσὶ δὲ ἐδώδιμοι μᾶλλον διελθούσης ἰσημερίας αἱ ἀκαλῆφαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="36"> 
+<p>ὅταν ὑπὸ τῶν θηρατῶν ὡς ἐν πολέμῳ στρατιῶται τραπῶσιν οἱ ἐλέφαντες καὶ ἐς φυγὴν ὁρμήσωσιν, οὐ φεύγουσι διῃρημένοι οὐδὲ καθʼ ἕνα, ἀλλὰ κοινῇ, καὶ πιέζουσιν ἀλλήλους τῶν συννόμων ἐχόμενοι. καὶ κύκλῳ μὲν οἱ νέοι, ὡς εἰπεῖν, τὸ μαχιμώτατον, ἐν μέσῳ δὲ οἱ γεγηρακότες καὶ αἱ μητέρες, ὑπὸ ταύταις δὲ τὰ πώλια, ἑκάστη τὸ ἴδιον ἀποκρύπτουσα· καὶ <pb xml:id="p.192"/> ὁρῶνταί γε οἵδε οἱ μικροὶ σπανιώτατα. ἀθρόους δὲ αὐτοὺς ἐὰν θεάσωνται καὶ λέοντες, ἢ φεύγουσι προτροπάδην ἢ ἄλλος ἄλλῃ κατέπτηξαν ὡς νεβροί, τοὺς ἐλέφαντας οἱ τέως φοβεροὶ καὶ ἐκπληκτικοὶ καταδείσαντες. οὐκ ἀνθίσταται δὲ τοῖς διώκουσιν ἐλέφας, εἰ μή ποτε ἄρα ὑπὲρ τῶν τέκνων καὶ τῶν νοσούντων. ἐνταῦθα δὲ ἄμαχός ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="37"> 
+<p> Πώρου τοῦ τῶν Ἰνδῶν βασιλέως ὁ ἐλέφας ἐν τῇ πρὸς Ἀλέξανδρον μάχῃ τετρωμένου πολλὰ ἡσυχῆ καὶ μετὰ φειδοῦς τῇ προβοσκίδι ἐξῄρει τὰ ἀκόντια, καὶ μέντοι καὶ αὐτὸς τετρωμένος πολλὰ οὐ πρότερον εἶξε πρὶν ἢ συνεῖναι ὅτι ἄρα ὁ δεσπότης αὐτῷ διὰ τὴν ῥοὴν τοῦ αἵματος τὴν πολλὴν παρεῖται καὶ ἐκθνήσκει. οὐκοῦν ἑαυτὸν ὑπέκλινε, καὶ ὀκλάσας ἔμεινεν, ἵνα μὴ ἄνωθεν πεσὼν ὁ Πῶρος εἶτα μέντοι κακωθῇ τὸ σῶμα ἐπὶ μᾶλλον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="38"> 
+<p> Ὑρκανοῖς καὶ Μάγνησιν οἱ κύνες συνεστρατεύοντο, καὶ ἦν καὶ τοῦτο συμμαχικὸν ἀγαθὸν αὐτοῖς καὶ ἐπικουρικόν. συστρατιώτην δέ τις Ἀθηναῖος ἐν τῇ μάχῃ τῇ ἐν Μαραθῶνι ἐπήγετο κύνα, καὶ γραφῇ εἴκασται ἐν τῇ Ποικίλῃ ἑκάτερος, μὴ ἀτιμασθέντος τοῦ κυνός, ἀλλὰ ὑπὲρ τοῦ κινδύνου μισθὸν εἰληφότος ὁρᾶσθαι σὺν τοῖς ἀμφὶ τὸν Κυνέγειρον καὶ Ἐπίζηλόν τε καὶ Καλλίμαχον. ἔστι δὲ καὶ οὗτοι καὶ ὁ κύων Μίκωνος γράμμα. οἳ δὲ οὐ τούτου, ἀλλὰ τοῦ Θασίου Πολυγνώτου φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="39"> 
+<p> ὅσοι λέγουσι θῆλυν ἔλαφον κέρατα οὐ φύειν, οὐκ αἰδοῦνται τοὺς τοῦ ἐναντίου μάρτυρας, Σοφοκλέα μὲν εἰπόντα <quote rend="blockquote"> <lb/>νομὰς τέ τις κεροῦσσʼ ἀπʼ ὀρθίων πάγων <lb/>καθεῖρπεν ἔλαφος· </quote> <pb xml:id="p.193"/> καὶ πάλιν <quote rend="blockquote"> <lb/>ἄρασα μύξας καὶ κερασφόρους <lb/>στόρθυγγας εἷρφʼ ἕκηλος. </quote> καὶ ταῦτα μὲν ὁ τοῦ Σοφίλλου ἐν τοῖς Ἀλεάδαις· ὁ δὲ Εὐριπίδης ἐν τῇ Ἰφιγενείᾳ <quote rend="blockquote"> <lb/>ἔλαφον δʼ Ἀχαιῶν χερσὶν ἐνθήσω φίλαις <lb/>κεροῦσσαν, ἣν σφάζοντες αὐχήσουσι σὴν <lb/>σφάζειν θυγατέρα. </quote> ἐν δὲ τοῖς Τημενίδαις τὸν Ἡράκλειον ἆθλον κέρατα ἔχειν ὁ αὐτὸς Εὐριπίδης φησί, τὸν τρόπον τόνδε ᾅδων <quote rend="blockquote"> <lb/>ἦλθεν δʼ <lb/>ἐπὶ χρυσόκερων ἔλαφον, μεγάλων <lb/>ἄθλων ἕνα δεινὸν ὑποστάς, <lb/>κατʼ ἔναυλʼ ὀρέων ἀβάτους ἐπί τε <lb/>λειμῶνας ποίμνιά τʼ ἄλση. </quote> ὁ δὲ Θηβαῖος μουσοποιὸς ἔν τινι τῶν ἐπινικίων ὑμνεῖ λέγων <quote rend="blockquote"> <lb/>Εὐρυσθέος ἔντὐ ἀνάγκα πατρόθεν <lb/>χρυσόκερων ἔλαφον θήλειαν ἄξονθʼ. </quote> καὶ Ἀνακρέων ἐπὶ θηλείας φησίν <quote rend="blockquote"> <lb/>οἷά τε νεβρὸν νεοθηλέα <lb/>γαλαθηνόν, ὅς τʼ ἐν ὕλῃ κεροέσσης <lb/>ὑπολειφθεὶς ὑπὸ μητρὸς ἐπτοήθη. </quote> πρὸς δὲ τοὺς μοιχῶντας τὸ λεχθὲν καὶ μέντοι καὶ φάσκοντας δεῖν ἐροέσσης γράφειν ἀντιλέγει κατὰ <pb xml:id="p.194"/> κράτος Ἀριστοφάνης ὁ Βυζάντιος, καὶ ἔμεγε αἱρεῖ τῇ ἀντιλογίᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="40"> 
+<p> ἴδια δὲ ἄρα κυνῶν καὶ ἐκεῖνα εὐνοίας ὑπερβολὴν πᾶσαν ἐκνενικηκότα. πώλῳ μὲν τῷ τῆς τραγῳδίας ὑποκριτῇ ὁ κύων ὁ τρόφιμος αὐτοῦ τεθνεῶτι καὶ καομένῳ ἑαυτὸν συγκατέπρησε τῇ πυρᾷ ἐμπηδήσας. καομένῳ δὲ καὶ Μέντορι σκύλακες Ἐρετρικαὶ ἑαυτὰς συγκατέπρησαν ἑκοῦσαι κοινωνήσασαι τοῦ τέλους. Θεόδωρον δὲ ἄνδρα ψαλτικὴν ἀγαθόν, τὸν μὲν ἐς τὴν σορὸν ἐνέθεσαν οἱ προσήκοντες, κυνίδιον δὲ Μελιταῖον ἑαυτὸ ἐνέβαλεν ἐς τὴν θήκην τοῦ νεκροῦ καὶ συνετάφη. πέπυσμαι δὲ καὶ Αἰθιόπων εἶναι ἔθνος, ἐν ᾧ βασιλεύει κύων, καὶ τῇ ἐκείνου ὁρμῇ πείθονται, κνυζωμένου τε ἴσασιν ὅτι μὴ θυμοῦται, καὶ ὑλακτοῦντος τὴν ὀργὴν συνιᾶσι. τοῦτο εἴ τῳ ἱκανὸς Ἕρμιππος τεκμηριῶσαι, μάρτυρά οἱ τοῦ λόγου ἐπαγόμενος Ἀριστοκρέωνα πειθέτω· ἐμὲ δὲ μὴ λαθὸν εἶτα ἐν καλῷ τῆς μνήμης ἀφίκετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="41"> 
+<p> Λακύδῃ τῷ περιπατητικῷ κτῆμα ἦν χηνός τι χρῆμα θαυμάσιον. ἐφίλει γοῦν τὸν τροφέα ἰσχυρῶς, καὶ βαδίζοντι μὲν συνεβάδιζε, καθημένου δὲ ἀνεπαύετο, οὐκ ἀπελείπετο δὲ αὐτοῦ ἔμβραχυ. ὅνπερ καὶ ἀποθανόντα ὁ Λακύδης ἔθαψε καὶ πάνυ φιλοτίμως, ὥσπερ οὖν ἢ νἱὸν ἢ ἀδελφὸν ἐκεῖνος θάπτων. Πύρρῳ δὲ τῷ Ἠπειρώτῃ ἦν ἐλέφας, ὅσπερ οὖν τὸν ἑαυτοῦ πωλευτὴν οὕτως ἠγάπησεν, ὥστε ἀποθανόντος ἐν Ἄργει τοῦ Πύρρου, ἐκπεσόντος δὲ τοῦ ἐλαύνοντος, οὐ πρότερον ὑπέμεινεν ἀτρεμῆσαι καὶ ἡσυχάσαι πρὶν ἢ ἀνασώσασθαι αὐτὸν ἐκ τῶν πολεμίων καὶ ἐς τὸ φίλιον μεταγαγεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="42"> 
+<p> κακουργίαν δὲ ὀρέως Θαλῆς ὁ Μιλήσιος ἠμύνατο, καταφωράσας πάνυ ἀπορρήτως. ἅλας ἡμίονος <pb xml:id="p.195"/> ἦγε φόρτον, καί ποτε διὰ ποταμοῦ ἰὼν κατὰ τύχην κατώλισθε καὶ περιετράπη. βραχέντες οὖν οἱ ἅλες κατετάκησαν, καὶ κοῦφος ὁ ὀρεὺς γενόμενος ἥσθη· καὶ συνιδὼν ὁπόσον τὸ μεταξὺ ἦν τοῦ μόχθου καὶ τῆς ῥᾳστώνης, τοῦ λοιποῦ τὴν τύχην διδάσκαλον ποιησάμενος, ὃ πρότερον ἄκων ἔπαθεν, εἶτα μέντοι τοῦτο εἰργάζετο ἑκών. ἄλλην δὲ τῷ ὀρεωκόμῳ ἐλαύνειν καὶ ἔξω τοῦ ποταμοῦ ἄπορον ἦν. τοῦτό τοι διηγουμένου ὁ Θαλῆς ὡς ἐπύθετο, σοφίᾳ ἀμύνασθαι τῆς κακουργίας τὸν ὀρέα ᾠήθη δεῖν, καὶ προστάττει ὑπὲρ τῶν ἁλῶν σπογγιαῖς καὶ ἐρίοις ἐπισάξαι αὐτόν. ὃ δὲ τὴν ἐπιβουλὴν οὐκ εἰδὼς κατὰ τὸ σύνηθες ὤλισθε, καὶ ἀναπλήσας ὕδατος τὰ ἐπικείμενα, ᾔσθετο ὅπως οἱ τὸ σόφισμα ἐτράπη ἐπὶ κακόν, καὶ ἐξ ἐκείνου ἡσυχῆ διερχόμενος καὶ κρατῶν τῶν σκελῶν ἀπαθεῖς τοὺς ἅλας διεφύλαττεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="43"> 
+<p>πυνθάνομαι δὲ ἐν τῇ Ἀντιόχου πόλει τῇ Σύρων πρᾶον γενέσθαι ἐλέφαντα, ἰόντα τε αὐτὸν ἐπὶ τὰς νομὰς στεφανόπωλιν γυναῖκα ὁρᾶν ἡδέως, καὶ προσεστάναι αὐτῇ καὶ τῇ προβοσκίδι τὸ πρόσωπον τῆς ἀνθρώπου καθαίρειν. δέλεαρ δὲ ἄρα ἐκείνη καθίει τοῦ φίλτρου αὐτῷ στέφανον ἐκ τῶν καθʼ ὥραν πλεκόμενον, καὶ τῷ μὲν ὁσημέραι λαμβάνειν ἔργον ἦν, τῇ δὲ διδόναι. χρόνῳ δὲ ὕστερον ἡ μὲν ἄνθρωπος τὸν βίον κατέστρεψεν, ὁ δὲ ἐλέφας τῆς συνηθείας διαμαρτάνων καὶ οὐχ ὁρῶν ἣν ἐπόθει γυναῖκα, ὥσπερ οὖν ἐραστὴς ἐρωμένης ἀτυχῶν ἐξηγριώθη· καὶ ὁ τέως πραότατος ὢν ἐς θυμὸν ἐξήφθη ὥσπερ οὖν καὶ τῶν ἀνθρώπων οἱ ἄγαν ὑπὸ τῆς λύπης ἐπικλυσθέντες καὶ ἔκφρονες γεγενημένοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="44"> 
+<p>τὸν ἥλιον ἀνίσχοντα προσκυνοῦσιν ἐλέφαντες, τὰς προβοσκίδας εὐθὺ τῆς ἀκτῖνος ὡς χεῖρας ἀνατείνοντες, <pb xml:id="p.196"/> ἔνθεν τοι καὶ τῷ θεῷ φιλοῦνται. μάρτυς ἀγαθὸς ὁ Φιλοπάτωρ ἡμῖν Πτολεμαῖος ἔστω. ἡ μὲν κατὰ Ἀντιόχου νίκη σὺν αὐτῷ ἐγένετο, θύων δὲ ἐπινίκια καὶ ἱλεούμενος τὸν Ἥλιον ὁ Πτολεμαῖος τῇ τε ἄλλῃ μεγαλοπρεπῶς ἔθυσεν καὶ οὖν καὶ τέτταρας ἐλέφαντας μεγέθει μεγίστους παρέστησεν ἱερεῖα, ὥς γε ᾤετο, καὶ ταύτῃ τῇ θυσίᾳ γεραίρων ἐκεῖνος τὸ θεῖον. ἐνύπνιον δὲ αὐτὸν διετάραξεν, ὡς ἀπειλοῦντος τοῦ θεοῦ ἐπὶ τῇ ἀήθει τε καὶ ξένῃ θυσίᾳ· καὶ δείσας ἐκεῖνος χαλκοῦς τέτταρας ποιησάμενος ἀνῆψε τῷ θεῷ ὑπὲρ τῶν ἀνῃρημένων ἱλεούμενός τε καὶ εὐμενιζόμενος αὐτόν. ἐλέφαντες μὲν οὖν θεοὺς προσκυνοῦσιν, οἱ δὲ ἄνθρωποι ἆρά γε εἰσὶ θεοὶ καὶ ὄντες εἰ φροντίζουσιν ἡμῶν διαποροῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="45"> 
+<p> οἱ ἐν τῇ Αἰγύπτῳ ἱερεῖς ἑαυτοὺς περιρραίνουσιν οὐ παντὶ ὔδατι, οὐ μὴν οὐδὲ τῷ παρατυχόντι, ἀλλὰ ἐκείνῳ ἐξ οὗ πεπιστεύκασιν ὅτι ἄρα ἶβις πέπωκεν. ἴσασι γὰρ κάλλιστα ὅτι μήποτʼ ἂν πίοι ὕδατος ἐκείνη ῥυπαροῦ καὶ λελυμασμένου ἔκ τινων φαρμάκων· ἔχειν γάρ τι πιστεύουσιν ἐν ἑαυτῷ τὸ ζῷον καὶ μαντικῆς, ἅτε ἱερόν. ἐλέφαντας δὲ ἀκούω τῶν τετρωμένων τοὺς ἀτρώτους πεφεισμένως ἐξαιρεῖν καὶ ξυστὰ καὶ ἀκόντια, ὥσπερ οὖν χειρουργίας ἐπιστήμονας καὶ μαθόντας τὴν ἐν τοῖσδε σοφίαν. οὕτω δὲ ἄρα ἦν διὰ σπουδῆς τοῖς ἄνω τοῦ χρόνου καὶ τὰ ἄλογα. ἔχαιρε μὲν ἀκούων Λἰετὸς ὁ Ἠπειρώτης Πύρρος, ὃ δὲ τὸ δὴ λεγόμενον Ἱέραξ ὁ Ἀντίοχος. διάφορα μὲν δὴ ταῦτα καὶ ἀθρόα εἴρηται, τῷ συνιέντι μαθεῖν ἄξια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="46"> 
+<p> Μιθριδάτης ὁ Ποντικὸς τὴν ἑαυτοῦ φρουρὰν καθεύδων ἐπίστευεν ἧττον καὶ τοῖς ὅπλοις καὶ τοῖς <pb xml:id="p.197"/> δορυφόροις, καὶ διὰ τοῦτο ἡμερωθέντας εἶχε φύλακας ταῦρον καὶ ἵππον καὶ ἔλαφον. καθεύδοντα οὖν ἐφρούρουν αὐτὸν οἵδε οἱ θῆρες, εἴ τις προσίοι τάχιστα ἐκ τῆς ἀναπνοῆς αἰσθανόμενοι. καὶ ὃ μὲν τῷ μυκήματι, ὃ δὲ τῷ χρεμετίσματι, ὃ δὲ τῇ μηκῇ διύπνιζον αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="47"> 
+<p>τῶν ἀγρίων ζῴων τὰ ἔκγονα τὰ νέα διαφόρως ὀνομάζεται, καὶ τά γε πλείω διπλῆν τὴν ἐπωνυμίαν ἔχει. λεόντων γοῦν σκύμνοι καὶ λεοντιδεῖς ὀνομάζονται, ὡς Ἀριστοφάνης ὁ Βυζάντιος μαρτυρεῖ, παρδάλεων δὲ σκύμνοι τε καὶ ἄρκηλοι· εἰσὶ δὲ οἵ φασι γένος ἕτερον τῶν παρδάλεων τοὺς ἀρκήλους εἶναι. θώων δὲ μόνοι σκύμνοι φιλοῦσι καλεῖσθαι, καὶ τίγρεων ὁμοίως, καὶ μυρμήκων δὲ καὶ πανθήρων. ἔοικε δὲ καὶ τὰ τῶν λυγκῶν ἔκγονα ὁμοίως ὀνομάζεσθαι. ἐν γοῦν τοῖς Λάσου λεγομένοις Διθυράμβοις οὕτως εὑρίσκεται εἰρημένον τὸ βρέφος τὸ τῆς λυγκός. πιθήκων δὲ ἀκούομεν σκύμνους τε καὶ πιθηκιδεῖς τοὺς αὐτούς, βουβαλίδων δὲ πώλους· εἰ δὲ καὶ ὀρύγων, οὐκ ἂν θαυμάσαιμι, ὁ αὐτὸς Ἀριστοφάνης φησί. κυνῶν δὲ καὶ λύκων σκύλακες καλοῖντο ἄν, ἦ δʼ ὅς· ἤδη δὲ καὶ λυκιδεῖς καλοῦνται οἱ τῶν λύκων, ὁ δὲ τέλειος καὶ μέγιστος καλοῖτο ἂν μονόλυκος. τῶν γε μὴν λαγῶν λαγιδεῖς· ὁ δὲ τέλειος, πτῶκα αὐτὸν φιλοῦσιν ὀνομάζειν οἱ ποιηταί, ταχίναν δὲ Λακεδαιμόνιοι. ἀλωπέκων δὲ τὰ ἔκγονα ἀλωπεκιδεῖς κέκληνται· αὐτὴ δὲ ἡ μήτηρ καὶ κερδὼ καὶ σκαφώρη καὶ σκινδαφός. τῶν δὲ ἀγρίων ὑῶν τὰ τέκνα μολόβρια ὀνομάζουσιν· ἀκούσειας δʼ ἂν τοῦ Ἱππώνακτος καὶ αὐτὸν τὸν ὗν μολοβρίτην που λέγοντος. καλοῦνται δὲ καὶ τῶν ὑῶν μονίαι τινές. τάς γε μὴν δορκάδας καὶ ζόρκας καὶ πρόκας εἰώθασιν ὀνομάζειν. τῶν δὲ <pb xml:id="p.198"/> ὑστρίχων καὶ τῶν τοιούτων τὰ ἔκγονα ὄβρια καλεῖται· καὶ μέμνηταί γε Εὐριπίδης ἐν Πελιάσι τοῦ ὀνόματος καὶ Αἰσχύλος ἐν Ἀγαμέμνονι καὶ Δικτυουλκοῖς. τὰ δὲ τῶν ὀρνίθων καὶ τὰ τῶν ὄφεων καὶ τὰ τῶν κροκοδείλων ἔνιοι καὶ ψακάλους καλοῦσιν, ὧν εἰσι καὶ Θετταλοί. τὰ δὲ πρόσφατα ὀρνύφια ὀρταλίχους, ἀλεκτρυόνων τε νεοττοὺς ἀλεκτοριδεῖς λέγουσι, καὶ αὖ πάλιν χηνιδεῖς καὶ χηναλωπεκιδεῖς καὶ τὰ τούτοις ὅμοια κατὰ τὰ αὐτὰ σχηματίζουσιν. Ἀχαῖος δὲ ὁ τῆς τραγῳδίας ποιητὴς τὸν νεοττὸν τῆς χελιδόνος μόσχον ὠνόμασεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:7" n="48"> 
+<p> μνήμην δὲ παρακολουθεῖν καὶ τοῖς ζῴοις, καὶ ἴδιον αὐτῶν καὶ τοῦτο εἶναι χωρὶς τῆς ἐς αὐτὴν τέχνης τε καὶ σοφίας, ἣν τερατευόμενοί τινες ἐπινοῆσαι κομπάζουσι, τεκμηριοῖ καὶ ἐκεῖνα. τὸν δεσπότην ὄντα τῶν ἐκ τῆς Ῥωμαίων βουλῆς ἀπέδρα Λ̓νδροκλῆς ὄνομα, οἰκέτης τὴν τύχην, ὅ τι κακουργήσας καὶ ἡλίκον οὐκ οἶδα εἰπεῖν. ἧκε δʼ οὖν ἐς τὴν Λιβύην, καὶ τὰς μὲν πόλεις ἀπελίμπανε, καὶ τοῦτο δὴ τὸ λεγόμενον ἄστροις αὐτὰς ἐσημαίνετο, προῄει δὲ ἐς τὴν ἐρήμην. φρυγόμενος δὲ ὑπὸ πολλῆς καὶ διαπύρου τῆς ἀκτῖνος, ἀσμένως ὕπαντρόν τινα πέτραν ὑποδραμὼν ἡσύχαζε· λέοντος δὲ ἄρα κοίτη ἥδε ἡ πέτρα ἦν. ἐπάνεισι τοίνυν ἐκ θήρας ὁ λέων, σκόλοπι βιαίῳ περιπαρεὶς καὶ κολαζόμενος, καὶ ἐντυχὼν τῷ νεανίᾳ εἶδεν αὐτὸν πράως, καὶ σαίνειν ἤρξατο, καὶ προύτεινε τὸν πόδα, καὶ ἐδεῖτο ὡς ἠδύνατο ἐξαιρεθῆναι τὸν σκόλοπα. ὃ δὲ τὰ μὲν πρῶτα κατέπτηξεν· ἐπεὶ δὲ πρᾶον τὸν θῆρα ἐθεάσατο καὶ τὸ κατὰ τὸν πόδα συνεῖδε πάθος, ἐξεῖλε τὸ λυποῦν τοῦ ποδός, καὶ τῆς ὀδύνης ἀπήλλαξεν. ἡσθεὶς οὖν τῇ θεραπείᾳ ὁ λέων ἰατρεῖά οἱ ἐκτίνων ξένον τε ἐνόμιζε καὶ φίλον, καὶ <pb xml:id="p.199"/> ὧν ἐθήρα ἐκοινώνει. καὶ ὃ μὲν ἐσιτεῖτο ὠμὰ ᾗ λεόντων νόμος, ὃ δὲ ἑαυτῷ ὤπτα· καὶ κοινῆς ἀπέλαυον τραπέζης κατὰ φύσιν τὴν αὑτοῦ ἑκάτερος. καὶ τριῶν μὲν ἐτῶν τὸν τρόπον τοῦτον διεβίωσεν ὁ Ἀνδροκλῆς· εἶτα ὑπεράγαν κουριῶν καὶ ὀδαξησμῷ βιαίῳ κατειλημμένος τὸν μὲν λέοντα ἀπολιμπάνει, ἑαυτὸν δὲ μεθίησι τῇ τύχη. εἶτα ἀλώμενον αὐτὸν συλλαβόντες καὶ ὅτου εἴη πυθόμενοι ἐς τὴν Ῥώμην τῷ δεσπότῃ δήσαντες ἀποπέμπουσιν. ὃ δὲ ἐφʼ οἷς ἠδικήθη εὐθύνει τὸν οἰκέτην, καὶ κατεγνώσθη ἐκεῖνος θηρίοις βορὰ παραδοθῆναι. ἐθηράθη δέ πως καὶ ὁ Λίβυς ἐκεῖνος λέων καὶ ἀφείθη ἐν τῷ θεάτρῳ, καὶ ὁ νεανίας δὲ ὡς ἀπολούμενος ὅ ποτε αὐτῷ ἐκείνῳ τῷ λέοντι σύνοικός τε καὶ σύσκηνος γεγενημένος. καὶ ὁ μὲν ἄνθρωπος οὐκ ἐγνώρισε τὸν θῆρα, ἐκεῖνος δὲ παραχρῆμα ἀνέγνω τὸν ἄνθρωπον, καὶ ἔσαινεν αὐτόν, καὶ ὑποκλίνας τὸ πᾶν σῶμα ἔρριπτό οἱ παρὰ τοῖς ποσίν. ὀψὲ δὲ καὶ ὁ Ἀνδροκλῆς ἐγνώρισε τὸν ἑαυτοῦ ξένον, καὶ περιλαβὼν τὸν λέοντα ὡς ἥκοντα ἑταῖρον ἐξ ἀποδημίας κατησπάζετο. ἐπεὶ δὲ ἐδόκει γόης, ἐφείθη οἱ καὶ πάρδαλις. ὁρμώσης δὲ αὐτῆς ἐπὶ τὸν Ἀνδροκλέα, ὁ λέων ἀμύνων τῷ ποτε ἰασαμένῳ, καὶ κοινῆς τραπέζης μεμνημένος διασπᾷ τὴν πάρδαλιν. οἷα τοίνυν εἰκὸς οἱ θεώμενοι ἐκπλήττονται, καὶ ὁ διδοὺς τὰς θέας καλεῖ τὸν Ἀνδροκλέα, καὶ τὸ πᾶν μανθάνει. καὶ θροῦς ἐς τὸ πλῆθος διαρρεῖ, καὶ τὸ σαφὲς ὁ δῆμος μαθόντες ἐλευθέρους ἐκβοῶσιν ἀφεῖσθαι καὶ τὸν ἄνδρα καὶ τὸν λέοντα. ἴδιον δὴ τῶν ζῴων καὶ ἡ μνήμη. καὶ συνῳδὸν τοῖς προειρημένοις καὶ ἐς τὸ αὐτὸ δέ ἐστιν εὕδοντος ἐν τῇ Σάμῳ ἐπὶ τοῦ κεχηνότος Διονύσου νομίζοιτο ἂν καὶ τὸ φωλιὸν εἰδέναι. καὶ <pb xml:id="p.200"/> τοῦτο ἀκουέτω Ἐρατοσθένους τε καὶ Εὐφορίωνος καὶ ἄλλων περιηγουμένων αὐτό.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="8"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="1"> 
+<p>Ἰνδικοὶ λόγοι διδάσκουσιν ἡμᾶς καὶ ἐκεῖνα. τὰς κύνας ἄγουσιν ἐς τὰ ἔνθηρα χωρία οἱ θηρατικοὶ τὰς εὐγενεῖς τε καὶ ἴχνη καταγνῶναι θηρίων ἀγαθὰς καὶ ὠκίστας ἐς δρόμον, καὶ τοῖς δένδροις προσδήσαντες εἶτα μέντοι ἀπαλλάττονται, τοῦτο δήπου τὸ λεγόμενον ἀτεχνῶς κύβον ἀναρρίψαντες. οἱ δὲ τίγρεις ἐντυχόντες αὐταῖς, ἀθηρίᾳ μὲν καὶ λιμῷ συμπεσόντες διασπῶσιν αὐτάς· ἐὰν δὲ ὀργῶντες ἀφίκωνται καὶ κεκορεσμένοι, συμπλέκονταί τε αὐταῖς καὶ τῆς ἀφροδίτης ἐν πλησμονῇ καὶ ἐκεῖνοι μέμνηνται. ἐκ δὲ τῆς ὁμιλίας ταύτης οὐ κύων φασὶν ἀλλὰ τίγρις τίκτεται. ἐκ δὲ τούτου καὶ κυνὸς θηλείας ἔτι τίγρις τεχθείη ἄν, ὁ δὲ ἐκ τούτου καὶ κυνὸς ἐς τὴν μητέρα ἀποκρίνεται, καὶ κατώλισθεν ἡ σπορὰ πρὸς τὸ χεῖρον, καὶ κύων τίκτεται. πρὸς ταῦτα Ἀριστοτέλης οὐκ ἀντιφήσει. οὗτοι δὲ ἄρα οἱ κύνες, οἷς πάρεστι πατέρα αὐχεῖν τίγριν, ἔλαφον μὲν θηρᾶσαι ἢ συὶ συμπεσεῖν ἀτιμάζουσι, χαίρουσι δὲ ἐπὶ τοὺς λέοντας ᾅττοντες καὶ τοὺς ἄνω τοῦ γένους ἀποδεικνύντες ἐντεῦθεν. Ἀλεξάνδρῳ γοῦν τῷ Φιλίππου πεῖραν ἔδοσαν οἱ Ἰνδοὶ τῆς τῶν κυνῶν τῶνδε ἀλκῆς τὸν τρόπον τοῦτον. ἀφῆκαν ἔλαφον, καὶ ὁ κύων ἡσύχαζεν· εἶτα σῦν, ὃ δὲ ἀτρεμῶν κατέμενεν· καὶ ἄρκτον ἐπὶ τούτοις, καὶ ἔκνιζεν αὐτὸν ἡ ἄρκτος οὐδὲ ἕν· λέοντος δὲ ἀφεθέντος, ὃ δὲ ὡς εἶδʼ ὥς μιν μᾶλλον ἔδυ χόλος, καὶ <pb xml:id="p.201"/> οἷα δήπου θεασάμενος τὸν ὄντως ἀντίπαλον οὔτε ἤμελλεν οὔτε ἠτρέμει, ἀλλʼ ᾅξας ἐπʼ αὐτὸν εἶτα μέντοι καρτερᾷ τῇ λαβῇ εἴχετο πιέζων καὶ ἄγχων. ὁ τοίνυν Ἰνδὸς ὁ τὴν θέαν τῷ βασιλεῖ τήνδε παρέχων κάλλιστα εἰδὼς τοῦ κυνὸς τὸ καρτερικόν, προσέταξέν οἱ τὴν οὐρὰν ἀποκοπῆναι. καὶ ἣ μὲν ἀπεκόπτετο, ὃ δὲ οὐκ ἐφρόντιζε. προσέταξεν οὖν ὁ Ἰνδὸς καὶ τῶν σκελῶν ἓν ἀποκόψαι, καὶ ἀπεκόπη· ὃ δὲ ὡς ἐξ ἀρχῆς ἐνέφυ εἴχετο, καὶ οὐκ ἀνίει, ὥσπερ οὖν ἀλλοτρίου κοπτομένου σκέλους καὶ ὀθνείου. καὶ ἄλλο ἀπεκόπτετο, καὶ τὸ δῆγμα ὁ κύων οὐ κατελίμπανε· καὶ τρίτον ἕτερον, ὃ δὲ εἴχετο· καὶ τὸ τέταρτον ἐπʼ ἐκείνοις, καὶ ἦν ἐγκρατὴς τοῦ δήγματος ἔτι. καὶ τελευτῶντες τῆς κεφαλῆς τὸ λοιπὸν σῶμα ἀφεῖλον· ὀδόντες δὲ ἐκείνῳ ἤρτηντο τῆς ἐξ ἀρχῆς ἀντιλαβῆς, καὶ ἡ κεφαλὴ ᾐωρεῖτο μετέωρος ἐκ τοῦ λέοντος, αὐτοῦ μέντοι τοῦ δακόντος οὐκέτι ὄντος. Ἀλέξανδρος οὖν ἐνταῦθα ἠνιᾶτο, τὸν κύνα ἐκπλαγεὶς ὅτι ἄρα πεῖραν ἑαυτοῦ δοὺς εἶτα ἀπωλώλει, τὸ ἐναντίον τοῖς δειλοῖς παθών, θάνατον δὲ ὑπὲρ τῆς ἀνδρείας ἠλλάξατο. ἰδὼν οὖν ὁ Ἰνδὸς αὐτὸν ἀνιώμενον, τέτταρας ὁμοίους ἐκείνῳ κύνας ἔδωκέν οἱ. ὃ δὲ ἥσθη λαβὼν καὶ ἀντέδωκεν ὁποῖα ἦν εἰκός, καὶ τῆς γε ἐπὶ τῷ πρώτῳ λύπης ἔλαβε λήθην ὁ τοῦ Φιλίππου παῖς λαβὼν τοὺς τέτταρας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="2"> 
+<p>κύων ἀγρευτικὸς ἅπας αὐτὸς μὲν λαβὼν θηρίον ἥδεται, καὶ κέχρηται τῇ ἄγρᾳ ὡς ἄθλῳ, ἐὰν αὐτῷ συγχωρήσῃ ὁ δεσπότης· εἰ δὲ μή, φυλάττει ζῶντα ἔστʼ ἂν ὁ θηρατὴς ἀφίκηται καὶ κρίνῃ γε ὑπὲρ τοῦ ληφθέντος ὅ τι καὶ ἐθέλει. νεκρῷ δὲ ἐντυχὼν ἢ λαγῷ ἢ συὶ οὐκ ἂν ἅψαιτο, τοῖς ἀλλοτρίοις ἑαυτὸν πόνοις οὐκ ἐπιγράφων, οὐδὲ ἀξιῶν σφετερίσασθαι τὰ <pb xml:id="p.202"/> προσήκοντά οἱ ἥκιστα. ἔοικε δὲ ἐκ τούτων ἔχειν τι καὶ φιλοτιμίας ἐν ἑαυτῷ φυσικῆς· μὴ γὰρ δεῖσθαι κρεῶν, ἀλλὰ νίκης ἐρᾶν. ἀκοῦσαι δὲ ἄξιον ὅ τι καὶ δρᾷ παρὰ τὸν τῆς θήρας καιρὸν ὁ κύων ὁ θηρατικός. προηγεῖται τοῦ κυνηγέτου ἱμάντι μακρῷ προσημμένος, καὶ ῥινηλατεῖ τῆς φωνῆς ἔχων ἐγκρατῶς. καὶ ἐς ὅσον μὲν ἀθηρία ἀπαντᾷ αὐτῷ καὶ οὐδενὶ ἐντυγχάνει, πρόεισιν ὅσα ἰδεῖν καὶ τεκμήρασθαι κατηφέστερος, καὶ μέντοι καὶ ἐς τὸ πρόσω ἰὼν ἐπάγεται τὸν θηρατὴν προθύμως τε καὶ καρτερικῶς εὖ μάλα ὁ κύων· εἰ δὲ ἰχνεύσειε καὶ ὀσμῇ τινι προσπέσοι θηρίου, ἐνταῦθα ἕστηκεν. ὁ δὲ κυνηγέτης ἔρχεται πλησίον, καὶ ὁ κύων περιχαρὴς τῇ εὐερμίᾳ ὢν αἰκάλλει τὸν δεσπότην καὶ φιλεῖ τὼ πόδε, καὶ πάλιν τῆς ἐξ ἀρχῆς ἰχνεύσεως ἔχεται, καὶ πρόεισι βάδην ἔστʼ ἂν ἀφίκηται πρὸς τὴν κοίτην, καὶ περαιτέρω οὐ πρόεισι. συνῆκεν οὖν ὁ θηρατής, καὶ ὑποθωΰξας σημαίνει τοῖς ἀρκυωροῖς· οἳ δὲ περιβάλλουσι τὰς ἄρκυς. καὶ ἐνταῦθα τοῦ καιροῦ ὑλάκτησεν ὁ κύων· νοεῖ δὲ αὐτῷ τηνικαῦτα ἡ βοὴ ἐς ἀνάστασιν τὸν σῦν ὑποθῆξαι, ἵνα ἐκπέσῃ φεύγων καὶ τοῖς δικτύοις καταληφθῇ. ἁλόντος δὲ τοῦ θηρός, ὃ δὲ ἐπινίκιόν τινα οἱονεὶ παιᾶνα ἐκβοᾷ, καὶ γέγηθε καὶ σκιρτᾷ, ὥσπερ οὖν ἐχθροὺς ὁπλῖται νενικηκότες. ταῦτα ἐπὶ συῶν καὶ ἐλάφων δρῶσιν οἱ κύνες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="3"> 
+<p> χάριν δὲ ἄρα καὶ δελφῖνες ἀποδοῦναι τῶν ἀνθρώπων ἦσαν δικαιότεροι, καὶ τῷ νόμῳ τῶν Περσῶν ὃν ἐπαινεῖ καὶ Ξενοφῶν οὐκ ἐνέχονται. ὃ δὲ λέγω τοιοῦτόν ἐστι. κοίρανος ὄνομα, τὸ γένος ἐκ Πάρου, δελφίνων τινῶν ἐν Βυζαντίῳ βόλῳ περιπεσόντων καὶ ἑαλωκότων, δοὺς ἀργύριον οἱονεὶ λύτρα τοῖς ἠγρευκόσιν ἀφῆκεν αὐτοὺς ἐλευθέρους, ἀνθʼ ὧν <pb xml:id="p.203"/> τὴν χάριν ἀπείληφεν. ἔπλει γοῦν ποτε πεντηκόντορον ἔχων, ὡς λόγος, Μιλησίους τινὰς ἄγουσαν ἄνδρας, ἐν δὲ τῷ μεταξὺ Νάξου καὶ Πάρου πορθμῷ τῆς νεὼς ἀνατραπείσης καὶ τῶν ἄλλων διαφθαρέντων, τὸν Κοίρανον ἔσωσαν δελφῖνες, ὑπὲρ ἧς φθάσαντες εἶχον εὐεργεσίας τὴν ἴσην ἀντιδιδόντες. καὶ ἔνθα ἐξενήξαντο ὀχοῦντες αὐτὸν ἄκρα δείκνυται καὶ ὕπαντρος πέτρα, καὶ καλεῖται ὁ χῶρος Κοιράνειος. χρόνῳ δὲ ὕστερον τεθνεῶτα τόνδε τὸν Κοίρανον θαλάττης πλησίον ἔκαον. εἶτα μέντοι αἰσθόμενοί ποθεν οἱ δελφῖνες ἠθροίσθησαν, ὥσπερ οὖν ἐπὶ τὸ κῆδος ἥκοντες, καὶ ἐς ὅσον ἡ πυρὰ ἐνήκμαζε καομένη, παρέμειναν ὡς φίλῳ φίλος πιστός· εἶτα μέντοι κατασβεσθείσης οἳ δὲ ἀπενήξαντο. ἄνθρωποί γε μὴν ζῶντάς τε καὶ πλουτοῦντας καὶ εὖ πράττειν δοκοῦντας θεραπεύουσι, νεκροὺς δὲ ἀποστρέφονται ἢ καὶ δυστυχοῦντας, ἵνα μή τινα ἐκτίσωσιν εὖ παθόντες χάριν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="4"> 
+<p>ἦσαν δὲ ἄρα καὶ ἰχθύες πρᾶοί τε ἅμα καὶ χειροήθεις καὶ οἷοι καλούμενοί τε ὑπακούειν καὶ διδόντων τροφὰς ἑτοίμως δέχεσθαι, ὥσπερ οὖν ἡ ἐν Ἀρεθούσῃ ἱερὰ ἔγχελυς. τὴν Κράσσου τε τοῦ Ῥωμαίου μύραιναν ᾅδουσιν, ἥπερ οὖν καὶ ἐνωτίοις καὶ ὁρμίσκοις διαλίθοις ἐκεκόσμητο, οἷα δήπου ὡραία κόρη, καὶ καλοῦντος τοῦ Κράσσου τὸ φώνημα ἐγνώριζε, καὶ ἀνενήχετο, καὶ ὀρέγοντος ὅ τι οὖν ἣ δὲ ἤσθιε προθύμως καὶ ἑτοίμως λαμβάνουσα. ταύτην τοι καὶ ἔκλαυσεν ὁ Κράσσος, ὡς ἀκούω, τὸν βίον καταστρέψασαν, καὶ ἔθαψε. καί ποτε Δομετίου πρὸς αὐτὸν εἰπόντος ʽὦ μωρέ, μύραιναν ἔκλαυσας τεθνεῶσανʼ, ὃ δὲ ὑπολαβὼν ʽἐγὼ θηρίονʼ ἔφατο, ʽσὺ δὲ τρεῖς γυναῖκας θάψας οὐκ ἔκλαυσασʼ. <pb xml:id="p.204"/> Αἰγυπτίων δὲ ἀκούω λεγόντων τοὺς ἱεροὺς κροκοδείλους εἶναι πράους, καὶ τῶν γε θεραπευτήρων ἐπιψαυόντων καὶ ἐπαφωμένων ὑπομένειν καὶ κούφως φέρειν, καὶ κεχηνέναι καθιέντων ἐκείνων τὰς χεῖρας </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="5"> 
+<p> καὶ τοὺς ὀδόντας σφίσι καθαιρόντων καὶ τὰ ἐσδυόμενα τῶν σαρκίων ἐξαιρούντων. ἤδη μέντοι καὶ μαντικῆς μετειληχέναι τοὺς προειρημένους κροκοδείλους Αἰγύπτιοί φασι, καὶ τὸ μαρτύριον ἐκεῖνο προάγονται. Πτολεμαίου ʽὁπόστος δὲ ἦν οὗτος ἐκείνους ἔρεσθἐ καλοῦντος τὸν πραότατον τῶν κροκοδείλων μὴ ὑπακοῦσαί φασι καὶ τροφὰς ὀρέγοντος μὴ προσίεσθαι· συνεῖναι δὲ τοὺς ἱερέας ὅτι τὸ τέλος τῷ Πτολεμαίῳ προσιὸν εἰδὼς ὁ κροκόδειλος εἶτα μέντοι τὴν ἐξ αὐτοῦ τροφὴν ἠτίμασε λαβεῖν. οἰωνοῖς μαντευομένους ἀκούω τινὰς καὶ ἐπʼ ὄρνισι καθημένους ἐξετάζειν πτήσεις τε αὐτῶν καὶ ἕδρας. καὶ ᾅδονταί γε ἐπὶ ταύτῃ τῇ σοφίᾳ Τειρεσίαι τε καὶ Πολυδάμαντες καὶ Πολύειδοι καὶ Θεοκλύμενοι καὶ ἄλλοι πολλοί. σπλάγχνων δὲ ἄρα θέσεις καταγνῶναι δεινοὶ ἦσαν καὶ Σιλανοὶ καὶ Μεγιστίαι καὶ Εὐκλεῖδαι καὶ ἐπὶ τούτοις πολὺς κατάλογος. ἀκούω μέντοι τινῶν λεγόντων ὅτι καὶ ἀλφίτοις μαντεύονταί τινες καὶ κοσκίνοις καὶ τυρίσκοις. πέπυσμαι δὲ καὶ κώμην τινὰ Λυκιακὴν μεταξὺ Μύρων καὶ Φελλοῦ, Σοῦρα ὄνομα, ἐν ᾗ μαντεύονταί τινες ἐπʼ ἰχθύσι καθήμενοι, καὶ ἴσασιν ὅ τι καὶ νοεῖ ἥ τε ἄφιξις αὐτῶν κληθέντων καὶ ἡ ἀναχώρησις, καὶ ὅταν μὴ ὑπακούσωσι τί δηλοῦσι, καὶ ὅταν ἔλθωσι πολλοὶ τί σημαίνουσιν. ἀκούσει δὲ τὰ μαντικὰ τῶν σοφῶν ταῦτα καὶ πηδήσαντος ἰχθύος καὶ ἀναπλεύσαντος ἐκ βυθοῦ καὶ τροφὴν προσεμένου καὶ αὖ πάλιν μὴ λαβόντος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="6"> 
+<p> ἦν δὲ ἄρα εὐχείρωτα καὶ αἱρεῖν ῥᾷστα ὄνοι μὲν <pb xml:id="p.205"/> τοῖς λύκοις, τοῖς μέροψι δὲ αἱ μέλιτται, ταῖς γε μὴν χελιδόσιν οἱ τέττιγες, τοῖς δὲ ἐλάφοις οἱ ὄφεις. ἡ πάρδαλις δὲ αἱρεῖ τῇ ὀσμῇ τὰ πλεῖστα, καὶ ἔτι μᾶλλον τὸν πίθηκον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="7"> 
+<p>Μεγασθένους ἀκούω λέγοντος περὶ τὴν τῶν Ἰνδῶν θάλατταν γίνεσθαί τι ἰχθύδιον, καὶ τοῦτο μὲν ὅταν ζῇ ἀθέατον εἶναι, κάτω που νηχόμενον καὶ ἐν βυθῷ, ἀποθανὸν δὲ ἀναπλεῖν. οὗ τὸν ἁψάμενον ἐκθνήσκειν τὰ πρῶτα, εἶτα μέντοι καὶ ἀποθνήσκειν. τὸν δὲ χέλυδρον πατήσας τις καὶ εἰ μὴ δηχθείη, ὡς Ἀπολλόδωρός φησιν ἐν τῷ Θηριακῷ λόγῳ, ἀποθνήσκει πάντως· ἔχειν γάρ τι σηπτικὸν καὶ τὴν μόνην τοῦ ζῴου ἐπίψαυσιν λέγει. καὶ μέντοι καὶ τὸν πειρώμενον θεραπεύειν καὶ ἐπικουρεῖν ἁμωσγέπως τῷ ἀποθνήσκοντι φλυκταίνας ἴσχειν ἐν ταῖς χερσίν, ἐπεὶ μόνον τοῦ πατήσαντος προσέψαυσεν. Ἀριστόξενος δέ πού φησιν ἄνδρα ταῖς χερσὶν ὄφιν τινὰ ἀποκτεῖναι καὶ μὴ δηχθέντα ὅμως ἀποθανεῖν· καὶ τὴν ἐσθῆτα δὲ αὐτοῦ, ἣν ἔτυχε φορῶν ὅτε τὸν ὄφιν ἀνῄρει, καὶ ἐκείνην σαπῆναι οὐ μετὰ μακρόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="8"> 
+<p>Ἀμφισβαίνης δὲ τὴν δορὰν βακτηρίᾳ περικειμένην ἐλαύνειν λέγει Νίκανδρος τοὺς ὄφεις πάντας καὶ τὰ ἄλλα ζῷα, ὅσα μὴ δακόντα μὲν παίσαντα δὲ ἀναιρεῖ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="9"> 
+<p>κύων ὑπὸ πλήθους ὀχλούμενος οἶδε πόαν ἐν ταῖς αἱμασιαῖς φυομένην, ἧσπερ οὖν γευσάμενος ἐμεῖ πᾶν τὸ λυποῦν μετὰ φλέγματος καὶ χολῆς, ὑποχωρεῖ δὲ αὐτῷ καὶ τῶν σκυβάλων πάμπολλα, καὶ πορίζει σωτηρίαν ἑαυτῷ, δεηθεὶς ἰατρῶν συμμάχων οὐδὲ ἕν. καὶ μελαίνης μέντοι χολῆς ἐκκρίνει πλῆθος, ἥπερ οὖν μείνασα λύτταν ἐργάζεται κυσὶ νόσημα ἀργαλέον. ἑλμίνθων δὲ πεπληρωμένοι τοῦ σίτου τοὺς <pb xml:id="p.206"/> ἀθέρας ἐσθίουσιν, ὡς Ἀριστοτέλης λέγει. τρωθέντες δὲ ἔχουσι τὴν γλῶτταν φάρμακον, ᾗπερ οὖν περι· λιχμώμενοι τὸ τρωθὲν μέρος ἐς ὑγίειαν ἐπανάγουσιν, ἐπίδεσμα καὶ σπληνία καὶ κράσεις φαρμάκων μακρὰν χαίρειν εἰπόντες. κύνα δὲ καὶ ἐκεῖνο οὐ διαλέληθεν, ὅτι ἄρα τῆς μελίας ὁ καρπὸς τοὺς μὲν ὗς πιαίνει, αὐτῷ δὲ ἄλγημα ἰσχίου προξενεῖ· καὶ ὁρῶν ἐμφορουμένην τοῦ προειρημένου τὴν ὗν, ἀφίσταται αὐτῇ πάνυ ἐγκρατῶς καὶ τοῦ δοκοῦντος ἡδέος. ἄνθρωποι </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="10"> 
+<p> δὲ τῶν πειθόντων ἄκοντας ἐσθίειν ἡττῶνται πολλάκις πάνυ ἀκρατῶς. οὐκ ἄν ποτε ῥᾳδίως τοὺς ἐλέφαντας ἐνέδρα λάθοι. ὅταν γοῦν γένωνται τῆς τάφρου πλησίον, ἣν εἰώθασιν ὑπορύττειν οἱ θηρῶντες αὐτούς, εἴτε ἐννοίᾳ τινὶ φυσικῇ εἴτε μαντικῇ ναὶ μὰ Δία ἀπορρήτῳ τοῦ μὲν περαιτέρω χωρεῖν ἀναστέλλονται, ἑαυτοὺς δὲ ἐπιστρέψαντες εἶτα μέντοι ὡς ἐν· πολέμῳ ἀνθίστανται μάλα καρτερῶς, καὶ ἀνατρέψαι πειρῶνται τοὺς θηρατὰς καὶ διʼ αὐτῶν ὠσάμενοι φυγῇ πορίσασθαι τὴν σωτηρίαν, κρείττους γενόμενοι τῶν ἀντιπάλων. γίνεται τοίνυν ἐνταῦθα τοῦ καιροῦ μάχη καρτερὰ καὶ φόνος καὶ τῶν καὶ τῶν. ὁ μέντοι τρόπος τῆσδε τῆς μάχης τοιοῦτός ἐστιν. οἱ μὲν ἄνθρωποι δόρατα ἰσχυρὰ ἀφιᾶσι στοχαζόμενοι αὐτῶν, οἱ δὲ ἐλέφαντες τὸν παραπεσόντα ἁρπάζουσι, καὶ τῇ γῇ προσαράξαντες πατοῦντές τε καὶ τοῖς κέρασι τιτρώσκοντες οἰκτίστῳ περιβάλλουσι τέλει καὶ ἀλγεινοτάτῳ. ἐπίασι δὲ οἱ θῆρες ὑπὸ τοῦ θυμοῦ τὰ ὦτα ἐκπεταννύντες ὡς ἱστία δίκην τῶν στρουθῶν τῶν μεγάλων, αἵπερ οὖν τὰς πτέρυγας ἁπλώσασαι ἢ φεύγουσιν ἢ ἐπίασιν· ἐπισιμώσαντες δὲ καὶ τὴν προβοσκίδα οἱ ἐλέφαντες καὶ ὑπὸ τοῖς κέρασι πτύξαντες ὥσπερ οὖν νεὼς ἔμβολον <pb xml:id="p.207"/> σὺν πολλῷ τῷ ῥοθίῳ φερομένης ἐμπεσόντες ῥύμῃ σφοδροτάτῃ πολλοὺς ἀνατρέπουσι βοῶντες διάτορόν τε καὶ ὀξὺ δίκην σάλπιγγος. πατουμένων δὲ τῶν ἁλισκομένων καὶ ἀλοωμένων τοῖς γόνασιν ἄραβος πολὺς ὀστῶν συντριβομένων ἀκούεται καὶ πόρρωθεν, τὰ πρόσωπα δὲ ἐκθλιβομένων τῶν ὀφθαλμῶν καὶ τῆς ῥινὸς συνθλωμένης καὶ ῥηγνυμένου τοῦ μετώπου τὸ ἐναργὲς τοῦ εἴδους ἀπόλλυσι, καὶ ἀγνῶτες γίνονται πολλάκις καὶ τοῖς ἐγγυτάτω προσήκουσι. σώζονται δὲ παραδόξως ἄλλοι τὸν τρόπον τοῦτον. συνείληπται μὲν ὁ θηρατής, ὑφʼ ὁρμῆς δὲ τὸ θηρίον ὑπερῆλθεν αὐτόν, καὶ τὰ γόνατα ἐς τὴν γῆν ἀπήρεισε, καὶ προσκατέπηξε τὰ κέρατα ἐς θάμνον ἢ ἐς ῥίζαν ἢ ἄλλο τι τοιοῦτο, καὶ ἔχεται, καὶ μόγις ἀνασπᾷ καὶ ἐξαιρεῖ· ἐν δὲ τῷ τέως διεκδὺς ὁ κυνηγέτης ἀπαλλάττεται. οὐκοῦν ἐν τῇ τοιαύτῃ μάχῃ πολλάκις μὲν κρατοῦσιν οἱ ἐλέφαντες, πολλάκις δὲ καὶ ἡττῶνται δείματα ἐξ ἐπιβουλῆς καὶ δέα ποικίλα ἐπαγόντων. καὶ γὰρ σάλπιγγες ᾅδουσι, καὶ δοῦπόν τε καὶ κτύπον ἐργάζονται πρὸς τὰς ἀσπίδας ἀράττοντες τὰ δόρατα, καὶ πῦρ τὸ μέν τι ἐπὶ τῆς γῆς ἐξάπτουσι, τὸ δὲ μετέωρον αἴρουσι, καὶ ἄλλο σφενδονῶσι δαλοὺς διαπύρους ἀκοντίζοντες καὶ δᾷδας μακρὰς πυρὸς ἐνακμάζοντος τοῖς θηρίοις κατὰ προσώπου βιαίως ἐπισείοντες. ἅπερ οὖν τὰ θηρία δεδιότα καὶ δυσωπούμενα ὠθεῖται, καὶ ἔστιν ὅτε καὶ ἐκνικᾶται ἐμπεσεῖν ἐς τὴν τάφρον, ἣν τέως ἐφυλάττετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="11"> 
+<p>Ἡγήμων ἐν τοῖς Δαρδανικοῖς μέτροις περὶ Ἀλεύα τοῦ Θετταλοῦ φησι καὶ ἄλλα μέν, ἐν δὲ τοῖς καὶ ὅτι ἠράσθη δράκων αὐτοῦ. καὶ ὅτι μὲν εἶχε κόμην χρυσῆν ὅδε ὁ Ἀλεύας, λέγων τερατεύεται, ἐμοὶ δὲ ἔστω ξανθή. καὶ βουκολεῖν μὲν αὐτὸν ἐν τῇ Ὄσσῃ φησὶν <pb xml:id="p.208"/> ὡς ἐν τῇ Ἴδῃ τὸν Ἀγχίσην, παρὰ δὲ τῇ κρήνῃ νέμειν τὰς βοῦς τῇ καλουμένῃ Αἱμονίᾳ. Θετταλὴ δʼ ἂν καὶ ἡ κρήνη εἴη. δράκοντα οὖν μεγέθει μέγιστον ἐρασθῆναι τοῦ Ἀλεύα, καὶ ἀνέρπειν ἐς αὐτόν, καὶ τὴν κόμην οἱ καταφιλεῖν καὶ τῇ γλώττῃ περιλιχμώμενον τὸ πρόσωπον τοῦ ἐρωμένου καθαίρειν, καὶ δωροφορεῖν αὐτῷ θηρῶντα πάμπολλα. εἰ δὲ Γλαύκης τῆς κιθαρῳδοῦ κριὸς ἥττητο καὶ ἐν Ἰασῷ δελφὶς ἐφήβου, τί κωλύει καὶ δράκοντα ἐρασθῆναι νομέως ὡραίου, τὸν ὀξυωπέστατον κάλλους διαπρεποῦς ἀγαθὸν κριτὴν γεγενημένον; ἦν δὲ ἄρα ἴδιον ζῴων καὶ ἐρασθῆναι μὴ μόνον τοῦ συννόμου τε ἅμα καὶ συμφυοῦς, ἀλλὰ καὶ τοῦ προσήκοντος ἥκιστα, ὡραίου μέντοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="12"> 
+<p> ὁ παρείας ἢ παρούας ʽοὕτω γὰρ Ἀπολλόδωρος ἐθέλεἰ πυρρὸς τὴν χρόαν, εὐωπὸς τὸ ὄμμα, πλατὺς τὸ στόμα, δακεῖν οὐ σφαλερός, ἀλλὰ πρᾶος. ἔνθεν τοι καὶ τῷ θεῶν φιλανθρωποτάτῳ ἱερὸν ἀνῆκαν αὐτόν, καὶ ἐπεφήμισαν Ἀσκληπιοῦ θεράποντα εἶναι οἱ πρῶτοι ταῦτα ἀνιχνεύσαντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="13"> 
+<p> ἐν Αἰθιοπίᾳ τοὺς καλουμένους Σιβρίτας σκορπίους ʽοὕτω δὲ αὐτοὺς ὡς εἰκὸς οἱ ἐπιχώριοι φιλοῦσιν ὀνομάζεινʼ ἀκούω σιτεῖσθαι καὶ σαύρους καὶ ἀσπίδας καὶ σφονδύλας καὶ τίφας καὶ πᾶν ἑρπετόν, τὸν δὲ ἐπιβάντα αὐτῶν τοῖς περιττώμασιν ἑλκοῦσθαι πέπυσμαι. περὶ Κέρκυραν δὲ γίνονται αἱ καλούμεναι ὕδραι, αἵπερ οὖν τοὺς διώκοντας ἐπιστραφεῖσαι καὶ φυσήσασαι πνεῦμα ἄτοπον εἶτα ἀναστέλλουσι τῆς ὁρμῆς καὶ ἀποστρέφουσι. τὸν τύφλωπα δέ, ὃν καὶ τυφλίνην καλοῦσι καὶ κωφίαν προσέτι, κεφαλὴν μὲν παραπλησίαν ἔχειν μυραίνῃ λέγει τις λόγος, ὀφθαλμοὺς δὲ ἄγαν βραχίστους. καὶ θάτερον μὲν τοῖν ὀνομάτοιν ἐντεῦθεν εἴληφε, τόν γε μὴν κωφίαν, ἐπεὶ <pb xml:id="p.209"/> νωθής ἐστι τὴν ἀκοήν. δορὰν δὲ ἰσχυρὰν ἔχει καὶ διακοπτομένην βραδύτατα. τὸν δὲ ἀκοντίαν χέρσυδρον εἶναί φασι, χρόνου δὲ ἐν ξηρῷ ποιεῖσθαι τὴν διατριβὴν πολλοῦ καὶ ἐλλοχᾶν ζῷον πᾶν. ἡ δὲ σοφία τῆς ἐπιβουλῆς τῆς ἐξ αὐτοῦ τοιάδε ἐστίν. ἐν ταῖς λεωφόροις που λαθὼν ὑποκρύπτεται, πολλάκις δὲ καὶ ἐπί τι δένδρον ἀνερπύσας εἶτα ἑαυτὸν συνειλήσας καὶ τὴν κεφαλὴν ἐν τῇ σπείρᾳ ὑποκρύψας τοὺς παριόντας ἡσυχῆ ὑποβλέπει· εἶτα ἑαυτὸν ἀφίησιν ἐς τὸ παριόν, εἴτε ἄλογον εἴη ζῷον εἴτε ἄνθρωπος. ἔστι δὲ ἁλτικὸν θηρίον καὶ διαπηδῆσαι καὶ εἴκοσιν εἰ δέοι πήχεις οἷόν τε· ἁλλόμενόν τε παραχρῆμα ἐνέφυ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="14"> 
+<p>λύκοι βοῒ ἐς τέλμα βαθὺ ἐμπεσόντι ἐάν πως περιτύχωσι, ταράττουσι μὲν αὐτὸν ἔξωθεν καὶ φοβοῦσι, </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="15"> 
+<p>διανήξασθαι καὶ ἐπιβῆναι τῆς γῆς οὐκ ἐπιτρέποντες, ἀναγκάζουσι δὲ τῷ χρόνῳ στρεβλούμενον καὶ ἰλυσπώμενον ἀποπνιγῆναι. εἶτα εἷς αὐτῶν ὁ τελεώτατος ἐμπηδήσας τῷ ὕδατι καὶ προσνεύσας ἐλάβετο τῆς οὐρᾶς τοῦ βοὸς καὶ ἕλκει ἐς τὸ ἔξω, καὶ ἕτερος τῆς ἐκείνου λαβόμενος αὐτὸν ἕλκει, καὶ τὸν δεύτερον ὁ τρίτος, καὶ τοῦτον ὁ τέταρτος, καὶ δρᾶται τὸ εἰρημένον μέχρι τοῦ τελευταίου, ὅσπερ οὖν ἔξω τοῦ ὕδατος ἕστηκε. καὶ τὸν τρόπον τοῦτον ἐξαγαγόντες τὸν βοῦν ποιοῦνται δεῖπνον. βοὸς δὲ μόσχον πεπλανημένον ἐλλοχήσαντες εἶτα αὐτῷ προσπηδῶσι, καὶ τοῦ μυκτῆρος λαβόμενοι ἕλκουσιν· ὃ δὲ ἀντισπᾷ, καὶ ἅμιλλα ὑπὲρ τούτου πολλή, τῶν μὲν ἐκβιάσασθαι πειρωμένων, τοῦ δὲ μὴ εἶξαι ἀγώνισμα ποιουμένου. ὅταν δὲ αὐτὸν οὕτως θεάσωνται σφόδρα ἀντιτείνοντα, μεθῆκαν· καὶ ἐκεῖνος ὑπὸ τῆς ἐς τοὐπίσω βίας ἀνατέτραπται, καὶ οἱ λύκοι ἐμπεσόντες ἀνέρρηξαν τὴν νηδὺν καὶ ἐσθίουσιν αὐτόν. <pb xml:id="p.210"/> Ὅταν ὑπερβῆναι τάφρον οἱ ἐλέφαντες μὴ δύνωνται, εἷς ὁ μέγιστος ἑαυτὸν ἐς αὐτὴν ἐμβάλλει, καὶ πλάγιος ἵσταται, καὶ γεφυροῖ τὸ κενόν, καὶ κατʼ αὐτοῦ βαίνοντες ἐς τὸ ἀντιπέρας ἴασι καὶ ἀποδιδράσκουσι, πρότερον μέντοι καὶ ἐκεῖνον ἀνασώσαντες. ὁ δὲ τῆς σωτηρίας τρόπος οὗτός ἐστιν. ἄνωθέν τις τὸν πόδα προτείνει, καὶ ἐκείνῳ παρέχει τὴν προβοσκίδα περιπλέξαι· οἱ δὲ ἄλλοι φρύγανα ἐμβάλλουσι καὶ ξύλα ὤκιστα, ὧν ἐπιβαίνων, εἰλημμένος τε τοῦ ποδὸς μάλα ἐγκρατῶς τε καὶ εὐλαβῶς ἀνασπᾶται ῥᾷστα. ἔστι δὲ ἐν τοῖς Ἰνδοῖς ἄρουρα, καὶ κέκληται Φαλάκρα. τὸ δὲ αἴτιον τοῦ ὀνόματος, ὁ γευσάμενος τῆς ἐνταῦθα γινομένης πόας καὶ τὰς τρίχας ἀποβάλλει καὶ τὰ κέρατα. οὐκοῦν οἱ ἐλέφαντες ἑκόντες εἶναι οὐ προσίασι τῇδε τῇ ἀρούρᾳ, ἀλλʼ ἀποστρέφονται πλησίον γενόμενοι, πᾶν τὸ βλάπτον φεύγοντες ὡς ἄνθρωποι φρόνιμοι οἱ ἐλέφαντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="16"> 
+<p> τὴν σπογγιὰν ἰθύνει βραχὺ ζῷον, οὐ καρκίνῳ τὴν ἰδέαν παραπλήσιον, ἀλλὰ ἀράχνῃ μᾶλλον. οὐ γὰρ ἄψυχον οὐδὲ αἵματος ἄμοιρον ἡ σπογγιὰ κύημά ἐστι θαλάττης, ἀλλὰ ταῖς πέτραις προσφύεται, ὥσπερ οὖν καὶ ἕτερα, ἔχει δέ τινα κίνησιν ἰδίαν, δεῖται δὲ ὡς ἂν εἴποις τοῦ ὑπομνήσοντος αὐτὴν ὅτι ἔμψυχός ἐστιν. ἀτρεμοῦσα γὰρ ὑπό τινος συμφυοῦς μανότητος καὶ ἡσυχάζουσα τοῖς τρήμασιν αὐτῆς ὅταν προσπέσῃ τι, ἐνταῦθα ὑπὸ τοῦ ἀραχνώδους ζῴου νύττεται, καὶ συλλαμβάνει τὸ ἐμπεσόν, καὶ τροφὴν ἴσχει. ὅταν δὲ ἄνθρωπος προσίῃ ἐπʼ ἐκτομῇ αὐτῆς, κεντουμένη ὑπὸ τοῦ ζῴου τοῦ συντρόφου φρίττει καὶ ἑαυτὴν συστρέφει, καὶ αἰτία πόνου τε καὶ καμάτου γίνεται τῷ θηρατῇ ναὶ μὰ Δία πολλοῦ. <pb xml:id="p.211"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="17"> 
+<p>εἴρηται μὲν οὖν ἡμῖν περὶ ἐλεφάντων ἰδίᾳ, τὰ δὲ καὶ εἰρήσεται. οὑτωσὶ κρατοῦσι μὲν βίου, σωφροσύνης δὲ ὅπως μετειλήχασιν, εἰπεῖν πρεπωδέστατον. οὐ γὰρ ὡς ὑβρίζοντες οὐδὲ ὡς λάγνοι ἐπὶ τὴν ὁμιλίαν τὴν πρὸς τὴν θήλειαν ἔρχονται, ἀλλʼ ὥσπερ οὖν οἱ γένους διαδοχῆς δεόμενοι καὶ παιδοσποροῦντες, ἵνα μὴ αὐτοὺς ἐπιλίπῃ ἡ ἐπιγονὴ ἡ ἐξ ἀλλήλων, ἐάσωσι δὲ σπέρμα. ἅπαξ γοῦν ἐν τῷ βίῳ τῷ σφετέρῳ μνημονεύουσιν ἀφροδίτης, ὅταν ἡ θήλεια ὑπομένῃ καὶ αὐτή· εἶτα ἐμπλήσας ἕκαστος τὴν σύννομον τὸ ἐντεῦθεν οὐκ οἶδεν αὐτήν. συμπλέκονται δὲ οὐκ ἀνέδην οὐδὲ ἐν τῇ τῶν ἄλλων ὄψει ἀλλʼ ἀναχωρήσαντες· καὶ ἑαυτῶν προβάλλονται ἢ δένδρα δασέα ἢ ὕλην τινὰ συμφυῆ ἢ χῶρον κοῖλον καὶ βαθὺν τοῦ λαθεῖν αὐτοῖς παρέχοντα ἀφθονίαν. ὡς μὲν οὖν εἰσι δίκαιοι ἄνω εἶπον, καὶ τὸ ἀνδρεῖον αὐτῶν καὶ τοῦτο ἤδη λέλεκται· τὸ σῶφρον δὲ ἀποδέδεικται τὰ νῦν ταῦτα. ἀλλὰ καὶ τὸ μισοπόνηρον ὅτῳ σχολὴ μανθάνειν, οὗτος ὑπέχων τὰ ὦτα ἀκουέτω. ἐλέφαντι ἡμέρῳ πωλευτὴς ἦν, καὶ εἶχε γυναῖκα ἀφηλικεστέραν μέν, πλουσίαν δέ. οὐκοῦν ἑτέρας ἐρῶν καὶ τὰ τῆς συνοικούσης σπεύδων ἐκείνης γενέσθαι ταύτην μὲν ἀποπνίγει καὶ τῆς τοῦ ἐλέφαντος φάτνης κατορύττει πλησίον ὁ θερμόβουλος ἄνθρωπος, ἄγεται δὲ τὴν ἄλλην. ἐνταῦθα οὖν ὁ ἐλέφας τῇ προβοσκίδι λαβόμενος τὴν νεωστὶ ἀφιγμένην. ἄγει τῆς νεκρᾶς πλησίον, καὶ τοῖς κέρασιν ἀνορύξας καὶ γυμνώσας τὸ σῶμα, ἃ εἰπεῖν οὐκ ἠδύνατο, ταῦτα ἐπεδείκνυε διʼ αὐτῶν τῶν ἔργων, τὴν γυναῖκα τὸν τρόπον τοῦ γήμαντος αὐτὴν ἐκδιδάσκων ὁ μισοπόνηρος ἐλέφας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="18"> 
+<p>ἐγγραύλεις, οἳ δὲ ἐγκρασιχόλους καλοῦσιν αὐτάς, προσακήκοά γε μὴν καὶ τρίτον ὄνομα αὐτῶν, <pb xml:id="p.212"/> εἰσὶ γὰρ οἳ καὶ λυκοστόμους αὐτὰς ὀνομάζουσιν. ἔστι δὲ μικρὰ ἰχθύδια, καὶ πολύγονα φύσει, λευκότατα ἰδεῖν. ἐσθίουσί γε μὴν μάλιστα οἱ ἀγελαῖοι τῶν ἰχθύων αὐτά. δείσαντα οὖν συνθεῖ πρὸς ἄλληλα, καὶ ἐχόμενον τοῦ πλησίον ἕκαστον τῇ σφίγξει τὸ ῥᾳδίως ἐπιβουλεύεσθαι διαπέφευγε. τοσαύτη δὲ ἄρα αὐτῶν ἡ ἕνωσις γίνεται συνδραμόντων, ὡς καὶ πορθμίδας ἐπιθεούσας μὴ διασχίζειν αὐτά· καὶ μέντοι καὶ κώπην ἢ κοντὸν εἴ τις αὐτῶν διεῖναι θελήσειε, τὰ δὲ οὐ διαξαίνεται, ἀλλὰ ἔχεται ἀλλήλων ὡς συνυφασμένα. καθεὶς δὲ τὴν χεῖρα ὡς ἐκ σωροῦ πυρῶν ἢ κυάμων λάβοις ἂν βιαίως ἀποσπάσας, ὡς καὶ διασπᾶσθαι πολλάκις, καὶ τὰ. μὲν ἡμίτομα τῶν ἰχθυδίων λαμβάνεσθαι, τὰ δὲ ὑπολείπεσθαι. καὶ γὰρ τὸ μὲν οὐραῖον καθέξεις, μένει δὲ σὺν τοῖς ἄλλοις ἡ κεφαλή· ἢ κεφαλὴν κομιεῖς οἴκαδε, μένει δὲ ἐν τῇ θαλάττῃ τὸ λοιπόν. καλεῖται δὲ αὐτῶν ἡ πυκνή τε καὶ συνεχὴς νῆξις βόλος, καὶ πεντήκοντα ἁλιάδας πολλάκις ἐπλήρωσεν εἷς βόλος, ὥς φασιν οἱ θαλαττουργοί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="19"> 
+<p> ἡ ὗς γνωρίζει τοῦ συβώτου τὴν φωνήν, καὶ ὑπακούει καλοῦντος, κἂν ᾖ πλανηθεῖσα· πλησίον δὲ τούτου τὸ μαρτύριον. τῇ γῇ τῇ Τυρρηνίδι κακοῦργοι ναῦν λῄστειραν προσέσχον, καὶ προσανελθόντες αὐλίῳ περιτυγχάνουσι, καὶ ἦν συβωτῶν τὸ αὔλιον, καὶ εἶχε πολλὰς ὗς. ταύτας οὖν συλλαβόντες ἐς τὴν ναῦν ἐνέβαλον, καὶ ἀπολύσαντες τὰ πείσματα εἴχοντο τοῦ πλοῦ. οἱ τοίνυν συβῶται παρόντων μὲν τῶν λῃστῶν ἡσύχαζον, ἐπεὶ δὲ ἔτυχον τῆς γῆς ἀποσαλεύσαντες, ὅσσον τε γέγωνε βοήσας, ἐνταῦθά τοι τὰς σῦς τῇ συνήθει βοῇ ὀπίσω παρὰ σφᾶς ἀπεκάλουν οἱ συβῶται. αἳ δὲ ὡς ἤκουσαν, ἐπὶ θάτερα τοῦ πλοίου <pb xml:id="p.213"/> ἑαυτὰς συνώσασαι ἀνέτρεψαν αὐτό. καὶ οἱ μὲν κακοῦργοι παραχρῆμα διεφθάρησαν, αἱ δὲ ὗς παρὰ τοὺς ἑαυτῶν δεσπότας ἀπενήξαντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="20"> 
+<p>ζηλότυπον δὲ εἶναι καὶ τὸν πελαργόν φασιν. ἐν γοῦν Κραννῶνι τῆς Θετταλίας Ἀλκινόην ὄνομα γυναῖκα ὡραίαν ὁ γήμας ἀπολιπὼν οἴκοι ἔς τινα ἐστείλατο ἀποδημίαν. ἡ τοίνυν Ἀλκινόη ὡμίλει τῶν θεραπόντων τινί. τοῦτο συνιδὼν ὁ πελαργὸς ὁ οἰκέτης οὐχ ὑπέμεινεν, ἀλλὰ ἐτιμώρησε τῷ δεσπότῃ. προσπηδῶν γοῦν ἐπήρωσε τῆς ἀνθρώπου τὴν ὄψιν. ἀνωτέρω μὲν ἐμνήσθην πορφυρίωνος ζηλοτυπίας εἶτα κυνὸς τοιούτου, νῦν γε μὴν πελαργοῦ τὰ ἴσα ἐκείνοις ἐς νοσοῦντα γάμον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="21"> 
+<p>μεταβάλλει δὲ τὰς χρόας τὰ πρόβατα ἐκ τῆς περὶ τὸ πῶμα ἀλλαγῆς κατὰ τὴν τῶν ποταμῶν ἰδιότητα· ἡ δὲ ὥρα τοῦ ἔτους, καθʼ ἣν ἀπαντᾷ τοῦτο αὐτοῖς, ὁ τῆς μίξεως καιρός ἐστιν. γίνεται οὖν καὶ ἐκ λευκῶν μέλανα, καὶ ἔμπαλιν τρέπει τὴν χρόαν. φιλεῖ δέ πως ταῦτα γίνεσθαι περί τε τὸν ἐν Ἀντανδρίᾳ ποταμὸν καὶ τὸν ἐν Θρᾴκῃ, οὗ τὸ ὄνομα ἐροῦσιν οἱ πάροικοι Θρᾷκες. ὁ δὲ ἐν Τροίᾳ Σκάμανδρος ἐπεὶ ξανθὰς ἀποφαίνει πινούσας τὰς οἶς, πρὸς τῷ Σκαμάνδρῳ τῷ ἐξ ἀρχῆς ἄλλο ὄνομα ἡ τῶν προβάτων ἐπίκτητος χρόα ἔθετο αὐτῷ τὸ Ξάνθου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="22"> 
+<p>χάριτος δὲ ἀπομνησθῆναι τὰ ζῷα καὶ κατὰ τοῦτο ἀγαθά. ἐν Τάραντι γίνεται γυνὴ τά τε ἄλλα σπουδῆς ἀξία καὶ οὖν καὶ σώφρων πρὸς τὸν ἄνδρα· Ἡρακληὶς ὄνομα αὐτῇ. περιεῖπε μὲν οὖν ζῶντα τὸν γεγαμηκότα εὖ μάλα κηδεμονικῶς· ἐπεὶ δὲ τὸν βίον οὗτος κατέστρεψε, τὰς ἀστικὰς ἡ προειρημένη γυνὴ μισεῖ διατριβὰς καὶ τὴν οἰκίαν, ἐν ᾗ τὸν ἄνδρα νεκρὸν ἐθεάσατο, καὶ ὡς εἶχε λύπης ἐς τοὺς τάφους μετοικίζεται, <pb xml:id="p.214"/> καὶ τοῖς ἠρίοις τοῦ ποτε ἀνδρὸς τλημόνως παρέμεινε, πιστὴν ἑαυτὴν τῷ κατὰ γῆς ὄντι ἀποφαίνουσα. καί ποτε ἦν ὥρα θέρειος, καὶ πελαργῶν ἔτι νεοττῶν πρόπειραν τῆς ἑαυτῶν πτήσεως λαμβανόντων εἶς ὁ μάλιστα νεαρὸς ἀκρατὴς ὢν ἔτι τῶν ταρσῶν κατώλισθε, καὶ τοῖν σκελοῖν συντρίβει τὸ ἕτερον. ἡ τοίνυν Ἡρακληὶς θεασαμένη τὸ πτῶμα καὶ τοῦ ποδὸς τὸ πάθος καταμαθοῦσα οἰκτείρει τὸν νεοττόν, καὶ ἀναλαβοῦσα σὺν πολλῇ τῇ φειδοῖ κατειλεῖ τὴν πληγήν, καὶ θεραπεύει καταιονήμασι καὶ ἐπιπλάσμασι, καὶ τροφὴν προσέφερε καὶ ποτὸν ὤρεγε, χρόνῳ δὲ τῷ εἰκότι ῥωσθέντα καὶ φύσαντα τὰ ὠκύπτερα ἐλεύθερον εἶναι μεθῆκεν. ὃ δὲ εἰδὼς ἐννοίᾳ τινὶ φυσικῇ καὶ θαυμαστῇ ὀφείλων ζωάγρια ᾤχετο ἀπιών. εἶτα ἐνιαυτοῦ διελθόντος ἣ μὲν ἔτυχεν ἦρος ὑπολάμποντος ἐν ἡλίῳ θερομένη, ὁ δὲ πελαργὸς ὁ ἰαθεὶς ὑπʼ αὐτῆς ἰδὼν τὴν εὐεργέτιν ὑφῆκε τῆς τῶν πτερῶν ὁρμῆς, καὶ ἑαυτὸν χθαμαλωτέρᾳ τῇ πτήσει κατάγων πλησίον γίνεται, καὶ χανὼν ἀνεμεῖ λίθον ἐς τὸν τῆς Ἡρακληίδος κόλπον, καὶ ἀναπετασθεὶς ἐπὶ τοῦ τέγους ἑαυτὸν ἐκάθισεν. ἣ δὲ τὰ πρῶτα ὡς εἰκὸς ἐθαύμασέ τε καὶ ἐκταραχθεῖσα ἠπόρει, τί εῖη τὸ πραχθὲν συμβαλεῖν οὐκ ἔχουσα· τὴν δʼ οὖν λίθον ἔνδον που κατέθετο, εἶτα νύκτωρ διυπνισθεῖσα ὁρᾷ αὐγήν τινα καὶ αἴγλην ἀφιεῖσαν, καὶ κατελάμπετο ὁ οἶκος ὡς ἐσκομισθείσης δᾳδός· τοσοῦτον ἄρα ἐκ τῆς βώλου τὸ σέλας ἀνῄει τε καὶ ἐτίκτετο. συλλαβοῦσα δὲ τὸν πελαργὸν καὶ ἐπαφωμένη κατενόησε τὴν ἐκ τῆς πληγῆς οὐλήν, καὶ ἐγνώρισε τοῦτον ἐκεῖνον εἶναι τὸν ὑπʼ αὐτῆς οἴκτου τε καὶ θεραπείας τετυχηκότα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="23"> 
+<p> ἀστακὸν εἰ λάβοις καὶ πορρωτάτω κομίσειας, σημεῖον καταλιπὼν ἔνθεν αὐτὸν τεθήρακας, εὑρήσεις <pb xml:id="p.215"/> τὸν αὐτὸν ἐνταῦθα, ὅθεν καὶ συνείληπται. λέγω δέ, εἰ παρὰ τὴν θάλατταν κομίσας εἶτα καταθεῖο αὐτόν που πλησίον, ὡς ἑρπύσαι δυνηθῆναι ἐς τὴν θάλατταν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="24"> 
+<p>Ἀγρεὺς τὸ ὄνομα, τὴν φύσιν πτηνός, τὸ γένος κοσσύφων φράτωρ, μέλας τὴν χρόαν, μουσικὸς τὴν γλῶτταν. κέκληται δὲ ἀγρεύς, καὶ δικαίως· τῷ γάρ τοι μέλει τῶν ἄλλων ὀρνέων αἱρεῖ τὰ ἁπαλὰ προσπετόμενα τῇ τῆς εὐμουσίας θέλξει. εἰδὼς οὖν τὸ συμφυὲς αὐτῷ πλεονέκτημα, ἔοικε χρῆσθαι τῷ παρὰ τῆς φύσεως δώρῳ ἐς ἡδονὴν ἅμα καὶ τροφήν· ἀκούων μὲν γὰρ ἑαυτοῦ εὐφραίνεται, θηρῶν δὲ τὰ προσιόντα ἐμπίπλαται. τοῦτον εἴ τίς ποτε ἐθήρασε καὶ ἐν οἰκίσκῳ καθεῖρξεν, οὐδὲν αὐτῷ πλέον τὸ τῆς σπουδῆς· ἔχει γὰρ ἄφωνον ὄρνιν, ὥσπερ οὖν τὸν θηράσαντα ὑπὲρ τῆς δουλείας ἀμυνόμενον τῇ σιωπῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="25"> 
+<p>ἀνωτέρω εἶπον ἣν οἱ τροχίλοι κατατίθενται ἐς τοὺς κροκοδείλους εὐεργεσίαν, ἧσπερ ἐν τοῖς Αἰγυπτίοις μέμνηται καὶ Ἡρόδοτος λόγοις· ὃ δὲ οὐκ εἶπον εἰδώς, τοῦτο εἰρήσεται νῦν, ἵνα καὶ ἄλλος μάθῃ. ὁ μὲν τροχίλος ὄρνις ἐστὶ τῶν ἑλείων εἷς, καὶ παρὰ τὰς ὄχθας τῶν ποταμῶν ἀλᾶται καὶ ὅ τι ἂν τύχῃ παρεκλέγων βόσκεται, τρέφει δὲ αὐτὸν καὶ ὁ κροκόδειλος οἷς εἶπον. καὶ ἐκεῖνος αὐτὸν ἀμείβεται καθεύδοντος προμηθῶς ἔχων καὶ ὑπεραγρυπνῶν αὐτοῦ· κειμένῳ μὲν γὰρ καὶ ὑπνώττοντι ἐπιβουλεύει ὁ ἰχνεύμων, καὶ ἐμφὺς τῇ δέρῃ πολλάκις ἀπέπνιξεν αὐτόν· ἀλλʼ ὅ γε τροχίλος βοᾷ, καὶ παίει κατὰ τῆς ῥινὸς αὐτόν, καὶ ἀνίστησι καὶ πρὸς τὸν ἐχθρὸν ὑποθήγει. εἰ μὲν οὖν χρὴ τὸν ὄρνιν ἐπαινεῖν οὕτως ἔχοντα φροντιστικῶς ζῴου παμβόρου καὶ ἀδηφάγου, εἰσόμεθα· τὸ δʼ οὖν ἴδιον τῶνδε τῶν ζῴων εἶπον. <pb xml:id="p.216"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="26"> 
+<p> ἡ τρυγὼν ʽοὔ φημι νῦν τὴν ὑπαέριον, ἀλλὰ τὴν ἐν τῇ θαλάττᾐ ὅτε βούλεται, νήχεται, καὶ αὖ πάλιν ἀρθεῖσα πέτεται. ἔχει δὲ κέντρον, οὗ καὶ ἀνωτέρω μνήμην ἐποιησάμην, θανατηφόρον. τὸ μὲν οὖν κεντεῖν καὶ ζῷα ἄλογα καὶ ἀνθρώπους καὶ παραχρῆμα ἀπολλύναι, οὔπω παράδοξόν ἐστιν· ὃ δὲ ἄξιον ἐκπεπλῆχθαι, τοῦτο εἰρήσεται. δένδρῳ τῷ μεγίστῳ καὶ πάνυ εὐθαλεῖ καὶ εὐερνεῖ καὶ λίαν τεθηλότι τὴν χλόην εἰ προσαγάγοις τὸ κέντρον καὶ νύξειας τὸ δένδρον, οὐ μετὰ μακρὸν ἐκβάλλει τὰ φύλλα· καὶ ἐκείνων καταρρεόντων ἐς τὴν γῆν τὸ πᾶν πρέμνον αὐαίνεται καὶ ἔοικεν ἡλιοβλήτῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="27"> 
+<p> τίκτεται ἐλέφας κατὰ τὴν κεφαλὴν ἐκπηδῶν, τὸ δὲ μέγεθός ἐστι τοῦ τικτομένου κατὰ δέλφακα τὴν μεγίστην. μιᾷ δὲ μητρὶ πλείω ἐλεφαντίσκια ἕπεται, φασίν. εἰ δὲ βούλοιο τῶν βρεφῶν νεογόνων ὄντων προσάψασθαι, αἱ μητέρες οὐδὲν ἀγανακτοῦσιν ἀλλὰ ἐῶσι· συνιᾶσι γὰρ ὅτι μήτε ἐπὶ λύμῃ τις ἐπιψαύει αὐτῶν μήτε ἐπὶ κολάσει, ἀλλὰ φιλοφρονούμενοι πάντες καὶ κολακεύοντες. ἐπεὶ τίς ἂν τὸ τηλικοῦτον βλάψειεν; ὅταν δὲ θηρώμενοι ἐμπέσωσιν ἐς τὴν τάφρον, καὶ ἴδωσιν ὅτι λοιπὸν ἄφυκτα αὐτοῖς ἐστι, τοῦ μὲν τέως θυμοῦ τοῦ σὺν τῇ ἐλευθερίᾳ λήθην λαμβάνουσι, καὶ ὀρεγόντων σιτία ἑτοίμως προσίενται, καὶ ὕδωρ προτεινόντων πίνουσι, καὶ οἶνον ἐγχεόντων ἐς τὰς προβοσκίδας οἳ δὲ τὴν φιλοτησίαν οὐκ ἀναίνονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:8" n="28"> 
+<p> τὸν ἰχθὺν τὸν ἔλλοπα ἱερὸν ἰχθὺν ὑπὸ τοῦ ποιητοῦ κληθῆναι νομίζουσι. λέγει δέ τις λόγος σπάνιον μὲν αὐτὸν εἶναι, ἐν δὲ τῷ κατὰ Παμφυλίαν πελάγει θηρᾶσθαι, γλίσχρως δὲ καὶ ἐκεῖθι. ἐὰν δὲ ἁλῷ, στεφάνοις μὲν αὐτοὶ σφᾶς αὐτοὺς ὑπὲρ τῆς <pb xml:id="p.217"/> εὐερμίας ἀγλαΐζουσι, στεφανοῦσι δὲ καὶ τὰς ἁλιάδας, καταίρουσί τε κρότῳ καὶ αὐλοῖς τὸ θήραμα μαρτυρόμενοι. οἳ δὲ οὐ τοῦτον ἀλλὰ τὸν ἀνθίαν νομίζουσιν ἱερόν. τὸ δὲ αἴτιον, ἔνθα ἄν ὅδε φανῇ τῆς θαλάττης, ἀνάγκη δήπου τὸν χῶρον ἄθηρον εἶναι σπονδάς τε ἰχθύσι πρὸς πᾶν ὅσον ὑδροθηρικόν, καὶ αὐτοὶ δὲ οἱ ἰχθύες θαρροῦντες ἀποτίκτουσι. φύσεως δὲ ἀπόρρητα ἐλέγχειν οὐκ ἐμόν, καὶ εἰκότως, ἐπεὶ καὶ ἀλεκτρυόνα δέδοικε λέων καὶ τὸν αὐτὸν βασιλίσκος καὶ μέντοι καὶ ὗν ἐλέφας· τὰς δὲ αἰτίας ὅσοι σχολὴν ἄγουσι πολλὴν ζητοῦντες τοῦ μὲν χρόνου καταφρονήσουσιν, οὐ μὴν ἐς τέλος ἀφίξονται τῆς σπουδῆς.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="9"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="1"> 
+<p> ὁ λέων ἤδη προήκων τὴν ἡλικίαν καὶ γήρᾳ βαρὺς γεγενημένος θηρᾶν μὲν ἥκιστός ἐστιν, ἀσμένως δὲ ἀναπαύεται ἐν ταῖς ὑπάντροις ἢ λοχμώδεσι καταδρομαῖς, καὶ τῶν θηρίων οὐδὲ τοῖς ἀσθενεστάτοις ἐπιθαρρεῖ, τόν τε αὑτοῦ χρόνον ὑφορώμενος καὶ τὸ τοῦ σώματος ἐννοῶν ἀσθενές. οἱ δὲ ἐξ αὐτοῦ γεγενημένοι θαρροῦντες τῇ τῆς ἡλικίας ἀκμῇ καὶ τῇ ῥώμῃ τῇ συμφυεῖ προΐασι μὲν ἐπὶ θήραν, ἐπάγονται δὲ καὶ τὸν ἤδη γέροντα, ὠθούντες αὐτόν· εἶτα ἐπὶ μεσης τῆς ὁδοῦ ἧς ἐλθεῖν δεῖ καταλιπόντες, ἔχονται τῆς ἄγρας αὐτοί, καὶ τυχόντες τοσούτων ὅσα ἀποχρήσει καὶ αὐτοῖς καὶ τῷ γεγεννηκότι σφᾶς, βρυχησάμενοι γενναῖόν τε καὶ διάτορον καλοῦσιν ὡς δαιτυμόνα ἑστιάτορες ἐπὶ θοίνην οἱ νέοι τὸν γεγηρακότα, τὸν πατέρα οἱ παῖδες. ὃ δὲ ἡσυχῆ καὶ βάδην καὶ οἷον ἕρπων <pb xml:id="p.218"/> ἔρχεται, καὶ περιβαλὼν τοὺς παῖδας, καὶ τῇ γλώττῃ μικρὰ ὑποσήνας, ὥσπερ οὖν ἐπαινῶν τῆς εὐθηρίας, ἔχεται τοῦ δείπνου, καὶ σὺν τοῖς υἱέσιν ἑστιᾶται. καὶ Σόλων μὲν τοῖς λέουσιν οὐ κελεύει ταῦτα, διδάσκει δὲ ἡ φύσις, ᾗ νόμων ἀνθρωπικῶν οὐδὲν μέλει· γίνεται δὲ ἄτρεπτος αὕτη νόμος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="2"> 
+<p> τὸν ἀετὸν τὸν τῶν ὀρνίθων βασιλέα οὐ μόνον περιόντα καὶ ζῶντα δέδοικε τὰ ὄρνεα καὶ καταπτήσσει φανέντος, ἀλλὰ καὶ τὰ πτερὰ ἐκείνου ἐάν τις τοῖς τῶν ἄλλων συναναμίξῃ, τὰ μὲν τοῦ ἀετοῦ μένει ὁλόκληρα καὶ ἀνεπιβούλευτα, τὰ δὲ ἕτερα κατασήπεται τὴν πρὸς ἐκεῖνα κοινωνίαν οὐ φέροντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="3"> 
+<p> οἱ μύες εἰσὶ μὲν καὶ ἄλλως πολύγονον ζῷον, καὶ ἀθρόᾳ τῇ ὠδῖνι πολλὰ τίκτουσιν· εἰ δέ πως καὶ ἁλὸς γευσάμενοι τύχοιεν, ἐνταῦθα δήπου καὶ πάμπολλα ἀποκυΐσκουσι καὶ πλείω τῆς συνηθείας πολλῷ. οἱ δὲ κροκόδειλοι, ὅταν τέκωσι, τὸ γνήσιον καὶ τὸ νόθον τόνδε τὸν τρόπον ἐλέγχουσιν. ἐάν τι παραχρῆμα ἐκγλυφεὶς ἁρπάσῃ, τελεῖ τὸ λοιπὸν ἐς τὸ γένος, καὶ φιλεῖται τοῖς γειναμένοις, καὶ πεπίστευται κροκοδείλων εἷς εἶναι καὶ ἠρίθμηται· ἐὰν δὲ ἐλινύσῃ καὶ βλακεύσῃ καὶ μὴ λάβῃ ποθὲν ἢ μυῖαν ἢ σέρφον ἢ ἔντερον γῆς ἢ σαῦρον τῶν νεαρῶν, διέσπασεν ὁ πατὴρ αὐτὸν ὡς ἀδόκιμόν τε καὶ κίβδηλον καὶ προσήκοντά οἱ οὐδὲ ἕν. καὶ δοκοῦσιν, ὡς οἵδε οἱ θῆρες, καὶ οἱ ἀετοὶ βασανίζοντες καὶ ἐκεῖνοι τὰ γνήσια τῇ ἀκτῖνι τοῦ ἡλίου κρίσει φιλεῖν τὰ ἔκγονα καὶ οὐ πάθει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="4"> 
+<p> ἀκούω δὲ τοὺς ὀδόντας τῆς ἀσπίδος, οὓς ἂν ἰοφόρους τις εἴποι καλῶν ὀρθῶς, ἔχειν οἱονεὶ χιτῶνας περικειμένους ἄγαν λεπτοὺς καὶ ὑμέσι παραπλησίους, ὑφʼ ὧν περιαμπέχονται. ὅταν οὖν ἐμφύσῃ τινὶ τὸ <pb xml:id="p.219"/> στόμα ἡ ἀσπίς, διαστέλλεσθαι μέν φασι τὰ ὑμένια, ἐκχεῖσθαι δὲ τὸν ἰόν, καὶ πάλιν συντρέχειν ἐκεῖνα καὶ ἑνοῦσθαι. τοῦ γε μὴν σκορπίου τὸ κέντρον ἔχειν τινὰ κολπώδη διπλόην ὑπὸ τῆς ἄγαν λεπτότητος οὐ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="5"> 
+<p>πάνυ τι σύνοπτον. καὶ εἶναι μὲν τὸ φάρμακον καὶ τίκτεσθαι λέγουσιν ἐνταῦθα, ἅμα δὲ τῇ κρούσει προϊέναι διὰ τοῦ κέντρου καὶ ἐκρεῖν. ὀπὴν δὲ εἶναι διʼ ἧς ἔξεισιν οὐδὲ ταύτην ὄψει θεωρητήν. ἀνθρώπου δὲ σιάλῳ καταπτύοντος ἀμβλύνεσθαι τὸ κέντρον καὶ μαλκίειν καὶ ἐς τὴν πληγὴν ἀδύνατον γίνεσθαι. ἡ κύων εἰ καὶ πολλὰ τίκτει σκυλάκια, ἀλλὰ γοῦν τὸ πρῶτον τῆς μητρὸς προελθὸν καὶ τῆς ὠδῖνος πρεσβύτατον ὂν κατηγορεῖ τὸν πατέρα. ἐκείνῳ γοῦν ὁμοιότατον τίκτεται πάντως, τὰ δὲ ἄλλα ὡς ἂν τύχῃ. ἔοικε δὲ φιλοσοφεῖν ἐν τῷδε ἡ φύσις, προτιμῶσα τοῦ ὑποδεχομένου τὸ σπεῖρον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="6"> 
+<p>τῶν ὀστρακονώτων τε καὶ ὀστρακοδέρμων καὶ τοῦτο ἴδιον. κενώτερά πως ταῦτα καὶ κουφότερα ὑποληγούσης τῆς σελήνης φιλεῖ γίνεσθαι. καὶ τῶν μὲν ὀστρακονώτων ἐλέγχουσιν ὃ λέγω πορφύραι καὶ κήρυκες καὶ σφόνδυλοι καὶ τὰ τούτοις ὁμοφυῆ· τῶν δὲ ἑτέρων πάγουροί τε καὶ κάραβοι καὶ ἀστακοὶ καὶ καρκίνοι καὶ εἴ τι τούτων συγγενές. λέγεται δὲ καὶ τῶν ὑποζυγίων τὰ τικτόμενα ληγούσης τῆς σελήνης ἀδυνατώτερα τῶν ἄλλων εἶναι καὶ ἀσθενέστερα, καὶ μέντοι καὶ συμβουλεύουσιν οἱ τούτων ἐπιστήμονες τὰ ἐν τούτῳ τῷ μέρει τοῦ μηνὸς γεννώμενα μὴ τρέφειν· μὴ γὰρ εἶναι σπουδαῖα αὐτά. κατὰ τὴν νουμηνίαν δὲ τὰ ζῷα, ὡς πυνθάνομαι, ἢ φθέγγεταί τι τῇ συντρόφῳ φωνῇ ἢ πίπτει· λέων δὲ ἄρα μόνος, ὡς Ἀριστοτέλης φησίν, οὐδέτερον αὐτοῖν δρᾷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="7"> 
+<p>ἀκοὴν ὀξύτατον τὸν λάβρακα Ἀριστοτέλης εἶναί <pb xml:id="p.220"/> φησι καὶ μέντοι καὶ τὴν χρόμιν καὶ τὴν σάλπην καὶ τὸν κεστρέα. πυνθάνομαι δὲ τὸν λάβρακα σαφῶς εἰδέναι ὅτι ἄρα ἐν τῇ κεφαλῇ αὐτοῦ λιθίδιόν ἐστι. καὶ χειμῶνος τοῦτο ψυχρότατον γίνεται, καὶ λυπεῖ αὐτὸν ἰσχυρῶς. ταύτῃ τοι καὶ κατʼ ἐκείνην τὴν ὥραν τοῦ ἔτους ἀλεαίνειν αὑτόν, καὶ ἐπινοεῖν τῇ ψύξει τῇ ἐκ τοῦ λίθου φάρμακον τοῦτο καὶ μάλα γε ἀντίπαλον. καὶ χρόμιν δὲ τὸ αὐτὸ ποιεῖν καὶ φάγρον καὶ σκίαιναν πέπυσμαι· ἔχειν γάρ τοι ὅμοιον λίθον καὶ ταῦτα. παράσιτοι δὲ ἄρα καὶ ἐν ἰχθύων γένει ἦσαν. ὁ γοῦν φθεὶρ οὕτω λεγόμενος παρατρώγει τῶν τοῦ δελφῖνος θηραμάτων· ὃ δὲ ἥδεται αὐτῷ καὶ ἑκὼν μεταδίδωσιν. ἔνθεν τοι καὶ πιότατός ἐστιν, ὥσπερ οὖν ἐκ πλουσίας καὶ ἀμφιλαφοῦς ἑστιάσεως ἐμπιπλάμενος. καὶ ὁ μὲν τοῦ Μενάνδρου Θήρων μέγα φρονεῖ, ὅτι ῥινῶν ἀνθρώπους φάτνην αὐτοὺς ἐκείνους εἶχε· Κλείσοφος δὲ καὶ τὸν ὀφθαλμὸν τὸν ἕτερον δεσμῷ κατελάμβανε, Φιλίππῳ χαριζόμενος ἐν τῇ τῆς Μεθώνης πολιορκίᾳ τὸν ἕτερον ἐκκοπέντι. φιλία δὲ ἐμοὶ δοκεῖν καὶ συντροφία τῷ φθειρὶ πρὸς τὸν δελφῖνά ἐστι· κολακεύειν μὲν γὰρ ὡς καὶ ἄλλα κακὰ ἄνθρωπος οἶδε, τὰ δὲ ἄλογα οὐκ οἶδεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="8"> 
+<p> ἐλέφαντος δὲ ἄρα ἐς τὰ τέκνα καὶ ἐκεῖνο φίλτρον ἰσχυρόν. οἱ τούτων θηραταὶ τάφρους ὀρύττουσιν, ἐς ἃς ἐμπίπτει τὰ ζῷα ταῦτα, καὶ τὰ μὲν ἁλίσκεται, τὰ δὲ ἀναιρεῖται. καὶ τίς ὁ τρόπος τῆς τοιᾶσδε ταφρεύσεως καὶ τὸ σχῆμα ὁποῖον καὶ ὁπόσον τὸ βάθος καὶ ἔσοδοι ποταπαί, ἀλλαχόθεν εἴσεσθε· ἐκκαλύψων δὲ ἔγωγε καὶ ἐλέγξων τὴν στοργὴν ἔρχομαι. ἡ μήτηρ θεασαμένη τὸ ἑαυτῆς βρέφος ἐς μίαν τῶν τάφρων ἐμπεσόν, οὔτε ἐμέλλησεν οὔτε βλακεύουσα διέτριψεν, ἀλλὰ ὡς εἶχεν ὁρμῆς ἐκθύμως καὶ περιπαθῶς ἐπιδραμοῦσα, <pb xml:id="p.221"/> κατὰ τοῦ παιδὸς αὑτὴν ἔωσεν ἐς κεφαλήν, καὶ ἄμφω κατὰ ταὐτὸν τὸ τέλος εἰχέτην· ὃ μὲν γὰρ ἐκ τοῦ μητρῴου βάρους πιεσθεὶς συνετρίβη, ἣ δὲ κατὰ τὴν κεφαλὴν ᾅξασα. γελοῖοι τοίνυν εἰσὶν οἱ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="9"> 
+<p>διαποροῦντες εἰ φυσικὴ πρὸς τὰ ἔκγονα στοργή ἐστιν. αἱ δὲ φῶκαι τίκτουσι μὲν ἐπὶ τῆς γῆς, κατὰ μικρὰ δὲ ὑπάγουσιν ἑαυτῶν τὰ σκυλάκια ἐς τὸ νοτερόν, καὶ ἀπογεύουσι τῆς θαλάττης, εἶτα ἐπανάγουσιν ἐς τὸν τῆς ὠδῖνος τόπον τὸν ἐξ ἀρχῆς, καὶ αὖ πάλιν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="10"> 
+<p>κατάγουσιν ἐς τὴν θάλατταν, καὶ ταχέως ἐξάγουσι· καὶ ὅταν πολλάκις τοῦτο δράσωσι, τελευτῶσαι νηκτικώτατα ἀπέφηναν αὐτά. ῥᾳδίως δὲ ἐς τὸν θαλάττιον βίον ὑπολισθάνει, τῆς διδασκαλίας μὲν προαγούσης αὐτά, βιαζομένης δὲ τῆς φύσεως τῶν μητρῴων καὶ ἠθῶν καὶ ἐθῶν ἐρᾶν. ἀετὸς ζῷον πλεονεκτικόν, καὶ διʼ ἁρπαγῶν ποιοῦνται τὰς τροφάς, καὶ σαρκῶν ἐσθίουσι· καὶ γὰρ λαγὼς ἁρπάζουσι καὶ νεβρὸν καὶ χῆνα ἐξ αὐλῆς καὶ ἄλλα. μόνος δὲ ἄρα ἐν αὐτοῖς ὅσπερ οὖν καὶ Διὸς κέκληται κρεῶν οὐχ ἅπτεται, ἀλλὰ ἀπόχρη οἱ πόα· καὶ Πυθαγόρου τοῦ Σαμίου διακούσας οὐδὲ ἕν, ὅμως ἐμψύχων ἀπέχεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="11"> 
+<p>εἰ τοῦ φαλαγγίου καὶ μόνον ἐφάψαιτό τις, ἀπέκτεινεν αὐτὸν μηδὲ ὀδυνηθέντα φασὶν ἰσχυρῶς. ἀλλὰ καὶ τὸ τῆς ἀσπίδος δῆγμα πραότατον εἶναι ἤλεγξε Κλεοπάτρα, ὅτε τοῦ Σεβαστοῦ προσιόντος ἀνώδυνον θάνατον ἐν τοῖς συμποσίοις ἐβασάνιζε, καὶ τὸν μὲν διὰ τοῦ ξίφους εὕρισκεν ἀλγεινόν, τῶν τιτρωσκομένων τοῦτο ὁμολογούντων, τὸν δὲ διὰ τῶν φαρμάκων λυπηρόν· σπασμὸν γάρ τινα ἐμποιεῖν καὶ καρδιώττειν ἀναγκάζειν· τὸν δὲ ἐκ τοῦ δήγματος τῆς ἀσπίδος πρᾶον εἶναι καὶ ἵνα Ὁμηρείως εἴπω ἀβληχρόν. ἔστι <pb xml:id="p.222"/> δὲ ἃ καὶ μόνον ἁψαμένους ἀπέκτεινε καὶ προσερυγόντα δέ, ὥσπερ οὖν ὁ κεντρίνης καὶ ἡ φρύνη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="12"> 
+<p> σὺ μέν μοι λέξεις πανοῦργον εἶναι ζῷον ἀλώπεκα, ταύτην δὴ τὴν ἐκ τῆς γῆς τρεφομένην· ἄκουε δὲ καὶ τὰς τῆς θαλαττίας μηχανάς, καὶ ὁποῖα δρᾷ καὶ ἐκείνη πυνθάνου. ἢ γὰρ οὐ πρόσεισι τῷ ἀγκίστρῳ τὴν ἀρχήν, ἢ καταπιοῦσα παραχρῆμα ἑαυτῆς τὸ ἐντὸς μετεκδῦσα ἔστρεψεν ἔξω, ὥσπερ οὖν χιτῶνα τὸ σῶμα ἀνελίξασα, καὶ τοῦτον δήπου τὸν τρόπον ἐξεώσατο τὸ ἄγκιστρον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="13"> 
+<p> Ἴυγγας ἐρωτικὰς ἄνθρωποί φασιν εἶναί τινας, μίξεως δὲ ἀφροδισίου σύνθημα ὁ βάτραχος ἀφίησι πρὸς τὴν θήλειαν βοήν τινα, ὡς ἐραστὴς ᾠδήν τινα κωμαστικήν, καὶ κέκληται ἥδε ἡ βοὴ ὀλολυγών, ὥς φασιν. ὅταν δὲ τὴν θήλειαν προσαγάγηται, μένουσιν ἄμφω τὴν νύκτα· ἐν μὲν γὰρ τῷ ὕδατι συνελθεῖν οὐ δύνανται, μεθʼ ἡμέραν δὲ ἐπὶ γῆς συμπλακῆναι ὀρρωδοῦσι. νυκτὸς δὲ ἐπιστάσης κατὰ πολλὴν τὴν ἄδειαν προελθόντες ἀλλήλων ἀπολαύουσιν. ὅταν δὲ βάτραχοι γεγωνότερον φθέγγωνται καὶ τῆς συνηθείας λαμπρότερον, ἐπιδημίαν δηλοῦσιν ὑετοῦ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="14"> 
+<p> εἴ τις προσάψαιτο τῆς νάρκης ὅτι τὸ ἐκ τοῦ ὀνόματος πάθος τὴν χεῖρα αὐτοῦ καταλαμβάνει, τοῦτο καὶ παιδάριον ὢν ἤκουσα τῆς μητρὸς λεγούσης πολλάκις. σοφῶν δὲ ἀνδρῶν ἐπυθόμην ὅτι καὶ τοῦ δικτύου ἐν ᾧ τεθήραται εἴ τις προσάψαιτο, ναρκᾷ πάντως. εἰ δέ τις ἐς σκεῦος αὐτὴν ἐμβάλοι ζῶσαν, καὶ ἐπιχέοι θαλαττίου ὕδατος, ἐὰν ἐγκύμων ᾖ καὶ ὁ καιρὸς τῆς ὠδῖνος ἀφίκηται, τίκτει. καὶ τὸ ἐν τῳ σκεύει ὕδωρ εἴ τις καταχέοι χειρὸς ἀνθρώπου ἢ ποδός, ναρκᾶν τὴν χεῖρα ἢ τὸν πόδα ἀνάγκη. <pb xml:id="p.223"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="15"> 
+<p>τὰ ζῷα οὔτε ἐν ταῖς πληγαῖς οὔτε ἐν τοῖς δήγμασιν ἀεὶ τὴν αὐτὴν δύναμιν ἴσχει, ἀλλʼ ἐπιτείνεται πολλάκις ἔκ τινος αἰτίας. ὁ γοῦν σφὴξ γευσάμενος ἔχεως χαλεπώτερός ἐστι τὴν πληγήν, καὶ ἡ μυῖα τοιούτῳ τινὶ προσελθοῦσα πικροτέρα δακεῖν ἐστι καὶ ὀδύνας ἔδωκε, καὶ μέντοι καὶ τῆς ἀσπίδος τὸ δῆγμα γίνεται παντελῶς ἀνήκεστον, ἐὰν βατράχου φάγῃ. ὁ δὲ κύων ὑγιαίνων μὲν ἐὰν δάκῃ, τραῦμα εἰργάσατο καὶ ἀλγηδόνα ἐξῆψεν· ἐὰν δὲ λυττῶν, διέφθειρεν. ἀκέστρια δὲ ἀκουμένη χιτώνιον ῥαγὲν ὑπὸ λυττῶντος κυνός, δακοῦσά πως τῷ στόματι τὸ χιτώνιον, ἵνα ἀποτείνῃ αὐτό, ἐλύττησε καὶ ἀπέθανεν. ἀνθρώπου δὲ ἀσίτου δῆγμα χαλεπὸν καὶ δυσίατον. λέγονται δὲ οἱ Σκύθαι πρὸς τῷ τοξικῷ, ᾧ τοὺς οἰστοὺς ἐπιχρίουσι, καὶ ἀνθρώπειον ἰχῶρα ἀναμιγνύναι φαρμάττοντες, ἐπιπολάζοντά πως αἵματι, ὅπερ ἴσασιν ἀπόκριμα αὐτοῖς. τεκμηριῶσαι τοῦτο καὶ Θεόφραστος ἱκανός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="16"> 
+<p>ὅταν ἀποδύσηται τὸ γῆρας ὁ ὄφις ʽὑπαρχομένου δὲ τοῦ ἦρος δρᾷ τοῦτὀ, ἐνταῦθά τοι καὶ τῶν ὀφθαλμῶν τὴν ἀχλὺν καὶ τὸ ἀμβλὺ τῆς ὄψεως ῥύπτεται καὶ ἐκεῖνο ὡς γῆρας ὀφθαλμῶν, τῷ δὲ μαράθῳ ὑποθήγων τε καὶ παραψήχων τὸ ὄμμα ἑκάτερον, εἶτα ἐξάντης τοῦδε τοῦ πάθους γίνεται. ἀμβλυώττει δὲ ἄρα διὰ τοῦ χειμῶνος φωλεύσας ἐν μυχῷ καὶ σκότῳ. οὐκοῦν μαλκίουσαν ἐκ τῶν κρυμῶν τοῦ ζῴου τὴν ὄψιν ὑποθερμαῖνον τὸ μάραθον καθαίρει, καὶ ὀξυωπέστερον ἀποφαίνει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="17"> 
+<p>ἡ ἁλκυὼν ὅταν αἴσθηται ἑαυτῆς κυούσης, τηνικαῦτά τοι ἐς τὴν τῶν νεοττῶν ὑποδοχὴν καλιὰν ἐργάζεται, οὔτε πηλοῦ καὶ ὀρόφου ὡς ἡ χελιδὼν δεομένη καὶ οἴκων, καὶ ἄκλητος ἐσιοῦσα ξένη, καὶ λυποῦσα τὰ ἑωθινὰ τῷ λάλῳ καὶ μέντοι καὶ διακόπτουσα <pb xml:id="p.224"/> τῶν ὕπνων τὸν ἥδιστον, οὔτε πάλιν τῷ σώματι μόνῳ ἐν ἐλευθέροις χωρίοις ἔχεται τοῦ προειρημένου, συμπλέκουσα δὲ καὶ ἀθροίζουσα τὰς τῆς βελόνης ἀκάνθας, δεσμῷ τινι ἀπορρήτῳ τῆς εὐθημοσύνης περιλαμβάνει τὸ ποίημα. τὰς μὲν γὰρ ἐς τὸ εὐθὺ κατέδησαν αὐτῶν, τὰς δὲ ἐπικαρσίας ʽὑφαντικῆς ἐπιστήμονα γυναῖκα εἴποις ἂν τῷ στήμονι τὴν κρόκην ἐπιπλέκεινʼ, στρογγύλον δὲ ἡσυχῆ τὸ ἔργον ἀποφαίνει καὶ κολπῶδες, οἱονεὶ πλέγμα κύρτου δημιουργοῦσα. καὶ ὅταν ἐξυφήνῃ τὸ εἰρημένον, κομίζει πρὸς τὴν θάλατταν, ἔνθα τοῦ κύματος ἐπιπολάζοντος ἡσυχῆ τὸ κλύσμα ἐπιὸν ἐλέγχει τῇ ἁλκυόνι τὸ ἔργον· τὸ γάρ τοι μὴ στεγανὸν μέρος τὸ ὕδωρ τὸ ἐμπῖπτον ἀκεῖται αὖθις. τὰ δὲ ἡρμοσμένα εἴγε παίοις λίθῳ, οὐκ ἂν διατρήσειας αὐτά. εἰ δὲ καὶ διακόψαι σιδήρῳ ἐθέλοις, τὰ δὲ οὐκ ἂν εἴξειε, καλῶς τε καὶ εὖ διυφασμένα, τοῦ θώρακος τοῦ λινοῦ οὐ μεῖον, ὅνπερ οὖν ἀναθεῖναι τῇ Ἀθηνᾷ τῇ Λινδίᾳ Ἄμασιν ᾅδουσι. τὸ στόμα δὲ τοῦ κύρτου τοῦδε ἄλλῳ μὲν οὔτε ἐσβατὸν οὔτε πάνυ τι σύνοπτον, δέχεται δὲ ἐκείνην μόνην. οὐκ ἂν δὲ ἐσρεύσειε διʼ αὐτοῦ οὐδὲ τῆς θαλάττης ἔσω οὐδὲ ἕν· οὕτω τοι στεγανόν ἐστιν. ἐνταῦθά τοι καὶ τοὺς νεοττοὺς τρέφει κατὰ τῶν κυμάτων ἡ ἁλκυὼν φερομένη, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="18"> 
+<p> τοῦ Νείλου πλησίον πόα γίνεται, καὶ καλεῖται λυκοκτόνος, καὶ οὐκ ἔστι ψευδώνυμος, καὶ εἰκότως· ὅταν γὰρ αὐτῆς ἐπιβαίνῃ λύκος, σπώμενος ἀποθνήσκει. ἔνθεν τοι καὶ οἱ σέβοντες Αἰγυπτίων τοῦτο τὸ ζῷον ἐς τὴν ἑαυτῶν χώραν κωλύουσι ταύτην τὴν πόαν κομίζεσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="19"> 
+<p> τῶν κατὰ τὴν οἰκίαν ὄρνις ἐὰν ἐς οἶνον ἐμπέσῃ καὶ ἀποπνιγῇ, οὐδὲν λυμαίνεται οὔτε τοῦ οἴνου φασὶν <pb xml:id="p.225"/> οὔτε τῶν ἔνδον· ἐὰν δὲ ἐς ὕδωρ κατενεχθῇ, δυσῶδες ἀπέφηνε τὸ ὕδωρ, καὶ κακοσμίαν περὶ τὸν ἀέρα ἐργάζεται. γαλεώτης δὲ ἐὰν ἐς οἶνον κατολισθὼν εἶτα ἀποπνιγῇ, λυπεῖ οὐδὲ ἓν· ἐὰν δὲ ἐς ἔλαιον ἐμπέσῃ καὶ ἀποθάνῃ, δυσῶδες τὸ ἔλαιον ἀποφαίνει, καὶ ὁ γευσάμενος αὐτοῦ φθειρσὶν ἐξέζεσεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="20"> 
+<p>τὸ τοῦ ἐλάφου κέρας θυμιώμενον ὅτι τοὺς ὄφεις διώκει δῆλόν ἐστιν. λέγει δὲ Ἀριστοτέλης ὅτι καὶ λίθος ὁ γινόμενος ἐν τῷ Πόντῳ ποταμῷ ʽἔστι δὲ οὗτος ἐν τῇ χώρᾳ τῇ Σιντικῇ τε καὶ Μαιδικᾖ ἐπιθυμιώμενος διώκει τοὺς αὐτούς, καὶ μέντοι καὶ φύσιν τοῦ λίθου περιηγεῖται τοιάνδε. ὕδατος μὲν εἴ τις αὐτοῦ καταχέοι, ἐξάπτεται· καόμενον δὲ ὑπερεξάψαι ῥιπίδι εἰ θελήσειας, ὃ δὲ κατασβέννυται. θυμιώμενον δὲ αὐτὸν ὀσμὴν ἀφιέναι ἀσφάλτου βαρυτέραν φασί. τούτοις ὁμολογεῖ καὶ Νίκανδρος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="21"> 
+<p>ἡ Φάρος ἡ νῆσος πάλαι ʽλέγουσι δὲ Αἰγύπτιοι οἷα μέλλω λέγεινʼ ἐπεπλήρωτο ὄφεων πολλῶν τε καὶ διαφόρων. ἐπεὶ δὲ Θῶνις ὁ τῶν Αἰγυπτίων βασιλεὺς λαβὼν παρακαταθήκην τὴν Διὸς Ἑλένην ʽἔδωκε δὲ αὐτὴν ἄρα καὶ περὶ τὴν ἄνω Αἴγυπτον καὶ περὶ τὴν Αἰθιοπίαν πλανώμενος ὁ Μενέλεωσʼ εἶτα ἠράσθη αὐτῆς ὁ Θῶνις, βίαν αὐτοῦ προσφέροντος τῇ Ἑλένῃ ἐς ὁμιλίαν ἀφροδίσιόν φησιν ὁ λόγος τὴν Διὸς αὐτὰ εἰπεῖν ἕκαστα πρὸς τὴν τοῦ Θώνιδος γαμετήν Π̔ολύδαμνα ἐκαλεῖτὀ, τὴν δὲ δείσασαν μή ποτε ἄρα ὑπερβάληται ἡ ξένη τῷ κάλλει αὐτήν, ὑπεκθέσθαι τὴν Ἑλένην ἐς Φάρον, πόαν δὲ τῶν ὄφεων τῶν ἐκεῖθι ἐχθρὰν δοῦναι, ἧσπερ οὖν αἴσθησιν λαβόντας τοὺς ὄφεις εἶτα καταδῦναι. τὴν δὲ αὐτὴν καταφυτεῦσαι, καὶ χρόνῳ ἀναθῆλαι καὶ ἀφεῖναι σπέρμα ἐχθρὸν ὄφεσι, καὶ μέντοι καὶ ἐν τῇ Φάρῳ θηρίον τοιόνδε <pb xml:id="p.226"/> οὐκέτι γενέσθαι. κληθῆναι δὲ τὴν πόαν ἑλένιον λέγουσιν οἱ ταῦτα εἰδέναι δεινοί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="22"> 
+<p> θαλάττιον ζῷον οἱ ἀστέρες, καὶ εἰσὶ καὶ οὗτοι μαλακόστρακοι, ἐχθροὶ δὲ τοῖς ὀστρέοις· δειπνοῦσι γὰρ αὐτά. καὶ ὁ τρόπος τῆς ἐπιβουλῆς τῆς κατʼ αὐτῶν ἐκεῖνός ἐστι. τὰ μὲν κέχηνε πολλάκις ψύχους δεόμενα καὶ ἄλλως εἴ τί σφισιν ἐμπέσοι τούτῳ τραφησόμενα· οἱ τοίνυν ἀστέρες μέσον τῶν ὀστράκων διείρουσιν ἓν κῶλον τῶν σφετέρων ἕκαστος, καὶ ἐμπίπλανται τῶν σαρκῶν, διειργομένων συνελθεῖν τῶν ὀστράκων αὖθις. ἴδιον μὲν δὴ καὶ ἀστέρων θαλαττίων εἰρήσθω ἡμῖν τοῦτο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="23"> 
+<p> τὴν μὲν ὕδραν τὴν Λερναίαν τὸν ἆθλον τὸν Ἡράκλειον ᾀδέτωσαν ποιηταὶ καὶ μύθων ἀρχαίων συνθέται, ὧνπερ οὖν καὶ Ἑκαταῖος ὁ λογοποιός ἐστιν· ᾀδέτω δὲ καὶ Ὅμηρος χιμαίρας φύσιν κεφαλὰς ἐχούσης τρεῖς, τέρας τοῦτο Λύκιον Ἀμισωδάρου τοῦ Λυκίων βασιλέως, ἐπὶ λύμῃ πολλῶν θρέμμα ποικίλον τε καὶ ἀπρόσμαχον, ναὶ μὰ Δία. καὶ ταῦτα μὲν ἔοικεν ἐς τοὺς μύθους ἀποκεκρίσθαι· ἡ δὲ ἀμφίσβαινα ὄφις δικέφαλός ἐστι, καὶ τὰ ἄνω καὶ ὅσα ἐς τὸ οὐραῖον· προϊοῦσα δέ, ὅπως ἂν ἐς τὴν ὁρμὴν ἐπαγάγῃ τῆς προόδου ἡ χρεία αὐτήν, τὴν μὲν ἀπέλιπεν οὐρὰν εἶναι, τὴν δὲ ἀπέφηνε κεφαλήν. καὶ μέντοι καὶ πάλιν εἰ δεηθείη τὴν ὀπίσω ἰέναι, κέχρηται ταῖς κεφαλαῖς ἐς τὸ ἐναντίον ἢ τὸ πρόσθεν ἐχρήσατο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="24"> 
+<p> ἦν δὲ ἄρα τι βατράχου γένος, καὶ καλεῖται τοῦτο ἁλιεύς, καὶ καλεῖται τὸ ὄνομα ἐξ ὧν δρᾷ. δελέατα ἐκεῖνος ὑπεράνω τῶν ὀφθαλμῶν ἔχει προμήκεις ὡς ἂν εἴποις τινὰς βλεφαρίδας, εἶτα ἑκάστῃ βραχὺ σφαιρίον προσπέφυκε. σύνοιδεν οὖν ἑαυτῷ τούτοις ἐφολκοῖς ὑπὸ τῆς φύσεως ἐς τοὺς ἄλλους ἰχθῦς παρεσκευασμένῳ <pb xml:id="p.227"/> τε καὶ τεθηγμένῳ προσέτι. οὐκοῦν ὑποκρύψας ἑαυτὸν ἐν τοῖς θολερωτέροις τε καὶ ἰλύος μᾶλλον πεπληρωμένοις ἡσυχάζει; προτείνων τὰς τρίχας τὰς προειρημένας. τὰ τοίνυν βράχιστα τῶν ἰχθύων προσνεῖ ταῖσδε ταῖς βλεφαρίσι, τὰς ἐπʼ ἄκρου σφαιροειδεῖς περιφορὰς οἰόμενα δέλεαρ εἶναι, ὃ δὲ ἐλλοχῶν ἀτρεμεῖ, πλησίον δὲ ἐκείνων γεγενημένων, ὑπάγει τὰς τρίχας ἐς ἑαυτόν ʽαἳ δὲ ἐσάγονται κρυπταῖς τισιν ὁδοῖς καὶ ἀφανέσἰ, γειτνιάσαντά τε ὑπὸ λαιμαργίας τὰ ἰχθύδια δεῖπνόν ἐστι τῷ βατράχῳ τῷ προειρημένῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="25"> 
+<p>Κάραβος πολύποδι ἐχθρός. τὸ δὲ αἴτιον, ὅταν αὐτῷ τὰς πλεκτάνας περιβάλῃ, τῶν μὲν ἐπὶ τοῦ νώτου ἐκπεφυκότων αὐτῷ κέντρων ποιεῖται οὐδεμίαν ὤραν, ἑαυτὸν δὲ περιχέας αὐτῷ ἐς πνῖγμα ἄγχει. ταῦτα ὁ κάραβος σαφῶς οἶδε, καὶ ἀποδιδράσκει αὐτόν. καράβου δὲ ἡ φύσις ἐκείνη ἐστίν. ὅταν ἀδεὴς ᾖ, πορεύεται ὅδε ὁ ἰχθὺς πρόσω, πλαγιάσας δεῦρο καὶ ἐκεῖσε τὰ κέρατα, ἵνα μὴ πρὸς ἐναντίαν τὴν νῆξιν τὸ ὕδωρ ἰὸν εἶτα ἀναστέλλῃ οἱ τὰ κέρατα καὶ ἐμποδίζῃ πρόσω χωρεῖν· εἰ δὲ φεύγοι, τὴν ὀπίσω ἰὼν παρῆκεν αὐτὰ τελέως. τὸ δὲ αἴτιον, ὡς κώπαις ἐρέττων καὶ ὑποκινῶν δίκην πορθμίδος πολὺ ἀποσπᾷ. εἰ δὲ γένοιτο μάχη καράβων πρὸς ἀλλήλους, τὰ κέρατα ἐγείροντες εἶτα ὡς κριοὶ ἐμπίπτοντες προσαράττουσι τὰ μέτωπα. ἀγῶνα δὲ μυραίνης καὶ καράβου ἀνωτέρω εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="26"> 
+<p>ἐλαύνει δὲ ἰσχυρῶς τοὺς ὄφεις ἡ ἔνδροσός τε καὶ νοτερὰ καλαμίνθη φασὶ καὶ ὁ ἄγνος. τοῦτόν τοι καὶ ἐν Θεσμοφορίοις ἐν ταῖς στιβάσι τὰ γύναια τὰ Ἀττικὰ ὑποστόρνυται. καὶ δοκεῖ μὲν καὶ ἐχθρὸς εἶναι τοῖς δακέτοις ὁ ἄγνος, ἤδη δὲ καὶ ὁρμῆς ἀφροδισίου κώλυμά ἐστι, καὶ ἔοικε τό γε ὄνομα λαβεῖν ἐντεῦθεν. <pb xml:id="p.228"/> δέδοικε δὲ ἄρα τὰ αὐτὰ δάκετα καὶ τὴν καλουμένην λιβανωτίδα πόαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="27"> 
+<p> Θεοφράστου δὲ ἔγωγε ἀκούω καὶ ἐκεῖνα. πόαν τινὰ ἱστορεῖ ὅδε ὁ ἀνήρ, καὶ ὄνομα θηλυφόνον καλεῖ αὐτήν, ἥνπερ οὖν εἴ τις σκορπίῳ κατὰ νώτου θεὶς ἐάσειεν, ὃ δὲ παραχρῆμα αὖός ἐστιν. ὁ δὲ αὐτὸς λέγει τὸν αὐτὸν ἀναστήσεσθαι, εἴπερ οὖν λευκοῦ ἐλλεβόρου καταπάσειας αὐτοῦ. ἐγὼ δὲ ἐπαινῶ μὲν τὸ θηλυφόνον, τὸν δὲ λευκὸν ἐλλέβορον ἥκιστα. τὸ δὲ αἴτιον, μισῶ μὲν σκορπίους, φιλῶ δὲ ἀνθρώπους. Καλλίμαχος δὲ ἄρα ἐν τῇ γῇ τῇ Τραχινίᾳ ᾅδει δένδρον τι φύεσθαι καὶ καλεῖσθαι σμῖλον, ᾧ τὰ ἑρπετὰ γειτνιάσαντα καὶ παραψαύσαντα ἀρχὴν εἶτα ἀποθνήσκει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="28"> 
+<p> τὴν ὗν κρέα ἔχειν τῶν ἄλλων κρεῶν ἡδίω ἐκ πολλοῦ πεπίστευται. καὶ ἐκεῖνο δὲ ἡ πεῖρα διδάσκει καὶ μάλα γε ἐναργῶς. ὅταν ποτὲ σαλαμάνδραν φάγῃ, αὐτὴ μέν ἐστιν ἀπαθής, τούς γε μὴν αὐτῆς γευσαμένους ἀποκτείνει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="29"> 
+<p> Εὐφράτης, ὅσπερ οὖν Πάρθων καὶ Σύρων ῥεῖ μέσος, ὅ τι μὲν καὶ ἕτερον τῶν ἄλλων ἔχει ποταμῶν περιττὸν ἐρῶ ἄλλοτε, ὃ δὲ αὐτῷ συνίσασι Πάρθοι τε καὶ Σύροι καὶ ἔστι συμμελὲς τοῖς λόγοις τοῖσδε, τοῦτο εἰρήσεται. πρὸς ταῖς πρώταις ἀνατολαῖς τοῦδε τοῦ ποταμοῦ φύονταί τινες ὄφεις, καὶ μάλα γε ἀνθρώπων ἐχθροί, ἀλλʼ οὐ τῶν ἐπιχωρίων καὶ συντρόφων, τῶν δὲ ξένων καὶ προσηκόντων οὐδὲ ἕν. καὶ τιμῶνταί γε τὴν ἐπιδημίαν θανάτου αὐτοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="30"> 
+<p> λέων ὅταν βαδίζῃ, οὐκ εὐθύωρον πρόεισιν, οὐδὲ ἐᾷ τῶν ἰχνῶν ἑαυτοῦ ἁπλᾶ εἶναι τὰ ἰνδάλματα, ἀλλὰ πῆ μὲν πρόεισι, πῆ δὲ ἐπάνεισι, καὶ αὖ πάλιν τοῦ πρόσω ἔχεται, καὶ μέντοι καὶ ἵεται ἐς τοὔμπαλιν. εἶτα προφορεῖται τὴν ὁδόν, καὶ ἀφανίζει τοῖς θηραταῖς <pb xml:id="p.229"/> ἰέναι κατὰ στίβον τὸν ἑαυτοῦ καὶ ῥᾳδίως τὴν κοίτην ἔνθα ἀναπαύεται καὶ οἰκεῖ σὺν τοῖς σκύμνοις εὑρίσκειν. καὶ ταῦτα μὲν λεόντων ἐστὶν ἴδια δῶρα φύσεως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="31"> 
+<p>ποιμένα μοι νόει νομευτικὴν ἀγαθόν. οὐκοῦν ὁ νομεὺς φιλεῖ μὲν τὰς οἶς, φιλεῖ δὲ καὶ τὰς αἶγας, μισεῖ δὲ λύγγα. νόσημα δὲ τοῦτο ἀνθρώπῳ πολλάκις ἐμπῖπτον, ἄγει δὲ ἡ πλησμονὴ καὶ ταῖσδε τὴν λύγγα. οὐκοῦν πόαν τινὰ ἐχθρὰν τῷ πάθει τῷδε τοΐς τῶν προειρημένων σηκοῖς οἱ νομεῖς παραφυτεύουσι, καὶ ἥδε ἡ πόα ἀνείργει τὸ κακὸν αὐταῖς. λέγουσι δὲ οἱ πεπειραμένοι ὅτι ἄρα καὶ ἀνθρώποις ἐς τὸ αὐτὸ πάθος ἐστὶν ἀγαθὸν ἡ πόα αὕτη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="32"> 
+<p>ὑοσκύαμον καὶ ὀπὸν ὅσοις ἔργον τρυγᾶν, οὗτοι περισκάπτουσι μὲν γύρους καὶ ὑποκινοῦσι τὰς ῥίζας, οὐ μὴν διὰ χειρῶν τῶν σφετέρων ἀνασπῶσιν, ἀλλὰ τῶν ζῴων πτηνὸν ὅ τι οὖν θηράσαντες ἢ πριάμενοι τοῖν ποδοῖν τὸν ἕτερον προσέδησαν τῇ πόᾳ. τὸ δὲ ἰλυσπώμενον εἶτα μέντοι ἀνασπᾷ αὐτήν. καὶ ἔστι λυσιτελῆ ἑκάτερα ἐς ἃ δέονται ἄνθρωποι. εἰ δὲ μὴ ταύτῃ τις ἀνασπάσειεν, ἔχει ἄλλως ὅπερ οὖν οἴεται καλῶς καὶ ἐς δέον θησαύρισμα εἰληφέναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="33"> 
+<p>τὸ ἀβρότονον ὅσα ἀγαθὰ δρᾷ καὶ ὅπως ὁδοὺς πνεύματι δίδωσι καὶ μέντοι καὶ πνεύμονός ἐστι καθαρτήριον οὐ νῦν λέγειν καιρός· ζῴῳ δʼ οὖν πονηρῷ πολέμιόν ἐστι, καὶ ἀναιρεῖ τὴν ἕλμινθα, ἥπερ οὖν ἐπὶ πλέον ἰοῦσα θηρίον γίνεται σπλάγχνοις μὲν ἐντικτόμενον, ἀνθρωπείαις δὲ νόσοις ἐναριθμούμενον, καὶ ταῦτα ταῖς ἄγαν ἀνιάτοις τε καὶ ὑπὸ χειρὸς θνητῆς ἐς ἄκεσιν ἥκειν ἀδυνάτοις. τεκμηριῶσαι τοῦτο καὶ Ἵππυς ἱκανός. ὃ δὲ λέγει ὁ συγγραφεὺς ὁ Ῥηγῖνος, τοιοῦτόν ἐστι. γυνὴ εἶχεν ἕλμινθα, καὶ ἰάσασθαι αὐτὴν ἀπεῖπον οἱ τῶν ἰατρῶν δεινοί. οὐκοῦν ἐς <pb xml:id="p.230"/> Ἐπίδαυρον ἦλθε, καὶ ἐδεῖτο τοῦ θεοῦ ἐξάντης γενέσθαι τοῦ συνοίκου πάθους. οὐ παρῆν ὁ θεός· οἱ μέντοι ζάκοροι κατακλίνουσι τὴν ἄνθρωπον ἔνθα ἰᾶσθαι ὁ θεὸς εἰώθει τοὺς δεομένους. καὶ ἡ μὲν ἄνθρωπος ἡσύχαζε προσταχθεῖσα, οἵ γε μὴν ὑποδρῶντες τῷ θεῷ τὰ ἐς τὴν ἴασιν αὐτῆς ἐποίουν, καὶ τὴν κεφαλὴν μὲν ἀπὸ τῆς δέρης ἀφαιροῦσι, καθίησι δὲ τὴν χεῖρα ὁ ἕτερος, καὶ ἐξαιρεῖ τὴν ἕλμινθα, θηρίου μέγα τι χρῆμα. συναρμόσαι δὲ καὶ ἀποδοῦναι τὴν κεφαλὴν ἐς τὴν ἀρχαίαν ἁρμονίαν οὐκ ἐδύναντο οὐκέτι. ὁ τοίνυν θεὸς ἀφικνεῖται, καὶ τοῖς μὲν ἐχαλέπηνεν ὅτι ἄρα ἐπέθεντο ἔργῳ δυνατωτέρῳ τῆς ἑαυτῶν σοφίας· αὐτὸς δὲ ἀμάχῳ τινὶ καὶ θείᾳ δυνάμει ἀπέδωκε τῷ σκήνει τὴν κεφαλήν, καὶ τὴν ξένην ἀνέστησε. καὶ οὔ τι που, ὦ βασιλεῦ καὶ θεῶν φιλανθρωπότατε Ἀσκληπιέ, ἀβρότονον ἔγωγε ἀντικρίνω τῇ σοφίᾳ τῇ σῇ· μὴ μανείην ἐς τοσοῦτον· ἀλλὰ ἐπελθὸν ἐμνήσθην εὐεργεσίας τε σῆς καὶ ἰάσεως ἐκπληκτικῆς. ὡς δὲ καὶ ἥδε ᾑ πόα σὸν δῶρόν ἐστιν οὐδὲ ἀμφιβάλλειν χρή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="34"> 
+<p> ὁ δὲ ναυτίλος πολύπους ἐστὶ καὶ αὐτός, καὶ κόγχην μίαν ἔχει. ἀναπλεῖ μὲν οὖν τὴν κόγχην στρέψας περὶ τὰ κάτω, ἵνα μὴ τῆς ἅλμης ἀρύσηται καὶ ὠθήσῃ αὖθις αὑτόν· γενόμενος δὲ ἐπὶ τοῖς κύμασιν, ὅταν μὲν ᾖ γαλήνη καὶ εἰρήνη πνευμάτων, στρέφει τὴν κόγχην ὑπτίαν ʽἣ δὲ ἐπιπλεῖ δίκην πορθμίδοσʼ καὶ παρεὶς δύο πλεκτάνας ἐντεῦθέν τε καὶ ἐκεῖθεν καὶ ὑποκινῶν ἡσυχῆ ἐρέττει τε καὶ προωθεῖ τὴν συμφυῆ ναῦν. εἰ δὲ εἴη πνεῦμα, τοὺς ἐρετμοὺς μὲν τοὺς τέως προτείνας μακροτέρους οἴακας ἐργάζεται, ἄλλας δὲ ἀνατείνας πλεκτάνας, ὧν μέσος χιτών ἐστι λεπτότατος, τοῦτον διαστήσας ἱστίον αὐτὸν ἀποφαίνει. <pb xml:id="p.231"/> πλεῖ μὲν δὴ τὸν τρόπον τοῦτον ἀδεὴς ὤν· ἐὰν μέντοι φοβηθῇ τι τῶν ἁδροτέρων, βυθίσας τὴν κόγχην ἐπλήρωσε, καὶ κατώλισθεν ἐκ τοῦ βάρους, καὶ ἑαυτὸν ἀφανίσας τὸν ἐχθρὸν ἀπέδρα. εἶτα ἐν εἰρήνῃ γενόμενος ἀνέθορέ τε καὶ πλεῖ πάλιν. καὶ ἐκ τούτων ἔχει τὸ ὄνομα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="35"> 
+<p>ἐς τριακοσίας ὀργυιάς φασιν ἀνθρώποις κάτοπτα εἶναι τὰ ἐν τῇ θαλάττῃ, περαιτέρω γε μὴν οὐκέτι. εἴτε δὲ ὑπονέουσιν ἰχθύες ἔτι εἴτε καὶ θηρία, ἢ εἰ καὶ τούτοις μὲν ἄβατά ἐστι, θεοὶ δὲ θαλάττιοι καὶ ἐνάλιοι δαίμονες εἰλήχασι τὸν χῶρον καὶ μέντοι καὶ ὁ τῆς ὑγρᾶς οὐσίας δεσπότης, οὔτε ἐγὼ πολυπραγμονῶ οὔτε ἄλλος λέγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="36"> 
+<p>ἦν δὲ ἄρα πέτραις ἠθὰς καὶ ἐν ταύταις νεμόμενος γένος κεστρέως ἰχθύς, καὶ ἰδεῖν ξανθός ἐστι. διαρρεῖ δὲ ἄρα ὑπὲρ αὐτοῦ διπλοῦν ὄνομα· οἳ μὲν γὰρ ἄδωνιν καλοῦσιν, οἳ δὲ ἐξώκοιτον. ὅταν γάρ τοι τὸ κῦμα ἐν τοῖς ὑπευδίοις καὶ γαληνοῖς πραϋνθῇ, τηνικαῦτα ἑαυτὸν ἐξοκέλλει, τοῦ κύματος ἐποχούμενος τῇ ὁρμῇ, καὶ κατὰ τῶν πετρῶν ἁπλοῖ, καὶ καθεύδει βαθὺν καὶ εἰρηναῖον εὖ μάλα τὸν ὕπνον. καὶ ἐκ μὲν τῶν ἄλλων ἁπάντων ἔνσπονδα ὥς ἐστίν οἱ καλῶς οἶδε, πέφρικε δὲ τοὺς ὄρνιθας ὅσοι θαλάττης ἔντροφοι καί εἰσι καὶ νομίζονται. ἐὰν οὖν ἐκείνων ἐπιφανῇ τις, ὃ δὲ ἀναπάλλεται καὶ πηδᾷ χορείᾳ τινὶ φυσικῇ καὶ ὀρχήσει ὡς ἂν εἴποις μάλα ἀπορρήτῳ, ἔστʼ ἂν ἀπὸ τῆς πέτρας ἐξαλλόμενος εἶτα ἐμπεσὼν τοῖς κύμασι σωθῇ. Ἄδωνιν δʼ ἐθέλουσι λέγειν αὐτόν, ἐπεὶ καὶ γῆν καὶ θάλατταν ἔχει φίλην, τῶν πρώτων ἐμοὶ δοκεῖν θεμένων τὸ ὄνομα αἰνιξαμένων ἐς τὸν τοῦ Κινύρου παιδὸς βίον τὸν διῃρημένον δύο δαίμοσι, τῆς μὲν ὑπὸ γῆς, τῆς δὲ ἄνω γῆς ἐρώσης αὐτοῦ. <pb xml:id="p.232"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="37"> 
+<p> φυτοῦ ἑτέρου κλάδος ἐπιφύεται πρέμνῳ, προσήκων οἱ μηδὲ ἓν πολλάκις. τὸ δὲ αἴτιον Θεόφραστος λέγει, φυσικώτατα ἀνιχνεύσας ὅτι τὰ ὀρνύφια τὴν ἄνθην τῶν δένδρων σιτούμενα εἶτα ἐπὶ τοῖς φυτοῖς καθήμενα τὰ περιττὰ ἀποκρίνει. οὐκοῦν τὸ σπέρμα ταῖς κοιλάσι καὶ ταῖς ὀπαῖς αὐτῶν καὶ τοῖς σηραγγώδεσιν ἐμπῖπτον καὶ ἐπαρδόμενον τοῖς ὄμβροις τοῖς ἐξ οὐρανοῦ, εἶτα ἀναφύει ἐκεῖνα ἐξ ὧν ἐβλάστησεν. οὕτω τοι καὶ ἐν ἐλαίᾳ συκῆν κατανοήσεις, καὶ ἐν ἄλλῳ ἄλλο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="38"> 
+<p> φωλεύει δὲ ἐν τοῖς μυχοῖς τῆς θαλάττης τὸ πρόβατον, καὶ οἱ καλούμενοι ἥπατοι, καὶ οὕσπερ οὖν φιλοῦσιν ἁλιεῖς ὀνομάζειν πρέποντας. καὶ μέγιστοι μέν εἰσιν ἰδεῖν τὴν φύσιν, νωθεῖς δὲ τὴν νῆξιν, καὶ εἱλοῦνται περὶ τοῖς φωλεοῖς, ἔνθεν τοι οὐδὲ ἀπολείπουσι τὴν σφετέραν ὑποδρομήν. λοχῶσι δὲ τῶν ἰχθύων τῶν ἀσθενεστέρων τοὺς παρανέοντας. ἀριθμοῖτο δʼ ἂν ἐν τούτοις καὶ ὁ ὄνος· δέδοικε δὲ μάλιστα ἰχθύων τὴν τοῦ Σειρίου ἐπιτολὴν οὗτος ὁ ὄνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="39"> 
+<p> τίκτεται δὲ ἄρα ἐν τοῖς τῶν πυρῶν ληίοις καὶ ταῖς αἰγείροις καὶ ταῖς συκαῖς προσέτι τὸ τῶν κανθαρίδων φῦλον, ὥσπερ οὖν Ἀριστοτέλης λέγει, ἔν γε μὴν τοῖς ἐρεβίνθοις τὸ τῶν καμπῶν, ἐν δὲ τῷ ὀρόβῳ φαλάγγια ἄττα, ἐν δὲ τοῖς πράσοις ἡ καλουμένη πρασοκουρίς. τίκτεται δὲ καὶ ἐν τῇ κράμβῃ σκωλήκων γένος, καὶ ὄνομα αὐτῷ ἐκ τῶν ἠθῶν, ἐν οἶς διαιτᾶται. καλεῖται γοῦν κραμβίς. τίκτει δέ τι καὶ ἡ μηλέα· καὶ διαφθείρει μὲν τοῦτο πολλάκις τὸν καρπὸν τοῦ φυτοῦ τοῦδε, ταῖς δὲ ἔτι τοῦ τίκτειν ἐχούσαις ὥραν γένοιτο ἂν καὶ ἐς κύησιν ἀγαθόν. καὶ τὸν τρόπον ἐρεῖ ἄλλος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="40"> 
+<p> οἶδε δὲ ἄρα τῶν ζῴων ἕκαστον ἐν ᾧ μέρει κέκτηται <pb xml:id="p.233"/> τὴν ἀλκήν, καὶ τούτῳ θαρρεῖ, καὶ ἐπιβουλεῦον μὲν χρῆται ὡς ὅπλῳ, κινδυνεῦον δὲ ὡς ἀμυντηρίῳ. ὁ γοῦν ξιφίας ἀμύνεται τῷ ῥύγχει ὡς ξίφει, ἔνθεν τοι καὶ κέκληται· ἡ δὲ τρυγὼν τῷ κέντρῳ, ἡ δὲ μύραινα τοῖς ὀδοῦσι, καὶ μάλα γε εἰκότως· ἔχει γὰρ αὐτῶν διστοιχίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="41"> 
+<p>οἱ μὲν μῦς οἱ κατὰ τὴν οἰκίαν δειλὸν καὶ ἀσθενὲς ζῷόν εἰσι, καὶ φοβοῦνται κτύπον, καὶ τὴν γαλῆν πεφρίκασι κρίξασαν· δειλοὶ δὲ καὶ οἱ ἀρουραῖοι. τῶν γε μὴν οἰκετῶν θρασύτεροι οἱ θαλάττιοι. μικρὸν μὲν αὐτῶν τὸ σῶμα, τόλμα δὲ ἄμαχος· καὶ θαρροῦσι δύο ὅπλοις, δορᾷ τε εὐτόνῳ καὶ ὀδόντων κράτει· μάχονται δὲ καὶ τοῖς ἰχθύσι τοῖς ἁδροτέροις καὶ τῶν ἁλιέων τοῖς μάλιστα θηρατικοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="42"> 
+<p>τῆς τῶν ὡρῶν μεταβολῆς ἔχουσιν αἰσθητικῶς οἱ θύννοι καὶ ἴσασι τροπὰς ἡλίου ὀξύτατα, καὶ δέονται τῶν τὰ οὐράνια εἰδέναι δεινῶν οὐδὲ ἕν. ὅπου γὰρ ἂν αὐτοὺς χειμῶνος ἀρχὴ καταλάβῃ, ἐνταῦθα ἡσυχάζουσί τε καὶ ἀτρεμοῦσιν ἀγαπητῶς, καὶ καταμένουσιν ἐς τὴν ἐπιδημίαν τῆς ἰσημερίας. καὶ τεκμηριοῖ Ἀριστοτέλης τοῦτο. ὅτι δὲ τῷ ἑτέρῳ τῶν ὀφθαλμῶν ὁρῶσι, τῷ δὲ ἄλλῳ οὐκέτι, καὶ Αἰσχύλος ὁμολογεῖ λέγων τὸ σκαιὸν ὄμμα παραβαλὼν θύννου δίκην. παρίασί τε ἐς τὸν Πόντον, καὶ κατὰ τὴν δεξιὰν ἑαυτῶν πλευρὰν τὴν γῆν λαμβάνουσι, καθʼ ἣν καὶ βλέπουσιν· ἐξιόντες τε αὖ κατὰ τὴν ἀντιπέρας νέουσι τῆς γῆς ἐχόμενοι, τὴν φρουρὰν τὴν τοῦ σώματος κατὰ τὸν ὁρῶντα τῶν ὀφθαλμῶν λαμβάνοντες προμηθέστατα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="43"> 
+<p>τοῖς παγούροις τὸ πρῶτον ἔλυτρον ῥήγνυται, καὶ ὥσπερ οἱ ὄφεις τὸ γῆρας, οὕτω δήπου καὶ οὗτοι τὸ <pb xml:id="p.234"/> ὄστρακον ἀποδύονται. ὅταν δὲ αἴσθωνται ἀφιστάμενον τῆς σαρκὸς αὐτό, πανταχοῦ φοιτῶσιν οἰστρούμενοι καὶ μαστεύοντες τροφὴν πλείονα, ἵνα ὄγκου προσγενομένου αὐτοῖς ὑποπρησθέντες ἀπορρήξωσιν ἑαυτῶν τὸ ἔλυτρον. ὅταν δὲ διολίσθωσιν ἐξ αὐτοῦ καὶ ἐλεύθεροι γένωνται, κεῖνται παρειμένοι κατὰ τῆς ψάμμου, νεκροῖς εἰκασμένοι· δεδοίκασι δὲ ὑπὲρ τῆς φυομένης αὐτοῖς δορᾶς ὑγροτέρας τε οὔσης καὶ ἔτι ἁπαλῆς. κατὰ μικρὰ δὲ ἑαυτοὺς ἀθροίσαντες καὶ ἀναβιωσκόμενοι τρόπον τινά, πρώτης μὲν ἀπογεύονται τῆς ψάμμου. ἐς τοσοῦτον δὲ ἄτολμοί εἰσι καὶ ἥκιστα θαρραλέοι, ἐς ὅσον αὐτοῖς ὑμὴν περίκειται στέγασμα ἔξωθεν· ὅταν δὲ ἄρξηται πήγνυσθαι καὶ ἐς ὀστράκου φύσιν μεταχωρεῖν, ἀπέρριψαν ἐνταῦθα τὴν δειλίαν, ὡς ὅπλῳ θαρροῦντες τῇ τῇς περιβολῆς σκέπῃ τε ἅμα καὶ ὡς ἂν εἴποις πανοπλίᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="44"> 
+<p> Τρωγλοδύται γένος ἀνθρώπων ὑμνεῖται, καὶ τό γε ὄνομα εἴληφεν ἐκ τῆς διαίτης. φοβοῦνται δὲ αὐτοὺς οἱ ὄφεις. τὸ δὲ αἴτιον, ἐσθίουσιν αὐτοὺς οἱ ἄνθρωποι. μιγνύμενοι δὲ ἀλλήλοις οἱ ὄφεις βαρυτάτην ὀσμὴν ἀφιᾶσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="45"> 
+<p> ἀγροῦ γειτνιῶντος θαλάττῃ καὶ φυτῶν παρεστώτων ἐγκάρπων γεωργοὶ πολλάκις καταλαμβάνουσιν ἐν ὥρᾳ θερείῳ πολύποδάς τε καὶ ὀσμύλους ἐκ τῶν κυμάτων προελθόντας καὶ διὰ τῶν πρέμνων ἀνερπύσαντας καὶ τοῖς κλάδοις περιπεσόντας καὶ ὀπωρίζοντας, καὶ δίκην ἐπέθεσαν τοῖς φωρσὶ συλλαβόντες αὐτούς. ἀνθʼ ὧν δὲ ἐτρύγησαν οἱ προειρημένοι, ὑπὲρ τούτων ἀνθεστιῶσι διʼ ἑαυτῶν τοὺς δεσπότας τῶν σεσυλημένων καρπῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="46"> 
+<p> Ῥυάδες ὄνομα θαλαττίου ζῴου σοφοῦ διαγνῶναι τὴν τῶν ὡρῶν διάβασιν. ὑπαρχομένου γοῦν τοῦ <pb xml:id="p.235"/> χειμῶνος ἡσυχάζουσι τοὺς κρυμοὺς ἀποδιδράσκουσαι, καὶ ἀσμένως ἑαυτὰς τῇ καταμονῇ θάλπουσαι ἰσομοιρίᾳ ἀδελφικῇ· εἶτα ἦρος νεῖν ὑπάρχονται ἐκεῖναί γε καὶ πορείας τῆς μακροτέρας, καὶ νέμονται τροφὴν οὐ μόνον τὴν προσπεσοῦσαν, ἀλλὰ καὶ ἣν ἂν μαστεύσασαι εἶτα ἀνιχνεύσωσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="47"> 
+<p>τοὺς ἐχίνους ἔτι ζῶντας καὶ ἐν τοῖς ὀστράκοις ὄντας καὶ προβεβλημένους τὰ κέντρα εἴ τις συντρίψας καὶ διαρρίψας ἐς τὴν θάλατταν ἄλλο ἄλλῃ τρύφος καταλίποι, τὰ δὲ ἄρα συνέρχεται αὖθις καὶ ἑνοῦται καὶ τὸ συγγενὲς θρύμμα ἀνέγνω, καὶ προσπλακέντα συνέφυ. καὶ ὁλόκληροι γίνονται φύσει τινὶ θαυμαστῇ καὶ ἰδίᾳ αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="48"> 
+<p>ὑπὲρ τοῦ πλείονα τὴν ἐπιγονὴν τῶν ζῴων σφίσι γίνεσθαι οἱ τούτων μελεδωνοὶ τὰ ἄρθρα τῶν θηλειῶν καὶ οἰῶν καὶ αἰγῶν καὶ ἵππων ἀνατρίβουσι κατὰ τὸν τῆς ὀχείας καιρὸν ἁλῶν καὶ λίτρου τὰς χεῖρας ἀναπλήσαντες. ἐκ τούτων ὄρεξις αὐτοῖς γίνεται περὶ τὴν ἀφροδίτην μᾶλλον. ἕτεροι δὲ πεπέριδι καὶ μέλιτι τὰ αὐτὰ χρίουσι, λίτρῳ δὲ ἄλλοι καὶ κνίδης καρπῷ· σμυρνίῳ δὲ ἤδη τινὲς ἔχρισαν καὶ λίτρῳ. ἐκ δὴ τοῦδε τοῦ ὀδαξησμοῦ ἀκράτορες ἑαυτῶν γίνονται αἱ θήλειαι ποῖμναι, καὶ ἐπιμαίνονται τοῖς ἄρρεσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="49"> 
+<p>τῶν κητῶν τῶν μεγίστων αἰγιαλοῖς καὶ ᾐόσι καὶ τοῖς λεπροῖς καλουμένοις καὶ βραχέσι χωρίοις προσπελάζει οὐδὲ ἕν, οἰκεῖ δὲ τὰ πελάγη. καὶ ἔστι μέγιστα ὅ τε λέων καὶ ἡ ζύγαινα καὶ ἡ πάρδαλις καὶ οἱ φύσαλοι καὶ ἡ πρῆστις καὶ ἡ καλουμένη μάλθη· δυσανταγώνιστον δὲ ἄρα τὸ θηρίον τοῦτο καὶ ἄμαχον. καὶ ὁ κριὸς δεινὸν ζῷον καὶ κίνδυνον φέρον, εἰ καὶ πόρρωθεν φανείη, τῇ τῆς θαλάττης ταράξει καὶ τῷ κλύδωνι ὃν ἐργάζεται. καὶ ὕαινα, οὐκ αἴσιον ὅραμα τοῖς <pb xml:id="p.236"/> ναυτιλλομένοις αὕτη γε. κυνῶν δὲ περὶ διαφορᾶς καὶ ἀλκῆς ἀνωτέρω εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="50"> 
+<p> αἱ καστορίδες ζῷόν εἰσι θαλάττιον, καὶ ἐπὶ ταῖς ἀκταῖς καὶ ταῖς πέτραις ταῖς προβεβλημέναις ἀπόφημόν τινα κωκυτὸν μεθιᾶσι, καὶ ὠρύονται βαρύτατα. τούτου τοίνυν τοῦ ἤχου ὅστις ἂν ἀκούσῃ, ἄφυκτά οἵ ἐστι, καὶ οὐ μετὰ μακρὸν ἀποθνήσκει. καὶ ἡ φάλαινα δὲ τῆς θαλάττης πρόεισι καὶ ἀλεαίνεται τῇ ἀκτῖνι. κνεφαῖαι δὲ αἱ φῶκαι ἐξίασι μᾶλλον· ἤδη μέντοι καὶ μεσημβρίας οὔσης καθεύδουσι τῆς θαλάττης ἔξω. τοῦτό τοι καὶ Ὅμηρος ᾔδει, καὶ ἐν Ὀδυσσείᾳ τὸν Μενέλεων πεποίηκε τῷ Τηλεμάχῳ καὶ τῷ Πεισιστράτῳ περιηγούμενον τὴν κοίτην αὐτῶν τήνδε, ὅτε τὰ ἐν Φάρῳ καὶ περὶ Πρωτέως τοῦ θαλαττίου δαίμονος αὐτοῖς ὁ Μενέλεως διεξῄει καὶ τῆς μαντείας, ἣν ἐμαντεύσατό οἱ ὁ Πρωτεὺς ὃν εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="51"> 
+<p> τρίγλης πέρι ἀνωτέρω εἶπον· ὃ δὲ οὐκ εἶπον, νῦν ἐρῶ. ἐν Ἐλευσῖνι τιμὰς ἔχει ἐκ τῶν μυουμένων, καὶ διπλοῦς ὁ λόγος τῆς τιμῆς τῆσδε. οἳ μέν φασιν, ἐπεὶ τρὶς τοῦ ἔτους τίκτει· οἳ δέ, ἐπεὶ τὸν λαγὼν ἐσθίει, ὅσπερ οὖν ἐστιν ἀνθρώπῳ θανατηφόρος. ἴσως δὲ ἐρῶ τι περὶ τρίγλης καὶ πάλιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="52"> 
+<p> πέτονται δὲ ὅταν δείσωσι καὶ ἐξάλλονται τῆς θαλάττης αἵ τε τευθίδες καὶ οἱ ἱέρακες οἱ θαλάττιοι καὶ ἡ χελιδὼν ἡ πελαγία. καὶ αἱ μὲν τευθίδες ἐπὶ μήκιστον ᾅττουσι τοῖς πτερυγίοις, καὶ ἐλαφρίζουσί γε ἑαυτὰς ὑψοῦ, καὶ κατὰ ἀγέλας ὀρνίθων δίκην φέρονται κοινῇ· αἱ δὲ χελιδόνες χθαμαλωτέραν ποιοῦνται τὴν πτῆσιν· οἵ γε μὴν ἱέρακες ὑπὲρ τὴν ἅλμην φέρονται ὀλίγον, ὡς μόλις ὅτι μὴ νήχονται ἀλλὰ πέτονται καταγνῶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="53"> 
+<p> ἀλῶνται δὲ ἄρα ἰχθῦς καὶ πλανῶνται οἳ μὲν <pb xml:id="p.237"/> ἀθρόοι, ὥσπερ οὖν ἀγέλαι θρεμμάτων ἢ τάξεις ὁπλιτῶν ἰοῦσαι κατὰ ἴλας καὶ φάλαγγας, οἳ δὲ ἐν κόσμῳ κατὰ στοῖχον ἔρχονται, οἳ δέ, φαίης ἂν αὐτοὺς εἶναι λόχους. ἠρίθμηνται δὲ ἐς δεκάδας ἄλλοι καὶ ταύτῃ συννέουσιν· ἤδη δὲ νήχονται καὶ κατὰ ζεῦγός τινες. ἄλλοι δὲ οἰκουροῦσιν ἐν τοῖς φωλεοῖς καὶ ἐνταυθοῖ καταζῶσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="54"> 
+<p>πυνθάνομαι δὲ ὅτι ἄρα οἱ νομευτικὴν δεινοὶ ὅταν ἐθέλωσιν ἐπὶ πιμελὴν τὰ ζῷα ἐπιδοῦναι, ἀφαιροῦσιν αὐτῶν τὰ κέρατα. καὶ τοὺς τράγους ὅταν ἐθέλωσιν ἐς μίξιν προθυμοτέρους ἐργάσασθαι, μύρῳ χρίουσιν αὐτῶν τὰς ῥῖνας, καὶ τὰ γένεια μέντοι καὶ ἐκεῖνα χρίουσι τῶν αὐτῶν. πάλιν τε τῆς ἄγαν ὀρέξεως ἀναστέλλουσιν, ἐάν τις αὐτῶν μέσας τὰς οὐρὰς ἀποδήσῃ λίνῳ. Ἀριστοτέλης δέ φησι τὰς ἵππους ἐκβάλλειν τὰ ἔμβρυα, ἐὰν ἐπὶ πλέον ὀσφρήσωνται θρυαλλίδος λύχνου ἐσβεσμένης. ἀκούω δὲ ὅτι πρὸς τοὺς κύνας τοὺς οἰκουροὺς ἵνα μὴ ἀποδιδράσκωσι τετέχνασται ἐκεῖνο. τὴν οὐρὰν αὐτῶν καλάμῳ μετρήσαντες χρίουσι τὸν κάλαμον βουτύρῳ, εἶτα μέντοι διδόασιν αὐτοῖς περιλιχμήσασθαι αὐτόν. καὶ καταμένουσί φασιν ὥσπερ οὖν δεδεμένοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="55"> 
+<p>ἴδια δὲ καὶ ἐκεῖνα κυνός. οὐχ ὑλακτοῦσιν, εἴ τις ἔχων οὐρὰν γαλῆς σὺν ἑαυτῷ εἶτα πρόσεισι, γαλῆς δʼ ἣν ἐθήρασε μέν, ἀποκόψας δὲ τὴν προειρημένην οὐρὰν εἶτα ἀφῆκε ζῶσαν αὐτήν. ὄνος δὲ οὐ βρωμήσεται, ἐὰν αὐτοῦ τῆς οὐρᾶς λίθον ἀπαρτήσῃς, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="56"> 
+<p>ἐν ὥρᾳ θερείῳ, πολλοῦ πάνυ σφόδρα τοῦ ἡλίου ἐνακμάζοντος, οἱ ἐλέφαντες ἀλλήλους χρίουσιν ἰλύι παχείᾳ, καὶ αὐτοῖς αὕτη ψῦχος τε παρέχει καὶ οἰκίας ὑπάντρου τινὸς ἢ δένδροις καὶ κλάδοις ἀμφιλαφοῦς <pb xml:id="p.238"/> ἡδίων ἐστὶ τοῖς ζῴοις τοῖς προειρημένοις. οὗτοι ῥινηλατοῦσιν ἰσχυρῶς, καὶ αἴσθησιν ὀξυτάτην ἔχουσι. προΐασι γοῦν ἀλλήλων ὁδοποιοῦντες, καὶ ὅ γε πρῶτος ʽἴασι γὰρ κατὰ στοῖχονʼ τῆς ἐν ποσὶ πόας αἰσθόμενος καὶ ὅτι διῆλθον ἅνθρωποι ἐκ τῆς παραψαύσεως συνεὶς αὐτῶν, ἀνασπᾷ τὴν πόαν καὶ δίδωσι τῷ κατόπιν ὀσφραίνεσθαι, καὶ ἐκεῖνος τῷ μετʼ αὐτόν· καὶ ἥδε ἡ ἀντίδοσις ὡς ἂν εἴποις διὰ πάντων ἔρχεται. καὶ μέντοι καὶ ἐς τὸν οὐραγοῦντα ὅταν ἀφίκηται, ὃ δὲ μέγα ἐπήχησεν, οἳ δὲ ὥσπερ οὖν σύνθημα στρατιῶται λαβόντες εἶτα μέντοι ἐκτρέπονται ἐς τὰ τῶν ὀρῶν ἄγκη καὶ δάση ἢ τῶν ἑλῶν τὰ κοιλότερα καὶ μέντοι καὶ τῶν πεδίων ὅσα κομᾷ τοῖς θάμνοις. πάντως δὲ ἣν καταστείβουσιν ἄνθρωποι, ταύτην ἀποδιδράσκουσιν· ὑφορῶνται γὰρ τοῦτο τὸ ζῷον ὡς ἔχθιστον. ὅταν δὲ αὐτοὺς αἱ νομαὶ ἐπιλίπωσιν, οἳ μὲν τὰς ῥίζας ἐξορύττουσιν καὶ σιτοῦνται καὶ ταύτας, οἳ δὲ ἀπίασι ζητοῦντες χιλόν. καὶ ὅ γε ἐντυχὼν τῷ θηράματι πρῶτος αὐτῶν ὑποστρέψας καλεῖ τοὺς συννόμους καὶ ἐπί γε τὸ ἕρμαιον αὐτοὺς ἄγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="57"> 
+<p> ἐν δὲ τῷ χειμῶνι τῷ βιαιοτάτῳ, κυμαινούσης μὲν τῆς θαλάττης, σκληρόν γε μὴν τῶν ἀνέμων καὶ βίαιον καταπνεόντων, φρίττουσι τὴν σύντροφόν τε ἅμα καὶ φίλην οἱ ἰχθύες θάλατταν. καὶ οἵ μὲν αὐτῶν τοῖς πτερυγίοις ἐπαμῶνται τὴν ψάμμον, καὶ ἑαυτοὺς ἐπηλυγάσαντες ὑποθάλπουσιν, οἳ δὲ ὑποδύονταί τινα πέτραν, ἐν σκέπῃ τε τοῦ κρύους καὶ μάλα γε ἀσμένως ἡσυχάζουσιν· οἳ δὲ ἐς τοὺς μυχοὺς τοῦ πελάγους καταθέοντες εἶτα τὴν ἄνωθεν φρίκην ἐξέκλιναν κάτω καὶ ἐν βυθῷ· οὐχ οὕτως γάρ φασιν ὥσπερ οὖν ἄνω διοιδάνειν τε καὶ τύπτειν τὸ κῦμα ἀγριαῖνον. ὑπαρχομένου δὲ τοῦ ἦρος καὶ τοῦ μὲν <pb xml:id="p.239"/> ἀέρος φαιδροῦ γενομένον, τῶν δὲ φυτῶν θάλλειν ἀρχομένων καὶ τῶν λειμώνων τὰ σύντροφα κομώντων, γαληνά τε τὰ τοῦ πελάγους καὶ ὑπεύδια αἰσθόμενοι οἱ ἰχθύες, ἀναθέουσι καὶ πηδῶσι, καὶ πλησίον τῆς γῆς νήχονται, ὥσπερ οὖν ἥκοντες ἐξ ἀποδημίας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="58"> 
+<p>τρία δὲ ἄρα ταῦτα ἐκ βραχίστων μέγιστα ζῷα γίνεται· τῶν μὲν ἐνύδρων ὁ κροκόδειλος, τῶν δὲ ὑποπτέρων ἡ στρουθὸς ἡ μεγάλη, τῶν γε μὴν τετραπόδων ὁ ἐλέφας. λέγει δὲ ὁ Ἰόβας γενέσθαι μὲν αὐτοῦ τῷ πατρὶ πολυετῆ Λίβυν ἐλέφαντα κατιόντα ἐκ τῶν ἄνω τοῦ γένους· καὶ Πτολεμαίῳ δὲ τῷ Φιλαδέλφῳ Αἰθίοπα, καὶ ἐκεῖνον ἐκ πολλοῦ βιώσαντα γενέσθαι πραότατον καὶ ἡμερώτατον τὰ μὲν ἐκ τῆς πρὸς τοὺς ἀνθρώπους συντροφίας, τὰ δὲ πωλευθέντα· Σελεύκου τε τοῦ Νικάτορος κτῆμα ᾅδει Ἰνδὸν ἐλέφαντα, καὶ μέντοι καὶ διαβιῶναι τοῦτον μέχρι τῆς τῶν Ἀντιόχων ἐπικρατείας φησίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="59"> 
+<p>ἰχθύες ὅσοι ποταμὸν γείτονα τῇ θαλάττῃ τῇ συντρόφῳ κέκτηνται ἢ καὶ λίμνην τινὰ ὅταν μέλλωσι τίκτειν, ἐκνήχονται τῆς ἅλμης, τῶν κυμάτων τὸ ἄκλυστον ὕδωρ προαιρούμενοι καὶ ταραττόμενον ὑπὸ τῶν πνευμάτων καὶ τυπτόμενον ἥκιστα. ἀγαθὴ γὰρ αὐτοῖς ἡ τῶν ὑδάτων εἰρήνη τὴν λοχείαν ὑποδέξασθαι καὶ φυλάξαι ἀσινῆ τε καὶ ἀνεπιβούλευτα τὰ βρέφη τῇ τε ἄλλῃ καὶ μέντοι καὶ διὰ τὴν τῶν θηρῶν ἐρημίαν καὶ σπάνιν· φιλοῦσι δέ πως τήνδε τὴν ἐλευθερίαν ἔχειν αἵ τε λίμναι καὶ οἱ ποταμοί. ἔνθεν τοι καὶ πολλοῖς ἰχθύσιν εὐθενεῖται ὁ Εὔξεινος Πόντος· θηρία γὰρ τρέφειν οὐκ ἔμαθε. φώκην δὲ εἴ που τρέφει καὶ δελφῖνας βραχίστους, ἀλλὰ τῶν γε ἄλλων ἁπάντων οἱ τῇδε ἰχθῦς ἐν σκέπῃ εἰσίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="60"> 
+<p>αἱ θαλάττιαι βελόναι λεπταὶ οὖσαι καὶ χωρητικὴν <pb xml:id="p.240"/> ἐμβρύων μήτραν οὐκ ἔχουσα τὴν αὔξην τῶν ἔνδον βρεφῶν οὐ φέρουσιν ἀλλὰ ῥήγνυνται, καὶ τοῦτον τὸν τρόπον οὐ τίκτουσιν ἀλλὰ ἐκβάλλουσι τὰ τέκνα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="61"> 
+<p> λέγεται δὲ τὰ ἴχνη καὶ τὰ γνωρίσματα τῶν τῆς ἀσπίδος δηγμάτων μὴ πάνυ τι εἶναι δῆλα καὶ εὐσύνοπτα. καὶ τὸ αἴτιον ἐκεῖνο εἶναι πυνθάνομαι. ὀξύτατόν ἐστι τὸ ἐξ αὐτῆς φάρμακον καὶ διαδραμεῖν ὤκιστον. οὐκοῦν ἣ μὲν ἐνέφυ, τὸ δὲ οὐκ ἐπιπολεύει, ἀλλὰ ἐς τοὺς ἔσω πόρους κατολισθάνει, καὶ τῆς μὲν ἐπιφανείας καὶ τοῦ χρωτὸς τοῦ ὑπὸ τὴν ὄψιν ἀφανίζεται, ὠθεῖται δὲ ἔνδον. ἔνθεν τοι καὶ τῆς Κλεοπάτρας ὁ θάνατος τοῖς ἀμφὶ τὸν Σεβαστὸν οὐ πάνυ τι ῥᾳδίως ἐγνώσθη ἀλλὰ ὀψέ, δύο κεντημάτων καὶ μάλα γε δυσθεάτων καὶ δυσθηράτων ὀφθέντων, διʼ ὧν ἐφωράθη τὸ τοῦ θανάτου αἴνιγμα. ἄλλως τε καὶ ἴχνη τοῦ τῆς ἀσπίδος σύρματος ἐφάνη, πρόδηλα τοῖς ἔχουσι τῆς τούτων κινήσεως τῶν ζῴων τὴν ἱστορίαν ὄντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="62"> 
+<p> Πομπηίου Ῥούφου Ῥωμαίοις ἀγορανομοῦντος ἐν Παναθηναίοις φαρμακοτρίβης ἀνὴρ καὶ τῶν τοὺς ὄφεις ἐς τὰ θαύματα τρεφόντων, ἑτέρων ὁμοτέχνων παρεστώτων πολλῶν, ἀσπίδα κατὰ τοῦ βραχίονος προσάγει ἐς ἔλεγχον αὐτοῦ τῆς σοφίας καὶ ἐδήχθη. εἶτα τῷ στόματι ἐξεμύζησε τὸ κακόν. ὕδωρ δὲ οὐκ ἐπιρροφήσας, οὐ γὰρ παρῆν, καίτοι παρεσκευασμένον οἱ ʽἀνετέτραπτο δὲ ἐξ ἐπιβουλῆς τὸ σκεῦοσʼ, οἷα μὴ ἐκκλύσας τὸν ἰὸν μηδὲ ἀπορρυψάμενος, τὸν βίον κατέστρεψε μετὰ ἡμέραν οἶμαι δευτέραν, οὐκ ἀλγῶν οὐδὲ ἕν, τοῦ μέντοι κακοῦ ἡσυχῆ διασήψαντος αὐτοῦ τὰ οὖλα καὶ τὸ στόμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="63"> 
+<p> τοῦ ἦρος ἐνακμάζοντος καὶ τῆς γῆς ἐξανθούσης <pb xml:id="p.241"/> οἴστρου τε ἀφροδισίου τὰ ζῷα ὑποπίμπλαται καὶ μνημονεύει γάμων, καὶ ἀλλήλοις συμπλέκεσθαι ὀργᾷ τά τε ὄρεια καὶ ὅσα ἐνθαλαττεύει καὶ μετεωροπορεῖ ὅσα. τῶν δὲ ἰχθύων οἳ μὲν ταῖς ψάμμοις προσαποτρίβουσι τὰ ᾠὰ πυκνὰ ὄντα καὶ ἀλλήλων ἐχόμενα, οἳ δὲ νηχόμενοι εἶτα ἐκβάλλουσι πάμπολύ τι τῶν ᾠῶν τὸ χρῆμα, καὶ οἱ κατόπιν νέοντες τὰ πολλὰ καταπίνουσιν. ἤδη μέντοι καὶ οἱ ἄρρενες προηγοῦνται καὶ τοῦ θοροῦ ἀπορραίνουσιν, αἱ δὲ θήλειαι ἑπόμεναι καὶ πάνυ γε ἀπλήστως περιχανοῦσαι ἐμπίπλανται· καὶ ἥδε ἐστὶν ἡ μίξις αὐτῶν. ὅτι δὲ ἰχθύων τινὲς καὶ συνοικοῦσιν ὡς γαμεταῖς, καὶ φυλάττουσιν αὐτάς, καὶ ζηλοτυπία τις καὶ ἐν ἰχθύων γένεσιν ἐξάπτεται, ἀνωτέρω εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="64"> 
+<p>λέγει δὲ Ἀριστοτέλης, καὶ Δημόκριτος πρὸ ἐκείνου, Θεόφραστός τε ἐκ τρίτων καὶ αὐτός φησι, μὴ τῷ ἁλμυρῷ ὕδατι τρέφεσθαι τοὺς ἰχθῦς, ἀλλὰ τῷ παραμεμιγμένῳ τῇ θαλάττῃ γλυκεῖ ὕδατι. καὶ ἐπεὶ δοκεῖ πως ἄπιστον, διʼ αὐτῶν τῶν ἔργων βεβαιῶσαι βουληθεὶς τὸ λεχθὲν ὁ τοῦ Νικομάχου λέγει εἶναί τι πότιμον ὕδωρ ἐν πάσῃ θαλάττῃ, καὶ ἐλέγχεσθαι ταύτῃ. εἴ τις ἀγγεῖον ἐκ κηροῦ ποιήσας κοῖλον καὶ λεπτὸν καθείη κενὸν ἐς τὴν θάλατταν, ἐξάψας ποθὲν ὥστε ἀνιμήσασθαι δύνασθαι, νυκτὸς διελθούσης καὶ ἡμέρας ἀρύτεται πεπλησμένον γλυκέος τε καὶ ποτίμου ὕδατος αὐτό. καὶ Ἐμπεδοκλῆς δὲ ὁ Ἀκραγαντῖνος λέγει τι εἶναι γλυκὺ ἐν τῇ θαλάττῃ ὕδωρ οὐ πᾶσι δῆλον, τρόφιμον δὲ τῶν ἰχθύων. καὶ τὴν αἰτίαν τοῦδε τοῦ ἐν τῇ ἅλμῃ γλυκαινομένου λέγει φυσικήν, ἣν ἐκεῖθεν εἴσεσθε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="65"> 
+<p>οἱ μυούμενοι τοῖν Θεοῖν οὐκ ἂν πάσαιντο γαλεοῦ φασιν· οὐ γὰρ αὐτὸν εἶναι καθαρὸν ὄψον, ἐπεὶ τῷ <pb xml:id="p.242"/> στόματι τίκτει. οὐ τίκτειν δὲ αὐτὸν ἔνιοι λέγουσιν, ἀλλὰ δείσαντά τι τῶν ἐπιβουλευόντων τὰ σκυλάκια καταπίνειν καὶ ἀποκρύπτειν, εἶτα τοῦ φοβήσαντος παραδραμόντος ζῶντα αὖθις ἀνεμεῖν. τῆς δὲ τρίγλης οὐκ ἂν γεύσαιντο οἱ αὐτοὶ μύσται, οὐδὲ μὴν ἡ τῆς Ἥρας τῆς ἐν Ἄργει ἱέρεια· καὶ τάς γε αἰτίας ἄνω που εἰπὼν οἶδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:9" n="66"> 
+<p> ἔχεως μὲν καὶ μυραίνης γάμους καὶ ὅπως ἀλλήλοις ὁμιλοῦσιν, ἣ μὲν προϊοῦσα τῆς θαλάττης, ὃ δὲ ἐξέρπων τοῦ φωλεοῦ, ἐν τοῖς πρόσθεν εἰπὼν οὐκ ἐπιλέλησμαι. ὃ δὲ οὐκ εἶπον νῦν ἂν εἴποιμι. μέλλων ὁ ἔχις ὁμιλεῖν αὐτῇ, ἵνα δόξῃ πρᾶος ὡς πρέπει νυμφίῳ, τὸν ἰὸν ἀπεμεῖ καὶ ἐκβάλλει, καὶ οὕτως ὑποσυρίσας τὴν νύμφην παρακαλεῖ, οἱονεὶ προγάμιόν τινα ὑμέναιον ἀναμέλψας. ὅταν δὲ τὰ τῆς ἀφροδισίου σπουδῆς τελέσωσι μετʼ ἀλλήλων ὄργια, ἣ μὲν ἐπί τε τὰ κύματα καὶ τὴν θάλατταν ὥρμησεν, ὃ δὲ ἀναρροφήσας τὸν ἰὸν αὖθις ἐς τὰ ἤθη τὰ οἰκεῖα ἐπάνεισιν.</p> </div> </div>
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="10"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="1"> 
+<p> σπανίως ἐλέφας ἐρᾷ, φασίν· ἔστι γὰρ σώφρων, ὡς ἄνω μοι λέλεκται. ἀκούω δʼ οὖν ἐλεφάντων πάθος ἐρωτικόν, καὶ ἄξιον θαυμάσαι αὐτό. ὃ δὲ πέπυσμαι, ἐκεῖνό ἐστιν. ἀνὴρ τῆς τούτων ἄγρας οὐκ ἄπειρος, δύναμιν λαβὼν ἐκ βασιλέως τοῦ Ῥωμαίων καὶ σταλεὶς ἐπὶ τὴν θήραν κατά τι ἔθος τοῖς Μαυρουσίοις ἐπιχώριον, φησὶν ἐν συγγραφῇ νέαν μόσχον ἐλέφαντος ὡραίαν ὡς ἐκείνοις ἰδεῖν συνελθεῖν ἐλέφαντι νέῳ καὶ καλῷ, πρεσβύτερον δὲ ἄλλον, εἴτε <pb xml:id="p.243"/> ἀνὴρ ἦν εἴτε ἐραστὴς τῆς προειρημένης, ὥσπερ οὖν ἀτιμασθέντα ἀγανακτῆσαι· θυμῷ γὰρ βιαίῳ ἐξαφθεὶς ὥρμησε μέν, ἐλθὼν δὲ ἐπὶ τὸν νέον καὶ καλὸν καὶ συμπεσὼν εἶτα ἐμάχετο, ὡς ὑπέρ τινος ἢ νύμφης ἢ ἐρωμένης ἀλγῶν. καὶ ἐς τοσοῦτον ἄρα ἀλλήλοις συνήραξαν, ὡς ἀμφοτέροις ζημιωθῆναι τὰ κέρατα. ἐνίκησε δὲ οὐδέτερος, ἀλλὰ ἀπέστρεψαν ἀπʼ ἀλλήλων οἱ θηραταὶ βάλλοντες, ἐπεὶ καὶ ἀχρεῖοι τὸ λοιπὸν ἦσαν τῶν ὅπλων ἀφῃρημένοι. ἐρωτικὴ μὲν δὴ μάχη ἐραστῶν ἐλεφάντων ἰσότιμος μέχρι τοῦ τέλους ἐνταῦθα ἀνεπαύσατο. εἵλκετο δὲ ὁ Πάρις ὑπὸ τοῦ Μενέλεω καὶ ἤγχετο τοῦ ἱμάντος αὐτὸν πιέζοντος τοῦ ὑπὸ τῷ κράνει, καί νύ κεν εἴρυσσέν τε καὶ ἄσπετον ἤρατο κῦδος ὁ τοῦ Ἀτρέως, εἰ μὴ ἐρράγη μὲν ὁ ἱμάς, αὐτὸν δὲ ἐξήρπασεν ἡ Διὸς καὶ Διώνης αἰσχίστην μάχην καὶ ἄνανδρον μεμαχημένον, καὶ ἀπελθὼν ὁ δειλὸς ἐκάθευδε μετὰ τῆς μεμοιχευμένης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="2"> 
+<p>ἰχθύες δὲ ἄρα οὐ κατὰ τὴν αὐτὴν ὥραν ἐς ἀφροδίτην πρόθυμοι, ἀλλὰ οἳ μὲν ἦρος ἐπιθόρνυνται, οἳ δὲ θέρειον εἰλήχασι τὴν ὁρμὴν τήνδε, ἐν τῇ ὀπώρᾳ ἄλλοι, καὶ διὰ τοῦ χειμῶνος ὑπεξάπτονταί τινες ἐς τὴν προειρημένην σπουδήν. καὶ οἱ μὲν πλεῖστοι τοῦ ἔτους ἅπαξ ὠδίναντες εἶτα παύονται, λάβρακα δὲ ἀκούω καὶ ἐπιτίκτειν, τρίγλην δὲ καὶ τρὶς κύειν κατηγορεῖ φασι καὶ τὸ ὄνομα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="3"> 
+<p>Ἡρόδοτος λέγει τὰς καμήλους ἐν τοῖς ὄπισθεν σκέλεσιν ἔχειν τέτταρας μηροὺς καὶ μέντοι καὶ γόνατα τοσαῦτα, τὰ δὲ ἄρθρα διὰ τῶν σκελῶν τῶν κατόπιν πρὸς τὴν οὐρὰν τετράφθαι αὐταῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="4"> 
+<p>τὰς οἶς τὰς Ἀραβίων ἔχειν οὐρὰς ἀήθεις ὡς πρὸς τὰς ἄλλας Ἡρόδοτος λέγει. γένη δὲ αὐτῶν εἶναι <pb xml:id="p.244"/> διπλᾶ ὁ αὐτὸς δήπου διδάσκει, καὶ μέντοι καὶ λέγει τὰς μὲν αὐτῶν ἔχειν οὐρὰς μηκίστας, ὡς εἶναι μετρήσαντι καὶ τριῶν πήχεων οὐκ ἐλάττους. ἅσπερ οὖν εἰ ἐῴη τις ἐπισύρειν, ἑλκοῦσθαι ἂν αὐτὰς πάντως </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="5"> 
+<p> παρατριβομένας πρὸς τὸ δάπεδον. τοὺς νομέας δὲ εἶναι ἀγαθοὺς χειρουργεῖν οὐ πέρα τῶν ἁμαξίδων, αἳ ὑπερείδουσι τὰς οὐρὰς τῶνδε τῶν κτηνῶν, ὥστε ἀποστέγειν τὴν ἕλκωσιν αὐταῖς. τὰς δὲ οἶς τὰς ἑτέρας φησὶ πλατείας φορεῖν, πλατύνεσθαι δὲ καὶ ἐς πῆχυν αὐτάς. οἱ κοχλίαι ἴσασιν εἶναί σφισι πολεμίους τοὺς πέρδικας καὶ τοὺς ἐρωδιούς, καὶ αὐτοὺς ἀποδιδράσκουσιν, οὐδʼ ἂν ἴδοις ἔνθα οὗτοι νέμονται κοχλίας διέρποντας. οἱ δὲ καλούμενοι τῶν κοχλιῶν ἀρείονες, οὗτοι μὲν καὶ ἀπατῶσι καὶ περιέρχονταί τινι φυσικῇ σοφίᾳ τοὺς προειρημένους. τῶν γὰρ συμφυῶν ὀστράκων προελθόντες αὐτοὶ μὲν νέμονται κατὰ πολλὴν τὴν ἄδειαν, οἱ δὲ ὄρνιθες οὓς εἶπον ἐπὶ τὰ κενὰ τῶν ὀστράκων ὡς ἐπʼ αὐτοὺς ἐκείνους καταπέτονται, οὐδὲν δὲ εὑρόντες ἀπέρριψαν ὡς ἀχρεῖά σφισι καὶ ἀνεχώρησαν· οἳ δὲ ἐπανελθόντες εἶτα ἕκαστος ἐς τὴν ἰδίαν οἰκίαν παρῆλθε, κεκορεσμένος μὲν ἐκ τῆς νομῆς, σωθεὶς δὲ ἐξ ἧς ἠπάτησε πλάνης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="6"> 
+<p> Ποντικοὶ δὲ ἄρα κολίαι τὸν Περσῶν βασιλέα μεμίμηνται χειμάζοντα μὲν ἐν Σούσοις, θερίζοντα δὲ ἐν Ἐκβατάνοις. καὶ γὰρ οὗτοι ἐν μὲν τῇ καλουμένῃ Προποντίδι χειμάζουσιν· ἀλεεινὴ γὰρ ἥδε ἡ γῆ· θέρους δὲ πρὸς τῷ Αἰγιαλῷ διαιτῶνται· παρέχει γὰρ αὐτοῖς αὔρας μαλακὰς ἡ θάλαττα ἡ προειρημένη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="7"> 
+<p> πυνθάνομαι τῶν μαγείρων τοὺς τὴν τέχνην ἀκριβοῦντας ὅταν βούλωνται τῶν τριγλῶν τὰς κοιλίας ὀπτωμένων μὴ ῥήγνυσθαι, καταφιλεῖν αὐτῶν τὰ στόματα· <pb xml:id="p.245"/> οὗπερ οὖν γεγενημένου ὁλόκληροι διαμένουσιν, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="8"> 
+<p>ὁ δελφὶς ὁ θῆλυς μαζοὺς ἔχει κατὰ τὰς γυναῖκας, καὶ θηλάζει τὰ βρέφη πάνυ ἀφθόνῳ καὶ πολλῷ τῷ γάλακτι. νήχονται δὲ κοινῇ μέν, καθʼ ἡλικίαν δὲ διακριθέντες· καὶ τῆς μὲν πρώτης τετάχαται οἱ νέοι καὶ ἁπαλοί, ἕπονται δὲ αὐτῶν τῇ νήξει οἱ τέλειοι. φιλότεκνον γὰρ καὶ φιλόστοργον ὁ δελφὶς ζῷον, καὶ ὑπὲρ τῶν βρεφῶν ὀρρωδεῖ. καὶ φυλακῆς χάριν ὡς ἐν φάλαγγι στρατιωτικῇ οἳ μὲν τῆς πρώτης εἰσίν, οἳ δὲ τῆς δευτέρας, οἳ δὲ τῆς τρίτης· καὶ προνήχονται μὲν οἱ νέοι, ἐπινήχονται δὲ αἱ θήλειαι, καὶ οἱ ἄρρενες οὐραγοῦσιν ἐφορῶντές τε καὶ παραφυλάττοντες τὴν τῶν ἐκγόνων τε καὶ τῶν γαμετῶν νῆξιν. τί πρὸς ταῦτα ὁ Νέστωρ, ὦ καλὲ Ὅμηρε, ὅνπερ οὖν ᾅδεις τακτικώτατον τῶν ἡρώων τῶν καθʼ ἑαυτὸν γεγονέναι; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="9"> 
+<p>ἔχιν ἐχίδνης οἳ μὲν τῷ γένει διαφέρειν, οὐ μέντοι τῇ φύσει φασί· τὸν μὲν γὰρ εἶναι ἄρρενα, τὴν δὲ θήλειαν. οἳ δὲ καὶ τῇ φύσει διαφέρειν οἴονται· ἀλλοῖον μὲν γὰρ τοῦτο εἶναι ζῷον, ἀλλοῖον δὲ ἐκεῖνο. ἀκούω δέ τινων λεγόντων τοὺς μὲν ὑπὸ τοῦ ἔχεως δηχθέντας σπᾶσθαι, οὐ μὴν τοὺς ὑπὸ τῆς ἐχίδνης. ἕτεροι δέ φασι τὸ μὲν τῆς ἐχίδνης δῆγμα εἶναι λευκόν, τὸ δὲ τοῦ ἔχεως οὐ τοιοῦτον, πελιδνὸν δέ. Νίκανδρος δέ φησιν ἐκ μὲν τοῦ δήγματος ὅπερ οὖν ὁ ἔχις ἐμφύει δύο ὀδόντων ἴχνη φαίνεσθαι· πλειόνων δέ, εἰ δάκοι ἡ ἔχιδνα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="10"> 
+<p>Εὐθηρίας γενομένης ἐλεφάντων οἷα δρῶσιν ἐς τὸ πραῧναί τε αὐτοὺς καὶ ἡμερῶσαι εἰπεῖν ἄξιον. πρῶτον μὲν ἐς ὕλην τινὰ ὀλίγον ἀφεστῶσαν τῆς τάφρου ἐν ᾗ ἐθήρασαν ἄγουσιν αὐτοὺς δεδεμένους, διαλαβόντες <pb xml:id="p.246"/> ταῖς σχοίνοις καὶ μήτε προθεῖν ἐπιτρέποντες μήτε αὖ πάλιν ἀφίστασθαι καὶ ἀποσπᾶν ἐς τοὐπίσω· εἶτα ἕκαστον ἐξάψαντες μεγίστου δένδρου μεμετρημένῳ διαστήματι, ὡς μήτε ἐς τὸ ἔμπροσθεν ἐπιπηδᾶν ἔχειν μήτε ἐπὶ πολὺ πάλιν ἀναχωρεῖν τοῦ σκιρτᾶν καὶ ὑβρίζειν ἐξουσίᾳ, ἀτροφίᾳ τε καὶ λιμῷ τὴν ἄγαν ἰσχὺν καὶ ῥώμην καθαιροῦσι, καὶ μέντοι καὶ τὸν θυμὸν αὐτῶν καὶ τῆς ψυχῆς τὸ ἄτρεπτον ἡσυχῆ καταμαραίνουσιν, ὡς ἐκείνους λήθην μὲν ἴσχειν τῆς τέως ἀμάχου ἀγριότητος, παραλύεσθαι δὲ τοῦ πρόσθεν θυμοῦ. προσιέναι τε τοὺς τῶν τοιούτων πωλευτὰς καὶ ἐκ χειρὸς ὀρέγειν τροφήν, τοὺς δὲ ὑπὸ τῆς χρείας ἀναγκαζομένους λαμβάνειν καὶ μὴ κακουργεῖν, βλέπειν τε ἤδη πρᾶόν τε καὶ κεκμηκός. οἱ δὲ ἄγαν αὐτῶν ἰσχυροὶ καὶ τέλειοι ἀπορρήξαντες τὰ δεσμὰ καὶ ταῖς ἀκμαῖς τῶν κεράτων καὶ ταῖς προβοσκίσιν ἀνασπῶντες τὰ δένδρα, τὰ δὲ καὶ κατάξαντες ὑπὸ ῥύμης καὶ ἐμπεσόντες ἐς αὐτά, μόγις καὶ ὀψὲ τοῦ χρόνου τὰ μὲν λιμῷ, τὰ δὲ γλυκείᾳ τροφῇ, τὰ δὲ κέντροις ἡμερώθησαν. τροφὴ δὲ ἡμερουμένοις τοῖσδε τοῖς ζῴοις ἄρτοι τε οἱ μέγιστοι καὶ κριθαὶ καὶ ἰσχάδες καὶ ἀσταφίδες καὶ κρόμμυα καὶ σκόροδα καὶ μέλι χύδην σχίνου τε καὶ φοίνικος καὶ κιττοῦ φάκελοι καὶ πᾶν ὅσον ἐδωδίμου ὕλης καὶ ἐκείνοις συντρόφου καὶ ἐκ τούτου τοι καὶ φίλης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="11"> 
+<p> φύσεως δὲ ἰχθύων εἰσὶν ἀμαθεῖς ὅσοιπερ οὖν τελέως ἁπάντων καταψηφίζονται σιωπὴν αὐτῶν· ἐπεὶ καὶ συρίττουσί τινες καὶ γρυλλίζουσι. λύρα μὲν γρυλλίζει καὶ χρόμις καὶ κάπρος, ὡς Ἀριστοτέλης φησί· χαλκεὺς δὲ συρίττει, κόκκυξ δὲ ἄρα τὸν ὁμώνυμον ὄρνιν τῇ φωνῇ μεμιμημένος φθέγγεται παραπλήσια. <pb xml:id="p.247"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="12"> 
+<p>ἐλέφας μὲν σαρκῶν ὄγκος ἐστὶν ἰδεῖν καὶ πάνυ μέγιστος· ἐδώδιμα δὲ αὐτοῦ τὰ κρέα οὐκ ἔστιν, ὅτι μὴ ἡ προβοσκὶς καὶ τὰ χείλη τοῦ στόματος καὶ τῶν κεράτων ὁ μυελός. στέαρ δὲ ἐλέφαντος ἦν ἄρα τοῖς ἰοβόλοις ἔχθιστον· εἰ γάρ τις χρίσαιτο ἢ ἐπιθυμιάσειεν αὐτοῦ, τὰ δὲ ἀποδιδράσκει πορρωτάτω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="13"> 
+<p>τῶν δὲ Ἀραβίων ζῴων ἡ πολύχροιά τε καὶ τὸ πολύμορφον πάντα γραφικὸν ἐλέγξαι δεινά, καὶ ταῦτα οὐ μόνον τά τε ἄλκιμα καὶ γενναῖα, ἤδη δὲ καὶ τὰ ἀδοξότερα. αἵ τε γὰρ ἀκρίδες καὶ οἱ ὄφεις, χρυσοειδῆ ἰνδάλματα καὶ ἐπʼ αὐτῶν κατέστικται· οἱ δὲ ἰχθῦς ἔτι καὶ πλέον τῆς πολυκόσμου χρόας μετειληχότες εἶτα ἰδεῖν ἐκπληκτικοί εἰσι. καὶ τὰ ὄστρεα δὲ τὰ τῆς Ἐρυθρᾶς θαλάττης τῆς αὐτῆς ἀγλαΐας ἄμοιρα οὐκ ἔστι· ζῶναί τε γὰρ περιέρχονται φλογώδεις αὐτά, καὶ φαίης ἂν θεασάμενος τὴν ἶριν αὐτὰ μιμεῖσθαι τῇ κράσει τῶν χρωμάτων, γραμμαῖς παραλλήλοις ὑπὸ τῆς φύσεως καταγραφέντα. ὁ ᾀδόμενος δὲ παρὰ τοῖς ἀνοήτοις καὶ ἐν ταῖς γυναιξὶ θαυμαστὸς μαργαρίτης θρέμμα μέντοι τῆς Ἐρυθρᾶς θαλάττης καὶ οὗτός ἐστι, καὶ τίκτεσθαί γε αὐτὸν τερατολογοῦσιν ὅταν ταῖς κόγχαις ἀνεῳγμέναις ἐπιλάμψωσιν αἱ ἀστραπαί. θηρῶνται δὲ ἄρα αἵδε αἱ κόγχαι αἱ τῶν προειρημένων μητέρες εὐημερίας τε οὔσης καὶ τῆς θαλάττης λείας· οἱ δὲ θηραταὶ συλλαβόντες εἶτα ἐξεῖλον τοῦτον δὴ τὸν θέλγοντα τὰς τῶν μάχλων ψυχάς. εὑρεθείη δʼ ἂν καὶ ἐν κόγχῃ μεγίστῃ μικρὸς καὶ ἐν μικρᾷ μέγας· καὶ ἣ μὲν οὐδένα ἔχει, ἣ δὲ οὐ πέρα ἑνός, πολλαὶ δὲ καὶ πολλούς· εἰσὶ δὲ οἳ λέγουσι καὶ εἴκοσι προσπεφυκέναι μιᾷ κόγχῃ. καὶ ἡ μὲν κόγχη τὸ κρέας ἐστίν, ἐπιπέφυκε δὲ ἄρα ὡς σκόλοψ ταῦτα. πρὸ καιροῦ δὲ καὶ τῆς ὠδῖνος τῆς ἐντελοῦς εἴπερ <pb xml:id="p.248"/> οὖν ἀνοίξειε τις τὰς κόγχας, κρέας μὲν ἂν εὕροι, τῆς δὲ θήρας τὸ ἀγώνισμα οὐχ ἕξει. λίθῳ δὲ ἄρα ὁ μαργαρίτης ἔοικε πεπωρωμένῳ, καὶ ἔχειν ἐν ἑαυτῷ καὶ στέγειν ὑγρὸν οὐ πέφυκεν οὐδὲ ὀλίγον. δοκοῦσι δὲ ἄρα τοῖς τούτων καπήλοις καὶ τοῖς ὠνουμένοις οἱ ἄγαν λευκοὶ καὶ οἱ μεγάλοι κάλλιστοι καὶ τιμαλφέστατοι, καὶ πλούσιοί γε ἐξ αὐτῶν ἐγένοντο οὐ μὰ Δία ὀλίγοι οἷς ἐντεῦθέν ἐστιν ὁ βίος. οὐκ ἀγνοῶ δὲ οὐδὲ ἐκεῖνο, ὅτι ἄρα ἐξαιρεθέντων τῶν λίθων τῶνδε ἀφείθησαν αὖθις αἱ κόγχαι, οἱονεὶ λύτρα δοῦσαι τῆς ἑαυτῶν σωτηρίας τὸ σπούδασμα τὸ προειρημένον, εἶτα ὑπανέφυσαν αὖθις αὐτό. ἐὰν δὲ τὸ ζῷον τὸ τρέφον αὐτὸν πρὶν ἢ ἐξαιρεθῆναι τὸν μαργαρίτην ἀποθάνῃ, ὥς που λέγει τις λόγος, τῇ σαρκὶ μέντοι συσσήπεται καὶ ἐκεῖνος καὶ ἀπόλλυται. φύσει δὲ ἔχει τῆς περιφερείας τὸ λεῖον καὶ εὐπερίγραφον. εἰ δὲ ἐθέλοι τις τῶν πεφυκότων ἑτέρως τινὰ σοφίας τέχνῃ περιγράψαι τε καὶ λεῖον ἀποφῆναι τὸν λίθον, ὃ δὲ ἐλέγχει τὴν ἐπιβουλήν· οὐ γὰρ πείθεται, τραχύτητας δὲ ὑπαναφύει, καὶ ὅτι ἄρα ἐπιβεβούλευται ἐς κάλλος κατηγορεῖ ταύτῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="14"> 
+<p> Αἰγύπτιοι τὸν ἱέρακα Ἀπόλλωνι τιμᾶν ἐοίκασι, καὶ τὸν μὲν θεὸν Ὧρον καλοῦσι τῇ φωνῇ τῇ σφετέρᾳ, τοὺς δὲ ὄρνιθας ἄγουσι θαυμαστούς, καὶ προσήκειν τῷ θεῷ τῷ προειρημένῳ φασὶν ὀρθῶς· οἱ γὰρ ἱέρακες ὀρνίθων μόνοι ταῖς ἀκτῖσι τοῦ ἡλίου ῥᾳδίως καὶ ἀβασανίστως ἀντιβλέποντες καὶ δυσωπούμενοι ἥκιστα πορείαν τε τὴν ἀνωτάτω ἴασι, καὶ αὐτοὺς ἡ θεία φλὸξ λυπεῖ οὐδὲ ἕν. καὶ ἀνάπαλιν μέντοι πέτεσθαι τὸν ἱέρακα οἱ ἰδόντες φασὶν ὡς ἐξ ὑπτίας νέοντα. ἔνθεν τοι καὶ πρὸς τὸν οὐρανὸν ὁρᾷ καὶ πρὸς τὸν πάντʼ ἐφορῶντα Ἥλιον μάλα ἐλευθέρως καὶ ἀτρέπτως <pb xml:id="p.249"/> ὁ αὐτός. ὄφεων δὲ καὶ δακέτων θηρίων ἐστὶν ἔχθιστος. οὐκ ἂν γοῦν αὐτὸν διαλάθοι οὔτε ὄφις οὔτε σκορπίος οὔτε μὴν πονηρᾶς ὕλης ἄλλο τι ἔκτοκον. ἀκροδρύων μὲν οὖν καὶ σπερμάτων ἄγευστος, σαρκῶν δὲ ἥδεται βορᾷ, καὶ πίνει αἷμα, καὶ τὰ νεόττια ἐκτρέφει τοῖς αὐτοῖς, καὶ ἐς λαγνείαν ἐστὶ δριμύτατος. τὸ δὲ αὐτοῦ τῆς κνήμης ὀστοῦν εἰ χρυσίῳ παρατεθείη, ἕλκει τε αὐτὸ καὶ ἴυγγι ἀπορρήτῳ τινὶ πρὸς ἑαυτὸ ἄγει καὶ ἕπεσθαι θέλγει, ὥσπερ οὖν ᾅδουσι τὸν Ἡρακλεώτην λίθον καταγοητεύειν πως τὸν σίδηρον. λέγουσι δὲ Αἰγύπτιοι καὶ ἐς πεντακόσια ἔτη βίου προήκειν τὸν ἱέρακα, καὶ οὔπω με πείθουσιν· ἃ δʼ οὖν ἀκούω, λέγω. ἔοικε δέ φασι καὶ Ὅμηρος ὅτι τῷ Διὸς καὶ Λητοῦς ἐστι φίλος ὑπαινίττεσθαί πως λέγων </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="15"> 
+<p> <quote rend="blockquote"> <lb/>βῆ δὲ κατʼ Ἰδαίων ὀρέων, ἵρηκι ἐοικὼς <lb/>ὠκέι φασσοφόνῳ. </quote> ὁ κάνθαρος ἄθηλυ ζῷόν ἐστι, σπείρει δὲ ἐς τὴν σφαῖραν ἣν κυλίει· ὀκτὼ δὲ καὶ εἴκοσιν ἡμερῶν τοῦτο δράσας καὶ θάλψας αὐτήν, εἶτα μέντοι τῇ ἐπὶ ταύταις προάγει τὸν νεοττόν. Αἰγυπτίων δὲ οἱ μάχιμοι ἐπὶ τῶν δακτυλίων εἶχον ἐγγεγλυμμένον κάνθαρον, αἰνιττομένου τοῦ νομοθέτου, δεῖν ἄρρενας εἶναι πάντως πάντῃ τοὺς μαχομένους ὑπὲρ τῆς χώρας, ἐπεὶ καὶ ὁ κάνθαρος θηλείας φύσεως οὐ μετείληχεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="16"> 
+<p>ἡ ὗς καὶ τῶν ἰδίων τέκνων ὑπὸ τῆς λαιμαργίας ἀφειδῶς ἔχει, καὶ μέντοι καὶ ἀνθρώπου σώματι ἐντυχοῦσα οὐκ ἀπέχεται, ἀλλʼ ἐσθίει. ταύτῃ τοι καὶ ἐμίσησαν Αἰγύπτιοι τὸ ζῷον ὡς μυσαρὸν καὶ πάμβορον. φιλοῦσι δὲ οἱ φρόνιμοι καὶ τῶν ἀλόγων τὰ πραότερα καὶ φειδοῦς ἅμα καὶ εὐσεβείας μετειληχότα προτιμᾶν. Αἰγύπτιοι γοῦν τοὺς πελαργοὺς καὶ προσκυνοῦσιν, ἐπεὶ τοὺς πατέρας γηροκομοῦσιν καὶ ἄγουσι <pb xml:id="p.250"/> διὰ τιμῆς. οἱ αὐτοὶ δὲ Αἰγύπτιοι καὶ χηναλώπεκας καὶ ἔποπας τιμῶσιν, ἐπεὶ οἳ μὲν φιλότεκνοι αὐτῶν, οἳ δὲ πρὸς τοὺς γειναμένους εὐσεβεῖς. ἀκούω δὲ καὶ Μανέθωνα τὸν Αἰγύπτιον σοφίας ἐς ἄκρον ἐληλακότα ἄνδρα εἰπεῖν ὅτι γάλακτος ὑείου ὁ γευσάμενος ἀλφῶν ὑποπίμπλαται καὶ λέπρας· μισοῦσι δὲ ἄρα οἱ Ἀσιανοὶ πάντες τάδε τὰ πάθη. πεπιστεύκασι δὲ Αἰγύπτιοι τὴν ὗν καὶ ἡλίῳ καὶ σελήνῃ ἐχθίστην εἶναι. ὅταν οὖν πανηγυρίζωσι τῇ σελήνῃ, θύουσιν αὐτῇ ἅπαξ τοῦ ἔτους ὗς, ἄλλοτε δὲ οὔτε ἐκείνῃ οὔτε ἄλλῳ τῳ τῶν θεῶν τόδε τὸ ζῷον ἐθέλουσι θύειν. Ἀθηναῖοι δὲ έν τοῖς μυστηρίοις καταθύουσι τὰς ὗς καὶ μάλα δικαίως· λυμαίνονται γὰρ τὰ λήια, καὶ ἐσπηδήσασαι πολλάκις τοὺς μὲν νέους τῶν ἀσταχύων καὶ οὐδέπω ὡραίους κατακλῶσι, τοὺς δὲ ἐξορύττουσιν. Εὔδοξος δέ φησι φειδομένους τοὺς Αἰγυπτίους τῶν ὑῶν μὴ θύειν αὐτάς, ἐπεὶ τοῦ σίτου σπαρέντος ἐπάγουσι τὰς ἀγέλας αὐτῶν. αἳ δὲ πατοῦσι καὶ ἐς ὑγρὰν τὴν γῆν ὠθοῦσιν, ἵνα μείνῃ ἔμβιος καὶ μὴ ὑπὸ τῶν ὀρνίθων ἀναλωθῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="17"> 
+<p> ἀποσπώμενοι τῆς συνήθους γῆς οἱ ἐλέφαντες, καὶ ἐὰν ἡμερωθῶσι τὰ μὲν πρῶτα τοῖς δεσμοῖς καὶ τῷ λιμῷ, τὰ δὲ ἐπὶ τούτοις ταῖς τροφαῖς καὶ τῷ ποικίλῳ αὐτῶν, ὅμως τὸ φίλτρον τῆς θρεψαμένης χώρας οὐκ ἂν αὐτοῖς ποτε ἐξίτηλον γένοιτο. οἱ πλεῖστοι γοῦν ὑπὸ τῆς λύπης διαφθείρονται, ἤδη δέ τινες καὶ κλάοντες ἀστακτὶ καὶ ἀμέτροις τοῖς δακρύοις ἐπηρώθησαν τὴν ὄψιν. ἐσάγονται δὲ ἐς τὰς ναῦς διὰ γεφύρας, παρʼ ἑκάτερα αὐτῆς κλάδων τεθηλότων καὶ κομώντων πηγνυμένων καὶ ἄλλης ὕλης χλωρᾶς διασειομένης ἐς ἀπάτην τῶν θηρίων· εἰ γὰρ ταῦτα ὁρῷεν οἱ ἐλέφαντες, ἔτι καὶ τότε διὰ τῆς γῆς ἰέναι <pb xml:id="p.251"/> δοκοῦσιν, οὐδὲ ἐπιτρέπει ταῦτα ὁρᾶσθαι τὴν θάλατταν. βραχέα δέ ἐστι καὶ οὐκ ἀγχιβαθῆ τὰ πρὸ τῆς χώρας, ἐξ ἧς ἀνάγκη πλεῖν αὐτούς, καὶ αἱ ναῦς ἀφεστᾶσιν αἱ φορτίδες· καὶ διὰ ταῦτα τῆς γεφύρας δεῖ καὶ τῆς μηχανῆς τε καὶ ἐπιβουλῆς τῆς διὰ τῶν κλάδων καὶ τῆς ὕλης τῆς προειρημένης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="18"> 
+<p>ἀκούω τὸν κριὸν τὸ ζῷον ἓξ μηνῶν χειμεριωτάτων κατὰ τῆς ἀριστερᾶς πλευρᾶς κεῖσθαι καὶ καθεύδειν, ὅταν αὐτὸν αἱρῇ καὶ περιλαμβάνῃ ὕπνος, ἀπὸ δὲ τῆς ἐαρινῆς ἰσημερίας ἔμπαλιν ἀναπαύεσθαι, καὶ κατὰ τῆς δεξιᾶς κεῖσθαι. οὐκοῦν καθʼ ἑκατέραν ἰσημερίαν τὴν κατάκλισιν ἀμείβει ὁ κριός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="19"> 
+<p>τοὺς ἰχθῦς τοὺς φάγρους Συηνῖται μὲν ἱεροὺς νομίζουσιν, οἱ δὲ οἰκοῦντες τὴν καλουμένην Ἐλεφαντίνην τοὺς μαιώτας· φῦλον δὲ ἄρα καὶ τοῦτο ἰχθύων. ἡ δὲ ἐς ἑκάτερον τὸ γένος ἐξ ἀμφοτέρων τιμὴ τὴν γένεσιν εἴληφεν ἐντεῦθεν. ἀνιέναι τε καὶ ἀναπλεῖν τοῦ Νείλου μέλλοντος οἳ δὲ προθέουσί τε καὶ νήχονται, οἱονεὶ τοῦ νέου ὕδατος ἄγγελοι, καὶ τὰς τῶν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="20"> 
+<p>Αἰγυπτίων ἀνηρτημένας γνώμας προευφραίνουσι καλαῖς ἐλπίσι, τὴν ἐπιδημίαν τοῦ ῥεύματος πρῶτοι συνιέντες καὶ θαυμαστῇ τινι φύσει προμαντευόμενοι ἐκεῖνοί γε. ἤδη δὲ καὶ τοῦτο ὑπὲρ τῆς ἐς αὐτοὺς τιμῆς φιλοῦσι προστιθέναι οἱ προειρημένοι, λέγοντες αὐτοὺς διαμένειν ἀλλήλων ἀγεύστους. γίνονται δὲ ἄρα ἐν τῇ Ἐρυθρᾷ θαλάττῃ κόγχαι καὶ ἕτεραι, οὐ λεῖαι τὰ ὄστρακα, ἀλλὰ ἔχουσαί τινας ἐντομὰς καὶ κοιλάδας. ὀξεῖαι δὲ αὗται τὰ χείλη εἰσί, καὶ συνιοῦσαι ἐς ἀλλήλας ἐμπίπτουσι, παραλλὰξ ἐντιθεῖσαι τὰς ἐξοχάς, ὡς δοκεῖν δύο πριόνων τοὺς κυνόδοντας ἐς ἀλλήλους συνέρχεσθαι. οὐκοῦν τῶν ἁλιέων ὅτου ἂν νηχομένου λάβωνται καὶ δάκωσιν ὅ <pb xml:id="p.252"/> τι οὖν μέρος, ἀποκόπτουσιν, εἰ καὶ ὀστοῦν ὑπείη τῷ μέρει τῷ δηχθέντι, καὶ κατὰ ἄρθρου μέντοι δακοῦσαι καὶ τοῦτο ἀπέκοψαν, καὶ εἰκότως· τομώτατον γάρ ἐστι τὸ δῆγμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="21"> 
+<p> τοὺς κροκοδείλους Αἰγυπτίων οἳ μὲν σέβουσιν, ὡς Ὀμβῖται· καὶ οἷα ἡμεῖς τοὺς θεοὺς τοὺς Ὀλυμπίους ἄγομεν θαυμαστούς, τοιαῦτα καὶ ἐκείνους ἐκεῖνοι. καὶ τῶν τέκνων γε αὐτοῖς ἐξαρπαζομένων πολλάκις οἳ δὲ ὑπερήδονται, καὶ αἵ γε μητέρες τῶν δειλαίων γάννυνται καὶ σεμναὶ περιίασιν, οἷα δήπου τεκοῦσαι θεῷ βορὰν καὶ δεῖπνον. Ἀπολλωνοπολῖται δὲ Τεντυριτῶν μοῖρα σαγηνεύουσι τοὺς κροκοδείλους, καὶ τῶν περσεῶν ʽφυτὰ δέ ἐστιν ἐπιχώριἀ ἐξαρτήσαντες μετεώρους μαστιγοῦσί τε πολλὰς καὶ τὰς ἐξ ἀνθρώπων ξαίνουσι κνυζωμένους καὶ δακρύοντας, εἶτα μέντοι κατακόπτουσιν αὐτοὺς καὶ σιτοῦνται. κύει δὲ ἄρα τὸ ζῷον τοῦτο ἐν ἑξήκοντα ἡμέραις, καὶ τίκτει ᾠὰ ἑξήκοντα, καὶ τοσαύταις ἡμέραις θάλπει αὐτά, σφονδύλους τε ἔχει ἐπὶ τῆς ῥάχεως τοσούτους, νεύροις τε αὐτὸν τοσούτοις φασὶ διεζῶσθαι, λοχεία τε αὐτῷ ἐς τοσοῦτον πρόεισιν ἀριθμόν, καὶ ἔτη βιοῖ ἑξήκοντα ʽλέγω δὲ ταῦτα Αἰγυπτίους φήμας τε καὶ πίστεισʼ, πάρεστι δὲ καὶ ὀδόντας ἑξήκοντα τοῦδε τοῦ ζῴου ἀριθμεῖν, φωλεῦον δὲ ἄρα καθʼ ἕκαστον ἔτος ἑξήκοντα ἡμερῶν ἀτρεμεῖ τε καὶ ἀτροφεῖ. τοῖς δὲ Ὀμβίταις καὶ συνήθεις εἰσί, καὶ μέντοι καὶ ὑπακούουσι καλούντων αὐτῶν οἱ τρεφόμενοι ἐν ταῖς λίμναις ταῖς ὑπʼ αὐτῶν πεποιημέναις. κομίζουσι δὲ ἄρα αὐτοῖς κεφαλὰς τῶν ζῴων τῶν θυομένων ʽαὐτοὶ γὰρ οὐκ ἂν γεύσαιντο τοῦδε τοῦ μέρουσʼ καὶ ἐμβάλλουσιν αὐτάς, οἳ δὲ περὶ ταύταις πηδῶσιν. οἵ γε μὴν Ἀπολλωνοπολῖται μισοῦσι κροκόδειλον, λέγοντες τὸν <pb xml:id="p.253"/> Τυφῶνα ὑποδῦναι τὴν τούτου μορφήν. οἳ δὲ οὐ ταύτην φασὶ τὴν αἰτίαν, Ψαμμύντου δὲ βασιλέως ἀγαθοῦ καὶ δικαίου ἐς τὰ ἔσχατα ἁρπάσαι θυγατέρα κροκόδειλον, εἶτα μέντοι μνήμῃ τοῦ τότε πάθους μισεῖν τὸ φῦλον αὐτῶν πᾶν καὶ τοὺς κάτω τοῦ χρόνου γεγενημένους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="22"> 
+<p>Βακκαῖοι ʽγένος δὲ τοῦτο Ἑσπέριονʼ τῶν ἀποθνησκόντων νόσῳ τοὺς νεκροὺς ὑβρίζοντες ὡς ἀνάνδρως καὶ μαλακῶς τεθνεώτων θάπτουσι πυρί, τοὺς δὲ ἐν πολέμῳ τὸν βίον καταστρέψαντας ὡς καλοὺς καὶ ἀγαθοὺς καὶ ἀρετῆς μετειληχότας γυψὶ προβάλλουσιν, ἱερὸν τὸ ζῷον εἶναι πεπιστευκότες. Ῥωμύλος δὲ ἄρα ἐν τῷ Παλλαντίῳ λόφῳ δώδεκα γυψὶν οἰωνισάμενος, ὡς ἀγαθῆς τῆς μαντείας ἔτυχε, μιμούμενος τῶν ὀρνίθων τὸν ἀριθμόν, τῶν Ῥωμαίων ἀρχόντων ἰσαρίθμους τοῖς τότε ὀφθεῖσιν ὄρνισι προπομπεύειν ῥάβδους ἐνομοθέτησεν. Αἰγύπτιοι δὲ Ἥρας μὲν ἱερὸν ὄρνιν εἶναι πεπιστεύκασι τὸν γῦπα, κοσμοῦσι δὲ τὴν τῆς Ἴσιδος κεφαλὴν γυπὸς πτεροῖς, καὶ τοῖς τῶν προπυλαίων ὀρόφοις ἐνετόρευσαν γυπῶν πτέρυγας. εἶπον δὲ καὶ ἀνωτέρω ὑπὲρ τοῦδε τοῦ ζῴου πολλά, ἕτερα μέντοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="23"> 
+<p>ἐν τῇ Κοπτῷ τῇ Αἰγυπτίᾳ τὴν Ἶσιν σέβουσιν Αἰγύπτιοι ταῖς τε ἄλλαις ἱερουργίαις καὶ μέντοι καὶ τῇ παρὰ τῶν πενθουσῶν ἢ τοὺς ἄνδρας τοὺς σφετέρους ἢ τοὺς παῖδας ἢ τοὺς ἀδελφοὺς λατρείᾳ τε καὶ θεραπείᾳ. ὄντων δὲ σκορπίων ἐνταῦθα μεγέθει μὲν μεγίστων, πληγῇ δὲ ὀξυτάτων, πείρᾳ γε μὴν σφαλερωτάτων ʽπαίσαντες γὰρ ἀναιροῦσι παραχρῆμἀ, καὶ μηχανὰς μυρίας ἐς τὴν ἐξ αὐτῶν φυλακὴν μηχανωμένων τῶν Αἰγυπτίων, ἀλλὰ αἵ γε πενθοῦσαι παρὰ τῇ θεῷ καὶ χαμαὶ καθεύδουσαι καὶ ἀνυπόδητοι <pb xml:id="p.254"/> βαδίζουσαι καὶ μόνον οὐ πατοῦσαι τοὺς προειρημένους σκορπίους εἶτα μέντοι ἀπαθεῖς διαμένουσι. σέβουσι δὲ ἄρα οἱ αὐτοὶ Κοπτῖται καὶ θηλείας δορκάδας καὶ ἐκθεοῦσιν αὐτάς, τοὺς δὲ ἄρρενας καταθύουσιν. ἄθυρμα δὲ εἶναι τὰς θηλείας τῆς Ἴσιδός φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="24"> 
+<p> ὁ κροκόδειλος ʽκαὶ μέντοι καὶ ταῦτα πρὸς τοῖς ἤδη διηνυσμένοις ὑπὲρ τοῦ ζῴου ἀκήκοἀ φύσει δειλός ἐστι καὶ κακοήθης δὲ καὶ πανοῦργος δεινῶς· καὶ ἁρπάζει μὲν καὶ ἐπιβουλεύει μάλα ὀξέως, πέφρικε δὲ τοὺς κτύπους πάντας, δέδοικε δὲ καὶ ἀνθρώπου βιαιοτέραν βοήν, καὶ μέντοι καὶ τοὺς εὐθαρσέστερον ἐπιόντας ὀρρωδεῖ ἰσχυρῶς. οἱ τοίνυν καλούμενοι κατὰ τὴν Αἴγυπτον Τεντυρῖται ἴσασι καὶ ὅθεν εὐχείρωτόν ἐστι τὸ θηρίον· μάλιστα δʼ ἂν τρωθείη ἐς δέον ὀφθαλμοὺς βληθεὶς ἢ μασχάλας καὶ μέντοι καὶ τὴν νηδύν. τὰ νῶτα δὲ πέφυκε καὶ τὴν οὐρὰν ἄρρηκτος· λεπίσι τε γὰρ καὶ φολίσι πέφρακται καὶ ὡς ἂν εἴποι τις ὥπλισται, καὶ ἐοίκασιν ὀστράκοις καρτεροῖς ἢ κόγχαις. οἱ τοίνυν προειρημένοι οὕτως εἰσὶ φιλόπονοι πρὸς τὴν αὐτῶν θηράν, ὡς τὸν ἐκεῖθι ποταμὸν εἰρήνην ἅγειν αὐτῶν βαθυτάτην. ἐνταῦθά τοι καὶ θαρροῦντες νήχονται, καὶ ἀθύρουσιν ἐν τῇ νήξει. ἐν Ὀμβίταις δὲ ἢ Κοπτίταις ἢ Ἀρσενοΐταις οὐδʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="25"> 
+<p> ἀπονίψασθαι πόδας ῥᾴδιον, οὐδὲ ἀρύσασθαι ὕδωρ εὔκολον· ἀλλʼ οὐδὲ ταῖς ὄχθαις τοῦ ποταμοῦ ἔστιν ἐμβαδίσαι ἐλευθέρως καὶ ἀφυλάκτως. σέβουσι δὲ οἱ Τεντυρῖται ἱέρακας. οὐκοῦν οἱ Κοπτὸν οἰκοῦντες ὡς κροκοδείλων πολεμίους λυπεῖν προῃρημένοι πολλάκις ἀνασταυροῦσιν ἱέρακας. εἰκάζουσι δὲ τὸν μὲν κροκόδειλον ἐκεῖνοι ὕδατι, ἔνθεν τοι καὶ σέβουσιν· οἳ δὲ τὸν ἱέρακα πυρί, ταύτῃ τοι καὶ προσκυνοῦσι· <pb xml:id="p.255"/> μαρτύριόν τε ἐπάγουσιν ἀπότομον αὐτῶν εἶναι λέγοντες πῦρ καὶ ὕδωρ ἀμιγές. ταῦτα οὖν τερατολογοῦντες Αἰγύπτιοί φασιν. Ὄασιν τὴν Αἰγυπτίαν διελθόντι ἀπαντᾷ ἑπτὰ ἡμερῶν ὅλων ἐρημία βαθυτάτη. μετὰ δὲ ταύτην Κυνοπρόσωποι νέμονται ἄνθρωποι κατὰ τὴν ὁδὸν τὴν ἐς Αἰθιοπίαν ἄγουσαν. ζῶσι δὲ ἄρα οὗτοι θηρῶντες δορκάδας τε καὶ βουβαλίδας, ἰδεῖν γε μὴν μέλανές εἰσι, κυνὸς δὲ ἔχουσι τὴν κεφαλὴν καὶ τοὺς ὀδόντας. ἐπεὶ δὲ ἐοίκασι τῷδε τῷ ζῴῳ, καὶ μάλα γε εἰκότως αὐτῶν ἐνταυθοῖ τὴν μνήμην ἐποιησάμην. φωνῆς δʼ οὖν ἀμοιροῦσι, τρίζουσι δὲ ὀξύ· κάτεισι δὲ ὑπὸ τὴν ὑπήνην αὐτοῖς γένειον, ὡς εἰκάσαι τοῖς τῶν δρακόντων αὐτό. αἱ δὲ χεῖρες αὐτῶν ὄνυξιν ἰσχυροῖς καὶ ὀξυτάτοις εἰσὶ τεθηγμέναι· τὸ δὲ πᾶν σῶμα δασεῖς πεφύκασι, κατὰ τοὺς κύνας καὶ τοῦτο. ὤκιστοι δέ εἰσι καὶ ἴσασι τὰ ἐν τοῖς τόποις δύσβατα. ἐντεῦθέν τοι καὶ δυσάλωτοι δοκοῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="26"> 
+<p>τῷ λύκῳ ὁ τράχηλος ἐς βραχὺ συνῆκται. οὔκουν οἷός τέ ἐστιν ἐπιστραφῆναι, ὁρᾷ δὲ ἐς τὸ πρόσω ἀεί· εἰ δὲ βούλοιτό ποτε ἐς τοὐπίσω θεάσασθαι, πᾶς ἐπιστρέφεται. ὀξυωπέστατον δέ ἐστι ζῴων, καὶ μέντοι καὶ νύκτωρ καὶ σελήνης οὐκ οὔσης ὃ δὲ ὁρᾷ. ἔνθεν τοι καὶ λυκόφως κέκληται ὁ καιρὸς οὗτος τῆς νυκτός, ἐν ᾧ μόνος ἐκεῖνος τὸ φῶς ὑπὸ τῆς φύσεως λαχὼν ἔχει. δοκεῖ δέ μοι καὶ Ὅμηρος λέγειν ἀμφιλύκην νύκτα καθʼ ἣν δὴ βλέποντες λύκοι βαδίζουσι. λέγουσι δὲ φίλον Ἡλίῳ εἶναι αὐτόν, καὶ διὰ ταῦτα ἐς τιμὴν τὴν τοῦ ζῴου κεκλῆσθαι καὶ τὸν ἐνιαυτὸν λυκάβαντα εἰσὶν οἳ λέγουσι. χαίρειν δὲ αὐτῷ καὶ τὸν Ἀπόλλω λόγος, καὶ ἡ αἰτία διαρρέουσα καὶ ἐς ἐμὲ ἀφίκετο. τὸν γάρ τοι θεὸν τοῦτον τεχθῆναί φασι <pb xml:id="p.256"/> τῆς Λητοῦς μεταβαλούσης τὸ εἶδος ἐς λύκαιναν. ταύτῃ τοι λέγει καὶ Ὅμηρος λυκηγενέι κλυτοτόξῳ· ταύτῃ τοι καὶ ἐν Δελφοῖς ἀνακεῖσθαι λύκον πέπυσμαι χαλκοῦν τὴν τῆς Λητοῦς ὠδῖνα αἰνιττόμενον. οἳ δὲ οὐ διὰ τοῦτό φασιν ἀλλὰ ἐπεὶ κλαπέντα ἀναθήματα ἐκ τοῦ νεὼ καὶ κατορυχθέντα ὑπὸ τῶν ἱεροσύλων λύκος κατεμήνυσε. παρελθὼν γὰρ ἐς τὸν νεὼν καὶ τῶν προφητῶν τινα τῆς ἐσθῆτος τῆς ἱερᾶς ἑλκύσας τῷ στόματι καὶ προσαγαγὼν μέχρι τοῦ τόπου ἐν ᾧ τὰ ἀναθήματα ἐκέκρυπτο εἶτα τοῖς προσθίοις ὤρυττεν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="27"> 
+<p> κώμη Αἰγυπτία Χουσαὶ τὸ ὄνομα ʽτελεῖ δὲ ἐς τὸν Ἑρμουπολίτην νομόν, καὶ μικρὰ μὲν δοκεῖ, χαρίεσσά γε μήνʼ, ἐν ταύτῃ σέβουσιν Ἀφροδίτην Οὐρανίαν αὐτὴν καλοῦντες. τιμῶσι δὲ καὶ θήλειαν βοῦν, καὶ τὴν αἰτίαν ἐκείνην λέγουσι. πεπιστεύκασιν αὐτὰς προσήκειν τῇδε τῇ δαίμονι· πτοίαν γὰρ ἐς ἀφροδίσια ἰσχυρὰν ἔχει βοῦς θῆλυς, καὶ ὀργᾷ τοῦ ἄρρενος μᾶλλον. ἀκούσασα γοῦν τοῦ μυκήματος ἐς τὴν μίξιν θερμότατα ἐξηνέμωται καὶ ἐκπέφλεκται. καὶ οἱ ταῦτά γε συνιδεῖν δεινοὶ καὶ ἀπὸ τριάκοντα σταδίων ἀκούειν ταύρου βοῦν ἐρωτικὸν σύνθημα καὶ ἀφροδίσιον μυκωμένου φασί. καὶ αὐτὴν δὲ τὴν Ἶσιν Αἰγύπτιοι βούκερων καὶ πλάττουσι καὶ γράφουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="28"> 
+<p> σάλπιγγος ἦχον βδελύττονται Βουσιρῖται καὶ Ἄβυδος ἡ Αἰγυπτία καὶ Λύκων πόλις, ἐπεί πως ἔοικεν ὄνῳ βρωμωμένῳ. ἀλλὰ καὶ ὅσοι περὶ τὴν θρησκείαν ἔχουσι τὴν τοῦ Σαράπιδος μισοῦσι τὸν ὄνον. τοῦτό τοι καὶ Ὦχος ὁ Πέρσης εἰδὼς ἀπέκτεινε μὲν τὸν Ἆπιν, ἐξεθέωσε δὲ τὸν ὄνον, ἐς τὰ ἔσχατα λυπῆσαι θέλων τοὺς Αἰγυπτίους. ἔδωκε δὲ ἄρα καὶ αὐτὸς δίκας τῷ ἱερῷ βοῒ οὐ μεμπτὰς οὐδὲ ἥττονας Καμβύσου <pb xml:id="p.257"/> τοῦ πρώτου τὴν θεοσυλίαν ταύτην τετολμηκότος. μισοῦσι δὲ οἱ αὐτοὶ θεραπευταὶ τοῦ Διὸς τοῦ προειρημένου καὶ τὸν ὄρυγα. τὸ δὲ αἴτιον, ἀποστραφεὶς πρὸς τὴν ἀντολὴν τὴν τοῦ ἡλίου τὰ περιττὰ τῆς ἑαυτοῦ τροφῆς ἐκθλίβει φασὶν Αἰγύπτιοι. λέγουσι δὲ οἱ Πυθαγόρειοι ὑπὲρ τοῦ ὄνου καὶ ἐκεῖνο, μόνον τοῦτον τῶν ζῴων μὴ γεγονέναι κατὰ ἁρμονίαν· ταύτῃ τοι καὶ πρὸς τὸν ἦχον τὸν τῆς λύρας εἶναι κωφότατον. ἤδη δὲ αὐτόν τινες καὶ τῷ Τυφῶνι προσφιλῆ γεγονέναι φασί. λέγουσι δὲ καὶ ἐκείνην αἰτίαν τῷ ὄνῳ προσάπτειν πρὸς τοῖς προειρημένοις. πᾶν τὸ γόνιμον τετίμηται, ἐναντίως δὲ ἄρα πρὸς ταῦτα πέφυκε τὸ ζῷον τοῦτο. δίδυμα γοῦν ὄνον τεκοῦσαν οὐ ῥᾳδίως μέμνηταί τις λόγος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="29"> 
+<p>ἴδιον δὲ ἐν Αἰγυπτίοις λόγοις ἴβεως καὶ ἐκεῖνο προσακήκοα. ὅταν ὑποκρύψηται τὴν δέρην καὶ τὴν κεφαλὴν τοῖς ὑπὸ τῷ στέρνῳ πτεροῖς, τὸ τῆς καρδίας σχῆμα ἀπεμάξατο. ἄλλως τε καὶ ὅτι εἰσὶ τοῖς ἐπὶ λύμῃ καὶ ἀνθρώπων καὶ καρπῶν ζῴοις γεγενημένοις ἔχθισται ἤδη που καὶ ἄνω εἶπον. μίγνυνται δὲ τοῖς στόμασι, καὶ παιδοποιοῦνται τὸν τρόπον τοῦτον. λέγουσι δὲ Αἰγύπτιοι ʽκαὶ ἐμέ γε οὐ ῥᾳδίως ἔχουσι πειθόμενονʼ λέγουσι δʼ οὖν τοὺς ταῖς ταριχείαις τῶν ζῴων ἐφεστῶτας καὶ δεινοὺς τήνδε τὴν σοφίαν ὁμολογεῖν τὸ τῆς ἴβεως ἔντερον ἓξ εἶναι πήχεων καὶ ἐνενήκοντα. διαβαίνειν δὲ κατὰ πῆχυν αὐτὴν προσακήκοα βαδίζουσαν. σελήνης δὲ ἐκλιπούσης καταμύει, ἔστʼ ἂν ἡ θεὸς αὖθις ἀναλάμψῃ. καὶ τῷ Ἑρμῇ δέ φασι τῷ πατρὶ τῶν λόγων φιλεῖται, ἐπεὶ ἔοικε τὸ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="30"> 
+<p>εἶδος τῇ φύσει τοῦ λόγου· τὰ μὲν γὰρ μέλανα ὠκύπτερα τῷ τε σιγωμένῳ καὶ ἔνδον ἐπιστρεφομένῳ λόγῳ παραβάλλοιτο ἄν, τὰ δὲ λευκὰ τῷ προφερομένῳ τε <pb xml:id="p.258"/> καὶ ἀκουομένῳ ἤδη καὶ ὑπηρέτῃ τοῦ ἔνδον καὶ ἀγγέλῳ, ὡς ἂν εἴποις. ὡς μὲν οὖν μακροβιώτατόν ἐστι τὸ ζῷον καὶ δὴ εἶπον· λέγει δὲ Ἀπίων καὶ ἐπάγεται τοὺς ἐν Ἑρμοῦ πόλει ἱερέας μάρτυρας δεικνύντας οἱ ἶβιν ἀθάνατον. τοῦτο μὲν οὖν καὶ ἐκείνῳ δοκεῖ τῆς ἀληθείας ἀφεστάναι πάμπολυ, καὶ ἐμοὶ δὲ πάντως ἂν καταφαίνοιτο ψευδές. ἔστι δὲ τὴν φύσιν θερμότατον ἡ ἶβις, πολυβορώτατον γοῦν ὂν καὶ κακοβορώτατον, εἴγε ὄφεις σιτεῖται καὶ σκορπίους. ἀλλὰ τὰ μὲν πέττει ῥᾳδίως, τὰ δὲ εὐκολώτατα ἀποκρίνει. ἴδοι δʼ ἄν τις νοσοῦσαν ἶβιν σπανιώτατα. πανταχοῦ δὲ καθιεῖσα ἶβις τὸ ῥάμφος, τῶν ῥυπαρῶν καταφρονοῦσα καὶ ἐμβαίνουσα αὐτοῖς ὑπὲρ τοῦ καὶ ἐκεῖθέν τι ἀνιχνεῦσαι, ὅμως δʼ οὖν ἐς κοῖτον τρεπομένη λούει τε πρότερον ἑαυτὴν καὶ ἐκκαθαίρει. νεοττεύει δὲ ἐπὶ τῶν φοινίκων τοὺς αἰλούρους ἀποδιδράσκουσα· οὐ γάρ τί που ῥᾳδίως ἐκεῖνο τὸ ζῷον ἀναρριχᾶται καὶ ἀνέρπει κατὰ τοῦ φοίνικος, ἐκ τῶν ἐξοχῶν τῶν ἐπὶ τοῦ πρέμνου πολλάκις ἀντικρουόμενόν τε καὶ ἐκβαλλόμενον. καὶ ἐκεῖνα δὲ κυνοκεφάλων εἰπεῖν ἐπὶ στόμα μοι νῦν ἀφίκετο. εἰ λάβοι κυνοκέφαλος τρωκτὰ σὺν τοῖς ὀστράκοις, ʽἀμυγδάλας φημὶ καὶ τὰς τῶν δρυῶν βαλάνους καὶ κάρυἀ, ἐκλέπει τε καὶ καθαίρει, καταγνὺς πρότερον πάνυ συνετῶς, καὶ οἶδεν ὅτι ἄρα τὸ μὲν ἔνδον ἐδώδιμόν ἐστι, τὰ δὲ ἔξω ἐκβάλλειν χρή. πίνει δὲ οἴνου, καὶ παραθέντων ἑφθὰ κρέα καὶ ὀπτὰ ἐμπίπλαται, καὶ τοῖς μὲν ἡδυσμένοις χαίρει, τοῖς δὲ ἀσπουδάστως ἑφθοῖς πάνυ ἄχθεται. φείδεται δὲ καὶ ἐσθῆτος ἐνδὺς αὐτήν, καὶ τὰ ἄλλα δρᾷ ὅσα ἀνωτέρω εἶπον. θηλῇ δὲ γυναικὸς εἰ προσαγάγοις ἔτι νήπιον, σπάσει τοῦ γάλακτος ὡς παιδίον. <pb xml:id="p.259"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="31"> 
+<p>τὴν δὲ θέρμουθιν ἀσπίδα, ᾗ ὄνομα ἔθεντο Αἰγύπτιοι τοῦτο, ἱερὰν εἶναί φασι, καὶ σέβουσιν αὐτὴν οἱ ἐκεῖθι, καὶ τῆς Ἴσιδος τὰ ἀγάλματα ἀναδοῦσι ταύτῃ, ὥς τινι διαδήματι βασιλείῳ. λέγουσι δὲ αὐτὴν ἐπὶ δηλήσει τῶν ἀνθρώπων καὶ βλάβῃ μὴ φῦναι· ἐκεῖνο δὲ τερατεύονται, φείδεσθαι μὲν αὐτὴν τῶν ἀγαθῶν, τοὺς δὲ ἀσεβοῦντας ἀποκτιννύναι. εἰ δὲ ταῦθʼ οὕτως ἔχει, τοῦ παντὸς ἂν ἡ Δίκη τιμήσαιτο τήνδε τὴν ἀσπίδα, τιμωροῦσαν αὐτῇ καὶ ὁρῶσαν ὀξύτατα. οἳ δὲ ἐπιλέγουσιν ὅτι ἡ Ἶσις τοῖς τὰ μέγιστα πλημμελήσασιν ἐπιπέμπει αὐτήν. λέγουσι δὲ αὐτὴν Αἰγύπτιοι μόνην ἀσπίδων ἀθάνατον εἶναι, ἑκκαίδεκα γένη καὶ διαφορότητας τοῦδε τοῦ ζῴου καταλέγοντες. ἔν τε τοῖς ἱεροῖς, ὡς οἱ αὐτοί φασι, καθʼ ἑκάστην γωνίαν θαλάμας τινὰς καὶ σηκώδεις ὑποδρομὰς ἐξοικοδομοῦντες εἶτα μέντοι θερμούθεις ἐσῴκιζον, στέαρ μόσχειον βορὰν παρατιθέντες ἐκ διαστημάτων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="32"> 
+<p>Ἄκανθον τὸν ὄρνιν ἐκ τῶν τρεφουσῶν ἀκανθῶν λαβεῖν τὸ ὄνομα οἱ σοφοὶ τὰ ὀρνίθων φασί. φθέγγεται δὲ ἄρα ἐμμελὲς καὶ εὔμουσον δεινῶς. λέγει δὲ Ἀριστοτέλης, ἐὰν τοῦδε τοῦ ἀκάνθου καὶ μέντοι καὶ τοῦ καλουμένου αἰγίθου τὸ αἷμα ἐς ταὐτὸν ἀγγεῖόν τις ἀναμίξῃ καὶ κεράσαι θελήσῃ, τὰ δὲ μὴ συνιέναι μηδʼ ἑνοῦσθαι ἐς μίαν κρᾶσιν. ἱερόν τε εἶναι τὸν ἄκανθον τῶν δαιμόνων τῶν κατὰ τὴν ὁδὸν πομπευόντων καὶ ἀγόντων τοὺς ἀνθρώπους φασί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="33"> 
+<p>ὅτι σώφρων ἐστὶν ἡ τρυγὼν καὶ πλὴν τοῦ συννόμου, ὅτῳ καὶ συνῆλθεν ἐξ ἀρχῆς, μὴ ἄν ποτε ὁμιλήσειεν ἀσπαζομένη λέχος ὀθνεῖόν τε καὶ ἀλλότριον, ἄνω μοι λέλεκται. ἀκούω δὲ τῶν ἀκριβούντων τὴν ὑπὲρ τῶν τοιούτων ἱστορίαν καὶ λευκὰς τρυγόνας φανῆναι πολλάκις. λέγουσι δὲ αὐτὰς ἱερὰς εἶναι <pb xml:id="p.260"/> Ἀφροδίτης τε καὶ Δήμητρος, Μοιρῶν δὲ καὶ Ἐρινύων τὰς ἄλλας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="34"> 
+<p> ὤφθησάν ποτε καὶ χελιδόνες λευκαί, ὡς Ἀλέξανδρος ὁ Μύνδιός φησιν. ἐν δὲ τῇ Ἀλεξάνδρου τοῦ Πύρρου παιδὸς σκηνῇ χελιδὼν νεοττεύουσα εἶτα μέντοι ἀτελῆ τὴν πρᾶξιν αὐτῷ ἐφʼ ἥνπερ οὖν ὡρμᾶτο ὑπεσήμηνεν οὐ πάνυ τι οὖσαν ἀγαθήν. καὶ Ἀντιόχῳ δὲ νεοττεύουσα ἐν αὐτοῦ τὰ μέλλοντά οἱ ἀπαντήσεσθαι ὑπῃνίξατο· ἀνελθὼν γὰρ ἐς τοὺς Μήδους εἶτα μέντοι οὐκ ἐπανῆλθεν ἐς τοὺς Σύρους, ἀλλʼ ἑαυτὸν κατά τινος ἔωσε κρημνοῦ. ὥρμητο δὲ ἄρα ἐπὶ πρᾶξιν οὐ χρηστὴν καὶ οὗτος. ἡνίκα δὲ ἐξέλιπε τὴν ἀκρόπολιν τὸ πρότερον Διονύσιος, συνανήχθησάν οἱ καὶ αἱ νεοττεύουσαι χελιδόνες ἐκεῖθι, καὶ ἐμαντεύοντο τὴν ἐπάνοδον. τιμᾶται δὲ ἡ χελιδὼν θεοῖς μυχίοις καὶ Ἀφροδίτῃ, μυχίᾳ μέντοι καὶ ταύτῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="35"> 
+<p> οἱ πέρδικες ὅταν ἐπῳάζωσι, προβάλλονταί τινας θάμνους καὶ δάση ἕτερα ὑπὲρ τοῦ καὶ δρόσους καὶ ὄμβρους καὶ πᾶν ὅ τι ἂν ᾖ νοτερὸν ἀποστέγειν αὐτῶν. εἰ γὰρ διάβροχά πως γένοιτο, ἐὰν μὴ πάλιν ἡ τεκοῦσα ὑποθάλψῃ αὐτὰ ἐπελθοῦσα ταχέως, γίνεται ἄγονα. ἀθρόα δὲ καὶ πεντεκαίδεκα ᾠὰ ἀποτίκτει. Παφλαγόνων δὲ ἄρα περδίκων διπλῆν ὁρᾶσθαι καρδίαν Θεόφραστός πού φησιν. ἄθυρμα δὲ ὁ πέρδιξ τῆς Διὸς καὶ Λητοῦς ὥς ἐστιν ἄλλοι λέγουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="36"> 
+<p> εἶπον μὲν καὶ ἀνωτέρω περὶ τῶν κύκνων, εἰρήσεται δὲ ἄρα καὶ νῦν ὅσα οὐ πρότερον εἶπον. Ἀριστοτέλης λέγει ἐν τῇ θαλάττῃ τῇ Λιβύων φανῆναί ποτε κύκνων ἀγέλην, καὶ ἀκουσθῆναί τι μέλος αὐτῶν ὡς ἐκ χοροῦ τινος ὁμοφώνου, πάνυ μὲν ἡδύ, γοερόν γε μήν, καὶ οἷον ἐς οἶκτον ἐπικλάσαι τοὺς ἀκούοντας. καί τινας ἐπὶ τῷ μέλει φησὶ φανῆναι τεθνεῶτας αὐτῶν. <pb xml:id="p.261"/> φίλος δὲ ἦν ἄρα ὁ κύκνος πηγαῖς τε καὶ τενάγεσι καὶ λίμναις καὶ ταῖς ὅσαι πεφύκασιν ὑδάτων σύρροιαί τε καὶ ἀφθονίαι. ἐνταῦθα γοῦν καὶ τὰς ἑαυτοῦ μούσας αὐτὸν φιλοσοφεῖν οἱ σοφοὶ τούτων φασί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="37"> 
+<p>ἡ γλαῦξ ἐπί τινα σπουδὴν ὡρμημένῳ ἀνδρὶ συνοῦσα καὶ ἐπιστᾶσα οὐκ ἀγαθόν σύμβολόν φασι. μαρτύριον δέ, ὁ Ἠπειρώτης Πύρρος νύκτωρ εὐθὺ τοῦ Ἄργους ᾔει, καὶ αὐτῷ ἐντυγχάνει ἥδε ἡ ὄρνις καθημένῳ μὲν ἐπὶ τοῦ ἵππου, φέροντί γε μὴν τὸ δόρυ ὀρθόν. εἶτα ἐπὶ τούτου ἑαυτὴν ἐκάθισεν, οὐδὲ ἀπέστη, δορυφοροῦσα οὐ χρηστὴν τὴν δορυφορίαν ἡ ὄρνις ἡ προειρημένη τήνδε. παρῆλθε γοῦν ὁ Πύρρος ἐς τὸ Ἄργος, καὶ ἀκλεέστατα ἀνθρώπων ἀπέθανεν. ἔνθεν μοι δοκεῖ καὶ Ὅμηρος εἰδὼς καλῶς τῆς ὄρνιθος τὸ οὐδαμῆ εὐσύμβολον ἐρωδιὸν μὲν τὸν ἐκ τῶν ποταμῶν ἀνεῖναι τοῖς ἀμφὶ τὸν Διομήδην τὴν Ἀθηνᾶν φάναι, ὅτε ἀπῄεσαν κατασκεψόμενοι τὰ τῶν Τρώων, μὴ μέντοι τὴν γλαῦκα, εἰ καὶ δοκεῖ φίλη εἶναι αὐτῇ. ὅτι δὲ ἡ Ἰλιὰς γῆ ἔνδροσός τε καὶ κατάρρυτός ἐστιν, Ὅμηρος τεκμηριῶσαι ἱκανὸς ἐν τοῖς πρὸ τῆς τειχομαχίας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="38"> 
+<p>φοβερός ἐστιν τῷ καράβῳ ὁ πολύπους. ἐὰν γοῦν ἁλῶσί ποτε δικτύῳ ἑνί, οἱ κάραβοι τεθνήκασι παραχρῆμα. Λουσίας δὲ ποταμὸς ἐν Θουρίοις ὀνομάζεται, ὅσπερ οὖν ἔχει μὲν λευκότατον ὑδάτων αὐτὸς καὶ ῥεῖ διειδέστατα, τίκτει δὲ ἰχθῦς μέλανας ἰσχυρῶς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="39"> 
+<p>ἄμπελον ὁμώνυμον τῷ φυτῷ πάρδαλίν τινα οὕτω καλεῖσθαί φασι φύσεως ἰδίας παρὰ τὰς λοιπὰς μετειληχυῖαν, καὶ οὐρὰν οὐκ ἔχειν ἀκούω αὐτήν. ἥπερ οὖν εἰ ὀφθείη γυναιξίν, ἐς νόσον ἐμβάλλει ἀδόκητον αὐτάς. <pb xml:id="p.262"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="40"> 
+<p> ἐν τῇ Σκυθίᾳ γῇ γίνονται ὄνοι κερασφόροι, καὶ στέγει τὰ κέρατα ἐκεῖνα τὸ ὕδωρ τὸ Ἀρκαδικὸν τὸ καλούμενον τῆς Στυγός· τὰ δὲ ἄλλα ἀγγεῖα διακόπτει πάντα, κἂν ᾖ σιδήρου πεποιημένα. τούτων τοι τῶν κεράτων ἓν ὑπὸ Σωπάτρου κομισθῆναί φασιν Ἀλεξάνδρῳ τῷ Μακεδόνι, καὶ ἐκεῖνον πυνθάνομαι θαυμάσαντα ἐς Δελφοὺς ἀνάθημα ἀναθεῖναι τῷ Πυθίῳ τὸ κέρας, καὶ ὑπογράψαι ταῦτα <quote rend="blockquote"> <lb/>σοὶ τόδʼ Ἀλέξανδρος Μακεδὼν κέρας ἄνθετο, Παιάν, <lb/>κάνθωνος Σκυθικοῦ, χρῆμά τι δαιμόνιον, <lb/>ὃ Στυγὸς ἀχράντῳ Λουσηίδος οὐκ ἐδαμάσθη <lb/>ῥεύματι, βάσταξεν δʼ ὕδατος ἠνορέην. </quote> Δημήτηρ δὲ ἄρα τὸ ὕδωρ ἀνῆκε τοῦτο πλησίον Φενεοῦ, τὴν δὲ αἰτίαν εἶπον ἀλλαχόθι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="41"> 
+<p> Εὐπόλιδι τῷ τῆς κωμῳδίας ποιητῇ δίδωσι δῶρον Αὐγέας ὁ Ἐλευσίνιος σκύλακα ἰδεῖν ὡραῖον, Μολοττὸν τὸ γένος, καὶ καλεῖ τοῦτον ὁ Εὔπολις ὁμωνύμως τῷ δωρησαμένῳ αὐτόν. κολακευθεὶς οὖν ταῖς τροφαῖς, καὶ ἐκ τῆς συνηθείας ὑπαχθεὶς τῆς μακροτέρας, ἐφίλει τὸν δεσπότην ὁ Αὐγέας ὁ κύων. καί ποτε ὁμόδουλος αὐτῷ νεανίας, ὄνομα Ἐφιάλτης, ὑφαιρεῖται δράματά τινα τοῦ Εὐπόλιδος, καὶ οὐκ ἔλαθε κλέπτων, ἀλλὰ εἶδεν αὐτὸν ὁ κύων, καὶ ἐμπεσὼν ἀφειδέστατα δάκνων ἀπέκτεινεν. χρόνῳ δὲ ὕστερον ἐν Αἰγίνῃ τὸν βίον ὁ Εὔπολις κατέστρεψε, καὶ ἐτάφη ἐνταῦθα· ὁ δὲ κύων ὠρυόμενός τε καὶ θρηνῶν τὸν τῶν κυνῶν θρῆνον, εἶτα μέντοι λύπῃ καὶ λιμῷ ἑαυτὸν ἐκτήξας ἀπέθανεν ἐπὶ τῷ τροφεῖ καὶ δεσπότῃ, μισήσας τὸν βίον ὁ κύων. καὶ ὅ γε τόπος καλεῖται μνήμῃ τοῦ τότε πάθους Κυνὸς Θρῆνος. <pb xml:id="p.263"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="42"> 
+<p>μύρμηκος εἶδος θανατηφόρου φασὶν εἶναί τι, καὶ λαέρτην ὄνομα ἔχειν τόνδε τὸν μύρμηκα. καὶ σφῆκας δέ τινας ἐκάλουν λαέρτας. λέγει ταῦτα Τήλεφος ὁ κριτικὸς ὁ ἐκ τοῦ Μυσίου Περγάμου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="43"> 
+<p>διὰ τοῦ θέρους τοῦ πυρωδεστάτου τὰ τῶν Αἰγυπτίων πεδία ὁ Νεῖλος ἐπικλύσας ὄψιν μὲν αὐτοῖς θαλάττης ἡπλωμένης καὶ λείας δίδωσι, καὶ ἁλιεύουσι κατὰ τῆς τέως ἀρουμένης Αἰγύπτιοι, καὶ πλέουσι σκάφαις ἐς ταύτην τὴν ὥραν καὶ τήνδε τὴν ἐπιδημίαν τοῦ ποταμοῦ πεποιημέναις. εἶτα ὃ μὲν ὑπονοστεῖ καὶ ἐς τὰ ἑαυτοῦ μέτρα ὑποστρέφει τὰ ἐκ τῆς φύσεως οἱ νενομισμένα, ἰχθῦς δὲ χῆροι τοῦ πατρὸς καὶ ἔρημοι τοῦ ἀναπλεύσαντος ὕδατος ὑπολείπονται, ἐν ἰλύι παχείᾳ τρεφόμενοι γεωργοῖς δεῖπνον. καὶ βιαιότερον μὲν εἰρήσεται, ἄμητος δʼ οὖν ἰχθύων οὗτός ἐστιν Αἰγύπτιος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="44"> 
+<p>γένη δὲ ἄρα καὶ τεττίγων οὐκ ὀλίγα ἦν, καὶ αὐτὰ οἱ δεινοὶ ταῦτα εἰδέναι ἀριθμοῦσι, καὶ ὀνόματα ᾅδουσιν αὐτῶν. ὁ μὲν γὰρ τεφρὰς ἐκ τῆς χρόας ὀνομάζεται, ὁ δὲ ἄρα μέμβραξ ὁπόθεν οὐκ οἶδα, καὶ λακέτας δὲ ἦν ἄρα τέττιγος ὄνομα, καὶ κερκώπην ἀκοῇ παρεδεξάμην καὶ ἀχέταν τινὰ καὶ ἀκανθίαν. ἐγὼ μὲν οὖν τοσαῦτα τεττίγων ἀκούσας γένη μέμνημαι· ὅτῳ δὲ καὶ πλείω τῶν προειρημένων ἐς γνῶσιν ἀφίκετο, λεγέτω ἐκεῖνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="45"> 
+<p>καὶ ταῦτα μέντοι κυνῶν προσακήκοα. τὰ σκυλάκια τυφλὰ τίκτεται, καὶ οὐχ ὁρᾷ τῆς μητρῴας ὠδῖνος προελθόντα. καὶ τρισκαίδεκα ἡμερῶν τῶν πρώτων κατείληπται τῷ πάθει τῷδε, ὅσων καὶ ἡ σελήνη οὐ φαίνει νύκτωρ, εἶτα μέντοι ζῴων ὀξυωπέστατος γίνεται ὁ κύων. τιμῶσι δὲ αὐτὸν Αἰγύπτιοι, καὶ νομόν τινα ἐκάλεσαν ἐξ αὐτοῦ, καὶ τῆς γε τιμῆς διπλῆν <pb xml:id="p.264"/> εἶναι τὴν αἰτίαν φασί, τὴν μὲν λέγουσαν ὅτι ἄρα τῆς Ἴσιδος ζητούσης πανταχόσε τὸν Ὄσιριν κύνες προηγούμενοι τὰ μὲν ἐπειρῶντο συνανιχνεύειν αὐτῇ τὸν παῖδα, τὰ δὲ ἀναστέλλειν τὰ θηρία· ἡ δὲ ἑτέρα, ὅτι ἄρα ἤδη μὲν ἀνατέλλει τὸ ἄστρον ὁ κύων, ὃν Ὠρίωνος ἡ φήμη γενέσθαι λέγει, συνανίσχει δὲ αὐτῷ τρόπον τινὰ καὶ ὁ Νεῖλος ἐπιὼν ἐς τὴν ἀρδείαν τῆς γῆς τῆς Αἰγυπτίας, καὶ ἀναχεῖται περὶ τὰς ἀρούρας. ὡς οὖν ἄγοντα τόδε τὸ γόνιμον ὕδωρ καὶ παρακαλοῦντα τιμῶσιν Αἰγύπτιοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="46"> 
+<p> ὀξύρυγχος οὕτως ἰχθὺς κέκληται, καὶ ἔοικεν ἐκ τοῦ προσώπου λαβεῖν τὸ ὄνομα καὶ τοῦ σχήματος τοῦ κατʼ αὐτό. τρέφει δὲ ἄρα τὸν προειρημένον ὁ Νεῖλος, καὶ μέντοι καὶ ἐξ αὐτοῦ κέκληται νομὸς ἔνθα δήπου καὶ τιμὰς ὁ ἰχθὺς ἔχει ὁ αὐτός. ἀγκίστρῳ δὲ θηραθέντα ἰχθὺν οὐκ ἄν ποτε φάγοιεν οἵδε οἱ ἄνδρες, δεδιότες μή ποτε ἄρα αὐτῷ περιπαρεὶς ἔτυχεν ὁ παρὰ σφίσιν ἱερὸς καὶ θαυμαστὸς ἰχθὺς ὃν εἶπον. ἐὰν δὲ καὶ δικτύοις ἁλῶσί ποτε ἰχθύες, ἀνιχνεύουσι ταῦτα, μὴ παραλαθὼν ἐνέπεσεν ἐκεῖνος, καὶ προτιμῶσιν ἀθηρίαν ἢ ἁλόντος ἐκείνου τὴν μάλιστα εὐθηρίαν. λέγουσι δὲ αὐτὸν οἱ περίχωροι ἐκ τῶν Ὀσίριδος τραυμάτων γεγονέναι· νοοῦσι δὲ τὸν Ὄσιριν ἄρα τὸν αὐτὸν τῷ Νείλῳ εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="47"> 
+<p> ὁ δὲ ἰχνεύμων ὁ αὐτὸς ἄρα καὶ ἄρρην καὶ θῆλυς ἦν, μετειληχὼς καὶ τῆσδε τῆς φύσεως καὶ τῆσδε, καὶ σπείρειν τε καὶ τίκτειν τῷ αὐτῷ ἡ φύσις δέδωκεν. ἀποκρίνονται δὲ ἐς τὸ ἀτιμότερον γένος οἱ ἡττηθέντες μετὰ τὴν μάχην· οἱ γὰρ κρατήσαντες ἀναβαίνουσι τοὺς ἡττημένους καὶ ἐς αὐτοὺς σπείρουσιν. οἳ δὲ ἆθλον τῆς ἥττης φέρονται ὠδῖνάς τε ὑπομεῖναι καὶ ἀντὶ πατέρων γενέσθαι μητέρες. τοῖς γε μὴν πολεμιωτάτοις <pb xml:id="p.265"/> ἀνθρώπῳ ζῴοις, ἀσπίδι καὶ κροκοδείλῳ, ἔχθιστον ὁ ἰχνεύμων, καὶ τόν γε πόλεμον αὐτῶν ἀνωτέρω εἶπον. λέγονται δὲ οἱ ἰχνεύμονες ἱεροὶ εἶναι Λητοῦς καὶ Εἰλειθυιῶν· σέβουσι δὲ αὐτοὺς Ἡρακλεοπολῖται, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="48"> 
+<p>Λυκάονι τῷ βασιλεῖ τῆς Ἠμαθίας γίνεται παῖς, ὄνομα Μακεδών, ἐξ οὗ καὶ ἡ χώρα κέκληται μετὰ ταῦτα τὸ ἀρχαῖον ὄνομα οὐκέτι φυλάξασα. τούτῳ δὲ ἄρα παῖς ἀνδρεῖος ἦν καὶ κάλλει διαπρεπής, Πίνδος ὄνομα· ἦσαν δέ οἱ καὶ ἄλλοι παῖδες, ἀνόητοι δὲ οὗτοι τὴν ψυχὴν καὶ τὸ σῶμα οὐ ῥωμαλέοι, οἵπερ οὖν χρόνῳ ὕστερον βασκήναντες τἀδελφῷ τῆς τε ἀρετῆς καὶ τῆς ἄλλης εὐδαιμονίας ἐκεῖνον μὲν διέφθειραν, ἑαυτοὺς δὲ ἐπαπώλεσαν διδόντες δίκην κατὰ τὴν Δίκην. αἰσθόμενος γὰρ ὅδε ὁ Πίνδος τὴν ἐκ τῶν ἀδελφῶν ἐς ἑαυτὸν ἐπιβουλήν, τὴν πατρῴαν ἀρχὴν ἀπέλιπεν, ᾤκει δὲ ἐν χώρῳ, καὶ ἦν τῇ τε ἄλλῃ ῥωμαλέος, καὶ οὖν καὶ κυνηγετικὸς ἦν. καί ποτε ἐθήρα νεβρούς. καὶ οἳ μὲν ἔθεον ᾗ ποδῶν εἶχον, ὃ δὲ μεταδιώκων εἶτα μέντοι τὸν ἵππον ἀνὰ κράτος ἤλαυνε, καὶ τῶν μὲν συνθηρατῶν ἀποσπᾷ πολύ, οἱ νεβροὶ δὲ ἐς φάραγγα κοίλην τε καὶ βαθυτάτην ἐσδύντες καὶ ἑαυτοὺς σώσαντες ἀπὸ τῆς ὄψεως τοῦ διώκοντος ἠφανίσθησαν. οὐκοῦν ἀποπηδήσας τοῦ ἵππου ὁ Πίνδος ἐκεῖνον μὲν τοῦ ῥυμοῦ πρός τι τῶν παρεστώτων ἐξῆψε δένδρων, αὐτὸς δὲ οἷος ἦν τὴν φάραγγα διερευνᾶν καὶ μαστεύειν τοὺς προειρημένους. εἶτα ἀκούει φωνῆς, καὶ ἔλεγεν αὕτη ʽτῶν νεβρῶν μὴ ἅψαἰ. οὐκοῦν ἐπεὶ πολλὰ περιβλέψας οὐδὲν ἐθεάσατο, ἔδεισε τὸ φώνημα ὡς ἔκ τινος αἰτίας κρείττονος προσπεσόν. καὶ τότε μὲν ᾤχετο ἀπιὼν καὶ τὸν ἵππον ἀπάγων, τῇ δὲ ὑστεραίᾳ μόνος ἀφικνεῖται, <pb xml:id="p.266"/> καὶ πάρεισι μὲν ἐς τὴν φάραγγα οὐδαμῶς μνήμῃ τε τῆς φωνῆς τῆς προσπεσούσης αὐτοῦ ταῖς ἀκοαῖς καὶ δέει. στρέφοντι δʼ ἐν ἑαυτῷ βουλὴν καὶ διαποροῦντι τίς ἦν ἄρα ὁ τῇ προτεραίᾳ ἀναστείλας αὐτὸν τῆς ἐπὶ τὴν ἄγραν ὁρμῆς, καὶ περιβλέποντι οἷα εἰκὸς ἢ νομέας ὀρείους ἢ θηρατὰς ἑτέρους, μέγα τι χρῆμα ὁρᾶται δράκων τὸ μὲν πλεῖστον τοῦ σώματος ἐπισύρων, ὀλίγην δὲ ἀνατείνας ὡς πρὸς αὐτὸ τὴν δέρην ʽκαὶ ἦν ἡ δέρη σὺν τῇ κεφαλῇ ὑπὲρ τέλειον ἄνδρα τὸ μέγεθοσʼ, εἶτα ὀφθεὶς ἐξέπληξεν. οὐ μὴν ἐς φυγὴν ὁ Πίνδος ἐξώρμησεν, ἀλλʼ ἀθροίσας ἑαυτὸν σοφίᾳ περιέρχεται τὸν θῆρα· τῶν γὰρ ὀρνίθων ὧν θηράσας ἔτυχε προσήγαγε, καὶ προύτεινέν οἱ ξένια ταῦτα καὶ ἑαυτοῦ ζωάγρια. ὁ δέ, οἷα δήπου τοῖς δώροις μειλιχθεὶς καὶ καταγοητευθεὶς ὡς ἂν εἴποις, ᾤχετο ἀπιών. ταῦτα τὸν νεανίαν ἧσε, καὶ τὸ ἐντεῦθεν ἀπέφερε τῷ δράκοντι μισθὸν σωτηρίας, ὡς ἄνθρωπος ἀγαθός, ὧν εἶχε θηραμάτων ἀπαρχὰς κεχαρισμένας ἢ τῆς ἄγρας τῆς ὀρείου ἢ τῆς πτηνῆς. καὶ τῷ μὲν τὰ τῆς προειρημένης δωροφορίας ἐνεργότατα ἦν, ὑπήρχετο δὲ καὶ τὰ ἐκ τοῦ δαίμονος εὐθενεῖσθαι τῷ Πίνδῳ, καὶ ὁσημέραι χωρεῖν ἐς τὸ σοβαρώτερον· θηρῶντι γὰρ ἀπήντων εὐθηρίαι, ὅσαι τε τῶν ἐν ταῖς ὕλαις ζῴων, τῶν τε ὀρνίθων ὅσαι. ἦν οὖν αὐτῷ καὶ περιβολή, καὶ διεῖρπε μέντοι καὶ κλέος ὡς ὁμόσε τοῖς θηρίοις ἰόντος καὶ ἀτρέπτως αἱροῦντος αὐτά· ἦν δὲ καὶ ἰδεῖν μέγας καὶ οἷος ἐκπλῆξαι τῷ τε ὄγκῳ τοῦ σώματος καὶ τῇ εὐεξίᾳ προσέτι, τῇ δὲ ὥρᾳ τὸ θῆλυ πᾶν ἀναφλέγων καὶ ἐς ἑαυτὸν ἐξάπτων ἦν δῆλος. καὶ ἐφοίτων ἐπὶ θύρας τὰς ἐκείνου οἷα δήπου βεβακχευμέναι ὅσον μὲν τῶν γυναικῶν ἦν χῆρον, αἵ γε μὴν συνοικοῦσαι τοῖς γεγαμηκόσι φρουρούμεναι μὲν <pb xml:id="p.267"/> τῷ νόμῳ, τῷ κλέει δὲ τοῦ κάλλους τοῦ κατὰ τὸν Πίνδον δεδουλωμέναι προυτίμων συνοικεῖν ἐκείνῳ ἢ θεαὶ γεγονέναι. καὶ ἐτεθήπεσάν γε αὐτὸν οἱ πολλοὶ τῶν ἀνδρῶν καὶ ἐφίλουν, ἐχθροὶ δὲ οἱ ἀδελφοὶ μόνοι ἦσαν. καί ποτε θηρῶντα ἐλλοχῶσι μόνον, καὶ ποταμοῦ γε ἦν ἡ θήρα πλησίον, εἶτα ἐρήμῳ συμμάχων οἱ τρεῖς ἐπιστάντες ἔπαιον τοῖς ξίφεσιν αὐτόν, ὃ δὲ ἐβόα. ἀκούει ταῦτα ὁ ἑταῖρος αὐτοῦ δράκων· ὀξυήκοον δὲ καὶ ὀξυωπέστατον τὸ ζῷόν ἐστιν. οὐκοῦν πρόεισι τῆς ἑαυτοῦ κοίτης, καὶ τοῖς ἀνοσίοις περιπλακεὶς ἀπέκτεινεν αὐτοὺς ἐς πνῖγμα ἄγχων· αὐτὸς δὲ οὐ κατέλυσε τὴν φυλακήν, ἔστε οἱ προσήκοντες τῷ νεανίᾳ ποθοῦντες αὐτὸν ἀφίκοντο, καὶ ἐνέτυχον κειμένῳ. καὶ ὠλοφύροντο μέν, προσελθεῖν δὲ ἐπὶ κηδεύσει τοῦ νεκροῦ οὐκ ἐτόλμων δέει τοῦ φρουροῦ. ὃ δὲ συνεὶς φύσει τινὶ ἀπορρήτῳ ὅτι ἀναστέλλει αὐτούς, ᾤχετο ἀπιὼν κατὰ πολλὴν τὴν σχολήν, ἀπολιπὼν ἐκεῖνον τῆς τελευταίας ἐκ τῶν προσηκόντων χάριτος τυχεῖν. οὐκοῦν καὶ ἐτάφη μεγαλοπρεπῶς καὶ ὁ γείτων τῷ φόνῳ ποταμὸς ἐκλήθη Πίνδος ἐκ τοῦ νεκροῦ καὶ τοῦ κατʼ αὐτὸν τάφου. ἴδιον μὲν δὴ τῶν ζῴων ἐκτίνειν χάριτας τοῖς εὐεργέταις, ᾗπερ οὖν καὶ ἄνω λέλεκται, καὶ νῦν δὲ οὐχ ἥκιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="49"> 
+<p>ἰδίᾳ δὲ καὶ ἐν τῇ Κλάρῳ τὸν Διὸς καὶ Λητοῦς τιμῶσιν οἱ Κλάριοι καὶ πᾶν τὸ Ἑλληνικόν. οὐκοῦν ὁ ἐνταῦθα χῶρος τοῖς ἰοβόλοις θηρίοις ἀστιβής τε ἅμα καὶ ἔχθιστός ἐστι, τοῦτο μὲν καὶ τῇ τοῦ δαίμονος βουλῇ, πάντως δὲ καὶ πεφρικότων τῶν θηρίων αὐτὸν ἅτε καὶ αὐτὸν σώζειν εἰδότα καὶ μέντοι καὶ τὸν σωτῆρα καὶ νόσων ἀντίπαλον Ἀσκληπιὸν φύσαντα. ἀλλὰ καὶ Νίκανδρος οἷς λέγω μάρτυς. λέγει δὲ Νίκανδρος <pb xml:id="p.268"/> <quote rend="blockquote"> <lb/>οὐκ ἔχις οὐδὲ φάλαγγες ἀπεχθέες οὐδὲ βαθυπλὴξ <lb/>ἄλσεσιν ἐνδιάει σκορπίος ἐν Κλαρίοις, <lb/>Φοῖβος ἐπεί ῥʼ αὐλῶνα βαθὺν μελίῃσι καλύψας <lb/>ποιηρὸν δάπεδον θῆκεν ἑκὰς δακέτων. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:10" n="50"> 
+<p> ἀκούω λεγόντων ἐν Ἔρυκι, ἔνθα δήπου καὶ ὁ τῆς Ἀφροδίτης ὑμνούμενος νεώς ἐστιν, οὗπερ οὖν καὶ ἀνωτέρω μνήμην ἐποιησάμην τῶν ἐκεῖθι περιστερῶν εἰπὼν τὰ ἴδια, εἶναι μὲν καὶ χρυσὸν πολὺν καὶ ἄργυρον πάμπλειστον καὶ ὅρμους καὶ δακτυλίους μέγα τιμίους, ἄσυλα δὲ εἶναι καὶ ἄψαυστα ταῦτα τῷ τῆς θεοῦ δέει, καὶ ἀεὶ τοὺς ἄνω τοῦ χρόνου διʼ αἰδοῦς ἄγειν θαυμαστῆς καὶ τὴν δαίμονα τὴν προειρημένην καὶ τὰ κειμήλια ἐκείνης. Ἀμίλκαν δὲ πυνθάνομαι τὸν Λίβυν συλήσαντα αὐτὰ καὶ ἐργασάμενον χρυσίον καὶ ἀργύριον εἶτα μέντοι διανεῖμαι τῇ στρατιᾷ πονηρὰν νομήν, καὶ ὑπὲρ τούτων αὐτὸν ἀλγεινότατα καὶ βαρύτατα αἰκισθέντα ἅμα καὶ κολασθέντα κρεμασθῆναι, πᾶν δὲ ὅσον αὐτῷ τῆς πράξεως καὶ τῆς ἐκδίκου θεοσυλίας ἐγένετο μέτοχον βιαίοις τε καὶ δεινοῖς χρήσασθαι θανάτοις, ἥ τε πατρὶς αὐτοῦ εὐδαιμονιζομένη τέως καὶ ζηλωτὴ δοκοῦσα ἐν ὀλίγαις τῶν ἱερῶν χρημάτων ἐσκομισθέντων ἣ δὲ δούλη ἦν. καὶ ταῦτα μὲν πρὸς τὴν παροῦσάν μοι χρείαν σεμνὰ ὄντα ὅμως οὐχ ὁρᾷ πω, τὸ δὲ τοῖς λόγοις τοῖσδε συμμελὲς τοῦτο εἰρήσεται. ἀνὰ πᾶν ἔτος καὶ ἡμέραν πᾶσαν θύουσι τῇ θεῷ καὶ οἱ ἐπιχώριοι καὶ οἱ ξένοι. καὶ ὁ μὲν βωμὸς ὑπὸ τῷ οὐρανῷ ὁ μέγιστός ἐστι, πολλῶν δὲ ἐπʼ αὐτοῦ καθαγιζομένων θυμάτων ὃ δὲ πανημέριος καὶ ἐς νύκτα ἐξάπτεται. ἕως δὲ ὑπολάμπει, καὶ ἐκεῖνος οὐκ ἀνθρακιάν, οὐ σποδόν, οὐχ ἡμικαύτων τρύφη δαλῶν ὑποφαίνει, δρόσου δὲ ἀνάπλεώς ἐστι καὶ πόας νεαρᾶς, ἥπερ οὖν ἀναφύεται ὅσαι νύκτες. τά γε μὴν ἱερεῖα <pb xml:id="p.269"/> ἑκάστης ἀγέλης αὐτόματα φοιτᾷ καὶ τῷ βωμῷ παρέστηκεν, ἄγει δὲ ἄρα αὐτὰ πρώτη μὲν ἡ θεός, εἶτα ἡ δύναμίς τε καὶ ἡ τοῦ θύοντος βούλησις. εἰ γοῦν ἐθέλοις θῦσαι οἶν, ἰδού σοι τῷ βωμῷ παρέστηκεν οἶς, καὶ δεῖ χέρνιβα κατάρξασθαι· εἰ δὲ εἴης τῶν ἁδροτέρων καὶ ἐθέλοις θῦσαι βοῦν θήλειαν ἢ καὶ ἔτι πλείους, εἶτα ὑπὲρ τῆς τιμῆς οὔτε σὲ ὁ νομεὺς ἐπιτιμῶν ζημιώσει οὔτε σὺ λυπήσεις ἐκεῖνον· τὸ γὰρ δίκαιον τῆς πράσεως ἡ θεὸς ἐφορᾷ. καὶ εὖ καταθεὶς ἵλεων ἕξεις αὐτήν· εἰ δὲ ἐθέλοις τοῦ δέοντος πρίασθαι εὐτελέστερον, σὺ μὲν κατέθηκας τὸ ἀργύριον ἄλλως, τὸ δὲ ζῷον ἀπέρχεται, καὶ θῦσαι οὐκ ἔχεις. ἴδιον μὲν δὴ Ἐρυκίνων ζῴων εἰρήσθω καὶ τοῦτο ἡμῖν ἐπὶ τοῖς ἄνω.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="11"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="1"> 
+<p> ἀνθρώπων Ὑπεβορέων γένος καὶ τιμὰς Ἀπόλλωνος τὰς ἐκεῖθι ᾅδουσι μὲν ποιηταί, ὑμνοῦσι δὲ καὶ συγγραφεῖς, ἐν δὲ τοῖς καὶ Ἑκαταῖος, οὐχ ὁ Μιλήσιος, ἀλλʼ ὁ Ἀβδηρίτης. ἃ δὲ λέγει πολλά τε καὶ σεμνὰ ἕτερα, οὔ μοι νῦν ἡ χρεία παρακαλεῖν δοκεῖ αὐτά, καὶ οὖν καὶ ἐς ἄλλον ὑπερθήσομαι χρόνον ἕκαστα εἰπεῖν, ἡνίκα ἐμοί τε ἥδιον καὶ τοῖς ἀκούουσι λῷον ἔσται· ἃ δὲ με μόνα ἥδε ἡ συγγραφὴ παρακαλεῖ ἔστι ταῦτα. ἱερεῖς εἰσι τῷδε τῷ δαίμονι Βορέου καὶ Χιόνης υἱεῖς, τρεῖς τὸν ἀριθμόν, ἀδελφοὶ τὴν φύσιν, ἑξαπήχεις τὸ μῆκος. ὅταν οὖν οὗτοι τὴν νενομισμένην ἱερουργίαν κατὰ τὸν συνήθη καιρὸν τῷ προειρημένῳ ἐπιτελῶσιν, ἐκ τῶν Ῥιπαίων οὕτω καλουμένων <pb xml:id="p.270"/> παρʼ αὐτοῖς ὀρῶν καταπέτεται κύκνων ἄμαχα τῷ πλήθει νέφη, καὶ περιελθόντες τὸν νεὼν καὶ οἱονεὶ καθήραντες αὐτὸν τῇ πτήσει, εἶτα μέντοι κατίασιν ἐς τὸν τοῦ νεὼ περίβολον, μέγιστόν τε τὸ μέγεθος καὶ τὸ κάλλος ὡραιότατον ὄντα. ὅταν οὖν οἵ τε ᾠδοὶ τῇ σφετέρᾳ μούσῃ τῷ θεῷ προσᾴδωσι καὶ μέντοι καὶ οἱ κιθαρισταὶ συγκρέκωσι τῷ χορῷ παναρμόνιον μέλος, ἐνταῦθά τοι καὶ οἱ κύκνοι συναναμέλπουσιν ὁμορροθοῦντες καὶ οὐδαμῶς οὐδαμῆ ἀπηχὲς καὶ ἀπῳδὸν ἐκεῖνοι μελῳδοῦντες, ἀλλὰ ὥσπερ οὖν ἐκ τοῦ χορολέκτου τὸ ἐνδόσιμον λαβόντες καὶ τοῖς σοφισταῖς τῶν ἱερῶν μελῶν τοῖς ἐπιχωρίοις συνᾴσαντες. εἶτα τοῦ ὕμνου τελεσθέντος οἳ δὲ ἀναχωροῦσι τῇ πρὸς τὸν δαίμονα τιμῇ τὰ εἰθισμένα λατρεύσαντες καὶ τὸν θεὸν ἀνὰ πᾶσαν τὴν ἡμέραν οἱ προειρημένοι ὡς εἰπεῖν χορευταὶ πτηνοὶ μέλψαντές τε ἅμα καὶ ᾅσαντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="2"> 
+<p> θύουσι δὲ καὶ ἄλλως οἱ Ἠπειρῶται τῷ Ἀπόλλωνι καὶ αὐτοὶ καὶ πᾶν ὅσον τῶν ξένων ἐπίδημόν ἐστι, καὶ τούτῳ δὴ τὴν μεγίστην ἑορτὴν ἄγουσι μιᾶς ἡμέρας τοῦ ἔτους σεμνήν τε καὶ μεγαλοπρεπῆ. ἔστι δὲ ἄνετον τῷ θεῷ ἄλσος, καὶ ἔχει κύκλῳ περίβολον, καὶ ἔνδον εἰσὶ δράκοντες, καὶ τοῦ θεοῦ ἄθυρμα οὗτοί γε. ἡ τοίνυν ἱέρεια, γυνὴ παρθένος, πάρεισι μόνη, καὶ τροφὴν τοῖς δράκουσι κομίζει. λέγονται δὲ ἄρα ὑπὸ τῶν Ἠπειρωτῶν ἔκγονοι τοῦ ἐν Δελφοῖς Πυθῶνος εἶναι. ἐὰν μὲν οὖν οὗτοι παρελθοῦσαν τὴν ἱέρειαν προσηνῶς θεάσωνται καὶ τὰς τροφὰς προθύμως λάβωσιν, εὐθένειάν τε ὑποδηλοῦν ὁμολογοῦνται καὶ ἔτος ἄνοσον· ἐὰν δὲ ἐκπλήξωσι μὲν αὐτήν, μὴ λάβωσι δὲ ὅσα ὀρέγει μειλίγματα, τἀναντία τῶν προειρημένων οἳ μὲν μαντεύονται, οἳ δὲ ἐλπίζουσιν. <pb xml:id="p.271"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="3"> 
+<p>ἐν Αἴτνῃ δὲ ἄρα τῇ Σικελικῇ Ἡφαίστου τιμᾶται νεώς, καὶ ἔστι περίβολος καὶ δένδρα ἱερὰ καὶ πῦρ ἄσβεστόν τε καὶ ἀκοίμητον. εἰσὶ δὲ κύνες περί τε τὸν νεὼν καὶ τὸ ἄλσος ἱεροί, καὶ τοὺς μὲν σωφρόνως καὶ ὡς πρέπει τε ἅμα καὶ χρὴ παριόντας ἐς τὸν νεὼν καὶ τὸ ἄλσος οἳ δὲ σαίνουσι καὶ αἰκάλλουσιν, οἷα φιλοφρονούμενοί τε καὶ γνωρίζοντες δήπου· ἐὰν δέ τις ᾖ τὰς χεῖρας ἐναγής, τοῦτον μὲν καὶ δάκνουσι καὶ ἀμύσσουσι, τοὺς δὲ ἄλλως ἔκ τινος ὁμιλίας ἥκοντας ἀκολάστου μόνον διώκουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="4"> 
+<p>τὴν Δήμητρα Ἑρμιονεῖς σέβουσι, καὶ θύουσιν αὐτῇ μεγαλοπρεπῶς τε καὶ σοβαρῶς, καὶ τὴν ἑορτὴν Χθόνια καλοῦσι. μεγίστας γοῦν ἀκούω βοῦς ὑπὸ τῆς ἱερείας τῆς Δήμητρος ἄγεσθαί τε πρὸς τὸν βωμὸν ἐκ τῆς ἀγέλης καὶ θύειν ἑαυτὰς παρέχειν. καὶ οἷς λέγω μάρτυς Ἀριστοκλῆς, ὅς πού φησι <quote rend="blockquote"> <lb/>Δάματερ πολύκαρπε, σὺ κἠν Σικελοῖσιν ἐναργὴς <lb/>καὶ παρʼ Ἐρεχθείδαις. ἓν δέ τι τοῦτο μέγα <lb/>κρίνετʼ ἐν Ἑρμιονεῦσι· τὸν ἐξ ἀγέλης γὰρ ἀφειδῆ <lb/>ταῦρον, ὃν οὐ χειροῦντʼ ἀνέρες οὐδὲ δέκα, <lb/>τοῦτον γραῦς στείχουσα μόνα μόνον οὔατος ἕλκει <lb/>τόνδʼ ἐπὶ βωμόν, ὃ δʼ ὡς ματέρι παῖς ἕπεται. <lb/>σὸν τόδε, Δάματερ, σὸν τὸ σθένος· ἵλαος εἴης, <lb/>καὶ πάντως θάλλοι κλᾶρος ἐν Ἑρμιόνῃ. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="5"> 
+<p>ἐν τῇ γῇ τῇ Δαυνίᾳ νεὼν μὲν εἶναι τῆς Ἀθηνᾶς τῆς Ἰλιάδος ᾅδουσι· τοὺς δὲ ἐνταυθοῖ κύνας τρεφομένους ὑμνοῦσι τῶν μὲν Ἑλλήνων τοὺς ἀφικνουμένους σαίνειν, ὑλακτεῖν δὲ τοὺς βαρβάρους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="6"> 
+<p>ἐν Ἀρκαδίᾳ δὲ χώρᾳ ἐστὶν ἱερὸν Πανός· αὐλὴ τῷ χώρῳ τὸ ὄνομα. οὐκοῦν ὅσα ἂν ἐνταυθοῖ τῶν ζῴων καταφύγῃ ὥσπερ οὐν ἱκέτας ὁ θεὸς διʼ αἰδοῦς ἄγων εἶτα μέντοι σώζει τὴν μεγίστην σωτηρίαν αὐτά· <pb xml:id="p.272"/> οἱ γάρ τοι λύκοι οἱ διώκοντες παρελθεῖν ἔσω πεφρίκασι καὶ ἀναστέλλονται μόνον θεασάμενοι οἷ κατέφυγεν. ἴδια δὴ καὶ τούτων τῶν ζῴων ἔοικε πρὸς σωτηρίαν ἀγαθά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="7"> 
+<p> ἐν Κουριάδι αἱ ἔλαφοι ʽπλῆθος δὲ ἄρα τούτων τῶν θηρίων ἐνταῦθά ἐστι, καὶ πολλοὶ θηραταὶ περὶ τὴν ἄγραν αὐτῶν ἠνέμωνταἰ ὅταν καταφύγωσιν ἐς τὸ τοῦ Ἀπόλλωνος ἱερὸν τὸ ἐνταυθοῖ ʽἔστι δὲ ἄλσος μέγιστονʼ, ὑλακτοῦσι μὲν οἱ κύνες, πλησίον δὲ ἐλθεῖν οὐχ ὑπομένουσιν· αἳ δὲ συστᾶσαι νέμονται ἄτρεπτον καὶ ἀδεᾶ τὴν νομήν, ἀπορρήτῳ τινὶ φύσει τὴν ὑπὲρ ἑαυτῶν σωτηρίαν τῷ θεῷ πιστεύουσαι αἱ ἔλαφοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="8"> 
+<p> ἄνω που λέλεκταί μοι τὰς μυίας τὰς ἐν Ὀλυμπίᾳ τῇ τῆς πανηγύρεως ἐπιδημίᾳ ἑκούσας ἀφίστασθαι καὶ ὡς ἂν εἴποι τις μετὰ τῶν γυναικῶν ἐπὶ τὴν ἀντιπέρας ὄχθην τοῦ Ἀλφειοῦ ἀπιέναι. ἐν δὲ τῇ Λευκάδι ἄκρα μέν ἐστιν ὑψηλή, νεὼς δὲ Ἀπόλλωνι ἵδρυται, καὶ Ἄκτιόν γε αὐτὸν οἱ τιμῶντες ὀνομάζουσιν. οὐκοῦν τῆς πανηγύρεως ἐπιδημεῖν μελλούσης, καθʼ ἣν καὶ τὸ πήδημα πηδῶσι τῷ θεῷ, θύουσι βοῦν ταῖς μυίαις, αἳ δὲ ἐμπλησθεῖσαι τοῦ αἵματος ἀφανίζονται. δεκασθεῖσαι μὲν οὖν ἀπαλλάττονται αὗται, αἱ δὲ Πισαῖαι ἀδέκαστοι. κρείττους ἄρα ἐκεῖναι, αἰδοῖ τοῦ θεοῦ, ἀλλὰ μὴ μισθοῦ τὰ δέοντα πράττουσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="9"> 
+<p> Ἴκαρός ἐστι νῆσος, καὶ τῇ γε Ἐρυθρᾷ θαλάττῃ ἔγκειται. ἐνταῦθα τοίνυν νεώς ἐστιν Ἀρτέμιδος, καὶ πλήθη αἰγῶν τε ἀγρίων καὶ δορκάδων εὖ μάλα εὐτραφῶν καὶ λαγῶν μέντοι. τούτων οὖν ἐάν τις αἰτήσας λαβεῖν παρὰ τῆς θεοῦ εἶτα ἐπιχειρήσῃ θηρᾶν ὅσα ἂν ἔχῃ καλῶς, οὐ διαμαρτάνει τῆς σπουδῆς, ἀλλὰ καὶ λαμβάνει καὶ τῷ δώρῳ χαίρει· ἐὰν δὲ μὴ αἰτήσῃ, οὔτε αἱρεῖ καὶ δίδωσι δίκας, ἃς ἄλλοι λέγουσιν. <pb xml:id="p.273"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="10"> 
+<p>εἶτα κύκνων μὲν τῶν Ῥιπαίων τῶν ἐν τοῖς Ὑπερβορέοις, ἐπεὶ λατρεύουσι τῷ Διὸς καὶ Λητοῦς ὁσημέραι φιλοπόνως, ἐποιησάμην μνήμην, ταύρου δὲ ἱεροῦ, ὅνπερ οὖν ἐκθεοῦσιν Αἰγύπτιοι, οὐκ ἐροῦμεν τὰ ἴδια; καὶ πῶς ἡμᾶς οὐκ ἂν μέμψαιτο καὶ ἡ συγγραφὴ καὶ ἡ φύσις, ἧς καὶ τοῦτο ἔργον τε καὶ δῶρον; ἀλλὰ μήσιός γε οὐδὲ ταύτῃ ῥᾴθυμον, καὶ εἰκότως εἰρήσεται καὶ ἡ θεολογία ἥδε. θεὸς Αἰγυπτίοις ἐναργέστατος ὁ Ἆπις εἶναι πιστεύεται. γίνεται δὲ ἐκ βοός, ἐς ἣν οὐράνιον σέλας ἐμπεσὸν σπορᾶς αἴτιόν ἐστι τῷ προειρημένῳ. καὶ Ἕλληνες μὲν αὐτὸν καλοῦσιν Ἔπαφον, καὶ γενεαλογοῦσίν οἱ μητέρα Ἰὼ τὴν Ἀργείαν τὴν Ἰνάχου· Αἰγύπτιοι δὲ ἐκβάλλουσι τὸν λόγον ὡς ψευδῆ, καὶ χρῶνται τῷ χρόνῳ μάρτυρι. φασὶ γὰρ Ἔπαφον μὲν ὀψὲ καὶ κάτω γενέσθαι, τὸν δὲ Ἆπιν τὸν πρῶτον μυριάδας ἐτῶν παμπόλλας τὴν ἐς ἀνθρώπους ἐπιδημίαν προειληφέναι. σημεῖα δὲ αὐτοῦ καὶ γνωρίσματα λέγει μὲν καὶ Ἡρόδοτος καὶ Ἀρισταγόρας, οὐχ ὁμολογοῦσι δὲ αὐτοῖς Αἰγύπτιοι· ἐννέα καὶ εἴκοσι γὰρ αὐτὰ εἶναί φασι καὶ ἐμπρέπειν τῷδε τῷ ἱερῷ βοΐ. τίνα δὲ ταῦτά ἐστι καὶ ὅπως διέσπαρται κατὰ τοῦ σώματος τοῦ ζῴου, καὶ ὅντινα τρόπον οἱονεὶ διήνθισται αὐτοῖς, ἀλλαχόθεν εἴσεσθε· ὅτου δὲ τῶν ἀστέρων ἕκαστον σημεῖον διὰ συμβόλων αἰνίττεται τὴν φύσιν, Αἰγύπτιοι τεκμηριῶσαι ἱκανοί. καὶ γὰρ τοι καὶ τὴν ἄνοδον τὴν τοῦ Νείλου ὑποδηλοῦν σημεῖά φασι καὶ τὸ τοῦ κόσμου σχῆμα· ἀλλʼ ὄψι τι καὶ σύμβολον, ὡς ἐκεῖνοι λέγουσιν, ὅπερ οὖν αἰνίττεται τοῦ φωτὸς εἶναι τὸ σκότος πρεσβύτερον. καὶ τὸ μηνοειδὲς τῆς σελήνης κατηγορεῖ σχῆμα τῷ συνιέντι σημεῖον ἄλλο, καὶ ἄλλα δὲ ἐπὶ τούτοις ἄλλων αἰνίγματα βεβήλοις τε καὶ ἀμαθέσιν ἱστορίας <pb xml:id="p.274"/> θεοπρεποῦς οὐκ εὐσύμβολα ταῦτα ὀφθαλμοῖς ὄντα. ὅταν δὲ διαρρεύσῃ ἡ φήμη τὸν θεὸν Αἰγυπτίοις τετέχθαι λέγουσα, τῶν γραμματέων τῶν ἱερῶν τινες, οἷσπερ οὖν μάθημα παιδὶ ἐκ πατρὸς παραδοθὲν ἀκριβοῦν τὸν ὑπὲρ τῶν σημείων ἔλεγχον, ἥκουσιν ἐνταῦθα, οὗ τῆς θεοφιλοῦς βοὸς τὸ βρέφος ἐτέχθη, καὶ κατά γε τὴν ὑφήγησιν τὴν Ἑρμοῦ τὴν πρεσβυτάτην οἰκίαν ἐγείρουσιν, ἔνθα δήπου καὶ διαιτήσεται τήν γε πρώτην, ἐς ἡλίου μὲν. ἀνατολὰς ὁρῶσαν, τροφὰς δὲ τὰς τοῦ βρέφους ὑποδέξασθαι καὶ μάλα γε ἱκανήν· τεττάρων γὰρ δεῖ μηνῶν ἐν γάλαξι τόνδε εἶναι τὸν μόσχον. ἐπὰν δὲ γένηται ἐκτραφείς, ἐνταῦθά τοι ὑπανισχούσης σελήνης νέας ἀπαντῶσι γραμματεῖς ἱεροὶ καὶ προφῆται, καὶ μέντοι καὶ ναῦν ἀνὰ ἔτος ἐς τοῦτο τῷδε τῷ δαίμονι ἱερὰν κοσμοῦσι, καὶ ταύτῃ πορθμεύουσιν αὐτὸν ἐς Μέμφιν, ἔνθα φίλτατα ἤθη αὐτῷ καὶ διατριβαὶ κεχαρισμέναι καὶ ἐνηβητήρια καὶ δρόμοι καὶ κονίστραι καὶ γυμνάσια καὶ θηλειῶν βοῶν ὡραίων οἶκοι καὶ φρέαρ καὶ κρήνη ποτίμου νάματος· οὐ γάρ οἵ φασιν οἱ θεραπευταί τε καὶ ἱερεῖς λυσιτελεῖν ἀεὶ Νειλῴου πίνειν· καὶ γὰρ πιαίνεσθαι γλυκέος τούτου τοῦ ῥεύματος καὶ ἐς ὄγκον σαρκῶν ὄντος ἀγαθοῦ. πομπὰς δὲ ἃς πέμπουσι, καὶ ἱερουργίας ἃς ἐπιτελοῦσι τοῦ νέου δαίμονος τὰ θεοφάνια θύοντες Αἰγύπτιοι, καὶ χορείας ἃς χορεύουσι, καὶ θαλίας καὶ πανηγύρεις ἃς ἐπιτελοῦσι, καὶ ὅπως αὐτοῖς καὶ πόλις ἅπασα καὶ κώμη διʼ εὐφροσύνης ἔρχεται, μακρὰ ἂν εἴη λέγειν. ἐκεῖνος δέ, ἐν ὅτου τῇ ἀγέλῃ τόδε τὸ θεῖον ἐγένετο ζῷον, δοκεῖ τε εὐδαίμων καὶ ἔστιν, ἄγουσί τε Αἰγύπτιοι θαυμαστόν γε αὐτόν. μάντις δὲ ἦν ἄρα ἀγαθὸς ὁ Ἆπις, οὐ καθίζων μὰ Δία κόρας ἢ πρεσβυτέρας γυναῖκας ἐπί τινων τριπόδων, οὐδὲ <pb xml:id="p.275"/> μὴν πώματος ἱεροῦ ἐμπιπλάς, ἀλλʼ ὃ μέν τις εὔχεται τῷ θεῷ τῷδε, παῖδες δὲ ἀθύροντες ἔξω καὶ πρὸς αὐλοὺς σκιρτῶντες, ἐπίπνοοι γενόμενοι σὺν τῷ ῥυθμῷ αὐτὰ ἕκαστα προλέγουσιν, ὡς εἶναι ἀληθέστερα τῶν ἐπὶ Σάγρᾳ τὰ λεχθέντα. εἰκάζουσι δὲ ἄρα καὶ τῷ Ὥρῳ αὐτὸν Αἰγύπτιοι, ὅνπερ οὖν πεπιστεύκασι φορᾶς καρπῶν καὶ εὐετηρίας αἰτιώτατον ἁπάσης. ἔνθεν τοι καὶ ὑπὲρ τῆς πολυχροίας αὐτοῦ φιλοσοφοῦσι, τὸ ποικίλον τῶν καρπῶν ὑπαινιττόμενοι διὰ συμβόλων. λέγει δέ τις τῶν προφητῶν λόγος οὐ πᾶσιν ἔκπυστος ὅτι ἄρα Μῆνις ὁ τῶν Αἰγυπτίων βασιλεὺς ἐπενόησε ζῷον ὥστε σέβειν ἔμψυχον, εἶτα μέντοι προείλετο ταῦρον, ἁπάντων ὡραιότατον εἶναι αὐτὸν πεπιστευκὼς καὶ τῆς γε Ὁμήρου κρίσεως τῆς ὑπὲρ τούτων κατʼ ἴχνια ἰὼν ὁ Μῆνίς φασιν. εἰπεῖν γὰρ καὶ Ὅμηρον ἐν Ἰλιάδι <quote rend="blockquote"> <lb/>ἠύτε βοῦς ἀγέληφι μέγʼ ἔξοχος ἔπλετο πάντων <lb/>ταῦρος· ὃ γάρ τε βόεσσι μεταπρέπει ἀγρομένῃσι. </quote> οἷα δὲ ἐς μυθολογίαν ὑπὲρ τοῦδε τοῦ ζῴου ἐκτρέπουσιν Αἰγύπτιοι οἱ τὰ περὶ τῶν ζῴων γράψαντες, οὔ μοι δοκεῖ φίλα εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="11"> 
+<p>Ἀλλʼ ἄγε δὴ μετάβηθι φαίη ἂν ὁ λόγος, καὶ οὐχ ἵππον μὰ Δία οὐδὲ μὴν τὸν ἐν αὐτῷ λόχον ᾆδε, ἀλλὰ Μνεῦιν βοῦν. καὶ τοῦτον Αἰγύπτιοι Ἡλίου φασὶν ἱερόν, ἐπεὶ τόν γε Ἆπιν ἀνάθημα εἶναι Σελήνῃ λέγουσιν. ἴδιον δὲ ἄρα καὶ τούτῳ γνώρισμα ἐς τὸ εἶναι μήτε κίβδηλον μήτε μὴν νόθον ἀλλὰ φίλον τῷ θεῷ τῷ προειρημένῳ φασὶν Αἰγύπτιοι. καὶ ὑπὲρ τούτων μὲν ἐρεῖ ἄλλος, ὃν δὲ ἤκουσα λόγον Αἰγύπτιον ἐς βάσανον τοῦδε τοῦ ταύρου καὶ ἔλεγχον, εἴτε σπορᾶς ἐστι κρείττονος εἴτε μή, τοῦτον εἰπεῖν ἐθέλω. Βόκχορις ὁ τῶν Αἰγυπτίων βασιλεύς, κλέος <pb xml:id="p.276"/> ψευδὲς καὶ φήμην οὐδὲν λέγουσαν ὑγιὲς οὐκ οἶδα ὅπως ἁρπάσας, δίκαιός τε ἐν ταῖς κρίσεσιν ἐδόκει καὶ πρὸς τὸ ὅσιον τὴν ψυχὴν κεκοσμημένος· ἦν δὲ ἄρα ἔμπαλιν πεφυκὼς ἐκεῖνος. καὶ τὰ μὲν πλείω ἐῶ νῦν, τὸν δὲ Μνεῦιν, λυπῆσαι θέλων Αἰγυπτίους, οἷα ἐργάζεται γοῦν αὐτόν. ταῦρον ἄγριον ἐπάγει οἱ ἀντίπαλον. οὐκοῦν μυκᾶται μὲν ὁ Μνεῦις, ἀντεμυκήσατο δὲ ὁ ἔπηλυς. εἶτα ὑπὸ τοῦ θυμοῦ φέρεται μὲν ἐμπεσεῖν τῷ ταύρῳ τῷ θεοφιλεῖ ὁ ξένος ἐθέλων, καὶ σφάλλεται, καὶ ἐς περσέας ἐμπεσὼν πρέμνον ἐπεσχέθη τὸ κέρας, ὃ δὲ κατὰ τῆς πλευρᾶς ὁ Μνεῦις τιτρώσκων ἀπέκτεινεν αὐτόν. αἰδεῖται Βόκχορις, καὶ μισοῦσιν αὐτὸν Αἰγύπτιοι. εἰ δέ τις αἴσχιστον οἴεται ἐκ τῶν φυσικῶν λόγων ἐς μύθους ἐμπεσεῖν, μωρός ἐστι. λέγω γὰρ ὅσα τε δρᾶται ἐπὶ τοῖσδε τοῖς ταύροις καὶ ὅσα ἐπράχθη καὶ ἀκούω λεγόντων Αἰγυπτίων. οὐκ ἦν δὲ ἄρα· οὕτω τὸ ψεῦδος ἐκείνοις ἔχθιστόν ἐστι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="12"> 
+<p> οἱ δελφῖνες, τὸ μὲν φιλόμουσον αὐτῶν καὶ περὶ τὴν ᾠδὴν σπουδαῖόν τε καὶ φιλόπονον κεκήρυκταί τε καὶ ἐς πολλοὺς ἐξεφοίτησε, καὶ ὥς εἰσι φιλάνθρωποι ἄλλοι τε εἶπον καὶ ἡμεῖς ἄνω που διεξήλθομεν τῷ λόγῳ· ἐνταυθοῖ δὲ εἰπεῖν ὑπὲρ τῆς συνέσεως αὐτῶν οὐ χεῖρόν ἐστιν. ὅταν γοῦν δικτύῳ περιπέσῃ δελφίς, τὰ μὲν πρῶτα ἡσυχάζει καὶ φυγῆς οὐδέν τι μέμνηται, εὐωχεῖται δὲ τῶν συνεαλωκότων ἰχθύων, καὶ ὥσπερ ἐπὶ δαῖτα ἥκων κλητὸς εἶτα ἐμφορεῖται αὐτῶν· ὅταν δὲ αἴσθηται ἐπισυρόμενος ὅτι γίνεται τῆς γῆς πλησίον, ἐνταῦθά τοι τὸ δίκτυον διατραγὼν ἀπαλλάττεται καὶ ἔστιν ἐλεύθερος. ἐὰν δέ ποτε ἁλῷ, οἱ χαριέστεροι τῶν ἁλιέων ὁλόσχοινον αὐτοῦ διείραντες τῶν ῥινῶν ἀφῆκαν αὐτόν· ὃ δὲ οἷα τὸν ἔλεγχον αἰδούμενος οὐκέτι πλησιάζει σαγήνῃ τὸ ἐντεῦθεν. λέγει <pb xml:id="p.277"/> δὲ Ἀριστοτέλης ὅτι κἂν ἁλῷ καὶ δεθῇ καὶ ἐν τῇ σκάφῃ ᾖ, πολλοὶ περινήχονται δελφῖνες τὴν ἁλιάδα, καὶ ἐς τοσοῦτον πηδῶσί τε καὶ σκιρτῶσι δίκην ἱκετῶν, ἔστε παθεῖν τι τοὺς ἁλιέας, καὶ οἰκτεῖραι μὲν τὸν δεσμώτην, εἶξαι δὲ τοῖς δεομένοις καὶ ἀπολῦσαι αὐτοῖς τὸν ᾑρημένον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="13"> 
+<p>Δάφνιδος τοῦ βουκόλου τοῦ Συρακοσίου παθόντος ὑπὸ τῆς νύμφης ταῦτα δήπου τὰ ὑμνούμενα, πέντε τροφίμους κύνας, τὸν Σάννον καὶ τὸν Πόδαργον καὶ τὴν Λαμπάδα καὶ τὸν Ἄλκιμον καὶ τὸν Θέοντα, θεασαμένους τοῦ δεσπότου τὰς πάθας ἐπʼ αὐτῷ θάνατον ἑλέσθαι φασί, καὶ πολλὰ μὲν ὀδύρασθαι πρότερον, κλαῦσαι δὲ πάμπολλα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="14"> 
+<p>διάφορα μὲν καὶ ποικίλα τῆς τῶν ἐλεφάντων </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="15"> 
+<p>ἰδιότητος ἄνω μοι λέλεκται· νῦν δὲ εἰρήσεται ὅτι καὶ μνήμην ἀγαθόν ἐστι τὸ ζῷον τοῦτο, καὶ ἐντολὰς φυλάξαι οἶδε καὶ μὴ ψεύσασθαι τὴν τῶν παρακαταθεμένων ὅ τι οὖν αὐτῷ προσδοκίαν τε καὶ ἐλπίδα. ὅτε γοῦν Ἀντίγονος ἐπολιόρκει Μεγαρέας, ἑνὶ τῶν ἐλεφάντων τῶν πολεμικῶν συνετρέφετο καὶ θῆλυς, ὄνομα Νίκαια. ταύτῃ τοίνυν ἡ τοῦ τρέφοντος αὐτὸν γυνὴ παιδίον, ὃ ἔτυχε τεκοῦσα πρὸ ἡμερῶν τριάκοντα, παρακατέθετο φωνῇ τῇ Ἰνδῶν, ἧς ἀκούουσιν ἐλέφαντες. ὃ δὲ καὶ ἐφίλει τὸ παιδίον καὶ ἐφύλαττε, καὶ κειμένου πλησίον ἥδετο, καὶ κνυζωμένου παρέβλεπε, καὶ καθεύδοντος τῇ προβοσκίδι τὰς μυίας ἀπεσόβει καλάμου κλαδὶ τοῦ παραβαλλομένου ἐς τροφήν· εἰ δὲ μὴ παρῆν τὸ βρέφος, τότε καὶ τροφὴν ἀνεστέλλετο. οὐκοῦν ἔδει τὴν τρέφουσαν αὐτὸ ἐμπλῆσαι μὲν τοῦ γάλακτος, παραθεῖναι δὲ τῷ κηδεμόνι, ἢ πάντως ἀγανακτῶν ἡ Νίκαια ἦν δῆλος καὶ τεθυμωμένος καί τι καὶ δρασείων τῶν δεινῶν. πολλάκις <pb xml:id="p.278"/> δὲ καὶ ἀνακλαύσαντος αὐτοῦ εἶτα τὴν σκάφην ᾗ ἐνέκειτο διέσεισε, παραμυθούμενος τῷ σεισμῷ τὸ βρέφος, οἷα δήπου φιλοῦσι καὶ αἱ τροφοὶ καὶ αἱ τίτθαι δρᾶν, ποιῶν, ὦ ἄνθρωποι, ὁ ἐλέφας. ζηλοτυπίαν ζῴων ἐνεργοτάτην διαφόρων ἐν καιρῷ οἶδα εἰπών, πορφυρίωνος καὶ κυνὸς καὶ μέντοι καὶ πελαργοῦ νὴ Δία ἐκ τρίτου· νῦν δὲ ἔοικα λέξειν ἐλέφαντος ὀργὴν ἐς γάμον ἀδικούμενον. μοιχευομένην γὰρ τὴν τοῦ πωλεύσαντος αὐτὸν καὶ τρέφοντος γυναῖκα ἐπʼ αὐτοφώρῳ καταλαβών, διʼ ἀμφοτέρων θάτερον διεὶς τοῖν κεράτοιν, ἀπέκτεινε καὶ τὸν μοιχὸν καὶ τὴν μοιχευομένην, καὶ εἴασε κεῖσθαι κατὰ τῶν στρωμάτων τῶν ὑβρισμένων καὶ τῆς εὐνῆς τῆς πεπατημένης, ὡς ἐλθόντα τὸν πωλευτὴν καταγνῶναι καὶ τὸ ἀδίκημα καὶ τὸν τιμωρήσαντα αὐτῷ γνωρίσαι. καὶ τοῦτο μὲν Ἰνδικὸν τὸ ἔργον, ἐκεῖθεν δὲ ἐξεφοίτησε δεῦρο· ἀκούω δὲ καὶ ἐπὶ Τίτου ἀνδρὸς καλοῦ καὶ ἀγαθοῦ ἐν τῇ Ῥώμῃ ταὐτὸν γεγονέναι· προστιθέασι δὲ ὅτι ἄρα ὁ ἐνθάδε ἐλέφας ἀπέκτεινεν ἀμφοτέρους, καὶ ἱματίῳ κατεκάλυψε, καὶ ἐλθόντι τῷ τροφεῖ ἀποβαλὼν τὸ ἱμάτιον κειμένους ἀλλήλων πλησίον ἀπέδειξε, καὶ τὸ κέρας δέ, ᾧπερ οὖν διέπειρεν αὐτούς, καὶ τοῦτο ᾑμαγμένον ἑωρᾶτο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="16"> 
+<p> ἴδιον δὲ ἦν ἄρα τῶν δρακόντων καὶ ἡ μαντική. ἐν γοῦν Λαουινίῳ τῷ πολίσματι, ὅπερ τῆς Λατίνων χώρας ἐστί ʽκέκληται δὲ ἀπὸ τῆς Λατίνου θυγατρὸς Λαουινίας, ἡνίκα Λατῖνος Αἰνείᾳ συνεμάχησε κατὰ τῶν καλουμένων Ῥουτουλῶν, εἶτα ἐνίκησεν αὐτούς· ᾤκισε δὲ Αἰνείας ὁ Ἀγχίσου ὁ Τρὼς τὴν πόλιν τὴν προειρημένην, εἴη δʼ ἂν τῆς Ῥώμης μητρομήτωρ, ὡς ἂν εἴποι τις· ἐντεῦθεν γὰρ ὁρμηθεὶς Ἀσκάνιος ὁ Αἰνείου καὶ Κρεούσης τῆς Τρωάδος ᾤκισε τὴν Ἄλβαν, <pb xml:id="p.279"/> Ἀλβανῶν δὲ ἡ Ῥώμη ἄποικοσʼ· οὐκοῦν ἐν τῷ Λαουινίῳ ἄλσος τιμᾶται μέγα καὶ δασύ, καὶ ἔχει πλησίον νεὼν Ἥρας Ἀργολίδος. ἐν δὲ τῷ ἄλσει φωλεός ἐστι μέγας καὶ βαθύς, καὶ ἔστι κοίτη δράκοντος. παρθένοι τε ἱεραὶ νενομισμέναις ἡμέραις παρίασιν ἐς τὸ ἄλσος ἐν τοῖν χεροῖν φέρουσαι μάζαν καὶ τοὺς ὀφθαλμοὺς τελαμῶσι κατειλημμέναι· ἄγει δὲ αὐτὰς εὐθύωρον ἐπὶ τὴν κοίτην τοῦ δράκοντος πνεῦμα θεῖον, καὶ ἀπταίστως προΐασι βάδην καὶ ἡσυχῆ, ὥσπερ οὖν ἀκαλύπτοις ὁρῶσαι τοῖς ὀφθαλμοῖς. καὶ ἐὰν μὲν παρθένοι ὦσι, προσίεται τὰς τροφὰς ἅτε ἁγνὰς ὁ δράκων καὶ πρεπούσας ζῴῳ θεοφιλεῖ· εἰ δὲ μή, ἄψαυστοι μένουσι, προειδότος αὐτοῦ τὴν φθορὰν καὶ μεμαντευμένου. μύρμηκες δὲ τὴν μάζαν τὴν τῆς διακορηθείσης ἐς μικρὰ καταθρύψαντες, ὡς ἂν εὔφορα αὐτοῖς εἴη, εἶτα ἐκφέρουσιν ἔξω τοῦ ἄλσους, καθαίροντες τὸν τόπον. γνωρίζεταί τε ὑπὸ τῶν ἐπιχωρίων τὸ πραχθέν, καὶ αἱ παρελθοῦσαι ἐλέγχονται, καὶ ἥ γε τὴν παρθενίαν αἰσχύνασα ταῖς ἐκ τοῦ νόμου κολάζεται τιμωρίαις. μαντικὴν μὲν δὴ δρακόντων ἂν ἀποφήναιμι τὸν τρόπον τοῦτον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="17"> 
+<p>λέγει μὲν οὖν Ὅμηρος χαλεποὶ δὲ θεοὶ φαίνεσθαι ἐναργεῖς. οὐκοῦν ἔχει τι καὶ δράκων ὁ ἐν ταῖς ἁγιωτάταις τιμαῖς θειότερον, καὶ ἰδεῖν οὐ λυσιτελὲς αὐτόν. καὶ ὅ γε λέγω τοιοῦτόν ἐστιν. ἐν Μετήλει τῆς Αἰγύπτου δράκων ἐστὶν ἱερὸς ἐν πύργῳ, καὶ τετίμηται καὶ ἔχει θεραπευτὰς καὶ ὑπηρέτας, καὶ κεῖταί οἱ τράπεζα καὶ κρατήρ. ἐς τοῦτον οὖν ἀνὰ πᾶσαν ἡμέραν ἄλφιτα ἀναδεύσαντες μελικράτῳ εἶτα ἀπίασι, καὶ τῇ ὑστεραίᾳ ὑποστρέψαντες κενὸν τὸν κρατῆρα εὑρίσκουσιν. οὐκοῦν ὁ πρεσβύτατος τῶνδε τῶν ὑπηρετῶν ἵμερον δριμύτατον ἔσχε θεάσασθαι <pb xml:id="p.280"/> τὸν δράκοντα, καὶ παρελθὼν μόνος καὶ ποιήσας τὰ εἰθισμένα ἀπέστη· ὃ δὲ ἀνελθὼν ἐπὶ τὴν τράπεζαν ὁ δράκων εἱστιᾶτο. καὶ τὰς θύρας ὁ πολυπράγμων ἀνοίξας ʽἔτυχε γὰρ κατὰ τὰ εἰθισμένα ἐπικλείσασʼ ψόφον εἰργάσατο ἰσχυρόν. ὁ δράκων δὲ ἠγανάκτησε καὶ ἀνεχώρησεν, ὃ δὲ ἰδὼν ὃν ἐπόθει σὺν τῷ ἑαυτοῦ κακῷ, γίνεται μὲν ἔκφρων, εἰπὼν δὲ ὅσα εἶδε καὶ ὡς ἠσέβησεν ὁμολογήσας, ἦν ἄφωνος, εἶτα οὐ μετὰ μακρὸν πεσὼν ἀπέθανεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="18"> 
+<p> ἴδια δὲ ἄρα τῶν ζῴων καὶ ταῦτά ἐστιν. ὁ ταὼς ὑπὲρ τοῦ μὴ βασκανθῆναι λίνου ῥίζαν οἱονεὶ περίαπτόν τι φυσικὸν ἀναζητήσας, ὑπὸ τῇ ἑτέρᾳ πτέρυγι βύσας περιφέρει. λέγεται δὲ καὶ ἵππος τὰ οὖρα εἰ ἐπισχεθείη, παρθένος λύσασα ἣν φορεῖ ζώνην ἐὰν αὐτὸν παίσῃ κατὰ τοῦ προσώπου τῇ ζώνῃ, παραχρῆμα ἐξουρεῖν ἀθρόως καὶ τῆς ὀδύνης παύεσθαι. θήλειαν δὲ ἵππον ἐς ἀφροδίσια λυττήσασαν πάνυ σφόδρα παῦσαι ῥᾳδίως ἔστιν, ὡς Ἀριστοτέλης λέγει, εἴ τις αὐτῆς ἀποκείρειε τὰς κατὰ τοῦ τένοντος τρίχας· αἰδεῖται γάρ, καὶ οὐκ ἀτακτεῖ, καὶ παύεται τῆς ὕβρεως καὶ τοῦ σκιρτήματος τοῦ πολλοῦ, κατηφήσασα ἐπὶ τῇ αἰσχύνῃ. τοῦτό τοι καὶ Σοφοκλῆς αἰνίττεται ἐν τῇ Τυροῖ τῷ δράματι· πεποίηται δέ οἱ αὕτη λέγουσα, καὶ ἃ λέγει ταῦτά ἐστιν <quote rend="blockquote"> <lb/>κόμης δὲ πένθος λαγχάνω πώλου δίκην, <lb/>ἥτις συναρπασθεῖσα βουκόλων ὕπο <lb/>μάνδραις ἐν ἱππείαισιν ἀγρίᾳ χερὶ <lb/>θέρος θερισθῇ ξανθὸν αὐχένων ἄπο, <lb/>σπάσουσα δʼ ἐν λειμῶνι ποταμίων ποτῶν <lb/>ἴδῃ σκιᾶς εἴδωλον αἰκισθεῖσʼ ὑπὸ <lb/>κουραῖς ἀτίμως διατετιλμένης φόβης. <lb/>φεῦ, κἂν ἀνοικτίρμων τις οἰκτείρειέ νιν <pb xml:id="p.281"/> <lb/>πτήσσουσαν αἰσχύνῃσιν, οἷα μαίνεται <lb/>πενθοῦσα καὶ κλαίουσα τὴν πάρος φόβην. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="19"> 
+<p>μελλούσης δὲ οἰκίας καταφέρεσθαι αἰσθητικῶς ἔχουσιν οἵ τε ἐν αὐτῇ μύες καὶ μέντοι καὶ αἱ γαλαῖ, καὶ φθάνουσι τὴν καταφορὰν καὶ ἐξοικίζονται. τοῦτό τοί φασι καὶ ἐν Ἑλίκῃ γενέσθαι. ἐπειδὴ γὰρ ἠσέβησαν ἐς τοὺς Ἴωνας τοὺς ἀφικομένους οἱ Ἑλικήσιοι, καὶ ἐπὶ βωμοῦ ἀπέσφαξαν αὐτούς, ἐνταῦθα δήπου ʽτὸ Ὁμηρικὸν τοῦτὀ τοῖσιν δὲ θεοὶ τέραα προύφαινον· πρὸ πέντε γὰρ ἡμερῶν τοῦ ἀφανισθῆναι τὴν Ἑλίκην, ὅσοι μύες ἐν αὐτῇ ἦσαν καὶ γαλαῖ καὶ ὄφεις καὶ σκολόπενδραι καὶ σφονδύλαι καὶ τὰ λοιπὰ ὅσα ἦν τοιαῦτα, ἀθρόα ὑπεξῄει τῇ ὁδῷ τῇ ἐς Κερύνειαν ἐκφερούσῃ. οἱ δὲ Ἑλικήσιοι ὁρῶντες τὰ πραττόμενα ἐθαύμαζον μέν, οὐκ εἶχον δὲ τὴν αἰτίαν συμβαλεῖν. ἐπεὶ δὲ ἀνεχώρησε τὰ προειρημένα ζῷα, νύκτωρ γίνεται σεισμός, καὶ συνιζάνει ἡ πόλις, καὶ ἐπικλύσαντος πολλοῦ κύματος ἡ Ἑλίκη ἠφανίσθη, καὶ κατὰ τύχην Λακεδαιμονίων ὑφορμοῦσαι δέκα </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="20"> 
+<p>νῆες συναπώλοντο τῇ προειρημένῃ. χρῆται δὲ ἅμα ἐς τιμωρίαν τῶν ἀσεβῶν ἀνδρῶν ὑπηρέταις τοῖς ζῴοις ἡ Δίκη. καὶ τὸ μαρτύριον, Παντακλῆς ὁ Λακεδαιμόνιος ἀναστείλας διὰ τῆς Σπάρτης ἐλθεῖν τοὺς ἐς Κύθηρα ἀπιόντας τῶν περὶ τὸν Διόνυσον τεχνιτῶν, εἶτα καθήμενος ἐν τῷ ἐφορείῳ ὑπὸ κυνῶν διεσπάσθη. ἐν Σικελίᾳ Ἀδρανός ἐστι πόλις, ὡς λέγει Νυμφόδωρος, καὶ ἐν τῇ πόλει ταύτῃ Ἀδρανοῦ νεώς, ἐπιχωρίου δαίμονος· πάνυ δὲ ἐναργῆ φησιν εἶναι τοῦτον. καὶ τἄλλα μὲν ὅσα ὑπὲρ αὐτοῦ λέγει, καὶ ὅπως ἐμφανής ἐστι καὶ ἐς τοὺς δεομένους εὐμενής τε ἅμα καὶ ἵλεως, ἄλλοτε εἰσόμεθα· νῦν δὲ <pb xml:id="p.282"/> ἐκεῖνα εἰρήσεται. κύνες εἰσὶν ἱεροί, καὶ οἵδε θεραπευτῆρες αὐτοῦ καὶ λατρεύοντές οἱ, ὑπεραίροντες τὸ κάλλος τοὺς Μολοττοὺς κύνας καὶ σὺν τούτῳ καὶ τὸ μέγεθος, χιλίων οὐ μείους τὸν ἀριθμόν. οὐκοῦν οὗτοι μεθʼ ἡμέραν μὲν αἰκάλλουσί τε καὶ σαίνουσι τοὺς ἐς τὸν νεὼν καὶ τὸ ἄλσος παριόντας, εἴτε εἶεν ξένοι εἴτε ἐπιχώριοι· νύκτωρ δὲ τοὺς μεθύοντας ἤδη καὶ σφαλλομένους κατὰ τὴν ὁδὸν οἳ δὲ πομπῶν δίκην καὶ ἡγεμόνων μάλα εὐμενῶς ἄγουσι, προηγούμενοι ἐς τὰ οἰκεῖα ἑκάστῳ, καὶ τῶν μὲν παροινούντων τιμωρίαν ἀρκοῦσαν ἐσπράττονται· ἐμπηδῶσι γὰρ καὶ τὴν ἐσθῆτα αὐτοῖς καταρρηγνύουσι, καὶ σωφρονίζουσιν ἐς τοσοῦτον αὐτούς· τούς γε μὴν πειρωμένους λωποδυτεῖν διασπῶσι πικρότατα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="21"> 
+<p> κοχλίας δὲ ἄρα θαλάττιος ὁ ἐν τῇ Ἐρυθρᾷ θαλάττῃ γινόμενος ὡραιότατος ἰδεῖν ἦν καὶ μέγιστος. ἔστι μὲν γὰρ φοῖνιξ τὸ ἔλυτρον, ἔχει δὲ καὶ ἕλικα διηθισμένην καὶ πεποικιλμένην ὑπὸ τῆς φύσεως. στέφανον ἂν εἴποις ὁρᾶν ἔκ τινος πολυχροίας ἀνθῶν διαπλακέντα πρασίνων τε καὶ χρυσοειδῶν καὶ κινναβαρίνων, ἐναλλὰξ τῶν χρωμάτων κατεσπαρμένων διαστήμασιν ἴσοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="22"> 
+<p> τὸν δελφῖνα ἡ φύσις ἀεικίνητον εἰργάσατο, ὥς φασι, καὶ πέρας τούτῳ τῆς κινήσεως τὸ καὶ τοῦ βίου. ὕπνου γοῦν δεόμενος μετεωρίσας τὸ σῶμα καὶ ἀναπλεύσας ἐπʼ ἄκρον τὸ ὕδωρ, ὡς ὁρᾶσθαι πᾶς, καταδαρθάνει τηνικάδε· ἄυπνος δὲ καὶ ἄμοιρος τοῦδε τοῦ θεοῦ οὐδὲ οὗτός ἐστιν. ὅτι γοῦν καθεύδει, ὠθεῖται ἐς βυθόν, ἕως ἂν ψαύσῃ τῆς κάτω γῆς. ὅταν δὲ προσπελασθῇ αὐτῇ, διυπνίζεται κρουσθεὶς πρὸς τὸ δάπεδον, εἶτα ἀναδύνει. καὶ πάλιν ἐς ὕπνον ὑπαχθεὶς καὶ νικώμενος τοῦ θεοῦ κατολισθάνει, καὶ <pb xml:id="p.283"/> αὖθις ἀφυπνισθεὶς τῇ αὐτῇ κρούσει ἀναπλεῖ πάλιν. καὶ πολλάκις δρᾷ τοῦτο, μεταξὺ ἡσυχίας καὶ ἐνεργείας ὤν, οὐ μὴν ἐς ἀκινησίαν ἐκπίπτων παντελῆ ποτε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="23"> 
+<p>ἐν τῇ Ἐρυθρᾷ θαλάττῃ γίνεται ἰχθὺς πλατὺς τὸ σχῆμα κατὰ τὴν βούγλωττον, ὥς φασι. καὶ φολίδας μὲν οὐ σφόδρα τραχύς ἐστι προσαψαμένῳ, τὴν χρόαν δὲ ὑπόχρυσός ἐστι, μελαίναις τε γραμμαῖς ἐς τὸ οὐραῖον ἀπὸ τῆς κεφαλῆς ἄκρας καταγέγραπται. εἴποι τις ἂν αὐτὰς εἶναι χορδὰς ἐντεταμένας· ἔνθεν τοι καὶ ὁ ἰχθὺς αὐτὸς κιθαρῳδὸς κέκληται. τὸ στόμα δὲ αὐτῷ συνίζει καὶ ἔστι μέλαν ἰσχυρῶς, ζώνῃ γε μὴν κροκοειδεῖ κατείληπται· πεποίκιλται δέ οἱ ἡ κορυφὴ διαφόρως τῇ τε χρυσοειδεῖ αὐγῇ καὶ μέντοι καὶ μελαίναις τισὶ περιγραφαῖς. καὶ πτερύγια χρυσοειδῆ ἔχει, μέλαινα δὲ αὐτῷ ἡ οὐρὰ πλὴν τῶν ἄκρων· ταῦτα δὲ λευκὰ ἰσχυρῶς. καὶ ἄλλοι δὲ ᾅδονται κιθαρῳδοὶ τίκτεσθαι. καί εἰσι πορφυροῖ μὲν τὸ πᾶν σῶμα, γραμμὰς ἐκ διαστημάτων ἔχοντες χρυσᾶς· ζώνας δʼ ἔχουσιν ἐπὶ τῇ κεφαλῇ ἴοις τοῖς ἄνθεσι παραπλησίας, τὴν μὲν πρὸ τῶν ὀφθαλμῶν μέχρι τῶν βραγχίων καθέρπουσαν, τὴν δὲ μετὰ τοὺς ὀφθαλμοὺς ἐς τὸ ἥμισυ τῆς κεφαλῆς προχωροῦσαν, τὴν δὲ περιθέουσαν κατὰ τῆς δέρης ὡς ὅρμον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="24"> 
+<p>πάρδαλις δὲ ἰχθὺς ἐν τῇ Ἐρυθρᾷ φύεται θαλάττῃ, ὡς οἱ θεασάμενοι λέγουσι, καὶ ἔοικε τὴν χρόαν καὶ τὰ στίγματα τὰ περιφερῆ τῇ ὀρείῳ παρδάλει. ὁ δὲ ὀξύρυγχος ὁ ἐνταῦθα γινόμενος ἔχει μὲν πρόμηκες τὸ στόμα, τοὺς δὲ ὀφθαλμοὺς χρυσοειδεῖς, τὰ δὲ βλέφαρα αὐτῷ λευκά· τῷ δὲ νώτῳ οἱ σημεῖά τε ἐπέστικται ὠχρά, καὶ πτέρυγες αὐτῷ αἱ μὲν παρʼ ἑκάτερα μέλαιναι, αἱ δὲ νωτιαῖαι λευκαί· καὶ ἡ οὐρὰ <pb xml:id="p.284"/> προμήκης τὸ σχῆμα, τὴν δὲ χρόαν πράσινός ἐστι, μέσην δὲ αὐτὴν διείληφε χρυσοειδὴς γραμμή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="25"> 
+<p> τῷ Πτολεμαίῳ τῷ δευτέρῳ, ὃν καὶ Φιλάδελφον καλοῦσι, βρέφος ἐλέφαντος δῶρον ἐδόθη, καὶ τῇ φωνῇ ἐνετράφη τῇ Ἑλλάδι, καὶ λαλούντων συνίει. ἐπεπίστευτο δὲ πρὸ τοῦδε τοῦ ζῴου τῆς Ἰνδῶν μόνης φωνῆς ἐπαΐειν τοὺς ἐλέφαντας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="26"> 
+<p> ἔοικε δὲ ἄρα καὶ ἐν τοῖς ἀλόγοις ὑπὸ τῆς φύσεως προτιμᾶσθαι τὸ ἄρρεν. ἔχει γοῦν ὁ μὲν δράκων ὁ ἄρρην τὸν λόφον καὶ τὴν ὑπήνην, ὁ δὲ ἀλεκτρυὼν καὶ οὗτος τὸν λόφον καὶ τὰ κάλλαια, ὁ δὲ ἔλαφος τὰ κέρατα, τὴν χαίτην ὁ λέων, ὁ τέττιξ τὴν φωνήν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="27"> 
+<p> ὑπόθεσις μὲν τοῖς Ἀχαιοῖς καὶ τοῖς Τρωσὶ τοῦ πολέμου ἡ Διὸς Ἑλένη φασί, καὶ Πέρσαις πρὸς τοὺς Ἕλληνας Ἄτοσσα ἡ Δαρείου γυνὴ ποθήσασα θεραπαίνας κτήσασθαι Ἀττικάς, καὶ τοῦ μακροῦ πολέμου τοῖς Ἕλλησι τὸ πινάκιον τὸ κατὰ τῶν Μεγαρέων. Μάγνητας δὲ καὶ Ἐφεσίους ἐς πόλεμον ἀκρὶς ἐξῆψε, περιστερὰ δὲ Χάονας καὶ Ἰλλυριούς, Θηβαῖοι δʼ οἱ ἐν Αἰγύπτῳ πρὸς Ῥωμαίους ὑπὲρ κυνὸς πολεμῆσαι λέγονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="28"> 
+<p> λέγει τις λόγος Πυθοχάρην τὸν αὐλητὴν ἀναστεῖλαι λύκων ὁρμὴν αὐλήσαντα σύντονον καὶ γενναῖον αὔλημα. μυιῶν δὲ πλῆθος ἀνέστησε Μεγαρέας, Φασηλίτας δὲ σφῆκες, σκολόπενδραι δὲ Ῥοιτιεῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="29"> 
+<p> πρόβατα ἄχολα ἐν τῷ Πόντῳ φασίν, ἐν δὲ τῇ Νάξῳ τῇ νήσῳ καὶ δίχολα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="30"> 
+<p> ὁ μέροψ ὁ ὄρνις ταύτῃ τοι δοκεῖ δικαιότερος εἶναι τῶν πελαργῶν· οὐ γὰρ ἀναμένει γηράσαντας τρέφειν τοὺς πατέρας, ἀλλʼ ἅμα τῷ φῦσαι τὰ ὠκύπτερα τοῦτο ἐργάζεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="31"> 
+<p> ἴδιον δὲ ἄρα τῶν ζῴων καὶ ἐκεῖνο ἀγαθόν. πρόνοιαν <pb xml:id="p.285"/> αὐτῶν οἱ θεοὶ ποιοῦνται, καὶ οὔτε αὐτῶν καταφρονοῦσιν οὔτε μὴν ὀλιγώρως ἔχουσιν. εἰ γὰρ καὶ ἀμοιρεῖ λόγου, ἀλλὰ γοῦν συνέσεως καὶ τῆς καθʼ ἑαυτὰ σοφίας οὐκ ἀτυχεῖ. ὅπως οὖν καὶ αὐτὰ φιλεῖται θεοῖς ἐρῶ, καὶ εἰ μὴ πολλὰ ἐκ πολλῶν, ὅσα δʼ οὖν ἀποχρήσει. ἀνὴρ ἱππεύς, Ληναῖος τὸ ὄνομα, ἵππον εἶχεν ἰδεῖν μὲν ὡραῖον, δραμεῖν δὲ ὤκιστον, τὸν δὲ θυμὸν ἀνδρειότατον· καὶ ἀγαθὸν μὲν ἐν ταῖς ἐπιδείξεσι τὴν ἱππείαν περιδραμεῖν τὴν δεδιδαγμένην, καρτερικὸν δὲ ἐν αὐτῷ τῷ πολέμῳ, καὶ διῶξαι ἔνθα ἦν καιρὸς καὶ ἀναχωρῆσαι ὅπου αὐτὸν ἡ χρεία παρεκάλει πάνυ γεννικόν. οὐκοῦν ἐκ τούτων ἁπάντων ὃ μὲν κτῆμα ἦν ἀγαθόν, ὃ δὲ εὐκλεέστατος ἐν τοῖς ὁμοτέχνοις ἱππεῦσιν ἐδόκει. ὁ τοίνυν ἵππος ὁ τοιοῦτος τὴν ἱππικὴν ἀρετὴν θατέρῳ τοῖν ὀφθαλμοῖν τῷ δεξιῷ ὑπό τινος πληγῆς προσπεσούσης ὁρᾶν ἀδύνατος ἦν. οὐκοῦν ὁ Ληναῖος ὁρῶν ἑαυτοῦ σαλεύουσαν τὴν πᾶσαν ἐλπίδα ἐν τῷ τοῦ ἵππου τοῦ εὐγενοῦς ἐκείνου πάθει, ἐπεὶ καὶ ἡ ἀσπὶς ἡ ἱππικὴ τὸν λαιὸν ὀφθαλμόν οἱ ἔσκεπε τὸν μόνον ὁρῶντα, ἐς τοῦ Σαράπιδος ἔρχεται, θεράπευμα ἀνάγων καὶ μάλα ἄηθες τὸν ἵππον, καὶ δεῖται τοῦ θεοῦ ὡς ὑπὲρ ἀδελφοῦ τινος ἢ υἱοῦ ὁ Ληναῖος τοῦ ἵππου οἰκτεῖραι τὸν ἱκέτην, καὶ ταῦτα ἀδικήσαντα οὐδὲ ἕν. εἶναι γάρ τοι ἀνθρώπους σφίσι κακῶν αἰτίους ἢ δράσαντάς τι ἀσεβὲς ἢ εἰπόντας τι ἀπόφημον· ʽἵππου δἒ ἔλεγε ʽποία μὲν θεοσυλία, φόνος δὲ τίς, βλασφημία δὲ πῶς ἢ πόθεν;ʼ ἐμαρτύρατο δὲ τὸν θεὸν καὶ αὐτὸς ὡς οὐδεπώποτε οὐδένα οὐδὲν ἀδικήσας, καὶ διὰ ταῦτα τὸν συστρατιώτην οἱ καὶ φίλον ἐδεῖτο τῆς ὀφθαλμίας ἀπαλλάξαι. ὃ δὲ οὐχ ὑπερορᾷ οὐδὲ ἐξεφαύλισε τὸν ἄλογόν τε καὶ ἄφωνον ἰάσασθαι, ὢν τοσοῦτος θεός, <pb xml:id="p.286"/> καὶ διὰ ταῦτα οἰκτείρει καὶ τὸν νοσοῦντα καὶ τὸν δεόμενον ὑπὲρ αὐτοῦ, καὶ δίδωσιν ἴασιν μὴ καταιονεῖν μὲν τὸν ὀφθαλμόν, πυριάσεσι δὲ αὐτὸν ἀλεαίνειν μεσούσης ἡμέρας ἐν τῷ τοῦ νεὼ περιβόλῳ. καὶ ταῦτα μὲν ἐπράττετο, ἐρρώσθη δὲ τῷ ἵππῳ τὸ ὄμμα. καὶ ὁ μὲν Ληναῖος χαριστήριά τε καὶ ζωάγρια ἀπέθυεν, ὁ δὲ ἵππος ἐσκίρτα τε καὶ ἐφριμάττετο καὶ ἐδόκει μείζων τε καὶ ὡραιότερος, καὶ ἦν φαιδρὸς καὶ τῷ βωμῷ προσθέων ἐκυδροῦτο, καὶ μέντοι καὶ πρὸς τοῖς ἀναβαθμοῖς καλινδούμενος ἑωρᾶτο τῷ θεῷ τῷ σωτῆρι χαριστήρια ἐκτίνων, ᾗπερ οὖν ἔσθενεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="32"> 
+<p> ἐν ἀμπελῶνι δὲ γεωργὸς εἰργάζετο τάφρον, ἵνα ἐμφυτεύσῃ κλῆμα καλόν τε καὶ εὐγενές· εἶτα τὴν σμινύην καταφέρων ὑποικουροῦσαν ἀσπίδα ἱερὰν καὶ ἀνθρώπων ἥκιστα ἐχθρὰν λαθὼν διέκοψε μέσην. καὶ τὴν γῆν διαξαίνων τὸ μὲν οὐραῖον βλέπων τῇ ψάμμῳ κατειλημμένον, τὸ δὲ ἡμίτομον τὸ ἐκ τῆς γαστρὸς ἐς τὴν δέρην ἀνιὸν ἔτι ἕρπον καὶ τοῦ λύθρου τοῦ διὰ τὴν τομὴν πεπληρωμένον, ἐκπλήττεται, καὶ ἔκφρων γενόμενος ἔς τε ὀρθὴν μανίαν καὶ ὡς τὰ μάλιστα ἰσχυρὰν ἐκφοιτᾷ. καὶ μεθʼ ἡμέραν ἑαυτοῦ τε καὶ τοῦ λογισμοῦ ἦν ἀκράτωρ καὶ μέντοι καὶ νύκτωρ ἦν παράφορος, καὶ ἐκ τοῦ ʽ??ʼέχους ἀνεθόρνυτο καὶ ἔλεγε τὴν ἀσπίδα διώκειν, καὶ ὥσπερ οὖν ὁμοῦ τι τῷ δήγματι ὢν ἐκπληκτικώτατα ἐβόα καὶ ἐκάλει συμμάχους, καὶ μέντοι καὶ τῆς ἀνῃρημένης ὑπʼ αὐτοῦ τὸ εἴδωλον ἔλεγεν ὁρᾶν βριμούμενόν τε καὶ ἀπειλοῦν, καὶ ὡμολόγει ποτὲ καὶ δεδῆχθαι, καὶ ὡς ὠδυνᾶτο ἐξ ὧν ᾤμωζεν ἦν δῆλος. ἐπεὶ μέντοι ἡ νόσος πόρρω τοῦ χρόνου ἦν, οἱ προσήκοντές οἱ τὸν ἄνδρα ἐς τοῦ Σαράπιδος ἄγουσιν ἱκέτην, καὶ ἐδέοντο ἀναστεῖλαι καὶ ἀφανίσαι τῆς προειρημένης τὸ φάσμα. οἰκτείρει <pb xml:id="p.287"/> μὲν οὖν τὸν ἄνδρα ὁ θεὸς καὶ ἰᾶται· ὡς δὲ ἀτιμώρητος οὐκ ἔμεινεν ἡ ἀσπὶς εἴρηται καὶ πάνυ γε ἀποχρώντως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="33"> 
+<p>ταῶν δὲ Ἰνδικὸν δῶρον λαβὼν ὁ τῶν Αἰγυπτίων βασιλεύς, ταώνων ἰδεῖν μέγιστόν τε καὶ ὡραιότατον, οὐκ ἀξιοῖ σὺν τοῖς ἀγελαίοις τρέφειν, ὡς οἰκίας ἄθυρμα αὐτὸν εἶναι ἢ γαστρὸς χάριν, ἀλλὰ ἀνάπτει τῷ Πολιεῖ Διί, κρίνας ἀνάθημα ἐπάξιον τῷ θεῷ τὸν ὄρνιν τὸν προειρημένον. ἐρᾷ τοῦτον συλλαβεῖν ἄσωτος νεανίας καὶ πάνυ γε πλούσιος καὶ ποιήσασθαι δεῖπνον· ἀεὶ γὰρ τῇ γαστρὶ ἐχαρίζετο καὶ ἐξ ἁπάσης αἰτίας ὁ ἄσωτος οὗτος, τὸ ποικίλον τῆς τροφῆς καὶ τὸ σὺν κινδύνῳ πορισθὲν καὶ τὸ ἐωνημένον πολλῶν πόνων λαιμαργίας καὶ βδελυρίας ὑπερβολῇ κέρδος ἡγούμενος ἐς ἡδονήν. μισθὸν οὖν τῆς θεοσυλίας ἁδρὸν προτείνει τινὶ τῶν τοῦ θεοῦ θεραπευτήρων, καὶ ὑπισχνεῖται καὶ ἄλλον. ὃ δὲ ἐλπίδι κουφισθεὶς ματαίᾳ, ἔνθα ᾔδει τὸν ὄρνιν αὐλιζόμενον ἐλθὼν ἐπεχείρει συλλαβεῖν καὶ τῷ πλουσίῳ κομίσαι. καὶ ἐκεῖνον μὲν οὐχ ὁρᾷ, μεγίστην δὲ ἀσπίδα ὀρθὴν εἶδε καὶ ἐπʼ αὐτὸν τεθυμωμένην. καὶ τὰ μὲν πρῶτα ἔδεισε καὶ ἀπῆλθεν, ἐγκειμένου δὲ τοῦ ἀσώτου καὶ παρορμῶντος ὁ μὲν ὑπηρέτης ἐπὶ τὸν ταῶν ἦλθεν, ὃ δὲ ἀνωτέρω ᾅξας καὶ ἑαυτὸν τοῖς πτεροῖς μετεωρίσας καὶ ἀρθεὶς κοῦφος οὔτε ἐπί τι τῶν ἱερῶν δένδρων ἐκάθισεν οὔτε ἐπʼ ἄλλον μετέωρόν τε καὶ ὑψηλὸν χῶρον, ἀλλὰ ἐπὶ τὸ μέσον τοῦ νεώ, καὶ ἐς αὐτοὺς ἀτρέπτως ἑώρα, οἷον ὑποφαίνων ὅτι ἄρα τῆς ἐπιβουλῆς τῆς ἐξ ἐκείνων κρείττων πέφυκε, καὶ οὐκ ἔστιν αὐτοῖς ἑλεῖν αὐτόν. οὐκοῦν ἐπεὶ μηδὲν ἤνυστο, ὅπερ ἦν προδοὺς ἀργύριον ὁ ἄσωτος ἀπῄτει λαβεῖν, ὃ δὲ οὐκ ἀπεδίδου λέγων ποιῆσαι μὲν τὰ ἑαυτοῦ <pb xml:id="p.288"/> πάντα, ἀδύνατος δὲ εἶναι θεῶν κτῆμα ὑφελέσθαι. οἷα οὖν εἰκὸς ἦν ἔρις ὑπὲρ τούτων καὶ βοὴ ἤδη, καὶ ἤκουον πολλοί· εἶτα ἄνεισιν ὁ ἐπὶ πᾶσιν ἱερεύς, καὶ ἐρωτᾷ τῆς ἐν τῷ νεῷ φιλονεικίας τὴν ὑπόθεσιν, καὶ ἐλέγχουσιν ἀλλήλους. καὶ ὁ μὲν πλούσιος ἀπειλαῖς καὶ βλασφημίαις καὶ λοιδορίαις αἰκισθεὶς ἀπαλλάττεται καὶ ὄρνιθος ἄλλου καταπιὼν ὀστοῦν καὶ ὀδυνώμενος τὸν βίον κατέστρεψεν ἀλγεινότατα, τὸν δὲ ὑπηρέτην τὸν κακὸν οἷα δήπου ἱερόσυλον ὁ τῆς πόλεως ἁρμοστὴς ἐκόλασε, τὸν δὲ ὄρνιν οὔτε ζῶντα οὔτε νεκρὸν ἐθεάσαντο, ἀλλὰ ἑκατὸν ὡς λόγος ἔτη διαβώσας εἶτα ἠφανίσθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="34"> 
+<p> καὶ ἐκεῖνο δὲ ἔοικε τούτῳ καὶ ὁμολογεῖ. Κίσσος ὄνομα θεραπεύων τὸν Σάραπιν ἰσχυρῶς, ἐπιβουλευθεὶς ὑπὸ τῆς πρότερον μὲν ἐρωμένης ὕστερον δὲ γαμετῆς, καὶ ᾠὰ ὄφεως φαγών, ὠδυνᾶτο καὶ ἑαυτοῦ κακῶς εἶχε, καὶ ἐπίδοξος τεθνήξεσθαι ἦν. δεῖται δὲ τοῦ θεοῦ, ὃ δὲ προσέταξε πρίασθαι μύραιναν ζῶσαν, καθεῖναι δὲ τὴν χεῖρα ἐς τὸ ζωγρεῖον. καὶ ὁ Κίσσος πείθεται καὶ καθίησιν, ἣ δὲ ἐμφῦσα εἴχετο, ἀποσπωμένη δὲ καὶ τὴν νόσον τὴν ἐν τῷ νεανίᾳ συναπέσπασεν. ὑπηρέτις μὲν δὴ θεοῦ θεραπείας ἡ μύραινα αὕτη γενομένη ἐς ἀκοὴν τὴν ἡμετέραν ἀφίκετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="35"> 
+<p> Χρύσερμον δὲ ἐπὶ Νέρωνος αἷμα ἀνεμοῦντα καὶ τηκόμενον ἤδη, αἷμα ταύρου πιόντα ἰάσατο ὁ αὐτὸς οὗτος θεός. ἐγὼ δὲ λέγω ταῦτα, ὅτι ἐς τοσοῦτον ἄρα τὰ ζῷα θεοφιλῆ ἐστιν, ὡς καὶ ὑπὸ τῶν θεῶν σώζεσθαι, καὶ σώζειν ἐκείνων βουλομένων ἑτέρους. ἀτὰρ οὖν καὶ Βάσιλιν τὸν Κρῆτα ἐς νόσον φθίσεως ἐμπεσόντα ἐξάντη τοῦ τοσούτου κακοῦ ὅδε ὁ θεὸς εἰργάσατο ὀνείων κρεῶν γευσάμενον. καὶ προσέπεσε γενέσθαι αὐτῷ κατὰ τὸ ὄνομα τοῦ ζῴου· ἔφατο γὰρ <pb xml:id="p.289"/> ὀνησιφόρον οἱ ταύτην ἔσεσθαι τὴν θεραπείαν καὶ ἴασιν. καὶ ὑπὲρ μὲν τούτων ἀπόχρη καὶ ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="36"> 
+<p>ἴδια δὲ ἄρα τῶν ζῴων καὶ ἐκεῖνα. αἱ ἵπποι ἐς ἁρματηλασίαν ἐπιτηδειόταται εἶναι πιστεύονται. πυνθάνομαι δὲ τοὺς ἄνδρας τοὺς πωλευτικοὺς λέγειν ὅτι ἄρα χαίρουσιν ἵπποι λουτρῷ τε καὶ ἀλοιφῇ. ὅτι δὲ καὶ μύρῳ ἐχρίοντο ἵπποι, Σιμωνίδης ἐν τοῖς ἰάμβοις λέγει. Πέρσαι δὲ μετὰ τὴν Κύρου μάχην τὴν ἐν Λυδίᾳ καμήλους τοῖς ἵπποις συντρέφουσι, τὸ δέος τῶν ἵππων τὸ ἐκ τῶν καμήλων ἐς αὐτοὺς ἐξαπτόμενον ἐκβάλλειν πειρώμενοι τῇ συντροφίᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="37"> 
+<p>καλεῖται δὲ σελάχια ὅσα οὐκ ἔχει λεπίδας· εἴη δʼ ἂν μύραινα γόγγρος νάρκη τρυγὼν βοῦς γαλεός· δελφὶς φάλαινα φώκη. ταῦτα δὲ ἄρα μόνα τῶν ἐνύδρων ζῳοτοκεῖ. μαλάκια δὲ καλεῖται ὅσα ἀνόστεά έστι· καὶ εἴη ἂν πολύπους σηπία τευθὶς ἀκαλήφη. ταῦτά τοι καὶ αἵματος ἄμοιρα καὶ σπλάγχνων ἐστί. μαλακόστρακα δὲ ἀστακοὶ καρίδες καρκίνοι πάγουροι· ἀποδύεται δὲ καὶ τὸ γῆρας ταῦτα. ὀστρακόδερμα δὲ ὄστρεα πορφύραι κήρυκες στρόμβοι ἐχῖνοι κάραβοι. καρχαρόδοντα δὲ λύκος κύων λέων πάρδαλις. ταῦτά τοι καὶ σαρκῶν ἐσθίει. ἀμφόδοντα δὲ ἄνθρωπος ἵππος ὄνος, ἅπερ οὖν καὶ πιμελὴν ἔχει. συνόδοντα δὲ βοῦς πρόβατον αἴξ. χαυλιόδοντα δὲ ὗς ὁ ἄγριος σπάλαξ· τὸν γὰρ ἐλέφαντα οὔ φημι ὀδόντας ἔχειν ἀλλὰ κέρατα. ἔντομα δὲ σφὴξ μέλιττα· λέγουσι δὲ μηδὲ πνεύμονας ἔχειν ταῦτα. ἀμφίβια δὲ ἵππος ποτάμιος ἐνυδρὶς κάστωρ κροκόδειλος. φολιδωτὰ δὲ σαῦρος σαλαμάνδρα χελώνη κροκόδειλος ὄφις· ταῦτα δὲ καὶ τὸ γῆρας ἀποδύεται πλὴν κροκοδείλου καὶ χελώνης. μώνυχα δὲ ἵππος ὄνος. δίχηλα δὲ βοῦς ἔλαφος αἲξ οἶς χοῖρος. πολυσχιδῆ δὲ ἄνθρωπος κύων. στεγανόποδα <pb xml:id="p.290"/> δὲ καὶ πλατυώνυχα κύκνος χήν. γαμψώνυχα δὲ ἱέρακες ἀετοί. τὴν δὲ τῶν ἄλλων ζῴων ἰδιότητα ἀλλαχοῦ εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="38"> 
+<p> φιλότεκνον δὲ ἄρα ζῷον ἦν καὶ ὁ χηναλώπηξ, καὶ ταὐτὰ τοῖς πέρδιξι δρᾷ. καὶ γὰρ οὗτος πρὸ τῶν νεοττῶν ἑαυτὸν κυλίει, καὶ ἐνδίδωσιν ἐλπίδα ὡς θηράσοντι αὐτὸν τῷ ἐπιόντι· οἳ δὲ ἀποδιδράσκουσιν ἐν τῷ τέως. ὅταν δὲ πρὸ ὁδοῦ γένωνται, καὶ ἐκεῖνος ἑαυτὸν τοῖς πτεροῖς ἐλαφρίσας ἀπαλλάττεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="39"> 
+<p> λέγουσι δὲ Αἰγύπτιοι τὸν ἱέρακα ζῶντα μὲν καὶ ἔτι περιόντα θεοφιλῆ ὄρνιν εἶναι, τοῦ βίου δὲ ἀπελθόντα καὶ μαντεύεσθαι καὶ ὀνείρατα ἐπιπέμπειν, ἀποδυσάμενον τὸ σῶμα καὶ ψυχὴν γεγενημένον γυμνήν. λέγουσι δὲ Αἰγύπτιοι καὶ τρίποδα ἱέρακα παρʼ αὐτοῖς φανῆναί ποτε, καὶ ὑγιᾶ δοκοῦσι λέγειν τοῖς πεπιστευκόσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:11" n="40"> 
+<p> πέρδικες οἱ Παφλαγόνες δικάρδιοί εἰσιν, ὥσπερ οὖν Θεόφραστος λέγει. καὶ Θεόπομπος λέγει τοὺς ἐν Βισαλτίᾳ λαγὼς διπλᾶ ἥπατα ἔχειν ἕκαστον. λέγει δὲ Ἀπίων, εἰ μὴ τερατεύεται, καὶ ἐλάφους νεφροὺς τέτταρας ἔχειν κατά τινας τόπους. λέγει δὲ ὁ αὐτὸς καὶ κατὰ τὸν Οἴνιδα τὸν Μήνιδος δικέφαλον γέρανον φανῆναι, καὶ εὐθενῆσαι τὴν Αἴγυπτον· καὶ ἐπʼ ἄλλου βασιλέως τετρακέφαλον ὄρνιν, καὶ πλημμυρῆσαι τὸν Νεῖλον ὡς οὔποτε, καὶ καρπῶν ἀφθονίαν γενέσθαι καὶ εὐποτμίαν ληίων θαυμαστήν. τετράκερων δὲ ἔλαφον Νικοκρέων ὁ Κύπριος ἔσχε, καὶ ἀνέθηκε Πυθοῖ καὶ ὑπέγραψε σῆς ἕνεκεν, Λητοῦς τοξαλκέτα κοῦρʼ, ἐπινοίας τήνδʼ ἕλε Νικοκρέων τετράκερων ἔλαφον. καὶ μέντοι καὶ τετράκερω πρόβατα ἐν τῷ τοῦ Διὸς τοῦ Πολιέως ἦν καὶ τρίκερω. ἐγὼ δὲ καὶ πεντάποδα βοῦν ἱερὸν ἐθεασάμην, ἀνάθημα τῷ θεῷ τῷδε ἐν τῇ πόλει τῇ Ἀλεξανδρέων τῇ μεγάλῃ, ἐν τῷ ᾀδομένῳ <pb xml:id="p.291"/> τοῦ θεοῦ ἄλσει, ἔνθα περσέαι σύμφυτοι σκιὰν περικαλλῆ καὶ ψῦξιν ἀπεδείκνυντο. καὶ ἦν μόσχος ἐνταῦθα τὴν χρόαν κηρῷ προσεικασμένος, καὶ ἐπὶ τοῦ ὤμου πόδα ἀπηρτημένον εἶχε περίεργον μὲν ὅσα ἐπιβῆναι, τέλειον δὲ ὅσα ἐς πλάσιν. καὶ ταῦτα μὲν δοκεῖ τῇ φύσει ὁμολογεῖν οὐ πάνυ τι, ἐγὼ δὲ ὅσα ἐς ἐμὴν ὄψιν τε καὶ ἀκοὴν ἀφίκετο εἶπον.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="12"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="1"> 
+<p> μυρέων τῶν ἐν Λυκίᾳ κόλπος ἐστί, καὶ ἔχει πηγήν, καὶ ἐνταῦθα νεὼς Ἀπόλλωνός ἐστι, καὶ ὁ τοῦδε τοῦ θεοῦ ἱερεὺς κρέα μόσχεια διασπείρει τῶν τῷ θεῷ τεθυμένων, ὀρφώ τε οἱ ἰχθύες ἀθρόοι προσνέουσι, καὶ τῶν κρεῶν ἐσθίουσιν οἷα δήπου καλούμενοι δαιτυμόνες. καὶ χαίρουσιν οἱ θύσαντες, καὶ τὴν τούτων δαῖτα πιστεύουσιν εἶναί σφισιν ὄτταν ἀγαθήν, καὶ λέγουσιν ἵλεων εἶναι τὸν θεόν, διότι οἱ ἰχθύες ἐνεπλήσθησαν τῶν κρεῶν. εἰ δὲ ταῖς οὐραῖς αὐτὰ ἐς τὴν γῆν ἐκβάλοιεν ὥσπερ οὖν ἀτιμάσαντες καὶ μυσαρὰ κρίναντες, τοῦτο δὴ τοῦ θεοῦ μῆνις εἶναι πεπίστευται. γνωρίζουσι δὲ καὶ τὴν τοῦ ἱερέως φωνὴν οἱ ἰχθύες, καὶ ὑπακούσαντες μὲν εὐφραίνουσι διʼ οὓς κέκληνται, τοὐναντίον δὲ δράσαντες λυποῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="2"> 
+<p>κατὰ τὴν πάλαι Βαμβύκην ʽκαλεῖται δὲ νῦν Ἱεράπολις, Σελεύκου ὀνομάσαντος τοῦτο αὐτήνʼ ἰχθύες εἰσὶν ἱεροί, καὶ κατʼ ἴλας νήχονται καὶ ἔχουσιν ἡγεμόνας, καὶ τῶν ἐμβαλλομένων αὐτοῖς τροφῶν προεσθίουσιν οὗτοί γε. φυλάττουσι δὲ καὶ τὴν πρὸς ἀλλήλους φιλίαν μάλιστα ἰχθύων, καὶ ἔστιν ἀεὶ ἔνσπονδα αὐτοῖς, ἤτοι τῆς θεοῦ τὴν ὁμόνοιαν καταπνεούσης, ἢ διότι τῶν ἐμβαλλομένων τροφῶν ἐμπιπλάμενοι <pb xml:id="p.292"/> οὕτως τῆς ἀλλήλων βορᾶς ἄγευστοί τε καὶ ἀμαθεῖς διαμένουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="3"> 
+<p> λέγουσιν Αἰγύπτιοι, καὶ ἐμὲ μὲν ἥκιστα πείθουσι, λέγουσι δʼ οὖν ἄρνα καὶ ὀκτάπουν καὶ δίκερκον κατὰ τὸν Βόκχοριν τὸν ᾀδόμενον ἐκεῖνον γενέσθαι, καὶ ῥῆξαι φωνήν. καὶ δύο κεφαλὰς ᾅδουσι τῆς ἀρνός, καὶ τετράκερω γενέσθαι φασὶ τὴν αὐτήν. Ὁμήρῳ μὲν οὖν φωνὴν Ξάνθῳ τῷ ἵππῳ δόντι συγγνώμην νέμειν ἄξιον, ποιητὴς γάρ· καὶ Ἀλκμὰν δὲ μιμούμενος ἐν τοῖς τοιούτοις Ὅμηρον οὐκ ἂν φέροιτο αἰτίαν, ἔχει γὰρ ἀξιόχρεων ἐς αἰδῶ τὴν πρωτίστην τόλμαν· Αἰγυπτίοις δὲ τοιαῦτα κομπάζουσι προσέχειν πῶς οἷόν τε; εἴρηται δʼ οὖν, εἰ καὶ μυθώδη, τὰ τῆσδε τῆς ἀρνὸς ἴδια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="4"> 
+<p> καὶ ἐκεῖνο δὲ ὑπὲρ τῶν ἱεράκων ἀκούσας οἶδα. πρὸ τοῦ τὸν Νεῖλον ἐπιπολάζειν τῇ Αἰγύπτῳ καὶ ἐς τὰς ἀρούρας ἀνέρχεσθαι, ἀφιᾶσι τῶν πτερῶν τὰ ἤδη γηρῶντα ὥσπερ οὖν τῶν φυτῶν οἱ κλάδοι τὰ φύλλα τὰ ξηρά, καὶ ἀναφύουσι πτίλα νεαρὰ καὶ ὡραῖα οἱ ἱέρακες ὡς τὴν ἄνθην τὰ δένδρα. γένη δὲ ἱεράκων πλείονα ἄρα ἦν, καὶ ἔοικεν ὑπαινίττεσθαι καὶ Ἀριστοφάνης τοῦτο. φησὶ γοῦν <quote rend="blockquote"> <lb/>ἀλλʼ ἐπέμψαμεν <lb/>τρισχιλίους ἱέρακας ἱπποτοξότας. <lb/>χωρεῖ δὲ πᾶς τις ὄνυχας ἠγκυλωμένος <lb/>κερχνῂς τριόρχης γὺψ κύμινδις αἰετός. </quote> νενέμηνται δὲ καὶ ἀπεκρίθησαν θεοῖς πολλοῖς. ὁ μὲν περδικοθήρας καὶ ὠκύπτερος Ἀπόλλωνός ἐστι θεράπων φασί, φήνην δὲ καὶ ἅρπην Ἀθηνᾷ προσνέμουσιν, Ἑρμοῦ δὲ τὸν φασσοφόντην ἄθυρμα εἶναί φασιν, Ἥρας δὲ τὸν τανυσίπτερον, καὶ τὸν τριόρχην οὕτω καλούμενον Ἀρτέμιδος. μητρὶ δὲ θεῶν τὸν μέρμνον, <pb xml:id="p.293"/> καὶ ἄλλον ἄλλῳ θεῷ. γένη δὴ ἱεράκων ἐστὶ πάμπολλα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="5"> 
+<p>Αἰγύπτιοι μὲν οὖν σέβοντές τε καὶ ἐκθεοῦντες γένη ζῴων διάφορα γέλωτα ὀφλισκάνουσι παρά γε τοῖς πολλοῖς· Θηβαῖοι δὲ σέβουσιν Ἕλληνες ὄντες ὡς ἀκούω γαλῆν, καὶ λέγουσί γε Ἡρακλέους αὐτὴν γενέσθαι τροφόν, ἢ τροφὸν μὲν οὐδαμῶς, καθημένης δὲ ἐπʼ ὠδῖσι τῆς Ἀλκμήνης καὶ τεκεῖν οὐ δυναμένης, τὴν δὲ παραδραμεῖν καὶ τοὺς τῶν ὠδίνων λῦσαι δεσμούς, καὶ προελθεῖν τὸν Ἡρακλέα καὶ ἕρπειν ἤδη. καὶ οἱ τὴν Ἁμαξιτὸν τῆς Τρωάδος κατοικοῦντες μῦν σέβουσιν· ἔνθεν τοι καὶ τὸν Ἀπόλλω τὸν παρʼ αὐτοῖς τιμώμενον Σμίνθιον καλοῦσί φασιν. ἔτι γὰρ καὶ τοὺς Αἰολέας καὶ τοὺς Τρῶας τὸν μῦν προσαγορεύειν σμίνθον, ὥσπερ οὖν καὶ Αἰσχύλος ἐν τῷ Σισύφῳ ἀλλʼ ἀρουραῖός τίς ἐστι σμίνθος ὧδʼ ὑπερφυής. καὶ τρέφονται μὲν ἐν τῷ Σμινθείῳ μύες τιθασοὶ δημοσίας τροφὰς λαμβάνοντες, ὑπὸ δὲ τῷ βωμῷ φωλεύουσι λευκοί, καὶ παρὰ τῷ τρίποδι τοῦ Ἀπόλλωνος ἕστηκε μῦς. μυθολόγημα δὲ ὑπὲρ τῆσδε τῆς θρησκείας καὶ ἐκεῖνο προσακήκοα. τῶν Αἰολέων καὶ τῶν Τρώων τὰ λήια πολλὰς μυῶν μυριάδας ἐπελθούσας ἄωρα ὑποκείρειν καὶ ἀτελῆ τὰ θέρη τοῖς σπείρασιν ἀποφαίνειν. οὐκοῦν τὸν ἐν Δελφοῖς θεὸν πυνθανομένων εἰπεῖν ὅτι δεῖ θύειν Ἀπόλλωνι Σμινθεῖ, τοὺς δὲ πεισθέντας ἀπαλλαγῆναι τῆς ἐκ τῶν μυῶν ἐπιβουλῆς καὶ τὸν πυρὸν αὐτοῖς ἐς τὸν νενομισμένον ἄμητον ἀφικνεῖσθαι. ἐπιλέγουσι δὲ ἄρα τούτοις καὶ ἐκεῖνα. ἐς ἀποικίαν Κρητῶν οἱ σταλέντες οἴκοθεν ἔκ τινος τύχης καταλαβούσης αὐτοὺς ἐδεήθησαν τοῦ Πυθίου φῆναί τινα αὐτοῖς χῶρον <pb xml:id="p.294"/> ἀγαθὸν καὶ ἐς τὸν συνοικισμὸν λυσιτελῆ. ἐκπίπτει δὴ λόγιον, ἔνθα ἂν αὐτοῖς οἱ γηγενεῖς πολεμήσωσιν, ἐνταῦθα καταμεῖναι καὶ ἀναστῆσαι πόλιν. οὐκοῦν ἥκουσι μὲν ἐς τὴν Ἁμαξιτὸν τήνδε καὶ στρατοπεδεύουσιν ὥστε ἀναπαύσασθαι, μυῶν δὲ ἄφατόν τι πλῆθος ἐφερπύσαν τά τε ὄχανα αὐτοῖς τῶν ἀσπίδων διέτραγε καὶ τὰς τῶν τόξων νευρὰς διέφαγεν· οἳ δὲ ἄρα συνέβαλον τούτους ἐκείνους εἶναι τοὺς γηγενεῖς, καὶ μέντοι καὶ ἐς ἀπορίαν ἥκοντες τῶν ἀμυντηρίων τόνδε τὸν χῶρον οἰκίζουσι, καὶ Ἀπόλλωνος ἱδρύονται νεὼν Σμινθίου. ἡ μὲν οὖν τῶν μυῶν μνήμη προήγαγεν ἡμᾶς ἐς θεολογίαν τινά, χείρους δὲ αὑτῶν οὐ γεγόναμεν καὶ τοιαῦτα προσακούσαντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="6"> 
+<p> ἦσαν δὲ ἄρα δελφῖνες καὶ νεκρῶν μνήμονες καὶ τῶν συννόμων ἀπελθόντων τοῦ βίου οὐδαμῶς προδόται. τὸν γοῦν ἑαυτῶν τεθνεῶτα ὑποδύντες εἶτα μέντοι κομίζουσι φοράδην ἐς τὴν γῆν τοῖς ἀνθρώποις πιστεύοντες θάψαι, καὶ Ἀριστοτέλης μαρτυρεῖ τούτῳ· ἕπεται δὲ πλῆθος ἕτερον οἱονεὶ τιμῶντες ἢ καὶ νὴ Δία ὑπερμαχοῦντες, μή ποτε ἄλλο κῆτος ἐπιδράμῃ καὶ τὸν νεκρὸν ἁρπάσαν εἶτα καταδαίσηται. ὅσοι μὲν οὖν εἰσιν ἔνδικοι καὶ τῆς μουσικῆς ἐπαΐοντες, τῆς τῶν δελφίνων φιλομουσίας αἰδοῖ θάπτουσιν αὐτούς· οἱ δὲ ἀπό τε Μουσῶν φασιν ἀπό τε Χαρίτων ἀκηδῶς αὐτῶν ἔχουσι. καὶ δότε συγγνώμην, ὦ δελφῖνες φίλοι, τῇ τῶν ἀνθρώπων ἀγριότητι, εἴγε καὶ Ἀθηναῖοι Φωκίωνα τὸν χρηστὸν ἔρριψαν ἄταφον. καὶ Ὀλυμπιὰς δὲ ἔκειτο γυμνὴ ἡ τεκοῦσα τὸν τοῦ Διός, ὡς ἐκόμπαζέ τε αὐτὴ καὶ ἐκεῖνος ἔλεγε. καὶ τὸν Ῥωμαῖον Πομπήιον τὸν Μέγαν ἐπίκλην ἀποκτείναντες Αἰγύπτιοι τοσαῦτα ἐργασάμενον καὶ νίκας νικήσαντα ἄγαν σεμνὰς καὶ θριαμβεύσαντα τρὶς <pb xml:id="p.295"/> καὶ τὸν τοῦ φονέως πατέρα σώσαντα καὶ ἐς τὴν Αἰγυπτίων βασιλείαν ἐπαναγαγόντα εἴασαν ἐρριμένον, ἄμοιρον τῆς κεφαλῆς, πλησίον τῆς θαλάττης καὶ ἐκεῖνον, ὡς ὑμᾶς πολλάκις ἐῶσι. τὸ γάρ τοι ζῷον τὸ πάμβορον τοῦτο οὐδὲ ὑμῶν φείδεται, ἀλλὰ καὶ ὑμᾶς ταρίχους ἐργάσασθαι τολμῶσι, καὶ σφᾶς αὐτοὺς λελήθασι ταῖς Μούσαις ταῖς Διὸς θυγατράσι ταῦτα ἀπὸ θυμοῦ δρῶντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="7"> 
+<p>λέοντας μὲν ἐν Αἰγύπτῳ σέβουσι, καὶ ἐξ αὐτῶν κέκληται πόλις· καὶ τὰ ἴδιά γε τῶν ἐκεῖ λεόντων εἰπεῖν ἄξιον. ἔχουσι νεὼς καὶ διατριβὰς εὖ μάλα ἀφθόνους, καὶ κρέα βοῶν αὐτοῖς ἐστιν ὁσημέραι, καὶ διασπαρακτὰ κεῖται γυμνὰ ὀστῶν καὶ ἰνῶν, καὶ ἐσθιόντων ἐπᾴδουσιν Αἰγυπτίᾳ φωνῇ. ἡ δὲ ὑπόθεσις τῆς ᾠδῆς, ʽμὴ βασκήνητέ τινα τῶν ὁρώντωνʼ, καὶ ἔοικεν ὡς ἂν εἴποις ἀντὶ περιάπτων τὸ ᾆσμα. ἐκθεοῦνται δὲ ἄρα παρʼ αὐτοῖς πολλοί, καὶ ἀντιπρόσωποί γε δίαιται ἀνειμέναι αὐτοῖς εἰσι. καὶ αἱ μὲν πρὸς τὴν ἕω θυρίδες, αἱ δὲ πρὸς τὴν ἑσπέραν ἀνεῳγμέναι κεχαρισμενωτέραν αὐτοῖς τὴν δίαιταν ἀποφαίνουσιν. ἔστι δὲ αὐτοῖς καὶ γυμνάσια ὑγιείας χάριν, καὶ πλησίον παλαῖστραι, ὁ δὲ ἀντίπαλος μόσχος τῶν εὐτραφῶν. καὶ πρὸς τοῦτον γυμνασάμενος, ἢν αὐτὸν καθέλῃ ʽδρᾷ δὲ βραδέως ὑπʼ ἀργίας αὐτὸ καὶ ἀθηρίασʼ, ἐμφορεῖταί τε καὶ ὑποστρέφει ἐς τὸ αὔλιον τὸ ἴδιον. διάπυρον δέ ἔστι τὸ ζῷον ἰσχυρῶς, καὶ ἐντεῦθεν καὶ Ἡφαίστῳ ἀνῆψαν αὐτὸ Αἰγύπτιοι· τὸ δὲ ἔξωθεν πῦρ δυσωπεῖται καὶ φεύγειπλήθει τοῦ ἔνδοθέν φασιν. ἐπειδὴ δὲ ἄγαν πυρῶδές ἐστι, οἶκον Ἡλίου φασὶν εἶναι· καὶ ὅταν γε ᾖ ἑαυτοῦ θερμότατος καὶ θερειότατος ὁ ἥλιος, λέοντι αὐτὸν πελάζειν φασί. προσέτι γε μὴν καὶ οἱ τὴν μεγάλην οἰκοῦντες Ἡλίου πόλιν ἐν <pb xml:id="p.296"/> τοῖς τοῦ θεοῦ προπυλαίοις τούσδε τρέφουσι τοὺς λέοντας, θειοτέρας τινὸς μοίρας ὡς Αἰγύπτιοί φασι μετειληχότας. καὶ γάρ τοι καὶ ὄναρ οἷσπερ οὖν ὁ θεός ἐστιν ἵλεως ἐπιστάντες προθεσπίζουσί τινα, καὶ τοὺς ἐπίορκον ὀμόσαντας οὐκ ἐς ἀναβολὰς ἀλλὰ ἤδη δικαιοῦσι, τοῦ θεοῦ τὴν ὀργὴν τὴν δικαίαν αὐτοῖς καταπνέοντος. λέγει δὲ καὶ Ἐμπεδοκλῆς τὴν ἀρίστην εἶναι μετοίκησιν τὴν τοῦ ἀνθρώπου, εἰ μὲν ἐς ζῷον ἡ λῆξις αὐτὸν μεταγάγοι, λέοντα γίνεσθαι· εἰ δὲ ἐς φυτόν, δάφνην. ἃ δὲ Ἐμπεδοκλῆς λέγει, ταῦτά ἐστιν <quote rend="blockquote"> <lb/>ἐν θήρεσσι λέοντες ὀρειλεχέες χαμαιεῦναι <lb/>γίνονται, δάφναι δʼ ἐνὶ δένδρεσιν ἠυκόμοισιν. </quote> εἰ δὲ δεῖ καὶ τῆς τῶν Αἰγυπτίων σοφίας ἐς φύσιν ἐκτρεπόντων καὶ τὰ τοιαῦτα ὤραν τίθεσθαι ʽδεῖ δέʼ, τὰ μὲν πρόσθια τοῦδε τοῦ ζῴου πυρὶ ἀποκρίνουσιν, ὕδατί γε μὴν τὰ κατόπιν. καὶ τὴν σφίγγα μέντοι τὴν διφυῆ Αἰγύπτιοί τε χειρουργοὶ γλύφοντες καὶ Θηβαῖοι μῦθοι κομπάζοντες δίμορφον ἡμῖν πειρῶνται δεικνύναι, σεμνύνοντες τῇ τε τοῦ παρθενωποῦ καὶ τῇ τοῦ λεοντοειδοῦς σώματος κράσει αὐτήν. τοῦτό τοι καὶ Εὐριπίδης ὑπαινίττεται λέγων <quote rend="blockquote"> <lb/>οὐρὰν δʼ ὑπίλλασʼ ὑπὸ λεοντόπουν βάσιν <lb/>καθίζετο. </quote> καὶ μέντοι καὶ τὸν Νεμεαῖον λέοντα τῆς σελήνης ἐκπεσεῖν φασι. λέγει γοῦν καὶ τὰ Ἐπιμενίδου ἔπη <quote rend="blockquote"> <lb/>καὶ γὰρ ἐγὼ γένος εἰμὶ Σελήνης ἠυκόμοιο, <lb/>ἣ δεινὸν φρίξασʼ ἀπεσείσατο θῆρα λέοντα <lb/>ἐν Νεμέᾳ, ἀνάγουσʼ αὐτὸν διὰ πότνιαν Ἥραν. </quote> <pb xml:id="p.297"/> καὶ ταῦτα μὲν ἐς τοὺς μύθους ἀποκρίνωμεν, τά γε μὴν λεόντων ἴδια καὶ ἀνωτέρω καὶ νῦν δὲ ἀποχρώντως εἴρηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="8"> 
+<p>ζῷόν ἐστιν ὁ πυραύστης, ὅπερ οὖν χαίρει μὲν τῇ λαμπηδόνι τοῦ πυρὸς καὶ προσπέτεται τοῖς λύχνοις ἐνακμάζουσιν, ἐμπεσὼν δὲ ὑπὸ ῥύμης εἶτα μέντοι καταπέφλεκται. μέμνηται δὲ αὐτοῦ καὶ Αἰσχύλος ὁ τῆς τραγῳδίας ποιητὴς λέγων δέδοικα μωρὸν κάρτα πυραύστου μόρον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="9"> 
+<p>ὁ δὲ κίγκλος ζῷόν ἐστι πτηνὸν ἀσθενὲς τὰ κατόπιν, καὶ διὰ τοῦτό φασι μὴ ἰδίᾳ μηδὲ καθʼ ἑαυτὸν δυνάμενον αὐτὸν νεοττιὰν συμπλέξαι, ἐν ταῖς ἄλλων δὲ τίκτειν. ἔνθεν τοι καὶ τοὺς πτωχοὺς κίγκλους ἐκάλουν αἱ τῶν ἀγροίκων παροιμίαι. κινεῖ δὲ τὰ οὐραῖα πτερά, ὥσπερ οὖν ὁ παρὰ τῷ Ἀρχιλόχῳ κηρύλος. μέμνηται δὲ καὶ τοῦ ὄρνιθος τοῦδε Ἀριστοφάνης ἐν τῷ Ἀμφιαράῳ λέγων ὀσφὺν δʼ ἐξ ἄκρων διακίγκλισον ἠύτε κίγκλος ἀνδρὸς πρεσβύτου, τελέειν δʼ ἀγαθὴν ἐπαοιδήν. καὶ ἐν τῷ Γήρᾳ λορδοῦ κιγκλοβάταν ῥυθμόν. καὶ Αὐτοκράτης ἐν Τυμπανισταῖς <quote rend="blockquote"> <lb/>οἷα παίζουσιν φίλαι <lb/>παρθένοι Λυδῶν κόραι <lb/>κοῦφα πηδῶσαι κόμαν, <lb/>κἀνακρούουσαι χεροῖν, <lb/>Ἐφεσίαν παρʼ Ἄρτεμιν <lb/>καλλίσταν, καὶ τοῖν ἰσχίοιν <lb/>τὸ μὲν κάτω τὸ δʼ αὖ <lb/>εἰς ἄνω ἐξαίρουσα, οἷα κίγκλος ἅλλεται.</quote> <pb xml:id="p.298"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="10"> 
+<p> οἱ μύες ἀποθνήσκοντες καθʼ ἑαυτοὺς καὶ ἐκ μηδεμιᾶς ἐπιβουλῆς ἀπορρεόντων αὐτοῖς τῶν μελῶν κατὰ μικρὰ ἀπέρχονται τοῦ βίου. ἔνθεν τοι καὶ ἡ παροιμία λέγει κατὰ μυὸς ὄλεθρον, μέμνηται δὲ αὐτῆς Μένανδρος ἐν τῇ Θαΐδι. τρυγόνος δὲ λαλίστερον ἔλεγον· ἡ γάρ τοι τρυγὼν καὶ διὰ τοῦ στόματος μὲν ἀπαύστως φθέγγεται, ἤδη δὲ καὶ ἐκ τῶν κατόπιν μερῶν ὥς φασι πάμπλειστα. μέμνηται δὲ καὶ ταύτης τῆς παροιμίας ἐν τῷ Πλοκίῳ ὁ αὐτός. καὶ Δημήτριος ἐν τῇ Σικελίᾳ τῷ δράματι μέμνηται ὅτι καὶ τῇ πυγῇ λαλοῦσιν αἱ τρυγόνες. λέγουσι δὲ τοὺς μύας λαγιστάτους εἶναι, καὶ μάρτυρά γε Κρατῖνον ἐπάγονται εἰπόντα ἐν ταῖς Δραπετίσι <quote rend="blockquote"> <lb/>φέρε νῦν σοι <lb/>ἐξ αἰθρίας καταπυγοσύνην μυὸς ἀστράψω Ξενοφῶντος. </quote> καὶ ἔτι μᾶλλον τὸν θῆλυν ἔλεγον ἐς τὰ ἀφροδίσια εἶναι λυττητικόν. καὶ πάλιν παρὰ Ἐπικράτει ἐν τῷ Χορῷ <quote rend="blockquote"> <lb/>τελέως δὲ μʼ ὑπῆλθεν ἡ κατάρατος μαστροπὸς <lb/>ἐπομνύουσα τὰν Κόραν τὰν Ἄρτεμιν <lb/>τὰν Φερρέφατταν ὡς δάμαλις, ὡς παρθένος, <lb/>ὡς πῶλος ἀδμής. ἣ δʼ ἄρʼ ἦν μυωνία. </quote> ἐς ὑπερβολὴν δὲ λαγνιστάτην αὐτὴν εἰπεῖν ἠθέλησε μυωνίαν ὅλην ὀνομάσας. καὶ Φιλήμων <quote rend="blockquote"> <lb/>μῦς λευκὸς ὅταν αὐτήν τις ʽἀλλʼ αἰσχύνομαι <lb/>λέγεινʼ, κέκραγε τηλικοῦτον εὐθὺς ἡ <lb/>κατάρατος, ὥστʼ οὐκ ἔστι πολλάκις λαθεῖν. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="11"> 
+<p> σέβουσι δὲ Αἰγύπτιοι καὶ μέλανα ταῦρον, καὶ καλοῦσιν Ὄνουφιν αὐτόν. καὶ τὸ ὄνομα τοῦ χώρου ἔνθα τρέφεται Αἰγύπτιοι λεγέτωσαν ἡμῖν λόγοι· τραχὺ <pb xml:id="p.299"/> γάρ. ἀντίαι δὲ αὐτῷ τρίχες ἤπερ οὖν τοῖς ἄλλοις εἰσίν· ἴδια γάρ τοι καὶ τοῦδε ταῦτα. μέγιστος δὲ ἦν ἄρα βοῶν οὗτος καὶ ὑπὲρ τοὺς Χάονας, οὕσπερ οὖν καὶ λαρινοὺς καλοῦσι Θεσπρωτοί τε καὶ Ἠπειρῶται τῆς σπορᾶς τῆς τῶν Γηρυόνου βοῶν γενεαλογοῦντες αὐτούς. καὶ σιτεῖταί γε Ὄνουφις πόαν Μηδικὴν οὗτος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="12"> 
+<p>ὀξύτατος δὲ ἦν ἄρα καὶ ἁλτικώτατος ἰχθύων ὁ δελφίς, ἀλλὰ καὶ τῶν χερσαίων ἁπάντων. ὑπερπηδᾷ γοῦν καὶ ναῦν, ὡς Ἀριστοτέλης λέγει, καὶ τήν γε αἰτίαν πειρᾶται προστιθέναι, καὶ ἔστιν αὕτη. συνέχει τὸ πνεῦμα, ὥσπερ οὖν καὶ οἱ ὕφυδροι κολυμβηταί· καὶ γάρ τοι καὶ ἐκεῖνοι ἐντείναντες ἔνδον τὸ πνεῦμα, ὥσπερ οὖν νευράν, εἶτα τὸ σῶμα ὡς βέλος ἀφιᾶσι. τὸ δὲ θλιβόμενόν φησιν ἔνδον ὠθεῖ τε καὶ ἐξακοντίζει αὐτούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="13"> 
+<p>ἡ δὲ φῦσά ἐστιν ἰχθὺς Αἰγύπτιος θαυμάσαι ἄξιος. οἶδε γὰρ ὥς φασιν ὁπότε ἡ σελήνη λήγει, οἶδε δὲ αὐτῆς καὶ τὴν αὔξησιν. καὶ οὖν καὶ τὸ ἧπαρ αὐτοῦ συναύξεται τῇ θεῷ ἢ συμφθίνει, καὶ πῆ μὲν εὐτραφές ἐστι, πῆ δὲ λεπτότερον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="14"> 
+<p>ὁ δὲ γλάνις ἐστὶ μὲν περὶ τὸν Μαίανδρον καὶ τὸν Λύκον τοὺς Ἀσιανοὺς ποταμούς, τῆς δὲ Εὐρώπης περὶ τὸν Στρυμόνα, καὶ σιλούρῳ μὲν τὸ εἶδος ὅμοιός ἐστι. πέφυκε δὲ φιλοτεκνότατος ἰχθύων οὗτος. ὅταν γοῦν ἡ θήλεια ἀποκυήσῃ, ἣ μὲν ἀφεῖται τῆς ὑπὲρ τῶν τέκνων φροντίδος, οἷα δήπου λεχώ, ὁ δὲ ἄρρην τῇ φρουρᾷ τῇ τῶν βρεφῶν ἑαυτὸν ἐπιτάξας παραμένει, πᾶν ἀναστέλλων τὸ ἐπιβουλεῦον. ἱκανὸς δέ ἐστι καὶ ἄγκιστρον καταπιεῖν, ὡς Ἀριστοτέλης φησίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="15"> 
+<p>βάτραχος ὕδρον μισεῖ καὶ δέδοικεν ἰσχυρῶς. οὐκοῦν τῇ βοῇ τῇ πολλῇ πειρᾶται ἀντεκπλήττειν αὐτὸν καὶ ἀντιφοβεῖν. κροκοδείλου δὲ κακουργία ἐς <pb xml:id="p.300"/> ἀνθρώπου τε θήραν καὶ ζῴου ἑτέρου. τὴν ἀτραπὸν δι’ ἧς οἶδε κατιόντας ἐς ποταμὸν ἢ ἐφʼ ὑδρείαν ἢ ἵππου ἀρδείαν ἢ καμήλου ἢ καὶ νὴ Δία ὥστε ἐπιβῆναι πλοίου, ταύτην τοι νύκτωρ πολλῷ τῷ ὕδατι καταρραίνει·, καὶ ἐμπλήσας τὸ στόμα ἐγχεῖ κατὰ τῆς ἀτραποῦ πολλάκις, ὀλισθηρὰν αὐτὴν ἐργάσασθαι θέλων καὶ εὐκολωτέραν ἑαυτῷ τὴν ἄγραν ἀποφαίνων· τὰ γάρ τοι κατολισθάνοντα οὐ κρατεῖ τῆς ἐπιβάθρας, ἀλλʼ ἐκεῖνα μὲν κατηνέχθη, ὃ δὲ ὑπεπήδησεν ὑπολαβὼν καὶ δειπνεῖ. ὀλίγα δὲ κροκοδείλων πέρι ἐρῶ καὶ νῦν. οὐ πρὸς πᾶν τὸ τῶν τροχίλων γένος ἐστὶ τῷδε τῷ θηρίῳ ἔνσπονδα ʽπολλὰ δὲ αὐτῶν γένη καὶ ὀνόματα, τραχέα δὲ καὶ ἀκοῦσαι ἀντίτυπα, καὶ διὰ τοῦτο ἐῶ αὐτάʼ μόνον δὲ τὸν καλούμενον κλαδαρόρυγχον ἑταῖρον καὶ φίλον ἔχει· δύναται γὰρ οὗτος ἀλύπως ἐκλέγειν αὐτῷ τὰς βδέλλας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="16"> 
+<p> λέγει Δημόκριτος πολύγονα εἶναι ὗν καὶ κύνα, καὶ τὴν αἰτίαν προστίθησι λέγων, ὅτι πολλὰς ἔχει τὰς μήτρας καὶ τοὺς τόπους τοὺς δεκτικοὺς τοῦ σπέρματος. ὁ τοίνυν θορὸς οὐκ ἐκ μιᾶς ὁρμῆς ἁπάσας αὐτὰς ἐκπληροῖ, ἀλλὰ δίς τε καὶ τρὶς ταῦτα τὰ ζῷα ἐπιθόρνυται, ἵνα ἡ συνέχεια πληρώσῃ τὰ τοῦ γόνου δεκτικά. ἡμιόνους δὲ λέγει μὴ τίκτειν· μὴ γὰρ ἔχειν ὁμοίας μήτρας τοῖς ἄλλοις ζῴοις, ἑτερομόρφους δέ, ἥκιστα δυναμένας γονὴν δέξασθαι· μὴ γὰρ εἶναι φύσεως ποίημα τὴν ἡμίονον, ἀλλὰ ἐπινοίας ἀνθρωπίνης καὶ τόλμης ὡς ἂν εἴποις μοιχιδίου ἐπιτέχνημα τοῦτο καὶ κλέμμα. δοκεῖ δέ μοι, ἦ δʼ ὅς, ὄνος ἵππον βιάσασθαι κατὰ τύχην, μαθητὰς δὲ ἀνθρώπους τῆς βίας ταύτης γεγενημένους εἶτα μέντοι προελθεῖν ἐπὶ τὴν τῆς γονῆς αὐτῶν συνήθειαν. καὶ μάλιστά γε τοὺς τῶν Λιβύων ὄνους μεγίστους ὄντας ἐπιβαίνειν ταῖς <pb xml:id="p.301"/> ἵπποις οὐ κομώσαις ἀλλὰ κεκαρμέναις· ἔχουσα γὰρ τὴν ἑαυτῆς ἀγλαΐαν τὴν διὰ τῆς κόμης οὐκ ἂν ὑπομείνειε τὸν τοιόνδε γαμέτην οἱ σοφοὶ τοὺς τούτων γάμους φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="17"> 
+<p>ἐν τοῖς νοτίοις μᾶλλον ἐκπίπτειν τὰ ἔμβρυα Δημόκριτος λέγει ἢ ἐν τοῖς βορείοις, καὶ εἰκότως· χαυνοῦσθαι γὰρ ὑπὸ τοῦ νότου τὰ σώματα ταῖς κυούσαις καὶ διίστασθαι. ἅτε τοίνυν τοῦ σκήνους διακεχυμένου καὶ οὐχ ἡρμοσμένου ἀλεαίνεσθαι τὰ κυόμενα καὶ θερμαινόμενα δεῦρο καὶ ἐκεῖσε διολισθάνειν καὶ ἐκπίπτειν ῥᾷον· εἰ δὲ εἴη πάγος καὶ βορρᾶς καταπνέοι, συμπέπηγε μὲν τὸ ἔμβρυον, δυσκίνητον δέ ἐστι καὶ οὐ ταράττεται ὡς ὑπὸ κλύδωνος, ἅτε δὲ ἄκλυστον καὶ ἐν γαλήνῃ ὂν ἔρρωταί τε καὶ ἔστι σύντονον καὶ διαρκεῖ πρὸς τὸν κατὰ φύσιν χρόνον τῆς ζωογονίας. οὐκοῦν ἐν κρυμῷ μέν φησιν ὁ Ἀβδηρίτης συμμένει, ἐν ἀλέᾳ δὲ ὡς τὰ πολλὰ ἐκπτύεται. ἀνάγκην δὲ εἶναι λέγει τῆς θέρμης πλεοναζούσης διίστασθαι καὶ τὰς φλέβας καὶ τὰ ἄρθρα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="18"> 
+<p>αἰτίαν δὲ ὁ αὐτὸς λέγει τοῖς ἐλάφοις τῆς τῶν κεράτων ἀναφύσεως ἐκείνην εἶναι. ἡ γαστὴρ αὐτοῖς ὥς ἐστι θερμοτάτη ὁμολογεῖ, καὶ τὰς φλέβας δὲ αὐτῶν τὰς διὰ τοῦ σώματος πεφυκυίας παντὸς ἀραιοτάτας λέγει, καὶ τὸ ὀστοῦν τὸ κατειληφὸς τὸν ἐγκέφαλον λεπτότατον εἶναι καὶ ὑμενῶδες καὶ ἀραιόν, φλέβας τε ἐντεῦθεν καὶ ἐς ἄκραν τὴν κεφαλὴν ὑπανίσχειν παχυτάτας. τὴν γοῦν τροφὴν καὶ ταύτης γε τὸ γονιμώτατον ὤκιστα ἀναδίδοσθαι. καὶ ἡ μὲν πιμελὴ αὐτοῖς ἔξωθέν φησι περιχεῖται, ἡ δὲ ἰσχὺς τῆς τροφῆς ἐς τὴν κεφαλὴν διὰ τῶν φλεβῶν ἀναθόρνυται. ἔνθεν οὖν τὰ κέρατα ἐκφύεσθαι διὰ πολλῆς ἐπαρδόμενα τῆς ἰκμάδος. συνεχὴς οὖν οὖσα ἐπιρρέουσά τε ἐξωθεῖ τὰ <pb xml:id="p.302"/> πρότερα. καὶ τὸ μὲν ὑπερίσχον ὑγρὸν ἔξω τοῦ σώματος σκληρὸν γίνεται, πηγνύντος αὐτὸ καὶ κερατοῦντος τοῦ ἀέρος, τὸ δὲ ἔνδον ἔτι μεμυκὸς ἁπαλόν ἐστι. καὶ τὸ μὲν σκληρύνεται ὑπὸ τῆς ἔξωθεν ψύξεως, τὸ δὲ ἁπαλὸν μένει ὑπὸ τῆς ἔνδον ἀλέας. οὐκοῦν ἡ ἐπίφυσις τοῦ νέου κέρατος τὸ πρεσβύτερον ὡς ἀλλότριον ἐξωθεῖ, θλίβοντος τοῦ ἔνδοθεν καὶ ἀνωθεῖν τοῦτο ἐθέλοντος καὶ οἰδάναντος καὶ σφύζοντος, ὥσπερ οὖν ἐπειγομένου τεχθῆναι καὶ προελθεῖν. ἡ γάρ τοι ἰκμὰς πηγνυμένη καὶ ὑπανατέλλουσα ἀτρεμεῖν ἀδύνατός ἐστι, γίνεται δὲ καὶ αὐτὴ σκληρὰ καὶ ἐπωθεῖται τοῖς προτέροις. καὶ τὰ μὲν πλείω ἐκθλίβεται ὑπὸ τῆς ἰσχύος τῆς ἔνδον, ἤδη δέ τινα καὶ κλάδοις περισχεθέντα καὶ ἐμποδίζοντα ἐς τὸν ὠκὺν δρόμον ὑπὸ ῥύμης τὸ θηρίον ὠθούμενον ἀπήραξε. καὶ τὰ μὲν ἐξώλισθε, τὰ δὲ ἕτοιμα ἐκκύπτειν ἡ φύσις προάγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="19"> 
+<p> οἱ τομίαι βόες Δ̔ημόκριτος λέγεἰ, σκολιὰ καὶ λεπτὰ καὶ μακρὰ φύεται τὰ κέρατα αὐτοῖς, τοῖς δὲ ἐνόρχοις παχέα τὰ πρὸς τῇ ῥίζῃ καὶ ὀρθὰ καὶ ἐς μῆκος </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="20"> 
+<p> προήκοντα ἧττον. καὶ πλατυμετώπους εἶναι λέγει τούτους τῶν ἑτέρων πολλῷ μᾶλλον· τῶν γὰρ φλεβῶν πολλῶν ἐνταῦθα οὐσῶν, εὐρύνεσθαι τὰ ὀστᾶ ὑπʼ αὐτῶν. καὶ ἡ ἔκφυσις δὲ τῶν κεράτων παχυτέρα οὖσα ἐς πλάτος τὸ αὐτὸ τῷ ζῴῳ μέρος προάγει καὶ ἐκείνη· οἱ δὲ τομίαι μικρὸν ἔχοντες τὸν κύκλον τῆς ἕδρας τῆς τῶν κεράτων πλατύνονται ἧττόν φησιν. οἱ δὲ ἄκερῳ ταῦροι τὸ τενθρηνιῶδες ʽοὕτω δὲ ὀνομάζει Δημόκριτοσʼ ἐπὶ τοῦ βρέγματος οὐκ ἔχοντες ʽεἴη δʼ ἂν τὸ σηραγγῶδες λέγωνʼ ἀντιτύπου τοῦ παντὸς ὄντος ὀστοῦ καὶ τὰς συρροίας τῶν χυμῶν οὐ δεχομένου, γυμνοί τε καὶ ἄμοιροι γίνονται τῶν ἀμυντηρίων. καὶ αἱ φλέβες δὲ αἱ κατὰ τοῦ ὀστοῦ τοῦδε <pb xml:id="p.303"/> ἀτροφώτεραι οὖσαι, λεπτότεραί τε καὶ ἀσθενέστεραι γίνονται. ἀνάγκη δὲ καὶ ξηρότερον τὸν αὐχένα τῶν ἀκεράτων εἶναι· λεπτότεραι γὰρ καὶ αἱ τούτου φλέβες. ταύτῃ τοι καὶ ἐρρωμέναι ἧττον. ὅσαι δὲ Ἀράβιοι βόες θήλειαι μέν εἰσι τὸ γένος, εὐφυεῖς δὲ τὰ κέρατα, ταύταις ἥ γε πολλὴ ἐπίρροια τῶν χυμῶν φησι τροφὴ τῆς εὐγενοῦς βλάστης τοῖς κέρασίν ἐστιν. ἄκερῳ δὲ καὶ αὗται ὅσαι τὸ δεκτικὸν τῆς ἰκμάδος ὀστοῦν στερεώτερόν τε ἔχουσι καὶ δέχεσθαι τοὺς χυμοὺς ἥκιστον. καὶ συνελόντι εἰπεῖν αὔξης ἡ ἐπιρροὴ αἰτία τοῖς κέρασι· ταύτην δὲ ἄρα ἐποχετεύουσι φλέβες πλεῖσταί τε καὶ παχύταται καὶ ὑγρὸν κύουσαι ὅσον καὶ δύνανται στέγειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="21"> 
+<p>ἴδιον δὲ τῶν ζῴων καὶ ἡ φιλανθρωπία. ἀετὸς γοῦν ἔθρεψε βρέφος. καὶ εἰπεῖν τὸν πάντα λόγον ἐθέλω, ὡς ἂν γένηται μάρτυς ὧν προεθέμην. Βαβυλωνίων βασιλεύοντος Σευηχόρου Χαλδαῖοι λέγουσι τὸν γενόμενον ἐκ τῆς ἐκείνου θυγατρὸς τὴν βασιλείαν ἀφαιρήσεσθαι τὸν πάππον. τοῦτο ἐκεῖνος πέφρικε, καὶ ἵνα εἴπω τι καὶ ὑποπαίσας Ἀκρίσιος γίνεται ἐς τὴν παῖδα· ἐφρούρει γὰρ πικρότατα. λάθρᾳ δὲ ἠ παῖς ʽἦν γὰρ τοῦ Βαβυλωνίου σοφώτερον τὸ χρεώνʼ τίκτει ὑποπλησθεῖσα ἔκ τινος ἀνδρὸς ἀφανοῦς. τοῦτο οὖν οἱ φυλάττοντες δέει τοῦ βασιλέως ἔρριψαν ἐκ τῆς ἀκροπόλεως· ἦν γὰρ ἐνταῦθα ἀφειργμένη ἡ προειρημένη. οὐκοῦν ἀετὸς τὴν ἔτι τοῦ παιδὸς καταφορὰν ὀξύτατα ἰδών, πρὶν ἢ τῇ γῇ προσαραχθῆναι τὸ βρέφος, ὑπῆλθεν αὐτὸ καὶ τὰ νῶτα ὑπέβαλε, καὶ κομίζει ἐς κῆπόν τινα, καὶ τίθησι πεφεισμένως εὖ μάλα. ὁ τοίνυν τοῦ χώρου μελεδωνὸς τὸ καλὸν παιδίον θεασάμενος ἐρᾷ αὐτοῦ καὶ τρέφει· καὶ καλεῖται Γίλγαμος, καὶ βασιλεύει Βαβυλωνίων. εἰ δέ <pb xml:id="p.304"/> τῳ δοκεῖ μῦθος τοῦτο, σύμφημι πειρώμενος ἐς ἰσχὺν κατεγνωκέναι αὐτόν· Ἀχαιμένη γε μὴν τὸν Πέρσην, ἀφʼ οὗ καὶ κάτεισιν ἡ τῶν Περσῶν εὐγένεια, ἀετοῦ τρόφιμον ἀκούω γενέσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="22"> 
+<p> ἐν δὲ Κρήτῃ Ῥοκκαίας οὕτως Ἀρτέμιδος καλεῖται νεώς. ἐνταῦθα οἱ κύνες λυττῶσιν ἰσχυρῶς. ἐς ταύτην οὖν ὅταν τὴν νόσον ἐμπέσωσιν, εἶτα μέντοι ἑαυτοὺς ἐκ τῆς ἄκρας ἐπὶ τὴν κεφαλὴν ὠθοῦσιν ἐς τὴν θάλατταν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="23"> 
+<p> ἐν τῇ Ἐλυμαίᾳ χώρᾳ νεώς ἐστιν Ἀναΐτιδος, καί εἰσιν ἐνταυθοῖ τιθασοὶ λέοντες, καὶ τοὺς ἐς τὸν νεὼν παριόντας ἀσπάζονταί τε καὶ σαίνουσι. καὶ εἰ καλοίης ἐσθίων, οἳ δὲ ὡς κλητοὶ δαιτυμόνες ἔρχονται, καὶ ὅσα ἂν ὀρέξῃς λαβόντες εἶτα ἀπίασι σωφρόνως τε καὶ κεκοσμημένως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="24"> 
+<p> ἐν τῇ θαλάττῃ τῇ Ἐρυθρᾷ ἰχθὺς γίνεταί φασι, καὶ ὄνομα αὐτῷ ὑγρὸς φοίνιξ, καὶ γραμμὰς ἔχει μελαίνας, καὶ μεταξὺ τούτων κυαναῖς σταγόσι κατέστικται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="25"> 
+<p> τῷ δὲ σαύρῳ τῷ ἐκεῖθι τὸ μὲν μῆκος τῷ κατὰ τὴν ἡμετέραν γινομένῳ θάλατταν ἴσον ἐστί, ῥάβδοι δὲ αὐτὸν περιέρχονται χρυσῷ προσεικασμέναι ἀπὸ τῶν βραγχίων ἐς τὴν οὐρὰν καθήκουσαι, μέση δὲ αὐτὰς διατέμνει ἀργύρῳ προσεικασμένη. τὸ στόμα δὲ αὐτῷ κέχηνε, καὶ ἡ κάτω γένυς ἐς τὴν ἄνω νεύειν πέφυκε· πρασίνους δὲ ἔχει τοὺς ὀφθαλμούς, βλέφαρα δὲ αὐτοὺς περιέρχεται χρυσοειδῆ. ἔστι δὲ καὶ ὁ χάραξ καλούμενος τῆς αὐτῆς θαλάττης θρέμμα. ἔχει δὲ πτερύγια, καὶ χρυσῷ προσείκασται ὅσα γε ἰδεῖν τὰ παρʼ ἑκάτερα, καὶ νωτιαῖα ὅσα καὶ ταῦτα ἔχει χρυσοειδῆ. κατωτέρω δὲ ἄρα εἰσὶ πορφυραῖ ζῶναι τὴν χρόαν, χρυσοειδὲς δὲ καὶ τὸ οὐραῖόν μοι νόει τοῦ αὐτοῦ, <pb xml:id="p.305"/> πορφυραῖ δὲ ἄρα στιγμαὶ τοὺς ὀφθαλμοὺς αὐτῷ μέσους ἐς κάλλος γράφουσιν. ὁ δὲ τοξότης ἐν τῇ αὐτῇ θαλάττῃ γινόμενος ἐχίνῳ ὅμοιός ἐστι τὸ εἶδος, κέντρα δὲ ἔχει στερεὰ καὶ μακρά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="26"> 
+<p>αἱ δὲ ὕστριχες αἱ Λιβυκαὶ κεντοῦσί τε τοὺς ἁπτομένους πικρῶς καὶ μέντοι καὶ ὀδύνας ἐνεργάζονται χαλεπάς. καὶ τεθνεώτων δὲ πονηρὰ τὰ ἐκ τῶν ἀκανθῶν νύγματα ἀπαντᾷ, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="27"> 
+<p>ἔστι δὲ ἐν τῇ θαλάττῃ τῇ Ἐρυθρᾷ καὶ πίθηκος, οὐκ ἰχθύς, ἀλλὰ σελαχῶδες ζῷον, οὐ μέγα δὲ οὐδὲ τοῦτο. ἔοικέ γε μὴν τῷ χερσαίῳ ὁ θαλάττιος τὴν χρόαν, καὶ τὸ πρόσωπον δὲ πιθηκῶδές οἵ ἐστι. προβέβληται δὲ τοῦ λοιποῦ σώματος ἔλυτρον, οὐκ ἰχθυῶδες, ἀλλὰ ὥς γε τὸ τῆς χελώνης εἶναι. ὑπόσιμος δὲ καὶ οὗτος, οἷα δήπου καὶ ὁ χερσαῖος. τὸ δʼ ἄλλο σῶμα πλατὺς κατὰ σχῆμα τὸ τῆς νάρκης, ὡς εἰπεῖν ὄρνιν εἶναι τὰς πτέρυγας ἁπλώσαντα· καὶ νηχόμενός γε ἔοικε πετομένῳ. παραλλάττει δὲ τοῦ χερσαίου καὶ ταύτῃ. κατάστικτός ἐστι, πυρροὶ δέ εἰσίν οἱ κατὰ τοῦ ἰνίου πλατεῖς, ὡς βράγχια. τὸ δὲ στόμα ἐπʼ ἄκρῳ τῷ προσώπῳ ἔχει μακρόν, συμφυῶς τῇ τοῦ χερσαίου πλάσει καὶ κατὰ τοῦτο ὁ ἰχθὺς εἰκασμένος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="28"> 
+<p>ἡ ἀηδὼν διὰ τοῦ θέρους καὶ τὴν χρόαν ἐκτρέπει ἐς εἶδος ἕτερον, καὶ μεταβάλλει τὸ φώνημα· οὐ γὰρ ᾅδει πολυήχως καὶ ποικίλως, ἑτέρως δὲ ἤπερ οὖν διὰ τοῦ ἦρος. κόσσυφος δὲ θέρους μὲν ᾅδει, χειμῶνος δὲ παταγεῖ καὶ τεταραγμένον φθέγγεται, καὶ τὴν χρόαν ὡς στολὴν μεταμφιεσάμενος ἀπὸ τοῦ πρόσθεν μέλανος ὑπόξανθός ἐστιν. ἥ γε μὴν κίχλη χειμῶνός ἐστι ψαροτέρα ἰδεῖν, θέρους δὲ τὸν αὐχένα ποικίλον ἐπιδείκνυσι. καὶ ἰχθῦς δὲ τὴν χρόαν μεταβλητικοὶ οἵδε, κίχλαι τε καὶ κόσσυφοι καὶ φυκίδες τε καὶ μαινίδες. <pb xml:id="p.306"/> οἱ δὲ θῶες, ὡς Ἀριστοτέλης λέγει, διὰ μὲν τοῦ θέρους εἰσὶ ψιλοί, δασεῖς δὲ διὰ τοῦ χειμῶνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="29"> 
+<p> ἐν Βουβάστῳ δὲ τῇ Αἰγυπτίᾳ λίμνη ἐστί, καὶ τρέφει σιλούρων πάμπολυ πλῆθος, καὶ χειροήθεις εἰσὶν οὗτοί γε καὶ ἰχθύων πραότατοι. καὶ ἐμβάλλουσιν αὐτοῖς ἄρτων τρύφη, οἳ δὲ ἀνασκιρτῶσι καὶ πηδῶντες ἄλλος πρὸ ἄλλου τὰς ἐμβαλλομένας τροφὰς ἐκλέγουσι. γίνεται δὲ ἄρα ὁ ἰχθὺς ὅδε καὶ ἐν ποταμοῖς, ὥσπερ οὖν ἐν τῷ Κύδνῳ τῷ Κιλικίῳ· βραχὺς δὲ οὗτός ἐστι τὸ μέγεθος. τὸ δὲ αἴτιον, οὐ τρέφει τοῦτον ἀφθόνως διειδὲς νᾶμα καὶ καθαρὸν καὶ προσέτι καὶ ψυχρόν ʽτοιοῦτος δὲ ὁ Κύδνος ἐστίʼ, τεθολωμένῳ δὲ καὶ ἰλύος μεστῷ φιληδεῖ μᾶλλον καὶ ἐνταῦθα πιαίνεται. Πύραμος δὲ καὶ Σάρος τρέφουσι τούτων ἁδροτέρους, καὶ οὗτοι δὲ Κίλικές εἰσιν. εἶεν δʼ ἂν οἱ αὐτοὶ τρόφιμοι καὶ Ὀρόντου τοῦ Σύρων, καὶ μέντοι καὶ Πτολεμαῖος ποταμὸς μεγίστους τρέφει, καὶ λίμνη δὲ ἡ Ἀπαμεῖτις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="30"> 
+<p> χειροήθεις δὲ ἰχθῦς καὶ ὑπακούοντες τῇ κλήσει καὶ τροφὰς ἀσμένως δεχόμενοι πολλαχόθι καὶ εἰσὶ καὶ τρέφονται, ὥσπερ οὖν καὶ ἐν Ἠπείρῳ ἐν ἐστῶτι μὲν τῇ πόλει, ἣν ἐκάλουν πάλαι Στεφανήπολιν, ἐν τῷ νεῷ τῆς Τύχης ἐν ταῖς παρʼ ἑκάτερα ἀνιόντων δεξαμεναῖς, καὶ ἐν Ἑλώρῳ δὲ τῆς Σικελίας, ὅπερ ἦν πάλαι Συρακοσίων φρούριον, καὶ ἐν τῷ ἱερῷ δὲ τοῦ Λαβρανδέως Διὸς ἐν κρήνῃ διειδοῦς νάματος, καὶ ἔχουσιν ὁρμίσκους χρυσοῦς καὶ ἐλλόβια, χρυσᾶ μέντοι καὶ ταῦτα. ἀφέστηκε δὲ ὁ νεὼς τοῦ Διὸς τοῦδε τῆς Μυλασέων πόλεως σταδίους ἑβδομήκοντα. τὸ δὲ ἄγαλμα ξίφος παρήρτηται, καὶ τιμᾶται καλούμενος Κάριός τε καὶ Στράτιος· πρῶτοι γὰρ οἱ Κᾶρες ἀγορὰν πολέμου ἐπενόησαν, καὶ ἐστρατεύσαντο ἀργυρίου, <pb xml:id="p.307"/> ὄχανά τε ταῖς ἀσπίσι προσήρτησαν, καὶ λόφους ἐνέπηξαν τοῖς κράνεσιν. ἐκλήθησαν δὲ τὸ ὄνομα τοῦτο ἀπὸ Καρὸς τοῦ Κρήτης καὶ Διός· Ζεὺς δὲ Λαβρανδεὺς ὕσας λάβρῳ καὶ πολλῷ τὴν ἐπωνυμίαν τήνδε ἠνέγκατο. καὶ ἐν Χίῳ δὲ ἐν τῷ καλουμένῳ Γερόντων λιμένι τιθασῶν ἰχθύων πλῆθός ἐστιν, οὕσπερ οὖν ἐς παραμυθίαν τοῦ γήρως τοῖς πρεσβυτάτοις οἱ Χῖοι τρέφουσι. καὶ ἐν τῇ γῇ δὲ τῇ τῶν ποταμῶν τοῦ τε Εὐφράτου καὶ τοῦ Τίγρητος μέσῃ πηγὴ ὑμνεῖται καὶ ἐς βυθὸν διειδὴς εἶναι καὶ ἐκβάλλειν ὕδωρ ἰδεῖν λευκόν, καὶ γίνεται ποταμὸς τ̔??ʼ ἐκπῖπτον ὄνομα Ἀβόρρας. ἐπᾴδουσί τε τῷ ὀνόματι οἱ ἐπιχώριοι καὶ λόγον ἱερόν, καὶ ἔστιν ὁ λόγος, ἡ Ἥρα μετὰ τοὺς γάμους τοῦ Διὸς ἐνταῦθα ἀπελούσατο, ὥς φασι Σύροι, καὶ ἐς νῦν ὁ χῶρος εὐωδίαν ἀναπνεῖ, καὶ πᾶς ὁ ἀὴρ κύκλῳ ταύτῃ κίρναται. καὶ ἐνταῦθα σκιρτῶσιν ἰχθύων πράων ἀγέλαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="31"> 
+<p>τὰ δὲ ἴδια τῶν ζῴων εἰδέναι οὐδὲ θεοὶ ὑπερορῶσιν. ἀκούω γοῦν Εὐρυσθένην καὶ Προκλέα τοὺς Ἀριστοδήμου τοῦ Ἀριστομάχου τοῦ Κλεόδα τοῦ Ὕλλου τοῦ Ἡρακλέους παῖδας βουλομένους ἄγεσθαι γυναῖκας ἐλθόντας ἐς Δελφοὺς τὸν θεὸν ἐρέσθαι τίνι ἂν κηδεύσαντες Ἑλλήνων ἢ βαρβάρων εἶτα μέντοι καλῶς καὶ εὐβούλως γῆμαι δόξαιεν, τὸν δὲ θεὸν αὐτοῖς ἀποκρίνασθαι ἐπανιέναι μὲν ἐς Λακεδαίμονα, ὑποστρέφειν δὲ κατὰ τὴν ὁδὸν ταύτην, καθʼ ἣν καὶ ἀφίκοντο. ἐν ᾗ δʼ ἂν αὐτοῖς χώρᾳ τὸ ἀγριώτατον ἀπαντήσῃ ζῷον φέρον τὸ πραότατον, ἐνταῦθά τοι ἁρμόσασθαι γάμους· οὕτω γὰρ αὐτοῖς ἔσεσθαι λῷον. καὶ οἳ μὲν ἐπείθοντο, γίνονται δὲ κατὰ τὴν Κλεωναίων χώραν, ἐντυγχάνει δὲ αὐτοῖς λύκος φέρων ἄρνα ἔκ τινος ποίμνης αὐτὸν συνηρπακώς. συνέβαλον <pb xml:id="p.308"/> οὖν ἐκεῖνοι λέγειν ταῦτα τὰ ζῷα τὸν χρησμόν, καὶ ἡρμόσαντο τὰς Θερσάνδρου τοῦ Κλεωνύμου θυγατέρας δοκίμου ἀνδρός. εἰ δὲ οἱ θεοὶ ἴσασι τὸ ἡμερώτατον ζῷον καὶ τὸ ἀγριώτατον, οὐδὲ ἡμῖν ἐκμελὲς τὰς φύσεις αὐτῶν εἰδέναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="32"> 
+<p> ἡ Ἰνδῶν γῆ φέρει πολλὰ καὶ ποικίλα. καὶ τὰ μὲν εὐδαίμονός ἐστι καὶ θαυμαστῆς μαρτύρια φορᾶς, τὰ δὲ οὐκ ἀξιόζηλα οὐδὲ οἷα ἐπαινεῖν ἢ ποθεῖν ἄξια. καὶ ὑπὲρ μὲν τῶν λυσιτελῶν ἢ ἁβρῶν τε καὶ πολυτελῶν τὰ μὲν εἶπον, τὰ δὲ εἰρήσεται σὺν τοῖς θεοῖς· τὸ δὲ νῦν ἔχον ὅπως ὠδῖνα ὄφεων ἡ γῆ ἐπιδείκνυται εἰπεῖν ὥρμημαι. πολλοὺς τίκτει καὶ διαφόρους, καὶ τὸ λειφθὲν τοῖς ἀπείροις ἄπειρον. οὗτοι οὖν οἱ ὄφεις καὶ ἀνθρώπους καὶ τὰ ἄλλα ζῷα ἀδικοῦσι. τίκτει δὲ ἡ αὐτὴ γῆ καὶ πόας τῶν δηγμάτων ἀμυντηρίους, ἔχουσί τε αὐτῶν τὴν ἐμπειρίαν τε καὶ σοφίαν οἱ ἐπιχώριοι, καὶ ποῖον φάρμακον ὄφεως τίνος ἀντίπαλόν ἐστι κατεγνώκασι, καὶ ἀμύνουσιν ὡς ὅτι τάχιστα ἀλλήλοις, ἐπιτεμέσθαι πειρώμενοι τὴν τοῦ ἰοῦ κατὰ τοῦ σώματος ἐπινομὴν ὀξυτάτην τε οὖσαν καὶ ὠκίστην. καὶ ταῦτα μὲν αὐτοῖς ἐς ἐπικουρίαν τὴν ἀναγκαίαν καὶ μάλα εὐπόρως ἀνίησιν ἡ χώρα καὶ ἀφθόνως· ὄφις δὲ ὃς ἂν ἀποκτείνῃ ἄνθρωπον, ὡς Ἰνδοὶ λέγουσιν ʽκαὶ μάρτυρας ἐπάγονται Λιβύων πολλοὺς καὶ τοὺς περὶ Θήβας οἰκοῦντας Αἰγυπτίωνʼ, οὐκέτι καταδῦναι καὶ ἐσερπύσαι ἐς τὴν ἑαυτοῦ οἰκίαν ἔχει, τῆς γῆς αὐτὸν μὴ δεχομένης, ἀλλʼ ἐκβαλλούσης τῶν οἰκείων ὡς ἂν εἴποις φυγάδα κόλπων. ἀλήτης δʼ ἐντεῦθεν καὶ πλάνης περιέρχεται, καὶ ταλαιπωρεῖται ὑπαίθριος καὶ διὰ τοῦ θέρους καὶ διὰ τοῦ χειμῶνος, καὶ οὔτε ἔτι σύννομος αὐτῷ πρόσεισιν, οὔτε οἱ ἐξ αὐτοῦ γεννώμενοι γνωρίζουσι τὸν πατέρα. τιμωρία <pb xml:id="p.309"/> μὲν δὴ καὶ τοῖς ἀλόγοις ἐπʼ ἀνδροφονίᾳ παρὰ τῆς φύσεως τοιάδε ἐδείχθη, προνοίᾳ τοῦ θείου, κατά γε τὴν μνείαν τὴν ἐμήν· εἴρηται δὲ ἐς παίδευσιν τῷ συνιέντι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="33"> 
+<p>φυλάττειν δὲ ἄρα κύνες χηνῶν ἀχρειότεροι, καὶ τοῦτο κατεφώρασαν Ῥωμαῖοι. ἐπολέμουν γοῦν αὐτοῖς οἱ Κελτοί, καὶ πάνυ καρτερῶς ὠσάμενοι αὐτοὺς ἐν αὐτῇ τῇ πόλει ἦσαν, καὶ ᾕρητό γε ὑπʼ αὐτῶν ἡ Ῥώμη πλὴν τοῦ λόφου τοῦ Καπετωλίου· ἦν γὰρ αὐτοῖς οὐκ ἐπιβατὸς ἐκ τοῦ ῥᾴστου. τὰ μὲν οὖν δοκοῦντα δέξασθαι οἷά τε χωρία τοὺς ἐπιόντας σὺν ἐπιβουλῇ, ἐπέφρακτο μέντοι ταῦτα. ἦν δὲ ὁ χρόνος, καθʼ ὃν Μάρκος Μάλλιος ὑπατεύων τὸν λόφον τὸν προειρημένον ἐγχειρισθέντα οἱ διεφύλαττεν. οὗτός τοι καὶ τὸν υἱὸν ἀριστεύσαντα μὲν ἀνέδησε στεφάνῳ, ὅτι δὲ ἐκ τῆς ἑαυτοῦ μετῆλθε τάξεως, ἀπέκτεινεν. ἐπεὶ δὲ οἱ Κελτοὶ πανταχόθεν ἄβατα ἐθεώρουν εἶναί σφισι, τῆς νυκτὸς τὸ ἄκρατον ἔκριναν ἐλλοχήσαντες εἶτα ἐπιθέσθαι καθεύδουσι βαθύτατα, ἔσεσθαι δὲ ἐπιβατὰ ἑαυτοῖς ἤλπισαν κατά τε τὸ ἀφύλακτον καὶ ἔνθα ἠρεμία ἦν, τῶν Ῥωμαίων πεπιστευκότων μὴ ἂν ἐντεῦθεν ἐπιθέσθαι τοὺς Γαλάτας. καὶ μέντοι καὶ ἐκ τούτων ἀκλεέστατα ἐλήφθη ἂν καὶ αὐτὸς καὶ ἡ ἄκρα τοῦ Διός, εἰ μὴ χῆνες παρόντες ἔτυχον· οἱ μὲν γὰρ κύνες πρὸς τὴν ῥιφεῖσαν τροφὴν κατεσιώπησαν, ἴδιον δὲ ἄρα χηνῶν πρὸς τὰ ῥιπτούμενα ἐς ἐδωδήν σφισι βοᾶν καὶ μὴ ἀτρεμεῖν. οὐκοῦν ἀνέστησάν τε τὸν Μάλλιον ἀνακλάγξαντες καὶ τὴν περικειμένην φυλακήν. ταῦτά τοι τίνουσι δίκας οἱ κύνες παρὰ Ῥωμαίοις καὶ νῦν ἀνὰ πᾶν ἔτος προδοσίας ἀρχαίας μνήμῃ, τιμᾶται δὲ χὴν τεταγμέναις ἡμέραις, καὶ ἐν φορείῳ πρόεισιν εὖ μάλα πομπικῶς. <pb xml:id="p.310"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="34"> 
+<p> καὶ ταῦτα μέντοι ὑπὲρ ζῴων εἰπεῖν οὐκ ἔστιν ἀπὸ μούσης. Σκύθαι ξύλων ἀπορίᾳ ἅτινα ἂν καταθύσωσι τοῖς αὐτῶν ὀστοῖς ἕψουσι. Φρύγες δὲ ἐὰν παρʼ αὐτοῖς τις ἀροτῆρα ἀποκτείνῃ βοῦν, ἡ ζημία θάνατος αὐτῷ. Σαγαραῖοι δὲ τῇ Ἀθηνᾷ καμήλων ἀγῶνα ὅσα ἔτη σὺν αἰδοῖ τῇ τῆς θεοῦ ἐπιτελοῦσι, γίνονται δὲ ἄρα παρʼ αὐτοῖς αὗται δρομικώταταί τε ἅμα καὶ ὤκισται. Σαρακόροι δὲ οὔτε ἀχθοφόρους οὔτε ἀλοῦντας ἔχουσι τοὺς ὄνους ἀλλὰ πολεμιστάς, καὶ ἐπʼ αὐτῶν γε τοὺς ἐνοπλίους κινδύνους ὑπομένουσιν, ὥσπερ οὖν οἱ Ἕλληνες ἐπὶ τῶν ἵππων. ὅστις δὲ ἄρα τῶν παρʼ αὐτοῖς ὄνων ὀγκωδέστερος εἶναι δοκεῖ, τοῦτον τῷ Ἄρει προσάγουσιν ἱερόν. λέγει δὲ Κλέαρχος ὁ ἐκ τοῦ περιπάτου μόνους Πελοποννησίων Ἀργείους ὄφιν μὴ ἀποκτείνειν· ἐν δὲ ταῖς ἡμέραις, ἃς καλοῦσιν ἀρνηίδας οἱ αὐτοί, ἐὰν κύων ἐς τὴν ἀγορὰν παραβάλῃ, ἀναιροῦσιν αὐτόν. ἐν Θετταλίᾳ δὲ ὁ μέλλων γαμεῖν θύων τὰ γαμοδαίσια ἵππον ἐσάγει πολεμιστὴν τὸν χαλινὸν περικείμενον καὶ τὴν ἐνόπλιον σκευὴν καὶ ἐκείνην πᾶσαν· εἶτα ὅταν ἀπὸ τῆς ἱερουργίας γένηται καὶ σπείσῃ, τῇ νύμφῃ τὸν ἵππον ἀπὸ τοῦ ῥυτῆρος ἀγαγὼν παραδίδωσι. τί δὲ νοεῖ τοῦτο Θετταλοὶ λεγέτωσαν. Τενέδιοι δὲ τῷ ἀνθρωπορραίστῃ Διονύσῳ τρέφουσι κύουσαν βοῦν, τεκοῦσαν δὲ ἄρα αὐτὴν οἷα δήπου λεχὼ θεραπεύουσι. τὸ δὲ ἀρτιγενὲς βρέφος καταθύουσιν ὑποδήσαντες κοθόρνους. ὅ γε μὴν πατάξας αὐτὸ τῷ πελέκει λίθοις βάλλεται δημοσίᾳ, καὶ ἔστε ἐπὶ τὴν θάλατταν φεύγει. Ἐρετριεῖς δὲ τῇ ἐν Ἀμαρύνθῳ Ἀρτέμιδι κολοβὰ θύουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="35"> 
+<p> πέπυσμαι δὲ πρὸς τοῖς ἤδη μοι προειρημένοις κύνας γενέσθαι φιλοδεσπότους Ξανθίππου τοῦ Ἀρίφρονος. <pb xml:id="p.311"/> μετοικιζομένων γὰρ τῶν Ἀθηναίων ἐς τὰς ναῦς, ἡνίκα τοῦ χρόνου ὁ Πέρσης τὸν μέγαν πόλεμον ἐπὶ τὴν Ἑλλάλα ἐξῆψε, καὶ ἔλεγον οἱ χρησμοὶ λῷον εἶναι τοῖς Ἀθηναίοις τὴν μὲν πατρίδα ἀπολιπεῖν, ἐπιβῆναι δὲ τῶν τριήρων, οὐδὲ οἱ κύνες τοῦ προειρημένου ἀπελείφθησαν, ἀλλὰ συμμετῳκίσαντο τῷ Ξανθίππῳ, καὶ διανηξάμενοι ἐς τὴν Σαλαμῖνα ἀπέσβησαν. λέγετον δὲ ἄρα ταῦτα Ἀριστοτέλης καὶ Φιλόχορος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="36"> 
+<p>τὸ ὕδωρ ὁ Κρᾶθις λευκῆς χρόας ποιητικὸν μεθίησι. τὰ γοῦν πρόβατα πιόντα αὐτοῦ καὶ οἱ βόες καὶ πᾶσα ἡ τετράπους ἀγέλη, καθά φησι Θεόφραστος, λευκὰ ἐκ μελάνων γίνεται ἢ πυρρῶν. καὶ ἐν Εὐβοίᾳ δὲ οἱ βόες λευκοὶ τίκτονται σχεδὸν πάντες, ἔνθεν τοι καὶ ἀργίβοιον ἐκάλουν οἱ ποιηταὶ τὴν Εὔβοιαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="37"> 
+<p>οἰνοχόου βασιλικοῦ ʽκαὶ ἦν ὁ βασιλεὺς Νικομήδης ὁ Βιθυνῶνʼ ἀλεκτρυὼν ἠράσθη Κένταυρος ὄνομα, καὶ λέγει Φίλων τοῦτο. ἠράσθη δὲ ἄρα καὶ κολοιὸς ὡραίου παιδός. καὶ μελίττας δέ τινας ἐρωτικὰς εἶναι πέπυσμαι, εἰ καὶ αἱ πλείους σωφρονοῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="38"> 
+<p>τὴν σφίγγα ὑπόπτερον γράφουσί τε καὶ πλάττουσι πᾶν ὅσον περὶ χειρουργίαν σπουδαῖον καὶ πεπονημένον. ἀκούω δὲ καὶ ἐν Κλαζομεναῖς σῦν γενέσθαι πτηνόν, ἥπερ οὖν ἐλυμαίνετο τὴν χώραν τὴν Κλαζομενίαν· καὶ λέγει τοῦτο Ἀρτέμων ἐν τοῖς Ὅροις τοῖς Κλαζομενίων. ἔνθεν τοι καὶ χῶρος ἐκεῖ κέκληται ὑὸς πτερωτῆς ὀνομαζόμενός τε καὶ ᾀδόμενος. τοῦτο δὲ εἴ τῳ δοκεῖ μῦθος εἶναι, δοκείτω, ἐμὲ δʼ οὖν περὶ ζῴου λεχθὲν καὶ μὴ λαθὸν οὐκ ἐλύπησεν εἰρημένον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="39"> 
+<p>ἁλίᾳ τῇ Συβάρεως παριούσῃ ἐς ἄλσος Ἀρτέμιδος <pb xml:id="p.312"/> ʽἦν δὲ ἐν Φρυγίᾳ τὸ ἄλσοσʼ δράκων ἐπεφάνη θεῖος, μέγιστος τὴν ὄψιν, καὶ ὡμίλησεν αὐτῇ. καὶ ἐντεῦθεν οἱ καλούμενοι Ὀφιογενεῖς τῆς σπορᾶς τῆς πρώτης ὑπῆρξαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="40"> 
+<p> τιμῶσι δὲ ἄρα Δελφοὶ μὲν λύκον, Σάμιοι δὲ πρόβατον, Ἀμπρακιῶταί γε μὴν τὸ ζῷον τὴν λέαιναν· τὰ δὲ αἴτια τῆς ἑκάστου τιμῆς εἰπεῖν οὐκ ἔστιν ἔξω τῆσδε τῆς σπουδῆς. Δελφοῖς μὲν χρυσίον ἱερὸν σεσυλημένον καὶ ἐν τῷ Παρνασῷ κατορωρυγμένον ἀνίχνευσε λύκος, Σαμίοις δὲ καὶ αὐτοῖς τοιοῦτο χρυσίον κλαπὲν πρόβατον ἀνεῦρε, καὶ ἐντεῦθεν Μανδρόβουλος ὁ Σάμιος τῇ Ἥρᾳ πρόβατον ἀνάθημα ἀνῆψε· καὶ τὸ μὲν Πολέμων λέγει τὸ πρότερον, τὸ δὲ Ἀριστοτέλης τὸ δεύτερον. Ἀμπρακιῶται δέ, ἐπεὶ τὸν τύραννον αὐτῶν Φαΰλον διεσπάσατο λέαινα, τιμῶσι τὸ ζῷον αἴτιον αὐτοῖς ἐλευθερίας γεγενημένον. Μιλτιάδης δὲ τὰς ἵππους τὰς τρὶς Ὀλύμπια ἀνελομένας ἔθαψεν ἐν Κεραμεικῷ, καὶ Εὐαγόρας δὲ ὁ Λάκων καὶ ἐκεῖνος Ὀλυμπιονίκας ἵππους ἔθαψε μεγαλοπρεπῶς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="41"> 
+<p> ὁ Γάγγης ὁ παρὰ τοῖς Ἰνδοῖς ῥέων ὑπαρχόμενος μὲν ἐκ τῶν πηγῶν βαθύς ἐστιν ἐς ὀργυιὰς εἴκοσι, πλατὺς δὲ ἐς ὀγδοήκοντα σταδίους· ἔτι γὰρ αὐθιγενεῖ τῷ ὕδατι πρόεισι καὶ ἀμιγεῖ πρὸς ἕτερον· προϊὼν δὲ τῶν ἄλλων ἐς αὐτὸν ἐμπιπτόντων καὶ ἀνακοινουμένων οἱ τὸ ὕδωρ ἐς βάθος μὲν ἥκει καὶ ἑξήκοντα ὀργυιῶν, πλατύνεται δὲ καὶ ὑπερεκχεῖται ἐς σταδίους τετρακοσίους. καὶ ἔχει νήσους Λέσβου τε καὶ Κύρνου μείζονας, καὶ τρέφει κήτη, καὶ ἐκ τῆς τούτων πιμελῆς ἄλειφα ἐργάζονται. εἰσὶ δὲ ἐν αὐτῷ καὶ χελῶναι, καὶ αὐταῖς τὸ χελώνιον πιθάκνης καὶ εἴκοσιν ἀμφορέας δεχομένης οὐ μεῖόν ἐστι. κροκοδείλων δὲ παιδεύει διπλᾶ γένη. καὶ τὰ μὲν αὐτῶν ἥκιστα βλάπτει, τὰ <pb xml:id="p.313"/> δὲ παμβορώτατα σαρκῶν ἐσθίει καὶ ἀφειδέστατα, καὶ ἔχουσιν ἐπʼ ἄκρου τοῦ ῥύγχους ἐξοχὴν ὡς κέρας. τούτοις τοι καὶ πρὸς τὰς τῶν κακούργων τιμωρίας ὑπηρέταις χρῶνται· τοὺς γὰρ ἐπὶ τοῖς μεγίστοις τῶν ἀδικημάτων ἑαλωκότας ῥίπτουσιν αὐτοῖς, καὶ δημίου δέονται ἥκιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="42"> 
+<p>δέλεαρ δὲ καθιᾶσιν οἱ σοφοὶ τὰ θαλάττια τοῖς μὲν σκάροις, ὡς Λεωνίδης φησί, κορίαννα καὶ καρτά, καὶ ἔστιν εὔθηρα ταῦτα καὶ ἑλεῖν ῥᾷστα· προσνεῖ γὰρ αὐτοῖς ὁ σκάρος γοητευόμενος ὥσπερ ἡδύσμασι. φύλλα δὲ τευτλίων αἱρεῖ τὰς τρίγλας· χαίρει γὰρ τῷδε τῷ λαχάνῳ τὸ ζῷον, καὶ διʼ αὐτοῦ ἁλίσκεταί τε καὶ δουλοῦται ῥᾷστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="43"> 
+<p>ἐνύδρου δὲ θήρας διαφοραὶ τέτταρες, φασί, δικτυεία καὶ κόντωσις καὶ κυρτεία καὶ ἀγκιστρεία προσέτι. καὶ ἡ μὲν δικτυεία πλουτοφόρος, καὶ ἔοικεν ἁλισκομένῳ στρατοπέδῳ καὶ αἱρουμένοις αἰχμαλώτοις τισί, καὶ δεῖται χορηγίας ποικίλης, οἷον σπάρτου καὶ λίνου λευκοῦ καὶ μέλανος ἄλλου καὶ κυπείρου καὶ φελλῶν μολίβου τε καὶ πίτυος καὶ ἱμάντων καὶ ῥοῦ καὶ λίθου καὶ βύβλου καὶ κεράτων καὶ νεὼς ἑξήρους ἄξονός τε καὶ σκυταλίδων καὶ κοττάνης καὶ τυμπάνου καὶ σιδήρου καὶ ξύλων καὶ πίττης. ἐμπίπτει δὲ γένη τε ἰχθύων διάφορα καὶ ἀγέλαι ποικίλαι τε καὶ πολλαί. ἡ δὲ κόντωσίς ἐστι μὲν τῶν ἄλλων ἀνδρειοτάτη, καὶ δεῖται θηρατοῦ ῥωμαλεωτάτου. παρεῖναι δὲ χρὴ κάμακα ὀρθὴν ἐλατίνην καὶ σχοινία σπάρτινα πυρεῖά τε πεύκης τῆς λιπαρωτάτης· δεῖται δὲ καὶ νεὼς μικρᾶς καὶ ἐρετῶν συντόνων καὶ βραχίονας ἀγαθῶν. ἡ δὲ κυρτεία δολερωτάτη θήρα καὶ ἐπιβουλοτάτη δεινῶς ἐστι, καὶ ἐλευθέροις πρέπειν δοκεῖ ἥκιστα. δεῖται δὲ ὁλοσχοίνων τε ἀβρόχων καὶ λύγου <pb xml:id="p.314"/> καὶ χερμάδος καὶ εὐναίων καὶ φύκους θαλαττίου σχοίνων τε καὶ κυπαρίττου κόμης καὶ φελλῶν καὶ ξύλων καὶ δελέατος καὶ νεὼς μικρᾶς. ἡ δὲ ἀγκιστρεία σοφωτάτη ἐστὶ καὶ τοῖς ἐλευθέροις πρεπωδεστάτη. δεῖται δὲ ἄρα ἱππείων τριχῶν, τὰς χρόας καὶ λευκὰς καὶ μελαίνας καὶ πυρρὰς καὶ μεσαιπολίους· τῶν δὲ βαπτομένων ἐγκρίνουσι τὰς γλαυκὰς καὶ τὰς ἁλιπορφύρους· αἱ γὰρ ἄλλαι πᾶσαι πονηραί, φασίν. χρῶνται δὲ καὶ τῶν ἀγρίων συῶν ταῖς θριξὶ ταῖς ὀρθαῖς καὶ τερμίνθῳ δέ, καὶ χαλκῷ πλείστῳ καὶ μολίβῳ καὶ σπαρτίναις καὶ πτεροῖς, μάλιστα μὲν λευκοῖς καὶ μέλασιν καὶ ποικίλοις. χρῶνταί γε μὴν οἱ ἁλιεῖς καὶ φοινικοῖς ἐρίοις καὶ ἁλουργέσι καὶ φελλοῖς καὶ ξύλοις· καὶ σιδήρου καὶ ἄλλων δέονται, ἐν δὲ τοῖς καὶ καλάμων εὐφυῶν καὶ ἀβρόχων καὶ ὁλοσχοίνων βεβρεγμένων καὶ νάρθηκος ἐξεσμένου καὶ ῥάβδου κρανείας καὶ χιμαίρας κεράτων καὶ δέρματος. ἄλλος δὲ ἄλλῳ τούτων ἰχθὺς αἱρεῖται, καὶ τάς γε θήρας ἤδη εἶπον αὐτῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="44"> 
+<p> λόγω δὲ ἄρα τώδε Ἰνδὸς καὶ Λίβυς τὸ γένος διαφόρω· ἐρεῖ δὲ ὁ μὲν Ἰνδὸς τὰ ἐπιχώρια, ὁ δὲ Λίβυς ὅσα οἶδε καὶ ἐκεῖνος· ἃ δʼ οὖν ᾅδετον ἄμφω τὼ λόγω ἐστὶν ἐκεῖνα. ἐν Ἰνδοῖς ἐὰν ἁλῷ τέλειος ἐλέφας, ἡμερωθῆναι χαλεπός ἐστι, καὶ τὴν ἐλευθερίαν ποθῶν φονᾷ. ἐὰν δὲ αὐτὸν καὶ δεσμοῖς διαλάβῃς, ἔτι καὶ μᾶλλον ἐς θυμὸν ἐξάπτεται, καὶ δοῦλος εἶναι καὶ δεσμώτης οὐχ ὑπομένει. ἀλλʼ οἱ Ἰνδοὶ καὶ ταῖς τροφαῖς κολακεύουσιν αὐτόν, καὶ ποικίλοις καὶ ἐφολκοῖς δελέασι πραΰνειν πειρῶνται, παρατιθέντες ὅσα πληροῖ τὴν γαστέρα καὶ θέλγει τὸν θυμόν. ὃ δὲ ἄχθεται αὐτοῖς καὶ ὑπερορᾷ. τί οὖν ἐκεῖνοι κατασοφίζονται; μοῦσαν αὐτοῖς προσάγουσιν ἐπιχώριον, καὶ κατᾴδουσιν <pb xml:id="p.315"/> αὐτοὺς ὀργάνῳ τινὶ καὶ τούτῳ συνήθει· καλεῖται δὲ σκινδαψὸς τὸ ὄργανον. ὃ δὲ ὑπέχει τὰ ὦτα καὶ θέλγεται, καὶ ἡ μὲν ὀργὴ πραΰνεται, ὁ δὲ θυμὸς ὑποστέλλεταί τε καὶ στόρνυται, κατὰ μικρὰ δὲ καὶ ἐς τὴν τροφὴν ὁρᾷ. εἶτα ἀφεῖται μὲν τῶν δεσμῶν, μένει δὲ τῇ μούσῃ δεδεμένος, καὶ δειπνεῖ προθύμως ἁβρὸς δαιτυμὼν· πόθῳ γὰρ τοῦ μέλους οὐκ ἂν ἔτι ἀποσταίη. Λιβύων δὲ ἵπποι ʽδεῖ γὰρ ἀκοῦσαι καὶ τὸν λόγον τὸν ἕτερονʼ, ἐς τοσοῦτον αὐτὰς αἱρεῖ ἡ αὔλησις. πραΰνονταί τε καὶ ἡμεροῦνται, καὶ ὑπολήγουσι μὲν τοῦ ὑβρίζειν τε καὶ σκιρτᾶν, ἕπονται δὲ τῷ νομεῖ ὅποι ἂν αὐτὰς τὸ μέλος ἀπάγῃ, ἐπιστάντος δὲ καὶ ἐκεῖναι ἐφίστανται· ἐὰν δὲ ἐπανατείνῃ τὸ αὔλημα, λείβεται δάκρυα ὑφʼ ἡδονῆς αὐταῖς. οἱ μὲν οὖν βουκόλοι τῶν ἵππων ῥοδοδάφνης κλάδον κοιλάναντες καὶ αὐλὸν ἐργασάμενοι καὶ ἐς αὐτὸν ἐμπνέοντες εἶτα οὕτω τῶν προειρημένων καταυλοῦσι. λέγει δὲ Εὐριπίδης καὶ ποιμνίτας τινὰς ὑμεναίους· ἔστι δὲ ἄρα τοῦτο αὔλημα, ὅπερ οὖν τὰς μὲν ἵππους τὰς θηλείας ἐς ἔρωτα ἐμβάλλει καὶ οἶστρον ἀφροδίσιον, τοὺς δὲ ἄρρενας μίγνυσθαι αὐταῖς ἐκμαίνει. τελοῦνται μὲν δὴ ἱππικοὶ γάμοι τὸν τρόπον τοῦτον, καὶ ἔοικεν ὑμέναιον ᾅδειν τὸ αὔλημα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="45"> 
+<p>τὸ τῶν δελφίνων φῦλον ὥς εἰσι φιλῳδοί τε καὶ φίλαυλοι, τεκμηριῶσαι ἱκανὸς καὶ Ἀρίων ὁ Μηθυμναῖος ἔκ τε τοῦ ἀγάλματος τοῦ ἐπὶ Ταινάρῳ καὶ τοῦ ἐπʼ αὐτῷ γραφέντος ἐπιγράμματος. ἔστι δὲ τὸ ἐπίγραμμα <quote rend="blockquote"> <lb/>ἀθανάτων πομπαῖσιν Ἀρίονα Κυκλέος υἱὸν <lb/>ἐκ Σικελοῦ πελάγους σῶσεν ὄχημα τόδε. </quote> ὕμνον δὲ χαριστήριον τῷ Ποσειδῶνι, μάρτυρα τῆς τῶν <pb xml:id="p.316"/> δελφίνων φιλομουσίας, οἱονεὶ καὶ τούτοις ζωάγρια ἐκτίνων ὁ Ἀρίων ἔγραψε. καὶ ἔστιν ὁ ὕμνος οὗτος <quote rend="blockquote"> <lb n="1"/>ὕψιστε θεῶν, <lb n="2"/>πόντιε, χρυσοτρίαινε Πόσειδον, <lb n="3"/>γαιήοχʼ, ἐγκύμονʼ ἀνʼ ἅλμαν· <lb n="4"/>βραγχίοις περὶ δὲ σὲ πλωτοὶ <lb n="5"/>θῆρες χορεύουσι κύκλῳ, κούφοισι ποδῶν <lb n="6"/>ῥίμμασιν ἐλάφρʼ ἀναπαλλόμενοι σιμοὶ φριξαύχενες ὠκυδρόμοι <lb n="7"/>σκύλακες, φιλόμουσοι <lb n="8"/>δελφῖνες, ἔναλα θρέμματα κουρᾶν Νηρεΐδων θεᾶν, <lb n="9"/>ἃς ἐγείνατʼ Ἀμφιτρίτα· οἵ μʼ εἰς Πέλοπος γᾶν ἐπὶ Ταιναρίαν <lb n="10"/>ἀκτὰν ἐπορεύσατε πλαζόμενον Σικελῷ ἐνὶ πόντῳ, <lb n="11"/>κυρτοῖσι νώτοις ὀχέοντες, <lb n="12"/>ἄλοκα Νηρεΐας πλακὸς τέμνοντες, ἀστιβῆ πόρον, φῶτες δόλιοι <lb n="13"/>ὥς μʼ ἀφʼ ἁλιπλόου γλαφυρᾶς νεὼς <lb n="14"/>εἰς οἶδμʼ ἁλιπόρφυρον λίμνας ἔριψαν. </quote> ἴδιον μὲν δήπου δελφίνων πρὸς τοῖς ἄνω λεχθεῖσι καὶ τὸ φιλόμουσον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="46"> 
+<p> λόγος που διαρρεῖ Τυρρηνὸς ὁ λέγων τοὺς ὗς τοὺς ἀγρίους καὶ τὰς παρʼ αὐτοῖς ἐλάφους ὑπὸ δικτύων μὲν καὶ κυνῶν ἁλίσκεσθαι, ᾗπερ οὖν θήρας νόμος, συναγωνιζομένης δὲ αὐτοῖς τῆς μουσικῆς καὶ μᾶλλον. πῶς δέ, ἤδη ἐρῶ. τὰ μὲν δίκτυα περιβάλλουσι καὶ τὰ λοιπὰ θήρατρα, ὅσα ἐλλοχᾷ τὰ ζῷα· ἕστηκε δὲ ἀνὴρ αὐλῶν τεχνίτης, καὶ ὡς ὅτι μάλιστα πειρᾶται τοῦ μέλους ὑποχαλᾶν, καὶ ὅ τι ποτέ ἐστι τῆς μούσης σύντονον ἐᾷ, πᾶν δὲ ὅ τι γλύκιστον αὐλῳδίας τοῦτο ᾅδει. <pb xml:id="p.317"/> ἡσυχία τε καὶ ἠρεμία ῥᾳδίως διαπορθμεύει, καὶ ἐς τὰς ἄκρας καὶ ἐς τοὺς αὐλῶνας καὶ ἐς τὰ δάση καὶ ἐς ἁπάσας συνελόντι εἰπεῖν τὰς τῶν θηρίων κοίτας καὶ εὐνὰς τὸ μέλος ἐσρεῖ. καὶ τὰ μὲν πρῶτα παριόντος ἐς τὰ ὦτα αὐτοῖς τοῦ ἤχου ἐκπέπληγε καί που καὶ δείματος ὑποπίμπλαται, εἶτα ἄκρατος καὶ ἄμαχος αὐτὰ ἡδονὴ τῆς μούσης περιλαμβάνει, καὶ κηλούμενα λήθην ἔχει καὶ ἐκγόνων καὶ οἰκιῶν. καίτοι φιλεῖ τὰ θηρία μὴ ἀπὸ τῶν συντρόφων χωρίων πλανᾶσθαι. τὰ δʼ οὖν Τυρρηνὰ κατʼ ὀλίγον ὥσπερ ὑπό τινος ἴυγγος ἀναπειθούσης ἕλκεται, καὶ καταγοητεύοντος τοῦ μέλους ἀφικνεῖται καὶ ἐμπίπτει ταῖς πάγαις τῇ μούσῃ κεχειρωμένα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:12" n="47"> 
+<p>ἀνθίαι δὲ βαλλόμενοι ὅταν ἁλῶσιν οἴκτιστόν εἰσι θεαμάτων, καὶ ἀποθνήσκοντες ἑαυτοὺς ἐοίκασι θρηνεῖν καὶ τρόπον τινὰ ἱκετεύειν, ὥσπερ οὖν ἄνθρωποι λῃσταῖς ἐντυχόντες ἀνοικτίστοις τε καὶ φονικωτάτοις. οἳ μὲν γὰρ αὐτῶν ἀποδιδράσκειν πειρώμενοι εἶτα τοῖς δικτύοις ἐμπαλάσσονται, ὑπεράλλεσθαι δὲ αὐτοὺς πειρωμένους τὸν λόχον εἶτα μέντοι καταλαμβάνει αἰχμή· οἳ δὲ ἀποδιδράσκοντες τόνδε τὸν θάνατον ἐς τὴν τέως πολεμίαν ἰχθύσι γῆν ἐξεπήδησαν, τὸ τέλος τοῦ βίου τὸ χωρὶς τοῦ ξίφους προῃρημένοι καὶ μάλα ἀσμένως.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="13"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="1"> 
+<p> ἀετὸν ἀκούω Γορδίῳ τὴν τοῦ παιδὸς αὐτοῦ Μίδου βασιλείαν ὑποσημῆναι, ἡνίκα ἀροῦντι τῷ Γορδίῳ <pb xml:id="p.318"/> ἐπιπτάς, εἶτα μέντοι κατὰ τοῦ ζυγοῦ καθίσας συνδιημέρευσεν, οὐδὲ προαπέστη πρὶν ἢ γενομένης ἑσπέρας καὶ ἐκεῖνος κατέλυσε τὴν ἄροσιν ἐπιστάντος τοῦ βουλυτοῦ. Γέλωνος δὲ τοῦ Συρακοσίου παιδὸς ὄντος λύκος μέγιστος ἐσπηδήσας ἐς τὸ διδασκαλεῖον ἐξήρπασε τῶν χειρῶν τοῖς ὀδοῦσι τὴν δέλτον, καὶ ὁ Γέλων ἐξαναστὰς τοῦ θάκου ἐδίωκεν αὐτόν, τὸ μὲν θηρίον μὴ καταπτήξας, περιεχόμενος δὲ τῆς δέλτου ἰσχυρῶς. ἐπεὶ δὲ ἔξω τοῦ διδασκαλείου ἐγένετο, τὸ μὲν κατηνέχθη καὶ τοὺς παῖδας αὐτῷ διδασκάλῳ κατέβαλε, θείᾳ δὲ προμηθείᾳ ὁ Γέλων περιῆν μόνος. καὶ τό γε παράδοξον, οὐκ ἀπέκτεινεν ἄνθρωπον ἀλλʼ ἔσωσε λύκος, οὐκ ἀτιμασάντων τῶν θεῶν οὐδὲ διὰ τῶν ἀλόγων τῷ μὲν τὴν βασιλείαν προδηλῶσαι, τὸν δὲ τοῦ μέλλοντος κινδύνου σῶσαι. ἴδιον δὴ τῶν ζῴων καὶ τὸ θεοφιλές. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="2"> 
+<p> οἱ Κᾶρες αἱροῦσι τοὺς σαργοὺς τὸν τρόπον τοῦτον. νότου καταπνέοντος ἡσυχῆ καὶ προσβάλλοντος αὔρας μαλακωτέρας καὶ τοῦ κύματος στορεσθέντος καὶ πράως ταῖς ψάμμοις ἐπηχοῦντος, τηνικαῦτα ὁ θηρατὴς καλάμου μὲν οὐ δεῖται οὐδὲ ἕν, λαβὼν δὲ ἀρκεύθου ῥάβδον πάνυ σφόδρα ἐρρωμένης, ἀπʼ ἄκρας αὐτῆς ἐξάπτει σειράν, καὶ περιπείρει τῷ ἀγκίστρῳ λυκόστομον ὄντα ἡμιτάριχον, καὶ καθίησιν ἐς τὴν θάλατταν. καὶ κάθηται μὲν ἐπὶ τῇ πρύμνῃ τῆς πορθμίδος καὶ τὸν δόλον ὑποκινεῖ, ὑπερέττει δέ οἱ παῖς ἡσυχῆ, προμαθὼν τῆς ἐλάσεως τὸ σχολαῖον ἐπίτηδες, καὶ ὡς ἐπὶ τὴν γῆν προάγει τὸ σκάφος. πολλοὶ δὲ οἱ σαργοὶ περισκιρτῶσιν ἐκ τῶν συντρόφων φωλεῶν ἀναθορόντες, ἀθροίζονται δὲ ἐπὶ τὸ ἄγκιστρον· ἄγει γὰρ αὐτοὺς οἱονεὶ ἴυγγι ὁ πάλαι μὲν τεθνηκὼς ἐς τὸ ἑλεῖν δὲ σκευασθεὶς ἰχθύς. εἶτα πλησίον τῆς γῆς γενόμενοι <pb xml:id="p.319"/> ῥᾳδίως ἁλίσκονται, τῇ λιχνείᾳ τῆς γαστρὸς δεδεμένοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="3"> 
+<p>διατριβαὶ δὲ ἰχθύων πολλαί, καὶ γίνονται οἳ μὲν ἐν ταῖς πέτραις, οἳ δὲ ἐν ταῖς ψάμμοις, ἄλλοι δὲ ἐν ταῖς πόαις. καὶ γάρ τοι καὶ πόαι θαλάττιαί εἰσι, καὶ αἳ μὲν αὐτῶν καλοῦνται βρύα, αἳ δὲ ἄμπελοι, καὶ σταφυλαί τινες, καὶ φυκία ἄλλα· ἦν δὲ ἄρα θαλαττίας πόας καὶ κράμβη ὄνομα, καὶ μνία καλεῖταί τινα ἐν αὐταῖς καὶ τρίχες. τροφὴ δὲ ἄρα τούτων ἄλλῳ ἄλλη ἦν, καὶ οὐκ ἂν πάσαιτο ἑτέρας ὁ εἰθισμένος τῇ συντρόφῳ καὶ ὁμοεθνεῖ, ὡς ἂν εἴποι τις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="4"> 
+<p>ἀκούσειας δʼ ἂν ἁλιέων καὶ ἰχθύων τινὰ καλλιώνυμον οὕτω λεγόντων. καὶ ὑπὲρ αὐτοῦ Ἀριστοτέλης λέγει ὅτι ἄρα ἐπὶ τοῦ λοβοῦ τοῦ δεξιοῦ καθημένην ἔχει χολὴν πολλήν, τὸ δὲ ἧπαρ αὐτῷ κατὰ τὴν λαιὰν φορεῖται πλευράν. καὶ μαρτυρεῖ τούτοις καὶ ὁ Μένανδρος ἐν τῇ Μεσσηνίᾳ οἶμαι λέγων <quote rend="blockquote"> <lb/>τίθημʼ ἔχειν χολήν σε καλλιωνύμου <lb/>πλείω, </quote> καὶ Ἀνάξιππος ἐν Ἐπιδικαζομένῳ <quote rend="blockquote"> <lb/>ἐάν με κινῇς καὶ ποιήσῃς τὴν χολὴν <lb/>ἅπασαν ὥσπερ καλλιωνύμου ζέσαι, <lb/>ὄψει διαφέροντʼ οὐδὲ ἓν ξιφίου κυνός. </quote> εἰσὶ μὲν οὖν οἳ καί φασιν αὐτὸν ἐδώδιμον, οἱ δὲ πλείους ἀντιλέγουσιν αὐτοῖς. οὐ ῥᾳδίως δὲ αὐτοῦ μνημονεύουσιν ἐν ταῖς ὑπὲρ τῶν ἰχθύων πανθοινίαις, ὧν τι καὶ ὄφελός ἐστι, ποιηταὶ θέμενοι σπουδὴν ἐς μνήμην ἔνθεσμον, Ἐπίχαρμος μὲν ἐν Ἥβας Γάμῳ καὶ Γᾷ καὶ Θαλάσσᾳ καὶ προσέτι καὶ Μώσαις, Μνησίμαχος δὲ ἐν τῷ Ἰσθμιονίκῃ. <pb xml:id="p.320"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="5"> 
+<p> βάτραχος δὲ θαλάττιος τίκτει κατὰ τοὺς ὄρνιθας ᾠὸν καὶ οὗτος. οὐ ζῳογονεῖ γὰρ ἐν ἑαυτῷ· κεφαλὴν γὰρ ἔχει καὶ τὰ ἀρτιγενῆ μεγάλην τε ἅμα καὶ τραχεῖαν, καὶ διὰ ταῦτα ὑποδέξασθαι τὰ βρέφη δείσαντα ἥκιστός ἐστιν· ἑλκοῖ γὰρ αὐτὸν καὶ κακοῖ ἐσπίπτοντα τὴν αὖθις. ἀλλὰ καὶ τικτόμενα ἂν καὶ ἐξιόντα εἰργάζετο παραπλήσια. οὔτε οὖν εὐώδινες ἐς ζῴων γένεσίν εἰσιν οὔτε μὴν κρησφύγετα τοῖς ἐκγόνοις ἀγαθά. ᾠοῦ δὲ τὴν φύσιν ἢ ἰδιότητα οὐχ ὁμολογεῖ τὸ τῶν βατράχων, τραχὺ δέ ἐστι καὶ ἐκεῖνο, καὶ ἔχει φολίδας, καὶ προσαψαμένῳ φανεῖταί σοι ἀντίτυπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="6"> 
+<p> οἱ πολύποδες καὶ αὐτοὶ χρόνῳ γίνονται μέγιστοι, καὶ ἐς κήτη προχωροῦσι, καὶ ἐναριθμοῦνται ἐν αὐτοῖς καὶ οὗτοι. ἀκούω γοῦν ἐν Δικαιαρχίᾳ τῇ Ἰταλικῇ πολύπουν ἐς ὄγκον σώματος ὑπερήφανον προελθόντα τὴν μὲν ἐν τῇ θαλάττῃ τροφὴν καὶ τὰς ἐκεῖθεν νομὰς ἀτιμάσαι καὶ ὑπερφρονῆσαι αὐτῶν. προῄει δὲ ἄρα οὗτος καὶ ἐς τὴν γῆν, καὶ ἐλῄζετο καὶ τῶν χερσαίων ἔστιν ἅ. οὐκοῦν διά τινος ὑπονόμου κρυπτοῦ ἐκβάλλοντος ἐς τὴν θάλατταν τὰ ἐκ τῆς πόλεως τῆς προειρημένης ῥυπαρὰ ἐσνέων καὶ ἀνιὼν ἐς οἶκόν τινα πάραλον, ἔνθα ἦν ἐμπόρων Ἰβηρικῶν φόρτος καὶ ταρίχη τὰ ἐκεῖθεν ἐν σκεύεσιν ἁδροῖς, εἶτα τὰς πλεκτάνας περιχέων καὶ σφίγγων τὸν κέραμον ἐρρήγνυ τὰ ἀγγεῖα καὶ κατεδαίνυτο τὰ ταρίχη. οἱ δὲ ἐσιόντες ὡς ἑώρων τὰ ὄστρακα, πολὺν δὲ τοῦ φόρτου ἀριθμὸν ἀφανῆ κατελάμβανον, ἐξεπλήττοντο καὶ τίς ἦν ὁ κεραΐζων αὐτοὺς συμβαλεῖν οὐκ εἶχον, τῶν μὲν θυρῶν ἀνεπιβουλεύτων βλεπομένων, τοῦ δὲ ὀρόφου ὄντος ἀσινοῦς καὶ τῶν τοίχων μὴ διεσκαμμένων· ἑωρᾶτο δὲ καὶ τῶν ἰχθύων τῶν ταρίχων λείψανα ὑπολειφθέντα ὑπὸ τοῦ ἀκλήτου δαιτυμόνος. ἔκριναν δή τινα τῶν <pb xml:id="p.321"/> οἰκείων τὸν μάλιστα εὐτολμότατον ἔνδον ὡπλισμένον καταλιπεῖν ἐλλοχῶντα. νύκτωρ οὖν ἐπὶ τὴν συνήθη δαῖτα ὁ πολύπους ἀνέρπει, καὶ περιχυθεὶς τοῖς σκεύεσιν ὥσπερ ἐς πνῖγμα ἀθλητὴς συλλαβὼν τὸν ἀντίπαλον ἐγκρατῶς τε καὶ μάλα εὐλαβῶς, εἶτα συνέτριβε τὸν κέραμον λῃστὴς ὡς εἰπεῖν ὁ πολύπους ῥᾷστα. ἦν δὲ διχόμηνος, καὶ κατελάμπετο ὁ οἶκος, καὶ πάντα ἦν εὐσύνοπτα. ὃ δὲ οὐκ ἐπεχείρει μόνος, δείσας τὸν θῆρα ʽκαὶ γὰρ μόνου μείζων ὁ ἐχθρὸς ἦνʼ, περιηγεῖται δὲ ἕωθεν τοῖς ἐμπόροις τὰ πεπραγμένα· ἀκούοντες δὲ ἠπίστουν. εἶτα οἳ μὲν τῆς ζημίας τῆς τοσαύτης μνήμῃ τὸν κίνδυνον ἀνερρίπτουν, καὶ συνελθεῖν τῷ ἐχθρῷ ἔσπευδον, οἳ δὲ τῆς καινῆς καὶ ἀπίστου θέας διψῶντες συναπεκλείοντο αὐθαίρετοι σύμμαχοι. εἶτα ἑσπέρας ὁ φὼρ ἐπιφοιτᾷ, καὶ ὁρμᾷ ἐπὶ τὴν συνήθη τράπεζαν. ἐνταῦθα οἳ μὲν ἀπέφραττον τὸν ὀχετόν, οἳ δὲ ὡπλίζοντο ἐπὶ τὸν πολέμιον, καὶ κοπίσι καὶ ξυροῖς τεθηγμένοις αὐτοῦ διέκοπτον τὰς πλεκτάνας, ὡς δρυὸς κλάδους ἀκροτάτους ἀμπελουργοί τε καὶ δρυοτόμοι. καὶ τὴν ἀλκὴν αὐτοῦ περικόψαντες καθεῖλον ὀψὲ καὶ μόγις οὐκ ὀλίγα πονήσαντες, καὶ τὸ καινότατον, ἐν τῇ γῇ τὸν ἰχθὺν ἐθηράσαντο ἔμποροι. τὸ κακοῦργον δὴ τοῦδε τοῦ ζῴου καὶ τὸ δολερὸν ἀναπέφηνεν ἡμῖν ἴδιον ὄν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="7"> 
+<p>τῶν τεθηραμένων ἐλεφάντων ἰῶνται τὰ τραύματα οἱ Ἰνδοὶ τὸν τρόπον τοῦτον. καταιονοῦσι μὲν αὐτὰ ὕδατι χλιαρῷ, ὥσπερ οὖν τὸ τοῦ Εὐρυπύλου παρὰ τῷ καλῷ Ὁμήρῳ ὁ Πάτροκλος· εἶτα μέντοι διαχρίουσι βουτύρῳ αὐτά· ἐὰν δὲ ᾖ βαθέα, τὴν φλεγμονὴν πραΰνουσιν ὕεια κρέα θερμὰ μὲν ἔναιμα δὲ ἔτι προσφέροντες καὶ ἐντιθέντες. τὰς δὲ ὀφθαλμίας θεραπεύουσιν αὐτῶν βόειον γάλα ἀλεαίνοντες εἶτα αὐτοῖς <pb xml:id="p.322"/> ἐγχέοντες, οἳ δὲ ἀνοίγουσι τὰ βλέφαρα, καὶ ὠφελούμενοι ἥδονταί τε καὶ αἰσθάνονται, ὥσπερ ἄνθρωποι. καὶ ἐς τοσοῦτον ἐπικλύζουσιν, ἐς ὅσον ἂν ἀποπαύσωνται λημῶντες. μαρτύριον δὲ τοῦ παύσασθαι τὴν ὀφθαλμίαν τοῦτό ἐστι. τὰ δὲ νοσήματα ὅσα αὐτοῖς προσπίπτει ἄλλως, ὁ μέλας οἶνός ἐστιν αὐτοῖς ἄκος. εἰ δὲ μὴ γένοιτο ἐξάντης τοῦ κακοῦ τῷ φαρμάκῳ τῷδε, ἄσωστά οἵ ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="8"> 
+<p> ἐλέφαντι ἀγελαίῳ μὲν τετιθασευμένῳ γε μὴν ὕδωρ πῶμά ἐστι, τῷ δὲ τὰ ἐς πόλεμον ἀθλοῦντι οἶνος μέν, οὐ μὴν ὁ τῶν ἀμπέλων, ἐπεὶ τὸν μὲν ἐξ ὀρύζης χειρουργοῦσι, τὸν δὲ ἐκ καλάμου. προΐασι δὲ καὶ ἄνθη σφίσιν ἀθροίσοντες· εἰσὶ γὰρ ἐρασταὶ εὐωδίας, καὶ ἄγονταί γε ἐπὶ τοὺς λειμῶνας, ὀσμῇ πωλευθησόμενοι τῇ ἡδίστῃ. καὶ ὃ μὲν ἐκλέγει κρίνας τῇ ὀσφρήσει τὸ ἄνθος, τάλαρον δὲ ἔχων ὁ πωλευτὴς τρυγῶντος καὶ ἐμβάλλοντος ὑπέχει. εἶτα ὅταν ἐμπλήσῃ τοῦτον, ὥσπερ οὖν ὀπώραν δρεπόμενος λοῦται, καὶ ἥδεται τῷ λουτρῷ κατὰ τοὺς τῶν ἀνθρώπων ἁβροτέρους. εἶτα ἐπανελθὼν τὰ ἄνθη ποθεῖ, καὶ βοᾷ βραδύνοντος, καὶ οὐχ αἱρεῖται τροφὴν πρὶν ἢ κομίσῃ τίς οἱ ὅσα ἐτρύγησεν. εἶτα μέντοι τῇ προβοσκίδι ἀναιρούμενος ἐκ τοῦ ταλάρου τῆς φάτνης καταπάττει τὰ χείλη, ἥδυσμα τοῦτό γε τῇ τροφῇ διὰ τῆς εὐοσμίας ἐπινοῶν, ὡς εἰπεῖν. κατασπείρει δὲ καὶ τοῦ χώρου ἔνθα αὐλίζεται τῶν ἀνθέων πολλά, ἡδυσμένον αἱρεῖσθαι γλιχόμενος ὕπνον. Ἰνδοὶ δὲ ἐλέφαντες ἦσαν ἄρα πήχεων ἐννέα τὸ ὕψος, πέντε δὲ τὸ εὖρος. μέγιστοι δὲ ἄρα τῶν ἐκεῖθι ἐλεφάντων οἱ καλούμενοι Πράσιοι, δεύτεροι δʼ ἂν τῶνδε τάττοιντο οἱ Ταξίλαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="9"> 
+<p> ἵππον δὲ ἄρα Ἰνδὸν κατασχεῖν καὶ ἀνακροῦσαι <pb xml:id="p.323"/> προπηδῶντα καὶ ἐκθέοντα οὐ παντὸς ἦν, ἀλλὰ τῶν ἐκ παιδὸς ἱππείαν πεπαιδευμένων. οὐ γὰρ αὐτοῖς ἐστιν ἐν ἔθει χαλινῷ ἄρχειν αὐτῶν καὶ ῥυθμίζειν αὐτοὺς καὶ ἰθύνειν, κημοῖς δὲ ἄρα κεντρωτοῖς· ἀκόλαστον γὰρ ἔχουσι τὴν γλῶτταν καὶ τὴν ὑπερῴαν ἀβασάνιστον· ἀναγκάζουσι δὲ αὐτοὺς ὅμως οἵδε οἱ τὴν ἱππείαν σοφισταὶ περικυκλεῖν καὶ περιδινεῖσθαι ἐς ταὐτὸν στρεφομένους. δεῖ δὲ ἄρα τῷ τοῦτο δράσοντι καὶ ῥώμης χειρῶν καὶ ἐπιστήμης εὖ μάλα ἱππικῆς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="10"> 
+<p>πειρῶνται δὲ οἱ προήκοντες ἐς ἄκρον τῆσδε τῆς σοφίας καὶ ἅρμα οὕτως περικυκλεῖν καὶ περιάγειν· εἴη δʼ ἂν ἆθλος οὐκ εὐκαταφρόνητος ἀδηφάγων ἵππων τέτρωρον περιστρέφειν ῥᾳδίως· φέρει δὲ τὸ ἅρμα παραβάτας δύο. ὁ δὲ στρατιώτης ἐλέφας ἐπὶ τοῦ καλουμένου θωρακίου ἢ καὶ νὴ Δία τοῦ νώτου γυμνοῦ καὶ ἐλευθέρου φέρει πολεμιστὰς μὲν τρεῖς παρʼ ἑκάτερα βάλλοντας καὶ τὸν τρίτον κατόπιν, τέταρτον δὲ τὸν τὴν ἅρπην ἔχοντα διὰ χειρῶν καὶ ἐκείνῃ τὸν θῆρα ἰθύνοντα, ὡς οἴακι ναῦν κυβερνητικὸν ἄνδρα καὶ ἐπιστάτην τῆς νεώς. θήρα δὲ παρδάλεων Μαυρουσία εἴη ἄν. καὶ ἔστιν αὐτοῖς οἰκοδομία λίθων πεποιημένη, καὶ ἔοικε ζωγρείῳ τινί, καὶ ἔστι μὲν ὁ λόχος ὅ δε ὁ πρῶτος· ὅ γε μὴν δεύτερος, ἐνδοτέρω σαπροῦ κρέως καὶ ὀδωδότος μοῖραν μηρίνθου τινὸς μακροτέρας ἐξαρτῶσι, θύραν δὲ ἐκ ῥιπίδων καί τινων καλάμων ἀραιὰν ἐπέστησαν, καὶ μέντοι καὶ διʼ αὐτῶν ἐκπνεῖται ἡ τοῦ κρέως τοῦ προειρημένου ὀσμὴ διαρρέουσα. αἰσθάνονται δὲ αἱ θῆρες, καὶ γάρ πως τοῖς κακόσμοις φιληδοῦσι· προσβάλλει γὰρ αὐτὰς ὁ τῶν προειρημένων ἀήρ, ἐάν τε ἐν ἄκροις τοῖς ὄρεσιν ἐάν τε ἐν φάραγγι, καὶ μέντοι καὶ ἐν αὐλῶνι. εἶτα ἀνεφλέχθη τῇ ὀσμῇ ἐντυχοῦσα, <pb xml:id="p.324"/> καὶ ὑπὸ τῆς ἄγαν ὁρμῆς ἐς τὴν θοίνην τὴν φίλην ᾅττει φερομένη· ἕλκεται δὲ ὑπʼ αὐτῆς ὡς ὑπό τινος ἴυγγος. εἶτα ἐμπίπτει τῇ θύρᾳ καὶ ἀνατρέπει αὐτὴν καὶ ἔχεται τοῦ δυστυχοῦς δείπνου. τῇ γάρ τοι μηρίνθῳ τῇ προειρημένῃ συνυφάνθη πάγη καὶ μάλα σοφή, ἥπερ οὖν ἐσθιομένου τοῦ κρέως κινεῖται, καὶ περιλαμβάνει τὴν λίχνον πάρδαλιν. καὶ ἑάλω, γαστρὸς ἀδηφάγου καὶ μυσαρᾶς ἑστιάσεως δέκας ἐκτίνουσα ἡ δυστυχής. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="11"> 
+<p> αἱροῦνται δὲ οἱ λαγῲ ὑπὸ ἀλωπέκων οὐχ ἧττον ἀλλὰ καὶ μᾶλλον τέχνῃ· σοφὸν γὰρ ἀπατᾶν ἀλώπηξ, καὶ δόλους οἶδεν. ὅταν γοῦν νύκτωρ ἐς ἴχνος ἐμπέσῃ τοῦ λαγὼ καὶ αἴσθηται τοῦ θηρίου, σιγῇ τε ἐπιβαίνει καὶ ποδὶ ἀψόφῳ, καὶ ἀναστέλλει τὸ ἆσθμα, καὶ καταλαβοῦσα ἐν τῇ κοίτῃ πειρᾶται αἱρεῖν ὡς ἀδεᾶ καὶ ἄφροντιν. ὃ δὲ οὐ τρυφῶν οὐδὲ ῥᾳθύμως καθεύδει, ἀλλʼ ἅμα τε ᾔσθετο τοῦ ζῴου τοῦ προσιόντος καὶ τῆς εὐνῆς ἐξεπήδησε καὶ θεῖ· καὶ ὃ μὲν ἀνύτει τὸν δρόμον καὶ μάλα ὠκέως, ἡ δὲ ἀλώπηξ καὶ αὐτὴ κατʼ ἴχνος ἵεται καὶ τοῦ δρόμου ἔχεται. καὶ ὃ μὲν πολλὴν ὁδὸν διανύσας, ὡς ἤδη κρείττων καὶ οὐκ ἂν ἁλούς, ἐμπεσὼν ἐς λόχμην ἀσμένως ἀναπαύεται· ἡ δὲ ἀλώπηξ ἐφίσταται, καὶ ἀτρεμεῖν οὐκ ἐπιτρέπει, πάλιν τε αὐτὸν ἐγείρει, καὶ ἐς δρόμον ἐξηνέμωσεν ἕτερον. εἶτα οὐχ ἥττων τῆς προτέρας ὁδὸς καὶ δὴ διηνύσθη, καὶ ὃ μὲν ἀναπαύσασθαι διψᾷ πάλιν, ἣ δὲ ἐφίσταται, καὶ σείουσα τὸν θάμνον ἀγρυπνίαν ἐνεργάζεται αὐτῷ. ὃ δὲ πάλιν ἐκθεῖ, καὶ ἡ ἀλώπηξ οὐχ ὑστερεῖ. συνεχέστερον δὲ ὅταν αὐτὸν δρόμος ἐκ δρόμου διαλάβῃ καὶ ἀγρυπνία διαδέξηται, ὃ μὲν ἀπεῖπε, ἣ δὲ ἐπελθοῦσα κατέσχεν αὐτόν, οὐ μὰ Δία δρόμῳ ἀλλὰ τῷ χρόνῳ καὶ τῷ δόλῳ καθελοῦσα. ταῦτα μὲν οὖν ἄλλως προεκθέων ὁ λόγος ὑπὲρ τοῦ δρόμου <pb xml:id="p.325"/> τοῦ λαγὼ ἀναβέβληται, τὰ δὲ λοιπὰ ἐν τοῖς ἑπομένοις λέγειν ἐγκαιρότερον· ὅθεν δὲ ἐξετραπόμην καὶ δὴ ἐπάνειμι αὖθις. ἦν δὲ ἄρα τοῦ διασπείρειν τὰ ἔκγονα καὶ ἄλλο ἄλλῃ τρέφειν αἰτία ἥδε. ἔστι μὲν ὁ λαγὼς φιλότεκνον δεινῶς, δέδοικε δὲ καὶ τὰς ἐκ τῶν θηρώντων ἐπιβουλὰς καὶ τὰς ἐκ τῶν ἀλωπέκων ἐπιδρομάς, πέφρικέ γε μὴν καὶ τὰς ἐκ τῶν ὀρνίθων οὐχ ἧττον, φωνὴν δὲ κοράκων καὶ ἀετῶν μᾶλλον· πρὸς γὰρ δὴ ταῦτα τῶν πτηνῶν οὐκ ἔστιν αὐτῷ ἔνσπονδα. ὑποκρύπτει δὲ ἑαυτὸν ἢ θάμνῳ κομῶντι ἢ ληίῳ βαθεῖ, ἤ τινα ἄλλην ἑαυτοῦ προβάλλεται ἀναγκαίαν καὶ ἄμαχον σκέπην. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="12"> 
+<p>Θηρατοῦ δὲ ἀνδρὸς καὶ τὰ ἕτερα ἀγαθοῦ, οἵου μὴ ἂν ψεύσασθαι, λόγον ἤκουσα, καὶ αὐτῷ πεπίστευκα, καὶ διὰ ταῦτα εἰρήσεται. τίκτειν γὰρ δὴ καὶ ἄρρενα λαγὼν ἔλεγε καὶ παιδοποιεῖσθαί τε ἅμα καὶ ὠδίνειν καὶ τῆς φύσεως μὴ ἀμοιρεῖν ἑκατέρας. καὶ ὡς ἐκτρέφει τεκὼν ἔλεγε, καὶ ὡς ἀποτίκτει καὶ δύο που καὶ τρία, καὶ τοῦτο ἐμαρτύρει, καὶ δὴ καὶ τὸν κολοφῶνα ἐπῆγε τῷδε τῷ λόγῳ παντὶ ἐκεῖνον. θηραθῆναι γὰρ λαγῶ ἄρρενα ἡμιθνῆτα, ἐξωγκῶσθαι δὲ αὐτοῦ τὴν γαστέρα ἅτε ἔγκαρον. ἀνατμηθῆναί τε οὖν αὐτὸν ὡμολόγει καὶ μήτραν πεφωρᾶσθαι καὶ τρεῖς λαγιδεῖς. τούτους οὖν ἀκινήτους τέως εἶναι ἐξαιρεθέντας καὶ κεῖσθαι οἱονεὶ κρέα ἄλλως· ἐπεὶ δὲ ὑπὸ τοῦ ἡλίου ἀλεαινόμενοι καὶ δὴ κατὰ μικρὰ ὑποθαλπόμενοι διέτριψαν, ἀναφέροντες ἑαυτοὺς ἀνεβιώσκοντο, καί πού τις αὐτῶν καὶ ἐκινήθη καὶ μετὰ ταῦτα ἀνέβλεψε, τάχα δὲ καὶ γλῶτταν ἐπὶ τούτοις προύβαλε, καὶ στόμα ἀνέῳξε τροφῆς πόθῳ. προσενεχθῆναι οὖν οἷα εἰκὸς τοῖς τηλικούτοις γάλα καὶ κατʼ ὀλίγον ἐκτραφῆναι αὐτούς, δεῖγμα ἐμοὶ δοκεῖν ἐς θαῦμα τοῦ <pb xml:id="p.326"/> τεκόντος τούτους. μὴ πιστεύειν οὖν τῷ λόγῳ πεῖσαι ἐμαυτὸν οὐ δύναμαι· τὸ δὲ αἴτιον, ἡ τοῦ ἀνδρὸς γλῶττα οὔτε ψεῦδος οὔτε κόμπον ἠπίστατο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="13"> 
+<p> ἦν δὲ ἄρα ὁ λαγὼς καὶ ἀνέμων τε καὶ ὡρῶν ἐπιστήμων· σοφὸν γάρ τι χρῆμα αὐτοῦ, ἀλλʼ οὐκ εὔχαρι ὄν. χειμῶνος οὖν τὸν κοῖτον ἐν τοῖς προσηλίοις τίθεται· δῆλα γὰρ δὴ ὅτι θάλπεται μὲν ἀσμένως, κρύει δὲ ἐχθρῶς ἔχει· θέρους δὲ πρὸς ἄρκτον ἀποκλίνει πόθῳ ψύχους. τῆς δὲ τῶν ὡρῶν διαφορᾶς αἱ ῥῖνες αὐτῷ γνώμων. οὐ μὴν ἐπιμύει καθεύδων ὁ λαγώς, καὶ τοῦτο αὐτῷ ζῴων μόνῳ περίεστιν, οὐδὲ νικᾶται τῷ ὕπνῳ τὰ βλέφαρα· φασὶ δὲ αὐτὸν καθεύδειν μὲν τῷ σώματι, τοῖς δὲ ὀφθαλμοῖς τηνικάδε ὁρᾶν. γράφω δὲ ἅπερ οὖν οἱ σοφοὶ τῶν θηρατῶν λέγουσιν. εἰσὶ δὲ αὐτῶν νύκτωρ αἱ νομαί, τοῦτο μὲν καὶ τροφῆς ξένης ἐπιθυμίᾳ ἴσως, ἐγὼ δʼ ἂν φαίην ὅτι γυμνασίας ἕνεκα, ἵνα καὶ τηνικάδε ἐπὰν ἀπὸ τοῦ ὕπνου καρτερῇ ἐνεργὸς ὢν κρατύνηται τὸ τάχος. τῆς δὲ ὁδοῦ τῆς ὀπίσω ἐρᾷ δεινῶς, καὶ συντρόφου παντὸς χωρίου ἡττᾶται· ἔνθεν τοι καὶ ἁλίσκεται τὰ πολλά, τὰ ἤθη τὰ οἰκεῖα ἐκλιπεῖν οὐχ ὑπομένων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="14"> 
+<p> θεῖ δὲ ὁ λαγὼς ὑπό τε κυνῶν καὶ ἱππέων διωκόμενος, εἰ μὲν ἐκ πεδιάδος γῆς εἴη, ὠκύτερον τῶν ὀρείων λαγῶν, ἄτε μικρὸς τὸ σῶμα καὶ λεπτός· ἔνθεν τοι καὶ κοῦφον αὐτὸν εἶναι οὐκ ἀπεικός. σκιρτᾷ γοῦν τὰ πρῶτα ἀπὸ τῆς γῆς καὶ πηδᾷ, διαδύεται δὲ καὶ διὰ θάμνων ὀλισθηρῶς καὶ εὐκόλως καὶ διὰ παντὸς ἑλώδους τόπου· καὶ εἴ που πόαι βαθεῖαι, καὶ διὰ τούτων διεκπίπτει ῥᾳδίως. καὶ ὅπερ τοῖς λέουσί φασι τὴν ἀλκαίαν δύνασθαι πρὸς τὸ ἐγείρειν αὑτοὺς καὶ ἐποτρύνειν, τοῦτό τοι καὶ ἐκείνῳ τὰ ὦτά ἐστι, ῥύμης συνθήματα καὶ ἐγερτήρια δρόμου. ἀνακλίνει γοῦν <pb xml:id="p.327"/> κατὰ τῶν νώτων αὐτά, κέχρηται δὲ αὐτοῖς πρὸς τὸ μὴ ἐλινύειν μηδὲ ὀκνεῖν οἷον μύωψι. δρόμον δὲ ἕνα καὶ εὐθὺν οὐ θεῖ, δεῦρο δὲ καὶ ἐκεῖσε παρακλίνει, καὶ ἐξελίττει τῇ καὶ τῇ, ἐκπλήττων τοὺς κύνας καὶ ἀπατῶν. ὅποι ποτὲ δʼ ἂν ὁρμήσῃ καὶ ἀπονεῦσαι θελήσῃ, κατʼ ἐκείνην τὴν ἐκτροπὴν κλίνει τῶν ὤτων τὸ ἕτερον, οἷον ἰθύνων ἑαυτῷ διὰ τούτου τὸν δρόμον. οὐ μὴν ἀναλίσκει τὴν ἑαυτοῦ δύναμιν ἀταμιεύτως, τηρεῖ δὲ τοῦ διώκοντος τὴν ὁρμήν, καὶ ἐὰν μὲν ᾖ νωθής, οὐ πᾶν ἀνῆκε τὸ ἑαυτοῦ τάχος, ἀλλά τι καὶ ἀνέστειλεν, ὡς προεκθεῖν μὲν τοῦ κυνός, οὐ μὴν ἀπαγορεῦσαι ὑπὸ τοῦ συντόνου τοῦ δρόμου αὐτός. οἶδε γὰρ ἀμείνων ὤν, καὶ ὁρᾷ ἐς τὸ μὴ ὑπερπονεῖσθαί οἱ τὸν καιρὸν ὄντα. ἐὰν δὲ καὶ ὁ κύων ᾖ ὤκιστος, τηνικαῦτα </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="15"> 
+<p>ὁ λαγὼς φέρεται θέων ᾗ ποδῶν ἔχει. ἤδη γοῦν καὶ πολὺ τῆς ὁδοῦ προλαβών, καὶ ἀπολιπὼν ἐκ πολλοῦ θηρατὰς καὶ κύνας καὶ ἵππους, ἐπί τινα λόφον ὑψηλὸν ἀναθορὼν καὶ ἑαυτὸν ἀναστήσας ἐπὶ τῶν κατόπιν ποδῶν, οἷον ἀπὸ σκοπιᾶς ὁρᾷ τὴν τῶν διωκόντων ἅμιλλαν, καί μοι δοκεῖ ὡς ἀσθενεστέρων καταγελᾶν αὐτῶν. εἶτα ἐκ τούτου θαρρήσας ὡς πλέον ἔχων, οἷον εἰρήνης καὶ γαλήνης λαβόμενος ἀσμένως ἡσυχάζει καὶ κεῖται καθεύδων. λαγὼς δὲ ὄρειος οὐχ οὕτω ταχύς, ὥσπερ οὖν οἱ τοῖς πεδίοις ἐνοικοῦντες, εἰ μή ποτε ἄρα κἀκεῖνοι πεδίον ἔχοιεν ὑποκείμενον, ἐν ᾧ κατιόντες διαθέουσι· καὶ τὸ μὲν ὄρος κατοικοῦσι, γυμνάζονται δὲ ἐνταῦθα, συνθέοντες τοῖς ἐκ τῶν πεδίων πολλάκις. φιλεῖ γοῦν ἐν μὲν τοῖς πεδίοις αὐτοὺς διώκεσθαι, καὶ τὰ μὲν ὑποκινεῖν, τὰ δὲ ὑπολανθάνειν, εἶτα ἐκ τῆς συνήθους διώξεως ἀνισταμένους ὑπεκφυγεῖν οὐδὲ εἷς. ἐπὰν δὲ ὦσιν ὁμοῦ τῷ ἁλίσκεσθαι, τῆς πεδιάδος ὁδοῦ βραχὺ ἀποκλίναντες <pb xml:id="p.328"/> ἐς τὰ ἀνάντη καὶ ὄρεια ἀνέθορον, ἅτε ἐς οἰκεῖα ἤθη καὶ ἔννομά σφισι σπεύδοντες, καὶ τοῦτον τὸν τρόπον ἀπιόντες οἴχονται, ἀδοκήτου σωτηρίας τυχόντες· ὀρειβασίαι γὰρ καὶ ἵπποις καὶ κυσὶν ἐχθραὶ πεφύκασιν, ἀπαγορευόντων αὐτοῖς τῶν ποδῶν καὶ ἐκτριβομένων ῥᾷστα. κυνῶν δὲ ἔτι καὶ μᾶλλον ἅπτεται τὸ πάθος· σαρκώδεις γὰρ αὐτῶν εἰσιν οἱ πόδες, καὶ ἔχουσιν οὐδὲν πρὸς τὴν πέτραν ἀντίτυπον, ὡς ἵπποι τὴν ὁπλήν. ὁ δὲ λαγὼς τοὐναντίον, πέφυκε γὰρ δασὺς τοὺς πόδας, καὶ δὴ καὶ τῶν τραχέων ἀνέχεται. ὅτῳ δέ εἰσι λαγῷ ἐν τοῖς δάσεσι καὶ ἐν τοῖς θάμνοις διατριβαί, νωθεῖς μὲν οὗτοι ἐς τὸν δρόμον, βραδεῖς δὲ ἐς τὴν φυγήν· πεπιασμένοι γὰρ οἱ τοιοίδε εἰσὶ καὶ ὑπὸ τῆς ἀργίας οὐχὶ ἠθάδες τοῦ δρόμου, ἥκιστοί τε ὡς ὅτι πορρωτάτω τῶν θάμνων ἀποφοιτᾶν. θῆραι δὲ τούτων τοιαίδε. τὰ μὲν πρῶτα διαδύονται διὰ τῶν θάμνων τῶν μικρῶν, ὅσοις μὴ συνεχὴς ἡ λόχμη, τούς γε μὴν δασυτέρους αὐτῶν, ἅτε μὴ οἷοί τε ὄντες ὑπελθεῖν, εἰκότως ὑπερπηδῶσι. πεφύκασι δὲ ἄλλοι συνεχεῖς καὶ διʼ ἀλλήλων συνυφασμένοι. ὅτου οὖν τοιοῦτοι, ἅτε πολλάκις ἀναγκαζόμενος τοῦτο δρᾶν ὁ λαγώς, καὶ διὰ τὴν βαρύτητα τὴν τοῦ σώματος οὐκ ὢν ἁλτικός, κάμνει ῥᾷστα καὶ ἀπαγορεύει. αἴ γε μὴν κύνες τὰ πρῶτα σφάλλονταί τε αὐτοῦ καὶ ἁμαρτάνουσιν· οὐ γὰρ ὁρῶσιν αὐτὸν διὰ τὴν τῆς ὕλης πυκνότητα, πηδῶσι δὲ καὶ αὗται κατὰ τῶν θάμνων ὑπὸ τῆς ὀσμῆς ἀγόμεναι· τελευτῶσαί γε μὴν εἶδον καὶ διώκουσι καὶ ἐνδιδόασιν οὐδὲ ἕν, ὃ δὲ ἐκ τῆς τοῦ πηδᾶν συνεχείας κάμνει τε καὶ ἀπαγορεύει καὶ ἐντεῦθεν ἑάλωκε. τὰ δὲ ἀνάντη μὲν καὶ ὑψηλὰ οἱ λαγῲ ἀναθέουσι ῥᾷστα· τὰ γάρ τοι κατόπιν κῶλα μακρότερα <pb xml:id="p.329"/> ἔχουσι τῶν ἔμπροσθεν· καταθέουσι δʼ οὐχ ὁμοίως· λυπεῖ γὰρ αὐτοὺς τῶν ποδῶν τὸ ἐναντίον. πέφυκε δὲ καὶ λαγὼς ἕτερος μικρὸς τὴν φύσιν, οὐδὲ αὔξεταί ποτε· κόνικλος ὄνομα αὐτῷ. οὔκ εἰμι δὲ ποιητὴς ὀνομάτων, ὅθεν καὶ ἐν τῇδε τῇ συγγραφῇ φυλάττω τὴν ἐπωνυμίαν τὴν ἐξ ἀρχῆς, ἥνπερ οὖν Ἴβηρες οἱ Ἑσπέριοι ἔθεντό οἱ, παρʼ οἷς καὶ γίνεται τε καὶ ἔστι πάμπολυς. τούτῳ τοίνυν ἡ μὲν χρόα παρὰ τοὺς ἑτέρους μέλαινα, καὶ ὀλίγην ἔχει τὴν οὐράν, τά γε μὴν λοιπὰ τοῖς προειρημένοις ἰδεῖν ἐμφερής ἐστι. διαλλάττει δὲ ἔτι καὶ τὸ τῆς κεφαλῆς μέγεθος· λεπτοτέρα γὰρ ἡ τούτου καὶ δεινῶς ἄσαρκος καὶ βραχυτέρα. λευκότερος δὲ τῶν λοιπῶν· λασαρὰ διετησίους φύσει, ὑφʼ ὧν οἰστρεῖταί τε καὶ ἐκμαίνεται, ὅταν ἐπὶ τὰς θηλείας ᾅττῃ. ἔστι δὲ ὀστοῦν ἐν τῇ καρδίᾳ αὐτοῦ, ὅπερ οὖν τίνος ἀγαθὸν εἰδέναι μελήσει ἄλλῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="16"> 
+<p>τὴν τῶν θύννων θήραν Ἰταλοί τε καὶ Σικελοὶ κητείαν φιλοῦσιν ὀνομάζειν· τά τε χωρία, ἔνθα αὐτοῖς εἴωθε θησαυρίζεσθαι τά τε δίκτυα τὰ μεγάλα καὶ ἡ λοιπὴ παρασκευὴ ἡ θηρατική, καλεῖται μέντοι κητοθηρεῖα, τοῦ θύννου τὸ μέγεθος ἐς τὰ κήτη βουλομένων τὸ λοιπὸν ἀποκρίνειν. ἀκούω δὲ Κελτοὺς καὶ Μασσαλιώτας καὶ τὸ Λιγυστικὸν πᾶν ἀγκίστροις τοὺς θύννους θηρᾶν· εἴη δʼ ἂν ταῦτα ἐκ σιδήρου μὲν πεποιημένα, μέγιστα δὲ καὶ παχέα ἰδεῖν. καὶ τά γε ὑπὲρ τῶν θύννων νῦν πρὸς τοῖς ἤδη προειρημένοις τοσαῦτα ἔστω μοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="17"> 
+<p>περὶ τὰς καλουμένας νήσους Τυρρηνικὰς θηρῶσιν οἱ κατὰ τὴν ἁλιείαν ἔχοντες τὸν ἐκεῖθι κητώδη ἰχθύν, καὶ καλοῦσιν αὐτὸν αὐλωπίαν, καὶ περιηγήσασθαί γε τούτου τὰ ἴδια οὐ χεῖρόν ἐστι. μέγεθος μὲν ἡττᾶται τῶν μεγίστων θύννων ὁ μέγιστος αὐλωπίας, <pb xml:id="p.330"/> ῥώμην δὲ καὶ ἀλκὴν τὰ πρῶτα φέροιτο ἂν πρὸς ἐκείνους ἀντικρινόμενος. ἄλκιμον μὲν γὰρ ἰχθύων φῦλόν ἐστι καὶ οἱ θύννοι, ἀλλὰ τῷ παραταξαμένῳ καὶ προθύμως ἀνταγωνισαμένῳ μετὰ τὴν πρώτην ὁρμὴν ἀφίσταται τοῦ κράτους τοῦ αἵματος αὐτῷ πηγνυμένου, καὶ παρειμένος ὤκιστα εἶτα ἑάλω. διακαρτερεῖ γε μὴν ὁ αὐλωπίας ἐπὶ μακρόν, ὅταν ἐπίθηταί οἱ κατὰ τὸ καρτερόν, καὶ ὡς πρὸς ἀντίπαλον ἀνθίσταται τὸν ἁλιέα, καὶ κρατεῖ τὰ πλεῖστα, ἐπὶ μᾶλλον ἑαυτὸν πιέσας καὶ κάτω νεύσας τὴν κεφαλὴν καὶ ὠθήσας κατὰ τοῦ βυθοῦ· πέφυκέ τε τὴν γένυν ἰσχυρὸς καὶ τὸν αὐχένα καρτερός, καὶ ῥώμης ἔχει κάλλιστα. ὅταν δὲ αἱρεθῇ, ἰδεῖν ὡραιότατός ἐστι, τοὺς μὲν ὀφθαλμοὺς ἔχων ἀνεῳγότας καὶ περιφερεῖς καὶ μεγάλους, οἵους Ὅμηρος τοὺς τῶν βοῶν ᾅδει· ἡ δὲ γένυς, ὥσπερ οὖν εἶπον, καρτερὰ οὖσα, ὅμως καὶ ἐς ὥραν οἱ συμμάχεται. καὶ τὰ μὲν νῶτα αὐτῷ κυανοῦ μεμίμηται χρόαν τοῦ βαθυτάτου, ὑπέζωσταί γε μὴν λευκὴν τὴν νηδύν· ἄρχεται δὲ ἀπὸ τῆς κεφαλῆς αὐτῷ γραμμὴ χρυσῖτις τὴν χρόαν, κατιοῦσα δὲ ἐς τὸ οὐραῖον μέρος ἀπολήγει ἐς κύκλον. εἰπεῖν δὲ καὶ τὴν δολερὰν ἐπʼ αὐτοῖς θήραν, ἥνπερ οὖν ἀκούσας οἶδα, ἐθέλω. προελόμενοι χώρους ἐκ πολλοῦ, ἐς οὓς ἀθροίζεσθαι τοὺς αὐλωπίας ὑπολαμβάνουσιν, εἶτα μέντοι κορακίνους ταῖς ὑποχαῖς πολλοὺς συλλαβόντες, τὴν ἑαυτῶν ἄκατον ἐπʼ ἀγκυρῶν ὁρμίσαντες καὶ συνεχῶς κτύπον τινὰ ὑποδρῶντες διατείνουσι τοὺς κορακίνους ἅμμασι σφηκοῦντες. οἱ δὲ ἀκούοντες τοῦ κτύπου καὶ τὸ δέλεαρ ὁρῶντες ἄλλος ἀλλαχόθεν ἀνανέουσι καὶ ἀθροίζονται καὶ περιέρχονται τὴν ἁλιάδα, πραΰνονταί τε ἐς τοσοῦτον τῷ κρότῳ καὶ τῷ πλήθει τῆς τροφῆς, ὡς καὶ προτεινόντων τὰς χεῖρας <pb xml:id="p.331"/> παραμένειν. ἀνέχονται δὲ ἀνθρωπίνης ἐπιψαύσεως, ὡς μὲν κρίνειν ἐμέ, τῇ βορᾷ δεδουλωμένοι, ἤδη δέ, ὡς οἱ θηρατικοί φασι, καὶ τῇ ἀλκῇ θαρροῦντες. εἰσὶ δὲ ἐν αὐτοῖς καὶ χειροήθεις, οὕσπερ οὖν οἱ ἁλιεῖς ὡς εὐεργέτας καὶ ἑταίρους γνωρίζουσιν, εἶτα μέντοι τὰ πρὸς αὐτοὺς ἔχουσιν ἔνσπονδα. ἕπονται δὲ τούτοις οἷον ἡγεμόσι καὶ ἄλλοι ξένοι, καὶ τούτους μὲν ὡς ἂν εἴποι τις ἐπήλυδας καὶ θηρῶσι καὶ ἀποκτείνουσι, πρός γε μὴν τοὺς τιθασούς, οἵπερ οὖν ἐοίκασι ταῖς παλευτρίαις πελειάσιν, ἀθηρία τε αὐτοῖς ἐστι καὶ ἐκεχειρία. οὐδʼ ἂν ἁλιέα σοφὸν τοσαύτη ποτὲ καταλάβοι ἀπορία, ὡς ἐξ ἐπιβουλῆς ἑλεῖν αὐλωπίαν ἥμερον· ἐκ γάρ τινων αἰτιῶν αἱρεθεὶς κατὰ τύχην καὶ λυπεῖ. ἁλίσκεται δὲ ἢ ἀγκίστρῳ περιπαρεὶς ἢ τρωθεὶς ἐς θάνατον. ὁρῶμεν δὲ καὶ τοὺς ὀρνιθοθήρας μὴ ἂν τῶν ἐλλοχώντων ὀρνίθων ἀποκτείναντάς τινας ἢ ἐπὶ πράσει ἢ ἐπὶ δείπνῳ. καὶ ἄλλαι δὲ θῆραι τῶνδε τῶν ἰχθύων εἰσίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="18"> 
+<p>ἐν δὲ τοῖς βασιλείοις τοῖς Ἰνδικοῖς, ἔνθα ὁ μέγιστος τῶν βασιλέων διαιτᾶται τῶν ἐκεῖθι, πολλὰ μὲν καὶ ἄλλα ἐστὶ θαυμάσαι ἄξια, ὡς μὴ αὐτοῖς ἀντικρίνειν μήτε τὰ Μεμνόνεια Σοῦσα καὶ τὴν ἐν αὐτοῖς πολυτέλειαν μήτε τὴν ἐν τοῖς Ἐκβατάνοις μεγαλουργίαν· ἔοικε γὰρ κόμπος εἶναι Περσικὸς ἐκεῖνα, εἰ πρὸς ταῦτα ἐξετάζοιτο. καὶ τὰ λοιπὰ μὲν περιελθεῖν τῷ λόγῳ οὐ τῆσδε τῆς συγγραφῆς ἐστιν, ἐν δὲ τοῖς παραδείσοις τρέφονται μὲν καὶ ταῶς ἥμεροι καὶ χειροήθεις φασιανοί, ἔχουσι δὲ ἐν τοῖς φυτοῖς τοῖς ἠσκημένοις, ἅπερ οὖν οἱ μελεδωνοὶ οἱ βασίλειοι τῆς δεούσης ἀξιοῦσι κομιδῆς. καὶ γάρ εἰσιν ἄλση σκιερὰ καὶ νομὴ σύμφυτος καὶ κλάδοι δʼ ἀλλήλων συνυφασμένοι σοφίᾳ τινὶ δενδροκομικῇ. καὶ τὸ σεμνότερον τῆς <pb xml:id="p.332"/> ὥρας τῆς ἐκεῖθι, τὰ δένδρα αὐτὰ τῶν ἀειθαλῶν ἐστι, καὶ οὔποτε γηρᾷ καὶ ἀποῥῥεῖ τὰ φύλλα· καὶ τὰ μὲν ἐπιχώριά ἐστι, τὰ δὲ ἀλλαχόθεν σὺν πολλῇ κομισθέντα τῇ φροντίδι, ἅπερ οὖν κοσμεῖ τὸν χῶρον καὶ ἀγλαΐαν δίδωσι, πλὴν ἐλαίας· οὐ γὰρ αὐτὴν ἡ Ἰνδῶν φέρει, οὔτε αὐτή, οὔτε ἥκουσαν ἀλλαχόθεν τρέφει. ὄρνιθες οὖν καὶ ἕτεροι ἐλεύθεροι καὶ ἀδούλωτοι, καὶ ἐλθόντες αὐτομάτως ἔχουσι κατʼ αὐτῶν κοίτας καὶ εὐνάς· ἐνταῦθά τοι καὶ οἱ ψιττακοὶ τρέφονται καὶ εἰλοῦνται περὶ τῷ βασιλεῖ. σιτεῖται δὲ Ἰνδῶν οὐδὲ εἷς ψιττακόν, καίτοι παμπόλλων ὄντων τὸ πλῆθος· τὸ δὲ αἴτιον, ἱεροὺς αὐτοὺς εἶναι πεπιστεύκασιν οἱ Βραχμᾶνες, καὶ μέντοι καὶ τῶν ὀρνίθων ἁπάντων προτιμῶσι. καὶ ἐπιλέγουσι δρᾶν τοῦτο εἰκότως· μόνον γὰρ τὸν ψιττακὸν ἀνθρώπου στόμα εὐστομώτατα ὑποκρίνεσθαι. εἰσὶ δὲ ἄρα ἐν τοῖσδε τοῖς βασιλείοις καὶ λίμναι χειροποίητοι ὡραῖαι, καὶ ἰχθύας ἔχουσι μεγέθει μεγίστους καὶ πραεῖς· καὶ θηρᾷ αὐτοὺς οὐδεὶς ὅτι μὴ οἱ τοῦ βασιλέως υἱεῖς παῖδες ἔτι ὄντες, ἐν ἀκλύστῳ καὶ ἥκιστα ἐπικινδύνῳ τῷ ὕδατι ἁλιεύοντές τε καὶ παίζοντες καὶ ἅμα καὶ πλεῖν μανθάνοντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="19"> 
+<p> ἐν τῷ Ἰονίῳ πελάγει κατὰ τὸν Λευκάτην καὶ τὴν πρὸς τῷ Ἀκτίῳ θάλατταν, ἔνθα τοι καὶ τὸν χῶρον καλοῦσιν Ἤπειρον, κεφάλων εἰσὶ κατὰ ἴλας ὡς ἂν εἴποι τις ἄφθονοι νήξεις καὶ πλήθη πάμπολλα. οὐκοῦν θηρῶνται καὶ μάλα ἐκπληκτικῶς· ὁ δὲ τρόπος τῆς θήρας οὗτός ἐστι. νύκτα ἀσέληνον οἱ ἐκεῖθι ἁλιεῖς παραφυλάξαντες, ἀπὸ δείπνου γενόμενοι κατὰ δύο ἀπῆραν σκάφος, οὐκ ὄντος κύματος ἀλλὰ ἀκλύστου καὶ γαληναίας τῆς θαλάττης, εἶτα ἡσυχῆ καὶ κατὰ μικρὰ προερέττουσι· καὶ ὃ μὲν αὐτὴν ὑποκινεῖ τῷ <pb xml:id="p.333"/> κωπίῳ, προάγων τὴν πορθμίδα βάδην ὡς ἂν εἴποις· ἅτερος δὲ κατακλινεὶς ἐπʼ ἀγκῶνος τὸ καθʼ ἑαυτὸν μέρος ἐπιβρίθει τῆς πορθμίδος, καὶ ἐς τοσοῦτον ἐπικλίνει, εἰς ὅσον τὸ χεῖλος αὐτῆς προσπελάζει τῷ ὕδατι. οἱ κέφαλοι δὲ καὶ οἱ τούτοις ὁμοειδεῖς κεστρεῖς, ἤτοι τῇ νυκτὶ τερπόμενοι ἢ χαίροντες τῇ γαλήνῃ, τοὺς μὲν χηραμοὺς τοὺς ἑαυτῶν καὶ τοὺς φωλεοὺς ἀπολείπουσιν, ἀνανέουσι δέ, καὶ τὰ ἄκρα γε τοῦ προσώπου ὑπὲρ τὸ ὕδωρ φαίνουσι, καὶ τοσοῦτον τῆς ἐς τὸ ἄνω νήξεως ἐπιλαμβάνουσι, καὶ γίνονται τῆς ᾐόνος πλησιον. θεασάμενοι δὲ οἱ θηραταὶ πλέουσι, καὶ τὸ ῥόθιόν γε τῆς πορθμίδος ἡσυχῆ πως ὑποκυμαίνειν ἄρχεται. φεύγοντες οὖν τὴν γῆν καὶ ὑποστρέφοντες ἐς τὸ ἐπικλινὲς τῆς ἀκάτου σφᾶς αὐτοὺς ὑπωθοῦσι, καὶ εἴσω παρελθόντες ἑαλώκασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="20"> 
+<p>τῶν δὲ κητῶν τὰ ὑπέρογκα ἄγαν καὶ τὸ μέγεθος ὑπερήφανα νήχεται μὲν ἐν τοῖς πελάγεσι μέσοις, ἤδη γε μὴν καὶ σκηπτοῖς βάλλεται. πρὸς τούτοις μὲν οὖν καὶ ὅσα ἕτερα σπάνια τοιαῦτα, καὶ ὄνομα τροχὸς αὐτοῖς. καὶ νεῖ κατʼ ἀγέλας ταῦτα, μάλιστα μὲν ἐν δεξιᾷ τοῦ Ἄθω τοῦ Θρᾳκίου, ἔν γε τοῖς κόλποις τοῦ ἀπὸ Σιγείου πλέοντα, ἐντυχεῖν δέ ἐστιν αὐτοῖς καὶ κατὰ τὴν ἀντιπέρας ἤπειρον παρά τε τὸν Ἀρταχαίου καλούμενον τάφον καὶ τὸν Ἀκάνθιον ἰσθμόν, ἔνθα τοι καὶ ἡ τοῦ Πέρσου φαίνεται διατομή, ᾗ διέτεμε τὸν Ἄθω. τὰ κήτη δὲ ταῦτα, ἃ καλοῦσι τροχούς, ἄλκιμα μὲν οὔ φασιν εἶναι, λοφιὰν δὲ ὑποφαίνει καὶ ἀκάνθας ὑπερμήκεις, ὡς καὶ πολλάκις ὁρᾶσθαι ἐξάλους αὐτάς. ἀκούσαντα δὲ εἰρεσίας κτύπου περιστρέφεταί τε καὶ κατειλεῖται ὡς ὅτι κατωτάτω ἑαυτὰ ὠθοῦντα· ἔνθεν τοι καὶ τοῦδε τοῦ ὀνόματος μετείληχεν. <pb xml:id="p.334"/> ἀναπλεῖ δὲ ἀνελιχθέντα καὶ κυλιόμενα ἔμπαλιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="21"> 
+<p> Τριτώνων πέρι σαφῆ μὲν λόγον καὶ ἀπόδειξιν ἰσχυρὰν οὐ μάλα τί φασιν εἰπεῖν ἔχειν τοὺς ἁλιέας· λέγει δʼ οὖν φήμη διαρρέουσα ναὶ μὰ Δία πολλὴ γίνεσθαί τινα ἐν τῇ θαλάττῃ κήτη ἀνθρωπόμορφα τὰ ἀπὸ κεφαλῆς ὅσα ἐς ἰξὺν λήγει. λέγει δὲ Δημόστρατος ἐν λόγοις ἁλιευτικοῖς ἐν Τανάγρᾳ θεάσασθαι τάριχον Τρίτωνα. καὶ τὰ μὲν ἄλλα ἦν φησι καὶ τοῖς πλαττομένοις ὅμοιος καὶ τοῖς γραφομένοις, τὴν δέ οἱ κεφαλὴν ὑπὸ χρόνου διεφθαρμένην οὐ πάνυ τι σαφῆ ἔφατο εἶναι οὐδὲ οἵαν συνιδεῖν τε καὶ γνωρίσαι ῥᾷστα· προσαψαμένου δέ μου φολίδες ἀπέπιπτον τραχεῖαι καὶ μέντοι καὶ ἀντίτυποι εὖ μάλα. τῶν δέ τις ἐκ τῆς βουλῆς ἁρμοζόντων κλήρῳ τὴν Ἑλλάδα καὶ πεπιστευμένων τὴν ἀρχὴν ἑνὸς ἔτους, οἷα δὴ βασανιῶν καὶ ἐλέγξων τοῦ βλεπομένου τὴν φύσιν, τοῦ δέρματος παρελὼν ὀλίγον καθήγισεν ἐπὶ πυρός, καὶ ὀσμὴ μὲν βαρεῖα καομένου τοῦ ἐμβληθέντος προσέβαλε τῶν παρόντων τὰς ῥῖνας. οὐ μὴν συμβαλεῖν φησιν εἴτε χερσαῖον τὸ ζῷον εἴτε θαλάττιον εἴη τὴν φύσιν εἴχομεν. ἀλλʼ ἥ γε πεῖρα οὐ χρηστόν οἱ τὸν μισθὸν ἀπέδωκεν. οὐ γὰρ μετὰ μακρὸν τὸν βίον κατέστρεψε, περαιούμενος ὀλίγον καὶ στενὸν πορθμὸν ἑξήρει πορθμείῳ καὶ βραχεῖ. καὶ ἔλεγόν γε, ὡς ἐκεῖνος λέγει, Ταναγραῖοι παθεῖν αὐτὸν ταῦτα ἀνθʼ ὧν ἐς τὸν Τρίτωνα ἠσέβησε, τεκμηριοῦντες ὅτι ἀποψύχων μὲν ἐξῃρέθη τῆς θαλάττης, ἰχῶρα δὲ ἠφίει παραπλήσιον τὴν ὀσμὴν τῇ τοῦ Τρίτωνος δορᾷ, ὅτε αὐτὴν ἐκεῖνος ἔκαε καὶ ἐνεπίμπρα. ὁπόθεν δὲ ἄρα ὁ Τρίτων οὗτος ἐπλανήθη, καὶ ὅπως δεῦρο ἐξεβράσθη, Ταναγραῖοί τε λεγέτωσαν καὶ Δημόστρατος. ἐπὶ τούτοις <pb xml:id="p.335"/> δὲ αἰδοῦμαι τὸν θεόν, καὶ ἄξιον πείθεσθαι τῷ μάρτυρι τῷ τοσῷδε· εἴη δʼ ἂν ὁ ἐν Διδύμοις Ἀπόλλων τεκμηριῶσαι ἱκανὸς παντί, ὅτῳ νοῦς τε ὑγιαίνει καὶ ἔρρωται ἡ φρήν. Τρίτωνα γοῦν θρέμμα θαλάττιόν φησιν εἶναι, καὶ ἃ λέγει ταῦτά ἐστι <quote rend="blockquote"> <lb/>θρέμμα Ποσειδάωνος, ὑγρὸν τέρας, ἠπύτα Τρίτων, <lb/>νηχόμενος γλαφυρῆς ὁρμήμασι σύντυχε νηός. </quote> εἰ τοίνυν ὁ πάντα εἰδὼς καὶ Τρίτωνας εἶναί φησιν, ἡμᾶς ὑπὲρ τούτου διαπορεῖν οὐ χρή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="22"> 
+<p>τὸν Ἰνδῶν βασιλέα προϊόντα ἐπὶ δίκαις προσκυνεῖ ὁ ἐλέφας πρῶτος, δεδιδαγμένος τοῦτο, καὶ μάλα γε δρῶν μνημόνως τε καὶ εὐπειθῶς αὐτό ʽπαρέστηκε δὲ καὶ ἐκεῖνος, ὅσπερ οὖν ἐνδίδωσίν οἱ τοῦ παιδεύματος τὴν ὑπόμνησιν τῇ ἐκ τῆς ἅρπης κρούσει καὶ φωνῇ τινι ἐπιχωρίῳ, ἧσπερ οὖν ἐλέφαντες ἐπαΐειν εἰλήχασι φύσει τινὶ ἀπορρήτῳ καὶ μάλα γε ἰδίᾳ τοῦ ζῴου τοῦδἐ· καὶ μέντοι καὶ κίνησίν τινα ὑποκινεῖται πολεμικήν, οἷον ἐνδεικνύμενος ὅτι καὶ τοῦτο τὸ μάθημα ἀποσώζει. τέτταρες δὲ καὶ εἴκοσι τῷ βασιλεῖ φρουροὶ παραμένουσιν ἐλέφαντες ἐκ διαδοχῆς, ὥσπερ οὖν οἱ φύλακες οἱ λοιποί, καὶ αὐτοῖς παίδευμα τὴν φρουρὰν ἔχειν οὐ κατανυστάζουσι· διδάσκονται γάρ τοι σοφίᾳ τινὶ Ἰνδικῇ καὶ τοῦτο. καὶ λέγει μὲν Ἑκαταῖος ὁ Μιλήσιος Ἀμφιάρεων τὸν Οἰκλέους κατακοιμίσαι τὴν φυλακὴν καὶ παθεῖν ὅσα λέγει. οὗτοι δὲ ἄρα ἄγρυπνοι καὶ ὕπνου μὴ ἡττώμενοι, πιστότατοι τῶν ἐκεῖθι φυλάκων μετά γε τοὺς ἀνθρώπους εἰσίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="23"> 
+<p>ἐγὼ δὲ ἄρα ὡς εἶχον ὁρμῆς ἐπὶ μακρότατον ταῦτά τε καὶ τὰ ὑπὲρ τούτων ἀνασκοπούμενός τε καὶ ἀνιχνεύων πέπυσμαι καὶ σκολόπενδραν εἶναί τι θαλάττιον <pb xml:id="p.336"/> κῆτος, μέγιστον κητῶν καὶ τοῦτο, καὶ ἐκβρασθεῖσαν μὲν θεάσασθαι οὐκ ἄν τις θρασύνοιτο. λέγουσι δὲ οἱ ἀκριβοῦντες ἄνθρωποι τὰ θαλάττια ὁρᾶσθαι αὐτὰς πλωτάς, καὶ πᾶν μὲν ὅσον ἐστὶ κεφαλή, τοῦτο ὑπερτείνειν ἔξαλον, καὶ μέντοι καὶ μυκτήρων τρίχας ἐξεχούσας καὶ μάλα γε ὑψηλὰς ἐπιδεικνύναι, πλατεῖαν δὲ τὴν οὐρὰν καὶ οἵαν δοκεῖν καράβου. ἤδη δὲ ἄρα αὐτῆς καὶ τὸ λοιπὸν σῶμα ἐπιπολάζον τοῖς κύμασιν ὁρᾶται, ὅσον ἀντικρῖναι τριήρους τελείας αὐτὸ μεγέθει. νήχονται δὲ ἄρα πολλοῖς τοῖς ποσὶ καὶ κατὰ στοῖχον ἐντεῦθεν καὶ ἐκεῖθεν οἱονεὶ σταλμοῖς παρηρτημένοις ʽεἰ καὶ τραχύτερον ἀκοῦσαἰ ἑαυτὰς ἐρέττουσαι. λέγουσιν οὖν οἱ δεινοὶ ταῦτα καὶ ὑπηχεῖν τὸ ῥόθιον ἡσυχῆ, καὶ πείθουσι λέγοντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="24"> 
+<p> Ξενοφῶν δὲ ὑπὲρ κυνῶν λέγει καὶ ταῦτα. δεῖν ἐς τὰ ὄρη πολλάκις ἄγειν αὐτάς, τὰ δὲ ἔργα ἧττον· τοὺς γάρ τοι τριμμοὺς τοὺς ἐκ τῶν ἐνεργῶν χωρίων λυπεῖν τε αὐτὰς καὶ σφάλλειν. λῷον δὲ εἶναι ὁ αὐτός φησιν ἐς τὰ τραχέα ἄγειν, καὶ κέρδος γε ἐκεῖνο πρὸς τούτῳ διδάσκει, εὔποδάς τε αὐτὰς γίνεσθαι καὶ ἁλτικωτέρας ἐκπονούσας τὸ σῶμα. ἴχνη δὲ ἄρα λαγὼ τοῦ μὲν χειμῶνος μακρὰ ὁρᾶσθαι λέγει διὰ τὸ μῆκος τῶν νυκτῶν, τοῦ δὲ θέρους οὐκέτι διὰ τοὐναντίον. καὶ σαφὲς ἐκ τοῦ προειρημένου τί βούλεται τὸ ἐναντίον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="25"> 
+<p> ἵππους καὶ ἐλέφαντας ἅτε ζῷα καὶ ἐν ὅπλοις καὶ ἐν πολέμοις λυσιτελῆ τιμῶσιν Ἰνδοί, καὶ μάλα γε ἰσχυρῶς. τῷ γοῦν βασιλεῖ κομίζουσι καὶ κώμυθας, ἃς ἐμβάλλουσι ταῖς φάτναις, καὶ χιλόν, καὶ ἐπιδεικνύουσι νεαρόν τε καὶ ἀσινῆ. καὶ ἐὰν μὲν ᾖ τοιοῦτος, ἐπαινεῖ ὁ βασιλεύς· εἰ δὲ μή, κολάζει τούς τε τῶν ἐλεφάντων μελεδωνοὺς καὶ τοὺς ἱπποκόμους πικρότατα. οὐκ ἀτιμάζει δὲ οὐδὲ τὰ ἄλλα ζῷα, ἀλλὰ καὶ <pb xml:id="p.337"/> ἐκεῖνα προσίεται δῶρά οἱ κομιζόμενα. Ἰνδοὶ γὰρ οὐκ ἐκφαυλίζουσι ζῷον οὔτε ἥμερον οὔτε μὴν ἄγριον οὐδέν. αὐτίκα γοῦν δωροφοροῦσι τῶν ὑπηκόων οἱ διὰ τιμῆς ἰόντες γεράνους τε καὶ χῆνας ἀλεκτορίδας τε καὶ νήττας καὶ τρυγόνας τε καὶ ἀτταγᾶς προσέτι, πέρδικάς τε καὶ σπινδάλους ʽἔστι δὲ ἐμφερὲς τῷ ἀτταγᾷ τοῦτό γἐ καὶ ἐπὶ τούτοις τῶν προειρημένων βραχύτερα, βωκκαλίδας τε καὶ συκαλίδας καὶ τὰς καλουμένας κεγχρῇδας. ἐπιδεικνύουσι δὲ αὐτὰ ἀναπτύξαντες, τὸν ἐς βάθος αὐτῶν ἐλέγχοντες πιασμόν. καὶ πλοῦτον πεπιασμένων ἐλάφων τε καὶ βουβαλίδων καὶ δορκάδων καὶ ὀρύγων καὶ τῶν ὄνων τῶν ἐχόντων ἓν κέρας, ὧν καὶ ἀνωτέρω που μνήμην ἐποιησάμην, καὶ ἰχθύων δὲ γένη διάφορα κομίζουσι καὶ ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="26"> 
+<p>ἔστι δὲ ἄρα καὶ τέττιξ ἐνάλιος. καὶ ὁ μὲν μέγιστος αὐτῶν ἔοικε καράβῳ σμικρῷ, κέρατα δὲ οὐκ ἔχει μεγάλα κατʼ ἐκείνους οὐδὲ κέντρα. ἰδεῖν δέ ἐστι τοῦ καράβου ὁ τέττιξ ζοφωδέστερος, καὶ ἐπὰν αἱρεθῇ, προσέοικε τετριγότι. πτέρυγες δὲ ὀλίγαι τὸ μέγεθος ὑπὸ τοῖς ὀφθαλμοῖς αὐτοῦ ἐκπεφύκασι, καὶ εἶεν ἂν κατὰ τὰς τῶν χερσαίων καὶ αὗται. οὐ σιτοῦνται δὲ αὐτὸν οἱ πολλοί, νομίζοντες ἱερόν. Σεριφίους δὲ ἀκούω καὶ θάπτειν νεκρὸν ἑαλωκότα· ζῶντα δὲ ἐς δίκτυον ἐμπεσόντα οὐ κατέχουσιν, ἀλλὰ ἀποδιδόασι τῇ θαλάττῃ αὖθις. θρηνοῦσι δὲ ἄρα αὐτοὺς ἀποθανόντας, καὶ λέγουσι Περσέως τοῦ Διὸς ἄθυρμα αὐτοὺς εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="27"> 
+<p>Ὕαινα ἰχθὺς ὁμώνυμος τῇ χερσαίᾳ ὑαίνῃ ἐστί. ταύτης οὖν τὴν δεξιὰν πτέρυγα εἰ ὑποθείης ἀνθρώπῳ καθεύδοντι, εὖ μάλα ἐκταράξεις αὐτόν· δέα γάρ τινα καὶ ἰνδάλματα καὶ φάσματα ὄψεται, καὶ ἐνύπνια ἕτερα οὐδαμῶς εὐμενῆ καὶ φίλα. τραχούρου γε μὴν <pb xml:id="p.338"/> ζῶντος ἐὰν ἀποκόψῃς τὴν οὐράν, καὶ τὸν τράχουρον αὖθις ἐλεύθερον ἀπολύσῃς ἐς τὴν θάλατταν, τήν γε μὴν προειρημένην οὐρὰν ἐξαρτήσῃς ἵππου κυούσης, οὐ μετὰ μακρὸν ἐκπεσεῖται τὸ ἔμβρυον, καὶ ἐξαμβλώσει ἡ ἵππος. μειρακίου γε μὴν δεομένου ἐπὶ μήκιστον τριχῶν ἀπορίας τῶν ἐπὶ τοῦ γενείου, αἷμα ἐπιχρισθὲν θύννου ἀωρόλειον τὸ μειράκιον ἀπεργάζεται. δρᾷ δὲ ἄρα καὶ νάρκη καὶ πνεύμων τὸ αὐτό· ἐν ὄξει γὰρ διασαπεῖσαι αἱ τούτων σάρκες καὶ ἐπιχρισθεῖσαι τοῖς γενείοις φυγὴν τριχῶν ἐνεργάζονταί φασι. τί πρὸς ταῦτα Ταραντῖνοί τε καὶ Τυρρηνοὶ σοφισταὶ κακῶν, δαίδαλον ἐκεῖνό γε ἀνιχνεύσαντές τε καὶ πειράσαντες τὴν πίτταν, ὡς ἐξ ἀνδρῶν ἐς γυναῖκας ἀποκρίνειν; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:13" n="28"> 
+<p> ὁ δὲ χρύσοφρυς ἄρα ἰχθύων ἁπάντων δειλότατος ἦν. ἐν δὴ ταῖς παλιρροίαις τῆς θαλάττης, ὅταν ᾖ ὥρα Ἀρκτούρῳ σύνδρομος, ὑπονοστεῖ μὲν ἡ θάλαττα περὶ τὸ ἄκτιον, ψιλὴ δὲ ἡ ψάμμος ὑπολείπεται, καὶ αἱ ναῦς πολλάκις ἐπὶ τῆς γῆς ἑστήκασιν ὕδατος χῆραι. οὐκοῦν οἱ ἐπιχώριοι ὅρπηκας αἰγείρων χλωροὺς καὶ κομῶντας ὀξύναντες δίκην σκολόπων καὶ ἐμπήξαντες τῇ ψάμμῳ ὑπαναχωροῦσιν, εἶτα ὑποστρέψαν τὸ κῦμα ἐπισύρει ἰχθύων τῶν προειρημένων πλῆθος ἄμαχον, ὑπονοστεῖ δὲ αὖθις, καὶ ὑπολείπονται πολλοὶ χρυσόφρυες ἐν ὀλίγῳ ὕδατι, ἔνθʼ ἂν καθήμενα εὑρεθῇ καὶ κοῖλα, εἶτα ὑπὸ τοῖς κλάδοις πτήξαντες ἡσυχάζουσι· διασειομένους γὰρ αὐτοὺς καὶ διακινουμένους ὑπὸ τοῦ προσπίπτοντος πνεύματος ὀρρωδοῦσι, καὶ οὔτε σπαίρουσιν οὔτε ἀναπάλλονται. πάρεστι δὴ συλλαβεῖν ὡς αἰχμαλώτους καὶ παίειν παντὶ τῷ προσπεσόντι δειλῶν ἰχθύων δῆμον εἴποι τις ἄν. αἱροῦσι γοῦν αὐτοὺς οὐ τεχνῖται μόνοι, <pb xml:id="p.339"/> ἀλλὰ κἂν ἰδιώτης παρατυχὼν ᾖ, καὶ παῖδες καὶ γυναῖκες.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="14"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="1"> 
+<p> ἐν δὲ τῷ Ἰονίῳ πελάγει πλησίον Ἐπιδάμνου, ὅπου καὶ Ταυλάντιοι παροικοῦσι, νῆσός ἐστι καὶ Ἀθηνᾶς κέκληται, καὶ οἰκοῦσιν ἐνταῦθα ἁλιεῖς. ἔστι δὲ καὶ λίμνη αὐτόθι, καὶ σκόμβρων ἠθάδων καὶ ἡμέρων ἀγέλαι τρέφονται. καὶ τούτοις μὲν τροφὰς ἐμβάλλουσιν οἱ ἁλιεῖς, καὶ ἔστιν αὐτοῖς πρὸς αὐτοὺς ἔνσπονδα, καί εἰσιν ἐλεύθεροι, καὶ ἀθηρίαν εἰλήχασι, καὶ προΐασιν ἐς χρόνου πλῆθος, καὶ ζῶσιν αὐτόθι σκόμβροι καὶ γέροντες. οὐ μὴν ἀργοὶ σιτοῦνται, οὐδὲ ὑπὲρ ὧν τρέφονταί εἰσιν ἀχάριστοι, λαβόντες δὲ ἐκ τῶν ἁλιέων τροφὰς τὰς ἑωθινὰς εἶτα μέντοι καὶ αὐτοὶ ἐπὶ τὴν θήραν ἴασιν, ὥσπερ οὖν τροφεῖα ἐκτίνοντες. καὶ τοῦ λιμένος προελθόντες ἐπὶ τοὺς ξένους στέλλονται σκόμβρους, καὶ ἐντυχόντες ὡς ἴλῃ τινὶ ἢ φάλαγγι, ἅτε ὁμοφύλοις καὶ τῆς αὐτῆς φύσεως οὖσι προσνέουσι, καὶ οὔτε τούτους ἐκεῖνοι φεύγουσιν οὔτε οὗτοι ἐκκλίνουσιν ἐκείνους, ἀλλὰ συνίασιν. εἶτα οἱ τιθασοὶ τοὺς ἐπήλυδας περιελθόντες καὶ κυκλόσε γενόμενοι καὶ ἑαυτοὺς συμφράξαντες ἀπειλήφασι μέσους πολύ τι πλῆθος, καὶ οὐκ ἐῶσι διαδιδράσκειν, ἀναμένουσι δὲ τοὺς τροφέας, καὶ ἀνθʼ ὧν ἐκορέσθησαν ἀνθεστιῶσι τοὺς ἁλιέας· ἐπελθόντες γὰρ αἱροῦσιν αὐτοὺς καὶ πολὺν ἐργάζονται φόνον. οἱ δὲ τιθασοὶ ἐπανίασι σπεύδοντες ἐς τὸν λιμένα, καὶ τοὺς ἑαυτῶν χηραμοὺς ὑπελθόντες ἀναμένουσι τὸ δειλινὸν δεῖπνον. <pb xml:id="p.340"/> οἳ δὲ ἥκουσι κομίζοντες, εἰ βούλονται συνθήρους ἔχειν καὶ φίλους πιστούς. ὁσημέραι μέντοι πράττεται ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="2"> 
+<p> σκάρου τὴν χολὴν ἐὰν δῷς ἐμφαγεῖν ἀνθρώπῳ νοσοῦντι τὸ ἧπαρ καὶ ἴκτερον ἔχοντι, σωθήσεται, ὡς οἱ σοφοὶ τῶν ἁλιέων διδάσκουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="3"> 
+<p> ἁλίσκεται δὲ ἄρα ἰχθὺς καὶ ἄνευ κύρτων καὶ ἀγκίστρων καὶ δικτύων τὸν τρόπον τοῦτον. κόλποι θαλάττιοι πολλοὶ τελευτῶσιν ἐς τενάγη τινά, καὶ ἔστι ταῦτα ἐπιβατά. ὅταν οὖν ᾖ γαλήνη καὶ εἰρήνη πνευμάτων, οἱ τεχνῖται τῶν ἁλιέων ἄγουσι πολλοὺς ἐνταῦθα, εἶτα αὐτοὺς προστάττουσι βαδίζειν καὶ πατεῖν τὴν ψάμμον, ὡς ὅτι μάλιστα ἀπερείδοντας τὸ πέλμα ἰσχυρῶς. εἶτα ἴχνη καταλείπεται βαθέα, ἅπερ οὖν ἐὰν φυλαχθῇ, καὶ μή ποτε συμπεσοῦσα ἡ ψάμμος συγχέῃ αὐτά, μηδὲ ἐκταραχθῇ ὑπὸ πνεύματος τὸ ὕδωρ, ὀλίγον διαλείπουσιν οἱ ἁλιεῖς, καὶ ἐμβάντες καταλαμβάνουσιν ἐν τοῖς κοιλώμασι τῶν βημάτων καὶ τοῖς ἴχνεσι τοὺς ἰχθῦς τοὺς πλατεῖς εὐναζομένους, ψήττας τε καὶ ῥόμβους καὶ στρουθοὺς καὶ νάρκας καὶ τὰ τοιαῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="4"> 
+<p> ἐχίνου θαλαττίου πέρι εἶπον καὶ ἀνωτέρω καὶ νῦν δὲ εἰρήσεται ὅσα προσακήκοα. ἔστι γὰρ καὶ στομάχῳ ἀγαθόν· τὸν τέως γὰρ κακόσιτον ὄντα καὶ πᾶν ὅ τι οὖν βδελυττόμενον ὃ δὲ ἀναρῥ??ʼννυσιν. ἔστι δὲ καὶ κύστεως κενωτικός, ὡς οἱτούτων λέγουσι σοφοί. εἰ δὲ αὐτοῦ ἐπιχρίσειας σώματι ψωριῶντι, ὃ δὲ σῶν ἐργάζεται τὸν τέως νοσοῦντα τὴν νόσον τὴν προειρημένην. καυθεὶς δὲ ἄρα ὀστράκοις αὐτοῖς ἐκκαθαίρει τὰ ῥυπῶντα τῶν τραυμάτων. χερσαίου δὲ ἐχίνου καυθέντος ἡ σποδιὰ πίττῃ προσανακραθεῖσα εἶτα μέντοι καταχρίεται τῶν λειψοτρίχων μερῶν, καὶ αἱ τέως φυγάδες ʽἵνα τι καὶ παίσὠ ὑπαναφύονται. πινομένη <pb xml:id="p.341"/> δὲ οἴνῳ νεφροῖς ἀγαθόν ἐστι, σώζει δὲ ἄρα καὶ ὑδεριῶντας ποθεῖσα, ὥσπερ δὴ καὶ προεῖπον. τὸ δὲ ἧπαρ ἄρα τοῦ ἐχίνου τούτου ἰᾶται ὑφʼ ἡλίου γενόμενον αὖον τοὺς τῇ νόσῳ τῇ τοῦ καλουμένου ἐλέφαντος </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="5"> 
+<p>κατειλημμένους. ἐλέφας ὁ θῆλυς, τιμιώτερα εἶναι τὰ τούτου κέρατα οἱ σοφοὶ ταῦτα ὑμνοῦσι, καὶ ἐκεῖνά γε ἡμᾶς διδάσκουσιν. ἐν τῇ Μαυρουσίᾳ γῇ οἱ ἐλέφαντες, δεκάτῳ ἔτει πάντως αὐτοῖς τὰ κέρατα ἐκπεσεῖν φιλεῖ, ὥσπερ οὖν καὶ τὰ τῶν ἐλάφων, ἀλλὰ τούτων ἀνὰ πᾶν ἔτος. οἱ τοίνυν ἐλέφαντες οἵδε γῆν πεδιάδα καὶ ἔνδροσον προαιροῦνται τῆς ἄλλης, καὶ ἀπερείδουσιν ἐς αὐτὴν τὰ κέρατα, ὀκλὰξ ἐπικύψαντες, ἐκδῦναι αὐτὰ δεινῶς σφριγῶντες. τοσοῦτον δὲ ἄρα ἐπωθοῦσιν, ὡς καὶ τελέως αὐτὰ ἀποκρύψαι· εἶτα μέντοι ὑποψήσαντες τοῖς ποσὶ λεῖον τὸν χῶρον ἀπέφηναν τὸν φρουροῦντα τὸ θησαύρισμα αὐτοῖς. γονιμωτάτη δὲ ἄρα ἡ γῆ οὖσα εἶτα ὤκιστα πόαν ἀναφύει, καὶ ἀφανίζει τὴν ὄψιν τοῦ γεγενημένου τοῖς ὁδῷ χρωμένοις. οἱ δὲ ταῦτα ἀνιχνεύοντες τὰ φώρια καί τινα σοφίαν τῆς ἐξ ἐκείνων ἐπιβουλῆς ἔχοντες ἐν ἀσκοῖς αἰγείοις ὕδωρ κομίζουσιν, εἶτα αὐτοὺς διασπείρουσι πεπληρωμένους ἄλλους ἀλλαχόσε, καὶ αὐτοὶ καταμένουσι. καὶ καθεύδει τις, καὶ ἄλλος ὑποπίνει, καί πού τις καὶ μεταξὺ ἐπιρροφῶν τῆς κύλικος ὑπαναμέλπει καὶ μέμνηται διὰ τοῦ μέλους ἧς ἐρᾷ· εἰ δὲ καὶ νέον ὡρικὸν ὑποπειρᾷ παρόντα τις καὶ αὐτὸν τῆς ἰχνεύσεως κοινωνόν, οὐκ ἂν θαυμάσαιμι· εἰσὶ γὰρ Μαυρούσιοι καὶ καλοὶ καὶ μεγάλοι, καὶ ἀνδρικὸν ὁρῶσι, καὶ ἔργων ἔχονται θηρατικῶν, καὶ μέντοι καὶ πολλοὺς ἀναφλέγουσι, μειράκια ἔτι καὶ τηλικοίδε ὄντες. οὐκοῦν εἰ τὰ κέρατα εἴη κατορωρυγμένα πλησίον <pb xml:id="p.342"/> ἐκεῖνα, τὰ δὲ ἴυγγί τινι ἀπορρήτῳ καὶ θαυμαστῇ τὸ ὕδωρ ἐκεῖνο ἐκ τῶν ἀσκῶν ἕλκει, καὶ ἀποδείκνυσι κενοὺς αὐτούς. ἐνταῦθά τοι σμινύαις τε καὶ μακέλλαις διασκάπτουσι τὸν χῶρον, καὶ ἔχουσι τὸ θήραμα ῥινηλατήσαντες ἄνευ κυνῶν· ἐὰν δὲ ἔμπλεῳ μείνωσιν οἱ ἀσκοὶ οὗπερ οὖν καὶ κατέθεσαν αὐτοὺς οἱ τῶν κεράτων τῶνδε θηραταί, οἳ δὲ ἀπίασιν ἐπʼ ἄλλην θήραν, καὶ μέντοι καὶ ἀσκοὺς καὶ ὕδωρ ἐπάγονται πάλιν, τὰ θήρατρα τῆς ἄγρας τῆς προειρημένης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="6"> 
+<p> λέγεται δὲ καὶ ἐλέφας διπλῆν ἔχειν καρδίαν καὶ διπλᾶ νοεῖν, καὶ τῇ μὲν θυμοῦσθαι, πραΰνεσθαί γε μὴν τῇ ἑτέρα· Μαυρουσίοις δὲ ἄρα ἕπομαι λόγοις λέγων ταῦτα. ἐπεί τοι καὶ ἐκεῖνα οἱ αὐτοὶ ὑμνοῦσι, λύγκας εἶναι. φασὶ δὲ αὐτὰς παρδάλεως μὲν ἔτι καὶ πλέον σιμάς, ἄκρα γε μὴν τὰ ὦτα λασίους. θηρίον δὲ τοῦτο ἁλτικὸν δεινῶς, καὶ κατασχεῖν βιαιότατά τε καὶ ἐγκρατέστατα καρτερόν. ἔοικε δὲ ἄρα τῷ θηρίῳ τούτῳ μαρτυρεῖν καὶ Εὐριπίδης τὸ ἀπρόσωπον, ὅταν που λέγῃ <quote rend="blockquote"> <lb/>ἥκει δʼ ἐπʼ ὤμοις ἢ συὸς φέρων βάρος <lb/>ἢ τὴν ἄμορφον λύγκα, δύστοκον δάκος. </quote> ὑπὲρ ὅτου δὲ λέγει δύστοκον τοὺς κριτικοὺς ἐρέσθαι λῷον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="7"> 
+<p> περὶ στρουθοῦ δὲ τῆς μεγάλης εἴποι τις ἂν καὶ ἐκεῖνα. ἡ γαστὴρ αὐτῆς ἀνῃρημένης εὑρίσκεται καθαιρομένη λίθους ἔχουσα, οὕσπερ οὖν καταπιοῦσα ἡ στρουθὸς ἐν τῷ ἐχίνῳ φυλάττει καὶ πέττει τῷ χρόνῳ. εἶεν δʼ ἂν οὗτοι καὶ ἀνθρώπων πέψεως ἀγαθόν, νεῦρα δὲ τὰ ταύτης καὶ λίπος ἀνθρωπείων νεύρων ἀγαθά ἐστιν. ἁλίσκεται μὲν οὖν αὕτη ὑπὸ ἵππων· θεῖ μὲν γὰρ ἐς κύκλον, ἀλλʼ ἐξωτέρω περιθέουσα· οἱ δὲ ἱππεῖς τῷ ἐνδοτέρω ὑποτέμνονται κύκλῳ, καὶ ἔλαττον <pb xml:id="p.343"/> περιιόντες ἀπειποῦσαν τῷ δρόμῳ ἀγρεύουσιν αὐτὴν χρόνῳ. λαμβάνεται δὲ καὶ τοῦτον τὸν τρόπον. καλιὰν ἐργάζεται ταπεινὴν ἐν τῷ δαπέδῳ, τὴν ψάμμον διαγλύψασα τοῖς ποσί. καὶ τὸ μὲν μεσαίτατον αὐτῆς κοῖλόν ἐστι, τὰ χείλη δὲ τὰ κύκλῳ ὑψηλὰ ἐργάζεται, ἀποτειχίζουσα τρόπον τινά, ἵνα τὸ ἐκ Διὸς ὕδωρ ἀποστέγῃ τὰ χείλη, καὶ μὴ ἐσρέῃ τῇ καλιᾷ, καὶ ἐπικλύζῃ τῆς στρουθοῦ τοὺς νεοττοὺς ὄντας ἁπαλούς. τίκτει δὲ καὶ ὑπὲρ τὰ ὀγδοήκοντα, οὐ μὴν ἀθρόα ἐκγλύφει, οὐδὲ ἐν ταὐτῷ χρόνῳ πάρεισιν ἐς τὸ φῶς πάντα, ἀλλὰ τὰ μὲν ἤδη τέτεκται, ἄλλα δὲ ἔτι ἐν τοῖς ᾠοῖς ὑποπήγνυται, τὰ δὲ ὑποθάλπεται. ὅταν οὖν ἐν τούτοις ᾖ ἐκείνη, θεασάμενος ἀνήρ τις οὐκ ἄφρων ἀλλὰ τῆς τοιαύτης θήρας πεπειραμένος, αἰχμὰς περὶ τὴν καλιὰν πήγνυσι τεθηγμένας, ὀρθὰς δὲ ἄρα κατὰ τοῦ σαυρωτῆρος πήγνυσι, καὶ ὁ σίδηρος ἐκλάμπει, καὶ ἀναχωρήσας ἐλλοχᾷ τὸ πραττόμενον. ἐπάνεισιν οὖν ἐκ τῆς νομῆς ἡ στρουθὸς ἐρῶσα τῶν νεοττῶν ἰσχυρῶς καὶ διψῶσα αὐτῶν τῆς συνουσίας. καὶ τὰ μὲν πρῶτα περιβλέπει δεῦρο καὶ ἐκεῖσε καὶ ἑλίττει τὸ ὄμμα, δεδοικυῖα μή τις αὐτὴν θεάσηται· εἶτα μέντοι νικωμένη ὑπὸ τοῦ ἱμέρου καὶ οἰστρουμένη, τὰς πτέρυγας ἁπλώσασα ὡς ἱστίον, δρόμῳ φερομένη συντόνῳ καὶ ῥοίζῳ ἐσήλατο ἐς τὴν ἑαυτῆς καλιὰν καὶ οἴκτιστα ταῖς αἰχμαῖς ἐμπαλαχθεῖσα καὶ περιπαρεῖσα ἀποθνήσκει. ἐφίσταται οὖν ὁ θηρατὴς καὶ ᾕρηκε σὺν τῇ μητρὶ τοὺς ἐκγόνους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="8"> 
+<p>πόλις ἐστὶν ἐν τοῖς ὑπὸ τὴν ἑσπέραν χωρίοις Ἰταλική. ὄνομα αὐτῇ Πατάβιον. Ἀντήνορος ἔργον εἶναι λέγουσι τοῦ Τρωὸς τὴν πόλιν. ταύτην δὲ ᾤκισεν ἄρα οἴκοθεν σωθείς, ὅτε ἀπηλλάγη τῆς πατρίδος ἁλούσης τῆς Ἰλίου, αἰδεσθέντων αὐτὸν τῶν Ἑλλήνων, <pb xml:id="p.344"/> ἐπεὶ πρεσβεύοντα τὸν Μενέλεων σὺν τῷ Ὀδυσσεῖ ὑπὲρ τῆς Ἑλένης ἔσωσεν, Ἀντιμάχου συμβουλεύσαντος ἀποκτεῖναι αὐτούς. ἔλεγε δὲ ἄρα οὗτος ταῦτα <quote rend="blockquote"> <lb/>χρυσὸν Ἀλεξάνδροιο δεδεγμένος, ἀγλαὰ δῶρα, </quote> ὡς Ὅμηρός φησιν. οὐκοῦν τῷδε Παταβίῳ πόλις γειτνιᾷ ἑτέρα, καὶ Βικετίαν καλοῦσιν αὐτήν, καὶ παραρρεῖ ποταμὸς αὐτῇ Ἠρέταινος ὄνομα, καὶ παραμείβεται οὗτος γῆν οὐκ ὀλίγην εἶτα ἐς τὸν Ἠριδανὸν ἐμβάλλει, καὶ ἀνακοινοῦταί οἱ τὸ ὕδωρ. ἐν δὴ τῷ Ἠρεταίνῳ έγχέλεις γίνονται μέγισταί τε καὶ τῶν ἀλλαχόθεν πιότεραι μακρῷ, ἁλίσκονται δὲ ἄρα τὸν τρόπον τοῦτον. ἐπὶ πέτρας προβλῆτος κάθηται ὁ θηρατὴς ἔν τινι κολποειδεῖ χωρίῳ, ὅπου καὶ πλατύνεται τὸ ῥεῦμα ἐπὶ μᾶλλον, ἢ καὶ ἐπί τινος δένδρου κάθηται προρρίζου πλησίον τῆς ὄχθης ῥιφέντος ὑπὸ πνεύματος σκληροῦ, ὅπερ οὖν ὑποσήπεται μέν, ἀχρεῖον δέ ἐστι κατακοπῆναί τε καὶ ἐκκαῦσαι αὐτό. οὐκοῦν ἑαυτὸν ἐγκαθίσας ὁ τῶν ἐγχέλεων ἁλιεὺς τῶνδε, καὶ λαβὼν ἔντερον νεοσφαγοῦς ἀρνὸς τριῶν μὲν ἢ τεττάρων πήχεων, πεπιασμένον δὲ ἰσχυρῶς, τὴν μὲν ἀρχὴν αὐτοῦ καθίησιν ἐς τὸ ὕδωρ, καὶ εἰλεῖται ἐν ταῖς δίναις στρεφόμενον, τό γε μὴν τέλος διὰ χειρῶν ἔχει, ἐμβέβληται δὲ ἐς αὐτὸ καλάμου τρύφος, ὅσον κώπην εἶναι τὸ μῆκος ξίφους. οὐ μὴν λανθάνει τὰς ἐγχέλεις ἡ τροφή· χαίρουσι γὰρ τῷδε τῷ ἐντέρῳ. καὶ ἥ γε πρώτη προσελθοῦσα, οἰστρουμένη ὑπὸ τοῦ λιμοῦ καὶ περιχανοῦσα, ἐμφύει τοὺς ὀδόντας γυρούς τε καὶ ἀγκιστρώδεις καὶ δυσεξελίκτους ὄντας, καὶ συνεχῶς ἐπισκαίρει τε καὶ πειρᾶται καθέλκειν τὸ δέλεαρ. ὃ δὲ κραδαινομένου τοῦ ἐντέρου συνεὶς ἔχεσθαι <pb xml:id="p.345"/> τὴν ἔγχελυν, τὸν κάλαμον ᾧ τὸ ἔντερον προσήρτηται ἐνθεὶς τῷ ἑαυτοῦ στόματι καὶ ὅσον σθένει καταπνέων, φυσᾷ τὸ ἔντερον καὶ μάλα γε ἰσχυρῶς, τὸ δὲ ἐκ τοῦ καταρρέοντος πνεύματος πίμπραται καὶ οἰδάνει. ὁ τοίνυν ἄνεμος κατολισθάνει ἐς τὴν ἔγχελυν, καὶ πληροῖ μὲν τοῦ πνεύματος αὐτῆς τὴν κεφαλήν, πληροῖ δὲ τὴν φάρυγγα, καὶ ἐμφράττει τῷ θηρίῳ τὸ ἆσθμα. καὶ ἀναπνεῦσαι μὴ δυναμένη μηδὲ μὴν ἐξελεῖν τοῦ σπλάγχνου τοὺς ἐμπεφυκότας ὀδόντας ἀποπνίγεται, καὶ ἀνασπᾶται ἁλοῦσα ὑπὸ τοῦ ἐντέρου καὶ τοῦ πνεύματος καὶ τοῦ καλάμου τρίτου. καθʼ ἑκάστην μὲν οὖν δρᾶται τοῦτο, ἁλίσκονται δὲ ὑπὸ πολλῶν πολλαί. ἔστω δή μοι καὶ ταῦτα τῶνδε τῶν ἰχθύων λεχθέντα ἴδια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="9"> 
+<p>λέοντα θαλάττιον ἐοικέναι καράβῳ ἁμηγέπη καὶ ἡμεῖς ἴσμεν, λεπτότερον δὲ τὴν ἕξιν τοῦ σώματος ὁρῶμεν αὐτὸν καὶ ὑπό τι καὶ κυανοῦ προσβάλλοντα, νωθῆ δὲ καὶ ἔχοντα χηλὰς μεγίστας καὶ ταῖς τῶν καρκίνων προσεοικυίας κατὰ σχῆμα. λέγεται δὲ ὑπὸ τῶν σοφωτέρων ἁλιέων ἔχειν τινὰς ὑμένας προσηρτημένους τοῖς ὀστράκοις, ὑφʼ οἷς ὑμέσιν εἶναι σαρκία ἁπαλά, καὶ καλεῖσθαι ἐκείνου τοῦ λέοντος στέαρ ταῦτα. ὀνίνασθαι δὲ τοὺς ἀνθρώπους ἐξ αὐτῶν ἐκεῖνα. προσώπου καθαίρει χρῶτα θολερόν, καὶ ἐλαίῳ ῥόδοις ἀνακραθέντι ἐμβληθέντα καὶ γενόμενα χρῖμα ἐς ὥραν καὶ ἀγλαΐαν συμμάχεται. προσακήκοα δὲ καὶ ἐκεῖνο, τὸν ἐπὶ τῆς γῆς λέοντα δεδιέναι ἰσχυρῶς τοῦ θαλαττίου τῆς ὄψεως τὸ ἐκτράπελον, καὶ μὴ φέρειν αὐτοῦ τὴν ὀσμήν· ὡς δέδοικε δὲ καὶ ἀλεκτρυόνα ὁ αὐτός, ἀνωτέρω μοι λέλεκται. λέγουσι δὲ καὶ συντριβέντων αὐτοῦ τῶν ὀστράκων καὶ ἐμβληθείσης τῆς κόνεως ἐς ὕδωρ, πιόντα τὸν χερσαῖον λέοντα ἐξάντη γίνεσθαι <pb xml:id="p.346"/> νόσου λυπούσης αὐτοῦ τὴν κοιλίαν. εἰρήσθω δή μοι καὶ ταῦτα τοῦ θαλαττίου λέοντος ἴδια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="10"> 
+<p> ὄνοι δὲ Μαυρούσιοι, ὤκιστοι δραμεῖν, παρά γε τὴν πρώτην ὁρμήν εἰσιν ὀξύτατοι, ὡς αὔρας τινὰ ἐμβολὴν δοκεῖν εἶναι ἢ καὶ νὴ Δία πτερὸν αὐτόχρημα ὄρνιθος· ταχέως δὲ κάμνουσι, καὶ αὐτοῖς οἱ πόδες ἀπαγορεύουσι, καὶ τὸ πνεῦμα ἐπιλείπει, καὶ τῆς ὠκύτητος εἰλήφασι λήθην καὶ ἑστᾶσι πεπεδημένοι, καὶ ἀφιᾶσι δάκρυα θαλερά, οὔ μοι δοκεῖν ἐπὶ τῷ μέλλοντι θανάτῳ τοσοῦτον, ὅσον ἐπὶ τῇ τῶν ποδῶν ἀσθενείᾳ. τῶν μὲν οὖν ἵππων ἀποπηδήσαντες εἶτα μέντοι περιβάλλουσιν αὐτοῖς βρόχους περὶ τὴν δέρην, καὶ τῷ ἵππῳ προσαρτήσας ἕκαστος ἄγει ὡς αἰχμάλωτον τὸν ἑαλωκότα. ὅτι δὲ μικροὶ μὲν ἰδεῖν εἰσιν οἱ Λίβυες ἵπποι, δραμεῖν δὲ ὤκιστοι, ἀνωτέρω εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="11"> 
+<p> βοῶν δὲ Λιβύων πλῆθος ἦν ἄρα καὶ πλέον ἀριθμοῦ, καί εἰσιν ὤκιστοι οἱ ἄγριοί τε καὶ ἐλεύθεροι. καὶ οἵ γε θηραταὶ πολλάκις σφάλλονται ἕνα διώκοντες, καὶ ἐμπίπτουσιν ἐς ἑτέρους ἀκμῆτας· καὶ ὃ μὲν ἐσδὺς ἐς θάμνον ἢ νάπην ἠφανίσθη, ἕτεροι δὲ ἀναφαίνονται ὅμοιοι καὶ ἀπατῶσι τὴν ὄψιν. καὶ εἴ γέ τις ὑπάρξαιτο τούτων διώκειν τινά, προαπερεῖ αὐτῷ ἵππῳ· τὸν μὲν γὰρ ἤδη καμόντα αἱρήσει τῷ χρόνῳ, τοὺς δὲ αὐτῶν ἀρχομένους δρόμου προπονήσαντός οἱ τοῦ ἵππου οὐχ αἱρήσει. ἁλίσκονται δὲ ἀνὰ πᾶν ἔτος πολλοὶ καὶ ἀποθνήσκουσιν, ἥ γε μὴν ἐπιγονὴ αὐτῶν διαδέχεται καὶ μάλα ἀφθόνως. ἀλῶνται δὲ σὺν τοῖς μόσχοις καὶ οἱ ταῦροι κοινῇ καὶ αἱ θήλειαι, αἳ μὲν κύουσαι, αἳ δὲ ἀρτιτόκοι. εἰ δὲ ἕλοι τις μόσχον ἔτι νεαρόν, καὶ μὴ παραχρῆμα ἀποκτείνειε, διπλοῦν κέρδος ἕξει· συνῄρηκε γὰρ καὶ τὴν τεκοῦσαν αὐτόν, δράσας γε ἐκεῖνα ἅπερ εἰπεῖν οὐκ ἔστιν ἄτοπον. τὸν <pb xml:id="p.347"/> μὲν καταδήσας σχοίνῳ ἀπολέλοιπε καὶ ἀναχωρεῖ αὐτός, ἣ δὲ τῷ πόθῳ τοῦ τέκνου τείρεται καὶ φλεγομένη οἰστρεῖται, καὶ βουλομένη λύσασα ἀπάγειν ἐμβάλλει τὰ κέρατα, ἵνα διαξήνῃ τε καὶ διαστήσῃ τὰ δεσμά. ὅ τι δʼ ἂν τῶν κεράτων ἐς τὴν τῆς σχοίνου συμπλοκὴν διείρῃ, κατέχεται καὶ πεδηθεῖσα σὺν τῷ μόσχῳ καταμένει, ἐκεῖνον μὲν οὐκ ἀπολύσασα, ἑαυτήν γε μὴν ἀφύκτῳ τῷ δεσμῷ περιβαλοῦσα. ταύτης οὖν ὀ θηρατὴς ἐξελὼν τὸ ἧπαρ αὑτῷ καὶ τὰ οὔθατα σφριγῶντα ἔτι ἐκτεμὼν καὶ τὴν δορὰν δείρας τὰ κρέα ἀφῆκεν ὄρνισι καὶ θηρίοις δαῖτα. τὸν δὲ μόσχον οἴκαδε κομίζει πάντα· ἔστι γὰρ καὶ ἐδωδὴν ἥδιστος, καὶ πῆξαι γάλα παρέξει ὀπὸν δούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="12"> 
+<p>ὁ δράκων ὁ θαλάττιός ἐστι μὲν παραπλήσιος τοῖς ἰχθύσι τοῖς ἄλλοις ὅσα ἐς τὸ λοιπὸν σῶμα, τήν γε μὴν κεφαλὴν ἔοικε τῷ χερσαίῳ δράκοντι καὶ τῶν ὀφθαλμῶν τὸ μέγεθος ʽεἰσὶ γὰρ μεγάλοι καὶ τούτᾠ, καὶ μέντοι καὶ αἱ γένυς τοῖς χερσαίοις προσβάλλουσι τὴν ἑαυτῶν ἁμωσγέπως μορφήν. ἔχει δὲ καὶ φολίδας, καὶ τραχεῖαί εἰσι, καὶ τῆς δορᾶς τῆς δρακοντείου οὐ πόρρω δοκοῦσιν, εἴ τις προσάψαιτο· ἐκπέφυκε δὲ καὶ κέντρα χαλεπὰ αὐτοῦ, καὶ ἰὸν φέρει τὰ κέντρα, καὶ ἔστι τῷ θιγόντι οὐ χρηστά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="13"> 
+<p>ζῴων δʼ ἂν εἴη με εἰπεῖν καὶ τὸ ἴδιον αὐτῶν. ὁ τῶν Ἰνδῶν βασιλεὺς ἐπιδόρπια σιτεῖται ταῦτα, οἷα δήπου Ἕλληνες ἐντραγεῖν αἰτοῦσι, φοινίκων τῶν χαμαιζήλων· ἐκεῖνος σκώληκά τινα ἐν τῷ φυτῷ τικτόμενον σταθευτὸν ἐπιδειπνεῖ γλύκιστον, ὡς Ἰνδῶν λέγουσι λόγοι, καί φασιν οἱ τὴν ἡδονὴν τὴν τοσαύτην ἐκ τοῦ σιτεῖσθαι καὶ ἐμέ γε αἱροῦσι λέγοντες. ἔπαικλα δέ οἱ καὶ ἐκεῖνά ἐστι, κύκνων τε ᾠὰ καὶ τὰ τῶν χερσαίων στρουθῶν καὶ χηνῶν. τὰ μὲν οὖν ἄλλα <pb xml:id="p.348"/> οὐ μέμφομαι αὐτῷ, κύκνων γε μὴν Ἀπόλλωνι μὲν λατρευόντων ᾠδικωτάτων δὲ ὡς ἡ φήμη διαρρέουσα λέγει ἐπιβουλεύειν ἐκγόνοις καὶ διαφθείρειν τὰ ᾠά, ὦ Ἰνδοὶ φίλοι, οὐκέτι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="14"> 
+<p> Λιβυστίνων γε μὴν περὶ δορκάδων καὶ κεμάδων τῶν ἐκεῖθι εἰπεῖν αἱρεῖ με θυμὸς τὰ νῦν ταῦτα. ὤκισται μέν εἰσιν αἱ δορκάδες, καὶ ὅμως τοὺς ἵππους τοὺς Λίβυας οὐ διαδιδράσκουσι. λαμβάνονται δὲ καὶ ἄρκυσι. φαιαὶ δʼ εἰσὶ τὴν γαστέρα, καὶ αὐταῖς ἥδε ἡ χρόα ἐς τὰς λαπάρας ἄνεισι· παρʼ ἑκάτερα δὲ τῆς νηδύος μέλαιναι ταινίαι καθέρπουσιν αὐταῖς. ξανθαί γε μὴν τὸ λοιπὸν σῶμά εἰσι, μακραὶ τοὺς πόδας, μέλαιναι τὸ ὄμμα, τὴν κεφαλὴν κέρασι κεκοσμημέναι, τὰ δὲ ὦτα αὐταῖς ἐστι μήκιστα. ἥ γε μὴν καλουμένη </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="15"> 
+<p> ὑπὸ τῶν ποιητῶν κεμὰς δραμεῖν μὲν ὠκίστη θυέλλης δίκην, ἰδεῖν δὲ ἄρα πυρρόθριξ καὶ λασιωτάτη· τὴν δὲ οὐρὰν λευκὴν ἔχει. εἴκασται δὲ τοὺς ὀφθαλμοὺς κυανοῦ βαφῇ. τὰ δὲ ὦτα τριχῶν ἀνάπλεω δασυτάτων. τὰ κέρατά τε αὐτῆς ἀντία καὶ ὡραῖα, ὡς ἐπιέναι μὲν τὴν θήραν, ἐν ταὐτῷ δὲ καὶ φοβεῖν ἅμα καὶ βλάπτεσθαι καλήν. αὕτη δὲ ἄρα ἡ κεμὰς οὐκ ἐπὶ γῆς μόνης τὴν τῶν ποδῶν ὠκύτητα ἐπιδείκνυται, ἀλλὰ ἐμπεσοῦσα καὶ ἐς ῥεῦμα ποταμοῦ ταῖς χηλαῖς τῶν ποδῶν ὡς εἰπεῖν ἐρέττουσα εἶτα μέντοι διακόπτει τὸ ῥεῦμα. χαίρει δὲ καὶ ἐν λίμνῃ νήξασθαι, καὶ ἐνταῦθά τοι καὶ τροφὴν ἴσχει, τεθηλός τε ἀεὶ θρύον καὶ κύπειρον δειπνεῖ. οὐκοῦν καὶ τὴν γαστέρα ἦρος ἀρχομένου πεπληρωμένην ὑπολαπάττει, καὶ τὰ οὔθατα καθῆκε καὶ μέντοι καὶ ἐξέθρεψε τὰ ἑαυτῆς βρέφη ἡ κεμάς. μῦρος δὲ ἄρα ἰχθὺς πυνθάνομαί ἐστιν. ἐξ ὅτου μὲν οὖν ἐσπάσατο τὴν ἐπωνυμίαν ἐκείνην, εἰπεῖν <pb xml:id="p.349"/> οὐκ οἶδα· κέκληται δʼ οὖν ταύτῃ. λέγουσι δὲ αὐτὸν εἶναι θαλάττιον ὄφιν. ὀφθαλμὸς δὲ ἄρα ὁ τούτου ὁπότερος οὖν ἐξαιρεθεὶς καὶ περίαπτον γενόμενος ἀπαλλάττει ξηρᾶς ἄνθρωπον ὀφθαλμίας· τῷ δὲ ἄρα μύρῳ τῷδε ἀναφύεταί φασιν ὀφθαλμὸς ἕτερος. δεῖ δὲ αὐτὸν ἀπολῦσαι τὸν ἰχθὺν ζῶντα, ἢ μάτην τὸν ὀφθαλμὸν ἔχων φυλάττεις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="16"> 
+<p>αἶγες ἄγριοι οἱ τὰς Λιβύων ἄκρας ἐπιστείβοντές εἰσι κατὰ τοὺς βοῦς τὸ μέγεθος ἰδεῖν, τούς γε μὴν μηροὺς καὶ τὰ στέρνα καὶ τοὺς τραχήλους κομῶσι θριξὶ δασυτάταις, καὶ σὺν τούτοις καὶ τὴν γένυν. τὰ μέτωπα μὲν ἀγκύλοι καὶ περιφερεῖς, καὶ τὰ ὄμματα χαροποί, σκέλη δὲ αὐτοῖς ἐστι κολοβά. κέρατα μετὰ τὴν πρώτην σύμφυσιν ἀλλήλων ἀπηρτημένα καὶ πλάγια· οὐ γάρ τί που κατὰ τοὺς ὀρειβάτας αἶγας τοὺς ἄλλους ὀρθά ἐστι, κάτεισι δὲ ἐγκάρσια καὶ ἐς τοὺς ὤμους προήκοντα. οὕτως ἄρα μήκιστά ἐστιν. ἐκ δὲ τῶν λόφων τῶν ὑπεράκρων, οὓς ἐρίπνας οἵ τε νομευτικοὶ φιλοῦσιν ὀνομάζειν καὶ ποιητῶν παῖδες,· ῥᾳδίως ἐς ἕτερον πάγον πηδῶσιν· ἁλτικώτατοι γὰρ αἰγῶν ἁπάντων οἵδε εἰσίν. εἴ γε μὴν καὶ πέσοι τις πορρωτέρω τοῦ ὑποδεξομένου ὄντος αὐτὸν ἢ ὡς ἐκείνου ἐφικέσθαι, τῷ δὲ ἄρα μελῶν περίεστι τοσοῦτον κράτος, ὡς ἀσινῆ μένειν κατενεχθέντα αὐτόν. θραύει γοῦν οὐδὲ ἕν, εἰ καὶ πέσοι κατὰ ῥωγάδος, οὐ κέρας, οὐ βρέγμα· ἔστι δὲ καρτερὰ καὶ προσόμοια τῇ τῆς πέτρας ἀντιτυπίᾳ. οἱ πλεῖστοι μὲν οὖν τούτων ἐν ταῖς ἀκρωρείαις αὐταῖς ἄρκυσι καὶ ἀκοντίοις καὶ ποδάγραις αἱροῦνται, σοφίᾳ δὲ ἄρα τῇ τε ἄλλῃ ἐν κυνηγέταις ἀνδράσι καὶ οὖν καὶ αἰγοθηρικῇ· θηρῶνται δὲ καὶ ἐν πεδίοις, καὶ φυγεῖν ἐνταῦθα ἀσθενεῖς εἰσιν. αἱρήσει οὖν αὐτοὺς καὶ ὅστις ἐστὶ βραδὺς τοὺς πόδας. <pb xml:id="p.350"/> ἦν δὲ ἄρα ἀγαθὸν δορά τε καὶ κέρατα· ἡ μὲν γὰρ δορὰ ἐν χειμῶσι τοῖς σφοδροτάτοις τὸν κρυμὸν πελάζειν οὐκ ἐᾷ νομευτικοῖς καὶ ὑλουργοῖς ἀνδράσι· κέρατα δὲ ἐκεῖνα ἀρύσασθαι καὶ πιεῖν ἐκ ποταμοῦ παραρρέοντος ἢ πηγῆς τινος ἀνατελλούσης ἐν ὥρᾳ θερείῳ χρηστὰ καὶ δίψος ἀκέσασθαι λυσιτελῆ· παρέχει γὰρ ἀμυστὶ πιεῖν τῶν ἁδρῶν κυλίκων μεῖον οὐδὲ ἕν, ἕως ἂν ψύξῃς τὸ ἆσθμα καὶ σβέσῃς τὸ ὑπεκκαῖόν τε πᾶν καὶ ἀναφλέγον. οὐκοῦν εἰ τὰ ἔνδον καθαρθείη ὑπό τινος ξέειν κέρατα δεινοῦ, καὶ τρία μέτρα ῥᾳδίως αὐτοῖν δέξαιτο τὸ ἕτερον ἄν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="17"> 
+<p> εἰσὶ δὲ ἄρα καὶ χελῶναι θρέμμα Λιβύης, οὐλόταται ὅσα ἰδεῖν, ὄρειοι δὲ αὗται, καὶ ἔχουσι τὸ χελώνιον ἐς βάρβιτα ἀγαθόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="18"> 
+<p> ἵππος ὅταν τέκῃ, τοῦ βρέφους ἐκπεφυκυῖαν σάρκα οὐ πολλὴν ἀλλὰ ὀλίγην ἀπηρτῆσθαι οἳ μὲν κατὰ τοῦ μετώπου φασίν, οἳ δὲ κατὰ τῆς ὀσφύος, ἄλλοι γε μὴν κατὰ τοῦ αἰδοίου. ταύτην οὖν ἀποτραγοῦσα ἀφανίζει, καλεῖται δὲ τὸ σαρκίον τοῦτα ἱππομανές. οἴκτῳ δὲ ἄρα τῆς φύσεως καὶ ἐλέῳ ἐς τοὺς ἵππους δρᾶται τοῦτο. εἰ γὰρ ἀεί, φασί, καὶ διὰ τέλους προσήρτητο ἐκεῖνο, ἐς οἶστρον ἂν ἀκατασχέτου μίξεως ἐξήπτοντο οἵ τε ἄρρενες καὶ αἱ θήλειαι αὐτῶν. ἔστω δέ, εἰ δοκεῖ, Ἱππείου Ποσειδῶνος ἢ Ἀθηνᾶς Ἱππείας τοῦτο δῶρον ἵπποις δοθέν, ἵνα αὐτοῖς τὸ γένος διαμείνῃ, μηδὲ ἀφροδισίων λύττῃ διαφθείρηται. ἴσασι δὲ ἄρα ἱπποφορβοὶ τοῦτο εὖ καὶ καλῶς, καὶ ἐάν ποτε δεηθῶσι τοῦ προειρημένου σαρκίου εἰς ἐπιβουλήν τινος, ὡς ἐξάψαι οἱ ἔρωτα, τὴν ἵππον κύουσαν παραφυλάττουσι, καὶ ὅταν τέκῃ παραχρῆμα ἁρπάζουσι τὸ πωλίον, καὶ ἀποκόπτουσι τὴν προειρημένην σάρκα, καὶ ἐς ὁπλὴν ἐμβάλλουσιν ἵππου θηλείας· ἐνταυθοῖ γὰρ καὶ μόνως <pb xml:id="p.351"/> ἂν φυλαχθείη καλῶς καὶ ἀποθησαυρισθείη. τὸν δὲ πῶλον ἀνίσχοντι τῷ ἡλίῳ καταθύουσιν· οὐ γὰρ ἔτι θηλάζει ἡ μήτηρ αὐτὸν τὸ γνώρισμα ἀφῃρημένον καὶ τῆς εὐνοίας οὐκ ἔχοντα τὴν ὑπόθεσιν· ἐκ γάρ τοι τοῦ κατατραγεῖν τὴν σάρκα φιλεῖν τὸ βρέφος ἡ μήτηρ ἰσχυρῶς ἄρχεται. ὅστις δʼ ἂν κατά τινα ἐπιβουλὴν ἀνὴρ ἐκείνου γεύσηται τοῦ σαρκίου ἔρωτι καὶ μάλα γε ἀκρατεῖ συνέχεται καὶ ἐκφρύγεται καὶ βοᾷ, καὶ ἀκατασχέτως ὁρμᾷ καὶ ἐπὶ παιδικὰ αἴσχιστα καὶ ἐπὶ γυναῖκα ἀφήλικα καὶ ἀπρόσωπον, καὶ μαρτύρεται τὴν νόσον, καὶ τοῖς ἐντυχοῦσιν ὄπως ἐξοιστρεῖται λέγει. καὶ λείβεται μὲν τὸ σῶμα καὶ φθίνει, ἐλαύνεται δὲ τὴν ψυχὴν ἐρωτικῇ μανίᾳ. ἀκούω τοίνυν καὶ ἐν Ὀλυμπίᾳ τὴν ἵππον τὴν χαλκῆν, ἧς ἐρῶσιν ἵπποι καὶ ἐπιμαίνονται καὶ ἐγχρίμπτεσθαι ἐθέλουσι καὶ χρεμετίζουσι θεασάμενοι χρεμέτισμα ἐρωτικόν, ἔχειν τὴν ἐκ τοῦδε τοῦ ἱππομανοῦς ἐπιβουλὴν ἐν τῷ χαλκῷ γεγοητευμένῳ λανθάνουσαν, καὶ κρυφίῳ τινὶ μηχανῇ τοῦ τεχνίτου ἐπιβουλεύειν τὸν χαλκὸν τοῖς ζῶσιν· μὴ γὰρ εἶναι τοσαύτην ἀκρίβειαν, ὡς οὕτως ἐξ αὐτῆς ἀπατᾶσθαί τε καὶ ἐξοιστρεῖσθαι τοὺς ἵππους τοὺς ὁρῶντας. καὶ ἴσως μὲν λέγουσί τι οἱ λέγοντες, ἴσως δὲ οὐδὲν λέγουσιν· ἃ δʼ οὖν ἤκουσα καὶ ὑπὲρ τούτων εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="19"> 
+<p>λέγεται δὲ ἐν τῇ Λιβύῃ λίμνη εἶναι ζέοντος ὕδατος, καὶ ἐν τῷδε τῷ ὕδατί φασιν ἰχθύας ζῆν καὶ νήχεσθαι καὶ τροφῆς ἐμβληθείσης ἀναπάλλεσθαι πρὸς τὴν τροφήν. εἰ δέ τις αὐτοὺς ἐς ὕδωρ ἐμβάλοι ψυχρόν, ὅτι ἀποθνήσκουσι, καὶ τοῦτο προσακήκοα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="20"> 
+<p>λέγουσι δὲ ἄνδρες ἁλιείας ἐπιστήμονες, τὴν τοῦ ἱπποκάμπου γαστέρα εἴ τις ἐν οἴνῳ κατατήξειεν ἕψων καὶ τοῦτον δοίη τινὶ πιεῖν, φάρμακον εἶναι τὸν οἶνον <pb xml:id="p.352"/> ἄηθες ὡς πρὸς τὰ ἄλλα φάρμακα ἀντικρινόμενον· τὸν γάρ τοι πιόντα αὐτοῦ πρῶτον μὲν καταλαμβάνεσθαι λυγγὶ σφοδροτάτῃ, εἶτα βήττειν ξηρὰν βῆχα, καὶ στρεβλοῦσθαι μέν, ἀναπλεῖν δὲ αὐτῷ οὐδὲ ἕν, διογκοῦσθαι δὲ καὶ διοιδάνειν τὴν ἄνω γαστέρα, θερμά τε τῇ κεφαλῇ ἐπιπολάζειν ῥεύματα, καὶ διὰ τῆς ῥινὸς κατιέναι φλέγμα καὶ ἰχθυηρᾶς ὀσμῆς προσβάλλειν· τοὺς δὲ ὀφθαλμοὺς ὑφαίμους αὐτῷ γίνεσθαι καὶ πυρώδεις, τὰ βλέφαρα δὲ διογκοῦσθαι. ἐμέτων δὲ ἐπιθυμίαι ἐξάπτονταί φασιν, ἀναπλεῖ δὲ οὐδὲ ἕν. εἰ δὲ ἐκνικήσειεν ἡ φύσις, τὸν μὲν τὸ ἐς θάνατον σφαλερὸν παριέναι, ἐς λήθην δὲ ὑπολισθάνειν καὶ παράνοιαν. ἐὰν δὲ ἐς τὴν κάτω γαστέρα διολίσθῃ, μηδὲν ἔτι εἶναι, πάντως δὲ ἀποθνήσκειν τὸν ἑαλωκότα. οἱ δὲ περιγενόμενοι ἐς παράνοιαν ἐξοκείλαντες ὕδατος ἱμέρῳ πολλῷ καταλαμβάνονται, καὶ ὁρᾶν διψῶσιν ὕδωρ καὶ ἀκούειν λειβομένου· καὶ τοῦτό γε αὐτοὺς καταβαυκαλᾷ καὶ κατευνάζει. καὶ διαρίβειν φιλοῦσιν ἢ παρὰ τοῖς ἀενάοις ποταμοῖς ἢ αἰγιαλῶν πλησίον ἢ παρὰ κρήναις ἢ λίμναις τισί, καὶ πιεῖν μὲν οὐ πάνυ τι γλίχονται, ἐρῶσι δὲ νήχεσθαι καὶ τέγγειν τὼ πόδε ἢ ἀπονίπτειν τὼ χεῖρε. οἳ δὲ οὐκ αὐτὴν τὴν τοῦ ἱπποκάμπου γαστέρα τούτων αἰτίαν εἶναί φασιν, ἀλλὰ νέμεσθαί τι φυκίον τὸ ζῷον πικρὸν δεινῶς, οὗ τὴν ποιότητα ἐς ἐκείνην μεταχωρεῖν. εὑρέθη δὲ ἄρα καὶ ἐς σωτηρίαν ἱππόκαμπος ἐπιτήδειος ἀγχινοίᾳ παλαιοῦ μὲν ἁλιέως, σοφοῦ δὲ τὰ θαλάττια. ἦν Κρὴς ἁλιεὺς γέρων, καὶ παῖδας νεανίας εἶχε καὶ τούτους ἁλιέας. οὐκοῦν συνηνέχθη τὸν μὲν πρεσβύτην ἱπποκάμπους θηρᾶσαι μετὰ καὶ ἄλλων ἰχθύων, τοὺς δὲ νεανίας δηχθῆναι ὑπὸ κυνὸς λυττώσης, τῷ πρώτῳ δηχθέντι τῶν ἄλλων ἀμυνάντων καὶ τῷ αὐτῷ πάθει περιπεσόντων. οἳ μὲν <pb xml:id="p.353"/> οὖν ἔκειντο Ῥιθύμνης τῆς Κρητικῆς πρὸς ταῖς ᾐόσιν ʽἔστι δὲ αὕτη κώμη, ὥς φασινʼ, οἱ δὲ θεώμενοι συνήλγουν τῷ πάθει, καὶ τὴν κύνα ἀποκτεῖναι προσέταττον καὶ τὸ ἧπαρ δοῦναι τοῖς νεανίαις ὡς φάρμακον τοῦ κακοῦ καταφαγεῖν, οἳ δὲ ἐς τῆς Ῥοκκαίας οὕτω καλουμένης Ἀρτέμιδος ἄγειν καὶ αἰτεῖν ἴασιν παρὰ τῆς θεοῦ. ὁ δὲ γέρων καὶ μάλα ἀδεῶς τε καὶ ἀτρέπτως ταῦτα μὲν ἐπαινεῖν τοὺς συμβουλεύσαντας εἴα, τῶν δὲ ἱπποκάμπων τὰς γαστέρας ἐκκαθάρας, τὰς μὲν ὤπτησε καὶ ἔδωκεν αὐτοῖς προσενέγκασθαι, τὰς δὲ συντρίψας ἐς ὄξος καὶ μέλι, καὶ τὰ ἕλκη περιπλάσας τούτοις τὰ τοῦ δήγματος, εἶτα τῆς τῶν νεανιῶν ἐκράτησε λύττης τῷ πόθῳ τοῦ ὕδατος, ὅνπερ οὖν οἱ ἱππόκαμποι αὐτοῖς ὑπεξῆπτον. καὶ τόνδε τὸν τρόπον τοὺς παῖδας ἰάσατο, ὀψὲ μέντοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="21"> 
+<p>ὑπὲρ θαλαττίων μὲν κυνῶν εἴρηται ἡμῖν καὶ πολλά· κύνες δὲ οἱ ποτάμιοι ἰδεῖν μέν εἰσι κατὰ τοὺς κύνας τοὺς χερσαίους τοὺς μικρούς, λάσιοι δέ εἰσι καὶ τὴν οὐράν. λέγονται δὲ τῷ μὲν αἵματι νεῦρα ἀνθρώπων διοιδάνοντα πραΰνειν, εἰ ἐγχέοις ὕδατι καὶ ὄξει ἀναμιχθέντι· ἡ δορὰ δὲ ὑποδήματα δίδωσιν ἀγαθά, καὶ ταῦτα νεύρων χρηστά, ὥς φασιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="22"> 
+<p>Θύμαλον δὲ ἰχθὺν οὕτω καλούμενον τρέφει Τέκινος ʽποταμοῦ δὲ ὄνομα τοῦτο Ἰταλοὖ, καὶ μέγεθος μὲν ὅσον καὶ ἐπὶ πῆχυν προήκει, ἰδεῖν δὲ μεταξὺ λάβρακός ἐστι καὶ κεφάλου. ἄξιον δὲ αὐτοῦ ἑαλωκότος θαυμάσαι τὴν ὀσμήν· οὐ γάρ τί που προσβάλλει ἰχθυηρὸν ἀέρα κατὰ τοὺς λοιπούς, ἀλλὰ εἴποις ἂν διὰ χειρῶν κατέχειν θύμαλον νεωστὶ τρυγηθέντα, καὶ οὖν καὶ εὔοσμός ἐστι, καί τις οὐκ ἰδὼν τὸ ζῷον οἰήσεται πόαν ἔνδον εἶναι τὴν μάλιστα μελιττῶν τροφόν, ἔνθεν τοι καὶ κέκληται. λίνῳ μὲν <pb xml:id="p.354"/> οὖν αἱρεθείη ἂν ῥᾷστα· δελέατι δὲ καὶ ἀγκίστρῳ οὐχ αἱρήσεις αὐτόν, οὐχ ὑὸς πιμελῇ, οὐ σέρφῳ, οὐ χήμῃ, οὐκ ἰχθύος ἑτέρου ἐντέρῳ, οὐ στρόμβου τένοντι. κώνωπι δὲ αἱρεῖται μόνῳ, πονηρῷ μὲν ζῴῳ καὶ μεθʼ ἡμέραν καὶ νύκτωρ ἀνθρώποις ἐχθρῷ καὶ δακεῖν καὶ βοῆσαι, αἱρεῖ δὲ τὸν θύμαλον τὸν προειρημένον· φιληδεῖ γὰρ αὐτῷ μόνῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="23"> 
+<p> ὑπὸ τῷ ποδὶ δὲ τῶν Ἀλπίων ὀρῶν πρὸς ἄνεμον βορρᾶν ὑπὸ τῇ ἄρκτῳ οὕτω κέκληνται. γένος δὲ οὗτοι ἱππικοὶ ἄνδρες. ἐντεῦθέν τοι καὶ πρόεισιν ὁ τῶν Εὐρωπαίων ποταμῶν μέγιστος Ἴστρος, ἐκ πηγῶν μὲν οὐ πολλῶν, ταῖς δὲ τοῦ ἡλίου προσβολαῖς ταῖς πρώταις ἀντίος. εἶτα οἱονεὶ δορυφοροῦντες αὐτὸν ἅτε τῶν ἐπιχωρίων ῥευμάτων βασιλέα συνανίσχουσίν οἱ πολλοί, καὶ ἀέναον τὸ ῥεῦμα αὐτῶν ἐστι, καὶ ἴσασιν ἑκάστου τὸ ὄνομα οἱ περιοικοῦντες αὐτούς. ὅταν δὲ ἐς τὸν Ἴστρον ἐμβάλωσι, τοῖς μὲν ἡ ἀπὸ γενεᾶς ἐπωνυμία πέπαυται, ἀφίστανταί γε μὴν ἐκείνῳ τοῦ ὀνόματος, καὶ ἐξ αὐτοῦ καλοῦνται πάντες, καὶ συνεκβάλλουσιν ἐς τὸν Εὔξεινον. γίνεται δὲ ἐνταῦθα ἰχθύων γένη διάφορα, κορακῖνοί τε καὶ μύλλοι καὶ ἀντακαῖοι καὶ κυπρῖνοι, μέλανες οὗτοι, καὶ χοῖροί τε καὶ κόσσυφοι ἰδεῖν λευκοί, πέρκαι τε ἐπὶ τούτοις καὶ ξιφίαι. πρέπουσι δὲ τῷ ὀνόματι οἱ ἰχθύες οἵδε, καὶ τὸ μαρτύριον, τὸ μὲν ἄλλο πᾶν σῶμα ἁπαλοί τε εἰσὶ καὶ ἄλυποι προσαπτομένῳ, καὶ ὀδόντές οἱ οὐ πάνυ τι σκολιοὶ οὐδὲ ἀπηνεῖς ἰδεῖν, οὐκ ἄκανθα ἐπὶ τῶν νώτων ὀρθὴ ἐκπέφυκεν, οὐ κατὰ τὸ οὐραῖον· ὃ δέ ἐστι θαῦμα καὶ ἀκούσαντι καὶ ἰδόντι, ὑπʼ αὐτὴν τὴν ῥῖνα, διʼ ἧς καὶ ἀναπνεῖ καὶ τὸ ῥεῦμα αὐτῷ διαρρεῖ ἐς τὰ βράγχια καὶ ἐκπίπτει, ἐς ὀξύ οἱ προήκει ἡ γένυς, καὶ εὐθεῖά ἐστι καὶ αὐξάνεται <pb xml:id="p.355"/> κατʼ ὀλίγον ἐς μῆκός τε καὶ πάχος, καὶ κητουμένῳ τῷ ἰχθύι συναύξεται καὶ ἐκείνη, καὶ ἔοικε τριήρους ἐμβόλῳ. καὶ διὰ εὐθείας ἐμπίπτων ὁ ξιφίας ἰχθύσι καὶ ἀποκτείνας εἶτα θοινᾶται, καὶ ἀμύνεται δὲ τῷ αὐτῶ τὰ μέγιστα τῶν κητῶν. καὶ ἀχάλκευτόν γε τοῦτο τὸ ὅπλον προσπέφυκέν οἱ, καὶ τέθηκται φύσει. οὐκοῦν οἵδε οἱ ξιφίαι ἐς μέγεθος προήκοντες ἔρχονται καὶ νεὼς ἀντίοι. καὶ νεανιεύονταί γέ τινες λέγοντες ναῦν Βιθυνίδα ἰδεῖν ἀνασπωμένην, ἵνα αὐτῇ πονήσασα ὑπὸ γήρως ἡ τρόπις τύχῃ τῆς δεούσης κομιδῆς. οὐκοῦν προσηλωμένην θεάσασθαι ξιφίου κεφαλήν· τοῦ γὰρ θηρὸς ἐμπήξαντος μὲν τῷ σκάφει τὴν αἰχμὴν τὴν συμφυῆ, ἀποσπάσαι δὲ αὑτὸν πειρωμένου ὑπὸ τῆς ῥύμης τῆς πολλῆς σχισθῆναι μὲν ἀπὸ τοῦ τένοντος τὸ πᾶν σῶμα, τὴν δὲ ἐναπομεῖναι πεπηγμένην, ὡς ἐνέπεσεν ἐξ ἀρχῆς. θηρᾶται δὲ οὗτος ἄρα καὶ ἐν τῇ θαλάττῃ καὶ ἐν τῷ Ἴστρῳ, χαίρει δὲ καὶ πικρῷ ὕδατι καὶ γλυκεῖ ῥεύματι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="24"> 
+<p>θέρους ἐνακμάζοντος τοῦ σφοδροτάτου οἱ θαλάττιοι κύνες καὶ τὰ ἄλλα ζῷα, οἷσπερ οὖν ἐστι συμφυὴς ἡ τόλμα, ἔς τε τοὺς αἰγιαλοὺς παραβάλλει καὶ εὐθὺ τῶν κρημνῶν ἔρχεται, καὶ τὰς ῥοώδεις ἄκρας ὑποτρέχει, καὶ ἐς τοὺς στενοὺς καὶ βαθεῖς ἐσνήχεται πορθμούς. φεύγουσι δὲ τὰ πελάγια ἤθη, καὶ τῆς </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="25"> 
+<p>ἐκεῖ νομῆς τηνικάδε τῆς ὥρας ὑπερορῶσι. γίνεται δὲ ἄρα τι φῦκος ἐν τοῖς ἕρμασι τοῖς βαθέσι, καὶ τὸ μέγεθος αὐτῷ κατὰ τὴν μυρίκην ἐστί, φέρει δὲ καρπὸν τῇ μήκωνι προσεμφερῆ. καὶ τῶν μὲν ἄλλων ὡρῶν τοῦ ἔτους μέμυκε, καὶ ἔστιν ἀντίτυπος καὶ στερεὸς φύσει ὀστρέου· ἁπλοῦταί γε μὴν μετὰ τὰς τροπὰς τὰς θερινάς, ὥσπερ οὖν αἱ ἐν ῥοδωνιαῖς κάλυκες. καὶ τὸ μὲν περικείμενον ἔλυτρον φρουρεῖ τὸ <pb xml:id="p.356"/> ἔνδον, καὶ δίκην ἕρκους περιέρχεται, ἰδεῖν γε μὴν ξανθότατόν ἐστι. τὸ δὲ ὑπὸ τούτῳ τῷ χιτῶνι κυανοῦν ἐστὶ χρόᾳ καὶ χαῦνον, ὥσπερ οὖν πεπρημένη κύστις, καὶ διαυγὲς ἄγαν, λείβεταί τε ἐξ αὐτοῦ πονηρὸν φάρμακον. καὶ νύκτωρ μὲν ἐκπέμπει τοῦτο αὐγὴν πυρὶ ἐοικυῖαν, καί τινας ἀφίησι μαρμαρυγάς· ὑπανατέλλοντος δὲ τοῦ σειρίου ἔτι καὶ μᾶλλον κατισχύει ἡ τοῦ φαρμάκου κακία. καὶ ἐντεῦθεν ὅσον ἐστὶν ὑδροθηρικὸν παγκύνιόν οἱ ὄνομα θέμενοι εἶτα οἴονται τὴν τοῦ ἄστρου ἐπιτολὴν τίκτειν αὐτό. οἱ θαλάττιοι οὖν κύνες πρὸς τὴν νύκτωρ τοῦ ἄνθους φαντασίαν τὴν φλογώδη ἐμπεσόντες ὥσπερ οὖν ἐς ἕρμα τὴν ἔναλον μυρίκην τήνδε, τοῦ φαρμάκου τοῦ μὲν καταδεύσαντος αὐτούς, τοῦ δὲ καταποθέντος, καὶ ἑτέρου διὰ τῶν βραγχίων αὐτοῖς ἐσθορόντος, εἶτα μέντοι τεθνήκασι καὶ παραχρῆμα ἀναπλέουσιν. οἱ τοίνυν δεινοὶ τὰ τοιαῦτα ἀνιχνεύειν τοῦδε τοῦ φαρμάκου ἐκ τῶν κητῶν τῶν προειρημένων τὸ μὲν ἐκ τῶν μελῶν τῶν λοιπῶν, τὸ δὲ ἐκ τοῦ στόματος τοῦ θηρὸς ἀθροίζουσι. δεύτερον δὲ τὸ κακὸν τοῦτο τῆς καλουμένης χερσαίας ἀγλαοφώτιδος. ὄνομα δὲ αὐτῇ ἄρα ἔθεντο καὶ κυνόσπαστον· καὶ τίς ἡ αἰτία, ἐὰν ὑπομνησθῶ εἰπεῖν, εἴσεσθε αὐτήν. Μυσοὶ δέ, οὐχ οἱ τοῦ Τηλέφου τὸ Πέργαμον κατοικοῦντες, ἀλλὰ ἐκείνους τοὺς πρὸς τῷ Πόντῳ μοι νόει τοὺς κάτω, οἵπερ οὖν καὶ τῇ γῇ τῇ Σκυθίδι προσοικοῦσι τὰς ἐκείνων ἐπιδρομὰς ἀνείργοντες καὶ τῇ Ῥώμῃ τὸν χῶρον τὸν προειρημένον φρουροῦντες πάντα· τοὺς Ἡρακλείας πλησίον φημὶ καὶ τῶν Ἀξίου ῥευμάτων. ἐνταῦθά τοι καὶ τὴν Αἰήτου Μήδειαν οἱ ἐπιχώριοι ὑμνοῦσι τὸ ἔργον ἐκεῖνο τὸ ἐς τὸν Ἄψυρτον τὸν ἀδελφὸν χερσὶ κακαῖς τολμῆσαι, ναὶ μὰ Δία <pb xml:id="p.357"/> δυστυχῆ φήμην ἐπὶ τῇ Κόλχῳ φαρμακῷ πρὸς ταῖς ἄλλαις ταῖς ἐν Ἕλλησι τήνδε ᾅδοντες οἱ Μυσοί. ἀλλὰ οὗτοί γε θήραν ἰχθύων ἐκείνην θηρῶσιν. ἀνὴρ Ἰστριανὸς γένος, τὴν τέχνην ἁλιεύς, τῆς τοῦ Ἴστρου ὄχθης πλησίον ἐλαύνει βοῶν ζεῦγος, οὔ τι που δεόμενος ἀροῦν οὗτος· ὥσπερ γάρ φησιν ὁ λόγος, μηδὲν εἶναι βοῒ κοινὸν καὶ δελφῖνι, οὕτω τοι φιλία χερσὶν ἁλιέων καὶ ἀρότρῳ πόθεν ἂν γένοιτο; εἰ οὖν οἱ καὶ ἵππων παρείη ζεῦγος, τοῖς ἵπποις χρῆται. καὶ τὸν μὲν ζυγὸν ὁ ἀνὴρ φέρει κατὰ τῶν ὤμων, ἔρχεται δὲ ἔνθα οἱ δοκεῖ καλῶς ἔχειν ἑαυτὸν καθίσαι καὶ ἐν καλῷ τῆς ἄγρας εἶναι πεπίστευκε. τῆς οὖν μηρίνθου στερεᾶς οὔσης καὶ ἄγαν ἑλκτικῆς τὴν μὲν ἀρχὴν ἐξῆψε μέσου τοῦ ζυγοῦ, ἄδην δὲ τροφῆς παρατίθησιν ἢ τοῖς βουσὶν ἢ τοῖς ἵπποις, οἳ δὲ ἐμπίπλανται. καὶ ἐκεῖνος τῇ μηρίνθῳ κατὰ θάτερα προσῆψεν ἄγκιστρον ἰσχυρὸν καὶ μέντοι καὶ τεθηγμένον δεινῶς, περιπείρας δὲ ἄρα αὐτῷ πνεύμονα ταύρου, μεθῆκε τροφὴν Ἰστριανῷ σιλούρῳ καὶ μάλα γε ἡδίστην, ὑπὲρ τοῦ συνδέοντος τὸ ἄγκιστρον λίνου ἐξάψας τὸν ἀρκοῦντα μόλιβον, οἷον ἐς τὴν ἕλξιν εἶναι ἕρμα αὐτόν. ὁ τοίνυν ἰχθὺς ὁπόταν αἴσθηται τῆς ταυρείου βορᾶς, παραχρῆμα κατὰ τὴν ἄγραν ὁρμᾷ· εἶτα ὧν ἱμείρει τούτοις ἐντυχὼν ἀθρόως καὶ περιχανὼν ἄδην καὶ ἀταμιεύτως τὴν ἐμπεσοῦσάν οἱ κακὴν δαῖτα ἐς ἑαυτὸν σπᾷ. εἶτα ὑφʼ ἡδονῆς ἑλιττόμενος ὅδε ὁ γάστρις ἑαυτὸν διαλέληθε τῷ προειρημένῳ περιπαρεὶς ἀγκίστρῳ, καὶ ἀποδρᾶναι τὸ ἐμπεσὸν κακὸν διψῶν τὴν μήρινθον ὡς ἔχει δυνάμεως ὑποταράττει τε καὶ κινεῖ. συνίησιν οὖν ὁ θηρατὴς καὶ ἡδονῆς ὑπερεμπίπλαται, εἶτα τῆς ἕδρας ἀνέθορε, καὶ μεθῆκεν ἑαυτὸν ποταμίων τε ἔργων καὶ κυνηγεσίων ἐνύδρων, ὥσπερ δὲ <pb xml:id="p.358"/> ἐν δράματι ὑποκριτὴς ἀμείψας προσωπεῖον ὃ δὲ τὼ βόε ἐλαύνει ἢ τὼ ἵππω, ἀλκὴ δὲ ἄρα καὶ ἡ τοῦ κήτους καὶ ἡ τῶν ὑποζυγίων ἀντίπαλός ἐστιν. ὁ μὲν γὰρ θὴρ ὁ τοῦ Ἴστρου τρόφιμος ἕλκει κάτω ὅσον ποτὲ ἄρα τῆς ἐν αὑτῷ ῥώμης ἔχει, τὸ μέντοι ζεῦγος τὸ ἀνθέλκον ἐκτείνει τὴν μήρινθον. ἀλλά οἱ πλέον οὐδὲ ἕν· τῆς γοῦν ἐπʼ ἀμφοῖν ἕλξεως ὁ ἰχθὺς ἡττᾶται, καὶ ἀπειπὼν ἕλκεται κατὰ τῆς ᾐόνος. εἴποι ἂν Ὁμηρίδης δρυῶν στελέχη ἕλκειν ἡμιόνους τινάς, ὡς ἐπὶ τῇ Πατρόκλου ταφῇ Ὅμηρος ᾅδει ταῦτα δήπου τὰ ὑμνούμενα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="26"> 
+<p> ἔστι δὲ ἄρα τῷ Ἴστρῳ καὶ κόλπος οἷος βαθύτατος, καὶ ἔοικε τῇ θαλάττῃ τὴν πολλὴν περίοδον. καὶ μέντοι καὶ βάθους ὅτι εὖ ἥκει ὅδε ὁ κόλπος καὶ ἐκεῖνο τεκμηριῶσαι ἱκανόν. αἱ ναῦς αἱ φορτίδες αἱ τὴν θάλατταν περῶσαι καὶ ἐνταῦθα κατακολπίζουσι, πεφρίκασι δὲ καὶ τοῦτον ὡς θάλατταν, ὅταν ἀγριαίνηται ὑπὸ τῶν καταπνεόντων ἀνέμων ἐς κύματα ἐξαπτόντων τε αὐτὸν καὶ ἐκμαινόντων. πεφύκασι δὲ ἄρα ἐν αὐτῷ καὶ νῆσοι καὶ μέντοι καί τινες τῆς ὄχθης ὑποδρομαὶ ἐς ἃς ἔστι καταφυγεῖν. ἀλλὰ καὶ ἀκταὶ καὶ ἄκραι προήκουσι, καὶ προσρήγνυται αὐταῖς καὶ περισχίζεται κλύδων ἄγριος, ἡνίκα ἂν ἑαυτοῦ μάλιστα ὑποπλησθεὶς εἶτα ἐς τὴν θάλατταν οἱονεὶ στενοχωρούμενος ὠθῆται. φιλεῖ δὲ ἄρα δρᾶν τοῦτο ἤδη ὥρας φθινοπωρινῆς παραδραμούσης, ὑπαρχομένης δὲ τῆς χειμερίου, καὶ ἀκμάσας αὐτὸς πρόεισι πλημμυρῶν. πληθύοντα δὲ ἄρα βορρᾶς ἐπωθεῖ αὐτόν, καὶ ἐξάπτει κατιέναι ἄγριον. καὶ ὃ μὲν καταφέρει ὡς ἐς πλοῦν ἀγώγιμον τὸν καθʼ ἑαυτοῦ κρύσταλλον, ὃ δὲ ἀντιπίπτει ὁ βορρᾶς αὐτῷ καταπνέων σκληρὸν καὶ μάλα γε κρυμῶδες. οὔκουν αὐτῷ ἐκβάλλειν ἐς τὸ πέλαγος τὴν ὠδῖνα ὡς ἂν εἴποις ἐπιτρέπει, ἀλλʼ ἀνακωχεύων <pb xml:id="p.359"/> καὶ ἀνωθούμενος ἵστησιν. ὁ κρύσταλλος οὖν ἀνειργόμενός τε καὶ ἀναστελλόμενος ἐς βάθος χωρεῖ καὶ ἁδρύνεται ἐς πολύ· καὶ ἐντεῦθεν ὑπορρεῖ μὲν τοῦ Ἴστρου τὸ γνήσιον ὕδωρ ὁδοῖς ὡς ἂν εἴποις κρυπταῖς, τὸ δὲ ἐπίκτητόν οἱ καὶ νόθον ἐπίκειται πεδίου δίκην, καὶ κατὰ τούτου τηνικάδε τῆς ὥρας ὁδοιποροῦσιν οἱ τῇδε ἄνθρωποι κατὰ ζεύγη καὶ μόνιπποι. ὅπως μὲν οὖν ἐλέγχει τε καὶ βασανίζει τὴν πῆξιν τοῦ ποταμοῦ τοῦδε καὶ τοῦ Θρᾳκίου Στρυμόνος τὸ πονηρόν τε καὶ δολερὸν θηρίον ἡ ἀλώπηξ, ἀνωτέρω εἶπον· ὁ δʼ οὖν κρύσταλλος ὁ ἐν τῷ Ἴστρῳ καὶ νηὶ φορτηγῷ κατὰ ῥοῦν φερομένῃ περιτραφεὶς εἶτα ἐπέδησεν αὐτήν, καὶ οὔτε ἱστίων ἡπλωμένων ἔτι δεῖ, οὔτε ὁ πρῳράτης τὰ πρόσω βλέπει, οὔτε ὁ τῆς νεὼς ἄρχων ἐπιστρέφει τοὺς οἴακας· πεπήγασι γάρ, ἐπεὶ καὶ τὸ πᾶν σκάφος τῷ περικειμένῳ κατείληπται δεσμῷ, καὶ ἔοικεν οὐ μὰ Δία νηί, οὐ γὰρ ἔτι τοῖς κύμασι τύπτεται, ἀλλὰ ἐν πολλῷ τῷ πεδίῳ λόφῳ τινὶ ἀνεστῶτι ἢ καὶ νὴ Δία σκοπιᾷ ἢ ἄκρᾳ. ἐνταῦθά τοι καὶ οἱ περίνεῳ καὶ οἱ ναῦται ἐκπηδῶσι καὶ κατὰ τοῦ ποταμοῦ θέουσι, καὶ ἁμάξας ἄγουσι καὶ τὸν φόρτον μετῆραν ἐπὶ τοῦ τέως ὕδατος. καὶ πάλιν μετὰ τὴν χειμέριον ὥραν τοῦ αὐτοῦ φερομένου σφοδρῶς φέρουσί τε καὶ ἄγουσι τὰ ἄχθη. μένει δὲ ἡ ναῦς ἔστʼ ἂν ὑπανῇ μὲν τὰ τοῦ κρυμοῦ, τακῇ δὲ ὁ κρύσταλλος καὶ λυθῇ, ἐλευθέρα δὲ τοῦ παραδόξου πείσματος ἡ ὁλκὰς ἀπολυθῇ. ἐνταῦθά τοι τοῦ καιροῦ καὶ οἱ ἁλιεῖς μακέλλας λαβόντες, ἔνθα αὐτοὺς ἄγει θυμὸς διακόπτουσι τὴν πῆξιν τοῦ ὕδατος, καὶ τάφρον κυκλοτερῆ ἐργάζονται κατιοῦσαν ἐς τὸ ὕδωρ· εἴποις ἂν ἢ φρέατος εἶναι στόμα ἢ μεγίστου πίθου καὶ πάνυ γάστριδος. οὐκοῦν ἰχθύες πολλοὶ τὸν κρύσταλλον διαδρᾶναι θέλοντες οἱονεὶ <pb xml:id="p.360"/> στέγην ἐπικείμενον καὶ ποθοῦντες τὸ φῶς ἀσμένως ἐς τὸ ἀνεῳγμένον στόμιον ἐσνέουσι, καὶ γίνονται πλῆθος ἄμαχοι, καὶ ἐπωθοῦνται ἀλλήλοις, αἱροῦνται δὲ ἅτε ἐν βόθρῳ στενῷ ῥᾳδίως. καὶ πάρεστι λαβεῖν κυπρίνους τε καὶ κορακίνους ἄδην καὶ πέρκας καὶ ξιφίαν, ἀλλʼ οὔπω μέγαν καὶ ἔτι τοῦ κέντρου τοῦ προμετωπιδίου ἄμοιρον· καὶ ἀντακαῖον, καὶ τοῦτον ἁπαλόν, ἐπεὶ οἵ γε μεγάλοι καὶ προήκοντες τὴν ἡλικίαν γένοιντο ἂν καὶ κατὰ τὸν θύννον τὸν μέγιστον. οὗτός τοι καὶ πιότατός ἐστι τὰς λαπάρας καὶ τὴν γαστέρα, καὶ φαίης ἂν ὑὸς οὔθατα εἶναι θηλαζούσης βρέφη. δορὰν δὲ ἔχει τραχεῖαν, καὶ μέντοι καὶ τὰ δόρατα λεαίνουσι ταύτῃ δορυξόοι. ὑπὸ δὲ τῷ μυελῷ τοῦδε τοῦ ζῴου ἀρξάμενος ἐκ μέσης τῆς κεφαλῆς μέχρι τῆς οὐρᾶς καθήκων ὑμὴν ὑγρὸς καὶ στενὸς ἔρχεται. τοῦτον οὖν πρὸς τὴν εἵλην αὖον ἐργασάμενος ἕξεις εἰ ἐθέλεις μάστιγα ὡς ἐλαύνειν ζεῦγος ἵππων· σκύτους γὰρ ἤ τι ἢ οὐδὲν διαφέρει. ἐς μέγεθος δὲ ἤδη προήκων, οὐκ ἂν αὐτὸν θεάσαιτό τις ὑπεκδυόμενον τοῦ κρυστάλλου καὶ ἐμπίπτοντα ἐς τὸν βόθρον, ἀλλʼ ἢ πέτραν ὑπελθὼν πολυσκεπῆ ἢ ἐν ἄμμῳ βαθείᾳ ἑαυτὸν ἐγκρύψας εἶτα ὑποθάλπει καὶ μάλα ἀγαπητῶς. δεῖται δὲ οὔτε πόας τηνικάδε οὔτε ἰχθύος ἐς βορὰν ἑτέρου, κρυμοῦ δὲ ὄντος ἀργὸς εἶναι ἐθέλει, καὶ τέρπεται τῇ σχολῇ, καὶ τὴν ἑαυτοῦ πιμελὴν ἐσθίει, καὶ ὥσπερ οὖν οἱ πολύποδες ἐν ἀθηρίᾳ τῶν πλεκτανῶν τῶν ἰδίων παρατραγόντες ἑαυτοὺς καὶ ἐκεῖνοι βόσκουσι. χειμῶνος δὲ λήγοντος καὶ ὑπαρχομένου ἦρος καὶ ἐλευθέρου τοῦ Ἴστρου ῥέοντος μισεῖ τὴν ἀργίαν καὶ ἀναπλεύσας ἐμφορεῖται τοῦ κατὰ τὸ ὕδωρ ἀφροῦ· πολὺς δὲ οὗτός ἐστι μορμύροντος τοῦ ῥεύματος καὶ ὠθουμένου σφοδρότατα. ἐνταῦθά τοι <pb xml:id="p.361"/> καὶ ἁλίσκεται ῥᾳδίως, ἐλλοχώντων αὐτὸν τῶν ἁλιέων καὶ τὸ ἄγκιστρον ἐς τὸν ἀφρὸν καθιέντων σὺν τῇ ὁρμιᾷ. καὶ τὸ μὲν κρύπτεται ὑπὸ τῇ λευκότητι, καὶ ἡ αἴγλη τοῦ χαλκοῦ εὐσύνοπτός οἱ οὐκ ἔστι, καὶ διὰ ταῦτά τοι περιχανὼν καὶ λάβρως σπῶν τοῦ προειρημένου σιτίου καταπίνει τὸν δόλον, καὶ ἀπόλωλεν ἐντεῦθεν ὅθεν τὰ πρῶτα ἐτρέφετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="27"> 
+<p>ὄνομα φυτοῦ κυνόσπαστος ʽκαλεῖται δὲ ἄρα καὶ ἀγλαόφωτις ἡ αὐτή· βούλομαι γὰρ ἐκτῖσαι χρέος ὑπομνησθείσʼ ὃ μεθʼ ἡμέραν μὲν ἐν τοῖς ἄλλοις διαλέληθε καὶ οὐκ ἔστι πάνυ τι σύνοπτον, νύκτωρ δὲ ἐκφαίνεται καὶ διαπρέπει, ὡς ἀστήρ· φλογώδης γάρ ἐστι καὶ ἔοικε πυρί. οὐκοῦν σημεῖόν τι ταῖς ῥίζαις παραπήξαντες αὐτῆς ἀπαλλάττονται, οὔτε τὴν χρόαν ἔχοντες μεθʼ ἡμέραν εἰ μὴ τοῦτο δράσαιεν μνημονεῦσαι οὔτε μὴν τὸ εἶδος. παρελθούσης δὲ τῆς νυκτὸς ἥκουσι, καὶ θεασάμενοι τὸ σημεῖον ὅπερ οὖν κατέλιπον καὶ γνωρίσαντες ἔχουσι συμβαλεῖν ὅτι ἄρα τοῦτο ἐκεῖνό ἐστιν οὗ καὶ δέονται, ἐπεί τοι τελέως ὅμοιόν ἐστι τοῖς παρεστῶσι καὶ οὐδὲ ὀλίγον διαλλάττει αὐτῶν. οὐκ ἀνασπῶσι δὲ αὐτοὶ τὸ φυτὸν τόδε, ἢ οὐ χαιρήσουσι πάντως. οὔκουν οὔτε περισκάπτει τις οὔτε ἀνασπᾷ, ἐπεὶ καί, φασί, τὸν πρώτιστον ὑπʼ ἀπειρίας τῆς κατʼ αὐτὸ φύσεως προσαψάμενον οὐκ ἐς μακρὰν ἀπώλεσεν. ἄγουσιν οὖν κύνα νεανίαν ἡμερῶν ἀτροφήσαντα καὶ λιμώττοντα ἰσχυρῶς, καὶ τούτου σπάρτον ἐξάψαντες εὖ μάλα στερεὸν καὶ τῆς ἀγλαοφώτιδος τῷ κάτω στελέχει βρόχον τινὰ δύσλυτον προσαρτήσαντες ὡς οἷοί τέ εἰσι μακρόθεν, εἶτα τῷ κυνὶ προτιθέασι κρέα πάμπολλα ὀπτὰ κνίσσης προσβάλλοντα· ὃ δὲ ὑπὸ τοῦ λιμοῦ φλεγόμενος καὶ στρεβλούμενος ὑπὸ τῆς κνίσσης ἐπὶ τὰ προκείμενα <pb xml:id="p.362"/> ᾅττει κρέα, καὶ ὑπὸ ῥύμης αὐτόρριζον ἀνασπᾷ τὸ φυτόν. ἐπὰν δὲ ὁ ἥλιος ἴδῃ τὰς ῥίζας, ὁ κύων ἀποθνήσκει παραχρῆμα. θάπτουσι δὲ ἐν αὐτῷ τῷ χώρῳ αὐτόν, καί τινας δράσαντες ἀπορρήτους ἱερουργίας καὶ τιμήσαντες τοῦ κυνὸς τὸν νεκρὸν ὡς ὑπὲρ αὐτῶν τεθνεῶτος εἶτα μέντοι προσάψασθαι τολμῶσι τοῦ φυτοῦ τοῦ προειρημένου, καὶ κομίζουσιν οἴκαδε. καὶ καταχρῶνταί φασιν ἐς πολλὰ καὶ λυσιτελῆ· ἐν δὲ τοῖς καὶ τὴν ἐκ τῆς σελήνης νόσον ἐνσκήπτειν τοῖς ἀνθρώποις λεγομένην ἰᾶσθαί φασιν αὐτήν, καὶ τῶν ὀφθαλμῶν τὸ πάθος, ὅπερ οὖν ὑγροῦ ἐπικλύσαντος καὶ παγέντος ἀφαιρεῖ τὴν ὄψιν αὐτούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="28"> 
+<p> Κόχλος ἐστὶ θαλάττιος, μικρὸς μὲν τὸ μέγεθος, ἰδεῖν δὲ ὡραιότατος, καὶ ἐν θαλάττῃ τίκτεται τῇ καθαρωτάτῃ καὶ ἐν ταῖς ὑφάλοις πέτραις καὶ ἐν ταῖς καλουμέναις χοιράσιν. ὄνομα δὲ νηρίτης ἐστὶν αὐτῷ, καὶ διαρρεῖ λόγος διπλοῦς ὑπὲρ τοῦδε τοῦ ζῴου, καὶ ἐς ἐμέ γε ἀφικέσθην ἄμφω τὼ λόγω, καὶ μέντοι καὶ διαμυθολογῆσαι μικρὰ ἄττα ἐν μακρᾷ τῇ συγγραφῇ οὐδὲν ἀλλʼ ἢ διαναπαῦσαί τε τὴν ἀκοὴν καὶ ἐφηδῦναι τὸν λόγον. τῷ Νηρεῖ τῷ θαλαττίῳ, ὅνπερ οὖν ἀληθῆ τε καὶ ἀψευδῆ ἀκούομεν δεῦρο ἀεί, πεντήκοντα μὲν θυγατέρας τὴν Ὠκεανοῦ Δωρίδα Ἡσίοδος ᾅδει τεκεῖν· μέμνηται δὲ αὐτῶν καὶ Ὅμηρος ἐν τοῖς ἑαυτοῦ μέτροις. ἕνα δέ οἱ γενέσθαι παῖδα ἐπὶ ταῖς τοσαύταις θυγατράσιν ἐκεῖνοι μὲν οὔ φασι, λόγοι δὲ θαλάττιοι ὑμνοῦσι. καὶ Νηρίτην αὐτὸν κληθῆναι λέγουσι καὶ ὡραιότατον γενέσθαι καὶ ἀνθρώπων καὶ θεῶν, Ἀφροδίτην δὲ συνδιαιτωμένην ἐν τῇ θαλάττῃ ἡσθῆναί τε τῷ Νηρίτῃ τῷδε καὶ ἔχειν αὐτὸν φίλον. ἐπεὶ δὲ ἀφίκετο χρόνος ὁ εἱμαρμένος, ἔδει τοῖς Ὀλυμπίοις ἐγγραφῆναι καὶ τήνδε τὴν δαίμονα τοῦ πατρὸς <pb xml:id="p.363"/> παρακαλοῦντος. ἀνιοῦσαν οὖν αὐτὴν ἀκούω καὶ τὸν ἑταῖρόν τε καὶ συμπαίστην τὸν αὐτὸν ἐθέλειν ἄγειν. τὸν δὲ οὐχ ὑπακοῦσαι λόγος ἔχει τοῦ Ὀλύμπου προτιμῶντα τὴν σὺν ταῖς ἀδελφαῖς καὶ τοῖς γειναμένοις διατριβήν. παρῆν δὲ ἄρα αὐτῷ καὶ ἀναφῦσαι πτερά, καὶ τοῦτο ἐγᾦμαι δῶρον τῆς Ἀφροδίτης δωρουμένης· ὃ δὲ καὶ ταύτην παρʼ οὐδὲν ποιεῖται τὴν χάριν. ὀργίζεται τοίνυν ἡ Διὸς παῖς, καὶ ἐκείνῳ μὲν ἐς τὸν κόχλον τόνδε ἐκτρέπει τὴν μορφήν, αὐτὴ δὲ αἱρεῖται ὀπαδόν τε καὶ θεράποντα ἀντʼ ἐκείνου τὸν Ἔρωτα, νέον καὶ τοῦτον καὶ καλόν, καί οἱ τὰ πτερὰ τὰ ἐκείνου δίδωσιν. ὁ δὲ ἄλλος λόγος ἐρασθῆναι βοᾷ Νηρίτου Ποσειδῶνα, ἀντερᾶν δὲ τοῦ Ποσειδῶνος, καὶ τοῦ γε ὑμνουμένου Ἀντέρωτος ἐντεῦθεν τὴν γένεσιν ὑπάρξασθαι. συνδιατρίβειν οὖν τά τε ἄλλα τῷ ἐραστῇ τὸν ἐρώμενον ἀκούω καὶ μέντοι καὶ αὐτοῦ ἐλαύνοντος κατὰ τῶν κυμάτων τὸ ἅρμα τὰ μὲν κήτη τἄλλα καὶ τοὺς δελφῖνας καὶ προσέτι καὶ τοὺς Τρίτωνας ἀναπηδᾶν ἐκ τῶν μυχῶν καὶ περισκιρτᾶν τὸ ἅρμα καὶ περιχορεύειν, ἀπολείπεσθαι δʼ οὖν τοῦ τάχους τῶν ἵππων πάντως καὶ πάντη· μόνα δὲ ἄρα τὰ παιδικά οἱ παρομαρτεῖν καὶ μάλα πλησίον, στόρνυσθαι δὲ αὐτοῖς καὶ τὸ κῦμα καὶ διίστασθαι τὴν θάλατταν αἰδοῖ Ποσειδῶνος· βούλεσθαι γὰρ τῇ τε ἄλλῃ τὸν θεὸν εὐδοκιμεῖν τὸν καλὸν ἐρώμενον καὶ οὖν καὶ τῇ νήξει διαπρέπειν. τὸν δὲ Ἥλιον νεμεσῆσαι τῷ τάχει τοῦ παιδὸς ὁ μῦθος λέγει, καὶ ἀμεῖψαί οἱ τὸ σῶμα ἐς τὸν κόχλον τὸν νῦν, οὐκ οἶδα εἰπεῖν ὁπόθεν ἀγριάναντα· οὐδὲ γὰρ ὁ μῦθος λέγει. εἰ δέ τι χρὴ συμβαλεῖν ὑπὲρ τῶν ἀτεκμάρτων, λέγοιντʼ ἂν ἀντερᾶν Ποσειδῶν καὶ Ἥλιος. καὶ ἠγανάκτει μὲν ἴσως ὁ Ἥλιος ὡς ἐν θαλάττῃ φερομένῳ, ἐβούλετο δὲ αὐτὸν οὐκ ἐν <pb xml:id="p.364"/> τοῖς κήτεσιν ἀριθμεῖσθαι, ἀλλʼ ἐν ἄστροις φέρεσθαι. καὶ τὼ μὲν μύθω ἐς τοσοῦτον ἐληξάτην· ἐμοὶ δὲ τὰ ἐκ τῶν θεῶν ἵλεα ἔστω, καὶ τά γε παρʼ ἐμοῦ ἔστω πρὸς αὐτοὺς εὔστομα. εἰ δέ τι θρασύτερον εἴρηται τοῖς μύθοις, ἐκείνων τὸ ἔγκλημα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="29"> 
+<p> ἔνθα ὁ Τάναρος ποταμὸς καὶ ὁ Ἠριδανὸς συμβάλλετον ʽοὗτος μὲν καὶ διὰ δόξης ἰὼν καὶ κλέους, ἐκεῖνος δὲ οὐ πάνυ τι γνώριμοσʼ ἐνταῦθά τοι θῆραι ναὶ μὰ Δία ἰχθύων ἴδιαι καὶ ἐς ἐμὲ ἥκουσαι μέτροις Μυτιληναίου ἀνδρός, ὃν ᾔδειν καὶ αὐτός, μηδὲ ἐξ ἡμῶν ἀγέραστοι γενέσθωσαν τῷ λόγῳ τῷδε. πεπεδημένων αὐτοῖς ὑπὸ κρυστάλλου τῶν ῥευμάτων ὅσοι περιοικοῦσιν αὐτοὺς τῇ μὲν ὥρᾳ τῇ χειμερίῳ ἀροῦσί τε καὶ σπείρουσι· καὶ γάρ πως καὶ εὔγεων χῶρον κεκλήρωνται. εἶτα ὑπαρχομένου τοῦ ἦρος, τῶν ῥευμάτων τῶν προειρημένων διʼ ἣν αἰτίαν εἶπον ἔτι ἑστώτων, κολπώδη τινὰ τόπον προαιροῦνται οἱ γεωργοὶ τέως, νῦν δὲ ἁλιεῖς, καὶ περιτέμνουσι τοῦτον εὖ μάλα τεθηγμένοις πελέκεσι, καὶ τὸ ὕδωρ ἀναφαίνεται περιφερὲς κατὰ τέλμα· οὐ μὴν πλησίον ἔτι τῆς ὄχθης κόπτουσιν, ἀλλὰ ἐῶσι τὸν κρύσταλλον ὡς ἐξ ἀρχῆς ἐνετράφη. περιβάλλουσιν οὖν τῷ χώρῳ τῷ γεγυμνωμένῳ πλατὺ δίκτυον, καὶ μέντοι καὶ περιβάλλουσιν αὐτῷ κάλων ἁδρότερον. καὶ τοῦτό γε τὸ δίκτυον ἐπισπῶσιν ἄνδρες ἐπὶ τῆς ὄχθης ἑστῶτες, καὶ ἁλιεῖς καὶ ἄλλοι· καὶ μέντοι καὶ τὴν τῶν ἰχθύων ἅλωσιν θεῶνται πολλοὶ τῆς τέχνης οὐκ ἐπαΐοντες, ψυχαγωγία δέ τις ὕπεισιν αὐτούς. ὅταν γε μὴν ἀγόμενοι τῆς ὄχθης πλησίον ἀφίκωνται, τηνικαῦτα καὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:14" n="30"> 
+<p> τὸν ἐνταῦθα τέμνουσι κρύσταλλον οἱ ἔξωθεν ὑδροθῆραι· τῇ γάρ τοι θήρᾳ ἐνέχονται, καὶ ἀναστέλλουσι τοῖς ἰχθύσι τὸν ἔξω πόρον. τούτου δὲ οὕτω γενομένου <pb xml:id="p.365"/> πλῆρες ἰχθύων τὸ δίκτυον ἐκεῖνο τὴν περιτμηθεῖσαν ἐπωθεῖ τοῦ κρυστάλλου πέτραν καὶ συνεπάγει, καὶ οἵ γε ἐφεστῶτες ἁλιεῖς αὐτῇ ἐοίκασιν ἐπὶ νήσου φέρεσθαι πλωτῆς. ἴδια μὲν δὴ καὶ ταῦτα ἰχθύων τῶν ἐκεῖσε καὶ θήραις ἑτέραις οὐκ ἂν εἰκασμένα. δώσει δὲ Ὅμηρος εἰπεῖν μοι ὅτι καὶ διπλοῦν αἱροῦνται μισθὸν οἵδε οἱ ἄνδρες, τὸν μὲν ἐκ τοῦ ποταμοῦ, τὸν δὲ ἐκ τῆς γῆς, ὡς τοὺς αὐτοὺς εἶναι καὶ ναύτας καὶ γεωργούς.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="15"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="1"> 
+<p> θήραν ἰχθύων Μακέτιν ἀκούσας οἶδα, καὶ ἥδε ἡ θήρα ἐστί. Βεροίας τε καὶ Θεσσαλονίκης μέσος ῥεῖ ποταμὸς ὄνομα Ἀστραῖος. εἰσὶν οὖν ἐνταῦθα ἰχθύες τὴν χρόαν κατάστικτοι· τίνας δὲ αὐτοὺς οἱ ἐπιχώριοι καλοῦσι, Μακεδόνας ἐρέσθαι λῷόν ἐστιν. οὐκοῦν οὗτοι ποιοῦνται τροφὴν μυίας ἐπιχωρίους ἐν τῷ ποταμῷ πετομένας οὐδέν τι ταῖς ἀλλαχόθι μυίαις προσεικασμένας οὐδὲ μὴν σφηκῶν ὄψει παραπλησίας, οὐδʼ ἂν εἴποι τις ταῖς καλουμέναις ἀνθηδόσβι τὴν μορφὴν εἰκότως ἂν ἀντικρίνεσθαι τοῦτο τὸ ζῷον οὐδὲ ταῖς μελίτταις αὐταῖς· ἔχει δέ τινα τῶν προειρημένων ἑκάστου μοῖραν ἰδίαν. ἔοικεν οὖν τὸ μὲν θράσος μυίᾳ, τὸ δὲ μέγεθος εἴποις ἂν ἀνθηδόνα, σφηκὸς δὲ τὴν χρόαν ἀπεμάξατο, βομβεῖ δὲ ὡς αἱ μέλιτται. καλοῦσι δὲ ἵππουρον αὐτὴν πᾶν ὅσον ἐστὶν ἐπιχώριον. ἐκζητοῦσιν οὖν ἐπικείμεναι τῷ ῥεύματι τροφὴν τὴν ἑαυταῖς φίλην, οὐ μὴν δύνανται τοὺς ὑπονηχομένους λαθεῖν ἰχθύας. ὅταν οὖν αὐτῶν ἐπιπολάζουσαν τὴν <pb xml:id="p.366"/> μυῖαν θεάσηταί τις, ἡσυχῆ καὶ ὕφυδρος νέων ἔρχεται, κινῆσαι τὸ ἄνω δεδοικὼς ὕδωρ, ἵνα μὴ σοβήσῃ τὸ θήραμα. εἶτα ἐλθὼν πλησίον κατὰ τὴν σκιὰν αὐτῆς, ὑποχανὼν κατέπιε τὴν μυῖαν, ὡς οἶν ἐξ ἀγέλης λύκος ἁρπάσας ἢ χῆνα ἐξ αὐλῆς ἀετός· καὶ τοῦτο δράσας ὑπεσῆλθε τὴν φρίκην. ἴσασιν οὖν οἱ ἁλιεῖς τὰ πραττόμενα, καὶ ταῖσδε μὲν ταῖς μυίαις ἐς δέλεαρ τῶν ἰχθύων χρῶνται οὐδὲ ἕν· ἐὰν γὰρ αὐτῶν προσάψηται χεὶρ ἀνθρωπίνη, ἀφῄρηνται μὲν τὴν χρόαν τὴν συμφυῆ, μαραίνεται δὲ αὐταῖς τὰ πτερὰ καὶ ἄβρωτοι γίνονται τοῖς ἰχθύσι, καὶ διὰ ταῦτα οὐ προσίασιν αὐταῖς, ἀπορρήτῳ φύσει τὰς ᾑρημένας μεμισηκότες· σοφίᾳ δʼ οὖν περιέρχονται τοὺς ἰχθῦς ὑδροθηρικῇ, δόλον αὐτοῖς ἐπινοήσαντες οἷον. τῷ ἀγκίστρῳ περιβάλλουσιν ἔριον φοινικοῦν, ἥρμοσταί τε τῷ ἐρίῳ δύο πτερὰ ἀλεκτρυόνος ὑπὸ τοῖς καλλαίοις πεφυκότα καὶ κηρῷ τὴν χρόαν προσεικασμένα· ὀργυιᾶς δὲ ὁ κάλαμός ἐστι, καὶ ἡ ὁρμιὰ δὲ τοσοῦτον ἔχει τὸ μῆκος. καθιᾶσιν οὖν τὸν δόλον, ἑλκόμενος δὲ ὑπὸ τῆς χρόας ὁ ἰχθὺς καὶ οἰστρώμενος ἀντίος ἔρχεται, καὶ θοίνην ὑπολαμβάνων ἐκ τοῦ κάλλους τῆς ὄψεως ἕξειν θαυμαστήν, εἶτα μέντοι περιχανὼν ἐμπαλάσσεται τῷ ἀγκίστρῳ, καὶ πικρᾶς τῆς ἑστιάσεως ἀπολέλαυκεν ᾑρημένος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="2"> 
+<p> οἱ θαλάττιοι κριοί, ὧνπερ οὖν ὄνομα μὲν ἐς τοὺς πολλοὺς διαρρεῖ, ἱστορία δὲ οὐ πάνυ τι σαφής, εἰ μὴ ὅσον χειρουργίᾳ δείκνυται, χειμάζουσι μὲν περὶ τὸν Κύρνειόν τε καὶ Σαρδῷον πορθμόν, καὶ φαίνονταί γε καὶ ἔξαλοι. περινήχονται δὲ ἄρα αὐτοὺς καὶ δελφῖνες μεγέθει μέγιστοι. ὁ τοίνυν ἄρρην κριός, λευκὴν τὸ μέτωπον ταινίαν ἔχει περιθέουσαν ʽεἴποις ἂν Λυσιμάχου τοῦτο διάδημα ἢ Ἀντιγόνου ἤ τινος τῶν ἐν <pb xml:id="p.367"/> Μακεδονίᾳ βασιλέων ἄλλοὐ· κριὸς δὲ θῆλυς, ὡς οἱ ἀλεκτρυόνες τὰ κάλλαια, οὕτω τοι καὶ οὗτος ὑπὸ τῇ δέρῃ ἠρτημένους πλοκάμους ἔχει. ἁρπάζει δὲ ἄρα τοῖνδε τοῖν κριοῖν ἑκάτερος νεκρὰ σώματα, καὶ ποιεῖται τροφὴν αὐτά. ἀλλὰ καὶ ζῶντας ἁρπάζει, καὶ τῷ τῆς νήξεως κλύδωνι, πολὺς ὢν καὶ ὑπέρογκος, καὶ ναῦς περιτρέπει, χειμῶνα αὐταῖς ἐξ ἑαυτοῦ τοσοῦτον ἐργασάμενος. ἁρπάζει δὲ καὶ τοὺς ἀπὸ γῆς ἑστῶτας τῆς πλησίον. λέγουσι δὲ οἱ τὴν Κύρνον κατοικοῦντες, νεὼς διεφθαρμένης ἐν χειμῶνι ἄνδρα εὖ μάλα νηκτικὸν πολλὴν θάλατταν διανύσαντα λαβέσθαι τινὸς ἄκρας σφίσιν ἐπιχωρίου, καὶ ἀνελθόντα ἑστάναι καὶ μάλα ἀδεῶς, ὡς ἤδη κινδύνων ἁπάντων ἐλεύθερον γενόμενον καὶ ἐν ἀδείᾳ τοῦ ζῆν καὶ ἐξουσίᾳ ὄντα. κριὸν οὖν παρανηχόμενον θεάσασθαι τὸν ἑστῶτα, καὶ ἀναφλεχθέντα ὑπὸ τοῦ λιμοῦ ἑλίξαι τε ἑαυτὸν καὶ κυρτῶσαι καὶ τῷ οὐραίῳ μέρει πολλὴν ἐλάσαι θάλατταν, εἶτα ἑαυτὸν μετεωρίσαι ἀρθέντα ὑπὸ τοῦ οἰδήσαντος κύματος, καὶ ἐπὶ τὴν ἄκραν φθάσαι ἀναταθέντα καὶ δίκην καταιγίδος ἢ στροβίλου ἁρπάσαι τὸν ἄνθρωπον. καὶ τὸ μὲν Κύρνειον ἅρπαγμά τε καὶ θήραμα τοῦ κριοῦ ἐς τοσοῦτον· μυθοποιοῦσι δὲ οἱ τὸν Ὠκεανὸν περιοικοῦντες τοὺς πάλαι τῆς Ἀτλαντίδος βασιλέας τοὺς ἐκ τῆς Ποσειδῶνος σπορᾶς φέρειν ἐπὶ τῆς κεφαλῆς τὰς τῶν κριῶν τῶν ἀρρένων ταινίας, γνώρισμα τῆς ἀρχῆς τοῦτο· καὶ τὰς ἐκείνων γαμετὰς τὰς βασιλίδας τοὺς πλοκάμους τῶν ἑτέρων καὶ ἐκείνας φορεῖν τῆς ἀρχῆς ἔλεγχον. ἔστι δὲ ἄρα τοὺς μυκτῆρας τὸ ζῷον τοῦτο καρτερὸν δεινῶς, καὶ πολὺ πνεῦμα ἐσπνεῖ, καὶ ἕλκει ἀέρα ἐφʼ ἑαυτὸν πάμπολυν, θηρᾷ δὲ καὶ τὰς φώκας τὸν τρόπον τοῦτον. αἳ μὲν συνεῖσαι πλησίον που κριὸν εἶναι καὶ φέρειν σφίσιν <pb xml:id="p.368"/> ὄλεθρον, ὡς ὅτι τάχιστα ἐκνήχονται καὶ παρελθοῦσαι ἐς τὴν γῆν καὶ τὰς ὑπάντρους πέτρας ὑπελθοῦσαι καταδύονται, οἳ δὲ αἰσθόμενοι τὴν φυγὴν μεταθέουσι καὶ ἀντίοι στάντες τοῦ ἄντρου κατὰ τὴν τοῦ χρωτὸς ὀσμὴν ἔνδον εἶναί σφισι τὴν ἄγραν συνιᾶσι, καὶ ὡς ἴυγγί τινι βιαιοτάτῃ ἕλκουσι ταῖς ῥισὶ τὸν μεταξὺ ἑαυτῶν καὶ τῆς φώκης ἀέρα. ἣ δὲ ὡς βέλος ἢ δόρατος αἰχμὴν ἐκκλίνει τὴν τοῦ πνεύματος προσβολήν, καὶ τὰ μὲν πρῶτα ὑπαναχωρεῖ, τελευτῶσα δὲ ὑπὸ τῆς βιαιοτάτης ἕλξεως ἐκσπᾶται τοῦ ἄντρου, καὶ ἄκουσα ἀκολουθεῖ, ὥσπερ οὖν ἱμᾶσί τισιν ἢ σχοίνοις κατατεινομένη, καὶ τέτριγε καὶ γίνεται τῷ κριῷ δεῖπνον. τάς γε μὴν ἐκπεφυκυίας τῶν μυκτήρων τοῦ κριοῦ τρίχας οἱ ταῦτα ἐξετάζειν δεινοὶ λέγουσιν ἐς πολλὰ ἀγαθάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="3"> 
+<p> ἐν δὲ τῷ ῥίῳ τῷ Βιβωνικῷ θύννων ἔθνη μυρία. καὶ οἳ μὲν αὐτῶν κατὰ τοὺς σῦς εἰσι μονίαι καὶ καθʼ ἑαυτοὺς νήχονται μέγιστοι ὄντες, οἳ δὲ συνδυασθέντες· καί ἐστον κατὰ τοὺς λύκους συννόμω, ἄλλοι δὲ κατʼ ἀγέλας, ὥσπερ οὖν τὰ αἰπόλια, πλατείας νομὰς νενεμημένοι. ἐπιτέλλοντος δὲ τοῦ Σειρίου καὶ τῆς ἀκτῖνος ἐνακμαζούσης ὀξύτατα, ἐπὶ τὸν Εὔξεινον στέλλονται· καὶ τοῦ κύματος αὐτοῖς ἐμπύρου δοκοῦντος, ἀλλήλοις συνυφασμένοι νήχονται, καὶ τῇ τῶν σωμάτων συναφῇ σκιᾶς τινος ἁμωσγέπως μεταλαγχάνουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="4"> 
+<p> λέγει δὲ Δημόστρατος, ἀνὴρ ἁλιευτικῆς σοφίας ἐπιστήμων ναὶ μὰ Δία καὶ ἑρμηνεῦσαι χρηστός, εἶναί τινα ἰχθὺν ὡραῖον τὸ εἶδος, καὶ καλεῖσθαι σελήνην τοῦτον, τὸ μέγεθος βραχύν, κυανοῦν τὸ εἶδος, πλατὺν τὸ σχῆμα. τὰ νῶτα δὲ οἱ λοφιὰς ἔχειν καὶ τάσδε ἀνατείνειν ὁ αὐτός φησι· μαλακὰς δὲ εἶναι αὐτὰς <pb xml:id="p.369"/> καὶ οὔτε ἀντιτύπους οὔτε τραχείας. ταύτας οὖν, ὅταν ὁ ἰχθὺς οὗτος ὑπονήχηται, διαιρεῖσθαι καὶ ἀποδεικνύναι κύκλου ἡμίτομον, καὶ εἶναι σελήνης ὅσα ἰδεῖν τῆς διῃρημένης σχῆμα. καὶ ταῦτα μὲν Κύπριοι </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="5"> 
+<p>δὴ ἁλιεῖς φασιν· Δημοστράτου δὲ καὶ οὗτος ὁ λόγος. πληρουμένης μὲν τῆς σελήνης τὸν ἰχθὺν τόνδε ᾑρημένον πεπληρῶσθαί τε αὐτὸν καὶ πληροῦν καὶ τὰ δένδρα, ἐὰν τούτοις προσαρτήσῃς φέρων αὐτόν· ληγούσης δὲ ἄρα ὑποτετῆχθαι καὶ ἐκλείπειν, καὶ φυτοῖς προσαχθέντα αὐαίνειν αὐτά. ὀρυττομένων τε φρεάτων, ἐὰν μὲν τοῦ μηνὸς ὑποφαινομένου ἐς τὸ εὑρεθὲν ὕδωρ ἐμβάλῃ τις τὸν ἰχθὺν τοῦτον, ἀέναον ἔσται τὸ ὕδωρ καὶ οὐκ ἐπιλείψει ποτέ· εἰ δὲ ὑπολήγοντος, λήξει τὸ ὕδωρ. καὶ μέντοι καὶ ἐς πηγὴν ὑπανατέλλουσαν εἰ τὸν αὐτὸν ἐμβάλοις ἰχθύν, ἕξεις ἢ πεπληρωμένην αὐτὴν ἢ κενὸν τὸν χῶρον τὸ ἐντεῦθεν. ὅπως μὲν ἐσνέουσί τε ἐς τὴν Προποντίδα, καὶ ὅπως ἐκνέουσιν ἄρα οἱ θύννοι, οἶδα εἰπὼν ἄνω που τῶν λόγων τῶνδε· νοείτω δέ μοί τις ἐνταῦθα Ἡράκλειαν καὶ Τίον καὶ Ἄμαστριν, πόλεις Ποντικάς. οὐκοῦν οἱ τόνδε τὸν χῶρον πάντα οἰκοῦντες τὴν τῶν θύννων ἐπιδημίαν ἴσασι κάλλιστα, καὶ μέντοι καὶ ἀφικνοῦνται τηνικάδε τοῦ ἔτους, καὶ ὅπλα κατʼ αὐτῶν εὐτρέπισται πολλά, ναῦς καὶ δίκτυα καὶ σκοπιὰ ὑψηλή. σκοπιὰ δὲ ἄρα αὕτη ἐπί τινος αἰγιαλοῦ παγεῖσα ἀνέστηκεν ἐν περιωπῇ σφόδρα ἐλευθέρᾳ· καὶ αὐτῆς τὸ ποίημα περιηγήσασθαι ἐμοὶ μὲν οὐκ ἔστι μόχθος, σοὶ δὲ τῷ ἀκούοντι τῆς τῶν ὤτων τρυφῆς τ ἐκειν. δύο πρέμνα ἐλάτης ὑψηλὰ δοκίσι πλατείαις διειλημμένα ἕστηκε, πυκναῖς ταύταις διυφασμέναις καὶ ἀνελθεῖν τῷ σκοπῷ καὶ ἐπιβῆναι μάλα ἀγαθαῖς. αἱ δὲ ναῦς ἐρέτας ἑκάστη καὶ ἓξ ἔχει <pb xml:id="p.370"/> παρʼ ἑκάτερα νεανίας εὖ μάλα ἐρέττοντας· δίκτυα δὲ προμήκη, οὐ κοῦφα λίαν καὶ ἀνεχόμενα τοῖς φελλοῖς, μολίβῳ γε μὴν βριθόμενα μᾶλλον. ἀθρόαι δὲ ἄρα αἱ τῶνδε τῶν ἰχθύων ἀγέλαι ἐσνέουσιν. ἦρος δὲ ὑπολάμποντος καὶ τῶν ἀνέμων εἰρηναῖον ἤδη καταπνεόντων καὶ τοῦ ἀέρος φαιδροῦ τε ὄντος καὶ ʽ??ʼονεὶ μειδιῶντος καὶ τοῦ κύματος κειμένου καὶ λείας οὕσης τῆς θαλάττης ὁ σκοπὸς ἰδὼν σοφίᾳ τινὶ ἀπορρήτῳ καὶ φύσει ὄψεως ὀξυωπεστάτῃ λέγει μὲν τοῖς θηραταῖς ὁπόθεν ἀφικνοῦνται· εἰ δέοι γε μὴν πρὸς τὴν ἀκτὴν παρατεῖναι τὰ δίκτυα, καὶ τοῦτο ἐκδιδάσκει· εἰ δὲ ἐνδοτέρω, δίδωσιν ὥσπερ οὖν στρατηγὸς τὸ σύνθημα ἢ χορολέκτης τὸ ἐνδόσιμον· ἐρεῖ γε μὴν πολλάκις καὶ τὸν πάντα ἀριθμόν, καὶ οὐχ ἁμαρτήσεται τοῦ σκοποῦ. ἐκεῖνα δὲ ὁποῖα. ὅταν ἑαυτοὺς ὠθήσωσιν ἐς τὸ πέλαγος ἡ τῶν θύννων ἴλη, ὁ τὴν σκοπιὰν φυλάττων καὶ ἀκριβῶν τὴν τῶν προειρημένων ἱστορίαν καὶ μάλα ὀξὺ ἐκβοήσας λέγει διώκειν ἐκεῖθι καὶ τοῦ πελάγους ἐρέττειν εὐθύ. οἳ δὲ ἐξαρτήσαντες ἐλάτης τῶν τὸν σκοπὸν ἀνεχουσῶν τῆς ἑτέρας σχοῖνον εὖ μάλα μακρὰν τῶν δικτύων ἐχομένην, εἶτα ἐπαλλήλοις ταῖς ναυσὶν ἐρέττουσι κατὰ στοῖχον, ἔχονταί τε ἀλλήλων, ἐπεί τοι καὶ τὸ δίκτυον ἐφʼ ἑκάστῃ διῄρηται. καὶ ἥ γε πρώτη τὴν ἑαυτῆς ἐκβαλοῦσα μοῖραν τοῦ δικτύου ἀναχωρεῖ, εἶτα ἡ δευτέρα δρᾷ τοῦτο καὶ ἡ τρίτη, καὶ δεῖ καθεῖναι τὴν τετάρτην· οἱ δὲ τὴν πέμπτην ἐρέττοντες ἔτι μέλλουσι, τοὺς δὲ ἐπὶ ταύτῃ οὐ χρὴ καθεῖναί πω· εἶτα ἐρέττουσι ἄλλοι ἄλλῃ καὶ ἄγουσι τοῦ δικτύου τὴν μοῖραν, εἶτα ἡσυχάζουσι. νωθεῖς δὲ ἄρα ὄντες οἱ θύννοι καὶ ἔργον τι τόλμης ἐχόμενον ἀδυνατοῦντες δρᾶσαι, πεπιεσμένοι μένουσί τε καὶ ἀτρεμοῦσιν· οἱ <pb xml:id="p.371"/> δὲ ἐρέται, ὡς ἁλούσης πόλεως, αἱροῦσιν ἰχθύων ποιητὴς ἂν εἴποι δῆμον. οὐκοῦν, ὦ φίλοι Ἕλληνες, καὶ Ἐρετριεῖς ἴσασι ταῦτα καὶ Νάξιοι κατὰ κλέος, τῆς θήρας τῆς τοιαύτης μαθόντες ὅσα Ἡρόδοτός τε καὶ ἄλλοι λέγουσι. τὰ δὲ ἔτι λοιπὰ τῆς θήρας ἀκούσεσθε ἄλλων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="6"> 
+<p>θύννων δὲ ἄρα ᾑρημένων τῇ θήρᾳ τῇ Ποντικῇ ʽἐγὼ δʼ ἂν φαίην ὅτι καὶ Σικελικῇ· ἢ τί καὶ βουλόμενος ἂν τὸν ἡδὺν Θυννοθήραν ὁ Σώφρων ἔγραψε; πάντως δὲ καὶ ἀλλαχόθι ἄγραι τῶνδε τῶν θύννων εἰσίʼ τῷ οὖν δικτύῳ ἤδη περιπλακέντων αὐτῶν Ποσειδῶνι πάντες εὔχονται ἀλεξικάκῳ τηνικάδε. καὶ ὁπόθεν καὶ τοῦδε τοῦ δαίμονος ἀξιῶ τὸ ὄνομα εἰπεῖν, ἐμαυτὸν καὶ μάλα γε ἀπαιτῶν τε καὶ βουλόμενος ἐπευφήμησα τοῦτό οἱ, δέονται τοῦ Διὸς ἀδελφοῦ τοῦ θαλάττης κρατοῦντος μήτε τὸν ἰχθὺν τὸν ξιφίαν τῇδε τῇ ἴλῃ συνέμπορον ἀφικέσθαι μήτε μὴν δελφῖνα. ὁ γοῦν γενναῖος ξιφίας πολλάκις τὸ δίκτυον διέκειρε, καὶ ἀφῆκεν ἐλεύθερον διεκπαῖσαι τὴν ἀγέλην. καὶ δελφὶς δὲ ἐπίβουλον δικτύῳ ζῷον· διατραγεῖν γάρ τοι δεινός ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="7"> 
+<p>ὕεται ἡ Ἰνδῶν γῆ διὰ τοῦ ἦρος μέλιτι ὑγρῷ, καὶ ἔτι πλέον ἡ Πρασίων χώρα, ὅπερ οὖν ἐμπῖπτον ταῖς πόαις καὶ ταῖς τῶν ἑλείων καλάμων κόμαις, νομὰς τοῖς βουσὶ καὶ τοῖς προβάτοις παρέχει θαυμαστάς, καὶ τὰ μὲν ζῷα ἑστιᾶται ἡδίστην τήνδε ἐστίασιν ʽμάλιστα γὰρ ἐνταῦθα οἱ νομεῖς ἄγουσιν αὐτά, ἔνθα καὶ μᾶλλον ἡ δρόσος ἡ γλυκεῖα κάθηται πεσοῦσἀ, ἀνθεστιᾷ δὲ καὶ τὰ ζῷα τοὺς νομέας· ἀμέλγουσι γὰρ περιγλύκιστον γάλα, καὶ οὐ δέονται ἀναμίξαι αὐτῷ μέλι, ὅπερ οὖν δρῶσιν Ἕλληνες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="8"> 
+<p>ὁ δὲ Ἰνδὸς μάργαρος ʽἄνω γὰρ εἶπον περὶ τοῦ <pb xml:id="p.372"/> Ἐρυθραίοὐ λαμβάνεται τρόπῳ τοιῷδε. πόλις ἐστὶν ἧς ἦρχε Σώρας ὄνομα, ἀνὴρ γένους βασιλικοῦ, ὅτε καὶ Βάκτρων ἦρχεν Εὐκρατίδης· ὄνομα δὲ τῇ πόλει Περίμουλα, κατοικοῦσι δὲ αὐτὴν ἄνδρες Ἰχθυοφάγοι. ὅθεν ὁρμωμένους σὺν τοῖς δικτύοις φασὶ τοὺς προειρημένους περιλαμβάνειν ἀγκῶσι μεγάλοις αἰγιαλοῦ κύκλον εὐμεγέθη· γίνεσθαι δὲ τὸν προειρημένον λίθον ἐκ κόγχης στρόμβῳ ἐμφεροῦς μεγάλῳ, νήχεσθαί τε κατὰ ἀγέλας τοὺς μαργάρους, καὶ ἔχειν ἡγεμόνας, ὡς ἐν τοῖς σμήνεσιν αἱ μέλιτται τοὺς καλουμένους βασιλέας· ἀκούω δὲ εἶναι καὶ τοῦτον διαπρεπῆ καὶ τὴν χρόαν καὶ τὸ μέγεθος. ἀγώνισμα δὲ ἄρα ποιοῦνται συλλαβεῖν αὐτὸν οἱ κολυμβηταὶ οἱ ὕφυδροι· τούτου γὰρ ᾑρημένου καὶ τὴν ἀγέλην αἱροῦσι πᾶσαν ἐρήμην ὡς ἂν εἴποι τις καὶ ἀπροστάτευτον οὖσαν· ἀτρεμεῖ γὰρ καὶ οὐκέτι πρόεισιν, οἷα δήπου ποίμνη τὸν νομέα ἀφῃρημένη κατά τινα τύχην ἐχθράν· ὃ δὲ διαφεύγει καὶ μάλα γε σοφῶς ἐξελίττει, καὶ προηγεῖται καὶ σώζει τὸ ὑπήκοον. τοὺς δὲ ληφθέντας ἐν πιθάκναις λέγονται ταριχεύειν· ὅταν δὲ ἡ σὰρξ μυδήσῃ καὶ περιρρυῇ, καταλείπεται ἡ ψῆφος. ἄριστος δὲ ἄρα ὁ Ἰνδικὸς γίνεται καὶ ὁ τῆς θαλάττης τῆς Ἐρυθρᾶς. γίνεται δὲ καὶ κατὰ τὸν Ἑσπέριον ὠκεανόν, ἔνθα ἡ Βρεττανικὴ νῆσός ἐστι· δοκεῖ δέ πως χρυσωπότερος ἰδεῖν εἶναι, τάς τε αὐγὰς ἀμβλυτέρας ἔχειν καὶ σκοτωδεστέρας. γίνεσθαι δέ φησιν Ἰόβας καὶ ἐν τῷ κατὰ Βόσπορον πορθμῷ, καὶ τοῦ Βρεττανικοῦ ἡττᾶσθαι αὐτόν, τῷ δὲ Ἰνδῷ καὶ τῷ Ἐρυθραίῳ μηδὲ τὴν ἀρχὴν ἀντικρίνεσθαι. ὁ δὲ ἐν Ἰνδίᾳ χερσαῖος οὐ λέγεται φύσιν ἔχειν ἰδίαν, ἀλλὰ ἀπογέννημα εἶναι κρυστάλλου, οὐ τοῦ ἐκ τῶν παγετῶν συνισταμένου, ἀλλὰ τοῦ ὀρυκτοῦ. <pb xml:id="p.373"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="9"> 
+<p>γεράνων μὲν οὖν πέρι τῶν πτηνῶν ἐν τοῖς προτέροις λόγοις εἰπεῖν ἐμαυτὸν καλῶς οἶδα, θαλάττιον δὲ γέρανον ἰχθὺν Κορινθίῳ πελάγει ἔντροφον ἀκοῦσαί φημι. ἐπικλίνει δὲ ἄρα τοῦτο τὸ πέλαγος, ἔνθα ὁ γέρανος ἀνιχνεύθη οὗτος, τῷ πρὸς τὰς Ἀθήνας πελάγει τοῦ ἰσθμοῦ κατὰ τὴν πλευρὰν τὴν ἐς αὐτὰς ὁρῶσαν. μῆκος μὲν οὖν ἦν προήκων ἐς πεντεκαίδεκά που πόδας μεμετρημένους δικαίῳ μέτρῳ, ἐγχέλεως δὲ εἶχεν, ὡς ἀκούω, οὐ μέντοι τῆς μεγίστης τὸ πάχος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="10"> 
+<p>κεφαλὴ δὲ ἄρα ἐκείνῳ καὶ στόμα γεράνου ἐστὶ τῆς πτηνῆς, λεπίδες δὲ αὐτῷ, γεράνου πτερὰ καὶ ταύτας εἴποις ἄν. ἔρχεται δὲ οὐχ ἑλικτὴν τὴν νῆξιν, ὥσπερ οὖν οἱ τῶν ἰχθύων κατὰ τὰς ἐγχέλεις στενοὶ καὶ μακροί. ἔχει δὲ ῥώμην καὶ μάλα ἁλτικήν· πηδᾷ γοῦν ὥσπερ ἀπὸ νευρᾶς οἰστὸς ἀφεθείς. λέγουσιν οὖν οἱ λόγοι οἱ μὲν Ἐπιδαύριοι τοῦτο τὸ ζῷον οὐδενὸς ἰχθύος ἔκγονον, ἀλλὰ τὰς πτηνὰς γεράνους φευγούσας τὸν Θρᾴκιον κρυμὸν καὶ τὸν ἑσπέριον τὸν ἄλλον ἐμπίπτειν μὲν τῷ πνεύματι, τάς γε μὴν θηλείας ἐς μίξιν οἰστρᾶσθαι, τοὺς δὲ ἄρρενας αὐταῖς ἐπιφλέγεσθαι, καὶ μέντοι καὶ ἐς τὴν πρὸς αὐτὰς ὁμιλίαν κυμαίνειν, καὶ διὰ ταῦτά τοι καὶ ἀναβαίνειν αὐτὰς ἐθέλειν, τὰς δὲ οὐχ ὑπομένειν· μὴ γὰρ οἵας τε εἶναι μετέωρον μίξιν φέρειν· τοὺς δὲ ἐγκρατεῖς οὐκ ἔχοντας γενέσθαι τοῦ πόθου, ἐκβάλλειν τὴν γονήν. καὶ εἰ μὲν τύχοιεν ὑπὲρ γῆς φερόμενοι, τὴν δὲ ἐκπίπτειν ἐς οὐδὲ ἕν, ἀλλʼ ἀπόλλυσθαι ἄλλως· εἰ δὲ ὑπὲρ τοῦ πελάγους πέτοιντο, ἐνταῦθά τοι τὴν θάλατταν ὥσπερ οὖν θησαύρισμα παραλαβοῦσαν φυλάττειν ἔμβρυον, καὶ γεννᾶν τὸ ζῷον τοῦτο, ἀλλʼ οὐ διαφθείρειν ὥσπερ ἔς τινα ἄγονον καὶ στερίφην γαστέρα ἐμπεσόν. καὶ τούτων μὲν τῶν λόγων ἅτερος καὶ δὴ διηνύσθη ὁ <pb xml:id="p.374"/> Ἐπιδαύριος. λέγει δὲ ἄλλος, οὗ τὸ γένος εὐκ οἶδα, ἑτέραν ὁδὸν τραπόμενος, εἶτα μέντοι οὐ ταὐτὰ ὁμολογεῖ, ὡς δʼ ἂν μὴ δοκοίην ἀμαθὴς εἶναι αὐτοῦ, λελέξεται μέντοι καὶ ἐκεῖνος. Δημόστρατος, οὗπερ οὖν καὶ ἀνωτέρω μνήμην ἐποιησάμην, εἶδον τὸν ἰχθὺν ἦ δʼ ὅς, καί μʼ ἐσῆλθεν αὐτοῦ θαῦμα, καὶ ἐβουλήθην αὐτὸν ποιῆσαι τάριχον, ἵνα εἴη καὶ ἄλλῳ βλέπειν. οὐκοῦν ἐνεργῶν ὄντων καὶ ἀνοιγνύντων τῶν μαγείρων αὐτόν, ἐπεσκόπουν τὰ σπλάγχνα αὐτός. ἀκάνθας τε εἶδον ἐξ ἑκατέρας τῆς πλευρᾶς συνιούσας τε καὶ ἐγκλινούσας τὰ πέρατα ἐς ἀλλήλας, τρίγωνοι δέ φησιν ἦσαν ὥσπερ οὖν καὶ αἱ κύρβεις, ἧπάρ τε ἐνέκειτό οἱ προῆκον ἐς μῆκος, ὑπέκειτο δὲ αὐτῷ καὶ χολὴ μακρὰν ἔχουσα τὴν φῦσαν κατὰ τὰ φασκώλια· εἶπες δʼ ἂν ἰδὼν τὴν χολὴν κύαμον ὑγρὸν εἶναι. ἐξαιρεθέντα οὖν ἄμφω, καὶ ἡ χολὴ καὶ τὸ ἧπαρ, τὸ μὲν ἕτερον διωγκώθη καὶ ἐῴκει ἰχθύος ἥπατι μεγίστου, διατήξασα δʼ ἡ χολὴ τὸν λίθον ʽκαὶ γάρ πως ἔτυχε τεθεῖσα ἐπὶ λίθοὐ εἶτα ἠφανίσθη. ἄμφω δὲ τὼ λόγω ἐνταῦθα ὁρίζομεν. θήραν δὲ πηλαμύδων εἰπεῖν μὴ πάνυ τι συνειθισμένην οὐκ ἔστιν ἔξω τῆσδε τῆς σπουδῆς. δέκα νεανίαι τὸ ἀκμαιότατον ἀνθοῦντες ἀναβαίνουσι ναῦν ἐλαφρὰν καὶ διὰ ταῦτά τοι καὶ ταχυτάτην· διανέμοντες δὲ ἑαυτοὺς ἐς ἑκατέραν ἴσους τὴν πλευρὰν καὶ κορεσθέντες εὖ μάλα τροφῆς, εἶτα μέντοι τοῖς ἐρετμοῖς ἕκαστος ἐπιχειροῦσι, πλανώμενοι δεῦρο καὶ ἐκεῖσε. κάθηται δὲ εἷς ἐπὶ τῆς πρύμνης, καὶ ἐντεῦθέν τε καὶ ἐκεῖθεν παρασείρους καθίησιν ὁρμιάς· ἤρτηνται δὲ τούτων καὶ ἄλλαι, καὶ συνῆπται πάσαις τὰ ἄγκιστρα, καὶ ἕκαστον ἄγκιστρον δέλεαρ φέρει Λακαίνης πορφύρας μαλλῷ κατειλημένον, καὶ πτερὸν <pb xml:id="p.375"/> μέντοι λάρου ἑκάστῳ ἀγκίστρῳ προσήρτηται, ὥστε ἡσυχῆ διασείεσθαι ὑπὸ τοῦ προσπίπτοντος ὕδατος. τούτων οὖν ἱμέρῳ προσνέουσιν αἱ πηλαμύδες· μία δὲ ἡ μάλιστα προτένθης ὅταν τὸ στόμα ἐναπερείσῃ, προσίασι καὶ αἱ λοιπαί, καὶ δονεῖται τὰ ἄγκιστρα ὑπὸ τὸν αὐτὸν καιρὸν περιπαρέντα τοῖς ἰχθύσιν. οἱ ἄνδρες οὖν τοῦ μὲν ἐρέττειν ἔτι ἀπέστησαν, παρῆκαν δὲ τὰς κώπας, ἐξαναστάντες δὲ ἀνασπῶσι τὰς μηρίνθους εὐαγρούσας καὶ μέντοι καὶ βριθομένας τοῖς ἰχθύσιν· ὅταν δὲ ἐς τὴν ναῦν ἐμπέσωσι, διαφαίνεται τῆς εὐθηρίας τὸ μαρτύριον ἐκ τοῦ πλήθους τῶν ἰχθύων τῶν ἑαλωκότων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="11"> 
+<p>ἡ χερσαία γαλῆ ὅτι ἦν ἄνθρωπος ἤκουσα· καὶ ὅτι τοῦτο ἐκαλεῖτο, καὶ ὅτι ἦν γόης καὶ φαρμακίς, καὶ ὅτι δεινῶς ἀκόλαστος ἦν καὶ ἀφροδίτην παράνομον ἐνόσει, καὶ ταῦτα ἐς ἀκοὴν τὴν ἐμὴν ἀφίκετο· καὶ ὡς ἐς τοῦτο τὸ ζῷον τὸ κακὸν ἔτρεψεν αὐτὴν Ἑκάτης τῆς θεοῦ μῆνις οὐδὲ τοῦτό με λέληθεν. ἡ μὲν οὖν θεὸς ἵλεως ἔστω· μύθους δὲ ἐῶ καὶ μυθολογίαν ἄλλοις. ὅτι δέ ἐστι θηρίον ἐπιβουλότατον, καὶ νεκροῖς ἀνθρώποις ἐπιτίθενται γαλαῖ, καὶ μὴ φυλαττομένοις ἐπιπηδῶσι, καὶ συλῶσι τοὺς ὀφθαλμοὺς καὶ ἐκροφοῦσι, δῆλόν ἐστι. φασὶ δὲ καὶ ὄρχεις γαλῆς γυναικὶ κατʼ ἐπιβουλὴν ἢ ἑκούσῃ περιαφθέντας ἐπίσχειν τοῦ ἔτι μητέρα γίνεσθαι, καὶ ἀναστέλλειν μίξεως. σπλάγχνα δὲ γαλῆς σκευασίαν τινὰ προσλαβόντα, ἣν ἴστωσαν οἱ σοφοὶ ταῦτα, καὶ ἐς οἶνον ἐμβληθέντα κατʼ ἐπιβουλήν, φιλίαν ὡς λόγος διίστησι, καὶ ἡνωμένην τέως εὔνοιαν διακόπτει. καὶ ὑπὲρ μὲν τούτων τοὺς γόητάς τε καὶ φαρμακέας Ἄρει φίλῳ κολάζειν καὶ δικαιοῦν καταλείπωμεν. εἴη δʼ ἂν καὶ ἰχθὺς γαλῆ, σμικρὸς οὗτος, καὶ οὐδέν τι κοινὸν πρὸς <pb xml:id="p.376"/> τοὺς καλουμένους γαλεοὺς ἔχων. οἱ μὲν γάρ εἰσι σελάχη καὶ πελάγιοι, καὶ ἐς μέγεθος προήκοντες εἶτα μέντοι κυνὶ ἐοίκασιν· ἡ γαλῆ δέ, φαίης ἂν αὐτὴν εἶναι τὸν καλούμενον ἥπατον. ἰχθὺς δὲ ἔστιν αὕτη βραχύς, καὶ τὼ ὀφθαλμὼ ἐπιμέμυκε· κόρας δὲ ἔχει κυανοῦ χρόᾳ προσεικασμένας. καὶ τὸ μὲν γένειον ἔχει τοῦ ἡπάτου μεῖζον, ἡττᾶται δὲ αὖ πάλιν τοῦ χρέμητος κατά γε τοῦτο. πετραίαν δὲ οὖσαν τὴν γαλῆν καὶ νεμομένην φυκία ἀκούω πάντων σωμάτων οἷς ἂν νεκροῖς ἐντύχῃ τοὺς ὀφθαλμοὺς καὶ ταύτην ὡς τὴν χερσαίαν ἐσθίειν. χρῶνται δὲ αὐτῇ ἐς τὰ ὅμοια ἁλιεῖς ὅσοι κατὰ τοὺς Ἠπειρώτας φαρμακεύουσι πονηροὶ καὶ οὗτοι σοφισταὶ κακῶν. ἐπεὶ δὲ ὠμοβόρον ἐστὶ τὸ τῶν ἰχθύων τῶνδε φῦλον, πᾶν τὸ ταῖς ὑδροθηρίαις γένος συμβιοῦν καὶ τὰς ὑποδύσεις τὰς κατωτάτω μετιὸν μελαίνουσι τὰς ἑαυτῶν βάσεις καὶ τὰ κοῖλα τῶν χειρῶν, ἀφανίζειν πειρώμενοι τὴν ἐξ αὐτῶν αὐγήν· τὰ γάρ τοι τῶν ἀνθρώπων μέλη, ὡς ὅτι μάλιστα ἐκλάμποντα ἐν τῷ ὕδατι, ἐφολκὰ τῶν ἰχθύων τούτων ἐστίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="12"> 
+<p> χῆμαι δὲ θαλάττιαι ζῷόν εἰσι καὶ αὗται διάφορον· αἳ μὲν γὰρ αὐτῶν τραχεῖαι πεφύκασιν, αἳ δὲ λεῖαι πάνυ· καὶ τὰς μὲν τοῖς δακτύλοις πιέσας συνθλάσεις, τὰς δὲ συντρίψεις λίθῳ· καὶ αἳ μὲν αὐτῶν μελάνταται τὴν χρόαν εἰσίν, αἳ δέ, ἀργύρῳ φαίης ἂν αὐτὰς προσεοικέναι, αἳ δὲ ἀνακραθείσας περίκεινται τὰς χρόας τὰς προειρημένας. γένη δὲ αὐτῶν διάφορα καὶ εὐναὶ πάνυ ποικίλαι· αἳ μὲν γὰρ ἐν ταῖς ψάμμοις κεῖνται διεσπαρμέναι ταῖς τῶν αἰγιαλῶν, διαναπαύονταί τε κατὰ τῆς ἰλύος, αἳ δὲ ὑπόκεινται τῷ βρύῳ, αἳ δὲ εἰλημμέναι τῶν σπιλάδων εἶτα αὐταῖς προσέχονται μάλα ἐγκρατῶς. ἐν δὲ τῇ καλουμένῃ Ἰστριάδι θαλάττῃ αἵδε αἰ χῆμαι κατὰ τὴν ὥραν τὴν <pb xml:id="p.377"/> θέρειον, ὑπαρχομένου τοῦ ἀμήτου, δίκην ἀγέλης ἀλλήλαις συμφέρονται, καὶ ἀναπλέουσι κούφως, τά γε πρῶτα βαρεῖαί τε καὶ ἐπαχθεῖς οὖσαι καὶ οὐκ ἀναπλεύσασαι, ἀλλὰ τηνικάδε οὐκέτι τοιαῦται. ἀποδιδράσκουσι δὲ τὸν νότον, καὶ φεύγουσι τὸν βορρᾶν, καὶ οὐδὲ τὸν εὖρον ἀνέχονται. χαίρουσι δὲ ἀκύμονι θαλάττῃ, καὶ ζεφύρου καταπνεούσαις αὔραις ἡδείαις τε καὶ μαλακαῖς. ὑπὸ ταύταις οὖν τοὺς ἑαυτῶν εἰλυοὺς ἐκλιποῦσαι, μεμυκυῖαί τε καὶ κατάκλειστοι ἔτι, ἀνίασιν ἐκ τῶν μυχῶν, καὶ ἀκύμονος οὔσης τῆς θαλάττης νέουσι· καὶ τότε ἀνοίξασαι τὰς ἑαυτῶν στέγας ἐκκύπτουσιν, ὡς ἐκ τῶν ἰδίων θαλάμων αἱ νύμφαι ἢ τὰ ῥόδα πρὸς τὴν εἵλην ὑπαλεανθέντα καὶ ἐκκύψαντα τῶν καλύκων. οὐκοῦν κατὰ μικρὰ ὑποθαρροῦσαι, καὶ μάλα γε ἀσμένως ἡσυχάζουσι καὶ ἀτρεμοῦσι τὸν ἑταῖρον ἄνεμον προσδεχόμεναι, καὶ τὸν μὲν ὑπεστόρεσαν χιτῶνα, τὸν δὲ ὤρθωσαν, καὶ πλέουσι τῷ μὲν ἱστίῳ αἱ χῆμαι, τῷ δὲ σκάφει χρώμεναι. καὶ προΐασι μὲν τὸν τρόπον τοῦτον, ἡσυχίας οὔσης καὶ εὐδίας ʽοὐδὲν φαίης ἂν μακρόθεν ἰδὼν ἢ νηΐτην στόλον εἶναἰ· ἐὰν δὲ αἴσθωνται νεὼς ἐπίπλουν ἢ ἔφοδον θηρίου ἢ νῆξιν ἰχθύος ἁδροῦ, ἑαυτὰς ὑφʼ ἑνὶ κρότῳ τῶν ὀστράκων πτύξασαι, κατώλισθόν τε ἀθρόαι καὶ ἠφανίσθησαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="13"> 
+<p>ὁ δὲ αἱμόρρους ʽεἴη δʼ ἂν γένος ἔχεως οὗτοσʼ μάλιστα ἐν τοῖς πετρώδεσι χηραμοῖς ἤθη τε ἔχει καὶ διατριβάς. μῆκός τε σώματος εἴληχε πόδα, πλάτος δὲ ἐξ εὐρείας τῆς κεφαλῆς μείουρος κάτεισιν ἔστε ἐπὶ τὴν οὐράν· καὶ πῇ μὲν φλογώδης ἰδεῖν ἐστι, πῇ δὲ δεινῶς μέλας· φρίττει δὲ τὴν κεφαλὴν οἱονεὶ κέρασί τισιν. ἕρπει δὲ ἥσυχος ἐπιθλίβων τὰς τῆς νηδύος φολίδας, λοξὸν δὲ οἶμον πρόεισιν. ἠρέμα οὖν ὑπηχεῖ, <pb xml:id="p.378"/> ὡς καταγνῶναι νωθείαν αὐτοῦ καὶ οὐδένειαν. δακὼν δὲ νύγμα ἐργάζεται, καὶ τοῦτό γε ἰδεῖν ἐστι παραχρῆμα κυανοῦν, καρδιώττει γε μὴν ὁ πληγεὶς μάλα οἴκτιστα, ἐκκρίνει δὲ ἡ γαστὴρ ὀχετούς. νὺξ δὲ ἀφίκετο ἡ πρώτη, καὶ αἷμα ἐκρεῖ διά τε ῥινῶν καὶ αὐχένος καὶ μέντοι καὶ διʼ ὤτων σὺν ἰῷ χολώδει, οὖρα δὲ ἀφίησιν ὕφαιμα ἡ κύστις. εἰ δὲ καὶ ὠτειλαί εἰσί τινες παλαιαὶ περὶ τὸ σῶμα, ῥήγνυνται καὶ αὗται. εἰ δὲ θῆλυς αἱμόρρους κρούσει τινὶ μεθίησιν ἐκ τῶν ὀνύχων ἄκρων, καὶ ἐς τὰ οὖλα ὁ ἰὸς ἀναθεῖ, καὶ αἷμα ἐκχεῖται πάμπολυ, καὶ ἐκθλίβονται τῶν οὔλων οἱ ὀδόντες. τούτῳ φασὶ τῷ θηρίῳ περιπεσεῖν ἐν Αἰγύπτῳ τὸν τοῦ Μενέλεω κυβερνήτην Κάνωβον Θώνιδος βασιλεύοντος, καὶ συνεῖσαν τὴν Ἑλένην τοῦ δακέτου τὴν ἰσχὺν κατάξαι μὲν αὐτοῦ τὴν ῥάχιν, ἐξελεῖν δὲ τὸ φάρμακον. ἐς τίνα δὲ ἄρα χρείαν ἔσπευσε λαβεῖν τὸ θησαύρισμα τοῦτο, οὐκ οἶδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="14"> 
+<p> κομίζουσι δὲ ἄρα τῷ σφετέρῳ βασιλεῖ οἱ Ἰνδοὶ τίγρεις πεπωλευμένους καὶ τιθασοὺς πάνθηρας καὶ ὄρυγας τετράκερως, βοῶν δὲ γένη δύο, δρομικούς τε καὶ ἄλλους ἀγρίους δεινῶς. ἐκ τούτων γε τῶν βοῶν καὶ τὰς μυιοσόβας ποιοῦνται, καὶ τὸ μὲν ἄλλο σῶμα παμμέλανές εἰσιν οἵδε, τὰς δὲ οὐρὰς ἔχουσι λευκὰς ἰσχυρῶς. καὶ περιστερὰς ὠχρὰς κομίζουσιν, ἅσπερ οὖν καὶ λέγουσι μήτε ἡμεροῦσθαι μήτε ποτὲ πραΰνεσθαι, καὶ ὄρνιθας δέ, οὓς κερκορώνους φιλοῦσιν ὀνομάζειν, καὶ κύνας γενναίους, ὑπὲρ ὧν ἄνω μοι λέλεκται, καὶ πιθήκους λευκοὺς καὶ μελαντάτους ἄλλους· τοὺς γάρ τοι πυρροὺς ὡς γυναιμανεῖς ἐς τὰς πόλεις οὐκ ἄγουσιν, ἀλλὰ καί ποθεν ἐπιπηδήσαντες ἀναιροῦσιν, ὡς μοιχοὺς μεμισηκότες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="15"> 
+<p> Ἰνδῶν δὲ ὁ μέγας βασιλεὺς μιᾶς ἡμέρας ἀνὰ πᾶν <pb xml:id="p.379"/> ἔτος ἀγωνίας προτίθησι τοῖς τε ἄλλοις ὅσοις εἶπον ἑτέρωθι, ἐν δὲ τοῖς καὶ ζῴοις ἀλόγοις, ἀλλὰ ἐκείνοις γε ὧν ἐκπέφυκε κέρατα. κυρίττει δὲ ταῦτα ἄλληλα, καὶ φύσει τινὶ θαυμαστῇ μέχρι νίκης ἁμιλλᾶται, ὥσπερ οὖν ἀθληταὶ ἢ ὑπὲρ ἄθλων μεγίστων ἰσχυριζόμενοι ἢ ὑπὲρ κλέους σεμνοῦ καὶ φήμης τινὸς ἀγαθῆς. εἰσὶ δὲ οἱ ἀγωνισταὶ οἵδε οἱ ἄλογοι ταῦροί τε ἄγριοι καὶ κριοὶ ἥμεροι καὶ οἱ καλούμενοι μέσοι καὶ ὄνοι μονόκερῳ καὶ ὕαιναι. φασὶ δὲ εἶναι τοῦτο τὸ ζῷον δορκάδος μὲν ἧττον, ἐλάφου δὲ πολλῷ θρασύτερον καὶ θυμούμενον ἐς κέρας. εἶτα ἐπὶ πᾶσιν οἱ ἐλέφαντες ἀγωνισταὶ παρίασιν· προχωροῦσι δὲ οὗτοι καὶ μέχρι θανάτου τιτρώσκοντες ἀλλήλους τοῖς κέρασιν, καὶ πολλάκις μὲν ὁ ἕτερος κρατεῖ καὶ ἀποκτείνει τὸν ἀντίπαλον, πολλάκις δὲ καὶ συναποθνήσκουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="16"> 
+<p>Θεόφραστος οὔ φησι τοῦ ἔχεως τὰ βρέφη διεσθίειν τῆς μητρὸς τὴν γαστέρα, ὥσπερ οὖν θυροκοποῦντα, ἵνα τι καὶ παίσω, καὶ ἐξαράττοντα πεφραγμένην ἔξοδον, ἀλλὰ τοῦ θήλεος θλιβομένου καὶ τῆς γαστρός οἱ στεινομένης ʽὉμηρείως δὲ εἶπονʼ, τὴν δὲ οὐκ ἀντέχειν ἀλλὰ διαρρήγνυσθαι. καί με πείθει λέγων, ἐπεί τοι καὶ θαλάττιαι βελόναι ἄκολποί τε οὖσαι καὶ λεπταὶ ὅτι τὰ αὐτὰ πάσχουσιν ὑπὸ τῶν σφετέρων βρεφῶν καὶ ἐκεῖναι ἄνω που τῶν λόγων εἶπον. Ἡρόδοτον δὲ ἀξιῶ μή μοι μηνίειν, εἰ μύθοις ἐγγράφω ὅσα ὑπὲρ τῆς τῶν ἔχεων ὠδῖνος ᾅδει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="17"> 
+<p>φυσικὴ δὲ ἄρα ἦν τις κοινωνία καὶ συγγένεια λέοντι καὶ δελφῖνι ἀπόρρητος· οὐ γὰρ ὅτι βασιλεύουσιν ὃ μὲν τῶν χερσαίων ὃ δὲ τῶν ἐναλίων, τοῦτο ἀπόχρη, ἀλλὰ γάρ τοι κἂν τήκωνται προϊόντες ἐς γῆρας, ὃ μὲν τὸν χερσαῖον πίθηκον ἔχει φάρμακον, ὃ δὲ ἀναζητεῖ τὸν συμφυῆ. ὡς γάρ ἐστι καὶ ἐν θαλάττῃ <pb xml:id="p.380"/> πίθηκος, εἶπόν που· καὶ ἔστι καὶ τῷδε οὗτος ἀγαθόν, ὡς ἐκείνῳ ἐκεῖνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="18"> 
+<p> ἔστι δὲ ἄρα ἐν τοῖς ἀδιηγήτοις καὶ ἀριθμοῦ περιττοτέροις καὶ σηπεδών, κακὸν ἑρπετόν· ὁμόχρουν τε εἶναι τῷ αἱμόρρῳ καὶ τήνδε φησὶ Νίκανδρος καὶ ἀδελφὴν κατὰ σχῆμα. καὶ τοῦτο ἐκεῖνος λέγει· ὠκυτέρα τε εἶναι δοκεῖ, παρίστησι δὲ καί τινα σμικρότητος φαντασίαν· γυρὸν γὰρ καὶ ἑλικτὸν πρόεισι τὸν οἶμον, καὶ μάλιστα ἐν τούτῳ διαψεύδεται τοὺς ὁρῶντας ὅση τὸ μέγεθός ἐστιν. δεινὸν δὲ ἄρα τὸ ἐξ αὐτῆς τραῦμα· πρόεισι γοῦν καὶ ὑποσήπει, καὶ τήν γε θῆρα τὴν προειρημένην ἀποδείκνυσι φερώνυμον. ὁ γοῦν ἰὸς ἐπὶ πᾶν ὠθεῖται τὸ σῶμα τάχει ἀμάχῳ, καὶ μέντοι καὶ ἡ θρὶξ καὶ ἐκείνη μυδῶσα ἀφανίζεται, λείβονται δὲ αἱ ὀφρῦς καὶ αἱ βλεφαρίδες, καὶ τοὺς ὀφθαλμοὺς ἀχλὺς κατέχει, καὶ ἔφηλοι γίνονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="19"> 
+<p> χερσαία χελώνη ζῷον λαγνίστατον, ἀλλὰ ὅ γε ἄρρην· ὁμιλεῖ δὲ ἡ θήλεια ἄκουσα. καὶ λέγει Δημόστρατος, ἀνήρ, ὡς λέγω καὶ τοῦτο, τῶν ἐκ τῆς Ῥωμαίων </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="20"> 
+<p> βουλῆς γενόμενος ʽκαὶ οὔ τί που διὰ τοῦτο ἤδη τεκμηριῶσαι ἱκανός, δοκεῖ δέ μοι ἐπιστήμης τῆς ἁλιευτικῆς ἐς ἄκρον ἐλάσαι καὶ ὅσα ἔγνω εἰπεῖν κάλλιστα· εἰ δέ τί οἱ καὶ ἄλλο ἐσπούδασται τοῦδε σοβαρώτερον, καὶ σοφίας τῆς περὶ τὴν ψυχὴν προσέψαυσεν, οὐκ ἂν θαυμάσαιμἰ λέγει δὲ ὅδε ὁ ἀνήρ, ὑπὲρ ὅτου μὲν ἑτέρου τὴν ὁμιλίαν ἀναίνεται ἡ θήλεια οὐκ ἔχειν σαφῶς εἰδέναι, τεκμαίρεσθαι δὲ ἐκεῖνό φησιν. ἡ θήλεια οὐκ ἄλλως ὁμιλεῖ ἢ πρὸς τὸν ἄρρενα ὁρῶσα· καὶ ὁ μὲν ἐξέπλησε τὴν ἐπιθυμίαν κᾆτα ἀπηλλάγη, ἣ δὲ ἑαυτὴν ἐπιστρέψαι ἡκίστη ἐστὶ τῷ τε ὄγκῳ τοῦ χελωνίου καὶ ἐρεισθεῖσα ἐς τὴν γῆν. δεῖπνον οὖν ἕτοιμον ὑπὸ τοῦ γαμέτου καταλέλειπται τοῖς τε ἄλλοις <pb xml:id="p.381"/> ζῴοις καὶ οὖν καὶ τοῖς ἀετοῖς. αἱ μὲν οὖν ταῦτα ὀρρωδοῦσιν, ὡς ἐκεῖνος λέγει, οἵ γε μὴν ἄρρενες σωφρονούσας αὐτὰς καὶ τιθεμένας πρὸ τοῦ ἡδέος τὸ σωτήριον οὐκ ἔχουσιν ἀναπεῖσαι. οἳ δὲ φύσει τινὶ ἀπορρήτῳ ἴυγγα προσείουσιν ἐρωτικὴν καὶ δέους ἐπίληθον ἅπαντος. ἦσαν δὲ ἄρα ἐρωτικῶς ἐχούσης χελώνης ἴυγγες οὐκ ᾠδαὶ μὰ Δία, ὁποίας Θεόκριτος ὁ τῶν νομευτικῶν παιγνίων συνθέτης ληρεῖ, ἀλλʼ ἀπόρρητος πόα, ἧσπερ οὖν οὔτε ἐκεῖνος ὄνομα εἰδέναι φησίν, οὔτε ἄλλον ἐγνωκέναι ὁμολογεῖ· ἐοίκασι δὲ τῇ πόᾳ καλλωπίζεσθαι καί τινας ἀπορρήτους παλιώρας. εἰ γοῦν ἐκείνην διὰ στόματος ἔχοιεν, τὰ ἔμπαλιν γίνεται τῶν προειρημένων· θρύπτεται μὲν γὰρ ὁ ἄρρην, μεταθεῖ δὲ ἡ θήλεια ἡ τέως φεύγουσα νῦν φλεγομένη, καὶ ἐξοιστρᾶται καὶ ἱμείρει τῆς συνόδου· δέος δὲ ἐκείναις φροῦδόν ἐστι, καὶ ὑπὲρ ἑαυτῶν ὀρρωδοῦσιν ἥκιστα. Θεσσαλονίκῃ τῇ Μακεδονίτιδι χῶρός ἐστι γειτνιῶν καὶ καλεῖται Νίβας. οὐκοῦν οἱ ἐνταῦθα ἀλεκτρυόνες ᾠδῆς τῆς συμφυοῦς ἀμοιροῦσι καὶ σιωπῶσι πάντα πάντη. καὶ διαρρεῖ λόγος παροιμιώδης ἐπὶ τῶν ἀδυνάτων, ὃς λέγει ʽτότε ἂν ἔχοιτε τόδε τι, ὅταν Νίβας κοκκύσῃ.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="21"> 
+<p>ὅτε Ἀλέξανδρος τὰ μὲν ἐδόνει τῆς Ἰνδῶν γῆς τὰ δὲ ᾕρει, πολλοῖς μὲν καὶ ἄλλοις ζῴοις ἐνέτυχεν, ἐν δὲ τοῖς καὶ δράκοντι, ὅνπερ οὖν ἐν ἄντρῳ τινὶ νομίζοντες ἱερὸν Ἰνδοὶ μετὰ πολλοῦ τοῦ θειασμοῦ προσετρέποντο. οὐκοῦν παντοῖοι ἐγένοντο οἱ Ἰνδοὶ δεόμενοι τοῦ Ἀλεξάνδρου μηδένα ἐπιθέσθαι τῷ ζῴῳ· ὃ δὲ κατένευσε. παριούσης οὖν τὸ ἄντρον τῆς στρατιᾶς καὶ κτύπου γενομένου, εἶτα ὁ δράκων ᾔσθετο· ὀξυηκοώτατον δὲ ἄρα ζῴων ἐστὶ καὶ ὀξυωπέστατον. συριγμὸν <pb xml:id="p.382"/> μὲν οὖν ἀφῆκε μέγιστον καὶ φύσημα, ὡς ἐκπλῆξαί τε πάντας καὶ ἐκταράξαι. ἐλέγετο δὲ ἄρα πήχεων ἑβδομήκοντα εἶναι, ἐφάνη γε μὴν οὐ πᾶς· μόνη γὰρ ἐξέκυψε ἡ κεφαλή. καὶ οἵ γε ὀφθαλμοὶ ᾅδονται αὐτοῦ τὸ μέγεθος ἔχειν Μακεδονικῆς ἀσπίδος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="22"> 
+<p> ταῖς κορώναις ἔργον τοὺς ἀετοὺς ἐρεσχελεῖν ἐστιν. οἳ δὲ ὑπερφρονοῦσιν αὐτῶν, καὶ ἐκείναις μὲν ἀπολείπουσι τὴν κάτω φέρεσθαι πτῆσιν, αὐτοὶ δὲ τὸν αἰθέρα ὑψηλότερον ὄντα ὠκίστοις τέμνουσιν πτεροῖς, οὐ δήπου δεδιότες ʽπῶς γὰρ ἂν τοῦτο εἴποι τις, τὴν τῶν ἀετῶν ἀλκὴν καλῶς ἐπιστάμενος;ʼ ἀλλὰ ἰδίᾳ τινὶ μεγαλονοίᾳ ἐῶσιν ἔρρειν ἐκείνας κάτω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="23"> 
+<p> τὸν ἰχθὺν τὸν πομπίλον οὐ μόνον Ποσειδῶνος λέγουσιν ἱερὸν εἶναι, ἀλλὰ καὶ τῶν ἐν Σαμοθρᾴκῃ θεῶν φίλον. ἁλιέα γοῦν τινα ἐν τοῖς ἄνω τοῦ χρόνου τιμωρίαν ὑποσχεῖν τῷδε τῷ ἰχθύι. καὶ τὸ μὲν ὄνομα ἦν ὡς λόγος τοῦ ἁλιέως Ἐπωπεύς, ἦν δὲ ἐξ Ἰκάρου τῆς νήσου, καὶ υἱὸς αὐτῷ ἦν. ἀθηρίας οὖν ποτε γενομένης ἰχθύων, ἀνήγαγε τὸν βόλον μόνους θηράσαντα πομπίλους, οὕσπερ οὖν καὶ δεῖπνον σὺν τῷ παιδὶ ὁ Ἐπωπεὺς ἔθετο. οὐκ ἐς μακρὰν δὲ δίκη τιμωρὸς μετῆλθεν αὐτόν· τῇ γὰρ ἁλιάδι αὐτοῦ κῆτος ἐπελθὸν ἐν ὄψει τοῦ παιδὸς τὸν Ἐπωπέα κατέπιε. λέγουσι δὲ καὶ τοὺς δελφῖνας πολεμίους τῷ πομπίλῳ εἶναι, οὐ μὴν οὐδὲ ἐκείνους καλῶς ἀπαλλάττειν ὅταν αὐτοῦ γεύσωνται· σφαδάζουσι γὰρ παραχρῆμα καὶ ἐκμαίνονται, καὶ ἀτρεμεῖν ἀδυνατοῦντες ἐπὶ τοὺς αἰγιαλοὺς ἐκφέρονται, καὶ ἅπαξ ἐκβρασθέντες ὑπὸ τοῦ κύματος κορώναις τε εἰναλίαις καὶ λάροις δεῖπνόν εἰσιν. λέγει δὲ Ἀπολλώνιος ὁ Ῥόδιος ἢ Ναυκρατίτης ὅτι καὶ ἄνθρωπός ποτε οὗτος ἦν, καὶ ἐπόρθμευεν. ὁ δὲ Ἀπόλλων ἠράσθη κόρης, καὶ ἐπειρᾶτο <pb xml:id="p.383"/> αὐτῇ ὁμιλῆσαι· ἣ δὲ ἀποδιδράσκουσα ἦλθεν ἐς Μίλητον καὶ ἐδεήθη Πομπίλου τινὸς θαλαττουργοῦ, ἵνα αὐτὴν διαγάγοι τὸν πορθμόν· ὃ δὲ ὑπήκουσεν. ἐπιφανεὶς δὲ ὁ Ἀπόλλων τὴν μὲν κόρην ἁρπάζει, τὴν δὲ ναῦν λίθον ἐργάζεται, τὸν δὲ Πομπίλον ἐς τὸν ἰχθὺν τοῦτον μετέβαλεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="24"> 
+<p>Ἰνδοὶ δὲ ἄρα καὶ περὶ τοὺς βοῦς τοὺς δρομικοὺς τίθενται σπουδήν. καὶ ὑπὲρ τῆς ὠκύτητος τῆς ἐκείνων ἁμιλλῶνται βασιλεύς τε αὐτὸς καὶ τῶν ἀρίστων πολλοί, καὶ ποιοῦνται ῥήτρας ἐπὶ χρυσίῳ παμπόλλῳ καὶ ἀργυρίῳ, καὶ οὐχ ἡγοῦνται αἰσχρὸν εἶναι ἐρίζεσθαι ὑπὲρ τῶνδε τῶν ζῴων, συνωρίζουσι δὲ αὐτοὺς ἄρα καὶ ὑπὲρ τῆς νίκης κυβεύουσιν. οἱ μὲν οὖν ἵπποι ζύγιοι θέουσιν, οἱ δὲ βοῦς παράσειροι, καὶ ἐγχρίμπτει τῇ νύσσῃ ὁ ἕτερος, καὶ δεῖ δραμεῖν σταδίους τριάκοντα. ἴσοι δὲ τοῖς ἵπποις οἱ βόες συνθέουσι, καὶ οὐκ ἂν ἀποκρίνειας τὸν ὠκύτερον οὔτε βοῦν οὔτε ἵππον. ἐὰν δέ ποτε ὁ βασιλεὺς πρός τινα ὑπὲρ τῶν ἑαυτοῦ βοῶν σύνθηται, ἐς τοσαύτην προχωρεῖ φιλονεικίαν, ὡς αὐτὸς ἐφʼ ἅρματος ἕπεσθαι, καὶ παρορμᾶν τὸν ἡνίοχον. ὃ δὲ ἄρα τοὺς μὲν ἵππους ἐξαιμάττει τῷ κέντρῳ, τῶν δὲ βοῶν τὴν χεῖρα ἀνέχει· ἀκέντητοι γὰρ θέουσι. τοσαύτη δέ ἐστι περὶ τὴν βοεικὴν ἅμιλλαν ἡ φιλοτιμία, ὡς μὴ μόνους τοὺς </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="25"> 
+<p>πλουσίους ὑπὲρ αὐτῶν ἐπὶ πολλῷ φιλονεικεῖν μηδὲ τοὺς δεσπότας ἀλλὰ καὶ τοὺς θεωμένους, οἷα δήπου καὶ ὁ Ἰδομενεὺς ὁ Κρὴς καὶ ὁ Λοκρὸς Αἴας παρʼ Ὁμήρῳ φιλονεικοῦντε ἀποδείκνυσθον. εἰσὶ δὲ καὶ ἕτεροι παρʼ αὐτοῖς βόες, ἰδεῖν κατὰ τοὺς μεγίστους τράγους· καὶ αὐτοὶ δὲ καθʼ ἑαυτοὺς ζεύγνυνται, καὶ τρέχουσιν ὤκιστα, καὶ τῶν ἵππων γε τῶν Γετικῶν οὐκ εἰσὶ νωθέστεροι. <pb xml:id="p.384"/> Λόγος ἔχει τοὺς ἵππους τοὺς πίνοντας ἐκ τοῦ Κοσσινίτου ποταμοῦ ʽἔστι δὲ οὗτος ἐν Θρᾴκᾐ δεινῶς ἐκθηριοῦσθαι· ἐκδίδωσι δὲ ὁ ποταμὸς οὗτος ἐς τὴν Ἀβδηριτῶν, καὶ ἀναλίσκεται ἐς τὴν Βιστονικὴν λίμνην. ἐνταῦθά τοι καὶ τὰ βασίλεια γενέσθαι ποτὲ Διομήδους τοῦ Θρᾳκός, ᾧ καὶ αἱ ἀνήμεροι ἐκεῖναι ἵπποι κτῆμα ἦσαν ὁ Ἡράκλειος ἆθλος. τὸ δὲ αὐτό φασι πάσχειν καὶ τοὺς ἵππους τοὺς ἐκ τῆς Ποτνιάδος κρήνης πίνοντας. αἱ δὲ Ποτνιαὶ τὸ χωρίον, ἔνθα ἡ κρήνη, οὐ μακρὰν ἀπὸ Θηβῶν ἐστιν. Ὠρείτας δὲ λέγουσι καὶ Γεδρωσίους ἰχθῦς παραβάλλειν τοῖς ἵπποις χόρτον. Κελτοὺς δὲ ἀκούω καὶ τοῖς βουσὶ καὶ τοῖς ἵπποις ἰχθῦς διδόναι δεῖπνον. ἐνταῦθά τοι λέγουσι καὶ τοὺς ἵππους τὴν ἀποπνοὴν τὴν ἐκ τῶν ἀνθρώπων φεύγοντας ἐς τὰ νοτιώτερα τῆς Εὐρώπης φέρεσθαι, μάλιστα ὅταν οἱ νότοι καταπνέωσι. καὶ Μακεδόνας δὲ καὶ Λυδοὺς ὁμολογοῦσί τινες καὶ αὐτοὺς ἰχθύσι τοὺς ἑαυτῶν ἵππους τρέφειν, καὶ τὰ πρόβατα δὲ τὰ Λύδια καὶ τὰ Μακεδονικὰ ἐκ τῶν αὐτῶν πιαίνεσθαι λέγουσιν. ἐν Μυσοῖς δὲ τῶν θηλειῶν ἵππων ἀναβαινομένων ἐπηύλουν τινές, οἷον ὑμέναιόν τινα τοῦτον τοῖς τῶν ἵππων γάμοις ἐπᾴδοντες· τάς τε ἵππους ὑπὸ τοῦ μέλους θελγομένας τάχιστα ἐγκύμονας γίνεσθαι, καὶ οὖν καὶ καλοὺς τοὺς πώλους ἀποτίκτειν. καὶ ἐκεῖνο δὲ περὶ ἵππων ἤκουσα. τοὺς πρεσβυτέρους ἤδη φασὶ καὶ προήκοντας τὴν ἡλικίαν ἀσθενῆ γεννᾶν τὰ ἐξ αὐτῶν ἔκγονα· τά τε γὰρ ἄλλα καὶ τοὺς πόδας ἀγεννεῖς ἔχειν. βίον δὲ ἵππων ἀριθμοῦσιν ἐς τοσάδε ἔτη· τῶν μὲν ἀρρένων ἐς πέντε καὶ τριάκοντα, Ἀριστοτέλης δʼ ὁ Νικομάχου λέγει πέντε καὶ ἑβδομήκοντα ἔτη διαβιῶναι ἵππον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="26"> 
+<p> ἐκ Σούσων τῶν Περσικῶν ἐς Μηδίαν ἀπιόντι <pb xml:id="p.385"/> ἐν τῷ δευτέρῳ σταθμῷ πάμπολύ τι λέγεται σκορπίων πλῆθος γίνεσθαι, ὥστε τὸν τῶν Περσῶν βασιλέα, ὁπότε διίοι, πρὸ τριῶν ἡμερῶν προστάττειν πᾶσι θηρεύειν αὐτούς, καὶ τῷ πλείστους θηράσαντι δῶρα διδόναι. εἰ γὰρ τοῦτο μὴ γένοιτο, ὁ χῶρος ἄβατός ἐστιν· ὑπὸ παντὶ γὰρ λίθῳ καὶ βώλῳ πάσῃ σκορπίος ἐστί. λέγουσι δὲ καὶ ὑπὸ σκολοπενδρῶν ἐξαναστῆναι Ῥοιτιεῖς· τοσοῦτο πλῆθος αὐτοῖς ἐπεφοίτησε τούτων. φασὶ δὲ καὶ ἐν Κυρήνῃ μυῶν διάφορα γίνεσθαι γένη οὐ μόνον ταῖς χρόαις, ἀλλὰ καὶ ταῖς μορφαῖς· ἐνίους γὰρ αὐτῶν πλατυπροσώπους εἶναι καθάπερ τὰς γαλᾶς, καὶ αὖ πάλιν ἄλλους ἐχινώδεις, οὕσπερ οὖν καὶ οἱ ἐπιχώριοι καλοῦσι ἐχινέας. ἐν Αἰγύπτῳ δὲ ἀκούω δίποδας εἶναι μῦς, καὶ μεγίστους. μεγέθει φύεσθαι, τοῖς γε μὴν ἐμπροσθίοις ποσὶν ὡς χερσὶ χρῆσθαι· εἶναι γὰρ αὐτοὺς τῶν ὄπισθεν βραχυτέρους. βαδίζουσι δὲ ὀρθοὶ ἐπὶ τοῖν δυοῖν ποδοῖν· ὅταν δὲ διώκωνται, πηδῶσι. Θεόφραστος λέγει ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="27"> 
+<p>λέγει τις λόγος τοὺς ὄρνιθας τοὺς ἀτταγᾶς μετακομισθέντας ἐς Αἴγυπτον ἐκ Λυδίας καὶ ἀφεθέντας ἐς τὰς ὕλας τὰ μὲν πρῶτα ὄρτυγος φωνὴν ἀφιέναι· χρόνῳ δὲ ὕστερον τοῦ ποταμοῦ κοίλου ῥυέντος λιμὸς ἐγένετο, καὶ πολλοὶ τῶν κατὰ τὴν χώραν ἀπώλλυντο. οὐ διέλιπον οὖν οἱ ὄρνιθες οὗτοι πολλῷ σαφέστερον καὶ ἐναρθρότερον παιδίου φθέγμα ἀφιέντες καὶ λέγοντες ʽτρὶς τοῖς κακοῖς τὰ κακά.ʼ λέγει δὲ ὁ αὐτὸς λόγος ὅτι συλληφθέντες καὶ ἀγρευθέντες οὐ μόνον οὐ τιθασεύονται, ἀλλὰ οὐδὲ φωνὴν ἔτι ἀφιᾶσιν ἣν πρότερον ἠφίεσαν· ἡ δουλεία γὰρ αὐτῶν καταψηφίζεται σιωπήν. ἐὰν δὲ ἀφεθῶσι καὶ ἐλεύθερον ἁπλώσωσι τὸ πτερόν, καὶ ἐς ἤθη τὰ ἑαυτῶν <pb xml:id="p.386"/> ἀφίκωνται πάλιν γίνονται ἔμφωνοι, ὁμοῦ καὶ τὸ φθέγμα καὶ τὴν παρρησίαν ἀναλαβόντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="28"> 
+<p> λέγουσι δὲ καὶ τοὺς σκῶπας ʽὧν καὶ Ὅμηρος ἐν Ὀδυσσείᾳ μέμνηται λέγων πολλοὺς αὐτοὺς περὶ τὸ ἄντρον τὸ τῆς Καλυψοῦς εὐνάζεσθαἰ καὶ ἐκείνους ἁλίσκεσθαι ὀρχήσει. ἄνδρες δὲ ὀρχηστικοί φασι καὶ ὀρχήσεως εἶδός τι ἐξ αὐτῶν κεκλῆσθαι, καὶ εἴ γε αὐτοῖς χρὴ πιστεύειν, ἡ ὄρχησις αὕτη σκὼψ κέκληται. καὶ τὸ μιμεῖσθαι δέ τινα ἐπὶ τὸ γελοιότερον καὶ διαπαίζειν ἥδιστον δοκεῖ τοῖσδε τοῖς ὄρνισιν· ἔνθεν τοι καὶ ἐτράπη ὁ λόγος, καὶ ἡμεῖς τὸ σκώπτειν οὕτω καλοῦμεν. λέγεται δὲ ὁ σκὼψ οὗτος μικρότερος εἶναι γλαυκὸς καὶ τὴν χρόαν ἔχειν μολίβῳ προσεοικυῖαν τῷ βαθυτάτῳ, ἔχειν δὲ τὰ πτερὰ αὐτοῦ φασι στίγματα ὑπόλευκα. ἀναφαίνει τε δύο ἀπὸ τῶν ὀφρύων παρʼ ἑκάτερον τὸν κρόταφον πτερά. Καλλίμαχος δὲ δύο φησὶν εἶναι γένη σκωπῶν, καὶ τοὺς μὲν φθέγγεσθαι, τοὺς δὲ συγκεκληρῶσθαι σιωπῇ· καὶ τοὺς μὲν αὐτῶν λέγεσθαι σκῶπας, τοὺς δὲ ἀείσκωπας. λέγει δὲ Ἀριστοτέλης τοὺς παρʼ Ὁμήρῳ διὰ τοῦ σίγμα μὴ λέγεσθαι, ἀλλὰ ἁπλῶς ὀνομάζεσθαι κῶπας. τοὺς οὖν τιθέντας τὸ σίγμα ἁμαρτάνειν τῆς κατὰ τὸ ὄνομα ἀληθείας καὶ τῆς Ὁμήρου περὶ τὸν ὄρνιν κρίσεώς τε καὶ γνώσεως. καὶ ταῖς μὲν ἄλλαις ὥραις τοῦ ἔτους μὴ ἐσθίεσθαι αὐτούς, ἐν δὲ τῷ μετοπώρῳ δύο ἡμέραις ἢ μιᾷ τοὺς θηρωμένους, ἀλλὰ τούτους γε ἐδωδίμους εἶναι. τῶν δὲ ἀεισκώπων διαφέρουσιν οἱ σκῶπες τῷ πάχει, παραπλήσιοι δέ εἰσι τὴν ἰδέαν τρυγόνι τε καὶ φάττῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="29"> 
+<p> ἀλλὰ τό γε τῶν Πυγμαίων ἔθνος ἀκούω καὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:15" n="30"> 
+<p> ἐκεῖνο καθʼ ἑαυτὸ βασιλεύεσθαι, καὶ οὖν καὶ γενέσθαι παρʼ αὐτοῖς ἐκλείποντος ἄρρενος βασιλέως βασιλίδα τινὰ καὶ κρατῆσαι τῶν Πυγμαίων, Γεράναν ὄνομα, <pb xml:id="p.387"/> ἥνπερ οὖν ἐκθεοῦντες οἱ Πυγμαῖοι σεμνοτέραις ἢ κατʼ ἄνθρωπον ἐτίμων τιμαῖς. ἐκ τούτων οὖν ἐκείνη φασὶ τὴν διάνοιαν ἐξηνεμώθη, καὶ τὰς θεὰς παρʼ οὐδὲν ἐτίθετο. μάλιστα δὲ τὴν Ἥραν καὶ τὴν Ἀθηνᾶν καὶ τὴν Ἄρτεμιν καὶ τὴν Ἀφροδίτην οὐδὲ ἴκταρ ἔλεγε βάλλειν πρὸς τὸ αὐτῆς κάλλος. οὔκουν ἔμελλεν ἁμαρτήσεσθαι κακοῦ νοσοῦσα τοιαῦτα· κατὰ γὰρ τὸν τῆς Ἥρας χόλον ἐς ὄρνιν αἰσχίστην τὸ εἶδος τὸ ἐξ ἀρχῆς ἤμειψε, καὶ ἔστιν ἡ νῦν γέρανος, καὶ πολεμεῖ τοῖς Πυγμαίοις, ὅτι αὐτὴν ἐξέμηναν τῇ πέρα τιμῇ καὶ ἀπώλεσαν.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="16"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="1"> 
+<p> ἀνὴρ πορφυρεὺς ὅταν θηράσῃ πορφύραν, οὐκ ἐς ἀνθρώπων τροφήν, ἀλλʼ ἐς ἐρίων βαφήν, εἰ μέλλοι μένειν ἡ ἐκ τοῦ ζῴου χρόα δευσοποιὸς καὶ δυσέκνιπτος καὶ οἵα τὴν βαφὴν ἐργάσασθαι γνησίαν ἀλλʼ οὐ δεδολωμένην, μιᾷ λίθου καταφορᾷ διαφθείρει τὴν πορφύραν αὐτοῖς ὀστράκοις. ἐὰν δὲ κουφοτέρα ἡ πληγὴ γένηται, καταλειφθῇ δὲ τὸ ζῷον ἔτι ἔμπνουν, ἀχρεῖός ἐστιν ἐς τὴν βαφὴν ἡ δεύτερον βληθεῖσα τῷ λίθῳ πορφύρα· ὑπὸ γὰρ τῆς ὀδύνης ἐξανάλωσε τὴν βαφὴν ἀναποθεῖσαν ἐς τὸν τῆς σαρκὸς ὄγκον ἢ ἄλλως ἐκρυεῖσαν. τοῦτό τοι καὶ Ὅμηρος οἶδέ φασι, καὶ τοὺς ἀποθνήσκοντας ἀθρόως τῷ τῆς πορφύρας θανάτῳ καταλαμβάνεσθαί φησι, τὸ ᾀδόμενον ἐν τοῖς ἑαυτοῦ μέτροις ἀναμέλπων ἐκεῖνος <quote rend="blockquote"> <lb/>ἔλλαβε πορφύρεος θάνατος καὶ μοῖρα κραταιή. </quote> <pb xml:id="p.388"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="2"> 
+<p> ἐν Ἰνδοῖς μανθάνω σιττακοὺς ὄρνεις γίνεσθαι, ὧνπερ οὖν καὶ ἀνωτέρω μνήμην ἐποιησάμην· ἃ δὲ πρότερον ὑπὲρ αὐτῶν οὐκ εἶπον, ταῦτά μοι λεχθῆναι νῦν δοκεῖ πρεπωδέστατα. γένη τρία αὐτῶν ἀκούω· οἱ πάντες δὲ οὗτοι μαθόντες ὡς παῖδες, οὕτως καὶ αὐτοὶ γίνονται λάλοι καὶ φθέγγονται φθέγμα ἀνθρωπικόν. ἐν δὲ ταῖς ὕλαις ὀρνίθων μὲν ἀφιᾶσιν ἦχον, φωνὴν δὲ εὔσημόν τε καὶ εὔστομον οὐ προΐενται, ἀλλʼ εἰσὶν ἀμαθεῖς καὶ οὔπω λάλοι. γίνονται δὲ καὶ ταῶς ἐν Ἰνδοῖς τῶν πανταχόθεν μέγιστοι, καὶ πελειάδες χλωρόπτιλοι· φαίη τις ἂν πρῶτον θεασάμενος καὶ οὐκ ἔχων ἐπιστήμην ὀρνιθογνώμονα, σιττακὸν εἶναι καὶ οὐ πελειάδα. χείλη δὲ ἔχουσι καὶ σκέλη τοῖς ἐν Ἕλλησι πέρδιξι τὴν χρόαν προσεοικότα. ἀλεκτρυόνες δὲ γίνονται μεγέθει μέγιστοι, καὶ ἔχουσι λόφον οὐκ ἐρυθρὸν κατά γε τοὺς ἡμεδαπούς, ἀλλὰ ποικίλον κατὰ τοὺς ἀνθινοὺς στεφάνους. τὰ δὲ πτερὰ τὰ πυγαῖα ἔχουσιν οὐ κυρτὰ οὐδὲ ἐς ἕλικα ἐπικαμφθέντα ἀλλὰ πλατέα, καὶ ἐπισύρουσιν αὐτά, ὥσπερ οὖν καὶ οἱ ταῶς, ὅταν μὴ ὀρθώσωσί τε καὶ ἀναστήσωσιν αὐτά. χρόαν δὲ ἔχει τὰ πτερὰ τῶν Ἰνδῶν ἀλεκτρυόνων χρυσωπόν τε καὶ κυαναυγῆ κατὰ τὴν σμάραγδον λίθον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="3"> 
+<p> γίνεται δὲ ἐν Ἰνδοῖς καὶ ἄλλο ὄρνεον, καὶ ἔχει τὸ μέγεθος κατὰ τοὺς ψᾶρας, καὶ ἔστι ποικίλον, καὶ μουσωθὲν ἀνθρώπου φωνὴν εἶτα μέντοι τῶν σιττακῶν ἐστι λαλίστερόν τε καὶ θυμοσοφώτερον. οὐ μὴν τὴν ἐξ ἀνθρώπων τροφὴν ἡδέως ὑπομένει, ἀλλὰ ἐλευθερίας πόθῳ καὶ παρρησίας τῆς κατὰ τὴν συντροφίαν ἐπιθυμίᾳ ἀσπάζεται λιμὸν μᾶλλον ἢ δουλείαν μετὰ τρυφῆς. καλοῦσι δὲ αὐτὸ οἱ Μακεδόνων Ἰνδοῖς ἐποικήσαντες ἔν τε Βουκεφάλοις πόλει καὶ τῇ περὶ <pb xml:id="p.389"/> ταύτην καὶ τῇ καλουμένῃ Κύρου πόλει καὶ ταῖς ἄλλαις, ἃς ἀνέστησεν Ἀλέξανδρος ὁ Φιλίππου, κερκίωνα· ἔσχε δὲ ἄρα τὸ ὄνομα τήνδε τὴν γένεσιν, ἐπειδὴ καὶ αὐτὸ διασείει τὸν ὄρρον, ὥσπερ οὖν καὶ οἱ κίγκλοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="4"> 
+<p>γίνεσθαι δὲ ἐν Ἰνδοῖς καὶ κήλαν ἀκούω ὄρνιν· καὶ τὸ μέγεθος τριπλασίων ὠτίδος ἐστί, καὶ τὸ στόμα ἔχει γενναῖον δεινῶς καὶ μακρὰ τὰ σκέλη· φέρει δὲ καὶ πρηγορεῶνα καὶ ἐκεῖνον μέγιστον προσεμφερῆ κωρύκῳ, φθέγμα δὲ ἔχει καὶ μάλα ἀπηχές. καὶ τὴν μὲν ἄλλην πτίλωσίν ἐστι τεφρός, τὰς δὲ πτέρυγας ἄκρας ὠχρός ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="5"> 
+<p>ἀκούω δὲ ἔγωγε καὶ Ἰνδὸν ἔποπα διπλασίονα τοῦ παρʼ ἡμῖν καὶ ὡραιότερον ἰδεῖν. καὶ Ὅμηρος μὲν λέγει βασιλεῖ κεῖσθαι ἄγαλμα Ἕλληνι χαλινὸν καὶ κόσμον ἵππου, ὁ δὲ ἔποψ οὗτος Ἰνδῶν βασιλεῖ ἄθυρμά ἐστι, καὶ διὰ χειρῶν αὐτὸν φέρει, καὶ ἥδεται αὐτῷ, καὶ συνεχὲς ἐνορᾷ τὴν ἀγλαΐαν τεθηπὼς τοῦ ὄρνιθος καὶ τὸ κάλλος τὸ αὐτοφυές. ἐπᾴδουσι δὲ ἄρα τῷδε τῷ ὀρνέῳ καὶ μῦθον Βραχμᾶνες, καὶ ὅ γε μῦθος ὁ ᾀδόμενος οὗτός ἐστιν. παῖς ἐγένετο Ἰνδῶν βασιλεῖ, καὶ ἀδελφοὺς εἶχεν, οἵπερ οὖν ἀνδρωθέντες ἐκδικώτατοί τε γίνονται καὶ λεωργότατοι. καὶ τούτου μὲν ὡς νεωτάτου καταφρονοῦσι, τὸν δὲ πατέρα ἐκερτόμουν καὶ τὴν μητέρα, τὸ γῆρας αὐτῶν ἐκφαυλίσαντες. ἀναίνονται οὗν ἐκεῖνοι τὴν σὺν τούτοις διατριβήν, καὶ ᾤχοντο φεύγοντες ὅ τε παῖς καὶ οἱ γέροντες. συντόνου δὲ ἄρα αὐτοὺς πορείας διαδεξαμένης, οἳ μὲν ἀπεῖπον καὶ ἀποθνήσκουσιν, ὁ δὲ παῖς οὐκ ὠλιγώρησεν αὐτῶν, ἀλλʼ ἔθαψεν αὐτοὺς ἐν ἑαυτῷ, ξίφει τὴν κεφαλὴν διατεμών. ἀγασθέντα δὲ τὸν πάντʼ ἐφορῶντα Ἥλιον οἱ αὐτοί φασι τῆς εὐσεβείας τὴν ὑπερβολήν, ὄρνιν αὐτὸν ἀποφῆναι, κάλλιστον μὲν <pb xml:id="p.390"/> ὄψει, μακραίωνα δὲ τὸν βίον· ὑπανέστηκε δέ οἱ καὶ λόφος ἐκ τῆς κορυφῆς, οἱονεὶ μνημεῖον τοῦτο τῶν πεπραγμένων ὅτε ἔφευγεν. τοιαῦτα ἄττα καὶ Ἀθηναῖοι ὑπὲρ τοῦ κορύδου τερατευόμενοι προσεῖχον μύθῳ τινί, ᾧπερ οὖν ἀκολουθῆσαί μοι δοκεῖ καὶ Ἀριστοφάνης ὁ τῆς κωμῳδίας ποιητὴς ἐν Ὄρνισι λέγων <quote rend="blockquote"> <lb/>ἀμαθὴς γὰρ ἔφυς κοὐ πολυπράγμων, οὐδʼ Αἴσωπον πεπάτηκας, <lb/>ὃς ἔφασκε λέγων κορυδὸν πάντων πρώτην ὄρνιθα γενέσθαι, <lb/>προτέραν τῆς γῆς, κἄπειτα νόσῳ τὸν πατέρʼ αὐτῆς ἀποθνήσκειν· <lb/>γῆν δʼ οὐκ εἶναι, τὸν δὲ προκεῖσθαι πεμπταῖον. τὴν δʼ ἀποροῦσαν <lb/>ὑπʼ ἀμηχανίας τὸν πατέρʼ αὐτῆς ἐν τῇ κεφαλῇ κατορύξαι. </quote> ἔοικεν οὖν ἐξ Ἰνδῶν τὸ μυθολόγημα ἐπʼ ἄλλου μὲν ὄρνιθος, ἐπιρρεῦσαι δʼ οὖν καὶ τοῖς Ἕλλησιν. ὠγύγιον γάρ τι μῆκος χρόνου λέγουσι Βραχμᾶνες, ἐξ οὗ ταῦτα τῷ ἔποπι τῷ Ἰνδῷ ἔτι ἀνθρώπῳ ὄντι καὶ παιδὶ τήν γε ἡλικίαν ἐς τοὺς γειναμένους πέπρακται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="6"> 
+<p> ἐν Ἰνδοῖς γίνεται ζῷον κροκοδείλῳ χερσαίῳ παραπλήσιον ἰδεῖν· μέγεθος δὲ αὐτῷ κυνιδίου Μελιταίου εἴη ἄν. περίκειται δὲ ἄρα φολίδα τραχεῖαν οὕτω καὶ πυκνήν, ὥστε ὅταν δαρῇ ῥίνης αὐτοῖς ἔργα παρέχει. διατέμνει δὲ καὶ χαλκόν, καὶ τὸν σίδηρον διεσθίει. καλοῦσι δὲ φαττάγην αὐτό. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="7"> 
+<p> Συροπέρδιξ γίνεται περὶ τὴν Ἀντιόχειαν τὴν Πισιδίας, καὶ σιτεῖται καὶ λίθους· μικρότερος δέ ἐστι τοῦ πέρδικος καὶ μέλας τὴν χρόαν, πυρρὸς δὲ <pb xml:id="p.391"/> τὸ ῥάμφος. οὐχ ἡμεροῦται δὲ κατὰ τὸν ἄλλον, οὐδὲ γίνεται τιθασός, ἀλλʼ ἄγριος ἐς τὸ ἀεὶ διαμένει. ἔστι δὲ οὐ μέγας, βρωθῆναί τε ἡδίων τοῦ ἑτέρου, καὶ τὴν σάρκα πως δοκεῖ πυκνότερος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="8"> 
+<p>ἡ δὲ Ἰνδῶν θάλαττα ὕδρους θαλαττίους τίκτει πλατεῖς τὰ οὐράς· τίκτουσι δὲ καὶ λίμναι μεγίστους ὕδρους. οἱ δὲ θαλάττιοι ὄφεις οἵδε κάρχαρον ἐοίκασι μᾶλλον ἔχειν τὸ δῆγμα ἤπερ οὖν ἰῶδες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="9"> 
+<p>ἐν Ἰνδοῖς ἵππων τε ἀγρίων καὶ ὄνων τοιούτων </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="10"> 
+<p>εἰσὶν ἀγέλαι. οὐκοῦν ἀναβαινόντων τῶν ὄνων τὰς ἵππους, ὑπομένειν ἐκείνας λέγουσι, καὶ ἥδεσθαι τῇ μίξει, καὶ τίκτειν ἡμιόνους πυρροὺς τὴν χρόαν καὶ ἄγαν δρομικούς, δυσλόφους δὲ καὶ δυσγαργάλεις ἄλλως. ποδάγραις δὲ τούτους αἱροῦσιν, εἶτα ἀνάγεσθαι τῷ τῶν Πρασίων βασιλεῖ φασι· καὶ διετεῖς μὲν ἑαλωκότας μὴ ἀναίνεσθαι τὴν πώλευσιν, πρεσβυτέρους δὲ μὴ διαφέρειν τῶν καρχάρων θηρίων καὶ σαρκοφάγων μηδὲ ἕν. ἐν Πρασίοις δὲ τοῖς Ἰνδικοῖς εἶναι γένος πιθήκων φασὶν ἀνθρωπόνουν, ἰδεῖν δέ εἰσι κατὰ τοὺς Ὑρκανοὺς κύνας τὸ μέγεθος, προκομία τε αὐτῶν ὁρᾶται συμφυής· εἴποι δʼ ἂν ὁ μὴ τὸ ἀληθὲς εἰδὼς ἀσκητὰς εἶναι αὐτάς. γένειον δὲ αὐτοῖς ὑποπέφυκε σατυρῶδες, ἡ δὲ οὐρὰ κατὰ τὴν τῶν λεόντων ἀλκαίαν ἐστί. καὶ τὸ μὲν ἄλλο πᾶν σῶμα πεφύκασι λευκοί, τὴν δὲ κεφαλὴν καὶ τὴν οὐρὰν ἄκραν εἰσὶ πυρροί. σώφρονες δὲ καὶ φύσει τιθασοί· εἰσὶ δὲ ὑλαῖοι τὴν δίαιταν, καὶ σιτοῦνται τῶν ὡραίων τὰ ἄγρια. φοιτῶσι δὲ ἀθρόοι ἐς τὰ τῆς Λατάγης προάστεια ʽπόλις δέ ἐστιν Ἰνδῶν ἡ Λατάγἠ, καὶ τὴν προτεθειμένην αὐτοῖς ἐκ βασιλέως ἑφθὴν ὄρυζαν σιτοῦνται· ἀνὰ πᾶσαν δὲ ἡμέραν ἥδε ἡ δαὶς αὐτοῖς εὐτρεπὴς πρόκειται. <pb xml:id="p.392"/> ἐμφορηθέντας δὲ ἄρα αὐτοὺς ἀναχωρεῖν αὖθις ἐς τὰ ἤθη τὰ ὑλαῖά φασι σὺν κόσμῳ, καὶ σίνεσθαι τῶν ἐν ποσὶν οὐδὲ ἕν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="11"> 
+<p> Ποηφάγον ἐν Ἰνδοῖς ζῷόν ἐστι, καὶ πέφυκέ γε διπλάσιον ἵππου τὸ μέγεθος. οὐρὰν δὲ ἔχει δασυτάτην καὶ μελαίνης ἀκράτως χρόας, καὶ εἶεν αὗται αἱ τρίχες καὶ τῶν ἀνθρωπείων λεπτότεραι ἄν, καὶ ἐν μεγάλῳ τίθενται ταύτας ἔχειν Ἰνδῶν αἱ γυναῖκες· καὶ γάρ τοι παραπλέκονται ἐξ αὐτῶν καὶ κοσμοῦνται μάλα ὡραίως, ταῖς πλοκαμῖσι ταῖς συμφύτοις καὶ ταύτας ὑποδέουσαι. προήκει δὲ καὶ ἐς δύο πήχεις ἑκάστης τὸ μῆκος τριχός, ἐκ μιᾶς δὲ ῥίζης ὁμοῦ τι καὶ τριάκοντα θυσανηδὸν ἐκπεφύκασι. ζῴων δὲ ἄρα ἁπάντων τοῦτο δειλότατον ἦν· ἐὰν γὰρ ὑπό τινος ὀφθῇ καὶ αἴσθηται βλεπόμενον, ᾗ ποδῶν ἔχει φεύγει, καὶ κέχρηται προθυμίᾳ μᾶλλον ἢ σκελῶν ὠκύτητι. καὶ διώκεται μὲν ὑπὸ ἱππέων καὶ κυνῶν ἀγαθῶν δραμεῖν· ἐὰν μέντοι συνίδῃ ὅτι ἄρα ἁλίσκεσθαι μέλλει, τὴν οὐρὰν ἀπέκρυψεν ἔν τινι δάσει, αὐτὸ δὲ ἀντιπρόσωπον ἕστηκε, καὶ δοκεύει τοὺς θηρατάς, καὶ ὑποθαρρεῖ πως, καὶ οἴεται μηκέτι φανεῖσθαι περισπούδαστον, τῆς οὐρᾶς μὴ βλεπομένης· ἐκείνην γὰρ οἶδέν οἱ εἶναι τὸ κάλλος. κενὴν δὲ ἄρα ἴσχει τὴν ὑπὲρ τοῦδε φαντασίαν· βάλλει γάρ τις αὐτὸ βέλει πεφαρμαγμένῳ, καὶ ἀποκτείνας ἀποκόψει τὴν οὐράν, τὸ ἆθλον τῆς ἄγρας. καὶ δείρας τὸ πᾶν σῶμα ʽἀγαθὸν γὰρ καὶ ἡ δοράʼ ἀφῆκε τὸν νεκρόν· σαρκῶν γὰρ τῶν ἐκείνου δέονται Ἰνδοὶ οὐδὲ ἕν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="12"> 
+<p> κήτη δὲ ἦν ἄρα ἐν τῇ τῶν Ἰνδῶν θαλάττῃ πενταπλασίονα τὸ μέγεθος ἐλέφαντος τοῦ μεγίστου. πλευρὰ γοῦν μία κήτους καὶ ἐς τοὺς εἴκοσι πήχεις πρόεισι, χελύνην δὲ πήχεων πεντεκαίδεκα ἔχει, τὸ <pb xml:id="p.393"/> δὲ πτέρωμα βραγχίου ἑκατέρου πήχεων τὸ εὖρος καὶ ἑπτά. κήρυκες δὲ καὶ πορφύραι, ὡς καὶ χοῦν ῥᾷστα δέξασθαι· καὶ μέντοι καὶ τῶν ἐχίνων τὰ χελώνια δύναιτο ἂν τοσοῦτον στέγειν. μεγέθη δʼ ἰχθύων ἄπειρα, λαβράκων μάλιστα, καὶ ἀμίαι καὶ χρυσόφρυες. ἀκούω δὲ τούτους κατὰ τὴν ὥραν, ὅταν ἐπιρρέωσιν οἱ ποταμοὶ λάβροι κατιόντες ἐκ τῆς πλημμύρας καὶ ἐς τὴν γῆν ἀναχέωνται, καὶ αὐτοὺς ὑπερχεῖσθαι κατὰ τὰς ἀρούρας καὶ ἐν ὕδατι λεπτῷ φέρεσθαί τε καὶ ἀλᾶσθαι. παυσαμένων δὲ τῶν ὑπερπιμπλάντων τοὺς ποταμοὺς ὑετῶν καὶ ἀναχωρούντων ὀπίσω τῶν ῥευμάτων καὶ ἐς τὰς ὁδοὺς τὰς κατὰ φύσιν ὑποστρεφόντων, ἐν τοῖς καθημένοις χωρίοις καὶ τοῖς τεναγώδεσι καὶ ἀπέδοις, ἔνθα δήπου φιλοῦσι καὶ αἱ νεαὶ καλούμεναι κόλπους τινὰς ἔχειν, ἰχθῦς ὑπομένουσι καὶ ὀκτὼ πήχεων. καὶ αἱροῦσιν οἱ γεωργοῦντες αὐτοὺς ἀσθενεῖ τῇ νήξει χρωμένους, ἅτε μὴ ἐν βυθῷ φερομένους ἀλλὰ ἐπιπολῆς, καὶ ἐκ τοῦ ὀλίγου ὕδατος ἀγαπητῶς καὶ μόλις ἀποζῶντας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="13"> 
+<p>Ἰνδῶν δὲ ἰχθύων ἴδια καὶ ἐκεῖνα. βατίδες γίνονται παρʼ αὐτοῖς οὐδέν τι μείους Ἀργολικῆς ἀσπίδος ἑκάστη, καρίδες δὲ καὶ μείζους καράβων αἱ Ἰνδῶν εἰσίν. αἱ μὲν οὖν ἐκ τῆς θαλάττης ἀναθέουσαι διὰ τοῦ ποταμοῦ τοῦ Γάγγου χηλὰς μεγίστας ἔχουσι καὶ τραχείας θιγεῖν, τάς γε μὴν ἐκ τῆς Ἐρυθρᾶς ἐκπιπτούσας ἐς τὸν Ἰνδὸν λείας ἔχειν πέπυσμαι τὰς ἀκάνθας, προμήκεις γε μὴν καὶ βοστρυχώδεις τὰς ἀπηρτημένας ἕλικας. χηλὰς δὲ οὐκ ἔχειν ταύτας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="14"> 
+<p>χελώνη δὲ ἐν Ἰνδοῖς ποταμία τὸ χελώνιον ἔχει σκάφης οὐ μεῖον τελείας. χωρεῖ γοῦν ἕκαστον μεδίμνους δέκα ὀσπρίων. γίνονται δὲ καὶ χερσαῖαι χελῶναι, καὶ εἶεν ἂν τὸ μέγεθος κατὰ τὰς βώλους τὰς <pb xml:id="p.394"/> μεγίστας, αἵπερ οὖν ἐπανίστανται ἐν τοῖς βαθέσιν ἀρώμασιν, εὐπειθοῦς μὲν οὔσης τῆς γῆς, ἐς πολὺ δὲ κατιόντος τοῦ ἀρότρου καὶ τὴν αὔλακα σχίζοντος ῥᾷστα καὶ ἐγείροντος τὰς βώλους ὑψοῦ. ταύτας δὲ καὶ ἀποδύεσθαι τὸ ἔλυτρόν φασιν. οἱ τοίνυν ἀρόται καὶ πᾶν τὸ περὶ τοὺς ἀγροὺς ἐργατικὸν ταῖς μακέλλαις ἀνασπῶσιν αὐτάς, καὶ ἐξαίρουσιν ὥσπερ οὖν ἐκ τῶν θριπηδέστων φυτῶν τὰς εὐλάς. εἰσὶ δὲ γλυκεῖαι τὴν σάρκα καὶ πίονες, οὐ μὴν κατὰ τὰς θαλαττίας πικραὶ καὶ αὗται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="15"> 
+<p> Θυμόσοφα δὲ καὶ παρʼ ἡμῖν ζῷά ἐστιν, οὐ μὴν ὅσα ἐν Ἰνδοῖς ἀλλὰ ὀλίγα. ἐκεῖ δὲ ὅ τε ἐλέφας τοιοῦτός ἐστι καὶ ὁ σιττακὸς καὶ αἱ σφίγγες καὶ οἱ καλούμενοι σάτυροι· σοφὸν δὲ ἄρα ἦν καὶ ὁ μύρμηξ ὁ Ἰνδός. οἱ μὲν οὖν ἡμεδαποὶ τὰς ἑαυτῶν χειὰς καὶ ὑποδρομὰς ὑπὸ τὴν γῆν ὀρύττουσι, καὶ φωλεούς τινας κρυπτοὺς ἀποφαίνουσι γεωρυχοῦντες, καὶ μεταλλείαις ὡς εἰπεῖν τισιν ἀπορρήτοις καὶ λανθανούσαις καταξαίνονται· ἀλλὰ οἵ γε Ἰνδοὶ μύρμηκες οἰκίσκους τινὰς συμφορητοὺς ἐργάζονται, καὶ τούτους γε οὐκ ἐν χωρίοις ὑπτίοις καὶ λείοις καὶ ἐπικλυζομένοις ῥᾷστα, ἀλλὰ μετεώροις καὶ ὑψηλοῖς. ἐν αὐτοῖς δὲ περιόδους τινὰς καὶ ὡς εἰπεῖν σύριγγας Αἰγυπτίας ἢ λαβυρίνθους Κρητικοὺς σοφίᾳ τινὶ ἀπορρήτῳ διατρήσαντες οἰκεῖα ἑαυτοῖς ἀπέφηναν, οὐκ εὐθυτενῆ καὶ ῥᾴδια παρελθεῖν ἀλλʼ ἑλιγμοῖς καὶ διατρήσεσι λοξά· καὶ ἀπολείπουσί γε ἐπιπολῆς μίαν ὀπήν, διʼ ἧς εἰσίασί τε αὐτοὶ καὶ τὰ σπέρματα ὅσα ἐκλέγουσι, εἶτα ἐς τοὺς ἑαυτῶν θησαυροὺς ἐσκομίζουσι. παλαμῶνται δὲ ἄρα τὰς ἐν ὕψει φωλεύσεις ὑπὲρ τοῦ τὰς ἐκ τῶν ποταμῶν ἀναχύσεις τε καὶ ἐπικλύσεις διαδιδράσκειν. καὶ αὐτοῖς ὑπὲρ τῆσδε τῆς σοφίας περιγίνεται <pb xml:id="p.395"/> ὥσπερ ἐν σκοπιαῖς τισιν ἢ νήσοις κατοικεῖν, ὅταν τῶν λοφιδίων ἐκείνων τὰ κύκλῳ περιλιμνάζηται. τὰ δʼ οὖν χώματα ἐκεῖνα, καίτοι συμπεφορημένα, τοσοῦτον ἀποδεῖ τοῦ λύεσθαί τε καὶ διαξαίνεσθαι ὑπὸ τῆς περικλύσεως, ὡς καὶ κρατύνεσθαι αὐτά, πρῶτον μὲν ὑπὸ τῆς ἑῴας δρόσου· ἐπαμφιέννυται γὰρ ὡς εἰπεῖν ἐκ ταύτης πάγου τινὰ χιτῶνα ὑπόλεπτον, πλὴν καρτερόν· εἶτα μέντοι δεσμεύεται κάτω βρυώδει τῆς ποταμίας ἰλύος φλοιῷ. καὶ μυρμήκων μὲν Ἰνδῶν πέρι Ἰόβᾳ πάλαι, ἐμοὶ δὲ νῦν ἐς τοσοῦτον λελέχθω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="16"> 
+<p>παρὰ τοῖς Ἀριανοῖς τοῖς Ἰνδικοῖς χάσμα Πλούτωνός ἐστι, καὶ κάτω τινὲς ἀπόρρητοι σύριγγες καὶ ὁδοὶ κρυπταὶ καὶ διαδρομαὶ ἀνθρώποις μὲν ἀθέατοι, βαθεῖαι δʼ οὖν καὶ ἐπὶ μήκιστον προήκουσαι· γενόμεναι δὲ πῶς καὶ ὀρωρυγμέναι τρόπῳ τῷ, οὔτε Ἰνδοὶ λέγουσιν, οὔτε ἐγὼ μαθεῖν πολυπραγμονῶ. ἄγουσιν οὖν Ἰνδοὶ καὶ ὑπὲρ τὰ τρισμύρια ἐνταῦθα κτήνη προβάτων τε καὶ αἰγῶν καὶ βοῶν καὶ ἵππων· καὶ ἕκαστος τῶν ἢ ἐνύπνιον ἢ ὄτταν τινὰ ἢ φήμην ἢ ὄρνιν οὐκ εὔεδρον ὑφορωμένων ἀντὶ τῆς ἑαυτοῦ ζωῆς ἐμβάλλει κατὰ τὴν οἴκοθεν δύναμιν, ἑαυτὸν λυτρούμενος καὶ διδοὺς ὑπὲρ τῆς ἑαυτοῦ ψυχῆς τὴν τοῦ ζῴου. τὰ δὲ ἄγεται οὔτε δεσμοῖς ἐπαγόμενα οὔτε ἐλαυνόμενα ἄλλως, ἑκόντα δὲ τὴν ὁδὸν τήνδε ἀνύτει ἕλξει τινὶ καὶ ἴυγγι ἀπορρήτῳ. εἶτα ἐπιστάντα τῷ στομίῳ ἑκόντα ἐμπηδᾷ, καὶ ὄψει μὲν ἀνθρωπίνῃ οὐκ ἔστιν οὐκέτι σύνοπτα ἐς γῆς χάσμα ἀπόρρητόν τε καὶ ἀχανὲς ἐμπεσόντα, ἀκούονται δʼ οὖν ἄνω βοῶν μὲν μυκηθμοί, τῶν δὲ οἰῶν βληχή, χρεμετισμὸς δὲ τῶν ἵππων καὶ μηκὴ τῶν αἰγῶν. καὶ εἴ τις ἐπιπολῆς βαδίζοι καὶ προχωροίη τὸ οὖς παραβάλλων, ἀκούσεται ἐπὶ μήκιστον τῶν προειρημένων. οὐδὲ ἐκλείπει <pb xml:id="p.396"/> ποτὲ ὁ συμμιγὴς ἦχος, ἐπιπεμπόντων ὁσημέραι τὰ ὑπὲρ ἑαυτῶν ζῷα. εἰ μὲν οὖν τὰ πρόσφατα ἐξακούεται μόνα ἢ καὶ τῶν πρώτων τινά, οὐκ οἶδα, ἀκούεται δʼ οὖν. καὶ εἴρηταί μοι ζῴων τῶν ἐκεῖ καὶ τοῦτο ἴδιον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="17"> 
+<p> ἐν δὲ τῇ καλουμένῃ Μεγάλῃ θαλάττῃ καὶ νῆσον ᾅδουσι μεγίστην, καὶ ὄνομα αὐτῆς ἀκούω Ταπροβάνην· πάνυ δὲ δολιχὴν πυνθάνομαι καὶ ὑψηλὴν τὴν νῆσον εἶναι, καὶ μῆκος μὲν ἔχειν σταδίων ἑπτακισχιλίων, πλάτος δὲ πεντακισχιλίων, καὶ ἔχειν οὐ πόλεις, ἀλλὰ κώμας πεντήκοντα καὶ ἑπτακοσίας· στέγας δὲ ἔχουσιν ἔνθα κατάγονται οἱ ἐπιχώριοι ἐκ ξύλων πεποιημένας, ἤδη δὲ καὶ δονάκων. τίκτονται δὲ ἄρα ἐν ταύτῃ τῇ θαλάττῃ καὶ χελῶναι μέγισται, ὧνπερ οὖν τὰ ἔλυτρα ὄροφοι γίνονται· καὶ γάρ ἐστι καὶ πεντεκαίδεκα πήχεων ἓν χελώνιον, ὡς ὑποικεῖν οὐκ ὀλίγους· καὶ ἡλίους πυρωδεστάτους ἀποστέγει, καὶ σκιὰν ἀσμένοις παρέχει, πρός γε μὴν τῶν ὄμβρων τὰς καταφορὰς ἀντίτυπόν ἐστι, καὶ κεράμου παντὸς καρτερώτερον, τάς τε ἐμβολὰς τῶν ὑετῶν ἀποσείεται, καὶ κροτούμενον ἀκούουσιν οἱ ὑποικοῦντες, ὡς ἔς τι τέγος ἐμπιπτόντων τῶν ὑδάτων. οὐ δέονταί γε μὴν ὡς κέραμον ῥαγέντα ἀμεῖψαι· σκληρὸν γὰρ τὸ χελώνιον, καὶ ἔοικεν ὑπορωρυγμένῃ πέτρᾳ καὶ ὑπάντρῳ τε καὶ αὐτορόφῳ στέγῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="18"> 
+<p>ἡ τοίνυν νῆσος ἡ ἐν τῇ μεγάλῃ θαλάττῃ, ἣν καλοῦσι Ταπροβάνην, ἔχει φοινικῶνας μὲν θαυμαστῶς πεφυτευμένους ἐς στοῖχον, ὥσπερ οὖν ἐν τοῖς ἁβροῖς τῶν παραδείσων οἱ τούτων μελεδωνοὶ φυτεύουσι τὰ δένδρα τὰ σκιαδηφόρα, ἔχει δὲ καὶ νομὰς ἐλεφάντων πολλῶν καὶ μεγίστων. καὶ οἵ γε νησιῶται ἐλέφαντες τῶν ἠπειρωτῶν ἀλκιμώτεροί τε τὴν ῥώμην <pb xml:id="p.397"/> καὶ μείζους ἰδεῖν εἰσί, καὶ θυμοσοφώτεροι δὲ πάντα πάντη κρίνοιντο ἄν. κομίζουσί τε οὖν αὐτοὺς ἐς τὴν ἀντιπέρας ἤπειρον ναῦς μεγάλας τεκτηνάμενοι ʽἔχει γὰρ δήπου καὶ δάση ἡ νῆσοσʼ, πιπράσκουσί τε διαπλεύσαντες τῷ βασιλεῖ τῷ ἐν Καλίγγαις. διὰ μέγεθος δὲ ἄρα τῆς νήσου οὐδὲ ἴσασιν οἱ τὰ μέσα αὐτῆς οἰκοῦντες τὴν θάλατταν, ἀλλὰ ἠπειρώτην μὲν βίον τρίβουσι, περιερχομένην δὲ αὐτοὺς καὶ κυκλουμένην πυνθάνονται θάλατταν. οἱ δὲ τῇ θαλάττῃ πρόσοικοι τῆς μὲν ἄγρας τῆς τῶν ἐλεφάντων ἀμαθῶς ἔχουσιν, ἀκοῇ δὲ αὐτὴν ἴσασι μόνῃ· περί γε μὴν τὰς τῶν ἰχθύων καὶ τὰς τῶν κητῶν ἄγρας τίθενται τὴν σπουδήν. τὴν γάρ τοι θάλατταν τὴν περιερχομένην τὸν τῆς νήσου κύκλον ἄμαχόν τι πλῆθος καὶ ἰχθύων καὶ κητῶν τρέφειν φασί, καὶ ταῦτα μέντοι καὶ λεόντων ἔχειν κεφαλὰς καὶ παρδάλεων καὶ λύκων καὶ κριῶν δέ, καὶ τὸ ἔτι θαῦμα σατύρων μορφὰς κήτη ἔστιν ἃ περιφέρει καὶ γυναικῶν ὄψιν, αἷσπερ ἀντὶ πλοκάμων ἄκανθαι προσήρτηνται. ἔχειν δὲ καὶ ἄλλας τινὰς ὑμνοῦσιν ἐκτόπους μορφάς, ὧν τὰ εἴδη μηδʼ ἂν τοὺς δεινοὺς γράφειν καὶ κράσεις σωμάτων συμπλέκειν ἐς τερατείαν ὄψεων ἀκριβῶσαί ποτε καὶ σοφίᾳ γραφικῇ παραστῆσαι δύνασθαι ἄν· προμήκη δὲ ἔχει τὰ οὐραῖα καὶ ἑλικτά, πόδας γε μὴν χηλὰς ἢ πτερύγια. πυνθάνομαι δὲ αὐτὰ καὶ ἀμφίβια εἶναι, καὶ νύκτωρ μὲν ἐπινέμεσθαι τὰς ἀρούρας· πόαν μὲν γὰρ ἐσθίειν τῶν ἀγελαίων τε καὶ σπερμολόγων δίκην, χαίρειν δὲ καὶ τῷ φοίνικι τῷ δρυπεπεῖ, διασείειν τε ἐκ τούτου τὰ δένδρα ταῖς σπείραις περιβάλλοντα αὐτὰς ὑγρὰς οὔσας καὶ οἵας περιπλέκεσθαι. τοῦτον οὖν τὸν φοίνικα ἐκ τοῦ σεισμοῦ τοῦ βιαίου καταρρέοντα ἐπινέμεσθαι. ὑπολήγει δὲ ἄρα νύξ, καὶ σαφὴς οὔπω ἡμέρα, καὶ ἐκεῖνα <pb xml:id="p.398"/> ἠφανίσθη καταδύντα ἐς τὸ πέλαγος, ἑῴου μέλλοντος ὑπολάμπειν. εἶναι δὲ καὶ φαλαίνας φασὶ πολλάς, οὐ μὴν ἐς τὴν γῆν προϊέναι αὐτάς, τοὺς θύννους ἐλλοχώσας. καὶ δελφίνων δὲ γένη δύο φασὶν εἶναι, τὸ μὲν ἄγριον καὶ κάρχαρον καὶ ἀφειδέστατον ἐς τοὺς ἁλιέας καὶ σφόδρα ἄνοικτον, τὸ δὲ πρᾶόν τε καὶ τιθασὸν φύσει. περισκιρτᾷ γοῦν καὶ περινήχεται, καὶ ἔοικε κυνιδίῳ αἰκάλλοντι, καὶ ψηλαφήσεις, ὃ δὲ ὑπομενεῖ· κἂν τροφὴν ἐμβάλῃς, ἀσμένως λήψεται </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="19"> 
+<p> λαγὼς θαλάττιος ʽτῆς μέντοι μεγάλης· τὸν γὰρ ἕτερον εἶπον τὸν ἐκ τῆς ἑτέρασʼ ἀλλʼ οὗτός γε ἔοικε τῷ χερσαίῳ πάντα πάντη πλὴν τῶν τριχῶν. τοῦ μὲν γὰρ ἠπειρώτου ἡ λάχνη ἔοικεν ἁπαλή τε εἶναι καὶ ἐπαφωμένῳ μὴ ἀντίτυπος· ἔχει δὲ οὗτος ἀκανθώδεις τὰς τρίχας καὶ ὀρθάς, καὶ εἴ τις προσάψαιτο, ἀμύσσεται. φασὶ δὲ αὐτὸν ἐπʼ ἄκρᾳ τῇ φρίκῃ τῆς θαλάττης νήχεσθαι καὶ μὴ καταδύνειν ἐς βάθος, ὤκιστον δὲ εἶναι τὴν νῆξιν. ζῶν δὲ οὐκ ἂν ἁλῴη ῥᾳδίως. τὸ δὲ αἴτιον, οὐκ ἐμπίπτει ποτὲ ἐς δίκτυον, οὐ μὴν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="20"> 
+<p> οὐδὲ καλάμου πρόσεισιν ὁρμιᾷ καὶ δελέατι. ὅταν δὲ ἄρα νοσήσας ὅδε ὁ λαγὼς εἶτα ἥκιστος ὢν νήχεσθαι ἐκβρασθῇ, πᾶς ὅστις ἂν αὐτοῦ προσάψηται τῇ χειρὶ ἀπόλλυται ἀμεληθείς. ἀλλὰ καὶ τῇ βακτηρίᾳ ἐὰν θίγῃ τοῦ λαγὼ τοῦδε, καὶ διʼ αὐτῆς πάσχει τὸ αὐτό, ὥσπερ οὖν καὶ οἱ τοῦ βασιλίσκου προσαψάμενοι. ῥίζαν δὲ ἐν τῇ νήσῳ τῇ κατὰ τὴν μεγάλην θάλατταν φύεσθαί φασι καὶ εἶναι πᾶσιν εὔγνωστον, ἥπερ οὖν τῇ λιποθυμίᾳ ἀντίπαλός ἐστιν. προσενεχθεῖσα γοῦν τῇ τοῦ λιποψυχοῦντος ῥινὶ ἀναβιώσκεται τὸν ἄνθρωπον. ἐὰν δὲ ἀμεληθῇ, καὶ μέχρι θανάτου πρόεισι τῷ ἀνθρώπῳ τὸ πάθος· τοσαύτην ἄρα ἐς τὸ κακὸν ὅδε ὁ λαγὼς ἔχει τὴν ἰσχύν. <pb xml:id="p.399"/> Ἐν τοῖς χωρίοις τοῖς ἐν Ἰνδίᾳ ʽλέγω δὲ τοῖς ἐνδοτάτὠ ὄρη φασὶν εἶναι δύσβατά τε καὶ ἔνθηρα, καὶ ἔχειν ζῷα ὅσα καὶ ἡ καθʼ ἡμᾶς τρέφει γῆ, ἄγρια δέ· καὶ γάρ τοι καὶ τὰς οἶς τὰς ἐκεῖ φασιν εἶναι καὶ ταύτας θηρία, καὶ κύνας καὶ αἶγας καὶ βοῦς, αὐτόνομά τε ἀλᾶσθαι καὶ ἐλεύθερα, ἀφειμένα νομευτικῆς ἀρχῆς. πλήθη δὲ αὐτῶν καὶ ἀριθμοῦ πλείω φασὶν οἱ τῶν Ἰνδῶν λόγιοι. ἐν δὲ τοῖς καὶ τοὺς Βραχμᾶνας ἀριθμεῖν ἄξιον· καὶ γάρ τοι καὶ ἐκεῖνοι ὑπὲρ τῶνδε ὁμολογοῦσι τὰ αὐτά. λέγεται δὲ καὶ ζῷον ἐν τούτοις εἶναι μονόκερων, καὶ ὑπʼ αὐτῶν ὀνομάζεσθαι καρτάζωνον. καὶ μέγεθος μὲν ἔχειν ἵππου τοῦ τελείου καὶ λόφον, καὶ λάχνην ἔχειν ξανθήν, ποδῶν δὲ ἄριστα εἰληχέναι. καὶ τοὺς μὲν πόδας ἀδιαρθρώτους τε καὶ ἐμφερεῖς ἐλέφαντι πεφυκέναι, τὴν δὲ οὐρὰν ἔχειν συός· μέσον δὲ τῶν ὀφρύων ἔχειν ἐκπεφυκὸς κέρας οὐ λεῖον ἀλλὰ ἑλιγμοὺς ἔχον τινὰς καὶ μάλα αὐτοφυεῖς, καὶ εἶναι μέλαν τὴν χρόαν· λέγεται δὲ καὶ ὀξύτατον εἶναι τὸ κέρας ἐκεῖνο. φωνὴν δὲ ἔχειν τὸ θηρίον ἀκούω τοῦτο πάντων ἀπηχεστάτην τε καὶ γεγωνοτάτην. καὶ τῶν μὲν ἄλλων αὐτῷ ζῴων προσιόντων φέρειν καὶ πρᾶον εἶναι, λέγουσι δὲ ἄρα πρὸς τὸ ὁμόφυλον δύσεριν εἶναί πως. καὶ οὐ μόνον φασὶ τοῖς ἄρρεσιν εἶναί τινα συμφυῆ κύριξίν τε πρὸς ἀλλήλους καὶ μάχην, ἀλλὰ καὶ πρὸς τὰς θηλείας ἔχουσι θυμὸν τὸν αὐτόν, καὶ προάγοντες τὴν φιλονεικίαν καὶ μέχρι θανάτου τοῦ ἡττηθέντος ἐξάγουσιν. ἔστι μὲν οὖν καὶ διὰ παντὸς τοῦ σώματος ῥωμαλέον, ἀλκὴ δέ οἱ τοῦ κέρατος ἄμαχός ἐστι. νομὰς δὲ ἐρήμους ἀσπάζεται, καὶ πλανᾶται μόνον· ὥρᾳ δὲ ἀφροδίτης τῆς σφετέρας συνδυασθεὶς πρὸς τὴν θήλειαν πεπράυνται, καὶ μέντοι καὶ συννόμω ἐστόν. εἶτα ταύτης παραδραμούσης καὶ τῆς θηλείας <pb xml:id="p.400"/> κυούσης, ἐκθηριοῦται αὖθις, καὶ μονίας ἐστὶν ὅδε ὁ Ἰνδὸς καρτάζωνος. τούτων οὖν πώλους πάνυ νεαροὺς κομίζεσθαί φασι τῷ τῶν Πρασίων βασιλεῖ, καὶ τὴν ἀλκὴν ἐν ἀλλήλοις ἐπιδείκνυσθαι κατὰ τὰς θέας τὰς πανηγυρικάς. τέλειον δὲ ἁλῶναί ποτε οὐδεὶς μέμνηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="21"> 
+<p> Ὑπερελθόντι τὰ ὄρη τὰ γειτνιῶντα τοῖς Ἰνδοῖς κατὰ τὴν ἐνδοτάτω πλευρὰν φανοῦνταί φασιν αὐλῶνες δασύτατοι, καὶ καλεῖταί γε ὑπʼ Ἰνδῶν ὁ χῶρος Κόλουνδα. ἀλᾶται δὲ ἄρα φασὶν ἐν τοῖσδε τοῖς αὐλῶσι ζῷα Σατύροις ἐμφερῆ τὰς μορφάς, τὸ πᾶν σῶμα λάσια, καὶ ἔχει κατὰ τῆς ἰξύος ἵππουριν. καὶ καθʼ ἑαυτὰ μὲν μὴ ἐνοχλούμενα διατρίβει ἐν τοῖς δρυμοῖς ὑλοτραγοῦντα· ὅταν δὲ αἴσθωνται κυνηγετῶν κτύπου, καὶ ἀκούσωσι κυνῶν ὑλακῆς, ἀναθέουσιν ἐς τὰς ἀκρωρείας αὐτὰς ἀμάχῳ τῷ τάχει· καὶ γάρ εἰσι ταῖς ὀρειβασίαις ἐντριβεῖς. καὶ ἀπομάχονται πέτρας τινὰς κυλινδοῦντες κατὰ τῶν ἐπιόντων, καὶ καταλαμβανόμενοί γε πολλοὶ διαφθείρονται. καὶ ἐκ τούτων εἰσὶν ἐκεῖνοι δυσάλωτοι, καὶ μόλις ποτὲ καὶ διὰ μακροῦ τινὰς αὐτῶν ἐς Πρασίους κομίζεσθαι λέγουσι. καὶ τούτων μέντοι ἢ τὰ νοσοῦντα ἐκομίσθη ἢ θήλεά τινα κύοντα· καὶ συνέβη γε θηραθῆναι τοῖς μὲν διὰ τὴν νωθείαν, ταῖς δὲ διὰ τὸν τῆς γαστρὸς ὄγκον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="22"> 
+<p> ἔστι δὲ καὶ Σκιρᾶται πέραν Ἰνδῶν ἔθνος καὶ τοῦτο, καὶ εἰσὶ σιμοὶ τὰς ῥῖνας, εἴτε οὕτως ἐκ βρεφῶν ἁπαλῶν ἐνθλάσει τῇ τῆς ῥινὸς διαμείναντες, εἴτε καὶ τοῦτον τὸν τρόπον τίκτονται. γίνονται δὲ ὄφεις παρʼ αὐτοῖς μεγέθει μέγιστοι, ὧν οἳ μὲν ἁρπάζουσι τὰς ποίμνας καὶ σιτοῦνται, οἳ δὲ ἐκθηλάζουσι τὸ αἷμα, ὥσπερ οὖν παρὰ τοῖς Ἕλλησιν οἱ αἰγιθῆλαι, <pb xml:id="p.401"/> ὧνπερ οὖν καὶ ἀνωτέρω οἶδα ποιησάμενος μνήμην εὐκαιροτάτην. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="23"> 
+<p>ἵππου δὲ ἄρα καὶ τὸ εὐμαθὲς ἴδιον ἦν, καὶ τούτου μαρτύριον ἐκεῖνο. Συβαρίτας τοὺς ἐν Ἰταλίᾳ τρυφῆς ἀκούω ποιήσασθαι φροντίδα ὑπερβάλλουσαν, καὶ τῶν μὲν ἄλλων ἔργων τε καὶ σπουδασμάτων ἀμαθῶς ἔχειν, πάντα δὲ τὸν ἑαυτῶν βίον διάγειν ῥᾳστωνεύοντας ἐν ἀργίᾳ καὶ πολυτελείᾳ. περιηγεῖσθαι μὲν οὖν ἕκαστα τῶν ἐν Συβάρει μακρὸν ἂν εἴη νῦν, ἐκεῖνο δʼ οὖν ὁμολογεῖ τρυφὴν ἄμαχον. δεδιδαγμένοι ἦσαν αὐτοῖς οἱ ἵπποι παρὰ τὸν τῆς εὐωχίας καιρὸν ὀρχεῖσθαι πρὸς αὐλόν. τοῦτο οὖν εἰδότες οἱ Κροτωνιᾶται ʽἐπολέμουν δὲ αὐτοῖσʼ σάλπιγγα μὲν καὶ ἦχον σύντονον καὶ παρακλητικὸν ἐς ὅπλα κατεσίγασαν, αὐλοὺς δὲ καὶ αὐλητὰς παραλαβόντες, ἐπεὶ ὁμοῦ ἦσαν καὶ τόξευμα ἐξικνεῖτο ἤδη, ἐνέδοσαν ἐκεῖνοι τὸ μέλος τὸ ὀρχηστικόν, ὅπερ οὖν ἀκούσαντες οἱ τῶν Συβαριτῶν ἵπποι, ὡς ἐν μέσοις ὄντες τοῖς συμποσίοις, ἀπεσείσαντο μὲν τοὺς ἀναβάτας, ἐσκίρτων δὲ καὶ ἐχόρευον. καὶ ταύτῃ τὴν τάξιν συνέχεαν καὶ τὸν πόλεμον ἐξωρχήσαντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="24"> 
+<p>ὑπὲρ τῶν ἵππων τῶν καλουμένων λυκοσπάδων εἶπον καὶ ἀνωτέρω, καὶ νῦν δὲ εἰρήσεται ὅσα προσακήκοα ἴδια. τὴν ὄψιν ἔχουσι συνεστραμμένην καὶ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="25"> 
+<p>βραχεῖαν, ἔτι δὲ σιμήν. λέγουσι δὲ αὐτὰς εἶναι καὶ φιλέλληνας, καὶ ἔχειν τοῦ γένους τοῦδε σύνεσίν τινα ἀπόρρητον, καὶ συμφυῆ πρὸς αὐτοὺς ἀποσώζειν φιλίαν, καὶ προσιόντων τε καὶ ἐπαφωμένων καὶ κοίλῃ τῇ χειρί πως ἐπικροτούντων μὴ ἄχθεσθαι μηδὲ ἀποσκιρτᾶν, καὶ συνδιημερεύειν μὲν αὐτοῖς ὥσπερ οὖν δεδεμένους, καθευδόντων δὲ καθεύδειν πλησίον. ἐὰν δὲ προσέλθῃ βάρβαρος, ὥσπερ οὖν αἱ ῥινηλατοῦσαι <pb xml:id="p.402"/> κύνες ἐκ τῶν ἰχνῶν συνιᾶσι τὰ θηρία, οὕτω τοι καὶ αἱ ἵπποι ἐκεῖναι γινώσκουσι τὸ γένος, καὶ χρεμετίζουσι καὶ φεύγουσιν οἷα δήπου δεδοικυῖαι θηρίον. τοῖς μὲν οὖν συνήθεσι καὶ χιλὸν ἐμβάλλουσι καὶ τὴν ἄλλην κομιδὴν προσφέρουσι πάνυ ἥδονται, καὶ βούλονται ὡραῖαι φαίνεσθαι, καὶ ἔτι μᾶλλον τοῖς ἑαυτῶν ἡνιόχοις. καὶ τὸ μαρτύριον, ὅταν νήχωνται, ἐνδοτέρω προχωροῦσιν ἢ τῆς λίμνης ἢ τῆς θαλάττης ἢ τῆς κρήνης, τὸ πρόσωπον φαιδρύνειν βουλόμεναι, ἵνα μή τι ἄμορφον ἢ ἀκαλλὲς ἐκ τῆς φάτνης ἢ ἐκ τῆς ὁδοῦ προσπεσὸν εἶτα ἐπιθολώσῃ τὸ κάλλος. λυκοσπάδι δὲ ἄρα ἵππῳ καὶ ἀλοιφαὶ εὐώδεις ὡς νύμφῃ φίλαι καὶ μύρων ὀσμή. καὶ Ὅμηρος δὲ τὸ φιληδεῖν ἵππους χρίσμασι φύσει πάντας ὁμολογεῖ λέγων <quote rend="blockquote"> <lb/>τοίου γὰρ σθένος ἐσθλὸν ἀπώλεσαν ἡνιόχοιο <lb/>ἠπίου, ὃς σφῶιν μάλα πολλάκις ὑγρὸν ἔλαιον <lb/>χαιτάων κατέχευε, λοέσσας ὕδατι λευκῷ. </quote> καὶ Σιμωνίδης δὲ ἐκ παντοδαπῶν θηρίων λέγων τὰς γυναῖκας γενέσθαι τε καὶ διαπλασθῆναί φησιν ἐνίαις ἐκ τῶν ἵππων τό τε φιλόκοσμον καὶ φιλόμυρον συντεχθῆναι καὶ ἐκείναις φύσει. ἃ δὲ λέγει, ταῦτά ἐστιν <quote rend="blockquote"> <lb/>τὴν δʼ ἵππος ἁβρὴ χαιτέεσσʼ ἐγείνατο, <lb/>ἣ δούλἰ ἔργα καὶ δύην περιτρέπει· <lb/>κοὔτʼ ἂν μύλης ψαύσειεν, οὔτε κόσκινον <lb/>ἄρειεν, οὔτε κόπρον ἐξ οἴκου βάλοι, <lb/>οὔτε πρὸς ἰπνὸν ἀσβόλην ἀλευμένη <lb/>ἵζοιτʼ. ἀνάγκῃ δʼ ἄνδρα ποιεῖται φίλον. <lb/>λοῦται δὲ πάσης ἡμέρας ἄπο ῥύπον <lb/>δίς, ἄλλοτε τρίς, καὶ μύροις ἀλείφεται. <lb/>αἰεὶ δὲ χαίτην ἐκτενισμένην φορεῖ <lb/>βαθεῖαν, ἀνθέμοισιν ἐσκιασμένην. <pb xml:id="p.403"/> <lb/>καλὸν μὲν οὖν θέημα τοιαύτη γυνὴ <lb/>ἄλλοισι, τῷ δʼ ἔχοντι γίγνεται κακόν, <lb/>ἢν μή τις ἢ τύραννος ἢ σκηπτοῦχος ᾖ, <lb/>ὅς τοῖς τοιούτοις θυμὸν ἀγλαΐζεται. </quote> ἴδια δὲ ἵππων καὶ ἐκεῖνα δήπου. οἱ Πέρσαι, ἵνα μὴ ὦσιν αὐτοῖς οἱ ἵπποι καταπλῆγες, ψόφοις αὐτοὺς καὶ ἤχοις χαλκοῖς προσεθίζουσι, καὶ κωδωνίζουσιν, ὡς μή ποτε ἐν τῷ πολέμῳ δείσωσι τοὺς τῶν πανοπλιῶν ἀραγμοὺς καὶ τὸν τῶν ξιφῶν πρὸς τὰς ἀσπίδας δοῦπον. εἴδωλά τε νεκρῶν δὴ σεσαγμένα ἀχύροις ὑποβάλλουσιν αὐτοῖς, ἵνα προσεθισθῶσι νεκροὺς ἐν τῷ πολέμῳ πατεῖν, καὶ μὴ δεδιότες ὥς τι ἐκπληκτικὸν εἶτα μέντοι ἐν τοῖς ἔργοις τοῖς ὁπλιτικοῖς ἀχρεῖοι ὦσιν. οὐκ ἐλελήθει δὲ Ὅμηρον οὐδὲ τοῦτο, ὡς αὐτὸς δείκνυσιν. ὅτι γοῦν ἀνῃρέθη μὲν ὁ Θρᾷξ Ῥῆσος, σὺν αὐτῷ δὲ καὶ οἱ ἑταῖροι, ἀκούομεν ἐν Ἰλιάδι ἐκ παίδων· ἃ δὲ ἀκούομεν, ταῦτά ἐστιν. ἀποσφάττει μὲν ὁ τοῦ Τυδέως τοὺς Θρᾷκας, ὁ δὲ τοῦ Λαέρτου τοὺς ἀνῃρημένους ὑπάγει τῶν ποδῶν, ἵνα μή ποτε ἄρα νεήλυδες ὄντες οἱ Θρᾷκες ἵπποι εἶτα μέντοι ἐκπλήττωνται τοῖς νεκροῖς ἐμπαλασσόμενοι, καὶ ἀήθως κατʼ αὐτῶν ὥς τινων φοβερῶν βαίνοντες ἀποσκιρτῶσιν. οἳ δὲ ἅπαξ μαθόντες, οὐκ ἂν αὐτοὺς λάβοι τοῦ μαθήματος λήθη· οὕτως εἰσὶν ἀγαθοὶ μαθεῖν ὅ τι οὖν τῶν λυσιτελῶν οἱ ἵπποι. φιλεῖν δὲ οἷοί ποτέ εἰσι καὶ ἐς ὅσον, ἐμοὶ μὲν εἴρηται ἐν λόγοις τοῖς ἄνω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="26"> 
+<p>ἐν τοῖς κρυμώδεσι τόποις τὰ πρόβατα τῆς χιόνος ἐπιρρεούσης καὶ τοῦ κρύους ἐνακμάζοντος ἄχολά ἐστι ʽκαθειργμένα δὲ ἄρα καὶ τοῦ χιλοῦ τοῦ νέου μὴ μεταλαμβάνοντα εἶτα μέντοι τοιαῦτα εὑρίσκεταἰ, ὑπαρχομένου <pb xml:id="p.404"/> δὲ τοῦ ἦρος προϊόντα ἐπὶ τὰς νομὰς τῆς χολῆς ὑποπίμπλαται. τοῦτο δὲ ἄρα ἔτι καὶ μᾶλλον φιλεῖ παρακολουθεῖν τοῖς Σκυθικοῖς προβάτοις φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="27"> 
+<p> Ἀγαθαρχίδης φησὶν εἶναι γένος ἐν τῇ Λιβύῃ τινῶν ἀνθρώπων, καὶ μέντοι καὶ καλεῖσθαι αὐτοὺς Ψύλλους. καὶ ὅσα μὲν κατὰ τὸν ἄλλον βίον τῶν λοιπῶν ἀνθρώπων διαφέρειν οὐδὲ ἕν, τὸ δὲ σῶμα ἔχειν ξένον τε καὶ παράδοξον ὡς πρὸς τοὺς ἑτεροφύλους ἀντικρινόμενον· τὰ γάρ τοι ζῷα τὰ δακετὰ καὶ τὰ ἐγχρίμπτοντα πάμπολλα ὄντα μηδὲν αὐτοὺς μόνους ἀδικεῖν. οὔτε γοῦν ὄφεως δακόντος ἐπαΐουσιν οὔτε φαλαγγίου νύξαντος τοὺς ἄλλους ἐς θάνατον οὔτε μὴν σκορπίου τὸ κέντρον ἀπερείσαντος. ἐπὰν δὲ ἄρα τούτων προσπελάσῃ τι καὶ παραψαύσῃ τοῦ σώματος καὶ ἅμα καὶ τῆς ὀσμῆς τῆς ἐκείνων σπάσῃ, ὥσπερ οὖν φαρμάκου γευσάμενον κάρωσίν τινα ἑλκτικὴν ἐς ἀναισθησίαν ἐμποιοῦντος, ἐξασθενεῖ καὶ παρεῖται, ἔστʼ ἂν παραδράμῃ ὁ ἄνθρωπος. ὅπως δὲ ἐλέγχουσι τὰ ἑαυτῶν βρέφη εἴτε ἐστὶ γνήσια εἴτε καὶ νόθα, ἐν τοῖς ἑρπετοῖς βασανίζοντες ὡς ἐν τῷ πυρὶ τὸν χρυσὸν οἱ βάναυσοι, ἀνωτέρω εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="28"> 
+<p> Καλλίας ἐν τῷ δεκάτῳ τῶν περὶ τὸν Συρακόσιον Ἀγαθοκλέα λόγων φησὶ τοὺς κεράστας ὄφεις δεινοὺς εἶναι τὸ δῆγμα· ἀναιρεῖν γὰρ καὶ ζῷα ἄλογα καὶ ἀνθρώπους, εἰ μὴ παρείη Λίβυς ἀνήρ, Ψύλλος ὢν τὸ γένος. οὗτος γοῦν ἐάν τε κλητὸς ἀφίκηται ἐάν τε καὶ παρῇ κατὰ τύχην καὶ θεάσηται πράως ἔτι ἀλγοῦντα, τῇ πληγῇ μόνον προσπτύσας εἶτα μέντοι τὴν ὀδύνην ἐπράυνε, καὶ κατεγοήτευσε τὸ δεινὸν τῷ σιάλῳ. ἐὰν δὲ εὕρῃ δυσανασχετοῦντα καὶ ἀτλήτως φέροντα, ὕδωρ ἀθρόον σπάσας εἴσω τῶν ὀδόντων καὶ χρησάμενος αὐτῷ τοῦ στόματος κλύσματι, εἶτα <pb xml:id="p.405"/> τοῦτο ἐς κύλικα ἐμβαλὼν δίδωσι ῥοφῆσαι τῷ τρωθέντι. ἐὰν δὲ περαιτέρω καὶ τοῦδε τοῦ φαρμάκου κατισχύῃ τὸ κακόν, ὃ δὲ τῷ νοσοῦντι παρακλίνεται γυμνῷ γυμνός, καὶ τοῦ χρωτός οἱ τοῦ ἰδίου προσανατρίψας τὴν ἰσχὺν τὴν συμφυῆ, εἶτα μέντοι τοῦ κακοῦ πεποίηκε τὸν ἄνθρωπον ἐξάντη. ἀποχρῶν δὲ ἄρα ὑπὲρ τούτου εἴη ἂν μάρτυς καὶ Νίκανδρος ὁ Κολοφώνιος λέγων <quote rend="blockquote"> <lb/>ἔκλυον ὡς Λιβύης Ψύλλων γένος οὔτε τι θηρῶν <lb/>αὐτοὶ κάμνουσιν μυδαλέῃσι τυπαῖς, <lb/>οὓς Σύρτις βοσκεῖ θινοτρόφος, εὖ δὲ καὶ ἄλλοις <lb/>ἀνδράσιν ἤμυναν τύμμασιν ἀχθομένοις, <lb/>οὐ ῥίζας ἄρδοντες, ἑῶν δʼ ἀπὸ σύγχροα γυίων </quote> καὶ τὰ ἐπὶ τούτοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="29"> 
+<p>Ἐμπεδοκλῆς ὁ φυσικός φησι, περὶ ζῴων ἰδιότητος λέγων καὶ ἐκεῖνος δήπου, γίνεσθαί τινα συμφυῆ καὶ κράσει μορφῆς μὲν διάφορα, ἑνώσει δὲ σώματος συμπλακέντα. ἃ δὲ λέγει, ταῦτά ἐστι <quote rend="blockquote"> <lb/>πολλὰ μὲν ἀμφιπρόσωπα καὶ ἀμφίστερνα φύεσθαι, <lb/>βουγενῆ ἀνδρόπρῳρα, τὰ δʼ ἔμπαλιν ἐξανατέλλειν <lb/>ἀνδροφυῆ βούκρανα μεμιγμένα τῇ μὲν ἀπʼ ἀνδρῶν, <lb/>τῇ δὲ γυναικοφυῆ θιμβροῖς ἠσκημένα γυίοις. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="30"> 
+<p>ἐν Λυκίᾳ λέγει Καλλισθένης ὁ Ὀλύνθιος κείρεσθαι καὶ τὰς αἶγας ὥσπερ οὖν πανταχῆ τὰ πρόβατα· γίνεσθαι γὰρ δασυτάτας καὶ εὔτριχας δεινῶς, ὡς εἰπεῖν βοστρύχους ἤ τινας ἕλικας κόμης ἐξηρτῆσθαι αὐτῶν, καὶ μέντοι καὶ τοὺς τεχνίτας τῆς τῶν νεῶν ἐργασίας καταχρῆσθαι αὐταῖς τὰς σειρὰς συμπλέκοντας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="31"> 
+<p>λέγει δὲ ἄρα Κτησίας ἐν λόγοις Ἰνδικοῖς τοὺς <pb xml:id="p.406"/> καλουμένους Κυναμολγοὺς τρέφειν κύνας πολλοὺς κατὰ τοὺς Ὑρκανοὺς τὸ μέγεθος, καὶ εἶναί γε ἰσχυρῶς κυνοτρόφους. καὶ τὰς αἰτίας ὁ Κνίδιος ἐκείνας λέγει. ἀπὸ τῶν θερινῶν τροπῶν ἐς μεσοῦντα χειμῶνα ἐπιφοιτῶσιν αὐτοῖς ἀγέλαι βοῶν, οἱονεὶ μελιττῶν σμῆνος ἢ σφηκιὰ κεκινημένη, πλῆθος ἀριθμοῦ κρείττους οἱ βόες· εἰσὶ δὲ ἄγριοι καὶ ὑβρισταί, καὶ ἐς κέρας θυμοῦνται δεινῶς. οὔκουν ἔχοντες αὐτοὺς ἀναστέλλειν ἑτέρως οἳ δὲ τοὺς τροφίμους αὑτῶν κύνας ἐπʼ αὐτοὺς ἀφιᾶσιν ἐς τοῦτο ἀεὶ τρεφομένους, οἵπερ οὖν καταγωνίζονταί τε καὶ διαφθείρουσιν αὐτοὺς ῥᾷστα. εἶτα τῶν κρεῶν τὰ μὲν δοκοῦντά σφισιν ἐς ἐδωδὴν ἐπιτήδεια ἐξαιροῦσι, τὰ δὲ λοιπὰ τοῖς κυσὶν ἀποκρίνουσι, καὶ μάλα γε ἀσμένως κοινωνοῦντες αὐτοῖς, ὥσπερ οὖν εὐεργέταις ἀπαρχόμενοι. κατὰ τὴν ὥραν δὲ καθʼ ἣν οὐκέτι φοιτῶσιν οἱ βόες, συνθήρους αὐτοὺς ἐπὶ τοῖς ζῴοις τοῖς ἄλλοις ἔχουσι. καὶ τῶν θηλειῶν ἀμέλγουσι τὸ γάλα, καὶ ἐκ τούτου κέκληνται· πίνουσι γὰρ αὐτό, ὥσπερ οὖν ἡμεῖς τὸ τῶν οἰῶν τε καὶ τῶν αἰγῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="32"> 
+<p> Αἰσχυλίδης ἐν τοῖς περὶ γεωργίας κατὰ τὴν Κείων γῆν πρόβατα γίνεσθαι ὀλίγα ἑκάστῳ τῶν γεωργῶν φησι. τὸ δὲ αἴτιον, λεπτόγεών τε εἶναι τὴν Κέω ἰσχυρῶς καὶ νομὰς οὐκ ἔχειν· κύτισον δὲ καὶ θρία ἐμβάλλειν, καὶ τῆς ἐλαίας τὰ ῥεύσαντα φύλλα, καὶ μέντοι καὶ ὀσπρίων ἄχυρα ποικίλων, παρασπείρειν δὲ καὶ ἀκάνθας, καὶ ἐκείνοις ἀγαθὸν εἶναι ταῦτα δεῖπνον. γίνεσθαι δὲ ἐξ αὐτῶν γάλα, καὶ τοῦτο τρεφόμενον τυρὸν ἐργάζεσθαι κάλλιστον· καλεῖσθαι δὲ αὐτὸν Κύθνιον ὁ αὐτὸς λέγει, καὶ μέντοι καὶ τὸ τάλαντον αὐτοῦ πιπράσκεσθαι δραχμῶν καὶ ἐνενήκοντα. γίνεσθαι δὲ καὶ ἄρνας τὴν ὥραν διαπρεπεῖς, καὶ <pb xml:id="p.407"/> πιπράσκεσθαι οὐ κατὰ τοὺς ἑτέρους, ἀλλὰ καὶ σοβαρωτέρᾳ τῇ τιμῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="33"> 
+<p>Φοίνικες λέγουσι λόγοι τὰς βοῦς τὰς ἐπιχωρίους τοσαύτας εἶναι τὸ μέγεθος, ὡς ἑστάναι τοὺς ἀμέλγοντας ὄντας μεγίστους ἢ δεῖσθαι θρανίου, ἵνα ἀναβάντες ἐφίκωνται τῶν μαζῶν. Λιβύων δὲ ἄρα τῶν γειτνιώντων Ἰνδοῖς ὀπισθονόμων βοῶν ἀγέλας εἶναί τινας ἀκούω. τὸ δὲ αἴτιον, ἡ φύσις ὡς ἐξήμαρτε τὸ πρῶτον ἢ ὠλιγώρησεν, ἐπεὶ πρὸ τῶν ὀφθαλμῶν αὐτοῖς ἐστι τὰ κέρατα, καὶ ὁρᾶν οὐκ ἐᾷ τὰ πρὸ ποδῶν, ἣ δὲ ἐς οὐρὰν ἐπανάγει τὴν βάδισιν αὐτοῖς, εἶτα ἐπικύπτοντες κείρουσι τὴν πόαν. Ἀριστοτέλης γε μήν φησι τῶν βοῶν τῶν ἐν Νευροῖς ἐκπεφυκέναι τὰ κέρατα καὶ τὰ ὦτα ἔκφυσιν τὴν αὐτήν, καὶ εἶναι συνυφασμένα. ὁ δὲ αὐτὸς ἐν χώρῳ τινὶ Λιβύων τὰς αἶγας τοῦ στήθους φησὶ τοὺς μαζοὺς ἔχειν ἀπηρτημένους. εἴη δʼ ἂν τοῦ παιδὸς τοῦ Νικομάχου καὶ ταῦτα· ἐν τοῖς περὶ τὸν Καρίσκον Βουδίνοις οἰκοῦσιν οὐ γίνεσθαί φησι πρόβατον λευκόν, ἀλλὰ μέλανα πάντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="34"> 
+<p>Νυμφόδωρος λέγει τὴν Σαρδὼ εἶναι θρεμμάτων μητέρα ἀγαθήν. θαυμάσαι δὲ ἄξιον τίκτει ζῷον τὰς αἶγας αὕτη. τὰς γάρ τοι δορὰς τοὺς ἐπιχωρίους ἠσθῆσθαι, καὶ εἶναι ταῦτα σκέπην· καὶ διὰ χειμῶνος μὲν ἀλεαίνειν, ψύχειν δὲ ἐν τῷ θέρει φύσει τινὶ ἀπορρήτῳ· συμπεφυκέναι δὲ ἄρα ταῖς δοραῖς καὶ πήχεως τὴν τρίχα. τοῦ φορήματος δὲ τούτου ἔοικε χρῆναι διὰ μὲν τοῦ κρυμοῦ τὰς τρίχας ἐς τὸν χρῶτα ἐπιστρέφειν διὰ δὲ τοῦ θέρους ἔξω, εἰ μέλλοι ὁ ἠσθημένος διὰ μὲν τοῦ κρυμοῦ θάλπεσθαι, διὰ δὲ τοῦ θέρους μὴ ἀποπνίγεσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="35"> 
+<p>τί δαί; Ὀρθαγόραν μνήμης ἄμοιρον ἐάσομεν; ὅσπερ <pb xml:id="p.408"/> οὖν ἐν Ἰνδοῖς λόγοις φησὶ Κώυθα μὲν οὕτως εἶναι κώμην τὸ ὄνομα λαβοῦσαν, ταῖς δὲ αἰξὶ ταῖς ἐπιχωρίοις ἔνδον ἐν τοῖς σηκοῖς παραβάλλειν τοὺς νομέας ἰχθῦς ξηροὺς χιλόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="36"> 
+<p> ὅτι δέδοικεν ὗν ἐλέφας ἀνωτέρω εἶπον· τὸ δὲ ἐν Μεγάροις γενόμενον Μεγαρέων ὑπʼ Ἀντιπάτρου πολιορκουμένων ἐθέλω εἰπεῖν, καὶ μέντοι καὶ τὸ εἰρησόμενον τοῦτό ἐστι. τῶν Μακεδόνων βιαίως ἐγκειμένων, ὗς πίττῃ χρίσαντες ὑγρᾷ καὶ ὑποπρήσαντες αὐτὰς ἀφῆκαν ἐς τοὺς πολεμίους. ἐμπεσοῦσαι δὲ ἄρα ἐκεῖναι οἰστρημέναι ταῖς τῶν ἐλεφάντων ἴλαις καὶ βοῶσαι, ἅτε ἐμπιπράμεναι, ἐξέμαινον τοὺς θῆρας καὶ ἐτάραττον δεινῶς. οὔτε οὖν ἔμενον ἐν τάξει, οὔτε ἦσαν ἔτι πρᾶοι, καίτοι καὶ ἐκ νηπίων πεπωλευμένοι, εἴτε φύσει τινὶ οἱ ἐλέφαντες ἰδίᾳ μισοῦντες τὰς ὗς καὶ μυσαττόμενοι, εἴτε καὶ τῆς φωνῆς αὐτῶν τὸ ὀξὺ καὶ ἀπηχὲς πεφρικότες ἐκεῖνοι. συνιδόντες οὖν ἐκ τούτου οἱ πωλοτρόφοι τῶν ἐλεφάντων ὗς παρατρέφουσιν αὐτοῖς, ὥς φασιν, ἵνα γε ἐκ τῆς συνηθείας ἧττον ὀρρωδῶσιν αὐτάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="37"> 
+<p> παρά γε τοῖς Ψύλλοις καλουμένοις τῶν Ἰνδῶν ʽεἰσὶ γὰρ καὶ Λιβύων ἕτεροἰ οἱ ἵπποι γίνονται τῶν κριῶν οὐ μείζους, καὶ τὰ πρόβατα ἰδεῖν μικρὰ κατὰ τοὺς ἄρνας, καὶ οἱ ὄνοι δὲ τοσοῦτοι γίνονται τὸ μέγεθος καὶ οἱ ἡμίονοι καὶ οἱ βοῦς καὶ πᾶν κτῆνος ἕτερον ὅ τι οὖν. ὗν δὲ ἐν Ἰνδοῖς οὔ φασι γίνεσθαι οὔτε ἥμερον οὔτε ἄγριον· μυσάττονται δὲ καὶ ἐσθίειν τοῦδε τοῦ ζῴου Ἰνδοί, καὶ οὐκ ἂν γεύσαιντό ποτε ὑείων, ὥσπερ οὖν οὐδὲ ἀνθρωπείων οἱ αὐτοί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="38"> 
+<p> ἐν Μητροπόλει ἀκούω τῇ Ἐφεσίᾳ λίμνην εἶναι καὶ πρὸς αὐτῇ σπήλαιον· ἔχει δὲ ἄρα τὸ ἄντρον ὄφεων πλῆθος ἄμαχον, καὶ εἶναι τούτους μεγίστους <pb xml:id="p.409"/> φασὶ καὶ δεινοὺς τὸ δῆγμα. προϊέναι μὲν οὖν αὐτοὺς τοῦ ἄντρου λόγος ἔχει, ὅσον ἐς τὴν λίμνην ἐξερπύσαι τὴν παρακειμένην καὶ νήχεσθαι, πειρωμένους δὲ περαιτέρω τοῦ ὕδατος προελθεῖν οὐ δύνασθαι· μέλλόντας γὰρ ἐπιβαίνειν τῆς γῆς ἐλλοχᾶν καρκίνους μεγάλους, οἵπερ οὖν ἀνατείναντες τὰς χηλὰς συλλαμβάνουσιν ἐς πνῖγμα αὐτοὺς καὶ ἀναιροῦσι. δεδοικότες οὖν οἱ ὄφεις τοὺς ἐχθροὺς ἡσυχάζουσι, καὶ ἐς τὴν γῆν αὐτοῖς ἄβατά ἐστι· πεφρίκασι γὰρ τὴν ἐκ τῶν καρκίνων φρουρὰν καὶ κόλασιν. καὶ πάντως ἂν ἀπολώλεσαν οἱ περὶ τὸν χῶρον ἐκ πολλοῦ, εἰ μὴ φύσει τινὶ ἀπορρήτῳ περιειληφότες οἱ προειρημένοι καρκίνοι τῆς λίμνης τὰ χείλη καὶ ἀπείργοντες εἶτα εἰρηναῖα ἀπέφαινον τὰ ἐν τῷ τόπῳ πάντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="39"> 
+<p>Ὀνησίκριτος ὁ Ἀστυπαλαιεὺς λέγει ἐν Ἰνδοῖς κατὰ τὴν Ἀλεξάνδρου τοῦ παιδὸς Φιλίππου ἀνάβασιν γενέσθαι δράκοντας δύο, οὓς Ἀβισάρης ὁ Ἰνδὸς ἔτρεφεν, ὧν ὃ μὲν ἦν πήχεων τετταράκοντα καὶ ἑκατόν, ὃ δὲ ὀγδοήκοντα· καί φησι ἐπιθυμῆσαι δεινῶς Ἀλέξανδρον θεάσασθαι αὐτούς. λέγουσι δὲ Αἰγύπτιοι λόγοι καὶ ἐπὶ τοῦ Φιλαδέλφου ἐξ Αἰθιοπίας ἐς τὴν Ἀλεξάνδρου πόλιν κομισθῆναι δράκοντας δύο ζῶντας, καὶ τὸν μὲν αὐτῶν εἶναι πήχεων δεκατεττάρων τὸν δὲ δεκατριῶν· ἐπί γε μὴν τοῦ Εὐεργέτου τρεῖς κομισθῆναι, καὶ τὸν μὲν εἶναι πήχεων ἐννέα, τὸν δὲ ἑπτά, τὸν δὲ τρίτον ἑνὶ ἀπολείπεσθαι· καὶ τρέφεσθαί γε ἐν Ἀσκληπιοῦ σὺν πολλῇ τῇ κομιδῇ αὐτοὺς Αἰγύπτιοί φασι. καὶ ἀσπίδας δὲ τετραπήχεις γίνεσθαι πολλάκις οἱ αὐτοὶ λέγουσι. μνήμην δὲ ἄρα τούτων ἐποιησάμην, τὸ ἴδιον τῶν ζῴων ἐπεξελθὼν καὶ ἐς ὅσον πέφυκε μῆκος προϊέναι δεῖξαι βουληθεὶς. λέγουσιν οὖν καὶ οἱ τὰς ὑπὲρ τῆς Χίου συγγράψαντες <pb xml:id="p.410"/> ἱστορίας γενέσθαι ἐν τῇ νήσῳ παρὰ τὸ ὄρος τὸ καλούμενον Πελινναῖον ἐν αὐλῶνί τινι δασεῖ καὶ δένδρων ὑψηλῶν πεπληρωμένῳ δράκοντα μεγέθει μέγιστον, οὗπερ οὖν καὶ τὸν συριγμὸν ἐπεφρίκεσαν οἱ τὴν Χίον κατοικοῦντες. οὔκουν οὐδὲ ἐτόλμων τινὲς ἢ τῶν γεωργούντων ἢ τῶν νεμόντων πλησίον γενόμενοι καταγνῶναι τὸ μέγεθος, ἀλλὰ ἐκ μόνης τῆς σύριγγος πελώριόν τε καὶ ἐκπληκτικὸν τὸ θηρίον εἶναι ἐπίστευον· ἐγνώσθη δʼ οὖν ὅσος ποτὲ τὸ μέγεθος ἦν δαιμονίᾳ τινὶ καὶ θαυμαστῇ μηχανῇ ναὶ μὰ Δία. σφοδροῦ γὰρ ἀνέμου καὶ σκληροῦ προσπεσόντος ἐρρίφη πρὸς ἄλληλα τὰ ἐν τῷ αὐλῶνι δένδρα, καὶ οἱ κλάδοι βιαίως ἀραττόμενοι τίκτουσι πῦρ, καὶ αἴρεται μεγίστη φλόξ, καὶ περιλαμβάνει τὸν πάντα χῶρον καὶ κυκλοῦται τὸν θῆρα· ὃ δὲ ἀποληφθεὶς καὶ ἐξερπύσαι μὴ δυνάμενος καταπίμπραται. οὐκοῦν γυμνωθέντος τοῦ τόπου γίνεται κάτοπτα πάντα· καὶ οἱ Χῖοι ἐλευθερωθέντες τοῦ δέους ἧκον ἐπὶ θέαν, καὶ καταλαμβάνουσι τὰ ὀστᾶ μεγέθει μέγιστα καὶ τὴν κεφαλὴν ἐκπληκτικήν, ὡς ἐκ τούτων ἔχειν συμβαλεῖν ὅσος τε ἐκεῖνος ἦν καὶ ὁποῖος ἔτι περιών. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="40"> 
+<p> ὄφεως ὄνομα σήψ, καὶ ἔχει θαυμάσαι ἄξιον ἐκεῖνο. τὴν χρόαν ἐκτρέπει τὴν ἑαυτοῦ, καὶ ἔοικε τοῖς τόποις καθʼ οὓς ἔρχεται. ὀδόντας δὲ ἄρα τέτταρας τοὺς κάτω φέρει κοίλους, ἐφʼ ὧν ὑμενώδεις ἐπίκεινται χιτῶνες, καλύπτοντες τὰ κοιλώματα. ἐκ τούτων οὖν πατάξαν τὸ θηρίον εἶτα ἀφίησι τὸν ἰόν· σήπει δὲ παραχρῆμα καὶ ἀναιρεῖ τάχιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="41"> 
+<p> Μεγασθένης φησὶ κατὰ τὴν Ἰνδικὴν σκορπίους γίνεσθαι πτερωτοὺς μεγέθει μεγίστους, τὸ κέντρον δὲ ἐγχρίμπτειν τοῖς Εὐρωπαίοις παραπλησίως. γίνεσθαι δὲ καὶ ὄφεις αὐτόθι καὶ τούτους πτηνούς· ἐπιφοιτᾶν <pb xml:id="p.411"/> δὲ οὐ μεθʼ ἡμέραν ἀλλὰ νύκτωρ, καὶ ἀφιέναι ἐξ αὑτῶν οὖρον, ὅπερ οὖν ἐὰν κατά τινος ἐπιστάξῃ σώματος, σῆψιν ἐργάζεται παραχρῆμα. καὶ τὰ μὲν τοῦ Μεγασθένους ταῦτα. πολύκλειτός γε μήν φησιν ἐν τῇ αὐτῇ γῇ σαύρους γίνεσθαι μεγίστους καὶ πολυχρόους, καὶ βαφαῖς τισιν εὐανθέσι τὰς δορὰς πεποικίλθαι δεινῶς, εἶναι δὲ καὶ ἅψασθαι ταύτας ἁπαλωτάτας. σαύρους δὲ Ἀριστοτέλης ἐν τῇ τῶν Ἀράβων γῇ τίκτεσθαί φησι, καὶ δύο πήχεις ἔχειν αὐτούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:16" n="42"> 
+<p>Παμμένης ἐν τῷ περὶ θηρίων σκορπίους λέγει γίνεσθαι πτερωτοὺς καὶ δικέντρους ἐν Αἰγύπτῳ ʽκαὶ οὔ φησιν ἀκοὴν λέγειν, ἀλλὰ ἑαυτοῦ τήνδε τὴν ἱστορίαν ὁμολογεἶ καὶ ὄφεις δικεφάλους, καὶ ἔχειν δύο πόδας κατὰ τὸ οὐραῖον τούτους. Κτησίας γε μὴν ὁ Κνίδιός φησι περὶ τὴν Περσικὴν Σιττάκην ποταμὸν εἶναι Ἀργάδην ὄνομα. ὄφεις δὲ ἄρα ἐν αὐτῷ γίνεσθαι πολλούς, μέλανας τὸ σῶμα πλήν γε τῆς κεφαλῆς· εἶναι δὲ αὐτοῖς λευκὴν ταύτην. προϊέναι δὲ ἐς ὀργυιὰν τὸ μῆκος τοὺς ὄφεις τούσδε. καὶ μεθʼ ἡμέραν μὲν μὴ ὁρᾶσθαι, ὑφύδρους δὲ νήχεσθαι, νύκτωρ δὲ ἢ τοὺς ὑδρευομένους ἢ τοὺς τὴν ἐσθῆτα φαιδρύνοντας διαφθείρειν. πολλοὺς δὲ ἄρα πάσχειν τοῦτο ἢ χρείᾳ ὕδατος ἐπιλείποντος ἢ μεθʼ ἡμέραν ἀσχοληθέντας ἀποπλῦναι τὴν ἐσθῆτα μὴ δεδυνημένους.</p> </div> </div>
+<pb xml:id="p.412"/>
+
+<div type="textpart" subtype="book" xml:base="urn:cts:greekLit:tlg0545.tlg001.perseus-grc2" n="17"> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="1"> 
+<p> Ἀλέξανδρος ἐν τῷ περίπλῳ τῆς Ἐρυθρᾶς θαλάττης λέγει ὄφεις ἑορακέναι τετταράκοντα πήχεων τὸ μῆκος, καὶ γένος καρκίνων, οἷς τὸ μὲν ὄστρακον τὴν περιφέρειαν εἶχε πανταχόθεν πόδα, χηλαὶ δὲ ἠρτημέναι μέγισται προεῖχον, ἐπιβουλεύεσθαι δὲ ὑπʼ οὐδενὸς αὐτούς. τὸ δὲ αἴτιον, ἱεροὶ λέγονται Ποσειδῶνος. καὶ ἀφιέρωνται τῷ θεῷ, οἷον ἀναθήματα εἶναι ἐκείνου ἀσινῆ τε καὶ ἀνεπιβούλευτα οἱ καρκίνοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="2"> 
+<p> Κλείταρχος ἐν τῇ περὶ τὴν Ἰνδικήν φησι γίνεσθαι ὄφεις πήχεων ἑκκαίδεκα. γίνεσθαι δὲ καὶ ἄλλο τι γένος ὄφεων ὑμνεῖ, οὐ κατὰ τοὺς ἑτέρους τὸ εἶδος· βραχυτέρους· μὲν γὰρ εἶναι πολλῷ, ποικίλους γε μὴν τὴν χρόαν ὁρᾶσθαι, ὥσπερ οὖν φαρμάκοις καταγραφέντας· τοὺς μὲν γὰρ χαλκοειδεῖς ταινίας ἔχειν ἀπὸ τῆς κεφαλῆς ἐς τὴν οὐρὰν καθερπούσας, τοὺς δὲ ἀργύρῳ προσεικασμένας, πεφοινιγμένας ἄλλους, καὶ μέντοι καὶ χρυσοφαεῖς τινας. δακεῖν δὲ ἄρα καὶ ἀποκτεῖναι ὤκιστα δεινοὺς αὐτοὺς λέγει οὗτος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="3"> 
+<p> ἐν τῷ ἐννάτῳ τῶν περὶ Πτολεμαῖον λόγων λέγει Νύμφις ἐν τῇ γῇ τῇ Τρωγλοδύτιδι γίνεσθαι ἔχεις ἄμαχόν τι μέγεθος, εἰ πρὸς τοὺς ἄλλους ἔχεις ἀντικρίνοιντο· εἶναι γὰρ πήχεων καὶ πεντεκαίδεκα· τάς γε μὴν χελώνας εἶναι τοσαύτας τὸ χελώνιον, ὡς χωρεῖν μεδίμνους Ἀττικοὺς καὶ ἓξ αὐτό. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="4"> 
+<p> ἔστι δὲ καὶ πρηστὴρ ὄφεων γένος, ὅσπερ οὖν εἰ δάκοι, τὰ μὲν πρῶτα νωθεῖς ἀπεργάζεται καὶ ἥκιστα κινητικούς, εἶτα μέντοι κατʼ ὀλίγον ἀρρώστους καὶ ἀναπνεῖν ἀδυνάτους· καὶ μέντοι καὶ λήθην καταχεῖ <pb xml:id="p.413"/> τῆς γνώμης τὸ δῆγμα, καὶ τὴν κύστιν ἐπέχει, καὶ λιπότριχας ἀποφαίνει, εἶτα ἕπεται πνιγμός, καὶ σπᾶσθαι ποιεῖ, καὶ τὸ τέλος τοῦ βίου ἀλγεινότατον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="5"> 
+<p>Φύλαρχος ἐν τῇ δωδεκάτῃ ὑπὲρ τῶν Αἰγυπτίων ἀσπίδων ᾅδει τοιαῦτα. τιμᾶσθαί φησιν αὐτὰς ἰσχυρῶς, καὶ ἐκ ταύτης γε τῆς τιμῆς ἡμερωτάτας τε καὶ χειροήθεις γίνεσθαι. τοῖς παιδίοις οὖν συντρεφομένας μηδὲν ἀδικεῖν, καλουμένας δὲ ἐξέρπειν τῶν φωλεῶν καὶ ἀφικνεῖσθαι. κλῆσις δὲ αὐταῖς ὁ τῶν δακτύλων ἐστὶ κρότος. προτείνουσι δὲ ἄρα οἱ Αἰγύπτιοι καὶ ξένια αὐταῖς. ἐπὰν γὰρ ἀπὸ δείπνου γένωνται, ἄλφιτα οἴνῳ καὶ μέλιτι ἀναδεύσαντες κατὰ τῆς τραπέζης τιθέασιν, ἐφʼ ἧς ἔτυχον δεδειπνηκότες· εἶτα μέντοι κροτήσαντες οἱονεὶ δαιτυμόνας καλοῦσι. καὶ ἐκεῖναι ὥσπερ οὖν ὑπὸ συνθήματι παραγίνονται, καὶ ἄλλη ἀλλαχόθεν ἐξέρπει, καὶ περιστᾶσαι τὴν τράπεζαν τὴν μὲν λοιπὴν σπεῖραν ἐῶσι κατὰ τοῦ δαπέδου, ἄρασαι δὲ τὴν κεφαλὴν περιλιχμῶνται, καὶ ἡσυχῆ καὶ κατʼ ὀλίγον ἐμπίπλανται τῶν ἀλφίτων, καὶ καταναλίσκουσιν αὐτά. νύκτωρ δὲ ἐὰν ἐπείγῃ τι τοὺς Αἰγυπτίους, κροτοῦσι πάλιν· ὑποσημαίνει δὲ ἄρα αὐτὰς ὅδε ὁ ψόφος ἐξίστασθαί τε καὶ ἀναχωρεῖν. οὐκοῦν συνιᾶσιν ἐκεῖναι τὴν τοῦ κτύπου διαφορὰν καὶ ἐφʼ ὅτῳ τοῦτο δρᾶται, καὶ παραχρῆμα ἀναστέλλονται καὶ ἀφανίζονται, ἐς τοὺς χηραμούς τε καὶ φωλεοὺς ἕρπουσαι. ὁ οὖν ἀνιστάμενος οὔτε ἐμβαίνει τινὶ αὐτῶν οὔτε περιπίπτει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="6"> 
+<p>ὁ κροκόδειλος γίνεται μήκιστος πολλάκις. ἐπὶ γοῦν Ψαμμιτίχου τοῦ Αἰγυπτίων βασιλέως πέντε καὶ εἴκοσι πήχεων κροκόδειλον φανῆναί φασιν, ἐπὶ δὲ Ἀμάσιδος παλαιστῶν τεττάρων καὶ πήχεων ἓξ καὶ εἴκοσι. κήτη δὲ περὶ τὴν Λάκαιναν θάλατταν ἀκούω <pb xml:id="p.414"/> γίνεσθαι μεγέθει μέγιστα, καί τινές γε τῶν κριτικῶν Ὅμηρον ἐντεῦθέν φασιν εἰπεῖν Λακεδαίμονα κητώεσσαν. περὶ τὰ Κύθηρα δὲ ἔτι καὶ μείζω τὰ κήτη ὑμνοῦσι γίνεσθαι. ἔοικε δὲ αὐτῶν καὶ τὰ νεῦρα λυσιτελῆ εἶναι ἐς τὰς τῶν ψαλτηρίων καὶ τῶν ἄλλων ὀργάνων χορδοστροφίας καὶ μέντοι καὶ ἐς τὰ πολεμικὰ ὄργανα. ἐν δὲ τῇ Ἐρυθρᾷ θαλάττῃ πρὸς τοῖς ἤδη προειρημένοις γίνονται καὶ σκορπίοι καὶ κωβιοὶ δύο πήχεων καὶ μέντοι καὶ τριῶν. ἀμώμητος δέ φησιν ἐν τῇ Λιβύῃ πόλιν εἶναί τινα, ἐν ᾗ τοὺς ἱερέας ἔκ τινος λίμνης ἐπαοιδαῖς καταγοητεύοντας εὖ μάλα ἑλκτικαῖς ἐξάγειν κροκοδείλους πήχεων ἑκκαίδεκα. Θεοκλῆς δὲ ἐν τῇ τετάρτῃ περὶ τὴν Σύρτιν λέγει γίνεσθαι κήτη τριήρων μείζονα. περὶ δὲ τὴν Γεδρωσίων χώραν ʽἔστι δὲ μοῖρα τῆς γῆς τῆς Ἰνδικῆς οὐκ ἄδοξοσʼ Ὀνησίκριτος λέγει καὶ Ὀρθαγόρας γίνεσθαι κήτη ἥμισυ ἔχοντα σταδίου τὸ μῆκος. τοσαύτην δέ φασιν ἔχειν δύναμιν αὐτά, ὡς πολλάκις, ὅταν ἀναφυσήσῃ τοῖς μυκτῆρσιν, ἐς τοσοῦτον ἀναρρίπτειν τῆς θαλάττης τὸ κλυδώνιον, ὡς δοκεῖν τοῖς ἀμαθέσι καὶ ἀπείροις πρηστῆρας εἶναι ταῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="7"> 
+<p> Ἀριστοτέλης ἐν τῷ ὀγδόῳ περὶ ζῴων φησὶ τοὺς ἐλέφαντας ἐσθίειν κριθῶν μεδίμνους Μακεδονικοὺς ἐννέα, ἀλφίτων δὲ ἐπὶ τούτοις ἕξ, εἰ δὲ δοίης, καὶ ἑπτά· πίνειν δὲ αὐτοὺς ὁ αὐτὸς λέγει μετρητὰς Μακεδονικοὺς τετταρεσκαίδεκα, καὶ πάλιν τῆς δείλης ἐπιπίνειν ὀκτώ. βιοῦν δὲ ἐλέφαντας ἔτη διακόσιά φησι, προϊέναι δὲ ἔστιν οὓς καὶ ἐς τρεῖς ἑκατοντάδας. Διειδὲς δὲ ὕδωρ καὶ ἀκραιφνὲς καμήλῳ πιεῖν ἔχθιστόν ἐστι, τεθολωμένον δὲ καὶ ῥυπαρὸν ἥδιστον πωμάτων ἡγεῖται. καὶ μέντοι καὶ ἐς ποταμὸν ἐὰν ἀφίκηται <pb xml:id="p.415"/> ἢ λίμνην, οὐ πρότερον ἐπικύπτει πιεῖν, πρὶν ἢ τοῖς ποσὶν ἀναταράξῃ τὴν ἰλὺν καὶ ἀφανίσῃ τὸ κάλλος τοῦ ὕδατος. ἄποτος δὲ ἐὰν μείνῃ, διακαρτερεῖ καὶ ὀκτὼ ἡμέρας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="8"> 
+<p>Πυθαγόρας ἐν τοῖς περὶ τῆς Ἐρυθρᾶς θαλάττης λέγει ζῷόν τι γίνεσθαι χερσαῖον περὶ τὸ πέλαγος ἐκεῖνο, τὸν καλούμενον κῆπον. φερώνυμον δὲ εἶναι· ἔχειν γὰρ χρόας πολλάς. καὶ μέγεθος μὲν εἰληχέναι τὸν τέλειον κατὰ τοὺς κύνας τοὺς Ἐρετρικούς. περιελθεῖν δὲ αὐτοῦ τὸ ποικίλον ἐθέλω καὶ δεῖξαι τῷ λόγῳ, ὡς ἐκεῖνος γράφει. τὰ μὲν δὴ περὶ τὴν κεφαλὴν αὐτῷ καὶ τὸ νῶτον καὶ τὴν ῥάχιν ἐς τὴν οὐρὰν τελευτῶντα ἀκράτως πυρρά ἐστι, θεάσαιο δʼ ἂν καὶ τρίχας χρυσοειδεῖς τινας διεσπαρμένας· λευκὸν δὲ τὸ πρόσωπόν οἱ μέχρι τῶν παρειῶν, ἐντεῦθέν γε μὴν ταινίαι χρυσοειδεῖς κατίασιν ἐς τὴν δέρην. ταύτης δὲ τὰ κάτω μέχρι τῶν στέρνων καὶ οἱ πόδες δὲ οἱ πρόσθιοι λευκανθίζει πάντα. μαζοὶ δὲ χειροπληθεῖς δύο κυανοῖ, γαστὴρ δὲ λευκὴ πᾶσα, πόδες δὲ οἱ κατόπιν μέλανές εἰσι. προσώπου δὲ μορφή, κυνοκεφάλῳ παραβαλὼν αὐτὴν ἀληθεύσεις, εὖ ἴσθι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="9"> 
+<p>Ὀνοκενταύραν καλοῦσι ζῷόν τι, καὶ ταύτην ὅστις εἶδεν, οὐκ ἂν ἠπίστησεν ὅτι καὶ Κενταύρων φῦλα ἦν, καὶ οὐ κατεψεύσαντο οἱ χειρουργοὶ τῆς φύσεως, ἀλλὰ καὶ ἐκείνους ἤνεγκεν ὁ χρόνος κράσει σωμάτων οὐχ ὁμοίων ἑνωθέντας. καταλείπωμεν δὲ αὐτούς, εἴτε ἐγένοντο ὄντως ἐπιδημίᾳ μιᾷ καὶ τῇ αὐτῇ, εἴτε ἡ φήμη κηροῦ παντὸς οὖσα εὐπλαστοτέρα τε καὶ εὐπειθεστέρα διέπλασεν αὐτούς, καὶ ἀνέμιξεν ἵππου καὶ ἀνθρώπου δαιμονίᾳ τινὶ συναφῇ ἡμίτομα, καὶ <pb xml:id="p.416"/> ἔδωκε μίαν ψυχήν. αὕτη δὲ ὑπὲρ ἧς ὥρμηται λέγειν ὅδε ὁ λόγος, ἐς ἀκοὴν τὴν ἐμὴν τοιάδε ἀφίκετο. ἀνθρώπῳ τὸ πρόσωπον εἴκασται, περιέρχονται δὲ αὐτὸ βαθεῖαι τρίχες. τράχηλός τε ὑπὸ τῷ προσώπῳ καὶ στέρνα, καὶ ταῦτα ἀνθρωπικά· μαζοὶ δὲ ᾐρμένοι καὶ κατὰ τοῦ στήθους ἐφεστῶτες, ὦμοι δὲ καὶ βραχίονες καὶ πήχεις, ἔτι δὲ χεῖρες καὶ στέρνα ἐς ἰξύν, καὶ ταῦτα ἀνθρωπικά· ῥάχις δὲ καὶ πλευραὶ καὶ γαστὴρ καὶ πόδες οἱ κατόπιν ὄνῳ καὶ μάλα ἐμφερῆ, καὶ τεφρώδης </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="10"> 
+<p> κατʼ ἐκεῖνον ἡ χρόα, τὰ δὲ ὑπὸ τὰς λαπάρας ἡσυχῆ λευκανθίζει. αἱ χεῖρες δὲ τῷδε τῷ ζῴῳ διπλῆν παρέχουσι χρείαν· ἔνθα μὲν γὰρ τάχους δεῖ, προθέουσι τῶν ὀπίσω σκελῶν, καὶ τῶν λοιπῶν τετραπόδων οὐχ ἡττᾶται τὸν δρόμον· δεῖ δὲ πάλιν ἢ ἀφελεῖν τι ἢ καταθέσθαι ἢ συλλαβεῖν καὶ σφίγξαι, καὶ οἱ πόδες οἱ τέως χεῖρες ἐγένοντο, καὶ οὐ βαδίζει, κάθηται δέ. βαρύθυμον δὲ ἰσχυρῶς τὸ ζῷόν ἐστιν. ἐὰν γοῦν ἁλῷ, δουλείαν μὴ φέρον καὶ τῆς τέως ἐλευθερίας γλιχόμενον τροφὴν ἀπέστραπται πᾶσαν, καὶ ἀποθνήσκει λιμῷ. Πυθαγόρας λέγει καὶ ταῦτα, ὥσπερ οὖν τεκμηριοῖ Κράτης ὁ ἐκ τοῦ Μυσίου Περγάμου. ἡ Βοιωτῶν γῆ ἀσπαλάκων ἀφεῖται, καὶ αὐτὴν οὐ διορύττει τὸ ζῷον τοῦτο κατὰ Λεβάδειαν· ἐὰν δέ πως καὶ ἀλλαχόθεν ἐσκομισθῶσιν, ἀποθνήσκουσι. περὶ μὲν οὖν τὴν Ὀρχομενίων γίνονται καὶ πολλοί. ἐν δὲ Λιβύῃ συῶν ἀγρίων ἀπορία ἐστὶ καὶ ἐλάφων. ἐν δὲ τῷ Πόντῳ οὔτε μαλάκια οὔτε ὀστρακόδερμα γίνεται, εἰ μὴ σπανίως καὶ ὀλίγα. λέγει δὲ Δείνων ἐν Αἰθιοπίᾳ γίνεσθαι τοὺς ὄρνιθας τοὺς μονόκερως καὶ ὗς τετράκερως καὶ πρόβατα ἐρίων μὲν ψιλά, τρίχας δὲ καμήλων ἔχοντα. <pb xml:id="p.417"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="11"> 
+<p>ἐν Ζακύνθῳ λέγουσιν οἱ δεινοὶ τὰ τοιαῦτα βασανίσαι τε καὶ ἀνιχνεῦσαι τοῖς ὑπὸ τῶν φαλαγγίων δακνομένοις μὴ μόνον τοσαῦτα ἀπαντᾶν, ὅσα καὶ τοῖς ἀλλαχόθι δηχθεῖσιν, ἀλλὰ ἐκείνων πλείω. ὅλα γὰρ αὐτοῖς τὰ σώματα γίνεται νάρκης ἀνάπλεω καί πως ὑπότρομα καὶ ψυχρὰ ἰσχυρῶς, καὶ ἔμετοι σπασμὸν ἀναφύοντες, καὶ ὀρθοῦται τὸ σκεῦος αὐτοῖς· ἀλγοῦσι δὲ καὶ τὰ ὦτα ἰσχυρῶς, καὶ τοῦ ποδὸς ἑκατέρου τὸ θέναρ καὶ τοῦτο ὀδυνῶνται. ἐνδείκνυνται δὲ ἄρα αὐτὰ ὅσα εἶπον ἕκαστα καὶ οἱ τὰς χεῖρας ἐπιβάλλοντες αὐτοῖς. ὃ δέ ἐστι καὶ ἀκοῦσαι ἐκπληκτικὸν καὶ μέντοι καὶ θαυμασιώτερον ἰδεῖν, ὅταν τινὲς τῶν ἀδήκτων ἢ ἐμβῶσι τοῖς ἀπολούτροις τῶν δηχθέντων ἢ καὶ νὴ Δία ἀπονίψωνται τοὺς πόδας ʽοἷα δήπου γίνεσθαι φιλεῖ πολλάκις· ἤδη δὲ ἄρα ἀπαντᾷ τὰ τοιαῦτα καὶ κατά τινας ἐπιβουλὰς ἐχθρῶνʼ, πάντα καὶ ἐκείνοις γίνεται τὰ ἀλγήματα, ὅσα καὶ τοῖς δηχθεῖσι δήπου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="12"> 
+<p>γένος τι φρύνης ἀκούω καὶ πιεῖν δεινὸν καὶ πικρὸν ἰδεῖν. πιεῖν μέν, εἴ τις αὐτὴν συντρίψας εἶτα μέντοι τὸ αἷμα δοίη τῳ πιεῖν, κατʼ ἐπιβουλὴν ἐμβαλὼν εἴτε ἐς οἶνον εἴτε ἐς ἄλλα πώματα, ὧνπερ οἱ τούτων κατάρατοι σοφισταὶ ἐπιτήδειον ἥγηνται τὴν πρὸς ἐκεῖνο τὸ αἷμα κρᾶσιν. καὶ ποθὲν ἀπέκτεινεν οὐκ ἐς ἀναβολὰς ἀλλὰ παραχρῆμα. ἰδεῖν δὲ ἡ φρύνη κακόν ἐστι τοιοῦτον. ἐάν τις θεάσηται τὴν θῆρα, εἶτα αὐτῇ ἀντίος ὁρῶν προσβλέψῃ δριμύ, καὶ ἐκείνη κατὰ τὴν ἑαυτῆς φύσιν ἰταμὸν ἀντιβλέψῃ, καί τι καὶ φύσημα ἐμπνεύσῃ ἑαυτῇ μὲν συμφυές, χρωτὶ δὲ ἐχθρὸν ἀνθρωπίνῳ, ὠχρὸν ὠχρὸν ἐργάζεται, ὡς εἰπεῖν τὸν οὐκ ἰδόντα ἀλλὰ ἐντυχόντα πρῶτον ὅτι νοσήσαντα εἶδεν <pb xml:id="p.418"/> ἄνθρωπον. μένει τε ἡ ὠχρότης ἡμερῶν οὐ πολλῶν, εἶτα ἀφανίζεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="13"> 
+<p> χαραδριοῦ δὲ ἦν ἄρα δῶρον τοῦτο, ὃ οὐ μὰ Δία ἀτιμάζειν ἄξιον. εἰ γοῦν ὑπαναπλησθεὶς τὸ σῶμα ἰκτέρου τις εἶτά οἱ δριμὺ ἐνορῴη, ὃ δὲ ἀντιβλέπει καὶ μάλα γε ἀτρέπτως, ὥσπερ οὖν ἀντιφιλοτιμούμενος, καὶ ἡ τοιάδε ἀντίβλεψις ἰᾶται τὸ προειρημένον πάθος τῷ ἀνθρώπῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="14"> 
+<p> ἐγὼ μὲν οὐ πεπίστευκα, εἰ δὲ ἕτερος Εὐδόξῳ πείθεται, πιστευέτω ὅ φησιν Εὔδοξος, ὑπερβαλὼν τὰς Ἡρακλείους στήλας ἐν λίμναις ἑορακέναι ὄρνιθάς τινας καὶ μείζους βοῶν. καὶ ὅτι μὲν οὐ πείθει με ὁ λέγων, ἤδη εἶπον· ἃ δʼ οὖν ἤκουσα, οὐκ ἐσίγησα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="15"> 
+<p> Ἀριστοτέλης λέγει πέρδικα θῆλυν, ὅταν κατὰ ἄνεμον γένηται τοῦ ἄρρενος, ἐγκύμονα γίνεσθαι φύσει τινὶ ἀπορρήτῳ. διαπλέκει δὲ ἄρα ὁ ὄρνις οὗτος ἐν ἡμέραις τὴν νεοττιὰν ἑπτά, καὶ ἐν ἑπτὰ μέντοι τίκτει, ἐν δὲ ταῖς τοσαύταις καὶ ἐκτρέφει τὰ νεόττια. Τίμαιος δὲ καὶ Ἡρακλείδης καὶ Νεοκλῆς ὁ ἰατρὸς λέγουσι τοὺς φρύνους δύο ἥπατα ἔχειν, καὶ τὸ μὲν ἀποκτείνειν, τὸ δὲ ἐκείνου πεφυκέναι ἀντίπαλον· σώζειν γάρ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="16"> 
+<p> Θεόπομπος λέγει τοὺς περὶ τὸν Ἀδρίαν οἰκοῦντας Ἑνετούς, ὅταν ἀρότου καὶ σπόρου ᾖ ὥρα, τοῖς κολοιοῖς ἀποστέλλειν δῶρα· εἴη δʼ ἂν τὰ δῶρα ψαιστὰ ἄττα καὶ μεμαγμέναι μάζαι καλῶς τε καὶ εὖ. βούλεται δὲ ἄρα ἡ τῶνδε τῶν δώρων πρόθεσις μειλίγματα τοῖς κολοιοῖς εἶναι καὶ σπονδῶν ὁμολογίαι, ὡς ἐκείνους τὸν καρπὸν τὸν Δημήτρειον μὴ ἀνορύττειν καταβληθέντα ἐς τὴν γῆν μηδὲ παρεκλέγειν. Λύκος δὲ ἄρα καὶ ταῦτα μὲν ὁμολογεῖ, καὶ ἐκεῖνα δὲ ἐπὶ τούτοις προστίθησι καὶ φοινικοῦς ἱμάντας τὴν <pb xml:id="p.419"/> χρόαν, καὶ τοὺς μὲν προθέντας ταῦτα εἶτα ἀναχωρεῖν. καὶ τὰ μὲν τῶν κολοιῶν νέφη τῶν ὅρων ἔξω καταμένειν, δύο δὲ ἄρα ἢ τρεῖς προῃρημένους κατὰ τοὺς πρέσβεις τοὺς ἐκ τῶν πόλεων πέμπεσθαι κατασκεψομένους τῶν ξενίων τὸ πλῆθος· οἵπερ οὖν ἐπανίασι θεασάμενοι, καὶ καλοῦσιν αὐτούς, ᾖ πεφύκασιν οἳ μὲν καλεῖν, οἳ δὲ ὑπακούειν. ἔρχονται μὲν οὖν κατὰ νέφη· ἐὰν δὲ γεύσωνται τῶν προειρημένων, ἴσασιν οἱ Ἑνετοὶ ὅτι ἄρα αὐτοῖς πρὸς τοὺς ὄρνιθας τοὺς προειρημένους ἔνσπονδά ἐστιν· ἐὰν δὲ ὑπερίδωσι καὶ ἀτιμάσαντες ὡς εὐτελῆ μὴ γεύσωνται, πεπιστεύκασιν οἱ ἐπιχώριοι ὅτι τῆς ἐκείνων ὑπεροψίας ἐστὶν αὐτοῖς λιμὸς τὸ τίμημα. ἄγευστοι γὰρ μένοντες οἱ προειρημένοι ἀδεκατεύτοις ὡς εἰπεῖν ἐπιπέτονταί τε ταῖς ἀρούραις καὶ τό γε πλεῖστον τῶν κατεσπαρμένων συλῶσι πικρότατά γε ἐκεῖνοι, σὺν τῷ θυμῷ καὶ ἀνορύττοντες καὶ ἀνιχνεύοντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="17"> 
+<p>Ἀμύντας ἐν τοῖς ἐπιγραφομένοις οὕτως ὑπʼ αὐτοῦ Σταθμοῖς κατὰ τὴν γῆν τὴν Κασπίαν καὶ βοῶν ἀγέλας λέγει πολλὰς καὶ ἵππων, καὶ κρείττονας ἀριθμοῦ εἶναι. ἐπιλέγει δὲ ἄρα καὶ ἐκεῖνο, ἐν ὡρῶν τισι περιτροπαῖς μυῶν ἐπιδημίας γίνεσθαι πλῆθος ἄμαχον, καὶ τὸ μαρτύριον ἐπάγει λέγων, τῶν ποταμῶν τῶν ἀενάων σὺν πολλῷ τῷ ῥοίζῳ φερομένων, τοὺς δὲ καὶ μάλα ἀτρέπτως ἐπινήχεσθαί τε αὐτοῖς καὶ τὰς οὐρὰς ἀλλήλων ἐνδακόντας ἕρμα τοῦτο ἴσχειν, καὶ τοῦ διαβάλλειν τὸν πόρον σύνδεσμόν σφισιν ἰσχυρότατον ἀποφαίνειν τόνδε. ἐς τὰς ἀρούρας δὲ ἀπονηξάμενοί φησι καὶ τὰ λήια ὑποκείρουσι, καὶ διὰ τῶν δένδρων ἀνέρπουσι, καὶ τὰ ὡραῖα δεῖπνον ἔχουσι, καὶ τοὺς κλάδους δὲ διακόπτουσιν, οὐδὲ ἐκείνους κατατραγεῖν ἀδυνατοῦντες. οὐκοῦν ἀμυνούμενοι οἱ Κάσπιοι τὴν <pb xml:id="p.420"/> ἐκ τῶν μυῶν ἐπιδρομήν τε ἅμα καὶ λύμην φείδονται τῶν γαμψωνύχων, οἵπερ οὖν καὶ αὐτοὶ κατὰ νέφη πετόμενοι εἶτα αὐτοὺς ἀνασπῶσιν, καὶ ἰδίᾳ τινὶ φύσει τοῖς Κασπίοις ἀναστέλλουσι τὸν λιμόν. ἀλώπεκες δὲ αἱ Κάσπιαι, τὸ πλῆθος αὐτῶν τοσοῦτόν ἐστιν ὡς καὶ ἐπιφοιτᾶν οὐ μόνον τοῖς αὐλίοις τοῖς κατὰ τοὺς ἀγρούς, ἤδη γε μὴν καὶ ἐς τὰς πόλεις παριέναι. καὶ ἐν οἰκίᾳ ἀλώπηξ φανεῖται οὐ μὰ Δία ἐπὶ λύμῃ οὐδὲ ἁρπαγῇ, ἀλλὰ οἷα τιθασός· καὶ ὑποσαίνουσί τε καὶ ὑπαικάλλουσι τῶν παρʼ ἡμῖν κυνιδίων. οἱ δὲ μύες οἱ τοῖς Κασπίοις ἐπίδημον ὄντες κακόν, μέγεθος αὐτῶν ὅσον κατά γε τοὺς Αἰγυπτίων ἰχνεύμονας ὁρᾶσθαι· ἄγριοι δὲ καὶ δεινοὶ καὶ καρτεροὶ τοὺς ὀδόντας, καὶ διακόψαι τε καὶ διατραγεῖν οἷοί τε εἰσὶ καὶ σίδηρον. τοιοῦτοι δὲ ἄρα καὶ οἱ μύες οἱ ἐν τῇ Τερηδόνι τῆς Βαβυλωνίας εἰσίν, ὧνπερ οὖν καὶ τὰς δορὰς οἱ τούτων κάπηλοι ἐς Πέρσας ἄγουσι φόρτον. εἰσὶ δὲ ἁπαλαί, καὶ συνερραμμέναι χιτῶνές τε ἅμα γίνονται καὶ ἀλεαίνουσιν αὐτούς. καλοῦνται δὲ ἄρα οὕτοι κανδυτᾶνες, ὡς ἐκείνοις φίλον. θαυμάσαι δὲ τῶν μυῶν τῶνδε ἄξιον ἄρα καὶ τοῦτο. ἐὰν ἁλῷ μῦς κύουσα, κᾆτα ἐξαιρεθῇ τὸ ἔμβρυον, αὐτῆς δὲ διατμηθείσης ἐκείνης εἶτα μέντοι καὶ αὐτὸ διανοιχθῇ, καὶ ἐκεῖνο ἔχει βρέφος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="18"> 
+<p> τῆς θαλαττίας τρυγόνος ἴδιον καὶ τοῦτο προσακήκοα. ἐπὶ τῆς ἁλιάδος ὀρχεῖταί τις, ὅταν αὐτὴν ὑπονέουσαν θεάσηται, καὶ μέντοι καὶ ἀπέσκωψέ τι κέρτομον, καὶ πρὸς ἐπὶ τούτοις, ἐάνπερ αὐλητικὸς ᾖ, καὶ τὸν αὐλὸν ὡς δέλεαρ φέρει καὶ ὑπαυλεῖ· ἣ δὲ ὑπερήδεται ʽκαὶ γάρ τοι καὶ ὦτα ἔχει μουσικῆς ἐπαΐοντα, ὥς φασι, καὶ ὄμματα συνιέντα ὀρχηστικῆσʼ εἶτα κηλουμένη ἡσυχῆ πως ἀναπλεῖ. καὶ ὃ μὲν τὰς ἴυγγας <pb xml:id="p.421"/> τὰς προειρημένας ἐνεργότατα προσείει, ἔθηκε δὲ τὸ φέρνιόν τις ἕτερος, καὶ τὸν ἰχθὺν ἀνάγει· καὶ ʽτοῦτο δήπου τὸ καινότατονʼ κηλουμένη εἶτα ἑαυτὴν διαλέληθεν ᾑρημένη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="19"> 
+<p>Γαλάτας Εὔδοξος τοὺς ἑῴους λέγει δρᾶν τοιαῦτα, καὶ εἰ φανεῖταί τῳ πιστά, πιστευέτω, εἰ δὲ ἧττον τοιαῦτα, μὴ προσεχέτω. ὅταν αὐτῶν τῇ γῇ νέφη παρνόπων ἐπιφοιτήσαντα εἶτα λυπήσῃ τοὺς καρπούς, οἳ δὲ εὐχάς τινας εὔχονται, καὶ ἱερουργίας καταθύουσιν ὀρνίθων κατακηλητικάς· οἳ δὲ ὑπακούουσι, καὶ ἔρχονται στόλῳ κοινῷ, καὶ τοὺς πάρνοπας ἀφανίζουσιν. ἐὰν δὲ τούτων τινὰ θηράσηται Γαλάτης, τίμημά οἱ ἐκ τῶν νόμων τῶν ἐπιχωρίων θάνατός ἐστιν. ἐὰν δὲ συγγνώμης τύχῃ καὶ ἀφεθῇ, ἐς μῆνιν ἐμβάλλει τοὺς ὄρνιθας, καὶ τιμωροῦντες τῷ ἑαλωκότι οὐκ ἀξιοῦσιν ὑπακοῦσαι, ἐάν γε καλῶνται αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="20"> 
+<p>Ἀριστοτέλης λέγει γίνεσθαι ἐν Σάμῳ λευκὴν χελιδόνα· ταύτης γε μὴν ἐάν τις ἐκκεντήσῃ τοὺς ὀφθαλμούς, γίνεσθαι μὲν αὐτὴν παραχρῆμα τυφλήν, μετὰ ταῦτα δὲ ἐξωμμάτωται καὶ λελάμπρυνται κόρας καὶ ἐξ ὑπαρχῆς ὁρᾷ, ὡς ἐκεῖνός φησι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="21"> 
+<p>τὸν κιννάμωμον ὄρνιν ἀκούω εἶναι, καὶ μέντοι καὶ κομίζειν κάρφη φυτοῦ τοῦ ὁμωνύμου ἐκ τῶν τῆς γῆς τερμάτων, καὶ καλιὰς ὑποπλέκειν ἔνθα Ἡρόδοτοί τε ᾅδουσι καὶ ἄλλοι, φιλοῦσι δέ πως οἵδε οἱ ὄρνιθες τὰς ἑαυτῶν εὐνάς τε καὶ καταγωγὰς ὑφαίνειν. οὐκοῦν οἷσπερ μέλει τῶνδε τῶν καρφῶν, οἰστοὺς βαρεῖς ῥοίζῳ βιαιοτάτῳ καὶ νευρᾶς ἐντάσει σφοδρᾷ κατὰ τῶν καλιῶν ἀφιᾶσιν· αἳ δὲ ῥήγνυνται, καὶ κατολισθάνει τὰ κάρφη, καὶ μέντοι καὶ τὸ ᾀδόμενον δήπου κιννάμωμον ταῦτά ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="22"> 
+<p>καὶ Κλειτάρχῳ χῶρον δῶμεν. λέγει δὲ Κλείταρχος <pb xml:id="p.422"/> ἐν Ἰνδοῖς γίνεσθαι ὄρνιν, καὶ εἶναι σφόδρα ἐρωτικόν, καὶ τὸ ὄνομα αὐτοῦ λέγει ὠρίωνα εἶναι. φέρε δὲ καὶ διαγράψωμεν αὐτὸν τῷ λόγῳ, ὡς ἐκεῖνος διδάσκει. τοῖς μὲν καλουμένοις ἐρωδίοις ὅμοιος τὸ μέγεθος ὅδε ὁ ὠρίων ἐστίν, ἔστι δὲ καὶ τὰ σκέλη ὡς ἐκεῖνοι φοίνιξ, ὀφθαλμοὺς δὲ κυανοῦς ἔχει ʽτοῦτο μὲν οὐχ ὡς ἐκεῖνοἰ, μέλος δὲ μουσουργεῖν ὑπὸ τῆς φύσεως πεπαίδευται, οἷα δήπου μέλη ὑμεναιοῦται γλυκέα καὶ προσείοντα σειρῆνας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="23"> 
+<p> Κατρέα τὸ ὄνομα, Ἰνδὸν τὸ γένος, τῇ φύσει ὄρνιν λέγει Κλείταρχος εἶναι τὸ κάλλος ὑπερήφανον· τὸ μέγεθος γὰρ εἴη ἂν κατὰ τὸν ταῶν, τὰ δὲ ἄκρα τῶν πτερῶν ἔοικε σμαράγδῳ. καὶ ὁρῶντος μὲν ἄλλοσε οὐκ οἶσθα οἵους ὀφθαλμοὺς ἔχει· εἰ δὲ ἐς σὲ ἀπίδοι, ἐρεῖς κινναβάρινον εἶναι τὸ ὄμμα πλὴν τῆς κόρης· ἐκείνη δὲ μηλιάδι τὴν χρόαν προσείκασται καὶ βλέπει ὀξύ. τό γε μὴν τοῖς ἁπάντων ὀφθαλμοῖς λευκόν, ἀλλὰ τοῖς τοῦ κατρέως τοῦδε ὠχρόν ἐστι. τὰ δὲ τῆς κεφαλῆς πτίλα γλαυκωπά, καὶ ἔχει ῥανίδας οἱονεὶ κρόκῳ προσεικασμένας εἶτα ἄλλην ἄλλῃ διεσπαρμένας. πόδες δὲ αὐτῷ σανδαράκινοι. ἔχει δὲ καὶ φώνημα εὔμουσον καὶ κατὰ τὴν ἀηδόνα τορόν. Ἰνδοὶ δὲ ἄρα τὴν ἐξ ὀρνίθων τροφὴν εἶχον, ἵνα καὶ οἱ ὁρῶντες ἑστιᾶν τὴν ὄψιν δύνωνται. ἰδεῖν γοῦν αὐτοῖς πάρεστι καὶ ὅλους πορφυροῦς καὶ τῇ καθαρωτάτῃ φλογὶ προσεοικότας· καὶ τούτων αἱ πτήσεις κατὰ πλῆθός εἰσιν, ὡς νομίζειν νέφη· ἄλλοι γε μὴν ποικίλοι καὶ οὐ πάνυ τι τὸ εἶδος εὔρητοι, μελῳδίαν δὲ καὶ εὐστομίαν καὶ εὐγλωττίαν ἄμαχοι, ὡς εἶναι, εἰ μή πη καὶ τραχύτερόν ἐστιν εἰπεῖν, Σειρῆνάς τινας. κατάπτεροι γὰρ ὡς ἦσαν αἱ τοῦ μύθου κόραι, ποιηταί τε ᾅδουσιν καὶ ζωγράφοι δεικνύουσιν. <pb xml:id="p.423"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="24"> 
+<p>κύκνου δὲ ἤθη καὶ διατριβαὶ λίμναι τε καὶ ἕλη καὶ τενάγη καὶ ἀέναοι ποταμοὶ πράως καὶ ἡσυχῆ ῥέοντες. εἰρηναῖοι δέ εἰσι καὶ ἐς γῆρας προΐασιν ἑαυτοῖς κοῦφον. εἰσὶ δὲ καὶ ἐς ῥώμην ἄλκιμοι, καὶ θαρροῦσιν αὐτῇ, οὐ μὴν ὥστε ἄρχειν ἀδίκων ἀλλʼ ἀμύνεσθαι τὸν ἄρξαντα. ῥᾳδίως οὖν καὶ τῶν ἀετῶν περιγίνονται, ὅταν ἐκεῖνοι τολμήσωσιν ἐπιθέσθαι αὐτοῖς. καὶ εἶπον ἀνωτέρω τῆς μάχης τὸν τρόπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="25"> 
+<p>λέγει δὲ Κλείταρχος πιθήκων ἐν Ἰνδοῖς εἶναι γένη ποικίλα τὴν χρόαν, μεγέθει δὲ μέγιστα. ἐν δὲ τοῖς χωρίοις τοῖς ὀρείοις τοσοῦτον αὐτῶν τὸ πλῆθος εἶναι, ὡς Ἀλέξανδρόν φησι τὸν Φιλίππου καὶ πάνυ καταπλαγῆναι σὺν καὶ τῇ οἰκείᾳ δυνάμει, οἰόμενον ἀθρόους ἰδόντα στρατιὰν ὁρᾶν συνειλεγμένην καὶ ἐλλοχῶσαν αὐτόν. ὀρθοὶ δὲ ἄρα ἦσαν οἱ πίθηκοι κατὰ τύχην ἡνίκα ἐφάνησαν. θηρῶνται δὲ οὗτοι οὔτε δικτύοις οὔτε κυνῶν ῥινηλατούντων σοφίᾳ καὶ μάλα ἀγρευτικῇ. ἔστι δὲ τὸ ζῷον ὀρχηστικόν, εἰ θεῷτο ὀρχούμενον· καὶ θέλει γε αὐλεῖν, εἰ καταπνεῖν μάθοι. πρὸς τούτοις εἰ θεάσαιτό τινα ὑποδήματα τοῖς ποσὶ περιτιθέντα, μιμεῖται τὴν ὑπόδεσιν· καὶ ὑπογράφοντος τὼ ὀφθαλμὼ μέλανι, καὶ τοῦτο δρᾶσαι θέλει. οὐκοῦν ὑπὲρ τῶν εἰρημένων μολίβου πεποιημένα κοῖλα καὶ βαρέα ὑποδήματα προτιθέασι, βρόχους αὐτοῖς ὑποβαλόντες, ὡς ἐσβαλεῖν μὲν τὼ πόδε, ἔχεσθαι δὲ τῇ πάγῃ καὶ μάλα ἀφύκτῳ· δέλεαρ δὲ αὐτοῖς ὀφθαλμῶν πρόκειται ὑπὲρ τοῦ μέλανος ἰξός. κατόπτρῳ δὲ χρησάμενος ὁ Ἰνδὸς ὁρώντων ἐκείνων, οὐκ εἰσὶ δʼ ἔτι τὰ κάτοπτρα, ἀλλὰ ἕτερα προστιθέντες· εἶτα καὶ τούτοις ἕρματα ἰσχυρὰ ὑποπλέκουσι· καὶ μέντοι καὶ τοιαῦτά ἐστιν. οἱ μὲν οὖν ἔρχονται, καὶ γενναίως δρῶσι κατὰ μίμησιν ὧν εἶδον· ἐκπηδᾷ <pb xml:id="p.424"/> δὲ ἰσχύς τις κολλητικὴ βλεφάρων ἐκ τῆς πρὸς τὴν αὐγὴν ἀντιτυπίας, ὅταν ἴδωσιν ἀτενές· εἶτα οὐχ ὁρῶντες αἱροῦνται ῥᾷστα· φυγεῖν γὰρ ἔτι εἰσίν ἥκιστοι. εἴρηται μὲν ὑπὲρ πιθήκων καὶ ἄλλα, Ἰνδῶν τε καὶ οὐκ Ἰνδῶν· καὶ ταῦτα δὲ ἔχει τινὰ τῷ συνιέντι οὐκ ἀσπούδαστα, οὐ μὰ Δία. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="26"> 
+<p> λέοντας ἐν Ἰνδοῖς γίνεσθαι μεγίστους οὐ διαπορῶ· τὸ δὲ αἴτιον, τῶν ζῴων τῶν ἑτέρων ἥδε ἡ γῆ μήτηρ ἐστὶν ἀγαθή. εἰσὶ δὲ ἀγριώτατοι καὶ θηριωδέστατοι. δέρη δὲ ἐκείνων τῶν λεόντων μέλαινά τε ἰδεῖν, καὶ φρίξασα ὀρθή τε ἀνίσταται καὶ συνεκπέμπει δέος οἷον ἐκπληκτικόν. εἰ δὲ ἁλῶναι δυνηθεῖεν, πραΰνονται, ἀλλʼ οὐχ οἱ μέγιστοι· καὶ ἡμεροῦνταί τε καὶ γίνονται ῥᾷστα τιθασοί, ὡς ἄγειν γε ἀπὸ ῥυτῆρος ἐπὶ θήραν κεμάδων καὶ ἐλάφων καὶ συῶν καὶ ταύρων καὶ ἀγρίων ὄνων. εἰσὶ γὰρ καὶ ῥινηλατῆσαι ὡς ἀκούω δεινοί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="27"> 
+<p> ἐν τῇ Λιβύων χώρᾳ ἔθνος ἦν φασι τὸ καλούμενον Νόμαιον. καὶ τὰ μὲν ἄλλα διευτυχοῦντες εὐνόμου μάλα καὶ εὐδαίμονος ναὶ μὰ Δία λήξεως εἶτα ἠφανίσθησαν τελέως, λεόντων αὐτοῖς ἐπελθόντων πλήθει τε παμπόλλων καὶ μεγέθει μεγίστων καὶ τὴν τόλμαν ἀμάχων, ὑφʼ ὧν πανδημεί τε καὶ παγγενεὶ διαφθαρέντες εἶτα ἐς τὸ παντελὲς ἀπώλοντο. λεόντων γὰρ ἀθρόων ἐπιδημία χρῆμα ἀπρόσμαχον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="28"> 
+<p> Εὐφορίων δὲ ἐν τοῖς Ὑπομνήμασι λέγει τὴν Σάμον ἐν τοῖς παλαιτάτοις χρόνοις ἐρήμην γενέσθαι· φανῆναι γὰρ ἐν αὐτῇ θηρία μεγέθει μὲν μέγιστα, ἄγρια δέ, καὶ προσπελάσαι τῳ δεινά, καλεῖσθαί γε μὴν νηάδας. ἅπερ οὖν καὶ μόνῃ τῇ βοῇ ῥηγνύναι τὴν γῆν. παροιμίαν οὗν ἐν τῇ Σάμῳ διαρρεῖν τὴν <pb xml:id="p.425"/> λέγουσαν ʽμεῖζον βοᾷ τῶν νηάδων.ʼ ὀστᾶ δὲ ἔτι καὶ νῦν αὐτῶν δείκνυσθαι μεγάλα ὁ αὐτός φησι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="29"> 
+<p>τοῦ Ἰνδῶν βασιλέως ἐλαύνοντος ἐπὶ τοὺς πολεμίους δέκα μυριάδες ἐλεφάντων προηγοῦνται μαχίμων. ἑτέρους δὲ ἀκούω τρισχιλίους τοὺς μεγίστους τε καὶ ἰσχυροτάτους ἕπεσθαι, οἵπερ οὖν εἰσι πεπαιδευμένοι τὰ τείχη τῶν πολεμίων ἀνατρέπειν, ἐμπεσόντες ὅταν κελεύσῃ ὁ βασιλεύς· ἀνατρέπουσι δὲ τοῖς στήθεσι. καὶ λέγει μὲν ταῦτα Κτησίας, ἀκοῦσαι γράφων. ἰδεῖν δὲ ἐν Βαβυλῶνι ὁ αὐτὸς λέγει τοὺς φοίνικας αὐτορρίζους ἀνατρεπομένους ὑπὸ τῶν ἐλεφάντων τὸν αὐτὸν τρόπον, ἐμπιπτόντων τῶν θηρίων αὐτοῖς βιαιότατα· δρῶσι δὲ ἄρα, ἂν ὁ Ἰνδὸς ὁ πωλεύων αὐτοὺς κελεύσῃ δρᾶσαι τοῦτο αὐτοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="30"> 
+<p>Ζηνόθεμις λέγει Παιονίδα λίμνην τινὰς φέρειν ἰχθῦς, οὕσπερ οὖν εἰ παραβάλοι τις ἀσπαίροντας τοῖς βουσίν, οἳ δὲ ἐμφοροῦνται αὐτῶν μάλα ἀσμένως, ὡς οἱ λοιποὶ τοῦ χόρτου. νεκρῶν δὲ τῶν ἰχθύων οὐκ ἂν πάσαιντο ἔτι οἱ βόες, ἐκεῖνος λέγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="31"> 
+<p>παρὰ Ἀρμενίοις ἀκούω πέτραν εἶναι ὑψηλήν, εἶτα ταύτην ὕδωρ ἐκβάλλειν πάμπολυ. ὑποκεῖσθαι δὲ τῇ πέτρᾳ πυνθάνομαι κρήνην τετράγωνον πάντη, καὶ ἑκάστην πλευρὰν σταδίου ἥμισυ ἔχειν, βάθος δὲ τριῶν ὀργυιῶν εἶναι. συνεκπίπτειν δὲ τῷ ὕδατι προσακούω τῷ προειρημένῳ καὶ ἰχθύας πολλάκις ἔχοντας τὸ μῆκος καὶ πήχεως καὶ ἔτι μείζους καὶ μέντοι καὶ ἐλάττονας, ἀλλʼ οὐ κατὰ πολύ. καὶ τοὺς μὲν αὐτῶν κατολισθάνειν ἡμιθνῆτας, τοὺς δὲ ἀσπαίροντας καὶ μάλα γε ἰσχυρῶς ἀποθνήσκειν. εἶναι δὲ αὐτοὺς ἡ φήμη λέγει πάνυ σφόδρα μέλανας καὶ ἰδεῖν ἀειδεῖς. ἂν δὲ τούτων γεύσηται ἢ ἄνθρωπος ἢ θηρίον, παραχρῆμα ἀπόλλυται. τοὺς μὲν οὖν Ἀρμενίους διὰ <pb xml:id="p.426"/> τὸ ἔνθηρον αὐτοῖς εἶναι καὶ πολύθηρον τὴν γῆν ἀθροίζειν αὐτοὺς καὶ αὐαίνειν ὑπὸ τῇ εἵλῃ τοῦ ἡλίου, εἶτα κόπτειν ἐπιδήσαντάς τι ταῖς ῥισὶ καὶ τῷ στόματι, ἵνα μὴ τῷ ἄσθματι σπάσαντες τὸν ἐκ τῶν πτισσομένων ἀέρα εἶτα ἀποθάνωσι. ποιήσαντες οὖν ἄλευρα τοὺς ἰχθῦς ἐν τοῖς μάλιστα θηριωδεστάτοις χωρίοις κατασπείρουσιν αὐτά, σῦκά γε μὴν παραμιγνύναι τοῖς ἀλεύροις ἔθος ἔχουσιν. οὕτω μὲν οὗν διαφθείρονται οἵ τε σῦς οἱ ἄγριοι καὶ αἱ δορκάδες καὶ οἱ ἔλαφοι καὶ οἱ ἄρκτοι καὶ οἱ ὄνοι οἱ ἄγριοι καὶ οἱ αἶγες, ἄγριοι μέντοι καὶ οὗτοι· συκοτράγα γὰρ ταῦτα καὶ ἀλφιτοφάγα τὰ ζῷά ἐστιν. λέοντας δὲ καὶ παρδάλεις καὶ λύκους σαρκοφάγα ὄντα ἑτέρως ἀναιροῦσι. τῶν γὰρ οἰῶν τῶν ἡμέρων καὶ τῶν αἰγῶν παρασχίσαντες τὴν πλευρὰν ἐς ὅσον καθεῖναι τὴν χεῖρα, ἐμπάττουσι τῶν αὐτῶν ἀλεύρων, προκεῖσθαι κακὸν ναὶ μὰ Δία δέλεαρ τοῖς προειρημένοις. ὅταν οὖν ἢ λέων ἢ πάρδαλις ἢ λύκος ἢ ἄλλο τι τοιοῦτον ἐντύχῃ καὶ γεύσηται, τέθνηκε παραχρῆμα. καὶ πᾶσα μὲν οὖν ἡ Ἀρμενία θηρίων ἀγρίων τροφός τε ἅμα καὶ μήτηρ ἐστίν, ἡ δὲ πεδιὰς ἔτι καὶ μᾶλλον ἡ πρὸς τῷ ποταμῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="32"> 
+<p> ἐν τῇ Κασπίᾳ γῇ λίμνην ἀκούω μεγίστην εἶναι, καὶ ἰχθῦς ἐν αὐτῇ γίνεσθαι μεγάλους, καὶ ὀξύρυγχοι καλοῦνται. οὐκοῦν οἱ Κάσπιοι θηρῶσιν αὐτούς, καὶ διαπάσαντες ἁλσὶ καὶ ταρίχους ἐργασάμενοί τε καὶ ἀποφήναντες αὔους, ἐπισάξαντες καμήλοις κομίζουσιν ἐς Ἐκβάτανα. καὶ ποιοῦσιν ἄλειφα ἐκ τῶνδε τῶν ἰχθύων ἀφελόντες τὴν πιμελήν, τῷ δὲ ἰχθυΐνῳ ἐλαίῳ χρίονται λιπαρῷ σφόδρα καὶ οὐ δυσώδει, τὰ δὲ ἔντερα ἐξέλκουσιν αὐτῶν καὶ ἕψουσι, καὶ ἐξ αὐτῶν ποιοῦσι κόλλαν καὶ μάλα γε ἐν χρείᾳ γίνεσθαι δυναμένην· συνέχει γὰρ πάντα ἐγκρατῶς, καὶ προσέχεται οἷς ἂν <pb xml:id="p.427"/> προσπλακῇ, καὶ ἰδεῖν ἐστι λαμπροτάτη. οὕτω δὲ συνέχει πᾶν ὅ τι ἂν συνδήσῃ τε καὶ συνάψῃ, ὡς καὶ δέκα ἡμερῶν αὐτὴν βρεχομένην μήτε λύεσθαι μήτε μὴν ἀφίστασθαι. ἀλλὰ καὶ τοὺς τὸν ἐλέφαντα χειρουργοῦντας χρῆσθαί τε αὐτῇ καὶ τὰ ἔργα ἐκπονεῖν κάλλιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="33"> 
+<p>λέγει τις λόγος ἐν Κασπίοις ὄρνεον γίνεσθαι τὸ μὲν μέγεθος κατὰ τοὺς ἀλεκτρυόνας τοὺς μεγίστους, ποικίλον γε μὴν καὶ πολυχροίᾳ διηνθισμένον. καὶ πέτεταί γε ὕπτια ὡς ἀκούω ὑποτεῖναν τῷ τραχήλῳ τὰ σκέλη καὶ οἷον ἀνέχον αὐτοῖς αὐτόν. κλαγγὴν δὲ προΐεσθαι σκυλακίου. ποιεῖσθαι δὲ τὴν πτῆσιν οὐκ ἐν ἀέρι βαθεῖ ἀλλὰ περὶ τὴν γῆν, ἐλαφρίζειν ἐς ὕψος ἑαυτὸ μὴ δυνάμενον. Κάσπιος δὲ ἄρα καὶ οὗτος ὄρνις ἢ Ἰνδὸς μᾶλλον ʽλέγεται γὰρ καὶ ἐκείνῃ τὸ γένος οἱ καὶ ταύτᾐ, καὶ εἴη τὸ μέγεθος κατὰ χῆνα ἄν. καὶ ἔχει κεφαλὴν πλατεῖαν μὲν λεπτὴν δέ, καὶ τὰ σκέλη οἱ μακρά. καὶ κεκραμένη χρόα οἱ καὶ μικτή· τὸ μὲν γὰρ νῶτον αὐτῷ πορφυροῖς ἠγλάισται, τὰ δὲ ὑπὸ τὴν γαστέρα κόκκῳ γνησιωτάτῳ καὶ καλλίστῳ προσείκασται, κεφαλὴ δὲ καὶ δέρη λευκὰ ἄμφω. φθέγγεται δὲ κατὰ τὴν αἶγα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="34"> 
+<p>αἶγες δὲ Κάσπιαι γίνονται λευκαὶ ἰσχυρῶς, κεράτων δὲ ἄγονοι, καὶ μικραὶ τὸ μέγεθος καὶ σιμαί. κάμηλοι δʼ ἀριθμοῦ πλείους, αἱ μέγισται κατὰ τοὺς ἵππους τοὺς μεγίστους, εὔτριχες ἄγαν. ἁπαλαὶ γάρ εἰσι σφόδρα αἱ τούτων τρίχες, ὡς καὶ τοῖς Μιλησίοις ἐρίοις ἀντικρίνεσθαι τὴν μαλακότητα. οὐκοῦν ἐκ τούτων οἱ ἱερεῖς ἐσθῆτας ἀμφιέννυνται καὶ οἱ τῶν Κασπίων πλουσιώτατοί τε καὶ δυνατώτατοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="35"> 
+<p>ἐν λόγοις Κρητικοῖς Ἀντήνωρ λέγει τῇ τῶν καλουμένων Ῥαυκίων πόλει ἔκ τινος δαιμονίου προσβολῆς <pb xml:id="p.428"/> ἐπιφοιτῆσαι μελιττῶν σμῆνος, αἵπερ οὖν ᾅδονται χαλκοειδεῖς, ἐγχριμπτούσας δὲ ἄρα αὐτοῖς τὰ κέντρα εἶτα μέντοι πικρότατα λυπεῖν. ὧνπερ οὖν ἐκείνους τὴν προσβολὴν οὐ φέροντας ἀναστῆναι τῆς πατρίδος καὶ μέντοι καὶ ἐς χῶρον ἐλθεῖν ἄλλον, καὶ οἰκίσαι φιλίᾳ τῆς μητρίδος, ἵνα Κρητικῶς εἴπω, Ῥαῦκον, εἰ καὶ τοῦ χωρίου ὁ δαίμων ἤλαυνεν αὐτούς, ἀλλὰ γοῦν τελέως ἀποσπασθῆναι τοῦ ὀνόματος οὐχ ὑπομείναντες. λέγει δὲ ὁ Ἀντήνωρ καὶ ἔτι κατὰ τὴν Ἴδην τὴν Κρῆσσαν ἐκείνου τοῦ γένους τῶν μελιττῶν εἶναι ἰνδάλματα, οὐ πολλὰ μέν, εἶναι δʼ οὖν, καὶ πικρὰ ἐντυχεῖν, ὡς ἐκεῖναι ἦσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="36"> 
+<p> καμήλου κρέας ἥδεται λέων ἐσθίων. καὶ τὸ μαρτύριον, Ἡρόδοτος λέγει ταῖς Ξέρξου καμήλοις ταῖς τὸν σῖτον φερούσαις ἐπιθέσθαι λέοντας. τὰ δὲ ἄλλα οὐκ ἐσίνοντο, οὐχ ὑποζύγιον, οὐκ ἄνθρωπον, ἦ δʼ ὅς. ὀλίγα δὲ Ἡρόδοτος ᾔδει ἐξετάζων τροφὴν λεόντων Θρᾳκίων· ἴσασι δὲ καὶ Ἄραβες ταῦτα, καὶ ὅσοι λεόντων καὶ καμήλων μητέρα τε ἅμα καὶ τροφὸν γῆν ἔχουσιν. οὐκ ἂν γοῦν θαυμάσαιμι εἰ φύσει τινὶ ἀπορρήτῳ λέων ἥδεται καμήλου κρέας καὶ μὴ θεασάμενος φαγεῖν, εἴ ποτε ἐντύχοι· ἡ γὰρ φυσικὴ ἐπιθυμία καὶ τοὺς οὐκ ἰδόντας ἐς τὴν τῆς τροφῆς ἐπιθυμίαν ἀναφλέγει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="37"> 
+<p> Ἀμῶντες ἄνθρωποι, τὸν ἀριθμὸν ἑκκαίδεκα, τοῦ ἡλίου καταφλέγοντος δίψει πιεζόμενοι ἕνα ἑαυτῶν ἀπέστειλαν ἐκ πηγῆς γειτνιώσης κομίσαι ὕδωρ. οὐκοῦν ὁ ἀπιὼν τὸ μὲν δρέπανον τὸ ἀμητικὸν διὰ χειρὸς εἶχε, τὸ δὲ ἀρυστικὸν ἀγγεῖον κατὰ τοῦ ὤμου ἔφερεν. ἐλθὼν δὲ καταλαμβάνει ἀετὸν ὑπό τινος ὄφεως ἐγκρατῶς τε καὶ εὐλαβῶς περιπλακέντα. ἔτυχε δὲ ἄρα καταπτὰς μὲν ἐπʼ αὐτὸν ὁ ἀετός, οὐ μὴν τῆς ἐπιβουλῆς <pb xml:id="p.429"/> ἐγκρατὴς ἐγένετο, οὐδὲ ʽτοῦτο δὴ τὸ Ὁμηρικὸνʼ τοῖς ἑαυτοῦ τέκνοις τὴν δαῖτα ἐκόμισεν, ἀλλὰ τοῖς ἐκείνου περιπεσὼν ἕρμασιν ἔμελλεν οὐ μὰ Δίʼ ἀπολεῖν ἀλλʼ ἀπολεῖσθαι. εἰδὼς οὖν ὁ γεωργὸς τὸν μὲν εἶναι Διὸς ἄγγελον καὶ ὑπηρέτην, εἰδώς γε μὴν κακὸν θηρίον τὸν ὄφιν, τῷ δρεπάνῳ τῷ προειρημένῳ διακόπτει τὸν θῆρα, καὶ μέντοι καὶ τῶν ἀφύκτων ἐκείνων εἱργμῶν τε καὶ δεσμῶν τὸν ἀετὸν ἀπολύει. ὁδοῦ μέντοι πάρεργον τῷ ἀνδρὶ ταῦτα καὶ δὴ διεπέπρᾳκτο, ἀρυσάμενος δὲ τὸ ὕδωρ ἧκε, καὶ πρὸς τὸν οἶνον κεράσας ὤρεξε πᾶσιν, οἱ δὲ ἄρα ἔπιον καὶ ἀμυστὶ καὶ πολλὰς ἐπὶ τῷ ἀρίστῳ. ἔμελλε δὲ καὶ αὐτὸς ἐπʼ ἐκείνοις πίεσθαι· ἔτυχε γάρ πως ὑπηρέτης κατʼ ἐκεῖνο τοῦ καιροῦ ἀλλʼ οὐ συμπότης ὤν. ἐπεὶ δὲ τοῖς χείλεσι τὴν κύλικα προσῆγεν, ὁ σωθεὶς ἀετὸς ζωάγρια ἐκτίνων οἱ καὶ κατὰ τύχην ἀγαθὴν ἐκείνου ἔτι διατρίβων περὶ τὸν χῶρον ἐμπίπτει τῇ κύλικι, καὶ ἐκταράττει αὐτήν, καὶ ἐκχεῖ τὸ ποτόν. ὃ δὲ ἠγανάκτησεν ʽκαὶ γὰρ ἔτυχε διψῶνʼ καὶ λέγει ʽεἶτα μέντοι σὺ ἐκεῖνος ὤνʼ ʽκαὶ γὰρ τὸν ὄρνιν ἐγνώρισἐ ʽτοιαύτας ἀποδίδως τοῖς σωτῆρσι τὰς χάριτας; ἀλλὰ πῶς ἔτι ταῦτα καλά; πῶς δʼ ἂν καὶ ἄλλος σπουδὴν καταθέσθαι θελήσειεν ἔς τινα αἰδοῖ Διὸς χαρίτων ἐφόρου τε καὶ ἐπόπτου;ʼ καὶ τῷ μὲν ταῦτα εἴρητο, καὶ ἐφρύγετο· ὁρᾷ δὲ ἐπιστραφεὶς τοὺς πιόντας ἀσπαίροντάς τε καὶ ἀποθνήσκοντας. ἦν δὲ ἄρα ὡς συμβαλεῖν ἐμημεκὼς ἐς τὴν πηγὴν ὁ ὄφις καὶ κεράσας αὐτὴν τῷ ἰῷ. ὁ μὲν οὖν ἀετὸς τῷ σώσαντι ἰσότιμον τῆς σωτηρίας ἀπέδωκε τὸν μισθόν. λέγει δὲ Κράτης ὁ Περγαμηνὸς ὑπὲρ τούτων καὶ τὸν Στησίχορον ᾅδειν ἔν τινι ποιήματι οὐκ ἐκφοιτήσαντί που ἐς πολλούς, σεμνόν τε καὶ ἀρχαῖον ὥς γε κρίνειν ἐμὲ τὸν μάρτυρα ἐσάγων. <pb xml:id="p.430"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="38"> 
+<p> ἐν θαλάττῃ τῇ Κασπίᾳ εἰσὶ νῆσοί φασι, καὶ γίνονται ἐν αὐταῖς ὄρνιθες διάφοροι μὲν καὶ ἄλλοι, εἷς δὲ εἰληχὼς τοιαύτην ἰδιότητα. εἶναι μὲν γὰρ κατὰ τοὺς χῆνας τὸ μέγεθός φασιν αὐτόν, πόδας δὲ ἔχειν ἐμφερεῖς γεράνῳ. καὶ τὰ μὲν νῶτα κοκκοβαφῆ καὶ σφόδρα ἀκράτως, τὰ δὲ ὑπὸ τὴν γαστέρα πράσινα· τὴν δέρην δὲ λευκὸν εἶναι, καί τινας καὶ ῥανίδας οἱονεὶ διασπαρείσας κροκοειδεῖς ἔχειν. μῆκος δὲ εἰληχέναι οὐ μεῖον πήχεων δύο, κεφαλὴν δὲ ἄρα λεπτήν τε ἅμα καὶ μακράν, τὸ ῥάμφος μέλαν· φωνήν τε ἀφιέναι ἐμφερῆ τοῖς βατράχοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="39"> 
+<p> ἐν τῇ Πρασιακῇ χώρᾳ, ʽἸνδῶν δὲ αὕτη ἐστί Μεγασθένης φησὶ πιθήκους εἶναι τῶν μεγίστων κυνῶν οὐ μείους, ἔχειν δὲ οὐρὰς πήχεων πέντε· προσπεφυκέναι δὲ ἄρα αὐτοῖς καὶ προκόμια καὶ πώγωνας καθειμένους καὶ βαθεῖς· καὶ τὸ μὲν πρόσωπον πᾶν εἶναι λευκούς, τὸ σῶμα δὲ μέλανας ἰδεῖν, ἡμέρους δὲ καὶ φιλανθρωποτάτους, καὶ τὸ τοῖς ἀλλαχόθι πιθήκοις συμφυὲς οὐκ ἔχειν τὸ κακόηθες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="40"> 
+<p> ἐν Ἰνδοῖς ἐστι χώρα περὶ τὸν Ἀσταβόρραν ποταμὸν ἐν τοῖς καλουμένοις Ῥιζοφάγοις. κατὰ τὴν τοῦ Σειρίου τοίνυν ἐπιτολὴν κωνώπων νέφη τινὰ ἐκπληκτικὰ καὶ οἷα τὸν ἀέρα καταλαβεῖν ἐπιφανέντα εἶτα μέντοι ἐλύπησε πολλά. κατὰ μέντοι τὴν λίμνην τὴν καλουμένην Ἀορατίαν ʽἸνδῶν δὲ ἄρα καὶ αὕτη· πλησίον δέ ἐστι τοῦ προειρημένου ποταμοὖ τοῦτο μὲν τὸ θηρίον τὸν κώνωπα ἐπιπολάζειν· ἔρημον δὲ καὶ εἶναι τὸν χῶρον καὶ καλεῖσθαι. τὴν δὲ αἰτίαν ἐκείνην Ἰνδοί φασιν οἱ κύκλῳ περιοικοῦντες, τὸν χῶρον τὸν προειρημένον οὐκ ἄνωθεν οὐδὲ ἐξ ἀρχῆς ἄγονον ἀνθρώπων γενέσθαι, σκορπίους δὲ ἐπιπολάσαι πλῆθος ἄμαχον, καὶ φαλαγγίων τινὰ ἐπιφοιτῆσαι <pb xml:id="p.431"/> φοράν, φαλαγγίων δὲ ἃ καλοῦσι τετράγναθα. τεκεῖν δὲ ἄρα τὰ κακὰ ταῦτά φασιν ἀέρων πονηρίαν. καὶ τέως μὲν ἐγκαρτερεῖν τοὺς ἐκεῖθι τλημόνως τοῦ κακοῦ τὴν προσβολὴν καὶ φιλοπόνως ὑπομείναντας· ἐπεὶ δὲ ἦν παντελῶς ἄμαχον, καὶ διεφθείροντο ἡλικία πᾶσα, εἶτα μέντοι τελευτῶντες ὑπʼ ἀπορίας τοῦ ἀμύνασθαι τὴν καταβολὴν τῆς ἐπιδημίας τῆς προειρημένης ἐξέλιπον τὴν χώραν, καὶ ἐρήμην εἴασαν τὴν φίλην πρότερον καὶ πατρίδα ἀρίστην· οὐχ ἁμαρτήσομαι δὲ ἴσως οὐδὲ μητρίδα εἰπὼν τὴν αὐτήν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="41"> 
+<p>μυῶν ἀρουραίων ἐπιφοίτησις καὶ στόλος οὐ μὰ τοὺς θεοὺς χρηστὸς τῶν ἐν Ἰταλίᾳ τινὰς ἐξήλασαν τῆς πατρῴας γῆς, καὶ φυγάδας ἀπέφηναν δίκην αὐχμῶν ἢ κρυμῶν ἤ τινος ἀκαιρίας ὡρῶν ἑτέρας τὰ μὲν λήια κείροντες, διακόπτοντες δὲ τὰς ῥίζας. τῇ Μηδικῇ δὲ ἐπιφοιτήσαντες στρουθῶν φορά, ἐξήλασαν καὶ ἐκεῖνοι τοὺς κατοικοῦντας, διαφθείροντες τὰ σπέρματα καὶ ἀφανίζοντες αὐτά. βάτραχοι δὲ ἡμιτελεῖς πεσόντες ἐξ ἀέρος πολλοὶ Αὐταριάτας μετῴκισαν ἐς χῶρον ἕτερον. καὶ γένος μέντοι Λιβυστινόν, οὗ καὶ ἀνωτέρω μνήμην ἐποιησάμην, ἐπιφοιτησάντων αὐτοῖς λεόντων, εἶτα αὐτοὺς ἀναστῆναι τῆς πατρῴας γῆς ἐξενίκησαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="42"> 
+<p>ἐν τῇ Βαβυλωνίᾳ γῇ γίνονται μύρμηκες, καὶ ἔχουσι τὸ παιδοποιὸν σῶμα ἐς τοὐπίσω μετεστραμμένον, ἀντίως τοῖς ἄλλοις καὶ ἔμπαλιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="43"> 
+<p>πάρδαλις Καρικὴ καὶ Λυκιακὴ οὐκ ἔστι μὲν θυμική, οὐδὲ οἵα σφόδρα ἁλτικὴ εἶναι, τὸ σῶμα δὲ μακρά· τιτρωσκομένη δὲ καὶ δόρασι καὶ αἰχμαῖς ἀντίτυπός ἐστι, καὶ οὐ ῥᾳδίως τῷ σιδήρῳ εἴκει, τοῦτο δὴ τὸ Ὁμηρικὸν δρῶσα ἦ ῥά τε καὶ περὶ δουρὶ πεπαρμένη οὐκ ἀπολήγει. <pb xml:id="p.432"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="44"> 
+<p> Ῥινοκέρωτος δὲ εἶδος γράφειν τρισέωλόν ἐστιν· ἴσασι γὰρ καὶ Ἑλλήνων πολλοὶ καὶ Ῥωμαίων τεθεαμένοι· τὰ δὲ ἴδια αὐτοῦ τὰ κατὰ τὸν βίον εἰπεῖν οὐ χεῖρόν ἐστιν. ἐπʼ ἄκρας τῆς ῥινὸς τὸ κέρας φέρει, ἔνθεν τοι καὶ κέκληται· καὶ ἔστι μὲν ὀξύτατον ἐπʼ ἄκρου, σιδήρῳ δὲ τὸ καρτερὸν αὐτοῦ προσείκασται. ταῖς γε μὴν πέτραις αὐτὸ παρατρίβων εἶτα ἐπιθήσει ἐλέφαντι ὁμόσε ἰών, τὰ δὲ ἄλλα οὐκ ὢν ἀξιόμαχος, διά τε τὸ ἐκείνου ὕψος καὶ τὴν ῥώμην τὴν τοῦ θηρὸς τὴν τοσαύτην. ὕπεισιν οὖν αὐτοῦ τὰ σκέλη, καὶ τὴν νηδὺν ὑποτέμνει τε καὶ ὑποσχίζει τῷ κέρατι· ὃ δὲ οὐ μετὰ μακρὸν ἐκρυέντος οἱ τοῦ αἵματος κατολισθάνει. μάχη δὲ ῥινοκέρωτος πρὸς ἐλέφαντα ὑπὲρ τῆς νομῆς ἐστι, καὶ πολλοῖς γʼ ἐλέφασιν ἐντυχεῖν ἐστι τεθνεῶσι τὸν τρόπον τοῦτον. ἐὰν δὲ μὴ φθάσῃ ὁ ῥινόκερως δράσας τοῦτο, ἀλλὰ ὑποτρέχων πως ὑποπεσόντος πιεσθῇ, περιβαλλόμενος τὴν προβοσκίδα κατέχει καὶ πρὸς ἑαυτὸν ἕλκει, ἐμπίπτων δὲ τοῖς κέρασι κατακόπτει ὡς πελέκεσιν. εἰ γὰρ καὶ φορίνην ὁ ῥινόκερως ἔχει στερεὰν καὶ δυσδιακόντιστον, ἀλλʼ ἡ βία τοῦ ἐμπίπτοντος μάλα καρτερά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="45"> 
+<p> ἀγριώτατον δὲ ἄρα ἦσαν τῶν ζῴων οἱ τῶν Αἰθιόπων ταῦροι οἱ καλούμενοι σαρκοφάγοι. καί εἰσι μὲν τὸ μέγεθος τῶν παρὰ τοῖς Ἕλλησι διπλασίους, ὤκιστοι δὲ τὸ τάχος. εἰσὶ δὲ πυρρότριχες, γλαυκοὶ τοὺς ὀφθαλμούς, καὶ ὑπὲρ τοὺς λέοντας οὗτοι. τὰ κέρατα δὲ τὸν μὲν ἄλλον χρόνον κινοῦσιν ὡς καὶ τὰ ὦτα, ἐν δὲ ταῖς μάχαις ἐγείρουσιν αὐτὰ καὶ ἀναστήσαντες ἰσχυρῶς, εἶτα οὕτω μάχονται· τὰ δὲ οὐ κλίνεται ὑπὸ τοῦ θυμοῦ ἀνεστῶτα, φύσει ναὶ μὰ Δία θαυμαστῇ. ἄτρωτοι δέ εἰσι καὶ λόγχαις καὶ βέλει παντί· ὁ γάρ τοι σίδηρος οὐκ εἰσδύεται· φρίξας γὰρ ὁ ταῦρος ἐκβάλλει <pb xml:id="p.433"/> αὐτὸν μάτην προσπεσόντα. ἐπιτίθεται δὲ καὶ ἵππων ἀγέλαις καὶ θηρίων ἄλλων. οἱ τοίνυν νομεῖς ἐπαρκεῖν ταῖς ἑαυτῶν ἀγέλαις βουλόμενοι τάφρους κρυπτὰς ἐργάζονται βαθείας, καὶ ταύταις αὐτοὺς ἐλλοχῶσιν· οἳ δὲ ὅταν ἐμπέσωσιν, ὑπὸ τοῦ θυμοῦ ἀποπνίγονται. κέκριται δὲ παρὰ τοῖς Τρωγλοδύταις τοῦτο τὸ ζῷον δικαίως ἄριστον· ἔχει μὲν γὰρ λέοντος τὴν ἀλκήν, τὴν δὲ ὠκύτητα ἵππου, ῥώμην δὲ ταύρου, σιδήρου δὲ κρεῖττόν ἐστι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="46"> 
+<p>λέγει Μνασέας ἐν τῇ Εὐρώπῃ Ἡρακλέους ἱερὸν εἶναι καὶ τῆς τούτου γαμετῆς, ἣν ᾅδουσιν οἱ ποιηταὶ τῆς Ἥρας θυγατέρα. οὐκοῦν ἐν τῷ τοῦ νεὼ περιβόλῳ τιθασοὺς ὄρνιθας τρέφεσθαι πολλούς φησι, καὶ τοῦτο δέ, εἶναι ἀλεκτρυόνας τε καὶ ἀλεκτορίδας τούσδε τοὺς ὄρνεις. νέμονται δὲ καὶ συναγελάζονταί σφισι κατὰ γένος, καὶ δημοσίας ἔχουσι τροφάς, καὶ τῶν θεῶν ἀναθήματά εἰσι τῶν προειρημένων. αἱ μὲν οὖν ἀλεκτορίδες ἐν τῷ τῆς Ἥβης νέμονται νεῷ, οἳ δὲ ἐν Ἡρακλέους οἱ τῶνδε γαμέται. ὀχετὸς δὲ ἄρα ἀενάου τε καὶ καθαροῦ ὕδατος διαρρεῖ μέσος. θῆλυς μὲν οὖν οὐδὲ εἷς ἐς Ἡρακλέους πάρεισιν· οἱ δὲ ἄρρενες, ὅταν ᾖ καιρὸς ἐπιθόρνυσθαι, ὑπερπέτονται τὸν ὀχετόν, εἶτα ὁμιλήσαντες ταῖς θηλείαις ἐπανίασιν ἐς τὰ σφέτερα αὖθις παρὰ τὸν θεὸν ᾧ λατρεύουσι, καθηράμενοι τῷ διείργοντι τὰ γένη τῶν ὀρνίθων ὕδατι. τίκτεται οὖν, οἷα εἰκός, πρῶτον μὲν ἐκ τῆς ὁμιλίας ᾠά· εἶτα ὅταν αὐτὰ θάλψωσι καὶ ἐκλέψωσι τοὺς νεοττοὺς αἱ μητέρες, τοὺς υἱεῖς οἱ ἄρρενες παρʼ ἑαυτοὺς ἄγουσι καὶ ἐκτρέφουσιν. αἱ δὲ ὄρνεις, ἐκείναις ἔργον ἐστὶ τρέφειν τὰς θυγατέρας. </p> </div> <pb xml:id="p.434"/> 
+<div type="textpart" subtype="chapter" xml:base="urn:cts:greekLit:tlg0545.tlg001.perseus-grc2:17" n="epilogos"> 
+<p> ὅσα μὲν οὖν σπουδή τε ἐμὴ καὶ φροντὶς καὶ πόνος καὶ ἐς τὸ πλέον μαθεῖν καὶ ἐν τοῖσδε ἡ γνώμη προχωροῦσα ἀνίχνευσέ τε καὶ ἀνεῦρε, δοκίμων τε ἀνδρῶν καὶ φιλοσόφων ἀγώνισμα θεμένων τὴν ἐπʼ αὐτοῖς ἐμπειρίαν, καὶ δὴ λέλεκταί μοι, ὡς οἷόν τε ἦν εἰπεῖν, μὴ παραλείποντι ἅπερ ἔγνων μηδὲ βλακεύοντι, ὡς ἀλόγου τε καὶ ἀφώνου ἀγέλης ὑπεριδόντι καὶ ἀτιμάσαντι, ἀλλὰ κἀνταῦθα ἔρως με σοφίας ὁ σύνοικός τε καἱ ὁ συμφυὴς ἐξέκαυσεν. οὐκ ἀγνοῶ δὲ ὅτι ἄρα καὶ τῶν ἐς χρήματα ὁρώντων ὀξὺ καὶ τεθηγμένων ἐς τιμάς τε καὶ δυνάμεις τινὲς καὶ πᾶν τὸ φιλόδοξον διʼ αἰτίας ἕξουσιν, εἰ τὴν ἐμαυτοῦ σχολὴν κατεθέμην ἐς ταῦτα, ἐξὸν καὶ ὠφρυῶσθαι καὶ ἐν ταῖς αὐλαῖς ἐξετάζεσθαι καὶ ἐπὶ μέγα προήκειν πλούτου. ἐγὼ δὲ ὑπέρ τε ἀλωπέκων καὶ σαυρῶν καὶ κανθάρων καὶ ὄφεων καὶ λεόντων καὶ τί δρᾷ πάρδαλις καὶ ὅπως πελαργὸς φιλόστοργον καὶ ὅτι ἀηδὼν εὔστομον καὶ πῶς φιλόσοφον ἐλέφας καὶ εἴδη ἰχθύων καὶ γεράνων ἀποδημίας καὶ δρακόντων φύσεις καὶ τὰ λοιπὰ ὅσα ἥδε ἡ συγγραφὴ πεπονημένως ἔχει καὶ φυλάττει, περιέρχομαι· ἀλλὰ οὔ μοι φίλον σὺν τοῖσδε τοῖς πλουσίοις ἀριθμεῖσθαι καὶ πρὸς ἐκείνους ἐζετάζεσθαι, εἰ δὲ ὧν καὶ ποιηταὶ σοφοὶ καὶ ἄνδρες φύσεως ἀπόρρητα ἰδεῖν τε ἅμα καὶ κατασκέψασθαι δεινοὶ καὶ συγγραφεῖς τῆς πείρας ἐς τὸ μήκιστον προελθόντες ἑαυτοὺς ἠξίωσαν, τούτων τοι καὶ ἐμαυτὸν ἁμωσγέπως ἕνα πειρῶμαι ἀριθμεῖν καὶ ἐθέλω, δῆλον ὡς ἀμείνων ἐμαυτῷ σύμβουλός εἰμι τῆς ἐξ ἐκείνων κρίσεως. βουλοίμην <pb xml:id="p.435"/> γὰρ ἂν μάθημα ἓν γοῦν πεπαιδευμένον περιγενέσθαι μοι ἢ τὰ ᾀδόμενα τῶν πάνυ πλουσίων χρήματά τε ἅμα καὶ κτήματα. καὶ ὑπὲρ μὲν τούτων ἱκανὰ νῦν. οἶδα δὲ ὅτι καὶ ἐκεῖνα οὐκ ἐπαινέσονταί τινες, εἰ μὴ καθʼ ἕκαστον τῶν ζῴων ἀπέκρινα μου τὸν λόγον, μηδὲ ἰδίᾳ τὰ ἑκάστου εἶπον ἀθρόα, ἀνέμιξα δὲ καὶ τὰ ποικίλα ποικίλως, καὶ ὑπὲρ πολλῶν διεξῆλθον, καὶ πῆ μὲν ἀπέλιπον τὸν περὶ τῶνδε λόγον τῶν ζῴων, πῆ δὲ ὑπέστρεψα ὑπὲρ τῆς αὐτῶν φύσεως ἕτερα εἴρων. ἐγὼ δὲ πρῶτον μὲν τὸ ἐμὸν ἴδιον οὔκ εἰμι τῆς ἄλλου κρίσεώς τε καὶ βουλήσεως δοῦλος, οὐδέ φημι δεῖν ἕπεσθαι ἑτέρῳ, ὅποι μʼ ἂν ἀπάγῃ· δεύτερον δὲ τῷ ποικίλῳ τῆς ἀναγνώσεως τὸ ἐφολκὸν θηρῶν καὶ τὴν ἐκ τῶν ὁμοίων βδελυγμίαν ἀποδιδράσκων, οἱονεὶ λειμῶνά τινα ἢ στέφανον ὡραῖον ἐκ τῆς πολυχροίας, ὡς ἀνθεσφόρων τῶν ζῴων τῶν πολλῶν, ᾠήθην δεῖν τήνδε ὑφᾶναί τε καὶ διαπλέξαι τὴν συγγραφήν. εἰ δὲ τοῖς θηρατικοῖς καὶ ἓν ζῷον εὑρεῖν δοκεῖ πως εὐερμία, ἀλλὰ τό γε τῶν τοσούτων οὐ τὰ ἴχνη, οὐδὲ τὰ μέλη συλλαβεῖν ἐγώ φημι γενναῖον, ἀλλʼ ὁπόσα ἡ φύσις ἔδωκέ τε αὐτοῖς καὶ ὅσων ἠξίωσεν ἀνιχνεῦσαι. τί πρὸς ταῦτα Κέφαλοί τε καὶ Ἱππόλυτοι καὶ εἴ τις ἐν ὄρεσιν ἀγρίοις θηρία μετελθεῖν δεινὸς ἕτερος ἢ αὖ πάλιν τῶν ἐν ὑδροθηρίαις δεινῶν Μητρόδωρος ὁ Βυζάντιος ἢ Λεωνίδης ὁ τούτου παῖς ἢ Δημόστρατος ἢ ἄλλοι τινὲς θηραταὶ ἰχθύων οἱ δεινότατοι, πολλοὶ ναὶ μὰ Δία; καὶ γραφικοὶ δὲ ἄνδρες, μέγα αὐτοὺς φρονεῖν ἀνέπειθεν ἢ ἵππος γραφεὶς κάλλιστα, ὡς Ἀγλαοφῶντα, ἢ νεβρός, ὡς Ἀπελλῆν, ἢ βλασθὲν βοΐδιον, ὡς Μύρωνα, ἢ ἄλλο τι. εἰ δὲ εἷς τὰ τῶν τοσούτων ἐκδεικνύει καὶ ὑπʼ αὐγὰς ἄγει καὶ ἤθη καὶ πλάσεις καὶ σοφίαν καὶ ἀγχίνοιαν <pb xml:id="p.436"/> καὶ δικαιοσύνην καὶ σωφροσύνην καὶ ἀνδρείαν καὶ στοργὴν καὶ εὐσέβειαν θηράσας, πῶς οὐκ ἤδη καὶ θαυμάσαι ἄξιος; ἥκων δὲ ἐνταυθοῖ τοῦ λόγου καὶ πάνυ ἄχθομαι, εἰ ζῴων μὲν εὐσέβειαν ἀλόγων ᾅδομεν, ἀνθρώπων δὲ ἀσέβειαν ἐλέγχομεν. καὶ τοῦτο μὲν οὐκ ἐνταῦθα ἀποδείξομεν, ἐκεῖνο δὲ προσέτι εἰπεῖν δικαιότατον, οὗπερ οὖν καὶ ἐναρχόμενος τῶνδε τῶν λόγων μνήμην ἐποιησάμην, εἰ ταῦτα εἶπον, ὅσα πάντες, ἢ οἵ γε πλεῖστοι, οὔπω δίκαιον αἰτιᾶσθαι· ζῷα γὰρ αὐτὸς ἄλλα πλάσαι οὐκ ἠδυνάμην, ὅτι δὲ ἔγνων πολλὰ ἐπεδειξάμην. ἤδη μέντοι καὶ εἶπόν τινα, ὧν οὐκ ἄλλος εἶπε διά γε τῆς πείρας τῆσδε αὐτὸς ἐλθών· φίλη δὲ ἡ ἀλήθειά μοι τῇ τε ἄλλῃ καὶ ἐνταῦθα οὐχ ἥκιστα. ὅπως δὲ αὐτὰ εἶπον καὶ σὺν ὅσῳ πόνῳ, τό τε εὐγενὲς τῆς λέξεως ὁποῖον καὶ τῆς συνθήκης, τῶν τε ὀνομάτων καὶ τῶν ῥημάτων τὸ κάλλος, ὁπόσοις ἂν μὴ χρήσωμαι πονηροῖς κριταῖς, ἐκεῖνοι εἴσονται. </p> </div> </div></div>
+</body>
+</text>
+</TEI>
diff --git a/data/tlg0545/tlg002/__cts__.xml b/data/tlg0545/tlg002/__cts__.xml
new file mode 100644
index 000000000..a245ffe0e
--- /dev/null
+++ b/data/tlg0545/tlg002/__cts__.xml
@@ -0,0 +1,10 @@
+<?xml version="1.0" encoding="UTF-8"?>
+<ti:work xmlns:ti="http://chs.harvard.edu/xmlns/cts" groupUrn="urn:cts:greekLit:tlg0545" xml:lang="grc" urn="urn:cts:greekLit:tlg0545.tlg002">
+  <ti:title xml:lang="lat">Varia Historia</ti:title>
+  
+  <ti:edition urn="urn:cts:greekLit:tlg0545.tlg002.perseus-grc2" workUrn="urn:cts:greekLit:tlg0545.tlg002" xml:lang="grc">
+    <ti:label xml:lang="grc">Ποικίλη ἱστορία</ti:label>
+    <ti:description xml:lang="mul">Aelian. Claudii Aeliani Varia Historia Epistolae Fragmenta, Vol. 2. Hercher, Rudolf, editor. Leipzig: Teuber, 1866.</ti:description>
+  </ti:edition>
+</ti:work>
+
diff --git a/data/tlg0545/tlg002/tlg0545.tlg002.perseus-grc1.tracking.json b/data/tlg0545/tlg002/tlg0545.tlg002.perseus-grc1.tracking.json
deleted file mode 100644
index ea69ea97e..000000000
--- a/data/tlg0545/tlg002/tlg0545.tlg002.perseus-grc1.tracking.json
+++ /dev/null
@@ -1,14 +0,0 @@
-{
-    "epidoc_compliant": false, 
-    "fully_unicode": true, 
-    "git_repo": "canonical-greekLit", 
-    "has_cts_metadata": false, 
-    "has_cts_refsDecl": false, 
-    "id": "2008.01.0591", 
-    "last_editor": "", 
-    "note": "", 
-    "src": "texts/sdl/Aelian/aelian02_gk.xml", 
-    "status": "migrated", 
-    "target": "canonical-greekLit/data/tlg0545/tlg002/tlg0545.tlg002.perseus-grc1.xml", 
-    "valid_xml": true
-}
\ No newline at end of file
diff --git a/data/tlg0545/tlg002/tlg0545.tlg002.perseus-grc1.xml b/data/tlg0545/tlg002/tlg0545.tlg002.perseus-grc1.xml
deleted file mode 100644
index 5fc9b9669..000000000
--- a/data/tlg0545/tlg002/tlg0545.tlg002.perseus-grc1.xml
+++ /dev/null
@@ -1,6920 +0,0 @@
-<?xml version="1.0" encoding="UTF-8"?><TEI.2>
-<teiHeader>
-<fileDesc>
-<titleStmt>
-<title>Varia Historia</title>
-<author>Aelian</author>
-<editor>Rudolf Hercher</editor>
-<funder n="org:Google">Google Digital Humanities Awards Program</funder>
-</titleStmt>
-<publicationStmt>
-<publisher>Trustees of Tufts University</publisher>
-<pubPlace>Medford, MA</pubPlace>
-<authority>Perseus Project</authority>
-</publicationStmt>
-<sourceDesc>
-<biblStruct>
-<monogr>
-<title>Claudii Aeliani de natura animalium libri xvii, varia historia, epistolae, fragmenta, Vol 2</title>
-<author>Aelian</author>
-<editor>Rudolf Hercher</editor>
-<imprint>
-<publisher>In Aedibus B.G. Teubneri</publisher>
-<pubPlace>Lipsiae</pubPlace>
-<date>1866</date>
-</imprint>
-</monogr>
-</biblStruct>
-<p>Keyboarding</p>
-</sourceDesc>
-</fileDesc>
-<encodingDesc>
-<refsDecl doctype="TEI.2">
-<state unit="book"/>
-<state unit="chapter" n="chunk"/>
-</refsDecl>
-</encodingDesc>
-<profileDesc>
-    <!-- <change when="2017-04-28" who="Lisa Cerrato">revised many chapter breaks as submitted by user NC; checked against the print source</change> 
-    <change when="2011-09-22" who="lcerrato">tagged as a book and therefore not showing up on the site; the div1 was changed to reflect this (was div1 type equals 14)</change>
-    <change when="2011-07-05" who="balmas">adding funder, fixing refsDecl and langUsage</change>
-    <change when="2011-07-01" who="gcrane">apostrophers fixed; upper and lower case regularized</change>
-    <change when="2011-07-01" who="ajones06">added header information</change>
-    <change when="2011-06-24" who="gcrane">base files</change>
-    -->
-<langUsage>
-<language id="greek">Greek</language>
-</langUsage>
-</profileDesc>
-</teiHeader>
-<text>
-<body>
-<pb id="p.3"/>
-<div1 type="book" n="1">
-<div2 type="chapter" n="1">
-<p><milestone unit="para"/>
-δεινοὶ κατὰ κοιλίαν εἰσὶν οἱ πολύποδες, καὶ
-πᾶν ὅ τι οὖν φαγεῖν ἄμαχοι. πολλάκις γοῦν οὐδὲ
-ἀλλήλων ἀπέχονται, ἀλλὰ τῷ μείζονι ὁ βραχύτερος
-ἁλοὺς καὶ ἐμπεσὼν τοῖς ἀνδρειοτέροις θηράτροις τοῖς
-καλουμένοις τοῦ ἰχθύος πλοκάμοις, εἶτα αὐτῷ γίνεται 
-δεῖπνον. ἐλλοχῶσι δὲ οἱ πολύποδες καὶ τοὺς
-ἰχθῦς τὸν τρόπον τοῦτον. ὑπὸ ταῖς πέτραις κάθηνται,
-καὶ ἑαυτοὺς ἐς τὴν ἐκείνων μεταμορφοῦσι χρόαν,
-καὶ τοῦτο εἶναι δοκοῦσιν, ὅπερ οὖν καὶ πεφύκασιν
-αἱ πέτραι. οἱ τοίνυν ἰχθῦς προσνέουσιν οἱονεὶ τῇ 
-πέτρᾳ τοῖς πολύποσιν, οἳ δὲ ἀφυλάκτους ὄντας αὐτοὺς
-περιβάλλουσι ταῖς ἐξ ἑαυτῶν ἄρκυσι ταῖς πλεκτάναις.
-</p>
-</div2>
-<div2 type="chapter" n="2">
-<p><milestone unit="para"/>
-ὑφαντικὴν καὶ ὑφαίνειν, δῶρα Ἐργάνης δαίμονος, 
-οὔτε ἴσασιν αἱ φάλαγγες οὔτε εἰδέναι βούλονται. 
-ἢ τί ποτʼ ἂν καὶ χρήσαιτο τῷ τοιῷδε ἐσθήματι
-τὸ τοιοῦτον θηρίον; τὸ δὲ ἄρα πάγη καὶ οἱονεὶ
-κύρτος ἐστὶ τοῖς ἐμπίπτουσι. καὶ ἣ μὲν ἀρκυωρεῖ
-πάνυ σφόδρα ἀτρεμοῦσα, καὶ ἔοικεν ἀκινήτῳ· καὶ
-τὸ μὲν ἐνέπεσεν, ὅ τί ποτέ ἐστι τὸ ἐμπεσόν, ἣ δὲ 
-ἔχει δαῖτα. τοσοῦτον δʼ ἐμπίπτει, ὅσον καὶ τὸ ὕφασμα
-κατέχειν δυνατόν ἐστι καὶ ἐκείνῃ δειπνεῖν ἀπόχρη.
-</p>
-</div2>
-<div2 type="chapter" n="3">
-<p><milestone unit="para"/>σοφόν τι ἄρα χρῆμα ἦν γένος βατράχων Αἰγυπτίων, 
-<pb id="p.4"/>
-καὶ οὖν καὶ τῶν ἄλλων ὑπερφέρουσι κατα
-πολύ. ἐὰν γὰρ ὕδρῳ περιπέσῃ Νείλου θρέμματι
-βάτραχος, καλάμου τρύφος ἐνδακὼν πλάγιον φέρει,
-καὶ ἀπρὶξ ἔχεται, καὶ οὐκ ἀνίησι κατὰ τὸ καρτερόν.
-ὃ δὲ ἀμηχανεῖ καταπιεῖν αὐτὸν αὐτῷ καλάμῳ· οὐ
-γάρ οἱ ἐγχωρεῖ περιβαλεῖν τοσοῦτον τὸ στόμα, ὅσον
-ὁ κάλαμος διείργει. καὶ ἐκ τούτου περιγίνονται τῆς
-ῥώμης τῶν ὕδρων οἱ βάτραχοι τῇ σοφίᾳ.
-</p>
-</div2>
-<div2 type="chapter" n="4">
-<p><milestone unit="para"/> καὶ ἐκεῖνο δὲ κυνὸς Αἰγυπτίου σοφόν. οὐκ
-ἀθρόως οὐδὲ ἀνέδην οὐδὲ ἐλευθέρως ἐκ τοῦ ποταμοῦ
-πίνουσιν ἐπικύπτοντες ἅμα καὶ ὅσον διψῶσι
-λάπτοντες· ὑφορῶνται γὰρ τὰ ἐν αὐτῷ θηρία· παραθέουσι
-δὲ τὴν ὄχθην, καὶ παρακλέπτοντες πίνουσιν
-ὅσον ἁρπάσαι, πάλιν καὶ πάλιν. εἶτα οὕτως ἐκ διαλειμμάτων
-ἐκορέσθησαν, οὐ μὴν ἀπώλοντο, καὶ οὖν
-καὶ ἠκέσαντο τὸ δίψος.
-</p>
-</div2>
-<div2 type="chapter" n="5">
-<p><milestone unit="para"/> ἡ ἀλώπηξ, οὐ μόνον τὸ χερσαῖον θηρίον δολερόν
-ἐστιν, ἀλλὰ καὶ ἡ θαλαττία πανοῦργός ἐστι. τὸ
-μὲν γὰρ δέλεαρ οὐχ ὑφορᾶται, οὐδὲ μὴν φυλάττεται
-διὰ τὴν ἀκρασίαν τοῦτο, τοῦ δὲ ἀγκίστρου καταφρονεῖ
-καὶ πάνυ. πρὶν ἢ γὰρ τὸν ἀσπαλιέα ἀνασπάσαι
-τὸν κάλαμον ἣ δὲ ἀνέθορε, καὶ ἀπέκειρε τὴν ὁρμιὰν
-καὶ νήχεται αὖθις. πολλάκις οὖν καὶ δύο καὶ τρία
-κατέπιεν ἄγκιστρα, ὁ δʼ ἁλιεὺς ἐκείνην οὐκ ἐδείπνησε
-προϊοῦσαν τῆς θαλάττης.
-</p>
-</div2>
-<div2 type="chapter" n="6">
-<p><milestone unit="para"/> αἱ χελῶναι αἱ θαλάττιαι ἐν τῇ γῇ τίκτουσι, τεκοῦσαι
-δὲ παραχρῆμα κατέχωσαν ἐν τῇ γῇ τὰ ᾠά,
-εἶτα ὑποστρέψασαι ὀπίσω ἐς ἤθη τὰ ἑαυτῶν νήχονται.
-εἰσὶ δὲ ἐς τοσοῦτον λογιστικαί, ὡς ἐφʼ ἑαυτῶν
-ἐκλογίζεσθαι τὰς ἡμέρας τὰς τετταράκοντα, ἐν αἷς τὰ
-ἔκγονα αὐταῖς τῶν ᾠῶν συμπαγέντων ζῷα γίνεται.
-ὑποστρέψασαι οὖν αὖθις ἐς τὸν χῶρον, ἐν ᾧ κατέθεντο
-<pb id="p.5"/>
-κρύψασαι τὰ ἑαυτῶν βρέφη, ἀνώρυξαν τὴν γῆν,
-ἣν ἐπέβαλον, καὶ κινουμένους ἤδη τοὺς νεοττοὺς καὶ
-ἕπεσθαι δυναμένους αὐταῖς ἀπάγουσιν.
-</p>
-</div2>
-<div2 type="chapter" n="7">
-<p><milestone unit="para"/>ἦσαν ἄρα οἱ σῦς οἱ ἄγριοι ἰατρικῆς ἅμα καὶ θεραπείας 
-οὐκ ἀπαίδευτοι. οὗτοι γοῦν ὅταν αὑτοὺς 
-λαθόντες ὑοσκυάμου φάγωσι, τὰ ἐξόπισθεν ἐφέλκουσι,
-παρειμένως ἔχοντες ἑαυτῶν, εἶτα σπώμενοι
-ὅμως ἐπὶ τὰ ὕδατα παραγίνονται, καὶ ἐνταῦθα τῶν
-καρκίνων ἀναλέγουσι, καὶ ἐσθίουσι προθυμότατα.
-γίνονται δὲ αὐτοῖς οὗτοι τοῦ πάθους φάρμακον, καὶ 
-ἐργάζονται ὑγιεῖς αὐτοὺς αὖθις.
-</p>
-</div2>
-<div2 type="chapter" n="8">
-<p><milestone unit="para"/>φαλάγγιον ἐλάφοις τοσοῦτόν ἐστι κακόν, ὅσον καὶ 
-ἀνθρώποις, καὶ κινδυνεύουσιν ἀπολέσθαι διὰ ταχέων.
-ἐὰν μέντοι κιττοῦ γεύσωνται, ἐλύπησεν αὐτοὺς τὸ
-δῆγμα οὐδέν. δεῖ δὲ εἶναι τὸν κιττὸν ἄγριον. 
-</p>
-</div2>
-<div2 type="chapter" n="9">
-<p><milestone unit="para"/>λέοντα δὲ νοσοῦντα τῶν μὲν ἄλλων οὐδὲν ὀνίνησι, 
-φάρμακον δέ ἐστιν αὐτῷ τῆς νόσου βρωθεὶς πίθηκος.
-</p>
-</div2>
-<div2 type="chapter" n="10">
-<p><milestone unit="para"/>οἱ Κρῆτές εἰσι τοξεύειν ἀγαθοί, καὶ οὖν καὶ τὰς 
-αἶγας βάλλουσιν ἐπʼ ἄκροις νεμομένας τοῖς ὄρεσιν. 
-αἱ δὲ βληθεῖσαι παραχρῆμα τῆς δικτάμνου βοτάνης
-διέτραγον, καὶ ἅμα τῷ γεύσασθαι ὅλα ἐκείναις τὰ
-βέλη ἐκπίπτει.
-</p>
-</div2>
-<div2 type="chapter" n="11">
-<p><milestone unit="para"/>ἦσαν δὲ ἄρα μαντικώτατοι τῶν ζῴων καὶ μύες. 
-γηρώσης γὰρ οἰκίας ἤδη καὶ μελλούσης κατολισθάνειν 
-αἰσθάνονται πρῶτοι, καὶ ἀπολιπόντες τὰς μυωπίας
-τὰς αὑτῶν καὶ τὰς ἐξ ἀρχῆς διατριβάς, ᾗ ποδῶν ἔχουσιν
-ἀποδιδράσκουσι καὶ μετοικίζονται.
-</p>
-</div2>
-<div2 type="chapter" n="12">
-<p><milestone unit="para"/>ἔχουσι δὲ καὶ οἱ μύρμηκες, ὡς ἀκούω, μαντικῆς 
-τινα αἴσθησιν. ὅταν γὰρ μέλλῃ λιμὸς ἔσεσθαι, δεινῶς 
-εἰσι φιλόπονοι πρὸς τὸ θησαυρίσαι καὶ ἑαυτοῖς
-<pb id="p.6"/>
-ἀποταμιεύσασθαι τοὺς πυροὺς καὶ τὰ λοιπὰ τῶν
-σπερμάτων, ὅσα μυρμήκων δεῖπνόν ἐστιν.
-</p>
-</div2>
-<div2 type="chapter" n="13">
-<p><milestone unit="para"/> ὁ Συρακόσιος Γέλων ὄναρ ἐβέβλητο κεραυνῷ,
-καὶ διὰ τοῦτο ἐβόα οὐκ ἀμυδρὸν οὐδʼ ἀσθενές, ὡς
-ἐν ὀνείρῳ, ἀλλʼ ἀνδρικῶς, ἅτε δεινῶς ἐκπλαγεὶς ὑπὸ
-τοῦ δέους. ὁ δὲ κύων, ὅσπερ οὖν αὐτῷ παρεκάθευδεν,
-ἐκ τῆς βοῆς διεταράχθη, καὶ περιβὰς αὐτὸν
-ὑλάκτει πάνυ σφόδρα ἀπειλητικὸν καὶ σύντονον. καὶ
-ἐκ τούτων ὁ Γέλων ἅμα τε ἀφυπνίσθη καὶ τοῦ δέους
-ἀφείθη.
-</p>
-</div2>
-<div2 type="chapter" n="14">
-<p><milestone unit="para"/> λέγει Ἀριστοτέλης τὸν κύκνον καλλίπαιδα εἶναι
-καὶ πολύπαιδα, ἔχειν γε μὴν καὶ θυμόν. πολλάκις
-γοῦν ἐς ὀργὴν καὶ μάχην προελθόντες καὶ ἀλλήλους
-ἀπέκτειναν οἱ κύκνοι. λέγει δὲ ὁ αὐτὸς καὶ μάχεσθαι
-τοὺς κύκνους τοῖς ἀετοῖς· ἀμύνεσθαί γε μὴν αὐτούς,
-ἀλλʼ οὐκ ἄρχειν ἀδίκων. ὅτι δέ εἰσι φιλῳδοί, τοῦτο
-μὲν ἤδη τεθρύληται. ἐγὼ δὲ ᾅδοντος κύκνου οὐκ
-ἤκουσα, ἴσως δὲ οὐδὲ ἄλλος· πεπίστευται δʼ οὖν
-ὅτι ᾅδει. καὶ λέγουσί γε αὐτὸν μάλιστα κατʼ ἐκεῖνον
-εἶναι τὸν χρόνον εὐφωνότατόν τε καὶ ᾠδικώτατον,
-ὅταν ᾖ περὶ τὴν καταστροφὴν τοῦ βίου. διαβαίνουσι
-δὲ καὶ πέλαγος, καὶ πέτονται καὶ κατὰ θαλάττης, καὶ
-αὐτοῖς οὐ κάμνει τὸ πτερόν.
-</p>
-</div2>
-<div2 type="chapter" n="15">
-<p><milestone unit="para"/> ἐκ διαδοχῆς φασιν ἐπῳάζειν τὰς περιστεράς. εἶτα
-τῶν νεοττῶν γενομένων ὁ ἄρρην ἐμπτύει αὐτοῖς, ἵνα
-μὴ βασκανθῶσι. τίκτει δὲ ᾠὰ δύο ἡ θήλεια, ὧν τὸ
-μὲν πρῶτον ἄρρεν ποιεῖ πάντως, τὸ δὲ δεύτερον
-θῆλυ. τίκτουσι δὲ αἱ περιστεραὶ κατὰ πᾶσαν ὥραν
-τοῦ ἔτους· ἔνθεν τοι καὶ δεκάκις τοῦ ἔτους ὠδίνουσι.
-λόγος δέ τις περίεισιν Αἰγύπτιος, λέγων δωδεκάκις
-τὰς ἐν Αἰγύπτῳ τίκτειν. λέγει δὲ Ἀριστοτέλης καὶ
-διάφορον εἶναι τῆς περιστερᾶς τὴν πελειάδα· τὴν
-<pb id="p.7"/>
-μὲν γὰρ περιστερὰν εἶναι μείζονα, τὴν δὲ πελειάδα
-βραχυτέραν, καὶ τὴν μὲν περιστερὰν τιθασὸν γίνεσθαι,
-τὴν δὲ οὔ. λέγει δὲ ὁ αὐτὸς μὴ πρότερον ἐπιβαίνειν
-τὸν ἄρρενα τῇ θηλείᾳ πρὶν ἢ φιλῆσαι αὐτήν·
-μὴ γὰρ ἀνέχεσθαι τὰς θηλείας τὴν τῶν ἀρρένων ὁμιλίαν 
-τοῦ φιλήματος ἔρημον. προστίθησι δὲ τούτοις
-καὶ ἐκεῖνο, ὅτι καὶ αἱ θήλειαι ἀλλήλας ἀναβαίνουσιν,
-ὅταν τῆς πρὸς ἄρρενα μίξεως ἀτυχήσωσι· καὶ οὐδὲν
-μὲν ἐς ἀλλήλας προΐενται, τίκτουσι δὲ ᾠά, ἐξ ὧν
-νεοττοὶ οὐ γίνονται αὐταῖς. εἰ δέ τι Καλλιμάχῳ χρὴ 
-προσέχειν, φάτταν καὶ πυραλλίδα καὶ περιστερὰν
-καὶ τρυγόνα φησὶ μηδὲν ἀλλήλαις ἐοικέναι. Ἰνδοὶ δέ
-φασι λόγοι περιστερὰς ἐν Ἰνδοῖς γίνεσθαι μηλίνας
-τὴν χρόαν. Χάρων δὲ ὁ Λαμψακηνὸς περὶ τὸν Ἄθω
-φανῆναι περιστερὰς λευκὰς λέγει, ὅτε ἐνταῦθα ἀπώλοντο 
-αἱ τῶν Περσῶν τριήρεις περικάμπτουσαι τὸν
-Ἄθω. ἐν Ἔρυκι δὲ τῆς Σικελίας, ἔνθα ἐστὶν ὁ τῆς
-Ἀφροδίτης νεὼς σεμνός τε καὶ ἅγιος, κατά τινα καιρὸν
-θύουσιν οἱ Ἐρυκινοὶ τὰ Ἀναγώγια, καὶ λέγουσι
-τὴν Ἀφροδίτην ἐς Λιβύην ἐκ Σικελίας ἀνάγεσθαι. 
-τότε οὖν ἀφανεῖς ἐκ τοῦ χώρου αἱ περιστεραὶ γίνονται,
-ὥσπερ οὖν τῇ θεῷ συναποδημοῦσαι. κατά γε
-μὴν τὸν λοιπὸν χρόνον πάμπολύ τι πλῆθος τῶνδε
-τῶν ὀρνίθων ἐπιπολάζειν τῷ νεῷ τῆς θεοῦ ὡμολόγηται.
-Ἀχαϊκοὶ δὲ αὖ πάλιν λέγουσι λόγοι καὶ τὸν 
-Δία αὐτὸν μεταβαλεῖν τὴν μορφὴν ἐς περιστεράν,
-ἐρασθέντα παρθένου Φθίας ὄνομα. ἐν Αἰγίῳ δὲ
-ᾤκει ἡ Φθία αὕτη.
-</p>
-</div2>
-<div2 type="chapter" n="16">
-<p><milestone unit="para"/>ὅτε ἧκεν ἡ ναῦς ἡ ἐκ Δήλου, καὶ ἔδει Σωκράτην 
-ἀποθνήσκειν, ἀφίκετο ἐς τὸ δεσμωτήριον Ἀπολλόδωρος 
-ὁ τοῦ Σωκράτους ἑταῖρος, χιτῶνά τε αὐτῷ φέρων
-ἐρίων πολυτελῆ καὶ εὐήτριον καὶ ἱμάτιον τοιοῦτο.
-<pb id="p.8"/>
-καὶ ἠξίου ἐνδύντα αὐτὸν τὸν χιτῶνα καὶ θοιμάτιον
-περιβαλόμενον εἶτα οὕτω πιεῖν τὸ φάρμακον. ἔλεγε
-γὰρ αὐτῷ καλῶν ἐνταφίων μὴ ἀμοιρήσειν, εἰ ἐν αὐτοῖς
-ἀποθάνοι· καὶ γὰρ οὖν καὶ προκείσεσθαι σὺν
-τῷ κόσμῳ τὸν νεκρὸν οὐ πάνυ τι ἀδόξως. ταῦτα τὸν
-Σωκράτην ὁ Ἀπολλόδωρος· ὃ δὲ οὐκ ἠνέσχετο, ἀλλʼ
-ἔφη πρὸς τοὺς ἀμφὶ τὸν Κρίτωνα καὶ Σιμμίαν καὶ
-Φαίδωνα ʽκαὶ πῶς ὑπὲρ ἡμῶν καλῶς Ἀπολλόδωρος
-οὑτοσὶ δοξάζει, εἴ γε πεπίστευκεν ὅτι μετὰ τὴν ἐξ
-Ἀθηναίων φιλοτησίαν ἔτι ὄψεται Σωκράτην; εἰ γὰρ
-οἴεται τὸν ὀλίγῳ ὕστερον ἐρριμμένον ἐν ποσὶ καὶ κεισόμενόν
-γε εἶναι ἐμέ, δῆλός ἐστί με οὐκ εἰδώς.ʼ
-</p>
-</div2>
-<div2 type="chapter" n="17">
-<p><milestone unit="para"/> ταῦτα ἄρα ἐστὶ τὰ θαυμαζόμενα Μυρμηκίδου
-τοῦ Μιλησίου καὶ Καλλικράτους τοῦ Λακεδαιμονίου
-μικρὰ ἔργα. τέθριππα μὲν ἐποίησαν ὑπὸ μυίας καλυπτόμενα,
-καὶ ἐν σησάμῳ δίστιχον ἐλεγεῖον χρυσοῖς
-γράμμασιν ἐπέγραψαν. ὧν ἐμοὶ δοκεῖν ὁ σπουδαῖος
-οὐδέτερον ἐπαινέσεται· τί γὰρ ἄλλο ἐστὶ ταῦτα ἢ
-χρόνου παρανάλωμα;
-</p>
-</div2>
-<div2 type="chapter" n="18">
-<p><milestone unit="para"/> πῶς δὲ οὐ διέρρεον ὑπὸ τρυφῆς αἱ παλαιαὶ τῶν
-γυναικῶν; ἐπὶ μὲν γὰρ τῆς κεφαλῆς στεφάνην ἐπετίθεντο
-ὑψηλήν, τοὺς δὲ πόδας σανδάλοις ὑπεδοῦντο,
-ἐκ δὲ τῶν ὤτων αὐταῖς ἐνώτια μακρὰ ἀπεκρέματο,
-τῶν δὲ χιτώνων τὰ περὶ τοὺς ὤμους ἄχρι τῶν χειρῶν
-οὐ συνέρραπτον, ἀλλὰ περόναις χρυσαῖς καὶ ἀργυραῖς
-συνεχέσι κατελάμβανον. καὶ ταῦτα αἱ πάνυ παλαιαί·
-τῶν δὲ Ἀττικῶν γυναικῶν τὴν τρυφὴν Ἀριστοφάνης λεγέτω.
-</p>
-</div2>
-<div2 type="chapter" n="19">
-<p><milestone unit="para"/> ὁ μὲν δημώδης λόγος καὶ ἐς πάντας ἐκφοιτήσας
-λέγει Συβαρίταις καὶ αὐτῇ τῇ Συβάρει αἰτίαν τῆς
-ἀπωλείας γενέσθαι τὴν πολλὴν τρυφήν. ἃ δὲ οὐκ
-ἔστι τοῖς πολλοῖς γνώριμα, ταῦτα ἐγὼ ἐρῶ. Κολοφωνίους
-<pb id="p.9"/>
-φασὶ καὶ αὐτοὺς διὰ τὴν πάνυ τρυφὴν ἀπολέσθαι·
-καὶ γάρ τοι καὶ οὗτοι ἐσθῆτι πολυτελεῖ ἐθρύπτοντο,
-καὶ τραπέζης ἀσωτίᾳ καὶ ὑπὲρ τὴν χρείαν
-χρώμενοι ὕβριζον. καὶ ἡ τῶν Βακχιαδῶν δὲ τῶν ἐν
-Κορίνθῳ ἀρχή, ἐπὶ μέγα δυνάμεως προελθοῦσα, 
-ὅμως διὰ τὴν τρυφὴν τὴν ἔξω τοῦ μέτρου καὶ αὐτὴ κατελύθη.
-</p>
-</div2>
-<div2 type="chapter" n="20">
-<p><milestone unit="para"/>Διονύσιος ἐξ ἁπάντων τῶν ἐν Συρακούσαις ἱερῶν 
-ἐσύλησε τὰ χρήματα. τοῦ δὲ ἀγάλματος τοῦ Διὸς
-περιεῖλε τὴν ἐσθῆτα καὶ τὸν κόσμον, ὃς ἦν φασι χρυσίου 
-πέντε καὶ ὀγδοήκοντα ταλάντων. ὀκνούντων δὲ
-τῶν δημιουργῶν ἅψασθαι, ὃ δὲ πρῶτος ἔκρουσε τὸ
-ἄγαλμα. καὶ τὸ ἄγαλμα δὲ τοῦ Ἀπόλλωνος περιεσύλησεν,
-ἔχον καὶ αὐτὸ χρυσοῦς βοστρύχους, κελεύσας
-ἀποκεῖραί τινα αὐτούς. πλεύσας δὲ ἐς Τυρρηνούς, 
-τὰ τοῦ Ἀπόλλωνος καὶ τῆς Λευκοθέας ἅπαντα
-ἐσύλησε χρήματα, τὴν παρακειμένην ἀργυρᾶν τῷ
-Ἀπόλλωνι τράπεζαν κελεύσας ἀφελεῖν, ἀγαθοῦ δαίμονος
-τῷ θεῷ διδόντας πρόποσιν.
-</p>
-</div2>
-<div2 type="chapter" n="21">
-<p><milestone unit="para"/>Ἰσμηνίου τοῦ Θηβαίου σοφὸν ἅμα καὶ Ἑλληνικὸν 
-οὐκ ἂν ἀποκρυψαίμην ἔργον. πρεσβεύων οὗτος ὑπὲρ
-τῆς πατρίδος πρὸς τὸν βασιλέα τῶν Περσῶν, ἀφικετο
-μέν, ἐβούλετο δὲ αὐτὸς ὑπὲρ ὧν ἧκεν ἐντυχεῖν
-τῷ Πέρσῃ. ἔφατο οὖν πρὸς αὐτὸν ὁ χιλίαρχος ὁ καὶ
-τὰς ἀγγελίας ἐσκομίζων τῷ βασιλεῖ καὶ τοὺς δεομένους 
-ἐσάγων ʽἀλλʼ, ὦ ξένε Θηβαῖἐ ʽἔλεγε δὲ ταῦτα
-περσίζων διʼ ἑρμηνέως, Τιθραύστης δὲ ἦν ὄνομα τῷ
-χιλιάρχᾠ, ʽνόμος ἐστὶν ἐπιχώριος Πέρσαις, τὸν ἐς
-ὀφθαλμοὺς ἐλθόντα βασιλέως μὴ πρότερον λόγου
-μεταλαγχάνειν πρὶν ἢ προσκυνῆσαι αὐτόν. εἰ τοίνυν 
-αὐτὸς διʼ ἑαυτοῦ συγγενέσθαι θέλεις αὐτῷ, ὥρα σοι
-τὰ ἐκ τοῦ νόμου δρᾶν· εἰ δὲ μή, τὸ αὐτό σοι τοῦτο
-<pb id="p.10"/>
-καὶ διʼ ἡμῶν ἀνυσθήσεται καὶ μὴ προσκυνήσαντι.ʼ
-ὁ τοίνυν Ἰσμηνίας ʽἄγε μἐ εἶπε, καὶ προσελθὼν καὶ
-ἐμφανὴς τῷ βασιλεῖ γενόμενος, περιελόμενος τὸν
-δακτύλιον ἔρριψεν ἀδήλως παρὰ τοὺς πόδας, καὶ
-ταχέως ἐπικύψας, ὡς δὴ προσκυνῶν, πάλιν ἀνείλετο
-αὐτόν· καὶ δόξαν μὲν ἀπέστειλε τῷ Πέρσῃ προσκυνήσεως,
-οὐ μὴν ἔδρασεν οὐδὲν τῶν ἐν τοῖς Ἕλλησιν
-αἰσχύνην φερόντων. πάντα οὖν ὅσα ἠβουλήθη κατεπράξατο,
-οὐδὲ ἠτύχησέ τι ἐκ τοῦ Πέρσου.
-</p>
-</div2>
-<div2 type="chapter" n="22">
-<p><milestone unit="para"/> δῶρα τὰ ἐκ βασιλέως διδόμενα τοῖς παρʼ αὐτὸν
-ἥκουσι πρεσβευταῖς, εἴτε παρὰ τῶν Ἑλλήνων ἀφίκοιντο
-εἴτε ἑτέρωθεν, ταῦτʼ ἦν. τάλαντον μὲν ἑκάστῳ
-Βαβυλώνιον ἐπισήμου ἀργυρίου, ταλαντιαῖαι δὲ φιάλαι
-δύο ἀργυραῖ. δύναται δὲ τὸ τάλαντον τὸ Βαβυλώνιον
-δύο καὶ ἑβδομήκοντα μνᾶς Ἀττικάς. ψέλια
-δὲ καὶ ἀκινάκην ἐδίδου καὶ στρεπτόν, χιλίων δαρεικῶν
-ἄξια ταῦτα, καὶ στολὴν ἐπʼ αὐτοῖς Μηδικήν·
-ὄνομα δὲ τῇ στολῇ δωροφορική.
-</p>
-</div2>
-<div2 type="chapter" n="23">
-<p><milestone unit="para"/> ἐν τοῖς Ἕλλησι τοῖς πάλαι μακρᾷ τῇ δόξῃ διέπρεπε
-Γοργίας ὁ Λεοντῖνος Φιλολάου καὶ Πρωταγόρας
-Δημοκρίτου, τῇ δὲ σοφίᾳ τοσοῦτον ἐλείποντο, ὅσον
-ἀνδρῶν παῖδες. ἔοικε γάρ πως ἡ δόξα μὴ πάνυ τι
-ἀκριβὲς μήτε ὁρᾶν μήτε ἀκούειν· ἔνθεν τοι καὶ
-πολλὰ σφάλλεται, καὶ τὰ μὲν καταχαρίζεται, τὰ δὲ
-ψεύδεται.
-</p>
-</div2>
-<div2 type="chapter" n="24">
-<p><milestone unit="para"/> Καύκωνος τοῦ Ποσειδῶνος καὶ Ἀστυδαμείας τῆς
-Φόρβαντος γίνεται παῖς Λεπρεύς, ὅσπερ οὖν συνεβούλευσε
-τῷ Αὐγέᾳ δῆσαι τὸν Ἡρακλῆ, ὅτε αὐτὸν
-ἀπῄτει τὸν ὑπὲρ τοῦ ἄθλου μισθὸν Ἡρακλῆς. ἦν οὖν
-οἷα εἰκὸς πολέμιος τῷ Ἡρακλεῖ ὁ Λεπρεὺς ἐκ τῆς
-τοιαύτης συμβουλῆς. χρόνῳ δὲ ὕστερον ὁ μὲν τοῦ
-Διὸς παῖς ἐς Καύκωνος ἀφίκετο, δεηθείσης δὲ τῆς
-<pb id="p.11"/>
-Ἀστυδαμείας διαλύεται τὴν πρὸς τὸν Λεπρέα ὁ Ἡρακλῆς
-ἔχθραν. φιλονεικία δʼ οὖν αὐτοῖς ἐμπίπτει νεανική,
-καὶ ἐρίζουσιν ἀλλήλοις περὶ δίσκου καὶ ὕδατος
-ἀντλήσεως καὶ τίς καταδειπνήσει ταῦρον πρότερος·
-καὶ ἐν πᾶσι τούτοις ἡττᾶται Λεπρεύς. καὶ ὑπὲρ πολυποσίας 
-δὲ ἀγὼν αὐτοῖς ἐγένετο, καὶ ἐνταῦθα πάλιν
-ὁ Ἡρακλῆς ἐκράτει. διανιώμενος δὲ ὁ Λεπρεύς, λαβὼν
-ὅπλα ἐς μονομαχίαν προκαλεῖται τὸν Ἡρακλῆ.
-καὶ οὖν καὶ ἔτισε δίκας ὑπὲρ τῶν παρʼ Αὐγέᾳ· μαχόμενος
-γὰρ ἀποθνήσκει. 
-</p>
-</div2>
-<div2 type="chapter" n="25">
-<p><milestone unit="para"/>Ἀλέξανδρος ὁ Φιλίππου ʽεἰ δέ τῳ δοκεῖ, ὁ τοῦ 
-Διός, ἐμοὶ γὰρ οὐδὲν διαφέρεἰ Φωκίωνι μόνῳ φασὶ
-τῷ Ἀθηναίων στρατηγῷ γράφων προσετίθει τὸ χαίρειν·
-οὕτως ἄρα ᾑρήκει τὸν Μακεδόνα ὁ Φωκίων.
-ἀλλὰ καὶ τάλαντα αὐτῷ ἀργυρίου ἔπεμψεν ἑκατόν, 
-καὶ πόλεις τέτταρας ὠνόμασεν, ὧν ἠξίου μίαν ἣν
-βούλεται προελέσθαι αὐτόν, ἵνα ἔχοι καρποῦσθαι
-τὰς ἐκεῖθεν προσόδους. ἦσαν δὲ αἱ πόλεις αἵδε Κίος
-Ἐλαία Μύλασα Πάταρα. ὁ μὲν οὖν Ἀλέξανδρος μεγαλοφρόνως
-ταῦτα καὶ μεγαλοπρεπῶς· ἔτι γε μὴν 
-μεγαλοφρονέστερον ὁ Φωκίων, μήτε τὸ ἀργύριον
-προσιέμενος μήτε τὴν πόλιν. ὡς δʼ ἂν μὴ δοκοίη
-πάντη ὑπερφρονεῖν τοῦ Ἀλεξάνδρου, ἐτίμησεν αὐτὸν
-κατὰ τοῦτο. τοὺς ἐν τῇ ἄκρᾳ τῇ ἐν Σάρδεσι δεδεμένους
-ἄνδρας ἠξίωσεν αὐτὸν ἀφεῖναι ἐλευθέρους αὐτῷ, 
-Ἐχεκρατίδην τὸν σοφιστὴν καὶ Ἀθηνόδωρον τὸν
-Ἴμβριον καὶ Δημάρατον καὶ Σπάρτωνα. ἀδελφὼ δὲ
-ἄρα ἤστην οὗτοι Ῥοδίω.
-</p>
-</div2>
-<div2 type="chapter" n="26">
-<p><milestone unit="para"/>γυναῖκα ἀκούω σαλπίσαι καὶ τοῦτο ἔργον ἔχειν 
-ἅμα καὶ τέχνην, Ἀγλαΐδα ὄνομα, τὴν Μεγακλέους 
-παῖδα. περίθετον δὲ εἶχε κόμην καὶ λόφον ἐπὶ τῆς
-κεφαλῆς. καὶ ὁμολογεῖ Ποσείδιππος ταῦτα. δεῖπνον
-<pb id="p.12"/>
-δὲ ἦν ἄρα αὐτῇ κρεῶν μὲν μναῖ δώδεκα, ἄρτων δὲ
-χοίνικες τέτταρες· ἔπινε δὲ οἴνου χόα.
-</p>
-</div2>
-<div2 type="chapter" n="27">
-<p><milestone unit="para"/> ἀδηφάγους λέγουσιν ἀνθρώπους γεγονέναι Λιτυέρσαν
-τὸν Φρύγα καὶ Κάμβλητα τὸν Λυδὸν καὶ Θῦν
-τὸν Παφλαγόνα καὶ Χαρίλαν καὶ Κλεώνυμον καὶ
-Πείσανδρον καὶ Χάριππον καὶ Μιθριδάτην τὸν Ποντικὸν
-καὶ Καλαμόδρυν τὸν Κυζικηνὸν καὶ Τιμοκρέοντα
-τὸν Ῥόδιον, τὸν ἀθλητὴν ἅμα καὶ ποιητήν, καὶ
-Καντίβαριν τὸν Πέρσην καὶ Ἐρυσίχθονα τὸν Μυρμιδόνος·
-ἔνθεν τοι καὶ Αἴθων ἐκλήθη οὗτος. λέγεται
-δὲ ἐν Σικελίᾳ Ἀδηφαγίας ἱερὸν εἶναι καὶ Σιτοῦς
-ἄγαλμα Δήμητρος. ὁμολογεῖ δὲ καὶ Ἀλκμὰν ὁ ποιητὴς
-ἑαυτὸν πολυβορώτατον γεγονέναι. καὶ Κτησίαν
-δέ φησί τινα Ἀναξίλας ὁ τῆς κωμῳδίας ποιητὴς πολλὰ
-ἐσθίειν.
-</p>
-</div2>
-<div2 type="chapter" n="28">
-<p><milestone unit="para"/> ἀλλὰ ἔγωγε ὑμῖν ἐθέλω εἰπεῖν Ῥόδιον δόξαν. ἐν
-Ῥόδῳ φασὶ τὸν μὲν ἐς τοὺς ἰχθῦς ὁρῶντα καὶ θαυμάζοντα
-αὐτοὺς καὶ ὄντα τῶν ἄλλων ὀψοφαγίστατον,
-ἀλλὰ τοῦτόν γε ὡς ἐλευθέριον ὑπὸ τῶν δημοτῶν ἐπαινεῖσθαι·
-τόν γε μὴν πρὸς τὰ κρέα ἀπονεύοντα ὡς
-φορτικὸν καὶ γάστριν διαβάλλουσι Ῥόδιοι. εἴτε δὲ
-ἐκεῖνοι ὀρθῶς εἴτε φλαύρως, ὑπερφρονῶ τοῦτο ἐξετάζειν.
-</p>
-</div2>
-<div2 type="chapter" n="29">
-<p><milestone unit="para"/> λέγουσι Κώων παῖδες ἐν Κῷ τεκεῖν ἔν τινι ποίμνῃ
-Νικίου τοῦ τυράννου οἶν· τεκεῖν δὲ οὐκ ἄρνα
-ἀλλὰ λέοντα. καὶ οὖν καὶ τὸ σημεῖον τοῦτο τῷ Νικίᾳ
-τὴν τυραννίδα τὴν μέλλουσαν αὐτῷ μαντεύσασθαι
-ἰδιώτῃ ἔτι ὄντι.
-</p>
-</div2>
-<div2 type="chapter" n="30">
-<p><milestone unit="para"/> Πτολεμαῖος ὁ βασιλεὺς ἐρώμενον εἶχε Γαλέτην
-ὄνομα, ἰδεῖν κάλλιστον. ἀμείνων δὲ ἦν ἄρα τούτῳ
-τῷ μειρακίῳ ἡ γνώμη τῆς μορφῆς. πολλάκις γοῦν
-αὐτῷ καὶ ὁ Πτολεμαῖος ἐμαρτύρει, καὶ ἔλεγεν ʽὦ
-<pb id="p.13"/>
-ἀγαθὴ κεφαλή, κακοῦ μὲν οὐδεπώποτε οὐδενὶ γέγονας
-αἴτιος, πολλοῖς δὲ καὶ πολλὰ ἀγαθὰ προυξένησας.ʼ
-ὅ μὲν οὖν ἵππευε σὺν τῷ βασιλεῖ τὸ μειράκιον· ἰδὼν
-δὲ πόρρωθεν ἀγομένους τινὰς τὴν ἐπὶ θανάτῳ, οὐ
-ῥᾳθύμως εἶδεν, ἀλλʼ ἔφη πρὸς τὸν Πτολεμαῖον ʽὦ 
-βασιλεῦ, ἐπεὶ κατά τινα δαίμονα τῶν ἀγομένων ἀγαθὸν
-ἐπὶ ἵππων ἐτύχομεν ὄντες, φέρε, εἴ σοι δοκεῖ,
-τὴν ἔλασιν ἐπιτείναντες καὶ συντονώτερον ἐπιδιώξαντες
-Διόσκοροι τοῖς δειλαίοις γενώμεθα,
-@σωτῆρες ἐσθλοὶ κἀγαθοὶ παραστάται,
-τοῦτο δὴ τὸ λεγόμενον ἐπὶ τῶν θεῶν τούτων. ὃ δὲ
-ὑπερησθεὶς αὐτοῦ τῇ χρηστότητι καὶ τὸ φιλοίκτιρμον
-ὑπερφιλήσας, καὶ ἐκείνους ἔσωσε καὶ ἐπὶ πλέον προσέθηκε
-τῷ φίλτρῳ τοῦ κατʼ αὐτὸν ἔρωτος.
-</p>
-</div2>
-<div2 type="chapter" n="31">
-<p><milestone unit="para"/>νόμος οὗτος Περσικὸς ἐν τοῖς μάλιστα ὑπʼ αὐτῶν 
-φυλαττόμενος. ὅταν ἐς Πέρσας ἐλαύνῃ βασιλεύς,
-πάντες αὐτῷ Πέρσαι κατὰ τὴν ἑαυτοῦ δύναμιν ἕκαστος
-προσκομίζουσιν. ἅτε δὲ ὄντες ἐν γεωργίᾳ καὶ
-περὶ γῆν πονούμενοι καὶ αὐτουργοὶ πεφυκότες οὐδὲν
-τῶν ὑβρισμένων οὐδὲ τῶν ἄγαν πολυτελῶν προσφέρουσιν, 
-ἀλλʼ ἢ βοῦς ἢ οἶς, οἳ δὲ σῖτον, καὶ οἶνον
-ἄλλοι. παρεξιόντι δʼ αὐτῷ καὶ παρελαύνοντι ταῦτα
-ὑπὸ ἑκάστου πρόκειται, καὶ ὀνομάζεται δῶρα καὶ δοκεῖ
-τούτῳ. οἱ δὲ ἔτι τούτων ἐνδεέστεροι τὸν βίον
-καὶ γάλα καὶ φοίνικας αὐτῷ καὶ τυρὸν προσφέρουσι 
-καὶ τρωκτὰ ὡραῖα καὶ τὰς ἄλλας ἀπαρχὰς τῶν ἐπιχωρίων.
-</p>
-</div2>
-<div2 type="chapter" n="32">
-<p><milestone unit="para"/>λόγος οὖν καὶ οὗτος Περσικός. φασὶν ἄνδρα 
-Πέρσην, ᾧ ὄνομα ἦν Σιναίτης, πόρρω τῆς ἐπαύλεως
-τῆς ἑαυτοῦ ἐντυχεῖν Ἀρταξέρξῃ τῷ ἐπικαλουμένῳ 
-<pb id="p.14"/>
-Μνήμονι. ἀποληφθέντα οὖν θορυβηθῆναι δέει τοῦ
-νόμου καὶ αἰδοῖ τοῦ βασιλέως. οὐκ ἔχων δὲ ὅ τι χρήσαιτο
-τῷ παρόντι, ἡττηθῆναι τῶν ἄλλων Περσῶν μὴ
-φέρων μηδὲ ἄτιμος δόξαι τῷ μὴ δωροφορῆσαι βασιλέα,
-ἀλλʼ οὗτός γε πρὸς τὸν ποταμὸν τὸν πλησίον
-παραρρέοντα ᾧ Κῦρός ἐστιν ὄνομα ἐλθὼν σὺν σπουδῇ
-καὶ ᾗ ποδῶν εἶχε μάλιστα, ἐπικύψας ἀμφοτέραις ταῖς
-χερσὶν ἀρυσάμενος τοῦ ὕδατος ʽβασιλεὖ φησὶν ʽἈρταξέῥ??ʼ,
-δι’ αἰῶνος βασιλεύοις. νῦν μὲν οὖν σε ὅπῃ
-τε καὶ ὅπως ἔχω τιμῶ, ὡς ἂν μὴ ἀγέραστος τὸ γοῦν
-ἐμὸν παρέλθῃς. τιμῶ δέ σε Κύρου ποταμοῦ ὕδατι.
-ὅταν δὲ ἐπὶ τὸν σταθμὸν τὸν σὸν παραγένῃ, οἴκοθεν,
-ὡς ἂν ἐμαυτοῦ κράτιστα καὶ πολυτελέστατα χωρήσω,
-οὕτω τιμήσω σε, καὶ δὴ οὐδὲν ἂν ἐλάττων
-γενοίμην τινὸς τῶν ἄλλων τῶν ἤδη σε δεξιωσαμένων
-τοῖς δώροις.ʼ ἐπὶ τούτοις ὁ Ἀρταξέρξης ἥσθη καὶ
-ʽδέχομαι ἡδέωσʼ φησὶν ʽἄνθρωπε, τὸ δῶρον, καὶ
-τιμῶ γε αὐτὸ τῶν πάνυ πολυτελῶν, καὶ ἰσοστάσιον
-ἐκείνοις λέγω· πρῶτον μέν, ὅτι ὕδωρ ἐστὶ τὸ πάντων
-ἄριστον, δεύτερον δέ, ὅτι Κύρου ὄνομα ἐν ἑαυτῷ
-φέρει. καὶ σὺ δέ μοι καταλύοντι ἐν τῷ σταθμῷ
-πάντως ἐπιφάνηθι.ʼ ταῦτα εἰπὼν προσέταξε τοὺς
-εὐνούχους λαβεῖν τὸ ἐξ αὐτοῦ δῶρον· οἳ δὲ τὴν ταχίστην
-προσδραμόντες ἐς χρυσῆν φιάλην ἐδέξαντο
-ἐκ τῶν χειρῶν αὐτοῦ τὸ ὕδωρ. ἐλθὼν δὲ ἔνθα κατέλυεν
-ὁ βασιλεὺς ἔπεμψε τῷ ἀνδρὶ τῷ Πέρσῃ στολὴν
-Περσικὴν καὶ φιάλην χρυσῆν καὶ χιλίους δαρεικούς,
-καὶ προσέταξε τὸν κομίζοντα αὐτὰ εἰπεῖν τῷ
-λαμβάνοντι ʽκελεύει σε βασιλεὺς ἐκ μὲν τούτου τοῦ
-χρυσίου εὐφραίνειν τὴν σεαυτοῦ ψυχήν, ἐπεὶ καὶ σὺ
-τὴν ἐκείνου εὔφρανας, μὴ αὐτὸν ἀγέραστον μηδὲ
-ἄτιμον ἐάσας, ἀλλʼ ὡς ἤδη ἐχώρει ταύτῃ τιμήσας.
-<pb id="p.15"/>
-βούλεται δέ σε καὶ τῇ φιάλῃ ταύτῃ ἀρυτόμενον πίνειν
-ἐξ ἐκείνου τοῦ ὕδατος.
-</p>
-</div2>
-<div2 type="chapter" n="33">
-<p><milestone unit="para"/>ῥοιὰν ἐπὶ λίκνου μεγίστην Ὠμίσης Ἀρταξέρξῃ τῷ 
-βασιλεῖ ἐλαύνοντι τὴν Περσίδα προσεκόμισε. τὸ μέγεθος
-οὖν αὐτῆς ὑπερεκπλαγεὶς ὁ βασιλεὺς ʽἐκ ποίου 
-παραδείσοὐ φησὶ ʽλαβὼν φέρεις μοι τὸ δῶρον τοῦτο;ʼ
-τοῦ δὲ εἰπόντος ὅτι οἴκοθεν καὶ ἐκ τῆς αὑτοῦ γεωργίας,
-ὑπερήσθη καὶ δῶρα μὲν αὐτῷ βασιλικὰ ἔπεμψε
-καὶ ἐπεῖπε ʽνὴ τὸν Μίθραν, ἀνὴρ οὗτος ἐκ τῆς ἐπιμελείας
-ταύτης δυνήσεται καὶ πόλιν κατά γε τὴν 
-ἐμὴν κρίσιν ἐκ μικρᾶς μεγάλην ποιῆσαι.ʼ ἔοικε δὲ ὁ
-λόγος ὁμολογεῖν οὗτος ὅτι πάντα ἐκ τῆς ἐπιμελείας
-καὶ τῆς διαρκοῦς φροντίδος καὶ τῆς σπουδῆς τῆς
-ἀνελλιποῦς καὶ τῶν κατὰ φύσιν δύναιτο ἂν κρείττονα
-γενέσθαι.
-</p>
-</div2>
-<div2 type="chapter" n="34">
-<p><milestone unit="para"/>ἀνὴρ γένει Μάρδος, ὄνομα Ῥακώκης, παῖδας 
-εἶχεν ἑπτά. τούτων ὁ νεώτατος ἐκαλεῖτο Καρτώμης,
-κακὰ δὲ πολλὰ τοὺς ἄλλους εἰργάζετο. καὶ τὰ μὲν
-πρῶτα ἐπειρᾶτο αὐτὸν ὁ πατὴρ παιδεύειν καὶ ῥυθμίζειν
-λόγῳ· ἐπεὶ δὲ οὐκ ἐπείθετο, τῶν δικαστῶν τῶν
-περιχώρων ἀφικομένων ἔνθα ᾤκει ὁ τοῦ νεανίσκου
-πατήρ, ἀλλʼ ἐκεῖνός γε συλλαβὼν τὸ παιδίον καὶ τὼ
-χεῖρε ὀπίσω περιαγαγὼν αὐτοῦ, πρὸς τοὺς δικαστὰς
-ἤγαγε καὶ ὅσα αὐτῷ τετόλμητο πάντα ἀκριβῶς κατηγόρησε,
-καὶ ᾔτει παρὰ τῶν δικαστῶν ἀποκτεῖναι τὸν 
-νεανίσκον. οἳ δὲ ἐξεπλάγησαν, καὶ αὐτοὶ μὲν ἐφʼ
-ἑαυτῶν οὐκ ἔκριναν τὴν καταδικάζουσαν ἀγαγεῖν ψῆφον,
-ἀμφοτέρους δὲ ἐπὶ τὸν βασιλέα τῶν Περσῶν
-τὸν Ἀρταξέρξην ἤγαγον. τὰ αὐτὰ δὲ λέγοντος τοῦ
-Μάρδου ὑπολαβὼν ὁ βασιλεὺς ἔφη ʽεἶτα τολμήσεις 
-τοῖς ὀφθαλμοῖς τοῖς σεαυτοῦ τὸν υἱὸν ἀποθνήσκοντα
-ὑπομεῖναι;ʼ ὃ δὲ ἔφη ʽπάντων μάλιστα· ἐπεὶ καὶ ἐν
-<pb id="p.16"/>
-τῷ κήπῳ ὅταν τῶν φυομένων θριδακινῶν τὰς ἐκφύσεις
-τὰς πικρὰς ἀποκλῶ καὶ ἀφαιρῶ, οὐδὲν ἡ μήτηρ
-αὐτῶν λυπεῖται, ἀλλὰ θάλλει μᾶλλον καὶ μείζων
-καὶ γλυκίων γίνεται. οὕτω καὶ ἐγώ, ὦ βασιλεῦ, τὸν
-βλάπτοντα τὴν ἐμὴν οἰκίαν καὶ τὸν τῶν ἀδελφῶν
-βίον θεωρῶν ἀπολλύμενον καὶ τῆς κακουργίας τῆς
-ἐς αὐτοὺς παυόμενον καὶ αὐτὸς αὐξηθήσομαι καὶ τοῖς
-λοιποῖς τοῖς κατὰ γένος συνέσομαι τὰ αὐτὰ ἐμοὶ εὖ
-πάσχουσιν.ʼ ὧν ἀκούσας Ἀρταξέρξης ἐπῄνεσε μὲν
-τὸν Ῥακώκην καὶ τῶν βασιλικῶν δικαστῶν ἐποίησεν
-ἕνα, εἰπὼν πρὸς τοὺς παρόντας ὅτι ὁ περὶ τῶν ἰδίων
-παίδων οὕτω δικαίως ἀποφαινόμενος πάντως καὶ ἐν
-τοῖς ἀλλοτρίοις ἀκριβὴς ἔσται δικαστὴς καὶ ἀδέκαστος,
-ἀφῆκε δὲ καὶ τὸν νεανίαν τῆς παρούσης τιμωρίας,
-ἀπειλῶν αὐτῷ θανάτου τρόπον βαρύτατον, ἐὰν ἐπὶ
-τοῖς φθάσασιν ἀδικῶν φωραθῇ ἕτερα.</p>
-</div2>
-</div1>
-<div1 type="book" n="2">
-<div2 type="chapter" n="1">
-<p><milestone unit="para"/>
-καὶ ταῦτα Σωκράτους πρὸς Ἀλκιβιάδην. ὃ μὲν
-ἠγωνία καὶ ἐδεδίει πάνυ σφόδρα ἐς τὸν δῆμον παρελθεῖν
-τὸ μειράκιον· ἐπιθαρσύνων δὲ αὐτὸν καὶ
-ἐγείρων ὁ Σωκράτης ʽοὐ καταφρονεῖσʼ εἶπεν ʽἐκείνου
-τοῦ σκυτοτόμου;ʼ τὸ ὄνομα ἐπειπὼν αὐτοῦ. φήσαντος
-δὲ τοῦ Ἀλκιβιάδου ὑπολαβὼν πάλιν ὁ Σωκράτης
-ʽἔτι δὲ ἐκείνου τοῦ ἐν τοῖς κύκλοις κηρύττοντος ἢ
-ἐκείνου τοῦ σκηνορράφου;ʼ ὁμολογοῦντος δὲ τοῦ μειρακίου
-ʽοὐκοῦνʼ ἔφη ὁ Σωκράτης ʽὁ δῆμος ὁ Ἀθηναίων
-ἐκ τοιούτων ἤθροισται· καὶ εἰ τῶν καθʼ ἕνα
-καταφρονεῖς, καταφρονητέον ἄρα καὶ τῶν ἠθροισμένων,ʼ
-<pb id="p.17"/>
-μεγαλοφρόνως ταῦτα ὁ τοῦ Σωφρονίσκου καὶ
-τῆς Φαιναρέτης τὸν τοῦ Κλεινίου καὶ τῆς Δεινομάχης διδάσκων.
-</p>
-</div2>
-<div2 type="chapter" n="2">
-<p><milestone unit="para"/>Μεγαβύζου ποτὲ ἐπαινοῦντος γραφὰς εὐτελεῖς 
-καὶ ἀτέχνους, ἑτέρας δὲ σπουδαίως ἐκπεπονημένας 
-διαψέγοντος, τὰ παιδάρια τὰ τοῦ Ζεύξιδος τὰ τὴν
-μηλιάδα τρίβοντα κατεγέλα. ὁ τοίνυν Ζεῦξις ἔφατο
-ʽὅταν μὲν σιωπᾷς, ὦ Μεγάβυζε, θαυμάζει σε τὰ παιδάρια
-ταῦτα· ὁρᾷ γάρ σου τὴν ἐσθῆτα καὶ τὴν θεραπείαν
-τὴν περὶ σέ· ὅταν γε μὴν τεχνικόν τι θέλῃς 
-εἰπεῖν, καταφρονεῖ σου. φύλαττε τοίνυν σεαυτὸν ἐς
-τοὺς ἐπαινουμένους, κρατῶν τῆς γλώττης καὶ ὑπὲρ
-μηδενὸς τῶν μηδέν σοι προσηκόντων φιλοτεχνῶν.ʼ
-</p>
-</div2>
-<div2 type="chapter" n="3">
-<p><milestone unit="para"/>Ἀλέξανδρος θεασάμενος τὴν ἐν Ἐφέσῳ εἰκόνα 
-ἑαυτοῦ τὴν ὑπὸ Ἀπελλοῦ γραφεῖσαν οὐκ ἐπῄνεσε 
-κατὰ τὴν ἀξίαν τοῦ γράμματος. ἐσαχθέντος δὲ τοῦ
-ἵππου καὶ χρεμετίσαντος πρὸς τὸν ἵππον τὸν ἐν τῇ
-εἰκόνι ὡς πρὸς ἀληθινὸν καὶ ἐκεῖνον ʽὦ βασιλεὖ
-εἶπεν ὁ Ἀπελλῆς, ʽἀλλʼ ὅ γε ἵππος ἔοικέ σου γραφικώτερος
-εἶναι κατὰ πολύ. 
-</p>
-</div2>
-<div2 type="chapter" n="4">
-<p><milestone unit="para"/>Φαλάριδος ὑμῖν ἔργον οὐ μάλα ἐκείνῳ σύνηθες 
-εὶπεῖν ἐθέλω· τὸ δὲ ἔργον φιλανθρωπίαν ἄμαχον
-ὁμολογεῖ, καὶ διὰ τοῦτο ἀλλότριον ἐκείνου δοκεῖ.
-Χαρίτων ἦν Ἀκραγαντῖνος φιλόκαλος ἄνθρωπος καὶ
-περὶ τὴν ὥραν τὴν τῶν νέων ἐσπουδακὼς δαιμονίως· 
-διαπύρως δὲ ἠράσθη μάλιστα Μελανίππου Ἀκραγαντίνου
-καὶ ἐκείνου καὶ τὴν ψυχὴν ἀγαθοῦ καὶ τὸ κάλλος
-διαφέροντος. τοῦτον ἐλύπησέ τι Φάλαρις τὸν
-Μελάνιππον· δικαζομένῳ γὰρ αὐτῷ πρός τινα τῶν
-ἑταίρων αὐτοῦ τοῦ Φαλάριδος προσέταξεν ὁ τύραννος 
-τὴν γραφὴν καταθέσθαι. τοῦ δὲ μὴ πειθομένου ὃ δὲ
-ἠπείλησε τὰ ἔσχατα δράσειν αὐτὸν μὴ ὑπακούσαντα.
-<pb id="p.18"/>
-καὶ ἐκεῖνος μὲν παρὰ τὴν δίκην ἐκράτησεν ἀνάγκῃ
-προστάξαντος τοῦ Φαλάριδος, οἱ δὲ ἄρχοντες τὴν
-γραφὴν τοῦ ἀγῶνος ἠφάνισαν. βαρέως δὲ ἐπὶ τούτοις
-ὁ νεανίσκος ἤνεγκεν ὑβρίσθαι λέγων, καὶ ὡμολόγει
-τὴν ὀργὴν τὴν ἑαυτοῦ πρὸς τὸν ἐραστήν, καὶ ἠξίου
-κοινωνὸν αὐτὸν γενέσθαι τῆς ἐπιθέσεως τῆς κατʼ
-αὐτοῦ, καὶ ἄλλους δὲ ἔσπευδε προσλαβεῖν τῶν νεανίσκων,
-οὓς μάλιστα ᾔδει περὶ τὴν τοιαύτην πρᾶξιν
-θερμοτάτους. ὁρῶν δὲ αὐτὸν ὁ Χαρίτων ἐνθουσιῶντα
-καὶ ὑπὸ τῆς ὀργῆς ἀναφλεγόμενον, καὶ γινώσκων
-ὅτι τῶν πολιτῶν οὐδεὶς αὐτοῖς συλλήψεται δέει τῷ
-ἐκ τοῦ τυράννου, καὶ αὐτὸς ἔφη πάλαι τοῦτο ἐπιθυμεῖν
-καὶ σπεύδειν ἐκ παντὸς τὴν πατρίδα ῥύσασθαι
-τῆς δουλείας τῆς καταλαβούσης· ἀσφαλὲς δὲ μὴ εἶναι
-πρὸς πολλοὺς τὰ τοιαῦτα ἐκφέρειν. ἠξίου δὴ τὸν Μελάνιππόν
-οἱ συγχωρῆσαι ἀκριβέστερον ὑπὲρ τούτων
-διασκέψασθαι καὶ ἐᾶσαι παραφυλάξαι τὸν χρόνον τὸν
-ἐπιτήδειον ἐς τὴν πρᾶξιν. συνεχώρησε τὸ μειράκιον.
-ἐφʼ ἑαυτοῦ τοίνυν ὁ Χαρίτων βαλόμενος τὸ πᾶν τόλμημα,
-καὶ κοινωνὸν αὐτοῦ μὴ θελήσας παραλαβεῖν
-τὸν ἐρώμενον, ἵνʼ εἰ καταφωραθείη, αὐτὸς ὑπέχοι
-τὴν δίκην, ἀλλὰ μὴ καὶ ἐκεῖνον ἐς ταὐτὰ ἐμβάλοι,
-ἡνίκα οἱ ἐδόκει καλῶς ἔχειν, ἐγχειρίδιον λαβὼν ὡρμᾶτο
-ἐπὶ τὸν τύραννον. οὐ μὴν ἔλαθε, πάνυ σφόδρα
-ἀκριβῶς τῶν δορυφόρων τὰ τοιαῦτα φυλαττόντων.
-ἐμβληθεὶς δὲ ὑπὸ τοῦ Φαλάριδος ἐς τὸ δεσμωτήριον
-καὶ στρεβλούμενος ἵνʼ εἴποι τοὺς συνεγνωκότας, ὃ δὲ
-ἐνεκαρτέρει καὶ ἐνήθλει ταῖς βασάνοις. ἐπεὶ δὲ μακρὸν
-τοῦτο ἦν, ὁ Μελάνιππος ἧκεν ἐπὶ τὸν Φάλαριν,
-καὶ ὡμολόγησεν οὐ μόνον κοινωνὸς εἶναι τῷ Χαρίτωνι,
-ἀλλὰ καὶ αὐτὸς ἄρξαι τῆς ἐπιβουλῆς. τοῦ δὲ
-πυνθανομένου τὴν αἰτίαν, εἶπε τὸν ἐξ ἀρχῆς λόγον
-<pb id="p.19"/>
-καὶ τὴν τῆς γραφῆς ἄρσιν, καὶ ἐπὶ τούτοις ὡμολόγει
-περιαλγῆσαι. θαυμάσας οὖν ἀμφοτέρους ἀφῆκε τῆς
-τιμωρίας, προστάξας αὐθημερὸν ἀπελθεῖν μὴ μόνον
-τῆς Ἀκραγαντίνων πόλεως ἀλλὰ καὶ τῆς Σικελίας·
-συνεχώρησε δὲ αὐτοῖς τὰ ἴδια δίκαια καρποῦσθαι. 
-τούτους ὕστερον ἡ Πυθία καὶ τὴν φιλίαν αὐτῶν
-ὕμνησε διὰ τούτων τῶν ἐπῶν
-<quote rend="blockquote">
-<lb/>θείας ἡγητῆρες ἐφημερίοις φιλότητος
-<lb/>εὐδαίμων Χαρίτων καὶ Μελάνιππος ἔφυ,
-</quote>
-τοῦ θεοῦ τὸν ἔρωτα αὐτῶν θείαν ὀνομάσαντος φιλίαν. 
-</p>
-</div2>
-<div2 type="chapter" n="5">
-<p><milestone unit="para"/> 
-Λακεδαιμόνιοι δεινὴν ἐποιοῦντο τοῦ χρόνου την 
-φειδώ, ταμιευόμενοι πανταχόθεν αὐτὸν ἐς τὰ ἐπειγόμενα
-καὶ μηδενὶ τῶν πολιτῶν ἐπιτρέποντες μήτε
-ῥᾳστωνεύειν μήτε ῥᾳθυμεῖν ἐς αὐτόν, ὡς ἂν μὴν πρὸς
-τὰ ἔξω τῆς ἀρετῆς ἀναλισκόμενος εἶτα μάτην διαφθείροιτο. 
-μαρτύριον τούτου πρὸς τοῖς ἄλλοις καὶ τοῦτο.
-ἀκούσαντες οἱ ἔφοροι Λακεδαιμονίων τοὺς Δεκέλειαν
-καταλαβόντας περιπάτῳ χρῆσθαι δειλινῷ, ἐπέστειλαν
-αὐτοῖς ʽμὴ περιπατεῖτἐ, ὡς τρυφώντων αὐτῶν μᾶλλον
-ἢ τὸ σῶμα ἐκπονούντων. δεῖν γὰρ Λακεδαιμονίους 
-οὐ διὰ τοῦ περιπάτου ἀλλὰ διὰ τῶν γυμνασίων
-τὴν ὑγίειαν πορίζεσθαι.
-</p>
-</div2>
-<div2 type="chapter" n="6">
-<p><milestone unit="para"/>Ἱππόμαχός φασιν ὁ γυμναστὴς ἐπεὶ πάλαισμά 
-τι ὁ ἀθλητὴς ὁ ὑπʼ αὐτῷ γυμναζόμενος ἐπάλαισεν,
-εἶτα ὁ πᾶς ὄχλος ὁ περιεστὼς ἐξεβόησε, καθίκετο 
-αὐτοῦ τῇ ῥάβδῳ καὶ εἶπεν ʽἀλλὰ σύ γε κακῶς καὶ
-οὐχ ὡς ἐχρῆν ἐποίησας ὅπερ ἐχρῆν ἄμεινον γενέσθαι·
-οὐ γὰρ ἂν ἐπῄνεσαν οὗτοι τεχνικόν σε δράσαντά τι,ʼ
-αἰνιττόμενος ὅτι τοὺς εὖ καὶ καλῶς ἕκαστα δρῶντας
-οὐ τοῖς πολλοῖς ἀλλὰ τοῖς ἔχουσιν νοῦν θεωρητικὸν 
-τῶν δρωμένων ἀρέσκειν δεῖ. ἔοικε δὲ καὶ Σωκράτης
-<pb id="p.20"/>
-τὴν τῶν πολλῶν ἐκφαυλίζειν κρίσιν ἐν τῇ συνουσίᾳ
-τῇ πρὸς Κρίτωνα, ὅτε ἀφίκετο ὁ Κρίτων ἐς τὸ δεσμωτήριον,
-καὶ δὴ ἔπειθεν αὐτὸν ἀποδρᾶναι καὶ τὴν
-τῶν Ἀθηναίων τὴν κατʼ αὐτοῦ κρίσιν διαφθεῖραι.
-</p>
-</div2>
-<div2 type="chapter" n="7">
-<p><milestone unit="para"/> νόμος οὗτος Θηβαϊκὸς ὀρθῶς ἅμα καὶ φιλανθρώπως
-κείμενος ἐν τοῖς μάλιστα ὅτι οὐκ ἔξεστιν ἀνδρὶ
-Θηβαίῳ ἐκθεῖναι παιδίον οὐδὲ ἐς ἐρημίαν αὐτὸ ῥῖψαι
-θάνατον αὐτοῦ καταψηφισαμένῳ, ἀλλʼ ἐὰν ᾖ πένης
-ἐς τὰ ἔσχατα ὁ τοῦ παιδὸς πατήρ, εἶτε ἄρρεν τοῦτο
-εἴτε θῆλύ ἐστιν, ἐπὶ τὰς ἀρχὰς κομίζειν ἐξ ὠδίνων
-τῶν μητρῴων σὺν τοῖς σπαργάνοις αὐτό· αἳ δὲ παραλαβοῦσαι
-ἀποδίδονται τὸ βρέφος τῷ τιμὴν ἐλαχίστην
-δόντι. ῥήτρα τε πρὸς αὐτὸν καὶ ὁμολογία γίνεται
-ἦ μὴν τρέφειν τὸ βρέφος καὶ αὐξηθὲν ἔχειν δοῦλον
-ἢ δούλην, θρεπτήρια αὐτοῦ τὴν ὑπηρεσίαν λαμβάνοντα.
-</p>
-</div2>
-<div2 type="chapter" n="8">
-<p><milestone unit="para"/> κατὰ τὴν πρώτην καὶ ἐνενηκοστὴν Ὀλυμπιάδα,
-καθʼ ἣν ἐνίκα Ἐξαίνετος ὁ Ἀκραγαντῖνος στάδιον,
-ἀντηγωνίσαντο ἀλλήλοις Ξενοκλῆς καὶ Εὐριπίδης.
-καὶ πρῶτός γε ἦν Ξενοκλῆς, ὅστις ποτὲ οὗτός ἐστιν,
-Οἰδίποδι καὶ Λυκάονι καὶ Βάκχαις καὶ Ἀθάμαντι Σατυρικῷ.
-τούτου δεύτερος Εὐριπίδης ἦν Ἀλεξάνδρῳ
-καὶ Παλαμήδει καὶ Τρωσὶ καὶ Σισύφῳ Σατυρικῷ.
-γελοῖον δὲ ʽοὐ γάρ;ʼ Ξενοκλέα μὲν νικᾶν, Εὐριπίδην
-δὲ ἡττᾶσθαι, καὶ ταῦτα τοιούτοις δράμασι. τῶν δύο
-τοίνυν τὸ ἕτερον· ἢ ἀνόητοι ἦσαν οἱ τῆς ψήφου κύριοι
-καὶ ἀμαθεῖς καὶ πόρρω κρίσεως ὀρθῆς, ἢ ἐδεκάσθησαν.
-ἄτοπον δὲ ἑκάτερον καὶ Ἀθηναίων ἥκιστα ἄξιον.
-</p>
-</div2>
-<div2 type="chapter" n="9">
-<p><milestone unit="para"/> οἶα ἐψηφίσαντο Ἀθηναῖοι, καὶ ταῦτα ἐν δημοκρατίᾳ,
-Αἰγινητῶν μὲν ἑκάστου τὸν μέγαν ἀποκόψαι
-τῆς χειρὸς δάκτυλον τῆς δεξιᾶς, ἵνα δόρυ μὲν βαστάζειν
-μὴ δύνωνται, κώπην δὲ ἐλαύνειν δύνωνται·
-<pb id="p.21"/>
-Μυτιληναίους δὲ ἡβηδὸν ἀποσφάξαι καὶ τοῦτο ἐψηφίσαντο
-ἐσηγησαμένου Κλέωνος τοῦ Κλεαινέτου. τούς
-γε μὴν ἁλισκομένους αἰχμαλώτους Σαμίων στίζειν
-κατὰ τοῦ προσώπου καὶ εἶναι τὸ στίγμα γλαῦκα καὶ
-τοῦτο Ἀττικὸν ψήφισμα. οὐκ ἐβουλόμην δὲ αὐτὰ 
-οὔτε Ἀθήνησι κεκυρῶσθαι οὔτε ὑπὲρ Ἀθηναίων λέγεσθαι,
-ὦ Πολιὰς Ἀθηνᾶ καὶ Ἐλευθέριε Ζεῦ καὶ
-Ἑλλήνων θεοὶ πάντες.
-</p>
-</div2>
-<div2 type="chapter" n="10">
-<p><milestone unit="para"/>Τιμόθεον ἀκούω τὸν Κόνωνος τὸν Ἀθηναίων 
-στρατηγόν, ὅτε ἐν ἀκμῇ τῆς εὐτυχίας ἦν καὶ ᾕρει 
-τὰς πόλεις ῥᾷστα, καὶ οὐκ εἶχον Ἀθηναῖοι ὅποι ποτὲ
-αὐτὸν κατάθωνται ὑπὸ θαύματος τοῦ περὶ τὸν ἄνδρα,
-ἀλλὰ τοῦτόν γε Πλάτωνι τῷ Ἀρίστωνος περιτυχόντα
-βαδίζοντι ἔξω τοῦ τείχους μετά τινων γνωρίμων καὶ
-ἰδόντα σεμνὸν μὲν ἰδεῖν τὸ πλάτος, ἵλεων δὲ τῷ 
-προσώπῳ, διαλεγόμενον δὲ οὐχὶ περὶ ἐσφορᾶς χρημάτων
-οὐδὲ ὑπὲρ τριηρῶν, οὐδὲ ὑπὲρ ναυτικῶν
-χρειῶν οὐδὲ ὑπὲρ πληρωμάτων, οὐδὲ ὑπὲρ τοῦ δεῖν
-βοηθεῖν οὐδὲ ὑπὲρ φόρου τοῦ τῶν συμμάχων, οὐδὲ
-ὑπὲρ τῶν νησιωτῶν ἢ ὑπὲρ ἄλλου τινὸς τοιούτου φληνάφου, 
-ὑπὲρ ἐκείνων δέ, ὧν ἔλεγε Πλάτων καὶ ὑπὲρ
-ὧν εἴθιστο σπουδάζειν, ἐπιστάντα τὸν τοῦ Κόνωνος
-εἰπεῖν ʽὦ τοῦ βίου καὶ τῆς ὄντως εὐδαιμονίασʼ. ἐκ
-τούτων οὖν δῆλον ὡς ἑαυτὸν οὐ πάνυ τι εὐδαίμονα
-ἀπέφαινεν ὁ Τιμόθεος, ὅτι μὴ ἐν τούτοις ἀλλʼ ἐν τῇ 
-παρʼ Ἀθηναίων δόξῃ καὶ τιμῇ ἦν.
-</p>
-</div2>
-<div2 type="chapter" n="11">
-<p><milestone unit="para"/>Σωκράτης ἰδὼν κατὰ τὴν ἀρχὴν τῶν τριάκοντα 
-τοὺς ἐνδόξους ἀναιρουμένους καὶ τοὺς βαθύτατα
-πλουτοῦντας ὑπὸ τῶν τυράννων ἐπιβουλευομένους,
-Ἀντισθένει φασὶ περιτυχόντα εἰπεῖν ʽμή τί σοι μεταμέλει 
-ὅτι μέγα καὶ σεμνὸν οὐδὲν ἐγενόμεθα ἐν τῷ
-βίῳ καὶ τοιοῦτοι οἵους ἐν τῇ τραγῳδίᾳ τοὺς μονάρχας
-<pb id="p.22"/>
-ὁρῶμεν, Ἀτρέας τε ἐκείνους καὶ Θυέστας καὶ
-Ἀγαμέμνονας καὶ Αἰγίσθους; οὗτοι μὲν γὰρ ἀποσφαττόμενοι
-καὶ ἐκτραγῳδούμενοι καὶ πονηρὰ δεῖπνα δειπνοῦντες
-ἑκάστοτε ἐκκαλύπτονται· οὐδεὶς δὲ οὕτως
-ἐγένετο τολμηρὸς οὐδὲ ἀναίσχυντος τραγῳδίας ποιητής,
-ὥστε ἐσαγαγεῖν ἐς δρᾶμα ἀποσφαττόμενον χορόν.
-</p>
-</div2>
-<div2 type="chapter" n="12">
-<p><milestone unit="para"/> Θεμιστοκλέους τοῦ Νεοκλέους οὐκ οἶδα εἰ ἐπαινεῖν
-χρὴ τοῦτο. ἐπεὶ γὰρ τῆς ἀσωτίας ἐπαύσατο Θεμιστοκλῆς
-ἀποκηρυχθεὶς ὑπὸ τοῦ πατρός, καὶ ὑπήρξατο
-σωφρονεῖν, καὶ τῶν μὲν ἑταιρῶν ἀπέστη, ἤρα
-δὲ ἔρωτα ἕτερον τὸν τῆς πολιτείας τῶν Ἀθηναίων,
-καὶ θερμότατα ἐπεχείρει ταῖς ἀρχαῖς, καὶ ἑαυτὸν
-ἔσπευδεν εἶναι πρῶτον, ἔλεγέ φασι πρὸς τοὺς γνωρίμους
-ʽτί δʼ ἂν ἐμοῦ δοίητε, ὃς οὔπω φθονοῦμαι;ʼ
-ὅστις δὲ ἐρᾷ φθονεῖσθαι, τοῦτο δή που τὸ τοῦ Εὐριπίδου
-περιβλέπεσθαι σπεύδει. ὅτι δὲ τοῦτο ἔστι κενόν,
-ὁ αὐτὸς Εὐριπίδης φησίν.
-</p>
-</div2>
-<div2 type="chapter" n="13">
-<p><milestone unit="para"/> ἐπετίθεντο τῷ Σωκράτει καὶ ἐπεβούλευον οἱ
-ἀμφὶ τὸν Ἄνυτον ὧν χάριν καὶ διʼ ἃς αἰτίας λέλεκται
-πάλαι. ὑφορώμενοι δὲ τοὺς Ἀθηναίους καὶ δεδιότες
-ὅπως ποτὲ ἕξουσι πρὸς τὴν κατηγορίαν τοῦ ἀνδρὸς
-ʽπολὺ γὰρ ἦν τὸ τοῦ Σωκράτους ὄνομα διά τε τὰ ἄλλα
-καὶ ὅτι τοὺς σοφιστὰς ἤλεγχεν οὐδὲν ὑγιὲς ὄντας
-οὐδέ τι σπουδαῖον ἢ εἰδότας ἢ λέγοντασʼ, ἐκ τούτων
-οὖν ἐβουλήθησαν πεῖραν καθεῖναι ὑπὲρ τῆς κατʼ αὐτοῦ
-διαβολῆς. τὸ μὲν γὰρ ἄντικρυς ἀπενέγκασθαι
-γραφὴν κατʼ αὐτοῦ παραχρῆμα οὐκ ἐδοκίμαζον διʼ ἃ
-προεῖπον καὶ διʼ ἐκεῖνα δέ, μή ποτε ἄρα ἀγριάναντες
-οἱ φίλοι οἱ τοῦ Σωκράτους ἐξάψωσι κατʼ αὐτῶν τοὺς
-δικαστάς, εἶτά τι πάθωσι κακὸν ἀνήκεστον, ἅτε συκοφαντοῦντες
-ἄνδρα οὐ μόνον οὐδενὸς αἴτιον κακοῦ
-τῇ πόλει, ἐκ δὲ τῶν ἐναντίων καὶ κόσμον ταῖς Ἀθήναις
-<pb id="p.23"/>
-ὄντα. τί οὖν ἐπινοοῦσιν; Ἀριστοφάνην τὸν τῆς
-κωμῳδίας ποιητήν, βωμολόχον ἄνδρα καὶ γελοῖον
-ὄντα καὶ εἶναι σπεύδοντα, ἀναπείθουσι κωμῳδῆσαι
-τὸν Σωκράτη, ταῦτα δήπου τὰ περιφερόμενα, ὡς ἦν
-ἀδολέσχης, λέγων τε αὖ καὶ τὸν ἥττω λόγον ἀπέφαινε 
-κρείττονα, καὶ ἐσῆγε ξένους δαίμονας, καὶ οὐκ ᾐδεῖτο
-θεοὺς οὐδʼ ἐτίμα, τὰ δὲ αὐτὰ ταῦτα καὶ τοὺς προσιόντας
-αὐτῷ ἐδίδασκέ τε καὶ εἰδέναι ἀνέπειθεν. ὁ
-δὲ Ἀριστοφάνης λαβόμενος ὑποθέσεως εὖ μάλα ἀνδρικῆς,
-ὑποσπείρας γέλωτα καὶ τὸ ἐκ τῶν μέτρων 
-αἱμύλον καὶ τὸν ἄριστον τῶν Ἑλλήνων λαβὼν ὑπόθεσιν
-ʽοὐ γάρ οἱ κατὰ Κλέωνος ἦν τὸ δρᾶμα, οὐδὲ
-ἐκωμῴδει Λακεδαιμονίους ἢ Θηβαίους ἢ Περικλέα
-αὐτόν, ἀλλʼ ἄνδρα τοῖς τε ἄλλοις θεοῖς φίλον καὶ
-δὴ καὶ μάλιστα τῷ Ἀπόλλωνἰ, ἅτε οὖν ἄηθες πρᾶγμα 
-καὶ ὅραμα παράδοξον ἐν σκηνῇ καὶ κωμῳδίᾳ Σωκράτης,
-πρῶτον μὲν ἐξέπληξεν ἡ κωμῳδία τῷ ἀδοκήτῳ
-τοὺς Ἀθηναίους, εἶτα καὶ φύσει φθονεροὺς
-ὅντας κοὶ τοῖς ἀρίστοις βασκαίνειν προῃρημένους οὐ
-μόνον τοῖς ἐν τῇ πολιτείᾳ καὶ ταῖς ἀρχαῖς ἀλλʼ ἔτι 
-καὶ πλέον τοῖς εὐδοκιμοῦσιν ἢ ἐν λόγοις ἀγαθοῖς ἢ
-ἐν βίου σεμνότητι, ἄκουσμα ἔδοξεν ἥδιστον αἵδε αἱ
-Νεφέλαι, καὶ ἐκρότουν τὸν ποιητὴν ὡς οὔ ποτε ἄλλοτε,
-καὶ ἐβόων νικᾶν, καὶ προσέταττον τοῖς κριταῖς
-ἄνωθεν Ἀριστοφάνην ἀλλὰ μὴ ἄλλον γράφειν. καὶ 
-τὰ μὲν τοῦ δράματος τοιαῦτα· ὁ δὲ Σωκράτης σπάνιον
-μὲν ἐπεφοίτα τοῖς θεάτροις, εἴ ποτε δὲ Εὐριπίδης
-ὁ τῆς τραγῳδίας ποιητὴς ἠγωνίζετο καινοῖς τραγῳδοῖς,
-τότε γε ἀφικνεῖτο. καὶ Πειραιοῖ δὲ ἀγωνιζομένου
-τοῦ Εὐριπίδου καὶ ἐκεῖ κατῄει· ἔχαιρε γὰρ 
-τῷ ἀνδρὶ διά τε τὴν σοφίαν αὐτοῦ καὶ τὴν ἐν τοῖς
-μέτροις ἀρετήν. ἤδη δέ ποτε αὐτὸν ἐρεσχελῶν Ἀλκιβιάδης
-<pb id="p.24"/>
-ὁ Κλεινίου καὶ Κριτίας ὁ Καλλαίσχρου καὶ
-κωμῳδῶν ἀκοῦσαι παρελθόντα ἐς τὸ θέατρον ἐξεβιάσαντο.
-ὃ δὲ αὐτοῖς οὐκ ἠρέσκετο, ἀλλὰ δεινῶς κατεφρόνει
-ʽἅτε ἀνὴρ σώφρων καὶ δίκαιος καὶ ἀγαθὸς
-καὶ ἐπὶ τούτοις σοφόσʼ ἀνδρῶν κερτόμων καὶ ὑβριστῶν
-καὶ ὑγιὲς λεγόντων οὐδέν· ἅπερ ἐλύπει δεινῶς αὐτούς.
-καὶ ταῦτα οὖν τῆς κωμῳδίας ἦν αὐτῷ τὰ σπέρματα,
-ἀλλʼ οὐ μόνον ἃ παρὰ τοῦ Ἀνύτου καὶ Μελήτου
-ὡμολόγηται. εἰκὸς δὲ καὶ χρηματίσασθαι ὑπὲρ
-τούτων Ἀριστοφάνην. καὶ γὰρ βουλομένων, μᾶλλον
-δὲ ἐκ παντὸς συκοφαντῆσαι τὸν Σωκράτη σπευδόντων
-ἐκείνων, καὶ αὐτὸν δὲ πένητα ἅμα καὶ κατάρατον
-ὄντα, τί παράδοξον ἦν ἀργύριον λαβεῖν ἐπʼ οὐδενὶ
-ὑγιεῖ; καὶ ὑπὲρ μὲν τούτων αὐτὸς οἶδεν· εὐδοκίμει
-δʼ οὖν αὐτῷ τὸ δρᾶμα. καὶ γάρ τοι καὶ τὸ τοῦ Κρατίνου
-τοῦτο συνέβη εἴ ποτε ἄλλοτε καὶ τότε, τῷ θεάτρῳ
-νοσῆσαι τὰς φρένας. καὶ ἅτε ὄντων Διονυσίων
-πάμπολύ τι χρῆμα τῶν Ἑλλήνων σπουδῇ τῆς θέας
-ἀφίκετο. περιφερομένου τοίνυν ἐν τῇ σκηνῇ τοῦ Σωκράτους
-καὶ ὀνομαζομένου πολλάκις, οὐκ ἂν δὲ θαυμάσαιμι
-εἰ καὶ βλεπομένου ἐν τοῖς ὑποκριταῖς ʽδῆλα
-γὰρ δὴ ὅτι καὶ οἱ σκευοποιοὶ ἔπλασαν αὐτὸν ὡς ὅτι
-μάλιστα ἐξεικάσαντεσʼ, ἀλλʼ οἵ γε ξένοι ʽτὸν γὰρ κωμῳδούμενον
-ἠγνόουνʼ θροῦς παρʼ αὐτῶν ἐπανίστατο,
-καὶ ἐζήτουν ὅστις ποτὲ οὗτος ὁ Σωκράτης ἐστίν. ὅπερ
-οὖν ἐκεῖνος αἰσθόμενος ʽκαὶ γάρ τοι καὶ παρῆν οὐκ
-ἄλλως οὐδὲ ἐκ τύχης, εἰδὼς δὲ ὅτε κωμῳδοῦσιν αὐτόν·
-καὶ δὴ καὶ ἐν καλῷ τοῦ θέατρου ἐκάθητὀ, ἵνα
-οὖν λύσῃ τὴν τῶν ξένων ἀπορίαν, ἐξαναστὰς παρʼ
-ὅλον τὸ δρᾶμα ἀγωνιζομένων τῶν ὑποκριτῶν ἑστὼς
-ἐβλέπετο. τοσοῦτον ἄρα περιῆν τῷ Σωκράτει τοῦ
-κωμῳδίας καὶ Ἀθηναίων καταφρονεῖν.
-<pb id="p.25"/>
-</p>
-</div2>
-<div2 type="chapter" n="14">
-<p><milestone unit="para"/>γελοῖος ἐκεῖνος ὁ Ξέρξης ἦν εἴ γε θαλάττης μὲν 
-καὶ γῆς κατεφρόνει τῆς Διὸς τέχνης, ἑαυτῷ δὲ εἰργάζετο
-καινὰς ὁδοὺς καὶ πλοῦν ἀήθη, ἐδεδούλωτο δὲ
-πλατάνῳ καὶ ἐθαύμαζε τὸ δένδρον. ἐν Λυδίᾳ γοῦν
-φασιν ἰδὼν φυτὸν εὐμέγεθες πλατάνου, τὴν ἡμέραν 
-ἐκείνην κατέμεινεν οὐδέν τι δεόμενος, καὶ ἐχρήσατο
-σταθμῷ τῇ ἐρημίᾳ τῇ περὶ τὴν πλάτανον. ἀλλὰ καὶ
-ἐξῆψεν αὐτῆς κόσμον πολυτελῆ, στρεπτοῖς καὶ ψελίοις
-τιμῶν τοὺς κλάδους, καὶ μελεδωνὸν αὐτῇ κατέλιπεν,
-ὥσπερ ἐρωμένῃ φύλακα καὶ φρουρόν. ἐκ δὲ 
-τούτων τί τῷ δένδρῳ καλὸν ἀπήντησεν; ὁ μὲν γὰρ
-κόσμος ὁ ἐπίκτητος καὶ μηδὲν αὐτῷ προσήκων ἄλλως
-ἐκρέματο, καὶ συνεμάχετο ἐς ὥραν οὐδέν· ἐπεὶ τοῦ
-φυτοῦ κάλλος ἐκεῖνό ἐστιν, εὐγενεῖς οἱ κλάδοι καὶ ἡ
-κόμη πολλὴ καὶ στερεὸν τὸ πρέμνον καὶ αἱ ῥίζαι ἐν 
-βάθει καὶ διασείοντες οἱ ἄνεμοι καὶ ἀμφιλαφὴς ἡ ἐξ
-αὐτοῦ σκιὰ καὶ ἀναστρέφουσαι αἱ ὧραι καὶ ὕδωρ τὸ
-μὲν διὰ τῶν ὀχετῶν ἐκτρέφον, τὸ δὲ ἐξ οὐρανοῦ ἐπάρδον·
-χλαμύδες δὲ αἱ Ξέρξου καὶ χρυσὸς ὁ τοῦ βαρβάρου
-καὶ τὰ ἄλλα δῶρα οὔτε πρὸς τὴν πλάτανον οὔτε 
-πρὸς ἄλλο δένδρον εὐγενὲς ἦν.
-</p>
-</div2>
-<div2 type="chapter" n="15">
-<p><milestone unit="para"/> Κλαζομενίων τινὲς ἐς τὴν Σπάρτην ἀφικόμενοι 
-καὶ ὕβρει καὶ ἀλαζονείᾳ χρώμενοι τοὺς τῶν ἐφόρων
-θρόνους ἔνθα εἰώθασι καθήμενοι χρηματίζειν καὶ
-τῶν πολιτικῶν ἕκαστα διατάττειν, ἀλλὰ τούτους γε 
-τοὺς θρόνους ἀσβόλῳ κατέχρισαν. μαθόντες δὲ οἱ
-ἔφοροι οὐκ ἠγανάκτησαν, ἀλλὰ τὸν δημόσιον κήρυκα
-καλέσαντες προσέταξαν αὐτὸν δημοσίᾳ κηρύξαι τοῦτο
-δὴ τὸ θαυμαζόμενον ʽἐξέστω Κλαζομενίοις
-ἀσχημονεῖν.ʼ 
-</p>
-</div2>
-<div2 type="chapter" n="16">
-<p><milestone unit="para"/>Φωκίωνος δὲ τοῦ Φώκου καὶ τοῦτο ἔγωγε ἔγνων 
-καλόν. παρελθὼν γὰρ ἐς τοὺς Ἀθηναίους ἐκκλησίας
-<pb id="p.26"/>
-οὔσης, ἐπεί τι αὐτοῖς ἐμέμφετο ἀγνωμονοῦσι, πάνυ
-σφόδρα πεπαιδευμένως καὶ πληκτικῶς εἶπε ʽβούλομαι
-μᾶλλόν τι ὑφʼ ὑμῶν παθεῖν κακὸν ἢ αὐτός τι
-ὑμᾶς κακῶς δρᾶσαι.
-</p>
-</div2>
-<div2 type="chapter" n="17">
-<p><milestone unit="para"/> ἡ τῶν ἐν Πέρσαις μάγων σοφία τά τε ἄλλα οἶδεν
-ὁπόσα αὐτοῖς εἰδέναι θέμις, καὶ οὖν καὶ μαντεύεσθαι.
-οἵπερ οὖν καὶ προεῖπον τὴν τοῦ Ὤχου περὶ τοὺς ὑπηκόους
-ἀγριότητα καὶ τὸ φονικὸν αὐτοῦ, διά τινων
-ἀπορρήτων συμβόλων καταγνόντες τοῦτο. ὅτε γὰρ
-Ἀρταξέρξου τοῦ πατρὸς αὐτοῦ τελευτήσαντος ἐς τὴν
-βασιλείαν τῶν Περσῶν ὁ Ὦχος παρῆλθεν, οἱ μάγοι
-προσέταξαν τῶν εὐνούχων τινὶ τῶν πλησίον παρεστώτων
-φυλάξαι τὸν Ὦχον τῆς τραπέζης παρατεθείσης
-τίνι πρώτῳ τῶν παρακειμένων ἐπιχειρεῖ. καὶ ὃ μὲν
-εἱστήκει τηρῶν τοῦτο, ὁ δὲ Ὦχος τὰς χεῖρας ἐκτείνας
-τῇ μὲν δεξιᾷ τῶν μαχαιρίων τῶν παρακειμένων ἓν
-ἔλαβε, τῇ δὲ ἑτέρᾳ τὸν μέγιστον τῶν ἄρτων προσειλκύσατο,
-καὶ ἐπιθεὶς ἐπʼ αὐτὸν τῶν κρεῶν, εἶτα τέμνων
-ἤσθιεν ἀφειδῶς. ἅπερ ἀκούσαντες οἱ μάγοι δύο
-ταῦτα ἐμαντεύσαντο, εὐετηρίαν τὴν ἐξ ὡρῶν καὶ εὐφορίαν
-τὴν παρὰ τὸν τῆς ἀρχῆς αὐτοῦ χρόνον καὶ
-πολλοὺς φόνους. καὶ οὐ διεψεύσαντο.
-</p>
-</div2>
-<div2 type="chapter" n="18">
-<p><milestone unit="para"/> Τιμόθεος ὁ Κώνωνος ὁ στρατηγὸς τῶν Ἀθηναίων
-ἀποστάς ποτε τῶν δείπνων τῶν πολυτελῶν
-καὶ τῶν ἑστιάσεων τῶν στρατηγικῶν ἐκείνων παραληφθεὶς
-ὑπὸ Πλάτωνος ἐς τὸ ἐν Ἀκαδημείᾳ συμπόσιον
-καὶ ἑστιαθεὶς ἀφελῶς ἅμα καὶ μουσικῶς ἔφη
-πρὸς τοὺς οἰκείους ἐπανελθὼν ὅτι ἄρα οἱ παρὰ Πλάτωνι
-δειπνοῦντες καὶ τῇ ὑστεραίᾳ καλῶς διάγουσιν.
-ἐκ δὴ τούτου διέβαλλε Τιμόθεος τὰ πολυτελῇ δεῖπνα
-καὶ φορτικὰ ὡς πάντως ἐς τὴν ὑστεραίαν οὐκ εὐφραίνοντα.
-λόγος δὲ καὶ ἐκεῖνος ἀδελφὸς τῷ προειρημένῳ
-<pb id="p.27"/>
-καὶ ταὐτὸν νοῶν, οὐ μὴν τὰ αὐτὰ λέγων περίεισιν,
-ὅτι ἄρα τῇ ὑστεραίᾳ ὁ Τιμόθεος περιτυχὼν τῷ Πλάτωνι
-εἶπεν ʽὑμεῖς, ὦ Πλάτων, εὖ δειπνεῖτε μᾶλλον
-ἐς τὴν ὑστεραίαν ἢ ἐς τὴν παροῦσαν.
-</p>
-</div2>
-<div2 type="chapter" n="19">
-<p><milestone unit="para"/>Ἀλέξανδρος ὅτε ἐνίκησε Δαρεῖον καὶ τὴν Περσῶν 
-ἀρχὴν κατεκτήσατο, μέγα ἐφʼ ἑαυτῷ φρονῶν καὶ ὑπὸ
-τῆς εὐτυχίας τῆς περιλαβούσης αὐτὸν τότε ἐκθεούμενος,
-ἐπέστειλε τοῖς Ἕλλησι θεὸν αὐτὸν ψηφίσασθαι.
-γελοίως γε. οὐ γὰρ ἅπερ οὖν ἐκ τῆς φύσεως οὐκ εἶχε,
-ταῦτα ἐκ τῶν ἀνθρώπων αἰτῶν ἐκεῖνος ἐκέρδαινεν. 
-ἄλλοι μὲν οὖν ἄλλα ἐψηφίσαντο, Λακεδαιμόνιοι δὲ
-ἐκεῖνα ʽἐπειδὴ Ἀλέξανδρος βούλεται θεὸς εἶναι, ἔστω
-θεόσʼ, Λακωνικῶς τε ἅμα καὶ κατὰ τὸν ἐπιχώριόν
-σφισι τρόπον ἐλέγξαντες τὴν ἔμπληξιν οἱ Λακεδαιμόνιοι
-τοῦ Ἀλεξάνδρου. 
-</p>
-</div2>
-<div2 type="chapter" n="20">
-<p><milestone unit="para"/>Ἀντίγονόν φασι τὸν βασιλέα δημοτικὸν καὶ πρᾶον 
-γενέσθαι. καὶ ὅτῳ μὲν σχολὴ τὰ κατʼ αὐτὸν εἰδέναι
-καὶ αὐτὰ ἕκαστα ἐξετάζειν ὑπὲρ τοῦ ἀνδρός, εἴσεται
-ἑτέρωθεν· εἰρήσεται δʼ οὖν αὐτοῦ καὶ πάνυ πρᾶον
-καὶ ἄτυφον ὃ μέλλω λέγειν. ὁ Ἀντίγονος οὗτος ὁρῶν 
-τὸν υἱὸν τοῖς ὑπηκόοις χρώμενον βιαιότερόν τε καὶ
-θρασύτερον ʽοὐκ οἶσθἀ εἶπεν, ʽὦ παῖ, τὴν βασιλείαν
-ἡμῶν ἔνδοξον εἶναι δουλείαν;ʼ καὶ τὰ μὲν τοῦ
-Ἀντιγόνου πρὸς τὸν παῖδα πάνυ ἡμέρως ἔχει καὶ φιλανθρώπως·
-ὅτῳ δὲ οὐ δοκεῖ ταύτῃ, ἀλλʼ ἐκεῖνός 
-γε οὐ δοκεῖ μοι βασιλικὸν ἄνδρα εἰδέναι οὐδὲ πολιτικόν,
-τυραννικῷ δὲ συμβιῶσαι μᾶλλον.
-</p>
-</div2>
-<div2 type="chapter" n="21">
-<p><milestone unit="para"/>Ἀγάθωνος ἤρα τοῦ ποιητοῦ Παυσανίας ὁ ἐκ Κεραμέων. 
-καὶ τοῦτο μὲν διατεθρύληται· ὃ δὲ μὴ ἐς
-πάντας πεφοίτηκεν, ἀλλʼ ἐγὼ ἐρῶ. ἐς Ἀρχελάου 
-ποτὲ ἀφίκοντο ὅ τε ἐραστὴς καὶ ὁ ἐρώμενος οὗτοι.
-ἦν δὲ ἄρα ὁ Ἀρχέλαος ἐρωτικὸς οὐχ ἧττον ἢ φιλόμουσος.
-<pb id="p.28"/>
-ἐπεὶ τοίνυν ἑώρα διαφερομένους πρὸς ἀλλήλους
-τόν τε Παυσανίαν καὶ τὸν Ἀγάθωνα πολλάκις,
-οἰόμενος τὸν ἐραστὴν ὑπὸ τῶν παιδικῶν παρορᾶσθαι,
-ἤρετο ἄρα τὸν Ἀγάθωνα ὁ Ἀρχέλαος τί βουλόμενος
-οὕτω πυκνὰ ἀπεχθάνεται τῷ πάντων μάλιστα φιλοῦντι
-αὐτόν; ὃ δὲ ʽἐγώ σοἰ ἔφη ʽφράσω, βασιλεῦ.
-οὔτε γάρ εἰμι πρὸς αὐτὸν δύσερις, οὔτε ἀγροικίᾳ
-πράττω τοῦτο· εἰ δέ τι καὶ ἐγὼ ἠθῶν ἐπαΐω τῇ τε
-ἄλλῃ καὶ ἐκ ποιητικῆς, ἥδιστον εὑρίσκω εἶναι τοῖς
-ἐρῶσι πρὸς τὰ παιδικὰ ἐκ διαφορᾶς καταλλάττεσθαι,
-καὶ πεπίστευκα οὐδὲν αὐτοῖς οὕτως ἀπαντᾶν τερπνόν.
-τούτου γοῦν τοῦ ἡδέος πολλάκις αὐτῷ μεταδίδωμι,
-ἐρίζων πρὸς αὐτὸν πλεονάκις· εὐφραίνεται γὰρ καταλυομένου
-μου τὴν πρὸς αὐτὸν ἔριν συνεχῶς, ὁμαλῶς
-δὲ καὶ συνήθως προσιόντος οὐκ εἴσεται τὴν διαφορότητα.ʼ
-ἐπῄνεσε ταῦτα ὁ Ἀρχέλαος, ὡς λόγος.
-ἤρα δέ φασι τοῦ αὐτοῦ Ἀγάθωνος τούτου καὶ Εὐριπίδης
-ὁ ποιητής, καὶ τὸν Χρύσιππον τὸ δρᾶμα αὐτῷ
-χαριζόμενος λέγεται διαφροντίσαι. καὶ εἰ μὲν σαφὲς
-τοῦτο, ἀποφήνασθαι οὐκ οἶδα, λεγόμενον δʼ οὖν αὐτὸ
-οἶδα ἐν τοῖς μάλιστα.
-</p>
-</div2>
-<div2 type="chapter" n="22">
-<p><milestone unit="para"/> εὐνομωτάτους γενέσθαι καὶ Μαντινέας ἀκούω
-οὐδὲν ἧττον Λοκρῶν οὐδὲ Κρητῶν οὐδὲ Λακεδαιμονίων
-αὐτῶν οὐδʼ Ἀθηναίων· σεμνὸν γάρ τι χρῆμα
-καὶ τὸ Σόλωνος ἐγένετο, εἰ καὶ μετὰ ταῦτα Ἀθηναῖοι
-κατὰ μικρὰ τῶν νόμων τινὰς τῶν ἐξ αὐτοῦ γραφέν
-των αὐτοῖς διέφθειραν.
-</p>
-</div2>
-<div2 type="chapter" n="23">
-<p><milestone unit="para"/> Νικόδωρος δὲ ὁ πύκτης ἐν τοῖς εὐδοκιμωτάτοις
-Μαντινέων γενόμενος, ἀλλὰ ὀψὲ τῆς ἡλικίας καὶ μετὰ
-τὴν ἄθλησιν νομοθέτης αὐτοῖς ἐγένετο, μακρῷ τοῦτο
-ἄμεινον πολιτευσάμενος τῇ πατρίδι τῶν κηρυγμάτων
-τῶν ἐν τοῖς σταδίοις. φασὶ δὲ αὐτῷ Διαγόραν τὸν
-<pb id="p.29"/>
-Μήλιον συνθεῖναι τοὺς νόμους ἐραστὴν γενόμενον.
-εἶχον δέ τι καὶ περαιτέρω ὑπὲρ Νικοδώρου εἰπεῖν·
-ὡς δʼ ἂν μὴ δοκοίην καὶ τὸν ἔπαινον τὸν τοῦ Διαγόρου
-προσπαραλαμβάνειν, ἐς τοσοῦτον διηνύσθω
-τὰ τοῦ λόγου. θεοῖς γὰρ ἐχθρὸς Διαγόρας, καὶ οὔ 
-μοι ἥδιον ἐπὶ πλεῖστον μεμνῆσθαι αὐτοῦ.
-</p>
-</div2>
-<div2 type="chapter" n="24">
-<p><milestone unit="para"/>ἤδη τινὲς τὴν Μίλωνος τοῦ Κροτωνιάτου περιφερομένην 
-ῥώμην ἐξέβαλον, τοιαῦτα ὑπὲρ αὐτοῦ λέγοντες.
-Μίλωνος τούτου τὴν ῥοιάν, ἣν ἐν τῇ χειρὶ
-κατεῖχεν, οὐδεὶς τῶν ἀντιπάλων ἐξελεῖν ἐδύνατο· ἡ 
-δὲ ἐρωμένη αὐτοῦ ῥᾷστα αὐτὴν ἐξῄρει, φιλονεικοῦσα
-πρὸς αὐτὸν πολλάκις. ἐκ δὴ τούτου νοεῖν ἔσται ὅτι
-ὁ Μίλων ἰσχυρὸς μὲν τὸ σῶμα ἦν, ἀνδρεῖος δὲ τὴν
-ψυχὴν οὐκ ἦν.
-</p>
-</div2>
-<div2 type="chapter" n="25">
-<p><milestone unit="para"/>τὴν ἕκτην τοῦ μηνὸς τοῦ Θαργηλιῶνος πολλῶν 
-καὶ ἀγαθῶν αἰτίαν γενέσθαι λέγουσιν οὐ μόνον τοῖς
-Ἀθηναίοις ἀλλὰ καὶ ἄλλοις πολλοῖς. αὐτίκα γοῦν
-Σωκράτης ἐν ταύτῃ ἐγένετο, καὶ Πέρσαι δὲ ἡττήθησαν
-τῇ ἡμέρᾳ ταύτῃ, καὶ Ἀθηναῖοι δὲ τῇ Ἀγροτέρᾳ
-ἀποθύουσι τὰς χιμαίρας τὰς τριακοσίας, κατὰ τὴν 
-εὐχὴν τοῦ Μιλτιάδου δρῶντες τοῦτο. τοῦ δʼ αὐτοῦ
-μηνὸς ἕκτῃ ἱσταμένου καὶ τὴν ἐν Πλαταιαῖς μάχην
-φασὶ γενέσθαι καὶ νικῆσαι τοὺς Ἕλληνας· τὴν γὰρ
-προτέραν ἧτταν αὐτῶν, ἧς ἐμνήσθην, ἐπʼ Ἀρτεμισίῳ
-γεγονέναι. καὶ τὴν ἐν Μυκάλῃ δὲ τῶν Ἑλλήνων νίκην 
-οὐκ ἄλλης ὡμολόγηται δῶρον ἡμέρας γενέσθαι
-ἢ ταύτης, εἴ γε κατὰ τὴν αὐτὴν ἐνίκων καὶ ἐν Πλαταιαῖς
-καὶ ἐν Μυκάλῃ. καὶ Ἀλέξανδρον δὲ τὸν Μακεδόνα,
-τὸν Φιλίππου παῖδα, τὰς πολλὰς μυριάδας
-τὰς τῶν βαρβάρων φθεῖραι καὶ αὐτὸν λέγουσιν ἕκτῃ 
-ἱσταμένου, ὅτε καὶ Δαρεῖον καθεῖλεν Ἀλέξανδρος.
-καὶ ὁμολογοῦσι τοῦ αὐτοῦ μηνὸς πάντα. καὶ αὐτὸν
-<pb id="p.30"/>
-δὲ τὸν Ἀλέξανδρον καὶ γενέσθαι καὶ ἀπελθεῖν τοῦ
-βίου τῇ αὐτῇ ἡμέρᾳ πεπίστευται.
-</p>
-</div2>
-<div2 type="chapter" n="26">
-<p><milestone unit="para"/> Ἀριστοτέλης λέγει ὑπὸ τῶν Κροτωνιατῶν τὸν Πυθαγόραν
-Ἀπόλλωνα Ὑπερβόρειον προσαγορεύεσθαι.
-κἀκεῖνα δὲ προσεπιλέγει ὁ τοῦ Νικομάχου, ὅτι τῆς
-αὐτῆς ἡμέρας ποτὲ καὶ κατὰ τὴν αὐτὴν ὥραν καὶ ἐν
-Μεταποντίῳ ὤφθη ὑπὸ πολλῶν καὶ ἐν Κρότωνι
-τῷ ἀγῶνι ἐξανιστάμενος, ἔνθα καὶ τῶν μηρῶν ὁ Πυθαγόρας
-παρέφηνε τὸν ἕτερον χρυσοῦν. λέγει δὲ ὁ
-αὐτὸς καὶ ὅτι ὑπὸ τοῦ Κόσα ποταμοῦ διαβαίνων προσερρήθη·
-καὶ πολλούς φησιν ἀκηκοέναι τὴν πρόσρησιν ταύτην.
-</p>
-</div2>
-<div2 type="chapter" n="27">
-<p><milestone unit="para"/> Ἀννίκερις ὁ Κυρηναῖος ἐπὶ ἱππείᾳ μέγα ἐφρόνει
-καὶ ἁρμάτων ἐλάσει. καὶ οὖν ποτε καὶ ἐβουλήθη
-Πλάτωνι ἐπιδείξασθαι τὴν τέχνην. ζεύξας οὖν τὸ
-ἅρμα περιήλασεν ἐν Ἀκαδημείᾳ δρόμους παμπόλλους,
-οὕτως ἀκριβῶς φυλάττων τοῦ δρόμου τὸν στοῖχον, ὡς
-μὴ παραβαίνειν τὰς ἁρματοτροχίας, ἀλλʼ ἀεὶ κατʼ
-αὐτῶν ἰέναι. οἱ μὲν οὖν ἄλλοι πάντες ὥσπερ εἰκὸς
-ἐξεπλάγησαν, ὁ δὲ Πλάτων τὴν ὑπερβάλλουσαν αὐτοῦ
-σπουδὴν διέβαλεν εἰπὼν ʽἀδύνατόν ἐστι τὸν ἐς
-μικρὰ οὕτω καὶ οὐδενὸς ἄξια τοσαύτην φροντίδα κατατιθέμενον
-ὑπὲρ μεγάλων τινῶν σπουδάσαι· πᾶσαν
-γὰρ αὐτῷ τὴν διάνοιαν ἐς ἐκεῖνα ἀποτεθεῖσαν ἀνάγκη
-ὀλιγωρεῖν τῶν ὄντως θαυμάζεσθαι δικαίων.ʼ
-</p>
-</div2>
-<div2 type="chapter" n="28">
-<p><milestone unit="para"/> μετὰ τὴν κατὰ τῶν Περσῶν νίκην Ἀθηναῖοι νόμον
-ἔθεντο ἀλεκτρυόνας ἀγωνίζεσθαι δημοσίᾳ ἐν τῷ
-θεάτρῳ μιᾶς ἡμέρας τοῦ ἔτους· πόθεν δὲ τὴν ἀρχὴν
-ἔλαβεν ὅδε ὁ νόμος ἐρῶ. ὅτε Θεμιστοκλῆς ἐπὶ τοὺς
-βαρβάρους ἐξῆγε τὴν πολιτικὴν δύναμιν, ἀλεκτρυόνας
-ἐθεάσατο μαχομένους· οὐδὲ ἀργῶς αὐτοὺς εἶδεν, ἐπέστησε
-δὲ τὴν στρατιάν, καὶ ἔφη πρὸς αὐτοὺς ʽἀλλʼ
-<pb id="p.31"/>
-οὗτοι μὲν οὔτε ὑπὲρ πατρίδος οὔτε ὑπὲρ πατρῴων
-θεῶν οὔτε μὴν ὑπὲρ προγονικῶν ἠρίων κακοπαθοῦσιν,
-οὐδὲ ὑπὲρ δόξης οὐδὲ ὑπὲρ ἐλευθερίας οὐδὲ ὑπὲρ
-παίδων, ἀλλʼ ὑπὲρ τοῦ μὴ ἡττηθῆναι ἑκάτερος, μηδὲ
-εἶξαι θατέρῳ τὸν ἕτερον.ʼ ἅπερ οὖν εἰπὼν ἐπέρρωσε 
-τοὺς Ἀθηναίους. τὸ τοίνυν γενόμενον αὐτοῖς σύνθημα
-τότε ἐς ἀρετὴν ἐβουλήθη διαφυλάττειν καὶ ἐς τὰ
-ὅμοια ἔργα ὑπόμνησιν.
-</p>
-</div2>
-<div2 type="chapter" n="29">
-<p><milestone unit="para"/>Πιττακὸς ἐν Μυτιλήνῃ κατεσκεύασε ἐν τοῖς ἱεροῖς 
-κλίμακας ἐς οὐδεμίαν μὲν χρῆσιν ἐπιτηδείους, αὐτὸ 
-δὲ τοῦτο ἀναθήματα εἶναι, αἰνιττόμενος τὴν ἐκ τῆς
-τύχης ἄνω καὶ κάτω μετάπτωσιν, τρόπον τινὰ τῶν
-μὲν εὐτυχούντων ἀνιόντων, κατιόντων δὲ τῶν δυστυχούντων.
-</p>
-</div2>
-<div2 type="chapter" n="30">
-<p><milestone unit="para"/>Πλάτων ὁ Ἀρίστωνος τὰ πρῶτα ἐπὶ ποιητικὴν 
-ὥρμησε, καὶ ἡρωϊκὰ ἔγραφε μέτρα· εἶτα αὐτὰ κατέπρησεν
-ὑπεριδὼν αὐτῶν, ἐπεὶ τοῖς Ὁμήρου αὐτὰ ἀντικρίνων
-ἑώρα κατὰ πολὺ ἡττώμενα. ἐπέθετο οὖν
-τραγῳδίᾳ, καὶ δὴ καὶ τετραλογίαν εἰργάσατο, καὶ
-ἔμελλεν ἀγωνιεῖσθαι, δοὺς ἤδη τοῖς ὑποκριταῖς τὰ 
-ποιήματα. πρὸ τῶν Διονυσίων δὲ παρελθὼν ἤκουσε
-Σωκράτους, καὶ ἅπαξ αἱρεθεὶς ὑπὸ τῆς ἐκείνου σειρῆνος,
-τοῦ ἀγωνίσματος οὐ μόνον ἀπέστη τότε, ἀλλὰ
-καὶ τελέως τὸ γράφειν τραγῳδίαν ἀπέρριψε, καὶ ἀπεδύσατο
-ἐπὶ φιλοσοφίαν. 
-</p>
-</div2>
-<div2 type="chapter" n="31">
-<p><milestone unit="para"/>καὶ τίς οὐκ ἂν ἐπῄνεσε τὴν τῶν βαρβάρων σοφίαν; 
-εἴ γε μηδεὶς αὐτῶν ἐς ἀθεότητα ἐξέπεσε, μηδὲ
-ἀμφιβάλλουσι περὶ θεῶν ἆρά γέ εἰσιν ἢ οὔκ εἰσιν,
-καὶ ἆρά γε ἡμῶν φροντίζουσιν ἢ οὔ. οὐδεὶς γοῦν
-ἔννοιαν ἔλαβε τοιαύτην, οἵαν Εὐήμερος ὁ Μεσσήνιος 
-ἢ Διογένης ὁ Φρὺξ ἢ Ἵππων ἢ Διαγόρας ἢ Σωσίας
-ἢ Ἐπίκουρος οὔτε Ἰνδὸς οὔτε Κελτὸς οὔτε Αἰγύπτιος.
-<pb id="p.32"/>
-λέγουσι δὲ τῶν βαρβάρων οἱ προειρημένοι καὶ εἶναι
-θεοὺς καὶ προνοεῖν ἡμῶν καὶ προσημαίνειν τὰ μέλλοντα
-καὶ διὰ ὀρνίθων καὶ διὰ συμβόλων καὶ διὰ
-σπλάγχνων καὶ διʼ ἄλλων τινῶν μαθημάτων τε καὶ
-διδαγμάτων· ἅπερ οὖν ἐστι τοῖς ἀνθρώποις διδασκαλικὰ
-ἐκ τῆς παρὰ τῶν θεῶν ἐς αὐτοὺς προνοίας.
-καὶ διʼ ὀνείρων δὲ λέγουσι καὶ διʼ αὐτῶν τῶν ἀστέρων
-πολλὰ προδηλοῦσθαι. καὶ ὑπὲρ τούτων ἰσχυρὰν
-ἔχοντες τὴν πίστιν θύουσί τε καθαρῶς καὶ ἁγνεύουσιν
-ὁσίως, καὶ τελετὰς τελοῦσι καὶ ὀργίων φυλάττουσι
-νόμον, καὶ τὰ ἄλλα πράττουσιν, ἐξ ὧν ὅτι τοὺς θεοὺς
-ἰσχυρῶς καὶ σέβουσι καὶ τιμῶσιν ὡμολόγηται.
-</p>
-</div2>
-<div2 type="chapter" n="32">
-<p><milestone unit="para"/> λέγουσί τινες λόγοι Πυθικοὶ τὸν Ἡρακλῆ τὸν
-Διὸς καὶ Ἀλκμήνης παῖδα ἀπὸ γενεᾶς Ἀλκαῖον κεκλῆσθαι,
-χρόνῳ δὲ ὕστερον ἐλθόντα ἐς Δελφοὺς διά τινα
-αἰτίαν δεόμενον χρησμοῦ μήτε ὧν ἧκε χάριν ἀμοιρῆσαι,
-προσακοῦσαί τε ἐκείνοις καὶ ἰδίᾳ παρὰ τοῦ
-θεοῦ ταῦτα
-<quote rend="blockquote">
-<lb/>Ἡρακλῆ δέ σε Φοῖβος ἐπώνυμον ἐξονομάζει·
-<lb/>ἦρα γὰρ ἀνθρώποισι φέρων κλέος ἄφθιτον ἕξεις.
-</quote>
-</p>
-</div2>
-<div2 type="chapter" n="33">
-<p><milestone unit="para"/> τὴν τῶν ποταμῶν φύσιν καὶ τὰ ῥεῖθρα αὐτῶν
-ὁρῶμεν· ὅμως δὲ οἱ τιμῶντες αὐτοὺς καὶ τὰ ἀγάλματα
-αὐτῶν ἐργαζόμενοι οἳ μὲν ἀνθρωπομόρφους
-αὐτοὺς ἱδρύσαντο, οἳ δὲ βοῶν εἶδος αὐτοῖς περιέθηκαν.
-βουσὶ μὲν οὖν εἰκάζουσιν οἱ Στυμφάλιοι μὲν
-τὸν Ἐρασῖνον καὶ τὸν Μετώπην, Λακεδαιμόνιοι δὲ
-τὸν Εὐρώταν, Σικυώνιοι δὲ καὶ Φλιάσιοι τὸν Ἀσωπόν,
-Ἀργεῖοι δὲ τὸν Κηφισόν· ἐν εἴδει δὲ ἀνδρῶν
-Ψωφίδιοι τὸν Ἐρύμανθον, τὸν δὲ Ἀλφειὸν Ἡραιεῖς,
-Χερρονήσιοι δὲ οἱ ἀπὸ Κνίδου καὶ αὐτοὶ τὸν αὐτὸν
-ποταμὸν ὁμοίως. Ἀθηναῖοι δὲ τὸν Κηφισὸν ἄνδρα
-<pb id="p.33"/>
-μὲν δεικνύουσιν ἐν προτομῇ, κέρατα δὲ ὑποφαίνοντα.
-καὶ ἐν Σικελίᾳ δὲ Συρακόσιοι μὲν τὸν Ἄναπον ἀνδρὶ
-εἴκασαν, τὴν δὲ Κυάνην πηγὴν γυναικὸς εἰκόνι ἐτίμησαν·
-Αἰγεσταῖοι δὲ τὸν Πόρπακα καὶ τὸν Κριμισὸν
-καὶ τὸν Τελμησσὸν ἀνδρῶν εἴδει τιμῶσιν. Ἀκραγαντῖνοι 
-δὲ τὸν ἐπώνυμον τῆς πόλεως ποταμὸν παιδὶ
-ὡραίῳ εἰκάσαντες θύουσιν. οἱ δὲ αὐτοὶ καὶ ἐν Δελφοῖς
-ἀνέθεσαν ἐλέφαντος διαγλύψαντες ἄγαλμα, καὶ
-ἐπέγραψαν τὸ τοῦ ποταμοῦ ὄνομα. καὶ παιδός ἐστι
-τὸ ἄγαλμα. 
-</p>
-</div2>
-<div2 type="chapter" n="34">
-<p><milestone unit="para"/>Ἐπίχαρμόν φασι πάνυ σφόδρα πρεσβύτην ὄντα, 
-μετά τινων ἡλικιωτῶν ἐν λέσχῃ καθήμενον, ἐπεὶ ἕκαστος
-τῶν παρόντων ἔλεγεν ὃ μέν τις ʽἐμοὶ πέντε ἔτη
-ἀπόχρη βιῶναι,ʼ ἄλλος δὲ ʽἐμοὶ τρία,ʼ τρίτου δὲ εἰπόντος
-ʽ ἐμοί γε τέτταρα,ʼ ὑπολαβὼν ὁ Ἐπίχαρμος 
-ʽὦ βέλτιστοἰ εἶπε, ʽτί στασιάζετε καὶ διαφέρεσθε
-ὑπὲρ ὀλίγων ἡμερῶν; πάντες γὰρ οἱ συνελθόντες
-κατά τινα δαίμονα ἐπὶ δυσμαῖς ἐσμεν· ὥστε ὥρα πᾶσιν
-ἡμῖν τὴν ταχίστην ἀνάγεσθαι, πρὸ τοῦ τινος καὶ
-ἀπολαῦσαι κακοῦ πρεσβυτικοῦ.ʼ 
-</p>
-</div2>
-<div2 type="chapter" n="35">
-<p><milestone unit="para"/>Γοργίας ὁ Λεοντῖνος ἐπὶ τέρματι ὢν τοῦ βίου καὶ 
-γεγηρακὼς εὖ μάλα ὑπό τινος ἀσθενείας καταληφθείς,
-κατʼ ὀλίγον ἐς ὕπνον ὑπολισθάνων ἔκειτο. ἐπεὶ δέ
-τις αὐτὸν παρῆλθε τῶν ἐπιτηδείων ἐπισκοπούμενος
-καὶ ἤρετο ὅ τι πράττοι, ὁ Γοργίας ἀπεκρίνατο ʽἤδη 
-με ὁ ὕπνος ἄρχεται παρακατατίθεσθαι τἀδελφῷ.ʼ
-</p>
-</div2>
-<div2 type="chapter" n="36">
-<p><milestone unit="para"/>Σωκράτης δὲ καὶ αὐτὸς βαθύτατα γηρῶν εἶτα 
-νόσῳ περιπεσών, ἐπεί τις αὐτὸν ἠρώτησε πῶς ἔχοι,
-ʽκαλῶσʼ εἶπε ʽπρὸς ἀμφότερα· ἐὰν μὲν γὰρ ζῶ, ζηλωτὰς
-ἕξω πλείονας· ἐὰν δὲ ἀποθάνω, ἐπαινέτας πλείονας.ʼ 
-</p>
-</div2>
-<div2 type="chapter" n="37">
-<p><milestone unit="para"/>Ζαλεύκου τοῦ Λοκροῦ πολλοὶ μέν εἰσι καὶ ἄλλοι 
-νόμοι κάλλιστα καὶ ἐς δέον κείμενοι, καὶ οὗτος δὲ οὐχ
-<pb id="p.34"/>
-ἥκιστα. εἴ τις Λοκρῶν τῶν Ἐπιζεφυρίων νοσῶν ἔπιεν
-οἶνον ἄκρατον, μὴ προστάξαντος τοῦ θεραπεύοντος,
-εἰ καὶ περιεσώθη, θάνατος ἡ ζημία ἦν αὐτῷ, ὅτι μὴ
-προσταχθὲν αὐτῷ ὃ δὲ ἔπιεν.
-</p>
-</div2>
-<div2 type="chapter" n="38">
-<p><milestone unit="para"/> νόμος καὶ οὗτος Μασσαλιωτικός, γυναῖκας μὴ
-ὁμιλεῖν οἴνῳ, ἀλλʼ ὑδροποτεῖν πᾶσαν γυναικῶν ἡλικίαν.
-λέγει δὲ Θεόφραστος καὶ παρὰ Μιλησίοις τὸν
-νόμον τοῦτον ἰσχύειν, καὶ πείθεσθαι αὐτῷ τὰς Μιλησίων
-γυναῖκας. τί δὲ οὐκ ἂν εἴποιμι καὶ τὸν Ῥωμαίων
-νόμον; καὶ πῶς οὐκ ὀφλήσω δικαίως ἀλογίαν, εἰ τὰ
-μὲν Λοκρῶν καὶ Μασσαλιωτῶν καὶ τὰ Μιλησίων διὰ
-μνήμης ἐθέμην, τὰ δὲ τῆς ἐμαυτοῦ πατρίδος ἐάσω;
-οὐκοῦν καὶ Ῥωμαίοις ἦν ἐν τοῖς μάλιστα ὁ νόμος ὅδε
-ἐρρωμένος. οὔτε ἐλευθέρα γυνὴ ἔπιεν ἂν οἶνον οὔτε
-οἰκέτις, οὔτε μὴν τῶν εὖ γεγονότων οἱ ἐφʼ ἥβης
-μέχρι πέντε καὶ τριάκοντα ἐτῶν.
-</p>
-</div2>
-<div2 type="chapter" n="39">
-<p><milestone unit="para"/> Κρῆτες δὲ τοὺς παῖδας τοὺς ἐλευθέρους μανθάνειν
-ἐκέλευον τοὺς νόμους μετά τινος μελῳδίας, ἵνα
-ἐκ τῆς μουσικῆς ψυχαγωγῶνται καὶ εὐκολώτερον αὐτοὺς
-τῇ μνήμῃ διαλαμβάνωσι, καὶ ἵνα μή τι τῶν κεκωλυμένων
-πράξαντες ἀγνοίᾳ πεποιηκέναι ἀπολογίαν
-ἔχωσι. δεύτερον δὲ μάθημα ἔταξαν τοὺς τῶν θεῶν
-ὕμνους μανθάνειν· τρίτον τὰ τῶν ἀγαθῶν ἀνδρῶν ἐγκώμια.
-</p>
-</div2>
-<div2 type="chapter" n="40">
-<p><milestone unit="para"/> πᾶν μὲν ὅσον ἄλογόν ἐστιν ἀλλοτρίως πρὸς οἶνον
-πέφυκε, μάλιστα δὲ τῶν ζῴων ἐκεῖνα, ὅσα στεμφύλων
-ἢ γιγάρτων ὑπερπλησθέντα μεθύει. καὶ οἱ κόρακες
-δὲ τὴν καλουμένην οἰνοῦτταν βοτάνην ὅταν
-φάγωσι, καὶ οἱ κύνες δὲ καὶ αὐτοὶ βακχεύονται. πίθηκος
-δὲ καὶ ἐλέφας ἐὰν οἴνου πίωσιν, ὃ μὲν τῆς
-ἀλκῆς ἐπιλανθάνεται ὁ ἐλέφας, ὃ δὲ τῆς πανουργίας·
-καί εἰσιν αἱρεθῆναι πάνυ ἀσθενεῖς.
-<pb id="p.35"/>
-</p>
-</div2>
-<div2 type="chapter" n="41">
-<p><milestone unit="para"/>φιλοπόται δὲ λέγονται γενέσθαι Διονύσιος ὁ Σικελίας 
-τύραννος, καὶ Νυσαῖος καὶ οὗτος τύραννος,
-καὶ Ἀπολλοκράτης ὁ Διονυσίου τοῦ τυράννου υἱός,
-καὶ Ἱππαρῖνος Διονυσίου καὶ οὗτος, καὶ Τιμόλαος
-ὁ Θηβαῖος καὶ Χαρίδημος ὁ Ὠρείτης καὶ Ἀρκαδίων 
-καὶ Ἐρασίξενος καὶ Ἀλκέτας ὁ Μακεδὼν καὶ Διότιμος
-ὁ Ἀθηναῖος. οὗτός τοι καὶ χώνη ἐπεκαλεῖτο·
-ἐντιθέμενος γὰρ τῷ στόματι χώνην ἀδιαλείπτως ἐχώρει
-τὸν ἐσχεόμενον οἶνον. Κλεομένης δὲ ὁ Λακεδαιμόνιος
-οὐ μόνον φασὶν ὅτι πολυπότης ἦν, ἀλλὰ γὰρ 
-περιτιθέασιν αὐτῷ καὶ τοῦτο δήπου τὸ Σκυθικὸν κακόν,
-ὅτι ἀκρατοπότης ἐγένετο. καὶ Ἴωνα δὲ τὸν Χῖον
-τὸν ποιητὴν καὶ αὐτόν φασι περὶ τὸν οἶνον ἀκρατῶς
-ἔχειν. καὶ Ἀλέξανδρος δὲ ὁ Μακεδὼν ἐπὶ Καλανῷ τῷ
-Βραχμᾶνι, τῷ Ἰνδῶν σοφιστῇ, ὅτε ἑαυτὸν ἐκεῖνος 
-κατέπρησεν, ἀγῶνα μουσικῆς καὶ ἱππέων καὶ ἀθλητῶν
-διέθηκε. χαριζόμενος δὲ τοῖς Ἰνδοῖς καί τι ἐπιχώριον
-αὐτῶν ἀγώνισμα ἐς τιμὴν τοῦ Καλανοῦ συγκατηρίθμησε
-τοῖς ἄθλοις τοῖς προειρημένοις. οἰνοποσίας
-γοῦν ἀγωνίαν προύθηκε, καὶ ἦν τῷ μὲν τὰ πρῶτα 
-φερομένῳ τάλαντον τὸ γέρας, τῷ δὲ δευτέρῳ τριάκοντα
-μναῖ, τῷ γε μὴν τρίτῳ δέκα. ὁ δὲ τὰ νικητήρια
-ἀναδησάμενος ἐν αὐτοῖς ἦν Πρόμαχος. καὶ ἐκ
-Διονυσίου δὲ τῇ τῶν Χοῶν ἑορτῇ προύκειτο ἆθλον
-τῷ πιόντι πλεῖστον στέφανος χρυσοῦς. καὶ ἐνίκησε 
-Ξενοκράτης ὁ Χαλκηδόνιος, καὶ τὸν στέφανον λαβών,
-ὅτε ἐπανῄει μετὰ τὸ δεῖπνον, τῷ Ἑρμῇ τῷ πρὸ τῶν
-θυρῶν ἑστῶτι ἐπέθηκεν αὐτὸν κατὰ τὸ ἔθος τῶν ἔμπροσθεν
-ἡμερῶν· καὶ γὰρ καὶ τοὺς ἀνθινοὺς καὶ τοὺς
-ἐκ τῆς μυρρίνης καὶ τὸν ἐκ τοῦ κιττοῦ καὶ τὸν ἐκ τῆς 
-δάφνης ἐνταῦθα ἀνέπαυσε καὶ κατέλιπε. καὶ Ἀνάχαρσις
-δὲ πάμπολύ φασιν ἔπιε παρὰ Περιάνδρῳ,
-<pb id="p.36"/>
-τοῦτο μὲν καὶ οἴκοθεν ἑαυτῷ ἐπαγόμενος τὸ ἐφόδιον·
-Σκυθῶν γὰρ ἴδιον τὸ πίνειν ἄκρατον. καὶ Λακύδης
-δὲ καὶ Τίμων οἱ φιλόσοφοι, καὶ τούτους φασὶ πάμπολυ
-πιεῖν. καὶ Μυκερῖνος δὲ ὁ Αἰγύπτιος, ὅτε αὐτῷ
-τὸ ἐκ Βουτοῦς μαντεῖον ἀφίκετο προλέγον τὴν τοῦ
-βίου στενοχωρίαν, εἶτα ἐβουλήθη σοφίσασθαι τὸ λόγιον
-ἐκεῖνος, διπλασιάζων τὸν χρόνον καὶ ταῖς ἡμέραις
-προστιθεὶς τὰς νύκτας, διετέλει καὶ αὐτὸς ἀγρυπνῶν
-καὶ πίνων ἅμα. τίθει μετὰ τούτων καὶ Ἄμασιν
-τὸν Αἰγύπτιον, εἴ τῳ Ἡρόδοτος ἱκανὸς τεκμηριῶσαι.
-καὶ Νικοτέλην δὲ τὸν Κορίνθιον οὐ χρὴ ἀπὸ τούτων
-τάττειν, καὶ Σκόπαν τὸν Κρέοντος υἱόν. καὶ Ἀντίοχον
-τὸν βασιλέα φασὶν οἰνεραστὴν γενέσθαι. διὰ ταῦτά
-τοι καὶ τὴν βασιλείαν αὐτῷ διῴκουν Ἄριστός τε καὶ
-Θεμίσων οἱ Κύπριοι, αὐτὸς δὲ διὰ τὴν πολυποσίαν
-ἐπεγέγραπτο τῇ ἀρχῇ ἄλλως. καὶ ὁ Ἐπιφανὴς δὲ
-κληθεὶς Ἀντίοχος ὁ Ῥωμαίοις δοθεὶς ὅμηρος καὶ οὗτος
-ἀκρατῶς ἐδίψη οἴνου πίνειν. καὶ ὁ ὁμώνυμος δὲ
-τούτου Ἀντίοχος ὁ ἐν Μήδοις πρὸς Ἀρσάκην πολεμήσας
-καὶ οὗτος ἦν τοῦ πίνειν δοῦλος. καὶ ὁ Μέγας
-δὲ καλούμενος Ἀντίοχος καὶ οὗτος σὺν τούτοις τετάχθω.
-καὶ Ἄγρωνα δὲ τὸν Ἰλλυριῶν βασιλέα ἀπέκτεινεν
-ἡ πρὸς τὸν οἶνον ἄδικος ὁρμή, καὶ αὐτῷ πλευρῖτιν
-ἐνειργάσατο. καὶ ἕτερος Ἰλλυριῶν βασιλεὺς
-Γέντιος πίνειν καὶ οὗτος εἴθιστο ἀκρατῶς. τόν γε
-μὴν Καππαδόκων βασιλέα Ὀροφέρνην τί τοῦτον ἐάσομεν,
-καὶ ἐκεῖνον πιεῖν γενόμενον δεινόν; εἰ δὲ χρὴ
-καὶ γυναικῶν μνημονεῦσαι, ἄτοπον μὲν γυνὴ φιλοπότις,
-καὶ πολυπότις ἔτι πλέον, εἰρήσθω δʼ οὖν καὶ
-περὶ τούτων. Κλεώ φασιν ἐς ἅμιλλαν ἰοῦσα οὐ γυναιξὶ
-μόναις ἀλλὰ καὶ τοῖς ἀνδράσι τοῖς συμπόταις
-δεινοτάτη πιεῖν ἦν, καὶ ἐκράτει πάντων, αἴσχιστόν
-<pb id="p.37"/>
-γε τοῦτο φερομένη τὸ νικητήριον ὥς γε ἐμοὶ κριτῇ.
-</p>
-</div2>
-<div2 type="chapter" n="42">
-<p><milestone unit="para"/>ἡ Πλάτωνος δόξα καὶ ὁ τῆς κατʼ αὐτὸν ἀρετῆς 
-λόγος καὶ ἐς Ἀρκάδας ἀφίκετο καὶ Θηβαίους, καὶ
-οὖν καὶ ἐδεήθησαν αὐτοῦ πρέσβεις ἀποστείλαντες σὺν 
-τῇ ἀνωτάτω σπουδῇ ἀφικέσθαι σφίσι τὸν ἄνδρα οὐκ
-ἐπὶ μόνῃ τῇ τῶν νέων προστασίᾳ, οὐδʼ ἵνα αὐτοῖς
-συγγένηται ἐπὶ τοῖς λόγοις τοῖς κατὰ φιλοσοφίαν,
-ἀλλὰ γὰρ καὶ τὸ ἔτι τούτων μεῖζον νομοθέτην αὐτὸν
-ἐκάλουν. οὔκουν ἔμελλον ἀτυχήσειν τοῦ ἀνδρός· 
-καὶ γὰρ ἥσθη ὁ τοῦ Ἀρίστωνος τῇ κλήσει, καὶ δὴ καὶ
-ἔμελλεν ὑπακούσεσθαι. ἤρετο μέντοι τοὺς ἥκοντας
-πῶς ἔχουσι πρὸς τὸ ἴσον ἔχειν ἅπαντες; ἐπεὶ δὲ
-ἔμαθε παρʼ αὐτῶν ὅτι καὶ πάνυ ἀλλοτρίως, οὐδὲ πείσει
-αὐτοὺς τιμᾶν τὴν ἰσονομίαν, ἀπείπατο τὴν πρὸς 
-αὐτοὺς ἐπιδημίαν.
-</p>
-</div2>
-<div2 type="chapter" n="43">
-<p><milestone unit="para"/>πενέστατοι ἐγένοντο οἱ ἄριστοι τῶν Ἑλλήνων, 
-Ἀριστείδης ὁ Λυσιμάχου καὶ Φωκίων ὁ Φώκου καὶ
-Ἐπαμεινώνδας ὁ Πολύμνιδος καὶ Πελοπίδας ὁ Θηβαῖος
-καὶ Λάμαχος ὁ Ἀθηναῖος καὶ Σωκράτης ὁ Σωφρονίσκου 
-καὶ Ἐφιάλτης δὲ ὁ Σοφωνίδου καὶ ἐκεῖνος.
-</p>
-</div2>
-<div2 type="chapter" n="44">
-<p><milestone unit="para"/>Θέωνος τοῦ ζωγράφου πολλὰ μὲν καὶ ἄλλα ὁμολογεῖ 
-τὴν χειρουργίαν ἀγαθὴν οὖσαν ἀτὰρ οὖν καὶ
-τόδε τὸ γράμμα. ὁπλίτης ἐστὶν ἐκβοηθῶν, ἄφνω τῶν
-πολεμίων ἐσβαλλόντων καὶ δῃούντων ἅμα καὶ κειρόντων 
-τὴν γῆν· ἐναργῶς δὲ καὶ πάνυ ἐκθύμως ὁ νεανίας
-ἔοικεν ὁρμῶντι ἐς τὴν μάχην, καὶ εἶπες ἂν αὐτὸν
-ἐνθουσιᾶν, ὥσπερ ἐξ Ἄρεος μανέντα. γοργὸν μὲν
-αὐτῷ βλέπουσιν οἱ ὀφθαλμοί, τὰ δὲ ὅπλα ἁρπάσας
-ἔοικεν ᾗ ποδῶν ἔχει ἐπὶ τοὺς πολεμίους ᾅττειν. προβάλλεται 
-δὲ ἐντεῦθεν ἤδη τὴν ἀσπίδα, καὶ γυμνὸν
-ἐπισείει τὸ ξίφος φονῶντι ἐοικὼς καὶ σφαγὴν βλέπων
-<pb id="p.38"/>
-καὶ ἀπειλῶν διʼ ὅλου τοῦ σχήματος ὅτι μηδενὸς φείσεται.
-καὶ πλέον οὐδὲν περιείργασται τῷ Θέωνι, οὐ
-λοχίτης οὐ ταξίαρχος οὐ λοχαγὸς οὐχ ἱππεὺς οὐ τοξότης,
-ἀλλʼ ἀπέχρησέν οἱ καὶ ὁ εἷς ὁπλίτης οὗτος πληρῶσαι
-τὴν τῆς εἰκόνος ἀπαίτησιν. οὐ πρότερόν γε
-μὴν ὁ τεχνίτης ἐξεκάλυψε τὴν γραφὴν οὐδὲ ἔδειξε
-τοῖς ἐπὶ τὴν θέαν συνειλεγμένοις πρὶν ἢ σαλπιγκτὴν
-παρεστήσατο καὶ προσέταξεν αὐτῷ τὸ παρορμητικὸν
-ἐμπνεῦσαι μέλος διάτορόν τε καὶ γεγωνὸς ὅτι μάλιστα
-καὶ οἷον ἐς τὴν μάχην ἐγερτήριον. ἅμα τε οὖν τὸ
-μέλος ἠκούετο τραχὺ καὶ φοβερόν, οἷον ἐς ὁπλιτῶν
-ἔξοδον ταχέως ἐκβοηθούντων μελῳδοῦσι σάλπιγγες,
-καὶ ἐδείκνυτο ἡ γραφή, καὶ ὁ στρατιώτης ἐβλέπετο,
-τοῦ μέλους ἐναργεστέραν τὴν φαντασίαν τοῦ ἐκβοηθοῦντος
-ἔτι καὶ μᾶλλον παραστήσαντος.</p>
-</div2>
-</div1>
-<div1 type="book" n="3">
-<div2 type="chapter" n="3">
-<p><milestone unit="para"/>
-φέρε οὖν καὶ τὰ καλούμενα Τέμπη τὰ Θετταλικὰ
-διαγράψωμεν τῷ λόγῳ καὶ διαπλάσωμεν· ὡμολόγηται
-γὰρ καὶ ὁ λόγος, ἐὰν ἔχῃ δύναμιν φραστικήν,
-μηδὲν ἀσθενέστερον ὅσα βούλεται δεικνύναι τῶν
-ἀνδρῶν τῶν κατὰ χειρουργίαν δεινῶν. ἔστι δὴ χῶρος
-μεταξὺ κείμενος τοῦ τε Ὀλύμπου καὶ τῆς Ὄσσης.
-ὄρη δὲ ταῦτά ἐστιν ὑπερύψηλα καὶ οἷον ὑπό τινος
-θείας φροντίδος διεσχισμένα, καὶ μέσον δέχεται χωρίον,
-οὗ τὸ μὲν μῆκος ἐπὶ τετταράκοντα διήκει σταδίους,
-τό γε μὴν πλάτος τῇ μέν ἐστι πλέθρου, τῇ δὲ
-καὶ μεῖζον ὀλίγῳ. διαρρεῖ δὲ μέσου αὐτοῦ ὁ καλούμενος
-Πηνειός. ἐς τοῦτον δὲ καὶ οἱ λοιποὶ ποταμοὶ
-<pb id="p.39"/>
-συρρέουσι, καὶ ἀνακοινοῦνται τὸ ὕδωρ αὐτῷ, καὶ ἐργάζονται
-τὸν Πηνειὸν ἐκεῖνοι μέγαν. διατριβὰς δʼ ἔχει
-ποικίλας καὶ παντοδαπὰς ὁ τόπος οὗτος, οὐκ ἀνθρωπίνης
-χειρὸς ἔργα, ἀλλὰ φύσεως αὐτόματα ἐς κάλλος
-τότε φιλοτιμησαμένης, ὅτε ἐλάμβανε γένεσιν ὁ χῶρος. 
-κιττὸς μὲν γὰρ πολὺς καὶ εὖ μάλα λάσιος ἐνακμάζει
-καὶ τέθηλε καὶ δίκην τῶν εὐγενῶν ἀμπέλων κατὰ τῶν
-ὑψηλῶν δένδρων ἀνέρπει καὶ συμπέφυκεν αὐτοῖς,
-πολλὴ δὲ σμίλαξ πρὸς αὐτὸν τὸν πάγον ἀνατρέχει καὶ
-ἐπισκιάζει τὴν πέτραν· καὶ ἐκείνη μὲν ὑπολανθάνει, 
-ὁρᾶται δὲ τὸ χλοάζον πᾶν, καὶ ἔστιν ὀφθαλμῶν πανήγυρις.
-ἐν αὐτοῖς δὲ τοῖς λείοις καὶ καθημένοις ἄλση
-τέ ἐστι ποικίλα καὶ ὑποδρομαὶ συνεχεῖς, ἐν ὥρᾳ θέρους
-καταφυγεῖν ὁδοιπόροις ἥδιστα καταγώγια, ἃ καὶ
-δίδωσιν ἀσμένως ψυχάσαι. διαρρέουσι δὲ καὶ κρῆναι 
-συχναί, καὶ ἐπιρρεῖ νάματα ὑδάτων ψυχρῶν καὶ πιεῖν
-ἡδίστων. λέγεται δὲ τὰ ὕδατα ταῦτα καὶ τοῖς λουσαμένοις
-ἀγαθὸν εἶναι καὶ ἐς ὑγίειαν αὐτοῖς συμβάλλεσθαι.
-κατᾴδουσι δὲ καὶ ὄρνιθες ἄλλος ἄλλῃ διεσπαρμένοι,
-καὶ μάλιστα οἱ μουσικοί, καὶ ἑστιῶσιν εὖ 
-μάλα τὰς ἀκοάς, καὶ παραπέμπουσιν ἀπόνως καὶ σὺν
-ἡδονῇ, διὰ τοῦ μέλους τὸν κάματον τῶν παριόντων
-ἀφανίσαντες. παρʼ ἑκάτερα δὲ τοῦ ποταμοῦ αἱ διατριβαί
-εἰσιν αἱ προειρημέναι καὶ αἱ ἀνάπαυλαι. διὰ
-μέσων δὲ τῶν Τεμπῶν ὁ Πηνειὸς ποταμὸς ἔρχεται, 
-σχολῇ καὶ πράως προϊὼν ἐλαίου δίκην, πολλὴ δὲ κατʼ
-αὐτοῦ ἡ σκιὰ ἐκ τῶν παραπεφυκότων δένδρων καὶ
-τῶν ἐξηρτημένων κλάδων τίκτεται, ὡς ἐπὶ πλεῖστον
-τῆς ἡμέρας αὐτὴν προήκουσαν ἀποστέγειν τὴν ἀκτῖνα
-καὶ παρέχειν τοῖς πλέουσι πλεῖν κατὰ ψῦχος. πᾶς δὲ 
-ὁ περιοικος λεὼς συνίασιν ἄλλοι ἄλλοις, καὶ θύουσι
-καὶ συνουσίας ποιοῦνται καὶ συμπίνουσιν. ἅτε οὖν
-<pb id="p.40"/>
-πολλῶν ὄντων τῶν θυόντων καὶ τῶν καθαγιζόντων
-συνεχῶς, εἰκότως καὶ τοῖς βαδίζουσι καὶ τοῖς πλέουσιν
-ὀσμαὶ συμπαρομαρτοῦσιν ἥδισται· οὕτως ἄρα ἡ
-τιμὴ ἡ διαρκὴς ἡ περὶ τὸ κρεῖττον ἐκθεοῖ τὸν τόπον.
-ἐνταῦθά τοί φασι παῖδες Θετταλῶν καὶ τὸν Ἀπόλλωνα
-τὸν Πύθιον καθήρασθαι κατὰ πρόσταγμα τοῦ
-Διός, ὅτε τὸν Πύθωνα τὸν δράκοντα κατετόξευσεν
-φυλάττοντα τοὺς Δελφούς, τῆς Γῆς ἔτι ἐχούσης τὸ
-μαντεῖον. στεφανωσάμενον οὖν ἐκ ταύτης τῆς δάφνης
-τῆς Τεμπικῆς καὶ λαβόντα κλάδον ἐς τὴν δεξιὰν χεῖρα
-ἐκ τῆς αὐτῆς δάφνης ἐλθεῖν ἐς Δελφοὺς καὶ παραλαβεῖν
-τὸ μαντεῖον τὸν Διὸς καὶ Λητοῦς παῖδα. ἔστι
-δὲ καὶ βωμὸς ἐν αὐτῷ τῷ τόπῳ, ἐν ᾧ καὶ ἐστεφανώσατο
-καὶ τὸν κλάδον ἀφεῖλε. καὶ ἔτι καὶ νῦν διʼ ἔτους
-ἐνάτου οἱ Δελφοὶ παῖδας εὐγενεῖς πέμπουσι καὶ ἀρχιθέωρον
-ἕνα σφῶν αὐτῶν. οἳ δὲ παραγενόμενοι καὶ
-μεγαλοπρεπῶς θύσαντες ἐν τοῖς Τέμπεσιν ἀπίασι
-πάλιν στεφάνους ἀπὸ τῆς αὐτῆς δάφνης διαπλέξαντες,
-ἀφʼ ἧσπερ οὖν καὶ τότε ὁ θεὸς ἐστεφανώσατο. καὶ
-τὴν ὁδὸν ἐκείνην ἔρχονται, ἣ καλεῖται μὲν Πυθιάς,
-φέρει δὲ διὰ Θετταλίας καὶ Πελασγίας καὶ τῆς Οἴτης
-καὶ τῆς Αἰνιάνων χώρας καὶ τῆς Μηλιέων καὶ Δωριέων
-καὶ Λοκρῶν τῶν Ἑσπερίων. οὗτοι δὲ καὶ παραπέμπουσιν
-αὐτοὺς σὺν αἰδοῖ καὶ τιμῇ οὐδὲν ἧττον
-ἤπερ οὖν ἐκεῖνοι, οἲ τοὺς ἐξ Ὑπερβορέων τὰ ἱερὰ
-κομίζοντας τῷ αὐτῷ θεῷ τούτῳ τιμῶσι. καὶ μὴν καὶ
-τοῖς Πυθίοις ἐκ ταύτης τῆς δάφνης τοὺς στεφάνους
-τοῖς νικῶσι διδόασιν. ὑπὲρ μὲν οὖν τῶν ἐν Θετταλίᾳ
-Τεμπῶν καὶ ἐμοὶ νῦν τοσαῦτα εἰρήσθω.
-</p>
-</div2>
-<div2 type="chapter" n="2">
-<p><milestone unit="para"/> Ἀναξαγόρᾳ τις τῷ Κλαζομενίῳ σπουδάζοντι πρὸς
-τοὺς ἑταίρους προσελθὼν ἔφη τεθνηκέναι οἱ τοὺς
-δύο παῖδας οὕσπερ οὖν εἶχε μόνους ὁ Ἀναξαγόρας.
-<pb id="p.41"/>
-ὃ δὲ μηδὲν διαταραχθεὶς εἶπεν ʽᾔδειν θνητοὺς γεγεννηκώς.ʼ
-</p>
-</div2>
-<div2 type="chapter" n="3">
-<p><milestone unit="para"/>Ξενοφῶντι θύοντι ἧκέ τις ἐκ Μαντινείας ἄγγελος, 
-λέγων τὸν υἱὸν αὐτοῦ τὸν Γρύλλον τεθνάναι· κἀκεῖνος
-ἀπέθετό μὲν τὸν στέφανον, διετέλει δὲ θύων. ἐπεὶ 
-δὲ ὁ ἄγγελος προσέθηκε τῷ πρότερον λόγῳ καὶ ἐκεῖνον
-τὸν λέγοντα ὅτι νικῶν μέντοι τέθνηκε, πάλιν ὁ Ξενοφῶν
-ἐπέθετο τῇ κεφαλῇ τὸν στέφανον. ταῦτα μὲν
-οὖν δημώδη καὶ ἐς πολλοὺς ἐκπεφοίτηκεν.
-</p>
-</div2>
-<div2 type="chapter" n="4">
-<p><milestone unit="para"/>Δίων δὲ ὁ Ἱππαρίνου μὲν παῖς Πλάτωνος δὲ ὁμιλητὴς 
-ἔτυχε μὲν χρηματίζων ὑπέρ τινων δημοσίων
-καὶ κοινῶν πραγμάτων, ὁ δὲ παῖς αὐτοῦ ἐκ τοῦ τέγους
-κατενεχθεὶς ἐς τὴν αὐλὴν τὸν βίον κατέστρεψεν. οὐδὲν
-οὖν ἐπὶ τούτοις μετεβάλετο ὁ Δίων, ἀλλʼ ὅπερ
-οὖν ἐξ ἀρχῆς ἔπραττε, τοῦτο καὶ δρῶν διετέλεσεν. 
-</p>
-</div2>
-<div2 type="chapter" n="5">
-<p><milestone unit="para"/>Ἀντίγονόν γε μήν φασι τὸν δεύτερον ἐπεί τινες 
-τὸν υἱὸν αὐτῷ ἐκ τῆς παρατάξεως ἐκόμισαν νεκρόν,
-εἶδε μὲν αὐτόν, οὐδὲν δὲ τρέψας τοῦ χρωτός, οὐδὲ
-μὴν ἐπιδακρύσας, ἐπαινέσας δὲ ὡς ἀγαθὸν στρατιώτην,
-θάπτειν προσέταξεν. 
-</p>
-</div2>
-<div2 type="chapter" n="6">
-<p><milestone unit="para"/>Κράτης ὁ Θηβαῖος τά τε ἄλλα μεγαλόφρων ὣν 
-πεφώραται καὶ καταφρονητικὸς τῶν ὑπὸ τοῦ πλήθους
-θαυμαζομένων, ἀτὰρ οὖν καὶ χρημάτων καὶ πατρίδος.
-ὅτι μὲν οὖν τῆς οὐσίας ἀπέστη τοῖς Θηβαίοις, τοῦτο
-μὲν καὶ ἐς πάντας ἐξεφοίτησε· τὸ δὲ ἕτερον αὐτοῦ οὐ 
-πᾶσι γνώριμον· ἔστι δὲ ἐκεῖνο. ἀπαλλαττόμενος τῶν
-Θηβῶν οἰκισθεισῶν πάλιν ἔφη ʽοὐ δέομαι πόλεως,
-ἣν Ἀλέξανδρος κατασκάψει ἄλλος.ʼ
-</p>
-</div2>
-<div2 type="chapter" n="7">
-<p><milestone unit="para"/>Δημοχάρης ὁ τοῦ Δημοσθένους ἀδελφιδοῦς ἐπιδεῖξαι 
-βουλόμενος ὅτι τῆς ἐκ τῶν πολλῶν κακοφημίας 
-ὑπερφρονεῖ, θεασάμενός τινας καθεζομένους ἐν ἰατρείῳ
-ψογεροὺς καὶ κακῶς ἀγορεύειν ἐκ παντὸς τρόπου
-<pb id="p.42"/>
-διψῶντας ʽτί φατε ὑμεῖσʼ εἶπε Δ̔υσμενίδαι;ʼ τὸ
-ἦθος αὐτῶν ἅμα ἐκκαλύψας διὰ τούτου τοῦ ὀνόματος.
-</p>
-</div2>
-<div2 type="chapter" n="8">
-<p><milestone unit="para"/> Φρύνιχον Ἀθηναῖοι στρατηγὸν εἵλοντο οὔτε κατὰ
-σπουδὰς οὔτε κατὰ τὴν τοῦ γένους ἀξίαν οὔτε μὴν
-ὅτι ἦν πλούσιος· πολλάκις γὰρ καὶ ἐκ τούτων ἐθαυμάζοντο
-ἐν ταῖς Ἀθήναις, καὶ τῶν ἄλλων προῃροῦντο.
-ἀλλʼ ἐπεὶ τοῖς πυρριχισταῖς ἔν τινι τραγῳδίᾳ ἐπιτήδεια
-μέλη καὶ πολεμικὰ ἐξεπόνησεν, οὕτως ἄρα κατεκτήσατο
-τὸ θέατρον καὶ ἐκράτησε τῶν παρόντων, ὥστε
-παραχρῆμα αὐτὸν εἵλοντο στρατηγεῖν, πιστεύσαντες
-ὅτι τῶν πολεμικῶν ἔργων ἡγήσεται καλῶς καὶ ἐς δέον,
-ὅπου μὴ ἀπᾴδοντα τοῖς ἐνόπλοις ἀνδράσιν εἰργάσατο
-τὰ ἐν τῷ δράματι μέλη τε καὶ ποιήματα.
-</p>
-</div2>
-<div2 type="chapter" n="9">
-<p><milestone unit="para"/> ἐρῶντι ἀνδρί τις οὐκ ἐρῶν ἐπειγούσης τῆς μάχης
-καὶ συνάγοντος τοῦ πολέμου οὐκ ἂν συμμίξειεν.
-ὁ γὰρ ἀνέραστος φεύγει καὶ ἀποδιδράσκει τὸν ἐρωτικόν,
-ἅτε βέβηλος καὶ ἀτέλεστος τῷ θεῷ καὶ
-τοσοῦτον ἀνδρεῖος, ὅσον αὐτῷ καὶ ἡ ψυχὴ χωρεῖ
-καὶ τὸ σῶμα ῥώμης ἔχει· δέδοικε δὲ τὸν ἕτερον, ἅτε
-ἐκ θεοῦ κατόχως ἐνθουσιῶντα, καὶ οὐ μὰ Δία τοῦτο
-τὸ κοινὸν ἔξ Ἄρεος ἀλλʼ ἐξ Ἔρωτος μανέντα. οἱ μὲν
-γὰρ ἐκ τοῦ ἑτέρου τῶν θεῶν κατειλημμένοι, ὧν ἕνα
-φησὶν Ὅμηρος ὅμοια τῷ Ἄρει μαίνεσθαι, ἀλλʼ ἐκεῖνοί
-γε ἐξ ἑνὸς περιειλημμένοι δαίμονος εὖ καὶ καλῶς
-ἀγωνίζονται τοσοῦτον, ὅσον ἐνθουσιᾶν αὐτοὺς ἅπαξ·
-οἱ δὲ Ἔρωτος βάκχοι πολεμοῦντες καὶ ὑπὸ τῆς Ἄρεος
-ὁρμῆς καὶ ὑπὸ τῆς Ἔρωτος ἐκκαύσεως διπλῆν τὴν
-λατρείαν ὑπομένοντες εἰκότως κατὰ τὴν Κρητῶν
-ἔννοιαν κατορθοῦσι διπλᾶ. οὔκουν τῷ ἐξ Ἄρεος καὶ
-Ἔρωτος φονῶντι αἰτιάσαιτο ἄν τις εἰ μὴ ὑπομένοι
-ὁπλίτης ἀνταγωνίσασθαι ὑφʼ ἑνὶ τεταγμένος θεῷ,
-ἀλλʼ οὐχ ὑπὸ τοῖς δύο.
-<pb id="p.43"/>
-</p>
-</div2>
-<div2 type="chapter" n="10">
-<p><milestone unit="para"/>περὶ τῶν ἐν Λακεδαίμονι ἐφόρων πολλὰ μὲν καὶ 
-ἄλλα εἰπεῖν καλὰ ἔχω, ἃ δʼ οὖν προῄρημαι, ταῦτα
-νῦν ἐρῶ. ὅτε τις τῶν παρʼ αὐτοῖς καλῶν πλούσιον
-ἐραστὴν προείλετο χρηστοῦ πένητος, ἐπέβαλον αὐτῷ
-χρήματα, κολάζοντες ὡς ἔοικε τὴν φιλοχρηματίαν τῇ 
-τῶν χρημάτων ζημίᾳ. ἄλλον δέ τινα ἄνδρα καλὸν
-κἀγαθὸν οὐδενὸς ἐρῶντα τῶν καλῶς πεφυκότων καὶ
-τοῦτον ἐζημίωσαν, ὅτι χρηστὸς ὢν οὐδενὸς ἤρα· δῆλον
-γὰρ ὡς ὅμοιον ἂν ἑαυτῷ κἀκεῖνον ἀπέφηνεν,
-ἴσως δʼ ἂν καὶ ἄλλον. δεινὴ γὰρ ἡ τῶν ἐραστῶν 
-πρὸς τὰ παιδικὰ εὔνοια ἀρετὰς ἐνεργάσασθαι, ὅταν
-αὐτοὶ σεμνοὶ ὦσιν· ἐπεί τοι Λακωνικὸς καὶ οὗτος
-νόμος, ὅταν ἁμάρτῃ μειράκιον, τῇ μὲν ἀφελείᾳ τοῦ τρόπου
-καὶ τῷ νεαρῷ τῆς ἡλικίας συγγινώσκουσι, τὸν δὲ
-ἐραστὴν ὑπὲρ αὐτοῦ κολάζουσιν, ἐπιγνώμονας αὐτοὺς 
-καὶ ἐξεταστὰς ὧν ἐκεῖνοι πράττουσι κελεύοντες εἶναι.
-</p>
-</div2>
-<div2 type="chapter" n="11">
-<p><milestone unit="para"/>οἱ περιπατητικοί φασι μεθʼ ἡμέραν θητεύουσαν 
-τὴν ψυχὴν τῷ σώματι περιπλέκεσθαι καὶ μὴ δύνασθαι
-καθαρῶς τὴν ἀλήθειαν θεωρεῖν· νύκτωρ δὲ διαλυθεῖσαν
-τῆς περὶ τοῦτο λειτουργίας καὶ σφαιρωθεῖσαν 
-ἐν τῷ περὶ τὸν θώρακα τόπῳ μαντικωτέραν γίνεσθαι,
-ἐξ ὧν τὰ ἐνύπνια.
-</p>
-</div2>
-<div2 type="chapter" n="12">
-<p><milestone unit="para"/>οὔκ εἰσι θρυπτικοὶ πρὸς τοὺς ἐραστὰς οἱ ἐν Λακεδαίμονι 
-καλοὶ οὐδὲ· ἀλαζόνες, ἐπεὶ τοὐναντίον ἢ
-παρὰ τοῖς ἄλλοις ὡραίοις τὰ ἐκ τούτων καταμαθεῖν 
-ἐστιν. αὐτοὶ γοῦν δέονται τῶν ἐραστῶν εἰσπνεῖν αὐτοῖς·
-Λακεδαιμονίων δέ ἐστιν αὕτη ἡ φωνή, ἐρᾶν
-δεῖν λέγουσα. Σπαρτιάτης δὲ ἔρως αἰσχρὸν οὐκ οἶδεν·
-εἴτε γὰρ μειράκιον ἐτόλμησεν ὕβριν ὑπομεῖναι
-εἴτε ἐραστὴς ὑβρίσαι, ἀλλʼ οὐδετέροις ἐλυσιτέλησε 
-τῇ Σπάρτῃ ἐγκαταμεῖναι· ἢ γὰρ τῆς πατρίδος ἀπηλλάγησαν
-ἢ καὶ τὸ ἔτι θερμότερον τοῦ βίου αὐτοῦ.
-<pb id="p.44"/>
-</p>
-</div2>
-<div2 type="chapter" n="13">
-<p><milestone unit="para"/> ὅτι φιλοινότατον ἔθνος τὸ τῶν Ταπύρων τοσοῦτον,
-ὥστε ζῆν αὐτοὺς ἐν οἴνῳ, καὶ τὸ πλεῖστον τοῦ
-βίου ἐν τῇ πρὸς αὐτὸν ὁμιλἵ??ʼ καταναλίσκειν. καὶ οὐ
-μόνον ἐς πόμα καταχρῶνται αὐτῷ, ἀλλὰ γὰρ καὶ
-χρῖμά ἐστιν αὐτοῖς ὁ οἶνος, ὥσπερ ἄλλοις τὸ ἔλαιον.
-</p>
-</div2>
-<div2 type="chapter" n="14">
-<p><milestone unit="para"/> Βυζαντίους δὲ δεινῶς οἰνόφλυγας ὄντας ἐνοικεῖν
-τοῖς καπηλείοις λόγος ἔχει, τῶν οἰκιῶν τῶν ἰδίων καὶ
-τῶν δωμάτων ἐξοικισθέντας, καὶ τοῖς ξένοις τοῖς ἐνεπιδημοῦσι
-τῇ πόλει ἀπομισθώσαντας αὐτά, καὶ οὐ
-μόνον ἐκείνων, ἀλλὰ καὶ τῶν γυναικῶν αὐτοῖς ἀποστάντας,
-ὡς ἐν ταὐτῷ τοὺς Βυζαντίους διπλῆν αἰτίαν
-φέρεσθαι καὶ οἰνοφλυγίας καὶ προαγωγείας. ἅτε δὲ
-ὑπὸ τῆς μέθης καὶ τοῦ οἴνου διαρρέοντες, αὐλοῦ μὲν
-ἀκούοντες χαίρουσι, καὶ τὸ ἔργον αὐτοῖς αὐλεῖσθαί
-ἐστι· σάλπιγγα δὲ οὐδὲ ἀρχὴν ὑπομένουσι. καὶ ἐκ
-τούτων ἔξεστι νοεῖν ὅτι καὶ πρὸς ὅπλα καὶ πρὸς πολέμους
-ἀλλοτριώτατα διάκεινται Βυζάντιοι. διὰ ταῦτά
-τοι καὶ Λεωνίδης ὁ στρατηγὸς αὐτῶν ἐν πολιορκίᾳ
-ἰσχυρᾷ, ἐπεὶ τῶν πολεμίων τοῖς τείχεσι προσβαλόντων
-ἐκεῖνοί γε τὰς φρουρὰς ἐκλιπόντες διημέρευον
-ἐν ταῖς συνήθεσι διατριβαῖς, προσέταξε τὰ καπηλεῖα
-ἐπὶ τῶν τειχῶν διασκηνωθῆναι αὐτοῖς. καὶ τοῦτο τὸ
-σόφισμα ἀνέπεισεν αὐτοὺς ὀψὲ καὶ βραδέως τὴν τάξιν
-μὴ καταλιπεῖν, ἅτε τῆς προφάσεως αὐτοῖς περιῃρημένης.
-λέγει δὲ ταῦτα ὑπὲρ αὐτῶν Δάμων. ὁμολογεῖν
-δὲ τούτοις ἔοικε καὶ ὁ Μένανδρος, ὅταν λέγῃ
-<quote rend="blockquote">
-<lb/>μεθύσους τοὺς ἐμπόρους
-<lb/>ποιεῖ τὸ Βυζάντιον· ὅλην ἐπίνομεν
-<lb/>τὴν νύκτα.
-</quote>
-</p>
-</div2>
-<div2 type="chapter" n="15">
-<p><milestone unit="para"/> καὶ Ἀργεῖοι δὲ καὶ Τιρύνθιοι κεκωμῴδηνται καὶ
-οὗτοι ἀκρατέστερον τῷ οἴνῳ προσιόντες. τό γε μὴν
-ὑπὲρ τῶν Θρᾳκῶν, ἀλλὰ τοῦτο μὲν καὶ διαβεβόηται
-<pb id="p.45"/>
-ἤδη καὶ διατεθρύληται, ὡς εἰσὶ πιεῖν δεινότατοι. οὐ
-διαπεφεύγασι δὲ ταύτην τὴν αἰτίαν οὐδὲ Ἰλλυριοί,
-ἀλλʼ ἐκεῖνοί γε προσειλήφασι κἀκεῖνο τὸ ἐπίκλημα,
-ὅτι ἐφεῖται τοῖς ἐν τῷ συνδείπνῳ παροῦσι ξένοις προπίνειν
-ταῖς γυναιξίν, ἕκαστον ᾗ ἂν βούληται, κἂν 
-μηδὲν προσήκῃ ἡ γυνὴ αὐτῷ.
-</p>
-</div2>
-<div2 type="chapter" n="16">
-<p><milestone unit="para"/>εἶτα τίς ἀμείνων ἦν στρατηγεῖν, Δημήτριος ὁ 
-πολιορκητὴς ἢ Τιμόθεος ὁ Ἀθηναῖος; ἐγὼ μὲν ἐρῶ
-τὸν τῶν ἀμφοτέρων τρόπον· ἔνεστι δʼ ὑμῖν προτιμῆσαι
-τὸν ἕτερον. Δημήτριος μὲν βίᾳ καὶ πλεονεξίᾳ καὶ 
-λυπῶν τὰ μέγιστα καὶ ἀδικῶν ᾕρει τὰς πόλεις μηχανὰς
-προσάγων καὶ κατασείων καὶ ὑπορύττων τὰ τείχη,
-Τιμόθεος δὲ πείθων καὶ διδάσκων λόγῳ ὅτι λυσιτελέστερόν
-ἐστι τῶν Ἀθηναίων ἀκούειν.
-</p>
-</div2>
-<div2 type="chapter" n="17">
-<p><milestone unit="para"/>ἐπολιτεύσαντο οὖν καὶ φιλόσοφοι, μηδʼ αὐτὸ 
-τοῦτο μόνον τὴν διάνοιαν ἀγαθοὶ γενόμενοι ἐφʼ ἡσυχίας
-κατεβίωσαν. ἐπηνώρθωσαν γὰρ τὰ κοινὰ Ζάλευκος
-μὲν τὰ ἐν Λοκροῖς, Χαρώνδας δὲ τὰ ἐν Κατάνῃ
-καὶ τὰ ἐν Ῥηγίῳ, ὅτε ἐκ Κατάνης ἔφευγε. Ταραντίνοις
-δὲ ἐγένετο ἀγαθὸν Ἀρχύτας, Σόλων δὲ Ἀθηναίοις, 
-Βίας δὲ καὶ Θαλῆς τὴν Ἰωνίαν πολλὰ ὤνησαν, Χίλων
-δὲ Λακεδαιμονίους, Μυτιληναίους γε μὴν Πιττακός,
-Κλεόβουλος δὲ Ῥοδίους. καὶ Ἀναξίμανδρος δὲ ἡγήσατο
-τῆς ἐς Ἀπολλωνίαν ἐκ Μιλήτου ἀποικίας. ἀλλὰ
-καὶ Ξενοφῶν στρατιώτης ἀγαθὸς ἦν καὶ ἀμείνων 
-στρατηγός, ὅτε Κύρῳ συνανέβη· καὶ Κῦρος μὲν καὶ
-οἱ σὺν αὐτῷ ἀπέθανον, καλούσης δὲ τῆς χρείας τὸν
-δυνησόμενον σῶσαι τοὺς Ἕλληνας καὶ ἀγαγεῖν τὴν
-ὀπίσω ἐς τὰ οἰκεῖα, οὗτος ἐκεῖνος ἦν. Πλάτων δὲ ὁ
-Ἀρίστωνος Δίωνα κατήγαγεν ἐς Σικελίαν, καὶ διʼ ὧν αὐτῷ συνεβούλευε καὶ ἐδίδασκε, διὰ τούτων τὴν
-τυραννίδα τὴν Διονυσίου κατέλυσε. Σωκράτης δὲ
-<pb id="p.46"/>
-τῇ μὲν Ἀθηναίων πολιτείᾳ οὐκ ἠρέσκετο· τυραννικὴν
-γὰρ καὶ μοναρχικὴν ἑώρα τὴν δημοκρατίαν οὖσαν·
-καὶ διὰ ταῦτα οὔτε ἐπεψήφισεν Ἀθηναίοις τὸν τῶν
-δέκα στρατηγῶν θάνατον, ἀλλʼ οὐδὲ τοῖς τριάκοντα
-ἐκοινώνει τῶν ἀσεβημάτων. ἔνθα δὲ ἐχρῆν ὑπὲρ τῆς
-πατρίδος ἀγωνίζεσθαι, ἀλλʼ ἐνταῦθά γε ἀπροφάσιστος
-ἐκεῖνος στρατιωτὴς ἦν. ἐστρατεύσατο γοῦν ἐπὶ Δήλιον,
-καὶ ἐς Ἀμφίπολιν καὶ ἐς Ποτίδαιαν. Ἀριστοτέλης
-δὲ τὴν ἑαυτοῦ πατρίδα οὐ τὸ λεγόμενον δὴ
-τοῦτο ἐς γόνυ πεσοῦσαν ἀλλʼ ἐπὶ στόμα ἀνέστησεν
-αὖθις. Δημήτριος δὲ ὁ Φαληρεὺς καὶ Ἀθήνησιν ἐπιφανέστατα
-ἐπολιτεύσατο, ἔστʼ αὐτὸν ὁ συνήθης Ἀθηναίοις
-φθόνος ἐξέωσε· καὶ ἐν Αἰγύπτῳ δὲ συνὼν τῷ
-Πτολεμαίῳ νομοθεσίας ἦρξε. τίς δὲ ἀντιφήσει καὶ
-Περικλέα τὸν Ξανθίππου φιλόσοφον γενέσθαι καὶ
-Ἐπαμεινώνδαν τὸν Πολύμνιδος καὶ Φωκίωνα τὸν
-Φώκου καὶ Ἀριστείδην τὸν Λυσιμάχου καὶ Ἐφιάλτην
-τὸν Σοφωνίδου καὶ ἔτι κάτω τοῦ χρόνου Καρνεάδην
-καὶ Κριτόλαον, εἴ γε ἐς τὴν Ῥώμην ἀφίκοντο ἐκεῖνοι
-ὑπὲρ τῶν Ἀθηναίων πρεσβεύοντες, καὶ αὐτοῖς σωτηρίαν
-εὕραντο; οἵπερ οὖν ἐς τοσοῦτον ἐνέτρεψαν τὴν
-σύγκλητον βουλήν, ὡς εἰπεῖν αὐτοὺς ʽἔπεμψαν Ἀθηναῖοι
-πρεσβεύοντας οὐ τοὺς πείσοντας ἀλλὰ γὰρ τοὺς
-βιασομένους ἡμᾶς δρᾶσαι ὅσα θέλουσιν.ʼ ἐγὼ δὲ πολιτείαν
-φαίην ἂν καὶ τὸ Περσαίου, εἴ γε Ἀντίγονον
-ἐπαίδευσε, καὶ τὸ Ἀριστοτέλους, ἐπεὶ καὶ αὐτὸς σὺν
-Ἀλεξάνδρῳ τῷ Φιλίππου νέῳ ὄντι φιλοσοφῶν ἦν δῆλος.
-καὶ Λῦσις δὲ ὁ γνώριμος ὁ Πυθαγόρου καὶ αὐτὸς
-Ἐπαμεινώνδαν ἐξεπαίδευσεν. εἴ τις οὖν ἀπράκτους
-λέγει τοὺς φιλοσόφους, ἀλλὰ εὐήθη γε αὐτοῦ καὶ ἀνόητα
-ταῦτα· ἐγὼ μὲν γὰρ τὴν σὺν αὐτοῖς ἀπραγμοσύνην
-καὶ τὸν τῆς ἡσυχίας ἔρωτα κἂν ἁρπάσαιμι ἐπιδραμών.
-<pb id="p.47"/>
-</p>
-</div2>
-<div2 type="chapter" n="18">
-<p><milestone unit="para"/>Περιηγεῖταί τινα Θεόπομπος συνουσίαν Μίδου 
-τοῦ Φρυγὸς καὶ Σιληνοῦ. νύμφης δὲ παῖς ὁ Σιληνὸς
-οὗτος, θεοῦ μὲν ἀφανέστερος τὴν φύσιν, ἀνθρώπου
-δὲ κρείττων, ἐπεὶ καὶ ἀθάνατος ἦν. πολλὰ μὲν οὖν
-καὶ ἄλλα ἀλλήλοις διελέχθησαν, καὶ ὑπὲρ τούτων δὲ 
-ὁ Σιληνὸς ἔλεγε πρὸς τὸν Μίδαν. τὴν μὲν Εὐρώπην
-καὶ τὴν Ἀσίαν καὶ τὴν Λιβύην νήσους εἶναι, ἃς περιρρεῖν
-κύκλῳ τὸν Ὠκεανόν, ἤπειρον δὲ εἶναι μόνην
-ἐκείνην τὴν ἔξω τούτου τοῦ κόσμου. καὶ τὸ μὲν μέγεθος
-αὐτῆς ἄπειρον διηγεῖτο. τρέφειν δὲ τὰ ἄλλα 
-ζῷα μεγάλα, καὶ τοὺς ἀνθρώπους δὲ τῶν ἐνταυθοῖ
-διπλασίονας τὸ μέγεθος, καὶ χρόνον ζῆν αὐτοὺς οὐχ
-ὅσον ἡμεῖς, ἀλλὰ καὶ ἐκεῖνον διπλοῦν. καὶ πολλὰς
-μὲν εἶναι καὶ μεγάλας πόλεις καὶ βίων ἰδιότητας, καὶ
-νόμους αὐτοῖς τετάχθαι ἐναντίως κειμένους τοῖς παρʼ 
-ἡμῖν νομιζομένοις. δύο δὲ εἶναι πόλεις ἔλεγε μεγέθει
-μεγίστας, οὐδὲν δὲ ἀλλήλαις ἐοικέναι· καὶ τὴν μὲν
-ὀνομάζεσθαι Μάχιμον, τὴν δὲ Εὐσεβῆ. τοὺς μὲν οὖν
-Εὐσεβεῖς ἐν εἰρήνῃ τε διάγειν καὶ πλούτῳ βαθεῖ, καὶ
-λαμβάνειν τοὺς καρποὺς ἐκ τῆς γῆς χωρὶς ἀρότρων 
-καὶ βοῶν, γεωργεῖν δὲ καὶ σπείρειν οὐδὲν αὐτοῖς
-ἔργον εἶναι. καὶ διατελοῦσιν ʽἦ δʼ ὃσʼ ὑγιεῖς καὶ
-ἄνοσοι, καὶ καταστρέφουσι τὸν ἑαυτῶν βίον γελῶντες
-εὖ μάλα καὶ ἡδόμενοι. οὕτω δὲ ἀναμφιλόγως εἰσὶ δίκαιοι,
-ὡς μηδὲ τοὺς θεοὺς πολλάκις ἀπαξιοῦν ἐπιφοιτᾶν 
-αὐτοῖς. οἱ δὲ τῆς Μαχίμου πόλεως μαχιμώτατοί
-τέ εἰσι καὶ αὐτοὶ καὶ γίνονται μεθʼ ὅπλων, καὶ
-ἀεὶ πολεμοῦσι, καὶ καταστρέφονται τοὺς ὁμόρους, καὶ
-παμπόλλων ἐθνῶν μία πόλις κρατεῖ αὕτη. εἰσὶ δὲ οἱ
-οἰκήτορες οὐκ ἐλάττους διακοσίων μυριάδων. ἀποθνήσκουσι 
-δὲ τὸν μὲν ἄλλον χρόνον νοσήσαντες· σπάνιον
-δὲ τοῦτο, ἐπεὶ τά γε πολλὰ ἐν τοῖς πολέμοις ἢ
-<pb id="p.48"/>
-λίθοις ἢ ξύλοις παιόμενοι· ἄτρωτοι γάρ εἰσι σιδήρῳ.
-χρυσοῦ δὲ ἔχουσι καὶ ἀργύρου ἀφθονίαν, ὡς ἀτιμότερον
-εἶναι παρʼ αὐτοῖς τὸν χρυσὸν τοῦ παρʼ ἡμῖν
-σιδήρου. ἐπιχειρῆσαι δέ ποτε καὶ διαβῆναι τούτους
-ἐς τάσδε τὰς ἡμεδαπὰς νήσους ἔλεγε, καὶ διαπλεύσαντάς
-γε τὸν Ὠκεανὸν μυριάσι χιλίαις ἀνθρώπων
-ἕως Ὑπερβορέων ἀφικέσθαι. καὶ πυθομένους τῶν
-παρʼ ἡμῖν τούτους εἶναι τοὺς εὐδαιμονεστάτους, καταφρονῆσαι
-ὡς φαύλως καὶ ταπεινῶς πράττοντας,
-καὶ διὰ ταῦτα ἀτιμάσαι προελθεῖν περαιτέρω. τὸ δὲ
-ἔτι θαυμασιώτερον προσετίθει. μέροπάς τινας οὕτω
-καλουμένους ἀνθρώπους οἰκεῖν παρʼ αὐτοῖς ἔφη πόλεις
-πολλὰς καὶ μεγάλας, ἐπʼ ἐσχάτῳ δὲ τῆς χώρας
-αὐτῶν τόπον εἶναι καὶ ὀνομάζεσθαι Ἄνοστον, ἐοικέναι
-δὲ χάσματι, κατειλῆφθαι δὲ οὔτε ὑπὸ σκότους οὔτε
-ὑπὸ φωτός, ἀέρα δὲ ἐπικεῖσθαι ἐρυθήματι μεμιγμένον
-θολερῷ. δύο δὲ ποταμοὺς περὶ τοῦτον τὸν τόπον
-ῥεῖν, καὶ τὸν μὲν Ἡδονῆς καλεῖσθαι τὸν δὲ Λύπης·
-καὶ παρʼ ἑκάτερον τούτων ἑστηκέναι δένδρα τὸ μέγεθος
-πλατάνου μεγάλης. φέρειν δὲ καρποὺς τὰ μὲν
-παρὰ τὸν τῆς Λύπης ποταμὸν τοιαύτην ἔχοντας τὴν
-φύσιν. ἐάν τις αὐτῶν ἀπογεύσηται, τοσοῦτον ἐκβάλλει
-δακρύων, ὥστε κατατήκεσθαι πάντα τὸν ἑαυτοῦ
-βίον τὸν λοιπὸν θρηνοῦντα, καὶ οὕτω τελευτᾶν.
-τὰ δὲ ἕτερα τὰ παραπεφυκότα τῷ τῆς Ἡδονῆς ποταμῷ
-ἀντίπαλον ἐκφέρειν καρπόν. ὃς γὰρ ἂν γεύσηται τούτων,
-τῶν μὲν ἄλλων τῶν πρότερον ἐπιθυμιῶν παύεται,
-ἀλλὰ καὶ εἴ του ἤρα καὶ αὐτοῦ λαμβάνει λήθην,
-καὶ γίνεται κατὰ βραχὺ νεώτερος καὶ τὰς φθανούσας
-ἡλικίας καὶ τὰς ἤδη διελθούσας ἀναλαμβάνει ὀπίσω.
-τὸ μὲν γὰρ γῆρας ἀπορρίψας ἐπὶ τὴν ἀκμὴν ὑποστρέφει,
-εἶτα ἐπὶ τὴν τῶν μειρακίων ἡλικίαν ἀναχωρεῖ,
-<pb id="p.49"/>
-εἶτα παῖς γίνεται, εἶτα βρέφος, καὶ ἐπὶ τούτοις ἐξαναλώθη.
-καὶ ταῦτα εἴ τῳ πιστὸς ὁ Χῖος λέγων, πεπιστεύσθω·
-ἐμοὶ δὲ δεινὸς εἶναι δοκεῖ μυθολόγος καὶ
-ἐν τούτοις καὶ ἐν ἄλλοις δέ.
-</p>
-</div2>
-<div2 type="chapter" n="19">
-<p><milestone unit="para"/>λέγεται τὴν διαφορὰν Ἀριστοτέλους πρὸς Πλάτωνα 
-τὴν πρώτην ἐκ τούτων γενέσθαι. οὐκ ἠρέσκετο
-τῷ βίῳ αὐτοῦ ὁ Πλάτων οὐδὲ τῇ κατασκευῇ τῇ περὶ
-τὸ σῶμα. καὶ γὰρ ἐσθῆτι ἐχρῆτο περιέργῳ ὁ Ἀριστοτέλης
-καὶ ὑποδέσει, καὶ κουρὰν δὲ ἐκείρετο καὶ ταύτην
-ἀήθη Πλάτωνι, καὶ δακτυλίους δὲ πολλοὺς φορῶν 
-ἐκαλλύνετο ἐπὶ τούτῳ· καὶ μωκία δέ τις ἦν αὐτοῦ
-περὶ τὸ πρόσωπον, καὶ ἄκαιρος στωμυλία λαλοῦντος
-κατηγόρει καὶ αὕτη τὸν τρόπον αὐτοῦ. πάντα δὲ ταῦτα
-ὡς ἔστιν ἀλλότρια φιλοσόφου, δῆλον. ἅπερ οὖν ὁρῶν
-ὁ Πλάτων οὐ προσίετο τὸν ἄνδρα, προετίμα δὲ αὐτοῦ 
-Ξενοκράτην καὶ Σπεύσιππον καὶ Ἀμύκλαν καὶ ἄλλους,
-τῇ τε λοιπῇ δεξιούμενος αὐτοὺς τιμῇ καὶ οὖν καὶ τῇ
-κοινωνίᾳ τῶν λόγων. ἀποδημίας δὲ γενομένης ποτὲ
-τῷ Ξενοκράτει ἐς τὴν πατρίδα, ἐπέθετο τῷ Πλάτωνι
-ὁ Ἀριστοτέλης, χορόν τινα τῶν ὁμιλητῶν τῶν ἑαυτοῦ 
-περιστησάμενος, ὧν ἦν Μνάσων τε ὁ Φωκεὺς καὶ
-ἄλλοι τοιοῦτοι. ἐνόσει δὲ τότε ὁ Σπεύσιππος, καὶ
-διὰ ταῦτα ἀδύνατος ἦν συμβαδίζειν τῷ Πλάτωνι. ὁ
-δὲ Πλάτων ὀγδοήκοντα ἔτη ἐγεγόνει, καὶ ὁμοῦ τι
-διὰ τὴν ἡλικίαν ἐπελελοίπει τὰ τῆς μνήμης αὐτόν. 
-ἐπιθέμενος οὖν αὐτῷ καὶ ἐπιβουλεύων ὁ Ἀριστοτέλης,
-καὶ φιλοτίμως πάνυ τὰς ἐρωτήσεις ποιούμενος καὶ
-τρόπον τινὰ καὶ ἐλεγκτικῶς, ἀδικῶν ἅμα καὶ ἀγνωμονῶν
-ἦν δῆλος· καὶ διὰ ταῦτα ἀποστὰς ὁ Πλάτων
-τοῦ ἔξω περιπάτου, ἔνδον ἐβάδιζε σὺν τοῖς ἑταίροις. 
-τριῶν δὲ μηνῶν διαγενομένων ὁ Ξενοκράτης ἀφίκετο
-ἐκ τῆς ἀποδημίας, καὶ καταλαμβάνει τὸν Ἀριστοτέλη
-<pb id="p.50"/>
-βαδίζοντα οὗ κατέλιπε τὸν Πλάτωνα. ὁρῶν δὲ αὐτὸν
-μετὰ τῶν γνωρίμων οὐ πρὸς Πλάτωνα ἀναχωροῦντα
-ἐκ τοῦ περιπάτου, ἀλλὰ καθʼ ἑαυτὸν ἀπιόντα ἐς τὴν
-πόλιν, ἤρετό τινα τῶν ἐν τῇ περιπάτῳ ὅπου ποτὲ εἴη
-ὁ Πλάτων· ὑπώπτευε γὰρ αὐτὸν μαλακίζεσθαι. ὃ
-δὲ ἀπεκρίνατο ʽἐκεῖνος μὲν οὐ νοσεῖ, ἐνοχλῶν δὲ αὐτὸν
-Ἀριστοτέλης παραχωρῆσαι πεποίηκε τοῦ περιπάτου,
-καὶ ἀναχωρήσας ἐν τῷ κήπῳ τῷ ἑαυτοῦ φιλοσοφεῖ.ʼ
-ὁ δὲ Ξενοκράτης ἀκούσας παραχρῆμα ἧκε πρὸς
-Πλάτωνα, καὶ κατέλαβε διαλεγόμενον τοῖς σὺν ἑαυτῷ·
-ἦσαν δὲ μάλα συχνοὶ καὶ ἄξιοι λόγου καὶ οἱ μάλιστα
-δοκοῦντες τῶν νέων ἐπιφανεῖς. ἐπεὶ δὲ ἐπαύσατο
-τῆς ὁμιλίας, ἠσπάσατό τε ὡς τὸ εἰκὸς τὸν Ξενοκράτην
-φιλανθρώπως καὶ αὖ πάλιν ὁ Ξενοκράτης ἐκεῖνον
-ὁμοίως. διαλυθείσης δὲ τῆς συνουσίας οὐδὲν οὔτε
-εἰπὼν πρὸς τὸν Πλάτωνα ὁ Ξενοκράτης οὔτε ἀκούσας,
-συναγαγὼν τοὺς ἑταίρους τῷ Σπευσίππῳ πάνυ
-ἰσχυρῶς ἐπέπληξε παραχωρήσαντι τοῦ περιπάτου
-Ἀριστοτέλει, αὐτός τε ἐπέθετο τῷ Σταγειρίτῃ κατὰ
-τὸ καρτερόν, καὶ ἐς τοσοῦτον προῆλθε φιλοτιμίας,
-ὡς ἐξελάσαι αὐτὸν καὶ ἀποδοῦναι τὸ σύνηθες χωρίον
-τῷ Πλάτωνι.
-</p>
-</div2>
-<div2 type="chapter" n="20">
-<p><milestone unit="para"/> Λυσάνδρῳ τῷ Σπαρτιάτῃ ἐς Ἰωνίαν ἀφικομένῳ
-οἱ κατὰ τὴν Ἰωνίαν ξένοι πολλὰ μὲν καὶ ἄλλα ἀπέπεμψαν
-ἀτὰρ οὖν καὶ βοῦν καὶ πλακοῦντα. ὃ δὲ
-ἀπιδὼν ἐς τὸν πλακοῦντα ἤρετο ʽτί βούλεται τὸ
-πέμμα ἐκεῖνο εἶναι;ʼ ὁ δὲ κομίζων ἀπεκρίνατο ὅτι ἐκ
-μέλιτος καὶ τυροῦ καὶ ἄλλων τινῶν ἐσκεύασται. ὁ
-δὲ Λύσανδρος ʽἀλλὰ τοῦτο μὲνʼ εἶπε ʽτοῖς Εἵλωσι
-δότε· ἐλευθέρου γὰρ οὐκ ἔστι βρῶμα.ʼ τὸν δὲ βοῦν
-προσέταξε κατὰ τὰ πάτρια σκευασθῆναι, καὶ ἐδεἵ??ʼησεν ἡδέως.
-<pb id="p.51"/>
-</p>
-</div2>
-<div2 type="chapter" n="21">
-<p><milestone unit="para"/>ἐπανῄει ποτὲ ἐκ διδασκαλείου παῖς ἔτι ὢν Θεμιστοκλῆς. 
-εἶτα προσιόντος Πεισιστράτου ὁ παιδαγωγὸς
-ἔφη τῷ Θεμιστοκλεῖ μικρὸν ἐκχωρῆσαι τῆς ὁδοῦ
-προσάγοντος τοῦ τυράννου. ὃ δὲ καὶ πάνυ ἐλευθερίως
-ἀπεκρίνατο ʽαὕτη γὰρʼ εἶπεν ʽαὐτῷ οὐχ ἱκανὴ 
-ὁδός;ʼ οὕτως ἄρα εὐγενές τι καὶ μεγαλόφρον ἐνεφαίνετο
-τῷ Θεμιστοκλεῖ καὶ ἐξ ἐκείνου.
-</p>
-</div2>
-<div2 type="chapter" n="22">
-<p><milestone unit="para"/>ὅτε ἑάλω τὸ Ἴλιον, οἰκτείραντες οἱ Ἀχαιοὶ τὰς 
-τῶν ἁλισκομένων τύχας καὶ πάνυ Ἑλληνικῶς τοῦτο
-ἐκήρυξαν, ἕκαστον τῶν ἐλευθέρων ἓν ὅ τι καὶ βούλεται 
-τῶν οἰκείων ἀποφέρειν ἀράμενον. ὁ οὖν Αἰνείας
-τοὺς πατρῴους θεοὺς βαστάσας ἔφερεν, ὑπεριδὼν
-τῶν ἄλλων. ἡσθέντες οὖν ἐπὶ τῇ τοῦ ἀνδρὸς εὐσεβείᾳ
-οἱ Ἕλληνες καὶ δεύτερον αὐτῷ κτῆμα συνεχώρησαν
-λαβεῖν· ὃ δὲ τὸν πατέρα πάνυ σφόδρα γεγηρακότα 
-ἀναθέμενος τοῖς ὤμοις ἔφερεν. ὑπερεκλαγέντες
-οὖν καὶ ἐπὶ τούτῳ οὐχ ἥκιστα, πάντων αὐτῷ τῶν
-οἰκείων κτημάτων ἀπέστησαν, ὁμολογοῦντες ὅτι πρὸς
-τοὺς εὐσεβεῖς τῶν ἀνθρώπων καὶ τοὺς θεοὺς καὶ τοὺς
-γειναμένους διʼ αἰδοῦς ἄγοντας καὶ οἱ φύσει πολέμιοι 
-ἥμεροι γίνονται.
-</p>
-</div2>
-<div2 type="chapter" n="23">
-<p><milestone unit="para"/>καλὰ μὲν οὖν Ἀλεξάνδρου τὰ ἐπὶ Γρανίκῳ καὶ 
-τὰ ἐπὶ Ἰσσῷ καὶ ἡ πρὸς Ἀρβήλοις μάχη καὶ Δαρεῖος
-ἡττημένος καὶ Πέρσαι δουλεύοντες Μακεδόσι· καλὰ
-δὲ καὶ τὰ τῆς ἄλλης ἁπάσης Ἀσίας νενικημένης, καὶ 
-Ἰνδοὶ δὲ καὶ οὗτοι Ἀλεξάνδρῳ πειθόμενοι· καλὸν δὲ
-καὶ τὸ πρὸς τῇ Τύρῳ καὶ τὰ ἐν Ὀξυδράκαις καὶ τὰ
-ἄλλα αὐτοῦ. τί γὰρ δεῖ νῦν στενοχωρίᾳ λόγου περιλαμβάνειν
-τοσαύτην ἀνδρὸς ἐς ὅπλα ἀρετήν; ἔστω δὲ
-καὶ τῆς Τύχης Ἀλέξανδρον ἀγαπώσης τὰ πλεῖστα, εἴ 
-τις εἴη δύσερις. καλὸς δʼ οὖν Ἀλέξανδρος μὴ ἡττώμενος
-τῆς Τύχης, μηδὲ πρὸς τὴν ἐξ αὐτῆς ἐς αὐτὸν
-<pb id="p.52"/>
-προθυμίαν ἀπαγορεύων. ἐκεῖνα δὲ οὐκέτι καλὰ Ἀλεξάνδρου.
-δίου μηνός φασι πέμπτῃ ἔπινε παρὰ Μηδίῳ,
-εἶτα ἕκτῃ ἐκάθευδεν ἐκ τοῦ πότου, καὶ τοσοῦτον ἐκείνης
-τῆς ἡμέρας ἔζησεν, ὅσον ἀναστὰς χρηματίσαι τοῖς
-ἡγεμόσιν ὑπὲρ τῆς αὔριον πορείας, λέγων ὅτι ἔσται
-πρωί. καὶ ἑβδόμῃ εἱστιᾶτο παρὰ Περδίκκᾳ, καὶ
-ἔπινε πάλιν, καὶ ὀγδόῃ ἐκάθευδε. πέμπτῃ δὲ ἐπὶ
-δέκα τοῦ αὐτοῦ μηνὸς καὶ ταύτῃ ἔπινε, καὶ τῇ ἑπομένῃ
-τὰ εἰθισμένα ἔδρα τὰ ἐκ τοῦ πότου. παρὰ
-Βαγώᾳ δὲ ἐδείπνησε τετράδι μετὰ εἰκάδα· ἀπεῖχε δὲ
-τῶν βασιλείων ὁ Βαγώα οἶκος δέκα σταδίους· εἶτα
-τῇ τρίτῃ ἐκάθευδε. δυοῖν οὖν θάτερον, ἢ Ἀλέξανδρος
-κακῶς τοσαύτας τοῦ μηνὸς ἡμέρας ἑαυτὸν ζημιοῖ διὰ
-τὸν οἶνον, ἢ οἱ ταῦτα ἀναγράψαντες ψεύδονται. ἔξεστι
-δὲ ἐκ τούτων ἐννοεῖν καὶ τοῦ λοιποῦ χρόνου τὰ ὅμοια
-αὐτοὺς λέγοντας, ὧν καὶ Εὐμένης ὁ Καρδιανὸς καὶ
-ἐκεῖνός ἐστι.
-</p>
-</div2>
-<div2 type="chapter" n="24">
-<p><milestone unit="para"/> Ξενοφῶντι ἔμελε τῶν τε ἄλλων σπουδαίων, καὶ
-οὖν καὶ ὅπλα καλὰ ἔχειν. νικῶντι γὰρ ἔλεγε τοὺς
-πολεμίους τὴν καλλίστην στολὴν ἁρμόττειν, καὶ ἀποθνήσκοντα
-ἐν τῇ μάχῃ κεῖσθαι καλῶς ἐν καλῇ τῇ πανοπλίᾳ·
-τῷ γὰρ ἀνδρὶ τῷ γενναίῳ ταῦτα εἶναι τὰ
-ἐντάφια τὰ ὡς ἀληθῶς κοσμοῦντα αὐτόν. λέγεται οὖν
-ὁ τοῦ Γρύλλου τὴν μὲν ἀσπίδα Ἀργολικὴν ἔχειν, τὸν
-δὲ θώρακα Ἀττικόν, τὸ δὲ κράνος Βοιωτουργές, τὸν δὲ
-ἵππον Ἐπιδαύριον. φιλοκάλου δὲ ἔγωγε ἂν φαίην εἶναι
-ἀνδρὸς τὰ τοιαῦτα καὶ ἀξιοῦντος ἑαυτὸν τῶν καλῶν.
-</p>
-</div2>
-<div2 type="chapter" n="25">
-<p><milestone unit="para"/> ὁ Αεωνίδης ὁ Λακεδαιμόνιος καὶ οἱ σὺν αὐτῷ
-τριακόσιοι τὸν μαντευόμενον αὐτοῖς θάνατον εἵλοντο
-ἐν Πύλαις, καὶ ὑπὲρ τῆς Ἑλλάδος εὖ καὶ καλῶς ἀγωνισάμενοι
-τέλους ἔτυχον εὐκλεοῦς, καὶ δόξαν ἑαυτοῖς
-ἀθάνατον ἀπέλιπον καὶ φήμην ἀγαθὴν διʼ αἰῶνος.
-<pb id="p.53"/>
-</p>
-</div2>
-<div2 type="chapter" n="26">
-<p><milestone unit="para"/>Πίνδαρος ὁ Μέλανος υἱός, Ἀλυάττου δὲ θυγατριδοῦς 
-τοῦ Λυδοῦ, διαδεξάμενος τὴν Ἐφεσίων τυραννίδα
-πρὸς μὲν τὰς τιμωρίας πικρὸς ἦν καὶ ἀπαραίτητος,
-τά γε μὴν ἄλλα ἐδόκει φιλόπατρις εἶναι καὶ
-σώφρων, καὶ τοῦ μὴ δουλεῦσαι τὴν πατρίδα τοῖς 
-βαρβάροις πολλὴν πρόνοιαν ἔθετο. ἔδειξε ταῦτα οὕτως
-ἔχειν ἐκεῖνα δήπου. ἐπεὶ γὰρ Κροῖσος ὁ πρὸς
-μητρὸς αὐτοῦ θεῖος καταστρεφόμενος τὴν Ἰωνίαν καὶ
-πρὸς τὸν Πίνδαρον πρεσβείαν ἀπέστειλεν, ἀξιῶν
-Ἐφεσίους ὑπʼ αὐτῷ γενέσθαι, ὡς δʼ οὐκ ἐπείσθη, 
-ἐπολιόρκει τὴν πόλιν Κροῖσος. ἐπεὶ δέ τις τῶν πύργων
-ἀνετράπη ὁ κληθεὶς ὕστερον Προδότης, καὶ ἐν
-ὀφθαλμοῖς ἑωρᾶτο τὸ δεινόν, συνεβούλευεν ὁ Πίνδαρος
-Ἐφεσίοις ἐκδήσαντας ἐκ τῶν πυλῶν καὶ τῶν
-τειχῶν θώμιγγας συνάψαι τοῖς κίοσι τοῦ τῆς Ἀρτέμιδος 
-νεώ, οἱονεὶ τὴν πόλιν ἀνάθημα ἐῶντας εἶναι
-τῇ Ἀρτέμιδι, ἀσυλίαν διὰ τούτων ἐπινοῶν τῇ Ἐφέσῳ·
-ὃ δὲ συνεβούλευε προσελθόντας δεῖσθαι τοῦ Λυδοῦ.
-προβαλλομένων δὲ τὴν ἱκετηρίαν τῶν Ἐφεσίων γελάσαντά
-φασι τὸν Κροῖσον καὶ δεξάμενον πράως τὸ 
-στρατηγηθὲν τοῖς μὲν Ἐφεσίοις συγχωρῆσαι τὴν μετʼ
-ἐλευθερίας ἀσφάλειαν, τῷ δὲ Πινδάρῳ προστάξαι
-τῆς πόλεως ἀπαλλάττεσθαι. ὃ δὲ οὐκ ἀντεῖπε, τῶν
-φίλων δὲ τοὺς συναπαίρειν αὐτῷ βουληθέντας παραλαβών,
-τὸν υἱὸν καὶ τῆς οὐσίας τὸ πλεῖστον τῇ πόλει 
-παρακαταθέμενος καὶ ἕνα τῶν συνήθων Πασικλέα
-ἀποδείξας ἐπίτροπον καὶ τοῦ παιδὸς καὶ τῶν χρημάτων,
-ἀπῆρεν ἐς Πελοπόννησον, τυραννικοῦ βίου φυγὴν
-αὐθαίρετον ἀλλαξάμενος ὑπὲρ τοῦ μὴ ποιῆσαι
-τὴν πατρίδα ὑποχείριον Λυδοῖς. 
-</p>
-</div2>
-<div2 type="chapter" n="27">
-<p><milestone unit="para"/>πέπυσμαι καὶ τοῦτον τὸν λόγον· εἰ δὲ ἀληθής 
-ἐστιν, οὐκ οἶδα· ὃ δʼ οὖν πέπυσμαι, ἐκεῖνό ἐστι.
-<pb id="p.54"/>
-Πλάτων ὁ Ἀρίστωνος ὑπὸ πενίας φασὶ καταπονούμενος
-ἔμελλεν ἐπὶ στρατείαν ἀποδημῆσαι· καταληφθεὶς
-δὲ ὑπὸ Σωκράτους ὠνούμενος ὅπλα ὁ Πλάτων,
-ἀνεστάλη τῆς ὁρμῆς, διαλεχθέντος αὐτῷ τοῦ
-Σωκράτους ἃ εἰκὸς ἦν καὶ πείσαντος φιλοσοφίας ἐπιθυμῆσαι.
-</p>
-</div2>
-<div2 type="chapter" n="28">
-<p><milestone unit="para"/> ὁρῶν ὁ Σωκράτης τὸν Ἀλκιβιάδην τετυφωμένον
-ἐπὶ τῷ πλούτῳ καὶ μέγα φρονοῦντα ἐπὶ τῇ περιουσίᾳ
-καὶ ἔτι πλέον ἐπὶ τοῖς ἀγροῖς, ἤγαγεν αὐτὸν ἔς τινα
-τῆς πόλεως τόπον ἔνθα ἀνέκειτο πινάκιον ἔχον γῆς
-περίοδον, καὶ προσέταξε τῷ Ἀλκιβιάδῃ τὴν Ἀττικὴν
-ἐνταῦθʼ ἀναζητεῖν. ὡς δʼ εὗρε, προσέταξεν αὐτῷ
-τοὺς ἀγροὺς τοὺς ἰδίους διαθρῆσαι. τοῦ δὲ εἰπόντος
-ʽἀλλʼ οὐδαμοῦ γεγραμμένοι εἰσίνʼ ʽἐπὶ τούτοις οὖνʼ
-εἶπε ʽμέγα φρονεῖς, οἵπερ οὐδὲν μέρος τῆς γῆς εἰσιν;ʼ
-</p>
-</div2>
-<div2 type="chapter" n="29">
-<p><milestone unit="para"/> Διογένης ὁ Σινωπεὺς συνεχῶς ἐπέλεγεν ὑπὲρ
-ἑαυτοῦ ὅτι τὰς ἐκ τῆς τραγῳδίας ἀρὰς αὐτὸς ἐκπληροῖ
-καὶ ὑπομένει· εἶναι γὰρ
-<quote rend="blockquote">
-<lb/>πλάνης ἄοικος πατρίδος ἐστερημένος
-<lb/>πτωχὸς δυσείμων βίον ἔχων ἐφήμερον.
-</quote>
-καὶ ὅμως ἐπὶ τούτοις μέγα ἐφρόνει οὐδὲν ἧττον ἢ
-Ἀλέξανδρος ἐπὶ τῇ τῆς οἰκουμένης ἀρχῇ, ὅτε καὶ
-Ἰνδοὺς ἑλὼν ἐς Βαβυλῶνα ὑπέστρεψεν.
-</p>
-</div2>
-<div2 type="chapter" n="30">
-<p><milestone unit="para"/> Ἀμοιβεὺς ὁ κιθαρῳδὸς σωφρονέστατος ἐλέγετο
-καὶ γυναῖκα ὡραιοτάτην ἔχων μὴ ὁμιλεῖν αὐτῇ· καὶ
-Διογένης ὁ τῆς τραγῳδίας ὑποκριτὴς τὴν ἀκόλαστον
-κοίτην ἀπείπατο παντελῶς πᾶσαν. Κλειτόμαχος δὲ ὁ
-παγκρατιαστὴς εἴ ποτε καὶ κύνας εἶδε συμπλεκομένους,
-ἀπεστρέφετο· καὶ ἐν συμποσίῳ εἴ τις ἀφροδίσιος
-λόγος παρερρύη, ἀναστὰς ἀπηλλάττετο.
-</p>
-</div2>
-<div2 type="chapter" n="31">
-<p><milestone unit="para"/> Νικίας ὁ ζωγράφος τοσαύτην περὶ τὸ γράφειν
-<pb id="p.55"/>
-σπουδὴν εἶχεν, ὡς ἐπιλαθέσθαι πολλάκις αὐτὸν τροφὴν
-προσενέγκασθαι προστετηκότα τῇ τέχνῃ.
-</p>
-</div2>
-<div2 type="chapter" n="32">
-<p><milestone unit="para"/>Ἀλέξανδρος ὁ Φιλίππου, παῖς ὢν οὔπω πρόσηβος, 
-ἐμάνθανε κιθαρίζειν. τοῦ δὲ διδάσκοντος κροῦσαι
-κελεύσαντος χορδήν τινα σὺν μέλει καὶ ἣν ἀπῄτει 
-τὰ κιθαρίσματα, ʽκαὶ τί διοίσεἰ ἔφη ʽἐὰν ταύτην
-κρούσω; ἑτέραν δείξας. ὃ δὲ οὐδὲν ἔφη διαφέρειν
-τῷ μέλλοντι βασιλεύσειν ἀλλὰ τῷ ἐπὶ τέχνῃ κιθαρίσειν
-μέλλοντι. ἔδεισε δὲ ἄρα οὗτος τὸ τοῦ Λίνου
-πάθος. τὸν γὰρ Ἡρακλῆ ὁ Λῖνος ἔτι παῖδα ὄντα 
-κιθαρίζειν ἐπαίδευεν· ἀμουσότερον δὲ ἁπτομένου τοῦ
-ὀργάνου, ἐχαλέπηνε πρὸς αὐτὸν ὁ Λῖνος. ὃ δὲ ἀγανακτήσας
-ὁ Ἡρακλῆς τῷ πλήκτρῳ τοῦ Λίνου καθίκετο
-καὶ ἀπέκτεινεν αὐτόν.
-</p>
-</div2>
-<div2 type="chapter" n="33">
-<p><milestone unit="para"/>Σάτυρος ὁ αὐλητὴς Ἀρίστωνος τοῦ φιλοσόφου 
-πολλάκις ἠκροᾶτο, καὶ κηλούμενος ἐκ τῶν λεγομένων ἐπέλεγεν
-    <milestone unit="para"/>εἰ μὴ ἐγὼ τάδε τόξα φαεινῷ ἐν πυρὶ θείην,
-τοὺς αὐλοὺς αἰνιττόμενος, καὶ τρόπον τινὰ τὴν τέχνην
-ἐκφαυλίζων παραβολῇ τῇ πρὸς φιλοσοφίαν. 
-</p>
-</div2>
-<div2 type="chapter" n="34">
-<p><milestone unit="para"/>ὅτι Λάκωσι καὶ Ῥωμαίοις νόμος ἦν μὴ ἐξεῖναί 
-τινι ὀψωνεῖν μήτε ἃ βούλεται μήτε ὅσα βούλεται·
-προσέταττον γὰρ διά τε τῶν ἄλλων σωφρονεῖν τοὺς.
-πολίτας καὶ διὰ τῆς τραπέζης οὐχ ἥκιστα.
-</p>
-</div2>
-<div2 type="chapter" n="35">
-<p><milestone unit="para"/>λόγος δέ τις διαρρεῖ καὶ οὗτος Ἀττικός, ὃς λέγει 
-πρότερον ἐν Ἀκαδημείᾳ μηδὲ γελάσαι ἐξουσίαν εἶναι·
-ὕβρει γὰρ καὶ ῥᾳθυμίᾳ ἐπειρῶντο τὸ χωρίον ἄβατον φυλάττειν.
-</p>
-</div2>
-<div2 type="chapter" n="36">
-<p><milestone unit="para"/>Ἀριστοτέλης ὅτε ἀπέλιπε τὰς Ἀθήνας δέει τῆς 
-κρίσεως, πρὸς τὸν ἐρόμενον αὐτὸν ʽτίς ἐστιν ἡ τῶν 
-Ἀθηναίων πόλις;ʼ ἔφη ʽπαγκάλη· ἀλλʼ ἐν αὐτῇ
-    <milestone unit="para"/>ὄγχνη ἐπʼ ὄγχνῃ γηράσκει, σῦκον δʼ ἐπὶ σύκῳ,
-<pb id="p.56"/>
-τοὺς συκοφάντας λέγων. καὶ πρὸς τὸν ἐρόμενον δια
-τί ἀπέλιπε τὰς Ἀθήνας, ἀπεκρίνατο ὅτι οὐ βούλεται
-Ἀθηναίους δὶς ἐξαμαρτεῖν ἐς φιλοσοφίαν, τὸ περὶ
-Σωκράτην πάθος αἰνιττόμενος καὶ τὸν καθʼ ἑαυτὸν
-κίνδυνον.
-</p>
-</div2>
-<div2 type="chapter" n="37">
-<p><milestone unit="para"/> νόμος ἐστὶ Κείων, οἱ πάνυ παρʼ αὐτοῖς γεγηρακότες,
-ὥσπερ ἐπὶ ξένια παρακαλοῦντες ἑαυτοὺς ἢ
-επί τινα ἑορταστικὴν θυσίαν, συνελθόντες καὶ στεφανωσάμενοι
-πίνουσι κώνειον, ὅταν ἑαυτοῖς συνειδῶσιν
-ὅτι πρὸς τὰ ἔργα τὰ τῇ πατρίδι λυσιτελοῦντα
-ἄχρηστοί εἰσιν, ὑποληρούσης ἤδη τι αὐτοῖς καὶ τῆς
-γνώμης διὰ τὸν χρόνον.
-</p>
-</div2>
-<div2 type="chapter" n="38">
-<p><milestone unit="para"/> ὅτι ἐν Ἀθήναις εὑρεθῆναι λέγουσι πρῶτον τὴν
-ἐλαίαν καὶ τὴν συκῆν, ἃ καὶ πρῶτα ἡ γῆ ἀνέδωκε.
-δίκας τε δοῦναι καὶ λαβεῖν εὗρον Ἀθηναῖοι πρῶτοι.
-καὶ ἀγῶνα τὸν διὰ τῶν σωμάτων πρῶτοι ἐπενόησαν,
-καὶ ἀπεδύσαντο καὶ ἠλείψαντο. καὶ ἵππους ἔζευξε
-πρῶτος Ἐριχθόνιος.
-</p>
-</div2>
-<div2 type="chapter" n="39">
-<p><milestone unit="para"/> ὅτι βαλάνους Ἀρκάδες, Ἀργεῖοι δʼ ἀπίους, Ἀθηναῖοι
-δὲ σῦκα, Τιρύνθιοι δὲ ἀχράδας δεῖπνον εἶχον,
-Ἰνδοὶ καλάμους, Καρμανοὶ φοίνικας, κέγχρον δὲ
-Μαιῶται καὶ Σαυρομάται, τέρμινθον δὲ καὶ κάρδαμον Πέρσαι.
-</p>
-</div2>
-<div2 type="chapter" n="40">
-<p><milestone unit="para"/> ὅτι οἱ συγχορευταὶ Διονύσου Σάτυροι ἦσαν οἱ
-ὑπʼ ἐνίων Τίτυροι ὀνομαζόμενοι. ἔσχον δὲ τὸ ὄνομα
-ἐκ τῶν τερετισμάτων, οἷς χαίρουσι. Σάτυροι δὲ ἀπὸ
-τοῦ σεσηρέναι. Σιληνοὶ δὲ ἀπὸ τοῦ σιλλαίνειν· τὸν
-δὲ σίλλον ψόγον λέγουσι μετὰ παιδιᾶς δυσαρέστου.
-ἐσθὴς δʼ ἦν τοῖς Σιληνοῖς ἀμφίμαλλοι χιτῶνες. αἰνίττεται
-δὲ ἡ στολὴ τὴν ἐκ τοῦ Διονύσου φυτείαν καὶ
-τὰ τῶν οἰναρίδων δάση.
-</p>
-</div2>
-<div2 type="chapter" n="41">
-<p><milestone unit="para"/> ὅτι τὸ πολυκαρπεῖν οἱ ἀρχαῖοι ὠνόμαζον φλύειν.
-<pb id="p.57"/>
-ἐντεῦθεν τὸν Διόνυσον Φλεῶνα ἐκάλουν καὶ Προτρύγαιον
-καὶ Σταφυλίτην καὶ Ὀμφακίτην καὶ ἑτέρως
-πως διαφόρως.
-</p>
-</div2>
-<div2 type="chapter" n="42">
-<p><milestone unit="para"/>Ἐλέγη καὶ Κελαινὴ Προίτου θυγατέρες. μάχλους 
-δὲ αὐτὰς ἡ τῆς Κύπρου βασιλὶς εἰργάσατο, ἐπὶ μέρους 
-δὲ τῆς Πελοποννήσου ἔδραμόν φασι γυμναὶ
-μαινόμεναι, ἐξεφοίτησαν δὲ καὶ ἐς ἄλλας χώρας τῆς
-Ἑλλάδος, παράφοροι οὖσαι ὑπὸ τῆς νόσου. ἀκούω
-δὲ ὅτι καὶ ταῖς Λακεδαιμονίων γυναιξὶν ἐνέπεσέ τις
-οἶστρος βακχικὸς καὶ ταῖς τῶν Χίων. καὶ αἱ τῶν 
-Βοιωτῶν δὲ ὡς ἐνθεώτατα ἐμάνησαν καὶ ἡ τραγῳδία
-βοᾷ. μόνας δὲ ἀφηνιάσαι τῆς χορείας ταύτης λέγουσι
-τοῦ Διονύσου τὰς Μινύου θυγατέρας Λευκίππην καὶ
-Ἀρσίππην καὶ Ἀλκιθόην. αἴτιον δὲ ὅτι ἐπόθουν
-τοὺς γαμέτας, καὶ διὰ τοῦτο οὐκ ἐγένοντο τῷ θεῷ 
-μαινάδες. ὃ δὲ ὀργίζεται, καὶ αἳ μὲν περὶ τοὺς ἱστοὺς
-εἶχον, καὶ ἐπονοῦντο περὶ τὴν Ἐργάνην εὖ μάλα φιλοτίμως·
-ἄφνω δὲ κιττοί τε καὶ ἄμπελοι τοὺς ἱστοὺς
-περιεῖρπον, καὶ τοῖς ταλάροις ἐνεφώλευον δράκοντες,
-ἐκ δὲ τῶν ὀρόφων ἔσταζον οἴνου καὶ γάλακτος σταγόνες. 
-τὰς δὲ οὐδὲ ταῦτα ἀνέπειθεν ἐλθεῖν ἐς τὴν λατρείαν
-τοῦ δαίμονος. ἐνταῦθά τοι καὶ πάθος εἰργάσαντο
-ἔξω Κιθαιρῶνος, οὐ μεῖον τοῦ ἐν Κιθαιρῶνι·
-τὸν γὰρ τῆς Λευκίππης παῖδα ἔτι ἁπαλὸν ὄντα καὶ
-νεαρὸν διεσπάσαντο οἷα νεβρὸν τῆς μανίας ἀρξάμεναι 
-αἱ Μινυάδες, εἶτα ἐντεῦθεν ἐπὶ τὰς ἐξ ἀρχῆς ᾖξαν
-μαινάδας· αἳ δὲ ἐδίωκον αὐτὰς διὰ τὸ ἄγος. ἐκ δὴ
-τούτων ἐγένοντο ὄρνιθες, καὶ ἣ μὲν ἤμειψε τὸ εἶδος
-ἐς κορώνην, ἣ δὲ ἐς νυκτερίδα, ἣ δὲ ἐς γλαῦκα.
-</p>
-</div2>
-<div2 type="chapter" n="43">
-<p><milestone unit="para"/>ἐν Συβάρει κιθαρῳδοῦ ᾅδοντος ἐν τῇ ἀγωνίᾳ, 
-ἣν ἐπετέλουν τῇ Ἥρᾳ, στασιασάντων ὑπὲρ αὐτοῦ
-τῶν Συβαριτῶν καὶ τὰ ὅπλα λαβόντων ἐπʼ ἀλλήλους,
-<pb id="p.58"/>
-φοβηθεὶς ὁ κιθαρῳδὸς σὺν αὐτῇ στολῇ κατέφυγεν
-ἐς τὸν τῆς Ἥρας βωμόν· οἳ δὲ οὐδὲ ἐνταῦθα ἐφείσαντο
-τοῦ κιθαρῳδοῦ. ὀλίγῳ δὲ ὕστερον αἷμα ἐδόκει
-ἐν τῷ τῆς Ἥρας νεῷ ἀναβρύειν οὐδὲν ἔλαττον πηγῆς
-ἀενάου, Συβαρῖται δὲ ἔπεμψαν ἐς Δελφούς. ἡ δὲ
-Πυθία ἀπεκρίνατο
-<quote rend="blockquote">
-<lb/>βαῖνʼ ἀπʼ ἐμῶν τριπόδων, ἔτι τοι φόνος ἀμφὶ χέρεσσι
-<lb/>πουλὺς ἀποστάζων ἀπὸ λαΐνου οὐδοῦ ἐρύκει.
-<lb/>οὔ σε θεμιστεύσω· Μουσῶν θεράποντα κατέκτας
-<lb/>Ἥρης πρὸς βωμοῖσι, θεῶν τίσιν οὐκ ἀλεείνας.
-<lb/>τοῖς δὲ κακῶς ῥέξασι δίκης τέλος οὐχὶ χρονιστὸν
-<lb/>οὐδὲ παραιτητόν, οὐδʼ εἰ Διὸς ἔγγονοι εἶεν·
-<lb/>ἀλλʼ αὐτῶν κεφαλῇσι καὶ ἐν σφετέροισι τέκεσσιν
-<lb/>εἱλεῖται, καὶ πῆμα δόμοις ἐπὶ πήματι βαίνει.
-</quote>
-ἡ δὲ δίκη οὐκ ἐβράδυνε· Κροτωνιάταις γὰρ ἐναντία
-ὅπλα θέμενοι ἀνάστατοι ὑπʼ ἐκείνων ἐγένοντο, καὶ ἡ
-πόλις αὐτῶν ἠφανίσθη.
-</p>
-</div2>
-<div2 type="chapter" n="44">
-<p><milestone unit="para"/> νεανίσκοι τρεῖς ἐς Δελφοὺς ἀφικόμενοι θεωροὶ
-συμπολῖται κακούργοις περιτυγχάνουσιν. ὁ οὗν εἷς
-ἀπέδρα τοὺς λῃστάς, ὁ δὲ δεύτερος αὐτῶν συνεπλάκη
-τῷ λοιπῷ τῶν κακούργων, τῶν ἄλλων προαναλωθέντων,
-καὶ τοῦ μὲν λῃστοῦ ἥμαρτεν, ὦσε δὲ τὸ
-ξίφος κατὰ τοῦ φίλου. τῷ ἀποδράντι οὖν ἡ Πυθία
-ἀνεῖλε τάδε
-<quote rend="blockquote">ἀνδρὶ φίλῳ θνήσκοντι παρὼν πέλας οὐκ ἐβοήθεις.
-οὔ σε θεμιστεύσω· περικαλλέος ἔξιθι νηοῦ·</quote>
-τῷ ἑτέρῳ δὲ
-ἔκτεινας τὸν ἑταῖρον ἀμύνων· οὔ σʼ ἐμίανεν
-αἷμα, πέλεις δὲ χέρας καθαρώτερος ἢ πάρος ἦσθα.
-<pb id="p.59"/>
-</p>
-</div2>
-<div2 type="chapter" n="45">
-<p><milestone unit="para"/>Φιλίππῳ φασὶ χρηστήριον ἐκπεσεῖν ἐν Βοιωτοῖς 
-ἐν Τροφωνίου, φυλάττεσθαι δεῖν τὸ ἅρμα. ἐκεῖνον
-οὖν δέει τοῦ χρησμοῦ λόγος ἔχει μηδέποτε ἀναβῆναι
-ἅρμα. διπλοῦς οὖν ἐπὶ τούτοις διαρρεῖ λόγος. ὃ μὲν
-γάρ φησι τὸ τοῦ Παυσανίου ξίφος, ᾧ τὸν Φίλιππον 
-διεχρήσατο, ἅρμα ἔχειν ἐπὶ τῆς λαβῆς διαγεγλυμμένον
-ἐλεφάντινον· ὁ δὲ ἕτερος, τὴν Θηβαῖκὴν περιελθόντα
-λίμνην τὴν καλουμένην Ἅρμα ἀποσφαγῆναι.
-ὁ μὲν πρῶτος λόγος δημώδης, ὃ δὲ οὐκ ἐς πάντας
-ἐξεφοίτησεν. 
-</p>
-</div2>
-<div2 type="chapter" n="46">
-<p><milestone unit="para"/>Σταγειριτῶν νόμος οὗτος καὶ πάντη Ἑλληνικός. 
-ὃ μὴ κατέθου φησί, μὴ λάμβανε.
-</p>
-</div2>
-<div2 type="chapter" n="47">
-<p><milestone unit="para"/>Τιμόθεον τὰ μὲν πρῶτα ἐπῄνουν Ἀθηναῖοι· ἐπεὶ 
-δὲ ἔδοξεν ἁμαρτεῖν ἃ ἔδοξεν, ἡ φθάνουσα αὐτὸν
-ἀνδραγαθία ἀλλʼ οὐδὲ ὀλίγον ἔσωσεν, οὐδὲ μὴν αἱ 
-τῶν προγόνων ἀρεταί. Θεμιστοκλῆς δὲ οὐδὲν ὤνητο
-οὔτε ἐκ τῆς ναυμαχίας τῆς περὶ Σαλαμῖνα οὔτε ἐκ
-τῆς πρεσβείας τῆς ἐς Σπάρτην· λέγω δὲ ἣν ἐπρέσβευσε
-κλέπτων τὴν τῶν Ἀθηναίων τείχισιν. ἔφυγε
-γὰρ κἀκεῖνος οὐ τὰς Ἀθήνας μόνον, ἀλλὰ καὶ τὴν 
-Ἑλλάδα πᾶσαν. καὶ Παυσανίαν δὲ τὸν Λακεδαιμόνιον
-οὐδὲν ὤνησεν ἡ ἐν Πλαταιαῖς νίκη· ὑπὲρ δὲ ὧν
-ἐν Βυζαντίῳ ἐκαινούργει, ὑπὲρ τούτων διέφθειρε καὶ
-τὴν χάριν τὴν ἐπὶ τοῖς πρώτοις. Φωκίωνα δὲ ἡ εὐφημία
-ἡ καλοῦσα αὐτὸν Χρηστὸν οὐδὲν ὠφέλησεν, 
-οὐδὲ τὰ πέντε καὶ ἑβδομήκοντα ἔτη, ἅπερ οὖν διεβίωσεν,
-οὐδὲν ἀδικήσας τοὺς Ἀθηναίους ἔμβραχυ·
-ἐπεὶ δὲ ἔδοξεν Ἀντιπάτρῳ τὸν Πειραιᾶ προδιδόναι,
-Ἀθηναῖοι κατέγνωσαν αὐτοῦ θάνατον.</p>
-</div2>
-</div1>
-<pb id="p.60"/>
-<div1 type="book" n="4">
-<div2 type="chapter" n="1">
-<p><milestone unit="para"/>
-λέγει τις νόμος Λευκανῶν, ἐὰν ἠλίου δύντος
-ἀφίκηται ξένος καὶ παρελθεῖν ἐθελήσῃ ἐς στέγην τινός,
-εἶτα μὴ δέξηται τὸν ἄνδρα, ζημιοῦσθαι αὐτὸν
-καὶ ὑπέχειν δίκας τῆς κακοξενίας ἐμοὶ δοκεῖν καὶ
-τῷ ἀφικομένῳ καὶ τῷ Ξενίῳ Διί.
-    <milestone unit="para"/>ὅτι Δαρδανεῖς τοὺς ἀπὸ τῆς Ἰλλυρίδος ἀκούω
-τρὶς μόνον λούεσθαι παρὰ πάντα τὸν ἑαυτῶν βίον,
-ἐξ ὠδίνων καὶ γαμοῦντας καὶ ἀποθανόντας.
-    <milestone unit="para"/>Ἰνδοὶ οὔτε δανείζουσιν οὔτε ἴσασι δανείζεσθαι.
-ἀλλʼ οὐδὲ θέμις ἄνδρα Ἰνδὸν οὔτε ἀδικῆσαι οὔτε
-ἀδικηθῆναι. διὸ οὐδὲ ποιοῦνται συγγραφὴν ἢ παρακαταθήκην.
-νόμος ἐστὶ Σαρδῷος, τοὺς ἤδη γεγηρακότας τῶν
-πατέρων οἱ παῖδες ῥοπάλοις τύπτοντες ἀνῄρουν καὶ
-ἔθαπτον, αἰσχρὸν ἡγούμενοι τὸν λίαν ὑπέργηρων
-ὄντα ζῆν ἔτι, ὡς πολλὰ ἁμαρτάνοντος τοῦ σώματος
-τοῦ διὰ τὸ γῆρας πεπονηκότος. τῶν δὲ αὐτῶν ἐστι
-    <milestone unit="para"/>νόμος τοιοῦτος. ἀργίας ἦσαν δίκαι, καὶ τὸν εἰκῆ
-ζῶντα ἔδει κρίνεσθαι καὶ διδόναι τὰς εὐθύνας ἀποδεικνύντα
-ὁπόθεν ζῇ.
-    <milestone unit="para"/>Ἀσσύριοι τὰς ὡραίας γάμου παρθένους ἀθροίσαντες
-ἔς τινα πόλιν ἀγορὰν αὐτῶν προκηρύττουσι
-καὶ ἕκαστος ἣν ἂν πρίηται ἀπάγει νύμφην.
-    <milestone unit="para"/>Βύβλιος ἀνὴρ ἐν ὁδῷ περιτυχὼν οὐδὲν ὧν μὴ
-κατέθετο ἀναιρεῖται· οὐ γὰρ ἡγεῖται τὸ τοιοῦτον
-εὕρημα ἀλλὰ ἀδίκημα.
-    <milestone unit="para"/>Δερβίκκαι τοὺς ὑπὲρ ἑβδομήκοντα ἔτη βεβιωκότας
-ἀποκτείνουσι, τοὺς μὲν ἄνδρας καταθύοντες,
-ἀπάγχοντες δὲ τὰς γυναῖκας.
-<pb id="p.61"/>
-    <milestone unit="para"/>Κόλχοι δὲ τοὺς νεκροὺς ἐν βύρσαις θάπτουσι, καὶ
-καταρράψαντες ἐκ τῶν δένδρων ἐξαρτῶσι.
-    <milestone unit="para"/>Λυδοῖς ἦν ἔθος πρὸ τοῦ συνοικεῖν τὰς γυναῖκας
-ἀνδράσιν ἑταιρεῖν, ἅπαξ δὲ καταζευχθείσας σωφρονεῖν·
-τὴν δὲ ἁμαρτάνουσαν ἐς ἕτερον συγγνώμης 
-τυχεῖν ἀδύνατον ἦν.
-</p>
-</div2>
-<div2 type="chapter" n="2">
-<p><milestone unit="para"/>Νικόστρατον τὸν κιθαριστὴν λόγος τις περίεισι 
-λέγων Λαοδόκῳ τῷ κιθαρῳδῷ διαφερόμενον ὑπὲρ
-μουσικῆς εἰπεῖν ὅτι ἄρα ἐκεῖνος μέν ἐστιν ἐν μεγάλῃ
-τῇ τέχνῃ μικρός, αὐτὸς δὲ ἐν μικρᾷ μέγας. οὐ μόνον 
-δὲ ἄρα ἐστὶ σεμνὸν οἰκίαν αὐξῆσαι καὶ πλοῦτον, ἀλλὰ
-γὰρ καὶ τέχνην, εἴ γέ τι δεῖ προσέχειν Νικοστράτῳ
-εὖ καὶ καλῶς τοῦτο εἰπόντι.
-</p>
-</div2>
-<div2 type="chapter" n="3">
-<p><milestone unit="para"/>Πολύγνωτος ὁ Θάσιος καὶ Διονύσιος ὁ Κολοφώνιος 
-γραφέε ἤστην. καὶ ὁ μὲν Πολύγνωτος ἔγραφε 
-τὰ μεγάλα, καὶ ἐν τοῖς τελείοις εἰργάζετο τὰ ἆθλα·
-τὰ δὲ τοῦ Διονυσίου πλὴν τοῦ μεγέθους τὴν τοῦ
-Πολυγνώτου τέχνην ἐμιμεῖτο ἐς τὴν ἀκρίβειαν, πάθος
-καὶ ἦθος καὶ σχημάτων χρῆσιν καὶ ἱματίων λεπτότητας
-καὶ τὰ λοιπά. 
-</p>
-</div2>
-<div2 type="chapter" n="4">
-<p><milestone unit="para"/>ἀκούω κεῖσθαι νόμον Θήβησι προστάττοντα τοῖς 
-τεχνίταις καὶ τοῖς γραφικοῖς καὶ τοῖς πλαστικοῖς ἐς
-τὸ κρεῖττον τὰς εἰκόνας μιμεῖσθαι. ἀπειλεῖ δὲ ὁ νόμος
-τοῖς ἐς τὸ χεῖρόν ποτε ἢ πλάσασιν ἢ γράψασι
-ζημίαν τὸ τίμημα δρᾶν. 
-</p>
-</div2>
-<div2 type="chapter" n="5">
-<p><milestone unit="para"/>εὐεργεσιῶν ἀπεμνήσθησαν καὶ χάριτας ὑπὲρ αὐτῶν 
-ἀπέδοσαν Θησεὺς μὲν Ἡρακλεῖ. Ἀιδωνέως γὰρ
-αὐτὸν τοῦ Μολοττῶν βασιλέως δήσαντος, ὅτε ἐπὶ τὴν
-γυναῖκα αὐτοῦ ἦλθε μετὰ Πειρίθου ἁρπασόμενος αὐτὴν
-ὁ Θησεύς ʽοὐχ ἑαυτῷ σπουδάζων τὸν γάμον, ἀλλὰ 
-γὰρ τῇ τοῦ Πειρίθου χάριτι τοῦτο δράσασʼ Ἡρακλῆς
-<pb id="p.62"/>
-ἐς τοὺς Μολοττοὺς ἀφικόμενος ἐρρύσατο τὸν Θησέα,
-καὶ διὰ ταῦτα ἐκεῖνος αὐτῷ βωμὸν ἀνέστησε. καὶ οἱ
-ἑπτὰ ἐπὶ Θήβας Πρώνακτι καὶ ἐκεῖνοι χάριτας ἀπέδοσαν.
-διὰ γὰρ αὐτοὺς ἀπολομένου τοῦ Πρώνακτος
-τὸν ἀγῶνα ἔθεσαν ἐπʼ αὐτῷ, ὃν οἱ πολλοὶ οἴονται ἐπʼ
-Ἀρχεμόρῳ τεθῆναι ἐξ ἀρχῆς. καὶ Ἡρακλῆς δὲ ἀπέδωκε
-χάριτας Νέστορι. Νηλέως γὰρ αὐτὸν οὐ βουλομένου
-καθῆραι, οἱ μὲν ἄλλοι παῖδες σύμψηφοι ἦσαν
-τῷ Νηλεῖ, ὁ δὲ Νέστωρ οὐχί. καὶ διὰ ταῦτα ἑλὼν τὴν
-Πύλον Ἡρακλῆς τὸν μὲν Νηλέα καὶ τοὺς ἄλλους αὐτοῦ
-παῖδας ἀπέκτεινεν, οὐ μόνον δὲ ἐφείσατο Νέστορος,
-ἀλλὰ καὶ τὴν βασιλείαν τὴν πατρῴαν ἔχειν ἔδωκε.
-καὶ Ἀθηναῖοι δὲ πανδημεὶ τοῖς Ἡρακλέους ἀπογόνοις
-ἀπέτισαν χάριτας. ἐπεὶ γὰρ καὶ ἐκείνων ὁ προπάτωρ
-εὐεργέτης ἐγένετο τοῦ Θησέως, οἱ Ἀθηναῖοι διὰ ταῦτα
-κατήγαγον αὐτοὺς ἐς Πελοπόννησον. καὶ Ἡρακλῆς
-δὲ ἀπέδωκε χάριτας τοῖς ἐκ Κλεωνῶν τριακοσίοις καὶ
-ἑξήκοντα. τούτοις γὰρ ἐπὶ τοὺς Μολιονίδας συστρατεύσασιν
-αὐτῷ καὶ ἀποθανοῦσιν εὖ καὶ καλῶς ἀπέστη
-τῶν ἐν Νεμέᾳ τιμῶν, ἃς ἔλαβε παρὰ τῶν Νεμέων,
-ὅτε τὸν ἐπιχωριάζοντα αὐτοῖς καὶ λυμαινόμενον αὐτῶν
-τὰ ἔργα ἐχειρώσατο λέοντα. καὶ Μενεσθεὺς δὲ
-ὁ Πετεῶο περὶ τοὺς Τυνδαρίδας οὐκ ἐγένετο ἀχάριστος.
-ἐκβαλόντες γὰρ ἐκεῖνοι τοὺς Θησέως υἱοὺς καὶ
-τὴν μητέρα τὴν Θησέως Αἶθραν αἰχμάλωτον λαβόντες
-ἔδωκαν τὴν βασιλείαν τῷ Μενεσθεῖ. διὰ ταῦτα
-πρῶτος ὁ Μενεσθεὺς Ἄνακτάς τε καὶ Σωτῆρας ὠνόμασε.
-καὶ Δαρεῖος δὲ ὁ Ὑστάσπου παρὰ Συλοσῶντος
-λαβὼν ἱμάτιον ἔτι ἰδιώτης ὢν, ὅτε ἐγκρατὴς ἐγένετο
-τῆς βασιλείας, ἔδωκεν αὐτῷ τῆς πατρίδος τὴν ἀρχὴν
-τῆς Σάμου, χρύσεα χαλκείων φαίη τις ἄν.
-</p>
-</div2>
-<div2 type="chapter" n="6">
-<p><milestone unit="para"/> ὅτι ἡνίκα ἐβούλοντο Λακεδαιμόνιοι τὴν Ἀθηναίων
-<pb id="p.63"/>
-ἀφανίσαι πόλιν, ἠρώτησαν τὸν θεόν· καὶ ἀπεκρίνατο
-τὴν κοινὴν ἑστίαν τῆς Ἑλλάδος μὴ κινεῖν.
-</p>
-</div2>
-<div2 type="chapter" n="7">
-<p><milestone unit="para"/>οὐκ ἦν ἄρα τοῖς κακοῖς οὐδὲ τὸ ἀποθανεῖν κέρδος, 
-ἐπεὶ μηδὲ τότε ἀναπαύονται· ἀλλʼ ἢ παντελῶς
-ἀμοιροῦσι ταφῆς, ἢ καὶ ἐὰν φθάσωσι ταφέντες, ὅμως 
-καὶ ἐκ τῆς τελευταίας τιμῆς καὶ τοῦ κοινοῦ πάντων
-σωμάτων ὅρμου καὶ ἐκεῖθεν ἐκπίπτουσι. Λακεδαιμόνιοι
-γοῦν Παυσανίαν μηδίσαντα οὐ μόνον λιμῷ
-ἀπέκτειναν, ἀλλὰ γὰρ καὶ τὸν νεκρὸν ἐξέβαλον αὐτοῦ
-ἐκτὸς τῶν ὅρων, φησὶν Ἐπιτιμίδης. 
-</p>
-</div2>
-<div2 type="chapter" n="8">
-<p><milestone unit="para"/>εἶτα τίς οὐκ οἶδε τὰς τῆς τύχης μεταβολὰς ὀξυρρόπους 
-καὶ ταχείας; Λακεδαιμόνιοι γοῦν Θηβαίων
-ἄρξαντες αὐτοὶ πάλιν ὑπʼ ἐκείνων οὕτως ἐχειρώθησαν,
-ὡς τοὺς Θηβαίους μὴ μόνον ἐς Πελοπόννησον
-ἀφικέσθαι, ἀλλὰ γὰρ καὶ τὸν Εὐρώταν διελθεῖν καὶ 
-τὴν τῶν Λακεδαιμονίων τεμεῖν χώραν. καὶ ὀλίγου
-καὶ τὴν πόλιν κατέλαβον, εἰ μὴ Ἐπαμεινώνδας ἔδεισε
-μὴ Πελοποννήσιοι πάντες συμπνεύσωσι καὶ ὑπὲρ τῆς
-Σπάρτης ἀγωνίσωνται.
-    <milestone unit="para"/>Διονύσιος ὁ τύραννος καταστὰς ὑπὸ Καρχηδονίων 
-ἐς πολιορκίαν, οὐδεμιᾶς αὐτῷ σωτηρίας ὑποφαινομένης,
-αὐτὸς μὲν ἄθυμος ἦν καὶ ὑπενενόει δρασμόν. τῶν
-δὲ ἑταίρων αὐτῷ τις, Ἐλλοπίδης ὄνομα, προσελθὼν
-ἔφατο ʽὦ Διονύσιε, καλὸν ἐντάφιον ἡ τυραννίς.ʼ
-αἰδεσθεὶς οὖν ἐπὶ τούτῳ ἀνερρώσθη τὴν γνώμην, 
-    <milestone unit="para"/>καὶ σὺν ὀλίγοις παμπόλλας μυριάδας κατηγωνίσατο,
-ἀλλὰ καὶ τὴν ἀρχὴν μείζω ἐποίησεν.
-καὶ Ἀμύντας δὲ ὁ Μακεδὼν ἡττηθεὶς ὑπὸ τῶν
-προσοίκων βαρβάρων καὶ ἀποβαλὼν τὴν ἀρχὴν γνώμην
-μὲν εἶχεν ὡς καὶ ἀπολείψων τὴν χώραν τελέως· 
-ἠγάπα γὰρ εἰ δυνηθείη διασῶσαι αὑτὸν γοῦν μόνον.
-ἐπεὶ δὲ ἐν τούτοις ἦν, ἔφατό τις πρὸς αὐτὸν τὴν
-<pb id="p.64"/>
-Ἐλλοπίδου φωνήν. καὶ μικρὸν χῶρον καταλαβὼν καὶ
-ἀθροίσας ὀλίγους στρατιώτας ἀνεκτήσατο τὴν ἀρχήν.
-ὅτι τὸν Ὦχον οἱ Αἰγύπτιοι τῇ ἐπιχωρίῳ φωνῇ
-Ὄνον ἐκάλουν, τὸ νωθὲς αὐτοῦ τῆς γνώμης ἐκ τῆς
-ἀσθενείας τοῦ ζῴου διαβάλλοντες. ἀνθʼ ὧν ἐκεῖνος
-τὸν Ἆπιν πρὸς βίαν κατέθυσεν Ὄνῳ.
-    <milestone unit="para"/>Δίων ὁ Ἱππαρίνου, φυγὰς ὢν ὑπὸ Διονυσίου,
-μετὰ δισχιλίων στρατιωτῶν αὖθις κατεπολέμησε, καὶ
-ὃ πρότερον αὐτὸς ἦν, τοῦτο ἐκεῖνον εἰργάσατο,
-φυγάδα.
-    <milestone unit="para"/>Συρακόσιοι δὲ ἐννέα τριήρεσι πρὸς ἑκατὸν καὶ
-πεντήκοντα τὰς τῶν Καρχηδονίων παραταξάμενοι
-κατὰ πολὺ ἐκράτησαν.
-</p>
-</div2>
-<div2 type="chapter" n="9">
-<p><milestone unit="para"/> Πλάτων ὁ Ἀρίστωνος ἐν Ὀλυμπίᾳ συνεσκήνωσεν
-ἀγνῶσιν ἀνθρώποις, καὶ αὐτὸς ὢν αὐτοῖς ἀγνώς.
-οὕτως δὲ αὐτοὺς ἐχειρώσατο καὶ ἀνεδήσατο τῇ συνουσίᾳ,
-συνεστιώμενός τε αὐτοῖς ἀφελῶς καὶ συνδιημερεύων
-ἐν πᾶσιν, ὡς ὑπερησθῆναι τοὺς ξένους τῇ
-τοῦ ἀνδρὸς συντυχίᾳ. οὔτε δὲ Ἀκαδημείας ἐμέμνητο
-οὔτε Σωκράτους· αὐτό γε μὴν τοῦτο ἐνεφάνισεν αὐτοῖς,
-ὅτι καλεῖται Πλάτων. ἐπεὶ δὲ ἦλθον ἐς τὰς Ἀθήνας,
-ὑπεδέξατο αὐτοὺς εὖ μάλα φιλοφρόνως. καὶ οἱ
-ξένοι ʽἄγἐ εἶπον ʽὦ Πλάτων, ἐπίδειξον ἡμῖν καὶ
-τὸν ὁμώνυμόν σου, τὸν Σωκράτους ὁμιλητήν, καὶ ἐπὶ
-τὴν Ἀκαδήμειαν ἥγησαι τὴν ἐκείνου, καὶ σύστησον
-τῷ ἀνδρί, ἵνα τι καὶ αὐτοῦ ἀπολαύσωμεν.ʼ ὃ δὲ ἠρέμα
-ὑπομειδιάσας, ὥσπερ οὖν καὶ εἰώθει, ʽἀλλʼ ἐγὢ
-φησίν ʽαὐτὸς ἐκεῖνός εἰμι.ʼ οἳ δὲ ἐξεπλάγησαν εἰ τὸν
-ἄνδρα ἔχοντες μεθʼ ἑαυτῶν τὸν τοσοῦτον ἠγνόησαν,
-ἀτύφως αὐτοῦ συγγενομένου καὶ ἀνεπιτηδεύτως αὐτοῖς
-καὶ δείξαντος ὅτι δύναται καὶ ἄνευ τῶν συνήθων
-λόγων χειροῦσθαι τοὺς συνόντας.
-<pb id="p.65"/>
-    <milestone unit="para"/>Ὁ Πλάτων τὸν Ἀριστοτέλη ἐκάλει Πῶλον. τί
-δὲ ἐβούλετο αὐτῷ τὸ ὄνομα ἐκεῖνο; δηλονότι ὡμολόγηται
-τὸν πῶλον, ὅταν κορεσθῇ τοῦ μητρῴου γάλακτος,
-λακτίζειν τὴν μητέρα. ᾐνίττετο οὖν καὶ ὁ Πλάτων
-ἀχαριστίαν τινὰ τοῦ Ἀριστοτέλους. καὶ γὰρ ἐκεῖνος 
-μέγιστα ἐς φιλοσοφίαν παρὰ Πλάτωνος λαβὼν σπέρματα
-καὶ ἐφόδια, εἶτα ὑποπλησθεὶς τῶν ἀρίστων καὶ
-ἀφηνιάσας, ἀντῳκοδόμησεν αὐτῷ διατριβὴν καὶ ἀντιπαρεξήγαγεν
-ἐν τῷ περιπάτῳ ἑταίρους ἔχων καὶ ὁμιλητάς,
-καὶ ἐγλίχετο ἀντίπαλος εἶναι Πλάτωνι. 
-</p>
-</div2>
-<div2 type="chapter" n="10">
-<p><milestone unit="para"/>
-εἶτα οὐκ ἦν τοῦ δήμου τοῦ Ἀθηναίων θεραπευτικὸς 
-ὁ Ξανθίππου Περικλῆς; ἐμοὶ μὲν δοκεῖ. ὁσάκις
-γοῦν ἔμελλεν ἐς τὴν ἐκκλησίαν παριέναι, ηὔχετο μηδὲν
-αὑτῷ ῥῆμα ἐπιπολάσαι τοιοῦτον, ὅπερ οὖν ἔμελλεν
-ἐκτραχύνειν τὸν δῆμον, πρόσαντες αὐτῷ γενόμενον 
-καὶ ἀβούλητον δόξαν.
-</p>
-</div2>
-<div2 type="chapter" n="11">
-<p><milestone unit="para"/>Διογένης ἔλεγε καὶ τὸν Σωκράτην αὐτὸν τρυφῆσαι· 
-περιειργάσθαι γὰρ καὶ τῷ οἰκιδίῳ καὶ τῷ σκιμποδίῳ
-καὶ ταῖς βλαύταις δὲ αἷσπερ οὖν ἐχρῆτο Σωκράτης
-ἔστιν ὅτε. 
-</p>
-</div2>
-<div2 type="chapter" n="12">
-<p><milestone unit="para"/>ὁ Ζεῦξις ὁ Ἡρακλεώτης ὅτε τὴν Ἑλένην ἔγραψε, 
-πολλὰ ἐχρηματίσατο ἐκ τούτου τοῦ γράμματος· οὐ
-γὰρ εἰκῇ καὶ ὡς ἔτυχε τοὺς βουλομένους ἀνέδην εἴα
-ὁρᾶν αὐτήν, ἀλλʼ ἔδει ῥητὸν ἀργύριον καταβαλεῖν,
-εἶτα οὕτω θεάσασθαι. ὡς οὖν μίσθωμα τοῦ Ἡρακλεώτου 
-λαμβάνοντος ὑπὲρ τῆς γραφῆς, ἐκάλουν οἱ
-τότε Ἕλληνες ἐκείνην τὴν Ἑλένην Ἑταίραν.
-</p>
-</div2>
-<div2 type="chapter" n="13">
-<p><milestone unit="para"/>Ἐπίκουρος ὁ Γαργήττιος ἐκεκράγει λέγων ʽᾧ ὀλίγον 
-οὐχ ἱκανόν, ἀλλὰ τούτῳ γε οὐδὲν ἱκανόν.ʼ ἔλεγε
-δὲ ἑτοίμως ἔχειν καὶ τῷ Διὶ ὑπὲρ εὐδαιμονίας διαγωνίζεσθαι, 
-μάζαν ἔχων καὶ ὕδωρ. ταῦτα μὲν οὖν ἐννοῶν
-<pb id="p.66"/>
-ὁ Ἐπίκουρος τί βουλόμενος ἐπῄνει τὴν ἡδονήν,
-εἰσόμεθα ἄλλοτε.
-</p>
-</div2>
-<div2 type="chapter" n="14">
-<p><milestone unit="para"/> πολλάκις τὰ κατʼ ὀβολὸν μετὰ πολλῶν πόνων
-συναχθέντα χρήματα κατὰ τὸνʼ Αρχίλοχον εἰς πόρνης
-γυναικὸς ἔντερον καταρρέει. ὥσπερ γὰρ
-ἐχῖνον λαβεῖν μὲν ῥᾴδιον συνέχειν δὲ χαλεπόν, οὕτω
-καὶ τὰ χρήματα. καὶ Ἀναξαγόρας ἐν τῷ περὶ βασιλείας
-φησὶ χαλεπὸν χρήματα συναγείρασθαι, χαλεπώτερον
-δὲ φυλακὴν τούτοις περιθεῖναι.
-</p>
-</div2>
-<div2 type="chapter" n="15">
-<p><milestone unit="para"/> Ἱέρωνά φασι τὸν Σικελίας τύραννον τὰ πρῶτα
-ἰδιώτην εἶναι καὶ ἀνθρώπων ἀμουσότατον, καὶ τὴν
-ἀγροικίαν ἀλλὰ μηδὲ κατʼ ὀλίγον τοῦ ἀδελφοῦ διαφέρειν
-τοῦ Γέλωνος· ἐπεὶ δὲ αὐτῷ συνηνέχθη νοσῆσαι,
-μουσικώτατος ἀνθρώπων ἐγένετο, τὴν σχολὴν τὴν ἐκ
-τῆς ἀρρωστίας ἐς ἀκούσματα πεπαιδευμένα καταθέμενος.
-ῥωσθεὶς οὖν Ἱέρων συνῆν Σιμωνίδῃ τῷ Κείῳ
-καὶ Πινδάρῳ τῷ Θηβαίῳ καὶ Βακχυλίδῃ τῷ Ἰουλιήτῃ.
-ὁ δὲ Γέλων ἄνθρωπος ἄμουσος.
-    <milestone unit="para"/>μουσικώτατον δὲ λέγουσι καὶ Πτολεμαῖον γενέσθαι
-τὸν δεύτερον καὶ αὐτὸν νοσήσαντα. λέγει δὲ καὶ
-Πλάτων τὸν Θεάγην φιλοσοφῆσαι διʼ οὐδὲν ἄλλο ἢ
-διὰ τὴν νοσοτροφίαν· εἴργουσα γὰρ αὐτὸν ἐκείνη τῶν
-πολιτικῶν συνήλασεν ἐς τὸν τῆς σοφίας ἔρωτα. τίς
-δὲ οὐκ ἂν νοῦν ἔχων συνηύξατο καὶ Ἀλκιβιάδῃ νόσον
-καὶ Κριτίᾳ καὶ Παυσανίᾳ τῷ Λακεδαιμονίῳ καὶ ἄλλοις;
-Ἀλκιβιάδῃ μὲν καὶ Κριτίᾳ, ἵνα μὴ ἀποδράντες Σωκράτους
-ὃ μὲν ὑβριστὴς γένηται καὶ ποτὲ μὲν φιλολάκων,
-ποτὲ δὲ βοιωτιάζῃ τὸν τρόπον καὶ αὖ πάλιν θετταλίζῃ
-καὶ τοῖς Μήδων καὶ Περσῶν ἀρέσκηται ἐν Φαρναβάζου
-γενόμενος· τυραννικώτατος δὲ καὶ φονικώτατος
-ὁ Κριτίας γενόμενος καὶ τὴν πατρίδα ἐλύπησε πολλὰ
-καὶ αὐτὸς μισούμενος τὸν βίον κατέστρεψε.
-<pb id="p.67"/>
-    <milestone unit="para"/>Καὶ Στράτων δὲ ὁ Κορράγου ἐς δέον ἔοικε νοσῆσαι·
-εὖ γὰρ γένους ἥκων εὖ δὲ καὶ πλούτου οὐκ
-ἐγυμνάζετο. καμὼν δὲ τὸν σπλῆνα καὶ θεραπείας
-δεηθεὶς τῆς ἐκ τῶν γυμνασίων, τὰ μὲν πρῶτα ὅσον
-ἐς τὸ ὑγιᾶναι ἐχρῆτο αὐτοῖς· χωρῶν δὲ ἐς τὸ πρόσω 
-τῆς τέχνης καὶ ἐν ἔργῳ τιθέμενος αὐτήν, Ὀλυμπίασι
-μὲν ἐνίκησεν ἡμέρᾳ μιᾷ πάλην καὶ παγκράτιον, καὶ
-τῇ ἑξῆς Ὀλυμπιάδι, καὶ ἐν Νεμέᾳ δέ, καὶ Πυθοῖ καὶ Ἰσθμοῖ.
-    <milestone unit="para"/>Δημοκράτης ὁ παλαιστὴς καὶ αὐτὸς νοσήσας τοὺς 
-πόδας, παριὼν ἐς τοὺς ἀγῶνας καὶ στὰς ἐν τῷ σταδίῳ,
-περιγράφων ἑαυτῷ κύκλον προσέταττε τοῖς ἀντιπαλαισταῖς
-ἔξω τῆς γραμμῆς αὐτὸν προέλκειν· οἳ
-δὲ ἡττῶντο ἀδυνατοῦντες. ὃ δὲ εὖ διαβὰς ἐν τῇ στάσει
-καὶ ἐγκρατῶς, στεφανούμενος ἀπῄει. 
-</p>
-</div2>
-<div2 type="chapter" n="16">
-<p><milestone unit="para"/>ἐὰν προσέχῃ τις Καλλίᾳ, φιλοπότην αὐτὸν ἐργάσεται 
-ὁ Καλλίας· ἐὰν Ἰσμηνίᾳ, αὐλητήν· ἀλαζόνα,
-ἐὰν Ἀλκιβιάδῃ· ὀψοποιόν, ἐὰν Κρωβύλῳ· δεινὸν
-εἰπεῖν, ἐὰν Δημοσθένει· στρατηγικόν, ἐὰν Ἐπαμεινώνδᾳ·
-μεγαλόφρονα, ἐὰν Ἀγησιλάῳ· χρηστόν, ἐὰν 
-Φωκίωνι· δίκαιον, ἐὰν Ἀριστείδῃ· σοφόν, ἐὰν Σωκράτει.
-</p>
-</div2>
-<div2 type="chapter" n="17">
-<p><milestone unit="para"/>ἐδίδασκε Πυθαγόρας τοὺς ἀνθρώπους ὅτι κρειττόνων 
-γεγένηται σπερμάτων ἢ κατὰ τὴν φύσιν τὴν
-θνητήν· τῆς γὰρ αὐτῆς ἡμέρας καὶ κατὰ τὴν αὐτὴν 
-ὥραν ὤφθη ἐν Μεταποντίῳ φασὶ καὶ ἐν Κρότωνι.
-καὶ ἐν Ὀλυμπίᾳ δὲ παρέφηνε χρυσοῦν τὸν ἕτερον τῶν
-μηρῶν. καὶ Μυλλίαν δὲ τὸν Κροτωνιάτην ὑπέμνησεν
-ὅτι Μίδας ὁ Γορδίου ἐστὶν ὁ Φρύξ. καὶ τὸν ἀετὸν
-δὲ τὸν λευκὸν κατέψησεν ὑπομείναντα αὐτόν. ἀλλὰ 
-καὶ ὑπὸ τοῦ Κόσα τοῦ ποταμοῦ διαβαίνων προσερρήθη,
-τοῦ ποταμοῦ εἰπόντος αὐτῷ ʽχαῖρε, Πυθαγόρα.ʼ
-<pb id="p.68"/>
-    <milestone unit="para"/>Ἔλεγε δὲ ἱερώτατον εἶναι τὸ τῆς μαλάχης φύλλον.
-ἔλεγε δὲ ὅτι πάντων σοφώτατον ὁ ἀριθμός, δεύτερος
-δὲ ὁ τοῖς πράγμασι τὰ ὀνόματα θέμενος. καὶ
-τὸν σεισμὸν ἐγενεαλόγει οὐδὲν ἄλλο εἶναι ἢ σύνοδον
-τῶν τεθνεώτων. ἡ δὲ Ἶρις, ἔφασκεν, ὡς αὐγὴ τοῦ
-ἡλίου ἐστί. καὶ ὁ πολλάκις ἐμπίπτων τοῖς ὠσὶν
-ἦχος φωνὴ τῶν κρειττόνων. οὐχ οἷόν τε δὲ ἦν διαπορῆσαι
-ὑπέρ τινος αὐτῷ ἢ τοῖς λεχθεῖσί τι προσερωτῆσαι,
-ἀλλʼ ὡς χρησμῷ θείῳ, οὕτως οἱ τότε προσεῖχον
-τοῖς λεγομένοις ὑπʼ αὐτοῦ. ἐπιστρεφομένου
-δὲ τὰς πόλεις αὐτοῦ διέρρει λόγος ὅτι Πυθαγόρας
-ἀφίκετο οὐ διδάξων ἀλλʼ ἰατρεύσων.
-    <milestone unit="para"/>προσέταττε δὲ ὁ αὐτὸς Πυθαγόρας καρδίας ἀπέχεσθαι
-καὶ ἀλεκτρυόνος λευκοῦ καὶ τῶν θνησειδίων
-παντὸς μᾶλλον, καὶ μὴ χρῆσθαι βαλανείῳ μηδὲ βαδίζειν
-τὰς λεωφόρους· ἄδηλον γὰρ εἰ καθαρεύουσι
-καὶ αὐτὰ ἐκεῖνα.
-</p>
-</div2>
-<div2 type="chapter" n="18">
-<p><milestone unit="para"/> ὅτε κατῆλθε Πλάτων ἐν Σικελίᾳ κλητός, πολλὰ
-ἐπὶ πολλοῖς ἐπιστείλαντος τοῦ Διονυσίου, καὶ ἀνήγαγεν
-αὐτὸν ἐπὶ τὸ ἅρμα ὁ Διονύσιος, αὐτὸς μὲν ἡνιοχῶν,
-παραιβάτην δὲ ποιησάμενος τὸν Ἀρίστωνος,
-τότε δή φασι Συρακόσιον ἄνδρα χαρίεντα καὶ τῶν
-Ὁμήρου μὴ ἀπαίδευτον, ἡσθέντα τῇ ὄψει ταύτῃ
-ἐπειπεῖν τὰ ἐξ Ἰλιάδος ἐκεῖνα, παρατρέψαντα ὀλίγον
-<quote rend="blockquote">
-<lb/>μέγα δʼ ἔβραχε φήγινος ἄξων
-<lb/>βριθοσύνῃ· δεινὸν γὰρ ἄγεν βροτὸν ἄνδρα τʼ ἄριστον.
-</quote>
-    <milestone unit="para"/>ὅτι ὑπόπτης ὢν ἐς πάντας ὁ Διονύσιος, ὅμως
-ἐς Πλάτωνα τοσαύτην ἔσχεν αἰδῶ, ὡς ἐκεῖνον μόνον
-ἐσιέναι πρὸς αὐτὸν μὴ ἐρευνώμενον, καίτοι Δίωνος
-αὐτὸν ἐπιστάμενος ἑταῖρον ἐς τὰ ἔσχατα εἶναι.
-</p>
-</div2>
-<div2 type="chapter" n="19">
-<p><milestone unit="para"/> Φίλιππος ὁ Μακεδὼν οὐ μόνον ἐλέγετο τὰ πολέμια
-<pb id="p.69"/>
-εἶναι ἀγαθὸς καὶ εἰπεῖν δεινός, ἀλλὰ καὶ παιδείαν
-ἀνδρειότατα ἐτίμα. Ἀριστοτέλει γοῦν χορηγήσας
-πλοῦτον ἀνενδεῆ, αἴτιος γέγονε πολλῆς καὶ ἄλλης πολυπειρίας,
-ἀτὰρ οὖν καὶ τῆς γνώσεως τῆς κατὰ τὰ
-ζῷα· καὶ τὴν ἱστορίαν αὐτῶν ὁ τοῦ Νικομάχου διὰ 
-τὴν ἐκ Φιλίππου περιουσίαν ἐκαρπώσατο. καὶ Πλάτωνα
-δὲ ἐτίμησε καὶ Θεόφραστον.
-</p>
-</div2>
-<div2 type="chapter" n="20">
-<p><milestone unit="para"/>Δημόκριτον τὸν Ἀβδηρίτην λόγος ἔχει τά τε ἄλλα 
-γενέσθαι σοφὸν καὶ δὴ καὶ ἐπιθυμῆσαι λαθεῖν, καὶ ἐν
-ἔργῳ θέσθαι πάνυ σφόδρα τοῦτο. διὰ ταῦτά τοι καὶ 
-πολλὴν ἐπῄει γῆν. ἧκεν οὖν καὶ πρὸς τοὺς Χαλδαίους
-ἐς Βαβυλῶνα καὶ πρὸς τοὺς μάγους καὶ τοὺς
-σοφιστὰς τῶν Ἰνδῶν. τὴν παρὰ τοῦ Δαμασίππου
-τοῦ πατρὸς οὐσίαν ἐς τρία μέρη νεμηθεῖσαν τοῖς ἀδελφοῖς
-τοῖς τρισί, τἀργύριον μόνον λαβὼν ἐφόδιον τῆς 
-ὀδοῦ, τὰ λοιπὰ τοῖς ἀδελφοῖς εἴασε. διὰ ταῦτά τοι
-καὶ Θεόφραστος αὐτὸν ἐπῄνει, ὅτι περιῄει κρείττονα
-ἀγερμὸν ἀγείρων Μενέλεω καὶ Ὀδυσσέως. ἐκεῖνοι
-μὲν γὰρ ἠλῶντο, αὐτόχρημα Φοινίκων ἐμπόρων μηδὲν
-διαφέροντες· χρήματα γὰρ ἤθροιζον, καὶ τῆς περιόδου 
-καὶ τοῦ περίπλου ταύτην εἶχον τὴν πρόφασιν.
-    <milestone unit="para"/>ὅτι οί Ἀβδηρῖται ἐκάλουν τὸν Δημόκριτον Φιλοσοφίαν,
-τὸν δὲ Πρωταγόραν Λόγον. κατεγέλα δὲ
-πάντων ὁ Δημόκριτος καὶ ἔλεγεν αὐτοὺς μαίνεσθαι·
-ὅθεν καὶ Γελασῖνον αὐτὸν ἐκάλουν οἱ πολῖται. λέγουσι 
-δὲ οἱ αὐτοὶ τὸν Ἱπποκράτην περὶ τὴν πρώτην ἔντευξιν
-ὑπὲρ τοῦ Δημοκρίτου δόξαν λαβεῖν ὡς μαινομένου·
-προϊούσης δὲ αὐτὁ??ʼς τῆς συνουσίας ἐς ὑπερβολὴν
-θαυμάσαι τὸν ἄνδρα. λέγουσι δὲ Δωριέα ὄντα τὸν
-Ἱπποκράτην ἀλλʼ οὖν τὴν τοῦ Δημοκρίτου χάριν τῇ 
-Ἰάδι φωνῇ συγγράψαι τὰ συγγράμματα.
-</p>
-</div2>
-<div2 type="chapter" n="21">
-<p><milestone unit="para"/>ὅτι παιδικὰ ἐγένετο Σωκράτους μὲν Ἀλκιβιάδης, 
-<pb id="p.70"/>
-Πλάτωνος δὲ Δίων. ὁ μέντοι Δίων καὶ ἀπώνητό τι
-τοῦ ἐραστοῦ.
-</p>
-</div2>
-<div2 type="chapter" n="22">
-<p><milestone unit="para"/> οἱ πάλαι Ἀθηναῖοι ἁλουργῆ μὲν ἠμπείχοντο ἱμάτια,
-ποικίλους δὲ ἐνέδυνον χιτῶνας· κορύμβους δὲ
-ἀναδούμενοι τῶν ἐν τῇ κεφαλῇ τριχῶν, χρυσοῦς ἐνείροντες
-αὐταῖς τέττιγας καὶ κόσμον ἄλλον πρόσθετον
-περιαπτόμενοι χρυσοῦ προῄεσαν. καὶ ὀκλαδίας αὐτοῖς
-δίφρους οἱ παῖδες ὑπέφερον, ἵνα μὴ καθίζωσιν ἑαυτοὺς
-εἰκῇ καὶ ὡς ἔτυχε. τοιοῦτοι δὲ ὄντες τὴν ἐν
-Μαραθῶνι μάχην ἐνίκησαν.
-</p>
-</div2>
-<div2 type="chapter" n="23">
-<p><milestone unit="para"/> ὅτι Περικλέα καὶ Καλλίαν τὸν Ἱππονίκου καὶ
-Νικίαν τὸν Περγασῆθεν τὸ ἀσωτεύεσθαι καὶ ὁ πρὸς
-ἡδονὴν βίος ἐς ἀπορίαν περιέστησεν· ἐπεὶ γὰρ ἐπέλιπε
-τὰ χρήματα αὐτούς, οἱ τρεῖς κώνειον τελευταίαν πρόποσιν
-ἀλλήλοις προπιόντες ὥσπερ οὖν ἐκ συμποσίου ἀπελύσαντο.
-</p>
-</div2>
-<div2 type="chapter" n="24">
-<p><milestone unit="para"/> Αεωπρέπης ὁ Κεῖος ὁ τοῦ Σιμωνίδου πατὴρ ἔτυχέ
-ποτε ἐν παλαίστρᾳ καθήμενος· εἶτα μειράκια πρὸς
-ἀλλήλους οἰκείως διακείμενα ἤρετο τὸν ἄνδρα πῶς ἂν
-αὐτοῖς ἡ φιλία διαμένοι μάλιστα. ὃ δὲ εἶπεν ʽἐὰν
-ταῖς ἀλλήλων ὀργαῖς ἐξίστασθε καὶ μὴ ὁμόσε χωροῦντες
-τῷ θυμῷ, εἶτα παροξύνητε ἀλλήλους κατʼ ἀλλήλων.ʼ
-</p>
-</div2>
-<div2 type="chapter" n="25">
-<p><milestone unit="para"/> Θράσυλλος ὁ Αἰξωνεὺς παράδοξον καὶ καινὴν
-ἐνόσησε μανίαν. ἀπολιπὼν γὰρ τὸ ἄστυ καὶ κατελθὼν
-ἐς τὸν Πειραιᾶ καὶ ἐνταῦθα οἰκῶν τὰ πλοῖα τὰ
-καταίροντα ἐν αὐτῷ πάντα ἑαυτοῦ ἐνόμιζεν εἶναι, καὶ
-ἀπεγράφετο αὐτὰ καὶ αὖ πάλιν ἐξέπεμπε καὶ τοῖς περισωζομένοις
-καὶ ἐσιοῦσιν ἐς τὸν λιμένα ὑπερέχαιρε·
-χρόνους δὲ διετέλεσε πολλοὺς συνοικῶν τῷ ἀρρωστήματι
-τούτῳ. ἐκ Σικελίας δὲ ἀναχθεὶς ὁ ἀδελφὸς αὐτοῦ
-παρέδωκεν αὐτὸν ἰατρῷ ἰάσασθαι, καὶ ἔπαυσεν
-<pb id="p.71"/>
-αὐτὸν τῆς νόσου οὗτος. ἐμέμνητο δὲ πολλάκις τῆς ἐν
-μανίᾳ διατριβῆς, καὶ ἔλεγε μηδέποτε ἡσθῆναι τοσοῦτον,
-ὅσον τότε ἥδετο ἐπὶ ταῖς μηδὲν αὐτῷ προσηκούσαις
-ναυσὶν ἀποσωζομέναις.
-</p>
-</div2>
-<div2 type="chapter" n="26">
-<p><milestone unit="para"/>Ξάνθος ὁ ποιητὴς τῶν μελῶν ʽἐγένετο δὲ οὗτος 
-πρεσβύτερος Στησιχόρου τοῦ Ἱμεραίοὐ λέγει τὴν
-Ἠλέκτραν τοῦ Ἀγαμέμνονος οὐ τοῦτο ἔχειν τοὔνομα
-πρῶτον ἀλλὰ Λαοδίκην. ἐπεὶ δὲ Ἀγαμέμνων ἀνῃρέθη,
-τὴν δὲ Κλυταιμνήστραν ὁ Αἴγισθος ἔγημε καὶ
-ἐβασίλευσεν, ἄλεκτρον οὖσαν καὶ καταγηρῶσαν παρθένον 
-Ἀργεῖοι Ἠλέκτραν ἐκάλεσαν διὰ τὸ ἀμοιρεῖν
-ἀνδρὸς καὶ μὴ πεπειρᾶσθαι λέκτρου.
-</p>
-</div2>
-<div2 type="chapter" n="27">
-<p><milestone unit="para"/>ὅτι Παμφάης ὁ Πριηνεὺς Κροίσῳ τῷ Λυδῷ, τοῦ 
-πατρὸς αὐτοῦ περιόντος, τριάκοντα μνᾶς ἐδωρήσατο.
-παραλαβὼν δὲ τὴν ἀρχὴν μεστὴν ἅμαξαν ἀργυρίου 
-ἀπέπεμψεν αὐτῷ.
-<quote rend="blockquote"><l>ὅτι Διογένης λαβὼν παρὰ Διοτίμου τοῦ Καρυστίου
-νόμισμα ὀλίγον ἔφη</l>
-<l>σοὶ δὲ θεοὶ τόσα δοῖεν ὅσα φρεσὶ σῇσι μενοινᾷς,</l>
-<l>ἄνδρα τε καὶ οἶκον.</l></quote> 
-ἐδόκει δέ πως ὁ Διότιμος μαλθακώτερος εἶναι.
-</p>
-</div2>
-<div2 type="chapter" n="28">
-<p><milestone unit="para"/>Φερεκύδης ὁ Σύριος τὸν βίον ἀλγεινότατα ἀνθρώπων 
-κατέστρεψε, τοῦ παντὸς αὐτῷ σώματος ὑπὸ
-φθειρῶν ἀναλωθέντος· καὶ γενομένης αὐτῷ αἰσχρᾶς
-τῆς ὄψεως τὴν ἐκ τῶν συνήθων ἐξέκλινε συνουσίαν. 
-ὁπότε δέ τις προσελθὼν ἐπυνθάνετο ὅπως διάγοι,
-διὰ τῆς ὀπῆς τῆς κατὰ τὴν θύραν διείρας τὸν δάκτυλον
-ψιλὸν γεγονότα τῆς σαρκὸς ἐπέλεγεν οὕτω διακεῖσθαι
-καὶ τὸ πᾶν αὐτοῦ σῶμα. λέγουσι δὲ Δηλίων
-παῖδες τὸν θεὸν τὸν ἐν Δήλῳ μηνίσαντα αὐτῷ τοῦτο 
-ποιῆσαι. καθήμενον γὰρ ἐν Δήλῳ μετὰ τῶν μαθητῶν
-ἄλλα τε πολλά φασι περὶ τῆς ἑαυτοῦ σοφίας εἰπεῖν
-<pb id="p.72"/>
-καὶ δὴ καὶ τοῦτο, μηδενὶ τῶν θεῶν θῦσαι, καὶ ὅμως
-οὐδὲν ἧττον ἡδέως βεβιωκέναι καὶ ἀλύπως, οὐ μεῖον
-τῶν ἑκατόμβας καταθυόντων. ὑπὲρ ταύτης οὖν τῆς
-κουφολογίας βαρυτάτην ζημίαν ἐξέτισεν.
-</p>
-</div2>
-<div2 type="chapter" n="29">
-<p><milestone unit="para"/> οὐ γὰρ δὴ δύναμαι πείθειν ἐμαυτὸν μὴ γελᾶν
-ἐπʼ Ἀλεξάνδρῳ τῷ Φιλίππου, εἴ γε ἀπείρους ἀκούων
-εἶναί τινας κόσμους λέγοντος Δημοκρίτου ἐν τοῖς συγγράμμασιν
-ὃ δὲ ἠνιᾶτο μηδὲ τοῦ ἑνὸς καὶ κοινοῦ κρατῶν.
-πόσον δʼ ἂν ἐπʼ αὐτῷ Δημόκριτος ἐγέλασεν
-αὐτός, τί δεῖ καὶ λέγειν, ᾧ ἔργον τοῦτο ἦν;</p>
-</div2>
-</div1>
-<div1 type="book" n="5">
-<div2 type="chapter" n="1">
-<p><milestone unit="para"/>
-ταχὼς ὁ Αἰγύπτιος ἕως μὲν ἐχρῆτο τῇ ἐπιχωρίῳ
-διαίτῃ καὶ εὐτελῶς διεβίω, ὑγιεινότατα ἀνθρώπων
-διῆγεν· ἐπεὶ δὲ ἐς Πέρσας ἀφίκετο καὶ ἐς τὴν ἐκείνων
-τρυφὴν ἐξέπεσε, τὸ ἄηθες τῶν σιτίων οὐκ ἐνεγκών,
-ὑπὸ δυσεντερίας τὸν βίον κατέστρεψε, τῆς
-τρυφῆς ἀλλαξάμενος θάνατον.
-</p>
-</div2>
-<div2 type="chapter" n="2">
-<p><milestone unit="para"/> ὅτι Φερεκύδης ὁ Πυθαγόρου διδάσκαλος ἐμπεσὼν
-ἐς τὴν ἀρρωστίαν πρῶτον μὲν ἵδρου ἱδρῶτα θερμὸν
-ἰξώδη ὅμοιον ὡς μύξαις, ὕστερον δὲ θηριώδη,
-μετὰ δὲ ἐφθειρίασε. καὶ διαλυομένων τῶν σαρκῶν
-ἐς τοὺς φθεῖρας ἐπεγένετο τῆξις, καὶ οὕτω τὸν βίον μετήλλαξεν.
-</p>
-</div2>
-<div2 type="chapter" n="3">
-<p><milestone unit="para"/> Ἀριστοτέλης τὰς νῦν Ἡρακλείους στήλας καλουμένας,
-πρὶν ἢ κληθῆναι τοῦτο, φησὶ Βριάρεω καλεῖσθαι
-αὐτάς· ἐπεὶ δʼ ἐκάθηρε γῆν καὶ θάλατταν Ἡρακλῆς
-καὶ ἀναμφιλόγως εὐεργέτης ἐγένετο τῶν ἀνθρώπων,
-<pb id="p.73"/>
-τιμῶντες αὐτὸν τὴν μὲν Βριάρεω μνήμην παρʼ οὐδὲν
-ἐποιήσαντο, Ἡρακλείους δὲ προσηγόρευσαν.
-</p>
-</div2>
-<div2 type="chapter" n="4">
-<p><milestone unit="para"/>ὅτι ἀναθῆλαι λόγος ἐστὶ Δήλιος φυτὰ ἐν Δήλῳ 
-ἐλαίαν καὶ φοίνικα, ὧν ἁψαμένην τὴν Λητὼ εὐθὺς
-ἀποκυῆσαι, τέως οὐ δυναμένην τοῦτο δρᾶσαι. 
-</p>
-</div2>
-<div2 type="chapter" n="5">
-<p><milestone unit="para"/>
-Ἐπαμεινώνδας ἕνα εἶχε τρίβωνα, καὶ αὐτὸν ῥυπῶντα· 
-εἴ ποτε δὲ αὐτὸν ἔδωκεν ἐς γναφεῖον, αὐτὸς
-ὑπέμενεν οἴκοι διʼ ἀπορίαν ἑτέρου. ἐν δὴ τούτοις τῆς
-περιουσίας ὤν, τοῦ Περσῶν βασιλέως πέμψαντος
-αὐτῷ πολὺ χρυσίον, οὐ προσήκατο· καὶ εἴ τι ἐγὼ 
-νοῶ, μεγαλοφρονέστερος ἦν τοῦ διδόντος ὁ μὴ λαβών.
-</p>
-</div2>
-<div2 type="chapter" n="6">
-<p><milestone unit="para"/>ἄξιον δὲ καὶ τὸ Καλανοῦ τοῦ Ἰνδοῦ τέλος ἐπαινέσαι· 
-ἄλλος δʼ ἂν εἶπεν ὅτι καὶ ἀγασθῆναι. ἐγένετο
-δὲ τοιοῦτον. Καλανὸς ὁ Ἰνδῶν σοφιστὴς μακρὰ χαίρειν
-φράσας Ἀλεξάνδρῳ καὶ Μακεδόσι καὶ τῷ βίῳ, 
-ὅτε ἐβουλήθη ἀπολῦσαι αὑτὸν ἐκ τῶν τοῦ σώματος
-δεσμῶν, ἐνένηστο μὲν ἡ πυρὰ ἐν τῷ καλλίστῳ προαστείῳ
-τῆς Βαβυλῶνος, καὶ ἦν τὰ ξύλα αὖα καὶ πρὸς
-εὐωδίαν εὖ μάλα ἐπίλεκτα κέδρου καὶ θύου καὶ κυπαρίττου
-καὶ μυρσίνης καὶ δάφνης· αὐτὸς δὲ γυμνασάμενος 
-γυμνάσιον τὸ εἰωθός ʽἦν δὲ αὐτὸ δρόμοσʼ,
-ἀνελθὼν ἐπὶ μέσης τῆς πυρᾶς ἔστη ἐστεφανωμένος
-καλάμου κόμῃ. καὶ ὁ μὲν ἥλιος αὐτὸν προσέβαλλεν,
-ὃ δὲ αὐτὸν προσεκύνει, καὶ τοῦτο ἦν τὸ σύνθημα
-ἐς τὸ ἐξάπτειν τὴν πυρὰν τοῖς Μακεδόσι. καὶ τὸ 
-μὲν δέδρατο, ὃ δὲ περιληφθεὶς ὑπὸ τῆς φλογὸς ἀτρέπτως
-εἱστήκει, καὶ οὐ πρότερον ἀνετράπη πρὶν ἢ
-διελύθη. ἐνταῦθά φασιν ἐκπλαγῆναι καὶ τὸν Ἀλέξανδρον
-καὶ εἰπεῖν ὅτι μείζονας ἀντιπάλους αὐτοῦ
-Καλανὸς κατηγωνίσατο. ὃ μὲν γὰρ πρὸς Πῶρον καὶ 
-Ταξίλην καὶ Δαρεῖον διήθλησεν, ὁ δὲ Καλανὸς πρὸς
-τὸν πόνον καὶ τὸν θάνατον.
-<pb id="p.74"/>
-</p>
-</div2>
-<div2 type="chapter" n="7">
-<p><milestone unit="para"/> οἱ μὲν Σκύθαι περὶ τὴν ἑαυτῶν πλανῶνται·
-Ἀνάχαρσις δὲ ἅτε ἀνὴρ σοφὸς καὶ περαιτέρω προήγαγε
-τὴν πλάνην. ἧκε γοῦν ἐς τὴν Ἑλλάδα, καὶ ὁ
-Σόλων ἐθαύμασεν αὐτόν.
-</p>
-</div2>
-<div2 type="chapter" n="8">
-<p><milestone unit="para"/> τὰ σκώμματα καὶ αἱ λοιδορίαι οὐδέν μοι δοκεῖ
-δύνασθαι. ἐὰν γὰρ στερεᾶς γνώμης λάβηται, καταλέλυται·
-ἐὰν δὲ ἀγεννοῦς καὶ ταπεινῆς, ἴσχυσε καὶ οὐ
-μόνον ἐλύπησε πολλάκις, ἀλλὰ καὶ ἀπέκτεινε. τούτων
-ἀπόδειξις ἐκεῖνα ἔστω, Σωκράτης μὲν κωμῳδούμενος
-ἐγέλα, Πολίαγρος δὲ ἀπήγξατο.
-</p>
-</div2>
-<div2 type="chapter" n="9">
-<p><milestone unit="para"/> Ἀριστοτέλης ἀσωτευσάμενος τὰ ἐκ τοῦ πατρὸς
-χρήματα ὥρμησεν ἐπὶ στρατείαν, εἶτα ἀπαλλάττων
-κακῶς ἐν τούτῳ φαρμακοπώλης ἀνεφάνη. παρεσρυεὶς
-δὲ ἐς τὸν Περίπατον καὶ παρακούων τῶν λόγων, ἀμείνων
-πεφυκὼς πολλῶν εἶτα ἕξιν περιεβάλετο, ἣν μετὰ
-ταῦτα ἐκτήσατο.
-</p>
-</div2>
-<div2 type="chapter" n="10">
-<p><milestone unit="para"/> νηίτην στόλον Ἀθηναῖοι εἰργάζοντο ἑαυτοῖς ἀεὶ
-φιλοπόνως. κατὰ χρόνους δὲ τὰ μὲν κατορθοῦντες
-τὰ δὲ ἡττώμενοι ἀπώλεσαν τριήρεις μὲν ἐν Αἰγύπτῳ
-διακοσίας σὺν τοῖς πληρώμασι, περὶ Κύπρον δὲ πεντήκοντα
-καὶ ἑκατόν, ἐν Σικελίᾳ τετταράκοντα καὶ
-διακοσίας, ἐν δὲ Ἑλλησπόντῳ διακοσίας. ὁπλῖται δὲ
-ἀπώλοντο αὐτοῖς ἐν Σικελίᾳ μυριάδες τέτταρες, χίλιοι
-δὲ ἐν Χαιρωνείᾳ.
-</p>
-</div2>
-<div2 type="chapter" n="11">
-<p><milestone unit="para"/> ὁ Θρᾳκῶν βασιλεὺς ʽτὸ δὲ ὄνομα λεγέτω ἄλλοσʼ,
-ὅτε ὁ Ξέρξης ἐπὶ τὴν Ἑλλάδα ἐστράτευσεν, ἐς Ῥοδόπην
-τὸ ὄρος ἀπέδρα, τοῖς δὲ ἓξ παισὶν αὑτοῦ συνεβούλευε
-μὴ στρατεύειν ἐπὶ τὴν Ἑλλάδα. οἳ δὲ οὐκ
-ἐπείσθησαν· ὑποστρέψαντας δὲ αὐτοὺς πάντας ἐξετύφλωσε,
-μὴ ποιήσας Ἑλληνικά.
-</p>
-</div2>
-<div2 type="chapter" n="12">
-<p><milestone unit="para"/> οὐ δύναμαι δὲ Ἀθηναίων μὴ οὐ φιλεῖν ταῦτα.
-ἐκκλησίας οὔσης Ἀθηναίοις παρελθὼν ὁ Δημάδης
-<pb id="p.75"/>
-ἐψηφίσατο θεὸν τὸν Ἀλέξανδρον τρισκαιδέκατον. τῆς
-δὲ ἀσεβείας ὁ δῆμος τὸ ὑπερβάλλον μὴ ἐνεγκών,
-ζημίαν ἐτιμήσαντο τῷ Δημάδῃ ταλάντων ἑκατόν,
-ὅτι θνητὸν δὴ τὸν Ἀλέξανδρον ὄντα ἐνέγραψε τοῖς
-Ὀλυμπίοις. 
-</p>
-</div2>
-<div2 type="chapter" n="13">
-<p><milestone unit="para"/>Ἠσαν δὲ ἄρα Ἀθηναῖοι δεινῶς ἐς τὰς πολιτείας 
-εὐτράπελοι καὶ ἐπιτήδειοι πρὸς τὰς μεταβολὰς παντὸς
-μᾶλλον. βασιλείαν μὲν γὰρ ἤνεγκαν σωφρόνως ἐπὶ
-Κέκροπος καὶ Ἐρεχθέως καὶ Θησέως καὶ τῶν Κοδριδῶν
-κάτω, τυραννίδος δὲ ἐπειράθησαν ἐπὶ τῶν Πεισιστρατιδῶν, 
-ἀριστοκρατίᾳ δὲ ἐχρήσαντο μέχρι τῶν
-τετρακοσίων· εἶτα ὕστερον δέκα τῶν πολιτῶν καθʼ
-ἕκαστον ἔτος ἦρχον τῆς πόλεως, τελευταῖον δὲ ἐγένετο
-ἀναρχία περὶ τὴν τῶν τριάκοντα κατάστασιν. ταύτην
-δὲ τὴν οὕτως ἀγχίστροφον μεταβολὴν τοῦ τρόπου 
-εἰ ἐπαινεῖν χρή, ἀλλὰ ἔγωγε τοῦτο οὐκ οἶδα.
-</p>
-</div2>
-<div2 type="chapter" n="14">
-<p><milestone unit="para"/>νόμος καὶ οὗτος Ἀττικός. ὃς ἂν ἀτάφῳ περιτύχῃ 
-σώματι ἀνθρώπου, πάντως ἐπιβάλλειν αὐτῷ γῆν,
-θάπτειν δὲ πρὸς δυσμὰς βλέποντας. καὶ τοῦτο δὲ ἦν
-φυλαττόμενον παρʼ αὐτοῖς. βοῦν ἀρότην καὶ ὑπὸ 
-ζυγὸν πονήσαντα σὺν ἀρότρῳ ἢ καὶ σὺν τῇ ἁμάξῃ,
-μηδὲ τοῦτον θύειν, ὅτι καὶ οὗτος εἴη ἂν γεωργὸς καὶ
-τῶν ἐν ἀνθρώποις καμάτων κοινωνός.
-</p>
-</div2>
-<div2 type="chapter" n="15">
-<p><milestone unit="para"/>ὅτι δικαστήρια ἦν Ἀττικὰ περὶ μὲν τῶν ἐκ προνοίας 
-ἀποκτεινάντων ἐν Ἀρείῳ πάγῳ, περὶ δὲ τῶν 
-ἀκουσίως ἐπὶ Παλλαδίῳ· περὶ δὲ τῶν κτεῖναι μὲν
-ὁμολογούντων, ἀμφισβητούντων δὲ ὅτι δικαίως, ἐπὶ
-Δελφινίῳ ἐγίνοντο αἱ εὐθύναι.
-</p>
-</div2>
-<div2 type="chapter" n="16">
-<p><milestone unit="para"/>ὅτι ἐκ τοῦ τῆς Ἀρτέμιδος στεφάνου πέταλον χρυσοῦν 
-ἐκπεσὸν ἀνείλετο παιδίον, οὐ μὴν ἔλαθεν. οἱ 
-οὖν δικασταὶ παίγνια καὶ ἀστραγάλους προύθηκαν τῷ
-παιδὶ καὶ τὸ πέταλον· ὃ δὲ καὶ αὖθις ἐπὶ τὸν χρυσὸν
-<pb id="p.76"/>
-κατηνέχθη. καὶ διὰ ταῦτα ἀπέκτειναν αὐτὸν ὡς θεοσύλην,
-οὐ δόντες συγγνώμην τῇ ἡλικίᾳ, ἀλλὰ τιμωρησάμενοι
-διὰ τὴν πρᾶξιν.
-</p>
-</div2>
-<div2 type="chapter" n="17">
-<p><milestone unit="para"/> ὅτι τοσοῦτον ἦν Ἀθηναίοις δεισιδαιμονίας, εἴ τις
-πρινίδιον ἐξέκοψεν ἐξ ἡρῴου, ἀπέκτεινον αὐτόν. ἀλλὰ
-καὶ Ἀτάρβην, ὅτι τοῦ Ἀσκληπιοῦ τὸν ἱερὸν στρουθὸν
-ἀπέκτεινε πατάξας, οὐκ ἀργῶς τοῦτο Ἀθηναῖοι παρεῖδον,
-ἀλλʼ ἀπέκτειναν Ἀτάρβην, καὶ οὐκ ἔδοσαν οὔτε
-ἀγνοίας συγγνώμην οὔτε μανίας, πρεσβύτερα τούτων
-ἀμφοτέρων τὰ τοῦ θεοῦ ποιησάμενοι. ἐλέγετο γὰρ
-ἀκουσίως οἳ δὲ μεμηνὼς τοῦτο δρᾶσαι.
-</p>
-</div2>
-<div2 type="chapter" n="18">
-<p><milestone unit="para"/> ἡ ἐξ Ἀρείου πάγου βουλὴ ἐπεί τινα φαρμακίδα
-συνέλαβον καὶ ἔμελλον θανατώσειν, οὐ πρότερον
-αὐτὴν ἀπέκτειναν πρὶν ἢ ἀπεκύησεν· ὅτε γὰρ συνελήφθη,
-ἔκυε. τὸ ἀναίτιον οὖν βρέφος ἀναλύοντες τῆς
-καταδίκης, τὴν αἰτίαν μόνην ἐδικαίωσαν τῷ θανάτῳ.
-</p>
-</div2>
-<div2 type="chapter" n="19">
-<p><milestone unit="para"/> Αἰσχύλος ὁ τραγῳδὸς ἐκρίνετο ἀσεβείας ἐπί τινι
-δράματι. ἑτοίμων οὖν ὄντων Ἀθηναίων βάλλειν αὐτὸν
-λίθοις, Ἀμεινίας ὁ νεώτερος ἀδελφὸς διακαλυψάμενος
-τὸ ἱμάτιον ἔδειξε τὸν πῆχυν ἔρημον τῆς
-χειρός. ἔτυχε δὲ ἀριστεύων ἐν Σαλαμῖνι ὁ Ἀμεινίας
-ἀποβεβληκὼς τὴν χεῖρα, καὶ πρῶτος Ἀθηναίων τῶν
-ἀριστείων ἔτυχεν. ἐπεὶ δὲ εἶδον οἱ δικασταὶ τοῦ ἀνδρὸς
-τὸ πάθος, ὑπεμνήσθησαν τῶν ἔργων αὐτοῦ, καὶ
-ἀφῆκαν τὸν Αἰσχύλον.
-</p>
-</div2>
-<div2 type="chapter" n="20">
-<p><milestone unit="para"/> Ταραντίνων πολιορκουμένων ὑπὸ Ἀθηναίων καὶ
-μελλόντων ἁλῶναι λιμῷ οἱ Ῥηγῖνοι ἐψηφίσαντο μίαν
-ἡμέραν ἐν ταῖς δέκα νηστεύειν καὶ ἐκείνης τὰς τροφὰς
-ἐκχωρῆσαι Ταραντίνοις. ἀποστάντων οὖν αὐτῶν
-ἐσώθησαν, καὶ μεμνημένοι τοῦ πάθους ἑορτὴν ἄγουσι
-τὴν καλουμένην Νηστείαν οἱ Ταραντῖνοι.
-</p>
-</div2>
-<div2 type="chapter" n="21">
-<p><milestone unit="para"/> λέγει τις λόγος τὴν φήμην τὴν κατὰ τῆς Μηδείας
-<pb id="p.77"/>
-ψευδῆ εἶναι· μὴ γὰρ αὐτὴν ἀποκτεῖναι τὰ τέκνα ἀλλὰ
-Κορινθίους. τὸ δὲ μυθολόγημα τοῦτο ὑπὲρ τῆς Κολχίδος
-καὶ τὸ δρᾶμα Εὐριπίδην φασὶ διαπλάσαι δεηθέντων
-Κορινθίων, καὶ ἐπικρατῆσαι τοῦ ἀληθοῦς τὸ
-ψεῦδος διὰ τὴν τοῦ ποιητοῦ ἀρετήν. ὑπὲρ δὲ τοῦ 
-τολμήματός φασι τῶν παίδων μέχρι τοῦ νῦν ἐναγίζουσι
-τοῖς παισὶ Κορίνθιοι, οἱονεὶ δασμὸν τούτοις ἀποδιδόντες.</p>
-</div2>
-</div1>
-<div1 type="book" n="6">
-<div2 type="chapter" n="1">
-<p><milestone unit="para"/>
-Ἀθηναῖοι κρατήσαντες Χαλκιδέων κατεκληρούχησαν 
-αὐτῶν τὴν γῆν ἐς δισχιλίους κλήρους, τὴν Ἱππόβοτον
-καλουμένην χώραν, τεμένη δὲ ἀνῆκαν τῇ
-Αθηνᾷ ἐν τῷ Ληλάντῳ ὀνομαζομένῳ τόπῳ, τὴν δὲ
-λοιπὴν ἐμίσθωσαν κατὰ τὰς στήλας τὰς πρὸς τῇ βασιλείῳ
-στοᾷ ἑστηκυίας, αἵπερ οὖν τὰ τῶν μισθώσεων 
-ὑπομνήματα εἶχον. τοὺς δὲ αἰχμαλώτους ἔδησαν,
-καὶ οὐδὲ ἐνταῦθα ἔσβεσαν τὸν κατὰ Χαλκιδέων θυμόν.
-    <milestone unit="para"/>Λακεδαιμόνιοι Μεσσηνίων κρατήσαντες τῶν μὲν
-γινομένων ἁπάντων ἐν τῇ Μεσσηνίᾳ τὰ ἡμίση ἐλάμβανον
-αὐτοί, καὶ τὰς γυναῖκας τὰς ἐλευθέρας ἐς τὰ 
-πένθη βαδίζειν ἠνάγκαζον καὶ τοὺς ἀλλοτρίους καὶ
-μηδέν σφισι προσήκοντας νεκροὺς κλάειν· τοὺς δὲ τῶν
-ἀνδρῶν ἀπέλιπον γεωργεῖν, οὓς δὲ ἀπέδοντο, οὓς δὲ ἀπέκτειναν.
-    <milestone unit="para"/>Ἀθηναῖοι δὲ ὕβρισαν καὶ ἐκείνην τὴν ὕβριν· 
-εὐτυχίας γὰρ λαβόμενοι τὴν εὐπραγίαν σωφρόνως
-οὐκ ἤνεγκαν. τὰς γοῦν παρθένους τῶν μετοίκων
-σκιαδηφορεῖν ἐν ταῖς πομπαῖς ἠνάγκαζον ταῖς ἑαυτῶν
-<pb id="p.78"/>
-κόραις, τὰς δὲ γυναῖκας ταῖς γυναιξί, τοὺς δὲ ἄνδρας σκαφηφορεῖν.
-    <milestone unit="para"/>Σικυώνιοι δὲ Πελλήνην ἑλόντες τάς τε γυναῖκας
-τῶν Πελληνέων καὶ τὰς θυγατέρας ἐπʼ οἰκήματος
-ἔστησαν. ἀγριώτατα ταῦτα, ὦ θεοὶ Ἑλλήνιοι, καὶ
-οὐδὲ ἐν βαρβάροις καλὰ κατά γε τὴν ἐμὴν μνείαν.
-    <milestone unit="para"/>ἐπεὶ τὴν ἐν Χαιρωνείᾳ μάχην ἐνίκησεν ὁ Φίλιππος,
-ἐπὶ τῷ πραχθέντι αὐτός τε ἦρτο καὶ οἱ Μακεδόνες
-πάντες. οἱ δὲ Ἕλληνες δεινῶς αὐτὸν κατέπτηξαν,
-καὶ ἑαυτοὺς κατὰ πόλεις ἐνεχείρισαν αὐτῷ φέροντες.
-καὶ τοῦτό γε ἔδρασαν Θηβαῖοι καὶ Μεγαρεῖς καὶ Κορίνθιοι
-καὶ Ἀχαιοὶ καὶ Ἠλεῖοι καὶ Εὐβοεῖς καὶ οἱ
-ἐν τῇ Ἀκτῇ πάντες. οὐ μὴν ἐφύλαξε τὰς πρὸς αὐτοὺς
-ὁμολογίας ὁ Φίλιππος, ἀλλʼ ἐδουλώσατο πάντας, ἔκδικα
-καὶ παράνομα δρῶν.
-</p>
-</div2>
-<div2 type="chapter" n="2">
-<p><milestone unit="para"/> ὁ Ἁρματίδου τοῦ Θεσπιέως παῖς, παραγενόμενος
-σύμμαχος Ἀθηναίοις μετὰ καὶ ἄλλων πολιτῶν, τὰ μὲν
-πρῶτα ἐμάχετο εὖ καὶ καλῶς· καταναλωθέντων δὲ
-αὐτοῦ τῶν ὅπλων ψιλαῖς ταῖς χερσὶ πρὸς καθωπλισμένους
-ἀγωνιζόμενος, εὐκλεῶς τὸν βίον ἐτελεύτα.
-πατρόθεν οὖν τὸν νεανίαν προσεῖπον, κυδαίνων αὐτὸν
-Ὁμηρικῶς. τὸ δὲ ὄνομα αὐτοῦ εἴ τῳ ἐπιμελὲς
-εἰδέναι, ἀλλαχόθεν εἴσεται.
-</p>
-</div2>
-<div2 type="chapter" n="3">
-<p><milestone unit="para"/> ὅτι Λακεδαιμόνιοι Ἰσάδαν ἔτι παῖδα ὄντα καὶ
-μήπω τοῦ νόμου καλοῦντος αὐτὸν ἐς ὅπλα, ὅτι ἐκ τοῦ
-γυμνασίου ἐκπηδήσας ἠρίστευσεν, ἐστεφάνωσαν μέν,
-ὅτι δὲ πρὸ τῆς ἀπαιτουμένης ἡλικίας καὶ μὴ τὰ
-ἐπιχώρια ἔχων ὅπλα ὥρμησεν ἐς τοὺς ἐχθρούς, ἐζημίωσαν.
-</p>
-</div2>
-<div2 type="chapter" n="4">
-<p><milestone unit="para"/> ὁ μὲν Λύσανδρος ἐτεθνήκει, ὁ δὲ τὴν θυγατέρα
-αὐτοῦ ἔτι ζῶντος ἐγγυησάμενος, ἐπεὶ καὶ ἡ παῖς
-ἐρήμη πατρὸς ἀπελείπετο, καὶ ὁ Λύσανδρος μετὰ τὴν
-<pb id="p.79"/>
-τοῦ βίου καταστροφὴν ἀνεφάνη πένης ὤν, ὃ δὲ ἀνεδύετο
-ὁ ἐγγυησάμενος, οὐδὲ ἔφασκεν ἄξεσθαι γυναῖκα.
-ἐπὶ τούτοις οἱ ἔφοροι τὸν ἄνδρα ἐζημίωσαν· οὔτε γὰρ
-Λακωνικὰ ἐφρόνει οὔτε ἄλλως Ἑλληνικά, φίλου τε
-ἀποθανόντος ἀμνημονῶν καὶ τῶν συνθηκῶν τὸν πλοῦτον προτιμῶν. 
-</p>
-</div2>
-<div2 type="chapter" n="5">
-<p><milestone unit="para"/> ὅτι Ἀθηναῖοι τοὺς ἐς Ἀρκαδίαν ἀποσταλέντας 
-πρεσβευτάς, ἐπεὶ ἑτέραν ὁδὸν ἦλθον καὶ οὐ τὴν προστεταγμένην,
-καίτοι κατορθώσαντας, ὅμως ἀπέκτειναν.
-</p>
-</div2>
-<div2 type="chapter" n="6">
-<p><milestone unit="para"/>ἡ γὰρ οὐ καὶ ταῦτα Λακωνικά; νόμος ἐστὶ τοῖς 
-Σπαρτιάταις τὸν παρασχόμενον υἱοὺς τρεῖς ἀτέλειαν
-ἔχειν φρουρᾶς, τὸν δὲ πέντε πασῶν τῶν λειτουργιῶν
-ἀφεῖσθαι. γαμεῖν δὲ ἀπροίκους ἔτι. βάναυσον δὲ
-εἰδέναι τέχνην ἄνδρα Λακεδαιμόνιον οὐκ ἐξῆν. φοινικίδα
-δὲ ἀμπέχεσθαι κατὰ τὰς μάχας ἀνάγκη ἦν· 
-ἔχειν δὲ τὴν χρόαν καὶ σεμνότητός τι· πρὸς ταύτῃ γε
-μὴν καὶ τὴν ῥύσιν τοῦ ἐπιγενομένου αἵματος ἐκ τῶν
-τραυμάτων ἔτι μᾶλλον ἐκπλήττειν τοὺς ἀντιπάλους,
-βαθυτέρας τῆς ὄψεως γινομένης καὶ φοβερωτέρας
-μᾶλλον. 
-    <milestone unit="para"/>ὅτι οὐκ ἐξῆν ἀνδρὶ Λάκωνι οὐδὲ σκυλεῦσαι τὸν
-πολέμιον. οἱ δὲ καλῶς ἀγωνισάμενοι καὶ ἀποθανόντες
-θαλλοῖς ἀνεδοῦντο καὶ κλάδοις ἑτέροις, καὶ διʼ ἐπαίνων ἤγοντο· οἱ δὲ τελέως ἀριστεύσαντες καὶ φοινικίδος
-αὐτοῖς ἐπιβληθείσης ἐνδόξως ἐθάπτοντο. 
-</p>
-</div2>
-<div2 type="chapter" n="7">
-<p><milestone unit="para"/>ὅτε οἱ Λακεδαιμόνιοι τοὺς ἐκ Ταινάρου ἱκέτας 
-παρασπονδήσαντες ἀνέστησαν καὶ ἀπέκτειναν ʽἦσαν
-δὲ οἱ ἱκέται τῶν εἱλώτωνʼ, κατὰ μῆνιν τοῦ Ποσειδῶνος
-σεισμὸς ἐπιπεσὼν τῇ Σπάρτῃ τὴν πόλιν ἀνδρειότατα
-κατέσεισεν, ὡς πέντε μόνας ἀπολειφθῆναι 
-οἰκίας ἐξ ἁπάσης τῆς πόλεως.
-</p>
-</div2>
-<div2 type="chapter" n="8">
-<p><milestone unit="para"/>Ἀρταξέρξην τὸν καὶ Ὦχον ἐπικληθέντα, ὅτε ἐπεβούλευσεν 
-<pb id="p.80"/>
-αὐτῷ Βαγώας ὁ εὐνοῦχος, ὃς ἦν Αἰγύπτιος,
-φασὶν ἀναιρεθέντα καὶ κατακοπέντα τοῖς αἰλούροις
-παραβληθῆναι· ἐτάφη δέ τις ἄλλος ἀντʼ αὐτοῦ καὶ
-ἀπεδόθη ταῖς βασιλικαῖς θήκαις. τῷ δὲ Βαγώᾳ οὐκ
-ἀπέχρησε τὸ ἀποκτεῖναι τὸν Ὦχον, ἀλλὰ γὰρ καὶ ἐκ
-τῶν μηρῶν αὐτοῦ λαβὰς μαχαιρῶν ἐποίησε, τὸ φονικὸν
-αὐτοῦ ἐνδεικνύμενος διὰ τούτων. ἐμίσησε δὲ
-αὐτόν, ἐπεὶ τὸν Ἆπιν ἐν Αἰγύπτῳ γευόμενος ἀπέκτεινε
-καὶ οὗτος, ὡς ὁ Καμβύσης πρότερον.
-</p>
-</div2>
-<div2 type="chapter" n="9">
-<p><milestone unit="para"/> ἐπεὶ καὶ ἐκ τῶν Ὁμήρου ποιημάτων ἧκεν ἐς
-Δελφοὺς λέγουσα δόξα παλαιόπλουτον εἶναι τὸ τοῦ
-Ἀπόλλωνος χωρίον ἐν τοῖς ἔπεσιν ἐκείνοις
-<quote rend="blockquote">
-<lb/>οὐδʼ ὅσα λάινος οὐδὸς ἀφήτορος ἐντὸς ἐέργει
-<lb/>Φοίβου Ἀπόλλωνος Πυθοῖ ἐνὶ πετρηέσσῃ,
-</quote>
-τοὺς Δελφοὺς ἐπιχειρῆσαι διασκάπτειν λόγος ἔχει τὰ
-περὶ τὴν ἑστίαν καὶ τὸν τρίποδα, γενομένων δὲ σεισμῶν
-περὶ τὸ μαντεῖον ἀνδρικῶν παύσασθαι σωφρονήσαντας.
-</p>
-</div2>
-<div2 type="chapter" n="10">
-<p><milestone unit="para"/> Περικλῆς στρατηγῶν Ἀθηναίοις νόμον ἔγραψεν,
-ἐὰν μὴ τύχῃ τις ἐξ ἀμφοῖν ὑπάρχων ἀστῶν, τούτῳ
-μὴ μετεῖναι τῆς πολιτείας. μετῆλθε δὲ ἄρα αὐτὸν ἡ
-ἐκ τοῦ νόμου νέμεσις. οἱ γὰρ δύο παῖδες, οἵπερ οὖν
-ἤστην αὐτῷ, Πάραλός τε καὶ Ξάνθιππος, ἀλλὰ οὗτοι
-μὲν κατὰ τὴν νόσον τὴν δημοσίαν ἀπέθανον, κατελείφθη
-δὲ ὁ Περικλῆς ἐπὶ τοῖς νόθοις, οἵπερ οὖν οὐ
-μετέσχον τῆς πολιτείας κατὰ τὸν πατρῷον νόμον.
-</p>
-</div2>
-<div2 type="chapter" n="11">
-<p><milestone unit="para"/> Γέλων ἐν Ἱμέρᾳ νικήσας Καρχηδονίους, πᾶσαν
-ὑφʼ ἑαυτὸν τὴν Σικελίαν ἐποιήσατο. εἶτα ἐλθὼν ἐς
-τὴν ἀγορὰν γυμνὸς ἔφατο ἀποδιδόναι τοῖς πολίταις
-τὴν ἀρχήν· οἳ δὲ οὐκ ἤθελον, δηλονότι πεπειραμένοι
-αὐτοῦ δημοτικωτέρου ἢ κατὰ τὴν τῶν μονάρχων
-<pb id="p.81"/>
-ἐξουσίαν. διὰ ταῦτά τοι καὶ ἐν τῷ τῆς Σικελίας
-Ἥρας νεῷ ἕστηκεν αὐτοῦ εἰκὼν γυμνὸν αὐτὸν δεικνῦσα,
-καὶ ὡμολόγει τὴν πρᾶξιν τοῦ Γέλωνος τὸ γράμμα.
-</p>
-</div2>
-<div2 type="chapter" n="12">
-<p><milestone unit="para"/>Διονύσιος δὲ ὁ δεύτερος τὴν ἀρχὴν εἶχεν εὖ μάλα 
-περιπεφραγμένην τοῦτον τὸν τρόπον. ναῦς μὲν ἐκέκτητο
-οὐκ ἐλάττους τῶν τετρακοσίων, ἑξήρεις καὶ πεντήρεις·
-πεζῶν δὲ δύναμιν ἐς δέκα μυριάδας, ἱππεῖς
-δὲ ἐννεακισχιλίους. ἡ δὲ πόλις τῶν Συρακοσίων
-λιμέσιν ἐκεκόσμητο μεγίστοις, καὶ τεῖχος αὐτῇ περιεβέβλητο 
-ὑψηλότατον· σκεύη δὲ εἶχεν ἕτοιμα ναυσὶν
-ἄλλαις πεντακοσίαις, τεθησαύριστο δὲ αὐτῇ καὶ σῖτος
-ἐς ἑκατὸν μεδίμνων μυριάδας. καὶ ὁπλοθήκη νενησμένη
-ἀσπίσι καὶ μαχαίραις καὶ δόρασι καὶ κνημῖσι
-καὶ θώραξι καὶ καταπέλταις· ὁ δὲ καταπέλτης εὕρημα 
-ἦν αὐτοῦ Διονυσίου. εἶχε δὲ καὶ συμμάχους παμπόλλους.
-καὶ τούτοις ἐπιθαρρῶν ὁ Διονύσιος ἀδάμαντι
-δεδεμένην ᾤετο τὴν ἀρχὴν κεκτῆσθαι. ἀλλʼ
-οὗτός γε πρώτους μὲν ἀπέκτεινε τοὺς ἀδελφούς· εἶδε
-δὲ καὶ τοὺς υἱοὺς βιαίως ἀποσφαγέντας καὶ τὰς θυγατέρας 
-καταισχυνθείσας εἶτα ἀποσφαγείσας γυμνάς.
-οὐδεὶς δὲ τῶν ἀπʼ αὐτοῦ ταφῆς τῆς νομιζομένης ἔτυχεν·
-οἳ μὲν γὰρ ζῶντες κατεκαύθησαν, οἳ δὲ κατατμηθέντες
-ἐς τὸ πέλαγος ἐξερρίφησαν. τοῦτο δὲ ἀπήντησεν
-αὐτῷ, Δίωνος τοῦ Ἱππαρίνου ἐπιθεμένου τῇ 
-ἀρχῇ. αὐτὸς δὲ ἐν πενίᾳ μυρίᾳ διάγων κατέστρεψε
-τὸν βίον γηραιός. λέγει δὲ Θεόπομπος ὑπὸ τῆς ἀκρατοποσίας
-τῆς ἄγαν αὐτὸν διαφθαρῆναι τὰς ὄψεις, ὡς
-ἀμυδρὸν βλέπειν· ἀποκαθῆσθαι δὲ ἐν τοῖς κουρείοις
-καὶ γελωτοποιεῖν. καὶ ἐν τῷ μεσαιτάτῳ τῆς Ἑλλάδος 
-ἀσχημονῶν διετέλει, βίον διαντλῶν ἀλγεινότατον.
-καὶ ἦν δεῖγμα οὐ τὸ τυχὸν τοῖς ἀνθρώποις ἐς σωφροσύνην
-<pb id="p.82"/>
-καὶ τρόπου κόσμον ἡ τοῦ Διονυσίου ἐκ τῶν
-τηλικούτων ἐς οὕτω ταπεινὰ μεταβολή.
-</p>
-</div2>
-<div2 type="chapter" n="13">
-<p><milestone unit="para"/> καλῶς τὸ δαιμόνιον ἐπὶ τριγονίαν τυραννίδας μὴ
-ἄγον, ἀλλὰ ἢ παραχρῆμα ἐκτρῖβον τοὺς τυράννους
-πίτυος δίκην ἢ παίδων στερίσκον. μνημονεύονται δὲ
-ὑφʼ Ἑλλήνων ἐξ αἰῶνος καὶ ἐς ἐγγόνους διαρκέσαι
-αἵδε, ἥ τε Ἱέρωνος ἐν Σικελίᾳ καὶ ἡ τῶν Λευκωνιδῶν
-περὶ Βόσπορον καὶ ἡ τῶν Κυψελιδῶν ἐν Κορίνθῳ.
-</p>
-</div2>
-<div2 type="chapter" n="14">
-<p><milestone unit="para"/> ἡμερώτατον δὲ Δαρείου τοῦτο τὸ ἔργον ἀκούω
-τοῦ παιδὸς τοῦ Ὑστάσπου. Ἀρίβαζος ὁ Ὑρκανὸς ἐπεβούλευσεν
-αὐτῷ μετὰ καὶ ἄλλων ἀνδρῶν οὐκ ἀφανῶν
-ἐν Πέρσαις· ἦν δὲ ἡ ἐπιβουλὴ ἐν κυνηγεσίῳ. ἅπερ
-προμαθὼν ὁ Δαρεῖος οὐκ ἔπτηξεν, ἀλλὰ προστάξας
-αὐτοῖς λαβεῖν τὰ ὅπλα καὶ τοὺς ἵππους, ἐκέλευσεν
-</p>
-</div2>
-<div2 type="chapter" n="15">
-<p><milestone unit="para"/> αὐτοὺς διατείνασθαι τὰ παλτά, καὶ δριμὺ ἐνιδὼν ʽτί
-οὖν οὐ δρᾶτε τοῦτὀ εἶπεν ʽἐφʼ ὃ καὶ ὡρμήσατε;ʼ οἳ
-δὲ ἰδόντες ἄτρεπτον ἀνδρὸς βλέμμα ἀνεστάλησαν τὴν
-ὁρμήν. τὸ δέος δὲ αὐτοὺς κατέσχεν οὕτως, ὡς καὶ
-ἐκβαλεῖν τὰς αἰχμὰς καὶ ἀφάλασθαι τῶν ἵππων καὶ
-προσκυνῆσαι Δαρεῖον καὶ ἑαυτοὺς παραδοῦναι ὅ τι
-καὶ βούλοιτο πράττειν. ὃ δὲ διέστησεν ἄλλους ἄλλῃ,
-καὶ τοὺς μὲν ἐπὶ τὰ τῆς Ἰνδικῆς ὅρια ἀπέπεμψε, τοὺς
-δὲ ἐπὶ τὰ Σκυθικά. καὶ ἐκεῖνοι ἔμειναν αὐτῷ πιστοί,
-διὰ μνήμης ἔχοντες τὴν εὐεργεσίαν.</p>
-</div2>
-    
-</div1>
-<div1 type="book" n="7">
-<div2 type="chapter" n="1">
-<p><milestone unit="para"/>
-Σεμίραμιν τὴν Ἀσσυρίαν ἄλλοι μὲν ἄλλως ᾅδουσιν,
-ὡραιοτάτη δὲ ἐγένετο γυναικῶν, εἰ καὶ ἀφελέστερον
-ἐχρῆτο τῷ κάλλει. ἀφικομένη δὲ πρὸς τὸν τῶν
-<pb id="p.83"/>
-Ἀσσυρίων βασιλέα κλητὴ κατὰ κλέος τῆς ὥρας, ὃ δὲ
-ἐντυχὼν τῇ ἀνθρώπῳ ἠράσθη αὐτῆς. ἣ δὲ ᾔτησεν ἐκ
-τοῦ βασιλέως τὴν βασίλειον στολὴν λαβεῖν καὶ πέντε
-ἡμερῶν τῆς Ἀσίας ἄρξαι, καὶ τὰ ὑπὸ ταύτης προσταττόμενα
-δρᾶσαι. οὐδὲ τῆς αἰτήσεως ἠτύχησεν. ἐπεὶ 
-δὲ ἐκάθισεν αὐτὴν ὁ βασιλεὺς ἐπὶ τοῦ θρόνου, καὶ
-ἔγνω διὰ χειρὸς καὶ γνώμης ἔχουσα πάντα, προσέταξε
-τοῖς δορυφόροις αὐτὸν τὸν βασιλέα κτεῖναι· καὶ
-οὕτω τὴν τῶν Ἀσσυρίων ἀρχὴν κατέσχε. λέγει δὲ
-ταῦτα Δείνων. 
-</p>
-</div2>
-<div2 type="chapter" n="2">
-<p><milestone unit="para"/>Στράτων ὁ Σιδώνιος λέγεται τρυφῇ καὶ πολυτελείᾳ 
-ὑπερβαλέσθαι σπεῦσαι ἀνθρώπους πάντας.
-καὶ Θεόπομπος ὁ Χῖος παραβάλλει αὐτοῦ τὸν βίον
-τῇ τῶν Φαιάκων διαίτῃ, ἥνπερ καὶ Ὅμηρος κατὰ τὴν
-ἑαυτοῦ μεγαλόνοιαν ὥσπερ εἴθιστο ἐξετραγῴδησεν. 
-τούτῳ γε μὴν οὐχ εἷς παρῆν ᾠδός, κατᾴδων αὐτοῦ
-τὸ δεῖπνον καὶ καταθέλγων αὐτόν, ἀλλὰ πολλαὶ μὲν
-παρῆσαν γυναῖκες μουσουργοὶ καὶ αὐλητρίδες καὶ
-ἑταῖραι κάλλει διαπρέπουσαι καὶ ὀρχηστρίδες. διεφιλοτιμεῖτο
-δὲ ἰσχυρῶς καὶ πρὸς Νικοκλέα τὸν Κύπριον, 
-ἐπεὶ καὶ ἐκεῖνος πρὸς αὐτόν. ἦν δὲ ἡ ἅμιλλα ὑπὲρ
-οὐδενὸς σπουδαίου, ἀλλʼ ὑπὲρ τῶν προειρημένων.
-καὶ πυνθανόμενοι παρὰ τῶν ἀφικνουμένων τὰ παρʼ
-ἀλλήλοις, εἶτα ἀντεφιλοτιμοῦντο ἑκάτερος ὑπερβαλέσθαι 
-τὸν ἕτερον. οὐ μὴν ἐς τὸ παντελὲς ἐν τούτοις 
-διεγένοντο· ἀμφότεροι γὰρ βιαίου θανάτου ἔργον ἐγένοντο.
-</p>
-</div2>
-<div2 type="chapter" n="3">
-<p><milestone unit="para"/>ὅτι Ἀρίστιππος ἑταίρων αὐτῷ τινων ὀδυρομένων 
-βαρύτατα πολλὰ μὲν καὶ ἄλλα πρὸς αὐτοὺς εἶπε λύπης
-ἀνασταλτικά, καὶ ταῦτα δὲ ἐν προοιμίοις ʽἀλλʼ 
-ἔγωγε ἥκω παρʼ ὑμᾶς οὐχ ὡς συλλυπούμενος, ἀλλʼ
-ἵνα παύσω ὑμᾶς λυπουμένους.ʼ
-<pb id="p.84"/>
-</p>
-</div2>
-<div2 type="chapter" n="4">
-<p><milestone unit="para"/> ὅτι Πιττακὸς πάνυ σφόδρα ἐπῄνει τὴν μύλην, τὸ
-ἐγκώμιον αὐτῆς ἐκεῖνο ἐπιλέγων, ὅτι ἐν μικρῷ τόπῳ
-διαφόρως ἔστι γυμνάσασθαι. ἦν δέ τι ᾆσμα ἐπιμύλιον
-οὕτω καλούμενον.
-</p>
-</div2>
-<div2 type="chapter" n="5">
-<p><milestone unit="para"/> καὶ Λαέρτης δὲ αὐτουργῶν ὑπὸ τοῦ παιδὸς πεφώραται
-καὶ φυτὸν ξύων, καίτοι γηράσκων βαθύτατα.
-ὁμολογεῖ δὲ καὶ Ὀδυσσεὺς αὐτὸς πολλὰ εἰδέναι καὶ
-τεχνίτης αὐτῶν εἶναι,
-<quote rend="blockquote">
-<lb/>δρηστοσύνῃ οὐκ ἄν μοι ἐρίσσειεν βροτὸς ἄλλος,
-<lb/>πῦρʼ τʼ εὖ νηῆσαι, διά τε ξύλα δανὰ κεάσσαι.
-</quote>
-καὶ τὴν σχεδίαν δὲ οὐ δεηθεὶς ναυπηγῶν, ἀλλὰ διʼ ἑαυτοῦ τὴν ταχίστην εἰργάσατο. καὶ Ἀχιλλεὺς δέ,
-τρίτος ὢν ἀπὸ τοῦ Διός, αὐτὸς διακόπτει τὰ κρέα,
-δεῖπνον τοῖς παρὰ τῶν Ἀχαιῶν ἀφικομένοις πρέσβεσιν
-εὐτρεπίσαι σπεύδων.
-</p>
-</div2>
-<div2 type="chapter" n="6">
-<p><milestone unit="para"/> χιόνος ποτὲ πιπτούσης ἤρετο ὁ βασιλεὺς τῶν
-Σκυθῶν τινα γυμνὸν διακαρτεροῦντα εἰ ῥιγοῖ. ὃ δὲ
-αὐτὸν ἀντήρετο εἰ τὸ μέτωπον ῥιγοῖ. τοῦ δὲ οὐ
-φήσαντος ʽοὐκοῦνʼ εἶπεν ʽοὐδὲ ἐγώ· πᾶς γὰρ μέτωπόν
-εἰμι.ʼ
-</p>
-</div2>
-<div2 type="chapter" n="7">
-<p><milestone unit="para"/> Δημοσθένης ὁ Δημοσθένους εἰ ἔμελλε τῆς ὑστεραίας
-ἔσεσθαι ἐκκλησία ἀλλὰ ἐκεῖνός γε διὰ τῆς νυκτὸς
-ἠγρύπνει πάσης, διαφροντίζων δηλονότι καὶ
-ἐκμανθάνων ταῦτα ἃ ἔμελλεν ἐρεῖν. ὁ τοίνυν Πυθέας
-ἐκ τούτων ἐμοὶ δοκεῖν ἐπέσκωπτεν ἐς αὐτόν, ἐπιλέγων
-αὐτοῦ τὰ ἐνθυμήματα ἐλλυχνίων ὄζειν.
-</p>
-</div2>
-<div2 type="chapter" n="8">
-<p><milestone unit="para"/> ὅτε Ἡφαιστίων ἀπέθανεν, Ἀλέξανδρος ὅπλα
-αὐτῷ ἐς τὴν πυρὰν ἐνέβαλε, καὶ χρυσὸν καὶ ἄργυρον
-τῷ νεκρῷ συνέτηξε καὶ ἐσθῆτα τὴν μέγα τιμίαν ἐν
-Πέρσαις. ἀπέκειρε δὲ καὶ τοὺς πλοκαμοὺς τοὺς ἑαυτοῦ,
-Ὁμηρικὸν πάθος δρῶν καὶ μιμούμενος τὸν Ἀχιλλέα
-<pb id="p.85"/>
-τὸν ἐκείνου. βιαιότερον δὲ καὶ θερμότερον ἐκείνου
-ἔδρασεν οὗτος, τὴν τῶν Ἐκβατάνων ἀκρόπολιν
-περικείρας. μέχρι μὲν οὖν τῆς κόμης τῆς ἑαυτοῦ
-Ἑλληνικὰ ἐδόκει μοι δρᾶν· ἐπιχειρήσας δὲ τοῖς τείχεσιν,
-ἀλλʼ ἐνταῦθα ἐπένθει βαρβαρικῶς Ἀλέξανδρος 
-ἤδη, καὶ τὰ κατὰ τὴν στολὴν ἤμειψε, θυμῷ καὶ
-ἔρωτι ἐπιτρέπων πάντα καὶ δακρύοις.
-<milestone unit="para"/>ὅτι Ἡφαιστίων ἐς Ἐκβάτανα ἀπέθανε. διαρρεῖ
-δὲ λόγος Ἡφαιστίωνι μὲν ταῦτα εὐτρεπισθῆναι νεκρῷ,
-Ἀλέξανδρον δὲ αὐτοῖς ἀποθανόντα χρήσασθαι· 
-μὴ γὰρ φθάσαι τὸ ἐπὶ τῷ μειρακίῳ τελεσθὲν πένθος,
-ἐπιλαβεῖν δὲ τὸν τοῦ Ἀλέξάνδρου θάνατον.
-</p>
-</div2>
-<div2 type="chapter" n="9">
-<p><milestone unit="para"/>εἶτα οὐκ ἔστι σωφροσύνη μεγάλη ʽἐμοὶ μὲν δοκεἶ, 
-εἴ γε καὶ ἡ Φωκίωνος γυνὴ τὸ Φωκίωνος ἱμάτιον
-ἐφόρει, καὶ οὐδὲν ἐδεῖτο οὐ κροκωτοῦ οὐ ταραντινιδίου 
-οὐκ ἀναβολῆς οὐκ ἐγκύκλου οὐ κεκρυφάλου οὐ
-καλύπτρας οὐ βαπτῶν χιτωνίσκων; ἠμπείχετο δὲ
-πρώτῃ μὲν τῇ σωφροσύνῃ, δευτέροις γε μὲν τοῖς παροῦσιν.
-</p>
-</div2>
-<div2 type="chapter" n="10">
-<p><milestone unit="para"/>τῇ Ξανθίππῃ δὲ ὁ Σωκράτης, ἐπεὶ οὐκ ἠβούλετο 
-τὸ ἐκείνου ἱμάτιον ἐνδύσασθαι καὶ οὕτως ἐπὶ τὴν θέαν
-τῆς πομπῆς βαδίζειν, ἔφη ʽὁρᾷς ὡς οὐ θεωρήσουσα
-θεωρησομένη δὲ μᾶλλον βαδίζεις;ʼ
-</p>
-</div2>
-<div2 type="chapter" n="11">
-<p><milestone unit="para"/>Ῥωμαίων δὲ αἱ πολλαὶ γυναῖκες καὶ τὰ ὑποδήματα 
-ταὐτὰ φορεῖν τοῖς ἀνδράσιν εἰθισμέναι εἰσίν. 
-</p>
-</div2>
-<div2 type="chapter" n="12">
-<p><milestone unit="para"/>δεῖ τοὺς παῖδας τοῖς ἀστραγάλοις ἐξαπατᾶν, τοὺς 
-δὲ ἄνδρας τοῖς ὅρκοις. οἳ μὲν Λυσάνδρου εἶναι λέγουσι
-τὸν λόγον, οἳ δὲ Φιλίππου τοῦ Μακεδόνος. ὁποτέρου
-δʼ ἂν ᾖ, οὐκ ὀρθῶς λέγεται κατά γε τὴν ἐμὴν
-κρίσιν. καὶ ἴσως οὐ παράδοξον εἰ μὴ τὰ αὐτὰ ἀρέσκει 
-ἐμοὶ καὶ Λυσάνδρῳ· ὃ μὲν γὰρ ἐτυράννει, ἐγὼ
-δὲ ὡς φρονῶ δῆλον ἐξ ὧν μὴ τὸ λεχθὲν ἀρέσκει με.
-<pb id="p.86"/>
-</p>
-</div2>
-<div2 type="chapter" n="13">
-<p><milestone unit="para"/> Ἀγησίλαος ὁ Λακεδαιμόνιος γέρων ἤδη ὢν ἀνυπόδητος
-πολλάκις καὶ ἀχίτων προῄει, τὸν τρίβωνα περιβαλλόμενος
-αὐτόν, καὶ ταῦτα ἑωθινὸς ἐν ὥρᾳ χειμερίῳ.
-ᾐτιάσατο δέ τις αὐτὸν ὡς νεανικώτερα τῆς ἡλικίας
-ἐπιχειροῦντα· ὃ δὲ ʽἀλλʼ οἵ γε νέοἰ φησὶ ʽτῶν πολιτῶν
-ὥσπερ οὖν πῶλοι πρὸς τὸν τέλειον ἀποβλέπουσιν ἐμέ.
-</p>
-</div2>
-<div2 type="chapter" n="14">
-<p><milestone unit="para"/> τί δέ; οὐκ ἦσαν καὶ οἱ φιλόσοφοι τὰ πολέμια ἀγαθοί;
-ἐμοὶ μὲν δοκοῦσιν, εἴ γε Ἀρχύταν μὲν εἵλοντο
-ἑξάκις στρατηγὸν Ταραντῖνοι, Μέλισσος δὲ ἐναυάρχησε,
-Σωκράτης δὲ ἐστρατεύσατο τρίς, Πλάτων δὲ
-καὶ αὐτὸς ἐς Τάναγραν καὶ ἐς Κόρινθον. τὴν δὲ
-Ξενοφῶντος στρατείαν καὶ στρατηγίαν πολλοὶ μὲν καὶ
-ἄλλοι ᾅδουσι καὶ αὐτὸς δὲ ὁμολογεῖ ἐν τοῖς περὶ Κύρου
-λόγοις. Δίων δὲ ὁ Ἱππαρίνου τὴν Διονυσίου τυραννίδα
-κατέλυσε. καὶ Ἐπαμεινώνδας βοιωταρχῶν ἐν
-Λεύκτροις ἐνίκησε Λακεδαιμονίους, καὶ τῶν Θηβαίων
-καὶ τῶν Ἑλλήνων πρῶτος ἐγένετο. πολλὰ δὲ καὶ
-Ζήνων ὑπὲρ Ἀθηναίων ἐπολιτεύσατο πρὸς Ἀντίγονον.
-οὐδὲν γὰρ διοίσει εἴτε τις διὰ γνώμης ὤνησέ τινας
-εἴτε διʼ ὅπλων.
-</p>
-</div2>
-<div2 type="chapter" n="15">
-<p><milestone unit="para"/> ἡνίκα τῆς θαλάττης ἦρξαν Μυτιληναῖοι, τοῖς
-ἀφισταμένοις τῶν συμμάχων τιμωρίαν ἐκείνην ἐπήρτησαν,
-γράμματα μὴ μανθάνειν τοὺς παῖδας αὐτῶν
-μηδὲ μουσικὴν διδάσκεσθαι, πασῶν κολάσεων ἡγησάμενοι
-βαρυτάτην εἶναι ταύτην, ἐν ἀμουσίᾳ καὶ
-ἀμαθίᾳ καταβιῶναι.
-</p>
-</div2>
-<div2 type="chapter" n="16">
-<p><milestone unit="para"/> ὅτι Ῥώμη ὑπὸ Ῥώμου καὶ Ῥωμύλου ἐκτίσθη τῶν
-Ἄρεος καὶ Σιλουίας παίδων. ἦν δὲ αὕτη μία τῶν
-Αἰνείου ἀπογόνων.
-</p>
-</div2>
-<div2 type="chapter" n="17">
-<p><milestone unit="para"/> ὅτε ἐς Σικελίαν ἧκεν Εὔδοξος, χάριν αὐτῷ πολλὴν
-ὁ Διονύσιος τῆς ἀφίξεως ᾔδει. ὃ δὲ οὐδέν τι
-<pb id="p.87"/>
-πρὸς ταῦτα θωπεύσας οὐδὲ ὑποδραμὼν ʽἀφικόμηνʼ
-εἶπεν ʽὡσπερανεὶ πρὸς πανδοκέα ἀγαθόν, παρʼ ᾧ
-κατήγετο Πλάτων,ʼ ὁμολογήσας ὅτι μὴ διʼ ἐκεῖνον
-ἀλλὰ διὰ τοῦτον ἀφίκετο.
-</p>
-</div2>
-<div2 type="chapter" n="18">
-<p><milestone unit="para"/>Αἰγυπτίους φασὶ δεινῶς ἐγκαρτερεῖν ταῖς βασάνοις, 
-καὶ ὅτι θᾶττον τεθνήξεται ἀνὴρ Αἰγύπτιος στρεβλούμενος
-ἢ τἀληθὲς ὁμολογήσει. παρὰ Ἰνδοῖς δὲ αἱ
-γυναῖκες τὸ αὐτὸ πῦρ ἀποθανοῦσι τοῖς ἀνδράσιν ὑπομένουσι.
-φιλοτιμοῦνται δὲ περὶ τούτου αἱ γυναῖκες
-τοῦ ἀνδρός· καὶ ἡ κλήρῳ λαχοῦσα συγκάεται. 
-</p>
-</div2>
-<div2 type="chapter" n="19">
-<p><milestone unit="para"/>Σόλων ἐς τὴν ὑπὲρ Σαλαμῖνος μάχην ἐστρατήγησε, 
-καὶ δύο νεῶν Μεγαρίδων κρατήσας μετεβίβασε
-στρατηγοὺς Ἀττικοὺς ἐς αὐτάς, καὶ τὰ τῶν πολεμίων
-ὅπλα τοῖς οἰκείοις περιθεὶς καὶ μεθορμισθεὶς διʼ ἀπάτης πολλοὺς τῶν Μεγαρέων κατέκοψεν ἀνάπλους. 
-ἐκράτησε δὲ καὶ τοῖς λόγοις αὐτῶν, οὐ λόγων δεινότητι
-ἀλλὰ διʼ αὐτῶν τῶν ἐλέγχων τὸ πλέον ἐνεγκάμενος.
-ἀρχαίας γὰρ θήκας ἀνοίξας ἀπέδειξε πάντας
-Ἀθηναίους πρὸς δύσιν κειμένους κατὰ τὸ πάτριον
-αὐτοῖς ἔθος, τοὺς δὲ Μεγαρεῖς εἰκῇ καὶ ὡς ἔτυχε τεθαμμένους. 
-ἔκριναν δὲ τὴν δίκην Λακεδαιμόνιοι.
-</p>
-</div2>
-<div2 type="chapter" n="20">
-<p><milestone unit="para"/> ἀνὴρ ἐς Λακεδαίμονα ἀφίκετο Χῖος, γέρων ἤδη 
-ὤν, τὰ μὲν ἄλλα ἀλαζών, ᾐδεῖτο δὲ ἐπὶ τῷ γήρᾳ, καὶ
-τὴν τρίχα πολιὰν οὖσαν ἐπειρᾶτο βαφῇ ἀφανίζειν.
-παρελθὼν οὖν εἶπεν ἐκεῖνα ὑπὲρ ὧν καὶ ἀφίκετο. 
-ἀναστὰς οὖν ὁ Ἀρχίδαμος ʽτί ἂνʼ ἔφη ʽοὗτος ὑγιὲς
-εἴποι, ὃς οὐ μόνον ἐπὶ τῇ ψυχῇ τὸ ψεῦδος, ἀλλὰ
-καὶ ἐπὶ τῇ κεφαλῇ περιφέρει;ʼ καὶ ἐξέωσε τὰ ὑπʼ
-αὐτοῦ λεχθέντα, διαβάλλων τοῦ Χίου τὸν τρόπον ἐξ
-ὧν ἑωρᾶτο. 
-</p>
-</div2>
-<div2 type="chapter" n="21">
-<p><milestone unit="para"/>οὐκ ἀπηξίου Καῖσαρ ἐπὶ τὰς Ἀρίστωνος θύρας 
-φοιτᾶν, Πομπήιος δὲ ἐπὶ τὰς Κρατίππου. οὐ γὰρ
-<pb id="p.88"/>
-ἐπεὶ μέγα ἐδύναντο ὑπερεφρόνουν τῶν τὰ μέγιστα
-αὐτοὺς ὀνῆσαι δυναμένων, ἀλλʼ ἐδέοντο αὐτῶν, καίτοι
-τοσοῦτοι ὄντες τὴν ἀξίωσιν. οὐ γὰρ ἄρχειν, ὡς
-ἔοικεν, ἀλλὰ καλῶς ἄρχειν ἐβούλοντο.</p>
-</div2>
-</div1>
-<div1 type="book" n="8">
-<div2 type="chapter" n="1">
-<p><milestone unit="para"/>
-ἔελεγε δήπου Σωκράτης περὶ τοῦ δαιμονίου τοῦ
-συνόντος αὐτῷ πρὸς Θεάγην καὶ Δημόδοκον καὶ πρὸς
-ἄλλους πολλούς. φωνὴν πολλάκις ἔφασκε θείᾳ πομπῇ
-συγκεκληρωμένην αὐτῷ, ʽἥπερ ὅταν γένηται, ἀεί μοἰ
-φησὶ ʽσημαίνει ὃ μέλλω πράττειν τούτου ἀποτροπήν,
-προτρέπει δὲ οὐδέποτε. καὶ αὖ πάλιν ἐάν τίς μοἰ
-φησὶ ʽτῶν φίλων ἀνακοινῶται ὑπέρ του, καὶ ἐπιγένηται
-ἡ φωνὴ ἐκείνη, πάλιν ἀποτρέπει. καὶ ἐμοὶ μὲν
-αὕτη συμβουλεύει τοῦτο, ἐγὼ δὲ τῷ συμβουλευομένῳ
-μοι· καὶ οὐκ ἐῶ πράττειν, ἑπόμενος τῇ θείᾳ προρρήσει.ʼ
-παρείχετο δὲ μάρτυρα Χαρμίδην τὸν Γλαύκωνος·
-ἀνεκοινώσατο γὰρ αὐτῷ ὅτι μέλλοι ἀσκήσειν στάδιον
-ἐς Νεμέαν, καὶ εὐθὺς ὑπαρχομένου λέγειν ἡ φωνὴ
-ἐπεγένετο. καὶ ὁ Σωκράτης τὸν Χαρμίδην διεκώλυεν
-ἔχεσθαι ὧν εἴχετο, ὃ δʼ οὐκ ἐπείσθη· οὐ μὴν ἐς δέον
-ἀπήντησεν αὐτῷ ἡ σπουδή.
-</p>
-</div2>
-<div2 type="chapter" n="2">
-<p><milestone unit="para"/> Ἵππαρχος ὁ Πεισιστράτου παῖς πρεσβύτατος ὢν
-τῶν Πεισιστράτου καὶ σοφώτατος ἦν Ἀθηναίων.
-οὗτος καὶ τὰ Ὁμήρου ἔπη πρῶτος ἐκόμισεν ἐς τὰς
-Ἀθήνας, καὶ ἠνάγκασε τοὺς ῥαψῳδοὺς τοῖς Παναθηναίοις
-αὐτὰ ᾅδειν. καὶ ἐπʼ Ἀνακρέοντα δὲ τὸν Τήιον
-πεντηκόντορον ἔστειλεν, ἵνα αὐτὸν πορεύσῃ ὡς αὑτόν.
-Σιμωνίδην δὲ τὸν Κεῖον διὰ σπουδῆς ἄγων ἀεὶ περὶ
-<pb id="p.89"/>
-αὑτὸν εἶχε, μεγάλοις δώροις ὡς τὸ εἰκὸς πείθων καὶ
-μισθοῖς· καὶ γὰρ ὡς ἦν φιλοχρήματος ὁ Σιμωνίδης,
-οὐδεὶς ἀντιφήσει. ἔργον δὲ ἦν ἄρα τούτῳ τῷ Ἱππάρχῳ
-ἡ περὶ τοὺς πεπαιδευμένους σπουδή. καὶ
-ἐβούλετο ὑπὸ προσχήματι τῷ ἑαυτοῦ Ἀθηναίους παιδεύεσθαι, 
-καὶ βελτιόνων αὐτῶν ὄντων ἄρχειν ἔσπευδεν·
-οὐκ ᾤετο γὰρ δεῖν οὐδενὶ φθονεῖν σοφίας, ἅτε
-ὢν καλὸς καὶ ἀγαθός. λέγει δὲ Πλάτων ταῦτα, εἰ δὴ
-ὁ Ἵππαρχος Πλάτωνός ἐστι τῷ ὄντι.
-</p>
-</div2>
-<div2 type="chapter" n="3">
-<p><milestone unit="para"/>ὅτι Ἀττικὸν τοῦτο τὸ ἔθος, ὅταν ὁ βοῦς ἀποσφαγῇ, 
-τῶν μὲν ἄλλων ἀποψηφίζονται, κρίνοντες
-ἕκαστον ἐν τῷ μέρει φόνου· καταγινώσκουσι δὲ τῆς
-μαχαίρας, καὶ λέγουσι ταύτην ἀποκτεῖναι αὐτόν. καὶ
-ἐν ᾗ ταῦτα ἡμέρᾳ δρῶσι, Διιπόλια τὴν ἑορτὴν καλοῦσι
-καὶ Βουφόνια. 
-</p>
-</div2>
-<div2 type="chapter" n="4">
-<p><milestone unit="para"/>πολίαρχόν φασι τὸν Ἀθηναῖον ἐς τοσοῦτον προελθεῖν 
-τρυφῆς, ὥστε καὶ κύνας καὶ ἀλεκτρυόνας ἐκεί
-νους οἷς ἔχαιρεν ἐκκομίζειν ἀποθανόντας δημοσίᾳ.
-καὶ ἐπὶ τὴν ἐκφορὰν αὐτῶν παρεκάλει τοὺς φίλους,
-καὶ ἔθαπτεν αὐτοὺς πολυτελῶς, καὶ ἐπιστήματα αὐτοῖς 
-ἀναστήσας ἐπιγράμματα κατʼ αὐτῶν ἐνεκόλαπτεν.
-</p>
-</div2>
-<div2 type="chapter" n="5">
-<p><milestone unit="para"/>ὅτι Νηλεὺς ὁ Κόδρου τῆς βασιλείας ἀμοιρήσας 
-ἀπέλιπε τὰς Ἀθήνας διὰ τὸ τὴν Πυθίαν Μέδοντι τὴν
-ἀρχὴν περιάψαι ἐς ἀποικίαν στελλόμενος. τῇ Νάξῳ δὲ
-προσωρμίσθη οὐχ ἑκών, ἀλλʼ ὑπὸ χειμῶνος βιασθείς· 
-ἀπᾶραι δὲ βουλόμενον καταπνέοντες ἐναντίοι ἄνεμοι
-διεκώλυον. ἀποροῦντι δὲ αὐτῷ ὑπὲρ τῶν ἐνεστώτων,
-οἱ μάντεις ἔφασαν δεῖν καθαρθῆναι τὸ στρατόπεδον,
-ὡς συμπλεόντων πολλῶν οὐ καθαρῶν τὰς χεῖρας.
-προσεποιήσατο δὴ καὶ αὐτὸς ἀποκτεῖναί τινα παῖδα 
-καὶ δεῖσθαι καθαρμοῦ· καὶ αὐτὸς ἀνεχώρησε, καὶ τοὺς
-ἄλλους ἔπεισε τοὺς συνειδότας ἑαυτοῖς. οὗ γενομένου
-<pb id="p.90"/>
-καὶ γνωσθέντων ἐκείνων αὐτοὺς μὲν ἀπέλιπεν, οἳ δὲ
-ᾤκισαν τὴν Νάξον. Νηλεὺς δὲ ἐς τὴν Ἰωνίαν ἀφίκετο,
-καὶ πρῶτον μὲν ᾤκισε Μίλητον, Κᾶρας ἐξελάσας
-καὶ Μυγδόνας καὶ Λέλεγας καὶ ἄλλους βαρβάρους,
-ἀφʼ ὧν αἱ δώδεκα πόλεις ἐκλήθησαν ἐν Ἰωνίᾳ. εἰσὶ
-δὲ αἵδε, Μίλητος Ἔφεσος Ἐρυθραὶ Κλαζομεναὶ Πριήνη
-Λέβεδος Τέως Κολοφὼν Μυοῦς Φώκαια Σάμος
-καὶ Χίος. καὶ ἄλλας δὲ πολλὰς ὕστερον ᾤκισε πόλεις
-ἐν τῇ ἠπείρῳ.
-</p>
-</div2>
-<div2 type="chapter" n="6">
-<p><milestone unit="para"/> τῶν ἀρχαίων φασὶ Θρᾳκῶν μηδένα ἐπίστασθαι
-γράμματα· ἀλλὰ καὶ ἐνόμιζον αἴσχιστον εἶναι πάντες
-οἱ τὴν Εὐρώπην οἰκοῦντες βάρβαροι χρῆσθαι γράμμασιν.
-οἱ δὲ ἐν τῇ Ἀσίᾳ ὡς λόγος ἐχρῶντο αὐτοῖς
-μᾶλλον. ἔνθεν τοι καὶ τολμῶσι λέγειν μηδὲ τὸν Ὀρφέα
-σοφὸν γεγονέναι, Θρᾷκα ὄντα, ἀλλʼ ἄλλως τοὺς
-μύθους αὐτοῦ καταψεύσασθαι. ταῦτα Ἀνδροτίων
-λέγει, εἴ τῳ πιστὸς ὑπὲρ τῆς ἀγραμματίας καὶ ἀπαιδευσίας
-Θρᾳκῶν τεκμηριῶσαι.
-</p>
-</div2>
-<div2 type="chapter" n="7">
-<p><milestone unit="para"/> Ἀλέξανδρος ὅτε Δαρεῖον εἷλε, γάμους εἱστία καὶ
-ἑαυτοῦ καὶ τῶν φίλων. ἐνενήκοντα δὲ ἦσαν οἱ γαμοῦντες
-καὶ ἰσάριθμοι τούτοις οἱ θάλαμοι. ἦν δὲ ὁ
-ἀνδρὼν ὁ ὑποδεχόμενος καὶ ἑστιῶν αὐτοὺς ἑκατοντάκλινος·
-καὶ ἑκάστη κλίνη ἀργυρόπους ἦν, ἡ δὲ αὐτοῦ
-χρυσόπους, καὶ κεκόσμηντο πᾶσαι ἁλουργοῖς καὶ
-ποικίλοις ἱματίοις ὑφῆς βαρβαρικῆς μέγα τιμίας. συμπαρέλαβε
-δὲ ἐς τὸ συμπόσιον καὶ τοὺς ἰδιοξένους, καὶ
-κατέκλινεν ἀντιπροσώπους ἑαυτῷ. ἐν δὲ τῇ αὐλῇ
-εἱστιῶντο αἵ τε ἄλλαι δυνάμεις, αἱ πεζαὶ καὶ αἱ ναυτικαὶ
-καὶ οἱ ἱππεῖς καὶ αἱ πρεσβεῖαι δὲ καὶ οἱ παρεπιδημοῦντες
-Ἕλληνες. καὶ ἐγένετο τὰ δεῖπνα πρὸς
-σάλπιγγα, τὸ μὲν συγκλητικὸν μέλος ᾀδούσης, ὅτε
-αὐτοὺς ἐχρῆν παριέναι ἐπὶ τὴν δαῖτα, τὸ δὲ ἀνακλητικόν,
-<pb id="p.91"/>
-ὅτε ἐσήμαινεν ἀπαλλάττεσθαι. πέντε δὲ ἡμέρας
-καθεξῆς τοὺς γάμους ἔθυεν. ἀφίκοντο δὲ καὶ μουσουργοὶ
-καὶ ὑποκριταί, οἳ μὲν κωμῳδίας οἳ δὲ τραγῳδίας,
-πάμπολλοι. ἦσαν δὲ καὶ ἐκ τῆς Ἰνδικῆς θαυματοποιοὶ
-διαπρέποντες, καὶ ἔδοξαν δὲ αὐτοὶ κρατεῖν 
-τῶν ἄλλων τῶν ἀλλαχόθεν.
-</p>
-</div2>
-<div2 type="chapter" n="8">
-<p><milestone unit="para"/>Κίμων ὁ Κλεωναῖος ἐξειργάσατό φασι τὴν τέχνην 
-τὴν γραφικὴν ὑποφυομένην ἔτι καὶ ἀτέχνως ὑπὸ τῶν
-πρὸ αὐτοῦ καὶ ἀπείρως ἐκτελουμένην καὶ τρόπον τινὰ
-ἐν σπαργάνοις καὶ γάλαξιν οὖσαν. διὰ ταῦτά τοι καὶ 
-μισθοὺς τῶν πρὸ αὐτοῦ πρῶτος ἔλαβεν ἁδροτέρους.
-</p>
-</div2>
-<div2 type="chapter" n="9">
-<p><milestone unit="para"/>Ἀρχέλαον τὸν Μακεδόνων τύραννον ʽοὕτω γὰρ 
-καὶ Πλάτων αὐτὸν ὀνομάζει, καὶ οὐ βασιλέἀ τὰ παιδικὰ
-αὐτοῦ Κρατεύας ἐρασθεὶς τῆς τυραννίδος οὐδὲν
-ἧττον ἤπερ ἐκεῖνος τῶν παιδικῶν ἠράσθη, ἀπέκτεινε 
-τὸν ἐραστήν, ὡς τύραννός τε καὶ εὐδαίμων ἀνὴρ
-ἐσόμενος. τρεῖς δὲ ἢ τέτταρας ἡμέρας τὴν τυραννίδα
-κατασχών, πάλιν αὐτὸς ἐπιβουλευθεὶς ὑφʼ ἑτέρων
-ἐτελεύτησεν. εἴη δʼ ἂν πρεπωδέστατον ἐπειπεῖν τῷδε
-τῷ Μακεδονικῷ δράματι τὸ ἔπος ἐκεῖνο 
-<quote rend="blockquote">
-<lb/>τεύχων ὡς ἑτέρῳ τις ἑῷ κακὸν ἥπατι τεύχει.
-</quote>
-    <milestone unit="para"/>ὅτι διεψεύσατο αὐτῷ φασιν Ἀρχέλαος τῶν θυγατέρων
-μίαν δώσειν· ὅτε δὲ ἄλλῳ συνῴκισε τὴν παῖδα,
-ὑπεραγανακτήσας διέφθειρε τὸν Ἀρχέλαον.
-</p>
-</div2>
-<div2 type="chapter" n="10">
-<p><milestone unit="para"/>Σόλωνα αἱρετὸν Ἀθηναῖοι προείλοντο ἄρχειν αὐτοῖς, 
-οὐ γὰρ κληρωτὸν τοῦτον. ἐπεὶ δὲ ᾑρέθη, τά τε
-ἄλλα ἐκόσμησε τὴν πόλιν, καὶ δὴ καὶ τοὺς νόμους
-τοὺς νῦν ἔτι φυλαττομένους συνέγραψεν αὐτοῖς. καὶ
-τότε ἐπαύσαντο Ἀθηναῖοι χρώμενοι τοῖς Δράκοντος·
-ἐκαλοῦντο δὲ ἐκεῖνοι θεσμοί. μόνους δὲ ἐφύλαξαν 
-τοὺς φονικοὺς αὐτοῦ.
-<pb id="p.92"/>
-</p>
-</div2>
-<div2 type="chapter" n="11">
-<p><milestone unit="para"/> οὐδὲν ἔτι θαυμάσομεν εἰ ἡ τῶν ἀνθρώπων φύσις
-θνητὴ οὖσα καὶ ἐφήμερος φθείρεσθαι αὐτοὺς ἀναγκάζει,
-ὅπου καὶ τοὺς ποταμοὺς ὁρῶμεν ἐπιλείποντας,
-καὶ τῶν ὀρῶν δὲ τὰ ὑψηλότατα ἀκούομεν μειούμενα
-καὶ ἐκεῖνα. τὴν γοῦν Αἴτνην φασὶν οἱ πλέοντες ἐξ
-ἐλάττονος ὁρᾶν ἢ προτοῦ ἐβλέπετο· τὸ δὲ αὐτὸ τοῦτο
-καὶ τὸν Παρνασσὸν παθεῖν καὶ τὸν Ὄλυμπον τὸν
-Πιερικόν. οἱ δὲ ἔτι μᾶλλον δοκοῦντες τὴν τῶν ὅλων
-φύσιν κατεσκέφθαι λέγουσι καὶ κόσμον διαφθείρεσθαι
-αὐτόν.
-</p>
-</div2>
-<div2 type="chapter" n="12">
-<p><milestone unit="para"/> παράδοξόν γε, οὐ γάρ; ἀλλʼ ἀληθές. ἐκπεσόντος
-Δημοσθένους ἐν Μακεδονίᾳ Αἰσχίνης ὁ Ἀτρομήτου
-ὁ Κοθωκίδης καὶ ἐνευδοκίμει τοῖς Μακεδόσι καὶ
-πάμπολυ περιῆν τῶν πρέσβεων τῷ φρονήματι. αἰτία
-δὲ ἦν ἄρα τούτου τῷ Αἰσχίνῃ ἥ τε πρὸς Φίλιππον
-φιλία καὶ τὰ ἐξ αὐτοῦ δῶρα καὶ ὅτι πράως καὶ ἡδέως
-ἤκουεν αὐτοῦ ὁ Φίλιππος, μειλιχίῳ τῷ βλέμματι
-προσβλέπων καὶ ὑποφαίνων τὴν ἐξ αὑτοῦ εὔνοιαν.
-ἅπερ οὖν πάντα ἐφολκὰ ἦν ἐς τὴν παρρησίαν τῷ
-Αἰσχίνῃ καὶ τὴν τῶν λόγων εὔροιαν. οὐ μόνος δὲ
-τοῦτο ἔπαθε Δημοσθένης ἐν Μακεδονίᾳ, καίτοι δεινότατος
-ὢν εἰπεῖν, ἀλλὰ καὶ Θεόφραστος ὁ Ἐρέσιος.
-ἐξέπεσε γὰρ καὶ οὗτος ἐπὶ τῆς ἐξ Ἀρείου πάγου βουλῆς
-λέγων, καὶ ταύτην ἀπολογίαν προεφέρετο, ὅτι
-κατεπλάγη τὸ ἀξίωμα τοῦ συνεδρίου. πικρότατα οὖν
-ἀπήντησε καὶ ἑτοιμότατα πρὸς τοῦτον αὐτοῦ τὸν λόγον
-ὁ Δημοχάρης εἰπὼν ʽὦ Θεόφραστε, Ἀθηναῖοι ἦσαν
-ἀλλʼ οὐχ οἱ δώδεκα θεοὶ οἱ δικάζοντες.ʼ
-</p>
-</div2>
-<div2 type="chapter" n="13">
-<p><milestone unit="para"/> Ἀναξαγόραν τὸν Κλαζομένιόν φασι μήτε γελῶντά
-ποτε ὀφθῆναι μήτε μειδιῶντα τὴν ἀρχήν. λέγουσι
-δὲ καὶ Ἀριστόξενον τῷ γέλωτι ἀνὰ κράτος πολέμιον
-<pb id="p.93"/>
-γενέσθαι· Ἡράκλειτόν τε, ὅτι πάντα τὰ ἐν τῷ βίῳ ἔκλαεν.
-</p>
-</div2>
-<div2 type="chapter" n="14">
-<p><milestone unit="para"/>Διογένης ὁ Σινωπεὺς ὅτε λοιπὸν ἐνόσει ἐπὶ θανάτῳ, 
-ἑαυτὸν φέρων μόνον ἔρριψε κατά τινος γεφυρίου
-πρὸς γυμνασίῳ ὄντος, καὶ προσέταξε τῷ παλαιστροφύλακι, 
-ἐπειδὰν αἴσθηται ἀποπεπνευκότα αὐτόν,
-ῥῖψαι ἐς τὸν Ἰλισσόν. οὕτως ἄρα ὀλίγον ἔμελε Διογένει
-καὶ θανάτου καὶ ταφῆς.
-</p>
-</div2>
-<div2 type="chapter" n="15">
-<p><milestone unit="para"/>ἐν Χαιρωνείᾳ τοὺς Ἀθηναίους ἡνίκα ἐνίκησεν ὁ 
-Φίλιππος, ἐπαρθεὶς τῇ εὐπραγίᾳ, ὅμως λογισμοῦ 
-ἐκράτησε καὶ οὐχ ὕβρισε· καὶ διὰ ταῦτα ᾤετο δεῖν
-αὐτὸν ὑπομιμνήσκεσθαι ὑπό τινος τῶν παίδων ἕωθεν
-ὅτι ἄνθρωπός ἐστι, καὶ προσέταξε τῷ παιδὶ τοῦτο ἔχειν
-ἔργον. καὶ οὐ πρότερόν φασιν οὔτε αὐτὸς προῄει,
-οὔτε τις τῶν δεομένων αὐτοῦ παρʼ αὐτὸν ἐσῄει, πρὶν 
-τοῦτο αὐτῷ τὸν παῖδα ἐκβοῆσαι τρίς.
-</p>
-</div2>
-<div2 type="chapter" n="16">
-<p><milestone unit="para"/>Σόλων ὁ Ἐξηκεστίδου γέρων ἤδη ὢν ὑπώπτευε 
-Πεισίστρατον τυραννίδι ἐπιθήσεσθαι, ἡνίκα παρῆλθεν
-ἐς τὴν ἐκκλησίαν τῶν Ἀθηναίων καὶ ᾔτει φρουρὰν
-ὁ Πεισίστρατος. ὁρῶν δὲ τοὺς Ἀθηναίους τῶν μὲν 
-αὐτοῦ λόγων ῥᾳθύμως ἀκούοντας, προσέχοντας δὲ τῷ
-Πεισιστράτῳ, ἔφη ὅτι τῶν μέν ἐστι σοφώτερος, τῶν
-δὲ ἀνδρειότερος. ὁπόσοι μὲν μὴ γινώσκουσιν ὅτι
-φυλακὴν λαβὼν περὶ τὸ σῶμα τύραννος ἔσται, ἀλλὰ
-τούτων μέν ἐστι σοφώτερος· ὁπόσοι δὲ γινώσκοντες 
-ὑποσιωπῶσι, τούτων ἀνδρειότερός ἐστιν. ὃ δὲ λαβὼν
-τὴν δύναμιν τύραννος ἦν. καθεζόμενος δὲ Σόλων
-πρὸ τῆς οἰκίας, τὴν ἀσπίδα καὶ τὸ δόρυ παραθέμενος
-ἔλεγεν ὅτι ἐξώπλισται καὶ βοηθεῖ τῇ πατρίδι ᾗ δύναται,
-στρατηγὸς μὲν διὰ τὴν ἡλικίαν οὐκέτι ὤν, εὔνους 
-δὲ διὰ τὴν γνώμην. ὅμως οὖν Πεισίστρατος,
-εἴτε αἰδοῖ τῇ πρὸς τὸν ἄνδρα καὶ τὴν σοφίαν αὐτοῦ,
-<pb id="p.94"/>
-εἴτε καὶ μνήμῃ τῶν ἐφʼ ἡλικίας ʽλέγεται γὰρ αὐτοῦ
-παιδικὰ γενέσθαἰ, οὐδέν γε ἔδρασε κακὸν Σόλωνα.
-ὁ δʼ οὖν Σόλων ὀλίγῳ ὕστερον ὑπέργηρως ὢν τὸν
-βίον ἐτελεύτησεν, ἐπὶ σοφίᾳ καὶ ἀνδρείᾳ μεγάλην ἀπολιπὼν
-δόξαν. καὶ ἀνέστησαν αὐτῷ χαλκῆν εἰκόνα
-ἐν τῇ ἀγορᾷ· ἀλλὰ καὶ ἔθαψαν αὐτὸν δημοσίᾳ παρὰ
-τὰς πύλας πρὸς τῷ τείχει ἐν δεξιᾷ ἐσιόντων, καὶ περιῳκοδόμητο
-αὐτῷ ὁ τάφος.
-</p>
-</div2>
-<div2 type="chapter" n="17">
-<p><milestone unit="para"/> ὅτι Σκύθης ὁ Ἰνυκῖνος ὁ τῶν Ζαγκλαίων μόναρχος
-ἀνέβη ἐς Ἀσίαν παρὰ βασιλέα Δαρεῖον. καὶ
-αὐτὸν ἐνόμισε πάντων ἀνδρῶν δικαιότατον εἶναι, ὅσοι
-ἐκ τῆς Ἑλλάδος παρʼ αὐτὸν ἀνέβησαν, ὅτι παραιτησάμενος
-βασιλέα ἀφίκετο ἐς Σικελίαν καὶ πάλιν ἐκ Σικελίας
-παρὰ βασιλέα ὀπίσω. τοῦτο δὲ Δημοκήδης ὁ
-Κροτωνιάτης οὐκ ἐποίησε, καὶ διὰ τοῦτο Δαρεῖος ὑπὲρ
-αὐτοῦ φλαύρως ἔλεγεν, ἀπατεῶνα λέγων καὶ ἄνθρωπον
-κάκιστον. ὁ οὖν Σκύθης ἐν Πέρσαις μέγα ὄλβιος
-ὢν γήρᾳ κατέστρεψε τὸν βίον.
-</p>
-</div2>
-<div2 type="chapter" n="18">
-<p><milestone unit="para"/> εὔθυμος ὁ Λοκρὸς τῶν ἐν Ἰταλίᾳ πύκτης ἀγαθὸς
-ἦν, ῥώμῃ τε σώματος πεπίστευται θαυμασιώτατος γενέσθαι·
-λίθον γὰρ μεγέθει μέγιστον δεικνύουσι Λοκροί,
-ὃν ἐκόμισε καὶ ἔθηκε πρὸ τῶν θυρῶν. καὶ τὸν
-ἐν Τεμέσῃ ἥρωα φόρους πραττόμενον παρὰ τῶν προσοίκων
-ἔπαυσεν· ἀφικόμενος γὰρ ἐς τὸ ἱερὸν αὐτοῦ,
-ὅπερ ἄβατον ἦν τοῖς πολλοῖς, διηγωνίσατο πρὸς αὐτόν,
-καὶ ἠνάγκασεν ὧνπερ ἐσύλησεν ἀποτῖσαι πλείω.
-ἐντεῦθέν τοι καὶ διέρρευσεν ἡ παροιμία ἡ λέγουσα
-ἐπὶ τῶν ἀλυσιτελῶς τι κερδαινόντων ὅτι αὐτοῖς ἀφίξεται
-ὁ ἐν Τεμέσῃ ἥρως. λέγουσι δὲ τὸν αὐτὸν Εὔθυμον
-καταβάντα ἐπὶ τὸν Καικῖνον ποταμὸν ὅς ἐστι
-πρὸ τῆς τῶν Λοκρῶν πόλεως ἀφανισθῆναι.
-<pb id="p.95"/>
-</p>
-</div2>
-<div2 type="chapter" n="19">
-<p><milestone unit="para"/>ὅτι τοῦτο ἐπιγέγραπται Ἀναξαγόρᾳ 
-<quote rend="blockquote">
-<lb/>ἐνθάδʼ ὁ πλεῖστον ἀληθείας ἐπὶ τέρμα περήσας
-<lb/>οὐρανίου κόσμου κεῖται Ἀναξαγόρας.
-</quote>
-    <milestone unit="para"/>ὅτι καὶ βωμὸς αὐτῷ ἵσταται καὶ ἐπιγέγραπται
-οἳ μὲν Νοῦ οἳ δὲ Ἀληθείας.</p>
-</div2>
-</div1>
-<div1 type="book" n="9">
-<div2 type="chapter" n="1">
-<p><milestone unit="para"/>
-ἱέρωνά φασι τὸν Συρακόσιον φιλέλληνα γενέσθαι
-καὶ τιμῆσαι παιδείαν ἀνδρειότατα. καὶ ὡς ἦν προχειρότατος
-ἐς τὰς εὐεργεσίας λέγουσι· προθυμότερον
-γὰρ αὐτόν φασι χαρίζεσθαι ἢ τοὺς αἰτοῦντας λαμβάνειν. 
-ἦν δὲ καὶ τὴν ψυχὴν ἀνδρειότατος. ἀβασανίστως
-δὲ καὶ τοῖς ἀδελφοῖς συνεβίωσε τρισὶν οὖσι,
-πάνυ σφόδρα ἀγαπήσας αὐτοὺς καὶ ὑπʼ αὐτῶν φιληθεὶς
-ἐν τῷ μέρει. τούτῳ φασὶ καὶ Σιμωνίδης συνεβίωσε
-καὶ Πίνδαρος, καὶ οὐκ ὤκνησέ γε Σιμωνίδης 
-βαρὺς ὢν ὑπὸ γήρως πρὸς αὐτὸν ἀφικέσθαι· ἦν μὲν
-γὰρ καὶ φύσει φιλάργυρος ὁ Κεῖος, προύτρεπε δὲ
-αὐτὸν καὶ πλέον ἡ τοῦ Ἱέρωνος φιλοδωρία φασίν.
-</p>
-</div2>
-<div2 type="chapter" n="2">
-<p><milestone unit="para"/>ὅτι ἐν Αἰγίνῃ ἐξ Ὀλυμπίας αὐθημερὸν διηγγέλη 
-ἡ νίκη τοῦ Ταυροσθένους τῷ πατρὶ αὐτοῦ ὑπὸ φάσματός 
-φασιν. ἄλλοι δέ φασι περιστερὰν τὸν Ταυροσθένην
-ἐπαγαγέσθαι ἀπολιποῦσαν τοὺς ἑαυτῆς νεοττοὺς
-ὑγροὺς ἔτι καὶ ἀπτῆνας, νικήσαντα δὲ ἀφεῖναι
-τὴν πελειάδα, προσάψαντα πορφύραν αὐτῇ· τὴν δὲ
-ἐπειγομένην πρὸς τοὺς νεοττοὺς ἀπαυθημερίσαι ἐκ 
-Πίσης ἐς Αἴγιναν.
-<pb id="p.96"/>
-</p>
-</div2>
-<div2 type="chapter" n="3">
-<p><milestone unit="para"/> ὅτι διέθρυπτε τοὺς ἑταίρους Ἀλέξανδρος, τρυφᾶν
-ἐπιχωρῶν αὐτοῖς, εἴ γε καὶ Ἄγνων χρυσοῦς ἥλους ἐν
-ταῖς κρηπῖσιν ἐφόρει. Κλεῖτος δὲ εἴποτε μέλλοι τισὶ
-χρηματίζειν, ἐπὶ πορφυρῶν εἱμάτων βαδίζων τοὺς
-δεομένους προσίετο. Περδίκκᾳ δὲ καὶ Κρατερῷ φιλογυμναστοῦσιν
-ἠκολούθουν διφθέραι σταδιαῖαι τὸ
-μέγεθος, ὑφʼ αἷς περιλαμβάνοντες τόπον εὐμεγέθη
-ἐν ταῖς καταστρατοπεδείαις ἐγυμνάζοντο. εἵπετο δὲ
-αὐτοῖς καὶ πολλὴ κόνις διʼ ὑποζυγίων ἐς τὰ γυμνάσια
-λυσιτελὴς οὖσα. Λεοννάτῳ δὲ καὶ Μενελάῳ φιλοθηροῦσιν
-αὐλἁ??ʼαι σταδίων ἑκατὸν ἠκολούθουν. αὐτῷ
-δὲ Ἀλεξάνδρῳ ἡ μὲν σκηνὴ ἦν κλινῶν ἑκατόν, χρυσοῖ
-δὲ κίονες πεντήκοντα διειλήφεσαν αὐτὴν καὶ τὸν ὄροφον
-αὐτῆς ἀνεῖχον, αὐτὸς δὲ ὁ ὄροφος διάχρυσος ἦν
-καὶ ἐκπεπόνητο ποικίλμασι πολυτελέσι. καὶ πρῶτοι
-μὲν Πέρσαι πεντακόσιοι οἱ καλούμενοι μηλοφόροι
-περὶ αὐτὴν ἐντὸς εἱστήκεσαν, πορφυρᾶς καὶ μηλίνας
-ἠσθημένοι στολάς· ἐπʼ αὐτοῖς δὲ τοξόται χίλιοι, φλόγινα
-ἐνδεδυκότες καὶ ὑσγινοβαφῆ· πρὸ δὲ τούτων οἱ
-ἀργυράσπιδες πεντακόσιοι Μακεδόνες. ἐν μέσῃ δὲ
-τῇ σκηνῇ χρυσοῦς ἐτίθετο δίφρος, καὶ ἐπʼ αὐτῷ
-καθήμενος Ἀλέξανδρος ἐχρημάτιζε, περιεστώτων αὐτῷ
-πανταχόθεν τῶν σωματοφυλάκων. περιῄει δὲ τὴν
-σκηνὴν περίβολος, ἔνθα ἦσαν Μακεδόνες χίλιοι καὶ
-Πέρσαι μύριοι. καὶ οὐδεὶς ἐτόλμα ῥᾳδίως προσελθεῖν
-αὐτῷ· πολὺ γὰρ ἦν τὸ ἐξ αὐτοῦ δέος ἀρθέντος ὑπὸ
-φρονήματος καὶ τύχης ἐς τυραννίδα.
-</p>
-</div2>
-<div2 type="chapter" n="4">
-<p><milestone unit="para"/> Πολυκράτης ὁ Σάμιος ἐν Μούσαις ἦν, καὶ Ἀνακρέοντα
-ἐτίμα τὸν Τήιον καὶ διὰ σπουδῆς ἦγε, καὶ
-ἔχαιρεν αὐτῷ καὶ τοῖς ἐκείνου μέλεσιν. οὐκ ἐπαινῶ
-δὲ αὐτοῦ τὴν τρυφήν. Ἀνακρέων ἐπῄνεσε Σμερδίην
-θερμότερον τὰ παιδικὰ Πολυκράτους, εἶτα ἥσθη τὸ
-<pb id="p.97"/>
-μειράκιον τῷ ἐπαίνῳ, καὶ τὸν Ἀνακρέοντα ἠσπάζετο
-σεμνῶς εὖ μάλα, ἐρῶντα τῆς ψυχῆς, ἀλλʼ οὐ τοῦ σώματος.
-μὴ γάρ τις ἡμῖν διαβαλλέτω πρὸς θεῶν τὸν
-ποιητὴν τὸν Τήιον, μηδʼ ἀκόλαστον εἶναι λεγέτω.
-ἐζηλοτύπησε δὲ Πολυκράτης ὅτι τὸν Σμερδίην ἐτίμησε, 
-καὶ ἑώρα τὸν ποιητὴν ὑπὸ τοῦ παιδὸς ἀντιφιλούμενον·
-καὶ ἀπέκειρε τὸν παῖδα ὁ Πολυκράτης, ἐκεῖνον μὲν
-αἰσχύνων, οἰόμενος δὲ λυπεῖν Ἀνακρέοντα. ὃ δὲ οὐ
-προσεποιήσατο αἰτιᾶσθαι τὸν Πολυκράτη σωφρόνως
-καὶ ἐγκρατῶς, μετήγαγε δὲ τὸ ἔγκλημα ἐπὶ τὸ μειράκιον 
-ἐν οἷς ἐπεκάλει τόλμαν αὐτῷ καὶ ἀμαθίαν
-ὁπλισαμένῳ κατὰ τῶν ἑαυτοῦ τριχῶν. τὸ δὲ ᾆσμα
-τὸ ἐπὶ τῷ πάθει τῇς κόμης Ἀνακρέων ᾀσάτω· ἐμοῦ
-γὰρ αὐτὸς ἄμεινον ᾅσεται.
-</p>
-</div2>
-<div2 type="chapter" n="5">
-<p><milestone unit="para"/> Θεμιστοκλῆς Ἱέρωνα ἥκοντα ἐς Ὀλυμπίαν Ὀλυμπίων 
-ἀγομένων ἵππους ἄγοντα εἶρξε τῆς ἀγωνίας
-εἰπὼν τὸν μὴ μεταλαβόντα τοῦ μεγίστου τῶν κινδύνων
-τῶνπανηγύρεων μεταλαμβάνειν μὴ δεῖν· καὶ ἐπῃνέθη Θεμιστοκλῆς.
-</p>
-</div2>
-<div2 type="chapter" n="6">
-<p><milestone unit="para"/>ὅτι Περικλῆς ἐν τῷ λοιμῷ τοὺς παῖδας ἀποβαλὼν 
-ἀνδρειότατα τὸν θάνατον αὐτῶν ἤνεγκε, καὶ πάντας
-Ἀθηναίους εὐθυμότερον ἔπεισε τοὺς τῶν φιλτάτων
-θανάτους φέρειν.
-</p>
-</div2>
-<div2 type="chapter" n="7">
-<p><milestone unit="para"/>ἡ Ξανθίππη ἔφη μυρίων μεταβολῶν τὴν πόλιν 
-καὶ αὐτοὺς κατασχουσῶν ἐν πάσαις ὅμοιον τὸ Σωκράτους 
-πρόσωπον καὶ προϊόντος ἐκ τῆς οἰκίας καὶ
-ἐπανιόντος θεάσασθαι· ἥρμοστο γὰρ πρὸς πάντα ἐπιεικῶς,
-καὶ ἦν ἵλεως ἀεὶ τὴν διάνοιαν καὶ λύπης ὑπεράνω
-πάσης καὶ φόβου κρείττων παντός.
-</p>
-</div2>
-<div2 type="chapter" n="8">
-<p><milestone unit="para"/>ὁ νέος Διονύσιος ἐς τὴν τῶν Λοκρῶν πόλιν παριὼν 
-ʽεἴ γε Δωρὶς ἡ μήτηρ αὐτοῦ Λοκρὶς ἦνʼ οἶκον
-τῶν ἐν τῇ πόλει τὸν μέγιστον καταλαμβάνων, ῥόδοις
-<pb id="p.98"/>
-καὶ ἑρπύλλοις καὶ ἄλλοις ἄνθεσι καταστρωννὺς τὰς
-τῶν Λοκρῶν θυγατέρας μετεπέμπετο, καὶ συνῆν αὐταῖς
-ἀκολαστότατα. ὑπὲρ δὴ τούτου ἔτισε δίκην·
-ἐπειδὴ γὰρ αὐτοῦ ἡ τυραννὶς κατελύθη ὑπὸ Δίωνος,
-ἐνταῦθα οἱ Λοκροὶ τὴν γυναῖκα τοῦ Διονυσίου καὶ
-τὰς θυγατέρας κατεπόρνευσαν, καὶ ἀνέδην αὐταῖς
-ἐνύβριζον πάντες, μάλιστα οἱ προσήκοντες ταῖς παρθένοις
-ταῖς ὑπὸ Διονυσίου διεφθαρμέναις. ἡνίκα δὲ
-διακορεῖς ἐγένοντο ὑβρίζοντες, κεντοῦντες αὐτὰς ὑπὸ
-τοῖς ὄνυξι τοῖς τῶν χειρῶν βελόναις ἀπέκτειναν. τὰ
-δὲ ὀστᾶ κατέκοψαν ἐν ὅλμοις, καὶ τὰ κρέα τῶν ὀστῶν
-ἀφελόντες ἐπηράσαντο τοῖς μὴ γευσαμένοις αὐτῶν·
-εἰ δέ τι περιελείφθη ἐξ αὐτῶν, κατεπόντωσαν. ὃ δὲ
-ἐν Κορίνθῳ πολλαῖς καὶ ποικίλαις χρησάμενος βίου
-μεταβολαῖς διὰ τὴν ὑπερβάλλουσαν ἀπορίαν, τελευταῖον
-δὲ μητραγυρτῶν καὶ κρούων τύμπανα καὶ καταυλούμενος
-τὸν βίον κατέστρεψεν.
-</p>
-</div2>
-<div2 type="chapter" n="9">
-<p><milestone unit="para"/> Δημήτριος ὁ Πολιορκητὴς ᾕρει τὰς πόλεις, καὶ τῇ
-ἑαυτοῦ τρυφῇ καταχρώμενος χίλια καὶ διακόσια τάλαντα
-πρόσοδον ἑαυτῷ περιεποιήσατο καθʼ ἕκαστον
-ἔτος, καὶ ἐκ τούτων ὀλίγα μὲν ἐς τὸ στρατόπεδον
-ἐδαπάνα, τὰ δὲ λοιπὰ ἐς τὴν ἀκολασίαν τὴν ἑαυτοῦ.
-μύροις τε ἐρραίνετο αὐτῷ τὸ δάπεδον καὶ καθʼ ἑκάστην
-ἔτους ὥραν τὰ ἐνακμάζοντα τῶν ἀνθῶν ὑπεσπείρετο
-αὐτῷ, ἵνα κατʼ αὐτῶν βαδίζῃ. ἦν δὲ καὶ πρὸς
-γυναῖκας ἀκόλαστος, καὶ νεανικοῖς ἔρωσιν ἐπεχείρει.
-ἔμελε δὲ αὐτῷ καὶ καλῷ εἶναι εὐθετίζοντι τὴν τρίχα
-καὶ ξανθιζομένῳ καὶ ὑπαλειφομένῳ τὸ πρόσωπον παιδέρωτι.
-καὶ τοῖς ἄλλοις δὲ ἐχρίετο ἀλείμμασι, προσφιλοτιμούμενος
-τῇ ῥᾳθυμίᾳ.
-</p>
-</div2>
-<div2 type="chapter" n="10">
-<p><milestone unit="para"/> ὁ Πλάτων, νοσεροῦ χωρίου λεγομένου εἶναι τῆς
-Ἀκαδημείας, καὶ συμβουλευόντων αὐτῷ τῶν ἰατρῶν
-<pb id="p.99"/>
-ἐς τὸ Λύκειον μετοικῆσαι, οὐκ ἠξίωσεν εἰπὼν ʽἀλλʼ
-ἔγωγε οὐκ ἂν οὐδὲ ἐς τὰ τοῦ Ἄθω μετῴκησα ἂν ὑπὲρ
-τοῦ μακροβιώτερος γενέσθαι.
-</p>
-</div2>
-<div2 type="chapter" n="11">
-<p><milestone unit="para"/>Παρράσιος ὁ ζωγράφος ὅτι μὲν πορφυρίδα ἐφόρει 
-καὶ χρυσοῦν στέφανον περιέκειτο μαρτυροῦσι καὶ 
-ἄλλοι καὶ τὰ ἐπιγράμματα δὲ ἐπὶ πολλῶν εἰκόνων αὐτοῦ·
-ἠγωνίσατο δέ ποτε ἐν Σάμῳ, συνέτυχε δὲ ἀντιπάλῳ
-οὐ κατὰ πολὺ ἐνδεεστέρῳ αὐτοῦ εἶτα ἡττήθη.
-τὸ δὲ ἐπίγραμμα ἦν αὐτῷ ὁ Αἴας ὑπὲρ τῶν ὅπλων
-τῶν Ἀχιλλέως ἀγωνισάμενος πρὸς τὸν Ὀδυσσέα. ἡττηθεὶς 
-δὲ εὖ μάλα ἀστείως ἀπεκρίνατο πρὸς τὸν συναχθόμενον
-αὐτῷ τῶν ἑταίρων ὁ Παρράσιος· ἔφη γὰρ
-αὐτὸς μὲν ὑπὲρ τῆς ἥττης ὀλίγον φροντίζειν, συνάχθεσθαι
-δὲ τῷ παιδὶ τοῦ Τελαμῶνος δεύτερον τοῦτο ὑπὲρ
-τῶν αὐτῶν ἡττηθέντι. κατεῖχε δὲ καὶ σκίπωνα χρυσᾶς 
-ἕλικας ἔχοντα περιερπούσας, χρυσοῖς τε ἀνασπάστοις
-ἐπέσφιγγε τοὺς ἀναγωγέας τῶν βλαυτῶν. φασὶ
-δὲ αὐτὸν μήτε ἄκοντα μήτε ἐπιπόνως τὰ ἐν τῇ τέχνῃ
-χειρουργεῖν, πάνυ δὲ εὐθύμως καὶ ῥᾳδίως· καὶ γὰρ
-καὶ ᾖδε καὶ ὑποκινυρόμενος τὸν κάματον τὸν ἐκ τῆς 
-ἐπιστήμης ἐπειρᾶτο. ἐπελαφρύνειν. λέγει δὲ ταῦτα Θεόφραστος.
-</p>
-</div2>
-<div2 type="chapter" n="12">
-<p><milestone unit="para"/>ὅτι Ῥωμαῖοι Ἀλκαῖον καὶ Φιλίσκον τοὺς Ἐπικουρείους 
-ἐξέβαλον τῆς πόλεως, ὅτι πολλῶν καὶ ἀτόπων
-ἡδονῶν ἐσηγηταὶ τοῖς νέοις ἐγένοντο. καὶ Μεσσήνιοι 
-δὲ ἐξέωσαν τοὺς Ἐπικουρείους.
-</p>
-</div2>
-<div2 type="chapter" n="13">
-<p><milestone unit="para"/>Διονύσιον τὸν Ἡρακλεώτην, Κλεάρχου τοῦ τυράννου 
-υἱόν, ἀκούω ἐκ τῆς καθʼ ἡμέραν ἀδηφαγίας καὶ
-τρυφῆς λαθεῖν ἑαυτὸν ὑπερσαρκήσαντα καὶ καταπιανθέντα.
-τὰ ἐπίχειρα γοῦν τοῦ κατὰ τὸ σῶμα 
-μεγέθους καὶ τοῦ περὶ τὰς σάρκας ὄγκου ἐκαρπώσατο
-δύσπνοιαν. φάρμακον οὖν αὐτῷ τοῦδε τοῦ πάθους
-<pb id="p.100"/>
-συνέταξάν φασιν οἱ ἰατροὶ βελόνας λεπτὰς κατασκευάσαι
-μηκίστας εἶτα ταύτας διὰ τῶν πλευρῶν καὶ τῆς
-κοιλίας διωθεῖν, ὅταν ἐς ὕπνον τύχῃ βαθύτερον ἐμπεσών.
-ἦν δὲ ἄρα τοῦτο ἐπιμελὲς ἐκείνοις δρᾶν, ἔστε
-ὅλη διὰ τῆς πεπωρωμένης καὶ τρόπον τινὰ ἀλλοτρίας
-αὐτοῦ σαρκὸς διεῖρπεν ἡ βελόνη· ἀλλʼ ἐκεῖνός γε
-ἔκειτο λίθου διαφέρων οὐδέν. εἰ δὲ ἀφίκετο τὸ βέλος
-ἔνθα λοιπὸν ἦν αὐτῷ τὸ σῶμα ἐρρωμένον καὶ ῖδιον,
-ἀλλʼ οὐκ ἐκ τῆς ἄγαν πιμελῆς ἀλλότριον, τηνικαῦτα
-καὶ ἐκεῖνος ᾐσθάνετο, καὶ ἠγείρετο ἐκ τοῦ ὕπνου.
-τοὺς δὲ χρηματισμοὺς ἐποιεῖτο τοῖς βουλομένοις αὐτῷ
-προσιέναι, κιβωτὸν τοῦ σώματος προβαλλόμενος. οἵ
-δὲ οὐ κιβωτόν φασιν ἀλλὰ πυργίσκον, ἵνα τὰ μὲν
-λοιπὰ αὐτοῦ μέρη ἀποκρύπτοιτο, τὸ δὲ πρόσωπον μόνον
-ὑπερέχων διαλέγοιτο, πονηράν, ὦ θεοί, ταύτην
-ἐκεῖνος τὴν στολὴν περιαμπεχόμενος, καὶ θηρίου φρουρὰν
-μᾶλλον ἢ ἀνθρώπου ἐσθῆτα.
-</p>
-</div2>
-<div2 type="chapter" n="14">
-<p><milestone unit="para"/> Φιλητᾶν λέγουσι τὸν Κῷον λεπτότατον γενέσθαι
-τὸ σῶμα. ἐπεὶ τοίνυν ἀνατραπῆναι ῥᾴδιος ἦν ἐκ πάσης
-προφάσεως, μολίβδου φασὶ πεποιημένα εἶχεν ἐν
-τοῖς ὑποδήμασι πέλματα, ἵνα μὴ ἀνατρέπηται ὑπὸ
-τῶν ἀνέμων, εἴ ποτε σκληροὶ κατέπνεον. εἰ δὲ ἦν
-οὕτως ἀδύνατος, ὥστε μὴ ἀντέχειν πνεύματι, πῶς
-οἷός τε ἦν τοσοῦτον φορτίον ἐπάγεσθαι; ἐμὲ μὲν οὖν
-τὸ λεχθὲν οὐ πείθει· ὃ δὲ ἔγνων ὑπὲρ τοῦ ἀνδρός,
-τοῦτο εἶπον.
-</p>
-</div2>
-<div2 type="chapter" n="15">
-<p><milestone unit="para"/> ὅτι ποιητικῆς ἁπάσης Ἀργεῖοι τὰ πρῶτα Ὁμήρῳ
-ἔδωκαν, δευτέρους δὲ αὐτοῦ ἔταττον πάντας. ποιοῦντες
-δὲ θυσίαν, ἐπὶ ξένια ἐκάλουν τὸν Ἀπόλλωνα καὶ
-Ὅμηρον. λέγεται δὲ κἀκεῖνο πρὸς τούτοις, ὅτι ἄρα
-ἀπορῶν ἐκδοῦναι τὴν θυγατέρα, ἔδωκεν αὐτῇ προῖκα
-ἔχειν τὰ ἔπη τὰ Κύπρια. καὶ ὁμολογεῖ τοῦτο Πίνδαρος.
-<pb id="p.101"/>
-</p>
-</div2>
-<div2 type="chapter" n="16">
-<p><milestone unit="para"/>τὴν Ἰταλίαν ᾤκησαν πρῶτοι Αὔσονες αὐτόχθονες. 
-πρεσβύτατον δὲ γενέσθαι Μάρην τινὰ καλούμενον, οὗ
-τὰ μὲν ἔμπροσθεν λέγουσιν ἀνθρώπῳ ὅμοια, τὰ κατόπισθεν
-δὲ ἵππῳ· αὐτὸ δὲ τοὔνομα εἰς τὴν Ἑλλάδα
-φασὶν ἱππομιγὴς δύναται. δοκεῖ δέ μοι πρῶτος ἵππον 
-ἀναβῆναι καὶ ἐμβαλεῖν αὐτῷ χαλινόν, εἶτα ἐκ
-τούτου διφυὴς πιστευθῆναι. μυθολογοῦσι δὲ αὐτὸν
-καὶ βιῶναι ἔτη τρία καὶ εἴκοσι καὶ ἑκατόν, καὶ ὅτι
-τρὶς ἀποθανὼν ἀνεβίω τρίς· ἐμοὶ δὲ οὐ πιστὰ δοκοῦσιν.
-ὅτι τὴν Ἰταλίαν φασὶν οἰκῆσαι ἔθνη πάμπολλα 
-καὶ ὅσα οὐκ ἄλλην γῆν. τὸ δὲ αἴτιον, διὰ τὴν
-τῶν ὡρῶν εὐκρασίαν καὶ τὴν τῆς χώρας ἀρετὴν καὶ
-τὸ ἔνυδρον αὐτῆς καὶ τὸ πάμφορον καὶ τὸ εὔβοτον
-καὶ ὅτι ποταμοῖς ἐστι κατάρρυτος καὶ ὅτι θάλαττα
-ἀγαθὴ παράκειται αὐτῇ ὅρμοις πανταχόθεν διειλημμένη 
-καὶ καταγωγαῖς ἀφθόνοις καὶ κατάρσεσιν. ἀλλὰ
-καὶ τὸ τῶν οἰκητόρων ἥμερον καὶ πρᾶον ἐπῆρε πολλοὺς
-ἐς τὴν μετοίκησιν. καὶ ὅτι πόλεις ᾤκησαν τὴν
-Ἰταλίαν πάλαι ἑπτὰ καὶ ἐνενήκοντα καὶ ἑκατὸν πρὸς
-ταῖς χιλίαις. 
-</p>
-</div2>
-<div2 type="chapter" n="17">
-<p><milestone unit="para"/>κουφότητα ἔοικε κατηγορεῖν οὗτος ὁ λόγος ὁ λέγων 
-περὶ Δημοσθένους ὅτι ἄρα τύφου αὐτὸν ὑπεπλήρουν
-καὶ οἱ ὑδροφοροῦντες, εἴ ποτε παριόντος αὐτοῦ ὑπέρ
-αὐτοῦ τι ψιθυρίσαιεν. ὃς γὰρ καὶ ὑπʼ ἐκείνων ἐκουφίζετο
-καὶ ἐπαιρόμενος ἦν δῆλος, τίς ἦν, εἴ ποτε ὑπὸ 
-τῆς ἐκκλησίας ἐκροτήθη.
-</p>
-</div2>
-<div2 type="chapter" n="18">
-<p><milestone unit="para"/>Θεμιστοκλῆς ὁ Νεοκλέους ἑαυτὸν εἴκαζε ταῖς 
-δρυσί, λέγων ὅτι καὶ ἐκείνας ὑπέρχονται οἱ ἄνθρωποι,
-καὶ δέονται αὐτῶν, εἰ ὕοι, στέγην τὴν ἐκ τῶν κλάδων
-ποθοῦντες· ὅταν δὲ οὔσης εὐδίας παρίωσι, τίλλουσιν 
-αὐτὰς καὶ περικλῶσιν. καὶ αὐτὸς οὖν ἔλεγεν ὑπὸ
-τοῦ δήμου τὰ αὐτὰ πάσχειν.
-<pb id="p.102"/>
-Ὁ δὲ αὐτὸς ἔλεγεν, εἴ μοί τις ὁδοὺς δύο δείξειε,
-τὴν μὲν ἐς ᾅδου φέρουσαν, τὴν δὲ ἐπὶ τὸ βῆμα, ἥδιον
-ἂν τὴν ἑτέραν ἦλθον τὴν εὐθὺ τοῦ ᾅδου.
-</p>
-</div2>
-<div2 type="chapter" n="19">
-<p><milestone unit="para"/> ἠρίστα ποτὲ Διογένης ἐν καπηλείῳ, εἶτα παριόντα
-Δημοσθένη ἐκάλει. τοῦ δὲ μὴ ὑπακούσαντος ʽ αἰσχύνᾐ
-ἔφη, Δ̔ημόσθενες, παρελθεῖν ἐς καπηλεῖον; καὶ μὴν
-ὁ κύριός σου καθʼ ἑκάστην ἡμέραν ἐνθάδε ἔσεισι,ʼ
-τοὺς δημότας λέγων καὶ τοὺς καθʼ ἕνα· δηλῶν ὅτι οἱ
-δημηγόροι καὶ οἱ ῥήτορες δοῦλοι τοῦ πλήθους εἰσί.
-</p>
-</div2>
-<div2 type="chapter" n="20">
-<p><milestone unit="para"/> πλέων Ἀρίστιππος χειμῶνος ἐπιγενομένου πάνυ
-σφόδρα ἐταράττετο. ἔφη δέ τις τῶν συμπλεόντων
-ʽὦ Ἀρίστιππε, καὶ σὺ δέδοικας, ὡς οἱ πολλοί;ʼ ὃ δὲ
-ʽκαὶ μάλα γε εἰκότως· ὑμῖν μὲν γὰρ περὶ κακοδαίμονός
-ἐστι βίου ἡ σπουδὴ καὶ ὁ νῦν κίνδυνος, ἐμοὶ δὲ
-περὶ εὐδαίμονος.ʼ
-</p>
-</div2>
-<div2 type="chapter" n="21">
-<p><milestone unit="para"/> Θηραμένης ἔτυχεν ἐν οἰκίᾳ τινὶ διατρίβων, εἶτα
-ἐπεὶ προῆλθεν αὐτῆς, παραχρῆμα ἐκείνη κατηνέχθη.
-οἱ μὲν οὖν Ἀθηναῖοι ἄλλοι ἀλλαχόθεν αὐτῷ περιφύντες
-συνήδοντο ἐπὶ τῇ σωτηρίᾳ τῇ παραδόξῳ, ὃ δὲ
-παρὰ τὴν πάντων ἐλπίδα ἀπεκρίνατο ʽὦ Ζεῦ, ἐς τίνα
-με καιρὸν φυλάττεις;ʼ καὶ μετʼ οὐ πολὺν χρόνον ὑπὸ
-τῶν τριάκοντα ἀνῃρέθη, πιεῖν κώνειον κατακριθείς.
-</p>
-</div2>
-<div2 type="chapter" n="22">
-<p><milestone unit="para"/> λέγουσι τοὺς Πυθαγορείους πάνυ σφόδρα περὶ
-τὴν ἰατρικὴν σπουδάσαι τέχνην. καὶ Πλάτων δὲ φροντίδα
-ἐς αὐτὴν ἔσχε πλείστην καὶ Ἀριστοτέλης ὁ Νικομάχου
-καὶ ἄλλοι πολλοί.
-</p>
-</div2>
-<div2 type="chapter" n="23">
-<p><milestone unit="para"/> Ἀριστοτέλης ἐνόσει ποτέ. προσέταξε δὲ αὐτῷ ὑ
-ἰατρὸς πρόσταγμά τι. καὶ ἐκεῖνος ʽμήτε ὡς βοηλάτην
-μἐ ἔφη ʽθεράπευε μήτε ὡς σκαπανέα, ἀλλὰ διδάξας
-πρότερον τὴν αἰτίαν, οὕτως ἕξεις ἕτοιμον πρὸς τὸ
-πείθεσθαι,ʼ διδάσκων ἐκ τούτων μηδὲν χωρὶς αἰτίας προσφέρειν.
-<pb id="p.103"/>
-</p>
-</div2>
-<div2 type="chapter" n="24">
-<p><milestone unit="para"/>Σμινδυρίδης ὁ Συβαρίτης ἐς τοσοῦτον τρυφῆς 
-ἐξώκειλε ʽκαὶ γάρ τοι Συβαρίταις πᾶσιν ἔργον ἦν
-τρυφᾶν καὶ τῷ βίῳ διαρρεῖν, ὁ δὲ Σμινδυρίδης καὶ
-πλέονʼ· φύλλοις ῥόδων γοῦν ἐπαναπεσὼν καὶ κοιμηθεὶς
-ἐπʼ αὐτῶν αὐτῶν ἐξανέστη λέγων φλυκταίνας ἐκ τῆς 
-εὐνῆς ἔχειν. σχολῇ γʼ ἂν οὗτος ἐπὶ χαμεύνης κατεκλίθη
-ἢ στιβάδος ἢ πόας ἐν προσάντει πεφυκυίας ἢ
-ταύρου δορᾶς, ὡς ὁ Διομήδης, πρεπούσης στρατιώτῃ
-σκληρῷ καὶ γενναίῳ.
-<quote rend="blockquote">
-<lb/>ὑπὸ δʼ ἔστρωτο ῥινὸν βοὸς ἀγραύλοιο. 
-</quote>
-</p>
-</div2>
-<div2 type="chapter" n="25">
-<p><milestone unit="para"/>Πεισίστρατος ὅτε τῆς ἀρχῆς ἐγκρατὴς ἐγένετο, 
-μετεπέμπετο τοὺς ἐν ταῖς ἀγοραῖς ἀποσχολάζοντας,
-καὶ ἐπυνθάνετο τί δή ποτε εἴη τὸ αἴτιον τοῦ ἀλύειν
-αὐτούς. καὶ ἐπέλεγεν ʽεἰ μέν σοι τέθνηκε ζεῦγος,
-παρʼ ἐμοῦ λαβὼν ἄπιθι καὶ ἐργάζου· εἰ δὲ ἀπορεῖς 
-σπερμάτων, παρʼ ἐμοῦ σοι γενέσθω,ʼ δεδιὼς μὴ ἡ
-σχολὴ τούτων ἐπιβουλὴν τέκῃ.
-</p>
-</div2>
-<div2 type="chapter" n="26">
-<p><milestone unit="para"/>Ζήνωνα τὸν Κιτιέα διʼ αἰδοῦς ἄγαν καὶ σπουδῆς 
-ἦγεν Ἀντίγονος ὁ βασιλεύς. καί ποτε οὖν ὑπερπλησθεὶς
-οἴνου ἐπεκώμασε τῷ Ζήνωνι, καὶ φιλῶν αὐτὸν 
-καὶ περιβάλλων ἅτε ἔξοινος ὢν ἠξίου τι αὐτὸν προστάξαι,
-ὀμνὺς καὶ νεανιευόμενος σὺν ὅρκῳ μὴ ἀτυχήσειν
-τῆς αἰτήσεως. ὃ δὲ λέγει αὐτῷ ʽπορευθεὶς ἔμεσον,ʼ
-σεμνῶς ἅμα καὶ μεγαλοφρόνως τὴν μέθην
-ἐλέγξας καὶ φεισάμενος αὐτοῦ, μήποτε διαρραγῇ ὑπὸ πλησμονῆς. 
-</p>
-</div2>
-<div2 type="chapter" n="27">
-<p><milestone unit="para"/>ἀνδρὶ Λακωνικῷ μὲν χωριτικῷ δὲ ἐπέπληξέ τις 
-πενθοῦντι πάνυ σφόδρα ἐκθύμως. ὃ δὲ ἀπλάστως
-ἀπεκρίνατο ʽτί πάθω;ʼ φησίν ʽοὐ γὰρ ἐγὼ αἴτιος τούτου,
-ἁ φύσις δέ μου ῥεῖ.ʼ 
-<pb id="p.104"/>
-</p>
-</div2>
-<div2 type="chapter" n="28">
-<p><milestone unit="para"/> ἐπῄνει Σπαρτιάτης τὸ ἔπος Ἡσιόδου τὸ λέγον
-<quote rend="blockquote">
-<lb/>οὐδʼ ἂν βοῦς ἀπόλοιτʼ, εἰ μὴ γείτων κακὸς εἴη,
-</quote>
-ἀκούοντος Διογένους· ὃ δὲ εἶπε ʽκαὶ μὴν Μεσσήνιοι
-καὶ οἱ βόες αὐτῶν ἀπολώλασι, καὶ ὑμεῖς αὐτῶν ἐστε
-οἱ γείτονες.
-</p>
-</div2>
-<div2 type="chapter" n="29">
-<p><milestone unit="para"/> τῆς νυκτὸς ἤδη προηκούσης ἐπάνεισί ποτε ἀπὸ
-δείπνου Σωκράτης. νεανίσκοι γοῦν ἀκόλαστοι προμαθόντες
-ἐνελόχησαν ἐπανιόντα, δᾷδας ἔχοντες ἡμμένας
-καὶ Ἐριννύων πρόσωπα. ἔθος δὲ ἦν αὐτοῖς καὶ
-ἄλλοις προσπαίζειν διὰ τὴν σχολὴν τὴν ἐπὶ τὰ χείρω.
-οὓς ἰδὼν ὁ Σωκράτης οὐ διεταράχθη, ἀλλʼ ἐπιστὰς
-ἠρώτα οἷα καὶ τοὺς ἄλλους ἢ ἐν Λυκείῳ ἢ ἐν Ἀκαδημείᾳ.
-    <milestone unit="para"/>ἑορτῆς οὔσης παρὰ τοῖς Ἀθηναίοις ἐφιλοτιμήσατο
-Ἀλκιβιάδης δῶρα πολλὰ πέμψαι τῷ Σωκράτει. τῆς
-οὖν Ξανθίππης καταπλαγείσης καὶ τὸν Σωκράτην λαβεῖν
-αὐτὰ ἀξιούσης, ὃ δὲ ἔφη ʽἀλλὰ καὶ ἡμεῖς τῇ φιλοτιμίᾳ
-τῇ τοῦ Ἀλκιβιάδου παραταξώμεθα μὴ λαβεῖν
-τὰ πεμφθέντα ἀντιφιλοτιμησάμενοι.ʼ ἐπεὶ δέ τις ἔφη
-πρὸς αὐτὸν ὅτι μέγα ἐστὶν ὧν ἐπιθυμεῖ τις τούτων
-τυχεῖν, ὃ δὲ ʽἀλλὰ μεῖζόν ἐστι τὸ μηδὲ ἐπιθυμεῖν τὴν ἀρχήν.ʼ
-</p>
-</div2>
-<div2 type="chapter" n="30">
-<p><milestone unit="para"/> Ἀνάξαρχος ὅτε σὺν Ἀλεξάνδρῳ ἐστρατεύετο, χειμῶνος
-ἐπιγενομένου προμαθὼν ὅτι μέλλει ὁ Ἀλέξανδρος
-ἐν ἀξύλῳ ποιεῖσθαι χωρίῳ τὴν στρατοπεδείαν,
-ὅσα εἶχε σκεύη, ταῦτα ἐκρίψας, τοῖς σκευοφόροις ἐπέθηκε
-ξύλα. ἐπεὶ δὲ ἐς τὸν σταθμὸν ἀφίκοντο, καὶ
-ἐνέδει ξύλων, Ἀλεξάνδρου μὲν αἱ κλῖναι κατεκάοντο,
-ἵνα ἑαυτὸν ἀλεᾶναι δυνηθῇ· ἐπεὶ δέ τις παρὰ Ἀναξάρχῳ
-πῦρ εἶναι ἤγγειλεν, ἀφίκετο παρʼ αὐτὸν καὶ
-ἠλείψατο ἐν τῇ σκηνῇ τοῦ Ἀναξάρχου. καὶ πυθόμενος
-<pb id="p.105"/>
-τὴν προμήθειαν ὑπερεπῄνεσε, καὶ ὧν ἐξέρριψε διπλάσιον
-ἔδωκε ὑπὲρ τῆς τοῦ πυρὸς χρείας.
-</p>
-</div2>
-<div2 type="chapter" n="31">
-<p><milestone unit="para"/>ἀθλητὴς Κροτωνιάτης Ὀλυμπιονίκης ἀπιὼν πρὸς 
-τοὺς Ἑλλανοδίκας, ἵνα λάβῃ τὸν στέφανον, ἐπίληπτος
-γενόμενος ἀπέθανε κατενεχθεὶς μετὰ πτώματος. 
-</p>
-</div2>
-<div2 type="chapter" n="32">
-<p><milestone unit="para"/>Φρύνην τὴν ἑταίραν ἐν Δελφοῖς ἀνέστησαν οἱ 
-Ἕλληνες ἐπὶ κίονος εὖ μάλα ὑψηλοῦ. οὐκ ἐρῶ δὲ
-ἁπλῶς τοὺς Ἕλληνας, ὡς ἂν μὴ δοκοίην διʼ αἰτίας
-ἄγειν πάντας, οὓς φιλῶ πάντων μάλιστα, ἀλλὰ τοὺς
-τῶν Ἑλλήνων ἀκρατεστέρους. τὸ δὲ ἄγαλμα χρυσοῦν 
-ἦν. καὶ αἱ Κίμωνος δὲ ἵπποι χαλκαῖ καὶ αὗται Ἀθήνησιν
-εἰκασμέναι ὅτι μάλιστα ταῖς Κίμωνος ἵπποις εἱστήκεσαν.
-</p>
-</div2>
-<div2 type="chapter" n="33">
-<p><milestone unit="para"/>μειράκιον Ἐρετρικὸν προσεφοίτησε Ζήνωνι πλείονος 
-χρόνου, ἔστʼ ἐς ἄνδρας ἀφίκετο. ὕστερον οὖν 
-ἐς τὴν Ἐρετρίαν ἐπανῆλθε, καὶ αὐτὸν ὁ πατὴρ ἤρετο
-ὅ τι ἄρα μάθοι σοφὸν ἐν τῇ τοσαύτῃ διατριβῇ τοῦ
-χρόνου. ὃ δὲ δείξειν ἔφη, καὶ οὐκ ἐς μακρὰν ἔδρασε
-τοῦτο. χαλεπήναντος γὰρ αὐτῷ τοῦ πατρὸς καὶ τέλος
-πληγὰς ἐντείναντος, ὃ δὲ τὴν ἡσυχίαν ἀγαγὼν 
-καὶ ἐγκαρτερήσας τοῦτο ἔφη μεμαθηκέναι, φέρειν
-ὀργὴν πατέρων καὶ μὴ ἀγανακτεῖν.
-</p>
-</div2>
-<div2 type="chapter" n="34">
-<p><milestone unit="para"/>Διογένης ἐς Ὀλυμπίαν ἐλθὼν καὶ θεασάμενος ἐν 
-τῇ πανηγύρει Ῥοδιακούς τινας νεανίσκους πολυτελῶς
-ἠσθημένους, γελάσας ʽτῦφοσʼ ἔφη ʽτοῦτό ἐστιν.ʼ εἶτα 
-περιτυχὼν Λακεδαιμονίοις ἐν ἐξωμίσι φαύλαις καὶ
-ῥυπώσαις ʽἄλλοσʼ εἶπεν ʽοὗτος τῦφος.ʼ
-</p>
-</div2>
-<div2 type="chapter" n="35">
-<p><milestone unit="para"/>ὁ δὲ Σωκράτης ἰδὼν τὸν Ἀντισθένη τὸ διερρωγὸς 
-τοῦ ἱματίου μέρος ἀεὶ ποιοῦντα φανερὸν, ʽοὐ
-παύσᾐ ἔφη ʽἐγκαλλωπιζόμενος ἡμῖν;ʼ 
-</p>
-</div2>
-<div2 type="chapter" n="36">
-<p><milestone unit="para"/>ψάλτης Ἀντιγόνῳ ἐπεδείκνυτο. τοῦ δὲ πολλάκις 
-λέγοντος ʽτὴν νήτην ἐπίσφιγξον,ʼ εἶτα πάλιν ʽτὴν
-<pb id="p.106"/>
-μέσην,ʼ ὃ δὲ ἀγανακτήσας ἔφη ʽμὴ γένοιτό σοι οὕτω
-κακῶς, ὦ βασιλεῦ, ὡς ἐμοῦ ταῦτα ἀκριβοῦν μᾶλλον.ʼ
-</p>
-</div2>
-<div2 type="chapter" n="37">
-<p><milestone unit="para"/> Ἀνάξαρχος ὁ ἐπικληθεὶς Εὐδαιμονικὸς κατεγέλα
-Ἀλεξάνδρου ἑαυτὸν ἐκθεοῦντος. ἐπεὶ δὲ ἐνόσησέ
-ποτε Ἀλέξανδρος, εἶτα προσέταξεν αὐτῷ ὁ ἰατρὸς ῥόφημα
-σκευασθῆναι, γελάσας ὁ Ἀνάξαρχος ʽτοῦ μέντοι
-θεοῦ ἡμῶνʼ εἶπεν ʽἐν τρυβλίῳ αἱ ἐλπίδες κεῖνται.ʼ
-</p>
-</div2>
-<div2 type="chapter" n="38">
-<p><milestone unit="para"/> ὁ μὲν Ἀλέξανδρος ἐς τὴν Ἴλιον ἦλθεν. ἀνασκοποῦντι
-δὲ αὐτῷ φιλοπόνως τῶν τις Τρώων προσελθὼν
-τὴν λύραν ἐδείκνυεν Ἀλεξάνδρου. ὃ δὲ ἔφη
-ʽπροτιμησαίμην ἂν μᾶλλον ἰδεῖν τὴν Ἀχιλλέως.ʼ ὑπέρευγε
-τοῦτο Ἀλέξανδρος· ἐπόθει γὰρ κτῆμα ἀγαθοῦ
-στρατιώτου, ᾧ συνῇδεν ἐκεῖνος τὰ τῶν ἀγαθῶν ἀνδρῶν
-κλέα. τοῦ δὲ Πάριδος τί ἄρα ᾖσεν ἡ λύρα, εἰ
-μὴ μέλη μοιχικὰ καὶ οἷα αἱρεῖν γυναῖκας καὶ θέλγειν;
-</p>
-</div2>
-<div2 type="chapter" n="39">
-<p><milestone unit="para"/> πῶς δὲ οὐκ ἂν φαίη τις γελοίους ἅμα καὶ παραδόξους
-τούσδε τοὺς ἔρωτας; τὸν μὲν Ξέρξου, ὅτι πλατάνου
-ἠράσθη. νεανίσκος δὲ Ἀθήνησι τῶν εὖ γεγονότων
-πρὸς τῷ πρυτανείῳ ἀνδριάντος ἑστῶτος τῆς
-Ἀγαθῆς Τύχης θερμότατα ἠράσθη. κατεφίλει γοῦν
-τὸν ἀνδριάντα περιβάλλων, εἶτα ἐκμανεὶς καὶ οἰστρηθεὶς
-ὑπὸ τοῦ πόθου, παρελθὼν ἐς τὴν βουλὴν καὶ
-λιτανεύσας ἕτοιμος ἦν πλείστων χρημάτων τὸ ἄγαλμα
-πρίασθαι. ἐπεὶ δὲ οὐκ ἔπειθεν, ἀναδήσας πολλαῖς
-ταινίαις καὶ στεφανώσας τὸ ἄγαλμα καὶ θύσας καὶ
-κόσμον αὐτῷ περιβαλὼν πολυτελῆ εἶτα ἑαυτὸν ἀπέκτεινε,
-μυρία προκλαύσας. Γλαύκης δὲ τῆς κιθαρῳδοῦ
-οἳ μέν φασιν ἐρασθῆναι κύνα, οἳ δὲ κριόν, οἳ δὲ
-χῆνα. καὶ ἐν Σόλοις δὲ τῆς Κιλικίας παιδὸς Ξενοφῶντος
-ἠράσθη κύων, ἄλλου δὲ ὡραίου μειρακίου
-ἐν Σπάρτῃ κολοιός.
-</p>
-</div2>
-<div2 type="chapter" n="40">
-<p><milestone unit="para"/> ὅτι Καρχηδόνιοι δύο κυβερνήτας ἐσῆγον ἐς τὴν
-<pb id="p.107"/>
-ναῦν, ἄτοπον λέγοντες εἶναι δύο μὲν πηδάλια ἔχειν,
-τὸν δὲ λυσιτελέστατον τοῖς ἐμπλέουσι καὶ τὴν ἀρχὴν
-ἔχοντα τῆς νεὼς ἔρημον εἶναι καὶ μόνον διαδόχου καὶ κοινωνοῦ.
-</p>
-</div2>
-<div2 type="chapter" n="41">
-<p><milestone unit="para"/>ἔν τινί φασι συνδείπνῳ παρῆν Σιμωνίδης ὁ Κεῖος 
-καὶ Παυσανίας ὁ Λακεδαιμόνιος. προσέταξεν οὖν ὁ
-Παυσανίας τῷ Σιμωνίδῃ σοφόν τι εἰπεῖν, ὃ δὲ γελάσας
-ὁ Κεῖος ʽμέμνησὀ εἶπεν ʽἄνθρωπος ὤν.ʼ τοῦτο παραχρῆμα
-μὲν ἐξεφαύλισε Παυσανίας καὶ παρʼ οὐδὲν
-ἔθετο, ὑποτυφόμενος ἤδη ἐς τὸν τοῦ μηδίζειν ἔρωτα, 
-καὶ μεγαλοφρονῶν ἐπὶ τῇ πρὸς βασιλέα ξενίᾳ, ἴσως
-δὲ καὶ ὑπὸ τοῦ οἴνου παραφερόμενος. ἐπεὶ δὲ ἦν πρὸς
-τῇ Χαλκιοίκῳ, καὶ διεπάλαιε τῷ λιμῷ καὶ ἔμελλεν
-ἀποθνήσκειν ἀνθρώπων ἀλγεινότατα, ἀλλὰ τηνικαῦτα
-ἐμνήσθη τοῦ Σιμωνίδου καὶ ἐξεβόησεν ἐς τρὶς ʽὦ 
-ξένε Κεῖε, μέγα τι ἄρα χρῆμα ἦν ὁ λόγος σου, ἐγὼ
-δὲ ὑπʼ ἀνοίας οὐδὲν αὐτὸν ᾤμην εἶναι.ʼ
-</p>
-</div2>
-<div2 type="chapter" n="42">
-<p><milestone unit="para"/>Ἀρταξέρξου ἀποκτείναντος τὸν πρεσβύτερον υἱὸν 
-Δαρεῖον ἐπιβουλεύοντα, ὁ δεύτερος ἀξιοῦντος τοῦ
-πατρὸς σπασάμενος τὸν ἀκινάκην ἑαυτὸν πρὸ τῶν 
-βασιλείων ἀπέκτεινεν.</p>
-</div2>
-</div1>
-<div1 type="book" n="10">
-<div2 type="chapter" n="1">
-<p><milestone unit="para"/>
-Φερενίκη τὸν υἱὸν ἦγεν ἐς Ὀλύμπια ἀθλεῖν.
-κωλυόντων δὲ αὐτὴν τῶν Ἑλλανοδικῶν τὸν ἀγῶνα
-θεάσασθαι, παρελθοῦσα ἐδικαιολογήσατο πατέρα μὲν
-Ὀλυμπιονίκην ἔχειν καὶ τρεῖς ἀδελφοὺς καὶ αὐτὴ 
-παῖδα Ὀλυμπίων ἀγωνιστήν· καὶ ἐξενίκησε τὸν δῆμον
-<pb id="p.108"/>
-καὶ τὸν εἴργοντα νόμον τῆς θέας τὰς γυναῖκας,
-καὶ ἐθεάσατο Ὀλύμπια.
-</p>
-</div2>
-<div2 type="chapter" n="2">
-<p><milestone unit="para"/> Εὐβώταν τὸν Κυρηναῖον ἰδοῦσα Λαῒς ἠράσθη
-αὐτοῦ θερμότατα, καὶ περὶ γάμου λόγους προσήνεγκεν.
-ὃ δὲ φοβηθεὶς τὴν ἐξ αὐτῆς ἐπιβουλὴν ὑπέσχετο
-ταῦτα δράσειν· οὐ μὴν ὡμίλησεν αὐτῇ ὁ Εὐβώτας,
-σωφρόνως διαβιώσας. ἡ δὲ ὑπόσχεσις αὐτοῦ μετὰ
-τὴν ἀγωνίαν ἦν. νικήσας οὖν ἵνα μὴ δόξῃ διαφθεῖραι
-τὰς ὁμολογίας τὰς πρὸς τὴν ἄνθρωπον, εἰκόνα γραψάμενος
-τῆς Λαΐδος ἐς τὴν Κυρήνην ἐκόμισε, λέγων
-ἄγειν Λαΐδα καὶ μὴ παραβῆναι τὰς συνθήκας. ἀνθʼ
-ὧν ἡ γυνὴ ἡ νόμῳ γημαμένη αὐτῷ παμμέγιστον ἀνδριάντα
-ἐν Κυρήνῃ ἀνέστησεν, αὐτὸν ἀμειβομένη τῆς σωφροσύνης.
-</p>
-</div2>
-<div2 type="chapter" n="3">
-<p><milestone unit="para"/> τὰ τῶν περδίκων νεόττια ἐπειδὰν τάχιστα τοὺς
-πόδας ἔξω ποιήσῃ τοῦ λέμματος, ἐντεῦθεν ἤδη δρομικώτατά
-ἐστι. τὰ δὲ τῶν νηττῶν νεόττια παραχρῆμα
-ἐξ ὠδίνων νήχεται. καὶ οἱ τῶν λεόντων δὲ σκύμνοι
-καταγράφουσι τοῖς ὄνυξι τὰς μήτρας τῶν μητέρων
-πρὸς φῶς ἐπειγόμενοι.
-</p>
-</div2>
-<div2 type="chapter" n="4">
-<p><milestone unit="para"/> Ἀλέξανδρος ὁ Φιλίππου τρὶς τετρακόσια στάδια
-ἐφεξῆς μεθʼ ὅπλων ὁδοιπορήσας, συμβαλὼν τοῖς πολεμίοις,
-πρὶν ἀναπαῦσαι τὸ στρατόπεδον, ἐκράτησε
-τῶν ἐχθρῶν.
-</p>
-</div2>
-<div2 type="chapter" n="5">
-<p><milestone unit="para"/> Φρύγιος οὗτος ὁ λόγος· ἔστι γὰρ Αἰσώπου τοῦ
-Φρυγός. ὁ δὲ λόγος φησὶ τὴν ὗν ἐὰν αὐτῆς τις ἅψηται,
-βοᾶν καὶ μάλα γε εἰκότως· οὔτε γὰρ ἔρια ἔχει
-ὗς οὔτε γάλα οὔτε ἄλλο τι πλὴν τῶν κρεῶν. παραχρῆμα
-οὖν ὀνειροπολεῖν τὸν θάνατον, εἰδυῖαν ἐς ὅ
-τι τοῖς χρησομένοις αὐτῇ πέφυκε λυσιτελὴς εἶναι.
-ἐοίκασι δὲ τῇ ὑὶ τῇ Αἰσώπου οἱ τύραννοι ὑποπτεύοντες
-<pb id="p.109"/>
-καὶ δεδοικότες πάντα· ἴσασι γὰρ ὅτι ὥσπερ οὖν
-αἱ ὗς ὀφείλουσι καὶ ἐκεῖνοι τὴν ψυχὴν πᾶσιν.
-</p>
-</div2>
-<div2 type="chapter" n="6">
-<p><milestone unit="para"/>Ἐκωμῳδοῦντο ἐς λεπτότητα Σαννυρίων ὁ κωμῳδίας 
-ποιητὴς καὶ Μέλητος ὁ τραγῳδίας ποιητὴς καὶ
-Κινησίας κυκλίων χορῶν καὶ Φιλητᾶς ποιητὴς ἑξαμέτρων. 
-Ἀρχέστρατος δὲ ὁ μάντις ὑπὸ πολεμίων ἁλοὺς
-καὶ ἐπὶ ζυγὸν ἀναβληθεὶς ὀβολοῦ ὁλκὴν εὑρέθη ἔχων,
-ὥς φασι. καὶ Πανάρετος δὲ λεπτότατος ἦν· διετέλεσε
-μέντοι ἄνοσος. λέγουσι δὲ καὶ Ἱππώνακτα τὸν ποιητὴν
-οὐ μόνον γενέσθαι μικρὸν τὸ σῶμα ἀλλὰ καὶ 
-λεπτόν. ἀλλὰ καὶ Φιλιππίδης, καθʼ οὗ λόγος ἐστὶν
-Ὑπερίδῃ, λεπτότατος ἦν. ὅθεν καὶ τὸ πάνυ κατισχνῶσθαι
-τὸ σῶμα πεφιλιππιδῶσθαί φασιν ἔλεγον.
-μάρτυς Ἄλεξις.
-</p>
-</div2>
-<div2 type="chapter" n="7">
-<p><milestone unit="para"/>Οἰνοπίδης ὁ Χῖος ἀστρολόγος ἀνέθηκεν ἐν Ὀλυμπίοις 
-τὸ χαλκοῦν γραμματεῖον, ἐγγράψας ἐν αὐτῷ
-τὴν ἀστρολογίαν τῶν ἑνὸς δεόντων ἑξήκοντα ἐτῶν,
-φήσας τὸν μέγαν ἐνιαυτὸν εἶναι τοῦτον.
-ὅτι Μέτων ὁ Λευκονοιεὺς ἀστρολόγος ἀνέστησε
-στήλας, καὶ τὰς τοῦ ἡλίου τροπὰς κατεγράψατο, καὶ 
-τὸν μέγαν ἐνιαυτὸν ὡς ἔλεγεν εὗρε, καὶ ἔφατο αὐτὸν
-ἑνὸς δέοντα εἴκοσιν ἐτῶν.
-</p>
-</div2>
-<div2 type="chapter" n="8">
-<p><milestone unit="para"/>Ἀριστοτέλης ὁ Κυρηναῖος ἔλεγε μὴ δεῖν εὐεργεσίαν 
-παρά τινος προσίεσθαι· ἢ γὰρ ἀποδιδόναι πειρώμενον
-πράγματα ἂν ἔχειν ἢ μὴ ἀποδιδόντα ἀχάριστον φαίνεσθαι. 
-</p>
-</div2>
-<div2 type="chapter" n="9">
-<p><milestone unit="para"/>Φιλόξενος λίχνος ἦν καὶ γαστρὸς ἥττων. λοπάδος 
-οὖν ποτε ἑψομένης ἐν καπηλείῳ τέως μὲν εὐφραίνετο
-καὶ ἑαυτὸν εἱστία τῇ ὀσμῇ· ἐπεὶ δὲ αὐτῷ ἐπετείνετο
-ἡ ὄρεξις καὶ ἡττᾶτο τῆς φύσεως ʽκακῆς γε οὔσης, ὦ 
-θεοίʼ, τηνικαῦτα οὐκ ἐνεγκὼν προσέταξε τὸν παῖδα
-πρίασθαι τὴν λοπάδα. ἐπεὶ δὲ ἔφατο πωλεῖν αὐτὴν
-<pb id="p.110"/>
-τὸν κάπηλον πολλοῦ, ʽταύτῃ μᾶλλον ἡδίων ἔσταἰ
-φησίν, ʽεἰ πλείονος αὐτὴν ὠνήσομαι.ʼ χρὴ δὲ καὶ
-τῶν τοιούτων μνημονεύειν, οὐκ ἐς ζῆλον αὐτῶν, ἀλλʼ
-ὥστε φεύγειν αὐτά.
-</p>
-</div2>
-<div2 type="chapter" n="10">
-<p><milestone unit="para"/> ὅτε ὑπήρχετο ἡ γραφικὴ τέχνη καὶ ἦν τρόπον
-τινὰ ἐν γάλαξι καὶ σπαργάνοις, οὕτως ἄρα ἀτέχνως
-εἴκαζον τὰ ζῷα, ὥστε ἐπιγράφειν αὐτοῖς τοὺς γραφέας
-ʽτοῦτο βοῦς, ἐκεῖνο ἵππος, τοῦτο δένδρον.ʼ
-</p>
-</div2>
-<div2 type="chapter" n="11">
-<p><milestone unit="para"/> ἤλγει τὸν ὦμον Διογένης ἢ τρωθεὶς οἶμαι ἢ ἐξ
-ἄλλης τινὸς αἰτίας. ἐπεὶ δὲ ἐδόκει σφόδρα ἀλγεῖν,
-τῶν τις ἀχθομένων αὐτῷ κατεκερτόμει λέγων ʽτί οὖν
-οὐκ ἀποθνήσκεις, ὦ Διόγενες, καὶ σαυτὸν ἀπαλλάττεις
-κακῶν;ʼ ὃ δὲ εἶπε ʽτοὺς εἰδότας ἃ δεῖ πράττειν
-ἐν τῷ βίῳ καὶ ἃ δεῖ λέγειν, τούτους γε ζῆν προσήκει,ʼ
-ὧν καὶ αὐτὸς ὡμολόγει εἶναι. ʽσοὶ μὲν οὖνʼ ἔφη ʽοὐκ
-εἰδότι τά τε λεκτέα καὶ τὰ πρακτέα ἀποθανεῖν ἐν καλῷ
-ἐστιν· ἐμὲ δὲ τὸν ἐπιστήμονα ἐκείνων πρέπει ζῆν.
-</p>
-</div2>
-<div2 type="chapter" n="12">
-<p><milestone unit="para"/> Ἀρχύτας ἔλεγεν ʽὥσπερ ἔργον ἐστὶν εὑρεῖν ἰχθὺν
-ἄκανθαν μὴ ἔχοντα, οὕτω καὶ ἄνθρωπον μὴ κεκτημένον
-τι δολερὸν καὶ ἀκανθῶδες.
-</p>
-</div2>
-<div2 type="chapter" n="13">
-<p><milestone unit="para"/> αἰτιᾶται Κριτίας Ἀρχίλοχον ὅτι κάκιστα ἑαυτὸν
-εἶπεν. ʽεἰ γὰρ μἢ φησὶν ʽἐκεῖνος τοιαύτην δόξαν
-ὑπὲρ ἑαυτοῦ ἐς τοὺς Ἕλληνας ἐξήνεγκεν, οὐκ ἂν ἐπυθόμεθα
-ἡμεῖς οὔτε ὅτι Ἐνιποῦς υἱὸς ἦν τῆς δούλης,
-οὔθʼ ὅτι καταλιπὼν Πάρον διὰ πενίαν καὶ ἀπορίαν
-ἦλθεν ἐς Θάσον, οὔθʼ ὅτι ἐλθὼν τοῖς ἐνταῦθα ἐχθρὸς
-ἐγένετο, οὔτε μὴν ὅτι ὁμοίως τοὺς φίλους καὶ τοὺς
-ἐχθροὺς κακῶς ἔλεγε. πρὸς δὲ τούτοισʼ ἦ δʼ ὃς ʽοὔτε
-ὅτι μοιχὸς ἦν ᾔδειμεν ἂν εἰ μὴ παρʼ αὐτοῦ μαθόντες,
-οὔτε ὅτι λάγνος καὶ ὑβριστής, καὶ τὸ ἔτι τούτων
-αἴσχιον, ὅτι τὴν ἀσπίδα ἀπέβαλεν. οὐκ ἀγαθὸς ἄρα
-ἦν ὁ Ἀρχίλοχος μάρτυς ἑαυτῷ, τοιοῦτον κλέος ἀπολιπὼν
-<pb id="p.111"/>
-καὶ τοιαύτην ἑαυτῷ φήμην.ʼ ταῦτα οὐκ ἐγὼ
-Ἀρχίλοχον αἰτιῶμαι, ἀλλὰ Κριτίας.
-</p>
-</div2>
-<div2 type="chapter" n="14">
-<p><milestone unit="para"/>Σωκράτης ἔλεγεν ὅτι ἡ ἀργία ἀδελφὴ τῆς ἐλευθερίας 
-ἐστί. καὶ μαρτύριον ἔλεγεν ἀνδρειοτάτους καὶ
-ἐλευθεριωτάτους Ἰνδοὺς καὶ Πέρσας, ἀμφοτέρους δὲ 
-πρὸς χρηματισμὸν ἀργοτάτους εἶναι· Φρύγας δὲ καὶ
-Αυδοὺς ἐργαστικωτάτους, δουλεύειν δέ.
-</p>
-</div2>
-<div2 type="chapter" n="15">
-<p><milestone unit="para"/>τὰς Ἀριστείδου θυγατέρας ἔτι αὐτοῦ περιόντος 
-ἐμνηστεύοντο οἱ τῶν Ἑλλήνων δοκοῦντες διαφέρειν.
-ἔβλεπον δὲ ἄρα οὐκ ἐς τὸν βίον Ἀριστείδου, οὐδὲ 
-ἐθαύμαζον αὐτοῦ τὴν δικαιοσύνην, ἐπεὶ τούτων γε εἰ
-ἦσαν ζηλωταί, κἂν μετὰ ταῦτα ἐπέμειναν τῇ μνηστείᾳ.
-νῦν δὲ ὃ μὲν ἀπέθανεν, οἳ δὲ οὐδὲν ἡγήσαντο εἶναι
-πρᾶγμα κοινὸν πρὸς τὰς κόρας· ἀποθανὼν γὰρ
-ἐγνώσθη ὁ παῖς Αυσιμάχου ὅτι πένης ἦν. ὅπερ καὶ 
-ἀνέστειλεν ἐκείνους τοὺς κακοδαίμονας ἐνδόξου τε
-ἅμα καὶ σεμνοτάτου γάμου, παρʼ ἐμοὶ κριτῇ. παραπλήσιον
-δὲ καὶ ἐπὶ Λυσάνδρου· μαθόντες γὰρ αὐτὸν
-εἶναι πένητα, τὸν γάμον ἀπέδρασαν.
-</p>
-</div2>
-<div2 type="chapter" n="16">
-<p><milestone unit="para"/>ἐπεὶ ὁ Ἀντισθένης πολλοὺς προύτρεπεν ἐπὶ φιλοσοφίαν, 
-οἳ δὲ οὐδὲν αὐτῷ προσεῖχον, τέλος ἀγανακτήσας
-οὐδένα προσίετο. καὶ Διογένην οὖν ἤλαυνεν ἀπὸ
-τῆς συνουσίας αὑτοῦ. ἐπεὶ δὲ ἦν λιπαρέστερος ὁ
-Διογένης καὶ ἐνέκειτο, ἐνταῦθα ἤδη καὶ τῇ βακτηρίᾳ
-καθίξεσθαι αὐτοῦ ἠπείλει· καί ποτε καὶ ἔπαισέ κατὰ 
-τῆς κεφαλῆς. ὃ δὲ οὐκ ἀπηλλάττετο, ἀλλʼ ἔτι μᾶλλον
-ἐνέκειτο φιλοπόνως, ἀκούειν αὐτοῦ διψῶν, καὶ ἔλεγε
-ʽσὺ μὲν παῖε, εἰ βούλει, ἐγὼ δὲ ὑποθήσω τὴν κεφαλήν·
-καὶ οὐκ ἂν οὕτως ἐξεύροις βακτηρίαν σκληράν,
-ὥστε με ἀπελάσαι τῶν διατριβῶν τῶν σῶν.ʼ ὃ δὲ 
-ὑπερησπάσατο αὐτόν.
-</p>
-</div2>
-<div2 type="chapter" n="17">
-<p><milestone unit="para"/>λέγει Κριτίας Θεμιστοκλέα τὸν Νεοκλέους πρὶν 
-<pb id="p.112"/>
-ἢ ἄρξασθαι πολιτεύεσθαι, τρία τάλαντα ἔχειν τὴν
-οὐσίαν τὴν πατρῴαν· ἐπεὶ δὲ τῶν κοινῶν προέστη
-εἶτα ἔφυγε, καὶ ἐδημεύθη αὐτοῦ ἡ οὐσία, κατεφωράθη
-ἑκατὸν ταλάντων πλείω οὐσίαν ἔχων. ὁμοίως δὲ καὶ
-Κλέωνα πρὸ τοῦ παρελθεῖν ἐπὶ τὰ κοινὰ μηδὲν τῶν
-οἰκείων ἐλεύθερον εἶναι· μετὰ δὲ πεντήκοντα ταλάντων
-τὸν οἶκον ἀπέλιπε.
-</p>
-</div2>
-<div2 type="chapter" n="18">
-<p><milestone unit="para"/> Δάφνιν τὸν βουκόλον λέγουσιν οἳ μὲν ἐρώμενον
-Ἑρμοῦ, ἄλλοι δὲ υἱόν· τὸ δὲ ὄνομα ἐκ τοῦ συμβάντος
-σχεῖν. γενέσθαι μὲν αὐτὸν ἐκ Νύμφης, τεχθέντα δὲ
-ἐκτεθῆναι ἐν δάφνῃ. τὰς δʼ ὑπʼ αὐτοῦ βουκολουμένας
-βοῦς φασιν ἀδελφὰς γεγονέναι τῶν Ἡλίου, ὧν Ὅμηρος
-ἐν Ὀδυσσείᾳ μέμνηται. βουκολῶν δὲ κατὰ τὴν
-Σικελίαν ὁ Δάφνις, ἠράσθη αὐτοῦ νύμφη μία, καὶ
-ὡμίλησε καλῷ ὄντι καὶ νέῳ καὶ πρῶτον ὑπηνήτῃ,
-ἔνθα τοῦ χρόνου ἡ χαριεστάτη ἐστὶν ἥβη τῶν καλῶν
-μειρακίων, ὥς πού φησι καὶ Ὅμηρος. συνθήκας δὲ
-ἐποίησε μηδεμιᾷ ἄλλῃ πλησιάσαι αὐτόν, καὶ ἐπηπείλησεν
-ὅτι πεπρωμένον ἐστὶν αὐτὸν στερηθῆναι τῆς
-ὄψεως, ἐὰν παραβῇ· καὶ εἶχον ὑπὲρ τούτων ῥήτραν
-πρὸς ἀλλήλους. χρόνῳ δὲ ὕστερον βασιλέως θυγατρὸς
-ἐρασθείσης αὐτοῦ οἰνωθεὶς ἔλυσε τὴν ὁμολογίαν,
-καὶ ἐπλησίασε τῇ κόρῃ. ἐκ δὲ τούτου τὰ βουκολικὰ
-μέλη πρῶτον ᾔσθη, καὶ εἶχεν ὑπόθεσιν τὸ πάθος τὸ
-κατὰ τοὺς ὀφθαλμοὺς αὐτοῦ. καὶ Στησίχορόν γε
-τὸν Ἱμεραῖον τῆς τοιαύτης μελοποιίας ὑπάρξασθαι.
-</p>
-</div2>
-<div2 type="chapter" n="19">
-<p><milestone unit="para"/> Εὐρυδάμας ὁ Κυρηναῖος πυγμὴν ἐνίκησεν, ἐκκρουσθεὶς
-μὲν ὑπὸ τοῦ ἀνταγωνιστοῦ τοὺς ὀδόντας,
-καταπιὼν δὲ αὐτούς, ἵνα μὴ αἴσθηται ὁ ἀντίπαλος.
-</p>
-</div2>
-<div2 type="chapter" n="20">
-<p><milestone unit="para"/> ὅτι ὁ Πέρσης ἐπέστειλε πρὸς Ἀγησίλαον, φίλον
-αὐτὸν ἔχειν. ἀντεπέστειλε δὲ Ἀγησίλαος ὅτι οὐ δυνατὸν
-φίλον αὐτὸν Ἀγησιλάου ἰδίᾳ εἶναι· εἰ δὲ εἴη
-<pb id="p.113"/>
-Λακεδαιμονιοις κοινῇ φίλος, δῆλον ὅτι καὶ αὐτοῦ
-ἔσται· ἐφʼ ἅπασι γὰρ καὶ ἐκεῖνον ἀριθμεῖσθαι.
-</p>
-</div2>
-<div2 type="chapter" n="21">
-<p><milestone unit="para"/>ὅτι τὸν Πλάτωνα ἡ Περικτιόνη ἔφερεν ἐν ταῖς 
-ἀγκάλαις· θύοντος δὲ τοῦ Ἀρίστωνος ἐν Ὑμηττῷ ταῖς
-Μούσαις ἢ ταῖς νύμφαις, οἳ μὲν πρὸς τὴν ἱερουργίαν 
-ἦσαν, ἣ δὲ κατέκλινε Πλάτωνα ἐν ταῖς πλησίον μυρρίναις
-δασείαις οὔσαις καὶ πυκναῖς. καθεύδοντι δὲ
-ἐσμὸς μελιττῶν ἐν τοῖς χείλεσιν αὐτοῦ καθίσασαι
-ὑπῇδον, τὴν τοῦ Πλάτωνος εὐγλωττίαν μαντευόμεναι
-ἐντεῦθεν. 
-</p>
-</div2>
-<div2 type="chapter" n="22">
-<p><milestone unit="para"/>ὅτι Διώξιππος παρόντος Ἀλεξάνδρου καὶ Μακεδόνων 
-ῥόπαλον λαβών, Κόρραγον τὸν Μακεδόνα
-ὁπλίτην καταμονομαχήσας καὶ ἐκκρούσας αὐτοῦ τὸ
-ξυστὸν καὶ ἁρπάσας τὸν ἄνδρα σὺν τῇ πανοπλίᾳ,
-ἐπιβὰς ἐπὶ τὸν αὐχένα αὐτοῦ κειμένου τὴν μάχαιραν 
-ἣν ὑπέζωστο ὑφαρπάσας ἀπέκτεινε τὸν ὁπλίτην.
-ἐμισήθη δὲ ὑπὸ Ἀλεξάνδρου. ὃ δὲ ἀπογνούς, ὡς
-μισηθεὶς ὑπὸ Ἀλεξάνδρου, καὶ ἀθυμήσας ἀπέθανεν.</p>
-</div2>
-</div1>
-<div1 type="book" n="11">
-<div2 type="chapter" n="1">
-<p><milestone unit="para"/>
-ὅτι Ὀρίκαδμος πάλης ἐγένετο νομοθέτης, καθʼ 
-ἑαυτὸν ἐπινοήσας τὸν Σικελὸν τρόπον καλούμενον παλαίειν.
-</p>
-</div2>
-<div2 type="chapter" n="2">
-<p><milestone unit="para"/>ὅτι ἦν Ὀροιβαντίου Τροιζηνιου ἔπη πρὸ Ὁμήρου, 
-ὥς φασιν οἱ Τροιζήνιοι λόγοι. καὶ τὸν Φρύγα δὲ Δάρητα,
-οὗ Φρυγίαν Ἰλιάδα ἔτι καὶ νῦν ἀποσωζομένην 
-οἶδα, πρὸ Ὁμήρου καὶ τοῦτον γενέσθαι λέγουσι. Μελήσανδρος
-ὁ Μιλήσιος Λαπιθῶν καὶ Κενταύρων μάχην ἔγραψεν.
-<pb id="p.114"/>
-</p>
-</div2>
-<div2 type="chapter" n="3">
-<p><milestone unit="para"/> ὅτι Ἴκκος ὁ Ταραντῖνος πάλης ὑπήρξατο, σωφρονέστερον
-τὸν τῆς ἀθλήσεως χρόνον διαζήσας καὶ κεκολασμένῃ
-τροφῇ διαβιώσας καὶ ἀφροδίτης ἀμαθὴς διατελέσας.
-</p>
-</div2>
-<div2 type="chapter" n="4">
-<p><milestone unit="para"/> Ἀγαθοκλέα φασὶ τὸν Σικελίας τύραννον γελοιότατα
-τὴν κεφαλὴν ἀσχημονεῖν. ψιλουμένης γὰρ αὐτῆς,
-κατὰ μικρὰ ὑπορρεουσῶν αὐτῷ τῶν τριχῶν, ὃ
-δὲ αἰδούμενος προκάλυμμα κόμης ἐποιήσατο μυρρίνης
-στέφανον· καὶ ἦν πρόβλημα τῆς ψιλώσεως. ᾔδεσαν
-μέντοι τὸ φαλάκρωμα Συρακόσιοι, καὶ τὴν ἐς αὐτὸν
-τῶν τριχῶν ἐπιβουλὴν οὐκ ἠγνόουν, ἐσιώπων δὲ διὰ
-τὸ τῶν τολμημάτων αὐτοῦ καὶ ἀσεβημάτων ἐμμανές.
-</p>
-</div2>
-<div2 type="chapter" n="5">
-<p><milestone unit="para"/> ἔθυόν τινες ἐν Δελφοῖς. τούτοις ἐπιβουλεύοντες
-Δελφοὶ ἐς τὰ κανᾶ, ἔνθα ἦν αὐτοῖς ὅ τε λιβανωτὸς
-καὶ τὰ πόπανα, ἐνέβαλον τῶν ἱερῶν χρημάτων λάθρᾳ.
-λαβόντες οὖν αὐτοὺς ὡς θεοσύλας ἀπήγαγον ἐπὶ τὴν
-πέτραν, καὶ κατεκρήμνισαν κατὰ τὸν Δελφικὸν νόμον.
-</p>
-</div2>
-<div2 type="chapter" n="6">
-<p><milestone unit="para"/> συνέβη τινὰ μοιχὸν ἁλῶναι ἐν Θεσπιαῖς· εἶτα
-ἤγετο διὰ τῆς ἀγορᾶς δεδεμένος. ἀφείλοντο οὖν αὐτὸν
-οἱ ἑταῖροι. ἐξήφθη οὖν στάσις, καὶ συνέπεσε
-γενέσθαι φόνους πολλούς.
-</p>
-</div2>
-<div2 type="chapter" n="7">
-<p><milestone unit="para"/> ἔλεγεν Ἐτεοκλῆς ὁ Λάκων δύο Λυσάνδρους τὴν
-Σπάρτην μὴ ἂν ὑπομεῖναι. καὶ Ἀρχέστρατος ὁ Ἀθηναῖος
-ἔλεγε δύο Ἀλκιβιάδας τὴν τῶν Ἀθηναίων.
-οὕτως ἄρα αὐτῶν ἑκάτεροι ἦσαν ἀφόρητοι.
-</p>
-</div2>
-<div2 type="chapter" n="8">
-<p><milestone unit="para"/> Ἵππαρχος ἀνῃρέθη ὑπὸ Ἁρμοδίου καὶ Ἀριστογείτονος,
-ὅτι ἐν τοῖς Παναθηναίοις κομίσαι κανοῦν τῇ
-θεῷ κατὰ τὸν νόμον τὸν ἐπιχώριον οὐκ εἴασε τὴν
-ἀδελφὴν τὴν Ἁρμοδίου, καὶ ἴσως ἀξίαν οὖσαν.
-</p>
-</div2>
-<div2 type="chapter" n="9">
-<p><milestone unit="para"/> οἱ τῶν Ἑλλήνων ἄριστοι πενίᾳ διέζων παρὰ
-πάντα τὸν βίον. ἐπαινείτωσαν οὖν πλοῦτόν τινες ἔτι
-μετὰ τοὺς τῶν Ἑλλήνων ἀρίστους, οἷς ἡ πενία παρὰ
-<pb id="p.115"/>
-πάντα τὸν βίον συνεκληρώθη. εἰσὶ δὲ οὗτοι, οἷον
-Ἀριστείδης ὁ Λυσιμάχου, ἀνὴρ πολλὰ μὲν ἐν πολέμῳ
-κατορθώσας, καὶ τοὺς φόρους δὲ τοῖς Ἕλλησι τάξας.
-ἀλλʼ οὗτός γε ὁ τοιοῦτος οὐδὲ ἐντάφια ἑαυτῷ κατέλιπεν
-ἱκανά. 
-    <milestone unit="para"/>καὶ Φωκίων δὲ πένης ᾖν. Ἀλεξάνδρου δὲ πέμψαντος
-αὐτῷ τάλαντα ἑκατὸν ἠρώτα ʽδιὰ τίνα αἰτίαν
-μοι δίδωσιν;ʼ ὡς δʼ εἶπον ὅτι μόνον αὐτὸν Ἀθηναίων
-ἡγεῖται καλὸν καὶ ἀγαθόν, ʽοὐκοῦνʼ ἔφη ʽἐασάτω με
-τοιοῦτον εἶναι.ʼ 
-    <milestone unit="para"/>Καὶ Ἐπαμεινώνδας δὲ ὁ Πολύμνιδος πένης ἦν.
-Ἰάσονος δὲ αὐτῷ πέμψαντος πεντήκοντα χρυσοῦς, ὃ
-δὲ ʽἀδίκωνʼ ἔφη ʽἄρχεις χειρῶν.ʼ δανεισάμενος δὲ
-παρά τινος τῶν πολιτῶν πεντήκοντα δραχμὰς ἐφόδιον
-ἐς Πελοπόννησον ἐνέβαλε. πυθόμενος δὲ τὸν ὑπασπιστὴν 
-αὐτοῦ χρήματα εἰληφέναι παρά τινος τῶν αἰχμαλώτων
-ʽἐμοὶ μὲνʼ εἶπεν ʽἀπόδος τὴν ἀσπίδα, σεαυτῷ
-δὲ πρίω καπηλεῖον, ἐν ᾧ καταζήσεις· οὐ γὰρ ἔτι κινδυνεύειν
-ἐθελήσεις, πλούσιος γενόμενος.ʼ
-    <milestone unit="para"/>Πελοπίδας δὲ ἐπιτιμώντων αὐτῷ τῶν φίλων ὅτι 
-χρημάτων ἀμελεῖ πράγματος ἐς τὸν βίον λυσιτελοῦς,
-ʽνὴ τὸν Δίἀ εἶπε ʽλυσιτελές, ἀλλὰ Νικομήδει τούτῳ,ʼ
-δείξας χωλόν τινα καὶ ἀνάπηρον.
-    <milestone unit="para"/>ὅτι Σκηπίων τέτταρα καὶ πεντήκονται ἔτη βιώσας
-οὐδὲν οὔτε ἐπρίατο οὔτε ἀπέδοτο· οὕτως ἄρα 
-ὀλίγων ἐδεῖτο. ἀσπίδα δὲ αὐτῷ τινος ἐπιδείξαντος εὖ
-κεκοσμημένην εἶπεν ʽἀλλὰ τόν γε Ῥωμαῖον ἄνδρα
-προσήκει ἐν τῇ δεξιᾷ τὰς ἐλπίδας ἔχειν, ἀλλʼ οὐκ ἐν
-τῇ ἀριστερᾷ.ʼ
-    <milestone unit="para"/>Ὅτι Ἐφιάλτης ὁ Σοφωνίδου πενέστατος ἦν. δέκα 
-δὲ τάλαντα διδόντων αὐτῷ τῶν ἑταίρων, ὃ δὲ οὐ
-προσήκατο εἰπὼν ʽταῦτά με ἀναγκάσει αἰδούμενον
-<pb id="p.116"/>
-ὑμᾶς καταχαρίσασθαί τι τῶν δικαίων, μὴ αἰδούμενον
-δὲ μηδὲ χαριζόμενον ὑμῖν ἀχάριστον δόξαι.ʼ
-</p>
-</div2>
-<div2 type="chapter" n="10">
-<p><milestone unit="para"/>Ζωίλος ὁ Ἀμφιπολίτης ὁ καὶ ἐς Ὅμηρον γράψας
-καὶ ἐς Πλάτωνα καὶ ἐς ἄλλους, Πολυκράτους μὲν
-ἀκουστὴς ἐγένετο· οὗτος δὲ ὁ Πολυκράτης καὶ τὴν
-κατηγορίαν ἔγραψε τὴν κατὰ Σωκράτους. ἐκαλεῖτο δʼ
-ὁ Ζωίλος οὗτος Κύων ῥητορικός. ἦν δὲ τοιοῦτος. τὸ
-μὲν γένειον αὐτῷ καθεῖτο, κέκαρτο δὲ ἐν χρῷ τὴν κεφαλήν,
-καὶ θοιμάτιον ὑπὲρ τὸ γόνυ ἦν. ἤρα δὲ ἀγορεύειν
-κακῶς, καὶ ἀπεχθάνεσθαι πολλοῖς σχολὴν
-εἶχε, καὶ ψογερὸς ἦν ὁ κακοδαίμων. ἤρετο οὖν αὐτόν
-τις τῶν πεπαιδευμένων διὰ τί κακῶς λέγει πάντας·
-ὃ δὲ ʽποιῆσαι γὰρ κακῶς βουλόμενος οὐ δύναμαι.ʼ
-</p>
-</div2>
-<div2 type="chapter" n="11">
-<p><milestone unit="para"/> ὅτι Διονύσιος ὁ Σικελὸς περὶ τὴν ἰατρικὴν ἐσπούδασε
-καὶ αὐτός, καὶ ἰᾶτο καὶ ἔτεμνε καὶ ἔκαε καὶ τα λοιπά.
-</p>
-</div2>
-<div2 type="chapter" n="12">
-<p><milestone unit="para"/> πλακοῦντα ὁ Ἀλκιβιάδης μέγαν καὶ ἐσκευασμένον
-κάλλιστα διέπεμψε Σωκράτει. ὡς οὖν ὑπὸ ἐρωμένου
-ἐραστῇ πεμφθὲν δῶρον ἐκκαυστικὸν τὸν πλακοῦντα
-διαγανακτήσασα κατὰ τὸν αὑτῆς τρόπον ἡ Ξανθίππη
-ῥίψασα ἐκ τοῦ κανοῦ κατεπάτησε. γελάσας δὲ ὁ Σωκράτης
-ʽοὐκοῦνʼ ἔφη ʽοὐδὲ σὺ μεθέξεις αὐτοῦ.ʼ εἰ δέ
-τις οἴεται περὶ μικρῶν με λέγειν λέγοντα ταῦτα, οὐκ
-οἶδεν ὅτι καὶ ἐκ τούτων ὁ σπουδαῖος δοκιμάζεται
-ὑπερφρονῶν αὐτῶν, ἅπερ οὖν οἱ πολλοὶ λέγουσιν
-εἶναι κόσμον τραπέζης καὶ δαιτὸς ἀναθήματα.
-</p>
-</div2>
-<div2 type="chapter" n="13">
-<p><milestone unit="para"/> ἄνδρα φασὶ Σικελιώτην οἷον βλέπειν ὀξὺ γενέσθαι
-ἐν Σικελίᾳ, ὥστε αὐτὸν ἐκ τοῦ Λιλυβαίου ἐς Καρχηδόνα
-τείναντα τὸν ὀφθαλμὸν μηδὲν τὰς ὄψεις σφάλλεσθαι.
-καὶ ἀποδεῖξαι λέγουσι τὸν ἀριθμὸν τῶν νεῶν
-τῶν ἀναγομένων ἐκ Καρχηδόνος· καὶ οὐκ ἐψεύσατο οὐδεμίαν.</p>
-</div2>
-</div1>
-<pb id="p.117"/>
-<div1 type="book" n="12">
-<div2 type="chapter" n="1">
-<p><milestone unit="para"/>
-Ἀσπασία ἡ Ἑρμοτίμου θυγάτηρ ἡ Φωκαῒς ἐτράφη
-ἐν ὀρφανίᾳ, τῆς μητρὸς αὐτῆς ἀποθανούσης ἐν ὠδῖσιν.
-ἐκ δὴ τούτων ἐν πενίᾳ μὲν ἐτράφη ἡ Ἀσπασία,
-σωφρόνως μέντοι καὶ καρτερῶς. ὄνειρος δὲ αὐτῇ 
-συνεχῶς ἐπεφοίτα καὶ ἐμαντεύετο αὐτῇ χρηστά, τὴν
-μέλλουσαν αὐτῆς τύχην ὑπαινιττόμενος, ὅτι καλῷ
-καὶ ἀγαθῷ συνέσται ἀνδρί. παῖς δʼ ἔτι οὖσα, γίνεται
-αὐτῇ κατὰ τοῦ προσώπου φῦμα ὑπʼ αὐτὸ τὸ γένειον,
-καὶ ἦν ἰδεῖν μοχθηρὸν καὶ ἐλύπει τόν τε πατέρα καὶ 
-τὴν παῖδα. δείκνυσιν οὖν αὐτὴν ὁ πατὴρ ἰατρῷ· ὃ
-δὲ ὑπέσχετο ἰάσασθαι, εἰ λάβοι τρεῖς στατῆρας. ὃ δὲ
-ἔφατο μὴ ἔχειν, ὁ δὲ ἰατρὸς μηδὲ αὐτὸς εὐπορεῖν φαρμάκου
-φησί. καὶ ἠνιᾶτο ὥσπερ εἰκὸς ἐπὶ τούτοις ἡ
-Ἀσπασία καὶ ἀπελθοῦσα ἔξω ἔκλαεν· ἔχουσα δʼ ἐν 
-τοῖς γόνασι κάτοπτρον καὶ ὁρῶσα ἑαυτὴν ἐν αὐτῷ σφόδρα
-ἤλγει. ἀδείπνῳ δὲ οὔσῃ ὑπὸ τῆς ἀνίας ἀφίκετό
-οἱ εὖ μάλα εὔκαιρος ὕπνος, καὶ ἅμα τῷ ὕπνῳ περιστερὰ
-παραγίνεται, καὶ γενομένη γυνὴ ʽθάρρεἰ εἶπε
-ʽκαὶ μακρὰν χαίρειν εἰποῦσα ἰατροῖς τε αὐτοῖς καὶ φαρμάκοις, 
-σὺ δὲ τῶν τῆς Ἀφροδίτης στεφάνων τῶν ῥοδίνων
-ὅσοι ἂν ὦσιν ἤδη αὖοι τρίβουσα ἐπίπαττε τῷ
-φύματι.ʼ ταῦτα ἀκούσασα ἡ παῖς καὶ δράσασα, τὸ
-φῦμα ἠφανίσθη· καὶ ἡ Ἀσπασία καλλίστη τῶν συμπαρθένων
-ἦν αὖθις, παρὰ τῆς καλλίστης τῶν θεῶν 
-τὴν ὥραν ἀπολαβοῦσα. καὶ χαρίτων μὲν ἀφθονίαν
-εἶχεν, ὡς οὐκ ἄλλη παρθένος τῶν τότε· ἦν δὲ καὶ τὴν
-κόμην ξανθὴ καὶ οὔλη τὰς τρίχας ἠρέμα, ὀφθαλμοὺς
-δὲ εἶχε μεγίστους, ὀλίγον δὲ ἦν καὶ ἐπίγρυπος, τὰ δὲ
-ὦτα εἶχε βραχύτατα. ἦν δὲ αὐτῇ καὶ δέρμα ἁπαλόν. 
-<pb id="p.118"/>
-ἐῴκει δὲ ἡ χρόα ἡ κατὰ τοῦ προσώπου ῥόδοις. διὰ
-ταῦτά τοι οἱ Φωκαεῖς ἔτι παιδίον οὖσαν ἐκάλουν
-Μιλτώ. ὑπέφαινε δὲ καὶ τὰ χείλη ἐρυθρά, καὶ οἱ
-ὀδόντες λευκότεροι χιόνος ἦσαν. ἦν δὲ καὶ τὰ σφυρὰ
-ἀγαθὴ καὶ οἵας Ὅμηρος λέγει τὰς ὡραιοτάτας γυναῖκας
-κατὰ τὴν ἑαυτοῦ φωνήν, καλλισφύρους ὀνομάζων.
-φώνημα δὲ εἶχεν ἡδὺ καὶ ἁπαλόν· εἶπεν ἄν τις λαλούσης
-αὐτῆς ἀκούειν Σειρῆνος. πολυπραγμοσύνης
-δὲ ἁπάσης γυναικείας καὶ περιεργίας ἀπήλλακτο. ὁ
-μὲν γὰρ πλοῦτος φιλεῖ χορηγεῖν καὶ τὰ τοιαῦτα, πενομένη
-δὲ ἐκείνη καὶ τρεφομένη ὑπὸ πατρὶ καὶ αὐτῷ
-πένητι περίεργον μὲν οὐδὲν οὐδὲ περιττὸν ἐς τὸ εἶδος
-ἠράνιζεν. ἀφίκετο δέ ποτε παρὰ Κῦρον τὸν Δαρείου
-καὶ Παρυσάτιδος ἡ Ἀσπασία τὸν ἀδελφὸν Ἀρταξέρξου,
-οὐχ ἑκοῦσα οὐδὲ ἑκόντος αὐτὴν τοῦ πατρὸς ἀποπέμψαντος,
-ἀλλὰ γὰρ πρὸς βίαν, οἷα πολλάκις ἀπήντησεν
-ἢ πόλεων ἁλουσῶν ἢ τυράννων βιασαμένων ἢ σατραπῶν.
-εἷς οὖν τῶν Κύρου σατραπῶν μετὰ καὶ ἄλλων
-παρθένων ἀνήγαγεν αὐτὴν πρὸς Κῦρον, καὶ τάχιστα
-τῶν ἄλλων παλλακίδων προετιμήθη διά τε ἤθους
-ἀφέλειαν καὶ τοῦ τρόπου τὸ αἰδῆμον καὶ ὅτι ἀπεριέργως
-καλὴ ἦν. συνεμάχετο δὲ πρὸς τὸ ὑπερφιλεῖσθαι
-καὶ ὅτι σύνεσιν εἶχε. πολλάκις γοῦν καὶ ὑπὲρ τῶν
-ἐπειγόντων ἐχρήσατο αὐτῇ συμβούλῳ Κῦρος, καὶ πεισθεὶς
-οὐ μετέγνω. ὡς δὲ ἦλθε τὸ πρῶτον πρὸς Κῦρον
-ἡ Ἀσπασία, ἔτυχε μὲν ἀπὸ δείπνου ὢν καὶ πίνειν
-ἔμελλε κατὰ τὸν τρόπον τὸν Περσικόν· μετὰ γὰρ τὸ
-ἐμπλησθῆναι τροφῆς οἱ Πέρσαι τῷ τε οἴνῳ καὶ ταῖς
-προπόσεσιν εὖ μάλα ἀποσχολάζουσιν, ὡς πρὸς ἀντίπαλον
-τὸν πότον ἀποδυόμενοι. μεσοῦντος οὖν τοῦ
-πότου τέτταρες παρθένοι παράγονται τῷ Κύρῳ Ἑλληνικαί,
-ἐν δὲ ταῖς καὶ ἡ Φωκαῒς Ἀσπασία ἦν. ἦσαν
-<pb id="p.119"/>
-δὲ κάλλιστα διεσκευασμέναι· αἱ μὲν γὰρ τρεῖς ὑπὸ
-τῶν οἰκείων γυναικῶν, αἳ ἔτυχον αὐταῖς συνανελθοῦσαι,
-διαπεπλεγμέναι τε ἦσαν τὰς κόμας καὶ διαπεποικιλμέναι
-τὰ πρόσωπα ἐντρίψεσι καὶ φαρμάκοις.
-ἦσαν δὲ καὶ ὑπὸ τῶν τροφέων δεδιδαγμέναι ὅπως τε 
-ὑποδραμεῖν χρὴ τὸν Κῦρον καὶ τίνα τρόπον θωπεῦσαι,
-καὶ προσιόντα μὴ ἀποστραφῆναι καὶ ἁπτομένου μὴ
-δυσχερᾶναι καὶ φιλοῦντος ὑπομεῖναι, ἑταιρικὰ εὖ
-μάλα μαθήματα καὶ διδάγματα καὶ γυναικῶν καπηλικῶς
-τῷ κάλλει χρωμένων ἔργα. ἔσπευδον οὖν ἄλλη 
-ἄλλην ὑπερβαλέσθαι τῷ κάλλει. ἡ δὲ Ἀσπασία οὔτε
-ἐνδῦναι πολυτελῆ χιτῶνα ἐβούλετο, οὔτε περίβλημα
-περιβαλέσθαι ποικίλον ἠξίου, οὔτε λούσασθαι ὑπέμενεν,
-ἀνευφημήσασα δὲ θεοὺς πάντας ἐκάλει Ἑλληνίους
-καὶ Ἐλευθερίους τοὺς αὐτούς, καὶ τὸ τοῦ πατρὸς 
-ὄνομα ἐβόα, καὶ κατηρᾶτο ἑαυτῇ καὶ τῷ πατρί, δουλείαν
-σαφῆ καὶ ὡμολογημένην ὑπομένειν πιστεύουσα
-τὴν ἔξω τῆς συνηθείας περὶ τὸ σῶμα στολήν τε ἅμα
-καὶ περίεργον κατασκευήν. ῥαπισθεῖσα δὲ πρὸς ἀνάγκην
-ἐνέδυ, καὶ εἶκε τοῖς ἐπιτάγμασιν, ἀλγοῦσα ὅμως 
-ὅτι οὐ παρθενικὰ ἀλλʼ ἑταιρικὰ πράττειν ἐβιάζετο.
-αἱ μὲν οὖν ἄλλαι παρελθοῦσαι ἀντέβλεπον τῷ Κύρῳ
-καὶ ὑπεμειδίων καὶ φαιδρότητα προσεποιοῦντο· ἥ γε
-μὴν Ἀσπασία ἑώρα κάτω, καὶ ἐρυθημάτων εὖ μάλα
-φλογωδῶν ἐνεπίμπλατο αὐτῆς τὸ πρόσωπον, καὶ ἐπεπλήρωντο 
-οἱ ὀφθαλμοὶ δακρύων, καὶ ἐκ παντὸς τοῦ
-τρόπου δήλη ἦν αἰδουμένη. ἐπεὶ δὲ ἐκέλευσε πλησίον
-αὑτοῦ τὰς ἀνθρώπους καθίσαι, αἳ μὲν ἐπείσθησαν
-καὶ πάνυ εὐκόλως, ἡ δὲ Φωκαῒς τῷ προστάγματι
-οὐδὲν προσεῖχεν, ἕως αὐτὴν ὁ ἀγαγὼν σατράπης πρὸς 
-βίαν ἐκάθισεν. ἁπτομένου δὲ τοῦ Κύρου καὶ διασκοποῦντος
-τοὺς ὀφθαλμοὺς αὐτῶν καὶ τὰς παρειὰς καὶ
-<pb id="p.120"/>
-τοὺς δακτύλους, αἳ μὲν ἠνείχοντο, ἣ δὲ οὐχ ὑπέμενεν·
-ἄκρᾳ γὰρ τῇ χειρὶ μόνον τοῦ Κύρου προσαψαμένου
-ἐξεβόησέ τε καὶ ἔφατο αὐτὸν οἰμώξεσθαι τοιαῦτα
-δρῶντα. ὑπερήσθη τούτοις ὁ Κῦρος. ἐπανισταμένης
-τε αὐτῆς καὶ πειρωμένης φεύγειν, ἐπεὶ καὶ τῶν μαζῶν
-προσήψατο, ἀλλὰ ἐνταῦθα μὲν ὑπερηγάσθη τὴν
-εὐγένειαν οὐ Περσικῶς ὁ τοῦ Δαρείου, ἀλλὰ καὶ
-ἀποβλέψας πρὸς τὸν ἀγοραστὴν ʽταύτην μόνηνʼ ἔφη
-ʽἐλευθέραν καὶ ἀδιάφθορον ἤγαγες· αἱ δὲ λοιπαὶ
-καπηλικῶς ἔχουσι καὶ τοῦ εἴδους καὶ ἔτι μᾶλλον τοῦ
-τρόπου.ʼ ἐκ δὴ τούτων ὁ Κῦρος πλέον ταύτην ἠγάπησεν
-ἢ αἷς ὡμίλησέ ποτε ἀνθρώποις. χρόνῳ δὲ
-ὕστερον ὑπερηράσθη μὲν ταύτης ὁ Κῦρος, ἀντηρᾶτο
-δὲ καὶ ὑπʼ ἐκείνης, καὶ ἐς τοσοῦτον ἀμφοῖν ἡ φιλία
-προῆλθεν, ὡς ἐγγὺς ἰσοτιμίας εἶναι καὶ μὴ ἀπᾴδειν
-Ἑλληνικοῦ γάμου ὁμονοίας τε καὶ σωφροσύνης. ἀφίκετο
-οὖν τοῦ ἐς Ἀσπασίαν ἔρωτος καὶ ἐς Ἰωνίαν τὸ
-κλέος καὶ ἐς τὴν Ἑλλάδα πᾶσαν. ἐπεπλήρωτο δὲ καὶ
-ἡ Πελοπόννησος τῶν ὑπὲρ Κύρου τε καὶ ἐκείνης λόγων,
-ἀλλὰ καὶ ἐς βασιλέα τὸν μέγαν ἧκεν ἡ δόξα·
-ἐπεπίστευτο γὰρ δὴ ὅτι γυναικὸς ἄλλης μετʼ αὐτὴν
-οὐκ ἠξίου πειραθῆναι Κῦρος. ἐκ δὴ τούτων ἐσῄει
-τὴν Ἀσπασίαν μνήμη τῶν ἀρχαίων φασμάτων, περιστερᾶς
-τε ἐκείνης καὶ τῶν ἐξ αὐτῆς λόγων καὶ ὅσα
-προεῖπεν ἡ θεός· καὶ ἐπίστευεν αὐτὴν ἐξ ἀρχῆς μελεδωνὸν
-αὐτῆς γεγονέναι, καὶ ἔθυε τῇ Ἀφροδίτῃ τελεστήρια
-καὶ χαριστήρια. πρῶτον μὲν οὖν εἴδωλον
-χρυσοῦν ἀρκούντως μεγέθους ἔχον αὐτῇ κατεσκεύασεν.
-ἐνενοεῖτο δὲ τὸ ἄγαλμα τοῦτο Ἀφροδίτης εἷναι, καὶ
-πελειάδα αὐτῇ παρέστησε λιθοκόλλητον· καὶ ἀνὰ πᾶσαν
-ἡμέραν θυσίαις τε ἱλεοῦτο καὶ εὐφημίαις. ἀπέπεμψε
-δὲ καὶ Ἑρμοτίμῳ τῷ πατρὶ δῶρα πολλὰ καὶ
-<pb id="p.121"/>
-καλά, καὶ πλούσιον αὐτὸν ἀπέφηνε. σωφροσύνῃ τε
-διέζη, ὡς αἱ Ἑλληνίδες γυναῖκες λέγουσι καὶ αἱ Περσίδες.
-ὅρμος ἐκομίσθη ποτὲ Κύρῳ ἐκ Θετταλίας, πεμψαντος
-τὸν ὅρμον Σκόπα τοῦ νεωτέρου· τῷ δὲ Σκόπᾳ
-ἐκεκόμιστο ἐκ Σικελίας τὸ δῶρον, ἐδόκει δὲ ὁ ὅρμος 
-θαυμαστῇ τινι τέχνῃ καὶ ποικιλίᾳ ἐξειργάσθαι. πάντων
-οὖν, οἷς ἔδειξεν αὐτὸν ὁ Κῦρος, θαυμαζόντων,
-ὑπερησθεὶς τῷ κειμηλίῳ, παραχρῆμα ἐς Ἀσπασίας
-ἀφίκετο, μεσούσης ἡμέρας, καὶ καταλαβὼν αὐτὴν καθεύδουσαν,
-ὑποδὺς ὑπὸ θοιμάτιον καὶ παρακλιθεὶς 
-ἠρέμα, ἀψοφητὶ ἔμενεν αὐτὸς μὲν ἀτρεμῶν· ἐκείνη
-δὲ ἐκάθευδεν. ἐπεὶ δὲ διυπνίσθη καὶ ἐθεάσατο τὸν
-Κῦρον, περιπλακεῖσα αὐτῷ κατὰ τὸν συνήθη τρόπον
-ἐφιλοφρονεῖτο αὐτόν. ὃ δὲ ἐξελὼν ἐκ τοῦ κιβωτίου
-τὸν ὅρμον ἔδειξεν, ἐπειπὼν ὅτι ἄξιός ἐστιν οὗτος ἢ 
-θυγατρὸς βασιλέως ἢ μητρός. τῆς δὲ ὁμολογούσης
-ʽἰδοὺ τοίνυνʼ φησὶν ʽδίδωμί σοι αὐτὸν ἔχειν κτῆμα·
-καί μοι ὡς ἔχεις περιθεμένη δεῖξον τὸν τράχηλον.ʼ ἡ
-δὲ οὐχ ἡττήθη τοῦ δώρου, ἀλλʼ εὖ μάλα σοφῶς καὶ
-πεπαιδευμένως ἀπεκρίνατο ʽκαὶ πῶσʼ ἔφη ʽτολμήσω 
-Παρυσάτιδος δῶρον ἄξιον τῆς τεκούσης σε περιθέσθαι
-αὐτή; ἀλλὰ τοῦτον μὲν ἀπόπεμψον ἐκείνῃ, Κῦρε· ἐγὼ
-δέ σοι καὶ ἄνευ τούτου παρέξω καλὸν τὸν τράχηλον.ʼ
-Ἀσπασία μὲν οὖν μεγαλοφρόνως καὶ ὑπὲρ τὰς γυναῖκας
-βασιλικῶς τὰ ἐναντία ἔδρασεν ἤπερ εἰώθασι γυναῖκες 
-δρᾶν· φιλόκοσμοι γάρ εἰσι δεινῶς· ὁ δὲ Κῦρος ἡσθεὶς
-τῇ ἀποκρίσει τὴν μὲν Ἀσπασίαν κατεφίλησεν, αὐτὰ
-δὲ ἕκαστα καὶ τῶν πραχθέντων καὶ τῶν λεχθέντων ἐς
-ἐπιστολὴν ἐγγράψας ἀπέπεμψε πρὸς τὴν μητέρα σὺν
-τῷ ὅρμῳ. καὶ ἡ Παρύσατις λαβοῦσα τὸ δῶρον οὐδὲν 
-ἔλαττον ἥσθη τοῖς ἐπεσταλμένοις ἢ τῷ χρυσῷ· καὶ
-ὑπὲρ τούτων ἠμείψατο τὴν Ἀπασίαν μεγάλοις δώροις
-<pb id="p.122"/>
-καὶ βασιλικοῖς· ηὔφρανε γὰρ αὐτὴν μάλιστα ἐκεῖνο,
-ὅτι καίτοι πάνυ σφόδρα εὐδοκιμοῦσα παρὰ τῷ παιδὶ
-αὐτῆς ἡ Ἀσπασία, ὅμως ἐν τῷ φιλεῖσθαι ὑπὸ Κύρου
-ἐβούλετο τῆς Κῦρον τεκούσης ἡττᾶσθαι. ἐπῄνεσε μὲν
-οὖν Ἀσπασία τὰ δῶρα, οὐ μὴν ἔφατο αὐτῶν δεῖσθαι,
-ἐπεὶ καὶ χρήματα ἧκεν αὐτῇ μετὰ τῶν δώρων πάμπολλα·
-ἀπέστειλε δὲ Κύρῳ, ἐπειποῦσα ʽπολλοὺς ἀνθρώπων
-τρέφοντί σοι γένοιτο ἂν ταῦτα λυσιτελῆ·
-ἐμοὶ δὲ σὺ ἀρκεῖς φιλούμενος, καὶ κόσμος μοι εἶ σύ.ʼ
-καὶ ἐκ τούτων οὖν ὥσπερ εἰκὸς τὸν Κῦρον ἐξέπληξε,
-καὶ ἀναμφιλόγως ἐθαυμάζετο ἥδε ἡ γυνὴ καὶ διὰ τὸ
-κάλλος τὸ τοῦ σώματος καὶ ἔτι μᾶλλον διὰ τὴν εὐγένειαν
-τῆς ψυχῆς. ὅτε δὲ ἀνῃρέθη Κῦρος ἐν τῇ πρὸς
-τὸν ἀδελφόν μάχῃ, καὶ ἑάλω τὸ στρατόπεδον τοῦ Κύρου,
-μετὰ καὶ τῶν ἄλλων λαφύρων καὶ αὐτὴ ἑάλω,
-οὐκ εἰκῇ καὶ ὡς ἔτυχεν ἐμπεσοῦσα ἐς τοὺς πολεμίους,
-ἀλλʼ ἀνεζήτησεν αὐτὴν σὺν πολλῇ τῇ φροντίδι ὁ βασιλεὺς
-Ἀρταξέρξης· ᾔδει γὰρ αὐτῆς τὸ κλέος καὶ τὴν
-ἀρετήν. ἐπεὶ δὲ αὐτὴν ἤγαγον δεδεμένην, ἠγανάκτει
-καὶ τοὺς μὲν τοῦτο δράσαντας ἐς δεσμωτήριον ἐνέβαλε,
-προσέταξε δὲ αὐτῇ δοθῆναι κόσμον πολυτελῆ.
-ἣ δὲ ἄκουσα καὶ ποτνιωμένη καὶ δακρύουσα ἐπὶ
-πολλοῖς ἐβιάσθη τὴν ἐκ βασιλέως στολὴν ἐνδῦναι·
-ἐθρήνει γὰρ ἰσχυρῶς τὸν Κῦρον· ἐνδῦσα δὲ ἐφάνη
-καλλίστη γυναικῶν, καὶ παραχρῆμα ὁ Ἀρταξέρξης
-ἐφλέγετο καὶ κατετήκετο, καὶ πρώτην γε τῶν γυναικῶν
-ἦγε, καὶ ἐς ὑπερβολὴν ἐτίμα διʼ ὧν ἔσπευδεν
-αὐτῇ χαρίζεσθαι, θαρρῶν ὅτι Κύρου μὲν ἀναπείσει
-ἐπιλαθέσθαι αὐτήν, διδάξει δʼ αὐτὸν φιλεῖν οὐδὲν
-ἐκείνου ἧττον. καὶ ἔτυχε μὲν τῆς ἐλπίδος, ὀψὲ δὲ καὶ
-βραδέως· δεινὴ γὰρ ἡ ἐς Κῦρον εὔνοια ἐντακεῖσα
-τῇ Ἀσπασίᾳ δυσέκνιπτον ὡς ὅτι μάλιστα τὸ φίλτρον
-<pb id="p.123"/>
-ἐνείργαστο αὐτῇ. χρόνῳ δὲ ὕστερον Τιριδάτης ὁ
-εὐνοῦχος ἀποθνήσκει, κάλλιστος τῶν ἐν τῇ Ἀσίᾳ καὶ
-ὡραιότατος γενόμενος· κατέστρεψε δὲ ἄρα οὗτος
-τὸν βίον μειρακιούμενος καὶ ἐκ τῆς παιδικῆς ἡλικίας
-ἀνατρέχων, ἐλέγετο δὲ αὐτοῦ ἐρᾶν ὁ βασιλεὺς ἀνδρειότατα. 
-ἐκ δὴ τούτων ἐπένθει βαρύτατα καὶ δριμύτατα
-ἤλγει, καὶ δημοσίᾳ κατὰ πᾶσαν τὴν Ἀσίαν
-πένθος ἦν, χαριζομένων ἁπάντων βασιλεῖ τοῦτο.
-ἐτόλμα τε οὐδεὶς αὐτῷ προσελθεῖν οὐδὲ παραμυθήσασθαι·
-καὶ γὰρ ἐπίστευον ἀνιάτως αὐτὸν ἔχειν ἐπὶ 
-τῷ συμβεβηκότι πάθει. τριῶν δὲ ἡμερῶν διελθουσῶν
-στολὴν ἀναλαβοῦσα ἡ Ἀσπασία πενθικήν, ἀπιόντος
-τοῦ βασιλέως ἐπὶ λουτρόν, ἔστη δακρύουσα καὶ ὁρῶσα
-ἐς γῆν· ὃ δὲ ἰδὼν αὐτὴν ἐξεπλάγη καὶ ἤρετο τὴν
-αἰτίαν τῆς ἀφίξεως. καὶ ἐκείνη φησὶ ʽλυπούμενόν σε, 
-βασιλεῦ, καὶ ἀλγοῦντα ἀφῖγμαι παραμυθήσασθαι, εἴ
-σοι βουλομένῳ ἐστίν· εἰ δὲ χαλεπαίνεις, ἀπαλλάττομαι
-ὀπίσω.ʼ ὑπερήσθη τῇ κηδεμονίᾳ ὁ Πέρσης, καὶ
-προσέταξεν ἐς τὸν θάλαμον ἀνελθοῦσαν ἀναμεῖναι
-αὐτόν· ἣ δὲ ἔδρασε ταῦτα. ἐπεὶ δὲ ἐπανῆλθε, τὴν 
-τοῦ εὐνούχου στολὴν ἐπὶ τῇ μελαίνῃ περιῆψε τῇ Ἀσπασίᾳ·
-καί πως ἔπρεψεν αὐτῇ καὶ τὰ τοῦ μειρακίου, καὶ
-ἔτι μᾶλλον τὰ τῆς ὥρας αὐτῇ πρὸς τὸν ἐραστὴν ἐξέλαμψεν.
-ἐπεὶ δὲ ἅπαξ ἐχειρώθη τούτοις ἐκεῖνος,
-ἠξίωσεν αὐτήν, ἔστʼ ἂν ἀπομαρανθῇ τοῦ πένθους 
-αὐτῷ ἡ ἀκμή, οὕτως ἐσταλμένην ὡς αὐτὸν παριέναι
-αὐτήν. καὶ ἐκείνη χαριζομένη ἐπείσθη αὐτῷ· καὶ
-μόνη τῶν κατὰ τὴν Ἀσίαν οὐ γυναικῶν μόνον φασὶν
-ἀλλὰ καὶ τῶν τοῦ βασιλέως υἱῶν καὶ τῶν συγγενῶν
-παρεμυθήσατο Ἀρταξέρξην, καὶ τὸ ἐκ τῆς λύπης 
-ἰάσατο πάθος, εἴξαντος τοῦ βασιλέως τῇ κηδεμονίᾳ
-καὶ τῇ παραμυθίᾳ πεισθέντος συνετῶς.
-<pb id="p.124"/>
-</p>
-</div2>
-<div2 type="chapter" n="2">
-<p><milestone unit="para"/>
-<del>Οὐδεὶς οὔτε πλάστης οὔτε γραφεὺς τῶν Διὸς
-θυγατέρων τὰ εἴδη παρέστησεν ἡμῖν ὡπλισμένα. ὁμολογεῖ
-δὲ τοῦτο, ὅτι δεῖ τὸν ἐν Μούσαις βίον εἰρηνικόν
-τε ἅμα καὶ πρᾶον εἶναι.</del>
-</p>
-</div2>
-<div2 type="chapter" n="3">
-<p><milestone unit="para"/> Ἐπαμεινώνδας ὅτε ἐτρώθη ἐν Μαντινείᾳ καιρίαν,
-ἐς τὴν σκηνὴν κομισθεὶς ἔτι ἔμπνους Δαΐφαντον ἐκάλει,
-ἵνα ἀποδείξῃ στρατηγόν· οἵ δὲ ἔφασαν τεθνάναι
-τὸν ἄνδρα. εἶτα Ἰολαΐδαν καλεῖν διὰ ταχέων ἠξίου.
-ἐπεὶ δὲ καὶ αὐτὸς ἐλέχθη τεθνάναι, συνεβούλευσε διαλύσασθαι
-πρὸς τοὺς πολεμίους καὶ φιλίαν θέσθαι,
-ὡς μηκέτι στρατηγοῦ καταλελειμμένου ἐν Θήβαις.
-</p>
-</div2>
-<div2 type="chapter" n="4">
-<p><milestone unit="para"/> φασὶν Αἰγύπτιοι Σέσωστριν παρʼ Ἑρμοῦ τὰ νόμιμα ἐκμουσωθῆναι.
-</p>
-</div2>
-<div2 type="chapter" n="5">
-<p><milestone unit="para"/> ὅτι Λαῒς ἡ ἑταίρα, ὥς φησιν Ἀριστοφάνης ὁ Βυζάντιος,
-καὶ Ἀξίνη ἐκαλεῖτο. ἤλεγχε δὲ αὐτῆς τὸ
-ἐπώνυμον τοῦτο τὴν τοῦ ἤθους ἀγριότητα.
-</p>
-</div2>
-<div2 type="chapter" n="6">
-<p><milestone unit="para"/> ὅτι γελᾶν ἔξεστιν ἐπὶ τοῖς μέγα φρονοῦσι διὰ
-τοὺς πατέρας, εἴ γε ἐν Ῥωμαίοις μὲν Μαρίου τὸν πατέρα
-οὐκ ἴσμεν, αὐτὸν δὲ θαυμάζομεν διὰ τὰ ἔργα·
-Κάτωνος δὲ τοῦ πρεσβυτέρου καὶ αὐτοῦ τὸν πατέρα
-ἀναζητεῖν χρή.
-</p>
-</div2>
-<div2 type="chapter" n="7">
-<p><milestone unit="para"/> ὅτι Ἀλέξανδρος τὸν Ἀχιλλέως τάφον ἐστεφάνωσε
-καὶ Ἡφαιστίων τὸν τοῦ Πατρόκλου, αἰνιττόμενος ὅτι
-καὶ αὐτὸς ἦν ἐρώμενος τοῦ Ἀλεξάνδρου, ὥσπερ Ἀχιλλέως
-ὁ Πάτροκλος.
-</p>
-</div2>
-<div2 type="chapter" n="8">
-<p><milestone unit="para"/> Κλεομένης ὁ Λάκων τῶν ἑταίρων τῶν αὑτοῦ παραλαβὼν
-Ἀρχωνίδην κοινωνὸν ἐποιεῖτο τῶν πραγμάτων.
-ἐπώμνυεν οὖν, εἰ κατάσχοι, πάντα σὺν τῇ
-αὐτοῦ κεφαλῇ πράττειν. κατασχὼν οὖν τὴν ἀρχήν,
-ἀποκτείνας τὸν ἑταῖρον αὑτοῦ καὶ ἀποκρίνας τὴν κεφαλὴν
-καὶ μέλιτι ἐμβαλών, ὁπότε μέλλοι τι πράττειν,
-τῷ ἀγγείῳ προσκύψας ἔλεγεν ὅσα ἔπραττε, λέγων
-<pb id="p.125"/>
-μη παρασπονδεῖν μηδὲ ἐπιορκεῖν, βουλεύεσθαι δὲ
-μετὰ τῆς Ἀρχωνίδου κεφαλῆς.
-</p>
-</div2>
-<div2 type="chapter" n="9">
-<p><milestone unit="para"/>Τιμησίας ὁ Κλαζομένιος καλῶς ἐξηγήσατο τῶν 
-Κλαζομενίων· ἦν γὰρ τῶν ἀγαθῶν ἀνδρῶν. ὅς γε
-μὴν εἴωθε κατισχύειν τῶν τοιούτων φθόνος, καὶ τοῦ 
-Τιμησίου κατεκράτει. καὶ τὰ μὲν πρῶτα ὀλίγον ἔμελε
-φθονουμένῳ αὐτῷ, τῆς δὲ πατρίδος αὐτὸν ἐξελάσαι
-ἐκεῖνό φασι. παρῄει διὰ διδασκαλείου· οἱ δὲ παῖδες
-ἀφεθέντες ὑπὸ τοῦ διδασκάλου ἔπαιζον. γίνεται δὲ
-δύο παίδων ὑπὲρ γραμμῆς φιλοτομία, καὶ ὁ εἶς ἐπώμοσεν 
-ʽοὕτω ἐγὼ Τιμησίου τὸν ἐγκέφαλον ἐξαράξαιμι.ʼ
-τοῦτο ἐκεῖνος ἀκούσας καὶ ὑπολαβὼν ἀκρατῶς
-ἔχειν φθόνου καὶ δεινῶς ὑπὸ τῶν πολιτῶν μεμισῆσθαι,
-εἴ γε καὶ οἱ παῖδες αὐτὸν μισοῦσι, μήτι γοῦν
-οἱ ἄνδρες, ἑκὼν ἀπῆλθε τῆς πατρίδος. 
-</p>
-</div2>
-<div2 type="chapter" n="10">
-<p><milestone unit="para"/> Αἰγινῆταί ποτε ἐδυνήθησαν τὰ μέγιστα ἐν τοῖς 
-Ἕλλησιν, εὐπορίαν τινὰ χρημάτων καὶ εὐκαιρίαν λαχόντες·
-δύναμιν γὰρ ναυτικὴν ἔσχον καὶ ἦσαν μέγιστοι.
-ἀλλὰ καὶ ἐν τοῖς Περσικοῖς ἀγαθοὶ ἐγένοντο,
-καὶ διὰ ταῦτα καὶ τῶν ἀριστείων ἠξιώθησαν. καὶ 
-πρῶτοι νόμισμα ἔκοψαν τὸ καὶ ἐξ αὐτῶν κληθὲν νόμισμα Αἰγιναῖον.
-</p>
-</div2>
-<div2 type="chapter" n="11">
-<p><milestone unit="para"/>ὅτι Ῥωμαῖοι ὑπὸ τῷ λόφῳ τῷ Παλλαντίῳ Πυρετοῦ 
-καὶ νεὼν καὶ βωμὸν ἱδρύσαντο.
-</p>
-</div2>
-<div2 type="chapter" n="12">
-<p><milestone unit="para"/>μοιχὸς ἐν Γορτύνῃ ἁλοὺς ἐπὶ τὰς ἀρχὰς ἤγετο, 
-εἶτα ἐλεγχθεὶς ἐστεφανοῦτο ἐρίῳ. ἐνόει δὲ τοῦτο τὸ
-στεφάνωμα αὐτῷ ὅτι ἄνανδρός ἐστι καὶ γύννις καὶ
-ἐς γυναῖκας μάχλος. καὶ ἐπιπράσκετο δημοσίᾳ καὶ
-ἀτιμότατος ἦν καὶ οὐδενός οἱ μετῆν τῶν κοινῶν.
-</p>
-</div2>
-<div2 type="chapter" n="13">
-<p><milestone unit="para"/>ἀφίκετο ἐξ Ἑλλησπόντου παρὰ τὴν Ἀττικὴν 
-ἑταίραν τὴν Γνάθαιναν ἐραστὴς ἀνὴρ κατὰ κλέος
-<pb id="p.126"/>
-αὐτῆς. παρὰ πότον οὖν πολὺς ἦν λαλῶν, καὶ ἐδόκει
-φορτικός. ὑπολαβοῦσα οὖν ἡ Γνάθαινα πρὸς
-αὐτὸν ἔφατο ʽεἶτα σὺ μέντοι λέγεισʼ ʽἥκειν ἐξ
-Ἑλλησπόντου;ʼ τοῦ δὲ ὁμολογήσαντος ʽκαὶ πῶσʼ εἶπεν
-ʽοὐκ ἔγνως τῶν ἐκεῖ πόλεων τὴν πρώτην;ʼ τοῦ
-δὲ εἰπόντος ʽκαὶ τίς ἐστιν αὕτη;ʼ ἣ δὲ ἀπεκρίνατο
-Σ̔ίγειον.ʼ καὶ ἐμμελῶς διὰ τοῦ ὀνόματος κατεσίγασεν
-ἄρα αὐτόν.
-</p>
-</div2>
-<div2 type="chapter" n="14">
-<p><milestone unit="para"/> ὡραιότατοι καὶ ἐρασμιώτατοι λέγονται γενέσθαι
-Ἑλλήνων μὲν Ἀλκιβιάδης, Ῥωμαίων δὲ Σκηπίων.
-λέγουσι δὲ Δημήτριον τὸν Πολιορκητὴν ὥρας ἀμφισβητῆσαι.
-Ἀλέξανδρον δὲ τὸν Φιλίππου ἀπραγμόνως
-ὡραῖον γενέσθαι λέγουσι· τὴν μὲν γὰρ κόμην
-ἀνασεσύρθαι αὐτῷ, ξανθὴν δὲ εἶναι· ὑπαναφύεσθαι
-δέ τι ἐκ τοῦ εἴδους φοβερὸν τῷ Ἀλεξάνδρῳ λέγουσιν.
-</p>
-</div2>
-<div2 type="chapter" n="15">
-<p><milestone unit="para"/> τὸν Ἡρακλῆ λέγουσι τὰς ἐν τοῖς ἄθλοις σπουδὰς
-διαναπαύειν ταῖς παιδιαῖς. ἔπαιζε δὲ ἄρα ὁ Διὸς καὶ
-Ἀλκμήνης μετὰ παιδίων πάνυ σφόδρα. τοῦτό τοι
-καὶ ὁ Εὐριπίδης ἡμῖν ὑπαινίττεται, ποιήσας τὸν αὐτὸν
-τοῦτον θεὸν λέγοντα
-<quote rend="blockquote">
-<lb/>παιζω· μεταβολὰς γὰρ πόνων ἀεὶ φιλῶ.
-</quote>
-λέγει δὲ τοῦτο παιδίον κατέχων. καὶ Σωκράτης δὲ
-κατελήφθη ποτὲ ὑπὸ Ἀλκιβιάδου παίζων μετὰ Λαμπροκλέους
-ἔτι νηπίου. Ἀγησίλαος δὲ κάλαμον περιβὰς
-ἵππευε μετὰ τοῦ υἱοῦ παιδὸς ὄντος, καὶ πρὸς τὸν
-γελάσαντα εἶπε ʽνῦν μὲν σιώπα, ὅταν δὲ γένῃ πατὴρ
-αὐτός, τότε ἐξαγορεύσεις.ʼ ἀλλὰ καὶ Ἀρχύτας ὁ Ταραντῖνος,
-πολιτικός τε καὶ φιλόσοφος ἀνὴρ γενόμενος,
-πολλοὺς ἔχων οἰκέτας, τοῖς αὐτῶν παιδίοις πάνυ σφόδρα
-<pb id="p.127"/>
-ἐτέρπετο μετὰ τῶν οἰκοτρίβων παίζων· μάλιστα
-δὲ ἐφίλει τέρπεσθαι αὐτοῖς ἐν τοῖς συμποσίοις.
-</p>
-</div2>
-<div2 type="chapter" n="16">
-<p><milestone unit="para"/>λέγεται Ἀλέξανδρος ὁ Φιλίππου ζηλοτυπώτατα 
-πρὸς τοὺς ἑταίρους διατεθῆναι καὶ βασκαίνειν μὲν
-πᾶσιν, οὐ μὴν διὰ τὰς αὐτὰς αἰτίας. ἤχθετο γὰρ 
-Περδίκκᾳ μὲν ὅτι ἦν πολεμικός, Λυσιμάχῳ δὲ ἐπεὶ
-στρατηγεῖν ἀγαθὸς ἐδόκει, Σελεύκῳ δὲ ἐπεὶ ἀνδρεῖος
-ἦν· Ἀντιγόνου δὲ αὐτὸν ἐλύπει τὸ φιλότιμον, Ἀντιπάτρου
-δὲ ἤχθετο τῷ ἡγεμονικῷ, Πτολεμαίου δὲ τὸ
-δεξιὸν ὑφεωρᾶτο, Ταρρίου δὲ ἐδεδίει τὸ ἄτακτον, τό 
-γε μὴν νεωτεροποιὸν Πείθωνος.
-</p>
-</div2>
-<div2 type="chapter" n="17">
-<p><milestone unit="para"/>ὅτι Δημήτριος τοσούτων ἐθνῶν ἡγεμονεύων 
-ἐφοίτα ἐς Ααμίας τῆς ἑταίρας σὺν τοῖς ὅπλοις καὶ
-φορῶν τὸ διάδημα. αἴσχιστον μὲν οὖν ἦν αὐτῷ καὶ
-οἴκαδε μεταπέμψασθαι τὴν ἄνθρωπον· ὃ δὲ παρʼ 
-ἐκείνην ἐφοίτα φανερῶς. ἀλλʼ ἔγωγε Θεόδωρον ἂν
-τὸν αὐλητὴν προτιμήσαιμι τοῦ Δημητρίου, ἐπεὶ τὸν
-Θεόδωρον μετεπέμπετο ἡ Λάμια, ὃ δὲ ὑπερεῖδε τὴν κλῆσιν.
-</p>
-</div2>
-<div2 type="chapter" n="18">
-<p><milestone unit="para"/>τὸν Φάωνα κάλλιστον ὄντα ἀνθρώπων ἡ Ἀφροδίτη 
-ἐν θριδακίναις ἔκρυψε. λόγος δὲ ἕτερος ὅτι ἦν
-πορθμεὺς καὶ εἶχε τοῦτο τὸ ἐπιτήδευμα. ἀφικνεῖται
-δέ ποτε ἡ Ἀφροδίτη διαπλεῦσαι βουλομένη, ὃ δὲ ἀσμένως
-νως ἐδέξατο, οὐκ εἰδὼς ὅστις ἦν, καὶ σὺν πολλῇ τῇ
-φροντίδι ἤγαγεν ὅποι ποτὲ ἐβούλετο. ἀνθʼ ὦν ἡ θεὸς 
-ἔδωκεν ἀλάβαστρον αὐτῷ, καὶ εἶχεν αὕτη μύρον, ᾧ
-χριόμενος ὁ Φάων ἐγένετο ἀνθρώπων κάλλιστος· καὶ
-ἤρων γε αἱ γυναῖκες αὐτοῦ αἱ Μυτιληναίων. τά γε
-μὴν τελευταῖα ἀπεσφάγη μοιχεύων ἁλούς.
-</p>
-</div2>
-<div2 type="chapter" n="19">
-<p><milestone unit="para"/>τὴν ποιήτριαν Σαπφώ, τὴν Σκαμανδρωνύμου 
-θυγατέρα, ταύτην καὶ Πλάτων ὁ Ἀρίστωνος σοφὴν
-<pb id="p.128"/>
-ἀναγράφει. πυνθάνομαι δὲ ὅτι καὶ ἑτέρα ἐν τῇ Λέσβῳ
-ἐγένετο Σαπφώ, ἑταίρα, οὐ ποιήτρια.
-</p>
-</div2>
-<div2 type="chapter" n="20">
-<p><milestone unit="para"/> λέγει Ἡσίοδος, τὴν ἀηδόνα μόνην ὀρνίθων ἀμοιρεῖν
-ὕπνου καὶ διὰ τέλους ἀγρυπνεῖν. τὴν δὲ χελιδόνα
-οὐκ ἐς τὸ παντελὲς ἀγρυπνεῖν καὶ ταύτην, ἀποβεβληκέναι
-δὲ τοῦ ὕπνου τὸ ἥμισυ. τιμωρίαν δὲ ἄρα
-ταύτην ἐκτίνουσι διὰ τὸ πάθος τὸ ἐν Θρᾴκῃ κατατολμηθὲν
-τὸ ἐς τὸ δεῖπνον ἐκεῖνο τὸ ἄθεσμον.
-</p>
-</div2>
-<div2 type="chapter" n="21">
-<p><milestone unit="para"/> αἱ Λακεδαιμονίων μητέρες, ὅσαι ἐπυνθάνοντο
-τοὺς παῖδας αὑτῶν ἐν τῇ μάχῃ κεῖσθαι, ἀλλὰ αὗταί
-γε ἀφικόμεναι τὰ τραύματα αὐτῶν ἐπεσκόπουν τά τε
-ἔμπροσθεν καὶ τὰ ὄπισθεν. καὶ εἰ ἦν πλείω τὰ ἐναντία,
-αἳ δὲ γαυρούμεναι καὶ σεμνὸν ἅμα καὶ βλοσυρὸν
-ὁρῶσαι τοὺς παῖδας ἐς τὰς τὰς πατρῴας ἔφερον ταφάς·
-εἰ δὲ ἑτέρως εἶχον τῶν τραυμάτων, ἐνταῦθα αἰδούμεναι
-καὶ θρηνοῦσαι καὶ ὡς ἔνι μάλιστα λαθεῖν σπεύδουσαι
-ἀπηλλάττοντο, καταλιποῦσαι τοὺς νεκροὺς ἐν
-τῷ πολυανδρίῳ θάψαι, ἢ λάθρᾳ ἐς τὰ οἰκεῖα ἠρία ἐκόμιζον αὐτούς.
-</p>
-</div2>
-<div2 type="chapter" n="22">
-<p><milestone unit="para"/> Τιτόρμῳ φασὶ τῷ βουκόλῳ περιτυχεῖν τὸν Κροτωνιάτην
-Μίλωνα, μεγαλοφρονοῦντα διὰ τὴν ῥώμην τοῦ
-σώματος. θεασάμενος οὖν μέγαν τὸν Τίτορμον τὸ
-σῶμα ἰδεῖν, ἐβούλετο λαβεῖν αὐτοῦ ἰσχύος πεῖραν.
-ὁ δὲ Τίτορμος ἔλεγε μηδὲν μέγα ἰσχύειν, καταβὰς
-δὲ ἐς τὸν Εὔηνον καὶ θοιμάτιον ἀποδὺς λίθον λαμβάνει
-μέγιστον, καὶ πρῶτον μὲν ἕλκει αὐτὸν πρὸς
-ἑαυτόν, εἶτα ἀπωθεῖ, καὶ δὶς καὶ τρὶς τοῦτο ἐποίησε,
-καὶ μετὰ ταῦτα αὐτὸν ἦρεν ἕως ἐς τὰ γόνατα, καὶ
-τέλος ἀράμενος ἐπὶ τῶν ὤμων ἔφερεν ὅσον ἐπʼ ὀργυιὰς
-ὀκτὼ καὶ ἔρριψεν· ὁ δὲ Κροτωνιάτης Μίλων μόλις
-τὸν λίθον ἐκίνησεν. εἶτα ἐπὶ τὴν ἀγέλην ἦλθε, καὶ
-στὰς ἐν μέσῳ τὸν μέγιστον ταῦρον ἄγριον ὄντα λαμβάνει
-<pb id="p.129"/>
-τοῦ ποδός· καὶ ὃ μὲν ἀποδρᾶναι ἔσπευδεν, οὐ
-μὴν ἐδύνατο. παριόντα δὲ ἕτερον τῇ ἑτέρᾳ χειρὶ συναρπάσας
-τοῦ ποδὸς ὁμοίως εἶχε. θεασάμενος δὲ ὁ Μίλων
-ἐς τὸν οὐρανὸν τὰς χεῖρας τείνας ἔφατο ʽὦ Ζεῦ, μὴ
-τοῦτον Ἡρακλῆ ἡμῖν ἕτερον ἔσπειρας;ʼ ἐντεῦθεν ῥηθῆναι 
-λέγουσι τὴν παροιμίαν ʽἄλλος οὗτος Ἡρακλῆς.ʼ
-</p>
-</div2>
-<div2 type="chapter" n="23">
-<p><milestone unit="para"/>ἀνθρώπων ἐγὼ ἀκούω φιλοκινδυνοτάτους εἶναι 
-τοὺς Κελτούς. τῶν ᾀσμάτων γοῦν ὑποθέσεις ποιοῦνται
-τοὺς ἀνθρώπους τοὺς ἀποθανόντας ἐν τῷ
-πολέμῳ καλῶς. μάχονται δὲ ἐστεφανωμένοι, ἀλλὰ 
-καὶ τρόπαια ἐγείρουσιν, ἅμα τε ἐπὶ τοῖς πεπραγμένοις
-σεμνυνόμενοι καὶ ὑπομνήματα αὑτῶν τῆς ἀρετῆς ἀπολείποντες
-Ἑλληνικῶς. οὕτως δὲ αἰσχρὸν νομίζουσι
-τὸ φεύγειν, ὡς μηδὲ ἐκ τῶν οἰκιῶν κατολισθανουσῶν
-καὶ συμπιπτουσῶν ἀποδιδράσκειν, ἀλλὰ μηδὲ πιμπραμένων 
-αὐτῶν περιλαμβανομένους ὑπὸ τοῦ πυρός. πολλοὶ
-δὲ καὶ ἐπικλύζουσαν τὴν θάλατταν ὑπομένουσιν.
-εἰσὶ δὲ καὶ οἳ ὅπλα λαμβάνοντες ἐμπίπτουσι τοῖς κύμασι
-καὶ τὴν φορὰν αὐτῶν ἐσδέχονται, γυμνὰ τὰ
-ξίφη καὶ τὰ δόρατα προσείοντες, ὥσπερ οὖν ἢ φοβῆσαι 
-δυνάμενοι ἢ τρῶσαι.
-</p>
-</div2>
-<div2 type="chapter" n="24">
-<p><milestone unit="para"/>Σμινδυρίδην τὸν Συβαρίτην λέγουσιν ἐπὶ τοσοῦτον 
-τρυφῆς ἐξοκεῖλαι, ὡς ἐς Σικυῶνα αὐτὸν ἀφικέσθαι
-μνηστῆρα Ἀγαρίστης τῆς Κλεισθένους, καὶ ἐπάγεσθαι
-χιλίους μὲν μαγείρους, τοσούτους δὲ ὀρνιθευτάς, καὶ 
-ἁλιεῖς χιλίους.
-</p>
-</div2>
-<div2 type="chapter" n="25">
-<p><milestone unit="para"/> Ὤνηντο ἄρα καὶ Ὀδυσσεὺς Ἀλκίνου καὶ Ἀχιλλεὺς 
-Χείρωνος καὶ Πάτροκλος Ἀχιλλέως καὶ Ἀγαμέμνων
-Νέστορος καὶ Τηλέμαχος Μενέλεω καὶ Ἕκτωρ Πολυδάμαντος,
-ἐν οἷς αὐτῷ προσεῖχε, καὶ οἱ Τρῶες Ἀντήνορος. 
-καὶ οἱ Πυθαγόρειοι μὲν ὁμιληταὶ Πυθαγόρου
-ὤνηντο, οἱ Δημοκρίτειοι δὲ συγγενόμενοι Δημοκρίτῳ
-<pb id="p.130"/>
-πολλῶν ἀπήλαυσαν. Σωκράτει δὲ εἰ προσεῖχον οἱ
-Ἀθηναῖοι, πάντα ἂν ἐγένοντο εὐδαίμονες. καὶ Ἱέρων
-δὲ ὁ Δεινομένους Σιμωνίδου τοῦ Κείου ἀπήλαυσε
-καὶ Πολυκράτης Ἀνακρέοντος, καὶ Ξενοφῶντος Πρόξενος
-καὶ Ἀντίγονος Ζήνωνος. ἵνα δὲ καὶ τῶν ἐμοὶ
-προσηκόντων οὐδὲν ἧττον ἤπερ καὶ οἱ Ἕλληνες προσήκουσι
-μεμνῶμαι ʽδιαφέρει δέ μοι καὶ τούτων, εἴ
-γε Ῥωμαῖός εἰμἰ, καὶ Λεύκολλος Ἀντιόχου τι ὤνητο
-τοῦ Ἀσκαλωνίτου καὶ Μαικήνας Ἀρείου καὶ Κικέρων
-Ἀπολλωνίου καὶ ὁ Σεβαστὸς Ἀθηνοδώρου. Πλάτων
-δὲ ἐμοῦ καίτοι σοφώτερος ὢν λέγει ὅτι καὶ Ζεὺς
-εἶχε σύμβουλον· τίνα δὲ καὶ ὅπως, παρʼ ἐκείνου μανθάνωμεν.
-</p>
-</div2>
-<div2 type="chapter" n="26">
-<p><milestone unit="para"/> Ποτίστατοι γεγόνασιν ἄνθρωποι ὥς φασι Ξεναγόρας
-ὁ Ῥόδιος, ὃν ἐκάλουν Ἀμφορέα, καὶ Ἡρακλείδης
-ὁ πύκτης, καὶ Πρωτέας ὁ Λανίκης μὲν υἱός, Ἀλεξάνδρου
-δὲ τοῦ βασιλέως σύντροφος. καὶ αὐτὸς δὲ Ἀλέξανδρος
-λέγεται πλεῖστον πιεῖν ἀνθρώπων.
-</p>
-</div2>
-<div2 type="chapter" n="27">
-<p><milestone unit="para"/> ἡμερώτατά φασι τὸν Ἡρακλῆ προσενεχθῆναι τοῖς
-ἑαυτοῦ πολεμίοις· πρῶτον γὰρ τῶν ἐξ αἰῶνος νεκροὺς
-ὑποσπόνδους ἀποδοῦναι ταφησομένους, εἰωθότων τῶν
-τότε ὀλιγωρεῖν τῶν ἀνῃρημένων καὶ ἀπολείπειν αὐτοὺς
-κυνῶν δεῖπνον εἶναι.
-</p>
-</div2>
-<div2 type="chapter" n="28">
-<p><milestone unit="para"/> Λεωκόριον Ἀθήνησιν ἐκαλεῖτο τὸ τέμενος τῶν
-Λεὼ θυγατέρων Πραξιθέας καὶ Θεόπης καὶ Εὐβούλης.
-ταύτας δὲ ὑπὲρ τῆς πόλεως τῆς Ἀθηναίων ἀναιρεθῆναι
-λόγος ἔχει, ἐπιδόντος αὐτὰς τοῦ Λεὼ ἐς τὸν χρησμὸν
-τὸν Δελφικόν. ἔλεγε γὰρ μὴ ἂν ἄλλως σωθῆναι τὴν
-πόλιν, εἰ μὴ ἐκεῖναι σφαγιασθεῖεν.
-</p>
-</div2>
-<div2 type="chapter" n="29">
-<p><milestone unit="para"/> Πλάτων ὁ Ἀρίστωνος ἰδὼν Ἀκραγαντίνους καὶ
-οἰκοδομοῦντας πολυτελῶς καὶ ὁμοίως δειπνοῦντας
-εἶπεν ὅτι ἄρα οἱ Ἀκραγαντῖνοι οἰκοδομοῦσι μὲν ὡς
-<pb id="p.131"/>
-ἀεὶ βιωσόμενοι, δειπνοῦσι δὲ ὡς αὔριον τεθνηξόμενοι.
-λέγει δὲ Τίμαιος ὅτι καὶ ἀργυραῖς ληκύθοις καὶ στλεγγίσιν
-ἐχρῶντο καὶ ἐλεφαντίνας κλίνας εἶχον ὅλας.
-</p>
-</div2>
-<div2 type="chapter" n="30">
-<p><milestone unit="para"/>Ταραντίνοις ἐν ἔθει ἦν πίνειν μὲν ἐξ ἑωθινοῦ, 
-μεθύειν δὲ περὶ πλήθουσαν ἀγοράν. ἐς τοσοῦτον δὲ 
-ἄρα Κυρηναῖοι τρυφῆς ἐξώκειλαν, ὥστε Πλάτωνα
-παρεκάλουν, ἵνα αὐτοῖς γένηται νομοθέτης. τὸν δὲ
-ἀπαξιῶσαί φασι διὰ τὴν ἐξ ἀρχῆς ῥᾳθυμίαν αὐτῶν.
-ὁμολογεῖ δὲ καὶ Εὔπολις ἐν τῷ Μαρικᾷ, ὅστις αὐτῶν
-εὐτελέστατος, σφραγῖδας εἶχε δέκα μνῶν. παρῆν δὲ 
-θαυμάζεσθαι καὶ τοὺς διαγλύφοντας τοὺς δακτυλίους.
-</p>
-</div2>
-<div2 type="chapter" n="31">
-<p><milestone unit="para"/>φέρε οἴνων Ἑλληνικῶν διὰ σπουδῆς ἰόντων ἐν 
-τοῖς πάλαι ὀνόματα καταλέξω ὑμῖν. Πράμνειόν τινα
-ἐκάλουν, ἱερὸς δὲ ἦν ἄρα οὗτος τῆς Δήμητρος. καὶ
-Χῖος οἶνος ἐκ τῆς νήσου, καὶ Θάσιος ἄλλος, καὶ Λέσβιος. 
-καὶ ἐπὶ τούτοις Γλυκύς τις ἐκαλεῖτο, πρέπων
-τῷ ὀνόματι τὴν γεῦσιν, καὶ Κρὴς ἄλλος. καὶ ἐν Συρακούσαις
-Πόλλιος· ἐκλήθη δὲ ἀπό τινος ἐγχωρίου
-βασιλέως. ἔπινον δὲ καὶ Κῶον οἶνον, καὶ οὕτως
-αὐτὸν ἐκάλουν· καὶ Ῥόδιον, κατὰ τὰ αὐτὰ ὀνομάζοντες. 
-τί δέ; οὐκ ἐκεῖνα τοῖς Ἕλλησι τρυφῆς ἀπόδειξις;
-μύρῳ γὰρ οἶνον μιγνύντες οὕτως ἔπινον, καὶ ὑπερησπάζοντο
-τὴν τοιαύτην κρᾶσιν· καὶ ἐκαλεῖτο ὁ
-οἶνος Μυρίνης. μέμνηται δὲ αὐτοῦ Φιλιππίδης ὁ
-τῆς κωμῳδίας ποιητής. 
-</p>
-</div2>
-<div2 type="chapter" n="32">
-<p><milestone unit="para"/>Πυθαγόρας ὁ Σάμιος λευκὴν ἐσθῆτα ἤσθητο, καὶ 
-ἐφόρει στέφανον χρυσοῦν καὶ ἀναξυρίδας. Ἐμπεδοκλῆς
-δὲ ὁ Ἀκραγαντῖνος ἁλουργεῖ ἐχρήσατο καὶ ὑποδήμασι
-χαλκοῖς. Ἱππίαν δὲ καὶ Γοργίαν ἐν πορφυραῖς
-ἐσθῆσι προϊέναι διαρρεῖ λόγος. 
-</p>
-</div2>
-<div2 type="chapter" n="33">
-<p><milestone unit="para"/>Κινέας ὁ Πύρρου ἰατρός φασι πρὸς τὴν βουλὴν 
-τῶν Ῥωμαίων ἔγραψε διʼ ἀπορρήτων, καὶ ᾔτει χρήματα,
-<pb id="p.132"/>
-καὶ ὑπισχνεῖτο ἀποκτενεῖν φαρμάκοις τὸν Πύρρον.
-οἳ δὲ οὐ προσήκαντο τὴν ὑπόσχεσιν· διʼ ἀρετῆς
-γὰρ ἴσασι Ῥωμαῖοι ἀγαθοὶ εἶναι, οὐ μὴν διὰ τέχνης
-καὶ πανουργίας καὶ ἐπιβουλῆς καταγωνίσασθαι τοὺς
-ἐχθρούς. ἀλλὰ καὶ αὐτῷ τῷ Πύρρῳ τὴν γνώμην τοῦ
-Κινέου ἐξέφαναν.
-</p>
-</div2>
-<div2 type="chapter" n="34">
-<p><milestone unit="para"/> Ἔρωτες ἡμῖν τῶν ἀρχαίων πολλοὶ μὲν καὶ ἄλλοι
-ἐς μνήμην ἐδόθησαν, καὶ οὗτοι δὲ οὐχ ἥκιστα. Παυσανίας
-μὲν γὰρ ἤρα τῆς ἑαυτοῦ ʼγυναικός, Ἀπελλῆς
-δὲ τῆς Ἀλεξάνδρου παλλακῆς, ᾗπερ ὄνομα ἦν Παγκάστη,
-τὸ δὲ γένος Λαρισσαία ἦν. ταύτῃ καὶ πρώτῃ
-φασὶν ὁ Ἀλέξανδρος ὡμίλησεν.
-</p>
-</div2>
-<div2 type="chapter" n="35">
-<p><milestone unit="para"/> ὅτι δύο Περίανδροι, ὃ μὲν σοφὸς ἦν, ὃ δὲ τύραννος.
-καὶ Μιλτιάδαι τρεῖς, ὁ τὴν Χερρόννησον κτίσας
-καὶ ὁ Κυψέλου καὶ ὁ Κίμωνος. Σίβυλλαι τέτταρες,
-ἡ Ἐρυθραία ἡ Σαμία ἡ Αἰγυπτία ἡ Σαρδιανή. οἳ
-δέ φασι καὶ ἑτέρας ἕξ, ὡς εἶναι τὰς πάσας δέκα, ὧν
-εἶναι καὶ τὴν Κυμαίαν καὶ τὴν Ἰουδαίαν. Βάκιδες
-τρεῖς, ὁ μὲν Ἐλεώνιος, ὁ δὲ Ἀθηναῖος, ὁ δὲ Ἀρκάς.
-</p>
-</div2>
-<div2 type="chapter" n="36">
-<p><milestone unit="para"/> ἐοίκασιν οἱ ἀρχαῖοι ὑπὲρ τοῦ ἀριθμοῦ τῶν τῆς
-Νιόβης παίδων μὴ συνᾴδειν ἀλλήλοις. Ὅμηρος μὲν
-ἓξ λέγει ἄρρενας καὶ τοσαύτας κόρας, Λάσος δὲ δὶς
-ἑπτὰ λέγει, Ἡσίοδος δὲ ἐννέα καὶ δέκα, εἰ μὴ ἄρα
-οὐκ εἰσὶν Ἡσιόδου τὰ ἔπη, ἀλλʼ ὡς πολλὰ καὶ ἄλλα
-κατέψευσται αὐτοῦ. Ἀλκμὰν δέκα φησί, Μίμνερμος
-εἴκοσι, καὶ Πίνδαρος τοσούτους.
-</p>
-</div2>
-<div2 type="chapter" n="37">
-<p><milestone unit="para"/> Ἀλέξανδρος ὅτε Βῆσσον ἐδίωκεν, ἐν ἀπορίᾳ γενόμενος
-τροφῶν, αὐτός τε ἥψατο τῶν καμήλων καὶ
-ὑποζυγίων ἄλλων καὶ οἱ σὺν αὐτῷ. τῶν τε ξύλων
-αὐτοὺς ἐπιλιπόντων ὠμὰ τὰ κρέα ἤσθιον. ἐπεκούρει
-δὲ αὐτοῖς τὸ σίλφιον πολὺ ὄν, ὥστε τὰς σάρκας συνεκπέττειν.
-<pb id="p.133"/>
-Ἐν δὲ τῇ Βακτριανῇ οἱ στρατιῶται τὰς κώμας
-κατελάμβανον, ὅτι οἰκοῦνται ἐκ τοῦ καπνοῦ συνιέντες,
-καὶ τὴν χιόνα ἀφαιροῦντες τῶν θυρῶν.
-</p>
-</div2>
-<div2 type="chapter" n="38">
-<p><milestone unit="para"/>οἱ Σακῶν ἵπποι, ἐὰν ἀποβάλῃ τις τὸν δεσπότην, 
-ἐς τὸ ἀναβῆναι αὐτὸν παρέστηκεν. ἐὰν δέ τις γῆμαι 
-βούληται παρθένον, μονομαχεῖ τῇ παιδί. καὶ κρατήσασα
-μὲν αἰχμάλωτον ἄγεται καὶ κρατεῖ αὐτοῦ καὶ
-ἄρχει· ἐὰν δὲ νικηθῇ, ἄρχεται. μονομαχοῦσι δὲ ἄχρι
-νίκης, οὐ μέχρι θανάτου. πενθοῦντες δὲ οἱ Σάκαι
-ἐς οἴκους τινὰς ὑπάντρους καὶ κατασκίους ἀποκρύπτονται. 
-</p>
-</div2>
-<div2 type="chapter" n="39">
-<p><milestone unit="para"/>Περδίκκας ὁ Μακεδὼν ὁ συστρατευσάμενος Ἀλέξάνδρῳ 
-οὕτως ἄρα ἦν εὔτολμος, ὥς ποτε ἐς σπήλαιον
-παρελθεῖν ἔνθα εἶχεν εὐνὴν λέαινα μόνος· καὶ τὴν
-μὲν λέαιναν οὐ κατέλαβε, τούς γε μὴν σκύμνους αὐτῆς 
-κομίζων προῆλθε, καὶ ἔδοξεν ἐπὶ τούτῳ θαυμάζεσθαι
-ὁ Περδίκκας. πεπίστευται δὲ οὐ μόνον παρὰ
-τοῖς Ἕλλησιν ἀλκιμώτατόν τε καὶ δυσμαχώτατον εἶναι
-θηρίον ἡ λέαινα, ἀλλὰ καὶ παρὰ τοῖς βαρβάροις. φασὶ
-γοῦν καὶ Σεμίραμιν τὴν Ἀσσυρίαν οὐκ, εἴ ποτε εἷλε 
-λέοντα· ἢ πάρδαλιν κατέκτανεν ἢ ἄλλο τι τῶν τοιούτων,
-ἀλλʼ εἰ λεαίνης ἐγκρατὴς ἐγένετο, μέγα ἐφρόνει.
-</p>
-</div2>
-<div2 type="chapter" n="40">
-<p><milestone unit="para"/>τά τε ἄλλα ἐφόδια εἵπετο τῷ Ξέρξῃ πολυτελείας 
-καὶ ἀλαζονείας πεπληρωμένα, καὶ οὖν καὶ ὕδωρ ἠκολούθει
-τὸ ἐκ τοῦ Χοάσπου. ἐπεὶ δʼ ἔν τινι ἐρήμῳ 
-τόπῳ ἐδίψησεν, οὐδέπω τῆς θεραπείας ἡκούσης, ἐκηρύχθη
-τῷ στρατοπέδῳ, εἴ τις ἔχει ὕδωρ ἐκ τοῦ Χοάσπου,
-ἵνα δῷ βασιλεῖ πιεῖν. καὶ εὑρέθη τις βραχὺ
-καὶ σεσηπὸς ἔχων. ἔπιεν οὖν τοῦτο ὁ Ξέρξης, καὶ
-εὐεργέτην τὸν δόντα ἐνόμισεν, ὅτι ἂν ἀπώλετο τῇ 
-δίψῃ, εἰ μὴ ἐκεῖνος εὑρέθη.
-</p>
-</div2>
-<div2 type="chapter" n="41">
-<p><milestone unit="para"/>Πρωτογένης ὁ ζωγράφος τὸν Ἰάλυσόν φασιν ἑπτὰ 
-<pb id="p.134"/>
-ἔτεσι διαζωγραφῶν ἐξετέλεσεν. ὃν Ἀπελλῆς ἰδὼν τὰ
-μὲν πρῶτα ἔστη ἄφωνος, ἐκπλαγεὶς ἐπὶ τῇ παραδόξῳ
-θέᾳ, εἶτα ἔφη ʽκαὶ ὁ πόνος μέγας καὶ ὁ τεχνίτης·
-ἀπολείπεταί γε μὴν τῆς χειρουργίας ἡ χάρις, ἧς ὁ
-ἀνὴρ εἰ τύχοι, ὁ πόνος αὐτοῦ τοῦ οὐρανοῦ ψαύσει.ʼ
-</p>
-</div2>
-<div2 type="chapter" n="42">
-<p><milestone unit="para"/> Κῦρον τὸν Μανδάνης ἔθρεψέ φασι κύων, Τήλεφον
-δὲ τὸν Αὔγης καὶ Ἡρακλέους ἔλαφος, Πελίαν δὲ τὸν
-Ποσειδῶνος καὶ Τυροῦς ἵππος· ἀλλὰ καὶ τὸν Ἀλόπης.
-Ἀλέξανδρον τὸν Πριάμου ὑπὸ ἄρκτου φασὶ τραφῆναι,
-Αἴγισθον δὲ τὸν Θυέστου καὶ Πελοπίας ὑπὸ αἰγός.
-</p>
-</div2>
-<div2 type="chapter" n="43">
-<p><milestone unit="para"/> Δαρεῖον ἀκούω τὸν Ὑστάσπου φαρετροφόρον Κύρου
-γενέσθαι. ὁ δὲ τελευταῖος Δαρεῖος, ὁ ὑπὸ Ἀλεξάνδρου
-νικηθεὶς, δοῦλος ἦν. Ἀρχέλαος δὲ ὁ Μακεδόνων
-βασιλεὺς δούλης υἱὸς ἦν τῆς Σιμίχης. Μενέλαος
-ὁ Φιλίππου πάππος ἐς τοὺς νόθους ἐτέλει. ὁ δὲ
-τούτου υἱὸς Ἀμύντας ὑπηρέτης Ἀερόπου καὶ δοῦλος
-ἐπεπίστευτο. Περσεὺς δέ, ὃν καθεῖλε Παῦλος ὁ
-Ῥωμαῖος, Ἀργεῖος μὲν γένος ἦν, ἀδόξου δέ τινος
-υἱός. Εὐμένης δὲ πατρὸς ἀπόρου καὶ τυμβαύλου
-πεπίστευται γενέσθαι. Ἀντίγονος ὁ Φιλίππου, ὁ καὶ
-ἑτερόφθαλμος καὶ ἐκ τούτου Κύκλωψ προσαγορευθείς,
-αὐτουργὸς ἦν. Πολυσπέρχων δὲ ἐλῄστευε. Θεμιστοκλῆς
-δέ, ὁ τοὺς βαρβάρους καταναυμαχήσας καὶ
-μόνος συνεὶς τὰς τῶν θεῶν ἐν τοῖς χρησμοῖς φωνάς,
-Θρᾴττης υἱὸς ἦν, καὶ ἐκαλεῖτο ἡ μήτηρ αὐτοῦ Ἀβρότονον.
-Φωκίων δὲ ὁ Χρηστὸς ἐπικληθεὶς πατρὸς
-μὲν δοίδυκας ἐργαζομένου ἦν, Δημήτριον δὲ τὸν Φαληρέα
-οἰκότριβα γενέσθαι λέγουσιν ἐκ τῆς οἰκίας τῆς
-Τιμοθέου καὶ Κόνωνος. Ὑπερβόλου δὲ καὶ Κλεοφῶντος
-καὶ Δημάδου, καίτοι προστατῶν γενομένων τοῦ
-δήμου τῶν Ἀθηναίων, οὐδεὶς ἂν εἴποι ῥᾳδίως τοὺς
-πατέρας. Καλλικρατίδας γε μὴν καὶ Γύλιππος καὶ
-<pb id="p.135"/>
-Λύσανδρος ἐν Λακεδαίμονι Μόθακες ἐκαλοῦντο. ὄνομα
-δὲ ἦν ἄρα τοῦτο τοῖς τῶν εὐπόρων δούλοις, οὓς
-συνεξέπεμπον τοῖς υἱοῖς οἱ πατέρες συναγωνιουμένους
-ἐν τοῖς γυμνασίοις. ὁ δὲ συγχωρήσας τοῦτο Λυκοῦργος
-τοῖς ἐμμείνασι τῇ τῶν παίδων ἀγωγῇ πολιτείας 
-Λακωνικῆς μεταλαγχάνει. καὶ Ἐπαμεινώνδας δὲ πατρὸς
-ἦν ἀφανοῦς. Κλέων δὲ ὁ Σικυωνίων τύραννος
-καταποντιστὴς ἦν.
-</p>
-</div2>
-<div2 type="chapter" n="44">
-<p><milestone unit="para"/>αἱ ἐν Σικελίᾳ λιθοτομίαι περὶ τὰς Ἐπιπολὰς 
-ἦσαν, σταδίου μῆκος, τὸ εὖρος δύο πλέθρων. ἦσαν 
-δὲ ἐν αὐταῖς τοῦ χρόνου τοσοῦτον διατρίψαντες ἄνθρωποι,
-ὡς καὶ γεγαμηκέναι ἐκεῖ καὶ παιδοποιῆσαι.
-καί τινες τῶν παίδων ἐκείνων μηδεπώποτε πόλιν
-ἰδόντες, ὅτε ἐς Συρακούσας ἦλθον καὶ εἶδον ἵππους
-ὑπεζευγμένους καὶ βόας ἐλαυνομένους, ἔφευγον βοῶντες· 
-οὕτως ἄρα ἐξεπλάγησαν. τὸ δὲ κάλλιστον τῶν
-ἐκεῖ σπηλαίων ἐπώνυμον ἦν Φιλοξένου τοῦ ποιητοῦ,
-ἐν ᾧ φασι διατρίβων τὸν Κύκλωπα εἰργάσατο τῶν
-ἑαυτοῦ μελῶν τὸ κάλλιστον, παρʼ οὐδὲν θέμενος τὴν
-ἐκ Διονυσίου τιμωρίαν καὶ καταδίκην, ἀλλʼ ἐν αὐτῇ 
-τῇ συμφορᾷ μουσουργῶν ὁ Φιλόξενος.
-</p>
-</div2>
-<div2 type="chapter" n="45">
-<p><milestone unit="para"/>Φρύγιοι καὶ ταῦτα ᾅδουσι λόγοι. Μίδου τοῦ 
-Φρυγὸς ἔτι νηπίου καθεύδοντος μύρμηκας ἐσέρπειν
-ἐς τὸ στόμα, καὶ πάνυ φιλοπόνως καὶ φιλέργως ἐσφέρειν
-τοὺς πυρούς. Πλάτωνος δὲ μελίττας ἐς τὸ στόμα 
-κηρίον ἐργάζεσθαι. καὶ Πινδάρῳ τῆς πατρῴας οἰκίας
-ἐκτεθέντι μέλιτται τροφοὶ ἐγένοντο, ὑπὲρ τοῦ γάλακτος
-παρατιθεῖσαι μέλι.
-</p>
-</div2>
-<div2 type="chapter" n="46">
-<p><milestone unit="para"/>Διονύσιον δὲ τὸν Ἑρμοκράτους λέγουσι ποταμὸν 
-διαβαίνειν· ἔφερε δὲ αὐτὸν ἵππος. καὶ ὁ μὲν ἵππος 
-κατὰ τοῦ τέλματος ὤλισθεν, ὃ δὲ ἀποπηδήσας τῆς
-ὄχθης ἐλάβετο καὶ ἀπῄει, ὡς οὐκέτι τὸν ἵππον ὄντα
-<pb id="p.136"/>
-αὐτοῦ ἀπολιπών. ὃ δὲ ἠκολούθησε καὶ χρεμετίσας
-ἐπέστρεψεν αὐτόν. καὶ ἐκεῖνος ἐλάβετο αὐτοῦ τῆς
-χαίτης καὶ ἔμελλεν ἀναβαίνειν, καὶ τῇ χειρὶ αὐτοῦ
-περιπίπτει μελιττῶν πλῆθος. ἔφασαν οὖν οἱ Γαλεῶται
-πρὸς τὸν Διονύσιον ἐρόμενον ὑπὲρ τούτων, ὅτι
-ταῦτα μοναρχίαν δηλοῖ.
-</p>
-</div2>
-<div2 type="chapter" n="47">
-<p><milestone unit="para"/> Διονύσιος ἐλαύνει τῆς Σικελίας Δίωνα, τὴν δὲ
-γυναῖκα αὐτοῦ Ἀρήτην καὶ τὸν ἐξ αὐτοῦ παῖδα ἐφύλαττεν.
-ὕστερον δὲ τὴν γυναῖκα ἄκουσαν δορυφόρῳ
-αὑτοῦ πάντων μάλιστα θεραπευτῇ Τιμοκράτει γυναῖκα
-δίδωσι· Συρακόσιος δὲ τὸ γένος ἦν. Δίων δὲ παραλαβὼν
-Συρακούσας, ἀποδράντος ἐς Λοκροὺς Διονυσίου,
-ἐνταῦθα ἡ μὲν Ἀριστομάχη ἡ τοῦ Δίωνος ἀδελφὴ
-προσεῖπεν αὐτόν. ἡ δὲ Ἀρήτη εἵπετο διʼ αἰδοῦς
-ἐγκαλυπτομένη καὶ οὐ τολμῶσα προσειπεῖν ὡς ἄνδρα,
-ἐπεὶ βιασθεῖσα τὸν θεσμὸν τῆς πρὸς αὐτὸν εὐνῆς οὐ
-διεφύλαξεν. ἐπεὶ δὲ ὑπὲρ αὐτῆς ἀπελογήσατο ἡ
-Ἀριστομάχη, τὴν ἐκ τοῦ Διονυσίου ἀνάγκην καταλέξασα,
-ὁ Δίων προσηγάγετο τὴν γυναῖκα καὶ τὸν παῖδα
-καὶ ἐς τὴν οἰκίαν ἔπεμψεν.
-</p>
-</div2>
-<div2 type="chapter" n="48">
-<p><milestone unit="para"/> ὅτι Ἰνδοὶ τῇ παρά σφισιν ἐπιχωρίῳ φωνῇ τὰ
-Ὁμήρου μεταγράψαντες ᾅδουσιν οὐ μόνοι ἀλλὰ καὶ
-οἱ Περσῶν βασιλεῖς, εἴ τι χρὴ πιστεύειν τοῖς ὑπὲρ
-τούτων ἱστοροῦσιν.
-</p>
-</div2>
-<div2 type="chapter" n="49">
-<p><milestone unit="para"/> Φωκίων ὁ τοῦ Φώκου πολλάκις στρατηγήσας κατεγνώσθη
-θάνατον, καὶ ἦν ἐν τῷ δεσμωτηρίῳ καὶ
-ἔμελλε πιεῖσθαι τὸ κώνειον. ἐπεὶ δὲ ὤρεξεν ὁ δήμιος
-τὴν κύλικα, οἱ προσήκοντες ἤροντο εἴ τι λέγοι πρὸς
-τὸν υἱόν. ὃ δὲ ʽἐπισκήπτω αὐτῷ μηδὲν Ἀθηναίοις
-μνησικακεῖν ὑπὲρ τῆς παρʼ αὐτῶν φιλοτησίας, ἣν
-νῦν πίνω.ʼ ὅστις δὲ οὐκ ἐπαινεῖ καὶ ὑπερθαυμάζει
-τὸν ἄνδρα, δοκεῖ μοι μέγα ὁ τοιοῦτος ἐννοεῖν οὐδέν.
-<pb id="p.137"/>
-</p>
-</div2>
-<div2 type="chapter" n="50">
-<p><milestone unit="para"/>Λακεδαιμόνιοι μουσικῆς ἀπείρως εἶχον· ἔμελε γὰρ 
-αὐτοῖς γυμνασίων καὶ ὅπλων. εἰ δέ ποτε ἐδεήθησαν
-τῆς ἐκ Μουσῶν ἐπικουρίας ἢ νοσήσαντες ἢ παραφρονήσαντες
-ἢ ἄλλο τι τοιοῦτον δημοσίᾳ παθόντες, μετεπέμποντο
-ξένους ἄνδρας οἷον ἰατροὺς ἢ καθαρτὰς 
-κατὰ πυθόχρηστον. μετεπέμψαντό γε μὴν Τέρπανδρον
-καὶ Θάλητα καὶ Τυρταῖον καὶ τὸν Κυδωνιάτην
-Νυμφαῖον καὶ Ἀλκμᾶνα. καὶ Θουκυδίδης δὲ ὁμολογεῖ
-ὅτι μὴ ἐσπουδασμένως περὶ παιδείαν εἶχον, ἐν οἷς
-λέγει περὶ Βρασίδου. λέγει γοῦν ὅτι ἦν οὐδὲ ἀδύνατος 
-εἰπεῖν, ὡς Λακεδαιμόνιος.
-</p>
-</div2>
-<div2 type="chapter" n="51">
-<p><milestone unit="para"/>Μενεκράτης ὁ ἰατρὸς ἐς τοσοῦτον προῆλθε τύφου, 
-ὥστε ἑαυτὸν ὀνομάζειν Δία. ἐπέστειλε δέ ποτε ἐπιστολὴν
-Φιλίππῳ τῷ Μακεδόνων βασιλεῖ τοιαύτην.
-Φ̔ιλίππῳ Μενεκράτης ὁ Ζεὺς εὖ πράττειν.ʼ ἀντέγραψε 
-δὲ καὶ ὁ Φίλιππος Φ̔ίλιππος Μενεκράτει ὑγιαίνειν.
-συμβουλεύω σοι προσάγειν σεαυτὸν ἐπὶ τοὺς
-κατὰ Ἀντίκυραν τόπους.ʼ ᾐνίττετο δὲ ἄρα διὰ τούτων
-ὅτι παραφρονεῖ ὁ ἀνήρ.
-    <milestone unit="para"/>εἱστία ποτὲ μεγαλοπρεπῶς ὁ Φίλιππος, καὶ δὴ 
-καὶ τοῦτον ἐπὶ θοίνην ἐκάλεσε, καὶ ἰδίᾳ κλίνην αὐτῷ
-ἐκέλευσε παρεσκευάσθαι, καὶ κατακλιθέντι θυμιατήριον
-παρέθηκε, καὶ ἐθυμιᾶτο αὐτῷ· οἱ δὲ λοιποὶ
-εἱστιῶντο, καὶ ἦν μεγαλοπρεπὲς τὸ δεῖπνον. ὁ τοίνυν
-Μενεκράτης τὰ μὲν πρῶτα ἐνεκαρτέρει, καὶ ἔχαιρε 
-τῇ τιμῇ· ἐπεὶ δὲ κατὰ μικρὸν ὁ λιμὸς περιῆλθεν αὐτόν,
-καὶ ἠλέγχετο ὅτι ἦν ἄνθρωπος, καὶ ταῦτα εὐήθης,
-ἐξαναστὰς ἀπιὼν ᾤχετο, καὶ ἔλεγεν ὑβρίσθαι, ἐμμελῶς
-πάνυ τοῦ Φιλίππου τὴν ἄνοιαν αὐτοῦ ἐκκαλύψαντος. 
-</p>
-</div2>
-<div2 type="chapter" n="52">
-<p><milestone unit="para"/>Ἰσοκράτης ὁ ῥήτωρ ἔλεγεν ὑπὲρ τῆς Ἀθηναίων 
-πόλεως ὁμοίαν εἶναι ταῖς ἑταίραις. καὶ γὰρ τοὺς
-<pb id="p.138"/>
-ἁλισκομένους ὑπὸ τῆς ὥρας αὐτῶν βούλεσθαι συνεῖναι
-αὐταῖς, ὅμως δὲ μηδένα εὐτελῶς οὕτω παραφρονεῖν,
-ὡς ὑπομεῖναι ἂν συνοικῆσαί τινι αὐτῶν. καὶ
-οὖν καὶ τὴν Ἀθηναίων πόλιν ἐνεπιδημῆσαι μὲν εἶναι
-ἡδίστην, καὶ κατά γε τοῦτο πασῶν τῶν κατὰ τὴν
-Ἑλλάδα διαφέρειν· ἐνοικῆσαι δὲ ἀσφαλῆ μηκέτι εἶναι.
-ᾐνίττετο δὲ διὰ τούτων τοὺς ἐπιχωριάζοντας αὐτῇ
-συκοφάντας καὶ τὰς ἐκ τῶν δημαγωγούντων ἐπιβουλάς.
-</p>
-</div2>
-<div2 type="chapter" n="53">
-<p><milestone unit="para"/> ἐμὲ δὲ οὐ λέληθεν ὅτι τῶν μεγίστων πολέμων
-αἱ ἀρχαὶ δοκοῦσί πως εὐκαταφρόνητοι γεγονέναι. τὸν
-μὲν γὰρ Περσικὸν ἐκ τῆς Μαιανδρίου τοῦ Σαμίου
-πρὸς Ἀθηναίους διαφορᾶς τὴν ἀρχὴν λαβεῖν φασι,
-τόν γε μὴν Πελοποννήσιον διὰ τὸ κατὰ Μεγαρέων
-πινάκιον, τὸν δὲ ἱερὸν καλούμενον ἐκ τῆς ἐσπράξεως
-τῶν δικῶν τῶν Ἀμφικτυόνων, τὸν δὲ κατὰ Χαιρώνειαν,
-φιλονεικησάντων Ἀθηναίων πρὸς Φίλιππον
-καὶ λαβεῖν οὐ θελησάντων.
-</p>
-</div2>
-<div2 type="chapter" n="54">
-<p><milestone unit="para"/> Ἀλέξανδρον Ἀριστοτέλης ὀργιζόμενον πρἁ??ʼναι
-βουλόμενος καὶ παῦσαι χαλεπαίνοντα πολλοῖς, ταυτὶ
-πρὸς αὐτὸν γέγραφεν ʽὁ θυμὸς καὶ ἡ ὀργὴ οὐ πρὸς
-ἥττους, ἀλλὰ πρὸς τοὺς κρείττονας γίνεται· σοὶ δὲ
-οὐδεὶς ἴσος.ʼ
-    <milestone unit="para"/>Ἀριστοτέλης τὰ δέοντα συμβουλεύων Ἀλεξάνδρῳ
-πολλοῖς ὠφέλημα γέγονεν, ἐξ ὧν καὶ τὴν πατρίδα
-κατῴκισε κατεσκαμμένην ὑπὸ τοῦ Φιλίππου.
-</p>
-</div2>
-<div2 type="chapter" n="55">
-<p><milestone unit="para"/> τοὺς ὑπὸ τῶν ἐλεφάντων ἢ ἐν ταῖς θήραις ἢ ἐν
-ταῖς μάχαις ἀποθανόντας οἱ Λίβυες θάπτουσι διαπρεπῶς,
-καὶ ὕμνους τινὰς ᾅδουσιν. ἔστι δὲ τοῖς
-ὕμνοις ἡ ὑποθήκη ἐκείνη. ἀγαθοὺς ἄνδρας εἶναι
-λέγει τοὺς ἀντιπάλους γενομένους θηρίῳ τοσούτῳ·
-<pb id="p.139"/>
-λέγουσι γὰρ καὶ τὸ ἐνδόξως ἀποθανεῖν ἐντάφιον εἶναι
-τῷ θαπτομένῳ.
-</p>
-</div2>
-<div2 type="chapter" n="56">
-<p><milestone unit="para"/>Διογένης ὁ Σινωπεὺς ἔλεγε πολλά, τὴν ἀμαθίαν 
-καὶ τὴν ἀπαιδευσίαν τῶν Μεγαρέων διαβάλλων, καὶ
-ἐβούλετο Μεγαρέως ἀνδρὸς κριὸς εἶναι μᾶλλον ἢ υἱός. 
-ᾐνίττετο δὲ ὅτι τῶν θρεμμάτων ποιοῦνται πρόνοιαν
-οἱ Μεγαρεῖς, τῶν παίδων δὲ οὐχί.
-</p>
-</div2>
-<div2 type="chapter" n="57">
-<p><milestone unit="para"/>ἡνίκα Ἀλέξανδρος ὁ Φιλίππου ἐπὶ τὰς Θήβας ἦγε 
-τὴν δύναμιν, οἱ μὲν θεοὶ σημεῖα αὐτοῖς καὶ τέρατα
-ἀπέστελλον, προσημαίνοντες τὰς περὶ αὐτῶν ὅσον οὐδέπω 
-τύχας· οἳ δὲ ὡς ᾤοντο ἐν Ἰλλυριοῖς Ἀλέξανδρον
-τεθνάναι, πολλὰ καὶ βλάσφημα ἐς αὐτὸν ἀπερρίπτουν.
-ἡ μὲν γὰρ ἐν Ὀγχηστῷ λίμνη φοβερὸν ἦχον
-ἀνέδωκε καὶ συνεχῆ καὶ ταύρου μυκήματι ἐῴκει· ἡ
-δὲ περὶ τὸν Ἰσμήνιον καὶ αὐτὰ τὰ τείχη ῥέουσα κρήνη 
-καλουμένη Δίρκη καθαρῷ καὶ ἡδεῖ ῥέουσα ὕδατι παρὰ
-πάντα τὸν πρόσθεν χρόνον, ἄφνω καὶ παρʼ ἐλπίδα
-αἵματος ἀνεπλήσθη. Μακεδόσι δὲ ἐπίστευον Θηβαῖοι
-ἀπειλεῖν τὸ δαιμόνιον. ἐν δὲ τῷ κατὰ πόλιν νεῷ
-τῆς Δήμητρος ἀράχνη κατὰ τοῦ προσώπου τοῦ ἀγάλματος 
-ἐξύφαινε τὴν ἑαυτῆς τέχνην. τὸ δὲ τῆς Ἀθηνᾶς
-τῆς καλουμένης Ἀλαλκομενηίδος ἄγαλμα αὐτομάτως
-κατεφλέχθη, πυρὸς μὴ προσαχθέντος, καὶ ἄλλα πολλά.
-</p>
-</div2>
-<div2 type="chapter" n="58">
-<p><milestone unit="para"/>Διώξιππος Ὀλυμπιονίκης ἀθλητής, ὁ Ἀθηναῖος, 
-ἐσήλαυνεν ἐς τὰς Ἀθήνας κατὰ τὸν νόμον τῶν ἀθλητῶν.
-συνέρρει τοίνυν τὰ πλήθη, καὶ ἄλλος ἀλλαχόθεν
-ἐκκρεμαννύμενος ἐθεῶντο αὐτόν· ἐν δὲ τοῖς καὶ
-γυνὴ κάλλει διαπρέπουσα ἀπήντησε τῇ θέᾳ. ἰδὼν δὲ
-αὐτὴν ὁ Διώξιππος παραχρῆμα ἡττήθη τοῦ κάλλους, 
-καὶ διετέλεσεν ἀποβλέπων τὴν ἄνθρωπον καὶ ἐπιστρεφόμενος
-καὶ ἐς πολλὰς τὸ πρόσωπον ἀλλάττων χρόας.
-<pb id="p.140"/>
-ἐκ δὴ τούτων πολλοῖς ἐγένετο κατάφωρος μὴ ἀργῶς
-ἰδὼν τὴν ἄνθρωπον. μάλιστα δὲ αὐτοῦ τὸ πάθος
-κατέγνω Διογένης ὁ Σινωπεύς, καὶ πρὸς τοὺς πλησίον
-ʽὁρᾶτἐ εἶπε ʽτὸν ἀθλητὴν ὑμῶν τὸν μέγαν ὑπὸ
-παιδίσκης ἐκτραχηλιζόμενον.ʼ
-</p>
-</div2>
-<div2 type="chapter" n="59">
-<p><milestone unit="para"/> Πυθαγόρας ἔλεγε δύο ταῦτα ἐκ τῶν θεῶν τοῖς
-ἀνθρώποις δεδόσθαι κάλλιστα, τό τε ἀληθεύειν καὶ
-τὸ εὐεργετεῖν· καὶ προσετίθει ὅτι καὶ ἔοικε τοῖς θεῶν
-ἔργοις ἑκάτερον.
-</p>
-</div2>
-<div2 type="chapter" n="60">
-<p><milestone unit="para"/>συνουσία ποτὲ ἐγένετο Διονυσίῳ τῷ δευτέρῳ καὶ
-Φιλίππῳ τῷ Ἀμύντου. πολλοὶ μὲν οὖν ὡς τὸ εἰκὸς καὶ
-ἄλλοι λόγοι ἐπέρρευσαν, ἐν δὲ τοῖς καὶ ἐκεῖνο ἤρετο
-ὁ Φίλιππος τὸν Διονύσιον, πῶς τοσαύτην παρὰ τοῦ
-πατρὸς λαβὼν ἀρχὴν εἶτα οὐ διεσώσατο αὐτήν; ὃ δὲ
-ἀπεκρίνατο οὐκ ἔξω μέλους ὅτι ʽτὰ μὲν ἄλλα μοι
-κατέλιπεν ὁ πατήρ, τὴν δὲ τύχην, ᾗ ταῦτα ἐκτήσατο
-καὶ διεφύλαξεν, οὐκέτι.ʼ
-</p>
-</div2>
-<div2 type="chapter" n="61">
-<p><milestone unit="para"/> Θουρίοις ἐπέπλει Διονύσιος, καὶ τριακοσίας ἦγεν
-ἐπʼ αὐτοὺς ναῦς ὁπλιτῶν πεπληρωμένας· βορρᾶς δὲ
-ἀντιπνεύσας τὰ σκάφη συνέτριψε, καὶ τὴν δύναμιν
-αὐτοῦ τὴν ναυτικὴν ἠφάνισεν. ἐκ δὴ τούτων οἱ Θούριοι
-τῷ βορρᾷ ἔθυσαν, καὶ ἐψηφίσαντο εἶναι τὸν
-ἄνεμον πολίτην, καὶ οἰκίαν αὐτῷ καὶ κλῆρον ἀπεκλήρωσαν,
-καὶ καθʼ ἕκαστον ἔτος ἐπετέλουν αὐτῷ.
-οὔκουν Ἀθηναῖοι μόνοι κηδεστὴν αὐτὸν ἐνόμιζον,
-ἀλλὰ καὶ Θούριοι εὐεργέτην αὐτὸν ἐπέγραψαν. Παυσανίας
-δέ φησιν ὅτι καὶ Μεγαλοπολῖται.
-</p>
-</div2>
-<div2 type="chapter" n="62">
-<p><milestone unit="para"/> νόμος καὶ οὗτος Περσικός. ἐάν τις μέλλῃ τι
-τῶν ἀπορρήτων καὶ τῶν ἀμφιλόγων συμβουλεύειν
-βασιλεῖ, ἐπὶ πλίνθου χρυσῆς ἕστηκε. καὶ ἐὰν δόξῃ
-παραινεῖν τὰ δέοντα, τὴν πλίνθον λαβὼν ὑπὲρ τῆς
-συμβουλῆς μισθὸν ἀπέρχεται· μαστιγοῦται δὲ ὅμως,
-<pb id="p.141"/>
-ὅτι ἀντεῖπε βασιλεῖ. ἀνδρὶ δὲ ἐλευθέρῳ κατά γε τὴν
-ἐμὴν κρίσιν οὐκ ἀνταξίαν ἀντικρίνειν δεῖ ὑπὲρ τοῦ
-μισθοῦ τὴν ὕβριν.
-</p>
-</div2>
-<div2 type="chapter" n="63">
-<p><milestone unit="para"/>Ἀρχεδίκης τις ἠράσθη τῆς ἐν Ναυκράτει ἑταίρας. 
-ἣ δὲ ἦν ὑπερήφανος καὶ δεινῶς φορτικὴ καὶ ἁδροὺς 
-ᾔτει μισθούς, καὶ λαβοῦσα πρὸς ὀλίγον ἂν ὡμίλησε
-τῷ δόντι, εἶτα ἀπέκλινεν. ἐρασθεὶς οὖν ὁ νεανίσκος
-αὐτῆς, καὶ τυχεῖν μὴ δυνάμενος, ἐπεὶ μὴ πάνυ ἦν
-πλούσιος, ὄναρ αὐτῇ συνεγένετο, καὶ παραχρῆμα
-ἐπαύσατο τῆς ἐπιθυμίας. 
-</p>
-</div2>
-<div2 type="chapter" n="64">
-<p><milestone unit="para"/>ὁ μὲν Φιλίππου καὶ Ὀλυμπιάδος Ἀλέξανδρος ἐν 
-Βαβυλῶνι τὸν βίον καταστρέψας, νεκρὸς ἔκειτο, ὁ τοῦ
-Διὸς εἶναι λέγων. καὶ στασιαζόντων περὶ τῆς βασιλείας
-τῶν περὶ αὐτόν, ταφῆς ἄμοιρος ἦν, ἧς μεταλαγχάνουσι
-καὶ οἱ σφόδρα πένητες, τῆς φύσεως τῆς κοινῆς 
-ἀπαιτούσης τὸν μηκέτι ζῶντα κατακρύψαι. ἀλλʼ
-οὗτός γε τριάκοντα ἡμέρας κατελέλειπτο ἀκηδής, ἕως
-Ἀρίστανδρος ὁ Τελμησσεύς, θεόληπτος γενόμενος ἢ
-ἔκ τινος ἄλλης συντυχίας κατασχεθείς, ἦλθεν ἐς μέσους
-τοὺς Μακεδόνας καὶ πρὸς αὐτοὺς ἔφη πάντων 
-τῶν ἐξ αἰῶνος βασιλέων εὐδαιμονέστατον Ἀλέξανδρον
-γεγονέναι, καὶ ζῶντα καὶ ἀποθανόντα· λέγειν γὰρ
-τοὺς θεοὺς πρὸς αὐτὸν ὅτι ἄρα ἡ ὑποδεξαμένη γῆ τὸ
-σῶμα, ἐν ᾧ τὸ πρότερον ᾤκησεν ἡ ἐκείνου ψυχή,
-πανευδαίμων τε ἔσται καὶ ἀπόρθητος διʼ αἰῶνος. 
-ταῦτα μαθόντες πολλὴν ἐσεφέροντο φιλονεικίαν,
-ἕκαστος ἐς τὴν ἰδίαν αὑτοῦ βασιλείαν τὸ ἀγώγιμον
-τοῦτο ἄγειν ἐπιθυμῶν, ἵνα κειμήλιον ἔχῃ βασιλείας
-ἀσφαλοῦς καὶ ἀκλινοῦς ὅμηρον. Πτολεμαῖος δέ, εἴ
-τι χρὴ πιστεύειν, τὸ σῶμα ἐξέκλεψε, καὶ μετὰ σπουδῆς 
-ἐς τὴν Ἀλεξάνδρου πόλιν τὴν κατʼ Αἴγυπτον
-ἐκόμισε. καὶ οἱ μὲν ἄλλοι Μακεδόνες τὴν ἡσυχίαν
-<pb id="p.142"/>
-ἦγον. Περδίκκας δὲ αὐτὸν διώκειν ἐπεχείρησεν. οὐ
-τοσοῦτον δὲ ἔμελε τούτῳ τῆς ἐς Ἀλέξανδρον πολυωρίας
-καὶ. τῆς ἐς τὸν νεκρὸν ὁσίας, ὅσον τὰ προλεχθέντα
-ὑπὸ τοῦ Ἀριστάνδρου ἀνέφλεγεν αὐτὸν καὶ
-ἐξῆπτεν. ἐπεὶ δὲ κατέλαβε τὸν Πτολεμαῖον, ὑπὲρ
-τοῦ νεκροῦ μάχη καρτερὰ πάνυ σφόδρα ἐγένετο,
-ἀδελφὴ τρόπον τινὰ τῆς ὑπὲρ τοῦ εἰδώλου τοῦ ἐν
-Τροίᾳ, ὅπερ Ὅμηρος ᾅδει, λέγων ὑπὲρ Αἰνείου τὸν
-Ἀπόλλωνα ἐς μέσους ἐμβαλεῖν τοὺς ἥρωας. ἀνέστειλε
-δὲ τὴν ὁρμὴν τοῦ Περδίκκα ὁ Πτολεμαῖος· εἴδωλον
-γὰρ ποιησάμενος ὅμοιον Ἀλεξάνδρῳ κατεκόσμησεν
-ἐσθῆτι βασιλικῇ καὶ ἐνταφίοις ἀξιοζήλοις. εἶτα τοῦτο
-ἀνακαύσας ἐπὶ μίαν τῶν Περσικῶν ἁμαξῶν, τὸ ἐπʼ
-αὐτῆς κατεσκεύασε φέρτρον μεγαλοπρεπῶς ἀργύρῳ
-καὶ χρυσῷ καὶ ἐλέφαντι· καὶ τὸ μὲν ὄντως Ἀλεξάνδρου
-σῶμα λιτῶς καὶ ὡς ἔτυχε προύπεμψε κρυπταῖς ὁδοῖς
-καὶ ἀτρίπτοις. ὁ δὲ Περδίκκας καταλαβὼν τὸ τοῦ
-νεκροῦ φάσμα καὶ τὴν διασκευασθεῖσαν ἁρμάμαξαν
-ἀνεστάλη τοῦ δρόμου, οἰόμενος ἔχειν τὸ ἆθλον· ὀψὲ
-δὲ ἔμαθεν ἀπατηθείς, ἡνίκα διώκειν οὐκ εἶχε.</p>
-</div2>
-</div1>
-<div1 type="book" n="13">
-<div2 type="chapter" n="1">
-<p><milestone unit="para"/>
-λόγος οὗτος Ἀρκαδικὸς ὑπὲρ τῆς Ἰασίωνος Ἀταλάντης.
-ταύτην ὁ πατὴρ γενομένην ἐξέθηκεν· ἔλεγε
-γὰρ οὐ θυγατέρων ἀλλʼ ἀρρένων δεῖσθαι. ὁ δὲ ἐκθεῖναι
-λαβὼν οὐκ ἀπέκτεινεν, ἐλθὼν δὲ ἐπὶ τὸ Παρθένιον
-ὄρος ἔθηκε πηγῆς πλησίον· καὶ ἦν ἐνταῦθα
-ὕπαντρος πέτρα, καὶ ἐπέκειτο συνηρεφὴς δρυμών.
-καὶ τοῦ μὲν βρέφους κατεψήφιστο θάνατος, οὐ μὴν
-<pb id="p.143"/>
-ὑπὸ τῆς τύχης προυδόθη· ὀλίγῳ γὰρ ὕστερον ὑπὸ
-κυνηγετῶν ἀφῃρημένη τὰ ἑαυτῆς βρέφη ἄρκτος ἧκε,
-σφριγώντων αὐτῇ τῶν μαζῶν καὶ βαρυνομένων ὑπὸ
-τοῦ γάλακτος. εἶτα κατά τινα θείαν πομπὴν ἡσθεῖσα
-τῷ βρέφει ἐθήλασεν αὐτό, καὶ ἅμα τὸ θηρίον ἐκουφίσθη 
-τῆς ὀδύνης καὶ ὤρεξε τροφὴν τῷ βρέφει. καὶ
-οὖν καὶ αὖθις ἐπαντλοῦσα τοῦ γάλακτος καὶ ἐποχετεύουσα
-ἐπεὶ τῶν ἑαυτῆς μήτηρ οὐκ ἔμεινε, τῆς μηδέν
-οἱ προσηκούσης τροφὸς ἐγένετο. ταύτην οἱ κυνηγέται
-παρεφύλαττον οἱ ἐξ ἀρχῆς ἐπιβουλεύσαντες τῷ θηρίῳ 
-ἐς τὰ ἔκγονα αὐτῆς, καὶ αὐτὰ ἕκαστα τῶν δρωμένων
-κατασκεψάμενοι, ἀπελθούσης κατὰ συνήθειαν
-κατά τε ἄγραν καὶ νομὴν τῆς ἄρκτου, τὴν Ἀταλάντην
-ὑφείλοντο, καλουμένην τοῦτο οὐδέπω· αὐτοὶ γὰρ
-ἔθεντο αὐτῇ τὸ ὄνομα. καὶ ἐτρέφετο ὑπʼ αὐτοῖς ὀρείῳ 
-τῇ τροφῇ. κατὰ μικρὸν δὲ αὐτῇ τὰ τοῦ σώματος
-μετὰ τῆς ἡλικίας ἀνέτρεχε· καὶ ἤρα παρθενίας καὶ
-τὰς τῶν ἀνδρῶν ὁμιλίας ἔφευγε καὶ ἐρημίαν ἐπόθει,
-καταλαβοῦσα τῶν ὀρῶν τῶν Ἀρκαδικῶν τὸ ὑψηλότατον,
-ἔνθα ἦν καὶ αὐλὼν κατάρρυτος καὶ μεγάλαι δρῦς, 
-ἔτι δὲ καὶ πεῦκαι καὶ βαθεῖα ἡ ἐκ τούτων σκιά. τί
-γὰρ ἡμᾶς λυπεῖ καὶ ἄντρον Ἀταλάντης ἀκοῦσαι, ὡς
-τὸ τῆς Καλυψοῦς τὸ ἐν Ὁμήρῳ; καὶ ἦν ἐν κοίλῃ τῇ
-φάραγγι σπήλαιον ἓν καὶ βαθὺ πάνυ, κατὰ πρόσωπον
-δὲ βαθεῖ κρημνῷ ὠχύρωτο. κιττοὶ δὲ αὐτὸ περιεῖρπον, 
-καὶ ἐνεπλέκοντο οἱ κιττοὶ μαλακοῖς δένδροις
-καὶ διʼ αὐτῶν ἀνεῖρπον. κρόκοι τε ἦσαν περὶ τὸν
-τόπον ἐν μαλακῇ φυόμενοι καὶ βαθείᾳ τῇ πόᾳ. συνανέτελλε
-δὲ αὐτοῖς καὶ ὑάκινθος καὶ ἄλλη πολλὴ χρόα
-ἀνθέων οὐ μόνον ἐς ἑορτὴν ὄψεως συντελεῖν δυναμένων, 
-ἀλλὰ καὶ ὀσμαὶ ἐξ αὐτῶν τὸν ἀέρα τὸν κύκλῳ
-κατελάμβανον· καὶ παρῆν τῇ τε ἄλλῃ πανηγυρίζειν
-<pb id="p.144"/>
-καὶ κατὰ τὴν εὐωδίαν ἑστιᾶσθαι. δάφναι τε ἦσαν
-πολλαί, φυτοῦ διὰ τέλους ἀκμάζοντος ἡδεῖαι προσιδεῖν
-κόμαι· ἄμπελοι δὲ πάνυ σφόδρα εὐθενούντων
-βοτρύων πρὸ τοῦ ἄντρου τεθηλυῖαι τὸ φιλεργὸν τῆς
-Ἀταλάντης ἐπεδείκνυντο. ὕδατά τε διατελῆ καὶ ἀεὶ
-ῥέοντα καὶ καθαρὰ ἰδεῖν καὶ ψυχρά, ὅσον γε ἁψαμένῳ
-τεκμήρασθαι καὶ καταγνῶναι πιόντι, χύδην καὶ
-ἀφθόνως ἐπέρρει· τὰ δὲ αὐτὰ ταῦτα καὶ ἐς ἀρδείαν
-τοῖς δένδροις τοῖς προειρημένοις ἦν ἐπιτήδεια, συνεχῶς
-ἐπιρρέοντα καὶ ἐς τὸ ἔμβιον αὐτοῖς συμμαχόμενα.
-ἦν οὖν τὸ χωρίον χαρίτων ἀνάμεστον, καὶ σεμνότατόν
-τε ἅμα καὶ σώφρονα παρθενῶνα ἐδείκνυεν. ἦν
-δὲ ἄρα τῇ Ἀταλάντῃ στρωμνὴ μὲν αἱ δοραὶ τῶν τεθηραμένων,
-τροφὴ δὲ τὰ τούτων κρέα, ποτὸν δὲ τὸ
-ὕδωρ. στολὴν δὲ ἤσθητο ἀπράγμονα καὶ τοιαύτην,
-οἵαν μὴ ἀπᾴδειν τῆς Ἀρτέμιδος· ἔλεγε γὰρ ζηλοῦν
-αὐτὴν καὶ ἐν τούτῳ καὶ ἐν τῷ παρθένος εἶναι διὰ
-τέλους ἐθέλειν. ἐπεφύκει δὲ ὠκίστη τοὺς πόδας, καὶ
-οὐκ ἂν αὐτὴν διέφυγεν οὔτε θηρίον οὔτε ἐπιβουλεύων
-αὐτῇ ἄνθρωπος· φυγεῖν δʼ ἐθέλουσαν, ἀλλʼ ἐνταῦθα
-μὲν οὐκ ἄν τις αὐτὴν κατέλαβεν. ἤρων δὲ αὐτῆς
-οὐχ ὅσοι μόνον αὐτὴν εἶδον, ἀλλʼ ἤδη καὶ ἐκ φήμης
-ἠρᾶτο. φέρε δὲ καὶ τὸ εἶδος αὐτῆς, εἴ τι μὴ λυπεῖ,
-διαγράψωμεν· λυπεῖ δὲ οὐδέν, ἐπεὶ καὶ ἐκ τούτων
-προσγένοιτʼ ἂν λόγων τε ἐμπειρία καὶ τέχνη. μέγεθος
-μὲν γὰρ ἔτι παῖς οὖσα ὑπὲρ τὰς τελείας ἦν γυναῖκας·
-καλὴ δὲ ἦν, ὡς οὐκ ἄλλη τῶν ἐν Πελοποννήσῳ
-παρθένων τῶν τότε. ἀρρενωπὸν δὲ καὶ γοργὸν
-ἔβλεπε, τοῦτο μὲν καὶ ἐκ τῆς θηρείου τροφῆς, ἤδη
-δὲ καὶ ἐκ τῶν ἐν τοῖς ὄρεσι γυμνασίων. κορικόν τε
-καὶ ῥαδινὸν οὐδὲν εἶχεν· οὐ γὰρ ἐκ θαλάμου προῄει,
-οὐδὲ ἦν τῶν ὑπὸ μητράσι καὶ τίτθαις τρεφομένων.
-<pb id="p.145"/>
-τὸ δὲ ὑπέρογκον τοῦ σώματος οὐδὲ τοῦτο εἶχε καὶ
-μάλα γε εἰκότως, ἅτε ἐν τοῖς κυνηγεσίοις καὶ περὶ
-αὐτὰ τὰ γυμνάσια τὸ πᾶν σῶμα ἐκπονοῦσα. ξανθὴ
-δὲ ἦν αὐτῆς ἡ κόμη οὔ τι που πολυπραγμοσύνῃ γυναικείᾳ
-καὶ βαφαῖς ἅμα καὶ φαρμάκοις, ἀλλʼ ἦν φύσεως 
-ἔργον ἡ χρόα. πεφοίνικτο δὲ καὶ ὑπὸ τῶν ἡλίων
-αὐτῇ τὸ πρόσωπον, καὶ ἐρυθήματι ἐῴκει ἄντικρυς.
-τί δὲ οὕτως ὡραῖον ἂν γένοιτο ἄνθος, ὥσπερ οὖν τὸ
-πρόσωπον αἰδεῖσθαι πεπαιδευμένης παρθένου; δύο
-δὲ εἶχεν ἐκπληκτικά, κάλλος ἄμαχον, καὶ σὺν τούτῳ 
-καὶ φοβεῖν ἐδύνατο. οὐδεὶς ἂν ἰδὼν αὐτὴν ἠράσθη
-ῥᾴθυμος ἄνθρωπος, ἀλλʼ οὐδʼ ἂν ἐτόλμησεν ἀντιβλέπειν
-τὴν ἀρχήν· τοσαύτη μετὰ τῆς ὥρας κατέλαμπεν
-αἴγλη τοὺς ὁρῶντας. δεινὴ δὲ ἦν ἐντυχεῖν τά τε
-ἄλλα καὶ τῷ σπανίῳ. οὐ γὰρ ἂν αὐτήν τις εὐκόλως 
-εἶδεν· ἀλλʼ ἀδοκήτως καὶ ἀπροόπτως ἐπεφάνη διώκουσα
-θηρίον ἢ ἀμυνομένη τινά, ὥσπερ ἀστὴρ διᾴττουσα,
-εἶτα ἀπέκρυπτεν αὑτὴν διαθέουσα ἢ δρυμὸν
-ἢ λόχμην ἤ τι ἄλλο τῶν ἐν ὄρει δάσος. καὶ οἵ ποτέ
-οἱ τὴν ὅμορον οἰκοῦντες, μεσούσης τῆς νυκτός, ἐρασταὶ 
-θρασεῖς καὶ κωμασταὶ βαρύτατοι, ἐπεκώμασαν
-δύο τῶν Κενταύρων, Ὑλαῖός τε καὶ Ῥοῖκος. ἦν δὲ
-ἄρα ὁ κῶμος αὐτῶν οὔτε αὐλητρίδες οὔτε αὐτὰ δήπου
-τὰ τῶν μειρακίων τῶν κατὰ πόλιν, ἀλλὰ πεῦκαι μὲν
-ἦσαν, καὶ ταύτας ἐξάψαντες καὶ ἀναφλέξαντες ἐκ τῆς 
-πρώτης τοῦ πυρὸς φαντασίας ἐξέπληξαν ἂν καὶ δῆμον,
-μήτι γοῦν μίαν παρθένον. κλάδους δὲ πιτύων
-νεοδρεπεῖς ἀποκλάσαντες, εἶτα τούτοις διαπλέξαντες
-ἑαυτοὺς εἰργάζοντο στεφάνους. συνεχῶς δὲ καὶ θαμινὰ
-ἐπικροτοῦντες τοῖς ὅπλοις διὰ τῶν ὀρῶν, συνεκκάοντες 
-καὶ τὰ δένδρα ἐπὶ τὴν παῖδα ἔσπευδον, κακοὶ
-μνηστῆρες, σὺν ὕβρει καὶ οἴστρῳ τὰ ἕδνα τῶν γάμων
-<pb id="p.146"/>
-προεκτελοῦντες. τὴν δὲ οὐκ ἔλαθεν ἡ ἐπιβουλή·
-ἰδοῦσα δὲ ἐκ τοῦ ἄντρου τὸ πῦρ καὶ γνωρίσασα οἵτινές
-ποτε ἄρα ἦσαν οἱ κωμασταί, μηδὲν διατραπεῖσα
-μηδὲ ὑπὸ τῆς ὄψεως καταπτήξασα τὸ μὲν τόξον ἐκύκλωσεν,
-ἀφῆκε δὲ τὸ βέλος καὶ ἔτυχε τοῦ πρώτου
-μάλα εὐκαίρως. καὶ ὃ μὲν ἔκειτο, ἐπῄει δὲ ὁ δεύτερος
-οὐκέτι κωμαστικῶς ἀλλʼ ἤδη πολεμικῶς, ἐκείνῳ μὲν
-ἐπαμῦναι θέλων, ἑαυτοῦ δὲ ἐμπλῆσαι τὴν ὁρμήν.
-ἀπήντησε δὲ ἄρα καὶ τούτῳ τιμωρὸς ὁ τῆς κόρης οἰστὸς
-ὁ ἕτερος. καὶ ὑπὲρ μὲν τῆς Ἰασίωνος Ἀταλάντης τοσαῦτα.
-</p>
-</div2>
-<div2 type="chapter" n="2">
-<p><milestone unit="para"/> Μυτιληναῖος ἀνήρ, Μακαρεὺς ὄνομα, ἱερεὺς τοῦ
-Διονύσου, ὅσα μὲν οὕτως ἰδεῖν πρᾶος ἦν καὶ ἐπιεικής,
-ἀνοσιώτατος δὲ ἀνθρώπων τὰ μάλιστα. ξένου
-δὲ ἥκοντος παρʼ αὐτὸν καὶ δόντος αὐτῷ παρακαταθήκην
-χρυσίου πλῆθος, ἐν τῷ μυχῷ τοῦ ἀνακτόρου
-τὴν γῆν διασκάψας ὁ Μακαρεὺς κατώρυξε τὸ χρυσίον.
-χρόνῳ δὲ ἀφικόμενος ὁ ξένος τὸ χρυσίον ἀπῄτει. ὃ
-δὲ ἐσαγαγὼν ἔνδον, ὡς ἀποδώσων, κατέσφαξε, καὶ
-τὸ χρυσίον ἀνώρυξεν, ἀντʼ αὐτοῦ δὲ τὸν ξένον κατέθετο·
-καὶ ᾤετο, ὥσπερ τοὺς ἀνθρώπους, λανθάνειν
-οὕτω καὶ τὸν θεόν. πλὴν οὐκ ἀπήντησε ταῦτα ταύτῃ·
-πόθεν; χρόνου δὲ ὀλίγου διεληλυθότος, αἱ μὲν τοῦ
-θεοῦ τριετηρίδες ἀφίκοντο, ὃ δὲ ἔθυε μεγαλοπρεπῶς.
-καὶ ὃ μὲν περὶ τὴν βακχείαν εἶχεν, οἱ δὲ παῖδες
-αὐτοῦ, δύο ὄντες, ἔνδον ἀπελείφθησαν ἐν τῇ οἰκίᾳ,
-καὶ μιμούμενοι τὴν τοῦ πατρὸς ἱερουργίαν τῷ βωμῷ
-τῷ πατρῴῳ προσῆλθον ἔτι καομένων τῶν ἐμπύρων·
-καὶ ὁ μὲν νεώτερος παρέσχε τὸν τράχηλον, ὁ δὲ πρεσβύτερος
-ἠμελημένην εὑρὼν σφαγίδα τὸν ἀδελφὸν
-ἀπέκτεινεν ὡς ἱερεῖον· οἱ δὲ κατὰ τὴν οἰκίαν ἰδόντες
-ἀνεβόησαν. ἀκούσασα δὲ ἡ μήτηρ τῆς βοῆς ἐξεπήδησε,
-<pb id="p.147"/>
-καὶ θεασαμένη τὸν μὲν νεκρόν, τὸν δὲ κατέχοντα ἔτι
-τὴν σφαγίδα ᾑμαγμένην, σχίζαν ἁρπάσασα τῶν ἐκ
-τοῦ βωμοῦ ἡμίκαυτον, ταύτῃ τὸν παῖδα ἀπέκτεινεν.
-ἧκε δὲ ἀγγελία πρὸς τὸν Μακαρέα, καὶ ἀπολιπὼν τὴν
-τελετήν, ὡς εἶχε σὺν ὀργῇ καὶ θυμῷ ἐσεπήδησεν ἐς 
-τὴν οἰκίαν, καὶ τῷ θύρσῳ ᾧ κατεῖχε τὴν ἑαυτοῦ γυναῖκα
-ἔκτεινεν. ἔκπυστα οὖν ἐγένετο τὰ τολμηθέντα
-ἐς πάντας, καὶ συλληφθεὶς ὁ Μακαρεὺς καὶ στεβλούμενος
-ὡμολόγησεν ὅσα ἐν τῷ ἀνακτόρῳ ἔδρασεν· ἐν
-αὐταῖς δὲ ταῖς κολάσεσι τὴν ψυχὴν ἀπέρρηξεν. ὁ δὲ 
-παρανόμως σφαγεὶς διὰ τιμῆς ἦλθε δημοσίᾳ, καὶ
-ἐτάφη τοῦ θεοῦ προστάξαντος. ἔτισεν οὖν ὁ Μακαρεὺς
-οὐ μεμπτὴν τὴν δίκην τοῦτο δὴ τὸ ποιητικὸν
-σὺν τῇ ἑαυτοῦ κεφαλῇ καὶ τῇ τῆς γυναικὸς καὶ οὖν
-καὶ τῇ τῶν παίδων προσέτι. 
-</p>
-</div2>
-<div2 type="chapter" n="3">
-<p><milestone unit="para"/>Ξέρξης ὁ Δαρείου παῖς τοῦ Βήλου τοῦ ἀρχαίου 
-διασκάψας τὸ μνῆμα πύελον ὑελίνην εὗρεν, ἔνθα ἦν
-κείμενος ὁ νεκρὸς ἐν ἐλαίῳ. οὐ μὴν πεπλήρωτο ἡ
-πύελος, ἐνέδει δὲ ἀπὸ τοῦ χείλους ἐς παλαιστὴν ἴσως.
-παρέκειτο δὲ τῇ πυέλῳ καὶ στήλη βραχεῖα, ἔνθα ἐγέγραπτο 
-ʽτῷ ἀνοίξαντι τὸ μνῆμα καὶ μὴ ἀναπληρώσαντι
-τὴν πύελον οὐκ ἔστιν ἄμεινον.ʼ ἀναγνοὺς δὲ ὁ
-Ξέρξης ἔδεισε, καὶ προσέταξεν ἐπιχέαι ἔλαιον τὴν ταχίστην·
-οὐ μὴν πεπλήρωτο. ὃ δὲ πάλιν προσέταξεν
-ἐπιχέαι. αὔξησιν δὲ οὐκ ἐλάμβανεν, ἕως ἀπεῖπε μάτην 
-ἀναλίσκων τὸ ἐπιχεόμενον. κατακλείσας δὲ τὸν τάφον,
-ἀπηλλάγη ἀδημονῶν. οὐ διεψεύσατο δὲ ἡ στήλη ὅσα
-προεῖπεν· ἀθροίσας γὰρ ἑβδομήκοντα μυριάδας ἐπὶ
-τοὺς Ἕλληνας, κακῶς ἀπήλλαξεν, εἶτα ἐπανελθὼν
-αἴσχιστα ἀνθρώπων ἀπέθανεν, ἀποσφαγεὶς νύκτωρ 
-ἐν τῇ εὐνῇ ὑπὸ τοῦ υἱοῦ.
-</p>
-</div2>
-<div2 type="chapter" n="4">
-<p><milestone unit="para"/>Ἀρχέλαος ὁ βασιλεὺς ἑστίασιν παρεσκεύασε πολυτελῆ 
-<pb id="p.148"/>
-τοῖς ἑταίροις. προϊόντος δὲ τοῦ πότου ζωρότερον
-πιὼν Εὐριπίδης ὑπήχθη πως κατʼ ὀλίγον ἐς
-μέθην· εἶτα συγκλιθέντα αὐτῷ Ἀγάθωνα τὸν τῆς
-τραγῳδίας ποιητὴν περιλαβὼν κατεφίλει, τετταράκοντα
-ἐτῶν που γεγονότα. τοῦ δὲ Ἀρχελάου πυθομένου
-εἰ καὶ νῦν ἔτι ἐρώμενος αὐτῷ δοκεῖ εἶναι,
-ἀπεκρίνατο ʽναὶ μὰ Δία· οὐ γὰρ μόνον τὸ ἔαρ τῶν
-καλῶν κάλλιστον, ἀλλὰ καὶ τὸ μετόπωρον.ʼ
-</p>
-</div2>
-<div2 type="chapter" n="5">
-<p><milestone unit="para"/>Ἐρασθῆναι πρῶτον γενναίων παιδικῶν λέγουσι
-Λάιον, ἁρπάσαντα Χρύσιππον τὸν Πέλοπος. καὶ ἐκ
-τούτου τοῖς Θηβαίοις ἓν τῶν καλῶν ἐδόκει τὸ τῶν
-ὡραίων ἐρᾶν.
-</p>
-</div2>
-<div2 type="chapter" n="6">
-<p><milestone unit="para"/> ἐν Ἡραίᾳ τῆς Ἀρκαδίας ἀκούω πεφυκέναι ἀμπέλους,
-ἐξ ὧν γίνεται οἶνος, ὃς τοῦ λογισμοῦ παράγει
-καὶ ἔκφρονας τοὺς Ἀρκάδας ποιεῖ, τὰς δὲ γυναῖκας
-τεκνοποιοὺς τίθησιν.
-    <milestone unit="para"/>ὅτι ἐν Θάσῳ δύο γένη φασὶν οἴνων γίνεσθαι· καὶ
-τὸν μὲν ἕτερον πινόμενον ἐς ὕπνον κατάγειν εὖ μάλα
-βαθὺν καὶ διὰ ταῦτα ἡδύν, τὸν δὲ ἕτερον ἀντίπαλον
-εἶναι τοῦ βίου καὶ ἀργυπνίαν ἐμποιεῖν καὶ ἀνιᾶσθαι παρέχειν.
-    <milestone unit="para"/>ἐν δὲ Ἀχαΐᾳ περὶ Κερυνίαν οἶνος γίνεται, ὃς
-ταῖς βουλομέναις γυναιξὶν ἀμβλῶσαι συμμάχεται.
-</p>
-</div2>
-<div2 type="chapter" n="7">
-<p><milestone unit="para"/> ὅτε εἷλε τὴν Θηβαίων πόλιν Ἀλέξανδρος, ἀπέδοτο
-τοὺς ἐλευθέρους πάντας πλὴν ἱερέων. ἀφῆκε δὲ τῆς
-πράσεως καὶ τοὺς τοῦ πατρὸς ξένους ʽὡμήρευσε γὰρ
-παρʼ αὐτοῖς ὁ Φίλιππος ἔτι παῖς ὢνʼ καὶ τοὺς συγγενεῖς
-δὲ τούτων ἀφῆκεν. ἐτίμησε δὲ καὶ τοὺς ἐγγόνους
-τοὺς τοῦ Πινδάρου, καὶ τὴν οἰκίαν αὐτοῦ μόνην εἴασεν
-ἑστάναι. ἐφόνευσε δὲ τῶν Θηβαίων ἐς ἑξακισχιλίους,
-αἰχμάλωτοι δὲ ἐλήφθησαν τρισμύριοι.
-</p>
-</div2>
-<div2 type="chapter" n="8">
-<p><milestone unit="para"/> Λύσανδρον τὸν Λακεδαιμόνιον ἐν τῇ Ἰωνίᾳ διατρίβοντα
-<pb id="p.149"/>
-τὰ Λυκούργου φασὶ νόμιμα ῥίψαντα ἐπίπονα
-ὄντα διατεθρύφθαι τὸν βίον. 
-</p>
-</div2>
-<div2 type="chapter" n="9">
-<p><milestone unit="para"/>Λάμια γοῦν ἡ Ἀττικὴ
-ἑταίρα εἶπεν ʽοἱ ἐκ τῆς Ἑλλάδος λέοντες ἐν Ἐφέσῳ
-γεγόνασιν ἀλώπεκες.ʼ
-</p>
-</div2>
-<div2 type="chapter" n="10">
-<p><milestone unit="para"/>ἐν μιᾷ ἡμέρᾳ δύο γυναῖκας ἠγάγετο Διονύσιος, 
-Δωρίδα τὴν Λοκρίδα καὶ Ἀριστομάχην τὴν Ἱππαρίνου,
-Δίωνος δὲ ἀδελφήν· καὶ παρʼ ἑκατέρᾳ ἀνεπαύετο ἐν
-τῷ μέρει. καὶ ἣ μὲν ἠκολούθει στρατευομένῳ, ἣ δὲ
-ἐπανιόντα ὑπεδέχετο.
-</p>
-</div2>
-<div2 type="chapter" n="11">
-<p><milestone unit="para"/>λόγος τις ἐς ἐμὲ ἀφίκετο λέγων αἴτιον Ἰσοκράτην 
-γενέσθαι τὸν ῥήτορα τοῖς Πέρσαις καταδουλώσεως,
-ἧς ἐδουλώσαντο αὐτοὺς Μακεδόνες. τοῦ γὰρ πανηγυρικοῦ
-λόγου, ὃν Ἰσοκράτης ἐν τοῖς Ἕλλησιν ἐπεδείξατο,
-ἐς Μακεδονίαν ἐλθοῦσα ἡ φήμη, πρῶτον
-μὲν Φίλιππον ἐπὶ τὴν Ἀσίαν ἀνέστησεν· ἀποθανόντος 
-δὲ ἐκείνου Ἀλέξανδρον τὸν υἱὸν αὐτοῦ τῶν πατρῴων
-κληρονόμον τὴν ὁρμὴν τὴν τοῦ Φιλίππου διαδέξασθαι παρεσκεύασε.
-</p>
-</div2>
-<div2 type="chapter" n="12">
-<p><milestone unit="para"/>Μέτων ὁ ἀστρονόμος μελλόντων ἐπὶ τὴν Σικελίαν 
-πλεῖν τῶν Ἀθηναίων ἤδη καὶ αὐτὸς εἷς ᾖν τοῦ καταλόγου. 
-σαφῶς δὲ ἐπιστάμενος τὰς μελλούσας τύχας
-τὸν πλοῦν ἐφυλάττετο δεδιὼς καὶ σπεύδων τῆς
-ἐξόδου ἑαυτὸν ῥύσασθαι. ἐπεὶ δὲ οὐδὲν ἔπραττεν,
-ὑπεκρίνατο μανίαν· καὶ πολλὰ μὲν καὶ ἄλλα ἔδρασε
-πιστώσασθαι τὴν τῆς νόσου δόξαν βουλόμενος, ἐν δὲ 
-τοῖς καὶ τὴν συνοικίαν τὴν αὑτοῦ κατέπρησεν· ἐγειτνία
-δὲ αὕτη τῇ Ποικίλῃ. καὶ ἐκ τούτου ἀφῆκαν
-αὐτὸν οἱ ἄρχοντες. καί μοι δοκεῖ ὁ Μέτων ἄμεινον
-ὑποκρίνασθαι τὴν μανίαν τοῦ Ὀδυσσέως τοῦ Ἰθακησίου·
-ἐκεῖνον μὲν γὰρ ὁ Παλαμήδης κατεφώρασε, 
-τοῦτον δὲ Ἀθηναίων οὐδείς.
-</p>
-</div2>
-<div2 type="chapter" n="13">
-<p><milestone unit="para"/>Πτολεμαῖόν φασι τὸν Λάγου καταπλουτίζοντα 
-<pb id="p.150"/>
-τοὺς φιλους αὑτοῦ ὑπερχαίρειν. ἔλεγε δὲ ἄμεινον
-εἶναι πλουτίζειν ἢ πλουτεῖν.
-</p>
-</div2>
-<div2 type="chapter" n="14">
-<p><milestone unit="para"/> ὅτι τὰ Ὁμήρου ἔπη πρότερον διῃρημένα ᾖδον
-οἱ παλαιοί. οἷον ἔλεγον Τὴν ἐπὶ ναυσὶ μάχην καὶ
-Δολώνειάν τινα καὶ Ἀριστείαν Ἀγαμέμνονος καὶ
-Νεῶν κατάλογον καὶ Πατρόκλειαν καὶ Λύτρα καὶ
-Ἐπὶ Πατρόκλῳ ἆθλα καὶ Ὁρκίων ἀφάνισιν. ταῦτα
-ὑπὲρ τῆς Ἰλιάδος. ὑπὲρ δὲ τῆς ἑτέρας Τὰ ἐν Πύλῳ
-καὶ Τὰ ἐν Λακεδαίμονι καὶ Καλυψοῦς ἄντρον καὶ
-Τὰ περὶ τὴν σχεδίαν καὶ Ἀλκίνου ἀπολόγους καὶ
-Κυκλώπειαν καὶ Νέκυιαν καὶ Τὰ τῆς Κίρκης καὶ
-Νίπτρα καὶ Μνηστήρων φόνον καὶ Τὰ ἐν ἀγρῷ καὶ
-Τὰ ἐν Λαέρτου. ὀψὲ δὲ Λυκοῦργος ὁ Λακεδαιμόνιος
-ἀθρόαν πρῶτος ἐς τὴν Ἑλλάδα ἐκόμισε τὴν Ὁμήρου
-ποίησιν· τὸ δὲ ἀγώγιμον τοῦτο ἐξ Ἰωνίας, ἡνίκα
-ἀπεδήμησεν, ἤγαγεν. ὕστερον δὲ Πεισίστρατος συναγαγὼν
-ἀπέφηνε τὴν Ἰλιάδα καὶ Ὀδύσσειαν.
-</p>
-</div2>
-<div2 type="chapter" n="15">
-<p><milestone unit="para"/>φασὶ παχύτατον γενέσθαι τὴν διάνοιαν οἱ τῆς
-κωμῳδίας ποιηταὶ Πολύδωρόν τινα, καὶ ἄλλον Κοικυλίωνα
-ὄνομα, ὅσπερ τὰ κύματα ἠρίθμει ὑπὸ τῆς
-ἄγαν ἀνοίας. λόγος δέ τις καὶ Σαννυρίωνα τοιοῦτον
-γενέσθαι, ὃς ἐν τῇ ληκύθῳ τὴν κλίμακα ἐζήτει. καὶ
-Κόροιβον δὲ καὶ Μελιτίδην καὶ ἐκείνους ἀνοήτους φασίν.
-</p>
-</div2>
-<div2 type="chapter" n="16">
-<p><milestone unit="para"/> Ἀπολλωνιάται πόλιν οἰκοῦσι γείτονα Ἐπιδάμνου
-ἐν τῷ Ἰονίῳ κόλπῳ. καὶ ἐν τοῖς πλησίον αὐτῆς χωρίοις
-ἄσφαλτός ἐστιν ὀρυκτὴ καὶ πίττα τὸν αὐτὸν ἐκ
-τῆς γῆς ἀνατέλλουσα τρόπον, ὃν καὶ αἱ πλεῖσται
-πηγαὶ τῶν ὑδάτων. οὐ πόρρω δὲ καὶ τὸ ἀθάνατον
-δείκνυται πῦρ. ὁ δὲ καόμενος τόπος ἐστὶν ὀλίγος
-καὶ οὐκ ἐς μέγα διήκει καὶ ἔχει περίβολον οὐ πολύν,
-ὄζει δὲ θείου καὶ στυπτηρίας. καὶ περὶ αὐτόν ἐστι
-<pb id="p.151"/>
-δένδρα εὐθαλῆ καὶ πόα χλωρά· καὶ τὸ πῦρ πλησίον
-ἐνακμάζον οὐδὲν λυπεῖ οὔτε τὴν τῶν φυτῶν βλάστην
-οὔτε τὴν τεθηλυῖαν πόαν. κάεται δὲ τὸ πῦρ καὶ
-νύκτωρ καὶ μεθʼ ἡμέραν, καὶ διέλιπεν οὐδέποτε, ὡς
-Ἀπολλωνιάται λέγουσι, πρὶν τοῦ πολέμου τοῦ πρὸς 
-Ἰλλυριοὺς συμβάντος αὐτοῖς.
-    <milestone unit="para"/>ὅτι Ἀπολλωνιάται ξενηλασίας ἐποίουν κατὰ τὸν
-Λακεδαιμόνιον νόμον, Ἐπιδάμνιοι δὲ ἐπιδημεῖν καὶ
-μετοικεῖν παρεῖχον τῷ βουλομένῳ.
-</p>
-</div2>
-<div2 type="chapter" n="17">
-<p><milestone unit="para"/>πτήσσει Φρύνιχος ὥς τις ἀλεκτρυὼν παροιμία 
-ἐπὶ τῶν κακῶς τι πασχόντων. ὑποκρινομένου γὰρ
-Φρυνίχου τοῦ τραγικοῦ τὴν Μιλήτου ἅλωσιν οἱ Ἀθηναῖοι
-δακρύσαντες ἐξέβαλον δεδοικότα καὶ ὑποπτήσσοντα.
-</p>
-</div2>
-<div2 type="chapter" n="18">
-<p><milestone unit="para"/>Διονύσιος ὁ τῆς Σικελίας τύραννος τραγῳδίαν 
-μὲν ἠσπάζετο καὶ ἐπῄνει καὶ οὖν καὶ δράματα ἐξεπόνησε
-τραγικά, ἀλλοτρίως δὲ πρὸς τὴν κωμῳδίαν διέκειτο,
-ὅτι οὐκ ἦν φιλόγελως.
-</p>
-</div2>
-<div2 type="chapter" n="19">
-<p><milestone unit="para"/>ἔλεγεν ὁ Κλεομένης Λακωνικῶς κατὰ τὸν ἐπιχώριον 
-τρόπον τὸν Ὅμηρον Λακεδαιμονίων εἶναι ποιητήν, 
-ὡς χρὴ πολεμεῖν λέγοντα· τὸν δὲ Ἡσίοδον τῶν
-Εἱλώτων, λέγοντα ὡς χρὴ γεωργεῖν.
-</p>
-</div2>
-<div2 type="chapter" n="20">
-<p><milestone unit="para"/>ἀνὴρ Μεγαλοπολίτης ἐξ Ἀρκαδίας, Κερκιδᾶς 
-ὄνομα, ἀποθνήσκων ἔλεγε πρὸς τοὺς οἰκείους ἀθυμουμένους
-ἡδέως ἀπολύεσθαι τοῦ ζῆν· διʼ ἐλπίδος 
-γὰρ ἔχειν συγγενέσθαι τῶν μὲν σοφῶν Πυθαγόρᾳ,
-τῶν δὲ ἱστορικῶν Ἑκαταίῳ, τῶν δὲ μουσικῶν Ὀλύμπῳ,
-τῶν δὲ ποιητῶν Ὁμήρῳ. καὶ ἐπὶ τούτοις ὡς λόγος
-τὴν ψυχὴν ἀπέλιπεν.
-</p>
-</div2>
-<div2 type="chapter" n="21">
-<p><milestone unit="para"/>ὅτι ἐν Κελαιναῖς τῇ δορᾷ τοῦ Φρυγὸς ἐὰν προσαυλῇ 
-τις τὴν ἁρμονίαν τὴν Φρυγίαν, ἡ δορὰ κινεῖται·
-ἐὰν δὲ ἐς Ἀπόλλωνα, ἀτρεμεῖ καὶ ἔοικε κωφῇ.
-<pb id="p.152"/>
-</p>
-</div2>
-<div2 type="chapter" n="22">
-<p><milestone unit="para"/> Πτολεμαῖος ὁ Φιλοπάτωρ κατασκευάσας Ὁμήρῳ
-νεών, αὐτὸν μὲν καλὸν καλῶς ἐκάθισε, κύκλῳ δὲ τὰς
-πόλεις περιέστησε τοῦ ἀγάλματος, ὅσαι ἀντιποιοῦνται
-τοῦ Ὁμήρου. Γαλάτων δὲ ὁ ζωγράφος ἔγραψε τὸν
-μὲν Ὅμηρον αὐτὸν ἐμοῦντα, τοὺς δὲ ἄλλους ποιητὰς
-τὰ ἐμημεσμένα ἀρυτομένους.
-</p>
-</div2>
-<div2 type="chapter" n="23">
-<p><milestone unit="para"/> Λυκοῦργος ὁ Λακεδαιμόνιος ὁ Εὐνόμου παῖς δικαίους
-βουληθεὶς ἀποφῆναι Λακεδαιμονίους, ὑπὲρ
-τούτου γε οὐ καλοὺς τοὺς μισθοὺς ἠρύσατο. ἀπήντησε
-γὰρ αὐτῷ τὸν ὀφθαλμὸν ἐκκοπῆναι ὑπὸ Ἀλκάνδρου,
-ὡς μέν τινές φασιν, ἐξ ἐπιβουλῆς λίθῳ βληθείς,
-ὡς δὲ ἄλλος διαφοιτᾷ λόγος, βακτηρίᾳ παθὼν
-τὸ πάθος. λέγεται δὲ ὁ λόγος πρὸς τοὺς ἄλλα μὲν
-θελήσαντας, ἄλλων δὲ τυχόντας. λέγει δὲ Ἔφορος
-αὐτὸν λιμῷ διακαρτερήσαντα ἐν φυγῇ ἀποθανεῖν.
-</p>
-</div2>
-<div2 type="chapter" n="24">
-<p><milestone unit="para"/> Λυκοῦργος ὁ ῥήτωρ ἔγραψε μὴ ἐλαύνειν τὰς γυναῖκας
-ἐν τοῖς μυστηρίοις ἐπὶ ζευγῶν, ἢ τῇ δρώσῃ
-τοῦτο ἐπηρτῆσθαι ζημίαν, ἥν γε ᾤετο τάξας ἀποχρῶσαν.
-πρώτη τῷ ψηφίσματι ἠπείθησεν ἡ τούτου γυνή,
-καὶ τὴν ζημίαν ἐξέτισε καταδικασθεῖσα.
-    <milestone unit="para"/>καὶ Περικλῆς ἔγραψε μὴ εἶναι Ἀθηναῖον, ὃς μὴ
-ἐξ ἀμφοῖν γέγονεν ἀστοῖν. εἶτα ἀποβαλὼν τοὺς γνησίους
-παῖδας ἐπὶ τῷ νόθῳ Περικλεῖ κατελέλειπτο.
-δῆλα δὲ ὅτι καὶ Περικλῆς ἐβούλετο μὲν ἕτερα, ἔτυχε
-δὲ ἑτέρων.
-    <milestone unit="para"/>Κλεισθένης δὲ ὁ Ἀθηναῖος τὸ δεῖν ἐξοστρακίζεσθαι
-πρῶτος ἐσηγησάμενος, αὐτὸς ἔτυχε τῆς καταδίκης πρῶτος.
-    <milestone unit="para"/>Ζάλευκος ὁ Αοκρῶν νομοθέτης προσέταξε τὸν μοιχὸν
-ἁλόντα ἐκκόπτεσθαι τοὺς ὀφθαλμούς. ἃ τοίνυν
-μηδὲ προσεδόκησε, ταῦτα ὁ δαίμων αὐτῷ παρὰ τὴν
-δόξαν καὶ τὴν ἐλπίδα ἐπήγαγεν· ὁ γάρ τοι παῖς ἁλοὺς
-<pb id="p.153"/>
-ἐπὶ μοιχείᾳ εἶτα ἔμελλε πείσεσθαι τὰ ἐκ τοῦ πατρῴου
-νόμου. ἐνταῦθα ἵνα μὴ διαφθαρῇ τὸ ἅπαξ κεκυρωμένον,
-ὑπέμεινεν αὐτὸς ὁ ἐσηγησάμενος ὑπὲρ τοῦ
-ἑτέρου τῶν τοῦ παιδὸς ὀφθαλμῶν ἀντιδοῦναι τὸν
-ἑαυτοῦ, ἵνα μὴ ὁ νεανίσκος τυφλωθῇ τελέως. 
-</p>
-</div2>
-<div2 type="chapter" n="25">
-<p><milestone unit="para"/>Πίνδαρος ὁ ποιητὴς ἀγωνιζόμενος ἐν Θήβαις ἀμαθέσι 
-περιπεσὼν ἀκροαταῖς ἡττήθη Κορίννης πεντάκις.
-ἐλέγχων δὲ τὴν ἀμουσίαν αὐτῶν ὁ Πίνδαρος σῦν
-ἐκάλει τὴν Κόρινναν.
-</p>
-</div2>
-<div2 type="chapter" n="26">
-<p><milestone unit="para"/>Διογένης ὁ Σινωπεὺς ἔρημος ἦν καὶ μόνος ἀπέρριπτο, 
-καὶ οὔτε τινὰ διʼ ἀπορίαν ὑπεδέχετο, οὔτε τις
-αὐτὸν ἐξένιζε, τὸν ἄνδρα ἐκτρεπόμενος διὰ τὸ τοῦ
-τρόπου ἐλεγκτικὸν καὶ ὅτι ἦν πρὸς τὰ πραττόμενα
-καὶ λεγόμενα δυσάρεστος. ἠθύμει οὖν ὁ Διογένης
-καὶ φύλλων ἄκρα ἤσθιε· ταῦτα γάρ οἱ παρῆν. τοῖς 
-δὲ ἀποπίπτουσι τοῦ ἄρτου θρύμμασι μῦς ἐχρῆτο ἐπιφοιτῶν.
-ὁ οὖν Διογένης φιλοπόνως κατεσκέψατο τὸ
-πραττόμενον, καὶ μειδιάσας καὶ ἑαυτοῦ γενόμενος
-φαιδρότερός τε καὶ ἵλεως εἶπεν ʽὁ μὲν μῦς οὗτος τῆς
-Ἀθηναίων πολυτελείας δεῖται οὐδέν, σὺ δέ, ὦ Διόγενες, 
-ἄχθῃ ὅτι μὴ συνδειπνεῖς Ἀθηναίοις.ʼ καὶ ἐπόρισεν
-ἑαυτῷ εὔκαιρον εὐθυμίαν.
-</p>
-</div2>
-<div2 type="chapter" n="27">
-<p><milestone unit="para"/>ὅτι τὸ Σωκράτους σῶμα πεπίστευτο κόσμιον καὶ 
-σωφροσύνης ἐγκρατὲς γεγονέναι καὶ ταύτῃ. ἐνόσουν
-Ἀθηναῖοι πανδημεί, καὶ οἳ μὲν ἀπέθνησκον, οἳ δὲ 
-ἐπιθανατίως εἶχον· Σωκράτης δὲ μόνος οὐκ ἐνόσησε
-τὴν ἀρχήν. ὁ τοίνυν τοιούτῳ συνὼν σώματι τίνα
-ἡγούμεθα εἶχε ψυχήν;
-</p>
-</div2>
-<div2 type="chapter" n="28">
-<p><milestone unit="para"/>Διογένης ἡνίκα ἀπέλιπε τὴν πατρίδα, εἷς αὐτῷ 
-τῶν οἰκετῶν ἠκολούθει ὄνομα Μάνης, ὃς οὐ φέρων 
-τὴν μετʼ αὐτοῦ διατριβὴν ἀπέδρα. προτρεπόντων δέ
-τινων ζητεῖν αὐτὸν ἔφη ʽοὐκ αἰσχρὸν Μάνην μὲν
-<pb id="p.154"/>
-μὴ δεῖσθαι Διογένους, Διογένην δὲ Μάνους;ʼ οὗτος
-δὲ ὁ οἰκέτης ἐς Δελφοὺς ἀλώμενος ὑπὸ κυνῶν διεσπάσθη,
-τῷ ὀνόματι τοῦ δεσπότου δίκας ἐκτίσας ἀνθʼ
-ὧν ἀπέδρα.
-</p>
-</div2>
-<div2 type="chapter" n="29">
-<p><milestone unit="para"/> ἔλεγεν ὁ Πλάτων τὰς ἐλπίδας ἐγρηγορότων ἀνθρώπων
-ὀνείρους εἶναι.
-</p>
-</div2>
-<div2 type="chapter" n="30">
-<p><milestone unit="para"/> Ὀλυμπιὰς ἡ Ἀλεξάνδρου πυθομένη ὅτι πολὺν
-χρόνον ὁ παῖς αὐτῆς ἄταφος μένει, βαρὺ ἀναστένουσα
-καὶ θρηνοῦσα εὖ μάλα λιγέως ʽὦ τέκνονʼ εἶπεν, ʽἀλλὰ
-σὺ μὲν οὐρανοῦ μετασχεῖν βουλόμενος καὶ τοῦτο
-σπεύδων, νῦν οὐδὲ τῶν κοινῶν δήπου καὶ ἴσων πᾶσιν
-ἀνθρώποις μετασχεῖν ἔχεις, γῆς τε ἅμα καὶ ταφῆς·̓
-καὶ τὰς ἑαυτῆς τύχας οἰκτείρασα καὶ τὸ τοῦ παιδὸς
-τετυφωμένον ἐλέγξασα.
-</p>
-</div2>
-<div2 type="chapter" n="31">
-<p><milestone unit="para"/> Ξενοκράτης ὁ Χαλκηδόνιος, ὁ ἑταῖρος Πλάτωνος,
-τά τε ἄλλα ἦν φιλοικτίρμων καὶ οὐ μόνον φιλάνθρωπος,
-ἀλλὰ καὶ πολλὰ τῶν ἀλόγων ζῴων ἠλέει. καὶ
-οὖν ποτε καθημένου ἐν ὑπαίθρῳ, διωκόμενος βιαίως
-στρουθὸς ὑπὸ ἱέρακος ἐς τοὺς κόλπους αὐτοῦ κατέπτη.
-ὃ δὲ ἀσμένως ἐδέξατο τὸν ὄρνιν, καὶ διεφύλαξεν
-ἀποκρύψας, ἔστε ὁ διώκων ἀπῆλθεν. ἐπεὶ δὲ ἠλευθέρωσεν
-αὐτὸν τοῦ φόβου, ἁπλώσας τὸν κόλπον
-ἀφῆκε τὸν ὄρνιν, ἐπειπὼν ὅτι μὴ ἐξέδωκε τὸν ἱκέτην.
-</p>
-</div2>
-<div2 type="chapter" n="32">
-<p><milestone unit="para"/> φησὶ Ξενοφῶν ὅτι Θεοδότῃ τῇ ἑταίρᾳ ἐς λόγους
-ἀφίκετο Σωκράτης, καλλίστῃ γυναικὶ οὔσῃ. ἀλλὰ καὶ
-τῇ Καλλιστοῖ ἦλθεν ἐς λόγους, ἣ ἔλεγεν ʽἐγὼ μέν,
-ὦ Σωφρονίσκου, κρείττων εἰμί σου· σὺ μὲν γὰρ οὐδένα
-τῶν ἐμῶν δύνῃ ἀποσπάσαι· ἐγὼ δέ, ἐὰν βούλωμαι,
-τοὺς σοὺς πάντας.ʼ ὃ δὲ ʽκαὶ μάλα γε εἰκότως·
-σὺ μὲν γὰρ ἐπὶ τὴν κατάντη αὐτοὺς ἄγεις, ἐγὼ
-<pb id="p.155"/>
-δὲ ἐπὶ τὴν ἀρετὴν ἥκειν βιάζομαι· ὀρθία δὲ ἡ ἄνοδος
-ἐστι καὶ ἀήθης τοῖς πολλοῖς.ʼ
-</p>
-</div2>
-<div2 type="chapter" n="33">
-<p><milestone unit="para"/>Ῥοδῶπίν φασιν Αἰγυπτίων λόγοι ἑταίραν γενέσθαι 
-ὡραιοτάτην. καί ποτε αὐτῆς λουομένης ἡ τὰ παράδοξα
-καὶ τὰ ἀδόκητα φιλοῦσα ἐργάζεσθαι τύχη προυξένησεν 
-αὐτῇ οὐ τῆς γνώμης ἀλλὰ τοῦ κάλλους
-ἄξια. λουομένης γὰρ καὶ τῶν θεραπαινίδων τὴν
-ἐσθῆτα φυλαττουσῶν, ἀετὸς καταπτάς, τὸ ἕτερον τῶν
-ὑποδημάτων ἁρπάσας, ἀπιὼν ᾤχετο· καὶ ἐκόμισεν ἐς
-Μέμφιν δικάζοντος Ψαμμιτίχου, καὶ ἐς τὸν κόλπον 
-ἐνέβαλε τὸ ὑπόδημα. ὁ δὲ Ψαμμίτιχος θαυμάσας
-τοῦ ὑποδήματος τὸν ῥυθμὸν καὶ τῆς ἐργασίας αὐτοῦ
-τὴν χάριν καὶ τὸ πραχθὲν ὑπὸ τοῦ ὄρνιθος προσέταξεν
-ἀνὰ πᾶσαν τὴν Αἴγυπτον ἀναζητεῖσθαι τὴν
-ἄνθρωπον, ἧς τὸ ὑπόδημά ἐστι· καὶ εὑρὼν γαμετὴν ἠγάγετο. 
-</p>
-</div2>
-<div2 type="chapter" n="34">
-<p><milestone unit="para"/>ὅτι τὸν Λέοντα ὁ Διονύσιος μετὰ τὴν πρόσταξιν 
-τὴν κατʼ αὐτοῦ ἀνευρὼν ἐς τρὶς τοῖς δορυφόροις ἐκέλευσεν
-ἀπάγειν, καὶ μετέγνω τρίς, καὶ καθʼ ἑκάστην
-μεταπομπὴν κατεφίλει κλάων καὶ καταρώμενος ἑαυτοῦ, 
-ὅτι ἔλαβε τὸ ξίφος. τελευτῶν ἥττηται τῷ φόβῳ,
-καὶ προσέταξεν ἀποσφαγῆναι εἰπὼν ὅτι ʽοὐκ ἔστιν,
-ὦ Λέον, σοι ζῆν.ʼ
-</p>
-</div2>
-<div2 type="chapter" n="35">
-<p><milestone unit="para"/>λέγουσι φυσικοὶ ἄνδρες τὴν ἔλαφον καθάρσεως 
-δεομένην σέσελιν ἐσθίειν, φαλαγγίων δὲ κνήσμασιν 
-ἐχομένην καρκίνους.
-</p>
-</div2>
-<div2 type="chapter" n="36">
-<p><milestone unit="para"/>Ὀλυμπιὰς τῇ Φιλίππου θυγατρὶ Εὐρυδίκῃ ʽἦν δὲ 
-ἄρα ἐξ Ἰλλυρίδος γυναικὸς τῷ Φιλίππῳ γενομένἠ
-προσέπεμψε κώνειον καὶ βρόχον καὶ ξίφος· ἣ δὲ
-αἱρεῖται τὸν βρόχον. 
-</p>
-</div2>
-<div2 type="chapter" n="37">
-<p><milestone unit="para"/>Γέλων ὁ τῶν Συρακοσίων τύραννος τὴν τῆς ἀρχῆς 
-κατάστασιν πραότατα εἶχε· στασιώδεις δέ τινες
-<pb id="p.156"/>
-ἐπεβούλευον αὐτῷ. ἃ πυθόμενος ὁ Γέλων, ἐς ἐκκλησίαν
-συγκαλέσας τοὺς Συρακοσίους ἐσῆλθεν ὡπλισμένος,
-καὶ διεξελθὼν ὅσα ἀγαθὰ αὐτοῖς εἰργάσατο,
-καὶ τὴν ἐπιβουλὴν ἐξεκάλυψε καὶ ἀπεδύσατο τὴν
-πανοπλίαν, εἰπὼν πρὸς πάντας ʽἰδοὺ τοίνυν ὑμῖν ἐν
-χιτωνίσκῳ γυμνὸς τῶν ὅπλων παρέστηκα, καὶ δίδωμι
-χρῆσθαι ὅ τι βούλεσθε.ʼ καὶ ἐθαύμασαν αὐτοῦ τὴν
-γνώμην οἱ Συρακόσιοι, οἳ δὲ καὶ τοὺς ἐπιβουλεύοντας
-παρέδοσαν αὐτῷ κολάσαι καὶ τὴν ἀρχὴν ἔδωκαν. ὃ
-δὲ καὶ τούτους εἴασε τῷ δήμῳ τιμωρήσασθαι. καὶ
-εἰκόνα αὐτοῦ οἱ Συρακόσιοι ἔστησαν ἐν ἀζώστῳ χιτῶνι·
-καὶ ἦν τοῦτο τῆς δημαγωγίας αὐτοῦ ὑπόμνημα
-καὶ τοῖς ἐς τὸν μετὰ ταῦτα αἰῶνα μέλλουσιν ἄρχειν δίδαγμα.
-</p>
-</div2>
-<div2 type="chapter" n="38">
-<p><milestone unit="para"/> ἰσχυρῶς Ὅμηρον ἐθαύμαζεν Ἀλκιβιάδης, καί ποτε
-διδασκαλείῳ παίδων προσελθὼν ῥαψῳδίαν Ἰλιάδος
-ᾔτει. τοῦ δὲ διδασκάλου μηδὲν ἔχειν Ὁμήρου φήσαντος
-ἐντρίψας αὐτῷ κόνδυλον εὖ μάλα στερεὸν παρῆλθεν,
-ἐνδειξάμενος ὅτι ἐκεῖνος ἀπαίδευτός ἐστι καὶ
-τοιούτους ἀποφαίνει τοὺς παῖδας.
-οὗτος ἐπὶ κρίσιν καλούμενος θανατικὴν ἐκ Σικελίας
-ὑπὸ τῶν Ἀθηναίων οὐχ ὑπήκουσεν εἰπὼν
-ʽεὔηθες τὸν ἔχοντα δίκην ζητεῖν ἀποφυγεῖν, ἐνὸν
-φυγεῖν.ʼ εἰπόντος δέ τινος ʽοὐ πιστεύεις τῇ πατρίδι
-τὴν περὶ σοῦ κρίσιν;ʼ ὃ δὲ εἶπεν ʽοὐδὲ τῇ μητρί·
-δέδοικα γὰρ μὴ ἀγνοήσασα καὶ σφαλεῖσα τοῦ ἀληθοῦς
-εἶτα τὴν μέλαιναν ἐμβάλῃ ἀντὶ τῆς λευκῆς ψῆφον.ʼ
-πυθόμενος οὖν ὅτι θάνατος αὐτοῦ κατεγνώσθη ὑπὸ
-τῶν πολιτῶν, ʽδείξωμεν οὖνʼ εἶπεν ʽὅτι ζῶμεν,ʼ καὶ
-ὁρμήσας πρὸς τοὺς Λακεδαιμονίους τὸν Δεκελεικὸν
-ἐξῆψε πόλεμον ἐπὶ τοὺς Ἀθηναίους.
-ἔλεγε δὲ μηδὲν παράδοξον ποιεῖν Λακεδαιμονίους
-<pb id="p.157"/>
-ἀδεῶς ἐν τῷ πολέμῳ ἀποθνήσκοντας· τὴν γὰρ ἐκ τῶν
-νόμων ταλαιπωρίαν ἀποδιδράσκοντας θάνατον ὑπὲρ
-τῶν πόνων ὧν ἔχουσι προθύμως ἀλλάττεσθαι.
-εἰώθει δέ φασιν ἐπιλέγειν ταῖς ἑαυτοῦ πράξεσιν
-ὅτι τὸν τῶν Διοσκόρων ζῇ βίον παρʼ ἡμέραν τεθνηκώς 
-τε καὶ ἀναβιούς· εὐημερήσας γὰρ ἐν τῷ δήμῳ
-ἴσος θεοῖς νομίζεσθαι, κακῶς δὲ ἀπαλλάξας τῶν νεκρῶν
-μηδὲ ὀλίγον διαφέρειν.
-</p>
-</div2>
-<div2 type="chapter" n="39">
-<p><milestone unit="para"/>Ἐφιάλτης στρατηγοῦ ὀνειδίσαντος αὐτῷ τινος 
-πενίαν ʽτὸ δὲ ἕτερονʼ ἔφη ʽδιὰ τί οὐ λέγεις, ὅτι δίκαιός εἰμι;ʼ 
-</p>
-</div2>
-<div2 type="chapter" n="40">
-<p><milestone unit="para"/>στρεπτῷ κειμένῳ ἐπὶ τῆς γῆς χρυσοῦ Περσικοῦ 
-ὁ Θεμιστοκλῆς παρεστὼς τῷ παιδὶ εἶπεν ʽοὐκ ἀναιρήσεις,
-ὦ παῖ, τὸ εὕρημα τόδε;ʼ δείξας τὸν στρεπτόν·
-ʽοὐ γὰρ σὺ Θεμιστοκλῆς εἶ δήπου.ʼ 
-    <milestone unit="para"/>Ὅτι ἠτίμασαν αὐτόν ποτε Ἀθηναῖοι, εἶτα ἐπὶ
-τὴν ἀρχὴν αὖθις παρεκάλουν· ὃ δὲ ʽοὐκ ἐπαινῶ τοὺς
-τοιούτους ἄνδρας, οἵτινες τὴν αὐτὴν ἀμίδα καὶ οἰνοχόην ἔχουσι.ʼ
-    <milestone unit="para"/>Πρὸς Εὐρυβιάδην τὸν Λακεδαιμόνιον ἔλεγέ τι 
-ὑπεναντίον, καὶ ἀνέτεινεν αὐτῷ τὴν βακτηρίαν. ὃ
-δὲ ʽπάταξον μέν, ἄκουσον δέ.ʼ ᾔδει δὲ ὅτι ἃ μέλλει
-λέγειν τῷ κοινῷ λυσιτελεῖ.
-</p>
-</div2>
-<div2 type="chapter" n="41">
-<p><milestone unit="para"/>ὀδυρομένου τινὸς τῶν μετὰ Φωκίωνος μελλόντων 
-ἀποθνήσκειν εἶπεν ὁ Φωκίων ʽεἶτα οὐκ ἀγαπᾷς, ὦ 
-Θούδιππε, μετὰ Φωκίωνος ἀποθνήσκων;
-</p>
-</div2>
-<div2 type="chapter" n="42">
-<p><milestone unit="para"/>Ἐπαμεινώνδας ἔφευγε δίκην θανάτου ἐπανελθὼν 
-ἐκ τῆς Λακωνικῆς, ὡς ἐπιβαλὼν τῇ βοιωταρχίᾳ τέτταρας
-μῆνας παρὰ τὸν νόμον. τοὺς μὲν οὖν συνάρχοντας
-ἐκέλευσεν ἐς αὐτὸν τὴν αἰτίαν ἀναφέρειν ὡς 
-ἐκβιασθέντας, αὐτὸς δὲ παρελθὼν ἐς τὸ δικαστήριον
-οὐκ ἔφη βελτίονας ἔχειν τῶν ἔργων τοὺς λόγους· εἰ
-<pb id="p.158"/>
-δὲ μή, ἠξίου ἀποκτείνειν αὐτόν, ἐπιγράψαι μέντοι
-τῇ στήλῃ ὅτι μὴ βουλομένους Θηβαίους ἠνάγκασεν
-Ἐπαμεινώνδας τὴν μὲν Λακωνικὴν πυρπολῆσαι πεντακοσίοις
-ἐνιαυτοῖς ἀδῄωτον οὖσαν, οἰκίσαι δὲ Μεσσήνην
-δι’ ἐτῶν τριάκοντα καὶ διακοσίων, συντάξαι
-δὲ καὶ συναγαγεῖν ἐς ταὐτὸν Ἀρκάδας, ἀποδοῦναι δὲ
-τοῖς Ἕλλησι τὴν αὐτονομίαν. καὶ ἀφῆκαν αὐτὸν
-αἰδεσθέντες οἱ δικασταί. ἐπανελθόντα δὲ αὐτὸν ἐκ
-τοῦ δικαστηρίου Μελιταῖον κυνίδιον ἔσαινε. διὸ πρὸς
-τοὺς παρόντας εἶπε ʽτοῦτο μὲν ἀποδίδωσιν εὐεργεσίας
-μοι χάριν, Θηβαῖοι δὲ πολλάκις ὑπʼ ἐμοῦ εὖ παθόντες
-ἔκρινάν με θανάτου.ʼ
-</p>
-</div2>
-<div2 type="chapter" n="43">
-<p><milestone unit="para"/> ὅτι Τιμόθεος ὁ στρατηγὸς Ἀθηναίων πεπίστευτο
-εὐτυχὴς εἶναι· καὶ ἔλεγον τὴν τύχην αἰτίαν εἶναι,
-Τιμόθεον δὲ οὐδενός, κωμῳδοῦντες ἐπὶ τῆς σκηνῆς.
-καὶ οἱ ζωγράφοι δὲ καθεύδοντα ἐποίουν αὐτόν, εἶτα
-ὑπὲρ τῆς κεφαλῆς ἀπῃώρητο ἑστῶσα ἡ Τύχη ἕλκουσα
-ἐς κύρτον τὰς πόλεις.
-    <milestone unit="para"/>πυνθανομένου Θεμιστοκλέους τινὸς κατὰ τί μάλιστα
-ἥσθη ἐν τῷ βίῳ, ὃ δὲ ἀπεκρίνατο ʽτὸ θέατρον
-ἰδεῖν Ὀλυμπίασιν ἐπιστρεφόμενον ἐς ἐμὲ ἐς τὸ στάδιον παριόντα.ʼ
-</p>
-</div2>
-<div2 type="chapter" n="44">
-<p><milestone unit="para"/> τοὺς αὐτοὺς ἐπιτρόπους ἔσχε Θεμιστοκλῆς καὶ
-Ἀριστείδης ὁ Λυσιμάχου, καὶ διὰ ταῦτά τοι καὶ συνετράφησαν
-καὶ συνεπαιδεύθησαν κοινῷ διδασκάλῳ.
-ἐστασιαζέτην δὲ ὅμως καὶ ἔτι παῖδες ὄντες, καὶ παρέμενεν
-αὐτοῖς ἡ φιλονεικία ἀπὸ τῆς πρώτης ἡλικίας
-καὶ ἐς ἔσχατον γῆρας.
-</p>
-</div2>
-<div2 type="chapter" n="45">
-<p><milestone unit="para"/> ὅτι Διονύσιος τὴν μητέρα διέφθειρε φαρμάκοις·
-Λεπτίνην δὲ τὸν ἀδελφὸν σῶσαι δυνάμενος ἐν τῇ
-ναυμαχίᾳ περιεῖδεν ἀπολλύμενον.
-</p>
-</div2>
-<div2 type="chapter" n="46">
-<p><milestone unit="para"/> πόλις ἐστὶ τῆς Ἀχαΐας αἱ Πάτραι. παῖς παρʼ
-<pb id="p.159"/>
-αὐτοῖς δράκοντα μικρὸν ἐπρίατο, καὶ ἔτρεφε μετὰ
-πολλῆς τῆς κομιδῆς. αὐξηθέντος δὲ αὐτοῦ ἐλάλει
-πρὸς αὐτὸν ὡς πρὸς ἀκούοντα, καὶ ἤθυρε μετʼ αὐτοῦ
-καὶ συνεκάθευδεν αὐτῷ. ἐς μέγιστον δὲ μέγεθος
-ἐλθὼν ὁ δράκων ὑπὸ τῶν πολιτῶν ἐς ἐρημίαν ἀπηλάθη. 
-ὕστερον δὲ ὁ παῖς νεανίας γενόμενος ἀπό
-τινος θέας ἐπανιών, λῃσταῖς περιπεσὼν μετὰ τῶν
-συνηλίκων, βοῆς γενομένης ἰδοὺ ὁ δράκων· καὶ τοὺς
-μὲν διεσκόρπισεν, οὓς δὲ ἀπέκτεινεν, αὐτὸν δὲ
-περιεσώσατο.</p>
-</div2>
-</div1>
-<div1 type="book" n="14">
-<div2 type="chapter" n="1">
-<p><milestone unit="para"/>
-Ἀριστοτέλης ὁ Νικομάχου, σοφὸς ἀνὴρ καὶ ὢν
-καὶ εἶναι δοκῶν, ἐπεί τις αὐτοῦ ἀφείλετο τὰς ψηφισθείσας
-αὐτῷ ἐν Δελφοῖς τιμάς, ἐπιστέλλων πρὸς
-Ἀντίπατρον περὶ τούτων φησὶν ʽὑπὲρ τῶν ἐν Δελφοῖς 
-ψηφισθέντων μοι καὶ ὧν ἀφῄρημαι νῦν οὕτως ἔχω
-ὡς μήτε μοι σφόδρα μέλειν ὑπὲρ αὐτῶν μήτε μοι
-μηδὲν μέλειν.ʼ οὐκ ἂν δὲ εἴη φιλοδοξία ταῦτα, οὐδʼ
-ἂν καταγνοίην ἔγωγε τοιοῦτόν τι Ἀριστοτέλους, ἀλλʼ
-εὖ φρονῶν ᾤετο μὴ ὅμοιον εἶναι ἀρχήν τινα μὴ λαβεῖν 
-καὶ λαβόντα ἀφαιρεθῆναι. τὸ μὲν γὰρ οὐδὲν μέγα,
-τὸ μὴ τυχεῖν· τὸ δὲ ἀλγεινόν, τὸ τυχόντα εἶτα ἀποστερηθῆναι.
-</p>
-</div2>
-<div2 type="chapter" n="2">
-<p><milestone unit="para"/>ὅτι τοὺς παραβάντας ὅρκους τῶν βαρβάρων ἐπῄνεσεν 
-Ἀγησίλαος, ὅτι τοὺς θεοὺς ἑαυτοῖς ἐχθροὺς 
-ποιησάμενοι ταῖς ἐπιορκίαις, αὐτῷ φίλους καὶ συμμάχους κατεπράξαντο.
-</p>
-</div2>
-<div2 type="chapter" n="3">
-<p><milestone unit="para"/>Τιμόθεος ὁ Κόνωνος πρὸς Ἀριστοφῶντα τὸν 
-Ἀζηνιέα πάντων ἄριστα ἔχοντα λόγον εἶπεν. ἐπεὶ
-<pb id="p.160"/>
-γὰρ ἄσωτος ἦν ὁ Ἀριστοφῶν, πικρότατα αὐτοῦ καθίκετο
-ὁ Τιμόθεος εἰπὼν ʽᾧ ἱκανὸν οὐδέν, ἀλλὰ
-τούτῳ γε αἰσχρὸν οὐδέν.
-</p>
-</div2>
-<div2 type="chapter" n="4">
-<p><milestone unit="para"/> ὅτι Ἀριστείδης ὁ Λοκρὸς ὑπὸ Ταρτησσίας γαλῆς
-δηχθεὶς καὶ ἀποθνήσκων εἶπεν ʽὅτι πολὺ ἂν ἥδιον
-ἦν αὐτῷ δηχθέντι ὑπὸ λέοντος ἢ παρδάλεως ἀποθανεῖν,
-εἴπερ οὖν ἔδει τινὸς τῷ θανάτφ προφάσεως ἢ
-ὑπὸ θηρίου τοιούτοὐ, τὴν ἀδοξίαν ἐμοὶ δοκεῖν ἐκεῖνος
-τοῦ δήγματος πολλῷ βαρύτερον φέρων ἢ τὸν θάνατον
-αὐτόν.
-</p>
-</div2>
-<div2 type="chapter" n="5">
-<p><milestone unit="para"/>οὐ μόνοις τοῖς ἀστοῖς ἐχρῶντο Ἀθηναῖοι τοῖς
-πρὸς τὰς ἀρχὰς καὶ τὰς στρατηγίας ἐπιτηδείοις, ἀλλὰ
-γὰρ καὶ ξένους προῃροῦντο καὶ τὰ κοινὰ αὐτοῖς ἐνεχείριζον,
-εἴπερ οὖν αὐτοὺς ἀγαθοὺς ὄντας κατέγνωσαν
-καὶ ἐπιτηδείους ἐς τὰ τοιαῦτα. Ἀπολλόδωρον τὸν
-Κυζικηνὸν πολλάκις στρατηγὸν εἵλοντο ξένον ὄντα,
-καὶ Ἡρακλείδην τὸν Κλαζομένιον· ἐνδειξάμενοι γὰρ
-ὅτι ἄξιοι λόγου εἰσίν, εἶτα οὐκ ἔδοξαν ἀνάξιοι τοῦ
-Ἀθηναίων ἄρχειν εἶναι. καὶ ὑπὲρ μὲν τούτων ἐπαινεῖν
-χρὴ τὴν πόλιν μὴ καταχαριζομένην τἀληθὲς τοῖς
-πολίταις, ἀλλὰ νέμουσαν καὶ τοῖς γένει μὲν μὴ προσήκουσι,
-δι’ ἀρετὴν δὲ ἀξίοις τιμᾶσθαι.
-</p>
-</div2>
-<div2 type="chapter" n="6">
-<p><milestone unit="para"/> πάνυ σφόδρα ἐρρωμένως ἐῴκει λέγειν ὁ Ἀρίστιππος,
-παρεγγυῶν τοῖς ἀνθρώποις μήτε τοῖς παρελθοῦσιν
-ἐπικάμνειν μήτε τῶν ἐπιόντων προκάμνειν·
-εὐθυμίας γὰρ δεῖγμα τὸ τοιοῦτο καὶ ἵλεω διανοίας
-ἀπόδειξις. προσέταττε δὲ ἐφʼ ἡμέρᾳ τὴν γνώμην ἔχειν
-καὶ αὖ πάλιν τῆς ἡμέρας ἐπʼ ἐκείνῳ τῷ μέρει, καθʼ
-ὃ ἕκαστος ἢ πράττει τι ἢ ἐννοεῖ. μόνον γὰρ ἔφασκεν
-ἡμέτερον εἶναι τὸ παρόν, μήτε δὲ τὸ φθάνον μήτε
-τὸ προσδοκώμενον· τὸ μὲν γὰρ ἀπολωλέναι, τὸ δὲ
-ἄδηλον εἶναι εἴπερ ἔσται.
-<pb id="p.161"/>
-</p>
-</div2>
-<div2 type="chapter" n="7">
-<p><milestone unit="para"/>Λακεδαιμόνιος οὗτος ὁ νόμος· ὁ δὲ νόμος ἐκεῖνα 
-λέγει. μηδένα Λακεδαιμονίων ἀνανδρότερον ὁρᾶσθαι
-τὴν χρόαν ἢ τὸν ὄγκον τοῦ σώματος ἔχειν ὑπὲρ τὰ
-γυμνάσια· ἐδόκει γὰρ τὸ μὲν ἀργίαν ὁμολογεῖν, τὸ δὲ
-οὐχ ὁμολογεῖν ἄνδρα. προσεγέγραπτο δὲ τῷ νόμῳ 
-διὰ δέκα ἡμερῶν πάντως τοῖς ἐφόροις τοὺς ἐφήβους
-παρίστασθαι γυμνοὺς δημοσίᾳ. καὶ εἰ μὲν ἦσαν εὐπαγεῖς
-καὶ ἐρρωμένοι καὶ ἐκ τῶν γυμνασίων οἱονεὶ
-διαγλυφέντες καὶ διατορευθέντες, ἐπῃνοῦντο· εἰ δέ τι
-χαῦνον ἦν αὐτοῖς τῶν μελῶν ἢ ὑγρότερον, ὑποιδούσης 
-καὶ ὑπαναφυομένης διὰ τὴν ῥᾳθυμίαν πιμελῆς,
-ἀλλʼ ἐνταῦθα μὲν ἐπαίοντο καὶ ἐδικαιοῦντο. ἐτίθεντο
-δὲ καὶ φροντίδα οἱ ἔφοροι καθʼ ἑκάστην πολυπραγμονεῖν
-τὰ περὶ τὴν στολήν, εἰ ἕκαστα αὐτῆς μὴ ἀπολείπεται
-τοῦ κόσμου τοῦ δέοντος. ἔδει δὲ ὀψοποιοὺς 
-ἐν Λακεδαίμονι εἶναι κρέως μόνου· ὁ δὲ παρὰ τοῦτο
-ἐπιστάμενος ἐξηλαύνετο τῆς Σπάρτης, ὡς τὰ τῶν
-νοσούντων καθάρσια.
-    <milestone unit="para"/>οἱ αὐτοὶ Ναυκλείδην τὸν Πολυβιάδου ὑπερσαρκοῦντα
-τῷ σώματι καὶ ὑπέρπαχυν διὰ τρυφὴν γενόμενον 
-ἐς τὴν ἐκκλησίαν τῶν θεωμένων κατήγαγον,
-καὶ ἠπείλησαν αὐτῷ φυγῆς προστίμησιν, ἐὰν μὴ τὸν
-βίον ὃν ἐβίου τότε ὑπαίτιον ὄντα καὶ Ἰωνικὸν μᾶλλον
-ἢ Λακωνικὸν τοῦ λοιποῦ μεθαρμόσηται· φέρειν γὰρ
-αὐτοῦ τὸ εἶδος καὶ τὴν τοῦ σώματος διάθεσιν αἰσχύνην 
-καὶ τῇ Λακεδαίμονι καὶ τοῖς νόμοις.
-</p>
-</div2>
-<div2 type="chapter" n="8">
-<p><milestone unit="para"/>δύο εἰκόνας εἰργάσατο Πολύκλειτος κατὰ τὸ αὐτό, 
-τὴν μὲν τοῖς ὄχλοις χαριζόμενος, τὴν δὲ κατὰ τὸν νόμον
-τῆς τέχνης. ἐχαρίζετο δὲ τοῖς πολλοῖς τὸν τρόπον
-τοῦτον. καθʼ ἕκαστον τῶν ἐσιόντων μετετίθει τι 
-καὶ μετεμόρφου, πειθόμενος τῇ ἑκάστου ὑφηγήσει.
-προύθηκεν οὖν ἀμφοτέρας· καὶ ἣ μὲν ὑπὸ πάντων
-<pb id="p.162"/>
-ἐπῃνεῖτο, ἡ δὲ ἑτέρα ἐγελᾶτο. ὑπολαβὼν οὖν ἔφη
-ὁ Πολύκλειτος ʽἀλλὰ ταύτην μὲν ἣν ψέγετε ὑμεῖς
-ἐποιήσατε, ταύτην δὲ ἣν θαυμάζετε ἐγώ.ʼ
-    <milestone unit="para"/>Ἱππόμαχος ὁ αὐλητὴς ἐπεὶ αὐτῷ μαθητὴς αὐλῶν
-ἥμαρτε μὲν κατὰ τὸ αὔλημα, ἐπῃνέθη δὲ ὑπὸ τῶν
-παρόντων, καθίκετο αὐτοῦ τῇ ῥάβδῳ καὶ ἔφη ʽκακῶς
-ηὔλησας· οὐ γὰρ ἂν οὗτοί σε ἐπῄνουν.ʼ
-</p>
-</div2>
-<div2 type="chapter" n="9">
-<p><milestone unit="para"/> Ξενοκράτης ὁ Χαλκηδόνιος ὑπὸ τοῦ Πλάτωνος ἐς
-τὸ ἄχαρι σκωπτόμενος οὐδέποτε ἠγανάκτει φασίν,
-ἀλλὰ καὶ πρὸς τὸν παροξύνοντα αὐτὸν ὑπὲρ τούτου,
-ἵνα τι ἀποκρίνηται τῷ Πλάτωνι, ὃ δὲ καὶ πάνυ ἐμφρόνως
-κατασιγάζων τὸν ἄνδρα ἔφατο ʽἀλλὰ τοῦτο
-ἐμοὶ συμφέρει.ʼ
-</p>
-</div2>
-<div2 type="chapter" n="10">
-<p><milestone unit="para"/>Προείλοντο τοῦ Φωκίωνος Ἀθηναῖοι τὸν Δημάδην
-στρατηγεῖν. ὃ δὲ προτιμηθεὶς καὶ μέγα φρονῶν,
-προσελθὼν τῷ Φωκίων̔??ʼ ʽχρῆσόν μοἰ ἔφη ʽτὴν ῥυπαρὰν
-χλαμύδα, ἣν εἰώθεις φορεῖν παρὰ τὴν στρατηγίαν.ʼ
-καὶ ὃς ʽοὐδέποτἐ εἶπεν ʽοὐδενὸς ῥυπαροῦ
-σὺ ἀπορήσεις, ἔστʼ ἂν ᾖς τοιοῦτος.ʼ
-</p>
-</div2>
-<div2 type="chapter" n="11">
-<p><milestone unit="para"/> Φιλίσκος πρὸς Ἀλέξανδρον ἔφη ποτὲ ʽδόξης φρόντιζε,
-ἀλλὰ μὴ ἔσο λοιμὸς καὶ μὴ μεγάλη νόσος ἀλλὰ
-ὑγίεια,ʼ λέγων τὸ μὲν βιαίως ἄρχειν καὶ πικρῶς καὶ
-αἱρεῖν πόλεις καὶ ἀπολλύειν δήμους λοιμοῦ εἶναι, τὸ
-δὲ ὑγιείας προνοεῖσθαι καὶ σωτηρίας τῶν ἀρχομένων
-εἰρήνης ταῦτα ἀγαθά.
-</p>
-</div2>
-<div2 type="chapter" n="12">
-<p><milestone unit="para"/> ὅτι ὁ Περσῶν βασιλεὺς ὁδοιπορῶν, ἵνα μὴ ἀλύῃ,
-φιλύριον εἶχε καὶ μαχαίριον, ἵνα ξέῃ τοῦτο. καὶ τοῦτο
-εἰργάζοντο αἱ χεῖρες αἱ βασιλικαί· πάντως γὰρ οὐκ
-εἶχεν οὐ βιβλίον, οὐ διάνοιαν, ἵνʼ ἢ σπουδαῖόν τι καὶ
-σεμνὸν ἀναγινώσκῃ ἢ γενναῖόν τι καὶ λόγου ἄξιον βουλεύηται.
-</p>
-</div2>
-<div2 type="chapter" n="13">
-<p><milestone unit="para"/> πολλοῖς καὶ πολλάκις χρῆται τοῖς ἀντιθέτοις ὁ
-<pb id="p.163"/>
-Ἀγάθων. ἐπεὶ δέ τις οἶον ἐπανορθούμενος αὐτὸν
-ἐβούλετο περιαιρεῖν αὐτὰ τῶν ἐκείνου δραμάτων,
-εἶπεν ʽἀλλὰ σύ γε, γενναῖε, λέληθας σεαυτὸν τὸν
-Ἀγάθωνα ἐκ τοῦ Ἀγάθωνος ἀφανίζων.ʼ οὕτως ἐκόμα
-ἐπὶ τούτοις ἐκεῖνος, καὶ ᾤετο τὴν ἑαυτοῦ τραγῳδίαν 
-ταῦτα εἶναι.
-</p>
-</div2>
-<div2 type="chapter" n="14">
-<p><milestone unit="para"/>Στρατόνικον τὸν κιθαρῳδὸν ὑπεδέξατό τις ἀμφιλαφῶς· 
-ὃ δὲ ὑπερήσθη τῇ κλήσει· καὶ γὰρ ἔτυχεν
-οὐκ ἔχων καταγωγήν, ἅτε ἐς ξένην ἀφικόμενος. ὑπερησπάζετο
-γοῦν τὸν ἄνδρα διὰ τὸ πρόχειρον τῆς κοινωνίας 
-τῆς κατὰ τὴν στέγην. ἐπεὶ δὲ καὶ ἄλλον
-εἶδεν ἐσιόντα καὶ ἄλλον, καὶ τρόπον τινὰ ἄκλειστον
-αὐτοῦ τὴν οἰκίαν πᾶσι τοῖς καταλύειν προῃρημένοις,
-ἐνταῦθα ὁ Στρατόνικος ἔφη πρὸς τὸν ἀκόλουθον ʽἀπίωμεν
-ἐντεῦθεν, ὦ παῖ· ἐοίκαμεν γὰρ ἀντὶ περιστερᾶς 
-ἔχειν φάτταν, ὑπὲρ οἰκίας εὑρόντες πανδοκεῖον.ʼ
-</p>
-</div2>
-<div2 type="chapter" n="15">
-<p><milestone unit="para"/>Λόγος τις διεφοίτα λέγων τοὺς Σωκράτους λόγους 
-ἐοικέναι τοῖς Παύσωνος γράμμασι. καὶ γάρ τοι καὶ
-Παύσωνα τὸν ζωγράφον ἐκλαβόντα παρά τινος γράψαι
-ἵππον καλινδούμενον, τὸν δὲ γράψαι τρέχοντα. 
-ἀγανακτοῦντος οὖν τοῦ τὸ πινάκιον ἐκδόντος ὡς
-παρὰ τὰς ὁμολογίας γράψαντος, ἀποκρίνασθαι τὸν
-ζωγράφον ὅτι ʽστρέψον τὸ πινάκιον καὶ καλινδούμενος
-ἔσται σοι ὁ τρέχων.ʼ καὶ τὸν Σωκράτην μὴ σαφῶς
-διαλέγεσθαι. εἰ γοῦν τις αὐτοὺς στρέψειεν, ὀρθότατα 
-ἔχειν. οὐκ ἐβούλετο δὲ ἄρα ἀπεχθάνεσθαι τούτοις,
-πρὸς οὓς διελέγετο, καὶ διὰ τοῦτο αἰνιγματώδεις
-αὐτοὺς παρείχετο καὶ πλαγίους.
-</p>
-</div2>
-<div2 type="chapter" n="16">
-<p><milestone unit="para"/>Ἱππόνικος ὁ Καλλίου ἐβούλετο ἀνδριάντα ἀναστῆσαι 
-τῇ πατρίδι ἀνάθημα. ἐπεὶ δέ τις συνεβούλευσε 
-παρὰ Πολυκλείτῳ κατασκευάσαι τὸ ἄγαλμα, οὐκ ἔφη
-προσέξειν τοιούτῳ ἀναθήματι, οὗ τὴν δόξαν οὐχ ὁ
-<pb id="p.164"/>
-ἀναθεὶς ἀλλʼ ὁ ποιήσας ἕξει. δῆλον γὰρ ὡς οἱ ὁρῶντες
-τὴν τέχνην ἔμελλον τὸν Πολύκλειτον ἀλλʼ οὐκ
-ἐκεῖνον ἄγασθαι.
-</p>
-</div2>
-<div2 type="chapter" n="17">
-<p><milestone unit="para"/> Σωκράτης ἔλεγεν Ἀρχέλαον ἐς τὴν οἰκίαν τετρακοσίας
-μνᾶς ἀναλῶσαι, Ζεῦξιν μισθωσάμενον τὸν
-Ἡρακλεώτην, ἵνα αὐτὴν καταγράφοι, ἐς ἑαυτὸν δὲ
-οὐδέν. διὸ πόρρωθεν μὲν ἀφικνεῖσθαι σὺν σπουδῇ
-πολλῇ τοὺς βουλομένους θεάσασθαι τὴν οἰκίαν· διʼ αὐτὸν δὲ Ἀρχέλαον μηδένα ἐς Μακεδόνας στέλλεσθαι,
-ἐὰν μή τινα ἀναπείσῃ χρήμασι καὶ δελεάσῃ, ὑφʼ ὧν
-οὐκ ἂν αἱρεθῆναι τὸν σπουδαῖον.
-</p>
-</div2>
-<div2 type="chapter" n="18">
-<p><milestone unit="para"/> ἀνὴρ Χῖος ὀργιζόμενος τῷ οἰκέτῃ ʽἐγώ σἐ ἔφη
-ʽοὐκ ἐς μύλην ἐμβαλῶ, ἀλλʼ ἐς Ὀλυμπίαν ἄξω.ʼ πολλῷ
-γὰρ ᾤετο πικροτέραν ὡς τὸ εἰκὸς εἶναι τιμωρίαν
-ἐκεῖνος ἐν Ὀλυμπίᾳ θεώμενον ὑπὸ τῆς ἀκτῖνος
-ὀπτᾶσθαι ἢ ἀλεῖν μύλῃ παραδοθέντα.
-</p>
-</div2>
-<div2 type="chapter" n="19">
-<p><milestone unit="para"/> Ἀρχύτας τά τε ἄλλα ἦν σώφρων καὶ οὖν καὶ τὰ
-ἄκοσμα ἐφυλάττετο τῶν ὀνομάτων. ἐπεὶ δέ ποτε
-ἐβιάζετό τι εἰπεῖν τῶν ἀπρεπῶν, οὐκ ἐξενικήθη, ἀλλʼ
-ἐσιώπησε μὲν αὐτό, ἐπέγραψε δὲ κατὰ τοῦ τοίχου,
-δείξας μὲν ὃ εἰπεῖν ἐβιάζετο, οὐ μὴν βιασθεὶς εἰπεῖν.
-</p>
-</div2>
-<div2 type="chapter" n="20">
-<p><milestone unit="para"/> 
-Συβαρίτης ἀνὴρ παιδαγωγὸς ʽκαὶ γὰρ οὖν μετὰ
-τῶν ἄλλων Συβαριτῶν καὶ αὐτοὶ ἐτρύφωνʼ τοῦ παιδός,
-ὃν ἦγε διὰ τῆς ὁδοῦ, ἰσχάδι περιτυχόντος καὶ
-ἀνελομένου, ἐπέπληξεν αὐτῷ ἰσχυρότατα· γελοιότατα
-δὲ αὐτὸς τὸ εὕρημα παρὰ τοῦ παιδὸς ἁρπάσας κατέτραγεν.
-ὅτε τοῦτο ἀνελεξάμην ἐν ἱστορίαις Συβαριτικαῖς,
-ἐγέλασα· ἔδωκα δὲ αὐτὸ ἐς μνήμην, μὴ βασκήνας
-διὰ φιλανθρωπίαν γελάσαι καὶ ἄλλον.
-</p>
-</div2>
-<div2 type="chapter" n="21">
-<p><milestone unit="para"/> ὅτι Οἴαγρός τις ἐγένετο ποιητὴς μετʼ Ὀρφέα καὶ
-Μουσαῖον, ὃς λέγεται τὸν Τρωϊκὸν πόλεμον πρῶτος
-<pb id="p.165"/>
-ᾆσαι, μεγίστης οὗτος ὑποθέσεως λαβόμενος καὶ ἐπιτολμήσας ταύτῃ.
-</p>
-</div2>
-<div2 type="chapter" n="22">
-<p><milestone unit="para"/>ὅτι Τρύζος τις τύραννος βουλόμενος ἐξελεῖν τὰς 
-συνωμοσίας καὶ τὰς κατʼ αὐτοῦ ἐπιβουλὰς ἔταξε τοῖς
-ἐπιχωρίοις μηδένα μηδενὶ διαλέγεσθαι μήτε κοινῇ 
-μήτε ἰδίᾳ. καὶ ἦν τὸ πρᾶγμα ἀμήχανον καὶ χαλεπόν.
-ἐσοφίσαντο οὖν τὸ τοῦ τυράννου πρόσταγμα, καὶ
-ἀλλήλοις ἔνευον καὶ ἐχειρονόμουν πρὸς ἀλλήλους,
-καὶ ἐνεώρων δριμὺ καὶ αὖ πάλιν γαληναῖον καὶ φαιδρόν·
-καὶ ἐπὶ τοῖς σκυθρωποῖς καὶ ἀνηκέστοις ἕκαστος 
-αὐτῶν συνωφρυωμένος ἦν δῆλος, τὸ τῆς ψυχῆς πάθος
-ἐκ τοῦ προσώπου τῷ πλησίον διαδεικνύς. ἐλύπει τὸν
-τύραννον καὶ ταῦτα, καὶ ἐπίστευε τέξεσθαί τι αὐτῷ
-πάντως κακὸν καὶ τὴν σιωπὴν διὰ τὸ τῶν σχημάτων
-ποικίλον. ἀλλʼ οὖν ἐκεῖνος καὶ τοῦτο κατέπαυσε. 
-τῶν τις οὖν ἀχθομένων τῇ ἀμηχανίᾳ καὶ δυσφορούντων
-καὶ τὴν μοναρχίαν καταλῦσαι διψώντων ἀφίκετο
-ἐς τὴν ἀγοράν, εἶτα ἔκλαε στὰς πολλοῖς ἅμα καὶ θαλεροῖς
-τοῖς δακρύοις. περιέστησαν οὖν αὐτὸν καὶ
-περιῆλθον τὸ πλῆθος, καὶ ὀδυρμῷ κἀκεῖνοι συνείχοντο. 
-ἧκεν ἀγγελία παρὰ τὸν τύραννον ὡς οὐδεὶς
-αὐτῶν χρῆται νεύματι οὐκέτι, δάκρυα δὲ αὐτοῖς ἐπιχωριάζει.
-ὃ δὲ ἐπειγόμενος καὶ τοῦτο παῦσαι, μὴ
-μόνον τῆς γλώττης καταγινώσκων δουλείαν μηδὲ μόνον
-τῶν νευμάτων ἀλλʼ ἤδη καὶ τοῖς ὀφθαλμοῖς τὴν 
-ἐκ φύσεως ἀποκλείων ἐλευθερίαν, ᾗ ποδῶν εἶχεν
-ἀφίκετο σὺν τοῖς δορυφόροις, ἵνα ἀναστείλῃ τὰ δάκρυα.
-οἳ δὲ οὐκ ἔφθασαν ἰδόντες αὐτὸν καὶ τὰ ὅπλα
-τῶν δορυφόρων ἁρπάσαντες τὸν τύραννον ἀπέκτειναν.
-</p>
-</div2>
-<div2 type="chapter" n="23">
-<p><milestone unit="para"/>Κλεινίας ἀνὴρ ἦν σπουδαῖος τὸν τρόπον, Πυθαγόρειος 
-δὲ τὴν σοφίαν. οὗτος εῖ ποτε ἐς ὀργὴν προήχθη
-καὶ εἶχεν αἰσθητικῶς ἑαυτοῦ ἐς θυμὸν ἐξαγομένου,
-<pb id="p.166"/>
-παραχρῆμα πρὶν ἢ ἀνάπλεως αὐτῷ ἡ ὀργὴ
-καὶ ἐπίδηλος γένηται ὅπως διάκειται, τὴν λύραν ἁρμοσάμενος
-ἐκιθάριζε. πρὸς δὲ τοὺς πυνθανομένους
-τὴν αἰτίαν ἀπεκρίνετο ἐμμελῶς ὅτι ʽπραΰνομαι.ʼ δοκεῖ
-δέ μοι καὶ ὁ ἐν Ἰλιάδι Ἀχιλλεύς, ὁ τῇ κιθάρᾳ
-προσᾴδων καὶ τὰ κλέα τῶν προτέρων διὰ τοῦ μέλους
-ἐς μνήμην ἑαυτῷ ἄγων, τὴν μῆνιν κατευνάζειν·
-μουσικὸς γὰρ ὢν τὴν κιθάραν πρώτην ἐκ τῶν λαφύρων ἔλαβε.
-</p>
-</div2>
-<div2 type="chapter" n="24">
-<p><milestone unit="para"/> χρημάτων κατεφρόνησαν καὶ μεγαλοφροσύνην
-ἐπεδείξαντο ὁρῶντες ἐν πενίᾳ τοὺς πολίτας ὄντας
-πλουτοῦντες αὐτοὶ ἐν μὲν Κορίνθῳ Θεοκλῆς καὶ Θρασωνίδης
-ἐν δὲ Μυτιλήνῃ Πρᾶξις. καὶ οὖν καὶ ἄλλοις
-συνεβούλευον ἐπικουφίσαι τῆς πενίας τὴν ἀνάγκην
-τοῖς ἀπορουμένοις. ἐπεὶ δὲ οὐκ ἔπειθον, ἀλλʼ αὐτοί γε
-τὰ ἑαυτῶν ἀφῆκαν χρέα, καὶ ὤνηντο οὐκ ἐς ἀργύριον,
-ἀλλʼ ἐς αὐτὴν τὴν ψυχήν· οἱ γὰρ μὴ ἀφεθέντες ἐπιθέμενοι
-τοῖς δανείσασι, προβαλόμενοι τῆς ὀργῆς τὰ
-ὅπλα καὶ εὐλογωτάτην χρείαν τὴν ἄμαχον ἐκ τῶν ἐπειγόντων
-ἀνάγκην ἀπέκτειναν τοὺς δανειστάς.
-</p>
-</div2>
-<div2 type="chapter" n="25">
-<p><milestone unit="para"/> ἐστασίασάν ποτε πρὸς ἀλλήλους οἱ Χῖοι, ἀνδρειότατα
-νοσήσαντες νόσον ταύτην βαρυτάτην. ἀνὴρ οὖν
-ἐν αὐτοῖς πολιτικὸς τὴν φύσιν πρὸς τοὺς σπουδάζοντας
-τῶν ἑταίρων πάντας ἐκβάλλειν τοὺς ἐναντίους ʽμηδαμῶσʼ
-ἔφη· ʽἀλλʼ ἐπεὶ κεκρατήκαμεν, ὑπολειπώμεθά
-τινας, ἵνα μὴ τοῦ χρόνου προϊόντος, οὐκ ἔχοντες ἀντιπάλους,
-ἡμῖν αὐτοῖς ἀρξώμεθα πολεμεῖν.ʼ καὶ εἰπὼν
-ἔπεισε· καὶ γὰρ ἔδοξε καλῶς λέγειν, ἐπεὶ οὕτως ἔλεγεν.
-</p>
-</div2>
-<div2 type="chapter" n="26">
-<p><milestone unit="para"/> Ἀρκεσίλαον τὸν ἐξ Ἀκαδημείας Ἀνταγόρας ὁ ποιητὴς
-ἐλοιδορεῖτο προσφθαρεὶς αὐτῷ, καὶ ταῦτα ἐν τῇ
-ἀγορᾷ· ὃ δὲ σφόδρα μεγαλοφρόνως, ἔνθα ἑώρα μάλιστα
-<pb id="p.167"/>
-συνεστῶτας πολλούς, ἐνταῦθα ἐπορεύετο διαλεγόμενος,
-ἵνα ὁ λοιδορῶν ἐν πλείοσιν ἀσχημονῇ.
-οἱ γοῦν ἀκούοντες ἀπεστρέφοντο καὶ μανίαν ἐπεκάλουν
-τῷ Ἀνταγόρᾳ.
-</p>
-</div2>
-<div2 type="chapter" n="27">
-<p><milestone unit="para"/>ἐγὼ δὲ ἐπαινῶ μάλιστα ἐκείνους, ὅσοι τὰ ὑποφυόμενα 
-τῶν κακῶν φθάνοντες ἐκκόπτουσι πρὶν ἢ
-δυνάμεώς τινος ἐπιλαβέσθαι. Ἀγησίλαος γοῦν συνεβούλευσεν
-ἀκρίτως ἀποκτείνειν τοὺς συνιόντας νύκτωρ
-ὑπὸ τὴν τῶν Θηβαίων ἐσβολήν.
-</p>
-</div2>
-<div2 type="chapter" n="28">
-<p><milestone unit="para"/>ὠνείδισέ τις τῷ ῥήτορι Πυθέᾳ ὅτι κακός ἐστιν. 
-ὃ δὲ οὐκ ἠρνήσατο τὸ γὰρ συνειδὸς οὐκ ἐπέτρεπεν
-αὐτῷ. ἀπεκρίνατο δὲ ἐκεῖνο, ἐλάχιστον χρόνον τῶν
-πεπολιτευμένων Ἀθήνησι γενέσθαι κακός· μέγα φρονῶν
-δῆλον ὅτι μὴ διὰ τέλους ᾖν τοιοῦτος, καὶ ἡγούμενος
-μὴ ἀδικεῖν, ἐπεὶ μὴ τοῖς πονηροτάτοις παρεβάλλετο. 
-εὔηθες δὲ τοῦτο τοῦ Πυθέου· οὐ γὰρ μόνον
-ὁ ἀδικήσας κακὸς ἀλλὰ καὶ ὁ ἐννοήσας ἀδικῆσαι, παρά
-γε ἐμοὶ κριτῇ.
-</p>
-</div2>
-<div2 type="chapter" n="29">
-<p><milestone unit="para"/>ὅτι Λύσανδρος ἐκόμισεν ἐς Λακεδαίμονα χρήματα 
-καὶ ἐδίδαξε τοὺς Λακεδαιμονίους παρανομεῖν 
-ἐς τὸ πρόσταγμα τοῦ θεοῦ τὸ κελεῦον ἄβατον εἶναι
-χρυσῷ καὶ ἀργύρῳ τὴν Σπάρτην. τῶν οὖν φρονούντων
-τινὲς διεκώλυον, φρόνημα ἔτι κεκτημένοι Λακωνικὸν
-καὶ Λυκούργου καὶ τοῦ Πυθίου ἄξιον· οἱ δὲ
-προσέμενοι διεβλήθησαν, καὶ ἡ ἐξ ἀρχῆς αὐτῶν ἀρετὴ 
-κατὰ μικρὸν ὑπέληξεν.
-</p>
-</div2>
-<div2 type="chapter" n="30">
-<p><milestone unit="para"/>Ἄννων ὁ Καρχηδόνιος ὑπὸ τρυφῆς ἐν τοῖς ἀνθρώπων 
-ὅροις οὐκ ἠξίου διαμένειν, ἀλλʼ ἐπενόει φήμας
-ὑπὲρ ἑαυτοῦ κατασπείρεσθαι κρείττονας ἢ κατὰ τὴν
-φύσιν, ἥνπερ οὖν ἔλαχεν. ὄρνιθας γάρ τοι τῶν ᾠδικῶν 
-παμπόλλους πριάμενος ἔτρεφεν ἐν σκότῳ αὐτούς,
-ἓν διδάσκων μάθημα λέγειν ʽθεός ἐστιν Ἄννων.ʼ
-<pb id="p.168"/>
-ἐπεὶ δὲ ἐκεῖνοι μίαν φωνὴν ταύτην ἀκούοντες ἐγκρατεῖς
-ταύτης ἐγένοντο, ἄλλον ἄλλοσε διαφῆκεν, οἰόμενος
-διαρρεύσειν τῶν ὀρνίθων τὸ ὑπὲρ ἑαυτοῦ μέλος.
-οἳ δὲ τὸ πτερὸν ἀπολύσαντες ἅπαξ καὶ ἐλευθερίας
-λαβόμενοι καὶ ἐς ἤθη τὰ σύντροφα αὐτοῖς ἐλθόντες,
-τὰ οἰκεῖα ᾖδον καὶ τὰ τῶν ὀρνίθων ἐμουσούργουν,
-μακρὰ χαίρειν εἰπόντες Ἄννωνι καὶ μαθήμασι τοῖς
-ἐν τῇ δουλείᾳ.
-</p>
-</div2>
-<div2 type="chapter" n="31">
-<p><milestone unit="para"/> Πτολεμαῖος ὁ Τρύφων ʽτοῦτο γὰρ αὐτὸν ἐκάλουν
-ἐκ τοῦ βίοὐ γυναικὸς ὡραίας ἐντυχεῖν αὐτῷ βουλομένης
-ὃ δὲ ἔφη ʽἀπηγόρευσέ μοι ἡ ἀδελφὴ παρὰ γυναικὸς
-καλῆς λόγον δέξασθαι.ʼ ἣ δὲ ἀτρέπτως πάνυ
-καὶ ἐμμελῶς ʽπαρὰ καλοῦ λάβοις ἄν;ʼ εἶπε. καὶ
-ἐκεῖνος ἀκούσας ἐπῄνεσε.
-</p>
-</div2>
-<div2 type="chapter" n="32">
-<p><milestone unit="para"/> Λακεδαιμόνιος ἀνὴρ Τιμανδρίδας ὄνομα ἀποδημήσας
-τὸν υἱὸν ἀπέλιπε μελεδωνὸν τῆς οἰκίας. εἶτα
-ἐπανελθὼν χρόνῳ ὕστερον καὶ εὑρὼν τὴν οὐσίαν
-ποιήσαντα ἧς ἀπέλιπε πλείω, ἔφη πολλοὺς ἀδικεῖσθαι
-ὑπʼ αὐτοῦ θεούς τε καὶ οἰκείους καὶ ξένους· τὰ γὰρ
-περιττὰ τούτων ἐς ἐκείνους ἀναλίσκεσθαι ὑπὸ τῶν
-ἐλευθέρων. τὸ δὲ ζῶντα μὲν φαίνεσθαι πένητα, τελευτήσαντα
-δὲ καταφωραθῆναι πλούσιον, ἀλλὰ τοῦτο
-τῶν ἐν ἀνθρώποις ἐστὶν αἴσχιστον.
-</p>
-</div2>
-<div2 type="chapter" n="33">
-<p><milestone unit="para"/> διελέγετο ὑπέρ τινων ὁ Πλάτων, παρὼν δʼ ὁ
-Διογένης ὀλίγον αὐτῷ προσεῖχεν. ἠγανάκτησεν οὖν
-ἐπὶ τούτοις ὁ Ἀρίστωνος καὶ ἔφη ʽἐπάκουσον τῶν
-λόγων, κύον.ʼ καὶ ὃς οὐδὲν διαταραχθεὶς ʽἀλλʼ ἐγὢ
-εἶπεν ʽοὐκ ἐπανῆλθον ἐκεῖσε ὅθεν ἐπράθην, ὥσπερ
-οἱ κύνες,ʼ αἰνιττόμενος αὐτοῦ τὴν ἐς Σικελίαν ὁδόν.
-εἰώθει δέ φασιν ὁ Πλάτων περὶ Διογένους λέγειν,
-ὅτι μαινόμενος οὗτος Σωκράτης ἐστίν.
-</p>
-</div2>
-<div2 type="chapter" n="34">
-<p><milestone unit="para"/> Αἰγύπτιοί φασι παρʼ Ἑρμοῦ τὰ νόμιμα ἐκμουσωθῆναι·
-<pb id="p.169"/>
-οὕτω δὲ καὶ ἕκαστοι τὰ παρʼ ἑαυτοῖς σεμνύνειν
-προῄρηνται. δικασταὶ δὲ τὸ ἀρχαῖον παρʼ Αἰγυπτίοις
-οἱ ἱερεῖς ἦσαν. ἦν δὲ τούτων ἄρχων ὁ πρεσβύτατος,
-καὶ ἐδίκαζεν ἅπαντας. ἔδει δὲ αὐτὸν εἶναι δικαιότατον
-ἀνθρώπων καὶ ἀφειδέστατον. εἶχε δὲ καὶ ἄγαλμα 
-περὶ τὸν αὐχένα ἐκ σαπφείρου λίθου, καὶ ἐκαλεῖτο τὸ
-ἄγαλμα Ἀλήθεια. ἐγὼ δὲ ἠξίουν μὴ λίθου πεποιημένην
-καὶ εἰκασμένην τὴν Ἀλήθειαν περιφέρειν τὸν
-δικαστήν, ἀλλʼ ἐν αὐτῇ τῇ ψυχῇ ἔχειν αὐτήν.
-</p>
-</div2>
-<div2 type="chapter" n="35">
-<p><milestone unit="para"/>ὅτι Λαῒς καὶ Ἀξίνη ἐκαλεῖτο. ἤλεγχε δὲ αὐτῆς 
-τὸ ἐπώνυμον τοῦτο τὴν τοῦ ἤθους ἀγριότητα καὶ ὅτι
-πολὺ ἐπράττετο, καὶ ἔτι μᾶλλον παρὰ τῶν ξένων,
-ἅτε ἀπαλλαττομένων θᾶττον.
-</p>
-</div2>
-<div2 type="chapter" n="36">
-<p><milestone unit="para"/>γελᾶν δὲ ἔξεστιν ἐπὶ τοῖς μέγα φρονοῦσι διὰ 
-τοὺς πατέρας καὶ τοὺς ἄνω τοῦ γένους, εἴ γε Μαρίου 
-μὲν τὸν πατέρα οὐκ ἴσμεν, αὐτὸν δὲ θαυμάζομεν διὰ
-τὰ ἔργα· καὶ Κάτωνα δὲ καὶ Σέρβιον καὶ Ὀστίλιον
-καὶ Ῥωμύλον.
-</p>
-</div2>
-<div2 type="chapter" n="37">
-<p><milestone unit="para"/>φιλῶ δὲ μήτε τὰ ἀγάλματα, ὅσα ἡμῖν ἡ πλαστικὴ 
-δείκνυσι, μήτε τὰς εἰκόνας ἀργῶς ὁρᾶν· ἔστι γάρ τι 
-τῆς χειρουργίας σοφὸν καὶ ἐν τούτοις. καὶ πολλὰ
-μὲν καὶ ἄλλα δύναταί τις καταγνῶναι ἔχοντα ταύτῃ,
-ἐν δὲ τοῖς καὶ ἐκεῖνο. τῶν Μουσῶν οὐδεὶς οὐδέποτε
-οὔτε γραφικὸς ἀνὴρ οὔτε πλαστικὸς οἷός τε ἐγένετο
-ψευδίστατα καὶ κίβδηλα καὶ ἀλλότρια τῶν Διὸς θυγατέρων 
-τὰ εἴδη παραστῆσαι ἡμῖν. ἢ τίς οὕτως νεανικῶς
-ἐμάνη δημιουργός, ὥστε ὡπλισμένας ἐργάσασθαι;
-ὁμολογεῖ δὲ τοῦτο ὅτι δεῖ τὸν ἐν Μούσαις
-βίον εἰρηνικόν τε ἅμα καὶ πρᾶον εἶναι καὶ ἄξιον
-ἐκείνων. 
-</p>
-</div2>
-<div2 type="chapter" n="38">
-<p><milestone unit="para"/>Ἐπαμεινώνδου τοῦ Θηβαίου πολλὰ μὲν καὶ ἄλλα 
-καλὰ οἶδα, ἐν δὲ τοῖς καὶ τόδε. ἔλεγε πρὸς Πελοπίδαν
-<pb id="p.170"/>
-μὴ πρότερον ἀπαλλάττεσθαι τῆς ἀγορᾶς πρὶν
-ἢ φίλον τοῖς ἀρχαίοις τινὰ προσπορίσαι νεώτερον.
-</p>
-</div2>
-<div2 type="chapter" n="39">
-<p><milestone unit="para"/> ὁ Περσῶν βασιλεὺς ʽβούλομαι γάρ τι ὑμῖν καὶ
-φαιδρὸν εἰπεῖνʼ στέφανον ἐς μύρον βάψας ʽδιεπέπλεκτο
-δὲ ῥόδων ὁ στέφανοσʼ ἔπεμψεν Ἀνταλκίδᾳ
-πρεσβεύοντι ὑπὲρ εἰρήνης πρὸς αὐτόν. ὃ δὲ ʽδέχομαι
-μὲνʼ ἔφη ʽτὸ δῶρον καὶ ἐπαινῶ τὴν φιλοφροσύνην,
-ἀπώλεσας δὲ τὴν ὀσμὴν τῶν ῥόδων καὶ τὴν τῆς
-φύσεως εὐωδίαν διὰ τὴν ἐκ τῆς τέχνης κιβδηλίαν.
-</p>
-</div2>
-<div2 type="chapter" n="40">
-<p><milestone unit="para"/> Ἀλέξανδρος ὁ Φεραίων τύραννος ἐν τοῖς μάλιστα
-ἔδοξεν ὠμότατος εἶναι. Θεοδώρου δὲ τοῦ τῆς τραγῳδίας
-ποιητοῦ ὑποκρινομένου τὴν Μερόπην σφόδρα
-ἐμπαθῶς, ὃ δὲ ἐς δάκρυα ἐξέπεσεν εἶτα ἐξανέστη τοῦ
-θεάτρου. ἀπολογούμενος δὲ ἔλεγε τῷ Θεοδώρῳ ὡς
-οὐ καταφρονήσας οὐδὲ ἀτιμάσας αὐτὸν ᾤχετο, ἀλλʼ
-αἰδούμενος εἰ τὰ μὲν τῶν ὑποκριτῶν πάθη οἷός τε
-ἦν ἐλεεῖν, τὰ δὲ τῶν ἑαυτοῦ πολιτῶν οὐχί.
-</p>
-</div2>
-<div2 type="chapter" n="41">
-<p><milestone unit="para"/> ὅτι Ἀπολλόδωρος πλεῖστον ἀνθρώπων πίνων
-οἶνον οὐκ ἀπεκρύπτετο τὸ ἑαυτοῦ κακόν, οὐδὲ ἐπειρᾶτο
-περιαμπέχειν τὴν μέθην καὶ τὰ ἐξ αὐτῆς κακά,
-ἀλλὰ καὶ ἐκ τοῦ οἴνου ὑπαναφλεγόμενος καὶ ὑπεξαπτόμενος
-ἐγίνετο φονικώτερος, πρὸς τῇ φύσει καὶ τὸ
-πῶμα ἔχων ἐνδόσιμον.
-</p>
-</div2>
-<div2 type="chapter" n="42">
-<p><milestone unit="para"/> Ξενοκράτης ὁ Πλάτωνος ἑταῖρος ἔλεγε μηδὲν διαφέρειν
-ἢ τοὺς πόδας ἢ τοὺς ὀφθαλμοὺς εἰς ἀλλοτρίαν
-οἰκίαν τιθέναι· ἐν ταὐτῷ γὰρ ἁμαρτάνειν τόν τε ἐς
-ἃ μὴ δεῖ χωρία βλέποντα καὶ ἐς οὓς μὴ δεῖ τόπους παριόντα.
-</p>
-</div2>
-<div2 type="chapter" n="43">
-<p><milestone unit="para"/> ὁ μὲν Πτολεμαῖός φασιν ʽὁπόστος δὲ ἦν οὗτος,
-ἐᾶν δεἶ καθῆστο ἐπὶ κύβοις καὶ πεττεύων διετέλει·
-εἶτά τις αὐτῷ παρεστὼς ἀνεγίνωσκε τῶν κατεγνωσμένων
-τὰ ὀνόματα καὶ τὰς καταδίκας αὐτῶν προσεπέλεγεν,
-<pb id="p.171"/>
-ἵνα ἐκεῖνος παρασημήνηται τοὺς ἀξίους θανάτου.
-Βερενίκη δὲ ἡ γαμετὴ αὐτοῦ λαβοῦσα τὸ βιβλίον
-παρὰ τοῦ παιδὸς εἶτα οὐκ εἴασε διαναγνωσθῆναι τὸ
-πᾶν οὐκέτι, φήσασα πάνυ σφόδρα προσέχοντα τὴν
-διάνοιαν ὑπὲρ ἀνθρώπου ψυχῆς δεῖν λογίζεσθαι καὶ 
-μὴ πρὸς παιδιᾷ γινόμενον· οὐ γὰρ ὁμοίαν εἶναι τὴν
-πτῶσιν τῶν κύβων καὶ τὴν τῶν σωμάτων. πρὸς ταῦτα
-ὁ Πτολεμαῖος ἥσθη, καὶ οὐδέποτε κυβεύων μετὰ ταῦτα
-ὑπὲρ ἀνθρώπου κρίσεως ἤκουσεν.
-</p>
-</div2>
-<div2 type="chapter" n="44">
-<p><milestone unit="para"/>Λακωνικὸν μειράκιον ἐπρίατο χωρίον ὑπερεύωνον, 
-εἶτα ἐπὶ τὰς ἀρχὰς ἤχθη καὶ ἐζημιώθη. τὸ δὲ
-αἴτιον τῆς καταδίκης ἐκεῖνο ἦν, ἐπεὶ νέος ὢν τοῦ
-κερδαίνειν ὀξύτατα ἤρα. ἦν δὲ Λακεδαιμονίων ἐν
-τοῖς μάλιστα ἀνδρικὸν καὶ τοῦτο, μὴ πρὸς μόνους
-πολεμίους παρατετάχθαι ἀλλὰ καὶ πρὸς ἀργύριον. 
-</p>
-</div2>
-<div2 type="chapter" n="45">
-<p><milestone unit="para"/>γυναῖκας τῶν Ἑλλήνων ἐπαινοῦμεν Πηνελόπην 
-Ἄλκηστιν καὶ τὴν Πρωτεσίλεω, Ῥωμαίων Κορνηλίαν
-καὶ Πορκίαν καὶ Κεστιλίαν. ἐδυνάμην δὲ εἰπεῖν καὶ
-ἄλλας, ἀλλʼ οὐ βούλομαι τῶν μὲν Ἑλλήνων εἰπεῖν
-ὀλίγας, ἐπικλύσαι δὲ τοῖς τῶν Ῥωμαίων ὀνόμασιν, 
-ὡς ἂν μή μέ τις δοκοίη χαρίζεσθαι ἐμαυτῷ διὰ τὴν πατρίδα.
-</p>
-</div2>
-<div2 type="chapter" n="46">
-<p><milestone unit="para"/>οἱ Μαιάνδρῳ παροικοῦντες Μάγνητες Ἐφεσίοις 
-πολεμοῦντες ἕκαστος τῶν ἱππέων ἦγεν αὑτῷ συστρατιώτην
-θηρατὴν κύνα καὶ ἀκοντιστὴν οἰκέτην. ἡνίκα 
-δὲ ἔδει συμμίξαι, ἐνταῦθα οἱ μὲν κύνες προπηδῶντες
-ἐτάραττον τὴν παρεμβολήν, φοβεροί τε καὶ ἄγριοι καὶ
-ἐντυχεῖν ἀμείλικτοι ὄντες· οἱ δὲ οἰκέται προπηδῶντες
-τῶν δεσποτῶν ἠκόντιζον. ἦν δὲ ἄρα ἐπὶ τῇ φθανούσῃ
-διὰ τοὺς κύνας ἀταξίᾳ καὶ τὰ παρὰ τῶν οἰκετῶν δρώμενα 
-ἐνεργῆ. εἶτα ἐκ τρίτου ἐπῄεσαν αὐτοί.
-</p>
-</div2>
-<div2 type="chapter" n="47">
-<p><milestone unit="para"/>ὅτι Ζεῦξις ὁ Ἡρακλεώτης ἔγραψε τὴν Ἑλένην. 
-<pb id="p.172"/>
-Νικόμαχος οὖν ὁ ζωγράφος ἐξεπλήττετο τὴν εἰκόνα,
-καὶ τεθηπὼς τὸ γράμμα δῆλος ἦν. ἤρετο οὖν τις
-αὐτὸν προσελθὼν τί δὴ παθὼν οὕτω θαυμάζοι τὴν
-τέχνην; ὃ δὲ ʽοὐκ ἄν με ἠρώτησασʼ εἶπεν, ʽεἰ τοὺς
-ἐμοὺς ὀφθαλμοὺς ἐκέκτησο.ʼ ἐγὼ δʼ ἂν φαίην τοῦτο
-καὶ ἐπὶ τῶν λόγων, ἀλλʼ εἴ τις ἔχοι πεπαιδευμένα
-ὦτα, ὥσπερ οὖν οἱ χειρουργοὶ τεχνικὰ ὄμματα.
-</p>
-</div2>
-<div2 type="chapter" n="48">
-<p><milestone unit="para"/> ὅτι Φίλιππος τῶν ἐν Μακεδονίᾳ δοκιμωτάτων
-τοὺς υἱεῖς παραλαμβάνων περὶ τὴν ἑαυτοῦ θεραπείαν
-εἶχεν, οὔτι πού φασιν ἐνυβρίζων αὐτοῖς οὐδὲ ἐξευτελίζων,
-ἀλλʼ ἐκ τῶν ἐναντίων καρτερικοὺς αὐτοὺς ἐκπονῶν
-καὶ ἑτοίμους πρὸς τὸ τὰ δέοντα πράττειν ἀποφαίνων.
-πρὸς δὲ τοὺς τρυφῶντας αὐτῶν καὶ ἐς τὰ
-ἐπιταττόμενα ῥᾳθύμως ἔχοντας διέκειτό φασι πολεμίως.
-ἀφθόνητον γοῦν ἐμαστίγωσεν, ὅτι τὴν τάξιν
-ἐκλιπὼν ἐξετράπετο τῆς ὁδοῦ διψήσας καὶ παρῆλθεν
-ἐς πανδοκέως. καὶ Ἀρχέδαμον ἀπέκτεινεν, ὅτι προστάξαντος
-αὐτοῦ ἐν τοῖς ὅπλοις συνέχειν ἑαυτὸν ὃ δὲ
-ἀπεδύσατο· ἤλπισε γὰρ διὰ τῆς κολακείας καὶ ὑποδρομῆς
-χειρώσασθαι τὸν βασιλέα, ἅτε ἀνὴρ ἥττων
-τοῦ κερδαίνειν ὤν.</p>
-</div2>
-</div1>
-</body>
-</text>
-</TEI.2>
diff --git a/data/tlg0545/tlg002/tlg0545.tlg002.perseus-grc2.xml b/data/tlg0545/tlg002/tlg0545.tlg002.perseus-grc2.xml
new file mode 100644
index 000000000..97607dd9e
--- /dev/null
+++ b/data/tlg0545/tlg002/tlg0545.tlg002.perseus-grc2.xml
@@ -0,0 +1,1047 @@
+<?xml version="1.0" encoding="UTF-8"?>
+<?xml-model href="https://epidoc.stoa.org/schema/latest/tei-epidoc.rng" schematypens="http://relaxng.org/ns/structure/1.0"?>
+<TEI xmlns="http://www.tei-c.org/ns/1.0">
+    <teiHeader xml:lang="eng">
+  <fileDesc>
+   <titleStmt>
+ <title xml:lang="grc">Ποικίλη ἱστορία</title>
+<author>Aelian</author>
+<editor>Rudolf Hercher</editor>
+    <editor>Ulrich von Wilamowitz-Moellendorff</editor>
+    <sponsor>Perseus Project, Tufts University</sponsor>
+    <principal>Gregory Crane</principal>
+    <respStmt>
+        <resp>Prepared under the supervision of</resp>
+        <name>Bridget Almas</name>
+        <name>Lisa Cerrato</name>
+        <name>Rashmi Singhal</name>
+    </respStmt>
+</titleStmt>
+        <publicationStmt>
+            <publisher>Trustees of Tufts University</publisher>
+            <pubPlace>Medford, MA</pubPlace>
+            <authority>Perseus Project</authority>
+            <date type="release" when="2011-07-09">Perseus 4.0</date>
+            <idno type="filename">tlg0545.tlg002.perseus-grc2.xml</idno>
+            <availability>
+                <licence target="https://creativecommons.org/licenses/by-sa/4.0/">Available under a Creative Commons Attribution-ShareAlike 4.0 International License</licence>
+            </availability>
+        </publicationStmt>
+        <notesStmt><note><p>Keyboarding</p></note></notesStmt>
+      
+      <sourceDesc>
+          <biblStruct>
+              <monogr>
+                  <title xml:lang="lat">Claudii Aeliani Varia Historia Epistolae Fragmenta</title>
+                  <author>Aelian</author>
+                  <editor>Rudolf Hercher</editor>
+                  <imprint>
+                      <publisher>Teubner</publisher>
+                      <pubPlace>Leipzig</pubPlace>
+                      <date>1866</date>
+                  </imprint>
+                  <biblScope unit="volume">2</biblScope>
+              </monogr>
+              <ref target="https://archive.org/details/deanimaliumantur02aeliuoft/page/2/mode/2up">Internet Archive</ref>
+          </biblStruct>
+      </sourceDesc>
+  </fileDesc>
+        
+<encodingDesc>
+<!--<refsDecl doctype="TEI.2">
+<state unit="book"/>
+<state unit="chapter" n="chunk"/>
+</refsDecl>-->
+    <refsDecl n="CTS">
+        <cRefPattern matchPattern="(\w+).(\w+)"
+            replacementPattern="#xpath(/tei:TEI/tei:text/tei:body/tei:div/tei:div[@n='$1']/tei:div[@n='$2'])" n="chapter">
+            <p>This pointer pattern extracts book and chapter</p>
+        </cRefPattern>
+        <cRefPattern matchPattern="(\w+)"
+            replacementPattern="#xpath(/tei:TEI/tei:text/tei:body/tei:div/tei:div[@n='$1'])" n="book">
+            <p>This pointer pattern extracts book</p>
+        </cRefPattern>
+    </refsDecl>
+</encodingDesc>
+       
+<profileDesc>
+<langUsage>
+<language ident="grc">Greek</language>
+</langUsage>
+</profileDesc>
+        <revisionDesc>
+            <change when="2023-11-21" who="Lisa Cerrato">EpiDoc and CTS conversion work</change>
+            <change when="2017-04-28" who="Lisa Cerrato">revised many chapter breaks as submitted by user NC; checked against the print source</change> 
+            <change when="2011-09-22" who="lcerrato">tagged as a book and therefore not showing up on the site; the div was changed to reflect this (was div type equals 14)</change>
+            <change when="2011-07-05" who="balmas">adding funder, fixing refsDecl and langUsage</change>
+            <change when="2011-07-01" who="gcrane">apostrophers fixed; upper and lower case regularized</change>
+            <change when="2011-07-01" who="ajones06">added header information</change>
+            <change when="2011-06-24" who="gcrane">base files</change>
+            </revisionDesc>
+</teiHeader>
+    
+<text>
+<body>
+    <div type="edition" xml:lang="grc" n="urn:cts:greekLit:tlg0545.tlg002.perseus-grc2"> 
+<pb xml:id="p.3"/>
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="1"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> δεινοὶ κατὰ κοιλίαν εἰσὶν οἱ πολύποδες, καὶ πᾶν ὅ τι οὖν φαγεῖν ἄμαχοι. πολλάκις γοῦν οὐδὲ ἀλλήλων ἀπέχονται, ἀλλὰ τῷ μείζονι ὁ βραχύτερος ἁλοὺς καὶ ἐμπεσὼν τοῖς ἀνδρειοτέροις θηράτροις τοῖς καλουμένοις τοῦ ἰχθύος πλοκάμοις, εἶτα αὐτῷ γίνεται δεῖπνον. ἐλλοχῶσι δὲ οἱ πολύποδες καὶ τοὺς ἰχθῦς τὸν τρόπον τοῦτον. ὑπὸ ταῖς πέτραις κάθηνται, καὶ ἑαυτοὺς ἐς τὴν ἐκείνων μεταμορφοῦσι χρόαν, καὶ τοῦτο εἶναι δοκοῦσιν, ὅπερ οὖν καὶ πεφύκασιν αἱ πέτραι. οἱ τοίνυν ἰχθῦς προσνέουσιν οἱονεὶ τῇ πέτρᾳ τοῖς πολύποσιν, οἳ δὲ ἀφυλάκτους ὄντας αὐτοὺς περιβάλλουσι ταῖς ἐξ ἑαυτῶν ἄρκυσι ταῖς πλεκτάναις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> ὑφαντικὴν καὶ ὑφαίνειν, δῶρα Ἐργάνης δαίμονος, οὔτε ἴσασιν αἱ φάλαγγες οὔτε εἰδέναι βούλονται. ἢ τί ποτʼ ἂν καὶ χρήσαιτο τῷ τοιῷδε ἐσθήματι τὸ τοιοῦτον θηρίον; τὸ δὲ ἄρα πάγη καὶ οἱονεὶ κύρτος ἐστὶ τοῖς ἐμπίπτουσι. καὶ ἣ μὲν ἀρκυωρεῖ πάνυ σφόδρα ἀτρεμοῦσα, καὶ ἔοικεν ἀκινήτῳ· καὶ τὸ μὲν ἐνέπεσεν, ὅ τί ποτέ ἐστι τὸ ἐμπεσόν, ἣ δὲ ἔχει δαῖτα. τοσοῦτον δʼ ἐμπίπτει, ὅσον καὶ τὸ ὕφασμα κατέχειν δυνατόν ἐστι καὶ ἐκείνῃ δειπνεῖν ἀπόχρη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> σοφόν τι ἄρα χρῆμα ἦν γένος βατράχων Αἰγυπτίων, <pb xml:id="p.4"/> καὶ οὖν καὶ τῶν ἄλλων ὑπερφέρουσι κατα πολύ. ἐὰν γὰρ ὕδρῳ περιπέσῃ Νείλου θρέμματι βάτραχος, καλάμου τρύφος ἐνδακὼν πλάγιον φέρει, καὶ ἀπρὶξ ἔχεται, καὶ οὐκ ἀνίησι κατὰ τὸ καρτερόν. ὃ δὲ ἀμηχανεῖ καταπιεῖν αὐτὸν αὐτῷ καλάμῳ· οὐ γάρ οἱ ἐγχωρεῖ περιβαλεῖν τοσοῦτον τὸ στόμα, ὅσον ὁ κάλαμος διείργει. καὶ ἐκ τούτου περιγίνονται τῆς ῥώμης τῶν ὕδρων οἱ βάτραχοι τῇ σοφίᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> καὶ ἐκεῖνο δὲ κυνὸς Αἰγυπτίου σοφόν. οὐκ ἀθρόως οὐδὲ ἀνέδην οὐδὲ ἐλευθέρως ἐκ τοῦ ποταμοῦ πίνουσιν ἐπικύπτοντες ἅμα καὶ ὅσον διψῶσι λάπτοντες· ὑφορῶνται γὰρ τὰ ἐν αὐτῷ θηρία· παραθέουσι δὲ τὴν ὄχθην, καὶ παρακλέπτοντες πίνουσιν ὅσον ἁρπάσαι, πάλιν καὶ πάλιν. εἶτα οὕτως ἐκ διαλειμμάτων ἐκορέσθησαν, οὐ μὴν ἀπώλοντο, καὶ οὖν καὶ ἠκέσαντο τὸ δίψος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> ἡ ἀλώπηξ, οὐ μόνον τὸ χερσαῖον θηρίον δολερόν ἐστιν, ἀλλὰ καὶ ἡ θαλαττία πανοῦργός ἐστι. τὸ μὲν γὰρ δέλεαρ οὐχ ὑφορᾶται, οὐδὲ μὴν φυλάττεται διὰ τὴν ἀκρασίαν τοῦτο, τοῦ δὲ ἀγκίστρου καταφρονεῖ καὶ πάνυ. πρὶν ἢ γὰρ τὸν ἀσπαλιέα ἀνασπάσαι τὸν κάλαμον ἣ δὲ ἀνέθορε, καὶ ἀπέκειρε τὴν ὁρμιὰν καὶ νήχεται αὖθις. πολλάκις οὖν καὶ δύο καὶ τρία κατέπιεν ἄγκιστρα, ὁ δʼ ἁλιεὺς ἐκείνην οὐκ ἐδείπνησε προϊοῦσαν τῆς θαλάττης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> αἱ χελῶναι αἱ θαλάττιαι ἐν τῇ γῇ τίκτουσι, τεκοῦσαι δὲ παραχρῆμα κατέχωσαν ἐν τῇ γῇ τὰ ᾠά, εἶτα ὑποστρέψασαι ὀπίσω ἐς ἤθη τὰ ἑαυτῶν νήχονται. εἰσὶ δὲ ἐς τοσοῦτον λογιστικαί, ὡς ἐφʼ ἑαυτῶν ἐκλογίζεσθαι τὰς ἡμέρας τὰς τετταράκοντα, ἐν αἷς τὰ ἔκγονα αὐταῖς τῶν ᾠῶν συμπαγέντων ζῷα γίνεται. ὑποστρέψασαι οὖν αὖθις ἐς τὸν χῶρον, ἐν ᾧ κατέθεντο <pb xml:id="p.5"/> κρύψασαι τὰ ἑαυτῶν βρέφη, ἀνώρυξαν τὴν γῆν, ἣν ἐπέβαλον, καὶ κινουμένους ἤδη τοὺς νεοττοὺς καὶ ἕπεσθαι δυναμένους αὐταῖς ἀπάγουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> ἦσαν ἄρα οἱ σῦς οἱ ἄγριοι ἰατρικῆς ἅμα καὶ θεραπείας οὐκ ἀπαίδευτοι. οὗτοι γοῦν ὅταν αὑτοὺς λαθόντες ὑοσκυάμου φάγωσι, τὰ ἐξόπισθεν ἐφέλκουσι, παρειμένως ἔχοντες ἑαυτῶν, εἶτα σπώμενοι ὅμως ἐπὶ τὰ ὕδατα παραγίνονται, καὶ ἐνταῦθα τῶν καρκίνων ἀναλέγουσι, καὶ ἐσθίουσι προθυμότατα. γίνονται δὲ αὐτοῖς οὗτοι τοῦ πάθους φάρμακον, καὶ ἐργάζονται ὑγιεῖς αὐτοὺς αὖθις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> φαλάγγιον ἐλάφοις τοσοῦτόν ἐστι κακόν, ὅσον καὶ ἀνθρώποις, καὶ κινδυνεύουσιν ἀπολέσθαι διὰ ταχέων. ἐὰν μέντοι κιττοῦ γεύσωνται, ἐλύπησεν αὐτοὺς τὸ δῆγμα οὐδέν. δεῖ δὲ εἶναι τὸν κιττὸν ἄγριον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> λέοντα δὲ νοσοῦντα τῶν μὲν ἄλλων οὐδὲν ὀνίνησι, φάρμακον δέ ἐστιν αὐτῷ τῆς νόσου βρωθεὶς πίθηκος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> οἱ Κρῆτές εἰσι τοξεύειν ἀγαθοί, καὶ οὖν καὶ τὰς αἶγας βάλλουσιν ἐπʼ ἄκροις νεμομένας τοῖς ὄρεσιν. αἱ δὲ βληθεῖσαι παραχρῆμα τῆς δικτάμνου βοτάνης διέτραγον, καὶ ἅμα τῷ γεύσασθαι ὅλα ἐκείναις τὰ βέλη ἐκπίπτει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> ἦσαν δὲ ἄρα μαντικώτατοι τῶν ζῴων καὶ μύες. γηρώσης γὰρ οἰκίας ἤδη καὶ μελλούσης κατολισθάνειν αἰσθάνονται πρῶτοι, καὶ ἀπολιπόντες τὰς μυωπίας τὰς αὑτῶν καὶ τὰς ἐξ ἀρχῆς διατριβάς, ᾗ ποδῶν ἔχουσιν ἀποδιδράσκουσι καὶ μετοικίζονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> ἔχουσι δὲ καὶ οἱ μύρμηκες, ὡς ἀκούω, μαντικῆς τινα αἴσθησιν. ὅταν γὰρ μέλλῃ λιμὸς ἔσεσθαι, δεινῶς εἰσι φιλόπονοι πρὸς τὸ θησαυρίσαι καὶ ἑαυτοῖς <pb xml:id="p.6"/> ἀποταμιεύσασθαι τοὺς πυροὺς καὶ τὰ λοιπὰ τῶν σπερμάτων, ὅσα μυρμήκων δεῖπνόν ἐστιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> ὁ Συρακόσιος Γέλων ὄναρ ἐβέβλητο κεραυνῷ, καὶ διὰ τοῦτο ἐβόα οὐκ ἀμυδρὸν οὐδʼ ἀσθενές, ὡς ἐν ὀνείρῳ, ἀλλʼ ἀνδρικῶς, ἅτε δεινῶς ἐκπλαγεὶς ὑπὸ τοῦ δέους. ὁ δὲ κύων, ὅσπερ οὖν αὐτῷ παρεκάθευδεν, ἐκ τῆς βοῆς διεταράχθη, καὶ περιβὰς αὐτὸν ὑλάκτει πάνυ σφόδρα ἀπειλητικὸν καὶ σύντονον. καὶ ἐκ τούτων ὁ Γέλων ἅμα τε ἀφυπνίσθη καὶ τοῦ δέους ἀφείθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> λέγει Ἀριστοτέλης τὸν κύκνον καλλίπαιδα εἶναι καὶ πολύπαιδα, ἔχειν γε μὴν καὶ θυμόν. πολλάκις γοῦν ἐς ὀργὴν καὶ μάχην προελθόντες καὶ ἀλλήλους ἀπέκτειναν οἱ κύκνοι. λέγει δὲ ὁ αὐτὸς καὶ μάχεσθαι τοὺς κύκνους τοῖς ἀετοῖς· ἀμύνεσθαί γε μὴν αὐτούς, ἀλλʼ οὐκ ἄρχειν ἀδίκων. ὅτι δέ εἰσι φιλῳδοί, τοῦτο μὲν ἤδη τεθρύληται. ἐγὼ δὲ ᾅδοντος κύκνου οὐκ ἤκουσα, ἴσως δὲ οὐδὲ ἄλλος· πεπίστευται δʼ οὖν ὅτι ᾅδει. καὶ λέγουσί γε αὐτὸν μάλιστα κατʼ ἐκεῖνον εἶναι τὸν χρόνον εὐφωνότατόν τε καὶ ᾠδικώτατον, ὅταν ᾖ περὶ τὴν καταστροφὴν τοῦ βίου. διαβαίνουσι δὲ καὶ πέλαγος, καὶ πέτονται καὶ κατὰ θαλάττης, καὶ αὐτοῖς οὐ κάμνει τὸ πτερόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> ἐκ διαδοχῆς φασιν ἐπῳάζειν τὰς περιστεράς. εἶτα τῶν νεοττῶν γενομένων ὁ ἄρρην ἐμπτύει αὐτοῖς, ἵνα μὴ βασκανθῶσι. τίκτει δὲ ᾠὰ δύο ἡ θήλεια, ὧν τὸ μὲν πρῶτον ἄρρεν ποιεῖ πάντως, τὸ δὲ δεύτερον θῆλυ. τίκτουσι δὲ αἱ περιστεραὶ κατὰ πᾶσαν ὥραν τοῦ ἔτους· ἔνθεν τοι καὶ δεκάκις τοῦ ἔτους ὠδίνουσι. λόγος δέ τις περίεισιν Αἰγύπτιος, λέγων δωδεκάκις τὰς ἐν Αἰγύπτῳ τίκτειν. λέγει δὲ Ἀριστοτέλης καὶ διάφορον εἶναι τῆς περιστερᾶς τὴν πελειάδα· τὴν <pb xml:id="p.7"/> μὲν γὰρ περιστερὰν εἶναι μείζονα, τὴν δὲ πελειάδα βραχυτέραν, καὶ τὴν μὲν περιστερὰν τιθασὸν γίνεσθαι, τὴν δὲ οὔ. λέγει δὲ ὁ αὐτὸς μὴ πρότερον ἐπιβαίνειν τὸν ἄρρενα τῇ θηλείᾳ πρὶν ἢ φιλῆσαι αὐτήν· μὴ γὰρ ἀνέχεσθαι τὰς θηλείας τὴν τῶν ἀρρένων ὁμιλίαν τοῦ φιλήματος ἔρημον. προστίθησι δὲ τούτοις καὶ ἐκεῖνο, ὅτι καὶ αἱ θήλειαι ἀλλήλας ἀναβαίνουσιν, ὅταν τῆς πρὸς ἄρρενα μίξεως ἀτυχήσωσι· καὶ οὐδὲν μὲν ἐς ἀλλήλας προΐενται, τίκτουσι δὲ ᾠά, ἐξ ὧν νεοττοὶ οὐ γίνονται αὐταῖς. εἰ δέ τι Καλλιμάχῳ χρὴ προσέχειν, φάτταν καὶ πυραλλίδα καὶ περιστερὰν καὶ τρυγόνα φησὶ μηδὲν ἀλλήλαις ἐοικέναι. Ἰνδοὶ δέ φασι λόγοι περιστερὰς ἐν Ἰνδοῖς γίνεσθαι μηλίνας τὴν χρόαν. Χάρων δὲ ὁ Λαμψακηνὸς περὶ τὸν Ἄθω φανῆναι περιστερὰς λευκὰς λέγει, ὅτε ἐνταῦθα ἀπώλοντο αἱ τῶν Περσῶν τριήρεις περικάμπτουσαι τὸν Ἄθω. ἐν Ἔρυκι δὲ τῆς Σικελίας, ἔνθα ἐστὶν ὁ τῆς Ἀφροδίτης νεὼς σεμνός τε καὶ ἅγιος, κατά τινα καιρὸν θύουσιν οἱ Ἐρυκινοὶ τὰ Ἀναγώγια, καὶ λέγουσι τὴν Ἀφροδίτην ἐς Λιβύην ἐκ Σικελίας ἀνάγεσθαι. τότε οὖν ἀφανεῖς ἐκ τοῦ χώρου αἱ περιστεραὶ γίνονται, ὥσπερ οὖν τῇ θεῷ συναποδημοῦσαι. κατά γε μὴν τὸν λοιπὸν χρόνον πάμπολύ τι πλῆθος τῶνδε τῶν ὀρνίθων ἐπιπολάζειν τῷ νεῷ τῆς θεοῦ ὡμολόγηται. Ἀχαϊκοὶ δὲ αὖ πάλιν λέγουσι λόγοι καὶ τὸν Δία αὐτὸν μεταβαλεῖν τὴν μορφὴν ἐς περιστεράν, ἐρασθέντα παρθένου Φθίας ὄνομα. ἐν Αἰγίῳ δὲ ᾤκει ἡ Φθία αὕτη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> ὅτε ἧκεν ἡ ναῦς ἡ ἐκ Δήλου, καὶ ἔδει Σωκράτην ἀποθνήσκειν, ἀφίκετο ἐς τὸ δεσμωτήριον Ἀπολλόδωρος ὁ τοῦ Σωκράτους ἑταῖρος, χιτῶνά τε αὐτῷ φέρων ἐρίων πολυτελῆ καὶ εὐήτριον καὶ ἱμάτιον τοιοῦτο. <pb xml:id="p.8"/> καὶ ἠξίου ἐνδύντα αὐτὸν τὸν χιτῶνα καὶ θοιμάτιον περιβαλόμενον εἶτα οὕτω πιεῖν τὸ φάρμακον. ἔλεγε γὰρ αὐτῷ καλῶν ἐνταφίων μὴ ἀμοιρήσειν, εἰ ἐν αὐτοῖς ἀποθάνοι· καὶ γὰρ οὖν καὶ προκείσεσθαι σὺν τῷ κόσμῳ τὸν νεκρὸν οὐ πάνυ τι ἀδόξως. ταῦτα τὸν Σωκράτην ὁ Ἀπολλόδωρος· ὃ δὲ οὐκ ἠνέσχετο, ἀλλʼ ἔφη πρὸς τοὺς ἀμφὶ τὸν Κρίτωνα καὶ Σιμμίαν καὶ Φαίδωνα ʽκαὶ πῶς ὑπὲρ ἡμῶν καλῶς Ἀπολλόδωρος οὑτοσὶ δοξάζει, εἴ γε πεπίστευκεν ὅτι μετὰ τὴν ἐξ Ἀθηναίων φιλοτησίαν ἔτι ὄψεται Σωκράτην; εἰ γὰρ οἴεται τὸν ὀλίγῳ ὕστερον ἐρριμμένον ἐν ποσὶ καὶ κεισόμενόν γε εἶναι ἐμέ, δῆλός ἐστί με οὐκ εἰδώς.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ταῦτα ἄρα ἐστὶ τὰ θαυμαζόμενα Μυρμηκίδου τοῦ Μιλησίου καὶ Καλλικράτους τοῦ Λακεδαιμονίου μικρὰ ἔργα. τέθριππα μὲν ἐποίησαν ὑπὸ μυίας καλυπτόμενα, καὶ ἐν σησάμῳ δίστιχον ἐλεγεῖον χρυσοῖς γράμμασιν ἐπέγραψαν. ὧν ἐμοὶ δοκεῖν ὁ σπουδαῖος οὐδέτερον ἐπαινέσεται· τί γὰρ ἄλλο ἐστὶ ταῦτα ἢ χρόνου παρανάλωμα; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> πῶς δὲ οὐ διέρρεον ὑπὸ τρυφῆς αἱ παλαιαὶ τῶν γυναικῶν; ἐπὶ μὲν γὰρ τῆς κεφαλῆς στεφάνην ἐπετίθεντο ὑψηλήν, τοὺς δὲ πόδας σανδάλοις ὑπεδοῦντο, ἐκ δὲ τῶν ὤτων αὐταῖς ἐνώτια μακρὰ ἀπεκρέματο, τῶν δὲ χιτώνων τὰ περὶ τοὺς ὤμους ἄχρι τῶν χειρῶν οὐ συνέρραπτον, ἀλλὰ περόναις χρυσαῖς καὶ ἀργυραῖς συνεχέσι κατελάμβανον. καὶ ταῦτα αἱ πάνυ παλαιαί· τῶν δὲ Ἀττικῶν γυναικῶν τὴν τρυφὴν Ἀριστοφάνης λεγέτω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> ὁ μὲν δημώδης λόγος καὶ ἐς πάντας ἐκφοιτήσας λέγει Συβαρίταις καὶ αὐτῇ τῇ Συβάρει αἰτίαν τῆς ἀπωλείας γενέσθαι τὴν πολλὴν τρυφήν. ἃ δὲ οὐκ ἔστι τοῖς πολλοῖς γνώριμα, ταῦτα ἐγὼ ἐρῶ. Κολοφωνίους <pb xml:id="p.9"/> φασὶ καὶ αὐτοὺς διὰ τὴν πάνυ τρυφὴν ἀπολέσθαι· καὶ γάρ τοι καὶ οὗτοι ἐσθῆτι πολυτελεῖ ἐθρύπτοντο, καὶ τραπέζης ἀσωτίᾳ καὶ ὑπὲρ τὴν χρείαν χρώμενοι ὕβριζον. καὶ ἡ τῶν Βακχιαδῶν δὲ τῶν ἐν Κορίνθῳ ἀρχή, ἐπὶ μέγα δυνάμεως προελθοῦσα, ὅμως διὰ τὴν τρυφὴν τὴν ἔξω τοῦ μέτρου καὶ αὐτὴ κατελύθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> Διονύσιος ἐξ ἁπάντων τῶν ἐν Συρακούσαις ἱερῶν ἐσύλησε τὰ χρήματα. τοῦ δὲ ἀγάλματος τοῦ Διὸς περιεῖλε τὴν ἐσθῆτα καὶ τὸν κόσμον, ὃς ἦν φασι χρυσίου πέντε καὶ ὀγδοήκοντα ταλάντων. ὀκνούντων δὲ τῶν δημιουργῶν ἅψασθαι, ὃ δὲ πρῶτος ἔκρουσε τὸ ἄγαλμα. καὶ τὸ ἄγαλμα δὲ τοῦ Ἀπόλλωνος περιεσύλησεν, ἔχον καὶ αὐτὸ χρυσοῦς βοστρύχους, κελεύσας ἀποκεῖραί τινα αὐτούς. πλεύσας δὲ ἐς Τυρρηνούς, τὰ τοῦ Ἀπόλλωνος καὶ τῆς Λευκοθέας ἅπαντα ἐσύλησε χρήματα, τὴν παρακειμένην ἀργυρᾶν τῷ Ἀπόλλωνι τράπεζαν κελεύσας ἀφελεῖν, ἀγαθοῦ δαίμονος τῷ θεῷ διδόντας πρόποσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> Ἰσμηνίου τοῦ Θηβαίου σοφὸν ἅμα καὶ Ἑλληνικὸν οὐκ ἂν ἀποκρυψαίμην ἔργον. πρεσβεύων οὗτος ὑπὲρ τῆς πατρίδος πρὸς τὸν βασιλέα τῶν Περσῶν, ἀφικετο μέν, ἐβούλετο δὲ αὐτὸς ὑπὲρ ὧν ἧκεν ἐντυχεῖν τῷ Πέρσῃ. ἔφατο οὖν πρὸς αὐτὸν ὁ χιλίαρχος ὁ καὶ τὰς ἀγγελίας ἐσκομίζων τῷ βασιλεῖ καὶ τοὺς δεομένους ἐσάγων ʽἀλλʼ, ὦ ξένε Θηβαῖἐ ʽἔλεγε δὲ ταῦτα περσίζων διʼ ἑρμηνέως, Τιθραύστης δὲ ἦν ὄνομα τῷ χιλιάρχᾠ, ʽνόμος ἐστὶν ἐπιχώριος Πέρσαις, τὸν ἐς ὀφθαλμοὺς ἐλθόντα βασιλέως μὴ πρότερον λόγου μεταλαγχάνειν πρὶν ἢ προσκυνῆσαι αὐτόν. εἰ τοίνυν αὐτὸς διʼ ἑαυτοῦ συγγενέσθαι θέλεις αὐτῷ, ὥρα σοι τὰ ἐκ τοῦ νόμου δρᾶν· εἰ δὲ μή, τὸ αὐτό σοι τοῦτο <pb xml:id="p.10"/> καὶ διʼ ἡμῶν ἀνυσθήσεται καὶ μὴ προσκυνήσαντι.ʼ ὁ τοίνυν Ἰσμηνίας ʽἄγε μἐ εἶπε, καὶ προσελθὼν καὶ ἐμφανὴς τῷ βασιλεῖ γενόμενος, περιελόμενος τὸν δακτύλιον ἔρριψεν ἀδήλως παρὰ τοὺς πόδας, καὶ ταχέως ἐπικύψας, ὡς δὴ προσκυνῶν, πάλιν ἀνείλετο αὐτόν· καὶ δόξαν μὲν ἀπέστειλε τῷ Πέρσῃ προσκυνήσεως, οὐ μὴν ἔδρασεν οὐδὲν τῶν ἐν τοῖς Ἕλλησιν αἰσχύνην φερόντων. πάντα οὖν ὅσα ἠβουλήθη κατεπράξατο, οὐδὲ ἠτύχησέ τι ἐκ τοῦ Πέρσου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> δῶρα τὰ ἐκ βασιλέως διδόμενα τοῖς παρʼ αὐτὸν ἥκουσι πρεσβευταῖς, εἴτε παρὰ τῶν Ἑλλήνων ἀφίκοιντο εἴτε ἑτέρωθεν, ταῦτʼ ἦν. τάλαντον μὲν ἑκάστῳ Βαβυλώνιον ἐπισήμου ἀργυρίου, ταλαντιαῖαι δὲ φιάλαι δύο ἀργυραῖ. δύναται δὲ τὸ τάλαντον τὸ Βαβυλώνιον δύο καὶ ἑβδομήκοντα μνᾶς Ἀττικάς. ψέλια δὲ καὶ ἀκινάκην ἐδίδου καὶ στρεπτόν, χιλίων δαρεικῶν ἄξια ταῦτα, καὶ στολὴν ἐπʼ αὐτοῖς Μηδικήν· ὄνομα δὲ τῇ στολῇ δωροφορική. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> ἐν τοῖς Ἕλλησι τοῖς πάλαι μακρᾷ τῇ δόξῃ διέπρεπε Γοργίας ὁ Λεοντῖνος Φιλολάου καὶ Πρωταγόρας Δημοκρίτου, τῇ δὲ σοφίᾳ τοσοῦτον ἐλείποντο, ὅσον ἀνδρῶν παῖδες. ἔοικε γάρ πως ἡ δόξα μὴ πάνυ τι ἀκριβὲς μήτε ὁρᾶν μήτε ἀκούειν· ἔνθεν τοι καὶ πολλὰ σφάλλεται, καὶ τὰ μὲν καταχαρίζεται, τὰ δὲ ψεύδεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> Καύκωνος τοῦ Ποσειδῶνος καὶ Ἀστυδαμείας τῆς Φόρβαντος γίνεται παῖς Λεπρεύς, ὅσπερ οὖν συνεβούλευσε τῷ Αὐγέᾳ δῆσαι τὸν Ἡρακλῆ, ὅτε αὐτὸν ἀπῄτει τὸν ὑπὲρ τοῦ ἄθλου μισθὸν Ἡρακλῆς. ἦν οὖν οἷα εἰκὸς πολέμιος τῷ Ἡρακλεῖ ὁ Λεπρεὺς ἐκ τῆς τοιαύτης συμβουλῆς. χρόνῳ δὲ ὕστερον ὁ μὲν τοῦ Διὸς παῖς ἐς Καύκωνος ἀφίκετο, δεηθείσης δὲ τῆς <pb xml:id="p.11"/> Ἀστυδαμείας διαλύεται τὴν πρὸς τὸν Λεπρέα ὁ Ἡρακλῆς ἔχθραν. φιλονεικία δʼ οὖν αὐτοῖς ἐμπίπτει νεανική, καὶ ἐρίζουσιν ἀλλήλοις περὶ δίσκου καὶ ὕδατος ἀντλήσεως καὶ τίς καταδειπνήσει ταῦρον πρότερος· καὶ ἐν πᾶσι τούτοις ἡττᾶται Λεπρεύς. καὶ ὑπὲρ πολυποσίας δὲ ἀγὼν αὐτοῖς ἐγένετο, καὶ ἐνταῦθα πάλιν ὁ Ἡρακλῆς ἐκράτει. διανιώμενος δὲ ὁ Λεπρεύς, λαβὼν ὅπλα ἐς μονομαχίαν προκαλεῖται τὸν Ἡρακλῆ. καὶ οὖν καὶ ἔτισε δίκας ὑπὲρ τῶν παρʼ Αὐγέᾳ· μαχόμενος γὰρ ἀποθνήσκει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> Ἀλέξανδρος ὁ Φιλίππου ʽεἰ δέ τῳ δοκεῖ, ὁ τοῦ Διός, ἐμοὶ γὰρ οὐδὲν διαφέρεἰ Φωκίωνι μόνῳ φασὶ τῷ Ἀθηναίων στρατηγῷ γράφων προσετίθει τὸ χαίρειν· οὕτως ἄρα ᾑρήκει τὸν Μακεδόνα ὁ Φωκίων. ἀλλὰ καὶ τάλαντα αὐτῷ ἀργυρίου ἔπεμψεν ἑκατόν, καὶ πόλεις τέτταρας ὠνόμασεν, ὧν ἠξίου μίαν ἣν βούλεται προελέσθαι αὐτόν, ἵνα ἔχοι καρποῦσθαι τὰς ἐκεῖθεν προσόδους. ἦσαν δὲ αἱ πόλεις αἵδε Κίος Ἐλαία Μύλασα Πάταρα. ὁ μὲν οὖν Ἀλέξανδρος μεγαλοφρόνως ταῦτα καὶ μεγαλοπρεπῶς· ἔτι γε μὴν μεγαλοφρονέστερον ὁ Φωκίων, μήτε τὸ ἀργύριον προσιέμενος μήτε τὴν πόλιν. ὡς δʼ ἂν μὴ δοκοίη πάντη ὑπερφρονεῖν τοῦ Ἀλεξάνδρου, ἐτίμησεν αὐτὸν κατὰ τοῦτο. τοὺς ἐν τῇ ἄκρᾳ τῇ ἐν Σάρδεσι δεδεμένους ἄνδρας ἠξίωσεν αὐτὸν ἀφεῖναι ἐλευθέρους αὐτῷ, Ἐχεκρατίδην τὸν σοφιστὴν καὶ Ἀθηνόδωρον τὸν Ἴμβριον καὶ Δημάρατον καὶ Σπάρτωνα. ἀδελφὼ δὲ ἄρα ἤστην οὗτοι Ῥοδίω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> γυναῖκα ἀκούω σαλπίσαι καὶ τοῦτο ἔργον ἔχειν ἅμα καὶ τέχνην, Ἀγλαΐδα ὄνομα, τὴν Μεγακλέους παῖδα. περίθετον δὲ εἶχε κόμην καὶ λόφον ἐπὶ τῆς κεφαλῆς. καὶ ὁμολογεῖ Ποσείδιππος ταῦτα. δεῖπνον <pb xml:id="p.12"/> δὲ ἦν ἄρα αὐτῇ κρεῶν μὲν μναῖ δώδεκα, ἄρτων δὲ χοίνικες τέτταρες· ἔπινε δὲ οἴνου χόα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> ἀδηφάγους λέγουσιν ἀνθρώπους γεγονέναι Λιτυέρσαν τὸν Φρύγα καὶ Κάμβλητα τὸν Λυδὸν καὶ Θῦν τὸν Παφλαγόνα καὶ Χαρίλαν καὶ Κλεώνυμον καὶ Πείσανδρον καὶ Χάριππον καὶ Μιθριδάτην τὸν Ποντικὸν καὶ Καλαμόδρυν τὸν Κυζικηνὸν καὶ Τιμοκρέοντα τὸν Ῥόδιον, τὸν ἀθλητὴν ἅμα καὶ ποιητήν, καὶ Καντίβαριν τὸν Πέρσην καὶ Ἐρυσίχθονα τὸν Μυρμιδόνος· ἔνθεν τοι καὶ Αἴθων ἐκλήθη οὗτος. λέγεται δὲ ἐν Σικελίᾳ Ἀδηφαγίας ἱερὸν εἶναι καὶ Σιτοῦς ἄγαλμα Δήμητρος. ὁμολογεῖ δὲ καὶ Ἀλκμὰν ὁ ποιητὴς ἑαυτὸν πολυβορώτατον γεγονέναι. καὶ Κτησίαν δέ φησί τινα Ἀναξίλας ὁ τῆς κωμῳδίας ποιητὴς πολλὰ ἐσθίειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> ἀλλὰ ἔγωγε ὑμῖν ἐθέλω εἰπεῖν Ῥόδιον δόξαν. ἐν Ῥόδῳ φασὶ τὸν μὲν ἐς τοὺς ἰχθῦς ὁρῶντα καὶ θαυμάζοντα αὐτοὺς καὶ ὄντα τῶν ἄλλων ὀψοφαγίστατον, ἀλλὰ τοῦτόν γε ὡς ἐλευθέριον ὑπὸ τῶν δημοτῶν ἐπαινεῖσθαι· τόν γε μὴν πρὸς τὰ κρέα ἀπονεύοντα ὡς φορτικὸν καὶ γάστριν διαβάλλουσι Ῥόδιοι. εἴτε δὲ ἐκεῖνοι ὀρθῶς εἴτε φλαύρως, ὑπερφρονῶ τοῦτο ἐξετάζειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> λέγουσι Κώων παῖδες ἐν Κῷ τεκεῖν ἔν τινι ποίμνῃ Νικίου τοῦ τυράννου οἶν· τεκεῖν δὲ οὐκ ἄρνα ἀλλὰ λέοντα. καὶ οὖν καὶ τὸ σημεῖον τοῦτο τῷ Νικίᾳ τὴν τυραννίδα τὴν μέλλουσαν αὐτῷ μαντεύσασθαι ἰδιώτῃ ἔτι ὄντι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Πτολεμαῖος ὁ βασιλεὺς ἐρώμενον εἶχε Γαλέτην ὄνομα, ἰδεῖν κάλλιστον. ἀμείνων δὲ ἦν ἄρα τούτῳ τῷ μειρακίῳ ἡ γνώμη τῆς μορφῆς. πολλάκις γοῦν αὐτῷ καὶ ὁ Πτολεμαῖος ἐμαρτύρει, καὶ ἔλεγεν ʽὦ <pb xml:id="p.13"/> ἀγαθὴ κεφαλή, κακοῦ μὲν οὐδεπώποτε οὐδενὶ γέγονας αἴτιος, πολλοῖς δὲ καὶ πολλὰ ἀγαθὰ προυξένησας.ʼ ὅ μὲν οὖν ἵππευε σὺν τῷ βασιλεῖ τὸ μειράκιον· ἰδὼν δὲ πόρρωθεν ἀγομένους τινὰς τὴν ἐπὶ θανάτῳ, οὐ ῥᾳθύμως εἶδεν, ἀλλʼ ἔφη πρὸς τὸν Πτολεμαῖον ʽὦ βασιλεῦ, ἐπεὶ κατά τινα δαίμονα τῶν ἀγομένων ἀγαθὸν ἐπὶ ἵππων ἐτύχομεν ὄντες, φέρε, εἴ σοι δοκεῖ, τὴν ἔλασιν ἐπιτείναντες καὶ συντονώτερον ἐπιδιώξαντες Διόσκοροι τοῖς δειλαίοις γενώμεθα, @σωτῆρες ἐσθλοὶ κἀγαθοὶ παραστάται, τοῦτο δὴ τὸ λεγόμενον ἐπὶ τῶν θεῶν τούτων. ὃ δὲ ὑπερησθεὶς αὐτοῦ τῇ χρηστότητι καὶ τὸ φιλοίκτιρμον ὑπερφιλήσας, καὶ ἐκείνους ἔσωσε καὶ ἐπὶ πλέον προσέθηκε τῷ φίλτρῳ τοῦ κατʼ αὐτὸν ἔρωτος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> νόμος οὗτος Περσικὸς ἐν τοῖς μάλιστα ὑπʼ αὐτῶν φυλαττόμενος. ὅταν ἐς Πέρσας ἐλαύνῃ βασιλεύς, πάντες αὐτῷ Πέρσαι κατὰ τὴν ἑαυτοῦ δύναμιν ἕκαστος προσκομίζουσιν. ἅτε δὲ ὄντες ἐν γεωργίᾳ καὶ περὶ γῆν πονούμενοι καὶ αὐτουργοὶ πεφυκότες οὐδὲν τῶν ὑβρισμένων οὐδὲ τῶν ἄγαν πολυτελῶν προσφέρουσιν, ἀλλʼ ἢ βοῦς ἢ οἶς, οἳ δὲ σῖτον, καὶ οἶνον ἄλλοι. παρεξιόντι δʼ αὐτῷ καὶ παρελαύνοντι ταῦτα ὑπὸ ἑκάστου πρόκειται, καὶ ὀνομάζεται δῶρα καὶ δοκεῖ τούτῳ. οἱ δὲ ἔτι τούτων ἐνδεέστεροι τὸν βίον καὶ γάλα καὶ φοίνικας αὐτῷ καὶ τυρὸν προσφέρουσι καὶ τρωκτὰ ὡραῖα καὶ τὰς ἄλλας ἀπαρχὰς τῶν ἐπιχωρίων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> λόγος οὖν καὶ οὗτος Περσικός. φασὶν ἄνδρα Πέρσην, ᾧ ὄνομα ἦν Σιναίτης, πόρρω τῆς ἐπαύλεως τῆς ἑαυτοῦ ἐντυχεῖν Ἀρταξέρξῃ τῷ ἐπικαλουμένῳ <pb xml:id="p.14"/> Μνήμονι. ἀποληφθέντα οὖν θορυβηθῆναι δέει τοῦ νόμου καὶ αἰδοῖ τοῦ βασιλέως. οὐκ ἔχων δὲ ὅ τι χρήσαιτο τῷ παρόντι, ἡττηθῆναι τῶν ἄλλων Περσῶν μὴ φέρων μηδὲ ἄτιμος δόξαι τῷ μὴ δωροφορῆσαι βασιλέα, ἀλλʼ οὗτός γε πρὸς τὸν ποταμὸν τὸν πλησίον παραρρέοντα ᾧ Κῦρός ἐστιν ὄνομα ἐλθὼν σὺν σπουδῇ καὶ ᾗ ποδῶν εἶχε μάλιστα, ἐπικύψας ἀμφοτέραις ταῖς χερσὶν ἀρυσάμενος τοῦ ὕδατος ʽβασιλεὖ φησὶν ʽἈρταξέῥ??ʼ, δι’ αἰῶνος βασιλεύοις. νῦν μὲν οὖν σε ὅπῃ τε καὶ ὅπως ἔχω τιμῶ, ὡς ἂν μὴ ἀγέραστος τὸ γοῦν ἐμὸν παρέλθῃς. τιμῶ δέ σε Κύρου ποταμοῦ ὕδατι. ὅταν δὲ ἐπὶ τὸν σταθμὸν τὸν σὸν παραγένῃ, οἴκοθεν, ὡς ἂν ἐμαυτοῦ κράτιστα καὶ πολυτελέστατα χωρήσω, οὕτω τιμήσω σε, καὶ δὴ οὐδὲν ἂν ἐλάττων γενοίμην τινὸς τῶν ἄλλων τῶν ἤδη σε δεξιωσαμένων τοῖς δώροις.ʼ ἐπὶ τούτοις ὁ Ἀρταξέρξης ἥσθη καὶ ʽδέχομαι ἡδέωσʼ φησὶν ʽἄνθρωπε, τὸ δῶρον, καὶ τιμῶ γε αὐτὸ τῶν πάνυ πολυτελῶν, καὶ ἰσοστάσιον ἐκείνοις λέγω· πρῶτον μέν, ὅτι ὕδωρ ἐστὶ τὸ πάντων ἄριστον, δεύτερον δέ, ὅτι Κύρου ὄνομα ἐν ἑαυτῷ φέρει. καὶ σὺ δέ μοι καταλύοντι ἐν τῷ σταθμῷ πάντως ἐπιφάνηθι.ʼ ταῦτα εἰπὼν προσέταξε τοὺς εὐνούχους λαβεῖν τὸ ἐξ αὐτοῦ δῶρον· οἳ δὲ τὴν ταχίστην προσδραμόντες ἐς χρυσῆν φιάλην ἐδέξαντο ἐκ τῶν χειρῶν αὐτοῦ τὸ ὕδωρ. ἐλθὼν δὲ ἔνθα κατέλυεν ὁ βασιλεὺς ἔπεμψε τῷ ἀνδρὶ τῷ Πέρσῃ στολὴν Περσικὴν καὶ φιάλην χρυσῆν καὶ χιλίους δαρεικούς, καὶ προσέταξε τὸν κομίζοντα αὐτὰ εἰπεῖν τῷ λαμβάνοντι ʽκελεύει σε βασιλεὺς ἐκ μὲν τούτου τοῦ χρυσίου εὐφραίνειν τὴν σεαυτοῦ ψυχήν, ἐπεὶ καὶ σὺ τὴν ἐκείνου εὔφρανας, μὴ αὐτὸν ἀγέραστον μηδὲ ἄτιμον ἐάσας, ἀλλʼ ὡς ἤδη ἐχώρει ταύτῃ τιμήσας. <pb xml:id="p.15"/> βούλεται δέ σε καὶ τῇ φιάλῃ ταύτῃ ἀρυτόμενον πίνειν ἐξ ἐκείνου τοῦ ὕδατος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> ῥοιὰν ἐπὶ λίκνου μεγίστην Ὠμίσης Ἀρταξέρξῃ τῷ βασιλεῖ ἐλαύνοντι τὴν Περσίδα προσεκόμισε. τὸ μέγεθος οὖν αὐτῆς ὑπερεκπλαγεὶς ὁ βασιλεὺς ʽἐκ ποίου παραδείσοὐ φησὶ ʽλαβὼν φέρεις μοι τὸ δῶρον τοῦτο;ʼ τοῦ δὲ εἰπόντος ὅτι οἴκοθεν καὶ ἐκ τῆς αὑτοῦ γεωργίας, ὑπερήσθη καὶ δῶρα μὲν αὐτῷ βασιλικὰ ἔπεμψε καὶ ἐπεῖπε ʽνὴ τὸν Μίθραν, ἀνὴρ οὗτος ἐκ τῆς ἐπιμελείας ταύτης δυνήσεται καὶ πόλιν κατά γε τὴν ἐμὴν κρίσιν ἐκ μικρᾶς μεγάλην ποιῆσαι.ʼ ἔοικε δὲ ὁ λόγος ὁμολογεῖν οὗτος ὅτι πάντα ἐκ τῆς ἐπιμελείας καὶ τῆς διαρκοῦς φροντίδος καὶ τῆς σπουδῆς τῆς ἀνελλιποῦς καὶ τῶν κατὰ φύσιν δύναιτο ἂν κρείττονα γενέσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> ἀνὴρ γένει Μάρδος, ὄνομα Ῥακώκης, παῖδας εἶχεν ἑπτά. τούτων ὁ νεώτατος ἐκαλεῖτο Καρτώμης, κακὰ δὲ πολλὰ τοὺς ἄλλους εἰργάζετο. καὶ τὰ μὲν πρῶτα ἐπειρᾶτο αὐτὸν ὁ πατὴρ παιδεύειν καὶ ῥυθμίζειν λόγῳ· ἐπεὶ δὲ οὐκ ἐπείθετο, τῶν δικαστῶν τῶν περιχώρων ἀφικομένων ἔνθα ᾤκει ὁ τοῦ νεανίσκου πατήρ, ἀλλʼ ἐκεῖνός γε συλλαβὼν τὸ παιδίον καὶ τὼ χεῖρε ὀπίσω περιαγαγὼν αὐτοῦ, πρὸς τοὺς δικαστὰς ἤγαγε καὶ ὅσα αὐτῷ τετόλμητο πάντα ἀκριβῶς κατηγόρησε, καὶ ᾔτει παρὰ τῶν δικαστῶν ἀποκτεῖναι τὸν νεανίσκον. οἳ δὲ ἐξεπλάγησαν, καὶ αὐτοὶ μὲν ἐφʼ ἑαυτῶν οὐκ ἔκριναν τὴν καταδικάζουσαν ἀγαγεῖν ψῆφον, ἀμφοτέρους δὲ ἐπὶ τὸν βασιλέα τῶν Περσῶν τὸν Ἀρταξέρξην ἤγαγον. τὰ αὐτὰ δὲ λέγοντος τοῦ Μάρδου ὑπολαβὼν ὁ βασιλεὺς ἔφη ʽεἶτα τολμήσεις τοῖς ὀφθαλμοῖς τοῖς σεαυτοῦ τὸν υἱὸν ἀποθνήσκοντα ὑπομεῖναι;ʼ ὃ δὲ ἔφη ʽπάντων μάλιστα· ἐπεὶ καὶ ἐν <pb xml:id="p.16"/> τῷ κήπῳ ὅταν τῶν φυομένων θριδακινῶν τὰς ἐκφύσεις τὰς πικρὰς ἀποκλῶ καὶ ἀφαιρῶ, οὐδὲν ἡ μήτηρ αὐτῶν λυπεῖται, ἀλλὰ θάλλει μᾶλλον καὶ μείζων καὶ γλυκίων γίνεται. οὕτω καὶ ἐγώ, ὦ βασιλεῦ, τὸν βλάπτοντα τὴν ἐμὴν οἰκίαν καὶ τὸν τῶν ἀδελφῶν βίον θεωρῶν ἀπολλύμενον καὶ τῆς κακουργίας τῆς ἐς αὐτοὺς παυόμενον καὶ αὐτὸς αὐξηθήσομαι καὶ τοῖς λοιποῖς τοῖς κατὰ γένος συνέσομαι τὰ αὐτὰ ἐμοὶ εὖ πάσχουσιν.ʼ ὧν ἀκούσας Ἀρταξέρξης ἐπῄνεσε μὲν τὸν Ῥακώκην καὶ τῶν βασιλικῶν δικαστῶν ἐποίησεν ἕνα, εἰπὼν πρὸς τοὺς παρόντας ὅτι ὁ περὶ τῶν ἰδίων παίδων οὕτω δικαίως ἀποφαινόμενος πάντως καὶ ἐν τοῖς ἀλλοτρίοις ἀκριβὴς ἔσται δικαστὴς καὶ ἀδέκαστος, ἀφῆκε δὲ καὶ τὸν νεανίαν τῆς παρούσης τιμωρίας, ἀπειλῶν αὐτῷ θανάτου τρόπον βαρύτατον, ἐὰν ἐπὶ τοῖς φθάσασιν ἀδικῶν φωραθῇ ἕτερα.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="2"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> καὶ ταῦτα Σωκράτους πρὸς Ἀλκιβιάδην. ὃ μὲν ἠγωνία καὶ ἐδεδίει πάνυ σφόδρα ἐς τὸν δῆμον παρελθεῖν τὸ μειράκιον· ἐπιθαρσύνων δὲ αὐτὸν καὶ ἐγείρων ὁ Σωκράτης ʽοὐ καταφρονεῖσʼ εἶπεν ʽἐκείνου τοῦ σκυτοτόμου;ʼ τὸ ὄνομα ἐπειπὼν αὐτοῦ. φήσαντος δὲ τοῦ Ἀλκιβιάδου ὑπολαβὼν πάλιν ὁ Σωκράτης ʽἔτι δὲ ἐκείνου τοῦ ἐν τοῖς κύκλοις κηρύττοντος ἢ ἐκείνου τοῦ σκηνορράφου;ʼ ὁμολογοῦντος δὲ τοῦ μειρακίου ʽοὐκοῦνʼ ἔφη ὁ Σωκράτης ʽὁ δῆμος ὁ Ἀθηναίων ἐκ τοιούτων ἤθροισται· καὶ εἰ τῶν καθʼ ἕνα καταφρονεῖς, καταφρονητέον ἄρα καὶ τῶν ἠθροισμένων,ʼ <pb xml:id="p.17"/> μεγαλοφρόνως ταῦτα ὁ τοῦ Σωφρονίσκου καὶ τῆς Φαιναρέτης τὸν τοῦ Κλεινίου καὶ τῆς Δεινομάχης διδάσκων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Μεγαβύζου ποτὲ ἐπαινοῦντος γραφὰς εὐτελεῖς καὶ ἀτέχνους, ἑτέρας δὲ σπουδαίως ἐκπεπονημένας διαψέγοντος, τὰ παιδάρια τὰ τοῦ Ζεύξιδος τὰ τὴν μηλιάδα τρίβοντα κατεγέλα. ὁ τοίνυν Ζεῦξις ἔφατο ʽὅταν μὲν σιωπᾷς, ὦ Μεγάβυζε, θαυμάζει σε τὰ παιδάρια ταῦτα· ὁρᾷ γάρ σου τὴν ἐσθῆτα καὶ τὴν θεραπείαν τὴν περὶ σέ· ὅταν γε μὴν τεχνικόν τι θέλῃς εἰπεῖν, καταφρονεῖ σου. φύλαττε τοίνυν σεαυτὸν ἐς τοὺς ἐπαινουμένους, κρατῶν τῆς γλώττης καὶ ὑπὲρ μηδενὸς τῶν μηδέν σοι προσηκόντων φιλοτεχνῶν.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Ἀλέξανδρος θεασάμενος τὴν ἐν Ἐφέσῳ εἰκόνα ἑαυτοῦ τὴν ὑπὸ Ἀπελλοῦ γραφεῖσαν οὐκ ἐπῄνεσε κατὰ τὴν ἀξίαν τοῦ γράμματος. ἐσαχθέντος δὲ τοῦ ἵππου καὶ χρεμετίσαντος πρὸς τὸν ἵππον τὸν ἐν τῇ εἰκόνι ὡς πρὸς ἀληθινὸν καὶ ἐκεῖνον ʽὦ βασιλεὖ εἶπεν ὁ Ἀπελλῆς, ʽἀλλʼ ὅ γε ἵππος ἔοικέ σου γραφικώτερος εἶναι κατὰ πολύ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> Φαλάριδος ὑμῖν ἔργον οὐ μάλα ἐκείνῳ σύνηθες εὶπεῖν ἐθέλω· τὸ δὲ ἔργον φιλανθρωπίαν ἄμαχον ὁμολογεῖ, καὶ διὰ τοῦτο ἀλλότριον ἐκείνου δοκεῖ. Χαρίτων ἦν Ἀκραγαντῖνος φιλόκαλος ἄνθρωπος καὶ περὶ τὴν ὥραν τὴν τῶν νέων ἐσπουδακὼς δαιμονίως· διαπύρως δὲ ἠράσθη μάλιστα Μελανίππου Ἀκραγαντίνου καὶ ἐκείνου καὶ τὴν ψυχὴν ἀγαθοῦ καὶ τὸ κάλλος διαφέροντος. τοῦτον ἐλύπησέ τι Φάλαρις τὸν Μελάνιππον· δικαζομένῳ γὰρ αὐτῷ πρός τινα τῶν ἑταίρων αὐτοῦ τοῦ Φαλάριδος προσέταξεν ὁ τύραννος τὴν γραφὴν καταθέσθαι. τοῦ δὲ μὴ πειθομένου ὃ δὲ ἠπείλησε τὰ ἔσχατα δράσειν αὐτὸν μὴ ὑπακούσαντα. <pb xml:id="p.18"/> καὶ ἐκεῖνος μὲν παρὰ τὴν δίκην ἐκράτησεν ἀνάγκῃ προστάξαντος τοῦ Φαλάριδος, οἱ δὲ ἄρχοντες τὴν γραφὴν τοῦ ἀγῶνος ἠφάνισαν. βαρέως δὲ ἐπὶ τούτοις ὁ νεανίσκος ἤνεγκεν ὑβρίσθαι λέγων, καὶ ὡμολόγει τὴν ὀργὴν τὴν ἑαυτοῦ πρὸς τὸν ἐραστήν, καὶ ἠξίου κοινωνὸν αὐτὸν γενέσθαι τῆς ἐπιθέσεως τῆς κατʼ αὐτοῦ, καὶ ἄλλους δὲ ἔσπευδε προσλαβεῖν τῶν νεανίσκων, οὓς μάλιστα ᾔδει περὶ τὴν τοιαύτην πρᾶξιν θερμοτάτους. ὁρῶν δὲ αὐτὸν ὁ Χαρίτων ἐνθουσιῶντα καὶ ὑπὸ τῆς ὀργῆς ἀναφλεγόμενον, καὶ γινώσκων ὅτι τῶν πολιτῶν οὐδεὶς αὐτοῖς συλλήψεται δέει τῷ ἐκ τοῦ τυράννου, καὶ αὐτὸς ἔφη πάλαι τοῦτο ἐπιθυμεῖν καὶ σπεύδειν ἐκ παντὸς τὴν πατρίδα ῥύσασθαι τῆς δουλείας τῆς καταλαβούσης· ἀσφαλὲς δὲ μὴ εἶναι πρὸς πολλοὺς τὰ τοιαῦτα ἐκφέρειν. ἠξίου δὴ τὸν Μελάνιππόν οἱ συγχωρῆσαι ἀκριβέστερον ὑπὲρ τούτων διασκέψασθαι καὶ ἐᾶσαι παραφυλάξαι τὸν χρόνον τὸν ἐπιτήδειον ἐς τὴν πρᾶξιν. συνεχώρησε τὸ μειράκιον. ἐφʼ ἑαυτοῦ τοίνυν ὁ Χαρίτων βαλόμενος τὸ πᾶν τόλμημα, καὶ κοινωνὸν αὐτοῦ μὴ θελήσας παραλαβεῖν τὸν ἐρώμενον, ἵνʼ εἰ καταφωραθείη, αὐτὸς ὑπέχοι τὴν δίκην, ἀλλὰ μὴ καὶ ἐκεῖνον ἐς ταὐτὰ ἐμβάλοι, ἡνίκα οἱ ἐδόκει καλῶς ἔχειν, ἐγχειρίδιον λαβὼν ὡρμᾶτο ἐπὶ τὸν τύραννον. οὐ μὴν ἔλαθε, πάνυ σφόδρα ἀκριβῶς τῶν δορυφόρων τὰ τοιαῦτα φυλαττόντων. ἐμβληθεὶς δὲ ὑπὸ τοῦ Φαλάριδος ἐς τὸ δεσμωτήριον καὶ στρεβλούμενος ἵνʼ εἴποι τοὺς συνεγνωκότας, ὃ δὲ ἐνεκαρτέρει καὶ ἐνήθλει ταῖς βασάνοις. ἐπεὶ δὲ μακρὸν τοῦτο ἦν, ὁ Μελάνιππος ἧκεν ἐπὶ τὸν Φάλαριν, καὶ ὡμολόγησεν οὐ μόνον κοινωνὸς εἶναι τῷ Χαρίτωνι, ἀλλὰ καὶ αὐτὸς ἄρξαι τῆς ἐπιβουλῆς. τοῦ δὲ πυνθανομένου τὴν αἰτίαν, εἶπε τὸν ἐξ ἀρχῆς λόγον <pb xml:id="p.19"/> καὶ τὴν τῆς γραφῆς ἄρσιν, καὶ ἐπὶ τούτοις ὡμολόγει περιαλγῆσαι. θαυμάσας οὖν ἀμφοτέρους ἀφῆκε τῆς τιμωρίας, προστάξας αὐθημερὸν ἀπελθεῖν μὴ μόνον τῆς Ἀκραγαντίνων πόλεως ἀλλὰ καὶ τῆς Σικελίας· συνεχώρησε δὲ αὐτοῖς τὰ ἴδια δίκαια καρποῦσθαι. τούτους ὕστερον ἡ Πυθία καὶ τὴν φιλίαν αὐτῶν ὕμνησε διὰ τούτων τῶν ἐπῶν <quote rend="blockquote"> <lb/>θείας ἡγητῆρες ἐφημερίοις φιλότητος <lb/>εὐδαίμων Χαρίτων καὶ Μελάνιππος ἔφυ, </quote> τοῦ θεοῦ τὸν ἔρωτα αὐτῶν θείαν ὀνομάσαντος φιλίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> Λακεδαιμόνιοι δεινὴν ἐποιοῦντο τοῦ χρόνου την φειδώ, ταμιευόμενοι πανταχόθεν αὐτὸν ἐς τὰ ἐπειγόμενα καὶ μηδενὶ τῶν πολιτῶν ἐπιτρέποντες μήτε ῥᾳστωνεύειν μήτε ῥᾳθυμεῖν ἐς αὐτόν, ὡς ἂν μὴν πρὸς τὰ ἔξω τῆς ἀρετῆς ἀναλισκόμενος εἶτα μάτην διαφθείροιτο. μαρτύριον τούτου πρὸς τοῖς ἄλλοις καὶ τοῦτο. ἀκούσαντες οἱ ἔφοροι Λακεδαιμονίων τοὺς Δεκέλειαν καταλαβόντας περιπάτῳ χρῆσθαι δειλινῷ, ἐπέστειλαν αὐτοῖς ʽμὴ περιπατεῖτἐ, ὡς τρυφώντων αὐτῶν μᾶλλον ἢ τὸ σῶμα ἐκπονούντων. δεῖν γὰρ Λακεδαιμονίους οὐ διὰ τοῦ περιπάτου ἀλλὰ διὰ τῶν γυμνασίων τὴν ὑγίειαν πορίζεσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> Ἱππόμαχός φασιν ὁ γυμναστὴς ἐπεὶ πάλαισμά τι ὁ ἀθλητὴς ὁ ὑπʼ αὐτῷ γυμναζόμενος ἐπάλαισεν, εἶτα ὁ πᾶς ὄχλος ὁ περιεστὼς ἐξεβόησε, καθίκετο αὐτοῦ τῇ ῥάβδῳ καὶ εἶπεν ʽἀλλὰ σύ γε κακῶς καὶ οὐχ ὡς ἐχρῆν ἐποίησας ὅπερ ἐχρῆν ἄμεινον γενέσθαι· οὐ γὰρ ἂν ἐπῄνεσαν οὗτοι τεχνικόν σε δράσαντά τι,ʼ αἰνιττόμενος ὅτι τοὺς εὖ καὶ καλῶς ἕκαστα δρῶντας οὐ τοῖς πολλοῖς ἀλλὰ τοῖς ἔχουσιν νοῦν θεωρητικὸν τῶν δρωμένων ἀρέσκειν δεῖ. ἔοικε δὲ καὶ Σωκράτης <pb xml:id="p.20"/> τὴν τῶν πολλῶν ἐκφαυλίζειν κρίσιν ἐν τῇ συνουσίᾳ τῇ πρὸς Κρίτωνα, ὅτε ἀφίκετο ὁ Κρίτων ἐς τὸ δεσμωτήριον, καὶ δὴ ἔπειθεν αὐτὸν ἀποδρᾶναι καὶ τὴν τῶν Ἀθηναίων τὴν κατʼ αὐτοῦ κρίσιν διαφθεῖραι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> νόμος οὗτος Θηβαϊκὸς ὀρθῶς ἅμα καὶ φιλανθρώπως κείμενος ἐν τοῖς μάλιστα ὅτι οὐκ ἔξεστιν ἀνδρὶ Θηβαίῳ ἐκθεῖναι παιδίον οὐδὲ ἐς ἐρημίαν αὐτὸ ῥῖψαι θάνατον αὐτοῦ καταψηφισαμένῳ, ἀλλʼ ἐὰν ᾖ πένης ἐς τὰ ἔσχατα ὁ τοῦ παιδὸς πατήρ, εἶτε ἄρρεν τοῦτο εἴτε θῆλύ ἐστιν, ἐπὶ τὰς ἀρχὰς κομίζειν ἐξ ὠδίνων τῶν μητρῴων σὺν τοῖς σπαργάνοις αὐτό· αἳ δὲ παραλαβοῦσαι ἀποδίδονται τὸ βρέφος τῷ τιμὴν ἐλαχίστην δόντι. ῥήτρα τε πρὸς αὐτὸν καὶ ὁμολογία γίνεται ἦ μὴν τρέφειν τὸ βρέφος καὶ αὐξηθὲν ἔχειν δοῦλον ἢ δούλην, θρεπτήρια αὐτοῦ τὴν ὑπηρεσίαν λαμβάνοντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> κατὰ τὴν πρώτην καὶ ἐνενηκοστὴν Ὀλυμπιάδα, καθʼ ἣν ἐνίκα Ἐξαίνετος ὁ Ἀκραγαντῖνος στάδιον, ἀντηγωνίσαντο ἀλλήλοις Ξενοκλῆς καὶ Εὐριπίδης. καὶ πρῶτός γε ἦν Ξενοκλῆς, ὅστις ποτὲ οὗτός ἐστιν, Οἰδίποδι καὶ Λυκάονι καὶ Βάκχαις καὶ Ἀθάμαντι Σατυρικῷ. τούτου δεύτερος Εὐριπίδης ἦν Ἀλεξάνδρῳ καὶ Παλαμήδει καὶ Τρωσὶ καὶ Σισύφῳ Σατυρικῷ. γελοῖον δὲ ʽοὐ γάρ;ʼ Ξενοκλέα μὲν νικᾶν, Εὐριπίδην δὲ ἡττᾶσθαι, καὶ ταῦτα τοιούτοις δράμασι. τῶν δύο τοίνυν τὸ ἕτερον· ἢ ἀνόητοι ἦσαν οἱ τῆς ψήφου κύριοι καὶ ἀμαθεῖς καὶ πόρρω κρίσεως ὀρθῆς, ἢ ἐδεκάσθησαν. ἄτοπον δὲ ἑκάτερον καὶ Ἀθηναίων ἥκιστα ἄξιον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> οἶα ἐψηφίσαντο Ἀθηναῖοι, καὶ ταῦτα ἐν δημοκρατίᾳ, Αἰγινητῶν μὲν ἑκάστου τὸν μέγαν ἀποκόψαι τῆς χειρὸς δάκτυλον τῆς δεξιᾶς, ἵνα δόρυ μὲν βαστάζειν μὴ δύνωνται, κώπην δὲ ἐλαύνειν δύνωνται· <pb xml:id="p.21"/> Μυτιληναίους δὲ ἡβηδὸν ἀποσφάξαι καὶ τοῦτο ἐψηφίσαντο ἐσηγησαμένου Κλέωνος τοῦ Κλεαινέτου. τούς γε μὴν ἁλισκομένους αἰχμαλώτους Σαμίων στίζειν κατὰ τοῦ προσώπου καὶ εἶναι τὸ στίγμα γλαῦκα καὶ τοῦτο Ἀττικὸν ψήφισμα. οὐκ ἐβουλόμην δὲ αὐτὰ οὔτε Ἀθήνησι κεκυρῶσθαι οὔτε ὑπὲρ Ἀθηναίων λέγεσθαι, ὦ Πολιὰς Ἀθηνᾶ καὶ Ἐλευθέριε Ζεῦ καὶ Ἑλλήνων θεοὶ πάντες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> Τιμόθεον ἀκούω τὸν Κόνωνος τὸν Ἀθηναίων στρατηγόν, ὅτε ἐν ἀκμῇ τῆς εὐτυχίας ἦν καὶ ᾕρει τὰς πόλεις ῥᾷστα, καὶ οὐκ εἶχον Ἀθηναῖοι ὅποι ποτὲ αὐτὸν κατάθωνται ὑπὸ θαύματος τοῦ περὶ τὸν ἄνδρα, ἀλλὰ τοῦτόν γε Πλάτωνι τῷ Ἀρίστωνος περιτυχόντα βαδίζοντι ἔξω τοῦ τείχους μετά τινων γνωρίμων καὶ ἰδόντα σεμνὸν μὲν ἰδεῖν τὸ πλάτος, ἵλεων δὲ τῷ προσώπῳ, διαλεγόμενον δὲ οὐχὶ περὶ ἐσφορᾶς χρημάτων οὐδὲ ὑπὲρ τριηρῶν, οὐδὲ ὑπὲρ ναυτικῶν χρειῶν οὐδὲ ὑπὲρ πληρωμάτων, οὐδὲ ὑπὲρ τοῦ δεῖν βοηθεῖν οὐδὲ ὑπὲρ φόρου τοῦ τῶν συμμάχων, οὐδὲ ὑπὲρ τῶν νησιωτῶν ἢ ὑπὲρ ἄλλου τινὸς τοιούτου φληνάφου, ὑπὲρ ἐκείνων δέ, ὧν ἔλεγε Πλάτων καὶ ὑπὲρ ὧν εἴθιστο σπουδάζειν, ἐπιστάντα τὸν τοῦ Κόνωνος εἰπεῖν ʽὦ τοῦ βίου καὶ τῆς ὄντως εὐδαιμονίασʼ. ἐκ τούτων οὖν δῆλον ὡς ἑαυτὸν οὐ πάνυ τι εὐδαίμονα ἀπέφαινεν ὁ Τιμόθεος, ὅτι μὴ ἐν τούτοις ἀλλʼ ἐν τῇ παρʼ Ἀθηναίων δόξῃ καὶ τιμῇ ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> Σωκράτης ἰδὼν κατὰ τὴν ἀρχὴν τῶν τριάκοντα τοὺς ἐνδόξους ἀναιρουμένους καὶ τοὺς βαθύτατα πλουτοῦντας ὑπὸ τῶν τυράννων ἐπιβουλευομένους, Ἀντισθένει φασὶ περιτυχόντα εἰπεῖν ʽμή τί σοι μεταμέλει ὅτι μέγα καὶ σεμνὸν οὐδὲν ἐγενόμεθα ἐν τῷ βίῳ καὶ τοιοῦτοι οἵους ἐν τῇ τραγῳδίᾳ τοὺς μονάρχας <pb xml:id="p.22"/> ὁρῶμεν, Ἀτρέας τε ἐκείνους καὶ Θυέστας καὶ Ἀγαμέμνονας καὶ Αἰγίσθους; οὗτοι μὲν γὰρ ἀποσφαττόμενοι καὶ ἐκτραγῳδούμενοι καὶ πονηρὰ δεῖπνα δειπνοῦντες ἑκάστοτε ἐκκαλύπτονται· οὐδεὶς δὲ οὕτως ἐγένετο τολμηρὸς οὐδὲ ἀναίσχυντος τραγῳδίας ποιητής, ὥστε ἐσαγαγεῖν ἐς δρᾶμα ἀποσφαττόμενον χορόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> Θεμιστοκλέους τοῦ Νεοκλέους οὐκ οἶδα εἰ ἐπαινεῖν χρὴ τοῦτο. ἐπεὶ γὰρ τῆς ἀσωτίας ἐπαύσατο Θεμιστοκλῆς ἀποκηρυχθεὶς ὑπὸ τοῦ πατρός, καὶ ὑπήρξατο σωφρονεῖν, καὶ τῶν μὲν ἑταιρῶν ἀπέστη, ἤρα δὲ ἔρωτα ἕτερον τὸν τῆς πολιτείας τῶν Ἀθηναίων, καὶ θερμότατα ἐπεχείρει ταῖς ἀρχαῖς, καὶ ἑαυτὸν ἔσπευδεν εἶναι πρῶτον, ἔλεγέ φασι πρὸς τοὺς γνωρίμους ʽτί δʼ ἂν ἐμοῦ δοίητε, ὃς οὔπω φθονοῦμαι;ʼ ὅστις δὲ ἐρᾷ φθονεῖσθαι, τοῦτο δή που τὸ τοῦ Εὐριπίδου περιβλέπεσθαι σπεύδει. ὅτι δὲ τοῦτο ἔστι κενόν, ὁ αὐτὸς Εὐριπίδης φησίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> ἐπετίθεντο τῷ Σωκράτει καὶ ἐπεβούλευον οἱ ἀμφὶ τὸν Ἄνυτον ὧν χάριν καὶ διʼ ἃς αἰτίας λέλεκται πάλαι. ὑφορώμενοι δὲ τοὺς Ἀθηναίους καὶ δεδιότες ὅπως ποτὲ ἕξουσι πρὸς τὴν κατηγορίαν τοῦ ἀνδρὸς ʽπολὺ γὰρ ἦν τὸ τοῦ Σωκράτους ὄνομα διά τε τὰ ἄλλα καὶ ὅτι τοὺς σοφιστὰς ἤλεγχεν οὐδὲν ὑγιὲς ὄντας οὐδέ τι σπουδαῖον ἢ εἰδότας ἢ λέγοντασʼ, ἐκ τούτων οὖν ἐβουλήθησαν πεῖραν καθεῖναι ὑπὲρ τῆς κατʼ αὐτοῦ διαβολῆς. τὸ μὲν γὰρ ἄντικρυς ἀπενέγκασθαι γραφὴν κατʼ αὐτοῦ παραχρῆμα οὐκ ἐδοκίμαζον διʼ ἃ προεῖπον καὶ διʼ ἐκεῖνα δέ, μή ποτε ἄρα ἀγριάναντες οἱ φίλοι οἱ τοῦ Σωκράτους ἐξάψωσι κατʼ αὐτῶν τοὺς δικαστάς, εἶτά τι πάθωσι κακὸν ἀνήκεστον, ἅτε συκοφαντοῦντες ἄνδρα οὐ μόνον οὐδενὸς αἴτιον κακοῦ τῇ πόλει, ἐκ δὲ τῶν ἐναντίων καὶ κόσμον ταῖς Ἀθήναις <pb xml:id="p.23"/> ὄντα. τί οὖν ἐπινοοῦσιν; Ἀριστοφάνην τὸν τῆς κωμῳδίας ποιητήν, βωμολόχον ἄνδρα καὶ γελοῖον ὄντα καὶ εἶναι σπεύδοντα, ἀναπείθουσι κωμῳδῆσαι τὸν Σωκράτη, ταῦτα δήπου τὰ περιφερόμενα, ὡς ἦν ἀδολέσχης, λέγων τε αὖ καὶ τὸν ἥττω λόγον ἀπέφαινε κρείττονα, καὶ ἐσῆγε ξένους δαίμονας, καὶ οὐκ ᾐδεῖτο θεοὺς οὐδʼ ἐτίμα, τὰ δὲ αὐτὰ ταῦτα καὶ τοὺς προσιόντας αὐτῷ ἐδίδασκέ τε καὶ εἰδέναι ἀνέπειθεν. ὁ δὲ Ἀριστοφάνης λαβόμενος ὑποθέσεως εὖ μάλα ἀνδρικῆς, ὑποσπείρας γέλωτα καὶ τὸ ἐκ τῶν μέτρων αἱμύλον καὶ τὸν ἄριστον τῶν Ἑλλήνων λαβὼν ὑπόθεσιν ʽοὐ γάρ οἱ κατὰ Κλέωνος ἦν τὸ δρᾶμα, οὐδὲ ἐκωμῴδει Λακεδαιμονίους ἢ Θηβαίους ἢ Περικλέα αὐτόν, ἀλλʼ ἄνδρα τοῖς τε ἄλλοις θεοῖς φίλον καὶ δὴ καὶ μάλιστα τῷ Ἀπόλλωνἰ, ἅτε οὖν ἄηθες πρᾶγμα καὶ ὅραμα παράδοξον ἐν σκηνῇ καὶ κωμῳδίᾳ Σωκράτης, πρῶτον μὲν ἐξέπληξεν ἡ κωμῳδία τῷ ἀδοκήτῳ τοὺς Ἀθηναίους, εἶτα καὶ φύσει φθονεροὺς ὅντας κοὶ τοῖς ἀρίστοις βασκαίνειν προῃρημένους οὐ μόνον τοῖς ἐν τῇ πολιτείᾳ καὶ ταῖς ἀρχαῖς ἀλλʼ ἔτι καὶ πλέον τοῖς εὐδοκιμοῦσιν ἢ ἐν λόγοις ἀγαθοῖς ἢ ἐν βίου σεμνότητι, ἄκουσμα ἔδοξεν ἥδιστον αἵδε αἱ Νεφέλαι, καὶ ἐκρότουν τὸν ποιητὴν ὡς οὔ ποτε ἄλλοτε, καὶ ἐβόων νικᾶν, καὶ προσέταττον τοῖς κριταῖς ἄνωθεν Ἀριστοφάνην ἀλλὰ μὴ ἄλλον γράφειν. καὶ τὰ μὲν τοῦ δράματος τοιαῦτα· ὁ δὲ Σωκράτης σπάνιον μὲν ἐπεφοίτα τοῖς θεάτροις, εἴ ποτε δὲ Εὐριπίδης ὁ τῆς τραγῳδίας ποιητὴς ἠγωνίζετο καινοῖς τραγῳδοῖς, τότε γε ἀφικνεῖτο. καὶ Πειραιοῖ δὲ ἀγωνιζομένου τοῦ Εὐριπίδου καὶ ἐκεῖ κατῄει· ἔχαιρε γὰρ τῷ ἀνδρὶ διά τε τὴν σοφίαν αὐτοῦ καὶ τὴν ἐν τοῖς μέτροις ἀρετήν. ἤδη δέ ποτε αὐτὸν ἐρεσχελῶν Ἀλκιβιάδης <pb xml:id="p.24"/> ὁ Κλεινίου καὶ Κριτίας ὁ Καλλαίσχρου καὶ κωμῳδῶν ἀκοῦσαι παρελθόντα ἐς τὸ θέατρον ἐξεβιάσαντο. ὃ δὲ αὐτοῖς οὐκ ἠρέσκετο, ἀλλὰ δεινῶς κατεφρόνει ʽἅτε ἀνὴρ σώφρων καὶ δίκαιος καὶ ἀγαθὸς καὶ ἐπὶ τούτοις σοφόσʼ ἀνδρῶν κερτόμων καὶ ὑβριστῶν καὶ ὑγιὲς λεγόντων οὐδέν· ἅπερ ἐλύπει δεινῶς αὐτούς. καὶ ταῦτα οὖν τῆς κωμῳδίας ἦν αὐτῷ τὰ σπέρματα, ἀλλʼ οὐ μόνον ἃ παρὰ τοῦ Ἀνύτου καὶ Μελήτου ὡμολόγηται. εἰκὸς δὲ καὶ χρηματίσασθαι ὑπὲρ τούτων Ἀριστοφάνην. καὶ γὰρ βουλομένων, μᾶλλον δὲ ἐκ παντὸς συκοφαντῆσαι τὸν Σωκράτη σπευδόντων ἐκείνων, καὶ αὐτὸν δὲ πένητα ἅμα καὶ κατάρατον ὄντα, τί παράδοξον ἦν ἀργύριον λαβεῖν ἐπʼ οὐδενὶ ὑγιεῖ; καὶ ὑπὲρ μὲν τούτων αὐτὸς οἶδεν· εὐδοκίμει δʼ οὖν αὐτῷ τὸ δρᾶμα. καὶ γάρ τοι καὶ τὸ τοῦ Κρατίνου τοῦτο συνέβη εἴ ποτε ἄλλοτε καὶ τότε, τῷ θεάτρῳ νοσῆσαι τὰς φρένας. καὶ ἅτε ὄντων Διονυσίων πάμπολύ τι χρῆμα τῶν Ἑλλήνων σπουδῇ τῆς θέας ἀφίκετο. περιφερομένου τοίνυν ἐν τῇ σκηνῇ τοῦ Σωκράτους καὶ ὀνομαζομένου πολλάκις, οὐκ ἂν δὲ θαυμάσαιμι εἰ καὶ βλεπομένου ἐν τοῖς ὑποκριταῖς ʽδῆλα γὰρ δὴ ὅτι καὶ οἱ σκευοποιοὶ ἔπλασαν αὐτὸν ὡς ὅτι μάλιστα ἐξεικάσαντεσʼ, ἀλλʼ οἵ γε ξένοι ʽτὸν γὰρ κωμῳδούμενον ἠγνόουνʼ θροῦς παρʼ αὐτῶν ἐπανίστατο, καὶ ἐζήτουν ὅστις ποτὲ οὗτος ὁ Σωκράτης ἐστίν. ὅπερ οὖν ἐκεῖνος αἰσθόμενος ʽκαὶ γάρ τοι καὶ παρῆν οὐκ ἄλλως οὐδὲ ἐκ τύχης, εἰδὼς δὲ ὅτε κωμῳδοῦσιν αὐτόν· καὶ δὴ καὶ ἐν καλῷ τοῦ θέατρου ἐκάθητὀ, ἵνα οὖν λύσῃ τὴν τῶν ξένων ἀπορίαν, ἐξαναστὰς παρʼ ὅλον τὸ δρᾶμα ἀγωνιζομένων τῶν ὑποκριτῶν ἑστὼς ἐβλέπετο. τοσοῦτον ἄρα περιῆν τῷ Σωκράτει τοῦ κωμῳδίας καὶ Ἀθηναίων καταφρονεῖν. <pb xml:id="p.25"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> γελοῖος ἐκεῖνος ὁ Ξέρξης ἦν εἴ γε θαλάττης μὲν καὶ γῆς κατεφρόνει τῆς Διὸς τέχνης, ἑαυτῷ δὲ εἰργάζετο καινὰς ὁδοὺς καὶ πλοῦν ἀήθη, ἐδεδούλωτο δὲ πλατάνῳ καὶ ἐθαύμαζε τὸ δένδρον. ἐν Λυδίᾳ γοῦν φασιν ἰδὼν φυτὸν εὐμέγεθες πλατάνου, τὴν ἡμέραν ἐκείνην κατέμεινεν οὐδέν τι δεόμενος, καὶ ἐχρήσατο σταθμῷ τῇ ἐρημίᾳ τῇ περὶ τὴν πλάτανον. ἀλλὰ καὶ ἐξῆψεν αὐτῆς κόσμον πολυτελῆ, στρεπτοῖς καὶ ψελίοις τιμῶν τοὺς κλάδους, καὶ μελεδωνὸν αὐτῇ κατέλιπεν, ὥσπερ ἐρωμένῃ φύλακα καὶ φρουρόν. ἐκ δὲ τούτων τί τῷ δένδρῳ καλὸν ἀπήντησεν; ὁ μὲν γὰρ κόσμος ὁ ἐπίκτητος καὶ μηδὲν αὐτῷ προσήκων ἄλλως ἐκρέματο, καὶ συνεμάχετο ἐς ὥραν οὐδέν· ἐπεὶ τοῦ φυτοῦ κάλλος ἐκεῖνό ἐστιν, εὐγενεῖς οἱ κλάδοι καὶ ἡ κόμη πολλὴ καὶ στερεὸν τὸ πρέμνον καὶ αἱ ῥίζαι ἐν βάθει καὶ διασείοντες οἱ ἄνεμοι καὶ ἀμφιλαφὴς ἡ ἐξ αὐτοῦ σκιὰ καὶ ἀναστρέφουσαι αἱ ὧραι καὶ ὕδωρ τὸ μὲν διὰ τῶν ὀχετῶν ἐκτρέφον, τὸ δὲ ἐξ οὐρανοῦ ἐπάρδον· χλαμύδες δὲ αἱ Ξέρξου καὶ χρυσὸς ὁ τοῦ βαρβάρου καὶ τὰ ἄλλα δῶρα οὔτε πρὸς τὴν πλάτανον οὔτε πρὸς ἄλλο δένδρον εὐγενὲς ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> Κλαζομενίων τινὲς ἐς τὴν Σπάρτην ἀφικόμενοι καὶ ὕβρει καὶ ἀλαζονείᾳ χρώμενοι τοὺς τῶν ἐφόρων θρόνους ἔνθα εἰώθασι καθήμενοι χρηματίζειν καὶ τῶν πολιτικῶν ἕκαστα διατάττειν, ἀλλὰ τούτους γε τοὺς θρόνους ἀσβόλῳ κατέχρισαν. μαθόντες δὲ οἱ ἔφοροι οὐκ ἠγανάκτησαν, ἀλλὰ τὸν δημόσιον κήρυκα καλέσαντες προσέταξαν αὐτὸν δημοσίᾳ κηρύξαι τοῦτο δὴ τὸ θαυμαζόμενον ʽἐξέστω Κλαζομενίοις ἀσχημονεῖν.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> Φωκίωνος δὲ τοῦ Φώκου καὶ τοῦτο ἔγωγε ἔγνων καλόν. παρελθὼν γὰρ ἐς τοὺς Ἀθηναίους ἐκκλησίας <pb xml:id="p.26"/> οὔσης, ἐπεί τι αὐτοῖς ἐμέμφετο ἀγνωμονοῦσι, πάνυ σφόδρα πεπαιδευμένως καὶ πληκτικῶς εἶπε ʽβούλομαι μᾶλλόν τι ὑφʼ ὑμῶν παθεῖν κακὸν ἢ αὐτός τι ὑμᾶς κακῶς δρᾶσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ἡ τῶν ἐν Πέρσαις μάγων σοφία τά τε ἄλλα οἶδεν ὁπόσα αὐτοῖς εἰδέναι θέμις, καὶ οὖν καὶ μαντεύεσθαι. οἵπερ οὖν καὶ προεῖπον τὴν τοῦ Ὤχου περὶ τοὺς ὑπηκόους ἀγριότητα καὶ τὸ φονικὸν αὐτοῦ, διά τινων ἀπορρήτων συμβόλων καταγνόντες τοῦτο. ὅτε γὰρ Ἀρταξέρξου τοῦ πατρὸς αὐτοῦ τελευτήσαντος ἐς τὴν βασιλείαν τῶν Περσῶν ὁ Ὦχος παρῆλθεν, οἱ μάγοι προσέταξαν τῶν εὐνούχων τινὶ τῶν πλησίον παρεστώτων φυλάξαι τὸν Ὦχον τῆς τραπέζης παρατεθείσης τίνι πρώτῳ τῶν παρακειμένων ἐπιχειρεῖ. καὶ ὃ μὲν εἱστήκει τηρῶν τοῦτο, ὁ δὲ Ὦχος τὰς χεῖρας ἐκτείνας τῇ μὲν δεξιᾷ τῶν μαχαιρίων τῶν παρακειμένων ἓν ἔλαβε, τῇ δὲ ἑτέρᾳ τὸν μέγιστον τῶν ἄρτων προσειλκύσατο, καὶ ἐπιθεὶς ἐπʼ αὐτὸν τῶν κρεῶν, εἶτα τέμνων ἤσθιεν ἀφειδῶς. ἅπερ ἀκούσαντες οἱ μάγοι δύο ταῦτα ἐμαντεύσαντο, εὐετηρίαν τὴν ἐξ ὡρῶν καὶ εὐφορίαν τὴν παρὰ τὸν τῆς ἀρχῆς αὐτοῦ χρόνον καὶ πολλοὺς φόνους. καὶ οὐ διεψεύσαντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> Τιμόθεος ὁ Κώνωνος ὁ στρατηγὸς τῶν Ἀθηναίων ἀποστάς ποτε τῶν δείπνων τῶν πολυτελῶν καὶ τῶν ἑστιάσεων τῶν στρατηγικῶν ἐκείνων παραληφθεὶς ὑπὸ Πλάτωνος ἐς τὸ ἐν Ἀκαδημείᾳ συμπόσιον καὶ ἑστιαθεὶς ἀφελῶς ἅμα καὶ μουσικῶς ἔφη πρὸς τοὺς οἰκείους ἐπανελθὼν ὅτι ἄρα οἱ παρὰ Πλάτωνι δειπνοῦντες καὶ τῇ ὑστεραίᾳ καλῶς διάγουσιν. ἐκ δὴ τούτου διέβαλλε Τιμόθεος τὰ πολυτελῇ δεῖπνα καὶ φορτικὰ ὡς πάντως ἐς τὴν ὑστεραίαν οὐκ εὐφραίνοντα. λόγος δὲ καὶ ἐκεῖνος ἀδελφὸς τῷ προειρημένῳ <pb xml:id="p.27"/> καὶ ταὐτὸν νοῶν, οὐ μὴν τὰ αὐτὰ λέγων περίεισιν, ὅτι ἄρα τῇ ὑστεραίᾳ ὁ Τιμόθεος περιτυχὼν τῷ Πλάτωνι εἶπεν ʽὑμεῖς, ὦ Πλάτων, εὖ δειπνεῖτε μᾶλλον ἐς τὴν ὑστεραίαν ἢ ἐς τὴν παροῦσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> Ἀλέξανδρος ὅτε ἐνίκησε Δαρεῖον καὶ τὴν Περσῶν ἀρχὴν κατεκτήσατο, μέγα ἐφʼ ἑαυτῷ φρονῶν καὶ ὑπὸ τῆς εὐτυχίας τῆς περιλαβούσης αὐτὸν τότε ἐκθεούμενος, ἐπέστειλε τοῖς Ἕλλησι θεὸν αὐτὸν ψηφίσασθαι. γελοίως γε. οὐ γὰρ ἅπερ οὖν ἐκ τῆς φύσεως οὐκ εἶχε, ταῦτα ἐκ τῶν ἀνθρώπων αἰτῶν ἐκεῖνος ἐκέρδαινεν. ἄλλοι μὲν οὖν ἄλλα ἐψηφίσαντο, Λακεδαιμόνιοι δὲ ἐκεῖνα ʽἐπειδὴ Ἀλέξανδρος βούλεται θεὸς εἶναι, ἔστω θεόσʼ, Λακωνικῶς τε ἅμα καὶ κατὰ τὸν ἐπιχώριόν σφισι τρόπον ἐλέγξαντες τὴν ἔμπληξιν οἱ Λακεδαιμόνιοι τοῦ Ἀλεξάνδρου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> Ἀντίγονόν φασι τὸν βασιλέα δημοτικὸν καὶ πρᾶον γενέσθαι. καὶ ὅτῳ μὲν σχολὴ τὰ κατʼ αὐτὸν εἰδέναι καὶ αὐτὰ ἕκαστα ἐξετάζειν ὑπὲρ τοῦ ἀνδρός, εἴσεται ἑτέρωθεν· εἰρήσεται δʼ οὖν αὐτοῦ καὶ πάνυ πρᾶον καὶ ἄτυφον ὃ μέλλω λέγειν. ὁ Ἀντίγονος οὗτος ὁρῶν τὸν υἱὸν τοῖς ὑπηκόοις χρώμενον βιαιότερόν τε καὶ θρασύτερον ʽοὐκ οἶσθἀ εἶπεν, ʽὦ παῖ, τὴν βασιλείαν ἡμῶν ἔνδοξον εἶναι δουλείαν;ʼ καὶ τὰ μὲν τοῦ Ἀντιγόνου πρὸς τὸν παῖδα πάνυ ἡμέρως ἔχει καὶ φιλανθρώπως· ὅτῳ δὲ οὐ δοκεῖ ταύτῃ, ἀλλʼ ἐκεῖνός γε οὐ δοκεῖ μοι βασιλικὸν ἄνδρα εἰδέναι οὐδὲ πολιτικόν, τυραννικῷ δὲ συμβιῶσαι μᾶλλον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> Ἀγάθωνος ἤρα τοῦ ποιητοῦ Παυσανίας ὁ ἐκ Κεραμέων. καὶ τοῦτο μὲν διατεθρύληται· ὃ δὲ μὴ ἐς πάντας πεφοίτηκεν, ἀλλʼ ἐγὼ ἐρῶ. ἐς Ἀρχελάου ποτὲ ἀφίκοντο ὅ τε ἐραστὴς καὶ ὁ ἐρώμενος οὗτοι. ἦν δὲ ἄρα ὁ Ἀρχέλαος ἐρωτικὸς οὐχ ἧττον ἢ φιλόμουσος. <pb xml:id="p.28"/> ἐπεὶ τοίνυν ἑώρα διαφερομένους πρὸς ἀλλήλους τόν τε Παυσανίαν καὶ τὸν Ἀγάθωνα πολλάκις, οἰόμενος τὸν ἐραστὴν ὑπὸ τῶν παιδικῶν παρορᾶσθαι, ἤρετο ἄρα τὸν Ἀγάθωνα ὁ Ἀρχέλαος τί βουλόμενος οὕτω πυκνὰ ἀπεχθάνεται τῷ πάντων μάλιστα φιλοῦντι αὐτόν; ὃ δὲ ʽἐγώ σοἰ ἔφη ʽφράσω, βασιλεῦ. οὔτε γάρ εἰμι πρὸς αὐτὸν δύσερις, οὔτε ἀγροικίᾳ πράττω τοῦτο· εἰ δέ τι καὶ ἐγὼ ἠθῶν ἐπαΐω τῇ τε ἄλλῃ καὶ ἐκ ποιητικῆς, ἥδιστον εὑρίσκω εἶναι τοῖς ἐρῶσι πρὸς τὰ παιδικὰ ἐκ διαφορᾶς καταλλάττεσθαι, καὶ πεπίστευκα οὐδὲν αὐτοῖς οὕτως ἀπαντᾶν τερπνόν. τούτου γοῦν τοῦ ἡδέος πολλάκις αὐτῷ μεταδίδωμι, ἐρίζων πρὸς αὐτὸν πλεονάκις· εὐφραίνεται γὰρ καταλυομένου μου τὴν πρὸς αὐτὸν ἔριν συνεχῶς, ὁμαλῶς δὲ καὶ συνήθως προσιόντος οὐκ εἴσεται τὴν διαφορότητα.ʼ ἐπῄνεσε ταῦτα ὁ Ἀρχέλαος, ὡς λόγος. ἤρα δέ φασι τοῦ αὐτοῦ Ἀγάθωνος τούτου καὶ Εὐριπίδης ὁ ποιητής, καὶ τὸν Χρύσιππον τὸ δρᾶμα αὐτῷ χαριζόμενος λέγεται διαφροντίσαι. καὶ εἰ μὲν σαφὲς τοῦτο, ἀποφήνασθαι οὐκ οἶδα, λεγόμενον δʼ οὖν αὐτὸ οἶδα ἐν τοῖς μάλιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> εὐνομωτάτους γενέσθαι καὶ Μαντινέας ἀκούω οὐδὲν ἧττον Λοκρῶν οὐδὲ Κρητῶν οὐδὲ Λακεδαιμονίων αὐτῶν οὐδʼ Ἀθηναίων· σεμνὸν γάρ τι χρῆμα καὶ τὸ Σόλωνος ἐγένετο, εἰ καὶ μετὰ ταῦτα Ἀθηναῖοι κατὰ μικρὰ τῶν νόμων τινὰς τῶν ἐξ αὐτοῦ γραφέν των αὐτοῖς διέφθειραν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> Νικόδωρος δὲ ὁ πύκτης ἐν τοῖς εὐδοκιμωτάτοις Μαντινέων γενόμενος, ἀλλὰ ὀψὲ τῆς ἡλικίας καὶ μετὰ τὴν ἄθλησιν νομοθέτης αὐτοῖς ἐγένετο, μακρῷ τοῦτο ἄμεινον πολιτευσάμενος τῇ πατρίδι τῶν κηρυγμάτων τῶν ἐν τοῖς σταδίοις. φασὶ δὲ αὐτῷ Διαγόραν τὸν <pb xml:id="p.29"/> Μήλιον συνθεῖναι τοὺς νόμους ἐραστὴν γενόμενον. εἶχον δέ τι καὶ περαιτέρω ὑπὲρ Νικοδώρου εἰπεῖν· ὡς δʼ ἂν μὴ δοκοίην καὶ τὸν ἔπαινον τὸν τοῦ Διαγόρου προσπαραλαμβάνειν, ἐς τοσοῦτον διηνύσθω τὰ τοῦ λόγου. θεοῖς γὰρ ἐχθρὸς Διαγόρας, καὶ οὔ μοι ἥδιον ἐπὶ πλεῖστον μεμνῆσθαι αὐτοῦ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> ἤδη τινὲς τὴν Μίλωνος τοῦ Κροτωνιάτου περιφερομένην ῥώμην ἐξέβαλον, τοιαῦτα ὑπὲρ αὐτοῦ λέγοντες. Μίλωνος τούτου τὴν ῥοιάν, ἣν ἐν τῇ χειρὶ κατεῖχεν, οὐδεὶς τῶν ἀντιπάλων ἐξελεῖν ἐδύνατο· ἡ δὲ ἐρωμένη αὐτοῦ ῥᾷστα αὐτὴν ἐξῄρει, φιλονεικοῦσα πρὸς αὐτὸν πολλάκις. ἐκ δὴ τούτου νοεῖν ἔσται ὅτι ὁ Μίλων ἰσχυρὸς μὲν τὸ σῶμα ἦν, ἀνδρεῖος δὲ τὴν ψυχὴν οὐκ ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> τὴν ἕκτην τοῦ μηνὸς τοῦ Θαργηλιῶνος πολλῶν καὶ ἀγαθῶν αἰτίαν γενέσθαι λέγουσιν οὐ μόνον τοῖς Ἀθηναίοις ἀλλὰ καὶ ἄλλοις πολλοῖς. αὐτίκα γοῦν Σωκράτης ἐν ταύτῃ ἐγένετο, καὶ Πέρσαι δὲ ἡττήθησαν τῇ ἡμέρᾳ ταύτῃ, καὶ Ἀθηναῖοι δὲ τῇ Ἀγροτέρᾳ ἀποθύουσι τὰς χιμαίρας τὰς τριακοσίας, κατὰ τὴν εὐχὴν τοῦ Μιλτιάδου δρῶντες τοῦτο. τοῦ δʼ αὐτοῦ μηνὸς ἕκτῃ ἱσταμένου καὶ τὴν ἐν Πλαταιαῖς μάχην φασὶ γενέσθαι καὶ νικῆσαι τοὺς Ἕλληνας· τὴν γὰρ προτέραν ἧτταν αὐτῶν, ἧς ἐμνήσθην, ἐπʼ Ἀρτεμισίῳ γεγονέναι. καὶ τὴν ἐν Μυκάλῃ δὲ τῶν Ἑλλήνων νίκην οὐκ ἄλλης ὡμολόγηται δῶρον ἡμέρας γενέσθαι ἢ ταύτης, εἴ γε κατὰ τὴν αὐτὴν ἐνίκων καὶ ἐν Πλαταιαῖς καὶ ἐν Μυκάλῃ. καὶ Ἀλέξανδρον δὲ τὸν Μακεδόνα, τὸν Φιλίππου παῖδα, τὰς πολλὰς μυριάδας τὰς τῶν βαρβάρων φθεῖραι καὶ αὐτὸν λέγουσιν ἕκτῃ ἱσταμένου, ὅτε καὶ Δαρεῖον καθεῖλεν Ἀλέξανδρος. καὶ ὁμολογοῦσι τοῦ αὐτοῦ μηνὸς πάντα. καὶ αὐτὸν <pb xml:id="p.30"/> δὲ τὸν Ἀλέξανδρον καὶ γενέσθαι καὶ ἀπελθεῖν τοῦ βίου τῇ αὐτῇ ἡμέρᾳ πεπίστευται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Ἀριστοτέλης λέγει ὑπὸ τῶν Κροτωνιατῶν τὸν Πυθαγόραν Ἀπόλλωνα Ὑπερβόρειον προσαγορεύεσθαι. κἀκεῖνα δὲ προσεπιλέγει ὁ τοῦ Νικομάχου, ὅτι τῆς αὐτῆς ἡμέρας ποτὲ καὶ κατὰ τὴν αὐτὴν ὥραν καὶ ἐν Μεταποντίῳ ὤφθη ὑπὸ πολλῶν καὶ ἐν Κρότωνι τῷ ἀγῶνι ἐξανιστάμενος, ἔνθα καὶ τῶν μηρῶν ὁ Πυθαγόρας παρέφηνε τὸν ἕτερον χρυσοῦν. λέγει δὲ ὁ αὐτὸς καὶ ὅτι ὑπὸ τοῦ Κόσα ποταμοῦ διαβαίνων προσερρήθη· καὶ πολλούς φησιν ἀκηκοέναι τὴν πρόσρησιν ταύτην. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> Ἀννίκερις ὁ Κυρηναῖος ἐπὶ ἱππείᾳ μέγα ἐφρόνει καὶ ἁρμάτων ἐλάσει. καὶ οὖν ποτε καὶ ἐβουλήθη Πλάτωνι ἐπιδείξασθαι τὴν τέχνην. ζεύξας οὖν τὸ ἅρμα περιήλασεν ἐν Ἀκαδημείᾳ δρόμους παμπόλλους, οὕτως ἀκριβῶς φυλάττων τοῦ δρόμου τὸν στοῖχον, ὡς μὴ παραβαίνειν τὰς ἁρματοτροχίας, ἀλλʼ ἀεὶ κατʼ αὐτῶν ἰέναι. οἱ μὲν οὖν ἄλλοι πάντες ὥσπερ εἰκὸς ἐξεπλάγησαν, ὁ δὲ Πλάτων τὴν ὑπερβάλλουσαν αὐτοῦ σπουδὴν διέβαλεν εἰπὼν ʽἀδύνατόν ἐστι τὸν ἐς μικρὰ οὕτω καὶ οὐδενὸς ἄξια τοσαύτην φροντίδα κατατιθέμενον ὑπὲρ μεγάλων τινῶν σπουδάσαι· πᾶσαν γὰρ αὐτῷ τὴν διάνοιαν ἐς ἐκεῖνα ἀποτεθεῖσαν ἀνάγκη ὀλιγωρεῖν τῶν ὄντως θαυμάζεσθαι δικαίων.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> μετὰ τὴν κατὰ τῶν Περσῶν νίκην Ἀθηναῖοι νόμον ἔθεντο ἀλεκτρυόνας ἀγωνίζεσθαι δημοσίᾳ ἐν τῷ θεάτρῳ μιᾶς ἡμέρας τοῦ ἔτους· πόθεν δὲ τὴν ἀρχὴν ἔλαβεν ὅδε ὁ νόμος ἐρῶ. ὅτε Θεμιστοκλῆς ἐπὶ τοὺς βαρβάρους ἐξῆγε τὴν πολιτικὴν δύναμιν, ἀλεκτρυόνας ἐθεάσατο μαχομένους· οὐδὲ ἀργῶς αὐτοὺς εἶδεν, ἐπέστησε δὲ τὴν στρατιάν, καὶ ἔφη πρὸς αὐτοὺς ʽἀλλʼ <pb xml:id="p.31"/> οὗτοι μὲν οὔτε ὑπὲρ πατρίδος οὔτε ὑπὲρ πατρῴων θεῶν οὔτε μὴν ὑπὲρ προγονικῶν ἠρίων κακοπαθοῦσιν, οὐδὲ ὑπὲρ δόξης οὐδὲ ὑπὲρ ἐλευθερίας οὐδὲ ὑπὲρ παίδων, ἀλλʼ ὑπὲρ τοῦ μὴ ἡττηθῆναι ἑκάτερος, μηδὲ εἶξαι θατέρῳ τὸν ἕτερον.ʼ ἅπερ οὖν εἰπὼν ἐπέρρωσε τοὺς Ἀθηναίους. τὸ τοίνυν γενόμενον αὐτοῖς σύνθημα τότε ἐς ἀρετὴν ἐβουλήθη διαφυλάττειν καὶ ἐς τὰ ὅμοια ἔργα ὑπόμνησιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> Πιττακὸς ἐν Μυτιλήνῃ κατεσκεύασε ἐν τοῖς ἱεροῖς κλίμακας ἐς οὐδεμίαν μὲν χρῆσιν ἐπιτηδείους, αὐτὸ δὲ τοῦτο ἀναθήματα εἶναι, αἰνιττόμενος τὴν ἐκ τῆς τύχης ἄνω καὶ κάτω μετάπτωσιν, τρόπον τινὰ τῶν μὲν εὐτυχούντων ἀνιόντων, κατιόντων δὲ τῶν δυστυχούντων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Πλάτων ὁ Ἀρίστωνος τὰ πρῶτα ἐπὶ ποιητικὴν ὥρμησε, καὶ ἡρωϊκὰ ἔγραφε μέτρα· εἶτα αὐτὰ κατέπρησεν ὑπεριδὼν αὐτῶν, ἐπεὶ τοῖς Ὁμήρου αὐτὰ ἀντικρίνων ἑώρα κατὰ πολὺ ἡττώμενα. ἐπέθετο οὖν τραγῳδίᾳ, καὶ δὴ καὶ τετραλογίαν εἰργάσατο, καὶ ἔμελλεν ἀγωνιεῖσθαι, δοὺς ἤδη τοῖς ὑποκριταῖς τὰ ποιήματα. πρὸ τῶν Διονυσίων δὲ παρελθὼν ἤκουσε Σωκράτους, καὶ ἅπαξ αἱρεθεὶς ὑπὸ τῆς ἐκείνου σειρῆνος, τοῦ ἀγωνίσματος οὐ μόνον ἀπέστη τότε, ἀλλὰ καὶ τελέως τὸ γράφειν τραγῳδίαν ἀπέρριψε, καὶ ἀπεδύσατο ἐπὶ φιλοσοφίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> καὶ τίς οὐκ ἂν ἐπῄνεσε τὴν τῶν βαρβάρων σοφίαν; εἴ γε μηδεὶς αὐτῶν ἐς ἀθεότητα ἐξέπεσε, μηδὲ ἀμφιβάλλουσι περὶ θεῶν ἆρά γέ εἰσιν ἢ οὔκ εἰσιν, καὶ ἆρά γε ἡμῶν φροντίζουσιν ἢ οὔ. οὐδεὶς γοῦν ἔννοιαν ἔλαβε τοιαύτην, οἵαν Εὐήμερος ὁ Μεσσήνιος ἢ Διογένης ὁ Φρὺξ ἢ Ἵππων ἢ Διαγόρας ἢ Σωσίας ἢ Ἐπίκουρος οὔτε Ἰνδὸς οὔτε Κελτὸς οὔτε Αἰγύπτιος. <pb xml:id="p.32"/> λέγουσι δὲ τῶν βαρβάρων οἱ προειρημένοι καὶ εἶναι θεοὺς καὶ προνοεῖν ἡμῶν καὶ προσημαίνειν τὰ μέλλοντα καὶ διὰ ὀρνίθων καὶ διὰ συμβόλων καὶ διὰ σπλάγχνων καὶ διʼ ἄλλων τινῶν μαθημάτων τε καὶ διδαγμάτων· ἅπερ οὖν ἐστι τοῖς ἀνθρώποις διδασκαλικὰ ἐκ τῆς παρὰ τῶν θεῶν ἐς αὐτοὺς προνοίας. καὶ διʼ ὀνείρων δὲ λέγουσι καὶ διʼ αὐτῶν τῶν ἀστέρων πολλὰ προδηλοῦσθαι. καὶ ὑπὲρ τούτων ἰσχυρὰν ἔχοντες τὴν πίστιν θύουσί τε καθαρῶς καὶ ἁγνεύουσιν ὁσίως, καὶ τελετὰς τελοῦσι καὶ ὀργίων φυλάττουσι νόμον, καὶ τὰ ἄλλα πράττουσιν, ἐξ ὧν ὅτι τοὺς θεοὺς ἰσχυρῶς καὶ σέβουσι καὶ τιμῶσιν ὡμολόγηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> λέγουσί τινες λόγοι Πυθικοὶ τὸν Ἡρακλῆ τὸν Διὸς καὶ Ἀλκμήνης παῖδα ἀπὸ γενεᾶς Ἀλκαῖον κεκλῆσθαι, χρόνῳ δὲ ὕστερον ἐλθόντα ἐς Δελφοὺς διά τινα αἰτίαν δεόμενον χρησμοῦ μήτε ὧν ἧκε χάριν ἀμοιρῆσαι, προσακοῦσαί τε ἐκείνοις καὶ ἰδίᾳ παρὰ τοῦ θεοῦ ταῦτα <quote rend="blockquote"> <lb/>Ἡρακλῆ δέ σε Φοῖβος ἐπώνυμον ἐξονομάζει· <lb/>ἦρα γὰρ ἀνθρώποισι φέρων κλέος ἄφθιτον ἕξεις. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> τὴν τῶν ποταμῶν φύσιν καὶ τὰ ῥεῖθρα αὐτῶν ὁρῶμεν· ὅμως δὲ οἱ τιμῶντες αὐτοὺς καὶ τὰ ἀγάλματα αὐτῶν ἐργαζόμενοι οἳ μὲν ἀνθρωπομόρφους αὐτοὺς ἱδρύσαντο, οἳ δὲ βοῶν εἶδος αὐτοῖς περιέθηκαν. βουσὶ μὲν οὖν εἰκάζουσιν οἱ Στυμφάλιοι μὲν τὸν Ἐρασῖνον καὶ τὸν Μετώπην, Λακεδαιμόνιοι δὲ τὸν Εὐρώταν, Σικυώνιοι δὲ καὶ Φλιάσιοι τὸν Ἀσωπόν, Ἀργεῖοι δὲ τὸν Κηφισόν· ἐν εἴδει δὲ ἀνδρῶν Ψωφίδιοι τὸν Ἐρύμανθον, τὸν δὲ Ἀλφειὸν Ἡραιεῖς, Χερρονήσιοι δὲ οἱ ἀπὸ Κνίδου καὶ αὐτοὶ τὸν αὐτὸν ποταμὸν ὁμοίως. Ἀθηναῖοι δὲ τὸν Κηφισὸν ἄνδρα <pb xml:id="p.33"/> μὲν δεικνύουσιν ἐν προτομῇ, κέρατα δὲ ὑποφαίνοντα. καὶ ἐν Σικελίᾳ δὲ Συρακόσιοι μὲν τὸν Ἄναπον ἀνδρὶ εἴκασαν, τὴν δὲ Κυάνην πηγὴν γυναικὸς εἰκόνι ἐτίμησαν· Αἰγεσταῖοι δὲ τὸν Πόρπακα καὶ τὸν Κριμισὸν καὶ τὸν Τελμησσὸν ἀνδρῶν εἴδει τιμῶσιν. Ἀκραγαντῖνοι δὲ τὸν ἐπώνυμον τῆς πόλεως ποταμὸν παιδὶ ὡραίῳ εἰκάσαντες θύουσιν. οἱ δὲ αὐτοὶ καὶ ἐν Δελφοῖς ἀνέθεσαν ἐλέφαντος διαγλύψαντες ἄγαλμα, καὶ ἐπέγραψαν τὸ τοῦ ποταμοῦ ὄνομα. καὶ παιδός ἐστι τὸ ἄγαλμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> Ἐπίχαρμόν φασι πάνυ σφόδρα πρεσβύτην ὄντα, μετά τινων ἡλικιωτῶν ἐν λέσχῃ καθήμενον, ἐπεὶ ἕκαστος τῶν παρόντων ἔλεγεν ὃ μέν τις ʽἐμοὶ πέντε ἔτη ἀπόχρη βιῶναι,ʼ ἄλλος δὲ ʽἐμοὶ τρία,ʼ τρίτου δὲ εἰπόντος ʽ ἐμοί γε τέτταρα,ʼ ὑπολαβὼν ὁ Ἐπίχαρμος ʽὦ βέλτιστοἰ εἶπε, ʽτί στασιάζετε καὶ διαφέρεσθε ὑπὲρ ὀλίγων ἡμερῶν; πάντες γὰρ οἱ συνελθόντες κατά τινα δαίμονα ἐπὶ δυσμαῖς ἐσμεν· ὥστε ὥρα πᾶσιν ἡμῖν τὴν ταχίστην ἀνάγεσθαι, πρὸ τοῦ τινος καὶ ἀπολαῦσαι κακοῦ πρεσβυτικοῦ.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="35"> 
+<p rend="align(indent)"> Γοργίας ὁ Λεοντῖνος ἐπὶ τέρματι ὢν τοῦ βίου καὶ γεγηρακὼς εὖ μάλα ὑπό τινος ἀσθενείας καταληφθείς, κατʼ ὀλίγον ἐς ὕπνον ὑπολισθάνων ἔκειτο. ἐπεὶ δέ τις αὐτὸν παρῆλθε τῶν ἐπιτηδείων ἐπισκοπούμενος καὶ ἤρετο ὅ τι πράττοι, ὁ Γοργίας ἀπεκρίνατο ʽἤδη με ὁ ὕπνος ἄρχεται παρακατατίθεσθαι τἀδελφῷ.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="36"> 
+<p rend="align(indent)"> Σωκράτης δὲ καὶ αὐτὸς βαθύτατα γηρῶν εἶτα νόσῳ περιπεσών, ἐπεί τις αὐτὸν ἠρώτησε πῶς ἔχοι, ʽκαλῶσʼ εἶπε ʽπρὸς ἀμφότερα· ἐὰν μὲν γὰρ ζῶ, ζηλωτὰς ἕξω πλείονας· ἐὰν δὲ ἀποθάνω, ἐπαινέτας πλείονας.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="37"> 
+<p rend="align(indent)"> Ζαλεύκου τοῦ Λοκροῦ πολλοὶ μέν εἰσι καὶ ἄλλοι νόμοι κάλλιστα καὶ ἐς δέον κείμενοι, καὶ οὗτος δὲ οὐχ <pb xml:id="p.34"/> ἥκιστα. εἴ τις Λοκρῶν τῶν Ἐπιζεφυρίων νοσῶν ἔπιεν οἶνον ἄκρατον, μὴ προστάξαντος τοῦ θεραπεύοντος, εἰ καὶ περιεσώθη, θάνατος ἡ ζημία ἦν αὐτῷ, ὅτι μὴ προσταχθὲν αὐτῷ ὃ δὲ ἔπιεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="38"> 
+<p rend="align(indent)"> νόμος καὶ οὗτος Μασσαλιωτικός, γυναῖκας μὴ ὁμιλεῖν οἴνῳ, ἀλλʼ ὑδροποτεῖν πᾶσαν γυναικῶν ἡλικίαν. λέγει δὲ Θεόφραστος καὶ παρὰ Μιλησίοις τὸν νόμον τοῦτον ἰσχύειν, καὶ πείθεσθαι αὐτῷ τὰς Μιλησίων γυναῖκας. τί δὲ οὐκ ἂν εἴποιμι καὶ τὸν Ῥωμαίων νόμον; καὶ πῶς οὐκ ὀφλήσω δικαίως ἀλογίαν, εἰ τὰ μὲν Λοκρῶν καὶ Μασσαλιωτῶν καὶ τὰ Μιλησίων διὰ μνήμης ἐθέμην, τὰ δὲ τῆς ἐμαυτοῦ πατρίδος ἐάσω; οὐκοῦν καὶ Ῥωμαίοις ἦν ἐν τοῖς μάλιστα ὁ νόμος ὅδε ἐρρωμένος. οὔτε ἐλευθέρα γυνὴ ἔπιεν ἂν οἶνον οὔτε οἰκέτις, οὔτε μὴν τῶν εὖ γεγονότων οἱ ἐφʼ ἥβης μέχρι πέντε καὶ τριάκοντα ἐτῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="39"> 
+<p rend="align(indent)"> Κρῆτες δὲ τοὺς παῖδας τοὺς ἐλευθέρους μανθάνειν ἐκέλευον τοὺς νόμους μετά τινος μελῳδίας, ἵνα ἐκ τῆς μουσικῆς ψυχαγωγῶνται καὶ εὐκολώτερον αὐτοὺς τῇ μνήμῃ διαλαμβάνωσι, καὶ ἵνα μή τι τῶν κεκωλυμένων πράξαντες ἀγνοίᾳ πεποιηκέναι ἀπολογίαν ἔχωσι. δεύτερον δὲ μάθημα ἔταξαν τοὺς τῶν θεῶν ὕμνους μανθάνειν· τρίτον τὰ τῶν ἀγαθῶν ἀνδρῶν ἐγκώμια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="40"> 
+<p rend="align(indent)"> πᾶν μὲν ὅσον ἄλογόν ἐστιν ἀλλοτρίως πρὸς οἶνον πέφυκε, μάλιστα δὲ τῶν ζῴων ἐκεῖνα, ὅσα στεμφύλων ἢ γιγάρτων ὑπερπλησθέντα μεθύει. καὶ οἱ κόρακες δὲ τὴν καλουμένην οἰνοῦτταν βοτάνην ὅταν φάγωσι, καὶ οἱ κύνες δὲ καὶ αὐτοὶ βακχεύονται. πίθηκος δὲ καὶ ἐλέφας ἐὰν οἴνου πίωσιν, ὃ μὲν τῆς ἀλκῆς ἐπιλανθάνεται ὁ ἐλέφας, ὃ δὲ τῆς πανουργίας· καί εἰσιν αἱρεθῆναι πάνυ ἀσθενεῖς. <pb xml:id="p.35"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="41"> 
+<p rend="align(indent)"> φιλοπόται δὲ λέγονται γενέσθαι Διονύσιος ὁ Σικελίας τύραννος, καὶ Νυσαῖος καὶ οὗτος τύραννος, καὶ Ἀπολλοκράτης ὁ Διονυσίου τοῦ τυράννου υἱός, καὶ Ἱππαρῖνος Διονυσίου καὶ οὗτος, καὶ Τιμόλαος ὁ Θηβαῖος καὶ Χαρίδημος ὁ Ὠρείτης καὶ Ἀρκαδίων καὶ Ἐρασίξενος καὶ Ἀλκέτας ὁ Μακεδὼν καὶ Διότιμος ὁ Ἀθηναῖος. οὗτός τοι καὶ χώνη ἐπεκαλεῖτο· ἐντιθέμενος γὰρ τῷ στόματι χώνην ἀδιαλείπτως ἐχώρει τὸν ἐσχεόμενον οἶνον. Κλεομένης δὲ ὁ Λακεδαιμόνιος οὐ μόνον φασὶν ὅτι πολυπότης ἦν, ἀλλὰ γὰρ περιτιθέασιν αὐτῷ καὶ τοῦτο δήπου τὸ Σκυθικὸν κακόν, ὅτι ἀκρατοπότης ἐγένετο. καὶ Ἴωνα δὲ τὸν Χῖον τὸν ποιητὴν καὶ αὐτόν φασι περὶ τὸν οἶνον ἀκρατῶς ἔχειν. καὶ Ἀλέξανδρος δὲ ὁ Μακεδὼν ἐπὶ Καλανῷ τῷ Βραχμᾶνι, τῷ Ἰνδῶν σοφιστῇ, ὅτε ἑαυτὸν ἐκεῖνος κατέπρησεν, ἀγῶνα μουσικῆς καὶ ἱππέων καὶ ἀθλητῶν διέθηκε. χαριζόμενος δὲ τοῖς Ἰνδοῖς καί τι ἐπιχώριον αὐτῶν ἀγώνισμα ἐς τιμὴν τοῦ Καλανοῦ συγκατηρίθμησε τοῖς ἄθλοις τοῖς προειρημένοις. οἰνοποσίας γοῦν ἀγωνίαν προύθηκε, καὶ ἦν τῷ μὲν τὰ πρῶτα φερομένῳ τάλαντον τὸ γέρας, τῷ δὲ δευτέρῳ τριάκοντα μναῖ, τῷ γε μὴν τρίτῳ δέκα. ὁ δὲ τὰ νικητήρια ἀναδησάμενος ἐν αὐτοῖς ἦν Πρόμαχος. καὶ ἐκ Διονυσίου δὲ τῇ τῶν Χοῶν ἑορτῇ προύκειτο ἆθλον τῷ πιόντι πλεῖστον στέφανος χρυσοῦς. καὶ ἐνίκησε Ξενοκράτης ὁ Χαλκηδόνιος, καὶ τὸν στέφανον λαβών, ὅτε ἐπανῄει μετὰ τὸ δεῖπνον, τῷ Ἑρμῇ τῷ πρὸ τῶν θυρῶν ἑστῶτι ἐπέθηκεν αὐτὸν κατὰ τὸ ἔθος τῶν ἔμπροσθεν ἡμερῶν· καὶ γὰρ καὶ τοὺς ἀνθινοὺς καὶ τοὺς ἐκ τῆς μυρρίνης καὶ τὸν ἐκ τοῦ κιττοῦ καὶ τὸν ἐκ τῆς δάφνης ἐνταῦθα ἀνέπαυσε καὶ κατέλιπε. καὶ Ἀνάχαρσις δὲ πάμπολύ φασιν ἔπιε παρὰ Περιάνδρῳ, <pb xml:id="p.36"/> τοῦτο μὲν καὶ οἴκοθεν ἑαυτῷ ἐπαγόμενος τὸ ἐφόδιον· Σκυθῶν γὰρ ἴδιον τὸ πίνειν ἄκρατον. καὶ Λακύδης δὲ καὶ Τίμων οἱ φιλόσοφοι, καὶ τούτους φασὶ πάμπολυ πιεῖν. καὶ Μυκερῖνος δὲ ὁ Αἰγύπτιος, ὅτε αὐτῷ τὸ ἐκ Βουτοῦς μαντεῖον ἀφίκετο προλέγον τὴν τοῦ βίου στενοχωρίαν, εἶτα ἐβουλήθη σοφίσασθαι τὸ λόγιον ἐκεῖνος, διπλασιάζων τὸν χρόνον καὶ ταῖς ἡμέραις προστιθεὶς τὰς νύκτας, διετέλει καὶ αὐτὸς ἀγρυπνῶν καὶ πίνων ἅμα. τίθει μετὰ τούτων καὶ Ἄμασιν τὸν Αἰγύπτιον, εἴ τῳ Ἡρόδοτος ἱκανὸς τεκμηριῶσαι. καὶ Νικοτέλην δὲ τὸν Κορίνθιον οὐ χρὴ ἀπὸ τούτων τάττειν, καὶ Σκόπαν τὸν Κρέοντος υἱόν. καὶ Ἀντίοχον τὸν βασιλέα φασὶν οἰνεραστὴν γενέσθαι. διὰ ταῦτά τοι καὶ τὴν βασιλείαν αὐτῷ διῴκουν Ἄριστός τε καὶ Θεμίσων οἱ Κύπριοι, αὐτὸς δὲ διὰ τὴν πολυποσίαν ἐπεγέγραπτο τῇ ἀρχῇ ἄλλως. καὶ ὁ Ἐπιφανὴς δὲ κληθεὶς Ἀντίοχος ὁ Ῥωμαίοις δοθεὶς ὅμηρος καὶ οὗτος ἀκρατῶς ἐδίψη οἴνου πίνειν. καὶ ὁ ὁμώνυμος δὲ τούτου Ἀντίοχος ὁ ἐν Μήδοις πρὸς Ἀρσάκην πολεμήσας καὶ οὗτος ἦν τοῦ πίνειν δοῦλος. καὶ ὁ Μέγας δὲ καλούμενος Ἀντίοχος καὶ οὗτος σὺν τούτοις τετάχθω. καὶ Ἄγρωνα δὲ τὸν Ἰλλυριῶν βασιλέα ἀπέκτεινεν ἡ πρὸς τὸν οἶνον ἄδικος ὁρμή, καὶ αὐτῷ πλευρῖτιν ἐνειργάσατο. καὶ ἕτερος Ἰλλυριῶν βασιλεὺς Γέντιος πίνειν καὶ οὗτος εἴθιστο ἀκρατῶς. τόν γε μὴν Καππαδόκων βασιλέα Ὀροφέρνην τί τοῦτον ἐάσομεν, καὶ ἐκεῖνον πιεῖν γενόμενον δεινόν; εἰ δὲ χρὴ καὶ γυναικῶν μνημονεῦσαι, ἄτοπον μὲν γυνὴ φιλοπότις, καὶ πολυπότις ἔτι πλέον, εἰρήσθω δʼ οὖν καὶ περὶ τούτων. Κλεώ φασιν ἐς ἅμιλλαν ἰοῦσα οὐ γυναιξὶ μόναις ἀλλὰ καὶ τοῖς ἀνδράσι τοῖς συμπόταις δεινοτάτη πιεῖν ἦν, καὶ ἐκράτει πάντων, αἴσχιστόν <pb xml:id="p.37"/> γε τοῦτο φερομένη τὸ νικητήριον ὥς γε ἐμοὶ κριτῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="42"> 
+<p rend="align(indent)"> ἡ Πλάτωνος δόξα καὶ ὁ τῆς κατʼ αὐτὸν ἀρετῆς λόγος καὶ ἐς Ἀρκάδας ἀφίκετο καὶ Θηβαίους, καὶ οὖν καὶ ἐδεήθησαν αὐτοῦ πρέσβεις ἀποστείλαντες σὺν τῇ ἀνωτάτω σπουδῇ ἀφικέσθαι σφίσι τὸν ἄνδρα οὐκ ἐπὶ μόνῃ τῇ τῶν νέων προστασίᾳ, οὐδʼ ἵνα αὐτοῖς συγγένηται ἐπὶ τοῖς λόγοις τοῖς κατὰ φιλοσοφίαν, ἀλλὰ γὰρ καὶ τὸ ἔτι τούτων μεῖζον νομοθέτην αὐτὸν ἐκάλουν. οὔκουν ἔμελλον ἀτυχήσειν τοῦ ἀνδρός· καὶ γὰρ ἥσθη ὁ τοῦ Ἀρίστωνος τῇ κλήσει, καὶ δὴ καὶ ἔμελλεν ὑπακούσεσθαι. ἤρετο μέντοι τοὺς ἥκοντας πῶς ἔχουσι πρὸς τὸ ἴσον ἔχειν ἅπαντες; ἐπεὶ δὲ ἔμαθε παρʼ αὐτῶν ὅτι καὶ πάνυ ἀλλοτρίως, οὐδὲ πείσει αὐτοὺς τιμᾶν τὴν ἰσονομίαν, ἀπείπατο τὴν πρὸς αὐτοὺς ἐπιδημίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="43"> 
+<p rend="align(indent)"> πενέστατοι ἐγένοντο οἱ ἄριστοι τῶν Ἑλλήνων, Ἀριστείδης ὁ Λυσιμάχου καὶ Φωκίων ὁ Φώκου καὶ Ἐπαμεινώνδας ὁ Πολύμνιδος καὶ Πελοπίδας ὁ Θηβαῖος καὶ Λάμαχος ὁ Ἀθηναῖος καὶ Σωκράτης ὁ Σωφρονίσκου καὶ Ἐφιάλτης δὲ ὁ Σοφωνίδου καὶ ἐκεῖνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="44"> 
+<p rend="align(indent)"> Θέωνος τοῦ ζωγράφου πολλὰ μὲν καὶ ἄλλα ὁμολογεῖ τὴν χειρουργίαν ἀγαθὴν οὖσαν ἀτὰρ οὖν καὶ τόδε τὸ γράμμα. ὁπλίτης ἐστὶν ἐκβοηθῶν, ἄφνω τῶν πολεμίων ἐσβαλλόντων καὶ δῃούντων ἅμα καὶ κειρόντων τὴν γῆν· ἐναργῶς δὲ καὶ πάνυ ἐκθύμως ὁ νεανίας ἔοικεν ὁρμῶντι ἐς τὴν μάχην, καὶ εἶπες ἂν αὐτὸν ἐνθουσιᾶν, ὥσπερ ἐξ Ἄρεος μανέντα. γοργὸν μὲν αὐτῷ βλέπουσιν οἱ ὀφθαλμοί, τὰ δὲ ὅπλα ἁρπάσας ἔοικεν ᾗ ποδῶν ἔχει ἐπὶ τοὺς πολεμίους ᾅττειν. προβάλλεται δὲ ἐντεῦθεν ἤδη τὴν ἀσπίδα, καὶ γυμνὸν ἐπισείει τὸ ξίφος φονῶντι ἐοικὼς καὶ σφαγὴν βλέπων <pb xml:id="p.38"/> καὶ ἀπειλῶν διʼ ὅλου τοῦ σχήματος ὅτι μηδενὸς φείσεται. καὶ πλέον οὐδὲν περιείργασται τῷ Θέωνι, οὐ λοχίτης οὐ ταξίαρχος οὐ λοχαγὸς οὐχ ἱππεὺς οὐ τοξότης, ἀλλʼ ἀπέχρησέν οἱ καὶ ὁ εἷς ὁπλίτης οὗτος πληρῶσαι τὴν τῆς εἰκόνος ἀπαίτησιν. οὐ πρότερόν γε μὴν ὁ τεχνίτης ἐξεκάλυψε τὴν γραφὴν οὐδὲ ἔδειξε τοῖς ἐπὶ τὴν θέαν συνειλεγμένοις πρὶν ἢ σαλπιγκτὴν παρεστήσατο καὶ προσέταξεν αὐτῷ τὸ παρορμητικὸν ἐμπνεῦσαι μέλος διάτορόν τε καὶ γεγωνὸς ὅτι μάλιστα καὶ οἷον ἐς τὴν μάχην ἐγερτήριον. ἅμα τε οὖν τὸ μέλος ἠκούετο τραχὺ καὶ φοβερόν, οἷον ἐς ὁπλιτῶν ἔξοδον ταχέως ἐκβοηθούντων μελῳδοῦσι σάλπιγγες, καὶ ἐδείκνυτο ἡ γραφή, καὶ ὁ στρατιώτης ἐβλέπετο, τοῦ μέλους ἐναργεστέραν τὴν φαντασίαν τοῦ ἐκβοηθοῦντος ἔτι καὶ μᾶλλον παραστήσαντος.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="3"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> φέρε οὖν καὶ τὰ καλούμενα Τέμπη τὰ Θετταλικὰ διαγράψωμεν τῷ λόγῳ καὶ διαπλάσωμεν· ὡμολόγηται γὰρ καὶ ὁ λόγος, ἐὰν ἔχῃ δύναμιν φραστικήν, μηδὲν ἀσθενέστερον ὅσα βούλεται δεικνύναι τῶν ἀνδρῶν τῶν κατὰ χειρουργίαν δεινῶν. ἔστι δὴ χῶρος μεταξὺ κείμενος τοῦ τε Ὀλύμπου καὶ τῆς Ὄσσης. ὄρη δὲ ταῦτά ἐστιν ὑπερύψηλα καὶ οἷον ὑπό τινος θείας φροντίδος διεσχισμένα, καὶ μέσον δέχεται χωρίον, οὗ τὸ μὲν μῆκος ἐπὶ τετταράκοντα διήκει σταδίους, τό γε μὴν πλάτος τῇ μέν ἐστι πλέθρου, τῇ δὲ καὶ μεῖζον ὀλίγῳ. διαρρεῖ δὲ μέσου αὐτοῦ ὁ καλούμενος Πηνειός. ἐς τοῦτον δὲ καὶ οἱ λοιποὶ ποταμοὶ <pb xml:id="p.39"/> συρρέουσι, καὶ ἀνακοινοῦνται τὸ ὕδωρ αὐτῷ, καὶ ἐργάζονται τὸν Πηνειὸν ἐκεῖνοι μέγαν. διατριβὰς δʼ ἔχει ποικίλας καὶ παντοδαπὰς ὁ τόπος οὗτος, οὐκ ἀνθρωπίνης χειρὸς ἔργα, ἀλλὰ φύσεως αὐτόματα ἐς κάλλος τότε φιλοτιμησαμένης, ὅτε ἐλάμβανε γένεσιν ὁ χῶρος. κιττὸς μὲν γὰρ πολὺς καὶ εὖ μάλα λάσιος ἐνακμάζει καὶ τέθηλε καὶ δίκην τῶν εὐγενῶν ἀμπέλων κατὰ τῶν ὑψηλῶν δένδρων ἀνέρπει καὶ συμπέφυκεν αὐτοῖς, πολλὴ δὲ σμίλαξ πρὸς αὐτὸν τὸν πάγον ἀνατρέχει καὶ ἐπισκιάζει τὴν πέτραν· καὶ ἐκείνη μὲν ὑπολανθάνει, ὁρᾶται δὲ τὸ χλοάζον πᾶν, καὶ ἔστιν ὀφθαλμῶν πανήγυρις. ἐν αὐτοῖς δὲ τοῖς λείοις καὶ καθημένοις ἄλση τέ ἐστι ποικίλα καὶ ὑποδρομαὶ συνεχεῖς, ἐν ὥρᾳ θέρους καταφυγεῖν ὁδοιπόροις ἥδιστα καταγώγια, ἃ καὶ δίδωσιν ἀσμένως ψυχάσαι. διαρρέουσι δὲ καὶ κρῆναι συχναί, καὶ ἐπιρρεῖ νάματα ὑδάτων ψυχρῶν καὶ πιεῖν ἡδίστων. λέγεται δὲ τὰ ὕδατα ταῦτα καὶ τοῖς λουσαμένοις ἀγαθὸν εἶναι καὶ ἐς ὑγίειαν αὐτοῖς συμβάλλεσθαι. κατᾴδουσι δὲ καὶ ὄρνιθες ἄλλος ἄλλῃ διεσπαρμένοι, καὶ μάλιστα οἱ μουσικοί, καὶ ἑστιῶσιν εὖ μάλα τὰς ἀκοάς, καὶ παραπέμπουσιν ἀπόνως καὶ σὺν ἡδονῇ, διὰ τοῦ μέλους τὸν κάματον τῶν παριόντων ἀφανίσαντες. παρʼ ἑκάτερα δὲ τοῦ ποταμοῦ αἱ διατριβαί εἰσιν αἱ προειρημέναι καὶ αἱ ἀνάπαυλαι. διὰ μέσων δὲ τῶν Τεμπῶν ὁ Πηνειὸς ποταμὸς ἔρχεται, σχολῇ καὶ πράως προϊὼν ἐλαίου δίκην, πολλὴ δὲ κατʼ αὐτοῦ ἡ σκιὰ ἐκ τῶν παραπεφυκότων δένδρων καὶ τῶν ἐξηρτημένων κλάδων τίκτεται, ὡς ἐπὶ πλεῖστον τῆς ἡμέρας αὐτὴν προήκουσαν ἀποστέγειν τὴν ἀκτῖνα καὶ παρέχειν τοῖς πλέουσι πλεῖν κατὰ ψῦχος. πᾶς δὲ ὁ περιοικος λεὼς συνίασιν ἄλλοι ἄλλοις, καὶ θύουσι καὶ συνουσίας ποιοῦνται καὶ συμπίνουσιν. ἅτε οὖν <pb xml:id="p.40"/> πολλῶν ὄντων τῶν θυόντων καὶ τῶν καθαγιζόντων συνεχῶς, εἰκότως καὶ τοῖς βαδίζουσι καὶ τοῖς πλέουσιν ὀσμαὶ συμπαρομαρτοῦσιν ἥδισται· οὕτως ἄρα ἡ τιμὴ ἡ διαρκὴς ἡ περὶ τὸ κρεῖττον ἐκθεοῖ τὸν τόπον. ἐνταῦθά τοί φασι παῖδες Θετταλῶν καὶ τὸν Ἀπόλλωνα τὸν Πύθιον καθήρασθαι κατὰ πρόσταγμα τοῦ Διός, ὅτε τὸν Πύθωνα τὸν δράκοντα κατετόξευσεν φυλάττοντα τοὺς Δελφούς, τῆς Γῆς ἔτι ἐχούσης τὸ μαντεῖον. στεφανωσάμενον οὖν ἐκ ταύτης τῆς δάφνης τῆς Τεμπικῆς καὶ λαβόντα κλάδον ἐς τὴν δεξιὰν χεῖρα ἐκ τῆς αὐτῆς δάφνης ἐλθεῖν ἐς Δελφοὺς καὶ παραλαβεῖν τὸ μαντεῖον τὸν Διὸς καὶ Λητοῦς παῖδα. ἔστι δὲ καὶ βωμὸς ἐν αὐτῷ τῷ τόπῳ, ἐν ᾧ καὶ ἐστεφανώσατο καὶ τὸν κλάδον ἀφεῖλε. καὶ ἔτι καὶ νῦν διʼ ἔτους ἐνάτου οἱ Δελφοὶ παῖδας εὐγενεῖς πέμπουσι καὶ ἀρχιθέωρον ἕνα σφῶν αὐτῶν. οἳ δὲ παραγενόμενοι καὶ μεγαλοπρεπῶς θύσαντες ἐν τοῖς Τέμπεσιν ἀπίασι πάλιν στεφάνους ἀπὸ τῆς αὐτῆς δάφνης διαπλέξαντες, ἀφʼ ἧσπερ οὖν καὶ τότε ὁ θεὸς ἐστεφανώσατο. καὶ τὴν ὁδὸν ἐκείνην ἔρχονται, ἣ καλεῖται μὲν Πυθιάς, φέρει δὲ διὰ Θετταλίας καὶ Πελασγίας καὶ τῆς Οἴτης καὶ τῆς Αἰνιάνων χώρας καὶ τῆς Μηλιέων καὶ Δωριέων καὶ Λοκρῶν τῶν Ἑσπερίων. οὗτοι δὲ καὶ παραπέμπουσιν αὐτοὺς σὺν αἰδοῖ καὶ τιμῇ οὐδὲν ἧττον ἤπερ οὖν ἐκεῖνοι, οἲ τοὺς ἐξ Ὑπερβορέων τὰ ἱερὰ κομίζοντας τῷ αὐτῷ θεῷ τούτῳ τιμῶσι. καὶ μὴν καὶ τοῖς Πυθίοις ἐκ ταύτης τῆς δάφνης τοὺς στεφάνους τοῖς νικῶσι διδόασιν. ὑπὲρ μὲν οὖν τῶν ἐν Θετταλίᾳ Τεμπῶν καὶ ἐμοὶ νῦν τοσαῦτα εἰρήσθω. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Ἀναξαγόρᾳ τις τῷ Κλαζομενίῳ σπουδάζοντι πρὸς τοὺς ἑταίρους προσελθὼν ἔφη τεθνηκέναι οἱ τοὺς δύο παῖδας οὕσπερ οὖν εἶχε μόνους ὁ Ἀναξαγόρας. <pb xml:id="p.41"/> ὃ δὲ μηδὲν διαταραχθεὶς εἶπεν ʽᾔδειν θνητοὺς γεγεννηκώς.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Ξενοφῶντι θύοντι ἧκέ τις ἐκ Μαντινείας ἄγγελος, λέγων τὸν υἱὸν αὐτοῦ τὸν Γρύλλον τεθνάναι· κἀκεῖνος ἀπέθετό μὲν τὸν στέφανον, διετέλει δὲ θύων. ἐπεὶ δὲ ὁ ἄγγελος προσέθηκε τῷ πρότερον λόγῳ καὶ ἐκεῖνον τὸν λέγοντα ὅτι νικῶν μέντοι τέθνηκε, πάλιν ὁ Ξενοφῶν ἐπέθετο τῇ κεφαλῇ τὸν στέφανον. ταῦτα μὲν οὖν δημώδη καὶ ἐς πολλοὺς ἐκπεφοίτηκεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> Δίων δὲ ὁ Ἱππαρίνου μὲν παῖς Πλάτωνος δὲ ὁμιλητὴς ἔτυχε μὲν χρηματίζων ὑπέρ τινων δημοσίων καὶ κοινῶν πραγμάτων, ὁ δὲ παῖς αὐτοῦ ἐκ τοῦ τέγους κατενεχθεὶς ἐς τὴν αὐλὴν τὸν βίον κατέστρεψεν. οὐδὲν οὖν ἐπὶ τούτοις μετεβάλετο ὁ Δίων, ἀλλʼ ὅπερ οὖν ἐξ ἀρχῆς ἔπραττε, τοῦτο καὶ δρῶν διετέλεσεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> Ἀντίγονόν γε μήν φασι τὸν δεύτερον ἐπεί τινες τὸν υἱὸν αὐτῷ ἐκ τῆς παρατάξεως ἐκόμισαν νεκρόν, εἶδε μὲν αὐτόν, οὐδὲν δὲ τρέψας τοῦ χρωτός, οὐδὲ μὴν ἐπιδακρύσας, ἐπαινέσας δὲ ὡς ἀγαθὸν στρατιώτην, θάπτειν προσέταξεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> Κράτης ὁ Θηβαῖος τά τε ἄλλα μεγαλόφρων ὣν πεφώραται καὶ καταφρονητικὸς τῶν ὑπὸ τοῦ πλήθους θαυμαζομένων, ἀτὰρ οὖν καὶ χρημάτων καὶ πατρίδος. ὅτι μὲν οὖν τῆς οὐσίας ἀπέστη τοῖς Θηβαίοις, τοῦτο μὲν καὶ ἐς πάντας ἐξεφοίτησε· τὸ δὲ ἕτερον αὐτοῦ οὐ πᾶσι γνώριμον· ἔστι δὲ ἐκεῖνο. ἀπαλλαττόμενος τῶν Θηβῶν οἰκισθεισῶν πάλιν ἔφη ʽοὐ δέομαι πόλεως, ἣν Ἀλέξανδρος κατασκάψει ἄλλος.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> Δημοχάρης ὁ τοῦ Δημοσθένους ἀδελφιδοῦς ἐπιδεῖξαι βουλόμενος ὅτι τῆς ἐκ τῶν πολλῶν κακοφημίας ὑπερφρονεῖ, θεασάμενός τινας καθεζομένους ἐν ἰατρείῳ ψογεροὺς καὶ κακῶς ἀγορεύειν ἐκ παντὸς τρόπου <pb xml:id="p.42"/> διψῶντας ʽτί φατε ὑμεῖσʼ εἶπε Δ̔υσμενίδαι;ʼ τὸ ἦθος αὐτῶν ἅμα ἐκκαλύψας διὰ τούτου τοῦ ὀνόματος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Φρύνιχον Ἀθηναῖοι στρατηγὸν εἵλοντο οὔτε κατὰ σπουδὰς οὔτε κατὰ τὴν τοῦ γένους ἀξίαν οὔτε μὴν ὅτι ἦν πλούσιος· πολλάκις γὰρ καὶ ἐκ τούτων ἐθαυμάζοντο ἐν ταῖς Ἀθήναις, καὶ τῶν ἄλλων προῃροῦντο. ἀλλʼ ἐπεὶ τοῖς πυρριχισταῖς ἔν τινι τραγῳδίᾳ ἐπιτήδεια μέλη καὶ πολεμικὰ ἐξεπόνησεν, οὕτως ἄρα κατεκτήσατο τὸ θέατρον καὶ ἐκράτησε τῶν παρόντων, ὥστε παραχρῆμα αὐτὸν εἵλοντο στρατηγεῖν, πιστεύσαντες ὅτι τῶν πολεμικῶν ἔργων ἡγήσεται καλῶς καὶ ἐς δέον, ὅπου μὴ ἀπᾴδοντα τοῖς ἐνόπλοις ἀνδράσιν εἰργάσατο τὰ ἐν τῷ δράματι μέλη τε καὶ ποιήματα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> ἐρῶντι ἀνδρί τις οὐκ ἐρῶν ἐπειγούσης τῆς μάχης καὶ συνάγοντος τοῦ πολέμου οὐκ ἂν συμμίξειεν. ὁ γὰρ ἀνέραστος φεύγει καὶ ἀποδιδράσκει τὸν ἐρωτικόν, ἅτε βέβηλος καὶ ἀτέλεστος τῷ θεῷ καὶ τοσοῦτον ἀνδρεῖος, ὅσον αὐτῷ καὶ ἡ ψυχὴ χωρεῖ καὶ τὸ σῶμα ῥώμης ἔχει· δέδοικε δὲ τὸν ἕτερον, ἅτε ἐκ θεοῦ κατόχως ἐνθουσιῶντα, καὶ οὐ μὰ Δία τοῦτο τὸ κοινὸν ἔξ Ἄρεος ἀλλʼ ἐξ Ἔρωτος μανέντα. οἱ μὲν γὰρ ἐκ τοῦ ἑτέρου τῶν θεῶν κατειλημμένοι, ὧν ἕνα φησὶν Ὅμηρος ὅμοια τῷ Ἄρει μαίνεσθαι, ἀλλʼ ἐκεῖνοί γε ἐξ ἑνὸς περιειλημμένοι δαίμονος εὖ καὶ καλῶς ἀγωνίζονται τοσοῦτον, ὅσον ἐνθουσιᾶν αὐτοὺς ἅπαξ· οἱ δὲ Ἔρωτος βάκχοι πολεμοῦντες καὶ ὑπὸ τῆς Ἄρεος ὁρμῆς καὶ ὑπὸ τῆς Ἔρωτος ἐκκαύσεως διπλῆν τὴν λατρείαν ὑπομένοντες εἰκότως κατὰ τὴν Κρητῶν ἔννοιαν κατορθοῦσι διπλᾶ. οὔκουν τῷ ἐξ Ἄρεος καὶ Ἔρωτος φονῶντι αἰτιάσαιτο ἄν τις εἰ μὴ ὑπομένοι ὁπλίτης ἀνταγωνίσασθαι ὑφʼ ἑνὶ τεταγμένος θεῷ, ἀλλʼ οὐχ ὑπὸ τοῖς δύο. <pb xml:id="p.43"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> περὶ τῶν ἐν Λακεδαίμονι ἐφόρων πολλὰ μὲν καὶ ἄλλα εἰπεῖν καλὰ ἔχω, ἃ δʼ οὖν προῄρημαι, ταῦτα νῦν ἐρῶ. ὅτε τις τῶν παρʼ αὐτοῖς καλῶν πλούσιον ἐραστὴν προείλετο χρηστοῦ πένητος, ἐπέβαλον αὐτῷ χρήματα, κολάζοντες ὡς ἔοικε τὴν φιλοχρηματίαν τῇ τῶν χρημάτων ζημίᾳ. ἄλλον δέ τινα ἄνδρα καλὸν κἀγαθὸν οὐδενὸς ἐρῶντα τῶν καλῶς πεφυκότων καὶ τοῦτον ἐζημίωσαν, ὅτι χρηστὸς ὢν οὐδενὸς ἤρα· δῆλον γὰρ ὡς ὅμοιον ἂν ἑαυτῷ κἀκεῖνον ἀπέφηνεν, ἴσως δʼ ἂν καὶ ἄλλον. δεινὴ γὰρ ἡ τῶν ἐραστῶν πρὸς τὰ παιδικὰ εὔνοια ἀρετὰς ἐνεργάσασθαι, ὅταν αὐτοὶ σεμνοὶ ὦσιν· ἐπεί τοι Λακωνικὸς καὶ οὗτος νόμος, ὅταν ἁμάρτῃ μειράκιον, τῇ μὲν ἀφελείᾳ τοῦ τρόπου καὶ τῷ νεαρῷ τῆς ἡλικίας συγγινώσκουσι, τὸν δὲ ἐραστὴν ὑπὲρ αὐτοῦ κολάζουσιν, ἐπιγνώμονας αὐτοὺς καὶ ἐξεταστὰς ὧν ἐκεῖνοι πράττουσι κελεύοντες εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> οἱ περιπατητικοί φασι μεθʼ ἡμέραν θητεύουσαν τὴν ψυχὴν τῷ σώματι περιπλέκεσθαι καὶ μὴ δύνασθαι καθαρῶς τὴν ἀλήθειαν θεωρεῖν· νύκτωρ δὲ διαλυθεῖσαν τῆς περὶ τοῦτο λειτουργίας καὶ σφαιρωθεῖσαν ἐν τῷ περὶ τὸν θώρακα τόπῳ μαντικωτέραν γίνεσθαι, ἐξ ὧν τὰ ἐνύπνια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> οὔκ εἰσι θρυπτικοὶ πρὸς τοὺς ἐραστὰς οἱ ἐν Λακεδαίμονι καλοὶ οὐδὲ· ἀλαζόνες, ἐπεὶ τοὐναντίον ἢ παρὰ τοῖς ἄλλοις ὡραίοις τὰ ἐκ τούτων καταμαθεῖν ἐστιν. αὐτοὶ γοῦν δέονται τῶν ἐραστῶν εἰσπνεῖν αὐτοῖς· Λακεδαιμονίων δέ ἐστιν αὕτη ἡ φωνή, ἐρᾶν δεῖν λέγουσα. Σπαρτιάτης δὲ ἔρως αἰσχρὸν οὐκ οἶδεν· εἴτε γὰρ μειράκιον ἐτόλμησεν ὕβριν ὑπομεῖναι εἴτε ἐραστὴς ὑβρίσαι, ἀλλʼ οὐδετέροις ἐλυσιτέλησε τῇ Σπάρτῃ ἐγκαταμεῖναι· ἢ γὰρ τῆς πατρίδος ἀπηλλάγησαν ἢ καὶ τὸ ἔτι θερμότερον τοῦ βίου αὐτοῦ. <pb xml:id="p.44"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> ὅτι φιλοινότατον ἔθνος τὸ τῶν Ταπύρων τοσοῦτον, ὥστε ζῆν αὐτοὺς ἐν οἴνῳ, καὶ τὸ πλεῖστον τοῦ βίου ἐν τῇ πρὸς αὐτὸν ὁμιλἵ??ʼ καταναλίσκειν. καὶ οὐ μόνον ἐς πόμα καταχρῶνται αὐτῷ, ἀλλὰ γὰρ καὶ χρῖμά ἐστιν αὐτοῖς ὁ οἶνος, ὥσπερ ἄλλοις τὸ ἔλαιον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> Βυζαντίους δὲ δεινῶς οἰνόφλυγας ὄντας ἐνοικεῖν τοῖς καπηλείοις λόγος ἔχει, τῶν οἰκιῶν τῶν ἰδίων καὶ τῶν δωμάτων ἐξοικισθέντας, καὶ τοῖς ξένοις τοῖς ἐνεπιδημοῦσι τῇ πόλει ἀπομισθώσαντας αὐτά, καὶ οὐ μόνον ἐκείνων, ἀλλὰ καὶ τῶν γυναικῶν αὐτοῖς ἀποστάντας, ὡς ἐν ταὐτῷ τοὺς Βυζαντίους διπλῆν αἰτίαν φέρεσθαι καὶ οἰνοφλυγίας καὶ προαγωγείας. ἅτε δὲ ὑπὸ τῆς μέθης καὶ τοῦ οἴνου διαρρέοντες, αὐλοῦ μὲν ἀκούοντες χαίρουσι, καὶ τὸ ἔργον αὐτοῖς αὐλεῖσθαί ἐστι· σάλπιγγα δὲ οὐδὲ ἀρχὴν ὑπομένουσι. καὶ ἐκ τούτων ἔξεστι νοεῖν ὅτι καὶ πρὸς ὅπλα καὶ πρὸς πολέμους ἀλλοτριώτατα διάκεινται Βυζάντιοι. διὰ ταῦτά τοι καὶ Λεωνίδης ὁ στρατηγὸς αὐτῶν ἐν πολιορκίᾳ ἰσχυρᾷ, ἐπεὶ τῶν πολεμίων τοῖς τείχεσι προσβαλόντων ἐκεῖνοί γε τὰς φρουρὰς ἐκλιπόντες διημέρευον ἐν ταῖς συνήθεσι διατριβαῖς, προσέταξε τὰ καπηλεῖα ἐπὶ τῶν τειχῶν διασκηνωθῆναι αὐτοῖς. καὶ τοῦτο τὸ σόφισμα ἀνέπεισεν αὐτοὺς ὀψὲ καὶ βραδέως τὴν τάξιν μὴ καταλιπεῖν, ἅτε τῆς προφάσεως αὐτοῖς περιῃρημένης. λέγει δὲ ταῦτα ὑπὲρ αὐτῶν Δάμων. ὁμολογεῖν δὲ τούτοις ἔοικε καὶ ὁ Μένανδρος, ὅταν λέγῃ <quote rend="blockquote"> <lb/>μεθύσους τοὺς ἐμπόρους <lb/>ποιεῖ τὸ Βυζάντιον· ὅλην ἐπίνομεν <lb/>τὴν νύκτα. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> καὶ Ἀργεῖοι δὲ καὶ Τιρύνθιοι κεκωμῴδηνται καὶ οὗτοι ἀκρατέστερον τῷ οἴνῳ προσιόντες. τό γε μὴν ὑπὲρ τῶν Θρᾳκῶν, ἀλλὰ τοῦτο μὲν καὶ διαβεβόηται <pb xml:id="p.45"/> ἤδη καὶ διατεθρύληται, ὡς εἰσὶ πιεῖν δεινότατοι. οὐ διαπεφεύγασι δὲ ταύτην τὴν αἰτίαν οὐδὲ Ἰλλυριοί, ἀλλʼ ἐκεῖνοί γε προσειλήφασι κἀκεῖνο τὸ ἐπίκλημα, ὅτι ἐφεῖται τοῖς ἐν τῷ συνδείπνῳ παροῦσι ξένοις προπίνειν ταῖς γυναιξίν, ἕκαστον ᾗ ἂν βούληται, κἂν μηδὲν προσήκῃ ἡ γυνὴ αὐτῷ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> εἶτα τίς ἀμείνων ἦν στρατηγεῖν, Δημήτριος ὁ πολιορκητὴς ἢ Τιμόθεος ὁ Ἀθηναῖος; ἐγὼ μὲν ἐρῶ τὸν τῶν ἀμφοτέρων τρόπον· ἔνεστι δʼ ὑμῖν προτιμῆσαι τὸν ἕτερον. Δημήτριος μὲν βίᾳ καὶ πλεονεξίᾳ καὶ λυπῶν τὰ μέγιστα καὶ ἀδικῶν ᾕρει τὰς πόλεις μηχανὰς προσάγων καὶ κατασείων καὶ ὑπορύττων τὰ τείχη, Τιμόθεος δὲ πείθων καὶ διδάσκων λόγῳ ὅτι λυσιτελέστερόν ἐστι τῶν Ἀθηναίων ἀκούειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ἐπολιτεύσαντο οὖν καὶ φιλόσοφοι, μηδʼ αὐτὸ τοῦτο μόνον τὴν διάνοιαν ἀγαθοὶ γενόμενοι ἐφʼ ἡσυχίας κατεβίωσαν. ἐπηνώρθωσαν γὰρ τὰ κοινὰ Ζάλευκος μὲν τὰ ἐν Λοκροῖς, Χαρώνδας δὲ τὰ ἐν Κατάνῃ καὶ τὰ ἐν Ῥηγίῳ, ὅτε ἐκ Κατάνης ἔφευγε. Ταραντίνοις δὲ ἐγένετο ἀγαθὸν Ἀρχύτας, Σόλων δὲ Ἀθηναίοις, Βίας δὲ καὶ Θαλῆς τὴν Ἰωνίαν πολλὰ ὤνησαν, Χίλων δὲ Λακεδαιμονίους, Μυτιληναίους γε μὴν Πιττακός, Κλεόβουλος δὲ Ῥοδίους. καὶ Ἀναξίμανδρος δὲ ἡγήσατο τῆς ἐς Ἀπολλωνίαν ἐκ Μιλήτου ἀποικίας. ἀλλὰ καὶ Ξενοφῶν στρατιώτης ἀγαθὸς ἦν καὶ ἀμείνων στρατηγός, ὅτε Κύρῳ συνανέβη· καὶ Κῦρος μὲν καὶ οἱ σὺν αὐτῷ ἀπέθανον, καλούσης δὲ τῆς χρείας τὸν δυνησόμενον σῶσαι τοὺς Ἕλληνας καὶ ἀγαγεῖν τὴν ὀπίσω ἐς τὰ οἰκεῖα, οὗτος ἐκεῖνος ἦν. Πλάτων δὲ ὁ Ἀρίστωνος Δίωνα κατήγαγεν ἐς Σικελίαν, καὶ διʼ ὧν αὐτῷ συνεβούλευε καὶ ἐδίδασκε, διὰ τούτων τὴν τυραννίδα τὴν Διονυσίου κατέλυσε. Σωκράτης δὲ <pb xml:id="p.46"/> τῇ μὲν Ἀθηναίων πολιτείᾳ οὐκ ἠρέσκετο· τυραννικὴν γὰρ καὶ μοναρχικὴν ἑώρα τὴν δημοκρατίαν οὖσαν· καὶ διὰ ταῦτα οὔτε ἐπεψήφισεν Ἀθηναίοις τὸν τῶν δέκα στρατηγῶν θάνατον, ἀλλʼ οὐδὲ τοῖς τριάκοντα ἐκοινώνει τῶν ἀσεβημάτων. ἔνθα δὲ ἐχρῆν ὑπὲρ τῆς πατρίδος ἀγωνίζεσθαι, ἀλλʼ ἐνταῦθά γε ἀπροφάσιστος ἐκεῖνος στρατιωτὴς ἦν. ἐστρατεύσατο γοῦν ἐπὶ Δήλιον, καὶ ἐς Ἀμφίπολιν καὶ ἐς Ποτίδαιαν. Ἀριστοτέλης δὲ τὴν ἑαυτοῦ πατρίδα οὐ τὸ λεγόμενον δὴ τοῦτο ἐς γόνυ πεσοῦσαν ἀλλʼ ἐπὶ στόμα ἀνέστησεν αὖθις. Δημήτριος δὲ ὁ Φαληρεὺς καὶ Ἀθήνησιν ἐπιφανέστατα ἐπολιτεύσατο, ἔστʼ αὐτὸν ὁ συνήθης Ἀθηναίοις φθόνος ἐξέωσε· καὶ ἐν Αἰγύπτῳ δὲ συνὼν τῷ Πτολεμαίῳ νομοθεσίας ἦρξε. τίς δὲ ἀντιφήσει καὶ Περικλέα τὸν Ξανθίππου φιλόσοφον γενέσθαι καὶ Ἐπαμεινώνδαν τὸν Πολύμνιδος καὶ Φωκίωνα τὸν Φώκου καὶ Ἀριστείδην τὸν Λυσιμάχου καὶ Ἐφιάλτην τὸν Σοφωνίδου καὶ ἔτι κάτω τοῦ χρόνου Καρνεάδην καὶ Κριτόλαον, εἴ γε ἐς τὴν Ῥώμην ἀφίκοντο ἐκεῖνοι ὑπὲρ τῶν Ἀθηναίων πρεσβεύοντες, καὶ αὐτοῖς σωτηρίαν εὕραντο; οἵπερ οὖν ἐς τοσοῦτον ἐνέτρεψαν τὴν σύγκλητον βουλήν, ὡς εἰπεῖν αὐτοὺς ʽἔπεμψαν Ἀθηναῖοι πρεσβεύοντας οὐ τοὺς πείσοντας ἀλλὰ γὰρ τοὺς βιασομένους ἡμᾶς δρᾶσαι ὅσα θέλουσιν.ʼ ἐγὼ δὲ πολιτείαν φαίην ἂν καὶ τὸ Περσαίου, εἴ γε Ἀντίγονον ἐπαίδευσε, καὶ τὸ Ἀριστοτέλους, ἐπεὶ καὶ αὐτὸς σὺν Ἀλεξάνδρῳ τῷ Φιλίππου νέῳ ὄντι φιλοσοφῶν ἦν δῆλος. καὶ Λῦσις δὲ ὁ γνώριμος ὁ Πυθαγόρου καὶ αὐτὸς Ἐπαμεινώνδαν ἐξεπαίδευσεν. εἴ τις οὖν ἀπράκτους λέγει τοὺς φιλοσόφους, ἀλλὰ εὐήθη γε αὐτοῦ καὶ ἀνόητα ταῦτα· ἐγὼ μὲν γὰρ τὴν σὺν αὐτοῖς ἀπραγμοσύνην καὶ τὸν τῆς ἡσυχίας ἔρωτα κἂν ἁρπάσαιμι ἐπιδραμών. <pb xml:id="p.47"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> Περιηγεῖταί τινα Θεόπομπος συνουσίαν Μίδου τοῦ Φρυγὸς καὶ Σιληνοῦ. νύμφης δὲ παῖς ὁ Σιληνὸς οὗτος, θεοῦ μὲν ἀφανέστερος τὴν φύσιν, ἀνθρώπου δὲ κρείττων, ἐπεὶ καὶ ἀθάνατος ἦν. πολλὰ μὲν οὖν καὶ ἄλλα ἀλλήλοις διελέχθησαν, καὶ ὑπὲρ τούτων δὲ ὁ Σιληνὸς ἔλεγε πρὸς τὸν Μίδαν. τὴν μὲν Εὐρώπην καὶ τὴν Ἀσίαν καὶ τὴν Λιβύην νήσους εἶναι, ἃς περιρρεῖν κύκλῳ τὸν Ὠκεανόν, ἤπειρον δὲ εἶναι μόνην ἐκείνην τὴν ἔξω τούτου τοῦ κόσμου. καὶ τὸ μὲν μέγεθος αὐτῆς ἄπειρον διηγεῖτο. τρέφειν δὲ τὰ ἄλλα ζῷα μεγάλα, καὶ τοὺς ἀνθρώπους δὲ τῶν ἐνταυθοῖ διπλασίονας τὸ μέγεθος, καὶ χρόνον ζῆν αὐτοὺς οὐχ ὅσον ἡμεῖς, ἀλλὰ καὶ ἐκεῖνον διπλοῦν. καὶ πολλὰς μὲν εἶναι καὶ μεγάλας πόλεις καὶ βίων ἰδιότητας, καὶ νόμους αὐτοῖς τετάχθαι ἐναντίως κειμένους τοῖς παρʼ ἡμῖν νομιζομένοις. δύο δὲ εἶναι πόλεις ἔλεγε μεγέθει μεγίστας, οὐδὲν δὲ ἀλλήλαις ἐοικέναι· καὶ τὴν μὲν ὀνομάζεσθαι Μάχιμον, τὴν δὲ Εὐσεβῆ. τοὺς μὲν οὖν Εὐσεβεῖς ἐν εἰρήνῃ τε διάγειν καὶ πλούτῳ βαθεῖ, καὶ λαμβάνειν τοὺς καρποὺς ἐκ τῆς γῆς χωρὶς ἀρότρων καὶ βοῶν, γεωργεῖν δὲ καὶ σπείρειν οὐδὲν αὐτοῖς ἔργον εἶναι. καὶ διατελοῦσιν ʽἦ δʼ ὃσʼ ὑγιεῖς καὶ ἄνοσοι, καὶ καταστρέφουσι τὸν ἑαυτῶν βίον γελῶντες εὖ μάλα καὶ ἡδόμενοι. οὕτω δὲ ἀναμφιλόγως εἰσὶ δίκαιοι, ὡς μηδὲ τοὺς θεοὺς πολλάκις ἀπαξιοῦν ἐπιφοιτᾶν αὐτοῖς. οἱ δὲ τῆς Μαχίμου πόλεως μαχιμώτατοί τέ εἰσι καὶ αὐτοὶ καὶ γίνονται μεθʼ ὅπλων, καὶ ἀεὶ πολεμοῦσι, καὶ καταστρέφονται τοὺς ὁμόρους, καὶ παμπόλλων ἐθνῶν μία πόλις κρατεῖ αὕτη. εἰσὶ δὲ οἱ οἰκήτορες οὐκ ἐλάττους διακοσίων μυριάδων. ἀποθνήσκουσι δὲ τὸν μὲν ἄλλον χρόνον νοσήσαντες· σπάνιον δὲ τοῦτο, ἐπεὶ τά γε πολλὰ ἐν τοῖς πολέμοις ἢ <pb xml:id="p.48"/> λίθοις ἢ ξύλοις παιόμενοι· ἄτρωτοι γάρ εἰσι σιδήρῳ. χρυσοῦ δὲ ἔχουσι καὶ ἀργύρου ἀφθονίαν, ὡς ἀτιμότερον εἶναι παρʼ αὐτοῖς τὸν χρυσὸν τοῦ παρʼ ἡμῖν σιδήρου. ἐπιχειρῆσαι δέ ποτε καὶ διαβῆναι τούτους ἐς τάσδε τὰς ἡμεδαπὰς νήσους ἔλεγε, καὶ διαπλεύσαντάς γε τὸν Ὠκεανὸν μυριάσι χιλίαις ἀνθρώπων ἕως Ὑπερβορέων ἀφικέσθαι. καὶ πυθομένους τῶν παρʼ ἡμῖν τούτους εἶναι τοὺς εὐδαιμονεστάτους, καταφρονῆσαι ὡς φαύλως καὶ ταπεινῶς πράττοντας, καὶ διὰ ταῦτα ἀτιμάσαι προελθεῖν περαιτέρω. τὸ δὲ ἔτι θαυμασιώτερον προσετίθει. μέροπάς τινας οὕτω καλουμένους ἀνθρώπους οἰκεῖν παρʼ αὐτοῖς ἔφη πόλεις πολλὰς καὶ μεγάλας, ἐπʼ ἐσχάτῳ δὲ τῆς χώρας αὐτῶν τόπον εἶναι καὶ ὀνομάζεσθαι Ἄνοστον, ἐοικέναι δὲ χάσματι, κατειλῆφθαι δὲ οὔτε ὑπὸ σκότους οὔτε ὑπὸ φωτός, ἀέρα δὲ ἐπικεῖσθαι ἐρυθήματι μεμιγμένον θολερῷ. δύο δὲ ποταμοὺς περὶ τοῦτον τὸν τόπον ῥεῖν, καὶ τὸν μὲν Ἡδονῆς καλεῖσθαι τὸν δὲ Λύπης· καὶ παρʼ ἑκάτερον τούτων ἑστηκέναι δένδρα τὸ μέγεθος πλατάνου μεγάλης. φέρειν δὲ καρποὺς τὰ μὲν παρὰ τὸν τῆς Λύπης ποταμὸν τοιαύτην ἔχοντας τὴν φύσιν. ἐάν τις αὐτῶν ἀπογεύσηται, τοσοῦτον ἐκβάλλει δακρύων, ὥστε κατατήκεσθαι πάντα τὸν ἑαυτοῦ βίον τὸν λοιπὸν θρηνοῦντα, καὶ οὕτω τελευτᾶν. τὰ δὲ ἕτερα τὰ παραπεφυκότα τῷ τῆς Ἡδονῆς ποταμῷ ἀντίπαλον ἐκφέρειν καρπόν. ὃς γὰρ ἂν γεύσηται τούτων, τῶν μὲν ἄλλων τῶν πρότερον ἐπιθυμιῶν παύεται, ἀλλὰ καὶ εἴ του ἤρα καὶ αὐτοῦ λαμβάνει λήθην, καὶ γίνεται κατὰ βραχὺ νεώτερος καὶ τὰς φθανούσας ἡλικίας καὶ τὰς ἤδη διελθούσας ἀναλαμβάνει ὀπίσω. τὸ μὲν γὰρ γῆρας ἀπορρίψας ἐπὶ τὴν ἀκμὴν ὑποστρέφει, εἶτα ἐπὶ τὴν τῶν μειρακίων ἡλικίαν ἀναχωρεῖ, <pb xml:id="p.49"/> εἶτα παῖς γίνεται, εἶτα βρέφος, καὶ ἐπὶ τούτοις ἐξαναλώθη. καὶ ταῦτα εἴ τῳ πιστὸς ὁ Χῖος λέγων, πεπιστεύσθω· ἐμοὶ δὲ δεινὸς εἶναι δοκεῖ μυθολόγος καὶ ἐν τούτοις καὶ ἐν ἄλλοις δέ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> λέγεται τὴν διαφορὰν Ἀριστοτέλους πρὸς Πλάτωνα τὴν πρώτην ἐκ τούτων γενέσθαι. οὐκ ἠρέσκετο τῷ βίῳ αὐτοῦ ὁ Πλάτων οὐδὲ τῇ κατασκευῇ τῇ περὶ τὸ σῶμα. καὶ γὰρ ἐσθῆτι ἐχρῆτο περιέργῳ ὁ Ἀριστοτέλης καὶ ὑποδέσει, καὶ κουρὰν δὲ ἐκείρετο καὶ ταύτην ἀήθη Πλάτωνι, καὶ δακτυλίους δὲ πολλοὺς φορῶν ἐκαλλύνετο ἐπὶ τούτῳ· καὶ μωκία δέ τις ἦν αὐτοῦ περὶ τὸ πρόσωπον, καὶ ἄκαιρος στωμυλία λαλοῦντος κατηγόρει καὶ αὕτη τὸν τρόπον αὐτοῦ. πάντα δὲ ταῦτα ὡς ἔστιν ἀλλότρια φιλοσόφου, δῆλον. ἅπερ οὖν ὁρῶν ὁ Πλάτων οὐ προσίετο τὸν ἄνδρα, προετίμα δὲ αὐτοῦ Ξενοκράτην καὶ Σπεύσιππον καὶ Ἀμύκλαν καὶ ἄλλους, τῇ τε λοιπῇ δεξιούμενος αὐτοὺς τιμῇ καὶ οὖν καὶ τῇ κοινωνίᾳ τῶν λόγων. ἀποδημίας δὲ γενομένης ποτὲ τῷ Ξενοκράτει ἐς τὴν πατρίδα, ἐπέθετο τῷ Πλάτωνι ὁ Ἀριστοτέλης, χορόν τινα τῶν ὁμιλητῶν τῶν ἑαυτοῦ περιστησάμενος, ὧν ἦν Μνάσων τε ὁ Φωκεὺς καὶ ἄλλοι τοιοῦτοι. ἐνόσει δὲ τότε ὁ Σπεύσιππος, καὶ διὰ ταῦτα ἀδύνατος ἦν συμβαδίζειν τῷ Πλάτωνι. ὁ δὲ Πλάτων ὀγδοήκοντα ἔτη ἐγεγόνει, καὶ ὁμοῦ τι διὰ τὴν ἡλικίαν ἐπελελοίπει τὰ τῆς μνήμης αὐτόν. ἐπιθέμενος οὖν αὐτῷ καὶ ἐπιβουλεύων ὁ Ἀριστοτέλης, καὶ φιλοτίμως πάνυ τὰς ἐρωτήσεις ποιούμενος καὶ τρόπον τινὰ καὶ ἐλεγκτικῶς, ἀδικῶν ἅμα καὶ ἀγνωμονῶν ἦν δῆλος· καὶ διὰ ταῦτα ἀποστὰς ὁ Πλάτων τοῦ ἔξω περιπάτου, ἔνδον ἐβάδιζε σὺν τοῖς ἑταίροις. τριῶν δὲ μηνῶν διαγενομένων ὁ Ξενοκράτης ἀφίκετο ἐκ τῆς ἀποδημίας, καὶ καταλαμβάνει τὸν Ἀριστοτέλη <pb xml:id="p.50"/> βαδίζοντα οὗ κατέλιπε τὸν Πλάτωνα. ὁρῶν δὲ αὐτὸν μετὰ τῶν γνωρίμων οὐ πρὸς Πλάτωνα ἀναχωροῦντα ἐκ τοῦ περιπάτου, ἀλλὰ καθʼ ἑαυτὸν ἀπιόντα ἐς τὴν πόλιν, ἤρετό τινα τῶν ἐν τῇ περιπάτῳ ὅπου ποτὲ εἴη ὁ Πλάτων· ὑπώπτευε γὰρ αὐτὸν μαλακίζεσθαι. ὃ δὲ ἀπεκρίνατο ʽἐκεῖνος μὲν οὐ νοσεῖ, ἐνοχλῶν δὲ αὐτὸν Ἀριστοτέλης παραχωρῆσαι πεποίηκε τοῦ περιπάτου, καὶ ἀναχωρήσας ἐν τῷ κήπῳ τῷ ἑαυτοῦ φιλοσοφεῖ.ʼ ὁ δὲ Ξενοκράτης ἀκούσας παραχρῆμα ἧκε πρὸς Πλάτωνα, καὶ κατέλαβε διαλεγόμενον τοῖς σὺν ἑαυτῷ· ἦσαν δὲ μάλα συχνοὶ καὶ ἄξιοι λόγου καὶ οἱ μάλιστα δοκοῦντες τῶν νέων ἐπιφανεῖς. ἐπεὶ δὲ ἐπαύσατο τῆς ὁμιλίας, ἠσπάσατό τε ὡς τὸ εἰκὸς τὸν Ξενοκράτην φιλανθρώπως καὶ αὖ πάλιν ὁ Ξενοκράτης ἐκεῖνον ὁμοίως. διαλυθείσης δὲ τῆς συνουσίας οὐδὲν οὔτε εἰπὼν πρὸς τὸν Πλάτωνα ὁ Ξενοκράτης οὔτε ἀκούσας, συναγαγὼν τοὺς ἑταίρους τῷ Σπευσίππῳ πάνυ ἰσχυρῶς ἐπέπληξε παραχωρήσαντι τοῦ περιπάτου Ἀριστοτέλει, αὐτός τε ἐπέθετο τῷ Σταγειρίτῃ κατὰ τὸ καρτερόν, καὶ ἐς τοσοῦτον προῆλθε φιλοτιμίας, ὡς ἐξελάσαι αὐτὸν καὶ ἀποδοῦναι τὸ σύνηθες χωρίον τῷ Πλάτωνι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> Λυσάνδρῳ τῷ Σπαρτιάτῃ ἐς Ἰωνίαν ἀφικομένῳ οἱ κατὰ τὴν Ἰωνίαν ξένοι πολλὰ μὲν καὶ ἄλλα ἀπέπεμψαν ἀτὰρ οὖν καὶ βοῦν καὶ πλακοῦντα. ὃ δὲ ἀπιδὼν ἐς τὸν πλακοῦντα ἤρετο ʽτί βούλεται τὸ πέμμα ἐκεῖνο εἶναι;ʼ ὁ δὲ κομίζων ἀπεκρίνατο ὅτι ἐκ μέλιτος καὶ τυροῦ καὶ ἄλλων τινῶν ἐσκεύασται. ὁ δὲ Λύσανδρος ʽἀλλὰ τοῦτο μὲνʼ εἶπε ʽτοῖς Εἵλωσι δότε· ἐλευθέρου γὰρ οὐκ ἔστι βρῶμα.ʼ τὸν δὲ βοῦν προσέταξε κατὰ τὰ πάτρια σκευασθῆναι, καὶ ἐδεἵ??ʼησεν ἡδέως. <pb xml:id="p.51"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> ἐπανῄει ποτὲ ἐκ διδασκαλείου παῖς ἔτι ὢν Θεμιστοκλῆς. εἶτα προσιόντος Πεισιστράτου ὁ παιδαγωγὸς ἔφη τῷ Θεμιστοκλεῖ μικρὸν ἐκχωρῆσαι τῆς ὁδοῦ προσάγοντος τοῦ τυράννου. ὃ δὲ καὶ πάνυ ἐλευθερίως ἀπεκρίνατο ʽαὕτη γὰρʼ εἶπεν ʽαὐτῷ οὐχ ἱκανὴ ὁδός;ʼ οὕτως ἄρα εὐγενές τι καὶ μεγαλόφρον ἐνεφαίνετο τῷ Θεμιστοκλεῖ καὶ ἐξ ἐκείνου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> ὅτε ἑάλω τὸ Ἴλιον, οἰκτείραντες οἱ Ἀχαιοὶ τὰς τῶν ἁλισκομένων τύχας καὶ πάνυ Ἑλληνικῶς τοῦτο ἐκήρυξαν, ἕκαστον τῶν ἐλευθέρων ἓν ὅ τι καὶ βούλεται τῶν οἰκείων ἀποφέρειν ἀράμενον. ὁ οὖν Αἰνείας τοὺς πατρῴους θεοὺς βαστάσας ἔφερεν, ὑπεριδὼν τῶν ἄλλων. ἡσθέντες οὖν ἐπὶ τῇ τοῦ ἀνδρὸς εὐσεβείᾳ οἱ Ἕλληνες καὶ δεύτερον αὐτῷ κτῆμα συνεχώρησαν λαβεῖν· ὃ δὲ τὸν πατέρα πάνυ σφόδρα γεγηρακότα ἀναθέμενος τοῖς ὤμοις ἔφερεν. ὑπερεκλαγέντες οὖν καὶ ἐπὶ τούτῳ οὐχ ἥκιστα, πάντων αὐτῷ τῶν οἰκείων κτημάτων ἀπέστησαν, ὁμολογοῦντες ὅτι πρὸς τοὺς εὐσεβεῖς τῶν ἀνθρώπων καὶ τοὺς θεοὺς καὶ τοὺς γειναμένους διʼ αἰδοῦς ἄγοντας καὶ οἱ φύσει πολέμιοι ἥμεροι γίνονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> καλὰ μὲν οὖν Ἀλεξάνδρου τὰ ἐπὶ Γρανίκῳ καὶ τὰ ἐπὶ Ἰσσῷ καὶ ἡ πρὸς Ἀρβήλοις μάχη καὶ Δαρεῖος ἡττημένος καὶ Πέρσαι δουλεύοντες Μακεδόσι· καλὰ δὲ καὶ τὰ τῆς ἄλλης ἁπάσης Ἀσίας νενικημένης, καὶ Ἰνδοὶ δὲ καὶ οὗτοι Ἀλεξάνδρῳ πειθόμενοι· καλὸν δὲ καὶ τὸ πρὸς τῇ Τύρῳ καὶ τὰ ἐν Ὀξυδράκαις καὶ τὰ ἄλλα αὐτοῦ. τί γὰρ δεῖ νῦν στενοχωρίᾳ λόγου περιλαμβάνειν τοσαύτην ἀνδρὸς ἐς ὅπλα ἀρετήν; ἔστω δὲ καὶ τῆς Τύχης Ἀλέξανδρον ἀγαπώσης τὰ πλεῖστα, εἴ τις εἴη δύσερις. καλὸς δʼ οὖν Ἀλέξανδρος μὴ ἡττώμενος τῆς Τύχης, μηδὲ πρὸς τὴν ἐξ αὐτῆς ἐς αὐτὸν <pb xml:id="p.52"/> προθυμίαν ἀπαγορεύων. ἐκεῖνα δὲ οὐκέτι καλὰ Ἀλεξάνδρου. δίου μηνός φασι πέμπτῃ ἔπινε παρὰ Μηδίῳ, εἶτα ἕκτῃ ἐκάθευδεν ἐκ τοῦ πότου, καὶ τοσοῦτον ἐκείνης τῆς ἡμέρας ἔζησεν, ὅσον ἀναστὰς χρηματίσαι τοῖς ἡγεμόσιν ὑπὲρ τῆς αὔριον πορείας, λέγων ὅτι ἔσται πρωί. καὶ ἑβδόμῃ εἱστιᾶτο παρὰ Περδίκκᾳ, καὶ ἔπινε πάλιν, καὶ ὀγδόῃ ἐκάθευδε. πέμπτῃ δὲ ἐπὶ δέκα τοῦ αὐτοῦ μηνὸς καὶ ταύτῃ ἔπινε, καὶ τῇ ἑπομένῃ τὰ εἰθισμένα ἔδρα τὰ ἐκ τοῦ πότου. παρὰ Βαγώᾳ δὲ ἐδείπνησε τετράδι μετὰ εἰκάδα· ἀπεῖχε δὲ τῶν βασιλείων ὁ Βαγώα οἶκος δέκα σταδίους· εἶτα τῇ τρίτῃ ἐκάθευδε. δυοῖν οὖν θάτερον, ἢ Ἀλέξανδρος κακῶς τοσαύτας τοῦ μηνὸς ἡμέρας ἑαυτὸν ζημιοῖ διὰ τὸν οἶνον, ἢ οἱ ταῦτα ἀναγράψαντες ψεύδονται. ἔξεστι δὲ ἐκ τούτων ἐννοεῖν καὶ τοῦ λοιποῦ χρόνου τὰ ὅμοια αὐτοὺς λέγοντας, ὧν καὶ Εὐμένης ὁ Καρδιανὸς καὶ ἐκεῖνός ἐστι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> Ξενοφῶντι ἔμελε τῶν τε ἄλλων σπουδαίων, καὶ οὖν καὶ ὅπλα καλὰ ἔχειν. νικῶντι γὰρ ἔλεγε τοὺς πολεμίους τὴν καλλίστην στολὴν ἁρμόττειν, καὶ ἀποθνήσκοντα ἐν τῇ μάχῃ κεῖσθαι καλῶς ἐν καλῇ τῇ πανοπλίᾳ· τῷ γὰρ ἀνδρὶ τῷ γενναίῳ ταῦτα εἶναι τὰ ἐντάφια τὰ ὡς ἀληθῶς κοσμοῦντα αὐτόν. λέγεται οὖν ὁ τοῦ Γρύλλου τὴν μὲν ἀσπίδα Ἀργολικὴν ἔχειν, τὸν δὲ θώρακα Ἀττικόν, τὸ δὲ κράνος Βοιωτουργές, τὸν δὲ ἵππον Ἐπιδαύριον. φιλοκάλου δὲ ἔγωγε ἂν φαίην εἶναι ἀνδρὸς τὰ τοιαῦτα καὶ ἀξιοῦντος ἑαυτὸν τῶν καλῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> ὁ Αεωνίδης ὁ Λακεδαιμόνιος καὶ οἱ σὺν αὐτῷ τριακόσιοι τὸν μαντευόμενον αὐτοῖς θάνατον εἵλοντο ἐν Πύλαις, καὶ ὑπὲρ τῆς Ἑλλάδος εὖ καὶ καλῶς ἀγωνισάμενοι τέλους ἔτυχον εὐκλεοῦς, καὶ δόξαν ἑαυτοῖς ἀθάνατον ἀπέλιπον καὶ φήμην ἀγαθὴν διʼ αἰῶνος. <pb xml:id="p.53"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Πίνδαρος ὁ Μέλανος υἱός, Ἀλυάττου δὲ θυγατριδοῦς τοῦ Λυδοῦ, διαδεξάμενος τὴν Ἐφεσίων τυραννίδα πρὸς μὲν τὰς τιμωρίας πικρὸς ἦν καὶ ἀπαραίτητος, τά γε μὴν ἄλλα ἐδόκει φιλόπατρις εἶναι καὶ σώφρων, καὶ τοῦ μὴ δουλεῦσαι τὴν πατρίδα τοῖς βαρβάροις πολλὴν πρόνοιαν ἔθετο. ἔδειξε ταῦτα οὕτως ἔχειν ἐκεῖνα δήπου. ἐπεὶ γὰρ Κροῖσος ὁ πρὸς μητρὸς αὐτοῦ θεῖος καταστρεφόμενος τὴν Ἰωνίαν καὶ πρὸς τὸν Πίνδαρον πρεσβείαν ἀπέστειλεν, ἀξιῶν Ἐφεσίους ὑπʼ αὐτῷ γενέσθαι, ὡς δʼ οὐκ ἐπείσθη, ἐπολιόρκει τὴν πόλιν Κροῖσος. ἐπεὶ δέ τις τῶν πύργων ἀνετράπη ὁ κληθεὶς ὕστερον Προδότης, καὶ ἐν ὀφθαλμοῖς ἑωρᾶτο τὸ δεινόν, συνεβούλευεν ὁ Πίνδαρος Ἐφεσίοις ἐκδήσαντας ἐκ τῶν πυλῶν καὶ τῶν τειχῶν θώμιγγας συνάψαι τοῖς κίοσι τοῦ τῆς Ἀρτέμιδος νεώ, οἱονεὶ τὴν πόλιν ἀνάθημα ἐῶντας εἶναι τῇ Ἀρτέμιδι, ἀσυλίαν διὰ τούτων ἐπινοῶν τῇ Ἐφέσῳ· ὃ δὲ συνεβούλευε προσελθόντας δεῖσθαι τοῦ Λυδοῦ. προβαλλομένων δὲ τὴν ἱκετηρίαν τῶν Ἐφεσίων γελάσαντά φασι τὸν Κροῖσον καὶ δεξάμενον πράως τὸ στρατηγηθὲν τοῖς μὲν Ἐφεσίοις συγχωρῆσαι τὴν μετʼ ἐλευθερίας ἀσφάλειαν, τῷ δὲ Πινδάρῳ προστάξαι τῆς πόλεως ἀπαλλάττεσθαι. ὃ δὲ οὐκ ἀντεῖπε, τῶν φίλων δὲ τοὺς συναπαίρειν αὐτῷ βουληθέντας παραλαβών, τὸν υἱὸν καὶ τῆς οὐσίας τὸ πλεῖστον τῇ πόλει παρακαταθέμενος καὶ ἕνα τῶν συνήθων Πασικλέα ἀποδείξας ἐπίτροπον καὶ τοῦ παιδὸς καὶ τῶν χρημάτων, ἀπῆρεν ἐς Πελοπόννησον, τυραννικοῦ βίου φυγὴν αὐθαίρετον ἀλλαξάμενος ὑπὲρ τοῦ μὴ ποιῆσαι τὴν πατρίδα ὑποχείριον Λυδοῖς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> πέπυσμαι καὶ τοῦτον τὸν λόγον· εἰ δὲ ἀληθής ἐστιν, οὐκ οἶδα· ὃ δʼ οὖν πέπυσμαι, ἐκεῖνό ἐστι. <pb xml:id="p.54"/> Πλάτων ὁ Ἀρίστωνος ὑπὸ πενίας φασὶ καταπονούμενος ἔμελλεν ἐπὶ στρατείαν ἀποδημῆσαι· καταληφθεὶς δὲ ὑπὸ Σωκράτους ὠνούμενος ὅπλα ὁ Πλάτων, ἀνεστάλη τῆς ὁρμῆς, διαλεχθέντος αὐτῷ τοῦ Σωκράτους ἃ εἰκὸς ἦν καὶ πείσαντος φιλοσοφίας ἐπιθυμῆσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> ὁρῶν ὁ Σωκράτης τὸν Ἀλκιβιάδην τετυφωμένον ἐπὶ τῷ πλούτῳ καὶ μέγα φρονοῦντα ἐπὶ τῇ περιουσίᾳ καὶ ἔτι πλέον ἐπὶ τοῖς ἀγροῖς, ἤγαγεν αὐτὸν ἔς τινα τῆς πόλεως τόπον ἔνθα ἀνέκειτο πινάκιον ἔχον γῆς περίοδον, καὶ προσέταξε τῷ Ἀλκιβιάδῃ τὴν Ἀττικὴν ἐνταῦθʼ ἀναζητεῖν. ὡς δʼ εὗρε, προσέταξεν αὐτῷ τοὺς ἀγροὺς τοὺς ἰδίους διαθρῆσαι. τοῦ δὲ εἰπόντος ʽἀλλʼ οὐδαμοῦ γεγραμμένοι εἰσίνʼ ʽἐπὶ τούτοις οὖνʼ εἶπε ʽμέγα φρονεῖς, οἵπερ οὐδὲν μέρος τῆς γῆς εἰσιν;ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> Διογένης ὁ Σινωπεὺς συνεχῶς ἐπέλεγεν ὑπὲρ ἑαυτοῦ ὅτι τὰς ἐκ τῆς τραγῳδίας ἀρὰς αὐτὸς ἐκπληροῖ καὶ ὑπομένει· εἶναι γὰρ <quote rend="blockquote"> <lb/>πλάνης ἄοικος πατρίδος ἐστερημένος <lb/>πτωχὸς δυσείμων βίον ἔχων ἐφήμερον. </quote> καὶ ὅμως ἐπὶ τούτοις μέγα ἐφρόνει οὐδὲν ἧττον ἢ Ἀλέξανδρος ἐπὶ τῇ τῆς οἰκουμένης ἀρχῇ, ὅτε καὶ Ἰνδοὺς ἑλὼν ἐς Βαβυλῶνα ὑπέστρεψεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Ἀμοιβεὺς ὁ κιθαρῳδὸς σωφρονέστατος ἐλέγετο καὶ γυναῖκα ὡραιοτάτην ἔχων μὴ ὁμιλεῖν αὐτῇ· καὶ Διογένης ὁ τῆς τραγῳδίας ὑποκριτὴς τὴν ἀκόλαστον κοίτην ἀπείπατο παντελῶς πᾶσαν. Κλειτόμαχος δὲ ὁ παγκρατιαστὴς εἴ ποτε καὶ κύνας εἶδε συμπλεκομένους, ἀπεστρέφετο· καὶ ἐν συμποσίῳ εἴ τις ἀφροδίσιος λόγος παρερρύη, ἀναστὰς ἀπηλλάττετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> Νικίας ὁ ζωγράφος τοσαύτην περὶ τὸ γράφειν <pb xml:id="p.55"/> σπουδὴν εἶχεν, ὡς ἐπιλαθέσθαι πολλάκις αὐτὸν τροφὴν προσενέγκασθαι προστετηκότα τῇ τέχνῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> Ἀλέξανδρος ὁ Φιλίππου, παῖς ὢν οὔπω πρόσηβος, ἐμάνθανε κιθαρίζειν. τοῦ δὲ διδάσκοντος κροῦσαι κελεύσαντος χορδήν τινα σὺν μέλει καὶ ἣν ἀπῄτει τὰ κιθαρίσματα, ʽκαὶ τί διοίσεἰ ἔφη ʽἐὰν ταύτην κρούσω; ἑτέραν δείξας. ὃ δὲ οὐδὲν ἔφη διαφέρειν τῷ μέλλοντι βασιλεύσειν ἀλλὰ τῷ ἐπὶ τέχνῃ κιθαρίσειν μέλλοντι. ἔδεισε δὲ ἄρα οὗτος τὸ τοῦ Λίνου πάθος. τὸν γὰρ Ἡρακλῆ ὁ Λῖνος ἔτι παῖδα ὄντα κιθαρίζειν ἐπαίδευεν· ἀμουσότερον δὲ ἁπτομένου τοῦ ὀργάνου, ἐχαλέπηνε πρὸς αὐτὸν ὁ Λῖνος. ὃ δὲ ἀγανακτήσας ὁ Ἡρακλῆς τῷ πλήκτρῳ τοῦ Λίνου καθίκετο καὶ ἀπέκτεινεν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> Σάτυρος ὁ αὐλητὴς Ἀρίστωνος τοῦ φιλοσόφου πολλάκις ἠκροᾶτο, καὶ κηλούμενος ἐκ τῶν λεγομένων ἐπέλεγεν <milestone unit="para"/>εἰ μὴ ἐγὼ τάδε τόξα φαεινῷ ἐν πυρὶ θείην, τοὺς αὐλοὺς αἰνιττόμενος, καὶ τρόπον τινὰ τὴν τέχνην ἐκφαυλίζων παραβολῇ τῇ πρὸς φιλοσοφίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> ὅτι Λάκωσι καὶ Ῥωμαίοις νόμος ἦν μὴ ἐξεῖναί τινι ὀψωνεῖν μήτε ἃ βούλεται μήτε ὅσα βούλεται· προσέταττον γὰρ διά τε τῶν ἄλλων σωφρονεῖν τοὺς. πολίτας καὶ διὰ τῆς τραπέζης οὐχ ἥκιστα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="35"> 
+<p rend="align(indent)"> λόγος δέ τις διαρρεῖ καὶ οὗτος Ἀττικός, ὃς λέγει πρότερον ἐν Ἀκαδημείᾳ μηδὲ γελάσαι ἐξουσίαν εἶναι· ὕβρει γὰρ καὶ ῥᾳθυμίᾳ ἐπειρῶντο τὸ χωρίον ἄβατον φυλάττειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="36"> 
+<p rend="align(indent)"> Ἀριστοτέλης ὅτε ἀπέλιπε τὰς Ἀθήνας δέει τῆς κρίσεως, πρὸς τὸν ἐρόμενον αὐτὸν ʽτίς ἐστιν ἡ τῶν Ἀθηναίων πόλις;ʼ ἔφη ʽπαγκάλη· ἀλλʼ ἐν αὐτῇ <milestone unit="para"/>ὄγχνη ἐπʼ ὄγχνῃ γηράσκει, σῦκον δʼ ἐπὶ σύκῳ, <pb xml:id="p.56"/> τοὺς συκοφάντας λέγων. καὶ πρὸς τὸν ἐρόμενον δια τί ἀπέλιπε τὰς Ἀθήνας, ἀπεκρίνατο ὅτι οὐ βούλεται Ἀθηναίους δὶς ἐξαμαρτεῖν ἐς φιλοσοφίαν, τὸ περὶ Σωκράτην πάθος αἰνιττόμενος καὶ τὸν καθʼ ἑαυτὸν κίνδυνον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="37"> 
+<p rend="align(indent)"> νόμος ἐστὶ Κείων, οἱ πάνυ παρʼ αὐτοῖς γεγηρακότες, ὥσπερ ἐπὶ ξένια παρακαλοῦντες ἑαυτοὺς ἢ επί τινα ἑορταστικὴν θυσίαν, συνελθόντες καὶ στεφανωσάμενοι πίνουσι κώνειον, ὅταν ἑαυτοῖς συνειδῶσιν ὅτι πρὸς τὰ ἔργα τὰ τῇ πατρίδι λυσιτελοῦντα ἄχρηστοί εἰσιν, ὑποληρούσης ἤδη τι αὐτοῖς καὶ τῆς γνώμης διὰ τὸν χρόνον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="38"> 
+<p rend="align(indent)"> ὅτι ἐν Ἀθήναις εὑρεθῆναι λέγουσι πρῶτον τὴν ἐλαίαν καὶ τὴν συκῆν, ἃ καὶ πρῶτα ἡ γῆ ἀνέδωκε. δίκας τε δοῦναι καὶ λαβεῖν εὗρον Ἀθηναῖοι πρῶτοι. καὶ ἀγῶνα τὸν διὰ τῶν σωμάτων πρῶτοι ἐπενόησαν, καὶ ἀπεδύσαντο καὶ ἠλείψαντο. καὶ ἵππους ἔζευξε πρῶτος Ἐριχθόνιος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="39"> 
+<p rend="align(indent)"> ὅτι βαλάνους Ἀρκάδες, Ἀργεῖοι δʼ ἀπίους, Ἀθηναῖοι δὲ σῦκα, Τιρύνθιοι δὲ ἀχράδας δεῖπνον εἶχον, Ἰνδοὶ καλάμους, Καρμανοὶ φοίνικας, κέγχρον δὲ Μαιῶται καὶ Σαυρομάται, τέρμινθον δὲ καὶ κάρδαμον Πέρσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="40"> 
+<p rend="align(indent)"> ὅτι οἱ συγχορευταὶ Διονύσου Σάτυροι ἦσαν οἱ ὑπʼ ἐνίων Τίτυροι ὀνομαζόμενοι. ἔσχον δὲ τὸ ὄνομα ἐκ τῶν τερετισμάτων, οἷς χαίρουσι. Σάτυροι δὲ ἀπὸ τοῦ σεσηρέναι. Σιληνοὶ δὲ ἀπὸ τοῦ σιλλαίνειν· τὸν δὲ σίλλον ψόγον λέγουσι μετὰ παιδιᾶς δυσαρέστου. ἐσθὴς δʼ ἦν τοῖς Σιληνοῖς ἀμφίμαλλοι χιτῶνες. αἰνίττεται δὲ ἡ στολὴ τὴν ἐκ τοῦ Διονύσου φυτείαν καὶ τὰ τῶν οἰναρίδων δάση. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="41"> 
+<p rend="align(indent)"> ὅτι τὸ πολυκαρπεῖν οἱ ἀρχαῖοι ὠνόμαζον φλύειν. <pb xml:id="p.57"/> ἐντεῦθεν τὸν Διόνυσον Φλεῶνα ἐκάλουν καὶ Προτρύγαιον καὶ Σταφυλίτην καὶ Ὀμφακίτην καὶ ἑτέρως πως διαφόρως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="42"> 
+<p rend="align(indent)"> Ἐλέγη καὶ Κελαινὴ Προίτου θυγατέρες. μάχλους δὲ αὐτὰς ἡ τῆς Κύπρου βασιλὶς εἰργάσατο, ἐπὶ μέρους δὲ τῆς Πελοποννήσου ἔδραμόν φασι γυμναὶ μαινόμεναι, ἐξεφοίτησαν δὲ καὶ ἐς ἄλλας χώρας τῆς Ἑλλάδος, παράφοροι οὖσαι ὑπὸ τῆς νόσου. ἀκούω δὲ ὅτι καὶ ταῖς Λακεδαιμονίων γυναιξὶν ἐνέπεσέ τις οἶστρος βακχικὸς καὶ ταῖς τῶν Χίων. καὶ αἱ τῶν Βοιωτῶν δὲ ὡς ἐνθεώτατα ἐμάνησαν καὶ ἡ τραγῳδία βοᾷ. μόνας δὲ ἀφηνιάσαι τῆς χορείας ταύτης λέγουσι τοῦ Διονύσου τὰς Μινύου θυγατέρας Λευκίππην καὶ Ἀρσίππην καὶ Ἀλκιθόην. αἴτιον δὲ ὅτι ἐπόθουν τοὺς γαμέτας, καὶ διὰ τοῦτο οὐκ ἐγένοντο τῷ θεῷ μαινάδες. ὃ δὲ ὀργίζεται, καὶ αἳ μὲν περὶ τοὺς ἱστοὺς εἶχον, καὶ ἐπονοῦντο περὶ τὴν Ἐργάνην εὖ μάλα φιλοτίμως· ἄφνω δὲ κιττοί τε καὶ ἄμπελοι τοὺς ἱστοὺς περιεῖρπον, καὶ τοῖς ταλάροις ἐνεφώλευον δράκοντες, ἐκ δὲ τῶν ὀρόφων ἔσταζον οἴνου καὶ γάλακτος σταγόνες. τὰς δὲ οὐδὲ ταῦτα ἀνέπειθεν ἐλθεῖν ἐς τὴν λατρείαν τοῦ δαίμονος. ἐνταῦθά τοι καὶ πάθος εἰργάσαντο ἔξω Κιθαιρῶνος, οὐ μεῖον τοῦ ἐν Κιθαιρῶνι· τὸν γὰρ τῆς Λευκίππης παῖδα ἔτι ἁπαλὸν ὄντα καὶ νεαρὸν διεσπάσαντο οἷα νεβρὸν τῆς μανίας ἀρξάμεναι αἱ Μινυάδες, εἶτα ἐντεῦθεν ἐπὶ τὰς ἐξ ἀρχῆς ᾖξαν μαινάδας· αἳ δὲ ἐδίωκον αὐτὰς διὰ τὸ ἄγος. ἐκ δὴ τούτων ἐγένοντο ὄρνιθες, καὶ ἣ μὲν ἤμειψε τὸ εἶδος ἐς κορώνην, ἣ δὲ ἐς νυκτερίδα, ἣ δὲ ἐς γλαῦκα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="43"> 
+<p rend="align(indent)"> ἐν Συβάρει κιθαρῳδοῦ ᾅδοντος ἐν τῇ ἀγωνίᾳ, ἣν ἐπετέλουν τῇ Ἥρᾳ, στασιασάντων ὑπὲρ αὐτοῦ τῶν Συβαριτῶν καὶ τὰ ὅπλα λαβόντων ἐπʼ ἀλλήλους, <pb xml:id="p.58"/> φοβηθεὶς ὁ κιθαρῳδὸς σὺν αὐτῇ στολῇ κατέφυγεν ἐς τὸν τῆς Ἥρας βωμόν· οἳ δὲ οὐδὲ ἐνταῦθα ἐφείσαντο τοῦ κιθαρῳδοῦ. ὀλίγῳ δὲ ὕστερον αἷμα ἐδόκει ἐν τῷ τῆς Ἥρας νεῷ ἀναβρύειν οὐδὲν ἔλαττον πηγῆς ἀενάου, Συβαρῖται δὲ ἔπεμψαν ἐς Δελφούς. ἡ δὲ Πυθία ἀπεκρίνατο <quote rend="blockquote"> <lb/>βαῖνʼ ἀπʼ ἐμῶν τριπόδων, ἔτι τοι φόνος ἀμφὶ χέρεσσι <lb/>πουλὺς ἀποστάζων ἀπὸ λαΐνου οὐδοῦ ἐρύκει. <lb/>οὔ σε θεμιστεύσω· Μουσῶν θεράποντα κατέκτας <lb/>Ἥρης πρὸς βωμοῖσι, θεῶν τίσιν οὐκ ἀλεείνας. <lb/>τοῖς δὲ κακῶς ῥέξασι δίκης τέλος οὐχὶ χρονιστὸν <lb/>οὐδὲ παραιτητόν, οὐδʼ εἰ Διὸς ἔγγονοι εἶεν· <lb/>ἀλλʼ αὐτῶν κεφαλῇσι καὶ ἐν σφετέροισι τέκεσσιν <lb/>εἱλεῖται, καὶ πῆμα δόμοις ἐπὶ πήματι βαίνει. </quote> ἡ δὲ δίκη οὐκ ἐβράδυνε· Κροτωνιάταις γὰρ ἐναντία ὅπλα θέμενοι ἀνάστατοι ὑπʼ ἐκείνων ἐγένοντο, καὶ ἡ πόλις αὐτῶν ἠφανίσθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="44"> 
+<p rend="align(indent)"> νεανίσκοι τρεῖς ἐς Δελφοὺς ἀφικόμενοι θεωροὶ συμπολῖται κακούργοις περιτυγχάνουσιν. ὁ οὗν εἷς ἀπέδρα τοὺς λῃστάς, ὁ δὲ δεύτερος αὐτῶν συνεπλάκη τῷ λοιπῷ τῶν κακούργων, τῶν ἄλλων προαναλωθέντων, καὶ τοῦ μὲν λῃστοῦ ἥμαρτεν, ὦσε δὲ τὸ ξίφος κατὰ τοῦ φίλου. τῷ ἀποδράντι οὖν ἡ Πυθία ἀνεῖλε τάδε <quote rend="blockquote">ἀνδρὶ φίλῳ θνήσκοντι παρὼν πέλας οὐκ ἐβοήθεις. οὔ σε θεμιστεύσω· περικαλλέος ἔξιθι νηοῦ·</quote> τῷ ἑτέρῳ δὲ ἔκτεινας τὸν ἑταῖρον ἀμύνων· οὔ σʼ ἐμίανεν αἷμα, πέλεις δὲ χέρας καθαρώτερος ἢ πάρος ἦσθα. <pb xml:id="p.59"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="45"> 
+<p rend="align(indent)"> Φιλίππῳ φασὶ χρηστήριον ἐκπεσεῖν ἐν Βοιωτοῖς ἐν Τροφωνίου, φυλάττεσθαι δεῖν τὸ ἅρμα. ἐκεῖνον οὖν δέει τοῦ χρησμοῦ λόγος ἔχει μηδέποτε ἀναβῆναι ἅρμα. διπλοῦς οὖν ἐπὶ τούτοις διαρρεῖ λόγος. ὃ μὲν γάρ φησι τὸ τοῦ Παυσανίου ξίφος, ᾧ τὸν Φίλιππον διεχρήσατο, ἅρμα ἔχειν ἐπὶ τῆς λαβῆς διαγεγλυμμένον ἐλεφάντινον· ὁ δὲ ἕτερος, τὴν Θηβαῖκὴν περιελθόντα λίμνην τὴν καλουμένην Ἅρμα ἀποσφαγῆναι. ὁ μὲν πρῶτος λόγος δημώδης, ὃ δὲ οὐκ ἐς πάντας ἐξεφοίτησεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="46"> 
+<p rend="align(indent)"> Σταγειριτῶν νόμος οὗτος καὶ πάντη Ἑλληνικός. ὃ μὴ κατέθου φησί, μὴ λάμβανε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="47"> 
+<p rend="align(indent)"> Τιμόθεον τὰ μὲν πρῶτα ἐπῄνουν Ἀθηναῖοι· ἐπεὶ δὲ ἔδοξεν ἁμαρτεῖν ἃ ἔδοξεν, ἡ φθάνουσα αὐτὸν ἀνδραγαθία ἀλλʼ οὐδὲ ὀλίγον ἔσωσεν, οὐδὲ μὴν αἱ τῶν προγόνων ἀρεταί. Θεμιστοκλῆς δὲ οὐδὲν ὤνητο οὔτε ἐκ τῆς ναυμαχίας τῆς περὶ Σαλαμῖνα οὔτε ἐκ τῆς πρεσβείας τῆς ἐς Σπάρτην· λέγω δὲ ἣν ἐπρέσβευσε κλέπτων τὴν τῶν Ἀθηναίων τείχισιν. ἔφυγε γὰρ κἀκεῖνος οὐ τὰς Ἀθήνας μόνον, ἀλλὰ καὶ τὴν Ἑλλάδα πᾶσαν. καὶ Παυσανίαν δὲ τὸν Λακεδαιμόνιον οὐδὲν ὤνησεν ἡ ἐν Πλαταιαῖς νίκη· ὑπὲρ δὲ ὧν ἐν Βυζαντίῳ ἐκαινούργει, ὑπὲρ τούτων διέφθειρε καὶ τὴν χάριν τὴν ἐπὶ τοῖς πρώτοις. Φωκίωνα δὲ ἡ εὐφημία ἡ καλοῦσα αὐτὸν Χρηστὸν οὐδὲν ὠφέλησεν, οὐδὲ τὰ πέντε καὶ ἑβδομήκοντα ἔτη, ἅπερ οὖν διεβίωσεν, οὐδὲν ἀδικήσας τοὺς Ἀθηναίους ἔμβραχυ· ἐπεὶ δὲ ἔδοξεν Ἀντιπάτρῳ τὸν Πειραιᾶ προδιδόναι, Ἀθηναῖοι κατέγνωσαν αὐτοῦ θάνατον.</p> </div> </div>
+<pb xml:id="p.60"/>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="4"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> λέγει τις νόμος Λευκανῶν, ἐὰν ἠλίου δύντος ἀφίκηται ξένος καὶ παρελθεῖν ἐθελήσῃ ἐς στέγην τινός, εἶτα μὴ δέξηται τὸν ἄνδρα, ζημιοῦσθαι αὐτὸν καὶ ὑπέχειν δίκας τῆς κακοξενίας ἐμοὶ δοκεῖν καὶ τῷ ἀφικομένῳ καὶ τῷ Ξενίῳ Διί. <milestone unit="para"/>ὅτι Δαρδανεῖς τοὺς ἀπὸ τῆς Ἰλλυρίδος ἀκούω τρὶς μόνον λούεσθαι παρὰ πάντα τὸν ἑαυτῶν βίον, ἐξ ὠδίνων καὶ γαμοῦντας καὶ ἀποθανόντας. <milestone unit="para"/>Ἰνδοὶ οὔτε δανείζουσιν οὔτε ἴσασι δανείζεσθαι. ἀλλʼ οὐδὲ θέμις ἄνδρα Ἰνδὸν οὔτε ἀδικῆσαι οὔτε ἀδικηθῆναι. διὸ οὐδὲ ποιοῦνται συγγραφὴν ἢ παρακαταθήκην. νόμος ἐστὶ Σαρδῷος, τοὺς ἤδη γεγηρακότας τῶν πατέρων οἱ παῖδες ῥοπάλοις τύπτοντες ἀνῄρουν καὶ ἔθαπτον, αἰσχρὸν ἡγούμενοι τὸν λίαν ὑπέργηρων ὄντα ζῆν ἔτι, ὡς πολλὰ ἁμαρτάνοντος τοῦ σώματος τοῦ διὰ τὸ γῆρας πεπονηκότος. τῶν δὲ αὐτῶν ἐστι <milestone unit="para"/>νόμος τοιοῦτος. ἀργίας ἦσαν δίκαι, καὶ τὸν εἰκῆ ζῶντα ἔδει κρίνεσθαι καὶ διδόναι τὰς εὐθύνας ἀποδεικνύντα ὁπόθεν ζῇ. <milestone unit="para"/>Ἀσσύριοι τὰς ὡραίας γάμου παρθένους ἀθροίσαντες ἔς τινα πόλιν ἀγορὰν αὐτῶν προκηρύττουσι καὶ ἕκαστος ἣν ἂν πρίηται ἀπάγει νύμφην. <milestone unit="para"/>Βύβλιος ἀνὴρ ἐν ὁδῷ περιτυχὼν οὐδὲν ὧν μὴ κατέθετο ἀναιρεῖται· οὐ γὰρ ἡγεῖται τὸ τοιοῦτον εὕρημα ἀλλὰ ἀδίκημα. <milestone unit="para"/>Δερβίκκαι τοὺς ὑπὲρ ἑβδομήκοντα ἔτη βεβιωκότας ἀποκτείνουσι, τοὺς μὲν ἄνδρας καταθύοντες, ἀπάγχοντες δὲ τὰς γυναῖκας. <pb xml:id="p.61"/> <milestone unit="para"/>Κόλχοι δὲ τοὺς νεκροὺς ἐν βύρσαις θάπτουσι, καὶ καταρράψαντες ἐκ τῶν δένδρων ἐξαρτῶσι. <milestone unit="para"/>Λυδοῖς ἦν ἔθος πρὸ τοῦ συνοικεῖν τὰς γυναῖκας ἀνδράσιν ἑταιρεῖν, ἅπαξ δὲ καταζευχθείσας σωφρονεῖν· τὴν δὲ ἁμαρτάνουσαν ἐς ἕτερον συγγνώμης τυχεῖν ἀδύνατον ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Νικόστρατον τὸν κιθαριστὴν λόγος τις περίεισι λέγων Λαοδόκῳ τῷ κιθαρῳδῷ διαφερόμενον ὑπὲρ μουσικῆς εἰπεῖν ὅτι ἄρα ἐκεῖνος μέν ἐστιν ἐν μεγάλῃ τῇ τέχνῃ μικρός, αὐτὸς δὲ ἐν μικρᾷ μέγας. οὐ μόνον δὲ ἄρα ἐστὶ σεμνὸν οἰκίαν αὐξῆσαι καὶ πλοῦτον, ἀλλὰ γὰρ καὶ τέχνην, εἴ γέ τι δεῖ προσέχειν Νικοστράτῳ εὖ καὶ καλῶς τοῦτο εἰπόντι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Πολύγνωτος ὁ Θάσιος καὶ Διονύσιος ὁ Κολοφώνιος γραφέε ἤστην. καὶ ὁ μὲν Πολύγνωτος ἔγραφε τὰ μεγάλα, καὶ ἐν τοῖς τελείοις εἰργάζετο τὰ ἆθλα· τὰ δὲ τοῦ Διονυσίου πλὴν τοῦ μεγέθους τὴν τοῦ Πολυγνώτου τέχνην ἐμιμεῖτο ἐς τὴν ἀκρίβειαν, πάθος καὶ ἦθος καὶ σχημάτων χρῆσιν καὶ ἱματίων λεπτότητας καὶ τὰ λοιπά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> ἀκούω κεῖσθαι νόμον Θήβησι προστάττοντα τοῖς τεχνίταις καὶ τοῖς γραφικοῖς καὶ τοῖς πλαστικοῖς ἐς τὸ κρεῖττον τὰς εἰκόνας μιμεῖσθαι. ἀπειλεῖ δὲ ὁ νόμος τοῖς ἐς τὸ χεῖρόν ποτε ἢ πλάσασιν ἢ γράψασι ζημίαν τὸ τίμημα δρᾶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> εὐεργεσιῶν ἀπεμνήσθησαν καὶ χάριτας ὑπὲρ αὐτῶν ἀπέδοσαν Θησεὺς μὲν Ἡρακλεῖ. Ἀιδωνέως γὰρ αὐτὸν τοῦ Μολοττῶν βασιλέως δήσαντος, ὅτε ἐπὶ τὴν γυναῖκα αὐτοῦ ἦλθε μετὰ Πειρίθου ἁρπασόμενος αὐτὴν ὁ Θησεύς ʽοὐχ ἑαυτῷ σπουδάζων τὸν γάμον, ἀλλὰ γὰρ τῇ τοῦ Πειρίθου χάριτι τοῦτο δράσασʼ Ἡρακλῆς <pb xml:id="p.62"/> ἐς τοὺς Μολοττοὺς ἀφικόμενος ἐρρύσατο τὸν Θησέα, καὶ διὰ ταῦτα ἐκεῖνος αὐτῷ βωμὸν ἀνέστησε. καὶ οἱ ἑπτὰ ἐπὶ Θήβας Πρώνακτι καὶ ἐκεῖνοι χάριτας ἀπέδοσαν. διὰ γὰρ αὐτοὺς ἀπολομένου τοῦ Πρώνακτος τὸν ἀγῶνα ἔθεσαν ἐπʼ αὐτῷ, ὃν οἱ πολλοὶ οἴονται ἐπʼ Ἀρχεμόρῳ τεθῆναι ἐξ ἀρχῆς. καὶ Ἡρακλῆς δὲ ἀπέδωκε χάριτας Νέστορι. Νηλέως γὰρ αὐτὸν οὐ βουλομένου καθῆραι, οἱ μὲν ἄλλοι παῖδες σύμψηφοι ἦσαν τῷ Νηλεῖ, ὁ δὲ Νέστωρ οὐχί. καὶ διὰ ταῦτα ἑλὼν τὴν Πύλον Ἡρακλῆς τὸν μὲν Νηλέα καὶ τοὺς ἄλλους αὐτοῦ παῖδας ἀπέκτεινεν, οὐ μόνον δὲ ἐφείσατο Νέστορος, ἀλλὰ καὶ τὴν βασιλείαν τὴν πατρῴαν ἔχειν ἔδωκε. καὶ Ἀθηναῖοι δὲ πανδημεὶ τοῖς Ἡρακλέους ἀπογόνοις ἀπέτισαν χάριτας. ἐπεὶ γὰρ καὶ ἐκείνων ὁ προπάτωρ εὐεργέτης ἐγένετο τοῦ Θησέως, οἱ Ἀθηναῖοι διὰ ταῦτα κατήγαγον αὐτοὺς ἐς Πελοπόννησον. καὶ Ἡρακλῆς δὲ ἀπέδωκε χάριτας τοῖς ἐκ Κλεωνῶν τριακοσίοις καὶ ἑξήκοντα. τούτοις γὰρ ἐπὶ τοὺς Μολιονίδας συστρατεύσασιν αὐτῷ καὶ ἀποθανοῦσιν εὖ καὶ καλῶς ἀπέστη τῶν ἐν Νεμέᾳ τιμῶν, ἃς ἔλαβε παρὰ τῶν Νεμέων, ὅτε τὸν ἐπιχωριάζοντα αὐτοῖς καὶ λυμαινόμενον αὐτῶν τὰ ἔργα ἐχειρώσατο λέοντα. καὶ Μενεσθεὺς δὲ ὁ Πετεῶο περὶ τοὺς Τυνδαρίδας οὐκ ἐγένετο ἀχάριστος. ἐκβαλόντες γὰρ ἐκεῖνοι τοὺς Θησέως υἱοὺς καὶ τὴν μητέρα τὴν Θησέως Αἶθραν αἰχμάλωτον λαβόντες ἔδωκαν τὴν βασιλείαν τῷ Μενεσθεῖ. διὰ ταῦτα πρῶτος ὁ Μενεσθεὺς Ἄνακτάς τε καὶ Σωτῆρας ὠνόμασε. καὶ Δαρεῖος δὲ ὁ Ὑστάσπου παρὰ Συλοσῶντος λαβὼν ἱμάτιον ἔτι ἰδιώτης ὢν, ὅτε ἐγκρατὴς ἐγένετο τῆς βασιλείας, ἔδωκεν αὐτῷ τῆς πατρίδος τὴν ἀρχὴν τῆς Σάμου, χρύσεα χαλκείων φαίη τις ἄν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> ὅτι ἡνίκα ἐβούλοντο Λακεδαιμόνιοι τὴν Ἀθηναίων <pb xml:id="p.63"/> ἀφανίσαι πόλιν, ἠρώτησαν τὸν θεόν· καὶ ἀπεκρίνατο τὴν κοινὴν ἑστίαν τῆς Ἑλλάδος μὴ κινεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> οὐκ ἦν ἄρα τοῖς κακοῖς οὐδὲ τὸ ἀποθανεῖν κέρδος, ἐπεὶ μηδὲ τότε ἀναπαύονται· ἀλλʼ ἢ παντελῶς ἀμοιροῦσι ταφῆς, ἢ καὶ ἐὰν φθάσωσι ταφέντες, ὅμως καὶ ἐκ τῆς τελευταίας τιμῆς καὶ τοῦ κοινοῦ πάντων σωμάτων ὅρμου καὶ ἐκεῖθεν ἐκπίπτουσι. Λακεδαιμόνιοι γοῦν Παυσανίαν μηδίσαντα οὐ μόνον λιμῷ ἀπέκτειναν, ἀλλὰ γὰρ καὶ τὸν νεκρὸν ἐξέβαλον αὐτοῦ ἐκτὸς τῶν ὅρων, φησὶν Ἐπιτιμίδης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> εἶτα τίς οὐκ οἶδε τὰς τῆς τύχης μεταβολὰς ὀξυρρόπους καὶ ταχείας; Λακεδαιμόνιοι γοῦν Θηβαίων ἄρξαντες αὐτοὶ πάλιν ὑπʼ ἐκείνων οὕτως ἐχειρώθησαν, ὡς τοὺς Θηβαίους μὴ μόνον ἐς Πελοπόννησον ἀφικέσθαι, ἀλλὰ γὰρ καὶ τὸν Εὐρώταν διελθεῖν καὶ τὴν τῶν Λακεδαιμονίων τεμεῖν χώραν. καὶ ὀλίγου καὶ τὴν πόλιν κατέλαβον, εἰ μὴ Ἐπαμεινώνδας ἔδεισε μὴ Πελοποννήσιοι πάντες συμπνεύσωσι καὶ ὑπὲρ τῆς Σπάρτης ἀγωνίσωνται. <milestone unit="para"/>Διονύσιος ὁ τύραννος καταστὰς ὑπὸ Καρχηδονίων ἐς πολιορκίαν, οὐδεμιᾶς αὐτῷ σωτηρίας ὑποφαινομένης, αὐτὸς μὲν ἄθυμος ἦν καὶ ὑπενενόει δρασμόν. τῶν δὲ ἑταίρων αὐτῷ τις, Ἐλλοπίδης ὄνομα, προσελθὼν ἔφατο ʽὦ Διονύσιε, καλὸν ἐντάφιον ἡ τυραννίς.ʼ αἰδεσθεὶς οὖν ἐπὶ τούτῳ ἀνερρώσθη τὴν γνώμην, <milestone unit="para"/>καὶ σὺν ὀλίγοις παμπόλλας μυριάδας κατηγωνίσατο, ἀλλὰ καὶ τὴν ἀρχὴν μείζω ἐποίησεν. καὶ Ἀμύντας δὲ ὁ Μακεδὼν ἡττηθεὶς ὑπὸ τῶν προσοίκων βαρβάρων καὶ ἀποβαλὼν τὴν ἀρχὴν γνώμην μὲν εἶχεν ὡς καὶ ἀπολείψων τὴν χώραν τελέως· ἠγάπα γὰρ εἰ δυνηθείη διασῶσαι αὑτὸν γοῦν μόνον. ἐπεὶ δὲ ἐν τούτοις ἦν, ἔφατό τις πρὸς αὐτὸν τὴν <pb xml:id="p.64"/> Ἐλλοπίδου φωνήν. καὶ μικρὸν χῶρον καταλαβὼν καὶ ἀθροίσας ὀλίγους στρατιώτας ἀνεκτήσατο τὴν ἀρχήν. ὅτι τὸν Ὦχον οἱ Αἰγύπτιοι τῇ ἐπιχωρίῳ φωνῇ Ὄνον ἐκάλουν, τὸ νωθὲς αὐτοῦ τῆς γνώμης ἐκ τῆς ἀσθενείας τοῦ ζῴου διαβάλλοντες. ἀνθʼ ὧν ἐκεῖνος τὸν Ἆπιν πρὸς βίαν κατέθυσεν Ὄνῳ. <milestone unit="para"/>Δίων ὁ Ἱππαρίνου, φυγὰς ὢν ὑπὸ Διονυσίου, μετὰ δισχιλίων στρατιωτῶν αὖθις κατεπολέμησε, καὶ ὃ πρότερον αὐτὸς ἦν, τοῦτο ἐκεῖνον εἰργάσατο, φυγάδα. <milestone unit="para"/>Συρακόσιοι δὲ ἐννέα τριήρεσι πρὸς ἑκατὸν καὶ πεντήκοντα τὰς τῶν Καρχηδονίων παραταξάμενοι κατὰ πολὺ ἐκράτησαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Πλάτων ὁ Ἀρίστωνος ἐν Ὀλυμπίᾳ συνεσκήνωσεν ἀγνῶσιν ἀνθρώποις, καὶ αὐτὸς ὢν αὐτοῖς ἀγνώς. οὕτως δὲ αὐτοὺς ἐχειρώσατο καὶ ἀνεδήσατο τῇ συνουσίᾳ, συνεστιώμενός τε αὐτοῖς ἀφελῶς καὶ συνδιημερεύων ἐν πᾶσιν, ὡς ὑπερησθῆναι τοὺς ξένους τῇ τοῦ ἀνδρὸς συντυχίᾳ. οὔτε δὲ Ἀκαδημείας ἐμέμνητο οὔτε Σωκράτους· αὐτό γε μὴν τοῦτο ἐνεφάνισεν αὐτοῖς, ὅτι καλεῖται Πλάτων. ἐπεὶ δὲ ἦλθον ἐς τὰς Ἀθήνας, ὑπεδέξατο αὐτοὺς εὖ μάλα φιλοφρόνως. καὶ οἱ ξένοι ʽἄγἐ εἶπον ʽὦ Πλάτων, ἐπίδειξον ἡμῖν καὶ τὸν ὁμώνυμόν σου, τὸν Σωκράτους ὁμιλητήν, καὶ ἐπὶ τὴν Ἀκαδήμειαν ἥγησαι τὴν ἐκείνου, καὶ σύστησον τῷ ἀνδρί, ἵνα τι καὶ αὐτοῦ ἀπολαύσωμεν.ʼ ὃ δὲ ἠρέμα ὑπομειδιάσας, ὥσπερ οὖν καὶ εἰώθει, ʽἀλλʼ ἐγὢ φησίν ʽαὐτὸς ἐκεῖνός εἰμι.ʼ οἳ δὲ ἐξεπλάγησαν εἰ τὸν ἄνδρα ἔχοντες μεθʼ ἑαυτῶν τὸν τοσοῦτον ἠγνόησαν, ἀτύφως αὐτοῦ συγγενομένου καὶ ἀνεπιτηδεύτως αὐτοῖς καὶ δείξαντος ὅτι δύναται καὶ ἄνευ τῶν συνήθων λόγων χειροῦσθαι τοὺς συνόντας. <pb xml:id="p.65"/> <milestone unit="para"/>Ὁ Πλάτων τὸν Ἀριστοτέλη ἐκάλει Πῶλον. τί δὲ ἐβούλετο αὐτῷ τὸ ὄνομα ἐκεῖνο; δηλονότι ὡμολόγηται τὸν πῶλον, ὅταν κορεσθῇ τοῦ μητρῴου γάλακτος, λακτίζειν τὴν μητέρα. ᾐνίττετο οὖν καὶ ὁ Πλάτων ἀχαριστίαν τινὰ τοῦ Ἀριστοτέλους. καὶ γὰρ ἐκεῖνος μέγιστα ἐς φιλοσοφίαν παρὰ Πλάτωνος λαβὼν σπέρματα καὶ ἐφόδια, εἶτα ὑποπλησθεὶς τῶν ἀρίστων καὶ ἀφηνιάσας, ἀντῳκοδόμησεν αὐτῷ διατριβὴν καὶ ἀντιπαρεξήγαγεν ἐν τῷ περιπάτῳ ἑταίρους ἔχων καὶ ὁμιλητάς, καὶ ἐγλίχετο ἀντίπαλος εἶναι Πλάτωνι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> εἶτα οὐκ ἦν τοῦ δήμου τοῦ Ἀθηναίων θεραπευτικὸς ὁ Ξανθίππου Περικλῆς; ἐμοὶ μὲν δοκεῖ. ὁσάκις γοῦν ἔμελλεν ἐς τὴν ἐκκλησίαν παριέναι, ηὔχετο μηδὲν αὑτῷ ῥῆμα ἐπιπολάσαι τοιοῦτον, ὅπερ οὖν ἔμελλεν ἐκτραχύνειν τὸν δῆμον, πρόσαντες αὐτῷ γενόμενον καὶ ἀβούλητον δόξαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> Διογένης ἔλεγε καὶ τὸν Σωκράτην αὐτὸν τρυφῆσαι· περιειργάσθαι γὰρ καὶ τῷ οἰκιδίῳ καὶ τῷ σκιμποδίῳ καὶ ταῖς βλαύταις δὲ αἷσπερ οὖν ἐχρῆτο Σωκράτης ἔστιν ὅτε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> ὁ Ζεῦξις ὁ Ἡρακλεώτης ὅτε τὴν Ἑλένην ἔγραψε, πολλὰ ἐχρηματίσατο ἐκ τούτου τοῦ γράμματος· οὐ γὰρ εἰκῇ καὶ ὡς ἔτυχε τοὺς βουλομένους ἀνέδην εἴα ὁρᾶν αὐτήν, ἀλλʼ ἔδει ῥητὸν ἀργύριον καταβαλεῖν, εἶτα οὕτω θεάσασθαι. ὡς οὖν μίσθωμα τοῦ Ἡρακλεώτου λαμβάνοντος ὑπὲρ τῆς γραφῆς, ἐκάλουν οἱ τότε Ἕλληνες ἐκείνην τὴν Ἑλένην Ἑταίραν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> Ἐπίκουρος ὁ Γαργήττιος ἐκεκράγει λέγων ʽᾧ ὀλίγον οὐχ ἱκανόν, ἀλλὰ τούτῳ γε οὐδὲν ἱκανόν.ʼ ἔλεγε δὲ ἑτοίμως ἔχειν καὶ τῷ Διὶ ὑπὲρ εὐδαιμονίας διαγωνίζεσθαι, μάζαν ἔχων καὶ ὕδωρ. ταῦτα μὲν οὖν ἐννοῶν <pb xml:id="p.66"/> ὁ Ἐπίκουρος τί βουλόμενος ἐπῄνει τὴν ἡδονήν, εἰσόμεθα ἄλλοτε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> πολλάκις τὰ κατʼ ὀβολὸν μετὰ πολλῶν πόνων συναχθέντα χρήματα κατὰ τὸνʼ Αρχίλοχον εἰς πόρνης γυναικὸς ἔντερον καταρρέει. ὥσπερ γὰρ ἐχῖνον λαβεῖν μὲν ῥᾴδιον συνέχειν δὲ χαλεπόν, οὕτω καὶ τὰ χρήματα. καὶ Ἀναξαγόρας ἐν τῷ περὶ βασιλείας φησὶ χαλεπὸν χρήματα συναγείρασθαι, χαλεπώτερον δὲ φυλακὴν τούτοις περιθεῖναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> Ἱέρωνά φασι τὸν Σικελίας τύραννον τὰ πρῶτα ἰδιώτην εἶναι καὶ ἀνθρώπων ἀμουσότατον, καὶ τὴν ἀγροικίαν ἀλλὰ μηδὲ κατʼ ὀλίγον τοῦ ἀδελφοῦ διαφέρειν τοῦ Γέλωνος· ἐπεὶ δὲ αὐτῷ συνηνέχθη νοσῆσαι, μουσικώτατος ἀνθρώπων ἐγένετο, τὴν σχολὴν τὴν ἐκ τῆς ἀρρωστίας ἐς ἀκούσματα πεπαιδευμένα καταθέμενος. ῥωσθεὶς οὖν Ἱέρων συνῆν Σιμωνίδῃ τῷ Κείῳ καὶ Πινδάρῳ τῷ Θηβαίῳ καὶ Βακχυλίδῃ τῷ Ἰουλιήτῃ. ὁ δὲ Γέλων ἄνθρωπος ἄμουσος. <milestone unit="para"/>μουσικώτατον δὲ λέγουσι καὶ Πτολεμαῖον γενέσθαι τὸν δεύτερον καὶ αὐτὸν νοσήσαντα. λέγει δὲ καὶ Πλάτων τὸν Θεάγην φιλοσοφῆσαι διʼ οὐδὲν ἄλλο ἢ διὰ τὴν νοσοτροφίαν· εἴργουσα γὰρ αὐτὸν ἐκείνη τῶν πολιτικῶν συνήλασεν ἐς τὸν τῆς σοφίας ἔρωτα. τίς δὲ οὐκ ἂν νοῦν ἔχων συνηύξατο καὶ Ἀλκιβιάδῃ νόσον καὶ Κριτίᾳ καὶ Παυσανίᾳ τῷ Λακεδαιμονίῳ καὶ ἄλλοις; Ἀλκιβιάδῃ μὲν καὶ Κριτίᾳ, ἵνα μὴ ἀποδράντες Σωκράτους ὃ μὲν ὑβριστὴς γένηται καὶ ποτὲ μὲν φιλολάκων, ποτὲ δὲ βοιωτιάζῃ τὸν τρόπον καὶ αὖ πάλιν θετταλίζῃ καὶ τοῖς Μήδων καὶ Περσῶν ἀρέσκηται ἐν Φαρναβάζου γενόμενος· τυραννικώτατος δὲ καὶ φονικώτατος ὁ Κριτίας γενόμενος καὶ τὴν πατρίδα ἐλύπησε πολλὰ καὶ αὐτὸς μισούμενος τὸν βίον κατέστρεψε. <pb xml:id="p.67"/> <milestone unit="para"/>Καὶ Στράτων δὲ ὁ Κορράγου ἐς δέον ἔοικε νοσῆσαι· εὖ γὰρ γένους ἥκων εὖ δὲ καὶ πλούτου οὐκ ἐγυμνάζετο. καμὼν δὲ τὸν σπλῆνα καὶ θεραπείας δεηθεὶς τῆς ἐκ τῶν γυμνασίων, τὰ μὲν πρῶτα ὅσον ἐς τὸ ὑγιᾶναι ἐχρῆτο αὐτοῖς· χωρῶν δὲ ἐς τὸ πρόσω τῆς τέχνης καὶ ἐν ἔργῳ τιθέμενος αὐτήν, Ὀλυμπίασι μὲν ἐνίκησεν ἡμέρᾳ μιᾷ πάλην καὶ παγκράτιον, καὶ τῇ ἑξῆς Ὀλυμπιάδι, καὶ ἐν Νεμέᾳ δέ, καὶ Πυθοῖ καὶ Ἰσθμοῖ. <milestone unit="para"/>Δημοκράτης ὁ παλαιστὴς καὶ αὐτὸς νοσήσας τοὺς πόδας, παριὼν ἐς τοὺς ἀγῶνας καὶ στὰς ἐν τῷ σταδίῳ, περιγράφων ἑαυτῷ κύκλον προσέταττε τοῖς ἀντιπαλαισταῖς ἔξω τῆς γραμμῆς αὐτὸν προέλκειν· οἳ δὲ ἡττῶντο ἀδυνατοῦντες. ὃ δὲ εὖ διαβὰς ἐν τῇ στάσει καὶ ἐγκρατῶς, στεφανούμενος ἀπῄει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> ἐὰν προσέχῃ τις Καλλίᾳ, φιλοπότην αὐτὸν ἐργάσεται ὁ Καλλίας· ἐὰν Ἰσμηνίᾳ, αὐλητήν· ἀλαζόνα, ἐὰν Ἀλκιβιάδῃ· ὀψοποιόν, ἐὰν Κρωβύλῳ· δεινὸν εἰπεῖν, ἐὰν Δημοσθένει· στρατηγικόν, ἐὰν Ἐπαμεινώνδᾳ· μεγαλόφρονα, ἐὰν Ἀγησιλάῳ· χρηστόν, ἐὰν Φωκίωνι· δίκαιον, ἐὰν Ἀριστείδῃ· σοφόν, ἐὰν Σωκράτει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ἐδίδασκε Πυθαγόρας τοὺς ἀνθρώπους ὅτι κρειττόνων γεγένηται σπερμάτων ἢ κατὰ τὴν φύσιν τὴν θνητήν· τῆς γὰρ αὐτῆς ἡμέρας καὶ κατὰ τὴν αὐτὴν ὥραν ὤφθη ἐν Μεταποντίῳ φασὶ καὶ ἐν Κρότωνι. καὶ ἐν Ὀλυμπίᾳ δὲ παρέφηνε χρυσοῦν τὸν ἕτερον τῶν μηρῶν. καὶ Μυλλίαν δὲ τὸν Κροτωνιάτην ὑπέμνησεν ὅτι Μίδας ὁ Γορδίου ἐστὶν ὁ Φρύξ. καὶ τὸν ἀετὸν δὲ τὸν λευκὸν κατέψησεν ὑπομείναντα αὐτόν. ἀλλὰ καὶ ὑπὸ τοῦ Κόσα τοῦ ποταμοῦ διαβαίνων προσερρήθη, τοῦ ποταμοῦ εἰπόντος αὐτῷ ʽχαῖρε, Πυθαγόρα.ʼ <pb xml:id="p.68"/> <milestone unit="para"/>Ἔλεγε δὲ ἱερώτατον εἶναι τὸ τῆς μαλάχης φύλλον. ἔλεγε δὲ ὅτι πάντων σοφώτατον ὁ ἀριθμός, δεύτερος δὲ ὁ τοῖς πράγμασι τὰ ὀνόματα θέμενος. καὶ τὸν σεισμὸν ἐγενεαλόγει οὐδὲν ἄλλο εἶναι ἢ σύνοδον τῶν τεθνεώτων. ἡ δὲ Ἶρις, ἔφασκεν, ὡς αὐγὴ τοῦ ἡλίου ἐστί. καὶ ὁ πολλάκις ἐμπίπτων τοῖς ὠσὶν ἦχος φωνὴ τῶν κρειττόνων. οὐχ οἷόν τε δὲ ἦν διαπορῆσαι ὑπέρ τινος αὐτῷ ἢ τοῖς λεχθεῖσί τι προσερωτῆσαι, ἀλλʼ ὡς χρησμῷ θείῳ, οὕτως οἱ τότε προσεῖχον τοῖς λεγομένοις ὑπʼ αὐτοῦ. ἐπιστρεφομένου δὲ τὰς πόλεις αὐτοῦ διέρρει λόγος ὅτι Πυθαγόρας ἀφίκετο οὐ διδάξων ἀλλʼ ἰατρεύσων. <milestone unit="para"/>προσέταττε δὲ ὁ αὐτὸς Πυθαγόρας καρδίας ἀπέχεσθαι καὶ ἀλεκτρυόνος λευκοῦ καὶ τῶν θνησειδίων παντὸς μᾶλλον, καὶ μὴ χρῆσθαι βαλανείῳ μηδὲ βαδίζειν τὰς λεωφόρους· ἄδηλον γὰρ εἰ καθαρεύουσι καὶ αὐτὰ ἐκεῖνα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> ὅτε κατῆλθε Πλάτων ἐν Σικελίᾳ κλητός, πολλὰ ἐπὶ πολλοῖς ἐπιστείλαντος τοῦ Διονυσίου, καὶ ἀνήγαγεν αὐτὸν ἐπὶ τὸ ἅρμα ὁ Διονύσιος, αὐτὸς μὲν ἡνιοχῶν, παραιβάτην δὲ ποιησάμενος τὸν Ἀρίστωνος, τότε δή φασι Συρακόσιον ἄνδρα χαρίεντα καὶ τῶν Ὁμήρου μὴ ἀπαίδευτον, ἡσθέντα τῇ ὄψει ταύτῃ ἐπειπεῖν τὰ ἐξ Ἰλιάδος ἐκεῖνα, παρατρέψαντα ὀλίγον <quote rend="blockquote"> <lb/>μέγα δʼ ἔβραχε φήγινος ἄξων <lb/>βριθοσύνῃ· δεινὸν γὰρ ἄγεν βροτὸν ἄνδρα τʼ ἄριστον. </quote> <milestone unit="para"/>ὅτι ὑπόπτης ὢν ἐς πάντας ὁ Διονύσιος, ὅμως ἐς Πλάτωνα τοσαύτην ἔσχεν αἰδῶ, ὡς ἐκεῖνον μόνον ἐσιέναι πρὸς αὐτὸν μὴ ἐρευνώμενον, καίτοι Δίωνος αὐτὸν ἐπιστάμενος ἑταῖρον ἐς τὰ ἔσχατα εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> Φίλιππος ὁ Μακεδὼν οὐ μόνον ἐλέγετο τὰ πολέμια <pb xml:id="p.69"/> εἶναι ἀγαθὸς καὶ εἰπεῖν δεινός, ἀλλὰ καὶ παιδείαν ἀνδρειότατα ἐτίμα. Ἀριστοτέλει γοῦν χορηγήσας πλοῦτον ἀνενδεῆ, αἴτιος γέγονε πολλῆς καὶ ἄλλης πολυπειρίας, ἀτὰρ οὖν καὶ τῆς γνώσεως τῆς κατὰ τὰ ζῷα· καὶ τὴν ἱστορίαν αὐτῶν ὁ τοῦ Νικομάχου διὰ τὴν ἐκ Φιλίππου περιουσίαν ἐκαρπώσατο. καὶ Πλάτωνα δὲ ἐτίμησε καὶ Θεόφραστον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> Δημόκριτον τὸν Ἀβδηρίτην λόγος ἔχει τά τε ἄλλα γενέσθαι σοφὸν καὶ δὴ καὶ ἐπιθυμῆσαι λαθεῖν, καὶ ἐν ἔργῳ θέσθαι πάνυ σφόδρα τοῦτο. διὰ ταῦτά τοι καὶ πολλὴν ἐπῄει γῆν. ἧκεν οὖν καὶ πρὸς τοὺς Χαλδαίους ἐς Βαβυλῶνα καὶ πρὸς τοὺς μάγους καὶ τοὺς σοφιστὰς τῶν Ἰνδῶν. τὴν παρὰ τοῦ Δαμασίππου τοῦ πατρὸς οὐσίαν ἐς τρία μέρη νεμηθεῖσαν τοῖς ἀδελφοῖς τοῖς τρισί, τἀργύριον μόνον λαβὼν ἐφόδιον τῆς ὀδοῦ, τὰ λοιπὰ τοῖς ἀδελφοῖς εἴασε. διὰ ταῦτά τοι καὶ Θεόφραστος αὐτὸν ἐπῄνει, ὅτι περιῄει κρείττονα ἀγερμὸν ἀγείρων Μενέλεω καὶ Ὀδυσσέως. ἐκεῖνοι μὲν γὰρ ἠλῶντο, αὐτόχρημα Φοινίκων ἐμπόρων μηδὲν διαφέροντες· χρήματα γὰρ ἤθροιζον, καὶ τῆς περιόδου καὶ τοῦ περίπλου ταύτην εἶχον τὴν πρόφασιν. <milestone unit="para"/>ὅτι οί Ἀβδηρῖται ἐκάλουν τὸν Δημόκριτον Φιλοσοφίαν, τὸν δὲ Πρωταγόραν Λόγον. κατεγέλα δὲ πάντων ὁ Δημόκριτος καὶ ἔλεγεν αὐτοὺς μαίνεσθαι· ὅθεν καὶ Γελασῖνον αὐτὸν ἐκάλουν οἱ πολῖται. λέγουσι δὲ οἱ αὐτοὶ τὸν Ἱπποκράτην περὶ τὴν πρώτην ἔντευξιν ὑπὲρ τοῦ Δημοκρίτου δόξαν λαβεῖν ὡς μαινομένου· προϊούσης δὲ αὐτὁ??ʼς τῆς συνουσίας ἐς ὑπερβολὴν θαυμάσαι τὸν ἄνδρα. λέγουσι δὲ Δωριέα ὄντα τὸν Ἱπποκράτην ἀλλʼ οὖν τὴν τοῦ Δημοκρίτου χάριν τῇ Ἰάδι φωνῇ συγγράψαι τὰ συγγράμματα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> ὅτι παιδικὰ ἐγένετο Σωκράτους μὲν Ἀλκιβιάδης, <pb xml:id="p.70"/> Πλάτωνος δὲ Δίων. ὁ μέντοι Δίων καὶ ἀπώνητό τι τοῦ ἐραστοῦ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> οἱ πάλαι Ἀθηναῖοι ἁλουργῆ μὲν ἠμπείχοντο ἱμάτια, ποικίλους δὲ ἐνέδυνον χιτῶνας· κορύμβους δὲ ἀναδούμενοι τῶν ἐν τῇ κεφαλῇ τριχῶν, χρυσοῦς ἐνείροντες αὐταῖς τέττιγας καὶ κόσμον ἄλλον πρόσθετον περιαπτόμενοι χρυσοῦ προῄεσαν. καὶ ὀκλαδίας αὐτοῖς δίφρους οἱ παῖδες ὑπέφερον, ἵνα μὴ καθίζωσιν ἑαυτοὺς εἰκῇ καὶ ὡς ἔτυχε. τοιοῦτοι δὲ ὄντες τὴν ἐν Μαραθῶνι μάχην ἐνίκησαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> ὅτι Περικλέα καὶ Καλλίαν τὸν Ἱππονίκου καὶ Νικίαν τὸν Περγασῆθεν τὸ ἀσωτεύεσθαι καὶ ὁ πρὸς ἡδονὴν βίος ἐς ἀπορίαν περιέστησεν· ἐπεὶ γὰρ ἐπέλιπε τὰ χρήματα αὐτούς, οἱ τρεῖς κώνειον τελευταίαν πρόποσιν ἀλλήλοις προπιόντες ὥσπερ οὖν ἐκ συμποσίου ἀπελύσαντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> Αεωπρέπης ὁ Κεῖος ὁ τοῦ Σιμωνίδου πατὴρ ἔτυχέ ποτε ἐν παλαίστρᾳ καθήμενος· εἶτα μειράκια πρὸς ἀλλήλους οἰκείως διακείμενα ἤρετο τὸν ἄνδρα πῶς ἂν αὐτοῖς ἡ φιλία διαμένοι μάλιστα. ὃ δὲ εἶπεν ʽἐὰν ταῖς ἀλλήλων ὀργαῖς ἐξίστασθε καὶ μὴ ὁμόσε χωροῦντες τῷ θυμῷ, εἶτα παροξύνητε ἀλλήλους κατʼ ἀλλήλων.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> Θράσυλλος ὁ Αἰξωνεὺς παράδοξον καὶ καινὴν ἐνόσησε μανίαν. ἀπολιπὼν γὰρ τὸ ἄστυ καὶ κατελθὼν ἐς τὸν Πειραιᾶ καὶ ἐνταῦθα οἰκῶν τὰ πλοῖα τὰ καταίροντα ἐν αὐτῷ πάντα ἑαυτοῦ ἐνόμιζεν εἶναι, καὶ ἀπεγράφετο αὐτὰ καὶ αὖ πάλιν ἐξέπεμπε καὶ τοῖς περισωζομένοις καὶ ἐσιοῦσιν ἐς τὸν λιμένα ὑπερέχαιρε· χρόνους δὲ διετέλεσε πολλοὺς συνοικῶν τῷ ἀρρωστήματι τούτῳ. ἐκ Σικελίας δὲ ἀναχθεὶς ὁ ἀδελφὸς αὐτοῦ παρέδωκεν αὐτὸν ἰατρῷ ἰάσασθαι, καὶ ἔπαυσεν <pb xml:id="p.71"/> αὐτὸν τῆς νόσου οὗτος. ἐμέμνητο δὲ πολλάκις τῆς ἐν μανίᾳ διατριβῆς, καὶ ἔλεγε μηδέποτε ἡσθῆναι τοσοῦτον, ὅσον τότε ἥδετο ἐπὶ ταῖς μηδὲν αὐτῷ προσηκούσαις ναυσὶν ἀποσωζομέναις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Ξάνθος ὁ ποιητὴς τῶν μελῶν ʽἐγένετο δὲ οὗτος πρεσβύτερος Στησιχόρου τοῦ Ἱμεραίοὐ λέγει τὴν Ἠλέκτραν τοῦ Ἀγαμέμνονος οὐ τοῦτο ἔχειν τοὔνομα πρῶτον ἀλλὰ Λαοδίκην. ἐπεὶ δὲ Ἀγαμέμνων ἀνῃρέθη, τὴν δὲ Κλυταιμνήστραν ὁ Αἴγισθος ἔγημε καὶ ἐβασίλευσεν, ἄλεκτρον οὖσαν καὶ καταγηρῶσαν παρθένον Ἀργεῖοι Ἠλέκτραν ἐκάλεσαν διὰ τὸ ἀμοιρεῖν ἀνδρὸς καὶ μὴ πεπειρᾶσθαι λέκτρου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> ὅτι Παμφάης ὁ Πριηνεὺς Κροίσῳ τῷ Λυδῷ, τοῦ πατρὸς αὐτοῦ περιόντος, τριάκοντα μνᾶς ἐδωρήσατο. παραλαβὼν δὲ τὴν ἀρχὴν μεστὴν ἅμαξαν ἀργυρίου ἀπέπεμψεν αὐτῷ. <quote rend="blockquote"><l>ὅτι Διογένης λαβὼν παρὰ Διοτίμου τοῦ Καρυστίου νόμισμα ὀλίγον ἔφη</l> <l>σοὶ δὲ θεοὶ τόσα δοῖεν ὅσα φρεσὶ σῇσι μενοινᾷς,</l> <l>ἄνδρα τε καὶ οἶκον.</l></quote> ἐδόκει δέ πως ὁ Διότιμος μαλθακώτερος εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> Φερεκύδης ὁ Σύριος τὸν βίον ἀλγεινότατα ἀνθρώπων κατέστρεψε, τοῦ παντὸς αὐτῷ σώματος ὑπὸ φθειρῶν ἀναλωθέντος· καὶ γενομένης αὐτῷ αἰσχρᾶς τῆς ὄψεως τὴν ἐκ τῶν συνήθων ἐξέκλινε συνουσίαν. ὁπότε δέ τις προσελθὼν ἐπυνθάνετο ὅπως διάγοι, διὰ τῆς ὀπῆς τῆς κατὰ τὴν θύραν διείρας τὸν δάκτυλον ψιλὸν γεγονότα τῆς σαρκὸς ἐπέλεγεν οὕτω διακεῖσθαι καὶ τὸ πᾶν αὐτοῦ σῶμα. λέγουσι δὲ Δηλίων παῖδες τὸν θεὸν τὸν ἐν Δήλῳ μηνίσαντα αὐτῷ τοῦτο ποιῆσαι. καθήμενον γὰρ ἐν Δήλῳ μετὰ τῶν μαθητῶν ἄλλα τε πολλά φασι περὶ τῆς ἑαυτοῦ σοφίας εἰπεῖν <pb xml:id="p.72"/> καὶ δὴ καὶ τοῦτο, μηδενὶ τῶν θεῶν θῦσαι, καὶ ὅμως οὐδὲν ἧττον ἡδέως βεβιωκέναι καὶ ἀλύπως, οὐ μεῖον τῶν ἑκατόμβας καταθυόντων. ὑπὲρ ταύτης οὖν τῆς κουφολογίας βαρυτάτην ζημίαν ἐξέτισεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> οὐ γὰρ δὴ δύναμαι πείθειν ἐμαυτὸν μὴ γελᾶν ἐπʼ Ἀλεξάνδρῳ τῷ Φιλίππου, εἴ γε ἀπείρους ἀκούων εἶναί τινας κόσμους λέγοντος Δημοκρίτου ἐν τοῖς συγγράμμασιν ὃ δὲ ἠνιᾶτο μηδὲ τοῦ ἑνὸς καὶ κοινοῦ κρατῶν. πόσον δʼ ἂν ἐπʼ αὐτῷ Δημόκριτος ἐγέλασεν αὐτός, τί δεῖ καὶ λέγειν, ᾧ ἔργον τοῦτο ἦν;</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="5"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> ταχὼς ὁ Αἰγύπτιος ἕως μὲν ἐχρῆτο τῇ ἐπιχωρίῳ διαίτῃ καὶ εὐτελῶς διεβίω, ὑγιεινότατα ἀνθρώπων διῆγεν· ἐπεὶ δὲ ἐς Πέρσας ἀφίκετο καὶ ἐς τὴν ἐκείνων τρυφὴν ἐξέπεσε, τὸ ἄηθες τῶν σιτίων οὐκ ἐνεγκών, ὑπὸ δυσεντερίας τὸν βίον κατέστρεψε, τῆς τρυφῆς ἀλλαξάμενος θάνατον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> ὅτι Φερεκύδης ὁ Πυθαγόρου διδάσκαλος ἐμπεσὼν ἐς τὴν ἀρρωστίαν πρῶτον μὲν ἵδρου ἱδρῶτα θερμὸν ἰξώδη ὅμοιον ὡς μύξαις, ὕστερον δὲ θηριώδη, μετὰ δὲ ἐφθειρίασε. καὶ διαλυομένων τῶν σαρκῶν ἐς τοὺς φθεῖρας ἐπεγένετο τῆξις, καὶ οὕτω τὸν βίον μετήλλαξεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Ἀριστοτέλης τὰς νῦν Ἡρακλείους στήλας καλουμένας, πρὶν ἢ κληθῆναι τοῦτο, φησὶ Βριάρεω καλεῖσθαι αὐτάς· ἐπεὶ δʼ ἐκάθηρε γῆν καὶ θάλατταν Ἡρακλῆς καὶ ἀναμφιλόγως εὐεργέτης ἐγένετο τῶν ἀνθρώπων, <pb xml:id="p.73"/> τιμῶντες αὐτὸν τὴν μὲν Βριάρεω μνήμην παρʼ οὐδὲν ἐποιήσαντο, Ἡρακλείους δὲ προσηγόρευσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> ὅτι ἀναθῆλαι λόγος ἐστὶ Δήλιος φυτὰ ἐν Δήλῳ ἐλαίαν καὶ φοίνικα, ὧν ἁψαμένην τὴν Λητὼ εὐθὺς ἀποκυῆσαι, τέως οὐ δυναμένην τοῦτο δρᾶσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> Ἐπαμεινώνδας ἕνα εἶχε τρίβωνα, καὶ αὐτὸν ῥυπῶντα· εἴ ποτε δὲ αὐτὸν ἔδωκεν ἐς γναφεῖον, αὐτὸς ὑπέμενεν οἴκοι διʼ ἀπορίαν ἑτέρου. ἐν δὴ τούτοις τῆς περιουσίας ὤν, τοῦ Περσῶν βασιλέως πέμψαντος αὐτῷ πολὺ χρυσίον, οὐ προσήκατο· καὶ εἴ τι ἐγὼ νοῶ, μεγαλοφρονέστερος ἦν τοῦ διδόντος ὁ μὴ λαβών. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> ἄξιον δὲ καὶ τὸ Καλανοῦ τοῦ Ἰνδοῦ τέλος ἐπαινέσαι· ἄλλος δʼ ἂν εἶπεν ὅτι καὶ ἀγασθῆναι. ἐγένετο δὲ τοιοῦτον. Καλανὸς ὁ Ἰνδῶν σοφιστὴς μακρὰ χαίρειν φράσας Ἀλεξάνδρῳ καὶ Μακεδόσι καὶ τῷ βίῳ, ὅτε ἐβουλήθη ἀπολῦσαι αὑτὸν ἐκ τῶν τοῦ σώματος δεσμῶν, ἐνένηστο μὲν ἡ πυρὰ ἐν τῷ καλλίστῳ προαστείῳ τῆς Βαβυλῶνος, καὶ ἦν τὰ ξύλα αὖα καὶ πρὸς εὐωδίαν εὖ μάλα ἐπίλεκτα κέδρου καὶ θύου καὶ κυπαρίττου καὶ μυρσίνης καὶ δάφνης· αὐτὸς δὲ γυμνασάμενος γυμνάσιον τὸ εἰωθός ʽἦν δὲ αὐτὸ δρόμοσʼ, ἀνελθὼν ἐπὶ μέσης τῆς πυρᾶς ἔστη ἐστεφανωμένος καλάμου κόμῃ. καὶ ὁ μὲν ἥλιος αὐτὸν προσέβαλλεν, ὃ δὲ αὐτὸν προσεκύνει, καὶ τοῦτο ἦν τὸ σύνθημα ἐς τὸ ἐξάπτειν τὴν πυρὰν τοῖς Μακεδόσι. καὶ τὸ μὲν δέδρατο, ὃ δὲ περιληφθεὶς ὑπὸ τῆς φλογὸς ἀτρέπτως εἱστήκει, καὶ οὐ πρότερον ἀνετράπη πρὶν ἢ διελύθη. ἐνταῦθά φασιν ἐκπλαγῆναι καὶ τὸν Ἀλέξανδρον καὶ εἰπεῖν ὅτι μείζονας ἀντιπάλους αὐτοῦ Καλανὸς κατηγωνίσατο. ὃ μὲν γὰρ πρὸς Πῶρον καὶ Ταξίλην καὶ Δαρεῖον διήθλησεν, ὁ δὲ Καλανὸς πρὸς τὸν πόνον καὶ τὸν θάνατον. <pb xml:id="p.74"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> οἱ μὲν Σκύθαι περὶ τὴν ἑαυτῶν πλανῶνται· Ἀνάχαρσις δὲ ἅτε ἀνὴρ σοφὸς καὶ περαιτέρω προήγαγε τὴν πλάνην. ἧκε γοῦν ἐς τὴν Ἑλλάδα, καὶ ὁ Σόλων ἐθαύμασεν αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> τὰ σκώμματα καὶ αἱ λοιδορίαι οὐδέν μοι δοκεῖ δύνασθαι. ἐὰν γὰρ στερεᾶς γνώμης λάβηται, καταλέλυται· ἐὰν δὲ ἀγεννοῦς καὶ ταπεινῆς, ἴσχυσε καὶ οὐ μόνον ἐλύπησε πολλάκις, ἀλλὰ καὶ ἀπέκτεινε. τούτων ἀπόδειξις ἐκεῖνα ἔστω, Σωκράτης μὲν κωμῳδούμενος ἐγέλα, Πολίαγρος δὲ ἀπήγξατο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Ἀριστοτέλης ἀσωτευσάμενος τὰ ἐκ τοῦ πατρὸς χρήματα ὥρμησεν ἐπὶ στρατείαν, εἶτα ἀπαλλάττων κακῶς ἐν τούτῳ φαρμακοπώλης ἀνεφάνη. παρεσρυεὶς δὲ ἐς τὸν Περίπατον καὶ παρακούων τῶν λόγων, ἀμείνων πεφυκὼς πολλῶν εἶτα ἕξιν περιεβάλετο, ἣν μετὰ ταῦτα ἐκτήσατο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> νηίτην στόλον Ἀθηναῖοι εἰργάζοντο ἑαυτοῖς ἀεὶ φιλοπόνως. κατὰ χρόνους δὲ τὰ μὲν κατορθοῦντες τὰ δὲ ἡττώμενοι ἀπώλεσαν τριήρεις μὲν ἐν Αἰγύπτῳ διακοσίας σὺν τοῖς πληρώμασι, περὶ Κύπρον δὲ πεντήκοντα καὶ ἑκατόν, ἐν Σικελίᾳ τετταράκοντα καὶ διακοσίας, ἐν δὲ Ἑλλησπόντῳ διακοσίας. ὁπλῖται δὲ ἀπώλοντο αὐτοῖς ἐν Σικελίᾳ μυριάδες τέτταρες, χίλιοι δὲ ἐν Χαιρωνείᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> ὁ Θρᾳκῶν βασιλεὺς ʽτὸ δὲ ὄνομα λεγέτω ἄλλοσʼ, ὅτε ὁ Ξέρξης ἐπὶ τὴν Ἑλλάδα ἐστράτευσεν, ἐς Ῥοδόπην τὸ ὄρος ἀπέδρα, τοῖς δὲ ἓξ παισὶν αὑτοῦ συνεβούλευε μὴ στρατεύειν ἐπὶ τὴν Ἑλλάδα. οἳ δὲ οὐκ ἐπείσθησαν· ὑποστρέψαντας δὲ αὐτοὺς πάντας ἐξετύφλωσε, μὴ ποιήσας Ἑλληνικά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> οὐ δύναμαι δὲ Ἀθηναίων μὴ οὐ φιλεῖν ταῦτα. ἐκκλησίας οὔσης Ἀθηναίοις παρελθὼν ὁ Δημάδης <pb xml:id="p.75"/> ἐψηφίσατο θεὸν τὸν Ἀλέξανδρον τρισκαιδέκατον. τῆς δὲ ἀσεβείας ὁ δῆμος τὸ ὑπερβάλλον μὴ ἐνεγκών, ζημίαν ἐτιμήσαντο τῷ Δημάδῃ ταλάντων ἑκατόν, ὅτι θνητὸν δὴ τὸν Ἀλέξανδρον ὄντα ἐνέγραψε τοῖς Ὀλυμπίοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> Ἠσαν δὲ ἄρα Ἀθηναῖοι δεινῶς ἐς τὰς πολιτείας εὐτράπελοι καὶ ἐπιτήδειοι πρὸς τὰς μεταβολὰς παντὸς μᾶλλον. βασιλείαν μὲν γὰρ ἤνεγκαν σωφρόνως ἐπὶ Κέκροπος καὶ Ἐρεχθέως καὶ Θησέως καὶ τῶν Κοδριδῶν κάτω, τυραννίδος δὲ ἐπειράθησαν ἐπὶ τῶν Πεισιστρατιδῶν, ἀριστοκρατίᾳ δὲ ἐχρήσαντο μέχρι τῶν τετρακοσίων· εἶτα ὕστερον δέκα τῶν πολιτῶν καθʼ ἕκαστον ἔτος ἦρχον τῆς πόλεως, τελευταῖον δὲ ἐγένετο ἀναρχία περὶ τὴν τῶν τριάκοντα κατάστασιν. ταύτην δὲ τὴν οὕτως ἀγχίστροφον μεταβολὴν τοῦ τρόπου εἰ ἐπαινεῖν χρή, ἀλλὰ ἔγωγε τοῦτο οὐκ οἶδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> νόμος καὶ οὗτος Ἀττικός. ὃς ἂν ἀτάφῳ περιτύχῃ σώματι ἀνθρώπου, πάντως ἐπιβάλλειν αὐτῷ γῆν, θάπτειν δὲ πρὸς δυσμὰς βλέποντας. καὶ τοῦτο δὲ ἦν φυλαττόμενον παρʼ αὐτοῖς. βοῦν ἀρότην καὶ ὑπὸ ζυγὸν πονήσαντα σὺν ἀρότρῳ ἢ καὶ σὺν τῇ ἁμάξῃ, μηδὲ τοῦτον θύειν, ὅτι καὶ οὗτος εἴη ἂν γεωργὸς καὶ τῶν ἐν ἀνθρώποις καμάτων κοινωνός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> ὅτι δικαστήρια ἦν Ἀττικὰ περὶ μὲν τῶν ἐκ προνοίας ἀποκτεινάντων ἐν Ἀρείῳ πάγῳ, περὶ δὲ τῶν ἀκουσίως ἐπὶ Παλλαδίῳ· περὶ δὲ τῶν κτεῖναι μὲν ὁμολογούντων, ἀμφισβητούντων δὲ ὅτι δικαίως, ἐπὶ Δελφινίῳ ἐγίνοντο αἱ εὐθύναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> ὅτι ἐκ τοῦ τῆς Ἀρτέμιδος στεφάνου πέταλον χρυσοῦν ἐκπεσὸν ἀνείλετο παιδίον, οὐ μὴν ἔλαθεν. οἱ οὖν δικασταὶ παίγνια καὶ ἀστραγάλους προύθηκαν τῷ παιδὶ καὶ τὸ πέταλον· ὃ δὲ καὶ αὖθις ἐπὶ τὸν χρυσὸν <pb xml:id="p.76"/> κατηνέχθη. καὶ διὰ ταῦτα ἀπέκτειναν αὐτὸν ὡς θεοσύλην, οὐ δόντες συγγνώμην τῇ ἡλικίᾳ, ἀλλὰ τιμωρησάμενοι διὰ τὴν πρᾶξιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ὅτι τοσοῦτον ἦν Ἀθηναίοις δεισιδαιμονίας, εἴ τις πρινίδιον ἐξέκοψεν ἐξ ἡρῴου, ἀπέκτεινον αὐτόν. ἀλλὰ καὶ Ἀτάρβην, ὅτι τοῦ Ἀσκληπιοῦ τὸν ἱερὸν στρουθὸν ἀπέκτεινε πατάξας, οὐκ ἀργῶς τοῦτο Ἀθηναῖοι παρεῖδον, ἀλλʼ ἀπέκτειναν Ἀτάρβην, καὶ οὐκ ἔδοσαν οὔτε ἀγνοίας συγγνώμην οὔτε μανίας, πρεσβύτερα τούτων ἀμφοτέρων τὰ τοῦ θεοῦ ποιησάμενοι. ἐλέγετο γὰρ ἀκουσίως οἳ δὲ μεμηνὼς τοῦτο δρᾶσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> ἡ ἐξ Ἀρείου πάγου βουλὴ ἐπεί τινα φαρμακίδα συνέλαβον καὶ ἔμελλον θανατώσειν, οὐ πρότερον αὐτὴν ἀπέκτειναν πρὶν ἢ ἀπεκύησεν· ὅτε γὰρ συνελήφθη, ἔκυε. τὸ ἀναίτιον οὖν βρέφος ἀναλύοντες τῆς καταδίκης, τὴν αἰτίαν μόνην ἐδικαίωσαν τῷ θανάτῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> Αἰσχύλος ὁ τραγῳδὸς ἐκρίνετο ἀσεβείας ἐπί τινι δράματι. ἑτοίμων οὖν ὄντων Ἀθηναίων βάλλειν αὐτὸν λίθοις, Ἀμεινίας ὁ νεώτερος ἀδελφὸς διακαλυψάμενος τὸ ἱμάτιον ἔδειξε τὸν πῆχυν ἔρημον τῆς χειρός. ἔτυχε δὲ ἀριστεύων ἐν Σαλαμῖνι ὁ Ἀμεινίας ἀποβεβληκὼς τὴν χεῖρα, καὶ πρῶτος Ἀθηναίων τῶν ἀριστείων ἔτυχεν. ἐπεὶ δὲ εἶδον οἱ δικασταὶ τοῦ ἀνδρὸς τὸ πάθος, ὑπεμνήσθησαν τῶν ἔργων αὐτοῦ, καὶ ἀφῆκαν τὸν Αἰσχύλον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> Ταραντίνων πολιορκουμένων ὑπὸ Ἀθηναίων καὶ μελλόντων ἁλῶναι λιμῷ οἱ Ῥηγῖνοι ἐψηφίσαντο μίαν ἡμέραν ἐν ταῖς δέκα νηστεύειν καὶ ἐκείνης τὰς τροφὰς ἐκχωρῆσαι Ταραντίνοις. ἀποστάντων οὖν αὐτῶν ἐσώθησαν, καὶ μεμνημένοι τοῦ πάθους ἑορτὴν ἄγουσι τὴν καλουμένην Νηστείαν οἱ Ταραντῖνοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> λέγει τις λόγος τὴν φήμην τὴν κατὰ τῆς Μηδείας <pb xml:id="p.77"/> ψευδῆ εἶναι· μὴ γὰρ αὐτὴν ἀποκτεῖναι τὰ τέκνα ἀλλὰ Κορινθίους. τὸ δὲ μυθολόγημα τοῦτο ὑπὲρ τῆς Κολχίδος καὶ τὸ δρᾶμα Εὐριπίδην φασὶ διαπλάσαι δεηθέντων Κορινθίων, καὶ ἐπικρατῆσαι τοῦ ἀληθοῦς τὸ ψεῦδος διὰ τὴν τοῦ ποιητοῦ ἀρετήν. ὑπὲρ δὲ τοῦ τολμήματός φασι τῶν παίδων μέχρι τοῦ νῦν ἐναγίζουσι τοῖς παισὶ Κορίνθιοι, οἱονεὶ δασμὸν τούτοις ἀποδιδόντες.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="6"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> Ἀθηναῖοι κρατήσαντες Χαλκιδέων κατεκληρούχησαν αὐτῶν τὴν γῆν ἐς δισχιλίους κλήρους, τὴν Ἱππόβοτον καλουμένην χώραν, τεμένη δὲ ἀνῆκαν τῇ Αθηνᾷ ἐν τῷ Ληλάντῳ ὀνομαζομένῳ τόπῳ, τὴν δὲ λοιπὴν ἐμίσθωσαν κατὰ τὰς στήλας τὰς πρὸς τῇ βασιλείῳ στοᾷ ἑστηκυίας, αἵπερ οὖν τὰ τῶν μισθώσεων ὑπομνήματα εἶχον. τοὺς δὲ αἰχμαλώτους ἔδησαν, καὶ οὐδὲ ἐνταῦθα ἔσβεσαν τὸν κατὰ Χαλκιδέων θυμόν. <milestone unit="para"/>Λακεδαιμόνιοι Μεσσηνίων κρατήσαντες τῶν μὲν γινομένων ἁπάντων ἐν τῇ Μεσσηνίᾳ τὰ ἡμίση ἐλάμβανον αὐτοί, καὶ τὰς γυναῖκας τὰς ἐλευθέρας ἐς τὰ πένθη βαδίζειν ἠνάγκαζον καὶ τοὺς ἀλλοτρίους καὶ μηδέν σφισι προσήκοντας νεκροὺς κλάειν· τοὺς δὲ τῶν ἀνδρῶν ἀπέλιπον γεωργεῖν, οὓς δὲ ἀπέδοντο, οὓς δὲ ἀπέκτειναν. <milestone unit="para"/>Ἀθηναῖοι δὲ ὕβρισαν καὶ ἐκείνην τὴν ὕβριν· εὐτυχίας γὰρ λαβόμενοι τὴν εὐπραγίαν σωφρόνως οὐκ ἤνεγκαν. τὰς γοῦν παρθένους τῶν μετοίκων σκιαδηφορεῖν ἐν ταῖς πομπαῖς ἠνάγκαζον ταῖς ἑαυτῶν <pb xml:id="p.78"/> κόραις, τὰς δὲ γυναῖκας ταῖς γυναιξί, τοὺς δὲ ἄνδρας σκαφηφορεῖν. <milestone unit="para"/>Σικυώνιοι δὲ Πελλήνην ἑλόντες τάς τε γυναῖκας τῶν Πελληνέων καὶ τὰς θυγατέρας ἐπʼ οἰκήματος ἔστησαν. ἀγριώτατα ταῦτα, ὦ θεοὶ Ἑλλήνιοι, καὶ οὐδὲ ἐν βαρβάροις καλὰ κατά γε τὴν ἐμὴν μνείαν. <milestone unit="para"/>ἐπεὶ τὴν ἐν Χαιρωνείᾳ μάχην ἐνίκησεν ὁ Φίλιππος, ἐπὶ τῷ πραχθέντι αὐτός τε ἦρτο καὶ οἱ Μακεδόνες πάντες. οἱ δὲ Ἕλληνες δεινῶς αὐτὸν κατέπτηξαν, καὶ ἑαυτοὺς κατὰ πόλεις ἐνεχείρισαν αὐτῷ φέροντες. καὶ τοῦτό γε ἔδρασαν Θηβαῖοι καὶ Μεγαρεῖς καὶ Κορίνθιοι καὶ Ἀχαιοὶ καὶ Ἠλεῖοι καὶ Εὐβοεῖς καὶ οἱ ἐν τῇ Ἀκτῇ πάντες. οὐ μὴν ἐφύλαξε τὰς πρὸς αὐτοὺς ὁμολογίας ὁ Φίλιππος, ἀλλʼ ἐδουλώσατο πάντας, ἔκδικα καὶ παράνομα δρῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> ὁ Ἁρματίδου τοῦ Θεσπιέως παῖς, παραγενόμενος σύμμαχος Ἀθηναίοις μετὰ καὶ ἄλλων πολιτῶν, τὰ μὲν πρῶτα ἐμάχετο εὖ καὶ καλῶς· καταναλωθέντων δὲ αὐτοῦ τῶν ὅπλων ψιλαῖς ταῖς χερσὶ πρὸς καθωπλισμένους ἀγωνιζόμενος, εὐκλεῶς τὸν βίον ἐτελεύτα. πατρόθεν οὖν τὸν νεανίαν προσεῖπον, κυδαίνων αὐτὸν Ὁμηρικῶς. τὸ δὲ ὄνομα αὐτοῦ εἴ τῳ ἐπιμελὲς εἰδέναι, ἀλλαχόθεν εἴσεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> ὅτι Λακεδαιμόνιοι Ἰσάδαν ἔτι παῖδα ὄντα καὶ μήπω τοῦ νόμου καλοῦντος αὐτὸν ἐς ὅπλα, ὅτι ἐκ τοῦ γυμνασίου ἐκπηδήσας ἠρίστευσεν, ἐστεφάνωσαν μέν, ὅτι δὲ πρὸ τῆς ἀπαιτουμένης ἡλικίας καὶ μὴ τὰ ἐπιχώρια ἔχων ὅπλα ὥρμησεν ἐς τοὺς ἐχθρούς, ἐζημίωσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> ὁ μὲν Λύσανδρος ἐτεθνήκει, ὁ δὲ τὴν θυγατέρα αὐτοῦ ἔτι ζῶντος ἐγγυησάμενος, ἐπεὶ καὶ ἡ παῖς ἐρήμη πατρὸς ἀπελείπετο, καὶ ὁ Λύσανδρος μετὰ τὴν <pb xml:id="p.79"/> τοῦ βίου καταστροφὴν ἀνεφάνη πένης ὤν, ὃ δὲ ἀνεδύετο ὁ ἐγγυησάμενος, οὐδὲ ἔφασκεν ἄξεσθαι γυναῖκα. ἐπὶ τούτοις οἱ ἔφοροι τὸν ἄνδρα ἐζημίωσαν· οὔτε γὰρ Λακωνικὰ ἐφρόνει οὔτε ἄλλως Ἑλληνικά, φίλου τε ἀποθανόντος ἀμνημονῶν καὶ τῶν συνθηκῶν τὸν πλοῦτον προτιμῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> ὅτι Ἀθηναῖοι τοὺς ἐς Ἀρκαδίαν ἀποσταλέντας πρεσβευτάς, ἐπεὶ ἑτέραν ὁδὸν ἦλθον καὶ οὐ τὴν προστεταγμένην, καίτοι κατορθώσαντας, ὅμως ἀπέκτειναν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> ἡ γὰρ οὐ καὶ ταῦτα Λακωνικά; νόμος ἐστὶ τοῖς Σπαρτιάταις τὸν παρασχόμενον υἱοὺς τρεῖς ἀτέλειαν ἔχειν φρουρᾶς, τὸν δὲ πέντε πασῶν τῶν λειτουργιῶν ἀφεῖσθαι. γαμεῖν δὲ ἀπροίκους ἔτι. βάναυσον δὲ εἰδέναι τέχνην ἄνδρα Λακεδαιμόνιον οὐκ ἐξῆν. φοινικίδα δὲ ἀμπέχεσθαι κατὰ τὰς μάχας ἀνάγκη ἦν· ἔχειν δὲ τὴν χρόαν καὶ σεμνότητός τι· πρὸς ταύτῃ γε μὴν καὶ τὴν ῥύσιν τοῦ ἐπιγενομένου αἵματος ἐκ τῶν τραυμάτων ἔτι μᾶλλον ἐκπλήττειν τοὺς ἀντιπάλους, βαθυτέρας τῆς ὄψεως γινομένης καὶ φοβερωτέρας μᾶλλον. <milestone unit="para"/>ὅτι οὐκ ἐξῆν ἀνδρὶ Λάκωνι οὐδὲ σκυλεῦσαι τὸν πολέμιον. οἱ δὲ καλῶς ἀγωνισάμενοι καὶ ἀποθανόντες θαλλοῖς ἀνεδοῦντο καὶ κλάδοις ἑτέροις, καὶ διʼ ἐπαίνων ἤγοντο· οἱ δὲ τελέως ἀριστεύσαντες καὶ φοινικίδος αὐτοῖς ἐπιβληθείσης ἐνδόξως ἐθάπτοντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> ὅτε οἱ Λακεδαιμόνιοι τοὺς ἐκ Ταινάρου ἱκέτας παρασπονδήσαντες ἀνέστησαν καὶ ἀπέκτειναν ʽἦσαν δὲ οἱ ἱκέται τῶν εἱλώτωνʼ, κατὰ μῆνιν τοῦ Ποσειδῶνος σεισμὸς ἐπιπεσὼν τῇ Σπάρτῃ τὴν πόλιν ἀνδρειότατα κατέσεισεν, ὡς πέντε μόνας ἀπολειφθῆναι οἰκίας ἐξ ἁπάσης τῆς πόλεως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Ἀρταξέρξην τὸν καὶ Ὦχον ἐπικληθέντα, ὅτε ἐπεβούλευσεν <pb xml:id="p.80"/> αὐτῷ Βαγώας ὁ εὐνοῦχος, ὃς ἦν Αἰγύπτιος, φασὶν ἀναιρεθέντα καὶ κατακοπέντα τοῖς αἰλούροις παραβληθῆναι· ἐτάφη δέ τις ἄλλος ἀντʼ αὐτοῦ καὶ ἀπεδόθη ταῖς βασιλικαῖς θήκαις. τῷ δὲ Βαγώᾳ οὐκ ἀπέχρησε τὸ ἀποκτεῖναι τὸν Ὦχον, ἀλλὰ γὰρ καὶ ἐκ τῶν μηρῶν αὐτοῦ λαβὰς μαχαιρῶν ἐποίησε, τὸ φονικὸν αὐτοῦ ἐνδεικνύμενος διὰ τούτων. ἐμίσησε δὲ αὐτόν, ἐπεὶ τὸν Ἆπιν ἐν Αἰγύπτῳ γευόμενος ἀπέκτεινε καὶ οὗτος, ὡς ὁ Καμβύσης πρότερον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> ἐπεὶ καὶ ἐκ τῶν Ὁμήρου ποιημάτων ἧκεν ἐς Δελφοὺς λέγουσα δόξα παλαιόπλουτον εἶναι τὸ τοῦ Ἀπόλλωνος χωρίον ἐν τοῖς ἔπεσιν ἐκείνοις <quote rend="blockquote"> <lb/>οὐδʼ ὅσα λάινος οὐδὸς ἀφήτορος ἐντὸς ἐέργει <lb/>Φοίβου Ἀπόλλωνος Πυθοῖ ἐνὶ πετρηέσσῃ, </quote> τοὺς Δελφοὺς ἐπιχειρῆσαι διασκάπτειν λόγος ἔχει τὰ περὶ τὴν ἑστίαν καὶ τὸν τρίποδα, γενομένων δὲ σεισμῶν περὶ τὸ μαντεῖον ἀνδρικῶν παύσασθαι σωφρονήσαντας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> Περικλῆς στρατηγῶν Ἀθηναίοις νόμον ἔγραψεν, ἐὰν μὴ τύχῃ τις ἐξ ἀμφοῖν ὑπάρχων ἀστῶν, τούτῳ μὴ μετεῖναι τῆς πολιτείας. μετῆλθε δὲ ἄρα αὐτὸν ἡ ἐκ τοῦ νόμου νέμεσις. οἱ γὰρ δύο παῖδες, οἵπερ οὖν ἤστην αὐτῷ, Πάραλός τε καὶ Ξάνθιππος, ἀλλὰ οὗτοι μὲν κατὰ τὴν νόσον τὴν δημοσίαν ἀπέθανον, κατελείφθη δὲ ὁ Περικλῆς ἐπὶ τοῖς νόθοις, οἵπερ οὖν οὐ μετέσχον τῆς πολιτείας κατὰ τὸν πατρῷον νόμον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> Γέλων ἐν Ἱμέρᾳ νικήσας Καρχηδονίους, πᾶσαν ὑφʼ ἑαυτὸν τὴν Σικελίαν ἐποιήσατο. εἶτα ἐλθὼν ἐς τὴν ἀγορὰν γυμνὸς ἔφατο ἀποδιδόναι τοῖς πολίταις τὴν ἀρχήν· οἳ δὲ οὐκ ἤθελον, δηλονότι πεπειραμένοι αὐτοῦ δημοτικωτέρου ἢ κατὰ τὴν τῶν μονάρχων <pb xml:id="p.81"/> ἐξουσίαν. διὰ ταῦτά τοι καὶ ἐν τῷ τῆς Σικελίας Ἥρας νεῷ ἕστηκεν αὐτοῦ εἰκὼν γυμνὸν αὐτὸν δεικνῦσα, καὶ ὡμολόγει τὴν πρᾶξιν τοῦ Γέλωνος τὸ γράμμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> Διονύσιος δὲ ὁ δεύτερος τὴν ἀρχὴν εἶχεν εὖ μάλα περιπεφραγμένην τοῦτον τὸν τρόπον. ναῦς μὲν ἐκέκτητο οὐκ ἐλάττους τῶν τετρακοσίων, ἑξήρεις καὶ πεντήρεις· πεζῶν δὲ δύναμιν ἐς δέκα μυριάδας, ἱππεῖς δὲ ἐννεακισχιλίους. ἡ δὲ πόλις τῶν Συρακοσίων λιμέσιν ἐκεκόσμητο μεγίστοις, καὶ τεῖχος αὐτῇ περιεβέβλητο ὑψηλότατον· σκεύη δὲ εἶχεν ἕτοιμα ναυσὶν ἄλλαις πεντακοσίαις, τεθησαύριστο δὲ αὐτῇ καὶ σῖτος ἐς ἑκατὸν μεδίμνων μυριάδας. καὶ ὁπλοθήκη νενησμένη ἀσπίσι καὶ μαχαίραις καὶ δόρασι καὶ κνημῖσι καὶ θώραξι καὶ καταπέλταις· ὁ δὲ καταπέλτης εὕρημα ἦν αὐτοῦ Διονυσίου. εἶχε δὲ καὶ συμμάχους παμπόλλους. καὶ τούτοις ἐπιθαρρῶν ὁ Διονύσιος ἀδάμαντι δεδεμένην ᾤετο τὴν ἀρχὴν κεκτῆσθαι. ἀλλʼ οὗτός γε πρώτους μὲν ἀπέκτεινε τοὺς ἀδελφούς· εἶδε δὲ καὶ τοὺς υἱοὺς βιαίως ἀποσφαγέντας καὶ τὰς θυγατέρας καταισχυνθείσας εἶτα ἀποσφαγείσας γυμνάς. οὐδεὶς δὲ τῶν ἀπʼ αὐτοῦ ταφῆς τῆς νομιζομένης ἔτυχεν· οἳ μὲν γὰρ ζῶντες κατεκαύθησαν, οἳ δὲ κατατμηθέντες ἐς τὸ πέλαγος ἐξερρίφησαν. τοῦτο δὲ ἀπήντησεν αὐτῷ, Δίωνος τοῦ Ἱππαρίνου ἐπιθεμένου τῇ ἀρχῇ. αὐτὸς δὲ ἐν πενίᾳ μυρίᾳ διάγων κατέστρεψε τὸν βίον γηραιός. λέγει δὲ Θεόπομπος ὑπὸ τῆς ἀκρατοποσίας τῆς ἄγαν αὐτὸν διαφθαρῆναι τὰς ὄψεις, ὡς ἀμυδρὸν βλέπειν· ἀποκαθῆσθαι δὲ ἐν τοῖς κουρείοις καὶ γελωτοποιεῖν. καὶ ἐν τῷ μεσαιτάτῳ τῆς Ἑλλάδος ἀσχημονῶν διετέλει, βίον διαντλῶν ἀλγεινότατον. καὶ ἦν δεῖγμα οὐ τὸ τυχὸν τοῖς ἀνθρώποις ἐς σωφροσύνην <pb xml:id="p.82"/> καὶ τρόπου κόσμον ἡ τοῦ Διονυσίου ἐκ τῶν τηλικούτων ἐς οὕτω ταπεινὰ μεταβολή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> καλῶς τὸ δαιμόνιον ἐπὶ τριγονίαν τυραννίδας μὴ ἄγον, ἀλλὰ ἢ παραχρῆμα ἐκτρῖβον τοὺς τυράννους πίτυος δίκην ἢ παίδων στερίσκον. μνημονεύονται δὲ ὑφʼ Ἑλλήνων ἐξ αἰῶνος καὶ ἐς ἐγγόνους διαρκέσαι αἵδε, ἥ τε Ἱέρωνος ἐν Σικελίᾳ καὶ ἡ τῶν Λευκωνιδῶν περὶ Βόσπορον καὶ ἡ τῶν Κυψελιδῶν ἐν Κορίνθῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> ἡμερώτατον δὲ Δαρείου τοῦτο τὸ ἔργον ἀκούω τοῦ παιδὸς τοῦ Ὑστάσπου. Ἀρίβαζος ὁ Ὑρκανὸς ἐπεβούλευσεν αὐτῷ μετὰ καὶ ἄλλων ἀνδρῶν οὐκ ἀφανῶν ἐν Πέρσαις· ἦν δὲ ἡ ἐπιβουλὴ ἐν κυνηγεσίῳ. ἅπερ προμαθὼν ὁ Δαρεῖος οὐκ ἔπτηξεν, ἀλλὰ προστάξας αὐτοῖς λαβεῖν τὰ ὅπλα καὶ τοὺς ἵππους, ἐκέλευσεν </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> αὐτοὺς διατείνασθαι τὰ παλτά, καὶ δριμὺ ἐνιδὼν ʽτί οὖν οὐ δρᾶτε τοῦτὀ εἶπεν ʽἐφʼ ὃ καὶ ὡρμήσατε;ʼ οἳ δὲ ἰδόντες ἄτρεπτον ἀνδρὸς βλέμμα ἀνεστάλησαν τὴν ὁρμήν. τὸ δέος δὲ αὐτοὺς κατέσχεν οὕτως, ὡς καὶ ἐκβαλεῖν τὰς αἰχμὰς καὶ ἀφάλασθαι τῶν ἵππων καὶ προσκυνῆσαι Δαρεῖον καὶ ἑαυτοὺς παραδοῦναι ὅ τι καὶ βούλοιτο πράττειν. ὃ δὲ διέστησεν ἄλλους ἄλλῃ, καὶ τοὺς μὲν ἐπὶ τὰ τῆς Ἰνδικῆς ὅρια ἀπέπεμψε, τοὺς δὲ ἐπὶ τὰ Σκυθικά. καὶ ἐκεῖνοι ἔμειναν αὐτῷ πιστοί, διὰ μνήμης ἔχοντες τὴν εὐεργεσίαν.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="7"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> Σεμίραμιν τὴν Ἀσσυρίαν ἄλλοι μὲν ἄλλως ᾅδουσιν, ὡραιοτάτη δὲ ἐγένετο γυναικῶν, εἰ καὶ ἀφελέστερον ἐχρῆτο τῷ κάλλει. ἀφικομένη δὲ πρὸς τὸν τῶν <pb xml:id="p.83"/> Ἀσσυρίων βασιλέα κλητὴ κατὰ κλέος τῆς ὥρας, ὃ δὲ ἐντυχὼν τῇ ἀνθρώπῳ ἠράσθη αὐτῆς. ἣ δὲ ᾔτησεν ἐκ τοῦ βασιλέως τὴν βασίλειον στολὴν λαβεῖν καὶ πέντε ἡμερῶν τῆς Ἀσίας ἄρξαι, καὶ τὰ ὑπὸ ταύτης προσταττόμενα δρᾶσαι. οὐδὲ τῆς αἰτήσεως ἠτύχησεν. ἐπεὶ δὲ ἐκάθισεν αὐτὴν ὁ βασιλεὺς ἐπὶ τοῦ θρόνου, καὶ ἔγνω διὰ χειρὸς καὶ γνώμης ἔχουσα πάντα, προσέταξε τοῖς δορυφόροις αὐτὸν τὸν βασιλέα κτεῖναι· καὶ οὕτω τὴν τῶν Ἀσσυρίων ἀρχὴν κατέσχε. λέγει δὲ ταῦτα Δείνων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Στράτων ὁ Σιδώνιος λέγεται τρυφῇ καὶ πολυτελείᾳ ὑπερβαλέσθαι σπεῦσαι ἀνθρώπους πάντας. καὶ Θεόπομπος ὁ Χῖος παραβάλλει αὐτοῦ τὸν βίον τῇ τῶν Φαιάκων διαίτῃ, ἥνπερ καὶ Ὅμηρος κατὰ τὴν ἑαυτοῦ μεγαλόνοιαν ὥσπερ εἴθιστο ἐξετραγῴδησεν. τούτῳ γε μὴν οὐχ εἷς παρῆν ᾠδός, κατᾴδων αὐτοῦ τὸ δεῖπνον καὶ καταθέλγων αὐτόν, ἀλλὰ πολλαὶ μὲν παρῆσαν γυναῖκες μουσουργοὶ καὶ αὐλητρίδες καὶ ἑταῖραι κάλλει διαπρέπουσαι καὶ ὀρχηστρίδες. διεφιλοτιμεῖτο δὲ ἰσχυρῶς καὶ πρὸς Νικοκλέα τὸν Κύπριον, ἐπεὶ καὶ ἐκεῖνος πρὸς αὐτόν. ἦν δὲ ἡ ἅμιλλα ὑπὲρ οὐδενὸς σπουδαίου, ἀλλʼ ὑπὲρ τῶν προειρημένων. καὶ πυνθανόμενοι παρὰ τῶν ἀφικνουμένων τὰ παρʼ ἀλλήλοις, εἶτα ἀντεφιλοτιμοῦντο ἑκάτερος ὑπερβαλέσθαι τὸν ἕτερον. οὐ μὴν ἐς τὸ παντελὲς ἐν τούτοις διεγένοντο· ἀμφότεροι γὰρ βιαίου θανάτου ἔργον ἐγένοντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> ὅτι Ἀρίστιππος ἑταίρων αὐτῷ τινων ὀδυρομένων βαρύτατα πολλὰ μὲν καὶ ἄλλα πρὸς αὐτοὺς εἶπε λύπης ἀνασταλτικά, καὶ ταῦτα δὲ ἐν προοιμίοις ʽἀλλʼ ἔγωγε ἥκω παρʼ ὑμᾶς οὐχ ὡς συλλυπούμενος, ἀλλʼ ἵνα παύσω ὑμᾶς λυπουμένους.ʼ <pb xml:id="p.84"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> ὅτι Πιττακὸς πάνυ σφόδρα ἐπῄνει τὴν μύλην, τὸ ἐγκώμιον αὐτῆς ἐκεῖνο ἐπιλέγων, ὅτι ἐν μικρῷ τόπῳ διαφόρως ἔστι γυμνάσασθαι. ἦν δέ τι ᾆσμα ἐπιμύλιον οὕτω καλούμενον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> καὶ Λαέρτης δὲ αὐτουργῶν ὑπὸ τοῦ παιδὸς πεφώραται καὶ φυτὸν ξύων, καίτοι γηράσκων βαθύτατα. ὁμολογεῖ δὲ καὶ Ὀδυσσεὺς αὐτὸς πολλὰ εἰδέναι καὶ τεχνίτης αὐτῶν εἶναι, <quote rend="blockquote"> <lb/>δρηστοσύνῃ οὐκ ἄν μοι ἐρίσσειεν βροτὸς ἄλλος, <lb/>πῦρʼ τʼ εὖ νηῆσαι, διά τε ξύλα δανὰ κεάσσαι. </quote> καὶ τὴν σχεδίαν δὲ οὐ δεηθεὶς ναυπηγῶν, ἀλλὰ διʼ ἑαυτοῦ τὴν ταχίστην εἰργάσατο. καὶ Ἀχιλλεὺς δέ, τρίτος ὢν ἀπὸ τοῦ Διός, αὐτὸς διακόπτει τὰ κρέα, δεῖπνον τοῖς παρὰ τῶν Ἀχαιῶν ἀφικομένοις πρέσβεσιν εὐτρεπίσαι σπεύδων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> χιόνος ποτὲ πιπτούσης ἤρετο ὁ βασιλεὺς τῶν Σκυθῶν τινα γυμνὸν διακαρτεροῦντα εἰ ῥιγοῖ. ὃ δὲ αὐτὸν ἀντήρετο εἰ τὸ μέτωπον ῥιγοῖ. τοῦ δὲ οὐ φήσαντος ʽοὐκοῦνʼ εἶπεν ʽοὐδὲ ἐγώ· πᾶς γὰρ μέτωπόν εἰμι.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> Δημοσθένης ὁ Δημοσθένους εἰ ἔμελλε τῆς ὑστεραίας ἔσεσθαι ἐκκλησία ἀλλὰ ἐκεῖνός γε διὰ τῆς νυκτὸς ἠγρύπνει πάσης, διαφροντίζων δηλονότι καὶ ἐκμανθάνων ταῦτα ἃ ἔμελλεν ἐρεῖν. ὁ τοίνυν Πυθέας ἐκ τούτων ἐμοὶ δοκεῖν ἐπέσκωπτεν ἐς αὐτόν, ἐπιλέγων αὐτοῦ τὰ ἐνθυμήματα ἐλλυχνίων ὄζειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> ὅτε Ἡφαιστίων ἀπέθανεν, Ἀλέξανδρος ὅπλα αὐτῷ ἐς τὴν πυρὰν ἐνέβαλε, καὶ χρυσὸν καὶ ἄργυρον τῷ νεκρῷ συνέτηξε καὶ ἐσθῆτα τὴν μέγα τιμίαν ἐν Πέρσαις. ἀπέκειρε δὲ καὶ τοὺς πλοκαμοὺς τοὺς ἑαυτοῦ, Ὁμηρικὸν πάθος δρῶν καὶ μιμούμενος τὸν Ἀχιλλέα <pb xml:id="p.85"/> τὸν ἐκείνου. βιαιότερον δὲ καὶ θερμότερον ἐκείνου ἔδρασεν οὗτος, τὴν τῶν Ἐκβατάνων ἀκρόπολιν περικείρας. μέχρι μὲν οὖν τῆς κόμης τῆς ἑαυτοῦ Ἑλληνικὰ ἐδόκει μοι δρᾶν· ἐπιχειρήσας δὲ τοῖς τείχεσιν, ἀλλʼ ἐνταῦθα ἐπένθει βαρβαρικῶς Ἀλέξανδρος ἤδη, καὶ τὰ κατὰ τὴν στολὴν ἤμειψε, θυμῷ καὶ ἔρωτι ἐπιτρέπων πάντα καὶ δακρύοις. <milestone unit="para"/>ὅτι Ἡφαιστίων ἐς Ἐκβάτανα ἀπέθανε. διαρρεῖ δὲ λόγος Ἡφαιστίωνι μὲν ταῦτα εὐτρεπισθῆναι νεκρῷ, Ἀλέξανδρον δὲ αὐτοῖς ἀποθανόντα χρήσασθαι· μὴ γὰρ φθάσαι τὸ ἐπὶ τῷ μειρακίῳ τελεσθὲν πένθος, ἐπιλαβεῖν δὲ τὸν τοῦ Ἀλέξάνδρου θάνατον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> εἶτα οὐκ ἔστι σωφροσύνη μεγάλη ʽἐμοὶ μὲν δοκεἶ, εἴ γε καὶ ἡ Φωκίωνος γυνὴ τὸ Φωκίωνος ἱμάτιον ἐφόρει, καὶ οὐδὲν ἐδεῖτο οὐ κροκωτοῦ οὐ ταραντινιδίου οὐκ ἀναβολῆς οὐκ ἐγκύκλου οὐ κεκρυφάλου οὐ καλύπτρας οὐ βαπτῶν χιτωνίσκων; ἠμπείχετο δὲ πρώτῃ μὲν τῇ σωφροσύνῃ, δευτέροις γε μὲν τοῖς παροῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> τῇ Ξανθίππῃ δὲ ὁ Σωκράτης, ἐπεὶ οὐκ ἠβούλετο τὸ ἐκείνου ἱμάτιον ἐνδύσασθαι καὶ οὕτως ἐπὶ τὴν θέαν τῆς πομπῆς βαδίζειν, ἔφη ʽὁρᾷς ὡς οὐ θεωρήσουσα θεωρησομένη δὲ μᾶλλον βαδίζεις;ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> Ῥωμαίων δὲ αἱ πολλαὶ γυναῖκες καὶ τὰ ὑποδήματα ταὐτὰ φορεῖν τοῖς ἀνδράσιν εἰθισμέναι εἰσίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> δεῖ τοὺς παῖδας τοῖς ἀστραγάλοις ἐξαπατᾶν, τοὺς δὲ ἄνδρας τοῖς ὅρκοις. οἳ μὲν Λυσάνδρου εἶναι λέγουσι τὸν λόγον, οἳ δὲ Φιλίππου τοῦ Μακεδόνος. ὁποτέρου δʼ ἂν ᾖ, οὐκ ὀρθῶς λέγεται κατά γε τὴν ἐμὴν κρίσιν. καὶ ἴσως οὐ παράδοξον εἰ μὴ τὰ αὐτὰ ἀρέσκει ἐμοὶ καὶ Λυσάνδρῳ· ὃ μὲν γὰρ ἐτυράννει, ἐγὼ δὲ ὡς φρονῶ δῆλον ἐξ ὧν μὴ τὸ λεχθὲν ἀρέσκει με. <pb xml:id="p.86"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> Ἀγησίλαος ὁ Λακεδαιμόνιος γέρων ἤδη ὢν ἀνυπόδητος πολλάκις καὶ ἀχίτων προῄει, τὸν τρίβωνα περιβαλλόμενος αὐτόν, καὶ ταῦτα ἑωθινὸς ἐν ὥρᾳ χειμερίῳ. ᾐτιάσατο δέ τις αὐτὸν ὡς νεανικώτερα τῆς ἡλικίας ἐπιχειροῦντα· ὃ δὲ ʽἀλλʼ οἵ γε νέοἰ φησὶ ʽτῶν πολιτῶν ὥσπερ οὖν πῶλοι πρὸς τὸν τέλειον ἀποβλέπουσιν ἐμέ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> τί δέ; οὐκ ἦσαν καὶ οἱ φιλόσοφοι τὰ πολέμια ἀγαθοί; ἐμοὶ μὲν δοκοῦσιν, εἴ γε Ἀρχύταν μὲν εἵλοντο ἑξάκις στρατηγὸν Ταραντῖνοι, Μέλισσος δὲ ἐναυάρχησε, Σωκράτης δὲ ἐστρατεύσατο τρίς, Πλάτων δὲ καὶ αὐτὸς ἐς Τάναγραν καὶ ἐς Κόρινθον. τὴν δὲ Ξενοφῶντος στρατείαν καὶ στρατηγίαν πολλοὶ μὲν καὶ ἄλλοι ᾅδουσι καὶ αὐτὸς δὲ ὁμολογεῖ ἐν τοῖς περὶ Κύρου λόγοις. Δίων δὲ ὁ Ἱππαρίνου τὴν Διονυσίου τυραννίδα κατέλυσε. καὶ Ἐπαμεινώνδας βοιωταρχῶν ἐν Λεύκτροις ἐνίκησε Λακεδαιμονίους, καὶ τῶν Θηβαίων καὶ τῶν Ἑλλήνων πρῶτος ἐγένετο. πολλὰ δὲ καὶ Ζήνων ὑπὲρ Ἀθηναίων ἐπολιτεύσατο πρὸς Ἀντίγονον. οὐδὲν γὰρ διοίσει εἴτε τις διὰ γνώμης ὤνησέ τινας εἴτε διʼ ὅπλων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> ἡνίκα τῆς θαλάττης ἦρξαν Μυτιληναῖοι, τοῖς ἀφισταμένοις τῶν συμμάχων τιμωρίαν ἐκείνην ἐπήρτησαν, γράμματα μὴ μανθάνειν τοὺς παῖδας αὐτῶν μηδὲ μουσικὴν διδάσκεσθαι, πασῶν κολάσεων ἡγησάμενοι βαρυτάτην εἶναι ταύτην, ἐν ἀμουσίᾳ καὶ ἀμαθίᾳ καταβιῶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> ὅτι Ῥώμη ὑπὸ Ῥώμου καὶ Ῥωμύλου ἐκτίσθη τῶν Ἄρεος καὶ Σιλουίας παίδων. ἦν δὲ αὕτη μία τῶν Αἰνείου ἀπογόνων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ὅτε ἐς Σικελίαν ἧκεν Εὔδοξος, χάριν αὐτῷ πολλὴν ὁ Διονύσιος τῆς ἀφίξεως ᾔδει. ὃ δὲ οὐδέν τι <pb xml:id="p.87"/> πρὸς ταῦτα θωπεύσας οὐδὲ ὑποδραμὼν ʽἀφικόμηνʼ εἶπεν ʽὡσπερανεὶ πρὸς πανδοκέα ἀγαθόν, παρʼ ᾧ κατήγετο Πλάτων,ʼ ὁμολογήσας ὅτι μὴ διʼ ἐκεῖνον ἀλλὰ διὰ τοῦτον ἀφίκετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> Αἰγυπτίους φασὶ δεινῶς ἐγκαρτερεῖν ταῖς βασάνοις, καὶ ὅτι θᾶττον τεθνήξεται ἀνὴρ Αἰγύπτιος στρεβλούμενος ἢ τἀληθὲς ὁμολογήσει. παρὰ Ἰνδοῖς δὲ αἱ γυναῖκες τὸ αὐτὸ πῦρ ἀποθανοῦσι τοῖς ἀνδράσιν ὑπομένουσι. φιλοτιμοῦνται δὲ περὶ τούτου αἱ γυναῖκες τοῦ ἀνδρός· καὶ ἡ κλήρῳ λαχοῦσα συγκάεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> Σόλων ἐς τὴν ὑπὲρ Σαλαμῖνος μάχην ἐστρατήγησε, καὶ δύο νεῶν Μεγαρίδων κρατήσας μετεβίβασε στρατηγοὺς Ἀττικοὺς ἐς αὐτάς, καὶ τὰ τῶν πολεμίων ὅπλα τοῖς οἰκείοις περιθεὶς καὶ μεθορμισθεὶς διʼ ἀπάτης πολλοὺς τῶν Μεγαρέων κατέκοψεν ἀνάπλους. ἐκράτησε δὲ καὶ τοῖς λόγοις αὐτῶν, οὐ λόγων δεινότητι ἀλλὰ διʼ αὐτῶν τῶν ἐλέγχων τὸ πλέον ἐνεγκάμενος. ἀρχαίας γὰρ θήκας ἀνοίξας ἀπέδειξε πάντας Ἀθηναίους πρὸς δύσιν κειμένους κατὰ τὸ πάτριον αὐτοῖς ἔθος, τοὺς δὲ Μεγαρεῖς εἰκῇ καὶ ὡς ἔτυχε τεθαμμένους. ἔκριναν δὲ τὴν δίκην Λακεδαιμόνιοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> ἀνὴρ ἐς Λακεδαίμονα ἀφίκετο Χῖος, γέρων ἤδη ὤν, τὰ μὲν ἄλλα ἀλαζών, ᾐδεῖτο δὲ ἐπὶ τῷ γήρᾳ, καὶ τὴν τρίχα πολιὰν οὖσαν ἐπειρᾶτο βαφῇ ἀφανίζειν. παρελθὼν οὖν εἶπεν ἐκεῖνα ὑπὲρ ὧν καὶ ἀφίκετο. ἀναστὰς οὖν ὁ Ἀρχίδαμος ʽτί ἂνʼ ἔφη ʽοὗτος ὑγιὲς εἴποι, ὃς οὐ μόνον ἐπὶ τῇ ψυχῇ τὸ ψεῦδος, ἀλλὰ καὶ ἐπὶ τῇ κεφαλῇ περιφέρει;ʼ καὶ ἐξέωσε τὰ ὑπʼ αὐτοῦ λεχθέντα, διαβάλλων τοῦ Χίου τὸν τρόπον ἐξ ὧν ἑωρᾶτο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> οὐκ ἀπηξίου Καῖσαρ ἐπὶ τὰς Ἀρίστωνος θύρας φοιτᾶν, Πομπήιος δὲ ἐπὶ τὰς Κρατίππου. οὐ γὰρ <pb xml:id="p.88"/> ἐπεὶ μέγα ἐδύναντο ὑπερεφρόνουν τῶν τὰ μέγιστα αὐτοὺς ὀνῆσαι δυναμένων, ἀλλʼ ἐδέοντο αὐτῶν, καίτοι τοσοῦτοι ὄντες τὴν ἀξίωσιν. οὐ γὰρ ἄρχειν, ὡς ἔοικεν, ἀλλὰ καλῶς ἄρχειν ἐβούλοντο.</p> </div> </div>
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="8"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> ἔελεγε δήπου Σωκράτης περὶ τοῦ δαιμονίου τοῦ συνόντος αὐτῷ πρὸς Θεάγην καὶ Δημόδοκον καὶ πρὸς ἄλλους πολλούς. φωνὴν πολλάκις ἔφασκε θείᾳ πομπῇ συγκεκληρωμένην αὐτῷ, ʽἥπερ ὅταν γένηται, ἀεί μοἰ φησὶ ʽσημαίνει ὃ μέλλω πράττειν τούτου ἀποτροπήν, προτρέπει δὲ οὐδέποτε. καὶ αὖ πάλιν ἐάν τίς μοἰ φησὶ ʽτῶν φίλων ἀνακοινῶται ὑπέρ του, καὶ ἐπιγένηται ἡ φωνὴ ἐκείνη, πάλιν ἀποτρέπει. καὶ ἐμοὶ μὲν αὕτη συμβουλεύει τοῦτο, ἐγὼ δὲ τῷ συμβουλευομένῳ μοι· καὶ οὐκ ἐῶ πράττειν, ἑπόμενος τῇ θείᾳ προρρήσει.ʼ παρείχετο δὲ μάρτυρα Χαρμίδην τὸν Γλαύκωνος· ἀνεκοινώσατο γὰρ αὐτῷ ὅτι μέλλοι ἀσκήσειν στάδιον ἐς Νεμέαν, καὶ εὐθὺς ὑπαρχομένου λέγειν ἡ φωνὴ ἐπεγένετο. καὶ ὁ Σωκράτης τὸν Χαρμίδην διεκώλυεν ἔχεσθαι ὧν εἴχετο, ὃ δʼ οὐκ ἐπείσθη· οὐ μὴν ἐς δέον ἀπήντησεν αὐτῷ ἡ σπουδή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Ἵππαρχος ὁ Πεισιστράτου παῖς πρεσβύτατος ὢν τῶν Πεισιστράτου καὶ σοφώτατος ἦν Ἀθηναίων. οὗτος καὶ τὰ Ὁμήρου ἔπη πρῶτος ἐκόμισεν ἐς τὰς Ἀθήνας, καὶ ἠνάγκασε τοὺς ῥαψῳδοὺς τοῖς Παναθηναίοις αὐτὰ ᾅδειν. καὶ ἐπʼ Ἀνακρέοντα δὲ τὸν Τήιον πεντηκόντορον ἔστειλεν, ἵνα αὐτὸν πορεύσῃ ὡς αὑτόν. Σιμωνίδην δὲ τὸν Κεῖον διὰ σπουδῆς ἄγων ἀεὶ περὶ <pb xml:id="p.89"/> αὑτὸν εἶχε, μεγάλοις δώροις ὡς τὸ εἰκὸς πείθων καὶ μισθοῖς· καὶ γὰρ ὡς ἦν φιλοχρήματος ὁ Σιμωνίδης, οὐδεὶς ἀντιφήσει. ἔργον δὲ ἦν ἄρα τούτῳ τῷ Ἱππάρχῳ ἡ περὶ τοὺς πεπαιδευμένους σπουδή. καὶ ἐβούλετο ὑπὸ προσχήματι τῷ ἑαυτοῦ Ἀθηναίους παιδεύεσθαι, καὶ βελτιόνων αὐτῶν ὄντων ἄρχειν ἔσπευδεν· οὐκ ᾤετο γὰρ δεῖν οὐδενὶ φθονεῖν σοφίας, ἅτε ὢν καλὸς καὶ ἀγαθός. λέγει δὲ Πλάτων ταῦτα, εἰ δὴ ὁ Ἵππαρχος Πλάτωνός ἐστι τῷ ὄντι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> ὅτι Ἀττικὸν τοῦτο τὸ ἔθος, ὅταν ὁ βοῦς ἀποσφαγῇ, τῶν μὲν ἄλλων ἀποψηφίζονται, κρίνοντες ἕκαστον ἐν τῷ μέρει φόνου· καταγινώσκουσι δὲ τῆς μαχαίρας, καὶ λέγουσι ταύτην ἀποκτεῖναι αὐτόν. καὶ ἐν ᾗ ταῦτα ἡμέρᾳ δρῶσι, Διιπόλια τὴν ἑορτὴν καλοῦσι καὶ Βουφόνια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> πολίαρχόν φασι τὸν Ἀθηναῖον ἐς τοσοῦτον προελθεῖν τρυφῆς, ὥστε καὶ κύνας καὶ ἀλεκτρυόνας ἐκεί νους οἷς ἔχαιρεν ἐκκομίζειν ἀποθανόντας δημοσίᾳ. καὶ ἐπὶ τὴν ἐκφορὰν αὐτῶν παρεκάλει τοὺς φίλους, καὶ ἔθαπτεν αὐτοὺς πολυτελῶς, καὶ ἐπιστήματα αὐτοῖς ἀναστήσας ἐπιγράμματα κατʼ αὐτῶν ἐνεκόλαπτεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> ὅτι Νηλεὺς ὁ Κόδρου τῆς βασιλείας ἀμοιρήσας ἀπέλιπε τὰς Ἀθήνας διὰ τὸ τὴν Πυθίαν Μέδοντι τὴν ἀρχὴν περιάψαι ἐς ἀποικίαν στελλόμενος. τῇ Νάξῳ δὲ προσωρμίσθη οὐχ ἑκών, ἀλλʼ ὑπὸ χειμῶνος βιασθείς· ἀπᾶραι δὲ βουλόμενον καταπνέοντες ἐναντίοι ἄνεμοι διεκώλυον. ἀποροῦντι δὲ αὐτῷ ὑπὲρ τῶν ἐνεστώτων, οἱ μάντεις ἔφασαν δεῖν καθαρθῆναι τὸ στρατόπεδον, ὡς συμπλεόντων πολλῶν οὐ καθαρῶν τὰς χεῖρας. προσεποιήσατο δὴ καὶ αὐτὸς ἀποκτεῖναί τινα παῖδα καὶ δεῖσθαι καθαρμοῦ· καὶ αὐτὸς ἀνεχώρησε, καὶ τοὺς ἄλλους ἔπεισε τοὺς συνειδότας ἑαυτοῖς. οὗ γενομένου <pb xml:id="p.90"/> καὶ γνωσθέντων ἐκείνων αὐτοὺς μὲν ἀπέλιπεν, οἳ δὲ ᾤκισαν τὴν Νάξον. Νηλεὺς δὲ ἐς τὴν Ἰωνίαν ἀφίκετο, καὶ πρῶτον μὲν ᾤκισε Μίλητον, Κᾶρας ἐξελάσας καὶ Μυγδόνας καὶ Λέλεγας καὶ ἄλλους βαρβάρους, ἀφʼ ὧν αἱ δώδεκα πόλεις ἐκλήθησαν ἐν Ἰωνίᾳ. εἰσὶ δὲ αἵδε, Μίλητος Ἔφεσος Ἐρυθραὶ Κλαζομεναὶ Πριήνη Λέβεδος Τέως Κολοφὼν Μυοῦς Φώκαια Σάμος καὶ Χίος. καὶ ἄλλας δὲ πολλὰς ὕστερον ᾤκισε πόλεις ἐν τῇ ἠπείρῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> τῶν ἀρχαίων φασὶ Θρᾳκῶν μηδένα ἐπίστασθαι γράμματα· ἀλλὰ καὶ ἐνόμιζον αἴσχιστον εἶναι πάντες οἱ τὴν Εὐρώπην οἰκοῦντες βάρβαροι χρῆσθαι γράμμασιν. οἱ δὲ ἐν τῇ Ἀσίᾳ ὡς λόγος ἐχρῶντο αὐτοῖς μᾶλλον. ἔνθεν τοι καὶ τολμῶσι λέγειν μηδὲ τὸν Ὀρφέα σοφὸν γεγονέναι, Θρᾷκα ὄντα, ἀλλʼ ἄλλως τοὺς μύθους αὐτοῦ καταψεύσασθαι. ταῦτα Ἀνδροτίων λέγει, εἴ τῳ πιστὸς ὑπὲρ τῆς ἀγραμματίας καὶ ἀπαιδευσίας Θρᾳκῶν τεκμηριῶσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> Ἀλέξανδρος ὅτε Δαρεῖον εἷλε, γάμους εἱστία καὶ ἑαυτοῦ καὶ τῶν φίλων. ἐνενήκοντα δὲ ἦσαν οἱ γαμοῦντες καὶ ἰσάριθμοι τούτοις οἱ θάλαμοι. ἦν δὲ ὁ ἀνδρὼν ὁ ὑποδεχόμενος καὶ ἑστιῶν αὐτοὺς ἑκατοντάκλινος· καὶ ἑκάστη κλίνη ἀργυρόπους ἦν, ἡ δὲ αὐτοῦ χρυσόπους, καὶ κεκόσμηντο πᾶσαι ἁλουργοῖς καὶ ποικίλοις ἱματίοις ὑφῆς βαρβαρικῆς μέγα τιμίας. συμπαρέλαβε δὲ ἐς τὸ συμπόσιον καὶ τοὺς ἰδιοξένους, καὶ κατέκλινεν ἀντιπροσώπους ἑαυτῷ. ἐν δὲ τῇ αὐλῇ εἱστιῶντο αἵ τε ἄλλαι δυνάμεις, αἱ πεζαὶ καὶ αἱ ναυτικαὶ καὶ οἱ ἱππεῖς καὶ αἱ πρεσβεῖαι δὲ καὶ οἱ παρεπιδημοῦντες Ἕλληνες. καὶ ἐγένετο τὰ δεῖπνα πρὸς σάλπιγγα, τὸ μὲν συγκλητικὸν μέλος ᾀδούσης, ὅτε αὐτοὺς ἐχρῆν παριέναι ἐπὶ τὴν δαῖτα, τὸ δὲ ἀνακλητικόν, <pb xml:id="p.91"/> ὅτε ἐσήμαινεν ἀπαλλάττεσθαι. πέντε δὲ ἡμέρας καθεξῆς τοὺς γάμους ἔθυεν. ἀφίκοντο δὲ καὶ μουσουργοὶ καὶ ὑποκριταί, οἳ μὲν κωμῳδίας οἳ δὲ τραγῳδίας, πάμπολλοι. ἦσαν δὲ καὶ ἐκ τῆς Ἰνδικῆς θαυματοποιοὶ διαπρέποντες, καὶ ἔδοξαν δὲ αὐτοὶ κρατεῖν τῶν ἄλλων τῶν ἀλλαχόθεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Κίμων ὁ Κλεωναῖος ἐξειργάσατό φασι τὴν τέχνην τὴν γραφικὴν ὑποφυομένην ἔτι καὶ ἀτέχνως ὑπὸ τῶν πρὸ αὐτοῦ καὶ ἀπείρως ἐκτελουμένην καὶ τρόπον τινὰ ἐν σπαργάνοις καὶ γάλαξιν οὖσαν. διὰ ταῦτά τοι καὶ μισθοὺς τῶν πρὸ αὐτοῦ πρῶτος ἔλαβεν ἁδροτέρους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Ἀρχέλαον τὸν Μακεδόνων τύραννον ʽοὕτω γὰρ καὶ Πλάτων αὐτὸν ὀνομάζει, καὶ οὐ βασιλέἀ τὰ παιδικὰ αὐτοῦ Κρατεύας ἐρασθεὶς τῆς τυραννίδος οὐδὲν ἧττον ἤπερ ἐκεῖνος τῶν παιδικῶν ἠράσθη, ἀπέκτεινε τὸν ἐραστήν, ὡς τύραννός τε καὶ εὐδαίμων ἀνὴρ ἐσόμενος. τρεῖς δὲ ἢ τέτταρας ἡμέρας τὴν τυραννίδα κατασχών, πάλιν αὐτὸς ἐπιβουλευθεὶς ὑφʼ ἑτέρων ἐτελεύτησεν. εἴη δʼ ἂν πρεπωδέστατον ἐπειπεῖν τῷδε τῷ Μακεδονικῷ δράματι τὸ ἔπος ἐκεῖνο <quote rend="blockquote"> <lb/>τεύχων ὡς ἑτέρῳ τις ἑῷ κακὸν ἥπατι τεύχει. </quote> <milestone unit="para"/>ὅτι διεψεύσατο αὐτῷ φασιν Ἀρχέλαος τῶν θυγατέρων μίαν δώσειν· ὅτε δὲ ἄλλῳ συνῴκισε τὴν παῖδα, ὑπεραγανακτήσας διέφθειρε τὸν Ἀρχέλαον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> Σόλωνα αἱρετὸν Ἀθηναῖοι προείλοντο ἄρχειν αὐτοῖς, οὐ γὰρ κληρωτὸν τοῦτον. ἐπεὶ δὲ ᾑρέθη, τά τε ἄλλα ἐκόσμησε τὴν πόλιν, καὶ δὴ καὶ τοὺς νόμους τοὺς νῦν ἔτι φυλαττομένους συνέγραψεν αὐτοῖς. καὶ τότε ἐπαύσαντο Ἀθηναῖοι χρώμενοι τοῖς Δράκοντος· ἐκαλοῦντο δὲ ἐκεῖνοι θεσμοί. μόνους δὲ ἐφύλαξαν τοὺς φονικοὺς αὐτοῦ. <pb xml:id="p.92"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> οὐδὲν ἔτι θαυμάσομεν εἰ ἡ τῶν ἀνθρώπων φύσις θνητὴ οὖσα καὶ ἐφήμερος φθείρεσθαι αὐτοὺς ἀναγκάζει, ὅπου καὶ τοὺς ποταμοὺς ὁρῶμεν ἐπιλείποντας, καὶ τῶν ὀρῶν δὲ τὰ ὑψηλότατα ἀκούομεν μειούμενα καὶ ἐκεῖνα. τὴν γοῦν Αἴτνην φασὶν οἱ πλέοντες ἐξ ἐλάττονος ὁρᾶν ἢ προτοῦ ἐβλέπετο· τὸ δὲ αὐτὸ τοῦτο καὶ τὸν Παρνασσὸν παθεῖν καὶ τὸν Ὄλυμπον τὸν Πιερικόν. οἱ δὲ ἔτι μᾶλλον δοκοῦντες τὴν τῶν ὅλων φύσιν κατεσκέφθαι λέγουσι καὶ κόσμον διαφθείρεσθαι αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> παράδοξόν γε, οὐ γάρ; ἀλλʼ ἀληθές. ἐκπεσόντος Δημοσθένους ἐν Μακεδονίᾳ Αἰσχίνης ὁ Ἀτρομήτου ὁ Κοθωκίδης καὶ ἐνευδοκίμει τοῖς Μακεδόσι καὶ πάμπολυ περιῆν τῶν πρέσβεων τῷ φρονήματι. αἰτία δὲ ἦν ἄρα τούτου τῷ Αἰσχίνῃ ἥ τε πρὸς Φίλιππον φιλία καὶ τὰ ἐξ αὐτοῦ δῶρα καὶ ὅτι πράως καὶ ἡδέως ἤκουεν αὐτοῦ ὁ Φίλιππος, μειλιχίῳ τῷ βλέμματι προσβλέπων καὶ ὑποφαίνων τὴν ἐξ αὑτοῦ εὔνοιαν. ἅπερ οὖν πάντα ἐφολκὰ ἦν ἐς τὴν παρρησίαν τῷ Αἰσχίνῃ καὶ τὴν τῶν λόγων εὔροιαν. οὐ μόνος δὲ τοῦτο ἔπαθε Δημοσθένης ἐν Μακεδονίᾳ, καίτοι δεινότατος ὢν εἰπεῖν, ἀλλὰ καὶ Θεόφραστος ὁ Ἐρέσιος. ἐξέπεσε γὰρ καὶ οὗτος ἐπὶ τῆς ἐξ Ἀρείου πάγου βουλῆς λέγων, καὶ ταύτην ἀπολογίαν προεφέρετο, ὅτι κατεπλάγη τὸ ἀξίωμα τοῦ συνεδρίου. πικρότατα οὖν ἀπήντησε καὶ ἑτοιμότατα πρὸς τοῦτον αὐτοῦ τὸν λόγον ὁ Δημοχάρης εἰπὼν ʽὦ Θεόφραστε, Ἀθηναῖοι ἦσαν ἀλλʼ οὐχ οἱ δώδεκα θεοὶ οἱ δικάζοντες.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> Ἀναξαγόραν τὸν Κλαζομένιόν φασι μήτε γελῶντά ποτε ὀφθῆναι μήτε μειδιῶντα τὴν ἀρχήν. λέγουσι δὲ καὶ Ἀριστόξενον τῷ γέλωτι ἀνὰ κράτος πολέμιον <pb xml:id="p.93"/> γενέσθαι· Ἡράκλειτόν τε, ὅτι πάντα τὰ ἐν τῷ βίῳ ἔκλαεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> Διογένης ὁ Σινωπεὺς ὅτε λοιπὸν ἐνόσει ἐπὶ θανάτῳ, ἑαυτὸν φέρων μόνον ἔρριψε κατά τινος γεφυρίου πρὸς γυμνασίῳ ὄντος, καὶ προσέταξε τῷ παλαιστροφύλακι, ἐπειδὰν αἴσθηται ἀποπεπνευκότα αὐτόν, ῥῖψαι ἐς τὸν Ἰλισσόν. οὕτως ἄρα ὀλίγον ἔμελε Διογένει καὶ θανάτου καὶ ταφῆς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> ἐν Χαιρωνείᾳ τοὺς Ἀθηναίους ἡνίκα ἐνίκησεν ὁ Φίλιππος, ἐπαρθεὶς τῇ εὐπραγίᾳ, ὅμως λογισμοῦ ἐκράτησε καὶ οὐχ ὕβρισε· καὶ διὰ ταῦτα ᾤετο δεῖν αὐτὸν ὑπομιμνήσκεσθαι ὑπό τινος τῶν παίδων ἕωθεν ὅτι ἄνθρωπός ἐστι, καὶ προσέταξε τῷ παιδὶ τοῦτο ἔχειν ἔργον. καὶ οὐ πρότερόν φασιν οὔτε αὐτὸς προῄει, οὔτε τις τῶν δεομένων αὐτοῦ παρʼ αὐτὸν ἐσῄει, πρὶν τοῦτο αὐτῷ τὸν παῖδα ἐκβοῆσαι τρίς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> Σόλων ὁ Ἐξηκεστίδου γέρων ἤδη ὢν ὑπώπτευε Πεισίστρατον τυραννίδι ἐπιθήσεσθαι, ἡνίκα παρῆλθεν ἐς τὴν ἐκκλησίαν τῶν Ἀθηναίων καὶ ᾔτει φρουρὰν ὁ Πεισίστρατος. ὁρῶν δὲ τοὺς Ἀθηναίους τῶν μὲν αὐτοῦ λόγων ῥᾳθύμως ἀκούοντας, προσέχοντας δὲ τῷ Πεισιστράτῳ, ἔφη ὅτι τῶν μέν ἐστι σοφώτερος, τῶν δὲ ἀνδρειότερος. ὁπόσοι μὲν μὴ γινώσκουσιν ὅτι φυλακὴν λαβὼν περὶ τὸ σῶμα τύραννος ἔσται, ἀλλὰ τούτων μέν ἐστι σοφώτερος· ὁπόσοι δὲ γινώσκοντες ὑποσιωπῶσι, τούτων ἀνδρειότερός ἐστιν. ὃ δὲ λαβὼν τὴν δύναμιν τύραννος ἦν. καθεζόμενος δὲ Σόλων πρὸ τῆς οἰκίας, τὴν ἀσπίδα καὶ τὸ δόρυ παραθέμενος ἔλεγεν ὅτι ἐξώπλισται καὶ βοηθεῖ τῇ πατρίδι ᾗ δύναται, στρατηγὸς μὲν διὰ τὴν ἡλικίαν οὐκέτι ὤν, εὔνους δὲ διὰ τὴν γνώμην. ὅμως οὖν Πεισίστρατος, εἴτε αἰδοῖ τῇ πρὸς τὸν ἄνδρα καὶ τὴν σοφίαν αὐτοῦ, <pb xml:id="p.94"/> εἴτε καὶ μνήμῃ τῶν ἐφʼ ἡλικίας ʽλέγεται γὰρ αὐτοῦ παιδικὰ γενέσθαἰ, οὐδέν γε ἔδρασε κακὸν Σόλωνα. ὁ δʼ οὖν Σόλων ὀλίγῳ ὕστερον ὑπέργηρως ὢν τὸν βίον ἐτελεύτησεν, ἐπὶ σοφίᾳ καὶ ἀνδρείᾳ μεγάλην ἀπολιπὼν δόξαν. καὶ ἀνέστησαν αὐτῷ χαλκῆν εἰκόνα ἐν τῇ ἀγορᾷ· ἀλλὰ καὶ ἔθαψαν αὐτὸν δημοσίᾳ παρὰ τὰς πύλας πρὸς τῷ τείχει ἐν δεξιᾷ ἐσιόντων, καὶ περιῳκοδόμητο αὐτῷ ὁ τάφος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ὅτι Σκύθης ὁ Ἰνυκῖνος ὁ τῶν Ζαγκλαίων μόναρχος ἀνέβη ἐς Ἀσίαν παρὰ βασιλέα Δαρεῖον. καὶ αὐτὸν ἐνόμισε πάντων ἀνδρῶν δικαιότατον εἶναι, ὅσοι ἐκ τῆς Ἑλλάδος παρʼ αὐτὸν ἀνέβησαν, ὅτι παραιτησάμενος βασιλέα ἀφίκετο ἐς Σικελίαν καὶ πάλιν ἐκ Σικελίας παρὰ βασιλέα ὀπίσω. τοῦτο δὲ Δημοκήδης ὁ Κροτωνιάτης οὐκ ἐποίησε, καὶ διὰ τοῦτο Δαρεῖος ὑπὲρ αὐτοῦ φλαύρως ἔλεγεν, ἀπατεῶνα λέγων καὶ ἄνθρωπον κάκιστον. ὁ οὖν Σκύθης ἐν Πέρσαις μέγα ὄλβιος ὢν γήρᾳ κατέστρεψε τὸν βίον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> εὔθυμος ὁ Λοκρὸς τῶν ἐν Ἰταλίᾳ πύκτης ἀγαθὸς ἦν, ῥώμῃ τε σώματος πεπίστευται θαυμασιώτατος γενέσθαι· λίθον γὰρ μεγέθει μέγιστον δεικνύουσι Λοκροί, ὃν ἐκόμισε καὶ ἔθηκε πρὸ τῶν θυρῶν. καὶ τὸν ἐν Τεμέσῃ ἥρωα φόρους πραττόμενον παρὰ τῶν προσοίκων ἔπαυσεν· ἀφικόμενος γὰρ ἐς τὸ ἱερὸν αὐτοῦ, ὅπερ ἄβατον ἦν τοῖς πολλοῖς, διηγωνίσατο πρὸς αὐτόν, καὶ ἠνάγκασεν ὧνπερ ἐσύλησεν ἀποτῖσαι πλείω. ἐντεῦθέν τοι καὶ διέρρευσεν ἡ παροιμία ἡ λέγουσα ἐπὶ τῶν ἀλυσιτελῶς τι κερδαινόντων ὅτι αὐτοῖς ἀφίξεται ὁ ἐν Τεμέσῃ ἥρως. λέγουσι δὲ τὸν αὐτὸν Εὔθυμον καταβάντα ἐπὶ τὸν Καικῖνον ποταμὸν ὅς ἐστι πρὸ τῆς τῶν Λοκρῶν πόλεως ἀφανισθῆναι. <pb xml:id="p.95"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> ὅτι τοῦτο ἐπιγέγραπται Ἀναξαγόρᾳ <quote rend="blockquote"> <lb/>ἐνθάδʼ ὁ πλεῖστον ἀληθείας ἐπὶ τέρμα περήσας <lb/>οὐρανίου κόσμου κεῖται Ἀναξαγόρας. </quote> <milestone unit="para"/>ὅτι καὶ βωμὸς αὐτῷ ἵσταται καὶ ἐπιγέγραπται οἳ μὲν Νοῦ οἳ δὲ Ἀληθείας.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="9"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> ἱέρωνά φασι τὸν Συρακόσιον φιλέλληνα γενέσθαι καὶ τιμῆσαι παιδείαν ἀνδρειότατα. καὶ ὡς ἦν προχειρότατος ἐς τὰς εὐεργεσίας λέγουσι· προθυμότερον γὰρ αὐτόν φασι χαρίζεσθαι ἢ τοὺς αἰτοῦντας λαμβάνειν. ἦν δὲ καὶ τὴν ψυχὴν ἀνδρειότατος. ἀβασανίστως δὲ καὶ τοῖς ἀδελφοῖς συνεβίωσε τρισὶν οὖσι, πάνυ σφόδρα ἀγαπήσας αὐτοὺς καὶ ὑπʼ αὐτῶν φιληθεὶς ἐν τῷ μέρει. τούτῳ φασὶ καὶ Σιμωνίδης συνεβίωσε καὶ Πίνδαρος, καὶ οὐκ ὤκνησέ γε Σιμωνίδης βαρὺς ὢν ὑπὸ γήρως πρὸς αὐτὸν ἀφικέσθαι· ἦν μὲν γὰρ καὶ φύσει φιλάργυρος ὁ Κεῖος, προύτρεπε δὲ αὐτὸν καὶ πλέον ἡ τοῦ Ἱέρωνος φιλοδωρία φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> ὅτι ἐν Αἰγίνῃ ἐξ Ὀλυμπίας αὐθημερὸν διηγγέλη ἡ νίκη τοῦ Ταυροσθένους τῷ πατρὶ αὐτοῦ ὑπὸ φάσματός φασιν. ἄλλοι δέ φασι περιστερὰν τὸν Ταυροσθένην ἐπαγαγέσθαι ἀπολιποῦσαν τοὺς ἑαυτῆς νεοττοὺς ὑγροὺς ἔτι καὶ ἀπτῆνας, νικήσαντα δὲ ἀφεῖναι τὴν πελειάδα, προσάψαντα πορφύραν αὐτῇ· τὴν δὲ ἐπειγομένην πρὸς τοὺς νεοττοὺς ἀπαυθημερίσαι ἐκ Πίσης ἐς Αἴγιναν. <pb xml:id="p.96"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> ὅτι διέθρυπτε τοὺς ἑταίρους Ἀλέξανδρος, τρυφᾶν ἐπιχωρῶν αὐτοῖς, εἴ γε καὶ Ἄγνων χρυσοῦς ἥλους ἐν ταῖς κρηπῖσιν ἐφόρει. Κλεῖτος δὲ εἴποτε μέλλοι τισὶ χρηματίζειν, ἐπὶ πορφυρῶν εἱμάτων βαδίζων τοὺς δεομένους προσίετο. Περδίκκᾳ δὲ καὶ Κρατερῷ φιλογυμναστοῦσιν ἠκολούθουν διφθέραι σταδιαῖαι τὸ μέγεθος, ὑφʼ αἷς περιλαμβάνοντες τόπον εὐμεγέθη ἐν ταῖς καταστρατοπεδείαις ἐγυμνάζοντο. εἵπετο δὲ αὐτοῖς καὶ πολλὴ κόνις διʼ ὑποζυγίων ἐς τὰ γυμνάσια λυσιτελὴς οὖσα. Λεοννάτῳ δὲ καὶ Μενελάῳ φιλοθηροῦσιν αὐλἁ??ʼαι σταδίων ἑκατὸν ἠκολούθουν. αὐτῷ δὲ Ἀλεξάνδρῳ ἡ μὲν σκηνὴ ἦν κλινῶν ἑκατόν, χρυσοῖ δὲ κίονες πεντήκοντα διειλήφεσαν αὐτὴν καὶ τὸν ὄροφον αὐτῆς ἀνεῖχον, αὐτὸς δὲ ὁ ὄροφος διάχρυσος ἦν καὶ ἐκπεπόνητο ποικίλμασι πολυτελέσι. καὶ πρῶτοι μὲν Πέρσαι πεντακόσιοι οἱ καλούμενοι μηλοφόροι περὶ αὐτὴν ἐντὸς εἱστήκεσαν, πορφυρᾶς καὶ μηλίνας ἠσθημένοι στολάς· ἐπʼ αὐτοῖς δὲ τοξόται χίλιοι, φλόγινα ἐνδεδυκότες καὶ ὑσγινοβαφῆ· πρὸ δὲ τούτων οἱ ἀργυράσπιδες πεντακόσιοι Μακεδόνες. ἐν μέσῃ δὲ τῇ σκηνῇ χρυσοῦς ἐτίθετο δίφρος, καὶ ἐπʼ αὐτῷ καθήμενος Ἀλέξανδρος ἐχρημάτιζε, περιεστώτων αὐτῷ πανταχόθεν τῶν σωματοφυλάκων. περιῄει δὲ τὴν σκηνὴν περίβολος, ἔνθα ἦσαν Μακεδόνες χίλιοι καὶ Πέρσαι μύριοι. καὶ οὐδεὶς ἐτόλμα ῥᾳδίως προσελθεῖν αὐτῷ· πολὺ γὰρ ἦν τὸ ἐξ αὐτοῦ δέος ἀρθέντος ὑπὸ φρονήματος καὶ τύχης ἐς τυραννίδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> Πολυκράτης ὁ Σάμιος ἐν Μούσαις ἦν, καὶ Ἀνακρέοντα ἐτίμα τὸν Τήιον καὶ διὰ σπουδῆς ἦγε, καὶ ἔχαιρεν αὐτῷ καὶ τοῖς ἐκείνου μέλεσιν. οὐκ ἐπαινῶ δὲ αὐτοῦ τὴν τρυφήν. Ἀνακρέων ἐπῄνεσε Σμερδίην θερμότερον τὰ παιδικὰ Πολυκράτους, εἶτα ἥσθη τὸ <pb xml:id="p.97"/> μειράκιον τῷ ἐπαίνῳ, καὶ τὸν Ἀνακρέοντα ἠσπάζετο σεμνῶς εὖ μάλα, ἐρῶντα τῆς ψυχῆς, ἀλλʼ οὐ τοῦ σώματος. μὴ γάρ τις ἡμῖν διαβαλλέτω πρὸς θεῶν τὸν ποιητὴν τὸν Τήιον, μηδʼ ἀκόλαστον εἶναι λεγέτω. ἐζηλοτύπησε δὲ Πολυκράτης ὅτι τὸν Σμερδίην ἐτίμησε, καὶ ἑώρα τὸν ποιητὴν ὑπὸ τοῦ παιδὸς ἀντιφιλούμενον· καὶ ἀπέκειρε τὸν παῖδα ὁ Πολυκράτης, ἐκεῖνον μὲν αἰσχύνων, οἰόμενος δὲ λυπεῖν Ἀνακρέοντα. ὃ δὲ οὐ προσεποιήσατο αἰτιᾶσθαι τὸν Πολυκράτη σωφρόνως καὶ ἐγκρατῶς, μετήγαγε δὲ τὸ ἔγκλημα ἐπὶ τὸ μειράκιον ἐν οἷς ἐπεκάλει τόλμαν αὐτῷ καὶ ἀμαθίαν ὁπλισαμένῳ κατὰ τῶν ἑαυτοῦ τριχῶν. τὸ δὲ ᾆσμα τὸ ἐπὶ τῷ πάθει τῇς κόμης Ἀνακρέων ᾀσάτω· ἐμοῦ γὰρ αὐτὸς ἄμεινον ᾅσεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> Θεμιστοκλῆς Ἱέρωνα ἥκοντα ἐς Ὀλυμπίαν Ὀλυμπίων ἀγομένων ἵππους ἄγοντα εἶρξε τῆς ἀγωνίας εἰπὼν τὸν μὴ μεταλαβόντα τοῦ μεγίστου τῶν κινδύνων τῶνπανηγύρεων μεταλαμβάνειν μὴ δεῖν· καὶ ἐπῃνέθη Θεμιστοκλῆς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> ὅτι Περικλῆς ἐν τῷ λοιμῷ τοὺς παῖδας ἀποβαλὼν ἀνδρειότατα τὸν θάνατον αὐτῶν ἤνεγκε, καὶ πάντας Ἀθηναίους εὐθυμότερον ἔπεισε τοὺς τῶν φιλτάτων θανάτους φέρειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> ἡ Ξανθίππη ἔφη μυρίων μεταβολῶν τὴν πόλιν καὶ αὐτοὺς κατασχουσῶν ἐν πάσαις ὅμοιον τὸ Σωκράτους πρόσωπον καὶ προϊόντος ἐκ τῆς οἰκίας καὶ ἐπανιόντος θεάσασθαι· ἥρμοστο γὰρ πρὸς πάντα ἐπιεικῶς, καὶ ἦν ἵλεως ἀεὶ τὴν διάνοιαν καὶ λύπης ὑπεράνω πάσης καὶ φόβου κρείττων παντός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> ὁ νέος Διονύσιος ἐς τὴν τῶν Λοκρῶν πόλιν παριὼν ʽεἴ γε Δωρὶς ἡ μήτηρ αὐτοῦ Λοκρὶς ἦνʼ οἶκον τῶν ἐν τῇ πόλει τὸν μέγιστον καταλαμβάνων, ῥόδοις <pb xml:id="p.98"/> καὶ ἑρπύλλοις καὶ ἄλλοις ἄνθεσι καταστρωννὺς τὰς τῶν Λοκρῶν θυγατέρας μετεπέμπετο, καὶ συνῆν αὐταῖς ἀκολαστότατα. ὑπὲρ δὴ τούτου ἔτισε δίκην· ἐπειδὴ γὰρ αὐτοῦ ἡ τυραννὶς κατελύθη ὑπὸ Δίωνος, ἐνταῦθα οἱ Λοκροὶ τὴν γυναῖκα τοῦ Διονυσίου καὶ τὰς θυγατέρας κατεπόρνευσαν, καὶ ἀνέδην αὐταῖς ἐνύβριζον πάντες, μάλιστα οἱ προσήκοντες ταῖς παρθένοις ταῖς ὑπὸ Διονυσίου διεφθαρμέναις. ἡνίκα δὲ διακορεῖς ἐγένοντο ὑβρίζοντες, κεντοῦντες αὐτὰς ὑπὸ τοῖς ὄνυξι τοῖς τῶν χειρῶν βελόναις ἀπέκτειναν. τὰ δὲ ὀστᾶ κατέκοψαν ἐν ὅλμοις, καὶ τὰ κρέα τῶν ὀστῶν ἀφελόντες ἐπηράσαντο τοῖς μὴ γευσαμένοις αὐτῶν· εἰ δέ τι περιελείφθη ἐξ αὐτῶν, κατεπόντωσαν. ὃ δὲ ἐν Κορίνθῳ πολλαῖς καὶ ποικίλαις χρησάμενος βίου μεταβολαῖς διὰ τὴν ὑπερβάλλουσαν ἀπορίαν, τελευταῖον δὲ μητραγυρτῶν καὶ κρούων τύμπανα καὶ καταυλούμενος τὸν βίον κατέστρεψεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Δημήτριος ὁ Πολιορκητὴς ᾕρει τὰς πόλεις, καὶ τῇ ἑαυτοῦ τρυφῇ καταχρώμενος χίλια καὶ διακόσια τάλαντα πρόσοδον ἑαυτῷ περιεποιήσατο καθʼ ἕκαστον ἔτος, καὶ ἐκ τούτων ὀλίγα μὲν ἐς τὸ στρατόπεδον ἐδαπάνα, τὰ δὲ λοιπὰ ἐς τὴν ἀκολασίαν τὴν ἑαυτοῦ. μύροις τε ἐρραίνετο αὐτῷ τὸ δάπεδον καὶ καθʼ ἑκάστην ἔτους ὥραν τὰ ἐνακμάζοντα τῶν ἀνθῶν ὑπεσπείρετο αὐτῷ, ἵνα κατʼ αὐτῶν βαδίζῃ. ἦν δὲ καὶ πρὸς γυναῖκας ἀκόλαστος, καὶ νεανικοῖς ἔρωσιν ἐπεχείρει. ἔμελε δὲ αὐτῷ καὶ καλῷ εἶναι εὐθετίζοντι τὴν τρίχα καὶ ξανθιζομένῳ καὶ ὑπαλειφομένῳ τὸ πρόσωπον παιδέρωτι. καὶ τοῖς ἄλλοις δὲ ἐχρίετο ἀλείμμασι, προσφιλοτιμούμενος τῇ ῥᾳθυμίᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> ὁ Πλάτων, νοσεροῦ χωρίου λεγομένου εἶναι τῆς Ἀκαδημείας, καὶ συμβουλευόντων αὐτῷ τῶν ἰατρῶν <pb xml:id="p.99"/> ἐς τὸ Λύκειον μετοικῆσαι, οὐκ ἠξίωσεν εἰπὼν ʽἀλλʼ ἔγωγε οὐκ ἂν οὐδὲ ἐς τὰ τοῦ Ἄθω μετῴκησα ἂν ὑπὲρ τοῦ μακροβιώτερος γενέσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> Παρράσιος ὁ ζωγράφος ὅτι μὲν πορφυρίδα ἐφόρει καὶ χρυσοῦν στέφανον περιέκειτο μαρτυροῦσι καὶ ἄλλοι καὶ τὰ ἐπιγράμματα δὲ ἐπὶ πολλῶν εἰκόνων αὐτοῦ· ἠγωνίσατο δέ ποτε ἐν Σάμῳ, συνέτυχε δὲ ἀντιπάλῳ οὐ κατὰ πολὺ ἐνδεεστέρῳ αὐτοῦ εἶτα ἡττήθη. τὸ δὲ ἐπίγραμμα ἦν αὐτῷ ὁ Αἴας ὑπὲρ τῶν ὅπλων τῶν Ἀχιλλέως ἀγωνισάμενος πρὸς τὸν Ὀδυσσέα. ἡττηθεὶς δὲ εὖ μάλα ἀστείως ἀπεκρίνατο πρὸς τὸν συναχθόμενον αὐτῷ τῶν ἑταίρων ὁ Παρράσιος· ἔφη γὰρ αὐτὸς μὲν ὑπὲρ τῆς ἥττης ὀλίγον φροντίζειν, συνάχθεσθαι δὲ τῷ παιδὶ τοῦ Τελαμῶνος δεύτερον τοῦτο ὑπὲρ τῶν αὐτῶν ἡττηθέντι. κατεῖχε δὲ καὶ σκίπωνα χρυσᾶς ἕλικας ἔχοντα περιερπούσας, χρυσοῖς τε ἀνασπάστοις ἐπέσφιγγε τοὺς ἀναγωγέας τῶν βλαυτῶν. φασὶ δὲ αὐτὸν μήτε ἄκοντα μήτε ἐπιπόνως τὰ ἐν τῇ τέχνῃ χειρουργεῖν, πάνυ δὲ εὐθύμως καὶ ῥᾳδίως· καὶ γὰρ καὶ ᾖδε καὶ ὑποκινυρόμενος τὸν κάματον τὸν ἐκ τῆς ἐπιστήμης ἐπειρᾶτο. ἐπελαφρύνειν. λέγει δὲ ταῦτα Θεόφραστος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> ὅτι Ῥωμαῖοι Ἀλκαῖον καὶ Φιλίσκον τοὺς Ἐπικουρείους ἐξέβαλον τῆς πόλεως, ὅτι πολλῶν καὶ ἀτόπων ἡδονῶν ἐσηγηταὶ τοῖς νέοις ἐγένοντο. καὶ Μεσσήνιοι δὲ ἐξέωσαν τοὺς Ἐπικουρείους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> Διονύσιον τὸν Ἡρακλεώτην, Κλεάρχου τοῦ τυράννου υἱόν, ἀκούω ἐκ τῆς καθʼ ἡμέραν ἀδηφαγίας καὶ τρυφῆς λαθεῖν ἑαυτὸν ὑπερσαρκήσαντα καὶ καταπιανθέντα. τὰ ἐπίχειρα γοῦν τοῦ κατὰ τὸ σῶμα μεγέθους καὶ τοῦ περὶ τὰς σάρκας ὄγκου ἐκαρπώσατο δύσπνοιαν. φάρμακον οὖν αὐτῷ τοῦδε τοῦ πάθους <pb xml:id="p.100"/> συνέταξάν φασιν οἱ ἰατροὶ βελόνας λεπτὰς κατασκευάσαι μηκίστας εἶτα ταύτας διὰ τῶν πλευρῶν καὶ τῆς κοιλίας διωθεῖν, ὅταν ἐς ὕπνον τύχῃ βαθύτερον ἐμπεσών. ἦν δὲ ἄρα τοῦτο ἐπιμελὲς ἐκείνοις δρᾶν, ἔστε ὅλη διὰ τῆς πεπωρωμένης καὶ τρόπον τινὰ ἀλλοτρίας αὐτοῦ σαρκὸς διεῖρπεν ἡ βελόνη· ἀλλʼ ἐκεῖνός γε ἔκειτο λίθου διαφέρων οὐδέν. εἰ δὲ ἀφίκετο τὸ βέλος ἔνθα λοιπὸν ἦν αὐτῷ τὸ σῶμα ἐρρωμένον καὶ ῖδιον, ἀλλʼ οὐκ ἐκ τῆς ἄγαν πιμελῆς ἀλλότριον, τηνικαῦτα καὶ ἐκεῖνος ᾐσθάνετο, καὶ ἠγείρετο ἐκ τοῦ ὕπνου. τοὺς δὲ χρηματισμοὺς ἐποιεῖτο τοῖς βουλομένοις αὐτῷ προσιέναι, κιβωτὸν τοῦ σώματος προβαλλόμενος. οἵ δὲ οὐ κιβωτόν φασιν ἀλλὰ πυργίσκον, ἵνα τὰ μὲν λοιπὰ αὐτοῦ μέρη ἀποκρύπτοιτο, τὸ δὲ πρόσωπον μόνον ὑπερέχων διαλέγοιτο, πονηράν, ὦ θεοί, ταύτην ἐκεῖνος τὴν στολὴν περιαμπεχόμενος, καὶ θηρίου φρουρὰν μᾶλλον ἢ ἀνθρώπου ἐσθῆτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> Φιλητᾶν λέγουσι τὸν Κῷον λεπτότατον γενέσθαι τὸ σῶμα. ἐπεὶ τοίνυν ἀνατραπῆναι ῥᾴδιος ἦν ἐκ πάσης προφάσεως, μολίβδου φασὶ πεποιημένα εἶχεν ἐν τοῖς ὑποδήμασι πέλματα, ἵνα μὴ ἀνατρέπηται ὑπὸ τῶν ἀνέμων, εἴ ποτε σκληροὶ κατέπνεον. εἰ δὲ ἦν οὕτως ἀδύνατος, ὥστε μὴ ἀντέχειν πνεύματι, πῶς οἷός τε ἦν τοσοῦτον φορτίον ἐπάγεσθαι; ἐμὲ μὲν οὖν τὸ λεχθὲν οὐ πείθει· ὃ δὲ ἔγνων ὑπὲρ τοῦ ἀνδρός, τοῦτο εἶπον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> ὅτι ποιητικῆς ἁπάσης Ἀργεῖοι τὰ πρῶτα Ὁμήρῳ ἔδωκαν, δευτέρους δὲ αὐτοῦ ἔταττον πάντας. ποιοῦντες δὲ θυσίαν, ἐπὶ ξένια ἐκάλουν τὸν Ἀπόλλωνα καὶ Ὅμηρον. λέγεται δὲ κἀκεῖνο πρὸς τούτοις, ὅτι ἄρα ἀπορῶν ἐκδοῦναι τὴν θυγατέρα, ἔδωκεν αὐτῇ προῖκα ἔχειν τὰ ἔπη τὰ Κύπρια. καὶ ὁμολογεῖ τοῦτο Πίνδαρος. <pb xml:id="p.101"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> τὴν Ἰταλίαν ᾤκησαν πρῶτοι Αὔσονες αὐτόχθονες. πρεσβύτατον δὲ γενέσθαι Μάρην τινὰ καλούμενον, οὗ τὰ μὲν ἔμπροσθεν λέγουσιν ἀνθρώπῳ ὅμοια, τὰ κατόπισθεν δὲ ἵππῳ· αὐτὸ δὲ τοὔνομα εἰς τὴν Ἑλλάδα φασὶν ἱππομιγὴς δύναται. δοκεῖ δέ μοι πρῶτος ἵππον ἀναβῆναι καὶ ἐμβαλεῖν αὐτῷ χαλινόν, εἶτα ἐκ τούτου διφυὴς πιστευθῆναι. μυθολογοῦσι δὲ αὐτὸν καὶ βιῶναι ἔτη τρία καὶ εἴκοσι καὶ ἑκατόν, καὶ ὅτι τρὶς ἀποθανὼν ἀνεβίω τρίς· ἐμοὶ δὲ οὐ πιστὰ δοκοῦσιν. ὅτι τὴν Ἰταλίαν φασὶν οἰκῆσαι ἔθνη πάμπολλα καὶ ὅσα οὐκ ἄλλην γῆν. τὸ δὲ αἴτιον, διὰ τὴν τῶν ὡρῶν εὐκρασίαν καὶ τὴν τῆς χώρας ἀρετὴν καὶ τὸ ἔνυδρον αὐτῆς καὶ τὸ πάμφορον καὶ τὸ εὔβοτον καὶ ὅτι ποταμοῖς ἐστι κατάρρυτος καὶ ὅτι θάλαττα ἀγαθὴ παράκειται αὐτῇ ὅρμοις πανταχόθεν διειλημμένη καὶ καταγωγαῖς ἀφθόνοις καὶ κατάρσεσιν. ἀλλὰ καὶ τὸ τῶν οἰκητόρων ἥμερον καὶ πρᾶον ἐπῆρε πολλοὺς ἐς τὴν μετοίκησιν. καὶ ὅτι πόλεις ᾤκησαν τὴν Ἰταλίαν πάλαι ἑπτὰ καὶ ἐνενήκοντα καὶ ἑκατὸν πρὸς ταῖς χιλίαις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> κουφότητα ἔοικε κατηγορεῖν οὗτος ὁ λόγος ὁ λέγων περὶ Δημοσθένους ὅτι ἄρα τύφου αὐτὸν ὑπεπλήρουν καὶ οἱ ὑδροφοροῦντες, εἴ ποτε παριόντος αὐτοῦ ὑπέρ αὐτοῦ τι ψιθυρίσαιεν. ὃς γὰρ καὶ ὑπʼ ἐκείνων ἐκουφίζετο καὶ ἐπαιρόμενος ἦν δῆλος, τίς ἦν, εἴ ποτε ὑπὸ τῆς ἐκκλησίας ἐκροτήθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> Θεμιστοκλῆς ὁ Νεοκλέους ἑαυτὸν εἴκαζε ταῖς δρυσί, λέγων ὅτι καὶ ἐκείνας ὑπέρχονται οἱ ἄνθρωποι, καὶ δέονται αὐτῶν, εἰ ὕοι, στέγην τὴν ἐκ τῶν κλάδων ποθοῦντες· ὅταν δὲ οὔσης εὐδίας παρίωσι, τίλλουσιν αὐτὰς καὶ περικλῶσιν. καὶ αὐτὸς οὖν ἔλεγεν ὑπὸ τοῦ δήμου τὰ αὐτὰ πάσχειν. <pb xml:id="p.102"/> Ὁ δὲ αὐτὸς ἔλεγεν, εἴ μοί τις ὁδοὺς δύο δείξειε, τὴν μὲν ἐς ᾅδου φέρουσαν, τὴν δὲ ἐπὶ τὸ βῆμα, ἥδιον ἂν τὴν ἑτέραν ἦλθον τὴν εὐθὺ τοῦ ᾅδου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> ἠρίστα ποτὲ Διογένης ἐν καπηλείῳ, εἶτα παριόντα Δημοσθένη ἐκάλει. τοῦ δὲ μὴ ὑπακούσαντος ʽ αἰσχύνᾐ ἔφη, Δ̔ημόσθενες, παρελθεῖν ἐς καπηλεῖον; καὶ μὴν ὁ κύριός σου καθʼ ἑκάστην ἡμέραν ἐνθάδε ἔσεισι,ʼ τοὺς δημότας λέγων καὶ τοὺς καθʼ ἕνα· δηλῶν ὅτι οἱ δημηγόροι καὶ οἱ ῥήτορες δοῦλοι τοῦ πλήθους εἰσί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> πλέων Ἀρίστιππος χειμῶνος ἐπιγενομένου πάνυ σφόδρα ἐταράττετο. ἔφη δέ τις τῶν συμπλεόντων ʽὦ Ἀρίστιππε, καὶ σὺ δέδοικας, ὡς οἱ πολλοί;ʼ ὃ δὲ ʽκαὶ μάλα γε εἰκότως· ὑμῖν μὲν γὰρ περὶ κακοδαίμονός ἐστι βίου ἡ σπουδὴ καὶ ὁ νῦν κίνδυνος, ἐμοὶ δὲ περὶ εὐδαίμονος.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> Θηραμένης ἔτυχεν ἐν οἰκίᾳ τινὶ διατρίβων, εἶτα ἐπεὶ προῆλθεν αὐτῆς, παραχρῆμα ἐκείνη κατηνέχθη. οἱ μὲν οὖν Ἀθηναῖοι ἄλλοι ἀλλαχόθεν αὐτῷ περιφύντες συνήδοντο ἐπὶ τῇ σωτηρίᾳ τῇ παραδόξῳ, ὃ δὲ παρὰ τὴν πάντων ἐλπίδα ἀπεκρίνατο ʽὦ Ζεῦ, ἐς τίνα με καιρὸν φυλάττεις;ʼ καὶ μετʼ οὐ πολὺν χρόνον ὑπὸ τῶν τριάκοντα ἀνῃρέθη, πιεῖν κώνειον κατακριθείς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> λέγουσι τοὺς Πυθαγορείους πάνυ σφόδρα περὶ τὴν ἰατρικὴν σπουδάσαι τέχνην. καὶ Πλάτων δὲ φροντίδα ἐς αὐτὴν ἔσχε πλείστην καὶ Ἀριστοτέλης ὁ Νικομάχου καὶ ἄλλοι πολλοί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> Ἀριστοτέλης ἐνόσει ποτέ. προσέταξε δὲ αὐτῷ ὑ ἰατρὸς πρόσταγμά τι. καὶ ἐκεῖνος ʽμήτε ὡς βοηλάτην μἐ ἔφη ʽθεράπευε μήτε ὡς σκαπανέα, ἀλλὰ διδάξας πρότερον τὴν αἰτίαν, οὕτως ἕξεις ἕτοιμον πρὸς τὸ πείθεσθαι,ʼ διδάσκων ἐκ τούτων μηδὲν χωρὶς αἰτίας προσφέρειν. <pb xml:id="p.103"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> Σμινδυρίδης ὁ Συβαρίτης ἐς τοσοῦτον τρυφῆς ἐξώκειλε ʽκαὶ γάρ τοι Συβαρίταις πᾶσιν ἔργον ἦν τρυφᾶν καὶ τῷ βίῳ διαρρεῖν, ὁ δὲ Σμινδυρίδης καὶ πλέονʼ· φύλλοις ῥόδων γοῦν ἐπαναπεσὼν καὶ κοιμηθεὶς ἐπʼ αὐτῶν αὐτῶν ἐξανέστη λέγων φλυκταίνας ἐκ τῆς εὐνῆς ἔχειν. σχολῇ γʼ ἂν οὗτος ἐπὶ χαμεύνης κατεκλίθη ἢ στιβάδος ἢ πόας ἐν προσάντει πεφυκυίας ἢ ταύρου δορᾶς, ὡς ὁ Διομήδης, πρεπούσης στρατιώτῃ σκληρῷ καὶ γενναίῳ. <quote rend="blockquote"> <lb/>ὑπὸ δʼ ἔστρωτο ῥινὸν βοὸς ἀγραύλοιο. </quote> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> Πεισίστρατος ὅτε τῆς ἀρχῆς ἐγκρατὴς ἐγένετο, μετεπέμπετο τοὺς ἐν ταῖς ἀγοραῖς ἀποσχολάζοντας, καὶ ἐπυνθάνετο τί δή ποτε εἴη τὸ αἴτιον τοῦ ἀλύειν αὐτούς. καὶ ἐπέλεγεν ʽεἰ μέν σοι τέθνηκε ζεῦγος, παρʼ ἐμοῦ λαβὼν ἄπιθι καὶ ἐργάζου· εἰ δὲ ἀπορεῖς σπερμάτων, παρʼ ἐμοῦ σοι γενέσθω,ʼ δεδιὼς μὴ ἡ σχολὴ τούτων ἐπιβουλὴν τέκῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Ζήνωνα τὸν Κιτιέα διʼ αἰδοῦς ἄγαν καὶ σπουδῆς ἦγεν Ἀντίγονος ὁ βασιλεύς. καί ποτε οὖν ὑπερπλησθεὶς οἴνου ἐπεκώμασε τῷ Ζήνωνι, καὶ φιλῶν αὐτὸν καὶ περιβάλλων ἅτε ἔξοινος ὢν ἠξίου τι αὐτὸν προστάξαι, ὀμνὺς καὶ νεανιευόμενος σὺν ὅρκῳ μὴ ἀτυχήσειν τῆς αἰτήσεως. ὃ δὲ λέγει αὐτῷ ʽπορευθεὶς ἔμεσον,ʼ σεμνῶς ἅμα καὶ μεγαλοφρόνως τὴν μέθην ἐλέγξας καὶ φεισάμενος αὐτοῦ, μήποτε διαρραγῇ ὑπὸ πλησμονῆς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> ἀνδρὶ Λακωνικῷ μὲν χωριτικῷ δὲ ἐπέπληξέ τις πενθοῦντι πάνυ σφόδρα ἐκθύμως. ὃ δὲ ἀπλάστως ἀπεκρίνατο ʽτί πάθω;ʼ φησίν ʽοὐ γὰρ ἐγὼ αἴτιος τούτου, ἁ φύσις δέ μου ῥεῖ.ʼ <pb xml:id="p.104"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> ἐπῄνει Σπαρτιάτης τὸ ἔπος Ἡσιόδου τὸ λέγον <quote rend="blockquote"> <lb/>οὐδʼ ἂν βοῦς ἀπόλοιτʼ, εἰ μὴ γείτων κακὸς εἴη, </quote> ἀκούοντος Διογένους· ὃ δὲ εἶπε ʽκαὶ μὴν Μεσσήνιοι καὶ οἱ βόες αὐτῶν ἀπολώλασι, καὶ ὑμεῖς αὐτῶν ἐστε οἱ γείτονες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> τῆς νυκτὸς ἤδη προηκούσης ἐπάνεισί ποτε ἀπὸ δείπνου Σωκράτης. νεανίσκοι γοῦν ἀκόλαστοι προμαθόντες ἐνελόχησαν ἐπανιόντα, δᾷδας ἔχοντες ἡμμένας καὶ Ἐριννύων πρόσωπα. ἔθος δὲ ἦν αὐτοῖς καὶ ἄλλοις προσπαίζειν διὰ τὴν σχολὴν τὴν ἐπὶ τὰ χείρω. οὓς ἰδὼν ὁ Σωκράτης οὐ διεταράχθη, ἀλλʼ ἐπιστὰς ἠρώτα οἷα καὶ τοὺς ἄλλους ἢ ἐν Λυκείῳ ἢ ἐν Ἀκαδημείᾳ. <milestone unit="para"/>ἑορτῆς οὔσης παρὰ τοῖς Ἀθηναίοις ἐφιλοτιμήσατο Ἀλκιβιάδης δῶρα πολλὰ πέμψαι τῷ Σωκράτει. τῆς οὖν Ξανθίππης καταπλαγείσης καὶ τὸν Σωκράτην λαβεῖν αὐτὰ ἀξιούσης, ὃ δὲ ἔφη ʽἀλλὰ καὶ ἡμεῖς τῇ φιλοτιμίᾳ τῇ τοῦ Ἀλκιβιάδου παραταξώμεθα μὴ λαβεῖν τὰ πεμφθέντα ἀντιφιλοτιμησάμενοι.ʼ ἐπεὶ δέ τις ἔφη πρὸς αὐτὸν ὅτι μέγα ἐστὶν ὧν ἐπιθυμεῖ τις τούτων τυχεῖν, ὃ δὲ ʽἀλλὰ μεῖζόν ἐστι τὸ μηδὲ ἐπιθυμεῖν τὴν ἀρχήν.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Ἀνάξαρχος ὅτε σὺν Ἀλεξάνδρῳ ἐστρατεύετο, χειμῶνος ἐπιγενομένου προμαθὼν ὅτι μέλλει ὁ Ἀλέξανδρος ἐν ἀξύλῳ ποιεῖσθαι χωρίῳ τὴν στρατοπεδείαν, ὅσα εἶχε σκεύη, ταῦτα ἐκρίψας, τοῖς σκευοφόροις ἐπέθηκε ξύλα. ἐπεὶ δὲ ἐς τὸν σταθμὸν ἀφίκοντο, καὶ ἐνέδει ξύλων, Ἀλεξάνδρου μὲν αἱ κλῖναι κατεκάοντο, ἵνα ἑαυτὸν ἀλεᾶναι δυνηθῇ· ἐπεὶ δέ τις παρὰ Ἀναξάρχῳ πῦρ εἶναι ἤγγειλεν, ἀφίκετο παρʼ αὐτὸν καὶ ἠλείψατο ἐν τῇ σκηνῇ τοῦ Ἀναξάρχου. καὶ πυθόμενος <pb xml:id="p.105"/> τὴν προμήθειαν ὑπερεπῄνεσε, καὶ ὧν ἐξέρριψε διπλάσιον ἔδωκε ὑπὲρ τῆς τοῦ πυρὸς χρείας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> ἀθλητὴς Κροτωνιάτης Ὀλυμπιονίκης ἀπιὼν πρὸς τοὺς Ἑλλανοδίκας, ἵνα λάβῃ τὸν στέφανον, ἐπίληπτος γενόμενος ἀπέθανε κατενεχθεὶς μετὰ πτώματος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> Φρύνην τὴν ἑταίραν ἐν Δελφοῖς ἀνέστησαν οἱ Ἕλληνες ἐπὶ κίονος εὖ μάλα ὑψηλοῦ. οὐκ ἐρῶ δὲ ἁπλῶς τοὺς Ἕλληνας, ὡς ἂν μὴ δοκοίην διʼ αἰτίας ἄγειν πάντας, οὓς φιλῶ πάντων μάλιστα, ἀλλὰ τοὺς τῶν Ἑλλήνων ἀκρατεστέρους. τὸ δὲ ἄγαλμα χρυσοῦν ἦν. καὶ αἱ Κίμωνος δὲ ἵπποι χαλκαῖ καὶ αὗται Ἀθήνησιν εἰκασμέναι ὅτι μάλιστα ταῖς Κίμωνος ἵπποις εἱστήκεσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> μειράκιον Ἐρετρικὸν προσεφοίτησε Ζήνωνι πλείονος χρόνου, ἔστʼ ἐς ἄνδρας ἀφίκετο. ὕστερον οὖν ἐς τὴν Ἐρετρίαν ἐπανῆλθε, καὶ αὐτὸν ὁ πατὴρ ἤρετο ὅ τι ἄρα μάθοι σοφὸν ἐν τῇ τοσαύτῃ διατριβῇ τοῦ χρόνου. ὃ δὲ δείξειν ἔφη, καὶ οὐκ ἐς μακρὰν ἔδρασε τοῦτο. χαλεπήναντος γὰρ αὐτῷ τοῦ πατρὸς καὶ τέλος πληγὰς ἐντείναντος, ὃ δὲ τὴν ἡσυχίαν ἀγαγὼν καὶ ἐγκαρτερήσας τοῦτο ἔφη μεμαθηκέναι, φέρειν ὀργὴν πατέρων καὶ μὴ ἀγανακτεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> Διογένης ἐς Ὀλυμπίαν ἐλθὼν καὶ θεασάμενος ἐν τῇ πανηγύρει Ῥοδιακούς τινας νεανίσκους πολυτελῶς ἠσθημένους, γελάσας ʽτῦφοσʼ ἔφη ʽτοῦτό ἐστιν.ʼ εἶτα περιτυχὼν Λακεδαιμονίοις ἐν ἐξωμίσι φαύλαις καὶ ῥυπώσαις ʽἄλλοσʼ εἶπεν ʽοὗτος τῦφος.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="35"> 
+<p rend="align(indent)"> ὁ δὲ Σωκράτης ἰδὼν τὸν Ἀντισθένη τὸ διερρωγὸς τοῦ ἱματίου μέρος ἀεὶ ποιοῦντα φανερὸν, ʽοὐ παύσᾐ ἔφη ʽἐγκαλλωπιζόμενος ἡμῖν;ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="36"> 
+<p rend="align(indent)"> ψάλτης Ἀντιγόνῳ ἐπεδείκνυτο. τοῦ δὲ πολλάκις λέγοντος ʽτὴν νήτην ἐπίσφιγξον,ʼ εἶτα πάλιν ʽτὴν <pb xml:id="p.106"/> μέσην,ʼ ὃ δὲ ἀγανακτήσας ἔφη ʽμὴ γένοιτό σοι οὕτω κακῶς, ὦ βασιλεῦ, ὡς ἐμοῦ ταῦτα ἀκριβοῦν μᾶλλον.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="37"> 
+<p rend="align(indent)"> Ἀνάξαρχος ὁ ἐπικληθεὶς Εὐδαιμονικὸς κατεγέλα Ἀλεξάνδρου ἑαυτὸν ἐκθεοῦντος. ἐπεὶ δὲ ἐνόσησέ ποτε Ἀλέξανδρος, εἶτα προσέταξεν αὐτῷ ὁ ἰατρὸς ῥόφημα σκευασθῆναι, γελάσας ὁ Ἀνάξαρχος ʽτοῦ μέντοι θεοῦ ἡμῶνʼ εἶπεν ʽἐν τρυβλίῳ αἱ ἐλπίδες κεῖνται.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="38"> 
+<p rend="align(indent)"> ὁ μὲν Ἀλέξανδρος ἐς τὴν Ἴλιον ἦλθεν. ἀνασκοποῦντι δὲ αὐτῷ φιλοπόνως τῶν τις Τρώων προσελθὼν τὴν λύραν ἐδείκνυεν Ἀλεξάνδρου. ὃ δὲ ἔφη ʽπροτιμησαίμην ἂν μᾶλλον ἰδεῖν τὴν Ἀχιλλέως.ʼ ὑπέρευγε τοῦτο Ἀλέξανδρος· ἐπόθει γὰρ κτῆμα ἀγαθοῦ στρατιώτου, ᾧ συνῇδεν ἐκεῖνος τὰ τῶν ἀγαθῶν ἀνδρῶν κλέα. τοῦ δὲ Πάριδος τί ἄρα ᾖσεν ἡ λύρα, εἰ μὴ μέλη μοιχικὰ καὶ οἷα αἱρεῖν γυναῖκας καὶ θέλγειν; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="39"> 
+<p rend="align(indent)"> πῶς δὲ οὐκ ἂν φαίη τις γελοίους ἅμα καὶ παραδόξους τούσδε τοὺς ἔρωτας; τὸν μὲν Ξέρξου, ὅτι πλατάνου ἠράσθη. νεανίσκος δὲ Ἀθήνησι τῶν εὖ γεγονότων πρὸς τῷ πρυτανείῳ ἀνδριάντος ἑστῶτος τῆς Ἀγαθῆς Τύχης θερμότατα ἠράσθη. κατεφίλει γοῦν τὸν ἀνδριάντα περιβάλλων, εἶτα ἐκμανεὶς καὶ οἰστρηθεὶς ὑπὸ τοῦ πόθου, παρελθὼν ἐς τὴν βουλὴν καὶ λιτανεύσας ἕτοιμος ἦν πλείστων χρημάτων τὸ ἄγαλμα πρίασθαι. ἐπεὶ δὲ οὐκ ἔπειθεν, ἀναδήσας πολλαῖς ταινίαις καὶ στεφανώσας τὸ ἄγαλμα καὶ θύσας καὶ κόσμον αὐτῷ περιβαλὼν πολυτελῆ εἶτα ἑαυτὸν ἀπέκτεινε, μυρία προκλαύσας. Γλαύκης δὲ τῆς κιθαρῳδοῦ οἳ μέν φασιν ἐρασθῆναι κύνα, οἳ δὲ κριόν, οἳ δὲ χῆνα. καὶ ἐν Σόλοις δὲ τῆς Κιλικίας παιδὸς Ξενοφῶντος ἠράσθη κύων, ἄλλου δὲ ὡραίου μειρακίου ἐν Σπάρτῃ κολοιός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="40"> 
+<p rend="align(indent)"> ὅτι Καρχηδόνιοι δύο κυβερνήτας ἐσῆγον ἐς τὴν <pb xml:id="p.107"/> ναῦν, ἄτοπον λέγοντες εἶναι δύο μὲν πηδάλια ἔχειν, τὸν δὲ λυσιτελέστατον τοῖς ἐμπλέουσι καὶ τὴν ἀρχὴν ἔχοντα τῆς νεὼς ἔρημον εἶναι καὶ μόνον διαδόχου καὶ κοινωνοῦ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="41"> 
+<p rend="align(indent)"> ἔν τινί φασι συνδείπνῳ παρῆν Σιμωνίδης ὁ Κεῖος καὶ Παυσανίας ὁ Λακεδαιμόνιος. προσέταξεν οὖν ὁ Παυσανίας τῷ Σιμωνίδῃ σοφόν τι εἰπεῖν, ὃ δὲ γελάσας ὁ Κεῖος ʽμέμνησὀ εἶπεν ʽἄνθρωπος ὤν.ʼ τοῦτο παραχρῆμα μὲν ἐξεφαύλισε Παυσανίας καὶ παρʼ οὐδὲν ἔθετο, ὑποτυφόμενος ἤδη ἐς τὸν τοῦ μηδίζειν ἔρωτα, καὶ μεγαλοφρονῶν ἐπὶ τῇ πρὸς βασιλέα ξενίᾳ, ἴσως δὲ καὶ ὑπὸ τοῦ οἴνου παραφερόμενος. ἐπεὶ δὲ ἦν πρὸς τῇ Χαλκιοίκῳ, καὶ διεπάλαιε τῷ λιμῷ καὶ ἔμελλεν ἀποθνήσκειν ἀνθρώπων ἀλγεινότατα, ἀλλὰ τηνικαῦτα ἐμνήσθη τοῦ Σιμωνίδου καὶ ἐξεβόησεν ἐς τρὶς ʽὦ ξένε Κεῖε, μέγα τι ἄρα χρῆμα ἦν ὁ λόγος σου, ἐγὼ δὲ ὑπʼ ἀνοίας οὐδὲν αὐτὸν ᾤμην εἶναι.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="42"> 
+<p rend="align(indent)"> Ἀρταξέρξου ἀποκτείναντος τὸν πρεσβύτερον υἱὸν Δαρεῖον ἐπιβουλεύοντα, ὁ δεύτερος ἀξιοῦντος τοῦ πατρὸς σπασάμενος τὸν ἀκινάκην ἑαυτὸν πρὸ τῶν βασιλείων ἀπέκτεινεν.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="10"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> Φερενίκη τὸν υἱὸν ἦγεν ἐς Ὀλύμπια ἀθλεῖν. κωλυόντων δὲ αὐτὴν τῶν Ἑλλανοδικῶν τὸν ἀγῶνα θεάσασθαι, παρελθοῦσα ἐδικαιολογήσατο πατέρα μὲν Ὀλυμπιονίκην ἔχειν καὶ τρεῖς ἀδελφοὺς καὶ αὐτὴ παῖδα Ὀλυμπίων ἀγωνιστήν· καὶ ἐξενίκησε τὸν δῆμον <pb xml:id="p.108"/> καὶ τὸν εἴργοντα νόμον τῆς θέας τὰς γυναῖκας, καὶ ἐθεάσατο Ὀλύμπια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Εὐβώταν τὸν Κυρηναῖον ἰδοῦσα Λαῒς ἠράσθη αὐτοῦ θερμότατα, καὶ περὶ γάμου λόγους προσήνεγκεν. ὃ δὲ φοβηθεὶς τὴν ἐξ αὐτῆς ἐπιβουλὴν ὑπέσχετο ταῦτα δράσειν· οὐ μὴν ὡμίλησεν αὐτῇ ὁ Εὐβώτας, σωφρόνως διαβιώσας. ἡ δὲ ὑπόσχεσις αὐτοῦ μετὰ τὴν ἀγωνίαν ἦν. νικήσας οὖν ἵνα μὴ δόξῃ διαφθεῖραι τὰς ὁμολογίας τὰς πρὸς τὴν ἄνθρωπον, εἰκόνα γραψάμενος τῆς Λαΐδος ἐς τὴν Κυρήνην ἐκόμισε, λέγων ἄγειν Λαΐδα καὶ μὴ παραβῆναι τὰς συνθήκας. ἀνθʼ ὧν ἡ γυνὴ ἡ νόμῳ γημαμένη αὐτῷ παμμέγιστον ἀνδριάντα ἐν Κυρήνῃ ἀνέστησεν, αὐτὸν ἀμειβομένη τῆς σωφροσύνης. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> τὰ τῶν περδίκων νεόττια ἐπειδὰν τάχιστα τοὺς πόδας ἔξω ποιήσῃ τοῦ λέμματος, ἐντεῦθεν ἤδη δρομικώτατά ἐστι. τὰ δὲ τῶν νηττῶν νεόττια παραχρῆμα ἐξ ὠδίνων νήχεται. καὶ οἱ τῶν λεόντων δὲ σκύμνοι καταγράφουσι τοῖς ὄνυξι τὰς μήτρας τῶν μητέρων πρὸς φῶς ἐπειγόμενοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> Ἀλέξανδρος ὁ Φιλίππου τρὶς τετρακόσια στάδια ἐφεξῆς μεθʼ ὅπλων ὁδοιπορήσας, συμβαλὼν τοῖς πολεμίοις, πρὶν ἀναπαῦσαι τὸ στρατόπεδον, ἐκράτησε τῶν ἐχθρῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> Φρύγιος οὗτος ὁ λόγος· ἔστι γὰρ Αἰσώπου τοῦ Φρυγός. ὁ δὲ λόγος φησὶ τὴν ὗν ἐὰν αὐτῆς τις ἅψηται, βοᾶν καὶ μάλα γε εἰκότως· οὔτε γὰρ ἔρια ἔχει ὗς οὔτε γάλα οὔτε ἄλλο τι πλὴν τῶν κρεῶν. παραχρῆμα οὖν ὀνειροπολεῖν τὸν θάνατον, εἰδυῖαν ἐς ὅ τι τοῖς χρησομένοις αὐτῇ πέφυκε λυσιτελὴς εἶναι. ἐοίκασι δὲ τῇ ὑὶ τῇ Αἰσώπου οἱ τύραννοι ὑποπτεύοντες <pb xml:id="p.109"/> καὶ δεδοικότες πάντα· ἴσασι γὰρ ὅτι ὥσπερ οὖν αἱ ὗς ὀφείλουσι καὶ ἐκεῖνοι τὴν ψυχὴν πᾶσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> Ἐκωμῳδοῦντο ἐς λεπτότητα Σαννυρίων ὁ κωμῳδίας ποιητὴς καὶ Μέλητος ὁ τραγῳδίας ποιητὴς καὶ Κινησίας κυκλίων χορῶν καὶ Φιλητᾶς ποιητὴς ἑξαμέτρων. Ἀρχέστρατος δὲ ὁ μάντις ὑπὸ πολεμίων ἁλοὺς καὶ ἐπὶ ζυγὸν ἀναβληθεὶς ὀβολοῦ ὁλκὴν εὑρέθη ἔχων, ὥς φασι. καὶ Πανάρετος δὲ λεπτότατος ἦν· διετέλεσε μέντοι ἄνοσος. λέγουσι δὲ καὶ Ἱππώνακτα τὸν ποιητὴν οὐ μόνον γενέσθαι μικρὸν τὸ σῶμα ἀλλὰ καὶ λεπτόν. ἀλλὰ καὶ Φιλιππίδης, καθʼ οὗ λόγος ἐστὶν Ὑπερίδῃ, λεπτότατος ἦν. ὅθεν καὶ τὸ πάνυ κατισχνῶσθαι τὸ σῶμα πεφιλιππιδῶσθαί φασιν ἔλεγον. μάρτυς Ἄλεξις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> Οἰνοπίδης ὁ Χῖος ἀστρολόγος ἀνέθηκεν ἐν Ὀλυμπίοις τὸ χαλκοῦν γραμματεῖον, ἐγγράψας ἐν αὐτῷ τὴν ἀστρολογίαν τῶν ἑνὸς δεόντων ἑξήκοντα ἐτῶν, φήσας τὸν μέγαν ἐνιαυτὸν εἶναι τοῦτον. ὅτι Μέτων ὁ Λευκονοιεὺς ἀστρολόγος ἀνέστησε στήλας, καὶ τὰς τοῦ ἡλίου τροπὰς κατεγράψατο, καὶ τὸν μέγαν ἐνιαυτὸν ὡς ἔλεγεν εὗρε, καὶ ἔφατο αὐτὸν ἑνὸς δέοντα εἴκοσιν ἐτῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Ἀριστοτέλης ὁ Κυρηναῖος ἔλεγε μὴ δεῖν εὐεργεσίαν παρά τινος προσίεσθαι· ἢ γὰρ ἀποδιδόναι πειρώμενον πράγματα ἂν ἔχειν ἢ μὴ ἀποδιδόντα ἀχάριστον φαίνεσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Φιλόξενος λίχνος ἦν καὶ γαστρὸς ἥττων. λοπάδος οὖν ποτε ἑψομένης ἐν καπηλείῳ τέως μὲν εὐφραίνετο καὶ ἑαυτὸν εἱστία τῇ ὀσμῇ· ἐπεὶ δὲ αὐτῷ ἐπετείνετο ἡ ὄρεξις καὶ ἡττᾶτο τῆς φύσεως ʽκακῆς γε οὔσης, ὦ θεοίʼ, τηνικαῦτα οὐκ ἐνεγκὼν προσέταξε τὸν παῖδα πρίασθαι τὴν λοπάδα. ἐπεὶ δὲ ἔφατο πωλεῖν αὐτὴν <pb xml:id="p.110"/> τὸν κάπηλον πολλοῦ, ʽταύτῃ μᾶλλον ἡδίων ἔσταἰ φησίν, ʽεἰ πλείονος αὐτὴν ὠνήσομαι.ʼ χρὴ δὲ καὶ τῶν τοιούτων μνημονεύειν, οὐκ ἐς ζῆλον αὐτῶν, ἀλλʼ ὥστε φεύγειν αὐτά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> ὅτε ὑπήρχετο ἡ γραφικὴ τέχνη καὶ ἦν τρόπον τινὰ ἐν γάλαξι καὶ σπαργάνοις, οὕτως ἄρα ἀτέχνως εἴκαζον τὰ ζῷα, ὥστε ἐπιγράφειν αὐτοῖς τοὺς γραφέας ʽτοῦτο βοῦς, ἐκεῖνο ἵππος, τοῦτο δένδρον.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> ἤλγει τὸν ὦμον Διογένης ἢ τρωθεὶς οἶμαι ἢ ἐξ ἄλλης τινὸς αἰτίας. ἐπεὶ δὲ ἐδόκει σφόδρα ἀλγεῖν, τῶν τις ἀχθομένων αὐτῷ κατεκερτόμει λέγων ʽτί οὖν οὐκ ἀποθνήσκεις, ὦ Διόγενες, καὶ σαυτὸν ἀπαλλάττεις κακῶν;ʼ ὃ δὲ εἶπε ʽτοὺς εἰδότας ἃ δεῖ πράττειν ἐν τῷ βίῳ καὶ ἃ δεῖ λέγειν, τούτους γε ζῆν προσήκει,ʼ ὧν καὶ αὐτὸς ὡμολόγει εἶναι. ʽσοὶ μὲν οὖνʼ ἔφη ʽοὐκ εἰδότι τά τε λεκτέα καὶ τὰ πρακτέα ἀποθανεῖν ἐν καλῷ ἐστιν· ἐμὲ δὲ τὸν ἐπιστήμονα ἐκείνων πρέπει ζῆν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> Ἀρχύτας ἔλεγεν ʽὥσπερ ἔργον ἐστὶν εὑρεῖν ἰχθὺν ἄκανθαν μὴ ἔχοντα, οὕτω καὶ ἄνθρωπον μὴ κεκτημένον τι δολερὸν καὶ ἀκανθῶδες. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> αἰτιᾶται Κριτίας Ἀρχίλοχον ὅτι κάκιστα ἑαυτὸν εἶπεν. ʽεἰ γὰρ μἢ φησὶν ʽἐκεῖνος τοιαύτην δόξαν ὑπὲρ ἑαυτοῦ ἐς τοὺς Ἕλληνας ἐξήνεγκεν, οὐκ ἂν ἐπυθόμεθα ἡμεῖς οὔτε ὅτι Ἐνιποῦς υἱὸς ἦν τῆς δούλης, οὔθʼ ὅτι καταλιπὼν Πάρον διὰ πενίαν καὶ ἀπορίαν ἦλθεν ἐς Θάσον, οὔθʼ ὅτι ἐλθὼν τοῖς ἐνταῦθα ἐχθρὸς ἐγένετο, οὔτε μὴν ὅτι ὁμοίως τοὺς φίλους καὶ τοὺς ἐχθροὺς κακῶς ἔλεγε. πρὸς δὲ τούτοισʼ ἦ δʼ ὃς ʽοὔτε ὅτι μοιχὸς ἦν ᾔδειμεν ἂν εἰ μὴ παρʼ αὐτοῦ μαθόντες, οὔτε ὅτι λάγνος καὶ ὑβριστής, καὶ τὸ ἔτι τούτων αἴσχιον, ὅτι τὴν ἀσπίδα ἀπέβαλεν. οὐκ ἀγαθὸς ἄρα ἦν ὁ Ἀρχίλοχος μάρτυς ἑαυτῷ, τοιοῦτον κλέος ἀπολιπὼν <pb xml:id="p.111"/> καὶ τοιαύτην ἑαυτῷ φήμην.ʼ ταῦτα οὐκ ἐγὼ Ἀρχίλοχον αἰτιῶμαι, ἀλλὰ Κριτίας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> Σωκράτης ἔλεγεν ὅτι ἡ ἀργία ἀδελφὴ τῆς ἐλευθερίας ἐστί. καὶ μαρτύριον ἔλεγεν ἀνδρειοτάτους καὶ ἐλευθεριωτάτους Ἰνδοὺς καὶ Πέρσας, ἀμφοτέρους δὲ πρὸς χρηματισμὸν ἀργοτάτους εἶναι· Φρύγας δὲ καὶ Αυδοὺς ἐργαστικωτάτους, δουλεύειν δέ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> τὰς Ἀριστείδου θυγατέρας ἔτι αὐτοῦ περιόντος ἐμνηστεύοντο οἱ τῶν Ἑλλήνων δοκοῦντες διαφέρειν. ἔβλεπον δὲ ἄρα οὐκ ἐς τὸν βίον Ἀριστείδου, οὐδὲ ἐθαύμαζον αὐτοῦ τὴν δικαιοσύνην, ἐπεὶ τούτων γε εἰ ἦσαν ζηλωταί, κἂν μετὰ ταῦτα ἐπέμειναν τῇ μνηστείᾳ. νῦν δὲ ὃ μὲν ἀπέθανεν, οἳ δὲ οὐδὲν ἡγήσαντο εἶναι πρᾶγμα κοινὸν πρὸς τὰς κόρας· ἀποθανὼν γὰρ ἐγνώσθη ὁ παῖς Αυσιμάχου ὅτι πένης ἦν. ὅπερ καὶ ἀνέστειλεν ἐκείνους τοὺς κακοδαίμονας ἐνδόξου τε ἅμα καὶ σεμνοτάτου γάμου, παρʼ ἐμοὶ κριτῇ. παραπλήσιον δὲ καὶ ἐπὶ Λυσάνδρου· μαθόντες γὰρ αὐτὸν εἶναι πένητα, τὸν γάμον ἀπέδρασαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> ἐπεὶ ὁ Ἀντισθένης πολλοὺς προύτρεπεν ἐπὶ φιλοσοφίαν, οἳ δὲ οὐδὲν αὐτῷ προσεῖχον, τέλος ἀγανακτήσας οὐδένα προσίετο. καὶ Διογένην οὖν ἤλαυνεν ἀπὸ τῆς συνουσίας αὑτοῦ. ἐπεὶ δὲ ἦν λιπαρέστερος ὁ Διογένης καὶ ἐνέκειτο, ἐνταῦθα ἤδη καὶ τῇ βακτηρίᾳ καθίξεσθαι αὐτοῦ ἠπείλει· καί ποτε καὶ ἔπαισέ κατὰ τῆς κεφαλῆς. ὃ δὲ οὐκ ἀπηλλάττετο, ἀλλʼ ἔτι μᾶλλον ἐνέκειτο φιλοπόνως, ἀκούειν αὐτοῦ διψῶν, καὶ ἔλεγε ʽσὺ μὲν παῖε, εἰ βούλει, ἐγὼ δὲ ὑποθήσω τὴν κεφαλήν· καὶ οὐκ ἂν οὕτως ἐξεύροις βακτηρίαν σκληράν, ὥστε με ἀπελάσαι τῶν διατριβῶν τῶν σῶν.ʼ ὃ δὲ ὑπερησπάσατο αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> λέγει Κριτίας Θεμιστοκλέα τὸν Νεοκλέους πρὶν <pb xml:id="p.112"/> ἢ ἄρξασθαι πολιτεύεσθαι, τρία τάλαντα ἔχειν τὴν οὐσίαν τὴν πατρῴαν· ἐπεὶ δὲ τῶν κοινῶν προέστη εἶτα ἔφυγε, καὶ ἐδημεύθη αὐτοῦ ἡ οὐσία, κατεφωράθη ἑκατὸν ταλάντων πλείω οὐσίαν ἔχων. ὁμοίως δὲ καὶ Κλέωνα πρὸ τοῦ παρελθεῖν ἐπὶ τὰ κοινὰ μηδὲν τῶν οἰκείων ἐλεύθερον εἶναι· μετὰ δὲ πεντήκοντα ταλάντων τὸν οἶκον ἀπέλιπε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> Δάφνιν τὸν βουκόλον λέγουσιν οἳ μὲν ἐρώμενον Ἑρμοῦ, ἄλλοι δὲ υἱόν· τὸ δὲ ὄνομα ἐκ τοῦ συμβάντος σχεῖν. γενέσθαι μὲν αὐτὸν ἐκ Νύμφης, τεχθέντα δὲ ἐκτεθῆναι ἐν δάφνῃ. τὰς δʼ ὑπʼ αὐτοῦ βουκολουμένας βοῦς φασιν ἀδελφὰς γεγονέναι τῶν Ἡλίου, ὧν Ὅμηρος ἐν Ὀδυσσείᾳ μέμνηται. βουκολῶν δὲ κατὰ τὴν Σικελίαν ὁ Δάφνις, ἠράσθη αὐτοῦ νύμφη μία, καὶ ὡμίλησε καλῷ ὄντι καὶ νέῳ καὶ πρῶτον ὑπηνήτῃ, ἔνθα τοῦ χρόνου ἡ χαριεστάτη ἐστὶν ἥβη τῶν καλῶν μειρακίων, ὥς πού φησι καὶ Ὅμηρος. συνθήκας δὲ ἐποίησε μηδεμιᾷ ἄλλῃ πλησιάσαι αὐτόν, καὶ ἐπηπείλησεν ὅτι πεπρωμένον ἐστὶν αὐτὸν στερηθῆναι τῆς ὄψεως, ἐὰν παραβῇ· καὶ εἶχον ὑπὲρ τούτων ῥήτραν πρὸς ἀλλήλους. χρόνῳ δὲ ὕστερον βασιλέως θυγατρὸς ἐρασθείσης αὐτοῦ οἰνωθεὶς ἔλυσε τὴν ὁμολογίαν, καὶ ἐπλησίασε τῇ κόρῃ. ἐκ δὲ τούτου τὰ βουκολικὰ μέλη πρῶτον ᾔσθη, καὶ εἶχεν ὑπόθεσιν τὸ πάθος τὸ κατὰ τοὺς ὀφθαλμοὺς αὐτοῦ. καὶ Στησίχορόν γε τὸν Ἱμεραῖον τῆς τοιαύτης μελοποιίας ὑπάρξασθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> Εὐρυδάμας ὁ Κυρηναῖος πυγμὴν ἐνίκησεν, ἐκκρουσθεὶς μὲν ὑπὸ τοῦ ἀνταγωνιστοῦ τοὺς ὀδόντας, καταπιὼν δὲ αὐτούς, ἵνα μὴ αἴσθηται ὁ ἀντίπαλος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> ὅτι ὁ Πέρσης ἐπέστειλε πρὸς Ἀγησίλαον, φίλον αὐτὸν ἔχειν. ἀντεπέστειλε δὲ Ἀγησίλαος ὅτι οὐ δυνατὸν φίλον αὐτὸν Ἀγησιλάου ἰδίᾳ εἶναι· εἰ δὲ εἴη <pb xml:id="p.113"/> Λακεδαιμονιοις κοινῇ φίλος, δῆλον ὅτι καὶ αὐτοῦ ἔσται· ἐφʼ ἅπασι γὰρ καὶ ἐκεῖνον ἀριθμεῖσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> ὅτι τὸν Πλάτωνα ἡ Περικτιόνη ἔφερεν ἐν ταῖς ἀγκάλαις· θύοντος δὲ τοῦ Ἀρίστωνος ἐν Ὑμηττῷ ταῖς Μούσαις ἢ ταῖς νύμφαις, οἳ μὲν πρὸς τὴν ἱερουργίαν ἦσαν, ἣ δὲ κατέκλινε Πλάτωνα ἐν ταῖς πλησίον μυρρίναις δασείαις οὔσαις καὶ πυκναῖς. καθεύδοντι δὲ ἐσμὸς μελιττῶν ἐν τοῖς χείλεσιν αὐτοῦ καθίσασαι ὑπῇδον, τὴν τοῦ Πλάτωνος εὐγλωττίαν μαντευόμεναι ἐντεῦθεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> ὅτι Διώξιππος παρόντος Ἀλεξάνδρου καὶ Μακεδόνων ῥόπαλον λαβών, Κόρραγον τὸν Μακεδόνα ὁπλίτην καταμονομαχήσας καὶ ἐκκρούσας αὐτοῦ τὸ ξυστὸν καὶ ἁρπάσας τὸν ἄνδρα σὺν τῇ πανοπλίᾳ, ἐπιβὰς ἐπὶ τὸν αὐχένα αὐτοῦ κειμένου τὴν μάχαιραν ἣν ὑπέζωστο ὑφαρπάσας ἀπέκτεινε τὸν ὁπλίτην. ἐμισήθη δὲ ὑπὸ Ἀλεξάνδρου. ὃ δὲ ἀπογνούς, ὡς μισηθεὶς ὑπὸ Ἀλεξάνδρου, καὶ ἀθυμήσας ἀπέθανεν.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="11"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> ὅτι Ὀρίκαδμος πάλης ἐγένετο νομοθέτης, καθʼ ἑαυτὸν ἐπινοήσας τὸν Σικελὸν τρόπον καλούμενον παλαίειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> ὅτι ἦν Ὀροιβαντίου Τροιζηνιου ἔπη πρὸ Ὁμήρου, ὥς φασιν οἱ Τροιζήνιοι λόγοι. καὶ τὸν Φρύγα δὲ Δάρητα, οὗ Φρυγίαν Ἰλιάδα ἔτι καὶ νῦν ἀποσωζομένην οἶδα, πρὸ Ὁμήρου καὶ τοῦτον γενέσθαι λέγουσι. Μελήσανδρος ὁ Μιλήσιος Λαπιθῶν καὶ Κενταύρων μάχην ἔγραψεν. <pb xml:id="p.114"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> ὅτι Ἴκκος ὁ Ταραντῖνος πάλης ὑπήρξατο, σωφρονέστερον τὸν τῆς ἀθλήσεως χρόνον διαζήσας καὶ κεκολασμένῃ τροφῇ διαβιώσας καὶ ἀφροδίτης ἀμαθὴς διατελέσας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> Ἀγαθοκλέα φασὶ τὸν Σικελίας τύραννον γελοιότατα τὴν κεφαλὴν ἀσχημονεῖν. ψιλουμένης γὰρ αὐτῆς, κατὰ μικρὰ ὑπορρεουσῶν αὐτῷ τῶν τριχῶν, ὃ δὲ αἰδούμενος προκάλυμμα κόμης ἐποιήσατο μυρρίνης στέφανον· καὶ ἦν πρόβλημα τῆς ψιλώσεως. ᾔδεσαν μέντοι τὸ φαλάκρωμα Συρακόσιοι, καὶ τὴν ἐς αὐτὸν τῶν τριχῶν ἐπιβουλὴν οὐκ ἠγνόουν, ἐσιώπων δὲ διὰ τὸ τῶν τολμημάτων αὐτοῦ καὶ ἀσεβημάτων ἐμμανές. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> ἔθυόν τινες ἐν Δελφοῖς. τούτοις ἐπιβουλεύοντες Δελφοὶ ἐς τὰ κανᾶ, ἔνθα ἦν αὐτοῖς ὅ τε λιβανωτὸς καὶ τὰ πόπανα, ἐνέβαλον τῶν ἱερῶν χρημάτων λάθρᾳ. λαβόντες οὖν αὐτοὺς ὡς θεοσύλας ἀπήγαγον ἐπὶ τὴν πέτραν, καὶ κατεκρήμνισαν κατὰ τὸν Δελφικὸν νόμον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> συνέβη τινὰ μοιχὸν ἁλῶναι ἐν Θεσπιαῖς· εἶτα ἤγετο διὰ τῆς ἀγορᾶς δεδεμένος. ἀφείλοντο οὖν αὐτὸν οἱ ἑταῖροι. ἐξήφθη οὖν στάσις, καὶ συνέπεσε γενέσθαι φόνους πολλούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> ἔλεγεν Ἐτεοκλῆς ὁ Λάκων δύο Λυσάνδρους τὴν Σπάρτην μὴ ἂν ὑπομεῖναι. καὶ Ἀρχέστρατος ὁ Ἀθηναῖος ἔλεγε δύο Ἀλκιβιάδας τὴν τῶν Ἀθηναίων. οὕτως ἄρα αὐτῶν ἑκάτεροι ἦσαν ἀφόρητοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Ἵππαρχος ἀνῃρέθη ὑπὸ Ἁρμοδίου καὶ Ἀριστογείτονος, ὅτι ἐν τοῖς Παναθηναίοις κομίσαι κανοῦν τῇ θεῷ κατὰ τὸν νόμον τὸν ἐπιχώριον οὐκ εἴασε τὴν ἀδελφὴν τὴν Ἁρμοδίου, καὶ ἴσως ἀξίαν οὖσαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> οἱ τῶν Ἑλλήνων ἄριστοι πενίᾳ διέζων παρὰ πάντα τὸν βίον. ἐπαινείτωσαν οὖν πλοῦτόν τινες ἔτι μετὰ τοὺς τῶν Ἑλλήνων ἀρίστους, οἷς ἡ πενία παρὰ <pb xml:id="p.115"/> πάντα τὸν βίον συνεκληρώθη. εἰσὶ δὲ οὗτοι, οἷον Ἀριστείδης ὁ Λυσιμάχου, ἀνὴρ πολλὰ μὲν ἐν πολέμῳ κατορθώσας, καὶ τοὺς φόρους δὲ τοῖς Ἕλλησι τάξας. ἀλλʼ οὗτός γε ὁ τοιοῦτος οὐδὲ ἐντάφια ἑαυτῷ κατέλιπεν ἱκανά. <milestone unit="para"/>καὶ Φωκίων δὲ πένης ᾖν. Ἀλεξάνδρου δὲ πέμψαντος αὐτῷ τάλαντα ἑκατὸν ἠρώτα ʽδιὰ τίνα αἰτίαν μοι δίδωσιν;ʼ ὡς δʼ εἶπον ὅτι μόνον αὐτὸν Ἀθηναίων ἡγεῖται καλὸν καὶ ἀγαθόν, ʽοὐκοῦνʼ ἔφη ʽἐασάτω με τοιοῦτον εἶναι.ʼ <milestone unit="para"/>Καὶ Ἐπαμεινώνδας δὲ ὁ Πολύμνιδος πένης ἦν. Ἰάσονος δὲ αὐτῷ πέμψαντος πεντήκοντα χρυσοῦς, ὃ δὲ ʽἀδίκωνʼ ἔφη ʽἄρχεις χειρῶν.ʼ δανεισάμενος δὲ παρά τινος τῶν πολιτῶν πεντήκοντα δραχμὰς ἐφόδιον ἐς Πελοπόννησον ἐνέβαλε. πυθόμενος δὲ τὸν ὑπασπιστὴν αὐτοῦ χρήματα εἰληφέναι παρά τινος τῶν αἰχμαλώτων ʽἐμοὶ μὲνʼ εἶπεν ʽἀπόδος τὴν ἀσπίδα, σεαυτῷ δὲ πρίω καπηλεῖον, ἐν ᾧ καταζήσεις· οὐ γὰρ ἔτι κινδυνεύειν ἐθελήσεις, πλούσιος γενόμενος.ʼ <milestone unit="para"/>Πελοπίδας δὲ ἐπιτιμώντων αὐτῷ τῶν φίλων ὅτι χρημάτων ἀμελεῖ πράγματος ἐς τὸν βίον λυσιτελοῦς, ʽνὴ τὸν Δίἀ εἶπε ʽλυσιτελές, ἀλλὰ Νικομήδει τούτῳ,ʼ δείξας χωλόν τινα καὶ ἀνάπηρον. <milestone unit="para"/>ὅτι Σκηπίων τέτταρα καὶ πεντήκονται ἔτη βιώσας οὐδὲν οὔτε ἐπρίατο οὔτε ἀπέδοτο· οὕτως ἄρα ὀλίγων ἐδεῖτο. ἀσπίδα δὲ αὐτῷ τινος ἐπιδείξαντος εὖ κεκοσμημένην εἶπεν ʽἀλλὰ τόν γε Ῥωμαῖον ἄνδρα προσήκει ἐν τῇ δεξιᾷ τὰς ἐλπίδας ἔχειν, ἀλλʼ οὐκ ἐν τῇ ἀριστερᾷ.ʼ <milestone unit="para"/>Ὅτι Ἐφιάλτης ὁ Σοφωνίδου πενέστατος ἦν. δέκα δὲ τάλαντα διδόντων αὐτῷ τῶν ἑταίρων, ὃ δὲ οὐ προσήκατο εἰπὼν ʽταῦτά με ἀναγκάσει αἰδούμενον <pb xml:id="p.116"/> ὑμᾶς καταχαρίσασθαί τι τῶν δικαίων, μὴ αἰδούμενον δὲ μηδὲ χαριζόμενον ὑμῖν ἀχάριστον δόξαι.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> Ζωίλος ὁ Ἀμφιπολίτης ὁ καὶ ἐς Ὅμηρον γράψας καὶ ἐς Πλάτωνα καὶ ἐς ἄλλους, Πολυκράτους μὲν ἀκουστὴς ἐγένετο· οὗτος δὲ ὁ Πολυκράτης καὶ τὴν κατηγορίαν ἔγραψε τὴν κατὰ Σωκράτους. ἐκαλεῖτο δʼ ὁ Ζωίλος οὗτος Κύων ῥητορικός. ἦν δὲ τοιοῦτος. τὸ μὲν γένειον αὐτῷ καθεῖτο, κέκαρτο δὲ ἐν χρῷ τὴν κεφαλήν, καὶ θοιμάτιον ὑπὲρ τὸ γόνυ ἦν. ἤρα δὲ ἀγορεύειν κακῶς, καὶ ἀπεχθάνεσθαι πολλοῖς σχολὴν εἶχε, καὶ ψογερὸς ἦν ὁ κακοδαίμων. ἤρετο οὖν αὐτόν τις τῶν πεπαιδευμένων διὰ τί κακῶς λέγει πάντας· ὃ δὲ ʽποιῆσαι γὰρ κακῶς βουλόμενος οὐ δύναμαι.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> ὅτι Διονύσιος ὁ Σικελὸς περὶ τὴν ἰατρικὴν ἐσπούδασε καὶ αὐτός, καὶ ἰᾶτο καὶ ἔτεμνε καὶ ἔκαε καὶ τα λοιπά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> πλακοῦντα ὁ Ἀλκιβιάδης μέγαν καὶ ἐσκευασμένον κάλλιστα διέπεμψε Σωκράτει. ὡς οὖν ὑπὸ ἐρωμένου ἐραστῇ πεμφθὲν δῶρον ἐκκαυστικὸν τὸν πλακοῦντα διαγανακτήσασα κατὰ τὸν αὑτῆς τρόπον ἡ Ξανθίππη ῥίψασα ἐκ τοῦ κανοῦ κατεπάτησε. γελάσας δὲ ὁ Σωκράτης ʽοὐκοῦνʼ ἔφη ʽοὐδὲ σὺ μεθέξεις αὐτοῦ.ʼ εἰ δέ τις οἴεται περὶ μικρῶν με λέγειν λέγοντα ταῦτα, οὐκ οἶδεν ὅτι καὶ ἐκ τούτων ὁ σπουδαῖος δοκιμάζεται ὑπερφρονῶν αὐτῶν, ἅπερ οὖν οἱ πολλοὶ λέγουσιν εἶναι κόσμον τραπέζης καὶ δαιτὸς ἀναθήματα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> ἄνδρα φασὶ Σικελιώτην οἷον βλέπειν ὀξὺ γενέσθαι ἐν Σικελίᾳ, ὥστε αὐτὸν ἐκ τοῦ Λιλυβαίου ἐς Καρχηδόνα τείναντα τὸν ὀφθαλμὸν μηδὲν τὰς ὄψεις σφάλλεσθαι. καὶ ἀποδεῖξαι λέγουσι τὸν ἀριθμὸν τῶν νεῶν τῶν ἀναγομένων ἐκ Καρχηδόνος· καὶ οὐκ ἐψεύσατο οὐδεμίαν.</p> </div> </div>
+<pb xml:id="p.117"/>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="12"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> Ἀσπασία ἡ Ἑρμοτίμου θυγάτηρ ἡ Φωκαῒς ἐτράφη ἐν ὀρφανίᾳ, τῆς μητρὸς αὐτῆς ἀποθανούσης ἐν ὠδῖσιν. ἐκ δὴ τούτων ἐν πενίᾳ μὲν ἐτράφη ἡ Ἀσπασία, σωφρόνως μέντοι καὶ καρτερῶς. ὄνειρος δὲ αὐτῇ συνεχῶς ἐπεφοίτα καὶ ἐμαντεύετο αὐτῇ χρηστά, τὴν μέλλουσαν αὐτῆς τύχην ὑπαινιττόμενος, ὅτι καλῷ καὶ ἀγαθῷ συνέσται ἀνδρί. παῖς δʼ ἔτι οὖσα, γίνεται αὐτῇ κατὰ τοῦ προσώπου φῦμα ὑπʼ αὐτὸ τὸ γένειον, καὶ ἦν ἰδεῖν μοχθηρὸν καὶ ἐλύπει τόν τε πατέρα καὶ τὴν παῖδα. δείκνυσιν οὖν αὐτὴν ὁ πατὴρ ἰατρῷ· ὃ δὲ ὑπέσχετο ἰάσασθαι, εἰ λάβοι τρεῖς στατῆρας. ὃ δὲ ἔφατο μὴ ἔχειν, ὁ δὲ ἰατρὸς μηδὲ αὐτὸς εὐπορεῖν φαρμάκου φησί. καὶ ἠνιᾶτο ὥσπερ εἰκὸς ἐπὶ τούτοις ἡ Ἀσπασία καὶ ἀπελθοῦσα ἔξω ἔκλαεν· ἔχουσα δʼ ἐν τοῖς γόνασι κάτοπτρον καὶ ὁρῶσα ἑαυτὴν ἐν αὐτῷ σφόδρα ἤλγει. ἀδείπνῳ δὲ οὔσῃ ὑπὸ τῆς ἀνίας ἀφίκετό οἱ εὖ μάλα εὔκαιρος ὕπνος, καὶ ἅμα τῷ ὕπνῳ περιστερὰ παραγίνεται, καὶ γενομένη γυνὴ ʽθάρρεἰ εἶπε ʽκαὶ μακρὰν χαίρειν εἰποῦσα ἰατροῖς τε αὐτοῖς καὶ φαρμάκοις, σὺ δὲ τῶν τῆς Ἀφροδίτης στεφάνων τῶν ῥοδίνων ὅσοι ἂν ὦσιν ἤδη αὖοι τρίβουσα ἐπίπαττε τῷ φύματι.ʼ ταῦτα ἀκούσασα ἡ παῖς καὶ δράσασα, τὸ φῦμα ἠφανίσθη· καὶ ἡ Ἀσπασία καλλίστη τῶν συμπαρθένων ἦν αὖθις, παρὰ τῆς καλλίστης τῶν θεῶν τὴν ὥραν ἀπολαβοῦσα. καὶ χαρίτων μὲν ἀφθονίαν εἶχεν, ὡς οὐκ ἄλλη παρθένος τῶν τότε· ἦν δὲ καὶ τὴν κόμην ξανθὴ καὶ οὔλη τὰς τρίχας ἠρέμα, ὀφθαλμοὺς δὲ εἶχε μεγίστους, ὀλίγον δὲ ἦν καὶ ἐπίγρυπος, τὰ δὲ ὦτα εἶχε βραχύτατα. ἦν δὲ αὐτῇ καὶ δέρμα ἁπαλόν. <pb xml:id="p.118"/> ἐῴκει δὲ ἡ χρόα ἡ κατὰ τοῦ προσώπου ῥόδοις. διὰ ταῦτά τοι οἱ Φωκαεῖς ἔτι παιδίον οὖσαν ἐκάλουν Μιλτώ. ὑπέφαινε δὲ καὶ τὰ χείλη ἐρυθρά, καὶ οἱ ὀδόντες λευκότεροι χιόνος ἦσαν. ἦν δὲ καὶ τὰ σφυρὰ ἀγαθὴ καὶ οἵας Ὅμηρος λέγει τὰς ὡραιοτάτας γυναῖκας κατὰ τὴν ἑαυτοῦ φωνήν, καλλισφύρους ὀνομάζων. φώνημα δὲ εἶχεν ἡδὺ καὶ ἁπαλόν· εἶπεν ἄν τις λαλούσης αὐτῆς ἀκούειν Σειρῆνος. πολυπραγμοσύνης δὲ ἁπάσης γυναικείας καὶ περιεργίας ἀπήλλακτο. ὁ μὲν γὰρ πλοῦτος φιλεῖ χορηγεῖν καὶ τὰ τοιαῦτα, πενομένη δὲ ἐκείνη καὶ τρεφομένη ὑπὸ πατρὶ καὶ αὐτῷ πένητι περίεργον μὲν οὐδὲν οὐδὲ περιττὸν ἐς τὸ εἶδος ἠράνιζεν. ἀφίκετο δέ ποτε παρὰ Κῦρον τὸν Δαρείου καὶ Παρυσάτιδος ἡ Ἀσπασία τὸν ἀδελφὸν Ἀρταξέρξου, οὐχ ἑκοῦσα οὐδὲ ἑκόντος αὐτὴν τοῦ πατρὸς ἀποπέμψαντος, ἀλλὰ γὰρ πρὸς βίαν, οἷα πολλάκις ἀπήντησεν ἢ πόλεων ἁλουσῶν ἢ τυράννων βιασαμένων ἢ σατραπῶν. εἷς οὖν τῶν Κύρου σατραπῶν μετὰ καὶ ἄλλων παρθένων ἀνήγαγεν αὐτὴν πρὸς Κῦρον, καὶ τάχιστα τῶν ἄλλων παλλακίδων προετιμήθη διά τε ἤθους ἀφέλειαν καὶ τοῦ τρόπου τὸ αἰδῆμον καὶ ὅτι ἀπεριέργως καλὴ ἦν. συνεμάχετο δὲ πρὸς τὸ ὑπερφιλεῖσθαι καὶ ὅτι σύνεσιν εἶχε. πολλάκις γοῦν καὶ ὑπὲρ τῶν ἐπειγόντων ἐχρήσατο αὐτῇ συμβούλῳ Κῦρος, καὶ πεισθεὶς οὐ μετέγνω. ὡς δὲ ἦλθε τὸ πρῶτον πρὸς Κῦρον ἡ Ἀσπασία, ἔτυχε μὲν ἀπὸ δείπνου ὢν καὶ πίνειν ἔμελλε κατὰ τὸν τρόπον τὸν Περσικόν· μετὰ γὰρ τὸ ἐμπλησθῆναι τροφῆς οἱ Πέρσαι τῷ τε οἴνῳ καὶ ταῖς προπόσεσιν εὖ μάλα ἀποσχολάζουσιν, ὡς πρὸς ἀντίπαλον τὸν πότον ἀποδυόμενοι. μεσοῦντος οὖν τοῦ πότου τέτταρες παρθένοι παράγονται τῷ Κύρῳ Ἑλληνικαί, ἐν δὲ ταῖς καὶ ἡ Φωκαῒς Ἀσπασία ἦν. ἦσαν <pb xml:id="p.119"/> δὲ κάλλιστα διεσκευασμέναι· αἱ μὲν γὰρ τρεῖς ὑπὸ τῶν οἰκείων γυναικῶν, αἳ ἔτυχον αὐταῖς συνανελθοῦσαι, διαπεπλεγμέναι τε ἦσαν τὰς κόμας καὶ διαπεποικιλμέναι τὰ πρόσωπα ἐντρίψεσι καὶ φαρμάκοις. ἦσαν δὲ καὶ ὑπὸ τῶν τροφέων δεδιδαγμέναι ὅπως τε ὑποδραμεῖν χρὴ τὸν Κῦρον καὶ τίνα τρόπον θωπεῦσαι, καὶ προσιόντα μὴ ἀποστραφῆναι καὶ ἁπτομένου μὴ δυσχερᾶναι καὶ φιλοῦντος ὑπομεῖναι, ἑταιρικὰ εὖ μάλα μαθήματα καὶ διδάγματα καὶ γυναικῶν καπηλικῶς τῷ κάλλει χρωμένων ἔργα. ἔσπευδον οὖν ἄλλη ἄλλην ὑπερβαλέσθαι τῷ κάλλει. ἡ δὲ Ἀσπασία οὔτε ἐνδῦναι πολυτελῆ χιτῶνα ἐβούλετο, οὔτε περίβλημα περιβαλέσθαι ποικίλον ἠξίου, οὔτε λούσασθαι ὑπέμενεν, ἀνευφημήσασα δὲ θεοὺς πάντας ἐκάλει Ἑλληνίους καὶ Ἐλευθερίους τοὺς αὐτούς, καὶ τὸ τοῦ πατρὸς ὄνομα ἐβόα, καὶ κατηρᾶτο ἑαυτῇ καὶ τῷ πατρί, δουλείαν σαφῆ καὶ ὡμολογημένην ὑπομένειν πιστεύουσα τὴν ἔξω τῆς συνηθείας περὶ τὸ σῶμα στολήν τε ἅμα καὶ περίεργον κατασκευήν. ῥαπισθεῖσα δὲ πρὸς ἀνάγκην ἐνέδυ, καὶ εἶκε τοῖς ἐπιτάγμασιν, ἀλγοῦσα ὅμως ὅτι οὐ παρθενικὰ ἀλλʼ ἑταιρικὰ πράττειν ἐβιάζετο. αἱ μὲν οὖν ἄλλαι παρελθοῦσαι ἀντέβλεπον τῷ Κύρῳ καὶ ὑπεμειδίων καὶ φαιδρότητα προσεποιοῦντο· ἥ γε μὴν Ἀσπασία ἑώρα κάτω, καὶ ἐρυθημάτων εὖ μάλα φλογωδῶν ἐνεπίμπλατο αὐτῆς τὸ πρόσωπον, καὶ ἐπεπλήρωντο οἱ ὀφθαλμοὶ δακρύων, καὶ ἐκ παντὸς τοῦ τρόπου δήλη ἦν αἰδουμένη. ἐπεὶ δὲ ἐκέλευσε πλησίον αὑτοῦ τὰς ἀνθρώπους καθίσαι, αἳ μὲν ἐπείσθησαν καὶ πάνυ εὐκόλως, ἡ δὲ Φωκαῒς τῷ προστάγματι οὐδὲν προσεῖχεν, ἕως αὐτὴν ὁ ἀγαγὼν σατράπης πρὸς βίαν ἐκάθισεν. ἁπτομένου δὲ τοῦ Κύρου καὶ διασκοποῦντος τοὺς ὀφθαλμοὺς αὐτῶν καὶ τὰς παρειὰς καὶ <pb xml:id="p.120"/> τοὺς δακτύλους, αἳ μὲν ἠνείχοντο, ἣ δὲ οὐχ ὑπέμενεν· ἄκρᾳ γὰρ τῇ χειρὶ μόνον τοῦ Κύρου προσαψαμένου ἐξεβόησέ τε καὶ ἔφατο αὐτὸν οἰμώξεσθαι τοιαῦτα δρῶντα. ὑπερήσθη τούτοις ὁ Κῦρος. ἐπανισταμένης τε αὐτῆς καὶ πειρωμένης φεύγειν, ἐπεὶ καὶ τῶν μαζῶν προσήψατο, ἀλλὰ ἐνταῦθα μὲν ὑπερηγάσθη τὴν εὐγένειαν οὐ Περσικῶς ὁ τοῦ Δαρείου, ἀλλὰ καὶ ἀποβλέψας πρὸς τὸν ἀγοραστὴν ʽταύτην μόνηνʼ ἔφη ʽἐλευθέραν καὶ ἀδιάφθορον ἤγαγες· αἱ δὲ λοιπαὶ καπηλικῶς ἔχουσι καὶ τοῦ εἴδους καὶ ἔτι μᾶλλον τοῦ τρόπου.ʼ ἐκ δὴ τούτων ὁ Κῦρος πλέον ταύτην ἠγάπησεν ἢ αἷς ὡμίλησέ ποτε ἀνθρώποις. χρόνῳ δὲ ὕστερον ὑπερηράσθη μὲν ταύτης ὁ Κῦρος, ἀντηρᾶτο δὲ καὶ ὑπʼ ἐκείνης, καὶ ἐς τοσοῦτον ἀμφοῖν ἡ φιλία προῆλθεν, ὡς ἐγγὺς ἰσοτιμίας εἶναι καὶ μὴ ἀπᾴδειν Ἑλληνικοῦ γάμου ὁμονοίας τε καὶ σωφροσύνης. ἀφίκετο οὖν τοῦ ἐς Ἀσπασίαν ἔρωτος καὶ ἐς Ἰωνίαν τὸ κλέος καὶ ἐς τὴν Ἑλλάδα πᾶσαν. ἐπεπλήρωτο δὲ καὶ ἡ Πελοπόννησος τῶν ὑπὲρ Κύρου τε καὶ ἐκείνης λόγων, ἀλλὰ καὶ ἐς βασιλέα τὸν μέγαν ἧκεν ἡ δόξα· ἐπεπίστευτο γὰρ δὴ ὅτι γυναικὸς ἄλλης μετʼ αὐτὴν οὐκ ἠξίου πειραθῆναι Κῦρος. ἐκ δὴ τούτων ἐσῄει τὴν Ἀσπασίαν μνήμη τῶν ἀρχαίων φασμάτων, περιστερᾶς τε ἐκείνης καὶ τῶν ἐξ αὐτῆς λόγων καὶ ὅσα προεῖπεν ἡ θεός· καὶ ἐπίστευεν αὐτὴν ἐξ ἀρχῆς μελεδωνὸν αὐτῆς γεγονέναι, καὶ ἔθυε τῇ Ἀφροδίτῃ τελεστήρια καὶ χαριστήρια. πρῶτον μὲν οὖν εἴδωλον χρυσοῦν ἀρκούντως μεγέθους ἔχον αὐτῇ κατεσκεύασεν. ἐνενοεῖτο δὲ τὸ ἄγαλμα τοῦτο Ἀφροδίτης εἷναι, καὶ πελειάδα αὐτῇ παρέστησε λιθοκόλλητον· καὶ ἀνὰ πᾶσαν ἡμέραν θυσίαις τε ἱλεοῦτο καὶ εὐφημίαις. ἀπέπεμψε δὲ καὶ Ἑρμοτίμῳ τῷ πατρὶ δῶρα πολλὰ καὶ <pb xml:id="p.121"/> καλά, καὶ πλούσιον αὐτὸν ἀπέφηνε. σωφροσύνῃ τε διέζη, ὡς αἱ Ἑλληνίδες γυναῖκες λέγουσι καὶ αἱ Περσίδες. ὅρμος ἐκομίσθη ποτὲ Κύρῳ ἐκ Θετταλίας, πεμψαντος τὸν ὅρμον Σκόπα τοῦ νεωτέρου· τῷ δὲ Σκόπᾳ ἐκεκόμιστο ἐκ Σικελίας τὸ δῶρον, ἐδόκει δὲ ὁ ὅρμος θαυμαστῇ τινι τέχνῃ καὶ ποικιλίᾳ ἐξειργάσθαι. πάντων οὖν, οἷς ἔδειξεν αὐτὸν ὁ Κῦρος, θαυμαζόντων, ὑπερησθεὶς τῷ κειμηλίῳ, παραχρῆμα ἐς Ἀσπασίας ἀφίκετο, μεσούσης ἡμέρας, καὶ καταλαβὼν αὐτὴν καθεύδουσαν, ὑποδὺς ὑπὸ θοιμάτιον καὶ παρακλιθεὶς ἠρέμα, ἀψοφητὶ ἔμενεν αὐτὸς μὲν ἀτρεμῶν· ἐκείνη δὲ ἐκάθευδεν. ἐπεὶ δὲ διυπνίσθη καὶ ἐθεάσατο τὸν Κῦρον, περιπλακεῖσα αὐτῷ κατὰ τὸν συνήθη τρόπον ἐφιλοφρονεῖτο αὐτόν. ὃ δὲ ἐξελὼν ἐκ τοῦ κιβωτίου τὸν ὅρμον ἔδειξεν, ἐπειπὼν ὅτι ἄξιός ἐστιν οὗτος ἢ θυγατρὸς βασιλέως ἢ μητρός. τῆς δὲ ὁμολογούσης ʽἰδοὺ τοίνυνʼ φησὶν ʽδίδωμί σοι αὐτὸν ἔχειν κτῆμα· καί μοι ὡς ἔχεις περιθεμένη δεῖξον τὸν τράχηλον.ʼ ἡ δὲ οὐχ ἡττήθη τοῦ δώρου, ἀλλʼ εὖ μάλα σοφῶς καὶ πεπαιδευμένως ἀπεκρίνατο ʽκαὶ πῶσʼ ἔφη ʽτολμήσω Παρυσάτιδος δῶρον ἄξιον τῆς τεκούσης σε περιθέσθαι αὐτή; ἀλλὰ τοῦτον μὲν ἀπόπεμψον ἐκείνῃ, Κῦρε· ἐγὼ δέ σοι καὶ ἄνευ τούτου παρέξω καλὸν τὸν τράχηλον.ʼ Ἀσπασία μὲν οὖν μεγαλοφρόνως καὶ ὑπὲρ τὰς γυναῖκας βασιλικῶς τὰ ἐναντία ἔδρασεν ἤπερ εἰώθασι γυναῖκες δρᾶν· φιλόκοσμοι γάρ εἰσι δεινῶς· ὁ δὲ Κῦρος ἡσθεὶς τῇ ἀποκρίσει τὴν μὲν Ἀσπασίαν κατεφίλησεν, αὐτὰ δὲ ἕκαστα καὶ τῶν πραχθέντων καὶ τῶν λεχθέντων ἐς ἐπιστολὴν ἐγγράψας ἀπέπεμψε πρὸς τὴν μητέρα σὺν τῷ ὅρμῳ. καὶ ἡ Παρύσατις λαβοῦσα τὸ δῶρον οὐδὲν ἔλαττον ἥσθη τοῖς ἐπεσταλμένοις ἢ τῷ χρυσῷ· καὶ ὑπὲρ τούτων ἠμείψατο τὴν Ἀπασίαν μεγάλοις δώροις <pb xml:id="p.122"/> καὶ βασιλικοῖς· ηὔφρανε γὰρ αὐτὴν μάλιστα ἐκεῖνο, ὅτι καίτοι πάνυ σφόδρα εὐδοκιμοῦσα παρὰ τῷ παιδὶ αὐτῆς ἡ Ἀσπασία, ὅμως ἐν τῷ φιλεῖσθαι ὑπὸ Κύρου ἐβούλετο τῆς Κῦρον τεκούσης ἡττᾶσθαι. ἐπῄνεσε μὲν οὖν Ἀσπασία τὰ δῶρα, οὐ μὴν ἔφατο αὐτῶν δεῖσθαι, ἐπεὶ καὶ χρήματα ἧκεν αὐτῇ μετὰ τῶν δώρων πάμπολλα· ἀπέστειλε δὲ Κύρῳ, ἐπειποῦσα ʽπολλοὺς ἀνθρώπων τρέφοντί σοι γένοιτο ἂν ταῦτα λυσιτελῆ· ἐμοὶ δὲ σὺ ἀρκεῖς φιλούμενος, καὶ κόσμος μοι εἶ σύ.ʼ καὶ ἐκ τούτων οὖν ὥσπερ εἰκὸς τὸν Κῦρον ἐξέπληξε, καὶ ἀναμφιλόγως ἐθαυμάζετο ἥδε ἡ γυνὴ καὶ διὰ τὸ κάλλος τὸ τοῦ σώματος καὶ ἔτι μᾶλλον διὰ τὴν εὐγένειαν τῆς ψυχῆς. ὅτε δὲ ἀνῃρέθη Κῦρος ἐν τῇ πρὸς τὸν ἀδελφόν μάχῃ, καὶ ἑάλω τὸ στρατόπεδον τοῦ Κύρου, μετὰ καὶ τῶν ἄλλων λαφύρων καὶ αὐτὴ ἑάλω, οὐκ εἰκῇ καὶ ὡς ἔτυχεν ἐμπεσοῦσα ἐς τοὺς πολεμίους, ἀλλʼ ἀνεζήτησεν αὐτὴν σὺν πολλῇ τῇ φροντίδι ὁ βασιλεὺς Ἀρταξέρξης· ᾔδει γὰρ αὐτῆς τὸ κλέος καὶ τὴν ἀρετήν. ἐπεὶ δὲ αὐτὴν ἤγαγον δεδεμένην, ἠγανάκτει καὶ τοὺς μὲν τοῦτο δράσαντας ἐς δεσμωτήριον ἐνέβαλε, προσέταξε δὲ αὐτῇ δοθῆναι κόσμον πολυτελῆ. ἣ δὲ ἄκουσα καὶ ποτνιωμένη καὶ δακρύουσα ἐπὶ πολλοῖς ἐβιάσθη τὴν ἐκ βασιλέως στολὴν ἐνδῦναι· ἐθρήνει γὰρ ἰσχυρῶς τὸν Κῦρον· ἐνδῦσα δὲ ἐφάνη καλλίστη γυναικῶν, καὶ παραχρῆμα ὁ Ἀρταξέρξης ἐφλέγετο καὶ κατετήκετο, καὶ πρώτην γε τῶν γυναικῶν ἦγε, καὶ ἐς ὑπερβολὴν ἐτίμα διʼ ὧν ἔσπευδεν αὐτῇ χαρίζεσθαι, θαρρῶν ὅτι Κύρου μὲν ἀναπείσει ἐπιλαθέσθαι αὐτήν, διδάξει δʼ αὐτὸν φιλεῖν οὐδὲν ἐκείνου ἧττον. καὶ ἔτυχε μὲν τῆς ἐλπίδος, ὀψὲ δὲ καὶ βραδέως· δεινὴ γὰρ ἡ ἐς Κῦρον εὔνοια ἐντακεῖσα τῇ Ἀσπασίᾳ δυσέκνιπτον ὡς ὅτι μάλιστα τὸ φίλτρον <pb xml:id="p.123"/> ἐνείργαστο αὐτῇ. χρόνῳ δὲ ὕστερον Τιριδάτης ὁ εὐνοῦχος ἀποθνήσκει, κάλλιστος τῶν ἐν τῇ Ἀσίᾳ καὶ ὡραιότατος γενόμενος· κατέστρεψε δὲ ἄρα οὗτος τὸν βίον μειρακιούμενος καὶ ἐκ τῆς παιδικῆς ἡλικίας ἀνατρέχων, ἐλέγετο δὲ αὐτοῦ ἐρᾶν ὁ βασιλεὺς ἀνδρειότατα. ἐκ δὴ τούτων ἐπένθει βαρύτατα καὶ δριμύτατα ἤλγει, καὶ δημοσίᾳ κατὰ πᾶσαν τὴν Ἀσίαν πένθος ἦν, χαριζομένων ἁπάντων βασιλεῖ τοῦτο. ἐτόλμα τε οὐδεὶς αὐτῷ προσελθεῖν οὐδὲ παραμυθήσασθαι· καὶ γὰρ ἐπίστευον ἀνιάτως αὐτὸν ἔχειν ἐπὶ τῷ συμβεβηκότι πάθει. τριῶν δὲ ἡμερῶν διελθουσῶν στολὴν ἀναλαβοῦσα ἡ Ἀσπασία πενθικήν, ἀπιόντος τοῦ βασιλέως ἐπὶ λουτρόν, ἔστη δακρύουσα καὶ ὁρῶσα ἐς γῆν· ὃ δὲ ἰδὼν αὐτὴν ἐξεπλάγη καὶ ἤρετο τὴν αἰτίαν τῆς ἀφίξεως. καὶ ἐκείνη φησὶ ʽλυπούμενόν σε, βασιλεῦ, καὶ ἀλγοῦντα ἀφῖγμαι παραμυθήσασθαι, εἴ σοι βουλομένῳ ἐστίν· εἰ δὲ χαλεπαίνεις, ἀπαλλάττομαι ὀπίσω.ʼ ὑπερήσθη τῇ κηδεμονίᾳ ὁ Πέρσης, καὶ προσέταξεν ἐς τὸν θάλαμον ἀνελθοῦσαν ἀναμεῖναι αὐτόν· ἣ δὲ ἔδρασε ταῦτα. ἐπεὶ δὲ ἐπανῆλθε, τὴν τοῦ εὐνούχου στολὴν ἐπὶ τῇ μελαίνῃ περιῆψε τῇ Ἀσπασίᾳ· καί πως ἔπρεψεν αὐτῇ καὶ τὰ τοῦ μειρακίου, καὶ ἔτι μᾶλλον τὰ τῆς ὥρας αὐτῇ πρὸς τὸν ἐραστὴν ἐξέλαμψεν. ἐπεὶ δὲ ἅπαξ ἐχειρώθη τούτοις ἐκεῖνος, ἠξίωσεν αὐτήν, ἔστʼ ἂν ἀπομαρανθῇ τοῦ πένθους αὐτῷ ἡ ἀκμή, οὕτως ἐσταλμένην ὡς αὐτὸν παριέναι αὐτήν. καὶ ἐκείνη χαριζομένη ἐπείσθη αὐτῷ· καὶ μόνη τῶν κατὰ τὴν Ἀσίαν οὐ γυναικῶν μόνον φασὶν ἀλλὰ καὶ τῶν τοῦ βασιλέως υἱῶν καὶ τῶν συγγενῶν παρεμυθήσατο Ἀρταξέρξην, καὶ τὸ ἐκ τῆς λύπης ἰάσατο πάθος, εἴξαντος τοῦ βασιλέως τῇ κηδεμονίᾳ καὶ τῇ παραμυθίᾳ πεισθέντος συνετῶς. <pb xml:id="p.124"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> <del>Οὐδεὶς οὔτε πλάστης οὔτε γραφεὺς τῶν Διὸς θυγατέρων τὰ εἴδη παρέστησεν ἡμῖν ὡπλισμένα. ὁμολογεῖ δὲ τοῦτο, ὅτι δεῖ τὸν ἐν Μούσαις βίον εἰρηνικόν τε ἅμα καὶ πρᾶον εἶναι.</del> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Ἐπαμεινώνδας ὅτε ἐτρώθη ἐν Μαντινείᾳ καιρίαν, ἐς τὴν σκηνὴν κομισθεὶς ἔτι ἔμπνους Δαΐφαντον ἐκάλει, ἵνα ἀποδείξῃ στρατηγόν· οἵ δὲ ἔφασαν τεθνάναι τὸν ἄνδρα. εἶτα Ἰολαΐδαν καλεῖν διὰ ταχέων ἠξίου. ἐπεὶ δὲ καὶ αὐτὸς ἐλέχθη τεθνάναι, συνεβούλευσε διαλύσασθαι πρὸς τοὺς πολεμίους καὶ φιλίαν θέσθαι, ὡς μηκέτι στρατηγοῦ καταλελειμμένου ἐν Θήβαις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> φασὶν Αἰγύπτιοι Σέσωστριν παρʼ Ἑρμοῦ τὰ νόμιμα ἐκμουσωθῆναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> ὅτι Λαῒς ἡ ἑταίρα, ὥς φησιν Ἀριστοφάνης ὁ Βυζάντιος, καὶ Ἀξίνη ἐκαλεῖτο. ἤλεγχε δὲ αὐτῆς τὸ ἐπώνυμον τοῦτο τὴν τοῦ ἤθους ἀγριότητα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> ὅτι γελᾶν ἔξεστιν ἐπὶ τοῖς μέγα φρονοῦσι διὰ τοὺς πατέρας, εἴ γε ἐν Ῥωμαίοις μὲν Μαρίου τὸν πατέρα οὐκ ἴσμεν, αὐτὸν δὲ θαυμάζομεν διὰ τὰ ἔργα· Κάτωνος δὲ τοῦ πρεσβυτέρου καὶ αὐτοῦ τὸν πατέρα ἀναζητεῖν χρή. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> ὅτι Ἀλέξανδρος τὸν Ἀχιλλέως τάφον ἐστεφάνωσε καὶ Ἡφαιστίων τὸν τοῦ Πατρόκλου, αἰνιττόμενος ὅτι καὶ αὐτὸς ἦν ἐρώμενος τοῦ Ἀλεξάνδρου, ὥσπερ Ἀχιλλέως ὁ Πάτροκλος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Κλεομένης ὁ Λάκων τῶν ἑταίρων τῶν αὑτοῦ παραλαβὼν Ἀρχωνίδην κοινωνὸν ἐποιεῖτο τῶν πραγμάτων. ἐπώμνυεν οὖν, εἰ κατάσχοι, πάντα σὺν τῇ αὐτοῦ κεφαλῇ πράττειν. κατασχὼν οὖν τὴν ἀρχήν, ἀποκτείνας τὸν ἑταῖρον αὑτοῦ καὶ ἀποκρίνας τὴν κεφαλὴν καὶ μέλιτι ἐμβαλών, ὁπότε μέλλοι τι πράττειν, τῷ ἀγγείῳ προσκύψας ἔλεγεν ὅσα ἔπραττε, λέγων <pb xml:id="p.125"/> μη παρασπονδεῖν μηδὲ ἐπιορκεῖν, βουλεύεσθαι δὲ μετὰ τῆς Ἀρχωνίδου κεφαλῆς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Τιμησίας ὁ Κλαζομένιος καλῶς ἐξηγήσατο τῶν Κλαζομενίων· ἦν γὰρ τῶν ἀγαθῶν ἀνδρῶν. ὅς γε μὴν εἴωθε κατισχύειν τῶν τοιούτων φθόνος, καὶ τοῦ Τιμησίου κατεκράτει. καὶ τὰ μὲν πρῶτα ὀλίγον ἔμελε φθονουμένῳ αὐτῷ, τῆς δὲ πατρίδος αὐτὸν ἐξελάσαι ἐκεῖνό φασι. παρῄει διὰ διδασκαλείου· οἱ δὲ παῖδες ἀφεθέντες ὑπὸ τοῦ διδασκάλου ἔπαιζον. γίνεται δὲ δύο παίδων ὑπὲρ γραμμῆς φιλοτομία, καὶ ὁ εἶς ἐπώμοσεν ʽοὕτω ἐγὼ Τιμησίου τὸν ἐγκέφαλον ἐξαράξαιμι.ʼ τοῦτο ἐκεῖνος ἀκούσας καὶ ὑπολαβὼν ἀκρατῶς ἔχειν φθόνου καὶ δεινῶς ὑπὸ τῶν πολιτῶν μεμισῆσθαι, εἴ γε καὶ οἱ παῖδες αὐτὸν μισοῦσι, μήτι γοῦν οἱ ἄνδρες, ἑκὼν ἀπῆλθε τῆς πατρίδος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> Αἰγινῆταί ποτε ἐδυνήθησαν τὰ μέγιστα ἐν τοῖς Ἕλλησιν, εὐπορίαν τινὰ χρημάτων καὶ εὐκαιρίαν λαχόντες· δύναμιν γὰρ ναυτικὴν ἔσχον καὶ ἦσαν μέγιστοι. ἀλλὰ καὶ ἐν τοῖς Περσικοῖς ἀγαθοὶ ἐγένοντο, καὶ διὰ ταῦτα καὶ τῶν ἀριστείων ἠξιώθησαν. καὶ πρῶτοι νόμισμα ἔκοψαν τὸ καὶ ἐξ αὐτῶν κληθὲν νόμισμα Αἰγιναῖον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> ὅτι Ῥωμαῖοι ὑπὸ τῷ λόφῳ τῷ Παλλαντίῳ Πυρετοῦ καὶ νεὼν καὶ βωμὸν ἱδρύσαντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> μοιχὸς ἐν Γορτύνῃ ἁλοὺς ἐπὶ τὰς ἀρχὰς ἤγετο, εἶτα ἐλεγχθεὶς ἐστεφανοῦτο ἐρίῳ. ἐνόει δὲ τοῦτο τὸ στεφάνωμα αὐτῷ ὅτι ἄνανδρός ἐστι καὶ γύννις καὶ ἐς γυναῖκας μάχλος. καὶ ἐπιπράσκετο δημοσίᾳ καὶ ἀτιμότατος ἦν καὶ οὐδενός οἱ μετῆν τῶν κοινῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> ἀφίκετο ἐξ Ἑλλησπόντου παρὰ τὴν Ἀττικὴν ἑταίραν τὴν Γνάθαιναν ἐραστὴς ἀνὴρ κατὰ κλέος <pb xml:id="p.126"/> αὐτῆς. παρὰ πότον οὖν πολὺς ἦν λαλῶν, καὶ ἐδόκει φορτικός. ὑπολαβοῦσα οὖν ἡ Γνάθαινα πρὸς αὐτὸν ἔφατο ʽεἶτα σὺ μέντοι λέγεισʼ ʽἥκειν ἐξ Ἑλλησπόντου;ʼ τοῦ δὲ ὁμολογήσαντος ʽκαὶ πῶσʼ εἶπεν ʽοὐκ ἔγνως τῶν ἐκεῖ πόλεων τὴν πρώτην;ʼ τοῦ δὲ εἰπόντος ʽκαὶ τίς ἐστιν αὕτη;ʼ ἣ δὲ ἀπεκρίνατο Σ̔ίγειον.ʼ καὶ ἐμμελῶς διὰ τοῦ ὀνόματος κατεσίγασεν ἄρα αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> ὡραιότατοι καὶ ἐρασμιώτατοι λέγονται γενέσθαι Ἑλλήνων μὲν Ἀλκιβιάδης, Ῥωμαίων δὲ Σκηπίων. λέγουσι δὲ Δημήτριον τὸν Πολιορκητὴν ὥρας ἀμφισβητῆσαι. Ἀλέξανδρον δὲ τὸν Φιλίππου ἀπραγμόνως ὡραῖον γενέσθαι λέγουσι· τὴν μὲν γὰρ κόμην ἀνασεσύρθαι αὐτῷ, ξανθὴν δὲ εἶναι· ὑπαναφύεσθαι δέ τι ἐκ τοῦ εἴδους φοβερὸν τῷ Ἀλεξάνδρῳ λέγουσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> τὸν Ἡρακλῆ λέγουσι τὰς ἐν τοῖς ἄθλοις σπουδὰς διαναπαύειν ταῖς παιδιαῖς. ἔπαιζε δὲ ἄρα ὁ Διὸς καὶ Ἀλκμήνης μετὰ παιδίων πάνυ σφόδρα. τοῦτό τοι καὶ ὁ Εὐριπίδης ἡμῖν ὑπαινίττεται, ποιήσας τὸν αὐτὸν τοῦτον θεὸν λέγοντα <quote rend="blockquote"> <lb/>παιζω· μεταβολὰς γὰρ πόνων ἀεὶ φιλῶ. </quote> λέγει δὲ τοῦτο παιδίον κατέχων. καὶ Σωκράτης δὲ κατελήφθη ποτὲ ὑπὸ Ἀλκιβιάδου παίζων μετὰ Λαμπροκλέους ἔτι νηπίου. Ἀγησίλαος δὲ κάλαμον περιβὰς ἵππευε μετὰ τοῦ υἱοῦ παιδὸς ὄντος, καὶ πρὸς τὸν γελάσαντα εἶπε ʽνῦν μὲν σιώπα, ὅταν δὲ γένῃ πατὴρ αὐτός, τότε ἐξαγορεύσεις.ʼ ἀλλὰ καὶ Ἀρχύτας ὁ Ταραντῖνος, πολιτικός τε καὶ φιλόσοφος ἀνὴρ γενόμενος, πολλοὺς ἔχων οἰκέτας, τοῖς αὐτῶν παιδίοις πάνυ σφόδρα <pb xml:id="p.127"/> ἐτέρπετο μετὰ τῶν οἰκοτρίβων παίζων· μάλιστα δὲ ἐφίλει τέρπεσθαι αὐτοῖς ἐν τοῖς συμποσίοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> λέγεται Ἀλέξανδρος ὁ Φιλίππου ζηλοτυπώτατα πρὸς τοὺς ἑταίρους διατεθῆναι καὶ βασκαίνειν μὲν πᾶσιν, οὐ μὴν διὰ τὰς αὐτὰς αἰτίας. ἤχθετο γὰρ Περδίκκᾳ μὲν ὅτι ἦν πολεμικός, Λυσιμάχῳ δὲ ἐπεὶ στρατηγεῖν ἀγαθὸς ἐδόκει, Σελεύκῳ δὲ ἐπεὶ ἀνδρεῖος ἦν· Ἀντιγόνου δὲ αὐτὸν ἐλύπει τὸ φιλότιμον, Ἀντιπάτρου δὲ ἤχθετο τῷ ἡγεμονικῷ, Πτολεμαίου δὲ τὸ δεξιὸν ὑφεωρᾶτο, Ταρρίου δὲ ἐδεδίει τὸ ἄτακτον, τό γε μὴν νεωτεροποιὸν Πείθωνος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> ὅτι Δημήτριος τοσούτων ἐθνῶν ἡγεμονεύων ἐφοίτα ἐς Ααμίας τῆς ἑταίρας σὺν τοῖς ὅπλοις καὶ φορῶν τὸ διάδημα. αἴσχιστον μὲν οὖν ἦν αὐτῷ καὶ οἴκαδε μεταπέμψασθαι τὴν ἄνθρωπον· ὃ δὲ παρʼ ἐκείνην ἐφοίτα φανερῶς. ἀλλʼ ἔγωγε Θεόδωρον ἂν τὸν αὐλητὴν προτιμήσαιμι τοῦ Δημητρίου, ἐπεὶ τὸν Θεόδωρον μετεπέμπετο ἡ Λάμια, ὃ δὲ ὑπερεῖδε τὴν κλῆσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> τὸν Φάωνα κάλλιστον ὄντα ἀνθρώπων ἡ Ἀφροδίτη ἐν θριδακίναις ἔκρυψε. λόγος δὲ ἕτερος ὅτι ἦν πορθμεὺς καὶ εἶχε τοῦτο τὸ ἐπιτήδευμα. ἀφικνεῖται δέ ποτε ἡ Ἀφροδίτη διαπλεῦσαι βουλομένη, ὃ δὲ ἀσμένως νως ἐδέξατο, οὐκ εἰδὼς ὅστις ἦν, καὶ σὺν πολλῇ τῇ φροντίδι ἤγαγεν ὅποι ποτὲ ἐβούλετο. ἀνθʼ ὦν ἡ θεὸς ἔδωκεν ἀλάβαστρον αὐτῷ, καὶ εἶχεν αὕτη μύρον, ᾧ χριόμενος ὁ Φάων ἐγένετο ἀνθρώπων κάλλιστος· καὶ ἤρων γε αἱ γυναῖκες αὐτοῦ αἱ Μυτιληναίων. τά γε μὴν τελευταῖα ἀπεσφάγη μοιχεύων ἁλούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> τὴν ποιήτριαν Σαπφώ, τὴν Σκαμανδρωνύμου θυγατέρα, ταύτην καὶ Πλάτων ὁ Ἀρίστωνος σοφὴν <pb xml:id="p.128"/> ἀναγράφει. πυνθάνομαι δὲ ὅτι καὶ ἑτέρα ἐν τῇ Λέσβῳ ἐγένετο Σαπφώ, ἑταίρα, οὐ ποιήτρια. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> λέγει Ἡσίοδος, τὴν ἀηδόνα μόνην ὀρνίθων ἀμοιρεῖν ὕπνου καὶ διὰ τέλους ἀγρυπνεῖν. τὴν δὲ χελιδόνα οὐκ ἐς τὸ παντελὲς ἀγρυπνεῖν καὶ ταύτην, ἀποβεβληκέναι δὲ τοῦ ὕπνου τὸ ἥμισυ. τιμωρίαν δὲ ἄρα ταύτην ἐκτίνουσι διὰ τὸ πάθος τὸ ἐν Θρᾴκῃ κατατολμηθὲν τὸ ἐς τὸ δεῖπνον ἐκεῖνο τὸ ἄθεσμον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> αἱ Λακεδαιμονίων μητέρες, ὅσαι ἐπυνθάνοντο τοὺς παῖδας αὑτῶν ἐν τῇ μάχῃ κεῖσθαι, ἀλλὰ αὗταί γε ἀφικόμεναι τὰ τραύματα αὐτῶν ἐπεσκόπουν τά τε ἔμπροσθεν καὶ τὰ ὄπισθεν. καὶ εἰ ἦν πλείω τὰ ἐναντία, αἳ δὲ γαυρούμεναι καὶ σεμνὸν ἅμα καὶ βλοσυρὸν ὁρῶσαι τοὺς παῖδας ἐς τὰς τὰς πατρῴας ἔφερον ταφάς· εἰ δὲ ἑτέρως εἶχον τῶν τραυμάτων, ἐνταῦθα αἰδούμεναι καὶ θρηνοῦσαι καὶ ὡς ἔνι μάλιστα λαθεῖν σπεύδουσαι ἀπηλλάττοντο, καταλιποῦσαι τοὺς νεκροὺς ἐν τῷ πολυανδρίῳ θάψαι, ἢ λάθρᾳ ἐς τὰ οἰκεῖα ἠρία ἐκόμιζον αὐτούς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> Τιτόρμῳ φασὶ τῷ βουκόλῳ περιτυχεῖν τὸν Κροτωνιάτην Μίλωνα, μεγαλοφρονοῦντα διὰ τὴν ῥώμην τοῦ σώματος. θεασάμενος οὖν μέγαν τὸν Τίτορμον τὸ σῶμα ἰδεῖν, ἐβούλετο λαβεῖν αὐτοῦ ἰσχύος πεῖραν. ὁ δὲ Τίτορμος ἔλεγε μηδὲν μέγα ἰσχύειν, καταβὰς δὲ ἐς τὸν Εὔηνον καὶ θοιμάτιον ἀποδὺς λίθον λαμβάνει μέγιστον, καὶ πρῶτον μὲν ἕλκει αὐτὸν πρὸς ἑαυτόν, εἶτα ἀπωθεῖ, καὶ δὶς καὶ τρὶς τοῦτο ἐποίησε, καὶ μετὰ ταῦτα αὐτὸν ἦρεν ἕως ἐς τὰ γόνατα, καὶ τέλος ἀράμενος ἐπὶ τῶν ὤμων ἔφερεν ὅσον ἐπʼ ὀργυιὰς ὀκτὼ καὶ ἔρριψεν· ὁ δὲ Κροτωνιάτης Μίλων μόλις τὸν λίθον ἐκίνησεν. εἶτα ἐπὶ τὴν ἀγέλην ἦλθε, καὶ στὰς ἐν μέσῳ τὸν μέγιστον ταῦρον ἄγριον ὄντα λαμβάνει <pb xml:id="p.129"/> τοῦ ποδός· καὶ ὃ μὲν ἀποδρᾶναι ἔσπευδεν, οὐ μὴν ἐδύνατο. παριόντα δὲ ἕτερον τῇ ἑτέρᾳ χειρὶ συναρπάσας τοῦ ποδὸς ὁμοίως εἶχε. θεασάμενος δὲ ὁ Μίλων ἐς τὸν οὐρανὸν τὰς χεῖρας τείνας ἔφατο ʽὦ Ζεῦ, μὴ τοῦτον Ἡρακλῆ ἡμῖν ἕτερον ἔσπειρας;ʼ ἐντεῦθεν ῥηθῆναι λέγουσι τὴν παροιμίαν ʽἄλλος οὗτος Ἡρακλῆς.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> ἀνθρώπων ἐγὼ ἀκούω φιλοκινδυνοτάτους εἶναι τοὺς Κελτούς. τῶν ᾀσμάτων γοῦν ὑποθέσεις ποιοῦνται τοὺς ἀνθρώπους τοὺς ἀποθανόντας ἐν τῷ πολέμῳ καλῶς. μάχονται δὲ ἐστεφανωμένοι, ἀλλὰ καὶ τρόπαια ἐγείρουσιν, ἅμα τε ἐπὶ τοῖς πεπραγμένοις σεμνυνόμενοι καὶ ὑπομνήματα αὑτῶν τῆς ἀρετῆς ἀπολείποντες Ἑλληνικῶς. οὕτως δὲ αἰσχρὸν νομίζουσι τὸ φεύγειν, ὡς μηδὲ ἐκ τῶν οἰκιῶν κατολισθανουσῶν καὶ συμπιπτουσῶν ἀποδιδράσκειν, ἀλλὰ μηδὲ πιμπραμένων αὐτῶν περιλαμβανομένους ὑπὸ τοῦ πυρός. πολλοὶ δὲ καὶ ἐπικλύζουσαν τὴν θάλατταν ὑπομένουσιν. εἰσὶ δὲ καὶ οἳ ὅπλα λαμβάνοντες ἐμπίπτουσι τοῖς κύμασι καὶ τὴν φορὰν αὐτῶν ἐσδέχονται, γυμνὰ τὰ ξίφη καὶ τὰ δόρατα προσείοντες, ὥσπερ οὖν ἢ φοβῆσαι δυνάμενοι ἢ τρῶσαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> Σμινδυρίδην τὸν Συβαρίτην λέγουσιν ἐπὶ τοσοῦτον τρυφῆς ἐξοκεῖλαι, ὡς ἐς Σικυῶνα αὐτὸν ἀφικέσθαι μνηστῆρα Ἀγαρίστης τῆς Κλεισθένους, καὶ ἐπάγεσθαι χιλίους μὲν μαγείρους, τοσούτους δὲ ὀρνιθευτάς, καὶ ἁλιεῖς χιλίους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> Ὤνηντο ἄρα καὶ Ὀδυσσεὺς Ἀλκίνου καὶ Ἀχιλλεὺς Χείρωνος καὶ Πάτροκλος Ἀχιλλέως καὶ Ἀγαμέμνων Νέστορος καὶ Τηλέμαχος Μενέλεω καὶ Ἕκτωρ Πολυδάμαντος, ἐν οἷς αὐτῷ προσεῖχε, καὶ οἱ Τρῶες Ἀντήνορος. καὶ οἱ Πυθαγόρειοι μὲν ὁμιληταὶ Πυθαγόρου ὤνηντο, οἱ Δημοκρίτειοι δὲ συγγενόμενοι Δημοκρίτῳ <pb xml:id="p.130"/> πολλῶν ἀπήλαυσαν. Σωκράτει δὲ εἰ προσεῖχον οἱ Ἀθηναῖοι, πάντα ἂν ἐγένοντο εὐδαίμονες. καὶ Ἱέρων δὲ ὁ Δεινομένους Σιμωνίδου τοῦ Κείου ἀπήλαυσε καὶ Πολυκράτης Ἀνακρέοντος, καὶ Ξενοφῶντος Πρόξενος καὶ Ἀντίγονος Ζήνωνος. ἵνα δὲ καὶ τῶν ἐμοὶ προσηκόντων οὐδὲν ἧττον ἤπερ καὶ οἱ Ἕλληνες προσήκουσι μεμνῶμαι ʽδιαφέρει δέ μοι καὶ τούτων, εἴ γε Ῥωμαῖός εἰμἰ, καὶ Λεύκολλος Ἀντιόχου τι ὤνητο τοῦ Ἀσκαλωνίτου καὶ Μαικήνας Ἀρείου καὶ Κικέρων Ἀπολλωνίου καὶ ὁ Σεβαστὸς Ἀθηνοδώρου. Πλάτων δὲ ἐμοῦ καίτοι σοφώτερος ὢν λέγει ὅτι καὶ Ζεὺς εἶχε σύμβουλον· τίνα δὲ καὶ ὅπως, παρʼ ἐκείνου μανθάνωμεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Ποτίστατοι γεγόνασιν ἄνθρωποι ὥς φασι Ξεναγόρας ὁ Ῥόδιος, ὃν ἐκάλουν Ἀμφορέα, καὶ Ἡρακλείδης ὁ πύκτης, καὶ Πρωτέας ὁ Λανίκης μὲν υἱός, Ἀλεξάνδρου δὲ τοῦ βασιλέως σύντροφος. καὶ αὐτὸς δὲ Ἀλέξανδρος λέγεται πλεῖστον πιεῖν ἀνθρώπων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> ἡμερώτατά φασι τὸν Ἡρακλῆ προσενεχθῆναι τοῖς ἑαυτοῦ πολεμίοις· πρῶτον γὰρ τῶν ἐξ αἰῶνος νεκροὺς ὑποσπόνδους ἀποδοῦναι ταφησομένους, εἰωθότων τῶν τότε ὀλιγωρεῖν τῶν ἀνῃρημένων καὶ ἀπολείπειν αὐτοὺς κυνῶν δεῖπνον εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> Λεωκόριον Ἀθήνησιν ἐκαλεῖτο τὸ τέμενος τῶν Λεὼ θυγατέρων Πραξιθέας καὶ Θεόπης καὶ Εὐβούλης. ταύτας δὲ ὑπὲρ τῆς πόλεως τῆς Ἀθηναίων ἀναιρεθῆναι λόγος ἔχει, ἐπιδόντος αὐτὰς τοῦ Λεὼ ἐς τὸν χρησμὸν τὸν Δελφικόν. ἔλεγε γὰρ μὴ ἂν ἄλλως σωθῆναι τὴν πόλιν, εἰ μὴ ἐκεῖναι σφαγιασθεῖεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> Πλάτων ὁ Ἀρίστωνος ἰδὼν Ἀκραγαντίνους καὶ οἰκοδομοῦντας πολυτελῶς καὶ ὁμοίως δειπνοῦντας εἶπεν ὅτι ἄρα οἱ Ἀκραγαντῖνοι οἰκοδομοῦσι μὲν ὡς <pb xml:id="p.131"/> ἀεὶ βιωσόμενοι, δειπνοῦσι δὲ ὡς αὔριον τεθνηξόμενοι. λέγει δὲ Τίμαιος ὅτι καὶ ἀργυραῖς ληκύθοις καὶ στλεγγίσιν ἐχρῶντο καὶ ἐλεφαντίνας κλίνας εἶχον ὅλας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Ταραντίνοις ἐν ἔθει ἦν πίνειν μὲν ἐξ ἑωθινοῦ, μεθύειν δὲ περὶ πλήθουσαν ἀγοράν. ἐς τοσοῦτον δὲ ἄρα Κυρηναῖοι τρυφῆς ἐξώκειλαν, ὥστε Πλάτωνα παρεκάλουν, ἵνα αὐτοῖς γένηται νομοθέτης. τὸν δὲ ἀπαξιῶσαί φασι διὰ τὴν ἐξ ἀρχῆς ῥᾳθυμίαν αὐτῶν. ὁμολογεῖ δὲ καὶ Εὔπολις ἐν τῷ Μαρικᾷ, ὅστις αὐτῶν εὐτελέστατος, σφραγῖδας εἶχε δέκα μνῶν. παρῆν δὲ θαυμάζεσθαι καὶ τοὺς διαγλύφοντας τοὺς δακτυλίους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> φέρε οἴνων Ἑλληνικῶν διὰ σπουδῆς ἰόντων ἐν τοῖς πάλαι ὀνόματα καταλέξω ὑμῖν. Πράμνειόν τινα ἐκάλουν, ἱερὸς δὲ ἦν ἄρα οὗτος τῆς Δήμητρος. καὶ Χῖος οἶνος ἐκ τῆς νήσου, καὶ Θάσιος ἄλλος, καὶ Λέσβιος. καὶ ἐπὶ τούτοις Γλυκύς τις ἐκαλεῖτο, πρέπων τῷ ὀνόματι τὴν γεῦσιν, καὶ Κρὴς ἄλλος. καὶ ἐν Συρακούσαις Πόλλιος· ἐκλήθη δὲ ἀπό τινος ἐγχωρίου βασιλέως. ἔπινον δὲ καὶ Κῶον οἶνον, καὶ οὕτως αὐτὸν ἐκάλουν· καὶ Ῥόδιον, κατὰ τὰ αὐτὰ ὀνομάζοντες. τί δέ; οὐκ ἐκεῖνα τοῖς Ἕλλησι τρυφῆς ἀπόδειξις; μύρῳ γὰρ οἶνον μιγνύντες οὕτως ἔπινον, καὶ ὑπερησπάζοντο τὴν τοιαύτην κρᾶσιν· καὶ ἐκαλεῖτο ὁ οἶνος Μυρίνης. μέμνηται δὲ αὐτοῦ Φιλιππίδης ὁ τῆς κωμῳδίας ποιητής. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> Πυθαγόρας ὁ Σάμιος λευκὴν ἐσθῆτα ἤσθητο, καὶ ἐφόρει στέφανον χρυσοῦν καὶ ἀναξυρίδας. Ἐμπεδοκλῆς δὲ ὁ Ἀκραγαντῖνος ἁλουργεῖ ἐχρήσατο καὶ ὑποδήμασι χαλκοῖς. Ἱππίαν δὲ καὶ Γοργίαν ἐν πορφυραῖς ἐσθῆσι προϊέναι διαρρεῖ λόγος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> Κινέας ὁ Πύρρου ἰατρός φασι πρὸς τὴν βουλὴν τῶν Ῥωμαίων ἔγραψε διʼ ἀπορρήτων, καὶ ᾔτει χρήματα, <pb xml:id="p.132"/> καὶ ὑπισχνεῖτο ἀποκτενεῖν φαρμάκοις τὸν Πύρρον. οἳ δὲ οὐ προσήκαντο τὴν ὑπόσχεσιν· διʼ ἀρετῆς γὰρ ἴσασι Ῥωμαῖοι ἀγαθοὶ εἶναι, οὐ μὴν διὰ τέχνης καὶ πανουργίας καὶ ἐπιβουλῆς καταγωνίσασθαι τοὺς ἐχθρούς. ἀλλὰ καὶ αὐτῷ τῷ Πύρρῳ τὴν γνώμην τοῦ Κινέου ἐξέφαναν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> Ἔρωτες ἡμῖν τῶν ἀρχαίων πολλοὶ μὲν καὶ ἄλλοι ἐς μνήμην ἐδόθησαν, καὶ οὗτοι δὲ οὐχ ἥκιστα. Παυσανίας μὲν γὰρ ἤρα τῆς ἑαυτοῦ ʼγυναικός, Ἀπελλῆς δὲ τῆς Ἀλεξάνδρου παλλακῆς, ᾗπερ ὄνομα ἦν Παγκάστη, τὸ δὲ γένος Λαρισσαία ἦν. ταύτῃ καὶ πρώτῃ φασὶν ὁ Ἀλέξανδρος ὡμίλησεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="35"> 
+<p rend="align(indent)"> ὅτι δύο Περίανδροι, ὃ μὲν σοφὸς ἦν, ὃ δὲ τύραννος. καὶ Μιλτιάδαι τρεῖς, ὁ τὴν Χερρόννησον κτίσας καὶ ὁ Κυψέλου καὶ ὁ Κίμωνος. Σίβυλλαι τέτταρες, ἡ Ἐρυθραία ἡ Σαμία ἡ Αἰγυπτία ἡ Σαρδιανή. οἳ δέ φασι καὶ ἑτέρας ἕξ, ὡς εἶναι τὰς πάσας δέκα, ὧν εἶναι καὶ τὴν Κυμαίαν καὶ τὴν Ἰουδαίαν. Βάκιδες τρεῖς, ὁ μὲν Ἐλεώνιος, ὁ δὲ Ἀθηναῖος, ὁ δὲ Ἀρκάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="36"> 
+<p rend="align(indent)"> ἐοίκασιν οἱ ἀρχαῖοι ὑπὲρ τοῦ ἀριθμοῦ τῶν τῆς Νιόβης παίδων μὴ συνᾴδειν ἀλλήλοις. Ὅμηρος μὲν ἓξ λέγει ἄρρενας καὶ τοσαύτας κόρας, Λάσος δὲ δὶς ἑπτὰ λέγει, Ἡσίοδος δὲ ἐννέα καὶ δέκα, εἰ μὴ ἄρα οὐκ εἰσὶν Ἡσιόδου τὰ ἔπη, ἀλλʼ ὡς πολλὰ καὶ ἄλλα κατέψευσται αὐτοῦ. Ἀλκμὰν δέκα φησί, Μίμνερμος εἴκοσι, καὶ Πίνδαρος τοσούτους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="37"> 
+<p rend="align(indent)"> Ἀλέξανδρος ὅτε Βῆσσον ἐδίωκεν, ἐν ἀπορίᾳ γενόμενος τροφῶν, αὐτός τε ἥψατο τῶν καμήλων καὶ ὑποζυγίων ἄλλων καὶ οἱ σὺν αὐτῷ. τῶν τε ξύλων αὐτοὺς ἐπιλιπόντων ὠμὰ τὰ κρέα ἤσθιον. ἐπεκούρει δὲ αὐτοῖς τὸ σίλφιον πολὺ ὄν, ὥστε τὰς σάρκας συνεκπέττειν. <pb xml:id="p.133"/> Ἐν δὲ τῇ Βακτριανῇ οἱ στρατιῶται τὰς κώμας κατελάμβανον, ὅτι οἰκοῦνται ἐκ τοῦ καπνοῦ συνιέντες, καὶ τὴν χιόνα ἀφαιροῦντες τῶν θυρῶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="38"> 
+<p rend="align(indent)"> οἱ Σακῶν ἵπποι, ἐὰν ἀποβάλῃ τις τὸν δεσπότην, ἐς τὸ ἀναβῆναι αὐτὸν παρέστηκεν. ἐὰν δέ τις γῆμαι βούληται παρθένον, μονομαχεῖ τῇ παιδί. καὶ κρατήσασα μὲν αἰχμάλωτον ἄγεται καὶ κρατεῖ αὐτοῦ καὶ ἄρχει· ἐὰν δὲ νικηθῇ, ἄρχεται. μονομαχοῦσι δὲ ἄχρι νίκης, οὐ μέχρι θανάτου. πενθοῦντες δὲ οἱ Σάκαι ἐς οἴκους τινὰς ὑπάντρους καὶ κατασκίους ἀποκρύπτονται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="39"> 
+<p rend="align(indent)"> Περδίκκας ὁ Μακεδὼν ὁ συστρατευσάμενος Ἀλέξάνδρῳ οὕτως ἄρα ἦν εὔτολμος, ὥς ποτε ἐς σπήλαιον παρελθεῖν ἔνθα εἶχεν εὐνὴν λέαινα μόνος· καὶ τὴν μὲν λέαιναν οὐ κατέλαβε, τούς γε μὴν σκύμνους αὐτῆς κομίζων προῆλθε, καὶ ἔδοξεν ἐπὶ τούτῳ θαυμάζεσθαι ὁ Περδίκκας. πεπίστευται δὲ οὐ μόνον παρὰ τοῖς Ἕλλησιν ἀλκιμώτατόν τε καὶ δυσμαχώτατον εἶναι θηρίον ἡ λέαινα, ἀλλὰ καὶ παρὰ τοῖς βαρβάροις. φασὶ γοῦν καὶ Σεμίραμιν τὴν Ἀσσυρίαν οὐκ, εἴ ποτε εἷλε λέοντα· ἢ πάρδαλιν κατέκτανεν ἢ ἄλλο τι τῶν τοιούτων, ἀλλʼ εἰ λεαίνης ἐγκρατὴς ἐγένετο, μέγα ἐφρόνει. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="40"> 
+<p rend="align(indent)"> τά τε ἄλλα ἐφόδια εἵπετο τῷ Ξέρξῃ πολυτελείας καὶ ἀλαζονείας πεπληρωμένα, καὶ οὖν καὶ ὕδωρ ἠκολούθει τὸ ἐκ τοῦ Χοάσπου. ἐπεὶ δʼ ἔν τινι ἐρήμῳ τόπῳ ἐδίψησεν, οὐδέπω τῆς θεραπείας ἡκούσης, ἐκηρύχθη τῷ στρατοπέδῳ, εἴ τις ἔχει ὕδωρ ἐκ τοῦ Χοάσπου, ἵνα δῷ βασιλεῖ πιεῖν. καὶ εὑρέθη τις βραχὺ καὶ σεσηπὸς ἔχων. ἔπιεν οὖν τοῦτο ὁ Ξέρξης, καὶ εὐεργέτην τὸν δόντα ἐνόμισεν, ὅτι ἂν ἀπώλετο τῇ δίψῃ, εἰ μὴ ἐκεῖνος εὑρέθη. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="41"> 
+<p rend="align(indent)"> Πρωτογένης ὁ ζωγράφος τὸν Ἰάλυσόν φασιν ἑπτὰ <pb xml:id="p.134"/> ἔτεσι διαζωγραφῶν ἐξετέλεσεν. ὃν Ἀπελλῆς ἰδὼν τὰ μὲν πρῶτα ἔστη ἄφωνος, ἐκπλαγεὶς ἐπὶ τῇ παραδόξῳ θέᾳ, εἶτα ἔφη ʽκαὶ ὁ πόνος μέγας καὶ ὁ τεχνίτης· ἀπολείπεταί γε μὴν τῆς χειρουργίας ἡ χάρις, ἧς ὁ ἀνὴρ εἰ τύχοι, ὁ πόνος αὐτοῦ τοῦ οὐρανοῦ ψαύσει.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="42"> 
+<p rend="align(indent)"> Κῦρον τὸν Μανδάνης ἔθρεψέ φασι κύων, Τήλεφον δὲ τὸν Αὔγης καὶ Ἡρακλέους ἔλαφος, Πελίαν δὲ τὸν Ποσειδῶνος καὶ Τυροῦς ἵππος· ἀλλὰ καὶ τὸν Ἀλόπης. Ἀλέξανδρον τὸν Πριάμου ὑπὸ ἄρκτου φασὶ τραφῆναι, Αἴγισθον δὲ τὸν Θυέστου καὶ Πελοπίας ὑπὸ αἰγός. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="43"> 
+<p rend="align(indent)"> Δαρεῖον ἀκούω τὸν Ὑστάσπου φαρετροφόρον Κύρου γενέσθαι. ὁ δὲ τελευταῖος Δαρεῖος, ὁ ὑπὸ Ἀλεξάνδρου νικηθεὶς, δοῦλος ἦν. Ἀρχέλαος δὲ ὁ Μακεδόνων βασιλεὺς δούλης υἱὸς ἦν τῆς Σιμίχης. Μενέλαος ὁ Φιλίππου πάππος ἐς τοὺς νόθους ἐτέλει. ὁ δὲ τούτου υἱὸς Ἀμύντας ὑπηρέτης Ἀερόπου καὶ δοῦλος ἐπεπίστευτο. Περσεὺς δέ, ὃν καθεῖλε Παῦλος ὁ Ῥωμαῖος, Ἀργεῖος μὲν γένος ἦν, ἀδόξου δέ τινος υἱός. Εὐμένης δὲ πατρὸς ἀπόρου καὶ τυμβαύλου πεπίστευται γενέσθαι. Ἀντίγονος ὁ Φιλίππου, ὁ καὶ ἑτερόφθαλμος καὶ ἐκ τούτου Κύκλωψ προσαγορευθείς, αὐτουργὸς ἦν. Πολυσπέρχων δὲ ἐλῄστευε. Θεμιστοκλῆς δέ, ὁ τοὺς βαρβάρους καταναυμαχήσας καὶ μόνος συνεὶς τὰς τῶν θεῶν ἐν τοῖς χρησμοῖς φωνάς, Θρᾴττης υἱὸς ἦν, καὶ ἐκαλεῖτο ἡ μήτηρ αὐτοῦ Ἀβρότονον. Φωκίων δὲ ὁ Χρηστὸς ἐπικληθεὶς πατρὸς μὲν δοίδυκας ἐργαζομένου ἦν, Δημήτριον δὲ τὸν Φαληρέα οἰκότριβα γενέσθαι λέγουσιν ἐκ τῆς οἰκίας τῆς Τιμοθέου καὶ Κόνωνος. Ὑπερβόλου δὲ καὶ Κλεοφῶντος καὶ Δημάδου, καίτοι προστατῶν γενομένων τοῦ δήμου τῶν Ἀθηναίων, οὐδεὶς ἂν εἴποι ῥᾳδίως τοὺς πατέρας. Καλλικρατίδας γε μὴν καὶ Γύλιππος καὶ <pb xml:id="p.135"/> Λύσανδρος ἐν Λακεδαίμονι Μόθακες ἐκαλοῦντο. ὄνομα δὲ ἦν ἄρα τοῦτο τοῖς τῶν εὐπόρων δούλοις, οὓς συνεξέπεμπον τοῖς υἱοῖς οἱ πατέρες συναγωνιουμένους ἐν τοῖς γυμνασίοις. ὁ δὲ συγχωρήσας τοῦτο Λυκοῦργος τοῖς ἐμμείνασι τῇ τῶν παίδων ἀγωγῇ πολιτείας Λακωνικῆς μεταλαγχάνει. καὶ Ἐπαμεινώνδας δὲ πατρὸς ἦν ἀφανοῦς. Κλέων δὲ ὁ Σικυωνίων τύραννος καταποντιστὴς ἦν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="44"> 
+<p rend="align(indent)"> αἱ ἐν Σικελίᾳ λιθοτομίαι περὶ τὰς Ἐπιπολὰς ἦσαν, σταδίου μῆκος, τὸ εὖρος δύο πλέθρων. ἦσαν δὲ ἐν αὐταῖς τοῦ χρόνου τοσοῦτον διατρίψαντες ἄνθρωποι, ὡς καὶ γεγαμηκέναι ἐκεῖ καὶ παιδοποιῆσαι. καί τινες τῶν παίδων ἐκείνων μηδεπώποτε πόλιν ἰδόντες, ὅτε ἐς Συρακούσας ἦλθον καὶ εἶδον ἵππους ὑπεζευγμένους καὶ βόας ἐλαυνομένους, ἔφευγον βοῶντες· οὕτως ἄρα ἐξεπλάγησαν. τὸ δὲ κάλλιστον τῶν ἐκεῖ σπηλαίων ἐπώνυμον ἦν Φιλοξένου τοῦ ποιητοῦ, ἐν ᾧ φασι διατρίβων τὸν Κύκλωπα εἰργάσατο τῶν ἑαυτοῦ μελῶν τὸ κάλλιστον, παρʼ οὐδὲν θέμενος τὴν ἐκ Διονυσίου τιμωρίαν καὶ καταδίκην, ἀλλʼ ἐν αὐτῇ τῇ συμφορᾷ μουσουργῶν ὁ Φιλόξενος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="45"> 
+<p rend="align(indent)"> Φρύγιοι καὶ ταῦτα ᾅδουσι λόγοι. Μίδου τοῦ Φρυγὸς ἔτι νηπίου καθεύδοντος μύρμηκας ἐσέρπειν ἐς τὸ στόμα, καὶ πάνυ φιλοπόνως καὶ φιλέργως ἐσφέρειν τοὺς πυρούς. Πλάτωνος δὲ μελίττας ἐς τὸ στόμα κηρίον ἐργάζεσθαι. καὶ Πινδάρῳ τῆς πατρῴας οἰκίας ἐκτεθέντι μέλιτται τροφοὶ ἐγένοντο, ὑπὲρ τοῦ γάλακτος παρατιθεῖσαι μέλι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="46"> 
+<p rend="align(indent)"> Διονύσιον δὲ τὸν Ἑρμοκράτους λέγουσι ποταμὸν διαβαίνειν· ἔφερε δὲ αὐτὸν ἵππος. καὶ ὁ μὲν ἵππος κατὰ τοῦ τέλματος ὤλισθεν, ὃ δὲ ἀποπηδήσας τῆς ὄχθης ἐλάβετο καὶ ἀπῄει, ὡς οὐκέτι τὸν ἵππον ὄντα <pb xml:id="p.136"/> αὐτοῦ ἀπολιπών. ὃ δὲ ἠκολούθησε καὶ χρεμετίσας ἐπέστρεψεν αὐτόν. καὶ ἐκεῖνος ἐλάβετο αὐτοῦ τῆς χαίτης καὶ ἔμελλεν ἀναβαίνειν, καὶ τῇ χειρὶ αὐτοῦ περιπίπτει μελιττῶν πλῆθος. ἔφασαν οὖν οἱ Γαλεῶται πρὸς τὸν Διονύσιον ἐρόμενον ὑπὲρ τούτων, ὅτι ταῦτα μοναρχίαν δηλοῖ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="47"> 
+<p rend="align(indent)"> Διονύσιος ἐλαύνει τῆς Σικελίας Δίωνα, τὴν δὲ γυναῖκα αὐτοῦ Ἀρήτην καὶ τὸν ἐξ αὐτοῦ παῖδα ἐφύλαττεν. ὕστερον δὲ τὴν γυναῖκα ἄκουσαν δορυφόρῳ αὑτοῦ πάντων μάλιστα θεραπευτῇ Τιμοκράτει γυναῖκα δίδωσι· Συρακόσιος δὲ τὸ γένος ἦν. Δίων δὲ παραλαβὼν Συρακούσας, ἀποδράντος ἐς Λοκροὺς Διονυσίου, ἐνταῦθα ἡ μὲν Ἀριστομάχη ἡ τοῦ Δίωνος ἀδελφὴ προσεῖπεν αὐτόν. ἡ δὲ Ἀρήτη εἵπετο διʼ αἰδοῦς ἐγκαλυπτομένη καὶ οὐ τολμῶσα προσειπεῖν ὡς ἄνδρα, ἐπεὶ βιασθεῖσα τὸν θεσμὸν τῆς πρὸς αὐτὸν εὐνῆς οὐ διεφύλαξεν. ἐπεὶ δὲ ὑπὲρ αὐτῆς ἀπελογήσατο ἡ Ἀριστομάχη, τὴν ἐκ τοῦ Διονυσίου ἀνάγκην καταλέξασα, ὁ Δίων προσηγάγετο τὴν γυναῖκα καὶ τὸν παῖδα καὶ ἐς τὴν οἰκίαν ἔπεμψεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="48"> 
+<p rend="align(indent)"> ὅτι Ἰνδοὶ τῇ παρά σφισιν ἐπιχωρίῳ φωνῇ τὰ Ὁμήρου μεταγράψαντες ᾅδουσιν οὐ μόνοι ἀλλὰ καὶ οἱ Περσῶν βασιλεῖς, εἴ τι χρὴ πιστεύειν τοῖς ὑπὲρ τούτων ἱστοροῦσιν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="49"> 
+<p rend="align(indent)"> Φωκίων ὁ τοῦ Φώκου πολλάκις στρατηγήσας κατεγνώσθη θάνατον, καὶ ἦν ἐν τῷ δεσμωτηρίῳ καὶ ἔμελλε πιεῖσθαι τὸ κώνειον. ἐπεὶ δὲ ὤρεξεν ὁ δήμιος τὴν κύλικα, οἱ προσήκοντες ἤροντο εἴ τι λέγοι πρὸς τὸν υἱόν. ὃ δὲ ʽἐπισκήπτω αὐτῷ μηδὲν Ἀθηναίοις μνησικακεῖν ὑπὲρ τῆς παρʼ αὐτῶν φιλοτησίας, ἣν νῦν πίνω.ʼ ὅστις δὲ οὐκ ἐπαινεῖ καὶ ὑπερθαυμάζει τὸν ἄνδρα, δοκεῖ μοι μέγα ὁ τοιοῦτος ἐννοεῖν οὐδέν. <pb xml:id="p.137"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="50"> 
+<p rend="align(indent)"> Λακεδαιμόνιοι μουσικῆς ἀπείρως εἶχον· ἔμελε γὰρ αὐτοῖς γυμνασίων καὶ ὅπλων. εἰ δέ ποτε ἐδεήθησαν τῆς ἐκ Μουσῶν ἐπικουρίας ἢ νοσήσαντες ἢ παραφρονήσαντες ἢ ἄλλο τι τοιοῦτον δημοσίᾳ παθόντες, μετεπέμποντο ξένους ἄνδρας οἷον ἰατροὺς ἢ καθαρτὰς κατὰ πυθόχρηστον. μετεπέμψαντό γε μὴν Τέρπανδρον καὶ Θάλητα καὶ Τυρταῖον καὶ τὸν Κυδωνιάτην Νυμφαῖον καὶ Ἀλκμᾶνα. καὶ Θουκυδίδης δὲ ὁμολογεῖ ὅτι μὴ ἐσπουδασμένως περὶ παιδείαν εἶχον, ἐν οἷς λέγει περὶ Βρασίδου. λέγει γοῦν ὅτι ἦν οὐδὲ ἀδύνατος εἰπεῖν, ὡς Λακεδαιμόνιος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="51"> 
+<p rend="align(indent)"> Μενεκράτης ὁ ἰατρὸς ἐς τοσοῦτον προῆλθε τύφου, ὥστε ἑαυτὸν ὀνομάζειν Δία. ἐπέστειλε δέ ποτε ἐπιστολὴν Φιλίππῳ τῷ Μακεδόνων βασιλεῖ τοιαύτην. Φ̔ιλίππῳ Μενεκράτης ὁ Ζεὺς εὖ πράττειν.ʼ ἀντέγραψε δὲ καὶ ὁ Φίλιππος Φ̔ίλιππος Μενεκράτει ὑγιαίνειν. συμβουλεύω σοι προσάγειν σεαυτὸν ἐπὶ τοὺς κατὰ Ἀντίκυραν τόπους.ʼ ᾐνίττετο δὲ ἄρα διὰ τούτων ὅτι παραφρονεῖ ὁ ἀνήρ. <milestone unit="para"/>εἱστία ποτὲ μεγαλοπρεπῶς ὁ Φίλιππος, καὶ δὴ καὶ τοῦτον ἐπὶ θοίνην ἐκάλεσε, καὶ ἰδίᾳ κλίνην αὐτῷ ἐκέλευσε παρεσκευάσθαι, καὶ κατακλιθέντι θυμιατήριον παρέθηκε, καὶ ἐθυμιᾶτο αὐτῷ· οἱ δὲ λοιποὶ εἱστιῶντο, καὶ ἦν μεγαλοπρεπὲς τὸ δεῖπνον. ὁ τοίνυν Μενεκράτης τὰ μὲν πρῶτα ἐνεκαρτέρει, καὶ ἔχαιρε τῇ τιμῇ· ἐπεὶ δὲ κατὰ μικρὸν ὁ λιμὸς περιῆλθεν αὐτόν, καὶ ἠλέγχετο ὅτι ἦν ἄνθρωπος, καὶ ταῦτα εὐήθης, ἐξαναστὰς ἀπιὼν ᾤχετο, καὶ ἔλεγεν ὑβρίσθαι, ἐμμελῶς πάνυ τοῦ Φιλίππου τὴν ἄνοιαν αὐτοῦ ἐκκαλύψαντος. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="52"> 
+<p rend="align(indent)"> Ἰσοκράτης ὁ ῥήτωρ ἔλεγεν ὑπὲρ τῆς Ἀθηναίων πόλεως ὁμοίαν εἶναι ταῖς ἑταίραις. καὶ γὰρ τοὺς <pb xml:id="p.138"/> ἁλισκομένους ὑπὸ τῆς ὥρας αὐτῶν βούλεσθαι συνεῖναι αὐταῖς, ὅμως δὲ μηδένα εὐτελῶς οὕτω παραφρονεῖν, ὡς ὑπομεῖναι ἂν συνοικῆσαί τινι αὐτῶν. καὶ οὖν καὶ τὴν Ἀθηναίων πόλιν ἐνεπιδημῆσαι μὲν εἶναι ἡδίστην, καὶ κατά γε τοῦτο πασῶν τῶν κατὰ τὴν Ἑλλάδα διαφέρειν· ἐνοικῆσαι δὲ ἀσφαλῆ μηκέτι εἶναι. ᾐνίττετο δὲ διὰ τούτων τοὺς ἐπιχωριάζοντας αὐτῇ συκοφάντας καὶ τὰς ἐκ τῶν δημαγωγούντων ἐπιβουλάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="53"> 
+<p rend="align(indent)"> ἐμὲ δὲ οὐ λέληθεν ὅτι τῶν μεγίστων πολέμων αἱ ἀρχαὶ δοκοῦσί πως εὐκαταφρόνητοι γεγονέναι. τὸν μὲν γὰρ Περσικὸν ἐκ τῆς Μαιανδρίου τοῦ Σαμίου πρὸς Ἀθηναίους διαφορᾶς τὴν ἀρχὴν λαβεῖν φασι, τόν γε μὴν Πελοποννήσιον διὰ τὸ κατὰ Μεγαρέων πινάκιον, τὸν δὲ ἱερὸν καλούμενον ἐκ τῆς ἐσπράξεως τῶν δικῶν τῶν Ἀμφικτυόνων, τὸν δὲ κατὰ Χαιρώνειαν, φιλονεικησάντων Ἀθηναίων πρὸς Φίλιππον καὶ λαβεῖν οὐ θελησάντων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="54"> 
+<p rend="align(indent)"> Ἀλέξανδρον Ἀριστοτέλης ὀργιζόμενον πρἁ??ʼναι βουλόμενος καὶ παῦσαι χαλεπαίνοντα πολλοῖς, ταυτὶ πρὸς αὐτὸν γέγραφεν ʽὁ θυμὸς καὶ ἡ ὀργὴ οὐ πρὸς ἥττους, ἀλλὰ πρὸς τοὺς κρείττονας γίνεται· σοὶ δὲ οὐδεὶς ἴσος.ʼ <milestone unit="para"/>Ἀριστοτέλης τὰ δέοντα συμβουλεύων Ἀλεξάνδρῳ πολλοῖς ὠφέλημα γέγονεν, ἐξ ὧν καὶ τὴν πατρίδα κατῴκισε κατεσκαμμένην ὑπὸ τοῦ Φιλίππου. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="55"> 
+<p rend="align(indent)"> τοὺς ὑπὸ τῶν ἐλεφάντων ἢ ἐν ταῖς θήραις ἢ ἐν ταῖς μάχαις ἀποθανόντας οἱ Λίβυες θάπτουσι διαπρεπῶς, καὶ ὕμνους τινὰς ᾅδουσιν. ἔστι δὲ τοῖς ὕμνοις ἡ ὑποθήκη ἐκείνη. ἀγαθοὺς ἄνδρας εἶναι λέγει τοὺς ἀντιπάλους γενομένους θηρίῳ τοσούτῳ· <pb xml:id="p.139"/> λέγουσι γὰρ καὶ τὸ ἐνδόξως ἀποθανεῖν ἐντάφιον εἶναι τῷ θαπτομένῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="56"> 
+<p rend="align(indent)"> Διογένης ὁ Σινωπεὺς ἔλεγε πολλά, τὴν ἀμαθίαν καὶ τὴν ἀπαιδευσίαν τῶν Μεγαρέων διαβάλλων, καὶ ἐβούλετο Μεγαρέως ἀνδρὸς κριὸς εἶναι μᾶλλον ἢ υἱός. ᾐνίττετο δὲ ὅτι τῶν θρεμμάτων ποιοῦνται πρόνοιαν οἱ Μεγαρεῖς, τῶν παίδων δὲ οὐχί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="57"> 
+<p rend="align(indent)"> ἡνίκα Ἀλέξανδρος ὁ Φιλίππου ἐπὶ τὰς Θήβας ἦγε τὴν δύναμιν, οἱ μὲν θεοὶ σημεῖα αὐτοῖς καὶ τέρατα ἀπέστελλον, προσημαίνοντες τὰς περὶ αὐτῶν ὅσον οὐδέπω τύχας· οἳ δὲ ὡς ᾤοντο ἐν Ἰλλυριοῖς Ἀλέξανδρον τεθνάναι, πολλὰ καὶ βλάσφημα ἐς αὐτὸν ἀπερρίπτουν. ἡ μὲν γὰρ ἐν Ὀγχηστῷ λίμνη φοβερὸν ἦχον ἀνέδωκε καὶ συνεχῆ καὶ ταύρου μυκήματι ἐῴκει· ἡ δὲ περὶ τὸν Ἰσμήνιον καὶ αὐτὰ τὰ τείχη ῥέουσα κρήνη καλουμένη Δίρκη καθαρῷ καὶ ἡδεῖ ῥέουσα ὕδατι παρὰ πάντα τὸν πρόσθεν χρόνον, ἄφνω καὶ παρʼ ἐλπίδα αἵματος ἀνεπλήσθη. Μακεδόσι δὲ ἐπίστευον Θηβαῖοι ἀπειλεῖν τὸ δαιμόνιον. ἐν δὲ τῷ κατὰ πόλιν νεῷ τῆς Δήμητρος ἀράχνη κατὰ τοῦ προσώπου τοῦ ἀγάλματος ἐξύφαινε τὴν ἑαυτῆς τέχνην. τὸ δὲ τῆς Ἀθηνᾶς τῆς καλουμένης Ἀλαλκομενηίδος ἄγαλμα αὐτομάτως κατεφλέχθη, πυρὸς μὴ προσαχθέντος, καὶ ἄλλα πολλά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="58"> 
+<p rend="align(indent)"> Διώξιππος Ὀλυμπιονίκης ἀθλητής, ὁ Ἀθηναῖος, ἐσήλαυνεν ἐς τὰς Ἀθήνας κατὰ τὸν νόμον τῶν ἀθλητῶν. συνέρρει τοίνυν τὰ πλήθη, καὶ ἄλλος ἀλλαχόθεν ἐκκρεμαννύμενος ἐθεῶντο αὐτόν· ἐν δὲ τοῖς καὶ γυνὴ κάλλει διαπρέπουσα ἀπήντησε τῇ θέᾳ. ἰδὼν δὲ αὐτὴν ὁ Διώξιππος παραχρῆμα ἡττήθη τοῦ κάλλους, καὶ διετέλεσεν ἀποβλέπων τὴν ἄνθρωπον καὶ ἐπιστρεφόμενος καὶ ἐς πολλὰς τὸ πρόσωπον ἀλλάττων χρόας. <pb xml:id="p.140"/> ἐκ δὴ τούτων πολλοῖς ἐγένετο κατάφωρος μὴ ἀργῶς ἰδὼν τὴν ἄνθρωπον. μάλιστα δὲ αὐτοῦ τὸ πάθος κατέγνω Διογένης ὁ Σινωπεύς, καὶ πρὸς τοὺς πλησίον ʽὁρᾶτἐ εἶπε ʽτὸν ἀθλητὴν ὑμῶν τὸν μέγαν ὑπὸ παιδίσκης ἐκτραχηλιζόμενον.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="59"> 
+<p rend="align(indent)"> Πυθαγόρας ἔλεγε δύο ταῦτα ἐκ τῶν θεῶν τοῖς ἀνθρώποις δεδόσθαι κάλλιστα, τό τε ἀληθεύειν καὶ τὸ εὐεργετεῖν· καὶ προσετίθει ὅτι καὶ ἔοικε τοῖς θεῶν ἔργοις ἑκάτερον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="60"> 
+<p rend="align(indent)"> συνουσία ποτὲ ἐγένετο Διονυσίῳ τῷ δευτέρῳ καὶ Φιλίππῳ τῷ Ἀμύντου. πολλοὶ μὲν οὖν ὡς τὸ εἰκὸς καὶ ἄλλοι λόγοι ἐπέρρευσαν, ἐν δὲ τοῖς καὶ ἐκεῖνο ἤρετο ὁ Φίλιππος τὸν Διονύσιον, πῶς τοσαύτην παρὰ τοῦ πατρὸς λαβὼν ἀρχὴν εἶτα οὐ διεσώσατο αὐτήν; ὃ δὲ ἀπεκρίνατο οὐκ ἔξω μέλους ὅτι ʽτὰ μὲν ἄλλα μοι κατέλιπεν ὁ πατήρ, τὴν δὲ τύχην, ᾗ ταῦτα ἐκτήσατο καὶ διεφύλαξεν, οὐκέτι.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="61"> 
+<p rend="align(indent)"> Θουρίοις ἐπέπλει Διονύσιος, καὶ τριακοσίας ἦγεν ἐπʼ αὐτοὺς ναῦς ὁπλιτῶν πεπληρωμένας· βορρᾶς δὲ ἀντιπνεύσας τὰ σκάφη συνέτριψε, καὶ τὴν δύναμιν αὐτοῦ τὴν ναυτικὴν ἠφάνισεν. ἐκ δὴ τούτων οἱ Θούριοι τῷ βορρᾷ ἔθυσαν, καὶ ἐψηφίσαντο εἶναι τὸν ἄνεμον πολίτην, καὶ οἰκίαν αὐτῷ καὶ κλῆρον ἀπεκλήρωσαν, καὶ καθʼ ἕκαστον ἔτος ἐπετέλουν αὐτῷ. οὔκουν Ἀθηναῖοι μόνοι κηδεστὴν αὐτὸν ἐνόμιζον, ἀλλὰ καὶ Θούριοι εὐεργέτην αὐτὸν ἐπέγραψαν. Παυσανίας δέ φησιν ὅτι καὶ Μεγαλοπολῖται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="62"> 
+<p rend="align(indent)"> νόμος καὶ οὗτος Περσικός. ἐάν τις μέλλῃ τι τῶν ἀπορρήτων καὶ τῶν ἀμφιλόγων συμβουλεύειν βασιλεῖ, ἐπὶ πλίνθου χρυσῆς ἕστηκε. καὶ ἐὰν δόξῃ παραινεῖν τὰ δέοντα, τὴν πλίνθον λαβὼν ὑπὲρ τῆς συμβουλῆς μισθὸν ἀπέρχεται· μαστιγοῦται δὲ ὅμως, <pb xml:id="p.141"/> ὅτι ἀντεῖπε βασιλεῖ. ἀνδρὶ δὲ ἐλευθέρῳ κατά γε τὴν ἐμὴν κρίσιν οὐκ ἀνταξίαν ἀντικρίνειν δεῖ ὑπὲρ τοῦ μισθοῦ τὴν ὕβριν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="63"> 
+<p rend="align(indent)"> Ἀρχεδίκης τις ἠράσθη τῆς ἐν Ναυκράτει ἑταίρας. ἣ δὲ ἦν ὑπερήφανος καὶ δεινῶς φορτικὴ καὶ ἁδροὺς ᾔτει μισθούς, καὶ λαβοῦσα πρὸς ὀλίγον ἂν ὡμίλησε τῷ δόντι, εἶτα ἀπέκλινεν. ἐρασθεὶς οὖν ὁ νεανίσκος αὐτῆς, καὶ τυχεῖν μὴ δυνάμενος, ἐπεὶ μὴ πάνυ ἦν πλούσιος, ὄναρ αὐτῇ συνεγένετο, καὶ παραχρῆμα ἐπαύσατο τῆς ἐπιθυμίας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="64"> 
+<p rend="align(indent)"> ὁ μὲν Φιλίππου καὶ Ὀλυμπιάδος Ἀλέξανδρος ἐν Βαβυλῶνι τὸν βίον καταστρέψας, νεκρὸς ἔκειτο, ὁ τοῦ Διὸς εἶναι λέγων. καὶ στασιαζόντων περὶ τῆς βασιλείας τῶν περὶ αὐτόν, ταφῆς ἄμοιρος ἦν, ἧς μεταλαγχάνουσι καὶ οἱ σφόδρα πένητες, τῆς φύσεως τῆς κοινῆς ἀπαιτούσης τὸν μηκέτι ζῶντα κατακρύψαι. ἀλλʼ οὗτός γε τριάκοντα ἡμέρας κατελέλειπτο ἀκηδής, ἕως Ἀρίστανδρος ὁ Τελμησσεύς, θεόληπτος γενόμενος ἢ ἔκ τινος ἄλλης συντυχίας κατασχεθείς, ἦλθεν ἐς μέσους τοὺς Μακεδόνας καὶ πρὸς αὐτοὺς ἔφη πάντων τῶν ἐξ αἰῶνος βασιλέων εὐδαιμονέστατον Ἀλέξανδρον γεγονέναι, καὶ ζῶντα καὶ ἀποθανόντα· λέγειν γὰρ τοὺς θεοὺς πρὸς αὐτὸν ὅτι ἄρα ἡ ὑποδεξαμένη γῆ τὸ σῶμα, ἐν ᾧ τὸ πρότερον ᾤκησεν ἡ ἐκείνου ψυχή, πανευδαίμων τε ἔσται καὶ ἀπόρθητος διʼ αἰῶνος. ταῦτα μαθόντες πολλὴν ἐσεφέροντο φιλονεικίαν, ἕκαστος ἐς τὴν ἰδίαν αὑτοῦ βασιλείαν τὸ ἀγώγιμον τοῦτο ἄγειν ἐπιθυμῶν, ἵνα κειμήλιον ἔχῃ βασιλείας ἀσφαλοῦς καὶ ἀκλινοῦς ὅμηρον. Πτολεμαῖος δέ, εἴ τι χρὴ πιστεύειν, τὸ σῶμα ἐξέκλεψε, καὶ μετὰ σπουδῆς ἐς τὴν Ἀλεξάνδρου πόλιν τὴν κατʼ Αἴγυπτον ἐκόμισε. καὶ οἱ μὲν ἄλλοι Μακεδόνες τὴν ἡσυχίαν <pb xml:id="p.142"/> ἦγον. Περδίκκας δὲ αὐτὸν διώκειν ἐπεχείρησεν. οὐ τοσοῦτον δὲ ἔμελε τούτῳ τῆς ἐς Ἀλέξανδρον πολυωρίας καὶ. τῆς ἐς τὸν νεκρὸν ὁσίας, ὅσον τὰ προλεχθέντα ὑπὸ τοῦ Ἀριστάνδρου ἀνέφλεγεν αὐτὸν καὶ ἐξῆπτεν. ἐπεὶ δὲ κατέλαβε τὸν Πτολεμαῖον, ὑπὲρ τοῦ νεκροῦ μάχη καρτερὰ πάνυ σφόδρα ἐγένετο, ἀδελφὴ τρόπον τινὰ τῆς ὑπὲρ τοῦ εἰδώλου τοῦ ἐν Τροίᾳ, ὅπερ Ὅμηρος ᾅδει, λέγων ὑπὲρ Αἰνείου τὸν Ἀπόλλωνα ἐς μέσους ἐμβαλεῖν τοὺς ἥρωας. ἀνέστειλε δὲ τὴν ὁρμὴν τοῦ Περδίκκα ὁ Πτολεμαῖος· εἴδωλον γὰρ ποιησάμενος ὅμοιον Ἀλεξάνδρῳ κατεκόσμησεν ἐσθῆτι βασιλικῇ καὶ ἐνταφίοις ἀξιοζήλοις. εἶτα τοῦτο ἀνακαύσας ἐπὶ μίαν τῶν Περσικῶν ἁμαξῶν, τὸ ἐπʼ αὐτῆς κατεσκεύασε φέρτρον μεγαλοπρεπῶς ἀργύρῳ καὶ χρυσῷ καὶ ἐλέφαντι· καὶ τὸ μὲν ὄντως Ἀλεξάνδρου σῶμα λιτῶς καὶ ὡς ἔτυχε προύπεμψε κρυπταῖς ὁδοῖς καὶ ἀτρίπτοις. ὁ δὲ Περδίκκας καταλαβὼν τὸ τοῦ νεκροῦ φάσμα καὶ τὴν διασκευασθεῖσαν ἁρμάμαξαν ἀνεστάλη τοῦ δρόμου, οἰόμενος ἔχειν τὸ ἆθλον· ὀψὲ δὲ ἔμαθεν ἀπατηθείς, ἡνίκα διώκειν οὐκ εἶχε.</p> </div> </div>
+
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="13"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> λόγος οὗτος Ἀρκαδικὸς ὑπὲρ τῆς Ἰασίωνος Ἀταλάντης. ταύτην ὁ πατὴρ γενομένην ἐξέθηκεν· ἔλεγε γὰρ οὐ θυγατέρων ἀλλʼ ἀρρένων δεῖσθαι. ὁ δὲ ἐκθεῖναι λαβὼν οὐκ ἀπέκτεινεν, ἐλθὼν δὲ ἐπὶ τὸ Παρθένιον ὄρος ἔθηκε πηγῆς πλησίον· καὶ ἦν ἐνταῦθα ὕπαντρος πέτρα, καὶ ἐπέκειτο συνηρεφὴς δρυμών. καὶ τοῦ μὲν βρέφους κατεψήφιστο θάνατος, οὐ μὴν <pb xml:id="p.143"/> ὑπὸ τῆς τύχης προυδόθη· ὀλίγῳ γὰρ ὕστερον ὑπὸ κυνηγετῶν ἀφῃρημένη τὰ ἑαυτῆς βρέφη ἄρκτος ἧκε, σφριγώντων αὐτῇ τῶν μαζῶν καὶ βαρυνομένων ὑπὸ τοῦ γάλακτος. εἶτα κατά τινα θείαν πομπὴν ἡσθεῖσα τῷ βρέφει ἐθήλασεν αὐτό, καὶ ἅμα τὸ θηρίον ἐκουφίσθη τῆς ὀδύνης καὶ ὤρεξε τροφὴν τῷ βρέφει. καὶ οὖν καὶ αὖθις ἐπαντλοῦσα τοῦ γάλακτος καὶ ἐποχετεύουσα ἐπεὶ τῶν ἑαυτῆς μήτηρ οὐκ ἔμεινε, τῆς μηδέν οἱ προσηκούσης τροφὸς ἐγένετο. ταύτην οἱ κυνηγέται παρεφύλαττον οἱ ἐξ ἀρχῆς ἐπιβουλεύσαντες τῷ θηρίῳ ἐς τὰ ἔκγονα αὐτῆς, καὶ αὐτὰ ἕκαστα τῶν δρωμένων κατασκεψάμενοι, ἀπελθούσης κατὰ συνήθειαν κατά τε ἄγραν καὶ νομὴν τῆς ἄρκτου, τὴν Ἀταλάντην ὑφείλοντο, καλουμένην τοῦτο οὐδέπω· αὐτοὶ γὰρ ἔθεντο αὐτῇ τὸ ὄνομα. καὶ ἐτρέφετο ὑπʼ αὐτοῖς ὀρείῳ τῇ τροφῇ. κατὰ μικρὸν δὲ αὐτῇ τὰ τοῦ σώματος μετὰ τῆς ἡλικίας ἀνέτρεχε· καὶ ἤρα παρθενίας καὶ τὰς τῶν ἀνδρῶν ὁμιλίας ἔφευγε καὶ ἐρημίαν ἐπόθει, καταλαβοῦσα τῶν ὀρῶν τῶν Ἀρκαδικῶν τὸ ὑψηλότατον, ἔνθα ἦν καὶ αὐλὼν κατάρρυτος καὶ μεγάλαι δρῦς, ἔτι δὲ καὶ πεῦκαι καὶ βαθεῖα ἡ ἐκ τούτων σκιά. τί γὰρ ἡμᾶς λυπεῖ καὶ ἄντρον Ἀταλάντης ἀκοῦσαι, ὡς τὸ τῆς Καλυψοῦς τὸ ἐν Ὁμήρῳ; καὶ ἦν ἐν κοίλῃ τῇ φάραγγι σπήλαιον ἓν καὶ βαθὺ πάνυ, κατὰ πρόσωπον δὲ βαθεῖ κρημνῷ ὠχύρωτο. κιττοὶ δὲ αὐτὸ περιεῖρπον, καὶ ἐνεπλέκοντο οἱ κιττοὶ μαλακοῖς δένδροις καὶ διʼ αὐτῶν ἀνεῖρπον. κρόκοι τε ἦσαν περὶ τὸν τόπον ἐν μαλακῇ φυόμενοι καὶ βαθείᾳ τῇ πόᾳ. συνανέτελλε δὲ αὐτοῖς καὶ ὑάκινθος καὶ ἄλλη πολλὴ χρόα ἀνθέων οὐ μόνον ἐς ἑορτὴν ὄψεως συντελεῖν δυναμένων, ἀλλὰ καὶ ὀσμαὶ ἐξ αὐτῶν τὸν ἀέρα τὸν κύκλῳ κατελάμβανον· καὶ παρῆν τῇ τε ἄλλῃ πανηγυρίζειν <pb xml:id="p.144"/> καὶ κατὰ τὴν εὐωδίαν ἑστιᾶσθαι. δάφναι τε ἦσαν πολλαί, φυτοῦ διὰ τέλους ἀκμάζοντος ἡδεῖαι προσιδεῖν κόμαι· ἄμπελοι δὲ πάνυ σφόδρα εὐθενούντων βοτρύων πρὸ τοῦ ἄντρου τεθηλυῖαι τὸ φιλεργὸν τῆς Ἀταλάντης ἐπεδείκνυντο. ὕδατά τε διατελῆ καὶ ἀεὶ ῥέοντα καὶ καθαρὰ ἰδεῖν καὶ ψυχρά, ὅσον γε ἁψαμένῳ τεκμήρασθαι καὶ καταγνῶναι πιόντι, χύδην καὶ ἀφθόνως ἐπέρρει· τὰ δὲ αὐτὰ ταῦτα καὶ ἐς ἀρδείαν τοῖς δένδροις τοῖς προειρημένοις ἦν ἐπιτήδεια, συνεχῶς ἐπιρρέοντα καὶ ἐς τὸ ἔμβιον αὐτοῖς συμμαχόμενα. ἦν οὖν τὸ χωρίον χαρίτων ἀνάμεστον, καὶ σεμνότατόν τε ἅμα καὶ σώφρονα παρθενῶνα ἐδείκνυεν. ἦν δὲ ἄρα τῇ Ἀταλάντῃ στρωμνὴ μὲν αἱ δοραὶ τῶν τεθηραμένων, τροφὴ δὲ τὰ τούτων κρέα, ποτὸν δὲ τὸ ὕδωρ. στολὴν δὲ ἤσθητο ἀπράγμονα καὶ τοιαύτην, οἵαν μὴ ἀπᾴδειν τῆς Ἀρτέμιδος· ἔλεγε γὰρ ζηλοῦν αὐτὴν καὶ ἐν τούτῳ καὶ ἐν τῷ παρθένος εἶναι διὰ τέλους ἐθέλειν. ἐπεφύκει δὲ ὠκίστη τοὺς πόδας, καὶ οὐκ ἂν αὐτὴν διέφυγεν οὔτε θηρίον οὔτε ἐπιβουλεύων αὐτῇ ἄνθρωπος· φυγεῖν δʼ ἐθέλουσαν, ἀλλʼ ἐνταῦθα μὲν οὐκ ἄν τις αὐτὴν κατέλαβεν. ἤρων δὲ αὐτῆς οὐχ ὅσοι μόνον αὐτὴν εἶδον, ἀλλʼ ἤδη καὶ ἐκ φήμης ἠρᾶτο. φέρε δὲ καὶ τὸ εἶδος αὐτῆς, εἴ τι μὴ λυπεῖ, διαγράψωμεν· λυπεῖ δὲ οὐδέν, ἐπεὶ καὶ ἐκ τούτων προσγένοιτʼ ἂν λόγων τε ἐμπειρία καὶ τέχνη. μέγεθος μὲν γὰρ ἔτι παῖς οὖσα ὑπὲρ τὰς τελείας ἦν γυναῖκας· καλὴ δὲ ἦν, ὡς οὐκ ἄλλη τῶν ἐν Πελοποννήσῳ παρθένων τῶν τότε. ἀρρενωπὸν δὲ καὶ γοργὸν ἔβλεπε, τοῦτο μὲν καὶ ἐκ τῆς θηρείου τροφῆς, ἤδη δὲ καὶ ἐκ τῶν ἐν τοῖς ὄρεσι γυμνασίων. κορικόν τε καὶ ῥαδινὸν οὐδὲν εἶχεν· οὐ γὰρ ἐκ θαλάμου προῄει, οὐδὲ ἦν τῶν ὑπὸ μητράσι καὶ τίτθαις τρεφομένων. <pb xml:id="p.145"/> τὸ δὲ ὑπέρογκον τοῦ σώματος οὐδὲ τοῦτο εἶχε καὶ μάλα γε εἰκότως, ἅτε ἐν τοῖς κυνηγεσίοις καὶ περὶ αὐτὰ τὰ γυμνάσια τὸ πᾶν σῶμα ἐκπονοῦσα. ξανθὴ δὲ ἦν αὐτῆς ἡ κόμη οὔ τι που πολυπραγμοσύνῃ γυναικείᾳ καὶ βαφαῖς ἅμα καὶ φαρμάκοις, ἀλλʼ ἦν φύσεως ἔργον ἡ χρόα. πεφοίνικτο δὲ καὶ ὑπὸ τῶν ἡλίων αὐτῇ τὸ πρόσωπον, καὶ ἐρυθήματι ἐῴκει ἄντικρυς. τί δὲ οὕτως ὡραῖον ἂν γένοιτο ἄνθος, ὥσπερ οὖν τὸ πρόσωπον αἰδεῖσθαι πεπαιδευμένης παρθένου; δύο δὲ εἶχεν ἐκπληκτικά, κάλλος ἄμαχον, καὶ σὺν τούτῳ καὶ φοβεῖν ἐδύνατο. οὐδεὶς ἂν ἰδὼν αὐτὴν ἠράσθη ῥᾴθυμος ἄνθρωπος, ἀλλʼ οὐδʼ ἂν ἐτόλμησεν ἀντιβλέπειν τὴν ἀρχήν· τοσαύτη μετὰ τῆς ὥρας κατέλαμπεν αἴγλη τοὺς ὁρῶντας. δεινὴ δὲ ἦν ἐντυχεῖν τά τε ἄλλα καὶ τῷ σπανίῳ. οὐ γὰρ ἂν αὐτήν τις εὐκόλως εἶδεν· ἀλλʼ ἀδοκήτως καὶ ἀπροόπτως ἐπεφάνη διώκουσα θηρίον ἢ ἀμυνομένη τινά, ὥσπερ ἀστὴρ διᾴττουσα, εἶτα ἀπέκρυπτεν αὑτὴν διαθέουσα ἢ δρυμὸν ἢ λόχμην ἤ τι ἄλλο τῶν ἐν ὄρει δάσος. καὶ οἵ ποτέ οἱ τὴν ὅμορον οἰκοῦντες, μεσούσης τῆς νυκτός, ἐρασταὶ θρασεῖς καὶ κωμασταὶ βαρύτατοι, ἐπεκώμασαν δύο τῶν Κενταύρων, Ὑλαῖός τε καὶ Ῥοῖκος. ἦν δὲ ἄρα ὁ κῶμος αὐτῶν οὔτε αὐλητρίδες οὔτε αὐτὰ δήπου τὰ τῶν μειρακίων τῶν κατὰ πόλιν, ἀλλὰ πεῦκαι μὲν ἦσαν, καὶ ταύτας ἐξάψαντες καὶ ἀναφλέξαντες ἐκ τῆς πρώτης τοῦ πυρὸς φαντασίας ἐξέπληξαν ἂν καὶ δῆμον, μήτι γοῦν μίαν παρθένον. κλάδους δὲ πιτύων νεοδρεπεῖς ἀποκλάσαντες, εἶτα τούτοις διαπλέξαντες ἑαυτοὺς εἰργάζοντο στεφάνους. συνεχῶς δὲ καὶ θαμινὰ ἐπικροτοῦντες τοῖς ὅπλοις διὰ τῶν ὀρῶν, συνεκκάοντες καὶ τὰ δένδρα ἐπὶ τὴν παῖδα ἔσπευδον, κακοὶ μνηστῆρες, σὺν ὕβρει καὶ οἴστρῳ τὰ ἕδνα τῶν γάμων <pb xml:id="p.146"/> προεκτελοῦντες. τὴν δὲ οὐκ ἔλαθεν ἡ ἐπιβουλή· ἰδοῦσα δὲ ἐκ τοῦ ἄντρου τὸ πῦρ καὶ γνωρίσασα οἵτινές ποτε ἄρα ἦσαν οἱ κωμασταί, μηδὲν διατραπεῖσα μηδὲ ὑπὸ τῆς ὄψεως καταπτήξασα τὸ μὲν τόξον ἐκύκλωσεν, ἀφῆκε δὲ τὸ βέλος καὶ ἔτυχε τοῦ πρώτου μάλα εὐκαίρως. καὶ ὃ μὲν ἔκειτο, ἐπῄει δὲ ὁ δεύτερος οὐκέτι κωμαστικῶς ἀλλʼ ἤδη πολεμικῶς, ἐκείνῳ μὲν ἐπαμῦναι θέλων, ἑαυτοῦ δὲ ἐμπλῆσαι τὴν ὁρμήν. ἀπήντησε δὲ ἄρα καὶ τούτῳ τιμωρὸς ὁ τῆς κόρης οἰστὸς ὁ ἕτερος. καὶ ὑπὲρ μὲν τῆς Ἰασίωνος Ἀταλάντης τοσαῦτα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> Μυτιληναῖος ἀνήρ, Μακαρεὺς ὄνομα, ἱερεὺς τοῦ Διονύσου, ὅσα μὲν οὕτως ἰδεῖν πρᾶος ἦν καὶ ἐπιεικής, ἀνοσιώτατος δὲ ἀνθρώπων τὰ μάλιστα. ξένου δὲ ἥκοντος παρʼ αὐτὸν καὶ δόντος αὐτῷ παρακαταθήκην χρυσίου πλῆθος, ἐν τῷ μυχῷ τοῦ ἀνακτόρου τὴν γῆν διασκάψας ὁ Μακαρεὺς κατώρυξε τὸ χρυσίον. χρόνῳ δὲ ἀφικόμενος ὁ ξένος τὸ χρυσίον ἀπῄτει. ὃ δὲ ἐσαγαγὼν ἔνδον, ὡς ἀποδώσων, κατέσφαξε, καὶ τὸ χρυσίον ἀνώρυξεν, ἀντʼ αὐτοῦ δὲ τὸν ξένον κατέθετο· καὶ ᾤετο, ὥσπερ τοὺς ἀνθρώπους, λανθάνειν οὕτω καὶ τὸν θεόν. πλὴν οὐκ ἀπήντησε ταῦτα ταύτῃ· πόθεν; χρόνου δὲ ὀλίγου διεληλυθότος, αἱ μὲν τοῦ θεοῦ τριετηρίδες ἀφίκοντο, ὃ δὲ ἔθυε μεγαλοπρεπῶς. καὶ ὃ μὲν περὶ τὴν βακχείαν εἶχεν, οἱ δὲ παῖδες αὐτοῦ, δύο ὄντες, ἔνδον ἀπελείφθησαν ἐν τῇ οἰκίᾳ, καὶ μιμούμενοι τὴν τοῦ πατρὸς ἱερουργίαν τῷ βωμῷ τῷ πατρῴῳ προσῆλθον ἔτι καομένων τῶν ἐμπύρων· καὶ ὁ μὲν νεώτερος παρέσχε τὸν τράχηλον, ὁ δὲ πρεσβύτερος ἠμελημένην εὑρὼν σφαγίδα τὸν ἀδελφὸν ἀπέκτεινεν ὡς ἱερεῖον· οἱ δὲ κατὰ τὴν οἰκίαν ἰδόντες ἀνεβόησαν. ἀκούσασα δὲ ἡ μήτηρ τῆς βοῆς ἐξεπήδησε, <pb xml:id="p.147"/> καὶ θεασαμένη τὸν μὲν νεκρόν, τὸν δὲ κατέχοντα ἔτι τὴν σφαγίδα ᾑμαγμένην, σχίζαν ἁρπάσασα τῶν ἐκ τοῦ βωμοῦ ἡμίκαυτον, ταύτῃ τὸν παῖδα ἀπέκτεινεν. ἧκε δὲ ἀγγελία πρὸς τὸν Μακαρέα, καὶ ἀπολιπὼν τὴν τελετήν, ὡς εἶχε σὺν ὀργῇ καὶ θυμῷ ἐσεπήδησεν ἐς τὴν οἰκίαν, καὶ τῷ θύρσῳ ᾧ κατεῖχε τὴν ἑαυτοῦ γυναῖκα ἔκτεινεν. ἔκπυστα οὖν ἐγένετο τὰ τολμηθέντα ἐς πάντας, καὶ συλληφθεὶς ὁ Μακαρεὺς καὶ στεβλούμενος ὡμολόγησεν ὅσα ἐν τῷ ἀνακτόρῳ ἔδρασεν· ἐν αὐταῖς δὲ ταῖς κολάσεσι τὴν ψυχὴν ἀπέρρηξεν. ὁ δὲ παρανόμως σφαγεὶς διὰ τιμῆς ἦλθε δημοσίᾳ, καὶ ἐτάφη τοῦ θεοῦ προστάξαντος. ἔτισεν οὖν ὁ Μακαρεὺς οὐ μεμπτὴν τὴν δίκην τοῦτο δὴ τὸ ποιητικὸν σὺν τῇ ἑαυτοῦ κεφαλῇ καὶ τῇ τῆς γυναικὸς καὶ οὖν καὶ τῇ τῶν παίδων προσέτι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Ξέρξης ὁ Δαρείου παῖς τοῦ Βήλου τοῦ ἀρχαίου διασκάψας τὸ μνῆμα πύελον ὑελίνην εὗρεν, ἔνθα ἦν κείμενος ὁ νεκρὸς ἐν ἐλαίῳ. οὐ μὴν πεπλήρωτο ἡ πύελος, ἐνέδει δὲ ἀπὸ τοῦ χείλους ἐς παλαιστὴν ἴσως. παρέκειτο δὲ τῇ πυέλῳ καὶ στήλη βραχεῖα, ἔνθα ἐγέγραπτο ʽτῷ ἀνοίξαντι τὸ μνῆμα καὶ μὴ ἀναπληρώσαντι τὴν πύελον οὐκ ἔστιν ἄμεινον.ʼ ἀναγνοὺς δὲ ὁ Ξέρξης ἔδεισε, καὶ προσέταξεν ἐπιχέαι ἔλαιον τὴν ταχίστην· οὐ μὴν πεπλήρωτο. ὃ δὲ πάλιν προσέταξεν ἐπιχέαι. αὔξησιν δὲ οὐκ ἐλάμβανεν, ἕως ἀπεῖπε μάτην ἀναλίσκων τὸ ἐπιχεόμενον. κατακλείσας δὲ τὸν τάφον, ἀπηλλάγη ἀδημονῶν. οὐ διεψεύσατο δὲ ἡ στήλη ὅσα προεῖπεν· ἀθροίσας γὰρ ἑβδομήκοντα μυριάδας ἐπὶ τοὺς Ἕλληνας, κακῶς ἀπήλλαξεν, εἶτα ἐπανελθὼν αἴσχιστα ἀνθρώπων ἀπέθανεν, ἀποσφαγεὶς νύκτωρ ἐν τῇ εὐνῇ ὑπὸ τοῦ υἱοῦ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> Ἀρχέλαος ὁ βασιλεὺς ἑστίασιν παρεσκεύασε πολυτελῆ <pb xml:id="p.148"/> τοῖς ἑταίροις. προϊόντος δὲ τοῦ πότου ζωρότερον πιὼν Εὐριπίδης ὑπήχθη πως κατʼ ὀλίγον ἐς μέθην· εἶτα συγκλιθέντα αὐτῷ Ἀγάθωνα τὸν τῆς τραγῳδίας ποιητὴν περιλαβὼν κατεφίλει, τετταράκοντα ἐτῶν που γεγονότα. τοῦ δὲ Ἀρχελάου πυθομένου εἰ καὶ νῦν ἔτι ἐρώμενος αὐτῷ δοκεῖ εἶναι, ἀπεκρίνατο ʽναὶ μὰ Δία· οὐ γὰρ μόνον τὸ ἔαρ τῶν καλῶν κάλλιστον, ἀλλὰ καὶ τὸ μετόπωρον.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> Ἐρασθῆναι πρῶτον γενναίων παιδικῶν λέγουσι Λάιον, ἁρπάσαντα Χρύσιππον τὸν Πέλοπος. καὶ ἐκ τούτου τοῖς Θηβαίοις ἓν τῶν καλῶν ἐδόκει τὸ τῶν ὡραίων ἐρᾶν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> ἐν Ἡραίᾳ τῆς Ἀρκαδίας ἀκούω πεφυκέναι ἀμπέλους, ἐξ ὧν γίνεται οἶνος, ὃς τοῦ λογισμοῦ παράγει καὶ ἔκφρονας τοὺς Ἀρκάδας ποιεῖ, τὰς δὲ γυναῖκας τεκνοποιοὺς τίθησιν. <milestone unit="para"/>ὅτι ἐν Θάσῳ δύο γένη φασὶν οἴνων γίνεσθαι· καὶ τὸν μὲν ἕτερον πινόμενον ἐς ὕπνον κατάγειν εὖ μάλα βαθὺν καὶ διὰ ταῦτα ἡδύν, τὸν δὲ ἕτερον ἀντίπαλον εἶναι τοῦ βίου καὶ ἀργυπνίαν ἐμποιεῖν καὶ ἀνιᾶσθαι παρέχειν. <milestone unit="para"/>ἐν δὲ Ἀχαΐᾳ περὶ Κερυνίαν οἶνος γίνεται, ὃς ταῖς βουλομέναις γυναιξὶν ἀμβλῶσαι συμμάχεται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> ὅτε εἷλε τὴν Θηβαίων πόλιν Ἀλέξανδρος, ἀπέδοτο τοὺς ἐλευθέρους πάντας πλὴν ἱερέων. ἀφῆκε δὲ τῆς πράσεως καὶ τοὺς τοῦ πατρὸς ξένους ʽὡμήρευσε γὰρ παρʼ αὐτοῖς ὁ Φίλιππος ἔτι παῖς ὢνʼ καὶ τοὺς συγγενεῖς δὲ τούτων ἀφῆκεν. ἐτίμησε δὲ καὶ τοὺς ἐγγόνους τοὺς τοῦ Πινδάρου, καὶ τὴν οἰκίαν αὐτοῦ μόνην εἴασεν ἑστάναι. ἐφόνευσε δὲ τῶν Θηβαίων ἐς ἑξακισχιλίους, αἰχμάλωτοι δὲ ἐλήφθησαν τρισμύριοι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> Λύσανδρον τὸν Λακεδαιμόνιον ἐν τῇ Ἰωνίᾳ διατρίβοντα <pb xml:id="p.149"/> τὰ Λυκούργου φασὶ νόμιμα ῥίψαντα ἐπίπονα ὄντα διατεθρύφθαι τὸν βίον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Λάμια γοῦν ἡ Ἀττικὴ ἑταίρα εἶπεν ʽοἱ ἐκ τῆς Ἑλλάδος λέοντες ἐν Ἐφέσῳ γεγόνασιν ἀλώπεκες.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> ἐν μιᾷ ἡμέρᾳ δύο γυναῖκας ἠγάγετο Διονύσιος, Δωρίδα τὴν Λοκρίδα καὶ Ἀριστομάχην τὴν Ἱππαρίνου, Δίωνος δὲ ἀδελφήν· καὶ παρʼ ἑκατέρᾳ ἀνεπαύετο ἐν τῷ μέρει. καὶ ἣ μὲν ἠκολούθει στρατευομένῳ, ἣ δὲ ἐπανιόντα ὑπεδέχετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> λόγος τις ἐς ἐμὲ ἀφίκετο λέγων αἴτιον Ἰσοκράτην γενέσθαι τὸν ῥήτορα τοῖς Πέρσαις καταδουλώσεως, ἧς ἐδουλώσαντο αὐτοὺς Μακεδόνες. τοῦ γὰρ πανηγυρικοῦ λόγου, ὃν Ἰσοκράτης ἐν τοῖς Ἕλλησιν ἐπεδείξατο, ἐς Μακεδονίαν ἐλθοῦσα ἡ φήμη, πρῶτον μὲν Φίλιππον ἐπὶ τὴν Ἀσίαν ἀνέστησεν· ἀποθανόντος δὲ ἐκείνου Ἀλέξανδρον τὸν υἱὸν αὐτοῦ τῶν πατρῴων κληρονόμον τὴν ὁρμὴν τὴν τοῦ Φιλίππου διαδέξασθαι παρεσκεύασε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> Μέτων ὁ ἀστρονόμος μελλόντων ἐπὶ τὴν Σικελίαν πλεῖν τῶν Ἀθηναίων ἤδη καὶ αὐτὸς εἷς ᾖν τοῦ καταλόγου. σαφῶς δὲ ἐπιστάμενος τὰς μελλούσας τύχας τὸν πλοῦν ἐφυλάττετο δεδιὼς καὶ σπεύδων τῆς ἐξόδου ἑαυτὸν ῥύσασθαι. ἐπεὶ δὲ οὐδὲν ἔπραττεν, ὑπεκρίνατο μανίαν· καὶ πολλὰ μὲν καὶ ἄλλα ἔδρασε πιστώσασθαι τὴν τῆς νόσου δόξαν βουλόμενος, ἐν δὲ τοῖς καὶ τὴν συνοικίαν τὴν αὑτοῦ κατέπρησεν· ἐγειτνία δὲ αὕτη τῇ Ποικίλῃ. καὶ ἐκ τούτου ἀφῆκαν αὐτὸν οἱ ἄρχοντες. καί μοι δοκεῖ ὁ Μέτων ἄμεινον ὑποκρίνασθαι τὴν μανίαν τοῦ Ὀδυσσέως τοῦ Ἰθακησίου· ἐκεῖνον μὲν γὰρ ὁ Παλαμήδης κατεφώρασε, τοῦτον δὲ Ἀθηναίων οὐδείς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> Πτολεμαῖόν φασι τὸν Λάγου καταπλουτίζοντα <pb xml:id="p.150"/> τοὺς φιλους αὑτοῦ ὑπερχαίρειν. ἔλεγε δὲ ἄμεινον εἶναι πλουτίζειν ἢ πλουτεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> ὅτι τὰ Ὁμήρου ἔπη πρότερον διῃρημένα ᾖδον οἱ παλαιοί. οἷον ἔλεγον Τὴν ἐπὶ ναυσὶ μάχην καὶ Δολώνειάν τινα καὶ Ἀριστείαν Ἀγαμέμνονος καὶ Νεῶν κατάλογον καὶ Πατρόκλειαν καὶ Λύτρα καὶ Ἐπὶ Πατρόκλῳ ἆθλα καὶ Ὁρκίων ἀφάνισιν. ταῦτα ὑπὲρ τῆς Ἰλιάδος. ὑπὲρ δὲ τῆς ἑτέρας Τὰ ἐν Πύλῳ καὶ Τὰ ἐν Λακεδαίμονι καὶ Καλυψοῦς ἄντρον καὶ Τὰ περὶ τὴν σχεδίαν καὶ Ἀλκίνου ἀπολόγους καὶ Κυκλώπειαν καὶ Νέκυιαν καὶ Τὰ τῆς Κίρκης καὶ Νίπτρα καὶ Μνηστήρων φόνον καὶ Τὰ ἐν ἀγρῷ καὶ Τὰ ἐν Λαέρτου. ὀψὲ δὲ Λυκοῦργος ὁ Λακεδαιμόνιος ἀθρόαν πρῶτος ἐς τὴν Ἑλλάδα ἐκόμισε τὴν Ὁμήρου ποίησιν· τὸ δὲ ἀγώγιμον τοῦτο ἐξ Ἰωνίας, ἡνίκα ἀπεδήμησεν, ἤγαγεν. ὕστερον δὲ Πεισίστρατος συναγαγὼν ἀπέφηνε τὴν Ἰλιάδα καὶ Ὀδύσσειαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> φασὶ παχύτατον γενέσθαι τὴν διάνοιαν οἱ τῆς κωμῳδίας ποιηταὶ Πολύδωρόν τινα, καὶ ἄλλον Κοικυλίωνα ὄνομα, ὅσπερ τὰ κύματα ἠρίθμει ὑπὸ τῆς ἄγαν ἀνοίας. λόγος δέ τις καὶ Σαννυρίωνα τοιοῦτον γενέσθαι, ὃς ἐν τῇ ληκύθῳ τὴν κλίμακα ἐζήτει. καὶ Κόροιβον δὲ καὶ Μελιτίδην καὶ ἐκείνους ἀνοήτους φασίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> Ἀπολλωνιάται πόλιν οἰκοῦσι γείτονα Ἐπιδάμνου ἐν τῷ Ἰονίῳ κόλπῳ. καὶ ἐν τοῖς πλησίον αὐτῆς χωρίοις ἄσφαλτός ἐστιν ὀρυκτὴ καὶ πίττα τὸν αὐτὸν ἐκ τῆς γῆς ἀνατέλλουσα τρόπον, ὃν καὶ αἱ πλεῖσται πηγαὶ τῶν ὑδάτων. οὐ πόρρω δὲ καὶ τὸ ἀθάνατον δείκνυται πῦρ. ὁ δὲ καόμενος τόπος ἐστὶν ὀλίγος καὶ οὐκ ἐς μέγα διήκει καὶ ἔχει περίβολον οὐ πολύν, ὄζει δὲ θείου καὶ στυπτηρίας. καὶ περὶ αὐτόν ἐστι <pb xml:id="p.151"/> δένδρα εὐθαλῆ καὶ πόα χλωρά· καὶ τὸ πῦρ πλησίον ἐνακμάζον οὐδὲν λυπεῖ οὔτε τὴν τῶν φυτῶν βλάστην οὔτε τὴν τεθηλυῖαν πόαν. κάεται δὲ τὸ πῦρ καὶ νύκτωρ καὶ μεθʼ ἡμέραν, καὶ διέλιπεν οὐδέποτε, ὡς Ἀπολλωνιάται λέγουσι, πρὶν τοῦ πολέμου τοῦ πρὸς Ἰλλυριοὺς συμβάντος αὐτοῖς. <milestone unit="para"/>ὅτι Ἀπολλωνιάται ξενηλασίας ἐποίουν κατὰ τὸν Λακεδαιμόνιον νόμον, Ἐπιδάμνιοι δὲ ἐπιδημεῖν καὶ μετοικεῖν παρεῖχον τῷ βουλομένῳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> πτήσσει Φρύνιχος ὥς τις ἀλεκτρυὼν παροιμία ἐπὶ τῶν κακῶς τι πασχόντων. ὑποκρινομένου γὰρ Φρυνίχου τοῦ τραγικοῦ τὴν Μιλήτου ἅλωσιν οἱ Ἀθηναῖοι δακρύσαντες ἐξέβαλον δεδοικότα καὶ ὑποπτήσσοντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> Διονύσιος ὁ τῆς Σικελίας τύραννος τραγῳδίαν μὲν ἠσπάζετο καὶ ἐπῄνει καὶ οὖν καὶ δράματα ἐξεπόνησε τραγικά, ἀλλοτρίως δὲ πρὸς τὴν κωμῳδίαν διέκειτο, ὅτι οὐκ ἦν φιλόγελως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> ἔλεγεν ὁ Κλεομένης Λακωνικῶς κατὰ τὸν ἐπιχώριον τρόπον τὸν Ὅμηρον Λακεδαιμονίων εἶναι ποιητήν, ὡς χρὴ πολεμεῖν λέγοντα· τὸν δὲ Ἡσίοδον τῶν Εἱλώτων, λέγοντα ὡς χρὴ γεωργεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> ἀνὴρ Μεγαλοπολίτης ἐξ Ἀρκαδίας, Κερκιδᾶς ὄνομα, ἀποθνήσκων ἔλεγε πρὸς τοὺς οἰκείους ἀθυμουμένους ἡδέως ἀπολύεσθαι τοῦ ζῆν· διʼ ἐλπίδος γὰρ ἔχειν συγγενέσθαι τῶν μὲν σοφῶν Πυθαγόρᾳ, τῶν δὲ ἱστορικῶν Ἑκαταίῳ, τῶν δὲ μουσικῶν Ὀλύμπῳ, τῶν δὲ ποιητῶν Ὁμήρῳ. καὶ ἐπὶ τούτοις ὡς λόγος τὴν ψυχὴν ἀπέλιπεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> ὅτι ἐν Κελαιναῖς τῇ δορᾷ τοῦ Φρυγὸς ἐὰν προσαυλῇ τις τὴν ἁρμονίαν τὴν Φρυγίαν, ἡ δορὰ κινεῖται· ἐὰν δὲ ἐς Ἀπόλλωνα, ἀτρεμεῖ καὶ ἔοικε κωφῇ. <pb xml:id="p.152"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> Πτολεμαῖος ὁ Φιλοπάτωρ κατασκευάσας Ὁμήρῳ νεών, αὐτὸν μὲν καλὸν καλῶς ἐκάθισε, κύκλῳ δὲ τὰς πόλεις περιέστησε τοῦ ἀγάλματος, ὅσαι ἀντιποιοῦνται τοῦ Ὁμήρου. Γαλάτων δὲ ὁ ζωγράφος ἔγραψε τὸν μὲν Ὅμηρον αὐτὸν ἐμοῦντα, τοὺς δὲ ἄλλους ποιητὰς τὰ ἐμημεσμένα ἀρυτομένους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> Λυκοῦργος ὁ Λακεδαιμόνιος ὁ Εὐνόμου παῖς δικαίους βουληθεὶς ἀποφῆναι Λακεδαιμονίους, ὑπὲρ τούτου γε οὐ καλοὺς τοὺς μισθοὺς ἠρύσατο. ἀπήντησε γὰρ αὐτῷ τὸν ὀφθαλμὸν ἐκκοπῆναι ὑπὸ Ἀλκάνδρου, ὡς μέν τινές φασιν, ἐξ ἐπιβουλῆς λίθῳ βληθείς, ὡς δὲ ἄλλος διαφοιτᾷ λόγος, βακτηρίᾳ παθὼν τὸ πάθος. λέγεται δὲ ὁ λόγος πρὸς τοὺς ἄλλα μὲν θελήσαντας, ἄλλων δὲ τυχόντας. λέγει δὲ Ἔφορος αὐτὸν λιμῷ διακαρτερήσαντα ἐν φυγῇ ἀποθανεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> Λυκοῦργος ὁ ῥήτωρ ἔγραψε μὴ ἐλαύνειν τὰς γυναῖκας ἐν τοῖς μυστηρίοις ἐπὶ ζευγῶν, ἢ τῇ δρώσῃ τοῦτο ἐπηρτῆσθαι ζημίαν, ἥν γε ᾤετο τάξας ἀποχρῶσαν. πρώτη τῷ ψηφίσματι ἠπείθησεν ἡ τούτου γυνή, καὶ τὴν ζημίαν ἐξέτισε καταδικασθεῖσα. <milestone unit="para"/>καὶ Περικλῆς ἔγραψε μὴ εἶναι Ἀθηναῖον, ὃς μὴ ἐξ ἀμφοῖν γέγονεν ἀστοῖν. εἶτα ἀποβαλὼν τοὺς γνησίους παῖδας ἐπὶ τῷ νόθῳ Περικλεῖ κατελέλειπτο. δῆλα δὲ ὅτι καὶ Περικλῆς ἐβούλετο μὲν ἕτερα, ἔτυχε δὲ ἑτέρων. <milestone unit="para"/>Κλεισθένης δὲ ὁ Ἀθηναῖος τὸ δεῖν ἐξοστρακίζεσθαι πρῶτος ἐσηγησάμενος, αὐτὸς ἔτυχε τῆς καταδίκης πρῶτος. <milestone unit="para"/>Ζάλευκος ὁ Αοκρῶν νομοθέτης προσέταξε τὸν μοιχὸν ἁλόντα ἐκκόπτεσθαι τοὺς ὀφθαλμούς. ἃ τοίνυν μηδὲ προσεδόκησε, ταῦτα ὁ δαίμων αὐτῷ παρὰ τὴν δόξαν καὶ τὴν ἐλπίδα ἐπήγαγεν· ὁ γάρ τοι παῖς ἁλοὺς <pb xml:id="p.153"/> ἐπὶ μοιχείᾳ εἶτα ἔμελλε πείσεσθαι τὰ ἐκ τοῦ πατρῴου νόμου. ἐνταῦθα ἵνα μὴ διαφθαρῇ τὸ ἅπαξ κεκυρωμένον, ὑπέμεινεν αὐτὸς ὁ ἐσηγησάμενος ὑπὲρ τοῦ ἑτέρου τῶν τοῦ παιδὸς ὀφθαλμῶν ἀντιδοῦναι τὸν ἑαυτοῦ, ἵνα μὴ ὁ νεανίσκος τυφλωθῇ τελέως. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> Πίνδαρος ὁ ποιητὴς ἀγωνιζόμενος ἐν Θήβαις ἀμαθέσι περιπεσὼν ἀκροαταῖς ἡττήθη Κορίννης πεντάκις. ἐλέγχων δὲ τὴν ἀμουσίαν αὐτῶν ὁ Πίνδαρος σῦν ἐκάλει τὴν Κόρινναν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Διογένης ὁ Σινωπεὺς ἔρημος ἦν καὶ μόνος ἀπέρριπτο, καὶ οὔτε τινὰ διʼ ἀπορίαν ὑπεδέχετο, οὔτε τις αὐτὸν ἐξένιζε, τὸν ἄνδρα ἐκτρεπόμενος διὰ τὸ τοῦ τρόπου ἐλεγκτικὸν καὶ ὅτι ἦν πρὸς τὰ πραττόμενα καὶ λεγόμενα δυσάρεστος. ἠθύμει οὖν ὁ Διογένης καὶ φύλλων ἄκρα ἤσθιε· ταῦτα γάρ οἱ παρῆν. τοῖς δὲ ἀποπίπτουσι τοῦ ἄρτου θρύμμασι μῦς ἐχρῆτο ἐπιφοιτῶν. ὁ οὖν Διογένης φιλοπόνως κατεσκέψατο τὸ πραττόμενον, καὶ μειδιάσας καὶ ἑαυτοῦ γενόμενος φαιδρότερός τε καὶ ἵλεως εἶπεν ʽὁ μὲν μῦς οὗτος τῆς Ἀθηναίων πολυτελείας δεῖται οὐδέν, σὺ δέ, ὦ Διόγενες, ἄχθῃ ὅτι μὴ συνδειπνεῖς Ἀθηναίοις.ʼ καὶ ἐπόρισεν ἑαυτῷ εὔκαιρον εὐθυμίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> ὅτι τὸ Σωκράτους σῶμα πεπίστευτο κόσμιον καὶ σωφροσύνης ἐγκρατὲς γεγονέναι καὶ ταύτῃ. ἐνόσουν Ἀθηναῖοι πανδημεί, καὶ οἳ μὲν ἀπέθνησκον, οἳ δὲ ἐπιθανατίως εἶχον· Σωκράτης δὲ μόνος οὐκ ἐνόσησε τὴν ἀρχήν. ὁ τοίνυν τοιούτῳ συνὼν σώματι τίνα ἡγούμεθα εἶχε ψυχήν; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> Διογένης ἡνίκα ἀπέλιπε τὴν πατρίδα, εἷς αὐτῷ τῶν οἰκετῶν ἠκολούθει ὄνομα Μάνης, ὃς οὐ φέρων τὴν μετʼ αὐτοῦ διατριβὴν ἀπέδρα. προτρεπόντων δέ τινων ζητεῖν αὐτὸν ἔφη ʽοὐκ αἰσχρὸν Μάνην μὲν <pb xml:id="p.154"/> μὴ δεῖσθαι Διογένους, Διογένην δὲ Μάνους;ʼ οὗτος δὲ ὁ οἰκέτης ἐς Δελφοὺς ἀλώμενος ὑπὸ κυνῶν διεσπάσθη, τῷ ὀνόματι τοῦ δεσπότου δίκας ἐκτίσας ἀνθʼ ὧν ἀπέδρα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> ἔλεγεν ὁ Πλάτων τὰς ἐλπίδας ἐγρηγορότων ἀνθρώπων ὀνείρους εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Ὀλυμπιὰς ἡ Ἀλεξάνδρου πυθομένη ὅτι πολὺν χρόνον ὁ παῖς αὐτῆς ἄταφος μένει, βαρὺ ἀναστένουσα καὶ θρηνοῦσα εὖ μάλα λιγέως ʽὦ τέκνονʼ εἶπεν, ʽἀλλὰ σὺ μὲν οὐρανοῦ μετασχεῖν βουλόμενος καὶ τοῦτο σπεύδων, νῦν οὐδὲ τῶν κοινῶν δήπου καὶ ἴσων πᾶσιν ἀνθρώποις μετασχεῖν ἔχεις, γῆς τε ἅμα καὶ ταφῆς·̓ καὶ τὰς ἑαυτῆς τύχας οἰκτείρασα καὶ τὸ τοῦ παιδὸς τετυφωμένον ἐλέγξασα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> Ξενοκράτης ὁ Χαλκηδόνιος, ὁ ἑταῖρος Πλάτωνος, τά τε ἄλλα ἦν φιλοικτίρμων καὶ οὐ μόνον φιλάνθρωπος, ἀλλὰ καὶ πολλὰ τῶν ἀλόγων ζῴων ἠλέει. καὶ οὖν ποτε καθημένου ἐν ὑπαίθρῳ, διωκόμενος βιαίως στρουθὸς ὑπὸ ἱέρακος ἐς τοὺς κόλπους αὐτοῦ κατέπτη. ὃ δὲ ἀσμένως ἐδέξατο τὸν ὄρνιν, καὶ διεφύλαξεν ἀποκρύψας, ἔστε ὁ διώκων ἀπῆλθεν. ἐπεὶ δὲ ἠλευθέρωσεν αὐτὸν τοῦ φόβου, ἁπλώσας τὸν κόλπον ἀφῆκε τὸν ὄρνιν, ἐπειπὼν ὅτι μὴ ἐξέδωκε τὸν ἱκέτην. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> φησὶ Ξενοφῶν ὅτι Θεοδότῃ τῇ ἑταίρᾳ ἐς λόγους ἀφίκετο Σωκράτης, καλλίστῃ γυναικὶ οὔσῃ. ἀλλὰ καὶ τῇ Καλλιστοῖ ἦλθεν ἐς λόγους, ἣ ἔλεγεν ʽἐγὼ μέν, ὦ Σωφρονίσκου, κρείττων εἰμί σου· σὺ μὲν γὰρ οὐδένα τῶν ἐμῶν δύνῃ ἀποσπάσαι· ἐγὼ δέ, ἐὰν βούλωμαι, τοὺς σοὺς πάντας.ʼ ὃ δὲ ʽκαὶ μάλα γε εἰκότως· σὺ μὲν γὰρ ἐπὶ τὴν κατάντη αὐτοὺς ἄγεις, ἐγὼ <pb xml:id="p.155"/> δὲ ἐπὶ τὴν ἀρετὴν ἥκειν βιάζομαι· ὀρθία δὲ ἡ ἄνοδος ἐστι καὶ ἀήθης τοῖς πολλοῖς.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> Ῥοδῶπίν φασιν Αἰγυπτίων λόγοι ἑταίραν γενέσθαι ὡραιοτάτην. καί ποτε αὐτῆς λουομένης ἡ τὰ παράδοξα καὶ τὰ ἀδόκητα φιλοῦσα ἐργάζεσθαι τύχη προυξένησεν αὐτῇ οὐ τῆς γνώμης ἀλλὰ τοῦ κάλλους ἄξια. λουομένης γὰρ καὶ τῶν θεραπαινίδων τὴν ἐσθῆτα φυλαττουσῶν, ἀετὸς καταπτάς, τὸ ἕτερον τῶν ὑποδημάτων ἁρπάσας, ἀπιὼν ᾤχετο· καὶ ἐκόμισεν ἐς Μέμφιν δικάζοντος Ψαμμιτίχου, καὶ ἐς τὸν κόλπον ἐνέβαλε τὸ ὑπόδημα. ὁ δὲ Ψαμμίτιχος θαυμάσας τοῦ ὑποδήματος τὸν ῥυθμὸν καὶ τῆς ἐργασίας αὐτοῦ τὴν χάριν καὶ τὸ πραχθὲν ὑπὸ τοῦ ὄρνιθος προσέταξεν ἀνὰ πᾶσαν τὴν Αἴγυπτον ἀναζητεῖσθαι τὴν ἄνθρωπον, ἧς τὸ ὑπόδημά ἐστι· καὶ εὑρὼν γαμετὴν ἠγάγετο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> ὅτι τὸν Λέοντα ὁ Διονύσιος μετὰ τὴν πρόσταξιν τὴν κατʼ αὐτοῦ ἀνευρὼν ἐς τρὶς τοῖς δορυφόροις ἐκέλευσεν ἀπάγειν, καὶ μετέγνω τρίς, καὶ καθʼ ἑκάστην μεταπομπὴν κατεφίλει κλάων καὶ καταρώμενος ἑαυτοῦ, ὅτι ἔλαβε τὸ ξίφος. τελευτῶν ἥττηται τῷ φόβῳ, καὶ προσέταξεν ἀποσφαγῆναι εἰπὼν ὅτι ʽοὐκ ἔστιν, ὦ Λέον, σοι ζῆν.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="35"> 
+<p rend="align(indent)"> λέγουσι φυσικοὶ ἄνδρες τὴν ἔλαφον καθάρσεως δεομένην σέσελιν ἐσθίειν, φαλαγγίων δὲ κνήσμασιν ἐχομένην καρκίνους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="36"> 
+<p rend="align(indent)"> Ὀλυμπιὰς τῇ Φιλίππου θυγατρὶ Εὐρυδίκῃ ʽἦν δὲ ἄρα ἐξ Ἰλλυρίδος γυναικὸς τῷ Φιλίππῳ γενομένἠ προσέπεμψε κώνειον καὶ βρόχον καὶ ξίφος· ἣ δὲ αἱρεῖται τὸν βρόχον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="37"> 
+<p rend="align(indent)"> Γέλων ὁ τῶν Συρακοσίων τύραννος τὴν τῆς ἀρχῆς κατάστασιν πραότατα εἶχε· στασιώδεις δέ τινες <pb xml:id="p.156"/> ἐπεβούλευον αὐτῷ. ἃ πυθόμενος ὁ Γέλων, ἐς ἐκκλησίαν συγκαλέσας τοὺς Συρακοσίους ἐσῆλθεν ὡπλισμένος, καὶ διεξελθὼν ὅσα ἀγαθὰ αὐτοῖς εἰργάσατο, καὶ τὴν ἐπιβουλὴν ἐξεκάλυψε καὶ ἀπεδύσατο τὴν πανοπλίαν, εἰπὼν πρὸς πάντας ʽἰδοὺ τοίνυν ὑμῖν ἐν χιτωνίσκῳ γυμνὸς τῶν ὅπλων παρέστηκα, καὶ δίδωμι χρῆσθαι ὅ τι βούλεσθε.ʼ καὶ ἐθαύμασαν αὐτοῦ τὴν γνώμην οἱ Συρακόσιοι, οἳ δὲ καὶ τοὺς ἐπιβουλεύοντας παρέδοσαν αὐτῷ κολάσαι καὶ τὴν ἀρχὴν ἔδωκαν. ὃ δὲ καὶ τούτους εἴασε τῷ δήμῳ τιμωρήσασθαι. καὶ εἰκόνα αὐτοῦ οἱ Συρακόσιοι ἔστησαν ἐν ἀζώστῳ χιτῶνι· καὶ ἦν τοῦτο τῆς δημαγωγίας αὐτοῦ ὑπόμνημα καὶ τοῖς ἐς τὸν μετὰ ταῦτα αἰῶνα μέλλουσιν ἄρχειν δίδαγμα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="38"> 
+<p rend="align(indent)"> ἰσχυρῶς Ὅμηρον ἐθαύμαζεν Ἀλκιβιάδης, καί ποτε διδασκαλείῳ παίδων προσελθὼν ῥαψῳδίαν Ἰλιάδος ᾔτει. τοῦ δὲ διδασκάλου μηδὲν ἔχειν Ὁμήρου φήσαντος ἐντρίψας αὐτῷ κόνδυλον εὖ μάλα στερεὸν παρῆλθεν, ἐνδειξάμενος ὅτι ἐκεῖνος ἀπαίδευτός ἐστι καὶ τοιούτους ἀποφαίνει τοὺς παῖδας. οὗτος ἐπὶ κρίσιν καλούμενος θανατικὴν ἐκ Σικελίας ὑπὸ τῶν Ἀθηναίων οὐχ ὑπήκουσεν εἰπὼν ʽεὔηθες τὸν ἔχοντα δίκην ζητεῖν ἀποφυγεῖν, ἐνὸν φυγεῖν.ʼ εἰπόντος δέ τινος ʽοὐ πιστεύεις τῇ πατρίδι τὴν περὶ σοῦ κρίσιν;ʼ ὃ δὲ εἶπεν ʽοὐδὲ τῇ μητρί· δέδοικα γὰρ μὴ ἀγνοήσασα καὶ σφαλεῖσα τοῦ ἀληθοῦς εἶτα τὴν μέλαιναν ἐμβάλῃ ἀντὶ τῆς λευκῆς ψῆφον.ʼ πυθόμενος οὖν ὅτι θάνατος αὐτοῦ κατεγνώσθη ὑπὸ τῶν πολιτῶν, ʽδείξωμεν οὖνʼ εἶπεν ʽὅτι ζῶμεν,ʼ καὶ ὁρμήσας πρὸς τοὺς Λακεδαιμονίους τὸν Δεκελεικὸν ἐξῆψε πόλεμον ἐπὶ τοὺς Ἀθηναίους. ἔλεγε δὲ μηδὲν παράδοξον ποιεῖν Λακεδαιμονίους <pb xml:id="p.157"/> ἀδεῶς ἐν τῷ πολέμῳ ἀποθνήσκοντας· τὴν γὰρ ἐκ τῶν νόμων ταλαιπωρίαν ἀποδιδράσκοντας θάνατον ὑπὲρ τῶν πόνων ὧν ἔχουσι προθύμως ἀλλάττεσθαι. εἰώθει δέ φασιν ἐπιλέγειν ταῖς ἑαυτοῦ πράξεσιν ὅτι τὸν τῶν Διοσκόρων ζῇ βίον παρʼ ἡμέραν τεθνηκώς τε καὶ ἀναβιούς· εὐημερήσας γὰρ ἐν τῷ δήμῳ ἴσος θεοῖς νομίζεσθαι, κακῶς δὲ ἀπαλλάξας τῶν νεκρῶν μηδὲ ὀλίγον διαφέρειν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="39"> 
+<p rend="align(indent)"> Ἐφιάλτης στρατηγοῦ ὀνειδίσαντος αὐτῷ τινος πενίαν ʽτὸ δὲ ἕτερονʼ ἔφη ʽδιὰ τί οὐ λέγεις, ὅτι δίκαιός εἰμι;ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="40"> 
+<p rend="align(indent)"> στρεπτῷ κειμένῳ ἐπὶ τῆς γῆς χρυσοῦ Περσικοῦ ὁ Θεμιστοκλῆς παρεστὼς τῷ παιδὶ εἶπεν ʽοὐκ ἀναιρήσεις, ὦ παῖ, τὸ εὕρημα τόδε;ʼ δείξας τὸν στρεπτόν· ʽοὐ γὰρ σὺ Θεμιστοκλῆς εἶ δήπου.ʼ <milestone unit="para"/>Ὅτι ἠτίμασαν αὐτόν ποτε Ἀθηναῖοι, εἶτα ἐπὶ τὴν ἀρχὴν αὖθις παρεκάλουν· ὃ δὲ ʽοὐκ ἐπαινῶ τοὺς τοιούτους ἄνδρας, οἵτινες τὴν αὐτὴν ἀμίδα καὶ οἰνοχόην ἔχουσι.ʼ <milestone unit="para"/>Πρὸς Εὐρυβιάδην τὸν Λακεδαιμόνιον ἔλεγέ τι ὑπεναντίον, καὶ ἀνέτεινεν αὐτῷ τὴν βακτηρίαν. ὃ δὲ ʽπάταξον μέν, ἄκουσον δέ.ʼ ᾔδει δὲ ὅτι ἃ μέλλει λέγειν τῷ κοινῷ λυσιτελεῖ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="41"> 
+<p rend="align(indent)"> ὀδυρομένου τινὸς τῶν μετὰ Φωκίωνος μελλόντων ἀποθνήσκειν εἶπεν ὁ Φωκίων ʽεἶτα οὐκ ἀγαπᾷς, ὦ Θούδιππε, μετὰ Φωκίωνος ἀποθνήσκων; </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="42"> 
+<p rend="align(indent)"> Ἐπαμεινώνδας ἔφευγε δίκην θανάτου ἐπανελθὼν ἐκ τῆς Λακωνικῆς, ὡς ἐπιβαλὼν τῇ βοιωταρχίᾳ τέτταρας μῆνας παρὰ τὸν νόμον. τοὺς μὲν οὖν συνάρχοντας ἐκέλευσεν ἐς αὐτὸν τὴν αἰτίαν ἀναφέρειν ὡς ἐκβιασθέντας, αὐτὸς δὲ παρελθὼν ἐς τὸ δικαστήριον οὐκ ἔφη βελτίονας ἔχειν τῶν ἔργων τοὺς λόγους· εἰ <pb xml:id="p.158"/> δὲ μή, ἠξίου ἀποκτείνειν αὐτόν, ἐπιγράψαι μέντοι τῇ στήλῃ ὅτι μὴ βουλομένους Θηβαίους ἠνάγκασεν Ἐπαμεινώνδας τὴν μὲν Λακωνικὴν πυρπολῆσαι πεντακοσίοις ἐνιαυτοῖς ἀδῄωτον οὖσαν, οἰκίσαι δὲ Μεσσήνην δι’ ἐτῶν τριάκοντα καὶ διακοσίων, συντάξαι δὲ καὶ συναγαγεῖν ἐς ταὐτὸν Ἀρκάδας, ἀποδοῦναι δὲ τοῖς Ἕλλησι τὴν αὐτονομίαν. καὶ ἀφῆκαν αὐτὸν αἰδεσθέντες οἱ δικασταί. ἐπανελθόντα δὲ αὐτὸν ἐκ τοῦ δικαστηρίου Μελιταῖον κυνίδιον ἔσαινε. διὸ πρὸς τοὺς παρόντας εἶπε ʽτοῦτο μὲν ἀποδίδωσιν εὐεργεσίας μοι χάριν, Θηβαῖοι δὲ πολλάκις ὑπʼ ἐμοῦ εὖ παθόντες ἔκρινάν με θανάτου.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="43"> 
+<p rend="align(indent)"> ὅτι Τιμόθεος ὁ στρατηγὸς Ἀθηναίων πεπίστευτο εὐτυχὴς εἶναι· καὶ ἔλεγον τὴν τύχην αἰτίαν εἶναι, Τιμόθεον δὲ οὐδενός, κωμῳδοῦντες ἐπὶ τῆς σκηνῆς. καὶ οἱ ζωγράφοι δὲ καθεύδοντα ἐποίουν αὐτόν, εἶτα ὑπὲρ τῆς κεφαλῆς ἀπῃώρητο ἑστῶσα ἡ Τύχη ἕλκουσα ἐς κύρτον τὰς πόλεις. <milestone unit="para"/>πυνθανομένου Θεμιστοκλέους τινὸς κατὰ τί μάλιστα ἥσθη ἐν τῷ βίῳ, ὃ δὲ ἀπεκρίνατο ʽτὸ θέατρον ἰδεῖν Ὀλυμπίασιν ἐπιστρεφόμενον ἐς ἐμὲ ἐς τὸ στάδιον παριόντα.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="44"> 
+<p rend="align(indent)"> τοὺς αὐτοὺς ἐπιτρόπους ἔσχε Θεμιστοκλῆς καὶ Ἀριστείδης ὁ Λυσιμάχου, καὶ διὰ ταῦτά τοι καὶ συνετράφησαν καὶ συνεπαιδεύθησαν κοινῷ διδασκάλῳ. ἐστασιαζέτην δὲ ὅμως καὶ ἔτι παῖδες ὄντες, καὶ παρέμενεν αὐτοῖς ἡ φιλονεικία ἀπὸ τῆς πρώτης ἡλικίας καὶ ἐς ἔσχατον γῆρας. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="45"> 
+<p rend="align(indent)"> ὅτι Διονύσιος τὴν μητέρα διέφθειρε φαρμάκοις· Λεπτίνην δὲ τὸν ἀδελφὸν σῶσαι δυνάμενος ἐν τῇ ναυμαχίᾳ περιεῖδεν ἀπολλύμενον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="46"> 
+<p rend="align(indent)"> πόλις ἐστὶ τῆς Ἀχαΐας αἱ Πάτραι. παῖς παρʼ <pb xml:id="p.159"/> αὐτοῖς δράκοντα μικρὸν ἐπρίατο, καὶ ἔτρεφε μετὰ πολλῆς τῆς κομιδῆς. αὐξηθέντος δὲ αὐτοῦ ἐλάλει πρὸς αὐτὸν ὡς πρὸς ἀκούοντα, καὶ ἤθυρε μετʼ αὐτοῦ καὶ συνεκάθευδεν αὐτῷ. ἐς μέγιστον δὲ μέγεθος ἐλθὼν ὁ δράκων ὑπὸ τῶν πολιτῶν ἐς ἐρημίαν ἀπηλάθη. ὕστερον δὲ ὁ παῖς νεανίας γενόμενος ἀπό τινος θέας ἐπανιών, λῃσταῖς περιπεσὼν μετὰ τῶν συνηλίκων, βοῆς γενομένης ἰδοὺ ὁ δράκων· καὶ τοὺς μὲν διεσκόρπισεν, οὓς δὲ ἀπέκτεινεν, αὐτὸν δὲ περιεσώσατο.</p> </div> </div>
+<div type="textpart" subtype="book" xml:base="urn:cts:greekLit:tlg0545.tlg002.perseus-grc2" n="14"> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="1"> 
+<p rend="align(indent)"> Ἀριστοτέλης ὁ Νικομάχου, σοφὸς ἀνὴρ καὶ ὢν καὶ εἶναι δοκῶν, ἐπεί τις αὐτοῦ ἀφείλετο τὰς ψηφισθείσας αὐτῷ ἐν Δελφοῖς τιμάς, ἐπιστέλλων πρὸς Ἀντίπατρον περὶ τούτων φησὶν ʽὑπὲρ τῶν ἐν Δελφοῖς ψηφισθέντων μοι καὶ ὧν ἀφῄρημαι νῦν οὕτως ἔχω ὡς μήτε μοι σφόδρα μέλειν ὑπὲρ αὐτῶν μήτε μοι μηδὲν μέλειν.ʼ οὐκ ἂν δὲ εἴη φιλοδοξία ταῦτα, οὐδʼ ἂν καταγνοίην ἔγωγε τοιοῦτόν τι Ἀριστοτέλους, ἀλλʼ εὖ φρονῶν ᾤετο μὴ ὅμοιον εἶναι ἀρχήν τινα μὴ λαβεῖν καὶ λαβόντα ἀφαιρεθῆναι. τὸ μὲν γὰρ οὐδὲν μέγα, τὸ μὴ τυχεῖν· τὸ δὲ ἀλγεινόν, τὸ τυχόντα εἶτα ἀποστερηθῆναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="2"> 
+<p rend="align(indent)"> ὅτι τοὺς παραβάντας ὅρκους τῶν βαρβάρων ἐπῄνεσεν Ἀγησίλαος, ὅτι τοὺς θεοὺς ἑαυτοῖς ἐχθροὺς ποιησάμενοι ταῖς ἐπιορκίαις, αὐτῷ φίλους καὶ συμμάχους κατεπράξαντο. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="3"> 
+<p rend="align(indent)"> Τιμόθεος ὁ Κόνωνος πρὸς Ἀριστοφῶντα τὸν Ἀζηνιέα πάντων ἄριστα ἔχοντα λόγον εἶπεν. ἐπεὶ <pb xml:id="p.160"/> γὰρ ἄσωτος ἦν ὁ Ἀριστοφῶν, πικρότατα αὐτοῦ καθίκετο ὁ Τιμόθεος εἰπὼν ʽᾧ ἱκανὸν οὐδέν, ἀλλὰ τούτῳ γε αἰσχρὸν οὐδέν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="4"> 
+<p rend="align(indent)"> ὅτι Ἀριστείδης ὁ Λοκρὸς ὑπὸ Ταρτησσίας γαλῆς δηχθεὶς καὶ ἀποθνήσκων εἶπεν ʽὅτι πολὺ ἂν ἥδιον ἦν αὐτῷ δηχθέντι ὑπὸ λέοντος ἢ παρδάλεως ἀποθανεῖν, εἴπερ οὖν ἔδει τινὸς τῷ θανάτφ προφάσεως ἢ ὑπὸ θηρίου τοιούτοὐ, τὴν ἀδοξίαν ἐμοὶ δοκεῖν ἐκεῖνος τοῦ δήγματος πολλῷ βαρύτερον φέρων ἢ τὸν θάνατον αὐτόν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="5"> 
+<p rend="align(indent)"> οὐ μόνοις τοῖς ἀστοῖς ἐχρῶντο Ἀθηναῖοι τοῖς πρὸς τὰς ἀρχὰς καὶ τὰς στρατηγίας ἐπιτηδείοις, ἀλλὰ γὰρ καὶ ξένους προῃροῦντο καὶ τὰ κοινὰ αὐτοῖς ἐνεχείριζον, εἴπερ οὖν αὐτοὺς ἀγαθοὺς ὄντας κατέγνωσαν καὶ ἐπιτηδείους ἐς τὰ τοιαῦτα. Ἀπολλόδωρον τὸν Κυζικηνὸν πολλάκις στρατηγὸν εἵλοντο ξένον ὄντα, καὶ Ἡρακλείδην τὸν Κλαζομένιον· ἐνδειξάμενοι γὰρ ὅτι ἄξιοι λόγου εἰσίν, εἶτα οὐκ ἔδοξαν ἀνάξιοι τοῦ Ἀθηναίων ἄρχειν εἶναι. καὶ ὑπὲρ μὲν τούτων ἐπαινεῖν χρὴ τὴν πόλιν μὴ καταχαριζομένην τἀληθὲς τοῖς πολίταις, ἀλλὰ νέμουσαν καὶ τοῖς γένει μὲν μὴ προσήκουσι, δι’ ἀρετὴν δὲ ἀξίοις τιμᾶσθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="6"> 
+<p rend="align(indent)"> πάνυ σφόδρα ἐρρωμένως ἐῴκει λέγειν ὁ Ἀρίστιππος, παρεγγυῶν τοῖς ἀνθρώποις μήτε τοῖς παρελθοῦσιν ἐπικάμνειν μήτε τῶν ἐπιόντων προκάμνειν· εὐθυμίας γὰρ δεῖγμα τὸ τοιοῦτο καὶ ἵλεω διανοίας ἀπόδειξις. προσέταττε δὲ ἐφʼ ἡμέρᾳ τὴν γνώμην ἔχειν καὶ αὖ πάλιν τῆς ἡμέρας ἐπʼ ἐκείνῳ τῷ μέρει, καθʼ ὃ ἕκαστος ἢ πράττει τι ἢ ἐννοεῖ. μόνον γὰρ ἔφασκεν ἡμέτερον εἶναι τὸ παρόν, μήτε δὲ τὸ φθάνον μήτε τὸ προσδοκώμενον· τὸ μὲν γὰρ ἀπολωλέναι, τὸ δὲ ἄδηλον εἶναι εἴπερ ἔσται. <pb xml:id="p.161"/> </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="7"> 
+<p rend="align(indent)"> Λακεδαιμόνιος οὗτος ὁ νόμος· ὁ δὲ νόμος ἐκεῖνα λέγει. μηδένα Λακεδαιμονίων ἀνανδρότερον ὁρᾶσθαι τὴν χρόαν ἢ τὸν ὄγκον τοῦ σώματος ἔχειν ὑπὲρ τὰ γυμνάσια· ἐδόκει γὰρ τὸ μὲν ἀργίαν ὁμολογεῖν, τὸ δὲ οὐχ ὁμολογεῖν ἄνδρα. προσεγέγραπτο δὲ τῷ νόμῳ διὰ δέκα ἡμερῶν πάντως τοῖς ἐφόροις τοὺς ἐφήβους παρίστασθαι γυμνοὺς δημοσίᾳ. καὶ εἰ μὲν ἦσαν εὐπαγεῖς καὶ ἐρρωμένοι καὶ ἐκ τῶν γυμνασίων οἱονεὶ διαγλυφέντες καὶ διατορευθέντες, ἐπῃνοῦντο· εἰ δέ τι χαῦνον ἦν αὐτοῖς τῶν μελῶν ἢ ὑγρότερον, ὑποιδούσης καὶ ὑπαναφυομένης διὰ τὴν ῥᾳθυμίαν πιμελῆς, ἀλλʼ ἐνταῦθα μὲν ἐπαίοντο καὶ ἐδικαιοῦντο. ἐτίθεντο δὲ καὶ φροντίδα οἱ ἔφοροι καθʼ ἑκάστην πολυπραγμονεῖν τὰ περὶ τὴν στολήν, εἰ ἕκαστα αὐτῆς μὴ ἀπολείπεται τοῦ κόσμου τοῦ δέοντος. ἔδει δὲ ὀψοποιοὺς ἐν Λακεδαίμονι εἶναι κρέως μόνου· ὁ δὲ παρὰ τοῦτο ἐπιστάμενος ἐξηλαύνετο τῆς Σπάρτης, ὡς τὰ τῶν νοσούντων καθάρσια. <milestone unit="para"/>οἱ αὐτοὶ Ναυκλείδην τὸν Πολυβιάδου ὑπερσαρκοῦντα τῷ σώματι καὶ ὑπέρπαχυν διὰ τρυφὴν γενόμενον ἐς τὴν ἐκκλησίαν τῶν θεωμένων κατήγαγον, καὶ ἠπείλησαν αὐτῷ φυγῆς προστίμησιν, ἐὰν μὴ τὸν βίον ὃν ἐβίου τότε ὑπαίτιον ὄντα καὶ Ἰωνικὸν μᾶλλον ἢ Λακωνικὸν τοῦ λοιποῦ μεθαρμόσηται· φέρειν γὰρ αὐτοῦ τὸ εἶδος καὶ τὴν τοῦ σώματος διάθεσιν αἰσχύνην καὶ τῇ Λακεδαίμονι καὶ τοῖς νόμοις. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="8"> 
+<p rend="align(indent)"> δύο εἰκόνας εἰργάσατο Πολύκλειτος κατὰ τὸ αὐτό, τὴν μὲν τοῖς ὄχλοις χαριζόμενος, τὴν δὲ κατὰ τὸν νόμον τῆς τέχνης. ἐχαρίζετο δὲ τοῖς πολλοῖς τὸν τρόπον τοῦτον. καθʼ ἕκαστον τῶν ἐσιόντων μετετίθει τι καὶ μετεμόρφου, πειθόμενος τῇ ἑκάστου ὑφηγήσει. προύθηκεν οὖν ἀμφοτέρας· καὶ ἣ μὲν ὑπὸ πάντων <pb xml:id="p.162"/> ἐπῃνεῖτο, ἡ δὲ ἑτέρα ἐγελᾶτο. ὑπολαβὼν οὖν ἔφη ὁ Πολύκλειτος ʽἀλλὰ ταύτην μὲν ἣν ψέγετε ὑμεῖς ἐποιήσατε, ταύτην δὲ ἣν θαυμάζετε ἐγώ.ʼ <milestone unit="para"/>Ἱππόμαχος ὁ αὐλητὴς ἐπεὶ αὐτῷ μαθητὴς αὐλῶν ἥμαρτε μὲν κατὰ τὸ αὔλημα, ἐπῃνέθη δὲ ὑπὸ τῶν παρόντων, καθίκετο αὐτοῦ τῇ ῥάβδῳ καὶ ἔφη ʽκακῶς ηὔλησας· οὐ γὰρ ἂν οὗτοί σε ἐπῄνουν.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="9"> 
+<p rend="align(indent)"> Ξενοκράτης ὁ Χαλκηδόνιος ὑπὸ τοῦ Πλάτωνος ἐς τὸ ἄχαρι σκωπτόμενος οὐδέποτε ἠγανάκτει φασίν, ἀλλὰ καὶ πρὸς τὸν παροξύνοντα αὐτὸν ὑπὲρ τούτου, ἵνα τι ἀποκρίνηται τῷ Πλάτωνι, ὃ δὲ καὶ πάνυ ἐμφρόνως κατασιγάζων τὸν ἄνδρα ἔφατο ʽἀλλὰ τοῦτο ἐμοὶ συμφέρει.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="10"> 
+<p rend="align(indent)"> Προείλοντο τοῦ Φωκίωνος Ἀθηναῖοι τὸν Δημάδην στρατηγεῖν. ὃ δὲ προτιμηθεὶς καὶ μέγα φρονῶν, προσελθὼν τῷ Φωκίων̔??ʼ ʽχρῆσόν μοἰ ἔφη ʽτὴν ῥυπαρὰν χλαμύδα, ἣν εἰώθεις φορεῖν παρὰ τὴν στρατηγίαν.ʼ καὶ ὃς ʽοὐδέποτἐ εἶπεν ʽοὐδενὸς ῥυπαροῦ σὺ ἀπορήσεις, ἔστʼ ἂν ᾖς τοιοῦτος.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="11"> 
+<p rend="align(indent)"> Φιλίσκος πρὸς Ἀλέξανδρον ἔφη ποτὲ ʽδόξης φρόντιζε, ἀλλὰ μὴ ἔσο λοιμὸς καὶ μὴ μεγάλη νόσος ἀλλὰ ὑγίεια,ʼ λέγων τὸ μὲν βιαίως ἄρχειν καὶ πικρῶς καὶ αἱρεῖν πόλεις καὶ ἀπολλύειν δήμους λοιμοῦ εἶναι, τὸ δὲ ὑγιείας προνοεῖσθαι καὶ σωτηρίας τῶν ἀρχομένων εἰρήνης ταῦτα ἀγαθά. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="12"> 
+<p rend="align(indent)"> ὅτι ὁ Περσῶν βασιλεὺς ὁδοιπορῶν, ἵνα μὴ ἀλύῃ, φιλύριον εἶχε καὶ μαχαίριον, ἵνα ξέῃ τοῦτο. καὶ τοῦτο εἰργάζοντο αἱ χεῖρες αἱ βασιλικαί· πάντως γὰρ οὐκ εἶχεν οὐ βιβλίον, οὐ διάνοιαν, ἵνʼ ἢ σπουδαῖόν τι καὶ σεμνὸν ἀναγινώσκῃ ἢ γενναῖόν τι καὶ λόγου ἄξιον βουλεύηται. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="13"> 
+<p rend="align(indent)"> πολλοῖς καὶ πολλάκις χρῆται τοῖς ἀντιθέτοις ὁ <pb xml:id="p.163"/> Ἀγάθων. ἐπεὶ δέ τις οἶον ἐπανορθούμενος αὐτὸν ἐβούλετο περιαιρεῖν αὐτὰ τῶν ἐκείνου δραμάτων, εἶπεν ʽἀλλὰ σύ γε, γενναῖε, λέληθας σεαυτὸν τὸν Ἀγάθωνα ἐκ τοῦ Ἀγάθωνος ἀφανίζων.ʼ οὕτως ἐκόμα ἐπὶ τούτοις ἐκεῖνος, καὶ ᾤετο τὴν ἑαυτοῦ τραγῳδίαν ταῦτα εἶναι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="14"> 
+<p rend="align(indent)"> Στρατόνικον τὸν κιθαρῳδὸν ὑπεδέξατό τις ἀμφιλαφῶς· ὃ δὲ ὑπερήσθη τῇ κλήσει· καὶ γὰρ ἔτυχεν οὐκ ἔχων καταγωγήν, ἅτε ἐς ξένην ἀφικόμενος. ὑπερησπάζετο γοῦν τὸν ἄνδρα διὰ τὸ πρόχειρον τῆς κοινωνίας τῆς κατὰ τὴν στέγην. ἐπεὶ δὲ καὶ ἄλλον εἶδεν ἐσιόντα καὶ ἄλλον, καὶ τρόπον τινὰ ἄκλειστον αὐτοῦ τὴν οἰκίαν πᾶσι τοῖς καταλύειν προῃρημένοις, ἐνταῦθα ὁ Στρατόνικος ἔφη πρὸς τὸν ἀκόλουθον ʽἀπίωμεν ἐντεῦθεν, ὦ παῖ· ἐοίκαμεν γὰρ ἀντὶ περιστερᾶς ἔχειν φάτταν, ὑπὲρ οἰκίας εὑρόντες πανδοκεῖον.ʼ </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="15"> 
+<p rend="align(indent)"> Λόγος τις διεφοίτα λέγων τοὺς Σωκράτους λόγους ἐοικέναι τοῖς Παύσωνος γράμμασι. καὶ γάρ τοι καὶ Παύσωνα τὸν ζωγράφον ἐκλαβόντα παρά τινος γράψαι ἵππον καλινδούμενον, τὸν δὲ γράψαι τρέχοντα. ἀγανακτοῦντος οὖν τοῦ τὸ πινάκιον ἐκδόντος ὡς παρὰ τὰς ὁμολογίας γράψαντος, ἀποκρίνασθαι τὸν ζωγράφον ὅτι ʽστρέψον τὸ πινάκιον καὶ καλινδούμενος ἔσται σοι ὁ τρέχων.ʼ καὶ τὸν Σωκράτην μὴ σαφῶς διαλέγεσθαι. εἰ γοῦν τις αὐτοὺς στρέψειεν, ὀρθότατα ἔχειν. οὐκ ἐβούλετο δὲ ἄρα ἀπεχθάνεσθαι τούτοις, πρὸς οὓς διελέγετο, καὶ διὰ τοῦτο αἰνιγματώδεις αὐτοὺς παρείχετο καὶ πλαγίους. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="16"> 
+<p rend="align(indent)"> Ἱππόνικος ὁ Καλλίου ἐβούλετο ἀνδριάντα ἀναστῆσαι τῇ πατρίδι ἀνάθημα. ἐπεὶ δέ τις συνεβούλευσε παρὰ Πολυκλείτῳ κατασκευάσαι τὸ ἄγαλμα, οὐκ ἔφη προσέξειν τοιούτῳ ἀναθήματι, οὗ τὴν δόξαν οὐχ ὁ <pb xml:id="p.164"/> ἀναθεὶς ἀλλʼ ὁ ποιήσας ἕξει. δῆλον γὰρ ὡς οἱ ὁρῶντες τὴν τέχνην ἔμελλον τὸν Πολύκλειτον ἀλλʼ οὐκ ἐκεῖνον ἄγασθαι. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="17"> 
+<p rend="align(indent)"> Σωκράτης ἔλεγεν Ἀρχέλαον ἐς τὴν οἰκίαν τετρακοσίας μνᾶς ἀναλῶσαι, Ζεῦξιν μισθωσάμενον τὸν Ἡρακλεώτην, ἵνα αὐτὴν καταγράφοι, ἐς ἑαυτὸν δὲ οὐδέν. διὸ πόρρωθεν μὲν ἀφικνεῖσθαι σὺν σπουδῇ πολλῇ τοὺς βουλομένους θεάσασθαι τὴν οἰκίαν· διʼ αὐτὸν δὲ Ἀρχέλαον μηδένα ἐς Μακεδόνας στέλλεσθαι, ἐὰν μή τινα ἀναπείσῃ χρήμασι καὶ δελεάσῃ, ὑφʼ ὧν οὐκ ἂν αἱρεθῆναι τὸν σπουδαῖον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="18"> 
+<p rend="align(indent)"> ἀνὴρ Χῖος ὀργιζόμενος τῷ οἰκέτῃ ʽἐγώ σἐ ἔφη ʽοὐκ ἐς μύλην ἐμβαλῶ, ἀλλʼ ἐς Ὀλυμπίαν ἄξω.ʼ πολλῷ γὰρ ᾤετο πικροτέραν ὡς τὸ εἰκὸς εἶναι τιμωρίαν ἐκεῖνος ἐν Ὀλυμπίᾳ θεώμενον ὑπὸ τῆς ἀκτῖνος ὀπτᾶσθαι ἢ ἀλεῖν μύλῃ παραδοθέντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="19"> 
+<p rend="align(indent)"> Ἀρχύτας τά τε ἄλλα ἦν σώφρων καὶ οὖν καὶ τὰ ἄκοσμα ἐφυλάττετο τῶν ὀνομάτων. ἐπεὶ δέ ποτε ἐβιάζετό τι εἰπεῖν τῶν ἀπρεπῶν, οὐκ ἐξενικήθη, ἀλλʼ ἐσιώπησε μὲν αὐτό, ἐπέγραψε δὲ κατὰ τοῦ τοίχου, δείξας μὲν ὃ εἰπεῖν ἐβιάζετο, οὐ μὴν βιασθεὶς εἰπεῖν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="20"> 
+<p rend="align(indent)"> Συβαρίτης ἀνὴρ παιδαγωγὸς ʽκαὶ γὰρ οὖν μετὰ τῶν ἄλλων Συβαριτῶν καὶ αὐτοὶ ἐτρύφωνʼ τοῦ παιδός, ὃν ἦγε διὰ τῆς ὁδοῦ, ἰσχάδι περιτυχόντος καὶ ἀνελομένου, ἐπέπληξεν αὐτῷ ἰσχυρότατα· γελοιότατα δὲ αὐτὸς τὸ εὕρημα παρὰ τοῦ παιδὸς ἁρπάσας κατέτραγεν. ὅτε τοῦτο ἀνελεξάμην ἐν ἱστορίαις Συβαριτικαῖς, ἐγέλασα· ἔδωκα δὲ αὐτὸ ἐς μνήμην, μὴ βασκήνας διὰ φιλανθρωπίαν γελάσαι καὶ ἄλλον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="21"> 
+<p rend="align(indent)"> ὅτι Οἴαγρός τις ἐγένετο ποιητὴς μετʼ Ὀρφέα καὶ Μουσαῖον, ὃς λέγεται τὸν Τρωϊκὸν πόλεμον πρῶτος <pb xml:id="p.165"/> ᾆσαι, μεγίστης οὗτος ὑποθέσεως λαβόμενος καὶ ἐπιτολμήσας ταύτῃ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="22"> 
+<p rend="align(indent)"> ὅτι Τρύζος τις τύραννος βουλόμενος ἐξελεῖν τὰς συνωμοσίας καὶ τὰς κατʼ αὐτοῦ ἐπιβουλὰς ἔταξε τοῖς ἐπιχωρίοις μηδένα μηδενὶ διαλέγεσθαι μήτε κοινῇ μήτε ἰδίᾳ. καὶ ἦν τὸ πρᾶγμα ἀμήχανον καὶ χαλεπόν. ἐσοφίσαντο οὖν τὸ τοῦ τυράννου πρόσταγμα, καὶ ἀλλήλοις ἔνευον καὶ ἐχειρονόμουν πρὸς ἀλλήλους, καὶ ἐνεώρων δριμὺ καὶ αὖ πάλιν γαληναῖον καὶ φαιδρόν· καὶ ἐπὶ τοῖς σκυθρωποῖς καὶ ἀνηκέστοις ἕκαστος αὐτῶν συνωφρυωμένος ἦν δῆλος, τὸ τῆς ψυχῆς πάθος ἐκ τοῦ προσώπου τῷ πλησίον διαδεικνύς. ἐλύπει τὸν τύραννον καὶ ταῦτα, καὶ ἐπίστευε τέξεσθαί τι αὐτῷ πάντως κακὸν καὶ τὴν σιωπὴν διὰ τὸ τῶν σχημάτων ποικίλον. ἀλλʼ οὖν ἐκεῖνος καὶ τοῦτο κατέπαυσε. τῶν τις οὖν ἀχθομένων τῇ ἀμηχανίᾳ καὶ δυσφορούντων καὶ τὴν μοναρχίαν καταλῦσαι διψώντων ἀφίκετο ἐς τὴν ἀγοράν, εἶτα ἔκλαε στὰς πολλοῖς ἅμα καὶ θαλεροῖς τοῖς δακρύοις. περιέστησαν οὖν αὐτὸν καὶ περιῆλθον τὸ πλῆθος, καὶ ὀδυρμῷ κἀκεῖνοι συνείχοντο. ἧκεν ἀγγελία παρὰ τὸν τύραννον ὡς οὐδεὶς αὐτῶν χρῆται νεύματι οὐκέτι, δάκρυα δὲ αὐτοῖς ἐπιχωριάζει. ὃ δὲ ἐπειγόμενος καὶ τοῦτο παῦσαι, μὴ μόνον τῆς γλώττης καταγινώσκων δουλείαν μηδὲ μόνον τῶν νευμάτων ἀλλʼ ἤδη καὶ τοῖς ὀφθαλμοῖς τὴν ἐκ φύσεως ἀποκλείων ἐλευθερίαν, ᾗ ποδῶν εἶχεν ἀφίκετο σὺν τοῖς δορυφόροις, ἵνα ἀναστείλῃ τὰ δάκρυα. οἳ δὲ οὐκ ἔφθασαν ἰδόντες αὐτὸν καὶ τὰ ὅπλα τῶν δορυφόρων ἁρπάσαντες τὸν τύραννον ἀπέκτειναν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="23"> 
+<p rend="align(indent)"> Κλεινίας ἀνὴρ ἦν σπουδαῖος τὸν τρόπον, Πυθαγόρειος δὲ τὴν σοφίαν. οὗτος εῖ ποτε ἐς ὀργὴν προήχθη καὶ εἶχεν αἰσθητικῶς ἑαυτοῦ ἐς θυμὸν ἐξαγομένου, <pb xml:id="p.166"/> παραχρῆμα πρὶν ἢ ἀνάπλεως αὐτῷ ἡ ὀργὴ καὶ ἐπίδηλος γένηται ὅπως διάκειται, τὴν λύραν ἁρμοσάμενος ἐκιθάριζε. πρὸς δὲ τοὺς πυνθανομένους τὴν αἰτίαν ἀπεκρίνετο ἐμμελῶς ὅτι ʽπραΰνομαι.ʼ δοκεῖ δέ μοι καὶ ὁ ἐν Ἰλιάδι Ἀχιλλεύς, ὁ τῇ κιθάρᾳ προσᾴδων καὶ τὰ κλέα τῶν προτέρων διὰ τοῦ μέλους ἐς μνήμην ἑαυτῷ ἄγων, τὴν μῆνιν κατευνάζειν· μουσικὸς γὰρ ὢν τὴν κιθάραν πρώτην ἐκ τῶν λαφύρων ἔλαβε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="24"> 
+<p rend="align(indent)"> χρημάτων κατεφρόνησαν καὶ μεγαλοφροσύνην ἐπεδείξαντο ὁρῶντες ἐν πενίᾳ τοὺς πολίτας ὄντας πλουτοῦντες αὐτοὶ ἐν μὲν Κορίνθῳ Θεοκλῆς καὶ Θρασωνίδης ἐν δὲ Μυτιλήνῃ Πρᾶξις. καὶ οὖν καὶ ἄλλοις συνεβούλευον ἐπικουφίσαι τῆς πενίας τὴν ἀνάγκην τοῖς ἀπορουμένοις. ἐπεὶ δὲ οὐκ ἔπειθον, ἀλλʼ αὐτοί γε τὰ ἑαυτῶν ἀφῆκαν χρέα, καὶ ὤνηντο οὐκ ἐς ἀργύριον, ἀλλʼ ἐς αὐτὴν τὴν ψυχήν· οἱ γὰρ μὴ ἀφεθέντες ἐπιθέμενοι τοῖς δανείσασι, προβαλόμενοι τῆς ὀργῆς τὰ ὅπλα καὶ εὐλογωτάτην χρείαν τὴν ἄμαχον ἐκ τῶν ἐπειγόντων ἀνάγκην ἀπέκτειναν τοὺς δανειστάς. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="25"> 
+<p rend="align(indent)"> ἐστασίασάν ποτε πρὸς ἀλλήλους οἱ Χῖοι, ἀνδρειότατα νοσήσαντες νόσον ταύτην βαρυτάτην. ἀνὴρ οὖν ἐν αὐτοῖς πολιτικὸς τὴν φύσιν πρὸς τοὺς σπουδάζοντας τῶν ἑταίρων πάντας ἐκβάλλειν τοὺς ἐναντίους ʽμηδαμῶσʼ ἔφη· ʽἀλλʼ ἐπεὶ κεκρατήκαμεν, ὑπολειπώμεθά τινας, ἵνα μὴ τοῦ χρόνου προϊόντος, οὐκ ἔχοντες ἀντιπάλους, ἡμῖν αὐτοῖς ἀρξώμεθα πολεμεῖν.ʼ καὶ εἰπὼν ἔπεισε· καὶ γὰρ ἔδοξε καλῶς λέγειν, ἐπεὶ οὕτως ἔλεγεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="26"> 
+<p rend="align(indent)"> Ἀρκεσίλαον τὸν ἐξ Ἀκαδημείας Ἀνταγόρας ὁ ποιητὴς ἐλοιδορεῖτο προσφθαρεὶς αὐτῷ, καὶ ταῦτα ἐν τῇ ἀγορᾷ· ὃ δὲ σφόδρα μεγαλοφρόνως, ἔνθα ἑώρα μάλιστα <pb xml:id="p.167"/> συνεστῶτας πολλούς, ἐνταῦθα ἐπορεύετο διαλεγόμενος, ἵνα ὁ λοιδορῶν ἐν πλείοσιν ἀσχημονῇ. οἱ γοῦν ἀκούοντες ἀπεστρέφοντο καὶ μανίαν ἐπεκάλουν τῷ Ἀνταγόρᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="27"> 
+<p rend="align(indent)"> ἐγὼ δὲ ἐπαινῶ μάλιστα ἐκείνους, ὅσοι τὰ ὑποφυόμενα τῶν κακῶν φθάνοντες ἐκκόπτουσι πρὶν ἢ δυνάμεώς τινος ἐπιλαβέσθαι. Ἀγησίλαος γοῦν συνεβούλευσεν ἀκρίτως ἀποκτείνειν τοὺς συνιόντας νύκτωρ ὑπὸ τὴν τῶν Θηβαίων ἐσβολήν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="28"> 
+<p rend="align(indent)"> ὠνείδισέ τις τῷ ῥήτορι Πυθέᾳ ὅτι κακός ἐστιν. ὃ δὲ οὐκ ἠρνήσατο τὸ γὰρ συνειδὸς οὐκ ἐπέτρεπεν αὐτῷ. ἀπεκρίνατο δὲ ἐκεῖνο, ἐλάχιστον χρόνον τῶν πεπολιτευμένων Ἀθήνησι γενέσθαι κακός· μέγα φρονῶν δῆλον ὅτι μὴ διὰ τέλους ᾖν τοιοῦτος, καὶ ἡγούμενος μὴ ἀδικεῖν, ἐπεὶ μὴ τοῖς πονηροτάτοις παρεβάλλετο. εὔηθες δὲ τοῦτο τοῦ Πυθέου· οὐ γὰρ μόνον ὁ ἀδικήσας κακὸς ἀλλὰ καὶ ὁ ἐννοήσας ἀδικῆσαι, παρά γε ἐμοὶ κριτῇ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="29"> 
+<p rend="align(indent)"> ὅτι Λύσανδρος ἐκόμισεν ἐς Λακεδαίμονα χρήματα καὶ ἐδίδαξε τοὺς Λακεδαιμονίους παρανομεῖν ἐς τὸ πρόσταγμα τοῦ θεοῦ τὸ κελεῦον ἄβατον εἶναι χρυσῷ καὶ ἀργύρῳ τὴν Σπάρτην. τῶν οὖν φρονούντων τινὲς διεκώλυον, φρόνημα ἔτι κεκτημένοι Λακωνικὸν καὶ Λυκούργου καὶ τοῦ Πυθίου ἄξιον· οἱ δὲ προσέμενοι διεβλήθησαν, καὶ ἡ ἐξ ἀρχῆς αὐτῶν ἀρετὴ κατὰ μικρὸν ὑπέληξεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="30"> 
+<p rend="align(indent)"> Ἄννων ὁ Καρχηδόνιος ὑπὸ τρυφῆς ἐν τοῖς ἀνθρώπων ὅροις οὐκ ἠξίου διαμένειν, ἀλλʼ ἐπενόει φήμας ὑπὲρ ἑαυτοῦ κατασπείρεσθαι κρείττονας ἢ κατὰ τὴν φύσιν, ἥνπερ οὖν ἔλαχεν. ὄρνιθας γάρ τοι τῶν ᾠδικῶν παμπόλλους πριάμενος ἔτρεφεν ἐν σκότῳ αὐτούς, ἓν διδάσκων μάθημα λέγειν ʽθεός ἐστιν Ἄννων.ʼ <pb xml:id="p.168"/> ἐπεὶ δὲ ἐκεῖνοι μίαν φωνὴν ταύτην ἀκούοντες ἐγκρατεῖς ταύτης ἐγένοντο, ἄλλον ἄλλοσε διαφῆκεν, οἰόμενος διαρρεύσειν τῶν ὀρνίθων τὸ ὑπὲρ ἑαυτοῦ μέλος. οἳ δὲ τὸ πτερὸν ἀπολύσαντες ἅπαξ καὶ ἐλευθερίας λαβόμενοι καὶ ἐς ἤθη τὰ σύντροφα αὐτοῖς ἐλθόντες, τὰ οἰκεῖα ᾖδον καὶ τὰ τῶν ὀρνίθων ἐμουσούργουν, μακρὰ χαίρειν εἰπόντες Ἄννωνι καὶ μαθήμασι τοῖς ἐν τῇ δουλείᾳ. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="31"> 
+<p rend="align(indent)"> Πτολεμαῖος ὁ Τρύφων ʽτοῦτο γὰρ αὐτὸν ἐκάλουν ἐκ τοῦ βίοὐ γυναικὸς ὡραίας ἐντυχεῖν αὐτῷ βουλομένης ὃ δὲ ἔφη ʽἀπηγόρευσέ μοι ἡ ἀδελφὴ παρὰ γυναικὸς καλῆς λόγον δέξασθαι.ʼ ἣ δὲ ἀτρέπτως πάνυ καὶ ἐμμελῶς ʽπαρὰ καλοῦ λάβοις ἄν;ʼ εἶπε. καὶ ἐκεῖνος ἀκούσας ἐπῄνεσε. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="32"> 
+<p rend="align(indent)"> Λακεδαιμόνιος ἀνὴρ Τιμανδρίδας ὄνομα ἀποδημήσας τὸν υἱὸν ἀπέλιπε μελεδωνὸν τῆς οἰκίας. εἶτα ἐπανελθὼν χρόνῳ ὕστερον καὶ εὑρὼν τὴν οὐσίαν ποιήσαντα ἧς ἀπέλιπε πλείω, ἔφη πολλοὺς ἀδικεῖσθαι ὑπʼ αὐτοῦ θεούς τε καὶ οἰκείους καὶ ξένους· τὰ γὰρ περιττὰ τούτων ἐς ἐκείνους ἀναλίσκεσθαι ὑπὸ τῶν ἐλευθέρων. τὸ δὲ ζῶντα μὲν φαίνεσθαι πένητα, τελευτήσαντα δὲ καταφωραθῆναι πλούσιον, ἀλλὰ τοῦτο τῶν ἐν ἀνθρώποις ἐστὶν αἴσχιστον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="33"> 
+<p rend="align(indent)"> διελέγετο ὑπέρ τινων ὁ Πλάτων, παρὼν δʼ ὁ Διογένης ὀλίγον αὐτῷ προσεῖχεν. ἠγανάκτησεν οὖν ἐπὶ τούτοις ὁ Ἀρίστωνος καὶ ἔφη ʽἐπάκουσον τῶν λόγων, κύον.ʼ καὶ ὃς οὐδὲν διαταραχθεὶς ʽἀλλʼ ἐγὢ εἶπεν ʽοὐκ ἐπανῆλθον ἐκεῖσε ὅθεν ἐπράθην, ὥσπερ οἱ κύνες,ʼ αἰνιττόμενος αὐτοῦ τὴν ἐς Σικελίαν ὁδόν. εἰώθει δέ φασιν ὁ Πλάτων περὶ Διογένους λέγειν, ὅτι μαινόμενος οὗτος Σωκράτης ἐστίν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="34"> 
+<p rend="align(indent)"> Αἰγύπτιοί φασι παρʼ Ἑρμοῦ τὰ νόμιμα ἐκμουσωθῆναι· <pb xml:id="p.169"/> οὕτω δὲ καὶ ἕκαστοι τὰ παρʼ ἑαυτοῖς σεμνύνειν προῄρηνται. δικασταὶ δὲ τὸ ἀρχαῖον παρʼ Αἰγυπτίοις οἱ ἱερεῖς ἦσαν. ἦν δὲ τούτων ἄρχων ὁ πρεσβύτατος, καὶ ἐδίκαζεν ἅπαντας. ἔδει δὲ αὐτὸν εἶναι δικαιότατον ἀνθρώπων καὶ ἀφειδέστατον. εἶχε δὲ καὶ ἄγαλμα περὶ τὸν αὐχένα ἐκ σαπφείρου λίθου, καὶ ἐκαλεῖτο τὸ ἄγαλμα Ἀλήθεια. ἐγὼ δὲ ἠξίουν μὴ λίθου πεποιημένην καὶ εἰκασμένην τὴν Ἀλήθειαν περιφέρειν τὸν δικαστήν, ἀλλʼ ἐν αὐτῇ τῇ ψυχῇ ἔχειν αὐτήν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="35"> 
+<p rend="align(indent)"> ὅτι Λαῒς καὶ Ἀξίνη ἐκαλεῖτο. ἤλεγχε δὲ αὐτῆς τὸ ἐπώνυμον τοῦτο τὴν τοῦ ἤθους ἀγριότητα καὶ ὅτι πολὺ ἐπράττετο, καὶ ἔτι μᾶλλον παρὰ τῶν ξένων, ἅτε ἀπαλλαττομένων θᾶττον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="36"> 
+<p rend="align(indent)"> γελᾶν δὲ ἔξεστιν ἐπὶ τοῖς μέγα φρονοῦσι διὰ τοὺς πατέρας καὶ τοὺς ἄνω τοῦ γένους, εἴ γε Μαρίου μὲν τὸν πατέρα οὐκ ἴσμεν, αὐτὸν δὲ θαυμάζομεν διὰ τὰ ἔργα· καὶ Κάτωνα δὲ καὶ Σέρβιον καὶ Ὀστίλιον καὶ Ῥωμύλον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="37"> 
+<p rend="align(indent)"> φιλῶ δὲ μήτε τὰ ἀγάλματα, ὅσα ἡμῖν ἡ πλαστικὴ δείκνυσι, μήτε τὰς εἰκόνας ἀργῶς ὁρᾶν· ἔστι γάρ τι τῆς χειρουργίας σοφὸν καὶ ἐν τούτοις. καὶ πολλὰ μὲν καὶ ἄλλα δύναταί τις καταγνῶναι ἔχοντα ταύτῃ, ἐν δὲ τοῖς καὶ ἐκεῖνο. τῶν Μουσῶν οὐδεὶς οὐδέποτε οὔτε γραφικὸς ἀνὴρ οὔτε πλαστικὸς οἷός τε ἐγένετο ψευδίστατα καὶ κίβδηλα καὶ ἀλλότρια τῶν Διὸς θυγατέρων τὰ εἴδη παραστῆσαι ἡμῖν. ἢ τίς οὕτως νεανικῶς ἐμάνη δημιουργός, ὥστε ὡπλισμένας ἐργάσασθαι; ὁμολογεῖ δὲ τοῦτο ὅτι δεῖ τὸν ἐν Μούσαις βίον εἰρηνικόν τε ἅμα καὶ πρᾶον εἶναι καὶ ἄξιον ἐκείνων. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="38"> 
+<p rend="align(indent)"> Ἐπαμεινώνδου τοῦ Θηβαίου πολλὰ μὲν καὶ ἄλλα καλὰ οἶδα, ἐν δὲ τοῖς καὶ τόδε. ἔλεγε πρὸς Πελοπίδαν <pb xml:id="p.170"/> μὴ πρότερον ἀπαλλάττεσθαι τῆς ἀγορᾶς πρὶν ἢ φίλον τοῖς ἀρχαίοις τινὰ προσπορίσαι νεώτερον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="39"> 
+<p rend="align(indent)"> ὁ Περσῶν βασιλεὺς ʽβούλομαι γάρ τι ὑμῖν καὶ φαιδρὸν εἰπεῖνʼ στέφανον ἐς μύρον βάψας ʽδιεπέπλεκτο δὲ ῥόδων ὁ στέφανοσʼ ἔπεμψεν Ἀνταλκίδᾳ πρεσβεύοντι ὑπὲρ εἰρήνης πρὸς αὐτόν. ὃ δὲ ʽδέχομαι μὲνʼ ἔφη ʽτὸ δῶρον καὶ ἐπαινῶ τὴν φιλοφροσύνην, ἀπώλεσας δὲ τὴν ὀσμὴν τῶν ῥόδων καὶ τὴν τῆς φύσεως εὐωδίαν διὰ τὴν ἐκ τῆς τέχνης κιβδηλίαν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="40"> 
+<p rend="align(indent)"> Ἀλέξανδρος ὁ Φεραίων τύραννος ἐν τοῖς μάλιστα ἔδοξεν ὠμότατος εἶναι. Θεοδώρου δὲ τοῦ τῆς τραγῳδίας ποιητοῦ ὑποκρινομένου τὴν Μερόπην σφόδρα ἐμπαθῶς, ὃ δὲ ἐς δάκρυα ἐξέπεσεν εἶτα ἐξανέστη τοῦ θεάτρου. ἀπολογούμενος δὲ ἔλεγε τῷ Θεοδώρῳ ὡς οὐ καταφρονήσας οὐδὲ ἀτιμάσας αὐτὸν ᾤχετο, ἀλλʼ αἰδούμενος εἰ τὰ μὲν τῶν ὑποκριτῶν πάθη οἷός τε ἦν ἐλεεῖν, τὰ δὲ τῶν ἑαυτοῦ πολιτῶν οὐχί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="41"> 
+<p rend="align(indent)"> ὅτι Ἀπολλόδωρος πλεῖστον ἀνθρώπων πίνων οἶνον οὐκ ἀπεκρύπτετο τὸ ἑαυτοῦ κακόν, οὐδὲ ἐπειρᾶτο περιαμπέχειν τὴν μέθην καὶ τὰ ἐξ αὐτῆς κακά, ἀλλὰ καὶ ἐκ τοῦ οἴνου ὑπαναφλεγόμενος καὶ ὑπεξαπτόμενος ἐγίνετο φονικώτερος, πρὸς τῇ φύσει καὶ τὸ πῶμα ἔχων ἐνδόσιμον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="42"> 
+<p rend="align(indent)"> Ξενοκράτης ὁ Πλάτωνος ἑταῖρος ἔλεγε μηδὲν διαφέρειν ἢ τοὺς πόδας ἢ τοὺς ὀφθαλμοὺς εἰς ἀλλοτρίαν οἰκίαν τιθέναι· ἐν ταὐτῷ γὰρ ἁμαρτάνειν τόν τε ἐς ἃ μὴ δεῖ χωρία βλέποντα καὶ ἐς οὓς μὴ δεῖ τόπους παριόντα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="43"> 
+<p rend="align(indent)"> ὁ μὲν Πτολεμαῖός φασιν ʽὁπόστος δὲ ἦν οὗτος, ἐᾶν δεἶ καθῆστο ἐπὶ κύβοις καὶ πεττεύων διετέλει· εἶτά τις αὐτῷ παρεστὼς ἀνεγίνωσκε τῶν κατεγνωσμένων τὰ ὀνόματα καὶ τὰς καταδίκας αὐτῶν προσεπέλεγεν, <pb xml:id="p.171"/> ἵνα ἐκεῖνος παρασημήνηται τοὺς ἀξίους θανάτου. Βερενίκη δὲ ἡ γαμετὴ αὐτοῦ λαβοῦσα τὸ βιβλίον παρὰ τοῦ παιδὸς εἶτα οὐκ εἴασε διαναγνωσθῆναι τὸ πᾶν οὐκέτι, φήσασα πάνυ σφόδρα προσέχοντα τὴν διάνοιαν ὑπὲρ ἀνθρώπου ψυχῆς δεῖν λογίζεσθαι καὶ μὴ πρὸς παιδιᾷ γινόμενον· οὐ γὰρ ὁμοίαν εἶναι τὴν πτῶσιν τῶν κύβων καὶ τὴν τῶν σωμάτων. πρὸς ταῦτα ὁ Πτολεμαῖος ἥσθη, καὶ οὐδέποτε κυβεύων μετὰ ταῦτα ὑπὲρ ἀνθρώπου κρίσεως ἤκουσεν. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="44"> 
+<p rend="align(indent)"> Λακωνικὸν μειράκιον ἐπρίατο χωρίον ὑπερεύωνον, εἶτα ἐπὶ τὰς ἀρχὰς ἤχθη καὶ ἐζημιώθη. τὸ δὲ αἴτιον τῆς καταδίκης ἐκεῖνο ἦν, ἐπεὶ νέος ὢν τοῦ κερδαίνειν ὀξύτατα ἤρα. ἦν δὲ Λακεδαιμονίων ἐν τοῖς μάλιστα ἀνδρικὸν καὶ τοῦτο, μὴ πρὸς μόνους πολεμίους παρατετάχθαι ἀλλὰ καὶ πρὸς ἀργύριον. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="45"> 
+<p rend="align(indent)"> γυναῖκας τῶν Ἑλλήνων ἐπαινοῦμεν Πηνελόπην Ἄλκηστιν καὶ τὴν Πρωτεσίλεω, Ῥωμαίων Κορνηλίαν καὶ Πορκίαν καὶ Κεστιλίαν. ἐδυνάμην δὲ εἰπεῖν καὶ ἄλλας, ἀλλʼ οὐ βούλομαι τῶν μὲν Ἑλλήνων εἰπεῖν ὀλίγας, ἐπικλύσαι δὲ τοῖς τῶν Ῥωμαίων ὀνόμασιν, ὡς ἂν μή μέ τις δοκοίη χαρίζεσθαι ἐμαυτῷ διὰ τὴν πατρίδα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="46"> 
+<p rend="align(indent)"> οἱ Μαιάνδρῳ παροικοῦντες Μάγνητες Ἐφεσίοις πολεμοῦντες ἕκαστος τῶν ἱππέων ἦγεν αὑτῷ συστρατιώτην θηρατὴν κύνα καὶ ἀκοντιστὴν οἰκέτην. ἡνίκα δὲ ἔδει συμμίξαι, ἐνταῦθα οἱ μὲν κύνες προπηδῶντες ἐτάραττον τὴν παρεμβολήν, φοβεροί τε καὶ ἄγριοι καὶ ἐντυχεῖν ἀμείλικτοι ὄντες· οἱ δὲ οἰκέται προπηδῶντες τῶν δεσποτῶν ἠκόντιζον. ἦν δὲ ἄρα ἐπὶ τῇ φθανούσῃ διὰ τοὺς κύνας ἀταξίᾳ καὶ τὰ παρὰ τῶν οἰκετῶν δρώμενα ἐνεργῆ. εἶτα ἐκ τρίτου ἐπῄεσαν αὐτοί. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="47"> 
+<p rend="align(indent)"> ὅτι Ζεῦξις ὁ Ἡρακλεώτης ἔγραψε τὴν Ἑλένην. <pb xml:id="p.172"/> Νικόμαχος οὖν ὁ ζωγράφος ἐξεπλήττετο τὴν εἰκόνα, καὶ τεθηπὼς τὸ γράμμα δῆλος ἦν. ἤρετο οὖν τις αὐτὸν προσελθὼν τί δὴ παθὼν οὕτω θαυμάζοι τὴν τέχνην; ὃ δὲ ʽοὐκ ἄν με ἠρώτησασʼ εἶπεν, ʽεἰ τοὺς ἐμοὺς ὀφθαλμοὺς ἐκέκτησο.ʼ ἐγὼ δʼ ἂν φαίην τοῦτο καὶ ἐπὶ τῶν λόγων, ἀλλʼ εἴ τις ἔχοι πεπαιδευμένα ὦτα, ὥσπερ οὖν οἱ χειρουργοὶ τεχνικὰ ὄμματα. </p> </div> 
+<div type="textpart" subtype="chapter" xml:base="urn:cts:greekLit:tlg0545.tlg002.perseus-grc2:1" n="48"> 
+<p rend="align(indent)"> ὅτι Φίλιππος τῶν ἐν Μακεδονίᾳ δοκιμωτάτων τοὺς υἱεῖς παραλαμβάνων περὶ τὴν ἑαυτοῦ θεραπείαν εἶχεν, οὔτι πού φασιν ἐνυβρίζων αὐτοῖς οὐδὲ ἐξευτελίζων, ἀλλʼ ἐκ τῶν ἐναντίων καρτερικοὺς αὐτοὺς ἐκπονῶν καὶ ἑτοίμους πρὸς τὸ τὰ δέοντα πράττειν ἀποφαίνων. πρὸς δὲ τοὺς τρυφῶντας αὐτῶν καὶ ἐς τὰ ἐπιταττόμενα ῥᾳθύμως ἔχοντας διέκειτό φασι πολεμίως. ἀφθόνητον γοῦν ἐμαστίγωσεν, ὅτι τὴν τάξιν ἐκλιπὼν ἐξετράπετο τῆς ὁδοῦ διψήσας καὶ παρῆλθεν ἐς πανδοκέως. καὶ Ἀρχέδαμον ἀπέκτεινεν, ὅτι προστάξαντος αὐτοῦ ἐν τοῖς ὅπλοις συνέχειν ἑαυτὸν ὃ δὲ ἀπεδύσατο· ἤλπισε γὰρ διὰ τῆς κολακείας καὶ ὑποδρομῆς χειρώσασθαι τὸν βασιλέα, ἅτε ἀνὴρ ἥττων τοῦ κερδαίνειν ὤν.</p> </div> </div>
+    </div>
+</body>
+</text>
+</TEI>
diff --git a/data/tlg0545/tlg003/__cts__.xml b/data/tlg0545/tlg003/__cts__.xml
new file mode 100644
index 000000000..4c81e1bdb
--- /dev/null
+++ b/data/tlg0545/tlg003/__cts__.xml
@@ -0,0 +1,10 @@
+<?xml version="1.0" encoding="UTF-8"?>
+<ti:work xmlns:ti="http://chs.harvard.edu/xmlns/cts" groupUrn="urn:cts:greekLit:tlg0545" xml:lang="grc" urn="urn:cts:greekLit:tlg0545.tlg003">
+  <ti:title xml:lang="lat">Epistulae Rusticae</ti:title>
+  
+  <ti:edition urn="urn:cts:greekLit:tlg0545.tlg003.perseus-grc2" workUrn="urn:cts:greekLit:tlg0545.tlg003" xml:lang="grc">
+    <ti:label xml:lang="grc">ἐκ τῶν Αἰλιανοῦ ἀγροικικῶν ἐπιστολῶν</ti:label>
+    <ti:description xml:lang="mul">Aelian. Claudii Aeliani Varia Historia Epistolae Fragmenta, Vol. 2. Hercher, Rudolf, editor. Leipzig: Teuber, 1866.</ti:description>
+  </ti:edition>
+</ti:work>
+
diff --git a/data/tlg0545/tlg003/tlg0545.tlg003.perseus-grc1.tracking.json b/data/tlg0545/tlg003/tlg0545.tlg003.perseus-grc1.tracking.json
deleted file mode 100644
index 8d7c785ec..000000000
--- a/data/tlg0545/tlg003/tlg0545.tlg003.perseus-grc1.tracking.json
+++ /dev/null
@@ -1,14 +0,0 @@
-{
-    "epidoc_compliant": false, 
-    "fully_unicode": true, 
-    "git_repo": "canonical-greekLit", 
-    "has_cts_metadata": false, 
-    "has_cts_refsDecl": false, 
-    "id": "2008.01.0592", 
-    "last_editor": "", 
-    "note": "", 
-    "src": "texts/sdl/Aelian/aelian03_gk.xml", 
-    "status": "migrated", 
-    "target": "canonical-greekLit/data/tlg0545/tlg003/tlg0545.tlg003.perseus-grc1.xml", 
-    "valid_xml": true
-}
\ No newline at end of file
diff --git a/data/tlg0545/tlg003/tlg0545.tlg003.perseus-grc1.xml b/data/tlg0545/tlg003/tlg0545.tlg003.perseus-grc1.xml
deleted file mode 100644
index eda419e56..000000000
--- a/data/tlg0545/tlg003/tlg0545.tlg003.perseus-grc1.xml
+++ /dev/null
@@ -1,454 +0,0 @@
-<?xml version="1.0" encoding="UTF-8"?><TEI.2>
-<teiHeader>
-<fileDesc>
-<titleStmt>
-<title>Epistulae Rusticae</title>
-<author>Aelian</author>
-<editor>Rudolf Hercher</editor>
-<funder n="org:Google">Google Digital Humanities Awards Program</funder>
-</titleStmt>
-<publicationStmt>
-<publisher>Trustees of Tufts University</publisher>
-<pubPlace>Medford, MA</pubPlace>
-<authority>Perseus Project</authority>
-</publicationStmt>
-<sourceDesc>
-<biblStruct>
-<monogr>
-<title>Claudii Aeliani de natura animalium libri xvii, varia historia, epistolae, fragmenta, Vol 2</title>
-<author>Aelian</author>
-<editor>Rudolf Hercher</editor>
-<imprint>
-<publisher>In Aedibus B.G. Teubneri</publisher>
-<pubPlace>Lipsiae</pubPlace>
-<date>1866</date>
-</imprint>
-</monogr>
-</biblStruct>
-<p>Keyboarding</p>
-</sourceDesc>
-</fileDesc>
-<encodingDesc>
-<refsDecl doctype="TEI.2">
-<state unit="chapter" n="chunk"/>
-</refsDecl>
-</encodingDesc>
-<profileDesc>
-<langUsage>
-<language id="greek">Greek</language>
-</langUsage>
-</profileDesc>
-</teiHeader>
-<text>
-<body>
-<pb id="p.175"/>
-<div1 type="chapter" n="1">
-<opener>Εὐθυκομίδης Βλεπαίῳ.</opener>
-<p>
-<lb/>Διαψύχοντί μοι πρὸς τὴν εἵλην τοὺς βότρυς ἡ 
-<lb/>μανία προσελθοῦσα ἐθρύπτετο καὶ ὡραϊζομένη πολλοῖς
-<lb/>ἔβαλλε τοῖς σκώμμασιν. ἐγὼ δὲ παλαιὸν δή τι
-<lb/>ἐπιτεθυμμένος αὐτῆς διενοούμην τι δρᾶσαι θερμόν. 
-<lb/>ὡς οὖν ἄσμενος ἐλαβόμην, πλησιάσας τὰς μὲν ῥᾶγας
-<lb/>εἴασα, ἐφερπύσας δὲ καὶ μάλα ἀσμένως τῆς ὥρας
-<lb/>ἐτρύγησα. ταῦτά σοι πρὸς τοῦ Πανὸς μυστήρια τὰ
-<lb/>μεγάλα ἔστω.
-
-
-</p>
-</div1>
-<div1 type="chapter" n="2">
-<opener>Κωμαρχίδης Δρωπαίῳ. </opener>
-<p>
-<lb/>ἡμέρων ὁ μαλακὸς φελλεῖ ἐπέκοψε τὸ σκέλος πάνυ 
-<lb/>ἰσχυρῶς, καὶ θέρμη ἐπέλαβεν αὐτοῦ, καὶ βουβὼν
-<lb/>ἐπήρθη. βουλοίμην δʼ ἂν αὐτὸν ἀναρρωσθῆναι ἤ μοι
-<lb/>μεδίμνους ἰσχάδων ὑπάρξαι τέτταρας. τὴν οἶν τὴν
-<lb/>τὰ μαλακὰ ἔρια, ἣν ἐπαινῶ πρὸς σέ, παρʼ ἐμοῦ πρόσειπε 
-<lb/>καὶ τὼ βοϊδίω καὶ τὴν κύνα, καὶ τὴν Μανίαν καὶ
-<lb/>αὐτὴν χαίρειν κέλευε.
-
-
-</p>
-</div1>
-<div1 type="chapter" n="3">
-<opener>Εὐπειθίδης Τιμωνίδῃ.</opener>
-<p>
-<lb/>ἀδικεῖ με ἡ παρὰ σοὶ Σηκύλη παραιρουμένη τῶν 
-<lb/>δραγμάτων καὶ παρακλέπτουσα. ἐὰν μὲν οὖν παύσηται, 
-<pb id="p.176"/>
-<lb/>καλά σοι καὶ μενοῦμεν φίλοι· ἐὰν δὲ ἔχηται
-<lb/>ἔργου, δικάσομαί σε βλάβης. καὶ γὰρ ἂν εἰκότως μοι
-<lb/>στενάζειε τὰ τῶν προγόνων ἠρία, εἰ Εὐπειθίδης ὁ
-<lb/>Κορυδαλλεὺς ἐμαυτὸν περιόψομαι προσελούμενον, καὶ
-<lb/> ταῦτα ὑπʼ ἀνδραπόδου ἴσως δυοῖν μναῖν ἀξίου.
-
-
-</p>
-</div1>
-<div1 type="chapter" n="4">
-<opener>Ἀνθεμίων Δράκητι.</opener>
-<p>
-<lb/> τί σοι καλὸν εἴργασται καὶ τί σοι πεπόνηται χρηστόν;
-<lb/>ἐγὼ γὰρ ἀμπελίδος ὄρχον ἐλάσας, εἶτα μοσχίδια
-<lb/>συκίδων παραφυτεύσας ἁπαλά, καὶ ἐν κύκλῳ περὶ
-<lb/> τὸ αὔλιον κατέπηξα ἐλᾷδας. εἶτά μοι δεῖπνον καὶ
-<lb/>πίσινον ἔτνος, καὶ τρεῖς ἁδρὰς ἐξεκάναξα κύλικας,
-<lb/>καὶ ἄσμενος κατέδαρθον.
-
-
-</p>
-</div1>
-<div1 type="chapter" n="5">
-<opener>Βαίτων Ἀνθεμίωνι.</opener>
-<p>
-<lb/> τὰ σμήνη μοι τῶν μελιττῶν κενά, καὶ ἀπεφοίτησαν
-<lb/> τῆς ἑστίας οὐκ οὖσαι τέως δραπέτιδες· ἀλλὰ γὰρ
-<lb/>καὶ πισταὶ διέμενον καὶ ᾤκουν ὡς οἴκους τοὺς αὑτῶν
-<lb/>σίμβλους, καὶ εἶχον λειμῶνα εὔδροσον καὶ δὴ καὶ ἀνθῶν
-<lb/>εὔφορον, καὶ εἱστιῶμεν αὐτὰς πανδαισίᾳ· αἳ δὲ
-<lb/>ὑπὸ τῆς φιλεργίας τῆς ἄγαν ἀνθειστίων ἡμᾶς πολλῷ
-<lb/> καὶ καλῷ τῷ μέλιτι, κοὐδέποτε τῆσδε τῆς ὠδῖνος τῆς
-<lb/>γλυκείας ἦσαν ἄγονοι. νῦν δὲ ᾤχοντο ἀπιοῦσαι, λυπηθεῖσαι
-<lb/>πρὸς ἡμῶν οὐδὲ ἕν, οὐ μὰ τὸν Ἀρισταῖον
-<lb/>καὶ τὸν Ἀπόλλω αὐτόν. καὶ αἳ μέν εἰσι φυγάδες, ὁ
-<lb/>δὲ οἶκος αὐτῶν χῆρός ἐστι, καὶ τὰ ἄνθη τὰ ἐν τῷ
-<lb/> λειμῶνι περὶ αὐτὰ γηρᾷ. ἐγὼ δὲ αὐτῶν ὅταν ὑπομνησθῶ
-<lb/>τῆς πτήσεως καὶ τῆς εὐχαρίτου χορείας, οὐδὲν
-<lb/>ἄλλο ἢ νομίζω θυγατέρας ἀφῃρῆσθαι. ὀργίζομαι μὲν
-<lb/>οὖν αὐταῖς· τί γὰρ ἀπέλιπον τροφέα αὐτῶν καὶ ἀτεχνῶς
-<pb id="p.177"/>
-<lb/>πατέρα καὶ φρουρὸν καὶ μελεδωνὸν οὐκ ἀχάριτον;
-<lb/>δεῖ δέ με ἀνιχνεῦσαι τὴν πλάνην αὐτῶν καὶ ὅποι
-<lb/>ποτὲ ἀποδρᾶσαι κάθηνται, καὶ τίς αὐτὰς ὑπεδέξατο
-<lb/>καὶ τοῦτο· ἔχει γάρ τοι τὰς μηδὲν προσηκούσας. εἶτα
-<lb/>εὑρὼν ὀνειδιῶ πολλὰ τὰς ἀγνώμονας καὶ ἀπίστους. 
-
-
-</p>
-</div1>
-<div1 type="chapter" n="6">
-<opener>Κάλλαρος Καλλικλεῖ.</opener>
-<p>
-<lb/>καὶ ποῖ τις ἀποτρέψει τὸ ῥεῦμα, εἰ μήτε ἐς τὴν 
-<lb/>ὁδὸν ἐμβαλεῖ μήτε ἐς τὴν τῶν γειτόνων διαβήσεται;
-<lb/>οὐ γὰρ δήπου κελεύσεις ἡμᾶς ἐκπιεῖν αὐτό. πάλαι
-<lb/>μὲν οὖν λέλεκται κακὸν εἶναι γείτων κακός, πεπίστευται 
-<lb/>δὲ νῦν οὐχ ἥκιστα ἐπὶ σοῦ. ἀλλʼ οὐδέν σοι πλέον
-<lb/>τῆς βίας· οὐ γὰρ ἀποδωσόμεθά σοι τὸ χωρίον, δικάσεται
-<lb/>δὲ πρότερον ὑπὲρ τούτων πρός σε ὁ δεσπότης,
-<lb/>ἐάνπερ τὴν διάνοιαν ὑγιαίνῃ.
-
-
-</p>
-</div1>
-<div1 type="chapter" n="7">
-<opener>Δερκύλλος Ὀπώρᾳ. </opener>
-<p>
-<lb/>οὐχ ὅτι καλὴ λέγεις εἶναι οὐδʼ ὅτι πολλοὺς ἐραστὰς 
-<lb/>λέγεις ἔχειν, διὰ τοῦτο ἐπαινῶ σε· ἴσως μὲν γάρ σε
-<lb/>ἐκεῖνοι διὰ τὸ εἶδος θαυμάζουσιν, ἐμὲ δὲ ἀρέσκεις
-<lb/>διὰ τὸ ὄνομα, καί σε οὕτως ὡς καὶ τὴν γῆν τὴν πατρῴαν
-<lb/>ἐπαινῶ, καὶ τεθαύμακα τὸν οὕτω σε καλέσαντα 
-<lb/>τῆς ἐπινοίας, ἵνα μὴ μόνοι σε περιμαίνωνται δηλονότι
-<lb/>οἱ ἐν τῇ πόλει, ἀλλὰ γὰρ καὶ ἀγροῖκος λεώς. τῆς
-<lb/>ὀπώρας οὖν καταπειράσας τί ἀδικῶ; ἐπεὶ τά τε ἄλλα
-<lb/>καὶ ἐφολκὸν ἐς ἔρωτα τὸ ὄνομα, καὶ ταῦτα ἀνδρὶ
-<lb/>γεωργίᾳ ζῶντι. ἀπέστειλα οὖν σοι τῆς ὁμωνύμου 
-<lb/>τῆς ἐν ἀγρῷ σῦκα καὶ βότρυς καὶ τρύγα ἀπὸ ληνῶν·
-<lb/>ἦρος δὲ ἀποπέμψω καὶ ῥόδα, τὴν ἐκ τῶν λειμώνων ὀπώραν.
-<pb id="p.178"/>
-</p>
-</div1>
-<div1 type="chapter" n="8">
-<opener>Ὀπώρα Δερκύλλῳ.</opener>
-<p>
-<lb/> σὺ μὲν εἴτε σπουδάζεις ἐς τὸ ὄνομα τὸ ἐμὸν εἴτε
-<lb/>παίζεις οἶσθα δήπου αὐτός, ἐγὼ δὲ οἷς πέμπεις οὐκ
-<lb/>ἀξιῶ πρός με ὡραΐζεσθαι. καλὰ γάρ σου τὰ δῶρα
-<lb/> ἀκρόδρυα δυοῖν ὀβολοῖν καὶ ὑβριστὴς οἶνος διὰ νεότητα·
-<lb/>πίοι δʼ ἂν ἡ Φρυγία αὐτόν· ἐγὼ δὲ Λέσβιον
-<lb/>πίνω καὶ Θάσιον καὶ ἀργυρίου δέομαι· ὀπώραν δὲ
-<lb/>ὀπώρᾳ ἀποστέλλειν αὐτόχρημα πῦρ ἐπὶ πῦρ φέρειν
-<lb/>ἐστί. κἀκεῖνο δέ σε οὐ χεῖρον εἰδέναι ταύτῃ ᾗπερ
-<lb/> οὖν καὶ αὐτὴ νοῶ. τοῦ γὰρ χρηματίζεσθαι παρὰ τῶν
-<lb/>βουλομένων μοι προσιέναι καὶ τὸ ὄνομα αἴτιον· παιδεύει
-<lb/>γάρ με ὅτι καὶ τὸ κάλλος τῶν σωμάτων ὀπώρᾳ
-<lb/>ἔοικεν. ἕως οὖν ἀκμάζει, καὶ τὴν ὑπὲρ αὐτοῦ χάριν
-<lb/>προσῆκόν ἐστιν ἀνταπολαμβάνειν· ἐὰν δὲ ἀπορρεύσῃ,
-<lb/> τί ἂν ἄλλο εἴη τὸ ἡμέτερον ἢ δένδρον καρπῶν ἅμα καὶ
-<lb/>φύλλων γυμνόν; καίτοιγε ἐκείνοις μὲν ἡ φύσις δίδωσιν
-<lb/>ἀναθῆλαι· ἑταίρας δὲ ὀπώρα μία. δεῖ τοίνυν ἐντεῦθεν
-<lb/>ταμιεύεσθαι πρὸς τὸ γῆρας.
-
-
-</p>
-</div1>
-<div1 type="chapter" n="9">
-<opener>Χρέμης Παρμένωνι.</opener>
-<p>
-<lb/> ὀψὲ ἔμαθον ὅτι μοι συνεβούλευες καλῶς, παιδεύων
-<lb/>με ἀποδιδράσκειν τὰς ἑταίρας· λαβεῖν γὰρ
-<lb/>κεχήνασι καὶ προσποιοῦνται φιλεῖν καὶ ἀποκλείουσι
-<lb/>συνεχῶς καὶ τὸ πάντων μοι βαρύτατον πρὶν ὑπερπλησθῆναι
-<lb/>καὶ γενέσθαι διακορεῖς οὐ βούλονται
-<lb/> συγκαθεύδειν, ἀλλὰ ἀκκίζονται καὶ θρύπτονται, εἶτα
-<lb/>μιστυλῶνται πάλιν, καὶ λάθρᾳ μὲν ἀλοῶσι πάντα καὶ
-<lb/>καταπίνουσιν ὑπὲρ τοὺς ἐργαστῆρας τοὺς ἐν ἀγρῷ,
-<lb/>παρόντων δὲ ἡμῶν ὡραΐζονται. ἐγὼ δὲ κατὰ χειρὸς
-<lb/>ποιῶ πάντα καὶ σπεύδω καταλαβεῖν ἐς δύο τὰ σκέλη
-<pb id="p.179"/>
-<lb/>ἄρας καὶ ὑποστρέφειν ἐπὶ τὰς αἶγας πάλιν. ἐμέλλησα
-<lb/>δʼ ἂν τὴν κάκιστα ἀπολουμένην Θηβαΐδα αὐλουμένην
-<lb/>πρός με ἀράμενος μέσην εἶτα ῥίψας ἐς τὸ κλινίδιον
-<lb/>ἔχεσθαι τῆς σπουδῆς. ἀπόλοιτο δὲ ὁ στρατιώτης ὁ
-<lb/>διακωλύσας με· Θρασυλέων, οἶμαι, ἦν ὄνομα αὐτῷ 
-<lb/>ἢ ἄλλο τι τοιοῦτον συμπεπλεγμένον θηρίῳ.
-
-
-</p>
-</div1>
-<div1 type="chapter" n="10">
-<opener>Φιλέριφος Σιμύλῳ.</opener>
-<p>
-<lb/>πέπυσμαί σου τὸν ὗν εἶναι λάγνην. τί οὖν αὐτὸν 
-<lb/>οὐ βίᾳ συλλαβὼν τομίαν εἰργάσω, ὥσπερ εἰώθαμεν
-<lb/>τοὺς τράγους ἡμεῖς; τοῦτο γάρ τοι καὶ τὰ ζῷα ἀναπείθει 
-<lb/>ἡσυχίαν τε ἔχειν καὶ σωφρονεῖν εὖ μάλα. εἰμὶ
-<lb/>δὲ ἐγὼ περὶ ταῦτα δήπου δεινός· ἀποφανῶ γὰρ παραχρῆμα
-<lb/>ὁλόκληρον, σάξας ἁλῶν καὶ ἐπαλείψας πίτταν·
-<lb/>εἶτα ὑγιεινότερος ἔσται Κρότωνος δήπου καὶ κολοκύντης,
-<lb/>καὶ ἐρῶν παύσεται καὶ ἐπιτρίβων σοι τὴν 
-<lb/>οὐσίαν. ἐνόρχην δὲ ἀκόλαστον ὑγιαίνων τρέφοι τίς ἄν;
-
-
-</p>
-</div1>
-<div1 type="chapter" n="11">
-<opener>Λαμπρίας Τρύφῃ.</opener>
-<p>
-<lb/>ἀγαθὰς διώκειν οἱ νεανίσκοι τρέφουσι κύνας, 
-<lb/>δρομικώτερον δὲ λαγὼν οὐδὲ ἀσαρκότερον οὐδεπώποτε
-<lb/>ἐθεασάμην· θαῦμα γὰρ ὅπως καὶ κατέλαβον αὐτόν. 
-<lb/>ἐπεὶ γὰρ ἐδάρη καὶ τὸ δέρμα ἀπεδύσατο, φανερὸς
-<lb/>τηνικαῦτα ἐγένετο, μᾶλλον δὲ ʽοὐ γὰρ ὀρθῶς λέγὠ
-<lb/>ἀφανής ἐστι νῦν ἔτι πλέον. σὺ δέ, ὦ Τρύφη, κιχλίζουσα
-<lb/>παῦσαι πρός με· ἐὰν γάρ σε, ὦ κακόδαιμον,
-<lb/>ὁ πατὴρ ἴδῃ, λήψῃ τι πάντως κακόν. ἐγὼ δὲ αὐτὸν 
-<lb/>ὑποδέδοικα καίτοι παρόντα ὄντα· σὺ δὲ οὐκ οἶδα ὅπως
-<lb/>διατέθρυψαι καὶ καταφρονεῖς αὐτοῦ.
-<pb id="p.180"/>
-</p>
-</div1>
-<div1 type="chapter" n="12">
-<opener>Τρύφη Λαμπρία.</opener>
-<p>
-<lb/> Προσπατταλεύσομεν, ὦ Λαμπρία, τοῦ λαγὼ τὴν
-<lb/>δοράν, ἵνα σοι τῶν κυνηγεσίων ἄγαλμα ᾖ τοῦτο κατὰ
-<lb/>τοὺς μεγάλους ἐκείνους δήπου θηρευτάς. ἔσται δὴ
-<lb/> καὶ τὸ σὸν εὔθηρον ἀνάγραπτον. πότερον δὲ αὐτὸς
-<lb/>ᾕρηκας ἢ δῶρον εἴληφας; πῶς δὲ καὶ ὤφθη τὴν ἀρχὴν
-<lb/>διὰ σμικρότητα; εὔρινοι ἄρα ὄντως ἦσαν αἱ κύνες·
-<lb/>οὐ γὰρ ἦν αὐτὸν ἰδεῖν, ἀλλʼ ᾔσθοντο αὐτοῦ. σὺ δὲ
-<lb/>ἐξ οὗ θηρᾶν ἤρξω γέγονας ἡμῖν αὐτόχρημα Ἱππόλυτος.
-<lb/> ὅρα δὴ τὴν Ἀφροδίτην μὴ καὶ σοὶ διὰ τὴν ὑπεροψίαν μηνίσῃ.
-
-
-</p>
-</div1>
-<div1 type="chapter" n="13">
-<opener>Καλλιππίδης Κνήμωνι.</opener>
-<p>
-<lb/> ἀγροίκου βίου τά τε ἄλλα ἐστὶ καλὰ καὶ δὴ καὶ
-<lb/>τὸ ἥμερον τοῦ τρόπου· ἡ γὰρ ἡσυχία καὶ τὸ ἄγειν
-<lb/> σχολὴν τοῖς τῆς γῆς καλὴν πραότητα ἐνεργάζεται. σὺ
-<lb/>δὲ οὐκ οἶδʼ ὅπως ἀγροῖκος εἶ καὶ γείτοσιν οὐκ ἀγαθὸς
-<lb/>πάροικος. βάλλεις γοῦν ἡμᾶς ταῖς βώλοις καὶ ταῖς
-<lb/>ἀχράσι καὶ μέγα κέκραγας ἰδὼν ἄνθρωπον ὡς διώκων
-<lb/>λύκον, καὶ ἀργαλέος εἶ καὶ τοῦτο δὴ τὸ λεγόμενον
-<lb/> ἁλμυρὸν γειτόνημα· ἐγὼ δὲ εἰ μὴ πατρῷον ἀγρὸν
-<lb/>ἐγεώργουν, ἄσμενος ἂν αὐτὸν ἀπεδόμην φυγῇ φοβεροῦ
-<lb/>γείτονος. ἀλλʼ, ὦ βέλτιστε Κνήμων, τὸ σκαιὸν τοῦ
-<lb/>τρόπου κατάλυσον, μηδέ σε ὁ θυμὸς ἐς λήθην προαγέτω,
-<lb/>μὴ καὶ μανεὶς σεαυτὸν λάθῃς. ταῦτά σοι φίλα
-<lb/> παρὰ φίλου παραγγέλματα ἔστω καὶ ἴαμα τοῦ τρόπου.
-
-
-</p>
-</div1>
-<div1 type="chapter" n="14">
-<opener>Κνήμων Καλλιππίδῃ.</opener>
-<p>
-<lb/> ἔδει μὲν μηδὲν ἀποκρίνασθαι· ἐπεὶ δὲ εἶ περίεργος
-<lb/>καὶ βιάζῃ με ἄκοντά σοι προδιαλέγεσθαι, τοῦτο
-<pb id="p.181"/>
-<lb/>γοῦν κεκέρδαγκα τὸ διʼ ἀγγέλων σοι λαλεῖν, ἀλλὰ μὴ
-<lb/>πρὸς αὐτόν σε. ἔστω σοι τοίνυν ἡ ἀπὸ Σκυθῶν λεγομένη
-<lb/>ἀπόκρισις αὕτη. ἐγὼ μαίνομαι καὶ φονῶ
-<lb/>καὶ μισῶ τὸ τῶν ἀνθρώπων γένος. ἔνθεν τοι βάλλω
-<lb/>τοὺς ἐσφοιτῶντας ἐς τὸ χωρίον καὶ βώλοις καὶ λίθοις. 
-<lb/>μακάριον δὲ ἥγημαι τὸν Περσέα κατὰ δύο τρόπους
-<lb/>ἐκεῖνον, ὅτι τε πτηνὸς ἦν καὶ οὐδενὶ συνήντα, ὑπεράνω
-<lb/>τε ἦν τοῦ προσαγορεύειν τινὰ καὶ ἀσπάζεσθαι.
-<lb/>ζηλῶ δὲ αὐτὸν καὶ τοῦ κτήματος ἐκείνου εὖ μάλα, ᾧ
-<lb/>τοὺς συναντῶντας ἐποίει λίθους· οὗπερ οὖν εἴ μοί τις 
-<lb/>εὐμοιρία κατατυχεῖν ἐγένετο, οὐδὲν ἂν ἀφθονώτερον
-<lb/>λιθίνων ἀνδριάντων, καὶ σὲ δʼ ἂν εἰργασάμην
-<lb/>τοῦτο πρῶτον. τί γὰρ παθὼν ῥυθμίζεις με καὶ πρᾶον
-<lb/>ἀποφῆναι γλίχῃ οὕτως ἐχθρὰ πᾶσι νοοῦντα; ἔνθεν
-<lb/>τοι καὶ τοῦ χωρίου τὸ παρὰ τὴν ὁδὸν ἀργὸν εἴασα καὶ 
-<lb/>τοῦτό μοι τῆς γῆς χῆρόν ἐστι καρπῶν. σὺ δὲ ἕνα
-<lb/>σεαυτὸν τῶν ἀναγκαίων ἀποφαίνεις, καὶ σπεύδεις με
-<lb/>φίλον ἔχειν μηδὲ ἐμαυτοῦ φίλον ὄντα. τί γὰρ καὶ
-<lb/>μαθὼν εἰμὶ ἄνθωπος;
-
-
-</p>
-</div1>
-<div1 type="chapter" n="15">
-<opener>Καλλιππίδης Κνήμωνι. </opener>
-<p>
-<lb/>σὺ μὲν τῶν ἀποφράδων διαφέρεις οὐδὲν οὕτως 
-<lb/>ἄγριος ὢν καὶ μονήρης τὸν τρόπον, δεῖ δέ σε ὅμως
-<lb/>καὶ μὴ βουλόμενον ἥμερον ἡμῖν γενέσθαι αἰδοῖ καὶ
-<lb/>ταῦτα γειτνιάσεως καὶ θεῶν ὁρίων τιμῇ, οἵπερ οὖν
-<lb/>εἰσι κοινοί. θύω τοίνυν τῷ Πανὶ καὶ Φυλασίων τοὺς 
-<lb/>μάλιστα ἐπιτηδείους ἐς τὴν ἱερουργίαν παρακαλῶ. ἐν
-<lb/>δὴ τούτοις καὶ σὲ ἀφικέσθαι βουλοίμην ἄν· σὺ δὲ καὶ
-<lb/>ἐμπιὼν καὶ κοινωνήσας σπονδῶν ἔσῃ τι καὶ πραότερος.
-<lb/>ὁ γάρ τοι Διόνυσος φιλεῖ τὰς μὲν ὀργὰς μαραίνειν
-<lb/>τε καὶ κατακοιμίζειν, τὰς δὲ εὐφροσύνας ἐγείρειν· 
-<pb id="p.182"/>
-<lb/>ἔσται δέ σοι ὁ αὐτὸς οὗτος θεὸς καὶ Παιών, καὶ ἀπολύσει
-<lb/>σε τῆς ἀκράτου χολῆς, οἴνῳ σβέσας τὸ τοῦ
-<lb/>θυμοῦ ὑπέκκαυμα. καὶ αὐλητρίδος δὲ ἀκούσας ἴσως,
-<lb/>ὦ Κνήμων, καὶ ἐς ᾠδὴν ἐμπεσὼν καὶ ἐς μέλος ὑπολισθὼν
-<lb/> ἕξεις τι καὶ γαληνὸν ἐν τῇ ψυχῇ· οὐ χεῖρον δʼ
-<lb/>ἂν εἴη οἰνωμένον σε καὶ μασχάλην ἆραι. εἰ δέ που
-<lb/>καὶ μεθύων κόρῃ περιπέσοις ἅβραν ἀνακαλούσῃ ἢ τὴν
-<lb/>τίτθην ὑπολειφθεῖσαν εὑρεῖν πειρωμένῃ, τάχα πού τι
-<lb/>καὶ θερμὸν δράσεις καὶ νεανικὸν ἔργον. οὐδὲν ἂν
-<lb/> ἀπεοικὸς εἴη καὶ τοιοῦτό τι πραχθῆναι ἐν τῇ τοῦ
-<lb/>Πανὸς θυσίᾳ· καὶ γάρ τοι κἀκεῖνος ἐρωτικὸς εὖ μάλα
-<lb/>καὶ οἷος ἐπανίστασθαι παρθένοις. λῦσον δὲ καὶ τὴν
-<lb/>ὀφρύν, καὶ τὸ σκυθρωπὸν τοῦτο καὶ σύννεφες χάλασον
-<lb/>εὐθυμίᾳ. φίλου ταῦτα παραίνεσις νοοῦντός
-<lb/> σοι ἀγαθά.
-
-
-</p>
-</div1>
-<div1 type="chapter" n="16">
-<opener>Κνήμων Καλλιππίδῃ.</opener>
-<p>
-<lb/> ἵνα σοι καὶ λοιδορήσωμαι ταῦτʼ ἀντεπιστέλλω καὶ
-<lb/>ἀφῶ τι τῆς ὀργῆς ἐς σέ· μάλιστα γὰρ ἐδεόμην παρόντος,
-<lb/>ἵνα σου καὶ αὐτόχειρ γένωμαι. τί γάρ με διαφθεῖραι
-<lb/> γλίχῃ, τί δὲ σπεύδεις ἀπολέσαι με ἐς ἑστίασιν
-<lb/>καὶ θοίνην παρακαλῶν; πρῶτον μὲν γὰρ τὸ πολλοὺς
-<lb/>ὁρᾶν καὶ συνεῖναι πολλοῖς δεινῶς πέφρικα· φεύγω δὲ
-<lb/>κοινὴν θυσίαν ὡς οἱ δειλοὶ τοὺς πολεμίους· ὑφορῶμαι
-<lb/>δὲ καὶ τὸν οἶνον ὡς ἐπιβουλεῦσαι καὶ ἐπιθέσθαι
-<lb/> γνώμῃ δεινῶς καρτερόν, τοὺς δὲ θεοὺς τούς τε ἄλλους
-<lb/>καὶ τὸν Πᾶνα ἀσπάζομαί τε καὶ προσαγορεύω παριὼν
-<lb/>μόνον, θύω δὲ οὐδέν, οὐδὲ γὰρ αὐτοὺς ἐνοχλεῖν
-<lb/>ἐθέλω. σὺ δέ μοι καὶ αὐλητρίδας προσείεις καὶ ᾠδάς,
-<lb/>ὦ καταγέλαστε. ἐπὶ μὲν δὴ τούτοις καινῶς οὐχ ἁψαίμην
-<lb/> σου· καλὰ δέ σου κἀκεῖνα, ὀρχήσασθαι καὶ ὁμιλῆσαι
-<pb id="p.183"/>
-<lb/>κόρῃ θερμότατα. σὺ μέν μοι δοκεῖς κἂν ἐς πῦρ
-<lb/>ἅλασθαι κἂν ἐς μαχαίρας κυβιστῆσαι, ἐμοὶ δὲ μήτε
-<lb/>θύων εἴης φίλος μήτε ἄλλως.
-
-
-</p>
-</div1>
-<div1 type="chapter" n="17">
-<opener>Δερκύλλος Αἰσχρέᾳ.</opener>
-<p>
-<lb/>οὐκ ἐγὼ ἔλεγον ὅτι Πλοῦτον ὁρῶντα ὀξὺ καὶ οὐ 
-<lb/>τυφλὸν ἀνεῦρες, καὶ καταγελᾷς μου καὶ τῆς γῆς καὶ
-<lb/>τῆς Τύχης, ἐπεὶ τῶν χρηστῶν καὶ ἐπιμέλειαν τίθεται;
-<lb/>σὺ γοῦν ἀπεδείξω τῶν εὐδαιμόνων ἐκείνων εἷς ὤν,
-<lb/>οὓς ἐπὶ Κρόνου φασὶν ἐκ τῆς γῆς αὐτόματα ἔχειν
-<lb/>πάντα καὶ κοινωνίαν ἐν αὐτοῖς ἄφθονον πολιτεύεσθαι 
-<lb/>καὶ ἀφέλειαν τρόπου καὶ ἕνα οἶκον οἰκεῖν τὸν ὑπʼ
-<lb/>οὐρανῷ τόπον πάντα. Πλουτήσαντι γοῦν σοι τίς οὕτω
-<lb/>φιλόμωμος ἢ κακός, ὡς ἄχθεσθαι καὶ ζηλότυπα νοεῖν;
-<lb/>μήπω τοσαύτης κακίας ἀναπλησθείη γεωργῶν ἤθη,
-<lb/>ὡς ζηλοτυπεῖν τε ἐς πλοῦτον καὶ ὑπὲρ χρημάτων φρονεῖν. 
-<lb/>ἐς ἀγρίας αἶγας τραπείη ταῦτα καὶ ἐς τοὺς ἐν
-<lb/>δικαστηρίοις ῥήτορας.
-
-
-</p>
-</div1>
-<div1 type="chapter" n="18">
-<opener>Δημύλος Βλεψίᾳ.</opener>
-<p>
-<lb/>γεωργίαν καὶ γεωργεῖν ἀπολιπὼν ὁ γείτων Λάχης 
-<lb/>ἐπέβη νεὼς καὶ πλεῖ τὸν Αἰγαῖόν φασι, καὶ ἄλλα πελάγη 
-<lb/>μετρεῖ καὶ ἐπικυματίζει καὶ λάρου βίον ζῇ καὶ
-<lb/>ἀνέμοις μάχεται διαφόροις· ἄκρα τε αὐτὸν ἐξ ἄκρας
-<lb/>διαλαμβάνει, καὶ περιβλέπων ἁδρὸν κέρδος καὶ περινοῶν
-<lb/>πλοῦτον ἀθρόον μακρὰ εἶπε χαίρειν αἰγιδίοις
-<lb/>ἐκείνοις καὶ νομευτικῷ τῷ προτέρῳ βίῳ· γλισχρῶς 
-<lb/>τε καὶ κατʼ ὀλίγον ἐκ τῶν ἀγρῶν ἀποζῆν δυνάμενος
-<lb/>οὐδὲ ἀρκούμενος τοῖς παροῦσιν Αἰγυπτίους καὶ Σύρους
-<lb/>φαντάζεται καὶ περιβλέπει τὸ δεῖγμα, καὶ πολύς
-<pb id="p.184"/>
-<lb/>ἐστι νὴ Δία τόκους ἐπὶ τόκοις λογιζόμενος καὶ χρήματα
-<lb/>ἐπὶ χρήμασιν ἀριθμῶν, καὶ διαφλέγει τὴν διάνοιαν
-<lb/>αὐτοῦ καὶ ἐκκάει κέρδος ἀμφοτερόπλουν. χειμῶνας
-<lb/>δὲ οὐκ ἐννοεῖ οὐδὲ ἐναντία πνεύματα οὐδὲ
-<lb/> τῆς θαλάττης τὸ ἀστάθμητον οὐδὲ τῶν ὡρῶν τὰς
-<lb/>ἀκαιρίας. ἡμεῖς δὲ εἰ καὶ μικρὰ κερδαίνομεν μεγάλα
-<lb/>πονοῦντες, ἀλλὰ πολὺ ἡ γῆ τῆς θαλάττης ἑδραιότερον,
-<lb/>καὶ αὕτη πιστοτέρα βεβαιοτέρας ἔχει τὰς παρʼ ἑαυτῆς ἐλπίδας.</p>
-</div1>
-<div1 type="chapter" n="19">
-<opener>Μορμίας Χρέμητι.</opener>
-<p>
-<lb/>ἐγὼ μὲν ἔθυον γάμους ὁ χρυσοῦς μάτην καὶ περιῄειν
-<lb/>ἐστεφανωμένος οὐδὲν δέον, καὶ τούς τε ἔνδον
-<lb/>καὶ τοὺς ἔξω θεοὺς ἐκολάκευον· ὁ δὲ παῖς κατήγαγε
-<lb/>μὲν τὸ ζεῦγος ἐκ τῶν ἀγρῶν ὡς τὴν νύμφην ἐξ ἄστεος
-<lb/> ἐς τὸ πατρῷον χωρίον ἐπανάξων· αὐλητρίδα δὲ λυσάμενος,
-<lb/>ἧς ἔτυχεν ἐρῶν, νύμφης στολὴν αὐτῇ περιβαλὼν
-<lb/>ἐπανήγαγέ μοι φάτταν ἀντὶ περιστερᾶς, φασίν,
-<lb/>ἑταίραν ἀντὶ νύμφης. καὶ τὰ μὲν πρῶτα αἰδουμένη
-<lb/>κορικῶς εὖ μάλα καὶ κατὰ τὸν τῶν γαμουμένων νόμον
-<lb/> ὑπέκρυπτε τὴν τέχνην· μόλις δὲ ἀπερράγη ἡ σοφία
-<lb/>τε αὐτῶν καὶ αἱ κατʼ ἐμοῦ μηχαναί. οὐ μὴν ἐς
-<lb/>τὸ παντελές μου καταφρονήσουσιν ὥσπερ οὖν πλινθίνου,
-<lb/>ἐπεί τοι τὸν μὲν καλὸν νυμφιον ἐς κόρακας
-<lb/>ἀποκηρύξω, ἐὰν μὴ τῆς ὑπερβαλλούσης τρυφῆς παυσάμενος
-<lb/> σὺν ἐμοὶ ταφρεύῃ καὶ βωλοκοπῇ· τὴν δὲ
-<lb/>νύμφην ἀποδώσομαι κἀκείνην ἐπʼ ἐξαγωγῇ, ἐὰν μή
-<lb/>τι καὶ αὐτὴ τῶν ἔργων τῇ Φρυγίᾳ τε καὶ τῇ Θρᾴττῃ συνεπιλαμβάνῃ.
-<pb id="p.185"/>
-</p>
-</div1>
-<div1 type="chapter" n="20">
-<opener>Φαιδρίας Σθένωνι.</opener>
-<p>
-<lb/>φύεται μὲν ἐν τοῖς ἀγροῖς καλὰ πάντα, κεκόσμηταί 
-<lb/>τε ἡ γῆ τούτοις καὶ τρέφει πάντας· καὶ τὰ μέν
-<lb/>ἐστι τῶν καρπῶν διετήσια, τὰ δὲ καὶ πρὸς ὀλίγον
-<lb/>ἀντέχοντά ἐστι τρωκτὰ ὡραῖα· πάντων δὲ τούτων 
-<lb/>θεοὶ μὲν ποιηταί, ἡ γῆ δὲ μήτηρ ἅμα καὶ τροφὸς
-<lb/>αὕτη. φύεται δὲ καὶ δικαιοσύνη καὶ σωφροσύνη, καὶ
-<lb/>ταῦτα ἐν τοῖς ἀγροῖς δένδρων τὰ κάλλιστα καρπῶν
-<lb/>τὰ χρησιμώτατα. μὴ τοίνυν γεωργῶν καταφρόνει·
-<lb/>ἔστι γάρ τις καὶ ἐνταῦθα σοφία· γλώττῃ μὲν οὐ πεποικιλμένη 
-<lb/>οὐδὲ καλλωπιζομένη λόγων δυνάμει, σιγῶσα
-<lb/>δὲ εὖ μάλα καὶ διʼ αὐτοῦ τοῦ βίου τὴν ἀρετὴν
-<lb/>ὁμολογοῦσα. εἰ δὲ σοφώτερα ταῦτα ἐπέσταλταί σοι
-<lb/>ἢ κατὰ τὴν τῶν ἀγρῶν χορηγίαν, μὴ θαυμάσῃς· οὐ
-<lb/>γάρ ἐσμεν οὔτε Λίβυες οὔτε Λυδοὶ ἀλλʼ Ἀθηναῖοι γεωργοί. ¯
-
-</p>
-</div1>
-</body>
-</text>
-</TEI.2>
diff --git a/data/tlg0545/tlg003/tlg0545.tlg003.perseus-grc2.xml b/data/tlg0545/tlg003/tlg0545.tlg003.perseus-grc2.xml
new file mode 100644
index 000000000..39ab243e0
--- /dev/null
+++ b/data/tlg0545/tlg003/tlg0545.tlg003.perseus-grc2.xml
@@ -0,0 +1,164 @@
+<?xml version="1.0" encoding="UTF-8"?>
+<?xml-model href="https://epidoc.stoa.org/schema/latest/tei-epidoc.rng" schematypens="http://relaxng.org/ns/structure/1.0"?>
+<TEI xmlns="http://www.tei-c.org/ns/1.0">
+    <teiHeader xml:lang="eng">
+<fileDesc>
+<titleStmt>
+ <title xml:lang="grc">ἐκ τῶν Αἰλιανοῦ ἀγροικικῶν ἐπιστολῶν</title>
+<author>Aelian</author>
+<editor>Rudolf Hercher</editor>
+    <editor>Ulrich von Wilamowitz-Moellendorff</editor>
+    <principal>Gregory Crane</principal>
+    <respStmt>
+        <resp>Prepared under the supervision of</resp>
+        <name>Bridget Almas</name>
+        <name>Lisa Cerrato</name>
+        <name>Rashmi Singhal</name>
+    </respStmt>
+</titleStmt>
+    <publicationStmt>
+        <publisher>Trustees of Tufts University</publisher>
+        <pubPlace>Medford, MA</pubPlace>
+        <authority>Perseus Project</authority>
+        <date type="release" when="2011-07-09">Perseus 4.0</date>
+        <idno type="filename">tlg0545.tlg003.perseus-grc2.xml</idno>
+        <availability>
+            <licence target="https://creativecommons.org/licenses/by-sa/4.0/">Available under a Creative Commons Attribution-ShareAlike 4.0 International License</licence>
+        </availability>
+    </publicationStmt>
+    <notesStmt><note><p>Keyboarding</p></note></notesStmt>
+    
+    <sourceDesc>
+        <biblStruct>
+            <monogr>
+                <title xml:lang="lat">Claudii Aeliani Varia Historia Epistolae Fragmenta</title>
+                <author>Aelian</author>
+                <editor>Rudolf Hercher</editor>
+                <imprint>
+                    <publisher>Teubner</publisher>
+                    <pubPlace>Leipzig</pubPlace>
+                    <date>1866</date>
+                </imprint>
+                <biblScope unit="volume">2</biblScope>
+            </monogr>
+            <ref target="https://archive.org/details/deanimaliumantur02aeliuoft/page/174/mode/2up">Internet Archive</ref>
+        </biblStruct>
+    </sourceDesc>
+</fileDesc>
+        
+<encodingDesc>
+ <!--<refsDecl doctype="TEI.2">
+<state unit="book"/>
+<state unit="chapter" n="chunk"/>
+</refsDecl>-->
+            <refsDecl n="CTS">
+                <!--<cRefPattern matchPattern="(\w+).(\w+)"
+                    replacementPattern="#xpath(/tei:TEI/tei:text/tei:body/tei:div/tei:div[@n='$1']/tei:div[@n='$2'])" n="chapter">
+                    <p>This pointer pattern extracts book and chapter</p>
+                </cRefPattern>-->
+                <cRefPattern matchPattern="(\w+)"
+                    replacementPattern="#xpath(/tei:TEI/tei:text/tei:body/tei:div/tei:div[@n='$1'])" n="letter">
+                    <p>This pointer pattern extracts letter.</p>
+                </cRefPattern>
+            </refsDecl>
+        </encodingDesc>
+        
+<profileDesc>
+<langUsage>
+<language ident="grc">Greek</language>
+</langUsage>
+</profileDesc>
+        
+        <revisionDesc>
+            <change when="2023-11-21" who="Lisa Cerrato">EpiDoc and CTS conversion work</change>
+        </revisionDesc>
+</teiHeader>
+    
+<text>
+<body>
+ <div type="edition" xml:lang="grc" n="urn:cts:greekLit:tlg0545.tlg003.perseus-grc2"> 
+<pb xml:id="p.175"/>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="1">
+<head type="opener" rend="allign(indent)">Εὐθυκομίδης Βλεπαίῳ.</head>
+<p rend="align(indent)"> Διαψύχοντί μοι πρὸς τὴν εἵλην τοὺς βότρυς ἡ μανία προσελθοῦσα ἐθρύπτετο καὶ ὡραϊζομένη πολλοῖς ἔβαλλε τοῖς σκώμμασιν. ἐγὼ δὲ παλαιὸν δή τι ἐπιτεθυμμένος αὐτῆς διενοούμην τι δρᾶσαι θερμόν. ὡς οὖν ἄσμενος ἐλαβόμην, πλησιάσας τὰς μὲν ῥᾶγας εἴασα, ἐφερπύσας δὲ καὶ μάλα ἀσμένως τῆς ὥρας ἐτρύγησα. ταῦτά σοι πρὸς τοῦ Πανὸς μυστήρια τὰ μεγάλα ἔστω. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="2">
+<head type="opener" rend="allign(indent)">Κωμαρχίδης Δρωπαίῳ. </head>
+<p rend="align(indent)"> ἡμέρων ὁ μαλακὸς φελλεῖ ἐπέκοψε τὸ σκέλος πάνυ ἰσχυρῶς, καὶ θέρμη ἐπέλαβεν αὐτοῦ, καὶ βουβὼν ἐπήρθη. βουλοίμην δʼ ἂν αὐτὸν ἀναρρωσθῆναι ἤ μοι μεδίμνους ἰσχάδων ὑπάρξαι τέτταρας. τὴν οἶν τὴν τὰ μαλακὰ ἔρια, ἣν ἐπαινῶ πρὸς σέ, παρʼ ἐμοῦ πρόσειπε καὶ τὼ βοϊδίω καὶ τὴν κύνα, καὶ τὴν Μανίαν καὶ αὐτὴν χαίρειν κέλευε. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="3">
+<head type="opener" rend="allign(indent)">Εὐπειθίδης Τιμωνίδῃ.</head>
+<p rend="align(indent)"> ἀδικεῖ με ἡ παρὰ σοὶ Σηκύλη παραιρουμένη τῶν δραγμάτων καὶ παρακλέπτουσα. ἐὰν μὲν οὖν παύσηται, <pb xml:id="p.176"/> καλά σοι καὶ μενοῦμεν φίλοι· ἐὰν δὲ ἔχηται ἔργου, δικάσομαί σε βλάβης. καὶ γὰρ ἂν εἰκότως μοι στενάζειε τὰ τῶν προγόνων ἠρία, εἰ Εὐπειθίδης ὁ Κορυδαλλεὺς ἐμαυτὸν περιόψομαι προσελούμενον, καὶ ταῦτα ὑπʼ ἀνδραπόδου ἴσως δυοῖν μναῖν ἀξίου. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="4">
+<head type="opener" rend="allign(indent)">Ἀνθεμίων Δράκητι.</head>
+<p rend="align(indent)"> τί σοι καλὸν εἴργασται καὶ τί σοι πεπόνηται χρηστόν; ἐγὼ γὰρ ἀμπελίδος ὄρχον ἐλάσας, εἶτα μοσχίδια συκίδων παραφυτεύσας ἁπαλά, καὶ ἐν κύκλῳ περὶ τὸ αὔλιον κατέπηξα ἐλᾷδας. εἶτά μοι δεῖπνον καὶ πίσινον ἔτνος, καὶ τρεῖς ἁδρὰς ἐξεκάναξα κύλικας, καὶ ἄσμενος κατέδαρθον. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="5">
+<head type="opener" rend="allign(indent)">Βαίτων Ἀνθεμίωνι.</head>
+<p rend="align(indent)"> τὰ σμήνη μοι τῶν μελιττῶν κενά, καὶ ἀπεφοίτησαν τῆς ἑστίας οὐκ οὖσαι τέως δραπέτιδες· ἀλλὰ γὰρ καὶ πισταὶ διέμενον καὶ ᾤκουν ὡς οἴκους τοὺς αὑτῶν σίμβλους, καὶ εἶχον λειμῶνα εὔδροσον καὶ δὴ καὶ ἀνθῶν εὔφορον, καὶ εἱστιῶμεν αὐτὰς πανδαισίᾳ· αἳ δὲ ὑπὸ τῆς φιλεργίας τῆς ἄγαν ἀνθειστίων ἡμᾶς πολλῷ καὶ καλῷ τῷ μέλιτι, κοὐδέποτε τῆσδε τῆς ὠδῖνος τῆς γλυκείας ἦσαν ἄγονοι. νῦν δὲ ᾤχοντο ἀπιοῦσαι, λυπηθεῖσαι πρὸς ἡμῶν οὐδὲ ἕν, οὐ μὰ τὸν Ἀρισταῖον καὶ τὸν Ἀπόλλω αὐτόν. καὶ αἳ μέν εἰσι φυγάδες, ὁ δὲ οἶκος αὐτῶν χῆρός ἐστι, καὶ τὰ ἄνθη τὰ ἐν τῷ λειμῶνι περὶ αὐτὰ γηρᾷ. ἐγὼ δὲ αὐτῶν ὅταν ὑπομνησθῶ τῆς πτήσεως καὶ τῆς εὐχαρίτου χορείας, οὐδὲν ἄλλο ἢ νομίζω θυγατέρας ἀφῃρῆσθαι. ὀργίζομαι μὲν οὖν αὐταῖς· τί γὰρ ἀπέλιπον τροφέα αὐτῶν καὶ ἀτεχνῶς <pb xml:id="p.177"/> πατέρα καὶ φρουρὸν καὶ μελεδωνὸν οὐκ ἀχάριτον; δεῖ δέ με ἀνιχνεῦσαι τὴν πλάνην αὐτῶν καὶ ὅποι ποτὲ ἀποδρᾶσαι κάθηνται, καὶ τίς αὐτὰς ὑπεδέξατο καὶ τοῦτο· ἔχει γάρ τοι τὰς μηδὲν προσηκούσας. εἶτα εὑρὼν ὀνειδιῶ πολλὰ τὰς ἀγνώμονας καὶ ἀπίστους. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="6">
+<head type="opener" rend="allign(indent)">Κάλλαρος Καλλικλεῖ.</head>
+<p rend="align(indent)"> καὶ ποῖ τις ἀποτρέψει τὸ ῥεῦμα, εἰ μήτε ἐς τὴν ὁδὸν ἐμβαλεῖ μήτε ἐς τὴν τῶν γειτόνων διαβήσεται; οὐ γὰρ δήπου κελεύσεις ἡμᾶς ἐκπιεῖν αὐτό. πάλαι μὲν οὖν λέλεκται κακὸν εἶναι γείτων κακός, πεπίστευται δὲ νῦν οὐχ ἥκιστα ἐπὶ σοῦ. ἀλλʼ οὐδέν σοι πλέον τῆς βίας· οὐ γὰρ ἀποδωσόμεθά σοι τὸ χωρίον, δικάσεται δὲ πρότερον ὑπὲρ τούτων πρός σε ὁ δεσπότης, ἐάνπερ τὴν διάνοιαν ὑγιαίνῃ. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="7">
+<head type="opener" rend="allign(indent)">Δερκύλλος Ὀπώρᾳ. </head>
+<p rend="align(indent)"> οὐχ ὅτι καλὴ λέγεις εἶναι οὐδʼ ὅτι πολλοὺς ἐραστὰς λέγεις ἔχειν, διὰ τοῦτο ἐπαινῶ σε· ἴσως μὲν γάρ σε ἐκεῖνοι διὰ τὸ εἶδος θαυμάζουσιν, ἐμὲ δὲ ἀρέσκεις διὰ τὸ ὄνομα, καί σε οὕτως ὡς καὶ τὴν γῆν τὴν πατρῴαν ἐπαινῶ, καὶ τεθαύμακα τὸν οὕτω σε καλέσαντα τῆς ἐπινοίας, ἵνα μὴ μόνοι σε περιμαίνωνται δηλονότι οἱ ἐν τῇ πόλει, ἀλλὰ γὰρ καὶ ἀγροῖκος λεώς. τῆς ὀπώρας οὖν καταπειράσας τί ἀδικῶ; ἐπεὶ τά τε ἄλλα καὶ ἐφολκὸν ἐς ἔρωτα τὸ ὄνομα, καὶ ταῦτα ἀνδρὶ γεωργίᾳ ζῶντι. ἀπέστειλα οὖν σοι τῆς ὁμωνύμου τῆς ἐν ἀγρῷ σῦκα καὶ βότρυς καὶ τρύγα ἀπὸ ληνῶν· ἦρος δὲ ἀποπέμψω καὶ ῥόδα, τὴν ἐκ τῶν λειμώνων ὀπώραν.  </p>
+</div><pb xml:id="p.178"/>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="8">
+<head type="opener" rend="allign(indent)">Ὀπώρα Δερκύλλῳ.</head>
+<p rend="align(indent)"> σὺ μὲν εἴτε σπουδάζεις ἐς τὸ ὄνομα τὸ ἐμὸν εἴτε παίζεις οἶσθα δήπου αὐτός, ἐγὼ δὲ οἷς πέμπεις οὐκ ἀξιῶ πρός με ὡραΐζεσθαι. καλὰ γάρ σου τὰ δῶρα ἀκρόδρυα δυοῖν ὀβολοῖν καὶ ὑβριστὴς οἶνος διὰ νεότητα· πίοι δʼ ἂν ἡ Φρυγία αὐτόν· ἐγὼ δὲ Λέσβιον πίνω καὶ Θάσιον καὶ ἀργυρίου δέομαι· ὀπώραν δὲ ὀπώρᾳ ἀποστέλλειν αὐτόχρημα πῦρ ἐπὶ πῦρ φέρειν ἐστί. κἀκεῖνο δέ σε οὐ χεῖρον εἰδέναι ταύτῃ ᾗπερ οὖν καὶ αὐτὴ νοῶ. τοῦ γὰρ χρηματίζεσθαι παρὰ τῶν βουλομένων μοι προσιέναι καὶ τὸ ὄνομα αἴτιον· παιδεύει γάρ με ὅτι καὶ τὸ κάλλος τῶν σωμάτων ὀπώρᾳ ἔοικεν. ἕως οὖν ἀκμάζει, καὶ τὴν ὑπὲρ αὐτοῦ χάριν προσῆκόν ἐστιν ἀνταπολαμβάνειν· ἐὰν δὲ ἀπορρεύσῃ, τί ἂν ἄλλο εἴη τὸ ἡμέτερον ἢ δένδρον καρπῶν ἅμα καὶ φύλλων γυμνόν; καίτοιγε ἐκείνοις μὲν ἡ φύσις δίδωσιν ἀναθῆλαι· ἑταίρας δὲ ὀπώρα μία. δεῖ τοίνυν ἐντεῦθεν ταμιεύεσθαι πρὸς τὸ γῆρας. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="9">
+<head type="opener" rend="allign(indent)">Χρέμης Παρμένωνι.</head>
+<p rend="align(indent)"> ὀψὲ ἔμαθον ὅτι μοι συνεβούλευες καλῶς, παιδεύων με ἀποδιδράσκειν τὰς ἑταίρας· λαβεῖν γὰρ κεχήνασι καὶ προσποιοῦνται φιλεῖν καὶ ἀποκλείουσι συνεχῶς καὶ τὸ πάντων μοι βαρύτατον πρὶν ὑπερπλησθῆναι καὶ γενέσθαι διακορεῖς οὐ βούλονται συγκαθεύδειν, ἀλλὰ ἀκκίζονται καὶ θρύπτονται, εἶτα μιστυλῶνται πάλιν, καὶ λάθρᾳ μὲν ἀλοῶσι πάντα καὶ καταπίνουσιν ὑπὲρ τοὺς ἐργαστῆρας τοὺς ἐν ἀγρῷ, παρόντων δὲ ἡμῶν ὡραΐζονται. ἐγὼ δὲ κατὰ χειρὸς ποιῶ πάντα καὶ σπεύδω καταλαβεῖν ἐς δύο τὰ σκέλη <pb xml:id="p.179"/> ἄρας καὶ ὑποστρέφειν ἐπὶ τὰς αἶγας πάλιν. ἐμέλλησα δʼ ἂν τὴν κάκιστα ἀπολουμένην Θηβαΐδα αὐλουμένην πρός με ἀράμενος μέσην εἶτα ῥίψας ἐς τὸ κλινίδιον ἔχεσθαι τῆς σπουδῆς. ἀπόλοιτο δὲ ὁ στρατιώτης ὁ διακωλύσας με· Θρασυλέων, οἶμαι, ἦν ὄνομα αὐτῷ ἢ ἄλλο τι τοιοῦτον συμπεπλεγμένον θηρίῳ. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="10">
+<head type="opener" rend="allign(indent)">Φιλέριφος Σιμύλῳ.</head>
+<p rend="align(indent)"> πέπυσμαί σου τὸν ὗν εἶναι λάγνην. τί οὖν αὐτὸν οὐ βίᾳ συλλαβὼν τομίαν εἰργάσω, ὥσπερ εἰώθαμεν τοὺς τράγους ἡμεῖς; τοῦτο γάρ τοι καὶ τὰ ζῷα ἀναπείθει ἡσυχίαν τε ἔχειν καὶ σωφρονεῖν εὖ μάλα. εἰμὶ δὲ ἐγὼ περὶ ταῦτα δήπου δεινός· ἀποφανῶ γὰρ παραχρῆμα ὁλόκληρον, σάξας ἁλῶν καὶ ἐπαλείψας πίτταν· εἶτα ὑγιεινότερος ἔσται Κρότωνος δήπου καὶ κολοκύντης, καὶ ἐρῶν παύσεται καὶ ἐπιτρίβων σοι τὴν οὐσίαν. ἐνόρχην δὲ ἀκόλαστον ὑγιαίνων τρέφοι τίς ἄν; </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="11">
+<head type="opener" rend="allign(indent)">Λαμπρίας Τρύφῃ.</head>
+<p rend="align(indent)"> ἀγαθὰς διώκειν οἱ νεανίσκοι τρέφουσι κύνας, δρομικώτερον δὲ λαγὼν οὐδὲ ἀσαρκότερον οὐδεπώποτε ἐθεασάμην· θαῦμα γὰρ ὅπως καὶ κατέλαβον αὐτόν. ἐπεὶ γὰρ ἐδάρη καὶ τὸ δέρμα ἀπεδύσατο, φανερὸς τηνικαῦτα ἐγένετο, μᾶλλον δὲ ʽοὐ γὰρ ὀρθῶς λέγὠ ἀφανής ἐστι νῦν ἔτι πλέον. σὺ δέ, ὦ Τρύφη, κιχλίζουσα παῦσαι πρός με· ἐὰν γάρ σε, ὦ κακόδαιμον, ὁ πατὴρ ἴδῃ, λήψῃ τι πάντως κακόν. ἐγὼ δὲ αὐτὸν ὑποδέδοικα καίτοι παρόντα ὄντα· σὺ δὲ οὐκ οἶδα ὅπως διατέθρυψαι καὶ καταφρονεῖς αὐτοῦ.  </p>
+</div><pb xml:id="p.180"/>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="12">
+<head type="opener" rend="allign(indent)">Τρύφη Λαμπρία.</head>
+<p rend="align(indent)"> Προσπατταλεύσομεν, ὦ Λαμπρία, τοῦ λαγὼ τὴν δοράν, ἵνα σοι τῶν κυνηγεσίων ἄγαλμα ᾖ τοῦτο κατὰ τοὺς μεγάλους ἐκείνους δήπου θηρευτάς. ἔσται δὴ καὶ τὸ σὸν εὔθηρον ἀνάγραπτον. πότερον δὲ αὐτὸς ᾕρηκας ἢ δῶρον εἴληφας; πῶς δὲ καὶ ὤφθη τὴν ἀρχὴν διὰ σμικρότητα; εὔρινοι ἄρα ὄντως ἦσαν αἱ κύνες· οὐ γὰρ ἦν αὐτὸν ἰδεῖν, ἀλλʼ ᾔσθοντο αὐτοῦ. σὺ δὲ ἐξ οὗ θηρᾶν ἤρξω γέγονας ἡμῖν αὐτόχρημα Ἱππόλυτος. ὅρα δὴ τὴν Ἀφροδίτην μὴ καὶ σοὶ διὰ τὴν ὑπεροψίαν μηνίσῃ. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="13">
+<head type="opener" rend="allign(indent)">Καλλιππίδης Κνήμωνι.</head>
+<p rend="align(indent)"> ἀγροίκου βίου τά τε ἄλλα ἐστὶ καλὰ καὶ δὴ καὶ τὸ ἥμερον τοῦ τρόπου· ἡ γὰρ ἡσυχία καὶ τὸ ἄγειν σχολὴν τοῖς τῆς γῆς καλὴν πραότητα ἐνεργάζεται. σὺ δὲ οὐκ οἶδʼ ὅπως ἀγροῖκος εἶ καὶ γείτοσιν οὐκ ἀγαθὸς πάροικος. βάλλεις γοῦν ἡμᾶς ταῖς βώλοις καὶ ταῖς ἀχράσι καὶ μέγα κέκραγας ἰδὼν ἄνθρωπον ὡς διώκων λύκον, καὶ ἀργαλέος εἶ καὶ τοῦτο δὴ τὸ λεγόμενον ἁλμυρὸν γειτόνημα· ἐγὼ δὲ εἰ μὴ πατρῷον ἀγρὸν ἐγεώργουν, ἄσμενος ἂν αὐτὸν ἀπεδόμην φυγῇ φοβεροῦ γείτονος. ἀλλʼ, ὦ βέλτιστε Κνήμων, τὸ σκαιὸν τοῦ τρόπου κατάλυσον, μηδέ σε ὁ θυμὸς ἐς λήθην προαγέτω, μὴ καὶ μανεὶς σεαυτὸν λάθῃς. ταῦτά σοι φίλα παρὰ φίλου παραγγέλματα ἔστω καὶ ἴαμα τοῦ τρόπου. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="14">
+<head type="opener" rend="allign(indent)">Κνήμων Καλλιππίδῃ.</head>
+<p rend="align(indent)"> ἔδει μὲν μηδὲν ἀποκρίνασθαι· ἐπεὶ δὲ εἶ περίεργος καὶ βιάζῃ με ἄκοντά σοι προδιαλέγεσθαι, τοῦτο <pb xml:id="p.181"/> γοῦν κεκέρδαγκα τὸ διʼ ἀγγέλων σοι λαλεῖν, ἀλλὰ μὴ πρὸς αὐτόν σε. ἔστω σοι τοίνυν ἡ ἀπὸ Σκυθῶν λεγομένη ἀπόκρισις αὕτη. ἐγὼ μαίνομαι καὶ φονῶ καὶ μισῶ τὸ τῶν ἀνθρώπων γένος. ἔνθεν τοι βάλλω τοὺς ἐσφοιτῶντας ἐς τὸ χωρίον καὶ βώλοις καὶ λίθοις. μακάριον δὲ ἥγημαι τὸν Περσέα κατὰ δύο τρόπους ἐκεῖνον, ὅτι τε πτηνὸς ἦν καὶ οὐδενὶ συνήντα, ὑπεράνω τε ἦν τοῦ προσαγορεύειν τινὰ καὶ ἀσπάζεσθαι. ζηλῶ δὲ αὐτὸν καὶ τοῦ κτήματος ἐκείνου εὖ μάλα, ᾧ τοὺς συναντῶντας ἐποίει λίθους· οὗπερ οὖν εἴ μοί τις εὐμοιρία κατατυχεῖν ἐγένετο, οὐδὲν ἂν ἀφθονώτερον λιθίνων ἀνδριάντων, καὶ σὲ δʼ ἂν εἰργασάμην τοῦτο πρῶτον. τί γὰρ παθὼν ῥυθμίζεις με καὶ πρᾶον ἀποφῆναι γλίχῃ οὕτως ἐχθρὰ πᾶσι νοοῦντα; ἔνθεν τοι καὶ τοῦ χωρίου τὸ παρὰ τὴν ὁδὸν ἀργὸν εἴασα καὶ τοῦτό μοι τῆς γῆς χῆρόν ἐστι καρπῶν. σὺ δὲ ἕνα σεαυτὸν τῶν ἀναγκαίων ἀποφαίνεις, καὶ σπεύδεις με φίλον ἔχειν μηδὲ ἐμαυτοῦ φίλον ὄντα. τί γὰρ καὶ μαθὼν εἰμὶ ἄνθωπος; </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="15">
+<head type="opener" rend="allign(indent)">Καλλιππίδης Κνήμωνι. </head>
+<p rend="align(indent)"> σὺ μὲν τῶν ἀποφράδων διαφέρεις οὐδὲν οὕτως ἄγριος ὢν καὶ μονήρης τὸν τρόπον, δεῖ δέ σε ὅμως καὶ μὴ βουλόμενον ἥμερον ἡμῖν γενέσθαι αἰδοῖ καὶ ταῦτα γειτνιάσεως καὶ θεῶν ὁρίων τιμῇ, οἵπερ οὖν εἰσι κοινοί. θύω τοίνυν τῷ Πανὶ καὶ Φυλασίων τοὺς μάλιστα ἐπιτηδείους ἐς τὴν ἱερουργίαν παρακαλῶ. ἐν δὴ τούτοις καὶ σὲ ἀφικέσθαι βουλοίμην ἄν· σὺ δὲ καὶ ἐμπιὼν καὶ κοινωνήσας σπονδῶν ἔσῃ τι καὶ πραότερος. ὁ γάρ τοι Διόνυσος φιλεῖ τὰς μὲν ὀργὰς μαραίνειν τε καὶ κατακοιμίζειν, τὰς δὲ εὐφροσύνας ἐγείρειν· <pb xml:id="p.182"/> ἔσται δέ σοι ὁ αὐτὸς οὗτος θεὸς καὶ Παιών, καὶ ἀπολύσει σε τῆς ἀκράτου χολῆς, οἴνῳ σβέσας τὸ τοῦ θυμοῦ ὑπέκκαυμα. καὶ αὐλητρίδος δὲ ἀκούσας ἴσως, ὦ Κνήμων, καὶ ἐς ᾠδὴν ἐμπεσὼν καὶ ἐς μέλος ὑπολισθὼν ἕξεις τι καὶ γαληνὸν ἐν τῇ ψυχῇ· οὐ χεῖρον δʼ ἂν εἴη οἰνωμένον σε καὶ μασχάλην ἆραι. εἰ δέ που καὶ μεθύων κόρῃ περιπέσοις ἅβραν ἀνακαλούσῃ ἢ τὴν τίτθην ὑπολειφθεῖσαν εὑρεῖν πειρωμένῃ, τάχα πού τι καὶ θερμὸν δράσεις καὶ νεανικὸν ἔργον. οὐδὲν ἂν ἀπεοικὸς εἴη καὶ τοιοῦτό τι πραχθῆναι ἐν τῇ τοῦ Πανὸς θυσίᾳ· καὶ γάρ τοι κἀκεῖνος ἐρωτικὸς εὖ μάλα καὶ οἷος ἐπανίστασθαι παρθένοις. λῦσον δὲ καὶ τὴν ὀφρύν, καὶ τὸ σκυθρωπὸν τοῦτο καὶ σύννεφες χάλασον εὐθυμίᾳ. φίλου ταῦτα παραίνεσις νοοῦντός σοι ἀγαθά. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="16">
+<head type="opener" rend="allign(indent)">Κνήμων Καλλιππίδῃ.</head>
+<p rend="align(indent)"> ἵνα σοι καὶ λοιδορήσωμαι ταῦτʼ ἀντεπιστέλλω καὶ ἀφῶ τι τῆς ὀργῆς ἐς σέ· μάλιστα γὰρ ἐδεόμην παρόντος, ἵνα σου καὶ αὐτόχειρ γένωμαι. τί γάρ με διαφθεῖραι γλίχῃ, τί δὲ σπεύδεις ἀπολέσαι με ἐς ἑστίασιν καὶ θοίνην παρακαλῶν; πρῶτον μὲν γὰρ τὸ πολλοὺς ὁρᾶν καὶ συνεῖναι πολλοῖς δεινῶς πέφρικα· φεύγω δὲ κοινὴν θυσίαν ὡς οἱ δειλοὶ τοὺς πολεμίους· ὑφορῶμαι δὲ καὶ τὸν οἶνον ὡς ἐπιβουλεῦσαι καὶ ἐπιθέσθαι γνώμῃ δεινῶς καρτερόν, τοὺς δὲ θεοὺς τούς τε ἄλλους καὶ τὸν Πᾶνα ἀσπάζομαί τε καὶ προσαγορεύω παριὼν μόνον, θύω δὲ οὐδέν, οὐδὲ γὰρ αὐτοὺς ἐνοχλεῖν ἐθέλω. σὺ δέ μοι καὶ αὐλητρίδας προσείεις καὶ ᾠδάς, ὦ καταγέλαστε. ἐπὶ μὲν δὴ τούτοις καινῶς οὐχ ἁψαίμην σου· καλὰ δέ σου κἀκεῖνα, ὀρχήσασθαι καὶ ὁμιλῆσαι <pb xml:id="p.183"/> κόρῃ θερμότατα. σὺ μέν μοι δοκεῖς κἂν ἐς πῦρ ἅλασθαι κἂν ἐς μαχαίρας κυβιστῆσαι, ἐμοὶ δὲ μήτε θύων εἴης φίλος μήτε ἄλλως. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="17">
+<head type="opener" rend="allign(indent)">Δερκύλλος Αἰσχρέᾳ.</head>
+<p rend="align(indent)"> οὐκ ἐγὼ ἔλεγον ὅτι Πλοῦτον ὁρῶντα ὀξὺ καὶ οὐ τυφλὸν ἀνεῦρες, καὶ καταγελᾷς μου καὶ τῆς γῆς καὶ τῆς Τύχης, ἐπεὶ τῶν χρηστῶν καὶ ἐπιμέλειαν τίθεται; σὺ γοῦν ἀπεδείξω τῶν εὐδαιμόνων ἐκείνων εἷς ὤν, οὓς ἐπὶ Κρόνου φασὶν ἐκ τῆς γῆς αὐτόματα ἔχειν πάντα καὶ κοινωνίαν ἐν αὐτοῖς ἄφθονον πολιτεύεσθαι καὶ ἀφέλειαν τρόπου καὶ ἕνα οἶκον οἰκεῖν τὸν ὑπʼ οὐρανῷ τόπον πάντα. Πλουτήσαντι γοῦν σοι τίς οὕτω φιλόμωμος ἢ κακός, ὡς ἄχθεσθαι καὶ ζηλότυπα νοεῖν; μήπω τοσαύτης κακίας ἀναπλησθείη γεωργῶν ἤθη, ὡς ζηλοτυπεῖν τε ἐς πλοῦτον καὶ ὑπὲρ χρημάτων φρονεῖν. ἐς ἀγρίας αἶγας τραπείη ταῦτα καὶ ἐς τοὺς ἐν δικαστηρίοις ῥήτορας. </p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="18">
+<head type="opener" rend="allign(indent)">Δημύλος Βλεψίᾳ.</head>
+<p rend="align(indent)">γεωργίαν καὶ γεωργεῖν ἀπολιπὼν ὁ γείτων Λάχης ἐπέβη νεὼς καὶ πλεῖ τὸν Αἰγαῖόν φασι, καὶ ἄλλα πελάγη μετρεῖ καὶ ἐπικυματίζει καὶ λάρου βίον ζῇ καὶ ἀνέμοις μάχεται διαφόροις· ἄκρα τε αὐτὸν ἐξ ἄκρας διαλαμβάνει, καὶ περιβλέπων ἁδρὸν κέρδος καὶ περινοῶν πλοῦτον ἀθρόον μακρὰ εἶπε χαίρειν αἰγιδίοις ἐκείνοις καὶ νομευτικῷ τῷ προτέρῳ βίῳ· γλισχρῶς τε καὶ κατʼ ὀλίγον ἐκ τῶν ἀγρῶν ἀποζῆν δυνάμενος οὐδὲ ἀρκούμενος τοῖς παροῦσιν Αἰγυπτίους καὶ Σύρους φαντάζεται καὶ περιβλέπει τὸ δεῖγμα, καὶ πολύς <pb xml:id="p.184"/> ἐστι νὴ Δία τόκους ἐπὶ τόκοις λογιζόμενος καὶ χρήματα ἐπὶ χρήμασιν ἀριθμῶν, καὶ διαφλέγει τὴν διάνοιαν αὐτοῦ καὶ ἐκκάει κέρδος ἀμφοτερόπλουν. χειμῶνας δὲ οὐκ ἐννοεῖ οὐδὲ ἐναντία πνεύματα οὐδὲ τῆς θαλάττης τὸ ἀστάθμητον οὐδὲ τῶν ὡρῶν τὰς ἀκαιρίας. ἡμεῖς δὲ εἰ καὶ μικρὰ κερδαίνομεν μεγάλα πονοῦντες, ἀλλὰ πολὺ ἡ γῆ τῆς θαλάττης ἑδραιότερον, καὶ αὕτη πιστοτέρα βεβαιοτέρας ἔχει τὰς παρʼ ἑαυτῆς ἐλπίδας.</p>
+</div>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="19">
+<head type="opener" rend="allign(indent)">Μορμίας Χρέμητι.</head>
+<p rend="align(indent)"> ἐγὼ μὲν ἔθυον γάμους ὁ χρυσοῦς μάτην καὶ περιῄειν ἐστεφανωμένος οὐδὲν δέον, καὶ τούς τε ἔνδον καὶ τοὺς ἔξω θεοὺς ἐκολάκευον· ὁ δὲ παῖς κατήγαγε μὲν τὸ ζεῦγος ἐκ τῶν ἀγρῶν ὡς τὴν νύμφην ἐξ ἄστεος ἐς τὸ πατρῷον χωρίον ἐπανάξων· αὐλητρίδα δὲ λυσάμενος, ἧς ἔτυχεν ἐρῶν, νύμφης στολὴν αὐτῇ περιβαλὼν ἐπανήγαγέ μοι φάτταν ἀντὶ περιστερᾶς, φασίν, ἑταίραν ἀντὶ νύμφης. καὶ τὰ μὲν πρῶτα αἰδουμένη κορικῶς εὖ μάλα καὶ κατὰ τὸν τῶν γαμουμένων νόμον ὑπέκρυπτε τὴν τέχνην· μόλις δὲ ἀπερράγη ἡ σοφία τε αὐτῶν καὶ αἱ κατʼ ἐμοῦ μηχαναί. οὐ μὴν ἐς τὸ παντελές μου καταφρονήσουσιν ὥσπερ οὖν πλινθίνου, ἐπεί τοι τὸν μὲν καλὸν νυμφιον ἐς κόρακας ἀποκηρύξω, ἐὰν μὴ τῆς ὑπερβαλλούσης τρυφῆς παυσάμενος σὺν ἐμοὶ ταφρεύῃ καὶ βωλοκοπῇ· τὴν δὲ νύμφην ἀποδώσομαι κἀκείνην ἐπʼ ἐξαγωγῇ, ἐὰν μή τι καὶ αὐτὴ τῶν ἔργων τῇ Φρυγίᾳ τε καὶ τῇ Θρᾴττῃ συνεπιλαμβάνῃ.  </p>
+</div><pb xml:id="p.185"/>
+<div type="textpart" subtype="letter" xml:base="urn:cts:greekLit:tlg0545.tlg003.perseus-grc2:1" n="20">
+<head type="opener" rend="allign(indent)">Φαιδρίας Σθένωνι.</head>
+<p rend="align(indent)"> φύεται μὲν ἐν τοῖς ἀγροῖς καλὰ πάντα, κεκόσμηταί τε ἡ γῆ τούτοις καὶ τρέφει πάντας· καὶ τὰ μέν ἐστι τῶν καρπῶν διετήσια, τὰ δὲ καὶ πρὸς ὀλίγον ἀντέχοντά ἐστι τρωκτὰ ὡραῖα· πάντων δὲ τούτων θεοὶ μὲν ποιηταί, ἡ γῆ δὲ μήτηρ ἅμα καὶ τροφὸς αὕτη. φύεται δὲ καὶ δικαιοσύνη καὶ σωφροσύνη, καὶ ταῦτα ἐν τοῖς ἀγροῖς δένδρων τὰ κάλλιστα καρπῶν τὰ χρησιμώτατα. μὴ τοίνυν γεωργῶν καταφρόνει· ἔστι γάρ τις καὶ ἐνταῦθα σοφία· γλώττῃ μὲν οὐ πεποικιλμένη οὐδὲ καλλωπιζομένη λόγων δυνάμει, σιγῶσα δὲ εὖ μάλα καὶ διʼ αὐτοῦ τοῦ βίου τὴν ἀρετὴν ὁμολογοῦσα. εἰ δὲ σοφώτερα ταῦτα ἐπέσταλταί σοι ἢ κατὰ τὴν τῶν ἀγρῶν χορηγίαν, μὴ θαυμάσῃς· οὐ γάρ ἐσμεν οὔτε Λίβυες οὔτε Λυδοὶ ἀλλʼ Ἀθηναῖοι γεωργοί. ¯ </p>
+</div>
+ </div>
+</body>
+</text>
+</TEI>
diff --git a/data/tlg0555/__cts__.xml b/data/tlg0555/__cts__.xml
new file mode 100644
index 000000000..6d83161fb
--- /dev/null
+++ b/data/tlg0555/__cts__.xml
@@ -0,0 +1,3 @@
+<ti:textgroup xmlns:ti="http://chs.harvard.edu/xmlns/cts" urn="urn:cts:greekLit:tlg0555">
+  <ti:groupname xml:lang="eng">Clement of Alexandria</ti:groupname>
+</ti:textgroup>
diff --git a/data/tlg0555/tlg001/__cts__.xml b/data/tlg0555/tlg001/__cts__.xml
new file mode 100644
index 000000000..3a209aa55
--- /dev/null
+++ b/data/tlg0555/tlg001/__cts__.xml
@@ -0,0 +1,8 @@
+<ti:work xmlns:ti="http://chs.harvard.edu/xmlns/cts" groupUrn="urn:cts:greekLit:tlg0555" xml:lang="grc" urn="urn:cts:greekLit:tlg0555.tlg001">
+  <ti:title xml:lang="lat">Protrepticus</ti:title>
+  
+  <ti:edition urn="urn:cts:greekLit:tlg0555.tlg001.perseus-grc2" workUrn="urn:cts:greekLit:tlg0555.tlg001"  xml:lang="grc">
+    <ti:label xml:lang="grc">Προτρεπτικὸς πρὸς Ἕλληνας</ti:label>
+    <ti:description xml:lang="mul">Clement of Alexandria. Butterworth, G.W., editor. Cambridge, MA: Harvard University Press; London: William Heinemann, 1919.</ti:description>
+  </ti:edition>
+</ti:work>
diff --git a/data/tlg0555/tlg001/tlg0555.tlg001.perseus-grc1.tracking.json b/data/tlg0555/tlg001/tlg0555.tlg001.perseus-grc1.tracking.json
deleted file mode 100644
index 33c036cb4..000000000
--- a/data/tlg0555/tlg001/tlg0555.tlg001.perseus-grc1.tracking.json
+++ /dev/null
@@ -1,14 +0,0 @@
-{
-    "epidoc_compliant": false, 
-    "fully_unicode": true, 
-    "git_repo": "canonical-greekLit", 
-    "has_cts_metadata": false, 
-    "has_cts_refsDecl": false, 
-    "id": "2008.01.0633", 
-    "last_editor": "", 
-    "note": "", 
-    "src": "texts/sdl/ClemAlex/clemalex01_gk.xml", 
-    "status": "migrated", 
-    "target": "canonical-greekLit/data/tlg0555/tlg001/tlg0555.tlg001.perseus-grc1.xml", 
-    "valid_xml": true
-}
\ No newline at end of file
diff --git a/data/tlg0555/tlg001/tlg0555.tlg001.perseus-grc1.xml b/data/tlg0555/tlg001/tlg0555.tlg001.perseus-grc1.xml
deleted file mode 100644
index 5e0ba60e4..000000000
--- a/data/tlg0555/tlg001/tlg0555.tlg001.perseus-grc1.xml
+++ /dev/null
@@ -1,3567 +0,0 @@
-<?xml version="1.0" encoding="UTF-8"?><TEI.2>
-<teiHeader>
-<fileDesc>
-<titleStmt>
-<title>Protrepticus</title>
-<author>Clement of Alexandria</author>
-<editor>G.W. Butterworth</editor>
- <sponsor>Perseus Project, Tufts University</sponsor>
- <principal>Gregory Crane</principal>
- <respStmt>
-  <resp>Prepared under the supervision of</resp>
-  <name>Lisa Cerrato</name>
-  <name>Rashmi Singhal</name> 
-  <name>Bridget Almas</name>
- </respStmt>   
-<funder n="org:Google">Google Digital Humanities Awards Program</funder>
-</titleStmt>
-<publicationStmt>
-<publisher>Trustees of Tufts University</publisher>
-<pubPlace>Medford, MA</pubPlace>
-<authority>Perseus Project</authority>
- <date type="release">2011-09-12</date>
-</publicationStmt>
-<sourceDesc>
-<biblStruct>
-<monogr>
-<author>Clement of Alexandria</author>
-<editor>G.W. Butterworth</editor>
-<title>Clement of Alexandria, with an English Translation by G.W. Butterworth</title>
-<imprint>
-<publisher>William Heinemann Ltd; G.P. Putnam's Sons</publisher>
-<pubPlace>London; New York</pubPlace>
-<date>1919</date>
-</imprint>
-</monogr>
- 
- <ref target="https://archive.org/details/theexhortationto00clemuoft/page/n8">Internet Archive</ref>
-</biblStruct>
-<p>Keyboarding</p>
-</sourceDesc>
-</fileDesc>
-<encodingDesc>
-<refsDecl doctype="TEI.2">
-<state unit="chapter" n="chunk" delim="."/>
-</refsDecl>
-</encodingDesc>
-<profileDesc>
-<langUsage>
-<language id="greek">Greek</language>
-</langUsage>
-</profileDesc>
-</teiHeader>
-<text id="tlg0555.tlg001.perseus-grc1">
-<body>
-<pb id="p.2"/>
-<div1 type="chapter" n="1">
-<p>
-Ἀμφίων ὁ Θηβαῖος καὶ Ἀρίων ὁ Μηθυμναῖος
-ἄμφω μὲν ἤστην ᾠδικώ, μῦθος δὲ ἄμφω· καὶ τὸ
- ᾆσμα εἰσέτι τοῦτο Ἑλλήνων ᾅδεται  <pb id="pg.2"/> χορῷ, τέχνῃ
- τῇ μουσικῇ ὁ μὲν ἰχθὺν δελεάσας, ὁ δὲ Θήβας
-τειχίσας. Θρᾴκιος δὲ ἄλλος σοφιστὴς ʽἄλλος οὗτος
-μῦθος Ἑλληνικόσ̓ ἐτιθάσευε τὰ θηρία γυμνῇ τῇ
-ᾠδῇ καὶ δὴ τὰ δένδρα, τὰς φηγούς, μετεφύτευε τῇ
-μουσικῇ. ἔχοιμ’ ἄν σοι καὶ ἄλλον τούτοις ἀδελφὸν
-διηγήσασθαι μῦθον καὶ ᾠδόν, Εὔνομον τὸν Λοκρὸν
-καὶ τέττιγα τὸν Πυθικόν. πανήγυρις Ἑλληνικὴ
-ἐπὶ νεκρῷ δράκοντι συνεκροτεῖτο Πυθοῖ, ἐπιτάφιον
-ἑρπετοῦ ᾅδοντος Εὐνόμου· ὕμνος ἢ θρῆνος ὄφεως
-<pb id="p.4"/>
- ἦν ἡ ᾠδή, οὐκ ἔχω λέγειν· ἀγὼν δὲ ἦν καὶ ἐκιθάριζεν
-ὥρᾳ καύματος Εὔνομος, ὁπηνίκα οἱ τέττιγες
-ὑπὸ τοῖς πετάλοις ᾖδον ἀνὰ τὰ ὄρη θερόμενοι ἡλίῳ.
-ᾖδον δὲ ἄρα οὐ τῷ δράκοντι τῷ νεκρῷ, τῷ Πυθικῷ,
-ἀλλὰ τῷ θεῷ τῷ πανσόφῳ αὐτόνομον ᾠδήν,
-τῶν Εὐνόμου βελτίονα νόμων· ῥήγνυται χορδὴ τῷ
-Λοκρῷ· ἐφίπταται ὁ τέττιξ τῷ ζυγῷ· ἐτερέτιζεν ὡς
-ἐπὶ κλάδῳ τῷ ὀργάνῳ· καὶ τοῦ τέττιγος τῷ ᾅσματι
-ἁρμοσάμενος ὁ ᾠδὸς τὴν λείπουσαν ἀνεπλήρωσε
-χορδήν. οὔκουν ᾠδῇ τῇ Εὐνόμου ἄγεται ὁ τέττιξ,
-ὡς ὁ μῦθος βούλεται, χαλκοῦν ἀναστήσας Πυθοῖ
-τὸν Εὔνομον αὐτῇ τῇ κιθάρᾳ καὶ τὸν συναγωνιστὴν
-τοῦ Λοκροῦ· ὁ δὲ ἑκὼν ἐφίπταται καὶ ᾅδει ἑκών,
-Ἕλλησι δὲ ἐδόκει <note n="1" place="unspecified" anchored="yes">dokei= Wilamositz.</note> ὑποκριτὴς γεγονέναι μουσικῆς.
-Πῇ δὴ οὖν μύθοις κενοῖς πεπιστεύκατε, θέλγεσθαι
-μουσικῇ τὰ ζῷα ὑπολαμβάνοντες; ἀληθείας δὲ
-ὑμῖν τὸ πρόσωπον τὸ φαιδρὸν μόνον, ὡς ἔοικεν,
-ἐπίπλαστον εἶναι δοκεῖ καὶ τοῖς ἀπιστίας ὑποπέπτωκεν
-ὀφθαλμοῖς. Κιθαιρὼν δὲ ἄρα καὶ Ἑλικὼν
-καὶ τὰ Ὀδρυσῶν ὄρη καὶ Θρᾳκῶν, τελεστήρια τῆς
-πλάνης, διὰ τὰ μυστήρια <note n="2" place="unspecified" anchored="yes">telesth/ria th=s pla/nhs, dia\ ta\ musth/ria Schsartz. telesth/ria, th=s pla/nhs ta\ musth/ria MSS.</note> τεθείασται καὶ καθύμνηται.
-ἐγὼ μέν, εἰ καὶ μῦθός εἰσι, δυσανασχετῶ τοσαύταις
-ἐκτραγῳδουμέναις συμφοραῖς· ὑμῖν δὲ καὶ τῶν
- κακῶν αἱ ἀναγραφαὶ  <pb id="pg.3"/> γεγόνασι δράματα καὶ τῶν
-δραμάτων οἱ ὑποκριταὶ θυμηδίας θεάματα. ἀλλὰ
-<pb id="p.6"/>
- γὰρ τὰ μὲν δράματα καὶ τοὺς ληναΐζοντας ποιητάς,
-τέλεον ἤδη παροινοῦντας, κιττῷ που ἀναδήσαντες,
-ἀφραίνοντας ἐκτόπως τελετῇ βακχικῇ, αὐτοῖς
-σατύροις καὶ θιάσῳ μαινόλῃ, σὺν καὶ τῷ ἄλλῳ
-δαιμόνων χορῷ, <add>ἐν</add>
-<note n="1" place="unspecified" anchored="yes">
-<add>e)n</add> inserted by Mayor.</note> Ἑλικῶνι καὶ Κιθαιρῶνι κατακλείσωμεν
-γεγηρακόσιν, κατάγωμεν δὲ ἄνωθεν ἐξ
-οὐρανῶν ἀλήθειαν ἅμα φανοτάτῃ φρονήσει εἰς ὄρος
-ἅγιον θεοῦ καὶ χορὸν τὸν ἅγιον τὸν προφητικόν.
-ἡ δὲ ὡς ὅτι μάλιστα τηλαυγὲς ἀποστίλβουσα φῶς
-καταυγαζέτω πάντῃ τοὺς ἐν σκότει κυλινδουμένους
-καὶ τῆς πλάνης τοὺς ἀνθρώπους ἀπαλλαττέτω, τὴν
-ὑπερτάτην ὀρέγουσα δεξιάν, τὴν σύνεσιν, εἰς σωτηρίαν.
-οἱ δὲ ἀνανεύσαντες καὶ ἀνακύψαντες Ἑλικῶνα
-μὲν καὶ Κιθαιρῶνα καταλειπόντων, οἰκούντων
-δὲ Σιών· “ἐκ γὰρ Σιὼν ἐξελεύσεται νόμος, καὶ
-λόγος κυρίου ἐξ Ἱερουσαλήμ,” λόγος οὐράνιος, ὁ
-γνήσιος ἀγωνιστὴς ἐπὶ τῷ παντὸς κόσμου θεάτρῳ
-στεφανούμενος. ᾅδει δέ γε ὁ Εὔνομος ὁ ἐμὸς οὐ
-τὸν Τερπάνδρου νόμον οὐδὲ τὸν Καπίωνος, οὐδὲ μὴν
-Φρύγιον ἢ Λύδιον ἢ Δώριον, ἀλλὰ τῆς καινῆς
-ἁρμονίας τὸν ἀίδιον νόμον, τὸν φερώνυμον τοῦ θεοῦ,
-τὸ ᾆσμα τὸ καινόν, τὸ Λευιτικόν, “νηπενθές τ’ ἄχολόν
-τε, κακῶν ἐπίληθες ἁπάντων.” γλυκύ τι καὶ
-ἀληθινὸν φάρμακον πειθοῦς <note n="2" place="unspecified" anchored="yes">pe/nqous Reinkens and Stählin.</note> ἐγκέκραται τῷ ᾅσματι.
-<pb id="p.8"/>
- Ἐμοὶ μὲν οὖν δοκοῦσιν ὁ Θρᾴκιος ἐκεῖνος Ὀρφεὺς <note n="1" place="unspecified" anchored="yes">
-<del>*)orfeu\s</del> Wilamositz.</note>
-καὶ ὁ Θηβαῖος καὶ ὁ Μηθυμναῖος, ἄνδρες τινὲς οὐκ
-<pb id="pg.4"/> ἄνδρες, ἀπατηλοὶ γεγονέναι, προσχήματί <add>τε</add>
-<note n="2" place="unspecified" anchored="yes">
-<add>te</add> inserted by Wilamositz.</note>
-μουσικῆς λυμηνάμενοι τὸν βίον, ἐντέχνῳ τινὶ γοητείᾳ
-δαιμονῶντες εἰς διαφθοράς, ὕβρεις ὀργιάζοντες,
-πένθη ἐκθειάζοντες, τοὺς ἀνθρώπους ἐπὶ τὰ εἴδωλα
-χειραγωγῆσαι πρῶτοι, ναὶ μὴν λίθοις καὶ ξύλοις,
-τουτέστιν ἀγάλμασι καὶ σκιαγραφίαις, ἀνοικοδομῆσαι
-τὴν σκαιότητα τοῦ ἔθους, τὴν καλὴν ὄντως
-ἐκείνην ἐλευθερίαν τῶν ὑπ’ οὐρανὸν πεπολιτευμένων
-ᾠδαῖς καὶ ἐπῳδαῖς ἐσχάτῃ δουλείᾳ καταζεύξαντες.
-Ἀλλ’ οὐ τοιόσδε ὁ ᾠδὸς ὁ ἐμὸς οὐδ’ εἰς μακρὰν
-καταλύσων ἀφῖκται τὴν δουλείαν τὴν πικρὰν τῶν
-τυραννούντων δαιμόνων, ὡς δὲ τὸν πρᾶον καὶ
-φιλάνθρωπον τῆς θεοσεβείας μετάγων ἡμᾶς ζυγὸν
-αὖθις εἰς οὐρανοὺς ἀνακαλεῖται τοὺς εἰς γῆν ἐρριμμένους.
-μόνος γοῦν τῶν πώποτε τὰ ἀργαλεώτατα
-θηρία, τοὺς ἀνθρώπους, ἐτιθάσευεν, πτηνὰ μὲν τοὺς
-κούφους αὐτῶν, ἑρπετὰ δὲ τοὺς ἀπατεῶνας, καὶ
-λέοντας μὲν τοὺς θυμικούς, σύας δὲ τοὺς ἡδονικούς,
-λύκους δὲ τοὺς ἁρπακτικούς. λίθοι δὲ καὶ ξύλα οἱ
-ἄφρονες· πρὸς δὲ καὶ λίθων ἀναισθητότερος ἄνθρωπος
-ἀγνοίᾳ βεβαπτισμένος. μάρτυς ἡμῖν προφητικὴ
-παρίτω φωνή, συνῳδὸς ἀληθείας, τοὺς ἐν ἀγνοίᾳ
-καὶ ἀνοίᾳ κατατετριμμένους οἰκτείρουσα· “δυνατὸς
-γὰρ ὁ θεὸς ἐκ τῶν λίθων τούτων ἐγεῖραι τέκνα τῷ
-Ἀβραάμ.” ὃς κατελεήσας τὴν ἀμαθίαν τὴν πολλὴν
-<pb id="p.10"/>
- καὶ τὴν σκληροκαρδίαν τῶν εἰς τὴν ἀλήθειαν λελιθωμένων
-ἤγειρεν θεοσεβείας σπέρμα ἀρετῆς αἰσθόμενον
-ἐκ λίθων ἐκείνων, τῶν λίθοις πεπιστευκότων
-ἐθνῶν. αὖθις οὖν ἰοβόλους τινὰς καὶ παλιμβόλους
-ὑποκριτὰς ἐφοδεύοντας δικαιοσύνῃ “γεννήματα
-ἐχιδνῶν” κέκληκέ που· ἀλλὰ καὶ τούτων εἴ τις
-τῶν ὄφεων μετανοήσαι ἑκών, ἑπόμενος δὴ τῷ λόγῳ “ἄνθρωποσ” γίνεται “θεοῦ.” “λύκουσ” δὲ ἄλλους
-ἀλληγορεῖ προβάτων κῳδίοις ἠμφιεσμένους, τοὺς
-ἐν ἀνθρώπων μορφαῖς ἁρπακτικοὺς αἰνιττόμενος.
-καὶ πάντα ἄρα ταῦτα τὰ ἀγριώτατα θηρία καὶ τοὺς
-τοιούτους λίθους ἡ οὐράνιος ᾠδὴ αὐτὴ μετεμόρφωσεν
-εἰς ἀνθρώπους ἡμέρους. “ἦμεν γάρ, ἦμέν
-ποτε καὶ ἡμεῖς ἀνόητοι, ἀπειθεῖς, πλανώμενοι,
-δουλεύοντες ἡδοναῖς καὶ ἐπιθυμίαις ποικίλαις, ἐν
-κακίᾳ καὶ φθόνῳ διάγοντες, στυγητοί, μισοῦντες
- ἀλλήλους,” ᾗ φησιν ἡ ἀποστολικὴ γραφή· <pb id="pg.5"/> “ὅτε
-δὲ ἡ χρηστότης καὶ ἡ φιλανθρωπία ἐπεφάνη τοῦ
-σωτῆρος ἡμῶν θεοῦ, οὐκ ἐξ ἔργων τῶν ἐν δικαιοσύνῃ,
-ἃ ἐποιήσαμεν ἡμεῖς, ἀλλὰ κατὰ τὸ αὐτοῦ ἔλεος
-ἔσωσεν ἡμᾶς.” Ὅρα τὸ ᾆσμα τὸ καινὸν ὅσον ἴσχυσεν· ἀνθρώπους
-ἐκ λίθων καὶ ἀνθρώπους ἐκ θηρίων πεποίηκεν. οἱ
-δὲ τηνάλλως νεκροί, οἱ τῆς ὄντως οὔσης ἀμέτοχοι
-ζωῆς, ἀκροαταὶ μόνον γενόμενοι τοῦ ᾅσματος ἀνεβίωσαν.
-τοῦτό τοι καὶ τὸ πᾶν ἐκόσμησεν ἐμμελῶς
-καὶ τῶν στοιχείων τὴν διαφωνίαν εἰς τάξιν
-ἐνέτεινε συμφωνίας, ἵνα δὴ ὅλος ὁ κόσμος αὐτῷ
-ἁρμονία γένηται· καὶ θάλατταν μὲν ἀνῆκεν λελυμένην,
-γῆς δὲ ἐπιβαίνειν κεκώλυκεν αὐτήν, γῆν
-δ’ ἔμπαλιν ἐστερέωσεν φερομένην καὶ ὅρον αὐτὴν <note n="1" place="unspecified" anchored="yes">au)th\n Stählin. au)th=| MSS.</note>
-<pb id="p.12"/>
- ἔπηξεν θαλάττης· ναὶ μὴν καὶ πυρὸς ὁρμὴν ἐμάλαξεν
-ἀέρι, οἱονεὶ Δώριον ἁρμονίαν κεράσας Λυδίῳ· καὶ
-τὴν ἀέρος ἀπηνῆ ψυχρότητα τῇ παραπλοκῇ τοῦ
-πυρὸς ἐτιθάσευεν, τοὺς νεάτους τῶν ὅλων φθόγγους
-τούτους κιρνὰς ἐμμελῶς. καὶ δὴ τὸ ᾆσμα τὸ ἀκήρατον,
-ἔρεισμα τῶν ὅλων καὶ ἁρμονία τῶν πάντων,
-ἀπὸ τῶν μέσων ἐπὶ τὰ πέρατα καὶ ἀπὸ τῶν ἄκρων
-ἐπὶ τὰ μέσα διαταθέν, ἡρμόσατο τόδε τὸ πᾶν, οὐ
-κατὰ τὴν Θρᾴκιον μουσικήν, τὴν παραπλήσιον Ἰουβάλ,
-κατὰ δὲ τὴν πάτριον τοῦ θεοῦ βούλησιν, ἣν
-ἐζήλωσε Δαυίδ. ὁ δὲ ἐκ Δαυὶδ καὶ πρὸ αὐτοῦ, ὁ
-τοῦ θεοῦ λόγος, λύραν μὲν καὶ κιθάραν, τὰ ἄψυχα
-ὄργανα, ὑπεριδών, κόσμον δὲ τόνδε καὶ δὴ καὶ τὸν
-σμικρὸν κόσμον, τὸν ἄνθρωπον, ψυχήν τε καὶ σῶμα
-αὐτοῦ, ἁγίῳ πνεύματι ἁρμοσάμενος, ψάλλει τῷ θεῷ
-διὰ τοῦ πολυφώνου ὀργάνου καὶ προσᾴδει τῷ ὀργάνῳ
-τῷ ἀνθρώπῳ. “σὺ γὰρ εἶ κιθάρα καὶ αὐλὸς
-καὶ ναὸς ἐμοί” · κιθάρα διὰ τὴν ἁρμονίαν, αὐλὸς
-διὰ τὸ πνεῦμα, ναὸς διὰ τὸν λόγον, ἵν’ ἡ μὲν
-κρέκῃ, τὸ δὲ ἐμπνέῃ, ὁ δὲ χωρήσῃ τὸν κύριον. ναὶ
-μὴν ὁ Δαυὶδ ὁ βασιλεύς, ὁ κιθαριστής, οὗ μικρῷ
- πρόσθεν ἐμνή <pb id="pg.6"/>σθημεν, προὔτρεπεν ὡς τὴν ἀλήθειαν,
-ἀπέτρεπε δὲ εἰδώλων, πολλοῦ γε ἔδει ὑμνεῖν αὐτὸν
-τοὺς δαίμονας ἀληθεῖ πρὸς αὐτοῦ διωκομένους
-μουσικῇ, ᾗ τοῦ Σαοὺλ ἐνεργουμένου <note n="1" place="unspecified" anchored="yes">tou= *saou\l e)nergoume/nou Mayor. tw=| *saou\l e)nergoume/nw| M. tw| e)/naulos o\ e)nergou/menos P.</note> ἐκεῖνος <note n="2" place="unspecified" anchored="yes">e)kei/nois Stählin.</note> ᾅδων
-μόνον αὐτὸν ἰάσατο. καλὸν ὁ κύριος ὄργανον ἔμπνουν
-<pb id="p.14"/>
- τὸν ἄνθρωπον ἐξειργάσατο κατ’ εἰκόνα τὴν
-ἑαυτοῦ· ἀμέλει καὶ αὐτὸς ὄργανόν ἐστι τοῦ θεοῦ
-παναρμόνιον, ἐμμελὲς καὶ ἅγιον, σοφία ὑπερκόσμιος,
-οὐράνιος λόγος.
-Τί δὴ οὖν τὸ ὄργανον, ὁ τοῦ θεοῦ λόγος, ὁ κύριος,
-καὶ τὸ ᾆσμα τὸ καινὸν βούλεται; ὀφθαλμοὺς
-ἀναπετάσαι τυφλῶν καὶ ὦτα ἀνοῖξαι κωφῶν καὶ
-σκάζοντας τὼ πόδε ἢ πλανωμένους εἰς δικαιοσύνην
-χειραγωγῆσαι, θεὸν ἀνθρώποις ἀφραίνουσιν ἐπιδεῖξαι,
-παῦσαι φθοράν, νικῆσαι θάνατον, υἱοὺς
-ἀπειθεῖς διαλλάξαι πατρί. φιλάνθρωπον τὸ ὄργανον
-τοῦ θεοῦ· ὁ κύριος ἐλεεῖ, παιδεύει, προτρέπει,
-νουθετεῖ, σῴζει, φυλάττει καὶ μισθὸν ἡμῖν τῆς
-μαθήσεως ἐκ περιουσίας βασιλείαν οὐρανῶν ἐπαγγέλλεται,
-τοῦτο μόνον ἀπολαύων ἡμῶν, ὃ σῳζόμεθα.
-κακία μὲν γὰρ τὴν ἀνθρώπων ἐπιβόσκεται
-φθοράν, ἡ δὲ ἀλήθεια ὥσπερ ἡ μέλιττα, λυμαινομένη
-τῶν ὄντων οὐδέν, ἐπὶ μόνης τῆς ἀνθρώπων ἀγάλλεται
-σωτηρίας. ἔχεις οὖν τὴν ἐπαγγελίαν, ἔχεις
-τὴν φιλανθρωπίαν· τῆς χάριτος μεταλάμβανε.
-Καί μου τὸ ᾆσμα τὸ σωτήριον μὴ καινὸν οὕτως
-ὑπολάβῃς ὡς σκεῦος ἢ ὡς οἰκίαν· “πρὸ ἑωσφόρου” γὰρ ἦν, καὶ “ἐν ἀρχῇ ἦν ὁ λόγος καὶ ὁ λόγος
-ἦν πρὸς τὸν θεὸν καὶ θεὸς ἦν ὁ λόγοσ” · παλαιὰ δὲ
-ἡ πλάνη, καινὸν δὲ ἡ ἀλήθεια φαίνεται. εἴτ’ οὖν
-ἀρχαίους τοὺς Φρύγας διδάσκουσιν αἶγες μυθικαί,
-εἴτε αὖ τοὺς Ἀρκάδας οἱ προσελήνους ἀναγράφοντες
-<pb id="p.16"/>
- ποιηταί, εἴτε μὴν αὖ τοὺς Αἰγυπτίους οἱ καὶ πρώτην
-ταύτην ἀναφῆναι τὴν γῆν θεούς τε καὶ ἀνθρώπους
-ὀνειρώσσοντες· ἀλλ’ οὐ πρὸ γε τοῦ κόσμου
-τοῦδε τούτων οὐδὲ εἷς, πρὸ δὲ τῆς τοῦ κόσμου
-καταβολῆς ἡμεῖς, οἱ τῷ δεῖν ἔσεσθαι ἐν αὐτῷ
-πρότερον γεγεννημένοι τῷ θεῷ, τοῦ θεοῦ λόγου τὰ
-λογικὰ πλάσματα ἡμεῖς, δι’ ὃν ἀρχαΐζομεν, ὅτι “ἐν
-ἀρχῇ ὁ λόγος ἦν.” ἀλλ’ ὅτι μὲν ἦν ὁ λόγος ἄνωθεν,
-ἀρχὴ θεία τῶν πάντων ἦν τε καὶ ἔστιν· ὅτι δὲ νῦν
-ὄνομα ἔλαβεν τὸ πάλαι καθωσιωμένον, δυνάμεως
-ἄξιον, ὁ Χριστός, καινὸν ᾆσμά μοι κέκληται.
- Αἴτοις <note n="1" place="unspecified" anchored="yes">ai)/tios Stählin. ou(=tos MSS.</note> γοῦν ὁ λόγος,  <pb id="pg.7"/> ὁ Χριστός, καὶ τοῦ εἶναι
-πάλαι ἡμᾶς ʽἦν γὰρ ἐν θεᾦ, καὶ τοῦ εὖ εἶναι· νῦν
-δὴ ἐπεφάνη ἀνθρώποις αὐτὸς οὗτος ὁ λόγος, ὁ
-μόνος ἄμφω, θεός τε καὶ ἄνθρωπος, ἁπάντων ἡμῖν
-αἴτιος ἀγαθῶν· παρ’ οὗ τὸ εὖ ζῆν ἐκδιδασκόμενοι
-εἰς ἀίδιον ζωὴν παραπεμπόμεθα. κατὰ γὰρ τὸν
-θεσπέσιον ἐκεῖνον τοῦ κυρίου ἀπόστολον “ἡ χάρις
-ἡ τοῦ θεοῦ σωτήριος πᾶσιν ἀνθρώποις ἐπεφάνη, παιδεύουσα
-ἡμᾶς, ἵνα ἀρνησάμενοι τὴν ἀσέβειαν καὶ
-τὰς κοσμικὰς ἐπιθυμίας σωφρόνως καὶ δικαίως καὶ
-εὐσεβῶς ζήσωμεν ἐν τῷ νῦν αἰῶνι, προσδεχόμενοι
-τὴν μακαρίαν ἐλπίδα καὶ ἐπιφάνειαν τῆς δόξης τοῦ
-μεγάλου θεοῦ καὶ σωτῆρος ἡμῶν Ἰησοῦ Χριστοῦ.” τοῦτό ἐστι τὸ ᾆσμα τὸ καινόν, ἡ ἐπιφάνεια ἡ νῦν
-ἐκλάμψασα ἐν ἡμῖν τοῦ ἐν ἀρχῇ ὄντος καὶ προόντος
-λόγου· ἐπεφάνη δὲ ἔναγχος ὁ προὼν σωτήρ, ἐπεφάνη
-ὁ ἐν τῷ ὄντι ὤν, ὅτι “ὁ λόγος <note n="2" place="unspecified" anchored="yes">lo/gos ds MSS.</note> ἦν πρὸς
-<pb id="p.18"/>
- τὸν θεόν,” διδάσκαλος, ἐπεφάνη ᾧ τὰ πάντα
-δεδημιούργηται λόγος, καὶ τὸ ζῆν ἐν ἀρχῇ μετὰ
-τοῦ πλάσαι παρασχὼν ὡς δημιουργός, τὸ εὖ ζῆν
-ἐδίδαξεν ἐπιφανεὶς ὡς διδάσκαλος, ἵνα τὸ ἀεὶ ζῆν
-ὕστερον ὡς θεὸς χορηγήσῃ.
-Ὁ δὲ οὐ νῦν γε πρῶτον ᾤκτειρεν ἡμᾶς τῆς
-πλάνης, ἀλλ’ ἄνωθεν ἀρχῆθεν, νῦν δὲ ἤδη ἀπολλυμένους
-ἐπιφανεὶς περισέσωκεν. τὸ γὰρ πονηρὸν
-καὶ ἑρπηστικὸν θηρίον γοητεῦον καταδουλοῦται καὶ
-αἰκίζεται εἰσέτι νῦν τοὺς ἀνθρώπους, ἐμοὶ δοκεῖν,
-βαρβαρικῶς τιμωρούμενον, οἳ νεκροῖς τοὺς αἰχμαλώτους
-συνδεῖν λέγονται σώμασιν, ἔστ’ ἂν αὐτοῖς
-καὶ συσσαπῶσιν. ὁ γοῦν πονηρὸς οὑτοσὶ τύραννος
-καὶ δράκων, οὓς ἂν οἷός τε ᾖ <note n="1" place="unspecified" anchored="yes">h)=| Mayor. ei)/h MSS.</note> ἐκ γενετῆς σφετερίσασθαι,
-λίθοις καὶ ξύλοις καὶ ἀγάλμασιν καὶ
-τοιούτοις τισὶν εἰδώλοις προσσφίγξας τῷ δεισιδαιμονίας
-ἀθλίῳ δεσμῷ, τοῦτο δὴ τὸ λεγόμενον,
-ζῶντας ἐπιφέρων συνέθαψεν αὐτούς, ἔστ’ ἂν καὶ
-συμφθαρῶσιν. οὗ δὴ χάριν ʽεἷς γὰρ ὁ ἀπατεὼν
-ἄνωθεν μὲν τὴν Εὔαν, νῦν δὲ ἤδη καὶ τοὺς ἄλλους
-ἀνθρώπους εἰς θάνατον ὑποφέρων’ εἷς καὶ αὐτὸς <add>ὁ</add>
-<note n="2" place="unspecified" anchored="yes">
-<add>o(</add> inserted by Mayor.</note>
-ἐπίκουρος καὶ βοηθὸς ἡμῖν ὁ κύριος, προμηνύων
-ἀρχῆθεν προφητικῶς, νῦν δὲ ἤδη καὶ ἐναργῶς εἰς
-σωτηρίαν παρακαλῶν.
-Φύγωμεν οὖν ἀποστολικῇ πειθόμενοι παραγγελίᾳ “τὸν ἄρχοντα τῆς ἐξουσίας τοῦ ἀέρος, τοῦ πνεύματος
-τοῦ νῦν ἐνεργοῦντος ἐν τοῖς υἱοῖς τῆς ἀπειθείας,” καὶ τῷ σωτῆρι τῷ κυρίῳ προσδράμωμεν,
-ὃς καὶ νῦν καὶ ἀεὶ προὔτρεπεν εἰς σωτηρίαν, διὰ
-<pb id="p.20"/>
- τεράτων καὶ σημείων ἐν Αἰγύπτῳ, ἐν ἐρήμῳ <add>δὲ</add>
-<note n="1" place="unspecified" anchored="yes">
-<add>de\</add> inserted by Stählin.</note> διά
- τε τῆς βάτου καὶ τῆς ἀκολουθούσης χάριτι  <pb id="pg.8"/> φιλανθρωπίας
-θεραπαίνης δίκην Ἑβραίοις νεφέλης. τούτων
-μὲν δὴ τῷ φόβῳ τοὺς σκληροκαρδίους προὔτρεπεν·
-ἤδη δὲ καὶ διὰ Μωσέως τοῦ πανσόφου
-καὶ τοῦ φιλαλήθους Ἡσαΐα καὶ παντὸς τοῦ προφητικοῦ
-χοροῦ λογικώτερον ἐπὶ τὸν λόγον ἐπιστρέφει
-τοὺς ὦτα <note n="2" place="unspecified" anchored="yes">tou\s w(=ta Mayor. tou\s ta\ w)=ta MSS.</note> κεκτημένους· καὶ ἔσθ’ ὅπῃ μὲν
-λοιδορεῖται, ἔστιν δ’ οὗ καὶ ἀπειλεῖ· τοὺς δὲ καὶ
-θρηνεῖ τῶν ἀνθρώπων· ᾅδει δὲ ἄλλοις, καθάπερ
-ἰατρὸς ἀγαθὸς τῶν νοσούντων σωμάτων τὰ μὲν
-καταπλάττων, τὰ δὲ καταλεαίνων, τὰ δὲ καταντλῶν,
-τὰ δὲ καὶ σιδήρῳ διαιρῶν, ἐπικαίων δὲ ἄλλα, ἔστι
-δ’ οὗ καὶ ἀποπρίων, εἴ πως οἷόν τε κἂν παρὰ μέρος
-ἢ μέλος τὸν ἄνθρωπον ὑγιᾶναι. πολύφωνός γε ὁ
-σωτὴρ καὶ πολύτροπος εἰς ἀνθρώπων σωτηρίαν·
-ἀπειλῶν νουθετεῖ, λοιδορούμενος ἐπιστρέφει, θρηνῶν
-ἐλεεῖ, ψάλλων παρακαλεῖ, διὰ βάτου λαλεῖ ʽσημείων
-ἐκεῖνοι καὶ τεράτων ἔχρῃζον’ καὶ τῷ πυρὶ δεδίττεται
-τοὺς ἀνθρώπους, ἀνάπτων ἐκ κίονος τὴν φλόγα,
-δεῖγμα ὁμοῦ χάριτος καὶ φόβου· ἐὰν ὑπακούσῃς, τὸ
-φῶς, ἐὰν παρακούσῃς, τὸ πῦρ. ἐπειδὴ δὲ καὶ
-κίονος καὶ βάτου ἡ σὰρξ τιμιωτέρα, προφῆται
-μετ’ ἐκεῖνα φθέγγονται, αὐτὸς ἐν Ἡσαΐᾳ ὁ κύριος
-λαλῶν, αὐτὸς ἐν Ἡλίᾳ, ἐν στόματι προφητῶν
-αὐτός· σὺ δὲ ἀλλ’ εἰ προφήταις μὴ πιστεύεις,
-μῦθον δ’ ὑπολαμβάνεις καὶ τοὺς ἄνδρας καὶ τὸ
-<pb id="p.22"/>
- πῦρ, αὐτός σοι λαλήσει ὁ κύριος, “ὃς ἐν μορφῇ
-θεοῦ ὑπάρχων οὐχ ἁρπαγμὸν ἡγήσατο τὸ εἶναι ἴσα
-θεῷ· ἐκένωσεν δὲ ἑαυτόν” ὁ φιλοικτίρμων θεός,
-σῶσαι τὸν ἄνθρωπον γλιχόμενος· καὶ αὐτὸς ἤδη
-σοὶ ἐναργῶς ὁ λόγος λαλεῖ, δυσωπῶν τὴν ἀπιστίαν,
-ναί φημι, ὁ λόγος ὁ τοῦ θεοῦ ἄνθρωπος γενόμενος,
-ἵνα δὴ καὶ σὺ παρὰ ἀνθρώπου μάθῃς, πῇ ποτε ἄρα
-ἄνθρωπος γένηται θεός.
-Εἶτ’ οὐκ ἄτοπον, ὦ φίλοι, τὸν μὲν θεὸν ἀεὶ
-προτρέπειν ἡμᾶς ἐπ’ ἀρετήν, ἡμᾶς δὲ ἀναδύεσθαι
-τὴν ὠφέλειαν καὶ ἀναβάλλεσθαι τὴν σωτηρίαν; ἦ
-γὰρ οὐχὶ καὶ Ἰωάννης ἐπὶ σωτηρίαν παρακαλεῖ καὶ
-τὸ πᾶν γίνεται φωνὴ προτρεπτική; πυθώμεθα
-τοίνυν αὐτοῦ· “τίς πόθεν εἶς ἀνδρῶν;” Ἡλίας
-μὲν οὐκ ἐρεῖ, Χριστὸς δὲ εἶναι ἀρνήσεται· φωνὴ
-δὲ ὁμολογήσει ἐν ἐρήμῳ βοῶσα. τίς οὖν ἔστιν
-Ἰωάννης; ὡς τύπῳ λαβεῖν, ἐξέστω εἰπεῖν, φωνὴ
-τοῦ λόγου προτρεπτικὴ ἐν ἐρήμῳ βοῶσα. τί βοᾷς,
-ὦ φωνή; “εἰπὲ καὶ ἡμῖν.” “εὐθείας ποιεῖτε τὰς
-ὁδοὺς κυρίου.” πρόδρομος Ἰωάννης καὶ ἡ φωνὴ
-πρόδρομος τοῦ λόγου, φωνὴ παρακλητική, προετοιμάζουσα
-εἰς σωτηρίαν, φωνὴ προτρέπουσα εἰς
-κληρονομίαν οὐρανῶν· δι’ ἣν ἡ στεῖρα καὶ ἔρημος
-   <pb id="pg.9"/> ἄγονος οὐκέτι.
-Ταύτην μοι τὴν κυοφορίαν προεθέσπισεν ἀγγέλου
-φωνή· πρόδρομος ἦν κἀκείνη τοῦ κυρίου, στεῖραν
-εὐαγγελιζομένη γυναῖκα, ὡς Ἰωάννης τὴν ἔρημον.
-διὰ ταύτην τοίνυν τοῦ λόγου τὴν φωνὴν ἡ στεῖρα
-<pb id="p.24"/>
- εὐτεκνεῖ καὶ ἡ ἔρημος καρποφορεῖ. αἱ πρόδρομοι
-τοῦ κυρίου φωναὶ δύο, ἀγγέλου καὶ Ἰωάννου,
-αἰνίσσονταί μοι τὴν ἐναποκειμένην σωτηρίαν, ὡς
-ἐπιφανέντος τοῦ λόγου τοῦδε εὐτεκνίας ἡμᾶς καρπὸν
-ἀπενέγκασθαι, ζωὴν ἀίδιον. ἄμφω γοῦν ἐς ταὐτὸν
-ἀγαγοῦσα τὰ φωνὰ ἡ γραφὴ σαφηνίζει τὸ πᾶν· “ἀκουσάτω ἡ οὐ τίκτουσα· ῥηξάτω φωνὴν ἡ οὐκ
-ὠδίνουσα, ὅτι πλείονα τὰ τέκνα τῆς ἐρήμου μᾶλλον
-ἢ τῆς ἐχούσης τὸν ἄνδρα.” ἡμῖν εὐηγγελίζετο
-ἄγγελος, ἡμᾶς προὔτρεπεν Ἰωάννης νοῆσαι τὸν
-γεωργόν, ζητῆσαι τὸν ἄνδρα. εἷς γὰρ καὶ ὁ αὐτὸς
-οὗτος, ὁ τῆς στείρας ἀνήρ, ὁ τῆς ἐρήμου γεωργός,
-ὁ τῆς θείας ἐμπλήσας δυνάμεως καὶ τὴν στεῖραν καὶ
-τὴν ἔρημον. ἐπεὶ γὰρ πολλὰ τὰ τέκνα τῆς εὐγενοῦς,
-ἄπαις δὲ ἦν διὰ ἀπείθειαν ἡ πολύπαις ἀνέκαθεν
-Ἑβραία γυνή, ἡ στεῖρα τὸν ἄνδρα λαμβάνει καὶ ἡ
-ἔρημος τὸν γεωργόν· εἶτα ἡ μὲν καρπῶν, ἡ δὲ
-πιστῶν, ἄμφω δὲ μητέρες διὰ τὸν λόγον· ἀπίστοις
-δὲ εἰσέτι νῦν καὶ στεῖρα καὶ ἔρημος περιλείπεται.
-Ὁ μὲν Ἰωάννης, ὁ κῆρυξ τοῦ λόγου, ταύτῃ πῃ
-παρεκάλει ἑτοίμους γίνεσθαι εἰς θεοῦ, τοῦ Χριστοῦ,
-παρουσίαν, καὶ τοῦτο ἦν ὃ ᾐνίσσετο ἡ Ζαχαρίου
-σιωπή, ἀναμένουσα τὸν πρόδρομον τοῦ Χριστοῦ
-καρπόν, ἵνα τῆς ἀληθείας τὸ φῶς, ὁ λόγος, τῶν
-προφητικῶν αἰνιγμάτων τὴν μυστικὴν ἀπολύσηται
-σιωπήν, εὐαγγέλιον γενόμενος· σὺ δὲ εἰ ποθεῖς
-<pb id="p.26"/>
- ἰδεῖν ὡς ἀληθῶς τὸν θεόν, καθαρσίων μεταλάμβανε
-θεοπρεπῶν, οὐ δάφνης πετάλων καὶ ταινιῶν τινων
-ἐρίῳ καὶ πορφύρᾳ πεποικιλμένων, δικαιοσύνην δὲ
-ἀναδησάμενος καὶ τῆς ἐγκρατείας τὰ πέταλα περιθέμενος
-πολυπραγμόνει Χριστόν· “ἐγὼ γάρ εἰμι ἡ
-θύρα,” φησί που· ἣν ἐκμαθεῖν δεῖ νοῆσαι θελήσασι
-τὸν θεόν, ὅπως ἡμῖν ἀθρόας τῶν οὐρανῶν ἀναπετάσῃ
-τὰς πύλας· λογικαὶ γὰρ αἱ τοῦ λόγου πύλαι,
- πίστεως  <pb id="pg.10"/> ἀνοιγνύμεναι κλειδί· “θεὸν οὐδεὶς ἔγνω,
-εἰ μὴ ὁ υἱὸς καὶ ᾧ ἂν ὁ υἱὸς ἀποκαλύψῃ.” θύραν
-δὲ εὖ οἶδ’ ὅτι τὴν ἀποκεκλεισμένην τέως ὁ ἀνοιγνὺς
-ὕστερον ἀποκαλύπτει τἄνδον καὶ δείκνυσιν ἃ μηδὲ
-γνῶναι οἷόν τε ἦν πρότερον, εἰ μὴ διὰ Χριστοῦ
-πεπορευμένοις, δι’ οὗ μόνου θεὸς ἐποπτεύεται.
-</p>
-</div1>
-<div1 type="chapter" n="2">
-<p>
-Ἄδυτα τοίνυν ἄθεα μὴ πολυπραγμονεῖτε μηδὲ
-βαράθρων στόματα τερατείας ἔμπλεα ἢ λέβητα
-Θεσπρώτιον ἢ τρίποδα Κιρραῖον ἢ Δωδωναῖον
-χαλκεῖον· γεράνδρυον δὲ ψάμμοις ἐρήμαις
-τετιμημένον καὶ τὸ αὐτόθι μαντεῖον αὐτῇ δρυῒ
-μεμαρασμένον μύθοις γεγηρακόσι καταλείψατε.
-σεσίγηται γοῦν ἡ Κασταλίας πηγὴ καὶ Κολοφῶνος
-ἄλλη πηγή, καὶ τὰ ἄλλα ὁμοίως τέθνηκε νάματα
-<pb id="p.28"/>
- μαντικὰ καὶ δὴ τοῦ τύφου κενὰ ὀψὲ μέν, ὅμως
-δ’ οὖν διελήλεγκται τοῖς ἰδίοις συνεκρεύσαντα
-μύθοις. διήγησαι ἡμῖν καὶ τῆς ἄλλης μαντικῆς,
-μᾶλλον δὲ μανικῆς, τὰ ἄχρηστα χρηστήρια, τὸν
-Κλάριον, τὸν Πύθιον, τὸν Διδυμέα, τὸν Ἀμφιάρεω,
-τὸν %    Ἀπόλλω, <note n="1" place="unspecified" anchored="yes">to\n %    *)apo/llw is probably corrupt. to\n *trofw/nion (Cobet) and to\n *mo/yon (Wilamositz) have been suggested. Markland puts to\n *)apo/llw before to\n *kla/rion, a re-arrangement shich has been follosed in the translation.</note> τὸν Ἀμφίλοχον, εἰ δὲ βούλει, καὶ
-τερατοσκόπους καὶ οἰωνοσκόπους καὶ τοὺς ὀνείρων
-κριτὰς ἀνιέρου σὺν αὐτοῖς· στῆσον δὲ ὁμοῦ παρὰ
- τὸν Πύθιον τοὺς ἀλευρομάντεις ἄγων  <pb id="pg.11"/> καὶ κριθομάντεις
-καὶ τοὺς εἰσέτι παρὰ τοῖς πολλοῖς τετιμημένους
-ἐγγαστριμύθους· ναὶ μὴν ἄδυτα Αἰγυπτίων
-καὶ Τυρρηνῶν νεκυομαντεῖαι σκότῳ παραδιδόσθων.
-μανικὰ ταῦτα ὡς ἀληθῶς ἀνθρώπων ἀπίστων
-σοφιστήρια καὶ πλάνης ἀκράτου κυβευτήρια· συνέμποροι
-τῆσδε τῆς γοητείας αἶγες αἱ ἐπὶ μαντικὴν
-ἠσκημέναι καὶ κόρακες ἀνθρώποις χρᾶν ὑπὸ
-ἀνθρώπων διδασκόμενοι.
-Τί δ’ εἴ σοι καταλέγοιμι τὰ μυστήρια; οὐκ
-ἐξορχήσομαι μέν, ὥσπερ Ἀλκιβιάδην λέγουσιν,
-ἀπογυμνώσω δὲ εὖ μάλα ἀνὰ τὸν τῆς ἀληθείας λόγον
-τὴν γοητείαν τὴν ἐγκεκρυμμένην αὐτοῖς καὶ αὐτούς
-γε τοὺς καλουμένους ὑμῶν θεούς, ὧν αἱ τελεταὶ
-<add>αἱ</add>
-<note n="2" place="unspecified" anchored="yes">
-<add>ai(</add> inserted by Mayor.</note> μυστικαί, οἷον ἐπὶ σκηνῆς τοῦ βίου τοῖς
-<pb id="p.30"/>
- τῆς ἀληθείας ἐκκυκλήσω θεαταῖς. Διόνυσον μαινόλην
-ὀργιάζουσι Βάκχοι ὠμοφαγίᾳ τὴν ἱερομανίαν
-ἄγοντες καὶ τελίσκουσι τὰς κρεονομίας τῶν φόνων
-ἀνεστεμμένοι τοῖς ὄφεσιν, ἐπολολύζοντες Εὐάν,
-Εὔαν ἐκείνην, δι’ ἣν ἡ πλάνη παρηκολούθησεν· καὶ
-σημεῖον ὀργίων βακχικῶν ὄφις ἐστὶ τετελεσμένος.
-αὐτίκα γοῦν κατὰ τὴν ἀκριβῆ τῶν Ἑβραίων φωνὴν
-τὸ ὄνομα τὸ Ἕυια δασυνόμενον ἑρμηνεύεται ὄφις
- ἡ  <pb id="pg.12"/> θήλεια· Δηὼ δὲ καὶ Κόρη δρᾶμα ἤδη ἐγενέσθην
-μυστικόν, καὶ τὴν πλάνην καὶ τὴν ἁρπαγὴν καὶ τὸ
-πένθος αὐταῖν Ἐλευσὶς δᾳδουχεῖ.
-Καί μοι δοκεῖ τὰ ὄργια καὶ τὰ μυστήρια δεῖν
-ἐτυμολογεῖν, τὰ μὲν ἀπὸ τῆς ὀργῆς τῆς Δηοῦς τῆς
-πρὸς Δία γεγενημένης, τὰ δὲ ἀπὸ τοῦ μύσους
-τοῦ συμβεβηκότος περὶ τὸν Διόνυσον· εἰ δὲ καὶ
-ἀπὸ Μυοῦντός τινος Ἀττικοῦ, ὃν ἐν κυνηγίᾳ διαφθαρῆναι
-Ἀπολλόδωρος λέγει, οὐ φθόνος· ὑμῶν
-δεδόξασται τὰ μυστήρια ἐπιτυμβίῳ τιμῇ. πάρεστι
-δὲ καὶ ἄλλως μυθήριά σοι νοεῖν ἀντιστοιχούντων
-τῶν γραμμάτων τὰ μυστήρια· θηρεύουσι γὰρ εἰ
-καὶ ἄλλοι τινές, ἀτὰρ δὴ καὶ οἱ μῦθοι οἱ τοιοίδε
-Θρᾳκῶν τοὺς βαρβαρικωτάτους, Φρυγῶν τοὺς
-ἀνοητοτάτους, Ἑλλήνων τοὺς δεισιδαίμονας. ὄλοιτο
-οὖν ὁ τῆσδε ἄρξας τῆς ἀπάτης ἀνθρώποις, εἴτε ὁ
-Δάρδανος, ὁ Μητρὸς θεῶν καταδείξας τὰ μυστήρια,
-εἴτε Ἠετίων, ὁ τὰ Σαμοθρᾴκων ὄργια καὶ τελετὰς
-<pb id="p.32"/>
- ὑποστησάμενος, εἴτε ὁ Φρὺξ ἐκεῖνος ὁ Μίδας, ὁ
-παρὰ τοῦ Ὀδρύσου μαθών, ἔπειτα διαδοὺς τοῖς
-ὑποτεταγμένοις ἔντεχνον ἀπάτην. οὐ γάρ με ὁ
-Κύπριος ὁ νησιώτης Κινύρας παραπείσαι ποτ’ ἄν,
-τὰ περὶ τὴν Ἀφροδίτην μαχλῶντα ὄργια ἐκ νυκτὸς
-ἡμέρᾳ παραδοῦναι τολμήσας, φιλοτιμούμενος θειάσαι
-πόρνην πολίτιδα. Μελάμποδα δὲ τὸν Ἀμυθάονος
-ἄλλοι φασὶν ἐξ Αἰγύπτου μετακομίσαι τῇ Ἑλλάδι
-<pb id="pg.13"/> τὰς Δηοῦς ἑορτάς, πένθος ὑμνούμενον. τούτους
-ἔγωγ’ ἂν ἀρχεκάκους φήσαιμι μύθων ἀθέων καὶ
-δεισιδαιμονίας ὀλεθρίου πατέρας, σπέρμα κακίας
-καὶ φθορᾶς ἐγκαταφυτεύσαντας τῷ βίῳ τὰ μυστήρια.
-Ἤδη δέ, καὶ γὰρ καιρός, αὐτὰ ὑμῶν τὰ ὄργια
-ἐξελέγξω ἀπάτης καὶ τερατείας ἔμπλεα. καὶ εἰ
-μεμύησθε, ἐπιγελάσεσθε μᾶλλον τοῖς μύθοις ὑμῶν
-τούτοις τοῖς τιμωμένοις. ἀγορεύσω δὲ ἀναφανδὸν
-τὰ κεκρυμμένα, οὐκ αἰδούμενος λέγειν ἃ προσκυνεῖν
-οὐκ αἰσχύνεσθε. ἡ μὲν οὖν “ἀφρογενήσ” τε καὶ “κυπρογενής,” ἡ Κινύρᾳ φίλη ʽτὴν Ἀφροδίτην
-λέγω, τὴν “φιλομηδέα, ὅτι μηδέων ἐξεφαάνθη,” μηδέων ἐκείνων τῶν ἀποκεκομμένων Οὐρανοῦ, τῶν
-λάγνων, τῶν μετὰ τὴν τομὴν τὸ κῦμα βεβιασμένων̓,
-ὡς ἀσελγῶν ὑμῖν μορίων ἄξιος <del>Ἀφροδίτη</del>
-<note n="1" place="unspecified" anchored="yes">
-<del>*)afrodi/th</del> Schsartz.</note> γίνεται
-καρπός, ἐν ταῖς τελεταῖς ταύτης τῆς πελαγίας
-ἡδονῆς τεκμήριον τῆς γονῆς ἁλῶν χόνδρος καὶ
-φαλλὸς τοῖς μυουμένοις τὴν τέχνην τὴν μοιχικὴν
-ἐπιδίδοται· νόμισμα δὲ εἰσφέρουσιν αὐτῇ οἱ μυούμενοι,
-ὡς ἑταίρᾳ ἐρασταί.
-<pb id="p.34"/>
- Δηοῦς δὲ μυστήρια αἱ <note n="1" place="unspecified" anchored="yes">al Lobeck. kai\ MSS.</note> Διὸς πρὸς μητέρα
-Δήμητρα ἀφροδίσιοι συμπλοκαὶ καὶ μῆνις ʽοὐκ
-οἷδ’ ὅ τι φῶ λοιπόν, μητρὸς ἢ γυναικόσ̓ τῆς Δηοῦς,
-ἧς δὴ χάριν Βριμὼ προσαγορευθῆναι λέγεται, <add>καὶ</add>
-<note n="2" place="unspecified" anchored="yes">
-<add>kai\</add> inserted by Schsartz.</note>
-ἱκετηρίαι Διὸς καὶ πόμα χολῆς καὶ καρδιουλκίαι καὶ
-ἀρρητουργίαι· ταὐτὰ οἱ Φρύγες τελίσκουσιν Ἄττιδι
-καὶ Κυβέλῃ καὶ Κορύβασιν· τεθρυλήκασιν δὲ ὡς
-ἄρα ἀποσπάσας ὁ Ζεὺς τοῦ κριοῦ τοὺς διδύμους
-φέρων ἐν μέσοις ἔρριψε τοῖς κόλποις τῆς Δηοῦς,
-τιμωρίαν ψευδῆ τῆς βιαίας συμπλοκῆς ἐκτιννύων,
-ὡς ἑαυτὸν δῆθεν ἐκτεμών. τὰ σύμβολα τῆς μυήσεως
-ταύτης ἐκ περιουσίας παρατεθέντα οἷδ’ ὅτι
-κινήσει γέλωτα καὶ μὴ γελασείουσιν ὑμῖν διὰ
- τοὺς  <pb id="pg.14"/> ἐλέγχους· “ἐκ τυμπάνου ἔφαγον· ἐκ κυμβάλου
-ἔπιον· ἐκερνοφόρησα· ὑπὸ τὸν παστὸν
-ὑπέδυν.” ταῦτα οὐχ ὕβρις τὰ σύμβολα; οὐ χλεύη
-τὰ μυστήρια; τί δ’ εἰ καὶ τὰ ἐπίλοιπα προσθείην;
-κυεῖ μὲν ἡ Δημήτηρ, ἀνατρέφεται δὲ ἡ Κόρη,
-μίγνυται δ’ αὖθις ὁ γεννήσας οὑτοσὶ Ζεὺς τῇ
-Φερεφάττῃ, τῇ ἰδίᾳ θυγατρί, μετὰ τὴν μητέρα τὴν
-Δηώ, ἐκλαθόμενος τοῦ προτέρου μύσους ʽπατὴρ
-καὶ φθορεὺς κόρης ὁ Ζεύς <note n="3" place="unspecified" anchored="yes">path\r... *zeu/s. These sords are not found in Eusebius (Praep. Ev. ii. 3), and are rejected as a gloss by Stählin</note>ʼ ʼκαὶ μίγνυται δράκων
-γενόμενος, ὃς ἦν, ἐλεγχθείς. Σαβαζίων γοῦν
-μυστηρίων σύμβολον τοῖς μυουμένοις ὁ διὰ
-κόλπου θεός· δράκων δέ ἐστιν οὗτος, διελκόμενος
-τοῦ κόλπου τῶν τελουμένων, ἔλεγχος ἀκρασίας
-<pb id="p.36"/>
- Διός. κυεῖ καὶ ἡ Φερέφαττα παῖδα ταυρόμορφον·
-ἀμέλει, φησί τις ποιητὴς εἰδωλικός,
-ταῦρος δράκοντος καὶ πατὴρ ταύρου δράκων,
-ἐν ὄρει τὸ κρύφιον, βουκόλος, τὸ κεντρίον, <note n="1" place="unspecified" anchored="yes">kentri/on Dindorf. ke/ntron MSS.</note>
-βουκολικόν, οἶμαι, <note n="2" place="unspecified" anchored="yes">
-<lemma targOrder="U" from="ROOT" to="DITTO">e)n... oi)=mai</lemma> o(/n o)/resi kru/fion boukolw= ke/ntron fe/rwn <del>to\—oi)=mai</del> Tournicr.</note> κέντρον τὸν νάρθηκα ἐπικαλῶν,
-ὃν δὴ ἀναστέφουσιν οἱ βάκχοι. βούλει καὶ τὰ
-Φερεφάττης ἀνθολόγια διηγήσωμαί <note n="3" place="unspecified" anchored="yes">dihgh/swmai Dindorf. dihgh/somai MSS.</note> σοι καὶ τὸν
-κάλαθον καὶ τὴν ἁρπαγὴν τὴν ὑπὸ Ἀιδωνέως καὶ
-τὸ χάσμα <note n="4" place="unspecified" anchored="yes">xa/sma from Eusebius. sxi/sma MSS.</note> τῆς γῆς καὶ τὰς ὗς τὰς Εὐβουλέως
-τὰς συγκαταποθείσας ταῖν θεαῖς, <note n="5" place="unspecified" anchored="yes">toi=n qeoi=n Wilamositz th=| qea=| Rohde.</note>δι’ ἣν αἰτίαν ἐν
-τοῖς Θεσμοφορίοις μεγαρίζοντες χοίρους ἐμβάλλουσιν;
-ταύτην τὴν μυθολογίαν αἱ γυναῖκες ποικίλως
-κατὰ πόλιν ἑορτάζουσι, Θεσμοφόρια, Σκιροφόρια,
-<pb id="pg.15"/> Ἀρρητοφόρια, πολυτρόπως τὴν Φερεφάττης
-ἐκτραγῳδοῦσαι ἁρπαγήν.
-Τὰ γὰρ Διονύσου μυστήρια τέλεον ἀπάνθρωπα·
-ὃν εἰσέτι παῖδα ὄντα ἐνόπλῳ κινήσει περιχορευόντων
-Κουρήτων, δόλῳ δὲ ὑποδύντων Τιτάνων,
-ἀπατήσαντες παιδαριώδεσιν ἀθύρμασιν, οὗτοι δὴ
-οἱ Τιτᾶνες διέσπασαν, ἔτι νηπίαχον ὄντα, ὡς ὁ τῆς
-Τελετῆς ποιητὴς Ὀρφεύς φησιν ὁ Θρᾴκιος·
-κῶνος καὶ ῥόμβος καὶ παίγνια καμπεσίγυια,
-μῆλά τε χρύσεα καλὰ παρ’ Ἑσπερίδων λιγυφώνων.
-καὶ τῆσδε ὑμῖν τῆς τελετῆς τὰ ἀχρεῖα σύμβολα οὐκ
-ἀχρεῖον εἰς κατάγνωσιν παραθέσθαι· ἀστράγαλος,
-<pb id="p.38"/>
- σφαῖρα, στρόβιλος, μῆλα, ῥόμβος, ἔσοπτρον, πόκος.
-Ἀθηνᾶ μὲν οὖν τὴν καρδίαν τοῦ Διονύσου ὑφελομένη
-Παλλὰς ἐκ τοῦ πάλλειν τὴν καρδίαν προσηγορεύθη·
-οἱ δὲ Τιτᾶνες, οἱ καὶ διασπάσαντες αὐτόν,
-λέβητά τινα τρίποδι ἐπιθέντες καὶ τοῦ Διονύσου
-ἐμβαλόντες τὰ μέλη, καθήψουν πρότερον· ἔπειτα
-ὀβελίσκοις περιπείραντες “ὑπείρεχον Ἡφαίστοιο.” Ζεὺς δὲ ὕστερον ἐπιφανείς ʽεἰ θεὸς ἦν, τάχα που
-τῆς κνίσης τῶν ὀπτωμένων κρεῶν μεταλαβών, ἧς
-δὴ τὸ “γέρας λαχεῖν” ὁμολογοῦσιν ὑμῶν οἱ θεοἴ
-κεραυνῷ τοὺς Τιτᾶνας αἰκίζεται καὶ τὰ μέλη τοῦ
-Διονύσου Ἀπόλλωνι τῷ παιδὶ παρακατατίθεται
-καταθάψαι. ὁ δέ, οὐ γὰρ ἠπείθησε Διί, εἰς τὸν Παρνασσὸν
-φέρων κατατίθεται διεσπασμένον τὸν νεκρόν.
-Εἰ θέλεις δ’ ἐποπτεῦσαι καὶ Κορυβάντων ὄργια,
- τὸν τρίτον  <pb id="pg.16"/> ἀδελφὸν ἀποκτείναντες οὗτοι τὴν κεφαλὴν
-τοῦ νεκροῦ φοινικίδι ἐπεκαλυψάτην καὶ καταστέψαντε
-ἐθαψάτην, φέροντες ἐπὶ χαλκῆς ἀσπίδος
-ὑπὸ τὰς ὑπωρείας τοῦ Ὀλύμπου. καὶ ταῦτ’ ἔστι
-τὰ μυστήρια, συνελόντι φάναι, φόνοι καὶ τάφοι· οἱ
-δὲ ἱερεῖς οἱ τῶνδε, οὓς Ἀνακτοτελεστὰς οἷς μέλον
-καλεῖν καλοῦσι, προσεπιτερατεύονται τῇ συμφορᾷ,
-ὁλόριζον ἀπαγορεύοντες σέλινον ἐπὶ τραπέζης τιθέναι·
-οἴονται γὰρ δὴ ἐκ τοῦ αἵματος τοῦ ἀπορρυέντος
-τοῦ Κορυβαντικοῦ τὸ σέλινον ἐκπεφυκέναι·
-ὥσπερ ἀμέλει καὶ αἱ θεσμοφοριάζουσαι τῆς ῥοιᾶς
-τοὺς κόκκους παραφυλάττουσιν ἐσθίειν τοὺς ἀποπεπτωκότας
-<pb id="p.40"/>
- χαμαί, ἐκ τῶν τοῦ Διονύσου αἵματος
-σταγόνων βεβλαστηκέναι νομίζουσαι <note n="1" place="unspecified" anchored="yes">nomi/zousai Wilamositz. nomi/zousi MSS.</note> τὰς ῥοιάς.
-Καβείρους δὲ τοὺς Κορύβαντας καλοῦντες καὶ
-τελετὴν Καβειρικὴν καταγγέλλουσιν· αὐτὼ γὰρ δὴ
-τούτω τὼ ἀδελφοκτόνω τὴν κίστην ἀνελομένω, ἐν ᾗ
-τὸ τοῦ Διονύσου αἰδοῖον ἀπέκειτο, εἰς Τυρρηνίαν
-κατήγαγον, εὐκλεοῦς ἔμποροι φορτίου· κἀνταῦθα
-διετριβέτην, φυγάδε ὄντε, τὴν πολυτίμητον εὐσεβείας
-διδασκαλίαν, αἰδοῖα καὶ κίστην, θρῃσκεύειν παραθεμένω
-Τυρρηνοῖς. δι’ ἣν αἰτίαν οὐκ ἀπεικότως
-τὸν Διόνυσόν τινες Ἄττιν προσαγορεύεσθαι θέλουσιν,
-αἰδοίων ἐστερημένον.
-Καὶ τί θαυμαστὸν εἰ Τυρρηνοὶ οἱ βάρβαροι αἰσχροῖς
-οὕτως τελίσκονται παθήμασιν, ὅπου γε Ἀθηναίοις
-καὶ τῇ ἄλλῃ Ἑλλάδι, αἰδοῦμαι καὶ λέγειν, αἰσχύνης
-ἔμπλεως ἡ περὶ τὴν Δηὼ μυθολογία; ἀλωμένη
-γὰρ ἡ Δηὼ κατὰ ζήτησιν τῆς θυγατρὸς τῆς Κόρης
-περὶ τὴν Ἐλευσῖνα ʽτῆς Ἀττικῆς δέ ἐστι τοῦτο τὸ
-χωρίον’ ἀποκάμνει καὶ φρέατι ἐπικαθίζει λυπουμένη.
-τοῦτο τοῖς μυουμένοις ἀπαγορεύεται εἰσέτι νῦν,
-ἵνα μὴ δοκοῖεν οἱ τετελεσμένοι μιμεῖσθαι τὴν
- ὀδυρομένην. ᾤκουν  <pb id="pg.17"/> δὲ τηνικάδε τὴν Ἐλευσῖνα οἱ
-γηγενεῖς· ὀνόματα αὐτοῖς Βαυβὼ καὶ Δυσαύλης
-καὶ Τριπτόλεμος, ἔτι δὲ Εὔμολπός τε καὶ Εὐβουλεύς·
-βουκόλος ὁ Τριπτόλεμος ἦν, ποιμὴν δὲ ὁ
-Εὔμολπος, συβώτης δὲ ὁ Εὐβουλεύς· ἀφ’ ὧν τὸ
-Εὐμολπιδῶν καὶ τὸ Κηρύκων τὸ ἱεροφαντικὸν δὴ
-τοῦτο Ἀθήνησι γένος ἤνθησεν. καὶ δὴ ʽοὐ γὰρ
-ἀνήσω μὴ οὐχὶ εἰπεῖν’ ξενίσασα ἡ Βαυβὼ τὴν Δηὼ
-<pb id="p.42"/>
- ὀρέγει κυκεῶνα αὐτῇ· τῆς δὲ ἀναινομένης λαβεῖν
-καὶ πιεῖν οὐκ ἐθελούσης ʽπενθήρης γὰρ ἦν’ περιαλγὴς
-ἡ Βαυβὼ γενομένη, ὡς ὑπεροραθεῖσα δῆθεν,
-ἀναστέλλεται τὰ αἰδοῖα καὶ ἐπιδεικνύει τῇ θεῷ· ἡ
-δὲ τέρπεται τῇ ὄψει ἡ Δηὼ καὶ μόλις ποτὲ δέχεται
-τὸ ποτόν, ἡσθεῖσα τῷ θεάματι. ταῦτ’ ἔστι τὰ
-κρύφια τῶν Ἀθηναίων μυστήρια. ταῦτά τοι καὶ
-Ὀρφεὺς ἀναγράφει. παραθήσομαι δέ σοι αὐτὰ τοῦ
-Ὀρφέως τὰ ἔπη, ἵν’ ἔχῃς μάρτυρα τῆς ἀναισχυντίας
-τὸν μυσταγωγόν·
- ὣς εἰποῦσα πέπλους ἀνεσύρετο, δεῖξε δὲ πάντα  <pb id="pg.18"/>
- σώματος οὐδὲ πρέποντα τύπον· παῖς δ’ ἦεν Ἴακχος,
-χειρί τέ μιν ῥίπτασκε γελῶν Βαυβοῦς ὑπὸ κόλποις·
-ἡ δ’ ἐπεὶ οὖν μείδησε θεά, μείδησ̓ ἐνὶ θυμῷ,
-δέξατο δ’ αἰόλον ἄγγος, ἐν ᾧ κυκεὼν ἐνέκειτο.
-κἄστι τὸ σύνθημα Ἐλευσινίων μυστηρίων· “ἐνήστευσα,
-ἔπιον τὸν κυκεῶνα, ἔλαβον ἐκ κίστης,
-ἐργασάμενος <note n="1" place="unspecified" anchored="yes">e)ggeusa/menos Lobeck.</note> ἀπεθέμην εἰς κάλαθον καὶ ἐκ καλάθου
-εἰς κίστην.” καλά γε τὰ θεάματα καὶ θεᾷ πρέποντα.
-ἄξια μὲν οὖν νυκτὸς τὰ τελέσματα καὶ πυρὸς καὶ
-τοῦ “μεγαλήτορος,” μᾶλλον δὲ ματαιόφρονος
-Ἐρεχθειδῶν δήμου, πρὸς δὲ καὶ τῶν ἄλλων
-Ἑλλήνων, οὕστινας “μένει τελευτήσαντας ἅσσα
-<pb id="p.44"/>
- οὐδὲ ἔλπονται.” τίσι δὴ μαντεύεται Ἡράκλειτος
-<pb id="pg.19"/> ὁ Ἐφέσιος; “νυκτιπόλοις, μάγοις, βάκχοις, λήναις,
-μύσταις,” τούτοις ἀπειλεῖ τὰ μετὰ θάνατον, τούτοις
-μαντεύεται τὸ πῦρ· “τὰ γὰρ νομιζόμενα κατὰ ἀνθρώπους
-μυστήρια ἀνιερωστὶ μυοῦνται.” Νόμος οὖν καὶ ὑπόληψις κενὴ τὰ μυστήρια <note n="1" place="unspecified" anchored="yes">ta\ musth/ria after kenh\ Mayor: after dra/kontos MSS.</note> καὶ
-τοῦ δράκοντος ἀπάτη τίς ἐστιν θρῃσκευομένη, τὰς
-ἀμυήτους ὄντως μυήσεις καὶ τὰς ἀνοργιάστους
-τελετὰς εὐσεβείᾳ νόθῳ προστρεπομένων. οἷαι δὲ
-καὶ αἱ κίσται αἱ μυστικαί· δεῖ γὰρ ἀπογυμνῶσαι
-τὰ ἅγια αὐτῶν καὶ τὰ ἄρρητα ἐξειπεῖν. οὐ σησαμαῖ
-ταῦτα καὶ πυραμίδες καὶ τολύπαι καὶ πόπανα
-πολυόμφαλα χόνδροι τε ἁλῶν καὶ δράκων, ὄργιον
-Διονύσου Βασσάρου; οὐχὶ δὲ ῥοιαὶ πρὸς τοῖσδε καὶ
-κράδαι <note n="2" place="unspecified" anchored="yes">kra/dai Morellus. kardi/ai MSS.</note> νάρθηκές τε καὶ κιττοί, πρὸς δὲ καὶ φθοῖς καὶ
-μήκωνες; ταῦτ’ ἔστιν αὐτῶν τὰ ἅγια. καὶ προσέτι
-Γῆς <note n="3" place="unspecified" anchored="yes">*gh=s Wilamositz. th=s MSS.</note> Θέμιδος τὰ ἀπόρρητα σύμβολα ὀρίγανον,
-λύχνος, ξίφος, κτεὶς γυναικεῖος, ὅς ἐστιν, εὐφήμως
-καὶ μυστικῶς εἰπεῖν, μόριον γυναικεῖον. ὢ τῆς
-ἐμφανοῦς ἀναισχυντίας. πάλαι μὲν ἀνθρώποις
-σωφρονοῦσιν ἐπικάλυμμα ἡδονῆς νὺξ ἦν σιωπωμένη·
-νυνὶ δὲ τοῖς μυουμένοις πεῖρα <note n="4" place="unspecified" anchored="yes">pei=ra Wilamositz. h( i(era\ MSS.</note> τῆς ἀκρασίας νύξ
-ἐστι λαλουμένη, καὶ τὸ πῦρ ἐλέγχει τὰ πάθη
-δᾳδουχούμενον. ἀπόσβεσον, ὦ ἱεροφάντα, τὸ πῦρ·
-<pb id="p.46"/>
- αἰδέσθητι, δᾳδοῦχε, τὰς λαμπάδας· ἐλέγχει σου
-τὸν Ἴακχον τὸ φῶς· ἐπίτρεψον ἀποκρύψαι τῇ
-νυκτὶ τὰ μυστήρια· σκότει τετιμήσθω τὰ ὄργια.
-τὸ πῦρ οὐχ ὑποκρίνεται· ἐλέγχειν καὶ κολάζειν κελεύεται.
-Ταῦτα τῶν ἀθέων τὰ μυστήρια· ἀθέους δὲ
-εἰκότως ἀποκαλῶ τούτους, οἳ τὸν μὲν ὄντως ὄντα
-θεὸν ἠγνοήκασιν, παιδίον δὲ ὑπὸ Τιτάνων διασπώμενον
-καὶ γύναιον πενθοῦν καὶ μόρια ἄρρητα ὡς
-ἀληθῶς ὑπ’ αἰσχύνης ἀναισχύντως σέβουσιν, διττῇ
- ἐνεσχημένοι τῇ  <pb id="pg.20"/> ἀθεότητι, προτέρᾳ μέν, καθ’ ἣν
-ἀγνοοῦσι τὸν θεόν, τὸν ὄντως ὄντα μὴ γνωρίζοντες
-θεόν, ἑτέρᾳ δὲ καὶ δευτέρᾳ δὴ ταύτῃ τῇ πλάνῃ τοὺς
-οὐκ ὄντας ὡς ὄντας νομίζοντες καὶ θεοὺς τούτους
-ὀνομάζοντες τοὺς οὐκ ὄντως ὄντας, μᾶλλον δὲ οὐδὲ
-ὄντας, μόνου δὲ τοῦ ὀνόματος τετυχηκότας. διὰ
-τοῦτό τοι καὶ ὁ ἀπόστολος διελέγχει ἡμᾶς “καὶ
-ἦτε ξένοι” λέγων “τῶν διαθηκῶν τῆς ἐπαγγελίας,
-ἐλπίδα μὴ ἔχοντες καὶ ἄθεοι ἐν τῷ κόσμῳ.” Πολλὰ κἀγαθὰ γένοιτο τῷ τῶν Σκυθῶν βασιλεῖ,
-ὅστις ποτὲ ἦν <del>Ἀνάχαρσις</del>. <note n="1" place="unspecified" anchored="yes">
-<del>*)ana/xarsis</del> Casaubon.</note> οὗτος τὸν πολίτην
-τὸν ἑαυτοῦ, τὴν παρὰ Κυζικηνοῖς μητρὸς τῶν θεῶν
-τελετὴν ἀπομιμούμενον παρὰ Σκύθαις τύμπανόν τε
-<pb id="p.48"/>
- ἐπικτυποῦντα καὶ κύμβαλον ἐπηχοῦντα καὶ τοῦ
-τραχήλου τινὰ μηναγύρτην ἐξηρτημένον, κατετόξευσεν,
-ὡς ἄνανδρον αὐτόν τε παρ’ Ἕλλησι γεγενημένον
-καὶ τῆς θηλείας τοῖς ἄλλοις Σκυθῶν διδάσκαλον
-νόσου. ὧν δὴ χάριν ʽοὐ γὰρ οὐδαμῶς ἀποκρυπτέον̓
-θαυμάζειν ἔπεισί μοι ὅτῳ τρόπῳ Εὐήμερον τὸν
-Ἀκραγαντῖνον καὶ Νικάνορα τὸν Κύπριον καὶ
-Διαγόραν καὶ Ἵππωνα τὼ Μηλίω <note n="1" place="unspecified" anchored="yes">tw\ *mhli/w Miinzel. to\n mh/lion MSS.</note> τόν τε Κυρηναῖον
-ἐπὶ τούτοις ἐκεῖνον ʽ<del>ὁ</del>
-<note n="2" place="unspecified" anchored="yes">
-<del>o(</del> Dindorf.</note> Θεόδωρος ὄνομα αὐτᾦ
-<pb id="pg.21"/> καί τινας ἄλλους συχνούς, σωφρόνως βεβιωκότας
-καὶ καθεωρακότας ὀξύτερόν που τῶν λοιπῶν
-ἀνθρώπων τὴν ἀμφὶ τοὺς θεοὺς τούτους πλάνην,
-ἀθέους ἐπικεκλήκασιν, εἰ καὶ τὴν ἀλήθειαν αὐτὴν
-μὴ νενοηκότας, ἀλλὰ τὴν πλάνην γε ὑπωπτευκότας,
-ὅπερ οὐ σμικρὸν εἰς ἀλήθειαν <note n="3" place="unspecified" anchored="yes">a)lh/qeian Sylburg. a)lhqei/as MSS.</note> φρονήσεως ζώπυρον
-ἀναφύεται σπέρμα· ὧν ὁ μέν τις παρεγγυᾷ τοῖς
-Αἰγυπτίοις, “εἰ θεοὺς νομίζετε, μὴ θρηνεῖτε αὐτοὺς
-μηδὲ κόπτεσθε· εἰ δὲ πενθεῖτε αὐτούς, μηκέτι
-τούτους ἡγεῖσθε εἶναι θεούς,” ὁ δ’ Ἡρακλέα ἐκ
-ξύλου λαβὼν κατεσκευασμένον ʽἔτυχε δὲ ἕψων τι
-οἴκοι, οἷα εἰκόσ̓ “εἶα δή, ὦ Ἡράκλεις,” εἶπεν· “νῦν σοι ἤδη καιρός, ὥσπερ Εὐρυσθεῖ, ἀτὰρ δὴ καὶ
-ἡμῖν ὑπουργῆσαι τὸν τρισκαιδέκατον τοῦτον ἆθλον
-καὶ Διαγόρᾳ τοὔψον <note n="4" place="unspecified" anchored="yes">tou)/yon Cobet. tou=ton MSS.</note> παρασκευάσαι.” κἆτ’ αὐτὸν
-εἰς τὸ πῦρ ἐνέθηκεν ὡς ξύλον.
-<pb id="p.50"/>
- Ἀκρότητες ἄρα ἀμαθίας ἀθεότης καὶ δεισιδαιμονία,
-ὦν ἐκτὸς μένειν σπουδαστέον. οὐχ ὁρᾷς τὸν
-ἱεροφάντην τῆς ἀληθείας Μωσέα προστάττοντα
-θλαδίαν καὶ ἀποκεκομμένον μὴ ἐκκλησιάζειν, καὶ
-προσέτι τὸν ἐκ πόρνης; αἰνίττεται δὲ διὰ μὲν
-τῶν προτέρων τὸν ἄθεον τρόπον τὸν τῆς θείας καὶ
-γονίμου δυνάμεως ἐστερημένον, διὰ δὲ τοῦ λοιποῦ
-τοῦ τρίτου τὸν πολλοὺς ἐπιγραφόμενον ψευδωνύμους
-θεοὺς ἀντὶ τοῦ μόνου ὄντος θεοῦ, ὥσπερ ὁ ἐκ τῆς
-πόρνης τοὺς πολλοὺς ἐπιγράφεται πατέρας ἀγνοίᾳ
-τοῦ πρὸς ἀλήθειαν πατρός. ἦν δέ τις ἔμφυτος
-ἀρχαία πρὸς οὐρανὸν ἀνθρώποις κοινωνία, ἀγνοίᾳ
-μὲν ἐσκοτισμένη, ἄφνω δέ που διεκθρῴσκουσα τοῦ
-σκότους καὶ ἀναλάμπουσα, οἷον δὴ ἐκεῖνο λέλεκταί τινι τὸ
-ὁρᾷς τὸν ὑψοῦ τόνδ’ ἄπειρον αἰθέρα
-καὶ γῆν πέριξ ἔχονθ’ ὑγραῖς ἐν ἀγκάλαις; καὶ τὸ
-ὦ γῆς ὄχημα κἀπὶ γῆς ἔχων ἕδραν,
- ὅστις ποτ’ εἶ σύ, δυστόπαστος εἰσιδεῖν,  <pb id="pg.22"/>
- καὶ ὅσα ἄλλα τοιαῦτα ποιητῶν ᾅδουσι παῖδες.
-Ἔννοιαι δὲ ἡμαρτημέναι καὶ παρηγμέναι τῆς
-εὐθείας, ὀλέθριαι ὡς ἀληθῶς, τὸ οὐράνιον φυτόν,
-τὸν ἄνθρωπον, οὐρανίου ἐξέτρεψαν διαίτης καὶ
-ἐξετάνυσαν ἐπὶ γῆς, γηΐνοις προσανέχειν ἀναπείσασαι
-πλάσμασιν. οἱ μὲν γὰρ εὐθέως ἀμφὶ τὴν
-<pb id="p.52"/>
- οὐρανοῦ θέαν ἀπατώμενοι καὶ ὄψει μόνῃ πεπιστευκότες
-τῶν ἀστέρων τὰς κινήσεις ἐπιθεώμενοι
-ἐθαύμασάν τε καὶ ἐξεθείασαν, θεοὺς ἐκ τοῦ θεῖν
-ὀνομάσαντες τοὺς ἀστέρας, καὶ προσεκύνησαν ἥλιον,
-ὡς Ἰνδοί, καὶ σελήνην, ὡς Φρύγες· οἱ δὲ τῶν ἐκ
-γῆς φυομένων τοὺς ἡμέρους δρεπόμενοι καρποὺς
-Δηὼ τὸν σῖτον, ὡς Ἀθηναῖοι, καὶ Διόνυσον τὴν
-ἄμπελον, ὡς Θηβαῖοι, προσηγόρευσαν. ἄλλοι τὰς
-ἀμοιβὰς τῆς κακίας ἐπισκοπήσαντες θεοποιοῦσι τὰς
-ἀντιδόσεις προσκυνοῦντες καὶ τὰς συμφοράς. ἐντεῦθεν
-τὰς Ἐρινύας καὶ τὰς Εὐμενίδας Παλαμναίους
-τε καὶ Προστροπαίους, ἔτι δὲ Ἀλάστορας ἀναπεπλάκασιν
-οἱ ἀμφὶ τὴν σκηνὴν ποιηταί. φιλοσόφων
-δὲ ἤδη τινὲς καὶ αὐτοὶ μετὰ τοὺς ποιητικοὺς τῶν
-ἐν ὑμῖν παθῶν ἀνειδωλοποιοῦσι τύπους τὸν Φόβον
-καὶ τὸν Ἔρωτα καὶ τὴν Χαρὰν καὶ τὴν Ἐλπίδα,
-ὥσπερ ἀμέλει καὶ Ἐπιμενίδης ὁ παλαιὸς Ὕβρεως
-καὶ Ἀναιδείας Ἀθήνησιν ἀναστήσας βωμούς· οἱ
-δὲ ἐξ αὐτῶν ὁρμώμενοι τῶν πραγμάτων ἐκθεοῦνται
-τοῖς ἀνθρώποις καὶ σωματικῶς ἀναπλάττονται,
-Δίκη τις καὶ Κλωθὼ καὶ Λάχεσις καὶ Ἄτροπος
-καὶ Εἱμαρμένη, Λὐξώ τε καὶ Θαλλώ, αἱ Ἀττικαί.
-ἕκτος ἐστὶν εἰσηγητικὸς τρόπος ἀπάτης θεῶν
-περιποιητικός, καθ’ ὃν ἀριθμοῦσι θεοὺς τοὺς δώδεκα·
-ὧν καὶ θεογονίαν Ἡσίοδος ᾅδει τὴν αὑτοῦ, καὶ
-ὅσα θεολογεῖ Ὅμηρος. τελευταῖος δὲ ὑπολείπεται
-ʽἑπτὰ γὰρ οἱ ἅπαντες οὗτοι τρόποἰ ὁ ἀπὸ τῆς
-<pb id="p.54"/>
- θείας εὐεργεσίας τῆς εἰς τοὺς ἀνθρώπους καταγινομένης
-ὁρμώμενος. τὸν γὰρ εὐεργετοῦντα μὴ
-συνιέντες θεὸν ἀνέπλασάν τινας σωτῆρας Διοσκούρους
- καὶ Ἡρακλέα ἀλεξίκακον καὶ Ἀσκληπιὸν <pb id="pg.23"/>
-ἰατρόν.
-Αὗται μὲν αἱ ὀλισθηραί τε καὶ ἐπιβλαβεῖς παρεκβάσεις
-τῆς ἀληθείας, καθέλκουσαι οὐρανόθεν τὸν
-ἄνθρωπον καὶ εἰς βάραθρον περιτρέπουσαι. ἐθέλω
-δὲ ὑμῖν ἐν χρῷ τοὺς θεοὺς αὐτοὺς ἐπιδεῖξαι ὁποῖοί
-τινες καὶ εἴ τινες, ἵν’ ἤδη ποτὲ τῆς πλάνης λήξητε,
-αὖθις δὲ παλινδρομήσητε εἰς οὐρανόν. “ἦμεν γάρ
-που καὶ ἡμεῖς τέκνα ὀργῆς, ὡς καὶ οἱ λοιποί· ὁ δὲ
-θεὸς πλούσιος ὢν ἐν ἐλέει, διὰ τὴν πολλὴν ἀγάπην
-αὐτοῦ, ἣν ἠγάπησεν ἡμᾶς, ὄντας ἤδη νεκροὺς τοῖς
-παραπτώμασιν συνεζωοποίησεν τῷ Χριστῷ.” ζῶν
-γὰρ ὁ λόγος καὶ <add>ὁ</add>
-<note n="1" place="unspecified" anchored="yes">
-<add>o(</add> inserted by Schsartz.</note> συνταφεὶς Χριστῷ συνυψοῦται
-θεῷ. οἱ δὲ ἔτι ἄπιστοι “τέκνα ὀργῆσ” ὀνομάζονται,
-τρεφόμενα ὀργῇ· ἡμεῖς δὲ οὐκ ὀργῆς θρέμματα
-ἔτι, οἱ τῆς πλάνης ἀπεσπασμένοι, ᾅσσοντες δὲ ἐπὶ
-τὴν ἀλήθειαν. ταύτῃ τοι ἡμεῖς οἱ τῆς ἀνομίας υἱοί
-ποτε διὰ τὴν φιλανθρωπίαν τοῦ λόγου νῦν υἱοὶ
-γεγόναμεν τοῦ θεοῦ· ὑμῖν δὲ καὶ ὁ ὑμέτερος
-ὑποδύεται ποιητὴς ὁ Ἀκραγαντῖνος Ἐμπεδοκλῆς·
-τοιγάρτοι χαλεπῇσιν ἀλύοντες κακότησιν
-οὔ ποτε δειλαίων ἀχέων λωφήσετε θυμόν.
-τὰ μὲν δὴ πλεῖστα μεμύθευται καὶ πέπλασται περὶ
-θεῶν ὑμῖν· τὰ δὲ ὅσα καὶ <note n="2" place="unspecified" anchored="yes">o(/sa kai\ Mayor. <del>kai\</del> o(/sa Stählin. kai\ o(/sa MSS.</note> γεγενῆσθαι ὑπείληπται,
-ταῦτα δὲ περὶ ἀνθρώπων αἰσχρῶν καὶ ἀσελγῶς
-βεβιωκότων ἀναγέγραπται·
-<pb id="p.56"/>
- τύφῳ καὶ μανίῃ δὲ βαδίζετε καὶ τρίβον ὀρθὴν
-εὐθεῖαν προλιπόντες ἀπήλθετε τὴν δι’ ἀκανθῶν
-καὶ σκολόπων. τί πλανᾶσθε, βροτοί; παύσασθε,μάταιοι,
-καλλίπετε σκοτίην νυκτός, φωτὸς δὲ λάβεσθε.
-<pb id="pg.24"/> ταῦτα ἡμῖν ἡ προφητικὴ παρεγγυᾷ καὶ ποιητικὴ
-Σίβυλλα· παρεγγυᾷ δὲ καὶ ἡ ἀλήθεια, γυμνοῦσα
-τῶν καταπληκτικῶν τουτωνὶ καὶ ἐκπληκτικῶν
-προσωπείων τὸν ὄχλον τῶν θεῶν, συνωνυμίαις τισὶ
-τὰς δοξοποιίας διελέγχουσα.
-Αὐτίκα γοῦν εἰσὶν οἳ τρεῖς τοὺς Ζῆνας ἀναγράφουσιν,
-τὸν μὲν Αἰθέρος ἐν ʼΛρκαδίᾳ, τὼ δὲ λοιπὼ
-τοῦ Κρόνου παῖδε, τούτοιν τὸν μὲν ἐν Κρήτῃ, θάτερον
-δὲ ἐν Ἀρκαδίᾳ πάλιν. εἰσὶ δὲ οἳ πέντε Ἀθηνᾶς
-ὑποτίθενται, τὴν μὲν Ἡφαίστου, τὴν Ἀθηναίαν·
-τὴν δὲ Νείλου, τὴν Αἰγυπτίαν· τρίτην <add>τὴν</add>
-<note n="1" place="unspecified" anchored="yes">
-<add>th\n</add> inserted by Wilamositz.</note> τοῦ
-Κρόνου, τὴν πολέμου εὑρέτιν· τετάρτην τὴν Διός,
-ἣν Μεσσήνιοι Κορυφασίαν ἀπὸ τῆς μητρὸς ἐπικεκλήκασιν·
-ἐπὶ πᾶσι τὴν Πάλλαντος καὶ Τιτανίδος
-τῆς Ὠκεανοῦ, ἣ τὸν πατέρα δυσσεβῶς καταθύσασα
-τῷ πατρῴῳ κεκόσμηται δέρματι ὥσπερ κῳδίῳ.
-<pb id="p.58"/>
- ναὶ μὴν Ἀπόλλωνα ὁ μὲν Ἀριστοτέλης πρῶτον
-Ἡφαίστου καὶ Ἀθηνᾶς ʽἐνταῦθα δὴ οὐκέτι παρθένος
-ἡ Ἀθηνἆ, δεύτερον ἐν Κρήτῃ τὸν Κύρβαντος,
-τρίτον τὸν Διὸς καὶ τέταρτον τὸν Ἀρκάδα τὸν
-Σιληνοῦ· Νόμιος οὗτος κέκληται παρὰ Ἀρκάσιν·
-ἐπὶ τούτοις τὸν Λίβυν καταλέγει τὸν Ἄμμωνος·
-ὁ δὲ Δίδυμος ὁ γραμματικὸς τούτοις ἕκτον ἐπιφέρει
-τὸν Μάγνητος. πόσοι δὲ καὶ νῦν Ἀπόλλωνες,
-ἀναρίθμητοι θνητοὶ καὶ ἐπίκηροί <note n="1" place="unspecified" anchored="yes">e)pi/khroi Mayor. e)pi/kouroi MSS.</note> τινες ἄνθρωποι,
-εἰσίν, οἱ παραπλησίως τοῖς προειρημένοις ἐκείνοις
-κεκλημένοι; τί δ’ εἴ σοι τοὺς πολλοὺς εἴποιμι
-Ἀσκληπιοὺς ἢ τοὺς Ἑρμᾶς τοὺς ἀριθμουμένους ἢ
-τοὺς Ἡφαίστους τοὺς μυθολογουμένους; μὴ καὶ
-περιττὸς εἶναι δόξω τὰς ἀκοὰς ὑμῶν τοῖς πολλοῖς
-τούτοις ἐπικλύζων ὀνόμασιν; ἀλλ’ αἵ γε πατρίδες
-αὐτοὺς καὶ αἱ τέχναι καὶ οἱ βίοι, πρὸς δέ γε καὶ οἱ
-τάφοι ἀνθρώπους γεγονότας διελέγχουσιν.
-Ἄρης γοῦν ὁ καὶ παρὰ τοῖς ποιηταῖς, ὡς οἷόν τε, τετιμημένος,
- Ἆρες, Ἄρες, βροτολοιγέ, μιαιφόνε, τειχεσιπλῆτα,  <pb id="pg.25"/>
- ὁ ἀλλοπρόσαλλος οὗτος καὶ ἀνάρσιος, ὡς μὲν
-Ἐπίχαρμός φησι, Σπαρτιάτης ἦν· Σοφοκλῆς δὲ
-Θρᾷκα οἶδεν αὐτόν· ἄλλοι δὲ Ἀρκάδα. τοῦτον δὲ
-Ὅμηρος δεδέσθαι φησὶν ἐπὶ μῆνας τρισκαίδεκα·
-<pb id="p.60"/>
- τλῆ μὲν Ἄρης, ὅτε μιν Ὦτος κρατερός τ’ Ἐφιάλτης,
-παῖδες Ἀλωῆος, δῆσαν κρατερῷ ἐνὶ δεσμῷ·
-χαλκέῳ δ’ ἐν κεράμῳ δέδετο τρισκαίδεκα μῆνας.
-πολλὰ κἀγαθὰ Κᾶρες σχοῖεν, οἳ καταθύουσιν αὐτῷ
-τοὺς κύνας. Σκύθαι δὲ τοὺς ὄνους ἱερεύοντες μὴ
-παυέσθων, ὡς Ἀπολλόδωρός φησι καὶ Καλλίμαχος,
-Φοῖβος Ὑπερβορέοισιν ὄνων ἐπιτέλλεται ἱροῖς.
-ὁ αὐτὸς δὲ ἀλλαχοῦ
-τέρπουσιν λιπαραὶ Φοῖβον ὀνοσφαγίαι.
-Ἥφαιστος δέ, ὃν ἔρριψεν ἐξ Ὀλύμπου Ζεὺς “βηλοῦ
-ἀπὸ θεσπεσίοιο,” ἐν Λήμνῳ καταπεσὼν ἐχάλκευε,
-πηρωθεὶς τὼ πόδε, “ὑπὸ δὲ κνῆμαι ῥώοντο
-ἀραιαί.” ἔχεις καὶ ἰατρόν, οὐχὶ χαλκέα μόνον ἐν
-θεοῖς· ὁ δὲ ἰατρὸς φιλάργυρος ἦν, Ἀσκληπιὸς
-ὄνομα αὐτῷ. καί σοι τὸν σὸν παραθήσομαι ποιητήν,
-τὸν Βοιώτιον Πίνδαρον·
-ἔτραπε κἀκεῖνον ἀγάνορι μισθῷ χρυσὸς ἐν χερσὶ φανείς·
- χερσὶ δ’ ἄρα Κρονίων <pb id="pg.26"/> ῥίψας δι’ ἀμφοῖν ἀμπνοὰν <note n="1" place="unspecified" anchored="yes">a)mpnoa\n Pindar. a)mpnoa\s MSS.</note>
-στέρνων καθεῖλεν
-ὠκέως, αἴθων δὲ κεραυνὸς ἐνέσκηψε <note n="2" place="unspecified" anchored="yes">e)ne/skhye Pindar. e)/skhye MSS.</note> μόρον,
-καὶ Εὐριπίδης
-Ζεὺς γὰρ κατακτὰς παῖδα τὸν ἐμὸν αἴτιος
-Ἀσκληπιόν, στέρνοισιν ἐμβαλὼν φλόγα.
-<pb id="p.62"/>
- οὗτος μὲν οὖν κεῖται κεραυνωθεὶς ἐν τοῖς Κυνοσουρίδος
-ὁρίοις. Φιλόχορος δὲ ἐν Τήνῳ Ποσειδῶνά
-φησι τιμᾶσθαι ἰατρόν, Κρόνῳ δὲ ἐπικεῖσθαι Σικελίαν
-καὶ ἐνταῦθα αὐτὸν τεθάφθαι. Πατροκλῆς τε
-ὁ Θούριος καὶ Σοφοκλῆς ὁ νεώτερος ἔν τισι <note n="1" place="unspecified" anchored="yes">e)/n tisi Welcker. e)n trisi\ MSS.</note> τραγῳδίαις
-ἱστορεῖτον <note n="2" place="unspecified" anchored="yes">i(storei=ton Sylburg. i(storei/twn MSS.</note> τοῖν Διοσκούροιν <note n="3" place="unspecified" anchored="yes">toi=n *dioskou/roin Sylburg. tw\ *dioskou/rw MSS.</note> πέρι· ἀνθρώπω
-τινὲ τούτω τὼ Διοσκούρω ἐπικήρω ἐγενέσθην, <note n="4" place="unspecified" anchored="yes">e)gene/sqhn Dindorf. gene/sqhn MSS.</note>
-εἴ τῳ ἱκανὸς πιστώσασθαι Ὅμηρος τὸ λελεγμένον
-τοὺς δ’ ἤδη κάτεχεν φυσίζοος αἶα
-ἐν Λακεδαίμονι αὖθι, φίλῃ ἐν πατρίδι γαίῃ.
-προσίτω δὲ καὶ ὁ τὰ Κυπριακὰ ποιήματα γράψας
-Κάστωρ μὲν θνητός, Θανάτου δέ οἱ αἶσα πέπρωται·
-αὐτὰρ ὅ γ’ ἀθάνατος Πολυδεύκης, ὄζος Ἄρηος.
-τοῦτο μὲν ποιητικῶς ἐψεύσατο· Ὅμηρος δὲ ἀξιοπιστότερος
-αὐτοῦ εἰπὼν περὶ ἀμφοῖν τοῖν Διοσκούροιν,
-πρὸς δὲ καὶ τὸν Ἡρακλέα εἴδωλον ἐλέγξας· “φῶτα” γὰρ “Ἡρακλῆα, μεγάλων ἐπιίστορα
-ἔργων.” Ἡρακλέα οὖν καὶ αὐτὸς Ὅμηρος θνητὸν
-οἶδεν ἄνθρωπον, Ἱερώνυμος δὲ ὁ φιλόσοφος καὶ
-τὴν σχέσιν αὐτοῦ ὑφηγεῖται τοῦ σώματος, μικρόν,
-φριξότριχα, ῥωστικόν· Δικαίαρχος δὲ σχιζίαν,
-νευρώδη, μέλανα, γρυπόν, ὑποχαροπόν, τετανότριχα.
-οὗτος οὖν ὁ Ἡρακλῆς δύο πρὸς τοῖς
-πεντήκοντα ἔτη βεβιωκὼς κατέστρεψε τὸν βίον διὰ
- τῆς ἐν Οἴτῃ πυρᾶς  <pb id="pg.27"/> κεκηδευμένος.
-<pb id="p.64"/>
- Τὰς δὲ Μούσας, ὃς Ἀλκμὰν <note n="1" place="unspecified" anchored="yes">*)alkma\n Bergk. (??)lkmandros MSS.</note> Διὸς καὶ Μνημοσύνης
-γενεαλογεῖ καὶ οἱ λοιποὶ ποιηταὶ καὶ συγγραφεῖς
-ἐκθειάζουσιν καὶ σέβουσιν, ἤδη δὲ καὶ ὅλαι πόλεις
-μουσεῖα τεμενίζουσιν <note n="2" place="unspecified" anchored="yes">temeni/zousin Sylburg. me\n i(/zousin MSS.</note> αὐταῖς, Μυσὰς <note n="3" place="unspecified" anchored="yes">*musa\s Stählin. mou/sas MSS.</note> οὔσας θεραπαινίδας
-ταύτας ἐώνηται Μεγακλὼ ἡ θυγάτηρ ἡ
-Μάκαρος. ὁ δὲ Μάκαρ Λεσβίων μὲν ἐβασίλευεν, διεφέρετο
-δὲ ἀεὶ πρὸς τὴν γυναῖκα, ἠγανάκτει δὲ ἡ
-Μεγακλὼ ὑπὲρ τῆς μητρός· τί δ’ οὐκ ἔμελλε; καὶ
-Μυσὰς θεραπαινίδας ταύτας τοσαύτας τὸν ἀριθμὸν
-ὠνεῖται καὶ καλεῖ Μοίσας <note n="4" place="unspecified" anchored="yes">*moi/sas Müller. *mu/sas MSS.</note> κατὰ τὴν διάλεκτον
-τὴν Αἰολέων. ταύτας ἐδιδάξατο ᾅδειν καὶ κιθαρίζειν
-τὰς πράξεις τὰς παλαιὰς ἐμμελῶς. αἱ δὲ
-συνεχῶς κιθαρίζουσαι καὶ καλῶς κατεπᾴδουσαι τὸν
-Μάκαρα ἔθελγον καὶ κατέπαυον τῆς ὀργῆς. οὗ δὴ
-χάριν ἡ Μεγακλὼ χαριστήριον αὐτὰς <note n="5" place="unspecified" anchored="yes">au)ta\s Stählin. *au)tai=s MSS.</note> ὑπὲρ τῆς
-μητρὸς ἀνέθηκε χαλκᾶς καὶ ἀνὰ πάντα ἐκέλευσε
-τιμᾶσθαι τὰ ἱερά. καὶ αἱ μὲν Μοῦσαι τοιαίδε· ἡ
-δὲ ἱστορία παρὰ Μυρσίλῳ τῷ Λεσβίῳ.
-Ἀκούετε δὴ οὖν τῶν παρ’ ὑμῖν θεῶν τοὺς ἔρωτας
-καὶ τὰς παραδόξους τῆς ἀκρασίας μυθολογίας καὶ
-τραύματα αὐτῶν καὶ δεσμὰ καὶ γέλωτας καὶ
-μάχας δουλείας τε ἔτι καὶ συμπόσια συμπλοκάς
-τ’ αὖ καὶ δάκρυα καὶ πάθη καὶ μαχλώσας ἡδονάς.
-κάλει μοι τὸν Ποσειδῶ καὶ τὸν χορὸν τῶν διεφθαρμένων
-ὑπ’ αὐτοῦ, τὴν Ἀμφιτρίτην, τὴν Ἀμυμώνην,
-τὴν Ἀλόπην, τὴν Μελανίππην, τὴν Ἀλκυόνην, τὴν
-Ἱπποθόην, τὴν Χιόνην, τὰς ἄλλας τὰς μυρίας· ἐν
-αἷς δὴ καὶ τοσαύταις οὔσαις ἔτι τοῦ Ποσειδῶνος
-ὑμῶν ἐστενοχωρεῖτο τὰ πάθη· κάλει μοι καὶ τὸν
-<pb id="p.66"/>
- Ἀπόλλω· Φοῖβός ἐστιν οὗτος καὶ μάντις ἁγνὸς
-καὶ σύμβουλος ἀγαθός· ἀλλ’ οὐ ταῦτα ἡ Στερόπη
-λέγει οὐδὲ ἡ Αἴθουσα οὐδὲ ἡ Ἀρσινόη οὐδὲ ἡ
-Ζευξίππη οὐδὲ ἡ Προθόη οὐδὲ ἡ Μάρπησσα οὐδὲ
-ἡ Ὑψιπύλη· Δάφνη γὰρ ἐξέφυγε μόνη καὶ τὸν
-μάντιν καὶ τὴν φθοράν. αὐτός τε ὁ Ζεὺς ἐπὶ πᾶσιν
-ἡκέτω, ὁ “πατὴρ” καθ’ ὑμᾶς “ἀνδρῶν τε θεῶν
-τε.” τοσοῦτος περὶ τὰ ἀφροδίσια ἐξεχύθη, ὡς
-ἐπιθυμεῖν μὲν πασῶν, ἐκπληροῦν δὲ εἰς πάσας
-τὴν ἐπιθυμίαν. ἐνεπίμπλατο γοῦν γυναικῶν οὐχ
-ἧττον ἢ αἰγῶν ὁ Θμουιτῶν τράγος. καὶ σοῦ, ὦ
- Ὅμηρε, τεθαύμακα τὰ ποιήματα·  <pb id="pg.28"/>
-ἦ, καὶ κυανέῃσιν ἐπ’ ὀφρύσι νεῦσε Κρονίων·
-ἀμβρόσιαι δ’ ἄρα χαῖται ἐπερρώσαντο ἄνακτος
-κρατὸς ἀπ’ ἀθανάτοιο· μέγαν δ’ ἐλέλιξεν Ὄλυμπον.
-σεμνὸν ἀναπλάττεις, Ὅμηρε, τὸν Δία καὶ νεῦμα
-περιάπτεις αὐτῷ τετιμημένον. ἀλλ’ ἐὰν ἐπιδείξῃς
-μόνον, ἄνθρωπε, τὸν κεστόν, ἐξελέγχεται καὶ ὁ
-Ζεὺς καὶ ἡ κόμη καταισχύνεται. εἰς ὅσον δ’ ἐλήλακεν <note n="1" place="unspecified" anchored="yes">d) e)lh/laken Dindorf. dielh/laken MSS.</note>
-ἀσελγείας ὁ Ζεὺς ἐκεῖνος ὁ μετ’ Ἀλκμήνης
-τοσαύτας ἡδυπαθήσας νύκτας· οὐδὲ γὰρ αἱ νύκτες
-αἱ ἐννέα τῷ ἀκολάστῳ μακραί ʽἅπας δὲ ἔμπαλιν
-<pb id="p.68"/>
- ὁ βίος ἀκρασίᾳ βραχὺς ἦν̓, ἵνα δὴ ἡμῖν τὸν ἀλεξίκακον
-σπείρῃ θεόν. Διὸς υἱὸς Ἡρακλῆς, Διὸς ὡς
-ἀληθῶς, ὁ ἐκ μακρᾶς γεννώμενος νυκτός, τοὺς μὲν
-ἄθλους τοὺς δώδεκα πολλῷ ταλαιπωρησάμενος
-χρόνῳ, τὰς δὲ πεντήκοντα Θεστίου θυγατέρας
-νυκτὶ διαφθείρας μιᾷ, μοιχὸς ὁμοῦ καὶ νυμφίος
-τοσούτων γενόμενος παρθένων. οὔκουν ἀπεικότως
-οἱ ποιηταὶ “σχέτλιον” τοῦτον καὶ “αἰσυλοεργὸν” ἀποκαλοῦσιν. μακρὸν δ’ ἂν εἴη μοιχείας αὐτοῦ
-παντοδαπὰς καὶ παίδων διηγεῖσθαι φθοράς. οὐδὲ
-γὰρ οὐδὲ παίδων ἀπέσχοντο οἱ παρ’ ὑμῖν θεοί, ὁ
-μέν τις Ὕλα, ὁ δὲ Ὑακίνθου, ὁ δὲ Πέλοπος, ὁ δὲ
-Χρυσίππου, ὁ δὲ Γανυμήδους ἐρῶντες. τούτους
-ὑμῶν αἱ γυναῖκες προσκυνούντων τοὺς θεούς,
-τοιούτους δὲ εὐχέσθων εἶναι τοὺς ἄνδρας τοὺς
-ἑαυτῶν, οὕτω σώφρονας, ἵν’ ὦσιν ὅμοιοι τοῖς θεοῖς
-τὰ ἴσα ἐζηλωκότες· τούτους ἐθιζόντων οἱ παῖδες
-ὑμῶν σέβειν, ἵνα καὶ ἄνδρες γένωνται εἰκόνα πορνείας
-ἐναργῆ <note n="1" place="unspecified" anchored="yes">e)nargh= Markland. e)nagh= MSS.</note> τοὺς θεοὺς παραλαμβάνοντες.
-Ἀλλ’ οἱ μὲν ἄρρενες αὐτοῖς τῶν θεῶν ἴσως μόνοι
-ᾅττουσι περὶ τὰ ἀφροδίσια·
-θηλύτεραι δὲ θεαὶ μένον αἰδοῖ οἴκοι ἑκάστη,
-φησὶν Ὅμηρος, αἰδούμεναι αἱ θεαὶ <note n="2" place="unspecified" anchored="yes">
-<del>ai( qeai\</del> *walckenaer: Stählin.</note> διὰ σεμνότητα
-Ἀφροδίτην ἰδεῖν μεμοιχευμένην. αἱ δὲ ἀκολασταίνουσιν
-ἐμπαθέστερον ἐν τῇ μοιχείᾳ δεδεμέναι,
-Ἠὼς ἐπὶ Τιθωνῷ, Σελήνη <add>δ’ ἐπὶ</add>
-<note n="3" place="unspecified" anchored="yes">
-<add>d) e)pi\</add> inserted by Wilamositz.</note> Ἐνδυμίωνι,
-<pb id="p.70"/>
- Νηρηῒς ἐπὶ Αἰακῷ καὶ ἐπὶ Πηλεῖ Θέτις, ἐπὶ δὲ
- Ἰασίωνι <note n="1" place="unspecified" anchored="yes">*)iasi/wni Sylburg. i)a/swni MSS.</note>
-<pb id="pg.29"/> Δημήτηρ καὶ ἐπὶ Ἀδώνιδι Φερέφαττα.
-Ἀφροδίτη δὲ ἐπ’ Ἄρει κατῃσχυμμένη μετῆλθεν
-ἐπὶ Κινύραν καὶ Ἀγχίσην ἔγημεν καὶ Φαέθοντα
-ἐλόχα καὶ ἤρα Ἀδώνιδος, ἐφιλονείκει δὲ τῇ βοώπιδι
-καὶ ἀποδυσάμεναι διὰ μῆλον αἱ θεαὶ γυμναὶ προσεῖχον
-τῷ ποιμένι, εἴ τις αὐτῶν δόξει καλή.
-Ἴθι δὴ καὶ τοὺς ἀγῶνας ἐν βραχεῖ περιοδεύσωμεν
-καὶ τὰς ἐπιτυμβίους ταυτασὶ πανηγύρεις καταλύσωμεν,
-Ἴσθμιά τε καὶ Νέμεα καὶ Πύθια καὶ τὰ
-ἐπὶ τούτοις Ὀλύμπια. Πυθοῖ μὲν οὖν ὁ δράκων ὁ
-Πύθιος θρῃσκεύεται καὶ τοῦ ὄφεως ἡ πανήγυρις
-καταγγέλλεται Πύθια· Ἰσθμοῖ δὲ σκύβαλον προσέπτυσεν
-ἐλεεινὸν ἡ θάλαττα καὶ Μελικέρτην ὀδύρεται
-τὰ Ἴσθμια· Νεμέασι δὲ ἄλλο παιδίον Ἀρχέμορος
-κεκήδευται καὶ τοῦ παιδίου ὁ ἐπιτάφιος
-προσαγορεύεται Νέμεα· Πῖσα δὲ ὑμῖν τάφος ἐστίν,
-ὦ Πανέλληνες, ἡνιόχου Φρυγός, καὶ τοῦ Πέλοπος
-τὰς χοάς, τὰ Ὀλύμπια, ὁ Φειδίου σφετερίζεται
-Ζεύς. μυστήρια ἦσαν ἄρα, ὡς ἔοικεν, οἱ ἀγῶνες
-ἐπὶ νεκροῖς διαθλούμενοι, ὥσπερ καὶ τὰ λόγια, καὶ
-δεδήμευνται ἄμφω. ἀλλὰ τὰ μὲν ἐπὶ Ἄγρᾳ <note n="2" place="unspecified" anchored="yes">*)/agra| Meurs. sa/grai MSS.</note> μυστήρια
-καὶ τὰ ἐν Ἁλιμοῦντι τῆς Ἀττικῆς Ἀθήνησι
-περιώρισται· αἶσχος δὲ ἤδη κοσμικὸν οἵ τε ἀγῶνες
-<pb id="p.72"/>
- καὶ οἱ φαλλοὶ οἱ Διονύσῳ ἐπιτελούμενοι, κακῶς
-ἐπινενεμημένοι τὸν βίον.
-Διόνυσος γὰρ κατελθεῖν εἰς Ἅιδου γλιχόμενος
-ἠγνόει τὴν ὁδόν, ὑπισχνεῖται δ’ αὐτῷ φράσειν <add>τις</add>, <note n="1" place="unspecified" anchored="yes">
-<add>tis</add> inserted by Dindorf.</note>
- Πρόσυμνος τοὔνομα, οὐκ  <pb id="pg.30"/> ἀμισθί· ὁ δὲ μισθὸς οὐ
-καλός, ἀλλὰ Διονύσῳ καλός· καὶ ἀφροδίσιος ἦν ἡ
-χάρις, ὁ μισθὸς ὃν ᾐτεῖτο Διόνυσος· βουλομένῳ δὲ
-τῷ θεῷ γέγονεν ἡ αἴτησις, καὶ δὴ ὑπισχνεῖται
-παρέξειν αὐτῷ, εἰ ἀναζεύξοι, ὅρκῳ πιστωσάμενος
-τὴν ὑπόσχεσιν. μαθὼν ἀπῆρεν· ἐπανῆλθεν αὖθις·
-οὐ καταλαμβάνει τὸν Πρόσυμνον ʽἐτεθνήκει γάῤ·
-ἀφοσιούμενος τῷ ἐραστῇ ὁ Διόνυσος ἐπὶ τὸ μνημεῖον
-ὁρμᾷ καὶ πασχητιᾷ. κλάδον οὖν συκῆς, ὡς
-ἔτυχεν, ἐκτεμὼν ἀνδρείου μορίου σκευάζεται τρόπον
-ἐφέζεταί τε τῷ κλάδῳ, τὴν ὑπόσχεσιν ἐκτελῶν τῷ
-νεκρῷ. ὑπόμνημα τοῦ πάθους τούτου μυστικὸν
-φαλλοὶ κατὰ πόλεις ἀνίστανται Διονύσῳ· “εἰ μὴ
-γὰρ Διονύσῳ πομπὴν ἐποιοῦντο καὶ ὕμνεον ᾆσμα <note n="2" place="unspecified" anchored="yes">a(/|smata Heinsius: Stählin. a(/|smata, a(\ Dindorf.</note>
-αἰδοίοισιν, ἀναιδέστατα εἴργαστ’ ἄν, <note n="3" place="unspecified" anchored="yes">ei)/rgast) a)/n Schlciermacher. ei)/rgastai MSS.</note>” φησὶν Ἡράκλειτος, “ωὐτὸς δὲ Ἅιδης καὶ Διόνυσος, ὅτεῳ
-μαίνονται καὶ ληναΐζουσιν,” οὐ διὰ τὴν μέθην τοῦ
-σώματος, ὡς ἐγὼ οἶμαι, τοσοῦτον ὅσον διὰ τὴν
-ἐπονείδιστον τῆς ἀσελγείας ἱεροφαντίαν.
-Εἰκότως ἄρα οἱ τοιοίδε ὑμῶν θεοὶ <add>δοῦλοι</add>, <note n="4" place="unspecified" anchored="yes">
-<add>dou=loi</add> inserted by Schsartz.</note> δοῦλοι
-παθῶν γεγονότες, ἀλλὰ καὶ πρὸ <note n="5" place="unspecified" anchored="yes">pro\ Münzel. pro\s MSS.</note> τῶν Εἱλώτων
-<pb id="p.74"/>
- καλουμένων τῶν παρὰ Λακεδαιμονίοις δούλειον
-ὑπεισῆλθεν ζυγὸν Ἀπόλλων Ἀδμήτῳ ἐν Φεραῖς,
-Ἡρακλῆς ἐν Σάρδεσιν Ὀμφάλῃ, Λαομέδοντι δ’ ἐθήτευε
-Ποσειδῶν καὶ Ἀπόλλων, καθάπερ ἀχρεῖος
-οἰκέτης, μηδὲ ἐλευθερίας δήπουθεν δυνηθεὶς τυχεῖν
-παρὰ τοῦ προτέρου δεσπότου· τότε καὶ τὰ Ἰλίου
-τείχη ἀνῳκοδομησάτην τῷ Φρυγί. Ὅμηρος δὲ
-τὴν Ἀθηνᾶν οὐκ αἰσχύνεται παραφαίνειν λέγων
-τῷ Ὀδυσσεῖ “χρύσεον λύχνον ἔχουσαν” ἐν χεροῖν·
-τὴν δὲ Ἀφροδίτην ἀνέγνωμεν, οἷον ἀκόλαστόν τι
-θεραπαινίδιον, παραθεῖναι φέρουσαν τῇ Ἑλένῃ τὸν
-δίφρον τοῦ μοιχοῦ κατὰ πρόσωπον, ὅπως αὐτὸν εἰς
-συνουσίαν ὑπαγάγηται. Πανύασσις γὰρ πρὸς τούτοις
-καὶ ἄλλους παμπόλλους ἀνθρώποις λατρεῦσαι
-θεοὺς ἱστορεῖ ὧδέ πως γράφων·
-τλῆ μὲν Δημήτηρ, τλῆ δὲ κλυτὸς Ἀμφιγυήεις,
-τλῆ δὲ Ποσειδάων, τλῆ δ’ ἀργυρότοξος Ἀπόλλων
-ἀνδρὶ παρὰ θνητῷ θητευέμεν <note n="1" place="unspecified" anchored="yes">qhteue/men Sylburg. qhteuse/men MSS.</note> εἰς ἐνιαυτόν·
-τλῆ δὲ καὶ <note n="2" place="unspecified" anchored="yes">kai\ inserted by Sylburg.</note> ὀβριμόθυμος Ἄρης ὑπὸ πατρὸς ἀνάγκης,
-καὶ τὰ ἐπὶ τούτοις.
-Τούτοις οὖν εἰκότως ἕπεται τοὺς ἐρωτικοὺς ὑμῶν
-<pb id="pg.31"/> καὶ παθητικοὺς τούτους θεοὺς ἀνθρωποπαθεῖς ἐκ
-παντὸς εἰσάγειν τρόπου. “καὶ γάρ θην κείνοις
-θνητὸς χρώς.” τεκμηριοῖ δὲ Ὅμηρος, μάλα ἀκριβῶς
-Ἀφροδίτην ἐπὶ τῷ τραύματι παρεισάγων ὀξὺ
-καὶ μέγα ἰάχουσαν αὐτόν τε τὸν πολεμικώτατον
-Ἄρη ὑπὸ τοῦ Διομήδους κατὰ τοῦ κενεῶνος οὐτασμένον
-διηγούμενος. Πολέμων δὲ καὶ τὴν Ἀθηνᾶν
-<pb id="p.76"/>
- ὑπὸ Ὀρνύτου τρωθῆναι λέγει· ναὶ μὴν καὶ τὸν
-Ἀιδωνέα ὑπὸ Ἡρακλέους τοξευθῆναι Ὅμηρος
-λέγει καὶ τὸν Ἥλιον <del>Αὐγέαν</del>
-<note n="1" place="unspecified" anchored="yes">to\n *(/hlion <del>*au)ge/an</del> Schsartz. to\n h)lei=on au)ge/an MSS.</note> Πανύασσις ἱστορεῖ.
-ἤδη δὲ καὶ τὴν Ἥραν τὴν ζυγίαν ἱστορεῖ ὑπὸ τοῦ
-αὐτοῦ Ἡρακλέους ὁ αὐτὸς οὗτος Πανύασσις “ἐν
-Πύλῳ ἠμαθόεντι.” Σωσίβιος δὲ καὶ τὸν Ἡρακλέα
-πρὸς τῶν Ἱπποκοωντιδῶν κατὰ τῆς χειρὸς οὐτασθῆναι
-λέγει. εἰ δὲ <note n="2" place="unspecified" anchored="yes">de\ Mayor. dh\ MSS.</note> τραύματα, καὶ αἵματα· οἱ γὰρ
-ἰχῶρες οἱ ποιητικοὶ εἰδεχθέστεροι καὶ τῶν αἱμάτων,
-σῆψις γὰρ αἵματος ἰχὼρ νοεῖται. ἀνάγκη τοίνυν
-θεραπείας καὶ τροφὰς παρεισάγειν αὐτοῖς, ὧν εἰσιν
-ἐνδεεῖς. διὸ τράπεζαι καὶ μέθαι καὶ γέλωτες καὶ
-συνουσίαι, οὐκ ἂν ἀφροδισίοις χρωμένων ἀνθρωπίνοις <note n="3" place="unspecified" anchored="yes">a)nqrwpi/nois Reinkens. a)nqrw/pois MSS.</note>
-οὐδὲ παιδοποιουμένων οὐδὲ μὴν ὑπνωσσόντων,
-εἰ ἀθάνατοι καὶ ἀνενδεεῖς καὶ ἀγήρῳ <note n="4" place="unspecified" anchored="yes">a)gh/rw| Potter. a)gh/rws MSS.</note> ὑπῆρχον.
-μετέλαβεν δὲ καὶ τραπέζης ἀνθρωπίνης παρὰ τοῖς
-Αἰθίοψιν, ἀπανθρώπου δὲ καὶ ἀθέσμου αὐτὸς ὁ
-Ζεὺς παρὰ Λυκάονι τῷ Ἀρκάδι ἑστιώμενος·
-ἀνθρωπείων γοῦν ἐνεφορεῖτο σαρκῶν οὐχ ἑκών.
-ἠγνόει γὰρ ὁ θεὸς ὡς ἄρα Λυκάων ὁ Ἀρκὰς ὁ
-ἑστιάτωρ αὐτοῦ τὸν παῖδα κατασφάξας τὸν αὑτοῦ
-ʽΝύκτιμος ὄνομα αὐτᾦ παραθείη ὄψον τῷ Διί.
-καλός γε ὁ Ζεὺς ὁ μαντικός, ὁ ξένιος, ὁ ἱκέσιος, ὁ
-<pb id="p.78"/>
- μειλίχιος, ὁ πανομφαῖος, ὁ προστροπαῖος· μᾶλλον
-δὲ <add>ὁ</add>
-<note n="1" place="unspecified" anchored="yes">
-<add>o(</add> inserted by Sylburg.</note> ἄδικος, ὁ ἄθεσμος, ὁ ἄνομος, ὁ ἀνόσιος, ὁ
-ἀπάνθρωπος, ὁ βίαιος, ὁ φθορεύς, ὁ μοιχός, ὁ
-ἐρωτικός. ἀλλὰ τότε μὲν ἦν, ὅτε τοιοῦτος ἦν, ὅτε
-ἄνθρωπος ἦν, νῦν δὲ ἤδη μοι δοκοῦσι καὶ οἱ μῦθοι
-ὑμῖν γεγηρακέναι. δράκων ὁ Ζεὺς οὐκέτι, οὐ
-κύκνος ἐστίν, οὐκ ἀετός, οὐκ ἄνθρωπος ἐρωτικός·
-οὐχ ἵπταται θεός, οὐ παιδεραστεῖ, οὐ φιλεῖ, οὐ
-βιάζεται, καίτοι πολλαὶ καὶ καλαὶ καὶ νῦν ἔτι
-γυναῖκες καὶ Λήδας εὐπρεπέστεραι καὶ Σεμέλης
-ἀκμαιότεραι, μειράκια δὲ ὡραιότερα καὶ πολιτικώτερα
-τοῦ Φρυγίου βουκόλου. ποῦ νῦν ἐκεῖνος ὁ
- ἀετός; ποῦ δὲ ὁ κύκνος; ποῦ δὲ αὐτὸς  <pb id="pg.32"/> ὁ Ζεύς;
-γεγήρακε μετὰ τοῦ πτεροῦ· οὐ γὰρ δήπου μετανοεῖ
-τοῖς ἐρωτικοῖς οὐδὲ παιδεύεται σωφρονεῖν. γυμνοῦται
-δὲ ὑμῖν ὁ μῦθος· ἀπέθανεν ἡ Λήδα, ἀπέθανεν
-ὁ κύκνος, ἀπέθανεν ὁ ἀετός. ζήτει σου τὸν Δία·
-μὴ τὸν οὐρανόν, ἀλλὰ τὴν γῆν πολυπραγμόνει. ὁ
-Κρής σοι διηγήσεται, παρ’ ᾧ καὶ τέθαπται, Καλλίμαχος
-ἐν ὕμνοις
-καὶ γὰρ τάφον, ὦ ἄνα, σεῖο
-Κρῆτες ἐτεκτήναντο.
-τέθνηκε γὰρ ὁ Ζεὺς ʽμὴ δυσφόρεἰ ὡς Λήδα, ὡς
-κύκνος, ὡς ἀετός, ὡς ἄνθρωπος ἐρωτικός, ὡς δράκων.
-<pb id="p.80"/>
- Ἤδη δὲ καὶ αὐτοὶ φαίνονται οἱ δεισιδαίμονες
-ἄκοντες μέν, ὅμως δ’ οὖν συνιέντες τὴν πλάνην τὴν
-περὶ τοὺς θεούς·
-οὐ γὰρ ἀπὸ δρυός εἰσι παλαιφάτου οὐδ’ ἀπὸ πέτρης,
-ἀλλ’ ἀνδρῶν γένος εἰσί, μικρὸν δὲ ὕστερον καὶ δρύες
-ὄντες εὑρεθήσονται καὶ πέτραι. Ἀγαμέμνονα γοῦν
-τινα Δία ἐν Σπάρτῃ τιμᾶσθαι Στάφυλος ἱστορεῖ·
-Φανοκλῆς δὲ ἐν Ἔρωσιν ἢ <note n="1" place="unspecified" anchored="yes">h)\ Leopardus. toi=s Sylburg. ti=e MSS.</note> Καλοῖς Ἀγαμέμνονα
-τὸν Ἑλλήνων βασιλέα Ἀργύννου νεὼν Ἀφροδίτης
-ἵστασθαι ἐπ’ Ἀργύννῳ τῷ ἐρωμένῳ. Ἄρτεμιν
-δὲ Ἀρκάδες Ἀπαγχομένην καλουμένην προστρέπονται,
-ὥς φησι Καλλίμαχος ἐν Αἰτίοις. καὶ Κονδυλῖτις
-ἐν Μηθύμνῃ ἑτέρα τετίμηται Ἄρτεμις.
-ἔστι δὲ καὶ Ποδάγρας ἄλλης Ἀρτέμιδος ἐν τῇ
-Λακωνικῇ ἱερόν, ὥς φησι Σωσίβιος. Πολέμων δὲ
-Κεχηνότος Ἀπόλλωνος οἶδεν ἄγαλμα, καὶ Ὀψοφάγου
-  <pb id="pg.33"/> πάλιν Ἀπόλλωνος ἄλλο ἐν Ἤλιδι τιμώμενον.
-ἐνταῦθα Ἀπομυίῳ Διὶ θύουσιν Ἠλεῖοι·
-Ῥωμαῖοι δὲ Ἀπομυίῳ Ἡρακλεῖ καὶ Πυρετῷ δὲ
-<pb id="p.82"/>
- καὶ Φόβῳ θύουσιν, οὓς καὶ αὐτοὺς μετὰ τῶν ἀμφὶ
-τὸν Ἡρακλέα ἐγγράφουσιν. ἐῶ δὲ Ἀργείους·
-Ἀφροδίτην Τυμβωρύχον θρῃσκεύουσιν Ἀργεῖοι καὶ
-Λάκωνες, <note n="1" place="unspecified" anchored="yes">kai\ *la/kwnes placed by Stählin after *)argei/ous (1. 2).</note> καὶ Χελύτιδα δὲ Ἄρτεμιν Σπαρτιᾶται
-σέβουσιν· ἐπεὶ τὸ βήττειν χελύττειν καλοῦσιν.
-Οἴει ποθὲν παρέγγραπτα <note n="2" place="unspecified" anchored="yes">poqe\n pare/ggrapta Stählin. po/qen parage/graptai MSS.</note> ταῦτά σοι κομίζεσθαι
-τὰ ὑφ’ ἡμῶν παρατιθέμενα; οὐδὲ τοὺς σοὺς γνωρίζειν
-ἔοικας συγγραφεῖς, οὓς ἐγὼ μάρτυρας ἐπὶ τὴν
-σὴν ἀπιστίαν καλῶ, ἀθέου χλεύης, ὦ δείλαιοι, τὸν
-πάντα ὑμῶν ἀβίωτον ὄντως βίον ἐμπεπληκότας. <note n="3" place="unspecified" anchored="yes">e)mpeplhko/tas Stählin. e)mpeplhko/tes MSS.</note>
-οὐχὶ μέντοι Ζεὺς φαλακρὸς ἐν Ἄργει, τιμωρὸς δὲ
-ἄλλος ἐν Κύπρῳ τετίμησθον <note n="4" place="unspecified" anchored="yes">teti/mhsqon Sylburg. tetimh/sqwn MSS.</note>; οὐχὶ δὲ Ἀφροδίτῃ
-περιβασοῖ <note n="5" place="unspecified" anchored="yes">peribasoi= Dindorf. peribasi/h| MSS.</note> μὲν Ἀργεῖοι, ἑταίρᾳ δὲ Ἀθηναῖοι καὶ
-καλλιπύγῳ <note n="6" place="unspecified" anchored="yes">kallipu/gw| Sylburg. kallipu/gw| MSS.</note> θύουσιν Συρακούσσιοι, ἣν Νίκανδρος
-ὁ ποιητὴς “καλλίγλουτόν” που κέκληκεν; Διόνυσον
-δὲ ἤδη σιωπῶ τὸν χοιροψάλαν· Σικυώνιοι
-τοῦτον προσκυνοῦσιν ἐπὶ τῶν γυναικείων τάξαντες
-τὸν Διόνυσον μορίων, ἔφορον αἴσχους τὸν ὕβρεως
-σεβάζοντες ἀρχηγόν. τοιοίδε μὲν αὐτοῖς οἱ θεοί,
-τοιοίδε καὶ αὐτοί, παίζοντες ἐν θεοῖς, μᾶλλον δὲ
-ἐμπαίζοντες καὶ ἐνυβρίζοντες σφίσιν αὐτοῖς. καὶ
-πόσῳ βελτίους Αἰγύπτιοι κωμηδὸν καὶ κατὰ πόλεις
-τὰ ἄλογα τῶν ζῴων ἐκτετιμηκότες ἤπερ Ἕλληνες
-τοιούτους προσκυνοῦντες θεούς; τὰ μὲν γὰρ εἰ
-καὶ θηρία, ἀλλ’ οὐ μοιχικά, ἀλλ’ οὐ μάχλα, παρὸ
-φύσιν δὲ θηρεύει ἡδονὴν οὐδὲ ἕν. οἱ δὲ ὁποῖοι.
-<pb id="p.84"/>
- τί καὶ χρὴ λέγειν ἔτι, ἀποχρώντως αὐτῶν διεληλεγμένων;
-Ἀλλ’ οὖν γε Αἰγύπτιοι, ὧν νῦν δὴ ἐμνήσθην,
- κατὰ τὰς θρῃσκείας  <pb id="pg.34"/> τὰς σφῶν ἐσκέδανται· σέβουσι
-δὲ αὐτῶν Συηνῖται <note n="1" place="unspecified" anchored="yes">*snhni=tai Ortelius and Canter (in Sylburg). eu)hni=tai MSS.</note> φάγρον τὸν ἰχθύν, μαιώτην δὲ
-ʽἄλλος <note n="2" place="unspecified" anchored="yes">a)/llos Potter. o(\s a)/llos MSS.</note> οὗτος ἰχθύσ̓ οἱ τὴν Ἐλεφαντίνην οἰκοῦντες,
-Ὀξυρυγχῖται τὸν φερώνυμον τῆς χώρας αὐτῶν
-ὁμοίως ἰχθύν, ἔτι γε μὴν Ἡρακλεοπολῖται ἰχνεύμονα,
-Σαῗται δὲ καὶ Θηβαῖοι πρόβατον, Λυκοπολῖται
-δὲ λύκον, Κυνοπολασῖται δὲ κύνα, τὸν Ἆπιν
-Μεμφῖται, Μενδήσιοι τὸν τράγον. ὑμεῖς δὲ οἱ
-πάντ’ ἀμείνους Αἰγυπτίων ʽὀκνῶ δὲ εἰπεῖν χείρουσ̓,
-οἳ τοὺς Αἰγυπτίους ὁσημέραι γελῶντες οὐ παύεσθε, <note n="3" place="unspecified" anchored="yes">pau/esqe Heinsius. pau/sesqe MSS.</note>
-ποῖοί <note n="4" place="unspecified" anchored="yes">poi=oi/ Wilamositz. o(poi=oi/ MSS.</note> τινες καὶ περὶ τὰ ἄλογα ζῷα; Θεσσαλοὶ μὲν
-ὑμῶν τοὺς πελαργοὺς τετιμήκασι διὰ τὴν συνήθειαν,
-Θηβαῖοι δὲ τὰς γαλᾶς διὰ τὴν Ἡρακλέους γένεσιν.
-τί δὲ πάλιν Θετταλοί; μύρμηκας ἱστοροῦνται
-σέβειν, ἐπεὶ τὸν Δία μεμαθήκασιν ὁμοιωθέντα
-μύρμηκι τῇ Κλήτορος θυγατρὶ Εὐρυμεδούσῃ μιγῆναι
-καὶ Μυρμιδόνα γεννῆσαι· Πολέμων δὲ τοὺς ἀμφὶ
-τὴν Τρωάδα κατοικοῦντας ἱστορεῖ τοὺς ἐπιχωρίους
-μῦς <add>σέβειν</add>, <note n="5" place="unspecified" anchored="yes">
-<add>se/bein</add> inserted by Dindorf.</note> οὓς σμίνθους καλοῦσιν, ὅτι τὰς νευρὰς
-<pb id="p.86"/>
- τῶν πολεμίων διέτρωγον τῶν τόξων· καὶ Σμίνθιον
-Ἀπόλλωνα ἀπὸ τῶν μυῶν ἐκείνων ἐπεφήμισαν.
-Ἡρακλείδης δὲ ἐν Κτίσεσιν ἱερῶν περὶ τὴν Ἀκαρνανίαν
-φησίν, ἔνθα τὸ Ἄκτιόν ἐστιν ἀκρωτήριον
-καὶ τοῦ Ἀπόλλωνος τοῦ Ἀκτίου τὸ ἱερόν, ταῖς
-μυίαις προθύεσθαι βοῦν. οὐδὲ μὴν Σαμίων ἐκλήσομαι
-ʽπρόβατον, ὥς φησιν Εὐφορίων, σέβουσι
- Σάμιοἰ οὐδέ γε τῶν τὴν Φοινίκην Σύρων  <pb id="pg.35"/> κατοικούντων,
-ὧν οἱ μὲν τὰς περιστεράς, οἱ δὲ τοὺς
-ἰχθῦς οὕτω σέβουσι περιττῶς ὡς Ἠλεῖοι τὸν Δία.
-Εἶεν δή· ἐπειδὴ οὐ θεοί, οὓς θρῃσκεύετε, αὖθις
-ἐπισκέψασθαί μοι δοκεῖ εἰ ὄντως εἶεν δαίμονες,
-δευτέρᾳ ταύτῃ, ὡς ὑμεῖς φατέ, ἐγκαταλεγόμενοι
-τάξει. εἰ γὰρ οὖν δαίμονες, λίχνοι τε καὶ μιαροί.
-ἔστι μὲν ἐφευρεῖν καὶ ἀναφανδὸν οὕτω κατὰ πόλεις
-δαίμονας ἐπιχωρίους τιμὴν ἐπιδρεπομένους, παρὰ
-Κυθνίοις Μενέδημον, παρὰ Τηνίοις Καλλισταγόραν,
-παρὰ Δηλίοις Ἄνιον, παρὰ Λάκωσιν Ἀστράβακον.
-τιμᾶται δέ τις καὶ Φαληροῖ κατὰ πρύμναν ἥρως·
-καὶ ἡ Πυθία συνέταξε θύειν Πλαταιεῦσιν Ἀνδροκράτει
-καὶ Δημοκράτει καὶ Κυκλαίῳ καὶ Λεύκωνι
-τῶν Μηδικῶν ἀκμαζόντων ἀγώνων. ἔστι καὶ
-<pb id="p.88"/>
- ἄλλους παμπόλλους συνιδεῖν δαίμονας τῷ γε καὶ
-σμικρὸν διαθρεῖν δυναμένῳ·
-τρὶς γὰρ μύριοί εἰσιν ἐπὶ χθονὶ πουλυβοτείρῃ
-δαίμονες ἀθάνατοι, φύλακες μερόπων ἀνθρώπων.
-τίνες εἰσὶν οἱ φύλακες, ὦ Βοιώτιε, μὴ φθονέσῃς
-λέγειν. ἢ δῆλον ὡς οὗτοι καὶ οἱ τούτων ἐπιτιμότεροι,
-οἱ μεγάλοι δαίμονες, ὁ Ἀπόλλων, ἡ Ἄρτεμις,
-ἡ Λητώ, ἡ Δημήτηρ, ἡ Κόρη, ὁ Πλούτων, ὁ
-Ἡρακλῆς, αὐτὸς ὁ Ζεύς. ἀλλ’ οὐκ ἀποδρᾶναι
-ἡμᾶς φυλάττουσιν, Ἀσκραῖε, μὴ ἁμαρτάνειν δὲ
-ἴσως, οἱ ἁμαρτιῶν δῆτα οὐ πεπειραμένοι. ἐνταῦθα
-δὴ τὸ παροιμιῶδες ἐπιφθέγξασθαι ἁρμόττει “πατὴρ ἀνουθέτητα <note n="1" place="unspecified" anchored="yes">a)nouqe/thta Wilamositz. a)nouqe/thtos MSS.</note> παῖδα νουθετεῖ.” εἰ δ’ ἄρα καὶ εἰσὶ φύλακες οὗτοι, οὐκ εὐνοίᾳ τῇ
-πρὸς ἡμᾶς περιπαθεῖς, τῆς δὲ ὑμεδαπῆς ἀπωλείας
-ἐχόμενοι, κολάκων δίκην, ἐγχρίμπτονται τῷ βίῳ,
-δελεαζόμενοι καπνῷ. αὐτοί που ἐξομολογοῦνται οἱ
-δαίμονες τὴν γαστριμαργίαν τὴν αὑτῶν,
- λοιβῆς τε κνίσης τε· τὸ γὰρ λάχομεν γέρας ἡμεῖς,  <pb id="pg.36"/>
-λέγοντες. τίνα δ’ ἂν φωνὴν ἄλλην, εἰ φωνὴν
-λάβοιεν Αἰγυπτίων θεοί, οἷα αἴλουροι καὶ γαλαῖ,
-προήσονται ἢ τὴν Ὁμηρικήν τε καὶ ποιητικήν, τῆς
-κνίσης τε καὶ ὀψαρτυτικῆς φίλην; τοιοίδε μέντοι
-παρ’ ὑμῖν οἵ τε δαίμονες καὶ οἱ θεοὶ καὶ εἴ τινες
-<pb id="p.90"/>
- ἡμίθεοι ὥσπερ ἡμίονοι κέκληνται· οὐδὲ γὰρ οὐδὲ
-ὀνομάτων ὑμῖν πενία πρὸς τὰς τῆς ἀσεβείας συνθέσεις.
-</p>
-</div1>
-<div1 type="chapter" n="3">
-<p>
-Φέρε δὴ οὖν καὶ τοῦτο προσθῶμεν, ὡς ἀπάνθρωποι
-καὶ μισάνθρωποι δαίμονες εἶεν ὑμῶν
-οἱ θεοὶ καὶ οὐχὶ μόνον ἐπιχαίροντες τῇ φρενοβλαβείᾳ
-τῶν ἀνθρώπων, πρὸς δὲ καὶ ἀνθρωποκτονίας ἀπολαύοντες·
-νυνὶ μὲν τὰς ἐν σταδίοις ἐνόπλους
-φιλονεικίας, νυνὶ δὲ τὰς ἐν πολέμοις ἀναρίθμους
-φιλοτιμίας ἀφορμὰς σφίσιν ἡδονῆς ποριζόμενοι,
-ὅπως ὅτι μάλιστα ἔχοιεν ἀνθρωπείων ἀνέδην ἐμφορεῖσθαι
-φόνων· ἤδη δὲ κατὰ πόλεις καὶ ἔθνη,
-οἱονεὶ λοιμοὶ ἐπισκήψαντες, σπονδὰς ἀπῄτησαν
-ἀνημέρους. Ἀριστομένης γοῦν ὁ Μεσσήνιος τῷ
-Ἰθωμήτῃ Διὶ τριακοσίους ἀπέσφαξεν, τοσαύτας
-ὁμοῦ καὶ τοιαύτας καλλιερεῖν οἰόμενος ἑκατόμβας· ἐν
-οἷς καὶ Θεόπομπος ἦν <add>ὁ</add>
-<note n="1" place="unspecified" anchored="yes">
-<add>o\</add> inserted from Eusebius, Praep. Ev. iv. 16.</note> Λακεδαιμονίων βασιλεύς,
-ἱερεῖον εὐγενές. Ταῦροι δὲ τὸ ἔθνος, οἱ περὶ τὴν
-Ταυρικὴν χερρόνησον κατοικοῦντες, οὓς ἂν τῶν
-<pb id="p.92"/>
- ξένων παρ’ αὐτοῖς ἕλωσι, τούτων δὴ τῶν κατὰ
-θάλατταν ἐπταικότων, αὐτίκα μάλα τῇ Ταυρικῇ
-καταθύουσιν Ἀρτέμιδι· ταύτας σου τὰς θυσίας
-Εὐριπίδης ἐπὶ σκηνῆς τραγῳδεῖ. Μόνιμος δ’ ἱστορεῖ
-ἐν τῇ τῶν θαυμασίων συναγωγῇ ἐν Πέλλῃ
-τῆς Θετταλίας Ἀχαιὸν ἄνθρωπον Πηλεῖ καὶ
-Χείρωνι καταθύεσθαι· Λυκτίους <note n="1" place="unspecified" anchored="yes">*lukti/ous from Eusebius. luki/ous MSS.</note> γὰρ ʽΚρητῶν δὲ
-ἔθνος εἰσὶν οὗτοι <note n="2" place="unspecified" anchored="yes">ou(=toi from Eusebius. ou(/tws MSS.</note>ʼ ʼἈντικλείδης ἐν Νόστοις ἀποφαίνεται
-ἀνθρώπους ἀποσφάττειν τῷ Διί, καὶ
-Λεσβίους Διονύσῳ τὴν ὁμοίαν προσάγειν θυσίαν
-Δωσίδας λέγει· Φωκαεῖς δέ ʽοὐδὲ γὰρ αὐτοὺς
-παραπέμψομαἰ—τούτους Πυθοκλῆς ἐν τρίτῳ Περὶ
-<pb id="pg.37"/> ὁμονοίας τῇ Ταυροπόλῳ Ἀρτέμιδι ἄνθρωπον ὁλοκαυτεῖν <note n="3" place="unspecified" anchored="yes">o(lokautei=n from Eusebius. o(lokaei=n MSS.</note>
-ἱστορεῖ. Ἐρεχθεὺς δὲ ὁ ʼΛττικὸς καὶ
-Μάριος ὁ Ῥωμαῖος τὰς αὑτῶν ἐθυσάτην θυγατέρας·
-ὧν ὁ μὲν τῇ Φερεφάττῃ, ὡς Δημάρατος ἐν πρώτῃ
-Τραγῳδουμένων, ὁ δὲ τοῖς Ἀποτροπαίοις, ὁ
-Μάριος, ὡς Δωρόθεος ἐν τῇ τετάρτῃ Ἰταλικῶν ἱστορεῖ.
-Φιλάνθρωποί γε ἐκ τούτων καταφαίνονται οἱ
-δαίμονες· πῶς δὲ οὐχ ὅσιοι ἀναλόγως οἱ δεισιδαίμονες;
-οἱ μὲν σωτῆρες εὐφημούμενοι, οἱ δὲ
-σωτηρίαν αἰτούμενοι παρὰ τῶν ἐπιβούλων σωτηρίας.
-καλλιερεῖν γοῦν τοπάζοντες αὐτοῖς σφᾶς
-<pb id="p.94"/>
- αὐτοὺς λελήθασιν ἀποσφάττοντες ἀνθρώπους. οὐ
-γὰρ οὖν παρὰ τὸν τόπον ἱερεῖον γίνεται ὁ φόνος,
-οὐδ’ εἰ Ἀρτέμιδί τις καὶ Διὶ ἐν ἱερῷ δῆθεν χωρίῳ
-μᾶλλον ἢ ὀργῇ καὶ φιλαργυρίᾳ, ἄλλοις ὁμοίοις
-δαίμοσιν, ἐπὶ βωμοῖς ἢ ἐν ὁδοῖς ἀποσφάττοι τὸν
-ἄνθρωπον, <del>ἱερὸν</del>
-<note n="1" place="unspecified" anchored="yes">
-<del>i(ero\n</del> Wilamositz. <del>i(erei=on</del> Potter.</note> ἱερεῖον ἐπιφημίσας, ἀλλὰ φόνος
-ἐστὶ καὶ ἀνδροκτασία ἡ τοιαύτη θυσία. τί δὴ οὖν,
-ὦ σοφώτατοι τῶν ἄλλων ζῴων ἄνθρωποι, τὰ μὲν
-θηρία περιφεύγομεν τὰ ἀνήμερα, κἄν που περιτύχωμεν
-ἄρκῳ ἢ λέοντι, ἐκτρεπόμεθα,
-ὡς δ’ ὅτε τίς τε δράκοντα ἰδὼν παλίνορσος ἀπέστη
-οὔρεος ἐν βήσσῃς, ὑπό τε τρόμος ἔλλαβε γυῖα,
-ἄψ τ’ ἀνεχώρησεν·
-δαίμονας δὲ ὀλεθρίους καὶ ἀλιτηρίους ἐπιβούλους τε
-καὶ μισανθρώπους καὶ λυμεῶνας ὄντας προαισθόμενοι
- καὶ συνιέντες οὐκ ἐκ <pb id="pg.38"/>τρέπεσθε οὐδὲ ἀποστρέφεσθε;
-τί δ’ ἂν καὶ ἀληθεύσαιεν οἱ κακοί, ἢ τίνα
-ἂν ὠφελήσαιεν; αὐτίκα γοῦν ἔχω σοι βελτίονα
-τῶν ὑμεδαπῶν τούτων θεῶν, τῶν δαιμόνων, ἐπιδεῖξαι
-τὸν ἄνθρωπον, τοῦ Ἀπόλλωνος τοῦ μαντικοῦ
-τὸν Κῦρον καὶ τὸν Σόλωνα. φιλόδωρος ὑμῶν
-ὁ Φοῖβος, ἀλλ’ οὐ φιλάνθρωπος. προὔδωκε τὸν
-Κροῖσον τὸν φίλον καὶ τοῦ μισθοῦ ἐκλαθόμενος
-ʽοὕτω φιλόδοξος ἦν’ ἀνήγαγε τὸν Κροῖσον διὰ τοῦ
-Ἅλυος ἐπὶ τὴν πυράν. οὕτω φιλοῦντες οἱ δαίμονες
-ὁδηγοῦσιν εἰς τὸ πῦρ. ἀλλ̓, ὦ φιλανθρωπότερε
-καὶ ἀληθέστερε τοῦ Ἀπόλλωνος ἄνθρωπε, τὸν ἐπὶ
-τῆς πυρᾶς οἴκτειρον δεδεμένον, καὶ σὺ μέν, ὦ
-<pb id="p.96"/>
- Σόλων, μάντευσαι τὴν ἀλήθειαν, σὺ δέ, ὦ Κῦρε,
-κέλευσον ἀποσβεσθῆναι τὴν πυράν. σωφρόνησον
-ὕστατον γοῦν, ὦ Κροῖσε, τῷ πάθει μεταμαθών·
-ἀχάριστός ἐστιν ὃν προσκυνεῖς, λαμβάνει τὸν
-μισθὸν καὶ μετὰ τὸ χρυσίον ψεύδεται πάλιν. τέλος
-ἄρα οὐχ ὁ δαίμων, ἀλλὰ ὁ ἄνθρωπός σοι λέγει. οὐ
-λοξὰ μαντεύεται Σόλων· τοῦτον εὑρήσεις <note n="1" place="unspecified" anchored="yes">eu(rh/seis Canter. eu)= qh/seis MSS.</note> ἀληθῆ
-μόνον, ὦ βάρβαρε, τὸν χρησμόν· τοῦτον ἐπὶ τῆς
-πυρᾶς δοκιμάσεις.
-Ὅθεν ἔπεισί μοι θαυμάζειν τίσι ποτὲ φαντασίαις
-ἀπαχθέντες οἱ πρῶτοι πεπλανημένοι δεισιδαιμονίαν
-ἀνθρώποις κατήγγειλαν, δαίμονας ἀλιτηρίους νομοθετοῦντες
-σέβειν, εἴτε Φορωνεὺς ἐκεῖνος ἦν εἴτε
-Μέροψ εἴτε ἄλλος τις, οἳ νεὼς καὶ βωμοὺς ἀνέστησαν
-αὐτοῖς, πρὸς δὲ καὶ θυσίας παραστῆσαι πρῶτοι
-μεμύθευνται. καὶ γὰρ δὴ καὶ κατὰ χρόνους
-ὕστερον ἀνέπλαττον θεούς, οἷς προσκυνοῖεν. ἀμέλει
-τὸν Ἔρωτα τοῦτον <add>τὸν</add>
-<note n="2" place="unspecified" anchored="yes">
-<add>to\n</add> inserted by Markland.</note> ἐν τοῖς πρεσβυτάτοις τῶν
-θεῶν εἶναι λεγόμενον ἐτίμα πρότερον οὐδὲ εἷς πρὶν
-ἢ Χάρμον μειράκιόν τι ἑλεῖν καὶ βωμὸν ἱδρύσασθαι
-ἐν Ἀκαδημίᾳ χαριστήριον <note n="3" place="unspecified" anchored="yes">xaristh/rion *walckenaer; see Protrepticus 27 P. (p. 64 above) and 42 P. (p. 106). xarie/steron MSS.</note> ἐπιτελοῦς γενομένης
-ἐπιθυμίας· καὶ τῆς νόσου τὴν ἀσέλγειαν Ἔρωτα
-κεκλήκασι, θεοποιοῦντες ἀκόλαστον ἐπιθυμίαν.
- Ἀθηναῖοι δὲ οὐδὲ τὸν Πᾶνα ᾔδεσαν ὅστις ἦν,  <pb id="pg.39"/> πρὶν
-ἢ Φιλιππίδην εἰπεῖν αὐτοῖς.
-<pb id="p.98"/>
- Εἰκότως ἄρα ἀρχήν ποθεν ἡ δεισιδαιμονία λαβοῦσα
-κακίας ἀνοήτου γέγονε πηγή· εἶτα δὲ μὴ ἀνακοπεῖσα,
-ἀλλ’ εἰς ἐπίδοσιν ἐλθοῦσα καὶ πολλὴ δὴ
-ῥυεῖσα, δημιουργὸς πολλῶν καθίσταται δαιμόνων,
-ἑκατόμβας θύουσα καὶ πανηγύρεις ἐπιτελοῦσα καὶ
-ἀγάλματα ἀνιστᾶσα καὶ νεὼς ἀνοικοδομοῦσα, τοὺς <note n="1" place="unspecified" anchored="yes">tou\s Schsartz. ou(/s MSS.</note>
-δή—οὐδὲ γὰρ οὐδὲ τούτους σιωπήσομαι, πρὸς δὲ καὶ
-αὐτοὺς ἐξελέγξω—νεὼς μὲν εὐφήμως ὀνομαζομένους,
-τάφους δὲ γενομένους <del>τουτέστι τοὺς τάφους
-νεὼς ἐπικεκλημένους</del>. <note n="2" place="unspecified" anchored="yes">
-<del>toute/sti .. e)pikeklhme/nous</del> Markland.</note> ὑμεῖς δὲ ἀλλὰ κἂν νῦν
-δεισιδαιμονίας ἐκλάθεσθε, τοὺς τάφους τιμᾶν
-αἰσχυνόμενοι. ἐν τῷ νεῲ τῆς Ἀθηνᾶς ἐν Λαρίσῃ
-ἐν τῇ ἀκροπόλει τάφος ἐστὶν Ἀκρισίου, Ἀθήνησιν
-δὲ ἐν ἀκροπόλει Κέκροπος, ὥς φησιν Ἀντίοχος
-ἐν τῷ ἐνάτῳ τῶν Ἱστοριῶν. τί δὲ Ἐριχθόνιος;
-οὐχὶ ἐν τῷ νεῲ τῆς Πολιάδος κεκήδευται; Ἰμμάραδος <note n="3" place="unspecified" anchored="yes">*)imma/rados from Pausanias i. 5. 2, etc. i)/mmaros MSS.</note>
-δὲ ὁ Εὐμόλπου καὶ Δαείρας οὐχὶ ἐν τῷ
-περιβόλῳ τοῦ Ἐλευσινίου τοῦ ὑπὸ τῇ ἀκροπόλει;
-αἱ δὲ Κελεοῦ θυγατέρες οὐχὶ ἐν Ἐλευσῖνι τετάφαται;
-τί σοι καταλέγω τὰς <add>ἐξ</add>
-<note n="4" place="unspecified" anchored="yes">
-<add>e(c</add> from Eusebius, Praep. Ev. ii. 6.</note> Ὑπερβορέων γυναῖκας;
-Ὑπερόχη καὶ Λαοδίκη κέκλησθον, ἐν τῷ Ἀρτεμισίῳ
-ἐν Δήλῳ κεκήδευσθον, τὸ δὲ ἐν τῷ Ἀπόλλωνος
-τοῦ Δηλίου ἐστὶν ἱερῷ. Λεάνδριος δὲ Κλέοχον <note n="5" place="unspecified" anchored="yes">*kle/oxon Müller from Arnobius vi. 6 and Apollodorus iii. 1. 2. kle/arxon MSS.</note> ἐν
-Μιλήτῳ τεθάφθαι ἐν τῷ Διδυμαίῳ φησίν. ἐνταῦθα
-τῆς Λευκοφρύνης τὸ μνημεῖον οὐκ ἄξιον παρελθεῖν
-ἑπομένους Ζήνωνι τῷ Μυνδίῳ, ἣ ἐν τῷ ἱερῷ τῆς
- Ἀρτέμιδος ἐν  <pb id="pg.40"/> Μαγνησίᾳ κεκήδευται, οὐδὲ μὴν
-<pb id="p.100"/>
- τὸν ἐν Τελμησσῷ <note n="1" place="unspecified" anchored="yes">*telmhssw=| Stählin from Arnobius, and one MS. of Eusebius. telmissw=| MSS.</note> βωμὸν τοῦ Ἀπόλλωνος· μνῆμα
-εἶναι καὶ τοῦτον Τελμησσοῦ <note n="2" place="unspecified" anchored="yes">*telmhssou= Stählin. telmissou= MSS.</note> τοῦ μάντεως ἱστοροῦσιν.
-Πτολεμαῖος δὲ ὁ τοῦ Ἀγησάρχου ἐν τῷ <num n="1">α</num>
-τῶν περὶ τὸν Φιλοπάτορα ἐν Πάφῳ λέγει ἐν τῷ
-τῆς ʼΛφροδίτης ἱερῷ Κινύραν τε καὶ τοὺς Κινύρου
-ἀπογόνους κεκηδεῦσθαι. ἀλλὰ γὰρ ἐπιόντι μοι τοὺς
-προσκυνουμένους ὑμῖν τάφους
-ἐμοὶ μὲν οὐδ’ ὁ πᾶς ἂν ἀρκέσαι <note n="3" place="unspecified" anchored="yes">a)rke/sai from Eusebius. a)rke/sh| MSS.</note> χρόνος·
-ὑμᾶς δὲ εἰ μὴ ὑπεισέρχεταί τις αἰσχύνη τῶν
-τολμωμένων, νεκροὶ ἄρα τέλεον ὄντες νεκροῖς
-<del>ὄντως</del>
-<note n="4" place="unspecified" anchored="yes">
-<del>o)/ntws</del> Heyse.</note> πεπιστευκότες περιέρχεσθε·
-ἆ δειλοί, τί κακὸν τόδε πάσχετε; νυκτὶ μὲν ὑμῶν
-εἰλύαται κεφαλαί.
-</p>
-</div1>
-<div1 type="chapter" n="4">
-<p>
-Εἰ δ’ ἔτι πρὸς τούτοις φέρων ὑμῖν τὰ ἀγάλματα
-αὐτὰ ἐπισκοπεῖν παραθείην, ἐπιόντες ὡς ἀληθῶς
-λῆρον εὑρήσετε τὴν συνήθειαν, “ἔργα χειρῶν
-ἀνθρώπων” ἀναίσθητα προστρεπόμενοι. <note n="5" place="unspecified" anchored="yes">prostrepo/menoi Potter. protrepo/menoi MSS.</note> πάλαι μὲν
-οὖν οἱ Σκύθαι τὸν ἀκινάκην, οἱ Ἄραβες τὸν λίθον,
-οἱ Πέρσαι τὸν ποταμὸν προσεκύνουν, καὶ τῶν
-<pb id="p.102"/>
- ἄλλων ἀνθρώπων οἱ ἔτι παλαιότεροι ξύλα ἱδρύοντο
-περιφανῆ καὶ κίονας ἵστων ἐκ λίθων· ἃ δὴ
-καὶ ξόανα προσηγορεύετο διὰ τὸ ἀπεξέσθαι τῆς
-ὕλης. ἀμέλει ἐν Ἰκάρῳ τῆς Ἀρτέμιδος τὸ ἄγαλμα
-ξύλον ἦν οὐκ εἰργασμένον, καὶ τῆς Κιθαιρωνίας
-Ἥρας ἐν Θεσπείᾳ πρέμνον ἐκκεκομμένον· καὶ τὸ
-τῆς Σαμίας Ἥρας, ὥς φησιν Ἀέθλιος, πρότερον
-μὲν ἦν σανίς, ὕστερον δὲ ἐπὶ Προκλέους ἄρχοντος
- ἀνδριαντοειδὲς ἐγένετο. ἐπεὶ δὲ ἀνθρώποις  <pb id="pg.41"/> ἀπεικονίζεσθαι
-τὰ ξόανα ἤρξατο, βρέτη τὴν ἐκ
-βροτῶν ἐπωνυμίαν ἐκαρπώσατο. ἐν Ῥώμῃ δὲ τὸ
-παλαιὸν δόρυ φησὶ γεγονέναι τοῦ Ἄρεως τὸ
-ξόανον Οὐάρρων ὁ συγγραφεύς, οὐδέπω τῶν τεχνιτῶν
-ἐπὶ τὴν εὐπρόσωπον ταύτην κακοτεχνίαν
-ὡρμηκότων. ἐπειδὴ δὲ ἤνθησεν ἡ τέχνη, ηὔξησεν ἡ πλάνη.
-Ὡς μὲν οὖν τοὺς λίθους καὶ τὰ ξύλα καὶ συνελόντι
-φάναι τὴν ὕλην ἀγάλματα ἀνδρείκελα ἐποιήσαντο,
-οἷς ἐπιμορφάζετε εὐσέβειαν συκοφαντοῦντες τὴν
-ἀλήθειαν, ἤδη μὲν αὐτόθεν δῆλον· οὐ μὴν ἀλλὰ
-καὶ ἀποδείξεως ποσῆς ἐπιδεομένου τοῦ τόπου οὐ
-παραιτητέον. τὸν μὲν οὖν Ὀλυμπίασι Δία καὶ
-τὴν Ἀθήνησι Πολιάδα ἐκ χρυσοῦ καὶ ἐλέφαντος
-κατασκευάσαι Φειδίαν παντί που σαφές· τὸ δὲ ἐν
-Σάμῳ τῆς Ἥρας ξόανον Σμίλιδι τῷ <note n="1" place="unspecified" anchored="yes"> *smi/lidi tw=| Cobet. smilh=| th=| MSS.</note> Εὐκλείδου
-πεποιῆσθαι Ὀλύμπιχος ἐν Σαμιακοῖς ἱστορεῖ. μὴ
-οὖν ἀμφιβάλλετε, εἰ τῶν Σεμνῶν Ἀθήνησι καλουμένων
-<pb id="p.104"/>
- θεῶν τὰς μὲν δύο Σκόπας ἐποίησεν ἐκ τοῦ καλουμένου
-λυχνέως λίθου, Κάλως δὲ τὴν μέσην αὐταῖν·
-ἱστοροῦντα ἔχω σοι <note n="1" place="unspecified" anchored="yes">th\n me/shn. . soi Jahn. h(\n me/shn au)tai=n i(storou=ntai e)/xousai MSS.</note> Πολέμωνα δεικνύναι ἐν τῇ
-τετάρτῃ τῶν πρὸς Τίμαιον· μηδ’ εἰ <note n="2" place="unspecified" anchored="yes">mhd) ei) Münzel. mhde\ MSS.</note> τὰ ἐν Πατάροις
-τῆς Λυκίας ἀγάλματα Διὸς καὶ Ἀπόλλωνος Φειδίας
-πάλιν ἐκεῖνος <note n="3" place="unspecified" anchored="yes">e)kei=nos Wilamositz. e)kei=na MSS.</note>
-<del>τὰ ἀγάλματα</del>
-<note n="4" place="unspecified" anchored="yes">
-<del>ta\ a)ga/lmata</del> Stählin. <del>pa/lin . . a)ga/lmata</del> Heyse.</note> καθάπερ τοὺς λέοντας
-τοὺς σὺν αὐτοῖς ἀνακειμένους εἴργασται· εἰ δέ,
-ὥς φασί τινες, Βρυάξιος ἡ <note n="5" place="unspecified" anchored="yes">h( Wilamositz. h)=n MSS.</note> τέχνη, οὐ διαφέρομαι·
-ἔχεις καὶ τοῦτον ἀγαλματουργόν· ὁπότερον αὐτοῖν
-βούλει ἐπίγραφε. καὶ μὴν Τελεσίου τοῦ Ἀθηναίου,
-ὥς φησι Φιλόχορος, ἔργον εἰσὶν ἀγάλματα ἐννεαπήχη
-Ποσειδῶνος καὶ Ἀμφιτρίτης ἐν Τήνῳ προσκυνούμενα.
-Δημήτριος γὰρ ἐν δευτέρῳ τῶν Ἀργολικῶν
-τοῦ ἐν Τίρυνθι τῆς Ἥρας ξοάνου καὶ τὴν
-ὕλην ὄγχνην καὶ τὸν ποιητὴν Ἄργον ἀναγράφει.
-πολλοὶ δ’ ἂν τάχα που θαυμάσειαν, εἰ μάθοιεν τὸ
- Παλλάδιον τὸ διοπετὲς καλούμενον,  <pb id="pg.42"/> ὃ Διομήδης
-καὶ Ὀδυσσεὺς ἱστοροῦνται μὲν ὑφελέσθαι ἀπὸ
-Ἰλίου, παρακαταθέσθαι δὲ Δημοφῶντι, ἐκ τῶν
-Πέλοπος ὀστῶν κατεσκευάσθαι, καθάπερ τὸν
-Ὀλύμπιον ἐξ ἄλλων ὀστῶν Ἰνδικοῦ θηρίου. καὶ
-δὴ τὸν ἱστοροῦντα Διονύσιον ἐν τῷ πέμπτῳ μέρει
-τοῦ Κύκλου παρίστημι. Ἀπελλᾶς δὲ ἐν τοῖς
-<pb id="p.106"/>
- Δελφικοῖς δύο φησὶ γεγονέναι τὰ Παλλάδια, ἄμφω
-δ’ ὑπ’ ἀνθρώπων δεδημιουργῆσθαι. ἀλλ’ ὅπως
-μηδεὶς ὑπολάβῃ καὶ ταῦτά με ἀγνοίᾳ παρεικέναι, <note n="1" place="unspecified" anchored="yes">pareike/nai Sylburg. parhke/nai MSS.</note>
-παραθήσομαι τοῦ Μορύχου Διονύσου τὸ ἄγαλμα
-Ἀθήνησι γεγονέναι μὲν ἐκ τοῦ φελλάτα καλουμένου
-λίθου, ἔργον δὲ εἶναι Σίκωνος τοῦ Εὐπαλάμου, ὥς
-φησι Πολέμων ἔν τινι ἐπιστολῇ. ἐγενέσθην <note n="2" place="unspecified" anchored="yes">e)gene/sqhn Sylburg. gene/sqhn MSS.</note> δὲ καὶ
-ἄλλω τινὲ δύω Κρητικὼ οἶμαι ἀνδριαντοποιὼ
-ʽΣκύλλις <note n="3" place="unspecified" anchored="yes">*sku/llis Sylburg (from Pausanias ii. 15. 1, etc.). e)ku/lhs MSS.</note> καὶ Δίποινος ὠνομαζέσθην̓· τούτω δὲ
-τὰ ἐν Ἄργει τοῖν Διοσκούροιν ἀγάλματα κατεσκευασάτην
-καὶ τὸν ἐν Τίρυνθι Ἡρακλέους ἀνδριάντα
-καὶ τὸ τῆς Μουνυχίας Ἀρτέμιδος ξόανον ἐν Σικυῶνι.
-Καὶ τί περὶ ταῦτα διατρίβω, ἐξὸν αὐτὸν τὸν
-μεγαλοδαίμονα ὑμῖν ἐπιδεῖξαι ὅστις ἦν, ὃν δὴ
-κατ’ ἐξοχὴν πρὸς πάντων σεβασμοῦ κατηξιωμένον
-ἀκούομεν, τοῦτον <add>ὃν</add>
-<note n="4" place="unspecified" anchored="yes">
-<add>o(\n</add> inserted by Markland.</note> ἀχειροποίητον εἰπεῖν τετολμήκασιν,
-τὸν Αἰγύπτιον Σάραπιν ; οἱ μὲν γὰρ
-αὐτὸν ἱστοροῦσιν χαριστήριον ὑπὸ Σινωπέων Πτολεμαίῳ
-τῷ Φιλαδέλφῳ τῷ Αἰγυπτίων πεμφθῆναι
-βασιλεῖ, ὃς λιμῷ τρυχομένους αὐτοὺς ἀπ’ Αἰγύπτου
-μεταπεμψαμένους <note n="5" place="unspecified" anchored="yes">metapemyame/nous Sylburg. metapemya/menos MSS.</note> σῖτον <del>ὁ Πτολεμαῖος</del>
-<note n="6" place="unspecified" anchored="yes">
-<del>o( *ptolemai=os</del> Arccrius.</note> ἀνεκτήσατο,
-εἶναι δὲ τὸ ξόανον τοῦτο ἄγαλμα Πλούτωνος·
-ὁ δὲ <note n="7" place="unspecified" anchored="yes">o( de\ Heyse. o(\s MSS.</note> δεξάμενος τὸν ἀνδριάντα καθίδρυσεν ἐπὶ τῆς
-<pb id="p.108"/>
- ἄκρας, ἣν νῦν Ῥακῶτιν καλοῦσιν, ἔνθα καὶ τὸ
-ἱερὸν τετίμηται τοῦ Σαράπιδος, γειτνιᾷ δὲ τοῖς
-τόποις <note n="1" place="unspecified" anchored="yes">ta/fois Mayor. (The map of ancicnt Alexandria shoss the Serapeum to be adjacent to Necropolis.) But to/pos=ta/fos in Euripides, Heracleidae 1041.</note> τὸ χωρίον. Βλιστίχην <note n="2" place="unspecified" anchored="yes">*blisti/xhn Dindorf. bli/stixin MSS.</note> δὲ τὴν παλλακίδα
-τελευτήσασαν ἐν Κανώβῳ μεταγαγὼν ὁ Πτολεμαῖος
-ἔθαψεν ὑπὸ τὸν προδεδηλωμένον σηκόν. ἄλλοι δέ
-φασι Ποντικὸν εἶναι βρέτας τὸν Σάραπιν, μετῆχθαι
-δὲ εἰς Ἀλεξάνδρειαν μετὰ τιμῆς πανηγυρικῆς.
-Ἰσίδωρος μόνος παρὰ Σελευκέων τῶν πρὸς Ἀντιοχείᾳ <note n="3" place="unspecified" anchored="yes">*)antioxei/a| Cobet. a)ntio/xeian MSS.</note>
-τὸ ἄγαλμα μεταχθῆναι λέγει, ἐν σιτοδείᾳ
-καὶ αὐτῶν γενομένων καὶ ὑπὸ Πτολεμαίου διατραφέντων.
- ἀλλ’ ὅ γε Ἀθηνόδωρος  <pb id="pg.43"/> ὁ τοῦ Σάνδωνος
-ἀρχαΐζειν τὸν Σάραπιν βουληθεὶς οὐκ οἶδ’ ὅπῳς <note n="4" place="unspecified" anchored="yes">o(/tw=| Schsartz ; Stählin.</note>
-περιέπεσεν, ἐλέγξας αὐτὸν ἄγαλμα εἶναι γενητόν·
-Σέσωστρίν φησι τὸν Αἰγύπτιον βασιλέα, τὰ πλεῖστα
-τῶν παρ’ Ἕλλησι παραστησάμενον ἐθνῶν, ἐπανελθόντα
-εἰς Αἴγυπτον ἐπαγαγέσθαι τεχνίτας ἱκανούς·
-τὸν οὖν Ὄσιριν τὸν προπάτορα τὸν αὑτοῦ δαιδαλθῆναι
-ἐκέλευσεν αὐτὸς <note n="5" place="unspecified" anchored="yes">au)toi=s Wilamositz: Stählin.</note> πολυτελῶς, κατασκευάζει
-δὲ αὐτὸν Βρύαξις ὁ δημιουργός, οὐχ ὁ Ἀθηναῖος,
-ἄλλος δέ τις ὁμώνυμος ἐκείνῳ τῷ Βρυάξιδι· ὃς
-ὕλῃ κατακέχρηται εἰς δημιουργίαν μικτῇ καὶ
-ποικίλῃ. ῥίνημα γὰρ χρυσοῦ ἦν αὐτῷ καὶ ἀργύρου
-χαλκοῦ τε καὶ σιδήρου καὶ μολίβδου, πρὸς δὲ καὶ
-κασσιτέρου, λίθων δὲ Αἰγυπτίων ἐνέδει οὐδὲ εἶς,
-σαπφείρου καὶ αἱματίτου θραύσματα σμαράγδου τε,
-ἀλλὰ καὶ τοπαζίου. λεάνας οὖν τὰ πάντα καὶ
-ἀναμίξας ἔχρωσε κυάνῳ, οὗ δὴ χάριν μελάντερον
-<pb id="p.110"/>
- τὸ χρῶμα τοῦ ἀγάλματος, καὶ τῷ ἐκ τῆς Ὀσίριδος
-καὶ τοῦ Ἄπιος κηδείας ὑπολελειμμένῳ φαρμάκῳ
-φυράσας τὰ πάντα διέπλασεν τὸν Σάραπιν· οὗ καὶ
-τοὔνομα αἰνίττεται τὴν κοινωνίαν τῆς κηδείας καὶ
-τὴν ἐκ τῆς ταφῆς δημιουργίαν, σύνθετον ἀπό τε
-Ὀσίριδος καὶ Ἄπιος γενόμενον Ὀσίραπις.
-Καινὸν δὲ ἄλλον ἐν Αἰγύπτῳ, ὀλίγου δεῖν καὶ
-παρ’ Ἕλλησι, σεβασμίως τεθείακεν θεὸν ὁ βασιλεὺς
-ὁ Ῥωμαίων τὸν ἐρώμενον ὡραιότατον <note n="1" place="unspecified" anchored="yes">w(raio/taton from Eusebius. Praep. Ev. ii. 6. w(rai=on tw=n MSS.</note> σφόδρα γενόμενον·
-Ἀντίνοον <del>ὃν</del>
-<note n="2" place="unspecified" anchored="yes">
-<del>o(\n</del> Eusebius.</note> ἀνιέρωσεν οὕτως ὡς Γανυμήδην
-ὁ Ζεύς· οὐ γὰρ κωλύεται ῥᾳδίως ἐπιθυμία
-φόβον οὐκ ἔχουσα· καὶ νύκτας ἱερὰς τὰς Ἀντινόου
-προσκυνοῦσιν ἄνθρωποι νῦν, ἃς αἰσχρὰς ἠπίστατο
-ὁ συναγρυπνήσας ἐραστής. τί μοι θεὸν καταλέγεις
-τὸν πορνείᾳ τετιμημένον; τί δὲ καὶ ὡς υἱὸν
-θρηνεῖσθαι προσέταξας; τί δὲ καὶ τὸ κάλλος
-αὐτοῦ διηγῇ; αἰσχρόν ἐστι τὸ κάλλος ὕβρει
-μεμαραμμένον. μὴ τυραννήσῃς, ἄνθρωπε, τοῦ κάλλους
-μηδὲ ἐνυβρίσῃς ἀνθοῦντι τῷ νέῳ· τήρησον
-αὐτὸ καθαρόν, ἵνα ᾖ καλόν. βασιλεὺς τοῦ κάλλους
-γενοῦ, μὴ τύραννος· ἐλεύθερον <note n="3" place="unspecified" anchored="yes">e)leu/qeron Wilamositz. e)leu/qeros MSS.</note> μεινάτω· τότε σου
-γνωρίσω τὸ κάλλος, ὅτε <note n="4" place="unspecified" anchored="yes">o(/te Wilamositz. o(/ti MSS.</note> καθαρὰν τετήρηκας τὴν
-εἰκόνα· τότε προσκυνήσω τὸ κάλλος, ὅτε <note n="5" place="unspecified" anchored="yes">o(/te Stählin. to\ MSS. o(\ before a)rxe/tupon in M ; above the line in P.</note> ἀληθινὸν
- ἀρχέτυπόν ἐστι  <pb id="pg.44"/> τῶν καλῶν. ἤδη δὲ τάφος ἐστὶ τοῦ
-ἐρωμένου, νεώς ἐστιν Ἀντινόου καὶ πόλις· καθάπερ
-<pb id="p.112"/>
- δέ, οἶμαι, οἱ ναοί, οὕτω δὲ καὶ οἱ τάφοι θαυμάζονται,
-πυραμίδες καὶ μαυσώλεια καὶ λαβύρινθοι, ἄλλοι
-ναοὶ τῶν νεκρῶν, ὡς ἐκεῖνοι τάφοι τῶν θεῶν.
-διδάσκαλον δὲ ὑμῖν παραθήσομαι τὴν προφῆτιν Σίβυλλαν
-οὐ ψευδοῦς Φοίβου χρησμηγόρον, ὅν τε μάταιοι
-ἄνθρωποι θεὸν εἶπον, ἐπεψεύσαντο δὲ μάντιν,
-ἀλλὰ θεοῦ μεγάλοιο, τὸν οὐ χέρες ἔπλασαν ἀνδρῶν
-εἰδώλοις ἀλάλοισι λιθοξέστοισιν ὅμοιον.
-αὕτη μέντοι ἐρείπια τοὺς νεὼς προσαγορεύει, τὸν
-μὲν τῆς Ἐφεσίας Ἀρτέμιδος “χάσμασι καὶ σεισμοῖσ” καταποθήσεσθαι προμηνύουσα οὕτως,
-ὕπτια δ’ οἰμῴξει Ἔφεσος κλαίουσα παρ’ ὄχθαις
-καὶ νηὸν ζητοῦσα τὸν οὐκέτι ναιετάοντα·
-τὸν δὲ Ἴσιδος καὶ Σαράπιδος ἐν Αἰγύπτῳ κατενεχθήσεσθαί
-φησι καὶ ἐμπρησθήσεσθαι·
-Ἶσι, θεὰ τριτάλαινα, μένεις ἐπὶ χεύμασι <note n="1" place="unspecified" anchored="yes">xeu/masi Sibylline Oracles. xeu/mata Stählin : MSS.</note> Νείλου
-μούνη, μαινὰς ἄναυδος ἐπὶ ψαμάθοις Ἀχέροντος,
-εἶτα ὑποβᾶσα·
-καὶ σύ, Σάραπι λίθους ἀργοὺς ἐπικείμενε πολλούς,
-κεῖσαι πτῶμα μέγιστον ἐν Λἰγύπτῳ τριταλαίνῃ.
-σὺ δὲ ἀλλ’ εἰ μὴ προφήτιδος ἐπακούεις, τοῦ γε σοῦ
-ἄκουσον φιλοσόφου, τοῦ Ἐφεσίου Ἡρακλείτου,
-τὴν ἀναισθησίαν ὀνειδίζοντος τοῖς ἀγάλμασι· “καὶ
-τοῖς ἀγάλμασι τουτέοισιν εὔχονται, ὁκοῖον εἴ τις
-<pb id="p.114"/>
-<add>τοῖς</add>
-<note n="1" place="unspecified" anchored="yes">
-<add>toi=s</add> inserted from Origen, Con. Celsum i. 5, vii. 62.</note> δόμοις λεσχηνεύοιτο.” ἦ γὰρ οὐχὶ τερατώδεις
-οἱ λίθους προστρεπόμενοι, <note n="2" place="unspecified" anchored="yes">prostrepo/menoi Heyse. protrepo/menoi *mSS</note> εἶτα μέντοι καὶ πρὸ
-τῶν πυλῶν ἱστάντες αὐτοὺς ὡς ἐνεργεῖς, Ἑρμῆν
-προσκυνοῦντες <note n="3" place="unspecified" anchored="yes">proskunou=ntes Stählin. proskunou=sin MSS</note> ὡς θεὸν καὶ τὸν Ἀγυιέα θυρωρὸν
-ἱστάντες; εἰ γὰρ ὡς ἀναισθήτους ὑβρίζουσιν, τί
-προσκυνοῦσιν ὡς θεούς; εἰ δὲ αἰσθήσεως αὐτοὺς
-μετέχειν οἴονται, τί τούτους ἱστᾶσι θυρωρούς;
-Ῥωμαῖοι δὲ τὰ μέγιστα κατορθώματα τῇ Τύχῃ
-ἀνατιθέντες καὶ ταύτην μεγίστην οἰόμενοι θεόν,
-<pb id="pg.45"/> φέροντες εἰς τὸν κοπρῶνα ἀνέθηκαν αὐτήν, ἄξιον
-νεὼν τὸν ἀφεδρῶνα νείμαντες τῇ θεῷ.
-Ἀλλὰ γὰρ ἀναισθήτῳ λίθῳ καὶ ξύλῳ καὶ χρυσίῳ
-πλουσίῳ οὐδ’ ὁτιοῦν μέλει, οὐ κνίσης, οὐχ αἵματος,
-οὐ καπνοῦ, ᾧ δὴ τιμώμενοι καὶ τυφόμενοι ἐκμελαίνονται·
-ἀλλ’ οὐδὲ τιμῆς, οὐχ ὕβρεως· τὰ δὲ καὶ
-παντός ἐστιν ἀτιμότερα ζῴου, τὰ ἀγάλματα. καὶ
-ὅπως γε τεθείασται τὰ ἀναίσθητα, ἀπορεῖν ἔπεισί
-μοι καὶ κατελεεῖν τοὺς πλανωμένους τῆς ἀνοίας
-ὡς δειλαίους· εἰ γὰρ καί τινα τῶν ζῴων οὐχὶ
-πάσας ἔχει τὰς αἰσθήσεις, ὥσπερ εὐλαὶ καὶ κάμπαι
-καὶ ὅσα διὰ τῆς πρώτης γενέσεως εὐθὺς ἀνάπηρα
-φαίνεται, καθάπερ οἱ σπάλακες καὶ ἡ μυγαλῆ, ἥν
-φησιν ὁ Νίκανδρος “τυφλήν τε σμερδνήν τε” ·
-ἀλλά γε ἀμείνους εἰσὶ τῶν ξοάνων τούτων καὶ τῶν
-<pb id="p.116"/>
- ἀγαλμάτων τέλεον ὄντων κωφῶν· ἔχουσιν γὰρ
-αἴσθησιν μίαν γέ τινα, φέρε εἰπεῖν ἀκουστικὴν ἢ
-ἁπτικὴν ἢ τὴν ἀναλογοῦσαν τῇ ὀσφρήσει ἢ τῇ
-γεύσει· τὰ δὲ οὐδὲ μιᾶς αἰσθήσεως μετέχει, τὰ
-ἀγάλματα. πολλὰ δέ ἐστι τῶν ζῴων, ὅσα οὔτε <note n="1" place="unspecified" anchored="yes">ou)/te Mayor. ou)de\ MSS.</note>
-ὅρασιν ἔχει οὔτε ἀκοὴν οὐδὲ <note n="2" place="unspecified" anchored="yes">ou)de\ Mayor. ou)/te MSS.</note> μὴν φωνήν, οἶον καὶ
-τὸ τῶν ὀστρέων γένος, ἀλλὰ ζῇ γε καὶ αὔξεται,
-πρὸς δὲ καὶ τῇ σελήνῃ συμπάσχει· τὰ δὲ ἀγάλματα
-ἀργά, ἄπρακτα, ἀναίσθητα, προσδεῖται καὶ προσκαθηλοῦται
-καὶ προσπήγνυται, χωνεύεται, ῥινᾶται,
-πρίεται, περιξέεται, γλύφεται. κωφὴν μὲν δὴ
-γαῖαν ἀεικίζουσιν οἱ ἀγαλματοποιοί, τῆς οἰκείας
-ἐξιστάντες φύσεως, ὑπὸ τῆς τέχνης προσκυνεῖν
-ἀναπείθοντες· προσκυνοῦσιν δὲ οἱ θεοποιοὶ οὐ
-θεοὺς καὶ δαίμονας κατά γε αἴσθησιν τὴν ἐμήν, γῆν
-δὲ καὶ τέχνην, τὰ ἀγάλματα ὅπερ ἐστίν. ἔστιν γὰρ
-ὡς ἀληθῶς τὸ ἄγαλμα ὕλη νεκρὰ τεχνίτου χειρὶ
-μεμορφωμένη· ἡμῖν δὲ οὐχ ὕλης αἰσθητῆς αἰσθητόν,
-νοητὸν δὲ τὸ ἄγαλμά ἐστιν. νοητόν, οὐκ αἰσθητόν
-ἐστι <del>τὸ ἄγαλμα</del>
-<note n="3" place="unspecified" anchored="yes">
-<del>to\ a)/galma</del> Wilamositz.</note> ὁ θεός, ὁ μόνος ὄντως θεός.
-Καὶ δὴ ἔμπαλιν ἐν αὐταῖς που ταῖς περιστάσεσιν
-οἱ δεισιδαίμονες, οἱ τῶν λίθων προσκυνηταί, ἔργῳ
- μαθόντες ἀναίσθητον  <pb id="pg.46"/>ὕλην μὴ σέβειν, αὐτῆς ἡττώμενοι
-τῆς χρείας ἀπόλλυνται ὑπὸ δεισιδαιμονίας·
-καταφρονοῦντες δ’ ὅμως τῶν ἀγαλμάτων, φαίνεσθαι
-δὲ μὴ βουλόμενοι αὐτῶν ὅλως <note n="4" place="unspecified" anchored="yes">o(/lws Sylburg. o(/lwn MSS.</note> περιφρονοῦντες,
-ἐλέγχονται ὑπ’ αὐτῶν τῶν θεῶν, οἶς δὴ τὰ
-ἀγάλματα ἐπιπεφήμισται. Διονύσιος μὲν γὰρ ὁ
-<pb id="p.118"/>
- τύραννος ὁ νεώτερος θοιμάτιον τὸ χρύσεον περιελόμενος
-τοῦ Διὸς ἐν Σικελίᾳ προσέταξεν αὐτῷ
-ἐρεοῦν περιτεθῆναι, χαριέντως φήσας τοῦτο ἄμεινον
-εἶναι τοῦ χρυσέου, <note n="1" place="unspecified" anchored="yes">xruse/ou Cobet. xrusi/ou MSS</note> καὶ θέρους κουφότερον καὶ
-κρύους ἀλεεινότερον. Ἀντίοχος δὲ ὁ Κυζικηνὸς
-ἀπορούμενος χρημάτων τοῦ Διὸς τὸ ἄγαλμα τὸ
-χρυσοῦν, πεντεκαίδεκα πηχῶν τὸ μέγεθος ὄν,
-προσέταξε χωνεῦσαι καὶ τῆς ἄλλης τῆς ἀτιμοτέρας
-ὕλης ἄγαλμα παραπλήσιον ἐκείνῳ πετάλοις κεχρυσωμένον
-ἀναθεῖναι πάλιν. αἱ δὲ χελιδόνες καὶ
-τῶν ὀρνέων τὰ πλεῖστα κατεξερῶσιν <note n="2" place="unspecified" anchored="yes"> katecerw=sin Sylburg. katecai/rousin MSS.</note> αὐτῶν τῶν
-ἀγαλμάτων εἰσπετόμενα, οὐδὲν φροντίσαντα οὔτε
-Ὀλυμπίου Διὸς οὔτε Ἐπιδαυρίου Ἀσκληπιοῦ οὐδὲ
-μὴν Ἀθηνᾶς Πολιάδος ἢ Σαράπιδος Λἰγυπτίου·
-παρ’ ὧν οὐδὲ αὐτῶν τὴν ἀναισθησίαν τῶν ἀγαλμάτων
-ἐκμανθάνετε. ἀλλ’ εἰσὶ μὲν κακοῦργοί τινες
-ἢ πολέμιοι ἐπιθέμενοι, οἳ δι’ αἰσχροκέρδειαν ἐδῄωσαν
-τὰ ἱερὰ καὶ τὰ ἀναθήματα ἐσύλησαν ἢ καὶ
-αὐτὰ ἐχώνευσαν τὰ ἀγάλματα. καὶ εἰ Καμβύσης
-τις ἢ Δαρεῖος ἢ ἄλλος μαινόμενος τοιαῦτα ἄττα
-ἐπεχείρησεν καὶ εἰ τὸν Αἰγύπτιόν τις ἀπέκτεινεν
-Ἆπιν, γελῶ μὲν ὅτι τὸν θεὸν ἀπέκτεινεν αὐτῶν,
-ἀγανακτῶ δὲ εἰ κέρδους χάριν ἐπλημμέλει. ἑκὼν
-οὖν ἐκλήσομαι τῆσδε τῆς κακουργίας, πλεονεξίας
-ἔργα, οὐχὶ δὲ ἀδρανείας τῶν εἰδώλων ἔλεγχον
-νομίζων. ἀλλ’ οὔτι γε τὸ πῦρ καὶ οἱ σεισμοὶ
-κερδαλέοι, οὐδὲ μὴν φοβοῦνται ἢ δυσωποῦνται οὐ
-τοὺς δαίμονας, οὐ τὰ ἀγάλματα, οὐ μᾶλλον ἢ τὰς
-ψηφῖδας τὰς παρὰ τοῖς αἰγιαλοῖς σεσωρευμένας
-τὰ κύματα. οἶδα ἐγὼ πῦρ ἐλεγκτικὸν καὶ δεισιδαιμονίας
-<pb id="p.120"/>
- ἰατικόν· εἰ βούλει παύσασθαι τῆς ἀνοίας,
-φωταγωγήσει σε τὸ πῦρ. τοῦτο τὸ πῦρ καὶ τὸν ἐν
- Ἄργει νεὼν σὺν καὶ τῇ ἱερείᾳ  <pb id="pg.47"/> κατέφλεξεν Χρυσίδι,
-καὶ τὸν ἐν Ἐφέσῳ τῆς Ἀρτέμιδος δεύτερον μετὰ
-Ἀμαζόνας καὶ τὸ ἐν Ῥώμῃ Καπιτώλιον ἐπινενέμηται
-πολλάκις· οὐκ ἀπέσχετο δὲ οὐδὲ τοῦ
-ἐν Ἀλεξανδρέων πόλει Σαράπιδος ἱεροῦ. Ἀθήνησι
-γὰρ τοῦ Διονύσου τοῦ Ἐλευθερέως κατήρειψε τὸν
-νεών, καὶ τὸν ἐν Δελφοῖς τοῦ Ἀπόλλωνος πρότερον
-ἥρπασεν θύελλα, ἔπειτα ἠφάνισε πῦρ σωφρονοῦν.
-τοῦτό σοι προοίμιον ἐπιδείκνυται ὧν ὑπισχνεῖται τὸ πῦρ.
-Οἱ δὲ τῶν ἀγαλμάτων δημιουργοὶ οὐ δυσωποῦσιν
-ὑμῶν τοὺς ἔμφρονας τῆς ὕλης καταφρονεῖν; ὁ μὲν
-Ἀθηναῖος Φειδίας ἐπὶ τῷ δακτύλῳ τοῦ Διὸς τοῦ
-Ὀλυμπίου ἐπιγράψας “Παντάρκης καλόσ” . οὐ
-γὰρ καλὸς αὐτῷ ὁ Ζεύς, ἀλλ’ ὁ ἐρώμενος ἦν· ὁ
-Πραξιτέλης δέ, ὡς Ποσείδιππος ἐν τῷ περὶ Κνίδου <note n="1" place="unspecified" anchored="yes">*kni/dou Sylburg. knidi/ou MSS</note>
-διασαφεῖ, τὸ τῆς Ἀφροδίτης ἄγαλμα τῆς Κνιδίας
-κατασκευάζων τῷ Κρατίνης τῆς ἐρωμένης εἴδει
-παραπλήσιον πεποίηκεν αὐτήν, ἵν’ ἔχοιεν οἱ δείλαιοι
-<pb id="p.122"/>
- τὴν Πραξιτέλους ἐρωμένην προσκυνεῖν. Φρύνη δὲ
-ὁπηνίκα ἤνθει ἡ ἑταίρα ἡ Θεσπιακή, οἱ ζωγράφοι
-πάντες<add>τὰς</add>
-<note n="1" place="unspecified" anchored="yes">
-<add>ta\s</add> inserted by Schäfer.</note> τῆς Ἀφροδίτης εἰκόνας πρὸς τὸ κάλλος
-ἀπεμιμοῦντο Φρύνης, ὥσπερ αὖ καὶ οἱ λιθοξόοι
-τοὺς Ἑρμᾶς Ἀθήνησι πρὸς Ἀλκιβιάδην ἀπείκαζον.
-ὑπολείπεται τῆς σῆς κρίσεως τὸ ἔργον ἐπάξαι, εἰ
-βούλει καὶ τὰς ἑταίρας προσκυνεῖν.
-Ἐντεῦθεν, οἶμαι, κινηθέντες οἱ βασιλεῖς οἱ
-παλαιοί, καταφρονοῦντες τῶν μύθων τούτων, ἀνέδην
-διὰ τὸ ἐξ ἀνθρώπων ἀκίνδυνον σφᾶς αὐτοὺς θεοὺς
-ἀνηγόρευον, ταύτῃ κἀκείνους διὰ τὴν δόξαν ἀπηθανατίσθαι <note n="2" place="unspecified" anchored="yes">a)phqanati/sqai Sylburg. a)phqanath=sqai MSS.</note>
-διδάσκοντες· Κῆυξ μὲν ὁ Αἰόλου Ζεὺς
-ὑπὸ τῆς Ἀλκυόνης τῆς γυναικός, Ἀλκυόνη δὲ
-αὖθις ὑπὸ τοῦ ἀνδρὸς Ἥρα προσαγορευομένη.
-Πτολεμαῖος δὲ ὁ τέταρτος Διόνυσος ἐκαλεῖτο·
- καὶ  <pb id="pg.48"/> Μιθριδάτης ὁ Ποντικὸς Διόνυσος καὶ αὐτός·
-ἐβούλετο δὲ καὶ Ἀλέξανδρος Ἄμμωνος υἱὸς εἶναι
-δοκεῖν καὶ κερασφόρος ἀναπλάττεσθαι πρὸς τῶν
-ἀγαλματοποιῶν, τὸ καλὸν ἀνθρώπου πρόσωπον ὑβρίσαι
-σπεύδων κέρατι. καὶ οὔτι γε βασιλεῖς μόνον,
-ἀλλὰ καὶ ἰδιῶται θείαις προσηγορίαις σφᾶς αὐτοὺς
-ἐσέμνυνον, ὡς Μενεκράτης ὁ ἰατρός, Ζεὺς οὗτος
-ἐπικεκλημένος. τί με δεῖ καταλέγειν Ἀλέξαρχον
-ʽγραμματικὸς οὗτος τὴν ἐπιστήμην γεγονώς, ὡς
-ἱστορεῖ Ἄριστος ὁ Σαλαμίνιος, αὑτὸν κατεσχημάτιζεν
-εἰς Ἥλιον̓; τί δεῖ καὶ Νικαγόρου μεμνῆσθαι
-ʽΖελείτης τὸ γένος ἦν κατὰ τοὺς Ἀλεξάνδρου
-<pb id="p.124"/>
- γεγονὼς χρόνους· Ἑρμῆς προσηγορεύετο ὁ Νικαγόρας
-καὶ τῇ στολῇ τοῦ Ἑρμοῦ ἐκέχρητο, ὡς
-αὐτὸς μαρτυρεἶ; ὅπου γε καὶ ὅλα ἔθνη καὶ
-πόλεις αὔτανδροι, κολακείαν ὑποδυόμεναι, ἐξευτελίζουσιν
-τοὺς μύθους τοὺς περὶ τῶν θεῶν, ἰσοθέους
-ἄνθρωποι κατασχηματίζοντες ἑαυτούς, ὑπὸ δόξης
-πεφυσημένοι, ἐπιψηφιζόμενοι τιμὰς ἑαυτοῖς ὑπερόγκους·
-νῦν μὲν τὸν Μακεδόνα τὸν ἐκ Πέλλης τὸν
-Ἀμύντου <note n="1" place="unspecified" anchored="yes">*)amu/ntou Cobet. a)mu/ntoros MSS.</note> Φίλιππον ἐν Κυνοσάργει νομοθετοῦντες
-προσκυνεῖν, τὸν “τὴν κλεῖν κατεαγότα καὶ τὸ
-σκέλος πεπηρωμένον,” ὃς ἐξεκόπη τὸν ὀφθαλμόν·
-αὖθις δὲ τὸν Δημήτριον θεὸν καὶ αὐτὸν ἀναγορεύοντες·
-καὶ ἔνθα μὲν ἀπέβη τοῦ ἵππου Ἀθήναζε
-εἰσιών, Καταιβάτου ἱερόν ἐστι Δημητρίου, βωμοὶ
-δὲ πανταχοῦ· καὶ γάμος ὑπὸ Ἀθηναίων αὐτῷ ὁ
-τῆς Ἀθηνᾶς ηὐτρεπίζετο· ὁ δὲ τὴν μὲν θεὸν ὑπερηφάνει,
-τὸ ἄγαλμα γῆμαι μὴ δυνάμενος· Λάμιαν
-δὲ τὴν ἑταίραν ἔχων εἰς ἀκρόπολιν ἀνῄει κἀν
-τῷ τῆς Ἀθηνᾶς συνεφύρετο παστῷ, <note n="2" place="unspecified" anchored="yes">ka)n tw=| th=s *)aqhna=s sunefu/reto pastw=| Mayor. kai\ tw=| th=s a)qhna=s e)nefura=to pastw=| MSS.</note> τῇ παλαιᾷ
-παρθένῳ τὰ τῆς νέας ἐπιδεικνὺς ἑταίρας σχήματα.
-οὐ νέμεσις τοίνυν οὐδὲ Ἵππωνι ἀπαθανατίζοντι τὸν
-θάνατον τὸν ἑαυτοῦ· ὁ Ἵππων οὗτος ἐπιγραφῆναι
-ἐκέλευσεν τῷ μνήματι τῷ ἑαυτοῦ τόδε τὸ ἐλεγεῖον·
-Ἵππωνος τόδε σῆμα, τὸν ἀθανάτοισι θεοῖσιν
-ἶσον ἐποίησεν Μοῖρα καταφθίμενον.
-<pb id="p.126"/>
- εὖ γε, Ἵππων, ἐπιδεικνύεις ἡμῖν τὴν ἀνθρωπίνην
-πλάνην. εἰ γὰρ καὶ λαλοῦντί σοι μὴ πεπιστεύκασι,
-νεκροῦ γενέσθωσαν μαθηταί. χρησμὸς οὗτός ἐστιν
-Ἵππωνος· νοήσωμεν αὐτόν. οἱ προσκυνούμενοι
- παρ’ ὑμῖν,  <pb id="pg.49"/> ἄνθρωποι γενόμενοί ποτε, εἶτα μέντοι
-τεθνᾶσιν· τετίμηκεν δὲ αὐτοὺς ὁ μῦθος καὶ ὁ
-χρόνος. φιλεῖ γάρ πως τὰ μὲν παρόντα συνηθείᾳ
-καταφρονεῖσθαι, τὰ δὲ παρῳχηκότα τοῦ παραυτίκα
-ἐλέγχου κεχωρισμένα χρόνων ἀδηλίᾳ τετιμῆσθαι
-τῷ πλάσματι, καὶ τὰ μὲν ἀπιστεῖσθαι, τὰ δὲ καὶ
-θαυμάζεσθαι. αὐτίκα γοῦν οἱ παλαιοὶ νεκροὶ τῷ
-πολλῷ τῆς πλάνης χρόνῳ σεμνυνόμενοι τοῖς ἔπειτα
-νομίζονται θεοί. πίστις ὑμῖν τῶνδε αὐτὰ ὑμῶν τὰ
-μυστήρια, αἱ πανηγύρεις, δεσμὰ καὶ τραύματα καὶ
-δακρύοντες θεοί·
-ὤ μοι ἐγώ, ὅτε μοι Σαρπηδόνα φίλτατον ἀνδρῶν
-μοῖρ’ ὑπὸ Πατρόκλοιο Μενοιτιάδαο δαμῆναι.
-κεκράτηται τὸ θέλημα τοῦ Διὸς καὶ ὁ Ζεὺς ὑμῖν
-διὰ Σαρπηδόνα οἰμῴζει νενικημένος.
-Εἴδωλα γοῦν εἰκότως αὐτοὺς καὶ δαίμονας ὑμεῖς
-αὐτοὶ κεκλήκατε, ἐπεὶ καὶ τὴν Ἀθηνᾶν αὐτὴν καὶ
-τοὺς ἄλλους θεοὺς κακίᾳ τιμήσας Ὅμηρος δαίμονας προσηγόρευσεν·
-ἡ δ’ Οὔλυμπόνδε βεβήκει
-δώματ’ ἐς αἰγιόχοιο Διὸς μετὰ δαίμονας ἄλλους.
-<pb id="p.128"/>
- πῶς οὖν ἔτι θεοὶ τὰ εἴδωλα καὶ οἱ δαίμονες, βδελυρὰ
-ὄντως καὶ πνεύματα ἀκάθαρτα, πρὸς πάντων ὁμολογούμενα
-γήινα καὶ δεισαλέα, κάτω βρίθοντα, “περὶ τοὺς τάφους καὶ τὰ μνημεῖα καλινδούμενα,” περὶ ἃ δὴ καὶ ὑποφαίνονται ἀμυδρῶς “σκιοειδῆ
-φαντάσματα” ; ταῦθ’ ὑμῶν οἱ θεοὶ τὰ εἴδωλα, αἱ
-σκιαὶ καὶ πρὸς τούτοις <add>αἱ</add>
-<note n="1" place="unspecified" anchored="yes">
-<add>ai(</add> inserted by Kroll.</note> “χωλαὶ” ἐκεῖναι καὶ “ῥυσαί, παραβλῶπες ὀφθαλμώ, <note n="2" place="unspecified" anchored="yes">o)fqalmw/ Homer. o)fqalmw=n MSS.</note>” αἱ Λιταὶ αἱ
-Θερσίτου μᾶλλον ἢ Διὸς θυγατέρες, ὥστε μοι
-δοκεῖν χαριέντως φάναι τὸν Βίωνα, πῶς ἂν ἐνδίκως
-<pb id="pg.50"/> οἱ ἄνθρωποι παρὰ τοῦ Διὸς αἰτήσονται <note n="3" place="unspecified" anchored="yes">ai)th/sontai Cobet. ai)th/swntai MSS.</note> τὴν εὐτεκνίαν,
-ἣν οὐδ’ αὑτῷ παρασχεῖν ἴσχυσεν; οἴμοι
-τῆς ἀθεότητος· τὴν ἀκήρατον οὐσίαν, τὸ ὅσον
-ἐφ’ ὑμῖν, κατορύττετε καὶ τὸ ἄχραντον ἐκεῖνο καὶ
-τὸ ἅγιον τοῖς τάφοις ἐπικεχώκατε, τῆς ἀληθῶς
-ὄντως οὐσίας συλήσαντες τὸ θεῖον. τί δὴ οὖν τὰ
-τοῦ θεοῦ τοῖς οὐ θεοῖς προσενείματε γέρα; τί δὲ
-καταλιπόντες τὸν οὐρανὸν τὴν γῆν τετιμήκατε; τί
-δ’ ἄλλο χρυσὸς ἢ ἄργυρος ἢ ἀδάμας ἢ σίδηρος ἢ
-χαλκὸς ἢ ἐλέφας ἢ λίθοι τίμιοι; οὐχὶ γῆ τε καὶ
-ἐκ γῆς; οὐχὶ δὲ μιᾶς μητρὸς ἔκγονα, τῆς γῆς,
-τὰ πάντα ταῦτα ὅσα ὁρᾷς; τί δὴ οὖν, ὦ μάταιοι
-καὶ κενόφρονες ʽπάλιν γὰρ δὴ ἐπαναλήψομαἰ, τὸν
-ὑπερουράνιον βλασφημήσαντες τόπον εἰς τοὔδαφος
-κατεσύρατε τὴν εὐσέβειαν, χθονίους ὑμῖν ἀναπλάττοντες
-θεοὺς καὶ τὰ γενητὰ ταῦτα πρὸ τοῦ ἀγενήτου
-μετιόντες θεοῦ βαθυτέρῳ περιπεπτώκατε ζόφῳ;
-<pb id="p.130"/>
- καλὸς ὁ Πάριος λίθος, ἀλλ’ οὐδέπω Ποσειδῶν·
-καλὸς ὁ ἐλέφας, ἀλλ’ οὐδέπω Ὀλύμπιος· ἐνδεὴς
-ἀεί ποτε ἡ ὕλη τῆς τέχνης, ὁ θεὸς δὲ ἀνενδεής.
-προῆλθεν ἡ τέχνη, περιβέβληται τὸ σχῆμα ἡ ὕλη,
-καὶ τὸ πλούσιον τῆς οὐσίας πρὸς μὲν τὸ κέρδος
-ἀγώγιμον, μόνῳ δὲ τῷ σχήματι γίνεται σεβάσμιον.
-χρυσός ἐστι τὸ ἄγαλμά σου, ξύλον ἐστίν, λίθος
-ἐστίν, γῆ ἐστιν, ἐὰν ἄνωθεν νοήσῃς, μορφὴν παρὰ
-τοῦ τεχνίτου προσλαβοῦσα. γῆν δὲ ἐγὼ πατεῖν,
-οὐ προσκυνεῖν μεμελέτηκα· οὐ γάρ μοι θέμις
-ἐμπιστεῦσαί ποτε τοῖς ἀψύχοις τὰς τῆς ψυχῆς ἐλπίδας.
-Ἰτέον οὖν ὡς ἔνι μάλιστα ἐγγυτάτω τῶν ἀγαλμάτων,
-ὡς οἰκεία ἡ πλάνη κἀκ τῆς προσόψεως
-ἐλέγχηται· <note n="1" place="unspecified" anchored="yes">e)le/gxhtai Potter. e)le/gxetai MSS.</note> ἐναπομέμακται γὰρ πάνυ δὴ σαφῶς τὰ
-εἴδη τῶν ἀγαλμάτων τὴν διάθεσιν τῶν δαιμόνων.
-εἰ γοῦν τις τὰς γραφὰς καὶ τὰ ἀγάλματα περινοστῶν
-θεῷτο, γνωριεῖ ὑμῶν παραυτίκα τοὺς θεοὺς ἐκ τῶν
-ἐπονειδίστων σχημάτων, τὸν Διόνυσον ἀπὸ τῆς
-στολῆς, τὸν Ἥφαιστον ἀπὸ τῆς τέχνης, τὴν Δηὼ
-ἀπὸ τῆς συμφορᾶς, ἀπὸ τοῦ κρηδέμνου τὴν Ἰνώ,
-ἀπὸ τῆς τριαίνης τὸν Ποσειδῶ, ἀπὸ τοῦ κύκνου τὸν
-Δία· τὸν δὲ Ἡρακλέα δείκνυσιν ἡ πυρά, κἂν
-γυμνὴν ἴδῃ τις ἀνάγραπτον γυναῖκα, τὴν “χρυσῆν” Ἀφροδίτην νοεῖ. οὕτως ὁ Κύπριος ὁ Πυγμαλίων
-<pb id="pg.51"/> ἐκεῖνος ἐλεφαντίνου ἠράσθη ἀγάλματος· τὸ ἄγαλμα
-Ἀφροδίτης ἦν καὶ γυμνὴ ἦν· νικᾶται ὁ Κύπριος τῷ
-σχήματι καὶ συνέρχεται τῷ ἀγάλματι, καὶ τοῦτο
-Φιλοστέφανος ἱστορεῖ· Ἀφροδίτη δὲ ἄλλη ἐν
-Κνίδῳ λίθος ἦν καὶ καλὴ ἦν, ἕτερος ἠράσθη ταύτης
-<pb id="p.132"/>
- καὶ μίγνυται τῇ λίθῳ· Ποσείδιππος ἱστορεῖ, ὁ μὲν
-πρότερος ἐν τῷ περὶ Κύπρου, ὁ δὲ ἕτερος ἐν τῷ
-περὶ Κνίδου. τοσοῦτον ἴσχυσεν ἀπατῆσαι τέχνη
-προαγωγὸς ἀνθρώποις ἐρωτικοῖς εἰς βάραθρον γενομένη.
-δραστήριος μὲν ἡ δημιουργική, ἀλλ’ οὐχ
-οἵα τε ἀπατῆσαι λογικὸν οὐδὲ μὴν τοὺς κατὰ λόγον
-βεβιωκότας· ζωγραφίας μὲν γὰρ δι’ ὁμοιότητα
-σκιαγραφήταις περιστεραῖς <note n="1" place="unspecified" anchored="yes">skiagrafh/tais peristerai=s Stählin. skiagrafi/as peristerai= *mSS. e)skiagrafhme/nais peristerai=s Mayor.</note> προσέπτησαν πελειάδες
-καὶ ἵπποις καλῶς γεγραμμέναις προσεχρεμέτισαν
-ἵπποι, ἐρασθῆναι κόρην εἰκόνος λέγουσιν
-καὶ νέον καλὸν Κνιδίου ἀγάλματος, ἀλλ’ ἦσαν τῶν
-θεατῶν αἱ ὄψεις ἠπατημέναι ὑπὸ τῆς τέχνης. οὐδὲ
-γὰρ ἂν θεᾷ τις συνεπλάκη, οὐδ’ ἂν νεκρᾷ τις συνετάφη,
-οὐδ’ ἂν ἠράσθη δαίμονος καὶ λίθου ἄνθρωπος
-σωφρονῶν. ὑμᾶς δὲ ἄλλῃ γοητείᾳ ἀπατᾷ ἡ τέχνη,
-εἰ καὶ μὴ ἐπὶ τὸ ἐρᾶν προσάγουσα, ἀλλ’ ἐπὶ τὸ
-τιμᾶν καὶ προσκυνεῖν τά τε ἀγάλματα καὶ τὰς
-γραφάς. ὁμοία γε ἡ γραφή· ἐπαινείσθω μὲν ἡ
-τέχνη, μὴ ἀπατάτω δὲ τὸν ἄνθρωπον ὡς ἀλήθεια.
-ἕστηκεν ὁ ἵππος ἡσυχῇ, ἡ πελειὰς ἀτρεμής, ἀργὸν
-τὸ πτερόν, ἡ δὲ βοῦς ἡ Δαιδάλου ἡ ἐκ τοῦ ξύλου
-πεποιημένη ταῦρον εἷλεν ἄγριον καὶ κατηνάγκασεν
-τὸ θηρίον ἡ τέχνη πλανήσασα ἐρώσης ἐπιβῆναι
-γυναικός. τοσοῦτον οἶστρον αἱ τέχναι κακοτεχνοῦσαι
-<pb id="p.134"/>
- τοῖς ἀνοήτοις ἐνεποίησαν. ἀλλὰ τοὺς μὲν
-πιθήκους οἱ τούτων τροφεῖς καὶ μελεδωνοὶ τεθαυμάκασιν,
-ὅτι τῶν κηρίνων ἢ πηλίνων ὁμοιωμάτων
-καὶ κοροκοσμίων ἀπατᾷ τούτους οὐδέν· ὑμεῖς δὲ
-ἄρα καὶ πιθήκων χείρους γενήσεσθε λιθίνοις καὶ
-ξυλίνοις καὶ χρυσέοις καὶ ἐλεφαντίνοις ἀγαλματίοις
-καὶ γραφαῖς προσανέχοντες. τοιούτων ὑμῖν <del>οἱ</del>
-<note n="1" place="unspecified" anchored="yes">toiou/twn.. <del>oi(</del> Wilamositz. tosou/twn.. oi( MSS.</note>
-δημιουργοὶ ἀθυρμάτων ὀλεθρίων οἱ λιθοξόοι καὶ οἱ
-<pb id="pg.52"/> ἀνδριαντοποιοὶ γραφεῖς τε αὖ καὶ τέκτονες καὶ
-ποιηταί, πολύν τινα καὶ τοιοῦτον ὄχλον παρεισάγοντες,
-κατ’ ἀγροὺς μὲν Σατύρους καὶ Πᾶνας,
-ἀνὰ δὲ τὰς ὕλας Νύμφας τὰς ὀρειάδας καὶ τὰς ἁμαδρυάδας,
-ναὶ μὴν ἀλλὰ καὶ περὶ τὰ ὕδατα καὶ
-περὶ τοὺς ποταμοὺς καὶ τὰς πηγὰς τὰς Ναΐδας
-καὶ περὶ τὴν θάλατταν τὰς Νηρεΐδας. μάγοι δὲ
-ἤδη ἀσεβείας τῆς σφῶν αὐτῶν ὑπηρέτας δαίμονας
-αὐχοῦσιν, οἰκέτας αὐτοὺς ἑαυτοῖς καταγράψαντες,
-τοὺς κατηναγκασμένους δούλους ταῖς ἐπαοιδαῖς πεποιηκότες.
-Γάμοι τε οὖν ἔτι καὶ παιδοποιίαι καὶ λοχεῖαι
-θεῶν μνημονευόμεναι καὶ μοιχεῖαι ᾀδόμεναι καὶ
-εὐωχίαι κωμῳδούμεναι καὶ γέλωτες παρὰ πότον
-εἰσαγόμενοι προτρέπουσι δή <note n="2" place="unspecified" anchored="yes">dh/ Höschel. de/ MSS.</note> με ἀνακραγεῖν, κἂν
-σιωπῆσαι θέλω, οἴμοι τῆς ἀθεότητος· σκηνὴν
-πεποιήκατε τὸν οὐρανὸν καὶ τὸ θεῖον ὑμῖν δρᾶμα
-γεγένηται καὶ τὸ ἅγιον προσωπείοις δαιμονίων
-κεκωμῳδήκατε, τὴν ἀληθῆ θεοσέβειαν δεισιδαιμονίᾳ σατυρίσαντες.
-αὐτὰρ ὁ φορμίζων ἀνεβάλλετο καλὸν ἀείδειν,
-<pb id="p.136"/>
- ᾆσον ἡμῖν, Ὅμηρε, τὴν φωνὴν τὴν καλήν,
-ἀμφ’ Ἄρεως φιλότητος ἐυστεφάνου τ’ Ἀφροδίτης·
-ὡς τὰ πρῶτα μίγησαν ἐν Ἡφαίστοιο δόμοισι
-λάθρῃ· πολλὰ δ’ ἔδωκε, λέχος δ’ ᾔσχυνε καὶ εὐνὴν
-Ἡφαίστοιο ἄνακτος.
-κατάπαυσον, Ὅμηρε, τὴν ᾠδήν· οὐκ ἔστι καλή,
-μοιχείαν διδάσκει· πορνεύειν δὲ ἡμεῖς καὶ τὰ ὦτα
-παρῃτήμεθα· ἡμεῖς γάρ, ἡμεῖς ἐσμὲν οἱ τὴν εἰκόνα
-τοῦ θεοῦ περιφέροντες ἐν τῷ ζῶντι καὶ κινουμένῳ
-τούτῳ ἀγάλματι, τῷ ἀνθρώπῳ, σύνοικον εἰκόνα,
-σύμβουλον, συνόμιλον, συνέστιον, συμπαθῆ, ὑπερπαθῆ·
-ἀνάθημα γεγόναμεν τῷ θεῷ ὑπὲρ Χριστοῦ· “ἡμεῖς τὸ γένος τὸ ἐκλεκτόν, τὸ βασίλειον ἱεράτευμα,
-ἔθνος ἅγιον, λαὸς περιούσιος, οἱ ποτὲ οὐ
-λαός, νῦν δὲ λαὸς τοῦ θεοῦ” · οἱ κατὰ τὸν Ἰωάννην
-οὐκ ὄντες “ἐκ τῶν κάτω,” παρὰ δὲ τοῦ ἄνωθεν
-ἐλθόντος τὸ πᾶν μεμαθηκότες, οἱ τὴν οἰκονομίαν
-τοῦ θεοῦ κατανενοηκότες, οἱ “ἐν καινότητι ζωῆς
-περιπατεῖν” μεμελετηκότες.
-Ἀλλ’ οὐ ταῦτα φρονοῦσιν οἱ πολλοί· ἀπορρίψαντες
-δὲ τὴν αἰδῶ καὶ τὸν φόβον οἴκοι τοὺς τῶν
-δαιμόνων ἐγγράφονται πασχητιασμούς. πινακίοις
- γοῦν  <pb id="pg.53"/> τισὶ καταγράφοις μετεωρότερον ἀνακειμένοις
-προσεσχηκότες ἀσελγείᾳ τοὺς θαλάμους κεκοσμήκασι,
-τὴν ἀκολασίαν εὐσέβειαν νομίζοντες· κἀπὶ
-τοῦ σκίμποδος κατακείμενοι παρ’ αὐτὰς ἔτι τὰς
-περιπλοκὰς ἀφορῶσιν εἰς τὴν Ἀφροδίτην ἐκείνην
-<pb id="p.138"/>
- τὴν γυμνήν, τὴν ἐπὶ τῇ συμπλοκῇ δεδεμένην, καὶ τῇ
-Λήδᾳ περιποτώμενον τὸν ὄρνιν τὸν ἐρωτικόν, τῆς
-θηλύτητος ἀποδεχόμενοι τὴν γραφήν, ἀποτυποῦσι
-ταῖς σφενδόναις, σφραγῖδι χρώμενοι καταλλήλῳ
-τῇ Διὸς ἀκολασίᾳ. ταῦτα ὑμῶν τῆς ἡδυπαθείας
-τὰ ἀρχέτυπα, αὗται τῆς ὕβρεως αἱ θεολογίαι, αὗται
-τῶν συμπορνευόντων ὑμῖν θεῶν αἱ διδασκαλίαι· “ὃ γὰρ βούλεται, τοῦθ’ ἕκαστος καὶ οἴεται” κατὰ
-τὸν Ἀθηναῖον ῥήτορα. οἷαι δὲ αὖ καὶ ἄλλαι ὑμῶν
-εἰκόνες, πανίσκοι τινὲς καὶ γυμναὶ κόραι καὶ
-σάτυροι μεθύοντες καὶ μορίων ἐντάσεις, ταῖς
-γραφαῖς ἀπογυμνούμεναι, ἀπὸ τῆς ἀκρασίας ἐλεγχόμεναι.
-ἤδη δὲ ἀναφανδὸν τῆς ἀκολασίας ὅλης τὰ
-σχήματα ἀνάγραπτα πανδημεὶ θεώμενοι οὐκ αἰσχύνεσθε,
-φυλάττετε δὲ ἔτι μᾶλλον ἀνακείμενα, ὥσπερ
-ἀμέλει τῶν θεῶν ὑμῶν τὰς εἰκόνας, στήλας ἀναισχυντίας
-καθιερώσαντες οἴκοι, ἐπ’ ἴσης ἐγγραφόμενοι
-τὰ Φιλαινίδος σχήματα ὡς τὰ ʽΠρακλέους
-ἀθλήματα. τούτων οὐ μόνον τῆς χρήσεως, πρὸς
-δὲ καὶ τῆς ὄψεως καὶ τῆς ἀκοῆς αὐτῆς ἀμνηστίαν
-καταγγέλλομεν. ἡταίρηκεν ὑμῖν τὰ ὦτα, πεπορνεύκασιν
-οἱ ὀφθαλμοὶ καὶ τὸ καινότερον πρὸ τῆς
-συμπλοκῆς αἱ ὄψεις ὑμῖν μεμοιχεύκασιν. ὦ βιασάμενοι
-τὸν ἄνθρωπον καὶ τὸ ἔνθεον τοῦ πλάσματος
-ἐλέγχει ἀπαράξαντες, πάντα ἀπιστεῖτε, ἵνα ἐκπαθαίνησθε·
-καὶ πιστεύετε <note n="1" place="unspecified" anchored="yes">pisteu/ete Arcerius. pisteu/hte MSS.</note> μὲν τοῖς εἰδώλοις ζηλοῦντες
-<pb id="p.140"/>
- αὐτῶν τὴν ἀκρασίαν, ἀπιστεῖτε δὲ τῷ θεῷ σωφροσύνην
-μὴ φέροντες· καὶ τὰ μὲν κρείττω μεμισήκατε,
-τὰ δὲ ἥττω τετιμήκατε, ἀρετῆς μὲν θεαταί, κακίας
-δὲ ἀγωνισταὶ γεγενημένοι. “Ὄλβιοι” <pb id="pg.54"/> μόνοι τοίνυν, ὡς ἔπος εἰπεῖν, ὁμοθυμαδὸν
-ἐκεῖνοι πάντες κατὰ τὴν Σίβυλλαν
-οἳ ναοὺς <add>μὲν</add>
-<note n="1" place="unspecified" anchored="yes">
-<add>me\n</add> inserted from Sibylline Oracles.</note> πάντας ἀπαρνήσονται ἰδόντες
-καὶ βωμούς, εἰκαῖα λίθων ἱδρύματα κωφῶν,
-καὶ λίθινα ξόανα καὶ ἀγάλματα χειροποίητα, <note n="2" place="unspecified" anchored="yes">kai\ li/qina... xeiropoi/hta not in Sibylline Oracles.</note>
-αἵματι ἐμψύχῳ μεμιασμένα καὶ θυσίαισι
-τετραπόδων, διπόδων, πτηνῶν θηρῶν τε φόνοισιν.
-καὶ γὰρ δὴ καὶ ἀπηγόρευται ἡμῖν ἀναφανδὸν
-ἀπατηλὸν ἐργάζεσθαι τέχνην. “οὐ γὰρ ποιήσεις,” φησὶν ὁ προφήτης, “παντὸς ὁμοίωμα, ὅσα ἐν τῷ
-οὐρανῷ ἄνω καὶ ὅσα ἐν τῇ γῇ κάτω.” ἦ πού γ’ ἂν
-ἔτι τὴν Πραξιτέλους Δήμητρα καὶ Κόρην καὶ τὸν
-Ἴακχον τὸν μυστικὸν θεοὺς ὑπολάβοιμεν ἢ τὰς
-Λυσίππου τέχνας ἢ τὰς χεῖρας τὰς Ἀπελλικάς, αἳ
-δὴ τῆς θεοδοξίας τὸ σχῆμα τῇ ὕλῃ περιτεθείκασιν;
-ἀλλ’ ὑμεῖς μὲν ὅπως ποτὲ ὁ ἀνδριὰς ὅτι μάλιστα
-ὡραιότατος τεκταίνηται, προσκαρτερεῖτε, ὅπως δὲ
-αὐτοὶ μὴ ὅμοιοι δι’ ἀναισθησίαν τοῖς ἀνδριᾶσιν
-ἀποτελεσθῆτε, οὐ φροντίζετε· πάνυ γοῦν ἐμφανῶς
-καὶ συντόμως ὁ προφητικὸς ἐλέγχει τὴν συνήθειαν
-λόγος ὅτι “πάντες οἱ θεοὶ τῶν ἐθνῶν δαιμονίων
-εἰσὶν εἴδωλα· ὁ δὲ θεὸς τοὺς οὐρανοὺς ἐποίησεν” <pb id="p.142"/>
- καὶ τὰ ἐν τῷ οὐρανῷ. πλανώμενοι γοῦν τινες ἐντεῦθεν
-οὐκ οἶδ’ ὅπως θείαν μὲν τέχνην, πλὴν ἀλλ’ οὐ
-θεὸν προσκυνοῦσιν ἥλιόν τε καὶ σελήνην καὶ τὸν
-ἄλλον τῶν ἀστέρων χορόν, παραλόγως τούτους
-θεοὺς ὑπολαμβάνοντες, τὰ ὄργανα τοῦ χρόνου· “τῷ γὰρ λόγῳ αὐτοῦ ἐστερεώθησαν καὶ τῷ
-πνεύματι τοῦ στόματος αὐτοῦ πᾶσα ἡ δύναμις
-αὐτῶν.” ἀλλ’ ἡ μὲν ἀνθρωπεία τέχνη οἰκίας τε καὶ
-ναῦς καὶ πόλεις καὶ γραφὰς δημιουργεῖ, θεὸς δὲ
-πῶς ἂν εἴποιμι ὅσα ποιεῖ; ὅλον ἴδε τὸν κόσμον,
-ἐκείνου ἔργον ἐστίν· καὶ οὐρανὸς καὶ ἥλιος καὶ ἄγγελοι
- καὶ ἄνθρωποι “ἔργα τῶν δακτύλων  <pb id="pg.55"/> αὐτοῦ.” ὅση γε ἡ δύναμις τοῦ θεοῦ. μόνον αὐτοῦ τὸ βούλημα
-κοσμοποιία· μόνος γὰρ ὁ θεὸς ἐποίησεν, ἐπεὶ
-καὶ μόνος ὄντως ἐστὶ θεός· ψιλῷ τῷ βούλεσθαι
-δημιουργεῖ καὶ τῷ μόνον ἐθελῆσαι αὐτὸν ἕπεται
-τὸ γεγενῆσθαι. ἐνταῦθα φιλοσόφων παρατρέπεται
-χορὸς πρὸς μὲν τὴν οὐρανοῦ θέαν παγκάλως
-γεγονέναι τὸν ἄνθρωπον ὁμολογούντων, τὰ δὲ ἐν
-οὐρανῷ φαινόμενα καὶ ὄψει καταλαμβανόμενα προσκυνούτων.
-εἰ γὰρ καὶ μὴ ἀνθρώπινα τὰ ἔργα
-τὰ ἐν οὐρανῷ, ἀλλὰ γοῦν ἀνθρώποις δεδημιούργηται.
-καὶ μὴ τὸν ἥλιόν τις ὑμῶν προσκυνείτω,
-ἀλλὰ τὸν ἡλίου ποιητὴν ἐπιποθείτω, μηδὲ τὸν
-κόσμον ἐκθειαζέτω, ἀλλὰ τὸν κόσμου δημιουργὸν
-ἐπιζητησάτω. μόνη ἄρα, ὡς ἔοικεν, καταφυγὴ τῷ
-μέλλοντι ἐπὶ τὰς σωτηρίους ἀφικνεῖσθαι θύρας
-ὑπολείπεται σοφία θεϊκή· ἐντεῦθεν ὥσπερ ἐξ ἱεροῦ
-τινος ἀσύλου οὐδενὶ οὐκέτι ἀγώγιμος τῶν δαιμόνων
-ὁ ἄνθρωπος γίνεται σπεύδων εἰς σωτηρίαν.
-<pb id="p.144"/>
-</p>
-</div1>
-<div1 type="chapter" n="5">
-<p>
-Ἐπιδράμωμεν δέ, εἰ βούλει, καὶ τῶν φιλοσόφωι
-τὰς δόξας, ὅσας αὐχοῦσι περὶ τῶν θεῶν, εἴ πως
-καὶ φιλοσοφίαν αὐτὴν κενοδοξίας ἕνεκεν ἀνειδωλοποιοῦσαν
-τὴν ὕλην ἐφεύρωμεν, ἢ <note n="1" place="unspecified" anchored="yes">h)\ Diels. ei) MSS.</note> καὶ δαιμόνια
-ἄττα ἐκθειάζουσαν κατὰ παραδρομὴν παραστῆσαι
-δυνηθῶμεν ὀνειρώττουσαν τὴν ἀλήθειαν. στοιχεῖα
-μὲν οὖν ἀρχὰς ἀπέλιπον <note n="2" place="unspecified" anchored="yes">a)pe/lipon Cobet. a)pe/leipon MSS.</note> ἐξυμνήσαντες Θαλῆς
-ὁ Μιλήσιος τὸ ὕδωρ καὶ Ἀναξιμένης ὁ καὶ
-αὐτὸς Μιλήσιος τὸν ἀέρα, ᾧ Διογένης ὕστερον ὁ
-Ἀπολλωνιάτης κατηκολούθησεν. Παρμενίδης δὲ ὁ
-Ἐλεάτης θεοὺς εἰσηγήσατο πῦρ καὶ γῆν, θάτερον δὲ
-αὐτοῖν μόνον, <note n="3" place="unspecified" anchored="yes">mo/non Sylburg. mo/noin MSS.</note> τὸ πῦρ, θεὸν ὑπειλήφατον Ἵππασός
-τε ὁ Μεταποντῖνος καὶ ὁ Ἐφέσιος Ἡράκλειτος·
-Ἐμπεδοκλῆς γὰρ ὁ Ἀκραγαντῖνος εἰς πλῆθος
-<pb id="pg.56"/> ἐμπεσὼν πρὸς τοῖς τέτταρσι στοιχείοις τούτοις
-νεῖκος καὶ φιλίαν καταριθμεῖται.
-Ἄθεοι μὲν δὴ καὶ οὗτοι, σοφίᾳ τινὶ ἀσόφῳ τὴν
-ὕλην προσκυνήσαντες καὶ λίθους μὲν ἢ ξύλα οὐ
-τιμήσαντες, γῆν δὲ τὴν τούτων μητέρα ἐκθειάσαντες
-καὶ Ποσειδῶνα μὲν οὐκ ἀναπλάττοντες, ὕδωρ δὲ
-αὐτὸ προστρεπόμενοι. τί γάρ ἐστί ποτε ὁ <note n="4" place="unspecified" anchored="yes">pote o( Wilamositz. pro/teron MSS. e(/teron Mayor.</note> Ποσειδῶν
-ἢ ὑγρά τις οὐσία ἐκ τῆς πόσεως ὀνοματοποιουμένη;
-ὥσπερ ἀμέλει ὁ πολέμιος Ἄρης ἀπὸ τῆς ἄρσεως
-<pb id="p.146"/>
- καὶ ἀναιρέσεως κεκλημένος, ᾗ καὶ δοκοῦσί μοι
-πολλοὶ μάλιστα τὸ ξίφος μόνον πήξαντες ἐπιθύειν
-ὡς Ἄρει· ἔστι δὲ Σκυθῶν τὸ τοιοῦτον, καθάπερ
-Εὔδοξος ἐν δευτέρᾳ Γῆς <note n="1" place="unspecified" anchored="yes">*gh=s Diels. th=s MSS. (See p. 44, n. 3.)</note> περιόδου λέγει, Σκυθῶν δὲ
-οἱ Σαυρομάται, ὥς φησιν Ἱκέσιος ἐν τῷ περὶ
-μυστηρίων, ἀκινάκην σέβουσιν. τοῦτό τοι καὶ οἱ
-ἀμφὶ τὸν Ἡράκλειτον τὸ πῦρ ὡς ἀρχέγονον
-σέβοντες πεπόνθασιν· τὸ γὰρ πῦρ τοῦτο ἕτεροι
-Ἥφαιστον ὠνόμασαν. Περσῶν δὲ οἱ μάγοι τὸ
-πῦρ τετιμήκασι καὶ τῶν τὴν Ἀσίαν κατοικούντων
-πολλοί, πρὸς δὲ καὶ Μακεδόνες, ὥς φησι Διογένης
-ἐν <num>α</num> Περσικῶν. τί μοι Σαυρομάτας καταλέγειν,
-οὓς Νυμφόδωρος ἐν Νομίμοις βαρβαρικοῖς τὸ πῦρ
-σέβειν ἱστορεῖ, ἢ τοὺς Πέρσας καὶ τοὺς Μήδους καὶ
-τοὺς μάγους; θύειν ἐν ὑπαίθρῳ τούτους ὁ Δίνων
-λέγει, θεῶν ἀγάλματα μόνα τὸ πῦρ καὶ ὕδωρ νομίζοντας.
-οὐκ ἀπεκρυψάμην οὐδὲ τὴν τούτων ἄγνοιαν.
-εἰ γὰρ καὶ τὰ μάλιστα ἀποφεύγειν οἴονται τῆς
- πλάνης, ἀλλ’ εἰς ἑτέραν κατολισθαίνουσιν  <pb id="pg.57"/> ἀπάτην·
-ἀγάλματα μὲν θεῶν οὐ ξύλα καὶ λίθους ὑπειλήφασιν
-ὥσπερ Ἕλληνες οὐδὲ μὴν ἴβιδας καὶ ἰχνεύμονας
-καθάπερ Αἰγύπτιοι, ἀλλὰ πῦρ τε καὶ ὕδωρ ὡς
-φιλόσοφοι. μετὰ πολλὰς μέντοι ὕστερον περιόδους
-ἐτῶν ἀνθρωποειδῆ ἀγάλματα σέβειν αὐτοὺς Βήρωσσος
-<pb id="p.148"/>
- ἐν τρίτῃ Χαλδαϊκῶν παρίστησι, τοῦτο Ἀρταξέρξου
-τοῦ Δαρείου τοῦ Ὤχου εἰσηγησαμένου, ὃς
-πρῶτος τῆς Ἀφροδίτης Ἀναΐτιδος <note n="1" place="unspecified" anchored="yes">*)anai+/tidos Bochart. tanai+/dos MSS.</note> τὸ ἄγαλμα
-ἀναστήσας ἐν Βαβυλῶνι καὶ Σούσοις καὶ Ἐκβατάνοις
-Πέρσαις καὶ Βάκτροις καὶ Δαμασκῷ καὶ
-Σάρδεσιν ὑπέδειξε σέβειν. ὁμολογούντων τοίνυν
-οἱ φιλόσοφοι τοὺς διδασκάλους τοὺς σφῶν Πέρσας ἢ
-Σαυρομάτας ἢ μάγους, παρ’ ὧν τὴν ἀθεότητα τῶν
-σεβασμίων αὐτοῖς μεμαθήκασιν ἀρχῶν, ἄρχοντα τὸν
-πάντων ποιητὴν καὶ τῶν ἀρχῶν αὐτῶν δημιουργὸν
-ἀγνοοῦντες, τὸν ἄναρχον θεόν, τὰ δὲ “πτωχὰ” ταῦτα καὶ “ἀσθενῆ,” ᾗ φησιν ὁ ἀπόστολος, τὰ εἰς
-τὴν ἀνθρώπων ὑπηρεσίαν πεποιημένα “στοιχεῖα” προστρεπόμενοι.
-Τῶν δὲ ἄλλων φιλοσόφων ὅσοι τὰ στοιχεῖα
-ὑπερβάντες ἐπολυπραγμόνησάν τι ὑψηλότερον καὶ
-περιττότερον, οἱ μὲν αὐτῶν τὸ ἄπειρον καθύμνησαν,
-ὡς Ἀναξίμανδρος ʽΜιλήσιος ἦν’ καὶ Ἀναξαγόρας
-ὁ Κλαζομένιος καὶ ὁ Ἀθηναῖος Ἀρχέλαος. τούτω
-μέν γε ἄμφω τὸν νοῦν ἐπεστησάτην τῇ ἀπειρίᾳ,
-ὁ δὲ Μιλήσιος Λεύκιππος καὶ ὁ Χῖος Μητρόδωρος
-διττάς, ὡς ἔοικεν, καὶ αὐτὼ ἀρχὰς ἀπελιπέτην, τὸ
-πλῆρες καὶ τὸ κενόν· προσέθηκε δὲ λαβὼν τούτοιν
-τοῖν δυεῖν τὰ εἴδωλα ὁ Ἀβδηρίτης Δημόκριτος. ὁ
- γάρ τοι Κροτωνιάτης Ἀλκμαίων  <pb id="pg.58"/> θεοὺς ᾤετο τοὺς
-ἀστέρας εἶναι ἐμψύχους ὄντας. οὐ σιωπήσομαι τὴν
-τούτων ἀναισχυντίαν· Ξενοκράτης ʽΚαλχηδόνιος
-οὗτοσ̓ ἑπτὰ μὲν θεοὺς τοὺς πλανήτας, ὄγδοον δὲ
-<pb id="p.150"/>
- τὸν ἐκ πάντων τῶν ἀπλανῶν <note n="1" place="unspecified" anchored="yes">tw=n a)planw=n Davies. au)tw=n MSS. a)/strwn Diels.</note> συνεστῶτα κόσμον
-αἰνίττεται. οὐδὲ μὴν τοὺς ἀπὸ τῆς Στοᾶς παρελεύσομαι
-διὰ πάσης ὕλης, καὶ διὰ τῆς ἀτιμοτάτης,
-τὸ θεῖον διήκειν λέγοντας, οἳ καταισχύνουσιν
-ἀτεχνῶς τὴν φιλοσοφίαν. οὐδὲν δὲ οἶμαι χαλεπὸν
-ἐνταῦθα γενόμενος καὶ τῶν ἐκ τοῦ Περιπάτου
-μνησθῆναι· καὶ ὅ γε τῆς αἱρέσεως πατήρ, τῶν
-ὅλων οὐ νοήσας τὸν πατέρα, τὸν καλούμενον “ὕπατον” ψυχὴν εἶναι τοῦ παντὸς οἴεται· τουτέστι
-τοῦ κόσμου τὴν ψυχὴν θεὸν ὑπολαμβάνων
-αὐτὸς αὑτῷ περιπείρεται. ὁ γάρ τοι μέχρι τῆς
-σελήνης αὐτῆς διορίζων τὴν πρόνοιαν, ἔπειτα τὸν
-κόσμον θεὸν ἡγούμενος περιτρέπεται, τὸν ἄμοιρον
-τοῦ θεοῦ θεὸν δογματίζων. ὁ δὲ Ἐρέσιος ἐκεῖνος
-Θεόφραστος ὁ Ἀριστοτέλους γνώριμος πῇ μὲν
-οὐρανόν, πῇ δὲ πνεῦμα τὸν θεὸν ὑπονοεῖ. Ἐπικούρου
-μὲν γὰρ μόνου καὶ ἑκὼν ἐκλήσομαι, ὃς οὐδὲν <note n="2" place="unspecified" anchored="yes">ou)de\n Losth. ou)de\ MSS.</note>
-μέλειν οἴεται τῷ θεῷ, διὰ πάντων ἀσεβῶν. τί γὰρ
-Ἡρακλείδης ὁ Ποντικός; ἔσθ’ ὅπῃ οὐκ ἐπὶ τὰ
-Δημοκρίτου καὶ αὐτὸς κατασύρεται εἴδωλα;
-</p>
-</div1>
-<div1 type="chapter" n="6">
-<p>
-Καὶ πολύς μοι ἐπιρρεῖ τοιοῦτος ὄχλος, οἱονεὶ
-μορμώ τινα, δαιμονίων παρεισάγων ξένων ἄτοπον
-<pb id="p.152"/>
- σκιαγραφίαν, μυθολογῶν <note n="1" place="unspecified" anchored="yes">muqologw=n Mayor. muqolo/gwn MSS.</note> ὕθλῳ γραϊκῷ· πολλοῦ
-γε δεῖ ἀνδράσιν ἐπιτρέπειν ἀκροᾶσθαι τοιούτων
-λόγων, οἳ μηδὲ τοὺς παῖδας τοὺς ἑαυτῶν, τοῦτο
-δὴ τὸ λεγόμενον, κλαυθμυριζομένους ἐθίζομεν παρηγορεῖσθαι
-μυθίζοντες, ὀρρωδοῦντες συνανατρέφειν
-αὐτοῖς ἀθεότητα τὴν πρὸς τῶν δοκησισόφων <note n="2" place="unspecified" anchored="yes">dokhsiso/fwn Potter. dokhseiso/fwn MSS.</note>
-δὴ τούτων καταγγελλομένην, μηδέν τι νηπίων
-μᾶλλον τἀληθὲς εἰδότων. τί γάρ, ὢ πρὸς τῆς
-ἀληθείας, τοὺς σοὶ πεπιστευκότας δεικνύεις ῥύσει
-καὶ φορᾷ <note n="3" place="unspecified" anchored="yes">fora=| Münzel. fqora=| MSS.</note> δίναις τε ἀτάκτοις <note n="4" place="unspecified" anchored="yes">di/nais te a)ta/ktois Heyse. deinai=s te kai\ a)ta/ktois MSS.</note> ὑποβεβλημένους; τί
-δέ μοι εἰδώλων ἀναπίμπλης τὸν βίον, ἀνέμους τε
-ἢ ἀέρα ἢ πῦρ ἢ γῆν ἢ λίθους ἢ ξύλα ἢ σίδηρον,
-κόσμον τόνδε, θεοὺς ἀναπλάττουσα, θεοὺς δὲ καὶ
-τοὺς ἀστέρας τοὺς πλανήτας, τοῖς ὄντως πεπλανημένοις
-τῶν ἀνθρώπων διὰ τῆς πολυθρυλήτου
-ταύτης ἀστρολογίας, οὐκ ἀστρονομίας, μετεωρολογοῦσα
- καὶ ἀδολεσχοῦσα;  <pb id="pg.59"/> τὸν κύριον τῶν πνευμάτων
-ποθῶ, τὸν κύριον τοῦ πυρός, τὸν κόσμου
-δημιουργόν, τὸν ἡλίου φωταγωγόν· θεὸν ἐπιζητῶ,
-οὐ τὰ ἔργα τοῦ θεοῦ. τίνα δὴ λάβω παρὰ σοῦ
-συνεργὸν τῆς ζητήσεως; οὐ γὰρ παντάπασιν
-ἀπεγνώκαμέν σε. εἰ βούλει, τὸν Πλάτωνα. πῇ
-δὴ οὖν ἐξιχνευτέον τὸν θεόν, ὦ Πλάτων; “τὸν
-γὰρ πατέρα καὶ ποιητὴν τοῦδε τοῦ παντὸς εὑρεῖν
-<pb id="p.154"/>
- τε ἔργον καὶ εὑρόντα εἰς ἅπαντας ἐξειπεῖν ἀδύνατον.” διὰ τί δῆτα, ὢ πρὸς αὐτοῦ; “ῥητὸν <note n="1" place="unspecified" anchored="yes">r(hto\n from Plato. r(hte/on MSS.</note> γὰρ οὐδαμῶς
-ἐστίν.” εὖ γε, ὦ Πλάτων, ἐπαφᾶσαι τῆς ἀληθείας·
-ἀλλὰ μὴ ἀποκάμῃς· ξύν μοι λαβοῦ τῆς ζητήσεως
-τἀγαθοῦ πέρι· πᾶσιν γὰρ ἁπαξαπλῶς ἀνθρώποις,
-μάλιστα δὲ τοῖς περὶ λόγους ἐνδιατρίβουσιν ἐνέστακταί
-τις ἀπόρροια θεϊκή. οὗ δὴ χάριν καὶ ἄκοντες
-μὲν ὁμολογοῦσιν ἕνα γε <note n="2" place="unspecified" anchored="yes">ge Schsartz. te MSS.</note> εἶναι θεόν, ἀνώλεθρον καὶ
-ἀγένητον τοῦτον, ἄνω που περὶ τὰ νῶτα τοῦ
-οὐρανοῦ ἐν τῇ ἰδίᾳ καὶ οἰκείᾳ περιωπῇ ὄντως ὄντα ἀεί.
-θεὸν δὲ ποῖον, εἰπέ μοι, νοητέον;
-τὸν πάνθ’ ὁρῶντα καὐτὸν οὐχ ὁρώμενον,
-Εὐριπίδης λέγει. πεπλανῆσθαι γοῦν ὁ Μένανδρός
-μοι δοκεῖ, ἔνθα φησίν
-ἥλιε, σὲ γὰρ δεῖ προσκυνεῖν πρῶτον θεῶν,
-δι’ ὃν θεωρεῖν ἔστι τοὺς ἄλλους θεούς·
-οὐδὲ γὰρ ἥλιος ἐπιδείξει ποτ’ ἂν τὸν θεὸν τὸν
-ἀληθῆ, ὁ δὲ λόγος ὁ ὑγιής, ὅς ἐστιν ἥλιος ψυχῆς,
-δι’ οὗ μόνου ἔνδον ἀνατείλαντος ἐν τῷ βάθει τοῦ
-νοῦ <note n="3" place="unspecified" anchored="yes">tou= nou= Cobet. tou= nou= kai\ tou= noo/s MSS.</note> αὐτῆς <note n="4" place="unspecified" anchored="yes">au)th=s Kroll. au)tou= MSS.</note> καταυγάζεται τὸ ὄμμα· ὅθεν οὐκ ἀπεικότως
-ὁ Δημόκριτος “τῶν λογίων ἀνθρώπων
-<pb id="p.156"/>
- ὀλίγουσ” φησίν “ἀνατείναντας τὰς χεῖρας ἐνταῦθα
-ὃν νῦν ἠέρα καλέομεν οἱ Ἕλληνες, <del>πάντα</del> Δία μυθεῖσθαι <note n="1." place="unspecified" anchored="yes">*di/a muqei=sqai Heinsius. diamuqei=sqai MSS.</note>
-καὶ <add>γὰρ</add> πάντα οὗτος οἶδεν καὶ διδοῖ
-<add>πάντα</add>
-<note n="2" place="unspecified" anchored="yes">kai\ <add>ga\r</add> pa/nta... kai\ didoi= <add>pa/nta</add> (sith omission of pa/nta in previous line) Wilamositz. kai\ pa/nta... kai\ didoi= kai\... MSS.</note> καὶ ἀφαιρεῖται, καὶ βασιλεὺς οὗτος τῶν
- πάντων.” ταύτῃ πῃ καὶ Πλάτων  <pb id="pg.60"/> διανοούμενος
-τὸν θεὸν αἰνίττεται “περὶ τὸν πάντων βασιλέα
-πάντ’ ἐστί, κἀκεῖνο αἴτιον ἁπάντων <add>τῶν</add>
-<note n="3" place="unspecified" anchored="yes">
-<add>tw=n</add> from Plato (but cp. Plotinus i. 8. 2).</note> καλῶν.” τίς οὖν ὁ βασιλεὺς τῶν πάντων; θεὸς τῆς τῶν ὄντων
-ἀληθείας τὸ μέτρον. ὥσπερ οὖν τῷ μέτρῳ καταληπτὰ
-τὰ μετρούμενα, οὑτωσὶ δὲ καὶ τῷ νοῆσαι
-τὸν θεὸν μετρεῖται καὶ καταλαμβάνεται ἡ ἀλήθεια.
-ὁ δὲ ἱερὸς ὄντως Μωυσῆς “οὐκ ἔσται,” φησίν, “ἐν τῷ μαρσίππῳ σου στάθμιον καὶ στάθμιον μέγα
-ἢ μικρόν, οὐδὲ ἔσται ἐν τῇ οἰκίᾳ σου μέτρον μέγα
-ἢ μικρόν, ἀλλ’ ἢ στάθμιον ἀληθινὸν καὶ δίκαιον
-ἔσται σοι,” στάθμιον καὶ μέτρον καὶ ἀριθμὸν τῶν
-ὅλων ὑπολαμβάνων τὸν θεόν· τὰ μὲν γὰρ ἄδικα
-καὶ ἄνισα εἴδωλα οἴκοι ἐν τῷ μαρσίππῳ καὶ ἐν τῇ
-ὡς ἔπος εἰπεῖν ῥυπώσῃ ψυχῇ κατακέκρυπται· τὸ
-δὲ μόνον δίκαιον μέτρον, ὁ μόνος ὄντως θεός, ἴσος
-ἀεὶ κατὰ τὰ αὐτὰ καὶ ὡσαύτως ἔχων, μετρεῖ τε <note n="4" place="unspecified" anchored="yes">metrei= te Wendland (cp. Plato, Lass 643c). metrei=tai MSS.</note>
-πάντα καὶ σταθμᾶται, οἱονεὶ τρυτάνῃ τῇ δικαιοσύνῃ
-τὴν τῶν ὅλων ἀρρεπῶς περιλαμβάνων καὶ ἀνέχων
-φύσιν. “ὁ μὲν δὴ θεός, ὥσπερ καὶ ὁ παλαιὸς
-λόγος, ἀρχήν <add>τε</add>
-<note n="5" place="unspecified" anchored="yes">
-<add>te</add> from Plato, and Clement, ii. Strom. 132. 2.</note> καὶ τελευτὴν καὶ μέσα τῶν ὄντων
-ἁπάντων ἔχων, εὐθεῖαν περαίνει κατὰ φύσιν περιπορευόμενος·
-<pb id="p.158"/>
- τῷ <note n="1" place="unspecified" anchored="yes">tw=| from Plato and Clement, ii. Strom. 132. 2. th\n MSS.</note> δ’ ἀεὶ ξυνέπεται δίκη τῶν ἀπολειπομένων
-τοῦ θείου νόμου τιμωρός.” πόθεν, ὦ
-Πλάτων, ἀλήθειαν αἰνίττῃ; πόθεν ἡ τῶν λόγων
-ἄφθονος χορηγία τὴν θεοσέβειαν μαντεύεται; σοφώτερα,
-φησίν, τούτων βαρβάρων τὰ γένη. οἶδά σου
-τοὺς διδασκάλους, κἂν ἀποκρύπτειν ἐθέλῃς· γεωμετρίαν
-παρ’ Αἰγυπτίων μανθάνεις, ἀστρονομίαν παρὰ
-Βαβυλωνίων, ἐπῳδὰς τὰς ὑγιεῖς παρὰ Θρᾳκῶν
-λαμβάνεις, πολλά σε καὶ Ἀσσύριοι πεπαιδεύκασι,
-νόμους δὲ τοὺς ὅσοι ἀληθεῖς καὶ δόξαν τὴν τοῦ θεοῦ
-παρ’ αὐτῶν ὠφέλησαι τῶν Ἑβραίων,
-οἵτινες οὐκ ἀπάτῃσι κεναῖς, οὐδ’ ἔργ’ ἀνθρώπων
-χρύσεα καὶ χάλκεια καὶ ἀργύρου ἠδ’ ἐλέφαντος
-καὶ ξυλίνων λιθίνων τε βροτῶν εἴδωλα θανόντων
-τιμῶσιν, ὅσα πέρ τε βροτοὶ κενεόφρονι βουλῇ·
- ἀλλὰ γὰρ ἀείρουσι <note n="2" place="unspecified" anchored="yes">a)ei/rousi Sibylline Oracles. ai)/rousi MSS.</note> πρὸς οὐρανὸν ὠλένας ἁγνάς,  <pb id="pg.61"/>
-ὄρθριοι ἐξ εὐνῆς, ἀεὶ χρόα ἁγνίζοντες
-ὕδασι, καὶ τιμῶσι μόνον τὸν ἀεὶ μεδέοντα ἀθάνατον.
-Καί μοι μὴ μόνον, ὦ φιλοσοφία, ἕνα τοῦτον
-Πλάτωνα, πολλοὺς δὲ καὶ ἄλλους παραστῆσαι
-σπούδασον, τὸν ἕνα ὄντως μόνον θεὸν ἀναφθεγγομένους
-θεὸν κατ’ ἐπίπνοιαν αὐτοῦ, εἴ που τῆς
-ἀληθείας ἐπιδράξαιντο. Ἀντισθένης μὲν γὰρ οὐ
-Κυνικὸν δὴ τοῦτο ἐνενόησεν, Σωκράτους δὲ ἅτε
-γνώριμος “θεὸν οὐδενὶ ἐοικέναι” φησίν· “διόπερ
-αὐτὸν οὐδεὶς ἐκμαθεῖν ἐξ εἰκόνος δύναται.” Ξενοφῶν
-<pb id="p.160"/>
- δὲ ὁ Ἀθηναῖος διαρρήδην ἂν καὶ αὐτὸς περὶ
-τῆς ἀληθείας ἐγεγράφει <note n="1" place="unspecified" anchored="yes">e)gegra/fei Dindorf. a)nagra/fei MSS.</note> τι μαρτυρῶν ὡς Σωκράτης,
-εἰ μὴ τὸ Σωκράτους ἐδεδίει φάρμακον· οὐδὲν δὲ
-ἧττον αἰνίττεται. “ὁ” γοῦν “τὰ πάντα,” φησί, “σείων καὶ ἀτρεμίζων ὡς μὲν μέγας τις καὶ
-δυνατός, φανερός· ὁποῖος δὲ τὴν <note n="2" place="unspecified" anchored="yes">de\ th\n Stobacus (Eelog. ii. 1). de/ tis MSS. d) e)sti\n Clement, v. Strom. 108. 5.</note> μορφήν, ἀφανής·
-οὐδὲ μὴν ὁ παμφαὴς δοκῶν εἶναι ἥλιος οὐδ’ αὐτὸς
-ἔοικεν ὁρᾶν αὑτὸν ἐπιτρέπειν, ἀλλ’ ἤν τις ἀναιδῶς
-αὐτὸν θεάσηται, τὴν ὄψιν ἀφαιρεῖται.” πόθεν ἄρα
-ὁ τοῦ Γρύλλου σοφίζεται ἢ δηλαδὴ παρὰ τῆς
-προφήτιδος τῆς Ἑβραίων θεσπιζούσης ὧδέ πως;
-τίς γὰρ σὰρξ δύναται τὸν ἐπουράνιον καὶ ἀληθῆ
-ὀφθαλμοῖσιν ἰδεῖν θεὸν ἄμβροτον, ὃς πόλον οἰκεῖ;
-ἀλλ’ οὐδ’ ἀκτίνων κατεναντίον ἠελίοιο
-ἄνθρωποι στῆναι δυνατοί, θνητοὶ γεγαῶτες.
-Κλεάνθης δὲ ὁ Πηδασεύς, <note n="3" place="unspecified" anchored="yes">*phdaseu/s Wilamositz (see Strabo xiii. p. 611). pisadeu/s MSS.</note> ὁ ἀπὸ τῆς Στοᾶς φιλόσοφος,
-οὐ θεογονίαν ποιητικήν, θεολογίαν δὲ ἀληθινὴν
-ἐνδείκνυται. οὐκ ἀπεκρύψατο τοῦ θεοῦ πέρι ὅτι
-περ εἶχεν φρονῶν·
-τἀγαθὸν <note n="4" place="unspecified" anchored="yes">ta)gaqo\n Clement, v. Strom. 110. 3. ei) to\ a)gaqo\n MSS.</note> ἐρωτᾷς μ’ οἷόν ἐστ̓; ἄκουε δή·
-τεταγμένον, δίκαιον, ὅσιον, εὐσεβές,
- κρατοῦν ἑαυτοῦ, χρήσιμον, καλόν, δέον,  <pb id="pg.62"/>
-αὐστηρόν, αὐθέκαστον, ἀεὶ συμφέρον,
-ἄφοβον, ἄλυπον, λυσιτελές, ἀνώδυνον,
-ὠφέλιμον, εὐάρεστον, ἀσφαλές, φίλον,
-ἔντιμον, ὁμολογούμενον
-<pb id="p.162"/>
- εὐκλεές, ἄτυφον, ἐπιμελές, πρᾶον, σφοδρόν,
-χρονιζόμενον, ἄμεμπτον, ἀεὶ διαμένον.
-ἀνελεύθερος πᾶς ὅστις εἰς δόξαν βλέπει,
-ὡς δὴ παρ’ ἐκείνης τευξόμενος καλοῦ τινος.
-ἐνταῦθα δὴ σαφῶς, οἶμαι, διδάσκει ὁποῖός ἐστιν ὁ
-θεός, καὶ ὡς ἡ δόξα ἡ κοινὴ καὶ ἡ συνήθεια τοὺς
-ἑπομένους αὐταῖν, ἀλλὰ μὴ τὸν θεὸν ἐπιζητοῦντας,
-ἐξανδραποδιζέσθην. οὐκ ἀποκρυπτέον οὐδὲ τοὺς
-ἀμφὶ τὸν Πυθαγόραν, οἵ φασιν “ὁ μὲν θεὸς εἷς,
-οὗτος <note n="1" place="unspecified" anchored="yes">ou(=tos Wilamositz. xou)=tos MSS. au)to\s Justin (Cohor. ad Graec. 19).</note> δὲ οὐχ, ὥς τινες ὑπονοοῦσιν, ἐκτὸς τᾶς
-διακοσμήσιος, ἀλλ’ ἐν αὐτᾷ, ὅλος ἐν ὅλῳ τῷ κύκλῳ,
-ἐπίσκοπος πάσας γενέσιος, κρᾶσις τῶν ὅλων αἰώνων <note n="2" place="unspecified" anchored="yes">ai)w/nwn Justin. a)ei\ w(\n MSS.</note>
-καὶ ἐργάτας τῶν αὐτοῦ δυνάμιων καὶ ἔργων ἁπάντων
-ἐν οὐρανῷ φωστὴρ καὶ πάντων πατήρ, νοῦς καὶ
-ψύχωσις τῶ ὅλω κύκλω, <note n="3" place="unspecified" anchored="yes">tw= o(/lw ku/klw Stäblin. tw=| o(/lw| ku/klw| MSS.</note> πάντων κίνασις.” ἀπόχρη
-καὶ τάδε εἰς ἐπίγνωσιν θεοῦ ἐπιπνοίᾳ θεοῦ πρὸς
-αὐτῶν μὲν ἀναγεγραμμένα, πρὸς δὲ ἡμῶν ἐξειλεγμένα
-τῷ γε καὶ σμικρὸν διαθρεῖν ἀλήθειαν δυναμένῳ.
-</p>
-</div1>
-<div1 type="chapter" n="7">
-<p>
-Ἴτω δὲ ἡμῖν ʽοὐ γὰρ αὐταρκεῖ μόνον ἡ φιλοσοφίἀ
-ἀλλὰ καὶ αὐτὴ <add>ἡ</add>
-<note n="4" place="unspecified" anchored="yes">
-<add>h(</add> inserted by Markland.</note> ποιητικὴ ἡ περὶ τὸ ψεῦδος τὰ
-πάντα ἠσχολημένη, μόλις ποτὲ ἤδη ἀλήθειαν μαρτυρήσουσα,
-μᾶλλον δὲ ἐξομολογουμένη τῷ θεῷ τὴν
-μυθώδη παρέκβασιν· παρίτω δὴ ὅστις καὶ βούλεται
-<pb id="p.164"/>
- ποιητὴς πρῶτος. Ἄρατος μὲν οὖν διὰ πάντων τὴν
-δύναμιν τοῦ θεοῦ διήκειν νοεῖ,
-ὄφρ’ ἔμπεδα πάντα φύωνται,
-τῷ μιν ἀεὶ πρῶτόν τε καὶ ὕστατον ἱλάσκονται·
-χαῖρε, πάτερ, μέγα θαῦμα, μέγ’ ἀνθρώποισιν ὄνειαρ.
- ταύτῃ τοι καὶ ὁ Ἀσκραῖος αἰνίττεται Ἡσίοδος τὸν θεόν·  <pb id="pg.63"/>
-αὐτὸς γὰρ πάντων βασιλεὺς καὶ κοίρανός ἐστιν,
-ἀθανάτων τέο δ’ <note n="1" place="unspecified" anchored="yes">te/o d) Stählin. se/o d) Clernent, v. Strom. 112. 3. te/ oi( Buttmann. te o/d) MSS.</note> οὔτις ἐρήρισται κράτος ἄλλος.
-ἤδη δὲ καὶ ἐπὶ τῆς σκηνῆς παραγυμνοῦσι τὴν
-ἀλήθειαν· ὁ μὲν καὶ εἰς τὸν αἰθέρα καὶ εἰς τὸν
-οὐρανὸν ἀναβλέψας “τόνδε ἡγοῦ θεόν,” φησίν,
-Εὐριπίδης· ὁ δὲ τοῦ Σοφίλλου Σοφοκλῆς,
-εἷς ταῖς ἀληθείαισιν, εἷς ἐστὶν θεός,
-ὃς οὐρανόν τ’ ἔτευξε καὶ γαῖαν μακρὴν
-πόντου τε χαροπὸν οἶδμα κἀνέμων βίας·
-θνητοὶ δὲ πολλὰ <note n="2" place="unspecified" anchored="yes">polla\ Heyse. polloi\ MSS.</note> καρδίᾳ πλανώμενοι
-ἱδρυσάμεσθα πημάτων παραψυχὴν
-θεῶν ἀγάλματ’ ἐκ λίθων, ἢ χαλκέων
-ἢ χρυσοτεύκτων ἢ ἐλεφαντίνων τύπους·
-θυσίας τε τούτοις καὶ κενὰς πανηγύρεις
-νέμοντες, οὕτως εὐσεβεῖν νομίζομεν.
-οὑτοσὶ μὲν ἤδη καὶ παρακεκινδυνευμένως ἐπὶ τῆς
-σκηνῆς τὴν ἀλήθειαν τοῖς θεαταῖς παρεισήγαγεν.
-<pb id="p.166"/>
- ὁ δὲ Θρᾴκιος ἱεροφάντης καὶ ποιητὴς ἅμα, ὁ τοῦ
-Οἰάγρου Ὀρφεύς, μετὰ τὴν τῶν ὀργίων ἱεροφαντίαν
-καὶ τῶν εἰδώλων τὴν θεολογίαν, παλινῳδίαν ἀληθείας
-εἰσάγει, τὸν ἱερὸν ὄντως ὀψέ ποτε, ὅμως δ’ οὖν ᾅδων λόγον·
-φθέγξομαι οἷς θέμις ἐστί· θύρας δ’ ἐπίθεσθε βέβηλοι
-πάντες ὁμῶς· σὺ δ’ ἄκουε, φαεσφόρου ἔκγονε Μήνης,
-Μουσαἶ , ἐξερέω γὰρ ἀληθέα, μηδέ σε τὰ πρὶν
-ἐν στήθεσσι φανέντα φίλης αἰῶνος ἀμέρσῃ.
-εἰς δὲ λόγον θεῖον βλέψας τούτῳ προσέδρευε,
-ἰθύνων κραδίης νοερὸν κύτος· εὖ δ’ ἐπίβαινε
-ἀτραπιτοῦ, μοῦνον δ’ ἐσόρα κόσμοιο ἄνακτα ἀθάνατον.
- εἶτα ὑποβὰς διαρρήδην ἐπιφέρει·  <pb id="pg.64"/>
-εἶς ἔστ̓, αὐτογενής, ἑνὸς ἔκγονα πάντα τέτυκται·
-ἐν δ’ αὐτοῖς αὐτὸς περινίσσεται, οὐδέ τις αὐτὸν
-εἰσοράᾳ θνητῶν, αὐτὸς δέ γε πάντας ὁρᾶται.
-οὕτως μὲν δὴ Ὀρφεύς· χρόνῳ γέ <note n="1" place="unspecified" anchored="yes">ge/ Stählin. te/ MSS.</note> ποτε συνῆκεν πεπλανημένος.
-ἀλλὰ σὺ μὴ μέλλων, βροτὲ ποικιλόμητι, βράδυνε,
-ἀλλὰ παλίμπλαγκτος στρέψας θεὸν ἱλάσκοιο.
-εἰ γὰρ καὶ τὰ μάλιστα ἐναύσματά τινα τοῦ λόγου
-τοῦ θείου λαβόντες Ἕλληνες ὀλίγα ἄττα τῆς
-ἀληθείας ἐφθέγξαντο, προσμαρτυροῦσι μὲν τὴν
-δύναμιν αὐτῆς οὐκ ἀποκεκρυμμένην, σφᾶς δὲ αὐτοὺς
-ἐλέγχουσιν ἀσθενεῖς, οὐκ ἐφικόμενοι τοῦ τέλους.
-ἤδη γὰρ οἶμαι παντί τῳ δῆλον γεγονέναι ὡς τῶν
-<pb id="p.168"/>
- χωρὶς τοῦ λόγου τῆς ἀληθείας ἐνεργούντων τι ἢ καὶ
-φθεγγομένων ὁμοίων ὄντων τοῖς χωρὶς βάσεως
-βαδίζειν βιαζομένοις.
-Δυσωπούντων δέ σε εἰς σωτηρίαν καὶ οἱ περὶ
-τοὺς θεοὺς ὑμῶν ἔλεγχοι, οὕς διὰ τὴν ἀλήθειαν
-ἐκβιαζόμενοι κωμῳδοῦσι ποιηταί. Μένανδρος γοῦν
-ὁ κωμικὸς ἐν Ἡνιόχῳ <del>ἐν Ὑποβολιμαίῳ</del>
-<note n="1" place="unspecified" anchored="yes">
-<lemma targOrder="U" from="ROOT" to="DITTO">e)n *(upobolimai/w|</lemma> Clericus (missing from Justin, De mon.5).</note> τῷ δράματι
-οὐδείς μ’ ἀρέσκει ʽφησἲ περιπατῶν ἔξω θεὸς
-μετὰ γραός, οὐδ’ εἰς οἰκίας παρεισιὼν
-ἐπὶ τοῦ σανιδίου·
-<del>μητραγύρτης</del>
-<note n="2" place="unspecified" anchored="yes">
-<lemma targOrder="U" from="ROOT" to="DITTO">mhtragu/rths</lemma> Dindorf.</note> τοιοῦτοι γὰρ οἱ μητραγύρται. ὅθεν
-εἰκότως ὁ Ἀντισθένης ἔλεγεν αὐτοῖς μεταιτοῦσιν· “οὐ τρέφω τὴν μητέρα τῶν θεῶν, ἣν οἱ θεοὶ τρέφουσιν.” πάλιν δὲ ὁ αὐτὸς κωμῳδιοποιὸς ἐν Ἱερείᾳ
-τῷ δράματι χαλεπαίνων πρὸς τὴν συνήθειαν διελέγχειν
-πειρᾶται τὸν ἄθεον τῆς πλάνης τῦφον,
-ἐπιφθεγγόμενος ἐμφρόνως
-εἰ γὰρ ἕλκει τὸν θεὸν
-τοῖς κυμβάλοις ἄνθρωπος εἰς ὃ βούλεται,
-ὁ τοῦτο ποιῶν ἐστι μείζων τοῦ θεοῦ·
-ἀλλ’ ἔστι τόλμης καὶ βίου <note n="3" place="unspecified" anchored="yes">bi/as Bentley: Stählin.</note> ταῦτ’ ὄργανα
- εὑρημέν’ ἀνθρώποισιν.  <pb id="pg.65"/>
-<pb id="p.170"/>
- καὶ οὐχὶ μόνος ὁ Μένανδρος, ἀλλὰ καὶ Ὅμηρος καὶ
-Εὐριπίδης καὶ ἄλλοι συχνοὶ ποιηταὶ διελέγχουσιν
-ὑμῶν τοὺς θεοὺς καὶ λοιδορεῖσθαι οὐ δεδίασιν οὐδὲ
-καθ’ ὁπόσον αὐτοῖς. αὐτίκα τὴν Ἀθηνᾶν “κυνάμυιαν” καὶ τὸν Ἥφαιστον “ἀμφιγύην” καλοῦσιν,
-τῇ δὲ Ἀφροδίτῃ ἡ Ἑλένη φησὶ
-μηκέτι σοῖσι πόδεσσιν ὑποστρέψειας Ὄλυμπον.
-ἐπὶ δὲ τοῦ Διονύσου ἀναφανδὸν Ὅμηρος γράφει
-ὅς ποτε μαινομένοιο Διωνύσοιο τιθήνας
-σεῦε κατ’ ἠγάθεον Νυσήιον· αἱ δ’ ἅμα πᾶσαι
-θύσθλα χαμαὶ κατέχευαν ὑπ’ ἀνδροφόνοιο Λυκούργου.
-ἄξιος ὡς ἀληθῶς Σωκρατικῆς διατριβῆς ὁ Εὐριπίδης
-εἰς τὴν ἀλήθειαν ἀπιδὼν καὶ τοὺς θεατὰς ὑπεριδών,
-ποτὲ μὲν τὸν Ἀπόλλωνα,
-ὃς μεσομφάλους ἕδρας
-ναίει βροτοῖσι στόμα νέμων σαφέστατα, διελέγχων,
-κείνῳ πιθόμενος <note n="1" place="unspecified" anchored="yes">tou/tw| piqo/menos Euripides. kei/nw| peiqo/menos MSS.</note> τὴν τεκοῦσαν ἔκτανον,
-ἐκεῖνον ἡγεῖσθ’ ἀνόσιον καὶ κτείνετε· <note n="2" place="unspecified" anchored="yes">ktei/nete Euripides. ktei/nate MSS.</note>
-ἐκεῖνος ἥμαρτ̓, οὐκ ἐγώ,
-ἀμαθέστερος γ’ ὢν <note n="3" place="unspecified" anchored="yes">g) w)\n Euripides. w)\n MSS.</note> τοῦ καλοῦ καὶ τῆς δίκης,
-τοτὲ δ’ ἐμμανῆ εἰσάγων Ἡρακλέα καὶ μεθύοντα
-ἀλλαχόθι καὶ ἄπληστον· πῶς γὰρ οὐχί; ὃς ἑστιώμενος τοῖς κρέασι
-<pb id="p.172"/>
- χλωρὰ σῦκ’ ἐπήσθιεν
-ἄμουσ̓ ὑλακτῶν ὥστε βαρβάρῳ μαθεῖν.
-ἤδη δὲ ἐν Ἴωνι τῷ δράματι γυμνῇ τῇ κεφαλῇ
-ἐκκυκλεῖ τῷ θεάτρῳ τοὺς θεούς·
-πῶς οὖν δίκαιον τοὺς νόμους ὑμᾶς βροτοῖς
-γράψαντας αὐτοὺς ἀδικίας ὀφλισκάνειν;
-εἰ δ᾽, οὐ γὰρ ἔσται, τῷ λόγῳ δὲ χρήσομαι,
-δίκας βιαίων δώσετ’ ἀνθρώποις γάμων,
-σὺ καὶ Ποσειδῶν Ζεύς θ̓, ὃς οὐρανοῦ κρατεῖ,
-ναοὺς τίνοντες ἀδικίας κενώσετε.
-</p>
-</div1>
-<div1 type="chapter" n="8">
-<p>
-Ὥρα τοίνυν τῶν ἄλλων ἡμῖν τῇ τάξει προδιηνυσμένων
-ἐπὶ τὰς προφητικὰς ἰέναι γραφάς· καὶ γὰρ
-<pb id="pg.66"/> οἱ χρησμοὶ τὰς εἰς τὴν θεοσέβειαν ἡμῖν ἀφορμὰς
-ἐναργέστατα προτείνοντες θεμελιοῦσι τὴν ἀλήθειαν·
-γραφαὶ δὲ αἱ θεῖαι καὶ <note n="1" place="unspecified" anchored="yes">ai) qei=ai, <add>ei)</add> kai\ Schsartz: Stählin.</note> πολιτεῖαι σώφρονες, σύντομοι
-σωτηρίας ὁδοί· γυμναὶ κομμωτικῆς καὶ τῆς ἐκτὸς
-καλλιφωνίας καὶ στωμυλίας καὶ κολακείας ὑπάρχουσαι
-ἀνιστῶσιν ἀγχόμενον ὑπὸ κακίας τὸν ἄνθρωπον,
-ὑπεριδοῦσαι τὸν ὄλισθον τὸν βιωτικόν, μιᾷ καὶ
-τῇ αὐτῇ φωνῇ πολλὰ θεραπεύουσαι, <note n="2" place="unspecified" anchored="yes">qerapeu/ousai Sylburg. qerapeu=sai MSS.</note> ἀποτρέπουσαι
-μὲν ἡμᾶς τῆς ἐπιζημίου ἀπάτης, προτρέπουσαι δὲ
-ἐμφανῶς εἰς προὖπτον σωτηρίαν. αὐτίκα γοῦν ἡ
-<pb id="p.174"/>
- προφῆτις ἡμῖν ᾀσάτω πρώτη Σίβυλλα τὸ ᾆσμα τὸ σωτήριον·
-οὗτος ἰδοὺ πάντεσσι <note n="1" place="unspecified" anchored="yes">pa/ntessi Sib. Or. and Clement, v. Strom. 115. 6. pa/nt) e)sti MSS.</note> σαφὴς ἀπλάνητος ὑπάρχει·
-ἔλθετε, μὴ σκοτίην δὲ διώκετε καὶ ζόφον αἰεί.
-ἠελίου γλυκυδερκές, ἰδού, φάος ἔξοχα λάμπει.
-γνῶτε δὲ κατθέμενοι σοφίην ἐν στήθεσιν ὑμῶν.
-εἶς θεός ἐστι, βροχάς, ἀνέμους, σεισμούς τ’ ἐπιπέμπων,
-ἀστεροπάς, λιμούς, λοιμοὺς καὶ κήδεα λυγρὰ
-καὶ νιφετοὺς καὶ τἆλλα, <note n="2" place="unspecified" anchored="yes">kai\ ta)=lla Cobet. kru/stalla MSS.: Stählin.</note> τί δὴ καθ’ ἓν ἐξαγορεύω;
-οὐρανοῦ ἡγεῖται, γαίης κρατεῖ αὐτὸς ἀπ’ ἀρχῆς. <note n="3" place="unspecified" anchored="yes">a)p) a)rxh=s Mayor. u(pa/rxei MSS.: Stählin.</note>
-ἐνθέως σφόδρα τὴν μὲν ἀπάτην ἀπεικάζουσα τῷ
-σκότει, τὴν δὲ γνῶσιν ἡλίῳ καὶ φωτὶ τοῦ θεοῦ,
-ἄμφω δὲ παραθεμένη τῇ συγκρίσει, τὴν ἐκλογὴν
-διδάσκει· τὸ γὰρ ψεῦδος οὐ ψιλῇ τῇ παραθέσει
-τἀληθοῦς διασκεδάννυται, τῇ δὲ χρήσει τῆς ἀληθείας
-ἐκβιαζόμενον φυγαδεύεται. Ἱερεμίας δὲ ὁ προφήτης
-ὁ πάνσοφος, μᾶλλον δὲ ἐν Ἱερεμίᾳ τὸ ἅγιον πνεῦμα
-ἐπιδείκνυσι τὸν θεόν. “θεὸς ἐγγίζων ἐγώ εἰμι,” φησί, “καὶ οὐχὶ θεὸς πόρρωθεν. εἰ ποιήσει τι ἄνθρωπος
-ἐν κρυφαίοις, καὶ ἐγὼ οὐκ ὄψομαι αὐτόν;
-οὐχὶ τοὺς οὐρανοὺς καὶ τὴν γῆν ἐγὼ πληρῶ;
-λέγει κύριος.” πάλιν δὲ αὖ διὰ Ἡσαΐου “τίς
-μετρήσει,” φησί, “τὸν οὐρανὸν σπιθαμῇ καὶ πᾶσαν
-τὴν γῆν δρακί;” ὅρα τὸ μέγεθος τοῦ θεοῦ καὶ
-καταπλάγηθι. τοῦτον προσκυνήσωμεν, ἐφ’ οὗ φησιν
-ὁ προφήτης “ἀπὸ προσώπου σου ὄρη τακήσονται,
-<pb id="p.176"/>
- ὡς ἀπὸ προσώπου πυρὸς τήκεται κηρός.” οὗτος,
-φησίν, ἐστὶν ὁ θεός, “οὗ θρόνος μέν ἐστιν ὁ οὐρανός,
-ὑποπόδιον δὲ ἡ γῆ,” ὃς “ἐὰν ἀνοίξῃ τὸν οὐρανόν,
-τρόμος σε λήψεται.” βούλει καὶ περὶ τῶν εἰδώλων <note n="1" place="unspecified" anchored="yes">ei)dw/lwn: can this be a seribe's mistake for ei)dwlolatrw=n (cp. p. 178. 1. 12)?</note>
-ἀκοῦσαι τί φησὶν <add>ὁ</add>
-<note n="2" place="unspecified" anchored="yes">
-<add>o(</add> inscrted by Dindorf.</note> προφήτης οὗτος; “παραδειγματισθήσονται
-ἔμπροσθεν τοῦ ἡλίου καὶ ἔσται τὰ
-<pb id="pg.67"/> θνησιμαῖα αὐτῶν βρώματα τοῖς πετεινοῖς τοῦ
-οὐρανοῦ καὶ τοῖς θηρίοις τῆς γῆς, καὶ σαπήσεται
-ὑπὸ τοῦ ἡλίου καὶ τῆς σελήνης, ἃ αὐτοὶ ἠγάπησαν
-καὶ οἷς αὐτοὶ ἐδούλευσαν, καὶ ἐμπρησθήσεται ἡ
-πόλις αὐτῶν.” φθαρήσεσθαι δὲ καὶ τὰ στοιχεῖα
-καὶ τὸν κόσμον σὺν καὶ αὐτοῖς λέγει· “ἡ γῆ,” φησί, “παλαιωθήσεται καὶ ὁ οὐρανὸς παρελεύσεται,” “τὸ δὲ ῥῆμα κυρίου μένει εἰς τὸν αἰῶνα.” τί δὲ ὅταν πάλιν ἑαυτὸν δεικνύναι ὁ θεὸς βουληθῇ
-διὰ Μωυσέως; “ἴδετε ἴδετε ὅτι ἐγώ εἰμι καὶ οὐκ
-ἔστι θεὸς ἕτερος πλὴν ἐμοῦ. ἐγὼ ἀποκτενῶ καὶ
-ζῆν ποιήσω· πατάξω κἀγὼ ἰάσομαι, καὶ οὐκ ἔστιν
-ὃς ἐξελεῖται ἐκ τῶν χειρῶν μου.” Ἀλλὰ καὶ ἑτέρου ἐπακοῦσαι θέλεις χρησμῳδοῦ;
-ἔχεις τὸν χορὸν πάντα τὸν προφητικόν, τοὺς συνθιασώτας
-τοῦ Μωυσέως. τί φησὶν αὐτοῖς τὸ πνεῦμα
-τὸ ἅγιον διὰ Ὠσηέ; οὐκ ὀκνήσω λέγειν· “ἰδού,
-ἐγὼ στερεῶν βροντὴν καὶ κτίζων πνεῦμα,” οὗ αἱ
-χεῖρες τὴν στρατιὰν τοῦ οὐρανοῦ ἐθεμελίωσαν. ἔτι
-<pb id="p.178"/>
- δὲ καὶ διὰ Ἡσαΐου ʽκαὶ ταύτην ἀπομνημονεύσω
-σοι τὴν φωνήν’ “ἐγώ εἰμι, ἐγώ εἰμι,” φησίν, “ὁ
-κύριος ὁ λαλῶν δικαιοσύνην καὶ ἀναγγέλλων ἀλήθειαν·
-συνάχθητε καὶ ἥκετε· βουλεύσασθε ἅμα, οἱ
-σῳζόμενοι ἀπὸ τῶν ἐθνῶν. οὐκ ἔγνωσαν οἱ αἴροντες
-τὸ ξύλον γλύμμα αὐτῶν, καὶ προσευχόμενοι θεοῖς
-οἳ οὐ σώσουσιν αὐτούς.” εἶθ’ ὑποβάς “ἐγώ,” φησίν, “ὁ θεός, καὶ οὐκ ἔστι πλὴν ἐμοῦ δίκαιος,
-καὶ σωτὴρ οὐκ ἔστι πάρεξ ἐμοῦ· ἐπιστράφητε πρός
-με καὶ σωθήσεσθε οἱ ἀπ’ ἐσχάτου τῆς γῆς. ἐγώ
-εἰμι ὁ θεὸς καὶ οὐκ ἔστιν ἄλλος· κατ’ ἐμαυτοῦ
-ὀμνύω.” τοῖς δὲ εἰδωλολάτραις δυσχεραίνει λέγων “τίνι ὡμοιώσατε κύριον; ἢ τίνι ὁμοιώματι ὡμοιώσατε
-αὐτόν; μὴ εἰκόνα ἐποίησεν τέκτων, ἢ χρυσοχόος
-χωνεύσας χρυσίον περιεχρύσωσεν αὐτόν;” καὶ τὰ ἐπὶ τούτοις. μὴ οὖν ἔτι ὑμεῖς εἰδωλολάτραι;
-ἀλλὰ κἂν νῦν φυλάξασθε τὰς ἀπειλάς·
-ὀλολύξει γὰρ τὰ γλυπτὰ καὶ τὰ χειροποίητα, μᾶλλον
-δὲ οἱ ἐπ’ αὐτοῖς πεποιθότες, ἀναίσθητος γὰρ
-ἡ ὕλη. ἔτι φησίν· “ὁ κύριος σείσει πόλεις κατοικουμένας
-καὶ τὴν οἰκουμένην ὅλην καταλήψεται
-τῇ χειρὶ ὡς νοσσιάν.” τί σοι σοφίας ἀναγγέλλω
-μυστήρια καὶ ῥήσεις ἐκ παιδὸς Ἑβραίου σεσοφισμένου; “κύριος ἔκτισέν με ἀρχὴν ὁδῶν αὐτοῦ εἰς
-ἔργα αὐτοῦ,” καὶ “κύριος δίδωσι σοφίαν καὶ ἀπὸ
-προσώπου αὐτοῦ γνῶσις καὶ σύνεσις.” “ἕως πότε,
-ὀκνηρέ, κατάκεισαι; πότε δὲ ἐξ ὕπνου ἐγερθήσῃ;
-<pb id="p.180"/>
- ἐὰν δὲ ἄοκνος ᾖς, ἥξει σοι ὥσπερ πηγὴ ὁ ἄμητός
- σου,” ὁ λόγος ὁ πατρικός,  <pb id="pg.68"/> ὁ ἀγαθὸς λύχνος, ὁ
-κύριος ἐπάγων τὸ φῶς, τὴν πίστιν πᾶσι καὶ σωτηρίαν. “κύριοσ” γὰρ “ὁ ποιήσας τὴν γῆν ἐν τῇ
-ἰσχύι αὐτοῦ,” ὥς φησιν Ἱερεμίας, “ἀνώρθωσεν τὴν
-οἰκουμένην ἐν τῇ σοφίᾳ αὐτοῦ.” ἀποπεσόντας γὰρ
-ἡμᾶς ἐπὶ τὰ εἴδωλα ἡ σοφία, ἥ ἐστιν ὁ λόγος
-αὐτοῦ, ἀνορθοῖ ἐπὶ τὴν ἀλήθειαν. καὶ αὕτη ἡ <note n="1" place="unspecified" anchored="yes">au(/th h( Mayor. au(/th MSS.</note>
-πρώτη τοῦ παραπτώματος ἀνάστασις· ὅθεν ἀποτρέπων
-εἰδωλολατρείας ἁπάσης ὁ θεσπέσιος παγκάλως
-ἀνακέκραγε Μωυσῆς· “ἄκουε Ἰσραήλ· κύριος ὁ
-θεός σου, κύριος εἷς ἐστι,” καὶ “κύριον τὸν θεόν
-σου προσκυνήσεις καὶ αὐτῷ μόνῳ λατρεύσεις·” νῦν δὴ οὖν σύνετε, ὦ ἄνθρωποι, κατὰ τὸν μακάριον
-ψαλμῳδὸν ἐκεῖνον τὸν Δαβίδ· “δράξασθε παιδείας,
-μή ποτε ὀργισθῇ κύριος, καὶ ἀπολεῖσθε ἐξ ὁδοῦ
-δικαίας, ὅταν ἐκκαυθῇ ἐν τάχει ὁ θυμὸς αὐτοῦ.
-μακάριοι πάντες οἱ πεποιθότες ἐπ’ αὐτῷ.” ἤδη
-δὲ ὑπεροικτείρων ἡμᾶς ὁ κύριος τὸ σωτήριον
-ἐνδίδωσι μέλος, οἷον ἐμβατήριον ῥυθμόν· “υἱοὶ
-ἀνθρώπων, ἕως πότε βαρυκάρδιοι; ἵνα τί ἀγαπᾶτε
-ματαιότητα καὶ ζητεῖτε ψεῦδος;” τίς οὖν ἡ
-ματαιότης καὶ τί τὸ ψεῦδος; ὁ ἅγιος ἀπόστολος
-τοῦ κυρίου τοὺς Ἕλληνας αἰτιώμενος ἐξηγήσεταί
-σοι· “ὅτι γνόντες τὸν θεὸν οὐχ ὡς θεὸν ἐδόξασαν
-ἢ ηὐχαρίστησαν, ἀλλ’ ἐματαιώθησαν ἐν τοῖς διαλογισμοῖς
-αὐτῶν, καὶ ἤλλαξαν τὴν δόξαν τοῦ θεοῦ
-<pb id="p.182"/>
- ἐν ὁμοιώματι εἰκόνος φθαρτοῦ ἀνθρώπου, καὶ
-ἐλάτρευσαν τῇ κτίσει παρὰ τὸν κτίσαντα.” καὶ
-μὴν ὅ γε θεὸς οὗτος, ὃς “ἐν ἀρχῇ ἐποίησε τὸν
-οὐρανὸν καὶ τὴν γῆν” · σὺ δὲ τὸν μὲν θεὸν οὐ νοεῖς,
-τὸν δὲ οὐρανὸν προσκυνεῖς, καὶ πῶς οὐκ ἀσεβεῖς;
-ἄκουε πάλιν προφήτου λέγοντος “ἐκλείψει μὲν ὁ
-ἥλιος καὶ ὁ οὐρανὸς σκοτισθήσεται, λάμψει δὲ ὁ
-παντοκράτωρ εἰς τὸν αἰῶνα, καὶ αἱ δυνάμεις τῶν
-οὐρανῶν σαλευθήσονται καὶ οἱ οὐρανοὶ εἱλιγήσονται
-ὡς δέρρις ἐκτεινόμενοι καὶ συστελλόμενοι” ʽαὗται
-γὰρ αἱ προφητικαὶ φωναἴ “καὶ ἡ γῆ φεύξεται
-ἀπὸ προσώπου κυρίου.” </p>
-</div1>
-<div1 type="chapter" n="9">
-<p>
-Καὶ μυρίας ἂν ἔχοιμί σοι γραφὰς παραφέρειν,
-ὧν οὐδὲ “κεραία παρελεύσεται μία,” μὴ οὐχὶ
-ἐπιτελὴς γενομένη· τὸ γὰρ στόμα κυρίου, τὸ
-ἅγιον πνεῦμα, ἐλάλησεν ταῦτα. “μὴ τοίνυν μηκέτι,” φησίν, “υἱέ μου, ὀλιγώρει παιδείας κυρίου,
-μηδ’ ἐκλύου ὑπ’ αὐτοῦ ἐλεγχόμενος.” ὢ τῆς ὑπερβαλλούσης
-φιλανθρωπίας· οὐδ’ ὡς μαθηταῖς ὁ
-διδάσκαλος οὐδ’ ὡς οἰκέταις ὁ κύριος οὐδ’ ὡς
-<pb id="pg.69"/> θεὸς ἀνθρώποις, “πατὴρ δὲ ὣς ἤπιοσ” νουθετεῖ
-υἱούς. εἶτα Μωυσῆς μὲν ὁμολογεῖ “ἔμφοβος εἶναι
-καὶ ἔντρομος,” ἀκούων περὶ τοῦ λόγου, σὺ δὲ τοῦ
-<pb id="p.184"/>
- λόγου ἀκροώμενος τοῦ θείου οὐ δέδιας; οὐκ ἀγωνιᾷς;
-οὐχὶ ἅμα τε εὐλαβῇ καὶ σπεύδεις ἐκμαθεῖν,
-τουτέστι σπεύδεις εἰς σωτηρίαν, φοβούμενος τὴν
-ὀργήν, ἀγαπήσας τὴν χάριν, ζηλώσας τὴν ἐλπίδα,
-ἵνα ἐκκλίνῃς τὴν κρίσιν; ἥκετε ἥκετε, ὦ νεολαία
-ἡ ἐμή· “ἢν γὰρ μὴ αὖθις ὡς τὰ παιδία γένησθε καὶ
-ἀναγεννηθῆτε,” ὥς φησιν ἡ γραφή, τὸν ὄντως ὄντα
-πατέρα οὐ μὴ ἀπολάβητε, “οὐδ’ οὐ μὴ εἰσελεύσεσθέ
-ποτε εἰς τὴν βασιλείαν τῶν οὐρανῶν.” πῶς γὰρ
-εἰσελθεῖν ἐπιτέτραπται τῷ ξένῳ; ἀλλ’ ὅταν, οἶμαι,
-ἐγγραφῇ καὶ πολιτευθῇ καὶ τὸν πατέρα ἀπολάβῃ,
-τότε “ἐν τοῖς τοῦ πατρὸσ” γενήσεται, τότε
-κληρονομῆσαι καταξιωθήσεται, τότε τῆς βασιλείας
-τῆς πατρῴας κοινωνήσει τῷ γνησίῳ, τῷ “ἠγαπημένῳ” ·
-αὕτη γὰρ ἡ πρωτότοκος ἐκκλησία ἡ ἐκ
-πολλῶν ἀγαθῶν συγκειμένη παιδίων· ταῦτ’ ἔστι τὰ “πρωτότοκα τὰ ἐναπογεγραμμένα ἐν οὐρανοῖσ” καὶ τοσαύταις “μυριάσιν ἀγγέλων” συμπανηγυρίζοντα·
-πρωτότοκοι δὲ παῖδες ἡμεῖς οἱ τρόφιμοι
-τοῦ θεοῦ, οἱ τοῦ “πρωτοτόκου” γνήσιοι φίλοι,
-οἱ πρῶτοι τῶν ἄλλων ἀνθρώπων τὸν θεὸν νενοηκότες,
-οἱ πρῶτοι τῶν ἁμαρτιῶν ἀπεσπασμένοι, οἱ πρῶτοι
-τοῦ διαβόλου κεχωρισμένοι.
-Νυνὶ δὲ τοσούτῳ τινές εἰσιν ἀθεώτεροι, ὅσῳ
-φιλανθρωπότερος ὁ θεός· ὁ μὲν γὰρ ἐκ δούλων
-υἱοὺς ἡμᾶς γενέσθαι βούλεται, οἱ δὲ καὶ υἱοὶ γενέσθαι
-ὑπερηφανήκασιν. ὢ τῆς ἀπονοίας τῆς πολλῆς· τὸν
-κύριον ἐπαισχύνεσθε. ἐλευθερίαν ἐπαγγέλλεται,
-<pb id="p.186"/>
- ὑμεῖς δὲ εἰς δουλείαν ἀποδιδράσκετε. σωτηρίαν
-χαρίζεται, ὑμεῖς δὲ εἰς θάνατον <note n="1" place="unspecified" anchored="yes">qa/naton Stählin. a(pw/leian Sylburg. a)/nqrwpon MSS.</note> ὑποφέρεσθε. ζωὴν
-δωρεῖται αἰώνιον, ὑμεῖς δὲ τὴν κόλασιν ἀναμένετε·
-καὶ “τὸ πῦρ” δὲ προσκοπεῖτε, “ὃ ἡτοίμασεν ὁ
-κύριος τῷ διαβόλῳ καὶ τοῖς ἀγγέλοις αὐτοῦ.” διὰ
-τοῦτο ὁ μακάριος ἀπόστολος “μαρτύρομαι ἐν
-κυρίῳ,” φησίν, “μηκέτι ὑμᾶς περιπατεῖν, καθὼς
-καὶ τὰ ἔθνη περιπατεῖ ἐν ματαιότητι τοῦ νοὸς αὐτῶν,
-ἐσκοτισμένοι τῇ διανοίᾳ ὄντες καὶ ἀπηλλοτριωμένοι
-τῆς ζωῆς τοῦ θεοῦ, διὰ τὴν ἄγνοιαν τὴν οὖσαν ἐν
-αὐτοῖς, διὰ τὴν πώρωσιν τῆς καρδίας αὐτῶν· οἵτινες
- ἑαυτοὺς παρέδωκαν  <pb id="pg.70"/> ἀπηλγηκότες τῇ ἀσελγείᾳ εἰς
-ἐργασίαν ἀκαθαρσίας πάσης καὶ πλεονεξίας.” τοιούτου
-μάρτυρος ἐλέγχοντος τὴν τῶν ἀνθρώπων ἄνοιαν
-καὶ θεὸν ἐπιβοωμένου, τί δὴ ἕτερον ὑπολείπεται τοῖς
-ἀπίστοις ἢ κρίσις καὶ καταδίκη; οὐ κάμνει <note n="2" place="unspecified" anchored="yes">ou) ka/mnei Münzel. ou)k a)melei= MSS.</note> δὲ ὁ
-κύριος παραινῶν, ἐκφοβῶν, προτρέπων, διεγείρων,
-νουθετῶν· ἀφυπνίζει γέ τοι καὶ τοῦ σκότους αὐτοῦ
-τοὺς πεπλανημένους διανίστησιν· “ἔγειρε,” φησίν, “ὁ καθεύδων καὶ ἀνάστα ἐκ τῶν νεκρῶν, καὶ ἐπιφαύσει
-σοι ὁ Χριστὸς κύριος,” ὁ τῆς ἀναστάσεως ἥλιος,
-ὁ “πρὸ ἑωσφόρου” γεννώμενος, ὁ ζωὴν χαρισάμενος ἀκτῖσιν ἰδίαις.
-Μὴ οὖν περιφρονείτω τις τοῦ λόγου, μὴ λάθῃ
-καταφρονῶν ἑαυτοῦ. λέγει γάρ που ἡ γραφή· “σήμερον ἐὰν τῆς φωνῆς αὐτοῦ ἀκούσητε, μὴ
-σκληρύνητε τὰς καρδίας ὑμῶν ὡς ἐν τῷ παραπικρασμῷ
-κατὰ τὴν ἡμέραν τοῦ πειρασμοῦ ἐν τῇ
-ἐρήμῳ, οὗ ἐπείρασαν οἱ πατέρες ὑμῶν ἐν δοκιμασίᾳ.” <pb id="p.188"/>
- ἡ δὲ δοκιμασία τίς ἐστιν εἰ θέλεις μαθεῖν,
-τὸ ἅγιόν σοι πνεῦμα ἐξηγήσεται· “καὶ εἶδον τὰ
-ἔργα μου,” φησί, “τεσσαράκοντα ἔτη· δι’ ὃ προσώχθισα
-τῇ γενεᾷ ταύτῃ καὶ εἶπον· ἀεὶ πλανῶνται
-τῇ καρδίᾳ· αὐτοὶ δὲ οὐκ ἔγνωσαν τὰς ὁδούς μου·
-ὡς ὤμοσα ἐν τῇ ὀργῇ μου, εἰ εἰσελεύσονται εἰς τὴν
-κατάπαυσίν μου.” ὁρᾶτε τὴν ἀπειλήν· ὁρᾶτε τὴν
-προτροπήν· ὁρᾶτε τὴν τιμήν· τί δὴ οὖν ἔτι τὴν
-χάριν εἰς ὀργὴν μεταλλάσσομεν καὶ οὐχὶ ἀναπεπταμέναις
-ταῖς ἀκοαῖς καταδεχόμενοι τὸν λόγον ἐν
-ἁγναῖς ξενοδοχοῦμεν ταῖς ψυχαῖς τὸν θεόν; μεγάλη
-γὰρ τῆς ἐπαγγελίας αὐτοῦ ἡ χάρις, “ἐὰν σήμερον
-τῆς φωνῆς αὐτοῦ ἀκούσωμεν” · τὸ δὲ σήμερον
-καθ’ ἑκάστην <del>αὐτοῦ</del>
-<note n="1" place="unspecified" anchored="yes">
-<del>au)tou=</del> Stählin.</note> αὔξεται τὴν ἡμέραν, ἔστ’ ἂν
-ἡ σήμερον ὀνομάζηται. μέχρι δὲ συντελείας καὶ ἡ
-σήμερον καὶ ἡ μάθησις διαμένει· καὶ τότε ἡ ὄντως
-σήμερον ἡ ἀνελλιπὴς τοῦ θεοῦ ἡμέρα τοῖς αἰῶσι συνεκτείνεται.
-Ἀεὶ οὖν τῆς φωνῆς ὑπακούωμεν τοῦ θείου
-λόγου· ἡ σήμερον γὰρ ἀιδίου αἰῶνός <note n="2" place="unspecified" anchored="yes">a)idi/ou ai)w=nos Arcerius. a)i/dios ai)w/n MSS.</note> ἐστιν
-εἰκών, σύμβολον δὲ τοῦ φωτὸς ἡ ἡμέρα, φῶς δὲ ὁ
-λόγος ἀνθρώποις, δι’ οὗ καταυγαζόμεθα τὸν θεόν.
-εἰκότως ἄρα πιστεύσασι μὲν καὶ ὑπακούουσιν ἡ
-χάρις ὑπερπλεονάσει, ἀπειθήσασι δὲ καὶ πλανωμένοις
-κατὰ καρδίαν ὁδούς τε τὰς κυριακὰς μὴ
-ἐγνωκόσιν, ἃς εὐθείας ποιεῖν καὶ εὐτρεπίζειν παρήγγειλεν
-Ἰωάννης, τούτοις δὲ προσώχθισεν ὁ θεὸς καὶ
-ἀπειλεῖ· καὶ δὴ καὶ τὸ τέλος τῆς ἀπειλῆς αἰνιγματωδῶς
- ἀπειλή <pb id="pg.71"/>φασιν οἱ παλαιοὶ τῶν Ἑβραίων
-<pb id="p.190"/>
- πλανῆται· οὐ γὰρ “εἰσελθεῖν εἰς τὴν κατάπαυσιν” λέγονται διὰ τὴν ἀπιστίαν, πρὶν ἢ σφᾶς αὐτοὺς
-κατακολουθήσαντας τῷ Μωυσέως διαδόχῳ ὀψέ
-ποτε ἔργῳ μαθεῖν οὐκ ἂν ἄλλως σωθῆναι μὴ
-οὐχὶ ὡς Ἰησοῦς πεπιστευκότας.
-Φιλάνθρωπος δὲ ὢν ὁ κύριος πάντας ἀνθρώπους “εἰς ἐπίγνωσιν τῆς ἀληθείασ” παρακαλεῖ, ὁ τὸν
-παράκλητον ἀποστέλλων. τίς οὖν ἡ ἐπίγνωσις;
-θεοσέβεια· “θεοσέβεια δὲ πρὸς πάντα ὠφέλιμοσ” κατὰ τὸν Παῦλον, “ἐπαγγελίαν ἔχουσα ζωῆς τῆς
-νῦν καὶ τῆς μελλούσης.” πόσου ὡμολογήσατε, ὦ
-ἄνθρωποι, εἰ ἐπιπράσκετο σωτηρία ἀίδιος, ὠνήσασθαι
-ἄν; οὐδὲ εἰ τὸν Πακτωλόν τις ὅλον, τοῦ
-χρυσίου τὸ ῥεῦμα τὸ μυθικόν, ἀπομετρήσαι, ἀντάξιον
-σωτηρίας μισθὸν ἀριθμήσει. μὴ οὖν ἀποκάμητε·
-ἔξεστιν ὑμῖν, ἢν ἐθέλητε, ἐξωνήσασθαι τὴν
-πολυτίμητον σωτηρίαν οἰκείῳ θησαυρῷ, ἀγάπῃ καὶ
-πίστει, ζωῆς ὅς ἐστιν ἀξιόλογος μισθός. <note n="1" place="unspecified" anchored="yes">a)ga/ph| kai\ pi/stei zwh=s, o(/s... misqo/s. Stählin. The punctuation given above is suggested by Mayor.</note> ταύτην
-ἡδέως τὴν τιμὴν ὁ θεὸς λαμβάνει. “ἠλπίκαμεν
-γὰρ ἐπὶ θεῷ ζῶντι, ὅς ἐστι σωτὴρ πάντων ἀνθρώπων,
-μάλιστα πιστῶν.” οἱ δὲ ἄλλοι περιπεφυκότες
-τῷ κόσμῳ, οἷα φυκία τινὰ ἐνάλοις
-πέτραις, ἀθανασίας ὀλιγωροῦσιν, καθάπερ ὁ Ἰθακήσιος
-γέρων οὐ τῆς ἀληθείας καὶ τῆς ἐν οὐρανῷ
-πατρίδος, πρὸς δὲ καὶ τοῦ ὄντως ὄντος ἱμειρόμενοι <note n="2" place="unspecified" anchored="yes">i(meiro/menoi Markland. i(meiro/menos MSS.</note>
-φωτός, ἀλλὰ τοῦ καπνοῦ.
-<pb id="p.192"/>
- Θεοσέβεια δέ, ἐξομοιοῦσα τῷ θεῷ κατὰ τὸ
-δυνατὸν τὸν ἄνθρωπον, κατάλληλον ἐπιγράφεται διδάσκαλον
-θεὸν τὸν καὶ μόνον ἀπεικάσαι κατ’ ἀξίαν
-δυνάμενον ἄνθρωπον θεῷ. ταύτην ὁ ἀπόστολος
-τὴν διδασκαλίαν θείαν ὄντως ἐπιστάμενος “σὺ
-δέ, ὦ Τιμόθεε,” φησίν, “ἀπὸ βρέφους ἱερὰ
-γράμματα οἶδας, τὰ δυνάμενά σε σοφίσαι εἰς
-σωτηρίαν διὰ πίστεως ἐν Χριστῷ.” ἱερὰ γὰρ ὡς
-ἀληθῶς τὰ ἱεροποιοῦντα καὶ θεοποιοῦντα γράμματα,
-ἐξ ὧν γραμμάτων καὶ συλλαβῶν τῶν ἱερῶν τὰς
-συγκειμένας γραφάς, τὰ συντάγματα, ὁ αὐτὸς
-ἀκολούθως ἀπόστολος “θεοπνεύστουσ” καλεῖ, “ὠφελίμους οὔσας πρὸς διδασκαλίαν, πρὸς ἔλεγχον,
-πρὸς ἐπανόρθωσιν, πρὸς παιδείαν τὴν ἐν δικαιοσύνῃ,
-ἵνα ἄρτιος ᾖ ὁ τοῦ θεοῦ ἄνθρωπος πρὸς πᾶν ἔργον
-ἀγαθὸν ἐξηρτημένος.” οὐκ ἄν τις οὕτως ἐκπλαγείη
-τῶν ἄλλων ἁγίων τὰς προτροπὰς ὡς αὐτὸν τὸν
- κύριον τὸν φιλάνθρωπον· οὐδὲν γὰρ  <pb id="pg.72"/> ἀλλ’ ἢ τοῦτο
-ἔργον μόνον ἐστὶν αὐτῷ σῴζεσθαι τὸν ἄνθρωπον.
-βοᾷ γοῦν ἐπείγων εἰς σωτηρίαν αὐτὸς “ἤγγικεν ἡ
-βασιλεία τῶν οὐρανῶν” · ἐπιστρέφει τοὺς ἀνθρώπους
-πλησιάζοντας τῷ φόβῳ. ταύτῃ καὶ ὁ ἀπόστολος
-τοῦ κυρίου παρακαλῶν τοὺς Μακεδόνας
-ἑρμηνεὺς γίνεται τῆς θείας φωνῆς, “ὁ κύριος
-ἤγγικεν” λέγων, “εὐλαβεῖσθε μὴ καταληφθῶμεν κενοί.” Ὑμεῖς δὲ ἐς τοσοῦτον ἀδεεῖς, μᾶλλον δὲ ἄπιστοι,
-μήτε αὐτῷ πειθόμενοι τῷ κυρίῳ μήτε τῷ Παύλῳ,
-καὶ ταῦτα ὑπὲρ Χριστοῦ δεδεμένῳ. <note n="1" place="unspecified" anchored="yes">deome/nw| correction in P (cp. 2 Corinthians v. 20).</note> “γεύσασθε
-<pb id="p.194"/>
- καὶ ἴδετε ὅτι χρηστὸς ὁ θεός.” ἡ πίστις εἰσάξει,
-ἡ πεῖρα διδάξει, ἡ γραφὴ παιδαγωγήσει “δεῦτε,
-ὦ τέκνα,” λέγουσα, “ἀκούσατέ μου, φόβον κυρίου
-διδάξω ὑμᾶς.” εἶτα ὡς ἤδη πεπιστευκόσι συντόμως
-ἐπιλέγει “τίς ἐστιν ἄνθρωπος ὁ θέλων
-ζωήν, ἀγαπῶν ἡμέρας ἰδεῖν ἀγαθάς;” ἡμεῖς ἐσμεν,
-φήσομεν, οἱ τἀγαθοῦ προσκυνηταί, οἱ τῶν ἀγαθῶν
-ζηλωταί. ἀκούσατε οὖν “οἱ μακράν,” ἀκούσατε “οἱ ἐγγύσ” · οὐκ ἀπεκρύβη τινὰς ὁ λόγος· φῶς
-ἐστι κοινόν, ἐπιλάμπει πᾶσιν ἀνθρώποις· οὐδεὶς
-Κιμμέριος ἐν λόγῳ· σπεύσωμεν εἰς σωτηρίαν, ἐπὶ
-τὴν παλιγγενεσίαν· εἰς μίαν ἀγάπην <note n="1" place="unspecified" anchored="yes">Stählin suggests a)ge/lhn.</note> συναχθῆναι οἱ
-πολλοὶ κατὰ τὴν τῆς μοναδικῆς οὐσίας ἕνωσιν
-σπεύσωμεν. ἀγαθοεργούμενοι ἀναλόγως ἑνότητα
-διώκωμεν, τὴν ἀγαθὴν ἐκζητοῦντες μονάδα. ἡ δὲ
-ἐκ πολλῶν ἕνωσις ἐκ πολυφωνίας καὶ διασπορᾶς
-ἁρμονίαν λαβοῦσα θεϊκὴν μία γίνεται συμφωνία,
-ἑνὶ χορευτῇ καὶ διδασκάλῳ τῷ λόγῳ ἑπομένη,
-ἐπ’ αὐτὴν τὴν ἀλήθειαν ἀναπαυομένη, “Ἀββᾶ” λέγουσα “ὁ πατήρ” · ταύτην ὁ θεὸς τὴν φωνὴν
-τὴν ἀληθινὴν ἀσπάζεται παρὰ τῶν αὐτοῦ παίδων
-πρώτην καρπούμενος.
-<pb id="p.196"/>
-</p>
-</div1>
-<div1 type="chapter" n="10">
-<p>
-Ἀλλ’ ἐκ πατέρων, φατέ, παραδεδομένον ἡμῖν
-ἔθος ἀνατρέπειν οὐκ εὔλογον. καὶ τί δὴ οὐχὶ τῇ
-πρώτῃ τροφῇ, τῷ γάλακτι, χρώμεθα, ᾧ δήπουθεν
-συνείθισαν ἡμᾶς ἐκ γενετῆς αἱ τίτθαι; τί δὲ
- αὐξάνομεν ἢ μειοῦμεν τὴν πατρῴαν οὐσίαν,  <pb id="pg.73"/> καὶ
-οὐχὶ τὴν ἴσην, ὡς παρειλήφαμεν, διαφυλάττομεν; τί
-δὲ οὐκέτι τοῖς κόλποις τοῖς πατρῴοις ἐναποβλύζομεν,
-ἢ καὶ τὰ ἄλλα, ἃ νηπιάζοντες ὑπὸ μητράσιν
-τε ἐκτρεφόμενοι γέλωτα ὤφλομεν, ἐπιτελοῦμεν ἔτι,
-ἀλλὰ σφᾶς αὐτούς, καὶ εἰ μὴ παιδαγωγῶν ἐτύχομεν
-ἀγαθῶν, ἐπανωρθώσαμεν; εἶτα ἐπὶ τῶν πλόων <note n="1" place="unspecified" anchored="yes">plo/wn Cobet. pai/dwn Schsartz. paqw=n MSS.</note> αἱ
-παρεκβάσεις καίτοι ἐπιζήμιοι καὶ ἐπισφαλεῖς οὖσαι,
-ὅμως γλυκεῖαί πως προσπίπτουσιν, ἐπὶ δὲ τοῦ βίου
-οὐχὶ τὸ ἔθος καταλιπόντες <note n="2" place="unspecified" anchored="yes">katalipo/ntes Cobet. katalei/pontes MSS.</note> τὸ πονηρὸν καὶ ἐμπαθὲς
-καὶ ἄθεον, κἂν οἱ πατέρες χαλεπαίνωσιν, ἐπὶ τὴν
-ἀλήθειαν ἐκκλινοῦμεν καὶ τὸν ὄντως ὄντα πατέρα
-ἐπιζητήσομεν, <note n="3" place="unspecified" anchored="yes">e)pizhth/somen Sylburg. e)pizhth/swmen MSS.</note> οἷον δηλητήριον φάρμακον τὴν συνήθειαν
-ἀπωσάμενοι; τοῦτ’ αὐτὸ γάρ τοι τὸ κάλλιστον
-τῶν ἐγχειρουμένων ἐστίν, ὑποδεῖξαι ὑμῖν ὡς
-ἀπὸ μανίας καὶ τοῦ τρισαθλίου τούτου ἔθους ἐμισήθη
-ἡ θεοσέβεια· οὐ γὰρ ἂν ἐμισήθη ποτὲ ἢ ἀπηγορεύθη
-ἀγαθὸν τοσοῦτον, οὗ μεῖζον οὐδὲν ἐκ θεοῦ δεδώρηταί
-πω τῇ τῶν ἀνθρώπων γενέσει, εἰ μὴ συναρπαζόμενοι
-τῷ ἔθει, εἶτα μέντοι ἀποβύσαντες τὰ
-ὦτα ἡμῖν, οἷον ἵπποι σκληραύχενες ἀφηνιάζοντες,
-τοὺς χαλινοὺς ἐνδακόντες, ἀπεφεύγετε <note n="4" place="unspecified" anchored="yes">a)pefeu/gete... u(pelamba/nete Stählin. a)pofeu/gete... u(polamba/nete MSS.</note> τοὺς λόγους,
-<pb id="p.198"/>
- ἀποσείσασθαι μὲν τοὺς ἡνιόχους ὑμῶν τοῦ βίου
-ἡμᾶς ἐπιποθοῦντες, ἐπὶ δὲ τοὺς κρημνοὺς τῆς
-ἀπωλείας ὑπὸ τῆς ἀνοίας φερόμενοι ἐναγῆ τὸν
-ἅγιον ὑπελαμβάνετε <note n="1" place="unspecified" anchored="yes">a)pefeu/gete... u(pelamba/nete Stählin. a)pofeu/gete... u(polamba/nete MSS.</note> τοῦ θεοῦ λόγον. ἕπεται τοιγαροῦν
-ὑμῖν κατὰ τὸν Σοφοκλέα τὰ ἐπίχειρα τῆς ἐκλογῆς,
-νοῦς φροῦδος, ὦτ’ ἀχρεῖα, φροντίδες κεναί,
-καὶ οὐκ ἴστε ὡς παντὸς μᾶλλον τοῦτο ἀληθές, ὅτι
-ἄρα οἱ μὲν ἀγαθοὶ καὶ θεοσεβεῖς ἀγαθῆς τῆς
-ἀμοιβῆς τεύξονται τἀγαθὸν τετιμηκότες, οἱ δὲ ἐκ
-τῶν ἐναντίων πονηροὶ τῆς καταλλήλου τιμωρίας,
-καὶ τῷ γε ἄρχοντι τῆς κακίας ἐπήρτηται κόλασις.
-ἀπειλεῖ γοῦν αὐτῷ ὁ προφήτης Ζαχαρίας “ἐπιτιμήσαι
-ἐν σοὶ ὁ ἐκλεξάμενος τὴν Ἱερουσαλήμ·
-οὐκ ἰδοὺ τοῦτο δαλὸς ἐξεσπασμένος ἐκ πυρός;” τίς
-οὖν ἔτι τοῖς ἀνθρώποις ὄρεξις ἔγκειται θανάτου
-ἑκουσίου; τί δὲ τῷ δαλῷ τῷ θανατηφόρῳ τούτῳ
-<pb id="pg.74"/> προσπεφεύγασιν, μεθ’ οὗ καταφλεχθήσονται, ἐξὸν
-βιῶναι καλῶς κατὰ τὸν θεόν, οὐ κατὰ τὸ ἔθος;
-θεὸς μὲν γὰρ ζωὴν χαρίζεται, ἔθος δὲ πονηρὸν μετὰ
-τὴν ἐνθένδε ἀπαλλαγὴν μετάνοιαν κενὴν ἅμα τιμωρίᾳ
-προστρίβεται, “παθὼν δέ τε νήπιος ἔγνω,” ὡς ἀπολλύει δεισιδαιμονία καὶ σῴζει θεοσέβεια.
-Ἰδέτω τις ὑμῶν τοὺς παρὰ τοῖς εἰδώλοις λατρεύοντας,
-κόμῃ ῥυπῶντας, ἐσθῆτι πιναρᾷ καὶ κατερρωγυίᾳ
-<pb id="p.200"/>
- καθυβρισμένους, λουτρῶν μὲν παντάπασιν
-ἀπειράτους, ταῖς δὲ τῶν ὀνύχων ἀκμαῖς ἐκτεθηριωμένους,
-πολλοὺς δὲ καὶ τῶν αἰδοίων ἀφῃρημένους,
-ἔργῳ δεικνύντας τῶν εἰδώλων τὰ τεμένη τάφους
-τινὰς ἢ δεσμωτήρια· οὗτοί μοι δοκοῦσι πενθεῖν, οὐ
-θρῃσκεύειν τοὺς θεούς, ἐλέου μᾶλλον ἢ θεοσεβείας
-ἄξια πεπονθότες. καὶ ταῦτα ὁρῶντες ἔτι τυφλώττετε
-καὶ οὐχὶ πρὸς τὸν δεσπότην τῶν πάντων καὶ
-κύριον τῶν ὅλων ἀναβλέψετε; οὐχὶ δὲ καταφεύξεσθε,
-ἐκ τῶν ἐνταῦθα δεσμωτηρίων ἐκφεύγοντες,
-ἐπὶ τὸν ἔλεον τὸν ἐξ οὐρανῶν; ὁ γὰρ θεὸς ἐκ
-πολλῆς τῆς φιλανθρωπίας ἀντέχεται τοῦ ἀνθρώπου,
-ὥσπερ ἐκ καλιᾶς ἐκπίπτοντος νεοττοῦ ἡ μήτηρ
-ὄρνις ἐφίπταται· εἰ δέ που καὶ θηρίον ἑρπηστικὸν
-περιχάνοι τῷ νεοττῷ,
-μήτηρ δ’ ἀμφιποτᾶται ὀδυρομένη φίλα τέκνα·
-ὁ δὲ θεὸς πατὴρ καὶ ζητεῖ τὸ πλάσμα καὶ ἰᾶται τὸ
-παράπτωμα καὶ διώκει τὸ θηρίον καὶ τὸν νεοττὸν
-αὖθις ἀναλαμβάνει ἐπὶ τὴν καλιὰν ἀναπτῆναι παρορμῶν.
-εἶτα κύνες μὲν ἤδη πεπλανημένοι ὀδμαῖς
-ῥινηλατοῦντες ἐξίχνευσαν τὸν δεσπότην καὶ ἵπποι
-τὸν ἀναβάτην ἀποσεισάμενοι ἑνί που συρίγματι
-ὑπήκουσαν τῷ δεσπότῃ· “ἔγνω δέ,” φησί, “βοῦς
-τὸν κτησάμενον καὶ ὄνος τὴν φάτνην τοῦ κυρίου
-αὐτοῦ, Ἰσραὴλ δέ με οὐκ ἔγνω.” τί οὖν ὁ κύριος;
-οὐ μνησικακεῖ, ἔτι ἐλεεῖ, ἔτι τὴν μετάνοιαν ἀπαιτεῖ.
-ἐρέσθαι δὲ ὑμᾶς βούλομαι, εἰ οὐκ ἄτοπον ὑμῖν
-δοκεῖ πλάσμα ὑμᾶς τοὺς ἀνθρώπους ἐπιγεγονότας <note n="1" place="unspecified" anchored="yes">e)pigegono/tas MSS. <del>e)pi</del>gegono/tas Stählin.</note>
-<pb id="p.202"/>
- τοῦ θεοῦ καὶ παρ’ αὐτοῦ τὴν ψυχὴν εἰληφότας καὶ
-ὄντας ὅλως τοῦ θεοῦ ἑτέρῳ δουλεύειν δεσπότῃ,
-πρὸς δὲ καὶ θεραπεύειν ἀντὶ μὲν τοῦ βασιλέως τὸν
-τύραννον, ἀντὶ δὲ τοῦ ἀγαθοῦ τὸν πονηρόν. τίς
-γάρ, ὢ πρὸς τῆς ἀληθείας, σωφρονῶν γε τἀγαθὸν
-καταλείπων κακίᾳ σύνεστιν; τίς δὲ ὅστις τὸν θεὸν
-ἀποφεύγων δαιμονίοις συμβιοῖ; τίς δὲ υἱὸς εἶναι
-δυνάμενος τοῦ θεοῦ δουλεύειν ἥδεται; ἢ τίς οὐρανοῦ
- πολίτης εἶναι δυνάμενος ἔρεβος  <pb id="pg.75"/> διώκει, ἐξὸν παράδεισον
-γεωργεῖν καὶ οὐρανὸν περιπολεῖν καὶ τῆς
-ζωτικῆς καὶ ἀκηράτου μεταλαμβάνειν πηγῆς,
-κατ’ ἴχνος ἐκείνης τῆς φωτεινῆς ἀεροβατοῦντα
-νεφέλης, ὥσπερ ὁ Ἡλίας, θεωροῦντα τὸν ὑετὸν
-<add>τὸν</add>
-<note n="1" place="unspecified" anchored="yes">
-<add>to\n</add> inserted by Sylburg.</note> σωτήριον; οἱ δὲ σκωλήκων δίκην περὶ
-τέλματα καὶ βορβόρους, τὰ ἡδονῆς ῥεύματα, καλινδούμενοι
-ἀνονήτους καὶ ἀνοήτους ἐκβόσκονται
-τρυφάς, ὑώδεις τινὲς ἄνθρωποι. ὕες γάρ, φησίν, “ἥδονται βορβόρῳ” μᾶλλον ἢ καθαρῷ ὕδατι καὶ “ἐπὶ φορυτῷ μαργαίνουσιν” κατὰ Δημόκριτον. μὴ
-δῆτα οὖν, μὴ δῆτα ἐξανδραποδισθῶμεν μηδὲ ὑώδεις
-γενώμεθα, ἀλλ’ “ὡς τέκνα φωτὸσ” γνήσια,
-ἀναθρήσωμεν καὶ ἀναβλέψωμεν εἰς τὸ φῶς, μὴ
-νόθους ἡμᾶς ἐξελέγξῃ ὁ κύριος ὥσπερ ὁ ἥλιος τοὺς ἀετούς.
-Μετανοήσωμεν οὖν καὶ μεταστῶμεν ἐξ ἀμαθίας
-εἰς ἐπιστήμην, ἐξ ἀφροσύνης εἰς φρόνησιν, ἐξ
-ἀκρασίας εἰς ἐγκράτειαν, ἐξ ἀδικίας εἰς δικαιοσύνην,
-ἐξ ἀθεότητος εἰς θεόν. καλὸς ὁ κίνδυνος αὐτομολεῖν
-<pb id="p.204"/>
- πρὸς θεόν. πολλῶν δὲ καὶ ἄλλων ἔστιν ἀπολαῦσα
-ἀγαθῶν τοὺς δικαιοσύνης ἐραστάς, οἳ τὴν ἀίδιὁ??ʼ
-διώκομεν σωτηρίαν, ἀτὰρ δὴ καὶ ὧν αὐτὸς αἰνίτ̔??ʼ
-τεται ὁ θεὸς διὰ Ἡσαΐου λαλῶν “ἔστι κληρονομἵ??ʼ
-τοῖς θεραπεύουσι κύριον” · καλή γε καὶ ἐρἅ??ʼ
-σμιος ἡ κληρονομία, οὐ χρυσίον, οὐκ ἄργυρος, οὑ̓??ʼ
-ἐσθής, τὰ τῆς γῆς, <note n="1" place="unspecified" anchored="yes">ta\ th=s gh=s after e)sqh/s Markland: after sh\s kai\ MSS. : kai\ <del>ta\ th=s gh=s</del> Stählin.</note> ἔνθα που σὴς καὶ λῃστής πὁ??ʼ
-καταδύεται περὶ τὸν χαμαίζηλον πλοῦτον ὀφθαλμιῶν
-ἀλλ’ ἐκεῖνος ὁ θησαυρὸς τῆς σωτηρίας, πρὸς ὅν γ̔??ʼ
-ἐπείγεσθαι χρὴ φιλολόγους γενομένους, συναπαίρἑ??ʼ
-δὲ ἡμῖν ἐνθένδε τὰ ἔργα τὰ ἀστεῖα καὶ συνίπτατἁ??ʼ
-τῷ τῆς ἀληθείας πτερῷ.
-Ταύτην ἡμῖν τὴν κληρονομίαν ἐγχειρίζει ἡ
-ἀίδιος διαθήκη τοῦ θεοῦ τὴν ἀίδιον δωρεὰν
-χορηγοῦσα· ὁ δὲ φιλόστοργος οὗτος ἡμῶν πατήῥ??ʼ
-ὁ ὄντως πατήρ, οὐ παύεται προτρέπων, νουθετῶν̔??ʼ
-παιδεύων, φιλῶν· οὐδὲ γὰρ σῴζων παύεται, συμβουλεύει
-δὲ τὰ ἄριστα· “δίκαιοι γένεσθε, λέγει
-κύριος· οἱ διψῶντες πορεύεσθε ἐφ’ ὕδωρ, καὶ ὅσοι
-μὴ ἔχετε ἀργύριον, βαδίσατε καὶ ἀγοράσατε καὶ
-πίετε ἄνευ ἀργυρίου.” ἐπὶ τὸ λουτρόν, ἐπὶ τὴν
-σωτηρίαν, ἐπὶ τὸν φωτισμὸν παρακαλεῖ μονονουχὶ
-  <pb id="pg.76"/> βοῶν καὶ λέγων· γῆν σοι δίδωμι καὶ
-θάλατταν, παιδίον, οὐρανόν τε καὶ τὰ ἐν αὐτοῖς
-πάντα ζῷά σοι χαρίζομαι· μόνον, ὦ παιδίον,
-δίψησον τοῦ πατρός, ἀμισθεί σοι δειχθήσεται ὁ
-θεός· οὐ καπηλεύεται ἡ ἀλήθεια, δίδωσί σοι καὶ τὰ
-πτηνὰ καὶ τὰ νηκτὰ καὶ τὰ ἐπὶ τῆς γῆς· ταῦτά σου
-<pb id="p.206"/>
- ταῖς εὐχαρίστοις τρυφαῖς δεδημιούργηκεν ὁ πατήρ.
-ἀργυρίῳ μὲν ὠνήσεται ὁ νόθος, ὃς ἀπωλείας ἐστὶ
-παιδίον, ὃς “μαμωνᾷ δουλεύειν” προῄρηται, σοὶ
-δὲ τὰ σὰ ἐπιτρέπει, τῷ γνησίῳ λέγω, <note n="1" place="unspecified" anchored="yes">le/gw Stählin. le/gei MSS.</note> τῷ φιλοῦντι
-τὸν πατέρα, δι’ ὃν ἔτι ἐργάζεται, ᾧ μόνῳ καὶ
-ὑπισχνεῖται λέγων· “καὶ ἡ γῆ οὐ πραθήσεται εἰς
-βεβαίωσιν” · οὐ γὰρ κυροῦται τῇ φθορᾷ· “ἐμὴ
-γάρ ἐστιν πᾶσα ἡ γῆ,” ἔστι δὲ καὶ σή, ἐὰν ἀπολάβῃς
-τὸν θεόν. ὅθεν ἡ γραφὴ εἰκότως εὐαγγελίζεται τοῖς
-πεπιστευκόσιν· “οἱ δὲ ἅγιοι κυρίου κληρονομήσουσι
-τὴν δόξαν τοῦ θεοῦ καὶ τὴν δύναμιν αὐτοῦ.” ποίαν, ὦ μακάριε, δόξαν, εἰπέ μοι· “ἣν ὀφθαλμὸς
-οὐκ εἶδεν οὐδὲ οὖς ἤκουσεν, οὐδὲ ἐπὶ καρδίαν ἀνθρώπου
-ἀνέβη· καὶ χαρήσονται ἐπὶ τῇ βασιλείᾳ
-τοῦ κυρίου αὐτῶν εἰς τοὺς αἰῶνας, ἀμήν.” ἔχετε,
-ὦ ἄνθρωποι, τὴν θείαν τῆς χάριτος ἐπαγγελίαν, ἀκηκόατε
-καὶ τὴν ἄλλην τῆς κολάσεως ἀπειλήν, δι’ ὧν
-ὁ κύριος σῴζει, φόβῳ καὶ χάριτι παιδαγωγῶν τὸν
-ἄνθρωπον· τί μέλλομεν; τί οὐκ ἐκκλίνομεν τὴν
-κόλασιν; τί οὐ καταδεχόμεθα τὴν δωρεάν; τί δὲ
-οὐχ αἱρούμεθα τὰ βελτίονα, θεὸν ἀντὶ τοῦ πονηροῦ,
-καὶ σοφίαν εἰδωλολατρείας προκρίνομεν καὶ ζωὴν
-ἀντικαταλλασσόμεθα <note n="2" place="unspecified" anchored="yes">a)ntikatallasso/meqa Heinsius. a)ntikatallasso/menoi MSS.</note> θανάτου <note n="3" place="unspecified" anchored="yes">qana/tou Mayor. qana/tw| MSS.</note>; “ἰδοὺ τέθεικα πρὸ
-<pb id="p.208"/>
- προσώπου ὑμῶν,” φησί, “τὸν θάνατον καὶ τὴν
-ζωήν.” πειράζει σε ὁ κύριος ἐκλέξασθαι τὴν ζωήν,
-συμβουλεύει σοι ὡς πατὴρ πείθεσθαι <note n="1" place="unspecified" anchored="yes">pei/qesqai Sylburg. pei/qesqe MSS.</note> τῷ θεῷ. “ἐὰν γὰρ ἀκούσητέ μου,” φησί, “καὶ θελήσητε,
-τὰ ἀγαθὰ τῆς γῆς φάγεσθε,” ὑπακοῆς ἡ χάρις· “ἐὰν δὲ μὴ ὑπακούσητέ μου μηδὲ θελήσητε, μάχαιρα
-ὑμᾶς καὶ πῦρ κατέδεται,” παρακοῆς ἡ κρίσις. “τὸ γὰρ στόμα κυρίου ἐλάλησεν ταῦτα·” νόμος
- ἀληθείας λόγος κυρίου.  <pb id="pg.77"/>
-Βούλεσθε ὑμῖν ἀγαθὸς γένωμαι σύμβουλος; ἀλλ̓
-ὑμεῖς μὲν ἀκούσατε· ἐγὼ δέ, εἰ δυνατόν, ἐνδείξομαι.
-ἐχρῆν μὲν ὑμᾶς, ὦ ἄνθρωποι, αὐτοῦ πέρι ἐννοουμένους
-τοῦ ἀγαθοῦ ἔμφυτον ἐπάγεσθαι πίστιν, μάρτυρα
-ἀξιόχρεων <note n="2" place="unspecified" anchored="yes">pi/stin, ma/rtura a)cio/xrewn Wilamositz. ma/rtura a)cio/xrewn, pi/stin MSS.</note> αὐτόθεν οἴκοθεν, περιφανῶς αἱρουμένην
-τὸ βέλτιστον, μηδὲ <del>ζητεῖν</del>
-<note n="3" place="unspecified" anchored="yes">
-<del>zhtei=n</del> Mayor. Stählin retains zhtei=n. and inserts to\ d) a)gaqo\n (Schsartz) before e)kponei=n.</note> εἰ μεταδιωκτέον ἐκπονεῖν.
-καὶ γὰρ εἴ τῳ μεθυστέον, φέρε εἰπεῖν,
-ἀμφιβάλλειν χρή· ὑμεῖς δὲ πρὶν ἢ ἐπισκέψασθαι
-μεθύετε· καὶ εἰ ὑβριστέον, οὐ πολυπραγμονεῖτε,
-ἀλλ’ ᾗ <note n="4" place="unspecified" anchored="yes">h(=| Sylburg. h)/ MSS.</note> τάχος ὑβρίζετε. μόνον δ’ ἄρα εἰ θεοσεβητέον,
-ζητεῖτε, καὶ εἰ τῷ σοφῷ τούτῳ <del>δὴ</del>
-<note n="5" place="unspecified" anchored="yes">
-<del>dh\</del> Stählin.</note> τῷ θεῷ καὶ τῷ
-Χριστῷ κατακολουθητέον, τοῦτο δὴ <note n="6" place="unspecified" anchored="yes">dh\ Stählin. de\ MSS.</note> βουλῆς καὶ
-σκέψεως ἀξιοῦτε, οὐδ’ ὃ πρέπει θεῷ, ὅ τι ποτέ ἐστι,
-νενοηκότες. πιστεύσατε ἡμῖν κἂν ὡς μέθῃ, ἵνα
-σωφρονήσητε· πιστεύσατε κἂν ὡς ὕβρει, ἵνα
-ζήσητε. εἰ δὲ καὶ πείθεσθαι βούλεσθε τὴν ἐναργῆ
-<pb id="p.210"/>
- τῶν ἀρετῶν ἐποπτεύσαντες <note n="1" place="unspecified" anchored="yes">e)popteu/santes Potter. u(popteu/santes MSS.</note> πίστιν, φέρε ὑμῖν ἐκ
-περιουσίας τὴν περὶ τοῦ λόγου παραθήσομαι πειθώ.
-ὑμεῖς δέ, οὐ γὰρ τὰ πάτρια ὑμᾶς ἔτι τῆς ἀληθείας
-ἀπασχολεῖ ἔθη προκατηχημένους, ἀκούοιτ’ ἂν ἤδη
-τὸ μετὰ τοῦτο ὅπως ἔχει· καὶ δὴ μή τις ὑμᾶς τοῦδε
-τοῦ ὀνόματος αἰσχύνη προκαταλαμβανέτω, “ἥτ̓
-ἄνδρας μέγα σίνεται,” παρατρέπουσα σωτηρίας.
-Ἀποδυσάμενοι δ’ οὖν περιφανῶς ἐν τῷ τῆς
-ἀληθείας σταδίῳ γνησίως ἀγωνιζώμεθα, βραβεύοντος
-μὲν τοῦ λόγου τοῦ ἁγίου, ἀγωνοθετοῦντος δὲ
-τοῦ δεσπότου τῶν ὅλων. οὐ γὰρ σμικρὸν ἡμῖν τὸ
-ἆθλον ἀθανασία πρόκειται. μὴ οὖν ἔτι φροντίζετε
-μηδὲ <del>εἰ</del>
-<note n="2" place="unspecified" anchored="yes">
-<del>ei)</del> Kontos.</note> ὀλίγον, τί ὑμᾶς ἀγορεύουσι σύρφακές
-τινες ἀγοραῖοι, δεισιδαιμονίας ἄθεοι χορευταί, ἀνοίᾳ
-καὶ παρανοίᾳ ἐς αὐτὸ ὠθούμενοι τὸ βάραθρον,
-εἰδώλων ποιηταὶ καὶ λίθων προσκυνηταί· οἵδε γὰρ
-ἀνθρώπους ἀποθεοῦν τετολμήκασι, τρισκαιδέκατον
-Ἀλέξανδρον τὸν Μακεδόνα ἀναγράφοντες θεόν, “ὃν
-Βαβυλὼν ἤλεγξε νεκρόν.” ἄγαμαι τοίνυν τὸν Χῖον <note n="3" place="unspecified" anchored="yes">*xi=on Cobet. qei=on MSS.</note>
-σοφιστήν, Θεόκριτος ὄνομα αὐτῷ· μετὰ τὴν Ἀλεξάνδρου
-τελευτὴν ἐπισκώπτων ὁ Θεόκριτος τὰς δόξας
-τὰς κενὰς τῶν ἀνθρώπων ἃς εἶχον περὶ θεῶν, πρὸς
- τοὺς πολίτας  <pb id="pg.78"/> “ἄνδρες,” εἶπεν, “θαρρεῖτε ἄχρις
-ἂν ὁρᾶτε τοὺς θεοὺς πρότερον τῶν ἀνθρώπων ἀποθνῄσκοντας.” <pb id="p.212"/>
-θεοὺς δὲ δὴ τοὺς ὁρατοὺς καὶ τὸν
-σύγκλυδα τῶν γενητῶν τούτων ὄχλον ὁ προσκυνῶν
-καὶ προσεταιριζόμενος, αὐτῶν ἐκείνων τῶν δαιμόνων
-ἀθλιώτερος μακρῷ. θεὸς γὰρ οὐδαμῇ οὐδαμῶς
-ἄδικος ὥσπερ οἱ δαίμονες, ἀλλ’ ὡς οἷόν τε δικαιότατος,
-καὶ οὐκ ἔστιν αὐτῷ ὁμοιότερον οὐδὲν ἢ ὃς
-ἂν ἡμῶν γένηται ὅτι δικαιότατος.
-βᾶτ’ εἰς ὁδὸν δὴ πᾶς ὁ χειρῶναξ λεώς,
-οἳ τὴν Διὸς γοργῶπιν Ἐργάνην <note n="1" place="unspecified" anchored="yes">*)erga/nhn from Plutarch, De Forluna 99 A. e)rga/phn MSS.</note> θεὸν
-στατοῖσι λίκνοις προστρέπεσθε, <note n="2" place="unspecified" anchored="yes">prostre/pesqe Plutarch. protre/pesqe MSS.</note>
-ἠλίθιοι τῶν λίθων δημιουργοί τε καὶ προσκυνηταί.
-ὁ Φειδίας ὑμῶν καὶ ὁ Πολύκλειτος ἡκόντων Πραξιτέλης
-τε αὖ καὶ Ἀπελλῆς καὶ ὅσοι τὰς βαναύσους
-μετέρχονται τέχνας, γήινοι γῆς ὄντες ἐργάται. τότε
-γὰρ φησί τις προφητεία δυστυχήσειν τὰ τῇδε
-πράγματα, ὅταν ἀνδριᾶσι πιστεύσωσιν. ἡκόντων
-οὖν αὖθις, οὐ γὰρ ἀνήσω καλῶν, οἱ μικροτέχναι.
-οὐδείς που τούτων ἔμπνουν εἰκόνα δεδημιούργηκεν,
-οὐδὲ μὴν ἐκ γῆς μαλθακὴν ἐμάλαξε σάρκα. τίς
-ἔτηξε μυελὸν ἢ τίς ἔπηξεν ὀστέα; τίς νεῦρα διέτεινεν <note n="3" place="unspecified" anchored="yes">die/teinen h(\ Wilamositz.</note>;
-τίς φλέβας ἐφύσησεν; τίς αἷμα ἐνέχεεν ἐν
-αὐταῖς ἢ τίς δέρμα περιέτεινεν; ποῦ δ’ ἄν τις
-αὐτῶν ὀφθαλμοὺς ποιήσαι βλέποντας; τίς ἐνεφύσησε
-ψυχήν; τίς δικαιοσύνην ἐδωρήσατο; τίς
-ἀθανασίαν ὑπέσχηται; μόνος ὁ τῶν ὅλων δημιουργός,
-ὁ “ἀριστοτέχνας πατήρ,” τοιοῦτον ἄγαλμα
-ἔμψυχον <del>ἡμᾶς</del>
-<note n="4" place="unspecified" anchored="yes">
-<del>h(ma=s</del> Mayor.</note> τὸν ἄνθρωπον ἔπλασεν· ὁ δὲ
-<pb id="p.214"/>
- Ὀλύμπιος ὑμῶν, εἰκόνος εἰκών, πολύ τι τῆς ἀληθείας
-ἀπᾴδων, ἔργον ἐστὶ κωφὸν χειρῶν Ἀττικῶν. “εἰκὼν” μὲν γὰρ “τοῦ θεοῦ” ὁ λόγος αὐτοῦ ʽκαὶ
-υἱὸς τοῦ νοῦ γνήσιος ὁ θεῖος λόγος, φωτὸς ἀρχέτυπον
-<pb id="pg.79"/> φῶσ̓, εἰκὼν δὲ τοῦ λόγου ὁ ἄνθρωπος <add>ὁ</add>
-<note n="1" place="unspecified" anchored="yes">
-<add>o(</add> inserted by Mayor.</note>
-ἀληθινός, ὁ νοῦς ὁ ἐν ἀνθρώπῳ, ὁ “κατ’ εἰκόνα” τοῦ θεοῦ καὶ “καθ’ ὁμοίωσιν” διὰ τοῦτο γεγενῆσθαι
-λεγόμενος, τῇ κατὰ καρδίαν φρονήσει τῷ θείῳ
-παρεικαζόμενος λόγῳ καὶ ταύτῃ λογικός. Ἀνθρώπου
-δὲ τοῦ ὁρωμένου τοῦ γηγενοῦς γήινος εἰκὼν τὰ
-ἀγάλματα τὰ ἀνδρείκελα <add>καὶ</add>
-<note n="2" place="unspecified" anchored="yes">
-<add>kai\</add> inserted by Wilamositz.</note> πόρρω τῆς ἀληθείας
-ἐπίκαιρον ἐκμαγεῖον καταφαίνεται. οὐδὲν οὖν
-ἀλλ’ ἢ μανίας ἔμπλεως ὁ βίος ἔδοξέ μοι γεγονέναι,
-τοσαύτῃ σπουδῇ περὶ τὴν ὕλην καταγινόμενος.
-Ἐπιτέθραπται <note n="3" place="unspecified" anchored="yes">e)pite/qraptai Mayor. e)pite/triptai MSS.</note> δὲ ὑπὸ κενῆς δόξης ἡ συνήθεια
-δουλείας μὲν γεύσασα ὑμᾶς καὶ ἀλόγου περιεργασίας·
-νομίμων δὲ ἀνόμων καὶ ἀπατηλῶν ὑποκρίσεων
-ἄγνοια αἰτία, ἣ δὴ κατασκευὰς εἰσάγουσα
-εἰς <note n="4" place="unspecified" anchored="yes">kataskeua\s ei)sa/gousa ei)s Schsartz. kataskeusqei=sa MSS. Stählin marks the passage as corrupt.</note> τὸ τῶν ἀνθρώπων γένος κηρῶν ὀλεθρίων καὶ
-εἰδώλων ἐπιστυγῶν πολλὰς τῶν δαιμόνων ἐπινοήσασα
-μορφάς, κηλῖδα τοῖς ἑπομένοις αὐτῇ ἐναπεμάξατο
-θανάτου μακροῦ. λάβετε οὖν ὕδωρ
-λογικόν, λούσασθε οἱ μεμολυσμένοι, περιρράνατε
-αὑτοὺς ἀπὸ τῆς συνηθείας ταῖς ἀληθιναῖς σταγόσιν·
-καθαροὺς εἰς οὐρανοὺς ἀναβῆναι δεῖ. ἄνθρωπος εἶ,
-τὸ κοινότατον, ἐπιζήτησον τὸν δημιουργήσαντά σε·
-<pb id="p.216"/>
- υἱὸς εἶ, τὸ ἰδιαίτατον, ἀναγνώρισον τὸν πατέρα· σὺ
-δὲ ἔτι ταῖς ἁμαρτίαις παραμένεις, προστετηκὼς
-ἡδοναῖς; τίνι λαλήσει κύριος “ὑμῶν ἐστιν ἡ
-βασιλεία τῶν οὐρανῶν” ; ὑμῶν ἐστιν, ἐὰν θελήσητε,
-τῶν πρὸς τὸν θεὸν τὴν προαίρεσιν ἐσχηκότων· ὑμῶν,
-ἐὰν ἐθελήσητε πιστεῦσαι μόνον καὶ τῇ συντομίᾳ τοῦ
-κηρύγματος ἕπεσθαι, ἧς ὑπακούσαντες οἱ Νινευῖται
-τῆς προσδοκηθείσης ἁλώσεως μετανοίᾳ γνησίῳ τὴν
-καλὴν ἀντικατηλλάξαντο σωτηρίαν.
-Πῶς οὖν ἀνέλθω, φησίν, εἰς οὐρανούς; “ὁδόσ” ἐστιν ὁ κύριος, “στενὴ” μέν, ἀλλ’ “ἐξ οὐρανῶν,” στενὴ μέν, ἀλλ’ εἰς οὐρανοὺς ἀναπέμπουσα· στενὴ
-ἐπὶ γῆς ὑπερορωμένη, πλατεῖα ἐν οὐρανοῖς προσκυνουμένη.
-εἶθ’ ὁ μὲν ἄπυστος τοῦ λόγου συγγνώμην
-τῆς πλάνης ἔχει τὴν ἄγνοιαν, ὁ δὲ εἰς ὦτα βαλλόμενος
-καὶ τῇ ψυχῇ παρὰ τῆς γνώμης φέρει τὴν ἀπείθειαν,
-καὶ ὅσῳ γε φρονιμώτερος εἶναι δόξει, πρὸς κακοῦ ἡ
-σύνεσις αὐτῷ, ὅτι τῇ φρονήσει κέχρηται κατηγόρῳ
- τὸ βέλτιστον  <pb id="pg.80"/> οὐχ ἑλόμενος· πέφυκε γὰρ ὡς <note n="1" place="unspecified" anchored="yes">w(s Schsartz. a)/llws MSS.</note> ἄνθρωπος
-οἰκείως ἔχειν πρὸς θεόν. ὥσπερ οὖν τὸν ἵππον
-ἀροῦν οὐ βιαζόμεθα οὐδὲ τὸν ταῦρον κυνηγετεῖν,
-πρὸς ὃ πέφυκε δὲ ἕκαστον τῶν ζῴων περιέλκομεν,
-οὕτως ἀμέλει καὶ τὸν ἄνθρωπον ἐπὶ τὴν οὐρανοῦ
-γενόμενον θέαν, φυτὸν οὐράνιον ὡς ἀληθῶς, ἐπὶ τὴν
-γνῶσιν παρακαλοῦμεν τοῦ θεοῦ, τὸ οἰκεῖον αὐτοῦ
-καὶ ἐξαίρετον καὶ ἰδιωματικὸν παρὰ τὰ ἄλλα ζῷα
-κατειλημμένοι, αὔταρκες ἐφόδιον αἰώνων, θεοσέβειαν,
-<pb id="p.218"/>
- παρασκευάζεσθαι συμβουλεύοντες. γεώργει,
-φαμέν, εἰ γεωργὸς εἶ, ἀλλὰ γνῶθι τὸν θεὸν γεωργῶν,
-καὶ πλεῖθι <note n="1" place="unspecified" anchored="yes">plei=qi Sylburg. plh=qi MSS.</note> ὁ τῆς ναυτιλίας ἐρῶν, ἀλλὰ τὸν
-οὐράνιον κυβερνήτην παρακαλῶν· στρατευόμενόν
-σε κατείληφεν ἡ γνῶσις· τοῦ δίκαια σημαίνοντος ἄκουε στρατηγοῦ.
-Καθάπερ οὖν κάρῳ καὶ μέθῃ βεβαρημένοι ἀνανήψατε
-καὶ διαβλέψαντες ὀλίγον ἐννοήθητε, τί
-θέλουσιν ὑμῖν οἱ προσκυνούμενοι λίθοι καὶ ἃ περὶ
-τὴν ὕλην κενοσπούδως δαπανᾶτε· εἰς ἄγνοιαν καὶ
-τὰ χρήματα καὶ τὸν βίον ὡς τὸ ζῆν ὑμῶν εἰς
-θάνατον καταναλίσκετε, τοῦτο μόνον τῆς ματαίας
-ὑμῶν ἐλπίδος εὑρόμενοι τὸ πέρας, οὐδὲ αὑτοὺς οἷοί
-τε ὄντες οἰκτεῖραι, ἀλλ’ οὐδὲ τοῖς κατελεῶσιν ὑμᾶς
-τῆς πλάνης ἐπιτήδειοι πείθεσθαι γίνεσθε, συνηθείᾳ
-κακῇ δεδουλωμένοι, ἧς ἀπηρτημένοι αὐθαίρετοι
-μέχρι τῆς ἐσχάτης ἀναπνοῆς εἰς ἀπώλειαν ὑποφέρεσθε· “ὅτι τὸ φῶς ἐλήλυθεν εἰς τὸν κόσμον καὶ
-ἠγάπησαν οἱ ἄνθρωποι μᾶλλον τὸ σκότος ἢ τὸ
-φῶς,” ἐξὸν ἀπομάξασθαι τὰ ἐμποδὼν τῇ σωτηρίᾳ
-καὶ τὸν τῦφον καὶ τὸν πλοῦτον καὶ τὸν φόβον,
-ἐπιφθεγγομένους τὸ ποιητικὸν δὴ τοῦτο
-πῇ δὴ χρήματα πολλὰ φέρω τάδε; πῇ δὲ καὶ αὐτὸς πλάζομαι;
-οὐ βούλεσθε οὖν τὰς φαντασίας ταύτας τὰς κενὰς
-ἀπορρίψαντες τῇ συνηθείᾳ αὐτῇ ἀποτάξασθαι, κενοδοξίᾳ ἐπιλέγοντες·
-ψευδεῖς ὄνειροι χαίρετ̓, οὐδὲν ἦτ’ ἄρα;
-<pb id="p.220"/>
- Τί γὰρ ἡγεῖσθε, ὦ ἄνθρωποι, τὸν Τύχωνα <note n="1" place="unspecified" anchored="yes">*tu/xwna Meurs (see Hesychius s.v.). tufw=na MSS.</note>
-<pb id="pg.81"/>
-Ἑρμῆν καὶ τὸν Ἀνδοκίδου <note n="2" place="unspecified" anchored="yes">*)andoki/dou Heinsius. a)ndoki/dhn MSS.</note> καὶ τὸν Ἀμύητον; ἦ
-παντί τῳ δῆλον ὅτι λίθους, ὥσπερ καὶ <add>αὐτὸν</add>
-<note n="3" place="unspecified" anchored="yes">
-<add>au)to\n</add> inserted by Mayor.</note> τὸν
-Ἑρμῆν. ὡς δὲ οὐκ ἔστι θεὸς ἡ ἅλως καὶ ὡς οὐκ
-ἔστι θεὸς ἡ ἶρις, ἀλλὰ πάθη ἀέρος <note n="4" place="unspecified" anchored="yes">a)e/ros Markland. a)e/rwn MSS.</note> καὶ νεφῶν, καὶ
-ὃν τρόπον οὐκ ἔστιν ἡμέρα θεός, οὐδὲ μὴν οὐδὲ
-ἐνιαυτὸς οὐδὲ χρόνος ὁ ἐκ τούτων συμπληρούμενος,
-οὕτως οὐδὲ ἥλιος οὐδὲ σελήνη, οἷς ἕκαστον
-τῶν προειρημένων διορίζεται. τίς ἂν οὖν τὴν
-εὔθυναν καὶ τὴν κόλασιν καὶ τὴν δίκην καὶ τὴν
-νέμεσιν εὖ φρονῶν ὑπολάβοι θεούς; οὐδὲ γὰρ
-οὐδ’ ἐρινῦς οὐδὲ μοῖραι οὐδὲ εἱμαρμένη, ἐπεὶ μηδὲ
-πολιτεία μηδὲ δόξα μηδὲ πλοῦτος θεοί, ὃν καὶ
-ζωγράφοι τυφλὸν ἐπιδεικνύουσιν· εἰ δὲ αἰδῶ καὶ
-ἔρωτα καὶ ἀφροδίτην ἐκθειάζετε, ἀκολουθούντων
-αὐτοῖς αἰσχύνη καὶ ὁρμὴ καὶ κάλλος καὶ συνουσία.
-οὔκουν ἔτ’ ἂν εἰκότως ὕπνος καὶ θάνατος θεὼ
-διδυμάονε παρ’ ὑμῖν νομίζοιντο, πάθη ταῦτα περὶ
-τὰ ζῷα συμβαίνοντα φυσικῶς· οὐδὲ μὴν κῆρα
-οὐδε εἱμαρμένην οὐδὲ μοίρας θεὰς ἐνδίκως ἐρεῖτε.
-εἰ δὲ ἔρις καὶ μάχη οὐ θεοί, οὐδὲ Ἄρης οὐδὲ
-Ἐνυώ. ἔτι τε <add>εἰ</add>
-<note n="5" place="unspecified" anchored="yes">
-<add>ei)</add> inserted by Sylburg.</note> αἱ ἀστραπαὶ καὶ οἱ κεραυνοὶ
-καὶ οἱ ὄμβροι οὐ θεοί, πῶς τὸ πῦρ καὶ τὸ ὕδωρ
-<pb id="p.222"/>
- θεοί; πῶς δὲ καὶ οἱ διᾴσσοντες καὶ οἱ κομῆται
-διὰ πάθος ἀέρος γεγενημένοι; ὁ δὲ τὴν τύχην θεὸν
-λέγων καὶ τὴν πρᾶξιν λεγέτω θεόν. εἰ δὴ οὖν
-τούτων οὐδὲ ἓν θεὸς εἶναι νομίζεται οὐδὲ μὴν
-ἐκείνων τῶν χειροκμήτων καὶ ἀναισθήτων πλασμάτων,
-πρόνοια δέ τις περὶ ἡμᾶς καταφαίνεται δυνάμεως
-θεῖκῆς, λείπεται οὐδὲν ἄλλο ἢ τοῦτο ὁμολογεῖν,
-ὅτι ἄρα ὄντως μόνος ἔστι τε καὶ ὑφέστηκεν ὁ μόνος
-ὄντως ὑπάρχων θεός.
-Ἀλλὰ γὰρ μανδραγόραν ἤ τι ἄλλο φάρμακον
-πεπωκόσιν ἀνθρώποις ἐοίκατε οἱ <note n="1" place="unspecified" anchored="yes">e)oi/kate oi( Schsartz. e)oi/kasin MSS.</note> ἀνόητοι, θεὸς δὲ
-ὑμῖν ἀνανῆψαι δοίη ποτὲ τοῦδε τοῦ ὕπνου καὶ
-συνιέναι θεὸν μηδὲ χρυσὸν ἢ λίθον ἢ δένδρον ἢ
-πρᾶξιν ἢ πάθος ἢ νόσον ἢ φόβον ἰνδάλλεσθαι ὡς
-θεόν. “τρὶς γὰρ μύριοί εἰσιν” ὡς ἀληθῶς “ἐπὶ
-χθονὶ πουλυβοτείρῃ δαίμονεσ” οὐκ “ἀθάνατοι” οὐδὲ μὴν θνητοί ʽοὐδὲ γὰρ αἰσθήσεως, ἵνα καὶ
-θανάτου, μετειλήφασιν̓, λίθινοι δὲ καὶ ξύλινοι δεσπόται
-ἀνθρώπων, ὑβρίζοντες καὶ παρασπονδοῦντες
- τὸν βίον διὰ τῆς  <pb id="pg.82"/> συνηθείας. “ἡ γῆ δὲ τοῦ κυρίου,” φησί, “καὶ τὸ πλήρωμα αὐτῆς·” εἶτα τί τολμᾷς
-ἐν τοῖς τοῦ κυρίου τρυφῶν ἀγνοεῖν τὸν δεσπότην;
-κατάλειπε τὴν γῆν τὴν ἐμήν, ἐρεῖ σοι ὁ κύριος, μὴ
-θίγῃς τοῦ ὕδατος ὃ ἐγὼ ἀναδίδωμι, τῶν καρπῶν
-ὧν ἐγὼ γεωργῶ μὴ μεταλάμβανε· ἀπόδος, ἄνθρωπε,
-τὰ τροφεῖα τῷ θεῷ· ἐπίγνωθί σου τὸν
-δεσπότην· ἴδιον εἶ πλάσμα τοῦ θεοῦ· τὸ δὲ οἰκεῖον
-αὐτοῦ πῶς ἂν ἐνδίκως ἀλλότριον γένοιτο; τὸ γὰρ
-<pb id="p.224"/>
- ἀπηλλοτριωμένον στερόμενον τῆς οἰκειότητος στέρεται
-τῆς ἀληθείας. ἦ γὰρ οὐχ ᾗ Νιόβη τρόπον τινά,
-μᾶλλον δὲ ἵνα μυστικώτερον πρὸς ὑμᾶς ἀποφθέγξωμαι,
-γυναικὸς τῆς Ἑβραίας δίκην ʽΛὼτ ἐκάλουν
-αὐτὴν οἱ παλαιοἲ εἰς ἀναισθησίαν μετατρέπεσθε;
-λελιθωμένην ταύτην παρειλήφαμεν τὴν γυναῖκα διὰ
-τὸ Σοδόμων ἐρᾶν· Σοδομῖται δὲ οἱ ἄθεοι καὶ οἱ
-πρὸς τὴν ἀσέβειαν ἐπιστρεφόμενοι σκληροκάρδιοί
-τε καὶ ἠλίθιοι. ταύτας οἴου θεόθεν ἐπιλέγεσθαί
-σοι τὰς φωνάς· μὴ γὰρ οἴου λίθους μὲν εἶναι
-ἱερὰ καὶ ξύλα καὶ ὄρνεα καὶ ὄφεις, ἀνθρώπους
-δὲ μή· πολὺ δὲ τοὐναντίον ἱεροὺς μὲν ὄντως
-τοὺς ἀνθρώπους ὑπολάμβανε, <note n="1" place="unspecified" anchored="yes">u(pola/mbane Markland. u(polamba/nete MSS.</note> τὰ δὲ θηρία καὶ τοὺς
-λίθους ὅπερ εἰσίν. οἱ γάρ τοι δείλαιοι τῶν ἀνθρώπων
-καὶ ἄθλιοι διὰ μὲν κόρακος καὶ κολοιοῦ
-νομίζουσι τὸν θεὸν ἐμβοᾶν, διὰ δὲ ἀνθρώπου σιωπᾶν,
-καὶ τὸν μὲν κόρακα τετιμήκασιν ὡς ἄγγελον θεοῦ,
-τὸν δὲ ἄνθρωπον τοῦ θεοῦ διώκουσιν, οὐ κρῴζοντα,
-οὐ κλώζοντα, φθεγγόμενον δέ· οἴμοι, λογικῶς καὶ
-φιλανθρώπως κατηχοῦντα ἀποσφάττειν ἀπανθρώπως
-ἐπιχειροῦσιν, ἐπὶ τὴν δικαιοσύνην καλοῦντα,
-οὔτε τὴν χάριν τὴν ἄνωθεν ἀπεκδεχόμενοι οὔτε τὴν
-κόλασιν ἐκτρεπόμενοι. οὐ γὰρ πιστεύουσι τῷ θεῷ
-οὐδὲ ἐκμανθάνουσι τὴν δύναμιν αὐτοῦ.
-Οὗ δὲ ἄρρητος ἡ φιλανθρωπία, τούτου ἀχώρητος
-ἡ μισοπονηρία. τρέφει δὲ ὁ μὲν θυμὸς τὴν κόλασιν
-ἐπὶ ἁμαρτίᾳ, εὖ ποιεῖ δὲ ἐπὶ μετανοίᾳ ἡ φιλανθρωπία.
-οἰκτρότατον δὲ τὸ στέρεσθαι τῆς παρὰ τοῦ θεοῦ
-ἐπικουρίας. ὀμμάτων μὲν οὖν ἡ πήρωσις καὶ τῆς
-<pb id="p.226"/>
- ἀκοῆς ἡ κώφωσις ἀλγεινοτέρα παρὰ τὰς λοιπὰς
-τοῦ πονηροῦ πλεονεξίας· ἡ μὲν γὰρ αὐτῶν ἀφῄρηται
-τῆς οὐρανίου προσόψεως, ἡ δὲ τῆς θείας μαθήσεως
-ἐστέρηται. ὑμεῖς δὲ πρὸς τὴν ἀλήθειαν ἀνάπηροι
-καὶ τυφλοὶ μὲν τὸν νοῦν, κωφοὶ δὲ τὴν σύνεσιν
-ὄντες οὐκ ἀλγεῖτε, οὐκ ἀγανακτεῖτε, οὐ τὸν οὐρανὸν
- ἰδεῖν καὶ τὸν τοῦ οὐρανοῦ ποιητὴν  <pb id="pg.83"/> ἐπεθυμήσατε,
-οὐδὲ τὸν τῶν πάντων δημιουργὸν καὶ πατέρα
-ἀκοῦσαι καὶ μαθεῖν ἐξεζητήσατε, τὴν προαίρεσιν
-τῇ σωτηρίᾳ συνάψαντες· ἐμποδὼν γὰρ ἵσταται
-οὐδὲν τῷ σπεύδοντι πρὸς γνῶσιν θεοῦ, οὐκ ἀπαιδευσία, <note n="1" place="unspecified" anchored="yes">a)paideusi/a Hopfenmiiller. a)paidi/a MSS.</note>
-οὐ πενία, οὐκ ἀδοξία, οὐκ ἀδοξία, οὐκ ἀκτημοσύνη·
-οὐδέ τις τὴν ὄντως ἀληθῆ σοφίαν “χαλκῷ δῃώσασ” μεταλλάξαι εὔχεται οὐδὲ σιδήρῳ· εὖ γάρ τοι παντὸς
-μᾶλλον τοῦτο εἴρηται·
-ὁ χρηστός <note n="2" place="unspecified" anchored="yes">xrhsto/s Blass (from Stobacus, Flor. 37. 6). xristo/s MSS.</note> ἐστι πανταχοῦ σωτήριος·
-ὁ γὰρ τοῦ δικαίου ζηλωτής, ὡς ἂν τοῦ ἀνενδεοῦς
-ἐραστής, ὀλιγοδεής, οὐκ ἐν ἄλλῳ τινὶ ἢ ἐν αὐτῷ
-<del>καὶ</del>
-<note n="3" place="unspecified" anchored="yes">
-<del>kai\</del> Barnard. e)n au(tw=| kai\ Dindorf.</note> τῷ θεῷ τὸ μακάριον θησαυρίσας, ἔνθα οὐ σής,
-οὐ λῃστής, οὐ πειρατής, ἀλλ’ ὁ τῶν ἀγαθῶν ἀίδιος
-δοτήρ. ἄρα οὖν εἰκότως ὡμοίωσθε τοῖς ὄφεσιν
-ἐκείνοις, οἷς τὰ ὦτα πρὸς τοὺς κατεπᾴδοντας ἀποκέκλεισται. “θυμὸς γὰρ αὐτοῖς,” φησὶν ἡ γραφή, “κατὰ τὴν ὁμοίωσιν τοῦ ὄφεως, ὡσεὶ ἀσπίδος
-κωφῆς καὶ βυούσης τὰ ὦτα αὐτῆς, ἥτις οὐκ εἰσακούσεται
-<pb id="p.228"/>
- ακούσεται φωνῆς ἐπᾳδόντων.” ἀλλ’ ὑμεῖς γε
-κατεπᾴσθητε τὴν ἀγριότητα <note n="1" place="unspecified" anchored="yes">a)grio/thta Heyse. a(gio/thta MSS.</note> καὶ παραδέξασθε τὸν
-ἥμερον καὶ ἡμέτερον λόγον καὶ τὸν ἰὸν ἀποπτύσατε
-τὸν δηλητήριον, ὅπως ὅτι μάλιστα ὑμῖν τὴν
-φθοράν, ὡς ἐκείνοις τὸ γῆρας, ἀποδύσασθαι δοθῇ.
-Ἀκούσατέ μου καὶ μὴ τὰ ὦτα ἀποβύσητε μηδὲ
-τὰς ἀκοὰς ἀποφράξητε, ἀλλ’ εἰς νοῦν βάλεσθε τὰ
-λεγόμενα. καλόν ἐστι τὸ φάρμακον τῆς ἀθανασίας·
-στήσατέ ποτε τοὺς ὁλκοὺς τοὺς ἑρπηστικούς. “οἱ
-γὰρ ἐχθροὶ κυρίου χοῦν λείξουσι,” φησίν <del>ἡ γραφὴ
-λέγει</del>
-<note n="2" place="unspecified" anchored="yes">
-<del>h( grafh\ le/gei</del> Mayor.</note> ἀνανεύσατε τῆς γῆς εἰς αἰθέρα, ἀναβλέψατε
-εἰς οὐρανόν, θαυμάσατε, παύσασθε καραδοκοῦντες
-τῶν δικαίων τὴν πτέρναν καὶ “τὴν ὁδὸν τῆς
-ἀληθείασ” ἐμποδίζοντες· φρόνιμοι γένεσθε καὶ
-ἀβλαβεῖς· τάχα που ὁ κύριος ἁπλότητος ὑμῖν
-δωρήσεται πτερόν ʽπτερῶσαι προῄρηται τοὺς γηγενεῖσ̓,
-ἵνα δὴ τοὺς χηραμοὺς καταλείποντες οἰκήσητε
-τοὺς οὐρανούς. μόνον ἐξ ὅλης καρδίας μετανοήσωμεν,
-ὡς ὅλῃ καρδίᾳ δυνηθῆναι χωρῆσαι τὸν θεόν. “ἐλπίσατε ἐπ’ αὐτόν,” φησί, “πᾶσα συναγωγὴ
-λαοῦ, ἐκχέετε ἐνώπιον αὐτοῦ πάσας τὰς καρδίας
-ὑμῶν.” πρὸς τοὺς κενοὺς τῆς πονηρίας λέγει· ἐλεεῖ
- καὶ δικαιοσύνης πληροῖ·  <pb id="pg.84"/> πίστευσον, ἄνθρωπε, ἀνθρώπῳ
-καὶ θεῷ· πίστευσον, ἄνθρωπε, τῷ παθόντι
-καὶ προσκυνουμένῳ. θεῷ ζῶντι πιστεύσατε οἱ
-δοῦλοι τῷ νεκρῷ· πάντες ἄνθρωποι πιστεύσατε
-μόνῳ τῷ πάντων ἀνθρώπων θεῷ· πιστεύσατε καὶ
-μισθὸν λάβετε σωτηρίαν· “ἐκζητήσατε τὸν θεόν,
-<pb id="p.230"/>
- καὶ ζήσεται ἡ ψυχὴ ὑμῶν.” ὁ ἐκζητῶν τὸν θεὸν
-τὴν ἰδίαν πολυπραγμονεῖ σωτηρίαν· εὗρες τὸν θεόν,
-ἔχεις τὴν ζωήν. ζητήσωμεν οὖν, ἵνα καὶ ζήσωμεν.
-ὁ μισθὸς τῆς εὑρέσεως ζωὴ παρὰ θεῷ. “ἀγαλλιάσθωσαν
-καὶ εὐφρανθήτωσαν ἐπὶ σοὶ πάντες οἱ
-ζητοῦντές σε καὶ λεγέτωσαν διὰ παντός, μεγαλυνθήτω
-ὁ θεός.” καλὸς ὕμνος τοῦ θεοῦ ἀθάνατος
-ἄνθρωπος, δικαιοσύνῃ οἰκοδομούμενος, ἐν ᾧ τὰ
-λόγια τῆς ἀληθείας ἐγκεχάρακται. ποῦ γὰρ ἀλλαχόθι
-ἢ ἐν σώφρονι ψυχῇ δικαιοσύνην ἐγγραπτέον;
-ποῦ ἀγάπην; αἰδῶ δὲ ποῦ; πραότητα δὲ ποῦ;
-ταύτας, οἶμαι, τὰς θείας γραφὰς ἐναποσφραγισαμένους
-χρὴ τῇ ψυχῇ καλὸν ἀφετήριον σοφίαν ἡγεῖσθαι
-τοῖς ἐφ’ ὁτιοῦν τοῦ βίου τραπεῖσι μέρος, ὅρμον
-τε τὴν αὐτὴν <note n="1" place="unspecified" anchored="yes">th\n au)th\n Mayor. to\n au)to\n MSS.</note> ἀκύμονα σωτηρίας σοφίαν νομίζειν·
-δι’ ἣν ἀγαθοὶ μὲν πατέρες τέκνων οἱ τῷ πατρὶ
-προσδεδραμηκότες, ἀγαθοὶ δὲ γονεῦσιν υἱοὶ <note n="2" place="unspecified" anchored="yes">goneu=sin ui(oi\ Potter. gonei=s ui(a/sin MSS.</note> οἱ
-τὸν υἱὸν νενοηκότες, ἀγαθοὶ δὲ ἄνδρες γυναικῶν
-οἱ μεμνημένοι τοῦ νυμφίου, ἀγαθοὶ δὲ οἰκετῶν
-δεσπόται οἱ τῆς ἐσχάτης δουλείας λελυτρωμένοι.
-Ὢ μακαριώτερα τῆς ἐν ἀνθρώποις πλάνης τὰ
-θηρία· ἐπινέμεται τὴν ἄγνοιαν, ὡς ὑμεῖς, οὐχ
-ὑποκρίνεται δὲ τὴν ἀλήθειαν· οὐκ ἔστι παρ’ αὐτοῖς
-κολάκων γένη, οὐ δεισιδαιμονοῦσιν ἰχθύες, οὐκ
-εἰδωλολατρεῖ τὰ ὄρνεα, ἕνα μόνον ἐκπλήττεται τὸν
-οὐρανόν, ἐπεὶ θεὸν νοῆσαι μὴ δύναται ἀπηξιωμένα
-τοῦ λόγου. εἶτ’ οὐκ αἰσχύνεσθε καὶ τῶν ἀλόγων
-σφᾶς αὐτοὺς ἀλογωτέρους πεποιηκότες, οἳ διὰ τοσούτων
-ἡλικιῶν ἐν ἀθεότητι κατατέτριφθε; παῖδες
-<pb id="p.232"/>
- γεγόνατε, εἶτα μειράκια, εἶτα ἔφηβοι, εἶτα ἄνδρες,
-χρηστοὶ δὲ οὐδέποτε. κἂν τὸ γῆρας αἰδέσθητε, ἐπὶ
-δυσμαῖς τοῦ βίου γενόμενοι σωφρονήσατε, κἂν ἐπὶ
-τέλει τοῦ βίου τὸν θεὸν ἐπίγνωτε, ὡς δὴ τὸ τέλος
-ὑμῖν τοῦ βίου ἀρχὴν ἀναλάβοι σωτηρίας. γηράσατε <note n="1" place="unspecified" anchored="yes">e)ghra/sate Wilamositz: Stählin.</note>
-πρὸς δεισιδαιμονίαν, νέοι ἀφίκεσθε πρὸς θεοσέβειαν·
-παῖδας ἀκάκους ἐγκρινεῖ θεός. ὁ μὲν οὖν Ἀθηναῖος
-τοῖς Σόλωνος ἑπέσθω νόμοις καὶ ὁ Ἀργεῖος τοῖς
-Φορωνέως καὶ ὁ Σπαρτιάτης τοῖς Λυκούργου, εἰ
- δὲ σεαυτὸν ἀναγράφεις τοῦ θεοῦ, οὐρανὸς  <pb id="pg.85"/> μέν σοι
-ἡ πατρίς, ὁ δὲ θεὸς νομοθέτης. τίνες δὲ καὶ οἱ
-νόμοι; “οὐ φονεύσεις, οὐ μοιχεύσεις, οὐ παιδοφθορήσεις,
-οὐ κλέψεις, οὐ ψευδομαρτυρήσεις, ἀγαπήσεις
-κύριον τὸν θεόν σου.” εἰσὶ δὲ καὶ τούτων
-τὰ παραπληρώματα, λόγιοι νόμοι καὶ ἅγιοι λόγοι ἐν
-αὐταῖς ἐγγραφόμενοι ταῖς καρδίαις· “ἀγαπήσεις
-τὸν πλησίον σου ὡς σεαυτόν,” καὶ “τῷ τύπτοντί
-σε εἰς τὴν σιαγόνα πάρεχε καὶ τὴν ἄλλην,” καὶ “οὐκ ἐπιθυμήσεις, ἐπιθυμίᾳ γὰρ μόνῃ μεμοίχευκας.” πόσῳ γοῦν ἄμεινον τοῖς ἀνθρώποις τοῦ τυγχάνειν
-τῶν ἐπιθυμιῶν ἀρχὴν μηδὲ ἐπιθυμεῖν ἐθέλειν ὧν μὴ δεῖ.
-Ἀλλ’ ὑμεῖς μὲν τὸ αὐστηρὸν τῆς σωτηρίας ὑπομένειν
-οὐ καρτερεῖτε, καθάπερ δὲ τῶν σιτίων τοῖς
-γλυκέσιν ἡδόμεθα διὰ τὴν λειότητα τῆς ἡδονῆς
-προτιμῶντες, ἰᾶται δὲ ἡμᾶς καὶ ὑγιάζει τὰ πικρὰ
-<pb id="p.234"/>
- τραχύνοντα τὴν αἴσθησιν, ἀλλὰ τοὺς ἀσθενεῖς τὸν
-στόμαχον ῥώννυσιν ἡ τῶν φαρμάκων αὐστηρία,
-οὕτως ἥδει μὲν καὶ γαργαλίζει ἡ συνήθεια, ἀλλ’ ἡ
-μὲν εἰς τὸ βάραθρον ὠθεῖ, ἡ συνήθεια, ἡ δὲ εἰς
-οὐρανὸν ἀνάγει, ἡ ἀλήθεια, “τραχεῖα” μὲν τὸ
-πρῶτον, “ἀλλ’ ἀγαθὴ κουροτρόφοσ” · καὶ σεμνὴ μὲν
-ἡ γυναικωνῖτις αὕτη, σώφρων δὲ ἡ γερουσία· οὐδέ
-ἐστι δυσπρόσιτος οὐδὲ ἀδύνατος λαβεῖν, ἀλλ’ ἔστιν
-ἐγγυτάτω ἔνοικος <note n="1" place="unspecified" anchored="yes">e)/noikos Markland. e)n oi)/kois MSS.</note> ἡμῶν, ᾗ φησιν αἰνιττόμενος
-ὁ πάνσοφος Μωυσῆς, τρισὶ τοῖς καθ’ ἡμᾶς ἐνδιαιτωμένη
-μέρεσι, “χερσὶ καὶ στόματι καὶ
-καρδίᾳ.” σύμβολον τοῦτο γνήσιον τρισὶ τοῖς πᾶσι
-συμπληρουμένης τῆς ἀληθείας, βουλῇ καὶ πράξει
-καὶ λόγῳ· μηδὲ γὰρ τόδε δείμαινε, μή σε τὰ
-πολλὰ καὶ ἐπιτερπῆ φανταζόμενα <note n="2" place="unspecified" anchored="yes">fantazo/mena Stählin. fantazo/menon MSS.</note> ἀφέληται σοφίας·
-αὐτὸς ἑκὼν ὑπερβήσῃ τὸν λῆρον τῆς συνηθείας,
-καθάπερ καὶ οἱ παῖδες τὰ ἀθύρματα ἄνδρες γενόμενοι
-ἀπέρριψαν. τάχει μὲν δὴ ἀνυπερβλήτῳ εὐνοίᾳ τε
-εὐπροσίτῳ ἡ δύναμις ἡ θεϊκὴ ἐπιλάμψασα τὴν γῆν
- σωτηρίου σπέρματος ἐνέπλησε  <pb id="pg.86"/> τὸ πᾶν. οὐ γὰρ
-ἂν οὕτως ἐν ὀλίγῳ χρόνῳ τοσοῦτον ἔργον ἄνευ θείας
-κομιδῆς ἐξήνυσεν ὁ κύριος, ὄψει καταφρονούμενος,
-ἔργῳ προσκυνούμενος, ὁ καθάρσιος καὶ σωτήριος
-καὶ μειλίχιος, ὁ θεῖος λόγος, ὁ φανερώτατος ὄντως
-θεός, ὁ τῷ δεσπότῃ τῶν ὅλων ἐξισωθείς, ὅτι ἦν
-υἱὸς αὐτοῦ καὶ “ὁ λόγος ἦν ἐν τῷ θεῷ,” οὔθ’ ὅτε
-<pb id="p.236"/>
- τὸ πρῶτον προεκηρύχθη, ἀπιστηθείς, οὔθ’ ὅτε τὸ
-ἀνθρώπου προσωπεῖον ἀναλαβὼν καὶ σαρκὶ ἀναπλασάμενος
-τὸ σωτήριον δρᾶμα τῆς ἀνθρωπότητος
-ὑπεκρίνετο, ἀγνοηθείς· γνήσιος γὰρ ἦν ἀγωνιστὴς
-καὶ τοῦ πλάσματος συναγωνιστής, τάχιστα δὲ εἰς
-πάντας ἀνθρώπους διαδοθεὶς θᾶττον ἡλίου ἐξ αὐτῆς
-ἀνατείλας τῆς πατρικῆς βουλήσεως, ῥᾷστα ἡμῖν
-ἐπέλαμψε τὸν θεόν, ὅθεν τε ἦν αὐτὸς καὶ ὃς ἦν,
-δι’ ὧν ἐδίδαξεν καὶ ἐνεδείξατο, παραστησάμενος,
-ὁ σπονδοφόρος καὶ διαλλακτὴς καὶ σωτὴρ ἡμῶν
-λόγος, πηγὴ ζωοποιός, εἰρηνική, ἐπὶ πᾶν τὸ
-πρόσωπον τῆς γῆς χεόμενος, δι’ ὃν ὡς ἔπος
-εἰπεῖν τὰ πάντα ἤδη πέλαγος γέγονεν ἀγαθῶν.
-</p>
-</div1>
-<div1 type="chapter" n="11">
-<p>
-Μικρὸν δέ, εἰ βούλει, ἄνωθεν ἄθρει τὴν θείαν
-εὐεργεσίαν. ὁ πρῶτος <del>ὁτὲ</del>
-<note n="1" place="unspecified" anchored="yes">
-<del>o(te\</del> Stählin. o(te\ me\n Dindorf. o(/te h)=n Markland.</note> ἐν παραδείσῳ ἔπαιζε
-λελυμένος, ἐπεὶ παιδίον ἦν τοῦ θεοῦ· ὅτε δὲ
-ὑποπίπτων <note n="2" place="unspecified" anchored="yes">u(popi/ptwn Schsartz. u(pe/pipten MSS.</note> ἡδονῇ ʽὄφις ἀλληγορεῖται ἡδονὴ ἐπὶ
-γαστέρα ἕρπουσα, κακία γηΐνη, εἰς ὕλας τρεφομένη <note n="3" place="unspecified" anchored="yes">strefome/nh Heyse: Stählin.</note>ʼ
-ʼπαρήγετο ἐπιθυμίαις, ὁ παῖς ἀνδριζόμενος
-ἀπειθείᾳ καὶ παρακούσας τοῦ πατρὸς ᾐσχύνετο τὸν
-θεόν. οἷον ἴσχυσεν ἡδονή· ὁ δι’ ἁπλότητα λελυμένος
-ἄνθρωπος ἁμαρτίαις εὑρέθη δεδεμένος. τῶν
-δεσμῶν λῦσαι τοῦτον ὁ κύριος αὖθις ἠθέλησεν, καὶ
-σαρκὶ ἐνδεθείς ʽμυστήριον θεῖον τοῦτὀ τὸν ὄφιν
-ἐχειρώσατο καὶ τὸν τύραννον ἐδουλώσατο, τὸν
-<pb id="p.238"/>
- θάνατον, καί, τὸ παραδοξότατον, ἐκεῖνον τὸν ἄνθρωπον
-τὸν ἡδονῇ πεπλανημένον, τὸν τῇ φθορᾷ δεδεμένον,
-χερσὶν ἡπλωμέναις ἔδειξε λελυμένον. ὢ θαύματος
-μυστικοῦ· κέκλιται μὲν ὁ κύριος, ἀνέστη δὲ
-ἄνθρωπος καὶ ὁ ἐκ τοῦ παραδείσου πεσὼν μεῖζον
-ὑπακοῆς ἆθλον, οὐρανούς, ἀπολαμβάνει. διό μοι
-δοκεῖ, ἐπεὶ αὐτὸς ἧκεν ὡς ἡμᾶς οὐρανόθεν ὁ λόγος,
-ἡμᾶς ἐπ’ ἀνθρωπίνην ἰέναι μὴ χρῆναι διδασκαλίαν
-ἔτι, Ἀθήνας καὶ τὴν ἄλλην Ἑλλάδα, πρὸς δὲ καὶ
-Ἰωνίαν πολυπραγμονοῦντας. εἰ γὰρ ἡμῖν <del>ὁ</del>
-<note n="1" place="unspecified" anchored="yes">
-<del>o(</del> Heyse.</note> διδάσκαλος
-ὁ πληρώσας τὰ πάντα δυνάμεσιν ἁγίαις,
-<pb id="pg.87"/> δημιουργίᾳ σωτηρίᾳ εὐεργεσίᾳ νομοθεσίᾳ προφητείᾳ
-διδασκαλίᾳ, πάντα νῦν ὁ διδάσκαλος κατηχεῖ
-καὶ τὸ πᾶν ἤδη Ἀθῆναι καὶ Ἑλλὰς γέγονεν τῷ
-λόγῳ. οὐ γὰρ δὴ μύθῳ μὲν ἐπιστεύετε ποιητικῷ
-τὸν Μίνω τὸν Κρῆτα τοῦ Διὸς ὀαριστὴν ἀναγράφοντι,
-ἡμᾶς δὲ ἀπιστήσετε μαθητὰς θεοῦ γεγονότας, τὴν
-ὄντως ἀληθῆ σοφίαν ἐπανῃρημένους, ἣν φιλοσοφίας
-ἄκροι μόνον ᾐνίξαντο, οἱ δὲ τοῦ Χριστοῦ μαθηταὶ
-καὶ κατειλήφασι καὶ ἀνεκήρυξαν. καὶ δὴ καὶ πᾶς,
-ὡς ἔπος εἰπεῖν, <note n="2" place="unspecified" anchored="yes">Stählin, follosing Schsartz, suspects an omission betseen ei)pei=n and o( *xristo\s.</note> ὁ Χριστὸς οὐ μερίζεται· οὔτε
-βάρβαρός ἐστιν οὔτε Ἰουδαῖος οὔτε Ἕλλην, οὐκ
-ἄρρεν, οὐ θῆλυ· καινὸς δὲ ἄνθρωπος θεοῦ πνεύματι
-ἁγίῳ μεταπεπλασμένος.
-Εἶθ’ αἱ μὲν ἄλλαι συμβουλαί τε καὶ ὑποθῆκαι
-<pb id="p.240"/>
- λυπραὶ καὶ περὶ τῶν ἐπὶ μέρους εἰσίν, εἰ γαμητέον,
-εἰ πολιτευτέον, εἰ παιδοποιητέον· καθολικὴ δὲ ἄρα
-προτροπὴ μόνη καὶ πρὸς ὅλον δηλαδὴ τὸν βίον, ἐν
-παντὶ καιρῷ, ἐν πάσῃ περιστάσει πρὸς τὸ κυριώτατον
-τέλος, τὴν ζωήν, συντείνουσα ἡ θεοσέβεια·
-καθ’ ὃ καὶ μόνον ἐπάναγκές ἐστι ζῆν, ἵνα ζήσωμεν
-ἀεί· φιλοσοφία δέ, ᾗ φασιν οἱ πρεσβύτεροι,
-πολυχρόνιός ἐστι συμβουλή, σοφίας ἀίδιον μνηστευομένη
-ἔρωτα· “ἐντολὴ δὲ κυρίου τηλαυγής,
-φωτίζουσα ὀφθαλμούς.” ἀπόλαβε τὸν Χριστόν,
-ἀπόλαβε τὸ βλέπειν, ἀπόλαβέ σου τὸ φῶς,
-ὄφρ’ εὖ γινώσκοις ἠμὲν θεὸν ἠδὲ καὶ ἄνδρα. “ποθεινὸσ” <note n="1" place="unspecified" anchored="yes">poqeino\s—gluku/s Mayor (see Psalm xviii. 11 Sept.). gluku\s—poqeino/s MSS.</note> ὁ λόγος ὁ φωτίσας ἡμᾶς “ὑπὲρ
-χρυσίον καὶ λίθον τίμιον· γλυκύς <note n="1" place="unspecified" anchored="yes">poqeino\s—gluku/s Mayor (see Psalm xviii. 11 Sept.). gluku\s—poqeino/s MSS.</note> ἐστιν ὑπὲρ μέλι
-καὶ κηρίον.” πῶς γὰρ οὐ ποθεινὸς ὁ τὸν ἐν σκότει
-κατορωρυγμένον νοῦν ἐναργῆ ποιησάμενος καὶ τὰ “φωσφόρα” τῆς ψυχῆς ἀποξύνας “ὄμματα” ; καὶ
-γὰρ ὥσπερ “ἡλίου μὴ ὄντος ἕνεκα τῶν ἄλλων
-ἄστρων νὺξ ἂν ἦν τὰ πάντα,” οὕτως εἰ μὴ τὸν λόγον
-ἔγνωμεν καὶ τούτῳ κατηυγάσθημεν, οὐδὲν ἂν τῶν
-σιτευομένων ὀρνίθων ἐλειπόμεθα, ἐν σκότει πιαινόμενοι
-καὶ θανάτῳ τρεφόμενοι. χωρήσωμεν τὸ φῶς,
-<pb id="pg.88"/> ἵνα χωρήσωμεν τὸν θεόν· χωρήσωμεν τὸ φῶς καὶ
-μαθητεύσωμεν τῷ κυρίῳ. τοῦτό τοι καὶ ἐπήγγελται
-<pb id="p.242"/>
- τῷ πατρὶ “διηγήσομαι τὸ ὄνομά σου τοῖς ἀδελφοῖς
-μου· ἐν μέσῳ ἐκκλησίας ὑμνήσω σε.” ὕμνησον
-καὶ διήγησαί μοι τὸν πατέρα σου τὸν θεόν· σώσει
-σου τὰ διηγήματα, παιδεύσει με ἡ ᾠδή. ὡς μέχρι
-νῦν ἐπλανώμην ζητῶν τὸν θεόν, ἐπεὶ δέ με φωταγωγεῖς,
-κύριε, καὶ τὸν θεὸν εὑρίσκω διὰ σοῦ καὶ
-τὸν πατέρα ἀπολαμβάνω παρὰ σοῦ, γίνομαί σου
-συγκληρονόμος, ἐπεὶ τὸν ἀδελφὸν οὐκ ἐπῃσχύνθης.
-Ἀφέλωμεν οὖν, ἀφέλωμεν τὴν λήθην τῆς ἀληθείας·
-τὴν ἄγνοιαν καὶ τὸ σκότος τὸ ἐμποδὼν ὡς ἀχλὺν
-ὄψεως καταγαγόντες τὸν ὄντως ὄντα θεὸν ἐποπτεύσωμεν,
-ταύτην αὐτῷ πρῶτον ἀνυμνήσαντες τὴν
-φωνήν “χαῖρε φῶσ” · φῶς ἡμῖν ἐξ οὐρανοῦ τοῖς
-ἐν σκότει κατορωρυγμένοις καὶ ἐν σκιᾷ θανάτου
-κατακεκλεισμένοις ἐξέλαμψεν ἡλίου καθαρώτερον,
-ζωῆς τῆς ἐνταῦθα γλυκύτερον. τὸ φῶς ἐκεῖνο ζωή
-ἐστιν ἀίδιος, καὶ ὅσα μετείληφεν αὐτοῦ, ζῇ, ἡ νὺξ
-δὲ εὐλαβεῖται τὸ φῶς καὶ δύνουσα διὰ τὸν φόβον
-παραχωρεῖ τῇ ἡμέρᾳ κυρίου· τὰ πάντα φῶς ἀκοίμητον
-γέγονεν καὶ ἡ δύσις εἰς ἀνατολὴν περιέστηκεν. <note n="1" place="unspecified" anchored="yes">ei)s a)natolh\n perie/sthken Wilamositz. a)natolh\ pepi/steuken MSS.</note>
-τοῦτο ἡ κτίσις ἡ καινὴ βεβούληται· ὁ γὰρ τὰ
-πάντα καθιππεύων “δικαιοσύνης ἥλιοσ” ἐπ’ ἴσης
-περιπολεῖ τὴν ἀνθρωπότητα, τὸν πατέρα μιμούμενος,
-ὃς “ἐπὶ πάντας ἀνθρώπους ἀνατέλλει τὸν ἥλιον
-αὐτοῦ,” καὶ καταψεκάζει τὴν δρόσον τῆς ἀληθείας.
-οὗτος τὴν δύσιν εἰς ἀνατολὴν μετήγαγεν καὶ τὸν
-θάνατον εἰς ζωὴν ἀνεσταύρωσεν, ἐξαρπάσας δὲ τῆς
-ἀπωλείας τὸν ἄνθρωπον προσεκρέμασεν αἰθέρι,
-<pb id="p.244"/>
- μεταφυτεύων τὴν φθορὰν εἰς ἀφθαρσίαν καὶ γῆν
-μεταβάλλων εἰς οὐρανούς, ὁ τοῦ θεοῦ γεωργός, “δεξιὰ σημαίνων, λαοὺς δ’ ἐπὶ ἔργον” ἀγαθὸν “ἐγείρων, μιμνῄσκων βιότοιο” ἀληθινοῦ, καὶ τὸν
-μέγαν ὄντως καὶ θεῖον καὶ ἀναφαίρετον τοῦ πατρὸς
-κλῆρον χαριζόμενος ἡμῖν, οὐρανίῳ διδασκαλίᾳ θεοποιῶν
-<pb id="pg.89"/> τὸν ἄνθρωπον, “διδοὺς νόμους εἰς τὴν
-διάνοιαν αὐτῶν καὶ ἐπὶ καρδίαν γράφων αὐτούς.” τίνας ὑπογράφει νόμους; “ὅτι πάντες εἴσονται τὸν
-θεὸν ἀπὸ μικροῦ ἕως μεγάλου, καὶ ἵλεως,” φησὶν ὁ
-θεός, “ἔσομαι αὐτοῖς καὶ τῶν ἁμαρτιῶν αὐτῶν οὐ
-μὴ μνησθῶ.” δεξώμεθα τοὺς νόμους τῆς ζωῆς,
-πεισθῶμεν προτρεπομένῳ θεῷ, μάθωμεν αὐτόν, ἵνα
-ἵλεως ᾖ, ἀποδῶμεν καὶ μὴ δεομένῳ μισθὸν εὐχάριστον
-εὐπαθείας, <note n="1" place="unspecified" anchored="yes">eu)paqei/as Mayor. eu)pa/qeian MSS. eu)pei/qeian Heyse.</note> οἷόν τι ἐνοίκιον <del>τὴν εὐσέβειαν</del>
-<note n="2" place="unspecified" anchored="yes">
-<del>th\n eu)se/beian</del> Heyse.</note>
-τῷ θεῷ τῆς ἐνταῦθα ἐνοικήσεως.
-χρύσεα χαλκείων, ἑκατόμβοἰ ἐννεαβοίων.
-ὀλίγης πίστεως γῆν σοι δίδωσι τὴν τοσαύτην
-γεωργεῖν, ὕδωρ πίνειν καὶ ἄλλο πλεῖν, ἀέρα ἀναπνεῖν,
-πῦρ ὑπουργεῖν, κόσμον οἰκεῖν· ἐντεῦθεν εἰς
-οὐρανοὺς ἀποικίαν στείλασθαί σοι συγκεχώρηκεν·
-τὰ μεγάλα ταῦτα καὶ τοσαῦτά σοι δημιουργήματα
-καὶ χαρίσματα ὀλίγης πίστεως μεμίσθωκεν. εἶθ̓
-οἱ μὲν τοῖς γόησι πεπιστευκότες τὰ περίαπτα καὶ
-τὰς ἐπαοιδὰς ὡς σωτηρίους δῆθεν ἀποδέχονται,
-ὑμεῖς δὲ οὐ βούλεσθε τὸν οὐράνιον αὐτὸν περιάψασθαι,
-τὸν σωτῆρα λόγον, καὶ τῇ ἐπῳδῇ τοῦ θεοῦ
-<pb id="p.246"/>
- πιστεύσαντες ἀπαλλαγῆναι μὲν παθῶν, ἃ δὴ ψυχῆς
-νόσοι, ἀποσπασθῆναι δὲ ἁμαρτίας ; θάνατος γὰρ
-ἀίδιος ἁμαρτία. ἦ τέλεον νωδοὶ καὶ τυφλοὶ καθάπερ
-οἱ σπάλακες οὐδὲν ἄλλο ἢ ἐσθίοντες ἐν σκότῳ
-διαιτᾶσθε, περικαταρρέοντες τῇ φθορᾷ. ἀλλ’ ἔστιν,
-ἔστιν ἡ ἀλήθεια ἡ κεκραγυῖα “ἐκ σκότους φῶς
-λάμψει.” λαμψάτω οὖν ἐν τῷ ἀποκεκρυμμένῳ τοῦ
-ἀνθρώπου, ἐν τῇ καρδίᾳ, τὸ φῶς, καὶ τῆς γνώσεως
-αἱ ἀκτῖνες ἀνατειλάτωσαν τὸν ἐγκεκρυμμένον ἔνδον
-ἐκφαίνουσαι καὶ ἀποστίλβουσαι ἄνθρωπον, τὸν μαθητὴν
-τοῦ φωτός, τὸν Χριστοῦ γνώριμόν τε καὶ
-συγκληρονόμον, μάλιστα ἐπειδὰν τὸ τιμιώτατον καὶ
-σεβασμιώτατον εὐσεβεῖ τε καὶ ἀγαθῷ παιδὶ ἀγαθοῦ
-πατρὸς ὄνομα εἰς γνῶσιν ἀφίκηται, προστάττοντος
-ἤπια καὶ τῷ παιδὶ ἐγκελευομένου τὰ σωτήρια. ὁ
-δὲ πειθόμενος αὐτῷ κατὰ πάντα δὴ πλεονεκτεῖ·
-ἕπεται τῷ θεῷ, πείθεται τῷ πατρί, ἔγνω πλανώμενος
-αὐτόν, ἠγάπησε τὸν θεόν, ἠγάπησε τὸν πλησίον,
-ἐπλήρωσε τὴν ἐντολήν, τὸ ἆθλον ἐπιζητεῖ, τὴν ἐπαγγελίαν ἀπαιτεῖ.
-Πρόκειται δὲ ἀεὶ τῷ θεῷ τὴν ἀνθρώπων ἀγέλην
-σῴζειν. ταύτῃ καὶ τὸν ἀγαθὸν ποιμένα ὁ ἀγαθὸς
-ἀπέστειλεν θεός· ἁπλώσας δὲ ὁ λόγος τὴν ἀλήθειαν
-ἔδειξε τοῖς ἀνθρώποις τὸ ὕψος τῆς σωτηρίας, ὅπως
- ἢ  <pb id="pg.90"/> μετανοήσαντες σωθῶσιν ἢ μὴ ὑπακούσαντες
-κριθῶσιν. τοῦτο τῆς δικαιοσύνης τὸ κήρυγμα,
-ὑπακούουσιν εὐαγγέλιον, παρακούσασιν κριτήριον.
-ἀλλὰ σάλπιγξ μὲν ἡ μεγαλόκλονος ἠχήσασα
-στρατιώτας συνήγαγεν καὶ πόλεμον κατήγγειλεν,
-<pb id="p.248"/>
- Χριστὸς δὲ εἰρηνικὸν ἐπὶ τὰ πέρατα τῆς γῆς ἐπιπνεύσας
-μέλος οὐ συνάξει ἄρα τοὺς εἰρηνικοὺς
-στρατιώτας τοὺς ἑαυτοῦ; συνήγαγε μὲν οὖν, ὦ
-ἄνθρωπε, τὸ στρατιωτικὸν τὸ ἀναίμακτον αἵματι
-καὶ λόγῳ, καὶ τὴν βασιλείαν τῶν οὐρανῶν αὐτοῖς
-ἐνεχείρισεν. σάλπιγξ ἐστὶ Χριστοῦ τὸ εὐαγγέλιον
-αὐτοῦ· ὁ μὲν ἐσάλπισεν, ἡμεῖς δὲ ἠκούσαμεν.
-ἐξοπλισώμεθα εἰρηνικῶς, “ἐνδυσάμενοι τὸν θώρακα
-τῆς δικαιοσύνησ” καὶ τὴν ἀσπίδα τῆς πίστεως
-ἀναλαβόντες καὶ τὴν κόρυν τοῦ σωτηρίου περιθέμενοι
-καὶ “τὴν μάχαιραν τοῦ πνεύματος, ὃ ἐστι ῥῆμα
-θεοῦ,” ἀκονήσωμεν. οὕτως ἡμᾶς ὁ ἀπόστολος
-εἰρηνικῶς ἐκτάττει· ταῦτα ἡμῶν τὰ ὅπλα τὰ
-ἄτρωτα· τούτοις ἐξοπλισάμενοι παραταξώμεθα τῷ
-πονηρῷ· τὰ πεπυρακτωμένα τοῦ πονηροῦ ἀποσβέσωμεν
-βέλη ταῖς ὑδατίναις ἀκμαῖς ταῖς ὑπὸ τοῦ
-λόγου βεβαμμέναις, εὐχαρίστοις ἀμειβόμενοι τὰς
-εὐποιίας εὐλογίαις καὶ τὸν θεὸν τῷ θείῳ γεραίροντες
-λόγῳ. “ἔτι γὰρ λαλοῦντός σου ἐρεῖ,” φησίν, “ἰδοὺ πάρειμι.” Ὢ τῆς ἁγίας καὶ μακαρίας ταύτης δυνάμεως,
-δι’ ἧς ἀνθρώποις συμπολιτεύεται θεός. λῷον οὖν
-καὶ ἄμεινον τῆς ἀρίστης τῶν ὄντων οὐσίας μιμητὴν
-ὁμοῦ καὶ θεραπευτὴν γενέσθαι· οὐ γὰρ μιμεῖσθαί
-τις δυνήσεται τὸν θεὸν ἢ δι’ ὧν ὁσίως θεραπεύει <note n="1" place="unspecified" anchored="yes">qerapeu/ei Schsartz. qerapeu/sei MSS.</note>
-οὐδ’ αὖ θεραπεύειν καὶ σέβειν ἢ μιμούμενος. ὅ γέ
-τοι οὐράνιος καὶ θεῖος ὄντως ἔρως ταύτῃ προσγίνεται
-τοῖς ἀνθρώποις, ὅταν ἐν αὐτῇ που τῇ ψυχῇ τὸ
-ὄντως καλὸν ὑπὸ τοῦ θείου λόγου ἀναζωπυρούμενον
-ἐκλάμπειν δυνηθῇ· καὶ τὸ μέγιστον, ἅμα τῷ
-<pb id="p.250"/>
- βουληθῆναι γνησίως τὸ σωθῆναι συντρέχει, ὁμοζυγούντων,
-ὡς ἔπος εἰπεῖν, προαιρέσεως καὶ ζωῆς.
-τοιγάρτοι μόνη αὕτη ἡ τῆς ἀληθείας προτροπὴ τοῖς
-πιστοτάτοις ἀπείκασται τῶν φίλων μέχρι τῆς ἐσχάτης
-ἀναπνοῆς παραμένουσα καὶ παραπομπὸς ἀγαθὴ
-ὅλῳ καὶ τελείῳ τῷ τῆς ψυχῆς πνεύματι τοῖς εἰς
-οὐρανὸν ἀπαίρουσι γενομένη. τί δή σε προτρέπω;
-σωθῆναί σε ἐπείγομαι. τοῦτο Χριστὸς βούλεται·
-ἑνὶ λόγῳ ζωήν σοι χαρίζεται. καὶ τίς ἐστιν οὗτος;
-μάθε συντόμως· λόγος ἀληθείας, λόγος ἀφθαρσίας,
-ὁ ἀναγεννῶν τὸν ἄνθρωπον, εἰς ἀλήθειαν αὐτὸν
-ἀναφέρων, τὸ κέντρον τῆς σωτηρίας, ὁ ἐξελαύνων
-τὴν φθοράν, ὁ ἐκδιώκων τὸν θάνατον, ὁ ἐν ἀνθρώποις
-οἰκοδομήσας νεών, ἵνα ἐν ἀνθρώποις ἱδρύσῃ τὸν
-θεόν. ἅγνισον τὸν νεών, καὶ τὰς ἡδονὰς καὶ τὰς
-ῥᾳθυμίας ὥσπερ ἄνθος ἐφήμερον καταλίμπανε ἀνέμῳ
-καὶ πυρί, σωφροσύνης δὲ τοὺς καρποὺς γεώργησον
- ἐμφρόνως, καὶ σεαυτὸν ἀκροθίνιον  <pb id="pg.91"/> ἀνάστησον τῷ
-θεῷ, ὅπως οὐκ ἔργον μόνον, ἀλλὰ καὶ χάρις ᾖς <note n="1" place="unspecified" anchored="yes">h)=|s Wilamositz. h)=| MSS.</note> τοῦ
-θεοῦ· πρέπει δὲ ἄμφω τῷ Χριστοῦ <note n="2" place="unspecified" anchored="yes">*xristou= Mayor. *xristw=| MSS.</note> γνωρίμῳ, καὶ
-βασιλείας ἄξιον φανῆναι καὶ βασιλείας κατηξιῶσθαι.
-</p>
-</div1>
-<div1 type="chapter" n="12">
-<p>
-Φύγωμεν οὖν τὴν συνήθειαν, φύγωμεν οἷον ἄκραν
-χαλεπὴν ἢ Χαρύβδεως ἀπειλὴν ἢ Σειρῆνας μυθικάς·
-ἄγχει τὸν ἄνθρωπον, τῆς ἀληθείας ἀποτρέπει,
-ἀπάγει τῆς ζωῆς, παγίς ἐστιν, βάραθρόν ἐστιν,
-βόθρος ἐστί, λίχνον <note n="3" place="unspecified" anchored="yes">li/xnon Mayor. li/xnos MSS.</note> ἐστὶν κακὸν ἡ συνήθεια·
-<pb id="p.252"/>
- κείνου μὲν καπνοῦ καὶ κύματος ἐκτὸς ἔεργε νῆα.
-φεύγωμεν, ὦ συνναῦται, φεύγωμεν τὸ κῦμα τοῦτο,
-πῦρ ἐρεύγεται, νῆσός ἐστι πονηρὰ ὀστοῖς καὶ
-νεκροῖς σεσωρευμένη, ᾅδει δὲ ἐν αὐτῇ πορνίδιον
-ὡραῖον, ἡδονή, πανδήμῳ τερπόμενον μουσικῇ·
-δεῦρ’ ἄγ’ ἰών, πολύαιν’ Ὀδυσεῦ, μέγα κῦδος Ἀχαιῶν,
-νῆα κατάστησον, ἵνα θειοτέρην ὄπ’ ἀκούσῃς.
-ἐπαινεῖ σε, ὦ ναῦτα, καὶ πολυύμνητον λέγει, καὶ
-τὸ κῦδος τῶν Ἑλλήνων ἡ πόρνη σφετερίζεται·
-ἔασον αὐτὴν ἐπινέμεσθαι τοὺς νεκρούς, πνεῦμά σοι <note n="1" place="unspecified" anchored="yes">soi Höschel. se MSS.</note>
-οὐράνιον βοηθεῖ· πάριθι τὴν ἡδονήν, βουκολεῖ·
-μηδὲ γυνή σε νόον πυγοστόλος ἐξαπατάτω,
-αἱμύλα κωτίλλουσα, τεὴν διφῶσα καλιήν.
-παράπλει τὴν ᾠδήν, θάνατον ἐργάζεται· ἐὰν ἐθέλῃς
-μόνον, νενίκηκας τὴν ἀπώλειαν καὶ τῷ ξύλῳ προσδεδεμένος
-ἁπάσης ἔσῃ τῆς φθορᾶς λελυμένος, κυβερνήσει
-σε ὁ λόγος ὁ τοῦ θεοῦ, κἀν <note n="2" place="unspecified" anchored="yes">ka)n Mayor. kai\ MSS.</note> τοῖς λιμέσι
-καθορμίσει τῶν οὐρανῶν τὸ πνεῦμα τὸ ἅγιον· τότε
-μου κατοπτεύσεις τὸν θεὸν καὶ τοῖς ἁγίοις ἐκείνοις
-τελεσθήσῃ μυστηρίοις καὶ τῶν ἐν οὐρανοῖς ἀπολαύσεις
-ἀποκεκρυμμένων, τῶν ἐμοὶ τετηρημένων, “ἃ οὔτε οὖς ἤκουσεν οὔτε ἐπὶ καρδίαν ἀνέβη” τινός.
-<pb id="p.254"/>
- καὶ μὴν ὁρᾶν μοι δύο μὲν ἡλίους δοκῶ,
- δισσὰς δὲ Θήβας  <pb id="pg.92"/>
-βακχεύων ἔλεγέν τις εἰδώλοις, ἀγνοίᾳ μεθύων ἀκράτῳ·
-ἐγὼ δ’ <add>ἂν</add>
-<note n="1" place="unspecified" anchored="yes">
-<add>a(\n</add> inserted by Stählin.</note> αὐτὸν οἰκτείραιμι παροινοῦντα
-καὶ τὸν οὕτω παρανοοῦντα ἐπὶ σωτηρίαν παρακαλέσαιμι
-σωφρονοῦσαν, ὅτι καὶ κύριος μετάνοιαν
-ἁμαρτωλοῦ καὶ οὐχὶ θάνατον ἀσπάζεται. ἧκε, ὦ
-παραπλήξ, μὴ θύρσῳ σκηριπτόμενος, μὴ κιττῷ
-ἀναδούμενος, ῥῖψον τὴν μίτραν, ῥῖψον τὴν νεβρίδα,
-σωφρόνησον· δείξω σοι τὸν λόγον καὶ τοῦ λόγου
-τὰ μυστήρια, κατὰ τὴν σὴν διηγούμενος εἰκόνα.
-ὄρος ἐστὶ τοῦτο θεῷ πεφιλημένον, οὐ τραγῳδίαις ὡς
-Κιθαιρὼν ὑποκείμενον, ἀλλὰ τοῖς ἀληθείας ἀνακείμενον
-δράμασιν, ὄρος νηφάλιον, ἁγναῖς ὕλαις
-σύσκιον· βακχεύουσι δὲ ἐν αὐτῷ οὐχ αἱ Σεμέλης “τῆς κεραυνίασ” ἀδελφαί, αἱ μαινάδες, αἱ δύσαγνον
-κρεανομίαν μυούμεναι, ἀλλ’ αἱ τοῦ θεοῦ θυγατέρες,
-αἱ ἀμνάδες αἱ καλαί, τὰ σεμνὰ τοῦ λόγου θεσπίζουσαι
-ὄργια, χορὸν ἀγείρουσαι σώφρονα. ὁ χορὸς οἱ
-δίκαιοι, τὸ ᾆσμα ὕμνος ἐστὶ τοῦ πάντων βασιλέως·
-ψάλλουσιν αἱ κόραι, δοξάζουσιν ἄγγελοι, προφῆται
-λαλοῦσιν, ἦχος στέλλεται μουσικῆς, δρόμῳ τὸν
-<pb id="p.256"/>
- θίασον διώκουσιν, σπεύδουσιν οἱ κεκλημένοι πατέρα
-ποθοῦντες ἀπολαβεῖν. ἧκέ μοι, ὦ πρέσβυ, καὶ σύ,
-τὰς Θήβας λιπὼν καὶ τὴν μαντικὴν καὶ τὴν βακχείαν <note n="1" place="unspecified" anchored="yes">bakxei/an Wilamositz. bakxikh\n MSS.</note>
-ἀπορρίψας πρὸς ἀλήθειαν χειραγωγοῦ· ἰδού σοι
-τὸ ξύλον ἐπερείδεσθαι δίδωμι· σπεῦσον, Τειρεσία,
-πίστευσον· ὄψει· Χριστὸς ἐπιλάμπει φαιδρότερον
-ἡλίου, δι’ ὃν ὀφθαλμοὶ τυφλῶν ἀναβλέπουσιν· νύξ
-σε φεύξεται, πῦρ φοβηθήσεται, θάνατος οἰχήσεται·
-ὄψει τοὺς οὐρανούς, ὦ γέρον, ὁ Θήβας μὴ βλέπων.
-Ὢ τῶν ἁγίων ὡς ἀληθῶς μυστηρίων, ὢ φωτὸς
-ἀκηράτου. δᾳδουχοῦμαι τοὺς οὐρανοὺς καὶ τὸν
-θεὸν ἐποπτεῦσαι, <note n="2" place="unspecified" anchored="yes">e)popteu=sai Schsartz. e)popteu/sas MSS.</note> ἅγιος γίνομαι μυούμενος, ἱεροφαντεῖ
-δὲ ὁ κύριος καὶ τὸν μύστην σφραγίζεται
-φωταγωγῶν, καὶ παρατίθεται τῷ πατρὶ τὸν πεπιστευκότα
-αἰῶσι τηρούμενον. ταῦτα τῶν ἐμῶν
-μυστηρίων τὰ βακχεύματα· εἰ βούλει, καὶ σὺ μυοῦ,
-καὶ χορεύσεις μετ’ ἀγγέλων ἀμφὶ τὸν ἀγένητον καὶ
-ἀνώλεθρον καὶ μόνον ὄντως θεόν, συνυμνοῦντος
- ἡμῖν τοῦ θεοῦ λόγου. ἀίδιος  <pb id="pg.93"/> οὗτος Ἰησοῦς, εἷς <del>ὁ</del>
-<note n="3" place="unspecified" anchored="yes">
-<del>o(</del> Wilamositz.</note>
-μέγας ἀρχιερεὺς θεοῦ τε ἑνὸς τοῦ αὐτοῦ καὶ πατρός,
-ὑπὲρ ἀνθρώπων εὔχεται καὶ ἀνθρώποις ἐγκελεύεται “κέκλυτε, μυρία φῦλα,” μᾶλλον δὲ ὅσοι τῶν
-ἀνθρώπων λογικοί, καὶ βάρβαροι καὶ Ἕλληνες· τὸ
-πᾶν ἀνθρώπων γένος καλῶ, ὧν ἐγὼ δημιουργὸς
-θελήματι πατρός. ἥκετε ὡς ἐμέ, ὑφ’ ἕνα ταχθησόμενοι
-θεὸν καὶ τὸν ἕνα λόγον τοῦ θεοῦ, καὶ μὴ μόνον
-τῶν ἀλόγων ζῴων πλεονεκτεῖτε τῷ λόγῳ, ἐκ δὲ
-τῶν θνητῶν ἁπάντων ὑμῖν ἀθανασίαν μόνοις καρπώσασθαι
-<pb id="p.258"/>
-δίδωμι. ἐθέλω γάρ, ἐθέλω καὶ ταύτης
-ὑμῖν μεταδοῦναι τῆς χάριτος, ὁλόκληρον χορηγῶν
-τὴν εὐεργεσίαν, ἀφθαρσίαν· καὶ λόγον χαρίζομαι
-ὑμῖν, τὴν γνῶσιν τοῦ θεοῦ τέλειον ἐμαυτὸν χαρίζομαι.
-τοῦτό εἰμι ἐγώ, τοῦτο βούλεται ὁ θεός,
-τοῦτο συμφωνία ἐστί, τοῦτο ἁρμονία πατρός, τοῦτο
-υἱός, τοῦτο Χριστός, τοῦτο ὁ λόγος τοῦ θεοῦ,
-βραχίων κυρίου, δύναμις τῶν ὅλων, τὸ θέλημα τοῦ
-πατρός. ὦ <note n="1" place="unspecified" anchored="yes">w)= Wilamositz. w(=n MSS.</note> πάλαι μὲν εἰκόνες, οὐ πᾶσαι δὲ ἐμφερεῖς,
-διορθώσασθαι ὑμᾶς πρὸς τὸ ἀρχέτυπον βούλομαι,
-ἵνα μοι καὶ ὅμοιοι γένησθε. χρίσω ὑμᾶς τῷ
-πίστεως ἀλείμματι, δι’ οὗ τὴν φθορὰν ἀποβάλλετε,
-καὶ γυμνὸν δικαιοσύνης ἐπιδείξω τὸ σχῆμα, δι’ οὗ
-πρὸς τὸν θεὸν ἀναβαίνετε. “δεῦτε πρός με πάντες
-οἱ κοπιῶντες καὶ πεφορτισμένοι, κἀγὼ ἀναπαύσω
-ὑμᾶς· ἄρατε τὸν ζυγόν μου ἐφ’ ὑμᾶς καὶ μάθετε
-ἀπ’ ἐμοῦ, ὅτι πραΰς εἰμι καὶ ταπεινὸς τῇ καρδίᾳ,
-καὶ εὑρήσετε ἀνάπαυσιν ταῖς ψυχαῖς ὑμῶν· ὁ γὰρ
-ζυγός μου χρηστὸς καὶ τὸ φορτίον μου ἐλαφρόν
-ἐστιν.” σπεύσωμεν, δράμωμεν, ὦ θεοφιλῆ καὶ
-θεοείκελα τοῦ λόγου <del>ἄνθρωποι</del>
-<note n="2" place="unspecified" anchored="yes">
-<del>a)/nqrwpoi</del> *heysc.</note> ἀγάλματα· σπεύσωμεν,
-δράμωμεν, ἄρωμεν τὸν ζυγὸν αὐτοῦ, ὑπολάβωμεν
-ἀφθαρσίαν, <note n="3" place="unspecified" anchored="yes">u(pola/bwmen a)fqarsi/an Mayor. u(poba/lwmen a)fqarsi/ai MSS. e)piba/lwmen a)fqarsi/a| Wilamositz (shom Stählin folloss).</note> καλὸν ἡνίοχον ἀνθρώπων τὸν
-Χριστὸν ἀγαπήσωμεν· τὸν πῶλον ὑποζύγιον ἤγαγε
-σὺν τῷ παλαιῷ· καὶ τῶν ἀνθρώπων τὴν συνωρίδα
-καταζεύξας, εἰς ἀθανασίαν κατιθύνει τὸ ἅρμα, σπεύδων
-πρὸς τὸν θεὸν πληρῶσαι ἐναργῶς ὃ ᾐνίξατο,
-πρότερον μὲν εἰς Ἱερουσαλήμ, νῦν δὲ εἰσελαύνων
-<pb id="p.260"/>
- οὐρανούς, κάλλιστον θέαμα τῷ πατρὶ υἱὸς ἀίδιος
-νικηφόρος. φιλότιμοι τοίνυν πρὸς τὰ καλὰ καὶ
-θεοφιλεῖς ἄνθρωποι γενώμεθα, καὶ τῶν ἀγαθῶν <note n="1" place="unspecified" anchored="yes">a)gaqw=n Stählin. a)paqw=n MSS.</note> τὰ
-μέγιστα, θεὸν καὶ ζωήν, κτησώμεθα. ἀρωγὸς δὲ ὁ
-λόγος· θαρρῶμεν αὐτῷ καὶ μή ποτε ἡμᾶς τοσοῦτος
- ἀργύρου καὶ  <pb id="pg.94"/> χρυσοῦ, μὴ δόξης ἐπέλθῃ πόθος,
-ὅσος αὐτοῦ τοῦ τῆς ἀληθείας λόγου. οὐδὲ γὰρ
-οὐδὲ τῷ θεῷ αὐτῷ ἀρεστόν, εἰ ἡμεῖς τὰ μὲν πλείστου
-ἄξια περὶ <note n="2" place="unspecified" anchored="yes">peri\ Cobet. u(pe\r MSS.</note> ἐλαχίστου ποιούμεθα, ἀγνοίας <note n="3" place="unspecified" anchored="yes">a)gnoi/as Markland. a)noi/as MSS.</note> δὲ καὶ
-ἀμαθίας καὶ ῥᾳθυμίας καὶ εἰδωλολατρείας ὕβρεις
-περιφανεῖς καὶ τὴν ἐσχάτην δυσσέβειαν περὶ πλείονος
-αἱρούμεθα. <note n="4" place="unspecified" anchored="yes">ai(rou/meqa Stählin. ai(rw/meqa MSS.</note>
-Οὐ γὰρ ἀπὸ τρόπου φιλοσόφων παῖδες πάντα
-ὅσα πράττουσιν οἱ ἀνόητοι, ἀνοσιουργεῖν καὶ
-ἀσεβεῖν νομίζουσιν καὶ αὐτήν γε <del>ἔτι</del>
-<note n="5" place="unspecified" anchored="yes">
-<del>e)/ti</del> Wilamositz.</note> τὴν ἄγνοιαν
-μανίας εἶδος ὑπογράφοντες οὐδὲν ἄλλο ἢ μεμηνέναι
-τοὺς πολλοὺς ὁμολογοῦσιν. οὐ δὴ οὖν ἀμφιβάλλειν
-αἱρεῖ <note n="6" place="unspecified" anchored="yes">ai(rei= Cobet. e)rei= MSS.</note>
-ἢ μεμηνέναι· ἐχομένους δὲ ἀπρὶξ τῆς ἀληθείας
-παντὶ σθένει ἕπεσθαι χρὴ τῷ θεῷ σωφρονοῦντας
-καὶ πάντα αὐτοῦ νομίζειν, ὥσπερ ἔστι, πρὸς δὲ
-καὶ ἡμᾶς τὸ κάλλιστον τῶν κτημάτων μεμαθηκότας
-ὄντας αὐτοῦ, σφᾶς αὐτοὺς ἐπιτρέπειν τῷ θεῷ,
-ἀγαπῶντας κύριον τὸν θεὸν καὶ τοῦτο παρ’ ὅλον
-τὸν βίον ἔργον ἡγουμένους. εἰ δὲ “κοινὰ τὰ
-φίλων,” θεοφιλὴς δὲ ὁ ἄνθρωπος ʽκαὶ γὰρ οὖν φίλος
-τῷ θεῷ, <note n="7" place="unspecified" anchored="yes">tw=| qew=| after fi/los Wilamositz, after a)/nqrwpos MSS. <del>tw=| qew=|</del> Cobet.</note> μεσιτεύοντος τοῦ λόγοὐ, γίνεται δὴ οὖν
-<pb id="p.262"/>
- τὰ πάντα τοῦ ἀνθρώπου, ὅτι τὰ πάντα τοῦ θεοῦ,
-καὶ κοινὰ ἀμφοῖν τοῖν φίλοιν τὰ πάντα, τοῦ θεοῦ
-καὶ ἀνθρώπου. ὥρα οὖν ἡμῖν μόνον τὸν θεοσεβῆ
-<del>Χριστιανὸν</del>
-<note n="1" place="unspecified" anchored="yes">
-<del>*xristiano\n</del> Wilamositz.</note> εἰπεῖν πλούσιόν τε καὶ σώφρονα καὶ
-εὐγενῆ καὶ ταύτῃ εἰκόνα τοῦ θεοῦ μεθ’ ὁμοιώσεως,
-καὶ λέγειν καὶ πιστεύειν “δίκαιον καὶ ὅσιον μετὰ
-φρονήσεωσ” γενόμενον ὑπὸ Χριστοῦ Ἰησοῦ καὶ εἰς
-τοσοῦτον ὅμοιον ἤδη καὶ θεῷ. οὐκ ἀποκρύπτεται
-γοῦν ὁ προφήτης τὴν χάριν λέγων, “ἐγὼ εἶπον
-ὅτι θεοί ἐστε καὶ υἱοὶ ὑψίστου πάντες.” ἡμᾶς γάρ,
-ἡμᾶς εἰσπεποίηται καὶ ἡμῶν ἐθέλει μόνων κεκλῆσθαι
-  <pb id="pg.95"/> πατήρ, οὐ τῶν ἀπειθούντων. καὶ γὰρ οὖν ὧδέ
-πως ἔχει τὰ ἡμέτερα τῶν Χριστοῦ ὀπαδῶν· οἷαι
-μὲν αἱ βουλαί, τοῖοι καὶ οἱ λόγοι, ὁποῖοι δὲ οἱ
-λόγοι, τοιαίδε καὶ αἱ πράξεις, καὶ ὁποῖα τὰ ἔργα,
-τοιοῦτος ὁ βίος· χρηστὸς ὁ σύμπας ἀνθρώπων βίος
-τῶν Χριστὸν ἐγνωκότων.
-Ἅλις οἶμαι τῶν λόγων, εἰ καὶ μακροτέρω προῆλθον
-ὑπὸ φιλανθρωπίας ὅ τι περ εἶχον ἐκ θεοῦ
-ἐκχέων, ὡς ἂν ἐπὶ τὸ μέγιστον τῶν ἀγαθῶν, τὴν
-σωτηρίαν, παρακαλῶν· περὶ γάρ τοι τῆς παῦλαν
-οὐδαμῇ οὐδαμῶς ἐχούσης ζωῆς οὐκ ἐθέλουσιν
-οὐδ’ οἱ λόγοι παύσασθαί ποτε ἱεροφαντοῦντες.
-ὑμῖν δὲ ἔτι τοῦτο περιλείπεται πέρας τὸ λυσιτελοῦν
-ἑλέσθαι, ἢ κρίσιν ἢ χάριν· ὡς ἔγωγε οὐδ’ ἀμφιβάλλειν
-ἀξιῶ, πότερον ἄμεινον αὐτοῖν· οὐδὲ μὴν
-συγκρίνεσθαι θέμις ζωὴν ἀπωλείᾳ.
-</p>
-</div1>
-</body>
-</text>
-</TEI.2>
diff --git a/data/tlg0555/tlg001/tlg0555.tlg001.perseus-grc2.xml b/data/tlg0555/tlg001/tlg0555.tlg001.perseus-grc2.xml
new file mode 100644
index 000000000..e41edd3c2
--- /dev/null
+++ b/data/tlg0555/tlg001/tlg0555.tlg001.perseus-grc2.xml
@@ -0,0 +1,294 @@
+<?xml version="1.0" encoding="UTF-8"?>
+<?xml-model href="http://www.stoa.org/epidoc/schema/latest/tei-epidoc.rng" type="application/xml" schematypens="http://relaxng.org/ns/structure/1.0"?>
+<TEI xmlns="http://www.tei-c.org/ns/1.0">
+ <teiHeader xml:lang="eng">
+<fileDesc>
+<titleStmt>
+ <title xml:lang="grc">Προτρεπτικὸς πρὸς Ἕλληνας</title>
+<author>Clement of Alexandria</author>
+<editor>G.W. Butterworth</editor>
+ <sponsor>Perseus Project, Tufts University</sponsor>
+ <principal>Gregory Crane</principal>
+ <respStmt>
+  <resp>Prepared under the supervision of</resp>
+  <name>Lisa Cerrato</name>
+  <name>Rashmi Singhal</name> 
+  <name>Bridget Almas</name>
+ </respStmt>   
+<funder n="org:Google">Google Digital Humanities Awards Program</funder>
+</titleStmt>
+ 
+<publicationStmt>
+<publisher>Trustees of Tufts University</publisher>
+<pubPlace>Medford, MA</pubPlace>
+<authority>Perseus Project</authority>
+ <date type="release" when="2011-09-12">Perseus 4.0</date>
+ <idno type="filename">tlg0555.tlg001.perseus-grc2.xml</idno>
+ <availability>
+  <licence target="https://creativecommons.org/licenses/by-sa/4.0/">Available under a Creative Commons Attribution-ShareAlike 4.0 International License</licence>
+ </availability>
+</publicationStmt>
+ 
+<sourceDesc>
+<biblStruct>
+<monogr>
+<author>Clement of Alexandria</author>
+<editor>G.W. Butterworth</editor>
+<title>Clement of Alexandria</title>
+<imprint>
+ <publisher>Harvard University Press</publisher>
+ <pubPlace>Cambridge, MA</pubPlace>
+<publisher>William Heinemann</publisher>
+<pubPlace>London</pubPlace>
+<date>1919</date>
+</imprint>
+</monogr>
+ <series>
+  <title>Loeb Classical Library</title>
+ </series>
+ <ref target="https://archive.org/details/theexhortationto00clemuoft/page/2/mode/2up">Internet Archive</ref>
+ <ref target="https://babel.hathitrust.org/cgi/pt?id=mdp.39015048954484&amp;seq=28">HathiTrust</ref>
+</biblStruct>
+</sourceDesc>
+</fileDesc>
+  
+<encodingDesc>
+ <editorialDecl><p>Keyboarding</p></editorialDecl>
+ 
+<!-- <refsDecl doctype="TEI.2">
+<state unit="chapter" n="chunk" delim="."/>
+</refsDecl>-->
+ <refsDecl n="CTS">
+  <cRefPattern n="chapter" matchPattern="(\w+)" replacementPattern="#xpath(/tei:TEI/tei:text/tei:body/tei:div/tei:div[@n='$1'])">
+   <p>This pointer pattern extracts chapter.</p>
+  </cRefPattern>
+ </refsDecl>
+</encodingDesc>
+  
+<profileDesc>
+<langUsage>
+<language ident="grc">Greek</language>
+ <language ident="eng">English</language>
+ <language ident="lat">Latin</language>
+</langUsage>
+</profileDesc>
+  <revisionDesc>
+   <change who="Lisa Cerrato" when="2023-12-01">EpiDoc and CTS conversion</change>
+  </revisionDesc>
+</teiHeader>
+ 
+<text>
+<body>
+<div type="edition" xml:lang="grc" n="urn:cts:greekLit:tlg0555.tlg001.perseus-grc2">
+<pb xml:id="p.2"/>
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="1">
+<p>Ἀμφίων ὁ Θηβαῖος καὶ Ἀρίων ὁ Μηθυμναῖος ἄμφω μὲν ἤστην ᾠδικώ, μῦθος δὲ ἄμφω· καὶ τὸ ᾆσμα εἰσέτι τοῦτο Ἑλλήνων ᾅδεται <pb xml:id="pg.2_alt" type="margin"/> χορῷ, τέχνῃ τῇ μουσικῇ ὁ μὲν ἰχθὺν δελεάσας, ὁ δὲ Θήβας τειχίσας. Θρᾴκιος δὲ ἄλλος σοφιστὴς ʽἄλλος οὗτος μῦθος Ἑλληνικόσ̓ ἐτιθάσευε τὰ θηρία γυμνῇ τῇ ᾠδῇ καὶ δὴ τὰ δένδρα, τὰς φηγούς, μετεφύτευε τῇ μουσικῇ. ἔχοιμ’ ἄν σοι καὶ ἄλλον τούτοις ἀδελφὸν διηγήσασθαι μῦθον καὶ ᾠδόν, Εὔνομον τὸν Λοκρὸν καὶ τέττιγα τὸν Πυθικόν. πανήγυρις Ἑλληνικὴ ἐπὶ νεκρῷ δράκοντι συνεκροτεῖτο Πυθοῖ, ἐπιτάφιον ἑρπετοῦ ᾅδοντος Εὐνόμου· ὕμνος ἢ θρῆνος ὄφεως 
+ <pb xml:id="p.4"/> ἦν ἡ ᾠδή, οὐκ ἔχω λέγειν· ἀγὼν δὲ ἦν καὶ ἐκιθάριζεν ὥρᾳ καύματος Εὔνομος, ὁπηνίκα οἱ τέττιγες ὑπὸ τοῖς πετάλοις ᾖδον ἀνὰ τὰ ὄρη θερόμενοι ἡλίῳ. ᾖδον δὲ ἄρα οὐ τῷ δράκοντι τῷ νεκρῷ, τῷ Πυθικῷ, ἀλλὰ τῷ θεῷ τῷ πανσόφῳ αὐτόνομον ᾠδήν, τῶν Εὐνόμου βελτίονα νόμων· ῥήγνυται χορδὴ τῷ Λοκρῷ· ἐφίπταται ὁ τέττιξ τῷ ζυγῷ· ἐτερέτιζεν ὡς ἐπὶ κλάδῳ τῷ ὀργάνῳ· καὶ τοῦ τέττιγος τῷ ᾅσματι ἁρμοσάμενος ὁ ᾠδὸς τὴν λείπουσαν ἀνεπλήρωσε χορδήν. οὔκουν ᾠδῇ τῇ Εὐνόμου ἄγεται ὁ τέττιξ, ὡς ὁ μῦθος βούλεται, χαλκοῦν ἀναστήσας Πυθοῖ τὸν Εὔνομον αὐτῇ τῇ κιθάρᾳ καὶ τὸν συναγωνιστὴν τοῦ Λοκροῦ· ὁ δὲ ἑκὼν ἐφίπταται καὶ ᾅδει ἑκών, Ἕλλησι δὲ ἐδόκει<note xml:lang="mul">δοκεῖ Wilamowitz.</note> ὑποκριτὴς γεγονέναι μουσικῆς.</p>
+<p rend="align(indent)">Πῇ δὴ οὖν μύθοις κενοῖς πεπιστεύκατε, θέλγεσθαι μουσικῇ τὰ ζῷα ὑπολαμβάνοντες; ἀληθείας δὲ ὑμῖν τὸ πρόσωπον τὸ φαιδρὸν μόνον, ὡς ἔοικεν, ἐπίπλαστον εἶναι δοκεῖ καὶ τοῖς ἀπιστίας ὑποπέπτωκεν ὀφθαλμοῖς. Κιθαιρὼν δὲ ἄρα καὶ Ἑλικὼν καὶ τὰ Ὀδρυσῶν ὄρη καὶ Θρᾳκῶν, τελεστήρια τῆς πλάνης, διὰ τὰ μυστήρια<note xml:lang="mul">τελεστήρια τῆς πλάνης, διὰ τὰ μυστήρια Schwartz. τελεστήρια, τῆς πλάνης τὰ μυστήρια MSS.</note> τεθείασται καὶ καθύμνηται. ἐγὼ μέν, εἰ καὶ μῦθός εἰσι, δυσανασχετῶ τοσαύταις ἐκτραγῳδουμέναις συμφοραῖς· ὑμῖν δὲ καὶ τῶν κακῶν αἱ ἀναγραφαὶ <pb xml:id="pg.3_alt" type="margin"/> γεγόνασι δράματα καὶ τῶν δραμάτων οἱ ὑποκριταὶ θυμηδίας θεάματα. ἀλλὰ 
+ <pb xml:id="p.6"/> γὰρ τὰ μὲν δράματα καὶ τοὺς ληναΐζοντας ποιητάς, τέλεον ἤδη παροινοῦντας, κιττῷ που ἀναδήσαντες, ἀφραίνοντας ἐκτόπως τελετῇ βακχικῇ, αὐτοῖς σατύροις καὶ θιάσῳ μαινόλῃ, σὺν καὶ τῷ ἄλλῳ δαιμόνων χορῷ, <add>ἐν</add><note xml:lang="mul"> <add>ἐν</add> inserted by Mayor.</note> Ἑλικῶνι καὶ Κιθαιρῶνι κατακλείσωμεν γεγηρακόσιν, κατάγωμεν δὲ ἄνωθεν ἐξ οὐρανῶν ἀλήθειαν ἅμα φανοτάτῃ φρονήσει εἰς ὄρος ἅγιον θεοῦ καὶ χορὸν τὸν ἅγιον τὸν προφητικόν. ἡ δὲ ὡς ὅτι μάλιστα τηλαυγὲς ἀποστίλβουσα φῶς καταυγαζέτω πάντῃ τοὺς ἐν σκότει κυλινδουμένους καὶ τῆς πλάνης τοὺς ἀνθρώπους ἀπαλλαττέτω, τὴν ὑπερτάτην ὀρέγουσα δεξιάν, τὴν σύνεσιν, εἰς σωτηρίαν. οἱ δὲ ἀνανεύσαντες καὶ ἀνακύψαντες Ἑλικῶνα μὲν καὶ Κιθαιρῶνα καταλειπόντων, οἰκούντων δὲ Σιών· <q>ἐκ γὰρ Σιὼν ἐξελεύσεται νόμος, καὶ λόγος κυρίου ἐξ Ἱερουσαλήμ,</q> λόγος οὐράνιος, ὁ γνήσιος ἀγωνιστὴς ἐπὶ τῷ παντὸς κόσμου θεάτρῳ στεφανούμενος. ᾅδει δέ γε ὁ Εὔνομος ὁ ἐμὸς οὐ τὸν Τερπάνδρου νόμον οὐδὲ τὸν Καπίωνος, οὐδὲ μὴν Φρύγιον ἢ Λύδιον ἢ Δώριον, ἀλλὰ τῆς καινῆς ἁρμονίας τὸν ἀίδιον νόμον, τὸν φερώνυμον τοῦ θεοῦ, τὸ ᾆσμα τὸ καινόν, τὸ Λευιτικόν, <q>νηπενθές τ’ ἄχολόν τε, κακῶν ἐπίληθες ἁπάντων.</q> γλυκύ τι καὶ ἀληθινὸν φάρμακον πειθοῦς<note xml:lang="mul">πένθους Reinkens and Stählin.</note> ἐγκέκραται τῷ ᾅσματι. </p>
+ <pb xml:id="p.8"/>
+ <p rend="align(indent)">Ἐμοὶ μὲν οὖν δοκοῦσιν ὁ Θρᾴκιος ἐκεῖνος Ὀρφεὺς<note xml:lang="mul"> <del>Ὀρφεὺς</del> Wilamowitz.</note> καὶ ὁ Θηβαῖος καὶ ὁ Μηθυμναῖος, ἄνδρες τινὲς οὐκ <pb xml:id="pg.4_alt" type="margin"/> ἄνδρες, ἀπατηλοὶ γεγονέναι, προσχήματί <add>τε</add><note xml:lang="mul"> <add>τε</add> inserted by Wilamowitz.</note> μουσικῆς λυμηνάμενοι τὸν βίον, ἐντέχνῳ τινὶ γοητείᾳ δαιμονῶντες εἰς διαφθοράς, ὕβρεις ὀργιάζοντες, πένθη ἐκθειάζοντες, τοὺς ἀνθρώπους ἐπὶ τὰ εἴδωλα χειραγωγῆσαι πρῶτοι, ναὶ μὴν λίθοις καὶ ξύλοις, τουτέστιν ἀγάλμασι καὶ σκιαγραφίαις, ἀνοικοδομῆσαι τὴν σκαιότητα τοῦ ἔθους, τὴν καλὴν ὄντως ἐκείνην ἐλευθερίαν τῶν ὑπ’ οὐρανὸν πεπολιτευμένων ᾠδαῖς καὶ ἐπῳδαῖς ἐσχάτῃ δουλείᾳ καταζεύξαντες.</p>
+<p rend="aign(indent)">Ἀλλ’ οὐ τοιόσδε ὁ ᾠδὸς ὁ ἐμὸς οὐδ’ εἰς μακρὰν καταλύσων ἀφῖκται τὴν δουλείαν τὴν πικρὰν τῶν τυραννούντων δαιμόνων, ὡς δὲ τὸν πρᾶον καὶ φιλάνθρωπον τῆς θεοσεβείας μετάγων ἡμᾶς ζυγὸν αὖθις εἰς οὐρανοὺς ἀνακαλεῖται τοὺς εἰς γῆν ἐρριμμένους. μόνος γοῦν τῶν πώποτε τὰ ἀργαλεώτατα θηρία, τοὺς ἀνθρώπους, ἐτιθάσευεν, πτηνὰ μὲν τοὺς κούφους αὐτῶν, ἑρπετὰ δὲ τοὺς ἀπατεῶνας, καὶ λέοντας μὲν τοὺς θυμικούς, σύας δὲ τοὺς ἡδονικούς, λύκους δὲ τοὺς ἁρπακτικούς. λίθοι δὲ καὶ ξύλα οἱ ἄφρονες· πρὸς δὲ καὶ λίθων ἀναισθητότερος ἄνθρωπος ἀγνοίᾳ βεβαπτισμένος. μάρτυς ἡμῖν προφητικὴ παρίτω φωνή, συνῳδὸς ἀληθείας, τοὺς ἐν ἀγνοίᾳ καὶ ἀνοίᾳ κατατετριμμένους οἰκτείρουσα· <q>δυνατὸς γὰρ ὁ θεὸς ἐκ τῶν λίθων τούτων ἐγεῖραι τέκνα τῷ Ἀβραάμ.</q> ὃς κατελεήσας τὴν ἀμαθίαν τὴν πολλὴν 
+ <pb xml:id="p.10"/> καὶ τὴν σκληροκαρδίαν τῶν εἰς τὴν ἀλήθειαν λελιθωμένων ἤγειρεν θεοσεβείας σπέρμα ἀρετῆς αἰσθόμενον ἐκ λίθων ἐκείνων, τῶν λίθοις πεπιστευκότων ἐθνῶν. αὖθις οὖν ἰοβόλους τινὰς καὶ παλιμβόλους ὑποκριτὰς ἐφοδεύοντας δικαιοσύνῃ <q>γεννήματα ἐχιδνῶν</q> κέκληκέ που· ἀλλὰ καὶ τούτων εἴ τις τῶν ὄφεων μετανοήσαι ἑκών, ἑπόμενος δὴ τῷ λόγῳ <q>ἄνθρωπος</q> γίνεται <q>θεοῦ.</q> <q>λύκους</q> δὲ ἄλλους ἀλληγορεῖ προβάτων κῳδίοις ἠμφιεσμένους, τοὺς ἐν ἀνθρώπων μορφαῖς ἁρπακτικοὺς αἰνιττόμενος. καὶ πάντα ἄρα ταῦτα τὰ ἀγριώτατα θηρία καὶ τοὺς τοιούτους λίθους ἡ οὐράνιος ᾠδὴ αὐτὴ μετεμόρφωσεν εἰς ἀνθρώπους ἡμέρους. <q>ἦμεν γάρ, ἦμέν ποτε καὶ ἡμεῖς ἀνόητοι, ἀπειθεῖς, πλανώμενοι, δουλεύοντες ἡδοναῖς καὶ ἐπιθυμίαις ποικίλαις, ἐν κακίᾳ καὶ φθόνῳ διάγοντες, στυγητοί, μισοῦντες ἀλλήλους,</q> ᾗ φησιν ἡ ἀποστολικὴ γραφή· <pb xml:id="pg.5_alt" type="margin"/> <q>ὅτε δὲ ἡ χρηστότης καὶ ἡ φιλανθρωπία ἐπεφάνη τοῦ σωτῆρος ἡμῶν θεοῦ, οὐκ ἐξ ἔργων τῶν ἐν δικαιοσύνῃ, ἃ ἐποιήσαμεν ἡμεῖς, ἀλλὰ κατὰ τὸ αὐτοῦ ἔλεος ἔσωσεν ἡμᾶς.</q></p>
+ <p rend="align(indent)">Ὅρα τὸ ᾆσμα τὸ καινὸν ὅσον ἴσχυσεν· ἀνθρώπους ἐκ λίθων καὶ ἀνθρώπους ἐκ θηρίων πεποίηκεν. οἱ δὲ τηνάλλως νεκροί, οἱ τῆς ὄντως οὔσης ἀμέτοχοι ζωῆς, ἀκροαταὶ μόνον γενόμενοι τοῦ ᾅσματος ἀνεβίωσαν. τοῦτό τοι καὶ τὸ πᾶν ἐκόσμησεν ἐμμελῶς καὶ τῶν στοιχείων τὴν διαφωνίαν εἰς τάξιν ἐνέτεινε συμφωνίας, ἵνα δὴ ὅλος ὁ κόσμος αὐτῷ ἁρμονία γένηται· καὶ θάλατταν μὲν ἀνῆκεν λελυμένην, γῆς δὲ ἐπιβαίνειν κεκώλυκεν αὐτήν, γῆν δ’ ἔμπαλιν ἐστερέωσεν φερομένην καὶ ὅρον αὐτὴν<note xml:lang="mul">αὐτὴν Stählin. αὐτῇ  MSS.</note> 
+  <pb xml:id="p.12"/> ἔπηξεν θαλάττης· ναὶ μὴν καὶ πυρὸς ὁρμὴν ἐμάλαξεν ἀέρι, οἱονεὶ Δώριον ἁρμονίαν κεράσας Λυδίῳ· καὶ τὴν ἀέρος ἀπηνῆ ψυχρότητα τῇ παραπλοκῇ τοῦ πυρὸς ἐτιθάσευεν, τοὺς νεάτους τῶν ὅλων φθόγγους τούτους κιρνὰς ἐμμελῶς. καὶ δὴ τὸ ᾆσμα τὸ ἀκήρατον, ἔρεισμα τῶν ὅλων καὶ ἁρμονία τῶν πάντων, ἀπὸ τῶν μέσων ἐπὶ τὰ πέρατα καὶ ἀπὸ τῶν ἄκρων ἐπὶ τὰ μέσα διαταθέν, ἡρμόσατο τόδε τὸ πᾶν, οὐ κατὰ τὴν Θρᾴκιον μουσικήν, τὴν παραπλήσιον Ἰουβάλ, κατὰ δὲ τὴν πάτριον τοῦ θεοῦ βούλησιν, ἣν ἐζήλωσε Δαυίδ. ὁ δὲ ἐκ Δαυὶδ καὶ πρὸ αὐτοῦ, ὁ τοῦ θεοῦ λόγος, λύραν μὲν καὶ κιθάραν, τὰ ἄψυχα ὄργανα, ὑπεριδών, κόσμον δὲ τόνδε καὶ δὴ καὶ τὸν σμικρὸν κόσμον, τὸν ἄνθρωπον, ψυχήν τε καὶ σῶμα αὐτοῦ, ἁγίῳ πνεύματι ἁρμοσάμενος, ψάλλει τῷ θεῷ διὰ τοῦ πολυφώνου ὀργάνου καὶ προσᾴδει τῷ ὀργάνῳ τῷ ἀνθρώπῳ. <q>σὺ γὰρ εἶ κιθάρα καὶ αὐλὸς καὶ ναὸς ἐμοί</q> · κιθάρα διὰ τὴν ἁρμονίαν, αὐλὸς διὰ τὸ πνεῦμα, ναὸς διὰ τὸν λόγον, ἵν’ ἡ μὲν κρέκῃ, τὸ δὲ ἐμπνέῃ, ὁ δὲ χωρήσῃ τὸν κύριον. ναὶ μὴν ὁ Δαυὶδ ὁ βασιλεύς, ὁ κιθαριστής, οὗ μικρῷ πρόσθεν ἐμνή <pb xml:id="pg.6_alt" type="margin"/> σθημεν, προὔτρεπεν ὡς τὴν ἀλήθειαν, ἀπέτρεπε δὲ εἰδώλων, πολλοῦ γε ἔδει ὑμνεῖν αὐτὸν τοὺς δαίμονας ἀληθεῖ πρὸς αὐτοῦ διωκομένους μουσικῇ, ᾗ τοῦ Σαοὺλ ἐνεργουμένου<note xml:lang="mul">τοῦ Σαοὺλ ἐνεργουμένου Mayor. τῷ Σαοὺλ ἐνεργουμένῳ M. τῳ ἔναυλος ὸ ἐνεργούμενος P.</note> ἐκεῖνος<note xml:lang="mul">ἐκείνοις Stählin.</note> ᾅδων μόνον αὐτὸν ἰάσατο. καλὸν ὁ κύριος ὄργανον ἔμπνουν 
+ <pb xml:id="p.14"/> τὸν ἄνθρωπον ἐξειργάσατο κατ’ εἰκόνα τὴν ἑαυτοῦ· ἀμέλει καὶ αὐτὸς ὄργανόν ἐστι τοῦ θεοῦ παναρμόνιον, ἐμμελὲς καὶ ἅγιον, σοφία ὑπερκόσμιος, οὐράνιος λόγος.</p> 
+ <p rend="align(indent)">Τί δὴ οὖν τὸ ὄργανον, ὁ τοῦ θεοῦ λόγος, ὁ κύριος, καὶ τὸ ᾆσμα τὸ καινὸν βούλεται; ὀφθαλμοὺς ἀναπετάσαι τυφλῶν καὶ ὦτα ἀνοῖξαι κωφῶν καὶ σκάζοντας τὼ πόδε ἢ πλανωμένους εἰς δικαιοσύνην χειραγωγῆσαι, θεὸν ἀνθρώποις ἀφραίνουσιν ἐπιδεῖξαι, παῦσαι φθοράν, νικῆσαι θάνατον, υἱοὺς ἀπειθεῖς διαλλάξαι πατρί. φιλάνθρωπον τὸ ὄργανον τοῦ θεοῦ· ὁ κύριος ἐλεεῖ, παιδεύει, προτρέπει, νουθετεῖ, σῴζει, φυλάττει καὶ μισθὸν ἡμῖν τῆς μαθήσεως ἐκ περιουσίας βασιλείαν οὐρανῶν ἐπαγγέλλεται, τοῦτο μόνον ἀπολαύων ἡμῶν, ὃ σῳζόμεθα. κακία μὲν γὰρ τὴν ἀνθρώπων ἐπιβόσκεται φθοράν, ἡ δὲ ἀλήθεια ὥσπερ ἡ μέλιττα, λυμαινομένη τῶν ὄντων οὐδέν, ἐπὶ μόνης τῆς ἀνθρώπων ἀγάλλεται σωτηρίας. ἔχεις οὖν τὴν ἐπαγγελίαν, ἔχεις τὴν φιλανθρωπίαν· τῆς χάριτος μεταλάμβανε.</p>
+<p rend="align(indent)">Καί μου τὸ ᾆσμα τὸ σωτήριον μὴ καινὸν οὕτως ὑπολάβῃς ὡς σκεῦος ἢ ὡς οἰκίαν· <q>πρὸ ἑωσφόρου</q> γὰρ ἦν, καὶ <q>ἐν ἀρχῇ ἦν ὁ λόγος καὶ ὁ λόγος ἦν πρὸς τὸν θεὸν καὶ θεὸς ἦν ὁ λόγος</q> · παλαιὰ δὲ ἡ πλάνη, καινὸν δὲ ἡ ἀλήθεια φαίνεται. εἴτ’ οὖν ἀρχαίους τοὺς Φρύγας διδάσκουσιν αἶγες μυθικαί, εἴτε αὖ τοὺς Ἀρκάδας οἱ προσελήνους ἀναγράφοντες 
+ <pb xml:id="p.16"/> ποιηταί, εἴτε μὴν αὖ τοὺς Αἰγυπτίους οἱ καὶ πρώτην ταύτην ἀναφῆναι τὴν γῆν θεούς τε καὶ ἀνθρώπους ὀνειρώσσοντες· ἀλλ’ οὐ πρὸ γε τοῦ κόσμου τοῦδε τούτων οὐδὲ εἷς, πρὸ δὲ τῆς τοῦ κόσμου καταβολῆς ἡμεῖς, οἱ τῷ δεῖν ἔσεσθαι ἐν αὐτῷ πρότερον γεγεννημένοι τῷ θεῷ, τοῦ θεοῦ λόγου τὰ λογικὰ πλάσματα ἡμεῖς, δι’ ὃν ἀρχαΐζομεν, ὅτι <q>ἐν ἀρχῇ ὁ λόγος ἦν.</q> ἀλλ’ ὅτι μὲν ἦν ὁ λόγος ἄνωθεν, ἀρχὴ θεία τῶν πάντων ἦν τε καὶ ἔστιν· ὅτι δὲ νῦν ὄνομα ἔλαβεν τὸ πάλαι καθωσιωμένον, δυνάμεως ἄξιον, ὁ Χριστός, καινὸν ᾆσμά μοι κέκληται.</p>
+ <p rend="align(indent)">Αἴτοις<note xml:lang="mul">αἴτιος Stählin. οὗτος MSS.</note> γοῦν ὁ λόγος, <pb xml:id="pg.7_alt" type="margin"/> ὁ Χριστός, καὶ τοῦ εἶναι πάλαι ἡμᾶς ʽἦν γὰρ ἐν θεᾦ, καὶ τοῦ εὖ εἶναι· νῦν δὴ ἐπεφάνη ἀνθρώποις αὐτὸς οὗτος ὁ λόγος, ὁ μόνος ἄμφω, θεός τε καὶ ἄνθρωπος, ἁπάντων ἡμῖν αἴτιος ἀγαθῶν· παρ’ οὗ τὸ εὖ ζῆν ἐκδιδασκόμενοι εἰς ἀίδιον ζωὴν παραπεμπόμεθα. κατὰ γὰρ τὸν θεσπέσιον ἐκεῖνον τοῦ κυρίου ἀπόστολον <q>ἡ χάρις ἡ τοῦ θεοῦ σωτήριος πᾶσιν ἀνθρώποις ἐπεφάνη, παιδεύουσα ἡμᾶς, ἵνα ἀρνησάμενοι τὴν ἀσέβειαν καὶ τὰς κοσμικὰς ἐπιθυμίας σωφρόνως καὶ δικαίως καὶ εὐσεβῶς ζήσωμεν ἐν τῷ νῦν αἰῶνι, προσδεχόμενοι τὴν μακαρίαν ἐλπίδα καὶ ἐπιφάνειαν τῆς δόξης τοῦ μεγάλου θεοῦ καὶ σωτῆρος ἡμῶν Ἰησοῦ Χριστοῦ.</q> τοῦτό ἐστι τὸ ᾆσμα τὸ καινόν, ἡ ἐπιφάνεια ἡ νῦν ἐκλάμψασα ἐν ἡμῖν τοῦ ἐν ἀρχῇ ὄντος καὶ προόντος λόγου· ἐπεφάνη δὲ ἔναγχος ὁ προὼν σωτήρ, ἐπεφάνη ὁ ἐν τῷ ὄντι ὤν, ὅτι <q>ὁ λόγος<note xml:lang="mul">λόγος ὃς MSS.</note> ἦν πρὸς 
+ <pb xml:id="p.18"/> τὸν θεόν,</q> διδάσκαλος, ἐπεφάνη ᾧ τὰ πάντα δεδημιούργηται λόγος, καὶ τὸ ζῆν ἐν ἀρχῇ μετὰ τοῦ πλάσαι παρασχὼν ὡς δημιουργός, τὸ εὖ ζῆν ἐδίδαξεν ἐπιφανεὶς ὡς διδάσκαλος, ἵνα τὸ ἀεὶ ζῆν ὕστερον ὡς θεὸς χορηγήσῃ.</p>
+ <p rend="align(indent)">Ὁ δὲ οὐ νῦν γε πρῶτον ᾤκτειρεν ἡμᾶς τῆς πλάνης, ἀλλ’ ἄνωθεν ἀρχῆθεν, νῦν δὲ ἤδη ἀπολλυμένους ἐπιφανεὶς περισέσωκεν. τὸ γὰρ πονηρὸν καὶ ἑρπηστικὸν θηρίον γοητεῦον καταδουλοῦται καὶ αἰκίζεται εἰσέτι νῦν τοὺς ἀνθρώπους, ἐμοὶ δοκεῖν, βαρβαρικῶς τιμωρούμενον, οἳ νεκροῖς τοὺς αἰχμαλώτους συνδεῖν λέγονται σώμασιν, ἔστ’ ἂν αὐτοῖς καὶ συσσαπῶσιν. ὁ γοῦν πονηρὸς οὑτοσὶ τύραννος καὶ δράκων, οὓς ἂν οἷός τε ᾖ<note xml:lang="mul">ᾖ Mayor. εἴη MSS.</note> ἐκ γενετῆς σφετερίσασθαι, λίθοις καὶ ξύλοις καὶ ἀγάλμασιν καὶ τοιούτοις τισὶν εἰδώλοις προσσφίγξας τῷ δεισιδαιμονίας ἀθλίῳ δεσμῷ, τοῦτο δὴ τὸ λεγόμενον, ζῶντας ἐπιφέρων συνέθαψεν αὐτούς, ἔστ’ ἂν καὶ συμφθαρῶσιν. οὗ δὴ χάριν ʽεἷς γὰρ ὁ ἀπατεὼν ἄνωθεν μὲν τὴν Εὔαν, νῦν δὲ ἤδη καὶ τοὺς ἄλλους ἀνθρώπους εἰς θάνατον ὑποφέρων’ εἷς καὶ αὐτὸς <add>ὁ</add><note xml:lang="mul"> <add>ὁ</add> inserted by Mayor.</note> ἐπίκουρος καὶ βοηθὸς ἡμῖν ὁ κύριος, προμηνύων ἀρχῆθεν προφητικῶς, νῦν δὲ ἤδη καὶ ἐναργῶς εἰς σωτηρίαν παρακαλῶν.</p> 
+  <p rend="align(indent)">Φύγωμεν οὖν ἀποστολικῇ πειθόμενοι παραγγελίᾳ <q>τὸν ἄρχοντα τῆς ἐξουσίας τοῦ ἀέρος, τοῦ πνεύματος τοῦ νῦν ἐνεργοῦντος ἐν τοῖς υἱοῖς τῆς ἀπειθείας,</q> καὶ τῷ σωτῆρι τῷ κυρίῳ προσδράμωμεν, ὃς καὶ νῦν καὶ ἀεὶ προὔτρεπεν εἰς σωτηρίαν, διὰ 
+   <pb xml:id="p.20"/> τεράτων καὶ σημείων ἐν Αἰγύπτῳ, ἐν ἐρήμῳ <add>δὲ</add><note xml:lang="mul"> <add>δὲ</add> inserted by Stählin.</note> διά τε τῆς βάτου καὶ τῆς ἀκολουθούσης χάριτι <pb xml:id="pg.8_alt" type="margin"/> φιλανθρωπίας θεραπαίνης δίκην Ἑβραίοις νεφέλης. τούτων μὲν δὴ τῷ φόβῳ τοὺς σκληροκαρδίους προὔτρεπεν· ἤδη δὲ καὶ διὰ Μωσέως τοῦ πανσόφου καὶ τοῦ φιλαλήθους Ἡσαΐα καὶ παντὸς τοῦ προφητικοῦ χοροῦ λογικώτερον ἐπὶ τὸν λόγον ἐπιστρέφει τοὺς ὦτα<note xml:lang="mul">τοὺς ὧτα Mayor. τοὺς τὰ ὦτα MSS.</note> κεκτημένους· καὶ ἔσθ’ ὅπῃ μὲν λοιδορεῖται, ἔστιν δ’ οὗ καὶ ἀπειλεῖ· τοὺς δὲ καὶ θρηνεῖ τῶν ἀνθρώπων· ᾅδει δὲ ἄλλοις, καθάπερ ἰατρὸς ἀγαθὸς τῶν νοσούντων σωμάτων τὰ μὲν καταπλάττων, τὰ δὲ καταλεαίνων, τὰ δὲ καταντλῶν, τὰ δὲ καὶ σιδήρῳ διαιρῶν, ἐπικαίων δὲ ἄλλα, ἔστι δ’ οὗ καὶ ἀποπρίων, εἴ πως οἷόν τε κἂν παρὰ μέρος ἢ μέλος τὸν ἄνθρωπον ὑγιᾶναι. πολύφωνός γε ὁ σωτὴρ καὶ πολύτροπος εἰς ἀνθρώπων σωτηρίαν· ἀπειλῶν νουθετεῖ, λοιδορούμενος ἐπιστρέφει, θρηνῶν ἐλεεῖ, ψάλλων παρακαλεῖ, διὰ βάτου λαλεῖ ʽσημείων ἐκεῖνοι καὶ τεράτων ἔχρῃζον’ καὶ τῷ πυρὶ δεδίττεται τοὺς ἀνθρώπους, ἀνάπτων ἐκ κίονος τὴν φλόγα, δεῖγμα ὁμοῦ χάριτος καὶ φόβου· ἐὰν ὑπακούσῃς, τὸ φῶς, ἐὰν παρακούσῃς, τὸ πῦρ. ἐπειδὴ δὲ καὶ κίονος καὶ βάτου ἡ σὰρξ τιμιωτέρα, προφῆται μετ’ ἐκεῖνα φθέγγονται, αὐτὸς ἐν Ἡσαΐᾳ ὁ κύριος λαλῶν, αὐτὸς ἐν Ἡλίᾳ, ἐν στόματι προφητῶν αὐτός· σὺ δὲ ἀλλ’ εἰ προφήταις μὴ πιστεύεις, μῦθον δ’ ὑπολαμβάνεις καὶ τοὺς ἄνδρας καὶ τὸ 
+   <pb xml:id="p.22"/> πῦρ, αὐτός σοι λαλήσει ὁ κύριος, <q>ὃς ἐν μορφῇ θεοῦ ὑπάρχων οὐχ ἁρπαγμὸν ἡγήσατο τὸ εἶναι ἴσα θεῷ· ἐκένωσεν δὲ ἑαυτόν</q> ὁ φιλοικτίρμων θεός, σῶσαι τὸν ἄνθρωπον γλιχόμενος· καὶ αὐτὸς ἤδη σοὶ ἐναργῶς ὁ λόγος λαλεῖ, δυσωπῶν τὴν ἀπιστίαν, ναί φημι, ὁ λόγος ὁ τοῦ θεοῦ ἄνθρωπος γενόμενος, ἵνα δὴ καὶ σὺ παρὰ ἀνθρώπου μάθῃς, πῇ ποτε ἄρα ἄνθρωπος γένηται θεός. </p>
+ <p rend="align(indent)">Εἶτ’ οὐκ ἄτοπον, ὦ φίλοι, τὸν μὲν θεὸν ἀεὶ προτρέπειν ἡμᾶς ἐπ’ ἀρετήν, ἡμᾶς δὲ ἀναδύεσθαι τὴν ὠφέλειαν καὶ ἀναβάλλεσθαι τὴν σωτηρίαν; ἦ γὰρ οὐχὶ καὶ Ἰωάννης ἐπὶ σωτηρίαν παρακαλεῖ καὶ τὸ πᾶν γίνεται φωνὴ προτρεπτική; πυθώμεθα τοίνυν αὐτοῦ· <q>τίς πόθεν εἶς ἀνδρῶν;</q> Ἡλίας μὲν οὐκ ἐρεῖ, Χριστὸς δὲ εἶναι ἀρνήσεται· φωνὴ δὲ ὁμολογήσει ἐν ἐρήμῳ βοῶσα. τίς οὖν ἔστιν Ἰωάννης; ὡς τύπῳ λαβεῖν, ἐξέστω εἰπεῖν, φωνὴ τοῦ λόγου προτρεπτικὴ ἐν ἐρήμῳ βοῶσα. τί βοᾷς, ὦ φωνή; <q>εἰπὲ καὶ ἡμῖν.</q> <q>εὐθείας ποιεῖτε τὰς ὁδοὺς κυρίου.</q> πρόδρομος Ἰωάννης καὶ ἡ φωνὴ πρόδρομος τοῦ λόγου, φωνὴ παρακλητική, προετοιμάζουσα εἰς σωτηρίαν, φωνὴ προτρέπουσα εἰς κληρονομίαν οὐρανῶν· δι’ ἣν ἡ στεῖρα καὶ ἔρημος <pb xml:id="pg.9_alt" type="margin"/> ἄγονος οὐκέτι. </p>
+ <p rend="align(indent)">Ταύτην μοι τὴν κυοφορίαν προεθέσπισεν ἀγγέλου φωνή· πρόδρομος ἦν κἀκείνη τοῦ κυρίου, στεῖραν εὐαγγελιζομένη γυναῖκα, ὡς Ἰωάννης τὴν ἔρημον. διὰ ταύτην τοίνυν τοῦ λόγου τὴν φωνὴν ἡ στεῖρα 
+   <pb xml:id="p.24"/> εὐτεκνεῖ καὶ ἡ ἔρημος καρποφορεῖ. αἱ πρόδρομοι τοῦ κυρίου φωναὶ δύο, ἀγγέλου καὶ Ἰωάννου, αἰνίσσονταί μοι τὴν ἐναποκειμένην σωτηρίαν, ὡς ἐπιφανέντος τοῦ λόγου τοῦδε εὐτεκνίας ἡμᾶς καρπὸν ἀπενέγκασθαι, ζωὴν ἀίδιον. ἄμφω γοῦν ἐς ταὐτὸν ἀγαγοῦσα τὰ φωνὰ ἡ γραφὴ σαφηνίζει τὸ πᾶν· <q>ἀκουσάτω ἡ οὐ τίκτουσα· ῥηξάτω φωνὴν ἡ οὐκ ὠδίνουσα, ὅτι πλείονα τὰ τέκνα τῆς ἐρήμου μᾶλλον ἢ τῆς ἐχούσης τὸν ἄνδρα.</q> ἡμῖν εὐηγγελίζετο ἄγγελος, ἡμᾶς προὔτρεπεν Ἰωάννης νοῆσαι τὸν γεωργόν, ζητῆσαι τὸν ἄνδρα. εἷς γὰρ καὶ ὁ αὐτὸς οὗτος, ὁ τῆς στείρας ἀνήρ, ὁ τῆς ἐρήμου γεωργός, ὁ τῆς θείας ἐμπλήσας δυνάμεως καὶ τὴν στεῖραν καὶ τὴν ἔρημον. ἐπεὶ γὰρ πολλὰ τὰ τέκνα τῆς εὐγενοῦς, ἄπαις δὲ ἦν διὰ ἀπείθειαν ἡ πολύπαις ἀνέκαθεν Ἑβραία γυνή, ἡ στεῖρα τὸν ἄνδρα λαμβάνει καὶ ἡ ἔρημος τὸν γεωργόν· εἶτα ἡ μὲν καρπῶν, ἡ δὲ πιστῶν, ἄμφω δὲ μητέρες διὰ τὸν λόγον· ἀπίστοις δὲ εἰσέτι νῦν καὶ στεῖρα καὶ ἔρημος περιλείπεται. Ὁ μὲν Ἰωάννης, ὁ κῆρυξ τοῦ λόγου, ταύτῃ πῃ παρεκάλει ἑτοίμους γίνεσθαι εἰς θεοῦ, τοῦ Χριστοῦ, παρουσίαν, καὶ τοῦτο ἦν ὃ ᾐνίσσετο ἡ Ζαχαρίου σιωπή, ἀναμένουσα τὸν πρόδρομον τοῦ Χριστοῦ καρπόν, ἵνα τῆς ἀληθείας τὸ φῶς, ὁ λόγος, τῶν προφητικῶν αἰνιγμάτων τὴν μυστικὴν ἀπολύσηται σιωπήν, εὐαγγέλιον γενόμενος· σὺ δὲ εἰ ποθεῖς 
+  <pb xml:id="p.26"/> ἰδεῖν ὡς ἀληθῶς τὸν θεόν, καθαρσίων μεταλάμβανε θεοπρεπῶν, οὐ δάφνης πετάλων καὶ ταινιῶν τινων ἐρίῳ καὶ πορφύρᾳ πεποικιλμένων, δικαιοσύνην δὲ ἀναδησάμενος καὶ τῆς ἐγκρατείας τὰ πέταλα περιθέμενος πολυπραγμόνει Χριστόν· <q>ἐγὼ γάρ εἰμι ἡ θύρα,</q> φησί που· ἣν ἐκμαθεῖν δεῖ νοῆσαι θελήσασι τὸν θεόν, ὅπως ἡμῖν ἀθρόας τῶν οὐρανῶν ἀναπετάσῃ τὰς πύλας· λογικαὶ γὰρ αἱ τοῦ λόγου πύλαι, πίστεως <pb xml:id="pg.10_alt" type="margin"/> ἀνοιγνύμεναι κλειδί· <q>θεὸν οὐδεὶς ἔγνω, εἰ μὴ ὁ υἱὸς καὶ ᾧ ἂν ὁ υἱὸς ἀποκαλύψῃ.</q> θύραν δὲ εὖ οἶδ’ ὅτι τὴν ἀποκεκλεισμένην τέως ὁ ἀνοιγνὺς ὕστερον ἀποκαλύπτει τἄνδον καὶ δείκνυσιν ἃ μηδὲ γνῶναι οἷόν τε ἦν πρότερον, εἰ μὴ διὰ Χριστοῦ πεπορευμένοις, δι’ οὗ μόνου θεὸς ἐποπτεύεται. </p>
+</div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="2">
+<p rend="align(indent)"> Ἄδυτα τοίνυν ἄθεα μὴ πολυπραγμονεῖτε μηδὲ βαράθρων στόματα τερατείας ἔμπλεα ἢ λέβητα Θεσπρώτιον ἢ τρίποδα Κιρραῖον ἢ Δωδωναῖον χαλκεῖον· γεράνδρυον δὲ ψάμμοις ἐρήμαις τετιμημένον καὶ τὸ αὐτόθι μαντεῖον αὐτῇ δρυῒ μεμαρασμένον μύθοις γεγηρακόσι καταλείψατε. σεσίγηται γοῦν ἡ Κασταλίας πηγὴ καὶ Κολοφῶνος ἄλλη πηγή, καὶ τὰ ἄλλα ὁμοίως τέθνηκε νάματα 
+ <pb xml:id="p.28"/> μαντικὰ καὶ δὴ τοῦ τύφου κενὰ ὀψὲ μέν, ὅμως δ’ οὖν διελήλεγκται τοῖς ἰδίοις συνεκρεύσαντα μύθοις. διήγησαι ἡμῖν καὶ τῆς ἄλλης μαντικῆς, μᾶλλον δὲ μανικῆς, τὰ ἄχρηστα χρηστήρια, τὸν Κλάριον, τὸν Πύθιον, τὸν Διδυμέα, τὸν Ἀμφιάρεω, τὸν † Ἀπόλλω,<note xml:lang="mul">τὸν † Ἀπόλλω is probably corrupt. τὸν Τροφώνιον  (Cobet) and τὸν Μόψον (Wilamowitz) have been suggested. Markland puts τὸν Ἀπόλλω  before τὸν Κλάριον, a re-arrangement which has been followed in the translation.</note> τὸν Ἀμφίλοχον, εἰ δὲ βούλει, καὶ τερατοσκόπους καὶ οἰωνοσκόπους καὶ τοὺς ὀνείρων κριτὰς ἀνιέρου σὺν αὐτοῖς· στῆσον δὲ ὁμοῦ παρὰ τὸν Πύθιον τοὺς ἀλευρομάντεις ἄγων <pb xml:id="pg.11_alt" type="margin"/> καὶ κριθομάντεις καὶ τοὺς εἰσέτι παρὰ τοῖς πολλοῖς τετιμημένους ἐγγαστριμύθους· ναὶ μὴν ἄδυτα Αἰγυπτίων καὶ Τυρρηνῶν νεκυομαντεῖαι σκότῳ παραδιδόσθων. μανικὰ ταῦτα ὡς ἀληθῶς ἀνθρώπων ἀπίστων σοφιστήρια καὶ πλάνης ἀκράτου κυβευτήρια· συνέμποροι τῆσδε τῆς γοητείας αἶγες αἱ ἐπὶ μαντικὴν ἠσκημέναι καὶ κόρακες ἀνθρώποις χρᾶν ὑπὸ ἀνθρώπων διδασκόμενοι. </p>
+ <p rend="align(indent)">Τί δ’ εἴ σοι καταλέγοιμι τὰ μυστήρια; οὐκ ἐξορχήσομαι μέν, ὥσπερ Ἀλκιβιάδην λέγουσιν, ἀπογυμνώσω δὲ εὖ μάλα ἀνὰ τὸν τῆς ἀληθείας λόγον τὴν γοητείαν τὴν ἐγκεκρυμμένην αὐτοῖς καὶ αὐτούς γε τοὺς καλουμένους ὑμῶν θεούς, ὧν αἱ τελεταὶ <add>αἱ</add><note xml:lang="mul"> <add>αἱ</add> inserted by Mayor.</note> μυστικαί, οἷον ἐπὶ σκηνῆς τοῦ βίου τοῖς 
+ <pb xml:id="p.30"/> τῆς ἀληθείας ἐκκυκλήσω θεαταῖς. Διόνυσον μαινόλην ὀργιάζουσι Βάκχοι ὠμοφαγίᾳ τὴν ἱερομανίαν ἄγοντες καὶ τελίσκουσι τὰς κρεονομίας τῶν φόνων ἀνεστεμμένοι τοῖς ὄφεσιν, ἐπολολύζοντες Εὐάν, Εὔαν ἐκείνην, δι’ ἣν ἡ πλάνη παρηκολούθησεν· καὶ σημεῖον ὀργίων βακχικῶν ὄφις ἐστὶ τετελεσμένος. αὐτίκα γοῦν κατὰ τὴν ἀκριβῆ τῶν Ἑβραίων φωνὴν τὸ ὄνομα τὸ Ἕυια δασυνόμενον ἑρμηνεύεται ὄφις ἡ <pb xml:id="pg.12_alt" type="margin"/> θήλεια· Δηὼ δὲ καὶ Κόρη δρᾶμα ἤδη ἐγενέσθην μυστικόν, καὶ τὴν πλάνην καὶ τὴν ἁρπαγὴν καὶ τὸ πένθος αὐταῖν Ἐλευσὶς δᾳδουχεῖ. </p>
+ <p rend="align(indent)">Καί μοι δοκεῖ τὰ ὄργια καὶ τὰ μυστήρια δεῖν ἐτυμολογεῖν, τὰ μὲν ἀπὸ τῆς ὀργῆς τῆς Δηοῦς τῆς πρὸς Δία γεγενημένης, τὰ δὲ ἀπὸ τοῦ μύσους τοῦ συμβεβηκότος περὶ τὸν Διόνυσον· εἰ δὲ καὶ ἀπὸ Μυοῦντός τινος Ἀττικοῦ, ὃν ἐν κυνηγίᾳ διαφθαρῆναι Ἀπολλόδωρος λέγει, οὐ φθόνος· ὑμῶν δεδόξασται τὰ μυστήρια ἐπιτυμβίῳ τιμῇ. πάρεστι δὲ καὶ ἄλλως μυθήριά σοι νοεῖν ἀντιστοιχούντων τῶν γραμμάτων τὰ μυστήρια· θηρεύουσι γὰρ εἰ καὶ ἄλλοι τινές, ἀτὰρ δὴ καὶ οἱ μῦθοι οἱ τοιοίδε Θρᾳκῶν τοὺς βαρβαρικωτάτους, Φρυγῶν τοὺς ἀνοητοτάτους, Ἑλλήνων τοὺς δεισιδαίμονας. ὄλοιτο οὖν ὁ τῆσδε ἄρξας τῆς ἀπάτης ἀνθρώποις, εἴτε ὁ Δάρδανος, ὁ Μητρὸς θεῶν καταδείξας τὰ μυστήρια, εἴτε Ἠετίων, ὁ τὰ Σαμοθρᾴκων ὄργια καὶ τελετὰς 
+ <pb xml:id="p.32"/> ὑποστησάμενος, εἴτε ὁ Φρὺξ ἐκεῖνος ὁ Μίδας, ὁ παρὰ τοῦ Ὀδρύσου μαθών, ἔπειτα διαδοὺς τοῖς ὑποτεταγμένοις ἔντεχνον ἀπάτην. οὐ γάρ με ὁ Κύπριος ὁ νησιώτης Κινύρας παραπείσαι ποτ’ ἄν, τὰ περὶ τὴν Ἀφροδίτην μαχλῶντα ὄργια ἐκ νυκτὸς ἡμέρᾳ παραδοῦναι τολμήσας, φιλοτιμούμενος θειάσαι πόρνην πολίτιδα. Μελάμποδα δὲ τὸν Ἀμυθάονος ἄλλοι φασὶν ἐξ Αἰγύπτου μετακομίσαι τῇ Ἑλλάδι <pb xml:id="pg.13_alt" type="margin"/> τὰς Δηοῦς ἑορτάς, πένθος ὑμνούμενον. τούτους ἔγωγ’ ἂν ἀρχεκάκους φήσαιμι μύθων ἀθέων καὶ δεισιδαιμονίας ὀλεθρίου πατέρας, σπέρμα κακίας καὶ φθορᾶς ἐγκαταφυτεύσαντας τῷ βίῳ τὰ μυστήρια. </p>
+ <p rend="align(indent)">Ἤδη δέ, καὶ γὰρ καιρός, αὐτὰ ὑμῶν τὰ ὄργια ἐξελέγξω ἀπάτης καὶ τερατείας ἔμπλεα. καὶ εἰ μεμύησθε, ἐπιγελάσεσθε μᾶλλον τοῖς μύθοις ὑμῶν τούτοις τοῖς τιμωμένοις. ἀγορεύσω δὲ ἀναφανδὸν τὰ κεκρυμμένα, οὐκ αἰδούμενος λέγειν ἃ προσκυνεῖν οὐκ αἰσχύνεσθε. ἡ μὲν οὖν <q>ἀφρογενής</q> τε καὶ <q>κυπρογενής,</q> ἡ Κινύρᾳ φίλη ʽτὴν Ἀφροδίτην λέγω, τὴν <q>φιλομηδέα, ὅτι μηδέων ἐξεφαάνθη,</q> μηδέων ἐκείνων τῶν ἀποκεκομμένων Οὐρανοῦ, τῶν λάγνων, τῶν μετὰ τὴν τομὴν τὸ κῦμα βεβιασμένων̓, ὡς ἀσελγῶν ὑμῖν μορίων ἄξιος <del>Ἀφροδίτη</del><note xml:lang="mul"> <del>Ἀφροδίτη</del> Schwartz.</note> γίνεται καρπός, ἐν ταῖς τελεταῖς ταύτης τῆς πελαγίας ἡδονῆς τεκμήριον τῆς γονῆς ἁλῶν χόνδρος καὶ φαλλὸς τοῖς μυουμένοις τὴν τέχνην τὴν μοιχικὴν ἐπιδίδοται· νόμισμα δὲ εἰσφέρουσιν αὐτῇ οἱ μυούμενοι, ὡς ἑταίρᾳ ἐρασταί.</p> 
+<pb xml:id="p.34"/> 
+ <p rend="align(indent)">Δηοῦς δὲ μυστήρια αἱ<note xml:lang="mul">αἱ Lobeck. καὶ MSS.</note> Διὸς πρὸς μητέρα Δήμητρα ἀφροδίσιοι συμπλοκαὶ καὶ μῆνις ʽοὐκ οἷδ’ ὅ τι φῶ λοιπόν, μητρὸς ἢ γυναικόσ̓ τῆς Δηοῦς, ἧς δὴ χάριν Βριμὼ προσαγορευθῆναι λέγεται, <add>καὶ</add><note xml:lang="mul"> <add>καὶ</add> inserted by Schwartz.</note> ἱκετηρίαι Διὸς καὶ πόμα χολῆς καὶ καρδιουλκίαι καὶ ἀρρητουργίαι· ταὐτὰ οἱ Φρύγες τελίσκουσιν Ἄττιδι καὶ Κυβέλῃ καὶ Κορύβασιν· τεθρυλήκασιν δὲ ὡς ἄρα ἀποσπάσας ὁ Ζεὺς τοῦ κριοῦ τοὺς διδύμους φέρων ἐν μέσοις ἔρριψε τοῖς κόλποις τῆς Δηοῦς, τιμωρίαν ψευδῆ τῆς βιαίας συμπλοκῆς ἐκτιννύων, ὡς ἑαυτὸν δῆθεν ἐκτεμών. τὰ σύμβολα τῆς μυήσεως ταύτης ἐκ περιουσίας παρατεθέντα οἷδ’ ὅτι κινήσει γέλωτα καὶ μὴ γελασείουσιν ὑμῖν διὰ τοὺς <pb xml:id="pg.14_alt" type="margin"/> ἐλέγχους· <q>ἐκ τυμπάνου ἔφαγον· ἐκ κυμβάλου ἔπιον· ἐκερνοφόρησα· ὑπὸ τὸν παστὸν ὑπέδυν.</q> ταῦτα οὐχ ὕβρις τὰ σύμβολα; οὐ χλεύη τὰ μυστήρια; τί δ’ εἰ καὶ τὰ ἐπίλοιπα προσθείην; κυεῖ μὲν ἡ Δημήτηρ, ἀνατρέφεται δὲ ἡ Κόρη, μίγνυται δ’ αὖθις ὁ γεννήσας οὑτοσὶ Ζεὺς τῇ Φερεφάττῃ, τῇ ἰδίᾳ θυγατρί, μετὰ τὴν μητέρα τὴν Δηώ, ἐκλαθόμενος τοῦ προτέρου μύσους ʽπατὴρ καὶ φθορεὺς κόρης ὁ Ζεύς<note xml:lang="mul">πατὴρ... Ζεύς. These words are not found in Eusebius (Praep. Ev. ii. 3), and are rejected as a gloss by Stählin</note>ʼ ʼκαὶ μίγνυται δράκων γενόμενος, ὃς ἦν, ἐλεγχθείς. Σαβαζίων γοῦν μυστηρίων σύμβολον τοῖς μυουμένοις ὁ διὰ κόλπου θεός· δράκων δέ ἐστιν οὗτος, διελκόμενος τοῦ κόλπου τῶν τελουμένων, ἔλεγχος ἀκρασίας 
+  <pb xml:id="p.36"/> Διός. κυεῖ καὶ ἡ Φερέφαττα παῖδα ταυρόμορφον· ἀμέλει, φησί τις ποιητὴς εἰδωλικός, <quote rend="blockquote">ταῦρος δράκοντος καὶ πατὴρ ταύρου δράκων, <l/>ἐν ὄρει τὸ κρύφιον, βουκόλος, τὸ κεντρίον,</quote><note xml:lang="mul">κεντρίον Dindorf. κέντρον MSS.</note> βουκολικόν, οἶμαι,<note xml:lang="mul"> <emph n="lemma">ἐν... οἶμαι</emph> ὅν ὄρεσι κρύφιον βουκολῶ κέντρον φέρων <del>τὸ—οἶμαι</del> Tournicr.</note> κέντρον τὸν νάρθηκα ἐπικαλῶν, ὃν δὴ ἀναστέφουσιν οἱ βάκχοι. βούλει καὶ τὰ Φερεφάττης ἀνθολόγια διηγήσωμαί<note xml:lang="mul">διηγήσωμαι Dindorf. διηγήσομαι MSS.</note> σοι καὶ τὸν κάλαθον καὶ τὴν ἁρπαγὴν τὴν ὑπὸ Ἀιδωνέως καὶ τὸ χάσμα<note xml:lang="mul">χάσμα from Eusebius. σχίσμα MSS.</note> τῆς γῆς καὶ τὰς ὗς τὰς Εὐβουλέως τὰς συγκαταποθείσας ταῖν θεαῖς,<note xml:lang="mul">τοῖν θεοῖν Wilamowitz τῇ θεᾷ Rohde.</note>δι’ ἣν αἰτίαν ἐν τοῖς Θεσμοφορίοις μεγαρίζοντες χοίρους ἐμβάλλουσιν; ταύτην τὴν μυθολογίαν αἱ γυναῖκες ποικίλως κατὰ πόλιν ἑορτάζουσι, Θεσμοφόρια, Σκιροφόρια, <pb xml:id="pg.15_alt" type="margin"/> Ἀρρητοφόρια, πολυτρόπως τὴν Φερεφάττης ἐκτραγῳδοῦσαι ἁρπαγήν. </p>
+ <p rend="align(indent)">Τὰ γὰρ Διονύσου μυστήρια τέλεον ἀπάνθρωπα· ὃν εἰσέτι παῖδα ὄντα ἐνόπλῳ κινήσει περιχορευόντων Κουρήτων, δόλῳ δὲ ὑποδύντων Τιτάνων, ἀπατήσαντες παιδαριώδεσιν ἀθύρμασιν, οὗτοι δὴ οἱ Τιτᾶνες διέσπασαν, ἔτι νηπίαχον ὄντα, ὡς ὁ τῆς Τελετῆς ποιητὴς Ὀρφεύς φησιν ὁ Θρᾴκιος· <quote rend="blockquote">κῶνος καὶ ῥόμβος καὶ παίγνια καμπεσίγυια, <l/>μῆλά τε χρύσεα καλὰ παρ’ Ἑσπερίδων λιγυφώνων.</quote> καὶ τῆσδε ὑμῖν τῆς τελετῆς τὰ ἀχρεῖα σύμβολα οὐκ ἀχρεῖον εἰς κατάγνωσιν παραθέσθαι· ἀστράγαλος, 
+<pb xml:id="p.38"/> σφαῖρα, στρόβιλος, μῆλα, ῥόμβος, ἔσοπτρον, πόκος. Ἀθηνᾶ μὲν οὖν τὴν καρδίαν τοῦ Διονύσου ὑφελομένη Παλλὰς ἐκ τοῦ πάλλειν τὴν καρδίαν προσηγορεύθη· οἱ δὲ Τιτᾶνες, οἱ καὶ διασπάσαντες αὐτόν, λέβητά τινα τρίποδι ἐπιθέντες καὶ τοῦ Διονύσου ἐμβαλόντες τὰ μέλη, καθήψουν πρότερον· ἔπειτα ὀβελίσκοις περιπείραντες <q>ὑπείρεχον Ἡφαίστοιο.</q> Ζεὺς δὲ ὕστερον ἐπιφανείς ʽεἰ θεὸς ἦν, τάχα που τῆς κνίσης τῶν ὀπτωμένων κρεῶν μεταλαβών, ἧς δὴ τὸ <q>γέρας λαχεῖν</q> ὁμολογοῦσιν ὑμῶν οἱ θεοἴ κεραυνῷ τοὺς Τιτᾶνας αἰκίζεται καὶ τὰ μέλη τοῦ Διονύσου Ἀπόλλωνι τῷ παιδὶ παρακατατίθεται καταθάψαι. ὁ δέ, οὐ γὰρ ἠπείθησε Διί, εἰς τὸν Παρνασσὸν φέρων κατατίθεται διεσπασμένον τὸν νεκρόν. </p>
+ <p rend="align(indent)">Εἰ θέλεις δ’ ἐποπτεῦσαι καὶ Κορυβάντων ὄργια, τὸν τρίτον <pb xml:id="pg.16_alt" type="margin"/> ἀδελφὸν ἀποκτείναντες οὗτοι τὴν κεφαλὴν τοῦ νεκροῦ φοινικίδι ἐπεκαλυψάτην καὶ καταστέψαντε ἐθαψάτην, φέροντες ἐπὶ χαλκῆς ἀσπίδος ὑπὸ τὰς ὑπωρείας τοῦ Ὀλύμπου. καὶ ταῦτ’ ἔστι τὰ μυστήρια, συνελόντι φάναι, φόνοι καὶ τάφοι· οἱ δὲ ἱερεῖς οἱ τῶνδε, οὓς Ἀνακτοτελεστὰς οἷς μέλον καλεῖν καλοῦσι, προσεπιτερατεύονται τῇ συμφορᾷ, ὁλόριζον ἀπαγορεύοντες σέλινον ἐπὶ τραπέζης τιθέναι· οἴονται γὰρ δὴ ἐκ τοῦ αἵματος τοῦ ἀπορρυέντος τοῦ Κορυβαντικοῦ τὸ σέλινον ἐκπεφυκέναι· ὥσπερ ἀμέλει καὶ αἱ θεσμοφοριάζουσαι τῆς ῥοιᾶς τοὺς κόκκους παραφυλάττουσιν ἐσθίειν τοὺς ἀποπεπτωκότας 
+  <pb xml:id="p.40"/> χαμαί, ἐκ τῶν τοῦ Διονύσου αἵματος σταγόνων βεβλαστηκέναι νομίζουσαι<note xml:lang="mul">νομίζουσαι Wilamowitz. νομίζουσι MSS.</note> τὰς ῥοιάς. Καβείρους δὲ τοὺς Κορύβαντας καλοῦντες καὶ τελετὴν Καβειρικὴν καταγγέλλουσιν· αὐτὼ γὰρ δὴ τούτω τὼ ἀδελφοκτόνω τὴν κίστην ἀνελομένω, ἐν ᾗ τὸ τοῦ Διονύσου αἰδοῖον ἀπέκειτο, εἰς Τυρρηνίαν κατήγαγον, εὐκλεοῦς ἔμποροι φορτίου· κἀνταῦθα διετριβέτην, φυγάδε ὄντε, τὴν πολυτίμητον εὐσεβείας διδασκαλίαν, αἰδοῖα καὶ κίστην, θρῃσκεύειν παραθεμένω Τυρρηνοῖς. δι’ ἣν αἰτίαν οὐκ ἀπεικότως τὸν Διόνυσόν τινες Ἄττιν προσαγορεύεσθαι θέλουσιν, αἰδοίων ἐστερημένον. </p>
+ <p rend="align(indent)">Καὶ τί θαυμαστὸν εἰ Τυρρηνοὶ οἱ βάρβαροι αἰσχροῖς οὕτως τελίσκονται παθήμασιν, ὅπου γε Ἀθηναίοις καὶ τῇ ἄλλῃ Ἑλλάδι, αἰδοῦμαι καὶ λέγειν, αἰσχύνης ἔμπλεως ἡ περὶ τὴν Δηὼ μυθολογία; ἀλωμένη γὰρ ἡ Δηὼ κατὰ ζήτησιν τῆς θυγατρὸς τῆς Κόρης περὶ τὴν Ἐλευσῖνα ʽτῆς Ἀττικῆς δέ ἐστι τοῦτο τὸ χωρίον’ ἀποκάμνει καὶ φρέατι ἐπικαθίζει λυπουμένη. τοῦτο τοῖς μυουμένοις ἀπαγορεύεται εἰσέτι νῦν, ἵνα μὴ δοκοῖεν οἱ τετελεσμένοι μιμεῖσθαι τὴν ὀδυρομένην. ᾤκουν <pb xml:id="pg.17_alt" type="margin"/> δὲ τηνικάδε τὴν Ἐλευσῖνα οἱ γηγενεῖς· ὀνόματα αὐτοῖς Βαυβὼ καὶ Δυσαύλης καὶ Τριπτόλεμος, ἔτι δὲ Εὔμολπός τε καὶ Εὐβουλεύς· βουκόλος ὁ Τριπτόλεμος ἦν, ποιμὴν δὲ ὁ Εὔμολπος, συβώτης δὲ ὁ Εὐβουλεύς· ἀφ’ ὧν τὸ Εὐμολπιδῶν καὶ τὸ Κηρύκων τὸ ἱεροφαντικὸν δὴ τοῦτο Ἀθήνησι γένος ἤνθησεν. καὶ δὴ ʽοὐ γὰρ ἀνήσω μὴ οὐχὶ εἰπεῖν’ ξενίσασα ἡ Βαυβὼ τὴν Δηὼ 
+  <pb xml:id="p.42"/> ὀρέγει κυκεῶνα αὐτῇ· τῆς δὲ ἀναινομένης λαβεῖν καὶ πιεῖν οὐκ ἐθελούσης ʽπενθήρης γὰρ ἦν’ περιαλγὴς ἡ Βαυβὼ γενομένη, ὡς ὑπεροραθεῖσα δῆθεν, ἀναστέλλεται τὰ αἰδοῖα καὶ ἐπιδεικνύει τῇ θεῷ· ἡ δὲ τέρπεται τῇ ὄψει ἡ Δηὼ καὶ μόλις ποτὲ δέχεται τὸ ποτόν, ἡσθεῖσα τῷ θεάματι. ταῦτ’ ἔστι τὰ κρύφια τῶν Ἀθηναίων μυστήρια. ταῦτά τοι καὶ Ὀρφεὺς ἀναγράφει. παραθήσομαι δέ σοι αὐτὰ τοῦ Ὀρφέως τὰ ἔπη, ἵν’ ἔχῃς μάρτυρα τῆς ἀναισχυντίας τὸν μυσταγωγόν· <quote rend="blockquote">ὣς εἰποῦσα πέπλους ἀνεσύρετο, δεῖξε δὲ πάντα <pb xml:id="pg.18_alt" type="margin"/> <l/>σώματος οὐδὲ πρέποντα τύπον· παῖς δ’ ἦεν Ἴακχος, <l/>χειρί τέ μιν ῥίπτασκε γελῶν Βαυβοῦς ὑπὸ κόλποις· <l/>ἡ δ’ ἐπεὶ οὖν μείδησε θεά, μείδησ̓ ἐνὶ θυμῷ, <l/>δέξατο δ’ αἰόλον ἄγγος, ἐν ᾧ κυκεὼν ἐνέκειτο.</quote> κἄστι τὸ σύνθημα Ἐλευσινίων μυστηρίων· <q>ἐνήστευσα, ἔπιον τὸν κυκεῶνα, ἔλαβον ἐκ κίστης, ἐργασάμενος<note xml:lang="mul">ἐγγευσάμενος Lobeck.</note> ἀπεθέμην εἰς κάλαθον καὶ ἐκ καλάθου εἰς κίστην.</q> καλά γε τὰ θεάματα καὶ θεᾷ πρέποντα. ἄξια μὲν οὖν νυκτὸς τὰ τελέσματα καὶ πυρὸς καὶ τοῦ <q>μεγαλήτορος,</q> μᾶλλον δὲ ματαιόφρονος Ἐρεχθειδῶν δήμου, πρὸς δὲ καὶ τῶν ἄλλων Ἑλλήνων, οὕστινας <q>μένει τελευτήσαντας ἅσσα 
+<pb xml:id="p.44"/> οὐδὲ ἔλπονται.</q> τίσι δὴ μαντεύεται Ἡράκλειτος <pb xml:id="pg.19_alt" type="margin"/> ὁ Ἐφέσιος; <q>νυκτιπόλοις, μάγοις, βάκχοις, λήναις, μύσταις,</q> τούτοις ἀπειλεῖ τὰ μετὰ θάνατον, τούτοις μαντεύεται τὸ πῦρ· <q>τὰ γὰρ νομιζόμενα κατὰ ἀνθρώπους μυστήρια ἀνιερωστὶ μυοῦνται.</q> </p>
+  <p rend="align(indent)">Νόμος οὖν καὶ ὑπόληψις κενὴ τὰ μυστήρια<note xml:lang="mul">τὰ μυστήρια αφτερ κενὴ Mayor: after δράκοντος MSS.</note> καὶ τοῦ δράκοντος ἀπάτη τίς ἐστιν θρῃσκευομένη, τὰς ἀμυήτους ὄντως μυήσεις καὶ τὰς ἀνοργιάστους τελετὰς εὐσεβείᾳ νόθῳ προστρεπομένων. οἷαι δὲ καὶ αἱ κίσται αἱ μυστικαί· δεῖ γὰρ ἀπογυμνῶσαι τὰ ἅγια αὐτῶν καὶ τὰ ἄρρητα ἐξειπεῖν. οὐ σησαμαῖ ταῦτα καὶ πυραμίδες καὶ τολύπαι καὶ πόπανα πολυόμφαλα χόνδροι τε ἁλῶν καὶ δράκων, ὄργιον Διονύσου Βασσάρου; οὐχὶ δὲ ῥοιαὶ πρὸς τοῖσδε καὶ κράδαι<note xml:lang="mul">κράδαι Morellus. καρδίαι MSS.</note> νάρθηκές τε καὶ κιττοί, πρὸς δὲ καὶ φθοῖς καὶ μήκωνες; ταῦτ’ ἔστιν αὐτῶν τὰ ἅγια. καὶ προσέτι Γῆς<note xml:lang="mul">Γῆς Wilamowitz. τῆς MSS.</note> Θέμιδος τὰ ἀπόρρητα σύμβολα ὀρίγανον, λύχνος, ξίφος, κτεὶς γυναικεῖος, ὅς ἐστιν, εὐφήμως καὶ μυστικῶς εἰπεῖν, μόριον γυναικεῖον. ὢ τῆς ἐμφανοῦς ἀναισχυντίας. πάλαι μὲν ἀνθρώποις σωφρονοῦσιν ἐπικάλυμμα ἡδονῆς νὺξ ἦν σιωπωμένη· νυνὶ δὲ τοῖς μυουμένοις πεῖρα<note xml:lang="mul">πεῖρα Wilamowitz. ἡ ἱερὰ MSS.</note> τῆς ἀκρασίας νύξ ἐστι λαλουμένη, καὶ τὸ πῦρ ἐλέγχει τὰ πάθη δᾳδουχούμενον. ἀπόσβεσον, ὦ ἱεροφάντα, τὸ πῦρ· 
+<pb xml:id="p.46"/> αἰδέσθητι, δᾳδοῦχε, τὰς λαμπάδας· ἐλέγχει σου τὸν Ἴακχον τὸ φῶς· ἐπίτρεψον ἀποκρύψαι τῇ νυκτὶ τὰ μυστήρια· σκότει τετιμήσθω τὰ ὄργια. τὸ πῦρ οὐχ ὑποκρίνεται· ἐλέγχειν καὶ κολάζειν κελεύεται. </p>
+  <p rend="align(indent)">Ταῦτα τῶν ἀθέων τὰ μυστήρια· ἀθέους δὲ εἰκότως ἀποκαλῶ τούτους, οἳ τὸν μὲν ὄντως ὄντα θεὸν ἠγνοήκασιν, παιδίον δὲ ὑπὸ Τιτάνων διασπώμενον καὶ γύναιον πενθοῦν καὶ μόρια ἄρρητα ὡς ἀληθῶς ὑπ’ αἰσχύνης ἀναισχύντως σέβουσιν, διττῇ ἐνεσχημένοι τῇ <pb xml:id="pg.20_alt" type="margin"/> ἀθεότητι, προτέρᾳ μέν, καθ’ ἣν ἀγνοοῦσι τὸν θεόν, τὸν ὄντως ὄντα μὴ γνωρίζοντες θεόν, ἑτέρᾳ δὲ καὶ δευτέρᾳ δὴ ταύτῃ τῇ πλάνῃ τοὺς οὐκ ὄντας ὡς ὄντας νομίζοντες καὶ θεοὺς τούτους ὀνομάζοντες τοὺς οὐκ ὄντως ὄντας, μᾶλλον δὲ οὐδὲ ὄντας, μόνου δὲ τοῦ ὀνόματος τετυχηκότας. διὰ τοῦτό τοι καὶ ὁ ἀπόστολος διελέγχει ἡμᾶς <q>καὶ ἦτε ξένοι</q> λέγων <q>τῶν διαθηκῶν τῆς ἐπαγγελίας, ἐλπίδα μὴ ἔχοντες καὶ ἄθεοι ἐν τῷ κόσμῳ.</q> </p>
+  <p rend="align(indent)">Πολλὰ κἀγαθὰ γένοιτο τῷ τῶν Σκυθῶν βασιλεῖ, ὅστις ποτὲ ἦν <del>Ἀνάχαρσις</del>.<note xml:lang="mul"> <del>Ἀνάχαρσις</del> Casaubon.</note> οὗτος τὸν πολίτην τὸν ἑαυτοῦ, τὴν παρὰ Κυζικηνοῖς μητρὸς τῶν θεῶν τελετὴν ἀπομιμούμενον παρὰ Σκύθαις τύμπανόν τε 
+   <pb xml:id="p.48"/> ἐπικτυποῦντα καὶ κύμβαλον ἐπηχοῦντα καὶ τοῦ τραχήλου τινὰ μηναγύρτην ἐξηρτημένον, κατετόξευσεν, ὡς ἄνανδρον αὐτόν τε παρ’ Ἕλλησι γεγενημένον καὶ τῆς θηλείας τοῖς ἄλλοις Σκυθῶν διδάσκαλον νόσου. ὧν δὴ χάριν ʽοὐ γὰρ οὐδαμῶς ἀποκρυπτέον̓ θαυμάζειν ἔπεισί μοι ὅτῳ τρόπῳ Εὐήμερον τὸν Ἀκραγαντῖνον καὶ Νικάνορα τὸν Κύπριον καὶ Διαγόραν καὶ Ἵππωνα τὼ Μηλίω<note xml:lang="mul">τὼ Μηλίω  Miinzel. τὸν μήλιον MSS.</note> τόν τε Κυρηναῖον ἐπὶ τούτοις ἐκεῖνον ʽ<del>ὁ</del><note xml:lang="mul"> <del>ὁ</del> Dindorf.</note> Θεόδωρος ὄνομα αὐτᾦ <pb xml:id="pg.21_alt" type="margin"/> καί τινας ἄλλους συχνούς, σωφρόνως βεβιωκότας καὶ καθεωρακότας ὀξύτερόν που τῶν λοιπῶν ἀνθρώπων τὴν ἀμφὶ τοὺς θεοὺς τούτους πλάνην, ἀθέους ἐπικεκλήκασιν, εἰ καὶ τὴν ἀλήθειαν αὐτὴν μὴ νενοηκότας, ἀλλὰ τὴν πλάνην γε ὑπωπτευκότας, ὅπερ οὐ σμικρὸν εἰς ἀλήθειαν<note xml:lang="mul">ἀλήθειαν  Sylburg. ἀληθείας MSS.</note> φρονήσεως ζώπυρον ἀναφύεται σπέρμα· ὧν ὁ μέν τις παρεγγυᾷ τοῖς Αἰγυπτίοις, <q>εἰ θεοὺς νομίζετε, μὴ θρηνεῖτε αὐτοὺς μηδὲ κόπτεσθε· εἰ δὲ πενθεῖτε αὐτούς, μηκέτι τούτους ἡγεῖσθε εἶναι θεούς,</q> ὁ δ’ Ἡρακλέα ἐκ ξύλου λαβὼν κατεσκευασμένον ʽἔτυχε δὲ ἕψων τι οἴκοι, οἷα εἰκόσ̓ <q>εἶα δή, ὦ Ἡράκλεις,</q> εἶπεν· <q>νῦν σοι ἤδη καιρός, ὥσπερ Εὐρυσθεῖ, ἀτὰρ δὴ καὶ ἡμῖν ὑπουργῆσαι τὸν τρισκαιδέκατον τοῦτον ἆθλον καὶ Διαγόρᾳ τοὔψον<note xml:lang="mul">τοὔψον  Cobet. τοῦτον MSS.</note> παρασκευάσαι.</q> κἆτ’ αὐτὸν εἰς τὸ πῦρ ἐνέθηκεν ὡς ξύλον. </p>
+<pb xml:id="p.50"/> 
+ <p rend="align(indent)">Ἀκρότητες ἄρα ἀμαθίας ἀθεότης καὶ δεισιδαιμονία, ὦν ἐκτὸς μένειν σπουδαστέον. οὐχ ὁρᾷς τὸν ἱεροφάντην τῆς ἀληθείας Μωσέα προστάττοντα θλαδίαν καὶ ἀποκεκομμένον μὴ ἐκκλησιάζειν, καὶ προσέτι τὸν ἐκ πόρνης; αἰνίττεται δὲ διὰ μὲν τῶν προτέρων τὸν ἄθεον τρόπον τὸν τῆς θείας καὶ γονίμου δυνάμεως ἐστερημένον, διὰ δὲ τοῦ λοιποῦ τοῦ τρίτου τὸν πολλοὺς ἐπιγραφόμενον ψευδωνύμους θεοὺς ἀντὶ τοῦ μόνου ὄντος θεοῦ, ὥσπερ ὁ ἐκ τῆς πόρνης τοὺς πολλοὺς ἐπιγράφεται πατέρας ἀγνοίᾳ τοῦ πρὸς ἀλήθειαν πατρός. ἦν δέ τις ἔμφυτος ἀρχαία πρὸς οὐρανὸν ἀνθρώποις κοινωνία, ἀγνοίᾳ μὲν ἐσκοτισμένη, ἄφνω δέ που διεκθρῴσκουσα τοῦ σκότους καὶ ἀναλάμπουσα, οἷον δὴ ἐκεῖνο λέλεκταί τινι τὸ <quote rend="blockquote">ὁρᾷς τὸν ὑψοῦ τόνδ’ ἄπειρον αἰθέρα <l/>καὶ γῆν πέριξ ἔχονθ’ ὑγραῖς ἐν ἀγκάλαις;</quote> καὶ τὸ <quote rend="blockquote">ὦ γῆς ὄχημα κἀπὶ γῆς ἔχων ἕδραν, <l/>ὅστις ποτ’ εἶ σύ, δυστόπαστος εἰσιδεῖν,</quote> <pb xml:id="pg.22_alt" type="margin"/> καὶ ὅσα ἄλλα τοιαῦτα ποιητῶν ᾅδουσι παῖδες.</p>
+  <p rend="align(indent)">Ἔννοιαι δὲ ἡμαρτημέναι καὶ παρηγμέναι τῆς εὐθείας, ὀλέθριαι ὡς ἀληθῶς, τὸ οὐράνιον φυτόν, τὸν ἄνθρωπον, οὐρανίου ἐξέτρεψαν διαίτης καὶ ἐξετάνυσαν ἐπὶ γῆς, γηΐνοις προσανέχειν ἀναπείσασαι πλάσμασιν. οἱ μὲν γὰρ εὐθέως ἀμφὶ τὴν 
+<pb xml:id="p.52"/> οὐρανοῦ θέαν ἀπατώμενοι καὶ ὄψει μόνῃ πεπιστευκότες τῶν ἀστέρων τὰς κινήσεις ἐπιθεώμενοι ἐθαύμασάν τε καὶ ἐξεθείασαν, θεοὺς ἐκ τοῦ θεῖν ὀνομάσαντες τοὺς ἀστέρας, καὶ προσεκύνησαν ἥλιον, ὡς Ἰνδοί, καὶ σελήνην, ὡς Φρύγες· οἱ δὲ τῶν ἐκ γῆς φυομένων τοὺς ἡμέρους δρεπόμενοι καρποὺς Δηὼ τὸν σῖτον, ὡς Ἀθηναῖοι, καὶ Διόνυσον τὴν ἄμπελον, ὡς Θηβαῖοι, προσηγόρευσαν. ἄλλοι τὰς ἀμοιβὰς τῆς κακίας ἐπισκοπήσαντες θεοποιοῦσι τὰς ἀντιδόσεις προσκυνοῦντες καὶ τὰς συμφοράς. ἐντεῦθεν τὰς Ἐρινύας καὶ τὰς Εὐμενίδας Παλαμναίους τε καὶ Προστροπαίους, ἔτι δὲ Ἀλάστορας ἀναπεπλάκασιν οἱ ἀμφὶ τὴν σκηνὴν ποιηταί. φιλοσόφων δὲ ἤδη τινὲς καὶ αὐτοὶ μετὰ τοὺς ποιητικοὺς τῶν ἐν ὑμῖν παθῶν ἀνειδωλοποιοῦσι τύπους τὸν Φόβον καὶ τὸν Ἔρωτα καὶ τὴν Χαρὰν καὶ τὴν Ἐλπίδα, ὥσπερ ἀμέλει καὶ Ἐπιμενίδης ὁ παλαιὸς Ὕβρεως καὶ Ἀναιδείας Ἀθήνησιν ἀναστήσας βωμούς· οἱ δὲ ἐξ αὐτῶν ὁρμώμενοι τῶν πραγμάτων ἐκθεοῦνται τοῖς ἀνθρώποις καὶ σωματικῶς ἀναπλάττονται, Δίκη τις καὶ Κλωθὼ καὶ Λάχεσις καὶ Ἄτροπος καὶ Εἱμαρμένη, Λὐξώ τε καὶ Θαλλώ, αἱ Ἀττικαί. ἕκτος ἐστὶν εἰσηγητικὸς τρόπος ἀπάτης θεῶν περιποιητικός, καθ’ ὃν ἀριθμοῦσι θεοὺς τοὺς δώδεκα· ὧν καὶ θεογονίαν Ἡσίοδος ᾅδει τὴν αὑτοῦ, καὶ ὅσα θεολογεῖ Ὅμηρος. τελευταῖος δὲ ὑπολείπεται ʽἑπτὰ γὰρ οἱ ἅπαντες οὗτοι τρόποἰ ὁ ἀπὸ τῆς 
+<pb xml:id="p.54"/> θείας εὐεργεσίας τῆς εἰς τοὺς ἀνθρώπους καταγινομένης ὁρμώμενος. τὸν γὰρ εὐεργετοῦντα μὴ συνιέντες θεὸν ἀνέπλασάν τινας σωτῆρας Διοσκούρους καὶ Ἡρακλέα ἀλεξίκακον καὶ Ἀσκληπιὸν <pb xml:id="pg.23_alt" type="margin"/> ἰατρόν. </p>
+  <p rend="align(indent)">Αὗται μὲν αἱ ὀλισθηραί τε καὶ ἐπιβλαβεῖς παρεκβάσεις τῆς ἀληθείας, καθέλκουσαι οὐρανόθεν τὸν ἄνθρωπον καὶ εἰς βάραθρον περιτρέπουσαι. ἐθέλω δὲ ὑμῖν ἐν χρῷ τοὺς θεοὺς αὐτοὺς ἐπιδεῖξαι ὁποῖοί τινες καὶ εἴ τινες, ἵν’ ἤδη ποτὲ τῆς πλάνης λήξητε, αὖθις δὲ παλινδρομήσητε εἰς οὐρανόν. <q>ἦμεν γάρ που καὶ ἡμεῖς τέκνα ὀργῆς, ὡς καὶ οἱ λοιποί· ὁ δὲ θεὸς πλούσιος ὢν ἐν ἐλέει, διὰ τὴν πολλὴν ἀγάπην αὐτοῦ, ἣν ἠγάπησεν ἡμᾶς, ὄντας ἤδη νεκροὺς τοῖς παραπτώμασιν συνεζωοποίησεν τῷ Χριστῷ.</q> ζῶν γὰρ ὁ λόγος καὶ <add>ὁ</add><note xml:lang="mul"> <add>ὁ</add> inserted by Schwartz.</note> συνταφεὶς Χριστῷ συνυψοῦται θεῷ. οἱ δὲ ἔτι ἄπιστοι <q>τέκνα ὀργῆς</q> ὀνομάζονται, τρεφόμενα ὀργῇ· ἡμεῖς δὲ οὐκ ὀργῆς θρέμματα ἔτι, οἱ τῆς πλάνης ἀπεσπασμένοι, ᾅσσοντες δὲ ἐπὶ τὴν ἀλήθειαν. ταύτῃ τοι ἡμεῖς οἱ τῆς ἀνομίας υἱοί ποτε διὰ τὴν φιλανθρωπίαν τοῦ λόγου νῦν υἱοὶ γεγόναμεν τοῦ θεοῦ· ὑμῖν δὲ καὶ ὁ ὑμέτερος ὑποδύεται ποιητὴς ὁ Ἀκραγαντῖνος Ἐμπεδοκλῆς· <quote rend="blockquote">τοιγάρτοι χαλεπῇσιν ἀλύοντες κακότησιν <l/>οὔ ποτε δειλαίων ἀχέων λωφήσετε θυμόν.</quote> τὰ μὲν δὴ πλεῖστα μεμύθευται καὶ πέπλασται περὶ θεῶν ὑμῖν· τὰ δὲ ὅσα καὶ<note xml:lang="mul">ὅσα καὶ Mayor. <del>καὶ</del> ὅσα Stählin. καὶ ὅσα MSS.</note> γεγενῆσθαι ὑπείληπται, ταῦτα δὲ περὶ ἀνθρώπων αἰσχρῶν καὶ ἀσελγῶς βεβιωκότων ἀναγέγραπται· 
+<pb xml:id="p.56"/> <quote rend="blockquote">τύφῳ καὶ μανίῃ δὲ βαδίζετε καὶ τρίβον ὀρθὴν <l/>εὐθεῖαν προλιπόντες ἀπήλθετε τὴν δι’ ἀκανθῶν <l/>καὶ σκολόπων. τί πλανᾶσθε, βροτοί; παύσασθε,μάταιοι, <l/>καλλίπετε σκοτίην νυκτός, φωτὸς δὲ λάβεσθε.</quote> <pb xml:id="pg.24_alt" type="margin"/> ταῦτα ἡμῖν ἡ προφητικὴ παρεγγυᾷ καὶ ποιητικὴ Σίβυλλα· παρεγγυᾷ δὲ καὶ ἡ ἀλήθεια, γυμνοῦσα τῶν καταπληκτικῶν τουτωνὶ καὶ ἐκπληκτικῶν προσωπείων τὸν ὄχλον τῶν θεῶν, συνωνυμίαις τισὶ τὰς δοξοποιίας διελέγχουσα. </p>
+  <p rend="align(indent)">Αὐτίκα γοῦν εἰσὶν οἳ τρεῖς τοὺς Ζῆνας ἀναγράφουσιν, τὸν μὲν Αἰθέρος ἐν ʼΛρκαδίᾳ, τὼ δὲ λοιπὼ τοῦ Κρόνου παῖδε, τούτοιν τὸν μὲν ἐν Κρήτῃ, θάτερον δὲ ἐν Ἀρκαδίᾳ πάλιν. εἰσὶ δὲ οἳ πέντε Ἀθηνᾶς ὑποτίθενται, τὴν μὲν Ἡφαίστου, τὴν Ἀθηναίαν· τὴν δὲ Νείλου, τὴν Αἰγυπτίαν· τρίτην <add>τὴν</add><note xml:lang="mul"> <add>τὴν</add> inserted by Wilamowitz.</note> τοῦ Κρόνου, τὴν πολέμου εὑρέτιν· τετάρτην τὴν Διός, ἣν Μεσσήνιοι Κορυφασίαν ἀπὸ τῆς μητρὸς ἐπικεκλήκασιν· ἐπὶ πᾶσι τὴν Πάλλαντος καὶ Τιτανίδος τῆς Ὠκεανοῦ, ἣ τὸν πατέρα δυσσεβῶς καταθύσασα τῷ πατρῴῳ κεκόσμηται δέρματι ὥσπερ κῳδίῳ. 
+   <pb xml:id="p.58"/> ναὶ μὴν Ἀπόλλωνα ὁ μὲν Ἀριστοτέλης πρῶτον Ἡφαίστου καὶ Ἀθηνᾶς ʽἐνταῦθα δὴ οὐκέτι παρθένος ἡ Ἀθηνἆ, δεύτερον ἐν Κρήτῃ τὸν Κύρβαντος, τρίτον τὸν Διὸς καὶ τέταρτον τὸν Ἀρκάδα τὸν Σιληνοῦ· Νόμιος οὗτος κέκληται παρὰ Ἀρκάσιν· ἐπὶ τούτοις τὸν Λίβυν καταλέγει τὸν Ἄμμωνος· ὁ δὲ Δίδυμος ὁ γραμματικὸς τούτοις ἕκτον ἐπιφέρει τὸν Μάγνητος. πόσοι δὲ καὶ νῦν Ἀπόλλωνες, ἀναρίθμητοι θνητοὶ καὶ ἐπίκηροί<note xml:lang="mul">ἐπίκηροι  Mayor. ἐπίκουροι MSS.</note> τινες ἄνθρωποι, εἰσίν, οἱ παραπλησίως τοῖς προειρημένοις ἐκείνοις κεκλημένοι; τί δ’ εἴ σοι τοὺς πολλοὺς εἴποιμι Ἀσκληπιοὺς ἢ τοὺς Ἑρμᾶς τοὺς ἀριθμουμένους ἢ τοὺς Ἡφαίστους τοὺς μυθολογουμένους; μὴ καὶ περιττὸς εἶναι δόξω τὰς ἀκοὰς ὑμῶν τοῖς πολλοῖς τούτοις ἐπικλύζων ὀνόμασιν; ἀλλ’ αἵ γε πατρίδες αὐτοὺς καὶ αἱ τέχναι καὶ οἱ βίοι, πρὸς δέ γε καὶ οἱ τάφοι ἀνθρώπους γεγονότας διελέγχουσιν. </p>
+  <p rend="align(indent)">Ἄρης γοῦν ὁ καὶ παρὰ τοῖς ποιηταῖς, ὡς οἷόν τε, τετιμημένος, <quote rend="blockquote">Ἆρες, Ἄρες, βροτολοιγέ, μιαιφόνε, τειχεσιπλῆτα,</quote> <pb xml:id="pg.25_alt" type="margin"/> ὁ ἀλλοπρόσαλλος οὗτος καὶ ἀνάρσιος, ὡς μὲν Ἐπίχαρμός φησι, Σπαρτιάτης ἦν· Σοφοκλῆς δὲ Θρᾷκα οἶδεν αὐτόν· ἄλλοι δὲ Ἀρκάδα. τοῦτον δὲ Ὅμηρος δεδέσθαι φησὶν ἐπὶ μῆνας τρισκαίδεκα· 
+<pb xml:id="p.60"/> 
+   <quote rend="blockquote">τλῆ μὲν Ἄρης, ὅτε μιν Ὦτος κρατερός τ’ Ἐφιάλτης, <l/>παῖδες Ἀλωῆος, δῆσαν κρατερῷ ἐνὶ δεσμῷ· <l/>χαλκέῳ δ’ ἐν κεράμῳ δέδετο τρισκαίδεκα μῆνας.</quote> πολλὰ κἀγαθὰ Κᾶρες σχοῖεν, οἳ καταθύουσιν αὐτῷ τοὺς κύνας. Σκύθαι δὲ τοὺς ὄνους ἱερεύοντες μὴ παυέσθων, ὡς Ἀπολλόδωρός φησι καὶ Καλλίμαχος, <quote rend="blockquote">Φοῖβος Ὑπερβορέοισιν ὄνων ἐπιτέλλεται ἱροῖς.</quote> ὁ αὐτὸς δὲ ἀλλαχοῦ <quote rend="blockquote">τέρπουσιν λιπαραὶ Φοῖβον ὀνοσφαγίαι.</quote> Ἥφαιστος δέ, ὃν ἔρριψεν ἐξ Ὀλύμπου Ζεὺς <q>βηλοῦ ἀπὸ θεσπεσίοιο,</q> ἐν Λήμνῳ καταπεσὼν ἐχάλκευε, πηρωθεὶς τὼ πόδε, <q>ὑπὸ δὲ κνῆμαι ῥώοντο ἀραιαί.</q> ἔχεις καὶ ἰατρόν, οὐχὶ χαλκέα μόνον ἐν θεοῖς· ὁ δὲ ἰατρὸς φιλάργυρος ἦν, Ἀσκληπιὸς ὄνομα αὐτῷ. καί σοι τὸν σὸν παραθήσομαι ποιητήν, τὸν Βοιώτιον Πίνδαρον· <quote rend="blockquote">ἔτραπε κἀκεῖνον ἀγάνορι μισθῷ χρυσὸς ἐν <l/>χερσὶ φανείς· χερσὶ δ’ ἄρα Κρονίων  <pb xml:id="pg.26_alt" type="margin"/> ῥίψας δι’ ἀμφοῖν ἀμπνοὰν<note xml:lang="mul">ἀμπνοὰν Pindar. ἀμπνοὰς MSS.</note> στέρνων καθεῖλεν <l/>ὠκέως, αἴθων δὲ κεραυνὸς ἐνέσκηψε<note xml:lang="mul">ἐνέσκηψε  Pindar. ἔσκηψε MSS.</note> μόρον,</quote> καὶ Εὐριπίδης <quote rend="blockquote">Ζεὺς γὰρ κατακτὰς παῖδα τὸν ἐμὸν αἴτιος <l/>Ἀσκληπιόν, στέρνοισιν ἐμβαλὼν φλόγα. </quote>
+   <pb xml:id="p.62"/> οὗτος μὲν οὖν κεῖται κεραυνωθεὶς ἐν τοῖς Κυνοσουρίδος ὁρίοις. Φιλόχορος δὲ ἐν Τήνῳ Ποσειδῶνά φησι τιμᾶσθαι ἰατρόν, Κρόνῳ δὲ ἐπικεῖσθαι Σικελίαν καὶ ἐνταῦθα αὐτὸν τεθάφθαι. Πατροκλῆς τε ὁ Θούριος καὶ Σοφοκλῆς ὁ νεώτερος ἔν τισι<note xml:lang="mul">ἔν τισι Welcker. ἐν τρισὶ MSS.</note> τραγῳδίαις ἱστορεῖτον<note xml:lang="mul">ἱστορεῖτον Sylburg. ἱστορείτων MSS.</note> τοῖν Διοσκούροιν<note xml:lang="mul">τοῖν Διοσκούροιν Sylburg. τὼ Διοσκούρω MSS.</note> πέρι· ἀνθρώπω τινὲ τούτω τὼ Διοσκούρω ἐπικήρω ἐγενέσθην,<note xml:lang="mul">ἐγενέσθην Dindorf. γενέσθην MSS.</note> εἴ τῳ ἱκανὸς πιστώσασθαι Ὅμηρος τὸ λελεγμένον <quote rend="blockquote"><l rend="align(indent)"/>τοὺς δ’ ἤδη κάτεχεν φυσίζοος αἶα <l/>ἐν Λακεδαίμονι αὖθι, φίλῃ ἐν πατρίδι γαίῃ.</quote> προσίτω δὲ καὶ ὁ τὰ Κυπριακὰ ποιήματα γράψας <quote rend="blockquote">Κάστωρ μὲν θνητός, Θανάτου δέ οἱ αἶσα πέπρωται· <l/>αὐτὰρ ὅ γ’ ἀθάνατος Πολυδεύκης, ὄζος Ἄρηος.</quote> τοῦτο μὲν ποιητικῶς ἐψεύσατο· Ὅμηρος δὲ ἀξιοπιστότερος αὐτοῦ εἰπὼν περὶ ἀμφοῖν τοῖν Διοσκούροιν, πρὸς δὲ καὶ τὸν Ἡρακλέα εἴδωλον ἐλέγξας· <q>φῶτα</q> γὰρ <q>Ἡρακλῆα, μεγάλων ἐπιίστορα ἔργων.</q> Ἡρακλέα οὖν καὶ αὐτὸς Ὅμηρος θνητὸν οἶδεν ἄνθρωπον, Ἱερώνυμος δὲ ὁ φιλόσοφος καὶ τὴν σχέσιν αὐτοῦ ὑφηγεῖται τοῦ σώματος, μικρόν, φριξότριχα, ῥωστικόν· Δικαίαρχος δὲ σχιζίαν, νευρώδη, μέλανα, γρυπόν, ὑποχαροπόν, τετανότριχα. οὗτος οὖν ὁ Ἡρακλῆς δύο πρὸς τοῖς πεντήκοντα ἔτη βεβιωκὼς κατέστρεψε τὸν βίον διὰ τῆς ἐν Οἴτῃ πυρᾶς <pb xml:id="pg.27_alt" type="margin"/> κεκηδευμένος. </p>
+<pb xml:id="p.64"/> 
+ <p rend="align(indent)">Τὰς δὲ Μούσας, ὃς Ἀλκμὰν<note xml:lang="mul">Ἀλκμὰν Bergk. ἄλκμανδρος MSS.</note> Διὸς καὶ Μνημοσύνης γενεαλογεῖ καὶ οἱ λοιποὶ ποιηταὶ καὶ συγγραφεῖς ἐκθειάζουσιν καὶ σέβουσιν, ἤδη δὲ καὶ ὅλαι πόλεις μουσεῖα τεμενίζουσιν<note xml:lang="mul">τεμενίζουσιν Sylburg. μὲν ἵζουσιν MSS.</note> αὐταῖς, Μυσὰς<note xml:lang="mul">Μυσὰς Stählin. μούσας MSS.</note> οὔσας θεραπαινίδας ταύτας ἐώνηται Μεγακλὼ ἡ θυγάτηρ ἡ Μάκαρος. ὁ δὲ Μάκαρ Λεσβίων μὲν ἐβασίλευεν, διεφέρετο δὲ ἀεὶ πρὸς τὴν γυναῖκα, ἠγανάκτει δὲ ἡ Μεγακλὼ ὑπὲρ τῆς μητρός· τί δ’ οὐκ ἔμελλε; καὶ Μυσὰς θεραπαινίδας ταύτας τοσαύτας τὸν ἀριθμὸν ὠνεῖται καὶ καλεῖ Μοίσας<note xml:lang="mul">Μοίσας  Müller. Μύσας MSS.</note> κατὰ τὴν διάλεκτον τὴν Αἰολέων. ταύτας ἐδιδάξατο ᾅδειν καὶ κιθαρίζειν τὰς πράξεις τὰς παλαιὰς ἐμμελῶς. αἱ δὲ συνεχῶς κιθαρίζουσαι καὶ καλῶς κατεπᾴδουσαι τὸν Μάκαρα ἔθελγον καὶ κατέπαυον τῆς ὀργῆς. οὗ δὴ χάριν ἡ Μεγακλὼ χαριστήριον αὐτὰς<note xml:lang="mul">αὐτὰς Stählin. Αὐταῖς MSS.</note> ὑπὲρ τῆς μητρὸς ἀνέθηκε χαλκᾶς καὶ ἀνὰ πάντα ἐκέλευσε τιμᾶσθαι τὰ ἱερά. καὶ αἱ μὲν Μοῦσαι τοιαίδε· ἡ δὲ ἱστορία παρὰ Μυρσίλῳ τῷ Λεσβίῳ. </p>
+  <p rend="align(indent)">Ἀκούετε δὴ οὖν τῶν παρ’ ὑμῖν θεῶν τοὺς ἔρωτας καὶ τὰς παραδόξους τῆς ἀκρασίας μυθολογίας καὶ τραύματα αὐτῶν καὶ δεσμὰ καὶ γέλωτας καὶ μάχας δουλείας τε ἔτι καὶ συμπόσια συμπλοκάς τ’ αὖ καὶ δάκρυα καὶ πάθη καὶ μαχλώσας ἡδονάς. κάλει μοι τὸν Ποσειδῶ καὶ τὸν χορὸν τῶν διεφθαρμένων ὑπ’ αὐτοῦ, τὴν Ἀμφιτρίτην, τὴν Ἀμυμώνην, τὴν Ἀλόπην, τὴν Μελανίππην, τὴν Ἀλκυόνην, τὴν Ἱπποθόην, τὴν Χιόνην, τὰς ἄλλας τὰς μυρίας· ἐν αἷς δὴ καὶ τοσαύταις οὔσαις ἔτι τοῦ Ποσειδῶνος ὑμῶν ἐστενοχωρεῖτο τὰ πάθη· κάλει μοι καὶ τὸν 
+<pb xml:id="p.66"/> Ἀπόλλω· Φοῖβός ἐστιν οὗτος καὶ μάντις ἁγνὸς καὶ σύμβουλος ἀγαθός· ἀλλ’ οὐ ταῦτα ἡ Στερόπη λέγει οὐδὲ ἡ Αἴθουσα οὐδὲ ἡ Ἀρσινόη οὐδὲ ἡ Ζευξίππη οὐδὲ ἡ Προθόη οὐδὲ ἡ Μάρπησσα οὐδὲ ἡ Ὑψιπύλη· Δάφνη γὰρ ἐξέφυγε μόνη καὶ τὸν μάντιν καὶ τὴν φθοράν. αὐτός τε ὁ Ζεὺς ἐπὶ πᾶσιν ἡκέτω, ὁ <q>πατὴρ</q> καθ’ ὑμᾶς <q>ἀνδρῶν τε θεῶν τε.</q> τοσοῦτος περὶ τὰ ἀφροδίσια ἐξεχύθη, ὡς ἐπιθυμεῖν μὲν πασῶν, ἐκπληροῦν δὲ εἰς πάσας τὴν ἐπιθυμίαν. ἐνεπίμπλατο γοῦν γυναικῶν οὐχ ἧττον ἢ αἰγῶν ὁ Θμουιτῶν τράγος. καὶ σοῦ, ὦ Ὅμηρε, τεθαύμακα τὰ ποιήματα· <pb xml:id="pg.28_alt" type="margin"/> <quote rend="blockquote">ἦ, καὶ κυανέῃσιν ἐπ’ ὀφρύσι νεῦσε Κρονίων· <l/>ἀμβρόσιαι δ’ ἄρα χαῖται ἐπερρώσαντο ἄνακτος <l/>κρατὸς ἀπ’ ἀθανάτοιο· μέγαν δ’ ἐλέλιξεν Ὄλυμπον.</quote> σεμνὸν ἀναπλάττεις, Ὅμηρε, τὸν Δία καὶ νεῦμα περιάπτεις αὐτῷ τετιμημένον. ἀλλ’ ἐὰν ἐπιδείξῃς μόνον, ἄνθρωπε, τὸν κεστόν, ἐξελέγχεται καὶ ὁ Ζεὺς καὶ ἡ κόμη καταισχύνεται. εἰς ὅσον δ’ ἐλήλακεν<note xml:lang="mul">δʼ ἐλήλακεν Dindorf. διελήλακεν MSS.</note> ἀσελγείας ὁ Ζεὺς ἐκεῖνος ὁ μετ’ Ἀλκμήνης τοσαύτας ἡδυπαθήσας νύκτας· οὐδὲ γὰρ αἱ νύκτες αἱ ἐννέα τῷ ἀκολάστῳ μακραί ʽἅπας δὲ ἔμπαλιν 
+   <pb xml:id="p.68"/> ὁ βίος ἀκρασίᾳ βραχὺς ἦν̓, ἵνα δὴ ἡμῖν τὸν ἀλεξίκακον σπείρῃ θεόν. Διὸς υἱὸς Ἡρακλῆς, Διὸς ὡς ἀληθῶς, ὁ ἐκ μακρᾶς γεννώμενος νυκτός, τοὺς μὲν ἄθλους τοὺς δώδεκα πολλῷ ταλαιπωρησάμενος χρόνῳ, τὰς δὲ πεντήκοντα Θεστίου θυγατέρας νυκτὶ διαφθείρας μιᾷ, μοιχὸς ὁμοῦ καὶ νυμφίος τοσούτων γενόμενος παρθένων. οὔκουν ἀπεικότως οἱ ποιηταὶ <q>σχέτλιον</q> τοῦτον καὶ <q>αἰσυλοεργὸν</q> ἀποκαλοῦσιν. μακρὸν δ’ ἂν εἴη μοιχείας αὐτοῦ παντοδαπὰς καὶ παίδων διηγεῖσθαι φθοράς. οὐδὲ γὰρ οὐδὲ παίδων ἀπέσχοντο οἱ παρ’ ὑμῖν θεοί, ὁ μέν τις Ὕλα, ὁ δὲ Ὑακίνθου, ὁ δὲ Πέλοπος, ὁ δὲ Χρυσίππου, ὁ δὲ Γανυμήδους ἐρῶντες. τούτους ὑμῶν αἱ γυναῖκες προσκυνούντων τοὺς θεούς, τοιούτους δὲ εὐχέσθων εἶναι τοὺς ἄνδρας τοὺς ἑαυτῶν, οὕτω σώφρονας, ἵν’ ὦσιν ὅμοιοι τοῖς θεοῖς τὰ ἴσα ἐζηλωκότες· τούτους ἐθιζόντων οἱ παῖδες ὑμῶν σέβειν, ἵνα καὶ ἄνδρες γένωνται εἰκόνα πορνείας ἐναργῆ<note xml:lang="mul">ἐναργῆ Markland. ἐναγῆ MSS.</note> τοὺς θεοὺς παραλαμβάνοντες. </p>
+ <p rend="align(indent)">Ἀλλ’ οἱ μὲν ἄρρενες αὐτοῖς τῶν θεῶν ἴσως μόνοι ᾅττουσι περὶ τὰ ἀφροδίσια· <quote rend="blcokquote">θηλύτεραι δὲ θεαὶ μένον αἰδοῖ οἴκοι ἑκάστη,</quote> φησὶν Ὅμηρος, αἰδούμεναι αἱ θεαὶ<note xml:lang="mul"> <del>αἱ θεαὶ</del> Valckenaer: Stählin.</note> διὰ σεμνότητα Ἀφροδίτην ἰδεῖν μεμοιχευμένην. αἱ δὲ ἀκολασταίνουσιν ἐμπαθέστερον ἐν τῇ μοιχείᾳ δεδεμέναι, Ἠὼς ἐπὶ Τιθωνῷ, Σελήνη <add>δ’ ἐπὶ</add><note xml:lang="mul"> <add>δʼ ἐπὶ</add> inserted by Wilamowitz.</note> Ἐνδυμίωνι, 
+  <pb xml:id="p.70"/> Νηρηῒς ἐπὶ Αἰακῷ καὶ ἐπὶ Πηλεῖ Θέτις, ἐπὶ δὲ Ἰασίωνι<note xml:lang="mul">Ἰασίωνι Sylburg. ἰάσωνι MSS.</note> <pb xml:id="pg.29_alt" type="margin"/> Δημήτηρ καὶ ἐπὶ Ἀδώνιδι Φερέφαττα. Ἀφροδίτη δὲ ἐπ’ Ἄρει κατῃσχυμμένη μετῆλθεν ἐπὶ Κινύραν καὶ Ἀγχίσην ἔγημεν καὶ Φαέθοντα ἐλόχα καὶ ἤρα Ἀδώνιδος, ἐφιλονείκει δὲ τῇ βοώπιδι καὶ ἀποδυσάμεναι διὰ μῆλον αἱ θεαὶ γυμναὶ προσεῖχον τῷ ποιμένι, εἴ τις αὐτῶν δόξει καλή. </p>
+ <p rend="align(indent)">Ἴθι δὴ καὶ τοὺς ἀγῶνας ἐν βραχεῖ περιοδεύσωμεν καὶ τὰς ἐπιτυμβίους ταυτασὶ πανηγύρεις καταλύσωμεν, Ἴσθμιά τε καὶ Νέμεα καὶ Πύθια καὶ τὰ ἐπὶ τούτοις Ὀλύμπια. Πυθοῖ μὲν οὖν ὁ δράκων ὁ Πύθιος θρῃσκεύεται καὶ τοῦ ὄφεως ἡ πανήγυρις καταγγέλλεται Πύθια· Ἰσθμοῖ δὲ σκύβαλον προσέπτυσεν ἐλεεινὸν ἡ θάλαττα καὶ Μελικέρτην ὀδύρεται τὰ Ἴσθμια· Νεμέασι δὲ ἄλλο παιδίον Ἀρχέμορος κεκήδευται καὶ τοῦ παιδίου ὁ ἐπιτάφιος προσαγορεύεται Νέμεα· Πῖσα δὲ ὑμῖν τάφος ἐστίν, ὦ Πανέλληνες, ἡνιόχου Φρυγός, καὶ τοῦ Πέλοπος τὰς χοάς, τὰ Ὀλύμπια, ὁ Φειδίου σφετερίζεται Ζεύς. μυστήρια ἦσαν ἄρα, ὡς ἔοικεν, οἱ ἀγῶνες ἐπὶ νεκροῖς διαθλούμενοι, ὥσπερ καὶ τὰ λόγια, καὶ δεδήμευνται ἄμφω. ἀλλὰ τὰ μὲν ἐπὶ Ἄγρᾳ<note xml:lang="mul">Ἄγρᾳ Meurs. σάγραι MSS.</note> μυστήρια καὶ τὰ ἐν Ἁλιμοῦντι τῆς Ἀττικῆς Ἀθήνησι περιώρισται· αἶσχος δὲ ἤδη κοσμικὸν οἵ τε ἀγῶνες 
+<pb xml:id="p.72"/> καὶ οἱ φαλλοὶ οἱ Διονύσῳ ἐπιτελούμενοι, κακῶς ἐπινενεμημένοι τὸν βίον. </p>
+ <p rend="align(indent)">Διόνυσος γὰρ κατελθεῖν εἰς Ἅιδου γλιχόμενος ἠγνόει τὴν ὁδόν, ὑπισχνεῖται δ’ αὐτῷ φράσειν <add>τις</add>,<note xml:lang="mul"> <add>τις</add> inserted by Dindorf.</note> Πρόσυμνος τοὔνομα, οὐκ <pb xml:id="pg.30_alt" type="margin"
+ /> ἀμισθί· ὁ δὲ μισθὸς οὐ καλός, ἀλλὰ Διονύσῳ καλός· καὶ ἀφροδίσιος ἦν ἡ χάρις, ὁ μισθὸς ὃν ᾐτεῖτο Διόνυσος· βουλομένῳ δὲ τῷ θεῷ γέγονεν ἡ αἴτησις, καὶ δὴ ὑπισχνεῖται παρέξειν αὐτῷ, εἰ ἀναζεύξοι, ὅρκῳ πιστωσάμενος τὴν ὑπόσχεσιν. μαθὼν ἀπῆρεν· ἐπανῆλθεν αὖθις· οὐ καταλαμβάνει τὸν Πρόσυμνον ʽἐτεθνήκει γάῤ· ἀφοσιούμενος τῷ ἐραστῇ ὁ Διόνυσος ἐπὶ τὸ μνημεῖον ὁρμᾷ καὶ πασχητιᾷ. κλάδον οὖν συκῆς, ὡς ἔτυχεν, ἐκτεμὼν ἀνδρείου μορίου σκευάζεται τρόπον ἐφέζεταί τε τῷ κλάδῳ, τὴν ὑπόσχεσιν ἐκτελῶν τῷ νεκρῷ. ὑπόμνημα τοῦ πάθους τούτου μυστικὸν φαλλοὶ κατὰ πόλεις ἀνίστανται Διονύσῳ· <q>εἰ μὴ γὰρ Διονύσῳ πομπὴν ἐποιοῦντο καὶ ὕμνεον ᾆσμα<note xml:lang="mul">ᾅσματα Heinsius: Stählin. ᾅσματα, ἃ Dindorf.</note> αἰδοίοισιν, ἀναιδέστατα εἴργαστ’ ἄν,<note xml:lang="mul">εἴργαστʼ ἄν Schlciermacher. εἴργασται MSS.</note></q> φησὶν Ἡράκλειτος, <q>ωὐτὸς δὲ Ἅιδης καὶ Διόνυσος, ὅτεῳ μαίνονται καὶ ληναΐζουσιν,</q> οὐ διὰ τὴν μέθην τοῦ σώματος, ὡς ἐγὼ οἶμαι, τοσοῦτον ὅσον διὰ τὴν ἐπονείδιστον τῆς ἀσελγείας ἱεροφαντίαν. </p>
+ <p rend="align(indent)">Εἰκότως ἄρα οἱ τοιοίδε ὑμῶν θεοὶ <add>δοῦλοι</add>,<note xml:lang="mul"> <add>δοῦλοι</add> inserted by Schwartz.</note> δοῦλοι παθῶν γεγονότες, ἀλλὰ καὶ πρὸ<note xml:lang="mul">πρὸ Münzel. πρὸς MSS.</note> τῶν Εἱλώτων 
+  <pb xml:id="p.74"/> καλουμένων τῶν παρὰ Λακεδαιμονίοις δούλειον ὑπεισῆλθεν ζυγὸν Ἀπόλλων Ἀδμήτῳ ἐν Φεραῖς, Ἡρακλῆς ἐν Σάρδεσιν Ὀμφάλῃ, Λαομέδοντι δ’ ἐθήτευε Ποσειδῶν καὶ Ἀπόλλων, καθάπερ ἀχρεῖος οἰκέτης, μηδὲ ἐλευθερίας δήπουθεν δυνηθεὶς τυχεῖν παρὰ τοῦ προτέρου δεσπότου· τότε καὶ τὰ Ἰλίου τείχη ἀνῳκοδομησάτην τῷ Φρυγί. Ὅμηρος δὲ τὴν Ἀθηνᾶν οὐκ αἰσχύνεται παραφαίνειν λέγων τῷ Ὀδυσσεῖ <q>χρύσεον λύχνον ἔχουσαν</q> ἐν χεροῖν· τὴν δὲ Ἀφροδίτην ἀνέγνωμεν, οἷον ἀκόλαστόν τι θεραπαινίδιον, παραθεῖναι φέρουσαν τῇ Ἑλένῃ τὸν δίφρον τοῦ μοιχοῦ κατὰ πρόσωπον, ὅπως αὐτὸν εἰς συνουσίαν ὑπαγάγηται. Πανύασσις γὰρ πρὸς τούτοις καὶ ἄλλους παμπόλλους ἀνθρώποις λατρεῦσαι θεοὺς ἱστορεῖ ὧδέ πως γράφων· <quote rend="blockquote">τλῆ μὲν Δημήτηρ, τλῆ δὲ κλυτὸς Ἀμφιγυήεις, <l/>τλῆ δὲ Ποσειδάων, τλῆ δ’ ἀργυρότοξος Ἀπόλλων <l/>ἀνδρὶ παρὰ θνητῷ θητευέμεν<note xml:lang="mul">θητευέμεν Sylburg. θητευσέμεν MSS.</note> εἰς ἐνιαυτόν· <l/>τλῆ δὲ καὶ<note xml:lang="mul">καὶ inserted by Sylburg.</note> ὀβριμόθυμος Ἄρης ὑπὸ πατρὸς ἀνάγκης,</quote> καὶ τὰ ἐπὶ τούτοις. </p>
+  <p rend="align(indent)">Τούτοις οὖν εἰκότως ἕπεται τοὺς ἐρωτικοὺς ὑμῶν <pb xml:id="pg.31_alt" type="margin"/> καὶ παθητικοὺς τούτους θεοὺς ἀνθρωποπαθεῖς ἐκ παντὸς εἰσάγειν τρόπου. <q>καὶ γάρ θην κείνοις θνητὸς χρώς.</q> τεκμηριοῖ δὲ Ὅμηρος, μάλα ἀκριβῶς Ἀφροδίτην ἐπὶ τῷ τραύματι παρεισάγων ὀξὺ καὶ μέγα ἰάχουσαν αὐτόν τε τὸν πολεμικώτατον Ἄρη ὑπὸ τοῦ Διομήδους κατὰ τοῦ κενεῶνος οὐτασμένον διηγούμενος. Πολέμων δὲ καὶ τὴν Ἀθηνᾶν 
+   <pb xml:id="p.76"/> ὑπὸ Ὀρνύτου τρωθῆναι λέγει· ναὶ μὴν καὶ τὸν Ἀιδωνέα ὑπὸ Ἡρακλέους τοξευθῆναι Ὅμηρος λέγει καὶ τὸν Ἥλιον <del>Αὐγέαν</del><note xml:lang="mul">τὸν Ἥλιον <del>Αὐγέαν</del> Schwartz. τὸν ἠλεῖον αὐγέαν MSS.</note> Πανύασσις ἱστορεῖ. ἤδη δὲ καὶ τὴν Ἥραν τὴν ζυγίαν ἱστορεῖ ὑπὸ τοῦ αὐτοῦ Ἡρακλέους ὁ αὐτὸς οὗτος Πανύασσις <q>ἐν Πύλῳ ἠμαθόεντι.</q> Σωσίβιος δὲ καὶ τὸν Ἡρακλέα πρὸς τῶν Ἱπποκοωντιδῶν κατὰ τῆς χειρὸς οὐτασθῆναι λέγει. εἰ δὲ<note xml:lang="mul">δὲ Mayor. δὴ MSS.</note> τραύματα, καὶ αἵματα· οἱ γὰρ ἰχῶρες οἱ ποιητικοὶ εἰδεχθέστεροι καὶ τῶν αἱμάτων, σῆψις γὰρ αἵματος ἰχὼρ νοεῖται. ἀνάγκη τοίνυν θεραπείας καὶ τροφὰς παρεισάγειν αὐτοῖς, ὧν εἰσιν ἐνδεεῖς. διὸ τράπεζαι καὶ μέθαι καὶ γέλωτες καὶ συνουσίαι, οὐκ ἂν ἀφροδισίοις χρωμένων ἀνθρωπίνοις<note xml:lang="mul">ἀνθρωπίνοις Reinkens. ἀνθρώποις MSS.</note> οὐδὲ παιδοποιουμένων οὐδὲ μὴν ὑπνωσσόντων, εἰ ἀθάνατοι καὶ ἀνενδεεῖς καὶ ἀγήρῳ<note xml:lang="mul">ἀγήρῳ Potter. ἀγήρως MSS.</note> ὑπῆρχον. μετέλαβεν δὲ καὶ τραπέζης ἀνθρωπίνης παρὰ τοῖς Αἰθίοψιν, ἀπανθρώπου δὲ καὶ ἀθέσμου αὐτὸς ὁ Ζεὺς παρὰ Λυκάονι τῷ Ἀρκάδι ἑστιώμενος· ἀνθρωπείων γοῦν ἐνεφορεῖτο σαρκῶν οὐχ ἑκών. ἠγνόει γὰρ ὁ θεὸς ὡς ἄρα Λυκάων ὁ Ἀρκὰς ὁ ἑστιάτωρ αὐτοῦ τὸν παῖδα κατασφάξας τὸν αὑτοῦ ʽΝύκτιμος ὄνομα αὐτᾦ παραθείη ὄψον τῷ Διί. καλός γε ὁ Ζεὺς ὁ μαντικός, ὁ ξένιος, ὁ ἱκέσιος, ὁ 
+   <pb xml:id="p.78"/> μειλίχιος, ὁ πανομφαῖος, ὁ προστροπαῖος· μᾶλλον δὲ <add>ὁ</add><note xml:lang="mul"> <add>ὁ</add> inserted by Sylburg.</note> ἄδικος, ὁ ἄθεσμος, ὁ ἄνομος, ὁ ἀνόσιος, ὁ ἀπάνθρωπος, ὁ βίαιος, ὁ φθορεύς, ὁ μοιχός, ὁ ἐρωτικός. ἀλλὰ τότε μὲν ἦν, ὅτε τοιοῦτος ἦν, ὅτε ἄνθρωπος ἦν, νῦν δὲ ἤδη μοι δοκοῦσι καὶ οἱ μῦθοι ὑμῖν γεγηρακέναι. δράκων ὁ Ζεὺς οὐκέτι, οὐ κύκνος ἐστίν, οὐκ ἀετός, οὐκ ἄνθρωπος ἐρωτικός· οὐχ ἵπταται θεός, οὐ παιδεραστεῖ, οὐ φιλεῖ, οὐ βιάζεται, καίτοι πολλαὶ καὶ καλαὶ καὶ νῦν ἔτι γυναῖκες καὶ Λήδας εὐπρεπέστεραι καὶ Σεμέλης ἀκμαιότεραι, μειράκια δὲ ὡραιότερα καὶ πολιτικώτερα τοῦ Φρυγίου βουκόλου. ποῦ νῦν ἐκεῖνος ὁ ἀετός; ποῦ δὲ ὁ κύκνος; ποῦ δὲ αὐτὸς <pb xml:id="pg.32_alt" type="margin"/> ὁ Ζεύς; γεγήρακε μετὰ τοῦ πτεροῦ· οὐ γὰρ δήπου μετανοεῖ τοῖς ἐρωτικοῖς οὐδὲ παιδεύεται σωφρονεῖν. γυμνοῦται δὲ ὑμῖν ὁ μῦθος· ἀπέθανεν ἡ Λήδα, ἀπέθανεν ὁ κύκνος, ἀπέθανεν ὁ ἀετός. ζήτει σου τὸν Δία· μὴ τὸν οὐρανόν, ἀλλὰ τὴν γῆν πολυπραγμόνει. ὁ Κρής σοι διηγήσεται, παρ’ ᾧ καὶ τέθαπται, Καλλίμαχος ἐν ὕμνοις <quote rend="blockquote"><l rend="align(indent)"/>καὶ γὰρ τάφον, ὦ ἄνα, σεῖο <l/>Κρῆτες ἐτεκτήναντο.</quote> τέθνηκε γὰρ ὁ Ζεὺς ʽμὴ δυσφόρεἰ ὡς Λήδα, ὡς κύκνος, ὡς ἀετός, ὡς ἄνθρωπος ἐρωτικός, ὡς δράκων. </p>
+<pb xml:id="p.80"/> 
+ <p rend="align(indent)">Ἤδη δὲ καὶ αὐτοὶ φαίνονται οἱ δεισιδαίμονες ἄκοντες μέν, ὅμως δ’ οὖν συνιέντες τὴν πλάνην τὴν περὶ τοὺς θεούς· <quote rend="blockquote">οὐ γὰρ ἀπὸ δρυός εἰσι παλαιφάτου οὐδ’ ἀπὸ πέτρης,</quote> ἀλλ’ ἀνδρῶν γένος εἰσί, μικρὸν δὲ ὕστερον καὶ δρύες ὄντες εὑρεθήσονται καὶ πέτραι. Ἀγαμέμνονα γοῦν τινα Δία ἐν Σπάρτῃ τιμᾶσθαι Στάφυλος ἱστορεῖ· Φανοκλῆς δὲ ἐν Ἔρωσιν ἢ<note xml:lang="mul">ἢ Leopardus. τοῖς Sylburg. τῖε MSS.</note> Καλοῖς Ἀγαμέμνονα τὸν Ἑλλήνων βασιλέα Ἀργύννου νεὼν Ἀφροδίτης ἵστασθαι ἐπ’ Ἀργύννῳ τῷ ἐρωμένῳ. Ἄρτεμιν δὲ Ἀρκάδες Ἀπαγχομένην καλουμένην προστρέπονται, ὥς φησι Καλλίμαχος ἐν Αἰτίοις. καὶ Κονδυλῖτις ἐν Μηθύμνῃ ἑτέρα τετίμηται Ἄρτεμις. ἔστι δὲ καὶ Ποδάγρας ἄλλης Ἀρτέμιδος ἐν τῇ Λακωνικῇ ἱερόν, ὥς φησι Σωσίβιος. Πολέμων δὲ Κεχηνότος Ἀπόλλωνος οἶδεν ἄγαλμα, καὶ Ὀψοφάγου <pb xml:id="pg.33_alt" type="margin"/> πάλιν Ἀπόλλωνος ἄλλο ἐν Ἤλιδι τιμώμενον. ἐνταῦθα Ἀπομυίῳ Διὶ θύουσιν Ἠλεῖοι· Ῥωμαῖοι δὲ Ἀπομυίῳ Ἡρακλεῖ καὶ Πυρετῷ δὲ 
+  <pb xml:id="p.82"/> καὶ Φόβῳ θύουσιν, οὓς καὶ αὐτοὺς μετὰ τῶν ἀμφὶ τὸν Ἡρακλέα ἐγγράφουσιν. ἐῶ δὲ Ἀργείους· Ἀφροδίτην Τυμβωρύχον θρῃσκεύουσιν Ἀργεῖοι καὶ Λάκωνες,<note xml:lang="mul">καὶ Λάκωνες placed by Stählin after Ἀργείους (1. 2).</note> καὶ Χελύτιδα δὲ Ἄρτεμιν Σπαρτιᾶται σέβουσιν· ἐπεὶ τὸ βήττειν χελύττειν καλοῦσιν. </p>
+ <p rend="align(indent)">Οἴει ποθὲν παρέγγραπτα<note xml:lang="mul">ποθὲν παρέγγραπτα Stählin. πόθεν παραγέγραπται MSS.</note> ταῦτά σοι κομίζεσθαι τὰ ὑφ’ ἡμῶν παρατιθέμενα; οὐδὲ τοὺς σοὺς γνωρίζειν ἔοικας συγγραφεῖς, οὓς ἐγὼ μάρτυρας ἐπὶ τὴν σὴν ἀπιστίαν καλῶ, ἀθέου χλεύης, ὦ δείλαιοι, τὸν πάντα ὑμῶν ἀβίωτον ὄντως βίον ἐμπεπληκότας.<note xml:lang="mul">ἐμπεπληκότας Stählin. ἐμπεπληκότες MSS.</note> οὐχὶ μέντοι Ζεὺς φαλακρὸς ἐν Ἄργει, τιμωρὸς δὲ ἄλλος ἐν Κύπρῳ τετίμησθον<note xml:lang="mul">τετίμησθον Sylburg. τετιμήσθων MSS.</note>; οὐχὶ δὲ Ἀφροδίτῃ περιβασοῖ<note xml:lang="mul">περιβασοῖ Dindorf. περιβασίῃ MSS.</note> μὲν Ἀργεῖοι, ἑταίρᾳ δὲ Ἀθηναῖοι καὶ καλλιπύγῳ<note xml:lang="mul">καλλιπύγῳ Sylburg. καλλιπύγῳ MSS.</note> θύουσιν Συρακούσσιοι, ἣν Νίκανδρος ὁ ποιητὴς <q>καλλίγλουτόν</q> που κέκληκεν; Διόνυσον δὲ ἤδη σιωπῶ τὸν χοιροψάλαν· Σικυώνιοι τοῦτον προσκυνοῦσιν ἐπὶ τῶν γυναικείων τάξαντες τὸν Διόνυσον μορίων, ἔφορον αἴσχους τὸν ὕβρεως σεβάζοντες ἀρχηγόν. τοιοίδε μὲν αὐτοῖς οἱ θεοί, τοιοίδε καὶ αὐτοί, παίζοντες ἐν θεοῖς, μᾶλλον δὲ ἐμπαίζοντες καὶ ἐνυβρίζοντες σφίσιν αὐτοῖς. καὶ πόσῳ βελτίους Αἰγύπτιοι κωμηδὸν καὶ κατὰ πόλεις τὰ ἄλογα τῶν ζῴων ἐκτετιμηκότες ἤπερ Ἕλληνες τοιούτους προσκυνοῦντες θεούς; τὰ μὲν γὰρ εἰ καὶ θηρία, ἀλλ’ οὐ μοιχικά, ἀλλ’ οὐ μάχλα, παρὸ φύσιν δὲ θηρεύει ἡδονὴν οὐδὲ ἕν. οἱ δὲ ὁποῖοι. 
+<pb xml:id="p.84"/> τί καὶ χρὴ λέγειν ἔτι, ἀποχρώντως αὐτῶν διεληλεγμένων; </p>
+  <p rend="align(indent)">Ἀλλ’ οὖν γε Αἰγύπτιοι, ὧν νῦν δὴ ἐμνήσθην, κατὰ τὰς θρῃσκείας <pb xml:id="pg.34_alt" type="margin"/> τὰς σφῶν ἐσκέδανται· σέβουσι δὲ αὐτῶν Συηνῖται<note xml:lang="mul">Σνηνῖται Ortelius and Canter (in Sylburg). εὐηνῖται MSS.</note> φάγρον τὸν ἰχθύν, μαιώτην δὲ ʽἄλλος<note xml:lang="mul">ἄλλος Potter. ὃς ἄλλος MSS.</note> οὗτος ἰχθύσ̓ οἱ τὴν Ἐλεφαντίνην οἰκοῦντες, Ὀξυρυγχῖται τὸν φερώνυμον τῆς χώρας αὐτῶν ὁμοίως ἰχθύν, ἔτι γε μὴν Ἡρακλεοπολῖται ἰχνεύμονα, Σαῗται δὲ καὶ Θηβαῖοι πρόβατον, Λυκοπολῖται δὲ λύκον, Κυνοπολασῖται δὲ κύνα, τὸν Ἆπιν Μεμφῖται, Μενδήσιοι τὸν τράγον. ὑμεῖς δὲ οἱ πάντ’ ἀμείνους Αἰγυπτίων ʽὀκνῶ δὲ εἰπεῖν χείρουσ̓, οἳ τοὺς Αἰγυπτίους ὁσημέραι γελῶντες οὐ παύεσθε,<note xml:lang="mul">παύεσθε Heinsius. παύσεσθε MSS.</note> ποῖοί<note xml:lang="mul">ποῖοί Wilamowitz. ὁποῖοί MSS.</note> τινες καὶ περὶ τὰ ἄλογα ζῷα; Θεσσαλοὶ μὲν ὑμῶν τοὺς πελαργοὺς τετιμήκασι διὰ τὴν συνήθειαν, Θηβαῖοι δὲ τὰς γαλᾶς διὰ τὴν Ἡρακλέους γένεσιν. τί δὲ πάλιν Θετταλοί; μύρμηκας ἱστοροῦνται σέβειν, ἐπεὶ τὸν Δία μεμαθήκασιν ὁμοιωθέντα μύρμηκι τῇ Κλήτορος θυγατρὶ Εὐρυμεδούσῃ μιγῆναι καὶ Μυρμιδόνα γεννῆσαι· Πολέμων δὲ τοὺς ἀμφὶ τὴν Τρωάδα κατοικοῦντας ἱστορεῖ τοὺς ἐπιχωρίους μῦς <add>σέβειν</add>,<note xml:lang="mul"> <add>σέβειν</add> inserted by Dindorf.</note> οὓς σμίνθους καλοῦσιν, ὅτι τὰς νευρὰς 
+<pb xml:id="p.86"/> τῶν πολεμίων διέτρωγον τῶν τόξων· καὶ Σμίνθιον Ἀπόλλωνα ἀπὸ τῶν μυῶν ἐκείνων ἐπεφήμισαν. Ἡρακλείδης δὲ ἐν Κτίσεσιν ἱερῶν περὶ τὴν Ἀκαρνανίαν φησίν, ἔνθα τὸ Ἄκτιόν ἐστιν ἀκρωτήριον καὶ τοῦ Ἀπόλλωνος τοῦ Ἀκτίου τὸ ἱερόν, ταῖς μυίαις προθύεσθαι βοῦν. οὐδὲ μὴν Σαμίων ἐκλήσομαι ʽπρόβατον, ὥς φησιν Εὐφορίων, σέβουσι Σάμιοἰ οὐδέ γε τῶν τὴν Φοινίκην Σύρων <pb xml:id="pg.35_alt" type="margin"/> κατοικούντων, ὧν οἱ μὲν τὰς περιστεράς, οἱ δὲ τοὺς ἰχθῦς οὕτω σέβουσι περιττῶς ὡς Ἠλεῖοι τὸν Δία. </p>
+  <p rend="align(indent)">Εἶεν δή· ἐπειδὴ οὐ θεοί, οὓς θρῃσκεύετε, αὖθις ἐπισκέψασθαί μοι δοκεῖ εἰ ὄντως εἶεν δαίμονες, δευτέρᾳ ταύτῃ, ὡς ὑμεῖς φατέ, ἐγκαταλεγόμενοι τάξει. εἰ γὰρ οὖν δαίμονες, λίχνοι τε καὶ μιαροί. ἔστι μὲν ἐφευρεῖν καὶ ἀναφανδὸν οὕτω κατὰ πόλεις δαίμονας ἐπιχωρίους τιμὴν ἐπιδρεπομένους, παρὰ Κυθνίοις Μενέδημον, παρὰ Τηνίοις Καλλισταγόραν, παρὰ Δηλίοις Ἄνιον, παρὰ Λάκωσιν Ἀστράβακον. τιμᾶται δέ τις καὶ Φαληροῖ κατὰ πρύμναν ἥρως· καὶ ἡ Πυθία συνέταξε θύειν Πλαταιεῦσιν Ἀνδροκράτει καὶ Δημοκράτει καὶ Κυκλαίῳ καὶ Λεύκωνι τῶν Μηδικῶν ἀκμαζόντων ἀγώνων. ἔστι καὶ 
+   <pb xml:id="p.88"/> ἄλλους παμπόλλους συνιδεῖν δαίμονας τῷ γε καὶ σμικρὸν διαθρεῖν δυναμένῳ· <quote rend="blockquote">τρὶς γὰρ μύριοί εἰσιν ἐπὶ χθονὶ πουλυβοτείρῃ <l/>δαίμονες ἀθάνατοι, φύλακες μερόπων ἀνθρώπων.</quote> τίνες εἰσὶν οἱ φύλακες, ὦ Βοιώτιε, μὴ φθονέσῃς λέγειν. ἢ δῆλον ὡς οὗτοι καὶ οἱ τούτων ἐπιτιμότεροι, οἱ μεγάλοι δαίμονες, ὁ Ἀπόλλων, ἡ Ἄρτεμις, ἡ Λητώ, ἡ Δημήτηρ, ἡ Κόρη, ὁ Πλούτων, ὁ Ἡρακλῆς, αὐτὸς ὁ Ζεύς. ἀλλ’ οὐκ ἀποδρᾶναι ἡμᾶς φυλάττουσιν, Ἀσκραῖε, μὴ ἁμαρτάνειν δὲ ἴσως, οἱ ἁμαρτιῶν δῆτα οὐ πεπειραμένοι. ἐνταῦθα δὴ τὸ παροιμιῶδες ἐπιφθέγξασθαι ἁρμόττει <quote rend="blockquote"><q>πατὴρ ἀνουθέτητα<note xml:lang="mul">ἀνουθέτητα Wilamowitz. ἀνουθέτητος MSS.</note> παῖδα νουθετεῖ.</q></quote> εἰ δ’ ἄρα καὶ εἰσὶ φύλακες οὗτοι, οὐκ εὐνοίᾳ τῇ πρὸς ἡμᾶς περιπαθεῖς, τῆς δὲ ὑμεδαπῆς ἀπωλείας ἐχόμενοι, κολάκων δίκην, ἐγχρίμπτονται τῷ βίῳ, δελεαζόμενοι καπνῷ. αὐτοί που ἐξομολογοῦνται οἱ δαίμονες τὴν γαστριμαργίαν τὴν αὑτῶν, <quote rend="blockquote">λοιβῆς τε κνίσης τε· τὸ γὰρ λάχομεν γέρας ἡμεῖς,</quote> <pb xml:id="pg.36_alt" type="margin"/> λέγοντες. τίνα δ’ ἂν φωνὴν ἄλλην, εἰ φωνὴν λάβοιεν Αἰγυπτίων θεοί, οἷα αἴλουροι καὶ γαλαῖ, προήσονται ἢ τὴν Ὁμηρικήν τε καὶ ποιητικήν, τῆς κνίσης τε καὶ ὀψαρτυτικῆς φίλην; τοιοίδε μέντοι παρ’ ὑμῖν οἵ τε δαίμονες καὶ οἱ θεοὶ καὶ εἴ τινες 
+<pb xml:id="p.90"/> ἡμίθεοι ὥσπερ ἡμίονοι κέκληνται· οὐδὲ γὰρ οὐδὲ ὀνομάτων ὑμῖν πενία πρὸς τὰς τῆς ἀσεβείας συνθέσεις. </p>
+</div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="3">
+ <p rend="allign(indent)"> Φέρε δὴ οὖν καὶ τοῦτο προσθῶμεν, ὡς ἀπάνθρωποι καὶ μισάνθρωποι δαίμονες εἶεν ὑμῶν οἱ θεοὶ καὶ οὐχὶ μόνον ἐπιχαίροντες τῇ φρενοβλαβείᾳ τῶν ἀνθρώπων, πρὸς δὲ καὶ ἀνθρωποκτονίας ἀπολαύοντες· νυνὶ μὲν τὰς ἐν σταδίοις ἐνόπλους φιλονεικίας, νυνὶ δὲ τὰς ἐν πολέμοις ἀναρίθμους φιλοτιμίας ἀφορμὰς σφίσιν ἡδονῆς ποριζόμενοι, ὅπως ὅτι μάλιστα ἔχοιεν ἀνθρωπείων ἀνέδην ἐμφορεῖσθαι φόνων· ἤδη δὲ κατὰ πόλεις καὶ ἔθνη, οἱονεὶ λοιμοὶ ἐπισκήψαντες, σπονδὰς ἀπῄτησαν ἀνημέρους. Ἀριστομένης γοῦν ὁ Μεσσήνιος τῷ Ἰθωμήτῃ Διὶ τριακοσίους ἀπέσφαξεν, τοσαύτας ὁμοῦ καὶ τοιαύτας καλλιερεῖν οἰόμενος ἑκατόμβας· ἐν οἷς καὶ Θεόπομπος ἦν <add>ὁ</add><note xml:lang="mul"> <add>ὁ</add> inserted from Eusebius, Praep. Ev. iv. 16.</note> Λακεδαιμονίων βασιλεύς, ἱερεῖον εὐγενές. Ταῦροι δὲ τὸ ἔθνος, οἱ περὶ τὴν Ταυρικὴν χερρόνησον κατοικοῦντες, οὓς ἂν τῶν
+  <pb xml:id="p.92"/> ξένων παρ’ αὐτοῖς ἕλωσι, τούτων δὴ τῶν κατὰ θάλατταν ἐπταικότων, αὐτίκα μάλα τῇ Ταυρικῇ καταθύουσιν Ἀρτέμιδι· ταύτας σου τὰς θυσίας Εὐριπίδης ἐπὶ σκηνῆς τραγῳδεῖ. Μόνιμος δ’ ἱστορεῖ ἐν τῇ τῶν θαυμασίων συναγωγῇ ἐν Πέλλῃ τῆς Θετταλίας Ἀχαιὸν ἄνθρωπον Πηλεῖ καὶ Χείρωνι καταθύεσθαι· Λυκτίους<note xml:lang="mul">Λυκτίους from Eusebius. λυκίους MSS.</note> γὰρ (Κρητῶν δὲ ἔθνος εἰσὶν οὗτοι<note xml:lang="mul">οὗτοι from Eusebius. οὕτως MSS.</note>) Ἀντικλείδης ἐν Νόστοις ἀποφαίνεται ἀνθρώπους ἀποσφάττειν τῷ Διί, καὶ Λεσβίους Διονύσῳ τὴν ὁμοίαν προσάγειν θυσίαν Δωσίδας λέγει· Φωκαεῖς δέ ʽοὐδὲ γὰρ αὐτοὺς παραπέμψομαἰ—τούτους Πυθοκλῆς ἐν τρίτῳ Περὶ <pb xml:id="pg.37_alt" type="margin"/> ὁμονοίας τῇ Ταυροπόλῳ Ἀρτέμιδι ἄνθρωπον ὁλοκαυτεῖν<note xml:lang="mul">ὁλοκαυτεῖν from Eusebius. ὁλοκαεῖν MSS.</note> ἱστορεῖ. Ἐρεχθεὺς δὲ ὁ ʼΛττικὸς καὶ Μάριος ὁ Ῥωμαῖος τὰς αὑτῶν ἐθυσάτην θυγατέρας· ὧν ὁ μὲν τῇ Φερεφάττῃ, ὡς Δημάρατος ἐν πρώτῃ Τραγῳδουμένων, ὁ δὲ τοῖς Ἀποτροπαίοις, ὁ Μάριος, ὡς Δωρόθεος ἐν τῇ τετάρτῃ Ἰταλικῶν ἱστορεῖ. </p>
+ <p rend="align(indent)">Φιλάνθρωποί γε ἐκ τούτων καταφαίνονται οἱ δαίμονες· πῶς δὲ οὐχ ὅσιοι ἀναλόγως οἱ δεισιδαίμονες; οἱ μὲν σωτῆρες εὐφημούμενοι, οἱ δὲ σωτηρίαν αἰτούμενοι παρὰ τῶν ἐπιβούλων σωτηρίας. καλλιερεῖν γοῦν τοπάζοντες αὐτοῖς σφᾶς 
+  <pb xml:id="p.94"/> αὐτοὺς λελήθασιν ἀποσφάττοντες ἀνθρώπους. οὐ γὰρ οὖν παρὰ τὸν τόπον ἱερεῖον γίνεται ὁ φόνος, οὐδ’ εἰ Ἀρτέμιδί τις καὶ Διὶ ἐν ἱερῷ δῆθεν χωρίῳ μᾶλλον ἢ ὀργῇ καὶ φιλαργυρίᾳ, ἄλλοις ὁμοίοις δαίμοσιν, ἐπὶ βωμοῖς ἢ ἐν ὁδοῖς ἀποσφάττοι τὸν ἄνθρωπον, <del>ἱερὸν</del><note xml:lang="mul"> <del>ἱερὸν</del> Wilamowitz. <del>ἱερεῖον</del> Potter.</note> ἱερεῖον ἐπιφημίσας, ἀλλὰ φόνος ἐστὶ καὶ ἀνδροκτασία ἡ τοιαύτη θυσία. τί δὴ οὖν, ὦ σοφώτατοι τῶν ἄλλων ζῴων ἄνθρωποι, τὰ μὲν θηρία περιφεύγομεν τὰ ἀνήμερα, κἄν που περιτύχωμεν ἄρκῳ ἢ λέοντι, ἐκτρεπόμεθα, <quote rend="blockquote">ὡς δ’ ὅτε τίς τε δράκοντα ἰδὼν παλίνορσος ἀπέστη <l/>οὔρεος ἐν βήσσῃς, ὑπό τε τρόμος ἔλλαβε γυῖα, <l/>ἄψ τ’ ἀνεχώρησεν·</quote> δαίμονας δὲ ὀλεθρίους καὶ ἀλιτηρίους ἐπιβούλους τε καὶ μισανθρώπους καὶ λυμεῶνας ὄντας προαισθόμενοι καὶ συνιέντες οὐκ ἐκ <pb xml:id="pg.38_alt" type="margin"/> τρέπεσθε οὐδὲ ἀποστρέφεσθε; τί δ’ ἂν καὶ ἀληθεύσαιεν οἱ κακοί, ἢ τίνα ἂν ὠφελήσαιεν; αὐτίκα γοῦν ἔχω σοι βελτίονα τῶν ὑμεδαπῶν τούτων θεῶν, τῶν δαιμόνων, ἐπιδεῖξαι τὸν ἄνθρωπον, τοῦ Ἀπόλλωνος τοῦ μαντικοῦ τὸν Κῦρον καὶ τὸν Σόλωνα. φιλόδωρος ὑμῶν ὁ Φοῖβος, ἀλλ’ οὐ φιλάνθρωπος. προὔδωκε τὸν Κροῖσον τὸν φίλον καὶ τοῦ μισθοῦ ἐκλαθόμενος ʽοὕτω φιλόδοξος ἦν’ ἀνήγαγε τὸν Κροῖσον διὰ τοῦ Ἅλυος ἐπὶ τὴν πυράν. οὕτω φιλοῦντες οἱ δαίμονες ὁδηγοῦσιν εἰς τὸ πῦρ. ἀλλ̓, ὦ φιλανθρωπότερε καὶ ἀληθέστερε τοῦ Ἀπόλλωνος ἄνθρωπε, τὸν ἐπὶ τῆς πυρᾶς οἴκτειρον δεδεμένον, καὶ σὺ μέν, ὦ 
+  <pb xml:id="p.96"/> Σόλων, μάντευσαι τὴν ἀλήθειαν, σὺ δέ, ὦ Κῦρε, κέλευσον ἀποσβεσθῆναι τὴν πυράν. σωφρόνησον ὕστατον γοῦν, ὦ Κροῖσε, τῷ πάθει μεταμαθών· ἀχάριστός ἐστιν ὃν προσκυνεῖς, λαμβάνει τὸν μισθὸν καὶ μετὰ τὸ χρυσίον ψεύδεται πάλιν. τέλος ἄρα οὐχ ὁ δαίμων, ἀλλὰ ὁ ἄνθρωπός σοι λέγει. οὐ λοξὰ μαντεύεται Σόλων· τοῦτον εὑρήσεις<note xml:lang="mul">εὑρήσεις Canter. εὖ θήσεις MSS.</note> ἀληθῆ μόνον, ὦ βάρβαρε, τὸν χρησμόν· τοῦτον ἐπὶ τῆς πυρᾶς δοκιμάσεις. </p>
+ <p rend="align(indent)">Ὅθεν ἔπεισί μοι θαυμάζειν τίσι ποτὲ φαντασίαις ἀπαχθέντες οἱ πρῶτοι πεπλανημένοι δεισιδαιμονίαν ἀνθρώποις κατήγγειλαν, δαίμονας ἀλιτηρίους νομοθετοῦντες σέβειν, εἴτε Φορωνεὺς ἐκεῖνος ἦν εἴτε Μέροψ εἴτε ἄλλος τις, οἳ νεὼς καὶ βωμοὺς ἀνέστησαν αὐτοῖς, πρὸς δὲ καὶ θυσίας παραστῆσαι πρῶτοι μεμύθευνται. καὶ γὰρ δὴ καὶ κατὰ χρόνους ὕστερον ἀνέπλαττον θεούς, οἷς προσκυνοῖεν. ἀμέλει τὸν Ἔρωτα τοῦτον <add>τὸν</add><note xml:lang="mul"> <add>τὸν</add> inserted by Markland.</note> ἐν τοῖς πρεσβυτάτοις τῶν θεῶν εἶναι λεγόμενον ἐτίμα πρότερον οὐδὲ εἷς πρὶν ἢ Χάρμον μειράκιόν τι ἑλεῖν καὶ βωμὸν ἱδρύσασθαι ἐν Ἀκαδημίᾳ χαριστήριον<note xml:lang="mul">χαριστήριον Valckenaer; see Protrepticus 27 P. (p. 64 above) and 42 P. (p. 106). χαριέστερον MSS.</note> ἐπιτελοῦς γενομένης ἐπιθυμίας· καὶ τῆς νόσου τὴν ἀσέλγειαν Ἔρωτα κεκλήκασι, θεοποιοῦντες ἀκόλαστον ἐπιθυμίαν. Ἀθηναῖοι δὲ οὐδὲ τὸν Πᾶνα ᾔδεσαν ὅστις ἦν, <pb xml:id="pg.39_alt" type="margin"/> πρὶν ἢ Φιλιππίδην εἰπεῖν αὐτοῖς. </p>
+<pb xml:id="p.98"/> 
+ <p rend="align(indent)">Εἰκότως ἄρα ἀρχήν ποθεν ἡ δεισιδαιμονία λαβοῦσα κακίας ἀνοήτου γέγονε πηγή· εἶτα δὲ μὴ ἀνακοπεῖσα, ἀλλ’ εἰς ἐπίδοσιν ἐλθοῦσα καὶ πολλὴ δὴ ῥυεῖσα, δημιουργὸς πολλῶν καθίσταται δαιμόνων, ἑκατόμβας θύουσα καὶ πανηγύρεις ἐπιτελοῦσα καὶ ἀγάλματα ἀνιστᾶσα καὶ νεὼς ἀνοικοδομοῦσα, τοὺς<note xml:lang="mul">τοὺς Schwartz. οὕς MSS.</note> δή—οὐδὲ γὰρ οὐδὲ τούτους σιωπήσομαι, πρὸς δὲ καὶ αὐτοὺς ἐξελέγξω—νεὼς μὲν εὐφήμως ὀνομαζομένους, τάφους δὲ γενομένους <del>τουτέστι τοὺς τάφους νεὼς ἐπικεκλημένους</del>.<note xml:lang="mul"> <del>τουτέστι ... ἐπικεκλημένους</del> Markland.</note> ὑμεῖς δὲ ἀλλὰ κἂν νῦν δεισιδαιμονίας ἐκλάθεσθε, τοὺς τάφους τιμᾶν αἰσχυνόμενοι. ἐν τῷ νεῲ τῆς Ἀθηνᾶς ἐν Λαρίσῃ ἐν τῇ ἀκροπόλει τάφος ἐστὶν Ἀκρισίου, Ἀθήνησιν δὲ ἐν ἀκροπόλει Κέκροπος, ὥς φησιν Ἀντίοχος ἐν τῷ ἐνάτῳ τῶν Ἱστοριῶν. τί δὲ Ἐριχθόνιος; οὐχὶ ἐν τῷ νεῲ τῆς Πολιάδος κεκήδευται; Ἰμμάραδος<note xml:lang="mul">Ἰμμάραδοςs from Pausanias i. 5. 2, etc. ἴμμαρος MSS.</note> δὲ ὁ Εὐμόλπου καὶ Δαείρας οὐχὶ ἐν τῷ περιβόλῳ τοῦ Ἐλευσινίου τοῦ ὑπὸ τῇ ἀκροπόλει; αἱ δὲ Κελεοῦ θυγατέρες οὐχὶ ἐν Ἐλευσῖνι τετάφαται; τί σοι καταλέγω τὰς <add>ἐξ</add><note xml:lang="mul"> <add>ἑξ</add> from Eusebius, Praep. Ev. ii. 6.</note> Ὑπερβορέων γυναῖκας; Ὑπερόχη καὶ Λαοδίκη κέκλησθον, ἐν τῷ Ἀρτεμισίῳ ἐν Δήλῳ κεκήδευσθον, τὸ δὲ ἐν τῷ Ἀπόλλωνος τοῦ Δηλίου ἐστὶν ἱερῷ. Λεάνδριος δὲ Κλέοχον<note xml:lang="mul">Κλέοχον Müller from Arnobius vi. 6 and Apollodorus iii. 1. 2. κλέαρχον MSS.</note> ἐν Μιλήτῳ τεθάφθαι ἐν τῷ Διδυμαίῳ φησίν. ἐνταῦθα τῆς Λευκοφρύνης τὸ μνημεῖον οὐκ ἄξιον παρελθεῖν ἑπομένους Ζήνωνι τῷ Μυνδίῳ, ἣ ἐν τῷ ἱερῷ τῆς Ἀρτέμιδος ἐν <pb xml:id="pg.40_alt" type="margin"/> Μαγνησίᾳ κεκήδευται, οὐδὲ μὴν  <pb xml:id="p.100"/> τὸν ἐν Τελμησσῷ<note xml:lang="mul">Τελμησσῷ Stählin from Arnobius, and one MS. of Eusebius. τελμισσῷ MSS.</note> βωμὸν τοῦ Ἀπόλλωνος· μνῆμα εἶναι καὶ τοῦτον Τελμησσοῦ<note xml:lang="mul">Τελμησσοῦ Stählin. τελμισσοῦ MSS.</note> τοῦ μάντεως ἱστοροῦσιν. Πτολεμαῖος δὲ ὁ τοῦ Ἀγησάρχου ἐν τῷ <num n="1">α</num> τῶν περὶ τὸν Φιλοπάτορα ἐν Πάφῳ λέγει ἐν τῷ τῆς ʼΛφροδίτης ἱερῷ Κινύραν τε καὶ τοὺς Κινύρου ἀπογόνους κεκηδεῦσθαι. ἀλλὰ γὰρ ἐπιόντι μοι τοὺς προσκυνουμένους ὑμῖν τάφους <quote rend="blockquote">ἐμοὶ μὲν οὐδ’ ὁ πᾶς ἂν ἀρκέσαι<note xml:lang="mul">ἀρκέσαι from Eusebius. ἀρκέσῃ MSS.</note> χρόνος·</quote> ὑμᾶς δὲ εἰ μὴ ὑπεισέρχεταί τις αἰσχύνη τῶν τολμωμένων, νεκροὶ ἄρα τέλεον ὄντες νεκροῖς <del>ὄντως</del><note xml:lang="mul"> <del>ὄντως</del> Heyse.</note> πεπιστευκότες περιέρχεσθε· <quote rend="blockquote">ἆ δειλοί, τί κακὸν τόδε πάσχετε; νυκτὶ μὲν ὑμῶν <l/>εἰλύαται κεφαλαί. </quote></p> </div>
+ 
+ <div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="4"> 
+ <p>Εἰ δ’ ἔτι πρὸς τούτοις φέρων ὑμῖν τὰ ἀγάλματα αὐτὰ ἐπισκοπεῖν παραθείην, ἐπιόντες ὡς ἀληθῶς λῆρον εὑρήσετε τὴν συνήθειαν, <q>ἔργα χειρῶν ἀνθρώπων</q> ἀναίσθητα προστρεπόμενοι.<note xml:lang="mul">προστρεπόμενοι  Potter. προτρεπόμενοι MSS.</note> πάλαι μὲν οὖν οἱ Σκύθαι τὸν ἀκινάκην, οἱ Ἄραβες τὸν λίθον, οἱ Πέρσαι τὸν ποταμὸν προσεκύνουν, καὶ τῶν 
+  <pb xml:id="p.102"/> ἄλλων ἀνθρώπων οἱ ἔτι παλαιότεροι ξύλα ἱδρύοντο περιφανῆ καὶ κίονας ἵστων ἐκ λίθων· ἃ δὴ καὶ ξόανα προσηγορεύετο διὰ τὸ ἀπεξέσθαι τῆς ὕλης. ἀμέλει ἐν Ἰκάρῳ τῆς Ἀρτέμιδος τὸ ἄγαλμα ξύλον ἦν οὐκ εἰργασμένον, καὶ τῆς Κιθαιρωνίας Ἥρας ἐν Θεσπείᾳ πρέμνον ἐκκεκομμένον· καὶ τὸ τῆς Σαμίας Ἥρας, ὥς φησιν Ἀέθλιος, πρότερον μὲν ἦν σανίς, ὕστερον δὲ ἐπὶ Προκλέους ἄρχοντος ἀνδριαντοειδὲς ἐγένετο. ἐπεὶ δὲ ἀνθρώποις <pb xml:id="pg.41_alt" type="margin"/> ἀπεικονίζεσθαι τὰ ξόανα ἤρξατο, βρέτη τὴν ἐκ βροτῶν ἐπωνυμίαν ἐκαρπώσατο. ἐν Ῥώμῃ δὲ τὸ παλαιὸν δόρυ φησὶ γεγονέναι τοῦ Ἄρεως τὸ ξόανον Οὐάρρων ὁ συγγραφεύς, οὐδέπω τῶν τεχνιτῶν ἐπὶ τὴν εὐπρόσωπον ταύτην κακοτεχνίαν ὡρμηκότων. ἐπειδὴ δὲ ἤνθησεν ἡ τέχνη, ηὔξησεν ἡ πλάνη. Ὡς μὲν οὖν τοὺς λίθους καὶ τὰ ξύλα καὶ συνελόντι φάναι τὴν ὕλην ἀγάλματα ἀνδρείκελα ἐποιήσαντο, οἷς ἐπιμορφάζετε εὐσέβειαν συκοφαντοῦντες τὴν ἀλήθειαν, ἤδη μὲν αὐτόθεν δῆλον· οὐ μὴν ἀλλὰ καὶ ἀποδείξεως ποσῆς ἐπιδεομένου τοῦ τόπου οὐ παραιτητέον. τὸν μὲν οὖν Ὀλυμπίασι Δία καὶ τὴν Ἀθήνησι Πολιάδα ἐκ χρυσοῦ καὶ ἐλέφαντος κατασκευάσαι Φειδίαν παντί που σαφές· τὸ δὲ ἐν Σάμῳ τῆς Ἥρας ξόανον Σμίλιδι τῷ<note xml:lang="mul">Σμίλιδι τῷ  Cobet. σμιλῇ τῇ MSS.</note> Εὐκλείδου πεποιῆσθαι Ὀλύμπιχος ἐν Σαμιακοῖς ἱστορεῖ. μὴ οὖν ἀμφιβάλλετε, εἰ τῶν Σεμνῶν Ἀθήνησι καλουμένων 
+  <pb xml:id="p.104"/> θεῶν τὰς μὲν δύο Σκόπας ἐποίησεν ἐκ τοῦ καλουμένου λυχνέως λίθου, Κάλως δὲ τὴν μέσην αὐταῖν· ἱστοροῦντα ἔχω σοι<note xml:lang="mul">τὴν μέσην. . σοι Jahn. ἣν μέσην αὐταῖν ἱστοροῦνται ἔχουσαι MSS.</note> Πολέμωνα δεικνύναι ἐν τῇ τετάρτῃ τῶν πρὸς Τίμαιον· μηδ’ εἰ<note xml:lang="mul">μηδʼ εἰ Münzel. μηδὲ MSS.</note> τὰ ἐν Πατάροις τῆς Λυκίας ἀγάλματα Διὸς καὶ Ἀπόλλωνος Φειδίας πάλιν ἐκεῖνος<note xml:lang="mul">ἐκεῖνος Wilamowitz. ἐκεῖνα MSS.</note> <del>τὰ ἀγάλματα</del><note xml:lang="mul"> <del>τὰ ἀγάλματα</del> Stählin. <del>πάλιν . . ἀγάλματα</del> Heyse.</note> καθάπερ τοὺς λέοντας τοὺς σὺν αὐτοῖς ἀνακειμένους εἴργασται· εἰ δέ, ὥς φασί τινες, Βρυάξιος ἡ<note xml:lang="mul">ἡ Wilamowitz. ἦν MSS.</note> τέχνη, οὐ διαφέρομαι· ἔχεις καὶ τοῦτον ἀγαλματουργόν· ὁπότερον αὐτοῖν βούλει ἐπίγραφε. καὶ μὴν Τελεσίου τοῦ Ἀθηναίου, ὥς φησι Φιλόχορος, ἔργον εἰσὶν ἀγάλματα ἐννεαπήχη Ποσειδῶνος καὶ Ἀμφιτρίτης ἐν Τήνῳ προσκυνούμενα. Δημήτριος γὰρ ἐν δευτέρῳ τῶν Ἀργολικῶν τοῦ ἐν Τίρυνθι τῆς Ἥρας ξοάνου καὶ τὴν ὕλην ὄγχνην καὶ τὸν ποιητὴν Ἄργον ἀναγράφει. πολλοὶ δ’ ἂν τάχα που θαυμάσειαν, εἰ μάθοιεν τὸ Παλλάδιον τὸ διοπετὲς καλούμενον, <pb xml:id="pg.42_alt" type="margin"/> ὃ Διομήδης καὶ Ὀδυσσεὺς ἱστοροῦνται μὲν ὑφελέσθαι ἀπὸ Ἰλίου, παρακαταθέσθαι δὲ Δημοφῶντι, ἐκ τῶν Πέλοπος ὀστῶν κατεσκευάσθαι, καθάπερ τὸν Ὀλύμπιον ἐξ ἄλλων ὀστῶν Ἰνδικοῦ θηρίου. καὶ δὴ τὸν ἱστοροῦντα Διονύσιον ἐν τῷ πέμπτῳ μέρει τοῦ Κύκλου παρίστημι. Ἀπελλᾶς δὲ ἐν τοῖς 
+  <pb xml:id="p.106"/> Δελφικοῖς δύο φησὶ γεγονέναι τὰ Παλλάδια, ἄμφω δ’ ὑπ’ ἀνθρώπων δεδημιουργῆσθαι. ἀλλ’ ὅπως μηδεὶς ὑπολάβῃ καὶ ταῦτά με ἀγνοίᾳ παρεικέναι,<note xml:lang="mul">παρεικέναι Sylburg. παρηκέναι MSS.</note> παραθήσομαι τοῦ Μορύχου Διονύσου τὸ ἄγαλμα Ἀθήνησι γεγονέναι μὲν ἐκ τοῦ φελλάτα καλουμένου λίθου, ἔργον δὲ εἶναι Σίκωνος τοῦ Εὐπαλάμου, ὥς φησι Πολέμων ἔν τινι ἐπιστολῇ. ἐγενέσθην<note xml:lang="mul">ἐγενέσθην Sylburg. γενέσθην MSS.</note> δὲ καὶ ἄλλω τινὲ δύω Κρητικὼ οἶμαι ἀνδριαντοποιὼ ʽΣκύλλις<note xml:lang="mul">Σκύλλις Sylburg (from Pausanias ii. 15. 1, etc.). ἐκύλης MSS.</note> καὶ Δίποινος ὠνομαζέσθην̓· τούτω δὲ τὰ ἐν Ἄργει τοῖν Διοσκούροιν ἀγάλματα κατεσκευασάτην καὶ τὸν ἐν Τίρυνθι Ἡρακλέους ἀνδριάντα καὶ τὸ τῆς Μουνυχίας Ἀρτέμιδος ξόανον ἐν Σικυῶνι. Καὶ τί περὶ ταῦτα διατρίβω, ἐξὸν αὐτὸν τὸν μεγαλοδαίμονα ὑμῖν ἐπιδεῖξαι ὅστις ἦν, ὃν δὴ κατ’ ἐξοχὴν πρὸς πάντων σεβασμοῦ κατηξιωμένον ἀκούομεν, τοῦτον <add>ὃν</add><note xml:lang="mul"> <add>ὃν</add> inserted by Markland.</note> ἀχειροποίητον εἰπεῖν τετολμήκασιν, τὸν Αἰγύπτιον Σάραπιν ; οἱ μὲν γὰρ αὐτὸν ἱστοροῦσιν χαριστήριον ὑπὸ Σινωπέων Πτολεμαίῳ τῷ Φιλαδέλφῳ τῷ Αἰγυπτίων πεμφθῆναι βασιλεῖ, ὃς λιμῷ τρυχομένους αὐτοὺς ἀπ’ Αἰγύπτου μεταπεμψαμένους<note xml:lang="mul">μεταπεμψαμένους  Sylburg. μεταπεμψάμενος MSS.</note> σῖτον <del>ὁ Πτολεμαῖος</del><note xml:lang="mul"> <del>ὁ Πτολεμαῖος</del> Arccrius.</note> ἀνεκτήσατο, εἶναι δὲ τὸ ξόανον τοῦτο ἄγαλμα Πλούτωνος· ὁ δὲ<note xml:lang="mul">ὁ δὲ Heyse. ὃς MSS.</note> δεξάμενος τὸν ἀνδριάντα καθίδρυσεν ἐπὶ τῆς 
+  <pb xml:id="p.108"/> ἄκρας, ἣν νῦν Ῥακῶτιν καλοῦσιν, ἔνθα καὶ τὸ ἱερὸν τετίμηται τοῦ Σαράπιδος, γειτνιᾷ δὲ τοῖς τόποις<note xml:lang="mul">τάφοις Mayor. (The map of ancient Alexandria shows the Serapeum to be adjacent to Necropolis.) But τόπος ͂τάφος in Euripides, Heracleidae 1041.</note> τὸ χωρίον. Βλιστίχην<note xml:lang="mul">Βλιστίχην Dindorf. βλίστιχιν MSS.</note> δὲ τὴν παλλακίδα τελευτήσασαν ἐν Κανώβῳ μεταγαγὼν ὁ Πτολεμαῖος ἔθαψεν ὑπὸ τὸν προδεδηλωμένον σηκόν. ἄλλοι δέ φασι Ποντικὸν εἶναι βρέτας τὸν Σάραπιν, μετῆχθαι δὲ εἰς Ἀλεξάνδρειαν μετὰ τιμῆς πανηγυρικῆς. Ἰσίδωρος μόνος παρὰ Σελευκέων τῶν πρὸς Ἀντιοχείᾳ<note xml:lang="mul">Ἀντιοχείᾳ  Cobet. ἀντιόχειαν MSS.</note> τὸ ἄγαλμα μεταχθῆναι λέγει, ἐν σιτοδείᾳ καὶ αὐτῶν γενομένων καὶ ὑπὸ Πτολεμαίου διατραφέντων. ἀλλ’ ὅ γε Ἀθηνόδωρος <pb xml:id="pg.43_alt" type="margin"/> ὁ τοῦ Σάνδωνος ἀρχαΐζειν τὸν Σάραπιν βουληθεὶς οὐκ οἶδ’ ὅπῳς<note xml:lang="mul">ὅτῷ Schwartz; Stählin.</note> περιέπεσεν, ἐλέγξας αὐτὸν ἄγαλμα εἶναι γενητόν· Σέσωστρίν φησι τὸν Αἰγύπτιον βασιλέα, τὰ πλεῖστα τῶν παρ’ Ἕλλησι παραστησάμενον ἐθνῶν, ἐπανελθόντα εἰς Αἴγυπτον ἐπαγαγέσθαι τεχνίτας ἱκανούς· τὸν οὖν Ὄσιριν τὸν προπάτορα τὸν αὑτοῦ δαιδαλθῆναι ἐκέλευσεν αὐτὸς<note xml:lang="mul">αὐτοῖς Wilamowitz: Stählin.</note> πολυτελῶς, κατασκευάζει δὲ αὐτὸν Βρύαξις ὁ δημιουργός, οὐχ ὁ Ἀθηναῖος, ἄλλος δέ τις ὁμώνυμος ἐκείνῳ τῷ Βρυάξιδι· ὃς ὕλῃ κατακέχρηται εἰς δημιουργίαν μικτῇ καὶ ποικίλῃ. ῥίνημα γὰρ χρυσοῦ ἦν αὐτῷ καὶ ἀργύρου χαλκοῦ τε καὶ σιδήρου καὶ μολίβδου, πρὸς δὲ καὶ κασσιτέρου, λίθων δὲ Αἰγυπτίων ἐνέδει οὐδὲ εἶς, σαπφείρου καὶ αἱματίτου θραύσματα σμαράγδου τε, ἀλλὰ καὶ τοπαζίου. λεάνας οὖν τὰ πάντα καὶ ἀναμίξας ἔχρωσε κυάνῳ, οὗ δὴ χάριν μελάντερον 
+  <pb xml:id="p.110"/> τὸ χρῶμα τοῦ ἀγάλματος, καὶ τῷ ἐκ τῆς Ὀσίριδος καὶ τοῦ Ἄπιος κηδείας ὑπολελειμμένῳ φαρμάκῳ φυράσας τὰ πάντα διέπλασεν τὸν Σάραπιν· οὗ καὶ τοὔνομα αἰνίττεται τὴν κοινωνίαν τῆς κηδείας καὶ τὴν ἐκ τῆς ταφῆς δημιουργίαν, σύνθετον ἀπό τε Ὀσίριδος καὶ Ἄπιος γενόμενον Ὀσίραπις. Καινὸν δὲ ἄλλον ἐν Αἰγύπτῳ, ὀλίγου δεῖν καὶ παρ’ Ἕλλησι, σεβασμίως τεθείακεν θεὸν ὁ βασιλεὺς ὁ Ῥωμαίων τὸν ἐρώμενον ὡραιότατον<note xml:lang="mul">ὡραιότατον from Eusebius. Praep. Ev. ii. 6. ὡραῖον τῶν MSS.</note> σφόδρα γενόμενον· Ἀντίνοον <del>ὃν</del><note xml:lang="mul"> <del>ὃν</del> Eusebius.</note> ἀνιέρωσεν οὕτως ὡς Γανυμήδην ὁ Ζεύς· οὐ γὰρ κωλύεται ῥᾳδίως ἐπιθυμία φόβον οὐκ ἔχουσα· καὶ νύκτας ἱερὰς τὰς Ἀντινόου προσκυνοῦσιν ἄνθρωποι νῦν, ἃς αἰσχρὰς ἠπίστατο ὁ συναγρυπνήσας ἐραστής. τί μοι θεὸν καταλέγεις τὸν πορνείᾳ τετιμημένον; τί δὲ καὶ ὡς υἱὸν θρηνεῖσθαι προσέταξας; τί δὲ καὶ τὸ κάλλος αὐτοῦ διηγῇ; αἰσχρόν ἐστι τὸ κάλλος ὕβρει μεμαραμμένον. μὴ τυραννήσῃς, ἄνθρωπε, τοῦ κάλλους μηδὲ ἐνυβρίσῃς ἀνθοῦντι τῷ νέῳ· τήρησον αὐτὸ καθαρόν, ἵνα ᾖ καλόν. βασιλεὺς τοῦ κάλλους γενοῦ, μὴ τύραννος· ἐλεύθερον<note xml:lang="mul">ἐλεύθερον Wilamowitz. ἐλεύθερος MSS.</note> μεινάτω· τότε σου γνωρίσω τὸ κάλλος, ὅτε<note xml:lang="mul">ὅτε Wilamowitz. o(/ti MSS.</note> καθαρὰν τετήρηκας τὴν εἰκόνα· τότε προσκυνήσω τὸ κάλλος, ὅτε<note xml:lang="mul">ὅτε Stählin. τὸ MSS. ὃ before ἀρχέτυπον in M; above the line in P.</note> ἀληθινὸν ἀρχέτυπόν ἐστι <pb xml:id="pg.44_alt" type="margin"/> τῶν καλῶν. ἤδη δὲ τάφος ἐστὶ τοῦ ἐρωμένου, νεώς ἐστιν Ἀντινόου καὶ πόλις· καθάπερ 
+  <pb xml:id="p.112"/> δέ, οἶμαι, οἱ ναοί, οὕτω δὲ καὶ οἱ τάφοι θαυμάζονται, πυραμίδες καὶ μαυσώλεια καὶ λαβύρινθοι, ἄλλοι ναοὶ τῶν νεκρῶν, ὡς ἐκεῖνοι τάφοι τῶν θεῶν. διδάσκαλον δὲ ὑμῖν παραθήσομαι τὴν προφῆτιν Σίβυλλαν οὐ ψευδοῦς Φοίβου χρησμηγόρον, ὅν τε μάταιοι ἄνθρωποι θεὸν εἶπον, ἐπεψεύσαντο δὲ μάντιν, ἀλλὰ θεοῦ μεγάλοιο, τὸν οὐ χέρες ἔπλασαν ἀνδρῶν εἰδώλοις ἀλάλοισι λιθοξέστοισιν ὅμοιον. αὕτη μέντοι ἐρείπια τοὺς νεὼς προσαγορεύει, τὸν μὲν τῆς Ἐφεσίας Ἀρτέμιδος <q>χάσμασι καὶ σεισμοῖς</q> καταποθήσεσθαι προμηνύουσα οὕτως, ὕπτια δ’ οἰμῴξει Ἔφεσος κλαίουσα παρ’ ὄχθαις καὶ νηὸν ζητοῦσα τὸν οὐκέτι ναιετάοντα· τὸν δὲ Ἴσιδος καὶ Σαράπιδος ἐν Αἰγύπτῳ κατενεχθήσεσθαί φησι καὶ ἐμπρησθήσεσθαι· Ἶσι, θεὰ τριτάλαινα, μένεις ἐπὶ χεύμασι<note xml:lang="mul">χεύμασι Sibylline Oracles. χεύματα Stählin: MSS.</note> Νείλου μούνη, μαινὰς ἄναυδος ἐπὶ ψαμάθοις Ἀχέροντος, εἶτα ὑποβᾶσα· καὶ σύ, Σάραπι λίθους ἀργοὺς ἐπικείμενε πολλούς, κεῖσαι πτῶμα μέγιστον ἐν Λἰγύπτῳ τριταλαίνῃ. σὺ δὲ ἀλλ’ εἰ μὴ προφήτιδος ἐπακούεις, τοῦ γε σοῦ ἄκουσον φιλοσόφου, τοῦ Ἐφεσίου Ἡρακλείτου, τὴν ἀναισθησίαν ὀνειδίζοντος τοῖς ἀγάλμασι· <q>καὶ τοῖς ἀγάλμασι τουτέοισιν εὔχονται, ὁκοῖον εἴ τις 
+  <pb xml:id="p.114"/> <add>τοῖς</add><note xml:lang="mul"> <add>τοῖς</add> inserted from Origen, Con. Celsum i. 5, vii. 62.</note> δόμοις λεσχηνεύοιτο.</q> ἦ γὰρ οὐχὶ τερατώδεις οἱ λίθους προστρεπόμενοι,<note xml:lang="mul">προστρεπόμενοι Heyse. προτρεπόμενοι MSS</note> εἶτα μέντοι καὶ πρὸ τῶν πυλῶν ἱστάντες αὐτοὺς ὡς ἐνεργεῖς, Ἑρμῆν προσκυνοῦντες<note xml:lang="mul">προσκυνοῦντες Stählin. προσκυνοῦσιν MSS</note> ὡς θεὸν καὶ τὸν Ἀγυιέα θυρωρὸν ἱστάντες; εἰ γὰρ ὡς ἀναισθήτους ὑβρίζουσιν, τί προσκυνοῦσιν ὡς θεούς; εἰ δὲ αἰσθήσεως αὐτοὺς μετέχειν οἴονται, τί τούτους ἱστᾶσι θυρωρούς; Ῥωμαῖοι δὲ τὰ μέγιστα κατορθώματα τῇ Τύχῃ ἀνατιθέντες καὶ ταύτην μεγίστην οἰόμενοι θεόν, <pb xml:id="pg.45_alt" type="margin"/> φέροντες εἰς τὸν κοπρῶνα ἀνέθηκαν αὐτήν, ἄξιον νεὼν τὸν ἀφεδρῶνα νείμαντες τῇ θεῷ. Ἀλλὰ γὰρ ἀναισθήτῳ λίθῳ καὶ ξύλῳ καὶ χρυσίῳ πλουσίῳ οὐδ’ ὁτιοῦν μέλει, οὐ κνίσης, οὐχ αἵματος, οὐ καπνοῦ, ᾧ δὴ τιμώμενοι καὶ τυφόμενοι ἐκμελαίνονται· ἀλλ’ οὐδὲ τιμῆς, οὐχ ὕβρεως· τὰ δὲ καὶ παντός ἐστιν ἀτιμότερα ζῴου, τὰ ἀγάλματα. καὶ ὅπως γε τεθείασται τὰ ἀναίσθητα, ἀπορεῖν ἔπεισί μοι καὶ κατελεεῖν τοὺς πλανωμένους τῆς ἀνοίας ὡς δειλαίους· εἰ γὰρ καί τινα τῶν ζῴων οὐχὶ πάσας ἔχει τὰς αἰσθήσεις, ὥσπερ εὐλαὶ καὶ κάμπαι καὶ ὅσα διὰ τῆς πρώτης γενέσεως εὐθὺς ἀνάπηρα φαίνεται, καθάπερ οἱ σπάλακες καὶ ἡ μυγαλῆ, ἥν φησιν ὁ Νίκανδρος <q>τυφλήν τε σμερδνήν τε</q> · ἀλλά γε ἀμείνους εἰσὶ τῶν ξοάνων τούτων καὶ τῶν 
+  <pb xml:id="p.116"/> ἀγαλμάτων τέλεον ὄντων κωφῶν· ἔχουσιν γὰρ αἴσθησιν μίαν γέ τινα, φέρε εἰπεῖν ἀκουστικὴν ἢ ἁπτικὴν ἢ τὴν ἀναλογοῦσαν τῇ ὀσφρήσει ἢ τῇ γεύσει· τὰ δὲ οὐδὲ μιᾶς αἰσθήσεως μετέχει, τὰ ἀγάλματα. πολλὰ δέ ἐστι τῶν ζῴων, ὅσα οὔτε<note xml:lang="mul">οὔτε Mayor. οὐδὲ  MSS.</note> ὅρασιν ἔχει οὔτε ἀκοὴν οὐδὲ<note xml:lang="mul">οὐδὲ  Mayor. οὔτε MSS.</note> μὴν φωνήν, οἶον καὶ τὸ τῶν ὀστρέων γένος, ἀλλὰ ζῇ γε καὶ αὔξεται, πρὸς δὲ καὶ τῇ σελήνῃ συμπάσχει· τὰ δὲ ἀγάλματα ἀργά, ἄπρακτα, ἀναίσθητα, προσδεῖται καὶ προσκαθηλοῦται καὶ προσπήγνυται, χωνεύεται, ῥινᾶται, πρίεται, περιξέεται, γλύφεται. κωφὴν μὲν δὴ γαῖαν ἀεικίζουσιν οἱ ἀγαλματοποιοί, τῆς οἰκείας ἐξιστάντες φύσεως, ὑπὸ τῆς τέχνης προσκυνεῖν ἀναπείθοντες· προσκυνοῦσιν δὲ οἱ θεοποιοὶ οὐ θεοὺς καὶ δαίμονας κατά γε αἴσθησιν τὴν ἐμήν, γῆν δὲ καὶ τέχνην, τὰ ἀγάλματα ὅπερ ἐστίν. ἔστιν γὰρ ὡς ἀληθῶς τὸ ἄγαλμα ὕλη νεκρὰ τεχνίτου χειρὶ μεμορφωμένη· ἡμῖν δὲ οὐχ ὕλης αἰσθητῆς αἰσθητόν, νοητὸν δὲ τὸ ἄγαλμά ἐστιν. νοητόν, οὐκ αἰσθητόν ἐστι <del>τὸ ἄγαλμα</del><note xml:lang="mul"> <del>τὸ ἄγαλμα</del> Wilamowitz.</note> ὁ θεός, ὁ μόνος ὄντως θεός. Καὶ δὴ ἔμπαλιν ἐν αὐταῖς που ταῖς περιστάσεσιν οἱ δεισιδαίμονες, οἱ τῶν λίθων προσκυνηταί, ἔργῳ μαθόντες ἀναίσθητον <pb xml:id="pg.46_alt" type="margin"/> ὕλην μὴ σέβειν, αὐτῆς ἡττώμενοι τῆς χρείας ἀπόλλυνται ὑπὸ δεισιδαιμονίας· καταφρονοῦντες δ’ ὅμως τῶν ἀγαλμάτων, φαίνεσθαι δὲ μὴ βουλόμενοι αὐτῶν ὅλως<note xml:lang="mul">ὅλως Sylburg. ὅλων MSS.</note> περιφρονοῦντες, ἐλέγχονται ὑπ’ αὐτῶν τῶν θεῶν, οἶς δὴ τὰ ἀγάλματα ἐπιπεφήμισται. Διονύσιος μὲν γὰρ ὁ 
+  <pb xml:id="p.118"/> τύραννος ὁ νεώτερος θοιμάτιον τὸ χρύσεον περιελόμενος τοῦ Διὸς ἐν Σικελίᾳ προσέταξεν αὐτῷ ἐρεοῦν περιτεθῆναι, χαριέντως φήσας τοῦτο ἄμεινον εἶναι τοῦ χρυσέου,<note xml:lang="mul">χρυσέου Cobet. χρυσίου MSS</note> καὶ θέρους κουφότερον καὶ κρύους ἀλεεινότερον. Ἀντίοχος δὲ ὁ Κυζικηνὸς ἀπορούμενος χρημάτων τοῦ Διὸς τὸ ἄγαλμα τὸ χρυσοῦν, πεντεκαίδεκα πηχῶν τὸ μέγεθος ὄν, προσέταξε χωνεῦσαι καὶ τῆς ἄλλης τῆς ἀτιμοτέρας ὕλης ἄγαλμα παραπλήσιον ἐκείνῳ πετάλοις κεχρυσωμένον ἀναθεῖναι πάλιν. αἱ δὲ χελιδόνες καὶ τῶν ὀρνέων τὰ πλεῖστα κατεξερῶσιν<note xml:lang="mul">κατεξερῶσιν Sylburg. κατεξαίρουσιν MSS.</note> αὐτῶν τῶν ἀγαλμάτων εἰσπετόμενα, οὐδὲν φροντίσαντα οὔτε Ὀλυμπίου Διὸς οὔτε Ἐπιδαυρίου Ἀσκληπιοῦ οὐδὲ μὴν Ἀθηνᾶς Πολιάδος ἢ Σαράπιδος Λἰγυπτίου· παρ’ ὧν οὐδὲ αὐτῶν τὴν ἀναισθησίαν τῶν ἀγαλμάτων ἐκμανθάνετε. ἀλλ’ εἰσὶ μὲν κακοῦργοί τινες ἢ πολέμιοι ἐπιθέμενοι, οἳ δι’ αἰσχροκέρδειαν ἐδῄωσαν τὰ ἱερὰ καὶ τὰ ἀναθήματα ἐσύλησαν ἢ καὶ αὐτὰ ἐχώνευσαν τὰ ἀγάλματα. καὶ εἰ Καμβύσης τις ἢ Δαρεῖος ἢ ἄλλος μαινόμενος τοιαῦτα ἄττα ἐπεχείρησεν καὶ εἰ τὸν Αἰγύπτιόν τις ἀπέκτεινεν Ἆπιν, γελῶ μὲν ὅτι τὸν θεὸν ἀπέκτεινεν αὐτῶν, ἀγανακτῶ δὲ εἰ κέρδους χάριν ἐπλημμέλει. ἑκὼν οὖν ἐκλήσομαι τῆσδε τῆς κακουργίας, πλεονεξίας ἔργα, οὐχὶ δὲ ἀδρανείας τῶν εἰδώλων ἔλεγχον νομίζων. ἀλλ’ οὔτι γε τὸ πῦρ καὶ οἱ σεισμοὶ κερδαλέοι, οὐδὲ μὴν φοβοῦνται ἢ δυσωποῦνται οὐ τοὺς δαίμονας, οὐ τὰ ἀγάλματα, οὐ μᾶλλον ἢ τὰς ψηφῖδας τὰς παρὰ τοῖς αἰγιαλοῖς σεσωρευμένας τὰ κύματα. οἶδα ἐγὼ πῦρ ἐλεγκτικὸν καὶ δεισιδαιμονίας 
+  <pb xml:id="p.120"/> ἰατικόν· εἰ βούλει παύσασθαι τῆς ἀνοίας, φωταγωγήσει σε τὸ πῦρ. τοῦτο τὸ πῦρ καὶ τὸν ἐν Ἄργει νεὼν σὺν καὶ τῇ ἱερείᾳ <pb xml:id="pg.47_alt" type="margin"/> κατέφλεξεν Χρυσίδι, καὶ τὸν ἐν Ἐφέσῳ τῆς Ἀρτέμιδος δεύτερον μετὰ Ἀμαζόνας καὶ τὸ ἐν Ῥώμῃ Καπιτώλιον ἐπινενέμηται πολλάκις· οὐκ ἀπέσχετο δὲ οὐδὲ τοῦ ἐν Ἀλεξανδρέων πόλει Σαράπιδος ἱεροῦ. Ἀθήνησι γὰρ τοῦ Διονύσου τοῦ Ἐλευθερέως κατήρειψε τὸν νεών, καὶ τὸν ἐν Δελφοῖς τοῦ Ἀπόλλωνος πρότερον ἥρπασεν θύελλα, ἔπειτα ἠφάνισε πῦρ σωφρονοῦν. τοῦτό σοι προοίμιον ἐπιδείκνυται ὧν ὑπισχνεῖται τὸ πῦρ. Οἱ δὲ τῶν ἀγαλμάτων δημιουργοὶ οὐ δυσωποῦσιν ὑμῶν τοὺς ἔμφρονας τῆς ὕλης καταφρονεῖν; ὁ μὲν Ἀθηναῖος Φειδίας ἐπὶ τῷ δακτύλῳ τοῦ Διὸς τοῦ Ὀλυμπίου ἐπιγράψας <q>Παντάρκης καλός</q> . οὐ γὰρ καλὸς αὐτῷ ὁ Ζεύς, ἀλλ’ ὁ ἐρώμενος ἦν· ὁ Πραξιτέλης δέ, ὡς Ποσείδιππος ἐν τῷ περὶ Κνίδου<note xml:lang="mul">Κνίδου  Sylburg. κνιδίου MSS</note> διασαφεῖ, τὸ τῆς Ἀφροδίτης ἄγαλμα τῆς Κνιδίας κατασκευάζων τῷ Κρατίνης τῆς ἐρωμένης εἴδει παραπλήσιον πεποίηκεν αὐτήν, ἵν’ ἔχοιεν οἱ δείλαιοι 
+  <pb xml:id="p.122"/> τὴν Πραξιτέλους ἐρωμένην προσκυνεῖν. Φρύνη δὲ ὁπηνίκα ἤνθει ἡ ἑταίρα ἡ Θεσπιακή, οἱ ζωγράφοι πάντες<add>τὰς</add><note xml:lang="mul"> <add>τὰς</add> inserted by Schäfer.</note> τῆς Ἀφροδίτης εἰκόνας πρὸς τὸ κάλλος ἀπεμιμοῦντο Φρύνης, ὥσπερ αὖ καὶ οἱ λιθοξόοι τοὺς Ἑρμᾶς Ἀθήνησι πρὸς Ἀλκιβιάδην ἀπείκαζον. ὑπολείπεται τῆς σῆς κρίσεως τὸ ἔργον ἐπάξαι, εἰ βούλει καὶ τὰς ἑταίρας προσκυνεῖν. Ἐντεῦθεν, οἶμαι, κινηθέντες οἱ βασιλεῖς οἱ παλαιοί, καταφρονοῦντες τῶν μύθων τούτων, ἀνέδην διὰ τὸ ἐξ ἀνθρώπων ἀκίνδυνον σφᾶς αὐτοὺς θεοὺς ἀνηγόρευον, ταύτῃ κἀκείνους διὰ τὴν δόξαν ἀπηθανατίσθαι<note xml:lang="mul">ἀπηθανατίσθαι Sylburg. ἀπηθανατῆσθαι MSS.</note> διδάσκοντες· Κῆυξ μὲν ὁ Αἰόλου Ζεὺς ὑπὸ τῆς Ἀλκυόνης τῆς γυναικός, Ἀλκυόνη δὲ αὖθις ὑπὸ τοῦ ἀνδρὸς Ἥρα προσαγορευομένη. Πτολεμαῖος δὲ ὁ τέταρτος Διόνυσος ἐκαλεῖτο· καὶ <pb xml:id="pg.48_alt" type="margin"/> Μιθριδάτης ὁ Ποντικὸς Διόνυσος καὶ αὐτός· ἐβούλετο δὲ καὶ Ἀλέξανδρος Ἄμμωνος υἱὸς εἶναι δοκεῖν καὶ κερασφόρος ἀναπλάττεσθαι πρὸς τῶν ἀγαλματοποιῶν, τὸ καλὸν ἀνθρώπου πρόσωπον ὑβρίσαι σπεύδων κέρατι. καὶ οὔτι γε βασιλεῖς μόνον, ἀλλὰ καὶ ἰδιῶται θείαις προσηγορίαις σφᾶς αὐτοὺς ἐσέμνυνον, ὡς Μενεκράτης ὁ ἰατρός, Ζεὺς οὗτος ἐπικεκλημένος. τί με δεῖ καταλέγειν Ἀλέξαρχον ʽγραμματικὸς οὗτος τὴν ἐπιστήμην γεγονώς, ὡς ἱστορεῖ Ἄριστος ὁ Σαλαμίνιος, αὑτὸν κατεσχημάτιζεν εἰς Ἥλιον̓; τί δεῖ καὶ Νικαγόρου μεμνῆσθαι ʽΖελείτης τὸ γένος ἦν κατὰ τοὺς Ἀλεξάνδρου 
+  <pb xml:id="p.124"/> γεγονὼς χρόνους· Ἑρμῆς προσηγορεύετο ὁ Νικαγόρας καὶ τῇ στολῇ τοῦ Ἑρμοῦ ἐκέχρητο, ὡς αὐτὸς μαρτυρεἶ; ὅπου γε καὶ ὅλα ἔθνη καὶ πόλεις αὔτανδροι, κολακείαν ὑποδυόμεναι, ἐξευτελίζουσιν τοὺς μύθους τοὺς περὶ τῶν θεῶν, ἰσοθέους ἄνθρωποι κατασχηματίζοντες ἑαυτούς, ὑπὸ δόξης πεφυσημένοι, ἐπιψηφιζόμενοι τιμὰς ἑαυτοῖς ὑπερόγκους· νῦν μὲν τὸν Μακεδόνα τὸν ἐκ Πέλλης τὸν Ἀμύντου<note xml:lang="mul">Ἀμύντου Cobet. ἀμύντορος MSS.</note> Φίλιππον ἐν Κυνοσάργει νομοθετοῦντες προσκυνεῖν, τὸν <q>τὴν κλεῖν κατεαγότα καὶ τὸ σκέλος πεπηρωμένον,</q> ὃς ἐξεκόπη τὸν ὀφθαλμόν· αὖθις δὲ τὸν Δημήτριον θεὸν καὶ αὐτὸν ἀναγορεύοντες· καὶ ἔνθα μὲν ἀπέβη τοῦ ἵππου Ἀθήναζε εἰσιών, Καταιβάτου ἱερόν ἐστι Δημητρίου, βωμοὶ δὲ πανταχοῦ· καὶ γάμος ὑπὸ Ἀθηναίων αὐτῷ ὁ τῆς Ἀθηνᾶς ηὐτρεπίζετο· ὁ δὲ τὴν μὲν θεὸν ὑπερηφάνει, τὸ ἄγαλμα γῆμαι μὴ δυνάμενος· Λάμιαν δὲ τὴν ἑταίραν ἔχων εἰς ἀκρόπολιν ἀνῄει κἀν τῷ τῆς Ἀθηνᾶς συνεφύρετο παστῷ,<note xml:lang="mul">κἀν τῷ τῆς Ἀθηνᾶς συνεφύρετο παστῷ Mayor. καὶ τῷ τῆς ἀθηνᾶς ἐνεφυρᾶτο παστῷ MSS.</note> τῇ παλαιᾷ παρθένῳ τὰ τῆς νέας ἐπιδεικνὺς ἑταίρας σχήματα. οὐ νέμεσις τοίνυν οὐδὲ Ἵππωνι ἀπαθανατίζοντι τὸν θάνατον τὸν ἑαυτοῦ· ὁ Ἵππων οὗτος ἐπιγραφῆναι ἐκέλευσεν τῷ μνήματι τῷ ἑαυτοῦ τόδε τὸ ἐλεγεῖον· Ἵππωνος τόδε σῆμα, τὸν ἀθανάτοισι θεοῖσιν ἶσον ἐποίησεν Μοῖρα καταφθίμενον. 
+ <pb xml:id="p.126"/> εὖ γε, Ἵππων, ἐπιδεικνύεις ἡμῖν τὴν ἀνθρωπίνην πλάνην. εἰ γὰρ καὶ λαλοῦντί σοι μὴ πεπιστεύκασι, νεκροῦ γενέσθωσαν μαθηταί. χρησμὸς οὗτός ἐστιν Ἵππωνος· νοήσωμεν αὐτόν. οἱ προσκυνούμενοι παρ’ ὑμῖν, <pb xml:id="pg.49_alt" type="margin"/> ἄνθρωποι γενόμενοί ποτε, εἶτα μέντοι τεθνᾶσιν· τετίμηκεν δὲ αὐτοὺς ὁ μῦθος καὶ ὁ χρόνος. φιλεῖ γάρ πως τὰ μὲν παρόντα συνηθείᾳ καταφρονεῖσθαι, τὰ δὲ παρῳχηκότα τοῦ παραυτίκα ἐλέγχου κεχωρισμένα χρόνων ἀδηλίᾳ τετιμῆσθαι τῷ πλάσματι, καὶ τὰ μὲν ἀπιστεῖσθαι, τὰ δὲ καὶ θαυμάζεσθαι. αὐτίκα γοῦν οἱ παλαιοὶ νεκροὶ τῷ πολλῷ τῆς πλάνης χρόνῳ σεμνυνόμενοι τοῖς ἔπειτα νομίζονται θεοί. πίστις ὑμῖν τῶνδε αὐτὰ ὑμῶν τὰ μυστήρια, αἱ πανηγύρεις, δεσμὰ καὶ τραύματα καὶ δακρύοντες θεοί· ὤ μοι ἐγώ, ὅτε μοι Σαρπηδόνα φίλτατον ἀνδρῶν μοῖρ’ ὑπὸ Πατρόκλοιο Μενοιτιάδαο δαμῆναι. κεκράτηται τὸ θέλημα τοῦ Διὸς καὶ ὁ Ζεὺς ὑμῖν διὰ Σαρπηδόνα οἰμῴζει νενικημένος. Εἴδωλα γοῦν εἰκότως αὐτοὺς καὶ δαίμονας ὑμεῖς αὐτοὶ κεκλήκατε, ἐπεὶ καὶ τὴν Ἀθηνᾶν αὐτὴν καὶ τοὺς ἄλλους θεοὺς κακίᾳ τιμήσας Ὅμηρος δαίμονας προσηγόρευσεν· ἡ δ’ Οὔλυμπόνδε βεβήκει δώματ’ ἐς αἰγιόχοιο Διὸς μετὰ δαίμονας ἄλλους. 
+  <pb xml:id="p.128"/> πῶς οὖν ἔτι θεοὶ τὰ εἴδωλα καὶ οἱ δαίμονες, βδελυρὰ ὄντως καὶ πνεύματα ἀκάθαρτα, πρὸς πάντων ὁμολογούμενα γήινα καὶ δεισαλέα, κάτω βρίθοντα, <q>περὶ τοὺς τάφους καὶ τὰ μνημεῖα καλινδούμενα,</q> περὶ ἃ δὴ καὶ ὑποφαίνονται ἀμυδρῶς <q>σκιοειδῆ φαντάσματα</q> ; ταῦθ’ ὑμῶν οἱ θεοὶ τὰ εἴδωλα, αἱ σκιαὶ καὶ πρὸς τούτοις <add>αἱ</add><note xml:lang="mul"> <add>αἱ</add> inserted by Kroll.</note> <q>χωλαὶ</q> ἐκεῖναι καὶ <q>ῥυσαί, παραβλῶπες ὀφθαλμώ,<note xml:lang="mul">ὀφθαλμώ Homer. ὀφθαλμῶν  MSS.</note></q> αἱ Λιταὶ αἱ Θερσίτου μᾶλλον ἢ Διὸς θυγατέρες, ὥστε μοι δοκεῖν χαριέντως φάναι τὸν Βίωνα, πῶς ἂν ἐνδίκως <pb xml:id="pg.50_alt" type="margin"/> οἱ ἄνθρωποι παρὰ τοῦ Διὸς αἰτήσονται<note xml:lang="mul">αἰτήσονται Cobet. αἰτήσωνται MSS.</note> τὴν εὐτεκνίαν, ἣν οὐδ’ αὑτῷ παρασχεῖν ἴσχυσεν; οἴμοι τῆς ἀθεότητος· τὴν ἀκήρατον οὐσίαν, τὸ ὅσον ἐφ’ ὑμῖν, κατορύττετε καὶ τὸ ἄχραντον ἐκεῖνο καὶ τὸ ἅγιον τοῖς τάφοις ἐπικεχώκατε, τῆς ἀληθῶς ὄντως οὐσίας συλήσαντες τὸ θεῖον. τί δὴ οὖν τὰ τοῦ θεοῦ τοῖς οὐ θεοῖς προσενείματε γέρα; τί δὲ καταλιπόντες τὸν οὐρανὸν τὴν γῆν τετιμήκατε; τί δ’ ἄλλο χρυσὸς ἢ ἄργυρος ἢ ἀδάμας ἢ σίδηρος ἢ χαλκὸς ἢ ἐλέφας ἢ λίθοι τίμιοι; οὐχὶ γῆ τε καὶ ἐκ γῆς; οὐχὶ δὲ μιᾶς μητρὸς ἔκγονα, τῆς γῆς, τὰ πάντα ταῦτα ὅσα ὁρᾷς; τί δὴ οὖν, ὦ μάταιοι καὶ κενόφρονες ʽπάλιν γὰρ δὴ ἐπαναλήψομαἰ, τὸν ὑπερουράνιον βλασφημήσαντες τόπον εἰς τοὔδαφος κατεσύρατε τὴν εὐσέβειαν, χθονίους ὑμῖν ἀναπλάττοντες θεοὺς καὶ τὰ γενητὰ ταῦτα πρὸ τοῦ ἀγενήτου μετιόντες θεοῦ βαθυτέρῳ περιπεπτώκατε ζόφῳ; 
+  <pb xml:id="p.130"/> καλὸς ὁ Πάριος λίθος, ἀλλ’ οὐδέπω Ποσειδῶν· καλὸς ὁ ἐλέφας, ἀλλ’ οὐδέπω Ὀλύμπιος· ἐνδεὴς ἀεί ποτε ἡ ὕλη τῆς τέχνης, ὁ θεὸς δὲ ἀνενδεής. προῆλθεν ἡ τέχνη, περιβέβληται τὸ σχῆμα ἡ ὕλη, καὶ τὸ πλούσιον τῆς οὐσίας πρὸς μὲν τὸ κέρδος ἀγώγιμον, μόνῳ δὲ τῷ σχήματι γίνεται σεβάσμιον. χρυσός ἐστι τὸ ἄγαλμά σου, ξύλον ἐστίν, λίθος ἐστίν, γῆ ἐστιν, ἐὰν ἄνωθεν νοήσῃς, μορφὴν παρὰ τοῦ τεχνίτου προσλαβοῦσα. γῆν δὲ ἐγὼ πατεῖν, οὐ προσκυνεῖν μεμελέτηκα· οὐ γάρ μοι θέμις ἐμπιστεῦσαί ποτε τοῖς ἀψύχοις τὰς τῆς ψυχῆς ἐλπίδας. Ἰτέον οὖν ὡς ἔνι μάλιστα ἐγγυτάτω τῶν ἀγαλμάτων, ὡς οἰκεία ἡ πλάνη κἀκ τῆς προσόψεως ἐλέγχηται·<note xml:lang="mul">ἐλέγχηται Potter. ἐλέγχεται MSS.</note> ἐναπομέμακται γὰρ πάνυ δὴ σαφῶς τὰ εἴδη τῶν ἀγαλμάτων τὴν διάθεσιν τῶν δαιμόνων. εἰ γοῦν τις τὰς γραφὰς καὶ τὰ ἀγάλματα περινοστῶν θεῷτο, γνωριεῖ ὑμῶν παραυτίκα τοὺς θεοὺς ἐκ τῶν ἐπονειδίστων σχημάτων, τὸν Διόνυσον ἀπὸ τῆς στολῆς, τὸν Ἥφαιστον ἀπὸ τῆς τέχνης, τὴν Δηὼ ἀπὸ τῆς συμφορᾶς, ἀπὸ τοῦ κρηδέμνου τὴν Ἰνώ, ἀπὸ τῆς τριαίνης τὸν Ποσειδῶ, ἀπὸ τοῦ κύκνου τὸν Δία· τὸν δὲ Ἡρακλέα δείκνυσιν ἡ πυρά, κἂν γυμνὴν ἴδῃ τις ἀνάγραπτον γυναῖκα, τὴν <q>χρυσῆν</q> Ἀφροδίτην νοεῖ. οὕτως ὁ Κύπριος ὁ Πυγμαλίων <pb xml:id="pg.51_alt" type="margin"/> ἐκεῖνος ἐλεφαντίνου ἠράσθη ἀγάλματος· τὸ ἄγαλμα Ἀφροδίτης ἦν καὶ γυμνὴ ἦν· νικᾶται ὁ Κύπριος τῷ σχήματι καὶ συνέρχεται τῷ ἀγάλματι, καὶ τοῦτο Φιλοστέφανος ἱστορεῖ· Ἀφροδίτη δὲ ἄλλη ἐν Κνίδῳ λίθος ἦν καὶ καλὴ ἦν, ἕτερος ἠράσθη ταύτης 
+  <pb xml:id="p.132"/> καὶ μίγνυται τῇ λίθῳ· Ποσείδιππος ἱστορεῖ, ὁ μὲν πρότερος ἐν τῷ περὶ Κύπρου, ὁ δὲ ἕτερος ἐν τῷ περὶ Κνίδου. τοσοῦτον ἴσχυσεν ἀπατῆσαι τέχνη προαγωγὸς ἀνθρώποις ἐρωτικοῖς εἰς βάραθρον γενομένη. δραστήριος μὲν ἡ δημιουργική, ἀλλ’ οὐχ οἵα τε ἀπατῆσαι λογικὸν οὐδὲ μὴν τοὺς κατὰ λόγον βεβιωκότας· ζωγραφίας μὲν γὰρ δι’ ὁμοιότητα σκιαγραφήταις περιστεραῖς<note xml:lang="mul">σκιαγραφήταις περιστεραῖς Stählin. σκιαγραφίας περιστεραῖ MSS. ἐσκιαγραφημέναις περιστεραῖς Mayor.</note> προσέπτησαν πελειάδες καὶ ἵπποις καλῶς γεγραμμέναις προσεχρεμέτισαν ἵπποι, ἐρασθῆναι κόρην εἰκόνος λέγουσιν καὶ νέον καλὸν Κνιδίου ἀγάλματος, ἀλλ’ ἦσαν τῶν θεατῶν αἱ ὄψεις ἠπατημέναι ὑπὸ τῆς τέχνης. οὐδὲ γὰρ ἂν θεᾷ τις συνεπλάκη, οὐδ’ ἂν νεκρᾷ τις συνετάφη, οὐδ’ ἂν ἠράσθη δαίμονος καὶ λίθου ἄνθρωπος σωφρονῶν. ὑμᾶς δὲ ἄλλῃ γοητείᾳ ἀπατᾷ ἡ τέχνη, εἰ καὶ μὴ ἐπὶ τὸ ἐρᾶν προσάγουσα, ἀλλ’ ἐπὶ τὸ τιμᾶν καὶ προσκυνεῖν τά τε ἀγάλματα καὶ τὰς γραφάς. ὁμοία γε ἡ γραφή· ἐπαινείσθω μὲν ἡ τέχνη, μὴ ἀπατάτω δὲ τὸν ἄνθρωπον ὡς ἀλήθεια. ἕστηκεν ὁ ἵππος ἡσυχῇ, ἡ πελειὰς ἀτρεμής, ἀργὸν τὸ πτερόν, ἡ δὲ βοῦς ἡ Δαιδάλου ἡ ἐκ τοῦ ξύλου πεποιημένη ταῦρον εἷλεν ἄγριον καὶ κατηνάγκασεν τὸ θηρίον ἡ τέχνη πλανήσασα ἐρώσης ἐπιβῆναι γυναικός. τοσοῦτον οἶστρον αἱ τέχναι κακοτεχνοῦσαι 
+  <pb xml:id="p.134"/> τοῖς ἀνοήτοις ἐνεποίησαν. ἀλλὰ τοὺς μὲν πιθήκους οἱ τούτων τροφεῖς καὶ μελεδωνοὶ τεθαυμάκασιν, ὅτι τῶν κηρίνων ἢ πηλίνων ὁμοιωμάτων καὶ κοροκοσμίων ἀπατᾷ τούτους οὐδέν· ὑμεῖς δὲ ἄρα καὶ πιθήκων χείρους γενήσεσθε λιθίνοις καὶ ξυλίνοις καὶ χρυσέοις καὶ ἐλεφαντίνοις ἀγαλματίοις καὶ γραφαῖς προσανέχοντες. τοιούτων ὑμῖν <del>οἱ</del><note xml:lang="mul">τοιούτων.. <del>οἱ</del> Wilamowitz. τοσούτων.. οἱ MSS.</note> δημιουργοὶ ἀθυρμάτων ὀλεθρίων οἱ λιθοξόοι καὶ οἱ <pb xml:id="pg.52_alt" type="margin"/> ἀνδριαντοποιοὶ γραφεῖς τε αὖ καὶ τέκτονες καὶ ποιηταί, πολύν τινα καὶ τοιοῦτον ὄχλον παρεισάγοντες, κατ’ ἀγροὺς μὲν Σατύρους καὶ Πᾶνας, ἀνὰ δὲ τὰς ὕλας Νύμφας τὰς ὀρειάδας καὶ τὰς ἁμαδρυάδας, ναὶ μὴν ἀλλὰ καὶ περὶ τὰ ὕδατα καὶ περὶ τοὺς ποταμοὺς καὶ τὰς πηγὰς τὰς Ναΐδας καὶ περὶ τὴν θάλατταν τὰς Νηρεΐδας. μάγοι δὲ ἤδη ἀσεβείας τῆς σφῶν αὐτῶν ὑπηρέτας δαίμονας αὐχοῦσιν, οἰκέτας αὐτοὺς ἑαυτοῖς καταγράψαντες, τοὺς κατηναγκασμένους δούλους ταῖς ἐπαοιδαῖς πεποιηκότες. Γάμοι τε οὖν ἔτι καὶ παιδοποιίαι καὶ λοχεῖαι θεῶν μνημονευόμεναι καὶ μοιχεῖαι ᾀδόμεναι καὶ εὐωχίαι κωμῳδούμεναι καὶ γέλωτες παρὰ πότον εἰσαγόμενοι προτρέπουσι δή<note xml:lang="mul">δή Höschel. δέ MSS.</note> με ἀνακραγεῖν, κἂν σιωπῆσαι θέλω, οἴμοι τῆς ἀθεότητος· σκηνὴν πεποιήκατε τὸν οὐρανὸν καὶ τὸ θεῖον ὑμῖν δρᾶμα γεγένηται καὶ τὸ ἅγιον προσωπείοις δαιμονίων κεκωμῳδήκατε, τὴν ἀληθῆ θεοσέβειαν δεισιδαιμονίᾳ σατυρίσαντες. αὐτὰρ ὁ φορμίζων ἀνεβάλλετο καλὸν ἀείδειν, 
+ <pb xml:id="p.136"/> ᾆσον ἡμῖν, Ὅμηρε, τὴν φωνὴν τὴν καλήν, ἀμφ’ Ἄρεως φιλότητος ἐυστεφάνου τ’ Ἀφροδίτης· ὡς τὰ πρῶτα μίγησαν ἐν Ἡφαίστοιο δόμοισι λάθρῃ· πολλὰ δ’ ἔδωκε, λέχος δ’ ᾔσχυνε καὶ εὐνὴν Ἡφαίστοιο ἄνακτος. κατάπαυσον, Ὅμηρε, τὴν ᾠδήν· οὐκ ἔστι καλή, μοιχείαν διδάσκει· πορνεύειν δὲ ἡμεῖς καὶ τὰ ὦτα παρῃτήμεθα· ἡμεῖς γάρ, ἡμεῖς ἐσμὲν οἱ τὴν εἰκόνα τοῦ θεοῦ περιφέροντες ἐν τῷ ζῶντι καὶ κινουμένῳ τούτῳ ἀγάλματι, τῷ ἀνθρώπῳ, σύνοικον εἰκόνα, σύμβουλον, συνόμιλον, συνέστιον, συμπαθῆ, ὑπερπαθῆ· ἀνάθημα γεγόναμεν τῷ θεῷ ὑπὲρ Χριστοῦ· <q>ἡμεῖς τὸ γένος τὸ ἐκλεκτόν, τὸ βασίλειον ἱεράτευμα, ἔθνος ἅγιον, λαὸς περιούσιος, οἱ ποτὲ οὐ λαός, νῦν δὲ λαὸς τοῦ θεοῦ</q> · οἱ κατὰ τὸν Ἰωάννην οὐκ ὄντες <q>ἐκ τῶν κάτω,</q> παρὰ δὲ τοῦ ἄνωθεν ἐλθόντος τὸ πᾶν μεμαθηκότες, οἱ τὴν οἰκονομίαν τοῦ θεοῦ κατανενοηκότες, οἱ <q>ἐν καινότητι ζωῆς περιπατεῖν</q> μεμελετηκότες. Ἀλλ’ οὐ ταῦτα φρονοῦσιν οἱ πολλοί· ἀπορρίψαντες δὲ τὴν αἰδῶ καὶ τὸν φόβον οἴκοι τοὺς τῶν δαιμόνων ἐγγράφονται πασχητιασμούς. πινακίοις γοῦν <pb xml:id="pg.53_alt" type="margin"/> τισὶ καταγράφοις μετεωρότερον ἀνακειμένοις προσεσχηκότες ἀσελγείᾳ τοὺς θαλάμους κεκοσμήκασι, τὴν ἀκολασίαν εὐσέβειαν νομίζοντες· κἀπὶ τοῦ σκίμποδος κατακείμενοι παρ’ αὐτὰς ἔτι τὰς περιπλοκὰς ἀφορῶσιν εἰς τὴν Ἀφροδίτην ἐκείνην 
+  <pb xml:id="p.138"/> τὴν γυμνήν, τὴν ἐπὶ τῇ συμπλοκῇ δεδεμένην, καὶ τῇ Λήδᾳ περιποτώμενον τὸν ὄρνιν τὸν ἐρωτικόν, τῆς θηλύτητος ἀποδεχόμενοι τὴν γραφήν, ἀποτυποῦσι ταῖς σφενδόναις, σφραγῖδι χρώμενοι καταλλήλῳ τῇ Διὸς ἀκολασίᾳ. ταῦτα ὑμῶν τῆς ἡδυπαθείας τὰ ἀρχέτυπα, αὗται τῆς ὕβρεως αἱ θεολογίαι, αὗται τῶν συμπορνευόντων ὑμῖν θεῶν αἱ διδασκαλίαι· <q>ὃ γὰρ βούλεται, τοῦθ’ ἕκαστος καὶ οἴεται</q> κατὰ τὸν Ἀθηναῖον ῥήτορα. οἷαι δὲ αὖ καὶ ἄλλαι ὑμῶν εἰκόνες, πανίσκοι τινὲς καὶ γυμναὶ κόραι καὶ σάτυροι μεθύοντες καὶ μορίων ἐντάσεις, ταῖς γραφαῖς ἀπογυμνούμεναι, ἀπὸ τῆς ἀκρασίας ἐλεγχόμεναι. ἤδη δὲ ἀναφανδὸν τῆς ἀκολασίας ὅλης τὰ σχήματα ἀνάγραπτα πανδημεὶ θεώμενοι οὐκ αἰσχύνεσθε, φυλάττετε δὲ ἔτι μᾶλλον ἀνακείμενα, ὥσπερ ἀμέλει τῶν θεῶν ὑμῶν τὰς εἰκόνας, στήλας ἀναισχυντίας καθιερώσαντες οἴκοι, ἐπ’ ἴσης ἐγγραφόμενοι τὰ Φιλαινίδος σχήματα ὡς τὰ ʽΠρακλέους ἀθλήματα. τούτων οὐ μόνον τῆς χρήσεως, πρὸς δὲ καὶ τῆς ὄψεως καὶ τῆς ἀκοῆς αὐτῆς ἀμνηστίαν καταγγέλλομεν. ἡταίρηκεν ὑμῖν τὰ ὦτα, πεπορνεύκασιν οἱ ὀφθαλμοὶ καὶ τὸ καινότερον πρὸ τῆς συμπλοκῆς αἱ ὄψεις ὑμῖν μεμοιχεύκασιν. ὦ βιασάμενοι τὸν ἄνθρωπον καὶ τὸ ἔνθεον τοῦ πλάσματος ἐλέγχει ἀπαράξαντες, πάντα ἀπιστεῖτε, ἵνα ἐκπαθαίνησθε· καὶ πιστεύετε<note xml:lang="mul">πιστεύετε Arcerius. πιστεύητε MSS.</note> μὲν τοῖς εἰδώλοις ζηλοῦντες 
+  <pb xml:id="p.140"/> αὐτῶν τὴν ἀκρασίαν, ἀπιστεῖτε δὲ τῷ θεῷ σωφροσύνην μὴ φέροντες· καὶ τὰ μὲν κρείττω μεμισήκατε, τὰ δὲ ἥττω τετιμήκατε, ἀρετῆς μὲν θεαταί, κακίας δὲ ἀγωνισταὶ γεγενημένοι. <q>Ὄλβιοι</q> <pb xml:id="pg.54_alt" type="margin"/> μόνοι τοίνυν, ὡς ἔπος εἰπεῖν, ὁμοθυμαδὸν ἐκεῖνοι πάντες κατὰ τὴν Σίβυλλαν οἳ ναοὺς <add>μὲν</add><note xml:lang="mul"> <add>μὲν</add> inserted from Sibylline Oracles.</note> πάντας ἀπαρνήσονται ἰδόντες καὶ βωμούς, εἰκαῖα λίθων ἱδρύματα κωφῶν, καὶ λίθινα ξόανα καὶ ἀγάλματα χειροποίητα,<note xml:lang="mul">καὶ λίθινα... χειροποίητα not in Sibylline Oracles.</note> αἵματι ἐμψύχῳ μεμιασμένα καὶ θυσίαισι τετραπόδων, διπόδων, πτηνῶν θηρῶν τε φόνοισιν. καὶ γὰρ δὴ καὶ ἀπηγόρευται ἡμῖν ἀναφανδὸν ἀπατηλὸν ἐργάζεσθαι τέχνην. <q>οὐ γὰρ ποιήσεις,</q> φησὶν ὁ προφήτης, <q>παντὸς ὁμοίωμα, ὅσα ἐν τῷ οὐρανῷ ἄνω καὶ ὅσα ἐν τῇ γῇ κάτω.</q> ἦ πού γ’ ἂν ἔτι τὴν Πραξιτέλους Δήμητρα καὶ Κόρην καὶ τὸν Ἴακχον τὸν μυστικὸν θεοὺς ὑπολάβοιμεν ἢ τὰς Λυσίππου τέχνας ἢ τὰς χεῖρας τὰς Ἀπελλικάς, αἳ δὴ τῆς θεοδοξίας τὸ σχῆμα τῇ ὕλῃ περιτεθείκασιν; ἀλλ’ ὑμεῖς μὲν ὅπως ποτὲ ὁ ἀνδριὰς ὅτι μάλιστα ὡραιότατος τεκταίνηται, προσκαρτερεῖτε, ὅπως δὲ αὐτοὶ μὴ ὅμοιοι δι’ ἀναισθησίαν τοῖς ἀνδριᾶσιν ἀποτελεσθῆτε, οὐ φροντίζετε· πάνυ γοῦν ἐμφανῶς καὶ συντόμως ὁ προφητικὸς ἐλέγχει τὴν συνήθειαν λόγος ὅτι <q>πάντες οἱ θεοὶ τῶν ἐθνῶν δαιμονίων εἰσὶν εἴδωλα· ὁ δὲ θεὸς τοὺς οὐρανοὺς ἐποίησεν</q> 
+ <pb xml:id="p.142"/> καὶ τὰ ἐν τῷ οὐρανῷ. πλανώμενοι γοῦν τινες ἐντεῦθεν οὐκ οἶδ’ ὅπως θείαν μὲν τέχνην, πλὴν ἀλλ’ οὐ θεὸν προσκυνοῦσιν ἥλιόν τε καὶ σελήνην καὶ τὸν ἄλλον τῶν ἀστέρων χορόν, παραλόγως τούτους θεοὺς ὑπολαμβάνοντες, τὰ ὄργανα τοῦ χρόνου· <q>τῷ γὰρ λόγῳ αὐτοῦ ἐστερεώθησαν καὶ τῷ πνεύματι τοῦ στόματος αὐτοῦ πᾶσα ἡ δύναμις αὐτῶν.</q> ἀλλ’ ἡ μὲν ἀνθρωπεία τέχνη οἰκίας τε καὶ ναῦς καὶ πόλεις καὶ γραφὰς δημιουργεῖ, θεὸς δὲ πῶς ἂν εἴποιμι ὅσα ποιεῖ; ὅλον ἴδε τὸν κόσμον, ἐκείνου ἔργον ἐστίν· καὶ οὐρανὸς καὶ ἥλιος καὶ ἄγγελοι καὶ ἄνθρωποι <q>ἔργα τῶν δακτύλων <pb xml:id="pg.55_alt" type="margin"/> αὐτοῦ.</q> ὅση γε ἡ δύναμις τοῦ θεοῦ. μόνον αὐτοῦ τὸ βούλημα κοσμοποιία· μόνος γὰρ ὁ θεὸς ἐποίησεν, ἐπεὶ καὶ μόνος ὄντως ἐστὶ θεός· ψιλῷ τῷ βούλεσθαι δημιουργεῖ καὶ τῷ μόνον ἐθελῆσαι αὐτὸν ἕπεται τὸ γεγενῆσθαι. ἐνταῦθα φιλοσόφων παρατρέπεται χορὸς πρὸς μὲν τὴν οὐρανοῦ θέαν παγκάλως γεγονέναι τὸν ἄνθρωπον ὁμολογούντων, τὰ δὲ ἐν οὐρανῷ φαινόμενα καὶ ὄψει καταλαμβανόμενα προσκυνούτων. εἰ γὰρ καὶ μὴ ἀνθρώπινα τὰ ἔργα τὰ ἐν οὐρανῷ, ἀλλὰ γοῦν ἀνθρώποις δεδημιούργηται. καὶ μὴ τὸν ἥλιόν τις ὑμῶν προσκυνείτω, ἀλλὰ τὸν ἡλίου ποιητὴν ἐπιποθείτω, μηδὲ τὸν κόσμον ἐκθειαζέτω, ἀλλὰ τὸν κόσμου δημιουργὸν ἐπιζητησάτω. μόνη ἄρα, ὡς ἔοικεν, καταφυγὴ τῷ μέλλοντι ἐπὶ τὰς σωτηρίους ἀφικνεῖσθαι θύρας ὑπολείπεται σοφία θεϊκή· ἐντεῦθεν ὥσπερ ἐξ ἱεροῦ τινος ἀσύλου οὐδενὶ οὐκέτι ἀγώγιμος τῶν δαιμόνων ὁ ἄνθρωπος γίνεται σπεύδων εἰς σωτηρίαν.  </p> </div><pb xml:id="p.144"/>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="5">
+ <p>Ἐπιδράμωμεν δέ, εἰ βούλει, καὶ τῶν φιλοσόφωι τὰς δόξας, ὅσας αὐχοῦσι περὶ τῶν θεῶν, εἴ πως καὶ φιλοσοφίαν αὐτὴν κενοδοξίας ἕνεκεν ἀνειδωλοποιοῦσαν τὴν ὕλην ἐφεύρωμεν, ἢ<note xml:lang="mul">ἢ Diels. εἰ MSS.</note> καὶ δαιμόνια ἄττα ἐκθειάζουσαν κατὰ παραδρομὴν παραστῆσαι δυνηθῶμεν ὀνειρώττουσαν τὴν ἀλήθειαν. στοιχεῖα μὲν οὖν ἀρχὰς ἀπέλιπον<note xml:lang="mul">ἀπέλιπον Cobet. ἀπέλειπον MSS.</note> ἐξυμνήσαντες Θαλῆς ὁ Μιλήσιος τὸ ὕδωρ καὶ Ἀναξιμένης ὁ καὶ αὐτὸς Μιλήσιος τὸν ἀέρα, ᾧ Διογένης ὕστερον ὁ Ἀπολλωνιάτης κατηκολούθησεν. Παρμενίδης δὲ ὁ Ἐλεάτης θεοὺς εἰσηγήσατο πῦρ καὶ γῆν, θάτερον δὲ αὐτοῖν μόνον,<note xml:lang="mul">μόνον Sylburg. μόνοιν MSS.</note> τὸ πῦρ, θεὸν ὑπειλήφατον Ἵππασός τε ὁ Μεταποντῖνος καὶ ὁ Ἐφέσιος Ἡράκλειτος· Ἐμπεδοκλῆς γὰρ ὁ Ἀκραγαντῖνος εἰς πλῆθος <pb xml:id="pg.56_alt" type="margin"/> ἐμπεσὼν πρὸς τοῖς τέτταρσι στοιχείοις τούτοις νεῖκος καὶ φιλίαν καταριθμεῖται. Ἄθεοι μὲν δὴ καὶ οὗτοι, σοφίᾳ τινὶ ἀσόφῳ τὴν ὕλην προσκυνήσαντες καὶ λίθους μὲν ἢ ξύλα οὐ τιμήσαντες, γῆν δὲ τὴν τούτων μητέρα ἐκθειάσαντες καὶ Ποσειδῶνα μὲν οὐκ ἀναπλάττοντες, ὕδωρ δὲ αὐτὸ προστρεπόμενοι. τί γάρ ἐστί ποτε ὁ<note xml:lang="mul">ποτε ὁ Wilamowitz. πρότερον  MSS. ἕτερον Mayor.</note> Ποσειδῶν ἢ ὑγρά τις οὐσία ἐκ τῆς πόσεως ὀνοματοποιουμένη; ὥσπερ ἀμέλει ὁ πολέμιος Ἄρης ἀπὸ τῆς ἄρσεως  <pb xml:id="p.146"/> καὶ ἀναιρέσεως κεκλημένος, ᾗ καὶ δοκοῦσί μοι πολλοὶ μάλιστα τὸ ξίφος μόνον πήξαντες ἐπιθύειν ὡς Ἄρει· ἔστι δὲ Σκυθῶν τὸ τοιοῦτον, καθάπερ Εὔδοξος ἐν δευτέρᾳ Γῆς<note xml:lang="mul">Γῆς Diels. τῆς MSS. (See p. 44, n. 3.)</note> περιόδου λέγει, Σκυθῶν δὲ οἱ Σαυρομάται, ὥς φησιν Ἱκέσιος ἐν τῷ περὶ μυστηρίων, ἀκινάκην σέβουσιν. τοῦτό τοι καὶ οἱ ἀμφὶ τὸν Ἡράκλειτον τὸ πῦρ ὡς ἀρχέγονον σέβοντες πεπόνθασιν· τὸ γὰρ πῦρ τοῦτο ἕτεροι Ἥφαιστον ὠνόμασαν. Περσῶν δὲ οἱ μάγοι τὸ πῦρ τετιμήκασι καὶ τῶν τὴν Ἀσίαν κατοικούντων πολλοί, πρὸς δὲ καὶ Μακεδόνες, ὥς φησι Διογένης ἐν <num>α</num> Περσικῶν. τί μοι Σαυρομάτας καταλέγειν, οὓς Νυμφόδωρος ἐν Νομίμοις βαρβαρικοῖς τὸ πῦρ σέβειν ἱστορεῖ, ἢ τοὺς Πέρσας καὶ τοὺς Μήδους καὶ τοὺς μάγους; θύειν ἐν ὑπαίθρῳ τούτους ὁ Δίνων λέγει, θεῶν ἀγάλματα μόνα τὸ πῦρ καὶ ὕδωρ νομίζοντας. οὐκ ἀπεκρυψάμην οὐδὲ τὴν τούτων ἄγνοιαν. εἰ γὰρ καὶ τὰ μάλιστα ἀποφεύγειν οἴονται τῆς πλάνης, ἀλλ’ εἰς ἑτέραν κατολισθαίνουσιν <pb xml:id="pg.57_alt" type="margin"/> ἀπάτην· ἀγάλματα μὲν θεῶν οὐ ξύλα καὶ λίθους ὑπειλήφασιν ὥσπερ Ἕλληνες οὐδὲ μὴν ἴβιδας καὶ ἰχνεύμονας καθάπερ Αἰγύπτιοι, ἀλλὰ πῦρ τε καὶ ὕδωρ ὡς φιλόσοφοι. μετὰ πολλὰς μέντοι ὕστερον περιόδους ἐτῶν ἀνθρωποειδῆ ἀγάλματα σέβειν αὐτοὺς Βήρωσσος 
+  <pb xml:id="p.148"/> ἐν τρίτῃ Χαλδαϊκῶν παρίστησι, τοῦτο Ἀρταξέρξου τοῦ Δαρείου τοῦ Ὤχου εἰσηγησαμένου, ὃς πρῶτος τῆς Ἀφροδίτης Ἀναΐτιδος<note xml:lang="mul">Ἀναΐτιδος  Bochart. ταναΐδος  MSS.</note> τὸ ἄγαλμα ἀναστήσας ἐν Βαβυλῶνι καὶ Σούσοις καὶ Ἐκβατάνοις Πέρσαις καὶ Βάκτροις καὶ Δαμασκῷ καὶ Σάρδεσιν ὑπέδειξε σέβειν. ὁμολογούντων τοίνυν οἱ φιλόσοφοι τοὺς διδασκάλους τοὺς σφῶν Πέρσας ἢ Σαυρομάτας ἢ μάγους, παρ’ ὧν τὴν ἀθεότητα τῶν σεβασμίων αὐτοῖς μεμαθήκασιν ἀρχῶν, ἄρχοντα τὸν πάντων ποιητὴν καὶ τῶν ἀρχῶν αὐτῶν δημιουργὸν ἀγνοοῦντες, τὸν ἄναρχον θεόν, τὰ δὲ <q>πτωχὰ</q> ταῦτα καὶ <q>ἀσθενῆ,</q> ᾗ φησιν ὁ ἀπόστολος, τὰ εἰς τὴν ἀνθρώπων ὑπηρεσίαν πεποιημένα <q>στοιχεῖα</q> προστρεπόμενοι. Τῶν δὲ ἄλλων φιλοσόφων ὅσοι τὰ στοιχεῖα ὑπερβάντες ἐπολυπραγμόνησάν τι ὑψηλότερον καὶ περιττότερον, οἱ μὲν αὐτῶν τὸ ἄπειρον καθύμνησαν, ὡς Ἀναξίμανδρος ʽΜιλήσιος ἦν’ καὶ Ἀναξαγόρας ὁ Κλαζομένιος καὶ ὁ Ἀθηναῖος Ἀρχέλαος. τούτω μέν γε ἄμφω τὸν νοῦν ἐπεστησάτην τῇ ἀπειρίᾳ, ὁ δὲ Μιλήσιος Λεύκιππος καὶ ὁ Χῖος Μητρόδωρος διττάς, ὡς ἔοικεν, καὶ αὐτὼ ἀρχὰς ἀπελιπέτην, τὸ πλῆρες καὶ τὸ κενόν· προσέθηκε δὲ λαβὼν τούτοιν τοῖν δυεῖν τὰ εἴδωλα ὁ Ἀβδηρίτης Δημόκριτος. ὁ γάρ τοι Κροτωνιάτης Ἀλκμαίων <pb xml:id="pg.58_alt" type="margin"/> θεοὺς ᾤετο τοὺς ἀστέρας εἶναι ἐμψύχους ὄντας. οὐ σιωπήσομαι τὴν τούτων ἀναισχυντίαν· Ξενοκράτης ʽΚαλχηδόνιος οὗτοσ̓ ἑπτὰ μὲν θεοὺς τοὺς πλανήτας, ὄγδοον δὲ 
+  <pb xml:id="p.150"/> τὸν ἐκ πάντων τῶν ἀπλανῶν<note xml:lang="mul">τῶν ἀπλανῶν Davies. αὐτῶν MSS. ἄστρων Diels.</note> συνεστῶτα κόσμον αἰνίττεται. οὐδὲ μὴν τοὺς ἀπὸ τῆς Στοᾶς παρελεύσομαι διὰ πάσης ὕλης, καὶ διὰ τῆς ἀτιμοτάτης, τὸ θεῖον διήκειν λέγοντας, οἳ καταισχύνουσιν ἀτεχνῶς τὴν φιλοσοφίαν. οὐδὲν δὲ οἶμαι χαλεπὸν ἐνταῦθα γενόμενος καὶ τῶν ἐκ τοῦ Περιπάτου μνησθῆναι· καὶ ὅ γε τῆς αἱρέσεως πατήρ, τῶν ὅλων οὐ νοήσας τὸν πατέρα, τὸν καλούμενον <q>ὕπατον</q> ψυχὴν εἶναι τοῦ παντὸς οἴεται· τουτέστι τοῦ κόσμου τὴν ψυχὴν θεὸν ὑπολαμβάνων αὐτὸς αὑτῷ περιπείρεται. ὁ γάρ τοι μέχρι τῆς σελήνης αὐτῆς διορίζων τὴν πρόνοιαν, ἔπειτα τὸν κόσμον θεὸν ἡγούμενος περιτρέπεται, τὸν ἄμοιρον τοῦ θεοῦ θεὸν δογματίζων. ὁ δὲ Ἐρέσιος ἐκεῖνος Θεόφραστος ὁ Ἀριστοτέλους γνώριμος πῇ μὲν οὐρανόν, πῇ δὲ πνεῦμα τὸν θεὸν ὑπονοεῖ. Ἐπικούρου μὲν γὰρ μόνου καὶ ἑκὼν ἐκλήσομαι, ὃς οὐδὲν<note xml:lang="mul">οὐδὲν Lowth. οὐδὲ MSS.</note> μέλειν οἴεται τῷ θεῷ, διὰ πάντων ἀσεβῶν. τί γὰρ Ἡρακλείδης ὁ Ποντικός; ἔσθ’ ὅπῃ οὐκ ἐπὶ τὰ Δημοκρίτου καὶ αὐτὸς κατασύρεται εἴδωλα; </p> </div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="6"> 
+ <p> Καὶ πολύς μοι ἐπιρρεῖ τοιοῦτος ὄχλος, οἱονεὶ μορμώ τινα, δαιμονίων παρεισάγων ξένων ἄτοπον 
+<pb xml:id="p.152"/> σκιαγραφίαν, μυθολογῶν<note xml:lang="mul">μυθολογῶν Mayor. μυθολόγων MSS.</note> ὕθλῳ γραϊκῷ· πολλοῦ γε δεῖ ἀνδράσιν ἐπιτρέπειν ἀκροᾶσθαι τοιούτων λόγων, οἳ μηδὲ τοὺς παῖδας τοὺς ἑαυτῶν, τοῦτο δὴ τὸ λεγόμενον, κλαυθμυριζομένους ἐθίζομεν παρηγορεῖσθαι μυθίζοντες, ὀρρωδοῦντες συνανατρέφειν αὐτοῖς ἀθεότητα τὴν πρὸς τῶν δοκησισόφων<note xml:lang="mul">δοκησισόφων Potter. δοκησεισόφων MSS.</note> δὴ τούτων καταγγελλομένην, μηδέν τι νηπίων μᾶλλον τἀληθὲς εἰδότων. τί γάρ, ὢ πρὸς τῆς ἀληθείας, τοὺς σοὶ πεπιστευκότας δεικνύεις ῥύσει καὶ φορᾷ<note xml:lang="mul">φορᾷ Münzel. φθορᾷ MSS.</note> δίναις τε ἀτάκτοις<note xml:lang="mul">δίναις τε ἀτάκτοις Heyse. δειναῖς τε καὶ ἀτάκτοις MSS.</note> ὑποβεβλημένους; τί δέ μοι εἰδώλων ἀναπίμπλης τὸν βίον, ἀνέμους τε ἢ ἀέρα ἢ πῦρ ἢ γῆν ἢ λίθους ἢ ξύλα ἢ σίδηρον, κόσμον τόνδε, θεοὺς ἀναπλάττουσα, θεοὺς δὲ καὶ τοὺς ἀστέρας τοὺς πλανήτας, τοῖς ὄντως πεπλανημένοις τῶν ἀνθρώπων διὰ τῆς πολυθρυλήτου ταύτης ἀστρολογίας, οὐκ ἀστρονομίας, μετεωρολογοῦσα καὶ ἀδολεσχοῦσα; <pb xml:id="pg.59_alt" type="margin"/> τὸν κύριον τῶν πνευμάτων ποθῶ, τὸν κύριον τοῦ πυρός, τὸν κόσμου δημιουργόν, τὸν ἡλίου φωταγωγόν· θεὸν ἐπιζητῶ, οὐ τὰ ἔργα τοῦ θεοῦ. τίνα δὴ λάβω παρὰ σοῦ συνεργὸν τῆς ζητήσεως; οὐ γὰρ παντάπασιν ἀπεγνώκαμέν σε. εἰ βούλει, τὸν Πλάτωνα. πῇ δὴ οὖν ἐξιχνευτέον τὸν θεόν, ὦ Πλάτων; <q>τὸν γὰρ πατέρα καὶ ποιητὴν τοῦδε τοῦ παντὸς εὑρεῖν 
+<pb xml:id="p.154"/> τε ἔργον καὶ εὑρόντα εἰς ἅπαντας ἐξειπεῖν ἀδύνατον.</q> διὰ τί δῆτα, ὢ πρὸς αὐτοῦ; <q>ῥητὸν<note xml:lang="mul">ῥητὸν from Plato. ῥητέον MSS.</note> γὰρ οὐδαμῶς ἐστίν.</q> εὖ γε, ὦ Πλάτων, ἐπαφᾶσαι τῆς ἀληθείας· ἀλλὰ μὴ ἀποκάμῃς· ξύν μοι λαβοῦ τῆς ζητήσεως τἀγαθοῦ πέρι· πᾶσιν γὰρ ἁπαξαπλῶς ἀνθρώποις, μάλιστα δὲ τοῖς περὶ λόγους ἐνδιατρίβουσιν ἐνέστακταί τις ἀπόρροια θεϊκή. οὗ δὴ χάριν καὶ ἄκοντες μὲν ὁμολογοῦσιν ἕνα γε<note xml:lang="mul">γε Schwartz. τε MSS.</note> εἶναι θεόν, ἀνώλεθρον καὶ ἀγένητον τοῦτον, ἄνω που περὶ τὰ νῶτα τοῦ οὐρανοῦ ἐν τῇ ἰδίᾳ καὶ οἰκείᾳ περιωπῇ ὄντως ὄντα ἀεί. θεὸν δὲ ποῖον, εἰπέ μοι, νοητέον; τὸν πάνθ’ ὁρῶντα καὐτὸν οὐχ ὁρώμενον, Εὐριπίδης λέγει. πεπλανῆσθαι γοῦν ὁ Μένανδρός μοι δοκεῖ, ἔνθα φησίν ἥλιε, σὲ γὰρ δεῖ προσκυνεῖν πρῶτον θεῶν, δι’ ὃν θεωρεῖν ἔστι τοὺς ἄλλους θεούς· οὐδὲ γὰρ ἥλιος ἐπιδείξει ποτ’ ἂν τὸν θεὸν τὸν ἀληθῆ, ὁ δὲ λόγος ὁ ὑγιής, ὅς ἐστιν ἥλιος ψυχῆς, δι’ οὗ μόνου ἔνδον ἀνατείλαντος ἐν τῷ βάθει τοῦ νοῦ<note xml:lang="mul">τοῦ νοῦ Cobet. τοῦ νοῦ καὶ τοῦ νοός MSS.</note> αὐτῆς<note xml:lang="mul">αὐτῆς Kroll. αὐτοῦ MSS.</note> καταυγάζεται τὸ ὄμμα· ὅθεν οὐκ ἀπεικότως ὁ Δημόκριτος <q>τῶν λογίων ἀνθρώπων 
+<pb xml:id="p.156"/> ὀλίγους</q> φησίν <q>ἀνατείναντας τὰς χεῖρας ἐνταῦθα ὃν νῦν ἠέρα καλέομεν οἱ Ἕλληνες, <del>πάντα</del> Δία μυθεῖσθαι<note xml:lang="mul">Δία μυθεῖσθαι Heinsius. διαμυθεῖσθαι MSS.</note> καὶ <add>γὰρ</add> πάντα οὗτος οἶδεν καὶ διδοῖ <add>πάντα</add><note xml:lang="mul">καὶ <add>γὰρ</add> πάντα ... καὶ διδοῖ <add>πάντα</add> (with omission of πάντα in previous line) Wilamowitz. καὶ πάντα ... καὶ διδοῖ καὶ ... MSS.</note> καὶ ἀφαιρεῖται, καὶ βασιλεὺς οὗτος τῶν πάντων.</q> ταύτῃ πῃ καὶ Πλάτων <pb xml:id="pg.60_alt" type="margin"/> διανοούμενος τὸν θεὸν αἰνίττεται <q>περὶ τὸν πάντων βασιλέα πάντ’ ἐστί, κἀκεῖνο αἴτιον ἁπάντων <add>τῶν</add><note xml:lang="mul"><add>τῶν</add> from Plato (but cp. Plotinus i. 8. 2).</note> καλῶν.</q> τίς οὖν ὁ βασιλεὺς τῶν πάντων; θεὸς τῆς τῶν ὄντων ἀληθείας τὸ μέτρον. ὥσπερ οὖν τῷ μέτρῳ καταληπτὰ τὰ μετρούμενα, οὑτωσὶ δὲ καὶ τῷ νοῆσαι τὸν θεὸν μετρεῖται καὶ καταλαμβάνεται ἡ ἀλήθεια. ὁ δὲ ἱερὸς ὄντως Μωυσῆς <q>οὐκ ἔσται,</q> φησίν, <q>ἐν τῷ μαρσίππῳ σου στάθμιον καὶ στάθμιον μέγα ἢ μικρόν, οὐδὲ ἔσται ἐν τῇ οἰκίᾳ σου μέτρον μέγα ἢ μικρόν, ἀλλ’ ἢ στάθμιον ἀληθινὸν καὶ δίκαιον ἔσται σοι,</q> στάθμιον καὶ μέτρον καὶ ἀριθμὸν τῶν ὅλων ὑπολαμβάνων τὸν θεόν· τὰ μὲν γὰρ ἄδικα καὶ ἄνισα εἴδωλα οἴκοι ἐν τῷ μαρσίππῳ καὶ ἐν τῇ ὡς ἔπος εἰπεῖν ῥυπώσῃ ψυχῇ κατακέκρυπται· τὸ δὲ μόνον δίκαιον μέτρον, ὁ μόνος ὄντως θεός, ἴσος ἀεὶ κατὰ τὰ αὐτὰ καὶ ὡσαύτως ἔχων, μετρεῖ τε<note xml:lang="mul">μετρεῖ τε Wendland (cp. Plato, Laws 643c). μετρεῖται MSS.</note> πάντα καὶ σταθμᾶται, οἱονεὶ τρυτάνῃ τῇ δικαιοσύνῃ τὴν τῶν ὅλων ἀρρεπῶς περιλαμβάνων καὶ ἀνέχων φύσιν. <q>ὁ μὲν δὴ θεός, ὥσπερ καὶ ὁ παλαιὸς λόγος, ἀρχήν <add>τε</add><note xml:lang="mul"><add>τε</add> from Plato, and Clement, ii. Strom. 132. 2.</note> καὶ τελευτὴν καὶ μέσα τῶν ὄντων ἁπάντων ἔχων, εὐθεῖαν περαίνει κατὰ φύσιν περιπορευόμενος· 
+<pb xml:id="p.158"/> τῷ<note xml:lang="mul">τῷ from Plato and Clement, ii. Strom. 132. 2. τὴν MSS.</note> δ’ ἀεὶ ξυνέπεται δίκη τῶν ἀπολειπομένων τοῦ θείου νόμου τιμωρός.</q> πόθεν, ὦ Πλάτων, ἀλήθειαν αἰνίττῃ; πόθεν ἡ τῶν λόγων ἄφθονος χορηγία τὴν θεοσέβειαν μαντεύεται; σοφώτερα, φησίν, τούτων βαρβάρων τὰ γένη. οἶδά σου τοὺς διδασκάλους, κἂν ἀποκρύπτειν ἐθέλῃς· γεωμετρίαν παρ’ Αἰγυπτίων μανθάνεις, ἀστρονομίαν παρὰ Βαβυλωνίων, ἐπῳδὰς τὰς ὑγιεῖς παρὰ Θρᾳκῶν λαμβάνεις, πολλά σε καὶ Ἀσσύριοι πεπαιδεύκασι, νόμους δὲ τοὺς ὅσοι ἀληθεῖς καὶ δόξαν τὴν τοῦ θεοῦ παρ’ αὐτῶν ὠφέλησαι τῶν Ἑβραίων, οἵτινες οὐκ ἀπάτῃσι κεναῖς, οὐδ’ ἔργ’ ἀνθρώπων χρύσεα καὶ χάλκεια καὶ ἀργύρου ἠδ’ ἐλέφαντος καὶ ξυλίνων λιθίνων τε βροτῶν εἴδωλα θανόντων τιμῶσιν, ὅσα πέρ τε βροτοὶ κενεόφρονι βουλῇ· ἀλλὰ γὰρ ἀείρουσι<note xml:lang="mul">ἀείρουσι Sibylline Oracles. αἴρουσι MSS.</note> πρὸς οὐρανὸν ὠλένας ἁγνάς, <pb xml:id="pg.61_alt" type="margin"/> ὄρθριοι ἐξ εὐνῆς, ἀεὶ χρόα ἁγνίζοντες ὕδασι, καὶ τιμῶσι μόνον τὸν ἀεὶ μεδέοντα ἀθάνατον. Καί μοι μὴ μόνον, ὦ φιλοσοφία, ἕνα τοῦτον Πλάτωνα, πολλοὺς δὲ καὶ ἄλλους παραστῆσαι σπούδασον, τὸν ἕνα ὄντως μόνον θεὸν ἀναφθεγγομένους θεὸν κατ’ ἐπίπνοιαν αὐτοῦ, εἴ που τῆς ἀληθείας ἐπιδράξαιντο. Ἀντισθένης μὲν γὰρ οὐ Κυνικὸν δὴ τοῦτο ἐνενόησεν, Σωκράτους δὲ ἅτε γνώριμος <q>θεὸν οὐδενὶ ἐοικέναι</q> φησίν· <q>διόπερ αὐτὸν οὐδεὶς ἐκμαθεῖν ἐξ εἰκόνος δύναται.</q> Ξενοφῶν 
+<pb xml:id="p.160"/> δὲ ὁ Ἀθηναῖος διαρρήδην ἂν καὶ αὐτὸς περὶ τῆς ἀληθείας ἐγεγράφει<note xml:lang="mul">ἐγεγράφει Dindorf. ἀναγράφει MSS.</note> τι μαρτυρῶν ὡς Σωκράτης, εἰ μὴ τὸ Σωκράτους ἐδεδίει φάρμακον· οὐδὲν δὲ ἧττον αἰνίττεται. <q>ὁ</q> γοῦν <q>τὰ πάντα,</q> φησί, <q>σείων καὶ ἀτρεμίζων ὡς μὲν μέγας τις καὶ δυνατός, φανερός· ὁποῖος δὲ τὴν<note xml:lang="mul">δὲ τὴν Stobacus (Eclog. ii. 1). δέ τις MSS. δʼ ἐστὶν Clement, v. Strom. 108. 5.</note> μορφήν, ἀφανής· οὐδὲ μὴν ὁ παμφαὴς δοκῶν εἶναι ἥλιος οὐδ’ αὐτὸς ἔοικεν ὁρᾶν αὑτὸν ἐπιτρέπειν, ἀλλ’ ἤν τις ἀναιδῶς αὐτὸν θεάσηται, τὴν ὄψιν ἀφαιρεῖται.</q> πόθεν ἄρα ὁ τοῦ Γρύλλου σοφίζεται ἢ δηλαδὴ παρὰ τῆς προφήτιδος τῆς Ἑβραίων θεσπιζούσης ὧδέ πως; τίς γὰρ σὰρξ δύναται τὸν ἐπουράνιον καὶ ἀληθῆ ὀφθαλμοῖσιν ἰδεῖν θεὸν ἄμβροτον, ὃς πόλον οἰκεῖ; ἀλλ’ οὐδ’ ἀκτίνων κατεναντίον ἠελίοιο ἄνθρωποι στῆναι δυνατοί, θνητοὶ γεγαῶτες. Κλεάνθης δὲ ὁ Πηδασεύς,<note xml:lang="mul">Πηδασεύς Wilamowitz (see Strabo xiii. p. 611). πισαδεύς MSS.</note> ὁ ἀπὸ τῆς Στοᾶς φιλόσοφος, οὐ θεογονίαν ποιητικήν, θεολογίαν δὲ ἀληθινὴν ἐνδείκνυται. οὐκ ἀπεκρύψατο τοῦ θεοῦ πέρι ὅτι περ εἶχεν φρονῶν· τἀγαθὸν<note xml:lang="mul">τἀγαθὸν Clement, v. Strom. 110. 3. εἰ τὸ ἀγαθὸν MSS.</note> ἐρωτᾷς μ’ οἷόν ἐστ̓; ἄκουε δή· τεταγμένον, δίκαιον, ὅσιον, εὐσεβές, κρατοῦν ἑαυτοῦ, χρήσιμον, καλόν, δέον, <pb xml:id="pg.62_alt" type="margin"/> αὐστηρόν, αὐθέκαστον, ἀεὶ συμφέρον, ἄφοβον, ἄλυπον, λυσιτελές, ἀνώδυνον, ὠφέλιμον, εὐάρεστον, ἀσφαλές, φίλον, ἔντιμον, ὁμολογούμενον 
+<pb xml:id="p.162"/> εὐκλεές, ἄτυφον, ἐπιμελές, πρᾶον, σφοδρόν, χρονιζόμενον, ἄμεμπτον, ἀεὶ διαμένον. ἀνελεύθερος πᾶς ὅστις εἰς δόξαν βλέπει, ὡς δὴ παρ’ ἐκείνης τευξόμενος καλοῦ τινος. ἐνταῦθα δὴ σαφῶς, οἶμαι, διδάσκει ὁποῖός ἐστιν ὁ θεός, καὶ ὡς ἡ δόξα ἡ κοινὴ καὶ ἡ συνήθεια τοὺς ἑπομένους αὐταῖν, ἀλλὰ μὴ τὸν θεὸν ἐπιζητοῦντας, ἐξανδραποδιζέσθην. οὐκ ἀποκρυπτέον οὐδὲ τοὺς ἀμφὶ τὸν Πυθαγόραν, οἵ φασιν <q>ὁ μὲν θεὸς εἷς, οὗτος<note xml:lang="mul">οὗτος Wilamowitz. ωιλαμοωιτζ. χοὖτος MSS. αὐτὸς Justin (Cohor. ad Graec. 19).</note> δὲ οὐχ, ὥς τινες ὑπονοοῦσιν, ἐκτὸς τᾶς διακοσμήσιος, ἀλλ’ ἐν αὐτᾷ, ὅλος ἐν ὅλῳ τῷ κύκλῳ, ἐπίσκοπος πάσας γενέσιος, κρᾶσις τῶν ὅλων αἰώνων<note xml:lang="mul">αἰώνων Justin. ἀεὶ ὣν MSS.</note> καὶ ἐργάτας τῶν αὐτοῦ δυνάμιων καὶ ἔργων ἁπάντων ἐν οὐρανῷ φωστὴρ καὶ πάντων πατήρ, νοῦς καὶ ψύχωσις τῶ ὅλω κύκλω,<note xml:lang="mul">τῶ ὅλω κύκλω Stäblin. τῷ ὅλῳ κύκλῳ MSS.</note> πάντων κίνασις.</q> ἀπόχρη καὶ τάδε εἰς ἐπίγνωσιν θεοῦ ἐπιπνοίᾳ θεοῦ πρὸς αὐτῶν μὲν ἀναγεγραμμένα, πρὸς δὲ ἡμῶν ἐξειλεγμένα τῷ γε καὶ σμικρὸν διαθρεῖν ἀλήθειαν δυναμένῳ. </p> </div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="7"> 
+ <p> Ἴτω δὲ ἡμῖν ʽοὐ γὰρ αὐταρκεῖ μόνον ἡ φιλοσοφίἀ ἀλλὰ καὶ αὐτὴ <add>ἡ</add><note xml:lang="mul"><add>ἡ</add> inserted by Markland.</note> ποιητικὴ ἡ περὶ τὸ ψεῦδος τὰ πάντα ἠσχολημένη, μόλις ποτὲ ἤδη ἀλήθειαν μαρτυρήσουσα, μᾶλλον δὲ ἐξομολογουμένη τῷ θεῷ τὴν μυθώδη παρέκβασιν· παρίτω δὴ ὅστις καὶ βούλεται 
+<pb xml:id="p.164"/> ποιητὴς πρῶτος. Ἄρατος μὲν οὖν διὰ πάντων τὴν δύναμιν τοῦ θεοῦ διήκειν νοεῖ, ὄφρ’ ἔμπεδα πάντα φύωνται, τῷ μιν ἀεὶ πρῶτόν τε καὶ ὕστατον ἱλάσκονται· χαῖρε, πάτερ, μέγα θαῦμα, μέγ’ ἀνθρώποισιν ὄνειαρ. ταύτῃ τοι καὶ ὁ Ἀσκραῖος αἰνίττεται Ἡσίοδος τὸν θεόν· <pb xml:id="pg.63_alt" type="margin"/> αὐτὸς γὰρ πάντων βασιλεὺς καὶ κοίρανός ἐστιν, ἀθανάτων τέο δ’<note xml:lang="mul">τέο δʼ Stählin. σέο δʼ Clement, v. Strom. 112. 3. τέ οἱ Buttmann. τε ὁδʼ MSS.</note> οὔτις ἐρήρισται κράτος ἄλλος. ἤδη δὲ καὶ ἐπὶ τῆς σκηνῆς παραγυμνοῦσι τὴν ἀλήθειαν· ὁ μὲν καὶ εἰς τὸν αἰθέρα καὶ εἰς τὸν οὐρανὸν ἀναβλέψας <q>τόνδε ἡγοῦ θεόν,</q> φησίν, Εὐριπίδης· ὁ δὲ τοῦ Σοφίλλου Σοφοκλῆς, εἷς ταῖς ἀληθείαισιν, εἷς ἐστὶν θεός, ὃς οὐρανόν τ’ ἔτευξε καὶ γαῖαν μακρὴν πόντου τε χαροπὸν οἶδμα κἀνέμων βίας· θνητοὶ δὲ πολλὰ<note xml:lang="mul">πολλὰ Heyse. πολλοὶ MSS.</note> καρδίᾳ πλανώμενοι ἱδρυσάμεσθα πημάτων παραψυχὴν θεῶν ἀγάλματ’ ἐκ λίθων, ἢ χαλκέων ἢ χρυσοτεύκτων ἢ ἐλεφαντίνων τύπους· θυσίας τε τούτοις καὶ κενὰς πανηγύρεις νέμοντες, οὕτως εὐσεβεῖν νομίζομεν. οὑτοσὶ μὲν ἤδη καὶ παρακεκινδυνευμένως ἐπὶ τῆς σκηνῆς τὴν ἀλήθειαν τοῖς θεαταῖς παρεισήγαγεν. 
+<pb xml:id="p.166"/> ὁ δὲ Θρᾴκιος ἱεροφάντης καὶ ποιητὴς ἅμα, ὁ τοῦ Οἰάγρου Ὀρφεύς, μετὰ τὴν τῶν ὀργίων ἱεροφαντίαν καὶ τῶν εἰδώλων τὴν θεολογίαν, παλινῳδίαν ἀληθείας εἰσάγει, τὸν ἱερὸν ὄντως ὀψέ ποτε, ὅμως δ’ οὖν ᾅδων λόγον· φθέγξομαι οἷς θέμις ἐστί· θύρας δ’ ἐπίθεσθε βέβηλοι πάντες ὁμῶς· σὺ δ’ ἄκουε, φαεσφόρου ἔκγονε Μήνης, Μουσαἶ , ἐξερέω γὰρ ἀληθέα, μηδέ σε τὰ πρὶν ἐν στήθεσσι φανέντα φίλης αἰῶνος ἀμέρσῃ. εἰς δὲ λόγον θεῖον βλέψας τούτῳ προσέδρευε, ἰθύνων κραδίης νοερὸν κύτος· εὖ δ’ ἐπίβαινε ἀτραπιτοῦ, μοῦνον δ’ ἐσόρα κόσμοιο ἄνακτα ἀθάνατον. εἶτα ὑποβὰς διαρρήδην ἐπιφέρει·  <pb xml:id="pg.64_alt" type="margin"/> εἶς ἔστ̓, αὐτογενής, ἑνὸς ἔκγονα πάντα τέτυκται· ἐν δ’ αὐτοῖς αὐτὸς περινίσσεται, οὐδέ τις αὐτὸν εἰσοράᾳ θνητῶν, αὐτὸς δέ γε πάντας ὁρᾶται. οὕτως μὲν δὴ Ὀρφεύς· χρόνῳ γέ<note xml:lang="mul">γέ Stählin. τέ MSS.</note> ποτε συνῆκεν πεπλανημένος. ἀλλὰ σὺ μὴ μέλλων, βροτὲ ποικιλόμητι, βράδυνε, ἀλλὰ παλίμπλαγκτος στρέψας θεὸν ἱλάσκοιο. εἰ γὰρ καὶ τὰ μάλιστα ἐναύσματά τινα τοῦ λόγου τοῦ θείου λαβόντες Ἕλληνες ὀλίγα ἄττα τῆς ἀληθείας ἐφθέγξαντο, προσμαρτυροῦσι μὲν τὴν δύναμιν αὐτῆς οὐκ ἀποκεκρυμμένην, σφᾶς δὲ αὐτοὺς ἐλέγχουσιν ἀσθενεῖς, οὐκ ἐφικόμενοι τοῦ τέλους. ἤδη γὰρ οἶμαι παντί τῳ δῆλον γεγονέναι ὡς τῶν 
+<pb xml:id="p.168"/> χωρὶς τοῦ λόγου τῆς ἀληθείας ἐνεργούντων τι ἢ καὶ φθεγγομένων ὁμοίων ὄντων τοῖς χωρὶς βάσεως βαδίζειν βιαζομένοις. Δυσωπούντων δέ σε εἰς σωτηρίαν καὶ οἱ περὶ τοὺς θεοὺς ὑμῶν ἔλεγχοι, οὕς διὰ τὴν ἀλήθειαν ἐκβιαζόμενοι κωμῳδοῦσι ποιηταί. Μένανδρος γοῦν ὁ κωμικὸς ἐν Ἡνιόχῳ <del>ἐν Ὑποβολιμαίῳ</del><note xml:lang="mul"><emph n="lemma">ἐν Ὑποβολιμαίῳ</emph> Clericus (missing from Justin, De mon.5).</note> τῷ δράματι οὐδείς μ’ ἀρέσκει ʽφησἲ περιπατῶν ἔξω θεὸς μετὰ γραός, οὐδ’ εἰς οἰκίας παρεισιὼν ἐπὶ τοῦ σανιδίου· <del>μητραγύρτης</del><note xml:lang="mul"><emph n="lemma">μητραγύρτης</emph> Dindorf.</note> τοιοῦτοι γὰρ οἱ μητραγύρται. ὅθεν εἰκότως ὁ Ἀντισθένης ἔλεγεν αὐτοῖς μεταιτοῦσιν· <q>οὐ τρέφω τὴν μητέρα τῶν θεῶν, ἣν οἱ θεοὶ τρέφουσιν.</q> πάλιν δὲ ὁ αὐτὸς κωμῳδιοποιὸς ἐν Ἱερείᾳ τῷ δράματι χαλεπαίνων πρὸς τὴν συνήθειαν διελέγχειν πειρᾶται τὸν ἄθεον τῆς πλάνης τῦφον, ἐπιφθεγγόμενος ἐμφρόνως εἰ γὰρ ἕλκει τὸν θεὸν τοῖς κυμβάλοις ἄνθρωπος εἰς ὃ βούλεται, ὁ τοῦτο ποιῶν ἐστι μείζων τοῦ θεοῦ· ἀλλ’ ἔστι τόλμης καὶ βίου<note xml:lang="mul">βίας Bentley: Stählin.</note> ταῦτ’ ὄργανα εὑρημέν’ ἀνθρώποισιν. <pb xml:id="pg.65_alt" type="margin"/> 
+<pb xml:id="p.170"/> καὶ οὐχὶ μόνος ὁ Μένανδρος, ἀλλὰ καὶ Ὅμηρος καὶ Εὐριπίδης καὶ ἄλλοι συχνοὶ ποιηταὶ διελέγχουσιν ὑμῶν τοὺς θεοὺς καὶ λοιδορεῖσθαι οὐ δεδίασιν οὐδὲ καθ’ ὁπόσον αὐτοῖς. αὐτίκα τὴν Ἀθηνᾶν <q>κυνάμυιαν</q> καὶ τὸν Ἥφαιστον <q>ἀμφιγύην</q> καλοῦσιν, τῇ δὲ Ἀφροδίτῃ ἡ Ἑλένη φησὶ μηκέτι σοῖσι πόδεσσιν ὑποστρέψειας Ὄλυμπον. ἐπὶ δὲ τοῦ Διονύσου ἀναφανδὸν Ὅμηρος γράφει ὅς ποτε μαινομένοιο Διωνύσοιο τιθήνας σεῦε κατ’ ἠγάθεον Νυσήιον· αἱ δ’ ἅμα πᾶσαι θύσθλα χαμαὶ κατέχευαν ὑπ’ ἀνδροφόνοιο Λυκούργου. ἄξιος ὡς ἀληθῶς Σωκρατικῆς διατριβῆς ὁ Εὐριπίδης εἰς τὴν ἀλήθειαν ἀπιδὼν καὶ τοὺς θεατὰς ὑπεριδών, ποτὲ μὲν τὸν Ἀπόλλωνα, ὃς μεσομφάλους ἕδρας ναίει βροτοῖσι στόμα νέμων σαφέστατα, διελέγχων, κείνῳ πιθόμενος<note xml:lang="mul">τούτῳ πιθόμενος Euripides. κείνῳ πειθόμενος MSS.</note> τὴν τεκοῦσαν ἔκτανον, ἐκεῖνον ἡγεῖσθ’ ἀνόσιον καὶ κτείνετε·<note xml:lang="mul">κτείνετε Euripides. κτείνατε MSS.</note> ἐκεῖνος ἥμαρτ̓, οὐκ ἐγώ, ἀμαθέστερος γ’ ὢν<note xml:lang="mul">γʼ ὢν Euripides ὢν MSS.</note> τοῦ καλοῦ καὶ τῆς δίκης, τοτὲ δ’ ἐμμανῆ εἰσάγων Ἡρακλέα καὶ μεθύοντα ἀλλαχόθι καὶ ἄπληστον· πῶς γὰρ οὐχί; ὃς ἑστιώμενος τοῖς κρέασι 
+<pb xml:id="p.172"/> χλωρὰ σῦκ’ ἐπήσθιεν ἄμουσ̓ ὑλακτῶν ὥστε βαρβάρῳ μαθεῖν. ἤδη δὲ ἐν Ἴωνι τῷ δράματι γυμνῇ τῇ κεφαλῇ ἐκκυκλεῖ τῷ θεάτρῳ τοὺς θεούς· πῶς οὖν δίκαιον τοὺς νόμους ὑμᾶς βροτοῖς γράψαντας αὐτοὺς ἀδικίας ὀφλισκάνειν; εἰ δ᾽, οὐ γὰρ ἔσται, τῷ λόγῳ δὲ χρήσομαι, δίκας βιαίων δώσετ’ ἀνθρώποις γάμων, σὺ καὶ Ποσειδῶν Ζεύς θ̓, ὃς οὐρανοῦ κρατεῖ, ναοὺς τίνοντες ἀδικίας κενώσετε. </p> </div>
+
+ <div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="8"> 
+  <p> Ὥρα τοίνυν τῶν ἄλλων ἡμῖν τῇ τάξει προδιηνυσμένων ἐπὶ τὰς προφητικὰς ἰέναι γραφάς· καὶ γὰρ <pb xml:id="pg.66_alt" type="margin"/> οἱ χρησμοὶ τὰς εἰς τὴν θεοσέβειαν ἡμῖν ἀφορμὰς ἐναργέστατα προτείνοντες θεμελιοῦσι τὴν ἀλήθειαν· γραφαὶ δὲ αἱ θεῖαι καὶ<note xml:lang="mul">αἰ θεῖαι, <add>εἰ</add> καὶ Schwartz: Stählin.</note> πολιτεῖαι σώφρονες, σύντομοι σωτηρίας ὁδοί· γυμναὶ κομμωτικῆς καὶ τῆς ἐκτὸς καλλιφωνίας καὶ στωμυλίας καὶ κολακείας ὑπάρχουσαι ἀνιστῶσιν ἀγχόμενον ὑπὸ κακίας τὸν ἄνθρωπον, ὑπεριδοῦσαι τὸν ὄλισθον τὸν βιωτικόν, μιᾷ καὶ τῇ αὐτῇ φωνῇ πολλὰ θεραπεύουσαι,<note xml:lang="mul">θεραπεύουσαι Sylburg. θεραπεῦσαι MSS.</note> ἀποτρέπουσαι μὲν ἡμᾶς τῆς ἐπιζημίου ἀπάτης, προτρέπουσαι δὲ ἐμφανῶς εἰς προὖπτον σωτηρίαν. αὐτίκα γοῦν ἡ 
+<pb xml:id="p.174"/> προφῆτις ἡμῖν ᾀσάτω πρώτη Σίβυλλα τὸ ᾆσμα τὸ σωτήριον· οὗτος ἰδοὺ πάντεσσι<note xml:lang="mul">πάντεσσι Sib. Or. and Clement, v. Strom. 115. 6. πάντʼ ἐστι MSS.</note> σαφὴς ἀπλάνητος ὑπάρχει· ἔλθετε, μὴ σκοτίην δὲ διώκετε καὶ ζόφον αἰεί. ἠελίου γλυκυδερκές, ἰδού, φάος ἔξοχα λάμπει. γνῶτε δὲ κατθέμενοι σοφίην ἐν στήθεσιν ὑμῶν. εἶς θεός ἐστι, βροχάς, ἀνέμους, σεισμούς τ’ ἐπιπέμπων, ἀστεροπάς, λιμούς, λοιμοὺς καὶ κήδεα λυγρὰ καὶ νιφετοὺς καὶ τἆλλα,<note xml:lang="mul">καὶ τἆλλα Cobet. κρύσταλλα MSS.: Stählin.</note> τί δὴ καθ’ ἓν ἐξαγορεύω; οὐρανοῦ ἡγεῖται, γαίης κρατεῖ αὐτὸς ἀπ’ ἀρχῆς.<note xml:lang="mul">ἀπʼ ἀρχῆς Mayor. ὑπάρχει MSS.: Stählin.</note> ἐνθέως σφόδρα τὴν μὲν ἀπάτην ἀπεικάζουσα τῷ σκότει, τὴν δὲ γνῶσιν ἡλίῳ καὶ φωτὶ τοῦ θεοῦ, ἄμφω δὲ παραθεμένη τῇ συγκρίσει, τὴν ἐκλογὴν διδάσκει· τὸ γὰρ ψεῦδος οὐ ψιλῇ τῇ παραθέσει τἀληθοῦς διασκεδάννυται, τῇ δὲ χρήσει τῆς ἀληθείας ἐκβιαζόμενον φυγαδεύεται. Ἱερεμίας δὲ ὁ προφήτης ὁ πάνσοφος, μᾶλλον δὲ ἐν Ἱερεμίᾳ τὸ ἅγιον πνεῦμα ἐπιδείκνυσι τὸν θεόν. <q>θεὸς ἐγγίζων ἐγώ εἰμι,</q> φησί, <q>καὶ οὐχὶ θεὸς πόρρωθεν. εἰ ποιήσει τι ἄνθρωπος ἐν κρυφαίοις, καὶ ἐγὼ οὐκ ὄψομαι αὐτόν; οὐχὶ τοὺς οὐρανοὺς καὶ τὴν γῆν ἐγὼ πληρῶ; λέγει κύριος.</q> πάλιν δὲ αὖ διὰ Ἡσαΐου <q>τίς μετρήσει,</q> φησί, <q>τὸν οὐρανὸν σπιθαμῇ καὶ πᾶσαν τὴν γῆν δρακί;</q> ὅρα τὸ μέγεθος τοῦ θεοῦ καὶ καταπλάγηθι. τοῦτον προσκυνήσωμεν, ἐφ’ οὗ φησιν ὁ προφήτης <q>ἀπὸ προσώπου σου ὄρη τακήσονται, 
+<pb xml:id="p.176"/> ὡς ἀπὸ προσώπου πυρὸς τήκεται κηρός.</q> οὗτος, φησίν, ἐστὶν ὁ θεός, <q>οὗ θρόνος μέν ἐστιν ὁ οὐρανός, ὑποπόδιον δὲ ἡ γῆ,</q> ὃς <q>ἐὰν ἀνοίξῃ τὸν οὐρανόν, τρόμος σε λήψεται.</q> βούλει καὶ περὶ τῶν εἰδώλων<note xml:lang="mul">εἰδώλων: can this be a scribe's mistake for εἰδωλολατρῶν (cp. p. 178. 1. 12)?</note> ἀκοῦσαι τί φησὶν <add>ὁ</add><note xml:lang="mul"> <add>ὁ</add> inserted by Dindorf.</note> προφήτης οὗτος; <q>παραδειγματισθήσονται ἔμπροσθεν τοῦ ἡλίου καὶ ἔσται τὰ <pb xml:id="pg.67_alt" type="margin"/> θνησιμαῖα αὐτῶν βρώματα τοῖς πετεινοῖς τοῦ οὐρανοῦ καὶ τοῖς θηρίοις τῆς γῆς, καὶ σαπήσεται ὑπὸ τοῦ ἡλίου καὶ τῆς σελήνης, ἃ αὐτοὶ ἠγάπησαν καὶ οἷς αὐτοὶ ἐδούλευσαν, καὶ ἐμπρησθήσεται ἡ πόλις αὐτῶν.</q> φθαρήσεσθαι δὲ καὶ τὰ στοιχεῖα καὶ τὸν κόσμον σὺν καὶ αὐτοῖς λέγει· <q>ἡ γῆ,</q> φησί, <q>παλαιωθήσεται καὶ ὁ οὐρανὸς παρελεύσεται,</q> <q>τὸ δὲ ῥῆμα κυρίου μένει εἰς τὸν αἰῶνα.</q> τί δὲ ὅταν πάλιν ἑαυτὸν δεικνύναι ὁ θεὸς βουληθῇ διὰ Μωυσέως; <q>ἴδετε ἴδετε ὅτι ἐγώ εἰμι καὶ οὐκ ἔστι θεὸς ἕτερος πλὴν ἐμοῦ. ἐγὼ ἀποκτενῶ καὶ ζῆν ποιήσω· πατάξω κἀγὼ ἰάσομαι, καὶ οὐκ ἔστιν ὃς ἐξελεῖται ἐκ τῶν χειρῶν μου.</q> Ἀλλὰ καὶ ἑτέρου ἐπακοῦσαι θέλεις χρησμῳδοῦ; ἔχεις τὸν χορὸν πάντα τὸν προφητικόν, τοὺς συνθιασώτας τοῦ Μωυσέως. τί φησὶν αὐτοῖς τὸ πνεῦμα τὸ ἅγιον διὰ Ὠσηέ; οὐκ ὀκνήσω λέγειν· <q>ἰδού, ἐγὼ στερεῶν βροντὴν καὶ κτίζων πνεῦμα,</q> οὗ αἱ χεῖρες τὴν στρατιὰν τοῦ οὐρανοῦ ἐθεμελίωσαν. ἔτι 
+<pb xml:id="p.178"/> δὲ καὶ διὰ Ἡσαΐου ʽκαὶ ταύτην ἀπομνημονεύσω σοι τὴν φωνήν’ <q>ἐγώ εἰμι, ἐγώ εἰμι,</q> φησίν, <q>ὁ κύριος ὁ λαλῶν δικαιοσύνην καὶ ἀναγγέλλων ἀλήθειαν· συνάχθητε καὶ ἥκετε· βουλεύσασθε ἅμα, οἱ σῳζόμενοι ἀπὸ τῶν ἐθνῶν. οὐκ ἔγνωσαν οἱ αἴροντες τὸ ξύλον γλύμμα αὐτῶν, καὶ προσευχόμενοι θεοῖς οἳ οὐ σώσουσιν αὐτούς.</q> εἶθ’ ὑποβάς <q>ἐγώ,</q> φησίν, <q>ὁ θεός, καὶ οὐκ ἔστι πλὴν ἐμοῦ δίκαιος, καὶ σωτὴρ οὐκ ἔστι πάρεξ ἐμοῦ· ἐπιστράφητε πρός με καὶ σωθήσεσθε οἱ ἀπ’ ἐσχάτου τῆς γῆς. ἐγώ εἰμι ὁ θεὸς καὶ οὐκ ἔστιν ἄλλος· κατ’ ἐμαυτοῦ ὀμνύω.</q> τοῖς δὲ εἰδωλολάτραις δυσχεραίνει λέγων <q>τίνι ὡμοιώσατε κύριον; ἢ τίνι ὁμοιώματι ὡμοιώσατε αὐτόν; μὴ εἰκόνα ἐποίησεν τέκτων, ἢ χρυσοχόος χωνεύσας χρυσίον περιεχρύσωσεν αὐτόν;</q> καὶ τὰ ἐπὶ τούτοις. μὴ οὖν ἔτι ὑμεῖς εἰδωλολάτραι; ἀλλὰ κἂν νῦν φυλάξασθε τὰς ἀπειλάς· ὀλολύξει γὰρ τὰ γλυπτὰ καὶ τὰ χειροποίητα, μᾶλλον δὲ οἱ ἐπ’ αὐτοῖς πεποιθότες, ἀναίσθητος γὰρ ἡ ὕλη. ἔτι φησίν· <q>ὁ κύριος σείσει πόλεις κατοικουμένας καὶ τὴν οἰκουμένην ὅλην καταλήψεται τῇ χειρὶ ὡς νοσσιάν.</q> τί σοι σοφίας ἀναγγέλλω μυστήρια καὶ ῥήσεις ἐκ παιδὸς Ἑβραίου σεσοφισμένου; <q>κύριος ἔκτισέν με ἀρχὴν ὁδῶν αὐτοῦ εἰς ἔργα αὐτοῦ,</q> καὶ <q>κύριος δίδωσι σοφίαν καὶ ἀπὸ προσώπου αὐτοῦ γνῶσις καὶ σύνεσις.</q> <q>ἕως πότε, ὀκνηρέ, κατάκεισαι; πότε δὲ ἐξ ὕπνου ἐγερθήσῃ; 
+<pb xml:id="p.180"/> ἐὰν δὲ ἄοκνος ᾖς, ἥξει σοι ὥσπερ πηγὴ ὁ ἄμητός σου,</q> ὁ λόγος ὁ πατρικός, <pb xml:id="pg.68_alt" type="margin"/> ὁ ἀγαθὸς λύχνος, ὁ κύριος ἐπάγων τὸ φῶς, τὴν πίστιν πᾶσι καὶ σωτηρίαν. <q>κύριος</q> γὰρ <q>ὁ ποιήσας τὴν γῆν ἐν τῇ ἰσχύι αὐτοῦ,</q> ὥς φησιν Ἱερεμίας, <q>ἀνώρθωσεν τὴν οἰκουμένην ἐν τῇ σοφίᾳ αὐτοῦ.</q> ἀποπεσόντας γὰρ ἡμᾶς ἐπὶ τὰ εἴδωλα ἡ σοφία, ἥ ἐστιν ὁ λόγος αὐτοῦ, ἀνορθοῖ ἐπὶ τὴν ἀλήθειαν. καὶ αὕτη ἡ<note xml:lang="mul">αὕτη ἡ Mayor. αὕτη MSS.</note> πρώτη τοῦ παραπτώματος ἀνάστασις· ὅθεν ἀποτρέπων εἰδωλολατρείας ἁπάσης ὁ θεσπέσιος παγκάλως ἀνακέκραγε Μωυσῆς· <q>ἄκουε Ἰσραήλ· κύριος ὁ θεός σου, κύριος εἷς ἐστι,</q> καὶ <q>κύριον τὸν θεόν σου προσκυνήσεις καὶ αὐτῷ μόνῳ λατρεύσεις·</q> νῦν δὴ οὖν σύνετε, ὦ ἄνθρωποι, κατὰ τὸν μακάριον ψαλμῳδὸν ἐκεῖνον τὸν Δαβίδ· <q>δράξασθε παιδείας, μή ποτε ὀργισθῇ κύριος, καὶ ἀπολεῖσθε ἐξ ὁδοῦ δικαίας, ὅταν ἐκκαυθῇ ἐν τάχει ὁ θυμὸς αὐτοῦ. μακάριοι πάντες οἱ πεποιθότες ἐπ’ αὐτῷ.</q> ἤδη δὲ ὑπεροικτείρων ἡμᾶς ὁ κύριος τὸ σωτήριον ἐνδίδωσι μέλος, οἷον ἐμβατήριον ῥυθμόν· <q>υἱοὶ ἀνθρώπων, ἕως πότε βαρυκάρδιοι; ἵνα τί ἀγαπᾶτε ματαιότητα καὶ ζητεῖτε ψεῦδος;</q> τίς οὖν ἡ ματαιότης καὶ τί τὸ ψεῦδος; ὁ ἅγιος ἀπόστολος τοῦ κυρίου τοὺς Ἕλληνας αἰτιώμενος ἐξηγήσεταί σοι· <q>ὅτι γνόντες τὸν θεὸν οὐχ ὡς θεὸν ἐδόξασαν ἢ ηὐχαρίστησαν, ἀλλ’ ἐματαιώθησαν ἐν τοῖς διαλογισμοῖς αὐτῶν, καὶ ἤλλαξαν τὴν δόξαν τοῦ θεοῦ 
+<pb xml:id="p.182"/> ἐν ὁμοιώματι εἰκόνος φθαρτοῦ ἀνθρώπου, καὶ ἐλάτρευσαν τῇ κτίσει παρὰ τὸν κτίσαντα.</q> καὶ μὴν ὅ γε θεὸς οὗτος, ὃς <q>ἐν ἀρχῇ ἐποίησε τὸν οὐρανὸν καὶ τὴν γῆν</q> · σὺ δὲ τὸν μὲν θεὸν οὐ νοεῖς, τὸν δὲ οὐρανὸν προσκυνεῖς, καὶ πῶς οὐκ ἀσεβεῖς; ἄκουε πάλιν προφήτου λέγοντος <q>ἐκλείψει μὲν ὁ ἥλιος καὶ ὁ οὐρανὸς σκοτισθήσεται, λάμψει δὲ ὁ παντοκράτωρ εἰς τὸν αἰῶνα, καὶ αἱ δυνάμεις τῶν οὐρανῶν σαλευθήσονται καὶ οἱ οὐρανοὶ εἱλιγήσονται ὡς δέρρις ἐκτεινόμενοι καὶ συστελλόμενοι</q> ʽαὗται γὰρ αἱ προφητικαὶ φωναἴ <q>καὶ ἡ γῆ φεύξεται ἀπὸ προσώπου κυρίου.</q> </p> </div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="9"> 
+ <p> Καὶ μυρίας ἂν ἔχοιμί σοι γραφὰς παραφέρειν, ὧν οὐδὲ <q>κεραία παρελεύσεται μία,</q> μὴ οὐχὶ ἐπιτελὴς γενομένη· τὸ γὰρ στόμα κυρίου, τὸ ἅγιον πνεῦμα, ἐλάλησεν ταῦτα. <q>μὴ τοίνυν μηκέτι,</q> φησίν, <q>υἱέ μου, ὀλιγώρει παιδείας κυρίου, μηδ’ ἐκλύου ὑπ’ αὐτοῦ ἐλεγχόμενος.</q> ὢ τῆς ὑπερβαλλούσης φιλανθρωπίας· οὐδ’ ὡς μαθηταῖς ὁ διδάσκαλος οὐδ’ ὡς οἰκέταις ὁ κύριος οὐδ’ ὡς <pb xml:id="pg.69_alt" type="margin"/> θεὸς ἀνθρώποις, <q>πατὴρ δὲ ὣς ἤπιος</q> νουθετεῖ υἱούς. εἶτα Μωυσῆς μὲν ὁμολογεῖ <q>ἔμφοβος εἶναι καὶ ἔντρομος,</q> ἀκούων περὶ τοῦ λόγου, σὺ δὲ τοῦ 
+<pb xml:id="p.184"/> λόγου ἀκροώμενος τοῦ θείου οὐ δέδιας; οὐκ ἀγωνιᾷς; οὐχὶ ἅμα τε εὐλαβῇ καὶ σπεύδεις ἐκμαθεῖν, τουτέστι σπεύδεις εἰς σωτηρίαν, φοβούμενος τὴν ὀργήν, ἀγαπήσας τὴν χάριν, ζηλώσας τὴν ἐλπίδα, ἵνα ἐκκλίνῃς τὴν κρίσιν; ἥκετε ἥκετε, ὦ νεολαία ἡ ἐμή· <q>ἢν γὰρ μὴ αὖθις ὡς τὰ παιδία γένησθε καὶ ἀναγεννηθῆτε,</q> ὥς φησιν ἡ γραφή, τὸν ὄντως ὄντα πατέρα οὐ μὴ ἀπολάβητε, <q>οὐδ’ οὐ μὴ εἰσελεύσεσθέ ποτε εἰς τὴν βασιλείαν τῶν οὐρανῶν.</q> πῶς γὰρ εἰσελθεῖν ἐπιτέτραπται τῷ ξένῳ; ἀλλ’ ὅταν, οἶμαι, ἐγγραφῇ καὶ πολιτευθῇ καὶ τὸν πατέρα ἀπολάβῃ, τότε <q>ἐν τοῖς τοῦ πατρὸς</q> γενήσεται, τότε κληρονομῆσαι καταξιωθήσεται, τότε τῆς βασιλείας τῆς πατρῴας κοινωνήσει τῷ γνησίῳ, τῷ <q>ἠγαπημένῳ</q> · αὕτη γὰρ ἡ πρωτότοκος ἐκκλησία ἡ ἐκ πολλῶν ἀγαθῶν συγκειμένη παιδίων· ταῦτ’ ἔστι τὰ <q>πρωτότοκα τὰ ἐναπογεγραμμένα ἐν οὐρανοῖς</q> καὶ τοσαύταις <q>μυριάσιν ἀγγέλων</q> συμπανηγυρίζοντα· πρωτότοκοι δὲ παῖδες ἡμεῖς οἱ τρόφιμοι τοῦ θεοῦ, οἱ τοῦ <q>πρωτοτόκου</q> γνήσιοι φίλοι, οἱ πρῶτοι τῶν ἄλλων ἀνθρώπων τὸν θεὸν νενοηκότες, οἱ πρῶτοι τῶν ἁμαρτιῶν ἀπεσπασμένοι, οἱ πρῶτοι τοῦ διαβόλου κεχωρισμένοι. Νυνὶ δὲ τοσούτῳ τινές εἰσιν ἀθεώτεροι, ὅσῳ φιλανθρωπότερος ὁ θεός· ὁ μὲν γὰρ ἐκ δούλων υἱοὺς ἡμᾶς γενέσθαι βούλεται, οἱ δὲ καὶ υἱοὶ γενέσθαι ὑπερηφανήκασιν. ὢ τῆς ἀπονοίας τῆς πολλῆς· τὸν κύριον ἐπαισχύνεσθε. ἐλευθερίαν ἐπαγγέλλεται, 
+<pb xml:id="p.186"/> ὑμεῖς δὲ εἰς δουλείαν ἀποδιδράσκετε. σωτηρίαν χαρίζεται, ὑμεῖς δὲ εἰς θάνατον<note xml:lang="mul">θάνατον Stählin. ἁπώλειαν Sylburg. ἄνθρωπον MSS.</note> ὑποφέρεσθε. ζωὴν δωρεῖται αἰώνιον, ὑμεῖς δὲ τὴν κόλασιν ἀναμένετε· καὶ <q>τὸ πῦρ</q> δὲ προσκοπεῖτε, <q>ὃ ἡτοίμασεν ὁ κύριος τῷ διαβόλῳ καὶ τοῖς ἀγγέλοις αὐτοῦ.</q> διὰ τοῦτο ὁ μακάριος ἀπόστολος <q>μαρτύρομαι ἐν κυρίῳ,</q> φησίν, <q>μηκέτι ὑμᾶς περιπατεῖν, καθὼς καὶ τὰ ἔθνη περιπατεῖ ἐν ματαιότητι τοῦ νοὸς αὐτῶν, ἐσκοτισμένοι τῇ διανοίᾳ ὄντες καὶ ἀπηλλοτριωμένοι τῆς ζωῆς τοῦ θεοῦ, διὰ τὴν ἄγνοιαν τὴν οὖσαν ἐν αὐτοῖς, διὰ τὴν πώρωσιν τῆς καρδίας αὐτῶν· οἵτινες ἑαυτοὺς παρέδωκαν <pb xml:id="pg.70_alt" type="margin"/> ἀπηλγηκότες τῇ ἀσελγείᾳ εἰς ἐργασίαν ἀκαθαρσίας πάσης καὶ πλεονεξίας.</q> τοιούτου μάρτυρος ἐλέγχοντος τὴν τῶν ἀνθρώπων ἄνοιαν καὶ θεὸν ἐπιβοωμένου, τί δὴ ἕτερον ὑπολείπεται τοῖς ἀπίστοις ἢ κρίσις καὶ καταδίκη; οὐ κάμνει<note xml:lang="mul">οὐ κάμνει Münzel. οὐκ ἀμελεῖ MSS.</note> δὲ ὁ κύριος παραινῶν, ἐκφοβῶν, προτρέπων, διεγείρων, νουθετῶν· ἀφυπνίζει γέ τοι καὶ τοῦ σκότους αὐτοῦ τοὺς πεπλανημένους διανίστησιν· <q>ἔγειρε,</q> φησίν, <q>ὁ καθεύδων καὶ ἀνάστα ἐκ τῶν νεκρῶν, καὶ ἐπιφαύσει σοι ὁ Χριστὸς κύριος,</q> ὁ τῆς ἀναστάσεως ἥλιος, ὁ <q>πρὸ ἑωσφόρου</q> γεννώμενος, ὁ ζωὴν χαρισάμενος ἀκτῖσιν ἰδίαις. Μὴ οὖν περιφρονείτω τις τοῦ λόγου, μὴ λάθῃ καταφρονῶν ἑαυτοῦ. λέγει γάρ που ἡ γραφή· <q>σήμερον ἐὰν τῆς φωνῆς αὐτοῦ ἀκούσητε, μὴ σκληρύνητε τὰς καρδίας ὑμῶν ὡς ἐν τῷ παραπικρασμῷ κατὰ τὴν ἡμέραν τοῦ πειρασμοῦ ἐν τῇ ἐρήμῳ, οὗ ἐπείρασαν οἱ πατέρες ὑμῶν ἐν δοκιμασίᾳ.</q> 
+<pb xml:id="p.188"/> ἡ δὲ δοκιμασία τίς ἐστιν εἰ θέλεις μαθεῖν, τὸ ἅγιόν σοι πνεῦμα ἐξηγήσεται· <q>καὶ εἶδον τὰ ἔργα μου,</q> φησί, <q>τεσσαράκοντα ἔτη· δι’ ὃ προσώχθισα τῇ γενεᾷ ταύτῃ καὶ εἶπον· ἀεὶ πλανῶνται τῇ καρδίᾳ· αὐτοὶ δὲ οὐκ ἔγνωσαν τὰς ὁδούς μου· ὡς ὤμοσα ἐν τῇ ὀργῇ μου, εἰ εἰσελεύσονται εἰς τὴν κατάπαυσίν μου.</q> ὁρᾶτε τὴν ἀπειλήν· ὁρᾶτε τὴν προτροπήν· ὁρᾶτε τὴν τιμήν· τί δὴ οὖν ἔτι τὴν χάριν εἰς ὀργὴν μεταλλάσσομεν καὶ οὐχὶ ἀναπεπταμέναις ταῖς ἀκοαῖς καταδεχόμενοι τὸν λόγον ἐν ἁγναῖς ξενοδοχοῦμεν ταῖς ψυχαῖς τὸν θεόν; μεγάλη γὰρ τῆς ἐπαγγελίας αὐτοῦ ἡ χάρις, <q>ἐὰν σήμερον τῆς φωνῆς αὐτοῦ ἀκούσωμεν</q> · τὸ δὲ σήμερον καθ’ ἑκάστην <del>αὐτοῦ</del><note xml:lang="mul"> <del>αὐτοῦ</del> Stählin.</note> αὔξεται τὴν ἡμέραν, ἔστ’ ἂν ἡ σήμερον ὀνομάζηται. μέχρι δὲ συντελείας καὶ ἡ σήμερον καὶ ἡ μάθησις διαμένει· καὶ τότε ἡ ὄντως σήμερον ἡ ἀνελλιπὴς τοῦ θεοῦ ἡμέρα τοῖς αἰῶσι συνεκτείνεται. Ἀεὶ οὖν τῆς φωνῆς ὑπακούωμεν τοῦ θείου λόγου· ἡ σήμερον γὰρ ἀιδίου αἰῶνός<note xml:lang="mul">ἀιδίου αἰῶνος Arcerius. ἀίδιος αἰών MSS.</note> ἐστιν εἰκών, σύμβολον δὲ τοῦ φωτὸς ἡ ἡμέρα, φῶς δὲ ὁ λόγος ἀνθρώποις, δι’ οὗ καταυγαζόμεθα τὸν θεόν. εἰκότως ἄρα πιστεύσασι μὲν καὶ ὑπακούουσιν ἡ χάρις ὑπερπλεονάσει, ἀπειθήσασι δὲ καὶ πλανωμένοις κατὰ καρδίαν ὁδούς τε τὰς κυριακὰς μὴ ἐγνωκόσιν, ἃς εὐθείας ποιεῖν καὶ εὐτρεπίζειν παρήγγειλεν Ἰωάννης, τούτοις δὲ προσώχθισεν ὁ θεὸς καὶ ἀπειλεῖ· καὶ δὴ καὶ τὸ τέλος τῆς ἀπειλῆς αἰνιγματωδῶς ἀπειλή <pb xml:id="pg.71_alt" type="margin"/>φασιν οἱ παλαιοὶ τῶν Ἑβραίων 
+<pb xml:id="p.190"/> πλανῆται· οὐ γὰρ <q>εἰσελθεῖν εἰς τὴν κατάπαυσιν</q> λέγονται διὰ τὴν ἀπιστίαν, πρὶν ἢ σφᾶς αὐτοὺς κατακολουθήσαντας τῷ Μωυσέως διαδόχῳ ὀψέ ποτε ἔργῳ μαθεῖν οὐκ ἂν ἄλλως σωθῆναι μὴ οὐχὶ ὡς Ἰησοῦς πεπιστευκότας. Φιλάνθρωπος δὲ ὢν ὁ κύριος πάντας ἀνθρώπους <q>εἰς ἐπίγνωσιν τῆς ἀληθείας</q> παρακαλεῖ, ὁ τὸν παράκλητον ἀποστέλλων. τίς οὖν ἡ ἐπίγνωσις; θεοσέβεια· <q>θεοσέβεια δὲ πρὸς πάντα ὠφέλιμος</q> κατὰ τὸν Παῦλον, <q>ἐπαγγελίαν ἔχουσα ζωῆς τῆς νῦν καὶ τῆς μελλούσης.</q> πόσου ὡμολογήσατε, ὦ ἄνθρωποι, εἰ ἐπιπράσκετο σωτηρία ἀίδιος, ὠνήσασθαι ἄν; οὐδὲ εἰ τὸν Πακτωλόν τις ὅλον, τοῦ χρυσίου τὸ ῥεῦμα τὸ μυθικόν, ἀπομετρήσαι, ἀντάξιον σωτηρίας μισθὸν ἀριθμήσει. μὴ οὖν ἀποκάμητε· ἔξεστιν ὑμῖν, ἢν ἐθέλητε, ἐξωνήσασθαι τὴν πολυτίμητον σωτηρίαν οἰκείῳ θησαυρῷ, ἀγάπῃ καὶ πίστει, ζωῆς ὅς ἐστιν ἀξιόλογος μισθός.<note xml:lang="mul">ἀγάπῃ καὶ πίστει ζωῆς, ὅς ... μισθός. Stählin. The punctuation given above is suggested by Mayor.</note> ταύτην ἡδέως τὴν τιμὴν ὁ θεὸς λαμβάνει. <q>ἠλπίκαμεν γὰρ ἐπὶ θεῷ ζῶντι, ὅς ἐστι σωτὴρ πάντων ἀνθρώπων, μάλιστα πιστῶν.</q> οἱ δὲ ἄλλοι περιπεφυκότες τῷ κόσμῳ, οἷα φυκία τινὰ ἐνάλοις πέτραις, ἀθανασίας ὀλιγωροῦσιν, καθάπερ ὁ Ἰθακήσιος γέρων οὐ τῆς ἀληθείας καὶ τῆς ἐν οὐρανῷ πατρίδος, πρὸς δὲ καὶ τοῦ ὄντως ὄντος ἱμειρόμενοι<note xml:lang="mul">ἱμειρόμενοι Markland. ἱμειρόμενος MSS.</note> φωτός, ἀλλὰ τοῦ καπνοῦ. 
+<pb xml:id="p.192"/> Θεοσέβεια δέ, ἐξομοιοῦσα τῷ θεῷ κατὰ τὸ δυνατὸν τὸν ἄνθρωπον, κατάλληλον ἐπιγράφεται διδάσκαλον θεὸν τὸν καὶ μόνον ἀπεικάσαι κατ’ ἀξίαν δυνάμενον ἄνθρωπον θεῷ. ταύτην ὁ ἀπόστολος τὴν διδασκαλίαν θείαν ὄντως ἐπιστάμενος <q>σὺ δέ, ὦ Τιμόθεε,</q> φησίν, <q>ἀπὸ βρέφους ἱερὰ γράμματα οἶδας, τὰ δυνάμενά σε σοφίσαι εἰς σωτηρίαν διὰ πίστεως ἐν Χριστῷ.</q> ἱερὰ γὰρ ὡς ἀληθῶς τὰ ἱεροποιοῦντα καὶ θεοποιοῦντα γράμματα, ἐξ ὧν γραμμάτων καὶ συλλαβῶν τῶν ἱερῶν τὰς συγκειμένας γραφάς, τὰ συντάγματα, ὁ αὐτὸς ἀκολούθως ἀπόστολος <q>θεοπνεύστους</q> καλεῖ, <q>ὠφελίμους οὔσας πρὸς διδασκαλίαν, πρὸς ἔλεγχον, πρὸς ἐπανόρθωσιν, πρὸς παιδείαν τὴν ἐν δικαιοσύνῃ, ἵνα ἄρτιος ᾖ ὁ τοῦ θεοῦ ἄνθρωπος πρὸς πᾶν ἔργον ἀγαθὸν ἐξηρτημένος.</q> οὐκ ἄν τις οὕτως ἐκπλαγείη τῶν ἄλλων ἁγίων τὰς προτροπὰς ὡς αὐτὸν τὸν κύριον τὸν φιλάνθρωπον· οὐδὲν γὰρ <pb xml:id="pg.72_alt" type="margin"/> ἀλλ’ ἢ τοῦτο ἔργον μόνον ἐστὶν αὐτῷ σῴζεσθαι τὸν ἄνθρωπον. βοᾷ γοῦν ἐπείγων εἰς σωτηρίαν αὐτὸς <q>ἤγγικεν ἡ βασιλεία τῶν οὐρανῶν</q> · ἐπιστρέφει τοὺς ἀνθρώπους πλησιάζοντας τῷ φόβῳ. ταύτῃ καὶ ὁ ἀπόστολος τοῦ κυρίου παρακαλῶν τοὺς Μακεδόνας ἑρμηνεὺς γίνεται τῆς θείας φωνῆς, <q>ὁ κύριος ἤγγικεν</q> λέγων, <q>εὐλαβεῖσθε μὴ καταληφθῶμεν κενοί.</q> Ὑμεῖς δὲ ἐς τοσοῦτον ἀδεεῖς, μᾶλλον δὲ ἄπιστοι, μήτε αὐτῷ πειθόμενοι τῷ κυρίῳ μήτε τῷ Παύλῳ, καὶ ταῦτα ὑπὲρ Χριστοῦ δεδεμένῳ.<note xml:lang="mul">δεομένῳ correction in P (cp. 2 Corinthians v. 20).</note> <q>γεύσασθε 
+<pb xml:id="p.194"/> καὶ ἴδετε ὅτι χρηστὸς ὁ θεός.</q> ἡ πίστις εἰσάξει, ἡ πεῖρα διδάξει, ἡ γραφὴ παιδαγωγήσει <q>δεῦτε, ὦ τέκνα,</q> λέγουσα, <q>ἀκούσατέ μου, φόβον κυρίου διδάξω ὑμᾶς.</q> εἶτα ὡς ἤδη πεπιστευκόσι συντόμως ἐπιλέγει <q>τίς ἐστιν ἄνθρωπος ὁ θέλων ζωήν, ἀγαπῶν ἡμέρας ἰδεῖν ἀγαθάς;</q> ἡμεῖς ἐσμεν, φήσομεν, οἱ τἀγαθοῦ προσκυνηταί, οἱ τῶν ἀγαθῶν ζηλωταί. ἀκούσατε οὖν <q>οἱ μακράν,</q> ἀκούσατε <q>οἱ ἐγγύς</q> · οὐκ ἀπεκρύβη τινὰς ὁ λόγος· φῶς ἐστι κοινόν, ἐπιλάμπει πᾶσιν ἀνθρώποις· οὐδεὶς Κιμμέριος ἐν λόγῳ· σπεύσωμεν εἰς σωτηρίαν, ἐπὶ τὴν παλιγγενεσίαν· εἰς μίαν ἀγάπην<note xml:lang="mul">Stählin suggests ἀγέλην.</note> συναχθῆναι οἱ πολλοὶ κατὰ τὴν τῆς μοναδικῆς οὐσίας ἕνωσιν σπεύσωμεν. ἀγαθοεργούμενοι ἀναλόγως ἑνότητα διώκωμεν, τὴν ἀγαθὴν ἐκζητοῦντες μονάδα. ἡ δὲ ἐκ πολλῶν ἕνωσις ἐκ πολυφωνίας καὶ διασπορᾶς ἁρμονίαν λαβοῦσα θεϊκὴν μία γίνεται συμφωνία, ἑνὶ χορευτῇ καὶ διδασκάλῳ τῷ λόγῳ ἑπομένη, ἐπ’ αὐτὴν τὴν ἀλήθειαν ἀναπαυομένη, <q>Ἀββᾶ</q> λέγουσα <q>ὁ πατήρ</q> · ταύτην ὁ θεὸς τὴν φωνὴν τὴν ἀληθινὴν ἀσπάζεται παρὰ τῶν αὐτοῦ παίδων πρώτην καρπούμενος. 
+<pb xml:id="p.196"/> </p> </div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="10">
+<p> Ἀλλ’ ἐκ πατέρων, φατέ, παραδεδομένον ἡμῖν ἔθος ἀνατρέπειν οὐκ εὔλογον. καὶ τί δὴ οὐχὶ τῇ πρώτῃ τροφῇ, τῷ γάλακτι, χρώμεθα, ᾧ δήπουθεν συνείθισαν ἡμᾶς ἐκ γενετῆς αἱ τίτθαι; τί δὲ αὐξάνομεν ἢ μειοῦμεν τὴν πατρῴαν οὐσίαν,  <pb xml:id="pg.73_alt" type="margin"/> καὶ οὐχὶ τὴν ἴσην, ὡς παρειλήφαμεν, διαφυλάττομεν; τί δὲ οὐκέτι τοῖς κόλποις τοῖς πατρῴοις ἐναποβλύζομεν, ἢ καὶ τὰ ἄλλα, ἃ νηπιάζοντες ὑπὸ μητράσιν τε ἐκτρεφόμενοι γέλωτα ὤφλομεν, ἐπιτελοῦμεν ἔτι, ἀλλὰ σφᾶς αὐτούς, καὶ εἰ μὴ παιδαγωγῶν ἐτύχομεν ἀγαθῶν, ἐπανωρθώσαμεν; εἶτα ἐπὶ τῶν πλόων<note xml:lang="mul">πλόων Cobet. παίδων Schwartz. παθῶν MSS.</note> αἱ παρεκβάσεις καίτοι ἐπιζήμιοι καὶ ἐπισφαλεῖς οὖσαι, ὅμως γλυκεῖαί πως προσπίπτουσιν, ἐπὶ δὲ τοῦ βίου οὐχὶ τὸ ἔθος καταλιπόντες<note xml:lang="mul">καταλιπόντες Cobet. καταλείποντες MSS.</note> τὸ πονηρὸν καὶ ἐμπαθὲς καὶ ἄθεον, κἂν οἱ πατέρες χαλεπαίνωσιν, ἐπὶ τὴν ἀλήθειαν ἐκκλινοῦμεν καὶ τὸν ὄντως ὄντα πατέρα ἐπιζητήσομεν,<note xml:lang="mul">ἐπιζητήσομεν Sylburg. ἐπιζητήσωμεν MSS.</note> οἷον δηλητήριον φάρμακον τὴν συνήθειαν ἀπωσάμενοι; τοῦτ’ αὐτὸ γάρ τοι τὸ κάλλιστον τῶν ἐγχειρουμένων ἐστίν, ὑποδεῖξαι ὑμῖν ὡς ἀπὸ μανίας καὶ τοῦ τρισαθλίου τούτου ἔθους ἐμισήθη ἡ θεοσέβεια· οὐ γὰρ ἂν ἐμισήθη ποτὲ ἢ ἀπηγορεύθη ἀγαθὸν τοσοῦτον, οὗ μεῖζον οὐδὲν ἐκ θεοῦ δεδώρηταί πω τῇ τῶν ἀνθρώπων γενέσει, εἰ μὴ συναρπαζόμενοι τῷ ἔθει, εἶτα μέντοι ἀποβύσαντες τὰ ὦτα ἡμῖν, οἷον ἵπποι σκληραύχενες ἀφηνιάζοντες, τοὺς χαλινοὺς ἐνδακόντες, ἀπεφεύγετε<note xml:lang="mul">ἀπεφεύγετε ... ὑπελαμβάνετε Stählin. ἀποφεύγετε ... ὑπολαμβάνετε MSS.</note> τοὺς λόγους, 
+ <pb xml:id="p.198"/> ἀποσείσασθαι μὲν τοὺς ἡνιόχους ὑμῶν τοῦ βίου ἡμᾶς ἐπιποθοῦντες, ἐπὶ δὲ τοὺς κρημνοὺς τῆς ἀπωλείας ὑπὸ τῆς ἀνοίας φερόμενοι ἐναγῆ τὸν ἅγιον ὑπελαμβάνετε<note xml:lang="mul">ἀπεφεύγετε ... ὑπελαμβάνετε Stählin. ἀποφεύγετε ... ὑπολαμβάνετε MSS.</note> τοῦ θεοῦ λόγον. ἕπεται τοιγαροῦν ὑμῖν κατὰ τὸν Σοφοκλέα τὰ ἐπίχειρα τῆς ἐκλογῆς, νοῦς φροῦδος, ὦτ’ ἀχρεῖα, φροντίδες κεναί, καὶ οὐκ ἴστε ὡς παντὸς μᾶλλον τοῦτο ἀληθές, ὅτι ἄρα οἱ μὲν ἀγαθοὶ καὶ θεοσεβεῖς ἀγαθῆς τῆς ἀμοιβῆς τεύξονται τἀγαθὸν τετιμηκότες, οἱ δὲ ἐκ τῶν ἐναντίων πονηροὶ τῆς καταλλήλου τιμωρίας, καὶ τῷ γε ἄρχοντι τῆς κακίας ἐπήρτηται κόλασις. ἀπειλεῖ γοῦν αὐτῷ ὁ προφήτης Ζαχαρίας <q>ἐπιτιμήσαι ἐν σοὶ ὁ ἐκλεξάμενος τὴν Ἱερουσαλήμ· οὐκ ἰδοὺ τοῦτο δαλὸς ἐξεσπασμένος ἐκ πυρός;</q> τίς οὖν ἔτι τοῖς ἀνθρώποις ὄρεξις ἔγκειται θανάτου ἑκουσίου; τί δὲ τῷ δαλῷ τῷ θανατηφόρῳ τούτῳ <pb xml:id="pg.74_alt" type="margin"/> προσπεφεύγασιν, μεθ’ οὗ καταφλεχθήσονται, ἐξὸν βιῶναι καλῶς κατὰ τὸν θεόν, οὐ κατὰ τὸ ἔθος; θεὸς μὲν γὰρ ζωὴν χαρίζεται, ἔθος δὲ πονηρὸν μετὰ τὴν ἐνθένδε ἀπαλλαγὴν μετάνοιαν κενὴν ἅμα τιμωρίᾳ προστρίβεται, <q>παθὼν δέ τε νήπιος ἔγνω,</q> ὡς ἀπολλύει δεισιδαιμονία καὶ σῴζει θεοσέβεια. Ἰδέτω τις ὑμῶν τοὺς παρὰ τοῖς εἰδώλοις λατρεύοντας, κόμῃ ῥυπῶντας, ἐσθῆτι πιναρᾷ καὶ κατερρωγυίᾳ 
+ <pb xml:id="p.200"/> καθυβρισμένους, λουτρῶν μὲν παντάπασιν ἀπειράτους, ταῖς δὲ τῶν ὀνύχων ἀκμαῖς ἐκτεθηριωμένους, πολλοὺς δὲ καὶ τῶν αἰδοίων ἀφῃρημένους, ἔργῳ δεικνύντας τῶν εἰδώλων τὰ τεμένη τάφους τινὰς ἢ δεσμωτήρια· οὗτοί μοι δοκοῦσι πενθεῖν, οὐ θρῃσκεύειν τοὺς θεούς, ἐλέου μᾶλλον ἢ θεοσεβείας ἄξια πεπονθότες. καὶ ταῦτα ὁρῶντες ἔτι τυφλώττετε καὶ οὐχὶ πρὸς τὸν δεσπότην τῶν πάντων καὶ κύριον τῶν ὅλων ἀναβλέψετε; οὐχὶ δὲ καταφεύξεσθε, ἐκ τῶν ἐνταῦθα δεσμωτηρίων ἐκφεύγοντες, ἐπὶ τὸν ἔλεον τὸν ἐξ οὐρανῶν; ὁ γὰρ θεὸς ἐκ πολλῆς τῆς φιλανθρωπίας ἀντέχεται τοῦ ἀνθρώπου, ὥσπερ ἐκ καλιᾶς ἐκπίπτοντος νεοττοῦ ἡ μήτηρ ὄρνις ἐφίπταται· εἰ δέ που καὶ θηρίον ἑρπηστικὸν περιχάνοι τῷ νεοττῷ, μήτηρ δ’ ἀμφιποτᾶται ὀδυρομένη φίλα τέκνα· ὁ δὲ θεὸς πατὴρ καὶ ζητεῖ τὸ πλάσμα καὶ ἰᾶται τὸ παράπτωμα καὶ διώκει τὸ θηρίον καὶ τὸν νεοττὸν αὖθις ἀναλαμβάνει ἐπὶ τὴν καλιὰν ἀναπτῆναι παρορμῶν. εἶτα κύνες μὲν ἤδη πεπλανημένοι ὀδμαῖς ῥινηλατοῦντες ἐξίχνευσαν τὸν δεσπότην καὶ ἵπποι τὸν ἀναβάτην ἀποσεισάμενοι ἑνί που συρίγματι ὑπήκουσαν τῷ δεσπότῃ· <q>ἔγνω δέ,</q> φησί, <q>βοῦς τὸν κτησάμενον καὶ ὄνος τὴν φάτνην τοῦ κυρίου αὐτοῦ, Ἰσραὴλ δέ με οὐκ ἔγνω.</q> τί οὖν ὁ κύριος; οὐ μνησικακεῖ, ἔτι ἐλεεῖ, ἔτι τὴν μετάνοιαν ἀπαιτεῖ. ἐρέσθαι δὲ ὑμᾶς βούλομαι, εἰ οὐκ ἄτοπον ὑμῖν δοκεῖ πλάσμα ὑμᾶς τοὺς ἀνθρώπους ἐπιγεγονότας<note xml:lang="mul">ἐπιγεγονότας μσς. <del>ἐπι</del>γεγονότας Stählin.</note> 
+<pb xml:id="p.202"/> τοῦ θεοῦ καὶ παρ’ αὐτοῦ τὴν ψυχὴν εἰληφότας καὶ ὄντας ὅλως τοῦ θεοῦ ἑτέρῳ δουλεύειν δεσπότῃ, πρὸς δὲ καὶ θεραπεύειν ἀντὶ μὲν τοῦ βασιλέως τὸν τύραννον, ἀντὶ δὲ τοῦ ἀγαθοῦ τὸν πονηρόν. τίς γάρ, ὢ πρὸς τῆς ἀληθείας, σωφρονῶν γε τἀγαθὸν καταλείπων κακίᾳ σύνεστιν; τίς δὲ ὅστις τὸν θεὸν ἀποφεύγων δαιμονίοις συμβιοῖ; τίς δὲ υἱὸς εἶναι δυνάμενος τοῦ θεοῦ δουλεύειν ἥδεται; ἢ τίς οὐρανοῦ πολίτης εἶναι δυνάμενος ἔρεβος <pb xml:id="pg.75_alt" type="margin"/> διώκει, ἐξὸν παράδεισον γεωργεῖν καὶ οὐρανὸν περιπολεῖν καὶ τῆς ζωτικῆς καὶ ἀκηράτου μεταλαμβάνειν πηγῆς, κατ’ ἴχνος ἐκείνης τῆς φωτεινῆς ἀεροβατοῦντα νεφέλης, ὥσπερ ὁ Ἡλίας, θεωροῦντα τὸν ὑετὸν <add>τὸν</add><note xml:lang="mul"> <add>τὸν</add> inserted by Sylburg.</note> σωτήριον; οἱ δὲ σκωλήκων δίκην περὶ τέλματα καὶ βορβόρους, τὰ ἡδονῆς ῥεύματα, καλινδούμενοι ἀνονήτους καὶ ἀνοήτους ἐκβόσκονται τρυφάς, ὑώδεις τινὲς ἄνθρωποι. ὕες γάρ, φησίν, <q>ἥδονται βορβόρῳ</q> μᾶλλον ἢ καθαρῷ ὕδατι καὶ <q>ἐπὶ φορυτῷ μαργαίνουσιν</q> κατὰ Δημόκριτον. μὴ δῆτα οὖν, μὴ δῆτα ἐξανδραποδισθῶμεν μηδὲ ὑώδεις γενώμεθα, ἀλλ’ <q>ὡς τέκνα φωτὸς</q> γνήσια, ἀναθρήσωμεν καὶ ἀναβλέψωμεν εἰς τὸ φῶς, μὴ νόθους ἡμᾶς ἐξελέγξῃ ὁ κύριος ὥσπερ ὁ ἥλιος τοὺς ἀετούς. Μετανοήσωμεν οὖν καὶ μεταστῶμεν ἐξ ἀμαθίας εἰς ἐπιστήμην, ἐξ ἀφροσύνης εἰς φρόνησιν, ἐξ ἀκρασίας εἰς ἐγκράτειαν, ἐξ ἀδικίας εἰς δικαιοσύνην, ἐξ ἀθεότητος εἰς θεόν. καλὸς ὁ κίνδυνος αὐτομολεῖν 
+ <pb xml:id="p.204"/> πρὸς θεόν. πολλῶν δὲ καὶ ἄλλων ἔστιν ἀπολαῦσαι ἀγαθῶν τοὺς δικαιοσύνης ἐραστάς, οἳ τὴν ἀίδιον διώκομεν σωτηρίαν, ἀτὰρ δὴ καὶ ὧν αὐτὸς αἰνίττεται ὁ θεὸς διὰ Ἡσαΐου λαλῶν <q>ἔστι κληρονομία τοῖς θεραπεύουσι κύριον</q> · καλή γε καὶ ἐράσμιος ἡ κληρονομία, οὐ χρυσίον, οὐκ ἄργυρος, οὐκ ἐσθής, τὰ τῆς γῆς,<note xml:lang="mul">τὰ τῆς γῆς after ἐσθής Markland: after σὴς καὶ MSS.:  καὶ <del>τὰ τῆς γῆς</del> Stählin.</note> ἔνθα που σὴς καὶ λῃστής ποθ καταδύεται περὶ τὸν χαμαίζηλον πλοῦτον ὀφθαλμιῶν, ἀλλ’ ἐκεῖνος ὁ θησαυρὸς τῆς σωτηρίας, πρὸς ὅν γε ἐπείγεσθαι χρὴ φιλολόγους γενομένους, συναπαίρει δὲ ἡμῖν ἐνθένδε τὰ ἔργα τὰ ἀστεῖα καὶ συνίπταται τῷ τῆς ἀληθείας πτερῷ. Ταύτην ἡμῖν τὴν κληρονομίαν ἐγχειρίζει ἡ ἀίδιος διαθήκη τοῦ θεοῦ τὴν ἀίδιον δωρεὰν χορηγοῦσα· ὁ δὲ φιλόστοργος οὗτος ἡμῶν πατήρ, ὁ ὄντως πατήρ, οὐ παύεται προτρέπων, νουθετῶν, παιδεύων, φιλῶν· οὐδὲ γὰρ σῴζων παύεται, συμβουλεύει δὲ τὰ ἄριστα· <q>δίκαιοι γένεσθε, λέγει κύριος· οἱ διψῶντες πορεύεσθε ἐφ’ ὕδωρ, καὶ ὅσοι μὴ ἔχετε ἀργύριον, βαδίσατε καὶ ἀγοράσατε καὶ πίετε ἄνευ ἀργυρίου.</q> ἐπὶ τὸ λουτρόν, ἐπὶ τὴν σωτηρίαν, ἐπὶ τὸν φωτισμὸν παρακαλεῖ μονονουχὶ <pb xml:id="pg.76_alt" type="margin"/> βοῶν καὶ λέγων· γῆν σοι δίδωμι καὶ θάλατταν, παιδίον, οὐρανόν τε καὶ τὰ ἐν αὐτοῖς πάντα ζῷά σοι χαρίζομαι· μόνον, ὦ παιδίον, δίψησον τοῦ πατρός, ἀμισθεί σοι δειχθήσεται ὁ θεός· οὐ καπηλεύεται ἡ ἀλήθεια, δίδωσί σοι καὶ τὰ πτηνὰ καὶ τὰ νηκτὰ καὶ τὰ ἐπὶ τῆς γῆς· ταῦτά σου 
+ <pb xml:id="p.206"/> ταῖς εὐχαρίστοις τρυφαῖς δεδημιούργηκεν ὁ πατήρ. ἀργυρίῳ μὲν ὠνήσεται ὁ νόθος, ὃς ἀπωλείας ἐστὶ παιδίον, ὃς <q>μαμωνᾷ δουλεύειν</q> προῄρηται, σοὶ δὲ τὰ σὰ ἐπιτρέπει, τῷ γνησίῳ λέγω,<note xml:lang="mul">λέγω Stählin. λέγει MSS.</note> τῷ φιλοῦντι τὸν πατέρα, δι’ ὃν ἔτι ἐργάζεται, ᾧ μόνῳ καὶ ὑπισχνεῖται λέγων· <q>καὶ ἡ γῆ οὐ πραθήσεται εἰς βεβαίωσιν</q> · οὐ γὰρ κυροῦται τῇ φθορᾷ· <q>ἐμὴ γάρ ἐστιν πᾶσα ἡ γῆ,</q> ἔστι δὲ καὶ σή, ἐὰν ἀπολάβῃς τὸν θεόν. ὅθεν ἡ γραφὴ εἰκότως εὐαγγελίζεται τοῖς πεπιστευκόσιν· <q>οἱ δὲ ἅγιοι κυρίου κληρονομήσουσι τὴν δόξαν τοῦ θεοῦ καὶ τὴν δύναμιν αὐτοῦ.</q> ποίαν, ὦ μακάριε, δόξαν, εἰπέ μοι· <q>ἣν ὀφθαλμὸς οὐκ εἶδεν οὐδὲ οὖς ἤκουσεν, οὐδὲ ἐπὶ καρδίαν ἀνθρώπου ἀνέβη· καὶ χαρήσονται ἐπὶ τῇ βασιλείᾳ τοῦ κυρίου αὐτῶν εἰς τοὺς αἰῶνας, ἀμήν.</q> ἔχετε, ὦ ἄνθρωποι, τὴν θείαν τῆς χάριτος ἐπαγγελίαν, ἀκηκόατε καὶ τὴν ἄλλην τῆς κολάσεως ἀπειλήν, δι’ ὧν ὁ κύριος σῴζει, φόβῳ καὶ χάριτι παιδαγωγῶν τὸν ἄνθρωπον· τί μέλλομεν; τί οὐκ ἐκκλίνομεν τὴν κόλασιν; τί οὐ καταδεχόμεθα τὴν δωρεάν; τί δὲ οὐχ αἱρούμεθα τὰ βελτίονα, θεὸν ἀντὶ τοῦ πονηροῦ, καὶ σοφίαν εἰδωλολατρείας προκρίνομεν καὶ ζωὴν ἀντικαταλλασσόμεθα<note xml:lang="mul">ἀντικαταλλασσόμεθα Heinsius. ἀντικαταλλασσόμενοι MSS.</note> θανάτου<note xml:lang="mul">θανάτου Mayor. θανάτῳ MSS.</note>; <q>ἰδοὺ τέθεικα πρὸ 
+ <pb xml:id="p.208"/> προσώπου ὑμῶν,</q> φησί, <q>τὸν θάνατον καὶ τὴν ζωήν.</q> πειράζει σε ὁ κύριος ἐκλέξασθαι τὴν ζωήν, συμβουλεύει σοι ὡς πατὴρ πείθεσθαι<note xml:lang="mul">πείθεσθαι Sylburg. πείθεσθε MSS.</note> τῷ θεῷ. <q>ἐὰν γὰρ ἀκούσητέ μου,</q> φησί, <q>καὶ θελήσητε, τὰ ἀγαθὰ τῆς γῆς φάγεσθε,</q> ὑπακοῆς ἡ χάρις· <q>ἐὰν δὲ μὴ ὑπακούσητέ μου μηδὲ θελήσητε, μάχαιρα ὑμᾶς καὶ πῦρ κατέδεται,</q> παρακοῆς ἡ κρίσις. <q>τὸ γὰρ στόμα κυρίου ἐλάλησεν ταῦτα·</q> νόμος ἀληθείας λόγος κυρίου. <pb xml:id="pg.77_alt" type="margin"/> Βούλεσθε ὑμῖν ἀγαθὸς γένωμαι σύμβουλος; ἀλλ̓ ὑμεῖς μὲν ἀκούσατε· ἐγὼ δέ, εἰ δυνατόν, ἐνδείξομαι. ἐχρῆν μὲν ὑμᾶς, ὦ ἄνθρωποι, αὐτοῦ πέρι ἐννοουμένους τοῦ ἀγαθοῦ ἔμφυτον ἐπάγεσθαι πίστιν, μάρτυρα ἀξιόχρεων<note xml:lang="mul">πίστιν, μάρτυρα ἀξιόχρεων Wilamowitz. μάρτυρα ἀξιόχρεων, πίστιν MSS.</note> αὐτόθεν οἴκοθεν, περιφανῶς αἱρουμένην τὸ βέλτιστον, μηδὲ <del>ζητεῖν</del><note xml:lang="mul"> <del>ζητεῖν</del> Mayor. Stählin retains ζητεῖν. and inserts τὸ δʼ ἀγαθὸν (Schwartz) before ἐκπονεῖν.</note> εἰ μεταδιωκτέον ἐκπονεῖν. καὶ γὰρ εἴ τῳ μεθυστέον, φέρε εἰπεῖν, ἀμφιβάλλειν χρή· ὑμεῖς δὲ πρὶν ἢ ἐπισκέψασθαι μεθύετε· καὶ εἰ ὑβριστέον, οὐ πολυπραγμονεῖτε, ἀλλ’ ᾗ<note xml:lang="mul">ᾗ Sylburg. ἤ MSS.</note> τάχος ὑβρίζετε. μόνον δ’ ἄρα εἰ θεοσεβητέον, ζητεῖτε, καὶ εἰ τῷ σοφῷ τούτῳ <del>δὴ</del><note xml:lang="mul"> <del>δὴ</del> Stählin.</note> τῷ θεῷ καὶ τῷ Χριστῷ κατακολουθητέον, τοῦτο δὴ<note xml:lang="mul">δὴ Stählin. δὲ MSS.</note> βουλῆς καὶ σκέψεως ἀξιοῦτε, οὐδ’ ὃ πρέπει θεῷ, ὅ τι ποτέ ἐστι, νενοηκότες. πιστεύσατε ἡμῖν κἂν ὡς μέθῃ, ἵνα σωφρονήσητε· πιστεύσατε κἂν ὡς ὕβρει, ἵνα ζήσητε. εἰ δὲ καὶ πείθεσθαι βούλεσθε τὴν ἐναργῆ 
+ <pb xml:id="p.210"/> τῶν ἀρετῶν ἐποπτεύσαντες<note xml:lang="mul">ἐποπτεύσαντες Potter. ὑποπτεύσαντες MSS.</note> πίστιν, φέρε ὑμῖν ἐκ περιουσίας τὴν περὶ τοῦ λόγου παραθήσομαι πειθώ. ὑμεῖς δέ, οὐ γὰρ τὰ πάτρια ὑμᾶς ἔτι τῆς ἀληθείας ἀπασχολεῖ ἔθη προκατηχημένους, ἀκούοιτ’ ἂν ἤδη τὸ μετὰ τοῦτο ὅπως ἔχει· καὶ δὴ μή τις ὑμᾶς τοῦδε τοῦ ὀνόματος αἰσχύνη προκαταλαμβανέτω, <q>ἥτ̓ ἄνδρας μέγα σίνεται,</q> παρατρέπουσα σωτηρίας. Ἀποδυσάμενοι δ’ οὖν περιφανῶς ἐν τῷ τῆς ἀληθείας σταδίῳ γνησίως ἀγωνιζώμεθα, βραβεύοντος μὲν τοῦ λόγου τοῦ ἁγίου, ἀγωνοθετοῦντος δὲ τοῦ δεσπότου τῶν ὅλων. οὐ γὰρ σμικρὸν ἡμῖν τὸ ἆθλον ἀθανασία πρόκειται. μὴ οὖν ἔτι φροντίζετε μηδὲ <del>εἰ</del><note xml:lang="mul"> <del>εἰ</del> Kontos.</note> ὀλίγον, τί ὑμᾶς ἀγορεύουσι σύρφακές τινες ἀγοραῖοι, δεισιδαιμονίας ἄθεοι χορευταί, ἀνοίᾳ καὶ παρανοίᾳ ἐς αὐτὸ ὠθούμενοι τὸ βάραθρον, εἰδώλων ποιηταὶ καὶ λίθων προσκυνηταί· οἵδε γὰρ ἀνθρώπους ἀποθεοῦν τετολμήκασι, τρισκαιδέκατον Ἀλέξανδρον τὸν Μακεδόνα ἀναγράφοντες θεόν, <q>ὃν Βαβυλὼν ἤλεγξε νεκρόν.</q> ἄγαμαι τοίνυν τὸν Χῖον<note xml:lang="mul">Χῖον Cobet. θεῖον MSS.</note> σοφιστήν, Θεόκριτος ὄνομα αὐτῷ· μετὰ τὴν Ἀλεξάνδρου τελευτὴν ἐπισκώπτων ὁ Θεόκριτος τὰς δόξας τὰς κενὰς τῶν ἀνθρώπων ἃς εἶχον περὶ θεῶν, πρὸς τοὺς πολίτας <pb xml:id="pg.78_alt" type="margin"/> <q>ἄνδρες,</q> εἶπεν, <q>θαρρεῖτε ἄχρις ἂν ὁρᾶτε τοὺς θεοὺς πρότερον τῶν ἀνθρώπων ἀποθνῄσκοντας.</q> 
+ <pb xml:id="p.212"/> θεοὺς δὲ δὴ τοὺς ὁρατοὺς καὶ τὸν σύγκλυδα τῶν γενητῶν τούτων ὄχλον ὁ προσκυνῶν καὶ προσεταιριζόμενος, αὐτῶν ἐκείνων τῶν δαιμόνων ἀθλιώτερος μακρῷ. θεὸς γὰρ οὐδαμῇ οὐδαμῶς ἄδικος ὥσπερ οἱ δαίμονες, ἀλλ’ ὡς οἷόν τε δικαιότατος, καὶ οὐκ ἔστιν αὐτῷ ὁμοιότερον οὐδὲν ἢ ὃς ἂν ἡμῶν γένηται ὅτι δικαιότατος. βᾶτ’ εἰς ὁδὸν δὴ πᾶς ὁ χειρῶναξ λεώς, οἳ τὴν Διὸς γοργῶπιν Ἐργάνην<note xml:lang="mul">Ἐργάνην from Plutarch, De Fortuna 99 A. ἐργάπην MSS.</note> θεὸν στατοῖσι λίκνοις προστρέπεσθε,<note xml:lang="mul">προστρέπεσθε Plutarch. προτρέπεσθε MSS.</note> ἠλίθιοι τῶν λίθων δημιουργοί τε καὶ προσκυνηταί. ὁ Φειδίας ὑμῶν καὶ ὁ Πολύκλειτος ἡκόντων Πραξιτέλης τε αὖ καὶ Ἀπελλῆς καὶ ὅσοι τὰς βαναύσους μετέρχονται τέχνας, γήινοι γῆς ὄντες ἐργάται. τότε γὰρ φησί τις προφητεία δυστυχήσειν τὰ τῇδε πράγματα, ὅταν ἀνδριᾶσι πιστεύσωσιν. ἡκόντων οὖν αὖθις, οὐ γὰρ ἀνήσω καλῶν, οἱ μικροτέχναι. οὐδείς που τούτων ἔμπνουν εἰκόνα δεδημιούργηκεν, οὐδὲ μὴν ἐκ γῆς μαλθακὴν ἐμάλαξε σάρκα. τίς ἔτηξε μυελὸν ἢ τίς ἔπηξεν ὀστέα; τίς νεῦρα διέτεινεν<note xml:lang="mul">διέτεινεν ἣ Wilamowitz.</note>; τίς φλέβας ἐφύσησεν; τίς αἷμα ἐνέχεεν ἐν αὐταῖς ἢ τίς δέρμα περιέτεινεν; ποῦ δ’ ἄν τις αὐτῶν ὀφθαλμοὺς ποιήσαι βλέποντας; τίς ἐνεφύσησε ψυχήν; τίς δικαιοσύνην ἐδωρήσατο; τίς ἀθανασίαν ὑπέσχηται; μόνος ὁ τῶν ὅλων δημιουργός, ὁ <q>ἀριστοτέχνας πατήρ,</q> τοιοῦτον ἄγαλμα ἔμψυχον <del>ἡμᾶς</del><note xml:lang="mul"> <del>ἡμᾶς</del> Mayor.</note> τὸν ἄνθρωπον ἔπλασεν· ὁ δὲ 
+<pb xml:id="p.214"/> Ὀλύμπιος ὑμῶν, εἰκόνος εἰκών, πολύ τι τῆς ἀληθείας ἀπᾴδων, ἔργον ἐστὶ κωφὸν χειρῶν Ἀττικῶν. <q>εἰκὼν</q> μὲν γὰρ <q>τοῦ θεοῦ</q> ὁ λόγος αὐτοῦ ʽκαὶ υἱὸς τοῦ νοῦ γνήσιος ὁ θεῖος λόγος, φωτὸς ἀρχέτυπον  <pb xml:id="pg.79_alt" type="margin"/> φῶσ̓, εἰκὼν δὲ τοῦ λόγου ὁ ἄνθρωπος <add>ὁ</add><note xml:lang="mul"> <add>ὁ</add> inserted by Mayor.</note> ἀληθινός, ὁ νοῦς ὁ ἐν ἀνθρώπῳ, ὁ <q>κατ’ εἰκόνα</q> τοῦ θεοῦ καὶ <q>καθ’ ὁμοίωσιν</q> διὰ τοῦτο γεγενῆσθαι λεγόμενος, τῇ κατὰ καρδίαν φρονήσει τῷ θείῳ παρεικαζόμενος λόγῳ καὶ ταύτῃ λογικός. Ἀνθρώπου δὲ τοῦ ὁρωμένου τοῦ γηγενοῦς γήινος εἰκὼν τὰ ἀγάλματα τὰ ἀνδρείκελα <add>καὶ</add><note xml:lang="mul"> <add>καὶ</add> inserted by Wilamowitz.</note> πόρρω τῆς ἀληθείας ἐπίκαιρον ἐκμαγεῖον καταφαίνεται. οὐδὲν οὖν ἀλλ’ ἢ μανίας ἔμπλεως ὁ βίος ἔδοξέ μοι γεγονέναι, τοσαύτῃ σπουδῇ περὶ τὴν ὕλην καταγινόμενος. Ἐπιτέθραπται<note xml:lang="mul">ἐπιτέθραπται Mayor. ἐπιτέτριπται MSS.</note> δὲ ὑπὸ κενῆς δόξης ἡ συνήθεια δουλείας μὲν γεύσασα ὑμᾶς καὶ ἀλόγου περιεργασίας· νομίμων δὲ ἀνόμων καὶ ἀπατηλῶν ὑποκρίσεων ἄγνοια αἰτία, ἣ δὴ κατασκευὰς εἰσάγουσα εἰς<note xml:lang="mul">κατασκευὰς εἰσάγουσα εἰς Schwartz. κατασκευσθεῖσα MSS. Stählin marks the passage as corrupt.</note> τὸ τῶν ἀνθρώπων γένος κηρῶν ὀλεθρίων καὶ εἰδώλων ἐπιστυγῶν πολλὰς τῶν δαιμόνων ἐπινοήσασα μορφάς, κηλῖδα τοῖς ἑπομένοις αὐτῇ ἐναπεμάξατο θανάτου μακροῦ. λάβετε οὖν ὕδωρ λογικόν, λούσασθε οἱ μεμολυσμένοι, περιρράνατε αὑτοὺς ἀπὸ τῆς συνηθείας ταῖς ἀληθιναῖς σταγόσιν· καθαροὺς εἰς οὐρανοὺς ἀναβῆναι δεῖ. ἄνθρωπος εἶ, τὸ κοινότατον, ἐπιζήτησον τὸν δημιουργήσαντά σε· 
+<pb xml:id="p.216"/> υἱὸς εἶ, τὸ ἰδιαίτατον, ἀναγνώρισον τὸν πατέρα· σὺ δὲ ἔτι ταῖς ἁμαρτίαις παραμένεις, προστετηκὼς ἡδοναῖς; τίνι λαλήσει κύριος <q>ὑμῶν ἐστιν ἡ βασιλεία τῶν οὐρανῶν</q> ; ὑμῶν ἐστιν, ἐὰν θελήσητε, τῶν πρὸς τὸν θεὸν τὴν προαίρεσιν ἐσχηκότων· ὑμῶν, ἐὰν ἐθελήσητε πιστεῦσαι μόνον καὶ τῇ συντομίᾳ τοῦ κηρύγματος ἕπεσθαι, ἧς ὑπακούσαντες οἱ Νινευῖται τῆς προσδοκηθείσης ἁλώσεως μετανοίᾳ γνησίῳ τὴν καλὴν ἀντικατηλλάξαντο σωτηρίαν. Πῶς οὖν ἀνέλθω, φησίν, εἰς οὐρανούς; <q>ὁδός</q> ἐστιν ὁ κύριος, <q>στενὴ</q> μέν, ἀλλ’ <q>ἐξ οὐρανῶν,</q> στενὴ μέν, ἀλλ’ εἰς οὐρανοὺς ἀναπέμπουσα· στενὴ ἐπὶ γῆς ὑπερορωμένη, πλατεῖα ἐν οὐρανοῖς προσκυνουμένη. εἶθ’ ὁ μὲν ἄπυστος τοῦ λόγου συγγνώμην τῆς πλάνης ἔχει τὴν ἄγνοιαν, ὁ δὲ εἰς ὦτα βαλλόμενος καὶ τῇ ψυχῇ παρὰ τῆς γνώμης φέρει τὴν ἀπείθειαν, καὶ ὅσῳ γε φρονιμώτερος εἶναι δόξει, πρὸς κακοῦ ἡ σύνεσις αὐτῷ, ὅτι τῇ φρονήσει κέχρηται κατηγόρῳ τὸ βέλτιστον <pb xml:id="pg.80_alt" type="margin"/> οὐχ ἑλόμενος· πέφυκε γὰρ ὡς<note xml:lang="mul">ὡς Schwartz. ἄλλως MSS.</note> ἄνθρωπος οἰκείως ἔχειν πρὸς θεόν. ὥσπερ οὖν τὸν ἵππον ἀροῦν οὐ βιαζόμεθα οὐδὲ τὸν ταῦρον κυνηγετεῖν, πρὸς ὃ πέφυκε δὲ ἕκαστον τῶν ζῴων περιέλκομεν, οὕτως ἀμέλει καὶ τὸν ἄνθρωπον ἐπὶ τὴν οὐρανοῦ γενόμενον θέαν, φυτὸν οὐράνιον ὡς ἀληθῶς, ἐπὶ τὴν γνῶσιν παρακαλοῦμεν τοῦ θεοῦ, τὸ οἰκεῖον αὐτοῦ καὶ ἐξαίρετον καὶ ἰδιωματικὸν παρὰ τὰ ἄλλα ζῷα κατειλημμένοι, αὔταρκες ἐφόδιον αἰώνων, θεοσέβειαν, 
+ <pb xml:id="p.218"/> παρασκευάζεσθαι συμβουλεύοντες. γεώργει, φαμέν, εἰ γεωργὸς εἶ, ἀλλὰ γνῶθι τὸν θεὸν γεωργῶν, καὶ πλεῖθι<note xml:lang="mul">πλεῖθι Sylburg. πλῆθι MSS.</note> ὁ τῆς ναυτιλίας ἐρῶν, ἀλλὰ τὸν οὐράνιον κυβερνήτην παρακαλῶν· στρατευόμενόν σε κατείληφεν ἡ γνῶσις· τοῦ δίκαια σημαίνοντος ἄκουε στρατηγοῦ. Καθάπερ οὖν κάρῳ καὶ μέθῃ βεβαρημένοι ἀνανήψατε καὶ διαβλέψαντες ὀλίγον ἐννοήθητε, τί θέλουσιν ὑμῖν οἱ προσκυνούμενοι λίθοι καὶ ἃ περὶ τὴν ὕλην κενοσπούδως δαπανᾶτε· εἰς ἄγνοιαν καὶ τὰ χρήματα καὶ τὸν βίον ὡς τὸ ζῆν ὑμῶν εἰς θάνατον καταναλίσκετε, τοῦτο μόνον τῆς ματαίας ὑμῶν ἐλπίδος εὑρόμενοι τὸ πέρας, οὐδὲ αὑτοὺς οἷοί τε ὄντες οἰκτεῖραι, ἀλλ’ οὐδὲ τοῖς κατελεῶσιν ὑμᾶς τῆς πλάνης ἐπιτήδειοι πείθεσθαι γίνεσθε, συνηθείᾳ κακῇ δεδουλωμένοι, ἧς ἀπηρτημένοι αὐθαίρετοι μέχρι τῆς ἐσχάτης ἀναπνοῆς εἰς ἀπώλειαν ὑποφέρεσθε· <q>ὅτι τὸ φῶς ἐλήλυθεν εἰς τὸν κόσμον καὶ ἠγάπησαν οἱ ἄνθρωποι μᾶλλον τὸ σκότος ἢ τὸ φῶς,</q> ἐξὸν ἀπομάξασθαι τὰ ἐμποδὼν τῇ σωτηρίᾳ καὶ τὸν τῦφον καὶ τὸν πλοῦτον καὶ τὸν φόβον, ἐπιφθεγγομένους τὸ ποιητικὸν δὴ τοῦτο πῇ δὴ χρήματα πολλὰ φέρω τάδε; πῇ δὲ καὶ αὐτὸς πλάζομαι; οὐ βούλεσθε οὖν τὰς φαντασίας ταύτας τὰς κενὰς ἀπορρίψαντες τῇ συνηθείᾳ αὐτῇ ἀποτάξασθαι, κενοδοξίᾳ ἐπιλέγοντες· ψευδεῖς ὄνειροι χαίρετ̓, οὐδὲν ἦτ’ ἄρα; 
+ <pb xml:id="p.220"/> Τί γὰρ ἡγεῖσθε, ὦ ἄνθρωποι, τὸν Τύχωνα<note xml:lang="mul">Τύχωνα Meurs (see Hesychius s.v.). τυφῶνα MSS.</note>  <pb xml:id="pg.81_alt" type="margin"/> Ἑρμῆν καὶ τὸν Ἀνδοκίδου<note xml:lang="mul">Ἀνδοκίδου Heinsius. ἀνδοκίδην MSS.</note> καὶ τὸν Ἀμύητον; ἦ παντί τῳ δῆλον ὅτι λίθους, ὥσπερ καὶ <add>αὐτὸν</add><note xml:lang="mul"> <add>αὐτὸν</add> inserted by Mayor.</note> τὸν Ἑρμῆν. ὡς δὲ οὐκ ἔστι θεὸς ἡ ἅλως καὶ ὡς οὐκ ἔστι θεὸς ἡ ἶρις, ἀλλὰ πάθη ἀέρος<note xml:lang="mul">ἀέρος Markland. ἀέρων MSS.</note> καὶ νεφῶν, καὶ ὃν τρόπον οὐκ ἔστιν ἡμέρα θεός, οὐδὲ μὴν οὐδὲ ἐνιαυτὸς οὐδὲ χρόνος ὁ ἐκ τούτων συμπληρούμενος, οὕτως οὐδὲ ἥλιος οὐδὲ σελήνη, οἷς ἕκαστον τῶν προειρημένων διορίζεται. τίς ἂν οὖν τὴν εὔθυναν καὶ τὴν κόλασιν καὶ τὴν δίκην καὶ τὴν νέμεσιν εὖ φρονῶν ὑπολάβοι θεούς; οὐδὲ γὰρ οὐδ’ ἐρινῦς οὐδὲ μοῖραι οὐδὲ εἱμαρμένη, ἐπεὶ μηδὲ πολιτεία μηδὲ δόξα μηδὲ πλοῦτος θεοί, ὃν καὶ ζωγράφοι τυφλὸν ἐπιδεικνύουσιν· εἰ δὲ αἰδῶ καὶ ἔρωτα καὶ ἀφροδίτην ἐκθειάζετε, ἀκολουθούντων αὐτοῖς αἰσχύνη καὶ ὁρμὴ καὶ κάλλος καὶ συνουσία. οὔκουν ἔτ’ ἂν εἰκότως ὕπνος καὶ θάνατος θεὼ διδυμάονε παρ’ ὑμῖν νομίζοιντο, πάθη ταῦτα περὶ τὰ ζῷα συμβαίνοντα φυσικῶς· οὐδὲ μὴν κῆρα οὐδε εἱμαρμένην οὐδὲ μοίρας θεὰς ἐνδίκως ἐρεῖτε. εἰ δὲ ἔρις καὶ μάχη οὐ θεοί, οὐδὲ Ἄρης οὐδὲ Ἐνυώ. ἔτι τε <add>εἰ</add><note xml:lang="mul"> <add>εἰ</add> inserted by Sylburg.</note> αἱ ἀστραπαὶ καὶ οἱ κεραυνοὶ καὶ οἱ ὄμβροι οὐ θεοί, πῶς τὸ πῦρ καὶ τὸ ὕδωρ 
+ <pb xml:id="p.222"/> θεοί; πῶς δὲ καὶ οἱ διᾴσσοντες καὶ οἱ κομῆται διὰ πάθος ἀέρος γεγενημένοι; ὁ δὲ τὴν τύχην θεὸν λέγων καὶ τὴν πρᾶξιν λεγέτω θεόν. εἰ δὴ οὖν τούτων οὐδὲ ἓν θεὸς εἶναι νομίζεται οὐδὲ μὴν ἐκείνων τῶν χειροκμήτων καὶ ἀναισθήτων πλασμάτων, πρόνοια δέ τις περὶ ἡμᾶς καταφαίνεται δυνάμεως θεῖκῆς, λείπεται οὐδὲν ἄλλο ἢ τοῦτο ὁμολογεῖν, ὅτι ἄρα ὄντως μόνος ἔστι τε καὶ ὑφέστηκεν ὁ μόνος ὄντως ὑπάρχων θεός. Ἀλλὰ γὰρ μανδραγόραν ἤ τι ἄλλο φάρμακον πεπωκόσιν ἀνθρώποις ἐοίκατε οἱ<note xml:lang="mul">ἐοίκατε οἱ Schwartz. ἐοίκασιν MSS.</note> ἀνόητοι, θεὸς δὲ ὑμῖν ἀνανῆψαι δοίη ποτὲ τοῦδε τοῦ ὕπνου καὶ συνιέναι θεὸν μηδὲ χρυσὸν ἢ λίθον ἢ δένδρον ἢ πρᾶξιν ἢ πάθος ἢ νόσον ἢ φόβον ἰνδάλλεσθαι ὡς θεόν. <q>τρὶς γὰρ μύριοί εἰσιν</q> ὡς ἀληθῶς <q>ἐπὶ χθονὶ πουλυβοτείρῃ δαίμονες</q> οὐκ <q>ἀθάνατοι</q> οὐδὲ μὴν θνητοί ʽοὐδὲ γὰρ αἰσθήσεως, ἵνα καὶ θανάτου, μετειλήφασιν̓, λίθινοι δὲ καὶ ξύλινοι δεσπόται ἀνθρώπων, ὑβρίζοντες καὶ παρασπονδοῦντες τὸν βίον διὰ τῆς  <pb xml:id="pg.82_alt" type="margin"/> συνηθείας. <q>ἡ γῆ δὲ τοῦ κυρίου,</q> φησί, <q>καὶ τὸ πλήρωμα αὐτῆς·</q> εἶτα τί τολμᾷς ἐν τοῖς τοῦ κυρίου τρυφῶν ἀγνοεῖν τὸν δεσπότην; κατάλειπε τὴν γῆν τὴν ἐμήν, ἐρεῖ σοι ὁ κύριος, μὴ θίγῃς τοῦ ὕδατος ὃ ἐγὼ ἀναδίδωμι, τῶν καρπῶν ὧν ἐγὼ γεωργῶ μὴ μεταλάμβανε· ἀπόδος, ἄνθρωπε, τὰ τροφεῖα τῷ θεῷ· ἐπίγνωθί σου τὸν δεσπότην· ἴδιον εἶ πλάσμα τοῦ θεοῦ· τὸ δὲ οἰκεῖον αὐτοῦ πῶς ἂν ἐνδίκως ἀλλότριον γένοιτο; τὸ γὰρ 
+ <pb xml:id="p.224"/> ἀπηλλοτριωμένον στερόμενον τῆς οἰκειότητος στέρεται τῆς ἀληθείας. ἦ γὰρ οὐχ ᾗ Νιόβη τρόπον τινά, μᾶλλον δὲ ἵνα μυστικώτερον πρὸς ὑμᾶς ἀποφθέγξωμαι, γυναικὸς τῆς Ἑβραίας δίκην ʽΛὼτ ἐκάλουν αὐτὴν οἱ παλαιοἲ εἰς ἀναισθησίαν μετατρέπεσθε; λελιθωμένην ταύτην παρειλήφαμεν τὴν γυναῖκα διὰ τὸ Σοδόμων ἐρᾶν· Σοδομῖται δὲ οἱ ἄθεοι καὶ οἱ πρὸς τὴν ἀσέβειαν ἐπιστρεφόμενοι σκληροκάρδιοί τε καὶ ἠλίθιοι. ταύτας οἴου θεόθεν ἐπιλέγεσθαί σοι τὰς φωνάς· μὴ γὰρ οἴου λίθους μὲν εἶναι ἱερὰ καὶ ξύλα καὶ ὄρνεα καὶ ὄφεις, ἀνθρώπους δὲ μή· πολὺ δὲ τοὐναντίον ἱεροὺς μὲν ὄντως τοὺς ἀνθρώπους ὑπολάμβανε,<note xml:lang="mul">ὑπολάμβανε Markland. ὑπολαμβάνετε MSS.</note> τὰ δὲ θηρία καὶ τοὺς λίθους ὅπερ εἰσίν. οἱ γάρ τοι δείλαιοι τῶν ἀνθρώπων καὶ ἄθλιοι διὰ μὲν κόρακος καὶ κολοιοῦ νομίζουσι τὸν θεὸν ἐμβοᾶν, διὰ δὲ ἀνθρώπου σιωπᾶν, καὶ τὸν μὲν κόρακα τετιμήκασιν ὡς ἄγγελον θεοῦ, τὸν δὲ ἄνθρωπον τοῦ θεοῦ διώκουσιν, οὐ κρῴζοντα, οὐ κλώζοντα, φθεγγόμενον δέ· οἴμοι, λογικῶς καὶ φιλανθρώπως κατηχοῦντα ἀποσφάττειν ἀπανθρώπως ἐπιχειροῦσιν, ἐπὶ τὴν δικαιοσύνην καλοῦντα, οὔτε τὴν χάριν τὴν ἄνωθεν ἀπεκδεχόμενοι οὔτε τὴν κόλασιν ἐκτρεπόμενοι. οὐ γὰρ πιστεύουσι τῷ θεῷ οὐδὲ ἐκμανθάνουσι τὴν δύναμιν αὐτοῦ. Οὗ δὲ ἄρρητος ἡ φιλανθρωπία, τούτου ἀχώρητος ἡ μισοπονηρία. τρέφει δὲ ὁ μὲν θυμὸς τὴν κόλασιν ἐπὶ ἁμαρτίᾳ, εὖ ποιεῖ δὲ ἐπὶ μετανοίᾳ ἡ φιλανθρωπία. οἰκτρότατον δὲ τὸ στέρεσθαι τῆς παρὰ τοῦ θεοῦ ἐπικουρίας. ὀμμάτων μὲν οὖν ἡ πήρωσις καὶ τῆς 
+<pb xml:id="p.226"/> ἀκοῆς ἡ κώφωσις ἀλγεινοτέρα παρὰ τὰς λοιπὰς τοῦ πονηροῦ πλεονεξίας· ἡ μὲν γὰρ αὐτῶν ἀφῄρηται τῆς οὐρανίου προσόψεως, ἡ δὲ τῆς θείας μαθήσεως ἐστέρηται. ὑμεῖς δὲ πρὸς τὴν ἀλήθειαν ἀνάπηροι καὶ τυφλοὶ μὲν τὸν νοῦν, κωφοὶ δὲ τὴν σύνεσιν ὄντες οὐκ ἀλγεῖτε, οὐκ ἀγανακτεῖτε, οὐ τὸν οὐρανὸν ἰδεῖν καὶ τὸν τοῦ οὐρανοῦ ποιητὴν  <pb xml:id="pg.83_alt" type="margin"/> ἐπεθυμήσατε, οὐδὲ τὸν τῶν πάντων δημιουργὸν καὶ πατέρα ἀκοῦσαι καὶ μαθεῖν ἐξεζητήσατε, τὴν προαίρεσιν τῇ σωτηρίᾳ συνάψαντες· ἐμποδὼν γὰρ ἵσταται οὐδὲν τῷ σπεύδοντι πρὸς γνῶσιν θεοῦ, οὐκ ἀπαιδευσία,<note xml:lang="mul">ἀπαιδευσία Hopfenmiiller. ἀπαιδία MSS.</note> οὐ πενία, οὐκ ἀδοξία, οὐκ ἀδοξία, οὐκ ἀκτημοσύνη· οὐδέ τις τὴν ὄντως ἀληθῆ σοφίαν <q>χαλκῷ δῃώσας</q> μεταλλάξαι εὔχεται οὐδὲ σιδήρῳ· εὖ γάρ τοι παντὸς μᾶλλον τοῦτο εἴρηται· ὁ χρηστός<note xml:lang="mul">χρηστός Blass (from Stobacus, Flor. 37. 6). χριστός MSS.</note> ἐστι πανταχοῦ σωτήριος· ὁ γὰρ τοῦ δικαίου ζηλωτής, ὡς ἂν τοῦ ἀνενδεοῦς ἐραστής, ὀλιγοδεής, οὐκ ἐν ἄλλῳ τινὶ ἢ ἐν αὐτῷ <del>καὶ</del><note xml:lang="mul"> <del>καὶ</del> Barnard. ἐν αὑτῷ καὶ Dindorf.</note> τῷ θεῷ τὸ μακάριον θησαυρίσας, ἔνθα οὐ σής, οὐ λῃστής, οὐ πειρατής, ἀλλ’ ὁ τῶν ἀγαθῶν ἀίδιος δοτήρ. ἄρα οὖν εἰκότως ὡμοίωσθε τοῖς ὄφεσιν ἐκείνοις, οἷς τὰ ὦτα πρὸς τοὺς κατεπᾴδοντας ἀποκέκλεισται. <q>θυμὸς γὰρ αὐτοῖς,</q> φησὶν ἡ γραφή, <q>κατὰ τὴν ὁμοίωσιν τοῦ ὄφεως, ὡσεὶ ἀσπίδος κωφῆς καὶ βυούσης τὰ ὦτα αὐτῆς, ἥτις οὐκ εἰσακούσεται 
+ <pb xml:id="p.228"/> ακούσεται φωνῆς ἐπᾳδόντων.</q> ἀλλ’ ὑμεῖς γε κατεπᾴσθητε τὴν ἀγριότητα<note xml:lang="mul">ἀγριότητα Heyse. ἁγιότητα MSS.</note> καὶ παραδέξασθε τὸν ἥμερον καὶ ἡμέτερον λόγον καὶ τὸν ἰὸν ἀποπτύσατε τὸν δηλητήριον, ὅπως ὅτι μάλιστα ὑμῖν τὴν φθοράν, ὡς ἐκείνοις τὸ γῆρας, ἀποδύσασθαι δοθῇ. Ἀκούσατέ μου καὶ μὴ τὰ ὦτα ἀποβύσητε μηδὲ τὰς ἀκοὰς ἀποφράξητε, ἀλλ’ εἰς νοῦν βάλεσθε τὰ λεγόμενα. καλόν ἐστι τὸ φάρμακον τῆς ἀθανασίας· στήσατέ ποτε τοὺς ὁλκοὺς τοὺς ἑρπηστικούς. <q>οἱ γὰρ ἐχθροὶ κυρίου χοῦν λείξουσι,</q> φησίν <del>ἡ γραφὴ λέγει</del><note xml:lang="mul"> <del>ἡ γραφὴ λέγει</del> Mayor.</note> ἀνανεύσατε τῆς γῆς εἰς αἰθέρα, ἀναβλέψατε εἰς οὐρανόν, θαυμάσατε, παύσασθε καραδοκοῦντες τῶν δικαίων τὴν πτέρναν καὶ <q>τὴν ὁδὸν τῆς ἀληθείας</q> ἐμποδίζοντες· φρόνιμοι γένεσθε καὶ ἀβλαβεῖς· τάχα που ὁ κύριος ἁπλότητος ὑμῖν δωρήσεται πτερόν ʽπτερῶσαι προῄρηται τοὺς γηγενεῖσ̓, ἵνα δὴ τοὺς χηραμοὺς καταλείποντες οἰκήσητε τοὺς οὐρανούς. μόνον ἐξ ὅλης καρδίας μετανοήσωμεν, ὡς ὅλῃ καρδίᾳ δυνηθῆναι χωρῆσαι τὸν θεόν. <q>ἐλπίσατε ἐπ’ αὐτόν,</q> φησί, <q>πᾶσα συναγωγὴ λαοῦ, ἐκχέετε ἐνώπιον αὐτοῦ πάσας τὰς καρδίας ὑμῶν.</q> πρὸς τοὺς κενοὺς τῆς πονηρίας λέγει· ἐλεεῖ καὶ δικαιοσύνης πληροῖ·  <pb xml:id="pg.84_alt" type="margin"/> πίστευσον, ἄνθρωπε, ἀνθρώπῳ καὶ θεῷ· πίστευσον, ἄνθρωπε, τῷ παθόντι καὶ προσκυνουμένῳ. θεῷ ζῶντι πιστεύσατε οἱ δοῦλοι τῷ νεκρῷ· πάντες ἄνθρωποι πιστεύσατε μόνῳ τῷ πάντων ἀνθρώπων θεῷ· πιστεύσατε καὶ μισθὸν λάβετε σωτηρίαν· <q>ἐκζητήσατε τὸν θεόν, 
+ <pb xml:id="p.230"/> καὶ ζήσεται ἡ ψυχὴ ὑμῶν.</q> ὁ ἐκζητῶν τὸν θεὸν τὴν ἰδίαν πολυπραγμονεῖ σωτηρίαν· εὗρες τὸν θεόν, ἔχεις τὴν ζωήν. ζητήσωμεν οὖν, ἵνα καὶ ζήσωμεν. ὁ μισθὸς τῆς εὑρέσεως ζωὴ παρὰ θεῷ. <q>ἀγαλλιάσθωσαν καὶ εὐφρανθήτωσαν ἐπὶ σοὶ πάντες οἱ ζητοῦντές σε καὶ λεγέτωσαν διὰ παντός, μεγαλυνθήτω ὁ θεός.</q> καλὸς ὕμνος τοῦ θεοῦ ἀθάνατος ἄνθρωπος, δικαιοσύνῃ οἰκοδομούμενος, ἐν ᾧ τὰ λόγια τῆς ἀληθείας ἐγκεχάρακται. ποῦ γὰρ ἀλλαχόθι ἢ ἐν σώφρονι ψυχῇ δικαιοσύνην ἐγγραπτέον; ποῦ ἀγάπην; αἰδῶ δὲ ποῦ; πραότητα δὲ ποῦ; ταύτας, οἶμαι, τὰς θείας γραφὰς ἐναποσφραγισαμένους χρὴ τῇ ψυχῇ καλὸν ἀφετήριον σοφίαν ἡγεῖσθαι τοῖς ἐφ’ ὁτιοῦν τοῦ βίου τραπεῖσι μέρος, ὅρμον τε τὴν αὐτὴν<note xml:lang="mul">τὴν αὐτὴν Mayor. τὸν αὐτὸν MSS.</note> ἀκύμονα σωτηρίας σοφίαν νομίζειν· δι’ ἣν ἀγαθοὶ μὲν πατέρες τέκνων οἱ τῷ πατρὶ προσδεδραμηκότες, ἀγαθοὶ δὲ γονεῦσιν υἱοὶ<note xml:lang="mul">γονεῦσιν υἱοὶ Potter. γονεῖς υἱάσιν MSS.</note> οἱ τὸν υἱὸν νενοηκότες, ἀγαθοὶ δὲ ἄνδρες γυναικῶν οἱ μεμνημένοι τοῦ νυμφίου, ἀγαθοὶ δὲ οἰκετῶν δεσπόται οἱ τῆς ἐσχάτης δουλείας λελυτρωμένοι. Ὢ μακαριώτερα τῆς ἐν ἀνθρώποις πλάνης τὰ θηρία· ἐπινέμεται τὴν ἄγνοιαν, ὡς ὑμεῖς, οὐχ ὑποκρίνεται δὲ τὴν ἀλήθειαν· οὐκ ἔστι παρ’ αὐτοῖς κολάκων γένη, οὐ δεισιδαιμονοῦσιν ἰχθύες, οὐκ εἰδωλολατρεῖ τὰ ὄρνεα, ἕνα μόνον ἐκπλήττεται τὸν οὐρανόν, ἐπεὶ θεὸν νοῆσαι μὴ δύναται ἀπηξιωμένα τοῦ λόγου. εἶτ’ οὐκ αἰσχύνεσθε καὶ τῶν ἀλόγων σφᾶς αὐτοὺς ἀλογωτέρους πεποιηκότες, οἳ διὰ τοσούτων ἡλικιῶν ἐν ἀθεότητι κατατέτριφθε; παῖδες 
+ <pb xml:id="p.232"/> γεγόνατε, εἶτα μειράκια, εἶτα ἔφηβοι, εἶτα ἄνδρες, χρηστοὶ δὲ οὐδέποτε. κἂν τὸ γῆρας αἰδέσθητε, ἐπὶ δυσμαῖς τοῦ βίου γενόμενοι σωφρονήσατε, κἂν ἐπὶ τέλει τοῦ βίου τὸν θεὸν ἐπίγνωτε, ὡς δὴ τὸ τέλος ὑμῖν τοῦ βίου ἀρχὴν ἀναλάβοι σωτηρίας. γηράσατε<note xml:lang="mul">ἐγηράσατε Wilamowitz: Stählin.</note> πρὸς δεισιδαιμονίαν, νέοι ἀφίκεσθε πρὸς θεοσέβειαν· παῖδας ἀκάκους ἐγκρινεῖ θεός. ὁ μὲν οὖν Ἀθηναῖος τοῖς Σόλωνος ἑπέσθω νόμοις καὶ ὁ Ἀργεῖος τοῖς Φορωνέως καὶ ὁ Σπαρτιάτης τοῖς Λυκούργου, εἰ δὲ σεαυτὸν ἀναγράφεις τοῦ θεοῦ, οὐρανὸς <pb xml:id="pg.85_alt" type="margin"/> μέν σοι ἡ πατρίς, ὁ δὲ θεὸς νομοθέτης. τίνες δὲ καὶ οἱ νόμοι; <q>οὐ φονεύσεις, οὐ μοιχεύσεις, οὐ παιδοφθορήσεις, οὐ κλέψεις, οὐ ψευδομαρτυρήσεις, ἀγαπήσεις κύριον τὸν θεόν σου.</q> εἰσὶ δὲ καὶ τούτων τὰ παραπληρώματα, λόγιοι νόμοι καὶ ἅγιοι λόγοι ἐν αὐταῖς ἐγγραφόμενοι ταῖς καρδίαις· <q>ἀγαπήσεις τὸν πλησίον σου ὡς σεαυτόν,</q> καὶ <q>τῷ τύπτοντί σε εἰς τὴν σιαγόνα πάρεχε καὶ τὴν ἄλλην,</q> καὶ <q>οὐκ ἐπιθυμήσεις, ἐπιθυμίᾳ γὰρ μόνῃ μεμοίχευκας.</q> πόσῳ γοῦν ἄμεινον τοῖς ἀνθρώποις τοῦ τυγχάνειν τῶν ἐπιθυμιῶν ἀρχὴν μηδὲ ἐπιθυμεῖν ἐθέλειν ὧν μὴ δεῖ. Ἀλλ’ ὑμεῖς μὲν τὸ αὐστηρὸν τῆς σωτηρίας ὑπομένειν οὐ καρτερεῖτε, καθάπερ δὲ τῶν σιτίων τοῖς γλυκέσιν ἡδόμεθα διὰ τὴν λειότητα τῆς ἡδονῆς προτιμῶντες, ἰᾶται δὲ ἡμᾶς καὶ ὑγιάζει τὰ πικρὰ 
+ <pb xml:id="p.234"/> τραχύνοντα τὴν αἴσθησιν, ἀλλὰ τοὺς ἀσθενεῖς τὸν στόμαχον ῥώννυσιν ἡ τῶν φαρμάκων αὐστηρία, οὕτως ἥδει μὲν καὶ γαργαλίζει ἡ συνήθεια, ἀλλ’ ἡ μὲν εἰς τὸ βάραθρον ὠθεῖ, ἡ συνήθεια, ἡ δὲ εἰς οὐρανὸν ἀνάγει, ἡ ἀλήθεια, <q>τραχεῖα</q> μὲν τὸ πρῶτον, <q>ἀλλ’ ἀγαθὴ κουροτρόφος</q> · καὶ σεμνὴ μὲν ἡ γυναικωνῖτις αὕτη, σώφρων δὲ ἡ γερουσία· οὐδέ ἐστι δυσπρόσιτος οὐδὲ ἀδύνατος λαβεῖν, ἀλλ’ ἔστιν ἐγγυτάτω ἔνοικος<note xml:lang="mul">ἔνοικος Markland. ἐν οἴκοις MSS.</note> ἡμῶν, ᾗ φησιν αἰνιττόμενος ὁ πάνσοφος Μωυσῆς, τρισὶ τοῖς καθ’ ἡμᾶς ἐνδιαιτωμένη μέρεσι, <q>χερσὶ καὶ στόματι καὶ καρδίᾳ.</q> σύμβολον τοῦτο γνήσιον τρισὶ τοῖς πᾶσι συμπληρουμένης τῆς ἀληθείας, βουλῇ καὶ πράξει καὶ λόγῳ· μηδὲ γὰρ τόδε δείμαινε, μή σε τὰ πολλὰ καὶ ἐπιτερπῆ φανταζόμενα<note xml:lang="mul">φανταζόμενα Stählin. φανταζόμενον MSS.</note> ἀφέληται σοφίας· αὐτὸς ἑκὼν ὑπερβήσῃ τὸν λῆρον τῆς συνηθείας, καθάπερ καὶ οἱ παῖδες τὰ ἀθύρματα ἄνδρες γενόμενοι ἀπέρριψαν. τάχει μὲν δὴ ἀνυπερβλήτῳ εὐνοίᾳ τε εὐπροσίτῳ ἡ δύναμις ἡ θεϊκὴ ἐπιλάμψασα τὴν γῆν σωτηρίου σπέρματος ἐνέπλησε  <pb xml:id="pg.86_alt" type="margin"/> τὸ πᾶν. οὐ γὰρ ἂν οὕτως ἐν ὀλίγῳ χρόνῳ τοσοῦτον ἔργον ἄνευ θείας κομιδῆς ἐξήνυσεν ὁ κύριος, ὄψει καταφρονούμενος, ἔργῳ προσκυνούμενος, ὁ καθάρσιος καὶ σωτήριος καὶ μειλίχιος, ὁ θεῖος λόγος, ὁ φανερώτατος ὄντως θεός, ὁ τῷ δεσπότῃ τῶν ὅλων ἐξισωθείς, ὅτι ἦν υἱὸς αὐτοῦ καὶ <q>ὁ λόγος ἦν ἐν τῷ θεῷ,</q> οὔθ’ ὅτε 
+<pb xml:id="p.236"/> τὸ πρῶτον προεκηρύχθη, ἀπιστηθείς, οὔθ’ ὅτε τὸ ἀνθρώπου προσωπεῖον ἀναλαβὼν καὶ σαρκὶ ἀναπλασάμενος τὸ σωτήριον δρᾶμα τῆς ἀνθρωπότητος ὑπεκρίνετο, ἀγνοηθείς· γνήσιος γὰρ ἦν ἀγωνιστὴς καὶ τοῦ πλάσματος συναγωνιστής, τάχιστα δὲ εἰς πάντας ἀνθρώπους διαδοθεὶς θᾶττον ἡλίου ἐξ αὐτῆς ἀνατείλας τῆς πατρικῆς βουλήσεως, ῥᾷστα ἡμῖν ἐπέλαμψε τὸν θεόν, ὅθεν τε ἦν αὐτὸς καὶ ὃς ἦν, δι’ ὧν ἐδίδαξεν καὶ ἐνεδείξατο, παραστησάμενος, ὁ σπονδοφόρος καὶ διαλλακτὴς καὶ σωτὴρ ἡμῶν λόγος, πηγὴ ζωοποιός, εἰρηνική, ἐπὶ πᾶν τὸ πρόσωπον τῆς γῆς χεόμενος, δι’ ὃν ὡς ἔπος εἰπεῖν τὰ πάντα ἤδη πέλαγος γέγονεν ἀγαθῶν. </p></div>
+ 
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="11">
+ <p> Μικρὸν δέ, εἰ βούλει, ἄνωθεν ἄθρει τὴν θείαν εὐεργεσίαν. ὁ πρῶτος <del>ὁτὲ</del><note xml:lang="mul"> <del>ὁτὲ</del> Stählin. ὁτὲ μὲν Dindorf. ὅτε ἦν Markland.</note> ἐν παραδείσῳ ἔπαιζε λελυμένος, ἐπεὶ παιδίον ἦν τοῦ θεοῦ· ὅτε δὲ ὑποπίπτων<note xml:lang="mul">ὑποπίπτων Schwartz. ὑπέπιπτεν MSS.</note> ἡδονῇ ʽὄφις ἀλληγορεῖται ἡδονὴ ἐπὶ γαστέρα ἕρπουσα, κακία γηΐνη, εἰς ὕλας τρεφομένη<note xml:lang="mul">στρεφομένη Heyse: Stählin.</note>ʼ ʼπαρήγετο ἐπιθυμίαις, ὁ παῖς ἀνδριζόμενος ἀπειθείᾳ καὶ παρακούσας τοῦ πατρὸς ᾐσχύνετο τὸν θεόν. οἷον ἴσχυσεν ἡδονή· ὁ δι’ ἁπλότητα λελυμένος ἄνθρωπος ἁμαρτίαις εὑρέθη δεδεμένος. τῶν δεσμῶν λῦσαι τοῦτον ὁ κύριος αὖθις ἠθέλησεν, καὶ σαρκὶ ἐνδεθείς ʽμυστήριον θεῖον τοῦτὀ τὸν ὄφιν ἐχειρώσατο καὶ τὸν τύραννον ἐδουλώσατο, τὸν 
+  <pb xml:id="p.238"/> θάνατον, καί, τὸ παραδοξότατον, ἐκεῖνον τὸν ἄνθρωπον τὸν ἡδονῇ πεπλανημένον, τὸν τῇ φθορᾷ δεδεμένον, χερσὶν ἡπλωμέναις ἔδειξε λελυμένον. ὢ θαύματος μυστικοῦ· κέκλιται μὲν ὁ κύριος, ἀνέστη δὲ ἄνθρωπος καὶ ὁ ἐκ τοῦ παραδείσου πεσὼν μεῖζον ὑπακοῆς ἆθλον, οὐρανούς, ἀπολαμβάνει. διό μοι δοκεῖ, ἐπεὶ αὐτὸς ἧκεν ὡς ἡμᾶς οὐρανόθεν ὁ λόγος, ἡμᾶς ἐπ’ ἀνθρωπίνην ἰέναι μὴ χρῆναι διδασκαλίαν ἔτι, Ἀθήνας καὶ τὴν ἄλλην Ἑλλάδα, πρὸς δὲ καὶ Ἰωνίαν πολυπραγμονοῦντας. εἰ γὰρ ἡμῖν <del>ὁ</del><note xml:lang="mul"> <del>ὁ</del> Heyse.</note> διδάσκαλος ὁ πληρώσας τὰ πάντα δυνάμεσιν ἁγίαις,  <pb xml:id="pg.87_alt" type="margin"/> δημιουργίᾳ σωτηρίᾳ εὐεργεσίᾳ νομοθεσίᾳ προφητείᾳ διδασκαλίᾳ, πάντα νῦν ὁ διδάσκαλος κατηχεῖ καὶ τὸ πᾶν ἤδη Ἀθῆναι καὶ Ἑλλὰς γέγονεν τῷ λόγῳ. οὐ γὰρ δὴ μύθῳ μὲν ἐπιστεύετε ποιητικῷ τὸν Μίνω τὸν Κρῆτα τοῦ Διὸς ὀαριστὴν ἀναγράφοντι, ἡμᾶς δὲ ἀπιστήσετε μαθητὰς θεοῦ γεγονότας, τὴν ὄντως ἀληθῆ σοφίαν ἐπανῃρημένους, ἣν φιλοσοφίας ἄκροι μόνον ᾐνίξαντο, οἱ δὲ τοῦ Χριστοῦ μαθηταὶ καὶ κατειλήφασι καὶ ἀνεκήρυξαν. καὶ δὴ καὶ πᾶς, ὡς ἔπος εἰπεῖν,<note xml:lang="mul">Stählin, following Schwartz, suspects an omission between εἰπεῖν and ὁ Χριστὸς.</note> ὁ Χριστὸς οὐ μερίζεται· οὔτε βάρβαρός ἐστιν οὔτε Ἰουδαῖος οὔτε Ἕλλην, οὐκ ἄρρεν, οὐ θῆλυ· καινὸς δὲ ἄνθρωπος θεοῦ πνεύματι ἁγίῳ μεταπεπλασμένος. Εἶθ’ αἱ μὲν ἄλλαι συμβουλαί τε καὶ ὑποθῆκαι 
+  <pb xml:id="p.240"/> λυπραὶ καὶ περὶ τῶν ἐπὶ μέρους εἰσίν, εἰ γαμητέον, εἰ πολιτευτέον, εἰ παιδοποιητέον· καθολικὴ δὲ ἄρα προτροπὴ μόνη καὶ πρὸς ὅλον δηλαδὴ τὸν βίον, ἐν παντὶ καιρῷ, ἐν πάσῃ περιστάσει πρὸς τὸ κυριώτατον τέλος, τὴν ζωήν, συντείνουσα ἡ θεοσέβεια· καθ’ ὃ καὶ μόνον ἐπάναγκές ἐστι ζῆν, ἵνα ζήσωμεν ἀεί· φιλοσοφία δέ, ᾗ φασιν οἱ πρεσβύτεροι, πολυχρόνιός ἐστι συμβουλή, σοφίας ἀίδιον μνηστευομένη ἔρωτα· <q>ἐντολὴ δὲ κυρίου τηλαυγής, φωτίζουσα ὀφθαλμούς.</q> ἀπόλαβε τὸν Χριστόν, ἀπόλαβε τὸ βλέπειν, ἀπόλαβέ σου τὸ φῶς, ὄφρ’ εὖ γινώσκοις ἠμὲν θεὸν ἠδὲ καὶ ἄνδρα. <q>ποθεινὸς</q><note xml:lang="mul">ποθεινὸς — γλυκύς Mayor (see Psalm xviii. 11 Sept.). γλυκὺς — ποθεινός MSS.</note> ὁ λόγος ὁ φωτίσας ἡμᾶς <q>ὑπὲρ χρυσίον καὶ λίθον τίμιον· γλυκύς<note xml:lang="mul">ποθεινὸς — γλυκύς Mayor (see Psalm xviii. 11 Sept.). γλυκὺς — ποθεινός MSS.</note> ἐστιν ὑπὲρ μέλι καὶ κηρίον.</q> πῶς γὰρ οὐ ποθεινὸς ὁ τὸν ἐν σκότει κατορωρυγμένον νοῦν ἐναργῆ ποιησάμενος καὶ τὰ <q>φωσφόρα</q> τῆς ψυχῆς ἀποξύνας <q>ὄμματα</q> ; καὶ γὰρ ὥσπερ <q>ἡλίου μὴ ὄντος ἕνεκα τῶν ἄλλων ἄστρων νὺξ ἂν ἦν τὰ πάντα,</q> οὕτως εἰ μὴ τὸν λόγον ἔγνωμεν καὶ τούτῳ κατηυγάσθημεν, οὐδὲν ἂν τῶν σιτευομένων ὀρνίθων ἐλειπόμεθα, ἐν σκότει πιαινόμενοι καὶ θανάτῳ τρεφόμενοι. χωρήσωμεν τὸ φῶς, <pb xml:id="pg.88_alt" type="margin"/> ἵνα χωρήσωμεν τὸν θεόν· χωρήσωμεν τὸ φῶς καὶ μαθητεύσωμεν τῷ κυρίῳ. τοῦτό τοι καὶ ἐπήγγελται 
+  <pb xml:id="p.242"/> τῷ πατρὶ <q>διηγήσομαι τὸ ὄνομά σου τοῖς ἀδελφοῖς μου· ἐν μέσῳ ἐκκλησίας ὑμνήσω σε.</q> ὕμνησον καὶ διήγησαί μοι τὸν πατέρα σου τὸν θεόν· σώσει σου τὰ διηγήματα, παιδεύσει με ἡ ᾠδή. ὡς μέχρι νῦν ἐπλανώμην ζητῶν τὸν θεόν, ἐπεὶ δέ με φωταγωγεῖς, κύριε, καὶ τὸν θεὸν εὑρίσκω διὰ σοῦ καὶ τὸν πατέρα ἀπολαμβάνω παρὰ σοῦ, γίνομαί σου συγκληρονόμος, ἐπεὶ τὸν ἀδελφὸν οὐκ ἐπῃσχύνθης. Ἀφέλωμεν οὖν, ἀφέλωμεν τὴν λήθην τῆς ἀληθείας· τὴν ἄγνοιαν καὶ τὸ σκότος τὸ ἐμποδὼν ὡς ἀχλὺν ὄψεως καταγαγόντες τὸν ὄντως ὄντα θεὸν ἐποπτεύσωμεν, ταύτην αὐτῷ πρῶτον ἀνυμνήσαντες τὴν φωνήν <q>χαῖρε φῶς</q> · φῶς ἡμῖν ἐξ οὐρανοῦ τοῖς ἐν σκότει κατορωρυγμένοις καὶ ἐν σκιᾷ θανάτου κατακεκλεισμένοις ἐξέλαμψεν ἡλίου καθαρώτερον, ζωῆς τῆς ἐνταῦθα γλυκύτερον. τὸ φῶς ἐκεῖνο ζωή ἐστιν ἀίδιος, καὶ ὅσα μετείληφεν αὐτοῦ, ζῇ, ἡ νὺξ δὲ εὐλαβεῖται τὸ φῶς καὶ δύνουσα διὰ τὸν φόβον παραχωρεῖ τῇ ἡμέρᾳ κυρίου· τὰ πάντα φῶς ἀκοίμητον γέγονεν καὶ ἡ δύσις εἰς ἀνατολὴν περιέστηκεν.<note xml:lang="mul">εἰς ἀνατολὴν περιέστηκεν Wilamowitz. ἀνατολὴ πεπίστευκεν MSS.</note> τοῦτο ἡ κτίσις ἡ καινὴ βεβούληται· ὁ γὰρ τὰ πάντα καθιππεύων <q>δικαιοσύνης ἥλιος</q> ἐπ’ ἴσης περιπολεῖ τὴν ἀνθρωπότητα, τὸν πατέρα μιμούμενος, ὃς <q>ἐπὶ πάντας ἀνθρώπους ἀνατέλλει τὸν ἥλιον αὐτοῦ,</q> καὶ καταψεκάζει τὴν δρόσον τῆς ἀληθείας. οὗτος τὴν δύσιν εἰς ἀνατολὴν μετήγαγεν καὶ τὸν θάνατον εἰς ζωὴν ἀνεσταύρωσεν, ἐξαρπάσας δὲ τῆς ἀπωλείας τὸν ἄνθρωπον προσεκρέμασεν αἰθέρι, 
+<pb xml:id="p.244"/> μεταφυτεύων τὴν φθορὰν εἰς ἀφθαρσίαν καὶ γῆν μεταβάλλων εἰς οὐρανούς, ὁ τοῦ θεοῦ γεωργός, <q>δεξιὰ σημαίνων, λαοὺς δ’ ἐπὶ ἔργον</q> ἀγαθὸν <q>ἐγείρων, μιμνῄσκων βιότοιο</q> ἀληθινοῦ, καὶ τὸν μέγαν ὄντως καὶ θεῖον καὶ ἀναφαίρετον τοῦ πατρὸς κλῆρον χαριζόμενος ἡμῖν, οὐρανίῳ διδασκαλίᾳ θεοποιῶν  <pb xml:id="pg.89_alt" type="margin"/> τὸν ἄνθρωπον, <q>διδοὺς νόμους εἰς τὴν διάνοιαν αὐτῶν καὶ ἐπὶ καρδίαν γράφων αὐτούς.</q> τίνας ὑπογράφει νόμους; <q>ὅτι πάντες εἴσονται τὸν θεὸν ἀπὸ μικροῦ ἕως μεγάλου, καὶ ἵλεως,</q> φησὶν ὁ θεός, <q>ἔσομαι αὐτοῖς καὶ τῶν ἁμαρτιῶν αὐτῶν οὐ μὴ μνησθῶ.</q> δεξώμεθα τοὺς νόμους τῆς ζωῆς, πεισθῶμεν προτρεπομένῳ θεῷ, μάθωμεν αὐτόν, ἵνα ἵλεως ᾖ, ἀποδῶμεν καὶ μὴ δεομένῳ μισθὸν εὐχάριστον εὐπαθείας,<note xml:lang="mul">εὐπαθείας Mayor. εὐπάθειαν MSS. εὐπείθειαν Heyse.</note> οἷόν τι ἐνοίκιον <del>τὴν εὐσέβειαν</del><note xml:lang="mul"> <del>τὴν εὐσέβειαν</del> Heyse.</note> τῷ θεῷ τῆς ἐνταῦθα ἐνοικήσεως. χρύσεα χαλκείων, ἑκατόμβοἰ ἐννεαβοίων. ὀλίγης πίστεως γῆν σοι δίδωσι τὴν τοσαύτην γεωργεῖν, ὕδωρ πίνειν καὶ ἄλλο πλεῖν, ἀέρα ἀναπνεῖν, πῦρ ὑπουργεῖν, κόσμον οἰκεῖν· ἐντεῦθεν εἰς οὐρανοὺς ἀποικίαν στείλασθαί σοι συγκεχώρηκεν· τὰ μεγάλα ταῦτα καὶ τοσαῦτά σοι δημιουργήματα καὶ χαρίσματα ὀλίγης πίστεως μεμίσθωκεν. εἶθ̓ οἱ μὲν τοῖς γόησι πεπιστευκότες τὰ περίαπτα καὶ τὰς ἐπαοιδὰς ὡς σωτηρίους δῆθεν ἀποδέχονται, ὑμεῖς δὲ οὐ βούλεσθε τὸν οὐράνιον αὐτὸν περιάψασθαι, τὸν σωτῆρα λόγον, καὶ τῇ ἐπῳδῇ τοῦ θεοῦ 
+<pb xml:id="p.246"/> πιστεύσαντες ἀπαλλαγῆναι μὲν παθῶν, ἃ δὴ ψυχῆς νόσοι, ἀποσπασθῆναι δὲ ἁμαρτίας ; θάνατος γὰρ ἀίδιος ἁμαρτία. ἦ τέλεον νωδοὶ καὶ τυφλοὶ καθάπερ οἱ σπάλακες οὐδὲν ἄλλο ἢ ἐσθίοντες ἐν σκότῳ διαιτᾶσθε, περικαταρρέοντες τῇ φθορᾷ. ἀλλ’ ἔστιν, ἔστιν ἡ ἀλήθεια ἡ κεκραγυῖα <q>ἐκ σκότους φῶς λάμψει.</q> λαμψάτω οὖν ἐν τῷ ἀποκεκρυμμένῳ τοῦ ἀνθρώπου, ἐν τῇ καρδίᾳ, τὸ φῶς, καὶ τῆς γνώσεως αἱ ἀκτῖνες ἀνατειλάτωσαν τὸν ἐγκεκρυμμένον ἔνδον ἐκφαίνουσαι καὶ ἀποστίλβουσαι ἄνθρωπον, τὸν μαθητὴν τοῦ φωτός, τὸν Χριστοῦ γνώριμόν τε καὶ συγκληρονόμον, μάλιστα ἐπειδὰν τὸ τιμιώτατον καὶ σεβασμιώτατον εὐσεβεῖ τε καὶ ἀγαθῷ παιδὶ ἀγαθοῦ πατρὸς ὄνομα εἰς γνῶσιν ἀφίκηται, προστάττοντος ἤπια καὶ τῷ παιδὶ ἐγκελευομένου τὰ σωτήρια. ὁ δὲ πειθόμενος αὐτῷ κατὰ πάντα δὴ πλεονεκτεῖ· ἕπεται τῷ θεῷ, πείθεται τῷ πατρί, ἔγνω πλανώμενος αὐτόν, ἠγάπησε τὸν θεόν, ἠγάπησε τὸν πλησίον, ἐπλήρωσε τὴν ἐντολήν, τὸ ἆθλον ἐπιζητεῖ, τὴν ἐπαγγελίαν ἀπαιτεῖ. Πρόκειται δὲ ἀεὶ τῷ θεῷ τὴν ἀνθρώπων ἀγέλην σῴζειν. ταύτῃ καὶ τὸν ἀγαθὸν ποιμένα ὁ ἀγαθὸς ἀπέστειλεν θεός· ἁπλώσας δὲ ὁ λόγος τὴν ἀλήθειαν ἔδειξε τοῖς ἀνθρώποις τὸ ὕψος τῆς σωτηρίας, ὅπως ἢ <pb xml:id="pg.90_alt" type="margin"/> μετανοήσαντες σωθῶσιν ἢ μὴ ὑπακούσαντες κριθῶσιν. τοῦτο τῆς δικαιοσύνης τὸ κήρυγμα, ὑπακούουσιν εὐαγγέλιον, παρακούσασιν κριτήριον. ἀλλὰ σάλπιγξ μὲν ἡ μεγαλόκλονος ἠχήσασα στρατιώτας συνήγαγεν καὶ πόλεμον κατήγγειλεν, 
+  <pb xml:id="p.248"/> Χριστὸς δὲ εἰρηνικὸν ἐπὶ τὰ πέρατα τῆς γῆς ἐπιπνεύσας μέλος οὐ συνάξει ἄρα τοὺς εἰρηνικοὺς στρατιώτας τοὺς ἑαυτοῦ; συνήγαγε μὲν οὖν, ὦ ἄνθρωπε, τὸ στρατιωτικὸν τὸ ἀναίμακτον αἵματι καὶ λόγῳ, καὶ τὴν βασιλείαν τῶν οὐρανῶν αὐτοῖς ἐνεχείρισεν. σάλπιγξ ἐστὶ Χριστοῦ τὸ εὐαγγέλιον αὐτοῦ· ὁ μὲν ἐσάλπισεν, ἡμεῖς δὲ ἠκούσαμεν. ἐξοπλισώμεθα εἰρηνικῶς, <q>ἐνδυσάμενοι τὸν θώρακα τῆς δικαιοσύνης</q> καὶ τὴν ἀσπίδα τῆς πίστεως ἀναλαβόντες καὶ τὴν κόρυν τοῦ σωτηρίου περιθέμενοι καὶ <q>τὴν μάχαιραν τοῦ πνεύματος, ὃ ἐστι ῥῆμα θεοῦ,</q> ἀκονήσωμεν. οὕτως ἡμᾶς ὁ ἀπόστολος εἰρηνικῶς ἐκτάττει· ταῦτα ἡμῶν τὰ ὅπλα τὰ ἄτρωτα· τούτοις ἐξοπλισάμενοι παραταξώμεθα τῷ πονηρῷ· τὰ πεπυρακτωμένα τοῦ πονηροῦ ἀποσβέσωμεν βέλη ταῖς ὑδατίναις ἀκμαῖς ταῖς ὑπὸ τοῦ λόγου βεβαμμέναις, εὐχαρίστοις ἀμειβόμενοι τὰς εὐποιίας εὐλογίαις καὶ τὸν θεὸν τῷ θείῳ γεραίροντες λόγῳ. <q>ἔτι γὰρ λαλοῦντός σου ἐρεῖ,</q> φησίν, <q>ἰδοὺ πάρειμι.</q> Ὢ τῆς ἁγίας καὶ μακαρίας ταύτης δυνάμεως, δι’ ἧς ἀνθρώποις συμπολιτεύεται θεός. λῷον οὖν καὶ ἄμεινον τῆς ἀρίστης τῶν ὄντων οὐσίας μιμητὴν ὁμοῦ καὶ θεραπευτὴν γενέσθαι· οὐ γὰρ μιμεῖσθαί τις δυνήσεται τὸν θεὸν ἢ δι’ ὧν ὁσίως θεραπεύει<note xml:lang="mul">θεραπεύει Schwartz. θεραπεύσει MSS.</note> οὐδ’ αὖ θεραπεύειν καὶ σέβειν ἢ μιμούμενος. ὅ γέ τοι οὐράνιος καὶ θεῖος ὄντως ἔρως ταύτῃ προσγίνεται τοῖς ἀνθρώποις, ὅταν ἐν αὐτῇ που τῇ ψυχῇ τὸ ὄντως καλὸν ὑπὸ τοῦ θείου λόγου ἀναζωπυρούμενον ἐκλάμπειν δυνηθῇ· καὶ τὸ μέγιστον, ἅμα τῷ 
+<pb xml:id="p.250"/> βουληθῆναι γνησίως τὸ σωθῆναι συντρέχει, ὁμοζυγούντων, ὡς ἔπος εἰπεῖν, προαιρέσεως καὶ ζωῆς. τοιγάρτοι μόνη αὕτη ἡ τῆς ἀληθείας προτροπὴ τοῖς πιστοτάτοις ἀπείκασται τῶν φίλων μέχρι τῆς ἐσχάτης ἀναπνοῆς παραμένουσα καὶ παραπομπὸς ἀγαθὴ ὅλῳ καὶ τελείῳ τῷ τῆς ψυχῆς πνεύματι τοῖς εἰς οὐρανὸν ἀπαίρουσι γενομένη. τί δή σε προτρέπω; σωθῆναί σε ἐπείγομαι. τοῦτο Χριστὸς βούλεται· ἑνὶ λόγῳ ζωήν σοι χαρίζεται. καὶ τίς ἐστιν οὗτος; μάθε συντόμως· λόγος ἀληθείας, λόγος ἀφθαρσίας, ὁ ἀναγεννῶν τὸν ἄνθρωπον, εἰς ἀλήθειαν αὐτὸν ἀναφέρων, τὸ κέντρον τῆς σωτηρίας, ὁ ἐξελαύνων τὴν φθοράν, ὁ ἐκδιώκων τὸν θάνατον, ὁ ἐν ἀνθρώποις οἰκοδομήσας νεών, ἵνα ἐν ἀνθρώποις ἱδρύσῃ τὸν θεόν. ἅγνισον τὸν νεών, καὶ τὰς ἡδονὰς καὶ τὰς ῥᾳθυμίας ὥσπερ ἄνθος ἐφήμερον καταλίμπανε ἀνέμῳ καὶ πυρί, σωφροσύνης δὲ τοὺς καρποὺς γεώργησον ἐμφρόνως, καὶ σεαυτὸν ἀκροθίνιον  <pb xml:id="pg.91_alt" type="margin"/> ἀνάστησον τῷ θεῷ, ὅπως οὐκ ἔργον μόνον, ἀλλὰ καὶ χάρις ᾖς<note xml:lang="mul">ᾖς Wilamoitz. ᾖ MSS.</note> τοῦ θεοῦ· πρέπει δὲ ἄμφω τῷ Χριστοῦ<note xml:lang="mul">Χριστοῦ Mayor. Χριστῷ MSS.</note> γνωρίμῳ, καὶ βασιλείας ἄξιον φανῆναι καὶ βασιλείας κατηξιῶσθαι. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg001.perseus-grc2" n="12">
+ <p> Φύγωμεν οὖν τὴν συνήθειαν, φύγωμεν οἷον ἄκραν χαλεπὴν ἢ Χαρύβδεως ἀπειλὴν ἢ Σειρῆνας μυθικάς· ἄγχει τὸν ἄνθρωπον, τῆς ἀληθείας ἀποτρέπει, ἀπάγει τῆς ζωῆς, παγίς ἐστιν, βάραθρόν ἐστιν, βόθρος ἐστί, λίχνον<note xml:lang="mul">λίχνον Mayor. λίχνος MSS.</note> ἐστὶν κακὸν ἡ συνήθεια· 
+  <pb xml:id="p.252"/> κείνου μὲν καπνοῦ καὶ κύματος ἐκτὸς ἔεργε νῆα. φεύγωμεν, ὦ συνναῦται, φεύγωμεν τὸ κῦμα τοῦτο, πῦρ ἐρεύγεται, νῆσός ἐστι πονηρὰ ὀστοῖς καὶ νεκροῖς σεσωρευμένη, ᾅδει δὲ ἐν αὐτῇ πορνίδιον ὡραῖον, ἡδονή, πανδήμῳ τερπόμενον μουσικῇ· δεῦρ’ ἄγ’ ἰών, πολύαιν’ Ὀδυσεῦ, μέγα κῦδος Ἀχαιῶν, νῆα κατάστησον, ἵνα θειοτέρην ὄπ’ ἀκούσῃς. ἐπαινεῖ σε, ὦ ναῦτα, καὶ πολυύμνητον λέγει, καὶ τὸ κῦδος τῶν Ἑλλήνων ἡ πόρνη σφετερίζεται· ἔασον αὐτὴν ἐπινέμεσθαι τοὺς νεκρούς, πνεῦμά σοι<note xml:lang="mul">σοι Höschel. σε MSS.</note> οὐράνιον βοηθεῖ· πάριθι τὴν ἡδονήν, βουκολεῖ· μηδὲ γυνή σε νόον πυγοστόλος ἐξαπατάτω, αἱμύλα κωτίλλουσα, τεὴν διφῶσα καλιήν. παράπλει τὴν ᾠδήν, θάνατον ἐργάζεται· ἐὰν ἐθέλῃς μόνον, νενίκηκας τὴν ἀπώλειαν καὶ τῷ ξύλῳ προσδεδεμένος ἁπάσης ἔσῃ τῆς φθορᾶς λελυμένος, κυβερνήσει σε ὁ λόγος ὁ τοῦ θεοῦ, κἀν<note xml:lang="mul">κἀν Mayor. καὶ MSS.</note> τοῖς λιμέσι καθορμίσει τῶν οὐρανῶν τὸ πνεῦμα τὸ ἅγιον· τότε μου κατοπτεύσεις τὸν θεὸν καὶ τοῖς ἁγίοις ἐκείνοις τελεσθήσῃ μυστηρίοις καὶ τῶν ἐν οὐρανοῖς ἀπολαύσεις ἀποκεκρυμμένων, τῶν ἐμοὶ τετηρημένων, <q>ἃ οὔτε οὖς ἤκουσεν οὔτε ἐπὶ καρδίαν ἀνέβη</q> τινός. 
+<pb xml:id="p.254"/> καὶ μὴν ὁρᾶν μοι δύο μὲν ἡλίους δοκῶ, δισσὰς δὲ Θήβας 
+  <pb xml:id="pg.92_alt" type="margin"/> βακχεύων ἔλεγέν τις εἰδώλοις, ἀγνοίᾳ μεθύων ἀκράτῳ· ἐγὼ δ’ <add>ἂν</add><note xml:lang="mul"> <add>ἂν</add> inserted by Stählin.</note> αὐτὸν οἰκτείραιμι παροινοῦντα καὶ τὸν οὕτω παρανοοῦντα ἐπὶ σωτηρίαν παρακαλέσαιμι σωφρονοῦσαν, ὅτι καὶ κύριος μετάνοιαν ἁμαρτωλοῦ καὶ οὐχὶ θάνατον ἀσπάζεται. ἧκε, ὦ παραπλήξ, μὴ θύρσῳ σκηριπτόμενος, μὴ κιττῷ ἀναδούμενος, ῥῖψον τὴν μίτραν, ῥῖψον τὴν νεβρίδα, σωφρόνησον· δείξω σοι τὸν λόγον καὶ τοῦ λόγου τὰ μυστήρια, κατὰ τὴν σὴν διηγούμενος εἰκόνα. ὄρος ἐστὶ τοῦτο θεῷ πεφιλημένον, οὐ τραγῳδίαις ὡς Κιθαιρὼν ὑποκείμενον, ἀλλὰ τοῖς ἀληθείας ἀνακείμενον δράμασιν, ὄρος νηφάλιον, ἁγναῖς ὕλαις σύσκιον· βακχεύουσι δὲ ἐν αὐτῷ οὐχ αἱ Σεμέλης <q>τῆς κεραυνίας</q> ἀδελφαί, αἱ μαινάδες, αἱ δύσαγνον κρεανομίαν μυούμεναι, ἀλλ’ αἱ τοῦ θεοῦ θυγατέρες, αἱ ἀμνάδες αἱ καλαί, τὰ σεμνὰ τοῦ λόγου θεσπίζουσαι ὄργια, χορὸν ἀγείρουσαι σώφρονα. ὁ χορὸς οἱ δίκαιοι, τὸ ᾆσμα ὕμνος ἐστὶ τοῦ πάντων βασιλέως· ψάλλουσιν αἱ κόραι, δοξάζουσιν ἄγγελοι, προφῆται λαλοῦσιν, ἦχος στέλλεται μουσικῆς, δρόμῳ τὸν 
+  <pb xml:id="p.256"/> θίασον διώκουσιν, σπεύδουσιν οἱ κεκλημένοι πατέρα ποθοῦντες ἀπολαβεῖν. ἧκέ μοι, ὦ πρέσβυ, καὶ σύ, τὰς Θήβας λιπὼν καὶ τὴν μαντικὴν καὶ τὴν βακχείαν<note xml:lang="mul">βακχείαν Wilamowitz. βακχικὴν MSS.</note> ἀπορρίψας πρὸς ἀλήθειαν χειραγωγοῦ· ἰδού σοι τὸ ξύλον ἐπερείδεσθαι δίδωμι· σπεῦσον, Τειρεσία, πίστευσον· ὄψει· Χριστὸς ἐπιλάμπει φαιδρότερον ἡλίου, δι’ ὃν ὀφθαλμοὶ τυφλῶν ἀναβλέπουσιν· νύξ σε φεύξεται, πῦρ φοβηθήσεται, θάνατος οἰχήσεται· ὄψει τοὺς οὐρανούς, ὦ γέρον, ὁ Θήβας μὴ βλέπων. Ὢ τῶν ἁγίων ὡς ἀληθῶς μυστηρίων, ὢ φωτὸς ἀκηράτου. δᾳδουχοῦμαι τοὺς οὐρανοὺς καὶ τὸν θεὸν ἐποπτεῦσαι,<note xml:lang="mul">ἐποπτεῦσαι Schwartz. ἐποπτεύσας MSS.</note> ἅγιος γίνομαι μυούμενος, ἱεροφαντεῖ δὲ ὁ κύριος καὶ τὸν μύστην σφραγίζεται φωταγωγῶν, καὶ παρατίθεται τῷ πατρὶ τὸν πεπιστευκότα αἰῶσι τηρούμενον. ταῦτα τῶν ἐμῶν μυστηρίων τὰ βακχεύματα· εἰ βούλει, καὶ σὺ μυοῦ, καὶ χορεύσεις μετ’ ἀγγέλων ἀμφὶ τὸν ἀγένητον καὶ ἀνώλεθρον καὶ μόνον ὄντως θεόν, συνυμνοῦντος ἡμῖν τοῦ θεοῦ λόγου. ἀίδιος  <pb xml:id="pg.93_alt" type="margin"/> οὗτος Ἰησοῦς, εἷς <del>ὁ</del><note xml:lang="mul"> <del>ὁ</del> Wilamowitz.</note> μέγας ἀρχιερεὺς θεοῦ τε ἑνὸς τοῦ αὐτοῦ καὶ πατρός, ὑπὲρ ἀνθρώπων εὔχεται καὶ ἀνθρώποις ἐγκελεύεται <q>κέκλυτε, μυρία φῦλα,</q> μᾶλλον δὲ ὅσοι τῶν ἀνθρώπων λογικοί, καὶ βάρβαροι καὶ Ἕλληνες· τὸ πᾶν ἀνθρώπων γένος καλῶ, ὧν ἐγὼ δημιουργὸς θελήματι πατρός. ἥκετε ὡς ἐμέ, ὑφ’ ἕνα ταχθησόμενοι θεὸν καὶ τὸν ἕνα λόγον τοῦ θεοῦ, καὶ μὴ μόνον τῶν ἀλόγων ζῴων πλεονεκτεῖτε τῷ λόγῳ, ἐκ δὲ τῶν θνητῶν ἁπάντων ὑμῖν ἀθανασίαν μόνοις καρπώσασθαι 
+  <pb xml:id="p.258"/> δίδωμι. ἐθέλω γάρ, ἐθέλω καὶ ταύτης ὑμῖν μεταδοῦναι τῆς χάριτος, ὁλόκληρον χορηγῶν τὴν εὐεργεσίαν, ἀφθαρσίαν· καὶ λόγον χαρίζομαι ὑμῖν, τὴν γνῶσιν τοῦ θεοῦ τέλειον ἐμαυτὸν χαρίζομαι. τοῦτό εἰμι ἐγώ, τοῦτο βούλεται ὁ θεός, τοῦτο συμφωνία ἐστί, τοῦτο ἁρμονία πατρός, τοῦτο υἱός, τοῦτο Χριστός, τοῦτο ὁ λόγος τοῦ θεοῦ, βραχίων κυρίου, δύναμις τῶν ὅλων, τὸ θέλημα τοῦ πατρός. ὦ<note xml:lang="mul">ὦ Wilamowitz. ὧν MSS.</note> πάλαι μὲν εἰκόνες, οὐ πᾶσαι δὲ ἐμφερεῖς, διορθώσασθαι ὑμᾶς πρὸς τὸ ἀρχέτυπον βούλομαι, ἵνα μοι καὶ ὅμοιοι γένησθε. χρίσω ὑμᾶς τῷ πίστεως ἀλείμματι, δι’ οὗ τὴν φθορὰν ἀποβάλλετε, καὶ γυμνὸν δικαιοσύνης ἐπιδείξω τὸ σχῆμα, δι’ οὗ πρὸς τὸν θεὸν ἀναβαίνετε. <q>δεῦτε πρός με πάντες οἱ κοπιῶντες καὶ πεφορτισμένοι, κἀγὼ ἀναπαύσω ὑμᾶς· ἄρατε τὸν ζυγόν μου ἐφ’ ὑμᾶς καὶ μάθετε ἀπ’ ἐμοῦ, ὅτι πραΰς εἰμι καὶ ταπεινὸς τῇ καρδίᾳ, καὶ εὑρήσετε ἀνάπαυσιν ταῖς ψυχαῖς ὑμῶν· ὁ γὰρ ζυγός μου χρηστὸς καὶ τὸ φορτίον μου ἐλαφρόν ἐστιν.</q> σπεύσωμεν, δράμωμεν, ὦ θεοφιλῆ καὶ θεοείκελα τοῦ λόγου <del>ἄνθρωποι</del><note xml:lang="mul"> <del>ἄνθρωποι</del> Heysc.</note> ἀγάλματα· σπεύσωμεν, δράμωμεν, ἄρωμεν τὸν ζυγὸν αὐτοῦ, ὑπολάβωμεν ἀφθαρσίαν,<note xml:lang="mul">ὑπολάβωμεν ἀφθαρσίαν Mayor. ὑποβάλωμεν ἀφθαρσίαι MSS. ἐπιβάλωμεν ἀφθαρσίᾳ Wilamowitz (whom Stählin follows).</note> καλὸν ἡνίοχον ἀνθρώπων τὸν Χριστὸν ἀγαπήσωμεν· τὸν πῶλον ὑποζύγιον ἤγαγε σὺν τῷ παλαιῷ· καὶ τῶν ἀνθρώπων τὴν συνωρίδα καταζεύξας, εἰς ἀθανασίαν κατιθύνει τὸ ἅρμα, σπεύδων πρὸς τὸν θεὸν πληρῶσαι ἐναργῶς ὃ ᾐνίξατο, πρότερον μὲν εἰς Ἱερουσαλήμ, νῦν δὲ εἰσελαύνων 
+  <pb xml:id="p.260"/> οὐρανούς, κάλλιστον θέαμα τῷ πατρὶ υἱὸς ἀίδιος νικηφόρος. φιλότιμοι τοίνυν πρὸς τὰ καλὰ καὶ θεοφιλεῖς ἄνθρωποι γενώμεθα, καὶ τῶν ἀγαθῶν<note xml:lang="mul">ἀγαθῶν Stählin. ἀπαθῶν MSS.</note> τὰ μέγιστα, θεὸν καὶ ζωήν, κτησώμεθα. ἀρωγὸς δὲ ὁ λόγος· θαρρῶμεν αὐτῷ καὶ μή ποτε ἡμᾶς τοσοῦτος ἀργύρου καὶ <pb xml:id="pg.94_alt" type="margin"/> χρυσοῦ, μὴ δόξης ἐπέλθῃ πόθος, ὅσος αὐτοῦ τοῦ τῆς ἀληθείας λόγου. οὐδὲ γὰρ οὐδὲ τῷ θεῷ αὐτῷ ἀρεστόν, εἰ ἡμεῖς τὰ μὲν πλείστου ἄξια περὶ<note xml:lang="mul">περὶ Cobet. ὑπὲρ MSS.</note> ἐλαχίστου ποιούμεθα, ἀγνοίας<note xml:lang="mul">ἀγνοίας Markland. ἀνοίας MSS.</note> δὲ καὶ ἀμαθίας καὶ ῥᾳθυμίας καὶ εἰδωλολατρείας ὕβρεις περιφανεῖς καὶ τὴν ἐσχάτην δυσσέβειαν περὶ πλείονος αἱρούμεθα.<note xml:lang="mul">αἱρούμεθα Stählin. αἱρώμεθα MSS.</note> Οὐ γὰρ ἀπὸ τρόπου φιλοσόφων παῖδες πάντα ὅσα πράττουσιν οἱ ἀνόητοι, ἀνοσιουργεῖν καὶ ἀσεβεῖν νομίζουσιν καὶ αὐτήν γε <del>ἔτι</del><note xml:lang="mul"> <del>ἔτι</del> Wilamowitz.</note> τὴν ἄγνοιαν μανίας εἶδος ὑπογράφοντες οὐδὲν ἄλλο ἢ μεμηνέναι τοὺς πολλοὺς ὁμολογοῦσιν. οὐ δὴ οὖν ἀμφιβάλλειν αἱρεῖ<note xml:lang="mul">αἱρεῖ Cobet. ἐρεῖ MSS.</note> ἢ μεμηνέναι· ἐχομένους δὲ ἀπρὶξ τῆς ἀληθείας παντὶ σθένει ἕπεσθαι χρὴ τῷ θεῷ σωφρονοῦντας καὶ πάντα αὐτοῦ νομίζειν, ὥσπερ ἔστι, πρὸς δὲ καὶ ἡμᾶς τὸ κάλλιστον τῶν κτημάτων μεμαθηκότας ὄντας αὐτοῦ, σφᾶς αὐτοὺς ἐπιτρέπειν τῷ θεῷ, ἀγαπῶντας κύριον τὸν θεὸν καὶ τοῦτο παρ’ ὅλον τὸν βίον ἔργον ἡγουμένους. εἰ δὲ <q>κοινὰ τὰ φίλων,</q> θεοφιλὴς δὲ ὁ ἄνθρωπος ʽκαὶ γὰρ οὖν φίλος τῷ θεῷ,<note xml:lang="mul">τῷ θεῷ after φίλος Wilamowitz, after ἄνθρωπος MSS. <del>τῷ θεῷ</del> Cobet.</note> μεσιτεύοντος τοῦ λόγοὐ, γίνεται δὴ οὖν 
+  <pb xml:id="p.262"/> τὰ πάντα τοῦ ἀνθρώπου, ὅτι τὰ πάντα τοῦ θεοῦ, καὶ κοινὰ ἀμφοῖν τοῖν φίλοιν τὰ πάντα, τοῦ θεοῦ καὶ ἀνθρώπου. ὥρα οὖν ἡμῖν μόνον τὸν θεοσεβῆ <del>Χριστιανὸν</del><note xml:lang="mul"> <del>Χριστιανὸν</del> Wilamowitz.</note> εἰπεῖν πλούσιόν τε καὶ σώφρονα καὶ εὐγενῆ καὶ ταύτῃ εἰκόνα τοῦ θεοῦ μεθ’ ὁμοιώσεως, καὶ λέγειν καὶ πιστεύειν <q>δίκαιον καὶ ὅσιον μετὰ φρονήσεως</q> γενόμενον ὑπὸ Χριστοῦ Ἰησοῦ καὶ εἰς τοσοῦτον ὅμοιον ἤδη καὶ θεῷ. οὐκ ἀποκρύπτεται γοῦν ὁ προφήτης τὴν χάριν λέγων, <q>ἐγὼ εἶπον ὅτι θεοί ἐστε καὶ υἱοὶ ὑψίστου πάντες.</q> ἡμᾶς γάρ, ἡμᾶς εἰσπεποίηται καὶ ἡμῶν ἐθέλει μόνων κεκλῆσθαι <pb xml:id="pg.95_alt" type="margin"/> πατήρ, οὐ τῶν ἀπειθούντων. καὶ γὰρ οὖν ὧδέ πως ἔχει τὰ ἡμέτερα τῶν Χριστοῦ ὀπαδῶν· οἷαι μὲν αἱ βουλαί, τοῖοι καὶ οἱ λόγοι, ὁποῖοι δὲ οἱ λόγοι, τοιαίδε καὶ αἱ πράξεις, καὶ ὁποῖα τὰ ἔργα, τοιοῦτος ὁ βίος· χρηστὸς ὁ σύμπας ἀνθρώπων βίος τῶν Χριστὸν ἐγνωκότων. Ἅλις οἶμαι τῶν λόγων, εἰ καὶ μακροτέρω προῆλθον ὑπὸ φιλανθρωπίας ὅ τι περ εἶχον ἐκ θεοῦ ἐκχέων, ὡς ἂν ἐπὶ τὸ μέγιστον τῶν ἀγαθῶν, τὴν σωτηρίαν, παρακαλῶν· περὶ γάρ τοι τῆς παῦλαν οὐδαμῇ οὐδαμῶς ἐχούσης ζωῆς οὐκ ἐθέλουσιν οὐδ’ οἱ λόγοι παύσασθαί ποτε ἱεροφαντοῦντες. ὑμῖν δὲ ἔτι τοῦτο περιλείπεται πέρας τὸ λυσιτελοῦν ἑλέσθαι, ἢ κρίσιν ἢ χάριν· ὡς ἔγωγε οὐδ’ ἀμφιβάλλειν ἀξιῶ, πότερον ἄμεινον αὐτοῖν· οὐδὲ μὴν συγκρίνεσθαι θέμις ζωὴν ἀπωλείᾳ. </p>
+</div></div>
+</body>
+</text>
+</TEI>
diff --git a/data/tlg0555/tlg004/tlg0555.tlg004.perseus-grc1..xml b/data/tlg0555/tlg004/tlg0555.tlg004.perseus-grc1.xml
similarity index 99%
rename from data/tlg0555/tlg004/tlg0555.tlg004.perseus-grc1..xml
rename to data/tlg0555/tlg004/tlg0555.tlg004.perseus-grc1.xml
index 3703dedc9..bdc507132 100644
--- a/data/tlg0555/tlg004/tlg0555.tlg004.perseus-grc1..xml
+++ b/data/tlg0555/tlg004/tlg0555.tlg004.perseus-grc1.xml
@@ -2709,7 +2709,7 @@
 
 Ἰουλίου τοίνυν Καίσαρος ἕως Κομόδου τελευτῆς γίνονται ἔτη σλς΄
 μῆνες ς΄. συνάγεται δὲ πάντα τὰ ἀπὸ Ῥωμύλου τοῦ κτίσαντος
-Ῥώμην ἕως Κομόδου τελευτῆς?̣̣̔̓μγ΄ μῆνες ς΄.</p>
+Ῥώμην ἕως Κομόδου τελευτῆς?̣̣̔̓μγ΄ μῆνες ς΄.</p>
 <milestone n="145" unit="section"/><p>Ἐγεννήθη δὲ ὁ κύριος <pb n="407 P" ed="alt"></pb> ἡμῶν τῷ ὀγδόῳ καὶ εἰκοστῷ ἔτει, ὅτε 
 <milestone n="2" unit="subsection"/>πρῶτον ἐκέλευσαν ἀπογραφὰς γενέσθαι ἐπὶ Αὐγούστου. ὅτι δὲ τοῦτ̓ 
 ἀληθές ἐστιν, ἐν τῷ εὐαγγελίῳ τῷ κατὰ Λουκᾶν γέγραπται οὕτως·
@@ -7040,7 +7040,7 @@
 ζήσομεν ἐν αὐτῇ; ὅτι ὁ παλαιὸς ἡμῶν ἄνθρωπος συνεσταυρώθη,
 ἵνα καταργηθῇ τὸ σῶμα τῆς ἁμαρτίας</q> ἕως <q>μηδὲ παριστάνετε τὰ
 μέλη ὑμῶν ὅπλα ἀδικίας τῇ ἁμαρτίᾳ.</q></p>
-<milestone n="76" unit="section"/><p>Καὶ δὴ ἐνταῦθα γενόμενος δοκῶ?̣̣̔̓μοι μὴ παραλείψειν ἀνεπισημείωτον, 
+<milestone n="76" unit="section"/><p>Καὶ δὴ ἐνταῦθα γενόμενος δοκῶ?̣̣̔̓μοι μὴ παραλείψειν ἀνεπισημείωτον, 
 <pb id="p.230"></pb>
 
 ὅτι τὸν αὐτὸν θεὸν διὰ νόμου καὶ προφητῶν καὶ εὐαγγελίου
@@ -9554,7 +9554,7 @@
 ὑποπίπτῃ τῷ θεῷ καὶ διοικῆται <q>μετὰ ἀληθινῆς καρδίας ἐν πληροφορίᾳ
 πίστεως, ἡγνισμένων τὰς καρδίας ἀπὸ συνειδήσεως πονηρᾶς
 καὶ λελουμένων τὸ σῶμα ὕδατι καθαρῷ καὶ ἐχόντων τὴν ὁμολογίαν
-<milestone n="2" unit="subsection"/>τῆς ἐλ̣̣̔̓πίδος· πιστὸς γὰρ ὁ ἐπαγγειλάμενος.</q> χρὴ δὲ τὸν εὐδαίμονα <pb n="225 S" ed="alt"></pb>
+<milestone n="2" unit="subsection"/>τῆς ἐλ̣̣̔̓πίδος· πιστὸς γὰρ ὁ ἐπαγγειλάμενος.</q> χρὴ δὲ τὸν εὐδαίμονα <pb n="225 S" ed="alt"></pb>
 γάμον οὔτε πλούτῳ ποτὲ οὔτε κάλλει κρίνεσθαι, ἀλλ̓ ἀρετῇ.
 
 <quote rend="blockquote">
@@ -16462,7 +16462,7 @@
 καὶ τὴν πρόληψιν. ὅταν δέ τις ἔναυσμα λαβών του πράγματος
 ἐξάψῃ τοῦτο ἔνδον ἐν τῇ ψυχῇ πόθῳ καὶ μαθήσει, πάντα ἐπὶ τούτοις
 <milestone n="2" unit="subsection"/>κινεῖ πρὸς τὸ ἐπιγνῶναι. οὗ γάρ τις μὴ ἀντιλαμβάνεται, οὐδὲ 
-<milestone n="3" unit="subsection"/>ποθεῖ αὐτὸ οὐδὲ ἀσπάζεται τὴν?̣̣̔̓ξ αὐτοῦ ὠφέλειαν. τὸ ὕστερον οὖν 
+<milestone n="3" unit="subsection"/>ποθεῖ αὐτὸ οὐδὲ ἀσπάζεται τὴν?̣̣̔̓ξ αὐτοῦ ὠφέλειαν. τὸ ὕστερον οὖν 
 ὁ γνωστικὸς ἐπὶ τέλει τῶν κατορθωμάτων μιμεῖται τὸν κύριον, εἰς
 ὅσον ἐφικτὸν ἀνθρώποις, ποιότητά τινα κυριακὴν λαβὼν εἰς ἐξομοίωσιν
 θεοῦ. οἱ δὲ μὴ ἐπιστάμενοι τὴν γνῶσιν οὐδὲ κανονίζειν
@@ -16498,7 +16498,7 @@
 ἔχοντι τὸ λαβεῖν κατὰ φύσιν καὶ τῷ ὀφθαλμοὺς ὑγιαίνοντας κεκτημένῳ
 τὸ φῶς ἰδεῖν, οὕτως τῷ πίστιν εἰληφότι τὸ γνώσεως μεταλαβεῖν
 οἰκεῖον πέφυκεν, εἰ προσεξεργάσασθαι καὶ προσοικοδομῆσαι
-χρυσόν, ἄργυρον, λίθους τιμίους τ̣̣̔̓ καταβληθέντι θεμελίῳ γλίχοιτο.
+χρυσόν, ἄργυρον, λίθους τιμίους τ̣̣̔̓ καταβληθέντι θεμελίῳ γλίχοιτο.
 <milestone n="2" unit="subsection"/>οὐ τοίνυν ὑπισχνεῖται βούλεσθαι μεταλαμβάνειν, ἀλλὰ ἄρχεται· οὐδὲ 
 μέλλειν, ἀλλ̓ εἶναι βασιλικόν τε καὶ φωτεινὸν καὶ γνωστικὸν καθῆκεν,
 οὐδὲ ὀνόματι, ἀλλ̓ ἔργῳ ἐθέλειν ἅπτεσθαι τῶν πραγμάτων
@@ -16796,4 +16796,4 @@
 μετὰ ταῦτα δηλωθήσεται, ἐπὰν περὶ γενέσεως κόσμου διαλαμβάνειν
 ἀρξώμεθα.
 <pb id="p.519"></pb>
-</p></div2></div1></body></text></TEI.2>
+</p></div2></div1></body></text></TEI.2>
\ No newline at end of file
diff --git a/data/tlg0555/tlg006/__cts__.xml b/data/tlg0555/tlg006/__cts__.xml
new file mode 100644
index 000000000..1bed423c2
--- /dev/null
+++ b/data/tlg0555/tlg006/__cts__.xml
@@ -0,0 +1,8 @@
+<ti:work xmlns:ti="http://chs.harvard.edu/xmlns/cts" groupUrn="urn:cts:greekLit:tlg0555" xml:lang="grc" urn="urn:cts:greekLit:tlg0555.tlg006">
+  <ti:title xml:lang="lat">Quis Dis Salvetur</ti:title>
+  
+  <ti:edition urn="urn:cts:greekLit:tlg0555.tlg006.perseus-grc2" workUrn="urn:cts:greekLit:tlg0555.tlg006"  xml:lang="grc">
+    <ti:label xml:lang="grc">τίς ὁ σωζόμενος πλούσιος</ti:label>
+    <ti:description xml:lang="mul">Clement of Alexandria. Butterworth, G.W., editor. Cambridge, MA: Harvard University Press; London: William Heinemann, 1919.</ti:description>
+  </ti:edition>
+</ti:work>
diff --git a/data/tlg0555/tlg006/tlg0555.tlg006.perseus-grc1.tracking.json b/data/tlg0555/tlg006/tlg0555.tlg006.perseus-grc1.tracking.json
deleted file mode 100644
index 433ae4c9a..000000000
--- a/data/tlg0555/tlg006/tlg0555.tlg006.perseus-grc1.tracking.json
+++ /dev/null
@@ -1,14 +0,0 @@
-{
-    "epidoc_compliant": false, 
-    "fully_unicode": true, 
-    "git_repo": "canonical-greekLit", 
-    "has_cts_metadata": false, 
-    "has_cts_refsDecl": false, 
-    "id": "2008.01.0631", 
-    "last_editor": "", 
-    "note": "", 
-    "src": "texts/sdl/ClemAlex/clemalex06_gk.xml", 
-    "status": "migrated", 
-    "target": "canonical-greekLit/data/tlg0555/tlg006/tlg0555.tlg006.perseus-grc1.xml", 
-    "valid_xml": true
-}
\ No newline at end of file
diff --git a/data/tlg0555/tlg006/tlg0555.tlg006.perseus-grc1.xml b/data/tlg0555/tlg006/tlg0555.tlg006.perseus-grc1.xml
deleted file mode 100644
index fdd9282c1..000000000
--- a/data/tlg0555/tlg006/tlg0555.tlg006.perseus-grc1.xml
+++ /dev/null
@@ -1,1565 +0,0 @@
-<?xml version="1.0" encoding="UTF-8"?><TEI.2>
-<teiHeader>
-<fileDesc>
-<titleStmt>
-<title>Quis Dis Salvetur</title>
-<author>Clement of Alexandria</author>
-<editor>G.W. Butterworth</editor>
- <sponsor>Perseus Project, Tufts University</sponsor>
- <principal>Gregory Crane</principal>
- <respStmt>
-  <resp>Prepared under the supervision of</resp>
-  <name>Lisa Cerrato</name>
-  <name>Rashmi Singhal</name> 
-  <name>Bridget Almas</name>
- </respStmt>   
-<funder n="org:Google">Google Digital Humanities Awards Program</funder>
-</titleStmt>
-<publicationStmt>
-<publisher>Trustees of Tufts University</publisher>
-<pubPlace>Medford, MA</pubPlace>
-<authority>Perseus Project</authority>
- <date type="release">2011-09-12</date>
-</publicationStmt>
-<sourceDesc>
-<biblStruct>
-<monogr>
-<author>Clement of Alexandria</author>
-<editor>G.W. Butterworth</editor>
-<title>Clement of Alexandria, with an English Translation by G.W. Butterworth</title>
-<imprint>
-<publisher>William Heinemann Ltd; G.P. Putnam's Sons</publisher>
-<pubPlace>London; New York</pubPlace>
-<date>1919</date>
-</imprint>
-</monogr>
- 
- <ref target="https://archive.org/details/theexhortationto00clemuoft/page/n8">Internet Archive</ref>
-</biblStruct>
-<p>Keyboarding</p>
-</sourceDesc>
-</fileDesc>
-<encodingDesc>
-<refsDecl doctype="TEI.2">
-<state unit="chapter" n="chunk"/>
-</refsDecl>
-</encodingDesc>
-<profileDesc>
-<langUsage>
-<language id="greek">Greek</language>
-</langUsage>
-</profileDesc>
-</teiHeader>
-<text id="tlg0555.tlg006.perseus-grc1">
-<body>
-<pb id="p.270"/>
-<pb id="pg.935"/>
-<div1 type="chapter" n="1">
-<p>Οἱ μὲν τοὺς ἐγκωμιαστικοὺς λόγους τοῖς
-πλουσίοις δωροφοροῦντες οὐ μόνον κόλακες καὶ ἀνελεύθεροι
-δικαίως ἂν ἔμοιγε κρίνεσθαι δοκοῖεν, ὡς
-ἐπὶ πολλῷ προσποιούμενοι χαρίσασθαι τὰ ἀχάριστα,
-ἀλλὰ καὶ ἀσεβεῖς καὶ ἐπίβουλοι· ἀσεβεῖς μέν, ὅτι
-παρέντες αἰνεῖν καὶ δοξάζειν τὸν μόνον τέλειον καὶ
-ἀγαθὸν θεόν, ἐξ οὗ τὰ πάντα καὶ δι’ οὗ τὰ πάντα καὶ
-εἰς ὃν τὰ πάντα, περιάπτουσι το<add>ύτου</add>
-<note n="1" place="unspecified" anchored="yes">to<add>u/tou</add> Lindner: Stählin. (The bracketed sords and letters are to fill blank spaces in the MS.)</note> τὸ γέρας
-ἀνθρώποις ἐν ἀς<add>ώτῳ καὶ βορβορώδει</add>
-<note n="2" place="unspecified" anchored="yes">a)s<add>w/tw| kai\ borborw/dei</add> Lindner: Stählin.</note> βίῳ κυλινδουμένοις
-<add>καὶ</add>
-<note n="3" place="unspecified" anchored="yes">
-<add>kai\</add> Segaar.</note> τὸ κεφάλαιον ὑποκειμένοις <note n="4" place="unspecified" anchored="yes">u(pokeime/nois Combefis. u(pokei/menon MS.</note> τῇ
-κρίσει τοῦ θεοῦ· ἐπίβουλοι δέ, ὅτι καὶ αὐτῆς τῆς
-περιουσίας καθ’ αὑτὴν ἱκανῆς οὔσης χαυνῶσαι τὰς
-ψυχὰς τῶν κεκτημένων καὶ διαφθεῖραι καὶ ἀποστῆσαι
-τῆς ὁδοῦ, δι’ ἧς ἐπιτυχεῖν ἔστι σωτηρίας,
-οἵδε προσεκπλήσσουσι τὰς γνώμας τῶν πλουσίων
-ταῖς ἡδοναῖς τῶν ἀμέτρων ἐπαίνων ἐπαίροντες καὶ
-καθάπαξ τῶν ὅλων πραγμάτων πλὴν τοῦ πλούτου,
-<pb id="pg.936"/> δι’ ὃν θαυμάζονται, παρασκευάζοντες ὑπερφρονεῖν,
-τὸ δὴ τοῦ λόγου πῦρ ἐπὶ πῦρ μετοχετεύοντες, τύφῳ
-<pb id="p.272"/>
-τῦφον ἐπαντλοῦντες καὶ ὄγκον πλούτῳ προσανατιθέντες
-βαρεῖ φύσει φορτίον βαρύτερον, οὗ μᾶλλον
-ἐχρῆν ἀφαιρεῖν καὶ περικόπτειν, ὡς σφαλεροῦ νοσήματος
-καὶ θανατηφόρου· τῷ γὰρ ὑψουμένῳ καὶ
-μεγαλυνομένῳ παραπέπηγεν <note n="1" place="unspecified" anchored="yes">parape/phgen from Antonii Melissa: missing from MS.</note> ἀντίστροφος ἡ πρὸς τὸ
-ταπεινὸν μεταβολὴ καὶ πτῶσις, ὡς ὁ θεῖος διδάσκει
-λόγος. ἐμοὶ δὲ φαίνεται μακρῷ φιλανθρωπότερον
-εἶναι τοῦ θεραπεύειν <add>ἀνελευθέρως</add>
-<note n="2" place="unspecified" anchored="yes">
-<add>a)neleuqe/rws</add> Fell.</note> τοὺς πλουτοῦντας
-<add>καὶ ἐπαινεῖν</add>
-<note n="3" place="unspecified" anchored="yes">
-<add>kai\ e)painei=n</add> Barnard.</note> ἐπὶ κακῷ τὸ συναίρεσθαι
-<add>τὴν ζωὴν καὶ</add>
-<note n="4" place="unspecified" anchored="yes">
-<add>th\n zwh\n kai\</add> Stählin.</note> τὴν σωτηρίαν αὐτοῖς <add>κατεργάζεσθαι</add>
-<note n="5" place="unspecified" anchored="yes">
-<add>katerga/zesqai</add> Fell.</note>
-ἅπαντα τὸν δυνατὸν τρόπον, τοῦτο μὲν
-ἐξαιτουμένους παρὰ θεοῦ τοῦ βεβαίως καὶ ἡδέως
-τοῖς ἑαυτοῦ τέκνοις τὰ τοιαῦτα προϊεμένου, τοῦτο
-δὲ λόγῳ <note n="6" place="unspecified" anchored="yes">lo/gw| Segaar. le\gw MS.</note> διὰ τῆς χάριτος τοῦ σωτῆρος ἰωμένους τὰς
-ψυχὰς αὐτῶν, φωτίζοντας καὶ προσάγοντας ἐπὶ τὴν
-τῆς ἀληθείας κτῆσιν, ἧς ὁ τυχὼν καὶ ἔργοις ἀγαθοῖς
-ἐλλαμπρυνόμενος μόνος τὸ <note n="7" place="unspecified" anchored="yes">to\ Stählin. ou(=tos MS.</note> βραβεῖον τῆς αἰωνίου
-ζωῆς ἀναιρήσεται. δεῖται δὲ καὶ ἡ εὐχὴ ψυχῆς
-εὐρώστου καὶ λιπαροῦς ἄχρι τῆς ἐσχάτης ἡμέρας
-τοῦ βίου συμμεμετρημένης καὶ <add>ἡ</add>
-<note n="8" place="unspecified" anchored="yes">
-<add>h(</add> inserted by Barnard.</note> πολιτεία διαθέσεως
-χρηστῆς καὶ μονίμου καὶ πάσαις ταῖς
-ἐντολαῖς τοῦ σωτῆρος ἐπεκτεινομένης.
-</p>
-</div1>
-<div1 type="chapter" n="2">
-<p>Κινδυνεύει δὲ οὐχ ἁπλοῦν τι εἶναι τὸ αἴτιον τοῦ
-τὴν σωτηρίαν χαλεπωτέραν τοῖς πλουτοῦσι δοκεῖν
-ἢ τοῖς ἀχρημάτοις τῶν ἀνθρώπων, ἀλλὰ ποικίλον.
-οἱ μὲν γὰρ αὐτόθεν καὶ προχείρως ἀκούσαντες τῆς
-τοῦ κυρίου φωνῆς, ὅτι ῥᾷον κάμηλος διὰ τρήματος
-ῥαφίδος διεκδύσεται ἢ πλούσιος εἰς τὴν βασιλείαν
-τῶν οὐρανῶν, ἀπογνόντες ἑαυτοὺς ὡς οὐ βιωσόμενοι,
-<pb id="p.274"/>
-τῷ κόσμῳ πάντα χαριζόμενοι καὶ τῆς ἐνταῦθα ζωῆς
-ὡς μόνης ἑαυτοῖς ὑπολειπομένης ἐκκρεμασθέντες
-ἀπέστησαν πλέον τῆς ἐκεῖ ὁδοῦ, μηκέτι πολυπραγμονήσαντες
-μήτε τίνας τοὺς πλουσίους ὁ δεσπότης
-καὶ διδάσκαλος προσαγορεύει μήτε ὅπως τὸ ἀδύνατον
-ἐν ἀνθρώποις <note n="1" place="unspecified" anchored="yes">a)nqrw/pois Barnard. a)nqrw/pw| h)\ MS.</note> δυνατὸν γίνεται. ἄλλοι δὲ τοῦτο
-μὲν συνῆκαν ὀρθῶς καὶ προσηκόντως, τῶν δὲ ἔργων
-τῶν εἰς τὴν σωτηρίαν ἀναφερόντων ὀλιγωρήσαντες
-οὐ παρεσκευάσαντο τὴν δέουσαν παρασκευὴν εἰς τὸ
-τῶν ἐλπιζομένων τυχεῖν. λέγω <note n="2" place="unspecified" anchored="yes">le/gw Ghisler. le/gwn MS.</note> δὲ ταῦτα ἑκάτερα
-περὶ <note n="3" place="unspecified" anchored="yes">peri\ Barnard. a(/per e)pi\ MS.</note> τῶν πλουσίων τῶν καὶ τῆς δυνάμεως τοῦ
-σωτῆρος καὶ τῆς ἐπιφανοῦς σωτηρίας ᾐσθημένων,
-τῶν δὲ ἀμυήτων τῆς ἀληθείας ὀλίγον μοι μέλει.
-</p>
-</div1>
-<div1 type="chapter" n="3">
-<p>Χρὴ τοίνυν τοὺς φιλαλήθως καὶ φιλαδέλφως
-<add>διακειμένους</add>
-<note n="4" place="unspecified" anchored="yes">
-<add>diakeime/nous</add> Fell.</note> καὶ μήτε καταθρασυνομένους αὐθάδως
-τῶν πλουσίων κλητῶν μήτε αὖ πάλιν ὑποπίπτοντας
-αὐτοῖς διὰ οἰκείαν φιλοκέρδειαν, πρῶτον
-μὲν αὐτῶν ἐξαιρεῖν τῷ λόγῳ τὴν κενὴν <note n="5" place="unspecified" anchored="yes">kenh\n Combefis. kainh\n MS.</note> ἀπόγνωσιν
-καὶ δηλοῦν μετὰ τῆς δεούσης ἐξηγήσεως τῶν λογίων
- τοῦ κυρίου  <pb id="pg.937"/> διότι οὐκ ἀποκέκοπται τέλεον αὐτοῖς ἡ
-κληρονομία τῆς βασιλείας τῶν οὐρανῶν ἐὰν ὑπακούσωσι
-ταῖς ἐντολαῖς· εἶθ’ ὁπόταν μάθωσιν ὡς
-ἀδεὲς δεδίασι δέος καὶ ὅτι βουλομένους αὐτοὺς ὁ
-σωτὴρ ἀσμένως δέχεται, τότε καὶ προδεικνύναι καὶ
-μυσταγωγεῖν ὅπως ἂν καὶ δι’ οἵων ἔργων τε καὶ
-διαθέσεων ἐπαύραιντο τῆς ἐλπίδος, ὡς οὔτ’ ἀμηχάνου
-καθεστώσης αὐτοῖς οὔτε τοὐναντίον εἰκῇ
-<pb id="p.276"/>
-περιγινομένης. ἀλλ’ ὅνπερ τρόπον ἔχει τὸ τῶν
-ἀθλητῶν, ἵνα μικρὰ καὶ ἐπίκηρα μεγάλοις καὶ
-ἀφθάρτοις παραβάλωμεν, τουτὶ καὶ ἐφ’ ἑαυτοῦ <note n="1" place="unspecified" anchored="yes">e(autou= Mayor. e(autw=| MS.</note> ὁ
-κατὰ κόσμον πλουτῶν λογιζέσθω. καὶ γὰρ ἐκείνων
-ὁ μὲν ὅτι δυνήσεται νικᾶν καὶ στεφάνων τυγχάνειν
-ἀπελπίσας οὐδ’ ὅλως ἐπὶ τὴν ἄθλησιν ἀπεγράψατο,
-ὁ δὲ ταύτην μὲν ἐμβαλόμενος τῇ γνώμῃ τὴν ἐλπίδα,
-πόνους δὲ καὶ γυμνάσια καὶ τροφὰς μὴ προσιέμενος
-προσφόρους, ἀστεφάνωτος διεγένετο καὶ διήμαρτε
-τῶν ἐλπίδων. οὕτως τις καὶ τὴν ἐπίγειον ταύτην
-περιβεβλημένος περιβολὴν μήτε τὴν ἀρχὴν ἑαυτὸν
-τῶν ἄθλων τοῦ σωτῆρος ἐκκηρυσσέτω, πιστός γε
-ὢν καὶ τὸ μεγαλεῖον συνορῶν τῆς τοῦ θεοῦ φιλανθρωπίας,
-μήτε μὴν αὖθις ἀνάσκητος καὶ ἀναγώνιστος
-μείνας ἀκονιτὶ κἀνιδρωτὶ <note n="2" place="unspecified" anchored="yes">a)koniti\ ka)nidrwti\ Ghisler. a)kwnei=tai ka)\n i(drw=ti MS.</note> τῶν στεφάνων
-τῆς ἀφθαρσίας ἐλπιζέτω μεταλαβεῖν· ἀλλ’ αὑτὸν
-ὑποβαλέτω φέρων γυμναστῇ μὲν τῷ λόγῳ, ἀγωνοθέτῃ
-δὲ τῷ Χριστῷ· τροφὴ δὲ αὐτῷ καὶ ποτὸν
-γενέσθω τεταγμένον ἡ καινὴ διαθήκη τοῦ κυρίου,
-γυμνάσια δὲ αἱ ἐντολαί, εὐσχημοσύνη δὲ καὶ
-κόσμος αἱ καλαὶ διαθέσεις, ἀγάπη, πίστις, ἐλπίς,
-γνῶσις ἀληθείας, <add>ἐπιείκεια,</add>
-<note n="3" place="unspecified" anchored="yes">
-<add>e)piei/keia</add> Fell (lacuna in MS.).</note> πραότης, εὐσπλαγχνία,
-σεμνότης, ἵν̓, ὅταν <add>ἡ</add>
-<note n="4" place="unspecified" anchored="yes">
-<add>h(</add> inserted by Schsartz.</note> ἐσχάτη σάλπιγξ ὑποσημήνῃ
-<add>τὸ τέλος</add>
-<note n="5" place="unspecified" anchored="yes">
-<add>to\ te/los</add> inserted by Stählin (cp. 2 Timothy iv. 7).</note> τοῦ δρόμου καὶ τὴν ἐντεῦθεν
-ἔξοδον <note n="6" place="unspecified" anchored="yes">th\n... e)/codon Stählin. th=s... e)co/dou MS.</note> καθάπερ ἐκ σταδίου τοῦ βίου, μετ’ ἀγαθοῦ
-τοῦ συνειδότος τῷ ἀθλοθέτῃ παραστῇ νικηφόρος,
-ὡμολογημένος τῆς ἄνω πατρίδος ἄξιος, εἰς ἣν
-<pb id="p.278"/>
-μετὰ στεφάνων καὶ κηρυγμάτων ἀγγελικῶν ἐπανέρχεται.
-</p>
-</div1>
-<div1 type="chapter" n="4">
-<p>Δοίη τοίνυν ἡμῖν ὁ σωτὴρ ἐντεῦθεν ἀρξαμένοις
-τοῦ λόγου τἀληθῆ καὶ τὰ πρέποντα καὶ τὰ σωτήρια
-συμβαλέσθαι τοῖς ἀδελφοῖς πρός τε τὴν ἐλπίδα
-πρῶτον αὐτὴν καὶ δεύτερον πρὸς τὴν τῆς ἐλπίδος
-προσαγωγήν. ὁ δὲ χαρίζεται δεομένοις καὶ αἰτοῦντας
-διδάσκει καὶ λύει τὴν ἄγνοιαν καὶ τὴν ἀπόγνωσιν
-ἀποσείεται, τοὺς αὐτοὺς πάλιν εἰσάγων
-λόγους περὶ τῶν πλουσίων, ἑαυτῶν ἑρμηνέας γινομένους
-καὶ ἐξηγητὰς ἀσφαλεῖς. οὐδὲν γὰρ οἷον
-αὐτῶν αὖθις ἀκοῦσαι τῶν ῥητῶν, ἅπερ ἡμᾶς ἐν
-τοῖς εὐαγγελίοις ἄχρι νῦν διετάρασσεν ἀβασανίστως
-καὶ διημαρτημένως ὑπὸ νηπιότητος ἀκροωμένους. “Ἐκπορευομένου αὐτοῦ <note n="1" place="unspecified" anchored="yes">au)tou= Barnard. au)tw=| MS.</note> εἰς ὁδὸν προσελθών τις
-ἐγονυπέτει λέγων· διδάσκαλε ἀγαθέ, τί ποιήσω,
- ἵνα  <pb id="pg.938"/> ζωὴν αἰώνιον κληρονομήσω; ὁ δὲ Ἰησοῦς
-λέγει· τί με ἀγαθὸν λέγεις; οὐδεὶς ἀγαθὸς εἰ μὴ
-εἷς ὁ θεός. τὰς ἐντολὰς οἶδας· μὴ μοιχεύσῃς, μὴ
-φονεύσῃς, μὴ κλέψῃς, μὴ ψευδομαρτυρήσῃς, τίμα
-τὸν πατέρα σου καὶ τὴν μητέρα. ὁ δὲ ἀποκριθεὶς
-λέγει αὐτῷ· πάντα ταῦτα ἐφύλαξα <add>ἐκ νεότητός
-μου</add>
-<note n="2" place="unspecified" anchored="yes">
-<add>e)k neo/thto/s mou</add> inserted by Segaar; see pp. 286. 290.</note>. ὁ δὲ Ἰησοῦς ἐμβλέψας ἠγάπησεν αὐτὸν
-καὶ εἶπεν· ἕν σοι ὑστερεῖ· εἰ θέλεις τέλειος εἶναι,
-πώλησον ὅσα ἔχεις καὶ διάδος πτωχοῖς, καὶ ἕξεις
-θησαυρὸν ἐν οὐρανῷ, καὶ δεῦρο ἀκολούθει μοι. ὁ
-δὲ στυγνάσας ἐπὶ τῷ λόγῳ ἀπῆλθε λυπούμενος· ἦν
-γὰρ ἔχων χρήματα πολλὰ καὶ ἀγρούς. περιβλεψάμενος
-<pb id="p.280"/>
-δὲ ὁ Ἰησοῦς λέγει τοῖς μαθηταῖς αὐτοῦ·
-πῶς δυσκόλως οἱ τὰ χρήματα ἔχοντες εἰσελεύσονται
-εἰς τὴν βασιλείαν τοῦ θεοῦ. οἱ δὲ μαθηταὶ ἐθαμβοῦντο
-ἐπὶ τοῖς λόγοις αὐτοῦ. πάλιν δὲ ὁ Ἰησοῦς
-ἀποκριθεὶς λέγει αὐτοῖς· τέκνα, πῶς δύσκολόν ἐστι
-τοὺς πεποιθότας ἐπὶ χρήμασιν εἰς τὴν βασιλείαν τοῦ
-θεοῦ εἰσελθεῖν· εὐκόλως διὰ τῆς τρυμαλιᾶς τῆς βελόνης
-κάμηλος εἰσελεύσεται ἢ πλούσιος εἰς τὴν βασιλείαν
-τοῦ θεοῦ. οἱ δὲ περισσῶς ἐξεπλήσσοντο καὶ
-ἔλεγον· τίς οὖν δύναται σωθῆναι; ὁ δὲ ἐμβλέψας
-αὐτοῖς εἶπεν· ὅ τι παρὰ ἀνθρώποις ἀδύνατον, παρὰ
-θεῷ δυνατόν. ἤρξατο ὁ Πέτρος λέγειν αὐτῷ· ἰδὲ
-ἡμεῖς ἀφήκαμεν πάντα καὶ ἠκολουθήσαμέν σοι.
-ἀποκριθεὶς δὲ ὁ Ἰησοῦς λέγει· ἀμὴν ὑμῖν λέγω,
-ὃς ἂν ἀφῇ τὰ ἴδια καὶ γονεῖς καὶ ἀδελφοὺς καὶ
-χρήματα ἕνεκεν ἐμοῦ καὶ ἕνεκεν τοῦ εὐαγγελίου,
-ἀπολήψεται ἑκατονταπλασίονα. νῦν ἐν τῷ καιρῷ
-τούτῳ ἀγροὺς καὶ χρήματα καὶ οἰκίας καὶ ἀδελφοὺς
-ἔχειν μετὰ διωγμῶν εἰς ποῦ; <note n="1" place="unspecified" anchored="yes">ei)s pou= ; Stählin. ei)s pou MS. ei)/rgou Barnard.</note> ἐν δὲ τῷ ἐρχομένῳ
-ζωή <note n="2" place="unspecified" anchored="yes">zwh/ Ghisler. zwh/n MS.</note> ἐστιν αἰώνιος· <del>ἐν δὲ</del>
-<note n="3" place="unspecified" anchored="yes">
-<del>e)n de\</del> Ghisler.</note> ἔσονται οἱ πρῶτοι
-ἔσχατοι, καὶ οἱ ἔσχατοι πρῶτοι.” </p>
-</div1>
-<div1 type="chapter" n="5">
-<p>Ταῦτα μὲν ἐν τῷ κατὰ Μάρκον εὐαγγελίῳ
-γέγραπται· καὶ ἐν τοῖς ἄλλοις δὲ πᾶσιν <add>τοῖς</add>
-<note n="4" place="unspecified" anchored="yes">
-<add>tai=s</add> inserted by Wilamositz.</note>
-ἀνωμολογημένοις ὀλίγον μὲν ἴσως ἑκασταχοῦ τῶν
-ῥημάτων ἐναλλάσσει, πάντα δὲ τὴν αὐτὴν τῆς
-γνώμης συμφωνίαν ἐπιδείκνυται. δεῖ δὲ σαφῶς
-εἰδότας ὡς οὐδὲν ἀνθρωπίνως ὁ σωτήρ, ἀλλὰ πάντα
-θείᾳ σοφίᾳ καὶ μυστικῇ διδάσκει τοὺς ἑαυτοῦ, μὴ
-σαρκίνως ἀκροᾶσθαι τῶν λεγομένων, ἀλλὰ τὸν ἐν
-<pb id="p.282"/>
-αὐτοῖς κεκρυμμένον νοῦν μετὰ τῆς ἀξίας ζητήσεως
-καὶ συνέσεως ἐρευνᾶν καὶ καταμανθάνειν. καὶ γὰρ
-τὰ ὑπ’ αὐτοῦ τοῦ κυρίου δοκοῦντα ἡπλῶσθαι πρὸς
-τοὺς μαθητὰς τῶν ᾐνιγμένως ὑπειρημένων οὐδὲν
-ἥττονος ἀλλὰ πλείονος ἔτι καὶ νῦν τῆς ἐπιστάσεως
-εὑρίσκεται δεόμενα διὰ τὴν ὑπερβάλλουσαν τῆς
-φρονήσεως ἐν αὐτοῖς ὑπερβολήν. ὅπου δὲ καὶ τὰ
-νομιζόμενα ὑπ’ αὐτοῦ διοῖχθαι τοῖς ἔσω καὶ αὐτοῖς
-τοῖς τῆς βασιλείας τέκνοις ὑπ’ αὐτοῦ καλουμένοις
-ἔτι χρῄζει φροντίδος πλείονος, ἦ πού γε τὰ δόξαντα
-μὲν ἁπλῶς ἐξενηνέχθαι καὶ διὰ τοῦτο μηδὲ διηρωτημένα
- πρὸς τῶν ἀκουσάντων,  <pb id="pg.939"/> εἰς ὅλον δὲ τὸ
-τέλος αὐτὸ τῆς σωτηρίας διαφέροντα, ἐσκεπασμένα <note n="1" place="unspecified" anchored="yes">diafe/ronta, e)skepasme/na Stählin. diafero/ntwn, e)skepasme/nwn MS.</note>
-δὲ θαυμαστῷ καὶ ὑπερουρανίῳ διανοίας βάθει, οὐκ
-ἐπιπολαίως δέχεσθαι ταῖς ἀκοαῖς προσῆκεν, ἀλλὰ
-καθιέντας τὸν νοῦν ἐπ’ αὐτὸ τὸ πνεῦμα τοῦ σωτῆρος
-καὶ τὸ τῆς γνώμης ἀπόρρητον.
-</p>
-</div1>
-<div1 type="chapter" n="6">
-<p>Ἠρώτηται μὲν γὰρ ἡδέως ὁ κύριος ἡμῶν καὶ
-σωτὴρ ἐρώτημα καταλληλότατον αὐτῷ, ἡ ζωὴ περὶ
-ζωῆς, ὁ σωτὴρ περὶ σωτηρίας, ὁ διδάσκαλος περὶ
-κεφαλαίου τῶν διδασκομένων δογμάτων, <add>ἡ</add>
-<note n="2" place="unspecified" anchored="yes">
-<add>h(</add> inserted by Barnard.</note>
-ἀλήθεια περὶ τῆς ἀληθινῆς ἀθανασίας, ὁ λόγος περὶ
-τοῦ πατρῴου λόγου, ὁ τέλειος περὶ τῆς τελείας ἀναπαύσεως,
-ὁ ἄφθαρτος περὶ τῆς βεβαίας ἀφθαρσίας.
-ἠρώτηται περὶ τούτων ὑπὲρ ὧν καὶ κατελήλυθεν,
-ἃ παιδεύει, ἃ διδάσκει, ἃ παρέχει, ἵνα δείξῃ τὴν
-τοῦ εὐαγγελίου ὑπόθεσιν, ὅτι δόσις ἐστὶν αἰωνίου
-ζωῆς. πρόοιδε δὲ ὡς θεὸς καὶ ἃ μέλλει διερωτηθήσεσθαι
-καὶ ἃ μέλλει τις αὐτῷ ἀποκρίνεσθαι.
-<pb id="p.284"/>
-τίς γὰρ καὶ μᾶλλον ἢ ὁ προφήτης προφητῶν καὶ
-κύριος παντὸς προφητικοῦ πνεύματος; κληθεὶς
-δὲ ἀγαθός, ἀπ’ αὐτοῦ πρώτου τοῦ ῥήματος τούτου
-τὸ ἐνδόσιμον λαβὼν ἐντεῦθεν καὶ τῆς διδασκαλίας
-ἄρχεται, ἐπιστρέφων τὸν μαθητὴν ἐπὶ τὸν θεὸν
-τὸν ἀγαθὸν καὶ πρῶτον καὶ μόνον ζωῆς αἰωνίου
-ταμίαν, ἣν ὁ υἱὸς δίδωσιν ἡμῖν παρ’ ἐκείνου λαβών.
-</p>
-</div1>
-<div1 type="chapter" n="7">
-<p>Οὐκοῦν τὸ μέγιστον καὶ κορυφαιότατον τῶν
-πρὸς τὴν ζωὴν μαθημάτων ἀπὸ τῆς ἀρχῆς εὐθὺς
-ἐγκαταθέσθαι τῇ ψυχῇ δεῖ, γνῶναι τὸν θεὸν τὸν
-αἰώνιον καὶ δοτῆρα αἰωνίων καὶ πρῶτον καὶ ὑπέρτατον
-καὶ ἕνα καὶ ἀγαθὸν θεόν. <add>ὃν</add>
-<note n="1" place="unspecified" anchored="yes">
-<add>o(\n</add> inserted by Wilamositz.</note> ἔστι κτήσασθαι
-διὰ γνώσεως καὶ καταλήψεως· αὕτη γὰρ ἄτρεπτος
-καὶ ἀσάλευτος ἀρχὴ καὶ κρηπὶς ζωῆς, ἐπιστήμη
-θεοῦ τοῦ ὄντως ὄντος καὶ τὰ ὄντα, τουτέστι τὰ
-αἰώνια, δωρουμένου, ἐξ οὗ καὶ τὸ εἶναι τοῖς ἄλλοις
-ὑπάρχει καὶ τὸ μεῖναι λαβεῖν. ἡ μὲν γὰρ τούτου
-ἄγνοια θάνατός ἐστιν, ἡ δὲ ἐπίγνωσις αὐτοῦ καὶ
-οἰκείωσις καὶ ἡ πρὸς αὐτὸν ἀγάπη καὶ ἐξομοίωσις μόνη ζωή.
-</p>
-</div1>
-<div1 type="chapter" n="8">
-<p>Τοῦτον οὖν πρῶτον ἐπιγνῶναι τῷ ζησομένῳ
-τὴν ὄντως ζωὴν παρακελεύεται, ὃν “οὐδεὶς ἐπιγινώσκει
-εἰ μὴ ὁ υἱὸς καὶ ᾧ ἂν ὁ υἱὸς ἀποκαλύψῃ” ·
-ἔπειτα τὸ μέγεθος τοῦ σωτῆρος μετ’ ἐκεῖνον καὶ
-τὴν καινότητα τῆς χάριτος μαθεῖν, ὅτι δὴ κατὰ τὸν
-<pb id="p.286"/>
-ἀπόστολον “ὁ νόμος διὰ Μωσέως ἐδόθη, ἡ χάρις
-καὶ ἡ ἀλήθεια διὰ Ἰησοῦ Χριστοῦ” · καὶ οὐκ ἴσα τὰ
-διὰ δούλου πιστοῦ διδόμενα τοῖς ὑπὸ <del>τοῦ</del>
-<note n="1" place="unspecified" anchored="yes">
-<del>tou=</del> Stählin.</note> υἱοῦ
-γνησίου δωρουμένοις. εἰ γοῦν ἱκανὸς ἦν ὁ Μωσέως
-νόμος ζωὴν αἰώνιον παρασχεῖν, μάτην μὲν ὁ σωτὴρ
-αὐτὸς παραγίνεται καὶ πάσχει δι’ ἡμᾶς ἀπὸ γενέσεως
-μέχρι τοῦ σημείου τὴν ἀνθρωπότητα διατρέχων,
-μάτην δὲ ὁ πάσας πεποιηκὼς “ἐκ νεότητοσ” τὰς
- νομίμους  <pb id="pg.940"/> ἐντολὰς παρὰ ἄλλου αἰτεῖ <note n="2" place="unspecified" anchored="yes">ai)tei= J. A. Robinson. e)/ti MS.</note> γονυπετῶν
-ἀθανασίαν. οὐδὲ γὰρ πεπλήρωκε μόνον τὸν νόμον,
-ἀλλὰ καὶ εὐθὺς ἀπὸ πρώτης ἡλικίας ἀρξάμενος·
-ἐπεὶ καὶ τί μέγα ἢ ὑπέρλαμπρον γῆρας ἄγονον
-ἀδικημάτων ὧν ἐπιθυμίαι τίκτουσι νεανικαὶ ἢ
-ὀργὴ ζέουσα ἢ ἔρως χρημάτων; ἀλλ’ εἴ τις ἐν
-σκιρτήματι νεοτησίῳ καὶ τῷ καύσωνι τῆς ἡλικίας
-παρέσχηται φρόνημα πεπανὸν καὶ πρεσβύτερον τοῦ
-χρόνου, θαυμαστὸς οὗτος ἀγωνιστὴς καὶ διαπρεπὴς
-καὶ τὴν γνώμην πολιός <note n="3" place="unspecified" anchored="yes">polio/s Stählin. poliw/teros MS.</note>. ἀλλ’ ὅμως οὗτος ὁ τοιοῦτος
-ἀκριβῶς πέπεισται, διότι αὐτῷ πρὸς μὲν δικαιοσύνην
-οὐδὲν ἐνδεῖ, ζωῆς δὲ ὅλως προσδεῖ· διὸ
-αὐτὴν αἰτεῖ παρὰ τοῦ δοῦναι μόνου δυναμένου· καὶ
-πρὸς μὲν τὸν νόμον ἄγει παρρησίαν, τοῦ θεοῦ δὲ
-τὸν υἱὸν ἱκετεύει. “ἐκ πίστεως εἰς πίστιν” μετατάσσεται·
-ὡς σφαλερῶς ἐν νόμῳ σαλεύων καὶ
-ἐπικινδύνως ναυλοχῶν εἰς τὸν σωτῆρα μεθορμίζεται.
-</p>
-</div1>
-<div1 type="chapter" n="9">
-<p>Ὁ γοῦν Ἰησοῦς οὐκ ἐλέγχει μὲν αὐτὸν ὡς πάντα
-τὰ ἐκ νόμου μὴ πεπληρωκότα, ἀλλὰ καὶ ἀγαπᾷ καὶ
-<pb id="p.288"/>
-ὑπερασπάζεται τῆς ἐν οἷς ἔμαθεν εὐπειθείας, ἀτελῆ
-δὲ εἶναί φησιν ὡς πρὸς τὴν αἰώνιον ζωήν, ὡς οὐ
-τέλεια πεπληρωκότα, καὶ νόμου μὲν ἐργάτην,
-ἀργὸν δὲ ζωῆς ἀληθινῆς. καλὰ μὲν οὖν κἀκεῖνα
-ʽτίς δ’ οὔ φησιν; ἡ γὰρ “ἐντολὴ ἁγία” ʼ ἄχρι
-παιδαγωγίας τινὸς μετὰ φόβου καὶ προπαιδείας
-ἐπὶ τὴν τοῦ Ἰησοῦ νομοθεσίαν τὴν ἄκραν καὶ χάριν
-προχωροῦντα, πλήρωμα δὲ “νόμου Χριστὸς εἰς
-δικαιοσύνην παντὶ τῷ πιστεύοντι,” οὐχὶ δὲ δούλους
-ποιῶν ὡς δοῦλος, ἀλλὰ καὶ υἱοὺς καὶ ἀδελφοὺς καὶ
-συγκληρονόμους τοὺς ἐπιτελοῦντας τὸ θέλημα τοῦ πατρός.
-</p>
-</div1>
-<div1 type="chapter" n="10">
-<p> “Εἰ θέλεις τέλειος γενέσθαι.” οὐκ ἄρα πω
-τέλειος ἦν· οὐδὲν γὰρ τελείου τελειότερον. καὶ
-θείως τὸ “εἰ θέλεισ” τὸ αὐτεξούσιον τῆς προσδιαλεγομένης
-αὐτῷ ψυχῆς ἐδήλωσεν. ἐπὶ τῷ
-ἀνθρώπῳ γὰρ ἦν ἡ αἵρεσις ὡς ἐλευθέρῳ, ἐπὶ θεῷ
-δὲ ἡ δόσις ὡς κυρίῳ. δίδωσι δὲ βουλομένοις καὶ
-ὑπερεσπουδακόσι καὶ δεομένοις, ἵν’ οὕτως ἴδιον
-αὐτῶν ἡ σωτηρία γένηται. οὐ γὰρ ἀναγκάζει ὁ
-θεός, βία γὰρ ἐχθρὸν θεῷ, ἀλλὰ τοῖς ζητοῦσι
-πορίζει καὶ τοῖς αἰτοῦσι παρέχει καὶ τοῖς κρούουσιν
-ἀνοίγει. εἰ θέλεις οὖν, εἰ ὄντως θέλεις καὶ μὴ
-ἑαυτὸν ἐξαπατᾷς, κτῆσαι τὸ ἐνδέον. “ἕν σοι
-λείπει,” τὸ ἕν, τὸ ἐμόν, τὸ ἀγαθόν, τὸ ἤδη ὑπὲρ
-νόμον, ὅπερ νόμος οὐ δίδωσιν, ὅπερ νόμος οὐ
-<pb id="p.290"/>
-χωρεῖ, ὃ τῶν ζώντων ἴδιόν ἐστιν. ἀμέλει ὁ πάντα
-τὰ τοῦ νόμου πληρώσας “ἐκ νεότητοσ” καὶ τὰ
-ὑπέρογκα φρυαξάμενος τὸ ἒν τοῦτο προσθεῖναι τοῖς
-ὅλοις οὐ δεδύνηται, τὸ τοῦ σωτῆρος ἐξαίρετον, ἵνα
- λάβῃ ζωὴν αἰώνιον, ἣν ποθεῖ·  <pb id="pg.941"/> ἀλλὰ δυσχεράνας
-ἀπῆλθεν, ἀχθεσθεὶς τῷ παραγγέλματι τῆς ζωῆς,
-ὑπὲρ ἧς ἱκέτευεν. οὐ γὰρ ἀληθῶς ζωὴν ἤθελεν, ὡς
-ἔφασκεν, ἀλλὰ δόξαν προαιρέσεως ἀγαθῆς μόνην
-περιεβάλλετο, καὶ περὶ πολλὰ μὲν οἷός τε ἦν ἀσχολεῖσθαι,
-τὸ δὲ ἕν, τὸ τῆς ζωῆς ἔργον, ἀδύνατος καὶ
-ἀπρόθυμος καὶ ἀσθενὴς ἐκτελεῖν· ὁποῖόν τι καὶ
-πρὸς τὴν Μάρθαν εἶπεν ὁ σωτὴρ ἀσχολουμένην
-<add>περὶ</add>
-<note n="1" place="unspecified" anchored="yes">
-<add>peri\</add> inserted by Segaar</note> πολλὰ καὶ περιελκομένην καὶ ταρασσομένην <note n="2" place="unspecified" anchored="yes">tarassome/nhn Ghisler. paratassome/nhn MS. paratarassome/nhn Barnard.</note>
-διακονικῶς, τὴν δὲ ἀδελφὴν αἰτιωμένην, ὅτι
-τὸ ὑπηρετεῖν ἀπολιποῦσα τοῖς ποσὶν αὐτοῦ παρακάθηται
-μαθητικὴν ἄγουσα σχολήν· “σὺ περὶ
-πολλὰ ταράσσῃ, Μαρία δὲ τὴν ἀγαθὴν μερίδα ἐξελέξατο,
-καὶ οὐκ ἀφαιρεθήσεται αὐτῆς.” οὕτως
-καὶ τοῦτον ἐκέλευε τῆς πολυπραγμοσύνης ἀφέμενον
-ἑνὶ προστετηκέναι καὶ προσκαθέζεσθαι, τῇ χάριτι
-τοῦ ζωὴν αἰώνιον προστιθέντος.
-</p>
-</div1>
-<div1 type="chapter" n="11">
-<p>Τί τοίνυν ἦν τὸ προτρεψάμενον αὐτὸν εἰς
-φυγὴν καὶ ποιῆσαν ἀπαυτομολῆσαι τοῦ διδασκάλου,
-τῆς ἱκετείας, τῆς ἐλπίδος, τῆς ζωῆς, τῶν προπεπονημένων; “πώλησον τὰ ὑπάρχοντά σου.” τί
-δὲ τοῦτό ἐστιν; οὐχ ὃ προχείρως δέχονταί τινες,
-τὴν ὑπάρχουσαν οὐσίαν ἀπορρῖψαι προστάσσει καὶ
-ἀποστῆναι τῶν χρημάτων, ἀλλὰ τὰ δόγματα τὰ
-περὶ χρημάτων ἐξορίσαι τῆς ψυχῆς, τὴν πρὸς αὐτὰ
-<pb id="p.292"/>
-συμπάθειαν, τὴν ὑπεράγαν ἐπιθυμίαν, τὴν περὶ
-αὐτὰ πτοίαν καὶ νόσον, τὰς μερίμνας, τὰς ἀκάνθας
-τοῦ βίου, αἳ τὸ σπέρμα τῆς ζωῆς συμπνίγουσιν.
-οὔτε γὰρ μέγα καὶ ζηλωτὸν τὸ τηνάλλως ἀπορεῖν
-χρημάτων μὴ οὐκ ἐπὶ λόγῳ ζωῆς ʽοὕτω μέν γ’ ἂν
-ἦσαν οἱ μηδὲν ἔχοντες μηδαμῇ, ἀλλὰ ἔρημοι καὶ
-μεταῖται τῶν ἐφ’ ἡμέραν, οἱ κατὰ τὰς ὁδοὺς
-ἐρριμμένοι πτωχοί, “ἀγνοοῦντεσ” δὲ θεὸν καὶ “δικαιοσύνην θεοῦ,” κατ’ αὐτὸ μόνον τὸ ἄκρως
-ἀπορεῖν καὶ ἀμηχανεῖν βίου καὶ τῶν ἐλαχίστων
-σπανίζειν μακαριώτατοι καὶ θεοφιλέστατοι καὶ
-μόνοι ζωὴν ἔχοντες αἰώνιον’ οὔτε καινὸν τὸ
-ἀπείπασθαι πλοῦτον καὶ χαρίσασθαι πτωχοῖς ἢ
-πατρίσιν, ὃ πολλοὶ πρὸ τῆς τοῦ σωτῆρος καθόδου
-πεποιήκασιν, οἱ μὲν τῆς εἰς λόγους σχολῆς καὶ
-νεκρᾶς σοφίας ἕνεκεν, οἱ δὲ φήμης κενῆς καὶ
-κενοδοξίας, Ἀναξαγόραι καὶ Δημόκριτοι καὶ Κράτητες.
-</p>
-</div1>
-<div1 type="chapter" n="12">
-<p>Τί οὖν ὡς καινὸν καὶ ἴδιον θεοῦ παραγγέλλει
-καὶ μόνον ζωοποιοῦν, ὃ τοὺς προτέρους οὐκ ἔσωσεν;
-εἰ δὲ ἐξαίρετόν τι ἡ “καινὴ κτίσις,” ὁ υἱὸς τοῦ θεοῦ,
-μηνύει καὶ διδάσκει, οὐ τὸ φαινόμενον, ὅπερ ἄλλοι
-<pb id="p.294"/>
-πεποιήκασι, παρεγγυᾷ, ἀλλ’ ἕτερόν τι διὰ τούτου
-σημαινόμενον μεῖζον καὶ θειότερον καὶ τελεώτερον,
-τὸ τὴν ψυχὴν αὐτὴν καὶ τὴν διάθεσιν γυμνῶσαι τῶν
-ὑπόντων παθῶν καὶ πρόρριζα τὰ ἀλλότρια τῆς
-γνώμης ἐκτεμεῖν καὶ ἐκβαλεῖν. τοῦτο γὰρ ἴδιον
-μὲν τοῦ πιστοῦ τὸ μάθημα, ἄξιον δὲ τοῦ σωτῆρος
-τὸ δίδαγμα. οἱ γάρ τοι πρότεροι, καταφρονήσαντες
- τῶν ἐκτός, τὰ μὲν κτήματα  <pb id="pg.942"/> ἀφῆκαν καὶ παραπώλεσαν,
-τὰ δὲ πάθη τῶν ψυχῶν οἶμαι ὅτι καὶ προσεπέτειναν·
-ἐν ὑπεροψίᾳ γὰρ ἐγένοντο καὶ ἀλαζονείᾳ
-καὶ κενοδοξίᾳ καὶ περιφρονήσει τῶν ἄλλων ἀνθρώπων,
-ὡς αὐτοί τι ὑπὲρ ἄνθρωπον ἐργασάμενοι.
-πῶς ἂν οὖν ὁ σωτὴρ παρῄνει τοῖς εἰς ἀεὶ βιωσομένοις
-τὰ βλάψοντα καὶ λυμανούμενα πρὸς τὴν ζωήν,
-ἥν ἐπαγγέλλεται; καὶ γὰρ αὖ κἀκεῖνό ἐστι· δύναταί
-τις ἀποφορτισάμενος τὴν κτῆσιν οὐδὲν ἧττον ἔτι
-τὴν ἐπιθυμίαν καὶ τὴν ὄρεξιν τῶν χρημάτων ἔχειν
-ἐντετηκυῖαν καὶ συζῶσαν καὶ τὴν μὲν χρῆσιν ἀποβεβληκέναι,
-ἀπορῶν δὲ ἅμα καὶ ποθῶν ἅπερ
-ἐσπάθησε διπλῇ λυπεῖσθαι, καὶ τῇ τῆς ὑπηρεσίας
-ἀπουσίᾳ καὶ τῇ τῆς μετανοίας συνουσίᾳ. ἀνέφικτον
-γὰρ καὶ ἀμήχανον δεόμενον τῶν πρὸς τὸ βιοτεύειν
-ἀναγκαίων μὴ οὐ κατακλᾶσθαι τὴν γνώμην καὶ
-ἀσχολίαν ἄγειν ἀπὸ τῶν κρειττόνων, ὁπωσοῦν καὶ
-ὁθενοῦν ταῦτα πειρώμενον ἐκπορίζειν.
-</p>
-</div1>
-<div1 type="chapter" n="13">
-<p>Καὶ πόσῳ χρησιμώτερον τὸ ἐναντίον, ἱκανὰ
-κεκτημένον αὐτόν τε περὶ τὴν κτῆσιν μὴ κακοπαθεῖν
-καὶ οἷς καθῆκεν ἐπικουρεῖν; τίς γὰρ ἂν κοινωνία
-καταλείποιτο παρὰ ἀνθρώποις, εἰ μηδεὶς ἔχοι μηδέν;
-<pb id="p.296"/>
-πῶς δ’ ἂν τοῦτο τὸ δόγμα πολλοῖς ἄλλοις καὶ καλοῖς
-τοῦ κυρίου δόγμασιν οὐχὶ φανερῶς ἐναντιούμενον
-εὑρίσκοιτο καὶ μαχόμενον; “ποιήσατε ἑαυτοῖς
-φίλους ἐκ τοῦ μαμωνᾶ τῆς ἀδικίας, ἵν’ ὅταν ἐκλίπῃ,
-δέξωνται ὑμᾶς εἰς τὰς αἰωνίους σκηνάς.” “κτήσασθε
-θησαυροὺς ἐν οὐρανῷ, ὅπου μήτε σὴς μήτε
-βρῶσις ἀφανίζει μήτε κλέπται διορύσσουσι.” πῶς
-ἄν τις πεινῶντα τρέφοι καὶ διψῶντα ποτίζοι καὶ
-γυμνὸν σκεπάζοι καὶ ἄστεγον συνάγοι, ἃ τοῖς μὴ
-ποιήσασιν ἀπειλεῖ πῦρ καὶ σκότος τὸ ἐξώτερον, εἰ
-πάντων αὐτὸς ἕκαστος φθάνοι τούτων ὑστερῶν;
-ἀλλὰ μὴν αὐτός τε ἐπιξενοῦται Ζακχαίῳ καὶ Λευεὶ <note n="1" place="unspecified" anchored="yes">kai\ *leuei\ J. A. Robinson. keleu/ei MS.</note>
-καὶ Ματθαίῳ τοῖς πλουσίοις καὶ τελώναις, καὶ τὰ
-μὲν χρήματα αὐτοὺς οὐ κελεύει μεθεῖναι, τὴν δὲ
-δικαίαν χρῆσιν <note n="2" place="unspecified" anchored="yes">xrh=sin Olshausen. kri/sin MS.</note> ἐπιθεὶς καὶ τὴν ἄδικον ἀφελὼν
-καταγγέλλει· “σήμερον σωτηρία τῷ οἴκῳ τούτῳ.” οὕτω τὴν χρείαν αὐτῶν ἐπαινεῖ, ὥστε καὶ μετὰ τῆς
-προσθήκης ταύτης τὴν κοινωνίαν ἐπιτάσσει, ποτίζειν
-τὸν διψῶντα, ἄρτον διδόναι τῷ πεινῶντι, ὑποδέχεσθαι
-τὸν ἄστεγον, ἀμφιεννύναι τὸν γυμνόν. εἰ δὲ
-τὰς χρείας οὐχ οἷόν τε ἐκπληροῦν ταύτας μὴ ἀπὸ
-χρημάτων, τῶν δὲ χρημάτων ἀφίστασθαι κελεύει, τί
-ἂν ἕτερον εἴη ποιῶν ὁ κύριος<add>ἢ</add>
-<note n="3" place="unspecified" anchored="yes">
-<add>h)\</add> inserted by Ghisler.</note> τὰ αὐτὰ διδόναι
-τε καὶ μὴ διδόναι παραινῶν, τρέφειν καὶ μὴ τρέφειν,
-ὑποδέχεσθαι καὶ ἀποκλείειν, κοινωνεῖν καὶ μὴ
-κοινωνεῖν, ὅπερ ἁπάντων ἀλογώτατον;
-<pb id="p.298"/>
-</p>
-</div1>
-<div1 type="chapter" n="14">
-<p>Οὐκ ἄρα ἀπορριπτέον τὰ καὶ τοὺς πέλας ὠφελοῦντα
-χρήματα· κτήματα γάρ ἐστι κτητὰ ὄντα,
- καὶ χρήματα χρήσιμα ὄντα καὶ εἰς  <pb id="pg.943"/> χρῆσιν ἀνθρώπων
-ὑπὸ τοῦ θεοῦ παρεσκευασμένα, ἃ δὴ παράκειται καὶ
-ὑποβέβληται καθάπερ ὕλη τις καὶ ὄργανα πρὸς
-χρῆσιν ἀγαθὴν τοῖς εἰδόσι. τὸ ὄργανον, ἐὰν χρῇ
-τεχνικῶς, τεχνικόν ἐστιν· ἐὰν ὑστερῇς τῆς τέχνης,
-ἀπολαύει τῆς σῆς ἀμουσίας, <note n="1" place="unspecified" anchored="yes">a)mousi/as Segaar. a)pousi/as MS.</note> ὂν ἀναίτιον. τοιοῦτον
-καὶ ὁ πλοῦτος ὄργανόν ἐστι. δύνασαι χρῆσθαι
-δικαίως αὐτῷ· πρὸς δικαιοσύνην καθυπηρετεῖ·
-ἀδίκως τις αὐτῷ χρῆται· πάλιν ὑπηρέτης ἀδικίας
-εὑρίσκεται· πέφυκε γὰρ ὑπηρετεῖν, ἀλλ’ οὐκ ἄρχειν.
-οὐ χρὴ τοίνυν τὸ ἐξ ἑαυτοῦ μὴ ἔχον μήτε τὸ ἀγαθὸν
-μήτε τὸ κακόν, ἀναίτιον ὄν, αἰτιᾶσθαι, ἀλλὰ τὸ
-δυνάμενον καὶ καλῶς τούτοις χρῆσθαι καὶ κακῶς,
-ἀφ’ ὧν ἂν ἕληται, κατ’ αὐτὸ <add>τοῦτο αἴτιον ὄν</add>
-<note n="2" place="unspecified" anchored="yes">
-<add>tou=to ai)/tion o)/n</add> inserted by Stählin.</note>
-τοῦτο δ’ ἐστὶ νοῦς ἀνθρώπου, καὶ κριτήριον ἐλεύθερον
-ἔχων ἐν ἑαυτῷ καὶ τὸ αὐτεξούσιον τῆς μεταχειρίσεως
-τῶν δοθέντων· ὥστε μὴ τὰ κτήματά τις
-ἀφανιζέτω μᾶλλον ἢ τὰ πάθη τῆς ψυχῆς, τὰ μὴ
-συγχωροῦντα τὴν ἀμείνω χρῆσιν τῶν ὑπαρχόντων,
-ἵνα καλὸς καὶ ἀγαθὸς γενόμενος καὶ τούτοις τοῖς
-κτήμασι χρῆσθαι δυνηθῇ καλῶς. τὸ οὖν ἀποτάξασθαι
-πᾶσι τοῖς ὑπάρχουσι καὶ πωλῆσαι πάντα τὰ
-ὑπάρχοντα τοῦτον τὸν τρόπον ἐκδεκτέον ὡς ἐπὶ
-τῶν ψυχικῶν παθῶν διειρημένον.
-</p>
-</div1>
-<div1 type="chapter" n="15">
-<p>Ἐγὼ γοῦν κἀκεῖνο φήσαιμ’ ἄν· ἐπειδὴ τὰ μὲν
-<pb id="p.300"/>
-ἐντός ἐστι τῆς ψυχῆς, τὰ δὲ ἐκτός, κἂν μὲν ἡ ψυχὴ
-χρῆται καλῶς, καλὰ καὶ ταῦτα δοκεῖ, ἐὰν δὲ
-πονηρῶς, πονηρά, ὁ κελεύων ἀπαλλοτριοῦν τὰ
-ὑπάρχοντα πότερον ταῦτα παραιτεῖται ὧν ἀναιρεθέντων
-ἔτι τὰ πάθη μένει, ἢ ἐκεῖνα μᾶλλον ὧν
-ἀναιρεθέντων καὶ τὰ κτήματα χρήσιμα γίνεται;
-ὁ τοίνυν ἀποβαλὼν τὴν κοσμικὴν περιουσίαν ἔτι
-δύναται πλουτεῖν τῶν παθῶν, καὶ τῆς ὕλης μὴ
-παρούσης· ἡ γάρ τοι διάθεσις τὸ αὑτῆς ἐνεργεῖ
-καὶ τὸν λογισμὸν ἄγχει καὶ πιέζει καὶ φλεγμαίνει
-ταῖς συντρόφοις ἐπιθυμίαις· οὐδὲν οὖν προὔργου
-γέγονεν αὐτῷ πτωχεύειν χρημάτων πλουτοῦντι τῶν
-παθῶν. οὐ γὰρ τὰ ἀπόβλητα ἀπέβαλεν, ἀλλὰ τὰ
-ἀδιάφορα, καὶ τῶν μὲν ὑπηρετικῶν ἑαυτὸν περιέκοψεν,
-ἐξέκαυσε δὲ τὴν ὕλην τῆς κακίας τὴν
-ἔμφυτον τῇ τῶν ἐκτὸς ἀπορίᾳ. ἀποτακτέον οὖν
-τοῖς ὑπάρχουσι τοῖς βλαβεροῖς, οὐχὶ τοῖς ἐὰν
-ἐπίστηταί τις τὴν ὀρθὴν χρῆσιν καὶ συνωφελεῖν
-δυναμένοις· ὠφελεῖ δὲ τὰ μετὰ φρονήσεως καὶ
-σωφροσύνης καὶ εὐσεβείας οἰκονομούμενα. ἀπωστέα
-δὲ τὰ ἐπιζήμια, τὰ δὲ ἐκτὸς οὐ βλάπτει.
-Οὕτως οὖν ὁ κύριος καὶ τὴν τῶν ἐκτὸς χρείαν
- εἰσάγει, κελεύων ἀποθέσθαι  <pb id="pg.944"/> οὐ τὰ βιωτικά, ἀλλὰ
-τὰ τούτοις κακῶς χρώμενα· ταῦτα δὲ ἦν τὰ τῆς
-ψυχῆς ἀρρωστήματα καὶ πάθη.
-</p>
-</div1>
-<div1 type="chapter" n="16">
-<p>ὁ τούτων πλοῦτος
-παρὼν μὲν ἅπασι θανατηφόρος, ἀπολόμενος
-δὲ σωτήριος· οὗ δεῖ <note n="1" place="unspecified" anchored="yes">dei= Ghisler. dh\ MS.</note> καθαρεύουσαν, τουτέστι πτωχεύουσαν
-καὶ γυμνὴν τὴν ψυχὴν παρασχόμενον
-<pb id="p.302"/>
-οὕτως ἤδη τοῦ σωτῆρος ἀκοῦσαι λέγοντος· “δεῦρο
-ἀκολούθει μοι.” ὁδὸς γὰρ αὐτὸς ἤδη τῷ καθαρῷ
-τὴν καρδίαν γίνεται, εἰς δὲ ἀκάθαρτον ψυχὴν θεοῦ
-χάρις οὐ παραδύεται· ἀκάθαρτος δὲ ἡ πλουτοῦσα
-τῶν ἐπιθυμιῶν καὶ ὠδίνουσα πολλοῖς ἔρωσι καὶ
-κοσμικοῖς. ὁ μὲν γὰρ ἔχων κτήματα καὶ χρυσὸν
-καὶ ἄργυρον καὶ οἰκίας ὡς θεοῦ δωρεάς, <del>καὶ</del>
-<note n="1" place="unspecified" anchored="yes">
-<del>kai\</del> Schsartz.</note> τῷ τε
-διδόντι θεῷ λειτουργῶν ἀπ’ αὐτῶν εἰς ἀνθρώπων
-σωτηρίαν, καὶ εἰδὼς ὅτι ταῦτα κέκτηται διὰ τοὺς
-ἀδελφοὺς μᾶλλον ἢ ἑαυτόν, καὶ κρείττων ὑπάρχων
-τῆς κτήσεως αὐτῶν, μὴ δοῦλος <add>ὢν</add>
-<note n="2" place="unspecified" anchored="yes">
-<add>w)\n</add> inserted by Mayor.</note> ὦν κέκτηται,
-μηδὲ ἐν τῇ ψυχῇ ταῦτα περιφέρων, μηδὲ ἐν τούτοις
-ὁρίζων καὶ περιγράφων τὴν ἑαυτοῦ ζωήν, ἀλλά τι
-καὶ καλὸν ἔργον καὶ θεῖον ἀεὶ διαπονῶν, κἂν ἀποστερηθῆναι
-δέῃ ποτὲ τούτων, δυνάμενος ἵλεῳ τῇ
-γνώμῃ καὶ τὴν ἀπαλλαγὴν αὐτῶν ἐνεγκεῖν ἐξ ἴσου
-καθάπερ καὶ τὴν περιουσίαν, οὗτός ἐστιν ὁ μακαριζόμενος
-ὑπὸ τοῦ κυρίου καὶ πτωχὸς τῷ πνεύματι
-καλούμενος, κληρονόμος ἕτοιμος οὐρανοῦ βασιλείας,
-οὐ πλούσιος ζῆσαι μὴ δυνάμενος· 
-</p>
-</div1>
-<div1 type="chapter" n="17">
-<p>ὁ δὲ ἐν τῇ
-ψυχῇ τὸν πλοῦτον φέρων, καὶ ἀντὶ θεοῦ πνεύματος
-ἐν τῇ καρδίᾳ χρυσὸν φέρων ἢ ἀγρόν, καὶ τὴν κτῆσιν
-ἄμετρον ἀεὶ ποιῶν, καὶ ἑκάστοτε τὸ πλεῖον βλέπων,
-κάτω νενευκὼς καὶ τοῖς τοῦ κόσμου θηράτροις
-πεπεδημένος, γῆ ὢν καὶ εἰς γῆν ἀπελευσόμενος,
-πόθεν δύναται βασιλείας οὐρανῶν ἐπιθυμῆσαι καὶ
-φροντίσαι, ἄνθρωπος οὐ καρδίαν ἀλλὰ ἀγρὸν ἢ
-μέταλλον φορῶν, ἐν τούτοις εὑρεθησόμενος ἐπάναγκες <note n="1" place="unspecified" anchored="yes">e)pa/nagkes Stählin. e)p) a)na/gkais MS.</note>
-<pb id="p.304"/>
-<del>ἐν</del>
-<note n="2" place="unspecified" anchored="yes">
-<del>e)n</del> Stählin.</note> οἷς εἵλετο; “ὅπου γὰρ ὁ νοῦς
-τοῦ ἀνθρώπου, ἐκεῖ καὶ ὁ θησαυρὸς αὐτοῦ.” Θησαυροὺς δέ γε ὁ κύριος οἶδε διττούς, τὸν μὲν
-ἀγαθόν, “ὁ” γὰρ “ἀγαθὸς ἄνθρωπος ἐκ τοῦ
-ἀγαθοῦ θησαυροῦ τῆς καρδίας προφέρει τὸ ἀγαθόν,” τὸν δὲ πονηρόν, “ὁ” γὰρ “κακὸς ἐκ τοῦ κακοῦ
-θησαυροῦ προφέρει τὸ κακόν, ὅτι ἐκ περισσεύματος
-τῆς καρδίας τὸ στόμα λαλεῖ.” ὥσπερ οὖν θησαυρὸς
-οὐχ εἷς παρ’ αὐτῷ καθὸ καὶ παρ’ ἡμῖν, ὁ τὸ αἰφνίδιον
-μέγα κέρδος ἐν εὑρήσει διδούς, ἀλλὰ καὶ δεύτερος,
-ὁ ἀκερδὴς καὶ ἄζηλος καὶ δύσκτητος καὶ ἐπιζήμιος,
-οὕτως καὶ πλοῦτος ὁ μέν τις ἀγαθῶν, ὁ δὲ κακῶν,
-εἴ γε τὸν πλοῦτον καὶ τὸν θησαυρὸν οὐκ ἀπηρτημένους
-ἴσμεν ἀλλήλων τῇ φύσει. καὶ ὁ μέν τις πλοῦτος
-κτητὸς ἂν εἴη καὶ περίβλητος, ὁ δὲ ἄκτητος καὶ
- ἀπόβλητος· τὸν αὐτὸν  <pb id="pg.945"/> δὲ τρόπον καὶ πτωχεία
-μακαριστὴ μὲν ἡ πνευματική. διὸ καὶ προσέθηκεν
-ὁ Ματθαῖος· “μακάριοι οἱ πτωχοί·” πῶς; “τῷ
-πνεύματι.” καὶ πάλιν· “μακάριοι οἱ πεινῶντες καὶ.
-διψῶντες τὴν δικαιοσύνην τοῦ θεοῦ.” οὐκοῦν ἄθλιοι
-οἱ ἐναντίοι πτωχοί, θεοῦ μὲν ἄμοιροι, ἀμοιρότεροι
-δὲ τῆς ἀνθρωπίνης κτήσεως, ἄγευστοι δὲ δικαιοσύνης θεοῦ.
-</p>
-</div1>
-<div1 type="chapter" n="18">
-<p>Ὥστε τοὺς πλουσίους μαθηματικῶς ἀκουστέον,
-<pb id="p.306"/>
-τοὺς δυσκόλως εἰσελευσομένους εἰς τὴν βασιλείαν,
-μὴ σκαιῶς μηδὲ ἀγροίκως μηδὲ σαρκίνως· οὐ
-γὰρ οὕτως λέλεκται. οὐδὲ ἐπὶ τοῖς ἐκτὸς ἡ σωτηρία,
-οὔτε εἰ πολλὰ οὔτε εἰ ὀλίγα ταῦτα ἢ μικρὰ ἢ μεγάλα
-ἢ ἔνδοξα ἢ ἄδοξα ἢ εὐδόκιμα ἢ ἀδόκιμα, ἀλλ’ ἐπὶ
-τῇ τῆς ψυχῆς ἀρετῇ, πίστει καὶ ἐλπίδι καὶ ἀγάπῃ
-καὶ φιλαδελφίᾳ καὶ γνώσει καὶ πραότητι καὶ ἀτυφίᾳ
-καὶ ἀληθείᾳ, ὧν ἆθλον ἡ σωτηρία. οὐδὲ γὰρ διὰ
-κάλλος σώματος ζήσεταί τις ἢ τοὐναντίον ἀπολεῖται·
-ἀλλ’ ὁ μὲν τῷ δοθέντι σώματι ἁγνῶς καὶ κατὰ θεὸν
-χρώμενος ζήσεται, ὁ δὲ φθείρων τὸν ναὸν θεοῦ
-φθαρήσεται. δύναται δέ τις καὶ αἰσχρὸς ἀσελγαίνειν
-καὶ κατὰ κάλλος σωφρονεῖν· οὐδὲ ἰσχὺς
-καὶ μέγεθος σώματος ζωοποιεῖ, οὐδὲ τῶν μελῶν
-οὐδενία ἀπολλύει, ἀλλ’ ἡ τούτοις ψυχὴ χρωμένη τὴν
-αἰτίαν ἐφ’ ἑκάτερα παρέχεται. ὑπόφερε γοῦν, φησί,
-παιόμενος τὸ πρόσωπον, ὅπερ δύναται καὶ ἰσχυρός
-τις ὢν καὶ εὐεκτῶν ὑπακοῦσαι καὶ πάλιν ἀσθενικός
-τις ὢν ἀκρασίᾳ γνώμης παραβῆναι. οὕτως καὶ
-ἄπορός τις ὢν καὶ ἄβιος εὑρεθείη ποτ’ ἂν μεθύων
-ταῖς ἐπιθυμίαις, καὶ χρήμασι πλούσιος νήφων καὶ
-πτωχεύων ἡδονῶν, πεπεισμένος, συνετός, καθαρός,
-κεκολασμένος. εἰ τοίνυν ἐστὶ τὸ ζησόμενον μάλιστα
-καὶ πρῶτον ἡ ψυχή, καὶ περὶ ταύτην ἀρετὴ μὲν
-φυομένη σῴζει, κακία δὲ θανατοῖ, δῆλον ἤδη σαφῶς
-ὅτι αὕτη καὶ πτωχεύουσα ὧν ἄν τις ὑπὸ πλούτου <note n="1" place="unspecified" anchored="yes">plou/tou Combefis. tou/tou MS.</note>
-διαφθείρηται <note n="2" place="unspecified" anchored="yes">diafqei/rhtai Segaar. diafqei/rei MS.</note> σῴζεται, καὶ πλουτοῦσα τούτων ὧν
-<pb id="p.308"/>
-ἐπιτρίβει πλοῦτος θανατοῦται <note n="1" place="unspecified" anchored="yes">qanatou=tai Dindorf. qanou=tai MS.</note> καὶ μηκέτι ζητῶμεν
-ἀλλαχοῦ τὴν αἰτίαν τοῦ τέλους πλὴν ἐν τῇ τῆς
-ψυχῆς καταστάσει καὶ διαθέσει πρός τε ὑπακοὴν
-θεοῦ καὶ καθαρότητα πρός τε παράβασιν ἐντολῶν
-καί κακίας συλλογήν.
-</p>
-</div1>
-<div1 type="chapter" n="19">
-<p>Ὁ μὲν ἄρα ἀληθῶς καὶ καλῶς <add>πλούσιός</add>
-<note n="2" place="unspecified" anchored="yes">
-<add>plou/sio/s</add> inserted by Wendland.</note>
-ἐστιν ὁ τῶν ἀρετῶν πλούσιος καὶ πάσῃ τύχῃ χρῆσθαι
-ὁσίως καὶ πιστῶς δυνάμενος, ὁ δὲ νόθος πλούσιος
-ὁ κατὰ σάρκα πλουτῶν καὶ τὴν ζωὴν εἰς <add>τὴν</add>
-<note n="3" place="unspecified" anchored="yes">
-<add>th\n</add> inserted by Ghisler.</note> ἔξω
-κτῆσιν μετενηνοχὼς τὴν παρερχομένην καὶ φθειρομένην
-καὶ ἄλλοτε ἄλλου γινομένην καὶ ἐν τῷ τέλει
- μηδενὸς μηδαμῇ.  <pb id="pg.946"/> πάλιν αὖ κατὰ τὸν αὐτὸν τρόπον
-καὶ γνήσιος πτωχὸς καὶ νόθος ἄλλος πτωχὸς καὶ
-ψευδώνυμος, ὁ μὲν κατὰ πνεῦμα πτωχός, τὸ ἴδιον,
-ὁ δὲ κατὰ κόσμον, τὸ ἀλλότριον. τῷ δὴ κατὰ
-κόσμον <add>οὐ</add>
-<note n="4" place="unspecified" anchored="yes">
-<add>ou)</add> inserted by Jülicher.</note> πτωχῷ καὶ πλουσίῳ κατὰ τὰ πάθη ὁ
-κατὰ πνεῦμα <del>οὐ</del>
-<note n="5" place="unspecified" anchored="yes">
-<del>ou)</del> Segaar. Stählin retains this.</note> πτωχὸς καὶ κατὰ θεὸν πλούσιος “ἀπόστηθι,” <add>φησί</add>
-<note n="6" place="unspecified" anchored="yes">
-<add>fhsi/</add> inserted by Ghisler.</note>, “τῶν ὑπαρχόντων ἐν τῇ ψυχῇ
-σου κτημάτων ἀλλοτρίων, ἵνα καθαρὸς τῇ καρδίᾳ
-γενόμενος ἴδῃς τὸν θεόν, ὅπερ καὶ δι’ ἑτέρας φωνῆς
-ἐστὶν εἰσελθεῖν εἰς τὴν βασιλείαν τῶν οὐρανῶν.
-καὶ πῶς αὐτῶν ἀποστῇς; πωλήσας. τί οὖν;
-<pb id="p.310"/>
-χρήματα ἀντὶ κτημάτων λάβῃς; ἀντίδοσιν πλούτου
-πρὸς πλοῦτον ποιησάμενος, ἐξαργυρίσας τὴν φανερὰν
-οὐσίαν; οὐδαμῶς· ἀλλὰ ἀντὶ τῶν πρότερον ἐνυπαρχόντων
-τῇ ψυχῇ, ἣν σῶσαι ποθεῖς, ἀντεισαγόμενος
-ἕτερον πλοῦτον θεοποιὸν καὶ ζωῆς χορηγὸν αἰωνίου,
-τὰς κατὰ τὴν ἐντολὴν τοῦ θεοῦ διαθέσεις, ἀνθ’ ὧν σοι
-περιέσται μισθὸς καὶ τιμή, διηνεκὴς σωτηρία καὶ
-αἰώνιος ἀφθαρσία. οὕτως καλῶς πωλεῖς τὰ ὑπάρχοντα,
-τὰ πολλὰ καὶ περισσὰ καὶ ἀποκλείοντά σοι
-τοὺς οὐρανούς, ἀντικαταλλασσόμενος αὐτῶν τὰ σῶσαι
-δυνάμενα. ἐκεῖνα ἐχέτωσαν οἱ σάρκινοι πτωχοὶ
-καὶ τούτων δεόμενοι, σὺ δὲ τὸν πνευματικὸν πλοῦτον
-ἀντιλαβὼν ἔχοις ἂν ἤδη θησαυρὸν ἐν οὐρανοῖς.” </p>
-</div1>
-<div1 type="chapter" n="20">
-<p>Ταῦτα μὴ συνιεὶς κατὰ τρόπον ὁ πολυχρήματος
-καὶ ἔννομος ἄνθρωπος, μηδὲ ὅπως ὁ αὐτὸς
-καὶ πτωχὸς δύναται εἶναι καὶ πλούσιος καὶ ἔχειν τε
-χρήματα καὶ μὴ ἔχειν καὶ χρῆσθαι τῷ κόσμῳ καὶ
-μὴ χρῆσθαι, ἀπῆλθε στυγνὸς καὶ κατηφής, λιπὼν
-τὴν τάξιν τῆς ζωῆς, ἧς ἐπιθυμεῖν μόνον, ἀλλ’ οὐχὶ
-καὶ τυχεῖν ἠδύνατο, τὸ δύσκολον ποιήσας ἀδύνατον
-αὐτὸς ἑαυτῷ. δύσκολον γὰρ ἦν μὴ περιάγεσθαι
-μηδὲ καταστράπτεσθαι τὴν ψυχὴν ὑπὸ τῶν προσόντων
-ἁβρῶν τῷ προδήλῳ πλούτῳ καὶ ἀνθηρῶν
-γοητευμάτων, οὐκ ἀδύνατον δὲ τὸ καὶ ἐν τούτῳ
-λαβέσθαι σωτηρίας, εἴ τις ἑαυτὸν ἀπὸ τοῦ αἰσθητοῦ
-πλούτου ἐπὶ τὸν νοητὸν καὶ θεοδίδακτον μεταγάγοι
-καὶ μάθοι τοῖς ἀδιαφόροις <note n="1" place="unspecified" anchored="yes">a)diafo/rois Ghisler. diafo/rws MS.</note> χρῆσθαι καλῶς καὶ ἰδίως
-καὶ ὡς ἂν εἰς ζωὴν αἰώνιον ὁρμήσαι <note n="2" place="unspecified" anchored="yes">o(rmh/sai Wilamositz. o(rma=sai MS</note>. καὶ οἱ
-μαθηταὶ δὲ τὸ πρῶτον μὲν καὶ αὐτοὶ περιδεεῖς καὶ
-<pb id="p.312"/>
-καταπλῆγες γεγόνασιν. ἀκούσαντες τί δήποτε; ἆρά
-γε ὅτι χρήματα καὶ αὐτοὶ ἐκέκτηντο πολλά; ἀλλὰ
-καὶ αὐτὰ ταῦτα τὰ δικτύφια καὶ ἄγκιστρα καὶ τὰ
-ὑπηρετικὰ σκαφίδια ἀφῆκαν πάλαι, ἅπερ ἦν αὐτοῖς
-μόνα. τί οὖν φοβηθέντες λέγουσι· “τίς δύναται
-σωθῆναι;” καλῶς ἤκουσαν καὶ ὡς μαθηταὶ τοῦ
-παραβολικῶς καὶ ἀσαφῶς <note n="1" place="unspecified" anchored="yes">a)safw=s Ghisler. safw=s MS.</note> λεχθέντος ὑπὸ τοῦ
-κυρίου καὶ ᾔσθοντο τοῦ βάθους τῶν λόγων. ἕνεκα
-<pb id="pg.947"/> μὲν οὖν χρημάτων ἀκτημοσύνης εὐέλπιδες ἦσαν
-πρὸς σωτηρίαν· ἐπειδὴ δὲ συνῄδεσαν ἑαυτοῖς
-μήπω τὰ πάθη τέλεον ἀποτεθειμένοις <note n="2" place="unspecified" anchored="yes">a)poteqeime/nois Mayor. a)potiqeme/nois MS.</note> ʽἀρτιμαθεῖς
-γὰρ ἦσαν καὶ νεωστὶ πρὸς τοῦ σωτῆρος ἠνδρολογημένοἰ, “περισσῶς ἐξεπλήσσοντο” καὶ ἀπεγίνωσκον
-ἑαυτοὺς οὐδέν τι ἧττον ἐκείνου τοῦ
-πολυχρημάτου καὶ δεινῶς τῆς κτήσεως περιεχομένου,
-ἥν γε προέκρινεν ζωῆς αἰωνίου. ἄξιον οὖν ἦν
-τοῖς μαθηταῖς φόβου πάντως, <note n="3" place="unspecified" anchored="yes">pa/ntws Wilamositz. panto\s MS.</note> εἰ καὶ ὁ χρήματα
-κεκτημένος καὶ ὁ τῶν παθῶν ἔγκυος, ὧν <note n="4" place="unspecified" anchored="yes">w)=n Stählin. w(\n *mS.</note> ἐπλούτουν
-καὶ αὐτοί, παραπλησίως ἀπελασθήσονται οὐρανῶν·
-ἀπαθῶν γὰρ καὶ καθαρῶν ψυχῶν ἐστιν ἡ σωτηρία.
-</p>
-</div1>
-<div1 type="chapter" n="21">
-<p>Ὁ δὲ κύριος ἀποκρίνεται διότι “τὸ ἐν ἀνθρώποις
-ἀδύνατον δυνατὸν θεῷ.” πάλιν καὶ τοῦτο μεγάλης
-σοφίας μεστόν ἐστιν, ὅτι καθ’ αὑτὸν μὲν ἀσκῶν
-καὶ διαπονούμενος ἀπάθειαν <add>ὁ</add>
-<note n="5" place="unspecified" anchored="yes">
-<add>o(</add> inserted by Wilamositz.</note> ἄνθρωπος οὐδὲν
-ἀνύει, ἐὰν δὲ γένηται δῆλος ὑπερεπιθυμῶν τούτου
-καὶ διεσπουδακώς, τῇ προσθήκῃ τῆς παρὰ θεοῦ
-δυνάμεως περιγίνεται· βουλομέναις μὲν γὰρ ταῖς
-ψυχαῖς ὁ θεὸς συνεπιπνεῖ, εἰ δὲ ἀποσταῖεν τῆς προθυμίας,
-<pb id="p.314"/>
-καὶ τὸ δοθὲν ἐκ θεοῦ πνεῦμα συνεστάλη·
-τὸ μὲν γὰρ ἄκοντας σῴζειν ἐστὶ βιαζομένου, τὸ
-δὲ αἱρουμένους χαριζομένου. οὐδὲ τῶν καθευδόντων
-καὶ βλακευόντων ἐστὶν ἡ βασιλεία τοῦ θεοῦ,
-ἀλλ’ “οἱ βιασταὶ ἁρπάζουσιν αὐτήν” · αὕτη γὰρ
-μόνη <note n="1" place="unspecified" anchored="yes">mo/nh Stählin (from Sacra Parallela of John of Damascus). mo/non MS.</note> βία καλή, θεὸν βιάσασθαι καὶ παρὰ θεοῦ ζωὴν
-ἁρπάσαι, ὁ δὲ γνοὺς τοὺς βιαίως, μᾶλλον δὲ βεβαίως <note n="2" place="unspecified" anchored="yes">biai/ws... bebai/ws Stählin (from Sac. Par.) bebai/ws... biai/ws MS.</note>
-ἀντεχομένους <del>συνεχώρησεν</del>
-<note n="3" place="unspecified" anchored="yes">
-<del>sunexw/rhsen</del> Stählin.</note> εἶξεν· χαίρει γὰρ ὁ
-θεὸς τὰ τοιαῦτα ἡττώμενος. τοιγάρτοι τούτων
-ἀκούσας ὁ μακάριος Πέτρος, ὁ ἐκλεκτός, ὁ ἐξαίρετος,
-ὁ πρῶτος τῶν μαθητῶν, ὑπὲρ οὗ μόνου καὶ
-ἑαυτοῦ τὸν φόρον ὁ σωτὴρ ἐκτελεῖ, ταχέως ἥρπασε
-καὶ συνέβαλε τὸν λόγον. καὶ τί φησιν; “ἰδὲ
-ἡμεῖς ἀφήκαμεν πάντα καὶ ἠκολουθήσαμέν σοι.” τὰ δὲ “πάντα” εἰ μὲν τὰ κτήματα τὰ ἑαυτοῦ λέγει,
-τέσσαρας ὀβολοὺς ἴσως, <add>τὸ</add>
-<note n="4" place="unspecified" anchored="yes">
-<add>to\</add> inserted by Segaar.</note> τοῦ λόγου, καταλιπὼν
-μεγαλύνεται καὶ τούτων ἀνταξίαν ἀποφαίνων ἂν
-λάθοι τὴν βασιλείαν τῶν οὐρανῶν· εἰ δέ, ἅπερ
-ἄρτι <note n="5" place="unspecified" anchored="yes">a)/rti Schsartz. a)/xri MS.</note> νῦν λέγομεν, τὰ παλαιὰ νοητὰ κτήματα καὶ
-ψυχικὰ νοσήματα ἀπορρίψαντες ἕπονται κατ’ ἴχνος
-τοῦ διδασκάλου, τοῦτ’ ἂν ἀνάπτοιτο <note n="6" place="unspecified" anchored="yes">a)na/ptoito Mayor. a(/ptoito MS.</note> ἤδη τοῖς ἐν
-οὐρανοῖς ἐγγραφησομένοις. τοῦτο <note n="7" place="unspecified" anchored="yes">tou=to Wilamositz. ou(/tws MS.</note> γὰρ ἀκολουθεῖν
-ὄντως τῷ σωτῆρι, ἀναμαρτησίαν καὶ τελειότητα
-τὴν ἐκείνου μετερχόμενον καὶ πρὸς ἐκεῖνον ὥσπερ
-κάτοπτρον κοσμοῦντα καὶ ῥυθμίζοντα τὴν ψυχὴν
- καὶ πάντα διὰ πάντων ὁμοίως διατιθέντα.  <pb id="pg.918"/>
-<pb id="p.316"/>
-</p>
-</div1>
-<div1 type="chapter" n="22">
-<p> “Ἀποκριθεὶς δὲ Ἰησοῦς· ἀμὴν ὑμῖν λέγω,
-ὃς ἂν ἀφῇ τὰ ἴδια καὶ γονεῖς καὶ ἀδελφοὺς καὶ χρήματα
-ἕνεκεν ἐμοῦ καὶ ἕνεκεν τοῦ εὐαγγελίου, ἀπολήψεται
-ἑκατονταπλασίονα.” ἀλλὰ μηδὲ τοῦθ’ ἡμᾶς
-ἐπιταρασσέτω, μηδὲ τὸ ἔτι τούτου σκληρότερον
-ἀλλαχοῦ ταῖς φωναῖς ἐξενηνεγμένον· “ὃς οὐ μισεῖ
-πατέρα καὶ μητέρα καὶ παῖδας, προσέτι δὲ καὶ τὴν
-ἑαυτοῦ ψυχήν, ἐμὸς μαθητὴς εἶναι οὐ δύναται.” οὐ γὰρ εἰσηγεῖται μῖσος καὶ διάλυσιν ἀπὸ τῶν
-φιλτάτων ὁ τῆς εἰρήνης θεός, ὅ γε καὶ τοὺς ἐχθροὺς
-ἀγαπᾶν παραινῶν. εἰ δὲ τοὺς ἐχθροὺς ἀγαπητέον,
-ἀνάλογον ἀπ’ ἐκείνων ἀνιόντι καὶ τοὺς ἐγγυτάτω
-γένους· ἢ εἰ μισητέον τοὺς πρὸς αἵματος, πολὺ
-μᾶλλον τοὺς ἐχθροὺς προβάλλεσθαι κατιὼν ὁ λόγος
-διδάσκει, ὥστ’ ἀλλήλους ἀναιροῦντες ἐλέγχοιντ’ ἂν
-οἱ λόγοι. ἀλλ’ οὐδ’ ἀναιροῦσιν οὐδ’ ἐγγύς, ἀπὸ γὰρ
-τῆς αὐτῆς γνώμης καὶ διαθέσεως καὶ ἐπὶ τῷ αὐτῷ
-ὅρῳ πατέρα μισοίη τις ἂν <add>καὶ</add> ἐχθρὸν ἀγαπώῃ <note n="1" place="unspecified" anchored="yes">
-<add>kai\</add>... a)gapw/h| Stählin. a)gapw=n MS.</note> ὁ
-μήτε ἐχθρὸν ἀμυνόμενος μήτε πατέρα Χριστοῦ
-πλέον αἰδούμενος. ἐν ἐκείνῳ μὲν γὰρ τῷ λόγῳ
-μῖσος ἐκκόπτει καὶ κακοποιίαν, ἐν τούτῳ δὲ τὴν
-πρὸς τὰ σύντροφα δυσωπίαν, εἰ βλάπτοι πρὸς
-σωτηρίαν. εἰ γοῦν ἄθεος εἴη τινὶ πατὴρ ἢ υἱὸς ἢ
-ἀδελφὸς καὶ κώλυμα τῆς πίστεως γένοιτο καὶ
-ἐμπόδιον τῆς ἄνω ζωῆς, τούτῳ μὴ συμφερέσθω
-μηδὲ ὁμονοείτω, ἀλλὰ τὴν σαρκικὴν οἰκειότητα διὰ
-τὴν πνευματικὴν ἔχθραν διαλυσάτω.
-</p>
-</div1>
-<div1 type="chapter" n="23">
-<p>Νόμισον εἶναι τὸ πρᾶγμα διαδικασίαν. ὁ μὲν
-πατήρ σοι δοκείτω παρεστὼς λέγειν “ἐγὼ σε
-ἔσπειρα καὶ ἔθρεψα, ἀκολούθει μοι καὶ συναδίκει
-<pb id="p.318"/>
-καὶ μὴ πείθου τῷ Χριστοῦ νόμῳ” καὶ ὁπόσα ἂν
-εἴποι βλάσφημος ἄνθρωπος καὶ νεκρὸς τῇ φύσει.
-ἑτέρωθεν δὲ ἄκουε τοῦ σωτῆρος· “ἐγώ σε ἀνεγέννησα,
-κακῶς ὑπὸ κόσμου πρὸς θάνατον γεγεννημένον,
-ἠλευθέρωσα, ἰασάμην, ἐλυτρωσάμην· ἐγώ
-σοι παρέξω ζωὴν ἄπαυστον, αἰώνιον, ὑπερκόσμιον·
-ἐγώ σοι δείξω θεοῦ πατρὸς ἀγαθοῦ πρόσωπον·
-μὴ κάλει σεαυτῷ πατέρα ἐπὶ γῆς· οἱ νεκροὶ τοὺς
-νεκροὺς θαπτέτωσαν, σὺ δέ μοι ἀκολούθει· ἀνάξω
-γάρ σε εἰς ἀνάπαυσιν <add>καὶ ἀπόλαυσιν</add>
-<note n="1" place="unspecified" anchored="yes">
-<add>kai\ a)po/lausin</add> Stählin.</note> ἀρρήτων
-καὶ ἀλέκτων ἀγαθῶν, ἃ μήτε ὀφθαλμὸς εἶδε μήτε
-οὖς ἤκουσε μήτε ἐπὶ καρδίαν ἀνθρώπων ἀνέβη, εἰς
-ἃ ἐπιθυμοῦσιν ἄγγελοι παρακύψαι καὶ ἰδεῖν ἅπερ
-ἡτοίμασεν ὁ θεὸς τοῖς ἁγίοις ἀγαθὰ καὶ τοῖς
-φιλοῦσιν αὐτὸν τέκνοις. ἐγώ σου τροφεὺς ἄρτον
-ἐμαυτὸν διδούς, οὖ γευσάμενος οὐδεὶς ἔτι πεῖραν
-θανάτου λαμβάνει, καὶ πόμα καθ’ ἡμέραν ἐνδιδοὺς
-ἀθανασίας· ἐγὼ διδάσκαλος ὑπερουρανίων παιδευμάτων·
-ὑπὲρ σοῦ πρὸς τὸν θάνατον διηγωνισάμην
-καὶ τὸν σὸν ἐξέτισα θάνατον, ὃν ὤφειλες ἐπὶ τοῖς
-προημαρτημένοις καὶ τῇ πρὸς θεὸν ἀπιστίᾳ.” τούτων
-τῶν λόγων ἑκατέρωθεν διακούσας ὑπὲρ σεαυτοῦ
-δίκασον καὶ τὴν ψῆφον ἀνένεγκε τῇ σαυτοῦ σωτηρίᾳ·
-κἂν ἀδελφὸς ὅμοια λέγῃ κἂν τέκνον κἂν γυνὴ κἂν
- ὁστισοῦν, πρὸ  <pb id="pg.949"/> πάντων ἐν σοὶ Χριστὸς ὁ νικῶν ἔστω·
-ὑπὲρ σοῦ γὰρ ἀγωνίζεται.
-</p>
-</div1>
-<div1 type="chapter" n="24">
-<p>Δύνασαι καὶ τῶν χρημάτων ἐπίπροσθεν εἶναι;
-φράσον καὶ οὐκ ἀπάγει σε Χριστὸς τῆς κτήσεως, ὁ
-<pb id="p.320"/>
-κύριος οὐ φθονεῖ. ἀλλ’ ὁρᾷς σεαυτὸν ἡττώμενον
-ὑπ’ αὐτῶν καὶ ἀνατρεπόμενον; ἄφες, ῥῖψον, μίσησον,
-ἀπόταξαι, φύγε· “κἂν ὁ δεξιός σου ὀφθαλμὸς
-σκανδαλίζῃ σε, ταχέως ἔκκοψον αὐτόν·” αἱρετώτερον
-ἑτεροφθάλμῳ βασιλεία θεοῦ ἢ ὁλοκλήρῳ τὸ πῦρ·
-κἂν χεὶρ κἂν ποὺς κἂν ἡ ψυχή, μίσησον αὐτήν· ἂν
-γὰρ ἐνταῦθα ἀπόληται ὑπὲρ Χριστοῦ, <add>ἐκεῖ σωθήσεται</add>
-<note n="1" place="unspecified" anchored="yes">
-<add>e)kei= swqh/setai</add> Segaar.</note>.
-</p>
-</div1>
-<div1 type="chapter" n="25">
-<p>Ταύτης δὲ ὁμοίως ἔχεται τῆς γνώμης καὶ τὸ
-ἑπόμενον· “νῦν δὲ ἐν τῷ καιρῷ τούτῳ ἀγροὺς καὶ
-χρήματα καὶ οἰκίας καὶ ἀδελφοὺς ἔχειν μετὰ διωγμῶν
-εἰς ποῦ; <note n="2" place="unspecified" anchored="yes">ei)s pou= ; Stählin. ei)=s pou MS. See p. 280, n. 1.</note>” οὔτε γὰρ ἀχρημάτους οὔτε ἀνεστίους
-οὔτε ἀναδέλφους ἐπὶ τὴν ζωὴν καλεῖ, ἐπεὶ καὶ
-πλουσίους κέκληκεν, ἀλλ’ ὃν τρόπον προειρήκαμεν,
-καὶ ἀδελφοὺς κατὰ ταὐτὸν <note n="3" place="unspecified" anchored="yes">kata\ tau)to\n Segaar. kat) au)to\n MS.</note> ὥσπερ Πέτρον μετὰ
-Ἀνδρέου καὶ Ἰάκωβον μετὰ Ἰωάννου, τοὺς Ζεβεδαίου
-παῖδας, ἀλλ’ ὁμονοοῦντας ἀλλήλοις τε καὶ
-Χριστῷ. τὸ δὲ “μετὰ διωγμῶν” ταῦτα ἕκαστα
-ἔχειν ἀποδοκιμάζει· διωγμὸς δὲ ὁ μέν τις ἔξωθεν
-περιγίνεται τῶν ἀνθρώπων ἢ δι’ ἔχθραν ἢ διὰ
-φθόνον ἢ διὰ φιλοκέρδειαν ἢ κατ’ ἐνέργειαν διαβολικὴν
-τοὺς πιστοὺς ἐλαυνόντων· ὁ δὲ χαλεπώτατος
-ἔνδοθέν ἐστι διωγμός, ἐξ αὐτῆς ἑκάστῳ τῆς
-ψυχῆς προπεμπόμενος λυμαινομένης ὑπὸ ἐπιθυμιῶν
-ἀθέων καὶ ἡδονῶν ποικίλων καὶ φαύλων ἐλπίδων
-καὶ φθαρτικῶν <note n="4" place="unspecified" anchored="yes">fqartikw=n Mayor. fqartw=n MS.</note> ὀνειροπολημάτων, ὅταν, ἀεὶ τῶν
-πλειόνων ὀρεγομένη καὶ λυσσῶσα ὑπὸ ἀγρίων
-ἐρώτων καὶ φλεγομένη, καθάπερ κέντροις ἢ μύωψι
-<pb id="p.322"/>
-τοῖς προσκειμένοις <note n="1" place="unspecified" anchored="yes">proskeime/nois Segaar. prokeime/nois MS.</note> αὐτῇ πάθεσιν ἐξαιμάσσηται
-πρὸς σπουδὰς μανιώδεις καὶ ζωῆς ἀπόγνωσιν καὶ
-θεοῦ καταφρόνησιν. οὗτος ὁ διωγμὸς βαρύτερος
-καὶ χαλεπώτερος, ἔνδοθεν ὁρμώμενος, ἀεὶ συνών,
-ὃν οὐδὲ ἐκφυγεῖν ὁ διωκόμενος δύναται· τὸν γὰρ
-ἐχθρὸν ἐν ἑαυτῷ περιάγει πανταχοῦ. οὕτω καὶ
-πύρωσις ἡ μὲν ἔξωθεν προσπίπτουσα δοκιμασίαν
-κατεργάζεται, ἡ δὲ ἔνδοθεν θάνατον διαπράσσεται <note n="2" place="unspecified" anchored="yes">diapra/ssetai Barnard. diatara/ssetai MS.</note>.
-καὶ πόλεμος ὁ μὲν ἐπακτὸς ῥᾳδίως καταλύεται, ὁ
-δὲ ἐν τῇ ψυχῇ μέχρι θανάτου παραμετρεῖται. μετὰ
-διωγμοῦ τοιούτου πλοῦτον ἐὰν ἔχῃς τὸν αἰσθητὸν
-κἂν ἀδελφοὺς τοὺς πρὸς αἵματος καὶ τὰ ἄλλα
-ἐνέχυρα, κατάλιπε τὴν τούτων παγκτησίαν τὴν ἐπὶ
-κακῷ, εἰρήνην σεαυτῷ παράσχες, ἐλευθερώθητι
-διωγμοῦ μακροῦ, ἀποστράφηθι πρὸς τὸ εὐαγγέλιον
-ἀπ’ ἐκείνων, ἑλοῦ τὸν σωτῆρα πρὸ πάντων, τὸν τῆς
-σῆς συνήγορον καὶ παράκλητον ψυχῆς, τὸν τῆς
-ἀπείρου πρύτανιν ζωῆς. “τὰ γὰρ βλεπόμενα
-πρόσκαιρα, τὰ δὲ μὴ βλεπόμενα αἰώνια·” καὶ
- ἐν μὲν τῷ παρόντι  <pb id="pg.950"/> χρόνῳ ὠκύμορα καὶ ἀβέβαια, “ἐν δὲ τῷ ἐρχομένῳ ζωή <note n="3" place="unspecified" anchored="yes">zwh/ Ghisler. zwh/n MS.</note> ἐστιν αἰώνιος.” </p>
-</div1>
-<div1 type="chapter" n="26">
-<p> “Ἔσονται οἱ πρῶτοι ἔσχατοι καὶ οἱ ἔσχατοι
-πρῶτοι.” τοῦτο πολύχουν μέν ἐστι κατὰ τὴν
-ὑπόνοιαν καὶ τὸν σαφηνισμόν, οὐ μὴν ἔν γε τῷ
-παρόντι τὴν ζήτησιν ἀπαιτεῖ· οὐ γὰρ μόνον ῥέπει
-<pb id="p.324"/>
-πρὸς τοὺς πολυκτήμονας, ἀλλ’ ἁπλῶς πρὸς ἅπαντας
-ἀνθρώπους τοὺς πίστει καθάπαξ ἑαυτοὺς ἐπιδιδόντας.
-ὥστε τοῦτο μὲν ἀνακείσθω τὰ νῦν. τὸ δέ
-γε προκείμενον ἡμῖν οἶμαι μηδέν τι ἐνδεέστερον <note n="1" place="unspecified" anchored="yes">e)ndee/steron Ghisler. a)dee/steron MS.</note> τῆς
-ἐπαγγελίας δεδεῖχθαι, ὅτι τοὺς πλουσίους οὐδένα
-τρόπον ὁ σωτὴρ κατ’ αὐτόν γε τὸν πλοῦτον καὶ τὴν
-περιβολὴν τῆς κτήσεως ἀποκέκλεικεν οὐδ’ αὐτοῖς
-ἀποτετάφρευκεν τὴν σωτηρίαν, εἴ γε δύναιντο καὶ
-βούλοιντο ὑποκύπτειν τοῦ θεοῦ ταῖς ἐντολαῖς καὶ
-τῶν προσκαίρων προτιμῷεν τὴν ἑαυτῶν ζωὴν καὶ
-βλέποιεν πρὸς τὸν κύριον ἀτενεῖ τῷ βλέμματι,
-καθάπερ εἰς ἀγαθοῦ κυβερνήτου νεῦμα δεδορκότες,
-τί βούλεται, τί προστάσσει, τί σημαίνει, τί δίδωσι
-τοῖς αὑτοῦ ναύταις <del>τὸ</del>
-<note n="2" place="unspecified" anchored="yes">
-<del>to\</del> Stählin.</note> σύνθημα, ποῦ καὶ πόθεν
-τὸν ὅρμον ἐπαγγέλλεται. τί γὰρ ἀδικεῖ τις, εἰ
-προσέχων τὴν γνώμην καὶ φειδόμενος πρὸ τῆς
-πίστεως βίον ἱκανὸν συνελέξατο ; ἢ καὶ <add>τὸ</add>
-<note n="3" place="unspecified" anchored="yes">
-<add>to\</add> inserted by Ghisler.</note> τούτου
-μᾶλλον ἀνέγκλητον, εἰ εὐθὺς ὑπὸ τοῦ θεοῦ τοῦ τὴν
-τύχην <note n="4" place="unspecified" anchored="yes">tu/xhn Segaar. yuxh\n MS.</note> νέμοντος εἰς οἶκον τοιούτων ἀνθρώπων εἰσῳκίσθη
-καὶ γένος ἀμφιλαφὲς τοῖς χρήμασιν <del>ἰσχῦον</del>
-<note n="5" place="unspecified" anchored="yes">
-<del>i)sxu=on</del> Wilamositz.</note>
-καὶ τῷ πλούτῳ κρατοῦν; εἰ γὰρ διὰ τὴν ἀκούσιον
-ἐν πλούτῳ γένεσιν ἀπελήλαται ζωῆς, ἀδικεῖται
-μᾶλλον ὑπὸ τοῦ γειναμένου <note n="6" place="unspecified" anchored="yes">geiname/nou Ghisler.</note> θεοῦ, προσκαίρου μὲν
-ἡδυπαθείας κατηξιωμένος, ἀιδίου δὲ ζωῆς ἀπεστερημένος.
-τί δ’ ὅλως πλοῦτον ἐχρῆν ἐκ γῆς ἀνατεῖλαί
-ποτε, εἰ χορηγὸς καὶ πρόξενός ἐστι θανάτου;
-<pb id="p.326"/>
-ἀλλ’ εἰ δύναταί τις ἐνδοτέρω τῶν ὑπαρχόντων
-κάμπτειν τῆς ἐξουσίας καὶ μέτρια φρονεῖν καὶ
-σωφρονεῖν καὶ θεὸν μόνον ζητεῖν καὶ θεὸν ἀναπνεῖν
-καὶ θεῷ συμπολιτεύεσθαι, πτωχὸς οὗτος παρέστηκε
-ταῖς ἐντολαῖς, ἐλεύθερος, ἀήττητος, ἄνοσος, ἄτρωτος
-ὑπὸ χρημάτων· εἰ δὲ μή, θᾶττον κάμηλος διὰ
-βελόνης εἰσελεύσεται ἢ ὁ τοιοῦτος πλούσιος ἐπὶ τὴν
-βασιλείαν τοῦ θεοῦ παρελεύσεται. σημαινέτω μὲν
-οὖν τι καὶ ὑψηλότερον ἡ κάμηλος διὰ στενῆς ὁδοῦ
-καὶ τεθλιμμένης φθάνουσα τὸν πλούσιον, ὅπερ ἐν
-τῇ περὶ ἀρχῶν καὶ θεολογίας ἐξηγήσει μυστήριον
-τοῦ σωτῆρος ὑπάρχει μαθεῖν· 
-</p>
-</div1>
-<div1 type="chapter" n="27">
-<p>οὐ μὴν ἀλλὰ τό
-γε φαινόμενον πρῶτον καὶ δι’ ὃ λέλεκται τῆς παραβολῆς
-παρεχέσθω. διδασκέτω τοὺς εὐποροῦντας
-ὡς οὐκ ἀμελητέον τῆς ἑαυτῶν σωτηρίας ὡς ἤδη
-προκατεγνωσμένους οὐδὲ καταποντιστέον αὖ πάλιν
- τὸν πλοῦτον οὐδὲ καταδικαστέον ὡς  <pb id="pg.951"/> τῆς ζωῆς ἐπίβουλον
-καὶ πολέμιον, ἀλλὰ μαθητέον τίνα τρόπον
-καὶ πῶς πλούτῳ χρηστέον καὶ τὴν ζωὴν κτητέον.
-ἐπειδὴ γὰρ οὔτε ἐκ παντὸς ἀπόλλυταί τις, ὅτι
-πλουτεῖ δεδιώς, οὔτε ἐκ παντὸς σῴζεται θαρρῶν
-καὶ πιστεύων ὡς σωθήσεται, φέρε σκεπτέον ἥντινα
-τὴν ἐλπίδα αὐτοῖς ὁ σωτὴρ ὑπογράφει, καὶ πῶς ἂν
-τὸ μὲν ἀνέλπιστον ἐχέγγυον γένοιτο, τὸ δὲ ἐλπισθὲν
-εἰς κτῆσιν ἀφίκοιτο.
-<pb id="p.328"/>
-Φησὶν οὖν ὁ διδάσκαλος, τίς ἡ μεγίστη τῶν ἐντολῶν
-ἠρωτημένος· “ἀγαπήσεις κύριον τὸν θεόν σου
-ἐξ ὅλης τῆς ψυχῆς σου καὶ ἐξ ὅλης τῆς δυνάμεώς
-σου,” ταύτης μείζω μηδεμίαν ἐντολὴν εἶναι, καὶ
-μάλα εἰκότως. καὶ γὰρ καὶ περὶ τοῦ πρώτου καὶ
-περὶ τοῦ μεγίστου παρήγγελται, αὐτοῦ τοῦ θεοῦ
-πατρὸς ἡμῶν, δι’ οὗ καὶ γέγονε καὶ ἔστι τὰ πάντα
-καὶ εἰς ὃν τὰ σῳζόμενα πάλιν ἐπανέρχεται. ὑπὸ
-τούτου τοίνυν προαγαπηθέντας καὶ τοῦ γενέσθαι
-τυχόντας οὐχ ὅσιον ἄλλο τι πρεσβύτερον ἄγειν καὶ
-τιμιώτερον, ἐκτίνοντας μόνην τὴν χάριν ταύτην
-μικρὰν ἐπὶ μεγίστοις, ἄλλο δὲ μηδοτιοῦν ἔχοντας
-ἀνενδεεῖ καὶ τελείῳ θεῷ πρὸς ἀμοιβὴν ἐπινοῆσαι,
-αὐτῷ δὲ τῷ <note n="1" place="unspecified" anchored="yes">au)tw=| de\ tw=| Ghisler. au)to\ de\ to\ MS.</note> ἀγαπᾶν τὸν πατέρα εἰς οἰκείαν ἰσχὺν
-καὶ δύναμιν ἀφθαρσίαν <note n="2" place="unspecified" anchored="yes">a)fqarsi/an Wilamositz. a)fqarsi/as MS.</note> κομιζομένους. ὅσον γὰρ
-ἀγαπᾷ τις θεόν, τοσούτῳ καὶ πλέον ἐνδοτέρω τοῦ
-θεοῦ παραδύεται.
-</p>
-</div1>
-<div1 type="chapter" n="28">
-<p>Δευτέραν δὲ τάξει καὶ οὐδέν τι μικροτέραν
-ταύτης εἶναι λέγει τό· “ἀγαπήσεις τὸν πλησίον
-σου ὡς σεαυτόν·” οὐκοῦν τὸν θεὸν ὑπὲρ σεαυτόν.
-πυνθανομένου δὲ τοῦ προσδιαλεγομένου “τίς ἐστιν
-πλησίον;” οὐ τὸν αὐτὸν τρόπον Ἰουδαίοις προωρίσατο
-τὸν πρὸς αἵματος οὐδὲ τὸν πολίτην οὐδὲ
-τὸν προσήλυτον οὐδὲ τὸν ὁμοίως περιτετμημένον
-οὐδὲ τὸν ἑνὶ καὶ ταὐτῷ νόμῳ χρώμενον· ἀλλὰ
-ἄνωθεν καταβαίνοντα <note n="3" place="unspecified" anchored="yes">katabai/nonta Ghisler. katabai/nwn MS.</note> ἀπὸ Ἰερουσαλὴμ ἄγει τῷ
-λόγῳ τινὰ εἰς Ἱεριχὼ καὶ τοῦτον δείκνυσιν ὑπὸ
-λῃστῶν συγκεκεντημένον, ἐρριμμένον ἡμιθνῆτα ἐπὶ
-<pb id="p.330"/>
-τῆς ὁδοῦ, ὑπὸ ἱερέως παροδευόμενον, ὑπὸ Λευίτου
-παρορώμενον, ὑπὸ δὲ τοῦ Σαμαρείτου τοῦ ἐξωνειδισμένου
-καὶ ἀφωρισμένου κατελεούμενον, ὃς οὐχὶ
-κατὰ τύχην ὡς ἐκεῖνοι παρῆλθεν, ἀλλ’ ἧκε συνεσκευασμένος
-ὧν <note n="1" place="unspecified" anchored="yes">w(=n Ghisler. w)\n MS.</note> ὁ κινδυνεύων ἐδεῖτο, οἶνον, ἔλαιον,
-ἐπιδέσμους, κτῆνος, μισθὸν τῷ πανδοχεῖ, τὸν μὲν
-ἤδη διδόμενον, τὸν δὲ προσυπισχνούμενον. “τίς,” ἔφη, “τούτων γέγονε πλησίον τῷ τὰ δεινὰ παθόντι;” τοῦ δὲ ἀποκριναμένου ὅτι “ὁ τὸν ἔλεον πρὸς αὐτὸν
-ἐπιδειξάμενος· καὶ σὺ τοίνυν πορευθεὶς οὕτω
-ποίει,” ὡς τῆς ἀγάπης βλαστανούσης εὐποιίαν.
-</p>
-</div1>
-<div1 type="chapter" n="29">
-<p>Ἐν ἀμφοτέραις μὲν οὖν ταῖς ἐντολαῖς ἀγάπην
-εἰσηγεῖται, τάξει δ’ αὐτὴν διῄρηκε, καὶ ὅπου μὲν τὰ
-πρωτεῖα τῆς ἀγάπης ἀνάπτει τῷ θεῷ, ὅπου δὲ τὰ
-δευτερεῖα νέμει τῷ πλησίον. τίς δ’ ἂν ἄλλος οὗτος
-εἴη πλὴν αὐτὸς ὁ σωτήρ; ἢ τίς μᾶλλον ἡμᾶς
- ἐλεήσας  <pb id="pg.952"/> ἐκείνου, τοὺς ὑπὸ τῶν κοσμοκρατόρων
-τοῦ σκότους ὀλίγου τεθανατωμένους τοῖς πολλοῖς
-τραύμασι, φόβοις, ἐπιθυμίαις, ὀργαῖς, λύπαις, ἀπάταις,
-ἡδοναῖς; τούτων δὲ τῶν τραυμάτων μόνος
-ἰατρὸς Ἰησοῦς, ἐκκόπτων ἄρδην τὰ πάθη πρόρριζα,
-οὐχ ὥσπερ ὁ νόμος ψιλὰ τὰ ἀποτελέσματα, τοὺς
-καρποὺς τῶν πονηρῶν φυτῶν, ἀλλὰ τὴν ἀξίνην τὴν
-ἑαυτοῦ πρὸς τὰς ῥίζας τῆς κακίας προσαγαγών.
-οὗτος<add>ὁ</add>
-<note n="2" place="unspecified" anchored="yes">
-<add>o(</add> inserted by Ghisler.</note> τὸν οἶνον, τὸ αἷμα τῆς ἀμπέλου τῆς Δαβίδ,
-ἐκχέας ἡμῶν ἐπὶ τὰς τετρωμένας ψυχάς, <add>οὗτος ὁ
-τὸ ἔλαιον,</add>
-<note n="3" place="unspecified" anchored="yes">
-<add>ou(=tos</add> inserted by Wilamositz: <add>o( to\ e)/laion</add> by Lindner.</note> τὸν ἐκ σπλάγχνων πατρὸς ἔλεον,
-προσενεγκὼν καὶ ἐπιδαψιλευόμενος, οὗτος ὁ τοὺς
-<pb id="p.332"/>
-τῆς ὑγείας καὶ σωτηρίας δεσμοὺς ἀλύτους ἐπιδείξας,
-ἀγάπην, πίστιν, ἐλπίδα, οὗτος ὁ διακονεῖν ἀγγέλους
-καὶ ἀρχὰς καὶ ἐξουσίας ἡμῖν ἐπιτάξας ἐπὶ μεγάλῳ
-μισθῷ, διότι καὶ αὐτοὶ ἐλευθερωθήσονται ἀπὸ τῆς
-ματαιότητος τοῦ κόσμου παρὰ τὴν ἀποκάλυψιν
-τῆς δόξης τῶν υἱῶν τοῦ θεοῦ. τοῦτον οὖν ἀγαπᾶν
-ἴσα χρὴ τῷ θεῷ. ἀγαπᾷ δὲ Χριστὸν Ἰησοῦν
-ὁ τὸ θέλημα αὐτοῦ ποιῶν καὶ φυλάσσων αὐτοῦ
-τὰς ἐντολάς. “οὐ γὰρ πᾶς ὁ λέγων μοι κύριε
-κύριε εἰσελεύσεται εἰς τὴν βασιλείαν τῶν οὐρανῶν,
-ἀλλ’ ὁ ποιῶν τὸ θέλημα τοῦ πατρός μου.” καί· “τί με λέγετε κύριε κύριε καὶ οὐ ποιεῖτε ἃ
-λέγω;” καί· “ὑμεῖς μακάριοι οἱ ὁρῶντες καὶ
-ἀκούοντες ἃ μήτε δίκαιοι μήτε προφῆται,” ἐὰν ποιῆτε ἃ λέγω.
-</p>
-</div1>
-<div1 type="chapter" n="30">
-<p>Πρῶτος μὲν οὖν οὗτός ἐστιν ὁ Χριστὸν
-ἀγαπῶν, δεύτερος δὲ ὁ τοὺς ἐκείνῳ πεπιστευκότας
-τιμῶν καὶ περιέπων. ὃ γὰρ ἄν τις εἰς μαθητὴν
-ἐργάσηται, τοῦτο εἰς ἑαυτὸν ὁ κύριος ἐκδέχεται καὶ
-πᾶν ἑαυτοῦ ποιεῖται. “δεῦτε, οἱ εὐλογημένοι τοῦ
-πατρός μου, κληρονομήσατε τὴν ἡτοιμασμένην ὑμῖν
-βασιλείαν ἀπὸ καταβολῆς κόσμου. ἐπείνασα γὰρ
-καὶ ἐδώκατέ μοι φαγεῖν, καὶ ἐδίψησα καὶ ἐδώκατέ
-μοι πιεῖν, καὶ ξένος ἤμην καὶ συνηγάγετέ με, γυμνὸς
-ἤμην καὶ ἐνεδύσατέ με, ἠσθένησα καὶ ἐπεσκέψασθέ
-με, ἐν φυλακῇ ἤμην καὶ ἤλθετε πρός με. τότε
-ἀποκριθήσονται αὐτῷ οἱ δίκαιοι λέγοντες· κύριε,
-<pb id="p.334"/>
-πότε σε εἴδομεν πεινῶντα καὶ ἐθρέψαμεν, ἢ διψῶντα
-καὶ ἐποτίσαμεν; πότε δὲ εἴδομέν σε ξένον καὶ συνηγάγομεν,
-ἢ γυμνὸν καὶ περιεβάλομεν; ἢ πότε σε
-εἴδομεν ἀσθενοῦντα καὶ ἐπεσκεψάμεθα; ἢ ἐν φυλακῇ
-καὶ ἤλθομεν πρὸς σέ; ἀποκριθεὶς ὁ βασιλεὺς ἐρεῖ
-αὐτοῖς· ἀμὴν λέγω ὑμῖν, ἐφ’ ὅσον ἐποιήσατε ἑνὶ
-τούτων τῶν ἀδελφῶν μου τῶν ἐλαχίστων, ἐμοὶ
-ἐποιήσατε.” πάλιν ἐκ τῶν ἐναντίων τοὺς ταῦτα
-μὴ παρασχόντας αὐτοῖς εἰς τὸ πῦρ ἐμβάλλει τὸ
-αἰώνιον, ὡς αὐτῷ μὴ παρεσχηκότας. καὶ ἀλλαχοῦ· “ὁ ὑμᾶς δεχόμενος ἐμὲ δέχεται, ὁ ὑμᾶς μὴ δεχόμενος ἐμὲ ἀθετεῖ.” </p>
-</div1>
-<div1 type="chapter" n="31">
-<p>Τούτους καὶ τέκνα καὶ παιδία καὶ νήπια καὶ
-φίλους ὀνομάζει καὶ μικροὺς ἐνθάδε ὡς πρὸς τὸ
-μέλλον ἄνω μέγεθος αὐτῶν, “μὴ καταφρονήσητε,” λέγων, “ἑνὸς  <pb id="pg.953"/> τῶν μικρῶν τούτων· τούτων γὰρ οἱ
-ἄγγελοι διὰ παντὸς βλέπουσι τὸ πρόσωπον τοῦ
-πατρός μου τοῦ ἐν οὐρανοῖς.” καὶ ἑτέρωθι· “μὴ
-φοβεῖσθε, τὸ μικρὸν ποίμνιον· ὑμῖν γὰρ ηὐδόκησεν ὁ
-πατὴρ παραδοῦναι τὴν βασιλείαν” τῶν οὐρανῶν.
-κατὰ τὰ αὐτὰ καὶ τοῦ μεγίστου ἐν γεννητοῖς
-γυναικῶν Ἰωάννου τὸν ἐλάχιστον ἐν τῇ βασιλείᾳ
-τῶν οὐρανῶν, τουτέστι τὸν ἑαυτοῦ μαθητήν, εἶναι
-μείζω λέγει. καὶ πάλιν· “ὁ δεχόμενος δίκαιον
-ἢ προφήτην εἰς ὄνομα δικαίου ἢ προφήτου τὸν
-ἐκείνων μισθὸν λήψεται, ὁ δὲ μαθητὴν ποτίσας εἰς
-ὄνομα μαθητοῦ ποτήριον ψυχροῦ ὕδατος τὸν μισθὸν
-οὐκ ἀπολέσει.” οὐκοῦν οὗτος μόνος ὁ μισθὸς οὐκ
-<pb id="p.336"/>
-ἀπολλύμενός ἐστι. καὶ αὖθις· “ποιήσατε ἑαυτοῖς
-φίλους ἐκ τοῦ μαμωνᾶ τῆς ἀδικίας, ἵνα ὅταν ἐκλίπῃ, <note n="1" place="unspecified" anchored="yes">e)kli/ph| Stählin. e)kli/phte MS.</note>
-δέξωνται ὑμᾶς εἰς τὰς αἰωνίους σκηνάς.” φύσει
-μὲν ἅπασαν κτῆσιν, ἣν αὐτός τις ἐφ’ ἑαυτοῦ κέκτηται
-ὡς ἰδίαν οὖσαν καὶ οὐκ εἰς κοινὸν τοῖς δεομένοις
-κατατίθησιν, ἄδικον οὖσαν ἀποφαίνων, ἐκ δὲ ταύτης
-τῆς ἀδικίας ἐνὸν καὶ πρᾶγμα δίκαιον ἐργάσασθαι
-καὶ σωτήριον, ἀναπαῦσαί τινα τῶν ἐχόντων αἰώνιον
-σκηνὴν παρὰ τῷ πατρί.
-Ὅρα πρῶτον μὲν ὡς οὐκ ἀπαιτεῖσθαί σε κεκέλευκεν
-οὐδὲ ἐνοχλεῖσθαι περιμένειν, ἀλλὰ αὐτὸν ζητεῖν
-τοὺς εὖ πεισομένους ἀξίους τε ὄντας τοῦ σωτῆρος
-μαθητάς. καλὸς μὲν οὖν καὶ ὁ τοῦ ἀποστόλου
-λόγος· “ἱλαρὸν γὰρ δότην ἀγαπᾷ ὁ θεός,” χαίροντα
-τῷ διδόναι καὶ μὴ φειδομένως <note n="2" place="unspecified" anchored="yes">feidome/nws (from 2 Cor. ix. 6) Segaar. feido/menon MS.</note> σπείροντα, ἵνα μὴ
-οὕτως καὶ θερίσῃ, δίχα γογγυσμῶν καὶ διακρίσεως
-καὶ λύπης <del>καὶ</del>
-<note n="3" place="unspecified" anchored="yes">
-<del>kai\</del> Segaar.</note> κοινωνοῦντα, ὅπερ ἐστὶν εὐεργεσία
-καθαρά. <note n="4" place="unspecified" anchored="yes">kaqara/ Segaar. kaqa/ MS.</note> κρείττων δ’ ἐστὶ τούτου ὁ τοῦ κυρίου
-λελεγμένος ἐν ἄλλῳ χωρίῳ· “παντὶ τῷ αἰτοῦντί
-σε δίδου·” θεοῦ γὰρ ὄντως ἡ τοιαύτη φιλοδωρία.
-οὑτοσὶ δὲ ὁ λόγος ὑπὲρ ἅπασάν ἐστι θεότητα, μηδὲ
-αἰτεῖσθαι περιμένειν, ἀλλ’ αὐτὸν ἀναζητεῖν ὅστις
-ἄξιος εὖ παθεῖν, ἔπειτα τηλικοῦτον μισθὸν ὁρίσαι τῆς
-κοινωνίας, αἰώνιον σκηνήν. 
-</p>
-</div1>
-<div1 type="chapter" n="32">
-<p>ὢ καλῆς ἐμπορίας,
-ὢ θείας ἀγορᾶς· ὠνεῖται χρημάτων τις ἀφθαρσίαν,
-<pb id="p.338"/>
-καὶ δοὺς τὰ διολλύμενα τοῦ κόσμου μονὴν τούτων
-αἰώνιον ἐν οὐρανοῖς ἀντιλαμβάνει. πλεῦσον ἐπὶ
-ταύτην, ἂν σωφρονῇς, τὴν πανήγυριν, ὦ πλούσιε,
-κἂν δέῃ, περίελθε γῆν <note n="1" place="unspecified" anchored="yes">gh=n Combefis. th\n MS.</note> ὅλην, μὴ φείσῃ κινδύνων καὶ
-πόνων, ἵν’ ἐνταῦθα βασιλείαν οὐράνιον ἀγοράσῃς.
-τί σε λίθοι διαφανεῖς καὶ σμάραγδοι τοσοῦτον εὐφραίνουσι
-καὶ οἰκία, <note n="2" place="unspecified" anchored="yes">oi)ki/a Combefis. oi)kei/a MS.</note> τροφὴ πυρὸς ἢ χρόνου παίγνιον
-ἢ σεισμοῦ πάρεργον ἢ ὕβρισμα τυράννου; ἐπιθύμησον
-ἐν οὐρανοῖς οἰκῆσαι καὶ βασιλεῦσαι μετὰ
-θεοῦ· ταύτην σοι τὴν βασιλείαν ἄνθρωπος δώσει
-θεὸν ἀπομιμούμενος· ἐνταῦθα μικρὰ λαβὼν ἐκεῖ
-δι’ ὅλων αἰώνων σύνοικόν σε ποιήσεται. ἱκέτευσον
-<pb id="pg.954"/> ἵνα λάβῃ· σπεῦσον, ἀγωνίασον, φοβήθητι μή
-σε ἀτιμάσῃ· οὐ γὰρ κεκέλευσται λαβεῖν, ἀλλὰ
-σὺ παρασχεῖν. οὐ μὴν οὐδ’ εἶπεν ὁ κύριος δός,
-ἢ παράσχες, ἢ εὐεργέτησον, ἢ βοήθησον, φίλον
-δὲ ποίησαι· ὁ δὲ φίλος οὐκ ἐκ μιᾶς δόσεως
-γίνεται, ἀλλ’ ἐξ ὅλης ἀναπαύσεως καὶ συνουσίας
-μακρᾶς· οὔτε γὰρ ἡ πίστις οὔτε ἡ ἀγάπη οὔτε <note n="3" place="unspecified" anchored="yes">ou(/te <gap/> ou(/te <gap/> ou(/te Stählin. ou)de\ <gap/> ou(/te <gap/> ou)/te MS.</note> ἡ
-καρτερία μιᾶς ἡμέρας, ἀλλ’ “ὁ ὑπομείνας εἰς τέλος,
-οὗτος σωθήσεται.” </p>
-</div1>
-<div1 type="chapter" n="33">
-<p>Πῶς οὖν ὁ ἄνθρωπος ταῦτα δίδωσιν; ὅτι διὰ
-τὴν ἐκείνου τιμὴν καὶ εὔνοιαν καὶ οἰκείωσιν ὁ κύριος
-δίδωσι· “δώσω γὰρ οὐ μόνον τοῖς φίλοις, ἀλλὰ καὶ
-τοῖς φίλοις τῶν φίλων.” καὶ τίς οὗτός ἐστιν ὁ
-φίλος τοῦ θεοῦ; σὺ μὲν μὴ κρῖνε, τίς ἄξιος καὶ τίς
-<pb id="p.340"/>
-ἀνάξιος· ἐνδέχεται γάρ σε διαμαρτεῖν περὶ τὴν
-δόξαν· ὡς ἐν ἀμφιβόλῳ δὲ τῆς ἀγνοίας ἄμεινον καὶ
-τοὺς ἀναξίους εὖ ποιεῖν διὰ τοὺς ἀξίους ἢ φυλασσόμενον
-τοὺς ἧσσον ἀγαθοὺς μηδὲ τοῖς σπουδαίοις
-περιπεσεῖν. ἐκ μὲν γὰρ τοῦ φείδεσθαι καὶ προσποιεῖσθαι
-δοκιμάζειν τοὺς εὐλόγως ἢ μὴ τευξομένους
-ἐνδέχεταί σε καὶ θεοφιλῶν ἀμελῆσαί τινων,
-οὗ τὸ ἐπιτίμιον κόλασις ἔμπυρος αἰώνιος· ἐκ δὲ
-τοῦ προΐεσθαι πᾶσιν ἑξῆς τοῖς χρῄζουσιν ἀνάγκη
-πάντως εὑρεῖν τινα καὶ τῶν σῶσαι παρὰ θεῷ
-δυναμένων. “μὴ κρῖνε” τοίνυν, “ἵνα μὴ κριθῇς·
-ᾧ μέτρῳ μετρεῖς, τούτῳ καὶ ἀντιμετρηθήσεταί
-σοι· μέτρον καλόν, πεπιεσμένον καὶ σεσαλευμένον,
-ὑπερεκχυνόμενον, ἀποδοθήσεταί σοι.” πᾶσιν ἄνοιξον
-τὰ σπλάγχνα τοῖς τοῦ θεοῦ μαθηταῖς ἀπογεγραμμένοις,
-μὴ πρὸς σῶμα ἀπιδὼν ὑπερόπτως,
-μὴ πρὸς ἡλικίαν ἀμελῶς διατεθείς, μηδ’ εἴ τις ἀκτήμων
-ἢ δυσείμων ἢ δυσειδὴς ἢ ἀσθενὴς φαίνεται,
-πρὸς τοῦτο τῇ ψυχῇ δυσχεράνῃς καὶ ἀποστραφῇς.
-σχῆμα τοῦτ’ ἔστιν ἔξωθεν ἡμῖν περιβεβλημένον τῆς
-εἰς κόσμον παρόδου προφάσει, <note n="1" place="unspecified" anchored="yes">profa/sei Wilamositz. pro/fasis MS.</note> ἵν’ εἰς τὸ κοινὸν
-τοῦτο παιδευτήριον εἰσελθεῖν δυνηθῶμεν· ἀλλ’ ἔνδον
-κρυπτὸς ἐνοικεῖ ὁ <note n="2" place="unspecified" anchored="yes">o( before path\r Stählin: before krupto\s MS.</note> πατὴρ καὶ ὁ τούτου παῖς ὁ ὑπὲρ
-ἡμῶν ἀποθανὼν καὶ μεθ’ ἡμῶν ἀναστάς.
-</p>
-</div1>
-<div1 type="chapter" n="34">
-<p>Τοῦτο τὸ σχῆμα τὸ βλεπόμενον ἐξαπατᾷ τὸν
-θάνατον καὶ τὸν διάβολον· ὁ γὰρ ἐντὸς πλοῦτος
-καὶ τὸ κάλλος αὐτοῖς ἀθέατός ἐστι· καὶ μαίνονται
-περὶ τὸ σαρκίον, οὗ καταφρονοῦσιν ὡς ἀσθενοῦς,
-τῶν ἔνδον ὄντες τυφλοὶ κτημάτων, οὐκ ἐπιστάμενοι
-<pb id="p.342"/>
-πηλίκον τινὰ “θησαυρὸν ἐν ὀστρακίνῳ σκεύει” βαστάζομεν, δυνάμει θεοῦ πατρὸς καὶ αἵματι θεοῦ
-παιδὸς καὶ δρόσῳ πνεύματος ἁγίου περιτετειχισμένον.
-ἀλλὰ σύ γε μὴ ἐξαπατηθῇς, ὁ γεγευμένος
-ἀληθείας καὶ κατηξιωμένος τῆς μεγάλης λυτρώσεως,
-ἀλλὰ τὸ ἐναντίον τοῖς ἄλλοις ἀνθρώποις σεαυτῷ
-κατάλεξον στρατὸν ἄοπλον, ἀπόλεμον, ἀναίμακτον,
- ἀόργητον, ἀμίαντον, γέροντας  <pb id="pg.955"/> θεοσεβεῖς, ὀρφανοὺς
-θεοφιλεῖς, χήρας πραότητι ὡπλισμένας, ἄνδρας
-ἀγάπῃ κεκοσμημένους. τοιούτους κτῆσαι τῷ σῷ
-πλούτῳ καὶ τῷ σώματι καὶ τῇ ψυχῇ δορυφόρους,
-ὧν στρατηγεῖ θεός, δι’ οὓς καὶ ναῦς βαπτιζομένη
-κουφίζεται μόναις ἁγίων εὐχαῖς κυβερνωμένη, καὶ
-νόσος ἀκμάζουσα δαμάζεται χειρῶν ἐπιβολαῖς
-διωκομένη, καὶ προσβολὴ λῃστῶν ἀφοπλίζεται
-εὐχαῖς εὐσεβέσι σκυλευομένη, καὶ δαιμόνων βία
-θραύεται προστάγμασι συντόνοις ἐλεγχομένη.
-</p>
-</div1>
-<div1 type="chapter" n="35">
-<p>Ἐνεργοὶ <note n="1" place="unspecified" anchored="yes">e)nergoi\ Stählin. e)n e)/rgois MS.</note> οὗτοι πάντες <del>οἱ</del>
-<note n="2" place="unspecified" anchored="yes">
-<del>oi(</del> Schsartz.</note> στρατιῶται καὶ
-φύλακες βέβαιοι, οὐδεὶς ἀργός, οὐδεὶς ἀχρεῖος. ὁ
-μὲν ἐξαιτήσασθαί σε δύναται παρὰ θεοῦ, ὁ δὲ παραμυθήσασθαι
-κάμνοντα, ὁ δὲ δακρῦσαι καὶ στενάξαι
-συμπαθῶς ὑπὲρ σοῦ πρὸς τὸν κύριον τῶν ὅλων, ὁ
-δὲ διδάξαι τι τῶν πρὸς τὴν σωτηρίαν χρησίμων, ὁ
-δὲ νουθετῆσαι μετὰ παρρησίας, ὁ δὲ συμβουλεῦσαι
-μετ’ εὐνοίας, πάντες δὲ φιλεῖν ἀληθῶς, ἀδόλως,
-ἀφόβως, ἀνυποκρίτως, ἀκολακεύτως, ἀπλάστως. ὦ
-γλυκεῖαι θεραπεῖαι φιλούντων, ὦ μακάριοι διακονίαι
-θαρρούντων, ὦ πίστις εἰλικρινὴς θεὸν μόνον
-δεδιότων, ὦ λόγων ἀλήθεια παρὰ τοῖς ψεύσασθαι
-μὴ δυναμένοις, ὦ κάλλος ἔργων παρὰ τοῖς θεῷ
-<pb id="p.344"/>
-διακονεῖν πεπεισμένοις, πείθειν θεόν, ἀρέσκειν θεῷ·
-οὐ σαρκὸς τῆς σῆς ἅπτεσθαι δοκοῦσιν, ἀλλὰ τῆς
-ἑαυτοῦ ψυχῆς ἕκαστος, οὐκ ἀδελφῷ λαλεῖν, ἀλλὰ
-τῷ βασιλεῖ τῶν αἰώνων ἐν σοὶ κατοικοῦντι.
-</p>
-</div1>
-<div1 type="chapter" n="36">
-<p>Πάντες οὖν οἱ πιστοὶ καλοὶ καὶ θεοπρεπεῖς
-καὶ τῆς προσηγορίας ἄξιοι, ἣν ὥσπερ διάδημα
-περίκεινται. οὐ μὴν ἀλλ’ εἰσὶν ἤδη τινὲς καὶ
-τῶν ἐκλεκτῶν ἐκλεκτότεροι, καὶ τοσούτῳ μᾶλλον
-<add>ᾗ</add>
-<note n="1" place="unspecified" anchored="yes">
-<add>h(=|</add> inserted by Segaar.</note> ἧττον ἐπίσημοι, τρόπον τινὰ ἐκ τοῦ κλύδωνος
-τοῦ κόσμου νεωλκοῦντες ἑαυτοὺς καὶ ἐπανάγοντες
-ἐπ’ ἀσφαλές, οὐ βουλόμενοι δοκεῖν ἅγιοι, κἂν εἴπῃ
-τις, αἰσχυνόμενοι, ἐν βάθει γνώμης ἀποκρύπτοντες
-τὰ ἀνεκλάλητα μυστήρια, καὶ τὴν αὑτῶν εὐγένειαν
-ὑπερηφανοῦντες ἐν κόσμῳ βλέπεσθαι, οὓς ὁ λόγος “φῶς τοῦ κόσμου” καὶ “ἅλας τῆς γῆσ” καλεῖ.
-τοῦτ’ ἔστι τὸ σπέρμα, εἰκὼν καὶ ὁμοίωσις θεοῦ, καὶ
-τέκνον αὐτοῦ γνήσιον καὶ κληρονόμον, ὥσπερ ἐπί
-τινα ξενιτείαν ἐνταῦθα πεμπόμενον ὑπὸ μεγάλης
-οἰκονομίας καὶ ἀναλογίας τοῦ πατρός· δι’ ὃ <note n="2" place="unspecified" anchored="yes">di) d Schsartz. di) ou)= MS.</note> καὶ τὰ
-φανερὰ καὶ τὰ ἀφανῆ τοῦ κόσμου δεδημιούργηται,
-τὰ μὲν εἰς δουλείαν, τὰ δὲ εἰς ἄσκησιν, τὰ δὲ εἰς
-μάθησιν αὐτῷ, καὶ πάντα, μέχρις ἂν ἐνταῦθα τὸ
-σπέρμα μένῃ, συνέχεται, καὶ συναχθέντος αὐτοῦ
- πάντα <note n="3" place="unspecified" anchored="yes">pa/nta Schsartz. tau=ta MS.</note> τάχιστα λυθήσεται.  <pb id="pg.956"/>
-<pb id="p.346"/>
-</p>
-</div1>
-<div1 type="chapter" n="37">
-<p>Τί γὰρ ἔτι δεῖ; θεῶ τὰ τῆς ἀγάπης μυστήρια,
-καὶ τότε ἐποπτεύσεις τὸν κόλπον τοῦ πατρός, ὃν
-ὁ μονογενὴς θεὸς μόνος ἐξηγήσατο. ἔστι δὲ καὶ
-αὐτὸς ὁ θεὸς ἀγάπη καὶ δι’ ἀγάπην ἡμῖν ἐθεάθη. <note n="1" place="unspecified" anchored="yes">e)qea/qh (cp. v. Stromateis 16. 5) Lindner. e)qhra/qh MS.</note>
-καὶ τὸ μὲν ἄρρητον αὐτοῦ πατήρ, τὸ δὲ εἰς ἡμᾶς
-συμπαθὲς γέγονε μήτηρ. ἀγαπήσας ὁ πατὴρ
-ἐθηλύνθη, καὶ τούτου μέγα σημεῖον ὃν αὐτὸς
-ἐγέννησεν ἐξ αὑτοῦ· καὶ ὁ τεχθεὶς ἐξ ἀγάπης
-καρπὸς ἀγάπη. διὰ τοῦτο καὶ αὐτὸς κατῆλθε, διὰ
-τοῦτο ἄνθρωπον ἐνέδυ, διὰ τοῦτο τὰ ἀνθρώπων
-ἑκὼν ἔπαθεν, ἵνα πρὸς τὴν ἡμετέραν ἀσθένειαν οὓς
-ἠγάπησε μετρηθεὶς ἡμᾶς πρὸς τὴν ἑαυτοῦ δύναμιν
-ἀντιμετρήσῃ. καὶ μέλλων σπένδεσθαι καὶ λύτρον
-ἑαυτὸν ἐπιδιδοὺς καινὴν ἡμῖν διαθήκην καταλιμπάνει· “ἀγάπην ὑμῖν δίδωμι τὴν ἐμήν.” τίς δέ
-ἐστιν αὕτη καὶ πόση; ὑπὲρ ἡμῶν ἑκάστου κατέθηκε <note n="2" place="unspecified" anchored="yes">kate/qhke Segaar. kaqh=ke MS.</note>
-τὴν ψυχὴν τὴν ἀνταξίαν τῶν ὅλων· ταύτην
-ἡμᾶς ὑπὲρ ἀλλήλων ἀνταπαιτεῖ. εἰ δὲ τὰς ψυχὰς
-ὀφείλομεν τοῖς ἀδελφοῖς, καὶ τοιαύτην τὴν συνθήκην
-πρὸς τὸν σωτῆρα ἀνθωμολογήμεθα, ἔτι τὰ τοῦ
-κόσμου, τὰ πτωχὰ καὶ ἀλλότρια καὶ παραρρέοντα,
-καθείρξομεν ταμιευόμενοι; ἀλλήλων ἀποκλείσομεν,
-ἃ μετὰ μικρὸν ἕξει τὸ πῦρ; θείως γε καὶ ἐπιπνόως <note n="3" place="unspecified" anchored="yes">e)pipno/ws Lindner. e)pipo/nws MS.</note>
-<pb id="p.348"/>
-ὁ Ἰωάννης “ὁ μὴ φιλῶν” φησὶ “τὸν ἀδελφὸν
-ἀνθρωποκτόνος ἐστί,” σπέρμα τοῦ Κάιν, θρέμμα
-τοῦ διαβόλου· θεοῦ σπλάγχνον οὐκ ἔχει, ἐλπίδα
-κρειττόνων οὐκ ἔχει, ἄσπορός ἐστιν, ἄγονός ἐστιν,
-οὐκ ἔστι κλῆμα τῆς ἀεὶ ζώσης ὑπερουρανίας ἀμπέλου,
-ἐκκόπτεται, τὸ πῦρ ἄθρουν ἀναμένει.
-</p>
-</div1>
-<div1 type="chapter" n="38">
-<p>Σὺ δὲ μάθε τὴν “<add>καθ̓</add>
-<note n="1" place="unspecified" anchored="yes">
-<add>kaq)</add>inserted by Combefis from 1 Corinthians xii. 31.</note> ὑπερβολὴν ὁδόν,” ἣν δείκνυσι Παῦλος, ἐπὶ σωτηρίαν· “ἡ ἀγάπη τὰ
-ἑαυτῆς οὐ ζητεῖ,” ἀλλ’ ἐπὶ τὸν ἀδελφὸν ἐκκέχυται·
-περὶ τοῦτον ἐπτόηται, περὶ τοῦτον σωφρόνως
-μαίνεται. “ἀγάπη καλύπτει πλῆθος ἁμαρτιῶν· ἡ
-τελεία ἀγάπη ἐκβάλλει τὸν φόβον· οὐ περπερεύεται,
-οὐ φυσιοῦται, οὐκ ἐπιχαίρει τῇ ἀδικίᾳ, συγχαίρει
-δὲ τῇ ἀληθείᾳ· πάντα στέγει, πάντα πιστεύει,
-πάντα ἐλπίζει, πάντα ὑπομένει. ἡ ἀγάπη οὐδέποτε
-ἐκπίπτει. προφητεῖαι καταργοῦνται, γλῶσσαι
-παύονται, ἰάσεις ἐπὶ γῆς καταλείπονται. μένει δὲ
-τὰ τρία ταῦτα, πίστις, ἐλπίς, ἀγάπη· μείζων δὲ ἐν
-τούτοις ἡ ἀγάπη.” καὶ δικαίως. πίστις μὲν γὰρ
-ἀπέρχεται, ὅταν αὐτοψίᾳ πεισθῶμεν ἰδόντες θεόν,
-καὶ ἐλπὶς ἀφανίζεται τῶν ἐλπισθέντων ἀποδοθέντων,
-ἀγάπη δὲ εἰς πλήρωμα συνέρχεται καὶ μᾶλλον
-αὔξεται τῶν τελείων παραδοθέντων. ἐὰν ταύτην
-ἐμβάληταί τις τῇ ψυχῇ, δύναται, κἂν ἐν ἁμαρτήμασιν
-ᾖ γεγεννημένος, κἂν πολλὰ τῶν κεκωλυμένων
-εἰργασμένος, αὐξήσας τὴν ἀγάπην καὶ μετάνοιαν
-καθαρὰν λαβὼν ἀναμαχέσασθαι τὰ ἐπταισμένα.
-<pb id="p.350"/>
-<pb id="pg.957"/> μηδὲ <note n="1" place="unspecified" anchored="yes">mhde\ Dindorf. mh/te MS.</note> γὰρ τοῦτο εἰς ἀπόγνωσίν σοι καὶ ἀπόνοιαν
-καταλελείφθω, 
-</p>
-</div1>
-<div1 type="chapter" n="39">
-<p>εἰ καὶ τὸν πλούσιον μάθοις ὅστις
-ἐστὶν ὁ χώραν ἐν οὐρανοῖς οὐκ ἔχων καὶ τίνα τρόπον
-τοῖς οὖσι χρώμενος ἄν τις τό τε ἐπίρρητον <note n="2" place="unspecified" anchored="yes">e)pi/rrhton Segaar. e)pirrei= to\n MS.</note> τοῦ
-πλούτου καὶ χαλεπὸν εἰς ζωὴν διαφύγοι καὶ δύναιτο
-τῶν αἰωνίων <del>τῶν</del>
-<note n="3" place="unspecified" anchored="yes">ai)wni/wn <del>tw=n</del> Ghisler. ai)w/nwn tw=n MS.</note> ἀγαθῶν ἐπαύρασθαι, εἴη δὲ
-τετυχηκὼς ἢ δι’ ἄγνοιαν ἢ δι’ ἀσθένειαν ἢ περίστασιν
-ἀκούσιον μετὰ τὴν σφραγῖδα καὶ τὴν λύτρωσιν
-περιπετής τισιν ἁμαρτήμασιν ἢ παραπτώμασιν, ὡς
-ὑπενηνέχθαι τέλεον, <add>ὅτι</add>
-<note n="4" place="unspecified" anchored="yes">
-<add>o(/ti</add> inserted by Stählin.</note> οὗτος κατεψήφισται παντάπασιν
-ὑπὸ τοῦ θεοῦ. παντὶ γὰρ τῷ μετ’ ἀληθείας
-ἐξ ὅλης τῆς καρδίας ἐπιστρέψαντι πρὸς τὸν θεὸν
-ἀνεῴγασιν αἱ θύραι καὶ δέχεται τρισάσμενος πατὴρ
-υἱὸν ἀληθῶς μετανοοῦντα· ἡ δ’ ἀληθινὴ μετάνοια
-τὸ μηκέτι τοῖς αὐτοῖς ἔνοχον εἶναι, ἀλλὰ ἄρδην
-ἐκριζῶσαι τῆς ψυχῆς ἐφ’ οἷς ἑαυτοῦ κατέγνω
-θάνατον ἁμαρτήμασιν· τούτων γὰρ ἀναιρεθέντων
-αὖθις εἰς σὲ θεὸς εἰσοικισθήσεται. μεγάλην γάρ
-φησι καὶ ἀνυπέρβλητον εἶναι χαρὰν καὶ ἑορτὴν ἐν
-οὐρανοῖς τῷ πατρὶ καὶ τοῖς ἀγγέλοις ἑνὸς ἁμαρτωλοῦ
-ἐπιστρέψαντος καὶ μετανοήσαντος. διὸ καὶ κέκραγεν· “ἔλεον θέλω καὶ οὐ θυσίαν· οὐ βούλομαι τὸν
-θάνατον τοῦ ἁμαρτωλοῦ, ἀλλὰ τὴν μετάνοιαν· κἂν
-ὦσιν αἱ ἁμαρτίαι ὑμῶν ὡς φοινικοῦν ἔριον, ὡς
-χιόνα λευκανῶ, κἂν μελάντερον τοῦ σκότους, ὡς
-ἔριον λευκὸν ἐκνίψας ποιήσω.” θεῷ γὰρ μόνῳ
-δυνατὸν ἄφεσιν ἁμαρτιῶν παρασχέσθαι καὶ μὴ
-λογίσασθαι παραπτώματα, ὅπου γε καὶ ἡμῖν παρακελεύεται
-<pb id="p.352"/>
-τῆς ἡμέρας ἑκάστης ὁ κύριος ἀφιένα
-τοῖς ἀδελφοῖς μετανοοῦσιν. εἰ δὲ ἡμεῖς πονηρο
-ὄντες ἴσμεν ἀγαθὰ δόματα διδόναι, πόσῳ μᾶλλον “ὁ πατὴρ τῶν οἰκτιρμῶν.” ὁ ἀγαθὸς πατὴρ “πάσἡ??ʼ
-παρακλήσεως,” ὁ πολύσπλαγχνος καὶ πολυέλεὁ??ʼ
-πέφυκε μακροθυμεῖν· τοὺς ἐπιστρέψαντας περιμένει.
-ἐπιστρέψαι δέ ἐστιν ὄντως ἀπὸ τῶν ἁμαρτημάτων
-τὸ παύσασθαι καὶ μηκέτι βλέπειν εἰς τὰ ὀπίσω.
-</p>
-</div1>
-<div1 type="chapter" n="40">
-<p>Τῶν μὲν οὖν προγεγενημένων θεὸς δίδωσιν
-ἄφεσιν, τῶν δὲ ἐπιόντων αὐτὸς ἕκαστος ἑαυτῷ
-καὶ τοῦτ’ ἔστι μεταγνῶναι, τὸ καταγνῶναι τῶν
-παρῳχημένων καὶ αἰτήσασθαι τούτων ἀμνηστίαν
-παρὰ πατρός, ὃς μόνος τῶν ἁπάντων οἷός τέ ἐστιν
-ἄπρακτα ποιῆσαι τὰ πεπραγμένα ἐλέῳ τῷ παρ’ αὑτοῦ
-καὶ δρόσῳ πνεύματος ἀπαλείψας τὰ προημαρτημένα “ἐφ’ οἷς γὰρ ἂν εὕρω ὑμᾶς,” φησίν, “ἐπὶ τούτοις
-καὶ κρινῶ·” καὶ παρ’ ἕκαστα βοᾷ τὸ τέλος πάντων
-ὥστε καὶ τῷ τὰ μέγιστα εὖ πεποιηκότι <add>κατὰ</add>
-<note n="1" place="unspecified" anchored="yes">
-<add>kata\</add>inserted by Segaar(from Sae. Par.).</note> τὸν
-βίον, ἐπὶ δὲ τοῦ τέλους ἐξοκείλαντι πρὸς κακίαν
-ἀνόνητοι <note n="2" place="unspecified" anchored="yes">a)no/nhtoi Ghisler (from Sac. Par.). a)no/htoi MS.</note> πάντες οἱ πρόσθεν πόνοι, ἐπὶ τῆς καταστροφῆς
-τοῦ δράματος ἐξάθλῳ γενομένῳ, τῷ τε
-<pb id="pg.958"/> χεῖρον καὶ ἐπισεσυρμένως βιώσαντι πρότερον ἔστιν
-ὕστερον μετανοήσαντι πολλοῦ χρόνου πολιτείαν
-<pb id="p.354"/>
-πονηρὰν ἐκνικῆσαι τῷ μετὰ τὴν μετάνοιαν χρόνῳ·
-ἀκριβείας δὲ δεῖ πολλῆς, ὥσπερ τοῖς μακρᾷ νόσῳ
-πεπονηκόσι σώμασι διαίτης χρεία καὶ προσοχῆς
-πλείονος. ὁ κλέπτης, ἄφεσιν βούλει λαβεῖν; μηκέτι
-κλέπτε· ὁ μοιχεύσας, μηκέτι πυρούσθω· ὁ πορνεύσας,
-λοιπὸν ἁγνευέτω· ὁ ἁρπάσας, ἀποδίδου καὶ
-προσαποδίδου· ὁ ψευδομάρτυς, ἀλήθειαν ἄσκησον·
-ὁ ἐπίορκος, μηκέτι ὄμνυε· καὶ τὰ ἄλλα πάθη σύντεμε,
-ὀργήν, ἐπιθυμίαν, λύπη, φόβον, ἵνα εὑρεθῇς
-ἐπὶ τῆς ἐξόδου πρὸς τὸν ἀντίδικον ἐνταῦθα
-διαλελύσθαι φθάνων. ἔστιν μὲν οὗν ἀδύνατον ἴσως
-ἀθρόως ἀποκόψαι πάθη σύντροφα, ἀλλὰ μετὰ θεοῦ
-δυνάμεως καὶ ἀνθρωπείας ἱκεσίας καὶ ἀδελφῶν
-βοηθείας καὶ εἰλικρινοῦς μετανοίας καὶ συνεχοῦς μελέτης κατορθοῦται.
-</p>
-</div1>
-<div1 type="chapter" n="41">
-<p>Διὸ δεῖ πάντως σε τὸν σοβαρὸν καὶ δυνατὸν
-καὶ πλούσιον ἐπιστήσασθαι ἑαυτῷ τινὰ ἄνθρωπον
-θεοῦ καθάπερ ἀλείπτην καὶ κυβερνήτην. αἰδοῦ κἂν
-ἕνα, φοβοῦ κἂν ἕνα, μελέτησον ἀκούειν κἂν ἑνὸς παρρησιαζομένου
-καὶ στύφοντος ἅμα καὶ θεραπεύοντος.
-οὐδὲ γὰρ τοῖς ὀφθαλμοῖς συμφέρει τὸν ἀεὶ χρόνον
-ἀκολάστοις μένειν, ἀλλὰ καὶ δακρῦσαι καὶ δηχθῆναί
-ποτε ὑπὲρ τῆς ὑγείας τῆς πλείονος. οὕτω καὶ ψυχῇ
-διηνεκοῦς ἡδονῆς οὐδὲν ὀλεθριώτερον· ἀποτυφλοῦται
-γὰρ ἀπὸ τῆς τήξεως, ἐὰν ἀκίνητος τῷ παρρησιαζομένῳ
-διαμείνῃ λόγῳ. τοῦτον καὶ ὀργισθέντα
-φοβήθητι, καὶ στενάξαντα λυπήθητι, <note n="1" place="unspecified" anchored="yes">stena/cantos luph/qhti Mayor. stena/canta eu)labh/qhti Segaar. duswph/qhti Schsartz. Stählin and Barnard mark the passage as corropt.</note> καὶ ὀργὴν
-παύοντα αἰδέσθητι, καὶ κόλασιν παραιτούμενον <note n="2" place="unspecified" anchored="yes">paraitou/menon Segaar. paraitoume/nw MS.</note>
-<pb id="p.356"/>
-φθάσον. οὗτος ὑπὲρ σοῦ πολλὰς νύκτας ἀγρυπνησάτω,
-πρεσβεύων ὑπὲρ σοῦ πρὸς θεὸν καὶ λιτανείαις
-συνήθεσι μαγεύων τὸν πατέρα· οὐ γὰρ ἀντέχει
-τοῖς τέκνοις αὐτοῦ τὰ σπλάγχνα δεομένοις. δεήσεται
-δὲ καθαρῶς ὑπὸ σοῦ προτιμώμενος ὡς ἄγγελος τοῦ
-θεοῦ καὶ μηδὲν ὑπὸ σοῦ λυπούμενος, ἀλλ’ ὑπὲρ σοῦ·
-τοῦτό ἐστι μετάνοια ἀνυπόκριτος. “θεὸς οὐ μυκτηρίζεται” οὐδὲ προσέχει κενοῖς ῥήμασι· μόνος γὰρ
-ἀνακρίνει μυελοὺς καὶ νεφροὺς καρδίας καὶ τῶν ἐν
-πυρὶ κατακούει καὶ τῶν ἐν κοιλίᾳ κήτους ἱκετευόντων
-ἐξακούει καὶ πᾶσιν ἐγγύς ἐστι τοῖς πιστεύουσι
-καὶ πόρρω τοῖς ἀθέοις, ἄν μὴ μετανοήσωσιν.
-</p>
-</div1>
-<div1 type="chapter" n="42">
-<p>Ἵνα δὲ ἐπιθαρρήσῃς, <note n="1" place="unspecified" anchored="yes">e)piqarrh/sh|s Barnard and Stählin (from Maximus Confessor). e)/ti qarrh=s MS.</note> οὕτω μετανοήσας
-ἀληθῶς, ὅτι σοὶ μένει σωτηρίας ἐλπὶς ἀξιόχρεως,
-ἄκουσον μῦθον οὐ μῦθον, ἀλλὰ ὄντα λόγον περὶ
-<pb id="pg.959"/> Ἰωάννου τοῦ ἀποστόλου παραδεδομένον καὶ μνήμῃ
-πεφυλαγμένον. ἐπειδὴ γὰρ τοῦ τυράννου τελευτήσαντος
-ἀπὸ τῆς Πάτμου τῆς νήσου μετῆλθεν ἐπὶ
-τὴν Ἔφεσον, ἀπῄει παρακαλούμενος καὶ ἐπὶ τὰ
-πλησιόχωρα τῶν ἐθνῶν, ὅπου μὲν ἐπισκόπους καταστήσων,
-ὅπου δὲ ὅλας ἐκκλησίας ἁρμόσων, ὅπου
-δὲ κλῆρον ἕνα γέ <note n="2" place="unspecified" anchored="yes">ge/ Stählin (from Eusebius and Maximus Confessor).te MS.</note> τινα κληρώσων τῶν ὑπὸ τοῦ
-πνεύματος σημαινομένων. ἐλθὼν οὖν καὶ ἐπί τινα
-<pb id="p.358"/>
-τῶν οὐ μακρὰν πόλεων, ἧς καὶ τοὔνομα λέγουσιν
-ἔνιοι, καὶ τὰ ἄλλα ἀναπαύσας τοὺς ἀδελφούς, ἐπὶ
-πᾶσι τῷ καθεστῶτι προσβλέψας ἐπισκόπῳ, νεανίσκον
-ἱκανὸν τῷ σώματι καὶ τὴν ὄψιν ἀστεῖον καὶ
-θερμὸν τὴν ψυχὴν ἰδών, “τοῦτον” ἔφη “σοὶ
-παρακατατίθεμαι <note n="1" place="unspecified" anchored="yes">parakatati/qemai Stählin (from Eus. and Max. Conf.). parati/qemai MS.</note> μετὰ πάσης σπουδῆς ἐπὶ τῆς
-ἐκκλησίας καὶ τοῦ Χριστοῦ μάρτυρος.” τοῦ δὲ
-δεχομένου καὶ πάνθ’ ὑπισχνουμένου καὶ πάλιν τὰ
-αὐτὰ διετείνατο καὶ διεμαρτύρατο. εἶτα ὁ μὲν
-ἀπῆρεν ἐπὶ τὴν Ἔφεσον, ὁ δὲ πρεσβύτερος ἀναλαβὼν
-οἴκαδε τὸν παραδοθέντα νεανίσκον ἔτρεφε,
-συνεῖχεν, ἔθαλπε, τὸ τελευταῖον ἐφώτισε· καὶ μετὰ
-τοῦτο ὑφῆκε τῆς πλείονος ἐπιμελείας καὶ παραφυλακῆς,
-ὡς τὸ τέλειον αὐτῷ φυλακτήριον ἐπιστήσας
-τὴν σφραγῖδα τοῦ κυρίου. τῷ δὲ ἀνέσεως
-πρὸ ὥρας λαβομένῳ προσφθείρονταί τινες ἥλικες
-ἀργοὶ καὶ ἀπερρωγότες, ἐθάδες κακῶν· καὶ πρῶτον
-μὲν δι’ ἑστιάσεων πολυτελῶν αὐτὸν ὑπάγονται, εἶτά
-που καὶ νύκτωρ ἐπὶ λωποδυσίαν ἐξιόντες συνεπάγονται,
-εἶτά τι καὶ μεῖζον συμπράττειν ἠξίουν. ὁ δὲ
-κατ’ ὀλίγον προσειθίζετο καὶ διὰ μέγεθος φύσεως
-ἐκστὰς ὥσπερ ἄστομος καὶ εὔρωστος ἵππος ὀρθῆς
-<pb id="p.360"/>
-ὁδοῦ καὶ τὸν χαλινὸν ἐνδακὼν μειζόνως κατὰ τῶν
-βαράθρων ἐφέρετο. ἀπογνοὺς δὲ τελέως τὴν ἐν θεῷ
-σωτηρίαν οὐδὲν ἔτι μικρὸν διενοεῖτο, ἀλλὰ μέγα τι
-πράξας, ἐπειδήπερ ἅπαξ ἀπολώλει, ἵσα τοῖς ἄλλοις
-παθεῖν ἠξίου. αὐτοὺς δὴ τούτους ἀναλαβὼν καὶ
-λῃστήριον συγκροτήσας, ἕτοιμος λῄσταρχος ἦν,
-βιαιότατος, μιαιφονώτατος, χαλεπώτατος. χρόνος
-ἐν μέσῳ, καί τινος ἐπιπεσούσης χρείας ἀνακαλοῦσι
-τὸν Ἰωάννην. ὁ δέ, ἐπεὶ τὰ ἄλλα ὧν χάριν ἧκεν
-κατεστήσατο, “ἄγε δή,” ἔφη, “ὦ ἐπίσκοπε, τὴν
-παραθήκην ἀπόδος ἡμῖν, ἣν ἐγώ τε καὶ ὁ
-Χριστός <note n="1" place="unspecified" anchored="yes">*xristo/s Eusebius. swth/r MS.</note> σοι παρακατεθέμεθα ἐπὶ τῆς ἐκκλησίας,
-ἧς προκαθέζῃ, μάρτυρος.” ὁ δὲ τὸ μὲν πρῶτον
-ἐξεπλάγη, χρήματα οἰόμενος, ἅπερ οὐκ ἔλαβε,
-συκοφαντεῖσθαι, καὶ οὔτε πιστεύειν εἶχεν ὑπὲρ ὧν
-<pb id="pg.960"/> οὐκ εἶχεν οὔτε ἀπιστεῖν Ἰωάννῃ· ὡς δὲ “τὸν
-νεανίσκον” εἶπεν “ἀπαιτῶ καὶ τὴν ψυχὴν τοῦ
-ἀδελφοῦ,” στενάξας κάτωθεν ὁ πρεσβύτης καί τι
-καὶ ἐπιδακρύσας, “ἐκεῖνοσ” ἔφη “τέθνηκε.” “πῶς καὶ τίνα θάνατον;” “θεῷ τέθνηκεν” εἶπεν· “ἀπέβη γὰρ πονηρὸς καὶ ἐξώλης καὶ τὸ κεφάλαιον
-λῃστής, καὶ νῦν ἀντὶ τῆς ἐκκλησίας τὸ ὄρος κατείληφε
-μεθ’ ὁμοίου στρατιωτικοῦ.” καταρρηξάμενος
-τὴν ἐσθῆτα ὁ ἀπόστολος καὶ μετὰ μεγάλης οἰμωγῆς
-πληξάμενος τὴν κεφαλήν, “καλόν γε” ἔφη “φύλακα τῆς τἀδελφοῦ ψυχῆς κατέλιπον· ἀλλ’ ἵππος
-ἤδη μοι παρέστω καὶ ἡγεμὼν γενέσθω μοί τις
-τῆς ὁδοῦ.” ἤλαυνεν, ὥσπερ εἶχεν, αὐτόθεν ἀπὸ
-τῆς ἐκκλησίας. ἐλθὼν δὲ εἰς τὸ χωρίον ὑπὸ τῆς
-<pb id="p.362"/>
-προφυλακῆς τῶν λῃστῶν ἁλίσκεται, μήτε φεύγων
-μήτε παραιτούμενος, ἀλλὰ βοῶν· “ἐπὶ τοῦτ’ ἐλήλυθα,
-ἐπὶ τὸν ἄρχοντα ὑμῶν ἀγάγετέ με.” ὃς
-τέως, ὥσπερ ὥπλιστο, ἀνέμενεν· ὡς δὲ προσιόντα
-ἐγνώρισε τὸν Ἰωάννην, εἰς φυγὴν αἰδεσθεὶς ἐτράπετο.
-ὁ δὲ ἐδίωκεν ἀνὰ κράτος, ἐπιλαθόμενος τῆς
-ἡλικίας τῆς ἑαυτοῦ, κεκραγώς· “τί με φεύγεις,
-τέκνον, τὸν σαυτοῦ πατέρα, τὸν γυμνόν, τὸν
-γέροντα; ἐλέησόν με, τέκνον, μὴ φοβοῦ· ἔχεις ἔτι
-ζωῆς ἐλπίδας· ἐγὼ Χριστῷ λόγον δώσω ὑπὲρ σοῦ·
-ἂν δέῃ, τὸν σὸν θάνατον ἑκὼν ὑπομενῶ, ὡς ὁ κύριος
-τὸν ὑπὲρ ἡμῶν· ὑπὲρ σοῦ τὴν ψυχὴν ἀντιδώσω τὴν
-ἐμήν. στῆθι, πίστευσον, Χριστός με ἀπέστειλεν.” ὁ δὲ ἀκούσας πρῶτον ἔστη μὲν κάτω βλέπων, εἶτα
-ἔρριψε τὰ ὅπλα, εἶτα τρέμων ἔκλαιε πικρῶς. προσελθόντα
-δὲ τὸν γέροντα περιέλαβεν, ἀπολογούμενος
-ταῖς οἰμωγαῖς ὡς ἐδύνατο καὶ τοῖς δάκρυσι
-βαπτιζόμενος ἐκ δευτέρου, μόνην ἀποκρύπτων
-τὴν δεξιάν. ὁ δὲ ἐγγυώμενος, ἐπομνύμενος ὡς
-ἄφεσιν αὐτῷ παρὰ τοῦ σωτῆρος εὕρηται, δεόμενος,
-γονυπετῶν, αὐτὴν τὴν δεξιὰν ὡς ὑπὸ τῆς μετανοίας
-κεκαθαρμένην καταφιλῶν, ἐπὶ τὴν ἐκκλησίαν
-ἐπανήγαγε, καὶ δαψιλέσι μὲν εὐχαῖς ἐξαιτούμενος,
-συνεχέσι δὲ νηστείαις συναγωνιζόμενος, ποικίλαις
-δὲ σειρῆσι λόγων κατεπᾴδων αὐτοῦ τὴν
-γνώμην, οὐ πρότερον ἀπῆλθεν, ὥς φασι, πρὶν αὐτὸν
-<pb id="p.364"/>
-ἐπιστῆσαι <note n="1" place="unspecified" anchored="yes">e)pisth=sai Stählin, from some MSS. of Eusebius. Other MSS. give a)pesth/ricen, kate/sthse, a)pokate/sthsen, etc. Rufinus translates: "Nec prius abstitit, #3uam cum in omnibus emendatum etiam ecclesiae praeficeret."</note> τῇ ἐκκλησίᾳ, διδοὺς μέγα παράδειγμα
-μετανοίας ἀληθινῆς καὶ μέγα γνώρισμα παλιγγενεσίας,
-τρόπαιον ἀναστάσεως βλεπομένης.
-...
-... φαιδροῖς γεγηθότες, ὑμνοῦντες, ἀνοιγνύντες
-τοὺς οὐρανούς. πρὸ δὲ πάντων αὐτὸς ὁ σωτὴρ
- προαπαντᾷ δεξιούμενος, φῶς  <pb id="pg.961"/> ὀρέγων ἄσκιον, ἄπαυστον,
-ὁδηγῶν εἰς τοὺς κόλπους τοῦ πατρός, εἰς τὴν
-αἰώνιον ζωήν, εἰς τὴν βασιλείαν τῶν οὐρανῶν.
-πιστευέτω ταῦτά τις καὶ θεοῦ μαθηταῖς καὶ ἐγγυητῇ
-θεῷ, προφητείαις, εὐαγγελίοις, λόγοις ἀποστολικοῖς·
-τούτοις συζῶν καὶ τὰ ὦτα ὑπέχων καὶ
-τὰ ἔργα ἀσκῶν ἐπ’ αὐτῆς τῆς ἐξόδου τὸ τέλος καὶ
-τὴν ἐπίδειξιν τῶν δογμάτων ὄψεται. ὁ γὰρ ἐνταῦθα
-τὸν ἄγγελον τῆς μετανοίας προσιέμενος οὐ μετανοήσει
-τότε, ἡνίκα ἂν καταλίπῃ τὸ σῶμα, οὐδὲ
-καταισχυνθήσεται, τὸν σωτῆρα προσιόντα μετὰ τῆς
-αὐτοῦ δόξης καὶ στρατιᾶς ἰδών· οὐ δέδιε τὸ πῦρ·
-εἰ δέ τις αἱρεῖται μένειν ἐπεξαμαρτάνων ἑκάστοτε
-ἐπὶ ταῖς ἡδοναῖς καὶ τὴν ἐνταῦθα τρυφὴν τῆς
-αἰωνίου ζωῆς προτιμᾷ καὶ διδόντος τοῦ σωτῆρος
-ἄφεσιν ἀποστρέφεται, μήτε τὸν θεὸν ἔτι μήτε τὸν
-πλοῦτον μήτε τὸ προπεσεῖν αἰτιάσθω, τὴν δὲ
-ἑαυτοῦ ψυχὴν ἑκουσίως ἀπολουμένην. τῷ δὲ ἐπιβλέποντι
-τὴν σωτηρίαν καὶ ποθοῦντι καὶ μετὰ
-ἀναιδείας καὶ βίας αἰτοῦντι παρέξει τὴν ἀληθινὴν
-κάθαρσιν καὶ τὴν ἄτρεπτον ζωὴν ὁ πατὴρ ὁ ἀγαθὸς
-ὁ ἐν τοῖς οὐρανοῖς. ᾧ διὰ τοῦ παιδὸς Ἰησοῦ
-<pb id="p.366"/>
-Χριστοῦ, τοῦ κυρίου ζώντων καὶ νεκρῶν, καὶ διὰ
-τοῦ ἁγίου πνεύματος εἴη δόξα, τιμή, κράτος,
-αἰώνιος μεγαλειότης καὶ νῦν καὶ εἰς γενεὰς γενεῶν
-καὶ εἰς τοὺς αἰῶνας τῶν αἰώνων. Ἀμήν.
-</p>
-</div1>
-</body>
-</text>
-</TEI.2>
diff --git a/data/tlg0555/tlg006/tlg0555.tlg006.perseus-grc2.xml b/data/tlg0555/tlg006/tlg0555.tlg006.perseus-grc2.xml
new file mode 100644
index 000000000..7accd6144
--- /dev/null
+++ b/data/tlg0555/tlg006/tlg0555.tlg006.perseus-grc2.xml
@@ -0,0 +1,220 @@
+<?xml version="1.0" encoding="UTF-8"?>
+<?xml-model href="http://www.stoa.org/epidoc/schema/latest/tei-epidoc.rng" type="application/xml" schematypens="http://relaxng.org/ns/structure/1.0"?>
+<TEI xmlns="http://www.tei-c.org/ns/1.0">
+ <teiHeader xml:lang="eng">
+<fileDesc>
+<titleStmt>
+ <title xml:lang="grc">τίς ὁ σωζόμενος πλούσιος</title>
+<author>Clement of Alexandria</author>
+<editor>G.W. Butterworth</editor>
+ <sponsor>Perseus Project, Tufts University</sponsor>
+ <principal>Gregory Crane</principal>
+ <respStmt>
+  <resp>Prepared under the supervision of</resp>
+  <name>Lisa Cerrato</name>
+  <name>Rashmi Singhal</name> 
+  <name>Bridget Almas</name>
+ </respStmt>   
+<funder n="org:Google">Google Digital Humanities Awards Program</funder>
+</titleStmt>
+ 
+<publicationStmt>
+<publisher>Trustees of Tufts University</publisher>
+<pubPlace>Medford, MA</pubPlace>
+ <date type="release" when="2011-09-12">Perseus 4.0</date>
+ <idno type="filename">tlg0555.tlg006.perseus-grc2.xml</idno>
+ <availability>
+  <licence target="https://creativecommons.org/licenses/by-sa/4.0/">Available under a Creative Commons Attribution-ShareAlike 4.0 International License</licence>
+ </availability>
+</publicationStmt>
+ 
+ <sourceDesc>
+  <biblStruct>
+   <monogr>
+    <author>Clement of Alexandria</author>
+    <editor>G.W. Butterworth</editor>
+    <title>Clement of Alexandria</title>
+    <imprint>
+     <publisher>Harvard University Press</publisher>
+     <pubPlace>Cambridge, MA</pubPlace>
+     <publisher>William Heinemann</publisher>
+     <pubPlace>London</pubPlace>
+     <date>1919</date>
+    </imprint>
+   </monogr>
+   <series>
+    <title>Loeb Classical Library</title>
+   </series>
+   <ref target="https://archive.org/details/theexhortationto00clemuoft/page/270/mode/2up">Internet Archive</ref>
+   <ref target="https://babel.hathitrust.org/cgi/pt?id=mdp.39015048954484&amp;seq=296">HathiTrust</ref>
+  </biblStruct>
+ </sourceDesc>
+</fileDesc>
+  
+  <encodingDesc>
+   <editorialDecl><p>Keyboarding</p></editorialDecl>
+   
+   <!-- <refsDecl doctype="TEI.2">
+<state unit="chapter" n="chunk" delim="."/>
+</refsDecl>-->
+   <refsDecl n="CTS">
+    <cRefPattern n="chapter" matchPattern="(\w+)" replacementPattern="#xpath(/tei:TEI/tei:text/tei:body/tei:div/tei:div[@n='$1'])">
+     <p>This pointer pattern extracts chapter.</p>
+    </cRefPattern>   </refsDecl>
+  </encodingDesc>
+  
+  <profileDesc>
+   <langUsage>
+    <language ident="grc">Greek</language>
+    <language ident="eng">English</language>
+    <language ident="lat">Latin</language>
+   </langUsage>
+  </profileDesc>
+  <revisionDesc>
+   <change who="Lisa Cerrato" when="2023-12-01">EpiDoc and CTS conversion</change>
+  </revisionDesc>
+ </teiHeader>
+
+ 
+<text>
+<body>
+ <div type="edition" xml:lang="grc" n="urn:cts:greekLit:tlg0555.tlg006.perseus-grc2">
+<pb xml:id="p.270"/>
+<pb xml:id="pg.935_alt" type="margin"/>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="1">
+ <p rend="align(indent)">Οἱ μὲν τοὺς ἐγκωμιαστικοὺς λόγους τοῖς πλουσίοις δωροφοροῦντες οὐ μόνον κόλακες καὶ ἀνελεύθεροι δικαίως ἂν ἔμοιγε κρίνεσθαι δοκοῖεν, ὡς ἐπὶ πολλῷ προσποιούμενοι χαρίσασθαι τὰ ἀχάριστα, ἀλλὰ καὶ ἀσεβεῖς καὶ ἐπίβουλοι· ἀσεβεῖς μέν, ὅτι παρέντες αἰνεῖν καὶ δοξάζειν τὸν μόνον τέλειον καὶ ἀγαθὸν θεόν, ἐξ οὗ τὰ πάντα καὶ δι’ οὗ τὰ πάντα καὶ εἰς ὃν τὰ πάντα, περιάπτουσι το<add>ύτου</add><note xml:lang="mul">το<add>ύτου</add> Lindner: Stählin. (The bracketed words and letters are to fill blank spaces in the MS.)</note> τὸ γέρας ἀνθρώποις ἐν ἀς<add>ώτῳ καὶ βορβορώδει</add><note xml:lang="mul">ἀσ<add>ώτῳ καὶ βορβορώδει</add> Lindner: Stählin.</note> βίῳ κυλινδουμένοις <add>καὶ</add><note xml:lang="mul"> <add>καὶ</add> Segaar.</note> τὸ κεφάλαιον ὑποκειμένοις<note xml:lang="mul">ὑποκειμένοις Combefis. ὑποκείμενον MS.</note> τῇ κρίσει τοῦ θεοῦ· ἐπίβουλοι δέ, ὅτι καὶ αὐτῆς τῆς περιουσίας καθ’ αὑτὴν ἱκανῆς οὔσης χαυνῶσαι τὰς ψυχὰς τῶν κεκτημένων καὶ διαφθεῖραι καὶ ἀποστῆσαι τῆς ὁδοῦ, δι’ ἧς ἐπιτυχεῖν ἔστι σωτηρίας, οἵδε προσεκπλήσσουσι τὰς γνώμας τῶν πλουσίων ταῖς ἡδοναῖς τῶν ἀμέτρων ἐπαίνων ἐπαίροντες καὶ καθάπαξ τῶν ὅλων πραγμάτων πλὴν τοῦ πλούτου, <pb xml:id="pg.936_alt" type="margin"/> δι’ ὃν θαυμάζονται, παρασκευάζοντες ὑπερφρονεῖν, τὸ δὴ τοῦ λόγου πῦρ ἐπὶ πῦρ μετοχετεύοντες, τύφῳ <pb xml:id="p.272"/> τῦφον ἐπαντλοῦντες καὶ ὄγκον πλούτῳ προσανατιθέντες βαρεῖ φύσει φορτίον βαρύτερον, οὗ μᾶλλον ἐχρῆν ἀφαιρεῖν καὶ περικόπτειν, ὡς σφαλεροῦ νοσήματος καὶ θανατηφόρου· τῷ γὰρ ὑψουμένῳ καὶ μεγαλυνομένῳ παραπέπηγεν<note xml:lang="mul">παραπέπηγεν from Antonii Melissa: missing from MS.</note> ἀντίστροφος ἡ πρὸς τὸ ταπεινὸν μεταβολὴ καὶ πτῶσις, ὡς ὁ θεῖος διδάσκει λόγος. ἐμοὶ δὲ φαίνεται μακρῷ φιλανθρωπότερον εἶναι τοῦ θεραπεύειν <add>ἀνελευθέρως</add><note xml:lang="mul"> <add>ἀνελευθέρως</add> Fell.</note> τοὺς πλουτοῦντας <add>καὶ ἐπαινεῖν</add><note xml:lang="mul"> <add>καὶ ἐπαινεῖν</add> Barnard.</note> ἐπὶ κακῷ τὸ συναίρεσθαι <add>τὴν ζωὴν καὶ</add><note xml:lang="mul"> <add>τὴν ζωὴν καὶ</add> Stählin.</note> τὴν σωτηρίαν αὐτοῖς <add>κατεργάζεσθαι</add><note xml:lang="mul"> <add>κατεργάζεσθαι</add> Fell.</note> ἅπαντα τὸν δυνατὸν τρόπον, τοῦτο μὲν ἐξαιτουμένους παρὰ θεοῦ τοῦ βεβαίως καὶ ἡδέως τοῖς ἑαυτοῦ τέκνοις τὰ τοιαῦτα προϊεμένου, τοῦτο δὲ λόγῳ<note xml:lang="mul">λόγῳ Segaar. λὲγω MS.</note> διὰ τῆς χάριτος τοῦ σωτῆρος ἰωμένους τὰς ψυχὰς αὐτῶν, φωτίζοντας καὶ προσάγοντας ἐπὶ τὴν τῆς ἀληθείας κτῆσιν, ἧς ὁ τυχὼν καὶ ἔργοις ἀγαθοῖς ἐλλαμπρυνόμενος μόνος τὸ<note xml:lang="mul">τὸ Stählin. οὗτος MS.</note> βραβεῖον τῆς αἰωνίου ζωῆς ἀναιρήσεται. δεῖται δὲ καὶ ἡ εὐχὴ ψυχῆς εὐρώστου καὶ λιπαροῦς ἄχρι τῆς ἐσχάτης ἡμέρας τοῦ βίου συμμεμετρημένης καὶ <add>ἡ</add><note xml:lang="mul"> <add>ἡ</add> inserted by Barnard.</note> πολιτεία διαθέσεως χρηστῆς καὶ μονίμου καὶ πάσαις ταῖς ἐντολαῖς τοῦ σωτῆρος ἐπεκτεινομένης. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="2">
+ <p rend="align(indent)">Κινδυνεύει δὲ οὐχ ἁπλοῦν τι εἶναι τὸ αἴτιον τοῦ τὴν σωτηρίαν χαλεπωτέραν τοῖς πλουτοῦσι δοκεῖν ἢ τοῖς ἀχρημάτοις τῶν ἀνθρώπων, ἀλλὰ ποικίλον. οἱ μὲν γὰρ αὐτόθεν καὶ προχείρως ἀκούσαντες τῆς τοῦ κυρίου φωνῆς, ὅτι ῥᾷον κάμηλος διὰ τρήματος ῥαφίδος διεκδύσεται ἢ πλούσιος εἰς τὴν βασιλείαν τῶν οὐρανῶν, ἀπογνόντες ἑαυτοὺς ὡς οὐ βιωσόμενοι, <pb xml:id="p.274"/> τῷ κόσμῳ πάντα χαριζόμενοι καὶ τῆς ἐνταῦθα ζωῆς ὡς μόνης ἑαυτοῖς ὑπολειπομένης ἐκκρεμασθέντες ἀπέστησαν πλέον τῆς ἐκεῖ ὁδοῦ, μηκέτι πολυπραγμονήσαντες μήτε τίνας τοὺς πλουσίους ὁ δεσπότης καὶ διδάσκαλος προσαγορεύει μήτε ὅπως τὸ ἀδύνατον ἐν ἀνθρώποις<note xml:lang="mul">ἀνθρώποις Barnard. ἀνθρώπῳ ἢ MS.</note> δυνατὸν γίνεται. ἄλλοι δὲ τοῦτο μὲν συνῆκαν ὀρθῶς καὶ προσηκόντως, τῶν δὲ ἔργων τῶν εἰς τὴν σωτηρίαν ἀναφερόντων ὀλιγωρήσαντες οὐ παρεσκευάσαντο τὴν δέουσαν παρασκευὴν εἰς τὸ τῶν ἐλπιζομένων τυχεῖν. λέγω<note xml:lang="mul">λέγω Ghisler. λέγων MS.</note> δὲ ταῦτα ἑκάτερα περὶ<note xml:lang="mul">περὶ Barnard. ἅπερ ἐπὶ MS.</note> τῶν πλουσίων τῶν καὶ τῆς δυνάμεως τοῦ σωτῆρος καὶ τῆς ἐπιφανοῦς σωτηρίας ᾐσθημένων, τῶν δὲ ἀμυήτων τῆς ἀληθείας ὀλίγον μοι μέλει. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="3">
+ <p rend="align(indent)">Χρὴ τοίνυν τοὺς φιλαλήθως καὶ φιλαδέλφως <add>διακειμένους</add><note xml:lang="mul"> <add>διακειμένους</add> Fell.</note> καὶ μήτε καταθρασυνομένους αὐθάδως τῶν πλουσίων κλητῶν μήτε αὖ πάλιν ὑποπίπτοντας αὐτοῖς διὰ οἰκείαν φιλοκέρδειαν, πρῶτον μὲν αὐτῶν ἐξαιρεῖν τῷ λόγῳ τὴν κενὴν<note xml:lang="mul">κενὴν Combefis. καινὴν MS.</note> ἀπόγνωσιν καὶ δηλοῦν μετὰ τῆς δεούσης ἐξηγήσεως τῶν λογίων τοῦ κυρίου <pb xml:id="pg.937_alt" type="margin"/> διότι οὐκ ἀποκέκοπται τέλεον αὐτοῖς ἡ κληρονομία τῆς βασιλείας τῶν οὐρανῶν ἐὰν ὑπακούσωσι ταῖς ἐντολαῖς· εἶθ’ ὁπόταν μάθωσιν ὡς ἀδεὲς δεδίασι δέος καὶ ὅτι βουλομένους αὐτοὺς ὁ σωτὴρ ἀσμένως δέχεται, τότε καὶ προδεικνύναι καὶ μυσταγωγεῖν ὅπως ἂν καὶ δι’ οἵων ἔργων τε καὶ διαθέσεων ἐπαύραιντο τῆς ἐλπίδος, ὡς οὔτ’ ἀμηχάνου καθεστώσης αὐτοῖς οὔτε τοὐναντίον εἰκῇ <pb xml:id="p.276"/> περιγινομένης. ἀλλ’ ὅνπερ τρόπον ἔχει τὸ τῶν ἀθλητῶν, ἵνα μικρὰ καὶ ἐπίκηρα μεγάλοις καὶ ἀφθάρτοις παραβάλωμεν, τουτὶ καὶ ἐφ’ ἑαυτοῦ<note xml:lang="mul">ἑαυτοῦ Mayor. ἑαυτῷ MS.</note> ὁ κατὰ κόσμον πλουτῶν λογιζέσθω. καὶ γὰρ ἐκείνων ὁ μὲν ὅτι δυνήσεται νικᾶν καὶ στεφάνων τυγχάνειν ἀπελπίσας οὐδ’ ὅλως ἐπὶ τὴν ἄθλησιν ἀπεγράψατο, ὁ δὲ ταύτην μὲν ἐμβαλόμενος τῇ γνώμῃ τὴν ἐλπίδα, πόνους δὲ καὶ γυμνάσια καὶ τροφὰς μὴ προσιέμενος προσφόρους, ἀστεφάνωτος διεγένετο καὶ διήμαρτε τῶν ἐλπίδων. οὕτως τις καὶ τὴν ἐπίγειον ταύτην περιβεβλημένος περιβολὴν μήτε τὴν ἀρχὴν ἑαυτὸν τῶν ἄθλων τοῦ σωτῆρος ἐκκηρυσσέτω, πιστός γε ὢν καὶ τὸ μεγαλεῖον συνορῶν τῆς τοῦ θεοῦ φιλανθρωπίας, μήτε μὴν αὖθις ἀνάσκητος καὶ ἀναγώνιστος μείνας ἀκονιτὶ κἀνιδρωτὶ<note xml:lang="mul">ἀκονιτὶ κἀνιδρωτὶ Ghisler. ἀκωνεῖται κἂν ἱδρῶτι MS.</note> τῶν στεφάνων τῆς ἀφθαρσίας ἐλπιζέτω μεταλαβεῖν· ἀλλ’ αὑτὸν ὑποβαλέτω φέρων γυμναστῇ μὲν τῷ λόγῳ, ἀγωνοθέτῃ δὲ τῷ Χριστῷ· τροφὴ δὲ αὐτῷ καὶ ποτὸν γενέσθω τεταγμένον ἡ καινὴ διαθήκη τοῦ κυρίου, γυμνάσια δὲ αἱ ἐντολαί, εὐσχημοσύνη δὲ καὶ κόσμος αἱ καλαὶ διαθέσεις, ἀγάπη, πίστις, ἐλπίς, γνῶσις ἀληθείας, <add>ἐπιείκεια,</add><note xml:lang="mul"> <add>ἐπιείκεια</add> Fell (lacuna in MS.).</note> πραότης, εὐσπλαγχνία, σεμνότης, ἵν̓, ὅταν <add>ἡ</add><note xml:lang="mul"> <add>ἡ</add> inserted by Schwartz.</note> ἐσχάτη σάλπιγξ ὑποσημήνῃ <add>τὸ τέλος</add><note xml:lang="mul"> <add>τὸ τέλος</add> inserted by Stählin (cp. 2 Timothy iv. 7).</note> τοῦ δρόμου καὶ τὴν ἐντεῦθεν ἔξοδον<note xml:lang="mul">τὴν ... ἔξοδον Stählin. τῆς ... ἐξόδου MS.</note> καθάπερ ἐκ σταδίου τοῦ βίου, μετ’ ἀγαθοῦ τοῦ συνειδότος τῷ ἀθλοθέτῃ παραστῇ νικηφόρος, ὡμολογημένος τῆς ἄνω πατρίδος ἄξιος, εἰς ἣν <pb xml:id="p.278"/> μετὰ στεφάνων καὶ κηρυγμάτων ἀγγελικῶν ἐπανέρχεται. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="4">
+ <p rend="align(indent)">Δοίη τοίνυν ἡμῖν ὁ σωτὴρ ἐντεῦθεν ἀρξαμένοις τοῦ λόγου τἀληθῆ καὶ τὰ πρέποντα καὶ τὰ σωτήρια συμβαλέσθαι τοῖς ἀδελφοῖς πρός τε τὴν ἐλπίδα πρῶτον αὐτὴν καὶ δεύτερον πρὸς τὴν τῆς ἐλπίδος προσαγωγήν. ὁ δὲ χαρίζεται δεομένοις καὶ αἰτοῦντας διδάσκει καὶ λύει τὴν ἄγνοιαν καὶ τὴν ἀπόγνωσιν ἀποσείεται, τοὺς αὐτοὺς πάλιν εἰσάγων λόγους περὶ τῶν πλουσίων, ἑαυτῶν ἑρμηνέας γινομένους καὶ ἐξηγητὰς ἀσφαλεῖς. οὐδὲν γὰρ οἷον αὐτῶν αὖθις ἀκοῦσαι τῶν ῥητῶν, ἅπερ ἡμᾶς ἐν τοῖς εὐαγγελίοις ἄχρι νῦν διετάρασσεν ἀβασανίστως καὶ διημαρτημένως ὑπὸ νηπιότητος ἀκροωμένους.</p> 
+ <p rend="align(indent)"><quote>Ἐκπορευομένου αὐτοῦ<note xml:lang="mul">αὐτοῦ Barnard. αὐτῷ MS.</note> εἰς ὁδὸν προσελθών τις ἐγονυπέτει λέγων· διδάσκαλε ἀγαθέ, τί ποιήσω, ἵνα <pb xml:id="pg.938_alt" type="margin"/> ζωὴν αἰώνιον κληρονομήσω; ὁ δὲ Ἰησοῦς λέγει· τί με ἀγαθὸν λέγεις; οὐδεὶς ἀγαθὸς εἰ μὴ εἷς ὁ θεός. τὰς ἐντολὰς οἶδας· μὴ μοιχεύσῃς, μὴ φονεύσῃς, μὴ κλέψῃς, μὴ ψευδομαρτυρήσῃς, τίμα τὸν πατέρα σου καὶ τὴν μητέρα. ὁ δὲ ἀποκριθεὶς λέγει αὐτῷ· πάντα ταῦτα ἐφύλαξα <add>ἐκ νεότητός μου</add><note xml:lang="mul"> <add>ἐκ νεότητός μου</add> inserted by Segaar; see pp. 286. 290.</note>. ὁ δὲ Ἰησοῦς ἐμβλέψας ἠγάπησεν αὐτὸν καὶ εἶπεν· ἕν σοι ὑστερεῖ· εἰ θέλεις τέλειος εἶναι, πώλησον ὅσα ἔχεις καὶ διάδος πτωχοῖς, καὶ ἕξεις θησαυρὸν ἐν οὐρανῷ, καὶ δεῦρο ἀκολούθει μοι. ὁ δὲ στυγνάσας ἐπὶ τῷ λόγῳ ἀπῆλθε λυπούμενος· ἦν γὰρ ἔχων χρήματα πολλὰ καὶ ἀγρούς. περιβλεψάμενος <pb xml:id="p.280"/> δὲ ὁ Ἰησοῦς λέγει τοῖς μαθηταῖς αὐτοῦ· πῶς δυσκόλως οἱ τὰ χρήματα ἔχοντες εἰσελεύσονται εἰς τὴν βασιλείαν τοῦ θεοῦ. οἱ δὲ μαθηταὶ ἐθαμβοῦντο ἐπὶ τοῖς λόγοις αὐτοῦ. πάλιν δὲ ὁ Ἰησοῦς ἀποκριθεὶς λέγει αὐτοῖς· τέκνα, πῶς δύσκολόν ἐστι τοὺς πεποιθότας ἐπὶ χρήμασιν εἰς τὴν βασιλείαν τοῦ θεοῦ εἰσελθεῖν· εὐκόλως διὰ τῆς τρυμαλιᾶς τῆς βελόνης κάμηλος εἰσελεύσεται ἢ πλούσιος εἰς τὴν βασιλείαν τοῦ θεοῦ. οἱ δὲ περισσῶς ἐξεπλήσσοντο καὶ ἔλεγον· τίς οὖν δύναται σωθῆναι; ὁ δὲ ἐμβλέψας αὐτοῖς εἶπεν· ὅ τι παρὰ ἀνθρώποις ἀδύνατον, παρὰ θεῷ δυνατόν. ἤρξατο ὁ Πέτρος λέγειν αὐτῷ· ἰδὲ ἡμεῖς ἀφήκαμεν πάντα καὶ ἠκολουθήσαμέν σοι. ἀποκριθεὶς δὲ ὁ Ἰησοῦς λέγει· ἀμὴν ὑμῖν λέγω, ὃς ἂν ἀφῇ τὰ ἴδια καὶ γονεῖς καὶ ἀδελφοὺς καὶ χρήματα ἕνεκεν ἐμοῦ καὶ ἕνεκεν τοῦ εὐαγγελίου, ἀπολήψεται ἑκατονταπλασίονα. νῦν ἐν τῷ καιρῷ τούτῳ ἀγροὺς καὶ χρήματα καὶ οἰκίας καὶ ἀδελφοὺς ἔχειν μετὰ διωγμῶν εἰς ποῦ;<note xml:lang="mul">εἰς ποῦ; Stählin. εἰς που MS. εἴργου Barnard.</note> ἐν δὲ τῷ ἐρχομένῳ ζωή<note xml:lang="mul">ζωή Ghisler. ζωήν MS.</note> ἐστιν αἰώνιος· <del>ἐν δὲ</del><note xml:lang="mul"> <del>ἐν δὲ</del> Ghisler.</note> ἔσονται οἱ πρῶτοι ἔσχατοι, καὶ οἱ ἔσχατοι πρῶτοι.</quote> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="5">
+ <p rend="align(indent)">Ταῦτα μὲν ἐν τῷ κατὰ Μάρκον εὐαγγελίῳ γέγραπται· καὶ ἐν τοῖς ἄλλοις δὲ πᾶσιν <add>τοῖς</add><note xml:lang="mul"> <add>ταῖς</add> inserted by Wilamowitz.</note> ἀνωμολογημένοις ὀλίγον μὲν ἴσως ἑκασταχοῦ τῶν ῥημάτων ἐναλλάσσει, πάντα δὲ τὴν αὐτὴν τῆς γνώμης συμφωνίαν ἐπιδείκνυται. δεῖ δὲ σαφῶς εἰδότας ὡς οὐδὲν ἀνθρωπίνως ὁ σωτήρ, ἀλλὰ πάντα θείᾳ σοφίᾳ καὶ μυστικῇ διδάσκει τοὺς ἑαυτοῦ, μὴ σαρκίνως ἀκροᾶσθαι τῶν λεγομένων, ἀλλὰ τὸν ἐν <pb xml:id="p.282"/> αὐτοῖς κεκρυμμένον νοῦν μετὰ τῆς ἀξίας ζητήσεως καὶ συνέσεως ἐρευνᾶν καὶ καταμανθάνειν. καὶ γὰρ τὰ ὑπ’ αὐτοῦ τοῦ κυρίου δοκοῦντα ἡπλῶσθαι πρὸς τοὺς μαθητὰς τῶν ᾐνιγμένως ὑπειρημένων οὐδὲν ἥττονος ἀλλὰ πλείονος ἔτι καὶ νῦν τῆς ἐπιστάσεως εὑρίσκεται δεόμενα διὰ τὴν ὑπερβάλλουσαν τῆς φρονήσεως ἐν αὐτοῖς ὑπερβολήν. ὅπου δὲ καὶ τὰ νομιζόμενα ὑπ’ αὐτοῦ διοῖχθαι τοῖς ἔσω καὶ αὐτοῖς τοῖς τῆς βασιλείας τέκνοις ὑπ’ αὐτοῦ καλουμένοις ἔτι χρῄζει φροντίδος πλείονος, ἦ πού γε τὰ δόξαντα μὲν ἁπλῶς ἐξενηνέχθαι καὶ διὰ τοῦτο μηδὲ διηρωτημένα πρὸς τῶν ἀκουσάντων, <pb xml:id="pg.939_alt" type="margin"/> εἰς ὅλον δὲ τὸ τέλος αὐτὸ τῆς σωτηρίας διαφέροντα, ἐσκεπασμένα<note xml:lang="mul">διαφέροντα, ἐσκεπασμένα Stählin. διαφερόντων, ἐσκεπασμένων MS.</note> δὲ θαυμαστῷ καὶ ὑπερουρανίῳ διανοίας βάθει, οὐκ ἐπιπολαίως δέχεσθαι ταῖς ἀκοαῖς προσῆκεν, ἀλλὰ καθιέντας τὸν νοῦν ἐπ’ αὐτὸ τὸ πνεῦμα τοῦ σωτῆρος καὶ τὸ τῆς γνώμης ἀπόρρητον. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="6">
+ <p rend="align(indent)">Ἠρώτηται μὲν γὰρ ἡδέως ὁ κύριος ἡμῶν καὶ σωτὴρ ἐρώτημα καταλληλότατον αὐτῷ, ἡ ζωὴ περὶ ζωῆς, ὁ σωτὴρ περὶ σωτηρίας, ὁ διδάσκαλος περὶ κεφαλαίου τῶν διδασκομένων δογμάτων, <add>ἡ</add><note xml:lang="mul"> <add>ἡ</add> inserted by Barnard.</note> ἀλήθεια περὶ τῆς ἀληθινῆς ἀθανασίας, ὁ λόγος περὶ τοῦ πατρῴου λόγου, ὁ τέλειος περὶ τῆς τελείας ἀναπαύσεως, ὁ ἄφθαρτος περὶ τῆς βεβαίας ἀφθαρσίας. ἠρώτηται περὶ τούτων ὑπὲρ ὧν καὶ κατελήλυθεν, ἃ παιδεύει, ἃ διδάσκει, ἃ παρέχει, ἵνα δείξῃ τὴν τοῦ εὐαγγελίου ὑπόθεσιν, ὅτι δόσις ἐστὶν αἰωνίου ζωῆς. πρόοιδε δὲ ὡς θεὸς καὶ ἃ μέλλει διερωτηθήσεσθαι καὶ ἃ μέλλει τις αὐτῷ ἀποκρίνεσθαι. <pb xml:id="p.284"/> τίς γὰρ καὶ μᾶλλον ἢ ὁ προφήτης προφητῶν καὶ κύριος παντὸς προφητικοῦ πνεύματος; κληθεὶς δὲ ἀγαθός, ἀπ’ αὐτοῦ πρώτου τοῦ ῥήματος τούτου τὸ ἐνδόσιμον λαβὼν ἐντεῦθεν καὶ τῆς διδασκαλίας ἄρχεται, ἐπιστρέφων τὸν μαθητὴν ἐπὶ τὸν θεὸν τὸν ἀγαθὸν καὶ πρῶτον καὶ μόνον ζωῆς αἰωνίου ταμίαν, ἣν ὁ υἱὸς δίδωσιν ἡμῖν παρ’ ἐκείνου λαβών. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="7">
+ <p rend="align(indent)">Οὐκοῦν τὸ μέγιστον καὶ κορυφαιότατον τῶν πρὸς τὴν ζωὴν μαθημάτων ἀπὸ τῆς ἀρχῆς εὐθὺς ἐγκαταθέσθαι τῇ ψυχῇ δεῖ, γνῶναι τὸν θεὸν τὸν αἰώνιον καὶ δοτῆρα αἰωνίων καὶ πρῶτον καὶ ὑπέρτατον καὶ ἕνα καὶ ἀγαθὸν θεόν. <add>ὃν</add><note xml:lang="mul"> <add>ὃν</add> inserted by Wilamowitz.</note> ἔστι κτήσασθαι διὰ γνώσεως καὶ καταλήψεως· αὕτη γὰρ ἄτρεπτος καὶ ἀσάλευτος ἀρχὴ καὶ κρηπὶς ζωῆς, ἐπιστήμη θεοῦ τοῦ ὄντως ὄντος καὶ τὰ ὄντα, τουτέστι τὰ αἰώνια, δωρουμένου, ἐξ οὗ καὶ τὸ εἶναι τοῖς ἄλλοις ὑπάρχει καὶ τὸ μεῖναι λαβεῖν. ἡ μὲν γὰρ τούτου ἄγνοια θάνατός ἐστιν, ἡ δὲ ἐπίγνωσις αὐτοῦ καὶ οἰκείωσις καὶ ἡ πρὸς αὐτὸν ἀγάπη καὶ ἐξομοίωσις μόνη ζωή. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="8">
+ <p rend="align(indent)">Τοῦτον οὖν πρῶτον ἐπιγνῶναι τῷ ζησομένῳ τὴν ὄντως ζωὴν παρακελεύεται, ὃν <q>οὐδεὶς ἐπιγινώσκει εἰ μὴ ὁ υἱὸς καὶ ᾧ ἂν ὁ υἱὸς ἀποκαλύψῃ</q> · ἔπειτα τὸ μέγεθος τοῦ σωτῆρος μετ’ ἐκεῖνον καὶ τὴν καινότητα τῆς χάριτος μαθεῖν, ὅτι δὴ κατὰ τὸν <pb xml:id="p.286"/> ἀπόστολον <q>ὁ νόμος διὰ Μωσέως ἐδόθη, ἡ χάρις καὶ ἡ ἀλήθεια διὰ Ἰησοῦ Χριστοῦ</q> · καὶ οὐκ ἴσα τὰ διὰ δούλου πιστοῦ διδόμενα τοῖς ὑπὸ <del>τοῦ</del><note xml:lang="mul"> <del>τοῦ</del> Stählin.</note> υἱοῦ γνησίου δωρουμένοις. εἰ γοῦν ἱκανὸς ἦν ὁ Μωσέως νόμος ζωὴν αἰώνιον παρασχεῖν, μάτην μὲν ὁ σωτὴρ αὐτὸς παραγίνεται καὶ πάσχει δι’ ἡμᾶς ἀπὸ γενέσεως μέχρι τοῦ σημείου τὴν ἀνθρωπότητα διατρέχων, μάτην δὲ ὁ πάσας πεποιηκὼς <q>ἐκ νεότητος</q> τὰς νομίμους <pb xml:id="pg.940_alt" type="margin"/> ἐντολὰς παρὰ ἄλλου αἰτεῖ<note xml:lang="mul">αἰτεῖ J. A. Robinson. ἔτι MS.</note> γονυπετῶν ἀθανασίαν. οὐδὲ γὰρ πεπλήρωκε μόνον τὸν νόμον, ἀλλὰ καὶ εὐθὺς ἀπὸ πρώτης ἡλικίας ἀρξάμενος· ἐπεὶ καὶ τί μέγα ἢ ὑπέρλαμπρον γῆρας ἄγονον ἀδικημάτων ὧν ἐπιθυμίαι τίκτουσι νεανικαὶ ἢ ὀργὴ ζέουσα ἢ ἔρως χρημάτων; ἀλλ’ εἴ τις ἐν σκιρτήματι νεοτησίῳ καὶ τῷ καύσωνι τῆς ἡλικίας παρέσχηται φρόνημα πεπανὸν καὶ πρεσβύτερον τοῦ χρόνου, θαυμαστὸς οὗτος ἀγωνιστὴς καὶ διαπρεπὴς καὶ τὴν γνώμην πολιός<note xml:lang="mul">πολιός Stählin. πολιώτερος MS.</note>. ἀλλ’ ὅμως οὗτος ὁ τοιοῦτος ἀκριβῶς πέπεισται, διότι αὐτῷ πρὸς μὲν δικαιοσύνην οὐδὲν ἐνδεῖ, ζωῆς δὲ ὅλως προσδεῖ· διὸ αὐτὴν αἰτεῖ παρὰ τοῦ δοῦναι μόνου δυναμένου· καὶ πρὸς μὲν τὸν νόμον ἄγει παρρησίαν, τοῦ θεοῦ δὲ τὸν υἱὸν ἱκετεύει. <q>ἐκ πίστεως εἰς πίστιν</q> μετατάσσεται· ὡς σφαλερῶς ἐν νόμῳ σαλεύων καὶ ἐπικινδύνως ναυλοχῶν εἰς τὸν σωτῆρα μεθορμίζεται. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="9">
+<p rend="align(indent)">Ὁ γοῦν Ἰησοῦς οὐκ ἐλέγχει μὲν αὐτὸν ὡς πάντα τὰ ἐκ νόμου μὴ πεπληρωκότα, ἀλλὰ καὶ ἀγαπᾷ καὶ <pb xml:id="p.288"/> ὑπερασπάζεται τῆς ἐν οἷς ἔμαθεν εὐπειθείας, ἀτελῆ δὲ εἶναί φησιν ὡς πρὸς τὴν αἰώνιον ζωήν, ὡς οὐ τέλεια πεπληρωκότα, καὶ νόμου μὲν ἐργάτην, ἀργὸν δὲ ζωῆς ἀληθινῆς. καλὰ μὲν οὖν κἀκεῖνα ʽτίς δ’ οὔ φησιν; ἡ γὰρ <q>ἐντολὴ ἁγία</q> ʼ ἄχρι παιδαγωγίας τινὸς μετὰ φόβου καὶ προπαιδείας ἐπὶ τὴν τοῦ Ἰησοῦ νομοθεσίαν τὴν ἄκραν καὶ χάριν προχωροῦντα, πλήρωμα δὲ <q>νόμου Χριστὸς εἰς δικαιοσύνην παντὶ τῷ πιστεύοντι,</q> οὐχὶ δὲ δούλους ποιῶν ὡς δοῦλος, ἀλλὰ καὶ υἱοὺς καὶ ἀδελφοὺς καὶ συγκληρονόμους τοὺς ἐπιτελοῦντας τὸ θέλημα τοῦ πατρός. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="10">
+ <p rend="align(indent)"> <q>Εἰ θέλεις τέλειος γενέσθαι.</q> οὐκ ἄρα πω τέλειος ἦν· οὐδὲν γὰρ τελείου τελειότερον. καὶ θείως τὸ <q>εἰ θέλεις</q> τὸ αὐτεξούσιον τῆς προσδιαλεγομένης αὐτῷ ψυχῆς ἐδήλωσεν. ἐπὶ τῷ ἀνθρώπῳ γὰρ ἦν ἡ αἵρεσις ὡς ἐλευθέρῳ, ἐπὶ θεῷ δὲ ἡ δόσις ὡς κυρίῳ. δίδωσι δὲ βουλομένοις καὶ ὑπερεσπουδακόσι καὶ δεομένοις, ἵν’ οὕτως ἴδιον αὐτῶν ἡ σωτηρία γένηται. οὐ γὰρ ἀναγκάζει ὁ θεός, βία γὰρ ἐχθρὸν θεῷ, ἀλλὰ τοῖς ζητοῦσι πορίζει καὶ τοῖς αἰτοῦσι παρέχει καὶ τοῖς κρούουσιν ἀνοίγει. εἰ θέλεις οὖν, εἰ ὄντως θέλεις καὶ μὴ ἑαυτὸν ἐξαπατᾷς, κτῆσαι τὸ ἐνδέον. <q>ἕν σοι λείπει,</q> τὸ ἕν, τὸ ἐμόν, τὸ ἀγαθόν, τὸ ἤδη ὑπὲρ νόμον, ὅπερ νόμος οὐ δίδωσιν, ὅπερ νόμος οὐ <pb xml:id="p.290"/> χωρεῖ, ὃ τῶν ζώντων ἴδιόν ἐστιν. ἀμέλει ὁ πάντα τὰ τοῦ νόμου πληρώσας <q>ἐκ νεότητος</q> καὶ τὰ ὑπέρογκα φρυαξάμενος τὸ ἒν τοῦτο προσθεῖναι τοῖς ὅλοις οὐ δεδύνηται, τὸ τοῦ σωτῆρος ἐξαίρετον, ἵνα λάβῃ ζωὴν αἰώνιον, ἣν ποθεῖ· <pb xml:id="pg.941_alt" type="margin"/> ἀλλὰ δυσχεράνας ἀπῆλθεν, ἀχθεσθεὶς τῷ παραγγέλματι τῆς ζωῆς, ὑπὲρ ἧς ἱκέτευεν. οὐ γὰρ ἀληθῶς ζωὴν ἤθελεν, ὡς ἔφασκεν, ἀλλὰ δόξαν προαιρέσεως ἀγαθῆς μόνην περιεβάλλετο, καὶ περὶ πολλὰ μὲν οἷός τε ἦν ἀσχολεῖσθαι, τὸ δὲ ἕν, τὸ τῆς ζωῆς ἔργον, ἀδύνατος καὶ ἀπρόθυμος καὶ ἀσθενὴς ἐκτελεῖν· ὁποῖόν τι καὶ πρὸς τὴν Μάρθαν εἶπεν ὁ σωτὴρ ἀσχολουμένην <add>περὶ</add><note xml:lang="mul"> <add>περὶ</add> inserted by Segaar</note> πολλὰ καὶ περιελκομένην καὶ ταρασσομένην<note xml:lang="mul">ταρασσομένην Ghisler. παρατασσομένην MS. παραταρασσομένην Barnard.</note> διακονικῶς, τὴν δὲ ἀδελφὴν αἰτιωμένην, ὅτι τὸ ὑπηρετεῖν ἀπολιποῦσα τοῖς ποσὶν αὐτοῦ παρακάθηται μαθητικὴν ἄγουσα σχολήν· <q>σὺ περὶ πολλὰ ταράσσῃ, Μαρία δὲ τὴν ἀγαθὴν μερίδα ἐξελέξατο, καὶ οὐκ ἀφαιρεθήσεται αὐτῆς.</q> οὕτως καὶ τοῦτον ἐκέλευε τῆς πολυπραγμοσύνης ἀφέμενον ἑνὶ προστετηκέναι καὶ προσκαθέζεσθαι, τῇ χάριτι τοῦ ζωὴν αἰώνιον προστιθέντος. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="11">
+<p rend="align(indent)">Τί τοίνυν ἦν τὸ προτρεψάμενον αὐτὸν εἰς φυγὴν καὶ ποιῆσαν ἀπαυτομολῆσαι τοῦ διδασκάλου, τῆς ἱκετείας, τῆς ἐλπίδος, τῆς ζωῆς, τῶν προπεπονημένων; <q>πώλησον τὰ ὑπάρχοντά σου.</q> τί δὲ τοῦτό ἐστιν; οὐχ ὃ προχείρως δέχονταί τινες, τὴν ὑπάρχουσαν οὐσίαν ἀπορρῖψαι προστάσσει καὶ ἀποστῆναι τῶν χρημάτων, ἀλλὰ τὰ δόγματα τὰ περὶ χρημάτων ἐξορίσαι τῆς ψυχῆς, τὴν πρὸς αὐτὰ <pb xml:id="p.292"/> συμπάθειαν, τὴν ὑπεράγαν ἐπιθυμίαν, τὴν περὶ αὐτὰ πτοίαν καὶ νόσον, τὰς μερίμνας, τὰς ἀκάνθας τοῦ βίου, αἳ τὸ σπέρμα τῆς ζωῆς συμπνίγουσιν. οὔτε γὰρ μέγα καὶ ζηλωτὸν τὸ τηνάλλως ἀπορεῖν χρημάτων μὴ οὐκ ἐπὶ λόγῳ ζωῆς ʽοὕτω μέν γ’ ἂν ἦσαν οἱ μηδὲν ἔχοντες μηδαμῇ, ἀλλὰ ἔρημοι καὶ μεταῖται τῶν ἐφ’ ἡμέραν, οἱ κατὰ τὰς ὁδοὺς ἐρριμμένοι πτωχοί, <q>ἀγνοοῦντες</q> δὲ θεὸν καὶ <q>δικαιοσύνην θεοῦ,</q> κατ’ αὐτὸ μόνον τὸ ἄκρως ἀπορεῖν καὶ ἀμηχανεῖν βίου καὶ τῶν ἐλαχίστων σπανίζειν μακαριώτατοι καὶ θεοφιλέστατοι καὶ μόνοι ζωὴν ἔχοντες αἰώνιον’ οὔτε καινὸν τὸ ἀπείπασθαι πλοῦτον καὶ χαρίσασθαι πτωχοῖς ἢ πατρίσιν, ὃ πολλοὶ πρὸ τῆς τοῦ σωτῆρος καθόδου πεποιήκασιν, οἱ μὲν τῆς εἰς λόγους σχολῆς καὶ νεκρᾶς σοφίας ἕνεκεν, οἱ δὲ φήμης κενῆς καὶ κενοδοξίας, Ἀναξαγόραι καὶ Δημόκριτοι καὶ Κράτητες. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="12">
+<p rend="align(indent)">Τί οὖν ὡς καινὸν καὶ ἴδιον θεοῦ παραγγέλλει καὶ μόνον ζωοποιοῦν, ὃ τοὺς προτέρους οὐκ ἔσωσεν; εἰ δὲ ἐξαίρετόν τι ἡ <q>καινὴ κτίσις,</q> ὁ υἱὸς τοῦ θεοῦ, μηνύει καὶ διδάσκει, οὐ τὸ φαινόμενον, ὅπερ ἄλλοι <pb xml:id="p.294"/> πεποιήκασι, παρεγγυᾷ, ἀλλ’ ἕτερόν τι διὰ τούτου σημαινόμενον μεῖζον καὶ θειότερον καὶ τελεώτερον, τὸ τὴν ψυχὴν αὐτὴν καὶ τὴν διάθεσιν γυμνῶσαι τῶν ὑπόντων παθῶν καὶ πρόρριζα τὰ ἀλλότρια τῆς γνώμης ἐκτεμεῖν καὶ ἐκβαλεῖν. τοῦτο γὰρ ἴδιον μὲν τοῦ πιστοῦ τὸ μάθημα, ἄξιον δὲ τοῦ σωτῆρος τὸ δίδαγμα. οἱ γάρ τοι πρότεροι, καταφρονήσαντες τῶν ἐκτός, τὰ μὲν κτήματα <pb xml:id="pg.942_alt" type="margin"/> ἀφῆκαν καὶ παραπώλεσαν, τὰ δὲ πάθη τῶν ψυχῶν οἶμαι ὅτι καὶ προσεπέτειναν· ἐν ὑπεροψίᾳ γὰρ ἐγένοντο καὶ ἀλαζονείᾳ καὶ κενοδοξίᾳ καὶ περιφρονήσει τῶν ἄλλων ἀνθρώπων, ὡς αὐτοί τι ὑπὲρ ἄνθρωπον ἐργασάμενοι. πῶς ἂν οὖν ὁ σωτὴρ παρῄνει τοῖς εἰς ἀεὶ βιωσομένοις τὰ βλάψοντα καὶ λυμανούμενα πρὸς τὴν ζωήν, ἥν ἐπαγγέλλεται; καὶ γὰρ αὖ κἀκεῖνό ἐστι· δύναταί τις ἀποφορτισάμενος τὴν κτῆσιν οὐδὲν ἧττον ἔτι τὴν ἐπιθυμίαν καὶ τὴν ὄρεξιν τῶν χρημάτων ἔχειν ἐντετηκυῖαν καὶ συζῶσαν καὶ τὴν μὲν χρῆσιν ἀποβεβληκέναι, ἀπορῶν δὲ ἅμα καὶ ποθῶν ἅπερ ἐσπάθησε διπλῇ λυπεῖσθαι, καὶ τῇ τῆς ὑπηρεσίας ἀπουσίᾳ καὶ τῇ τῆς μετανοίας συνουσίᾳ. ἀνέφικτον γὰρ καὶ ἀμήχανον δεόμενον τῶν πρὸς τὸ βιοτεύειν ἀναγκαίων μὴ οὐ κατακλᾶσθαι τὴν γνώμην καὶ ἀσχολίαν ἄγειν ἀπὸ τῶν κρειττόνων, ὁπωσοῦν καὶ ὁθενοῦν ταῦτα πειρώμενον ἐκπορίζειν. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="13">
+ <p rend="align(indent)">Καὶ πόσῳ χρησιμώτερον τὸ ἐναντίον, ἱκανὰ κεκτημένον αὐτόν τε περὶ τὴν κτῆσιν μὴ κακοπαθεῖν καὶ οἷς καθῆκεν ἐπικουρεῖν; τίς γὰρ ἂν κοινωνία καταλείποιτο παρὰ ἀνθρώποις, εἰ μηδεὶς ἔχοι μηδέν; <pb xml:id="p.296"/> πῶς δ’ ἂν τοῦτο τὸ δόγμα πολλοῖς ἄλλοις καὶ καλοῖς τοῦ κυρίου δόγμασιν οὐχὶ φανερῶς ἐναντιούμενον εὑρίσκοιτο καὶ μαχόμενον; <q>ποιήσατε ἑαυτοῖς φίλους ἐκ τοῦ μαμωνᾶ τῆς ἀδικίας, ἵν’ ὅταν ἐκλίπῃ, δέξωνται ὑμᾶς εἰς τὰς αἰωνίους σκηνάς.</q> <q>κτήσασθε θησαυροὺς ἐν οὐρανῷ, ὅπου μήτε σὴς μήτε βρῶσις ἀφανίζει μήτε κλέπται διορύσσουσι.</q> πῶς ἄν τις πεινῶντα τρέφοι καὶ διψῶντα ποτίζοι καὶ γυμνὸν σκεπάζοι καὶ ἄστεγον συνάγοι, ἃ τοῖς μὴ ποιήσασιν ἀπειλεῖ πῦρ καὶ σκότος τὸ ἐξώτερον, εἰ πάντων αὐτὸς ἕκαστος φθάνοι τούτων ὑστερῶν; ἀλλὰ μὴν αὐτός τε ἐπιξενοῦται Ζακχαίῳ καὶ Λευεὶ<note xml:lang="mul">καὶ Λευεὶ J. A. Robinson. κελεύει MS.</note> καὶ Ματθαίῳ τοῖς πλουσίοις καὶ τελώναις, καὶ τὰ μὲν χρήματα αὐτοὺς οὐ κελεύει μεθεῖναι, τὴν δὲ δικαίαν χρῆσιν<note xml:lang="mul">χρῆσιν Olshausen. κρίσιν MS.</note> ἐπιθεὶς καὶ τὴν ἄδικον ἀφελὼν καταγγέλλει· <q>σήμερον σωτηρία τῷ οἴκῳ τούτῳ.</q> οὕτω τὴν χρείαν αὐτῶν ἐπαινεῖ, ὥστε καὶ μετὰ τῆς προσθήκης ταύτης τὴν κοινωνίαν ἐπιτάσσει, ποτίζειν τὸν διψῶντα, ἄρτον διδόναι τῷ πεινῶντι, ὑποδέχεσθαι τὸν ἄστεγον, ἀμφιεννύναι τὸν γυμνόν. εἰ δὲ τὰς χρείας οὐχ οἷόν τε ἐκπληροῦν ταύτας μὴ ἀπὸ χρημάτων, τῶν δὲ χρημάτων ἀφίστασθαι κελεύει, τί ἂν ἕτερον εἴη ποιῶν ὁ κύριος<add>ἢ</add><note xml:lang="mul"> <add>ἢ</add> inserted by Ghisler.</note> τὰ αὐτὰ διδόναι τε καὶ μὴ διδόναι παραινῶν, τρέφειν καὶ μὴ τρέφειν, ὑποδέχεσθαι καὶ ἀποκλείειν, κοινωνεῖν καὶ μὴ κοινωνεῖν, ὅπερ ἁπάντων ἀλογώτατον; <pb xml:id="p.298"/> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="14">
+ <p rend="align(indent)">Οὐκ ἄρα ἀπορριπτέον τὰ καὶ τοὺς πέλας ὠφελοῦντα χρήματα· κτήματα γάρ ἐστι κτητὰ ὄντα, καὶ χρήματα χρήσιμα ὄντα καὶ εἰς <pb xml:id="pg.943_alt" type="margin"/> χρῆσιν ἀνθρώπων ὑπὸ τοῦ θεοῦ παρεσκευασμένα, ἃ δὴ παράκειται καὶ ὑποβέβληται καθάπερ ὕλη τις καὶ ὄργανα πρὸς χρῆσιν ἀγαθὴν τοῖς εἰδόσι. τὸ ὄργανον, ἐὰν χρῇ τεχνικῶς, τεχνικόν ἐστιν· ἐὰν ὑστερῇς τῆς τέχνης, ἀπολαύει τῆς σῆς ἀμουσίας,<note xml:lang="mul">ἀμουσίας Segaar. ἀπουσίας MS.</note> ὂν ἀναίτιον. τοιοῦτον καὶ ὁ πλοῦτος ὄργανόν ἐστι. δύνασαι χρῆσθαι δικαίως αὐτῷ· πρὸς δικαιοσύνην καθυπηρετεῖ· ἀδίκως τις αὐτῷ χρῆται· πάλιν ὑπηρέτης ἀδικίας εὑρίσκεται· πέφυκε γὰρ ὑπηρετεῖν, ἀλλ’ οὐκ ἄρχειν. οὐ χρὴ τοίνυν τὸ ἐξ ἑαυτοῦ μὴ ἔχον μήτε τὸ ἀγαθὸν μήτε τὸ κακόν, ἀναίτιον ὄν, αἰτιᾶσθαι, ἀλλὰ τὸ δυνάμενον καὶ καλῶς τούτοις χρῆσθαι καὶ κακῶς, ἀφ’ ὧν ἂν ἕληται, κατ’ αὐτὸ <add>τοῦτο αἴτιον ὄν</add><note xml:lang="mul"> <add>τοῦτο αἴτιον ὄν</add> inserted by Stählin.</note> τοῦτο δ’ ἐστὶ νοῦς ἀνθρώπου, καὶ κριτήριον ἐλεύθερον ἔχων ἐν ἑαυτῷ καὶ τὸ αὐτεξούσιον τῆς μεταχειρίσεως τῶν δοθέντων· ὥστε μὴ τὰ κτήματά τις ἀφανιζέτω μᾶλλον ἢ τὰ πάθη τῆς ψυχῆς, τὰ μὴ συγχωροῦντα τὴν ἀμείνω χρῆσιν τῶν ὑπαρχόντων, ἵνα καλὸς καὶ ἀγαθὸς γενόμενος καὶ τούτοις τοῖς κτήμασι χρῆσθαι δυνηθῇ καλῶς. τὸ οὖν ἀποτάξασθαι πᾶσι τοῖς ὑπάρχουσι καὶ πωλῆσαι πάντα τὰ ὑπάρχοντα τοῦτον τὸν τρόπον ἐκδεκτέον ὡς ἐπὶ τῶν ψυχικῶν παθῶν διειρημένον. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="15">
+<p rend="align(indent)">Ἐγὼ γοῦν κἀκεῖνο φήσαιμ’ ἄν· ἐπειδὴ τὰ μὲν <pb xml:id="p.300"/> ἐντός ἐστι τῆς ψυχῆς, τὰ δὲ ἐκτός, κἂν μὲν ἡ ψυχὴ χρῆται καλῶς, καλὰ καὶ ταῦτα δοκεῖ, ἐὰν δὲ πονηρῶς, πονηρά, ὁ κελεύων ἀπαλλοτριοῦν τὰ ὑπάρχοντα πότερον ταῦτα παραιτεῖται ὧν ἀναιρεθέντων ἔτι τὰ πάθη μένει, ἢ ἐκεῖνα μᾶλλον ὧν ἀναιρεθέντων καὶ τὰ κτήματα χρήσιμα γίνεται; ὁ τοίνυν ἀποβαλὼν τὴν κοσμικὴν περιουσίαν ἔτι δύναται πλουτεῖν τῶν παθῶν, καὶ τῆς ὕλης μὴ παρούσης· ἡ γάρ τοι διάθεσις τὸ αὑτῆς ἐνεργεῖ καὶ τὸν λογισμὸν ἄγχει καὶ πιέζει καὶ φλεγμαίνει ταῖς συντρόφοις ἐπιθυμίαις· οὐδὲν οὖν προὔργου γέγονεν αὐτῷ πτωχεύειν χρημάτων πλουτοῦντι τῶν παθῶν. οὐ γὰρ τὰ ἀπόβλητα ἀπέβαλεν, ἀλλὰ τὰ ἀδιάφορα, καὶ τῶν μὲν ὑπηρετικῶν ἑαυτὸν περιέκοψεν, ἐξέκαυσε δὲ τὴν ὕλην τῆς κακίας τὴν ἔμφυτον τῇ τῶν ἐκτὸς ἀπορίᾳ. ἀποτακτέον οὖν τοῖς ὑπάρχουσι τοῖς βλαβεροῖς, οὐχὶ τοῖς ἐὰν ἐπίστηταί τις τὴν ὀρθὴν χρῆσιν καὶ συνωφελεῖν δυναμένοις· ὠφελεῖ δὲ τὰ μετὰ φρονήσεως καὶ σωφροσύνης καὶ εὐσεβείας οἰκονομούμενα. ἀπωστέα δὲ τὰ ἐπιζήμια, τὰ δὲ ἐκτὸς οὐ βλάπτει.</p>
+<p rend="align(indent)">Οὕτως οὖν ὁ κύριος καὶ τὴν τῶν ἐκτὸς χρείαν εἰσάγει, κελεύων ἀποθέσθαι <pb xml:id="pg.944_alt" type="margin"/> οὐ τὰ βιωτικά, ἀλλὰ τὰ τούτοις κακῶς χρώμενα· ταῦτα δὲ ἦν τὰ τῆς ψυχῆς ἀρρωστήματα καὶ πάθη. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="16">
+ <p rend="align(indent)">ὁ τούτων πλοῦτος παρὼν μὲν ἅπασι θανατηφόρος, ἀπολόμενος δὲ σωτήριος· οὗ δεῖ<note xml:lang="mul">δεῖ Ghisler. δὴ MS.</note> καθαρεύουσαν, τουτέστι πτωχεύουσαν καὶ γυμνὴν τὴν ψυχὴν παρασχόμενον <pb xml:id="p.302"/> οὕτως ἤδη τοῦ σωτῆρος ἀκοῦσαι λέγοντος· <q>δεῦρο ἀκολούθει μοι.</q> ὁδὸς γὰρ αὐτὸς ἤδη τῷ καθαρῷ τὴν καρδίαν γίνεται, εἰς δὲ ἀκάθαρτον ψυχὴν θεοῦ χάρις οὐ παραδύεται· ἀκάθαρτος δὲ ἡ πλουτοῦσα τῶν ἐπιθυμιῶν καὶ ὠδίνουσα πολλοῖς ἔρωσι καὶ κοσμικοῖς. ὁ μὲν γὰρ ἔχων κτήματα καὶ χρυσὸν καὶ ἄργυρον καὶ οἰκίας ὡς θεοῦ δωρεάς, <del>καὶ</del><note xml:lang="mul"> <del>καὶ</del> Schwartz.</note> τῷ τε διδόντι θεῷ λειτουργῶν ἀπ’ αὐτῶν εἰς ἀνθρώπων σωτηρίαν, καὶ εἰδὼς ὅτι ταῦτα κέκτηται διὰ τοὺς ἀδελφοὺς μᾶλλον ἢ ἑαυτόν, καὶ κρείττων ὑπάρχων τῆς κτήσεως αὐτῶν, μὴ δοῦλος <add>ὢν</add><note xml:lang="mul"> <add>ὢν</add> inserted by Mayor.</note> ὦν κέκτηται, μηδὲ ἐν τῇ ψυχῇ ταῦτα περιφέρων, μηδὲ ἐν τούτοις ὁρίζων καὶ περιγράφων τὴν ἑαυτοῦ ζωήν, ἀλλά τι καὶ καλὸν ἔργον καὶ θεῖον ἀεὶ διαπονῶν, κἂν ἀποστερηθῆναι δέῃ ποτὲ τούτων, δυνάμενος ἵλεῳ τῇ γνώμῃ καὶ τὴν ἀπαλλαγὴν αὐτῶν ἐνεγκεῖν ἐξ ἴσου καθάπερ καὶ τὴν περιουσίαν, οὗτός ἐστιν ὁ μακαριζόμενος ὑπὸ τοῦ κυρίου καὶ πτωχὸς τῷ πνεύματι καλούμενος, κληρονόμος ἕτοιμος οὐρανοῦ βασιλείας, οὐ πλούσιος ζῆσαι μὴ δυνάμενος· </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="17">
+ <p rend="align(indent)">ὁ δὲ ἐν τῇ ψυχῇ τὸν πλοῦτον φέρων, καὶ ἀντὶ θεοῦ πνεύματος ἐν τῇ καρδίᾳ χρυσὸν φέρων ἢ ἀγρόν, καὶ τὴν κτῆσιν ἄμετρον ἀεὶ ποιῶν, καὶ ἑκάστοτε τὸ πλεῖον βλέπων, κάτω νενευκὼς καὶ τοῖς τοῦ κόσμου θηράτροις πεπεδημένος, γῆ ὢν καὶ εἰς γῆν ἀπελευσόμενος, πόθεν δύναται βασιλείας οὐρανῶν ἐπιθυμῆσαι καὶ φροντίσαι, ἄνθρωπος οὐ καρδίαν ἀλλὰ ἀγρὸν ἢ μέταλλον φορῶν, ἐν τούτοις εὑρεθησόμενος ἐπάναγκες<note xml:lang="mul">ἐπάναγκες Stählin. ἐπʼ ἀνάγκαις MS.</note> <pb xml:id="p.304"/> <del>ἐν</del><note xml:lang="mul"> <del>ἐν</del> Stählin.</note> οἷς εἵλετο; <q>ὅπου γὰρ ὁ νοῦς τοῦ ἀνθρώπου, ἐκεῖ καὶ ὁ θησαυρὸς αὐτοῦ.</q></p>
+<p rend="align(indent)">Θησαυροὺς δέ γε ὁ κύριος οἶδε διττούς, τὸν μὲν ἀγαθόν, <q>ὁ</q> γὰρ <q>ἀγαθὸς ἄνθρωπος ἐκ τοῦ ἀγαθοῦ θησαυροῦ τῆς καρδίας προφέρει τὸ ἀγαθόν,</q> τὸν δὲ πονηρόν, <q>ὁ</q> γὰρ <q>κακὸς ἐκ τοῦ κακοῦ θησαυροῦ προφέρει τὸ κακόν, ὅτι ἐκ περισσεύματος τῆς καρδίας τὸ στόμα λαλεῖ.</q> ὥσπερ οὖν θησαυρὸς οὐχ εἷς παρ’ αὐτῷ καθὸ καὶ παρ’ ἡμῖν, ὁ τὸ αἰφνίδιον μέγα κέρδος ἐν εὑρήσει διδούς, ἀλλὰ καὶ δεύτερος, ὁ ἀκερδὴς καὶ ἄζηλος καὶ δύσκτητος καὶ ἐπιζήμιος, οὕτως καὶ πλοῦτος ὁ μέν τις ἀγαθῶν, ὁ δὲ κακῶν, εἴ γε τὸν πλοῦτον καὶ τὸν θησαυρὸν οὐκ ἀπηρτημένους ἴσμεν ἀλλήλων τῇ φύσει. καὶ ὁ μέν τις πλοῦτος κτητὸς ἂν εἴη καὶ περίβλητος, ὁ δὲ ἄκτητος καὶ ἀπόβλητος· τὸν αὐτὸν <pb xml:id="pg.945_alt" type="margin"/> δὲ τρόπον καὶ πτωχεία μακαριστὴ μὲν ἡ πνευματική. διὸ καὶ προσέθηκεν ὁ Ματθαῖος· <q>μακάριοι οἱ πτωχοί·</q> πῶς; <q>τῷ πνεύματι.</q> καὶ πάλιν· <q>μακάριοι οἱ πεινῶντες καὶ. διψῶντες τὴν δικαιοσύνην τοῦ θεοῦ.</q> οὐκοῦν ἄθλιοι οἱ ἐναντίοι πτωχοί, θεοῦ μὲν ἄμοιροι, ἀμοιρότεροι δὲ τῆς ἀνθρωπίνης κτήσεως, ἄγευστοι δὲ δικαιοσύνης θεοῦ. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="18">
+ <p rend="align(indent)">Ὥστε τοὺς πλουσίους μαθηματικῶς ἀκουστέον, <pb xml:id="p.306"/> τοὺς δυσκόλως εἰσελευσομένους εἰς τὴν βασιλείαν, μὴ σκαιῶς μηδὲ ἀγροίκως μηδὲ σαρκίνως· οὐ γὰρ οὕτως λέλεκται. οὐδὲ ἐπὶ τοῖς ἐκτὸς ἡ σωτηρία, οὔτε εἰ πολλὰ οὔτε εἰ ὀλίγα ταῦτα ἢ μικρὰ ἢ μεγάλα ἢ ἔνδοξα ἢ ἄδοξα ἢ εὐδόκιμα ἢ ἀδόκιμα, ἀλλ’ ἐπὶ τῇ τῆς ψυχῆς ἀρετῇ, πίστει καὶ ἐλπίδι καὶ ἀγάπῃ καὶ φιλαδελφίᾳ καὶ γνώσει καὶ πραότητι καὶ ἀτυφίᾳ καὶ ἀληθείᾳ, ὧν ἆθλον ἡ σωτηρία. οὐδὲ γὰρ διὰ κάλλος σώματος ζήσεταί τις ἢ τοὐναντίον ἀπολεῖται· ἀλλ’ ὁ μὲν τῷ δοθέντι σώματι ἁγνῶς καὶ κατὰ θεὸν χρώμενος ζήσεται, ὁ δὲ φθείρων τὸν ναὸν θεοῦ φθαρήσεται. δύναται δέ τις καὶ αἰσχρὸς ἀσελγαίνειν καὶ κατὰ κάλλος σωφρονεῖν· οὐδὲ ἰσχὺς καὶ μέγεθος σώματος ζωοποιεῖ, οὐδὲ τῶν μελῶν οὐδενία ἀπολλύει, ἀλλ’ ἡ τούτοις ψυχὴ χρωμένη τὴν αἰτίαν ἐφ’ ἑκάτερα παρέχεται. ὑπόφερε γοῦν, φησί, παιόμενος τὸ πρόσωπον, ὅπερ δύναται καὶ ἰσχυρός τις ὢν καὶ εὐεκτῶν ὑπακοῦσαι καὶ πάλιν ἀσθενικός τις ὢν ἀκρασίᾳ γνώμης παραβῆναι. οὕτως καὶ ἄπορός τις ὢν καὶ ἄβιος εὑρεθείη ποτ’ ἂν μεθύων ταῖς ἐπιθυμίαις, καὶ χρήμασι πλούσιος νήφων καὶ πτωχεύων ἡδονῶν, πεπεισμένος, συνετός, καθαρός, κεκολασμένος. εἰ τοίνυν ἐστὶ τὸ ζησόμενον μάλιστα καὶ πρῶτον ἡ ψυχή, καὶ περὶ ταύτην ἀρετὴ μὲν φυομένη σῴζει, κακία δὲ θανατοῖ, δῆλον ἤδη σαφῶς ὅτι αὕτη καὶ πτωχεύουσα ὧν ἄν τις ὑπὸ πλούτου<note xml:lang="mul">πλούτου Combefis. τούτου MS.</note> διαφθείρηται<note xml:lang="mul">διαφθείρηται Segaar. διαφθείρει MS.</note> σῴζεται, καὶ πλουτοῦσα τούτων ὧν <pb xml:id="p.308"/> ἐπιτρίβει πλοῦτος θανατοῦται<note xml:lang="mul">θανατοῦται Dindorf. θανοῦται MS.</note> καὶ μηκέτι ζητῶμεν ἀλλαχοῦ τὴν αἰτίαν τοῦ τέλους πλὴν ἐν τῇ τῆς ψυχῆς καταστάσει καὶ διαθέσει πρός τε ὑπακοὴν θεοῦ καὶ καθαρότητα πρός τε παράβασιν ἐντολῶν καί κακίας συλλογήν. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="19">
+ <p rend="align(indent)">Ὁ μὲν ἄρα ἀληθῶς καὶ καλῶς <add>πλούσιός</add><note xml:lang="mul"> <add>πλούσιός</add> inserted by Wendland.</note> ἐστιν ὁ τῶν ἀρετῶν πλούσιος καὶ πάσῃ τύχῃ χρῆσθαι ὁσίως καὶ πιστῶς δυνάμενος, ὁ δὲ νόθος πλούσιος ὁ κατὰ σάρκα πλουτῶν καὶ τὴν ζωὴν εἰς <add>τὴν</add><note xml:lang="mul"> <add>τὴν</add> inserted by Ghisler.</note> ἔξω κτῆσιν μετενηνοχὼς τὴν παρερχομένην καὶ φθειρομένην καὶ ἄλλοτε ἄλλου γινομένην καὶ ἐν τῷ τέλει μηδενὸς μηδαμῇ. <pb xml:id="pg.946_alt" type="margin"/> πάλιν αὖ κατὰ τὸν αὐτὸν τρόπον καὶ γνήσιος πτωχὸς καὶ νόθος ἄλλος πτωχὸς καὶ ψευδώνυμος, ὁ μὲν κατὰ πνεῦμα πτωχός, τὸ ἴδιον, ὁ δὲ κατὰ κόσμον, τὸ ἀλλότριον. τῷ δὴ κατὰ κόσμον <add>οὐ</add><note xml:lang="mul"> <add>οὐ</add> inserted by Jülicher.</note> πτωχῷ καὶ πλουσίῳ κατὰ τὰ πάθη ὁ κατὰ πνεῦμα <del>οὐ</del><note xml:lang="mul"> <del>οὐ</del> Segaar. Stählin retains this.</note> πτωχὸς καὶ κατὰ θεὸν πλούσιος <q>ἀπόστηθι,</q> <add>φησί</add><note xml:lang="mul"> <add>φησί</add> inserted by Ghisler.</note>, <q>τῶν ὑπαρχόντων ἐν τῇ ψυχῇ σου κτημάτων ἀλλοτρίων, ἵνα καθαρὸς τῇ καρδίᾳ γενόμενος ἴδῃς τὸν θεόν, ὅπερ καὶ δι’ ἑτέρας φωνῆς ἐστὶν εἰσελθεῖν εἰς τὴν βασιλείαν τῶν οὐρανῶν. καὶ πῶς αὐτῶν ἀποστῇς; πωλήσας. τί οὖν; <pb xml:id="p.310"/> χρήματα ἀντὶ κτημάτων λάβῃς; ἀντίδοσιν πλούτου πρὸς πλοῦτον ποιησάμενος, ἐξαργυρίσας τὴν φανερὰν οὐσίαν; οὐδαμῶς· ἀλλὰ ἀντὶ τῶν πρότερον ἐνυπαρχόντων τῇ ψυχῇ, ἣν σῶσαι ποθεῖς, ἀντεισαγόμενος ἕτερον πλοῦτον θεοποιὸν καὶ ζωῆς χορηγὸν αἰωνίου, τὰς κατὰ τὴν ἐντολὴν τοῦ θεοῦ διαθέσεις, ἀνθ’ ὧν σοι περιέσται μισθὸς καὶ τιμή, διηνεκὴς σωτηρία καὶ αἰώνιος ἀφθαρσία. οὕτως καλῶς πωλεῖς τὰ ὑπάρχοντα, τὰ πολλὰ καὶ περισσὰ καὶ ἀποκλείοντά σοι τοὺς οὐρανούς, ἀντικαταλλασσόμενος αὐτῶν τὰ σῶσαι δυνάμενα. ἐκεῖνα ἐχέτωσαν οἱ σάρκινοι πτωχοὶ καὶ τούτων δεόμενοι, σὺ δὲ τὸν πνευματικὸν πλοῦτον ἀντιλαβὼν ἔχοις ἂν ἤδη θησαυρὸν ἐν οὐρανοῖς.</q> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="20">
+ <p rend="align(indent)">Ταῦτα μὴ συνιεὶς κατὰ τρόπον ὁ πολυχρήματος καὶ ἔννομος ἄνθρωπος, μηδὲ ὅπως ὁ αὐτὸς καὶ πτωχὸς δύναται εἶναι καὶ πλούσιος καὶ ἔχειν τε χρήματα καὶ μὴ ἔχειν καὶ χρῆσθαι τῷ κόσμῳ καὶ μὴ χρῆσθαι, ἀπῆλθε στυγνὸς καὶ κατηφής, λιπὼν τὴν τάξιν τῆς ζωῆς, ἧς ἐπιθυμεῖν μόνον, ἀλλ’ οὐχὶ καὶ τυχεῖν ἠδύνατο, τὸ δύσκολον ποιήσας ἀδύνατον αὐτὸς ἑαυτῷ. δύσκολον γὰρ ἦν μὴ περιάγεσθαι μηδὲ καταστράπτεσθαι τὴν ψυχὴν ὑπὸ τῶν προσόντων ἁβρῶν τῷ προδήλῳ πλούτῳ καὶ ἀνθηρῶν γοητευμάτων, οὐκ ἀδύνατον δὲ τὸ καὶ ἐν τούτῳ λαβέσθαι σωτηρίας, εἴ τις ἑαυτὸν ἀπὸ τοῦ αἰσθητοῦ πλούτου ἐπὶ τὸν νοητὸν καὶ θεοδίδακτον μεταγάγοι καὶ μάθοι τοῖς ἀδιαφόροις<note xml:lang="mul">ἀδιαφόροις Ghisler. διαφόρως MS.</note> χρῆσθαι καλῶς καὶ ἰδίως καὶ ὡς ἂν εἰς ζωὴν αἰώνιον ὁρμήσαι<note xml:lang="mul">ὁρμήσαι Wilamowitz. ὁρμᾶσαι MS</note>. καὶ οἱ μαθηταὶ δὲ τὸ πρῶτον μὲν καὶ αὐτοὶ περιδεεῖς καὶ <pb xml:id="p.312"/> καταπλῆγες γεγόνασιν. ἀκούσαντες τί δήποτε; ἆρά γε ὅτι χρήματα καὶ αὐτοὶ ἐκέκτηντο πολλά; ἀλλὰ καὶ αὐτὰ ταῦτα τὰ δικτύφια καὶ ἄγκιστρα καὶ τὰ ὑπηρετικὰ σκαφίδια ἀφῆκαν πάλαι, ἅπερ ἦν αὐτοῖς μόνα. τί οὖν φοβηθέντες λέγουσι· <q>τίς δύναται σωθῆναι;</q> καλῶς ἤκουσαν καὶ ὡς μαθηταὶ τοῦ παραβολικῶς καὶ ἀσαφῶς<note xml:lang="mul">ἀσαφῶς Ghisler. σαφῶς MS.</note> λεχθέντος ὑπὸ τοῦ κυρίου καὶ ᾔσθοντο τοῦ βάθους τῶν λόγων. ἕνεκα <pb xml:id="pg.947_alt" type="margin"/> μὲν οὖν χρημάτων ἀκτημοσύνης εὐέλπιδες ἦσαν πρὸς σωτηρίαν· ἐπειδὴ δὲ συνῄδεσαν ἑαυτοῖς μήπω τὰ πάθη τέλεον ἀποτεθειμένοις<note xml:lang="mul">ἀποτεθειμένοις Mayor. ἀποτιθεμένοις MS.</note> ʽἀρτιμαθεῖς γὰρ ἦσαν καὶ νεωστὶ πρὸς τοῦ σωτῆρος ἠνδρολογημένοἰ, <q>περισσῶς ἐξεπλήσσοντο</q> καὶ ἀπεγίνωσκον ἑαυτοὺς οὐδέν τι ἧττον ἐκείνου τοῦ πολυχρημάτου καὶ δεινῶς τῆς κτήσεως περιεχομένου, ἥν γε προέκρινεν ζωῆς αἰωνίου. ἄξιον οὖν ἦν τοῖς μαθηταῖς φόβου πάντως,<note xml:lang="mul">πάντως Wilamowitz. παντὸς MS.</note> εἰ καὶ ὁ χρήματα κεκτημένος καὶ ὁ τῶν παθῶν ἔγκυος, ὧν<note xml:lang="mul">ὦν Stählin. ὣν MS.</note> ἐπλούτουν καὶ αὐτοί, παραπλησίως ἀπελασθήσονται οὐρανῶν· ἀπαθῶν γὰρ καὶ καθαρῶν ψυχῶν ἐστιν ἡ σωτηρία. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="21">
+ <p rend="align(indent)">Ὁ δὲ κύριος ἀποκρίνεται διότι <q>τὸ ἐν ἀνθρώποις ἀδύνατον δυνατὸν θεῷ.</q> πάλιν καὶ τοῦτο μεγάλης σοφίας μεστόν ἐστιν, ὅτι καθ’ αὑτὸν μὲν ἀσκῶν καὶ διαπονούμενος ἀπάθειαν <add>ὁ</add><note xml:lang="mul"> <add>ὁ</add> inserted by Wilamowitz.</note> ἄνθρωπος οὐδὲν ἀνύει, ἐὰν δὲ γένηται δῆλος ὑπερεπιθυμῶν τούτου καὶ διεσπουδακώς, τῇ προσθήκῃ τῆς παρὰ θεοῦ δυνάμεως περιγίνεται· βουλομέναις μὲν γὰρ ταῖς ψυχαῖς ὁ θεὸς συνεπιπνεῖ, εἰ δὲ ἀποσταῖεν τῆς προθυμίας, <pb xml:id="p.314"/> καὶ τὸ δοθὲν ἐκ θεοῦ πνεῦμα συνεστάλη· τὸ μὲν γὰρ ἄκοντας σῴζειν ἐστὶ βιαζομένου, τὸ δὲ αἱρουμένους χαριζομένου. οὐδὲ τῶν καθευδόντων καὶ βλακευόντων ἐστὶν ἡ βασιλεία τοῦ θεοῦ, ἀλλ’ <q>οἱ βιασταὶ ἁρπάζουσιν αὐτήν</q> · αὕτη γὰρ μόνη<note xml:lang="mul">μόνη Stählin (from Sacra Parallela of John of Damascus). μόνον MS.</note> βία καλή, θεὸν βιάσασθαι καὶ παρὰ θεοῦ ζωὴν ἁρπάσαι, ὁ δὲ γνοὺς τοὺς βιαίως, μᾶλλον δὲ βεβαίως<note xml:lang="mul">βιαίως ... βεβαίως Stählin (from Sac. Par.) βεβαίως ... βιαίως MS.</note> ἀντεχομένους <del>συνεχώρησεν</del><note xml:lang="mul"> <del>συνεχώρησεν</del> Stählin.</note> εἶξεν· χαίρει γὰρ ὁ θεὸς τὰ τοιαῦτα ἡττώμενος. τοιγάρτοι τούτων ἀκούσας ὁ μακάριος Πέτρος, ὁ ἐκλεκτός, ὁ ἐξαίρετος, ὁ πρῶτος τῶν μαθητῶν, ὑπὲρ οὗ μόνου καὶ ἑαυτοῦ τὸν φόρον ὁ σωτὴρ ἐκτελεῖ, ταχέως ἥρπασε καὶ συνέβαλε τὸν λόγον. καὶ τί φησιν; <q>ἰδὲ ἡμεῖς ἀφήκαμεν πάντα καὶ ἠκολουθήσαμέν σοι.</q> τὰ δὲ <q>πάντα</q> εἰ μὲν τὰ κτήματα τὰ ἑαυτοῦ λέγει, τέσσαρας ὀβολοὺς ἴσως, <add>τὸ</add><note xml:lang="mul"> <add>τὸ</add> inserted by Segaar.</note> τοῦ λόγου, καταλιπὼν μεγαλύνεται καὶ τούτων ἀνταξίαν ἀποφαίνων ἂν λάθοι τὴν βασιλείαν τῶν οὐρανῶν· εἰ δέ, ἅπερ ἄρτι<note xml:lang="mul">ἄρτι Schwartz. ἄχρι MS.</note> νῦν λέγομεν, τὰ παλαιὰ νοητὰ κτήματα καὶ ψυχικὰ νοσήματα ἀπορρίψαντες ἕπονται κατ’ ἴχνος τοῦ διδασκάλου, τοῦτ’ ἂν ἀνάπτοιτο<note xml:lang="mul">ἀνάπτοιτο Mayor. ἅπτοιτο MS.</note> ἤδη τοῖς ἐν οὐρανοῖς ἐγγραφησομένοις. τοῦτο<note xml:lang="mul">τοῦτο Wilamowitz. οὕτως MS.</note> γὰρ ἀκολουθεῖν ὄντως τῷ σωτῆρι, ἀναμαρτησίαν καὶ τελειότητα τὴν ἐκείνου μετερχόμενον καὶ πρὸς ἐκεῖνον ὥσπερ κάτοπτρον κοσμοῦντα καὶ ῥυθμίζοντα τὴν ψυχὴν καὶ πάντα διὰ πάντων ὁμοίως διατιθέντα. <pb xml:id="pg.918_alt" type="margin"/> <pb xml:id="p.316"/> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="22">
+ <p rend="align(indent)"> <q>Ἀποκριθεὶς δὲ Ἰησοῦς· ἀμὴν ὑμῖν λέγω, ὃς ἂν ἀφῇ τὰ ἴδια καὶ γονεῖς καὶ ἀδελφοὺς καὶ χρήματα ἕνεκεν ἐμοῦ καὶ ἕνεκεν τοῦ εὐαγγελίου, ἀπολήψεται ἑκατονταπλασίονα.</q> ἀλλὰ μηδὲ τοῦθ’ ἡμᾶς ἐπιταρασσέτω, μηδὲ τὸ ἔτι τούτου σκληρότερον ἀλλαχοῦ ταῖς φωναῖς ἐξενηνεγμένον· <q>ὃς οὐ μισεῖ πατέρα καὶ μητέρα καὶ παῖδας, προσέτι δὲ καὶ τὴν ἑαυτοῦ ψυχήν, ἐμὸς μαθητὴς εἶναι οὐ δύναται.</q> οὐ γὰρ εἰσηγεῖται μῖσος καὶ διάλυσιν ἀπὸ τῶν φιλτάτων ὁ τῆς εἰρήνης θεός, ὅ γε καὶ τοὺς ἐχθροὺς ἀγαπᾶν παραινῶν. εἰ δὲ τοὺς ἐχθροὺς ἀγαπητέον, ἀνάλογον ἀπ’ ἐκείνων ἀνιόντι καὶ τοὺς ἐγγυτάτω γένους· ἢ εἰ μισητέον τοὺς πρὸς αἵματος, πολὺ μᾶλλον τοὺς ἐχθροὺς προβάλλεσθαι κατιὼν ὁ λόγος διδάσκει, ὥστ’ ἀλλήλους ἀναιροῦντες ἐλέγχοιντ’ ἂν οἱ λόγοι. ἀλλ’ οὐδ’ ἀναιροῦσιν οὐδ’ ἐγγύς, ἀπὸ γὰρ τῆς αὐτῆς γνώμης καὶ διαθέσεως καὶ ἐπὶ τῷ αὐτῷ ὅρῳ πατέρα μισοίη τις ἂν <add>καὶ</add> ἐχθρὸν ἀγαπώῃ<note xml:lang="mul"> <add>καὶ</add> ... ἀγαπώῃ Stählin. ἀγαπῶν MS.</note> ὁ μήτε ἐχθρὸν ἀμυνόμενος μήτε πατέρα Χριστοῦ πλέον αἰδούμενος. ἐν ἐκείνῳ μὲν γὰρ τῷ λόγῳ μῖσος ἐκκόπτει καὶ κακοποιίαν, ἐν τούτῳ δὲ τὴν πρὸς τὰ σύντροφα δυσωπίαν, εἰ βλάπτοι πρὸς σωτηρίαν. εἰ γοῦν ἄθεος εἴη τινὶ πατὴρ ἢ υἱὸς ἢ ἀδελφὸς καὶ κώλυμα τῆς πίστεως γένοιτο καὶ ἐμπόδιον τῆς ἄνω ζωῆς, τούτῳ μὴ συμφερέσθω μηδὲ ὁμονοείτω, ἀλλὰ τὴν σαρκικὴν οἰκειότητα διὰ τὴν πνευματικὴν ἔχθραν διαλυσάτω. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="23">
+ <p rend="align(indent)">Νόμισον εἶναι τὸ πρᾶγμα διαδικασίαν. ὁ μὲν πατήρ σοι δοκείτω παρεστὼς λέγειν <q>ἐγὼ σε ἔσπειρα καὶ ἔθρεψα, ἀκολούθει μοι καὶ συναδίκει <pb xml:id="p.318"/> καὶ μὴ πείθου τῷ Χριστοῦ νόμῳ</q> καὶ ὁπόσα ἂν εἴποι βλάσφημος ἄνθρωπος καὶ νεκρὸς τῇ φύσει. ἑτέρωθεν δὲ ἄκουε τοῦ σωτῆρος· <q>ἐγώ σε ἀνεγέννησα, κακῶς ὑπὸ κόσμου πρὸς θάνατον γεγεννημένον, ἠλευθέρωσα, ἰασάμην, ἐλυτρωσάμην· ἐγώ σοι παρέξω ζωὴν ἄπαυστον, αἰώνιον, ὑπερκόσμιον· ἐγώ σοι δείξω θεοῦ πατρὸς ἀγαθοῦ πρόσωπον· μὴ κάλει σεαυτῷ πατέρα ἐπὶ γῆς· οἱ νεκροὶ τοὺς νεκροὺς θαπτέτωσαν, σὺ δέ μοι ἀκολούθει· ἀνάξω γάρ σε εἰς ἀνάπαυσιν <add>καὶ ἀπόλαυσιν</add><note xml:lang="mul"> <add>καὶ ἀπόλαυσιν</add> Stählin.</note> ἀρρήτων καὶ ἀλέκτων ἀγαθῶν, ἃ μήτε ὀφθαλμὸς εἶδε μήτε οὖς ἤκουσε μήτε ἐπὶ καρδίαν ἀνθρώπων ἀνέβη, εἰς ἃ ἐπιθυμοῦσιν ἄγγελοι παρακύψαι καὶ ἰδεῖν ἅπερ ἡτοίμασεν ὁ θεὸς τοῖς ἁγίοις ἀγαθὰ καὶ τοῖς φιλοῦσιν αὐτὸν τέκνοις. ἐγώ σου τροφεὺς ἄρτον ἐμαυτὸν διδούς, οὖ γευσάμενος οὐδεὶς ἔτι πεῖραν θανάτου λαμβάνει, καὶ πόμα καθ’ ἡμέραν ἐνδιδοὺς ἀθανασίας· ἐγὼ διδάσκαλος ὑπερουρανίων παιδευμάτων· ὑπὲρ σοῦ πρὸς τὸν θάνατον διηγωνισάμην καὶ τὸν σὸν ἐξέτισα θάνατον, ὃν ὤφειλες ἐπὶ τοῖς προημαρτημένοις καὶ τῇ πρὸς θεὸν ἀπιστίᾳ.</q> τούτων τῶν λόγων ἑκατέρωθεν διακούσας ὑπὲρ σεαυτοῦ δίκασον καὶ τὴν ψῆφον ἀνένεγκε τῇ σαυτοῦ σωτηρίᾳ· κἂν ἀδελφὸς ὅμοια λέγῃ κἂν τέκνον κἂν γυνὴ κἂν ὁστισοῦν, πρὸ <pb xml:id="pg.949_alt" type="margin"/> πάντων ἐν σοὶ Χριστὸς ὁ νικῶν ἔστω· ὑπὲρ σοῦ γὰρ ἀγωνίζεται. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="24">
+ <p rend="align(indent)">Δύνασαι καὶ τῶν χρημάτων ἐπίπροσθεν εἶναι; φράσον καὶ οὐκ ἀπάγει σε Χριστὸς τῆς κτήσεως, ὁ <pb xml:id="p.320"/> κύριος οὐ φθονεῖ. ἀλλ’ ὁρᾷς σεαυτὸν ἡττώμενον ὑπ’ αὐτῶν καὶ ἀνατρεπόμενον; ἄφες, ῥῖψον, μίσησον, ἀπόταξαι, φύγε· <q>κἂν ὁ δεξιός σου ὀφθαλμὸς σκανδαλίζῃ σε, ταχέως ἔκκοψον αὐτόν·</q> αἱρετώτερον ἑτεροφθάλμῳ βασιλεία θεοῦ ἢ ὁλοκλήρῳ τὸ πῦρ· κἂν χεὶρ κἂν ποὺς κἂν ἡ ψυχή, μίσησον αὐτήν· ἂν γὰρ ἐνταῦθα ἀπόληται ὑπὲρ Χριστοῦ, <add>ἐκεῖ σωθήσεται</add><note xml:lang="mul"> <add>ἐκεῖ σωθήσεται</add> Segaar.</note>. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="25">
+ <p rend="align(indent)">Ταύτης δὲ ὁμοίως ἔχεται τῆς γνώμης καὶ τὸ ἑπόμενον· <q>νῦν δὲ ἐν τῷ καιρῷ τούτῳ ἀγροὺς καὶ χρήματα καὶ οἰκίας καὶ ἀδελφοὺς ἔχειν μετὰ διωγμῶν εἰς ποῦ;<note xml:lang="mul">εἰς ποῦ; Stählin. εἶς που MS. See p. 280, n. 1.</note></q> οὔτε γὰρ ἀχρημάτους οὔτε ἀνεστίους οὔτε ἀναδέλφους ἐπὶ τὴν ζωὴν καλεῖ, ἐπεὶ καὶ πλουσίους κέκληκεν, ἀλλ’ ὃν τρόπον προειρήκαμεν, καὶ ἀδελφοὺς κατὰ ταὐτὸν<note xml:lang="mul">κατὰ ταὐτὸν Segaar. κατʼ αὐτὸν MS.</note> ὥσπερ Πέτρον μετὰ Ἀνδρέου καὶ Ἰάκωβον μετὰ Ἰωάννου, τοὺς Ζεβεδαίου παῖδας, ἀλλ’ ὁμονοοῦντας ἀλλήλοις τε καὶ Χριστῷ. τὸ δὲ <q>μετὰ διωγμῶν</q> ταῦτα ἕκαστα ἔχειν ἀποδοκιμάζει· διωγμὸς δὲ ὁ μέν τις ἔξωθεν περιγίνεται τῶν ἀνθρώπων ἢ δι’ ἔχθραν ἢ διὰ φθόνον ἢ διὰ φιλοκέρδειαν ἢ κατ’ ἐνέργειαν διαβολικὴν τοὺς πιστοὺς ἐλαυνόντων· ὁ δὲ χαλεπώτατος ἔνδοθέν ἐστι διωγμός, ἐξ αὐτῆς ἑκάστῳ τῆς ψυχῆς προπεμπόμενος λυμαινομένης ὑπὸ ἐπιθυμιῶν ἀθέων καὶ ἡδονῶν ποικίλων καὶ φαύλων ἐλπίδων καὶ φθαρτικῶν<note xml:lang="mul">φθαρτικῶν Mayor. φθαρτῶν MS.</note> ὀνειροπολημάτων, ὅταν, ἀεὶ τῶν πλειόνων ὀρεγομένη καὶ λυσσῶσα ὑπὸ ἀγρίων ἐρώτων καὶ φλεγομένη, καθάπερ κέντροις ἢ μύωψι <pb xml:id="p.322"/> τοῖς προσκειμένοις<note xml:lang="mul">προσκειμένοις Segaar. προκειμένοις MS.</note> αὐτῇ πάθεσιν ἐξαιμάσσηται πρὸς σπουδὰς μανιώδεις καὶ ζωῆς ἀπόγνωσιν καὶ θεοῦ καταφρόνησιν. οὗτος ὁ διωγμὸς βαρύτερος καὶ χαλεπώτερος, ἔνδοθεν ὁρμώμενος, ἀεὶ συνών, ὃν οὐδὲ ἐκφυγεῖν ὁ διωκόμενος δύναται· τὸν γὰρ ἐχθρὸν ἐν ἑαυτῷ περιάγει πανταχοῦ. οὕτω καὶ πύρωσις ἡ μὲν ἔξωθεν προσπίπτουσα δοκιμασίαν κατεργάζεται, ἡ δὲ ἔνδοθεν θάνατον διαπράσσεται<note xml:lang="mul">διαπράσσεται Barnard. διαταράσσεται MS.</note>. καὶ πόλεμος ὁ μὲν ἐπακτὸς ῥᾳδίως καταλύεται, ὁ δὲ ἐν τῇ ψυχῇ μέχρι θανάτου παραμετρεῖται. μετὰ διωγμοῦ τοιούτου πλοῦτον ἐὰν ἔχῃς τὸν αἰσθητὸν κἂν ἀδελφοὺς τοὺς πρὸς αἵματος καὶ τὰ ἄλλα ἐνέχυρα, κατάλιπε τὴν τούτων παγκτησίαν τὴν ἐπὶ κακῷ, εἰρήνην σεαυτῷ παράσχες, ἐλευθερώθητι διωγμοῦ μακροῦ, ἀποστράφηθι πρὸς τὸ εὐαγγέλιον ἀπ’ ἐκείνων, ἑλοῦ τὸν σωτῆρα πρὸ πάντων, τὸν τῆς σῆς συνήγορον καὶ παράκλητον ψυχῆς, τὸν τῆς ἀπείρου πρύτανιν ζωῆς. <q>τὰ γὰρ βλεπόμενα πρόσκαιρα, τὰ δὲ μὴ βλεπόμενα αἰώνια·</q> καὶ ἐν μὲν τῷ παρόντι <pb xml:id="pg.950_alt" type="margin"/> χρόνῳ ὠκύμορα καὶ ἀβέβαια, <q>ἐν δὲ τῷ ἐρχομένῳ ζωή<note xml:lang="mul">ζωή Ghisler. ζωήν MS.</note> ἐστιν αἰώνιος.</q> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="26">
+ <p rend="align(indent)"> <q>Ἔσονται οἱ πρῶτοι ἔσχατοι καὶ οἱ ἔσχατοι πρῶτοι.</q> τοῦτο πολύχουν μέν ἐστι κατὰ τὴν ὑπόνοιαν καὶ τὸν σαφηνισμόν, οὐ μὴν ἔν γε τῷ παρόντι τὴν ζήτησιν ἀπαιτεῖ· οὐ γὰρ μόνον ῥέπει <pb xml:id="p.324"/> πρὸς τοὺς πολυκτήμονας, ἀλλ’ ἁπλῶς πρὸς ἅπαντας ἀνθρώπους τοὺς πίστει καθάπαξ ἑαυτοὺς ἐπιδιδόντας. ὥστε τοῦτο μὲν ἀνακείσθω τὰ νῦν. τὸ δέ γε προκείμενον ἡμῖν οἶμαι μηδέν τι ἐνδεέστερον<note xml:lang="mul">ἐνδεέστερον Ghisler. ἀδεέστερον MS.</note> τῆς ἐπαγγελίας δεδεῖχθαι, ὅτι τοὺς πλουσίους οὐδένα τρόπον ὁ σωτὴρ κατ’ αὐτόν γε τὸν πλοῦτον καὶ τὴν περιβολὴν τῆς κτήσεως ἀποκέκλεικεν οὐδ’ αὐτοῖς ἀποτετάφρευκεν τὴν σωτηρίαν, εἴ γε δύναιντο καὶ βούλοιντο ὑποκύπτειν τοῦ θεοῦ ταῖς ἐντολαῖς καὶ τῶν προσκαίρων προτιμῷεν τὴν ἑαυτῶν ζωὴν καὶ βλέποιεν πρὸς τὸν κύριον ἀτενεῖ τῷ βλέμματι, καθάπερ εἰς ἀγαθοῦ κυβερνήτου νεῦμα δεδορκότες, τί βούλεται, τί προστάσσει, τί σημαίνει, τί δίδωσι τοῖς αὑτοῦ ναύταις <del>τὸ</del><note xml:lang="mul"> <del>τὸ</del> Stählin.</note> σύνθημα, ποῦ καὶ πόθεν τὸν ὅρμον ἐπαγγέλλεται. τί γὰρ ἀδικεῖ τις, εἰ προσέχων τὴν γνώμην καὶ φειδόμενος πρὸ τῆς πίστεως βίον ἱκανὸν συνελέξατο ; ἢ καὶ <add>τὸ</add><note xml:lang="mul"> <add>τὸ</add> inserted by Ghisler.</note> τούτου μᾶλλον ἀνέγκλητον, εἰ εὐθὺς ὑπὸ τοῦ θεοῦ τοῦ τὴν τύχην<note xml:lang="mul">τύχην Segaar. ψυχὴν MS.</note> νέμοντος εἰς οἶκον τοιούτων ἀνθρώπων εἰσῳκίσθη καὶ γένος ἀμφιλαφὲς τοῖς χρήμασιν <del>ἰσχῦον</del><note xml:lang="mul"> <del>ἰσχῦον</del> Wilamowitz.</note> καὶ τῷ πλούτῳ κρατοῦν; εἰ γὰρ διὰ τὴν ἀκούσιον ἐν πλούτῳ γένεσιν ἀπελήλαται ζωῆς, ἀδικεῖται μᾶλλον ὑπὸ τοῦ γειναμένου<note xml:lang="mul">γειναμένου Ghisler.</note> θεοῦ, προσκαίρου μὲν ἡδυπαθείας κατηξιωμένος, ἀιδίου δὲ ζωῆς ἀπεστερημένος. τί δ’ ὅλως πλοῦτον ἐχρῆν ἐκ γῆς ἀνατεῖλαί ποτε, εἰ χορηγὸς καὶ πρόξενός ἐστι θανάτου; <pb xml:id="p.326"/> ἀλλ’ εἰ δύναταί τις ἐνδοτέρω τῶν ὑπαρχόντων κάμπτειν τῆς ἐξουσίας καὶ μέτρια φρονεῖν καὶ σωφρονεῖν καὶ θεὸν μόνον ζητεῖν καὶ θεὸν ἀναπνεῖν καὶ θεῷ συμπολιτεύεσθαι, πτωχὸς οὗτος παρέστηκε ταῖς ἐντολαῖς, ἐλεύθερος, ἀήττητος, ἄνοσος, ἄτρωτος ὑπὸ χρημάτων· εἰ δὲ μή, θᾶττον κάμηλος διὰ βελόνης εἰσελεύσεται ἢ ὁ τοιοῦτος πλούσιος ἐπὶ τὴν βασιλείαν τοῦ θεοῦ παρελεύσεται. σημαινέτω μὲν οὖν τι καὶ ὑψηλότερον ἡ κάμηλος διὰ στενῆς ὁδοῦ καὶ τεθλιμμένης φθάνουσα τὸν πλούσιον, ὅπερ ἐν τῇ περὶ ἀρχῶν καὶ θεολογίας ἐξηγήσει μυστήριον τοῦ σωτῆρος ὑπάρχει μαθεῖν· </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="27">
+ <p rend="align(indent)">οὐ μὴν ἀλλὰ τό γε φαινόμενον πρῶτον καὶ δι’ ὃ λέλεκται τῆς παραβολῆς παρεχέσθω. διδασκέτω τοὺς εὐποροῦντας ὡς οὐκ ἀμελητέον τῆς ἑαυτῶν σωτηρίας ὡς ἤδη προκατεγνωσμένους οὐδὲ καταποντιστέον αὖ πάλιν τὸν πλοῦτον οὐδὲ καταδικαστέον ὡς <pb xml:id="pg.951_alt" type="margin"/> τῆς ζωῆς ἐπίβουλον καὶ πολέμιον, ἀλλὰ μαθητέον τίνα τρόπον καὶ πῶς πλούτῳ χρηστέον καὶ τὴν ζωὴν κτητέον. ἐπειδὴ γὰρ οὔτε ἐκ παντὸς ἀπόλλυταί τις, ὅτι πλουτεῖ δεδιώς, οὔτε ἐκ παντὸς σῴζεται θαρρῶν καὶ πιστεύων ὡς σωθήσεται, φέρε σκεπτέον ἥντινα τὴν ἐλπίδα αὐτοῖς ὁ σωτὴρ ὑπογράφει, καὶ πῶς ἂν τὸ μὲν ἀνέλπιστον ἐχέγγυον γένοιτο, τὸ δὲ ἐλπισθὲν εἰς κτῆσιν ἀφίκοιτο.</p> <pb xml:id="p.328"/> 
+ <p rend="align(indent)">Φησὶν οὖν ὁ διδάσκαλος, τίς ἡ μεγίστη τῶν ἐντολῶν ἠρωτημένος· <q>ἀγαπήσεις κύριον τὸν θεόν σου ἐξ ὅλης τῆς ψυχῆς σου καὶ ἐξ ὅλης τῆς δυνάμεώς σου,</q> ταύτης μείζω μηδεμίαν ἐντολὴν εἶναι, καὶ μάλα εἰκότως. καὶ γὰρ καὶ περὶ τοῦ πρώτου καὶ περὶ τοῦ μεγίστου παρήγγελται, αὐτοῦ τοῦ θεοῦ πατρὸς ἡμῶν, δι’ οὗ καὶ γέγονε καὶ ἔστι τὰ πάντα καὶ εἰς ὃν τὰ σῳζόμενα πάλιν ἐπανέρχεται. ὑπὸ τούτου τοίνυν προαγαπηθέντας καὶ τοῦ γενέσθαι τυχόντας οὐχ ὅσιον ἄλλο τι πρεσβύτερον ἄγειν καὶ τιμιώτερον, ἐκτίνοντας μόνην τὴν χάριν ταύτην μικρὰν ἐπὶ μεγίστοις, ἄλλο δὲ μηδοτιοῦν ἔχοντας ἀνενδεεῖ καὶ τελείῳ θεῷ πρὸς ἀμοιβὴν ἐπινοῆσαι, αὐτῷ δὲ τῷ<note xml:lang="mul">αὐτῷ δὲ τῷ Ghisler. αὐτὸ δὲ τὸ MS.</note> ἀγαπᾶν τὸν πατέρα εἰς οἰκείαν ἰσχὺν καὶ δύναμιν ἀφθαρσίαν<note xml:lang="mul">ἀφθαρσίαν Wilamowitz. ἀφθαρσίας MS.</note> κομιζομένους. ὅσον γὰρ ἀγαπᾷ τις θεόν, τοσούτῳ καὶ πλέον ἐνδοτέρω τοῦ θεοῦ παραδύεται. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="28">
+ <p rend="align(indent)">Δευτέραν δὲ τάξει καὶ οὐδέν τι μικροτέραν ταύτης εἶναι λέγει τό· <q>ἀγαπήσεις τὸν πλησίον σου ὡς σεαυτόν·</q> οὐκοῦν τὸν θεὸν ὑπὲρ σεαυτόν. πυνθανομένου δὲ τοῦ προσδιαλεγομένου <q>τίς ἐστιν πλησίον;</q> οὐ τὸν αὐτὸν τρόπον Ἰουδαίοις προωρίσατο τὸν πρὸς αἵματος οὐδὲ τὸν πολίτην οὐδὲ τὸν προσήλυτον οὐδὲ τὸν ὁμοίως περιτετμημένον οὐδὲ τὸν ἑνὶ καὶ ταὐτῷ νόμῳ χρώμενον· ἀλλὰ ἄνωθεν καταβαίνοντα<note xml:lang="mul">καταβαίνοντα Ghisler. καταβαίνων MS.</note> ἀπὸ Ἰερουσαλὴμ ἄγει τῷ λόγῳ τινὰ εἰς Ἱεριχὼ καὶ τοῦτον δείκνυσιν ὑπὸ λῃστῶν συγκεκεντημένον, ἐρριμμένον ἡμιθνῆτα ἐπὶ <pb xml:id="p.330"/> τῆς ὁδοῦ, ὑπὸ ἱερέως παροδευόμενον, ὑπὸ Λευίτου παρορώμενον, ὑπὸ δὲ τοῦ Σαμαρείτου τοῦ ἐξωνειδισμένου καὶ ἀφωρισμένου κατελεούμενον, ὃς οὐχὶ κατὰ τύχην ὡς ἐκεῖνοι παρῆλθεν, ἀλλ’ ἧκε συνεσκευασμένος ὧν<note xml:lang="mul">ὧν Ghisler. ὢν MS.</note> ὁ κινδυνεύων ἐδεῖτο, οἶνον, ἔλαιον, ἐπιδέσμους, κτῆνος, μισθὸν τῷ πανδοχεῖ, τὸν μὲν ἤδη διδόμενον, τὸν δὲ προσυπισχνούμενον. <q>τίς,</q> ἔφη, <q>τούτων γέγονε πλησίον τῷ τὰ δεινὰ παθόντι;</q> τοῦ δὲ ἀποκριναμένου ὅτι <q>ὁ τὸν ἔλεον πρὸς αὐτὸν ἐπιδειξάμενος· καὶ σὺ τοίνυν πορευθεὶς οὕτω ποίει,</q> ὡς τῆς ἀγάπης βλαστανούσης εὐποιίαν. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="29">
+ <p rend="align(indent)">Ἐν ἀμφοτέραις μὲν οὖν ταῖς ἐντολαῖς ἀγάπην εἰσηγεῖται, τάξει δ’ αὐτὴν διῄρηκε, καὶ ὅπου μὲν τὰ πρωτεῖα τῆς ἀγάπης ἀνάπτει τῷ θεῷ, ὅπου δὲ τὰ δευτερεῖα νέμει τῷ πλησίον. τίς δ’ ἂν ἄλλος οὗτος εἴη πλὴν αὐτὸς ὁ σωτήρ; ἢ τίς μᾶλλον ἡμᾶς ἐλεήσας <pb xml:id="pg.952_alt" type="margin"/> ἐκείνου, τοὺς ὑπὸ τῶν κοσμοκρατόρων τοῦ σκότους ὀλίγου τεθανατωμένους τοῖς πολλοῖς τραύμασι, φόβοις, ἐπιθυμίαις, ὀργαῖς, λύπαις, ἀπάταις, ἡδοναῖς; τούτων δὲ τῶν τραυμάτων μόνος ἰατρὸς Ἰησοῦς, ἐκκόπτων ἄρδην τὰ πάθη πρόρριζα, οὐχ ὥσπερ ὁ νόμος ψιλὰ τὰ ἀποτελέσματα, τοὺς καρποὺς τῶν πονηρῶν φυτῶν, ἀλλὰ τὴν ἀξίνην τὴν ἑαυτοῦ πρὸς τὰς ῥίζας τῆς κακίας προσαγαγών. οὗτος <add>ὁ</add><note xml:lang="mul"> <add>ὁ</add> inserted by Ghisler.</note> τὸν οἶνον, τὸ αἷμα τῆς ἀμπέλου τῆς Δαβίδ, ἐκχέας ἡμῶν ἐπὶ τὰς τετρωμένας ψυχάς, <add>οὗτος ὁ τὸ ἔλαιον,</add><note xml:lang="mul"> <add>οὗτος</add> inserted by Wilamowitz: <add>ὁ τὸ ἔλαιον</add> by Lindner.</note> τὸν ἐκ σπλάγχνων πατρὸς ἔλεον, προσενεγκὼν καὶ ἐπιδαψιλευόμενος, οὗτος ὁ τοὺς <pb xml:id="p.332"/> τῆς ὑγείας καὶ σωτηρίας δεσμοὺς ἀλύτους ἐπιδείξας, ἀγάπην, πίστιν, ἐλπίδα, οὗτος ὁ διακονεῖν ἀγγέλους καὶ ἀρχὰς καὶ ἐξουσίας ἡμῖν ἐπιτάξας ἐπὶ μεγάλῳ μισθῷ, διότι καὶ αὐτοὶ ἐλευθερωθήσονται ἀπὸ τῆς ματαιότητος τοῦ κόσμου παρὰ τὴν ἀποκάλυψιν τῆς δόξης τῶν υἱῶν τοῦ θεοῦ. τοῦτον οὖν ἀγαπᾶν ἴσα χρὴ τῷ θεῷ. ἀγαπᾷ δὲ Χριστὸν Ἰησοῦν ὁ τὸ θέλημα αὐτοῦ ποιῶν καὶ φυλάσσων αὐτοῦ τὰς ἐντολάς. <q>οὐ γὰρ πᾶς ὁ λέγων μοι κύριε κύριε εἰσελεύσεται εἰς τὴν βασιλείαν τῶν οὐρανῶν, ἀλλ’ ὁ ποιῶν τὸ θέλημα τοῦ πατρός μου.</q> καί· <q>τί με λέγετε κύριε κύριε καὶ οὐ ποιεῖτε ἃ λέγω;</q> καί· <q>ὑμεῖς μακάριοι οἱ ὁρῶντες καὶ ἀκούοντες ἃ μήτε δίκαιοι μήτε προφῆται,</q> ἐὰν ποιῆτε ἃ λέγω. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="30">
+<p rend="align(indent)">Πρῶτος μὲν οὖν οὗτός ἐστιν ὁ Χριστὸν ἀγαπῶν, δεύτερος δὲ ὁ τοὺς ἐκείνῳ πεπιστευκότας τιμῶν καὶ περιέπων. ὃ γὰρ ἄν τις εἰς μαθητὴν ἐργάσηται, τοῦτο εἰς ἑαυτὸν ὁ κύριος ἐκδέχεται καὶ πᾶν ἑαυτοῦ ποιεῖται. <q>δεῦτε, οἱ εὐλογημένοι τοῦ πατρός μου, κληρονομήσατε τὴν ἡτοιμασμένην ὑμῖν βασιλείαν ἀπὸ καταβολῆς κόσμου. ἐπείνασα γὰρ καὶ ἐδώκατέ μοι φαγεῖν, καὶ ἐδίψησα καὶ ἐδώκατέ μοι πιεῖν, καὶ ξένος ἤμην καὶ συνηγάγετέ με, γυμνὸς ἤμην καὶ ἐνεδύσατέ με, ἠσθένησα καὶ ἐπεσκέψασθέ με, ἐν φυλακῇ ἤμην καὶ ἤλθετε πρός με. τότε ἀποκριθήσονται αὐτῷ οἱ δίκαιοι λέγοντες· κύριε, <pb xml:id="p.334"/> πότε σε εἴδομεν πεινῶντα καὶ ἐθρέψαμεν, ἢ διψῶντα καὶ ἐποτίσαμεν; πότε δὲ εἴδομέν σε ξένον καὶ συνηγάγομεν, ἢ γυμνὸν καὶ περιεβάλομεν; ἢ πότε σε εἴδομεν ἀσθενοῦντα καὶ ἐπεσκεψάμεθα; ἢ ἐν φυλακῇ καὶ ἤλθομεν πρὸς σέ; ἀποκριθεὶς ὁ βασιλεὺς ἐρεῖ αὐτοῖς· ἀμὴν λέγω ὑμῖν, ἐφ’ ὅσον ἐποιήσατε ἑνὶ τούτων τῶν ἀδελφῶν μου τῶν ἐλαχίστων, ἐμοὶ ἐποιήσατε.</q> πάλιν ἐκ τῶν ἐναντίων τοὺς ταῦτα μὴ παρασχόντας αὐτοῖς εἰς τὸ πῦρ ἐμβάλλει τὸ αἰώνιον, ὡς αὐτῷ μὴ παρεσχηκότας. καὶ ἀλλαχοῦ· <q>ὁ ὑμᾶς δεχόμενος ἐμὲ δέχεται, ὁ ὑμᾶς μὴ δεχόμενος ἐμὲ ἀθετεῖ.</q> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="31">
+ <p rend="align(indent)">Τούτους καὶ τέκνα καὶ παιδία καὶ νήπια καὶ φίλους ὀνομάζει καὶ μικροὺς ἐνθάδε ὡς πρὸς τὸ μέλλον ἄνω μέγεθος αὐτῶν, <q>μὴ καταφρονήσητε,</q> λέγων, <q>ἑνὸς <pb xml:id="pg.953_alt" type="margin"/> τῶν μικρῶν τούτων· τούτων γὰρ οἱ ἄγγελοι διὰ παντὸς βλέπουσι τὸ πρόσωπον τοῦ πατρός μου τοῦ ἐν οὐρανοῖς.</q> καὶ ἑτέρωθι· <q>μὴ φοβεῖσθε, τὸ μικρὸν ποίμνιον· ὑμῖν γὰρ ηὐδόκησεν ὁ πατὴρ παραδοῦναι τὴν βασιλείαν</q> τῶν οὐρανῶν. κατὰ τὰ αὐτὰ καὶ τοῦ μεγίστου ἐν γεννητοῖς γυναικῶν Ἰωάννου τὸν ἐλάχιστον ἐν τῇ βασιλείᾳ τῶν οὐρανῶν, τουτέστι τὸν ἑαυτοῦ μαθητήν, εἶναι μείζω λέγει. καὶ πάλιν· <q>ὁ δεχόμενος δίκαιον ἢ προφήτην εἰς ὄνομα δικαίου ἢ προφήτου τὸν ἐκείνων μισθὸν λήψεται, ὁ δὲ μαθητὴν ποτίσας εἰς ὄνομα μαθητοῦ ποτήριον ψυχροῦ ὕδατος τὸν μισθὸν οὐκ ἀπολέσει.</q> οὐκοῦν οὗτος μόνος ὁ μισθὸς οὐκ <pb xml:id="p.336"/> ἀπολλύμενός ἐστι. καὶ αὖθις· <q>ποιήσατε ἑαυτοῖς φίλους ἐκ τοῦ μαμωνᾶ τῆς ἀδικίας, ἵνα ὅταν ἐκλίπῃ,<note xml:lang="mul">ἐκλίπῃ Stählin. ἐκλίπητε MS.</note> δέξωνται ὑμᾶς εἰς τὰς αἰωνίους σκηνάς.</q> φύσει μὲν ἅπασαν κτῆσιν, ἣν αὐτός τις ἐφ’ ἑαυτοῦ κέκτηται ὡς ἰδίαν οὖσαν καὶ οὐκ εἰς κοινὸν τοῖς δεομένοις κατατίθησιν, ἄδικον οὖσαν ἀποφαίνων, ἐκ δὲ ταύτης τῆς ἀδικίας ἐνὸν καὶ πρᾶγμα δίκαιον ἐργάσασθαι καὶ σωτήριον, ἀναπαῦσαί τινα τῶν ἐχόντων αἰώνιον σκηνὴν παρὰ τῷ πατρί.</p>
+<p rend="align(indent)">Ὅρα πρῶτον μὲν ὡς οὐκ ἀπαιτεῖσθαί σε κεκέλευκεν οὐδὲ ἐνοχλεῖσθαι περιμένειν, ἀλλὰ αὐτὸν ζητεῖν τοὺς εὖ πεισομένους ἀξίους τε ὄντας τοῦ σωτῆρος μαθητάς. καλὸς μὲν οὖν καὶ ὁ τοῦ ἀποστόλου λόγος· <q>ἱλαρὸν γὰρ δότην ἀγαπᾷ ὁ θεός,</q> χαίροντα τῷ διδόναι καὶ μὴ φειδομένως<note xml:lang="mul">φειδομένως (from 2 Cor. ix. 6) Segaar. φειδόμενον MS.</note> σπείροντα, ἵνα μὴ οὕτως καὶ θερίσῃ, δίχα γογγυσμῶν καὶ διακρίσεως καὶ λύπης <del>καὶ</del><note xml:lang="mul"> <del>καὶ</del> Segaar.</note> κοινωνοῦντα, ὅπερ ἐστὶν εὐεργεσία καθαρά.<note xml:lang="mul">καθαρά Segaar. καθά MS.</note> κρείττων δ’ ἐστὶ τούτου ὁ τοῦ κυρίου λελεγμένος ἐν ἄλλῳ χωρίῳ· <q>παντὶ τῷ αἰτοῦντί σε δίδου·</q> θεοῦ γὰρ ὄντως ἡ τοιαύτη φιλοδωρία. οὑτοσὶ δὲ ὁ λόγος ὑπὲρ ἅπασάν ἐστι θεότητα, μηδὲ αἰτεῖσθαι περιμένειν, ἀλλ’ αὐτὸν ἀναζητεῖν ὅστις ἄξιος εὖ παθεῖν, ἔπειτα τηλικοῦτον μισθὸν ὁρίσαι τῆς κοινωνίας, αἰώνιον σκηνήν. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="32">
+ <p rend="align(indent)">ὢ καλῆς ἐμπορίας, ὢ θείας ἀγορᾶς· ὠνεῖται χρημάτων τις ἀφθαρσίαν, <pb xml:id="p.338"/> καὶ δοὺς τὰ διολλύμενα τοῦ κόσμου μονὴν τούτων αἰώνιον ἐν οὐρανοῖς ἀντιλαμβάνει. πλεῦσον ἐπὶ ταύτην, ἂν σωφρονῇς, τὴν πανήγυριν, ὦ πλούσιε, κἂν δέῃ, περίελθε γῆν<note xml:lang="mul">γῆν Combefis. τὴν MS.</note> ὅλην, μὴ φείσῃ κινδύνων καὶ πόνων, ἵν’ ἐνταῦθα βασιλείαν οὐράνιον ἀγοράσῃς. τί σε λίθοι διαφανεῖς καὶ σμάραγδοι τοσοῦτον εὐφραίνουσι καὶ οἰκία,<note xml:lang="mul">οἰκία Combefis. οἰκεία MS.</note> τροφὴ πυρὸς ἢ χρόνου παίγνιον ἢ σεισμοῦ πάρεργον ἢ ὕβρισμα τυράννου; ἐπιθύμησον ἐν οὐρανοῖς οἰκῆσαι καὶ βασιλεῦσαι μετὰ θεοῦ· ταύτην σοι τὴν βασιλείαν ἄνθρωπος δώσει θεὸν ἀπομιμούμενος· ἐνταῦθα μικρὰ λαβὼν ἐκεῖ δι’ ὅλων αἰώνων σύνοικόν σε ποιήσεται. ἱκέτευσον <pb xml:id="pg.954_alt" type="margin"/> ἵνα λάβῃ· σπεῦσον, ἀγωνίασον, φοβήθητι μή σε ἀτιμάσῃ· οὐ γὰρ κεκέλευσται λαβεῖν, ἀλλὰ σὺ παρασχεῖν. οὐ μὴν οὐδ’ εἶπεν ὁ κύριος δός, ἢ παράσχες, ἢ εὐεργέτησον, ἢ βοήθησον, φίλον δὲ ποίησαι· ὁ δὲ φίλος οὐκ ἐκ μιᾶς δόσεως γίνεται, ἀλλ’ ἐξ ὅλης ἀναπαύσεως καὶ συνουσίας μακρᾶς· οὔτε γὰρ ἡ πίστις οὔτε ἡ ἀγάπη οὔτε<note xml:lang="mul">οὕτε . . . οὕτε . . . οὕτε Stählin. οὐδὲ . . . οὕτε. . . οὔτε MS.</note> ἡ καρτερία μιᾶς ἡμέρας, ἀλλ’ <q>ὁ ὑπομείνας εἰς τέλος, οὗτος σωθήσεται.</q> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="33">
+ <p rend="align(indent)">Πῶς οὖν ὁ ἄνθρωπος ταῦτα δίδωσιν; ὅτι διὰ τὴν ἐκείνου τιμὴν καὶ εὔνοιαν καὶ οἰκείωσιν ὁ κύριος δίδωσι· <q>δώσω γὰρ οὐ μόνον τοῖς φίλοις, ἀλλὰ καὶ τοῖς φίλοις τῶν φίλων.</q> καὶ τίς οὗτός ἐστιν ὁ φίλος τοῦ θεοῦ; σὺ μὲν μὴ κρῖνε, τίς ἄξιος καὶ τίς <pb xml:id="p.340"/> ἀνάξιος· ἐνδέχεται γάρ σε διαμαρτεῖν περὶ τὴν δόξαν· ὡς ἐν ἀμφιβόλῳ δὲ τῆς ἀγνοίας ἄμεινον καὶ τοὺς ἀναξίους εὖ ποιεῖν διὰ τοὺς ἀξίους ἢ φυλασσόμενον τοὺς ἧσσον ἀγαθοὺς μηδὲ τοῖς σπουδαίοις περιπεσεῖν. ἐκ μὲν γὰρ τοῦ φείδεσθαι καὶ προσποιεῖσθαι δοκιμάζειν τοὺς εὐλόγως ἢ μὴ τευξομένους ἐνδέχεταί σε καὶ θεοφιλῶν ἀμελῆσαί τινων, οὗ τὸ ἐπιτίμιον κόλασις ἔμπυρος αἰώνιος· ἐκ δὲ τοῦ προΐεσθαι πᾶσιν ἑξῆς τοῖς χρῄζουσιν ἀνάγκη πάντως εὑρεῖν τινα καὶ τῶν σῶσαι παρὰ θεῷ δυναμένων. <q>μὴ κρῖνε</q> τοίνυν, <q>ἵνα μὴ κριθῇς· ᾧ μέτρῳ μετρεῖς, τούτῳ καὶ ἀντιμετρηθήσεταί σοι· μέτρον καλόν, πεπιεσμένον καὶ σεσαλευμένον, ὑπερεκχυνόμενον, ἀποδοθήσεταί σοι.</q> πᾶσιν ἄνοιξον τὰ σπλάγχνα τοῖς τοῦ θεοῦ μαθηταῖς ἀπογεγραμμένοις, μὴ πρὸς σῶμα ἀπιδὼν ὑπερόπτως, μὴ πρὸς ἡλικίαν ἀμελῶς διατεθείς, μηδ’ εἴ τις ἀκτήμων ἢ δυσείμων ἢ δυσειδὴς ἢ ἀσθενὴς φαίνεται, πρὸς τοῦτο τῇ ψυχῇ δυσχεράνῃς καὶ ἀποστραφῇς. σχῆμα τοῦτ’ ἔστιν ἔξωθεν ἡμῖν περιβεβλημένον τῆς εἰς κόσμον παρόδου προφάσει,<note xml:lang="mul">προφάσει Wilamowitz. πρόφασις MS.</note> ἵν’ εἰς τὸ κοινὸν τοῦτο παιδευτήριον εἰσελθεῖν δυνηθῶμεν· ἀλλ’ ἔνδον κρυπτὸς ἐνοικεῖ ὁ<note xml:lang="mul">ὁ before πατὴρ Stählin: before κρυπτὸς MS.</note> πατὴρ καὶ ὁ τούτου παῖς ὁ ὑπὲρ ἡμῶν ἀποθανὼν καὶ μεθ’ ἡμῶν ἀναστάς. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="34">
+<p rend="align(indent)">Τοῦτο τὸ σχῆμα τὸ βλεπόμενον ἐξαπατᾷ τὸν θάνατον καὶ τὸν διάβολον· ὁ γὰρ ἐντὸς πλοῦτος καὶ τὸ κάλλος αὐτοῖς ἀθέατός ἐστι· καὶ μαίνονται περὶ τὸ σαρκίον, οὗ καταφρονοῦσιν ὡς ἀσθενοῦς, τῶν ἔνδον ὄντες τυφλοὶ κτημάτων, οὐκ ἐπιστάμενοι <pb xml:id="p.342"/> πηλίκον τινὰ <q>θησαυρὸν ἐν ὀστρακίνῳ σκεύει</q> βαστάζομεν, δυνάμει θεοῦ πατρὸς καὶ αἵματι θεοῦ παιδὸς καὶ δρόσῳ πνεύματος ἁγίου περιτετειχισμένον. ἀλλὰ σύ γε μὴ ἐξαπατηθῇς, ὁ γεγευμένος ἀληθείας καὶ κατηξιωμένος τῆς μεγάλης λυτρώσεως, ἀλλὰ τὸ ἐναντίον τοῖς ἄλλοις ἀνθρώποις σεαυτῷ κατάλεξον στρατὸν ἄοπλον, ἀπόλεμον, ἀναίμακτον, ἀόργητον, ἀμίαντον, γέροντας <pb xml:id="pg.955_alt" type="margin"/> θεοσεβεῖς, ὀρφανοὺς θεοφιλεῖς, χήρας πραότητι ὡπλισμένας, ἄνδρας ἀγάπῃ κεκοσμημένους. τοιούτους κτῆσαι τῷ σῷ πλούτῳ καὶ τῷ σώματι καὶ τῇ ψυχῇ δορυφόρους, ὧν στρατηγεῖ θεός, δι’ οὓς καὶ ναῦς βαπτιζομένη κουφίζεται μόναις ἁγίων εὐχαῖς κυβερνωμένη, καὶ νόσος ἀκμάζουσα δαμάζεται χειρῶν ἐπιβολαῖς διωκομένη, καὶ προσβολὴ λῃστῶν ἀφοπλίζεται εὐχαῖς εὐσεβέσι σκυλευομένη, καὶ δαιμόνων βία θραύεται προστάγμασι συντόνοις ἐλεγχομένη. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="35">
+ <p rend="align(indent)">Ἐνεργοὶ<note xml:lang="mul">ἐνεργοὶ Stählin. ἐν ἔργοις MS.</note> οὗτοι πάντες <del>οἱ</del><note xml:lang="mul"> <del>οἱ</del> Schwartz.</note> στρατιῶται καὶ φύλακες βέβαιοι, οὐδεὶς ἀργός, οὐδεὶς ἀχρεῖος. ὁ μὲν ἐξαιτήσασθαί σε δύναται παρὰ θεοῦ, ὁ δὲ παραμυθήσασθαι κάμνοντα, ὁ δὲ δακρῦσαι καὶ στενάξαι συμπαθῶς ὑπὲρ σοῦ πρὸς τὸν κύριον τῶν ὅλων, ὁ δὲ διδάξαι τι τῶν πρὸς τὴν σωτηρίαν χρησίμων, ὁ δὲ νουθετῆσαι μετὰ παρρησίας, ὁ δὲ συμβουλεῦσαι μετ’ εὐνοίας, πάντες δὲ φιλεῖν ἀληθῶς, ἀδόλως, ἀφόβως, ἀνυποκρίτως, ἀκολακεύτως, ἀπλάστως. ὦ γλυκεῖαι θεραπεῖαι φιλούντων, ὦ μακάριοι διακονίαι θαρρούντων, ὦ πίστις εἰλικρινὴς θεὸν μόνον δεδιότων, ὦ λόγων ἀλήθεια παρὰ τοῖς ψεύσασθαι μὴ δυναμένοις, ὦ κάλλος ἔργων παρὰ τοῖς θεῷ <pb xml:id="p.344"/> διακονεῖν πεπεισμένοις, πείθειν θεόν, ἀρέσκειν θεῷ· οὐ σαρκὸς τῆς σῆς ἅπτεσθαι δοκοῦσιν, ἀλλὰ τῆς ἑαυτοῦ ψυχῆς ἕκαστος, οὐκ ἀδελφῷ λαλεῖν, ἀλλὰ τῷ βασιλεῖ τῶν αἰώνων ἐν σοὶ κατοικοῦντι. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="36">
+ <p rend="align(indent)">Πάντες οὖν οἱ πιστοὶ καλοὶ καὶ θεοπρεπεῖς καὶ τῆς προσηγορίας ἄξιοι, ἣν ὥσπερ διάδημα περίκεινται. οὐ μὴν ἀλλ’ εἰσὶν ἤδη τινὲς καὶ τῶν ἐκλεκτῶν ἐκλεκτότεροι, καὶ τοσούτῳ μᾶλλον <add>ᾗ</add><note xml:lang="mul"> <add>ᾗ</add> inserted by Segaar.</note> ἧττον ἐπίσημοι, τρόπον τινὰ ἐκ τοῦ κλύδωνος τοῦ κόσμου νεωλκοῦντες ἑαυτοὺς καὶ ἐπανάγοντες ἐπ’ ἀσφαλές, οὐ βουλόμενοι δοκεῖν ἅγιοι, κἂν εἴπῃ τις, αἰσχυνόμενοι, ἐν βάθει γνώμης ἀποκρύπτοντες τὰ ἀνεκλάλητα μυστήρια, καὶ τὴν αὑτῶν εὐγένειαν ὑπερηφανοῦντες ἐν κόσμῳ βλέπεσθαι, οὓς ὁ λόγος <q>φῶς τοῦ κόσμου</q> καὶ <q>ἅλας τῆς γῆς</q> καλεῖ. τοῦτ’ ἔστι τὸ σπέρμα, εἰκὼν καὶ ὁμοίωσις θεοῦ, καὶ τέκνον αὐτοῦ γνήσιον καὶ κληρονόμον, ὥσπερ ἐπί τινα ξενιτείαν ἐνταῦθα πεμπόμενον ὑπὸ μεγάλης οἰκονομίας καὶ ἀναλογίας τοῦ πατρός· δι’ ὃ<note xml:lang="mul">δἰ ὃ Schwartz. δἰ οὖ MS.</note> καὶ τὰ φανερὰ καὶ τὰ ἀφανῆ τοῦ κόσμου δεδημιούργηται, τὰ μὲν εἰς δουλείαν, τὰ δὲ εἰς ἄσκησιν, τὰ δὲ εἰς μάθησιν αὐτῷ, καὶ πάντα, μέχρις ἂν ἐνταῦθα τὸ σπέρμα μένῃ, συνέχεται, καὶ συναχθέντος αὐτοῦ πάντα<note xml:lang="mul">πάντα Schwartz. ταῦτα MS.</note> τάχιστα λυθήσεται. <pb xml:id="pg.956_alt" type="margin"/> <pb xml:id="p.346"/> </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="37">
+ <p rend="align(indent)">Τί γὰρ ἔτι δεῖ; θεῶ τὰ τῆς ἀγάπης μυστήρια, καὶ τότε ἐποπτεύσεις τὸν κόλπον τοῦ πατρός, ὃν ὁ μονογενὴς θεὸς μόνος ἐξηγήσατο. ἔστι δὲ καὶ αὐτὸς ὁ θεὸς ἀγάπη καὶ δι’ ἀγάπην ἡμῖν ἐθεάθη.<note xml:lang="mul">ἐθεάθη (cp. v. Stromateis 16. 5) Lindner. ἐθηράθη MS.</note> καὶ τὸ μὲν ἄρρητον αὐτοῦ πατήρ, τὸ δὲ εἰς ἡμᾶς συμπαθὲς γέγονε μήτηρ. ἀγαπήσας ὁ πατὴρ ἐθηλύνθη, καὶ τούτου μέγα σημεῖον ὃν αὐτὸς ἐγέννησεν ἐξ αὑτοῦ· καὶ ὁ τεχθεὶς ἐξ ἀγάπης καρπὸς ἀγάπη. διὰ τοῦτο καὶ αὐτὸς κατῆλθε, διὰ τοῦτο ἄνθρωπον ἐνέδυ, διὰ τοῦτο τὰ ἀνθρώπων ἑκὼν ἔπαθεν, ἵνα πρὸς τὴν ἡμετέραν ἀσθένειαν οὓς ἠγάπησε μετρηθεὶς ἡμᾶς πρὸς τὴν ἑαυτοῦ δύναμιν ἀντιμετρήσῃ. καὶ μέλλων σπένδεσθαι καὶ λύτρον ἑαυτὸν ἐπιδιδοὺς καινὴν ἡμῖν διαθήκην καταλιμπάνει· <q>ἀγάπην ὑμῖν δίδωμι τὴν ἐμήν.</q> τίς δέ ἐστιν αὕτη καὶ πόση; ὑπὲρ ἡμῶν ἑκάστου κατέθηκε<note xml:lang="mul">κατέθηκε Segaar. καθῆκε MS.</note> τὴν ψυχὴν τὴν ἀνταξίαν τῶν ὅλων· ταύτην ἡμᾶς ὑπὲρ ἀλλήλων ἀνταπαιτεῖ. εἰ δὲ τὰς ψυχὰς ὀφείλομεν τοῖς ἀδελφοῖς, καὶ τοιαύτην τὴν συνθήκην πρὸς τὸν σωτῆρα ἀνθωμολογήμεθα, ἔτι τὰ τοῦ κόσμου, τὰ πτωχὰ καὶ ἀλλότρια καὶ παραρρέοντα, καθείρξομεν ταμιευόμενοι; ἀλλήλων ἀποκλείσομεν, ἃ μετὰ μικρὸν ἕξει τὸ πῦρ; θείως γε καὶ ἐπιπνόως<note xml:lang="mul">ἐπιπνόως LInder. ἐπιπόνως MS.</note> <pb xml:id="p.348"/> ὁ Ἰωάννης <q>ὁ μὴ φιλῶν</q> φησὶ <q>τὸν ἀδελφὸν ἀνθρωποκτόνος ἐστί,</q> σπέρμα τοῦ Κάιν, θρέμμα τοῦ διαβόλου· θεοῦ σπλάγχνον οὐκ ἔχει, ἐλπίδα κρειττόνων οὐκ ἔχει, ἄσπορός ἐστιν, ἄγονός ἐστιν, οὐκ ἔστι κλῆμα τῆς ἀεὶ ζώσης ὑπερουρανίας ἀμπέλου, ἐκκόπτεται, τὸ πῦρ ἄθρουν ἀναμένει. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="38">
+ <p rend="align(indent)">Σὺ δὲ μάθε τὴν <q><add>καθʼ</add><note xml:lang="mul"> <add>καθʼ</add>inserted by Combefis from 1 Corinthians xii. 31.</note> ὑπερβολὴν ὁδόν,</q> ἣν δείκνυσι Παῦλος, ἐπὶ σωτηρίαν· <q>ἡ ἀγάπη τὰ ἑαυτῆς οὐ ζητεῖ,</q> ἀλλ’ ἐπὶ τὸν ἀδελφὸν ἐκκέχυται· περὶ τοῦτον ἐπτόηται, περὶ τοῦτον σωφρόνως μαίνεται. <q>ἀγάπη καλύπτει πλῆθος ἁμαρτιῶν· ἡ τελεία ἀγάπη ἐκβάλλει τὸν φόβον· οὐ περπερεύεται, οὐ φυσιοῦται, οὐκ ἐπιχαίρει τῇ ἀδικίᾳ, συγχαίρει δὲ τῇ ἀληθείᾳ· πάντα στέγει, πάντα πιστεύει, πάντα ἐλπίζει, πάντα ὑπομένει. ἡ ἀγάπη οὐδέποτε ἐκπίπτει. προφητεῖαι καταργοῦνται, γλῶσσαι παύονται, ἰάσεις ἐπὶ γῆς καταλείπονται. μένει δὲ τὰ τρία ταῦτα, πίστις, ἐλπίς, ἀγάπη· μείζων δὲ ἐν τούτοις ἡ ἀγάπη.</q> καὶ δικαίως. πίστις μὲν γὰρ ἀπέρχεται, ὅταν αὐτοψίᾳ πεισθῶμεν ἰδόντες θεόν, καὶ ἐλπὶς ἀφανίζεται τῶν ἐλπισθέντων ἀποδοθέντων, ἀγάπη δὲ εἰς πλήρωμα συνέρχεται καὶ μᾶλλον αὔξεται τῶν τελείων παραδοθέντων. ἐὰν ταύτην ἐμβάληταί τις τῇ ψυχῇ, δύναται, κἂν ἐν ἁμαρτήμασιν ᾖ γεγεννημένος, κἂν πολλὰ τῶν κεκωλυμένων εἰργασμένος, αὐξήσας τὴν ἀγάπην καὶ μετάνοιαν καθαρὰν λαβὼν ἀναμαχέσασθαι τὰ ἐπταισμένα. <pb xml:id="p.350"/> <pb xml:id="pg.957_alt" type="margin"/> μηδὲ<note xml:lang="mul">μηδὲ Dindorf. μήτε MS.</note> γὰρ τοῦτο εἰς ἀπόγνωσίν σοι καὶ ἀπόνοιαν καταλελείφθω, </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="39">
+ <p>εἰ καὶ τὸν πλούσιον μάθοις ὅστις ἐστὶν ὁ χώραν ἐν οὐρανοῖς οὐκ ἔχων καὶ τίνα τρόπον τοῖς οὖσι χρώμενος ἄν τις τό τε ἐπίρρητον<note xml:lang="mul">ἐπίρρητον Segaar. ἐπιρρεῖ τὸν MS.</note> τοῦ πλούτου καὶ χαλεπὸν εἰς ζωὴν διαφύγοι καὶ δύναιτο τῶν αἰωνίων <del>τῶν</del><note xml:lang="mul">αἰωνίων <del>τῶν</del> Ghisler. αἰώνων τῶν MS.</note> ἀγαθῶν ἐπαύρασθαι, εἴη δὲ τετυχηκὼς ἢ δι’ ἄγνοιαν ἢ δι’ ἀσθένειαν ἢ περίστασιν ἀκούσιον μετὰ τὴν σφραγῖδα καὶ τὴν λύτρωσιν περιπετής τισιν ἁμαρτήμασιν ἢ παραπτώμασιν, ὡς ὑπενηνέχθαι τέλεον, <add>ὅτι</add><note xml:lang="mul"> <add>ὅτι</add> inserted by Stählin.</note> οὗτος κατεψήφισται παντάπασιν ὑπὸ τοῦ θεοῦ. παντὶ γὰρ τῷ μετ’ ἀληθείας ἐξ ὅλης τῆς καρδίας ἐπιστρέψαντι πρὸς τὸν θεὸν ἀνεῴγασιν αἱ θύραι καὶ δέχεται τρισάσμενος πατὴρ υἱὸν ἀληθῶς μετανοοῦντα· ἡ δ’ ἀληθινὴ μετάνοια τὸ μηκέτι τοῖς αὐτοῖς ἔνοχον εἶναι, ἀλλὰ ἄρδην ἐκριζῶσαι τῆς ψυχῆς ἐφ’ οἷς ἑαυτοῦ κατέγνω θάνατον ἁμαρτήμασιν· τούτων γὰρ ἀναιρεθέντων αὖθις εἰς σὲ θεὸς εἰσοικισθήσεται. μεγάλην γάρ φησι καὶ ἀνυπέρβλητον εἶναι χαρὰν καὶ ἑορτὴν ἐν οὐρανοῖς τῷ πατρὶ καὶ τοῖς ἀγγέλοις ἑνὸς ἁμαρτωλοῦ ἐπιστρέψαντος καὶ μετανοήσαντος. διὸ καὶ κέκραγεν· <q>ἔλεον θέλω καὶ οὐ θυσίαν· οὐ βούλομαι τὸν θάνατον τοῦ ἁμαρτωλοῦ, ἀλλὰ τὴν μετάνοιαν· κἂν ὦσιν αἱ ἁμαρτίαι ὑμῶν ὡς φοινικοῦν ἔριον, ὡς χιόνα λευκανῶ, κἂν μελάντερον τοῦ σκότους, ὡς ἔριον λευκὸν ἐκνίψας ποιήσω.</q> θεῷ γὰρ μόνῳ δυνατὸν ἄφεσιν ἁμαρτιῶν παρασχέσθαι καὶ μὴ λογίσασθαι παραπτώματα, ὅπου γε καὶ ἡμῖν παρακελεύεται <pb xml:id="p.352"/> τῆς ἡμέρας ἑκάστης ὁ κύριος ἀφιένα τοῖς ἀδελφοῖς μετανοοῦσιν. εἰ δὲ ἡμεῖς πονηρο ὄντες ἴσμεν ἀγαθὰ δόματα διδόναι, πόσῳ μᾶλλον <q>ὁ πατὴρ τῶν οἰκτιρμῶν.</q> ὁ ἀγαθὸς πατὴρ <q>πάσἡ??ʼ παρακλήσεως,</q> ὁ πολύσπλαγχνος καὶ πολυέλεὁ??ʼ πέφυκε μακροθυμεῖν· τοὺς ἐπιστρέψαντας περιμένει. ἐπιστρέψαι δέ ἐστιν ὄντως ἀπὸ τῶν ἁμαρτημάτων τὸ παύσασθαι καὶ μηκέτι βλέπειν εἰς τὰ ὀπίσω. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="40">
+ <p rend="align(indent)">Τῶν μὲν οὖν προγεγενημένων θεὸς δίδωσιν ἄφεσιν, τῶν δὲ ἐπιόντων αὐτὸς ἕκαστος ἑαυτῷ καὶ τοῦτ’ ἔστι μεταγνῶναι, τὸ καταγνῶναι τῶν παρῳχημένων καὶ αἰτήσασθαι τούτων ἀμνηστίαν παρὰ πατρός, ὃς μόνος τῶν ἁπάντων οἷός τέ ἐστιν ἄπρακτα ποιῆσαι τὰ πεπραγμένα ἐλέῳ τῷ παρ’ αὑτοῦ καὶ δρόσῳ πνεύματος ἀπαλείψας τὰ προημαρτημένα <q>ἐφ’ οἷς γὰρ ἂν εὕρω ὑμᾶς,</q> φησίν, <q>ἐπὶ τούτοις καὶ κρινῶ·</q> καὶ παρ’ ἕκαστα βοᾷ τὸ τέλος πάντων ὥστε καὶ τῷ τὰ μέγιστα εὖ πεποιηκότι <add>κατὰ</add><note xml:lang="mul"> <add>κατὰ</add>inserted by Segaar (from Sae. Par.).</note> τὸν βίον, ἐπὶ δὲ τοῦ τέλους ἐξοκείλαντι πρὸς κακίαν ἀνόνητοι<note xml:lang="mul">ἀνόνητοι Ghisler (from Sac. Par.). ἀνόητοι MS.</note> πάντες οἱ πρόσθεν πόνοι, ἐπὶ τῆς καταστροφῆς τοῦ δράματος ἐξάθλῳ γενομένῳ, τῷ τε <pb xml:id="pg.958_alt" type="margin"/> χεῖρον καὶ ἐπισεσυρμένως βιώσαντι πρότερον ἔστιν ὕστερον μετανοήσαντι πολλοῦ χρόνου πολιτείαν <pb xml:id="p.354"/> πονηρὰν ἐκνικῆσαι τῷ μετὰ τὴν μετάνοιαν χρόνῳ· ἀκριβείας δὲ δεῖ πολλῆς, ὥσπερ τοῖς μακρᾷ νόσῳ πεπονηκόσι σώμασι διαίτης χρεία καὶ προσοχῆς πλείονος. ὁ κλέπτης, ἄφεσιν βούλει λαβεῖν; μηκέτι κλέπτε· ὁ μοιχεύσας, μηκέτι πυρούσθω· ὁ πορνεύσας, λοιπὸν ἁγνευέτω· ὁ ἁρπάσας, ἀποδίδου καὶ προσαποδίδου· ὁ ψευδομάρτυς, ἀλήθειαν ἄσκησον· ὁ ἐπίορκος, μηκέτι ὄμνυε· καὶ τὰ ἄλλα πάθη σύντεμε, ὀργήν, ἐπιθυμίαν, λύπη, φόβον, ἵνα εὑρεθῇς ἐπὶ τῆς ἐξόδου πρὸς τὸν ἀντίδικον ἐνταῦθα διαλελύσθαι φθάνων. ἔστιν μὲν οὗν ἀδύνατον ἴσως ἀθρόως ἀποκόψαι πάθη σύντροφα, ἀλλὰ μετὰ θεοῦ δυνάμεως καὶ ἀνθρωπείας ἱκεσίας καὶ ἀδελφῶν βοηθείας καὶ εἰλικρινοῦς μετανοίας καὶ συνεχοῦς μελέτης κατορθοῦται. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="41">
+ <p rend="align(indent)">Διὸ δεῖ πάντως σε τὸν σοβαρὸν καὶ δυνατὸν καὶ πλούσιον ἐπιστήσασθαι ἑαυτῷ τινὰ ἄνθρωπον θεοῦ καθάπερ ἀλείπτην καὶ κυβερνήτην. αἰδοῦ κἂν ἕνα, φοβοῦ κἂν ἕνα, μελέτησον ἀκούειν κἂν ἑνὸς παρρησιαζομένου καὶ στύφοντος ἅμα καὶ θεραπεύοντος. οὐδὲ γὰρ τοῖς ὀφθαλμοῖς συμφέρει τὸν ἀεὶ χρόνον ἀκολάστοις μένειν, ἀλλὰ καὶ δακρῦσαι καὶ δηχθῆναί ποτε ὑπὲρ τῆς ὑγείας τῆς πλείονος. οὕτω καὶ ψυχῇ διηνεκοῦς ἡδονῆς οὐδὲν ὀλεθριώτερον· ἀποτυφλοῦται γὰρ ἀπὸ τῆς τήξεως, ἐὰν ἀκίνητος τῷ παρρησιαζομένῳ διαμείνῃ λόγῳ. τοῦτον καὶ ὀργισθέντα φοβήθητι, καὶ στενάξαντα λυπήθητι,<note xml:lang="mul">στενάξαντος λυπήθητι Mayor. στενάξαντα εὐλαβήθητι Segaar. δυσωπήθητι Schwartz. Stählin and Barnard mark the passage as corrupt.</note> καὶ ὀργὴν παύοντα αἰδέσθητι, καὶ κόλασιν παραιτούμενον<note xml:lang="mul">παραιτούμενον Segaar. παραιτουμένω MS.</note> <pb xml:id="p.356"/> φθάσον. οὗτος ὑπὲρ σοῦ πολλὰς νύκτας ἀγρυπνησάτω, πρεσβεύων ὑπὲρ σοῦ πρὸς θεὸν καὶ λιτανείαις συνήθεσι μαγεύων τὸν πατέρα· οὐ γὰρ ἀντέχει τοῖς τέκνοις αὐτοῦ τὰ σπλάγχνα δεομένοις. δεήσεται δὲ καθαρῶς ὑπὸ σοῦ προτιμώμενος ὡς ἄγγελος τοῦ θεοῦ καὶ μηδὲν ὑπὸ σοῦ λυπούμενος, ἀλλ’ ὑπὲρ σοῦ· τοῦτό ἐστι μετάνοια ἀνυπόκριτος. <q>θεὸς οὐ μυκτηρίζεται</q> οὐδὲ προσέχει κενοῖς ῥήμασι· μόνος γὰρ ἀνακρίνει μυελοὺς καὶ νεφροὺς καρδίας καὶ τῶν ἐν πυρὶ κατακούει καὶ τῶν ἐν κοιλίᾳ κήτους ἱκετευόντων ἐξακούει καὶ πᾶσιν ἐγγύς ἐστι τοῖς πιστεύουσι καὶ πόρρω τοῖς ἀθέοις, ἄν μὴ μετανοήσωσιν. </p>
+</div>
+<div type="textpart" subtype="chapter" xml:base="urn:cts:greekLit:tlg0555.tlg006.perseus-grc2" n="42">
+ <p rend="align(indent)">Ἵνα δὲ ἐπιθαρρήσῃς,<note xml:lang="mul">ἐπιθαρρήσῃς Barnard and Stählin (from Maximus Confessor). ἔτι θαρρῆς MS.</note> οὕτω μετανοήσας ἀληθῶς, ὅτι σοὶ μένει σωτηρίας ἐλπὶς ἀξιόχρεως, ἄκουσον μῦθον οὐ μῦθον, ἀλλὰ ὄντα λόγον περὶ <pb xml:id="pg.959_alt" type="margin"/> Ἰωάννου τοῦ ἀποστόλου παραδεδομένον καὶ μνήμῃ πεφυλαγμένον. ἐπειδὴ γὰρ τοῦ τυράννου τελευτήσαντος ἀπὸ τῆς Πάτμου τῆς νήσου μετῆλθεν ἐπὶ τὴν Ἔφεσον, ἀπῄει παρακαλούμενος καὶ ἐπὶ τὰ πλησιόχωρα τῶν ἐθνῶν, ὅπου μὲν ἐπισκόπους καταστήσων, ὅπου δὲ ὅλας ἐκκλησίας ἁρμόσων, ὅπου δὲ κλῆρον ἕνα γέ<note xml:lang="mul">γέ Stählin (from Eusebius and Maximus Confessor).τε MS.</note> τινα κληρώσων τῶν ὑπὸ τοῦ πνεύματος σημαινομένων. ἐλθὼν οὖν καὶ ἐπί τινα <pb xml:id="p.358"/> τῶν οὐ μακρὰν πόλεων, ἧς καὶ τοὔνομα λέγουσιν ἔνιοι, καὶ τὰ ἄλλα ἀναπαύσας τοὺς ἀδελφούς, ἐπὶ πᾶσι τῷ καθεστῶτι προσβλέψας ἐπισκόπῳ, νεανίσκον ἱκανὸν τῷ σώματι καὶ τὴν ὄψιν ἀστεῖον καὶ θερμὸν τὴν ψυχὴν ἰδών, <q>τοῦτον</q> ἔφη <q>σοὶ παρακατατίθεμαι<note xml:lang="mul">παρακατατίθεμαι Stählin (from Eus. and Max. Conf.). παρατίθεμαι MS.</note> μετὰ πάσης σπουδῆς ἐπὶ τῆς ἐκκλησίας καὶ τοῦ Χριστοῦ μάρτυρος.</q> τοῦ δὲ δεχομένου καὶ πάνθ’ ὑπισχνουμένου καὶ πάλιν τὰ αὐτὰ διετείνατο καὶ διεμαρτύρατο. εἶτα ὁ μὲν ἀπῆρεν ἐπὶ τὴν Ἔφεσον, ὁ δὲ πρεσβύτερος ἀναλαβὼν οἴκαδε τὸν παραδοθέντα νεανίσκον ἔτρεφε, συνεῖχεν, ἔθαλπε, τὸ τελευταῖον ἐφώτισε· καὶ μετὰ τοῦτο ὑφῆκε τῆς πλείονος ἐπιμελείας καὶ παραφυλακῆς, ὡς τὸ τέλειον αὐτῷ φυλακτήριον ἐπιστήσας τὴν σφραγῖδα τοῦ κυρίου. τῷ δὲ ἀνέσεως πρὸ ὥρας λαβομένῳ προσφθείρονταί τινες ἥλικες ἀργοὶ καὶ ἀπερρωγότες, ἐθάδες κακῶν· καὶ πρῶτον μὲν δι’ ἑστιάσεων πολυτελῶν αὐτὸν ὑπάγονται, εἶτά που καὶ νύκτωρ ἐπὶ λωποδυσίαν ἐξιόντες συνεπάγονται, εἶτά τι καὶ μεῖζον συμπράττειν ἠξίουν. ὁ δὲ κατ’ ὀλίγον προσειθίζετο καὶ διὰ μέγεθος φύσεως ἐκστὰς ὥσπερ ἄστομος καὶ εὔρωστος ἵππος ὀρθῆς <pb xml:id="p.360"/> ὁδοῦ καὶ τὸν χαλινὸν ἐνδακὼν μειζόνως κατὰ τῶν βαράθρων ἐφέρετο. ἀπογνοὺς δὲ τελέως τὴν ἐν θεῷ σωτηρίαν οὐδὲν ἔτι μικρὸν διενοεῖτο, ἀλλὰ μέγα τι πράξας, ἐπειδήπερ ἅπαξ ἀπολώλει, ἵσα τοῖς ἄλλοις παθεῖν ἠξίου. αὐτοὺς δὴ τούτους ἀναλαβὼν καὶ λῃστήριον συγκροτήσας, ἕτοιμος λῄσταρχος ἦν, βιαιότατος, μιαιφονώτατος, χαλεπώτατος. χρόνος ἐν μέσῳ, καί τινος ἐπιπεσούσης χρείας ἀνακαλοῦσι τὸν Ἰωάννην. ὁ δέ, ἐπεὶ τὰ ἄλλα ὧν χάριν ἧκεν κατεστήσατο, <q>ἄγε δή,</q> ἔφη, <q>ὦ ἐπίσκοπε, τὴν παραθήκην ἀπόδος ἡμῖν, ἣν ἐγώ τε καὶ ὁ Χριστός<note xml:lang="mul">Χριστός Eusebius. σωτήρ MS.</note> σοι παρακατεθέμεθα ἐπὶ τῆς ἐκκλησίας, ἧς προκαθέζῃ, μάρτυρος.</q> ὁ δὲ τὸ μὲν πρῶτον ἐξεπλάγη, χρήματα οἰόμενος, ἅπερ οὐκ ἔλαβε, συκοφαντεῖσθαι, καὶ οὔτε πιστεύειν εἶχεν ὑπὲρ ὧν <pb xml:id="pg.960_alt" type="margin"/> οὐκ εἶχεν οὔτε ἀπιστεῖν Ἰωάννῃ· ὡς δὲ <q>τὸν νεανίσκον</q> εἶπεν <q>ἀπαιτῶ καὶ τὴν ψυχὴν τοῦ ἀδελφοῦ,</q> στενάξας κάτωθεν ὁ πρεσβύτης καί τι καὶ ἐπιδακρύσας, <q>ἐκεῖνος</q> ἔφη <q>τέθνηκε.</q> <q>πῶς καὶ τίνα θάνατον;</q> <q>θεῷ τέθνηκεν</q> εἶπεν· <q>ἀπέβη γὰρ πονηρὸς καὶ ἐξώλης καὶ τὸ κεφάλαιον λῃστής, καὶ νῦν ἀντὶ τῆς ἐκκλησίας τὸ ὄρος κατείληφε μεθ’ ὁμοίου στρατιωτικοῦ.</q> καταρρηξάμενος τὴν ἐσθῆτα ὁ ἀπόστολος καὶ μετὰ μεγάλης οἰμωγῆς πληξάμενος τὴν κεφαλήν, <q>καλόν γε</q> ἔφη <q>φύλακα τῆς τἀδελφοῦ ψυχῆς κατέλιπον· ἀλλ’ ἵππος ἤδη μοι παρέστω καὶ ἡγεμὼν γενέσθω μοί τις τῆς ὁδοῦ.</q> ἤλαυνεν, ὥσπερ εἶχεν, αὐτόθεν ἀπὸ τῆς ἐκκλησίας. ἐλθὼν δὲ εἰς τὸ χωρίον ὑπὸ τῆς <pb xml:id="p.362"/> προφυλακῆς τῶν λῃστῶν ἁλίσκεται, μήτε φεύγων μήτε παραιτούμενος, ἀλλὰ βοῶν· <q>ἐπὶ τοῦτ’ ἐλήλυθα, ἐπὶ τὸν ἄρχοντα ὑμῶν ἀγάγετέ με.</q> ὃς τέως, ὥσπερ ὥπλιστο, ἀνέμενεν· ὡς δὲ προσιόντα ἐγνώρισε τὸν Ἰωάννην, εἰς φυγὴν αἰδεσθεὶς ἐτράπετο. ὁ δὲ ἐδίωκεν ἀνὰ κράτος, ἐπιλαθόμενος τῆς ἡλικίας τῆς ἑαυτοῦ, κεκραγώς· <q>τί με φεύγεις, τέκνον, τὸν σαυτοῦ πατέρα, τὸν γυμνόν, τὸν γέροντα; ἐλέησόν με, τέκνον, μὴ φοβοῦ· ἔχεις ἔτι ζωῆς ἐλπίδας· ἐγὼ Χριστῷ λόγον δώσω ὑπὲρ σοῦ· ἂν δέῃ, τὸν σὸν θάνατον ἑκὼν ὑπομενῶ, ὡς ὁ κύριος τὸν ὑπὲρ ἡμῶν· ὑπὲρ σοῦ τὴν ψυχὴν ἀντιδώσω τὴν ἐμήν. στῆθι, πίστευσον, Χριστός με ἀπέστειλεν.</q> ὁ δὲ ἀκούσας πρῶτον ἔστη μὲν κάτω βλέπων, εἶτα ἔρριψε τὰ ὅπλα, εἶτα τρέμων ἔκλαιε πικρῶς. προσελθόντα δὲ τὸν γέροντα περιέλαβεν, ἀπολογούμενος ταῖς οἰμωγαῖς ὡς ἐδύνατο καὶ τοῖς δάκρυσι βαπτιζόμενος ἐκ δευτέρου, μόνην ἀποκρύπτων τὴν δεξιάν. ὁ δὲ ἐγγυώμενος, ἐπομνύμενος ὡς ἄφεσιν αὐτῷ παρὰ τοῦ σωτῆρος εὕρηται, δεόμενος, γονυπετῶν, αὐτὴν τὴν δεξιὰν ὡς ὑπὸ τῆς μετανοίας κεκαθαρμένην καταφιλῶν, ἐπὶ τὴν ἐκκλησίαν ἐπανήγαγε, καὶ δαψιλέσι μὲν εὐχαῖς ἐξαιτούμενος, συνεχέσι δὲ νηστείαις συναγωνιζόμενος, ποικίλαις δὲ σειρῆσι λόγων κατεπᾴδων αὐτοῦ τὴν γνώμην, οὐ πρότερον ἀπῆλθεν, ὥς φασι, πρὶν αὐτὸν <pb xml:id="p.364"/> ἐπιστῆσαι<note xml:lang="mul">ἐπιστῆσαι Stählin, from some MSS. of Eusebius. Other MSS. give ἀπεστήριξεν, κατέστησε, ἀποκατέστησεν, etc. Rufinus translates: <quote type="translation" xml:lang="lat">Nec prius abstitit, quam cum in omnibus emendatum etiam ecclesiae praeficeret.</quote></note> τῇ ἐκκλησίᾳ, διδοὺς μέγα παράδειγμα μετανοίας ἀληθινῆς καὶ μέγα γνώρισμα παλιγγενεσίας, τρόπαιον ἀναστάσεως βλεπομένης.</p>
+<p><gap reason="lost" rend=" . . . . . . "/></p>
+ <p><gap reason="lost" rend=". . ."/> φαιδροῖς γεγηθότες, ὑμνοῦντες, ἀνοιγνύντες τοὺς οὐρανούς. πρὸ δὲ πάντων αὐτὸς ὁ σωτὴρ προαπαντᾷ δεξιούμενος, φῶς <pb xml:id="pg.961_alt" type="margin"/> ὀρέγων ἄσκιον, ἄπαυστον, ὁδηγῶν εἰς τοὺς κόλπους τοῦ πατρός, εἰς τὴν αἰώνιον ζωήν, εἰς τὴν βασιλείαν τῶν οὐρανῶν. πιστευέτω ταῦτά τις καὶ θεοῦ μαθηταῖς καὶ ἐγγυητῇ θεῷ, προφητείαις, εὐαγγελίοις, λόγοις ἀποστολικοῖς· τούτοις συζῶν καὶ τὰ ὦτα ὑπέχων καὶ τὰ ἔργα ἀσκῶν ἐπ’ αὐτῆς τῆς ἐξόδου τὸ τέλος καὶ τὴν ἐπίδειξιν τῶν δογμάτων ὄψεται. ὁ γὰρ ἐνταῦθα τὸν ἄγγελον τῆς μετανοίας προσιέμενος οὐ μετανοήσει τότε, ἡνίκα ἂν καταλίπῃ τὸ σῶμα, οὐδὲ καταισχυνθήσεται, τὸν σωτῆρα προσιόντα μετὰ τῆς αὐτοῦ δόξης καὶ στρατιᾶς ἰδών· οὐ δέδιε τὸ πῦρ· εἰ δέ τις αἱρεῖται μένειν ἐπεξαμαρτάνων ἑκάστοτε ἐπὶ ταῖς ἡδοναῖς καὶ τὴν ἐνταῦθα τρυφὴν τῆς αἰωνίου ζωῆς προτιμᾷ καὶ διδόντος τοῦ σωτῆρος ἄφεσιν ἀποστρέφεται, μήτε τὸν θεὸν ἔτι μήτε τὸν πλοῦτον μήτε τὸ προπεσεῖν αἰτιάσθω, τὴν δὲ ἑαυτοῦ ψυχὴν ἑκουσίως ἀπολουμένην. τῷ δὲ ἐπιβλέποντι τὴν σωτηρίαν καὶ ποθοῦντι καὶ μετὰ ἀναιδείας καὶ βίας αἰτοῦντι παρέξει τὴν ἀληθινὴν κάθαρσιν καὶ τὴν ἄτρεπτον ζωὴν ὁ πατὴρ ὁ ἀγαθὸς ὁ ἐν τοῖς οὐρανοῖς. ᾧ διὰ τοῦ παιδὸς Ἰησοῦ <pb xml:id="p.366"/> Χριστοῦ, τοῦ κυρίου ζώντων καὶ νεκρῶν, καὶ διὰ τοῦ ἁγίου πνεύματος εἴη δόξα, τιμή, κράτος, αἰώνιος μεγαλειότης καὶ νῦν καὶ εἰς γενεὰς γενεῶν καὶ εἰς τοὺς αἰῶνας τῶν αἰώνων. Ἀμήν. </p>
+</div>
+ </div>
+</body>
+</text>
+</TEI>
diff --git a/data/tlg0555/tlg008/__cts__.xml b/data/tlg0555/tlg008/__cts__.xml
new file mode 100644
index 000000000..c7813cfb0
--- /dev/null
+++ b/data/tlg0555/tlg008/__cts__.xml
@@ -0,0 +1,8 @@
+<ti:work xmlns:ti="http://chs.harvard.edu/xmlns/cts" groupUrn="urn:cts:greekLit:tlg0555" xml:lang="grc" urn="urn:cts:greekLit:tlg0555.tlg008">
+  <ti:title xml:lang="eng">Exhortation to Endurance or To the Newly Baptized (Fragment 44)</ti:title>
+  
+  <ti:edition urn="urn:cts:greekLit:tlg0555.tlg008.perseus-grc2" workUrn="urn:cts:greekLit:tlg0555.tlg008"  xml:lang="grc">
+    <ti:label xml:lang="mul">ὁ Προτρεπτικὸς εἰς ὑπομονὴν ἢ πρὸς τοὺς νεωστὶ βεβαπτισμένους (Fr. 44)</ti:label>
+    <ti:description xml:lang="mul">Clement of Alexandria. Butterworth, G.W., editor. Cambridge, MA: Harvard University Press; London: William Heinemann, 1919.</ti:description>
+  </ti:edition>
+</ti:work>
diff --git a/data/tlg0555/tlg008/tlg0555.tlg008.perseus-grc1.tracking.json b/data/tlg0555/tlg008/tlg0555.tlg008.perseus-grc1.tracking.json
deleted file mode 100644
index 2154d4dc0..000000000
--- a/data/tlg0555/tlg008/tlg0555.tlg008.perseus-grc1.tracking.json
+++ /dev/null
@@ -1,14 +0,0 @@
-{
-    "epidoc_compliant": false, 
-    "fully_unicode": true, 
-    "git_repo": "canonical-greekLit", 
-    "has_cts_metadata": false, 
-    "has_cts_refsDecl": false, 
-    "id": "2008.01.0632", 
-    "last_editor": "", 
-    "note": "", 
-    "src": "texts/sdl/ClemAlex/clemalex08_gk.xml", 
-    "status": "migrated", 
-    "target": "canonical-greekLit/data/tlg0555/tlg008/tlg0555.tlg008.perseus-grc1.xml", 
-    "valid_xml": true
-}
\ No newline at end of file
diff --git a/data/tlg0555/tlg008/tlg0555.tlg008.perseus-grc1.xml b/data/tlg0555/tlg008/tlg0555.tlg008.perseus-grc1.xml
deleted file mode 100644
index a703f8816..000000000
--- a/data/tlg0555/tlg008/tlg0555.tlg008.perseus-grc1.xml
+++ /dev/null
@@ -1,168 +0,0 @@
-<?xml version="1.0" encoding="UTF-8"?><TEI.2>
-<teiHeader>
-<fileDesc>
-<titleStmt>
-<title>Exhortation to Endurance, or to the Newly Baptized</title>
-<author>Clement of Alexandria</author>
-<editor>G.W. Butterworth</editor>
- <sponsor>Perseus Project, Tufts University</sponsor>
- <principal>Gregory Crane</principal>
- <respStmt>
-  <resp>Prepared under the supervision of</resp>
-  <name>Lisa Cerrato</name>
-  <name>Rashmi Singhal</name> 
-  <name>Bridget Almas</name>
- </respStmt>   
- <funder n="org:Google">Google Digital Humanities Awards Program</funder>
-</titleStmt>
-<publicationStmt>
-<publisher>Trustees of Tufts University</publisher>
-<pubPlace>Medford, MA</pubPlace>
-<authority>Perseus Project</authority>
- <date type="release">2011-09-12</date>
-</publicationStmt>
-<sourceDesc>
-<biblStruct>
-<monogr>
-<author>Clement of Alexandria</author>
-<editor>G.W. Butterworth</editor>
-<title>Clement of Alexandria, with an English Translation by G.W. Butterworth</title>
-<imprint>
-<publisher>William Heinemann Ltd; G.P. Putnam's Sons</publisher>
-<pubPlace>London; New York</pubPlace>
-<date>1919</date>
-</imprint>
-</monogr>
- <ref target="https://archive.org/details/theexhortationto00clemuoft/page/n8">Internet Archive</ref>
-</biblStruct>
-<p>Keyboarding</p>
-</sourceDesc>
-</fileDesc>
-<encodingDesc>
-<refsDecl doctype="TEI.2">
-<state unit="text" delim="." n="chunk"/>
-</refsDecl>
-</encodingDesc>
-<profileDesc>
-<langUsage>
-<language id="greek">Greek</language>
-</langUsage>
-</profileDesc>
-</teiHeader>
-<text id="tlg0555.tlg008.perseus-grc1">
-<body>
-<div type="text" n="1">
-<pb id="p.370"/>
-<note place="unspecified" anchored="yes">This is fragment 44</note>
-<head>ὁ ΠΡΟΤΡΕΠΤΙΚΟΣ ΕΙΣ ΥΠΟΜΟΝΗΝ ἢ ΠΡΟΣ ΤΟΥΣ ΝΕΩΣΤΙ ΒΕΒΑΠΤΙΣΜΕΝΟΥΣ ΚΑΗΜΕΝΤΟΣ ΠΑΡΑΓΓΕΛΜΑΤΑ</head>
-<p>
-<pb id="st.221"/> Ἡσυχίαν μὲν λόγοις ἐπιτήδευε, ἡσυχίαν δὲ ἔργοις,
-ὡσαύτως δὲ ἐν γλώττῃ καὶ βαδίσματι· σφοδρότητα
-δὲ ἀπόφευγε προπετῆ· οὕτως γὰρ ὁ νοῦς διαμενεῖ
-βέβαιος, καὶ οὐχ ὑπὸ τῆς σφοδρότητος ταραχώδης
-γενόμενος ἀσθενὴς ἔσται καὶ βραχὺς περὶ φρόνησιν
-καὶ σκοτεινὸν ὁρῶν <note n="1." place="unspecified" anchored="yes">skoteino\n o(rw=n J. A. Robinson. skoteinw=n o)/rwn MS.</note> οὐδὲ ἡττηθήσεται μὲν γαστριμαργίας,
-ἡττηθήσεται δὲ ἐπιζέοντος θυμοῦ, ἡττηθήσεται
-δὲ τῶν ἄλλων παθῶν, ἕτοιμον αὐτοῖς
-ἅρπαγμα προκείμενος. τὸν γὰρ νοῦν δεῖ τῶν
-παθῶν ἐπικρατεῖν ὑψηλὸν ἐπὶ ἡσύχου θρόνου <note n="2" place="unspecified" anchored="yes">qro/nou Barnard. qro/non MS.</note>
-καθήμενον ἀφορῶντα πρὸς θεόν. μηδὲν ὀξυχολίας
-ἀνάπλεος ἔσο περὶ ὀργάς, μηδὲ νωθρὸς <note n="3" place="unspecified" anchored="yes">mhde\ nwqro\s Barnard. mh\ de\n wqo\s MS.</note> ἐν λόγοις,
-μηδὲ ἐν βαδίσμασιν ὄκνου πεπληρωμένος, ἵνα σοι
-ῥυθμὸς ἀγαθὸς τὴν ἡσυχίαν κοσμῇ καὶ θειῶδές τι
-<pb id="p.372"/>
-καὶ ἱερὸν τὸ σχῆμα φαίνηται. φυλάττου δὲ καὶ τῆς
-ὑπερηφανίας τὰ σύμβολα, σχῆμα ὑψαυχενοῦν καὶ
-κεφαλὴν ἐξηρμένην καὶ βῆμα ποδῶν ἁβρὸν καὶ μετέωρον.
-Ἤπιά σοι πρὸς τοὺς ἀπαντῶντας ἔστω τὰ ῥήματα,
-καὶ προσηγορίαι γλυκεῖαι· αἰδὼς δὲ πρὸς γυναῖκας
-καὶ βλέμμα τετραμμένον εἰς γῆν. λάλει δὲ περιεσκεμμένως
-ἅπαντα, καὶ τῇ φωνῇ τὸ χρήσιμον
- ἀποδίδου, τῇ χρείᾳ τῶν  <pb id="st.222"/> ἀκουόντων τὸ φθέγμα
-μετρῶν, <note n="1" place="unspecified" anchored="yes">metrw=n J. A. Robinson. me/tron MS.</note> ἄχρι ἂν <note n="2" place="unspecified" anchored="yes">a)\n Wilamositz. dh\ MS.</note> καὶ ἐξάκουστον ᾖ, <note n="3" place="unspecified" anchored="yes">h)=| Wilamositz. ei)/h MS.</note> καὶ μήτε
-διαφεῦγον <note n="4" place="unspecified" anchored="yes">diafeu=gon Wilamositz. diafeu/gwn MS.</note> τὴν ἀκοὴν τῶν παρόντων ὑπὸ σμικρότητος,
-μήτε ὑπερβάλλον <note n="5" place="unspecified" anchored="yes">u(perba/llon Wilamositz. u(poba/llwn MS.</note> μείζονι τῇ κραυγῇ.
-φυλάττου δὲ ὅπως μηδέν ποτε λαλήσῃς ὃ μὴ
-προεσκέψω καὶ προενόησας· μηδὲ προχείρως καὶ
-μεταξὺ <add>τῶν</add>
-<note n="6" place="unspecified" anchored="yes">
-<add>tw=n</add> inserted by Barnard.</note> τοῦ ἑτέρου λόγων ὑπόβαλλε τοὺς
-σαυτοῦ <note n="7." place="unspecified" anchored="yes">sautou= Stählin. au)tou= MS.</note> δεῖ γὰρ ἀνὰ <note n="8" place="unspecified" anchored="yes">a)na\ Barnard. e)/na MS.</note> μέρος ἀκούειν καὶ διαλέγεσθαι,
-χρόνῳ μερίζοντα λόγον καὶ σιωπήν·
-μάνθανε δὲ ἀσμένως, καὶ ἀφθόνως δίδασκε, μηδὲ
-ὑπὸ φθόνου ποτὲ σοφίαν ἀποκρύπτου πρὸς τοὺς
-ἑτέρους, μηδὲ μαθήσεως ἀφίστασο δι’ αἰδῶ. ὕπεικε
-πρεσβυτέροις ἴσα πατράσιν· τίμα θεράποντας θεοῦ·
-κάταρχε σοφίας καὶ ἀρετῆς. μηδὲ ἐριστικὸς ἔσο
-πρὸς τοὺς φίλους, μηδὲ χλευαστὴς κατ’ αὐτῶν καὶ
-γελωτοποιός· ψεῦδος δὲ καὶ δόλον καὶ ὕβριν
-ἰσχυρῶς παραίτου· σὺν εὐφημίᾳ δὲ φέρε καὶ τὸν
-ὑπερήφανον καὶ ὑβριστὴν <add>ὡς</add>
-<note n="9" place="unspecified" anchored="yes">
-<add>w(s</add> inserted by Schsartz.</note> πρᾷός τε καὶ
-μεγαλόψυχος ἀνήρ.
-Κείσθω δέ σοι πάντα εἰς θεὸν καὶ ἔργα καὶ λόγοι,
-<pb id="p.374"/>
-καὶ πάντα ἀνάφερε Χριστῷ τὰ σαυτοῦ, καὶ πυκνῶς
-ἐπὶ θεὸν τρέπε τὴν ψυχήν, καὶ τὸ νόημα ἐπέρειδε
-τῇ Χριστοῦ δυνάμει ὥσπερ ἐν λιμένι τινὶ τῷ θείῳ
-φωτὶ τοῦ σωτῆρος ἀναπαυόμενον ἀπὸ πάσης
-λαλιᾶς τε καὶ πράξεως. καὶ μεθ’ ἡμέραν πολλάκις
-<del>μὲν</del>
-<note n="1" place="unspecified" anchored="yes">polla/kis <del>me\n</del> after h(me/ran Stählin: after qew=| de\ MS.</note> μὲν ἀνθρώποις κοίνου τὴν σεαυτοῦ φρόνησιν,
-θεῷ δὲ ἐπὶ πλεῖστον ἐν νυκτὶ ὁμοίως καὶ ἐν ἡμέρᾳ·
-μὴ γὰρ ὕπνος σε ἐπικρατείτω πολὺς τῶν πρὸς θεὸν
-εὐχῶν τε καὶ ὕμνων· θανάτῳ γὰρ ὁ μακρὸς ὕπνος
-ἐφάμιλλος. μέτοχος Χριστοῦ ἀεὶ καθίστασο <add>τοῦ</add>
-<note n="2" place="unspecified" anchored="yes">
-<add>tou=</add> inserted by Barnard.</note>
-τὴν θείαν αὐγὴν καταλάμποντος ἐξ οὐρανοῦ· εὐφροσύνη
-γὰρ ἔστω σοι διηνεκὴς καὶ ἄπαυστος ὁ Χριστός.
-Μηδὲ λῦε τὸν τῆς ψυχῆς τόνον ἐν εὐωχίᾳ καὶ
-ποτῶν ἀνέσει, ἱκανὸν δὲ ἡγοῦ τῷ σώματι τὸ
-χρειῶδες. καὶ μὴ πρόσθεν ἐπείγου πρὸς τροφὰς
-πρὶν ἢ καὶ δείπνου παρῇ καιρός· ἄρτος δὲ ἔστω
-σοι τὸ δεῖπνον, καὶ πόαι γῆς προσέστωσαν καὶ τὰ
-ἐκ δένδρων ὡραῖα· ἴθι <note n="3" place="unspecified" anchored="yes">i)/qi Mayor. i)/sqi MS.</note> δὲ ἐπὶ τὴν τροφὴν εὐσταθῶς <note n="4" place="unspecified" anchored="yes">eu)staqw=s Wilamositz. a)staqw=s MS.</note>
-καὶ μὴ λυσσώδη γαστριμαργίαν ἐπιφαίνων· μηδὲ
-σαρκοβόρος μηδὲ φίλοινος ἔσο, ὁπότε μὴ νόσος <note n="5" place="unspecified" anchored="yes">no/sos Barnard. no/sou MS.</note> τις
-ἴασιν ἐπὶ ταύτην ἄγοι. ἀλλ’ ἀντὶ τῶν ἐν τούτοις
-ἡδονῶν τὰς ἐν λόγοις θείοις καὶ ὕμνοις εὐφροσύνας
-αἱροῦ τῇ παρὰ θεοῦ σοι χορηγουμένας <note n="6" place="unspecified" anchored="yes">xorhgoume/nas Stählin. xorhgoume/nh| MS.</note> σοφίᾳ,
-οὐράνιός τε ἀεί σε φροντὶς ἀναγέτω πρὸς οὐρανόν.
-Καὶ τὰς πολλὰς περὶ σώματος ἀνίει μερίμνας
- τεθαρσηκὼς ἐλπίσι ταῖς πρὸς θεόν, ὅτι σοί γε τὰ  <pb id="st.223"/>
-<pb id="p.376"/>
-ἀναγκαῖα παρέξει διαρκῆ τροφήν τε τὴν εἰς ζωὴν
-καὶ κάλυμμα σώματος καὶ χειμερινοῦ ψύχους
-ἀλεξητήρια. τοῦ γὰρ δὴ σοῦ βασιλέως γῆ τε
-ἅπασα καὶ ὅσα ἐκφύεται· ὡς μέλη δὲ αὑτοῦ <note n="1" place="unspecified" anchored="yes">Barnard and Stählin insert ta\ sw/mata after au(tou=.</note> τῶν
-αὑτοῦ θεραπόντων ὑπερβαλλόντως περιέπει καθάπερ
-ἱερὰ καὶ ναοὺς αὑτοῦ. διὰ δὴ τοῦτο μηδὲ νόσους
-ὑπερβαλλούσας δέδιθι μηδὲ γήρως ἔφοδον χρόνῳ
-προσδοκωμένου· παύσεται γὰρ καὶ νόσος, ὅταν
-ὁλοψύχῳ προθέσει ποιῶμεν τὰς αὐτοῦ ἐντολάς.
-Ταῦτα εἰδὼς καὶ πρὸς νόσους ἰσχυρὰν κατασκεύαζε
-τὴν ψυχήν, εὐθάρσησον ὥσπερ τις ἀνὴρ ἐν
-σταδίοις ἄριστος ἀτρέπτῳ τῇ δυνάμει τοὺς πόνους
-ὑφίστασθαι. μηδὲ ὑπὸ λύπης πάνυ πιέζου τὴν
-ψυχήν, εἴτε νόσος ἐπικειμένη βαρύνει εἴτε ἄλλο τι
-συμπίπτει δυσχερές, ἀλλὰ γενναίως ἀνθίστα τοῖς
-πόνοις τὸ νόημα, χάριτας ἀνάγων θεῷ καὶ ἐν μέσοις
-τοῖς ἐπιπόνοις πράγμασι ἅτε δὴ σοφώτερά τε ἀνθρώπων
-φρονοῦντι καὶ ἅπερ οὐ δυνατὸν οὐδὲ ῥᾴδιον
-ἀνθρώποις εὑρεῖν. ἐλέει δὲ κακουμένους, <note n="2" place="unspecified" anchored="yes">kakoume/nous Stählin. kaloume/nois MS.</note> καὶ τὴν
-παρὰ τοῦ θεοῦ βοήθειαν ἐπ’ ἀνθρώποις αἰτοῦ·
-ἐπινεύσει γὰρ αἰτοῦντι τῷ φίλῳ τὴν χάριν, καὶ τοῖς
-κακουμένοις <note n="3" place="unspecified" anchored="yes">kakoume/nois Stählin. kaloume/nois MS.</note> ἐπικουρίαν παρέξει, τὴν αὑτοῦ δύναμιν
-γνώριμον ἀνθρώποις καθιστάναι βουλόμενος, ὡς ἂν
-εἰς ἐπίγνωσιν ἐλθόντες ἐπὶ θεὸν ἀνίωσιν καὶ τῆς
-αἰωνίου μακαριότητος ἀπολαύσωσιν, ἐπειδὰν ὁ
-τοῦ θεοῦ υἱὸς παραγένηται ἀγαθὰ τοῖς ἰδίοις ἀποκαθιστῶν.
-
-
-</p>
-</div>
-</body>
-</text>
-</TEI.2>
diff --git a/data/tlg0555/tlg008/tlg0555.tlg008.perseus-grc2.xml b/data/tlg0555/tlg008/tlg0555.tlg008.perseus-grc2.xml
new file mode 100644
index 000000000..a6a541128
--- /dev/null
+++ b/data/tlg0555/tlg008/tlg0555.tlg008.perseus-grc2.xml
@@ -0,0 +1,98 @@
+<?xml version="1.0" encoding="UTF-8"?>
+<?xml-model href="http://www.stoa.org/epidoc/schema/latest/tei-epidoc.rng" type="application/xml" schematypens="http://relaxng.org/ns/structure/1.0"?>
+<TEI xmlns="http://www.tei-c.org/ns/1.0">
+ <teiHeader xml:lang="eng">
+<fileDesc>
+<titleStmt>
+ <title xml:lang="grc">ὁ Προτρεπτικὸς εἰς ὑπομονὴν ἢ πρὸς τοὺς νεωστὶ βεβαπτισμένους</title>
+<author>Clement of Alexandria</author>
+<editor>G.W. Butterworth</editor>
+ <sponsor>Perseus Project, Tufts University</sponsor>
+ <principal>Gregory Crane</principal>
+ <respStmt>
+  <resp>Prepared under the supervision of</resp>
+  <name>Lisa Cerrato</name>
+  <name>Rashmi Singhal</name> 
+  <name>Bridget Almas</name>
+ </respStmt>   
+ <funder n="org:Google">Google Digital Humanities Awards Program</funder>
+</titleStmt>
+ 
+<publicationStmt>
+<publisher>Trustees of Tufts University</publisher>
+<pubPlace>Medford, MA</pubPlace>
+<authority>Perseus Project</authority>
+ <date type="release" when="2011-09-12">Perseus 4.0</date>
+ <idno type="filename">tlg0555.tlg008.perseus-grc2.xml</idno>
+ <availability>
+  <licence target="https://creativecommons.org/licenses/by-sa/4.0/">Available under a Creative Commons Attribution-ShareAlike 4.0 International License</licence>
+ </availability>
+</publicationStmt>
+ 
+ <sourceDesc>
+  <biblStruct>
+   <monogr>
+    <author>Clement of Alexandria</author>
+    <editor>G.W. Butterworth</editor>
+    <title>Clement of Alexandria</title>
+    <imprint>
+     <publisher>Harvard University Press</publisher>
+     <pubPlace>Cambridge, MA</pubPlace>
+     <publisher>William Heinemann</publisher>
+     <pubPlace>London</pubPlace>
+     <date>1919</date>
+    </imprint>
+   </monogr>
+   <series>
+    <title>Loeb Classical Library</title>
+   </series>
+   <ref target="https://archive.org/details/theexhortationto00clemuoft/page/370/mode/2up">Internet Archive</ref>
+   <ref target="https://babel.hathitrust.org/cgi/pt?id=mdp.39015048954484&amp;seq=396">HathiTrust</ref>
+  </biblStruct>
+ </sourceDesc>
+</fileDesc>
+  
+  <encodingDesc>
+   <editorialDecl><p>Keyboarding</p></editorialDecl>
+   
+   <!-- <refsDecl doctype="TEI.2">
+<state unit="chapter" n="chunk" delim="."/>
+</refsDecl>-->
+   <refsDecl n="CTS">
+    <cRefPattern n="paragraph" matchPattern="(\w+)" replacementPattern="#xpath(/tei:TEI/tei:text/tei:body/tei:div/tei:div[@n='$1'])">
+     <p>This pointer pattern extracts paragraph.</p>
+    </cRefPattern>   </refsDecl>
+  </encodingDesc>
+  
+  <profileDesc>
+   <langUsage>
+    <language ident="grc">Greek</language>
+    <language ident="eng">English</language>
+    <language ident="lat">Latin</language>
+   </langUsage>
+  </profileDesc>
+  <revisionDesc>
+   <change who="Lisa Cerrato" when="2023-12-01">EpiDoc and CTS conversion</change>
+  </revisionDesc>
+ </teiHeader>
+ 
+<text>
+<body>
+ <div type="edition" xml:lang="grc" n="urn:cts:greekLit:tlg0555.tlg008.perseus-grc2">
+<pb xml:id="p.370"/>
+ <div type="textpart" subtype="paragraph" xml:base="urn:cts:greekLit:tlg0555.tlg008.perseus-grc2" n="1">
+  <p rend="align(indent)"><pb xml:id="v3_221" resp="Stählin"/><note xml:lang="eng">This is fragment 44</note>Ἡσυχίαν μὲν λόγοις ἐπιτήδευε, ἡσυχίαν δὲ ἔργοις, ὡσαύτως δὲ ἐν γλώττῃ καὶ βαδίσματι· σφοδρότητα δὲ ἀπόφευγε προπετῆ· οὕτως γὰρ ὁ νοῦς διαμενεῖ βέβαιος, καὶ οὐχ ὑπὸ τῆς σφοδρότητος ταραχώδης γενόμενος ἀσθενὴς ἔσται καὶ βραχὺς περὶ φρόνησιν καὶ σκοτεινὸν ὁρῶν<note xml:lang="mul">σκοτεινὸν ὁρῶν J. A. Robinson. σκοτεινῶν ὄρων MS.</note> οὐδὲ ἡττηθήσεται μὲν γαστριμαργίας, ἡττηθήσεται δὲ ἐπιζέοντος θυμοῦ, ἡττηθήσεται δὲ τῶν ἄλλων παθῶν, ἕτοιμον αὐτοῖς ἅρπαγμα προκείμενος. τὸν γὰρ νοῦν δεῖ τῶν παθῶν ἐπικρατεῖν ὑψηλὸν ἐπὶ ἡσύχου θρόνου<note xml:lang="mul">θρόνου Barnard. θρόνον MS.</note> καθήμενον ἀφορῶντα πρὸς θεόν. μηδὲν ὀξυχολίας ἀνάπλεος ἔσο περὶ ὀργάς, μηδὲ νωθρὸς<note xml:lang="mul">μηδὲ νωθρὸς Barnard. μὴ δὲν ωθὸς MS.</note> ἐν λόγοις, μηδὲ ἐν βαδίσμασιν ὄκνου πεπληρωμένος, ἵνα σοι ῥυθμὸς ἀγαθὸς τὴν ἡσυχίαν κοσμῇ καὶ θειῶδές τι <pb xml:id="p.372"/> καὶ ἱερὸν τὸ σχῆμα φαίνηται. φυλάττου δὲ καὶ τῆς ὑπερηφανίας τὰ σύμβολα, σχῆμα ὑψαυχενοῦν καὶ κεφαλὴν ἐξηρμένην καὶ βῆμα ποδῶν ἁβρὸν καὶ μετέωρον.</p></div>
+  <div type="textpart" subtype="paragraph" xml:base="urn:cts:greekLit:tlg0555.tlg008.perseus-grc2" n="2">
+   <p rend="align(indent)">Ἤπιά σοι πρὸς τοὺς ἀπαντῶντας ἔστω τὰ ῥήματα, καὶ προσηγορίαι γλυκεῖαι· αἰδὼς δὲ πρὸς γυναῖκας καὶ βλέμμα τετραμμένον εἰς γῆν. λάλει δὲ περιεσκεμμένως ἅπαντα, καὶ τῇ φωνῇ τὸ χρήσιμον ἀποδίδου, τῇ χρείᾳ τῶν <pb xml:id="v3_222" resp="Stählin"/> ἀκουόντων τὸ φθέγμα μετρῶν,<note xml:lang="mul">μετρῶν J. A. Robinson. μέτρον MS.</note> ἄχρι ἂν<note xml:lang="mul">ἂν Wilamowitz. δὴ MS.</note> καὶ ἐξάκουστον ᾖ,<note xml:lang="mul">ᾖ Wilamowitz. εἴη MS.</note> καὶ μήτε διαφεῦγον<note xml:lang="mul">διαφεῦγον Wilamowitz. διαφεύγων MS.</note> τὴν ἀκοὴν τῶν παρόντων ὑπὸ σμικρότητος, μήτε ὑπερβάλλον<note xml:lang="mul">ὑπερβάλλον Wilamowitz. ὑποβάλλων MS.</note> μείζονι τῇ κραυγῇ. φυλάττου δὲ ὅπως μηδέν ποτε λαλήσῃς ὃ μὴ προεσκέψω καὶ προενόησας· μηδὲ προχείρως καὶ μεταξὺ <add>τῶν</add><note xml:lang="mul"><add>τῶν</add> inserted by Barnard.</note> τοῦ ἑτέρου λόγων ὑπόβαλλε τοὺς σαυτοῦ<note xml:lang="mul">σαυτοῦ Stählin. αὐτοῦ MS.</note> δεῖ γὰρ ἀνὰ<note xml:lang="mul">ἀνὰ Barnard. ἔνα MS.</note> μέρος ἀκούειν καὶ διαλέγεσθαι, χρόνῳ μερίζοντα λόγον καὶ σιωπήν· μάνθανε δὲ ἀσμένως, καὶ ἀφθόνως δίδασκε, μηδὲ ὑπὸ φθόνου ποτὲ σοφίαν ἀποκρύπτου πρὸς τοὺς ἑτέρους, μηδὲ μαθήσεως ἀφίστασο δι’ αἰδῶ. ὕπεικε πρεσβυτέροις ἴσα πατράσιν· τίμα θεράποντας θεοῦ· κάταρχε σοφίας καὶ ἀρετῆς. μηδὲ ἐριστικὸς ἔσο πρὸς τοὺς φίλους, μηδὲ χλευαστὴς κατ’ αὐτῶν καὶ γελωτοποιός· ψεῦδος δὲ καὶ δόλον καὶ ὕβριν ἰσχυρῶς παραίτου· σὺν εὐφημίᾳ δὲ φέρε καὶ τὸν ὑπερήφανον καὶ ὑβριστὴν <add>ὡς</add><note xml:lang="mul"><add>ὡς</add> inserted by Schwartz.</note> πρᾷός τε καὶ μεγαλόψυχος ἀνήρ.</p></div>
+  <div type="textpart" subtype="paragraph" xml:base="urn:cts:greekLit:tlg0555.tlg008.perseus-grc2" n="3">
+   <p rend="align(indent)">Κείσθω δέ σοι πάντα εἰς θεὸν καὶ ἔργα καὶ λόγοι, <pb xml:id="p.374"/> καὶ πάντα ἀνάφερε Χριστῷ τὰ σαυτοῦ, καὶ πυκνῶς ἐπὶ θεὸν τρέπε τὴν ψυχήν, καὶ τὸ νόημα ἐπέρειδε τῇ Χριστοῦ δυνάμει ὥσπερ ἐν λιμένι τινὶ τῷ θείῳ φωτὶ τοῦ σωτῆρος ἀναπαυόμενον ἀπὸ πάσης λαλιᾶς τε καὶ πράξεως. καὶ μεθ’ ἡμέραν πολλάκις <del>μὲν</del><note xml:lang="mul">πολλάκις <del>μὲν</del> αφτερ ἡμέραν Stählin: after θεῷ δὲ MS.</note> μὲν ἀνθρώποις κοίνου τὴν σεαυτοῦ φρόνησιν, θεῷ δὲ ἐπὶ πλεῖστον ἐν νυκτὶ ὁμοίως καὶ ἐν ἡμέρᾳ· μὴ γὰρ ὕπνος σε ἐπικρατείτω πολὺς τῶν πρὸς θεὸν εὐχῶν τε καὶ ὕμνων· θανάτῳ γὰρ ὁ μακρὸς ὕπνος ἐφάμιλλος. μέτοχος Χριστοῦ ἀεὶ καθίστασο <add>τοῦ</add><note xml:lang="mul"><add>τοῦ</add> inserted by Barnard.</note> τὴν θείαν αὐγὴν καταλάμποντος ἐξ οὐρανοῦ· εὐφροσύνη γὰρ ἔστω σοι διηνεκὴς καὶ ἄπαυστος ὁ Χριστός.</p></div>
+  <div type="textpart" subtype="paragraph" xml:base="urn:cts:greekLit:tlg0555.tlg008.perseus-grc2" n="4">
+   <p rend="align(indent)">Μηδὲ λῦε τὸν τῆς ψυχῆς τόνον ἐν εὐωχίᾳ καὶ ποτῶν ἀνέσει, ἱκανὸν δὲ ἡγοῦ τῷ σώματι τὸ χρειῶδες. καὶ μὴ πρόσθεν ἐπείγου πρὸς τροφὰς πρὶν ἢ καὶ δείπνου παρῇ καιρός· ἄρτος δὲ ἔστω σοι τὸ δεῖπνον, καὶ πόαι γῆς προσέστωσαν καὶ τὰ ἐκ δένδρων ὡραῖα· ἴθι<note xml:lang="mul">ἴθι Mayor. ἴσθι MS.</note> δὲ ἐπὶ τὴν τροφὴν εὐσταθῶς<note xml:lang="mul">εὐσταθῶς Wilamowitz. ἀσταθῶς MS.</note> καὶ μὴ λυσσώδη γαστριμαργίαν ἐπιφαίνων· μηδὲ σαρκοβόρος μηδὲ φίλοινος ἔσο, ὁπότε μὴ νόσος <note xml:lang="mul">νόσος Barnard. νόσου MS.</note> τις ἴασιν ἐπὶ ταύτην ἄγοι. ἀλλ’ ἀντὶ τῶν ἐν τούτοις ἡδονῶν τὰς ἐν λόγοις θείοις καὶ ὕμνοις εὐφροσύνας αἱροῦ τῇ παρὰ θεοῦ σοι χορηγουμένας<note xml:lang="mul">χορηγουμένας Stählin. χορηγουμένῃ MS.</note> σοφίᾳ, οὐράνιός τε ἀεί σε φροντὶς ἀναγέτω πρὸς οὐρανόν.</p></div>
+  <div type="textpart" subtype="paragraph" xml:base="urn:cts:greekLit:tlg0555.tlg008.perseus-grc2" n="5">
+   <p rend="align(indent)">Καὶ τὰς πολλὰς περὶ σώματος ἀνίει μερίμνας τεθαρσηκὼς ἐλπίσι ταῖς πρὸς θεόν, ὅτι σοί γε τὰ <pb xml:id="v3_223" resp="Stählin"/> <pb xml:id="p.376"/> ἀναγκαῖα παρέξει διαρκῆ τροφήν τε τὴν εἰς ζωὴν καὶ κάλυμμα σώματος καὶ χειμερινοῦ ψύχους ἀλεξητήρια. τοῦ γὰρ δὴ σοῦ βασιλέως γῆ τε ἅπασα καὶ ὅσα ἐκφύεται· ὡς μέλη δὲ αὑτοῦ<note xml:lang="mul">Barnard and Stählin insert τὰ σώματα after αὑτοῦ.</note> τῶν αὑτοῦ θεραπόντων ὑπερβαλλόντως περιέπει καθάπερ ἱερὰ καὶ ναοὺς αὑτοῦ. διὰ δὴ τοῦτο μηδὲ νόσους ὑπερβαλλούσας δέδιθι μηδὲ γήρως ἔφοδον χρόνῳ προσδοκωμένου· παύσεται γὰρ καὶ νόσος, ὅταν ὁλοψύχῳ προθέσει ποιῶμεν τὰς αὐτοῦ ἐντολάς.</p></div>
+  <div type="textpart" subtype="paragraph" xml:base="urn:cts:greekLit:tlg0555.tlg008.perseus-grc2" n="6">
+   <p rend="align(indent)">Ταῦτα εἰδὼς καὶ πρὸς νόσους ἰσχυρὰν κατασκεύαζε τὴν ψυχήν, εὐθάρσησον ὥσπερ τις ἀνὴρ ἐν σταδίοις ἄριστος ἀτρέπτῳ τῇ δυνάμει τοὺς πόνους ὑφίστασθαι. μηδὲ ὑπὸ λύπης πάνυ πιέζου τὴν ψυχήν, εἴτε νόσος ἐπικειμένη βαρύνει εἴτε ἄλλο τι συμπίπτει δυσχερές, ἀλλὰ γενναίως ἀνθίστα τοῖς πόνοις τὸ νόημα, χάριτας ἀνάγων θεῷ καὶ ἐν μέσοις τοῖς ἐπιπόνοις πράγμασι ἅτε δὴ σοφώτερά τε ἀνθρώπων φρονοῦντι καὶ ἅπερ οὐ δυνατὸν οὐδὲ ῥᾴδιον ἀνθρώποις εὑρεῖν. ἐλέει δὲ κακουμένους,<note xml:lang="mul">κακουμένους Stählin. καλουμένοις MS.</note> καὶ τὴν παρὰ τοῦ θεοῦ βοήθειαν ἐπ’ ἀνθρώποις αἰτοῦ· ἐπινεύσει γὰρ αἰτοῦντι τῷ φίλῳ τὴν χάριν, καὶ τοῖς κακουμένοις<note xml:lang="mul">κακουμένοις Stählin. καλουμένοις MS.</note> ἐπικουρίαν παρέξει, τὴν αὑτοῦ δύναμιν γνώριμον ἀνθρώποις καθιστάναι βουλόμενος, ὡς ἂν εἰς ἐπίγνωσιν ἐλθόντες ἐπὶ θεὸν ἀνίωσιν καὶ τῆς αἰωνίου μακαριότητος ἀπολαύσωσιν, ἐπειδὰν ὁ τοῦ θεοῦ υἱὸς παραγένηται ἀγαθὰ τοῖς ἰδίοις ἀποκαθιστῶν. </p></div>
+</div>
+</body>
+</text>
+</TEI>
diff --git a/data/tlg0638/tlg007/tlg0638.tlg007.perseus-grc2.xml b/data/tlg0638/tlg007/tlg0638.tlg007.perseus-grc2.xml
index eb0dbc69f..cdd3b7f40 100644
--- a/data/tlg0638/tlg007/tlg0638.tlg007.perseus-grc2.xml
+++ b/data/tlg0638/tlg007/tlg0638.tlg007.perseus-grc2.xml
@@ -20,7 +20,7 @@
 <publisher>Trustees of Tufts University</publisher>
 <pubPlace>Medford, MA</pubPlace>
 <authority>Perseus Project</authority>
- <date type="release">2011-07-09</date>
+ <date type="release" when="2011-07-09">Perseus 4.0</date>
 </publicationStmt>
 <notesStmt><note><p>Keyboarding</p></note></notesStmt>
 <sourceDesc>